မဟာဝိဟာရ၊ ဘာဂိုဏ်ရာမညနိကာယ ကွာန်ကအ်ဍောတ်
| ဘာမဟာဝိဟာရ | |
|---|---|
| တင်ဂၞင်ဂမၠိုင် | |
| ဒတန် | ကွာန်ကအ်ဍောတ် |
| မဆေင်စပ် ကုဘာသာ | ထေရဝါဒဗုဒ္ဓဘာသာ |
| ဒတန်သာသနာ | စမြိုင်သာသနာ |
| ဂိုဏ် | ဂိုဏ်ရာမညနိကာယ |
| ကၟိန်ဍုင် | Myanmar |
ဘာမဟာဝိဟာရ ဂိုဏ်ရာမညနိကာယဝွံ နွံပ္ဍဲ ကအ်ဍောတ်၊ ပွိုင်ဍုင်ရေဝ်၊ တွဵုရးဍုင်မန်။
သင်မလုပ်ဒဂိုန်
[ပလေဝ်ဒါန် | ပလေဝ်ဒါန် တမ်ကၞက်]အတိုင်စရင်လုပ်ဒဂိုန် နူရုင်ရာမညနိကာယမ္ဂး ပ္ဍဲဘာဝွံ သင်မလုပ်ဒဂိုန်
သၞာံ ၂၀၂၁ နွံ ခမဳ ၄၄ ဇကု၊ ထပိုယ် ၄၂ ဇကု။[၁]
သၞာံ ၂၀၂၂ ဂှ် ခမဳ ၃၁ ဇကု၊ ထပိုယ် ၃၄ ဇကု။[၂]
ကျာ်ဇၞော်မနွံပိုန်ဘာဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]- ကျာ်ဇၞော်ဘဒ္ဒန္တနန္ဒသာရ (သက္ကရာဇ် ၁၃၇၀ - ၁၃၈၄) [၁]ကျာ်ဇၞော်ဝွံ က္တဵုဒှ် မၞိဟ် သက္ကရာဇ် ၁၂၉၉ ဂိတုပထမဒဂိုန် ၄ စွေက် တ္ၚဲသ္ၚိသဝ် ပ္ဍဲ ကွာန်ကအ်ဍောတ် မဒှ် ကောန် နာဲလှာင်၊ မိလှဃေန်၊ ယၟု နူဍောတ်ဍောတ် မာံညောအ်တေန်။ အာယုက် ၁၇ သၞာံ၊ ပ ထပိုယ်၊ အာယုက် ၂၂ ပ ခမဳ၊ ဇရေင် ကျာ်ဇၞော်အစာဘဒ္ဒန္တပုပ္ဖရမ္မ ပ္ဍဴ ဘာမဟာဝိဟာရ ကွာန်ကအ်ဍောတ်။ စ နူ သက္ကရာဇ် ၁၃၂၄ အာကတ်လိက် ဇရေင် ဘဒ္ဒန္တဂုဏထေရ် ဘာဆု၊ ကွာန်သၞေဟ်ဗဒဝ်၊ သက္ကရာဇ် ၁၃၂၆ အံင် တန်ဍောတ်၊ သက္ကရာဇ် ၁၃၂၇ အံင် တန်ဒေါဝ်၊ သက္ကရာဇ် ၁၃၃၁ အံင် တန်ဇၞော်။ သက္ကရာဇ် ၁၃၃၂ ပဒတန် ဇရေင် တၠဂုဏ်အစာ ဘဒ္ဒန္တဝါယမ ဘာသဒ္ဓမ္မဓဇ၊ ကွာန်မုဟ်ဒဵု၊ တကအ်ခၟိုင်။ သက္ကရာဇ် ၁၃၃၃ ပ ဒတဴ ဘာကျာ်၊ ကွာန်နင်ပြာင်၊ သက္ကရာဇ် ၁၃၃၄ ပဒတဴ ဇရေင် ဘာဆု၊ သၞေဟ်ဗဒဝ်၊ သက္ကရာဇ် ၁၃၃၅ ပဒတဴ တိုက်လိက်ပါဠိတက္ကသိုလ် ဘာကၟာဆီ၊ ဍုင်လ္ဂုင်၊ သက္ကရာဇ် ၁၃၃၇ ပဒတဴ ဘာဒေါနခြံကျောင်း၊ ဘုရားကြီးတိုက်) ဍုင်မာန္တလေ (အင်ဝ) သၞာံဂှ် ဂွံအံင်ကေတ် အဋ္ဌသာလိနဳ မွဲကၞပ်။ သက္ကရာဇ် ၁၃၃၈ ဂိတုဇှ်ေ ၆ မၟံက် တ္ၚဲဗုဒ္ဓဝါ စဴကၠုင် ကွာန်တုဲ ဂိတုဇှ်ေ ၇ မၟံက် တ္ၚဲဗြဴဗတိ ဂှ် ပံက် တိုက်လိက် ပ္ဍဲ ဘာမဟာဝိဟာရပရိယတ္တိ ကွာန်ကအ်ဍောတ်။ လုကဴ ပွိုင် ၂၅ သၞာံ က္ဍိုက်က္ဍိုပ်တုဲ ပၠတရဴပံက်ကၠုင် တိုက်လိက် လၟေင်လၟေင် ဟွံကဵုပိုတ်သကုတ်ရ။ သက္ကရာဇ် ၁၃၆၂ ဂှ် နူသၟိင်အလဵုအသဳဗမာ ဗ္ဂိန်ကဵု တဆိပ်တြာ မဟာဂန္ထဝါစကပဏ္ဍိတ။ သက္ကရာဇ် ၁၃၇၀ ဂိတုဖဝ်ရဂိုန် ၈ စွေက်ဂှ် ဂွံဒှ် ကျာ်ဇၞော်အစာ ညးမနွံပိုန် ဘာမဟာဝိဟာရ ပရိယတ္တိ ကွာန်ကအ်ဍောတ်၊ သီုဂွံဒှ် အစာတၠဂအုပ်ဂိုဏ်ပဝါရဏာ ကအ်ဍောတ်ရ။ သက္ကရာဇ် ၁၃၈၄ ဂိတုဒဂိုန် ၃ စွေက်၊ တ္ၚဲစေင် ၁၄း၀၀ စုတိကလိလောန်စဴအာသွရ်ရ။[၃]
- ဘဒ္ဒန္တဓမ္မရက္ခိတ (သက္ကရာဇ် ၁၃၈၆ - လၟုဟ်) ကျာ်ဇၞော်ဝွံ ဂွံဒုင်ခပ္တိုန် ညးမနွံပိုန်ဘာ နူ သက္ကရာဇ် ၁၃၈၆ ဖဝ်ရဂိုန် ၁၅ စွေက် (၂၀၂၅ မာတ် ၂၈)။ အခိင်ဂှ် ကျာ်ဇၞော် ကလိဂွံ အာယုက် ၇၈၊ သိက္ခာ ၅၇ ဝှ်။ [၄]
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ ၁.၀ ၁.၁ " စရင်သင်လုပ်ဒဂိုန် ရာမညနိကာယ. Open (November 15, 2021).
- ↑ " စရင်သင်လုပ်ဒဂိုန် ရာမညနိကာယ. Open (October 9, 2022).
- ↑ " ထေရုပ္ပတ္တိ ကျာ်ဇၞော်အ္စာတၠ ဘဒ္ဒန္တနန္ဒသာရ မဟာထေရ် ဗွဲခမၞောန်. Open (February 10, 2025).
- ↑ သုခ, အဂ္ဂ (March 27, 2025). မ္ၚဵုပတိုန် ကျာ်ဇၞော်အ္စာမနွံပိုန်ဂဇအ်ဘာ. Open.