ဂ​​ကောံဆက်စၠောံပ​ရေၚ်ပညာမန်

နိဒါန်

ဂကောံဆက်စၠောံပရေင်ပညာမန် (Mon Education Network) ဝွံဒက်ပ္တန်လဝ်ပ္ဍဲသၞာံ ၂၀၀၇ တေံရ။ ကွးဘာမန်ဂမၠိုၚ် မတိုန်စပ်ကတ်လ္ၚတ်ဒၟံၚ်ပညာ ပ္ဍဲတက္ကသဵုဍုၚ်သ္အာၚ် (ကၟိန်ဍုၚ်သေံဗွဲတၟေၚ်) ပံၚ်ကောံရေၚ်သ္ကအ်တုဲ ပံက်ပ္တန်လဝ်ဂကောံဝွံရ။ ကြဴနူအလဵုအသဳတၠအဝဵုပၞာန်သီအဝဵုပ္ဍဲသၞာံ ၁၉၆၂ တေံတုဲ သၞောတ်ပရေၚ်ပညာဍုၚ်ပိုဲ မဒးဇီုကပိုက်ကဵုပြသၞာနာနာသာ်ရ။ ပရေၚ်ပညာဍုၚ်လီုလာ်တသိုတ်စှ်ေအာ ဗဒှ်ကဵုဖဵုပရေံပရေံ ကာဲလောန်နူဗၞတ်တုဲ ကွးဘာတအ် သၟတ်တအ်ဗွဲမဂၠိုၚ်ဂၠၚ် မဒးတိတ်အာနူကၟိန်ဍုၚ် သွက်ဂွံဂၠာဲလ္ၚတ်ပညာဍုၚ်သ္အာၚ်အိုတ်ရ။ အဆက်ဖဵုဝွံ သၟတ်မန်တအ်လေဝ် စွံတၚ်ရန်တၟအ် နကဵုသွအ်လ္ပအ်တိတ်အာဍုၚ်သ္အာၚ်သွက်ကတ်လ္ၚတ်ကေတ်နကဵုပရေၚ်ပညာခိုဟ်ခိုဟ်ကီုရ။ ၜိုန်ဂှ်လေဝ် ဟိုတ်နူဒှ်အခက်အခုဲ ကုပရေၚ်ကၠောံက္ဍစပ်ကဵုပရိုၚ်တၚ်ဂၞေၚ် စပ်ကဵုအခေါၚ်ကတ်လ္ၚတ်ပရေၚ်ပညာကီု၊ ဂၠံၚ်တရဴအဆက်ပရေၚ်ပညာကီု၊ သြန်ထံက်ပၚ်ကတ်လ္ၚတ်ပညာကီုတုဲ သၟတ်တအ် မဒးဆောံလေၚ်ဒၟံၚ် တၚ်ရန်တၟအ်စပ်ကဵုကတ်လ္ၚတ်ပညာဍုၚ်သ္အာၚ် အိုတ်ရ။ ဟိုတ်ဒှ်သာ်ဂှ်ရ မဒး ဒက်ပ္တန်လဝ် ဂကောံဆက်စၠောံပရေင်ပညာမန် သွက်ရီုဗၚ်ဖ္ဍိုက်ဗပေၚ်တၚ်နွံပၟိက်ပါ်လညာတ်ပရေၚ်ပညာ သွက်သၟတ်မန်တအ် သ္ဂောံကလိဂွံ အခေါၚ်ကတ်ပညာအဆံၚ်စိုပ်ပ်မာန် ရောၚ်။

သွပ်လ္ပအ် (Vision)

သ္ဂောံဇၞော်ပၟဝ်သမၠုၚ်အာဗွိုဟ်မၞိဟ်ပိုဲ နကဵုကဏ္ဍပရေၚ်ပညာ

တၚ်ရန်တၟအ်

-     သ္ဂောံသမၠုၚ်ပတိုန်ပရေၚ်ပညာကေုာံဗဟုသုတ သွက်ဂကူမန် နကဵု ပါ်ပရအ်အာ လညာတ်တၚ်ဂၞေၚ်စပ်ကဵုကတ်လ္ၚတ်ပညာတက္ကသဵုဍုၚ်သ္အာၚ် (To improve education and knowledge to the Mon people by sharing information essential for higher education institutions enrollment.)

-     သ္ဂောံပံၚ်တောဲရီုဗၚ်အာ ပရေၚ်ပညာကောန်ၚာ် ကေုာံ သၟာကမၠောန်မဆုဲပြံၚ် (To conduct educational training to the migrant children and workers by coordinating with other partners.)

-     သ္ဂောံမၚ်မွဲဇၞော်ပၟဝ်အာလိက်ပတ်ယေန်သၞာၚ်မန် (To maintain and promote our culture and literature.)

-      သ္ဂောံမၚ်မွဲဇၞော်ပၟတ်အာ ပရေၚ်ညဳသာသၟဟ်န်အကြာဂကူမန်အလုံလိုက် ( To maintain and promote unity among the Mon people around the world.

တဆိပ်ဂ​ကောံ

တဆိပ် ဂကောံဆက်စၠောံပရေၚ်ပညာမန် (Logo and stamp of Mon Education Network)