လိက်ပရူပရာ (Prompt)

လိက်ပရူပရာ (အင်္ဂလိက်: Prompt) ဝွံ ပ္ဍဲကဵု နဲကဲပညာ Artificial Intelligence (AI) မ္ဂး ဒှ်တင်ဂၞင်၊ လိက်ညးစကာမချူစုတ် ဟွံသေင်မ္ဂး တင်စညုင် သွက်ဂွံကဵုစက်ယန္တရား AI ဖန်ဗဒှ်ပတိုန် ကမၠောန်မွဲမွဲရ။ လိက်ပရူပရာဝွံ ဒှ်ဒံင်သံက် (Bridge) အဓိက သွက်မၞိဟ် ကေုာံ AI ဂွံဆက်စၠောံရေင်သကအ်ရ။

ဗီုပြင် လိက်ပရူပရာဂမၠိုင်

လိက်ပရူပရာဝွံ အတိုင်ပၟိက်စိုတ် ညးစကာမၞိဟ်တအ်ဂှ် ပါ်ခြာလဝ် နကဵုဂကောံနာနာမာန်ရ -

လိက် ဗစိုပ် လိက် (Text-to-Text): ဥပမာ - ပွမအာတ်မိက် AI ညံင်ဂွံချူကဵု ဝတ္ထု၊ ကဗျ ဟွံသေင်မ္ဂး ကၠာဲဘာသာလိက်။
လိက် ဗစိုပ်ရုပ် (Text-to-Image): ဥပမာ - ပွမချူဗၟံက်ထ္ၜး ရုပ်ပရူမွဲမွဲ ညံင် AI ဂွံဖန်ဗဒှ်ကဵုရုပ် (ဥပမာ - Meta AI ဟွံသေင်မ္ဂး Midjourney)။
လိက် ဗစိုပ် အောင် (Text-to-Audio): ဥပမာ - ပွမအာတ်မိက် ညံင်ဂွံဖန်ဗဒှ်ကဵု ရမျာင် ဟွံသေင်မ္ဂး ဒွက်။

နဲကဲချူ လိက်ပရူပရာ (Prompt Engineering)

သွက်ဂွံကလိဂွံ ဖိုလ် (Result) ခိုဟ်အိုတ် နူကဵု AI မ္ဂး၊ ပွမချူ လိက်ပရူပရာဂှ် ကိစ္စဇၞော်ဗွဲမလောန်ရ။ နဲကဲမချူ လိက်ပရူပရာ ညံင်ဂွံဍိုက်ပေင်ဂှ် ကော်ခဴစ "Prompt Engineering" ရ။ ဍေံနွံကဵု တင်သဇိုင် (၃) သာ် -

Context (ပွိုင်ဒေသ): ဒးဗၟံက်ထ္ၜးကဵု AI ဒဒှ်ရ ဍေံဒးကၠောန်ကမၠောန် ပ္ဍဲကဆံင်လဵု (ဥပမာ - "ချူကဵု နဒဒှ် အစာဘာမွဲတၠ")။
Task (ကမၠောန်): ဒးဟီုကဵု ချိုတ်တ်ပၠိုတ်တ် ဒဒှ်ရ မိက်ဂွံကဵုကၠောန် မုရော။
Constraint (တင်ကၟာတ်လဒအ်): ဒးဗၟံက်ထ္ၜးကဵု ဗီုပြင်မမိက်ဂွံဂွံ (ဥပမာ - "ချူကဵု နကဵုဝေါဟာရမန်လောဲလောဲ ဆ (၁၀၀) မဓဝ်")။

ဖိုလ်

ပွမစကာ လိက်ပရူပရာ မဍိုက်ပေင်မ္ဂး ပကဵုညံင် AI ဂွံကၠိုဟ်ကေတ် ပၟိက်စိုတ်မၞိဟ် ချိုတ်တ်ပၠိုတ်တ်တုဲ၊ ကလိဂွံ သွဟ် ဟွံသေင်မ္ဂး ရုပ်ရဴ မၞုံကဵုဍာ်ဒကေဝ်သၠုင်မာန်ရ။

မုက်လိက် မဆက်စပ်ဂမၠိုင်

နိဿဲ

"Prompt engineering", Wikipedia (English).