လျးတၟး၊ နာဲ
| နာဲလျးတၟး ညးမရေင်တၠုင် ကမၠောန်ဒတုဲဖိုလ် ဂကူမန် | |
|---|---|
| သၠးဂၠံဂဝ် |
နိုင်ခင်မောင်ဇင် ဨပြဳ ၂၇၊ ၁၉၆၃ ပင၊ ပွိုင်ဍုင်ကျာ်ခမဳ (လၟုဟ် ပွိုင်ဍုင်ဇြပ်ဗု) |
| ဂကူ |
 Monမန် |
| ကဆံင်ပညာ | ပညာပရေင်ပိုန်ဒြပ် (သၞာံတတိယ) |
| ဌာန်ပညာ | တက္ကသိုလ်လ္ဂုင် (ဇမ္ၚောဲ) |
| ဗော် |
|
| ချဳဓရာင် | သွက်အခေါင် ဂကူမန် |
| အိန်ထံင် | မိတာန်တာန်ဌေ |
နာဲလျးတၟး (နိုင်ခင်မောင်ဇင်) (ၜံင် ၁၉၆၃ ဂိတုဨပြဳ ၁၇) ဝွံ နူ သၞာံ ၁၉၈၇ စဵု ကု သၞာံ ၁၉၉၈ ဂှ် ယိုက်ဂၠေင်လဝ် ပ္ဍဲ ဗော်ဍုင်မန်တၟိကီုရ။ ပ္ဍဲ အခိင် မနွံ ပ္ဍဲ ဗော်ဍုင်မန်တၟိဂှ် ကေတ်ကၠုင် တာလျိုင် နဒဒှ် ကေင်ကာခရိုင်မွဲတၠကီုရ။ ဒေါအ်ဇူ နူ ဗော်ဍုင်မန်တၟိတုဲ ချဳဓရာင်ကၠုင် ပ္ဍဲ ပရေင်ဍုင်ကွာန်ရ။ သဘင်မာဲ သၞာံ ၂၀၂၀ ဂှ် လုပ်ဒုင်ရုဲမာဲ ပွိုင်ဍုင်ဇြပ်ဗု ပွိုင်ဆန္ဒမာဲ (၂) သွက် စၠတ်ဓဝ်တွဵုရးဍုင်မန်တုဲ ဂွံဇၞးမာဲကီုလေဝ် ဟိုတ်နူ ပၞာန်သီအဝဵုဍုင်တုဲ သီုဟွံဂွံလုပ်ကၠောန် ကမၠောန်အမာတ်တွဵုရးဍုင်မန်ကီုလေဝ် နူ ဗော်ညဳသၟဟ်မန် ဗလးဏာ သွက်ဂွံ လုပ်ကေတ် တာလျိုင် ပ္ဍဲ ဂကောံအလဵုအသဳတွဵုရးဍုင်မန် မဒက်ပ္တန်လဝ် ပ္ဍဲ သၞာံ ၂၀၂၁ ဂိတုအဝ်ဂေတ် ၁ တုဲ ပ္ဍဲ ဂကောံအလဵုအသဳတွဵုရးဍုင်မန်ဂှ် နဒဒှ် ဌာနဝန်ဇၞော်ပရေင်ပိုန်ဒြပ်ဂှ် ယိုက်ဂၠေင်လဝ်ရ။ သဘင်မာဲ ၂၀၂၅ ဂှ် နဒဒှ် အလံင်အမာတ် သွက် တွဵုရးဍုင်မန် နကုသၞောတ်မဇၞးနဗၞတ်ဗ္ၜတ်ဂှ် လုပ်ဒုင်ရုဲကီုရ။
ဘဝသၟတ် ကောံ ကုပရေင်ပညာ
[ပလေဝ်ဒါန် | ပလေဝ်ဒါန် တမ်ကၞက်]နာဲလျးတၟး ယၟု နူဍောတ် နာဲခင်မောင်ဇင် ဝွံ က္တဵုဒှ် မၞိဟ် ပ္ဍဲ သၞာံ ၁၉၆၃ ဂိတုဨပြဳ ၂၇ ပ္ဍဲ အရာပ်ပလိုတ်၊ ကွာန်ပင၊ ပွိုင်ဍုင်ကျာ်ခမဳ (လၟုဟ် ပွိုင်ဍုင်ဇြပ်)။ နာဲလျးတၟးဝွံ ပ္ဍဲ ဘာဗ္တောန်လိက် ကွာန်ပငဂှ် ဂွံဗ္တောန်လဝ် စဵုတန်ဒေါဝ်တုဲ ဘာတန်သမၠုင်ဂှ် တိုန်လဝ် ပ္ဍဲ ဍုင်ဇြပ်ဗုရ။ ဘာတိုန်သမၠုင်တုဲ ဂွံကတ်လ္ၚတ်လဝ် ပရေင်ပညာ တက္ကသိုလ်ဇမ္ၚောဲလ္ဂုင် သၞာံတတိယ ဘာသာပညာပရေင်ပိုန်ဒြပ်ရ။[၁]
ဂကောံသ္ၚိကၟိန်
[ပလေဝ်ဒါန် | ပလေဝ်ဒါန် တမ်ကၞက်]နာဲလျးတၟး ဒက် ဘဝသ္ၚိကၟိန် ကုမိတာန်တာန်ဌေ (သန်းသန်းဌေး)
ပရေင်ကောန်ဂကူ ပ္ဍဲ ဗော်ဍုင်မန်တၟိ
[ပလေဝ်ဒါန် | ပလေဝ်ဒါန် တမ်ကၞက်]သၞာံ ၁၉၈၇ ဂှ် နာဲလျးတၟး သွက်ဂွံဗတိုက် အခေါင်အရာ သွက်ဂကူမန်တုဲ လုပ်စိုပ်အာ ဗော်ဍုင်မန်တၟိရ။ ပ္ဍဲ ဗော်ဍုင်မန်တၟိ နဒဒှ် ကဆံင်ကေင်ကာခရိုင်ဂှ် ကေင်ယိုက်ဂၠေင်လဝ်တုဲ သၞာံ ၁၉၉၈ ဂှ် ဒေါအ်ဇူ နူ ဗော်ဍုင်မန်တၟိရ။[၁]
ကမၠောန်ပရေင်ဍုင်ကွာန်
[ပလေဝ်ဒါန် | ပလေဝ်ဒါန် တမ်ကၞက်]သၟာပရေင်ဍုင်ကွာန်မန် ဗွဲတၟေင် ညးမဗက် လက်ကြဴ ဗော်အေန်အေဝ်ဒဳတအ် ဟိုတ်နူ ဗော်အေန်အေဝ်ဒဳ ပါလုပ် ပ္ဍဲ ဗွိုင်ပရေင်ဍုင်ကွာန် သၞောဝ်ဥပဒေသဇိုင် ၂၀၀၈ တုဲ သၞာံ ၂၀၁၂ ဂှ် ဒက်ပ္တန်တိုန် ဗော်ဒဳမဝ်ကရေသဳမန် ကီုရ။ ပ္ဍဲ ဗော်ဒဳမဝ်ကရေသဳမန်ဂှ် နူ အခိင်မစဒက် စဵုသၞာံ ၂၀၁၅ ဂှ် နဒဒှ် ကေင်ကာဗဟဵုမွဲတၠ နာဲလျးတၟး ယိုက်ဂၠေင်လဝ်တုဲ နူ သၞာံ ၂၀၁၅ စဵု ၂၀၁၈ ဂှ် နဒဒှ် ညးအုပ်ကာနာနာဗော်ဂှ် နာဲလျးတၟး ယိုက်ဂၠေင်လဝ်ရ။ အခိင် ဗော်မန်ၜါ ဗော်ဒဳမဝ်ကရေသဳမန် ကု ဗော်ဒဳမဵုကရေဇြဳ အလုံဒေသရးမန် ပံင်ကောံတုဲ ဒက်ပ္တန် ဗော်ညဳသၟဟ်မန် သၞာံ ၂၀၁၉ ဂှ် နာဲလျးတၟး ယိုက်ဂၠေင်ဒၟံင် နဒဒှ် ညးအုပ်ကာနာနာ (၁) ရ။[၁]
သဘင်မာဲသၞာံ ၂၀၂၀ ဂှ် နာဲလျးတၟး ဂွံဒုင်ရုဲမာဲ စၞးဗော် သွက် စၠတ်ဓဝ်တွဵုရးဍုင်မန် ပ္ဍဲ ပွိုင်ဍုင်ဇြပ်ဗု ပွိုင်ဆန္ဒမာဲ(၂)တုဲ ဂွံဇၞးမာဲကီုရ။ ဆဂး ဟိုတ်နူ ပၞာန်သီအဝဵုဍုင်တုဲ ကမၠောန်တာလျိုင်အမာတ်စၠတ်ဓဝ်ဂှ် ဟွံယိုက်ဂၠေင်ကီုလေဝ် အခိင်ကာလ အလဵုအသဳပၞာန်ဗၟာ မဒက်ပ္တန် ဂကောံအလဵုအသဳတွဵုရးဍုင်မန်ဂှ် နကုဗော်ညဳသၟဟ်မန် ပလံင်ဏာ နာဲလျးတၟး သွက်ဂွံပါလုပ် ပ္ဍဲ ဂကောံအလဵုအသဳဂှ်တုဲ လုပ်ကေတ် တာလျိုင် ပ္ဍဲ ဌာနဝန်ဇၞော်ပရေင်ပိုန်ဒြပ် ရ။[၁]
သဘင်မာဲ သၞာံ ၂၀၂၅ ဂှ် နာဲလျးတၟး လုပ်ဒုင်ရုဲမာဲ နစၞးဗော် သွက်စၠတ်ဓဝ်တွဵုရးဍုင်မန် နကုသၞောတ်မဇၞးနဗၞတ်ဗ္ၜတ်ရ။[၁]