ရဲနာဲ၊ နာဲ
| သၠာပၠန်ဂတး သွက်ဗၠးၜးမန် နာဲရဲနာဲ (နိုင်ရန်နိုင်) | |
|---|---|
| သၠးဂၠံဂဝ် |
နာဲဝင်ရော ဨပြဳ ၂၉၊ ၁၉၆၇ မဟေဲ၊ ပွိုင်ဍုင်တကအ်ခၟိုင် |
| စုတိ |
ဨပြဳ ၂၉၊ ၂၀၂၅ (အာယုက် ၅၈) ကွာန်မဟေဲ၊ အရာပ် ၄ |
| ဂကူ | မန် |
| ကဆံင်ပညာ | ရူပဗေဒ |
| ဌာန်ပညာ | တက္ကသိုလ်မတ်မလီု |
| မဒယှ်တဴ | သၟာပၠန်ဂတး သွက်ဗၠးၜးဂကူမန် |
| ဗော် |
|
| အိန်ထံင် | မိအေအေမန် |
| ကောန်ဇာတ် | မိသိုက်ဟေမာ |
| အံက် | နာဲဗမျေအ်၊ မိထိုဲယဳ |
နာဲရဲနာဲ (Burmese; နိုင်ရန်နိုင်) (ၜံင် ၁၉၆၇ ဨပြဳ ၂၉၊ စုတိ ၂၀၂၅ ဨပြဳ ၁၂)ဝွံ ဒှ် မၞိဟ်ချဳဓရာင် ကၠောန် သွက် အခေါင်ဂကူမန် ပ္ဍဲ သွာင်နာနာ ဗွဲမဗဗွဲ ကုအကာဲအရာဂမၠိုင်ရ။ ပ္ဍဲ အခိင်ဘဝကွးဘာတက္ကသိုလ်မတ်မလီုဂှ် ချဳဓရာင် ပ္ဍဲ ကမ္မတဳလိက်ပတ်ယေန်သၞာင်မန်၊ နူဂှ် သၞာံ ၁၉၉၂ဂှ် စိုပ်အာ ဗော်ဍုင်မန်တၟိ။ ပ္ဍဲဗော်ဍုင်မန်တၟိဂှ်လေဝ် တာလျိုင်နာနာသာ် ယိုက်ဂၠေင်ကၠုင်၊ သၞာံ ၂၀၀၉ ဂှ် ဒေါအ်ဇူ နူ ဗော်ဍုင်မန်တၟိတုဲ ကၠောန်ကၠုင် ပရေင်ဂကူမန်နာနာ၊ ပ္ဍဲ ဗော်ညဳသၟဟ်မန် ဂှ် ယိုက်ဂၠေင်လဝ် နဒဒှ် ကမ္မတဳဗဟဵုမွဲတၠ စဵုကုစိုပ် အခိင်လအိတ်လမျီု ပ္ဍဲ သၞာံ ၂၀၂၅ ဂိတုဨပြဳ ၁၂ ရ။
မကတဵုဒှ် မၞိဟ် ကောံ ကုသၟတ်
[ပလေဝ်ဒါန် | ပလေဝ်ဒါန် တမ်ကၞက်]နာဲရဲနာဲ၊ ယၟု နူတမ် ဗတ်ဗၟာ နိုင်ရန်နိုင် က္တဵုဒှ် မၞိဟ် ပ္ဍဲ သၞာံ ၁၉၆၇ ဂိတုဨပြဳ ၂၉ (သက္ကရာဇ် ၁၃၂၉ ဂိတုစဲ ၅ စွေက်) ပ္ဍဲ ကွာန်မဟေဲ တကအ်ခၟိုင်၊ မဒှ် ကောန်ဒဒေအ် နာဲဗမျေအ် (နိုင်ဘမြင့်)၊ မိထိုဲယဳ (ဒေါ်ထွေးရီ။ အခိင်မစိုပ်အဝဲ မံင်ဘာဂှ် မံင်လဝ် ဘာတန်မူလ ကွာန်မဟေဲ၊ ဘာတန်သမၠုင်ဂှ် မံင်လဝ် ဘာကွာန်မုဟ်ဒုန်၊ သၞာံ ၁၉၈၆ ဂှ် ဂွံအံင်ကေတ် တန်မလုပ်တက္ကသိုလ် (စှ်တန်) နူ ဘာတန်သမၠုင် ကွာန်မုဟ်ဒုန်တုဲ ဆက်တိုန် တက္ကသိုလ်မတ်မလီု ဘာသာရူပဗေဒ။[၁] [၂]
အဃောမတိုန်ဒၟံင် တက္ကသိုလ်မတ်မလီုဂှ် လုပ်ချဳဓရာင် ပ္ဍဲ ကမ္မတဳလိက်ပတ်ယေန်သၞာင်မန် တက္ကသိုလ်မတ်မလီု ဗွဲမကတိုင်ကၟဟ်ရ။[၁]
ဗော်ဍုင်မန်တၟိ
[ပလေဝ်ဒါန် | ပလေဝ်ဒါန် တမ်ကၞက်]သၞာံ ၁၉၉၂ ဂိတုဨပြဳဂှ် လုပ် ဗော်ဍုင်မန်တၟိ၊ တုဲ ပ္ဍဲ ဗော်ဍုင်မန်တၟိဂှ် ယိုက်ဂၠေင်ကၠုင်လဝ် ပ္ဍဲ ဌာန်ဂအုပ်ပၞာန်၊ ဌာနပရေင်ဍုင်ကွာန်၊ ကောံ ကုညးတာလျိုင် ခရိုင်ဂမၠိုင်ရ။ အခိင်မကေတ်တာလျိုင် ပ္ဍဲ ဗော်ဍုင်မန်တၟိဂှ် သၞာံ ၂၀၀၁ ဂှ် စှ်ေဒၞာဲ ပ္တန်သ္ၚိကၟိန် ကုမိအေအေမန် ရဲကွာန်ကလအ်၊ ပွိုင်ဍုင်ရေဝ်၊ ညးတအ် ကလိဂွံ ကောန်ဝုတ်မွဲ ခုတ်ခဴကဵုလဝ် ယၟု မိသိုက်ဟေမာ။ သၞာံ ၂၀၀၉ ဂှ် ဒေါအ်ဇူ နူတာလျိုင် ဗော်ဍုင်မန်တုဲ စဴပဒတန် ကွာန်တွိုပ်သုက်ဇကု မဟေဲပၠန်ရ။[၁]
တာလျိုင်ဂကူနာနာ
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲ ကမၠောန်ပရေင်ဂကူမန်နာနာသာ်ဂှ် နာဲရဲနာဲ ဆက်ယိုက်ဂၠေင် ကၠောန်ကၠုင်လဝ် မပ္တံ ကု ကမၠောန်ဂျာနေဝ်အမာတ်ဒိန်၊ ဗော်သွးနာဲယှိုဲကျေန်၊ တုဲပၠန် ဗော်ပရေင်ဍုင်ကွာန်မန် ဗွိုင်အပ္ဍဲဍုင်တအ်လေဝ် ချဳဓရာင်ကၠုင်လဝ် ဗွဲမကတိုင်ကၟဟ်ရ။ အခိင်ကာလ မဒက်ပ္တန် ဗော်ညဳသၟဟ်မန် ဂှ် နာဲရဲနာဲ ချဳဓရာင်ကၠုင် နာနာသာ်တုဲ ကေတ်လဝ် တာလျိုင် ကမ္မတဳဗဟဵုရ။[၁]
လအိတ်ဘဝ
[ပလေဝ်ဒါန် | ပလေဝ်ဒါန် တမ်ကၞက်]သၞာံ ၂၀၂၅ ဂိတုဨပြဳ ၁၂ အခိင်ဂယး ၇း၀၀ ဂှ် စုတိကလိလောန်စဴအာ ဘဝပရလိုက် ပ္ဍဲ သ္ၚိညးမနွံ ပ္ဍဲကွာန်မဟေဲ၊ အရာပ် ၄၊ ဂၞန်သ္ၚိ ၁၁၂ ဂှ်ရ။[၁]
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ ၁.၀ ၁.၁ ၁.၂ ၁.၃ ၁.၄ ကောန်အပါ, သွက်နန် (14 April 2025). " ပ္တိုန်စၟတ်သမ္တီ သၞိင်အညတရ. Open.
- ↑ ကောန်အပါ, သွက်နန် (14 April 2025). " အသုဘရှုနှင့် ရက်လည်ဆွမ်းကျွေး တရားတော်နာ ဖိတ်ကြားလွှာ. Open.