သိင်ဆိုဲ၊ နာဲ

နူ ဝဳကဳပဳဒဳယာ
(ကလေၚ်ထ္ၜး နူ သိန်းဆွေ၊ နာဲ)
အစာဂဳတဂကူမန်
နာဲသိင်ဆိုဲ (မင်းသိန်းဆွေ)
ယၟု မင်းသိန်းဆွေ
သၠးဂၠံဂဝ် မာံသိင်ဆိုဲ
(1948-12-10)ဒဳဇြေမ်ဗါ ၁၀၊ ၁၉၄၈
ကွာန်ယိုက်၊ တကအ်ခၟိုင်
စုတိ ဒဳဇြေမ်ဗါ ၁၀၊ ၁၉၄၈(1948-12-10) (အာယုက် −၇၂)
ဟိုတ်မစုတိ Covid-19
ဂကူ  Monမန်
ကောန်ဍုင်  Myanmarကောန်ဍုင်ဗၟာ
ကဆံင်ပညာ ဘောဂဗေဒ
ဘာ တက္ကသိုလ်လ္ဂုင်
မဒယှ်တဴ သၟာအနုသုခုမမန်
အိန်ထံင် မိသဳသဳမန်
ကောန်ဇာတ် ဒေါက််တာမျိုးသီရိဆွေ
ဂယိုင်လမျီု ပေါင်မသၟိင်

နာဲသိင်ဆိုဲ (Min Thein Swe)ဝွံ ဒှ်အစာဂဳတမွဲတၠတုဲ နူဘဝကွးဘာတက္ကသိုလ် သၞာံၜိုတ် ၁၉၇၄တေအ်ဂှ် ချူ၊ ဒယှ်ေကၠုင် ဒွက်မန်ခေတ်တၟိတုဲ ပါလုပ်လၟိဟ် ပၞောဝ်ကဵု ညးမ ဒယှ်ေ၊ မချူ ဒွက်မန်ဂတာပ်ခေတ်ကိုပ်ကၠာအိုတ်ရ။ ပၞောဝ်ကဵု ဒွက်ညးမဒယှ်ေလဝ်ဂမၠိုင်ဂှ်မ္ဂး ဒွက်အလဵုညးချူ ဖျေဟ်အခိုက် သီုဒယှ်ေ ဒွက် "မင်မွဲလိက်ပတ်ယေန်သၞာင်မန်အိုတ်စိုအ်" ဂှ် မၞိဟ်တီဂၠိုင်တုဲ ဒွက်ညးလက်ကရဴအိုတ်ဂှ် ဒှ်ဒွက်ဆဝ်မ္ၚုဟ်မာဲ စုတ်မာဲ ကုဗော်ညဳသၟဟ်မန် ပ္ဍဲ သၞာံ ၂၀၂၀ ဂှ်ရ။ နာဲသိင်ဆိုဲဝွံ ဒှ်ပေါင်မသၟိင် သၟဝ်ဌာနဝန်ဇၞော်ဒြဟတ်လလဳတုဲ ကမၠောန်ပရေင်ဂကူမန် လပါ်ပရေင်မၞိဟ်၊ ပရေင်ယေန်သၞာင်ဂှ် ချဳဓရာင်ကၠုင် ပ္ဍဲကဵု ကမ္မတဳလိက်ပတ်ယေန်သၞာင်မန် ဍုင်လ္ဂုင် နူဘဝသၟတ် စဵုကဵုလအိတ်လမျီုတုဲ ဒှ်အစာ ထ္ၜးနဲ ဗတောန်ဖျောန် လပါ်ဂဳတ ပ္ဍဲကဵု ကမ္မတဳလိက်ပတ်ယေန်သၞာင်မန် ဍုင်လ္ဂုင်မွဲရ။

ဘဝသၟတ် ကေုာံ သ္ၚိကၟိန်[ပလေဝ်ဒါန် | ပလေဝ်ဒါန် တမ်ကၞက်]

နာဲသိင်ဆိုဲ ဝွံ ကတဵုဒှ်မၞိဟ် ပ္ဍဲ ၁၀ ဒဳဇြေန်ပါ ၁၉၄၈[၁]ပ္ဍဲကွာန်ယိုက်၊ တကအ်ခၟိုင်။[၂] သၞာံ ၁၉၈၁ ဂှ် ဒက်ဘဝသ္ၚိကၟိန် ကုမိသဳသဳမန် မဒှ်အစာၝောအ်ဗတောန်တန်သမၠုင်၊ ဇာတိတၟအ်ကၞေင်[၃]တုဲ ကလိဂွံ ကောန်ဝုတ်မွဲ မနွံယၟု မိမျိုးသဳရိဆွေ၊[၄]ကောန်ဝုတ်ဂှ် ဒှ်ဒံက်တာအစာဂဥုဲလွဳယဲဗွဲတၟေင် လပါ်ကောန်ၚာ် (ကလေးအထူးကုဆရာဝန် - ရန်ကုန်ဆေးရုံကြီး)။

အနုသုခုမ[ပလေဝ်ဒါန် | ပလေဝ်ဒါန် တမ်ကၞက်]

နာဲသိင်ဆိုဲဝွံ နူဘဝ ကွးဘာတက္ကသိုလ် သၞာံၜိုတ် ၁၉၇၄ တေအ်ဂှ် စဒယှ်ေ၊ ချူကၠုင် ဒွက်မန် ဂတာပ်ခေတ်ရ။ ပ္ဍဲအခိင်ဂှ် နကဵုမဂဳတခေတ်တၟိဂှ် ဒွက်မန် ဟွံကတဵုဒှ်ဏီရ။ ကွးဘာတက္ကသိုလ်မန်ဂမၠိုင် နွံတမ် နာဲသိင်ဆိုဲ၊ နာဲထောန်သိင်တအ် ဒှ်မၞိဟ် မစချူ၊ ဒယှ်ေကၠုင်ဒွက်မန် ခေတ်တၟိကိုပ်ကၠာရ။ ပၞောဝ်ကဵု ဒွက်ဂမၠိုင်ဂှ် ဒွက်ညးမဒယှ်ေလဝ် ပ္ဍဲကဝး မာံကဝ်တာ မဖန်ဇန်တုဲ ပ္တိတ်လဝ် နကဵုကဝးမနွံယၟု "သၟိင်ၜိုပ်ထဝ်" ဂှ် ဒွက် "မင်မွဲလိက်ပတ်ယေန်သၞာင်မန်အိုတ်စိုအ်" ဂှ် မၞိဟ်တီဂၠိုင်ကွေဟ်ရ။ ဒွက်ဂှ် သၞာံၜိုတ် ၁၉၇၅ ဂှ် ဗလးပ္တိတ် နူကဵု ဌာနရေဒဳယော အစဳအဇန်ဘာသာမန်ကီုရ။[၅]

ဒွက်ဂှ် အလဵုဇကု နာဲသိင်ဆိုဲ ချူဇန်၊ ဖျေဟ်အခိုက်တုဲ ဒယှ်ေလဝ်ရ။ သတ်ဒွက်ဂှ် အတိုင်ဗွဲသၟဝ်ဝွံရ။

(ပိုယ်ကောန်မန် ရန်ကဵုစေတနာ ဍုင်ရးပိုယ်လေဝ် ဇၞော်မောဝ်တိုန်ကၠာ ယေန်သၞာင်ပိုယ်လေဝ် ရာင်ဆာဲတိုန်ဗွဲကၠာ။ လိက်ပတ်အခိုက်ကၞာ ကေတ်လျိုင်တုဲ ပိုယ်လွဳပရာ)၂

စိုပ်ကၠုင်အခိင်အခါ ဇၟာပ်မန်တအ် ဒက်ကၠောန်တိုန်ကၠာ ယဝ်ရပိုယ် ဟွံကၠောန်ကၠာ ဂကူပိုယ်ဂှ် ကၠေအ်ဗဒန်အာ)၂

(ဂကောံသၟတ်ဗၠာဲကညာ ဒက်ပ္တန်စွံလဝ်ကၠာ) ၂ နွံကဵုကျာ်သြဳအိန်ရဳဂှ်လေဝ် ဟွံပြဲဟာ၊ ဂကောံသၟတ်ဗၠာဲကညာ ဒက်ပ္ကောံစွံကၠာ ရီုဗင်ညဳသာ နွံလတူစိုတ်ပိုယ်ကၠာ။

ဒွက်မွဲပၠန် ညးကဵု သမ္ဘာညး မိသဳသဳမန် ဒယှ်ေလဝ် ဆဝ်မ္ၚုဟ်ပရေင်ထတ်ယုက်ဂှ်လေဝ် ပ္ဍဲအခိင်ဂှ် မၞိဟ်တီဂၠိုင်၊ ဒးဂၞပ်ဂၠိုင်ကီုရ။[၆]

သၞာံ ၁၉၈၂ ဂှ် မာံကဝ်တာ၊ မာံသိင်ဆိုဲ ချူဆန်စဳဇန်လဝ်တုဲ ပ္တိတ်လဝ် ကဝး ဒွက်ဆဝ်မ္ၚုဟ်မြဟ်စိုတ် ကတ်ဗ္တောန်လိက်ဂမၠိုင် သွက် ကဝ်မတဳဗ္တောန်ဗလေပ်လိက်ရးဍုင်ရေဝ်ဂှ် ဒွက်ညး "ညးအဲ ဒးလေပ်လိက်" ဂှ် ဒှ်ဒွက် အလဵုဇကုမချူ၊ ဖျေဟ်အခိုက်၊ သီုဒယှ်ေလဝ်ကီုရ။[၇] ပ္ဍဲအခိင်ဂှ် နကဵုအစဳအဇန် သၟိင်တၠနေဝေန် နကဵုအစဳအဇန် မကော်ဂး ဝထကလသ တုဲ ဗက်ဗတောန်လိက် ကုညးဍုင်ကွာန်တအ် အလုံမွဲဍုင်ရ။

သတ်ဒွက် -

(မိမနာဲတအ်ယျေ အာဗ္တောန်လိက်စိုအ်လေဝ် ဍုင်ပိုယ် ဖိုလ်ဂွံဇၞော် ချူ တော် ဗှ်လေပ်မာန်၊)၂

(ဝထ ကလသ ဗတောန်ရ ရိုဟ်တ္ၚဲ

ညးအဲလေပ်လိက်ဟေင် ယိုက်ဂၠေင်ပရေင်ဍုင်မာန်)

ဝထ ကလသ ဗတောန်ရ ရိုဟ်တ္ၚဲ [၇]

သွက်သဘင်မာဲ သၞာံ၂၀၂၀ ဂိတုနဝ်ဝေမ်ပါ ၈ ဂှ် နကဵု နာဲသိင်ဆိုဲ ချူဇန်ဒယှ်ေဒွက် ဆဝ်မ္ၚုဟ်မာဲ ညံင်ကောန်မန်တအ် ဂွံစုတ်မာဲကဵု ဗော်ညဳသၟဟ်မန် နကဵုယၟုဒွက် "စုတ်မာဲကဵု ဗော်ညဳသၟဟ်မန်" နကဵုဘာသာမန် သီုကဵု ဘာသာဗၟာကီုရ။ ဟိုတ်နူ မဒှ်အခိင်ယဲကပ်ကဝ်ဝေဒ်-၁၉ တုဲ ဒွက်ဂှ် ဟွံဂွံပၠုပ် ပ္ဍဲသတူဒဳယော နကဵု ကဳဗုဒ်ဇကု ပ္ဍဲသ္ၚိဇကု ဒယှ်ေလဝ်တုဲ ပရးဗစိုပ် ညးဍုင်ကွာန်တအ် နကဵု ဝှုက်ဗောက်ရ။[၈]

သတ်ဒွက် -

ယွံလေဝ်ကလော ဂကူမန်တအ် တၟအ်ညး တၟအ်အဲ

မိပ်ဇြိပ်ရာင်ဆာဲ ဌာန်ဒၞာဲ ပိုယ်မန် ဂွံသၠုင်တိုန်ပၠန်

ဗော်ညဳသၟဟ်မန် ကေတ်လျိုင်တုဲ ကၠောန်ဗဒှ်ကၠာ။

တာလျိုင်ပိုယ်ရ လ္ပဝိုတ်ညိ စုတ်မာဲစိုအ်

ဗော်ညဳသၟဟ်မန် ဗော်ညဳသၟဟ်မန် ညံင်ဂွံအံင်ဇၞးပၠန်

ပိုယ်သ္ဒးစုတ်ကဵုမာဲ ပိုယ်သ္ဒးစုတ်ကဵုမာဲ။

မွန်ပြည်နယ်အရေး စွမ်းဆောင်ပေးမယ့် MU ပါတီ

မွန်ပြည်နယ်တဝှမ်း ငြိမ်းချမ်းသာယာ ဖွံဖြိုးစေမှာ

ညီညီညာညာ လက်တွဲကာ တို့သွေးချင်းတွေ

မဲရုံသွားကာ မဲပေးကြဘို့ တို့ဝန်တာ

မဲရုံသွားကာ မဲပေးကြဘို့ တို့ရဲ့ဝန်တာ

MUပါတီ MUပါတီ ဆန္ဒတူတူညီ မဲပေးကြပါမည်

မဲပေးကြပါမည်

မွန်ညီညွတ်ရေးပါတီကို မဲပေးကြပါမည် [၈]

နာဲသိင်ဆိုဲဝွံ နကဵု ကွတ်အနုသုခုမဇကုဂှ် ဆဝ်မ္ၚုဟ်ကၠုင် ကောန်ဂကူမန် ညံင်ဂွံမင်မွဲလိက်ပတ်၊ ယေန်သၞာင်ဂကူဇကု၊ ညံင်ဂွံလေပ်လိက်၊ ညံင်ဂွံစွံဂရုကဵု ပရေင်ထတ်ယုက် တုဲပၠန် ဆဝ်မ္ၚုဟ် ဂကူမန် ဒဒှ်ရ ဗော်မန် ညံင်ဂွံဇၞးမာဲဂှ် ဒှ်တာလျိုင်ပိုယ်တအ် သီုညးဖအိုတ်ရ။ ပါဲနူဏအ်လေဝ် ဒွက်မန် မချူဇန် ဒယှ်ေလဝ် နွံတၟာဂလိုင်ဏီကီုရ။ ဒွက်ဆဝ်မ္ၚုဟ် စုတ်မာဲကဵု ဗော်မန်ဂှ် ဒှ်ဒွက် အလန်လက်ကရဴအိုတ်ရ။

ကၞောတ်ဘဝ[ပလေဝ်ဒါန် | ပလေဝ်ဒါန် တမ်ကၞက်]

နာဲသိင်ဆိုဲဝွံ မွဲစွံ ကုသမ္ဘာဇကု မိသဳသဳမန် ကေုာံ ကောန်ဝုတ် ဒံက်တာမျိုးသီရိဆွေ ဂှ် ပဒတဴလဝ် ပ္ဍဲကဵုသ္ၚိညး တိုက် စၟတ် ၈၀၊ ဂၠံင် ၄၈၊ ပွိုင်ဍုင်မၚးထံင် (ဗိုလ်တထောင်)၊ ဍုင်ဇၞော်လ္ဂုင်တုဲ ပ္ဍဲကဵု ၄ ဒဳဇြေန်ပါ ၂၀၂၀ ဂှ် စုတိအာ နကဵုယဲကဝ်ဝေဒ်-၁၉ ရ။

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. Banyar Aung. Open Publishing (2020-12-04).
  2. Contact Info. Open Publishing.
  3. 38th wedding anniversary. Open Publishing (March 12, 2019).
  4. လိက်တၞးကဵုဒါန်. Open Publishing (December 1, 2020).
  5. ဒွက်မင်မွဲလိက်ပတ်ယေန်သၞာင်မန်အိုတ်စိုအ်. Open Publishing (December 1, 2020). “လွန်ခဲ့တဲ့ အနှစ် ၄၀ ခန့်က မွန်တေးသံရှင် မင်းကိုသာနှင့်အတူ ဟသာၤမောင်နှံ လို့ အမည်ရတဲ့ မွန်သီချင်းခွေ ထုတ်ခဲ့တယ် မွန်ရိုးရာ တခြမ်း ခေတ်ပေါ် တခြမ်းပါတယ် ခေတ်ပေါ်အနေနှင့် ဒီသီချင်းဆိုခဲ့တယ် ဒီသီချင်းကတော့ ကိုယ်တိုင်ရေးထားပြီး ၁၉၇၅ လောက်က မြန်မာ့အသံ မွန်ပိုင်းအစီအစဉ်မှာ ဓါတ်ပြားရသီချင်းပါ မွန်စာပေ မွန်ယဉ်ကျေးမှု ကို ထိန်းသိမ်းကြဘို့ နှိုးဆော်ထားပါတယ် ဒီသီချင်းကို Australia က မိတ်ဆွေတစ်ယောက်က တင်ထားလို့ မျှဝေလိုက်တာပါ”
  6. [<iframe src="https://www.facebook.com/plugins/video.php?height=314&href=https%3A%2F%2Fwww.facebook.com%2Fkwae.mon%2Fvideos%2F2087193248036004%2F&show_text=false&width=560" width="560" height="314" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe> ဒွက်မင်မွဲပရေင်ထတ်ယုက်]. Open Publishing (March 28, 2019). “မင်းသိမ်းဆေ ွ နှင့် မိသီသီမ ွန် သီဆိုခဲ့ကြ သော ကျန်းမာရေးပညာပေး မ ွန်သီချင်းတစ်ပုဒ် ဒ ွက် မန် ကုႝသတိ ဒ လေံပ္တောန် ပ ရေင် ထတ်ယိုတ် ပရင်တဲနူ ဗညာအံင် တင်ဂုဏ်ရအဵ”
  7. ၇.၀ ၇.၁ ဒွက်မင်မွဲပရေင်ထတ်ယုက်. Open Publishing (March 14, 2019). “ယမုဒွက်ဏံဂှ် ညးအဲဒးလေပ်လိက်ရ (လူတိုင်းစာတတ်မြောက်ရမည်၊၁၉၈၂ကရေးမြို့နယ်စာတတ်မြောက်ရေးလှုပ်ရှားမှုအတွက် မင်းသိင်ဆိုဲက ရေး/ဆို ထားပါတယ်)”
  8. ၈.၀ ၈.၁ စုတ်မာဲကဵုဗော်ညဳသၟဟ်မန်. Open Publishing (September 11, 2020). “မဲပေးရန် စည်းရုံး နိုးဆော် သီချင်း မွန်ညီညွတ်ရေးပါတီ MUP သည် လာမည့် ရွေးကောက်ပွဲတွင် မွန်ပြည်နယ်အပြင် ကရင်ပြည်နယ် တနင်္သာရီတိုင်း ရန်ကုန်တီုင်း ပဲခူးတိုင်းနှင့် ဧရာဝတီတိုင်းတို့တွင် ဝင်ရောက် အရွေးခံမည်ဟုသိရသည် MUPအောင်နိုင်ရေး သီချင်းစပ်ထားပါသည် ပါတီမှ လိုအပ်သလို အသုံးပြုဘို့ မွန် မြန်မာ သီချင်းစာသားနှင့်အတူ တင်ပေးလိုက်ပါတယ် Covid ကာလမို့ အိမ်မှာ key board နှင့်ဘဲ တီးထားပါတယ် စုတ်မာဲင်္ကု ဗော်ညီသ္မဟ်မန် ယွံလေဝ်ကလော ဂကူမန်တံ တ္မံညး တ္မံအဲ မိပ်ဇြိပ်ရာင်ဆာဲ ဌာန်ဒ္နာဲ ပဲိုမန် ဂွံသ္လုင်တိုန်ပ္လန် ဗော်ညီသ္မဟ်မန် ကေတ်လျိုင်တုဲ က္လောန်ဖဒှ်က္လာ တာလျိုင်ပိုဲရ လ္ပဝိုတ်ညိ စုတ်မာဲစိုအ် ဗော်ညီသ္မဟ်မန် ဗော်ညီသ္မဟ်မန် ညံင်ဂွံအံင်ဇ္နးပ္လ္တန် ပိုဲသ္ဒးစုတ်င်္ကုမာဲ ပိုသ္ဒးစုတ်င်္ကုမာဲ MUP ကိုမဲပေးကြပါစို့ မွန်ပြည်နယ်အရေး စွမ်းဆောင်ပေးမယ့် MU ပါတီ မွန်ပြည်နယ်တဝှမ်း ငြိမ်းချမ်းသာယာ ဖွံဖြိုးစေမှာ ညီညီညာညာ လက်တွဲကာ တို့သွေးချင်းတွေ မဲရုံသွားကာ မဲပေးကြဘို့ တို့ဝန်တာ မဲရုံသွားကာ မဲပေးကြဘို့ တို့ရဲ့ဝန်တာ MUပါတီ MUပါတီ ဆန္ဒတူတူညီ မဲပေးကြပါမည် မဲပေးကြပါမည် မွန်ညီညွတ်ရေးပါတီကို မဲပေးကြပါမည်”