ဗီုကဝ်တူ သ္ကုတ်(၁) "ဗြဲပလီုကဝ်

နူ ဝဳကဳပဳဒဳယာ

ဗီုကဝ်တူ သ္ကုတ်(၁) "ဗြဲပလီုကဝ်"[ပလေဝ်ဒါန် | ပလေဝ်ဒါန် တမ်ကၞက်]

   

     ဂၠးကဝ်ဏအ်ဝွံ ဟိုတ်နူဟွံတိတ်ဗၠးအာနူ ဓရ်သၚ်္ခါရ " ဒှ်-လီု" တုဲ စိုပ်အခိင် မွဲအခိင်မ္ဂး ဒးလီုလာ်ဆောံလေင် သုန်ဂြာံအာ စဵုကဵုညိဟွံသၟေဟ်ရ။

   နူစကဝ်တန်တုဲ အယုက်ကဝ်အာစိုပ် (၆၄) အန္တရကပ်မ္ဂး အယုက်ကဝ်တန်ညိင်ဒၟံင် ' ဝိဝဋ္ဋဌာယဳကပ် ' ဂှ် အာစိုပ်လအိပ်တုဲ ဟိုတ်နူဘဲ ပၟတ်၊ဍာ်၊ကျာ မမိက်ကဵုမွဲမွဲ  ပလီုပလာ် ကဝ်ဏအ် မ္ဒးလီုလာ်ဟေင်ရ။

     ပၟတ် -ဍာ်-ကျာ ပလီုကဝ်တအ်ဂှ် - ပၟတ်ပလီု(၇)ဝါတုဲမ္ဂး မရနုက်ကဵု (၈)ဝါဂှ် ဍာ်ပလီု(၁)ဝါရ၊ ပၟတ်(၇)ဝါ - ဍာ်(၁)ဝါ နနဲသာ်ဏအ် ပလီုဒၟံင်အဆက်က်တုဲ ကာလအာစိုပ် မရနုက်ကဵု (၆၄)ဝါဂှ် ကျာပလီုပလာ် (၁)ဝါရ။

   [ ကျာ-ဂွံပလီုကဝ်မွဲမွဲဝါဂှ် ပၟတ်ပလီု လီုအာ (၅၆)ဝါ၊ ဍာ်ပလီု လီုအာ(၇)ဝါ]

   ဂၠးကဝ်ဝွံ နကဵုဘဲပၟတ် ပလီုလေဝ် ဒးလီု၊ ဍာ်ပလီုလေဝ် ဒးလီု၊ ကျာပလီုလေဝ် ဒးလီု၊ လီုဂှ် ဒးလီုဟေင်ရ၊

      ကာလကဝ်လီုဂှ် စက္ကဝါပိုဲတန်တဴမံင်ဏအ် မွဲဓဝ်ဒလီုလာ်ဟွံသေင်၊ မွဲလောကဓါတ် စက္ကဝါ မွဲကိုဋ် နိလဟုတ် ဒးလီုလာ်အာ မွဲအခိင်တုပ်ပ်ရ၊

      ညံင်ရဴ အကြာဍုင်ကွာန် အရာပ်ဂှ်သ္ၚိတူမ္ဂး သ္ၚိပွဳပွူတအ်လေဝ်တူအာမွဲစွံကီု၊ ဆ္ဂးသ္ၚိအရာပ်တၞဟ်သ္အာင်တအ် ဟွံတူက​ရောံဂှ်ရ၊ ဟိုတ်နူကုသဵုတုပ်ရ ဂွံကၠုင်ဒှ်မွဲအုံ မွဲအရာပ် ဒးတူလေဝ် တူအာတုပ်ပ်ရ။

     တုပ်ပၟာသာ်ဝွံရ စက္ကဝါ မွဲကိုဋ်နိလဟုတ် တူအာမွဲစွံကီုလေဝ် မ္ၚးနူစက္ကဝါတအ်ဂှ်တအ်ဂှ်တုဲ စက္ကဝါ ဗဒါဲဗဒါဲဂှ် ဟွံဒးတူမွဲစွံရ။

     ကာလဘဲပၟတ်ပလီုကဝ်ဂှ်  - အပါယ်(၄)ဘုံ၊ မၞိဟ် (၁)ဘုံ၊ သွဝ် (၆)ဘုံ၊ ဍုင်ဗြီု ပထမဇျှာန် (၃)ဘုံ ဒးလီုလာ်အာအိုတ်ရ။

     ယဝ်ခါရ ဍာ်ပလီုကဝ်မ္ဂး - အပါယ်(၄)ဘုံ၊ မၞိဟ် (၁)ဘုံ၊ သွဝ် (၆)ဘုံ၊ ဍုင်ဗြီု ပထမဇျှာန် (၃)ဘုံ၊ ဒုတိယဇျှာန် (၃)ဘုံ ဒးလီုလာ်အာအိုတ်ရ။

     ကာလ ကျာပလီုကဝ်ဂှ် - အပါယ်(၄)ဘုံ၊ မၞိဟ် (၁)ဘုံ၊ သွဝ် (၆)ဘုံ၊ ဍုင်ဗြီု ပထမဇျှာန် (၃)ဘုံ၊ ဒုတိယဇျှာန် (၃)ဘုံ၊ တတိယဇျှာန်(၃)ဘုံလေဝ် ဒးလီုအာကီုရ။

____________________________

(ဗြဲပလီုကဝ်)

   ညန်ကြပ်ကၠုင်ကဵုအခိင်ကဝ်တူမ္ဂး ဗွဲကိုပ်ကၠာ ဗြဲဝင်ကျာတ်ဍာ် သက်စသက်သုင်ဟွံမွဲ က္တဵုဒှ်ကၠုင်ကၠာရ၊

       ဗြဲဟွံဂူသၞာံဗွဲမလအ်လတုဲ မၞိဟ်ဂမၠိုင်အ​ဃော တဟင်မံင်ဍာ်ဂှ် ဗြဲပလီုကဝ် စဂူစှေ်ကၠုင် မွဲၝောံဇၞော်ဇၞော်ရ။

    မၞိဟ်ဂမၠိုင်လေဝ် ဂွံဍာ်ဗက်မိပ်မြဟ်တိုန်အိုတ်တုဲ မ သြောံမ၊ မ​ခၞေဝ် စွံလဝ်နွံမံင်တအ်ဂှ် ဖျေံပ​လောံ တဵုတိုန်အိုတ်ရ။

     တၞံသြောံ တၞံခၞေဝ်ကေဝ်တအ် တိုန်ဂွံဗၞတ်ဂၠဴစ တၞးၜါ တၞးပိဂှ် ဗြဲက​လေင်ဝင်အာပၠန် ဟွံဂူဟဂှ်ရ၊ ကာလဂှ် မၞိဟ်ဂမၠိုင်လေဝ် ကၠောဝ်စ ကၠောဝ်သုင် ဒှ်ဒဒိုက်ဗွဲမ​လောန်ရ။

နိဿဲ[ပလေဝ်ဒါန် | ပလေဝ်ဒါန် တမ်ကၞက်]