သဘင်ပလှ်ေဂၠဴ
| သဘင်ပလှ်ေဂၠဴ | |
|---|---|
| မစ | ဂိတုဘတ် ၁၄ မၟံက် အခိင် |
| မတုဲ | ဂိတုဘတ် ၁၄ မၟံက် အခိင် |
| လၟိဟ်အလန် | လၟေင်သၞာံ |
| ဒတန် | ဗလးကျာ်ကေလာသ၊ ဍုင်လၟိုင် |
| သၞာံမချဳဓရာင် | ၁၈၈၃ – လၟုဟ် |
| ပရေင်ချဳဓရာင် | ပလှ်ေ ရုပ်ဂၠဴ ကောံ ကုလှ်ေဓါပ် |
သဘင်ပလှ်ေဂၠဴ ဂှ် ဒှ် သဘင်အခိုက်ကၞာ လၟေင်သၞာံ မမိပ်မြဟ် ပ္ဍဲ ဍုင်လၟိုင်၊ မစကၠောန်ကၠုင် နူ သၞာံ ၁၈၈၃။ ဇၟာပ် မစိုပ် ဂိတုဘတ် ၁၄ မၟံက်မ္ဂး မၞိဟ်တြုဟ် (ဗွဲတၟေင် သၟတ်တြုဟ်)တအ် ပလှ်ေလှ်ေ ရုပ်ဂၠဴတအ် နကုဓါပ်၊ ခၜါပ်၊ မံင်၊ ဆာင်တုဲ ပလှ်ေလှ်ေ ဂေတ်ဒၟံင် ပ္ဍဲ သၠာတ် ကျာ်စေတဳကေလာသ ဍုင်လၟိုင်ရ။
ဝင်
[ပလေဝ်ဒါန် | ပလေဝ်ဒါန် တမ်ကၞက်]ဟိုတ်နူလဗိုတ်ကျာတုဲ ကျာ်ကေလာသဂှ် သရိုဟ်လီုအာရ။ သွက်ဂွံ ကလေင်ပလေဝ်လဟဵုကျာ်ဂှ်[၁] ကျာ်ဇၞော်ဥတ္တမ နူ ဍုင်ရေဝ် ပြာပ်ကၠုင် သွက်ဂွံဇၞော်ပ္တိုန် ကျာ်စေတဳကေလာသ (ကျာ်လၟိုင်)။ သွက်ဂွံကၠောန် ကမၠောန်ဇၞော်လဟဵုကျာ်ဂှ် ဒါယကာတအ် ကဵု ဒါန်ဂၠဴမွဲလ္ၚောဝ် ကု ကွဳမွဲ။ ဂၠဴကွဳတၞဟ်တအ်ဂှ် သၠးမ္ဂး ကၠုင် ဗိုင်ရီု ဗိုင်ကၠောန် နွံကီုရ။ သွက်ဂွံ ဇၞော်ကျာ်ဂှ် ညးတအ် ကၠောန် ဍိုတ် ဇရေင်ဇိုင်ၜဳ ဗဒါဲ ကျာ်ဓါတ်ဇူ။ ဍိုတ် မကၠောန်လဝ် နူ ဇိုင်ၜဳတေအ်ဂှ် ဖ္ဍိုတ်ပ္တိုန် လတူ ကွဳ ဗ္ဂန်စုတ်ဏာ ဂၠဴၜါဂှ် မၞိဟ် ဟွံဒးဗက် ဂၠဴၜါဂှ် ကၠုင်ကေတ်ကေတ် စိုပ် ဇရေင် ကျာ်၊ ဒါယကာတအ် ဖျေဟ် ဍိုတ်တအ်တုဲ ဂၠဴၜါဂှ် စှ်ေအာ ဒၞာဲ ကျာ်ဓါတ်ဇူတေအ်ပၠန်။ ကောန်ဍုင်ကွာန်တအ် သ္ဍိုက်မၠာ်ဆာန် ဂၠဴၜါဂှ် ဗွဲမလောန် ကဵု စၞစနာနာ။ ဂၠဴၜါဂှ် ဍိုဟ်ကေက် ယဵုလ္ဂူ၊ ဗိုင်ကၠောန် ကမၠောန်ဇၞော်ကျာ်၊ ညးဍုင်ကွာန်တအ်လေဝ် သ္ဍိုက်မၠာ် ဆာန် ဂၠဴၜါဂှ်။ ဂၠဴၜါဂှ် ပ္တိတ် လွဳ၊ ကၠောန်လဝ် ကျာ်စေတဳ စဵု အာစိုပ်ဒတုဲ သမၠုင် ၈၀ ဟတ်။ ကောန်ကွာန်တအ်လေဝ် ဟိုတ်နူ သ္ဍိုက်မၠာ် လတူ ဂၠဴၜါဂှ်တုဲ နူ လက်ထက် ကျာ်ဇၞော်ဥတ္တမတေအ်ဂှ်ရ စၟတ်သမ္တီ ဇၟာပ် မစိုပ် ပ္ဍဲ ဂိတုဘတ် ၁၄ မၟံက်မ္ဂး ကၠောန် သဘင်ပူဇဴဂၠဴၜါဂှ်ရ။ [၂]
ပရေင်ချဳဓရာင်ဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]ဂကောံ ဗွဲမဂၠိုင် ပ္ဍဲ ဂကောံမွဲမ္ဂး အောန်အိုတ် နွံ ကုရုပ်ဂၠဴမွဲ ၜါ တုဲပၠန် တွိင်တွိုက် အဓိကပန်သာ် ဓါပ်၊ ခၜါပ်၊ မံင်၊ ဆာင် ကောံ ကုမၞိဟ် မၜံက်က္ဍိုပ်အရေဝ်။ မၞိဟ်မၜံက်က္ဍိုပ်ဂှ် ဟီု နကုကာရန်တုဲ ညးသၟေဟ်တအ် ဟီုဗက်။ တုဲ ကေတ် ရုပ်ဂၠဴဂှ်တုဲ တက်ထဗိုန်တုဲ လှ်ေ ကရေဲအာ ဗွဲမမိပ်မြဟ်ရ။ လဟီုတအ်ဂှ် မွဲဂကောံ ကုမွဲဂကောံ၊ မွဲသၞာံ ကုမွဲသၞာံ ဟွံတုပ်။ ရဲဂကောံတအ် ချူဇန်လဝ် အရေဝ် မဆေင် စပ်ကုပရေင်မၞိဟ် ပရေင်ဂကူ ပရေင်ဍုင်ကွာန် နွံရ။ ဥပမာ ပ္ဍဲ သၞာံ ၂၀၂၅ ဂှ်မ္ဂး "အခါဂွံတြုဟ်မန် ဂ္စာန်လက်ဒန်၊ အခါဂွံတြုဟ်ဟမာ အကိုရေ အကိုရေ"
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ Travel & Tours, Mon State (September 9, 2022). မွန်ရိုးရာဓလေ့ နွားတွေကို ကျေးဇူးတင်ဂုဏ်ပြုပွဲတော်. Open.
- ↑ သောဘဏ, ကျာ်ဇၞော်အ္စာ (September 5, 2025). "သၟာန်ဇာန်လဝ် အစာတၠ ကျာ်ဇၞော်အစာသောဘဏ မနွံပိုန် ဘာမ္ၚဵုအံင်ဇၞး၊ ဍုင်လၟိုင်". ချစ်သခင် ဉာဏ်ဝင် (Interview). Interviewed by ချစ်သခင် ဉာဏ်ဝင်. ပွိုင်ဍုင်ရေဝ်.