သဘၚ်ပၟဝ်ဓဝ်ဝိပဿနာ ကလၚ်ဓမ္မဒေသနာ
လိက်ဒုၚ်စဳရေၚ်
[ပလေဝ်ဒါန် | ပလေဝ်ဒါန် တမ်ကၞက်]“သဘၚ်ပၟဝ်ဓဝ်ဝိပဿနာ ကလၚ်ဓမ္မဒေသနာ” အလန်တတိယ
[ပလေဝ်ဒါန် | ပလေဝ်ဒါန် တမ်ကၞက်]အစဳအဇန် ဂကောံသၚ်ရာမညနိကာယ
ဌာနကၠောန်ဗဒှ် - ဘာကၟာဒကှ်ထဝ် ဍုၚ်သုဘာန်
စၟတ်တ္ၚဲကၠောန်ဗဒှ် 13,14,15 Apr 2024
ပၞောဝ်ကဵု ကမၠောန်မၚ်မွဲသာသနာ မၞုံတၠဳပိုန်ကျာ်တြဲဂေါတမ မဒၠောံဗ္တောန်ဏာလဝ် သွက်ညးလိုက်လောကတအ်ဖအိုတ်ဂှ် နွံတဴပိတန်ဂှ် ပရိယတ္တိသာသနာ၊ ပဋိပတ္တိသာသနာ ကေုာံ ပဋိဝေဓသာသနာဟီုတှ်ေ သဘၚ်ပၟဝ်ဓရ်ဝိပဿနာ ကလၚ်ဓမ္မဒေသနာ ဌာန-ဘာကၟာဒကှ်ထဝ် ဍုၚ်သုဘာန် (ဍုၚ်သေံ) ဏအ်ဟီုတှ်ေ သၞာံ ၁၃၈၅ ဂှ် ပေၚ်ကၠုၚ်စိုပ် အလန်တတိယရ။
မၚ်မွဲတဴသာသနာ နကဵုကမၠောန် ပဋိပတ်မတွံဂး ပွပၟဝ်ဓရ်ဝိပဿနာ ပ္ဍဲဘာကၟာဒကှ်ထဝ်ဏအ်ဟီုဂှ် လၟေၚ်ကမၠောန်မပံၚ်တောဲဌာန်ဒတန်သာသနာ ဘာကၟာဒကှ်ထဝ်မၞုံပဌာန် ကျာ်ဇၞော် (---) ကဵု ဂကောံသၚ်ရာမညနိကာယ (တွဵုရဍုၚ်မန်)တအ်မွဲရ။ အဓိက ကျာ်ဇၞော်အ္စာဏအ် ရန်တၟံ သွက်သၚ်ရာမည ကေုာံ ဒယကာမန်စိုပ်ဌာန်ဇသ္ၚောဲ ဂွံရေၚ်တၠုၚ်သၠုၚ်ပတိုန်ပရေၚ် ပတန်တြးသာသနာမန် ကေုာံ သၚ်ရာမညသ္ဂောံကဵု ဒၠောံဗ္တောန်ဒ္ဂေတ်စရိတ် သွက်ကောန်မန် ကေုာံ မှာဇန်မတန်တဴ ဇရၚ်ဇိုၚ်ဝိုဟ်ဒိုဟ်တအ်ရ။
ဟိုတ်နူဒှ်ကမၠောန်ပံၚ်တောဲတုဲ ကမ္မဌာနအ္စာရိယဂှ် နူကဵုသွာၚ်သၚ်ရာမည မွဲတၠကေတ်လျိုၚ်က္ဍိုက်ပ်တုဲ၊ တၞဟ်နသ္ဂောံဘိုၚ်ရီုဗၚ်အကြာကိစ္စနာနာ သၚ်သၟတ်ဝေစယျာဝစ္စ နူကဵုသွာၚ်သၚ်ရုၚ်ရာမညနိကာယ (RNO) မွဲတၠ ပတိုၚ်တုဲ လဆေဝ် မွဲသွာၚ် ၂ တၠလေဝ်ဒှ်မာန်ရ။ အလန်တတိယဏအ်မ္ဂး သွက်ဂွံထ္ၜးနဲကဲပၟဝ်ဓရ် (အ္စာကမ္မဌာန်) ဂှ် ကျာ်ဇၞော်အ္စာ ဘဒ္ဒန္တနန္ဒသာရ (ဘာဒေါဝ်၊ဍုၚ်ကျာ်ခမဳ) ညးမဒှ် ဒု-ဥက္ကဌ ဂကောံရာမညဓမ္မာစရိယ၊ မွဲဟာန်ကေုာံ တၠဂုဏ်အ္စာအာလောက (လမိုၚ်-ဘာရုၚ်ဒါန်) သွက်သ္ဂောံပတုဲဝတ်အာတရဴဇရေၚ်ကျာ်ဇၞော်အ္စာမာန် နူကဵုသွာၚ်သၚ်ရုၚ်ရာမညနိကာယ ကေတ်ဏာလျိုၚ်ရ။
သၟဝ်ပၠတရဴနဲကဲ အ္စာကမ္မဌာန် ကျာ်ဇၞော်အ္စာ ဘဒ္ဒန္တနန္ဒသာရ မကဵုဏာနဲကဲပၟဝ်ဂှ် ယောဂဳပၟဝ်ဓရ် ၆၄ တၠပြၚ်ၚ် ဂွံပတိတ်ဏာဇြဟတ် ဝိပဿနာဘာဝနာတအ်တုဲ၊ ယောဂဳမၞုံအာယုက် ဍောတ် (၂၅) သၞာံတုဲ စဵုကဵု ယောဂဳဇၞော် အာယုက် (၇၀) တအ်ဂှ်လေဝ် ကၠုၚ်ပတိတ်ဇြဟတ် ပ္ဍဲဌာန ပၟဝ်ဓရ်ဘာကၟာထကှ်ထဝ် အလန်တတိယဏအ်ရ။ ပၞောဝ်ကဵုယောဂီဂမၠိုၚ် ယောဂဳမကၠုၚ်ပၟဝ်လဝ် ဒှ်အလန်ဒုတိယဂှ် နွံဗၞတ် ၈၀ % တုဲ ယောဂဳမကၠုၚ်ပၟဝ်လဝ်သီု ပိသၞာံဟီုတှ်ေလေဝ် နွံဗၞတ် ၁၀ % ကီုရ။ သှ်ေဂှ် ပူဂိုလ်ယောဂဳ ကၠုၚ်တၟိတအ်ရ။
ပရေၚ်ဇၞောဝ်မောဝ်ပတိုန် ဒ္ဂေတ်စရိတ်မၞိဟ် မလုပ်ကဵုၜိုဟ်လလံသာ်ဏအ် ကၠောန်ကၠုၚ်ဂှ် သၞာံ ၁၃၈၅ ( ၂၀၂၄) ဏအ်မ္ဂးပေၚ်ကၠုၚ်ပိသၞာံရ။ ဇၟာပ်သၞာံ စိုပ်တ္ၚဲ ဂိတု ဨဗြဴ ၁၃ မ္ဂး စပ္တမ်ပၟဝ်ဓရ်တုဲ ဨဗြဴ ၁၅ မ္ဂး အာစိုပ်ဒတုဲရ။ ယောဂဳတအ်ဂမၠိုၚ် ဂိတု ဨဗြဴ ၁၂ တ္ၚဲသဝ်စိုပ်ကၠုၚ်တအ် စုတ်စရၚ်၊ ပ္တိတ်ကယျိုၚ်ယောဂဳ မွဲဟာန် ကေုာံ ပအပ်ကပေါတ် နွံၚုဟ်မးတအ် နကဵုစရၚ်ဗွဲမချိုတ်ပၠိုတ်နွံရ။
ယောဂဳပၟဝ်ဓရ်တအ်ဂမၠိုၚ်ဂှ် ပွိုၚ်(၃)တ္ၚဲ လၟေၚ်ကမၠောန်ဇၟာပ်တ္ၚဲတအ်ဟီုတှ်ေ တ္ၚဲဂိတု ဨဗြဴ ၁၃ ဂှ် နူဂယးပြဟ် ၄ နာဍဳ စိုပ် ၅ နာဍဳ ပွိုၚ်မွဲနာဍဳ ပတိတ်ဇြဟတ်နနဲဇကု ပညိၚ်စိုတ်နွံရ။ တက် ၆ နာဍဳမ္ဂး တၞဟ်နသ္ဂောံပၠေၚ်ကၠေံယဲဗျဵုဂးတုဲ ဒုၚ်တဴဒါန် စၞအာဟာရ ပုၚ်ၜိုဟ် နူကဵုဂကောံဝေယျာဝစ္စတအ် ပြုပြောၚ်လဝ်ရ။ ကိုပ်ကၠာနူဟွံသ္ပပြဘိုက်ဏီဂှ် အတိုၚ်မကၠုၚ်နူမူ (လိက်အုပ်) ရာမညရဋ္ဌရတနတ္ထယဝန္ဒနာ-ဂါထာလ္ၚောဝ်ကျာ် သွက်ယောဂဳပၟဝ်ဓရ် မချူခၞံလဝ် နကဵု ဘဒ္ဒန္တအဂ္ဂဇိန ဂှ် ဗ္စာရဏာအာလ္တူ စၞအာဟာ တအ်ရ။ အခါစိုပ် ၈ နာဍဳမ္ဂး ဒုၚ်ဂိုၚ်ကေတ် ဍောၚ်ဓရ်သဳလ နူဇရေၚ် အ္စာကမ္မဌာန်တုဲ ဆက်ပတိတ်အာဇြဟတ် အတိုၚ်လၟေၚ်အစဳအဇန် ညးတာလျိုၚ်သွာၚ်သၚ်ရုၚ် တၠဂုဏ်အ္စာအာလောက ကေုာံ ဂကောံဝေယျာဝစ္စတအ် မချူဓဇက်လဝ်တအ်ရ။
ကမၠောန်ဒက်ပတန်တြးသာသနာရာမည နကဵုအစဳအဇန် သဘၚ်ပၟဝ်ဓရ်ဝိပဿနာ မွဲအတးသၚ်္ကြာန်(သေံ) ပ္ဍဲဘာကၟာဒကှ်ထဝ် (သၝောဲဓံၚ်) ဍုၚ်သုဘာန်၊ ဍုၚ်သေံ ဏအ် သၞာံ ၁၃၈၅ ပေၚ်ကၠုၚ်ပိသၞာံတုဲဂှ် ယောဂဳ(ညးဇၞော်၊သၟတ်) ပံၚ် ၂၀၀ တၠပြၚ်ၚ်ဂှ် ဂွံဒုၚ်စသိုၚ် ရှ် ပဋိပတ္တိသာသနာ ကလိဂွံနဲကဲပၟဝ် ဝိပဿနာ နတဲဂတးမတ် ပွိုၚ် (၉) တ္ၚဲကီုလေဝ် အတိုၚ်နဲကဲဆက်ပၟဝ်အာ ပ္ဍဲဌာန်ကမၠောန် အကြာသ္ၚိ အာကၠုၚ် ပ္ဍဲလၟေၚ်တ္ၚဲဘဝရ။
လ္တူကမၠောန် မၞုံပရဲမခိုဟ်ဆာဲ ဒှ်စရာဲ သွက်သာသနာ ရာမည မလုပ်ကဵုအထံက်အပၚ် ဗုဒ္ဓဘာသာ ဒၠောံဗ္တောန်သာသနာကျာ်သာ်ဏအ်ဂှ် ကျာ်ဇၞော်အ္စာ ဘာကၟာဒကှ်ထဝ် (သၝောဲဓံၚ်) ဍုၚ်သုဘာန် ပတိတ်ဇြဟတ်ဂစာန်ကၠောန် ဟွံဒှ်ညံၚ်ဂွံဒှ်ကီု ဂကောံဒါယကာဘာ ညးတၠဒါန် ကေုာံ ဂကောံကၠောန်ဝေယျာဝစ္စကီု၊ သၚ်ရာမညနိကာယကီု သၚ်သၟတ် သၚ်ရုၚ်ရာမညနိကာယကီု ညံၚ်ကမၠောန်ခိုဟ် မဒှ်ဖိုဟ်သာ်ဏအ်မွဲ ဂွံဆက်ဒှ်အာမာန် သြဝ်ဆက်ပတိတ်အာဇြဟတ် ညီညဳသာသာ သီုဖအိုတ်စိုအ် အာတ်မိက်ဏာတုဲ အုပ်ကၠေံနိဂီု လိက်ဒုၚ်စဳရေၚ်အဲဍိုက် တၠဂုဏ်အ္စာ အာလောက ညးစၞသၚ်ရုၚ်ရာမညနိကာယ သွက်အလန်တတိယ ဗွဲမရှ်ေသှ်ေရဴဂဴရကျာ်။
ညးမချူလိက်ဒုၚ်စဳရေၚ်
ညးစၞးသၚ်ရုၚ်ရာမညနိကာယ
တၠဂုဏ် အာလောက
လမိုၚ်၊ဘာရုၚ်ဒါန်
အစဳအဇန်ဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်]
အစဳအဇန်ပံက်အခန်ကၞာ (၈:၃၀ - ၉:၃၀)
၁။ ပံက်အခန်ကၞာ နကဵုဂါထာ နမောတဿ ဗၞတ်ပိဝါ
၂။ ယောဂဳဂမၠိုၚ် သွက်ဂွံဒုၚ်ဒ္ဂိုန်ကေတ် ဍောၚ်ဓရ်သဳလဒ္စာံ နူဇရေၚ်ကျာ်ဇၞော်အ္စာ
၃။ ကျာ်ဇၞော်ဘာသုဘာန် ညးမဒုၚ်သ္ဇိုၚ်ဌာနဝိပဿနာ သွက်ဂွံဟီုမြော်သောၚ်ကၠး
၄။ သွာၚ်ညးတာလျိုၚ်ရေၚ်တၠုၚ် တၠဂုဏ်အ္စာ + ဂကောံရေၚ်တၠုၚ် (ခရှ်) တအ်ဟီုသောၚ်ကၠး
- - တၠဂုဏ်အ္စာအာလောက
- - နာဲသိုက်သြန်
- - နာဲတာန်ထောန်
- - နာဲကေနာၚ်
၅။ နူတၠဳပိုန်သၚ် မတိုန်စိုပ်အခန်ကၞာဂမၠိုၚ် ဖျေံဗျာပ်မေတ္တာ
(ဇူတဴမွဲသ္ကုတ်)
၆။ အစဳအဇန် ပၟဝ်ဓရ်ဝိပဿနာ