ဗော်ညးဍုင်ကွာန်
| ဗော်ညးဍုင်ကွာန် ပြည်သူ့ပါတီ | |
|---|---|
| အင်္ဂလိပ် ယၟု | People's Party |
| နာယက | ဦးကိုကိုကြီး |
| ညးအုပ်ကာနာနာ | ဦးကျော်ကျော်ထွေး |
| ညးအခေါင်မဟီုပုဂ္ဂိုလ် | ဦးအံ့ဘွယ်ကျော် |
| ညးအုပ်ကာနာနာ ၂ | ဦးကျော်ကျော်စိုး |
| ညးအုပ်ကာနာနာ ၃ | ဦးကျော်လင်း |
| မဒက်ပတန် | ၂၃ အဝ်ဂေတ် ၂၀၁၉ |
| ဂဥုပ်ဌာန | ဍုင်လ္ဂုင် |
| အသာ် | ဍာ်မိတ် |
| အမာတ် ပ္ဍဲစၠတ်ထဝ်ကောန်ဂကူ |
၀ / ၂၂၄
|
| အမာတ် ပ္ဍဲစၠတ်ထဝ်ညးဍုင်ကွာန် |
၀ / ၄၄၀
|
| စၠတ်ထဝ် ပ္ဍဲစၠတ်ထဝ် တွဵုရး ကေုာံ ရးဇၞော် |
၀ / ၈၆၀
|
| ဝန်ဇၞော် ကောန်ဍုင်အရင်ဂမၠိုင် |
၀ / ၂၉
|
| ဝပ်သာ် | |
| https://www.facebook.com/peoplepartyHQ | |
ဗော်ညးဍုင်ကွာန် (ဗၟာ: ပြည်သူ့ပါတီ,အၚ်္ဂလိက်: People's Party) ဂှ် ဒှ်ဗော်ပရေင်ဍုင်ကွာန် ပ္ဍဲကၟိန်ဍုင်ဗၟာ။ ဗော်ဝွံ ဗွဲကိုပ်ကၠာ ဟိုတ်မဒက်ပ္တန်လဝ် နကဵုက္ဍိုပ်သကိုပ်ကွးဘာ နူပေါဲဗတိုက်ဒဳမဝ်ကရေသဳ ၈ပန်မတေအ်ဂၠိုင်တုဲ ဗော်က္ဍိုပ်သကိုပ်ကွးဘာ ဗီုဏအ်လေဝ် ကော်စဒၟံင်ကီုရ။[၁] က္ဍိုပ်သကိုပ်ကွးဘာတအ် ဗွဲကိုပ်ကၠာ ၜိုန်ရ မိက်ဂွံလုပ်ဒုင်ရုဲမာဲ ပ္ဍဲဗော်အေန်အေဝ်ဒဳကီုလေဝ် ဟိုတ်နူ ဟွံဂွံအခေါင် ဒုင်ရုဲစှ် ပ္ဍဲဗော်အေန်အေဝ်ဒဳတုဲ သွက်ဂွံ လုပ်ပြိုင် ပ္ဍဲသဘင်မာဲ ၂၀၂၀ ဂှ်တုဲ ဒက်ပ္တန်လဝ် ဗော် ပ္ဍဲသၞာံ ၂၀၁၉ဂှ်ရ။[၂] သဘင်မာဲ ၂၀၂၀ ဂှ် ၜိုန်ရ လုပ်ပြိုင် သီုဖအိုတ် ၁၀၀ တၠကီုလေဝ်[၃] ဆမွဲဒၞာဲကီု ဟွံကလိဂွံဇၞးရ။ သွက်ဂွံ ဆက်ကၠောန်အာ ပရေင်ဍုင်ကွာန် အပ္ဍဲသၞောဝ်မာဲ ဂွံပတိုန်ပၠုပ်စရင်ဗော် မစန်ဒက် အလုံကၟိန်ဍုင်မာန်တုဲ သၞာံ ၂၀၂၃ ဂှ် ဗော်ဒဳမဝ်ဂရေတ္တေတ်ညဳသၟဟ်ကောန်ဂကူ (NUDP) ဂှ် လုပ်ပံင်ကုဗော်ဏအ်ရ။[၄] သၞာံ ၂၀၂၃ ဒဳဇြေမ္ဗာ ၂၁ ဂှ် နူကဵု ကမ္မရှေန်မာဲ ပစၟတ်သမ္တီ နဒဒှ် ဗော်ပရေင်ဍုင်ကွာန်မွဲရ။
ဝင်[ပလေဝ်ဒါန် | ပလေဝ်ဒါန် တမ်ကၞက်]
ဗော်ညးဍုင်ကွာန်ဝွံ ဒှ်ဗော်ပရေင်ဍုင်ကွာန် မဒက်ပတန်လဝ် သၞာံ ၂၀၁၉ နကဵု ဗွဲတၟေင် က္ဍိုပ်သကိုပ်ကွးဘာဂမၠိုင် နူကဵု ပေါဲဗတိုက်ဒဳမဝ်ကရေသဳ ပ္ဍဲဒစာံပန်မ (၈၈၈၈)။ က္ဍိုပ်သကိုပ် ပ္ဍဲဗော်ဏအ် ဗွဲမဂၠိုင်ဂှ် ပ္ဍဲခေတ်ပၞာန်နဝတဂှ် ဒးဒုင်ဖျေဟ်လဝ်ထံင် သၞာံဗွဲမလအ်အိုတ်ရ။ ပ္ဍဲသဘင်မာဲ ၂၀၁၅ ဂှ် က္ဍိုပ်သကိုပ်ကွးဘာတအ်ဏအ် ၜိုန်ရ မိက်ဂွံလုပ်ဒုင်ရုဲမာဲ ပ္ဍဲဗော်အေန်အေဝ်ဒဳကီုလေဝ် က္ဍိုပ်သကိုပ်ဗော်အေန်အေဝ်ဒဳတအ် ဟွံကဵုဒၞာဲ ကုညးတအ်အိုတ်ရ။ သွက်ဂွံလုပ်ဒုင်ရုဲမာဲ ပ္ဍဲသဘင်မာဲ ၂၀၂၀ ဂှ်တုဲ ဒက်ပ္တန်လဝ် ဗော် ပ္ဍဲသၞာံ ၂၀၁၉ ဂှ်ရ။[၁]
ဥက္ကဋ္ဌဗော်ဏအ်ဂှ် ဒှ်ဦးကိုကိုကြီး။ ဦးကိုကိုကြီးဂှ် ပ္ဍဲသၞာံ ၁၉၈၈ ပ္ဍဲအခိင်ပေါဲဗတိုက်ဒဳမဝ်ကရေသဳဂှ် ဒှ်ဒုဥက္ကဋ္ဌ ဂကောံဂဥုပ်သမဂ္ဂကွးဘာဂမၠိုင် (ဗကသ) တုဲ၊ ကြဴနူပၞာန်သီအဝဵု သၞာံ ၁၉၈၉ ဂှ် ဒးဒုင်ရပ်လဝ် မွဲခိုန်ခဏရ။ သၞာံ ၁၉၉၁ ဂိတုဒဳဇြေန်ဗါဂှ် ဟိုတ်နူ ထံက်ဂလာန် ထ္ၜးဆန္ဒ လတူဒဝ်အံင်သာန်သုကျဳ မကလိဂွံ လာပ်နဝ်ဗဴတုဲ မွဲစွံ ကုကွးဘာၜိုတ်မွဲကၠံဂှ် ဒးဒုင်ရပ်တုဲ ဒးဒုင်ဖျေဟ်ထံင် ပွိုင် ၁၅ သၞာံ။ သၞာံ ၂၀၀၇ ဂှ် ဟိုတ်နူင္ၚုဟ်ကၠေင်ဍေန်ဍင်တိုန် မွဲတဲဓဝ်တုဲ ညးဍုင်ကွာန်တအ် ဒှ်ဒဒိုက် ဇၞော်ကဵုဒြဟတ်ရ။ သွက်ဂွံဖျအ်ကဵု င္ၚုဟ်ကၠေင်တုဲ တိတ်ထ္ၜးဆန္ဒတုဲ ဒးဒုင်ရပ် ဖျေဟ်ထံင် ၆၅ သၞာံရ။ ပ္ဍဲအခိင် ပွိုင် ၃၀ သၞာံဂှ် ဦးကိုကိုကြီး ဒးဒုင်မံင်လဝ် အပ္ဍဲထံင် သီုဖအိုတ် ကြပ် ၁၇ သၞာံရ။ သဘင်မာဲ သၞာံ ၂၀၂၀ ဂှ် ညးဒုင်ရုဲ ပ္ဍဲပွိုင်ဍုင်ဥက္ကလာပသၠုင်ကျာ ဍုင်လ္ဂုင်ရ။[၂] ပ္ဍဲသဘင်မာဲ ၂၀၂၀ ဂှ် နကဵုဗော်ဏအ် လုပ်ပြိုင်လဝ် သွက်စၠတ်ထဝ် ညးဍုင်ကွာန်ဂှ် ၄၁ တၠ၊ သွက် စၠတ်ထဝ်ကောန်ဂကူဂှ် ၁၁ တၠ သီုဖအိုတ် ၇၄ တၠ လုပ်ပြိုင်လဝ်ရ။ တုဲပၠန် ပ္ဍဲရးဇၞော် ကဵု တွဵုရးဂမၠိုင်လေဝ် သီုဖအိုတ် မၞိဟ်စၞး ၁၀၀ တၠ လုပ်ပြိုင်လဝ်ကီုရ။[၃]
ကမ္မရှေန်မာဲ ပ္တိတ်လဝ် သၞောဝ်ဗော်ပရေင်ဍုင်ကွာန်တၟိ မနွံကဵု ဗီုပြင်ဗော်ၜါသာ်၊ ဗော်မစန်ဒက် အလုံမွဲကၟိန်ဍုင် ကဵု ဗော်မစန်ဒက် နကဵုတွဵုရး/ရးဇၞော်မွဲမွဲ။ တၞဟ်နမဇၞော်ပတိုန်ဒြဟတ်ဗော်တုဲ ဂွံလုပ်ပၠုပ်စရင် နဒဒှ် ဗော်မစန်ဒက် အလုံကၟိန်ဍုင်မာန်တုဲ ဗော်ဒဳမဝ်ဂရေတ္တေတ်ညဳသၟဟ်ကောန်ဂကူ (အမျိုးသားညီညွတ်သောဒီမိုကရက်တစ်ပါတီ - NUDP မဒက်ပ္တန်လဝ် နကဵု ဥက္ကဋ္ဌ ဦးစိန်ဝင်း ဂှ် ရိုဟ်ပလီုထောအ် ဗော်ဇကုတုဲ ဗော်ဇကုဂှ် ပံင်စုတ် ကုဗော်ညးဍုင်ကွာန် မြဴသာ်ဝွံ လလောင်တြး ပ္ဍဲသဘင်ပသောင်ပရိုင် ဂိတုဖေဖဝ်ဝါရဳ ၂၈၊ ၂၀၂၃ ပ္ဍဲရုင်ဗဟဵု ဗော်ညးဍုင်ကွာန် မနွံ ပ္ဍဲယုဇနတာဝါ၊ ဍုင်လ္ဂုင်ရ။[၄] ဦးစိန်ဝင်းဂှ် ဒှ်ကောန်ဗော်အေန်အေဝ်ဒဳတြေံမွဲ ကေတ်လဝ် တာလျိုင် ကေင်ကာ သၟာဗ္ၚ၊ သၟာကမၠောန် ကေုာံ ညးသၟတ်။ စပ်ကဵု ညးတၠဓန (ခရဝ်နဳ) တအ် မသီကေတ်လဝ် တိဗ္ၚ ညးဗ္ၚတအ် ဗွဲအဓမ္မဂှ် နကဵုညး ဟွံဒုင်တဲ၊ သီုကဵု ညးဟွံတီမွဲသာ် နကဵု ညးတာလျိုင်ဘုံလတူ ဗော်အေန်အေဝ်ဒဳ ပ္တိတ်လိက်တင်လစွံစိုတ် ကိစ္စပြသၞာတိဗ္ၚတအ် နကဵု ယၟုညး စၟတ်တဲညးရ။ ဟိုတ်နူမစကာ စၟတ်တဲပတောအ်ညးတုဲ မပရးပ္တိတ် လိက်ဗီုဂှ်ဂှ် ညးဟွံဒုင်တဲ ညးမိက်ဂွံပတိုန်ဂဗုတ်။ တုဲပၠန် ဟိုတ်နူညးအာတိုန် ကောံဓရီုသၟာဗ္ၚသၟာကမၠောန် ပ္ဍဲမာန္တလေဂှ် နကဵု မၞိဟ်ဇၞော်ဗော်အေဝ်အေဝ်ဒဳ ဟီုဗျိညးတုဲ ကၞောတ်တဲ ညးနုက်တိတ် နူကဵု ဗော်အေန်အေဝ်ဒဳတုဲ ဒက်ပ္တန်ပ္တိုန် ဗော်တၞဟ်ခြာမွဲရ။[၅]
သၞာံ ၂၀၂၃ ဒဳဇြေမ္ဗာ ၂၁ ဂှ် နကဵု ကမ္မရှေန်မာဲ လလောင်တြး ပစၟတ်သမ္တီ နဒဒှ် ဗော်ပရေင်ဍုင်ကွာန်မွဲရ။[၆]
| တဆိပ် | ယၟုဗော် | မပစၞး (-) | မစန်ဒက် | သဘဴဓရ် | က္ဍိုပ်သကိုပ် | |
|---|---|---|---|---|---|---|
| စၠတ်ထဝ် ညးဍုင်ကွာန် (၄၄၀ ခုင်) |
စၠတ်ထဝ် ကောန်ဂကူ (၂၂၄ ခု) | |||||
 NLD |
ဂကောံဂဥုပ် ကောန်ဂကူ သွက်ဒဳမဝ်ကရေသဳ ဗော်အေန်အေဝ်ဒဳ |
၂၅၈ / ၄၄၀
|
၁၃၈ / ၂၂၄
|
အလုံကၟိန်ဍုင် | Social democracy, Democratic socialism, Burmese nationalism |
အံင်သာန်သုကျဳ |
 USDP |
ဗော်တမ္ၚံင် ကေုာံ ဇမၞော်မၟောဝ် ကၟိန်ဍုင် ဗော်ကျဖေတ် |
၂၆ / ၄၄၀
|
၇ / ၂၂၄
|
အလုံကၟိန်ဍုင် | Conservative liberalism, Agrarianism, Economic liberalism, Burmese nationalism |
ဦးခင်ရီ |
PP |
ဗော်ညးဍုင်ကွာန်, ဗော်ပဳပဳ |
၀ / ၄၄၀
|
၀ / ၂၂၄
|
အလုံကၟိန်ဍုင် | Liberalism, Reformism |
ကိုကိုကြီး |
 PPP |
ဗော်ပၠတရဴညးဍုင်ကွာန် ဗော်ပဳပဳပဳ |
၀ / ၄၄၀
|
၀ / ၂၂၄
|
အလုံကၟိန်ဍုင် | Conservative liberalism, Agrarianism, Economic liberalism |
ဒေါ်သက်သက်ခိုင် |
 MUP |
ဗော်ညဳသၟဟ်မန်, ဗော်အေမ်ယူပဳ |
၂ / ၄၄၀
|
၂ / ၂၂၄
|
တွဵုရးဍုင်မန် | Green politics, Democratic socialism, Mon nationalism |
နာဲလွဳအံင် |
WP(M) |
ဗော်ညးဗြဴ(မန်), ဗော်ညးဗြဴမန် |
၂ / ၄၄၀
|
၂ / ၂၂၄
|
တွဵုရးဍုင်မန် | Green politics, Democratic socialism, Women right |
မိလျိုင်မန် (မိတာန်ရှေန်) |
| PSDP PSDP |
ဗော်ဒဳမဝ်ကရေတ်တေတ် ဖၠုံ-သဝဝ်, ဗော်ဖၠုံသဝဝ် |
၀ / ၄၄၀
|
၀ / ၂၂၄
|
တွဵုရးကရေင် | Karen nationalism | စောသိန်းအောင် |
ANP |
ဗော်ကောန်ဂကူ အရကာန်, ဗော်ANP |
၀ / ၄၄၀
|
၀ / ၂၂၄
|
တွဵုရးယခေင် | Rakhine nationalism | ဦးသာထွန်းလှ |
| RSNUP RSNUP |
ဗော်ညဳသၟဟ်ကောန်ဂကူ တွဵုရးယခေင်, ဗော်RSUNP |
၀ / ၄၄၀
|
၀ / ၂၂၄
|
တွဵုရးယခေင် | Rakhine nationalism | ဦးအေးကြိုင် |
နိဿဲ[ပလေဝ်ဒါန် | ပလေဝ်ဒါန် တမ်ကၞက်]
- ↑ ၁.၀ ၁.၁ ၂၀၂၀ ရွေးကောက်ပွဲ. Open (2020). “ရှစ်လေးလုံး ဒီမိုကရေစီအရေးတော်ပုံမှာ ရှေ့တန်းကပါခဲ့တဲ့ ထင်ရှားတဲ့ကျောင်းသားခေါင်းဆောင် ဟောင်းတချို့ စုစည်းပြီး ပြည်သူ့ပါတီကို ၂၀၁၉ ခုနှစ်မှာ တည်ထောင်ခဲ့ပါတယ်။ ပါတီခေါင်းဆောင် အများစုဟာ စစ်အစိုးရ အုပ်ချုပ်တဲ့ကာလအတွင်း နှစ်ရှည်အကျဉ်းချခံခဲ့ရသူတွေ ဖြစ်ပါတယ်။ ၂၀၁၅ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် (NLD) ကို ကိုယ်စားပြုယှဉ်ပြိုင်ဖို့ လျှောက်ထားခဲ့ကြ ပေမယ့် NLD ပါတီခေါင်းဆောင်တွေက သူတို့ကို ချန်လှပ်ထားခဲ့ပါတယ်။ အဲဒီနောက် နိုင်ငံရေးပါတီ တည်ထောင်ခဲ့ကြပြီး ၂၀၂၀ ရွေးကောက်ပွဲမှာ တနိုင်ငံလုံးမဲဆန္ဒနယ် ထက်ဝက်နီးပါးမှာ ပါဝင်ယှဉ်ပြိုင်ဖို့ ပြင်ဆင်နေပါတယ်။”
- ↑ ၂.၀ ၂.၁ ၂၀၂၀ ရွေးကောက်ပွဲ. Open (2020). “ပါတီဥက္ကဋ္ဌ - ဦးကိုကိုကြီး ၁၉၈၈ ခုနှစ် - ရှစ်လေးလုံး ဒီမိုကရေစီအရေးတော်ပုံကာလမှာ ပြန်လည်ဖွဲ့စည်းလိုက်တဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (ဗကသ) ဒု-ဥက္ကဋ္ဌအဖြစ် တာဝန်ယူခဲ့ပြီး၊ ၁၉၈၉ ခုနှစ်မှာ ခေတ္တ အဖမ်းခံခဲ့ရပါတယ်။ ၁၉၉၁ ခုနှစ် ဒီဇင်ဘာလမှာ ဒေါ်အောင်ဆန်းစုကြည်ကို ငြိမ်းချမ်းရေးနိုဘဲလ်ဆု ချီးမြှင့်တဲ့အပေါ် ထောက်ခံဆန္ဒပြတဲ့ ကျောင်းသားလှုပ်ရှားမှုအတွင်း ကျောင်းသားတစ်ရာကျော်ကို ဖမ်းဆီးအကျဉ်းချချိန်မှာ ဦးကိုကိုကြီးလည်း ထောင်ဒဏ် ၁၅ နှစ် ချမှတ် ခံခဲ့ရပါတယ်။ ၂၀၀၇ ခုနှစ်မှာ စစ်အစိုးရက လောင်စာဆီစျေးနှုန်းတွေ ရုတ်တရက် တိုးမြှင့်သတ် မှတ်လိုက်ပြီး ပြည်သူတွေ အခက်အခဲ ဖြစ်သွားတဲ့အတွက် လောင်စာစျေးနှုန်းပြန်ချပေးဖို့ ဆန့်ကျင်ဆန္ဒပြမှုနဲ့ ထောင်ဒဏ် ၆၅ နှစ် ချမှတ်ခံရပါတယ်။ ဦးကိုကိုကြီးဟာ အနှစ် ၃၀ အတွင်း အကျဉ်းထောင်တွင်းမှာ ၁၇ နှစ်နီးပါး နေခဲ့ရပါတယ်။ လာမယ့် ၂၀၂၀ ရွေးကောက်ပွဲမှာ ရန်ကုန်တိုင်း တောင်ဥက္ကလာပမြို့နယ်ကနေ ယှဉ်ပြိုင်ဖို့ ပြင်ဆင်နေပါတယ်။”
- ↑ ၃.၀ ၃.၁ Tun, Tun (4 August 2020). ပြည်သူ့ပါတီက ကိုယ်စားလှယ်လောင်း ၁၅၂ ဦး ဝင်ရောက်ယှဥ်ပြိုင်သွားမယ် ပါတီဥက္ကဌ ဦးကိုကိုကြီးက ဇာတိမြို့ဖြစ်တဲ့ တောင်ဥက္ကလာပက ဝင်ရောက်ယှဥ်ပြိုင်မယ်. Open. “ပြည်သူ့ပါတီအနေနဲ့ မြို့နယ်ပေါင်း ၇၄ မြို့နယ်မှာ ပြည်သူ့လွှတ်တော်ကိုယ်စားလှယ်လောင်း ၄၁ ဦး၊ အမျိုးသားလွှတ်တော်ကိုယ်စားလှယ်လောင်း ၁၁ ဦး၊ တိုင်းဒေသကြီးနှင့် ပြည်နယ်လွှတ်တော်ကိုယ်စားလှယ်လောင်း ၁၀၀ ဦး၊ စုစုပေါင်း ၁၅၂ ဦးဝင်ရောက်ယှဥ်ပြိုင်သွားမှာ ဖြစ်ပါတယ်။”
- ↑ ၄.၀ ၄.၁ ကြီး, မျိုး (28 February 2023). ဦးစိန်ဝင်း ထူထောင်သော NUDP ပါတီကို ဖျက်သိမ်းကာ ပြည်သူ့ပါတီနှင့်ပူးပေါင်းပြီး ပြည်ထောင်စုအဆင့်ပါတီအဖြစ် ရပ်တည်မည်. Open. ““ဆရာဦးစိန်ဝင်းတို့ ပါတီကိုယ်၌ကလည်း ဒီလိုနိုင်ငံရေးအကြပ်အတည်းမှာ နိုင်ငံရေးပါတီချင်းပူးပေါင်းပြီး ဆောင်ရွက်တာက ပြည်ထောင်စုအဆင့် ပိုပြီးထိထိရောက်ရောက်ဆောင်ရွက်နိုင်မယ်လို့ ယုံကြည်တဲ့အ တွက်ကြောင့် သူတို့ပင်ပန်းကြီးစွာတည်ထောင်ဖွဲ့စည်းထားတဲ့ ပါတီကို သူတို့တော်တော်ကိုဆုံးဖြတ်ပြီးတော့မှ ဖျက်သိမ်းပြီး ပူးပေါင်းဖို့ ဆုံးဖြတ်ခဲ့တာဖြစ်ပါတယ်။ ဒါကြောင့်မိုလို့ ကျွန်တော်တို့လည်း လှိုက် လှိုက်လှဲလှဲကြိုဆိုဂုဏ်ပြုပြီးတော့ ဆရာဦးစိန်ဝင်းတို့နဲ့ပူးပေါင်းပြီးတော့ မကြာခင်ဖြစ်ပေါ်လာမယ့် ပြည်သူ့ပါတီအသစ်မှာ တစ်သားတည်း ပူးပေါင်းဆောင်ရွက်မှုမျိုးဖြစ်ဖို့အတွက် ကျွန်တော်တို့ ဗဟိုကော်မတီအစည်းအဝေးမှာပါ အားလုံးစုံညီသဘောတူဆုံးဖြတ်ခဲ့ကြပြီးဖြစ်ပါတယ်” ဟု ဦးကိုကိုကြီးက မီဒီယာများကို ပြောသည်။”
- ↑ Trend (March 18, 2023). " NLDပါတီကနေ ဦးစိန်ဝင်း ဘာကြောင့် နုတ်ထွက် ခဲ့ရတာလဲ။ NLDရဲ့ သုံးဦးဂိုဏ်းက ပါတီကို ဘယ်လိုမွှေခဲ့သလဲ။ ဦးစိန်ဝင်း(ပြည်သူ့ပါတီ)နှင့်တွေ့ဆုံခြင်း အပိုင်း(၅). Retrieved on March 18, 2023။
- ↑ UEC, Myanmar (21 December 2023). မှတ်ပုံတင်ခွင့်ပြုခဲ့သည့် နိုင်ငံရေးပါတီများစာရင်း. Open. “၄၆၊ လူထုပါတီ (The Party for People)၊ ၂၁-၁၂-၂ဝ၂၃/ အမှတ်စဉ် (၄၆)၅၃/၂ဝ၂၃”