ပရေၚ်ဂကူသၠးၜး
- ပရေၚ်ဂကူသၠးၜး ။
--- ပ္ဍဲလောကလိုက်ဏအ် ဂကူမၞိဟ်အိုဿီု နွံပၟိက်ကဵုဂကူဇကုမိက်ဂွံတန်တဴမံၚ်သၠးသၠးၜးၜး ဟၟဲကဵုဂကူလဵုမွဲပိုၚ်ပြဳအုပ်ဓလီု ဗ္ဂေတ်ပ္ကၚ်ရၚ်လ္တူဂကူဇကုရ။ ဇၟာပ်ဂကူမၞိဟ်တအ်
နွံပၟိက်ဖန်ဖက်ကေတ်တ် သွက်ပရေၚ်ဂကူဇကုအိုတ်ရ။
--- ပၟိက်ဆန္ဒဇၟာပ်ဂကူမၞိဟ်တအ်ပ္ဍဲလိုက်ဏအ် ၜိုန်မိက်ဂွံကဵုဂကူဇကုတန်တဴမံၚ်သၠးသၠးၜးၜးကီုလေဝ် ဂကူတအ်ဂှ်ဂွံမံၚ်ပ္ဍဲဘဝသၠးၜးဖအိုတ်ဟွံသေၚ်။ ဂကူဂွံမံၚ်ဘဝသၠးၜးတအ်လေဝ်နွံ ဂကူဒးမံၚ်ပ္ဍဲဘဝဟွံသၠးၜးတအ်လေဝ် နွံမံၚ်အိုတ်ကီုရ။
--- ဂကူမၞိဟ်ဘဝဟွံသၠးၜးတအ် ဒးဒုၚ်မံၚ်သၟဝ်ပရေၚ်ပိုၚ်ပြဳ အုပ်ဓုပ်ဖန်ဖက်ပ္ကၚ်ရၚ် ဒးဒုၚ်ဗ္ဂေတ်မံၚ်ကဵုဂကူညးတၞဟ်တအ်ဂှ် ဟိုတ်နူဂကူဇကုဂြဟတ်(လၟိဟ်)အောန်ကီု ဟွံဂတာပ်ခေတ်ကီု ပရေၚ်ညဳသာသၟဟ်သၟန်(ရောအ်ရေၚ်)အောန်ကီု နာနာသာ်တအ်နွံရ။
--- ဂကူလ္ၚဵုတအ်ဂှ် လောန်ကၠုၚ်မွဲအခိၚ်ပ္ဍဲခေတ်ပဒေသရာဇ်(ဨကရာဇ်)တေံ ကေၚ်မံၚ်ကၠုၚ်ကဵုသၟိၚ်ဇကု တိဍာ်ဍုၚ်ဇကု ပရေၚ်အုပ်ဓုပ်ဖန်ဖက်ကေတ်သွက်ပရေၚ်ဂကူဇကု ဒှ်ကၠုၚ်ဂကူသၠးၜးမွဲကၠာရလေဝ် ပ္ဍဲကာလလၟုဟ်ဍုၚ်လေၚ်ဂကူကၠေံကၠက်အာလေဝ်နွံတဴရ။ တုပ်တဴညံၚ်ရဴ ဂကူပြူ ပ္ဍဲကၟိန်ဍုၚ်ပံၚ်ကောံဗၟာပစ်စုပ်ပနျဏအျရ။ ဂကူလ္ၚဵုတအ်ဂှ် ပ္ဍဲကာလလၟုဟ်ဒးဒုၚ်မံၚ်သၟဝ်ပရေၚ်အုပ်ဓုပ်ဖန်ဖက်ဂကူညးတၞဟ် ဒးဒုၚ်ဗ္ဂေတ်ကဵုဂကူညးတၞဟ် ဒးဒုၚ်ၚိတ်ကမၠက်မံၚ်ကဵုဂကူညးတၞဟ်ရ။ တုပ်တဴညံၚ်ရဴ ဂကူမန် ဂကူရခေၚ် ဂကူယှာန်သေံ - စတံတအ် ပ္ဍဲကၟိန်ဍုၚ်ပံၚ်ကောံဗၟာတ္ၚဲဏအ်ကီု ဂကူစာံ(Cham)ဍုၚ်စာံပါ(Champa)ပ္ဍဲကၟိန်ဍုၚ်ဝဳယျေတ်ဏာမ်(Vietnam)ကီုတအ်ဂှ်ရ ။
--- ဂကူသၠးၜးမံၚ်နွံကဵုကၟိန်ဍုၚ်ဇကု ပရေၚ်ဂကူဇကုဇကုဂွံဖန်ဖက်ကေတ်တ်တအ်လ္ၚဵုဂှ် နူလောန်ကၠုၚ်ဂၠိုၚ်ကဵုသၞာံကၠံလ္ၚီသၞာံတေံရ ကေၚ်ဂွံဒှ်ကၠုၚ်မံၚ်ဂကူသၠးၜး ကၟိန်ဍုၚ်သၠးၜး(ညံၚ်ရဴ ဂျပါန် သေံဓဲါ)တအ်တုဲ ဂကူလ္ၚဵုတအ်ဂှ် လောန်ကၠုၚ်မွဲအခိၚ်တေံ ကေၚ်ဒးဒှ်ကၠုၚ်လဝ်သၟဝ်ပရေၚ်အုပ်ဓုပ်ဂကူတၞဟ် ဒးဒုၚ်ဗ္ဂေတ်ဖန်ဖက်ကၠုၚ်လဝ်ကဵုဂကူတၞဟ်တအ်ကီုတုဲ နကဵုပရေၚ်ရုန်ဂစာန်ဒုၚ်ဒဒိုက် ပ္တိတ်ဂြဟတ်ပလက်ဆီပံၚ်ကဵုလမျီုတုဲ ခေတ်လၟုဟ်ဏအ်ရ ဂွံဒှ်ကၠုၚ်ဂကူသၠးၜး ဂွံနွံကၠုၚ်ကၟိန်ဍုၚ်ဂကူဇကုကဵုဇကု ပရေၚ်ဂကူဇကု ဇကုဖန်ဖက်ကေတ်တ်မာန်ကၠုၚ်တအ်လေဝ်နွံရ။
--- ပ္ဍဲလိုက်ပစ္စုပ္ပန်တ္ၚဲဏအ် ဂကူဒးဒုၚ်မံၚ်သၟဝ်ပရေၚ်အုပ်ဓုပ်ပ္ကၚ်ရၚ်ညးတၞဟ် ဒးဒုၚ်ၚိတ်ကလက်မံၚ်ကဵု ဂကူဂြဟတ်ဇၞော်နူဂကူဇကုတအ် အဃောရုန်ဂစာန်မံၚ်ဂကူဇကုသ္ဂောံတိတ်ဗၠးနူဘဝ သၟဝ်အဝဵုညး ဂကူဇကုသ္ဂောံသၠးၜးတအ်ဂှ်လေဝ် နွံဗွဲမဂၠိုၚ်ဏီရ။ ရံၚ်ကေတ်ပ္ဍဲကၟိန်ဍုၚ်ပံၚ်ကောံဗၟာမ္ဂး ညံၚ်ရဴဂကူမန် ဂကူရခေၚ် ဂကူကရေၚ် - စတံတအ် ရ ။
# ဂကူသ္ဂောံသၠးၜး "
၁/ - မၞိဟ်ဆာန်ဂကူဍာံဍာံသၠးဂုန်ဖဵုဇကု ဒုၚ်သ္ပဍိ က်ဂကူ
ရုန်ဂစာန်သွက်ဂကူမာန်တအ် ဒးနွံဂၠိုၚ်ဂၠိုၚ်
ဏောဝ် ။
၂/ - မၞိဟ်ရုန်ဂစာန်သွက်ဂကူတအ်ဂှ် လွဳ က္သပ်ညာ
ဏပြညာကီု သစ်စလတူဂကူကီု ဒးနှံဏောဝျ
၃/ - မၞိဟ်ရုန်ဂစာန်သွက်ဂကူတအ်ဂှ် မ္ဒးတီဝၚ်ဂ
ကူဇကုကီု သီုကဵုဝါ်ျသၞဂကူဇကုကီုဏောဝ်
၄/ - မၞိဟ်ရုန်ဂစာန်သွက်ဂကူတအ်ဂှ် တိုၚ်ပ္ကဴ ဂၠံၚ်တ
ရဴ ကမၠောန်တအ် မ္ဒးဍာံမ္ဒးကၠးဖ္ဍးဏောဝ်။
၅/ - မၞိဟ်ရုန်ဂစာန်သွက်ဂကူတအ်ဂှ် မ္ဒးပတှ်ေ
ကေတ်ဂြဟတ်ဂကူဇကု ဒးဒှ်အဓိကဏောဝ်
၆/ - မၞိဟ်ရုန်ဂစာန်သွက်ဂကူတအ်ဂှ် ဣိလဵုမိတ်ဇ
ကု ဣိလဵုသၞဇကု ဒးပှါပဲါဒးညာတကြှကးဖဍွး
ဏောဝ်။
၇/ - မၞိဟ်ရုန်ဂစာန်သွက်ဂကူတအ်ဂှ် မိတ်သဟာဲ
ဒှ်ဂြဟတ်ဇကု နွံဂုန်သွက်ဇကုဍာံဍာံ မ္ဒးနွံကီု
ဏောဝ် ။
** တၚ်နၚ်ဗွဲလ္တူတအ်ဝွံ နကဵုဗွဲသရောပ်ဍန်န်ရ။
---------------------
✍ရာမည➲မာံဝါန်ၛာဲ✍ ကွာန်ကအ်သိုခ်