တၠအရှန်

နူ ဝဳကဳပဳဒဳယာ

ပၞောဝ်ကဵုတၠအရှန်ဂမၠိုၚ်

တၠအရှန်ပါရမိပ္ပတ္တ[ပလေဝ်ဒါန် | ပလေဝ်ဒါန် တမ်ကၞက်]

တၠအရှန် ညံၚ်ရဴမဟာထေရ်သာရိပိုတ် မဟာထေရ်မောဂ္ဂလာန်တအ်ကီု ပူဂိုလ်တၠအရှန်ဂမၠိုၚ် မအာစိုပ်ကၞောတ်အထောဋ် ပါရမဳညာဏ်ဂှ် ပါရမိပ္ပတ္ထ ရဴဝွံ ကော်ဟီုစအိုတ်ရ။

တၠအရှန်ပဋိသမ္ဘိဒါပတ္တ[ပလေဝ်ဒါန် | ပလေဝ်ဒါန် တမ်ကၞက်]

တၠအရှန်

  • အတ္ထပဋိသမ္ဘိဒါ - (ဂကောံဓရ်ဖဵု မကတဵုဒှ်ဟိုတ်နူဟိုတ်၊ နိဗ္ဗာန်၊ သဘဴအရထပါဠိ၊ ဝိပက်စိုတ်၊ ကြိယာစိုတ်၊ ဂကောံဗွဝ်ဓရ်ဂမၠိုၚ်မသုန်ပြကာတအ်ဝွံ ပါ်ပဲါပိုၚ်ခြာတုဲ ဉာဏ်မလေပ်တီ)၊
  • ဓမ္မပဋိသမ္ဘိဒါ - (ဓရ်ဟိုတ်ဂမၠိုၚ်အိုတ်သီု မလေပ်ကတဵုဗဒှ်ကဵုဖိုလ်၊ အရိယမဂ်ပန်၊ လၟေၚ်ပါဠိ၊ကုသိုလ်၊ အကုသိုလ် ဂကောံဗွဝ်ဓရ်ဂမၠိုၚ် မသုန်ပြကာဝွံ ပါ်ပဲါပိုၚ်ခြာတုဲ ဉာဏ်မလေပ်တီ)၊
  • နိရုတ္တိပဋိသမ္ဘိဒါ - (ဉာဏ်မလေပ်တီ စဳကၠးဆိုက်ဗ္ဒက် ပ္ဍဲပိုဒ်သဒ္ဒါဂမၠိုၚ်စှ်သာ်ဂှ် မဆေၚ်စပ်ကဵု အတ္ထပဋိသမ္ဘိဒါ မသုန်၊ ဓမ္မဋိသမ္ဘိဒါန်မသုန် မဟီုသ္ဂးကၠုၚ်တုဲ)
  • ပဋိဘာနပဋိသမ္ဘိဒါ - (ဉာဏ်မလေပ်တီ ပိုၚ်ခြာကေတ် တၟေၚ်တၟဟ်တၞဟ်ခြာ သီုပဋိသမ္ဘိဒါပိပြကာ မသ္ဂးကၠုၚ်တုဲ) ရဴသာ်ဝွံ ပူဂိုလ်တၠအရှန်မအာစိုပ် ပဋိသမ္ဘိဒါပန်ပြကာဂှ် ပဋိသမ္ဘိဒါပတ္တ ကော်ဟီုစရ။

တၠအရှန်ဆဠာဘိညာ[ပလေဝ်ဒါန် | ပလေဝ်ဒါန် တမ်ကၞက်]

ပူဂိုလ်တၠအရှန် မအာစိုပ်အဘိဉာဏ်တြဴ မပတမ်ကဵု ဣဒ္ဓိဝိဓအဘိဉာဏ်ဂှ် ဆဠာဘိညာ ကော်ဟီုစရ။

တၠအရှန် တေဝိဇ္ဇာ[ပလေဝ်ဒါန် | ပလေဝ်ဒါန် တမ်ကၞက်]

ပူဂိုလ်တၠအရှန် မကလိဂွံဝိဇ္ဇာပိ မပတမ်ကဵုဗုဗ္ဗေနိဝါသောနုဿတိဂှ် တေဝိဇ္ဇ ကော်ဟီုစရ။

တၠအရှန် သုက္ခဝိပဿက[ပလေဝ်ဒါန် | ပလေဝ်ဒါန် တမ်ကၞက်]

တၠအရှန် တန်ဒၟံၚ် ပ္ဍဲအယာံမာတ်ခဏိကသမာဓိတုဲ ကတဵုဗဒှ်ကဵုဝိပဿနာဉာဏ် ဟွံအာစိုပ်ကလိဂွံဇျာန် မမိက်ကဵုမွဲမွဲတုဲ ကလိဂွံမဂ်လတူဂှ် သုက္ခဝိပဿက ကော်ဟီုစရ၊ မပတမ်ရဴသာ်ဝွံ ဂပ်ဝ်ပါ်ပဲါ ပါ်ပရအ်စၟတ်သမ္တီကေတ် အရှန်ဂမၠိုၚ်ရ။

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

ကလေၚ်သီကေတ်လဝ် နူ "https://mnw.wikipedia.org/w/index.php?title=တၠအရှန်&oldid=23847"