ညးလဒဴ
| လၟိဟ်မၞိဟ် | |
|---|---|
| c. 25.4 million (19.9 million under the mandate of United Nations High Commissioner for Refugees (UNHCR) and 5.4 million under UNRWA's mandate | |
| ဒေသ ဂကောံမၞိဟ် မပဒတဴဂၠိုင် | |
| Sub-Saharan Africa | 6.236 million |
| Europe and North Asia | 6.088 million |
| Asia and the Pacific | 4.153 million |
| Middle East and North Africa | 2.653 million |
| Americas | 484,261 |
ညးလဒဴ (refugee) ဂှ် ဒှ်မၞိဟ်မဒဴတတ်ပယျဵု ဍုင်ဇကုတုဲ စိုပ်အာ အပ္ဍဲဍုင်တၞဟ်မွဲ၊ တုဲပၠန် မၞိဟ်မကလေင်စဴ ဍုင်မိတိမဇကု ဟွံဂွံ ဟိုတ်နူ အန္တရာယ်ဘဲဘဝ။[၂]။ နကဵုသၞောဝ်ဂၠးတိမ္ဂး မၞိဟ်မဒဴတိတ် နူဍုင်ဇကုတုဲ အခိင်မအာတ်မိက် အခေါင်ဇၞူ ပ္ဍဲဍုင်မွဲမွဲကီု ဟွံသေင်မ္ဂး ပ္ဍဲကဵု ရုင်သၟိင်ဇမၞော်ကုလသမဂ္ဂ သွက်ညးလဒဴ (United Nations High Commissioner for Refugees - UNHCR) ဏီမ္ဂး ညးကော်စ ညးမအာတ်ဇၞူ (asylum seeker)။ ရုင်သၟိင်ဇမၞော်ကုလသမဂ္ဂ သွက်ညးလဒဴ (UNHCR) ဂှ် ဒှ်အေဂျေန်သဳပံင်တောဲ ဍုင်နာနာ သွက်ညးလဒဴတအ်ရ။[၃]
_1.jpg)
နိရုတ် ကေုာံ လွပ်
[ပလေဝ်ဒါန် | ပလေဝ်ဒါန် တမ်ကၞက်]မအရေဝ်မန် ညးလဒဴဂှ် ဒှ်မအရေဝ်နိရုတ်ကြိယာ "ဒဴ"၊ ဒဴဂှ် စကာ နဒဒှ် မနာမ်တုဲ "လဒဴ"။ ပ္ဍဲကဵုဒၞာဲဗွဲမဂၠိုင် ဒ ဂှ် ဒှ်အာ လ တုဲ လလဴ ဗီုဏအ်လေဝ် ဂွံဆဵုကေတ်ကီုရ။ ဆဂး ရံင်ကဵု ကြိယာ ဒဴ၊ စၞး ညးလလဴ ဂှ် ဆက်စကာအာ နဒဒှ် ညးလဒဴ ရ။ ညးလဒဴ ဂှ် နကဵုအရေဝ်မန်မ္ဂး ညးမဒဴတိတ် နူပရိုတ်ဘဲမွဲမွဲမ္ဂး ကော်စ ညးလဒဴ ဖအိုတ်ဂွံကီုလေဝ်၊ နကဵု သၞောဝ်ဂၠးတိမ္ဂး ကုညးမဒဴတိတ် ၜက်တိတ် နူပယျဵု ဍုင်မိတိမဇကုတုဲ မစိုပ်အာ ရးနိဂီုတၞဟ်၊ နကဵု သၞောဝ်ဍုင်တၞဟ် ဟွံသေင်မ္ဂး ရုင်သၟိင်ဇမၞော်ကုလသမဂ္ဂ ပစၟတ်သမ္တီတုဲဟေင် ကလိဂွံ ကဆံင်ညးလဒဴ ရ။
ရုင်သၟိင်ဇမၞော်ကုလသမဂ္ဂ သွက်ညးလဒဴ UNHCR
[ပလေဝ်ဒါန် | ပလေဝ်ဒါန် တမ်ကၞက်]ရုင်ဗဟဵု ယူအေန်အုက်သဳအာဂှ် နွံဒၟံင် ပ္ဍဲဂျာနဳပါ၊ သွိတ်ဇြာလာန်၊ မဒက်ပ္တန်လဝ် နူ ၁၄ ဒဳဇြေမ်ဗါ ၁၉၅၀။ ကမၠောန်အဓိက ရုင်ဏအ်ဂှ် သွက်ဂွံ စဵုဒၞာ ညးလဒဴ ကဵုအရီုအဗင် သွက်ဂွံဖျေဟ်ဒၞာဲဝါဲ ညးလဒဴတအ်ရ။
ဗဒိုပ်ညးလဒဴ Refugee camp
[ပလေဝ်ဒါန် | ပလေဝ်ဒါန် တမ်ကၞက်]
ဗဒိုပ်ညးလဒဴဂှ် ဒှ်စရိုင်မသိုင်လဝ် နကဵုသၟိင်တၠ ဟွံသေင်မ္ဂး ဂကောံစေတနာ အေန်ဂျဳအဝ် ဗီုကဵု ဂကောံခရက်ဗကေတ် သွက်မဒဴဘဲတအ် ဂွံပဒတဴရ။ ဗွဲမဂၠိုင်မ္ဂး ဗဒိုပ်ဂှ် ဒှ်ဗဒိုပ်ဒၞာဲ ဂွံရီုဗင် မင်မဲတုဲ ဒှ်ဒၞာဲယာယဳ မချိုန်ခဏရ။ ဟိုတ်နူ ဖန်ဇန် ညံင်ဂွံဖျေဟ်ကဵုဒၞာဲ ဍုင်တတိယမွဲမွဲ ဗွဲမပြဟ် ဟွံမာန်တုဲ ညးလဒဴတအ် ဒးပဒတဴ ပ္ဍဲဗဒိုပ်ဂှ် သၞာံဗွဲမလအ်ရ။ တုဲပၠန် ပ္ဍဲကဵု ဗဒိုပ်တအ်ဂှ် နွံကဵု ဘာဗတောန်လိက်၊ ဗဒိုပ်ဂဥုဲ၊ ဒၞာဲလ္ၚောဝ်ကျာ်တအ် ဒှ်တမ်ရ။[၄]
လေန်မ္ၚး
[ပလေဝ်ဒါန် | ပလေဝ်ဒါန် တမ်ကၞက်]- UNHCR RefWorld
- Bridging Youth Refugees and Children's Services Archived ၂၀၁၈-၀၉-၂၂ at the Wayback Machine
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ Populations | Global Focus. Archived from the original on 2018-04-09။ Retrieved on 2022-02-26။
- ↑ FAQ: Who is a refugee? www.unhcr.org, accessed 22 June 2021
- ↑ UNRWA | United Nations Relief and Works Agency for Palestine Refugees in the Near East.
- ↑ The UN Refugee Agency. UNHCR.