ပရေင်လ္ၚတ် လၟိဟ်သင်လုပ်ဒဂိုန် ရာမညနိကာယ
ပရေင်လ္ၚတ် လၟိဟ်သင်လုပ်ဒဂိုန် ရာမညနိကာယ ဟီုဂှ် ဒှ်စရင်လၟိဟ် ခမဳ ကေုာံ ထပိုယ် (သာမဏဳ) မလုပ်ဒဂိုန် ပ္ဍဲကဵု ဘာလကျာ်ဂမၠိုင် မပါလုပ် ပ္ဍဲ သၟဝ်တဲ ဂိုဏ်ရာမညနိကာယ အလုံဒေသရးမန် ကေုာံ ဒေသတၞဟ်ဟ်တအ်ရ။ အတိုင်စရင် ကေတ်နူ ရုင်ရာမညနိကာယမ္ဂး စပ္တံနူ သၞာံ ၂၀၂၂ စဵုကိုပ် ၂၀၂၅ ဂှ် လၟိဟ်သင် သီုဖအိုတ် နွံအကာဲအရာ ယုတ်အောန်စှ်ေဒၟံင် လၟေင်င်သၞာံရ။
အင်စရင် သရုပ်လၟိဟ်သင်လုပ်ဒဂိုန် (၂၀၂၂ - ၂၀၂၅)
[ပလေဝ်ဒါန် | ပလေဝ်ဒါန် တမ်ကၞက်]အင်စရင် ဗွဲသၟဝ်ဝွံ ဒှ်အင်စရင် သရုပ်လၟိဟ်သင်လုပ်ဒဂိုန် ဂိုဏ်ရာမညနိကာယ အကြာသၞာံ ၂၀၂၂ ကဵု ၂၀၂၅ ရ။ (တင်စၟတ် - ပ္ဍဲအင်စရင် သၞာံ ၂၀၂၅ ဂှ် လၟိဟ်ခမဳ ကေုာံ ထပိုယ်ဂှ် ပံင်ပ္ကောံလဝ် နူကဵုလၟိဟ်အလုံသီုဖအိုတ်ရ။)
| သၞာံ (ကောဇာ) | လၟိဟ် ခမဳ | လၟိဟ် ထပိုယ် (သာမဏဳ) | ပံင်လၟိဟ်သင် သီုဖအိုတ် |
|---|---|---|---|
| ၂၀၂၂ (၁၃၈၄) | ၆,၈၇၂ ဇကု | ၅,၀၅၄ ဇကု | ၁၁,၉၂၆ ဇကု |
| ၂၀၂၃ (၁၃၈၅) | ၆,၇၈၇ ဇကု | ၄,၇၅၆ ဇကု | ၁၁,၅၄၃ ဇကု |
| ၂၀၂၄ (၁၃၈၆) | ၆,၆၀၈ ဇကု | ၄,၆၇၅ ဇကု | ၁၁,၂၈၃ ဇကု |
| ၂၀၂၅ (၁၃၈၇) | ၆,၄၄၄ ဇကု | ၄,၅၀၁ ဇကု | ၁၀,၉၄၅ ဇကု |
တင်သ္ၚဳမၠာ် ကေုာံ သ္ၚေဝ်ဂၠေပ် Observations & Analysis
[ပလေဝ်ဒါန် | ပလေဝ်ဒါန် တမ်ကၞက်]နူကဵု အင်စရင်လၟိဟ်သင် ပန်သၞာံဏအ်ဂှ် သ္ၚေဝ်ဂၠေပ်ဆဵုကေတ် တင်သ္ၚဳမၠာ် အဓိက အတိုင်ဗွဲသၟဝ်ဝွံရ-
- လၟိဟ်သင် သီုဖအိုတ် ယုတ်အောန်စှ်ေဒၟံင် လၟေင်င်သၞာံ: သ္ၚေဝ်ရံင် အင်စရင်ပန်သၞာံဏအ်မ္ဂး လၟိဟ်သင်လုပ်ဒဂိုန် အလုံဂိုဏ်ရာမညနိကာယဂှ် စှ်ေဒၟံင် လၟိုန်ရ။ နူကဵု သၞာံ ၂၀၂၂ မနွံ (၁၁,၉၂၆) ဇကုဂှ် စိုပ်သၞာံ ၂၀၂၅ ဂှ် သှ်ေၜတ်ဆ (၁၀,၉၄၅) ဇကု တုဲ၊ ပ္ဍဲပွိုင် (၄) သၞာံဏအ် လၟိဟ်သင် အလုံဒေသရးမန် ယုတ်စှ်ေအာ ဗၞတ် (၉၈၁) ဇကု ရ။
- ခမဳ ကေုာံ ထပိုယ် ယုတ်စှ်ေဒၟံင် သီုၜါလပါ်: လၟိဟ်ခမဳဂှ် နူ (၆,၈၇၂) ဇကု စှ်ေအာ (၆,၄၄၄) ဇကုတုဲ၊ လၟိဟ်ထပိုယ်သာမဏဳတအ်ဂှ်လေဝ် နူ (၅,၀၅၄) ဇကု စှ်ေအာ (၄,၅၀၁) ဇကုရ။ အရာဏအ်ဂှ် ထ္ၜးကဵုဒၟံင် ဒဒှ်ရ လၟိဟ်မၞိဟ်တၟိ လုပ်သ္ပလကျာ် လေဝ် အောန်စှ်ေကၠုင်၊ ညးမနွံဒၟံင်တအ်လေဝ် ရာံတိတ်အာဂၠိုင် ဒှ်မာန်ရ။
- ပွိုင်ဍုင် လၟိဟ်သင်ဂၠိုင်အိုတ် (Top 3): ပ္ဍဲကဵု ပွိုင်ဍုင် အလုံသီုဖအိုတ်ဂှ် ပ္ဍဲသၞာံ ၂၀၂၅ ဏအ်လေဝ် ပွိုင်ဍုင်ရေဝ် ဝွံ လၟိဟ်သင် သီုဖအိုတ် နွံ (၂,၅၂၃) ဇကုတုဲ ဒှ်ပွိုင်ဍုင် မနွံလၟိဟ်သင် ဂၠိုင်အိုတ်ရ။ မရနုက်ကဵု ၜါဂှ် ပွိုင်ဍုင်ဇြပ်ဗု မနွံ (၁,၆၈၂) ဇကု တုဲ၊ မရနုက်ကဵု ပိဂှ် ဒှ် ပွိုင်ဍုင်မုဟ်ဍုင် မနွံ (၁,၃၉၅) ဇကု ရ။ ၜိုန်ရ လၟိဟ်အလုံဒေသရး စှ်ေအာကီုလေဝ်၊ ပွိုင်ဍုင် ပိဏအ်ဂှ် ဆက်တုဲ ဒှ်ဒတန် ဗဟဵုအဓိက သွက်ဂိုဏ်ရာမညနိကာယ ဖိုဟ်ရ။
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- စရင်သင်လုပ်ဒဂိုန် ဘာရာမညနိကာယ အလုံဒေသရးမန် (သၞာံ ၂၀၂၂ - ၂၀၂၅)၊ ရုင်ရာမညနိကာယ။