ကဝ်လိက်ကောန်ဂကူမန်
 Official logo since 2022 | |
ယၟုတၞဟ် | MNC |
|---|---|
| ဂကူ | ပရေင်ပညာညးဍုင်ကွာန် |
| ဒက်ပတန် | ၂၀၂၂ |
| သကိုပ်ဌာန | နာဲလွဳမန် |
| ဂဥုပ်ဘာ | ဒံက်တာနာဲပညာမန် |
| ညးလမ္ၚတ်ဂမၠိုင် | ၃၀၀ |
| ဒၞာဲမနွံ |
ညဳသာ၊ ဒေသပကင်ရင် ဗော်ဍုင်မန်တၟိ |
| ဝပ်သာက် |
www |
ကဝ်လိက်ကောန်ဂကူမန် (အၚ်္ဂလိက်: Mon National College) ဂှ် နွံပ္ဍဲ ကွာန်ညဳသာ (လဆောဝ်ကော် ဗဒိုပ်ညဳသာ)၊ ဒေသပကင်ရင် ဗော်ဍုင်မန်တၟိ၊ ကၞောတ်ၜဳရေဝ်၊ ပွိုင်ဍုင်ရေဝ်၊ တွဵုရးဍုင်မန်။ ကဝ်လိက်ဝွံ ဒက်ပ္တန်လဝ် နကဵု ကမ္မတဳပရေင်ပညာကောန်ဂကူမန် (Mon National Education Committee – MNEC)။[၁] ကဝ်လိက်ကောန်ဂကူမန်ဂှ် စပံက်ဗ္တောန်လိက် ကုညးလမ္ၚတ်/ကွးဘာ နူကဵု ဂိတုဂျောန် ၂၀၂၂ ပ္ဍဲဘာဗတောန်လိက်ယာယဳ မသြိုင်လဝ် နကဵုဆုဒုန်ရ။ သၞာံကိုပ်ကၠာအိုတ်ဂှ် ညးလမ္ၚတ် နွံဗဒါဲ ၃၀၀ တၠ၊ မဗ္တောန်ဒၟံင် နကဵု အစာပ္ဍဲကဝ်လိက်ကီု သီုကဵု အစာနူကဵုဇမ္ၚောဲ မဗတောန် နကဵုဗဳဒဳယော ဇြောမ် Zoom ကီုရ။[၂]
နူကဵုကဝ်လိက်ဝွံ ဗ္တောန်ဖျေဟ်ဒၟံင် ဘာသာသိပ္ပံပရေင်မၞိဟ် (Social Science)၊ မဳဒဳယာ ကေုာံ အစာပရိုင် (Mass Media and Journalism)၊ က္ဍိုပ်သကိုပ် ကေုာံ စၟိန်ပြမာန် (Leadership and Management)၊ အစာဘာ (Education Teaching)၊ စၟိန်ပြမာန်ပရေင်ပညာ ကေုာံ လိက်ပတ်မန် (Education Management and Mon Literature) တုဲ နူကဵု ကဝ်လိက်ဏအ်ဂှ် ကုညးလမ္ၚတ်မအံင်တအ်ဂှ် ပအပ်ကဵု Associate Degree of Art ရ။ ဂဥုပ်ဘာဂှ် ဒှ် ဒံက်တာနာဲပညာမန်။[၂]
စမြိုင်ဘာဇၞော်ဂှ် နကဵုသြန်ဒါန် နူကောန်ဂကူမန် ကေုာံ နူဂကောံစေတနာတအ်ဂှ် စသြိုင်ဒၟံင် နူဂိတုဒဳဇြေမ်ဗါ ၂၅၊ ၂၀၂၂ မရန်လဝ် အိုတ်သြန်ဒကေဝ်ဗၟာ ၆၀၀ ပြကောဋိကိုဋ် (=၂၀၀,၀၀၀ ဒဝ်လာအမေရိကာန်)။ သွက်ဘာဂွံဂေတ်မာန်ဂှ်ဂှ် မွဲမွဲသၞာံ သြန်ဒကေဝ်ဗၟာ ၜိုတ် ၂၀၀ ပြကောဋိကိုဋ် (၆၅,၀၀၀ ဒဝ်လာအမေရိကာန်) အိုတ်မာန်ရောင် တော်လဝ်ရ။[၂]
ဝင်[ပလေဝ်ဒါန် | ပလေဝ်ဒါန် တမ်ကၞက်]
ကဝ်လိက်ကောန်ဂကူမန်ဝွံ ဒက်ပ္တန်လဝ် နကဵု ကမ္မတဳပရေင်ပညာကောန်ဂကူမန် တုဲ စပံက်လဝ် နူကဵုသၞာံပညာ ၂၀၂၂၊ စပံက်ဗ္တောန်လိက် ပ္ဍဲသၞာံ ၂၀၂၂ ဂိတုဂျောန်။ သၞာံကိုပ်ကၠာအိုတ်ဂှ် ကွးဘာ နွံၜိုတ် ၃၀၀ တၠ။ ဂဥုပ်ဘာကိုပ်ကၠာအိုတ်ဂှ် ဒှ်ဒံက်တာနာဲပညာမန် ညးမကလိဂွံလဝ် တဆိပ်တြာဒံက်တာ နူကၟိန်ဍုင်အမေရိကာန်တုဲ ကၠောန်ဒၟံင် ကမၠောန်သွာင်ပရေင်ဍုင်ကွာန် သွက်ကောန်ဍုင်အရင်ဂမၠိုင် မပဒတဴ ပ္ဍဲတၟေင် ပ္ဍဲဍုင်သေံ။ ကဝ်လိက်ဂှ် ဗ္တောန်ဒၟံင် နကဵုအစာဘာ မနွံပ္ဍဲဘာဂှ်ကီု သီုကဵု အစာနူဇမ္ၚောဲ မဗ္တောန် နကဵုဗဳဒဳယောဇြောမ်ရ။[၂]
ပရေင်ပံင်တောဲ ကေုာံ စၟတ်သမ္တီ (MoU)[ပလေဝ်ဒါန် | ပလေဝ်ဒါန် တမ်ကၞက်]
သၞာံ ၂၀၂၄ ဂိတုဖေဖဝ်ဝါရဳ ၈ အခိင် ၁၀း၀၀ ဂှ် တက္ကသိုလ်ဖာယျာပ် (Payap University) ဇင်မာဲ ရးနိဂီုသေံ ကဵု ကဝ်လိက်ကောန်ဂကူမန် ထ္ပက် စၟတ်တဲ လိက်ပဋိညာဏ် (Memorandum of Understanding; MOU) သွက်ဂွံထံက်ပင် အစဳအဇန် ပရေင်ပညာ ဒဒှ်မနွံကဵုနာနာ ကေုာံ ဒဒှ်မပါလုပ် (Diversity and Inclusion Scholarship Program – DISP) ပ္ဍဲ ၝောအ်ခန်အဓိပတိ တက္ကသိုလ်ဖာယျာပ်ရ။ အစဳအဇန် DISP ဂှ် ဒှ် ပရေင်ကမၠောန် နကဵု ပစ္စယ် အေဂျေန်သဳသဟရးအမေရိကာန် သွက် ဇမၞော်မၟောဝ်ရးနိဂီုနာနာ (United States Agency for International Development — USAID) မထံက်ပင်လဝ်ကဵု သြန်ဒဝ်အမေရိကာန် ၄၅ မဳလဳယာန် ပွိုင် ၅ သၞာံရ။ တင်ရန်တၟအ် အစဳအဇန်ဏအ်ဂှ် သွက်ဂွံ သၠုင်ပ္တိုန် ဍာ်ဒကေဝ် က္ဍိုပ်သကိုပ်မှာဇန် ရးနိဂီုဗၟာ နကဵု မသၠုင်ပတိုန် ဍာ်ဒကေဝ်ပညာကဆံင်သၠုင်ရ။ လိက်ပဋိညာဏ်ဝွံ သွက်ဂွံထံက်ပင် ကဵုအာ လာပ်ပညာ (scholarship) ကု ကွးဘာ ၁၅ တၠ နူကဵု ကဝ်လိက်ကောန်ဂကူမန်ရ။ ပါဲနူဂှ်တုဲ စၟတ် ကွးဘာ မကလိဂွံလဝ် နူကဵု ကဝ်လိက်ကောန်ဂကူမန်ဂှ် နကဵု တက္ကသိုလ်ဖာယျာပ် ပစၟတ်သမ္တီတုဲ ကွးဘာတအ်ဂှ် ဂွံအခေါင် ဆက်တိုန် ဘာတက္ကသိုလ်ဖာယျာပ် ဂွံကီုရ။[၃] ပါဲနူဂှ်တုဲ တုပ်လဝ်စိုတ် ရေင်သကအ် သွက်ဂွံ ဆက်ကၠောန်အာ ဒွိဒဳဂရဳ (Dual Degree) ကေုာံ သမဒဳဂရဳ (Join Degree)၊ တုဲပၠန် တက္ကသိုလ်မွဲ ကုမွဲ ညံင်ဂွံဗိုင်ရေင်တၠုင် ပရေင်သမၠုင်ဍာ်ဒကေဝ်ပညာ ရေင်သကအ်တအ် ပါလုပ်ရ။[၄]
အစဳအဇန်ပညာ (ဘာသာမဗတောန်ဂမၠိုင်) သၞာံ ၂၀၂၂ - ၂၀၂၄)[ပလေဝ်ဒါန် | ပလေဝ်ဒါန် တမ်ကၞက်]
- Associate in Social Science
- Associate in Teacher Education
- Associate in Education Management
- Associate in Mass Media and Journalism
- Associate in Community Leasership and Management
- Associate in Mon Literature and Cultural Studies[၅]
စမြိုင်[ပလေဝ်ဒါန် | ပလေဝ်ဒါန် တမ်ကၞက်]
စမြိုင်ဘာဇၞော်ဂှ် စသြိုင် နူဂိတုဒဳဇြေမ်ဗါ ၂၀၂၂။ ဒဳဇြေမ်ဗါ ၂၄ ဂှ် အခိင်ဂယးဂှ် ခမဳသင်တအ် ဖ္ဍောတ်ပရိုတ် သအးဇ္ၚး အရှာမ်ဘာတုဲ ဒဳဇြေမ်ဗါ ၂၅ အခိင်ဂယးဂှ် ကၠောန်သဘင်ဖျေဟ်ရိုဟ်ကၞက်ရ။ ဒံက်တာရတ်ညာဏ် ဂှ် ဒှ်အစာဓဇဲ (architet) စမြိုင်ဝွံရ။
နိဿဲ[ပလေဝ်ဒါန် | ပလေဝ်ဒါန် တမ်ကၞက်]
- ↑ "MNEC to open Mon National College"၊ Than Lwin Times၊ May 23, 2022။
- ↑ ၂.၀ ၂.၁ ၂.၂ ၂.၃ "Mon National College Will Start Constructing in Coming December"၊ Than Lwin Times၊ November 21, 2022။
- ↑ ม.พายัพ MOU ความร่วมมือทางด้านการศึกษา. Open (February 8, 2024).
- ↑ " ကဝ်လိက်ကောန်ဂကူမန် ထ္ပက် MoU ကု တက္ကသိုလ် Payap သွက်ဂွံပံၚ်တောဲအာ သွာၚ်ပရေၚ်ပညာကဆံၚ်သၠုၚ်. Open (February 8, 2024).
- ↑ " တင်ရန်တၟအ် ကေုာံ တင်ပတဝ်က္ဍိုပ် သိုင်ခၞံဒက်ပတိုန် ကဝ်လိက်ကောန်ဂကူမန် Vision and Mission of establishing Mon National College. Open (November 27, 2022).