ပါင်ကၟာ၊ ပွိုင်ဍုင်မုဟ်ဍုင်
| ကွာန်ပါင်ကၟာ | |
|---|---|
| ကွာန် | |
  ကွာန်ပါင်ကၟာ ဒၞာဲကွာန်ပါင်ကၟာ မၞုံ | |
| ဒတန်ဒၞး: 16°12′30″N 97°43′41″E / 16.208251°N 97.728088°Eဒတန်: 16°12′30″N 97°43′41″E / 16.208251°N 97.728088°E | |
| ကၟိန်ဍုင် |  Myanmar |
| တွဵုရး |  Monတွဵုရးဍုင်မန် |
| ခရိုင် | ခရိုင်မတ်မလီု |
| ပွိုင်ဍုင် | ပွိုင်ဍုင်မုဟ်ဍုင် |
| ဒၞာဲအပိုင်အခြာ အခိင် | UTC+6.30 (အခိင်ကၟိန်ဍုင်ဗၟာ) |
ကွာန်ပါင်ကၟာ (အၚ်္ဂလိက်: Pi Ka Mar) ဂှ် နွံ ပ္ဍဲ တွဵုရးဍုင်မန်၊ ခရိုင်မတ်မလီု၊ ပွိုင်ဍုင်မုဟ်ဍုင်၊ ဂကောံကွာန်ဝင်ဒုန်၊ ဂၞန်ကောဒ်ကွာန်ဂှ် ၁၉၅၃၀၁။ အတိုင်စရင်မၞိဟ် ကၟိန်ဍုင်ဗၟာ သၞာံ ၂၀၁၄ မ္ဂး ပ္ဍဲကွာန်ကအ်ခၠဲဂှ် မၞိဟ်တြုဟ် နွံ ၃၀၄၄၊ မၞိဟ်ဗြဴ နွံ ၃၄၅၇ တုဲ သီုဖအိုတ် မၞိဟ်ပဒတဴဒၟံင် ပ္ဍဲကွာန်ဂှ် ၆၅၀၁ တၠရ။[၁]
ဘာလကျာ်
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲကွာန်ပါင်ကၟာဂှ် တမ်ဝါဒိ နွံဘာလကျာ် ၜါဘာ၊ ဘာကၠအ်ကြုက် ကဵု ဘာဒေါဝ်။ ဗွဲကြဴ ဒှ်တိုန် ဘာဂရိုဟ်၊ ဘာဂြိုပ်၊ ဘာတၟိ၊ ဘာဂဗုဲတုဲ ပ္ဍဲသၞာံ ၂၀၂၀ ဂှ် ဘာလကျာ် နွံ သီုဖအိုတ် ၆ ဘာ။[၂]
ကၟာ
[ပလေဝ်ဒါန် | ပလေဝ်ဒါန် တမ်ကၞက်]ကၟာကွာန်ပါင်ကၟာဂှ် ဒှ်ကၟာသဘာဝမွဲတုဲ ဆက်ကဵုကဵု ကြုင် မဒြေပ်စှ်ေ လပါ်ပလိုတ်ရ။ မွဲအခိင်တေအ်မ္ဂး ကၟာဝွံ အခိင်ကသီု ဒှ်ဒၞာဲသၞေဟ်ဂၠုင် သွက်သၟာဗ္ၚတအ် ဂွံဍိုက်စှ်ေဝါ နကဵုဂၠုင်တုဲ စိုပ်အခိင်ကညင်မ္ဂး ညးတန်ကၟိုန် ကြိုင်စွံလဝ်ဍာ် နွံဒၟံင် ကၠိုဟ်ကညင်ဂှ်ရ ဍာ်ပလိုင် ပ္ဍဲကွာန်ဂှ် ဟွံဇတ်တုဲ ညးဍုင်ကွာန်တအ် ဟွံဒးဆဵုဂဗ ဘဲကၞောဝ်ဍာ် ပ္ဍဲအခိင်ကညင်ရ။[၂] ရံင်ကဵု ယၟုမ္ဂး ကၟာတုဲ မွဲအခိင်တေအ် ကၟာဝွံ ဍာ်ဇြိုဟ်ဒၟံင်ရောင် စှ်ေစိုတ်ရ။ (ကၟာ ကဵု လှာ အရာတၞဟ်ခြာဂှ် ကၟာဂှ် ဇြိုဟ်တုဲ ဗွဲဂမၠိုင် ဗွိုင်ဍောတ်၊ လှာဂှ် ဍာ်ဍာတုဲ ဗွိုင်ဇၞော်)။ ကၟာဝွံဟိုတ်နူကဵု ဒိုဟ်တိုန်တုဲ ဟွံဇြိုဟ်တုဲ စၞးကၟာဂှ် ဒှ်ကၠုင်လှာ၊ တုဲပၠန် ဍာ်ဟွံၜက် ကညင်ရ။ သၞာံ ၂၀၂၀ ဂှ် နကဵု ဂကောံကွာန်ပံင်ကောံတုဲ ကလေင်ၜံက်ဗယိုဟ်ဖျေဟ်ကၟာဝွံ နမရန်တၟအ် သွက်ကလိဂွံဍာ် ပ္ဍဲအခိင်ကညင် မြဴသာ်ဝွံ နာဲတိုဝ်လောန် ညးတာလျိုင်ထိင်ဒဝ်လှာဂှ် ဟီုကဵု ပရိုင်အခေတ်မန်ရ။ အတိုင်နာဲဂတာပ်ခေတ် ရဲကွာန်ပါင်ကၟာ မဟီုကဵု အစာပရိုင်အခေတ်မန် မိပါရမဳဆာန်မ္ဂး ကၟာဝွံ မွဲအခိင်တေအ် နွံ ၇.၂၂ ဨကတုဲ အခိင်လၟုဟ် နွံ ၆.၃၃ ဨက။ ၜိုတ်ညးမၜတ်လဝ်မ္ဂး လပါ်ဗမံက် ဇမၠိင်နွံ ၂၅၆ ပေ(ပၞောန်)၊ ပလိုတ်ပလိုတ် နွံ ၂၂၅ ပေ၊ လပါ်သၠုင်ကျာ နွံ ၁၀၀၀ ပေ၊ လပါ်သၟဝ်ကျာ နွံ ၁၃၀၀ ပေ[၃]
ပ္ဍဲ ၃၁ မေ ၂၀၂၀ ဂှ် တဵုတၞံဆု နကဵုသဘင်ကၞာ ပ္ဍဲဇဵုလှာ/ကၟာဂှ်ရ။ ပ္ဍဲသဘင်ဂှ် ကျာ်ဇၞော်ဘဒ္ဒန္တစန္ဒောဘာသ နွံပိုန် ဘာကၠအ်ကြုက်၊ ဒံက်တာဟံင်ဍုင် ဝန်ဇၞော်ပၟင်ပၟဲသယံဇာတ ကေုာံ သဘာဝ တွဵုရးဍုင်မန်၊ ဦးဝင်းနိုင် ညးသကိုပ်တာလျိုင် ဌာနဂြိုပ်ဆု တွဵုရးဍုင်မန်၊ ဂကောံကေင်ကာဗဟဵု ဗော်မန်ညဳသၟဟ် နာဲမန်ရာဇာတအ် တိုန်စိုပ်လဝ်ရ။ ပ္ဍဲတ္ၚဲဂှ် တဵုလဝ် တၞံမဟောဂနဳ (Mahogany) (၁၅၅) တၞံ၊ တၞံ(စိန်ပန်း)(၁၆၀)တၞံ၊ တၞံ(သင်္ကန်း)(၂၅)တၞံ၊ တၞံသမလန်း (၁၀)တၞံ၊ တၞံနာဍူ (၁၅၀)တၞံ သီုဖအိုတ် (၅၀၀) တၞံ တဵုစုတ်လဝ် ပ္ဍဲဇဵုကၟာဂှ်ရ။ [၄]
နိဿဲ
[ပလေဝ်ဒါန် | ပလေဝ်ဒါန် တမ်ကၞက်].svg){kind=small}
- ↑ Place codes (Pcodes). Myanmar Information Management Unit (June 2020). Archived from the original on 2020-11-21။ Retrieved on 2020-12-20။
- 1 2 Sunthorn, Sripanngern (May 26, 2020 3:40PM). ကွာန်ပါင်ကၟာ ကွာန်ဇာတိပိုယ်. Open Publishing.
- ↑ ဆာန်၊ မိပါရမဳ။ "ကလေင်ၜံက်ပလေဝ်အာကၟာ ကွာန်ပါင်ကၟာရောင်"၊ ပရိုင်အခေတ်မန် (Men3)၊ 26 May, 2020။
- ↑ အောင်မျိုးသူ (မုဒုံ) (May 31, 2020). မုဒုံမြို့နယ်တွင် ပိုင်ကမာ သဘာဝအင်း အင်းဘောင်ရိုး၌သစ်ပင်စိုက်ပျိုးပွဲကျင်းပ. Open Publishing.