ရာမညနိကာယ ဘာရာမညဟိတေသဳ
ပ္ဍဲကဵုဗုဒ္ဓသာသနာ ၂၅၅၆ သၞာံ သက္ကရာဇ်ဍုၚ် ၁၃၇၄ သၞာံ စၟတ်တ္ၚဲ 08.06.2012 တ္ၚဲအဒိုတ်ဂှ် ကျာ်ဇၞော်အ္စာဘာသၞေဟ်ဂၠုၚ် (တၠဂုဏ် ထာဝရ) နွံပိုန်ဘာမန် ဟူတာန်မဳလေန်တာန (ဒေသသၞေဟ်ဂၠုၚ်) ဍုၚ်မလေဝ်ယှာ သ္ပသ္ကိုပ်သ္ကအာဂတပၠတရဴတုဲ ဒက်ပတန်ခၞံဗဒှ်လဝ်ဌာန်ဒတန် "ဘာသနာဘာမန်ဗါတ်တဝတ်" ရ။
ရန်တၟံကဵုကျာ်ဇၞော်အ္စာခမဳသၚ်မန်မဂေတ်ဂ္ၚောၚ်ဒေသန္တရဗဟုသုတဂမၠိုၚ် တၞဟ်နသ္ဂောံတန်တဴဗွဲတသိုက်ကီု၊ ကောန်ဂကူဗုဒ္ဓဘာသာဂမၠိုၚ် တၞဟ်နသ္ဂောံဒှ် ဒတုဲဖဵုလောကဳ လောကုတ္တဵုၜါပြကာကီု တၞဟ်နသ္ဂောံပဠေဝ်ပဠေတ်လညာတ်စိုတ်ဓါတ်ယေန်သၞာၚ်ဗုဒ္ဓဘာသာကီုတုဲ ခၞံဗဒှ်လဝ်ဌာန်ဒတန် သာသနာမန်ရ။ ဟိုတ်ဒှ်သာ်ဂှ်ရ ရန်တၟံကဵုမ္ၚဵုတိုန်ဘာတၟိတုဲ ကၠောန်ဗဒှ်သ္ဘၚ်ကာကုသဵု ကလၚ်ဓရ်ကဵုဒါန်သ္ၚာလုပ်ဒ္ဂိုန် ကေုာံ လံၚ်ကဵုဒါန်သၚ်ဇဳ (လံၚ်ဗဗေၚ်)ရ။