နာဲခိုၚ်စိုတ်ဓါတ်
နာဲခိုၚ်စိုတ်ဓါတ်
သၟာန်။ ။ စိုတ်ဓါတ်ဟီုဂှ် ဒှ်အရာ
ဣဒ္ဓိအနုဘဴ လောကဇၞော်ဏံ
ဟွံသေၚ်ဟာ တုပ်တဴညံၚ်ရဴပၟတ်
ရ ပၟတ်ဂှ်သုၚ်စောဲဟွံလေပ်မ္ဂးဟဳ
တူလေၚ်ထောံ ညးလောကတံ
မာန်ဏောၚ် သုၚ်စောဲလေပ်တှ်ေ
ဍုန်ဗစိန်တၞဟ်ဟ်မာန်ရ နဲဂွံသုၚ်
စောဲစိုတ်ဓါတ် လေပ်ဂှ်လေဝ်
ဂွံဂၠဲါလ္ၚတ်ဒၞဲါလဵုရော။
သွဟ်။ ။ ဟွံမောဝ်သၟူလိက်ပေၚ်ၜိုတ်
၅တ္ၚဲမ္ဂး ဟီုဂလာန်အဓိပ္ပဲါ
ဟွံဍိုက်ပေၚ်ရ ရှ်သာလေဝ်ဟွံ
မွဲရဟွံသေၚ်ရ ဟိုတ်ဂှ်ရ ညံၚ်
စိုတ်ဓါတ်ဝါသနာဗှ်လိက်ဂွံနွံ
သ္ဒးပကတ်ပကေၚ်လဝ်ရ။
နဲကဆံၚ်ပထမ = လိက်အုပ်လဵုမိက်ဂွံဗှ်ဂှ်
ကံက်ဗှ်ရံၚ်ဒဵုကဵုအိုတ်ညိ။
နဲကဆံၚ်ဒုတိယ=ဗက်ဗှ်
လိက် သွက်ဂွံဒှကအသဝ်
ဂုဏ်ပညာညိ။ နဲကဆံၚ်
တတိယ=ရုဲဗှ်လိက် ပရူ
တဵုလွဳစိုတ်ဓါတ်
ဂွံခိုၚ်ကၠိုက်ညိ။
မၞးတော်ရံၚ်စမ် ဗှ်လိက်
မာန်မှဒှ်တၠပညာမာန်၊
ဒှ်က္ဍိုပ်သ္ကိုပ်ခိုဟ်မာန်ရ။
သၟာန်။ ။ (ပညာ၊ အဝဵု၊ ပိုန်ဒြပ်၊ ၜိုတ်
လဵု ဂၠိုၚ်ဂၠိုၚ်၊ ဟွံထတ်ပုဟ်၊
အေဲ
ဇြကှ်မံၚ်မ္ဂး၊ ဟွံကလိဂွံ
တသိုက်စိုတ်ရ။ ဂွံထတ်ယုက်
ဂှ်လေဝ် ဂွံကၠောန်နဲကဲလဵု
ရော။)
သွဟ်။ ။ မံၚ်သောၚ်ၚ်အးအးညိ စၞဒှ်
အာဟာရ သြဇာဂှ် ရုဲစသုၚ်ညိ
တိက်ဖဲဖဲညိ ယီုလုပ်ယီုတိတ်
ဖဲဖဲညိ ခြာဟွံလံပြေလၟောၚ်စိုတ်
ညိ၊ ပရေၚ်လၟောၚ်ကွိုၚ်ကွုဲညိ
ဆက်ကၠောန်အာကမၠောန် ဒဵုကဵု
ကွိုၚ်ကွုဲဍောၚ်စိုတ်တှ်ေ ဒြဟတ်
စိုတ်ဓါတ် အေဲဇြကှ်ကၠုၚ်မာန်
ဏောၚ် သွက်ဂွံထက်ယုက်
ဒးကဵုအခိၚ်ဇူရ၊ ဒးဝေၚ်ဓတ်ချဳ
ဒရာၚ် ခန္ဓကာယဗွဲမစှ်ေသၞောတ်
ရ။
သၟာန်။ ။ သွက်ဘဝပိုဲသ္ဂောံဇၞော်မောဝ်
သ္ဂောံဒှ်တသိုက်စိုတ်မာန်ဂှ်
ဒးဝေၚ်ပဲါမုကီုရော?။
သွဟ်။ ။ ဟိုတ်ဘဝပိုဲ ဂွံဟုတ်ယုတ်သဝ်
စှ်ေနွံပန်သာ်ရ၊ (က)ဖ္အိုတ်
ဝေၚ်အခိၚ်ကီု (ခ) သ္ပကိစ္စ
ဇၞော်ကဵု ကမၠောန်သောဲ
သောဲဗြောဲဗြောဲတံကီု၊(ဂ)
ပွမကယျာန်ဓဝါတ်ညး
သ္ကအ်ကီု (ဃ)ကၠောန်သ္ပ
ဟီုဂးချပ်ဟွံမွဲကဵုၚုဟ်မး
ကီု မပ္တံသာ်ဏံ ယဝ်ရအ
ခိုက်နွံမံၚ်မ္ဂး ကၠဟ်
ထောံဗွဲမပြဟ်ညိ၊ အဵု
ဟိုတ်အခိုက်သာ်ဏံနွံ
တုဲ ဆလအ်ဟွံဇၞော်
မောဝ်ရ ဟွံဒှ်တသိုက်
စိုတ်မပြဲရ ဘဝမၞိဟ်စိုတ်
ဓါတ်မၞိဟ်အေဲဇြမံၚ်တွဵု
ရ။စိုတ်လေဝ်ဂၠေံလောဲ
သွာရ။
သၟာန်။ ။ တ္ၚဲမာန်စိုတ်ဇကုဇကုဂှ် ဒှ်တ္ၚဲ
ဇၞော်မောဝ်ဇကုဇကုရ။ ဂွံ
မာန်စိုတ်ဇကုဂှ် သ္ပသ္ဇိုၚ်ကဵု
နဲကဲလဵုရော?။
သွဟ်။ ။ ညးကၠောန်ကမၠောန်ခိုဟ်ဂှ်
စိုတ်ကၠိခ္ဍက်စိုတ်သောက
စိုတ်အကုသဵု အခေါၚ်မံက်
ကၠုၚ်လေဝ်ဟွံမွဲရ၊ ဒှ်သာ်ဝွံ
တုဲ ပွမကၠောန်ကမၠောန်ဂှ်
ဒှ်နဲအာယုက်ဂၠိၚ်ခိုဟ်မွဲကီု
ရ။ဒှ်သွက်ဂွံဇၞော်မောဝ်တိုန်
ကီုရ၊ ဟိုတ်ဂှ်တှ်ေ တ္ၚဲယး
ဗီုလဵုဂွံဂွံကမၠောန်ဂၠိုၚ်ၚ်
ရော၊ အခိၚ်ဗ္တံဂှ် ဖန်ဖက်
ချူစွံလဝ်ကဵုတၞးလိက်ညိ။
တ္ၚဲယးရံၚ်တၞးလိက်ဂှ်တုဲ
ကမၠောန်ဖန်ဖက်လဝ်ဗွဲ
မဂၠိုၚ်တံဂှ် ကၠောန်စဵုကဵု
အာစိုပ်ဒတုဲညိ။
သၟာန်။ ။ ညးနွံကဵုသတ္တိဂမၠိုၚ် စိုတ်
ဓါတ်ခိုၚ်ကၠိုက်တုဲ တၚ်ရန်တၟံ
ဘဝညးဂှ် ရုပ်ရဴမံက်ကၠုၚ်မွဲ
တုဲမွဲရ၊ ညးတံကလိဂွံအံၚ်ဇၞး
ရ၊ သွက်စိုတ်ဓါတ်ဂွံခိုၚ်ကၠိုက်
ဂှ် ဒးလွဳသတ္တိဗီုလဵုရော?။
သွဟ်။ ။ တ္ၚဲဏံကၠောန်ကမၠောန်ဏံ
ဏောၚ် ချပ်လဝ်ပ္ဍဲစိုတ် က
မၠောန်မွဲမွဲဂှ် ကၠောန်ညံၚ်ဂွံ
အံၚ်ဇၞးမ္ဂး ဒှ်ဒ္ဂေတ်လ္ၚတ်ကိစ္စ
ဇၞော် သွက်စိုတ်ဓါတ်ဂွံခိုၚ်
ကၠိုက်မွဲရ ယဝ်ရဒးကၠောန်
ကမၠောန်နွံမံၚ်မ္ဂး "တ္ၚဲဂၠုရ တ္ၚဲ
က္တဴကါတ်လောန်ရ" မပ္တံသာ်
ဏံ လ္ပယှအ်ထောံစိုတ် လ္ပ
ယှအ်ထောံကမၠောန်ညိဏး။
သၟာန်။ ။ အခိၚ်ဂှ် ၚုဟ်မးဇၞော်နူဒြပ်
ရတ်ဏီရ ဒြပ်ရတ်ဂှ် ဂၠဲါနကဵု
အခိၚ်ဂွံမာန်မံၚ်ကီုလေဝ်
အခိၚ်ဂှ် ဂၠဲါကေတ်နကဵုဒြပ်
ရတ်ဟွံဂွံရ နကဵုနဲလဵုဂွံသုၚ်
စောဲၚုဟ်မးအခိၚ်ရော?။
သွဟ်။ ။ ပၠအ်အခိၚ်မ္ဂး ဘဝဗၠိုက်
ဏောၚ် ပွမကၠေၚ်ကၠေံအခိၚ်
ဒးဂိုဟ်အခိၚ်ဏောၚ် ပွမ
ပၠေၚ်ကၠေံအခိၚ် ဟွံမွဲကဵုၚုဟ်
မးဂှ် တုပ်ညံၚ်ရဴသွံစ ဘဝ
ဇကုဇကုကီုရ ဟိုတ်ဂှ်ရ အ
ခိၚ်ဟီုဂးချိၚ်လဝ်ဂှ် အာဒဵု
စိုပ်ညိ၊ ဥပမာ-ချိၚ်လဝ်ဒ္စံါ
နာဍဳမ္ဂး ကၠာဟွံဂွံတက် ၜိုတ်
(၅)ဗဳဇၞာ (မဳနေတ်)အာစိုပ်
မာန်မ္ဂး ဒှ်ခိုဟ်အိုတ်ရ။
သၟာန်။ ။ လေပ်ပညာမွဲဓဝ်မှ ဒေါဝ်ညး
ရာၚ်ဆာဲဟာ ဟီုအရေဝ်
ခိုဟ် ဒေါဝ်ညးရာၚ်ဆာဲမံၚ်
ကီုသေၚ်ဟာ ဒ္ဂေတ်ဗက်ဗီု
လဵုမှ ဟီုအရေဝ်ခိုဟ်
လေပ်ဂှ်ရော?။
သွဟ်။ ။ ဟီုဂလာန်လုပ်ဂွန် စှ်ေပးတှ်ေ
ညးတၞဟ်ဒးရှ်ေသှ်ေရဴဂဴတွဵုရ
ဟိုတ်ဂှ်ရ ကၠာဟွံဂွံဟီုဂလာန်
မွဲမွဲဟီုထေက်ဟွံထေက်ချိၚ်
ချရံၚ် လ္ပဟီုလေဝ်မံၚ်ဂွံမ္ဂး
လ္ပဟီုညိ ဟိုတ်ဖဵုဟွံမွဲ မွဲသာ်
ပရူညးတၞဟ်ပရေံလ္ပဟီုညိ
ဗၠးဘဲအန္တရာဲဗွဲကြဴမာန်ရောၚ်။
သၟာန်။ ။ လမိၚ်လညာတ်ခိုဟ်ခိုဟ်
ဂလာန်ပ္ဍဲလိက်ကၞပ်ခိုဟ်ဟ်
ပကောံပကေဝ်လဝ်ပ္ဍဲလိက်
ဗပိုတ်(လိက်စၟတ်သမ္တီ)တှ်ေ
မွဲတ္ၚဲမ္ဂး ဒှ်ပညာသွက်ဇကု
ဒှ်အ္စာဇကုခိုဟ်အိုတ်ရ၊ အဵု
ဂလာန်မိၚ်လညာတ်ဂှ်ကီု
ဂလာန်ပကောံပကေဝ်ဂှ်ကီု
ဗီုလဵုဂွံပါ်ပဲါရော?။
သွဟ်။ ။ ပွမချပ်ပါ်ပဲါဂှ် ဍေံရနုက်ဗ
ပေၚ်ကဵုလညာတ် ဇြိုဟ်နက်
ပ္ဍဲမၞးမာန်ကီု ဒှ်သွက်ဘဝမၞး
မာန်ကီုရ။ ကိစ္စချပ်ပါ်ပဲါဂှ်
ဒုၚ်တဲဗွဲမၜိုတ်သြိုဟ်လၟိုန်ညိ၊
တုဲမှချပ်ရံၚ်ကိစ္စပါ်ပဲါ ဒးစွံ
ဂရုဟာ? ဟွံဒးစွံဂရုဟာ? စၟဳ
စၟတ်ၜိုဟ်ၜိုဟ်သြိုဟ်သြိုဟ်ညိ။
သၟာန်။ ။ စိုတ်ကၠိခ္ဍက်ဂွံဟဲမာန်ဂှ် နွံမွဲနဲ
ဓဝ်ရ ဂစာန်ကၠောန်ကမၠောန်
ဗွဲမစိုတ် လုပ်စဟေၚ်ရ၊ မပ္တံ
ကမၠောန်သာ်လဵုတုဲ စိုတ်ကၠိ
ခ္ဍက်ဂွံဟဲအာမာန်ရော။
သွဟ်။ ။ ပွမစိုတ်ကၠိခ္ဍက်ဒၟံၚ်ဂှ် ဒှ်သၞကဵု
ပရေၚ်စိုတ်ဓါတ်မွဲဟွံက နူ
အဝယ်ဍောတ်တ်ဏံလေဝ်
စုတိအာမာန်ဏောဝ် ဟိုတ်ဂှ်
ရ မပ္တံခုၚ်လိက် ဒၞဲါသ္တိက်
ကပေါတ်ရပ်စပ်တံ စွံဒၞဲါဍေံ
ကဵုဍေံဗွဲမစှ်ေသၞောတ်ညိ၊ အ
ခိၚ်နွံပၟိက် မိက်ဂွံဂွံကပေါတ်ဂှ်
နကဵုနဲဝွံ ဟိုတ်ကလိဂွံလောဲ
သွာဲတုဲ စာ်စ္ဍးနူစိုတ် မကၠိခ္ဍက်
မာန်ရ။
သၟာန်။ ။ ညံၚ်တၞံဆုဂှ်ကှ်တံတူလောဲ
သွာဂှ် ညးမၞုံဒေါသဂှ်လေဝ်
စံၚ်တူလောဲသွာရ။ ညံၚ်ဒေါ
သဂွံအောန် ဗီုလဵုဂွံဗ္စါဏာ
ရော?။
သွဟ်။ ။ ပတောံၜတ်ပတုပ်ကဵုစိုတ်ဇ
ကုညိ ပတုပ်ကဵုစိုတ်ဇကု တီ
စိုတ်ညးတၞဟ်မ္ဂး ပၟတ်ဒေါသ
တူဟွံလောဲသွာရ၊ ပၟတ်ဒေါ
သဟွံတူတှ်ေ သ္ၚိဓါတ်ကောန်
တၟံၜိုဟ်သြိုဟ်ရ။သ္ၚိဓါတ်
ကောန်တၟံၜိုဟ်သြိုဟ်မ္ဂး စိုတ်
ဓါတ်ခိုၚ်ကၠိုက်ရောၚ်?။
သၟာန်။ ။ စိုတ်ဓါတ်ဍိုန်လျမ္ဂး မုဂွံချိုတ်
ပၠိုတ်ရ၊ဗီုစိုတ်ဗ္ဂေတ်ဂှ် ဒးဒုၚ်
ဗ္ဂေတ်ဂၠိုၚ်ရ။ဆဵုဂဗကၠုၚ်ခက်
ခုဲမ္ဂး ညံၚ်ဂွံကြံၚ်ဗီုပသဲက္ဍာၚ်
ဂှ် ဗီုလဵုဂွံဗ္စာရဏာရော?'။
သွဟ်။ ။ ဇၟာပ်ချပ်ကမၠောန်မွဲမွဲ စိုတ်
ဂွိၚ်ဖေက်မမိက်ကဵုမွဲမွဲ မံက်
ကၠုၚ်မ္ဂး ဍိုန်လျကဵုအရာစိုတ်
ဓါတ်ဂွံခိုၚ်ကၠိုက်ရ။ ဆဵုဂဗဒှ်
ကၠုၚ်ဗီုဏံတှ်ေ နဲဂွံလွဳခိုဟ်
အိုတ်ဂှ် ကမၠောန်ဏံ သွက်
ဂွံဂွိၚ်ဖေက်ဟွံမွဲ ဍာံဟွံဍာံ
ဒးချပ်ဂၠိုက်ဂၠဲါဏောၚ် ဒး
ကၠောန်စမ်ရံၚ်ဏောဝ်။
သၟာန်။ ။ ဆဵုဂဗကၠုၚ် လောကဓဝ်မပ္တံ
ညးဆာန်ညးက္ဍဟ် ညးဟွံသ္ပ
ဂရုမ္ဂး ဗီုလဵုသ္ဂောံဗ္စါရဏာ
ရော?။
သွဟ်။ ။ ညးဆာန်ဇကုဂှ် ဗ္တောန်ကဵုဂွံ
သွက်ဂွံသိပ်ဂၠိပ်ဇပ်ဍပ်ရ ညး
က္ဍဟ်ဇကုဂှ် ဗ္တောန်ကဵုသွဟ်
ဂွံစွံသတိရ ညးဟွံသ္ပဂရုဇကု
ဂှ် ဗ္တောန်ကဵုသွက်ဂွံပတှ်ေစဇ
ကုဇကုရ။ ယဝ်ရုပ်သာ် ဟွံ
ကျေဝ်ဂေါဝ်မ္ဂး စိုတ်လ္ပလီု
လာ်ညိ။ရုပ်ဥပဓိ ညံၚ်ဂွံသပ္ပါဲ
မံၚ်စံၚ်ညိ။ဥပမာ-မပ္တံမံၚ်စံၚ်
သောၚ်အးအး ဗိုက်လ္တက်
သိပ်ပ်ဂၠိပ်ပ် ကၠောန်သ္ပဟီုဂး
ဗွဲအိန်ရဳစစၞလ္ပကဵုဝက်ညိ။
သၟာန်။ ။ မၞိဟ်လၞုဟ်ပၠေၚ်ပုၚ်ဂှ် ပရေံနူ
မၞိဟ် စုတိဏီ ညံၚ်ဟွံဂွံလၞုဟ်
(ဝါ) ဟွံဂွံသၠးဂှ်သ္ဒးစိဇန်လဝ်
ဗီုလဵုရော?။
သွဟ်။ ။ မုကမၠောန်ဟွံသ္ပတီ မံၚ်ထောံ
သၟးသၟးဂှ်လေဝ်အာက္တဵုဗ္ဒျ်ကဵု
စိုတ်ဓါတ်ပရေံပရေံမာန်ရ လံ
ကၠုၚ်တှ်ေ စိုတ်ဓါတ်ထုဲကၠုၚ်
သွက်ဂွံတဝ်မုက်အရာရာဂှ်
ဇြိုၚ်ကၠုၚ်စိုတ်ရ၊အကုသဵုစိုတ်
ကီု ပွမဗျဵုကဟၚ်ကီု ပၟတ်
သောကစံၚ်ပၠေၚ်တံဂှ်လေဝ်
က္တဵုဒှ်မာန်ရ ဟိုတ်ဂှ်ရ ညံၚ်ဟွံ
ဂွံသၠးဂှ် ဒးဇက်လဝ်သ္ၚိအံၚ်
အခိၚ်မၞုံကဵုဂုဏ်ဖဵုဂှ်ထေက်ရ။
သၟာန်။ ။ ဘဝပိုဲဂွံခိုဟ် ဂွံပရေံမာန် စနူ
ကၠေၚ်က္ဍဟ်ပွမချပ်ဗ္စာဂှ်ရ တီ
သာ်ဏံတုဲ ဗီုလဵုဂွံသုၚ်စောဲ
ကၠေၚ်က္ဍဟ်ရော?။
သွဟ်။ ။ ညးသုၚ်စောဲ ဂ္စါန်ကၠောန်က
မၠောန်ကဵုကၠေၚ်က္ဍဟ်တံဂှ် ခါ
ကၠေၚ်က္ဍဟ်ဍောၚ်ၜိုတ်ကၠုၚ်
သွက်ဂွံဇူဒီု နူကမၠောန်ဂှ် ကိစ္စ
ဇၞော်ကွေံရ၊ ပရေၚ်ကမၠောန်
ဂွံတုဲဟေၚ် ခရေတ်ကၠောန်
ဒၟံၚ်လံကၠုၚ်မ္ဂး ဒးဒုၚ်စသိုၚ်
ယဲစိုတ်မာန်ဏောဝ်။
သၟာန်။ ။ ပွမတဵုလွဳပရေၚ်စိုတ်ဓါတ် ကိ
စ္စအမှုရာဇာဝတ်ဟွံသေၚ် ဒှ်
ဟိုတ်ပါရမဳမွဲဟေၚ် ဟိုတ်ဂှ်ရ
လောကဓဝ်ဇီုလပိုက်ကၠုၚ်မ္ဂး
ဗီုလဵုဒးစွံစိုတ်ဓါတ်ရော?။
သွဟ်။ ။ စွံတၚ်ရန်တၟံမွဲမွဲတုဲ ညံၚ်ဂွံစိုပ်
ဒ္တုဲ ဂိုတ်ဂ္စာန်ညိ နနဲသာ်ဝွံ
ဟိုတ်တတ်ကၠောံ အခက်အ
ခုဲတၞဟ်ဟ်မာန်တုဲ မူဆဵုဂဗမွဲ
က္ဆံၚ်ကဵုမွဲက္ဆံၚ် စိုတ်ဓါတ်ခိုၚ်
ကၠိုက်ကၠုၚ်မာန်ရ။
သၟာန်။ ။ ကံဇကုဒှ်ကၠုၚ်သ္ၚုမ္ဂး ညံၚ်ဂွံဒှ်
ကွာၚ်မၞုံၚုဟ်မးဂှ် ဗီုလဵုသ္ဒး
ဂိုတ်ကၠောန်ရော?။
သွဟ်။ ။ ၜိုတ်ကလိဂွံအခေါၚ်ဂှ်
ကၠောန်ပ္တိတ်စဵုကဵုပရဲဂွံတိတ်
ဂၠိုၚ်ၚ်ညိ ဟိုတ်ဂှ်ရ သွက်ဂွံ
ကၠောန်ကမၠောန်တ္ၚဲယး ဖန်
ဖက်လဝ်ဟတုဲ ၜိုန်ဂှ်လေဝ်
စိုတ်လ္ပကၠိခ္ဍက်ညိ ကမၠောန်
တုဲမာန်မံၚ်တ္ၚဲဏံဂှ် လ္ပကဵုသှ်ေ
ၜက်ထောံတ္ၚဲယးတေံညိ။
သၟာန်။ ။ ပ္ဍဲလောကကေတ်မ္ဂးဒးဂွံ အာ
မ္ဂးဒးစိုပ် ကၠောန်မ္ဂးဒးဒှ်
ဏောၚ် ၜိုန်စွံလဝ်ဆန္ဒ
သ္ကာတ်သ္ကာတ်မြဟ်မြဟ်
လေဝ် ညံၚ်စိုတ်ဓါတ် ဟွံဂွံ
ဍိုန်လျဂှ် ဗီုလဵုသ္ဒးဗ္စါရဏာ
ရော?။
သွဟ်။ ။ ကၠောန်မ္ဂးဂွံဒုၚ်စသိုၚ်ဏောၚ်
“ ဟွံဗၠေတ်ဟွံယောၚ်ပုဟ်
လ္ပတော်လဝ်ချိုတ်တ်ပၠိုတ်
တ်ညိ ” အတိုၚ်ထေၚ်ဟွံဒှ်
ကၠုၚ်မ္ဂး ဗီုလဵုဂွံတဝ်မုက်စွံ
စိုတ်ရော? ရဴမပ္တံသာ်ဝွံ ချပ်
စန်စာပေလေဝ်ပလေတ်
လဝ်ညိ၊ နဲဏံဝွံ ဆေဝ်ဒဝ်
ကဵုစိုတ်ဓါတ်ဍိုန်လျတံရ။
သၟာန်။ ။ ကံနူအတိက် ကဵုဖဵုပ္ဍဲခဏပ္တန်
ပဋိသန္ဓိပိုဲရော ပ္ဍဲပစ္စုပ္ပန် အ
ခိၚ်လဵုကၠုၚ် ကဵုဖဵုကဵုပိုဲရော
ဟိုတ်နူပိုဲညာတ်ကေတ်ဟွံ
မာန်တုဲ ပတှ်ေကံအတိက်
သၟးလေဝ်ဟွံတုဲရ။ ဘဝဇကု
ဂွံဇၞော်မောဝ်ဂှ် နွံပ္ဍဲအစောန်
စရာဲဇကုတုဲ ပတှ်ေဗေဒၚ်
သၟးလေဝ်ဟွံတုဲရသေၚ်ဟာ
ကၠောန်ကမၠောန်မွဲမွဲ ဍိုက်
ပေၚ်အၚ်္ဂမူစိသာ်မှအံၚ်ဇၞး
မာန်ရော?။
သွဟ်။ ။ (၁)ကာလဗလ-ဍိုက်ပေၚ်ကဵု
ညးဒုၚ်ကၠောန်ပ္တိတ်ဒြဟတ်
မာန်(၂)ဥာဏဗလ-ဍိုက်
ပေၚ်ကဵုညးတၞဟ်ညးကဵုက္သပ်
ဥာဏ်မာန်(၃)ဘောဂဗလ-
ဍိုက်ပေၚ်ကဵု ညးပ္တိတ်ပိုန်ဒြပ်
ရတ်မာန်၊ (၄)မိတ္တဗလ-ဍိုက်
ပေၚ်ကဵု မိဿဟာဲခိုဟ်မာန်၊
(၅)စာရိတ္တဗလ-ဍိုက်ပေၚ်ကဵု
ညးမၞုံဒ္ဂေတ်မပြဲမာန် အဵု
ဍိုက်ပေၚ်အၚ်္ဂမသုန်သာ်ဏံ
တှ်ေ မုကမၠောန်ကၠောန်န်ဒး
အံၚ်ဇၞးမာန်ဟေၚ်ရ။
သၟာန်။ ။ ကၠောန်သွက်ဂကူ ညးလဵုဟွံ
ဍဵုဍိုက်တုဲ ဒှ်ဂၠံၚ်တရဴဗောဓိ
သတ်ပိုဲရဟွံသေၚ်ဟာ က
မၠောန်ခိုဟ်ပြဲနူဏံဂှ်ဟွံမွဲရ မူ
ဟိုတ်ညးလ္ၚဵုစိုတ်ဓါတ် ဂွံ
အေဲဇြအာမာန်ဂှ်ရော?။
သွဟ်။ ။ ကၠောန်ကမၠောန်သွက်ညးဂ
မၠိုၚ်မ္ဂး ညးထိုၚ်သးကီု ဂွံဒုၚ်
စသိုၚ်ကီုဂှ် လ္ပစၟဳညိ ယဝ်ရစၟဳ
ဒၟံၚ်မ္ဂး နူကမၠောန်ဇကုဇၞော်
မောဝ်ကၠုၚ် ညးပါ်ပဲါညးဟီုဂ
ရိုဟ်တှ်ေ စိုတ်ဓါတ်လီုလာ်
မာန်ရ၊ တၞံဆုဒုန်တံဂှ် ပကောံ
ပကေဝ်နၚ် ရှ်သာနာနာ နူမပ္တံ
တိဍာ်တံတုဲ နူညးတၞဟ်ကၠုၚ်ၜှ်
ဏာသတ်ဆုသတ်ဒုန်ဇကုဂှ် ဗီု
လဵုညးတၞဟ်ဂွံထိုၚ်သး ဂွံဆာပ်
ဂုဏ်ဇကုဂှ် ဟွံစၟဳတဴရ ပူဂဵုမၞုံ
စိုတ်ဓါတ်ဗီုဏံဂှ် ဒှ်တြုံအာဇာ
နဲ ပၠတရဴကောန်ဂကူပိုဲဍာံဍာံ
တုဲ ကမၠောန်ဇကုမရန်တၟံလဝ်
ဂှ် အံၚ်ဇၞးမာန်ရ။
သၟာန်။ ။ ပ္ဍဲဂၠးတိဏံ ဂကူပိုဲမန် ဒှ်တမ်မူ
လမွဲဂကူကီုရ၊ ပြးဇးဒၟံၚ်ဂၠး
တိဂှ်ဂၠိုၚ်နူဂကူတၞဟ်ဏီရ၊
ဟိုတ်နူဂကူပိုဲဝိဝိၚ်ဟိုတ်မာဲ
ဒၟံၚ်နာနာသာ်တုဲကြပ်ပေၚ်ကၠုၚ်
(၂၅၀)သၞာံ ရဟွံသေင်ဟာ
ကၠောန်နဲကဲသာ်လဵုမှ ဂကူပိုဲ
က္ဆံၚ်သၠုၚ်တိုန်မာန်ရော?။
သွဟ်။ ။ (၁)ဒးဗ္တောန်ကဵုလိက်မန်
ကတ်ပညာက္ဆံၚ်သၠုၚ်သၠုၚ်ရ၊
(၂)လေပ်လိက်တုဲ ဗှ်ပ္တံလိက်
ဝၚ်လိက်နာနာသာ်မာန်တုဲ
စိုတ်ဓါတ် ဆာန်ဂကူဍာဲကၠုၚ်
မာန်ရ၊(၃)စိုတ်ဓါတ်နွံတုဲ သၠး
အတ္တယိုက်ဂၠေၚ်တာလျိုၚ်ဂ
ကူမာန်ရ၊ (ယိုက်ဂၠေၚ်လဝ်
တာလျိုၚ်တုဲ ညံၚ်ဂွံဍိုက်ပေၚ်
စိုပ်ဒ္တုဲမာန်ကၠောန်မှ ဒှ်မၞိဟ်
ခိုဟ်မွဲရောၚ်)၊(၄)သၠးအတ္တ
မာန်လ္ညာတ်ဍာံလ္ညာတ်သၠုၚ်နွံ
မှကၠောန်ပရေၚ်ဍုၚ်ကွာန် ဂ
တာပ်ခေတ်မာန် စန်ဒက်
အာဂတကောန်ဂကူပိုဲမာန်
စိုတ်ဓါတ်ရာဇာဓိရာဇ် မံက်
ဂတဝ်ကၠုၚ်အံၚ်ဇၞးနာနာ
သာ်မာန်ရ။
သၟာန်။ ။ အခိၚ်တ္ၚဲဏံ ကောန်ဂကူပိုဲ
လ္ညာတ်ဟွံတုပ် ရမျှာၚ်က္ညာၚ်
ဟွံညဳ ပါ်မံၚ်ဆီ မာနသၠုၚ်
ကဵုက္ဍိုပ်ညးသ္ကံဟွံမာန်တုဲ ဟွံ
တိတ်ဗၠးနူဒဒိုက်ဍိက်ဂၠုဲရ
ကၠောန်နဲလဵုမှ ဂွံအံၚ်ဇၞး ဂွံဗၠး
ဝဲခၞံၚ် ဍိက်ဂၠုဲရော?။
သွဟ်။ ။ ညးကၠောန်ဗက်စဇကုဟွံမာန်
တုဲ လ္ပဟီုဂရိုဟ်လ္ပသၞညိ ညံၚ်
ဂွံကၠောန်အာမွဲစွံမာန်ဂှ် ဒး
ဒုၚ်ပါ်ပဲါလှာဲလ္ညာတ်ညာဏ်
ဆဵုဂၠံၚ်တရဴဍာံတုဲ မန်နွံပ္ဍဲဂၠးတိ
ဖ္အိုတ်ဂှ် ဒးကၠောန်အာမွဲဒြ
ဟတ်ဓဝ် ညဳညဳဳမၞိဟ်ညးမၞိဟ်
အဲလ္ပရံၚ် လ္ပါ်ဆီ မၞိဟ်ဍာ်ဒ
ကေဝ်ပေၚ်ၚ်ဂှ် ကဵုအာဂတ
ပၠတရဴဗဟဵုမန်ဖ္အိုတ်ဒ္ဂေတ်
ဗက်သၞောဝ်မွဲဗဟဵုဓဝ် ရပ်
ဇုက်တုဲ ကၠောန်ဍိုက်ပေၚ်ၚ်
မာန်မ္ဂး ဗၠးဘဲဒဒိုက်ဍိက်ဂၠုဲ
ဟေၚ်ရ၊ ညးလဵုလေဝ်ဟွံ
ဂံၚ်ဍဵုဍိုက်ဂကူပိုဲရ။
✍ချူ-ရတ်ရတ်✍