အာလောက၊ တၠဂုဏ်
| တၠဂုဏ် အာလောက | |
|---|---|
 အဲနာဲ (Aue Nai) တိုန်စိုပ် ESEAP 2025 | |
| သၠးဂၠံဂဝ် | ကောန်မျို ဒဳဇြေမ်ဗါ ၁၆၊ ၁၉၈၄ သက္ကရာဇ် ၁၃၄၆-သၞာံ၊ ဂိတုမြေက္ကသဵု (၉)စွေက်၊ တ္ၚဲအဒိုတ် ဘာရုၚ်ဒါန်၊ ဍုၚ်လၟိုၚ်၊ ပွိုၚ်ဍုၚ်ရေဝ် |
| ဂကူ |  Mon မန် |
| ယၟုတၞဟ် | အဲနာဲ (ပညာစိုတ်) |
| ကဆံင်ပညာ | B.A. (Psy), M.A. (Religious Studies) MU, Ph.D. (Buddhist Studies) DCU |
| အံက် | နာဲမၚ်မွဲ (နိုၚ်မောၚ်ရှိန်) + မိယေန်သၞာၚ် (မိလှရှိန်) |
| ကောဒေအ် |
|
တၠဂုဏ်အာလောက (က) အဲနာဲ (ပညာစိုတ်) ဂှ် ပ္ဍဲသက္ကရာဇ် သၞာံ ၁၃၄၆၊ ဂိတု မြေက္ကသိုလ် (၉) စွေက်၊ တ္ၚဲအဒိုတ် စပ္တမ်နူတ္ၚဲအခိၚ်ဂှ်တုဲ ရူပနာမခန္ဓမွဲဒှ်ကၠုၚ် ဌာန်ကွာန်လၟိုၚ် (ဍုၚ်လၟိုၚ်) အပ္ဍဲပွိုၚ်ဍုၚ်ရေဝ် မၞုံတွဵုရးဍုၚ်မန်ရ။
အရာမ္ဂး ဖိုလ်မတွံဂး ခန္ဓကာယမွဲ ဂွံမံက်ကတဝ်ကၠုၚ်ဂှ် အတိုၚ်မၞုံဒေသနာဗုဒ္ဓ ဟိုတ်ကဵုဖိုလ်ၜါဟေၚ်ရ။ ဟိုတ်နူမိမၞုံယၟု မိယေန်သၞာၚ်(က) မိလှယှုၚ် ကဵု မမၞုံယၟု နာဲမၚ်မွဲ (က) နာဲမောၚ်ယှုၚ် တအ်တုဲ ဗွဲအစောံကမ်မွဲသတ်မွဲ ဖိုလ်ဝိပါက ကြံၚ်ဍုဟ်ကၠုၚ်နူဟိုတ်သဘာဝတုဲ တၠဂုဏ်အာလောက တန်ဒှ်ဆဵုကၠုၚ်လောကဘုံ မဟာဇန် ဌာန်ရာမညဒေသရးမန် ဌာန်ညးလျုၚ်ဗုဒ္ဓသာသနာ ဗွဲမသာယာ အကြာရမျာၚ်ခၞိၚ်ကျာ် ကေလာသ တန်တဴလ္တူဒဵုပြာန်ရ။
အတိုၚ်ညးလောကသဘာဝဒုၚ်ဂိုၚ်ပ္တိန်စွံလဝ်တွံ ပူဂိုလ်ဟီုဂှ်ကလာဆလအ်လဵုမှ စာ်စ္ဍးတိတ်အာနူ ဂကောံပွဳပွိုၚ်ဟွံဂွံတုဲ ပ္ဍဲဘဝတၠဂုဏ်အာလောကလေဝ် ကမ် ပစ္စယ် အတိတ် ပစ္စုပ္ပန်တုဲ ကောဒေံ နွံ (၅) တၠ ဓမ္မတာညးလောက မွဲကီုရ။ လဂွံမ္ဂး ဝေါဟာ အရာကော်ခဴစ ညးဇၞော်ကော် ကော ညးဍောတ်ကော်ဒေအ် ဗွဲအခိုက်ယေန်သၞာၚ် အလေအ်ရာမညဘာသာ တၠဂုဏ်ဝွံ ကောနွံ ၃ တၠတုဲ ဒေအ်နွံ ၁ တၠဒှ်တုဲ ဒှ်ကောန်မရနုက်ကဵု ၄ လ္တူဟဒေအ်လေဝ် ကော်စမံၚ်ကီုရ။ လောကဝွံ ခိုဟ်ပရေအ် သၠုၚ်သဝ် ညးတြုံ ညးဗြဴ ဒှ်ဒွန်တောဲပါမံၚ်လုပ်ကီုလေဝ် လဂုဏ်ဝွံ ကောဒေံ အလုံသီုဖအိုတ် ဒှ်ညးတြုံဖအိုတ် တုဲ ဗွဲအခိုက်ကၞာညးဟီုစ မိမနွံပါရမဳမွဲကီုရ။
"လိုက်" ဗီုဒှ်လောကဳကီု "ပညာ" ဂွံဒှ်သတိ သွက်တရဴ ဂၠံၚ်တရဴ အနာဂတ်တေံဂှ် ညးအဲနွံပၟိက် သၟိက်ဒးထေက်ကဵု ဂစာန်ဖအိုတ်ရ။ လိုက်တ္ၚဲဏအ် ၜိုန်ဒှ်လောကဳကီု သွက်ဂွံဆက်အာတရဴ လောကုတ္တဵုဂှ် ကွတ်ပညာ လောကဳ ဒ္ဂေတ်ပညာ လောကုတ္တဵု နွံဗွဲသဘဴ ၜါဗီုပြၚ်ရ။
ပရေၚ်ပညာဘာတန်
[ပလေဝ်ဒါန် | ပလေဝ်ဒါန် တမ်ကၞက်]| သၞာံ | တန် / ကဆံင်ပညာ | ဘာ / တက္ကသိုလ် |
|---|---|---|
| ၁၉၉၁ – ၁၉၉၄ | တန်ကောန်ၚာ် - တန်စတုတ္ထ | အမက (၁) ဘာတန်သ္ဇိုၚ်မူလ၊ ဍုၚ်လၟိုၚ် |
| ၁၉၉၅ – ၂၀၀၀ | တန်ပဉ္စမ - တန်န၀မ | အထက (၁) ဘာတန်သၠုၚ်၊ ဍုၚ်လၟိုၚ် |
| ၂၀၀၁ | တန်ဒသမ | အထက (၁) ဘာတန်သၠုၚ်၊ မုဟ်ဍုၚ် |
| ၂၀၀၆ – ၂၀၀၈ | B.A. (Psy) | တက္ကသိုလ်၊ ဍုၚ်လ္ဂုၚ် |
| ၂၀၁၅ – ၂၀၁៩ | M.A. Religious Studies | College of Religious, Mahidol University, Thailand |
| ၂၀၂၀ ဇူလာၚ် ၂၅ | Ph.D. (Buddhist Studies) | DCU, Myanmar[၁] |
ပရေၚ်ပညာပရိယတ္တိ
[ပလေဝ်ဒါန် | ပလေဝ်ဒါန် တမ်ကၞက်]| သၞာံ | တန် | တိုက်လိက် / ဘာ |
|---|---|---|
| ၂၀၀၅ | တန်ဍောတ် | ဘာရုၚ်ဒါန်၊ ဍုၚ်လၟိုၚ် |
| ၂၀၀၆ | တန်ဒေါဝ် | ဘာဗ္ဂေါပရိယတ္တိမန်၊ ဍုၚ်မတ်မလီု |
| ၂၀၀၇ | တန်ဇၞော် | ဘာဗ္ဂေါပရိယတ္တိမန်၊ ဍုၚ်မတ်မလီု |
| ၂၀၀၉ | တန်ဓမ္မာစရိယ | ဘာသဒ္ဓမ္မဓဇ၊ ကွာန်မုဟ်ဒဵု |
| ၂၀၁၀ | တန်ဓမ္မာစရိယ (မွဲလုပ်ဒ္ဂိုန်) | ဘာဂြိုပ် ဖာဂၠ၊ ဍုၚ်ရေဝ် |
| ၂၀၁၀ | တန်ဓမ္မာစရိယ | ဘာဗ္ဂေါပရိယတ္တိမန်၊ ဍုၚ်မတ်မလီု |
| ၂၀၁၁ – ၂၀၁၂ | တန်ဓမ္မာစရိယ | ဘာဗိုလ်လ္ၚီ၊ ဍုၚ်ဒဂုၚ် |
| ၂၀၁၃ – ၂၀၁၄ | တန်ဓမ္မာစရိယ | ဘာဓမ္မစက်၊ ကွာန်ကြေဝ်ဏာ |
| ၂၀၁၉ | တန်ဓမ္မာစရိယ | ဘာဓမ္မစက်၊ ကွာန်ကြေဝ်ဏာ (ဒု) |
ပရေၚ်အံၚ်ဇၞးတန်ဓမ္မာစရိယ ကေုာံ တဆိပ်ကြာ
[ပလေဝ်ဒါန် | ပလေဝ်ဒါန် တမ်ကၞက်]| သၞာံ | ပြကိုဟ် / အံင်ဇၞး | ဂကောံစၟဳစၟတ် / ဌာန |
|---|---|---|
| ၂၀၁၃ | ပါ၊ သဳ | ဂကောံဘာကအ်သိုခ် |
| ၂၀၁၃ | ပါ၊ သဳ | ရာမညပရိယတ္တိနိကာယ |
| ၂၀၁၃ | သဳ | ဂကောံအလဵုအသဳ (၁၃၇၅-၂၀၁၄)[၂] |
| ၂၀၁၄ | ဏီ (တုဲ) | ဂကောံဘာကအ်သိုခ် |
| ၂၀၁၄ | ဏီ (တုဲ) | ရာမညပရိယတ္တိနိကာယ |
| ၂၀၁၄ | ဏီ | ဂကောံအလဵုအသီ |
| ၂၀၁၉ အံက်တိုဘာ ၂ (၁၃၈၁ သၞာံ၊ ဝှ် ၄ မံက်) | ဒုၚ်ကေတ်တဆိပ်ကြာ တန်မဟာဝိဇ္ဇာ M.A. | တက္ကသိုလ် မဟိဍိုန်၊ ဍုၚ်သေံ |
ရေၚ်တၠုၚ်တာလျိုၚ်ပ္ဍဲဂကောံ
[ပလေဝ်ဒါန် | ပလေဝ်ဒါန် တမ်ကၞက်]| သၞာံ | တာလျိုင် | ယၟုဂကောံ / ဌာန |
|---|---|---|
| ၂၀၀၆ | ညးစန်ဒက် | ထံက်ပၚ်ပရေၚ်ပညာမန် (ရာမည ပညာနုဂ္ဂဟ) |
| ၂၀၀၇ – စဵုပစ္စုပ္ပန် | ကောန်ဂကောံ | ဂကောံသၚ်သၟတ်မန်-ဍုၚ်လၟိုၚ် (MYSSL) |
| ၂၀၀၈ – ၂၀၁၃ | သ္ကိုပ်ဘဏ္ဍာ | သၚ်သၟတ်မန်ညဳသာ |
| ၂၀၀၉ – ၂၀၁၀ | ဂအုပ်ရုၚ် | သၚ်သၟတ်မန်ညဳသာ (ဌာန ရုၚ်ဝါခရူ) |
| ၂၀၀၉ – ၂၀၁၀ | ညးစၞး သၚ်သၟတ်မန်ညဳသာ | ဂကောံမန်ပံၚ်ကောံ (MAU) |
| ၂၀၁၀ – ၂၀၁၄ | သ္ကိုပ်ဇာနှိက် | ဂကောံရေၚ်တၠုၚ်ဖေအ်ဗြေဝ်ဒဳမဝ်ကရေဇြဳ (ACDD) |
| ၂၀၁၀ – ၂၀၁၄ | သ္ကိုပ်ဌာနထံက်ပၚ် | ဂကောံထံက်ပၚ်ပရေၚ်ပညာမန် (MESO) |
| ၂၀၁၄ – ၂၀၁၅ | ဥက္ကဌ (အလန်ဒုတိယ) | ဂကောံထံက်ပၚ်ပရေၚ်ပညာမန် (MESO) |
| ၂၀၁၄ | ဒါရိုက်တာ | ဇာနှိက်သၚ်သၟတ်မန်ကဵုပညာ (MYMEN) |
| ၂၀၁၄ | ညးကောပ်ကာဲ (Coordinator Interm) | ACDD |
| ၂၀၁၆ | ဒါရိုက်တာ | ဇာနှိက်သၚ်သၟတ်မန် MYMN |
| ၂၀၁၄ | ဒါရိုက်တာ | ဌာန်သဇိုၚ်အဲနာဲ (Aue Nai Foundation) |
| ၂၀၁၇ – ၂၀၁၈ | ဥက္ကဌ | ဂကောံကွးဘာတက္ကသိုလ်သၚ်မန်-ဍုၚ်သေံ MBSST[၃] |
| ၂၀၁၈ – စဵုပစ္စုပ္ပန် | နာယက | ဇာနှိက်သၟတ်မန်-ဍုၚ်ရေဝ် |
| ၂၀၁၉ | ညးကဵုကသပ် (Advisor) | ဇာနှိက်သၚ်သၟတ်မန် |
| ၂၀၂၀ – စဵုပစ္စုပ္ပန် | ညးကောပ်ကာဲ (Admin) | ဝဳကဳပဳဒဳယာမန် (mnw.wikipedia.org) |
| ၂၀၂၀ (24 July) – စဵုပစ္စုပ္ပန် | ညးလၟိၚ်ပရိုၚ် | ရုၚ်ရာမညနိကာယ |
| ၂၀၂၂ | ဒု-ဒါရိုက်တာ | တန်ဒစးဒုၚ်တက္ကသိုလ် (ဂကောံသၚ်သၟတ်မန်) |
ပရေၚ်ပညာ သုတေသန (Academic Life)
[ပလေဝ်ဒါန် | ပလေဝ်ဒါန် တမ်ကၞက်]| စၟတ်တ္ၚဲ / သၞာံ | ပရူပရာ ကေုာံ က္ဍိုပ်လိက်စာတမ် | ပေါဲသဳကၠဳ / ဌာန |
|---|---|---|
| 12-13 July 2018 | ပတိုန်ထ္ၜးဗှ်လိက်စံၚ်သၟတ် (Graduate Studies in the Disruptive Society: Innovation in Development Studies, Human Rights, and Resource Politics.) | The International conference for 70th Anniversary of Faculty of Political Science, Chulalongkorn University. |
| 10-12 Nov 2018 | ဗှ်လိက်စံၚ် | The 2nd International Conference 2018 Innovation in Religious Education and Buddhism (Salatiga, Indonesia). |
| 15 Dec 2018 | ဗှ်လိက်စံၚ် | The 98th Anniversary of the University of Yangon International Conference on Transformation Process in Myanmar III. |
ပရေၚ်ချဳဒရာၚ် (Activities)
[ပလေဝ်ဒါန် | ပလေဝ်ဒါန် တမ်ကၞက်]| သၞာံ / စၟတ်တ္ၚဲ | ပရေင်ချဳဒရာင် ကေုာံ ကမၠောန်ဂမၠိုင် |
|---|---|
| ၂၀၀၈ | စပ္တံကၠောန်လိက် ဒဿန လညာတ်မွဲပ္ၚံက် ကေုာံ ပွံက်ဆာန် ၊ စပ္တံ ချူလိက်ပရေၚ် ဂကောံမှာဇန်ညးဍုၚ်ကွာန် နကဵုယၟုကၞေဟ် အာၚ်ဂျူညာဏ်။ |
| ၂၀၀၈ (၆ ဂိတု) | ဂွံအခေါၚ်ဗ္တောန်ကွတ်ပရိုၚ် ပ္ဍဲဌာန်ပရိုၚ်ဗၠးၜးမန် (ဝၚ်က) တုဲ၊ ဂွံကတ်လ္ၚတ်ပရၚ်အုပ်ဓုပ် ကောပ်ကာဲဂကောံ ဇရေၚ်အ္စာနာဲကသု။ |
| ၂၀၀၈ – လၟုဟ် | နကဵုဗီုပြၚ် ညးကဵုဘာ သၠုၚ်လညာတ် ပရေၚ်အခေါၚ်အရာမၞိဟ်၊ ပရေၚ်ဖောအ်ဗြေဝ် ကောပ်ကာဲဂကောံ ကေုာံ ပရေၚ်စန်ဒက်ညးဍုၚ်ကွာန်။ |
| ၂၀၁၀ (ဂိတု ၃) | ကတ်လ္ၚတ် တန်ဗ္တောန်သ္ပအ္စာ TOT ပ္ဍဲဂကောံ HREIB (EQMM)။ |
| ၂၀၁၀ (ဂိတု ၅) | ကတ်လ္ၚတ် တန်ဗ္တောန်သ္ပအ္စာ သၟာပရၚ်စန်ဒက် ညးဍုၚ်ကွာန် (CO) ပ္ဍဲဂကောံ ACDD။ |
| ၂၀၁၀ – ၂၀၁၅ | ချဳဒရာၚ်တ္ၚဲတၟေၚ် ပ္ဍဲ MESO ကေုာံ ကမၠောန် ပရေၚ်စန်ဒက်ညးဍုၚ်ကွာန် ဇာနှိက် ACDD။ |
| ၂၀၁၈ ဇာန်နဝါရဳ ၂၃ | ပတိုန်တၞးလိက်ဂရၚ်ပ္တီ အာတ်လုပ်ဂကောံ "ဂကောံအ္စာကၞေဟ်မန်" (Mon Writers Association - MWA)။ |
| ၂၀၁၈ (ဂိတု ၈) | စချူဒါန်ကၠုၚ် ပ္ဍဲလဒပ်ဝဳကဳမန် (Mon Wikipedia)။ |
| ၂၀၁၉ နဝ်ဝေမ်ပါ ၄ | စပံက်ကၠုၚ်အကံက် ဝဳကဳပဳဒဳယာမန်။ |
| ၂၀၁၉ ဒဳဇြေန်ပါ ၁၃ | စကေတ်လျိုၚ် ညးကောပ်ကာဲ ဝဳကဳပဳဒဳယာမန် (စဵုကဵု ၁၃ မာတ် ၂၀၂၀ အလန်ပထမ)။ |
| ၂၀၂၀ ဇာန်နဝါရဳ ၂၀ | ပတိုန်ထ္ၜး ပရူဘဝညးကၠာဲဘာသာ ကေုာံ ပရေၚ်ကမၠောန်ကၠာဲဘာသာ (Translation in action) ပ္ဍဲပေဲါ "ဘာသာပြန်ခြၚ်းဆိုၚ်ရာဆွေးနွေးပွဲ"၊ သီုပါလုပ် ကေတ်လျိုၚ် ပ္ဍဲဂကောံကမၠောန်ညကၠာဲဘာသာ။ |
| ၂၀၂၀ ဖေဖဝ်ဝါရဳ ၁၄ | တိုန်စိုပ် သ္ဘၚ် Nordic Day 2020, Myanmar (စၟတ်တ္ၚဲ 16/01/2020 ဂှ် ဒးဒုၚ်ဘိက်)။ |
| ဟွံစၟတ်သၞာံ | နကဵုယၟုကၞေဟ် "အဲနာဲ (ပညာစိုတ်)" လိက်အုပ် လညာတ်တၞောဝ်ပိုယ်၊ တၞောဝ်သၟတ်တၟိ တအ်ဂှ် ချူကၠာဲ သီုကၠောန်ပ္တိတ် လိက်အုပ်။ |
| ဟွံစၟတ်သၞာံ | နဒဒှ်ညးသဳကၠဳလိက်ပတ်မန် "လိက်ပတ်မန် ကဵု အကာဲအရာတ္ၚဲဏအ်" ပ္ဍဲတ္ၚဲအ္စာကဝိမန် မရနုက်ကဵု (၄) ဝါ၊ ဍုၚ်လၟိုၚ်။ |
ချဳဒရာၚ်ကရောံ ESEAP, Wiki ဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်]
- 2022 - တိုန်စိုပ် WIKIMANIA Singapore
- 2025 - တိုန်စိုပ် ESEAP summit 2025 ဍုၚ်မနဳလာ
ဂလာန်မြော်ဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်]ပရေၚ်ကၞေဟ်
[ပလေဝ်ဒါန် | ပလေဝ်ဒါန် တမ်ကၞက်]ပြကိုဟ်
[ပလေဝ်ဒါန် | ပလေဝ်ဒါန် တမ်ကၞက်]- The Transition of the Rāmanna Dhammācariya association from a traditional Hierarchy to a decentralised organization. (M.A. Thesis @ Mahidol University)
လိက်ပရေၚ်ဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်]- ပွမဒက်ပ္တိုန် ဂကောံမှာဇန်
- နိဗ္ဗာန်လောက ဂွံမာန်ဖအိုတ်ရ
- လညာတ်ဂွံဗၠးၜးသၠဲလး ဒးဂွံလဝ်ပရိုၚ်တၚ်နၚ်ဒး
- ဟိုတ်- ပြသၞာလညာတ်၊ ဖိုဟ်- သွဟ်ပဋိစ္စသမုပ္ပါဒ်
- ဂကောံဇြဟတ်တိုၚ်ဓယိုၚ် သၞောတ်ဒဳမဵုကရေဇြဳဂမၠိုၚ်
- သၟာလ္ၚတ်ၜါဆဵုဂဗကၠာ သဳကၠဳပရေၚ်ပညာ
- ပရေၚ်ပညာခိုဟ်မွဲကဵု တၚ်နွံပၟိက်ရေၚ်တၠုၚ်ဂမၠိုၚ်
- စရာဲပရေၚ်ပညာ စဵုတာအာပွကူသာန်မနုဿာ
- ဟိရဳသြတ္တနွံမှ ဘဝဂွံဒှ်တၠ
- အရာဒးစွံၚုဟ်မး သ္ၚဳရံၚ်ကဵုဒး ဘဝဂွံဗၠးည (လိက်အုပ် သာသနာသုတသိၚ်္ဂဳ)
- ညးပ္တဝ်ဂၠံၚ်
- လညာတ်ပါ်ပဲါဗၠးၜး ပရိုၚ်ဟေၚ်ပ္ညုၚ်ထ္ၜး
- သက်သဳခိုၚ်ဗိုန် ပစ္စုပ္ပန်ဒးနွံလၟိုန် (သာသနာသၟတ်တၟိ ၂၀၁၂၊ဂကောံရာမညပညာနုဂ္ဂဟ)
- ပရူဒဒှ်ဓဇက်ပၠေပ်အမေရိကာန် ပ္ဍဲပၞာန်ဂၠးဒုတိယ (လဂံါအာဇာနဲ ကၞပ် ၁၁၊ သၞာံ ၂၀၁၂)
- ပ္တန်သမာဓိညိ
- ဘာသာ ကေုာံ ၜိုဟ်လလံ
- ဟီုဂလာန်တၚ်ဂုဏ်ညိ
- ဒဳမိုကရေဇြဳဟီုဂှ်
- ချိုတ်အိုတ်အာဟွံမွဲ ပၠန်ဂတးဂၠမ်သြိုဟ်အဲ
- အကြာဓမ္မကဵု အဓမ္မဂှ် ဇၞး-ဇၞး သွဟ်နွံမာန်ဟာ
- စၟဂကူကၠက် စဵုကဵုဆီပဠက်
- ပရေၚ်ဖောအ်ဗြေဝ်ကောန်ၚာ်
- ဒှ်ဒတုဲမြမောဝ် (ဝါ) ဟွံဒှ်ဒတုဲမြမောဝ် သွက်သၟတ်မလုပ်ဒုၚ်ရုဲစှ် အပ္ဍဲပဲါရုဲမာဲ သၞာံ ၂၀၂၀
- အသိၚ်ပရေၚ်ဍုၚ်ကွာန်သၟတ်မန် တိုန်ကၠုၚ်ပ္ဍဲဗော်ညဳသၟဟ်မန်ဂှ် ဒှ်လျးဂကူမန်ဍာံမွဲ သွက်ပေဲါရုဲမာဲ ၂၀၂၀ မာန်ဏောၚ် (သၞံၚ်တိုၚ်၊ ဂိတုဖေဖဝါရဳ ၁၆-၂၀၂၀)
- သၟတ်-သ္ဂောံဒှ်ကောန်ဍုၚ်ကတိုၚ်ကၟိဟ်မွဲ
- သၠာဲပတိတ်ဗွိုက်(ဗၞီအဝဏ်)ဗဟုသုတ (အမာတ်ဒိန် လၟေၚ် -၅)
- ဒးသ္ပအစာံညးဂၠိုၚ်၊ဍာ်ဒကေဝ်လစွံစိုတ် စရာဲသြဇာ မညဳသၟဟ် ၂၁ ဗွဝ်ကၠံ-ပ္ဍဲဘဒ္ဒန္တသဳလာစာရ (အမာတ်ဒိန်၊လၟေၚ်(၇)-၁၃၈၃)
- ဇျာန်မန်တအ်လုပ်စတ္ၚဲဏအ် ဟွံဒှ်ပဳတိကဵု ကော်ဆောကဵုတၟိ (အမာတ်ဒိန်် - လၟေၚ် (၁၀))
- ဘဘာဓရ် ကဵု နတဲ (အမာတ်ဒိန် လၟေၚ် - ၁၁)
- မဒါန်ဂှ် လ္ပပကဵုဒှ် ပရေၚ်ပါ်ခြာဆက်ဆောံ (အမာတ်ဒိန် လၟေၚ် - ၁၆)
- ပရေၚ်ဍုၚ်ကွာန်ဂှ် ဒှ်ဒြပ်ဂမၠိုၚ်ပိုၚ်ပြဳ ဒးတီနတဲ (အမာတ်ဒိန် လၟေၚ်-၁၇၊ ၁၃၈၄)
ဒွက်
[ပလေဝ်ဒါန် | ပလေဝ်ဒါန် တမ်ကၞက်]ဒွက်မချူလဝ်
- သာ်အရီု
- ဗ္တောံဒှ်ဇောတ်
ဂလာန်ဥယောဇိုန်
[ပလေဝ်ဒါန် | ပလေဝ်ဒါန် တမ်ကၞက်]ဂလာန်ဥယောဇိုန်ဝွံ ဒှ်ဂလာန်ဥယောဇိုန်သွက်လိက်အုပ် လဂံါတ္ၚဲစိုပ် ၁၀ သၞာံ ဂကောံထံက်ပၚ်ပရေၚ်ပညာမန်
ဗ္တောန်ကေတ်၊ ကၠိုဟ်ကဵု[၅]
ပတှေ်တုဲ၊ ဒ္ဂေတ်ဗက်၊ ကၠောန်အာမံၚ်တအ်ဂှ် ဒှ်သၞောဝ်ပရေၚ်ဘာသာမွဲကီုရ။ ဂကောံဂှ် ဒှ်အရာဘာသာတုဲ ပူဂဵုဂှ်ဒှ်အရာဓရ်ပတှေ်ရ။ ဓရ်ဍာံဒ္ဂေတ်ခိုဟ်တအ်ဂှ် တန်တဴမံၚ်အကြာပွဳပွိုၚ်ဂကောံတုဲ မွဲလ္ပာ်ဂှ် ဓရ်ဗၠေတ်ဒ္ဂေတ်ၚံက်တအ်ဂှ် တန်တဴမံၚ် ပ္ဍဲပွိုၚ်ပူဂိုလ်ရ။ ဟိုတ်ဂှ်ရ သံဃဂကောံသၚ် ဌာန်သ္အးဒုဟ်ဇၞော် ခမဳပူဂိုလ်တအ်ရ။
တၠအစောန်ဂှ် ဟဳဇွောဝ်ကဵု သၞောတ်ဝါဒပူဂိုလ်တုဲ တြုံဗြဴအာဇနဲတအ်ဂှ် ဟဳဇွောဝ်ကဵု သၞောတ်ဝါဒဂကောံရ။ ပ္ဍဲဌာန်ဂကောံဗွိုၚ်ညးဂမၠိုၚ်နွံဟေၚ် ဒုၚ်ပဠေဝ် ဒုၚ်ပြံၚ် ဒုၚ်သၠာဲလညာတ် ဝါဒပူဂိုလ်ဇကုတုဲ ဆက်အာမံၚ်တရဴအနာဂတ် ခိုဟ်တေံမာန်ရ။ ဂကောံထံက်ပၚ်ပရေၚ်ပညာမန်ပိုဲတအ်လေဝ် ပတှေ်ကေတ်ဝါဒအာဇာနဲ သၞောတ်ပံၚ်ကောံလွဳပြံၚ်တုဲဟေၚ် ရေၚ်တၠုၚ်သၠုၚ်ဏာမံၚ် လညာတ်သၚ်သၟတ်မန် ကေုာံ သၟတ်မန်တ္ၚဲဏအ်တအ်ဂှ် တ္ၚဲဏအ်လဂံါစိုပ် (၁၀) သၞာံယျ။
သၚ်သၟတ်ဂကောံထံက်ပၚ်ပရေၚ်ပညာမန်တအ် ဗ္တောန်ကေတ်မံၚ်သၞောတ်ပံၚ်ကောံ သ္ပအာဇာနဲတုဲ သွက်ဂွံကၠိုဟ်ကဵု သဘာဝပရေၚ်တၞဟ်ခြာ လက်သဏ်ဂုဏ်ဟွံတုပ်သၟဟ် ညးကဵုညးနွံဖအိုတ်ရတုဲ ပံၚ်ရေၚ်ဗစပ်တဲချဳဒရာၚ်မံၚ်ရ။
ဂကောံမတွံဂး ဌာန်ဗၠးၜးသွက်ကသပ် ချပ်ဂၞန်မွဲ၊ ထံက်ပၚ်ရေၚ်တၠုၚ် သၠုၚ်ပတိုန်မံၚ် သၚ်ကေုာံ သၟတ်တအ်နကဵု ပရေၚ်ပညာပွမဂွံကၠိုဟ်ကေတ် ပရေၚ်ဟွံတုပ်သၟဟ်တၞဟ်ခြာရေၚ်သ္ကအ်မတန်ဒေါံမံၚ် အကြာမဟာဇန်မန်တအ်ဂှ် တ္ၚဲဏအ် ဒးဗ္တောန်ကေတ်တုဲ တ္ၚဲယး ဒးကၠိုဟ်ကဵုညးသ္ကအ်အိုတ်ဏောၚ်။ ဍာ်ဒကေဝ်ဏံဂှ် ဒှ်သွဟ် သွက်ညးထံက်ပၚ်ပရေၚ်ပညာမန်တအ်ဟေၚ်ရ။
ဂလာန်ပ္တုဲ - ပူဂိုလ်မွဲမွဲ ဂကောံမွဲမွဲ ဂကူမွဲမွဲ ဘာသာမွဲမွဲ ဗ္တောန်ကေတ်သဘာဝ ပရေၚ်တၞဟ်ခြာ ဟွံတုပ်သၟဟ်ရေၚ်သ္ကအ်ဟွံမာန်ကီု၊ ကၠိုဟ်ကဵုလ္တူလညာတ်ကသပ် ညးတၞဟ်ခြာဟွံတုပ်သၟဟ် အကြာကောန်ဂကူဇကု ရေၚ်သ္ကံဟွံမာန်ကီု မွဲဟာန်ကေုာံ ဂွံကၠိုဟ်ကဵု အကြာသဘာဝဂကူဘာသာ တၞဟ်ခြာဟွံတုပ်သၟဟ်တုဲ ဂွံဒုၚ်ကဵုတဲမာန် ရန်တၟအ်ဖျေံသန္နိဌာန်တုဲဟေၚ် ဆက်ဂံါအာမံၚ် လဂံါအနာဂတ်ဂတတေံ နကဵုဝါဒအာဇာနဲပေၚ်ၚ်ဟေၚ်။
တၚ်ဂၞၚ်ဆက်စၠောံ
[ပလေဝ်ဒါန် | ပလေဝ်ဒါန် တမ်ကၞက်]နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ www.dcumyanmar.com
- ↑ ဂကောံပညာပါရမဳ (၁၃၇၆) လိက်ကၞပ်ပရိယတ္တိ ကၞပ်(၂)၊ တိုက်လိက်ဘာဗိုလ်လ္ၚဳ-ဍုၚ်ဒဂုၚ်၊ မုက်လိက် ၂၅။
- ↑ https://web.facebook.com/mbsst
- ↑ 2018 မဂ္ဂဇြေန်မန် ဂမြၚ်အာဲဟံသာ ကၞပ် (၂)၊ Gommrang Aihongsar Monmagazine No.2-2018.
- ↑ ၂၀၁၆၊ လဂံါတ္ၚဲစိုပ် ဂကောံထံက်ပၚ်ပရေၚ်ပညာမန် ၁၀ သၞာံ 10 Years Step of Today of Mon Supporting Education Organization MESO
- လိက်အုပ် လဂံါတ္ၚဲစိုပ် ဂကောံထံက်ပၚ်ပရေၚ်ပညာမန် ၁၀ သၞာံ 10 Years Step of Today of Mon Supporting Education Organization MESO