ညးလွပ်:ထဝ်လျးမန်

ဂလာန်နိဒါန်ဆာန်

ဆာန်.....ဟီုမ္ဂးဂှ် ဒေဝတဴအိန်ဗြီုတအ် နိမိတ်ဖန်ဗဒှ်လဝ်ကဵုတုဲ ဓဝ်ဆာန်ဂွံက္တဵုဒှ်ကၠုၚ်ဟွံသေၚ်ရ| နအလဵုအလဵုဗွဲသဘာဝ အတိဣဋ္ဌာရီု ပဟိုတ်ကဵုခ္ဍဳလျတ် ထဗတ်ဇီုဒးဝတ္ထုအာရီု မမိက်ကဵုမွဲမွဲတုဲ နူကဵုဂၠံသြိုဟ်ဟဒယဝတ္ထုတေံ ဓဝ်ဆာန်က္တဵုဒှ်ပြာကတ်ကၠုၚ်ရ| လိုက်လောကဏအ် ဂွံလဟိၚ်မိပ်ဇြိပ်ရာၚ်ဆာဲမာန်ဂှ် ဓဝ်ဆာန်အာဂတပၠတရဴတုဲ ဖန်ဗဒှ်စၞောန်ထ္ၜးကဵုအာရီုနာနာအခိုက် ပၟိက်စိုတ်နာနာသာ်ရ....

ပၞောဝ်ကဵုညးက္လိဂွံဒုၚ်စသိုၚ် ပရေၚ်ပိုန်လောကဳဂမၠိုၚ်တအ်ဂှ် လ္တူနူက္လိဂွံဒုၚ်စသိုၚ် ပိုန်သေဋ္ဌဳ ပိုန်ဨကရာဇ် ပွမက္လိဂွံပံၚ်ဖက်ကဵု ညးသ္ဍိုက်ဆာန်မွဲ မိပ်လဟိၚ်တဴဂၠိုၚ်အိုတ်ရ ညးလ္ၚဵုတအ်ဂှ်ဟွံတီရှ်သာလိုက်လောက ဟွံပၚုဟ်မးကဵုပရေၚ်ဆာန်တုဲ မာတ်လဒဵုဆေဝ်ဒဝ်ကၠေံ ပရေၚ်ဆာန်အိုတ်ရ ၜိုန်ဂှ်လေဝ် သဘာဝမေတ္တာဇေတ်မေတ္တာဍာံတအ်ဂှ် ကၠောန်ဗဒှ်နကဵုသြန်ထဝ် ဆေဝ်ဒဝ်ကၠေံ နကဵုပရေၚ်ပညာ ဟွံဂွံသက်က်ရ| ညံၚ်ရဴမၚ်ဗၠာဲ မာံဒါသ ကဵု မိပတ္တ....ပဟိုတ်ကဵုဆာန်ဇေတ်မေတ္တာဍာံတုဲ ဘဝဍိက် ကဵု တၠ သ္ပမိဒ္ဒါန်နှဴရဴကေုာံရေၚ်သ္ကအ်ဏီရ ဟွံသေၚ်ဟာ.....

ဟိုတ်ဂှ်ရ သွက်ညးမရာဒနာမိက်ကဵု ပရေၚ်ဆာန် ညးမက္တဴက္တာန်, ဒုၚ်စသိုၚ်ဒၟံၚ်လၞီဆာန်, တသိုက်ဆာန်တအ်ဂှ် နကဵုတၚ်ဒုၚ်စသိုၚ် " သၚ်္ကေတဆာန် " ညးကဵုညး ဩဝ်ကဵုဂွံဍိုက်ပေၚ်မာန်ညိဂှ်.....

နိဿဲ

သီုမရာဒနာ - နာဲအၚ်္ဂုလိမာလ် ( ကၟာဝက် )