မေန်မေန်၊ နာဲ

နာဲမေန်မေန် ညးမရေင်တၠုင် ကမၠောန်ဒတုဲဖိုလ် ဂကူမန်
ဗီုရုပ် နာဲမေန်မေန် နူ သၞာံ ၂၀၂၀
သၠးဂၠံဂဝ်	မင်းမင်းနွယ် (1972-08-14) အဝ်ဂေတ် ၁၄၊ ၁၉၇၂ မုဟ်ဒုန်၊ ပွိုင်ဍုင်တကအ်ခၟိုင်
စုတိ	ဂျူလာင် ၉၊ ၁၉၆၅(1965-07-09) (အာယုက် −၆၁)
ဂကူ	Monမန်
ဗော်	ဗော်ညဳသၟဟ်မန် (၂၀၁၉ - ၂၀၂၆) ဗော်ဒဳမဵုကရေဇြဳအလုံရးမန် (၂၀၀၉ - ၂၀၁၉) ဂကောံဒဳမဝ်ကရေသဳ ကောန်ဂကူမန် (၁၉၈၈ - ၁၉၉၀)
ချဳဓရာင်	သွက်အခေါင် ဂကူမန်
အိန်ထံင်	မိကောန်ဆာန်
ကောန်ဇာတ်	မာံဇာနဲ၊ မာံဟံင်တၠမန် မာံမာန်ဆာန် မာံမာန်ဉာဏ်
အံက်	နာဲယူ (အပါ) မိင္ၚိုဲယဳ (မိ)

နာဲမေန်မေန် (မင်းမင်းနွယ်)ဝွံ ဒှ် ညးမရေင်တၠုင်ကၠုင် ကမၠောန်ဒတုဲဖိုလ်ဂကူမန် သွာင်နာနာ ဗွဲမဗဗွဲ ကုအခိင်အခါ နူ ဘဝသၟတ် စဵုလအိတ်လမျီုရ။ ကမၠောန်အဓိက မယိုက်ဂၠေင်လဝ်ဂှ် ကမၠောန်ပရေင်ဍုင်ကွာန်မ္ဂး ပ္ဍဲ ဗော်ပရေင်ဍုင်ကွာန်မန် ခေတ်အဆက်အဆက် နူ ဂကောံဒဳမဝ်ကရေသဳကောန်ဂကူမန် (MNDF) စဵုစိုပ် ဗော်ညဳသၟဟ်မန် ရ။ ပါဲနူဂှ်တုဲ ပ္ဍဲ ဂကောံသၟတ်မန်ဂှ်လေဝ် ချဳဓရာင်ကၠုင်လဝ်တုဲ ညံင် တ္ၚဲသၟတ်မန် ဂွံဒှ်ကၠုင်ဂှ် ပါလုပ် ချဳဓရာင်ကၠုင်လဝ်ရ။

ဘဝသၟတ် ကောံ ကုပရေင်သ္ၚိကၟိန်

နာဲမေန်မေန် က္တဵုဒှ် မၞိဟ် ပ္ဍဲ သၞာံ ၁၉၆၅ ဂိတုဂျူလာင် ၉ မဒှ် ကောန် နာဲယူ၊ မိင္ၚိုဲယဳ ပ္ဍဲ ကွာန်မုဟ်ဒုန်၊ တကအ်ခၟိုင်ရ။

သၞာံ ၁၉၇၀ ဂှ် နာဲမေန်မေန် စမံင် ဘာတန်မူလ ကွာန်မုဟ်ဒုန်တုဲ ကလိဂွံ ဒစာံတန်ဂှ် တိတ်နူဘာရ။ သၞာံ ၜိုတ် ၁၉၈၀ ဂှ် လုပ်ကၠောန် ကမၠောန်ပ္ဍဵုဗီုလိက် ပ္ဍဲ တိုက်ပ္ဍဵုဗီုလိက်လဒေါဝ်ဍုင် (မြို့လယ်စာပုံနှိပ်တိုက်) ဍုင်မတ်မလီု၊ မဒှ် တိုက် ကလောဇကုရ။ နူ အခိင်ဘဝသၟတ်ဂှ် စချဳဓရာင်ကၠုင် ကမၠောန်ပရေင်ဂကူမန် လတူ ဍုင်မတ်မလီု ဗွဲတၟေင် ပ္ဍဲ ဂကောံသၟတ်မန်ဍုင်မတ်မလီုရ။ သၞာံ ၁၉၈၅ ဂှ် ပံက် တိုက်ပ္ဍဵုဗီုလိက်ယမေန် (ယမင်းပုံနှိပ်တိုက်) တုဲ ကၠောန်ကၠုင် ကမၠောန်ပ္ဍဵုဗီုလိက်၊ လေပ်ကၠုင် ပညာဖျေဟ်ပလံက် (ဇင့်ဘလောက်)တအ်ရ။

သၞာံ အကြာ ၁၉၈၄ - ၁၉၈၅ ဂှ် ညးမဒှ် ကလောဇကု ညဳညဳဇြဝ်၊ ကောံ ကုသကအ်ရဲ ဇကု ကျဝ်မျေအ်လောန် (ကျော်မြင့်လွင်) ယၟုအနုသုခုမ ထူးအိမ်သင် တအ် ဒက်ပ္တန် ဝိုင်ဂဳတဂတာပ်ခေတ်ဂှ် နာဲမေန်မေန် ဗိုင်ပါလုပ်ကၠောန်ကဵုလဝ်ကီုရ။

သၞာံ ၁၉၉၀ ဂှ် နာဲမေန်မေန် ဒက် ဘဝသ္ၚိကၟိန် ကုမိကောဆာန် (မိကျေးလှိုင်) ဇာတိ ကွာန်ကအ်တောမ် ကအ်ပံက်တုဲ ညးတအ် ကလိဂွံ ကောန်ပန် မာံဇာနဲ၊ မာံဟံင်တၠမန်၊ မာံမာန်ဆာန်၊ မာံမာန်ဉာဏ် ရ။

ကမၠောန်ပရေင်ဂကူမန်

ကြဴနူ ပရေင်ကလိုက်ကမဵု ၁၉၈၈ က္တဵုဒှ်တုဲ အခိင်ကာလ မဒက်ပ္တန် ဂကောံဒဳမဝ်ကရေသဳကောန်ဂကူမန် (MNDF) ဂှ် ပါလုပ်ကၠောန် ပ္ဍဲ ဗော်ပရေင်ဍုင်ကွာန်မန်ဂှ်ရ။

သၞာံ ၜိုတ် ၂၀၀၆ ဂှ် ဒက်ပ္တန် ဂကောံသၟတ်မန်အလုံရးမည (မွန်လူငယ်အဖွဲ့ချုပ် ဖွဲ့စည်းရေးကော်မတီ / League of All Mon Youth Organization - LAMYO) ဂှ် နဒဒှ် ဂကောံကေင်ကာမွဲတၠဂှ် ယိုက်ဂၠေင်လဝ်ရ။ အခိင်မကၠောန်ဗဒှ် သဘင်သဳကၠဳသၟတ်မန် အလန်ပထမဂှ် နကုညးစၞးဂကောံသၟတ်LAMYO ဂှ် တိုန်စိုပ်တုဲ နူ သဘင်သဳကၠဳဂှ် စၟတ်သမ္တီကၠုင် သွက်ဂွံကၠောန်ဗဒှ် တ္ၚဲသၟတ်မန် ရ။

သၞာံ ၂၀၀၇ အခိင်မဒက်ပ္တန် ဇာဇၞိက်ပရေင်ဇၞော်မောဝ်ပရေင်မၞိဟ် ဒေသမန် (မွန်ဒေသလူမှုဖွံ့ဖြိုးရေးကွက်ရက်/Mon-region Social Development Network -MSDN) ဂှ် နဒဒှ် ညးမပါလုပ် မဒက်ပ္တန်ဂကောံဂှ် ဂစာန်ကၠုင်လဝ်တုဲ ပ္ဍဲ ဇာဇၞိက်ဏအ်ဂှ် နဒဒှ် ဖက်ဆောသကိုပ်ညးပညဳပညပ် (တွဲဖက် ညှိနှိုင်းရေးမှူး) ဂှ် ယိုက်ဂၠေင်လဝ်ရ။

သၞာံ ၂၀၀၉ အခိင် မဒက်ပ္တန် ဗော်ဒဳမဵုကရေဇြဳအလုံရးမန် ဂှ် နာဲမေန်မေန် ပါလုပ် ပ္ဍဲ ဂကောံညးမစဒက်ပ္တန် ၂၅ တၠဂှ်တုဲ ချဳဓရာင် ရေင်တၠုင်ကၠုင် ကမၠောန်ဗော်ဂှ် ဗွဲမကတိုင်ကမှ်ရ။

သၞာံ ၂၀၁၂ အခိင် မဒက်ပ္တန် ဂျာနေဝ်သြင်လောန် (သံလွင်တိုင်းမ်ဂျာနယ်)ဂှ် နာဲမေန်မေန် ပါလုပ် ပ္ဍဲ ဂကောံညးမစဒက်ပ္တန်လဝ် မွဲတၠတုဲ ဗွဲ ဂကောံဂျာနေဝ်ဂှ် နဒဒှ် သကိုပ်ညးမဒါန်လိက် (အုပ်ချုပ်မှုအယ်ဒီတာ) မွဲတၠဂှ် ယိုက်ဂၠေင်လဝ်ကီုရ။

သၞာံ ၂၀၁၄ အခိင်ကာလ မဒက်ပ္တန် ကမ္မတဳမစၟဳစၟတ်မင်မဲပရေင်ၜိုဟ်လလံ သွာင်ညးဍုင်ကွာန် တွဵုရးဍုင်မန် (မွန်ပြည်နယ် အရပ်သားအပစ်အခတ်ရပ်စဲရေးစောင့်ကြည့်ရေးကော်မတီ)ဂှ် နဒဒှ် ဒုဥက္ကဋ္ဌ ယိုက်ဂၠေင်လဝ်တုဲ ပ္ဍဲ ကမ္မတဳ မကၠောန်ဗဒှ် ဝှဝ်ရာမ်ပရေင်ၜိုဟ်လလမ် တွဵုရးဍုင်မန်ဂှ် နဒဒှ် ဂကောံကမ္မတဳမွဲတၠဂှ် ယိုက်ဂၠေင်လဝ်ကီုရ။

သၞာံ ၂၀၁၅ အခိင်ကာလ မဒက်ပ္တန် ဂကောံမရေင်တၠုင် ရီုဗင် ညံင်ဗော်မန်ဂွံဇၞးမာဲ ဗွဲမဗၠးၜး (လွတ်လပ်သော မွန်အမျိုးသားရွေးကောက်ပွဲအောင်နိုင်ရေးအကျိုးဆောင်အဖွဲ့ (M23) ဂှ်လေဝ် ပါလုပ်မွဲတၠကီုတုဲ အခိင်မဆက်ဂစာန် ညံင် ဗော်မန် ဂွံဒှ်မွဲဂှ်လေဝ် ပါလုပ် ချဳဓရာင်ကၠုင်လဝ် ဗွဲမဇၞော် ကုဒြဟတ်ကီုရ။

သၞာံ ၂၀၁၉ အခိင် ဗော်မန်ၜါ ပံင်ကောံတုဲ ဒက်ပ္တန် ဗော်ညဳသၟဟ်မန် ဂှ် နဒဒှ် ကမ္မတဳဗဟဵုမွဲတၠ၊ နူစ သၞာံ ၂၀၂၂ ဂှ် နဒဒှ် ကေင်ကာဗဟဵု မွဲတၠဂှ် ယိုက်ဂၠေင်ကၠုင် ပ္ဍဲ ဗော်ညဳသၟဟ်မန်ရ။ သဘင်မာဲ ၂၀၂၅ ဂှ်လေဝ် ညံင်ဗော်မန် ဂွံဇၞးမာဲဂှ် နကုဒြဟတ်သြန် ဒြဟတ်မၞိဟ် နာနာသာ်ဂှ် ဂိုတ်ဂစာန်ကၠုင်လဝ်ကီုရ။

ပါဲနူ ကမၠောန်အဓိက မဗၟံက်ထ္ၜးလဝ် ဗွဲလတူဝွံတုဲ ကမၠောန်မဒှ်ဂုဏ်ဖိုလ် သွက်ဂကူမန် မပ္တံ ပ္ဍဲ သဘင်တ္ၚဲဂကူမန်တအ်ဂှ် ယိုက်ဂၠေင် ကၠောန်ဒၟံင်လဝ် ဇၟာပ်ဇၟာပ်သၞာံကီုရ။ ကမၠောန်ဒတုဲဖိုလ် သွက်ဂကူမန်ဂှ် ယိုက်ဂၠေင်ကၠုင်လဝ် နူ ဘဝသၟတ် စဵုလအိတ်လမျီုရ။

လအိတ်ဘဝ

သၞာံ ၂၀၂၆ ဂိတုဇာန္နဝါရဳ ၁၆ အခိင်ဗတံ ၈း၄၃ ဂှ် နာဲမေန်မေန် နကုယဲကောန်ကၟအ် (နှလုံးရောဂါ) ဂှ် စုတိအာရ။

ကၞေဟ်

နာဲမေန်မေန်ဝွံ သီု ချူဇန်ဒၟံင် လိက်နာနာသာ်တုဲ ပၞောဝ်တအ်ဂှ် ကဗျ ပရေင်ဍုင်ကွာန်လေဝ် ချူဒၟံင်ကီုရ။

ကဗျ မချူလဝ် ကိုပ်ကၠာ ဟွံစုတိ ၅ တ္ၚဲ။ ကဗျဝွံ ရန်တၟအ်လဝ် သွက် အမာတ်မန်ဂမၠိုင် မညး ဇၞးလဝ်မာဲ ပ္ဍဲ သဘင်မာဲ ၂၀၂၅တုဲ ချူလဝ် ဒှ်မာန်ရ။

ပဲ့ကိုင်ရှင်မှပြုသောအဆို

♥နောက်ပြန်လှိုင်းအရိုက်မှာ
အရှိုက်ထိမှန်ထားလည်း
ပြန်လည်ရုန်းထ
ရေဆန်‌လေဆန်ပြီး
ပါတီနှင့်အတူ ကူးခတ်ခဲ့သူများ
ကွန်ကရက်ကျူလေးရှင်းပါ----

♥စစ်အေးအလွန်မှာ
ကမ္ဘာ့အစီအစဥ်ပြောင်း‌သွားလေပြီ
အဓိကတိုက်ပွဲသဏ္ဍာန်သည်လည်း
လိုက်ပါပြောင်းလဲ
ရွေးကောက်ပွဲလမ်းများပေါ်
ဆက်၍လျှောက်လှမ်းရန်သာ-–--

♥အမျိုးသားအကျိုးစီပွားကိုဦးတည်ကာ
ဤသို့လျှောက်လှမ်းခြင်းသည်
အမျိုးသားရေးအား
သစ္စာဖေါက်ခြင်းမဟုတ်သလို
အင်အားစုတရပ်ရပ်ကိုလည်း
သစ္စာခံခြင်းမဟုတ်ပေ
ဝၚ်ရိုးစုံကမ္ဘာနဲ့ သဟဇာတဖြစ်စွာပေါ့-----။

♥အာရုံကျင်းပြီ
မိုးလေကင်းစင်မည်မဟုတ်သေး
မိုးဒဏ်လေဒဏ်ကို ရင်ဆိုင်ယှဥ်ပြိုင်ဖို့ရာ
လိုက်ရဲရင်တက် ကမ်းကထွက်မည်
တွေဝေသူနေရစ်ခဲ့ ရှိသမျှအားနဲ့
ရှေ့ခရီးဆက်မယ်--------။
ပွင့်သစ်မွန်(၁၁/၁/၂၀၂၆)

ကမြဴ ညးမရပ်သၞေဝ်

♥ပ္ဍဲ ဇွိုင်လပှ်အတိက်
ၜိုန်ဒးထၞိက်စုန်
ရုန်က္တဵု လဘာ်
ဒစးဍာ် ဒစးကျာ
ကရောမ်ဗော်မဟာ ကုညးမၜိင်ဒၟံင်တအ်ဂှ်
ကောန်ဂရုက်ကျူလေရှေန်ရဏး

♥ပ္ဍဲပၞာန်လၜိုဟ် ပၠိုတ်
ကမ္ဘာ့အစီအစဥ်ပြောင်း‌သွားလေပြီ
အဓိကတိုက်ပွဲသဏ္ဍာန်သည်လည်း
လိုက်ပါပြောင်းလဲ
ရွေးကောက်ပွဲလမ်းများပေါ်
ဆက်၍လျှောက်လှမ်းရန်သာ-–--

♥အမျိုးသားအကျိုးစီပွားကိုဦးတည်ကာ
ဤသို့လျှောက်လှမ်းခြင်းသည်
အမျိုးသားရေးအား
သစ္စာဖေါက်ခြင်းမဟုတ်သလို
အင်အားစုတရပ်ရပ်ကိုလည်း
သစ္စာခံခြင်းမဟုတ်ပေ
ဝၚ်ရိုးစုံကမ္ဘာနဲ့ သဟဇာတဖြစ်စွာပေါ့-----။

♥အာရုံကျင်းပြီ
မိုးလေကင်းစင်မည်မဟုတ်သေး
မိုးဒဏ်လေဒဏ်ကို ရင်ဆိုင်ယှဥ်ပြိုင်ဖို့ရာ
လိုက်ရဲရင်တက် ကမ်းကထွက်မည်
တွေဝေသူနေရစ်ခဲ့ ရှိသမျှအားနဲ့
ရှေ့ခရီးဆက်မယ်--------။
ပွင့်သစ်မွန်(၁၁/၁/၂၀၂၆)
Column 2 here