ဓမ္မဓဇ၊ ကျာ်ဇၞော်ဘာဒယိုင်ကၠံ၊ ဍုင်ကျာ်ပိ
ဘဒ္ဒန္တဓမ္မဓဇ (၁၉၄၉ - ၀၅၊ ၀၉၊ ၂၀၂၁) နွံပိုန် ဘာဒယိုင်ကၠံ ဍုင်ကျာ်ပိ ဒေသရးမန်၊ အစာတၠဂအုပ်ဂိုဏ်ပဝါရဏာ (ဂိုဏ်ဒယိုင်ကၠံ) မဂွံဒုင်ပူဇဴ တဆိပ်တြာ အဂ္ဂမဟာဂန္ထဝါစကပဏ္ဍိတ ဓမ္မာစရိယ၊
ပထမအဝဲ[ပလေဝ်ဒါန် | ပလေဝ်ဒါန် တမ်ကၞက်]
ကျာ်ဇၞော်ဓမ္မဓဇဝွံ က္တဵုဒှ်မၞိဟ် ပ္ဍဲသၞာံ ၁၉၄၅ ပ္ဍဲကွာန်တၟအ်ကၞေင် ပွိုင်ဍုင်ရေဝ် ဇရေင်မိမ နာဲလု မိမွေ၊ မဒှ်ကောန် မရနုက်ကဵုပိ၊ မဂွံခုတ်ခဴလဝ်ယၟု မာံကောန်နန် ရ။ အဝဲမံင်ဘာစိုပ်ဂှ် မိမစွံလဝ် ဘာတန် အမက ပ္ဍဲကွာန်တၟအ်ကၞေင် သၞာံ ၁၉၆၂ - ၆၃ အခိင် ဦးညိမ်းတင် မဒှ်ဒၟံင် အစာဘာဇၞော်ဂှ် ညးတိုန်လဝ် တန်စတုတ္ထ။ ဂွံအံင်ကေတ် တန်စတုတ္ထတုဲ တန်ပဉ္စမဂှ် အာတိုန် ပ္ဍဲဘာအလက ကွာန်လၟိုင်ရ။ အံင်တန်ပဉ္စမတုဲ လုပ်ပထပိုယ်။ ပ္ဍဲဘဝထပိုယ်ခမဳဂှ် အာကတ်စလိက် ဍုင်ကွာန်နာနာ မပ္တံကဵု မတ်မလီု၊ လ္ဂုင်၊ မာန္တလေတုဲ သၞာံ ၁၉၇၉ ဂှ် ဂွံအံင်ဇၞးကေတ် တန်ဓမ္မာစရိယ ရ။ ဗွဲကြဴ အာကတ်လိက် ပ္ဍဲတက္ကသိုလ် မဟာစူလလံင်ကောန် ပ္ဍဲဍုင်က္ၜင်ကံက်၊ ရးနိဂီုသေံဂှ် ကျာ်ဇၞော်အစာဥတ္တမ နွံပိုန်ဘာဝင်က ပ္တန်လဝ် ဘာဒယိုင်ကၠံ ပ္ဍဲဍုင်ကျာ်ပိတုဲ အာတ်မိက် ကဵုကၠုင်ဖျေဟ်လိက်၊ ပကျာ်ဇၞော် ဘာဒယိုင်ကၠံ၊ ဍုင်ကျာ်ပိရ။[၁]
ဖျေဟ်ဘာနိဗ္ဗာန် ၁၃၊ ၀၉၊ ၂၀၂၁ ဂိတုဘတ် (၈) မမံက်၊ [၂]
နိဿဲ[ပလေဝ်ဒါန် | ပလေဝ်ဒါန် တမ်ကၞက်]
- ↑ Mon, Thi Thi (25 September 2021). ထိုင်းခရီးမှတ်တမ်း. Open.
- ↑ Mon, Thi Thi (25 September 2021). ထိုင်းခရီးမှတ်တမ်း. Open.