သုခုမပညာ

သုခုမပညာဟီုမ္ဂးဂှ် ဍိန်ဍောတ်ဇိပ်ဂၠိပ်တဴရ။ ဇြိဟ်နက်တဴရ။ စိစောန်တဴရ။ လ္တူနူဏံ ယဝ်ရဟီုပ္တိတ် ဂုဏ်သတ္တိဍေံမ္ဂး ညံၚ်မၞိဟ်ဂွံခိုဟ် ဂွံပရေံမာန်ဂှ် ဍေံသ္ပမာန်ရောဟွံက ဒဵုကဵုသီဗ္ၜောဝ်စိုတ်ဂြိုဟ် ဘဝၚ်မၞိဟ်မွဲမာန်ရ။ မဇၞော်လှဲလး ဟွံမွဲကဵုတမ်ကၞောတ်ရ။ ဂၠံစိုတ်မၞိဟ် လ္ပာ်ဍိုန်လျအာ ညံၚ်ရဴသတ္တိဍေံ မလေပ်သ္ပတဴမာန်ကီုဂှ် ညံၚ်စိုတ်မၞိဟ်သ္ဂောံ ကြံၚ်မ္ၚိုဟ် တိုန်အာဂှ်လေဝ် ဍေံလေပ်သ္ပတဴမာန်ရ။ ပရေၚ်စန်ဒက်စိုတ်မၞိဟ်ဟီုဂှ်လေဝ် ပရေၚ်သုခုမဏံဂှ် ဒှ်လွဟ်စိုပ်တရဴမာန်ရ။