ကဏ္ဍ:သံယုတ္တနိကာယ

သံယုတ္တနိကာယ (ပါဠိ: Saṃyutta Nikāya) ဟီုမ္ဂးဂှ် ဒက်ပ္တန်လဝ်နကဵု "သံယုတ္တ" (ပွမဆက်စပ်/ပွမပကောံလဝ်ဗွဲမဆက်စပ်) ကေုာံ "နိကာယ" (ပြကိုဟ်/ဂကောံ) တုဲ ဂွံအဓိပ္ပါယ် "ဂကောံသုတ်မဆက်စပ်ဒၟံင်ရေင်သကအ်ဂမၠိုင်" ရ။ ဍေဟ်လုပ်လၟိဟ် ပ္ဍဲနိကာယ ၅ သာ် တုဲ ဒှ်ဌာန်နိဿဲ မဇၞော်ကဵုဒြဟတ် သွက်ဂွံလ္ၚတ်သဘဴဓရ်ပရမတ် ကေုာံ နဲကဲသ္ၚေဝ်မၠာ်ဟိုတ်ဖဵု ညံင်ဂွံမ္ဒးရး ရ။ ပြကိုဟ်ဏအ် ဗဒှ်ကဵုနဲကဲသောင်ကလး ဓရ် ဗွဲမစှ်ေသၞောတ် နကဵုက္ဍိုပ်လိက်မတုပ်သၟဟ် ညံင်သတ္တအ်ဂွံဆိုက်ဗ္ဒက်ကဵု ဓရ်ကျာ် တုဲ သွက်ဂွံပ္တုဲကဵုကမၠောန်ဒးဒးရးရး ပ္ဍဲအရာမသ္ၚေဝ်မၠာ်ဓရ်သစ္စ ရ။

ပ္ဍဲသံယုတ္တနိကာယဝွံ ပါ်ခြာလဝ်နကဵု "ဝဂ်" (၅) ဝဂ်၊ ပကောံလဝ်သုတ် (၇,၇၆၂) သုတ် ညံင်တင်ယောင်ယာဂွံဟၟဲကၠုင် အတိုင်ဗွဲသၟဝ်ဏအ်ရ -

၁။ သဂါထာဝဂ် (Sagatha Vagga)

• ပကောံလဝ်သုတ်မနွံကဵု ဂါထာ (လင်္ကာ) ဂမၠိုင် မတွဟ်လဝ်ကဵု ကုဒေဝတဴ ကေုာံ မၞိဟ်တအ်။

၂။ နိဒါနဝဂ် (Nidana Vagga)

• ပကောံလဝ်သုတ်မဆေင်ကဵု ဟိုတ်တမ် (နိဒါန) ကေုာံ ဓရ် ။

၃။ ခန္ဓဝဂ် (Khandha Vagga)

• ပကောံလဝ်သုတ်မဆေင်ကဵု ခန္ဓ ၅ သာ် ကေုာံ နဲကဲပွမသောင်ကလးသဘဴခန္ဓ။

၄။ သဠာယတနဝဂ် (Salayatana Vagga)

• ပကောံလဝ်သုတ်မဆေင်ကဵု အာယတန ၆ (ဒွါရ ၆) ကေုာံ ပွမဝေင်ပဲါနူကိလေသ။

၅။ မဟာဝဂ် (Maha Vagga)

• ပကောံလဝ်သုတ်မဆေင်ကဵု ဓရ်ဗောဓိပက္ခိယ ၃၇ သာ် (ဥပမာ - မဂ္ဂင် ၈၊ ဗောဇ္ဈင် ၇)။

• နဲကဲသ္ၚေဝ်မၠာ်: သံယုတ္တနိကာယဝွံ ထ္ၜးကဵုနဲကဲပညာသ္ၚေဝ်မၠာ် ဟိုတ်ဖဵုမဆက်စပ်ဒၟံင် ညံင်ဂွံညာတ်ကေတ်သဘဴအနတ္တ။
• ပွမဒးဇွောတ်သ္ပေါတ်: ညးမလ္ၚတ်သုတ်တအ်ဏအ်မ္ဂး ဂွံဇွောတ်သ္ပေါတ်ကေတ် ဓရ်ကျာ်မနွံကဵုသြဇာဇြိုဟ်နက် ညံင်ဟွံဂွံစောဲစပ် ပ္ဍဲခန္ဓ ကေုာံ အာယတန။

• ဖဵု ခိုင်ကၠိုက် - ကၠိုဟ်ခၠင်နဲကဲသောင်ကလးဟိုတ်ဖဵု ညံင်ဂွံတတ်ကၠောံၜက်အာ သံသာ။
• အာယုက် သာသနာ - ပွမထိင်ဒက်မင်မွဲ သံယုတ္တနိကာယမ္ဂး ဗဒှ်ကဵုဉာဏ်ပညာ သွက်ဂွံမင်မွဲသာသနာ ညံင်ဂွံတန်ကြန်ဗိုန်ဗတ် ဗွဲမမ္ဒးရး။