ပူဂဵုပန်သာ်

ပူဂဵုပန်သာ်

• ပူဂဵုဥဂ္ဃာဋိတညူ
• ပူဂဵုဝိပဉ္စိတညူ
• ပူဂဵုနေယျညူ
• ပူဂဵုပဒပရမ

ပူဂဵုဥဂ္ဃာဋိတညူ

ယြဴပူဂဵုမွဲ ဂလာန်ဒေသနာ ဗွဲခ္ဍန်အယာံမာတ် လၟေၚ်ဥဒေသညိည ဂွံမိၚ်ကေတ်တုဲ ဂြၚ်တီကၠိုဟ်ခၠၚ်ကေတ် ဓရ်သစ္စပန် ကလိဂွံမဂ်ဖိုလ်မာန်ဂှ် ပူဂဵုဥဂ္ဃာဋိတညူ မဂွံဒုၚ်ယၟုရ။

ပူဂဵုဝိပဉ္စိတညူ

ယြဴပူဂဵုမွဲ ဂလာန်ဗွဲခ္ဍန်ကီု၊ ဗွဲတြးကီု၊ ဂွံမိၚ်ကေတ်တုဲ၊ ဂွံဂြၚ်တီကၠိုဟ်ခၠၚ်ကေတ် ဓရ်သစ္စပန် ကလိဂွံမဂ်ဖဵုမာန်ဂှ် ပူဂဵုဝိပဉ္စိတညူ မဂွံဒုၚ်ယၟုရ။

ပူဂဵုနေယျညူ

ယြဴပူဂဵုမွဲ ပြာပ်အာစိုပ် ဇရေၚ်ပူဂဵုတၠပညာတံတုဲ၊ ကတ်လ္ၚတ်သၟာန်ကေတ် နဲကဲဒေသနာကျာ် အတိုၚ်မဒှ်စၟတ်ရ၊ အတိုၚ်နဲကဲမဗဗွဲကဵုဓရ်ကျာ်ဂှ်၊ ဒ္ဂေတ်လွဳပရာတုဲ၊ ဂွံတီကေတ်ဓရ် သစ္စပန်ကလိဂွံမဂ်ဖိုလ်မာန်ဂှ် ပူဂဵုနေယျညူ မဂွံဒုၚ်ယျရ။

ပူဂဵုပဒပရမ

ယြဴပူဂဵုမွဲ ပ္ဍဲမွဲဘဝဏံ ဂလိုၚ်လဵုမွဲကတ်လ္ၚတ်ကဠၚ်တဴ ဂလိုၚ်လဵုမွဲဖ္ဍောတ်သှ်ဇျာဲတဴ ပ္ကၚ်ရၚ်တဴ လွဳပရာာတဴဓရ်ကီုလေဝ် အခေါၚ်ဂွံကလိဂွံဓရ်ဟွံမွဲတဴမ္ဂးဂှ် ပူဂဵုပဒပရမ မဂွံဒုၚ်ယၟုရ။