ဝိသုဒ္ဓ၊ ကျာ်ဇၞော်ဘာတိုက် ကွာန်တၟအ်ကၞေင်
| ကျာ်ဇၞော်အစာ ဘဒ္ဒန္တ ဝိသုဒ္ဓ | |
|---|---|
| သၠးဂၠံဂဝ် |
မာံကောန်ဗၠာဲ ကွာန်တၟအ်ကၞေင် |
| စုတိ |
ဖေဖဝ်ဝါရဳ ၇၊ ၂၀၀၄ (အာယုက် ၈၄) ဘာတိုက်၊ ကွာန်တၟအ်ကၞေင် |
| ဂကူ | ဂကူမန် |
| ကဆံင်ပညာ | တန်ဒေါဝ် |
| မဒယှ်တဴ | ဥက္ကဋ္ဌရာမညဓမ္မာစာရိယ |
| အံက် | နာဲထောန်ဨ မိင္ၚိုဲဇြေန် |
| လာပ် | အဂ္ဂမဟာပဏ္ဍိတ |
| ဂယိုင်လမျီု | နွံပိုန်ဘာ |
ဘဒ္ဒန္တဝိသုဒ္ဓ ညးမဒှ် ကျာ်ဇၞော်ဘာတိုက် ကွာန်တၟအ်ကၞေင်၊ ဝွံ လုကဴ ၅၅ သၞာံပေင်င် ဖျေဟ်ဗ္တောန်ကၠုင် လိက်ပရိယတ္တိ ကုကောန်သင်တအ်ရ။ တုဲပၠန် ကျာ်ဇၞော်ဝွံ ကမၠောန်သာသနာ ကေုာံ ကမၠောန်ဍုင်ကွာန်ဂွံရာင်ဆာဲ မပ္တံကဵု လးဂၠံင် ကၠောန်ဒဒန်တအ်လေဝ် အာဂတပၠတရဴတုဲ ကၠောန်ကၠုင် သၞာံဗွဲမလအ်ကီုရ။ ဘာတိုက် ကွာန်တၟအ်ကၞေင်ဂှ် ကျာ်ဇၞော်ဝွံ ဒှ်ကျာ်ဇၞော်မရနုက်ကုစတုတ္ထတုဲ ပ္ဍဲဂကောံနာနာတအ်ဂှ်လေဝ် ယိုက်ဂၠေင်ကၠုင် တာလျိုင်ဇၞော်ဇၞော် သၞာံဗွဲမလအ်လရ။[၁]
ပထမ အဝဲ[ပလေဝ်ဒါန် | ပလေဝ်ဒါန် တမ်ကၞက်]
ကျာ်ဇၞော် ဘဒ္ဒန္တဝိသုဒ္ဓ မဟာထေရ် ဝွံ က္တဵုဒှ် မၞိဟ် ပ္ဍဲဇရေင်မိမၜါ မနွံယၟု နာဲထောန်ဨ၊ မိင္ၚိုဲဇြေန် ပ္ဍဲသက္ကရာဇ် ၁၂၈၀ ဂိတုဒုတိယဒဂိုန် ၄ စွေက် တ္ၚဲဗုဒ္ဓဝါ ပ္ဍဲကွာန်တၟအ်ကၞေင်ရ။ နူဍောတ်ဍောတ် မိမတအ် ကဵုလဝ်ယၟု မာံကောန်ဗၠာဲ။ ပၞောန်ကောဒေအ် သီုဖအိုတ် မၞိဟ်တြုဟ်ပန်တၠဂှ် ကျာ်ဇၞော် ဒှ်ကောန် မရနုက်ကဵု ၜါ။ ကာလ ကျာ်ဇၞော်မကလိဂွံ အာယုက် ၁၀ သၞာံဂှ် မံင်ဘာလကျာ် ဇရေင်ကျာ်ဇၞော်အစာ ပညာဇောတိ ဘာတိုက် ကွာန်တၟအ်ကၞေင်ရ။ ကာလကျာ်ဇၞော် မကလိဂွံ အာယုက် ၁၆ သၞာံဂှ် ပထပိုယ် ပ္ဍဲဘာတိုက် ကွာန်တၟအ်ကၞေင် ဇရေင်ကျာ်ဇၞော်ပညာဇောတိတုဲ က္လိဂွံယၟု ထပိုယ်ဝိသုဒ္ဓ ရ။ ကာလကျာ်ဇၞော် မကလိဂွံ အာယုက် ၂၀ ဂှ် မိမၜါ ဒုင်ပစ္စယ်တုဲ ကျာ်ဇၞော်အစာတၠ ပုပ္ဖရမ္မမဟာထေရ် ပအစာဥပ္ပဇ္ဇျာယ်၊ တၠဂုဏ်သင်င္ၚိဲ တံင်ပရင် ဘာဇၞော် နဒဒှ် ပထမအစာကမ်၊ ကျာ်ဇၞော်အစာပညာဇောတိ ဒုတိယအစာကမ်၊ သင်ကာရဗွဲမဂၠိုင် အာစိုပ်ဒဒှ်ခမဳပယျင် ပ္ဍဲခဏ္ဍသိမ် ကွာန်တံင်ပရင် ဘာဇၞော်ရ။
ဘဝမကတ်လ္ၚတ်ပညာ[ပလေဝ်ဒါန် | ပလေဝ်ဒါန် တမ်ကၞက်]
အဃော ကျာ်ဇၞော် မပဒတဴဒၟံင် ပ္ဍဲဘာတိုက် ကွာန်ခ္ဍး ဇရေင်ကျာ်ဇၞော်အစာကလျာဏဂှ် ဂွံအံင်ကေတ် တန်ဍောတ်၊ အဃောမဖျေဟ်လိက် ပ္ဍဲဘာတိုက် ကွာန်တၟအ်ကၞေင်ဂှ် ဂွံအံင်ကေတ် တန်ဒေါဝ်ရ။
ဘဝအစာလိက်[ပလေဝ်ဒါန် | ပလေဝ်ဒါန် တမ်ကၞက်]
နူစ သက္ကရာဇ် ၁၃၀၄ ဂှ် ကျာ်ဇၞော်အစာတၠ ပညာဇောတိ ဒေါအ်ဇူ နူဒဒှ်အစာလိက်တုဲ စၞးဂှ် ကျာ်ဇၞော်လုပ်ကေတ်တာလျိုင်တုဲ ဖျေဟ်ဗတောန်အာလိက် ကုကောန်သင်တအ် စဵုကဵု သက္ကရာဇ် ၁၃၅၅ ရ။
ပြကိုဟ်မခၞံလဝ်ဂမၠိုင်[ပလေဝ်ဒါန် | ပလေဝ်ဒါန် တမ်ကၞက်]
- ပြကိုဟ်တြာဲဝိနယ်ပန်စံင်
- ပြကိုဟ်ပဋိပတ္တိနယူပဒေသ
- ပြကိုဟ်ယောဂဳနန္ဒဳဒိဋ္ဌအနပါနကမ္မဋ္ဌာန်
- ပြကိုဟ်သ္ဇိုင်လောကုတ္တဵု
- ပြကိုဟ်ဓာတုကာထာ နယူပဒေသ
- ပြကိုဟ်ယမကနယူပဒေသ
- ပြကိုဟ်ဝါကျတ္ထဒဳပနဳ
- ပြကိုဟ်ဝိဘတျတ္ထ
- ပြကိုဟ်ဝါစ္စဝါစက နယ်ဖျပ်ပိုဒ်
တာလျိုင်မယိုက်ဂၠေင်လဝ်ဂမၠိုင်[ပလေဝ်ဒါန် | ပလေဝ်ဒါန် တမ်ကၞက်]
စၞးဂိုဏ်တးင်ပရင် ကောံဓရီု ကၟိန်ဍုင်မှဝ်ဗဳ ညးရင်တၠုင်ဖိုလ် နဒဒှ်အစာတၠ ဥက္ကဋ္ဌ ဂကောံသာသနာဒုဂ္ဂဟ ဂိုဏ်တံင်ပရင် ညးရင်တၠုင်ဖိုလ် ဂကောံစေတဳယာနုဂ္ဂဟ ကွာန်လမိုင် ဥက္ကဋ္ဌ ရာမညဓမ္မာစရိယ အလုံဒေသရးမန် ညးရင်တၠုင်ဖိုလ်၊ ဥက္ကဋ္ဌ ဂကောံသံဃသာမဂ္ဂဳမန် သံဃသမ္မုတိ ကၟိန်ဍုင် သဇိုင်ဝန်သင် ကၟိန်ဍုင် သဇိုင်ဝန်သင် ခန်လွာဍုင် ဒက်ပ္တန် စေတဳဒဵုတၟအ်သိန္နရာဇ် ကွာန်တၟအ်ကၞေင် သြိုင်လဝ် ဘာဇေတဝန် ဇြပ်သဘင်ဓရ်မန် ဘာတိုက် ကွာန်တၟအ်ကၞေင် ကၠောန်ဂၠံင် ပလေဝ်ဒဒန် ပတန် ကျာ်စေတဳမုစလိန္ဒ လဒေါဝ်ကၟာ ကွာန်တၟအ်ကၞေင် သြိုင်ခၞံ ဘာတိုက်ဇၞော်ၜါထပ် ဘာကဵုပိုန် ကွာန်တၟအ်ကၞေင် သြိုင်ခၞံ ဘာဝိပဿနာဓူရ ပ္ဍဲအရှာံ ဘာတိုက် ကွာန်တၟအ်ကၞေင် သြိုင်ခၞံ ဘာတိုက်ပိဋကတ် ဘာပတိုန်ဖျေဟ်လိက် ပ္ဍဲအရှာံဘာတိုက် ကွာန်တၟအ်ကၞေင် ဖျေဟ်ကၠုင်လိက်ပရိယတ္တိ လုကဴ ၅၅ သၞာံ
တဆိပ်တြာ[ပလေဝ်ဒါန် | ပလေဝ်ဒါန် တမ်ကၞက်]
သက္ကရာဇ် ၁၃၅၅ ဂိတုဖဝ်ရဂိုန်ပေင်ဂှ် သၟိင်အလဵုအသဳ ဇိုန်ဗ္ဂိန်ကဵု တဆိပ်တြာ အဂ္ဂမဟာပဏ္ဍိတ။
လအိတ်ဘဝ[ပလေဝ်ဒါန် | ပလေဝ်ဒါန် တမ်ကၞက်]
သက္ကရာဇ် ၁၃၆၅ ဂိတုမာ် ၂ စွေက် (၂၀၀၄ ဖေဖဝ်ဝါရဳ ၇) တ္ၚဲသ္ၚိသဝ် အခိင် ၁၄း၁၅ က္လိဂွံအာယုက် ၈၆၊ ၆၅ ဝှ်ဂှ် အာစိုပ်အနိစ္စဓရ် စုတိကလိလောန်စဴအာရ။ သက္ကရာဇ် ၁၃၆၆ ဂိတုဖဝ်ရဂိုန် ၁၀ မမံက်ဂှ် ကၠောန်သဘင်ဇွသင်အဂ္ဂိဇျာပနာကျာ်ဇၞော်ရ။
နိဿဲ[ပလေဝ်ဒါန် | ပလေဝ်ဒါန် တမ်ကၞက်]
- ↑ ခေမာဝန္တ, ဘဒ္ဒန္တ (2004). ထေရုပ္ပတ္တိ ကျာ်ဇၞော်အ္စာတၠ ဂဏပါမောက္ခ ဂဏပါဝါရဏာ ဂဏာစရိယ ဥက္ကဋ္ဌရာမည အဂ္ဂမဟာပဏ္ဍိတ ဘဒ္ဒန္တဝိသုဒ္ဓ မဟာထေရ်. Burma: Free။