စိုပ်အတးမ္ဂးအလုံရးဍုင်ကွာန်ဒးကၠောန်"
"စိုပ်အတးမ္ဂးအလုံရးဍုင်ကွာန်ဒးကၠောန်"
စိုပ်ကၠုင်ရာသဳအခိင်ဥတုကညင်မ္ဂး နာဍူလေဝ်ကဴရာင် အနာင်လေဝ်ရာင်မောဝ် ကျေဝ်ဂေါဝ်ကၠုင် ဂွံဆဵုညာတ်ကေတ်တုဲ ဒဒှ်ရစိုပ်ကၠုင် အခိင်အခါသမယပြဲတ္ၚဲအတးသင်္ကြာန်ဂှ် အလုံကောန်ဂကူမန်ပိုဲတံညးဂမၠိုင် မိပ်ဇြိပ်သၠောင်သ္ပဝ်ပ္ဍဲစိုတ်တုဲ စိုတ်လုပ်စဗွဲတၟေင် ပိုဲပစၟတ်သမ္တီလဝ်တ္ၚဲပရဲ တ္ၚဲတၟေင်မွဲသာ်ကီုရ။ ကောန်ဂကူဗဒ္ဓဘာသာတံညးဂမၠိုင် စိုတ်လုပ်စဗွဲတၟေင်ဒှ်အခိုက်ကၞာယေန်သၞာင်ပြဝေဏီပိုဲမန် မွဲသာ်ကီုရ ပပ္တံနူကဵုတ္ၚဲအတးစှ်ေ-ဒဵုကဵုတ္ၚဲအတးတိုန် ပိုဲပြာပ်လုပ်အာ ခစသဳကၠဳ ပ္ဍဲရတ်ပိပြကာမတွံဂး ကျာ်-ဓဝ်-သင် တုဲ ပိုဲကၠောန်ပတုဲတဲစရင်ဓရ်ကုသဵု ပ္ဍဲအတးသင်္ကြာန် ပွိုင်ပိတ္ၚဲ (ဟွံသေင်) မ္ဂးပန်တ္ၚဲရ မပ္တံကဵုမိမနော်နာဲ ဣစဳသဳအမူဇုဇဗဴလတံ ပြာပ်တိတ်အာဘာ ဒ္ဂိုန်ဂိုင်ကေတ်သဳ မင်သဳဥပေါဟ် ကလင်ဓရ် ပၟဝ်ဓရ် ပ္တုဲဝတ် တိုန်ဝတ် လ္ၚောဝ်ကျာ်ဍေန်ပၟတ်ပၞာင်သ္ဍဴ ပ္ကဴသဴမြမောဝ် သ္ပပူဇဴကျာ်ရ။
မၞိဟ်ဍောတ်တ်ကောန်ၚာ်သၟတ်ဝုတ်ဗၠာဲ ကသေံကၟဝ်ညးသ္ကံတုဲကၠောန်ကၞာထး (သွက်ဂွံဝေင်ဍ်ာပက်ဍ်ာစဝ်ဍာ် ပြိုၚ်လ်ှေပြိုင်ဒယှ်ေ) ဖါပ်ဗ္စဖျုင်ပုင်ဍ်ာအတးသင်္ကြာန် ဒုင်တၠုင်ဝေင်ဍ်ာ ပက်စဝ်ဍ်ာအတး သင်င်္ကြာန်ပြိုင်လှ်ေ ပြိုင်ဒယ်ှတိင်တိုက်အခိုက်တၞဟ်ဟ် နွံကဵုရ်ှသာ ထိင်ဒက်မင်မွဲအာအခိုက်ကၞာပြဝေဏီပိုဲမန် နကဵုဍ်ာဂစေံစၠန်မြောဝ် ပက်စဝ်အာ ညးမွဲကေုာံညးမွဲဍုက်ဍေက်ဗျဳဗျာပ် ဇာပ်လုပ်အလုံဇကုမွဲ ဗွဲမမိပ်မြဟ် အတိုင်ပၟိက်စိုတ် ညးလ္ၚဵုတံဂ်ှ မပ္တံကဵုကၠောန်ဒဒန် သိုင်ပလေဝ်ဒဒန် သိုင်ဇြပ်ရုင် ဒါန်ၜံက်ကၟာဗဝ်ဂၠံင် ထံက်ဇြဲ ပလိုပ်ကျာ် ဓလိုပ်သင် ဗဝ်ကျာ်ဗ္တဳ ဗလးကဗလးဂစေံ ပလံင်ပုင်ဍ်ာအတး သင်္ကြာန် ကလအ်မိမအစံင်အ္စာ နော်နဲာဣစဳသဳမူ ဇုဇဗူလ ကလံသ်ပပူဇူညးမၞုံကဵုအာယုဝုဍ်ဎိ သုလဝုဍ်ဎိ မပ်တံကဵုယဲဘဲအန်တရဲာကဵုဂှံလဲာလငျေအာအိုတျညိ ရာဒနာမိက်သ္ပတူအဓိဌာန်ရ။
ပ္ဍဲကဵုသၞာံတြေံဏံကၠောန်လဝ်ကလိလောန်အာ ဒုဟ်မမိက်ကဵုမွဲမွဲ ပွသရာံပပ်တံနွံကၠိခ္ဍက်မံင်မ္ဂး ပိုဲကြဴကြာတ်သ္အးဇ္ၚးကၠေံနကဵုဍာ်အတးသင်င်္ကြာန် နကဵုဍာ်ဂစေံစၠန်မြမောဝ်တုဲ စိုပ်ကၠောံကၠုင်သၞာံတၟိဏံ မၞိဟ်တၟိစိုတ်တၟိဂှ် လွဳပရာတုဲ ညံင်ဂွံဒှ်မၞိဟ်ဍိုဟ်ကေတ်စဳကၠးမာန် ပိုဲဒး ထိင်ဒက်မင်မွဲဂိုင်ကေတ်ဒ္ဂေတ်ပဋိပတ်ဗဲမဍိုက်ပေင်ရောင်။
အဓိပ္ပာယ်သင်္ကြာန်-သၞာံတြေံကြပ်အိုတ်-လှာဲညောန်ကၠောံကၠုင်သၞာံတၟိ စှ်ေမံင်ဗၞတ် ၃-၄တ္ၚဲတုဲ သင်္ကြာန်ညးပစၟတ်သမ္တီလဝ်ရ။ သင်္ကန္တ-ပွမပြံင်လှာဲ သၞာံတြေံအိုတ်တုဲ မ္ဒးပြံင်လှာဲသၞာံတၟိမွဲဝါပၠန်ဂှ် -သင်္ကြာန်ညးကော်ခဴစရ။
ကုလမန်:ဂျာမဏဳ။စာလုံးအစောင်း