ဆာန်တိ၊ နာဲ
| နာဲဆာန်တိ သၟာပရေင်ဍုင်ကွာန်မန် | |
|---|---|
 | |
| သၠးဂၠံဂဝ် | ဨပြဳ ၁၀၊ ၁၉၅၇ တဝ်ကၞဴ၊ ပွိုင်ဍုင်တကအ်ခၟိုင် |
| ဂကူ |  Monမန် |
| ကဆံင်ပညာ | B.sc (Chemistry) |
| ဌာန်ပညာ | တက္ကသိုလ်မတ်မလီု |
| ဗော် |
|
| ချဳဓရာင် | သွက်အခေါင် ဂကူမန် |
| အိန်ထံင် | မိစိန်လင်း (စုတိ) |
| အံက် |
|
| ဗြနာံ | လူမှုထူးချွန် (ပထမအဆင့်) |
နာဲဆာန်တိ (ၜံင်၊ သၞာံ ၁၉၅၇ ဨပြဳ ၁၀) ဝွံ ဒှ်လဝ် သၟာပၠန်ဂတး သွက်ဗၠးၜးဂကူမန် ပ္ဍဲ ဗော်ဍုင်မန်တၟိ လုကဴ ပွိုင် ၃၁ သၞာံတုဲ ပ္ဍဲ ဗော်ဍုင်မန်တၟိဂှ် ကေင်ကေတ်လဝ် တာလျိုင် စဵု ကဆံင် ဒုညးအုပ်ကာနာနာ (ဗဟဵု)ရ။ ဒေါအ်ဇူ နူ ဗော်ဍုင်မန်တၟိတုဲ ဗွဲကိုပ်ကၠာ ကၠောန် ပ္ဍဲ ဂျာနေဝ်သြင်လောန် နဒဒှ် ဂဥုပ်ညးမဒါန်လိက်တုဲ သၞာံ ၂၀၁၄ ဂှ် လုပ် ဗော်ပရေင်ဍုင်ကွာန် ဗော်ဒဳမဵုကရေဇြဳအလုံရးမန်တုဲ နဒဒှ် ဒုဥက္ကဋ္ဌဂှ် ယိုက်ဂၠေင်လဝ်တုဲ အခိင် ဗော်မန်ၜါ ပံင်ဗဒှ် နဒဒှ် မွဲ နဒဒှ် ဗော်ညဳသၟဟ်မန်ဂှ် နဒဒှ် ဒုဥက္ကဋ္ဌ (၃)၊ သဘင်သဳကၠဳဗော် သၞာံ ၂၀၂၂ ဂှ် ဂွံဒုင်ရုဲစှ် နဒဒှ် ဒုဥက္ကဋ္ဌ(၂)ရ။ သဘင်မာဲ သၞာံ ၂၀၂၅ နမၞိဟ်စၞး ဗော်ညဳသၟဟ်မန် သွက် စၠတ်ဓဝ်ကောန်ဂကူဂှ် လုပ်ဒုင်ရုဲစှ် ပ္ဍဲ ပွိုင်ဆန္ဒမာဲတွဵုရးဍုင်မန် စၟတ် (၅) ပွိုင်ဍုင်ရေဝ်တုဲ ကလိဂွံဇၞး မဂွံဒုင်ရုဲစှ်လဝ်ရ။
ဘဝသၟတ် ကောံ ကုပရေင်ပညာ
[ပလေဝ်ဒါန် | ပလေဝ်ဒါန် တမ်ကၞက်]နာဲဆာန်တိ က္တဵုဒှ် မၞိဟ် ပ္ဍဲ ကွာန်တဝ်ကၞဴ၊ တကအ်ခၟိုင် ပ္ဍဲ သၞာံ ၁၉၅၇ ဂိတုဨပြဳ ၁၀ မဒှ် ကောန် နာဲဖေအံင် (ဖေအောင်)၊ မိလှကျဳ (လှကြည်)။ အခိင်မမံင်ဘာစိုပ်ဂှ် မံင်လဝ် ဘာတန်မူလ ကွာန်တဝ်ကၞဴ၊ ဘာတန်သမၠုင်ဂှ် မံင် ဘာဝါဍောတ်တုဲ ဂွံအံင် စှ်တန် နူ ဘာကွာန်ဝါဍောတ်ဂှ်တုဲ တိုန် တက္ကသိုလ်မတ်မလီုရ။
အခိင် မဒှ် ဘဝကွးဘာတက္ကသိုလ်ဂှ် သွက် လိက်ပတ်ယေန်သၞာင်မန်ဂှ် ချဳဓရာင်ကၠုင်လဝ် နကုတာလျိုင်နာနာကီုရ။ ပ္ဍဲဂှ် သၞာံ ၁၉၇၅ ဂှ် နဒဒှ် ဖက်ဆောညးအုပ်ကာ ကမ္မတဳမတက်ပ္တိတ်မဂ္ဂဇြေန်မန် ကဝ်လိက်မတ်မလီု၊ သၞာံ ၁၉၇၆ ဂှ် နဒဒှ် ဖက်ဆောညးအုပ်ကာ (၂) ကမ္မတဳလိက်ပတ်ယေန်သၞာင်မန် ကဝ်လိက်မတ်မလီု၊ သၞာံ ၁၉၇၇ ဂှ်လေဝ် ဆက်ကေတ်လဝ် တာလျိုင်ဂှ်ပၠန်ရ။ ပ္ဍဲ သၞာံဂှ် ပ္ဍဲ ကမ္မတဳမတက်ပ္တိတ်မဂ္ဂဇြေန်မန်ဂှ် နဒဒှ် ဥက္ကဋ္ဌတုဲ သၞာံ ၁၉၇၇ ဂှ် ကလိဂွံ မဟိမုတဆိပ်တြာ ဗာစ္ဆလာသိပ္ပံ လပါ်ဓာတု (B.Sc (Chemistry))ရ။[၁]
ကမၠောန်အစာဘာ
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲ သၞာံပညာ ၁၉၇၈-၇၉ ဂှ် ကွာန်ယိုက် ပွိုင်ဍုင်ၜါသွာင်ဂှ် စပံက် ဘာတန်လဒေါဝ်ဖက်ဆောတုဲ နာဲဆာန်တိ လုပ်ကၠောန် ဗိုင်ရီုဗင်လဝ် နဒဒှ် အစာဘာမွဲတၠရ။
ဘဝသၟာပၠန်ဂတး
[ပလေဝ်ဒါန် | ပလေဝ်ဒါန် တမ်ကၞက်]သၞာံ ၁၉၇၉ ဂှ် နာဲဆာန်တိ တိတ်အာ တိဗၠးၜး သွက်ဂွံလုပ်ပေါဲဗတိုက်ဗၠးၜးဂကူမန် ပ္ဍဲ ဗော်ဍုင်မန်တၟိရ။ စိုပ် ဗော်ဍုင်မန်တၟိတုဲ လုပ်ယိုက်ဂၠေင်လဝ် တာလျိုင် နာနာသာ်တုဲ သၞာံ ၂၀၁၀ ဂှ် ဂွံဒှ် ဂကောံကေင်ကာဗဟဵု မွဲတၠ နဒဒှ် ဖက်ဆောညးအုပ်ကာဗဟဵုရ။ နကုစၞး ဗော်ဍုင်မန်တၟိဂှ် နူ သၞ ၁၉၈၄ စဵု စိုပ် ၁၉၈၆ ဂှ် ပါလုပ် ပ္ဍဲ ဒပ်ပံင်ကောံကောန်ဂကူဒဳမဝ်ကရေသဳ (အမျိုးသားဒီမိုကရေစီတပ်ပေါင်းစု (NDF)၊ ပ္ဍဲ ဒပ်ပံင်ကောံNDF ဂှ် နူ သၞာံ ၁၉၈၈ စဵုစိုပ် သၞာံ ၁၉၉၁ ဂှ် နဒဒှ် ဖက်ဆောညးအုပ်ကာနာနာမွဲဂှ် ယိုက်ဂၠေင်လဝ် တာလျိုင်ရ။
ပ္ဍဲ လက်ထက် အလဵုအသဳပၞာန်ဗၟာနဝတဂှ် သၞာံ ၂၀၀၄ ဂှ် နဒဒှ် စၞး ဗော်ဍုင်မန်တၟိဂှ် တိုန်စိုပ်လဝ် သဘင်သဳကၠဳကောန်ဂကူ သွက်ဂွံချူ သၞောဝ်သဇိုင်မဒက်ပ္တန်ဍုင်ကီုရ။
သၞာံ ၂၀၂၀ ဂိတုဂျောန်ဂှ် ဒေါအ်ဇူ နူ တာလျိုင် ဗော်ဍုင်မန်တၟိတုဲ နုက်တိတ် နူ ဗော်ဍုင်မန်တၟိရ။
ပရေင်ချဳဓရာင် ကြဴနူ မတိတ် နူ ဗော်ဍုင်မန်တၟိ
[ပလေဝ်ဒါန် | ပလေဝ်ဒါန် တမ်ကၞက်]ကြဴနူ မဒေါအ်ဇူ နူ ဗော်ဍုင်မန်တၟိတုဲ သၞာံ ၂၀၁၂ ဂှ် နာဲဆာန်တိ နဒဒှ် ညးမပ္တိတ်ကီု သီုဂဥုပ်ညးမဒါန်လိက် လိက်ဂျာနေဝ်သြင်လောန် (သံလွင်တိုင်း(မ်)ဂျာနယ်) မတြး ဒေသမန်၊ ကရေင်၊ တၞင်သဳ ဗၟံက်ကၠုင်ရုပ်ရဴကမၠောန် ကၠောန်လဝ်ရ။
သၞာံ ၂၀၁၃ အခိင်မဒက်ပ္တန် ဗော်ဖေဝ်ဒရေဝ်ယူနဳယာန် (FUP) ဂှ် နာဲဆာန်တိ ပါလုပ် နဒဒှ် ညးမပ္တန်ဗော်မွဲတၠ ပ္ဍဲ မၞိဟ် (၁၅) တၠဂှ်ရ။ ဆဂး ဟိုတ်နူ ဟိုတ်နာနာသာ်တုဲ ဒေါအ်ဇူ နူ ဗော်ဂှ်တုဲ ကလေင်လုပ် ဗော်ဒဳမဝ်ကရေဇြဳဒေသရးမန် (AMDP)ပၠန်တုဲ ဂွံဒုင်ခပ္တိုန် နဒဒှ် ဒုဥက္ကဋ္ဌရ။
သဘင်မာဲ သၞာံ ၂၀၁၅ ဂှ် လုပ်ပြိုင် ပ္ဍဲ ပွိုင်ဆန္ဒမာဲပွိုင်ဍုင်ရေဝ် သွက်စၠတ်ဓဝ်ညးဍုင်ကွာန်ကီုလေဝ် ဟွံကလိဂွံဇမၞးရ။
ပ္ဍဲ လက်ထက် အလဵုအသဳ ဗော်အေန်အေဝ်ဒဳ၊ သၞာံ ၂၀၁၈ ဂှ် ကၠောန်ဗဒှ် သဘင်သဳကၠဳကောန်ဂကူဂှ် နာဲဆာန်တိ တိုန်စိုပ် နဒဒှ် ညးစၞးဗော်ဒဳမဵုကရေဇြဳဒေသရးမန်ရ။
သၞာံ ၂၀၁၉ ဂိတုဂျူလာင် ၁၁ ဗော်ပရေင်ဍုင်ကွာန်မန်ၜါ ပံင်ပ္ကောံတုဲ ဒက်ပ္တန်ပ္တိုန် ဗော်ညဳသၟဟ်မန်တုဲ ပ္ဍဲ သဘင်သဳကၠဳဗော် သၞာံ ၂၀၂၂ ဂှ် နာဲဆာန်တိ ဂွံဒုင်ရုဲစှ် နဒဒှ် ဒုဥက္ကဋ္ဌ (၂)ရ။
သဘင်မာဲ သၞာံ ၂၀၂၅ ဂှ် နာဲဆာန်တိ လုပ်ဒုင်ရုဲမာဲ စၞးဗော် သွက်စၠတ်ဓဝ်ကောန်ဂကူ တွဵုရးဍုင်မန် ပ္ဍဲ ပွိုင်ဆန္ဒမာဲ စၟတ် (၅) ပွိုင်ဍုင်ရေဝ်တုဲ ဂွံဒုင်ရုဲစှ် နဒဒှ်အမာတ်စၠတ်ဓဝ်မွဲတၠရ။
ဘဝပူဂိုလ်
[ပလေဝ်ဒါန် | ပလေဝ်ဒါန် တမ်ကၞက်]နာဲဆာန်တိ ဒက် ဘဝသ္ၚိကၟိန် ကုမိစိန်လင်း (စုတိ)။
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ " အမျိုးသားလွှတ်တော် မွန်ပြည်နယ်မဲဆန္ဒနယ် အမှတ် (၅) (ရေးမြို့နယ်) ကိုယ်စားလှယ်လောင်း “နိုင်ချမ်းတွဲ့”. Open (January 3, 2026).