ပရေၚ်ပညာကောန်ဂကူမန်
- ညးထံက်ပၚ်ပရေၚ်ပညာကောန်ဂကူမန်ဍာ်ဇမၠိၚ်မံက်ကၠုၚ်သေဲသေဲ
✍️ #အံက်သာ၊ ၁၃၈၃၊ စဲ(၁၃)မံက်၊ အေပရေယ် ၁၃၊ ၂၀၂၂
🔸နူကဵုဌာနပရေၚ်ပညာကောန်ဂကူမန် ပံက်လဝ်ဂကောံထံက်ပၚ် ပရေၚ်ပညာကောန်ဂကူမန် နကဵု ယၟု “ဂကောံညးဆာန်ပရေၚ်ပညာမန်” မွဲဂိတု(၁၀၀၀)ဒ္ကေဝ်တုဲ ညးဆာန်ဂကူဆာန်လိက်ပတ်တံ လုပ်ကၠုၚ် ဂကောံသေဲသေဲရ၊ လောန်ကၠုၚ်ခြာဟွံလအ်တေံ နူညးတၠဒါန် နာဲတၠမာန်(ကွာန်သာံလှေဝ်) ကေုာံ သမ္ဘာမိ သူဇာ(ကွာန်ကအ်ခပုၚ်) အလုံမွဲဂြောဝ်ဂတာညးတံ ထံက်ပၚ်လဝ်သြန် သွက်(၁၀၀)သၞာံ လၟိဟ်ဩန်ဖအိုတ် (၄၈၀၀၀၀၀)ပန်စှ်ောဒစါံကိုတ်ဒ္ကေဝ် မံက်ပြာကတ်ကၠုၚ်တုဲ ညးတၠဒါန်တံ ထပ်မံက်ကၠုၚ်သေဲသေဲရ။
🔸ပ္ဍဲကဵုစၟတ်တ္ၚဲ(၅-၄-၂၀၂၂)ဂှ် တၠဂုဏ်အ္စာဥက္ကံသ (တၠဂုဏ်အဇ္ဇ-တရဴအအာ)ဂှ်လေဝ် ရန်ကဵုပရေၚ်ပ ညာကောန်ဂကူမန်ဂွံအာဍာ်ဇမၠိၚ်မာန်ကီု၊ ဂွံဒှ်အထံက်အပၚ်ကဵု သြန်ထံက်ပၚ်အာစာဘာမန်တအ်ကီုတုဲ လုပ်ဂကောံညးဆာန်ပရေၚ်ပညာမန်ကီုရ၊ ပ္ဍဲအစဳအဇန်သြန်ထံက်ပၚ်ဂကောံ မွဲဂိတု (၁၀၀၀) ဒ္ကေဝ်ဂှ် ညးစုတ်ကဵုသြန်ထံက်ပၚ်သွက် (၁၀၀)သၞာံ လၟိဟ်သြန်အပံၚ် (၁၂)ကိုဋ်ဒကေဝ်ရ၊ သြန်ထံက်ပၚ်တံဂှ် ကၠုၚ်နူဒါန်တွံဓရ်တၠဂုဏ်အ္စာအဇ္ဇ နူဍုၚ်ဖူကေတ်(ဍုၚ်သေံ)ရောၚ် ဂွံတီကေတ်ရ။
🔸ပ္ဍဲကဵုစၟတ်တ္ၚဲ(၇-၄-၂၀၂၂)ဂှ်လေဝ် အ္စာသဝ် နာဲစောန်တၟး (Dr.မင်းစိုးလင်း) ကေုာံ သမ္ဘာ မိကောန် ထဝ်တံ ရန်ကဵုပရေၚ်ပညာကောန်ဂကူမန်ဂွံအာဍာ်ဇမၠိၚ်မာန်ကီု၊ ဂွံဒှ်အထံက်အပၚ်ကဵုသြန်ထံက်ပၚ်အာ စာဘာမန်တအ်ကီုတုဲ လုပ်ဂကောံညးဆာန်ပရေၚ်ပညာမန် သ္ဒးစုတ်သြန်ထံက်ပၚ်ဂကောံ မွဲဂိတု (၁၀၀၀) ဒ္ကေဝ်ဂှ် စုတ်ကဵုသြန်ထံက်ပၚ်သွက် (၁၀)သၞာံ ညး (၂)တၠ လၟိဟ်သြန်အပံၚ် (၂၄၀,၀၀၀)ၜါကိုဋ်ပန်ဠက်ဒ္ကေဝ် ကီုရ။
🔸ပ္ဍဲကဵုစၟတ်တ္ၚဲ(၄-၄-၂၀၂၂)ဂှ်လေဝ် တၠဂုဏ်အ္စာခေမာသာရ (ရာမညရဌဗုဒ္ဓတက္ကသိုလ်- ဍုၚ်မတ်မ လီု) ကဵုဒါန်ဝတ္ထုပရေၚ်ပညာ (၂၀၀၀၀၀)ၜါကိုဋ်ဒ္ကေဝ် ကုဌာနပရေၚ်ပညာကောန်ဂကူမန်ဂှ် ဒု-လျိုၚ်ဌာန မိကြက်နန်ဒုၚ်တဲရောၚ် ဂွံတီကေတ် အတိုၚ်မပတိုန်လဝ် လ္တူမုက်လိက်လပှ်ကျာ Mon National Education Committee ဂှ်ရ။
🔸စိုတ်ဆာန်ဂကူ စိုတ်ဆာန်ပရေၚ်ပညာမန် ညးတၠဒါန်တံ နွံသာ်ဏအ်ဂှ် နူဌာနပရေၚ်ပညာကောန်ဂကူမန်(ဗဟဵု)တံလေဝ် သီုကေတ်ဂုဏ်စရာဲ သီုပတိုန်ဏာဂုဏ်စရာဲ ဗွဲမဇြိုဟ် နက်တုဲ မွဲကရောံဓဝ် သီုကဵုဆဝ်မ္ရုဟ်လဝ် ညးမဆာန်ဂကူ ညးမဆာန်ပရေၚ်ပညာတအ် ညံၚ်သ္ဂောံ လုပ်ဂကောံညးဆာန်ပရေၚ်ပညာမန်တုဲ ဒက်ပတန်ပရေၚ်ပညာမန်မၞုံကဵုဍာ်ဒ္ကေဝ်အိုတ် သာ်ဏံ ဆဝ်ဗ္ၚုဟ်လဝ်ရောၚ်။