ဝဳကဳပဳဒဳယာ ကဵု ဘာသာမန် ဗီုဆေၚ်စိုပ်ဒၟံၚ်ရေၚ်သ္ကံ
Wikipedia ကဵု ဘာသာမန်
[ပလေဝ်ဒါန် | ပလေဝ်ဒါန် တမ်ကၞက်]Wikipedia ကဵု ဘာသာမန် ဝွံ နွံကဵုဆက်စပ်ဆေၚ်စိုပ် ကိစ္စဇၞော်ကွေံကွေံ ပ္ဍဲကဏ္ဍထိၚ်ဒဝ် ကေုာံ ဇၞော်မောဝ်လိက်ပတ်မန် လ္တူလပှ်ကျာ (Digital Space) ရ။ သွက်ကွးဘာမန်တက္ကသိုလ်တအ် ဂွံဗှ်စခိုဟ် ကၠိုဟ်လောဲတုဲ သောၚ်ကၠးကဏ္ဍဇၞော် (၁၀) သာ် အတိုၚ်ဗွဲသၟဝ်ဝွံရအဴ။
Wikipedia ကဵု ဘာသာမန် ဗီုလဵုဆေၚ်စိုပ်မံၚ်ရော?
[ပလေဝ်ဒါန် | ပလေဝ်ဒါန် တမ်ကၞက်]- ၁။ ဝဳကဳပဳဒဳယာ ဘာသာမန် (Mon Wikipedia)
- ဝဳကဳပဳဒဳယာ ဘာသာမန်ဝွံ ဒှ်လာၚ်ပြဘဏ္ဍာတိုက်ဗဟုသုတ (Free Encyclopedia) နကဵုဘာသာမန် အလုံမွဲလိုက် မပံက်လဝ်ကဵု အခွင့်အရာ သွက်ညးဂမၠိုၚ် ဂွံလုပ်ဗှ် ကေုာံ ချူကတ်လ္ၚတ်ရ။
- ၂။ ပွမပတိုန်စွံ ဒေတာလိက်ပတ်မန် (Digital Preservation)
- ဝဳကဳပဳဒဳယာဝွံ ဒှ်ဒၞာဲမထိၚ်ဒဝ်စွံပ္တန်လဝ် ဝၚ်၊ ယေန်သၞာၚ်၊ လိက်ပတ် ကေုာံ ဗဟုသုတမန်နာနာတအ် ညံၚ်ဟွံဂွံကၠေံဗ္စန်အာ တ္ၚဲဂတရ။
- ၃။ ကဏ္ဍသုၚ်စောဲ Unicode (Standardization)
- မန်ဝဳကဳပဳဒဳယာဝွံ ဒုၚ်သဇိုၚ်တုဲ သုၚ်စောဲလဝ် သၞောဝ်လိက်မန် Unicode စှ်ေစှ်ေတုဲ ဒှ်အရာမဇၞော်မောဝ်ပတိုန် နမူနာမပြၚ်လိက်မန် အဆင့်ဗဟို (Standard Mon) လ္တူလပှ်ကျာရ။
- ④။ အခွင့်အရာကတ်လ္ၚတ် ဗွဲမဗၠးၜး (Open Access Educational Tool)
- သွက်ကွးဘာတက္ကသိုလ် ကေုာံ သၟတ်မန်တအ် ဂွံကတ်လ္ၚတ် ဗဟုသုတအာရပ်ခေတ် ကေုာံ ပရူပရာနာနာ နကဵုဘာသာမိ (Mother Tongue) ဗွဲမသၠးပွး ဟွံဒးကဵုသြန်ရ။
- ၅။ သၠုၚ်ပတိုန်အဆင့် လိက်ပတ်မန် လ္တူဂၠးကဝ် (Global Recognition)
- ပွမနွံမံၚ်မန် ဝဳကဳပဳဒဳယာဝွံ ထ္ၜးကဵုသကအ်ဂၠးကဝ်တအ် တီကေတ်ဒဒှ်ရ အရေဝ် ကေုာံ လိက်ပတ်မန်ဝွံ ဒှ်ဘာသာမဂျိုၚ်တန်တဴမံၚ် (Living Language) ခေတ်လၟုဟ်ရ။
- ၆။ အရံၚ်အဇာ သုတေသန (Research Resource)
- သွက်ကွးဘာတအ် မိက်ဂွံချူ လိက်ကၞပ် (Thesis) ကီု၊ လိက်စံၚ်သုတေသန မန်ဝဳကဳပဳဒဳယာဝွံ ဒှ်သဇိုၚ်အရံၚ်အဇာ မကဵုသက်သဳ သာဓကခိုဟ်မွဲရ။
- ၇။ ပွမဖန်ဗဒှ် ဝေါဟာရတၟေၚ် (Vocabulary Development)
- ကာလတၠာဲစၠောံဘာသာ ပရူပရာသိပ္ပံ ကေုာံ နဲပညာတအ်ဂှ် အဝေါၚ်အစာချူလိက် ဝဳကဳတအ် ဒးဖန်ဗဒှ်ပတိုန် ဝေါဟာရမန်တၟေၚ်တအ် တုဲ လိက်ပတ်မန် လှဲလးကၠုၚ်ရ။
- ၈။ ကမၠောန်စေတနာ သွက်မၞိဟ်ဂမၠိုၚ် (Volunteering & Community)
- မန်ဝဳကဳပဳဒဳယာ ဂွံဇၞော်မောဝ်တက်တဴတက်အာဂှ် ဒုၚ်သဇိုၚ်ကဵု စေတနာ သၟာချူလိက်မန် ကေုာံ ကွးဘာတအ် မလုပ်မိတ်ဆေၚ် (Contribute) ချူ၊ ထပ်၊ ပလေဝ် လိက်တအ်ရ။
- ၉။ တာလျိုၚ်ကွးဘာတက္ကသိုလ်မန် (Role of Mon Students)
- ကွးဘာတက္ကသိုလ်မန်တအ်ဝွံ ဒှ်မၞိဟ်မနွံကဵုပညာတုဲ ဒးကေတ်တာလျိုၚ် လုပ်ချူပတိုန် ပရူပရာတၟေၚ်တၟေၚ် နကဵုဘာသာမန် ပ္ဍဲ Wikipedia ဏအ် ဂၠိုၚ်ဂၠိုၚ်ရ။
- ၁၀။ နိဂီု သွက်အနာဂတ် (Future Vision)
- ယဝ်ရပိုဲမန်တအ် လုပ်ချူ၊ ဗှ်၊ သုၚ်စောဲ မန်ဝဳကဳပဳဒဳယာ ဂၠိုၚ်မ္ဂး လိက်ပတ်မန်ပိုဲ ကိတ်ညဳကဵုခေတ် Digital တုဲ တန်တဴဗိုန်ကန်အာ ဒဵုကဝ်အိုတ်ရ။