၂၁ ဒဳဇြေမ်ဗါ

အတိုင်ကၠုၚ်နူ ပါဠိမူ တၠဳပိုန်ကျာ်တြဲ ဟီုတွံလဝ် ဒဒှ်ပူဂိုလ်ထၟုၚ်ဒါန် (ပုဂ္ဂလိကဒါန) (၁၄) ဂကူ ..

(၁) ပွမကဵုဒါန် ကုတၠဳပိုန်ကျာ်တြဲ (၂) ပွမကဵုဒါန် ကုကျာ်ပစ္စေကဗုဒ္ဓ (၃) ပွမကဵုဒါန် ကုကွးကျာ် ပူဂိုလ်တၠအရှန် ဟွံသေင်မ္ဂး ပူဂိုလ်အရဟတ္တဖိုလ် (၄) ပွမကဵုဒါန် ကုပူဂိုလ်အရဟတ္တမဂ္ဂဋ္ဌာန် ဃောမလွဳပရာဒၟံၚ် အရဟတ္တဖိုလ် (၅) ပွမကဵုဒါန် ကုပူဂိုလ် အနာဂါမ် (၆) ပွမကဵုဒါန် ကုပူဂိုလ်အနာဂါမိဂ္ဂဋ္ဌာန် ဃောမလွဳပရာဒၟံၚ် အနာဂါမိဖိုလ် (၇) ပွမကဵုဒါန် ကုပူဂိုလ်သကဒါဂါမ် (၈) ပွမကဵုဒါန် ကုပူဂိုလ်သကဒါဂါမိမဂ္ဂဋ္ဌာန် ဃောမလွဳပရာဒၟံၚ် သကဒါဂါမိဖိုလ် (၉) ပွမကဵုဒါန် ကုပူဂိုလ်သောတာပန် (၁၀) ပွမကဵုဒါန် ကုပူဂိုလ်သောတာပတ္တိမဂ္ဂဋ္ဌာန် ဃောမလွဳပရာဒၟံၚ် သောတာပတ္တိဖိုလ် (၁၁) ပွမကဵုဒါန် ကူရသိ မ္ၚးသာသနာ မက္လိဂွံလဝ် ၛာန်အဘိဉာဏ် (၁၂) ပွမကဵုဒါန် ကုပူဂိုလ်ပုထုန်ဇန် ညးမၞုံကဵုသဳလ (၁၃) ပွမကဵုဒါန် ကုပူဂိုလ်ပုထုန်ဇန် ညးဟွံမွဲကဵုသဳလ (ဒုဿဳလ) (၁၄) ပွမကဵုဒါန် ကုတိရစ္ဆာန်တအ် ဣဝွံ (၁၄) ဂကူမဒှ်ရောၚ်။