ကိစ္စစပ်ကဵုပရူပရာ "မာ်မွဲစော် တ္ၚဲဂကူမန်"
ကောံဓရီုပရေၚ်ကောန်ဂကူမန် သၞာံ ၂၀၂၂ (အၚ်္ဂလိက်: 2022 Mon National Conference) ဝွံ ဒှ်ပေါဲကောံဓရီု အလုံကောန်ဂကူမန် မွဲတုဲ နကဵု ဗော်ဍုၚ်မန်တၟိ (NMSP) သ္ပက္ဍိုပ်သ္ကိုပ်တုဲ ကၠောန်ဗဒှ်လဝ် ပ္ဍဲ ဂိတုမေ (၂) စဵုစိုပ် မေ (၅) သၞာံ ၂၀၂၂ ပ္ဍဲ ဗဒိုပ်ညဳသာ (ဌာနပရေၚ်ပညာ ကောန်ဂကူမန်ဗဟဵု) ရ။
တင်သ္ဂုတ်သွာတ် မဆေင်ကဵု တ္ၚဲကောန်ဂကူမန်
[ပလေဝ်ဒါန် | ပလေဝ်ဒါန် တမ်ကၞက်]လဂွံ ကု တၚ်သ္ဂုတ်သွာတ် ပ္ဍဲ ကောံဓရီုပရေၚ်ကောန်ဂကူမန် - သၞာံ (၂၀၂၂) ဌာနညဳသာ ဂှ်မ္ဂး၊ သွက်ကောန်ဂကူမန်ပိုဲ မစိုပ်ဒၟံၚ် ဌာန်ဍုၚ်သ္အာၚ်တအ် ဂွံစကာအာ ပ္ဍဲအရာမကၠောန် သဘင်တ္ၚဲဂကူမန် (မာ်မွဲစွေက်) ဂှ် ဖျေဟ်လဝ် တင်သ္ဂုတ်သွာတ် အတိုင်ဗွဲသၟဝ်ဏအ်ရ-
- ကၠောန်ကိုပ်ကၠာ တ္ၚဲစၟတ်သမ္တီ: ဟိုတ်နူကဵု ပရေၚ်ပိုန်ဒြပ်၊ ပရေၚ်ပညာတုဲ ယဝ်ရ ဒးပြဟ်ဒုၚ်ကၠောန် သဘၚ်တ္ၚဲဂကူမန် (ကိုပ်ကၠာ နူ တ္ၚဲမာ်မွဲစွေက်) မ္ဂး၊ သ္ဒးချူစၟတ်သမ္တီ "ဒုၚ်တၠုၚ် မာ်မွဲစွေက် တ္ၚဲဂကူမန်" ရောၚ်။
- ကၠောန်ဗွဲကြဴ တ္ၚဲစၟတ်သမ္တီ: ဟိုတ်နူကဵု ပရေၚ်ပိုန်ဒြပ်၊ ပရေၚ်ပညာတုဲ ယဝ်ရ မာ်မွဲစွေက် လောန်ၜက်အာတုဲမှ ဂွံကၠောန် သဘၚ်တ္ၚဲဂကူမန် မ္ဂး၊ သ္ဒးချူစၟတ်သမ္တီ "ဗှ်ဗၞုဟ် မာ်မွဲစွေက် တ္ၚဲဂကူမန်" ရောၚ်။
တင်ရန်တၟအ်
[ပလေဝ်ဒါန် | ပလေဝ်ဒါန် တမ်ကၞက်]အတိုင် ဒု-ညးက္ဍိုပ် ကမ္မတဳကၠောန်ဗဒှ်ကောံဓရီု နာဲဗညာလဴ (ကေၚ်ကာဗဟဵု ဗွိုၚ်ပ္ဍဲဍုၚ်) မဟီုထ္ၜးလဝ်မ္ဂး တၚ်ရန်တၟံ ကောံဓရီုပရေၚ်ဂကူမန် (၂၀၂၂) ဝွံ နွံ (၃) တင် အဓိကရ-
- သွက်ဂွံ သဳကၠဳ ချူခၞံအာ သ္ဇိုၚ်မူ ကၟိန်ဍုၚ်ပံၚ်ကောံဖေဝ်ဒရေဝ် (Federal Union)။
- သွက်ဂွံ သဳကၠဳ ချူခၞံ သ္ဇိုၚ်သၞောဝ်ဥပဒေ ဒက်ပ္တန် ပရေၚ်အုပ်ဓုပ် ဍုၚ်မန် ညံၚ်ဂွံ ကိတ်ညဳကဵု ကၟိန်ဍုၚ်ပံၚ်ကောံဖေဝ်ဒရေဝ်။
- သွက်ဂွံ သ္ၚဳဂၠိပ် သ္ပအာဒတန် မဆေၚ်စပ်ကဵု မူဝါဒ ကေုာံ လၟေၚ်ကမၠောန် ပရေၚ်ဂကူ ကဏ္ဍနာနာသာ်။
ညးစၞး မတိုန်စိုပ်ဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]ညးစၞး မတိုန်စိုပ် ကောံဓရီုပရေၚ်ဂကူမန်ဂှ် ဒှ် ညးစၞး ဗွိုၚ်ပ္ဍဲဍုၚ်၊ ညးစၞး ဗွိုၚ်ပယျဵု ကေုာံ ဍုၚ်သေံ၊ သီုကဵု ညးစၞး ဗွိုၚ်မန်ဍုၚ်သၟာၚ် တအ် ပါလုပ်တုဲ ဖန်ဇန်လဝ် လၟိဟ်ညးစၞး အတိုင်ဗွဲသၟဝ်ဏအ်ရ-
- ဗွိုၚ် ဗော်ဍုၚ်မန်တၟိ (NMSP) - (၃၀) တၠ
- ဗွိုင် ဗော်ညဳသၟဟ်မန် (MUP) - (၃၀) တၠ
- သွာၚ် ခမဳသၚ်မန် - (၃၀) ဇကု
- သွာၚ် ဂကောံမဟာဇန် - (၄၅) တၠ
- ပူဂဵုဘိက်ထေက် ကေုာံ ဂကောံဘိက်ထေက်ဂမၠိုင် - (၂၀) တၠ
ဝင် ကေုာံ အခိုက်အလိုက်
[ပလေဝ်ဒါန် | ပလေဝ်ဒါန် တမ်ကၞက်]ဇၟာပ်ပ် ပ္ၚံက်ပရေၚ်ဍုၚ်ကွာန် တတ်ကၠောံ မွဲမွဲပ္ၚံက်မ္ဂး ဗော်ပရေၚ်ဍုၚ်ကွာန်မန်၊ ခမဳသၚ်မန်၊ ကေုာံ သွာၚ်မဟာဇန်တအ် ပံၚ်ကောံတုဲ မလေပ် ကၠောန်ကၠုၚ် ကောံဓရီုဇၞော် ပရေၚ်ဂကူမန် နွံရ။ ပ္ဍဲကောံဓရီုတအ်ဂှ် စပ်ကဵု ပရေၚ်ဓဝ်ညဳသာဂကူမန်၊ သ္ဇိုၚ်သၞောဝ်မူကၟိန်ဍုၚ်၊ ကေုာံ သ္ဇိုၚ်သၞောဝ်ဥပဒေ ဒက်ပ္တန်ဍုၚ်မန် (တွဵုရးဍုၚ်မန်) တအ်ဂှ် လၟေၚ်လၟေၚ် သဳကၠဳ ပညဳပညပ် ကၠုင်လဝ်ရ။
ကိုပ်ကၠာနူဏအ် ပ္ဍဲသၞာံ ၂၀၁၆ ဂိတုအဝ်ဂါတ် (၂၂-၂၄) တေအ်လေဝ် ကၠောန်ဗဒှ်လဝ် ကောံဓရီုဇၞော်ပရေၚ်ဂကူမန် (၂၀၁၆) ပ္ဍဲကွာန်ကံပှ်လှ်၊ ပွိုၚ်ဍုၚ်လှာဒကှ် ပွိုၚ် (၃) တ္ၚဲ ရ။ ပ္ဍဲအခိင်ဂှ် ညးစၞး ဗွိုၚ်ဗော်ပရေၚ်ဍုၚ်ကွာန်မန်၊ သွာၚ်ခမဳသၚ်၊ ကေုာံ သွာၚ်ဂကောံမဟာဇန်မန် နာနာ (၄၀၀) တၠပြၚ် တိုန်စိုပ်တုဲ သဳကၠဳလဝ် ကဏ္ဍပရေၚ်ဒက်ပ္တန် ဓဝ်ညဳသာဂကူ ကေုာံ ချူခၞံမူဝါဒ ကၟိန်ဍုၚ်ဖေဝ်ဒရေဝ် ကီုရ။
ပြကိုဟ်နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ဗော်ဍုၚ်မန်တၟိ သ္ပသ္ကိုပ်သ္ကတုဲ ကၠောန်အာ ကောံဓရီုပရေၚ်ဂကူမန် - Mon News Agency (April 2022)
<ref> tag defined in <references> has no name attribute.