ဂကောံမၞိဟ် သွက် သုတေသန
ဂကောံမၞိဟ် သွက် သုတေသန ဟွံသေင်မ္ဂး ပမာဏ မၞိဟ်မသ္ၚဳဂၠိပ်လ္ၚတ် (အၚ်္ဂလိက်: Population of the Study) ဟီုမ္ဂးဂှ် ပ္ဍဲကဵု သွာင် နဲကဲ သုတေသန (Research Methodology) မ္ဂး ဍေံ ဒှ် လၟိဟ် မၞိဟ်၊ သတ္တဝါ၊ အရာဝတ္ထု ဟွံသေင်မ္ဂး ပရူပရာ သီုဖအိုတ် မၞုံကဵု အင်္ဂလက္ခဏာ တုပ်သၟဟ် ရေင်သကအ် မဒှ် အရာ တၠပညာ သုတေသနတအ် မရန်တၟအ်လဝ် သွက်ဂွံ လ္ၚတ်သ္ၚဳဂၠိပ် ကေုာံ ကံက်ကေတ် သ္ဂုတ်သွာတ် ရ။
ဥပမာ - ယဝ်ရ မၞး မိက်ဂွံ ကၠောန် သုတေသန ပရူ "ပရေင်ပညာ ကွးဘာတက္ကသိုလ် ပ္ဍဲဍုင်သေံ" မ္ဂး၊ ကွးဘာတက္ကသိုလ် သီုဖအိုတ် ပ္ဍဲဍုင်သေံ ဂှ် ဒှ် "ဂကောံမၞိဟ် သွက် သုတေသန" (Population) ရ။
ပွမပါ်ခြာ အကြာ ဂကောံမၞိဟ် (Population) ကေုာံ နမူနာ (Sample)
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲကမၠောန် သုတေသန ဇေတ်ဇေတ်မ္ဂး ပွမလ္ၚတ်သ္ၚဳဂၠိပ် ဂကောံမၞိဟ် သီုဖအိုတ် (Population) ဂှ် ဒှ်ဟွံမာန် (ဟွံသေင်မ္ဂး) အိုတ် အခိင် ကေုာံ သြန် ဗွဲမလောန်ရ။ ဟိုတ်ဂှ်ရ တၠပညာတအ် ဒးရုဲစှ်ကေတ် နမူနာ (Sample) ရ။
- Population (ဂကောံမၞိဟ် အလုံအိုတ်သီု): ဂကောံ ဇၞော်အိုတ် မၞိဟ် ဇကု မမိက်ဂွံ လ္ၚတ်။ (ဥပမာ - ကွးဘာတက္ကသိုလ် သီုဖအိုတ် ပ္ဍဲဍုင်သေံ)
- Sample (နမူနာ ဟွံသေင်မ္ဂး ဂကောံမၞိဟ်စၞး): ဂကောံသၟတ် မရုဲစှ် တံင်ကေတ် နူကဵု ဂကောံဇၞော်ဂှ် သွက်ဂွံ ကၠောန် သုတေသန တပ်တပ်။ (ဥပမာ - ကွးဘာ ၅၀၀ တၠ နူ တက္ကသိုလ်မွဲမွဲ)
ကိစ္စဇၞော် (Importance)
[ပလေဝ်ဒါန် | ပလေဝ်ဒါန် တမ်ကၞက်]ပွမစၟတ်သမ္တီ "ဂကောံမၞိဟ် သွက် သုတေသန" ကၠးကၠးဖ္ဍးဖ္ဍးဂှ် ကိစ္စဇၞော် ဗွဲမလောန် ပ္ဍဲအရာ-
- ပွမချူ ဒါန် လိက်စၞောန် (Writing Abstract): သွက်ဂွံ ထောံထ္ၜး ကဵု ညးဗှ်လိက်တအ် ညံင်ဂွံ တီ ဒဒှ်ရ သုတေသန ဏအ် လ္ၚတ်လဝ် လတူ ညးလဵု၊ ဌာန်ဒေသလဵု ကေုာံ ဗီုလဵု မကံက်ကေတ်လဝ် နမူနာ ရ။
- ပွမရုဲစှ် နဲကဲ (Selecting Methodology): ရီုဗင် သွက်ဂွံ ဖျေံသ္ဂုတ်သွာတ် နဲကဲ ဗီုလဵု ဂွံ ပကောံ တင်ဂၞင် (Data Collection) မပ္တံကဵု ပွမသၟာန်သွဟ် (Interview) ဟွံသေင်မ္ဂး ပွမစကာ လိက်သၟာန် (Questionnaire)။
- ပွမဖျေံ သ္ဂုတ်သွာတ် (Generalization): သွဟ် မကလိဂွံ နူကဵု သုတေသန ဂှ် ဍေံ ဒးကိတ်ညဳ ကေုာံ ဆက်စပ်ဒၟံင် ကု ဂကောံမၞိဟ် အလုံအိုတ်သီု မာန်ရ။
လၟေင်ကမၠောန် ပွမစၟတ်သမ္တီ (Steps to Define Population)
[ပလေဝ်ဒါန် | ပလေဝ်ဒါန် တမ်ကၞက်]- စၟတ်သမ္တီ တင်ရန်တၟအ် သုတေသန ဇကု (Research Objectives) ကၠးကၠး။
- ပါ်ခြာ အင်္ဂလက္ခဏာ မၞိဟ် ဇကု မိက်ဂွံ လ္ၚတ် (ဥပမာ - အာယုက်၊ ပရေင်ပညာ၊ ဒေသ)။
- ရုဲစှ် နဲကဲ ကံက်ကေတ် နမူနာ (Sampling Technique) မစှ်ေသၞောတ်ဝ် ကေုာံ မကိတ်ညဳ ကု ပရေင်သုတေသန ဇကု။