ဇာတ်ဇၞော် ၁၀
မုက်လိက်ဏအ်ဝွံ ဒှ်ကဏ္ဍ (Category) မဆေင်စပ်ကဵု:
ကဏ္ဍ:ဇာတ်ဇၞော် ၁၀ ဝွံ ပကောံလဝ်လိက်ပရေင်မဆေင်ကဵု ဝင်အတိက်ကျာ်တြဲဗုဒ္ဓ ပ္ဍဲကာလမယိုက်ဂၠေင်ပါရမဳ ညံင်ဂွံဍိုက်ပေင် (၁၀) ပါရမဳ ပ္ဍဲဘဝအဆက်အဆက် မဒှ်ဇာတ်အဓိက (၁၀) ဇာတ် ရ။
သရုပ်အဓိပ္ပါယ် ဍိုက်ဍိုက်ပေင်
[ပလေဝ်ဒါန် | ပလေဝ်ဒါန် တမ်ကၞက်]ဇာတ်ဇၞော် ၁၀ (အင်္ဂလိက်: Ten Great Jatakas) ဟီုမ္ဂးဂှ် ဒှ်ဝင်အတိက်ဗောဓိသတ်ပိုဲ ကၠာဟွံဂွံဒှ်ကျာ် မယိုက်ဂၠေင်ကၠုင် ပါရမဳဇၞော် (၁၀) သာ် ပ္ဍဲ (၁၀) ဘဝ လက်ကရဴအိုတ်ရ။ ဇာတ်တအ်ဏအ် လုပ်လၟိဟ် ပ္ဍဲလိက်ပတ်ဗုဒ္ဓဘာသာ မနွံကဵုၚုဟ်မးသၠုင်အိုတ်တုဲ ဒှ်အထံက်အပင် နိဿဲ မဇၞော်ကဵုဒြဟတ် သွက်သတ္တအ် ဂွံလ္ၚတ်ကေတ် နဲကဲဒ္ဂေတ်ပဋိပတ် ညံင်ဂွံမ္ဒးရး ရ။ ဇာတ်ဇၞော် (၁၀) ဝွံ နွံကဵုလၟေင် "တေ၊ ဇ၊ သု၊ နေ၊ မ၊ ဘူ၊ စန္ဒ၊ နာ၊ ဝိ၊ ဝေ" မဒှ်ရ။
လၟေင်ဇာတ်ဇၞော် ၁၀ ကေုာံ ပါရမဳဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲဇာတ်ဇၞော် (၁၀) ဝွံ ဇာတ်မွဲမွဲဇာတ် ထ္ၜးကဵုပါရမဳမွဲမွဲသာ် ညံင်ဂွံဆိုက်ဗ္ဒက်ကဵု ဓရ်ဗောဓိဉာဏ် အတိုင်ဗွဲသၟဝ်ဏအ်ရ -
၁။ တေမိယဇာတ် (နေက္ခမ္မပါရမဳ)
- ပွမတိတ်ဗၠးနူကာမဂုဏ် ကေုာံ ပွမပ္တိတ်ဒြဟတ်ကမ္မဌာန်။
၂။ ဇနကဇာတ် (ဝဳရိယပါရမဳ)
- ပွမနွံကဵုဝဳရိယ မဇၞော်ကဵုဒြဟတ် ပ္ဍဲအရာမဂ္စာန်ကမၠောန် ၜိုန်ရဒးဆဵုဘဲဒဒိုက် ပ္ဍဲမှာသၟိတ်ကီု။
၃။ သုဝဏ္ဏသာမဇာတ် (မေတ္တာပါရမဳ)
- ပွမနွံကဵုစိုတ်မေတ္တာ ညံင်ဂွံပ္တုဲကဵုကမၠောန်ဒးဒးရးရး လ္တူမိမ ကေုာံ သတ္တအ်အလုံအိုတ်သီု။
၄။ နေမိယဇာတ် (အဓိဋ္ဌာန်ပါရမဳ)
- ပွမခိုင်ကၠိုက်တန်ကြန် ပ္ဍဲအဓိဋ္ဌာန် မဒ္ဂေတ်စရိုတ်တပ်တး။
၅။ မဟောသဓဇာတ် (ပညာပါရမဳ)
- ပွမသုင်စောဲဉာဏ်ပညာ သွက်ဂွံသောင်ကလး တင်ခက်ခုဲ ကေုာံ အဓိကိုရ်နာနာ ညံင်တင်ယောင်ယာဂွံဟၟဲကၠုင်။
၆။ ဘူရိဒတ်ဇာတ် (သဳလပါရမဳ)
- ပွမမင်မွဲသဳလ ဗွဲမ္ဒးရး ၜိုန်ရဒးဒုင်ဘဲဂစိုတ်ကီု။
၇။ စန္ဒကုမာရဇာတ် (ခန္တဳပါရမဳ)
- ပွမနွံကဵုဓရ်ခန္တဳ (ပွမအေင်ဒုင်) မဇၞော်ကဵုဒြဟတ်။
၈။ နာရဒဇာတ် (ဥပေက္ခာပါရမဳ)
- ပွမစွံစိုတ်လ္တူသစ္စဓရ် ကေုာံ ဥပေက္ခာဇၞော်ဇၞော်။
၉။ ဝိဓူရဇာတ် (သစ္စပါရမဳ)
- ပွမဟီုလဟီုမနွံကဵုသစ္စ ကေုာံ ပွမမင်မွဲလဝ် ဂလာန်မကဵုဂတိပါင်။
၁၀။ ဝေဿန္တရဇာတ် (ဒါနပါရမဳ)
- ပွမကဵုဒါန်ဇၞော် (မဟာဒါန) မဟာဗောဓိသတ်လက်ကရဴအိုတ် သွက်ဂွံဂွံဖဵုသဗ္ဗညုတဉာဏ်။
တင်ဖဵုဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]- ဖဵု ခိုင်ကၠိုက် - ဇာတ်တအ်ဏအ် ဗဒှ်ကဵုလညာတ် သွက်ဂွံဒှ်မၞိဟ်ခိုဟ် ပ္ဍဲလောက။
- ပညာတြး - လ္ၚတ်ကေတ်နဲကဲသောဝ်ကလးပြသၞာ နကဵုဓရ် ကေုာံ ပညာ။