ရာင်ဆာဲ၊ နာဲ
နာဲရာင်ဆာဲ (နိုင်ရဲဇော်) အစာဝင်၊ သၟာပရေင်ဍုင်ကွာန်မန် | |
---|---|
သၠးဂၠံဂဝ် |
မောင်ဇော်မိုး အံက်တဝ်ဗါ ၂၃၊ ၁၉၆၂ |
ဂကူ | Monမန် |
ကောန်ဍုင် | Myanmarကောန်ဍုင်ဗၟာ |
ဗော် | ဗော်ညဳသၟဟ်မန် |
အံက် |
|
ဂယိုင်လမျီု | ကၠအ်ခၜိုတ် |
နာဲရာင်ဆာဲ (နာဲရဲဇော်) (သၠးဂၠံဂဝ် ၂၃-၁၀-၁၉၆၂) ဝွံ ဒှ်အစာဝင်မွဲတၠတုဲ ယၟုမြဟ်တဴ နဒဒှ် မၞိဟ်စိုတ်ဓါတ်ထတ် ဂိုတ်ဂစာန် သွက်ပရေင်ဂကူမန်မွဲတၠ ပ္ဍဲကဵု ပရေင်ဍုင်ကွာန်ကီု သီုကဵု ပ္ဍဲပရေင်ဂကူ ဗွဲတၟေင် ပ္ဍဲလပါ်ဝင်ရ။ ယၟုညး နူဍောတ်တ်ဂှ် ဇော်မိုး၊ ဆဂး ယၟုမြဟ်တဴ နကဵုယၟုကၞေဟ် နိုင်ရဲဇော် ဂၠိုင်ရ။ ကျာ်ဇၞော်ပါလိတ ခုတ်ကဵုယၟု နာဲရာင်ဆာဲ။ ညးဝွံ နူစ ဒေါအ်ဇူနူပၞာန်တုဲ လုပ်ကၠောန်ကၠုင် ပ္ဍဲကမၠောန်ပရေင်ဂကူမန် ဗွဲတၟေင်လပါ်ဝင်မန်၊ လပါ်ပရေင်ဍုင်ကွာန် အပ္ဍဲဗော်ပရေင်ဍုင်ကွာန်မန်တုဲ သဘင်မာဲ ၂၀၁၅ ဂှ် နဒဒှ် ပုဂ္ဂလိက ဒုင်ရုဲမာဲ ပ္ဍဲပွိုင်ဆန္ဒမာဲ (၂) ပွိုင်ဍုင်ကျာ်မြဟ် သွက်စၠတ်ထဝ်တွဵုရးဍုင်မန်[၁] သဘင်မာဲ ၂၀၂၀ ဂှ် ပ္ဍဲပွိုင်ဍုင်ကျာ်မြဟ်ပၠန် ဒုင်ရုဲမာဲ နဒဒှ်အလံင်အမာတ် ဗော်ညဳသၟဟ်မန် ပ္ဍဲသဘင်မာဲ ပ္ဍဲပွိုင်ဍုင်ကျာ်မြဟ် သွက်စၠတ်ထဝ်ညးဍုင်ကွာန် ကၟိန်ဍုင်ရ။
ပထမအဝဲ ကေုာံ ပရေင်ပညာ[ပလေဝ်ဒါန် | ပလေဝ်ဒါန် တမ်ကၞက်]
နာဲရာင်ဆာဲ မဒှ်ကောန် ဥူသော်ဇင်၊ မိစောတင် ကတဵုဒှ်မၞိဟ် ပ္ဍဲ ၂၃ အံက်တဝ်ပါ ၁၉၆၂ တုဲ ပ္ဍဲကွာန်ကျာ်ပရင်၊ ပွိုင်ဍုင်ကျာ်မြဟ် ဒှ်ဂကူမန် မရှ်ေသှ်ေဗုဒ္ဓဘာသာရ။ ညးဝွံ ၜိုန်ရ မိညး ဟီုအရေဝ်မန်၊ ဟီုအရေဝ်ဗၟာ နကဵုရမ္သာင်မန်ကီုလေဝ် ဟိုတ်နူအပါမဒှ် တြုဟ်ပေါင်မသၟိင်တုဲ မဒးပြံင်မံင်ဒၟံင် ပ္ဍဲဒေသမန်ဟွံသေင်တုဲ ဗွဲကိုပ်ကၠာဂှ် အရေဝ်မန်ဂှ် ညးဟီုဟွံလေပ်ကီုလေဝ် ဗွဲကြဴဏအ် အခိင်မကလေင်မံင် အကြာမန် လုပ်ကၠောန်ကမၠောန်မန်တုဲ အရေဝ်မန် ၜိုတ်ဒးရးဂှ် ဟီုဂးမာန်ကၠုင်ရ။ နာဲရာင်ဆာဲဝွံ ဒှ်မၞိဟ်မကလိဂွံတဆိပ်မဟိမုဝိဇ္ဇာ နကဵုဘာသာဝင်တုဲ၊ တဆိပ်မဟာဝိဇ္ဇာဂှ် (Qualifying)၊ တုဲပၠန် ပ္ဍဲကဵု တက္ကသိုလ်အရေဝ်ဘာသာသအာင်ဂှ် ဘာတုဲ နကဵုဘာသာအင်္ဂလိက်ရ။ လုပ်ယိုက်ဂၠေင် ကမၠောန်သၟိင်တၠ ပ္ဍဲလပါ်ပၞာန်တုဲ ဂွံစိုပ်ကဆံင် ဒုသကိုပ်ဗိုလ်ဇၞော် (ဒုတိယဗိုလ်မှူးကြီး)ကီုရ။ ပ္ဍဲအခိင်ဘဝကောန်ပၞာန်ဂှ် ပ္ဍဲဒေသကောန်ဍုင်အရင်နာနာသာ် ကေင်မံင်လဝ်ကီုရ။[၁] နူမဒေါအ်ဇူ လျိုင်လပါ်ပၞာန်တုဲ ကလေင်ကၠုင် ဍုင်မိတိမမ်ဇကုတုဲ လုပ်ကၠောန်ကၠုင် ကမၠောန် သွက်ဂကူမန် လပါ်ဝင်၊ လပါ် ပရေင်ဍုင် သွက်အခေါင်ညးဍုင်ကွာန်တအ် သီုစိုတ် သီုစရိုတ် ဗွဲမကတိုင်ကၟဟ်ရ။