ခရေတ်ဝၚ်ယဝ်ဟာန် ၃
ခရေတ်ဝၚ်ယဝ်ဟာန် ၃
[ပလေဝ်ဒါန် | ပလေဝ်ဒါန် တမ်ကၞက်]၁ပ္ဍဲမၞိဟ်ယုဍတံဂှ် မဒှ်တလယၟုနိကဝ်ဍဳမာတ်မၞိဟ်ဖာရိသေဝ်မွဲမနွံရ။ ၂ညးဝွံ ပ္ဍဲပယာံဗ္တံဂှ် ကၠုၚ်ပ္ဍဲဇရေၚ်ယေသှုတုဲ။ တလအဲ။ နိမိတ်လက်သန်တဳလပိုန်မထၜးတံဂှ် အခေါၚ်ကျာ်ဂမျိုၚ်ဟွံမွဲတုဲ မူရဴညးမွဲဒဒှ်မထၜးဟွံမာန်ဂှ် ပိုဲဍိက်တံဗ္စာရဏာတုဲ တလအဲဝွံ ဒဒှ်မဒှ်အစာမက္ညကၠုၚ်နူကျာ်ဂမျိုၚ်ဂှ် တီအိုတ်ရ။ သာ်ဝွံ ပ္တီတုဲ။ ၃ယေသှုဂှ်လေ ညးဟွံဒုၚ်သၠးဂဗ္ဘဒုတိယျပသာ်ရောမ္ဂးဂှ်။ ဟွံဂွံညာတ်သန်ထာန်ကျာ်ဂမျိုၚ် သာ်ဝွံ အဲဟီုသ္ဍာံသၟတ်ရောၚ် သာ်ဝွံ ကလေၚ်တွံပၟိၚ်ရ။ ၄နိကဝ်ဍဳမာတ်ဂှ်လေ မၞိဟ်အယုက်မဇၞော်ဂှ် ပသာ်ဒုၚ်သၠးဂဗ္ဘမာန်ရော။ လုပ်ပ္ဍဲဂၞဴမိမွဲဝါပၠန်တုဲ ဒုၚ်သၠးဂဗ္ဘမာန်ဟာ သာ်ဝွံ ပ္တီရ။ ၅ယေသှုဂှ်လေ နကဵုဝိညာန်ဂှ်လေကီု နကဵုဍာ်ဂှ်လေကီု ညးဟွံဒုၚ်သၠးဂဗ္ဘမ္ဂးဂှ်။ ဟွံဂွံလုပ်ပ္ဍဲသန်ထာန်ကျာ်ဂမျိုၚ် သာ်ဝွံ အဲဟီုကဵုမၞးသ္ဍာံသၟတ်ရ။ ၆အရာမသၠးဂဗ္ဘ နကဵုဖျုန်ဂှ် ဒှ်ဖျုန်ရ။ အရာမသၠးဂဗ္ဘနကဵုဝိညာန်ဂှ် ဒှ်ဝိညာန်ရ။ ၇မဒးဒုၚ်သၠးဂဗ္ဘဒုတိယျရောၚ် သာ်ဝွံ ဒဒှ်အဲမဟီုဂှ် လ္ပဒှ်အံသဝ်ညိ။ ၈ကျာဂှ်လေ အတိုၚ်ပၟိက်မနွံဂှ် မလေပ်ကၠုၚ်အာရ။ ရမျှာၚ်ကျာဂှ် မၞးဂွံ မိၚ်ၜိုန်ဒှ်ကီုမူဒေသမကၠုၚ်။ မူဒေသမအာဂှ် တီဟွံမာန်။ ညံၚ်နဲသာ်ဂှ် ညးမသၠးဂဗ္ဘနကဵုဝိညာန်ဂှ် မဂွံဒှ်ရောၚ် သာ်ဝွံ တွံပၟိၚ်ရ။ ၉နိကဝ်ဍဳမာတ်ဂှ်လေ အရာတံဝွံ ပသာ်ဂွံဒှ်မာန်ရော သာ်ဝွံ ပ္တီပၠန်တုဲ ၁၀ယေသှုဂှ်လေ မၞးဝွံ ဒှ်ဒၟံၚ်အစာပ္ဍဲမၞိဟ်ဣသရေလတုဲ အရာတံဂှ် ဟွံတီဟာ ၁၁အဲဟီုဗွဲသၟတ်မ္ဂးဂှ် အဲညးတံဝွံ အရာဇကုမတီဂှ် မဟီုရ။ အရာဇကုမညာတ်ဂှ် မဒုၚ်သက်သဳရ။ ၜိုန်ဂှ်လေ ဂလာန်သက်သဳအဲညးမဒုၚ်ဂှ် မၞးတံဟွံဒုၚ်ကေတ်အိုတ် ၁၂အရာမဆေၚ်ကဵုတိဇၞော်ဂှ် အဲဟီုတုဲ မၞးတံဟွံပ္တေဟ်မ္ဂး။ ကာလအဲဟီုအရာမဆေၚ်ကဵုအကာသဂှ် မၞးတံဝွံ ပသာ်ပ္တေဟ်မာန်ရော။ ၁၃စှ်ေဒဒက်တဴနူဘုံအကာသတုဲ ဝေၚ်နူကောန်မၞိဟ်မနွံဒၟံၚ်ပ္ဍဲဘုံအကာသမွဲဇကုဂှ် ဆဗၞတ်ညးမွဲဟွံတိုန်ပ္ဍဲဘုံအကာသဏီရ။ ၁၄ဆညးမပ္တေဟ်တဳလပိုန်ဂှ် ဟွံစိုပ်လီုလာ်တုဲ တၞဟ်နသၟိက်ကဵုစိုပ်လမျီုထာဝရဂှ် ညံၚ်နဲမဝ်သေဝ်မတံၚ်ပ္တိုန်ဇြုံပ္ဍဲဂြိုပ်ဂှ် ကောန်မၞိဟ်ဝွံ ဒးဒုၚ်တံၚ်ပ္တိုန်ရောၚ်။ ၁၅ဟိုတ်မ္ဂးဂှ် ဆညးမပ္တေဟ်ကောန်ကျာ်အိုတ်သီုတံဝွံ ဟွံစိုပ်လီုလာ်မ္ဂး၊ ၁၆ဟိုတ်မ္ဂးဂှ် ဆညးမပ္တေဟ်ကောန်ကျာ်အိုတ်သီုတံဝွံ ဟွံစိုပ်လီုလာ်မ္ဂး လမျီုထာဝရဂှ် တၞဟ်နသၟိက်ကဵုဂွံတုဲ ကျာ်ဂမျိုၚ်ဝွံ ဒဵုကဵုမထောံကၠေံကောန်ဇကုဆမွဲဂှ် ဆာန်ကောန်လောကဳတံဂှ်ရ။ ၁၇ပ္ဍဲကောန်လောကဳတံဂှ် ကျာ်ဂမျိုၚ်ဝွံ သၟိက်ဂွံကဵုစဳရေၚ်ဒုဟ်တုဲ စကာဗလးနၚ်ကောန်ဇကုပ္ဍဲလောကဟွံသေၚ်။ ကောန်လောကဳတံဝွံ နကဵုတဳလပိုန်ညံၚ်ဂွံစိုပ်ဒဒှ်မဟံၚ်ပြာ်ဂှ် စကာဗလးနၚ်ရ။ ၁၈ဆညးမပ္တေဟ်တဳလပိုန်တံဝွံ ဒှ်မစဳရေၚ်ဒုဟ်ဟွံဒးဒုၚ်။ ညးဟွံပ္တေဟ်တံဝွံ နာမကျာ်ဆမွဲဇကုဂှ် ဟိုတ်ဟွံပ္တေဟ်တုဲ ပ္ဍဲလမုဟ်ဂှ်လေ ဒးဒုၚ်အစဳရေၚ်ဒုဟ်ရောၚ်။ ၁၉ဒဒှ်မဒးဒုၚ်အစဳရေၚ်ဒုဟ်မ္ဂးဂှ်။ လယးဝွံ လုပ်ပ္ဍဲလောကတုဲ မၞိဟ်ဂမၠိုၚ်တံဝွံ ဒ္ဂေတ် ဟွံခိုဟ်ဟိုတ်မဒ္ဂေတ်ဂှ်လောန်နူမသ္ဍိုက်မလိုက်ကဵုလယးဂှ် မလေပ်သ္ဍိုက်မလိုက်ကဵုဒမၠုဗွဲမလောန်အိုတ်ရ။ ၂၀ဆညးမဒ္ဂေတ်ဒ္ဂေတ်မယုတ်မာတံဝွံ က္ဍုဟ်မၠေံလယးတုဲ ပ္ဍဲဒ္ဂေတ်ဇကုဒဒှ်ဒုဟ်မနွံဂှ် ဟွံမိက်ကဵုပြာကတ်မ္ဂး ဟွံသြပ်ဖဍပ်ကဵုလယးအိုတ်ရ။ ၂၁ညးမဒ္ဂေတ်ဓဝ်သမ္မာမ္ဂးဂှ်။ ဒ္ဂေတ်ဇကုတံဝွံ ဒဒှ်မညဳသာကဵုပၟိက်ကျာ်ဂှ် သၟိက်ဂွံကဵုပြာကတ်တုဲ မလေပ်သြပ်ဖဍပ်ကဵုလယးအိုတ်ရောၚ် သာ်ဝွံ တွံပၟိၚ်ရ။ ၂၂ကြဴဂှ် ယေသှုဝွံ ကောံကုတွးတံမွဲစွံ ပ္ဍဲရးယုဍဂှ် က္ညအာတုဲ ပ္ဍဲဒေသတေံဂှ် ကောံကုတွးတံမွဲစွံဒၟံၚ်မ္ဂး ကဵုၜါတ္တိဇာံရ။ ၂၃ယဝ်ဟာန်ဂှ်လေ ညောန်ကဵုဍုၚ်သာလိၚ်။ ပ္ဍဲဒေသအေနုၚ်ဟိုတ်ဍာ်မဂၠိုၚ်ဂှ် ကဵုဒၟံၚ်ၜါတ္တိဇာံမ္ဂး မၞိဟ်ဗွဲမဂၠိုၚ်တံဝွံ ကၠုၚ်တုဲ ဒုၚ်ၜါတ္တိဇာံအိုတ်ရ။ ၂၄ပ္ဍဲကာလဂှ် ယဝ်ဟာန်ဝွံ ဟွံဒုၚ်ပၠုပ်ပ္ဍဲဂုက်ဏီ။
၂၅ပ္ဍဲကာလဂှ် တွးယဝ်ဟာန်ကဵုမၞိဟ်ယုဍတံဝွံ ပဟိုတ်ကဵုဒဒှ်မသ္အးဇ္ၚးတုဲ ဒဒှ်မကယျာန်ဓဝါတ်ဂှ် ဒှ်တဴအိုတ်ရ။ ၂၆ကၠုၚ်ပ္ဍဲဇရေၚ်ယဝ်ဟာန်တုဲရာပ်ၜါဲပ္ဍဲဇိုၚ်ၜဳယဝ်ဍာန်မွဲလ္ပာ်ဂှ် မနွံဒၟံၚ်မွဲစွံကဵုတဳလဂုန်ဂှ်ဒှ်တုဲ မၞိဟ်တဳလဂုန်မဒုၚ်သက်သဳဂှ် ကဵုဒၟံၚ်ၜါတ္တိဇာံရ။ ပ္ဍဲဇရေၚ်ညးဂှ် မၞိဟ်ဂမၠိုၚ်တံဝွံ အာအိုတ်ရ သာ်ဝွံ ပ္တီတုဲ ၂၇ယဝ်ဟာန်ဂှ်လေ ဟွံကဵုနူဘုံအကာသမ္ဂး မၞိဟ်ဝွံ ဆဗၞတ်အရာမွဲမွဲဂှ် ဒုၚ်ကေတ်ဟွံမာန် ၂၈အဲဝွံ ခရေတ်ဟွံသေၚ်။ ဒှ်ညးမစကာဗလးနၚ်ကၠာခရေတ်ရောၚ် သာ်ဝွံ ဒဒှ်အဲမဟီုဂှ် မၞးတံဒှ်သက်သဳအဲအိုတ်ရ။ ၂၉ညးမဂွံကောန်ဗြဴပကာဝါမ္ၚဵုဂှ် ဒှ်မၚ်ဗၠာဲပကာဝါမ္ၚဵုရ။ ဒၟံၚ်ဇရေၚ်မၚ်ဗၠာဲပကာဝါမ္ၚဵုတုဲ မိတ်သဟာဲမဂွံမိၚ်ဂလာန်ညးဂှ် နကဵုမဂွံမိၚ်ရမျှာၚ်ညးဂှ်တုဲ ဒှ်တဴအိုဟ်တမိုဟ်စိုတ်ရ။ ညံၚ်နဲသာ်ဂှ် ဒဒှ်မအိုဟ်တၟိုဟ်အဲဂှ် ဍိုက်ပေၚ်တဴရ။ ၃၀နာဲတေံဝွံ ဒးတောတက်ရောၚ်။ အဲမ္ဂးဂှ် ဒးဟုတ်အာရောၚ် ၃၁ညးမကၠုၚ်နူလတူဂှ် ဒှ်ကၞောတ်အလုံသီုဖအိုတ်ရောၚ်။ ညးမဒှ်နူတိဇၞော်ဂှ် ဆေၚ်စပ်ကဵုတိဇၞော်တုဲ အရာတိဇၞော်တံဂှ် မလေပ်ဟီုရ။ ညးမက္ညကၠုၚ်နူဘုံအကာသမ္ဂးဂှ် ဒှ်ကၞောတ်အလုံသီုဖအိုတ်ရ။ ၃၂အရာမမိၚ်အရာမညာတ်တံဂှ်လေ ဒုၚ်သက်သဳရ။ ဂလာန်ညးမဒုၚ်သက်သဳဂှ် ဆဗၞတ်ညးမွဲဟွံဒုၚ်ကေတ်။ ၃၃ဂလာန်ညးမဒုၚ်သက်သဳဆညးမဒုၚ်ကေတ်မ္ဂးဂှ် ဒဒှ်ကျာ်ဂမျိုၚ်မနွံကဵုသစ္စဂှ် တက်တဆိပ်တုဲရ။ ၃၄မၞိဟ်ကျာ်ဂမျိုၚ်မစကာဗလးနၚ်ဂှ် မလေပ်ဟီုဂလာန်ကျာ်ဂမျိုၚ်ရ။ ပ္ဍဲညးဝွံ ဝိညာန်ဟွံမွဲကဵုသၞောတ်ဗၜတ်ဂှ် ကျာ်ဂမျိုၚ်ဇိုန်ကဵုရ။ ၃၅မအံက်ဝွံ ဆာန်ကောန်တုဲ ဇၟာပ်အရာအိုတ်သီုတံဂှ် ပ္အပ်ကဵုပ္ဍဲတဲကောန်တုဲရ။ ၃၆ညးမပ္တေဟ်ကောန်တံဝွံ ဂွံလမျီုထာဝရရောၚ် ညးဟွံပ္တေဟ်ကောန်မ္ဂးဂှ် ဟွံဂွံညာတ်လမျီုရ။ ပ္ဍဲလတူညးတေံဂှ် ပၞောတ်ကျာ်တန်ဒၟံၚ်ရောၚ် သာ်ဝွံ ယဝ်ဟာန်မတွံရ။