ကွးဘာတက္ကသိုလ်သၚ်မန်ဍုၚ်သေံ၊ဂကောံ
နိဒါန်
[ပလေဝ်ဒါန် | ပလေဝ်ဒါန် တမ်ကၞက်]“ဂလာန်နိဒါန်”
“ဟန္ဒမယံအာဝုသော ဓမ္မဉ္စ ဝိနယဉ္စ သၚ်္ဂါယာမ ပုရေအဓမ္မော ဒိပ္ပတိ ဓမ္မောပဋိဗာဟိယျတိ” ယွံကောန်တၠတံ ဓဝ်ဟွံဍာံတံဂှ် နူကၠာဟွံဇၞော်မောဝ်ဏီ ဓဝ်ဍာံဍာံတံဂှ် နူကၠာဟွံကၠေံဗ္ဒန်ဏီဂှ် ပိုယ်ဖ္ဍောတ်ဗှ်သှ်ဇျာဲ ပတိုန်ပါၚ်စိုတ် တဝှ်ဍောၚ်ဓဝ် တၠဳမၞုံကုပိုန်ကျာ်တြဲ မွဲကကောံမွဲကရောံအိုတ်စိုအ်။
သာ်ဝွံ ကျာ်တြဲသ္ပပရိနိဗ္ဗာန်တုဲဂှ် မှာထေရ်ကဿပ ပၠတရဴတုဲ ပတိုန်ကၠုၚ်လဝ်သၚ်္ဂါယန တၞဟ်နဂွံပ္ညဳပ္ညပ်ဗဗိုန်ပခိုၚ်ကဵု သၞောတ်သၞောဝ်လၟေၚ်ဂၠံၚ်ဍာန် ဓဝ်တၠဳမၞုံကုပိုန်ကျာ်တြဲပိုယ်ဂှ် ဒှ်သွက် ပိုယ်သတ္တံ ဂွံဒ္ဂေတ်ဗက်အာ ဂွံကၠောန်ဗက်ဒးတုဲ ဂွံကွာ်စိုပ်တိုၚ်ပ္ကဴ ဘဝမရန်တၟံလဝ်မတွံဂး ဍုၚ်ဇၞော်နိဗ္ဗာန် ဌာန်မဍိုက်ပေၚ်ကဵုတသိုက်မဒှ်ရ။
လဂွံကဵုပရိနိဗ္ဗာနသုတ်မ္ဂး ကာလကျာ်တြဲသဗ္ဗညု သ္ပပရိနိဗ္ဗာန်တုဲ မူရဴပူဂဵုမွဲ ဂွံဒှ်အ္စာပိုယ်ဂှ်ရော။ မူရဴမၞိဟ်လဵုမွဲ ဂွံဒၠောံဗ္တောန်ပိုယ်ဂှ်ရော။ သာ်ဝွံမှာထေရ်အာနန် ချပ်ဂွံအောန်စိုတ် လရိုအ် ယာံတိုန်တုဲ ကာလဂှ် ကျာ်တြဲမြော်တိုန်သာ်ဝွံရ။ သုတ်, အဘိဓရ်, ဝိနယ်အဲကျာ် တွံလဝ်တုဲဂှ် ဒှ်အ္စာမၞးတံညးဂမၠိုၚ်ရ။
ထံက်ရံၚ်ကဵုဂလာန်မန်မ္ဂး “နဟွံမွဲကဵုဓရီု ကဠီုဟွံမွဲကဵုကရံၚ်” မ္ဂးဍေံမံၚ်ဟွံလအ် ကြက်ဒးလီုအာ ဗွဲမလောဲသွာမာန်ရ။ ညံၚ်ရဴသာ်ဂှ်ကီု ဂကောံမွဲမွဲ ဂွံတန်တဴအာ ဗွဲမလံလကာဖာမာန်ကီု သ္ဂောံပြုပြေၚ်ဖန်
ဖက် ပရေၚ်ကမၠောန်ဂကောံ ဂွံကဠေတ်ကဠောတ်မာန်ကီုတုဲ စဳပၞောန်မ္ဂးဂှ် ဒှ်လမျီုဂကောံ ဒှ်လတေၚ် ဗီုဂွံပြုပြေၚ် ကမၠောန်ဂကောံရောၚ်။
ဟိုတ်ဒှ်သာ်ဂှ်ရ ပ္ဍဲကဵုစၟတ်တ္ၚဲ (၃၁၊ ၀၈၊ ၂၀၀၈) အခိၚ်ဗတံတက်ပယျာံ (၉) နာဍဳကဵု (၃၀) ဗဳဇနာဂှ် ဂကောံသၚ်တက္ကသိုလ်တံညးဂမၠိုၚ် သ္ပပဓာန်ကဵု ကျာ်ဇၞော်အ္စာ တၠဂုဏ်အ္စာ ခမဳသၚ်မန်တံညးဂမၠိုၚ်တုဲ ကောံဓရီုသဳကၠဳ ဖျေံရိုဟ်ကၞက် ဒက်ပတန်လဝ် “ဂကောံကွးဘာတက္ကသိုလ်သၚ်မန်ဍုၚ်သေံ” မဒှ်ရ။
ဂကောံဝွံ တၞဟ်နဂွံတန်တဴအာ ဗွဲမခိုၚ်ဗိုန်ကီု သီုကဵုဂွံဒ္ဂေတ်ဗက်အာ လၟေၚ်သၞောတ်သၞောဝ် ဗီုပြုပြေၚ်ကမၠောန် ဗွဲမလောဲသွာမာန်ကီုတုဲ မ္ဒးဖျေံလဝ်ဗီုပြၚ် တၚ်တုပ်စိုတ်သၞောဝ်ဂကောံဝွံ မဒှ်ရ။
ယၟု
[ပလေဝ်ဒါန် | ပလေဝ်ဒါန် တမ်ကၞက်]ဂကောံကွးဘာတက္ကသိုလ်သၚ်မန်ဍုၚ်သေံ
နကဵုဘာသာအၚ်္ဂလိက် ကော်ခဴစ
"Monn Buddhist Student's Society, Thailand
ဗွဲဇမၠိ "MBSST"
ရန်တၟံ
[ပလေဝ်ဒါန် | ပလေဝ်ဒါန် တမ်ကၞက်](က) သာသနာမန် ဂွံဂဵုမြဟ်ရာဲဆာဲ ဗျာပ်တြးအာ
(ခ) သွက်ဂွံသၠုၚ်ပတိုန် ပရေၚ်ပညာခမဳသၚ်မန်
(ဂ) သွက်သၚ်မန်ဂမၠိုၚ် ဒှ်သဟဓရ် ဗွဲမညဳသာသၟဟ်သၟန်တုဲ ဂွံဒဒှ်ေဒယှ်ကၠောံက္ဍညးသ္ကအ်ကီု
(ဃ) သွက်သၚ်မန်ဂမၠိုၚ် ဂွံတိုန်တက္ကသိုလ်ပ္ဍဲဍုၚ်သေံ ဂၠိုၚ်တိုန်ကီု
တဆိပ်
[ပလေဝ်ဒါန် | ပလေဝ်ဒါန် တမ်ကၞက်]တဆိပ်ဂကောံဝွံ ဝိုၚ်ခ္ဍမ်ဒၟံၚ် ညံၚ်ဗၞဳဝန်ဂိတုပေၚ်တုဲ ပါ်လဝ်ဗွိုၚ်ၜါထပ်ရ။ ထပ်အပ္ဍဲ ထမံက်လဝ် ရုပ်မနုဿသဳဟဂှ် ထမံက်ထပ်လဝ် သက္ကရာဇ်သာသနာ သၞာံစဒက်ပတန်ဂကောံ နကဵုဘာသာအၚ်္ဂလိက် (၂၅၅၁)ရ။ ထပ်မ္ၚးလ္ပာ်လ္တူ ချူလဝ်ယၟုဂကောံ နကဵုဘာသာမန်တုဲ လ္ပာ်သၟဝ် ချူလဝ်ယၟုဂကောံ နကဵုဘာသာအၚ်္ဂလိက်ရ။ အကြာအစပ် ဘာသာမန် ကေုာံ ဘာသာအၚ်္ဂလိက်ဂှ် လ္ပာ်တဲပါဲ ထမံက်လဝ်သက္ကရာဇ်ဍုၚ် (၁၃၇၀) ကေုာံ လ္ပာ်တဲပုၚ် ထမံက်လဝ် သက္ကရာဇ်ခရေတ် (2008) သၞာံစဒက်ပတန်ဂကောံ မဒှ်ရ။
အဓိပ္ပါယ်
[ပလေဝ်ဒါန် | ပလေဝ်ဒါန် တမ်ကၞက်]ရုပ်မနုဿသဳဟဝွံ ထံက်ရံၚ်ကဵု သောဏထေရ် ဥတ္တရထေရ် က္ညကၠုၚ်ပတန်သာသနာ ပ္ဍဲကဵုဍုၚ်မန်တြေံ သုဝဏ္ဏဘုမ္မိ မဒှ်ဌာန်ရာမညဒေသဂကူမန်တုဲ ကောန်ဂကူမန်ပိုယ် ဒုၚ်လဝ်တဲ ပတှ်ေကေတ်လဝ် ရုပ်မနုဿသဳဟဝွံ ဒှ်ရုပ်သောဏထေရ် ဥတ္တရထေရ် မဒှ်ရ။
၄။ ဌာန်ဒတန်
[ပလေဝ်ဒါန် | ပလေဝ်ဒါန် တမ်ကၞက်]ဂကောံဝွံ ဟိုတ်နူတန်တဴ ပ္ဍဲဍုၚ်သေံတုဲ ဒၞာဲဌာန်ဒတန် မဒှ်တိုၚ်ခဳတံဂှ် ဟွံမွဲပြာကတ်ရ။ ဒၞာဲမညဳသာကဵုကာလ, ဒေသတံဂှ် ကမ္မတဳရေၚ်တၠုၚ်ကေၚ်ကာဂမၠိုၚ် သ္ဂုတ်သွာတ်တုဲဟေၚ် ဒှ်ဌာန်ဒတန်
ဂကောံရ။
၅။ လက္ချဏ်ညးလုပ်ဂကောံ
[ပလေဝ်ဒါန် | ပလေဝ်ဒါန် တမ်ကၞက်](က) ယြဴညးမွဲ ဒှ်ဇာတိဂကူမန်ဍာံဇေတ်တုဲ သ္ဒးတန်တဴဒၟံၚ် ပ္ဍဲဍုၚ်သေံရ။
(ခ) ဒးဟီု, ဗှ် ကေုာံ ချူ ဘာသာမန် (မမိက်ကဵုမွဲမွဲ) လေပ်ဗွဲမချိုတ်ပၠိုတ်ရ။
(ဂ) တုပ်စိုတ်ကဵု ရန်တၟံဂကောံတုဲ အတိုၚ်သၞောဝ်ဂကောံဝွံ သ္ဒးရေၚ်တၠုၚ်, ဒ္ဂေတ်ဗက်
မာန်ရ။
(ဃ) ဒဒှ်ညးမဒှ်ကွးဘာတက္ကသိုလ် ပအပ်လဝ်ဘာ သ္ပလဝ် Register တုဲဟေၚ်ရောၚ်။
(ၚ) သ္ဒးနွံကဵုလိက်ထံက်ဂလာန် နူဇရေၚ်ကျာ်ဇၞော်အ္စာ, တၠဂုဏ်အ္စာမွဲမွဲဇကု, နကဵုဥက္ကဌ
ဂကောံသၚ်မန် မမိက်ကဵုမွဲမွဲလေဝ်ဒးဒှ်ဏောၚ်။
တၚ်စၟတ်။ ။ ယြဴညးမွဲ ၜိုန်ဒှ်ဇာတိဂကူမန်ဍာံဇေတ်ကီုလေဝ် ဟီု, ဗှ်, ချူဘာသာမန် မမိက်ကဵုမွဲမွဲ ဟွံလေပ်ချိုတ်တ်ပၠိုတ်တ်မ္ဂး ကုပူဂဵုဂှ် ကမ္မတဳသ္ဂုတ်သွာတ်တုဲဟေၚ် ဂွံအခေါၚ်လုပ်ဂကောံ
ရ။
၆။ မိဿဟာဲဂကောံ
[ပလေဝ်ဒါန် | ပလေဝ်ဒါန် တမ်ကၞက်]ယြဴညးမွဲ ၜိုန်ဟွံဒှ်ကောန်ဂကောံဝွံကီုလေဝ် အတိုၚ်ရန်တၟံ ကေုာံ သၞောဝ်ဂကောံ မဖျေံလဝ်ဂမၠိုၚ် သ္ဍိုက်မၠိုက်တုဲ ကဵုဒၟံၚ်အရီုဗၚ်လ္တူဂကောံ ညံၚ်ဂွံဇၞော်မောဝ် မွဲမွဲလ္ပာ်ကီုမ္ဂး ကုပူဂဵုဂှ် နူကဵုဂကောံဝွံ သ္ပစၟတ်သမ္တီ နဒဒှ် မိဿဟာဲဂကောံမွဲတၠရ။
၇။ ဗီုဒက်ပတန်ဂကောံ
[ပလေဝ်ဒါန် | ပလေဝ်ဒါန် တမ်ကၞက်]ဂကောံဝွံ ဒက်ပတန်လဝ် သြဝါဒါစရိယ, နာယက, ကမ္မတဳရေၚ်တၠုၚ်ကေၚ်ကာ ကေုာံ ကောန်ဂကောံဂမၠိုၚ်ရ။
(က) သြဝါဒါစရိယဂၠိုၚ်အိုတ် (၁၀) ဇကု
(ခ) နာယကဂၠိုၚ်အိုတ် (၈) ဇကု
(ဂ) ကမ္မတဳရေၚ်တၠုၚ်ကေၚ်ကာဂၠိုၚ်အိုတ် (၉) ဇကု
(ဃ) ကောန်ဂကောံဂမၠိုၚ်
(ၚ) ဒါယကာ ဥပတ္ထမ္ဘက ဟွံမွဲကဵုပိုၚ်ခြာဗၞတ်ဗ္ၜတ်
၈။ ဗီုဒက်ပတန် ကမ္မတဳရေၚ်တၠုၚ်ကေၚ်ကာဂကောံဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်](က) ဥက္ကဌ (၁) ဇကု
(ခ) ညးအုပ်ကာ (၂) ဇကု
(ဂ) ဘဏ္ဍာဂါရိက (၂) ဇကု
(ဃ) စၟတ်စရၚ် (၂) ဇကု
(ၚ) လၟိၚ်ပရိုၚ် (၂) ဇကု
တၚ်စၟတ်။ ။ ဂကောံဝွံ ဟိုတ်နူတန်တဴဒၟံၚ် ပ္ဍဲဍၚ်မ္ၚးတုဲ သ္ဒးဗ္စာရဏာရံၚ် ဗၞတ်ဗ္ၜတ်ကောန်
ဂကောံ ကေုာံ ပရေၚ်ကမၠောန်တုဲ နွံပၟိက်မ္ဂး ဂပ်ဝ်ထေက်ကဵု ရုဲစှ်ပတိုန် မပ္တံကဵု ဒု-ဥက္ကဌ တံမာန်ရ။
၉။ အသဝ်ဂုဏ် သြဝါဒါစရိယဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်]ယြဴမဟာထေရ်မွဲဇကု ဍိုက်ပေၚ်တဴကဵု လဇ္ဇဳပေသလ, သိက္ခာကာမဂုဏ်တုဲ ဒှ်ညးမရေၚ်
တၠုၚ် ပ္တိတ်ဇြဟတ်ကဵု ဂန္ထဓူရ, ဝိပဿနာဓူရလၟိုန်ရ။
တၚ်စၟတ်။ ။ မဟာထေရ်မွဲဇကု ဍိုက်ပေၚ်ကဵု အသဝ်ဂုဏ်ဝွံမ္ဂး ဂပ်ဝ်ရုဲစှ် နဒဒှ်သြဝါဒါစရိယရ။
၁၀။ အသဝ်ဂုဏ် နာယကဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်]ယြဴမဟာထေရ်မွဲဇကု ဍိုက်ပေၚ်တဴကဵု နာယကဂုဏ် (၆) သာ်တုဲ ဒှ်ညးမရေၚ်တၠုၚ် ပ္တိတ်ဒၟံၚ်ဇြဟတ်ကိစ္စ လိက်ပတ်, ဂကူ, ဘာသာ, သာသနာမန်လၟိုန်ရ။
တၚ်စၟတ်။ ။ မဟာထေရ်မွဲဇကု ဍိုက်ပေၚ်ကဵု အသဝ်ဂုဏ်ဝွံမ္ဂး ဂပ်ဝ်ရုဲစှ် နဒဒှ်နာယကရ။
တၚ်စၟတ်ဗွဲတၟေၚ်။ ။ ညးမကေၚ်ဒှ်လဝ် ကောန်ဂကောံ (ကမ္မတဳဂကောံ) ကတ်လ္ၚတ်ဍိုက်
ပေၚ်တုဲ ကလေၚ်စဴစိုပ်ဍုၚ်မန်တေံတုဲ ဆက်ရေၚ်တၠုၚ် ပ္တိတ်ဒၟံၚ်ဇြဟတ်ကဵု လိက်ပတ်, ဂကူ, ဘာသာ, သာသနာမန်မ္ဂး အလဵုလဵုဂပ်ဝ်ထေက်ကဵုရုဲစှ် နဒဒှ်နာယကဂကောံဝွံရ။
၁၁။ လက္ချဏ်ကမ္မတဳ ညးမရေၚ်တၠုၚ်ကေၚ်ကာဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်](က) ဒှ်ညးမၞုံပၟိက်ကဵု ရန်တၟံဂကောံတုဲ စပ်ကဵုကိစ္စဂကောံမ္ဂး သ္ဒးသၠးဂုဏ်ဖဵုဇကုမာန်ရ။
(ခ) ဒ္ဂေတ်စာရိတ္တ ကေုာံ လညာတ်သမ္တီ သၠုၚ်ပြဲတပ်တးတုဲ ဒှ်ညးမၞုံကဵုစိုတ်လှဲလး
လ္တူကောန်ဂကောံဂမၠိုၚ်ရ။
(ဂ) ဒှ်ကောန်ဂကောံတုဲ ဒုၚ်ရုဲစှ်မာန်ရ။
(ဃ) သ္ဒးသၟဟ်အစောံ ပ္ဍဲအရာမဟီု, ဗှ်, ချူဘာသာမန်ရ။
ယြဴညးမွဲ ဍိုက်ပေၚ်တဴကဵု လက္ချဏ် (၄) တၚ်ဗွဲလ္တူတေံမ္ဂး ဂပ်ဝ်ရုဲစှ် ညးမရေၚ်တၠုၚ် ကေၚ်ကာထေက်ရ။
၁၂။ သြန်ဂကောံ
[ပလေဝ်ဒါန် | ပလေဝ်ဒါန် တမ်ကၞက်](၁) ပွမစုတ်သြန်ဂကောံ
(၂) ပွမဂၠာဲသြန်ဂကောံ
(၃) ပွမဂိုၚ်ဒေပ်သြန်ဂကောံ
(၄) ပွမစကာသြန်ဂကောံ
(၁) ပွမစုတ်သြန်ဂကောံ
[ပလေဝ်ဒါန် | ပလေဝ်ဒါန် တမ်ကၞက်]ယြဴညးမွဲ ဒှ်ကောန်ဂကောံတုဲ ဗွဲကိုပ်ကၠာ သ္ဒးစုတ်သြန်တမ် (သြန်နိဓိထာဝရ) ဂကောံ ဗွဲတွဵုမယုတ် မသုန်ကၠံဗာတ် (၅၀၀) ၜါတ် မဒှ်ရ။
(၂) ပွမဂၠာဲသြန်ဂကောံ
[ပလေဝ်ဒါန် | ပလေဝ်ဒါန် တမ်ကၞက်](က) ကမ္မတဳ ညးမရေၚ်တၠုၚ်ကေၚ်ကာ ဖျေံသ္ဂုတ်သွာတ်တုဲဟေၚ် ဂွံအခေါၚ်ဂၠာဲ
သြန်ဂကောံရ။
(ခ) ယြဴကောန်ဂကောံမွဲ ဒုၚ်ဒါန်သွက်ဂကောံ နူဇရေၚ်ကၟုဲမကၠုၚ်စိုပ် ဍုၚ်သေံမာန်ရ။
(ဂ) ၜိုန်ရဟွံသ္ဂုတ်သွာတ်လဝ် နူကမ္မတဳကီုလေဝ် အဆက်ညးကဵုညး သောၚ်ကလး
ပရောပရာ ဂကောံတုဲ သဒ္ဓါညးတၠဒါန် က္တဵုဒှ်ကၠုၚ်မ္ဂး ဒုၚ်ဒါန်သွက်ဂကောံထေက်ရ။
(ဃ) ဒုၚ်ယၟုဂကောံတုဲ သြန် ကေုာံ ဝတ္ထုတၞဟ်ဟ် ကလိဂွံနၚ်ဂမၠိုၚ်တံဂှ် သ္ဒးအပ်ပြာပ်
ကုကမ္မတဳ နဒဒှ်ပိုန်ဒြပ်ဂကောံအပိုၚ်ရ။
(ၚ) သြန် ကေုာံ ဝတ္ထုဒါန် မကလိဂွံနၚ် နူညးတၠသဒ္ဓါဂမၠိုၚ်တံဂှ် ပ္ဍဲအပ္ဍဲပွိုၚ် (၁၅) တ္ၚဲ
ပတိုန်ထ္ၜး ကုဥက္ကဌ ကေုာံ ညးအုပ်ကာတုဲ သ္ဒးအပ်ပြာပ် ကုညးမဆေၚ်စပ်ရ။
(၃) ပွမဂိုၚ်ဒေပ်သြန်ဂကောံ
[ပလေဝ်ဒါန် | ပလေဝ်ဒါန် တမ်ကၞက်](က) သြန်ဂကောံဝွံ ညံၚ်ဂွံဖောအ်ဗြေဝ် ညံၚ်ဂွံဂီုကၠီုခိုၚ်ကၠိုက်ဂှ် ပ္ဍဲတိုက်သြန် (BANK) ကမ္မတဳမဖျေံလဝ်သ္ဂုတ်သွာတ်ဂှ် ဂပ်ဝ်သ္ဒးစုတ်ရ။
(ခ) ဂကောံဝွံ ကောန်ဂကောံ ကေုာံ ကမ္မတဳညးမရေၚ်တၠုၚ်ကေၚ်ကာ ဗွဲတွဵုမယုတ် (၅) ဇကုဓဝ်နွံတုဲ ဖန်ဖက်ဟွံသၟဟ်အစောံမ္ဂး သြန်ဂကောံဝွံ အတိုၚ်ကောန်ဂကောံတြေံဂမၠိုၚ် ဖန်ဖက် ဖျေံဗီုပြၚ်ဟေၚ် သ္ဒးဂိုၚ်ကေတ်ရ။
(ဂ) သြန်ဂကောံဝွံ ဟိုတ်နူဟိုတ်တၞဟ်ဟ်တုဲ ဒှ်ဟိုတ်သြန်ဂကောံ ဂွံလာဲလေၚ်ဟောံဗြမ်
အာမာန်မ္ဂး ကမ္မတဳညးမရေၚ်တၠုၚ်ကေၚ်ကာ ကေုာံ ကောန်ဂကောန်တြေံဂမၠိုၚ် ချပ်ဂၞန်သဳကၠဳ သ္ဂုတ်
သွာတ်တုဲမ္ဂး ပြံၚ်ပဆုဲဏာဒၞာဲ မဂီုကၠီုခိုၚ်ကၠိုက်မာန်ရ။
(ဃ) သြန်ဂကောံဝွံ နကဵုယၟုဘဏ္ဍာဂါရိကၜါ (၂) တၠ ကေုာံ ဂကောံကမ္မတဳကေၚ်ကာ
မွဲတၠ သ္ဒးစုတ်ပ္ဍဲတိုက်သြန် (BANK) ရ။
(ၚ) သြန်မကလိဂွံ နူကောန်ဂကောံ ကေုာံ ညးတၠသဒ္ဓါဂမၠိုၚ် ဟွံဂွံလောန်ၜက်အာ လ္တူနူကဵုထပှ် (၇) တ္ၚဲ သ္ဒးပၠောပ်ပ္ဍဲတိုက်သြန် (BANK) ရ။
တၚ်စၟတ်။ ။ ယဝ်ခါရတၚ်ခက်ခုဲနွံမ္ဂး ကဵုပရိုၚ်ကုကမ္မတဳညိ။
(စ) သြန်ဂကောံဝွံ ပွမဒးစုတ် ပ္ဍဲတိုက်သြန် (BANK) ဗီုပြၚ်စုတ် နကဵုယၟုပိ (၃) တၠ ပတိတ် နကဵုယၟုၜါ (၂) တၠရ။
(၄) ပွမစကာသြန်ဂကောံ
[ပလေဝ်ဒါန် | ပလေဝ်ဒါန် တမ်ကၞက်](က) သြန်ဂကောံဝွံ ပ္ဍဲအရာကာပညာ ကေုာံ ဂိယဲဟေၚ် သုၚ်စောဲစကာမာန်ရ။
(ခ) သြန်ဂကောံဝွံ ဆေၚ်စပ်ကဵုကောန်ဂကောံ မတန်တဴပ္ဍဲဍုၚ်သေံမွဲဟေၚ်ရ။
(ဂ) သြန်ဂကောံဝွံ နကဵုသြန်ဗာတ်ဍုၚ်သေံ BATH ပေၚ်လၟိဟ်ပိကိုဋ် (30,0000) တုဲဟေၚ် ရပ်စပ်သုၚ်စောဲစကာမာန်ရ။
တၚ်စၟတ်။ ။ သြန်ဂကောံဝွံ ၜိုန်ဟွံပေၚ်ပိကိုဋ်ကီုလေဝ် ကေၚ်ကာဂကောံ ကိစ္စဇၞော်ဇၞော် က္တဵုဒှ်ကၠုၚ်မ္ဂး ဗၞတ်မသုန် (၅) က္ဍိုပ်ကၠံ 5% ဗွဲမဗဗွဲကဵု တၚ်တုပ်စိုတ် ကမ္မတဳဖျေံသ္ဂုတ်သွာတ် ရပ်စပ်စကာမာန်ရ။
(ဃ) သြန်ဂကောံဝွံ ပေၚ်ပိ (၃) ကိုဋ်ဗာတ်တုဲမ္ဂး ဗၞတ်စှ်သုန် (၁၅) က္ဍိုပ်ကၠံ 15% ရပ်စပ်စကာမာန်ရ။
ပၞောဝ်ဂှ် (၁) သွက်ကာပညာ ထပှ်စှော် (၇၀) က္ဍိုပ်ကၠံ 70%
(ခ) သွက်ကာဂိယဲ ၜါစှော် (၂၀) က္ဍိုပ်ကၠံ 20%
(ဂ) သွက်ကေၚ်ကာတၞဟ်ဟ် စှ် (၁၀) က္ဍိုပ်ကၠံ 10%
(ဃ) သြန်မသၟေဟ်သှ်ေ နူကေၚ်ကာပိ (၃) သာ်ဝွံ သ္ဒးပံၚ်ပၠောပ် ပ္ဍဲသြန်တမ် (ထာဝရနိဓိ)
ရ။
(ၚ) ဗၞတ်ဗ္ၜတ်သြန်ရီုဗၚ်, ထံက်ပၚ်, ကိစ္စကာပညာ ကေုာံ ကာဂိယဲ သွက်ကောန်ဂကောံ
မွဲတၠတံဂှ် ဒှ်အတိုၚ်သ္ဂုတ်သွာတ် ကမ္မတဳရေၚ်တၠုၚ်ကေၚ်ကာဟေၚ်ရောၚ်။
(စ) သြန်ဂကောံဝွံ သ္အာၚ်အာနူပွမသုၚ်စောဲ ပ္ဍဲကာပညာ ကေုာံ ကာဂိယဲတုဲ ဒှ်ဂုဏ်ဖဵုသွက်
ဂကူ, လိက်ပတ်, ယေန်သၞာၚ် ကေုာံ သာသနာမန်မာန်ရောၚ် ကောန်ဂကောံတြဴစှော်က္ဍိုပ်ကၠံ (၆၀%) တုပ်စိုတ်ဖျေံသ္ဂုတ်သွာတ်မ္ဂး သြန်သွက်ကာတၞဟ်ဟ်စှ်က္ဍိုပ်ကၠံ (၁၀%) ဂှ် အတိုၚ်လၟေၚ်သၞောဝ်ဟေၚ် ရီုဗၚ်, ထံက်ပၚ်ထေက်ရောၚ်။
၁၃။ ပွမရီုဗၚ်, ထံက်ပၚ် ကာပညာ
[ပလေဝ်ဒါန် | ပလေဝ်ဒါန် တမ်ကၞက်]ယြဴကောန်ဂကောံမွဲ ကတ်လ္ၚတ်မံၚ်ပရေၚ်ပညာ ပ္ဍဲဍုၚ်သေံဏံရ၊ ကုပူဂဵုဂှ် နူကဵုဂကောံဝွံ ရီုဗၚ်ထံက်ပၚ်အာလၟိုန်ရ။
၁၄။ ပွမရီုဗၚ်, မၚ်မွဲကာဂိယဲ
[ပလေဝ်ဒါန် | ပလေဝ်ဒါန် တမ်ကၞက်](က) ယြဴကောန်ဂကောံမွဲ လုကဴတန်တဴဒၟံၚ် ပ္ဍဲဍုၚ်သေံဏံ က္တဵုဒှ်ဝေဒနာဂိယဲအာမ္ဂး နူကဵုဂကောံဝွံ ရီုဗၚ်, မၚ်မွဲအာလၟိုန်ရ။
တၚ်စၟတ်။ ။ ကိစ္စစပ်ကဵုဒုက္ခဝေဒနာ ယဲဘဲတံဂှ် နူကဵုဂကောံဝွံ ဟွံဖျေံဗပိုတ်လဝ်သ္ဂုတ်
သွာတ်ရ။ တန်တဴလ္တူဝေဒနာ ကေုာံ ခရိတ်မၞိဟ်ယဲဂှ်တုဲ ကမ္မတဳရေၚ်တၠုၚ်ကေၚ်ကာဂမၠိုၚ် သ္ဒးဖန်ဖက်, ရီုဗၚ်, မၚ်မွဲအာရ။
၁၅။ ပွမပ္တိုန်ဂုဏ်စရာဲ ကုပူဂဵုမကလိဂွံတဆိပ်ကြာ
[ပလေဝ်ဒါန် | ပလေဝ်ဒါန် တမ်ကၞက်](က) ယြဴကောန်ဂကောံမွဲ ကလိဂွံအံၚ်ဇၞး ကေတ်တဆိပ်ကြာဒဳဂရဳ (Degree) B.A, M.A, M.Phil, Ph.D မမိက်ကဵုမွဲမွဲမ္ဂး နူကဵုဂကောံဝွံ သ္ပပူဇဴပ္တိုန်ဂုဏ်စရာဲရ။
၁၆။ တာလျိုၚ်ကောန်ဂကောံတြေံဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်](က) ယြဴညးမွဲ ကေၚ်ဒှ်လဝ် ကောန်ဂကောံဝွံတုဲ ၜိုန်ကလေၚ်စဴ စိုပ်ဌာန်ဒၟံၚ်ဇကုကီုလေဝ် လညာတ် ကေုာံ ဂၠံၚ်တရဴ ဒှ်ဟိုတ်ဂကောံဂွံဇၞော်မောဝ်၊ ဂွံတန်တဴအဓာန်မဂၠိၚ်သ္ၚောဲမာန်နွံမ္ဂး ပ္ဍဲဝိုၚ်ကောံ
ဓရီုကီု မ္ၚးဝိုၚ်ကောံဓရီုကီု ကဵုကသပ်မာန်ရ။
(ခ) ကမ္မတဳ ကေုာံ ကောန်ဂကောံ အောန်အိုတ်သၟေဟ်ဒၟံၚ် လၟိဟ်ဗၞတ်မသုန် (၅) ဇကုဟေၚ်တုဲ ချဳဒရာၚ်, ဖန်ဖက်ပရေၚ်ကမၠောန် ဟွံသၟဟ်အစောံကဵုဒှ်, ဖန်ဖက်ပရေၚ်ကမၠောန် ကေုာံ သြန် ဗၠေတ်ဂၠံၚ်ဗၠးသၞောဝ်ရောၚ် ကောန်ဂကောံတြေံ ဗၞတ်ပိ (၃) ဇကု ပတှ်ေစှ်ေစိုတ်မ္ဂး သ္ဒးသဳကၠဳ ကေုာံ ကမ္မတဳရေၚ်တၠုၚ်ကေၚ်ကာ ပစ္စပ္ပန်ရ။ ကလေၚ်ဖျေံထိၚ်ဒက်ဟွံဂွံ ယဝ်သဒှ်မ္ဂး သြန်ဂကောံဂမၠိုၚ် အတိုၚ်ပၟိက်ကောန်ဂကောံတြေံဂမၠိုၚ် တုပ်စိုတ်တုဲ ဖန်ဖက်ဖျေံဗီုဟေၚ် သ္ဒးဂိုၚ်ကေတ်ရ။
(ဂ) ကာလကောန်ဂကောံဂမၠိုၚ် ကလေၚ်ရုဲစှ် ကမ္မတဳရေၚ်တၠုၚ်ကေၚ်ကာတၟိမာန်, ကမ္မတဳတၟိဂှ် ကောန်ဂကောံတြေံ ဗွဲတွဵုမယုတ်ပိ (၃) ဇကု နွံဓဝ်ပတှ်ေမ္ဂး သြန်ဂကောံ ကေုာံ စရၚ်သြန်ဂမၠိုၚ် သ္ဒးကလေၚ်အပ်ပြာပ် ကုကမ္မတဳရေၚ်တၠုၚ်ကေၚ်ကာတၟိ ပ္ဍဲဝိုၚ်ကောံဓရီု ပုရိသာတ် နကဵုလိက်စၟတ်သမ္တီရ။
၁၇။ တာလျိုၚ်ဥက္ကဌ
[ပလေဝ်ဒါန် | ပလေဝ်ဒါန် တမ်ကၞက်](က) ဇၟာပ်ကောံဓရီု သ္ဒးကေတ်တာလျိုၚ် နဒဒှ်သဘာပတိရ။
(ခ) အတိုၚ်ရန်တၟံဂကောံ မဖျေံလဝ် ညံၚ်ဂွံဓမံက်ရုပ်ရဴပြဟ်ဟ်မာန် ဥက္ကဌက္ဍိုက်က္ဍိုပ်တုဲ
သ္ဒးကေတ်တာလျိုၚ်ရ။
(ဂ) လိက်ကဵုကသပ် မစိုပ်ကၠုၚ် နူဇရေၚ်နာယက, ကောန်ဂကောံတြေံ ကေုာံ မိဿဟာဲ
ဂကောံ ဥက္ကဌသ္ဒးဗှ်ထ္ၜး ပ္ဍဲဝိုၚ်ကောံဓရီုရ။
(ဃ) ပြဒ္ဒညာ (ဝါ) ပြသနာ မဆေၚ်စပ်ကဵုဂကောံ က္တဵုဒှ်ကၠုၚ်မ္ဂး နကဵုဇဲသတ္တိမဂံၚ်သကာ
ဥက္ကဌကေတ်တာလျိုၚ်တုဲ သ္ဒးသှ်ပၠိုတ်ကဵုရ။
(ၚ) ပရေၚ်ကမၠောန် ကေုာံ စရၚ်သြန် ညးမဆေၚ်စပ်တံ ပတိုန်ထ္ၜးနၚ်မ္ဂး ဥက္ကဌသ္ဒး
ထပက်စၟတ်တဲ နဒဒှ်သ္ပစၟတ်သမ္တီရ။
(စ) လိက်တၞးသောၚ်စရၚ် ပွိုၚ်မွဲသၞာံဂမၠိုၚ်တံဂှ် ဥက္ကဌထပက်စၟတ်တဲဟေၚ် သ္ဒး
လလောၚ်တြးရ။
(ဆ) ကမၠောန်ဂကောံတိုန်/စှ်ေတံဂှ် သ္ဒးဇွိတ်သ္ပောတ်မံၚ်လၟိုန်တုဲ သ္ဒးကဵုကသပ် ကုညး
အုပ်ကာလၟိုန်ရ။
(ဇ) ကာလဘဏ္ဍာဂါရိကဟွံမွဲ တာလျိုၚ်ဘဏ္ဍာဂါရိကအိုဿီုတံဂှ် သ္ဒးယိုက်ဂၠေၚ် ကေတ်အာတာလျိုၚ် ဗွဲမပြေပြံၚ်ရ။
(ဇျ) တၚ်ဟွံသောၚ်ကၠး မဆေၚ်စပ်ကဵုဂကောံဂမၠိုၚ်တံဂှ် နူဇရေၚ်ညးလဵုမွဲဟွံဟီု သၟာန်ကၠုၚ်စိုပ်မ္ဂး ဥက္ကဌကေတ်တာလျိုၚ်တုဲ သ္ဒးသှ်ပၠိုတ်ကဵု ညံၚ်ဂွံကိတ်ညဳကဵု တၚ်ရန်တၟံ ကေုာံ သၞောဝ်ဂကောံရ။
(ည) အကာဲအရာတိုန်/စှ်ေ ကေုာံ တၚ်ဝါတ်ဂါတ်ဂကောံ အလုံအိုဿီုတံဂှ် ဥက္ကဌကေတ်တာလျိုၚ်တုဲ သ္ဒးဒုၚ်စဳရေၚ် ကုကောန်ဂကောံတြေံဂမၠိုၚ်ရ။
(ဋ) ကမ္မတဳရေၚ်တၠုၚ်ကေၚ်ကာ ကေုာံ ကောန်ဂကောံဂမၠိုၚ် ချဳဒရာၚ် ဒၞာဲတာလျိုၚ်
ဟွံဍိုက်ပေၚ်, ဒၞာဲဟွံကိတ်ညဳ, ဗၠးကဵုသၞောဝ်တံဂှ် ဉက္ကဌသ္ဒးကဵုသတိ ကေုာံ ဒၠောံဗ္တောန်မာန်လၟိုန်ရ။
(ဌ) ယြဴကောန်ဂကောံတြေံမွဲ ကလေၚ်စိုပ်ကၠုၚ်ဍုၚ်သေံမ္ဂး သ္ဇိုၚ်ဒၟံၚ်ပရေၚ်ချဳဒရာၚ်
ဂကောံ အလုံအိုဿီုတံဂှ် ဥက္ကဌက္ဍိုက်က္ဍိုပ်တုဲ သ္ဒးပတိုန်ထ္ၜးရ။
၁၈။ တာလျိုၚ်ညးအုပ်ကာ
[ပလေဝ်ဒါန် | ပလေဝ်ဒါန် တမ်ကၞက်](က) ဇၟာပ်ကောံဓရီု သ္ဒးကေတ်တာလျိုၚ် နဒဒှ်သ္ကိုပ်အသေဟာန် (ဝါ) နဒဒှ်သ္ကိုပ်ကၞာရ။
(ခ) တၚ်ဏှ်ကောံဓရီု, လိက်ပရၚ်ကဵုကသပ် နူဇရေၚ်နာယက, ကောန်ဂကောံတြေံ ကေုာံ မိဿဟာဲဂကောံဂမၠိုၚ် ကေုာံ လိက်မဆေၚ်စပ်ကဵု ဂကောံတၞဟ်သ္အာၚ်တံဂှ် သ္ဒးဂိုၚ်ဒေပ်လဝ် ဗွဲမစှ်ေ
သၞောတ်ရ။
(ဂ) ပိုန်ဒြပ်ဂကောံ မပ္တံကဵုလိက်, စရၚ်ကောန်ဂကောံ, စရၚ်သြန်, တဆိပ် ကေုာံ ကပေါတ်ပိုန်ဒြပ်ဂကောံတၞဟ်ဟ်တံဂှ် သ္ဒးဂိုၚ်ဒေပ်မၚ်မွဲလဝ်ရ။
(ဃ) သ္ဒးဇွိတ်သ္ပောတ်ဒၟံၚ် ပရေၚ်ကမၠောန်ဂကောံ တိုန်/စှ်ေ, ခိုဟ်/ပရေံလၟိုန်တုဲ သ္ဒးဒုၚ်စဳရေၚ် ဇၟာပ်ကောံဓရီုရ။
(ၚ) တၚ်သ္ဂုတ်သွာတ် ကမ္မတဳရေၚ်တၠုၚ်ကေၚ်ကာ မတုပ်လဝ်စိုတ် ဇၟာပ်ကောံဓရီုဂမၠိုၚ် လလောၚ်တြး ပ္ဍဲဝိုၚ်ကောံဓရီုကၠောံသၞာံ ကေုာံ ကောံဓရီုသဳကၠဳတၟေၚ်ရ။
(စ) အတိုၚ်သ္ဂုတ်သွာတ် ကမ္မတဳရေၚ်တၠုၚ်ကေၚ်ကာ မဖျေံလဝ်တံဂှ် သ္ဒးထမံက်အာ
ရုပ်ရဴတုဲ တၚ်ကမ္မတဳ ရေၚ်တၠုၚ်ကေၚ်ကာသၟေဟ်, မဝိုတ်ဒၟံၚ်သတိတံဂှ် သ္ဒးဆဝ်မ္ၚုဟ် ကဵုမံၚ်သတိလၟိုန်ရ။
(ဆ) သွက်ဂွံချဳဒရာၚ် ပရေၚ်ကမၠောန်နာနာ သြန်ဂကောံ ဗၞတ်လ္ၚီမသုန်ကၠံ (၁၅၀၀) ဗာတ် ဂိုၚ်ဒေပ်လဝ်ပ္ဍဲတဲမာန်ရ။
(ဇ) ပရေၚ်ချဳဒရာၚ်ဂကောံ ပွိုၚ်မွဲသၞာံ တၞးလိက်သောၚ်စရၚ်သြန် ကေုာံ လိက်လလောၚ်
တြး နူကဵုဂကောံ သ္ဒးပလံၚ်ဗစိုပ် ဇရေၚ်နာယက, ကောန်ဂကောံတြေံ ကေုာံ မိဿဟာဲဂကောံဂမၠိုၚ် ဇၟာပ်ကောံဓရီုကၠောံသၞာံရ။
(၁၉) တာလျိုၚ်ဘဏ္ဍာဂါရိက
[ပလေဝ်ဒါန် | ပလေဝ်ဒါန် တမ်ကၞက်](က) သ္ဒးစဳကၠးဆိုက်ဗ္ဒက် ပ္ဍဲအရာပွမပၠောပ်, ပတိတ်, ပြံၚ်မဆုဲသြန် ကေုာံ အိက်သြန်နာနာ ပ္ဍဲတိုက်သြန် (BANK) ရ။
(ခ) လိက်မဆေၚ်စပ်ကဵု သြန်ဂကောံတံဂှ် ဘဏ္ဍာဂါရိကသ္ဒးဂိုၚ်ဒေပ်လဝ်ရ။
(ဂ) သြန်ဂမၠိုၚ် စိုပ်တဲဘဏ္ဍာဂါရိကတုဲ ဟွံဂွံလောန်ၜက်အာ နူကဵုစှ် (၁၀) တ္ၚဲ သ္ဒးပၠောပ်စုတ် ပ္ဍဲတိုက်သြန် မကလိဂွံသ္ဂုတ်သွာတ် နူကဵုကမ္မတဳရ။
(ဃ) ကမ္မတဳရေၚ်တၠုၚ်ကေၚ်ကာ ဖျေံသ္ဂုတ်သွာတ် ကေုာံ လၟိဟ်သြန်တုဲဟေၚ် ဂွံအခေါၚ်ပတိတ်သြန်ရ။
(ၚ) သြန်ပတိတ်နၚ် နူတိုက်သြန်ဂမၠိုၚ် ဟွံဂွံလောန်အာနူပိ (၃) တ္ၚဲ သ္ဒးအပ်ပြာပ် ကုညးအုပ်ကာရ။
(စ) ကိစ္စစပ်ကဵုသြန် ဆဵုဂဗတၚ်ဝါတ်ဂါတ်မ္ဂး ဗွဲမပြဟ် သ္ဒးကဵုသမ္တီ ကုဥက္ကဌ ကေုာံ ညးအုပ်ကာရ။
၂၀။ တာလျိုၚ်ညးစၟတ်စရၚ်
[ပလေဝ်ဒါန် | ပလေဝ်ဒါန် တမ်ကၞက်](က) စရၚ်သြန်လုပ် / တိတ် ကေုာံ ဒၞာဲသုၚ်စောဲလဝ် အရာတၞဟ်ဟ်ဂမၠိုၚ်တံဂှ် သ္ဒးစၟဳစၟတ်ဗက်တုဲ ဆဵုဂဗတၚ်ဟွံသေၚ်ကၠးနွံမ္ဂး နွံအခေါၚ်သၟာန် ညးမဆေၚ်စပ်မာန်ရ။
(ခ) စရၚ်သြန်တၞဟ်ဟ်ဂမၠိုၚ် ကမ္မတဳရေၚ်တၠုၚ်ကေၚ်ကာနွံပၟိက်မ္ဂး သ္ဒးပတိုန်ထ္ၜးဇၟာပ်
ကောံဓရီုရ။
(ဂ) ဆက်စပ်ကဵု ပရေၚ်ကမၠောန် ကေုာံ စရၚ်သြန်တုဲ “ဟိုတ်မမိက်ကဵုမွဲမွဲ ဇီုဓဗတ်ဒး ပရေၚ်ကမၠောန် ကေုာံ ရန်တၟံဂကောံမာန်ရောၚ်” စှ်ေစိုတ်မ္ဂး ဗွဲမပြဟ် သ္ဒးဂရၚ်ပ္တီကုဥက္ကဌ၊ နွံပၟိက်မ္ဂး သ္ဒးပတိုန်ထ္ၜး ပ္ဍဲကောံဓရီုရ။
(ဃ) ကိုပ်ကၠာဟွံစိုပ် တ္ၚဲကောံဓရီုကၠောံသၞာံ ဗၞတ်ထပှ် (၇) တ္ၚဲ ကေတ်အခိၚ်တုဲ သ္ဒးစၟဳစၟတ် စရၚ်သြန်တၞဟ်ဟ်ဂမၠိုၚ်ရ။
(ၚ) စရၚ်သြန် ညးစၟဳစၟတ်စရၚ် မစၟဳစၟတ်လဝ်တံဂှ် သ္ဒးပတိုန်ထ္ၜး ပ္ဍဲကောံဓရီု ကမ္မတဳ
ရေၚ်တၠုၚ်ကေၚ်ကာရ။
၂၁။ တာလျိုၚ်ညးလၟိၚ်ပရိုၚ်
[ပလေဝ်ဒါန် | ပလေဝ်ဒါန် တမ်ကၞက်](က) အတိုၚ်ရန်တၟံ, ပရေၚ်ချဳဒရာၚ်ဂကောံ ကေုာံ စရာဲဂကောံဂမၠိုၚ်ဂှ် ညံၚ်ဂွံဗျာပ်တြး
အာ အကြာမဟာဇန်ဂမၠိုၚ် သ္ပဂရုတုဲ သ္ဒးလၟိၚ်ပတိတ်ပရိုၚ်ရ။
(ခ) သ္ဒးရီုဗၚ်ညးအုပ်ကာ ပ္ဍဲအရာမကဵု / ကေတ် လိက်မဆေၚ်စပ်ကဵုဂကောံရ။
(ဂ) ဇၟာပ်ကောံဓရီု သ္ဒးကေတ်တာလျိုၚ် နဒဒှ်ညးစၟတ်သမ္တီကောံဓရီုရ။
(ဃ) ပ္ဍဲအရာကေၚ်ကာ ပတိုန်ဝၚ်, သ္ပစၟတ်သမ္တီကောံဓရီုဂှ် မပ္တံကဵုတက်ဗီု ပရေၚ်ချဳဒရာၚ်
အိုဿီုတံဂှ် သ္ဒးကေတ်တာလျိုၚ်ရ။
တၚ်စၟတ်။ ။ တာလျိုၚ်မပ္တံဖက်ဆောဂဥုပ်ကာတံဂှ် ကာလမပ္တံညးဂဥုပ်ကာတံဟွံမွဲကီု၊ ကာလညးဖအောဝ်ကီု သ္ဒးရေၚ်တၠုၚ်တာလျိုၚ်တံဂှ်ရ။
၂၂။ သၞောဝ်ကမ္မတဳရေၚ်တၠုၚ်ကေၚ်ကာ ကေုာံ ကောန်ဂကောံဂမၠိုၚ် သ္ဒးဒ္ဂေတ်ဗက်
[ပလေဝ်ဒါန် | ပလေဝ်ဒါန် တမ်ကၞက်](က) ယြဴညးမွဲ သွက်ဒတုဲဖဵုဇကုသက်က်မ္ဂး ယၟုဂကောံ, တဆိပ်ဂကောံ, တၞးလိက်
ဂကောံ ကေုာံ ကပေါတ်ပိုန်ဒြပ်ဂကောံပိုၚ်ဂမၠိုၚ်တံဂှ် ရပ်စပ်သုၚ်စောဲဟွံဂွံရ။
(ခ) သီုဟွံကလိဂွံသ္ဂုတ်သွာတ်နူကမ္မတဳ ပွမပ္တိတ်လိက်လလောၚ်တြးကီု၊ ပွမချဳဒရာၚ် ပရေၚ်ကမၠောန် စပ်ကဵုဂကောံကီုတံဂှ် ကၠောန်သ္ပဟွံဂွံရ။
(ဂ) ပ္ဍဲအရာမရေၚ်တၠုၚ် ဆန်ၜန်ကိစ္စဂကောံဝွံ ပွမပျုတ်ဗ္ဒေက်ပူဂဵု, ဂကောံသ္အာၚ်တံဂှ် ပ္ဍဲဝိုၚ်ကောံဓရီုကီု၊ မ္ၚးဝိုၚ်ကောံဓရီုကီု သ္ဒးဝေၚ်ပါဲဗွဲတၟေၚ်ရ။
(ဃ) ကောန်ဂကောံဂမၠိုၚ် ညးမွဲကေုာံညးမွဲ သ္ဒးရီုဗၚ်, သ္ဒးဆာန်ကၟိန်, သ္ဒးနွံကဵုဓဝ်ပတှ်ေ ကေုာံ ရေၚ်သ္ကံ ညံၚ်ကောဒေံအရၚ်ရ။
(ၚ) တာလျိုၚ် ကေုာံ သၞောဝ်ဂကောံဂမၠိုၚ်တံဂှ် သ္ဒးယိုက်ဂၠေၚ်, သ္ဒးမၚ်မွဲ, သ္ဒးဒ္ဂေတ်လ္ၚတ်
အာ ဗွဲမပြေပြံၚ်ရ။
(စ) ဒ္ဂေတ်စာရိတ္တဟွံခိုဟ် ဒှ်ဟိုတ်မစှ်ေစးကဵု ဝိနယ်သိက္ခာပိုဒ်ကီု၊ ဒှ်ဟိုတ်မစှ်ေစးကဵု ပရေၚ်မၞိဟ်ကီု၊ ဒှ်ဟိုတ်ဂကောံဂွံလီုလာ်ကီု၊ ဒှ်ဟိုတ်ဂုဏ်စရာဲဂကောံ ဂွံပၠိုတ်ကီုတံဂှ် ပ္ဍဲဝိုၚ်ကောံဓရီုကီု မ္ၚးဝိုၚ်ကောံဓရီုကီု သ္ဒးဝေၚ်ပါဲဗွဲတၟေၚ်ရ။
(ဆ) ခမဳ, သာမဏဳ ကေုာံ ကောဒေံမန်ဂမၠိုၚ် ညံၚ်ဂွံကၠုၚ်ကတ်ပညာ ဍုၚ်မ္ၚးဂၠိုၚ်ကၠုၚ်ဂှ် ကောန်ဂကောံဂမၠိုၚ် သ္ဒးဘိုၚ်ရီုဗၚ်, သ္ဒးရေၚ်တၠုၚ် နကဵုနယ်တၞဟ်ဟ်ရ။
(ဇ) ယြဴကောန်ဂကောံမွဲ ကတ်ပညာဍိုက်ပေၚ်တုဲ ကာလကလေၚ်စဴအာ ဍုၚ်မန်တေံအ
ပိုၚ်မ္ဂး သ္ဒးပတိုန်လိက်ဂရၚ် ဗီုပြၚ်ဂရၚ်ပ္တီ နဒဒှ်ဆဵုဂဗလက်ကရဴ ကုဂကောံကွးဘာတက္ကသိုလ်သၚ်မန်
ဍုၚ်သေံရ။
(ဇျ) ယြဴညးမွဲ သီုဟၟဲကဵုဟိုတ်ဖဵု ဟွံတိုန်စိုပ်ကောံဓရီု ပေၚ် (၃) ဝါမ္ဂး ဂကောံကမ္မတဳဂမၠိုၚ် သ္ဒးဖျေံသ္ဂုတ်သွာတ်ရောၚ်။
တၚ်စၟတ်။ ။ ယြဴညးမွဲ တာလျိုၚ်ဂကောံ မပါ်ပရအ်ကဵုတံဂှ် ယိုက်ဂၠေၚ်ဟွံမာန်မ္ဂး ဟိုတ်ဖဵု
မဍိုက်ပေၚ် ညံၚ်ဂွံကိတ်ညဳကဵု ဓဝ်ပတှ်ေညးတံဂှ် သ္ဒးပ္တိုန်ထ္ၜး ဗွဲမခိုၚ်ကၠိုက်ရ။
၂၃။ ပွမပါဲနုက်တိတ် နူဒဒှ်ညးတာလျိုၚ်ကမ္မတဳ ကေုာံ ကောန်ဂကောံ
[ပလေဝ်ဒါန် | ပလေဝ်ဒါန် တမ်ကၞက်](က) ယြဴကမ္မတဳရေၚ်တၠုၚ်ကေၚ်ကာ ကေုာံ ကောန်ဂကောံမွဲ မိက်ဂွံနုက်တိတ် နူဒဒှ်တာလျိုၚ် ကေုာံ ကောန်ဂကောံမ္ဂး နကဵုပၟိက်ဆန္ဒဇကု ပတိုန်ထ္ၜးဟိုတ် ကုဥက္ကဌတုဲ နုက်တိတ်မာန်ရ။
(ခ) ယြဴကမ္မတဳရေၚ်တၠုၚ်ကေၚ်ကာ ကေုာံ ကောန်ဂကောံမွဲ ဒ္ဂေတ်စာရိတ္တ ဒှ်ဟိုတ်မစှ်ေစး
ကဵုဝိနယ်ကီု၊ ဒှ်ဟိုတ်မစှ်ေစးကဵု ပရေၚ်မၞိဟ်ကီု၊ ဒှ်ဟိုတ်ဂုဏ်စရာဲဂကောံ ဂွံလဟုတ်ယုတ်ကီု “ကၠောန်သ္ပဒၟံၚ်ရောၚ်” သာ်ဝွံ ကမ္မတဳရေၚ်တၠုၚ်ကေၚ်ကာ ကေုာံ ကောန်ဂကောံဂမၠိုၚ် တြဴစှော် (၆၀%) က္ဍိုပ်ကၠံ ပတှ်ေစှ်ေစိုတ်မ္ဂး သ္ဒးပဒေံါထောံ နူဒဒှ်တာလျိုင် ကေုာံ ကောန်ဂကောံရ။
(ဂ) ပူဂဵုမွဲ ဒးဒုင်ပဲါပတိတ် နူဂကောံတုဲဂှ် ကိစ္စအလုံအိုဿီု ဂကောံဟွံကေတ်တာလျိုင်
တုဲ ပူဂဵုဂှ် နဒဒှ်မိဿဟာဲမွဲဟေင် စၟတ်သမ္တီရ။
(၂၄) ပွမဒက်ပတန်သာပ်ကမ္မတဳ
[ပလေဝ်ဒါန် | ပလေဝ်ဒါန် တမ်ကၞက်](က) “ဒှ်ဂုဏ်ဖဵုဂကောံရောင်” ကမ္မတဳရေင်တၠုင်ကေင်ကာဂမၠိုင် စှ်ေကေတ်စိုတ်တုဲ သ္ဂုတ်သွာတ်မ္ဂး နွံအခေါင်ဒက်ပတိုန်, ရိုဟ်ကၠေံသာပ်ကမ္မတဳမာန်ရ။
(ခ) သာပ်ကမ္မတဳဝွံ သဳကၠဳကုကမ္မတဳရေၚ်တၠုင်ကေင်ကာတုဲ သ္ဒးထမံက်အာ ရုပ်ရဴကမၠောန်ရ။
၂၅။ အာယုက်ကမ္မတဳအိုတ်
[ပလေဝ်ဒါန် | ပလေဝ်ဒါန် တမ်ကၞက်](က) အာယုက်ကမ္မတဳရေင်တၠုင်ကေင်ကာဝွံ ဒှ်မွဲသၞာံဟေင်ရ။
(ခ) အာယုက်သာပ်ကမ္မတဳဂှ် အတိုၚ်ကမ္မတဳရင်တၠုင်ကေင်ကာ ပိုင်ခြာကဵုဟေင် တန်တဴ
မာန်ရ။
၂၆။ ပွမရိုဟ်ကၠေံ ကမ္မတဳတြေံ ကေုာံ ပွမရုဲစှ်ကမ္မတဳတၟိ
[ပလေဝ်ဒါန် | ပလေဝ်ဒါန် တမ်ကၞက်](က) ကမ္မတဳရေၚ်တၠုၚ်ကေၚ်ကာတြေံဝွံ ရိုဟ်ကၠေံပ္ဍဲတ္ၚဲ ကောံဓရီုကၠောံသၞာံတုဲ ပ္ဍဲတ္ၚဲဂှ်
ဟေၚ် သ္ဒးကလေၚ်ရုဲစှ် ဒက်ပတိုန် ကမ္မတဳရေၚ်တၠုၚ်ကေၚ်ကာတၟိရ။
(ခ) ကမ္မတဳရေၚ်တၠုၚ်ကေၚ်ကာဝွံ ကောန်ဂကောန်တြဴစှော် (၆၀%) က္ဍိုပ်ကၠံ အာတ်မိက်ကၠုၚ်မ္ဂး သ္ဒးရိုဟ်ကၠေံ ကမ္မတဳတြေံ ပ္ဍဲဝိုၚ်ကောံဓရီုသဳကၠဳတၟေၚ်ရ။
(ဂ) ရိုဟ်ကၠေံကမ္မတဳတြေံတုဲ အပ္ဍဲပွိုၚ်စှ်ပန် (၁၄) တ္ၚဲ သ္ဒးကလေၚ်ရုဲစှ် ဒက်ပတိုန်ကမ္မတဳ ပ္ဍဲဝိုၚ်ကောံဓရီုသဳကၠဳတၟေၚ်ရ။
(ဃ) ယြဴကမ္မတဳရေၚ်တၠုၚ်ကေၚ်ကာတြေံလဵုမွဲဟွံဟီု ကလေၚ်ဒုၚ်ရုဲမာဲ နဒဒှ်ကမ္မတဳတၟိ
မာန်ရ။
၂၇။ ပွမပၠောပ်စၞး, ထပက်အဇာ ဒၞာဲကမ္မတဳရေၚ်တၠုၚ်ကေၚ်ကာ မသၠးအာ
[ပလေဝ်ဒါန် | ပလေဝ်ဒါန် တမ်ကၞက်](က) ဒၞာဲကမ္မတဳရေၚ်တၠုၚ်ကေၚ်ကာ မသၠးအာတံဂှ် သ္ဒးရုဲစှ်ပၠောပ်စၞး ပူဂဵုမသၟဟ်အစောံ
နူဂကောံရ။
(ခ) ယြဴကမ္မတဳရေၚ်တၠုၚ်ကေၚ်ကာမွဲ ဟိုတ်နူဟိုတ် မမိက်ကဵုမွဲမွဲတုဲ ပွိုၚ်ပိ (၃) ဂိတု ဟွံသၟဟ်အစောံ ပ္ဍဲအရာမရေၚ်တၠုၚ်ကေၚ်ကာမ္ဂး “သ္ဒးရုဲစှ်ပၠောပ်မၞိဟ်စၞးရောၚ်” ရဴဝွံ ကမ္မတဳဖျေံသ္ဂုတ်
သွာတ်မ္ဂး သ္ဒးရုဲစှ်ပၠောပ်မၞိဟ်စၞးရ။
(ဂ) ကောန်ဂကောံမတိုန်စိုပ် ပ္ဍဲဝိုၚ်ကောံဓရီုသဳကၠဳတၟေၚ်ဂှ်ဟေၚ် ဂပ်ဝ်ရုဲစှ်ပၠောပ်စၞး ဒၞာဲကမ္မတဳရေၚ်တၠုၚ်ကေၚ်ကာ မသၠးအာရ။
၂၈။ ကောံဓရီုဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်](က) ကောံဓရီုကမ္မတဳရေၚ်တၠုၚ်ကေၚ်ကာ
(ခ) ကောံဓရီုကၠောံသၞာံ
(ဂ) ကောံဓရီုသဳကၠဳတၟေၚ်
(၁) ကောံဓရီုကမ္မတဳရေၚ်တၠုၚ်ကေၚ်ကာ
(က) ကမ္မတဳရေၚ်တၠုၚ်ကေၚ်ကာဂမၠိုၚ် ဗွဲတွဵုမယုတ် ပိ (၃) ဂိတုမွဲဝါ သ္ဒးကော်
ကောံဓရီုရ။
(ခ) နွံပၟိက်ကၠုၚ်မ္ဂး အခိၚ်ဟွံရုဲ ဥက္ကဌကော်ကောံဓရီုမာန်ရ။
(ဂ) ကမ္မတဳရေၚ်တၠုၚ်ကေၚ်ကာ တြဴစှော် (၆၀%) က္ဍိုပ်ကၠံ အာတ်မိက်ကၠုၚ်မ္ဂး ပ္ဍဲအပ္ဍဲမွဲအဒိုတ် ဥက္ကဌသ္ဒးကော်ကောံဓရီုရ။
တၚ်စၟတ်။ ။ ကမ္မတဳရေၚ်တၠုၚ်ကေၚ်ကာ တြဴစှော် (၆၀%) က္ဍိုပ်ကၠံ တိုန်စိုပ်မ္ဂး ကောံဓရီုအံၚ်ဇၞး အာစိုပ်ဒတုဲရ။
(၂) ကောံဓရီုကၠောံသၞာံ
(က) လုပ်ဒဂိုန်ပုရိမဝှ်တုဲ ပ္ဍဲအပ္ဍဲပန်အဒိုတ် သ္ဒးကော်ကောံဓရီုကၠောံသၞာံရ။
(၃) ကောံဓရီုသဳကၠဳတၟေၚ်
အခိၚ်အခါ ကမ္မတဳရေၚ်တၠုၚ်ကေၚ်ကာဂမၠိုၚ် တုပ်စိုတ်တုဲ ဖျေံလဝ်သ္ဂုတ်သွာတ်ဂှ်ဟေၚ် ဒှ်တ္ၚဲကောံဓရီုသဳကၠဳတၟေၚ်ရ။
တၚ်စၟတ်။ ။ ဇၟာပ်ကောံဓရီု ကောန်ဂကောံတြဴစှော် (၆၀%) က္ဍိုပ်ကၠံ တိုန်စိုပ်မ္ဂး ကောံဓရီုဍိုက်ပေၚ်ရ။
(၂၉) ပွမပဠေဝ်ပဠေတ်, ထပ်ဗပေၚ်, ပိုက်နုက်သၞောဝ်ဂကောံဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်](က) သၞောဝ်ဂကောံဝွံ ပဠေဝ်, ထပ်ဗပေၚ်, ပိုက်နုက်မမိက်ကဵုမွဲမွဲထေက်ရောၚ်။ ကမ္မတဳရေၚ်တၠုၚ်ကေၚ်ကာဂမၠိုၚ် တြဴစှော် (၆၀%) က္ဍိုပ်ကၠံ ဒုၚ်တဲတုပ်စိုတ်တုဲ သ္ဒးပတိုန်ထ္ၜး ပ္ဍဲဝိုၚ်ကောံဓရီုသဳကၠဳတၟေၚ် (ဟွံသေၚ်မ္ဂး) ပ္ဍဲဝိုၚ်ကောံဓရီုကၠောံသၞာံတုဲ ကောန်ဂကောံတြဴစှော် (၆၀%) က္ဍိုပ်ကၠံ ထံက်ဂလာန်တုပ်စိုတ်မ္ဂး ပဠေဝ်ပဠေတ်, ထပ်ဗပေၚ်, ပိုက်နုက်မာန်ရ။
(ခ) သၞောဝ်ဂကောံမပဠေဝ်ပဠေတ်, ထပ်ဗပေၚ်, ပိုက်နုက်လဝ်ဂမၠိုၚ်ဂှ် ညးအုပ်ကာ သ္ဒးလောၚ်တြး ပ္ဍဲဝိုၚ်ကောံဓရီုတုဲ သ္ဒးသ္ပဒတန်ရ။
တၚ်စၟတ်။ ။ သၞောဝ်ဂကောံဝွံ (၃၁၊ ၀၈၊ ၂၀၀၈) အခိၚ်ဗ္တံ တက်ပယျာံ (၉) နာဍဳ ကဵု (၃၀) ဗဳဇနာ ကမ္မတဳရေၚ်တၠုၚ်ကေၚ်ကာ ကေုာံ ကောန်ဂကောံဂမၠိုၚ် (၈) တၠ သ္ပလဝ်ဒတန် ပ္ဍဲဘာသုဓမ္မဝတဳ၊ ကွာန်ၜၚ်ကဍဳ၊ ဍုၚ်က္ၜၚ်ကံက်၊ ဍုၚ်သေံရ။
ညးမတိုန်စိုပ်ကောံဓရီု သ္ဂုတ်သွာတ်သ္ပဒတန်သၞောဝ်ဂမၠိုၚ်
၁။ တၠဂုဏ်အ္စာကေသရမောဠိ (ဥက္ကဌ)
၂။ တၠဂုဏ်အ္စာဝံသပါလ (ဒု-ဟိတဓရ)
၃။ တၠဂုဏ်အ္စာဣဿရ (ဘဏ္ဍာဂါရိက)
၄။ တၠဂုဏ်အ္စာအိန္ဒ (ဒု-ဘဏ္ဍာဂါရိက)
၅။ တၠဂုဏ်အ္စာသုဝဏ္ဏ (စၟတ်စရၚ်)
၆။ တၠဂုဏ်အ္စာနန္ဒိယ (ဒု-စၟတ်စရၚ်)
၇။ တၠဂုဏ်အ္စာကောဝိဒ (လၟိၚ်ပရိုၚ်)
၈။ တၠဂုဏ်အ္စာဝဳရိယ (ဒု-လၟိၚ်ပရိုၚ်) ဣဝွံဒှ်ဒ္စာံ (၈) ဇကုရ။
တၚ်စၟတ်။ ။ တၠဂုဏ်အ္စာခေမာဝန္တ ဟွံတိုန်စိုပ်ရ။
MBSST 02:05 P.M (5.09.2008) ဂကောံကွးဘာတက္ကသိုလ်သၚ်မန်ဍုၚ်သေံ
“ဂလာန်အုပ်နိဂီု”
[ပလေဝ်ဒါန် | ပလေဝ်ဒါန် တမ်ကၞက်]သ္ဇိုၚ်သၞောဝ်ဂကောံ MBSST ဝွံ ရန်တၟံကဵုကောန်ဂကောံဂမၠိုၚ် တၞဟ်နဂွံတန်တဴအာ ဗွဲမသိုက်သၠိၚ်ကီု တၞဟ်နဂွံဒှ်ဓဝ်ညဳသာသၟဟ်န် ကေုာံရေၚ်သ္ကံကီု တၞဟ်နဂွံပြေပြံၚ် ဗၜိုဟ်လလံကဵု ပြသနာ စပ်ကဵုဂကောံကီုတုဲ သၞောဝ်ဂကောံဝွံ ကောန်ဂကောံဂမၠိုၚ် ဗွဲမလှဲလးဗၠးၜး သဳကၠဳပတိုန်ထ္ၜးလဝ်ရောၚ်။
သ္ဇိုၚ်သၞောဝ်ဂကောံ MBSST ဝွံ ထံက်ရံၚ်ကဵုအခိၚ်ကာလဒေသတုဲ ချူစွံပတန်လဝ်သာ်ဝွံရ။ ဗွဲကြဴဟိုတ်နူဟိုတ် မမိက်ကဵုမွဲမွဲက္တဵုဒှ်ကီု၊ သၞောဝ်လ္ၚဵုဍေံကိတ်ညဳကဵု ကာလဒေသကီု၊ ယဝ်ဆဵုဂဗ တၚ်ဝါတ်ဂါတ် မမိက်ကဵုမွဲမွဲကီု ယဝ်သဒှ်မ္ဂး ကောန်ဂကောံဂမၠိုၚ် လၟိဟ်တြဴစှော် (၆၀%) က္ဍိုပ်ကၠံ ကလိဂွံတၚ်တုပ်စိုတ်တုဲ သ္ဂုတ်သွာတ်မ္ဂး သၞောဝ်ဂကောံဝွံ ထပ်မာန် နုက်မာန် ပဠေဝ်မာန်ရောၚ်။
MBSST 08: 49 A.M (20.09.2008)
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]၂၀၀၈၊ သၞာံ။ သဇိုၚ်သၞောဝ်-ဂကောံကွးဘာတက္ကသိုလ်သၚ်မန်ဍုၚ်သေံ၊လိက်အုပ် (The Principle of Mon Buddhist Student's Society, Thailand။