ခေန်မိုင်၊ နာဲ
| နာဲခေန်မိုင် ညးမရေင်တၠုင် ကမၠောန်ဒတုဲဖိုလ် ဂကူမန် | |
|---|---|
 | |
| သၠးဂၠံဂဝ် |
နာဲခေန်မိုင် ဖေဖဝ်ဝါရဳ ၁၃၊ ၁၉၃၃ ဘာကတဵု၊ ပွိုင်ဍုင်ဖာအင် |
| စုတိ | သေပ်တေမ်ဗါ ၂၉၊ ၂၀၀၂ (အာယုက် ၆၉) |
| ဂကူ |
 Mon မန် |
| ကောန်ဍုင် | ကောန်ဍုင်ဗၟာ |
| ကဆံင်ပညာ | B.sc (Engg) |
| ဌာန်ပညာ | တက္ကသိုလ်လ္ဂုင် |
| ဂကောံ |
|
| ဗော် | |
| ချဳဓရာင် | သွက်အခေါင် ဂကူမန် |
| အံက် |
|
နာဲခေန်မိုင် (နိုင်ခင်မောင်) (၁၃၊ ဖေဖဝ်ဝါရဳ ၁၉၃၃ - ၂၉၊ သေပ်တေမ္ဗာ ၂၉) ဝွံ ဒှ် ညး မရေင်တၠုင် ကၠောန်ကၠုင်လဝ် ကမၠောန် ပရေင်ဂကူမန် သွာင် ပရေင်လိက်ပတ်ယေန်သၞာင်ကီု သီုပရေင်ဍုင်ကွာန် နူ ဘဝသၟတ် စဵု လအိတ်လမျီုမွဲရ။ သဘင်မာဲ သၞာံ ၁၉၉၀ ဂှ် ဒုင်ရုဲမာဲ စၞး ဂကောံဒဳမဝ်ကရေသဳကောန်ဂကူမန် ပ္ဍဲ ပွိုင်ဍုင်ကျာ်မြဟ်တုဲ ဂွံဇၞးမာဲကီုလေဝ် နကုဒုဟ် မဖျေဟ်ဗ္တောန် ပရေင်ဍုင်ကွာန်ဂှ် ဒးဒုင်ဖျေဟ်ထံင် ၂၁ သၞာံရ။ သၞာံ ၁၉၉၄ ဟိုတ်နူ ဗော်ဍုင်မန်တၟိ အာတ်မိက် ပ္ဍဲ အခိင်မပ္ညဳပ္ညပ် ပရေင်ဒေါအ်ပန်ပှ်ောဂှ် ဂွံဗၠးတိတ်ကၠုင်ရ။
ဘဝသၟတ် ကု ပရေင်ပညာ
[ပလေဝ်ဒါန် | ပလေဝ်ဒါန် တမ်ကၞက်]နာဲခေန်မိုင် က္တဵုဒှ် မၞိဟ် ပ္ဍဲ သၞာံ ၁၉၃၃ ဂိတုဖေဖဝ်ဝါရဳ ၁၃ ပ္ဍဲ ကွာန်ဘာခတဵု၊ ပွိုင်ဍုင်ဖာအင်၊ ရးတၞင်သြဳ (လၟုဟ် တွဵုရးဍုင်ကရေင်) ဇရေင်မိမၜါ နာဲလောန်ခါင် (နိုင်လွန်းခိုင်)၊ မိမျချေတ် (မိမြချစ်) ရ။ နာဲခေန်မိုင် ဂွံအံင် စှ်တန် နူ ဘာတန်သမၠုင် စၟတ်(၂) ဍုင်မတ်မလီု ပ္ဍဲ သၞာံ ၁၉၅၄။ နာဲခေန်မိုင် တိုန် တက္ကသိုလ်လ္ဂုင်တုဲ ကလိဂွံ ဗာစ္ဆလာ သိပ္ပံ ပ္ဍဲ အေန်ဂျေန်နဳယျာ (B.Sc. Engg) ပ္ဍဲ သၞာံ ၁၉၆၀ ဂှ်ရ။ အခိင်မတိုန်ဒၟံင် ပ္ဍဲ ကဝ်လိက်မတ်မလီု (မော်လမြိုင်ဥပစာကောလိပ်) ဂှ် ပ္ဍဲ ဂကောံကွးဘာတက္ကသိုလ်မန်ဂှ် နဒဒှ် သကိုပ်လလောင်ပရိုင်၊ အခိင်မတိုန် တက္ကသိုလ်လ္ဂုင်ဂှ် ပ္ဍဲ သၞာံ ၁၉၅၆-၅၇ ပ္ဍဲ ဂကောံကွးဘာတက္ကသိုလ်မန်ဂှ် နဒဒှ် ညးအုပ်ကာနာနာ မြဴသာ်ဝွံ ချဳဓရာင်ကၠုင် ပရေင်ဂကူမန် ပ္ဍဲ ဘဝကွးဘာတက္ကသိုလ်ကီုရ။[၁]
ကမၠောန်ပေါင်မသၟိင် ကု ပရေင်ဍုင်ကွာန်
[ပလေဝ်ဒါန် | ပလေဝ်ဒါန် တမ်ကၞက်]- ၁၉၆၀ ဂှ် ပ္ဍဲ ကမ္မတဳဗမံက်ပ္တိုန် တွဵုရးဍုင်မန်ဂှ် နဒဒှ် ကောန်ဂကောံ။
- ၁၉၆၁ လက်ထက် အလဵုအသဳဥူနုဂှ် နဒဒှ် ဝန်အပ္ဍဲ (အတွင်းဝန်) ဝန်ဇၞော်ကေင်ကာမန် နာဲအံင်ထောန်။
- ၁၉၆၂ - ၁၉၆၅ နဒဒှ် လစှ်ေအေန်ဂျေန်နဳယာ ပ္ဍဲ ဂကောံမကဵုဓာတ်လလဳ)။
- ၁၉၆၆ - ၁၉၇၂ နဒဒှ် (အမှုဆောင်အရာရှိ) ဗွဲကြဴ (ဒု-အမှုဆောင်အရာရှိချုပ်) ပ္ဍဲ ဂကောံကောပ်ကာဲကပေါတ်စက် (စက်ပစ္စည်းကြီးကြပ်ရေးအဖွဲ့)။
- ၁၉၇၃ - ၁၉၈၉ ပ္ဍဲ ဌာနက္ဍိုက်က္ဍိုပ်ပရေင်ကပေါတ်စက် ကု စၟဳစၟတ် ဗဟဵု (ဗဟိုစက်ပစ္စည်းစာရင်းအင်းနှင့် စစ်ဆေးရေးဦးစီဌာန)ဂှ် ဂွံဒှ် (ဒုတိယညွှန်ကြားရေးမှူး) စဵုမစပေန်ဇြေန်ရ။[၁]
ကမၠောန်ပရေင်ဂကူ ကု ပရေင်ဍုင်ကွာန်
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲ အကြာ သၞာံ ၁၉၇၈ - ၁၉၈၄ ဂှ် နာဲခေန်မေန် ကေတ်လဝ် တာလျိုင် ဥက္ကဋ္ဌ ၜါအလန် ပ္ဍဲ ကမ္မတဳလိက်ပတ်ယေန်သၞာင်မန် ဍုင်လ္ဂုင်၊ ပ္ဍဲ ကမ္မတဳမကၠောန်ဗဒှ် တ္ၚဲကောန်ဂကူမန် ဍုင်လ္ဂုင်ဂှ် နဒဒှ် ဒု-ဥက္ကဋ္ဌ ပန် အလန်။ ပ္ဍဲ ကမ္မတဳမသြိုင်ခၞံဇြပ်သဘင်ဓရ်မန် ဂှ် နဒဒှ် ဒု-ဥက္ကဋ္ဌကီု နဒဒှ် ဥက္ကဋ္ဌ ကေတ်လဝ်တာလျိုင်တုဲ အခိင်မကေတ်လဝ် တာလျိုင်ဥက္ကဋ္ဌ ပ္ဍဲ ကမ္မတဳလိက်ပတ်ယေန်သၞာင်မန် ဍုင်လ္ဂုင်ဂှ် ဗွဲကိုပ်ကၠာအိုတ် ပရေင်ဗ္တောန်လိက်မန် ပ္ဍဲ ကွာန်ရာပ်ကပေါဝ်၊ ပွိုင်ဍုင်တံင်ငူ ကိုပ်ကၠာအိုတ်ရ။[၁]
သၞာံ ၁၉၈၈ ပရေင်ကလိုက်ကမဵု အလုံဍုင် က္တဵုဒှ်တုဲ အခိင်ကာလ မဒက်ပ္တန် ဂကောံဒဳမဝ်ကရေသဳကောန်ဂကူမန် MNDF ဂှ် ယိုက်ဂၠေင်လဝ် ပ္ဍဲ ဂကောံကေင်ကာဗဟဵုတုဲ ဒှ် သကိုပ်ကေင်ကာကောန်ဍုင်အရင်ရ။ ပ္ဍဲ ပြည်ထောင်စုတိုင်းရင်းသားလူမျိုးများ ဒီမိုကရေစီအဖွဲ့ချုပ် မူဝါဒရေးရာကော်မတီဂှ် နဒဒှ် ကောန်ဂကောံ ကေတ်လဝ်တာလျိုင်ရ။ သၞာံ ၁၉၉၀ ကၠောန် သဘင်မာဲဂှ် လုပ်ဒုင်ရုဲစှ် စၞး ဂကောံဒဳမဝ်ကရေသဳကေန်ဂကူမန် ပ္ဍဲ ပွိုင်ဆန္ဒမာဲ စၟတ် (၂) ပွိုင်ဍုင်ကျာ်မြဟ်တုဲ ဂွံဇၞးကေတ် မာဲပေင်ပေင်ရ။ ဟိုတ်နူ မဒးဒုင်စုတ်စောဲဒုဟ် မဖျေဟ်ဗ္တောန် ပရေင်ဍုင်ကွာန်တုဲ သၞာံ ၁၉၉၁ ဂိတုနဝ်ဝေမ္ဗာ ဂှ် ဒးဒုင်ဖျေဟ် ဒုဟ်ထံင် ၁၂ သၞာံရ။ ဆဂး ဟိုတ်နူ ဗော်ဍုင်မန်တၟိ အာတ်မိက် ပ္ဍဲ အခိင်မပ္ညဳပ္ညပ် ပရေင်ဒေါအ်ပန်ပှ်ောဂှ်တုဲ သၞာံ ၁၉၉၄ ဂိတုမေဂှ် ဂွံဗၠးတိတ်ကၠုင် နူ ထံင်ရ။ ဂွံဗၠးတိတ် နူ ထံင်တုဲ ပါလုပ် ပ္ဍဲ ဂကောံပ္ညဳပ္ညပ် ပရေင်ဒေါအ်ပန်ပှ်ော အကြာ အလဵုအသဳပၞာန်ဗၟာ ကု ဗော်ဍုင်မန်တၟိကီုရ။[၁]
လအိတ်ဘဝ
[ပလေဝ်ဒါန် | ပလေဝ်ဒါန် တမ်ကၞက်]သၞာံ ၂၀၀၂ ဂိတုသေတ်တေမ္ဗာ ၂၉ ဂှ် ကလိဂွံ အာယုက် ၆၉ စုတိအာရ။ ပ္ဍဲ အခိင်ဂှ် ကောန်ဇာတ် ၆ တၠ သှ်ေၜက်ဒၟံင်ရ။[၁]