ဂကူကၠက်ဂှ်သာသနာဟွံကၠေံကၠက်ပုဟ်
ဂကူကၠက်ဂှ် သာသနာဟွံကၠေံကၠက်ပုဟ် ဝွံ ဒှ်လိက်ပရေင် လညာတ်ဒဿန မွဲ မသ္ၚဳဂၠိပ် ထ္ၜးလဝ် ပရူ ပရေင်ဆက်စပ် အကြာ ပရေင်မင်မဲ ဂကူ၊ လိက်ပတ် ယေန်သၞာင် ကေုာံ ပရေင်သာသနာ ရ။
ဂကူ ကေုာံ ပရေင်ဗဂဵုလဟဵု
[ပလေဝ်ဒါန် | ပလေဝ်ဒါန် တမ်ကၞက်]ဂကူမွဲမွဲ ဂွံတိုန်တဴအာ ဍာ်ဇမၠိၚ်မာန်ဟီုဂှ် ဒးနွံကဵု သွာၚ်နာနာသာ်တုဲ ဆဂး ဘာသာ သာသနာ အရေဝ် လိက်ပတ် ယေန်သၞာၚ် အခိုက်ကၞာ ပြဝေဏဳမွဲ ဒးထ္ၜးသက်သဳ ပေၚ်ပေၚ်တုဲ ဂကူတံဂှ်လေဝ် ဗဂဵုလဟဵုအာ ဗီုကဵု အခိၚ်အခေတ် ကာလဒေသ ညံၚ်ဂွံဂတာပ်အခေတ် အိုတ်ရ။ ဟိုတ်ဒှ်သာ်ဂှ်တုဲ ယဝ်ရ ပ္ဍဲကဵုဂကူမွဲဂှ် စိုတ်စှ်ေ ဓဝ်ပတေဟ် ကဵုဖျုန်ဏာ လပါ် ပရေၚ်ကုသဵုကဵုဒါန် ဂၠိုၚ်လောန် ၜက်အာတုဲ ညးတံ ဝိုတ်တၠိၚ်ထောံ ဒးဗဂဵုလဟဵု ပရေၚ်ပညာ လိက်ပတ်ဂကူညးတံ အောန်အာဏောၚ်မ္ဂး ခြာဟွံလအ် ဒှ်ကၠုၚ် ပြသၞာ ပ္ဍဲဂကူညးတံ မာန်ရ။
သာသနာ ကေုာံ ပရေင်တန်တဴ
[ပလေဝ်ဒါန် | ပလေဝ်ဒါန် တမ်ကၞက်]ဂကူမွဲ ၜိုန်ရ ဒးနွံကဵု သာသနာကီုလေဝ် ယဝ်ရ သာသနာတဴတက် ဂကူဂှ် ဒးတဴအာလေဝ် ဟွံသေၚ်တုဲ၊ ယဝ်ရ ဂကူဂှ် ကၠက်ကၠေံအာ လ္တူဂၠးတိဏံကီုလေဝ် သာသနာ ဂကူမရှ်ေသှ်ေဒၟံၚ်ဂှ်လေဝ် ဆက်သှ်ေနွံအာမံၚ်ဏီတုဲ ဟိုတ်နူကဵု ဍုၚ်ညးတၞဟ်လေဝ် ရှ်ေသှ်ေဒၟံၚ် သာသနာတုပ်တုပ်ကီုတုဲ ညးတံလေဝ် ဆက်ဗဂဵုလဟဵု မၚ်မွဲအာပၠန်ရ။ ယဝ်ရ ပိုဲတံ စှ်ေကေတ်စိုတ် "သာသနာဂကူပိုဲမွဲတုဲ ယဝ်ပိုဲဟွံကၠောန် ဟွံမၚ်မွဲ ချိုတ်ချိုတ်ပၠိုတ်ပၠိုတ်မ္ဂး သာသနာကၠက်ဏောၚ်" စှ်ေကေတ်စိုတ် သာ်ဏံမ္ဂး ဗၠေတ်ကဵုဒဒိုက် ကဵုသွက်ဂကူဇကု ရ။
အဓိက လိက်ပတ် ကေုာံ ပရေင်ပညာ
[ပလေဝ်ဒါန် | ပလေဝ်ဒါန် တမ်ကၞက်]သာသနာ ၜိုန်ရ ဒှ်အဓိကကီုလေဝ် အရေဝ် လိက်ပတ်ဂကူဂှ် ဒှ်အဓိက ဂၠိုၚ်နူသာသနာဂှ်ဏီရ။ ဟိုတ်ဒှ်သာ်ဂှ်တုဲ ကဵုဒါန် သိုၚ်ဘာ ကၠောန်ကုသဵုဂှ် ခိုဟ်မံၚ်ရ၊ ဆဂး ယဝ်ရ ဓဝ်ပတေဟ် ပ္ဍဲကောန်ဂကူဂှ် မိက်ဂွံတိုန်ဍုၚ်သွဝ် စဴနိဗ္ဗာန် ကဵုဖျုန်လေပ်အာတုဲ ပရဲသွက်ဂကူမွဲ ဂွံဆက်သှ်ေအာ လ္တူဂၠးတိဏံမာန်ဂှ် ဟွံလောဲရ။
လပါ် ကုသဵုကဵုဒါန် သိုၚ်ဘာလေဝ် ထေက်ကဵု ဒးကၠောန်ၜိုတ်ထေက်ကြိုက်တုဲ လပါ် ပရေၚ်ပညာ ဂကူဇကုပၠန်လေဝ် သွက်ဂွံ ထိၚ်ဒက်မၚ်မွဲအာ လိက်ပတ် အရေဝ်ဂကူဇကုဂှ် ဒးကဵုဖျုန် ဂၠိုၚ်ဂၠိုၚ်တုဲ သာ်ဏံဟွံသေၚ်မ္ဂး ဂကူပိုဲ ကၠေံကၠက်အာ လ္တူဂၠးတိဏံမ္ဂး သာသနာ ပိုဲရှ်ေသှ်ေဒၟံၚ် တ္ၚဲဏံဂှ်လေဝ် ဆက်သှ်ေနွံအာ တၟာလအ် စဵုကဝ်တူကဝ်တိုန်တေံဏောၚ်။ ဟိုတ်ဂှ်ရ ဂကူကၠက်ဂှ် သာသနာဟွံကၠေံကၠက်အာပုဟ် ဂှ် စှ်ေကေတ်စိုတ်အိုတ်ညိ။
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- လိက်ပရေင်ဝွံ နိဿဲလဝ် ပ္ဍဲဘဝလၟေၚ်လၟေၚ်တ္ၚဲ ပူဂဵု မဒှ်ကီုရ။