အံင်ကျဳတုင်
Script error: The function "infoboxTemplate" does not exist.
နာဲအံင်ကျဳတုင် (ၜံင် ၁၉၅၈) ဝွံ ဒှ် ဂကူမန်၊ သၟာပရေင်ဍုင်ကွာန် မွဲတၠတုဲ ဒှ် သကိုပ်ဝန်ဇၞော် တွဵုရးဍုင်မန် ကာလလၟုဟ်ရ။[၁] ညးဝွံ ဒှ် မၞိဟ်တိုင်ခဳ ဗော်တမ္ၚံင် ကေုာံ ဇမၞော်မၟောဝ် ကၟိန်ဍုင် မွဲတုဲ သီုဒှ် အမာတ်စၠတ်ဓဝ်ရ။
ဘဝသၟတ်
[ပလေဝ်ဒါန် | ပလေဝ်ဒါန် တမ်ကၞက်]နာဲအံင်ကျဳတုင်ဝွံ က္တဵုဒှ် မၞိဟ် ပ္ဍဲ သၞာံ ၁၉၅၈ ဂိတုမေ ၂၉၊ ပ္ဍဲ ကွာန်ယိုက်၊ ပွိုင်ဍုင်တကအ်ခၟိုင်၊ တွဵုရးဍုင်မန် တုဲ ဒှ် ကောန် နာဲမျမှိုဲ (ဦးမြမွှေး) မိလှမေ။
ပရေင်ပညာ
[ပလေဝ်ဒါန် | ပလေဝ်ဒါန် တမ်ကၞက်]နာဲအံင်ကျဳတုင်ဝွံ ပညာသဇိုင်ဂှ် ကတ်ဗ္တောန်လဝ် ပ္ဍဲ အ.မ.က. (ကွာန်ယိုက်)၊ အ.ထ.က. (ဝါဍောတ်)၊ အ.ထ.က. (မတ်မလီု) တုဲ ကလိဂွံ မဟိမု B.E (Mechanical) နူ တက္ကသိုလ်ကွတ်စက် လ္ဂုင် ရ။
ဘဝပေါင်မသၟိင်
[ပလေဝ်ဒါန် | ပလေဝ်ဒါန် တမ်ကၞက်]နာဲအံင်ကျဳတုင် ဝွံ လုပ်ကၠောန်လဝ် ကမၠောန်သၟိင် နဒဒှ် ပေါင်မသၟိင် ပ္ဍဲကမၠောန်တဵုလွဳဍုင်ဗၟာ ပ္ဍဲ ဌာနက္ဍိုက်ပ်ပရေင်တဵုလွဳ (စိုက်ပျိုးရေးဦးစီးဌာန) မနွံ သၟဝ် ဌာနဝန်ဇၞော် ကမၠောန်ဗ္ၚ ကောံ ကုတၟိုန်ဍာ် (လယ်ယာစိုက်ပျိုးရေးနှင့်ဆည်မြောင်းဝန်ကြီးဌာန)၊ နူ နဒဒှ် ဒု-သကိုပ်ကမၠောန် (ဒု-လုပ်ငန်းမှူး) ဂှ် ဗွဲကြဴ စဵု ကုမဂွံဒှ် သကိုပ်စမၞောန် (စၟိန်ပြမာန်) (ညွှန်ကြားရေးမှူး (စီမံ))တုဲ စ ပေန်ဇြေန် ဒေါအ်ဇူ နူတာလျိုင်ဂှ်ရ။
ကမၠောန် ပရေင်ဍုင်ကွာန်
[ပလေဝ်ဒါန် | ပလေဝ်ဒါန် တမ်ကၞက်]နာဲအံင်ကျဳတုင် ဒေါအ်ဇူ နူ ပေါင်မသၟိင်တုဲ လုပ် ဗော်တမ္ၚံင် ကေုာံ ဇမၞော်မၟောဝ် ကၟိန်ဍုင် တုဲ ဂွံဒှ် ပ္ဍဲ ဂကောံကေင်ကာဗဟဵုမွဲတၠတုဲ ဗွဲကြဴ ဂွံဒှ် ဥက္ကဋ္ဌ ဗော်တမ္ၚံင် ကေုာံ ဇမၞော်မၟောဝ် ကၟိန်ဍုင် တွဵုရးဍုင်မန် ရ။[၂] ပ္ဍဲ သဘင်မာဲအကြာ သၞာံ ၂၀၁၇ ဂှ် နာဲအံင်ကျဳတုင် လုပ်ပြိုင် ပ္ဍဲ ပွိုင်ဆန္ဒမာဲတကအ်ခၟိုင် သွက် စၠတ်ဓဝ်ညးဍုင်ကွာန်တုဲ ဂွံဒုင်ရုဲစှ် ဂွံဒှ် အမာတ်စၠတ်ဓဝ်ရ။[၃] လုပ်ယိုက်ဂၠေင် နဒဒှ် ကောန်ဂကောံ ကမ္မတဳပရေင်ဂလိုက်တမ်ရိုဟ် ကောံ ကုပရေင်ဇၞော်မောဝ်ကွတ်တဲကွတ်စက် စၠတ်ဓဝ်ညးဍုင်ကွာန်ရ။
သဘင်မာဲ သၞာံ ၂၀၂၀ ဂှ် လုပ်ပြိုင် ပ္ဍဲ ပွိုင်ဍုင်တကအ်ခၟိုင် စၟတ် (၂) သွက် စၠတ်ဓဝ်တွဵုရးဍုင်မန်ကီုလေဝ် ဟွံဇၞးမာဲရ။
သဘင်မာဲ သၞာံ ၂၀၂၅ ဂှ် လုပ်ပြိုင် ပ္ဍဲ ပွိုင်ဍုင်တကအ်ခၟိုင် သွက် စၠတ်ဓဝ်တွဵုရးဍုင်မန်တုဲ ဂွံဇၞးမာဲရ။
သကိုပ်ဝန်ဇၞော်
[ပလေဝ်ဒါန် | ပလေဝ်ဒါန် တမ်ကၞက်]သၞာံ ၂၀၂၁ ပၞာန်သီအဝဵုဍုင်တုဲ ကံင်သဳစၟိန်ပြမာန်ဍုင် ခပ္တိုန် ညး နဒဒှ် ဝန်ဇၞော်ပရေင်သယံဇာတ အလဵုအသဳတွဵုရးဍုင်မန်ရ။[၄] နူဂှ် သၞာံ ၂၀၂၃ ဖေဖဝ်ဝါရဳ ၁ ဂှ် ဂွံဒှ် သကိုပ်ဝန်ဇၞော် တွဵုရးဍုင်မန်ရ။[၅]
ဂကောံသ္ၚိကၟိန်
[ပလေဝ်ဒါန် | ပလေဝ်ဒါန် တမ်ကၞက်]နာဲအံင်ကျဳတုင် ဒက် ဘဝသ္ၚိကၟိန် ကု မိဝေန်မျေအ်ယဳ (ဒေါ်ဝင်းမြင့်ရီ) မဒှ် ကောန်ကွာန်ကၟာဝက်တုဲ ညးတအ် ကလိဂွံ ကောန်တြုဟ် ၜါတၠရ။
မဂွံဒုင်အဲပရဲ
[ပလေဝ်ဒါန် | ပလေဝ်ဒါန် တမ်ကၞက်]သၞာံ ၂၀၂၅ ဂိတုဨပြဳ ၁၇ ဂှ် ဥက္ကဋ္ဌ ကံင်သဳစၟိန်ပြမာန်ဍုင် မေန်အံင်လှာင် ဇိုန်နှင်ကဵု မဟိမု သဳရိပျံချဳ မဒှ် မဟိမုဂုဏ်တၟေင် မဆေင်စပ် ကုပရေင်အစောမ်စရာဲရ။[၆]
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ မွန်ပြည်နယ် ဝန်ကြီးချုပ်အဖြစ် ပြည်နယ်ပြည်ခိုင်ဖြိုးပါတီ ဥက္ကဋ္ဌဖြစ်သူ ဦးအောင်ကြည်သိန်း ခန့်အပ်ခံရ. Eleven Media Group (၂ ဖေဖော်ဝါရီ ၂၀၂၃).
- ↑ မွန်ပြည်နယ် ဝန်ကြီးချုပ်အဖြစ် ပြည်နယ်ပြည်ခိုင်ဖြိုးပါတီ ဥက္ကဋ္ဌဖြစ်သူ ဦးအောင်ကြည်သိန်း ခန့်အပ်ခံရ. Eleven Media Group (၂ ဖေဖော်ဝါရီ ၂၀၂၃).
- ↑ ချောင်းဆုံမြို့နယ် ပြည်သူ့လွှတ်တော် ကိုယ်စားလှယ် ဦးအောင်ကြည်သိန်းနဲ့ မေးမြန်းချက်. RFA Burmese (၂ ဧပြီ ၂၀၁၇).
- ↑ မွန်ပြည်နယ် ဝန်ကြီးချုပ်အဖြစ် ပြည်နယ်ပြည်ခိုင်ဖြိုးပါတီ ဥက္ကဋ္ဌဖြစ်သူ ဦးအောင်ကြည်သိန်း ခန့်အပ်ခံရ. Eleven Media Group (၂ ဖေဖော်ဝါရီ ၂၀၂၃).
- ↑ မွန်ပြည်နယ် ဝန်ကြီးချုပ်အဖြစ် ပြည်နယ်ပြည်ခိုင်ဖြိုးပါတီ ဥက္ကဋ္ဌဖြစ်သူ ဦးအောင်ကြည်သိန်း ခန့်အပ်ခံရ. Eleven Media Group (၂ ဖေဖော်ဝါရီ ၂၀၂၃).
- ↑ မွန်ပြည်နယ် ဝန်ကြီးချုပ်အဖြစ် ပြည်နယ်ပြည်ခိုင်ဖြိုးပါတီ ဥက္ကဋ္ဌဖြစ်သူ ဦးအောင်ကြည်သိန်း ခန့်အပ်ခံရ. Eleven Media Group (၂ ဖေဖော်ဝါရီ ၂၀၂၃).