ရာမညသံဃာနုဂ္ဂဟ
ရာမညသံဃာနုဂ္ဂဟ Rāmañña Sanggānuggaha
ရန်တၟံကဵု သၚ်မန်ဂမၠိုၚ် ညးမွဲကေုာံညးမွဲ သ္ဂောံကၠောံဍညးသ္ကံကီု၊ ညးမွဲကေုာံညးမွဲ သ္ဂောံထံက်ပၚ် ထ္ၜးလဘာ် ညးသ္ကံကီု၊ ရန်တၟံကဵု သ္ဂောံဒှ်အာ ဇိုၚ်တဲ ဂကောံရာမညနိကာယကီုတုဲ ပ္ဍဲကဵုသက္ကရာဇ်ဍုၚ် ၁၃၅၇ (1995) သၞာံဂှ် ဂကောံအ္စာလိက်မန်၊ ဂကောံသၚ်ကတ်လိက်မန်တံ စဒပ္တန်လဝ် ဂကောံမွဲ မၞုံယၟု "ဂကောံရာမညသံဃာနုဂ္ဂဟအလုံဒေသမန်" ပ္ဍဲကဵုဘာဗ္ဂောပရိယတ္တိ၊ ဍုၚ်မတ်မလီုရ[၁]။
ဂၠံၚ်တရဴဂကောံရာမညသံဃာနုဂ္ဂဟ အလုံဒေသမန် မဂံါကွာ်တုန်
[ပလေဝ်ဒါန် | ပလေဝ်ဒါန် တမ်ကၞက်]- သၚ်ဂိယဲ တိုန်စိုပ်ရုၚ်ဂဥုဲမ္ဂး ထံက်ပၚ်အာရောၚ်။
- သၚ်အာဇနဲရာမည ကလိဂွံတဆိပ်ကြာ မပ္တံကဵု အဂ္ဂမဟာပိဏ္ဍတ၊ အံၚ်ဇၞးလာပ်ဂုဏ်တၟေၚ် ပထမ၊ ဒုတိယ၊ တတိယ ပ္ဍဲကဵု ဂကောံသၟာန်လိက်အလဵုအသဳ ကၟိန်ဍုၚ်မ္ဂး ယိုက်ဒိုက်ထမံက်ပ္တိုန် ဂုဏ်စရာဲရောၚ်။
- ဗွဲမဗဗွဲကဵုခေတ် သွက်သ္ဂောံၜေတ်လုပ် အကြာတၠပညာ သ္ဂောံပ္တန်သာသနာ ဂၠးတိမာန်ဂၠိုၚ်ၚ် ဘိုၚ်ပံက်ဗ္တောန် ဘာသာအၚ်္ဂလိက်ရောၚ်။
မပ္တံသာ်ဝွံ သွာၚ်စပ်ကဵု ပရေၚ်ဘာသာသာသနာဟေၚ် ယိုက်ဂၠေၚ် ရေၚ်တၠုၚ် ဂံါကွာ်အာဒၟံၚ် ဂတတေံရ[၁]။
အတိုၚ်ရန်တၟံဂကောံ(၃)တၚ် ဗွဲလ္တူတေံ တၚ်လက္ကရဴအိုတ် စပ်ကဵုပံက်ဗ္တောန် ဘာသာအၚ်္ဂလိက်မွဲဂှ် မိက်ဂွံပ္တိုန်ထ္ၜးကဵုညိရ။ ပ္ဍဲကောန်ဂကူမန်ပိုဲ ဗွဲတၟေၚ် သၚ်မန်ပိုဲ ထေက်ကဵုသ္ဒးလေပ် ဘာသာအၚ်္ဂလိက်ရ။ သွက်သ္ဂောံ ပ္တန်သာသနာ စဵုကဵုကဆံၚ်ဍုၚ်သ္အာၚ်မာန်ဂှ် ဂကောံရာမညသံဃာနုဂ္ဂဟအလုံဒေသမန်တံ သ္ပလဝ်အဓိက ဖျေံလဝ်တၚ်ရန်တၟံဏံ မွဲသာ်ကီုရ။
ဘာသန္တရပညာ ဘာသာအၚ်္ဂလိက်
[ပလေဝ်ဒါန် | ပလေဝ်ဒါန် တမ်ကၞက်]အတိုၚ်ရန်တၟံလဝ်ဂှ် ပ္တံနူသက္ကရာဇ်ဍုၚ် ၁၃၆၆ (2004) သၞာံဂှ် စပံက်ဗ္တောန်ကၠုၚ် ဘာသန္တရပညာ ဘာသာအၚ်္ဂလိက်တုဲ ပ္ဍဲကဵုသက္ကရာဇ်ဍုၚ် ၁၃၇၆ (2014)သၞာံမ္ဂး စိုပ်ကၠုၚ် မရနုက်ကဵု (၁၁) ဝါရ[၁]။
အလန်ပထမ
[ပလေဝ်ဒါန် | ပလေဝ်ဒါန် တမ်ကၞက်]သၞာံစပံက်ဗ္တောန်ကိုပ်ကၠာအိုတ်ဂှ် ပ္ဍဲကဵုဘာပုဗ္ဗာရီု၊ ဍုၚ်မတ်မလီုတုဲ ပံက်ဗ္တောန်ဘာသာအၚ်္ဂလိက်ဂှ် စပ္တံကၠုၚ်လဝ် နကဵုကွးဘာ ခမဳ သာမဏဳ ဟေၚ်ရ။ စပ္တံကၠုၚ်လဝ် နကဵုလၟိဟ်ကွးဘာ ဗၞတ် (၂၀) တၠဓဝ်ရ။
အလန်ဒုတိယ
[ပလေဝ်ဒါန် | ပလေဝ်ဒါန် တမ်ကၞက်]ပပ္တံနူအလန်ဒုတိယ စဵုကဵုသၞာံ (2014) ပွိုၚ် (၁၀) သၞာံ ပံက်ဗ္တောန်ကၠုၚ် ပ္ဍဲကဵု ဘာဓာတုမာလာ ဍုၚ်မတ်မလီုရ။
ဘာ ကွတ်ကောန်ပျူတာ
[ပလေဝ်ဒါန် | ပလေဝ်ဒါန် တမ်ကၞက်]နူတမ်ဝါဒိ စပံက်ကၠုၚ် ဘာသာအၚ်္ဂလိက်သၟးဟေၚ်ကီုလေဝ်၊ ဗွဲကြဴ ရံၚ်ကဵုဇၟောဝ်ဍာ်ခေတ်ကာလတုဲ ပ္တံနူသက္ကရာဇ် ၁၃၇၁ (2009) သၞာံဂှ် ထပ်ပံက်ဗ္တောန်ကဵု ကွတ်ကောန်ပျူတာ မွဲကဏ္ဍပၠန်ရ။
ဂကောံမိဿဟာဲ
[ပလေဝ်ဒါန် | ပလေဝ်ဒါန် တမ်ကၞက်]ဂကောံဖောအ်ဗြေဝ်စေတနာမန် Mon Cetana Development Foundation[၂]
ကိစ္စပံက်ဗ္တောန်ဘာသာအၚ်္ဂလိက် ကေုာံ ကွတ်ကောန်ပျူတာတံ လမျီုဂွံလုပ် ဒမြိပ်ဂွံခိုဟ်တိုန် ဗီုဏံဂှ် ဂကောံရာမညသံဃာနုဂ္ဂဟက္ဍိုက်က္ဍိုပ် အာဂတပၠတရဴတုဲ ဟိုတ်နူဂကောံဖောအ်ဗြေဝ်စေတနာမန် Mon Cetana Development Foundation ပ္တိန်ထ္ၜး ဂၠာဲနၚ်သြန်ထံက်ပၚ် နူကဵုဂကောံမွဲသ္အာၚ် NGO ကီုရ။
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ ၁.၀ ၁.၁ ၁.၂ ရာမညသံဃာနုဂ္ဂဟ ကၞပ်(၅)၊လိက်အုပ်။ ၂၀၁၄ သၞာံ။ ဂကောံရာမညသံဃာနုဂ္ဂဟ၊အလုံဒေသမန်။ Rāmoñña Sanggānuggaha, The Whole mon land -vol.5-2014
- ↑ https://www.facebook.com/people/Mon-Cetana-Development-Foundation/100054649935547/