စန္ဒကိန္နရဳဇာတ်

စန္ဒကိန္နရဳဇာတ် (အၚ်္ဂလိက်: Candakinnara Jātaka (No.485)) ဗောဓိသတ်ဒှ်ကိန္နရဳဝွံ ပၞောဝ်ကဵု ဇာတ် ၅၅၀ ဂှ် ဒှ်ဇာတ် မရနုက်ကဵု ၄၈၅ မဒှ်ဇာတ် ကိန္နရဳတြုဟ် ဗြဴၜါ ပဟိုတ်နူကဵု ရမ္သာင်ဒယှ်ေဒွက် ကိန္နရဳဗြဴတုဲ သီုညးၜါ ဒးဘဲတ္ၚလဴလၟရ၊၊ အတိုင်သုတ်ဇာတ်မ္ဂး ကျာ်တြဲသဗ္ဗညုမစိုန်ဒှ်တဴ အ္စာမၞိဟ်ဒေဝတဴဂမၠိုၚ် နိဿဲကဵုဍုၚ်ကပိလဝှ်တုဲ ဃောမပဒတဴ ပ္ဍဲဘာနိဂြောဓရာံ ပ္ဍဲနန်မအံက်သၟိၚ်ဇၞော် သုဒ္ဓေါဒန ပဟိုတ်ကဵုမိရာဟုလတုဲ တွံတဴစန္ဒကိန္နရဳဇာတ်ဝွံရောၚ်။

ဝတ္ထုပစ္စုပ္ပန်

စန္ဒကိန္နရဳဇာတ်ဝွံတုန် ပပ္တမ်နူဒူရေနိဒါန်တုဲ စိုန်ဂပ်ဝ်သ္ဂးရ၊ ဂလာနိဒါန်ဂှ် ပ္ဍဲဥဒျာန်ဂြိုပ်တာ စဵုကဵုသဳနာဒဥရုဝေလကဿပမှာထေရ် စိုန်သ္ဂးလဝ် ပ္ဍဲအပဏ္ဏကဇာတ်ရ၊ ကြဴနူသဳဟနာဒဂှ် စဵုကဵုမက္ညအာဍုၚ်ကပိလဝှ် ပ္ဍဲဇာတ်ဝေဿန္တရ် ကြက်ပြာကတ်ရ။

ပိုဒ်ဂုဏ်ယသောဓရာဂမၠိုၚ်

ကျာ်တြဲသဗ္ဗညုတုန်- မၚ်ပ္ဍဲနန်မအံက်သၟိၚ်ဇၞော်သုဒ္ဓေါဒနတုဲ ပ္ဍဲအခိၚ်အကြာမကဵုပိုန် တွံဇာတ်မဟာဓမ္မပါလရ၊ ကဵုပိုန်တုဲ မံၚ်ပ္ဍဲနန်မိရာဟုလတုဲ နကြဳဟီုဂုဏ်မိရာဟုလနေဝ် ကြက်တွံစန္ဒကိန္နရဳဇာတ်ရ၊ ရဴဝွံချပ်တုဲ ကဵုမအံက်သၟိၚ်ဇၞော်သုဒ္ဓေါဒန ဂိုၚ်ကေတ်ဗဗေၚ်တုဲ မွဲဟာန်ကေုာံ အဂ္ဂသာဝကၜါဂမၠိုၚ် က္ညအာဒၞဲါဒၟံၚ်မိရာဟုလရ၊ ကာလဂှ် ညးဗြဴလှ်ေပန်မဟာလ္ၚီမဒှ်ဇၞော်ဂမၠိုၚ်ကီု ပၞောဝ်ညးဗြဴပန်မဟာလ္ၚီဂမၠိုၚ်ဂှ် ကောန်သၟိၚ်ဗြဴလ္ၚီဒ္စိတ်စှော်ဂမၠိုၚ်ကီု မံၚ်ဇရေၚ်မိရာဟုလအိုတ်ရ။ မိရာဟုလတီဒဒှ်ကျာ်တြဲ သဗ္ဗညုက္ညကၠုၚ်တုဲ အလုံညးဗြဴဂမၠိုၚ်အိုတ်သီု ကဵုဂဟဵုလ္တက်ယာတ်ဍာ်လွံက်အိုတ်ညိ၊ ရဴဝွံစကာဏာကဵုဟီုကုညးဗြဴဂမၠိုၚ်ကီုရ၊ ညးဗြဴဂမၠိုၚ်ဂှ်ကီုလေဝ် အတိုၚ်မိရာဟုလဟီုသ္ပအိုတ်ရ။

ကျာ်တြဲသဗ္ဗညုက္ညကၠုၚ်တုဲ ဂဇအ်ဒၟံၚ်ပ္ဍဲသၞာမဂပ်ဝ်လးလဝ်ရ၊ ကာလဂှ် အလုံညးဗြဴဂမၠိုၚ်အိုတ်သီုဂှ် မွဲဒမြိပ်ဓဝ် နရိုအ်ယာံတဴအိုတ်ရ၊ ရမျှာၚ်နရိုအ်ယာံဇၞော်က္တဵုဒှ်ရ၊ မိရာဟုလကီုလေဝ် နရိုအ်ယာံတုဲ ဗွဲမပဲါကၠေံ ပွမစံၚ်တူသီုမလ္ၚောဝ်တဴကျာ်တြဲ နမပူဇဴသၞေံသၞဴမွဲဟာန် ရှ်ေသှ်ေရဴဂဴမံၚ်တဴပ္ဍဲနန်ရ။ မအံက်သၟိၚ်ဇၞော်သုဒ္ဓေါဒန ပ္တိတ်ဇြဟတ်တၞဟ်နဟီုဂုဏ်မိရာဟုလရ။ ယွံတၠဳပိုန် ကောန်ဂအှ်အဲဍိက်တၠဳပိုန်တံ ဗိုက်လ္တက်ယာတ်ဍာ်လွံက်အိုတ်ရ။ ရဴဝွံနကြဳမိၚ်နေဝ် ဂဟဵုလ္တက်ယာတ်ဍာံလွံက်ရ။ သၠးကၠေံမပ္တံစရှ်ဝက်ပ္ကဴသဴဂမၠိုၚ်ရ၊ မိၚ်တိက်ပ္ဍဲတိရှ်ေတိက်ပ္ဍဲတိကီုရ။ ပ္ဍဲကာလတၠဳပိုန်မပကၠေံခမဳ ဒှ်ဗြဴကၟာဲတုဲ ဟွံဂိုၚ်ကေတ်သၟိၚ်သ္အာၚ်ဂမၠိုၚ် ကဵုပလံၚ်နၚ်ပရၚ်ကၟာဲရ၊ ရဴသာ်ဝွံဟေၚ် ကောန်ဂအှ်အဲဍိက် မၞုံစိုတ်ဟွံခ္ဍေပ်ကဝေန်ပ္ဍဲတၠဳပိုန်တံရကျာ်၊ ရဴဝွံ ဟီုတဴဂလာန်ဂုဏ်မိရာဟုလ နတၟေၚ်ဟ်ဂမၠိုၚ်ရ၊ ကျာ်တြဲသဗ္ဗညုတုန်- ယွံသၟိၚ်ဇၞော်မပြဲ မိရာဟုလဝွံ ပ္ဍဲဇကုအဲမဒှ်လအိတ်ဘဝ ပွမသ္ဍိုက်ဆာန်ပ္ဍဲအဲ ဟွံမွဲကဵု စိုတ်ခ္ဍောပ်ကဝေန်ညးသ္အာၚ်ဂမၠိုၚ် ရၚ်တၠုၚ်ဏာဟွံမာန် ၜိုန်ဟဂပ်ဝ်အမ်သမ်ဏီ ပ္ဍဲကာလတမၠာတံ ဒှ်ပ္ဍဲဂကူတိရစ္ဆာန်တုဲကီုလေဝ် စိုတ်ဟွံခ္ဍောပ်ကဝေန်ပ္ဍဲအဲ ညးသ္အာၚ်ဂမၠိုၚ်ရၚ်တၠုၚ်ဏာဟွံမာန် ကေၚ်ဒှ်တုဲရ၊ ရဴဝွံ သ္ဂးတုဲ မအံက်သၟိၚ်ဇၞော်သုဒ္ဓေါဒန အာတ်ပၚ်မှိၚ်တုဲ ဇက်နၚ်ဇာတ်အတိက်ရ။

ဝတ္ထုအတိက်

ပ္ဍဲကာလအတိက်တေံ ဍုၚ်ဗာရာဏသဳ သၟိၚ်ဗြဟ္မဒတ္တနကြိ ပ္ကၚ်ရၚ်ဍုၚ်နေဝ် ဗောဓိသတ်က္တဵုဒှ် ပ္ဍဲဂကူကောန်ခၞောဝ် ပ္ဍဲဌာန်ဂြိုဟ်ဟေမဝန်ရ၊ သမ္ဘာဗောဓိသတ်ဂှ် မၞုံယၟုစန္ဒာရ၊ ကောန်ခၞောဝ်ၜါဂှ်ကီုလေဝ် မံၚ်တဴပ္ဍဲဒဵုသြန် မၞုံယၟုစန္ဒ အိုတ်ရ။

သၟိၚ်ဇၞော်ဍုၚ်ဗာရာဏသဳ တိတ်ဂ္ၚောၚ်ဂြိုပ်

ကာလဂှ် သၟိၚ်ဍုၚ်ဗာရာဏသဳ ပအပ်ဍုၚ်ကုအမာတ်ဂမၠိုၚ်တုဲ ဗိုက်လ္တက်ကေတ်ယာတ်ဍာ်လွံက်ၜါတုဲ သီုမဒွက်တဴလွဟ်ဂမၠိုၚ် မသုန်သာ် ညးမွဲဓဝ်လုပ်အာဂြိုပ် ဟေမဝန်ရ၊ သၟိၚ်ဍုၚ်ဗာရာဏသဳဂှ် သီုမစတဴဖျုန် ကွာ်ဗက်အာဗလဲကြုၚ်သၟတ်မွဲ တိုန်အာကြုၚ်လ္ပာ်လ္တူရ။

ဗီုကောန်ခၞောဝ်ဂမၠိုၚ်မံၚ်

ကောန်ခၞောဝ် မပဒတဴ ပ္ဍဲဒဵုစန္ဒဂမၠိုၚ် ပ္ဍဲကာဗြဲဟွံစှ်ေတုဲ ပ္ဍဲဒဵုဟေၚ် မံၚ်တဴအိုတ်ရ၊ ပ္ဍဲကာလက္ညၚ် စှ်ေနူဒဵုအိုတ်ရ၊ ပ္ဍဲကာလဂှ်ကီုလေဝ် စန္ဒကိန္နရဳမွဲဟာန် ကေုာံ သမ္ဘာဇကု စန္ဒကိန္နရဳ စှ်ေနူဒဵုတုဲ ပ္ဍဲဒၞာဲဂှ်ဂှ် သီုမလံက်လေတ်ကြက်စၠန် ပ္ဍဲဒၞဲါဂှ်ဂှ် သီုမစတဴထၞိက်ကသဵုပ္ကဴ သီုမဗိုက်လ္တက်ဂၠိက်ယာတ်ပ္ကဴ သီုမဝေၚ်တဴ နမပ္တံ သရေၚ်ကောန်ဇာဇုက်လွာဂမၠိုၚ် သီုမဒယှ်ေတဴ နရမျှာၚ်မသာယာ ကာလစိုပ်ကြုၚ်သၟတ်ဂှ် စှ်ေပ္ဍဲဒၞဲါတ္ၚံက်ကြုၚ်မွဲတုဲ သီုမဂြာတ်ပရးပ္ကဴပ္ဍဲဍာ် ဝေၚ်ဍာ်တုဲ သီုမဗိုက်လ္တက်ယာတ်ပ္ကဴဂမၠိုၚ် လးသၞာပ္ကဴပ္ဍဲဂၠးပ္တီ မတုပ်ကေုာံသာ်တၞးသြန်တုဲ သီုမရပ်လဝ်ဒုန်ခ္ၜောမ်မွဲ တိက်ပ္ဍဲသၞာသ္တိက်ပ္ကဴတုဲ ကြဴနူဂှ် ကောန်ခၞောဝ်စန္ဒ သီုမတက်တဴဒုန်ခ္ၜောမ် ဍေၚ်ဒုန်ဒယှ်ေတဴနရမျှာၚ်မသာယာရ။ ကောန်ခၞောဝ်ဗြဴစန္ဒ လ္ၚောဝ်ဏာတဲမဍိုန်ၜတ်တုဲ သီုမဒတဴဒၟံၚ်ဗ္ဒာဲကောန်ခၞောဝ်တြုံ စန္ဒလေဝ်လှ်ေရ၊ ဒယှ်ေလေဝ်ဒယှ်ေရ။

ကောန်ခၞောဝ်တြုံဒးလဴ

သၟိၚ်ဍုၚ်ဗာရာဏသဳဂှ် မိၚ်ရမျှာၚ်ကောန်ခၞောဝ်ဂမၠိုၚ်ဂှ် ဟွံကဵုမိၚ်ဗရုရမျှာၚ်ဇိုၚ်အာသာသာတုဲ သီုမဒတဴဒၟံၚ်ပ္ဍဲဒၞဲါအောပ်ဗ္ဒန် ညာတ်ကောန်ခၞောဝ်ဂမၠိုၚ်ဂှ် မၞုံစိုတ်ထၞေန်စပ်အာပ္ဍဲကောန်ခၞောဝ်ဗြဴတုဲ ပန်ကၠေံကောန်ခၞောဝ်တြုံဂှ် ကဵုအာစိုပ်အိုတ်လမျီုတုဲ ကြက်မံၚ်မွဲဟာန် ကေုာံ ကောန်ခၞောဝ်ဗြဴဝွံရ၊ ရဴဝွံချပ်တုဲ သီုမဒတဴဒၟံၚ် ပန်ကောန်ခၞောဝ်တြုံစန္ဒရ၊ ကောန်ခၞောဝ်တြုံစန္ဒဂှ် အာစိုပ်ဝေဒနာတုဲ သၟိက်နရိုအ်ယာံ သ္ဂးတိုန်ပန်ဂါထာဂမၠိုၚ်ဝွံရ။

၁၈။ ဥပနိယျတိဒံမညေ၊ စန္ဒေလောဟိတမဒ္ဒေန။

အဇ္ဇဇဟာမိဇဳဝိတံ၊ ပါဏာမေစန္ဒေ နိရုဇ္စျန္တိ။

၁၉။ သြသဋ္ဌိမေဒုက္ခံ ဟဒယံ၊ မေဍယှေတ နိတမ္မာမိ။

တဝစန္ဒိယ သောစန္တိယာ၊ နနံအညေဟိ သောကေဟိ။

၂၀။ တိဏမိဝ ဝနမိဝ မိလာယာမိ၊ နဒဳအပရိပုဏ္ဏာဝသုဿာမိ။

တဝစန္ဒိယာ သောစန္တိယာ၊ နနံအညေဟိ သောကေဟိ။

၂၁။ ဝဿံဣဝသရေပါဒေ၊ ဣမာနိအဿူနိ ဝတ္တရေမယှံ။

တဝစန္ဒိယာသောစန္တိယာ၊ နနံအညေဟိ သောကေဟိ။

၁၈၊ စန္ဒေ၊ ယွံၝောံစန္ဒ။ လောဟိတမဒ္ဒေန၊ ဗွဲမလံက်လေတ်တဴနဆီ၊ ဣဒံ၊ ၚ်လမျီုအဲဝွံ၊ ဥပနိယျာတိမညေ၊ ညံၚ်ရဴမရံၚ်တၠုၚ်ဏာ ပွမပိုတ်ရောၚ်သွံ။ အဇ္ဇ၊ ပ္ဍဲတ္ၚဲဝွံ၊ ဇဳဝိတံ၊ န်လမျဳု။ ဇဟာမိ၊ ပ္ဍံဒးသၠးရုဂဒ္ဒ၊ မညာမိ၊ ပ္ဍဲအဲစၟတ်သမ္တီရ၊ စန္ဒေ၊ ယွံၝောံစန္ဒာ။ မေ၊ ဒဒက်တဴအဲ၊ ပါဏာ၊ ၚ်လမျီုဂမၠိုၚ်၊ နိရုဇ္ဇျန္တိ၊ ညံၚ်ရဴမပၠိုတ်ရောၚ်သွံ။

၁၉။ စန္ဒေ၊ ယွံၝောံစန္ဒာ။ မေ၊ ဒဒက်တဴအဲ။ ဇဳဝိတံ၊ ၚ်လမျီု။ သြသဋ္ဌိ၊ စိုန်ဗၠိုက်ရ။မေ၊ ကုအဲ။ ဒုက္ခံ၊ စိုန်ဒှ်ဒဒိုက်ရ။ မေ၊ ဒဒက်တဴအဲ။ ဟဒယံ၊ န်ဖျုန်ဂြိုဟ်။ ဍယှတေ၊ ပ္ဍံတူရ၊ နိတမ္မာမိ၊ ပ္ဍံဍောၚ်ၜိုတ်ဗွဲမလောန်ရ။ နံဒုက္ခံ၊ ၚ်ဒဒိုက်ဂှ်။ သောစန္တိယာ၊ ဍေံကြက် မစံၚ်တူ ဟိုတ်နူမပြးဆာဲ ကေုာံ အဲ။ စန္ဒိယာ၊ ဍေံမဂွံယၟုစန္ဒဳ၊ တဝ၊ ဒဒက်တဴတၠအဲ။ သောကဟေတု၊ ဟိုတ်နူဟိုတ်မတွံဂး သောက။ ဟောတိ၊ ပ္ဍံဒှ်၊ အညေဟိ၊ ဍေံမသ္အာၚ်အာအိုတ်၊ သောကေဟိ၊ ဟိုတ်နူပွမစံၚ်တူ၊၊ နဟောတိ၊ ပ္ဍံဟွံဒှ်ရ။

၂၀၊ တိဏမိဝ၊ ညံၚ်ရဴချောဲကၟတ် မဂပ်ဝ်ဗဗိုတ်ကၠတ်စုတ် ပ္ဍဲတၟံဂမ္တဴကီု၊ ဝနမိဝ၊ ညံၚ်ရဴဂြိုပ်ချောဲဂြိုပ်ဗပိုဟ်ကီု။ မိလာယာမိ၊ ပ္ဍဲဒးအေဲဇြရ။ အပရိပုဏ္ဏာ၊ ဍေံမၞုံဍာ်ဟွံပေၚ်။ နဒဳဣဝ၊ ညံၚ်ရဴကြုၚ်ကီု၊ သုဿာမိ၊ ကြက်ဒးသကှ်ဇတ်ရ၊ နံဒုက္ခံ၊ ၚ်ဒဒိုက်ဂှ်၊ သောစန္တိယာ၊ ဍေံဒမကြက်စံၚ်တူ ဟိုတ်နူမပြးဆာဲ ကေုာံ အဲ၊ စန္ဒိယာ၊ ဍေံမၞုံစန္ဒီ၊ တဝ၊ ဒဒက်တဴတၠအဲ။ သောကဟေတု၊ ဟိုတ်နူဟိုတ်မတွံဂး ပွမစံၚ်တူ။ ဟောတိ၊ ပ္ဍံဒှ်ရ။ အညေဟိ၊ ဍေံမသ္အာၚ်အာအိတ်။ သောကေဟိ၊ ဟိုတ်နူမစံၚ်တူဂမၠိုၚ်။ နဟောတိ၊ ပ္ဍံဟွံဒှ်ရ။

၂၁။ ပါဒေ၊ ပ္ဍဲဇိုၚ်ဒဵု။ သရေ၊ ပ္ဍဲအၚ်လှာ၊ ဝဿံဣဝ၊ ညံၚ်ရဴဇၟောဝ်ဗြဲမဂူ ဟွံပိုတ်သ္ကုတ်ကီု။ မယှံ၊ ကုအဲ၊ ဣမာနိ အဿူနိ၊ ၚ်ဍာ်ရမတ်ဂမၠိုၚ်ဝွံ၊ ဝတ္တရေ၊ စိုန်ဒှ်အိုတ်ရ၊ နံဒုက္ခံ၊ ၚ်ဒဒိုက်ဂှ်။ သောစန္တိယ၊ ဍေံဒမကြက်စံၚ်တူ ဟိုတ်မစာ်စ္ဍးအာနူအဲ၊ စန္ဒိယာ၊ ဍေံမၞုံယၟုစန္ဒဳ။ တဝ၊ဒဒက်တဴတၠအဲ။ သောကဟေတု၊ ဟိုတ်နူဟိုတ်မတွံဂး ပွမစံၚ်တူ၊ ဟောတိ၊ ပ္ဍံဒှ်ရ။ အညေဟိ၊ ဍေံမၞုံယၟုစန္ဒဳ။ တဝ၊ ဒဒက်တဴတၠအဲ။ သောကဟေတု၊ ဟိုတ်နူဟိုတ်မတွံဂး ပွမစံၚ်တူ၊ ဟောတိ၊ ပ္ဍံဒှ်ရ။ အညေဟိ၊ ဍေံမသ္အာၚ်အာအိုတ်။ သောကေဟိ၊ ဟိုတ်နူပွမစံၚ်တူဂမၠိုၚ်၊ နဟောတိ၊ ပ္ဍံဟွံဒှ်ရ။

ဗောဓိသတ်ကောန်ခၞောဝ်ဂှ် နရိုအ်ယာံနဂါထာဝွံတုဲ သီုမသ္တိက်ဒၟံၚ်ပ္ဍဲဖုန်ပ္ကဴဟေၚ် သတိတိတ်ဗၠးတုဲ၊ ပၠောဇကုရ။ သၟိၚ်ကီုလေဝ် သီုမဒတဴဒၟံၚ်ဟေၚ် မံၚ်တဴရောၚ်။

ဗီုကောန်ခၞောဝ်ဗြဴ နရိုအ်ယာံလက်ဆဴ

ကောန်ခၞောဝ်ဗြဴစန္ဒာဂှ် ဃောဗောဓိသတ်နရိုအ်ယာံဒၟံၚ် ဟိုတ်မာဲဒၟံၚ် နလဟိၚ်ဇကုတုဲ ဒဒှ်ဗောဓိသတ် ဒးလဴဂှ်ဟွံတီ၊ ညာတ်ကောန်ခၞောဝ်တြုံတိက်ပၠောဒၟံၚ်ဇကုတုဲ တြုံတၠသ္ၚိသ္ဍိုက်ဆာန်အဲ မူဒဒိုက်မဒှ်ရော၊ နကြိစမ်ၜတ်ရံၚ်နေဝ် ညာတ်ဆီဒဇူနူပါၚ်သရလဴတုဲ တၞဟ်နအေၚ်ဒုၚ် ပွမစံၚ်တူဇၞော်ကဵုဒြဟတ် မက္တဵုဒှ်ပ္ဍဲတၠသ္ၚိသ္ဍိုက်ဆာန် ဟွံသၟဟ်စောံတုဲ၊ နရိုဟ်ယာံတဴနရမျှာၚ်မသ္ကာတ်မြဟ်ရ၊ သၟိၚ်ချပ်- ကောန်ခၞောဝ်တြုံချိုတ်အာသဒှ်ရ၊ ရဴဝွံကၠုၚ်တုဲ ထ္ၜးဇကုရ၊ ကောန်ခၞောဝ်ဗြဴစန္ဒညာတ်သၟိၚ်ဍုၚ်ဗာရာဏသဳတုဲ ညးကမၠတ်ဝွံ ပန်ထောံတၠသ္ၚိအဲသ္ဍိုက်ဆာန်သဒှ်ရ၊ ရဴဝွံ သီုမဒဇပ်ဇတပ်ဒြေပ်တုဲ သီုမတန်တဴဒၟံၚ် ပ္ဍဲက္ဍဟ်ဒဵု သၟိက်လက်သၟိၚ် သ္ဂးတိုန်မ္သုန်ဂါထာဝွံရ။

၂၂၊ ပါပေါခေါသိ ရာဇပုတ္တ၊ ယောမ ဣစ္ဆိတံ ပတိံဝရာကိယာ။

ဝဇ္စျသိ ဝနမူလသ္မိံ၊ သောဟံဝိဒ္ဓေါ ဆမာသေတိ။

၂၃၊ ဣမံမယှံ ဟဒယသောကံ၊ ပဋိမုဉ္စတု ရာဇပုတ္တတဝမာတာ။

ယောမယှံဟဒသောကော၊ ကိံပုရိသံ အပေက္ခမာနာယ။

၂၄၊ ဣမံမယှံဟဒယ သောကံ၊ ပဋိမုဉ္စတု ရာဇပုတ္တတဝဇာယာ။

ယောမယှံ ဟဒယသောက၊ ကိံပုရိသံ အပေက္ခာမာန

၂၅၊ မာစပုတ္တံ မာစပတိံ၊ အဒ္ဒက္ခိ ရာဇပုတ္တတဝမာတာ။

ယောကိံပုရိသံအဝမိ၊ အဒူသကံ မယှံကာမာ။

၂၆၊ မာစပုတ္တံ မာစပတိံ၊ အဒ္ဒက္ခိရာဇာပုတ္တတဝဇာယာ

ယောကိံပုရိသံအဝမိ၊ အဒူသကံမယှံကာမာ။

၂၂။ ရာဇပုတ္တံ၊ ယွံကောန်သၟိၚ်၊ ယောတွံ၊ ယြဴၚ်တၠအဲမွဲ။ မေ၊မိန်အဲ။ ဣစ္တိတံ၊ ဍေံမဂပ်ဝ်နွံပၟိက်။ ပတိံ၊ န်တၠသ္ၚိ။ ဝရာကိယာ၊ တၞဟ်နသ္ပကဵုဒှ်ဗြဴကၟာဲတုဲကမၠၚ်။ ဝနမူလသ္မိံ၊ ပ္ဍဲဂြိုပ်ဇိုၚ်ဒဵု။ ဝဇ္စျသိ၊ ပ္ဍံပန်ခၠၚ်ရ။ သောယံ၊ ၚ်ကောန်ခၞောဝ်တြုံဂှ်။ ဝိဒ္ဓေါ၊ ၚ်မခၠၚ်သာတ်နလဴဂှ်ဒှ်တုဲ။ ဆမာ၊ ပ္ဍဲတိ။ သေတိ၊ ပ္ဍံတိက်ရ၊ တသ္မာ၊ ဟိုတ်ဒှ်သာ်ဂှ်ရ၊ တွံ၊ ၚ်တၠအဲ။ ပါပေါခေါ၊ ၚ်မယုတ်မာဟေၚ်။ အသိ၊ စိုန်ဒှ်ရ။

၂၃။ ရာဇပုတ္တ၊ ယွံကောန်သၟိၚ်။ ကိံပုရိသံ၊ န်ကောန်ခၞောဝ်တြုံ။ အပေက္ခမာနာယ၊ ဍေံမမၠာ်သ္ၚေဝ်။ မယှံ၊ ဒဒက်တဴအဲ။ ယောဟဒယ သောကော၊ ယြဴၚ်ပွမစံၚ်တူပ္ဍဲဂၠံစိုတ်မွဲ။ ဟောတိ၊ ပ္ဍံဒှ်ရ။ မယှံ၊ ဒဒက်တဴအဲ။ ဣမံဟဒယသောကံ၊ န်စံၚ်တူမက္တဵုဒှ်ပ္ဍဲဂၠံစိုတ်ဝွံ။ တဝ၊ ဒဒက်တဴတၠအဲ။ မာတာ။ၚ်မိ။ ပဋိမုဉ္စတု၊ သြဝ်ကဵုကၠိဂွံညိ။

၂၄။ ရာဇပုတ္တ၊ ယွံကောန်သၟိၚ်။ ကိံပုရိသံ။န်ကောန်ခၞောဝ်တြုံ။ အပေက္ခမာနာယ၊ ဍေံမပၟဲတဴ။ မယှံ၊ ဒဒက်တဴအဲ။ ယောဟဒယသောကော၊ ယြဴၚ်ဂၠံစိုတ်စံၚ်တူမွဲ။ ဟောတိ၊ ပ္ဍံဒှ်ရ။ မယှံ၊ ဒဒက်တဴအဲ။ ဣမံဟဒယသောကံ၊ န်စံၚ်တူမက္တဵုဒှ်ပ္ဍဲဂၠံစိုတ်ဝွံ။ တဝ၊ ဒဒက်တဴတၠအဲ။ ဇာယာ၊ ၚ်သမ္ဘာ။ ပဋိမုဉ္စတု၊ သြဝ်ကဵုကၠိဂွံညိ။

၂၅။ရာဇပုတ္တ၊ ယွံကောန်သၟိၚ်၊ ယောတွံ၊ ယြဴၚ်တၠအဲမွဲ။ မယှံ မယိ၊ ပ္ဍဲအဲ၊ ကမာကာမေန၊ ဟိုတ်နူပွမနွံပၟိက်။ အဒူသကံ၊ ဍေံဟွံမွဲကဵုဒုဟ်။ ကိံပုရိသံ၊ န်ကောန်ခၞောဝ်တြုံ။ အဝဓိ၊ စိုန်ဂစိုတ်။ တဿ တဝ၊ ဒဒက်တဴတၠအဲဂှ်၊ မာတာ၊ ၚ်မိ။ ပုတ္တဉ္စ၊ န်ကောန်ကီုလေဝ်။ မာအဒ္ဒက္ခိ၊ သြဝ်လ္ပကဵုဂွံညာတ်ညိ။ ပတိဉ္စ၊န်တြုံတၠသ္ၚိကီုလေဝ်။ မာအဒ္ဒက္ခိ၊ သြဝ်လ္ပကဵုဂွံညာတ်ညိ။