တေန်မန်၊ နာဲ၊ ဒံက်တာ

နူ ဝဳကဳပဳဒဳယာ
ဒံက်တာ
မာံတေန်မန်
ပါမောက္ခ ဒေါက်တာ မင်းတင်မွန်
သၠးဂၠံဂဝ် မောင်တော်ရှိန်
(1934-01-14) ဇာန်နဝါရဳ ၁၄၊ ၁၉၃၄ (အာယုက် ၉၀)
ကွာန်ကၟာဝက်
ဂကူ မန်
ကဆံင်ပညာ တဆိပ်ကြာ ပါရဂူ (ဒံက်တာ)
ဘာ တက္ကသိုလ်လ္ဂုင်
တက္ကသိုလ်အဳလဳနွေက် (အမေရိကာန်)
မဒယှ်တဴ အစာချူလိက်
ဓာတုဗေဒ ပါမောက္ခ
အံက် နာဲရဝ်အေန်၊ မိစိင်တေန် (စိန်တင်)
လာပ် သဒ္ဓမ္မဇောတိက
ဂယိုင်လမျီု တက္ကသိုလ်ပါမောက္ခ၊ အစာချူလိက်

ဒံက်တာအစာမာံတေန်မန် (၁၉၃၄ - ) ဝွံ ဒှ်ဂကူမန် ဇာတိကွာန်ကၟာဝက် ပညာစိစောန်တုဲ နူအာယုက် (၂၆) ဂှ် ကလိဂွံ တဆိပ်ကြာဒံက်တာ (Ph.D) နူတက္ကသိုလ် ဍုင်အမေရိကာန်ရ၊၊ နဒဒှ် ကထိက အစာဘာတက္ကသိုလ် ဍုင်လ္ဂုင်၊ ဒဳဂရဳကဝ်လိက် ဍုင်မတ်မလီု ကေုာံ တက္ကသိုလ်ဂဥုဲဍုင်လ္ဂုင်ဂှ် ယိုက်ဂၠေင် ပကၠုင်အစာဘာရ၊၊ တုဲပၠန် နဒဒှ် ပါမောက္ခမွဲလေဝ် သၞာံဗွဲမလအ်လ ယိုက်ဂၠေင်ကၠုင်လဝ်ကီုရ၊၊ သီုဒှ် ညးမစိုန်သကီု ပ္ဍဲလိက်သာသနာကီုတုဲ နဒဒှ် မၞိဟ်မကဵုကသပ် ပရေင်သာသနာလေဝ် ဂွံဒုင်ခပတိုန်လဝ်ကီုရ၊၊ တုဲပၠန် ဒှ်အစာချူလိက်ဒယှ် ဗွဲတၟေင် လိက်ပရေင်ဗုဒ္ဓဘာသာမွဲကီုရ၊၊

ပထမအဝဲ ကေုာံ ပရေင်ပညာ[ပလေဝ်ဒါန် | ပလေဝ်ဒါန် တမ်ကၞက်]

မာံတေန်မန်ဝွံ ပ္ဍဲသက္ကရာဇ်ဍုင် ကၠုင်စိုပ် ၁၂၉၅ သၞာံ ဂိတုပုဟ် ၁၄ စွေက် တ္ၚဲသ္ၚိသဝ်၊ သက္ကရာဇ်ခရေတ် ဂေတ်ကၠုင်စိုပ် ၁၉၃၄ သၞာံ ဂိတုဇာန္နာဝါရဳ တ္ၚဲ(၁၄)ဂှ် ကတဵုဒှ်မၞိဟ် နူမိမၜါ ကော်ဂး နာဲရဝ်အေန် ကေုာံ မိစိင်တေန် မဒၟံင်ကွာန်ကၟာဝက် ပွိုင်ဍုင်မုဟ်ဍုင်ရ။

တန်မူလဂှ် တိုန် ပ္ဍဲဘာတန်မူလ ကွာန်ကၟာဝက်တုဲ ဘာတိုန်သၠုင်ဂှ် တိုန်လဝ် ပ္ဍဲဘာတန်သၠုင် မှာထေရ်အရဟံ (ရှင်အရဟံ အထက်တန်းကျောင်း)တုဲ မဂွံအံင်ဇၞးကေတ် နကဵုပထမရ၊၊ သၞာံ ၁၉၅၁ ဂှ် မဂွံအံင်ဇၞးကေတ် တန်မဂွံအခေါင်တိုန်တက္ကသိုလ် နကဵုဂုဏ်တၟေင် ဘာသာသင်္ချာ ကေုာံ သိပ္ပံနာနာတုဲ ဆက်တိုန်ဘာ တက္ကသိုလ်လ္ဂုင်ရ၊၊ ပ္ဍဲတက္ကသိုလ်လ္ဂုင် တန်ဥပစာဂှ် ဘာသာသင်္ချာဂှ် အံင်ဇၞးကေတ် နကဵုလာပ်ပထမ၊ ဘာသာဓာတုဗေဒ လာပ်ပထမတုဲ မဂွံဒုင်ဗဂိန်ကဵု လာပ်တဆိပ်ထဝ် ကေုာံ လာပ်ဗ္တောန်ပညာသကဝ်လာရှေပ် နူတက္ကသိုလ်ဟိုဝ်ဝါကိန် ရ၊၊

သၞာံ ၁၉၅၅ ဂှ် ပ္ဍဲသွဟ်လိက်တန်သိပ္ပံဂှ် ဘာသာ သင်္ချာ၊ ရူပဗေဒ၊ ဓာတုဗေဒတအ်ဂှ် မဂွံအံင်ဇၞးကေတ် နကဵုဂုဏ်တၟေင်တုဲ အလုံမွဲဍုင်ဂှ် ကလိဂွံလာပ်ပထမတုဲ ဂွံဒုင်ဗဂိန် တဆိပ်ထဝ် နူကဵုတက္ကသိုလ်ဟာဂျဳဗာင်ဂမၠိုင် ရ၊၊ စနူဂှ်တုဲ ပ္ဍဲတက္ကသိုလ် ပ္ဍဲဌာဓာတုဗေဒဂှ် ဂွံဒှ်အစာထ္ၜးလိက် (သရုပ်ပြဆရာ) နကဵုအခိင်အပိုင်အခြာရ၊၊ ပါဲနူဂှ်တုဲ သီုကလိဂွံ လာပ်သွက်ဂွံအာဗ္တောန်ပညာ ဍုင်သအာင်ကီုရ၊၊

သၞာံ ၁၉၅၆ ပ္ဍဲသွဟ်လိက်သိပ္ပံဓာတုဗေဒ တန်ဂုဏ်တၟေင်ဂှ် ဂွံအံင်ဇၞးကေတ် နကဵုကဆံင်ပထမတုဲ ကလိဂွံလာပ်ပထမတုဲ ဂွံဒုင်ဗဂိန်ကဵု တဆိပ်ထဝ် နာဲယှိုယ်လေဝ် (ဦးရွှေလေး ရွှေလေးတံဆိပ်ဆု) ကေုာံ ဆာဦးသွင်ရွှေတံဆိပ်ဆု ရ၊၊ သီုဂွံခပတိုန် နဒဒှ်အစာဘာ ကဆံင် လစှ်ေကထိက ဌာနဓာတုဗေဒ တက္ကသိုလ်လ္ဂုင်ကီုရ၊၊

သၞာံ ၁၉၅၇ ဂှ် အာတိုန်ဘာ ပညာကရဴတဆိပ်ကြာ (ဘွဲ့လွန်ပညာ)တက္ကသိုလ်အဳလဳနွေက် ကၟိန်ဍုင်အမေရိကာန်တုဲ သၞာံဂတဂှ် ၁၉၅၈ ဂှ် ဂွံအံင်ဇၞးကေတ် တန်တဆိပ်ကြာ မဟာသိပ္ပံတုဲ သီုဂွံ ဒုင်ဗဂိန်ကေတ် လာပ်ပညာစောန်သကာ ကော်ဂး( university fellowship ) မဂွံအဓိပ္ပါယ် လာပ်တက္ကသိုလ် သဟာယ ရ၊၊ သၞာံ ၁၉၆၀ ဂှ် ကာလမကလိဂွံ အာယုက် (၂၆) ဂှ် ကလိဂွံ တဆိပ်ကြာ ပါရဂူ ကော်ဂး ဒံက်တာ နူတက္ကသိုလ် အဳလဳနွေက် ဍုင်အမေရိကာန် ရ။ မဂွံလုပ် ဂကောံအသဝ်ဂုဏ် (Sigma Xi) ရ၊၊

ကမၠောန်[ပလေဝ်ဒါန် | ပလေဝ်ဒါန် တမ်ကၞက်]

ကလေင်စဴစိုပ် ဍုင်မိတိမဇကုတုဲ လုပ်ကၠောန်ကမၠောန် နဒဒှ်အစာဘာတက္ကသိုလ် ပ္ဍဲတက္ကသိုလ်လ္ဂုင် ရ၊၊ ၁၉၆၁ ဂှ် ဂွံခပတိုန် နဒဒှ် ကထိက ပ္ဍဲဌာနဓာတုဗေဒ တက္ကသိုလ်လ္ဂုင်ရ၊၊ တုဲဂှ် ဒဳဂရဳကဝ်လိက်မတ်မလီု၊ တက္ကသိုလ်ဂဥုဲ လ္ဂုင်(၁)၊ တက္ကသိုလ်ပရေင်ပညာ လ္ဂုင်တအ်ဂှ် နဒဒှ်ကထိကမွဲ ရေင်တၠုင်ကၠုင်လဝ်ရ၊၊ စတမ်နူ သၞာံ ၁၉၈၆ စဵုကဵု ၁၉၈၈ နဒဒှ် ဂဥုပ်ဌာဓာတုဗေဒ ကေုာံ ဖက်ဆောပါမောက္ခ တက္ကသိုလ်မတ်မလီုဂှ် ယိုက်ဂၠေင်လဝ်ရ၊၊ ၁၉၉၂ ဂိတုဒဳဇြေန်ပါ ၁ ဂှ် ကြဴနူ လုပ်ကၠောန် ပ္ဍဲတက္ကသိုလ် ပွိုင် (၃၇) သၞာံတုဲ ဒေါအ်ဇူတုဲ လုပ်ကၠောန် ပ္ဍဲကမၠောန်သာသနာရ၊၊

စတမ်နူ သၞာံ ၁၉၉၃ ဂိတုအဝ်ဂေတ် ၁ ဂှ် နူကဵု ဌာနဝန်ဇၞော်ကေင်ကာသာသနာ ခပတိုန် နဒဒှ် မၞိဟ်မကဵုကသပ်တုဲ စနူသၞာံ ၁၉၉၈ ဂှ် ပ္ဍဲတက္ကသိုလ်ထေရဝါဒ ဗုဒ္ဓဘာသာ မဆေင်ကဵု အလုံလိုက် (အပြည်ပြည်ဆိုင်ရာ ထေရဝါဒ ဗုဒ္ဓသာသနာပြု တက္ကသိုလ်)ဂှ် နဒဒှ် ပဋိပတ္တိ ပါမောက္ခ မွဲတၠ ပံင်တောဲတုဲ ယိုက်ဂၠေင်ကၠုင်လဝ်ကီုရ၊၊ စတမ်နူသၞာံ ၂၀၀၆ ဂိတုအဝ်ဂေတ် ၁ ဂှ် နူဌာနဝန်ဇၞော်ကေင်ကာသာသနာ ကလေင်ခပတိုန် နဒဒှ် ညးမကဵုကသပ် ကေုာံ ပဋိပတ္တိ ပါမောက္ခ ပၠန်ရ၊၊

အာစာဒံက်တာ မာံတေန်မန်ဝွံ လိက်ပရေင် ကေုာံ လိက်အုပ် မကဵုပညာဗွဲမဂၠိုင် ချူကၠုင်တုဲ ဒၟာနူယိုက်ဂၠေင်ကၠုင် တာလျိုင်သာသနာ ဗွဲမအံင်ဇၞးမာန်ဂှ်ရ ၁၉၉၃ သၞာံ ဂိတုဇာန္နဝါရဳ ၄ ဂှ် နူကဵုအလဵုသဳကၟိန်ဍုင် ဒုင်ကဵုတဆိပ် သဒ္ဓမ္မဇောတိက ရ၊၊

လိက်မချူလဝ်တုဲဂမၠိုင်[ပလေဝ်ဒါန် | ပလေဝ်ဒါန် တမ်ကၞက်]

  1. ဝိသုဒ္ဓိမဂ္ဂအလင်းပြ နိဗ္ဗာန်လမ်းမကြီး (ပထမတွဲ)
  2. ဗုဒ္ဓအဘိဓမ္မာ အနှစ်ချုပ်
  3. လိမ္မာယဉ်ကျေး တို့ရင်သွေး
  4. အမြတ်ဆုံးပန်းတိုင် ဧကန်ပိုင် (ပထမတွဲ)
  5. အမြတ်ဆုံးပန်းတိုင် ဧကန်ပိုင် (ဒုတိယတွဲ)
  6. ခေတ် အမြင် နှင့် သိမှတ်စရာ ဗုဒ္ဓဘာသာအကျဉ်း
  7. ဆေးမကူဘဲငြိမ်းအေးနည်း
  8. သိပ္ပံနယ်လွန် ဗုဒ္ဓ္ဓဘာသာ
  9. ဘဝလွတ်မြောက်ရေးနှင့်အရိယသစ္စ္စာ
  10. ဘဝဖန်တီးရှင် ကံတရား
  11. သာသနာ့တံခွန် စံပြပုဂ္ဂ္ဂ္ဂိုလ်ထူး သပြေကန်ဆရာတော်ဘုရား
  12. ဘဝချမ်းသာရေး
  13. ဘဝအောင်မြင်ရေးသို့ရှေးရှုကြ
  14. ဘဝကိစ္စနှင့် ဘဝပန်းတိုင်
  15. ဘဝရည်မှန်းချက်နှင့် ဘဝလမ်းစဉ်
  16. ဘဝလမ်းနှစ်သွယ်
  17. ဗုဒ္ဓဝါဒနှင့် ခေတ်သစ်ဘဝ
  18. မှန်ကန်သော ဘဝအမြင်
  19. ပျော်ရွှင်အောင်မြင်သော နေထိုင်နည်း
  20. အကောင်းဆုံးဘဝလမ်းညွှန်မှု
  21. မေတ္တာ နှင့် သစ္စာ အဖွင့်
  22. မေတ္တာ နှင့် သစ္စ္စာ သရုပ်ဖော်
  23. မြတ်ဘာဝနာ
  24. မြတ်ဒါန
  25. မြတ်သံဃာ
  26. မြတ်ဓမ္မ
  27. မြတ်သရဏဂုံ
  28. မြတ်ဗုဒ္ဓ
  29. ဘဝ မြင့်မြတ်လှပတင့်တယ်ရေး မြတ်သီိလ
  30. သောက ဒေါသ အတ္တ ဘဝ အခက်အခဲဟူသမျှ ကျော်လွှားအံ့
  31. ရှေးဘဝ နောက်ဘဝ သိပ္ပံနည်းကျအထောက်အထားများ
  32. တော်ကူးဆရာတော် ဘဝဆည်းဆာ နှင့် ကျင့်စဉ်တရား
  33. ဝိပဿနာဂုဏ်ထူးဆောင် ထူးခြားသော တော်ကူးဆရာတော် နှင်. ထူးဆန်းစွာ ရောဂါပျောက်ခြင်းများ
  34. သမထဘာဝနာနှင့် ၀ိပဿနာဘာဝနာတို့တွင် အောင်မြင်ပေါက်မြောက်ခြင်း
  35. ဗုဒ္ဓဘာသာ စာရိတ္တပညာနှင့် ကျင့်ဝတ်များ
  36. အဖိုးတန်ဆုံး ဘဝပညာ တက္ကသိုလ် အဘိဓမ္မာ အတွဲ ၁၊၂၊၃ ပေါင်းချုပ်
  37. လိုရင်းအနှစ်တရား ဗုဒ္ဓစကားတော်
  38. ဖားအောက်တောရ မိတ်ဆက်
  39. Kamma The Real Creator
  40. Buddha Abhidhamma Ultimate Science
  41. Breakthrough in Samatha Meditation and Vipassana Meditation
  42. The Essence Visuddhi Magga Volume 1
  43. The Essence of Buddham Abhidhamma

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. လိက်ကြက်ဝင်မန်
  2. ဒေါက်တာမင်းတင်မွန် ၏ မှန်ကန်သောဘဝအမြင် နှင့် အသက်ရှင်ခြင်း နှင့် သေခြင်းစာအုပ်မှ