ဒဿန ဂကောံစေတနာဍာ်ကၞေဟ်.လၟေၚ်.1

လ္ပတထေၚ်သောဲ ကောန်ဂြိုပ်

ကြက်စၠန်ဂှ် “ၜိုန်နွံအကြာဂြိုပ်ဂၞိၚ်ကီုလေဝ်”
သၟူမောဝ်ပ္ဍးမံၚ် အကြာဍုၚ်ဇၞော်
မၞုံကဵုၚုဟ်မး, မဂၠိုၚ်ဏီ။

ကောန်ဂြိုပ်ဂှ် “ၜိုန်နွံအကြာရးကီုလေဝ်”
ပညာကွတ် စိုန်သ္ကီုတုဲ
ညးဂမၠိုၚ်ဒးထိုၚ်သး
မၞုံတဴပ္ဍဲဍုင်, မဂၠိုင်ဏီ။

ဇၞူဟဒယ (ကအ်လှိုၚ် / ဒေသရေဝ် သၠုၚ်ကျာ)

---

2။

ၜိုန်ဒှ်ပၟိက် ဇၞော်အိုတ်မွဲကီုလေဝ်

သြန်ဂှ်” ၜိုန်ဒှ်ပၟိက်
ဇၞော်အိုတ်မွဲကီုလေဝ်
ဟိုတ်နူသြန်တုဲ “စိုတ်ၚံက်အာလေပ်ရ..။

ပညာဂှ်” ၜိုန်ဒှ်ပၟိက်
ဇၞော်အိုတ်မွဲကီုလေဝ်
ဟိုတ်နူပညာတုဲ “မာနသၠုင်အာလေပ်ရ..။

အခိင်ဂှ်” ၜိုန်ဒှ်ပၟိက်
ဇၞော်အိုတ်မွဲကီုလေဝ်
ဟိုတ်နူအခိင်တုဲ “ဖေက်အာလေပ်ရ..။

ရဲဂှ်” ၜိုန်ဒှ်ပၟိက်
ဇၞော်အိုတ်မွဲကီုလေဝ်
ဟိုတ်နူရဲတုဲ “လီုအာလေပ်ရ..။

ဆာန်ဂှ်” ၜိုန်ဒှ်ပၟိက်
ဇၞော်အိုတ်မွဲကီုလေဝ်
ဟိုတ်နူဆာန်တုဲ “က္ဍုဟ်အာလေပ်ရ..။

ဗ္စိုပ်ဆာန်ဂကူ ( က.ဍ )

---

ညးလဵုမှ ဍေံတံဟွံပါ်ပါဲ

မၞိဟ်တအ်ဂှ်
ပါ်ပါဲကဆံင်တၟေင် ဂုဏ်တၟေင်တုဲ
ဆက်ဆောံတဴရ
ဝဋ်ဂှ် ပါ်ပါဲညးလဵုတုဲမှ
ဟွံဆက်ဆောံပုဟ်။

မၞိဟ်တအ်ဂှ်
ပါ်ပါဲကဆံင်တၟေင် ဂုဏ်တၟေင်တုဲ
ကဵုတဴက္ဍိုပ်ရ
ကမ်ဂှ် ပါ်ပါဲညးလဵုတုဲမှ
ဟွံကဵုက္ဍိုပ်ပုဟ်။

မၞိဟ်တအ်ဂှ်
ပါ်ပါဲကဆံင်တၟေင် ဂုဏ်တၟေင်တုဲ
ဗက်မုက်မတ်ရ
ဓရ်ချိုတ်ဂှ် ပါ်ပါဲညးလဵုတုဲမှ
ဟွံဗက်မုက်မတ်ပုဟ်။

ရီုမန်(ကအ်သိုခ်)

---

စောဲတှ်ေဒဒိုက် ယိုက်တှ်ေဇြိုင်

ယဝ်ရပိုဲယ်ုက်လဝ်
ကပေါတ်မွဲမွဲမ္ဂး ပိုဲဇြိုင်ရ
ယဝ်ရဟွံယိုက်တှ်ေ ဟွံဇြိုင်ရ။

ယဝ်ရပိုဲစောဲလာံကဵုဝတ္ထုမွဲမွဲမ္ဂး
ပိုဲဒှ်ဒဒိုက်ရ
ဟွံစောံလာံတှ်ေဟွံဒှ်ဒဒိုက်ရ

ဟိုတ်ဂှ်ရ
ယဝ်မိက်ဂွံဒှ်တသိုက်မ္ဂး
လ္ပစောဲလာံညိ။

နာဲနေပုည (ဘာဇၞူဓမ္မသုခ ဍုင်လ္ဂုင်)

---

တင်ဒးဒ္ဂေတ်ဗက်

ဂလာန်ဝါစာ ချပ်ဗ္စာတုဲဟီုညိ
ကမၠောန် ဖျေံစေဝ်ပၞောန်တုဲ ကၠောန်ညိ
ကသပ်ချပ်လ္ပာ်ခိုဟ်ညိ။

ဂလာန်ဝါစာ
ဟွံချပ်ဗ္စာ ဟီုဏာဂှ်
ဒှ်ပြသၞာမာန်ရ။

ကမၠောန်ဟွံဖျေံစေဝ်ပၞောန်ကၠာ
ကၠောန်ဏာဂှ်
ဒှ်လလေင်ဖဵုမာန်ရ။

ကသပ် ချပ်လ္ပာ်ခိုဟ်မှ
ဂလာန်ခိုဟ် ကမၠောန်ခိုဟ်ဂှ်
ဒှ်ကၠုင်မာန်ရ။

ဝန္ဒနာ (ဘာကွာန်လှာ ဍုင်လ္ဂုင်)

---

ဗီုညးညးဒှ်တသိုက်

တသိုက်ညးမွဲကဵုမွဲ
ဟွံတုပ်ညးသ္ကံရ။

မၞိဟ်လ္ၚဵုဂှ် ပိုန်ဒြပ်နွံဂၠိုင်တုဲ
ဒှ်တသိုက်ရ။

မၞိဟ်လ္ၚဵုဂှ် ၜိုန်ရပိုန်ဒြပ်အောန်ကီုလေဝ်
ဒှ်မံင်တသိုက်စိုတ်ရ။

ဗီုညးညးဒှ်တသိုက်ရ။

နာဲနေပုည(ဘာဇၞူဓမ္မသုခ ဍုင်လ္ဂုင်)

---

ဟိုတ်ခိုဟ်မ္ဂး ဖဵုလေဝ်ဒးခိုဟ်

လ္ပာ်ဇကု
ညံင်ဍာ်ဒကေဝ်ဂွံပေင်
ဂိုတ်ဂ္စာန်လဝ်ကၠာညိ။

လ္ပာ်ဇကု
ဍာ်ဒကေဝ်ဍိုက်ပေင်ဒၟံင်မ္ဂး
အတိုင်ဇကုမိက်ဂွံဒှ်ဂှ်
ဍေံဒှ်ကၠုင်ကဵုမာန်ရ။

လ္ပာ်ဇကု
ဍာ်ဒကေဝ်ပေင်ဒၟံင်မ္ဂး
လ္တူနူဇကုရန်တၟံလဝ်သာတုဲ
ဍိုက်ပေင်ကၠုင်မာန်ရ။

လ္ပာ်ဇကု
ဍာ်ဒကေဝ်ဟၟဲဏီမ္ဂး
မုမွဲလေဝ်ဟွံဒှ်ကၠုင်မာန်ဏီရ။

ညးနိမိတ်ဗဒှ်လဝ်
ညံင်ဟိုတ်ဂွံဍိုက်ပေင်မ္ဂး
ဖဵုလေဝ်ဍိုက်ပေင်ကၠုင်ကီုရ။

ဗညာကေန် ( ဘာကအ်သိုခ်)