ကောန်တၠနန် (ကဗျ)
ကောန်တၠနန်
ဟိုဲကောန်တၠနန် ကရေဲထတ်ထတ် ကမၠတ်ဂွံမိင်။ ကမာတ်ဍာဲဇိုင်ကဝ် ဓလဝ်ခမံက် လ္ပလုပ်ခံက်ပိုဲ။ ဇာဒိသိုင်သ္ၚေက် ၚေက်လကိုဟ်က္ဍိုပ်အဗြိုင် လ္ပလုပ်ဇိုင်သ္ၚိပိုဲ။ ၝောအ်တအ်ၜင်ဇြိုတ် ပြိုတ်စုတ်ဗြံက်ဂၞာ ဂၟာအာဂၟာကၠုင်။ ဍာ်ကၟေင်ညးသုင် ပုင်သွညးဂၠံက် စိုတ်လေဝ်ၚံက်စၞာဲ။ ကမာတ်ဇာဒိအရိုင် ပိုဲဂြိုင်ဟအှ်ေ ပိုဲပေဟ် ၝောအ်တအ် ညံင်ကဵုချေဟ်။
ဟိုဲကောန်တၠနန် မူစိအလန် ကဵုဍေဟ်ဆက်လီပိုဲပၠန်ရော။ မၞိဟ်အရိုင် ပကောတ် ဇြောတ်ကၠုင်ဆီပိုဲ။ ဍေဟ်လီ ဍေဟ်ဠာန် ကမာတ် ဒှ်မြာ် ဒမၠမတာ ဒှ်အာဇာနဲ စဲ ဒှ်စိင် ခမုဲၝောအ်စၞာဲ ဒှ်မိယာဲ နာဲတအ် ဟွံတီဏီဟာ။
ဟိုဲကောန်တၠနန် နိယာမလောက သီုဖအိုတ်ယဝ်ရဒှ်မွဲ တ္ၚဲဂှ် လိုက်ပိုဲဒေါအ်ပၠိုတ်။ သွဟ်ခိုဟ်မွဲဂွံမံက် သၟာန်လ္ၚီလက် ပိုဲဒးတတ်ၜက်။ ဒးကယျာန် ဒးဟီု လဆောဝ်မ္ဂး သီုဒး ပတီုမုက် ပိုဲဂွံစုက် သွဟ်ခိုဟ်မွဲ။
ဟိုဲကောန်တၠနန် ညးလ္ၚဵုစၟဳတော် လုပ်ဗော်ဍေဟ် ဂွး သွက်ဇကု။ ကၠအ်ညးလ္ပတဵု ကၠဵုညးလ္ပလွဳ အရေဝ်ဇုဇ ပိုဲဗကန်။ အရေဝ်ဝွံ ဍာံကွေဟ် လၟုဟ်မ္ဂး နာဲတအ် ပတှ်ေဂွံရ။
ယွံကောန်တၠနန် ၜိုန်လညာတ်ဟွံတုပ် ကသပ်တၞဟ် ကိစ္စဒှ် ပိုဲဒးကောံသၟဟ်။
ဟိုတ်ဂှ်ကွေဟ် ယွံမၞး ကောန်တၠနန် အလာံမန်ၜိုပ်ထဝ် ညံင်ဟွံဂွံကဝ် ဗဝ်စုတ်မာဲကဵုဗော်မန်စိုအ်။ [[Category:]]