ဒဳ၊ နာဲ

နူ ဝဳကဳပဳဒဳယာ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
နာဲဒဳ (ကော်) စာင်ဍေဝ်
Mon professional boxer Nai-Dee.jpg
ဗီုရုပ် နာဲဒဳ အခိင်အာယုက် (၆၈) သၞာံ
သၠးဂၠံဂဝ် နာဲစင်
(1949-04-04) ဨပြဳ ၄၊ ၁၉၄၉ (အာယုက် ၇၁)
ဍုင်ရေဝ်
ကောန်ဂကူ မန်
ကဆံင်ပညာ ကွတ်ပညာ
ဘာ ဘာပၞာန် ဍုင်မေ (မေမြို့)
ဂယိုင်လမျီု လက်ပၠုဲ
သၞာံချဳဓရာင် (ၜိုတ် ၁၉၇၂- ၁၉၉၅)
မဒယှ်တဴ သၟာလက်ပၠုဲ 
သမၠုင် ၅ ပေ ၅ ၝောအ်တဲ
လျိုင် ၁၄၀ ပံင် (ကာလ အာယုက် ၆၈)
အိန်ထံင် ပထမ မိအုန်းသန်း (စုတိ)
ဒုတိယ မိအေးသန်း
ကောန်ဇာတ် ကောန်မသုန် ကောန်တြုဟ် နေဝင်းထွန်း ဒှ်သၟာလက်ပၠုဲ၊၊ ကောန်စဴ နူကဵု ကောန်ဝုတ် မိစပယ် ယှိုဲရာမာန် ဒှ်သၟာလက်ပၠုဲဒယှ်၊၊
မိမ နာဲထွန်းသင်၊ မိရေအ်၊၊
ကောဒေအ် သီုဖအိုတ် ၁၁ တၠ၊ ဒှ်ကောန် မရနုက်ကဵု ဒုတိယ၊၊
မဒုင်အဲပရဲ အလာံလက်ပၠုဲ တန်ပထမ

နာဲဒဳ (၁၉၄၉ ဨပြဳ ၄) မဒယှ်တဴ နကဵုယၟု သၟာလက်ပၠုဲ နာဲစာင်ဍေဝ် နကဵုဗီုဗၟာ (ကြက်တညင်)ဂှ် ဒှ်သၟာလက်ပၠုဲဂကူမန် နူဍုင်ရေဝ် မွဲတၠ ပ္ဍဲကဵု အကြာသၞာံ (ၜိုတ် ၁၉၇၂- ၁၉၉၅)တေအ်ရ၊၊ ပ္ဍဲကဵု အခိင်ဂှ်မ္ဂး လပါ်လက်ပၠုဲ ယၟုမြဟ်ဒၟံင် တၟာဂလိုင်တုဲ ပ္ဍဲကဵု ဂၠးကဝ်လက်ပၠုဲဍုင်မန်ဗၟာမ္ဂး မၞိဟ်ဟွံတီ ဟွံမဲရ၊၊ ပ္ဍဲမွဲဒမြိပ် ဘဝသၟာလက်ပၠုဲဂှ် လုပ်တက်လဝ် ပေါဲပေင်ၜိုတ်ကၠံဒှ်တုဲ ပေါဲမဒးဒုင်ကျဂှ် အောန်ကွေဟ်ဟ်ရ၊၊ တုဲပၠန် အာဲကၟာဲလက်ပၠုဲဂှ် ကောန်ညးဒုတိယ နေဝင်းထွန်း နကဵုယၟု သၟာလက်ပၠုဲ ဒီနေရဲ ဂှ်လေဝ် ဂွံစိုပ်ကဆံင် သၟာလက်ပၠုဲ တန်ဒုတိယ (ဒုတိယတန်ကစားသမား)မွဲတုဲ ကောန်စဴညး မဒှ်ကောန် ကောန်ဝုတ်ညး မိစပယ်ဂှ် ဒှ်သၟာလက်ပၠုဲဒယှ် နကဵုယၟု ယှိုဲရာမာန် ရ၊၊ နာဲဒဳ ဝွံ သီုကေင် ယိုက်ဂၠေင်လဝ် ပ္ဍဲကဵု ဒပ်ပၞာန်ဗၠးၜးဂကူမန် နကဵုတာလျိုင်သကိုပ်ဒပ်ပါ် (တပ်ခွဲမှူး)မွဲတၠတုဲ ဒေါအ်ဇူ နူတာလျိုင် ပ္ဍဲသၞာံ ၁၉၉၆ တေအ်ရ၊၊

သ္ၚိကၟိန်[ပလေဝ်ဒါန် | ပလေဝ်ဒါန် တမ်ကၞက်]

နာဲဒဳ (ဝါ) နာဲစင် ဝွံ ကတဵုဒှ်မၞိဟ် ပ္ဍဲသၞာံ ၁၉၄၉ ဂိတုဨပြဳ ၄ (၁၃၀၉ ဂိတုစဲ ၁၄ မံက်) မဒှ်ကောန် နာဲထွန်းသင် မိရေအ် (မိရဲ့) ရ၊၊ ပၞောဝ်ကဵု ကောဒေအ် သီုဖအိုတ် ၁၁ တၠဂှ် ဒှ်ကောန် မရနုက်ကဵု ဒုတိယ ရ၊၊

သၞာံ ၁၉၆၉ ဂိတုအံက်တဝ်ပါဂှ် လုပ်ဒပ်ပၞာန်ဗၟာ အာတိုန်ဘာပၞာန် ပ္ဍဲဍုင်မေ (မေမြို့)၊၊ ဒေါအ်နူ ကောန်ပၞာန်ဗၟာတုဲ ဗွဲကြဴ လုပ်ကေတ်တာလျိုင် ပ္ဍဲဒပ်ပၞာန်ဗၠးၜးကောန်ဂကူမန် (ဗော်ဍုင်မန်တၟိ) စိုပ်ကဆံင် သကိုပ်ဒပ်ပါ်တုဲ စိုပ်သၞာံ ၁၉၉၆ ဂှ် ဒေါအ်ဇူ နူတာလျိုင် နူဒပ်ပၞာန်မန်ရ၊၊ သၞာံ ၁၉၇၃ ဂှ် ဒက်အိန်ထံင် ကု မိအုန်းသန်း ကောန်ဍုင်ရေဝ်၊ နကဵု မိအုန်းသန်းဂှ် ကလိဂွံ ကောန်ဝုတ်မွဲ မသန်းချိုတုဲ မိအုန်းသန်း စုတိအာရ၊၊ နူဂှ် စှ်ေဒၞာဲ ကုမိအေးသန်း နကဵု မိအေးသန်းဂှ် ကလိဂွံ ကောန်တြုဟ်မွဲတၠ၊ ကောန်ဗြဴ ပိတၠ၊ ကောန်တြုဟ် နေဝင်းထွန်း ဂှ်လေဝ် ဒှ်သၟာလက်ပၠုဲ တန်ဒုတိယမွဲတၠရ၊၊ ကောန်ခဒေအ် မိစပယ်ဂှ် စှ်ေဒၞာဲ ကု နာဲဆိုတုဲ ကလိဂွံကောန်တြုဟ် ၜါ၊ ကောန်ဗြဴ ၜါ၊ ကောန်တြုဟ်ဒုတိယဂှ် ဒှ်သၟာလက်ပၠုဲဒယှ် နကဵုယၟု ယှိုဲရာမာန် (ရွှေရာမာန်) နူကဵုအာယုက် ၁၈ သၞာံရ၊၊

ဘဝသၟာလက်ပၠုဲ[ပလေဝ်ဒါန် | ပလေဝ်ဒါန် တမ်ကၞက်]

နာဲဒဳ (ဝါ) နာဲစာင်ဍေဝ်ဝွံ နူဍောတ်တ် ဟိုတ်နူဝါသနာတုဲ လုပ်တက်ကၠုင် လက်ပၠုဲ အကြာသဘင်ကျာ်ဂှ် ဗွဲကြဴ လုပ်ဗတောန် ဇရေင်အစာတုဲ ကတဵုဒှ်ကၠုင် နဒဒှ် သၟာလက်ပၠုဲဒယှ်မွဲတၠ ပ္ဍဲကဵုခေတ်အကြာသၞာံ (ၜိုတ် ၁၉၇၂- ၁၉၉၅) တေအ်ရ၊၊ ပ္ဍဲကဵုပေါဲဗွဲမဂၠိုင် ဇၞးကေတ်ကၠုင်တုဲ ပ္ဍဲသဘင်ကျာ်သဘင်ဇၞော် မုဟ်ဍုင် (မုဒုံ ကန်ကြီးဘုရားပွဲ) ဂှ် ဟိုတ်မဂွံဇၞးကေတ် ဗညာဓရာံ (သမိန်ဗရမ်း)၊ နေပြည်တော် တင်ဝင်း၊ ပိုင်ကြုံ တင်အောင်တုဲ ကလိဂွံဇၞး တန်ဒုတိယ (ဒုတိယတန်း အောင်လံ) ရ၊၊

နူဂှ် ပ္ဍဲပေါဲ ဍုင်ထဝါဲဂှ် ဂွံမာန်ကေတ် တက်လူတင်ရွှေ (နာခံတော)၊ ရွှေလမု၊ သောင်းတင် တအ်တုဲ ကလိဂွံလာပ်တဆိပ် တန်ပထမ (ပထမတန်းအောင်လံ) ရ၊၊

ပ္ဍဲမွဲဘဝ သၟာလက်ပၠုဲဂှ် ပြိုင်ပကာန် ကုသၟာလက်ပၠုဲဒယှ် သမန်းကျား (ဍုင်ပံင်) (၅) ဝါ၊၊ ကာလပေါဲသၟတ်တေအ်ဂှ် ကေင်ဇၞးလဝ် သမန်းကျားတုဲ ပ္ဍဲကဵု  ပေါဲမၞိဟ်ဇၞော်ဂှ် တုပ်အာ ရေင်သကအ်ရ၊၊

သၟာလက်ပၠုဲ ညးဒးပြိုင်ဇၞော်အိုတ်ဂှ် ဒှ် ဗညာဓရာံ (သမိန်ဗရမ်း) ရ၊၊ မုဟိုတ်ရောမ္ဂး ဗညာဓရာံဂှ် ဇကုဇကောဝ် ဇၞော်နူညး၊ သၠုင်နူညးဏီ၊ တုဲပၠန် သွက်ညး ဂွံစာဲသတ်တဲ သၠုင်င်ဂှ် ဝါတ်ဂါတ်ဒၟံင်ညိရ၊၊ ဆဂး တက်ကဵု ဗညာဓရာံ ပိအလန်၊ သီုပိအလန်ဂှ် ညးဂွံဇၞးကေတ်မာန်ရ၊၊

ဟိုတ်မဂွံယၟု စာင်ဍေဝ် ဂှ် ဟိုတ်နူတဲပြဟ် ဇိုင်သာရ၊၊ ဒၟာနူ အစောံစရာဲဏအ်တုဲ ဂွံၜတ်ကေတ် အလာံဂမၠိုင်ရ၊၊

သၟာလက်ပၠုဲ ဒယှ် လူ့ဘီလူးကြီး ဘနှစ် (သဓီု) မဒယှ်တဴ နကဵုမတ္ၚေတ်တုဲ လုပ်စာဲဂှ် ၜိုန်ရ မံင်သ္ၚောဲသ္ၚောဲတုဲ စာဲကၠာလေဝ် ဟိုတ်နူ ဍေဟ်လုပ်တ္ၚေတ်တုဲ ညးဒူကဵုက္ၜံင်တုဲ ဂွံမာန်ကေတ် လူ့ဘီလူးကြီး ဘနှစ် ကီုရ၊၊

ကာလမတက် ကဵု ဂျူဒိုကျော်စိန် ပ္ဍဲဝိုင်သီဗု ဍုင်လ္ဂုင် (ရန်ကုန်မြို့ သိမ်ဖြူကွင်း) ဂှ် ပ္ဍဲကဵုအလှေဟ်ပထမဂှ် ဒးဒုင်စာဲကဵု ဂျူဒိုကျော်စိန် ပ္ဍဲခမင်တုဲ ဝိုတ်အာသတိ ဒးဒေါအ်ဇူထောအ် မွဲလစုတ်ရ၊၊ ဆဂး ဆက်တက်ပၠန် ပ္ဍဲကဵု အလှေဟ်တတိယဂှ် ဂွံမာန်ကေတ် ဂျူဒိုကျော်စိန် ရ၊၊

ဘဝ ကြဴနူသၟာလက်ပၠုဲ[ပလေဝ်ဒါန် | ပလေဝ်ဒါန် တမ်ကၞက်]

အလဵုဇကု ၜိုန်ရ တိုန်စင် တက်လက်ပၠုဲ ဟွံမာန်ကီုလေဝ် နဒဒှ် အစာလက်ပၠုဲမွဲဂှ် ဗတောန်ကဵု ကောန်စဴ ကေုာံ ညးဝါသနာလက်ပၠုဲတအ်ရ၊၊ "ကွတ်လက်ပၠုဲဏအ် အဲလေပ်လဝ် ပေင်င်ရ၊၊ တုဲပၠန် အလဵုဇကုအဲလေဝ် လုပ်ကၠုင်ပေါဲတၟာဂလိုင်ရ၊၊ ဆဂး နကဵုနဲကဲစှ်ေစှ်ေဂှ် အဲဗတောန်ကဵု ညးတၞဟ်ဟွံမာန်၊၊"မြဴသာ်ဝွံ နာဲဒဳ ဟီုကဵု ကဘော်မြေ ကျော်စိုး ရ၊၊ ၜိုန်ဂှ်ရလေဝ် နာဲဒဳ ပံက်လဝ် ကလာပ်လက်ပၠုဲ ရာဇာဓိရာဇ် မွဲတုဲ ဗတောန်ဒၟံင် ကွတ်လက်ပၠုဲ ကုညးဝါသနာတအ်ရ၊၊

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

ကဘော်မြေ ကျော်စိုး (၁၄-၁၂-၂၀၁၄) ကြက်တိန်ညင် (ကြက်တညင်)
MNA TV News, 5.8.2019

ကလေင်သီကေတ်လဝ် နူ "https://mnw.wikipedia.org/w/index.php?title=ဒဳ၊_နာဲ&oldid=16881"