မာတိကာသို့ ခုန်သွားရန်

ပိဋကတ်ဘာသာမန် (ပါဠိပါရာဇိကဏ် သကုတ်−၁)

စုတ် လေန်ဂမၠိုင်
နူ ဝဳကဳပဳဒဳယာ

⎈ သွက်ဂွံသမ္တီ ဗွဲကိုပ်ကၠာ ⎈

သင်္ကေတ ပြကိုဟ်ဂမၠိုင်

၊ ပိုဒ်မွဲ ပ္ဍဲဂါထာ လအိတ်ပထမပါဒကဵု တတိယပါဒ။

။ ပိုဒ်ၜါ ပ္ဍဲဂါထာ လအိတ်ဒုတိယပါဒကဵု စတုတ္ထပါဒ။

၊ ပိုဒ်မွဲ ပ္ဍဲစုဏ္ဏိယ ဝါကျဍောတ်။

။ ပိုဒ်ၜါ ပ္ဍဲစုဏ္ဏိယ ဝါကျဇၞော်။

? ဂံက်သရေင် ဂလာန်သၟာန်။

! ဇိုင်ကရောဲ အာမေဍိတ် (အမ်သဝ်)။

“” ဇိုင်ဂတာမ် ထ္ၜးအာကာရဝါကျ။ (ပိုဒ်သပသမ္တီ ပၟိက်ပူဂိုလ်မွဲမွဲ)။

‘ ’ ၚေက်ထဲ ထ္ၜးအဓိပ္ပါယ် မတုပ်သၟဟ် ကေုာံပိုဒ် မဗာန်ကြပ်ဒၟံင်ပ္ဍဲလက်ကရဴ။

“ ‘’ ” သင်္ကေတဝွံ ထ္ၜးကဵု ပ္ဍဲအပ္ဍဲဂလာန် ပူဂိုလ်မွဲမွဲ ဂလာန်တၞဟ်သအာင် မွဲလေဝ် တၞီလုပ်ဒၟံင်။

, ဍုတ်အယဴ ထ္ၜးသရုပ်၊ (ဝါ) ထ္ၜးပိုဒ်ပံင်ပကောံ။

( ) ခွေဝ်ဗိုင် ကၠုင်နူပါဠိ တိုက်ရိုက်ဟွံသေင်၊ အသုင်အစောဲမန်ဂွံဍိုက်ပေင်တုဲ ပိုဒ်ထပ်စုတ် လဝ်။

[ ] ခၜံက်ဗိုင် ဒှ်ဂလာန်ဗကန် တုပ်ကဵုနယ် မတုဲကၠုင်တေအ်။

― လေံစၞောန် ဂလာန်ဝါကျ ဟွံစိုပ်ဒတုဲဏီ သွက်ဂွံဆက်ဂလာန်။

-၁ -၂ ဂၞန်သၠုင် သွက်ဂွံတီကေတ် အဓိပ္ပါယ် ပိုဒ်ဂှ် ဗွဲမလောဲသွာမာန် အတိုင်လၟေင်ဂၞန်ဂှ် ထ္ၜးလဝ်ကဵု ပ္ဍဲဇိုင်မုခ်လိခ်။

။ ပ ။ ပေယျာလ ဗလိုက်လဝ် ဝါကျ၊ (ဝါ) ခ္ဍန်လဝ် ဂလာန်။


မူဆဋ္ဌသံဂါယန ဝိနယပိဋကတ် ခုဒ္ဒကနိကာယ

ပါဠိပါရာဇိကဏ် ဘာသာမန်

နမော တဿ ဘဂဝတော အရဟတော သမ္မာသမ္ဗုဒ္ဓဿ


(ခဏ်ထ္ၜးကဵုပရူပရာ ဗဗၞးဝေရဥ္ဇ)

(⎈ ဗီုဗဗၞးဝေရဥ္ဇ ပျုတ်ဗ္ဒေက် တဳလမၞုံပိုဉ်ကျာ်တြဲ)

၁) ပ္ဍဲအခိင် တဳလမၞုံပိုဉ်ကျာ်တြဲ မပတၠပိုဉ်တြဴပြကာ မွဲဟာန်ကေုာံခမဳသင်မဂၠိုင်ပြဲ ဗၞတ်မသုန်ကၠံ သ္ပဒတဴဒၟံင်ပ္ဍဲဇရေင်တၞံသၠီ (မိန်လကိုဟ်) မၞုံယၟုနဠေရု (မဂပ်ဝ်သီဂိုင်ကေတ်လဝ်) ဇရေင်ဍုင်ဝေရဉ္ဇာရ။ (ပ္ဍဲအခိင်သ္ပဒတဴဒၟံင်ဂှ်) ဗဗၞးဝေရဉ္ဇ သ္ဂောံမိင်တီကေတ် (အတိုင်ကြက်သ္ဂးဂတဝွံ) တုဲရ။ “ယွံသကအ်တအ် ခမဳဂေါတမ ကောန်သၟိင်သာကျဝင် မသ္ပခမဳနူဂကူသၟိင်သာကျဝင်ဂှ် မွဲဟာန်ကေုာံခမဳသင်မဂၠိုင်ပြဲ ဗၞတ်မသုန်ကၠံ သ္ပဒတဴဒၟံင်ပ္ဍဲဇရေင်တၞံသၠီ (မိန်လကိုဟ်) မၞုံယၟုနဠေရု (မဂပ်ဝ်သီဂိုင်ကေတ်လဝ်) ဇရေင်ဍုင်ဝေရဉ္ဇာရ။

ပရိုင်ဒယှ်တှ် ခိုဟ်ဆာဲ တြနာဲဂေါတမဂှ် ဗျာပ်တြးပြးဇးတိတ်အာ ရဴသာ်ဝွံရ- ‘တဳလမၞုံပိုဉ်ကျာ်တြဲဂှ် ဟိုတ်နူဟိုတ်မထေက်ဒုင်ပူဇဴတၟေင်ဝွံလေဝ် အရဟံမ္ဂးရ၊ ဟိုတ်နူဟိုတ် မဂြင်တီကေတ် (ဓရ်ဂမၠိုင်အိုတ်သီု) အလဵုဇကုမဍာံစၟတ်ရဴဝွံလေဝ် သမ္မာသမ္ဗုဒ္ဓမ္ဂးရ၊ ဟိုတ်နူဟိုတ် မဍိုက်ပေင်တဴ ‘ဝိဇ္ဇာ’ ဉာဏ်မတီ ‘စရဏ’ ဒ္ဂေတ်လ္ၚတ်ဝွံလေဝ် ဝိဇ္ဇာစရဏသမ္ပန္နမ္ဂးရ၊ ဟိုတ်နူဟိုတ် မလေပ်သ္ဂးတဴ ဂလာန်ခိုဟ်ဆာဲဝွံလေဝ် သုဂတမ္ဂးရ၊ ဟိုတ်နူဟိုတ် မတီတဴလောကဝွံလေဝ် လောဝိဒူမ္ဂးရ၊ ဟိုတ်နူဟိုတ် မဒှ်ပူဂိုလ် ဟွံမွဲကဵုပတောံၜတ် လေပ်ဝေတ်ဗတောန်တဴ သတ်မထေက်ကဵုဝေတ်ဒၠောံဗတောန်ဝွံလေဝ် အနုတ္တရောပုရိသဒမ္မသာရထိမ္ဂးရ၊ ဟိုတ်နူဟိုတ် မဒှ်အ္စာမၞိဟ်ဒေဝတဴဂမၠိုင်ဝွံလေဝ် သတ္ထာဒေဝမနုဿာနံမ္ဂးရ၊ ဟိုတ်နူဟိုတ် မဂြင်တီကေတ် ဓရ်သစ္စပန်ဂမၠိုင် အလဵုဇကုတုဲ မကဵုညးသအာင်ဂမၠိုင်တီကေတ်ဝွံလေဝ် ဗုဒ္ဓေါမ္ဂးရ၊ ဟိုတ်နူဟိုတ် မၞုံကဵုပိုဉ်တြဴပြကာဝွံလေဝ် ဘဂဝါမ္ဂးရ’ ရဴဝွံ (ဗျာပ်တြးပြးဇးတိတ်အာရ)။

တဳလမၞုံပိုဉ်ကျာ်တြဲဂှ် ဩကာသလောက မဒှ်မွဲဟာန်ကေုာံဒေဝတဴ မဒှ်ဟာန်ကေုာံဒေဝတဴမာရ် မဒှ်မွဲဟာန်ကေုာံဗြီုဝွံကီု ဂကောံသတ် မဒှ်ဟာန်ကေုာံသမဏဗြာဟ္မဏဂမၠိုင်သၟိင်ဂမၠိုင် မၞိဟ်ဂမၠိုင်ဝွံကီု အလဵုဇကုတီကေတ် နကဵုဉာဏ်တၟေင်တုဲ သ္ပကေတ်ဇၞောဝ်မတ်တုဲ ဟီုတွံတဴရ၊ တဳလမၞုံပိုဉ်ကျာ်တြဲဂှ် တွံတဴဓရ် မၞုံကဵုပွမခိုဟ်ဆာဲတမ် မၞုံကဵုပွမခိုဟ်ဆာဲလဒေါဝ် မၞုံကဵုပွမခိုဟ်ဆာဲကၞောတ် မဍိုက်ပေင်ကဵုအရထ မဍိုက်ပေင်ကဵုသဒ္ဒါရ၊ စၞောန်ထ္ၜးဒ္ဂေတ်မပြဲမသအးဇ္ၚး မဍိုက်ပေင်အလုံအိုတ်သီုရ၊ ပွမဂွံဗဵုလ္ၚောဝ်တဴ ပူဂိုလ်တၠအရှန်ဂမၠိုင် မၞုံသဘဴမဖှ်သာ်ဝွံဂှ် ခိုဟ်ဆာဲဟေင်ရ” ရဴဝွံ ဂွံမိင်တီကေတ်ရ။


၂) ပ္ဍဲအခိင်ဂှ် ဗဗၞးဝေရဉ္ဇ ပ္ၚောံပြာပ်အာဇရေင် တဳလမၞုံပိုဉ်ကျာ်တြဲတုဲမ္ဂး ဟီုဂလာန်မိပ်စိုတ်အိုဟ်တၟိုဟ် ဆက်မိတ်ကေုာံတဳလမၞုံပိုဉ်ကျာ်တြဲမွဲစွံရ၊ ဟီုပတုဲကၠေံ ဂလာန်ထေက်ကဵုမိပ်စိုတ်အိုဟ်တၟိုဟ် ထေက်ကဵုဗှ်ဗၞုဟ်တုဲ ဂဇအ်ကေတ်ပ္ဍဲဒၞာဲမွဲတုဲမ္ဂး ဗဗၞးဝေရဉ္ဇဂှ်-

“ယွံတြနာဲဂေါတမ အဲဍိက်ကေင် (သ္ဂောံ) မိင်ကၠုင်လဝ် ဂလာန်ဝွံရ၊ ခမဳဂေါတမဂှ်လ္ၚောဝ်လေဝ်ဟွံလ္ၚောဝ် ဗဗၞးဂမၠိုင်မဗျု မဇၞော် မကြံင်ဍုဟ် မဂတာပ်ကိုပ်ကၠာ မအာစိုပ်အဝယ်လအိတ်အိုတ်ရ၊ ဒ္စးလေဝ် ဟွံဒ္စးဒုင်တၠုင်တရဴရ၊ ဘိက်လေဝ် ဟွံဘိက်တဴ နကဵုဒၞာဲသွက်ဂွံဂဇအ်ရ ရဴဝွံ ကေင်မိပ်ကၠုင်လဝ်ရ။ ယွံတြနာဲဂေါတမ ဂလာန်အဲမကေင်မိင်ကၠုင်လဝ်ဂှ် ဍာံပြအတိုင် ကေင်မိင်လဝ်ဂှ်ဟေင်ရ။ တြနာဲဂေါတမဂှ် လ္ၚောဝ်လေဝ် ဟွံလ္ၚောဝ် ဗဗၞးဂမၠိုင် မဗျု မဇၞော် မကြံင်ဍုဟ် မဂတာပ်ကိုပ်ကၠာ မအာစိုပ်အဝယ်လအိတ်အိုတ်ရ၊ ဒ္စးလေဝ် ဟွံဒ္စးဒုင်တၠုင်တရဴရ၊ ဘိက်လေဝ် ဟွံဘိက်တဴ နကဵုဒၞာဲသွက်ဂွံဂဇအ်ရ၊ ယွံတြနာဲဂေါတမ ပွမဟွံသ္ပ မပ္တံပွမလ္ၚောဝ်ဂှ် ဟွံဗဗွဲဟေင်ရ” ရဴဝွံ ဂရင်ပတီ တဳလမၞုံပိုဉ်ကျာ်တြဲရ။

ယွံဗဗၞး ပ္ဍဲဩကာလောက မဒှ်မွဲဟာန်ကေုာံဒေဝတဴ မဒှ်မွဲဟာန်ကေုာံဒေဝတဴမာရ် မဒှ်မွဲဟာန်ကေုာံဗြီုဝွံကီု ပ္ဍဲဂကောံသတ် မဒှ်မွဲဟာန်ကေုာံသမဏဗြာဟ္မဏဂမၠိုင် သၟိင်ဂမၠိုင် မၞိဟ်ဂမၠိုင်ဝွံကီု ညးလ္ၚောဝ်လေဝ် ထေက်ကဵုလ္ၚောဝ် ဒ္စးလေဝ် ထေက်ကဵုဒ္စးဒုင်တၠုင်တရဴ ဘိက်လေဝ် ထေက်ကဵုဘိက်တဴနကဵုဒၞာဲသွက်ဂွံဂဇအ်ဂှ် အဲဟွံညာတ်ရ၊ ယွံဗဗၞး ယြဴညးမွဲ အဲလ္ၚောဝ်လေဝ် လ္ၚောဝ်မ္ဂး ဒ္စးလေဝ် ဒ္စးဒုင်တၠုင်တရဴမ္ဂး ဘိက်လေဝ် ဘိက်တဴနကဵုဒၞာဲသွက်ဂွံ ဂဇအ်မ္ဂး၊ က္ဍိုပ်ညးဂှ်လေဝ် ပိုတ်ဒတုံစှေ်ရ ရဴဝွံ (သ္ဂးရ)။


၃) တြနာဲဂေါတမဂှ် မၞုံသဘဴစာ်စ္ဍးနူရှ်သာရ ရဴဝွံ (ဗဗၞးဂှ် သ္ဂးရ)။ ယွံဗဗၞး ယြဴနနဲပြယာယ်မၞုံသဘဴသာ်လဵုမွဲ “ခမဳဂေါတမဂှ် မၞုံသဘဴစာ်စ္ဍးနူရှ်သာရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ်သာ်ဂှ် နွံတဴဟေင်ရ။ ယွံဗဗၞး ကျာ်တြဲပါဲကၠေံ ရှ်သာပွမသာယျေန်ဂမၠိုင် ပ္ဍဲရူပါရီု သဒ္ဒါရီု ဂန္ဓာရီု ရသာရီု ဖောဋ္ဌဗ္ဗာရီုဂမၠိုင်တုဲရ၊ သကုတ်ကၠေံရိုဟ်ကၞက် (အဝိဇ္ဇာတဏှာ) မသက္ကုသၟေဟ်တုဲရ၊ သ္ပညံင်ရဴအရာဒတန်တၞံတာ (မပိုက်ၜေါတ်ကၠေံ) တုဲရ၊ သ္ပကၠေံပွမဟွံကတဵုဒှ်တၟိတုဲရ၊ ဟွံမွဲကဵုသဘဴပွမကတဵုဒှ် ပ္ဍဲကာလကြဴအိုတ်ရ။ ယွံဗဗၞး နနဲပြယာယ်ဝွံ “ခမဳဂေါတမဂှ် မၞုံသဘဴစာ်စ္ဍးနူရှ်သာရ” ရဴဝွံ ဟီုသ္ဂးကဵုအဲမ္ဂး ဟီုမာန်ရ၊ နဲပြယာယ် တၠအဲ (ဗဗၞး) မရန်တၟံဟီုသ္ဂးဂှ် ဟွံမွဲ (ပ္ဍဲပိုဲညးဂမၠိုင်) ဟေင်ရ (ရဴဝွံ သ္ဂးရ)။

၄) တြနာဲဂေါတမဂှ် ဟွံမွဲကဵုပွမပြဘိုဂ် ရဴဝွံ (ဗဗၞးဂှ် သ္ဂးရ)။ ယွံဗဗၞး ယြဴနနဲပြယာယ် မၞုံသဘဴသာ်လဵုမွဲ “ခမဳဂေါတမဂှ် ဟွံမွဲကဵုပွမသ္ပပြဘိုဂ်ရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ်သာ်ဂှ် နွံတဴဟေင်ရ။ ယွံဗဗၞး ကျာ်တြဲပါဲကၠေံပွမပြဘိုဂ်ဂမၠိုင် ပ္ဍဲရူပါရီု သဒ္ဒါရီု ဂန္ဓာရီု ရသာရီု ဖောဋ္ဌဗ္ဗာရီုဂမၠိုင်တုဲရ၊ သကုတ်ကၠေံရိုဟ်ကၞက် (အဝိဇ္ဇာတဏှာ) မသက္ကုသၟေဟ်တုဲရ၊ သ္ပညံင်ရဴအရာဒတန်တၞံတာ (မပိုက်ၜေါတ်ကၠေံ) တုဲရ၊ သ္ပကၠေံပွမဟွံကတဵုဒှ်တၟိတုဲရ၊ ဟွံမွဲကဵုသဘဴပွမကတဵုဒှ် ပ္ဍဲကာလကြဴအိုတ်ရ။ ယွံဗဗၞး နနဲပြယာယ်ဝွံ “ခမဳဂေါတမဂှ် ဟွံမွဲကဵုပွမသ္ပပြဘိုရ်ရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ် တၠအဲ (ဗဗၞး) မရန်တၟံဟီုသ္ဂးဂှ် ဟွံမွဲ (ပ္ဍဲပိုဲညးဂမၠိုင်) ဟေင်ရ (ရဴဝွံ သ္ဂးရ)။


၅) တြနာဲဂေါတမဂှ် မၞုံ ‘အကိရိယဝါဒ’ ကွေတ်ဟွံထေက်ကဵုသ္ပရ ရဴဝွံ (ဗဗၞးဂှ် သ္ဂးရ)။ ယွံဗဗၞး ယြဴနနဲပြယာယ်မၞုံသဘဴသာ်လဵုမွဲ “ခမဳဂေါတမဂှ် မၞုံ ‘အကိရိယဝါဒ’ ကွေတ်ဟွံထေက်ကဵုသ္ပရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ်သာ်ဂှ် နွံတဴဟေင်ရ။ ယွံဗဗၞး အဲဂှ်တွံတဴရဴဝွံမ္ဂး ဟွံထေက်ကဵုသ္ပ ‘ကာယဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကဵုဇကုကီု ‘ဝစဳဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကဵုပါင်ကီု ‘မနောဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကဵုစိုတ်ကီုရ၊ တွံတဴရဴဝွံမ္ဂး ဟွံထေက်ကဵုသ္ပ ဓရ်အကုသိုလ်ဂမၠိုင်မယုတ်မာ မဂၠိုင်ဂၠင်ရ။ ယွံဗဗၞး နနဲပြယာယ်ဝွံ “ခမဳဂေါတမ်ဂှ် မၞုံ ‘အကိရိယဝါဒ’ ကွေတ်ဟွံထေက်ကဵုသ္ပရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ် တၠအဲ (ဗဗၞး) မရန်တၟံဟီုသ္ဂးဂှ် ဟွံမွဲ (ပ္ဍဲပိုဲညးဂမၠိုင်) ဟေင်ရ (ရဴဝွံ သ္ဂးရ)။


၆) တြနာဲဂေါတမဂှ် မၞုံ ‘ဥစ္ဆေဒဝါဒ’ ကွေတ်ဂပ်ဝ်သကုတ်ဗပိုတ်ရ ရဴဝွံ (ဗဗၞးဂှ် သ္ဂးရ)။ ယွံဗဗၞး ယြဴနနဲပြယာယ်မၞုံသဘဴသာ်လဵုမွဲ “ခမဳဂေါတမဂှ် မၞုံ ‘ဥစ္ဆေဒဝါဒ’ ကွေတ်ဂပ်ဝ်သကုတ်ဗပိုတ်ရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ်သာ်ဂှ် နွံတဴဟေင်ရ။ ယွံဗဗၞး အဲဂှ် တွံတဴဂပ်ဝ်သကုတ်ဗပိုတ်ကၠေံရာဂ ဒေါသ မောဟဂမၠိုင်ရ၊ တွံတဴဂပ်ဝ်သကုတ်ဗပိုတ်ကၠေံ ဓရ်အကုသိုလ်ဂမၠိုင်မယုတ်မာ မဂၠိုင်ဂၠင်ရ။ ယွံဗဗၞး နနဲပြယာယ်ဝွံ “ခမဳဂေါတမဂှ် မၞုံ ‘ဥစ္ဆေဒဝါဒ’ ကွေတ်ဂပ်ဝ်သကုတ်ဗပိုတ်ရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ် တၠအဲ (ဗဗၞး) မရန်တၟံဟီုသ္ဂးဂှ် ဟွံမွဲ (ပ္ဍဲပိုဲညးဂမၠိုင်) ဟေင်ရ (ရဴဝွံ သ္ဂးရ)။

၇) တြနာဲဂေါတမဂှ် မၞုံသဘဴပွမက္ဍုဟ်မၠေံရ ရဴဝွံ (ဗဗၞးဂှ် သ္ဂးရ)။ ယွံဗဗၞး ယြဴနနဲပြယာယ်မၞုံသဘဴသာ်လဵုမွဲ “ခမဳဂေါတမဂှ် မၞုံသဘဴပွမက္ဍိုဟ်မၠေံရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ်သာ်ဂှ် နွံတဴဟေင်ရ။ ယွံဗဗၞး အဲဂှ် က္ဍုဟ်မၠေံတဴ ‘ကာယဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကဵုဇကုကီု ‘ဝစဳဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကဵုပါင်စိုတ် ‘မနော်ဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကဵုစိုတ်ကီု ပွမအာစိုပ်တဴဓရ်အကုသိုလ်ဂမၠိုင်မယုတ်မာ မဂၠိုင်ဂၠင်ကီုရ။ ယွံဗဗၞး နနဲပြယာယ်ဝွံ “ခမဳဂေါတမဂှ် မၞုံသဘဴပွမက္ဍုဟ်မၠေံရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ် တၠအဲ (ဗဗၞး) မရန်တၟံဟီုသ္ဂးဂှ် ဟွံမွဲ (ပ္ဍဲပိုဲညးဂမၠိုင်) ဟေင်ရ (ရဴဝွံသ္ဂးရ)။


၈) တြနာဲဂေါတမဂှ် လေပ်ပလီုပလာ်ရ ရဴဝွံ (ဗဗၞးဂှ် သ္ဂးရ)။ ယွံဗဗၞး ယြဴနနဲပြယာယ် မၞုံသဘဴသာ်လဵုမွဲ “ခမဳဂေါတမဂှ် လေပ်ပလီုပလာ်ရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ်သာ်ဂှ် နွံတဴဟေင်ရ။ ယွံဗဗၞး အဲဂှ် တွံတဴဓရ် တၞဟ်နပလီုပလာ်ကၠေံရာဂကီု ဒေါသကီု မောဟကီု၊ တွံတဴဓရ် တၞဟ်နပလီုပလာ်ကၠေံ ဓရ်အကုသိုလ်ဂမၠိုင်မယုတ်မာ မဂၠိုင်ဂၠင်ကီုရ။ ယွံဗဗၞး နနဲပြယာယ်ဝွံ “ခမဳဂေါတမဂှ် လေပ်ပလီုပလာ်ရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ် တၠအဲ (ဗဗၞး) မရန်တၟံဟီုသ္ဂးဂှ် ဟွံမွဲ (ပ္ဍဲပိုဲညးဂမၠိုင်) ဟေင်ရ (ရဴဝွံ သ္ဂးရ)။


၉) တြနာဲဂေါတမဂှ် မၞုံသဘဴမလေပ်ကဵုကတဴကတာန်ရ ရဴဝွံ (ဗဗၞးဂှ် သ္ဂးရ)။ ယွံဗဗၞး ယြဴနနဲပြယာယ်မၞုံသဘဴသာ်လဵုမွဲ “ခမဳဂေါတမဂှ် မၞုံသဘဴမလေပ်ကဵုကတဴကတာန်ရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ်သာ်ဂှ် နွံတဴဟေင်ရ၊ ယွံဗဗၞး ‘ကာယဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကဵုဇကုကီု ‘ဝစဳဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကဵုပါင်ကီု ‘မနော်ဒုစရိုတ်’ ဒ္ဂေတ်ဟွံဂွံဆာဲ မသ္ပနကဵုစိုတ်ကီု ဓရ်အကုသိုလ်ဂမၠိုင်မယုတ်မာ မဂၠိုင်ဂၠင်ကီုဂှ် ဓရ်မလေပ်ကဵု ကတဴကတာန်ဂမၠိုင် ရဴဝွံ အဲတွံတဴရ။

ယွံဗဗၞး ညးပါဲကၠေံဓရ်အကုသိုလ်ဂမၠိုင် လေပ်ကဵုကတဴကတာန်မယုတ်မာ မသကုတ်ကၠေံရိုဟ်ကၞက် (အဝိဇ္ဇာတဏှာ) မသက္ကုသၟေဟ်တုဲ မသ္ပညံင်ရဴအရာဒတန်ဂအာင်တၞံတာ (မပိုက်ၜေါတ်ကၠေံ) တုဲ မသ္ပကၠေံပွမဟွံကတဵုဒှ်တၟိတုဲ မဟွံမွဲကဵုသဘဴပွမကတဵုဒှ် ပ္ဍဲကာလကြဴတုဲဂှ် ညးမၞုံကဵုဒ္ဂေတ် မလေပ်ကဵုကတဴကတာန် ရဴဝွံ အဲတွံရ။ ယွံဗဗၞး ကျာ်တြဲပါဲကၠေံဓရ်အကုသိုလ်ဂမၠိုင် လေပ်ကဵုကတဴကတာန် မယုတ်မာတုဲရ၊ သကုတ်ကၠေံရိုဟ်ကၞက် (အဝိဇ္ဇာတဏှာ) မသက္ကုတ်သၟေဟ်တုဲရ၊ သ္ပညံင်ရဴအရာဒတန်တၞံတာ (မပိုက်ၜေါတ်ကၠေံ) တုဲရ၊ သ္ပကၠေံပွမဟွံကတဵုဒှ်တၟိတုဲရ၊ ဟွံမွဲကဵုသဘဴပွမကတဵုဒှ် ပ္ဍဲကာလကြဴအိုတ်ရ။ ယွံဗဗၞး နနဲပြယာယ်ဝွံ “ခမဳဂေါတမဂှ် မၞုံသဘဴမလေပ်ကဵုကတဴကတာန်ရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ် တၠအဲ (ဗဗၞး) မရန်တၟံဟီုသ္ဂးဂှ် ဟွံမွဲ (ပ္ဍဲပိုဲညးဂမၠိုင်) ဟေင်ရ (ရဴဝွံ သ္ဂးရ)။ တြနာဲဂေါတမဂှ် မၞုံသဘဴမလေပ်ကဵုကတဴကတာန်ရ ရဴဝွံ (ဗဗၞးဂှ် သ္ဂးရ)။


၁၀) တြနာဲဂေါတမဂှ် ဟွံထေက်ကြိုက်ကဵု တၞဟ်နအာစိုပ်ဍုင်သွဝ်ရ ရဴဝွံ (ဗဗၞးဂှ်သ္ဂးရ)။ ယွံဗဗၞး ယြဴနနဲပြယာယ်မၞုံသဘဴသာ်လဵုမွဲ “ခမဳဂေါတမဂှ် ဟွံထေက်ကြိုက်ကဵု တၞဟ်နအာစိုပ်ဍုင်သွဝ်ရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ်ဂှ် နွံတဴဟေင်ရ။ ယွံဗဗၞး ညးပါဲကၠေံပွမတန်ပဋိသန္ဓိ ပ္ဍဲကြဴမွဲလှေ်ပၠန် ပွမကတဵုဒှ်ပ္ဍဲဘဝတၟိတုဲ မသကုတ်ကၠေံရိုဟ်ကၞက် (အဝိဇ္ဇာတဏှာ) မသက္ကုသၟေဟ်တုဲ မသ္ပညံင်ရဴအရာဒတန်ဂအာင်တၞံတာ (မပိုက်ၜေါတ်ကၠေံ) တုဲ မသ္ပကၠေံပွမဟွံကတဵုဒှ်တၟိတုဲ မဟွံမွဲကဵုသဘဴပွမကတဵုဒှ် ပ္ဍဲကာလကြဴတုဲဂှ် စာ်စ္ဍးနူပွမတန်ပဋိသန္ဓိရ ရဴဝွံ အဲတွံရ။ ယွံဗဗၞး ကျာ်တြဴပါဲကၠေံပွမတန်ပဋိသန္ဓိ ပ္ဍဲကြဴမွဲလှေ်ပၠန် ပွမကတဵုဒှ်ပ္ဍဲဘဝတၟိတုဲရ၊ သကုတ်ကၠေံရိုဟ်ကၞက် (အဝိဇ္ဇာတဏှာ) မသက္ကုသၟေဟ်တုဲရ၊ သ္ပညံင်ရဴအရာဒတန်တၞံတာ (မပိုက်ၜေါတ်ကၠေံ) တုဲရ၊ သ္ပကၠေံပွမဟွံကတဵုဒှ်တၟိတုဲရ၊ ဟွံမွဲကဵုသဘဴပွမကတဵဒှ် ပ္ဍဲကာလကြဴအိုတ်ရ။ ယွံဗဗၞး နနဲပြယာယ်ဝွံ “ခမဳဂေါတမဂှ် ဟွံထေက်ကြိုက်ကဵု တၞဟ်နအာစိုပ်ဍုင်သွဝ်ရ” ရဴဝွံ ဟီုသ္ဂးကဵုအဲမ္ဂး ဟီုသ္ဂးမာန်ရ၊ နဲပြယာယ် တၠအဲ (ဗဗၞး) မရန်တၟံဟီုသ္ဂးဂှ် ဟွံမွဲ (ပ္ဍဲပိုဲညးဂမၠိုင်) ဟေင်ရ (ရဴဝွံ သ္ဂးရ)။


(⎈ ဥပမာကောန်စာင်သၟတ်)

၁၁) ယွံဗဗၞး ဥပမာတုန် ပ္ဍဲစာင်ၝောံဂှ် ခၟာဲဂမၠိုင်ဒ္စာံမကီု စှ်မကီု စှ်ၜါမကီု နွံဒၟံင်အိုတ်ရ၊ ခၟာဲစာင်ၝောံဂမၠိုင်ဂှ် ဂပ်ဝ်လဒပ်လဝ် ဗွဲမဒးရးအိုတ်ရ၊ ဂပ်ဝ်ကဵုလၟုဟ်နူပွဳပွူ ဗွဲမဒးရးအိုတ်ရ၊ ဂပ်ဝ်ထီုဗးကဵုလၟုဟ်စာင် နူပွဳပွူဗွဲမဒးရးအိုတ်ရ၊ ပၞောဝ်ဂကောံကောန်စာင်သၟတ်ဂမၠိုင် (မတန်တဴပ္ဍဲအပ္ဍဲခၟာဲဂမၠိုင်) ဂှ် ဖံက်ဗကးကၠေံခၞော်ခၟာဲ နကဵုတၞုင်သၞေံဇိုင် တၞုင်ခၟူဗွဲကိုပ်ကၠာတုဲ ကောန်စာန်မက္ဍတ်ပါ်တိတ်ကၠုင်ဗွဲတသိုခ်ဂှ် မုရဴသာ်လဵု ဂပ်ဝ်သ္ဂးဂှ်ရော? ဇၞော်အိုတ်ရ ရဴဝွံ ဂပ်ဝ်သ္ဂးသာ၊ ဆယာံမာန်ဂှ်ဟွံသေင်မ္ဂး ဍောတ်အိုတ်ရ ရဴဝွံဂပ်ဝ်သ္ဂးဟာ ရဴဝွံ (သၟာန်ရ)။

ယွံတြနာဲဂေါတမ ဇၞော်အိုတ် ရဴဝွံ ဂပ်ဝ်သ္ဂးရ၊ ပၞောဝ်ဂကောံကောန်စာင်သၟတ်ဂမၠိုင်ဂှ် (ဖံက်ဗကးကၠေံခၞော်ခၟာဲတုဲ) ကောန်စာင် (မက္ဍတ်ပါ်တိတ်ကၠုင်ဗွဲကိုပ်ကၠာ) ဂှ် ဒှ်ဇၞော်အိုတ်ရ ရဴဝွံ (ဂရင်ပတီရ)။

ယွံဗဗၞး တုပ်သၟဟ်သာ်ဝွံဟေင် ပၞောဝ်ဂကောံသတ် မအာစိုပ်ပ္ဍဲအဝိဇ္ဇာ မဒှ်ပ္ဍဲခၟာဲ မတွံဂး (အဝိဇ္ဇာ) မဂပ်ဝ်ကွိင်ဂြောပ်လဝ်ပွဳပွူ (နခၞော်ခၟာဲမတွံဂးအဝိဇ္ဇာ) ဂှ် (အဲ) ညးမွဲဓဝ်ဟေင်ထပက်ခၠင်ဂြင်တီကေတ် ‘သမ္မာသမ္ဗောဓိ’ ဉာဏ်မတီညာတ်ဍာံစၟတ် အလဵုဇကုမပြဲ ဟွံမွဲပတောံၜတ် ပ္ဍဲလောကတုဲရ၊ ယွံဗဗၞး အဲဂှ် ဇၞော်လတူလောကရ၊ ပြဲအိုတ်ရ။

ယွံဗဗၞး အဲပတိတ်ဇြဟိတ်လွဳပရာ မဟွံခ္ဍောပ်ကွေန်တုဲရ၊ သတိမဟွံမွဲကဵုပွမဝိုတ်ဝုဲပြာကဋ် (ကုအဲ) တုဲရ၊ ဇကု (အဲဂှ်) ဟွံမွဲကဵုပွဒတူတၠာဲကတဴကတာန်ရ၊ ၜိုဟ်လလမ်တုဲရ၊ စိုတ် (အဲဂှ်) မၞုံအာရီုမွဲဓဝ်ဂှ်ဒှ်တုဲ တန်တဴဗွဲမဒးရးတုဲရ။ ယွံဗဗၞး အဲ (ကျာ်) ဂှ် လ္ၚုသၟးအာနူကာမဂုဏ်ဂမၠိုင်တုဲဟေင် လ္ၚုသၟးအာနူဓရ်အကုသိုလ်ဂမၠိုင်တုဲဟေင် အာစိုပ်ပဌမၛာန် မဒှ်မွဲဟာန်ကေုာံ ‘ဝိတက်’ ပွမချပ် မဒှ်မွဲဟာန်ကေုာံ ‘ဝိစာရ’ ပွမဇွိတ်သပေါတ် မၞုံကဵု ‘ပဳတိ’ ပွမသ္ဍိုက်မၠိုက်ဂှ် ‘သုခ’ ပွမဒှ်တသိုခ် မကတဵုဒှ်ဟိုတ်နူလ္ၚုသၟးအာ နူ (နဳဝရဏ) တုဲပဒတဴတုဲရ။

ဟိုတ်နူဝိတက်ဝိစာရ လလမ်အာဂှ်ရ အာစိုပ်ဒုတိယၛာန် မလေပ်ကဵုစိုတ်ဇြုင်ကေဝ် ပ္ဍဲသဏ္ဌာန်ဇကု မလေပ်ဇၞော်ပၟဝ်ကဵု ‘သမာဓိ’ ပွမတန်ကြန်ဒဒက်တဴကဵုစိုတ် မဟွံမွဲကဵု ‘ဝိတက်’ ပွမချပ် မဟွံမွဲကဵု ‘ဝိစာရ’ ပွမဇွိတ်သပေါတ် မၞုံကဵု ‘ပဳတိ’ ပွမသ္ဍိုက်မၠိုက် ‘သုခ’ ပွမဒှ်တသိုခ် မကတဵုဒှ်ဟိုတ်နူ ‘သမာဓိ’ ပွမတန်ကြန်တုဲ ပဒတဴတုဲရ။

‘ပဳတိ’ ပွမသ္ဍိုက်မၠိုက်ဂှ်လေဝ် ဟိုတ်ပွမဟွံထၞေန်စပ်ဂှ်ရ ဍိုက်ပေင်ကဵု ‘သတိ’ ပွမဗှ်ဗၞုဟ် ‘သမ္ပဇည’ ပွမစင်ခြင်ဗ္စာရဏာဂှ်ဒှ်တုဲ သီုကဵုသ္ၚေဝ်မဇ္ၛဟ်ဂှ် ပဒတဴတုဲရ၊ ‘သုခ’ ပွမဒှ်တသိုခ်ဂှ်လေဝ် ဒုင်စသိုင်နကဵုဇကုတုဲရ၊ ယြဴဟိုတ်နူတတိယၛာန်မွဲ ညးဂှ် “ညးသ္ၚေဝ်မဇ္ၛဟ် ညးမၞုံကဵုသတိ ညးမၞုံအလေံပဒတဴဗွဲတသိုခ်” ရဴဝွံ ပူဂိုလ်အရဳဂမၠိုင် ဟီုသ္ဂးအိုတ်ရ၊ (အဲဂှ်) အာစိုပ်တတိယၛာန်ဂှ်တုဲ ပဒတဴတုဲရ။

ဟိုတ်ပွမပါဲကၠေံ တသိုခ်ဒဒိုခ်ကီု ဗွဲကိုပ်ကၠာဟေင် ဟိုတ်နူပွမမိပ်မြဟ် ပွမဟွံမိပ်စိုတ်ဂမၠိုင် ပၠိုတ်အာတုဲကီုဂှ်ရ အာစိုပ်စတုတ္ထၛာန် မၞုံကဵုသတိမသအးဇ္ၚး မကတဵုဒှ်ဟိုတ်နူ ဥပေက္ခာ ပွမသ္ၚေဝ်မဇ္ၛဟ် မဟွံမွဲကဵုဒဒိုခ်တသိုခ်တုဲ ပဒတဴရ။


၁၂) ရဴသာ်ဝွံ စိုတ်မတန်ကြန်ဂှ် သအးဇ္ၚးမ္ဂး ဗုဒ္စင်မ္ဂး ဟွံမွဲကဵုကၠိခ္ဍက်မ္ဂး စာ်စ္ဍးနူကၠိုက်လ္ၚေင်မ္ဂး ဍိုန်ညောန်မ္ဂး ဒုင်စရင်တၞဟ်နသ္ပမ္ဂး တန်တဴမ္ဂး အာစိုပ်ပွမဟွံချဳဇတဝ်မ္ဂး အဲ (ကျာ်) ဂှ် တၞဟ်နပုဗ္ဗေနိဝါသာနုဿတိဉာဏ် မဗှ်ဗၞုဟ်တီကေတ် ဘဝမကေင်ဒှ်ပ္ဍဲကိုပ်ကၠာမာန်ဂှ် ကဵုလၟောဝ်ဏာစိုတ်တူရူတုဲရ။

အဲ (ကျာ်) ဂှ် ဗှ်ဗၞုဟ်ဘဝမကေင်ဒှ် ပ္ဍဲကိုပ်ကၠာမဂၠိုင်ဂၠင်ရ၊ ဘဝမဂၠိုင်ဂၠင်ဂှ် ညးဍေံဂှ်ရော? မွဲဘဝကီု ၜါဘဝဂမၠိုင်ကီု ပိဘဝဂမၠိုင်ကီု ပန်ဘဝဂမၠိုင်ကီု မသုန်ဘဝဂမၠိုင်ကီု စှ်ဘဝဂမၠိုင်ကီု ၜါစှော်ဘဝဂမၠိုင်ကီု ပိစှော်ဘဝဂမၠိုင်ကီု ပန်စှော်ဘဝဂမၠိုင်ကီု မသုန်စှော်ဘဝဂမၠိုင်ကီု ကၠံဘဝဂမၠိုင်ကီု လ္ၚီဘဝကီု မွဲကိုဋ်ဘဝကီု ကပ်လီုဂမၠိုင်မဂၠိုင်ကီု ကပ်ဒှ်ဂမၠိုင်မဂၠိုင်ကီု ကပ်လီုကပ်ဒှ်ဂမၠိုင်မဂၠိုင်ကီု “ပ္ဍဲဘဝမၞုံယၟုဝွံ (အဲဂှ်) မၞုံကဵုယၟုမြဴသာ်ဝွံရ၊ မၞုံကဵုတၞောဝ်ဒတောဝ်မြဴသာ်ဝွံရ၊ မၞုံကဵုရုပ်သာ် မြဴသာ်ဝွံရ၊ မၞုံကဵုစၞ မြဴသာ်ဝွံရ၊ ဒုင်စသိုင်တသိုခ် ဒဒိုခ် မြဴသာ်ဝွံရ၊ မၞုံကဵုအပိုင်အခြာ အာယုက် မြဴသာ်ဝွံရ၊ အဲဂှ် စုတိချိုတ်နူဘဝဂှ်တုဲ ကလေင်ကတဵုဒှ် ပ္ဍဲဘဝမၞုံယၟုဝွံပၠန်ရ၊ ပ္ဍဲဘဝဂှ်လေဝ် မၞုံကဵုယၟုမြဴသာ်ဝွံရ၊ မၞုံကဵုတၞောဝ်ဒတောဝ် မြဴသာ်ဝွံရ၊ မၞုံကဵုရုပ်သာ်မြဴသာ်ဝွံရ၊ မၞုံကဵုစၞမြဴသာ်ဝွံရ၊ ဒုင်စသိုင်တသိုခ် ဒဒိုခ် မြဴသာ်ဝွံရ၊ မၞုံကဵုအပိုင်အခြာ အာယုက် မြဴသာ်ဝွံရ၊ အဲဂှ် စုတိချိုတ်နူဘဝဂှ်တုဲ ကလေင်ကတဵုဒှ် ပ္ဍဲဘဝပၠန်ရ” ရဴဝွံ ဗှ်ဗၞုဟ်ဘဝမကေင်ဒှ် ပ္ဍဲကိုပ်ကၠာမဂၠိုင်ဂၠင် မွဲဟာန်ကေုာံအကာဲအရာ မွဲဟာန်ကေုာံယၟုတၞောဝ်ဒတောဝ် မထေက်ကဵုစၞောန်ထ္ၜး ရဴသာ်ဝွံတုဲရ။

ယွံဗဗၞး ပ္ဍဲပဌမပယျာပ်ကိုပ်ကၠာဗတမ် အဲကလိဂွံ ‘ဝိဇ္ဇာ’ ဉာဏ်မတီ မဒှ်ပဌမ ဝွံတုဲရ၊ သီုဟွံဝိဝိင်ဟိုတ်မာဲ ပတိတ်ဇြဟတ်ဗွဲသကာတ်မြဟ် မၞုံကဵုစိုတ်မဂပ်ဝ်ဗလးဏာ (နိဗ္ဗာန်) ဂှ်ဒှ်တုဲ ကုညးမပဒတဴဂှ် ‘အဝိဇ္ဇာ’ ပွမဟွံတီကၠေံဗ္ဒန်အာတုဲ သၟဟ်ညံင်ရဴ ‘ဝိဇ္ဇာ’ ဉာဏ်မတီကတဵုဒှ်ကီု ‘အဝိဇ္ဇာ’ ပွမဟွံတီ ကၠေံဗ္ဒန်အာတုဲ ‘ဝိဇ္ဇာ’ ဉာဏ်မတီကတဵုဒှ်ကၠုင် (ကုအဲ) တုဲရ၊ ဒမၠုကၠေံဗ္ဒန်အာ တုဲ သၟဟ်ညံင်ရဴ လျးအရံင်ကတဵုဒှ်ကၠုင်ကီု ဒမၠုကၠေံဗ္ဒန်အာတုဲ လျးအရံင်ကတဵုဒှ်ကၠုင် (ကုအဲ) တုဲရ။

ယွံဗဗၞး ဣဝွံတုန် သၟဟ်ညံင်ရဴ ကောန်စာင်သၟတ်ဂှ် ဖံက်ဗကးက္ဍတ်ပါ်တိတ်ကၠုင် နူအပ္ဍဲခၞော်ခၟာဲကီု ဒှ်ပွမဖံက်ဗကးက္ဍတ်ပါ်တိတ်ကၠုင် (နူခၞော်ခၟာဲအဝိဇ္ဇာ) ပဌမ ဒဒက်တဴအဲရ။


၁၃) ရဴသာ်ဝွံ စိုတ်မတန်ကြန်ဂှ် သအးဇ္ၚးမ္ဂး ဗုဒ္စင်မ္ဂး ဟွံမွဲကဵုကၠိခ္ဍက်မ္ဂး စာ်စ္ဍးနူကၠိုက်လ္ၚေင်မ္ဂး ဍိုန်ညောန်မ္ဂး ဒုင်စရင်တၞဟ်နသ္ပမ္ဂး တန်တဴမ္ဂး အာစိုပ်ပွမဟွံချဳဇတဝ်မ္ဂး အဲ (ကျာ်) ဂှ် တၞဟ်နစုတူပပါတဉာဏ် မတီကေတ်သတ်ဂမၠိုင်ချိုတ်, ကတဵုဒှ် ကဵုလၟောဝ်ဏာစိုတ်တူရူတုဲရ။

အဲ (ကျာ်) ဂှ် နကဵုဒိဗ္ဗစက္ခုဉာဏ် မတုပ်ကေုာံမတ်ဒေဝတဴဂမၠိုင် မသအးဇ္ၚးဗွဲတၟေင်မလောန်လတူနူမတ်မၞိဟ်ဂမၠိုင်ဂှ် ညာတ်ကေတ်သတ်ဂမၠိုင်ဃောစုတိချိုတ် သတ်ဃောကတဵုဒှ် သတ်ယုတ်သတ်ပြဲ သတ်ရုပ်သာ်ကျေဝ် သတ်ရုပ်သာ်ဟွံကျေဝ် သတ်မၞုံကဵုလအာဂတိခိုဟ်ဆာဲ သတ်မၞုံကဵုလအာဂတိ ဟွံခိုဟ်ဆာဲရ၊ တီကေတ်သတ်ဂမၠိုင်မကတဵုဒှ် ဗွဲမဗဗွဲကဵုကမ်ရ၊ “ယွံသကအ်တအ် သတ်ဂမၠိုင်ဝွံ ဍိုက်ပေင်တဴကေုာံ ‘ကာယဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကဵုကာယအိုတ်ရ၊ ဍိုက်ပေင်တဴကေုာံ ‘ဝစဳဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကဵုပါင်အိုတ်ရ၊ ဍိုက်ပေင်တဴကေုာံ ‘မနောဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကဵုစိုတ်အိုတ်ရ၊ စောတ်စောဲတဴ အရဳဂမၠိုင်အိုတ်ရ၊ မၞုံကဵုကွေတ်မှာရာအိုတ်ရ၊ မၞုံကဵုကမ်မသ္ပနကဵုကွေတ်မှာရာအိုတ်ရ၊ သတ်ဂမၠိုင်ဂှ် ခန္ဓဇကုလီုလာ်တုဲ ပ္ဍဲကြဴနူမချိုတ်တုဲဂှ် ကတဵုဒှ်ပ္ဍဲနရက် မဟွံမွဲကဵုတသိုခ် မဒှ်လအာဂတိ ဟွံခိုဟ်ဆာဲ ဒှ်ဒၞာဲအရာဒတုဲစှေ် ပြးဆာဲအိုတ်ရ။ ယွံသကအ်တအ် သတ်ဂမၠိုင်ဝွံတုန် ဍိုက်ပေင်တဴကေုာံ ‘ကာယသုစရိုတ်’ ဒ္ဂေတ်ခိုဟ်ဆာဲ မသ္ပနကဵုကာယအိုတ်ရ၊ ဍိုက်ပေင်တဴကေုာံ ‘ဝစဳသုစရိုတ်’ ဒ္ဂေတ်ခိုဟ်ဆာဲ မသ္ပနကဵုပါင်အိုတ်ရ၊ ဍိုက်ပေင်တဴကေုာံ ‘မနောသုစရိုတ်’ ဒ္ဂေတ်ခိုဟ်ဆာဲ မသ္ပနကဵုစိုတ်အိုတ်ရ၊ စာ်စ္ဍးနူပွမစောတ်စောဲအရဳဂမၠိုင်အိုတ်ရ၊ မၞုံကဵုကွေတ် ဍာံစၟတ်အိုတ်ရ၊ မၞုံကဵုကမ်မသ္ပနကဵုကွေတ် ဍာံစၟတ်အိုတ်ရ၊ သတ်ဂမၠိုင်ဂှ် ခန္ဓဇကုလီုလာ်တုဲ ပ္ဍဲကြဴနူမချိုတ်ဂှ် ကတဵုဒှ်ပ္ဍဲသုဂတိ ဍုင်မၞိဟ် ဍုင်သွဝ် မဒှ်လအာဂတိခိုဟ်ဆာဲအိုတ်ရ” ရဴဝွံ တီတဴရ။ ရဴသာ်ဝွံ နကဵုဒိဗ္ဗစက္ခုဉာဏ် မတုပ်ကေုာံမတ်ဒိပ် ဒေဝတဴဂမၠိုင် မသအးဇ္ၚးဗွဲတၟေင် မလောန်လတူနူမတ်မၞိဟ်ဂမၠိုင်ဂှ် ညာတ်ကေတ်သတ်ဂမၠိုင် ဃောစုတိချိုတ် သတ်ဃောကတဵုဒှ် သတ်ယုတ် သတ်ပြဲ သတ်ရုပ်သာ်ကျေဝ် သတ်ရုပ်သာ်ဟွံကျေဝ် သတ်မၞုံကဵုလအာဂတိခိုဟ်ဆာဲ သတ်မၞုံကဵုလအာဂတိ ဟွံခိုဟ်ဆာဲရ၊ တီကေတ်သတ်ဂမၠိုင် မကတဵုဒှ်ဗွဲမဗွဲ ကဵုကမ်ရ။ ယွံဗဗၞး ပ္ဍဲမဇ္ၛိမပယျာမ်သ္ဂာဗ္တမ် အဲကလိဂွံ ‘ဝိဇ္ဇာ’ ဉာဏ်မတီ မဒှ်ဒုတိယဝွံတုဲရ၊ သီုဟွံဝိဝိင်ဟိုတ်မာဲ ပတိတ်ဇြဟတ်သကာတ်မြဟ် မၞုံကဵုစိုပ် မဂပ်ဝ်ဗလးဏာ (နိဗ္ဗာန်) ဂှ်ဒှ်တုဲ ကုညးမပဒတဴဂှ် ‘အဝိဇ္ဇာ’ ပွမဟွံတီ ကၠေံဗ္ဒန်အာတုဲ သၟဟ်ညံင်ရဴ ‘ဝိဇ္ဇာ’ ဉာဏ်မတီကတဵုဒှ်ကီု ‘အဝိဇ္ဇာ’ ပွမဟွံတီကၠေံဗ္ဒန်အာတုဲ ‘ဝိဇ္ဇာ’ ဉာဏ်မတီကတဵုဒှ်ကၠုင် (ကုအဲ) တုဲရ၊ ဒမၠုကၠေံဗ္ဒန်အာတုဲ သၟဟ်ညံင်ရဴ လျးအရံင်ကတဵုဒှ်ကၠုင်ကီု ဒမၠုကၠေံဗ္ဒန်အာတုဲ လျးအရံင်ကတဵုဒှ်ကၠုင် (ကုအဲ) တုဲရ။

ယွံဗဗၞး ဣဝွံတုန် သၟဟ်ညံင်ရဴကောန်စာင်သၟတ်ဂှ် ဖံက်ဗကးက္ဍတ်ပါ်တိတ်ကၠုင်နူ အပ္ဍဲခၞော်ခၟာဲကီု ဒှ်ပွမဖံက်ဗကးက္ဍတ်ပါ်တိတ်ကၠုင် (နူခၞော်ခၟာဲအဝိဇ္ဇာ) ဒုတိယ ဒဒက်တဴအဲရ။


၁၄) ရဴသာ်ဝွံ စိုတ်မတန်ကြန်ဂှ် သအးဇ္ၚးမ္ဂး ဗုဒ္စင်ဗ္ၜင်မ္ဂး ဟွံမွဲကဵုကၠိခ္ဍက်မ္ဂး စာ်စ္ဍးနူကၠိုက်လ္ၚေင်မ္ဂး ဍိုန်ညောန်မ္ဂး ဒုင်စရင်တၞဟ်နသ္ပမ္ဂး တန်တဴမ္ဂး အာစိုပ်ပွမဟွံချဳဇတဝ်မ္ဂး အဲ (ကျာ်) ဂှ် တၞဟ်နအာသဝက္ခယဉာဏ် မကဵုဓရ်အာသဝဂမၠိုင်အိုတ်အာဂှ် ကဵုလၟောဝ်ဏာစိုတ်တူရူတုဲရ။ အဲဂှ် “ဣဝွံဂှ် ဒုက္ခဒဒိုခ်ရ” ရဴဝွံ တီကေတ် အတိုင်မဍာံစၟတ်တုဲရ၊ “ဣဝွံဂှ် ဒုက္ခသမုဒယ ဟိုတ်ဒဒိုခ်ကတဵုဒှ်ရ” ရဴဝွံ တီကေတ် အတိုင်မဍာံစၟတ်တုဲရ၊ “ဣဝွံဂှ် ဒုက္ခနိရောဓ နိဗ္ဗာန် ဒှ်အရာဒဒိုခ်ပၠိုတ်ရ” ရဴဝွံ တီကေတ် အတိုင်မဍာံစၟတ်တုဲရ၊ “ဣဝွံဂှ် ဒုက္ခနိရောဓ ဂါမိနဳပဋိပဒါ ဒ္ဂေတ်ဒှ်ဟိုတ်အာစိုပ်နိဗ္ဗာန် ဒှ်အရာဒဒိုခ်ပၠိုတ်ရ” ရဴဝွံ တီကေတ် အတိုင်မဍာံစၟတ်တုဲရ၊ “ဣဝွံတအ်ဂှ် အာသဝ ပွမဇွောဝ်ဂမၠိုင်ရ” ရဴဝွံ တီကေတ် အတိုင်မဍာံစၟတ်တုဲရ၊ “ဣဝွံဂှ် အာသဝသမုဒယ ဟိုတ်အာသဝ ပွမဇွောဝ်ဂမၠိုင်ရ” ရဴဝွံ တီကေတ် အတိုင်မဍာံစၟတ်တုဲရ၊ “ဣဝွံဂှ် အာသဝသမုဒယ ဟိုတ်အာသဝ ပွမဇွောဝ်ဂမၠိုင် ကတဵုဒှ်ရ” ရဴဝွံ တီကေတ်အတိုင်မဍာံစၟတ်တုဲရ၊ “ဣဝွံဂှ် အာသဝနိရောဓ နိဗ္ဗာန်ဒှ်အရာအာသဝ ပွမဇွောဝ်ဂမၠိုင်ပၠိုတ်ရ” ရဴဝွံ တီကေတ်အတိုင် မဍာံစၟတ်တုဲရ၊ “ဣဝွံဂှ် အာသဝနိရောဓဂါမိနဳပဋိပဒါ ဒ္ဂေတ်ဒှ်ဟိုတ်အာစိုပ်နိဗ္ဗာန် ဒှ်အရာအာသဝဂမၠိုင်ပၠိုတ်ရ” ရဴဝွံ တီကေတ်အတိုင်မဍာံစၟတ်တုဲရ၊ တီကေတ်မြဴသာ်ဝွံမ္ဂး ညာတ်ကေတ်မြဴသာ်ဝွံမ္ဂး စိုတ်အဲ (ကျာ်) ဂှ် နူကာမာသဝလေဝ် တိတ်ဗၠးတုဲရ၊ နူဘဝါသဝလေဝ် တိတ်ဗၠးတုဲရ၊ နူအဝိဇ္ဇာသဝလေဝ် တိတ်ဗၠးတုဲရ၊ တိတ်ဗၠးတုဲမ္ဂး “တိတ်ဗၠးအာတုဲရ” ရဴဝွံ လညာတ်ဉာဏ်ကတဵုဒှ်မံက်ကၠုင်ရ၊ “ပွမတန်ပဋိသန္ဓိ အိုတ်အာတုဲရ၊ ဒ္ဂေတ်လ္ၚတ်တဴ ဒ္ဂေတ်မပြဲတုဲရ၊ ပတုဲကၠေံကိစ္စမဂ်တုဲရ၊ တၞဟ်နကိစ္စမဂ်ဝွံ ကမၠောန်ထေက်ကဵုဒးသ္ပမွဲသအာင် ဟွံမွဲတုဲရ” ရဴဝွံ တီကၠုင်တုဲရ။

ယွံဗဗၞး ပ္ဍဲမစ္ဆိမပယျာမ်ဖလာင်ဂယး အဲကလိဂွံ ‘ဝိဇ္ဇာ’ ဉာဏ်မတီ မဒှ်တတိယဝွံတုဲရ၊ သီုဟွံဝိဝိင်ဟိုတ်မာဲ ပတိတ်ဇြဟတ်ဗွဲသကာတ်မြဟ် မၞုံကဵုစိုတ် မဂပ်ဝ်ဗလးဏာ (နိဗ္ဗာန်) ဂှ်ဒှ်တုဲ ကုညးမပဒတဴဂှ် ‘အဝိဇ္ဇာ’ ပွမဟွံတီ ကၠေံဗ္ဒန်အာတုဲ သၟဟ်ညံင်ရဴ ‘ဝိဇ္ဇာ’ ဉာဏ်မတီကတဵုဒှ်ကီု ‘အဝိဇ္ဇာ’ ပွမဟွံတီ ကၠေံဗ္ဒန်အာတုဲ ‘ဝိဇ္ဇာ’ ဉာဏ်မတီ ကတဵုဒှ်ကၠုင် (ကုအဲ) တုဲရ၊ ဒမၠုကၠေံဗ္ဒန်အာတုဲ သၟဟ်ညံင်ရဴ လျးအရံင်ကတဵုဒှ်ကၠုင်ကီု ဒမၠုကၠေံဗ္ဒန်အာတုဲ လျးအရံင် ကတဵုဒှ်ကၠုင် (ကုအဲ) တုဲရ။

ယွံဗဗၞး ဣဝွံတုန် သၟဟ်ညံင်ရဴကောန်စာင်သၟဟ်ဂှ် ဖံက်ဗကးက္ဍတ်ပါ်တိတ်ကၠုင်နူ အပ္ဍဲခၞော်ခၟာဲကီု ဒှ်ပွမဖံက်ဗကးက္ဍတ်ပါ်တိတ်ကၠုင် (နူခၞော်ခၟာဲအဝိဇ္ဇာ) တတိယ ဒဒက်တဴအဲရ။


၁၅) သ္ဂးတဴရဴဝွံမ္ဂး ဗဗၞးဝေရဉ္ဇာဂှ်— “တြနာဲဂေါတမဂှ် ဒှ်ဇၞော်အိုတ်ရ၊ တြနာဲဂေါတမဂှ် ဒှ်ပြဲအိုတ်ရ၊ ယွံတြနာဲဂေါတမ (ဓရ်ဂှ်) ထေက်ကဵုသ္ဍိုက်မၠိုက်လောန်ရ၊ ယွံတြနာဲဂေါတမ (ဓရ်ဂှ်) ထေက်ကဵုသ္ဍိုက်မၠိုက်လောန်ရ၊ ယွံတြနာဲဂေါတမ ဗွဲဥပမာမ္ဂးတုန် ဝတ္ထုဗကပ်စွံလဝ်ဂှ် သၟဟ်ညံင်ရဴဂတးလ္ၚာကဵုကီု ဝတ္ထုဂြောပ်ဗ္ဒန်လဝ်ဂှ် သၟဟ်ညံင်ရဴပံက်ထ္ၜးကဵုကီု ကုညးမတ်ဂေတ်တၠိင်ဂၠံင်ဂှ် သၟဟ်ညံင်ရဴဟီုလဴကဵု ဂၠံင်ဍာန်ဍာံစၟတ်ကီု “ညးမၞုံကဵုမတ်မညာတ်ဂမၠိုင်ဂှ် ကြက်ဂွံညာတ်ကေတ် ရုပ်သာ်ဂမၠိုင်အိုတ်ရ” ရဴဝွံ ပ္ဍဲတိုက်ဒမၠုဂှ် သၟဟ်ညံင်ရဴစံင်ဗဂဵုကဵုပၟတ်ကၠေင်သ္ဍဴကီု တုပ်သၟဟ်သာ်ဝွံဟေင်ရ တြနာဲဂေါတမဂှ် နကဵုဟိုတ်ဗွဲမဂၠိုင် တွံထ္ၜးကဵုဓရ်ရ၊ ယွံတြနာဲဂေါတမ အဲဍိက်ဂှ် ပြာပ်ခသ္ပစ္ၜုဲစ္ၜော်ကဵု တြနာဲဂေါတမရ၊ ဓရ်ဂှ်လေဝ် ပြာပ်ခသ္ပစ္ၜုဲစ္ၜော်ရ၊ သင်ဂှ်လေဝ် ပြာပ်ခသ္ပစ္ၜုဲစ္ၜော်ရ၊ တြဲနာဲဂေါတမ သ္ပတမ်နူတ္ၚဲဝွံတုဲ စဵုကဵုလအိတ်လမျီု အဲဍိက်ဂှ် ဥပးပြာပ်ခသ္ပစ္ၜုဲစ္ၜော် ရဴဝွံ ဩဝ်ဂိုင်သမ္တီလဝ်ညိ၊ တြနာဲဂေါတမမွဲဟာန်ကေုာံ ခမဳသင်ပွမလုပ်ဒဂိုန် ပ္ဍဲဍုင်ဝေရဉ္ဇာလေဝ် ဩဝ်ဒုင်တဲညိ” ရဴဝွံ ဂရင်ပတီ တဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲ နမဒၟံင်သ္ၚိတ်သ္ၚိတ်ဂှ် ဒုင်တဲ (သွက်ဂွံပြာပ်လုပ်ဒဂိုန်) ရ၊ ပ္ဍဲအခိင်ဂှ် ဗဗၞးဝေရဉ္ဇ တီကေတ် တဳလမၞုံပိုဉ်ကျာ်တြဲ ဒုင်တဲတုဲ ဒၠိုက်ကတဵုနူဒၞာဲ လ္ၚောဝ်သ္ပဝတ်တဳလမၞုံပိုဉ်ကျာ်တြဲတုဲ သ္ပရှေ်သှေ်ရဴဂဴတုဲမ္ဂး ပါဲစ္ဍးအာရ။


(⎈ ပ္ဍဲဍုင်ဝေရဉ္ဇာ ကတဵုဒှ်ဘဲကၞောဝ်)

၁၆) ပ္ဍဲအဃောအခိင်ဂှ် ဍုင်ဝေရဉ္ဇာ စၞစသုင်ဝါတ်ခါဲရ၊ (ကတဵုဒှ်ကၞောဝ်ရ)၊ သွက်ဂွံဂယိုင်လမျီုဝါတ်ဂါတ်ရ၊ မၞုံကဵုဇုတ်ဗုၜတ်ရ၊ သ္ဒးဂယိုင်လမျီု နကဵုဇြေဟ်လိက်မာဲရ၊ မိန်ထ္ၜကေတ်ဗဗေင်ပ္ဍဲတဲတုဲ နပွမဂ္ၚေင်ပိဏ္ဍပါတ် သွက်ဂွံယိုပ်ယာပ် ဟွံလောဲသွာရ။

ပ္ဍဲအခိင်ဂှ် ညးဗၞိက်ချေံ ကောန်ညးဥတ္တရာပထရးဂမၠိုင် မွဲဟာန်ကေုာံချေံဂမၠိုင်မသုန်ကၠံဂှ် ဒီုဗြဲ ပ္ဍဲဍုင်ဝေရဉ္ဇာအိုတ်ရ၊ ညးဗၞိက်ချေံဂမၠိုင်ဂှ် ပ္ဍဲရုင်ချေံဂမၠိုင် ပတန်လဝ်ဝတ် ဇွောံမသ္ၚယဴ မွဲမွဲတၠတ်ဇဳ ကုခမဳဂမၠိုင်အိုတ်ရ။ ခမဳဂမၠိုင် ပ္ဍဲအခိင်နူဂယး ရုင်လတက်ပဠေဝ် (သ္ၚာ) တုဲ သီုမဂိုင်ထ္ၜကေတ် ဗဗေင်သ္ၚာ လုပ်ဂ္ၚေင်ပိဏ္ဍပါတ် ပ္ဍဲဍုင်ဝေရဉ္ဇာတုဲ ဟွံကလိဂွံ ပိဏ္ဍပါတ်အိုတ်မ္ဂး သွက်ပိဏ္ဍပါတ် ဂေတ်ဂ္ၚေင်ပ္ဍဲရုင်ချေံဂမၠိုင်တုဲ ရင်တၠုင်ကေတ်နင် ဇွောံမသ္ၚုယဴ မွဲမွဲတၠတ်ဇဳ အပ္ဍဲအာရှာမ်အိုတ်တုဲမ္ဂး ထၞက်ပ္ဍဲထအဳတုဲ ထၞက်တုဲ သ္ပပြဘိုဂ်အိုတ်ရ။

တဳလပိုဉ်အာနန္ဒတုန် ပိုဟ်ဖ္ဍိုတ်ဇွောံမသ္ၚုယဴမွဲတၠတ်ဂှ် ပ္ဍဲလတူတၟံလးတုဲမ္ဂး ဗဂိန်ကဵုကုတဳလမၞုံပိုဉ်ကျာ်တြဲရ၊ တဳလမၞုံပိုဉ်ကျာ်တြဲ သ္ပပြဘိုဂ်ဝိုဟ်သ္ၚုယဴဂှ်ရ။

တဳလမၞုံပိုဉ်ကျာ်တြဲ သ္ဂောံမိင်ကေတ်ဗရုရမျာင်ထအဳရ၊ ကျာ်တြဲဂမၠိုင် သီုတီတဴလေဝ် သၟာန်သၟုက်အိုတ်ရ၊ သီုမတီတဴလေဝ် ဟွံသၟာန်သၟုက်အိုတ်ရ။ တီအခိင်အခါတုဲ သၟာန်သၟုက်အိုတ်ရ၊ တီအခိင်အခါတုဲ ဟွံသၟာန်သၟုက်အိုတ်ရ။ ကျာ်တြဲဂမၠိုင် သၟာန်သၟုက်တဴ စပ်ကဵုဒတုဲဖဵုအိုတ်ရ၊ ဟွံစပ်ကဵုဒတုဲဖဵုဂှ် ဟွံသၟာန်သၟုက်အိုတ်ရ။ ကျာ်တြဲဂမၠိုင် ပါဲကၠေံ မဟွံစပ်ကဵုဒတုဲဖဵုဂမၠိုင် နကဵုမဂ်အိုတ်ရ။ နကဵုဟိုတ်ဂမၠိုင်ၜါပြကာမတွံဂး “ဓရ်ဂှ်လေဝ် ကြက်တွံအိုတ်ရ၊ သိက္ခာပိုဒ်ဂှ်လေဝ် ကြက်ပညပ်တဴ ကုကွးဂမၠိုင်အိုတ်ရ” ဂှ် ကျာ်တြဲမပတၠပိုဉ်တြဴပြကာဂမၠိုင် သၟာန်သၟုက်တဴခမဳဂမၠိုင်အိုတ်ရ။

ပ္ဍဲအခိင်ဂှ် တဳလမၞုံပိုဉ်ကျာ်တြဲဂှ် “ယွံအာနန္ဒ ဗရုရမျာင်ထအဳဂှ် ဗရုရမျာင်မသ္ပမုမွဲဂှ်ရော?” ရဴဝွံ သၟာန်သၟုက်တဴ တဳလပိုဉ်အာနန္ဒရ၊ ပ္ဍဲအခိင်ဂှ် တဳလပိုဉ်အာနနဒ ဂရင်ပတီ ကုတဳလမၞုံပိုဉ်ကျာ်တြဲ ဟိုတ်ပရူပရာဝွံရ။

“ယွံအာနန္ဒ ခိုဟ်သန်ရ၊ ခိုဟ်သန်ရ၊ မၞးတအ်ညးဂမၠိုင် မဒှ်ညးသပ္ပုရိုဟ်ခိုဟ်ပြဲအံင်ဇၞးတဴ (ပွမစၞစသုင်ဝါတ်ခါဲ၊ ပွမနွံပၟိက်၊ ပွမဗက်အလိုက်ပၟိက် ယုတ်ပြေအ်) အိုတ်ရ၊ ကောန်ဗွဲကြဴ စဴဗွဲဂတတုန် ပုင်သ္ၚုသာလဳမနှဴရဴကေုာံဖျိုန်လေဝ် ကြက်ဗ္ဒေက်ဖျဝ်ထေင်သဝ်တဴရ” ရဴဝွံ (သ္ဂးရ)။


၁၇) ပ္ဍဲအခိင်ဂှ် တဳလပိုဉ်မဟာမောဂ္ဂလာန် ပ္ၚောံပြာပ်အာဇရေင် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တဳလမၞုံပိုဉ်ကျာ်တြဲ ဗွဲမရှေ်သှေ်ရဴဂဴတုဲ ဂဇအ်ကေတ်ပ္ဍဲဒၞာဲမွဲတုဲမ္ဂး—

“ယွံကျာ်မၞုံပိုဉ် ပ္ဍဲအခိင်လၟုဟ် ဍုင်ဝေရဉ္ဇာ စၞစသုင်ဝါတ်ခါဲရ၊ (ကတဵုဒှ်ကၞောဝ်ရ)၊ သွက်ဂွံဂယိုင်လမျီုဝါတ်ဂါတ်ရ၊ မၞုံကဵုဇုတ်ဗုတၜတ်ရ၊ သ္ဒးဂယိုင်လမျီု နကဵုဇြေဟ်လိက်မာဲရ၊ မိန်ထ္ၜကေတ်ဗဗေင်ပ္ဍဲတဲတုဲ နပွမဂေတ်ဂ္ၚေင်ပိဏ္ဍပါတ် သွက်ဂွံယိုပ်ယာပ် ဟွံလောဲသွာရ။ ယွံကျာ်မၞုံပိုဉ် ဒၠးသၟဝ်တိဇၞော်ဝွံ သၟဟ်ညံင်ရဴဍာ်သာဲ မဟွံမွဲကဵုကောန်သာဲ ခၟာဲသာဲကီု ဍာတ်ကြောအ်ခိုဟ်တုဲ မၞုံကဵုအရာသာယျေန်ရ၊ ယွံကျာ်မၞုံပိုဉ် အာတ်ပါန်အခေါင်ရ၊ အဲဍိက်သၟိက်မိက်ဂတးကၠေံတိဇၞော်ရ၊ ခမဳဂမၠိုင် ကြက်သ္ဂောံပြဘိုဂ် ကၠေင်ဇၜိုတ်တိ ကွပ်တိ ရှ်သြဇတိ မၞုံဒၠးသၟဝ်အိုတ်ရ” ရဴဝွံ ဂရင်ပတီ တဳလမၞုံပိုဉ်ကျာ်တြဲရ။

ယွံမောဂ္ဂလာန် သတ်မနိဿယ်ဗ္ဒာဲဒၟံင်ကဵုတိဇၞော်ဂမၠိုင်ဂှ် ပသာ်ကြက်သ္ပဂှ်ရော? ရဴဝွံ (သၟာန်ရ)။ ယွံကျာ်မၞုံပိုဉ် တဲမွဲလ္ပာ်ဂှ် အဲဍိက်နိမိတ်ဗဒှ် သၟဟ်ညံင်တိဇၞော်ရ၊ သတ်မနိဿယ် ဗ္ဒာဲဒၟံင်ကဵုတိဇၞော်ဂမၠိုင်ဂှ် ပြံင်ဖျုဲစွံပ္ဍဲ (လတူတဲ မနိမိတ်ဗဒှ်လဝ် သၟဟ်ညံင်တိဇၞော်) ဂှ်ရ၊ နကဵု တဲမွဲလ္ပာ်ဂှ် ဂတးကၠေံတိဇၞော်ရ ရဴဝွံ (ဂရင်ပတီရ)။

ယွံမောဂ္ဂလာန် ဟွံဗဗွဲရ၊ သွက်သ္ဂောံဂတးကၠေံ တိဇၞော်ဂှ် တၠအဲ လ္ပသ္ဍိုက်မၠိုက် (လ္ပနွံပၟိက်) ညိ၊ သတ်ဂမၠိုင်လေဝ် အာစိုပ်ပွမသမ္တီထေင်ကေတ် ပၠန်ဂတးမှာယောင်အိုတ်ရ ရဴဝွံ (သ္ဂးရ) ။ ယွံကျာ်မၞုံပိုဉ် အာတ်ပါန်အခေါင်ရ၊ ကဵုခမဳသင်အိုတ်သီု က္ညအာဂ္ၚေင်ဒုင်ပိဏ္ဍပါတ် တကအ်သၟဝ်ကျာညိ ရဴဝွံ (ဂရင်ပတီရ)။ ယွံမောဂ္ဂလာန် ဟွံဗဗွဲရ၊ ပွမက္ညအာဂ္ၚေင်ဒုင်ပိဏ္ဍပါတ် တကအ်သၟဝ်ကျာ် ခမဳသင်အိုတ်သီုဂှ် တၠအဲ လ္ပသ္ဍိုက်မၠိုက် (လ္ပနွံပၟိက်) ညိ ရဴဝွံ (သ္ဂးရ)။


၁၈) ပ္ဍဲအခိင်ဂှ် ကုတဳလပိုဉ်သာရိပိုတ် ပြာပ်အာဌာန်သ္ၚိတ်ဇြတုဲ ဃောသ္ပဒတဴဒၟံင်ညးမွဲဓဝ်ဂှ်— “သာသနာ မုရဴတဳလမၞုံပိုဉ်ကျာ်တြဲဂမၠိုင် မပတၠပိုဉ်တြဴပြကာမွဲ ဟွံတန်တဴဗွဲမလအ်ကာဖာဂှ်ရော? သာသနာ မုရဴတဳလမၞုံပိုဉ်ကျာ်တြဲဂမၠိုင် မပတၠပိုဉ်တြဴပြကာမွဲ တန်တဴဗွဲမလအ်ကာဖာဂှ်ရော?” ရဴဝွံ ကသပ်စိုတ် ကတဵုဒှ်ကၠုင်ရ။

ပ္ဍဲအခိင်ဂှ် တဳလပိုဉ်သာရိပိုတ် ပ္ဍဲအခိင်ပယျာံသဝ်တ္ၚဲ ဒၠိုက်ကတဵုနူဒၞာဲ မပဒတဴဒၟံင်ညးမွဲဓဝ်တုဲ ပ္ၚောံပြာဇရေင် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲ ဗွဲမရှေ်သှေ်ရဴဂဴတုဲ ဂဇအ်ကေတ်ပ္ဍဲဒၞါဲမွဲတုဲမ္ဂး-

“ယွံကျာ်မၞုံပိုဉ် ပြာပ်အာဌာန်လ္ၚုသ္ၚိတ်ဇြတုဲ ဃောသ္ပဒတဴဒၟံင်ညးမွဲဓဝ်ဂှ် သာသနာမုရဴတဳလမၞုံပိုဉ်ကျာ်တြဲဂမၠိုင် မပတၠပိုဉ်တြဲပြကာမွဲ ဟွံတန်တဴ ဗွဲမလအ်ကာဖာဂှ်ရော? သာသနာ မုရဴတဳလမၞုံပိုဉ်ကျာ်တြဲဂမၠိုင် မပတၠပိုဉ်တြဴပြကာမွဲ တန်တဴဗွဲမလအ်လကာဖာဂှ်ရော? ရဴဝွံ ကသပ်စိုတ် ကတဵုဒှ်ကၠုင် ကုအဲဍိက်ရ။ ယွံကျာ်မၞုံပိုဉ် သာသနာ မုရဴတဳလမၞုံပိုဉ်ကျာ်တြဲဂမၠိုင် မပတၠပိုဉ်တြဴပြကာမွဲ ဟွံတန်တဴဗွဲမလအ်လကာဖာဂှ်ရော? သာသနာမုရဴတဳလမၞုံပိုဉ်ကျာ်တြဲဂမၠိုင် မပတၠပိုဉ်တြဴပြကာမွဲ တန်တဴဗွဲမလအ်လကာဖာဂှ်ရော?” ရဴဝွံ ဂရင်ပတီ တဳလမၞုံပိုဉ်ကျာ်တြဲရ။ ယွံသာရိပိုတ် သာသနာ တဳလမၞုံပိုဉ်ကျာ်တြဲဝိပဿဳကီု တဳလမၞုံပိုဉ်ကျာ်တြဲသိခဳကီု တဳလမၞုံပိုဉ်ကျာ်တြဲဝေဿဘူကီုဂှ် ဟွံတန်တဴ ဗွဲမလအ်လကာဖာရ၊ ယွံသာရိပိုတ် သာသနာ တဳလမၞုံပိုဉ်ကျာ်တြဲကကုသန်ကီု တဳလမၞုံပိုဉ်ကျာ်တြဲကေဏာဂီုကီု တဳလမၞုံပိုဉ်ကျာ်တြဲကဿပကီုဂှ် တန်တဴဗွဲမလအ်ကာဖာရ ရဴဝွံ (သ္ဂးရ)။


၁၉) ယွံကျာ်မၞုံပိုဉ် ဟိုတ်သာသနာ ဟိုတ်သာသနာတဳလမၞုံပိုဉ်ကျာ်တြဲဝိပဿဳကီု တဳလမၞုံပိုဉ်ကျာ်ကျာ်သိခဳကီု တဳလမၞုံပိုဉ်ကျာ်တြဲဝေဿဘူကီု ဟွံတန်တဴဗွဲမလအ်လကာဖာတုန် ညးဍေံရော? အထံက်အပင်တုန် ညးဍေံရော? ရဴဝွံ (ဂရင်ပတီရ)။ ယွံသာရိပိုတ် တဳလမၞုံပိုဉ်ကျာ်တြဲဝိပဿသဳကီု တဳမၞုံပိုဉ်ကျာ်တြဲသိခဳကီု တဳလမၞုံပိုဉ်ကျာ်တြဲဝေဿဘူကီု သွက်သ္ဂောံတွံကဵုဓရ် ကုကွးဂမၠိုင်ဗွဲတြးဂှ် ဟွံသ္ပပတိတ်လွဳအိုတ်ရ။ သုတ်ဂေယျဗျာကရိုဏ် ဂါထာဥဒါန် ဣတိဝုတ် ဇာတ် အဗ္ဘုတဓမ္မ ဝေဒလ္လဂမၠိုင်ဒဒက်တဴ တဳလမၞုံပိုဉ်ကျာ်တြဲဂမၠိုင်ဂှ် ဒှ်ဗၞတ်ညိနာင်ဟေင်အိုတ်ရ၊ ဟွံပညပ်တဴ သိက္ခာပိုဒ် ကုကွးဂမၠိုင်အိုတ်ရ၊ ဟွံစၞောန်ထ္ၜး (အာဏာ) ပါတိမုက်ရ။ ပ္ဍဲအခိင်တဳလမၞုံပိုဉ်ကျာ်တြဲဂမၠိုင် မပတၠပိုဉ်တြဴပြကာဂှ် (သ္ပပရိနိဗ္ဗာန်ပၠန်) ကၠေံဗ္ဒန်အာဂှ်ကီု ပ္ဍဲအခိင်ကွးဂမၠိုင် ဒ္ဂေတ်ပတုပ်ဗက် တဳလမၞုံပိုဉ်ကျာ်တြဲဂမၠိုင်တုဲ မဂြင်တီကေတ် သစ္စပန်ဂှ် (သ္ပပရိနိဗ္ဗာန်ပၠန်) ကၠေံဗ္ဒန်အာဂှ်ကီု ကောန်ကွးဗွဲကြဴ စဴဗွဲဂတဂမၠိုင် မသ္ပခမဳနူဂကူဂမၠိုင် မၞုံကဵုယၟုတၞောဝ်ဇာတ်တၞဟ်တၞဟ်ဂှ် ကဵုသာသနာဂှ် ကၠေံဗ္ဒန်အာဗွဲမပြဟ်အိုတ်ရ။ ယွံသာရိပိုတ် ပ္ကဴဂမၠိုင်တၞဟ်တၞဟ် မပတိုန်စွံလဝ် ပ္ဍဲလတူကတဵုသတှေ် သီုဟွံကၞောတ်ဇန်လဝ်နဇုက်တောဝ်ဂှ် ဟိုတ်ဟွံကၞောတ်ဇန်လဝ် နဇုက်တောဝ်ဂှ်ရ သၟဟ်ညံင်ရဴကျာဗ္စာဲဗ္ဒာဲပြးပဆာဲ ပိုင်လွိင်ဓဂိုဟ်သွဝ် ပလီုပလာ်ထောံကီု တုပ်ပမာသာ်ဝွံဟေင် ပ္ဍဲအခိင်တဳလမၞုံပိုဉ်ကျာ်တြဲဂမၠိုင် မပတၠပိုဉ်တြဴပြကာဂှ် (သ္ပပရိနိဗ္ဗာန်) ကၠေံဗ္ဒန်အာဂှ်ကီု ပ္ဍဲအခိင်ကွးဂမၠိုင် ဒ္ဂေတ်ပတုပ်ဗက် တဳလမၞုံပိုဉ်ကျာ်တြဲဂမၠိုင်တုဲ မဂြင်တီကေတ် သစ္စပန်ဂှ် (သ္ပပရိနိဗ္ဗာန်ပၠန်) ကၠေံဗ္ဒန်အာဂှ်ကီု ကောန်ကွးဗွဲကြဴ စဴဗွဲဂတဂမၠိုင် မသ္ပခမဳနူဂကူဂမၠိုင် မၞုံကဵုယၟုတၞောဝ်ဇာတ်တၞဟ်တၞဟ်ဂှ် ကဵုသာသနာဂှ် ကၠေံဗ္ဒန်အာဗွဲမပြဟ်အိုတ်ရ။

တဳလမၞုံပိုဉ်ကျာ်တြဲဂမၠိုင် (ပိဇကု) မပတၠပိုဉ်တြဴပြကာဂှ် တီကေတ်ကသပ်စိုတ်ကွးဂမၠိုင် နကဵုစိုတ်ဇကုတုဲ သ္ပပတိတ်လွဳ သွက်သ္ဂောံဒၠောံဗတောန်အိုတ်ရ။

ယွံသာရိပိုတ် ကေင်ဒှ်ကၠုင်ပ္ဍဲကိုပ်ကၠာတေံတုန် တဳလမၞုံပိုဉ်ကျာ်တြဲဝေဿဘူ မထေက်ဒုင်ပူဇဴတၟေင် မဂြင်တီကေတ် (ဓရ်ဂမၠိုင်အိုတ်သီု) အလဵုဇကုမဍာံစၟတ်ဂှ် ပ္ဍဲသပိုဟ်ဂြိုပ်မထေက်ကဵုဖေက်ဂၟံက်မွဲ တီကေတ်စိုတ် (ခမဳဂမၠိုင်) နကဵုစိုတ်ဇကုတုဲ "မြဴသာ်ဝွံ ဩဝ်ချပ်အိုတ်ညိ၊ မြဴသာ်ဝွံ လ္ပချပ်အိုတ်ညိ၊ မြဴသာ်ဝွံ ဩဝ်သ္ပပၠုပ်စိုတ်အိုတ်ညိ၊ မြဴသာ်ဝွံ လ္ပသ္ပပၠုပ်စိုတ်အိုတ်ညိ၊ ဩဝ်ပါဲကၠေံဓရ်ဝွံအိုတ်ညိ၊ အာစိုပ်ဓရ်ဝွံတုဲ ဩဝ်သ္ပဒတဴအိုတ်ညိ” ရဴဝွံ ဒၠောံဗတောန်ခမဳလ္ၚီရ၊ ဝေတ်ဗတောန်ရ။ ယွံသာရိပိုတ် တဳလမၞုံပိုဉ်ကျာ်တြဲဝေဿဘူ မထေက်ဒုင်ပူဇဴတၟေင် မဂြင်တီကေတ် (ဓရ်ဂမၠိုင်အိုတ်သီု) အလဵုဇကုမဍာံစၟတ်ဂှ် ဒၠောံဗတောန်ဝေတ်ဗတောန်တဴမြဴသာ်ဝွံမ္ဂး ဟိုတ်ခမဳလ္ၚီဂမၠိုင်ဂှ် ဟွံစောဲလာံအာရီုမမိက်ကဵုမွဲမွဲ (နတဏှာဒိဋ္ဌိဂမၠိုင်) တိတ်ဗၠးနူဓရ်အာသဝဂမၠိုင်အိုတ်ရ။ ယွံသာရိပိုတ် ပ္ဍဲဂလာန်မတွံဂးသပိုဟ်ဂြိုပ် မထေက်ကဵုဖေက်ဂၟံက်ဂှ် ညးရာဂဟွံစာ်စ္ဍးမမိက်ကဵုမွဲမွဲ လုပ်အာသပိုဟ်ဂြိုပ်ဂှ်မ္ဂး ဗွဲမဂၠိုင်ဂၠိုင် တသော်ဇကုဂမၠိုင် ပတူနရဴအိုတ်ရ၊ ပွမတသော်ဇကုပတူနရဴဝွံ ဒဒှ်ထေက်ကဵုဖေက်ဂၟံက်ခိုဟ် ဒဒက်တဴသပိုဟ်ဂြိုပ် မထေက်ကဵုဖေက်ဂၟံက်ခိုဟ်ဂှ်ရောင်။

ယွံသာရိပိုတ် ဣဝွံဟေင် ဟိုတ်သာသနာ တဳလမၞုံပိုဉ်ကျာ်တြဲဝိပဿဳကီု တဳလမၞုံပိုဉ်ကျာ်တြဲသိခဳကီု တဳလမၞုံပိုဉ်ကျာ်တြဲဝေဿဘူကီု ဟွံတန်တဴ ဗွဲမလအ်လကာဖာရ၊ ဣဝွံဟေင် အထံက်အပင် ဟွံတန်တဴ ဗွဲမလအ်လကာဖာရ ရဴဝွံ (သ္ဂးရ)။


၂၀) ယွံကျာ်မၞုံပိုဉ် ဟိုတ်သာသနာ တဳလမၞုံပိုဉ်ကျာ်တြဲကကုသန်ကီု တဳလမၞုံပိုဉ်ကျာ်တြဲကောဏဂီုကီု တဳလမၞုံပိုဉ်ကျာ်တြဲကဿပကီု တန်တဴဗွဲမလအ်လကာဖာတုန် ညးဍေံဂှ်ရော? အထံက်အပင်တုန် ညးဍေံဂှ်ရော? ရဴဝွံ (ဂရင်ပတီရ)။

ယွံသာရိပိုတ် တဳလမၞုံပိုဉ်ကျာ်တြဲကကုသန်ကီု တဳလမၞုံပိုဉ်ကျာ်တြဲကောဏဂီုကီု တဳလမၞုံပိုဉ်ကျာ်တြဲကဿပကီု သွက်သ္ဂောံတွံကဵုဓရ် ကုကွးဂမၠိုင်ဗွဲတြးဂှ် သ္ပပတိတ်လွဳအိုတ်ရ၊ သုတ်ဂေယျ ဗျာကရိုဏ် ဂါထာဥဒါန် ဣတိဝုတ် ဇာတ် အဗ္ဘုတဓမ္မ ဝေဒလ္လဂမၠိုင် ဒဒက်တဴ တဳလမၞုံပိုဉ်ကျာ်တြဲဂမၠိုင်ဂှ် ဂၠိုင်ဂၠင်အိုတ်ရ၊ ပညပ်တဴသိက္ခာပိုဒ် ကုကွးဂမၠိုင်ရ၊ စၞောန်ထ္ၜး (အာဏာ) ပါတိမုက်ရ။ ပ္ဍဲအခိင်တဳလမၞုံပိုဉ်ကျာ်တြဲဂမၠိုင် မပတၠပိုဉ်တြဴပြကာဂှ် (သ္ပပရိနိဗ္ဗာန်ပၠန်) ဂှ် ကၠေံဗ္ဒန်အာဂှ်ကီု ပ္ဍဲအခိင်ကွးဂမၠိုင် ဒ္ဂေတ်ပတုပ်ဗက်တဳလမၞုံပိုဉ်ကျာ်တြဲဂမၠိုင်တုဲ မဂြင်တီကေတ်သစ္စပန်ဂှ် (သ္ပပရိနိဗ္ဗာန်ပၠန်) ကၠေံဗ္ဒန်အာဂှ်ကီု ကွးကောန်ဗွဲကြဴ စဴဗွဲဂတဂမၠိုင် မသ္ပခမဳနူဂကူဂမၠိုင် မၞုံကဵုယၟုတၞောဝ်ဇာတ်တၞဟ်တၞဟ်ဂှ် ကဵုသာသနာဂှ် တန်တဴလုကဴကာလ မဂၠိုင်သ္ၚောဲအိုတ်ရ။ ယွံသာရိပိုတ် ကၞောတ်ဇန်လဝ်ကဵုဇုက်တောဝ်တုဲ ပကဴဂမၠိုင်တၞဟ်တၞဟ်မတိုန်စွံလဝ် ပ္ဍဲလတူဂတဵုသတှေ်ဂှ် ဟိုတ်နူကၞောတ်ဇန်လဝ်နကဵုဇုက်တောဝ်တုဲ ပကဴဂမၠိုင်တၞဟ်တၞဟ်မပတိုန်စွံလဝ် ပ္ဍဲလတူဂတဵုသတှေ်ဂှ် ဟိုတ်နူကၞောတ်ဇန်လဝ် နကဵုဇုက်တောဝ်တုဲ စွံလဝ်ဂှ်ရ သၟဟ်ညံင်ရဴကျာ ဟွံဗ္စာဲဗ္ဍာဲဟွံပြးဆာဲ ဟွံပိုင်လွိင်ဓဂိုဟ်သွဝ် ဟွံပလီုပလာ်ထောံကီု တုပ်ပမာသာ်ဝွံဟေင် ပ္ဍဲအခိင်တဳလမၞုံပိုဉ်ကျာ်တြဲဂမၠိုင် မပတၠပိုဉ်တြဴပြကာဂှ် (သ္ပပရိနိဗ္ဗာန်ပၠန်) ကၠေံဗ္ဒန်အာဂှ်ကီု ပ္ဍဲအခိင်ကွးဂမၠိုင် ဒ္ဂေတ်ပတုပ်ဗက် တဳလမၞုံပိုဉ်ကျာ်တြဲဂမၠိုင်တုဲ မဂြင်တီကေတ်သစ္စပန်ဂှ် (သ္ပပရိနိဗ္ဗာန်ပၠန်) ကၠေံဗ္ဒန်အာဂှ်ကီု ကွးကောန်ဗွဲကြဴ စဴဗွဲဂတဂမၠိုင် မသ္ပခမဳနူဂကူဂမၠိုင် မၞုံကဵုယၟုတၞောဝ်ဇာတ်တၞဟ်တၞဟ်ဂှ် ကဵုသာသနာတန်တဴ လုကဴကာလမဂၠိင်သ္ၚောဲအိုတ်ရ။ ယွံသာရိပိုတ် ဣဝွံတုန် ဟိုတ်သာသနာ တဳလမၞုံပိုဉ်ကျာ်တြဲကကုသန် တဳလမၞုံပိုဉ်ကျာ်တြဲကောဏာဂီုကီု တဳလမၞုံပိုဉ်ကျာ်တြဲကဿပကီု တန်တဴဗွဲမလအ်လကာဖာရ၊ ဣဝွံဟေင် အထံက်အပင်တန်တဴ ဗွဲမလအ်လကာဖာရ ရဴဝွံ (သ္ဂးရ)။


၂၁) ပ္ဍဲအခိင်ဂှ် တဳလပိုဉ်သာရိပိုတ် ဒၠိုက်ကတဵုနူဒၞါဲတုဲ သီုမလ္ၜက်ကၠေဟ်ပတိုန်သ္ၚာကၞေဟ်ပ္ဍဲလတူပၞးပါဲမွဲလပါ် ပင်ခၠအ်သၟိပ်တဲလ္ၚောဝ်ဏာ ဌာန်တဳလမၞုံပိုဉ်ကျာ်တြဲနွံတုဲ—

“သွက်သာသနာဝွံ သ္ဂောံတန်တဴ ဗွဲမလအ်လကာဖာ တဳလမၞုံပိုဉ်ကျာ်တြဲဂှ် ပညပ်တဴယြဴသိက္ခာပိုဒ်မွဲ ကုကွးဂမၠိုင်ရ၊ စၞောန်ထ္ၜးတဴ ယြဴပါတိမုက်မွဲရ၊ ယွံတဳလမၞုံပိုဉ်ကျာ်တြဲ မပတၠပိုဉ်တြဴပြကာ သွက်သ္ဂောံပညပ်တဴသိက္ခာပိုဒ်ဂှ် ဒးအခိင်ရ၊ ယွံတဳလမၞုံပိုဉ်ကျာ်တြဲ မလေပ်သ္ဂးတဴဂလာန်ခိုဟ်ဆာဲ သွက်သ္ဂောံစၞောန်ထ္ၜးပါတိမုက်ဂှ် ဒးအခိင်ရ” ရဴဝွံ ဂရင်ပတီ တဳလမၞုံပိုဉ်ကျာ်တြဲရ။

ယွံသာရိပိုတ် တၠအဲ ဩဝ်လၟတ်ဒေါံဒၟံင်ညိကၠာ၊ ယွံသာရိပိုတ် တၠအဲ ဩဝ်လၟတ်ဒေါံဒၟံင်ညိကၠာ၊ ကျာ်တြဲဟေင် ကြက်တီကေတ် အခိင်ပ္ဍဲပွမပညပ်သိက္ခာပိုဒ် ပွမစၞောန်ထ္ၜးပါတိမုက်ရ။ ယွံသာရိပိုတ် ပ္ဍဲသာသနာဝွံ ဓရ် (ပွမကလိလောန်) လ္ၚဵုဂမၠိုင် မၞုံကဵုအရာတန်တဴမ္ဂး ဓရ်အာသဝဂှ် လုကဴကာလ ဗၞတ်ဟွံကတဵုဒှ်ပြာကဋ်ကၠုင် ပ္ဍဲသင်ဏီ ကျာ်တြဲ ဟွံပညပ်တဴသိက္ခာပိုဒ် ကုကွးဂမၠိုင်ရ၊ ဟွံစၞောန်ထ္ၜး (အာဏာ) ပါတိမုက်ရ။

ယွံသာရိပိုတ် ပ္ဍဲသာသနာဝွံ ပ္ဍဲအခိင်ဓရ် (ပွမကလိလောန်) လ္ၚဵုဂမၠိုင် မၞုံကဵုအရာတန်တဴမ္ဂး ဓရ်အာသဝဂှ် ကတဵုဒှ်ပြာကဋ်ကၠုင်ပ္ဍဲသင်ဂှ် တၞဟ်နဖဵုပွမပါဲပၠေင်ကၠေံဓရ် (ပွမကလိလောန်) ဂမၠိုင် မၞုံကဵုအရာတန်တဴမ္ဂး ဓရ်အာသဝဂှ်ဟေင် ကျာ်တြဲပညပ်တဴသိက္ခာပိုဒ် ကုကွးဂမၠိုင်ရ၊ စၞောန်ထ္ၜး (အာဏာ) ပါတိမုက်ရ။

ယွံသာရိပိုတ် သင်ဂှ် လုကဴကာလဗၞတ်ဟွံအာစိုပ် ဒဒှ်မဂၠိုင်ဂၠင် ဒဒက်တဴခမဳ (ဝသ်ကြံင်) မတီဗ္တမ်မဂၠိုင်ဏီဂှ် ပ္ဍဲသာသနာဝွံ ဓရ် (ပွမကလိလောန်) လ္ၚဵုဂမၠိုင် မၞုံကဵုအရာတန်တဴမ္ဂး ဓရ်အာသဝဂှ် ဟွံကတဵုဒှ်ပြာကဋ်ကၠုင် ပ္ဍဲသင်အိုတ်ဏီရ၊ ယွံသာရိပိုတ် ပ္ဍဲအခိင်သင်ဂှ် အာစိုပ်ဒဒှ်မဂၠိုင်ဂၠင် ဒဒက်တဴခမဳ (ဝသ်ကြံင်) မတီဗ္တမ်မဂၠိုင်ဂှ်တုန် ပ္ဍဲသာသနာဝွံ ဓရ် (ပွမကလိလောန်) လ္ၚဵုဂမၠိုင် မၞုံကဵုအရာတန်တဴမ္ဂး ဓရ်အာသဝဂှ် ကတဵုဒှ်ပြကဋ်ကၠုင် ပ္ဍဲသင်အိုတ်ရ၊ ပ္ဍဲအခိင်ဂှ် တၞဟ်နဖဵုပွမပါဲပၠေင်ကၠေံ ဓရ် (ပွမကလိလောန်) ဂမၠိုင် မၞုံကဵုအရာတန်တဴမ္ဂး ဓရ်အာသဝဂှ်ဟေင် ကျာ်တြဲ ပညပ်တဴသိက္ခာပိုဒ် ကုကွးဂမၠိုင်ရ၊ စၞောန်ထ္ၜး (အာဏာ) ပါတိမုက်ရ။

ယွံသာရိပိုတ် သင်ဂှ် လုကဴကာလဗၞတ်ဟွံအာစိုပ် ဒဒှ်မလှဲလးဂၠိုင်ဂၠင်ဏီဂှ် ပ္ဍဲသာသနာဝွံ ဓရ် (ပွမကလိလောန်) လ္ၚဵုဂမၠိုင် မၞုံကဵုအရာတန်တဴမ္ဂး ဓရ်အာသဝဂှ် ဟွံကတဵုဒှ်ပြာကဋ်ကၠုင် ပ္ဍဲသင်အိုတ်ဏီရ၊ ယွံသာရိပိုတ် ပ္ဍဲအခိင်သင်ဂှ် အာစိုပ်ဒဒှ်မလှဲလးဂၠိုင်ဂၠင်ဂှ်တုန် ပ္ဍဲသာသနာဝွံ ဓရ် (ပွမကလိလောန်) လ္ၚဵုဂမၠိုင် မၞုံကဵုအရာတန်တဴမ္ဂး ဓရ်အာသဝဂှ် ကတဵုဒှ်ပြာကဋ်ကၠုင် ပ္ဍဲသင်အိုတ်ရ၊ ပ္ဍဲအခိင်ဂှ် တၞဟ်နဖဵုပွမပါဲပၠေင်ကၠေံ ဓရ် (ပွမကလိလောန်) ဂမၠိုင် မၞုံကဵုအရာတန်တဴမ္ဂး ဓရ်အာသဝဂှ်ဟေင် ကျာ်တြဲပညပ်တဴသိက္ခာပိုဒ် ကုကွးဂမၠိုင်ရ၊ စၞောန်ထ္ၜး (အာဏာ) ပါတိမုက်ရ။

ယွံသာရိပိုတ် သင်ဂှ် လုကဴကာလဗၞတ်ဟွံအာစိုပ် ဒဒှ်လာဘ်ဂၠိုင်ဏီဂှ် ပ္ဍဲသာသနာဝွံ ဓရ် (ပွမကလိလောန်) လ္ၚဵုဂမၠိုင် မၞုံကဵုအရာတန်တဴမ္ဂး ဓရ်အာသဝဂှ် ဟွံကတဵုဒှ်ပြာကဋ်ကၠုင် ပ္ဍဲသင်အိုတ်ဏီရ၊ ယွံသာရိပိုတ် ပ္ဍဲအခိင်သင်ဂှ် အာစိုပ်ဒဒှ်လာဘ်ဂၠိုင်ဂှ်တုန် ပ္ဍဲသာသနာဝွံ ဓရ် (ပွမကလိလောန်) လ္ၚဵုဂမၠိုင် မၞုံကဵုအရာတန်တဴမ္ဂး ဓရ်အာသဝဂှ် ကတဵုဒှ်ပြာကဋ်ကၠုင်ပ္ဍဲသင်အိုတ်ရ၊ ပ္ဍဲအခိင်ဂှ် တၞဟ်နဖဵုပွမပါဲပၠေင်ကၠေံ ဓရ် (ပွမကလိလောန်) ဂမၠိုင် မၞုံကဵုအရာတန်တဴမ္ဂး ဓရ်အာသဝဂှ်ဟေင် ကျာ်တြဲပညပ်တဴသိက္ခာပိုဒ် ကုကွးဂမၠိုင်ရ၊ စၞောန်ထ္ၜး (အာဏာ) ပါတိမုက်ရ။

ယွံသာရိပိုတ် သင်ဂှ် လုကဴကာလဗၞတ်ဟွံအာစိုပ် ဒဒှ် (ဗဟုသုတ) လမိင်လညာတ်ဂၠိုင်ဏီဂှ် ပ္ဍဲသာသနာဝွံ ဓရ် (ပွမကလိလောန်) လ္ၚဵုဂမၠိုင် မၞုံကဵုအရာတန်တဴမ္ဂး ဓရ်အာသဝဂှ် ဟွံကတဵုဒှ်ပြာကဋ်ကၠုင် ပ္ဍဲသင်အိုတ်ဏီရ၊ ယွံသာရိပိုတ် ပ္ဍဲအခိင်သင်ဂှ် အာစိုပ်ဒဒှ် (ဗဟုသုတ) လမိင်လညာတ်ဂၠိုင်ဂှ်တန် ပ္ဍဲသာသနာဝွံ ဓရ် (ပွမကလိလောန်) လ္ၚဵုဂမၠိုင် မၞုံကဵုအရာတန်တဴမ္ဂး ဓရ်အာသဝဂှ် ကတဵုဒှ်ပြာကဋ်ကၠုင် ပ္ဍဲသင်အိုတ်ရ၊ ပ္ဍဲအခိင်ဂှ် တၞဟ်နဖဵုပွမပါဲပၠေင်ကၠေံဓရ် (ပွမကလိလောန်) ဂမၠိုင် မၞုံကဵုအရာတန်တဴမ္ဂး ဓရ်အာသဝဂှ်ဟေင် ကျာ်တြဲ ပညပ်တဴသိက္ခာပိုဒ် ကုကွးဂမၠိုင်ရ၊ စၞောန်ထ္ၜး (အာဏာ) ပါတိမုက်ရ။

ယွံသာရိပိုတ် (ပ္ဍဲအခိင်လၟုဟ်) ခမဳသင်ဂှ် စာ်စ္ဍးနူခၜိုဟ် (မတွံဂးဒုဿဳလ) ရ၊ စာ်စ္ဍးနူဒုဟ်ရ၊ စာ်စ္ဍးနူကၠိခ္ဍက်ရ၊ သအးဇ္ၚးရ၊ တန်တဴပ္ဍဲကြက် (မပ္တံသဳလ) ရ၊ ယွံသာရိပိုတ် ပၞောဝ်ခမဳဂမၠိုင်မသုန်ကၠံဝွံ၊ ခမဳသဝ်အိုတ် ဍိုန်အိုတ်ဂှ် ဒှ်သောတာပန် ဟွံမွဲကဵုသဘဴ ပွဒတုံစှေ်အပါယ်မဗိုန်ဇၟအ် မၞုံကဵုအရာလအာ မဂ်ပိလတူရ ရဴဝွံ (သ္ဂးရ)။


၂၂) ပ္ဍဲကြဴနူဂှ် တဳလမၞုံပိုဉ်ကျာ်တြဲ ကော်တဳလပိုဉ်အာနန္ဒတုဲ— “ယွံအာနန္ဒ ကျာ်တြဲဂမၠိုင် ပ္ဍဲအရာညးဘိက်နိမန်နွံတုဲ ပြာပ်လုပ်ဒဂိုန်ဂှ် သီုဟွံဂရင်ပတီလဴဗ္စ ညးဘိက်နိမန်ဂမၠိုင်ဂှ် ဂေတ်ဂ္ၚေင်ပ္ဍဲဇနပိုဒ် (တွဵုရးဍုင်) တုဲ ပွမဟွံက္ညအာဒေသစာရိတ်ဂှ် ဒှ်ဒ္ဂေတ်လ္ၚတ်အလေံကျာ်တြဲဂမၠိုင်ရ၊ ယွံအာနန္ဒ ကၠုင် အာအိုတ်စိုအ် ကြက်ဂရင်ပတီလဴဗ္စ ဗဗၞးဝေရဉ္ဇအိုတ်” ရဴဝွံ သ္ဂးရ။ ခိုဟ်သန်ရ ယွံကျာ်မၞုံပိုဉ် ရဴဝွံ တဳလပိုဉ်အာနန္ဒ ဒုင်ဝန် ကုတဳလမၞုံပိုဉ်ကျာ်တြဲရ၊ ပ္ဍဲကြဴနူဂှ် တဳလမၞုံပိုဉ်ကျာ်တြဲ ရုင်လတက်ပဠေဝ်သ္ၚာတုဲ ထ္ၜဂိုင်ကေတ်ဗဗေင်သ္ၚာတုဲ မွဲဟာန်ကေုာံတဳလပိုဉ်အာနန္ဒ မဒှ်ခမဳဗွက်ကြဴ က္ညပြာပ်အာသ္ၚိ ဗဗၞးဝေရဉ္ဇတုဲမ္ဂး ဂဇအ်ဒၟံင်ပ္ဍဲသၞာမလးပဠေဝ်လဝ်ရ။ ပ္ဍဲအခိင်ဂှ် ဗဗၞးဝေရဉ္ဇ ပြာပ်အာဇရေင် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တဳလမၞုံပိုဉ်ကျာ်တြဲတုဲမ္ဂး ဂဇအ်ဒၟံင်ပ္ဍဲဒၞါဲမွဲရ၊ တဳလမၞုံပိုဉ်ကျာ်တြဲ သ္ဂးကဵုဗဗၞးဝေရဉ္ဇ မဂဇအ်ဒၟံင်ပ္ဍဲဒၞါဲမွဲတုဲဂှ် ရဴဝွံရ- “ယွံဗဗၞး တၠအဲ ဂပ်ဝ်ဘိက်နိမန်လဝ်ဒှ်တုဲ ပိုယ်ညးဂမၠိုင် ပြာပ်လုပ်ကၠုင်ဒဂိုန်တုဲအိုတ်ရ၊ ဂရင်ပတီလဴဗ္စကဵု တၠအဲအိုတ်ရ၊ ပိုယ်ညးဂမၠိုင် သၟိက်မိက်က္ညအာ ဒေသစာရိတ်အိုတ်ရ” ရဴဝွံ (သ္ဂးရ)။ ယွံတြနာဲဂေါတမ ဍာံပြရ၊ အဲဍိက်ဂပ်ဝ်ဘိက်နိမန်လဝ်ဒှ်တုဲ ပြာပ်လုပ်ကၠုင်ဒဂိုန်တုဲရ၊ ၜိုန်ဂှ် (ဆဂး) ဟဂွံကဵုဒါန် ကပေါတ်ဝတ္ထုဒါန်ဏီရ၊ ကပေါတ်ဝတ္ထုဒါန်ဂှ် ဟွံမွဲလေဝ်ဟွံသေင်တဴရ၊ ဟွံမိက်ကဵုဒါန်လေဝ် ဟွံသေင်ရ၊ ညးပဒတဴ ပ္ဍဲအဝေါင်ခရှ်ဂမၠိုင် ကမၠောန်ကေင်ကာထေက်ကဵုဒးသ္ပဂၠိုင်ဂၠင်အိုတ်ရ၊ ပသာ်သ္ဂောံကလိဂွံ အခေါင်ကဵုဒါန်မာန်ဂှ်ရော? သွက်တ္ၚဲယး တြနာဲဂေါတမ မွဲဟာန်ကေုာံခမဳသင် ဩဝ်ဒုင်တဲပိဏ္ဍပါတ် အဲဍိက်ညိ ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ နမဒၟံင်သ္ၚိတ်သ္ၚိတ်ဂှ် ဒုင်တဲရ၊ ပ္ဍဲကြဴနူဂှ် နဂလာန်မဗဗွဲကေုာံ ဓရ်တဳလမၞုံပိုဉ်ကျာ်တြဲ ကဵုဗဗၞးဝေရဉ္ဇ တီညာတ်ကေတ် (ဒတုဲဖဵု) ကဵုဒဂိုန်ဂိုင်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲမ္ဂး ဒၠိုက်ကတဵုနူဒၞာဲကၠာ က္ညပါဲစ္ဍးအာရ။ ပ္ဍဲအခိင်ဂှ် ဗဗၞးဝေရဉ္ဇဂှ် ဗ္တမ်ဂှ် လောန်ၜက်အာတုဲ ကဵုစဳရေင်တဴ စၞအာဟာရဘောဇိုန်မပြဲပြဲ ပ္ဍဲသ္ၚိဇကုတုဲမ္ဂး “ယွံတြနာဲဂေါတမ ဒးအခိင်ဂ၊ ပဠေဝ်ပဠေတ် ပိဏ္ဍပါတ်တုဲရ” ရဴဝွံ ကဵုဂရင်ပတီ ဒးအခိင်ရ ကုတဳလမၞုံပိုဉ်ကျာ်တြဲရ။


၂၃) ပ္ဍဲကြဴနူဂှ် တဳလမၞုံပိုဉ်ကျာ်တြဲဂှ် ပ္ဍဲအခိင်နူဂယး ရုင်လတက်ပဠေဝ်သ္ၚာဲတုဲ သီုမထ္ၜဂိုင်ကေတ် ဗဗေင်သ္ၚာ က္ညပြာပ်စဴအာသ္ၚိ ဗဗၞးဝေရဉ္ဇတုဲမ္ဂး ဂဇအ်ဒၟံင်ပ္ဍဲသၞာ မလးပဠေဝ်လဝ်မွဲဟာန်ကေုာံခမဳသင်ရ။ ပ္ဍဲအခိင်ဂှ် ဗဗၞးဝေရဉ္ဇ အလဵုဇကုကၠောန်ၜိုတ်ဥပကာ ခမဳသင်မၞုံပဓါန်ဍေံ တဳလမၞုံပိုဉ်ကျာ်တြဲ နကဵုစၞအာဟာရဘောဇိုန်မပြဲပြဲ စဵုကဵုတရိုပ်စိုတ် စဵုကဵုဒးဆေဝ်တာပဒေါံထောံရ၊ ပ္ဍဲအခိင်တီကေတ် တဳလမၞုံပိုဉ်ကျာ်တြဲကဵုပိုဉ်တုဲ ပါဲကၠေံတဲနူဗဗေင်တုဲဂှ် (ဗဗၞးဝေရဉ္ဇ) ဗဂိန်ကဵုဒါန်သ္ၚာတိစဳဝရိက် ကုတဳလမၞုံပိုဉ်ကျာ်တြဲရ၊ ကုခမဳမွဲမွဲဇကုဇဳလေဝ် ဗဂိန်ကဵုဒါန်ယာတ် သ္ၚာမွဲမွဲစုမ်ဇဳရ။ ပ္ဍဲကြဴနူဂှ် နဂလာန်မဗဗွဲကေုာံဓရ် တဳလမၞုံပိုဉ်ကျာ်တြဲကဵုဗဗၞးဝေရဉ္ဇ တီညာတ်ကေတ် (ဒတုဲဖဵု) ကဵုဒဂိုန်ဂိုင်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေကတ်သကာ ကဵုမြဟ်မြာတုဲမ္ဂး ဒၠိုက်ကတဵုနူဒၞာဲကၠာ က္ညပါဲစ္ဍးအာရ။ ပ္ဍဲကြဴနူဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံင်ပ္ဍဲဍုင်ဝေရဉ္ဇာ ဗွဲမမိပ်လဟိင်တုဲမ္ဂး ဟွံလုပ်ဍုင်သောရေယျ သင်္ကဿ ကဏ္ဏကုဇ္ဇတုဲ က္ညပြာပ်အာ သၞေဟ်ပယောဂတုဲမ္ဂး နူသၞေဟ်ပယောဂ တတ်ကၠောံအာၜဳဂင်္ဂါတုဲ စိုပ်အာဍုင်ဗာရာဏသဳရ။ ပ္ဍဲကြဴနူဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံင် ပ္ဍဲဍုင်ဗာရာဏသဳ ဗွဲမမိပ်လဟိင်တုဲမ္ဂး က္ညဂ္ၚေင်အာဒေသစာရိတ် ဍုင်ဝေသာလဳရ၊ အတိုင်လၟေင်လၟေင် က္ညဂ္ၚေင်အာဒေသစာရိတ်မ္ဂး အာစိုပ်ဍုင်ဝေသာလဳတုဲ သ္ပဒတဴတန်ဒၟံင် ပ္ဍဲဘာပြာသာဒ်ဇၞော် မၞုံကဵုအထောဋ်သ္ၚိကၠတ် အပ္ဍဲဂြိုပ်မဟာဝိုန် ဇရေင်ဍုင်ဝေသာလဳရ။

ခဏ်ထ္ၜးကဵုပရူပရာ ဗဗၞးဝေရဉ္ဇ ဘာသာမန်တုဲ။


၁။ ခဏ်ပါရာဇိက

[ပလေဝ်ဒါန် | ပလေဝ်ဒါန် တမ်ကၞက်]

၁.၁။ ပဌမပါရာဇ်

[ပလေဝ်ဒါန် | ပလေဝ်ဒါန် တမ်ကၞက်]

၁.၁.၁။ အခန်ထ္ၜးကဵုပရူပရာ ခမၟသုဒိန်

[ပလေဝ်ဒါန် | ပလေဝ်ဒါန် တမ်ကၞက်]

၂၄) ပ္ဍဲဃောအခိင်ဂှ် ပ္ဍဲဇရေင်ဍုင်ဝေသာလဳ ကွာန်မၞုံယၟုကလန္ဒ နွံမွဲရ၊ ပ္ဍဲကွာန်ကလန္ဒဂှ် ကောန်သေဌဳကလန္ဒ မၞုံယၟုသုဒိန် နွံရ၊ ပ္ဍဲအခိင်ဂှ် သုဒိန် ကောန်သေဌဳကလန္ဒ မွဲဟာန်ကေုာံသကအ်ရဲဂမၠိုင်မဂၠိုင်ဂၠင် အာတဴဍုင်ဝေသာလဳ နကဵုကမၠောန်ကေင်ကာ ထေက်ကဵုဒးသ္ပမမိက်ကဵုမွဲမွဲရ၊ ပ္ဍဲအခိင်ဂှ် တဳလမၞုံပိုဉ်ကျာ်တြဲ တွဳတွိုင်လဝ်ပရိသာတ်ဗွဲမဂၠိုင်တုဲ ဂဇအ်တွံဒၟံင်ဓရ်ရ။ သုဒိန် ကောန်သေဌဳကလန္ဒ သ္ဂောံညာတ်ကေတ် တဳလမၞုံပိုဉ်ကျာ်တြဲ တွဳတွိုင်လဝ်ပရိသာတ်ဗွဲမဂၠိုင်တုဲ ဂဇအ်တွံဒၟံင်ဓရ်ဂှ်တုဲ ပ္ဍဲကြဴ “အဲလေဝ် သ္ဂောံကလင်ပင်မှိင်ဓရ်မ္ဂးခိုဟ်သန်ရ” ရဴဝွံ ကသပ်ဒှ် ကုသုဒိန်ရ၊ ကသပ်ဒှ်သာ်ဂှ်တုဲ ပ္ဍဲကာလကြဴသုဒိန် ကောန်သေဌဳကလန္ဒ ပြာပ်အာဇရေင် ပရိသာတ်နွံတုဲ ဂဇအ်ကေတ် ပ္ဍဲဒၞါဲမွဲတုဲမ္ဂး—

“ဓရ်တဳလမၞုံပိုဉ်ကျာ်တြဲ ဟီုတွံလဝ်ဂှ် ဗွဲမထေက်ကြိုက် အဲဂွံတီကေတ်ရ၊ (အတိုင်ဂွံတီကေတ်လဝ်ဂှ်) ညးမပဒတဴ ပ္ဍဲအဝေါင်ဘဝခရှ်ဂှ် တၞဟ်နဂွံဒ္ဂေတ်လ္ၚတ်ဒ္ဂေတ်မပြဲ မဍိုက်ပေင်သအးဇ္ၚးစၟတ် မတုပ်သၟဟ်ကဵုကၞုသင်ပေါတ်လဝ်တၟိဝွံ ဟွံလောဲသွာရ၊ အဲကးပါဲကၠေံသော်က္ဍိုပ်သော်သၟိပ်တုဲမ္ဂး သၠောံလတက်ကေတ်ယာတ်ဂမၠိုင် မဖျောန်လဝ်ဍာ်လွံက်တုဲ နူအဝေါင်ဘဝခရှ် ဂွံလုပ်စိုပ်အဝေါင်ဘဝခမဳမ္ဂး ခိုဟ်ရ” ရဴဝွံ ကသပ်ဒှ် ကုသုဒိန် ကောန်သေဌဳကလန္ဒရ။

ပ္ဍဲအခိင်ဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတီညာတ်ကေတ် (ဒတုဲဖဵု) ကဵုဒဂိုန်ဂိုင်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြဴတုဲမ္ဂး ပရိသာတ်ဂှ် ဒၠိုက်ကတဵုနူဒၞာဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သ္ပရှေ်သှေ်ရဴဂဴကၠာ ပါဲစ္ဍးအာရ။


၂၅) ပ္ဍဲကြဴနူဂှ် သုဒိန် ကောန်သေဌဳကလန္ဒဂှ် ပရိသာတ်ဒလိုက်ကတဵုအာတုဲ ခြာဟွံလအ် ပြာပ်အာဇရေင်တဳလမၞုံပိုဉ်ကျာ်တြဲ လ္ၚောဝ်သ္ပဝတ်တုဲ ဂဇဒၟံင်ပ္ဍဲမွဲဒၞါဲတုဲ—

“ယွံတဳလမၞုံပိုဉ် ဓရ်တဳလမၞုံပိုဉ်ကျာ်တြဲ ဟီုတွံလဝ်ဂှ် ဗွဲမထေက်ကြိုက် အဲဍိက်ဂွံတီကေတ်ရ၊ (အတိုင်ဂွံတီကေတ်လဝ်ဂှ်) ညးမပဒတဴ ပ္ဍဲအဝေါင်ဘဝခရှ်ဂှ် တၞဟ်နဂွံဒ္ဂေတ်လ္ၚတ်ဒ္ဂေတ်မပြဲ မဍိုက်ပေင်သအးဇ္ၚးစၟတ် မတုပ်သၟဟ်ကဵုကၞုသင်ပေါတ်လဝ်တၟိဝွံ ဟွံလောဲသွာရ၊ ယွံတဳလမၞုံပိုဉ် အဲဍိက်ကးပါဲကၠေံ သော်က္ဍိုပ်သော်သၟိပ်တုဲမ္ဂး သၠောံလတက်ကေတ်ယာတ်ဂမၠိုင် မဖျောန်လဝ်ဍာ်လွံက်တုဲ နူအဝေါင်ဘဝခရှ်ဂှ် မိက်ဂွံလုပ်စိုပ် အဝေါင်ဘဝခမဳရ၊ တဳလမၞုံပိုဉ်ကျာ်တြဲဂှ် ဩဝ်သ္ပကဵုအဲဍိက်ခမဳညိ” ရဴဝွံ ဂရင်ပတီ တဳလမၞုံပိုဉ်ကျာ်တြဲရ။

ယွံသုဒိန် မိမဂမၠိုင်ဂှ် နူအဝေါင်ဘဝခရှ် တၞဟ်နသွက်ဂွံလုပ်စိုပ် အဝေါင်ဘဝခမဳသ္ပကဵုအခေါင် ကဵုတၠအဲတုဲဒှ်ရဟာ ရဴဝွံ (သၟာန်ရ)။

ယွံတဳလမၞုံပိုဉ် မိမဂမၠိုင်ဂှ် နူအဝေါင်ဘဝခရှ် တၞဟ်နသွက်ဂွံလုပ်စိုပ် အဝေါင်ဘဝခမဳဟဂွံသ္ပကဵုအခေါင်ကဵုအဲဍိက်ဏီရ ရဴဝွံ (ဂရင်ပတီရ)။

ယွံသုဒိန် ကျာ်တြဲဂမၠိုင်ဂှ် ကောန်မိမဂမၠိုင် ဟဂွံသ္ပကဵုအခေါင်ဂှ် ဟွံသ္ပကဵုခမဳအိုတ်ရ ရဴဝွံ (သ္ဂးရ)။

ယွံတဳလမၞုံပိုဉ် နူအဝေါင်ဘဝခရှ် တၞဟ်နသွက်ဂွံလုပ်စိုပ် အဝေါင်ဘဝခမဳ ညံင်မိမဂမၠိုင် ဂွံကဵုအခေါင်ကုဵအဲဍိက်ဂှ် အဲဍိက်သ္ပရ ရဴဝွံ (ဂရင်ပတီရ)။


၂၆) ပ္ဍဲကြဴနူဂှ် သုဒိန် ကောန်သေဌဳကလန္ဒဂှ် ပတုဲထောံကၠေံ ကမၠောန်ကေင်ကာ ထေက်ကဵုဒးသ္ပဂှ် ပ္ဍဲဍုင်ဝေသာလဳတုဲမ္ဂး ပြာပ်စဴအာကွာန်ကလန္ဒ ဇရေင်မိမဂမၠိုင်တုဲ—

“ယွံမိအံက် မအံက်တအ် ဓရ်တဳလမၞုံပိုဉ်ကျာ်တြဲဟီုတွံလဝ်ဂှ် ဗွဲမထေက်ကြိုက် အဲဂွံတီကေတ်ရ၊ (အတိုင်ဂွံတီကေတ်လဝ်ဂှ်) ညးမပဒတဴ ပ္ဍဲအဝေါင်ဘဝခရှ်ဂှ် တၞဟ်နဂွံဒ္ဂေေတ်လ္ၚတ်ဒ္ဂေတ်မပြဲ မဍိုက်ပေင်သအးဇ္ၚးစၟတ် မတုပ်သၟဟ်ကဵုကၞုသင်ပေါတ်လဝ်တၟိဝွံ ဟွံလောဲသွာရ၊ အဲကးပါဲကၠေံ သော်က္ဍိုပ်သော်သၟိပ်တုဲ သၠောံလတက်ကေတ်ယာတ်ဂမၠိုင် မဖေျာန်လဝ်ဍာ်လွံက်တုဲ နူအဝေါင်ဘဝခရှ်ဂှ် မိက်ဂွံလုပ်စိုပ် အဝေါင်ဘဝခမဳရ၊ နူအဝေါင်ဘဝခရှ်ဂှ် တၞဟ်နသွက်ဂွံလုပ်စိုပ် အဝေါင်ဘဝခမဳဂှ် သ္ပကဵုအခေါင်ကဵုအဲအိုတ်ညိ” ရဴဝွံ ဟီုသ္ဂးကဵုမိမဂမၠိုင်ရ။

ဟီုသ္ဂးရဴဝွံမ္ဂး မိမသုဒိန် ကောန်သေဌဳကလန္ဒဂမၠိုင်ဂှ်— “ယွံကောန်သ္ဍိုက်သုဒိန်တၠအဲဂှ် ဒှ်ကောန်ပိုဲတအ်မွဲမဓဝ်တုဲ ဂပ်ဝ်သ္ဍိုက်ဆာန်ရ၊ ဂပ်ဝ်သ္ဍိုက်မၠိုက်ရ၊ ဂပ်ဝ်ကဵုဇၞော်ဂေါဝ်ကၠုင်ဗွဲတသိုခ်ရ၊ ဒှ်ညးမြိမြန်ကၠုင် ဗွဲတသိုခ်ရ၊ ယွံကောန်သ္ဍိုက်သုဒိန် တၠအဲဂှ် မုဒဒိုခ်မွဲလေဝ်ဟွံတီရ၊ နမတၠအဲချိုတ်အာလေဝ် ပိုဲညးဂမၠိုင် သီုဟွံမွဲပၟိက်အိုတ်ဂှ် ဒးသာဲခြာအာ ကေုာံတၠအဲအိုတ်ရ၊ တၠအဲ မဂျိုင်ဒၟံင်လမျီုဂှ်တုန် နူအဝေါင်ဘဝခရှ်ဝွံ တၞဟ်နသွက်ဂွံလုပ်စိုပ် အဝေါင်ဘဝခမဳ သာ်လဵုပိုဲညးဂမၠိုင် ဂွံသ္ပကဵုအခေါင်မာန်အိုတ်ဂှ်ရော?” ရဴဝွံ ဟီုသ္ဂးကဵုသုဒိန်ကောန်သေဌဳကလန္ဒအိုတ်ရ။

မရနုက်ကဵုၜါဝါကီုလေဝ် သုဒိန် ကောန်သေဌဳကလန္ဒဂှ်— “ယွံမိအံက် မအံက်တအ် ဓရ်တဳလမၞုံပိုဉ်ကျာ်တြဲ ဟီုတွံလဝ်ဂှ် ဗွဲမထေက်ကြိုက် အဲဂွံတီကေတ်ရ၊ (အတိုင်ဂွံတီကေတ်လဝ်ဂှ်) ညးမပဒတဴ ပ္ဍဲအဝေါင်ဘဝခရှ်ဂှ် တၞဟ်နဂွံဒ္ဂေတ်လ္ၚတ်ဒ္ဂေတ်မပြဲ မဍိုက်ပေင်သအးဇ္ၚးစၟတ် မတုပ်သၟဟ်ကဵုကၞုသင်ပေါတ်လဝ်တိၟဝွံ ဟွံလောဲသွာရ၊ အဲကးပါဲကၠေံသော်က္ဍိုပ်သော်သၟိပ်တုဲ သၠောံလတက်ကေတ်ယာတ်ဂမၠိုင် မဖေျာန်လဝ်ဍာ်လွံက်တုဲ နူအဝေါင်ဘဝခရှ်ဂှ် မိက်ဂွံလုပ်စိုပ်အဝေါင်ဘဝခမဳရ၊ နူအဝေါင်ဘဝခရှ်ဂှ် တၞဟ်နသွက်ဂွံလုပ်စိုပ် အဝေါင်ဘဝခမဳဂှ် သ္ပကဵုအခါင်ကဵုအဲအိုတ်ညိ” ရဴဝွံ ဟီုသ္ဂးကဵုမိမဂမၠိုင်ရ။

မရနုက်ကဵုၜါဝါကီုလေဝ် မိမသုဒိန် ကောန်သေဌဳကလန္ဒဂမၠိုင်ဂှ်— “ယွံကောန်သ္ဍိုက်သုဒိန် တၠအဲဂှ် ဒှ်ကောန်ပိုဲတအ်မွဲမဓဝ်တုဲ ဂပ်ဝ်သ္ဍိုက်ဆာန်ရ၊ ဂပ်ဝ်သ္ဍိုက်မၠိုက်ရ၊ ဂပ်ဝ်ကဵုဇၞော်ဂေါဝ်ကၠုင် ဗွဲတသိုခ်ရ၊ ဒှ်ညးမြိမြန်ကၠုင် ဗွဲတသိုခ်ရ၊ ယွံကောန်သ္ဍိုက်သုဒိန် တၠအဲဂှ် မုဒဒိုခ်မွဲလေဝ် ဟွံတီရ၊ နမတၠအဲချိုတ်အာလေဝ် ပိုဲညးဂမၠိုင် သီုဟွံမွဲပၟိက်အိုတ်ဂှ် ဒးသာဲခြာအာ ကေုာံတၠအဲအိုတ်ရ၊ တၠအဲ မဂျိုင်ဒၟံင်လမျီုဂှ်တုန် နူအဝေါင်ဘဝခရှ်ဝွံ တၞဟ်နသွက်ဂွံလုပ်စိုပ် အဝေါင်ဘဝခမဳ သာ်လဵု ပိုဲညးဂမၠိုင် ဂွံသ္ပကဵုအခေါင်မာန်အိုတ်ဂှ်ရော?” ရဴဝွံ ဟီုသ္ဂးကဵုသုဒိန် ကောန်သေဌဳကလန္ဒအိုတ်ရ။

မရနုက်ကဵုပိဝါကီုလေဝ် သုဒိန် ကောန်သေဌဳကလန္ဒဂှ်— “ယွံမိအံက် မအံက်တအ်ဓရ်တဳလမၞုံပိုဉ်ကျာ်တြဲ ဟီုတွံလေဝ်ဂှ် ဗွဲမထေက်ကြိုက် အဲဂွံတီကေတ်ရ၊ (အတိုင်ဂွံတီကေတ်လဝ်ဂှ်) ညးမပဒတဴ ပ္ဍဲအဝေါင်ဘဝခရှ်ဂှ် တၞဟ်နဂွံဒ္ဂေတ်လ္ၚတ်ဒ္ဂေတ်မပြဲ မဍိုက်ပေင်သအးဇ္ၚးစၟတ် မတုပ်သၟဟ်ကဵုကၞုသင်ပေါတ်လဝ်တၟိဝွံ ဟွံလောဲသွာရ၊ အဲကးပါဲကၠေံသော်က္ဍိုပ်သော်သိၟပ်တုဲ သၠောံလတက်ကေတ်ယာတ်ဂမၠိုင် မဖေျာန်လဝ်ဍာ်လွံက်တုဲ နူအဝေါင်ဘဝခရှ်ဂှ် မိက်ဂွံလုပ်စိုပ် အဝေါင်ဘဝခမဳရ၊ နူအဝေါင်ဘဝခရှ်ဂှ် တၞဟ်နသွက်ဂွံလုပ်စိုပ် အဝေါင်ဘဝခမဳဂှ် သ္ပကဵုအခေါင်ကဵုအဲအိုတ်ညိ” ရဴဝွံ ဟီုသ္ဂးကဵု မိမဂမၠိုင်ရ။

မရနုက်ကဵုပိဝါကီုလေဝ် မိမသုဒိန် ကောန်သေဌဳကလန္ဒဂမၠိုင်ဂှ်— “ယွံကောန်သ္ဍိုက်သုဒိန် တၠအဲဂှ် ဒှ်ကောန်ပိုဲတအ်မွဲမဓဝ်တုဲ ဂပ်ဝ်သ္ဍိုက်ဆာန်ရ၊ ဂပ်ဝ်သ္ဍိုက်မၠိုက်ရ၊ ဂပ်ဝ်ကဵုဇၞော်ဂေါဝ်ကၠုင် ဗွဲတသိုခ်ရ၊ ဒှ်ညးမြိမြန်ကၠုင် ဗွဲတသိုခ်ရ၊ ယွံကောန်သ္ဍိုက်သုဒိန် တၠအဲဂှ် မုဒဒိုခ်မွဲလေဝ် ဟွံတီရ၊ နမတၠအဲ ချိုတ်အာလေဝ် ပိုဲညးဂမၠိုင် သီုဟွံမွဲပၟိက်အိုတ်ဂှ် ဒးသာဲခြာအာ ကေုာံတၠအဲအိုတ်ရ၊ တၠအဲ မဂျိုင်ဒၟံင်လမျီုဂှ်တုန် နူအဝေါင်ဘဝခရှ်ဝွံ တၞဟ်နသွက်ဂွံလုပ်စိုပ် အဝေါင်ဘဝခမဳ သာ်လဵု ပိုဲညးဂမၠိုင် ဂွံသ္ပကဵုအခေါင်မာန်အိုတ်ဂှ်ရော?” ရဴဝွံ ဟီုသ္ဂးကဵုသုဒိန် ကောန်သေဌဳကလန္ဒအိုတ်ရ။


၂၇) ပ္ဍဲကြဴနူဂှ် သုဒိန် ကောန်သေဌဳကလန္ဒဂှ် “မိမဂမၠိုင်ဂှ် နူအဝေါင်ခရှ် တၞဟ်နသွက်ဂွံလုပ်စိုပ်အဝေါင်ဘဝခမဳဂှ် ဟွံသ္ပကဵုအခေါင်အဲအိုတ်ရ” ရဴဝွံ တီကေတ်တုဲ ပ္ဍဲလတူတိ ဟွံမွဲကဵုသၞာလးဂှ် “ပ္ဍဲဒၞါဲဝွံဟေင် ပွမချိုတ်လေဝ်ကီု ဒဒှ်ခမဳလေဝ်ကီု ကြက်ဒှ်ကုအဲရ” (သ္ဂးရဴဝွံတုဲ) တိက်ဒၟံင်ပ္ဍဲဌာန်ဂှ်ဟေင်ရ။ ကြဴနူဂှ် သုဒိန် ကောန်သေဌဳကလန္ဒဂှ် ပုင်မွဲဗဂါပ်လေဝ်ဟွံစရ၊ ပုင်ၜါဗဂါပ်ဂမၠိုင်လေဝ် ဟွံစရ၊ ပုင်ပိဗဂါပ်လေဝ် ဟွံစရ၊ ပုင်ပန်ဗဂါပ်ဂမၠိုင်လေဝ် ဟွံစရ၊ ပုင်မသုန်ဗဗဂါပ်ဂမၠိုင်လေဝ် ဟွံစရ၊ ပုင်တြဴဗဂါပ်ဂမၠိုင်လေဝ် ဟွံစရ၊ ပုင်ထပှ်ဗဂါပ်ဂမၠိုင်လေဝ် ဟွံစရ။


၂၈) ပ္ဍဲကြဴနူဂှ် မိမသုဒိန် ကောန်သေဌဳကလန္ဒဂမၠိုင်ဂှ်— “ယွံကောန်သ္ဍိုက်သုဒိန်တၠအဲဂှ် ဒှ်ကောန်ပိုဲတအ်မွဲမဓဝ်တုဲ ဂပ်ဝ်သ္ဍိုက်ဆာန်ရ၊ ဂပ်ဝ်သ္ဍိုက်မၠိုက်ရ၊ ဂပ်ဝ်ကဵုဇၞော်ဂေါဝ်ကၠုင် ဗွဲတသိုခ်ရ၊ ဒှ်ညးမြိမြန်ကၠုင် ဗွဲတသိုခ်ရ၊ ယွံကောန်သ္ဍိုက်သုဒိန် တၠအဲဂှ် မုဒဒိုခ်မွဲလေဝ် ဟွံတီရ၊ နမတၠအဲချိုတ်အာလေဝ် ပိုဲညးဂမၠိုင် သီုဟွံမွဲပၟိက်အိုတ်ဂှ် ဒးသာဲခြာအာကေုာံတၠအဲအိုတ်ရ၊ တၠအဲမဂျိုင်ဒၟံင်လမျီုဂှ်တုန် နူအဝေါင်ဘဝခရှ်ဝွံ တၞဟ်နသွက်ဂွံလုပ်စိုပ်အဝေါင်ဘဝခမဳ သာ်လဵုပိုဲညးဂမၠိုင် ဂွံသ္ပကဵုအခေါင်မာန်အိုတ်ဂှ်ရော? ယွံကောန်သ္ဍိုက်သုဒိန် ဩဝ်ဒၠိုက်ကတဵုညိ၊ စလေဝ် ဩဝ်စညိ၊ သုင်လေဝ် ဩဝ်သုင်ညိ၊ မိပ်မြဟ်လေဝ် ဩဝ်မိပ်မြဟ်ညိ၊ စသုင်မိပ်မြဟ်ဒုင် စသိုင်ကာမဂုဏ်ဂမၠိုင်တုဲ သီုကဵုကၠောန်သ္ပ ပွကုသိုလ်ဂမၠိုင်ဂှ် ဩဝ်မိပ်လဟိင်ညိ၊ နူအဝေါင်ဘဝခရှ် တၞဟ်နသွက်ဂွံလုပ်စိုပ် အဝေါင်ဘဝခမဳဂှ် ပိုဲညးဂမၠိုင် သ္ပကဵုအခေါင် ကဵုတၠအဲဟွံမာန်အိုတ်ရ” ရဴဝွံ ဟီုသ္ဂးကဵုသုဒိန် ကောန်သေဌဳကလန္ဒအိုတ်ရ။

ဟီုသ္ဂးရဴဝွံအိုတ်မ္ဂး သုဒိန် ကောန်သေဌဳကလန္ဒဂှ် မံင်ထောံသ္ၚိတ်သ္ၚိတ်ရ၊ မရနုက်ကဵုၜါဝါကီုလေဝ် ။ ပ ။ မရနုက်ကဵုပိဝါကီုလေဝ် မိမသုဒိန် ကောန်သေဌဳကလန္ဒဂမၠိုင်ဂှ်— “ယွံကောန်သ္ဍိုက်သုဒိန် တၠအဲဂှ် ဒှ်ကောန်ပိုဲတအ်မွဲမဓဝ်တုဲ ဂပ်ဝ်သ္ဍိုက်ဆာန်ရ၊ ဂပ်ဝ်သ္ဍိုက်မၠိုက်ရ၊ ဂပ်ဝ်ကဵုဇၞော်ဂေါဝ်ကၠုင် ဗွဲတသိုခ်ရ၊ ဒှ်ညးမြိမြန်ကၠုင် ဗွဲတသိုခ်ရ၊ ယွံကောန်သ္ဍိုက်သုဒိန် တၠအဲဂှ် မုဒဒိုခ်မွဲလေဝ် ဟွံတီရ၊ နမတၠအဲချိုတ်အာလေဝ် ပိုဲညးဂမၠိုင်သီုဟွံမွဲပၟိက်အိုတ်ဂှ် ဒးသာဲခြာအာ ကေုာံတၠအဲအိုတ်ရ၊ တၠအဲမဂျိုင်ဒၟံင်လမျီုဂှ်တုန် နူအဝေါင်ဘဝခရှ်ဝွံ တၞဟ်နသွက်ဂွံလုပ်စိုပ် အဝေါင်ဘဝခမဳ သာ်လဵုပိုဲညးဂမၠိုင် ဂွံသ္ပကဵုအခေါင်မာန်အိုတ်ဂှ်ရော? ယွံကောန်သ္ဍိုက်သုဒိန် ဩဝ်ဒၠိုက်ကတဵုညိ၊ စလေဝ် ဩဝ်စညိ၊ သုင်လေဝ် ဩသုင်ညိ၊ မိပ်မြဟ်လေဝ် ဩဝ်မိပ်မြဟ်ညိ၊ စသုင်မိပ်မြဟ် ဒုင်စသိုင်ကာမဂုဏ်ဂမၠိုင်တုဲ သီုကဵုကၠောန်သ္ပ ပွကုသိုလ်ဂမၠိုင်ဂှ် ဩဝ်မိပ်လဟိင်ညိ၊ နူအဝေါင်ဘဝခရှ် တၞဟ်နသွက်ဂွံလုပ်စိုပ်အဝေါင်ဘဝခမဳဂှ် ပိုဲညးဂမၠိုင် သ္ပကဵုအခေါင်ကဵုတၠအဲ ဟွံမာန်အိုတ်ရ” ရဴဝွံ ဟီုသ္ဂးကဵုသုဒိန် ကောန်သေဌဳကလန္ဒအိုတ်ရ။ မရနုက်ကဵုပိဝါလေဝ် သုဒိန် ကောန်သေဌဳကလန္ဒဂှ် မံင်ထောံသ္ၚိတ်သ္ၚိတ်ရ၊ ပ္ဍဲကြဴနူဂှ် သကအ်ရဲသုဒိန် ကောန်သေဌဳကလန္ဒဂမၠိုင် ပြာပ်အာဇရေင်သုဒိန် ကောန်သေဌဳကလန္ဒတုဲ “ယွံသဟာဲသုဒိန် တၠအဲဂှ် ဒှ်ကောန်မိမတအ်မွဲမဓဝ်တုဲ ဂပ်ဝ်သ္ဍိုက်ဆာန်ရ၊ ဂပ်ဝ်သ္ဍိုက်မၠိုက်ရ၊ ဂပ်ဝ်ကဵုဇၞော်ဂေါဝ်ကၠုင် ဗွဲတသိုခ်ရ၊ ဒှ်ညးမြိမြန်ကၠုင် ဗွဲတသိုခ်ရ၊ ယွံသဟာဲသုဒိန် တၠအဲဂှ် မုဒဒိုခ်မွဲလေဝ် ဟွံတီရ၊ မိမတၠအဲဂမၠိုင်ဂှ် တၠအဲချိုတ်အာလေဝ် (မိမတအ်ဂှ်) သီုကဵုဟွံမွဲပၟိက်အိုတ်ဂှ် ဒးသာဲခြာအာကေုာံတၠအဲအိုတ်ရ၊ တၠအဲမဂျိုင်ဒၟံင်လမျီုဂှ်တုန် နူအဝေါင်ဘဝခရှ် တၞဟ်နသွက်ဂွံလုပ်အာ အဝေါင်ဘဝခမဳဂှ် သာ်လဵုဂွံသ္ပကဵုအခေါင်မာန်အိုတ်ရော? ယွံသဟာဲသုဒိန် ဩဝ်ဒၠိုက်ကတဵုညိ၊ စလေဝ် ဩဝ်စညိ၊ သုင်လေဝ် ဩဝ်သုင်ညိ၊ မိပ်မြဟ်လေဝ် ဩဝ်မိပ်မြဟ်ညိ၊ စသုင်မိပ်မြဟ် ဒုင်စသိုင်ကာမဂုဏ်ဂမၠိုင်တုဲ သီုကဵုကၠောန်သ္ပပွကုသိုလ်ဂမၠိုင်ဂှ် ဩဝ်မိပ်လဟိင်ညိ၊ နူအဝေါင်ဘဝခရှ် တၞဟ်နသွက်ဂွံလုပ်စိုပ် အဝေါင်ဘဝခမဳဂှ်တုန် မိမဂမၠိုင် သ္ပကဵုအခေါင်ကဵုတၠအဲ ဟွံသေင်အိုတ်ရ” ရဴဝွံ ဟီုသ္ဂးကဵုသုဒိန် ကောန်သေဌဳကလန္ဒအိုတ်ရ။

ဟီုသ္ဂးရဴဝွံအိုတ်မ္ဂး သုဒိန် ကောန်သေဌဳကလန္ဒဂှ် မံင်ထောံသ္ၚိတ်သ္ၚိတ်ရ၊ မရနုက်ကဵုၜါဝါကီုလေဝ် ။ ပ ။ မရနုက်ကဵုပိဝါကီုလေဝ် သကအ်ရဲသုဒိန် ကောန်သေဌဳကလန္ဒဂမၠိုင်ဂှ် ဟီုသ္ဂးကဵုသုဒိန် ကောန်သေဌဳကလန္ဒ ဂလာန်ဝွံအိုတ်ရ၊ ယွံသဟာဲသုဒိန် ။ ပ ။ မရနုက်ကဵုပိဝါလေဝ် သုဒိန် ကောန်သေဌဳကလန္ဒဂှ် မံင်ထောံသ္ၚိတ်သ္ၚိတ်ရ။


၂၉) ပ္ဍဲအခိင်ဂှ် သကအ်ရဲသုဒိန် ကောန်သေဌဳကလန္ဒဂမၠိုင် ပြာပ်အာဇရေင် မိမသုဒိန် ကောန်သေဌဳကလန္ဒအိုတ်တုဲ—

“ယွံမိအံက်မအံက်တအ် သုဒိန်ဝွံ ပ္ဍဲလတူတိ မဟွံမွဲကဵုသၞာလးဝွံ ‘ပ္ဍဲဒၞာဲဝွံဟေင် ပွမချိုတ်လေဝ်ကီု ဒဒှ်ခမဳလေဝ်ကီု ကြက်ဒှ်ကုအဲရ’ ရဴဝွံ တိက်ဒၟံင်ရ၊ မၞးတအ်ညးဂမၠိုင် နူအဝေါင်ဘဝခရှ် တၞဟ်နသွက်ဂွံလုပ်စိုပ် အဝေါင်ဘဝခမဳ ဟွံသ္ပကဵုအခေါင် ကဵုသုဒိန်အိုတ်မ္ဂး ပ္ဍဲဒၞာဲဂှ်ဟေင် ကြက်ဒးအာစိုပ် ပွမချိုတ်အာရ၊ ယဝ်မၞးတအ်ညးဂမၠိုင် သ္ပကဵုအခေါင် သွက်ဂွံသ္ပခမဳအိုတ်မ္ဂး သုဒိန်မတန်တဴဒၟံင်ဒဒှ်ခမဳဂှ် ကြက်ဂွံညာတ်ကေတ်အိုတ်ဏီရ၊ သုဒိန်ဂှ် နူအဝေါင်ဘဝခရှ် လုပ်စိုပ်အဝေါင်ဘဝခမဳတုဲ သ္ပခမဳတုဲ ယဝ်ဟွံမိပ်လဟိင်မ္ဂး သွက်ဂွံအာကၠေံ မသအာင်နူသ္ၚိမိမတအ်ဂှ် သာ်လဵုဂွံနွံ ကုဍေံဂှ်ရော? ကြက်ကလေင်ကၠုင်သ္ၚိဝွံဟေင်ရ၊ နူအဝေါင်ဘဝခရှ် တၞဟ်နသွက်ဂွံလုပ်စိုပ် ဘဝခမဳဂှ် ဩဝ်သ္ပကဵုအခေါင် ကဵုသုဒိန်အိုတ်ညိ” ရဴဝွံ ဟီုသ္ဂးကဵုမိမသုဒိန် ကောန်သေဌဳကလန္ဒဂမၠိုင်အိုတ်ရ။

(ပ္ဍဲအခိင်ဂှ် မိမသုဒိန်ဂမၠိုင်) ယွံအမာံတအ် နူအဝေါင်ဘဝခရှ် တၞဟ်နသွက်ဂွံလုပ်စိုပ်အဝေါင်ဘဝခမဳဂှ် ပိုဲတအ်သ္ပကဵုအခေါင် ကဵုသုဒိန်အိုတ်ရ ရဴဝွံ (ဟီုသ္ဂးအိုတ်ရ)။

ပ္ဍဲအခိင်ဂှ် သကအ်ရဲသုဒိန် ကောန်သေဌဳကလန္ဒဂမၠိုင် ပြာပ်အာဇရေင်သုဒိန် ကောန်သေဌဳကလန္ဒအိုတ်တုဲ “ယွံသဟာဲသုဒိန် ဩဝ်ဒၠိုက်ကတဵုညိ၊ မိမဂမၠိုင်ဂှ် နူအဝေါင်ဘဝခရှ် တၞဟ်နသွက်ဂွံလုပ်စိုပ် အဝေါင်ဘဝခမဳ သ္ပကဵုအခေါင်ကဵုတၠအဲတုဲအိုတ်ရ” ရဴဝွံ ဟီုသ္ဂးအိုတ်ရ။


၃၀) ပ္ဍဲအခိင်ဂှ် သုဒိန် ကောန်သေဌဳကလန္ဒဂှ် “မိမဂမၠိုင် နူအဝေါင်ဘဝခရှ် တၞဟ်နသွက်ဂွံလုပ်စိုပ် အဝေါင်ဘဝခမဳ သ္ပကဵုအခေါင်တုဲရ” ရဴဝွံ မြဟ်မြာမၞုံကဵုစိုတ် မတိုန်ဒှ်တုဲ သီုမဇွိတ်သပေါတ်တဴဇကု နကဵုတဲဂှ် ဒၠိုက်ကတုဵခြုဟ်ရ။

ပ္ဍဲကြဴနူဂှ် သုဒိန် ကောန်သေဌဳကလန္ဒ ဂိုင်ကေတ် ဇြဟတ်မွဲတ္ၚဲၜါတ္ၚဲတုဲ ပ္ၚောံပြာပ်အာဇရေင် တဳလမၞုံပိုဉ်ကျာ်တြဲ လ္ၚောဝ်သ္ပဝတ်တဳလ မၞုံပိုဉ်ကျာ်တြဲတုဲ ဂဇအ်ကေတ် ပ္ဍဲဒၞါဲမွဲတုဲမ္ဂး သုဒိန် ကောန်သေဌဳကလန္ဒဂှ်— “ယွံတဳလပိုဉ် မိမဂမၠိုင်ဂှ် နူအဝေါင်ဘဝခရှ် တၞဟ်နသွက်ဂွံလုပ်စိုပ် အဝေါင်ဘဝခမဳ သ္ပကဵုအခေါင်ကဵုအဲဍိက်တုဲအိုတ်ရ၊ တဳလမၞုံပိုဉ်ကျာ်တြဲ ဩဝ်သ္ပကဵုအဲဍိက်ခမဳညိ” ရဴဝွံ ဂရင်ပတီ တဳလမၞုံပိုဉ်ကျာ်တြဲရ။ သုဒိန် ကောန်သေဌဳကလန္ဒဂှ် ကလိဂွံဒဒှ်ထပိုဲ ဒဒှ်ခမဳ ပ္ဍဲဇရေင်တဳလမၞုံပိုဉ်ကျာ်တြဲရ။

ဒှ်ခမဳတုဲခြာဟွံလအ် တဳလပိုဉ်သုဒိန်ဂှ် ဒဂိုန်ဂိုင်ကေတ် ဂုဏ် ‘ဓုတင်’ ဟိုတ်မခါလယှ် ပတိတ်ကိလေသဂမၠိုင် မၞုံသဘဴမြဴသာ်ဝွံတုဲ ဒ္ဂေတ်လ္ၚတ်ရ၊ ပကင်ရင်ဓုတင် ‘အာရညိက’ ပွမပဒတဴဘာဂြိုပ်ရ၊ ပကင်ရင်ဓုတင် ‘ပိဏ္ဍပါတိက’ ပွမဂ္ၚေင်စဴစပိဏ္ဍပါတ်ရ၊ ပကင်ရင်ဓုတင် ‘ပံသုကူလိက’ ပွမဗိုက်လတက်သ္ၚာပံသုကူရ၊ သကင်ရင်ဓုတင် ‘သပဒါနစာရိက’ ပွမဂ္ၚေင်ပိဏ္ဍပါတ် အတိုင်လၟေင်သ္ၚိရ၊ သ္ပနိဿယ်ဗ္ဒာဲကဵု ကွာန်ဝဇ္ဇဳရးမွဲတုဲ သ္ပဒတဴရ။

ပ္ဍဲအခိင်ဂှ် ဝဇ္ဇဳရး စၞစသုဝါတ်ခါဲရ၊ (ကတဵုဒှ် ကၠောဝ်ရ)၊ သွက်ဂွံဂယိုင်လမျီုဝါတ်ဂါတ်ရ၊ မၞုံကဵုဇုတ်ဗုတၜတ်ရ၊ သ္ဒးဂယိုင်လမျီု နကဵုဇြောဟ်လိက်မာဲရ၊ မိန်ထ္ၜကေတ် ဗဗေင်ပ္ဍဲတဲတုဲ နပွမဂ္ၚေင်ပိဏ္ဍပါတ် သွက်ဂွံယိုပ်ယာပ် ဟွံလောဲသွာရ။ ပ္ဍဲအခိင်ဂှ် ကသပ်ကတဵုဒှ် ကုတဳလပိုဉ်သုဒိန်ရ—

“ပ္ဍဲအခိင်လၟုဟ် ဝဇ္ဇဳရးစၞစသုင်ဝါတ်ခါဲရ၊ သွက်ဂွံဂယိုင်လမျီု ဝါတ်ဂါတ်ရ၊ မၞုံကဵုဇုတ်ဗုတၜတ်ရ၊ သ္ဒးဂယိုင်လမျီု နကဵုဇြေဟ်လိက်မာဲရ၊ မိန်ထ္ၜကေတ် ဗဗေင်ပ္ဍဲတဲတုဲ နပွမဂ္ၚေင်ပိဏ္ဍပါတ် သွက်ဂွံယိုပ်ယာပ် ဟွံလောဲသွာရ။ ပ္ဍဲဍုင်ဝေသာလဳတေံ ကဠောမသအဲဂမၠိုင် (ပိုဉ်ဟာန်ဂြပ်ရတ်) မသ္ဂေဟ်သွဟ်ဖဲသအဳ မၞုံကဵုဂြပ်ကသပ် (တိုပ်ဒေပ်လဝ် ပ္ဍဲတိ) မဂၠိုင်ဂၠင်ဂှ် (သွက်ဂွံသုင်စောဲဇၟာပ်တ္ၚဲ) မၞုံကဵုပိုဉ်ဟာန်ဘိုဂ်ဘဂ်မဂၠိုင်ဂၠင် မၞုံကဵုထဝ်သြန်မဂၠိုင်ဂၠင်မၞုံကဵုရတ်အရပ်အရာ မထေက်ကဵုသ္ဍိုက်မၠိုက်မဂၠိုင်ဂၠင် မၞုံကဵုဂြပ်သြောံ (ကူသာန်သွံရာန်လှာဲဂတး) မဂၠိုင်ဂၠင်ဂှ် နွံဂၠိုင်အိုတ်ရ၊ အဲသ္ပနိဿယ်ဗ္ဒာဲကဵု ကဠောမသဂမၠိုင်တုဲ သ္ဂောံသပဒတဴမ္ဂး ခိုဟ်သန်ရ၊ ကဠောမသဂမၠိုင် သ္ပနိဿယ်ဗ္ဒာဲကဵုအဲတုဲ ကြက်သ္ဂောံကဵုဒါန် ကပေါတ်ကဵုဒါန်ဂမၠိုင်အိုတ်ရ၊ ကြက်သ္ဂောံသ္ပပတုဲတဴ ကုသိုလ်ထၟိက်ဂမၠိုင်အိုတ်ရ၊ ခမဳဂမၠိုင်လေဝ်ကြက်ကလိဂွံ လာဘ်အိုတ်ရ၊ အဲလေဝ် ကြက်ဟွံဒှ် လၟောင်လၟေတ်ဍောင်ၜိုတ် နကဵုပိဏ္ဍပါတ်ရ” ရဴဝွံ (ကသပ်ကတဵုဒှ်ရ)။ ပ္ဍဲကြဴနူဂှ် တဳလပိုဉ်သုဒိန် လပှ်သီဂိုင်ဒေပ် သၞာသတိက်သၞာဒၟံင်တုဲမ္ဂး ဂိုင်ကေတ် ဗဗေင်သ္ၚာတုဲပါဲစ္ဍးက္ညအာ ဍုင်ဝသသာလဳမ္ဂး အတိုင်လၟေင်လၟေင်စိုပ်အာဍုင်ဝေသာလဳရ၊ သ္ပဒတဴဒၟံင် ပ္ဍဲဘာပြာသာဒ်ဇၞော် မၞုံကဵုအထောဋ်သ္ၚိကၠတ် အပ္ဍဲဂြိုပ်မဟာဝိုန် ဇရေင်ဍုင်ဝေသာလဳဂှ်ရ။ ကဠောမသတဳလပိုဉ်သုဒိန်ဂမၠိုင်ဂှ် “သုဒိန် ကောန်သေဌဳကလန္ဒ ကၠုင်စိုပ်ဍုင်ဝေသာလဳရ” ရဴဝွံ သ္ဂောံမိင်ကေတ်အိုတ်ရ။ ညးဂမၠိုင်ဂှ် ပလံင်တဴပုင်တြဴစှော်ထၟာဲဂမၠိုင် ကုတဳလပိုဉ်သုဒိန်အိုတ်ရ။

ပ္ဍဲအခိင်ဂှ် ပုင်တြဴစှော်ထၟာဲဂမၠိုင်ဂှ် တဳလပိုဉ်သုဒိန် သၠးကဵုဒါန် ကုခမဳဂမၠိုင်တုဲ (ဇကုဇကုတုန်) ပ္ဍဲရုင်လတက်ပဠေဝ်သ္ၚာ မိန်ဂိုင်ထ္ၜကေတ် ဗဗေင်သ္ၚာတုဲ လုပ်ဂ္ၚေင်ပိဏ္ဍပါတ်ကွာန်ကလန္ဒရ၊ ဂေတ်ဂ္ၚေင်ပိဏ္ဍပါတ် ပ္ဍဲကွာန်ကလန္ဒ အတိုင်လၟေင်လၟေင်မ္ဂး ပြာပ်စိုပ်အာသ္ၚိမအံက်ဇကုရ။


၃၁) ပ္ဍဲအခိင်ဂှ် ဍိက်ဗြဴ ကဠောသမ တဳလပိုဉ်သုဒိန်ဂမၠိုင် နွံပၟိက်သၟိက်မိက်ဂွံထောံကွာင်ဒလောမ် မအုတ်ဒီုမွဲဗ္တမ်ရ၊ ပ္ဍဲအခိင်ဂှ် တဳလပိုဉ်သုဒိန်ဂှ် “ယွံဒေံဗြဴ ကွာင်ဒလောမ်ဂှ် ယဝ်ဒးကၠဟ်ထောံမ္ဂး၊ ကိုဟ်လံင်စုတ် ပ္ဍဲဗဗေင်အဲဝွံညိ” ရဴဝွံ ဟီုသ္ဂးကဵုဍိက်ဗြဴ ကဠောမသဂမၠိုင်ဂှ်ရ။

ပ္ဍဲအခိင်ဂှ် ဍိက်ဗြဴ ကဠောသမ တဳလပိုဉ်သုဒိန်ဂမၠိုင် ဃောကိုဟ်လံင်စုတ် ကွာင်ဒလောမ်မအုပ်ဒီုမွဲဗ္တမ် ပ္ဍဲဗဗေင် တဳလပိုဉ်သုဒိန်ဂှ် ဂိုင်သမ္တီကေတ် စၟတ်သမ္တီ တဲ,ဇိုင်,ရမျာင်ဂမၠိိုင်တုဲပ္ဍဲကြဴ ပြာပ်အာဇရေင်မိ တဳလပိုဉ်သုဒိန်တုဲ “ယွံနာဲဗြဴ ဩဝ်တီကေတ်ညိ၊ ကောန်နာဲဗြဴသုဒိန်ဂှ် စိုပ်ကၠုင်ရ” ရဴဝွံ ဟီုသ္ဂးကဵုမိ တဳလပိုဉ်သုဒိန်ရ။ ဟာဲဍိက်ဗြဴ ယဝ်တၠအဲ ဟီုဍာံစၟတ်မ္ဂး ပတိတ်ဗၠးကဵုတၠအဲ နူဒဒှ်ဍိက်ရ ရဴဝွံ သ္ဂးရ။


၃၂) ပ္ဍဲအခိင်ဂှ် တဳလပိုဉ်သုဒိန် နိဿယ်ဗဒါဲကဵု ဇိုင်ဗဒင်မွဲတုဲ ပြဘိုဂ်ဒၟံင်ကွာင်ဒလောမ်မအုတ်ဒီုမွဲဗ္တမ်တုဲဂှ်ရ။ မအံက်တီလပိုဉ်သုဒိန်လေဝ် ကလေင်စဴကၠုင် နူဌာန်ကၠောန်ကမၠောန်မ္ဂး ဟိုတ်မဂွံညာတ်ကေတ် တဳလပိုဉ်သုဒိန် နိဿယ်ဗဒါဲကဵု ဇိုင်ဗဒင်မွဲတုဲ ပြဘိုဂ်ဒၟံင်ကွာင်ဒလောမ် မအုတ်ဒီုမွဲဗ္တံတုဲဂှ်ရ ပြာပ်အာဇရေင် တဳပိုဉ်သုဒိန်တုဲ— “ယွံကောန်သ္ဍိုက်သုဒိန် ကွာင်ဒလောမ် မအုတ်ဒီုမွဲဗ္တမ်တုဲဂှ် စဒှ်ကွေံရသွံ၊ ဗွဲစၟတ်မ္ဂး ထေက်ကဵုဒးပြာပ်အာသ္ၚိဇကုရ ဟွံသေင်ဟာ” ရဴဝွံ ဟီုသ္ဂးကဵု တဳလပိုဉ်သုဒိန်ရ။

ယွံဒကာဇၞော် အာစိုပ်သ္ၚိတၠအဲတုဲရ၊ ကွာင်ဒလောမ် မအုတ်ဒီုမွဲဗ္တမ်တုဲဝွံ ဒှ်နူသ္ၚိတၠအဲဂှ်ရ ရဴဝွံ (ကလေင်ဟီုသ္ဂးရ)။

ပ္ဍဲအခိင်ဂှ် မအံက်တဳလပိုဉ်သုဒိန် ဂန်ရပ်ကအ်တဲ တဳလပိုဉ်သုဒိန်တုဲ “ယွံကောန်သ္ဍိုက်သုဒိန် ဩဝ်ကၠုင်ညိ၊ အာသ္ၚိအိုတ်စိုအ်” ရဴဝွံ ဟီုသ္ဂးကဵု တဳလပိုဉ်သုဒိန်ရ။ ပ္ဍဲကြဴနူဂှ် တဳလပိုဉ်သုဒိန် က္ညပြာပ်အာသ္ၚိ မအံက်ဇကုတုဲမ္ဂး ဂဇအ်ဒၟံင် ပ္ဍဲသၞာမလးပဠေဝ်လဝ်ဂှ်ရ။ ပ္ဍဲအခိင်ဂှ် မအံက်တဳလပိုဉ်သုဒိန်ဂှ်— “ယွံကောန်သ္ဍိုက်သုဒိန် ဩဝ်စညိ ရဴဝွံ သ္ဂးရ။ ယွံဒကာဇၞော် ဒေါံရ၊ တ္ၚဲဏအ်ဝွံ ကိစ္စကဵုပိုဉ်တုဲအာ ကုအဲရ ရဴဝွံ (ကလေင်သ္ဂးရ)။ ယွံကောန်သ္ဍိုက်သုဒိန် သွက်တ္ၚဲယးဂှ် ဩဝ်ဒုင်တဲ ပိဏ္ဍပါတ်ညိ ရဴဝွံ (ပ္ဍဲအခိင်မကလေင်ဟီုဂှ်)— တဳလပိုဉ်သုဒိန် နမမံင်သ္ၚိတ်သ္ၚိတ်ဂှ် ဒုင်တဲတုဲပ္ဍဲကြဴ ဒၠိုက်ကတဵုနူဒၞါဲ က္ညပါဲစ္ဍးအာရ။


၃၃) ပ္ဍဲအခိင်ဂှ် မိအံက်တဳလပိုဉ်သုဒိန်ဂှ် ပ္ဍဲအခိင်မလောန်ၜက်အာဗ္တမ်ဂှ် ကဵုလံက်လေတ်တိဇၞော် နကဵုအိက်ဂၠဴဍုက်ဍုက်တုဲမ္ဂး ကဵုသ္ပဖအုမ်ၜါဖအုမ် ဗွဲထဝ်မွဲဖအုမ် သြန်မွဲဖအုမ်ရ၊ ဖအုမ်ဂမၠိုင်ဇၞော်လောန်အိုတ်ရ၊ တြုံမဒတူဒၟံင် ပ္ဍဲလ္ပာ်ဏအ်ဂှ် ညာတ်ကေတ် တြုံမဒတူဒၟံင်လ္ပာ်တေံ ဟွံမာန်ရ၊ တြုံမဒတူဒၟံင် ပ္ဍဲလ္ပာ်တေံဂှ် ညာတ်ကေတ် တြုံမဒတူဒၟံင်လ္ပာ်ဏအ်ဟွံမာန်ရ၊ ကဵုဂြောပ်ကၠေံ ဖအုမ်ဂမၠိုင်ဂှ် နကဵုသကဝ်ဂမၠိုင်တုဲ ကဵုလးသၞာ ပ္ဍဲလဒေါဝ်တုဲ စဵုဗိုင်ယာတ်သၞိက်တုဲမ္ဂး “ယွံခအှ်ဗြဴ အဲဖအောဝ်ဗတိုက်ရ၊ ဩဝ်ကျိုင်ကျဝ်ကယျိုင်ယျဝ်မလေပ်ကဵုသ္ဍိုက်မၠိုက်ကြိုက်စိုတ် ကုသုဒိန် ကောန်အဲဂှ်ညိ” ရဴဝွံ ကော်ဟီုကဵု သမ္ဘာတြေမ်တဳလပိုဉ်သုဒိန်ရ။ “ယွံနာဲဗြဴ ခိုဟ်သန်ရ” ရဴဝွံ သမ္ဘာတြေမ်တဳလပိုဉ်သုဒိန် ဒုင်ဝန်ကုမိအံက်တဳလပိုဉ်သုဒိန်ရ။


၃၄) ပ္ဍဲအခိင်ဂှ် တဳလပိုဉ်သုဒိန်ဂှ် ပ္ဍဲအခိင်နူဂယး ရုင်လတက်သဠေဝ်သ္ၚာ ထ္ၜဂိုင်ရပ်ကေတ်ဗဗေင်သ္ၚာတုဲ ပြာပ်စဴအာသ္ၚိ မအံက်ဇကုတုဲ ဂဇအ်ဒၟံင် ပ္ဍဲသၞာမလးပဠေဝ်လဝ်ဂှ်ရ။

မအံက်တဳလပိုဉ်သုဒိန်ဂှ် ပြာပ်အာဇရေင် တဳလပိုဉ်သုဒိန်တုဲမ္ဂး ကဵုပံက်ကၠေံ ဖအုမ်ထဝ်သြန်ဂမၠိုင်တုဲ— “ယွံကောန်သ္ဍိုက်သုဒိန် ထဝ်သြန်ဝွံ ဂြပ်ပါကၠုင်နူလ္ပာ်မိ မိတၠအဲရ၊ ဂြပ်ညးဗြဴသုင်စောဲ (မဂပ်ဝ်ကလိဂွံ တၞဟ်နသုင်စောဲ)ရ၊ ဂြပ်ပါကၠုင် နူလ္ပာ်မအံက်ဂှ်တုန်နွံတၞဟ်ခြာဏီရ၊ ဂြပ်မဆက်ကၠုင်နူအပါနော် အပါနက်လေဝ် နွံတၞဟ်ခြာဏီရ၊ ယွံကောန်သ္ဍိုက်သုဒိန် ရာမ်တိတ်ခရှ်တုဲ ပိုဉ်ဟာန်သမ္ပတ္တိဂမၠိုင်လေဝ် သွက်ဂွံဒုင်စသိုင် ကုသိုလ်ထၟိက်ဂမၠိုင်လေဝ် သွက်ဂွံကၠောန်သ္ပဂှ် ဂွံမာန်ဒၟံင်ရ၊ ယွံကောန်သ္ဍိုက်သုဒိန် ဩဝ်ကၠုင်ညိ၊ ရာမ်တိတ်ခရှ်တုဲ ပိုဉ်ဟာန်သမ္ပတ္တိဂမၠိုင်လေဝ်ဩဝ်ဒုင်စသိုင်ညိ၊ ကုသိုလ်ထၟိက်ဂမၠိုင်လေဝ် ဩဝ်ကၠောန်သ္ပညိ” ရဴဝွံ ဟီုသ္ဂးကဵု တဳလပိုဉ်သုဒိန်ရ။

ယွံမအံက် ရာမ်တိတ်ခရှ် ဟွံမာန်ရ၊ ဟွံဂံင်ရာမ်တိတ်ခရှ်ရ၊ အဲ ဗွဲမမိပ်လဟိင်လောန် ဒ္ဂေတ်ဒၟံင် ဒ္ဂေတ်မပြဲရ ရဴဝွံ (ကလေင်ဟီုသ္ဂးရ)။ မရနုက်ကဵုၜါဝါလေဝ် ။ ပ ။ မရနုက်ကဵုပိဝါလေဝ် မအံက်တဳလပိုဉ်သုဒိန်ဂှ်—

“ယွံကောန်သ္ဍိုက်သုဒိန် ထဝ်သြန်ဝွံ ဂြပ်ပါကၠုင်နူလ္ပာ်မိ မိတၠအဲရ၊ ဂြပ်ညးဗြဴသုင်စောဲ (မဂပ်ဝ်ကလိဂွံ တၞဟ်နသုင်စောဲ) ရ၊ ဂြပ်ပါကၠုင် နူလ္ပာ်မအံက်ဂှ်တုန် နွံတၞဟ်ခြာဏီရ၊ ဂြပ်မဆက်ကၠုင် နူအပါနော် အပါနက်လေဝ် နွံတၞဟ်ခြာဏီရ၊ ယွံကောန်သ္ဍိုက်သုဒိန် ရာမ်တိတ်ခရှ်တုဲ ပိုဉ်ဟာန်သမ္ပတ္တိဂမၠိုင်လေဝ် သွက်ဂွံဒုင်စသိုင် ကုသိုလ်ထၟိက်ဂမၠိုင်လေဝ် သွက်ဂွံကၠောန်ဂှ် ဂွံမာန်ဒၟံင်ရ၊ ယွံကောန်သ္ဍိုက်သုဒိန် ဩဝ်ကၠုင်ညိ၊ ရာမ်တိတ်ခရှ်တုဲ ပိုဉ်ဟာန်သမ္ပတ္တိဂမၠိုင်လေဝ် ဩဝ်ဒုင်စသိုင်ညိ၊ ကုသိုလ်ထၟိက်ဂမၠိုင်လေဝ် ဩဝ်ကၠောန်သ္ပညိ” ရဴဝွံ ဟီုသ္ဂးကဵု တဳလပိုဉ်သုဒိန်ရ။

ယွံဒကာ ယဝ်တၠအဲ ဟွံထေဲပၞတ်မ္ဂး မိက်ဟီုသ္ဂးကဵုတၠအဲရ (ရဴဝွံ ပ္ဍဲအခိင်မဟီုတိုန်ဂှ်) ယွံကောန်သ္ဍိုက်သုဒိန် ဩဝ်ဟီုညိ ရဴဝွံ (ကလေင်ဟီုရ)။

“ယွံဒကာ ဒှ်သာ်ဂှ်မ္ဂး တၠအဲ ကဵုဇိင်ထိုင်ရိုက်ကာန်ဇၞော်ဇၞော်ဂမၠိုင်တုဲမ္ဂး စုတ်ဗပေင်ထဝ်သြန်ပေင်ပေင်တုဲ ရင်တၠုင်ဇက်ပတိတ်ဏာ နကဵုကွဳဂမၠိုင်တုဲ ဩဝ်ဗိုတ်ကၠဟ်ထောံပ္ဍဲဇၟောဝ်ဍာ် လဒေါဝ်ကြုင်ဂင်္ဂါညိ၊ မုဟိုတ် ကဵုသ္ပသာ်ဂှ်ရောဟီုမ္ဂး ယွံဒကာ ဟိုတ်နူဟိုတ်မတွံဂး ဂြပ်နွံဂှ် ပွမဖေက်ဂၟံက်ကီု ပွမချဳဇတဝ်ဇဝဝ်ကီု ပွမနရဴသော်ဇကုကီု ပွမသ္ဒးမင်မွဲကီု ကြက်ကတဵုဒှ် ကုတၠအဲရ၊ (ဂြပ်ဟွံမွဲမ္ဂး) အန္တရာယ် (မပ္တံပွမဖေက်ဂၟံက်) ဂှ် ကတဵုဒှ်ကုတၠအဲ ဟွံမာန်ရ၊ ဟိုတ်ဒှ်သာ်ဂှ်ဟေင်ရောင်” ရဴဝွံ (သ္ဂးရ)။

ဟီုသ္ဂးတဴရဴဝွံမ္ဂး မအံက်တဳလပိုဉ်သုဒိန်ဂှ် “ကောန်သုဒိန် မုဟိုတ် သ္ဂောံဟီုသ္ဂးရဴဝွံဂှ်ရော?” ရဴဝွံ စိုတ်ဟွံမိပ် ဒှ်တဴရ။


၃၅) ပ္ဍဲကြဴနူဂှ် မအံက်တဳလပိုဉ်သုဒိန် ကော်သမ္ဘာတြေမ်တဳလပိုဉ်သုဒိန်တုဲ “ယွံကောန်ခအှ်ဗြဴ အဲ ဖအောဝ်ဗတိုက်ရ၊ ကောန်သုဒိန်ဂှ် ဆာန်လေဝ် ဆာန်တၠအဲရ၊ သ္ဍိုက်မၠိုက်လေဝ် သ္ဍိုက်မၠိုက်ရ၊ ကောန်သုဒိန်ဂှ် ကလင်ဗက်ဂလာန်တၠအဲဏောဝ် တန်ဒှ်မာန်ရ” ရဴဝွံ ဟီုသ္ဂးရ။ ပ္ဍဲအခိင်ဂှ် သမ္ဘာတြေမ်တဳလပိုဉ်သုဒိန်ဂှ် ဗန်ရပ်ကေတ် ဇိုင်တဳလပိုဉ်သုဒိန်ဂမၠိုင်တုဲ “ယွံနာဲပိုဲ ယြဴဟိုတ်နူဟိုတ်မတွံဂး မိက်ကလိဂွံ ကောန်အဆေရ်သွဝ်ဗြဴဂမၠိုင်တုဲ နာဲပိုဲဂှှ် ဒ္ဂေတ်ဒၟံင်ဒ္ဂေတ်မပြဲရ၊ ကောန်အဆေရ်သွဝ်ဗြဴဂမၠိုင်တုန် မၞုံသဘဴသာ်လဵုအိုတ်ဂှ်ရော?” ရဴဝွံ သၟာန်တဳလပိုဉ်သုဒိန်ရ။

“ယွံဒေံဗြဴ အဲဂှ် ဟိုတ်နူဟိုတ်မတွံဂး ကောန်အဆေရ်သွဝ်ဗြဴဂမၠိုင်ဂှ် ဒ္ဂေတ်ဒၟံင်ဒ္ဂေတ်မပြဲဟွံသေင်ရ” ရဴဝွံ (ကလေင်ဟီုသ္ဂးရ)။

ပ္ဍဲအခိင်ဂှ် သမ္ဘာတြေမ်တဳလပိုဉ်သုဒိန်ဂှ် “သ္ပတမ်နူတ္ၚဲဝွံတုဲ ကောန်နာဲသုဒိန်ဂှ် နပွမဟီုသ္ဂး အကော်အခဴမတွံဂး ဒေံဗြဴဂှ် ဟီုသ္ဂးကော်ခဴဒၟံင် အဲရသွံ” ရဴဝွံ (ဒှ်စံင်တူပူဆာတုဲ) ပ္ဍဲဒၞာဲဂှ်ဟေင် ဝိုတ်စိပ်တုဲ လောတ်စှေ်ရ။

ပ္ဍဲအခိင်ဂှ် တဳလပိုဉ်သုဒိန်ဂှ် “ယွံဒကာ ကဵုဒါန်ပိဏ္ဍပါတ် ဘောဇိုန်ဂမၠိုင်မ္ဂးတေှ် ဩဝ်ကဵုဒါန်ညိ၊ (ထ္ၜးဂြပ် ထ္ၜးဗြဴနာနာသာ်တုဲ) ဩဝ်လ္ပပျဲပျာံ ပိုဲညးဂမၠိုင်ညိ” ရဴဝွံ ဟီုသ္ဂးကဵုကုညးမဒှ်မအံက်ဂှ်ရ။ ယွံကောန်သ္ဍိုက်သုဒိန် ဩဝ်သ္ပပြဘိုဂ်ညိ ရဴဝွံ (ကလေင်ဟီုသ္ဂးရ)။

ပ္ဍဲကြဴနူဂှ် မိမတဳလပိုဉ်သုဒိန်ဂမၠိုင် နကဵုစၞအာဟာရဘောဇိုန်မပြဲပြဲဂှ် စဵုကဵုတရိုပ်စိုတ်စဵုကဵုဒးဆေဝ်တာပဒေါံကၠေံ အလဵုဇကုတအ် ကၠောန်ၜိုတ်ဥပကာ တြာပ်ဖာပ်ဗ္စ ကုတဳလပိုဉ်သုဒိန်အိုတ်ရ။

ပ္ဍဲအခိင်ဂှ် မိအံက်တဳလပိုဉ်သုဒိန်ဂှ် ဟီုသ္ဂးကဵုတဳလပိုဉ်သုဒိန် ကဵုပိုဉ်တုဲ မၞုံကဵုတဲမပါဲကၠေံနူဗဗေင်တုဲဂှ်ရ—

“ယွံကောန်သ္ဍိုက်သုဒိန် ဂကူ (ပိုဲတအ်) ဝွံ (ပိုဉ်ဟာန်ဂြပ်ရတ်) သ္ဂေဟ်သွဟ်ဖဲသအဳရ၊ ဂြပ်ကသပ်(တိုပ်ဒေပ်လဝ်ပ္ဍဲတိ) ဂၠိုင်ဂၠင်ရ၊ (သွက်ဂွံသုင်စောဲဇၟာပ်တ္ၚဲ) မၞုံကဵုပိုဉ်ဟာန်ဘိုဂ်ဘဂ်ဂၠိုင်ဂၠင်ရ၊ မၞုံကဵုထဝ်သြန်ဂၠိုင်ဂၠင်ရ၊ မၞုံကဵုရတ်အရပ်အရာ မထေက်ကဵုသ္ဍိုက်မၠိုက်ဂၠိုင်ဂၠင်ရ၊ မၞုံကဵုဂြပ်သြောံ (ကူသာန်သွံရာန်လှာဲဂတး) ဂၠိုင်ဂၠင်ရ၊ ယွံကောန်သ္ဍိုက်သုဒိန် ရာမ်တိတ်ခရှ်တုဲ ပိုဉ်ဟာန်သမ္ပတ္တိဂမၠိုင်လေဝ် သွက်ဂွံဒုင်စသိုင် ကုသိုလ်ထၟိက်ဂမၠိုင်လေဝ် သွက်ဂွံကေၠာန်သ္ပဂှ်ဂွံမာန်ဒၟံင်ရ၊ ယွံကောန်သ္ဍိုက်သုဒိန် ဩဝ်ကၠုင်ညိ၊ ရာမ်တိတ်ခရှ်တုဲ ပိုဉ်ဟာန်သမ္ပတ္တိဂမၠိုင် လေဝ် ဩဝ်ဒုင်စသိုင်ညိ၊ ကုသိုလ်ထၟိက်ဂမၠိုင်လေဝ် ဩဝ်ကေၠာန်သ္ပညိ” ရဴဝွံ (ဟီုသ္ဂးရ)။

ယွံမိအံက် ရာမ်တိတ်ခရှ် ဟွံမာန်ရ၊ ဟွံဂံင်ရာမ်တိတ်ခရှ်ရ၊ အဲ ဗွဲမမိပ်လဟိင်လောန် ဒ္ဂေတ်ဒၟံင် ဒ္ဂေတ်မပြဲရ ရဴဝွံ (ကလေင်ဟီုသ္ဂးရ)။ မရနုက်ကဵုၜါဝါလေဝ် ။ ပ ။ မရနုက်ကဵုပိဝါလေဝ် မိအံက်တဳလပိုဉ်သုဒိန်ဂှ်—

“ယွံကောန်သ္ဍိုက်သုဒိန် ဂကူ (ပိုဲတအ်) ဝွံ (ပိုဉ်ဟာန်ဂြပ်ရတ်) သ္ဂေဟ်သွဟ်ဖဲသအဳရ၊ ဂြပ်ကသပ် (တိုပ်ဒေပ်လဝ်ပ္ဍဲတိ) ဂၠိုင်ဂၠင်ရ၊ (သွက်ဂွံသုင်စောဲဇၟာပ်တ္ၚဲ) မၞုံကဵုပိုဉ်ဟာန်ဘိုဂ်ဘဂ် ဂၠိုင်ဂၠင်ရ၊ မၞုံကဵုထဝ်သြန် ဂၠိုင်ဂၠင်ရ၊ မၞုံကဵုရတ်အရပ်အရာ မထေက်ကဵုသ္ဍိုက်မၠိုက်ဂၠိုင်ဂၠင်ရ၊ မၞုံကဵုဂြပ်သြောံ (ကူသာန်သွံရာန်လှာဲဂတး) ဂၠိုင်ဂၠင်ရ၊ ယွံကောန်သ္ဍိုက်သုဒိန်ယဝ်ဒှ်သာ်ဂှ်မ္ဂး မဗဳဇကောန်ဇာတ်လေဝ် ဩဝ်ကဵုညိ၊ ဂြပ်ကသပ်ပိုဲညးဂမၠိုင် မဟွံမွဲကဵုကောန်ဒုင်အာဲကၟာဲဂှ် သၟိင်လိစ္ဆဝဳဂမၠိုင် လ္ပကဵုရင်တၠုင်ကေတ်ဏာ (နဒဒှ်ဂြပ်သၟိင်) အိုတ်ညိ” ရဴဝွံ (ပ္ဍဲအခိင်မဟီုကဵု) တဳလပိုဉ်သုဒိန်ဂှ်—

ယွံမိအံက် ကမၠောန်ကေင်ကာ ပွမကဵုမဗဳဇကောန်ဇာတ်ဝွံတုန် သ္ပကဵုမာန်ရ ရဴဝွံ (ကလေင်ဟီုရ)။ ယွံကောန်သ္ဍိုက်သုဒိန် ပ္ဍဲအခိင်လၟုဟ် (တၠအဲ) သ္ပဒတဴဒၟံင် ပ္ဍဲဌာန်လဵုဂှ်ရော? ရဴဝွံ (ပ္ဍဲအခိင်မသၟာန်ဂှ်)—

ယွံမိအံက် (သ္ပဒတဴဒၟံင်) ပ္ဍဲဂြိုပ်မဟာဝိုန်ရ ရဝွံ (ကလေင်ဟီုရ)။ ပ္ဍဲကြဴနူဂှ် တဳလပိုဉ်သုဒိန် ဒၠိုက်ကတဵုနူဒၞါဲတုဲ က္ညပါဲစ္ဍးအာရ။


၃၆) ပ္ဍဲအခိင်ဂှ် မိအံက်တဳလပိုဉ်သုဒိန်ဂှ် “ယွံခအှ်ဗြဴ ကဵုဂွံအာတ်အခေါင် ဒှ်ဟိုတ်သွက်ဂွံကလိဂွံ ကောန်ဇာတ်ညိ၊ ဥတုကၠုင်တုဲ ပ္ဍဲအခိင်ပကဴ (ဓမ္မတာမၞိဟ်ဗြဴဂမၠိုင်) ရာင်ဂှ် ဩဝ်ဟီုလဴထ္ၜး ကုအဲညိ” ရဴဝွံ ကော်ဟီုကဵု သမ္ဘာတြေမ် တဳလပိုဉ်သုဒိန်ရ။ “ယွံနာဲဗြဴ ခိုဟ်သန်တဴရ” ရဴဝွံ သမ္ဘာတြေမ်တဳလပိုဉ်သုဒိန် ကလေင်ပလန်ဂလာန် ကုမိအံက်တဳလပိုဉ်သုဒိန်ရ။

ပ္ဍဲကြဴနူဂှ် ခြာဟွံလအ်ဟေင် ဥတုကၠုင်တုဲ ပကဴ (ဓမ္မတာမၞိဟ်ဗြဴဂမၠိုင်) ရာင်ကၠုင်ကုသမ္ဘာတြေမ်တဳလပိုဉ်သုဒိန်ရ၊ ပ္ဍဲအခိင်ဂှ် သမ္ဘာတြေမ်တဳလပိုဉ်သုဒိန်ဂှ် “ယွံနာဲဗြဴ ဥတုကၠုင်တုဲ ပကဴ (ဓမ္မတာမၞိဟ်ဗြဴဂမၠိုင်) ရာင်ကၠုင် ကုအဲရ” ရဴဝွံ ဟီုလဴထ္ၜး ကုမိအံက် တဳလပိုဉ်သုဒိန်ရ။ “ယွံခအှ်ဗြဴ အဲ ဖအောဝ်ဗတိုက်ရ၊ ဩဝ်ကျိုင်ကျဝ် ကယျိုင်ကယျဝ် မလေပ်ကဵုသ္ဍိုက်မၠိုက် ကြိုက်စိုတ် ကုသုဒိန် ကောန်အဲဂှ်ညိ” ရဴဝွံ ကော်ဟီုကဵု သမ္ဘာတြေမ်တဳလပိုဉ်သုဒိန်ရ။ “ယွံနာဲဗြဴ ခိုဟ်သန်တဴရ” ရဴဝွံ သမ္ဘာတြေမ်တဳလပိုဉ်သုဒိန် ကလေင်ပလန်ဂလာန် ကုမိအံက်တဳလပိုဉ်သုဒိန်ရ။ ပ္ဍဲကြဴနူဂှ် မိအံက်တဳလပိုဉ်သုဒိန် ကော်ဂွံသမ္ဘာတြေမ်တဳလပိုဉ်သုဒိန်တုဲ ပ္ၚောံပြာပ်အာဂြိုပ်မဟာဝိုန် ဇရေင်တဳလပိုဉ်သုဒိန်တုဲမ္ဂး—

“ယွံကောန်သ္ဍိုက်သုဒိန် ဂကူ (ပိုဲတအ်) ဝွံ (ပိုဉ်ဟာန်ဂြပ်ရတ်) သ္ဂေဟ်သွဟ်ဖဲသအဳရ၊ ဂြပ်ကသပ် (တိုပ်ဒေပ်လဝ်ပ္ဍဲတိ) ဂၠိုင်ဂၠင်ရ၊ (သွက်ဂွံသုင်စောဲဇၟာပ်တ္ၚဲ) မၞုံကဵုပိုဉ်ဟာန်ဘိုဂ်ဘဂ် ဂၠိုင်ဂၠင်ရ၊ မၞုံကဵုထဝ်သြန် ဂၠိုင်ဂၠင်ရ၊ မၞုံကဵုရတ်အရပ်အရာ မထေက်ကဵုသ္ဍိုက်မၠိုက်ဂၠိုင်ဂၠင်ရ၊ မၞုံကဵုဂြပ်သြောံ (ကူသာန်သွံရာန်လှာဲဂတး) ဂၠိုင်ဂၠင်ရ၊ ယွံကောန်သ္ဍိုက်သုဒိန် ရာမ်တိတ်ခရှ်တုဲ ပိုဉ်ဟာန်သမ္ပတ္တိဂမၠိုင်လေဝ် သွက်ဂွံဒုင်စသိုင် ကုသိုလ်ထၟိက်ဂမၠိုင်လေဝ် သွက်ဂွံကၠောန်သ္ပဂှ် ဂွံမာန်ဒၟံင်ရ၊ ယွံကောန်သ္ဍိုက်သုဒိန် ဩဝ်ကၠုင်ညိ၊ ရာမ်တိတ်ခရှ်တုဲ ပိုဉ်ဟာန်သမ္ပတ္တိဂမၠိုင်လဝ် ဩဝ်ဒုင်စသိုင်ညိ၊ ကုသိုလ်ထၟိက်ဂမၠိုင်လေဝ် ဩဝ်ကၠောန်သ္ပညိ” ရဴဝွံ ဟီုသ္ဂးကဵုတဳလပိုဉ်သုဒိန်ပၠန်ရ။

ယွံမိအံက် ရာမ်တိတ်ခရှ် ဟွံမာန်ရ၊ ဟွံဂံင်ရာံတိတ်ခရှ်ရ၊ အဲ ဗွဲမမိပ်လဟိင်လောန်ဒ္ဂေတ်ဒၟံင် ဒ္ဂေတ်မပြဲရ ရဴဝွံ (ကလေင်ဟီုသ္ဂးရ)။ မရနုက်ကဵုၜါဝါလေဝ် ။ ပ ။ မရနုက်ကဵုပိဝါလေဝ် မိအံက်တဳလပိုဉ်သုဒိန်ဂှ်—

“ယွံကောန်သ္ဍိုက်သုဒိန် ဂကူ (ပိုဲတအ်) ဝွံ (ပိုဉ်ဟာန်ဂြပ်ရတ်) သ္ဂေဟ်သွဟ်ဖဲသအဳရ၊ ဂြပ်ကသပ် (တိုပ်ဒေပ်လဝ်ပ္ဍဲတိ) ဂၠိုင်ဂၠင်ရ၊ (သွက်ဂွံသုင်စောဲဇၟာပ်တ္ၚဲ) မၞုံကဵုပိုဉ်ဟာန်ဘိုဂ်ဘဂ် ဂၠိုင်ဂၠင်ရ၊ မၞုံကဵုထဝ်သြန် ဂၠိုင်ဂၠင်ရ၊ မၞုံကဵုရတ်အရပ်အရာ မထေက်ကဵုသ္ဍိုက်မၠိုက်ဂၠိုင်ဂၠင်ရ၊ မၞုံကဵုဂြပ်သြောံ (ကူသာန်သွံရာန်လှာဲဂတး) ဂၠိုင်ဂၠင်ရ၊ ယွံကောန်သ္ဍိုက်သုဒိန် ရာမ်တိတ်ခရှ်တုဲ ပိုဉ်ဟာန်သမ္ပတ္တိဂမၠိုင်လေဝ် သွက်ဂွံဒုင်စသိုင် ကုသိုလ်ထၟိက်ဂမၠိုင်လေဝ် သွက်ဂွံကၠောန်သ္ပဂှ် ဂွံမာန်ဒၟံင်ရ၊ ယွံကောန်သ္ဍိုက်သုဒိန် ဩဝ်ကၠုင်ညိ၊ ရာမ်တိတ်ခရှ်တုဲ ပိုဉ်ဟာန်သမ္ပတ္တိဂမၠိုင်လဝ် ဩဝ်ဒုင်စသိုင်ညိ၊ ကုသိုလ်ထၟိက်ဂမၠိုင်လေဝ် ဩဝ်ကၠောန်သ္ပညိ” ရဴဝွံ ဟီုသ္ဂးကဵုတဳလပိုဉ်သုဒိန်ပၠန်ရ။

ယွံမိအံက် ကမၠောန်ကေင်ကာ ပွမကဵုဗဳဇကောန်ဝွံတုန် သ္ပကဵုမာန်ရ ရဴဝွံ ဟီုသ္ဂးတုဲမ္ဂး ဂန်ရပ်ကေတ် ကအ်တဲသမ္ဘာတြေမ်တုဲ လုပ်အာအပ္ဍဲဂြိုပ်မဟာဝိုန်တုဲမ္ဂး ကိုပ်ကၠာဟွံဂွံပညပ် (ပဌမပါရာဇိက) သိက္ခာပိုဒ်ဏီ ဟွံညာတ်ကေတ်ဒုဟ် (ပ္ဍဲပွမသွိုန်ဗပိုန်မေထုန်) ဒှ်တုဲ စဵုကဵုဗၞတ်ပိဝါ ဒ္ဂေတ်သ္ပ ဒ္ဂေတ်မေထုန် ပ္ဍဲသမ္ဘာတြေမ်ရ၊ သမ္ဘာတြေမ်ဂှ် နအယံမာတ် (ပွမဒ္ဂေတ်သ္ပ ဒ္ဂေတ်မေထုန်) ဂှ် ဂိုင်ကေတ်ဂၠမ်ဂဝ်ရ၊ ဒေဝတဴဘုမ္မဇဵုဂမၠိုင်—

“ယွံသကအ်တအ် ခမဳသင်ဂှ် စာ်စ္ဍးနူခၜိုဟ် (မတွံဂးဒုဿဳလ) ရသွံ၊ စာ်စ္ဍးနူဒုဟ်ရသွံ၊ သုဒိန် ကောန်သေဌဳကလန္ဒဂှ် ကဵုကတဵုဒှ်ခၜိုဟ် (မတွံဂးဒုဿဳလ) တုဲရ၊ ကဵုကတဵုဒှ်ဒုဟ်တုဲရ” ရဴဝွံ ဟီုလၟိင်လၟဟ်အာ အဆက်အဆက်အိုတ်ရ။ သ္ဂောံမိင်ကေတ် ဗရုရမျာင် ဒေဝတဴဘုမ္မဇဵုဂမၠိုင်တုဲ ဒေဝတဴစာတုမရာဇ်ဂမၠိုင် ။ ပ ။ ဒေဝတဴတာဝတိံဂမၠိုင်။ ဒေဝတဴယာမာဂမၠိုင်။ ဒေဝတဴတုသိတာဂမၠိုင်။ ဒေဝတဴနိမ္မာနရတိဂမၠိုင်။ ဒေဝတဴပရနိမ္မိတဝသဝတ္တဳဂမၠိုင်။ ပကောံဗြီုဂမၠိုင်— “ယွံသကအ်တအ် ခမဳသဂှ် စာ်စ္ဍးနူၜိုဟ် (မတွံဂးဒုဿဳလ) ရသွံ၊ စာ်စ္ဍးနူဒုဟ်ရသွံ၊ သုဒိန် ကောန်သေဌဳကလန္ဒဂှ် ကဵုကတဵုဒှ်ခၜိုဟ် (မတွံဂးဒုဿဳလ) တုဲရ၊ ကဵုကတဵုဒှ်ဒုဟ်တုဲရ” ရဴဝွံ ဟီုလၟိင်လၟဟ်အာ အဆက်အဆက်အိုတ်ရ။

ရဴဝွံဟေင် နမွဲခဏဓဝ်ဂှ် နမွဲမုဟုတ်ဓဝ်ဂှ် စဵုကဵုစိုပ်ဍုင်ဗြီု ဗရုရမျာင်လၟိင်လၟဟ်ဂှ် ဗြုဗျာပ်တိုန်အာရ။

ပ္ဍဲကြဴနူဂှ် သမ္ဘာတြေမ်တဳလပိုဉ်သုဒိန်ဂှ် သ္ပဟိုတ်ကဵုဂၠမ်ဂဝ် (ပဋိသန္ဓိ) ဂှ် ကြံင်ဍုဟ်တုဲၜံင်သၠတိတ် ကောန်တြုံရ။ ပ္ဍဲအခိင်ဂှ် သကအ်ရဲ တဳလပိုဉ်သုဒိန်ဂမၠိုင် ကုကောန်ၚာ်သၟတ်ဂှ် ခုတ်ခဴကဵုထောံယၟု ရဴဝွံမ္ဂး ဗဳဇကအိုတ်ရ၊ ကုသမ္ဘာတြေမ်တဳလပိုဉ်သုဒိန်ဂှ် ခုတ်ခဴကဵုထောံယၟု ရဴဝွံမ္ဂး ဗဳဇကမာတာအိုတ်ရ၊ ကုတဳလပိုဉ်သုဒိန်ဂှ် ခုတ်ခဴကဵုထောံယၟု ရဴဝွံမ္ဂး ဗဳဇကပိတာအိုတ်ရ ကောန်ကဵုမိၜါတၠဂမၠိုင်ဂှ် ပ္ဍဲအခိင်လက္ကရဴ (လအ်အာဗၞတ်ထပှ်သၞာံ ဒ္စါံသၞာံ) နူအဝေါင်ဘဝခရှ် လုပ်စိုပ်အဝေါင်ဘဝခမဳ သ္ပခမဳအိုတ်တုဲ သ္ပဇၞောဝ်မတ် အရဟတ္တဖိုလ်အိုတ်ရ။


၃၇) ပ္ဍဲအခိင်ဂှ် “ကုအဲဂှ် ဟွံကလိဂွံ (ဓရ်ဂုဏ်မပ္တံၛာန်) ရသွံ၊ ကုအဲဂှ် ကလိဂွံ (ဒဒှ်ခမဳ) ဟွံဒးရးရသွံ၊ အဲဂပ်ဝ်ကလိဂွံ (သာသနာ) ဗွဲဟွံဒးရးရသွံ၊ အဲကလိဂွံ (သာသနာ) ဗွဲမဒးရးဟွံသေင်ရသွံ၊ ယြဴအဲမွဲ သ္ပခမဳပ္ဍဲ ‘ဓမ္မဝိနယ’ သာသနာ မဂပ်ဝ်တွံလဝ်ဗွဲမဒးရး ရဴဝွံတုဲ သွက်သ္ဂောံဒ္ဂေတ်လ္ၚတ် ဒ္ဂေတ်မပြဲ ဗွဲမဍိုက်ပေင်သအးဇ္ၚး စဵုကဵုလအိတ်လမျီုဂှ် ဟွံသၟဟ်ရထရသွံ” ရဴဝွံ ပွမဂွိင်စံင်တူ ဗွဲကြဴ ပွမသၠိုက်သ္ၚောံစိုတ် ကတဵုဒှ် ကုတဳလပိုဉ်သုဒိန်ရ။ တဳလပိုဉ်သုဒိန်ဂှ် ဟိုတ်နူ ပွမဂွိင်စံင်တူ ဗွဲကြဴ ပွမသၠိုက်သ္ၚောံစိုတ်ဂှ် ဇြာဲသကှ်ကၠုင်တုဲ၊ ဖျုန်ဆီဒေက်ခ္ဍေက်ကၠုင်တုဲ၊ ရုပ်သာ်လီုလာ်ကၠုင်တုဲ၊ မၞုံကဵုသာ်ဇကုဖျိုဟ်ဖျေဟ် သၟဟ်ညံင်တၞးဆုဍုဟ်ဍုဟ်တုဲ၊ မၞုံကဵုဇကုဓရံင် ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်) တုဲ၊ မၞုံကဵုစိုတ် (ဂမ္တဴပူဆာ) အပ္ဍဲဒှ်တုဲ မၞုံကဵုစိုတ်မခ္ဍောပ်ကဝေန်ဒှ်တုဲ မၞုံကဵုဒဒိုခ်ဒှ်တုဲ စိုတ်ဟွံခိုဟ် (ဟွံမိပ်) ဒှ်တုဲ သၠိုက်သ္ၚောံစိုတ်ဒှ်တုဲ ၚုင်ၚဇြဟောံဒၟံင်ရ။


၃၈) ပ္ဍဲအခိင်ဂှ် ခမဳသကအ်ရဲ တဳလပိုဉ်သုဒိန်ဂမၠိုင်ဂှ်— “ယွံကောန်တၠသုဒိန် ပ္ဍဲကိုပ်ကၠာတေံ တၠအဲရုပ်သာ်ကျေဝ်လှေဝ်ရ၊ မၞုံကဵုဣန္ဒြဳပေင်အုဟ်ရ၊ သာ်မုက္ခဝါဇြုင်ကေဝ်ခ္ဍေက်ရ၊ သာ်စၞာံဇကု ဇြုင်ကေဝ်ဗွဲတၟေင်ရ၊ ပ္ဍဲအခိင်လၟုဟ် တၠအဲ ဇြာဲသကှ်ရ၊ ဖျုန်ဆီဒေက်ခ္ဍေက်ရ၊ ရုပ်သာ်လီုလာ်ရ၊ မၞုံကဵုသာ်ဇကုဖျိုဟ်ဖျေတ် သၟဟ်ညံင်တၞးဆုဍုဟ်ဍုဟ်ရ၊ မၞုံကဵုဇကုဓရံင် ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်) ရ၊ မၞုံကဵုဟိုတ် (ဂမ္တဴပူဆာ) အပ္ဍဲဒှ်တုဲ မၞုံကဵုစိုတ်မခ္ဍောပ်ကဝေန်ဒှ်တုဲ မၞုံကဵုဒဒိုခ်ဒှ်တုဲ ဟိုတ်ဟွံခိုဟ် (ဟွံမိပ်) ဒှ်တုဲ သၠိုက်သ္ၚောံစိုတ်ဒှ်တုဲ ၚုင်ၚဇြဟောံဒၟံင်ရ၊ ယွံကောန်တၠသုဒိန် ပသာ်ဂှ်ရော? တၠအဲ ဒ္ဂေတ်ဒၟံင်ဒ္ဂေတ်မပြဲ သီုဟွံမိပ်လဟိင်ဟာ” ရဴဝွံ ဟီုသ္ဂးကဵု တဳလပိုဉ်သုဒိန်အိုတ်ရ။

ယွံတဳလပိုဉ်တအ် အဲဍိက် ဒ္ဂေက်ဒၟံင် ဒ္ဂေတ်မပြဲ သီုဟွံမိပ်လဟိင် ဟွံသေင်ရ၊ ပွသရာမ်ပါပ် အဲဍိက်ကၠောန်သ္ပဒး နွံဒၟံင်ရ၊ ဒ္ဂေတ်သ္ပဒး ဒ္ဂေတ်မေထုန် ပ္ဍဲသမ္ဘာတြေမ်ရ၊ ယွံတဳလပိုဉ်တအ် “ကုအဲဂှ် ဟွံကလိဂွံ (ဓရ်ဂုဏ်မပ္တံၛာန်) ရသွံ၊ ကုအဲဂှ် ကလိဂွံ (ဒဒှ်ခမဳ) ဟွံဒးရးရသွံ၊ အဲဂပ်ဝ်ကလိဂွံ (သာသနာ) ဗွဲဟွံဒးရးရသွံ၊ အဲကလိဂွံ (သာသနာ) ဗွဲမဒးရးဟွံသေင်ရသွံ၊ ယြဴအဲမွဲ သ္ပခမဳပ္ဍဲ ‘ဓမ္မဝိနယ’ သာသနာ မဂပ်ဝ်တွံလဝ်ဗွဲမဒးရး ရဴဝွံတုဲ သွက်သ္ဂောံဒ္ဂေတ်လ္ၚတ် ဒ္ဂေတ်မပြဲ ဗွဲမဍိုက်ပေင်သအးဇ္ၚး စဵုကဵုလအိတ်လမျီုဂှ် ဟွံသၟဟ်ရထရသွံ” ရဴဝွံ ပွမဂွိင်စံင်တူ ဗွဲကြဴ ပွမသၠိုက်သ္ၚောံစိုတ် ကတဵုဒှ်ဒၟံင် ကုအဲဍိက်ရ ရဴဝွံ (ကလေင်ဟီုလဴထ္ၜးရ)။

ယွံကောန်တၠသုဒိန် ပွမဂွိင်စံင်တူဗွဲကြဴ ပွမသၠိုက်သ္ၚောံစိုတ် ထေက်ကဵုကတဵုဒှ် ကုတၠအဲရ၊ ယြဴတၠအဲမွဲ သ္ပခမဳ ပ္ဍဲ ‘ဓမ္မဝိနယ’ သာသနာ မဂပ်ဝ်တွံလဝ် ဗွဲမဒးရးရဴဝွံတုဲ သွက်သ္ဂောံဒ္ဂေတ်လ္ၚတ် ဒ္ဂေတ်မပြဲ ဗွဲမဍိုက်ပေင်သအးဇ္ၚး စဵုကဵုလအိတ်လမျီုဂှ် ဟွံသၟဟ်ရထရသွံ၊ ယွံကောန်တၠ တဳလမၞုံပိုဉ်ကျာ်တြဲဂှ် နဟိုတ်မဂၠိုင်ဂၠင် ဟွံတွံလဝ်ဓရ် တၞဟ်နပွမဒှ်မွဲဟာန်ကေုာံရာဂတုဲ တွံလဝ်သွက်ဂွံစာ်စ္ဍးနူရာဂရ ဟွံသေင်ဟာ၊ ဟွံတွံလဝ်ဓရ် တၞဟ်နပွမစိုန်သကီုစပ်ကေုာံကာမဂုဏ်တုဲ တွံလဝ် သွက်ဟွံစိုန်သကီု ဟွံစပ် ကေုာံကာမဂုဏ်ရ ဟွံသေင်ဟာ၊ ဟွံတွံလဝ်ဓရ် တၞဟ်နပွမဒှ်မွဲဟာန်ကေုာံပွမစောဲလာံ (နတဏှာဒိဋ္ဌိ) တုဲ တွံလဝ်သွက်ဟွံစောဲလာံ (နတဏှာဒိဋ္ဌိ) ရ ဟွံသေင်ဟာ။

ယွံကောန်တၠ တဳလမၞုံပိုဉ်ကျာ်တြဲဂှ် သီုဂပ်ဝ်တွံလဝ်ဓရ် သွက်ဂွံစာ်စ္ဍးနူရာဂသာ်ဂှ် တၠအဲဂှ် ပတိတ်ဇြဟတ် တၞဟ်နပွမဒှ်မွဲဟာန်ကေုာံရာဂရသွံ၊ သီုဂပ်ဝ်တွံလဝ်ဓရ် သွက်ဟွံစိုန်သကီု ဟွံစပ်ကေုာံကာမဂုဏ်သာ်ဂှ် ပတိတ်ဇြဟတ်တၞဟ်နပွမစိုန်သကီုစပ် ကေုာံကာမဂုဏ်ရသွံ၊ သီုဂပ်ဝ်တွံလဝ်ဓရ် သွက်ဟွံစောဲလာံ (နတဏှာဒိဋ္ဌိ) သာ်ဂှ် ပတိတ်ဇြဟတ် တၞဟ်နပွမဒှ် မွဲဟာန်ကေုာံပွမစောဲလာံ (နတဏှာဒိဋ္ဌိ) ရသွံ။

ယွံကောန်တၠ တဳလမၞုံပိုဉ်ကျာ်တြဲဂှ် နဟိုတ်မဂၠိုင်ဂၠင် တွံလဝ်ဓရ် တၞဟ်နပွမစာ်စ္ဍးနူရာဂ ဟွံသေင်ဟာ၊ တွံလဝ်ဓရ် တၞဟ်နပွမဟွံဗ္ၜူမာန် တၞဟ်နပွမပါဲပၠေင်ကၠေံ ပွမဗျဵုတဟင် (မတွံဂးကိလေသ) တၞဟ်နပွမပါဲသကုတ်ကၠေံ အစောဲအလာံ တၞဟ်ပွမသကုတ်ကၠေံရိုဟ်ကၞက်ဝဋ် တၞဟ်နတဏှာအိုတ် တၞဟ်နပွမဟွံထၞေန်စပ် တၞဟ်နပွမပၠိုတ်လလမ် တၞဟ်နပွမၜိုတ်သတိုတ်ရ ဟွံေသင်ဟာ။

ယွံကောန်တၠ တဳလမၞုံပိုဉ်ကျာ်တြဲဂှ် နဟိုတ်မဂၠိုင်ဂၠင် တွံလဝ်ပွမပါဲကၠေံ ကာမဂုဏ်ရဟွံသေင်ဟာ၊ တွံလဝ် ပွမပိုင်ခြာတီကေတ် သညာ (စိုတ်) ကာမဂုဏ်ဂမၠိုင်ရ ဟွံသေင်ဟည၊ တွံလဝ် ပွမပါဲပၠေင်ကၠေံ ပွမဗျဵုတဟင်ကာမဂုဏ်ရ ဟွံသေင်ဟာ၊ တွံလဝ် ပွမပါဲဂစိုတ်ကၠေံ ‘ကာမဝိတက်’ ပွမချပ်ပ္ဍဲကာမဂုဏ်ရ ဟွံသေင်ဟာ၊ တွံလဝ် ပွမၜိုဟ်လလမ် ဒတူတၠာဲကာမဂုဏ်ဂမၠိုင်ရ ဟွံသေင်ဟာ။

ယွံကောန်တၠ ပွမယုတ်မာတၠအဲ သ္ပဒးဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ကုညးလျုင်ဇြုင်သ္ဍိုက်တုဲဂမၠိုင် တၞဟ်နပွမကဵုလျုင်ဇြုင်သ္ဍိုက်ဂၠိုင်တိုန်ကီု ကဵုကတဵုဒှ်ဟွံမာန်ရ။ ယွံကောန်တၠ ဍာံဍာံစၟတ်စၟတ် ပွယုတ်မာတၠအဲ သ္ပဒးဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမဟွံကဵုလျုင်ဇြုင်သ္ဍိုက်ကီု ကုညးလျုင်ဇြုင်သ္ဍိုက်တုဲ လ္ၚဵုဂမၠိုင် တၞဟ်နပွမကဵုလျုင်ဇြုင်သ္ဍိုက်လီုလာ်ကီု ကဵုကတဵုဒှ်ရ ရဴဝွံ (ဟီုသ္ဂးအိုတ်ရ)။


၃၉) ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် တဳလပိုဉ်သုဒိန် နဟိုတ်မဂၠိုင်အိုတ်တုဲဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ပ္ဍဲအခိင်ဂှ် ဟိုတ်နူဟိုတ်အရာ (ပွမကလိလောန်မေထုန် တဳလပိုဉ်သုဒိန်)ဝွံ တဳလမၞုံပိုဉ်ကျာ်တြဲ ကဵုခမဳသင် ကောံဓရီုတုဲမ္ဂး “ယွံသုဒိန် တၠအဲ သွိုန်ဗပိုန် (ဒ္ဂေတ်သ္ပဒး) ဒ္ဂေတ်မေထုန် ပ္ဍဲသမ္ဘာတြေမ်ရဂှ် ဍာံပြဟာ” ရဴဝွံ စၟၟဳစၟတ်သၟာန်သၟုက် တဳလပိုဉ်သုဒိန်ရ။

ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာဟီုဂရိုဟ်ရ၊ “ယွံတြုံမလ္ၚုသၟး (နူမဂ်ဖိုလ်) (ပွကမၠောန်တၠအဲ)ဝွံ ဟွံထေက်ကုခမဳဂမၠိုင်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ် ဟွံသေင်ရ၊ ဟွံဂပ်ဝ်ရ၊ ဟွံထေကကဵုသ္ပရ၊ ယွံတြုံမလ္ၚုသၟး (နူမဂ်ဖိုလ်) မုဟိုတ် တၠအဲဂှ် သ္ပခမဳ ပ္ဍဲ ‘ဓမ္မဝိနယ’ သာသနာ မဂပ်ဝ်တွံလဝ် ဗွဲမဒးရးရဴဝွံတုဲ သွသ္ဂောံဒ္ဂေတ်လ္ၚတ် ဒ္ဂေတ်မပြဲ ဗွဲမဍိုက်ပေင်သအးဇ္ၚး စဵုကဵုလအိတ်လမျီုဂှ် ဟွံသၟဟ်ရထဂှ်ရော?

ယွံတြုံမလ္ၚုသၟး (နူမဂ်ဖိုလ်) အဲဂှ် နဟိုတ်မဂၠိုင်ဂၠင် ဟွံတွံလဝ်ဓရ် တၞဟ်နပွမဒှ်မွဲဟာန်ကေုာံရာဂတုဲ တွံလဝ်သွက်ဂွံစာ်စ္ဍးနူရာဂရ ဟွံသေင်ဟာ၊ ဟွံတွံလဝ်ဓရ် တၞဟ်နပွမစိုန်သကီုစပ်ကေုာံကာမဂုဏ်တုဲ တွံလဝ် သွက်ဟွံစိုန်သကီုဟွံစပ် ကေုာံကာမဂုဏ်ရ ဟွံသေင်ဟာ၊ ဟွံတွံလဝ်ဓရ် တၞဟ်နပွမဒှ်မွဲဟာန်ကေုာံပွမစောဲလာံ (နတဏှာဒိဋ္ဌိ)တုဲ တွံလဝ်သွက်ဟွံစောဲလာံ (နတဏှာဒိဋ္ဌိ)ရ ဟွံသေင်ဟာ။

ယွံတြုံမလ္ၚုသၟး (နူမဂ်ဖိုလ်) အဲဂှ် သီုဂပ်ဝ်တွံလဝ်ဓရ် သွက်ဂွံစာ်စ္ဍးနူရာဂဂှ် တၠအဲဂှ် မုဟိုတ် ပတိတ်ဇြဟတ် တၞဟ်နပွမဒှ်မွဲဟာန်ကေုာံရာဂဂှ်ရော? သီုဂပ်ဝ်တွံလဝ်ဓရ် သွက်ဟွံစိုန်သကီု ဟွံစပ်ကေုာံကာမဂုဏ်သာ်ဂှ် သတိတ်ဇြဟတ် တၞဟ်နပွမစိုန်သကီု စပ်ကေုာံကာမဂုဏ်ဂှ်ရော? သီုဂပ်ဝ်တွံလဝ်ဓရ် သွက်ဟွံစောဲလာံ (နတဏှာဒိဋ္ဌိ) သာ်ဂှ် ပတိတ်ဇြဟတ်တၞဟ်နပွမဒှ်မွဲဟာန် ကေုာံပွမစောဲလာံ (နတဏှာဒိဋ္ဌိ)ဂှ်ရော?

ယွံတြုံမလ္ၚုသၟး (နူမဂ်ဖိုလ်) အဲဂှ် နဟိုတ်မဂၠိုင်ဂၠင် တွံလဝ်ဓရ် တၞဟ်ပွမစာ်စ္ဍးနူရာဂရ ဟွံသေင်ဟာ၊ တွံလဝ်ဓရ် တၞဟ်နပွမဟွံဗ္ၜူမာန် တၞဟ်နပွမပါဲပၠေင်ကၠေံ ပွမဗျဵုတဟင် (မတွံဂးကိလေသ) တၞဟ်နပွမပါဲသကုတ်ကၠေံ အစောဲအလာံ တၞဟ်နပွမသကုတ်ကၠေံရိုဟ်ကၞက်ဝဋ် တၞဟ်နတဏှာအိုတ် တၞဟ်နပွမဟွံထၞေန်စပ် တၞဟ်နပွမပၠိုတ်လလမ် တၞဟ်နပွွမၜိုဟ်သတိုတ်ရ ဟွံသေင်ဟာ။

ယွံတြုံမလ္ၚုသၟး (နူမဂ်ဖိုလ်) အဲဂှ် နဟိုတ်မဂၠိုင်ဂၠင် တွံလဝ် ပွမပါဲကၠေံ ကာမဂုဏ်ရ ဟွံသေင်ဟာ၊ တွံလဝ် ပွမပိုင်ခြာတီကေတ် သညာ (စိုတ်) ကာမဂုဏ်ဂမၠိုင်ရ ဟွံသေင်ဟာ၊ တွံလဝ် ပွမပါဲပၠေင်ကေၠံ ပွမဗျုဵတဟင်ကာမဂုဏ်ရ ဟွံသေင်ဟာ၊ တွံလဝ် ပွမပါဲဂစိုတ်ကၠေံ ‘ကာမဝိတက်’ ပွမချပ်ပ္ဍဲကာမဂုဏ်ရ ဟွံသေင်ဟာ၊ တွံလဝ်ပွမၜိုဟ်လလမ် ဒတူတၠာဲကာမဂုဏ်ဂမၠိုင်ရ ဟွံသေင်ဟာ။

ယွံတြုံမလ္ၚုသၟး (နူမဂ်ဖိုလ်) ပွမပၠုပ်စုတ်အင်္ဂဇာတ်တၠအဲ ပ္ဍဲပါင်ဇြုံမၞုံကဵုဂျိမပြဟ် မၞုံကဵုဂျိမသကာတ်ဂှ် ပြဲသန်ဏီရ၊ ပွမပၠုပ်စုတ်အင်္ဂဇာတ်တၠအဲ ပ္ဍဲအင်္ဂဇာတ်မၞိဟ်ဗြဴဂှ် ဟွံပြဲဟေင်ရ။ ယွံတြုံမလ္ၚုသၟး (နူမဂ်ဖိုလ်) ပွမပၠုပ်စုတ်အင်္ဂဇာတ်တၠအဲ ပ္ဍဲပါင်ဇြုံဗုဲ ဇြုံဇာတ်ဂှ် ပြဲသန်ဏီရ၊ ပွမပၠုပ်စုတ် အင်္ဂဇာတ်တၠအဲ ပ္ဍဲအင်္ဂဇာတ်မၞိဟ်ဗြဴဂှ် ဟွံပြဲဟေင်ရ။

ယွံတြုံမလ္ၚုသၟး (နူမဂ်ဖိုလ်) ပွမပၠုပ်စုတ် အင်္ဂဇာတ်တၠအဲ ပ္ဍဲဗွဝ်ဖအုမ်လ္ၚပၟတ် မဂဵုတူဍာဲဂြင် မဂဵုလဟဵုတူပွဳပွူ မဒှ်မွဲဟာန်ကေုာံသၞပၟတ်ဂၠန်ပၟတ်ဂှ် ပြဲသန်ဏီရ၊ ပွမပၠုပ်စုတ်အင်္ဂဇာတ်တၠအဲ ပ္ဍဲအင်္ဂဇာတ်မၞိဟ်ဗြဴဂှ် ဟွံပြဲဟေင်ရ။

ပွမဒှ်သာ်ဂှ်ဂှ် မုဟိုတ်ရောဟီုမ္ဂး ယွံတြုံမလ္ၚုသၟး (နူမဂ်ဖိုလ်) ဟိုတ်နူဟိုတ် (မတွံဂးပွမပၠုပ်စုတ်အင်္ဂဇာတ် ပ္ဍဲပါင်ဇြုံ ဗွဝ်ဖအုမ်လ္ၚပၟတ်)ဂှ် သ္ဒးအာစိုပ် ပွမချိုတ်ကီု ဒဒိုခ်ဆိုက်ညောန်ကဵုချိုတ်ကီုရ၊ ဟိုတ်နူဟိုတ် (မတွံဂး ပွမပၠုပ်စုတ်အင်္ဂဇာတ် ပ္ဍဲပါင်ဇြုံ ဗွဝ်ဖအုမ်လ္ၚပၟတ်)ဂှ် ခန္ဓဇကုလီုလာ်တုဲ ပ္ဍဲကြဴနူချိုတ်တုဲဂှ် နရက်မစာ်စ္ဍးနူတသိုခ် မဒှ်လအာဂတိ ညးဟွံခိုဟ်ဆာဲတအ် မဒှ်အရာဒၞါဲဒတုံစှေ်ပြးဆာဲတုန် အာစိုပ်ဟွံမာန်ဟေင်ရ။

ယွံတြုံမလ္ၚုသၟး (နူမဂ်ဖိုလ်) ဟိုတ်နူဟိုတ် (မတွံဂးပွမပၠုပ်စုတ်အင်္ဂဇာတ် ပ္ဍဲအင်္ဂဇာတ်မၞိဟ်ဗြဴ) ဝွံတုန် ခန္ဓဇကုလီုလာ်တုဲ ပ္ဍဲကြဴနူချိုတ်တုဲဂှ် သ္ဒးအာစိုပ်နရက် မစာ်စ္ဍးနူတသိုခ် မဒှ်လအာဂတိ ညးဟွံခိုဟ်ဆာဲတအ် မဒှ်အရာဒၞါဲဒတုံစှေ်ပြးဆာဲရ။

ယွံတြုံမလ္ၚုသၟး (နူမဂ်ဖိုလ်) သီုကဵုဒှ်တဴသာ်ဂှ် တၠအဲ ဒ္ဂေတ်သ္ပတဴ ဒ္ဂေတ်မေထုန် မဟွံသေင်ကဵုဒ္ဂေတ်ညးသပ္ပုရိုသ် မဒှ်ဒ္ဂေတ် ညးပဒတဴပ္ဍဲကွာန် ဒ္ဂေတ်ညးယုတ်ဂမၠိုင် မရုန်မဵုသကာတ်မြဟ် မၞုံလအိတ်ဍေံ ပွမဒးကြဴကြာတ်ကဵုဍာ် (မၞိဟ်ညာတ်ဒးမ္ဂး ဟွံဆာဲတုဲ) မဒးဒ္ဂေတ်သ္ပပ္ဍဲဌာန်ဂြောပ်ဗ္ဒန် မၞိဟ်တြုံမၞိဟ်ဗြဴၜါၜါမွဲစွံ မဒးဒ္ဂေတ်သ္ပရသွံ။

ယွံတြုံမလ္ၚုသၟး (နူမဂ်ဖိုလ်) တၠအဲဂှ် ဒှ်ညးဒ္ဂေတ်သ္ပ ဓရ်အကုသိုလ်ဂမၠိုင်မဂၠိုင် ဗွဲကိုပ်ကၠာ (ညးဂမၠိုင်အိုတ်သီု)တုဲ ဒှ်က္ဍိုပ်သကိုပ်အာဂတပၠတရဴရ။

ယွံတြုံမလ္ၚုသၟး (နူမဂ်ဖိုလ်) ပွယုတ်မာ တၠအဲသ္ပဒးဝွံ ကုညးဟွံလျုင်ဇြုင်သ္ဍိုက်ဂမၠိုင်တၞဟ်နပွမကဵုလျုင်ဇြုင်သ္ဍိုက်ကီု ကုညးလျုင်ဇြုင်သ္ဍိုက်တုဲဂမၠိုင် တၞဟ်နပွမကဵုလျုင်ဇြုင်သ္ဍိုက်ဂၠိုင်တိုန်ကီု ကဵုကတဵုဒှ်ဟွံမာန်ရ၊ ယွံတြုံမလ္ၚုသၟး (နူမဂ်ဖိုလ်) ဍာံဍာံစၟတ်စၟတ် ပွယုတ်မာတၠအဲသ္ပဒးဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမဟွံကဵုလျုင်ဇြုင်သ္ဍိုက်ကီု ကုညးလျုင်ဇြုင်သ္ဍိုက်တုဲလ္ၚဵုဂမၠိုင် တၞဟ်နပွမကဵုလျုင်ဇြုင်သ္ဍိုက်လီုလာ်ကီု ကဵုကတဵုဒှ်ရ ရဴဝွံ (ဟီုဂရိုဟ်ရ)။

ပ္ဍဲကြဴနူဂှ် တဳလမၞုံပိုဉ်ကျာ်တြဲ ဟီုဂရိုဟ်တင်ဒုဟ် တဳလပိုဉ်သုဒိန် နဟိုတ်မဂၠိုင်တုဲမ္ဂး ဟီုဂလာန်ဂရိုဟ်မဟွံမွဲကဵုဂုဏ် ဒဒက်တဴဇကုဇကု ပွမဇြိုင်ကဵုလွဳမြိမြန်ဇကုဇကု ညးသအာင်ဂမၠိုင် ပွမဇြိုင်ကဵုလွဳမြိမြန် ပွမပၟိက်ဇၞော် ပွမဟွံအေင်သတေှ် (ဟွံတရိုပ်စိုတ်) ပွမမိပ်လဟိင်ပ္ဍဲဂကောံသကအ်ပွံင် ပွမလၞုဟ်လၞန်ဂမၠိုင်တုဲ နဟိုတ်မဂၠိုင်ဂၠင် ဟီုသ္ဂးတဴဂုဏ် ဒဒက်တဴဇကုဇကု ပွမလွဳမြိမြန်ဇကုဇကုလောဲသွာ ညးသအာင်ဂမၠိုင်လွဳမြိမြန်လောဲသွာ ပွမပၟိက်အောန်ပွမအေင်သတေှ် (တရိုပ်စိုတ်) ပွမတေှ်တြဳထောံကိလေသ ပွမခါလယှ်ထောံကိလေသ ပွမမၞုံကဵုလျုင်ဇြုင်သ္ဍိုက် ပွမဟွံဆန်ၜန်ကိသေလ ပွမပတိတ်ဇြဟတ် နဝဳရိယဂမၠိုင်တုဲမ္ဂး ဟီုတွံတဴဂလာန်ဓရ် မဗဗွဲညဳသၟဟ်ကဵုဗီုဒဒှ်ဂှ် ကုခမဳဂမၠိုင်တုဲပ္ဍဲကြဴ—

၁.၁.၂။ ဟိုတ်ဂွံပညပ်ဝိနယ်စှ်သာ်

[ပလေဝ်ဒါန် | ပလေဝ်ဒါန် တမ်ကၞက်]

“ယွံခမဳတအ် ဒှ်သာ်ဂှ်မ္ဂး သ္ပဟိုတ်ကဵု ဖဵုတၟေင်ဂမၠိုင်စှ်ပြကာမတွံဂး- (1) သွက်သ္ဂောံဒ္ဂေတ်လ္ၚတ်ဒုင်ဝန်မ္ဂး ဒးရးသန်ရ ဒဒက်တဴကဵုသင် (2) သွက်ဂွံကဵုဒှ်သင်ဂမၠိုင် ဒှ်တသိုခ် (3) သွက်ဂွံလၞိန်ဗပိန်ကၠေံ ညးဖံက်ပလီုပလာ် ဒ္ဂေတ်သဳလဂမၠိုင် (4) သွက်ခမဳမသ္ဍိုက်မၠိုက်သၞေံသၞဴ ဒ္ဂေတ်သဳလဂမၠိုင် ဂွံပဒတဴ ဗွဲတသိုခ်မာန် (5) သွက်ဂွံသ္ၚဳလလမ်မင်မွဲကၟာတ်လဒဵု ဒဒိုခ်တၟေင်ဂမၠိုင်မကတဵုဒှ်ပ္ဍဲဂတမတ် (6) သွက်ဂွံပါဲကၠေံဒဒိုခ်တၟေင်ဂမၠိုင် ကြက်ကတဵုဒှ်လက္ကရဴ (7) သွက်ညးဟွံလျုင်ဇြုင်သ္ဍိုက်ဂမၠိုင်ဏီ ဂွံလျုင်ဇြုင်သ္ဍိုက် (8) သွက်ညးလျုင်ဇြုင်သ္ဍိုက်တုဲဂမၠိုင် ဂွံလျုင်ဇြုင်သ္ဍိုက်ဂၠိုင်တိုန် (9) သွက်ဓရ်ညးသပ္ပုရိုဟ် ‘သာသနာပိပြကာ’ ဂွံတန်တဴအာ (10) သွက်ဂွံယိုက်ဒိုက် ‘ဝိနယ်’ စေဝ်ပၞောန်တုဲ ပညပ်တဴသိက္ခာပိုဒ် ကုခမဳဂမၠိုင်ရ” ရဴဝွံ သ္ဂးရ။ ယွံခမဳတအ် ရဴသာ်ဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။

“ယြဴခမဳမွဲ သွိုန်ဗပိုန်သိပ်ဂၠိပ် ဒ္ဂေတ်မေထုန်မ္ဂး၊ ခမဳဂှ် အာစိုပ် ပွမကျဟောံအာနူသာသနာရ၊ ဟွံမွဲကဵုပွမပံင်ဖက်ဆက်ဆောံ ကေုာံခမဳခိုဟ်ဆာဲဂမၠိုင်မွဲစွံရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ရဴဝွံဟေင် တဳလမၞုံပိုဉ်ကျာ်တြဲ ပညပ်တဴသိက္ခာပိုဒ်ဝွံ ကုခမဳဂမၠိုင်ရ။


ခဏ်ထ္ၜကဵုပရူပရာ ခမဳသုဒိန် ဘာသာမန်တုဲရ။

၁.၁.၃။ ဝတ္ထုကၞုဲၝောံ

[ပလေဝ်ဒါန် | ပလေဝ်ဒါန် တမ်ကၞက်]

40) ပ္ဍဲမွဲအခိင်တေံ ခမဳမွဲဇကု ပ္ဍဲဂြိုပ်မဟာန်ဝိုန် ဇရေင်ဍုင်ဝေသာလဳ လှေံလှန်ကၞုဲၝောံနကဵုစၞတုဲ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲကၞုဲၝောံဂှ်ရ၊ ပ္ဍဲကြဴနူဂှ် ခမဳဂှ် ပ္ဍဲအခိင်နူဂယး ရုင်လတက်ပဠေဝ်သ္ၚာဲတုဲ သီုမထ္ၜဂိုင်ကေတ် ဗဗေင်သ္ၚာ လုပ်ဂ္ၚေင်ပိဏ္ဍပါတ် ဍုင်ဝေသာလဳရ။ ပ္ဍဲအခိင်ဂှ် ခမဳဂမၠိုင်မဂၠိုင်ဂၠေင် ဂေတ်ဂ္ၚေင်လၟေင်လၟေင်ဘာအိုတ်မ္ဂး ပြာပ်စိုပ်အာဘာခမဳဂှ်အိုတ်ရ၊ ကၞုဲၝောံဂှ် ညာတ်ဒးခမဳအာဂန္တုကဂမၠိုင် မက္ညကၠုင်နူဇမ္ၚောဲတုဲ ပ္ဍဲကြဴ ပြာပ်အာဇရေင် ခမဳဂမၠိုင်တုဲမ္ဂး ပ္ဍဲဂတခမဳဂမၠိုင်ဂှ် ဂၞိင်လေဝ် ပချဳထ္ၜးရ၊ ဗ္တလေဝ် ပချဳထ္ၜးရ၊ ဂၞိင်လေဝ် ပကုန်ထ္ၜးရ၊ သၞိင်နိမိတ် (သွက်ဂွံဒ္ဂေတ်သ္ပမေထုန်) လေဝ် သ္ပရ။ ပ္ဍဲအခိင်ဂှ် “အဆတ်ဨကန်ဟွံမွဲပၠန်သၠေဟ်ပၟာ ခမဳဂှ် သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲကၞုဲၝောံဝွံရ” ရဴဝွံ ကသပ်ဒှ် ကုခမဳအာဂန္တုကဂမၠိုင်အိုတ်ရ၊ (ကသပ်ဒှ်တုဲမ္ဂး) အောပ်ဗ္ဒဒၟံင်ပ္ဍဲမွဲဒၞါဲတုဲ (တောပ်ကျောဝ်ဒၟံင်) အိုတ်ရ၊ ပ္ဍဲအခိင်ဂှ် ခမဳ (ပဒတဴဘာ) ဂှ် ဂ္ၚေင်ပိဏ္ဍပါတ် နူဍုင်ဝေသာလဳတုဲပ္ဍဲကြဴ ဂိုင်ကေတ်ပိဏ္ဍပါတ်တုဲ ကလေင်စဴကၠုင်ရ။


41) ပ္ဍဲအခိင်ဂှ် ကၞုဲၝောံဂှ် ပြာပ်ကၠုင်ဇရေင် ခမဳ (ပဒတဴဘာ) ဂှ်ရ၊ ပ္ဍဲအခိင်ဂှ် ခမဳဂှ်ပိဏ္ဍပါတ်လ္ၚဵုဂှ်စတုဲ လ္ၚဵုဂှ်ကဵုကုကၞုဲၝောံရ၊ ပ္ဍဲကြဴနူဂှ် ကၞုဲၝောံဂှ် စပုင်တုဲ ပကုန်ကဵုဂၞိင်ကုခမဳဂှ်ရ၊ ပ္ဍဲအခိင်ဂှ် ခမဳဂှ် သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲကၞုဲၝောံဂှ်ရ။

ပ္ဍဲအခိင်ဂှ် ခမဳအာဂန္တုကဂမၠိုင်ဂှ် “ယွံကောန်တၠ တဳလမၞုံပိုဉ်ကျာ်တြဲ ဂပ်ဝ်ပညပ်လဝ်သိက္ခာပိုဒ်တုဲရ ဟွံသေင်ဟာ၊ ယွံကောန်တၠ မုဟိုတ်တၠအဲ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲကၞုဲၝောံဂှ်ရော?” ရဴဝွံ ဟီုသ္ဂးကဵု ခမဳ (ပဒတဴဘာ) ဂှ်အိုတ်ရ။

ယွံကောန်တၠတအ် တဳလမၞုံပိုဉ်ကျာ်တြဲ ဂပ်ဝ်ပညပ်လဝ်သိက္ခာပိုဒ်တုန် ဍာံပြရ၊ ၜိုန်ဂှ်သိက္ခာပိုဒ်ဂှ် ဂပ်ဝ်ပညပ်လဝ်ပ္ဍဲမၞိဟ်ဗြဴဟေင်ရ၊ ဂပ်ဝ်ပညပ်လဝ် ပ္ဍဲတိရစ္ဆာန်ၝောံ ဟွံသေင်ရ ရဴဝွံ (ကလေင်ဂရင်ပတီရ)။

ယွံကောန်တၠ ပွမသွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန်ပ္ဍဲကၞုဲၝောံဂှ် တုပ်သၟဟ်ကေုာံပွမသွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲမၞိဟ်ဗြဴဟေင်ရ ဟွံသေင်ရ၊ ယွံကောန်တၠ (ကမၠောန်ပွတၠအဲ) ဝွံ ဟွံထေက်ကုခမဳဂမၠိုင်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာ ခမဳတအ်ဟွံသေင်ရ၊ ဟွံဂပ်ဝ်ရ၊ ဟွံထေက်ကဵုသ္ပရ၊ ယွံကောန်တၠ မုဟိုတ်တၠအဲဂှ် သ္ပခမဳ ပ္ဍဲ ‘ဓမ္မဝိနယ’ သာသနာ မဂပ်ဝ်တွံလဝ် ဗွဲမဒးရး ရဴဝွံတုဲ သွက်သ္ဂောံဒ္ဂေတ်လ္ၚတ် ဒ္ဂေတ်မပြဲ ဗွဲမဍိုက်ပေင်သအးဇ္ၚး စဵုကဵုလအိတ်လမျီုဂှ် ဟွံသၟဟ်အရထဂှ်ရော? ယွံကောန်တၠ တဳလမၞုံပိုဉ်ကျာ်တြဲဂှ် နဟိုတ်မဂၠိုင်ဂၠင် ဟွံတွံလဝ်ဓရ် တၞဟ်နပွမဒှ်မွဲဟာန်ကေုာံရာဂတုဲ တွံလဝ်သွက်ဂွံစာ်စ္ဍးနူရာဂရ ဟွံသေင်ဟာ ။ ပ ။ တွံလဝ် ပွမၜိုဟ်လလမ် ဒတူတၠာဲကာမဂုဏ်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ကုညးလျုင်ဇြုင်သ္ဍိုက်တုဲဂမၠိုင် တၞဟ်နပွမကဵုလျုင်ဇြုင်သ္ဍိုက်ဂၠိုင်တိုန်ကီု ကဵုကတဵုဒှ်ဟွံမာန်ရ။ ယွံကောန်တၠ ဍာံဍာံစၟတ်စၟတ် ပွယုတ်မာတၠအဲ သ္ပဒးဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမဟွံကဵုလျုင်ဇြုင်သ္ဍိုက်ကီု ကုညးလျုင်ဇြုင်သ္ဍိုက်တုဲလ္ၚဵုဂမၠိုင် တၞဟ်နပွမကဵုလျုင်ဇြုင်သ္ဍိုက်လီုလာ်ကီု ကဵုကတဵုဒှ်ရ ရဴဝွံ (ဟီုသ္ဂးအိုတ်ရ)။

ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် ခမဳ (မဒ္ဂေတ်သ္ပဒ္ဂေတ်မေထုန် ပ္ဍဲကၞုဲၝောံ) ဂှ် နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။


42) ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသင်ကောံဓရီုတုဲမ္ဂး “ယွံခမဳ တၠအဲ သွိုန်ဗပိုန် (ဒ္ဂေတ်သ္ပဒး) ဒ္ဂေတ်မေထုန် ပ္ဍဲကၞုဲၝောံရဂှ် ဍာံပြဟာ” ရဴဝွံ စၟဳစၟတ်သၟာန်သၟုက် ခမဳဂှ်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။

တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ “ယွံတြုံမလ္ၚုသၟး (နူမဂ်ဖိုလ်) (ပွကမၠောန်တၠအဲ) ဝွံ ဟွံထေက်ကုခမဳဂမၠိုင်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာ ခမဳတအ်ဟွံသေင်ရ၊ ဟွံဂပ်ဝ်ရ၊ ဟွံထေက်ကဵုသ္ပရ၊ ယွံတြုံမလ္ၚုသၟး (နူမဂ်ဖိုလ်) မုဟိုတ် တၠအဲဂှ် သ္ပခမဳ ပ္ဍဲ ‘ဓမ္မဝိနယ’ သာသနာ မဂပ်ဝ်တွံလဝ် ဗွဲမဒးရး ရဴဝွံတုဲ သွက်သ္ဂောံဒ္ဂေတ်လ္ၚတ်ဒ္ဂေတ်မပြဲ ဗွဲမဍိုက်ပေင်သအးဇ္ၚး စဵုကဵုလအိတ်လမျီုဂှ် ဟွံသၟုဟ်ရထဂှ်ရော? ယွံတြုံမလ္ၚုသၟး (နူမဂ်ဖိုလ်) အဲဂှ် နဟိုတ်မဂၠိုင်ဂၠင် ဟွံတွံလဝ်ဓရ် တၞဟ်နပွမဒှ်မွဲဟာန်ကေုာံရာဂတုဲ တွံလဝ်သွက်ဂွံစာ်စ္ဍးနူရာဂရ ဟွံသေင်ဟာ ။ ပ ။ တွံလဝ်ဓရ် ပွမၜိုဟ်လလမ် ဒတူတၠာဲကာမဂုဏ်ဂမၠိုင်ရ ဟွံသေင်ဟာ။

ယွံတြုံမလ္ၚုသၟး (နူမဂ်ဖိုလ်) ပွမပၠုပ်စုတ်အင်္ဂဇာတ်တၠအဲ ပ္ဍဲပါင်ဇြုံ မၞုံကဵုဂျိမပြဟ် မၞုံကဵုဂျိမသကာတ်ဂှ် ပြဲသန်ဏီရ၊ ပွမပၠုပ်စုတ်အင်္ဂဇာတ်တၠအဲ ပ္ဍဲအင်္ဂဇာတ်ကၞုဲၝောံဂှ် ဟွံပြဲဟေင်ရ။

ယွံတြုံမလ္ၚုသၟး (နူမဂ်ဖိုလ်) ပွမပၠုပ်စုတ်အင်္ဂဇာတ်တၠအဲ ပ္ဍဲပါင်ဇြုံဗုဲ ဇြုံဇာတ်ဂှ် ပြဲသန်ဏီရ၊ ပွမပၠုပ်စုတ်အင်္ဂဇာတ်တၠအဲ ပ္ဍဲအင်္ဂဇာတ်ကၞုဲၝောံဂှ် ဟွံပြဲဟေင်ရ။

ယွံတြုံမလ္ၚုသၟး (နူမဂ်ဖိုလ်) ပွမပၠုပ်အင်္ဂဇာတ်တၠအဲ ပ္ဍဲဗွဝ်ဖအုမ်လ္ၚပၟတ် မဂဵုတူဍာဲဂြင် မဂဵုလဟဵုတူပွဳပွူ မဒှ်မွဲဟာန်ကေုာံသၞပၟတ်ဂၠန်ပၟတ်ဂှ် ပြဲသန်ဏီ၊ ပွမပၠုပ်စုတ်အင်္ဂဇာတ်တၠအဲ ပ္ဍဲအင်္ဂဇာတ်ကၞုဲၝောံဂှ် ဟွံပြဲဟေင်ရ။

ပွမဒှ်သာ်ဂှ်ဂှ် မုဟိုတ်ရောဟီုမ္ဂး ယွံတြုံမလ္ၚုသၟး (နူမဂ်ဖိုလ်) ဟိုတ်နူဟိုတ် (မတွံဂးပွမပၠုပ်စုတ်အင်္ဂဇာတ် ပ္ဍဲပါင်ဇြုံ ဗွဝ်ဖအုမ်လ္ၚပၟတ်) ဂှ် သ္ဒးအာစိုပ် ပွမချိုတ်ကီု ဒဒိုခ်မဆိုက်ညောန်ကဵုချိုတ်ကီုရ၊ ဟိုတ်နူဟိုတ် (မတွံဂးမပၠုပ်စုတ် အင်္ဂဇာတ်ပ္ဍဲပါင်ဇြုံ ဗွဝ်ဖအုမ်လ္ၚပၟတ်) ဂှ် ခန္ဓဇကုလီုလာ်တုဲ ပ္ဍဲကြဴနူချိုတ်ဂှ် နရက်မစာ်စ္ဍးနူတသိုခ် မဒှ်လအာဂတိညးဟွံခိုဟ်ဆာဲတအ် မဒှ်အရာဒၞါဲဒတုံစှေ်ပြးဆာဲတုန် အာစိုပ်ဟွံမာန်ဟေင်ရ။

ယွံတြုံမလ္ၚုသၟး (နူမဂ်ဖိုလ်) ဟိုတ်နူဟိုတ် (မတွံဂးပွမပၠုပ်စုတ်အင်္ဂဇာတ် ပ္ဍဲအင်္ဂဇာတ်ကၞုဲၝောံ) ဝွံတုန် ခန္ဓဇကုလီုလာ်တုဲ ပ္ဍဲကြဴနူချိုတ်တုဲဂှ် သ္ဒးအာစိုပ်နရက် မစာ်စ္ဍးနူတသိုခ် မဒှ်လအာဂတိ ညးဟွံခိုဟ်ဆာဲတအ် မဒှ်အရာဒၞါဲ ဒတုံစှေ်ပြးဆာဲရ။

ယွံတြုံ မလ္ၚုသၟး (နူမဂ်ဖိုလ်) သီုကဵုဒှ်တဴသာ်ဂှ် တၠအဲ ဒ္ဂေတ်သ္ပတဴ ဒ္ဂေတ်မေထုန် မဟွံသေင်ကဵုဒ္ဂေတ်ညးသပ္ပရိုဟ် မဒှ်ဒ္ဂေတ် ညးပဒတဴပ္ဍဲကွာန် ဒ္ဂေတ်ညးယုတ်ဂမၠိုင် မရုန်မဵုသကာတ်မြဟ် မၞုံလအိတ်ဍေံ ပွမဒးကြဴကြာတ်ကဵုဍာ် (မၞိဟ်ညာတ်ဒးမ္ဂး ဟွံဆာဲတုဲ) မဒးဒ္ဂေတ်သ္ပ ပ္ဍဲဌာန်ဂြောပ်ဗ္ဒန် မၞိဟ်တြုံမၞိဟ်ဗြဴၜါၜါမွဲစွံ မဒးဒ္ဂေတ်သ္ပရသွံ။ ယွံတြုံမလ္ၚုသၟး (နူမဂ်ဖိုလ်) ပွယုတ်မာတၠအဲ သ္ပဒးဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ယွံခမဳတအ် ရဴသာ်ဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။

“ယြဴခမဳမွဲ ဗွဲတွဵုမယုတ် ပ္ဍဲတိရစ္ဆာန်ၝောံလေဝ် သွိုန်ဗပိုန်သိပ်ဂၠိပ် ဒ္ဂေတ်မေထုန်မ္ဂး၊ ခမဳဂှ် အာစိုပ်ပွမယျဟောမ်အာနူသာသနာရ၊ ဟွံမွဲကဵုပွမပံင်ဖက်ဆက်ဆောံကေုာံ ခမဳခိုဟ်ဆာဲဂမၠိုင်မွဲစွံရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ရဴသာ်ဝွံဟေင် တဳလမၞုံပိုဉ်ကျာ်တြဲ ပညပ်တဴသိက္ခာပိုဒ်ဝွံ ကုခမဳဂမၠိုင်ရ။

ဝတ္ထုကၞုဲၝောံတုဲရ။

၁.၁.၄။ ခဏ်ထ္ၜးကဵုပရူပရာ ဒုင်သာတ်သၞာ

[ပလေဝ်ဒါန် | ပလေဝ်ဒါန် တမ်ကၞက်]

43) ပ္ဍဲမွဲအခိင်တေံ ခမဳကောန်ညးဝဇ္ဇဳရးဂမၠိုင်မဂၠိုင်ဂၠင် မသ္ပဒတဴ ဍုင်ဝေသာလဳဂှ် ပြဘိုဂ်စအတိုင်နွံပၟိက်တုဲ တိက်အတိုင်နွံပၟိက်တုဲ ဟုမ်ဍာ်အတိုင်နွံပၟိက်တုဲအိုတ်မ္ဂး သ္ပပၠုပ်စိုတ်ဗွဲမဟွံဗဗွဲအိုတ်တုဲ ဟွံဖျေံသိက္ခာ ဟွံသ္ပပွမဍိုန်ကဵုဇြဟတ် ဗွဲမပြာကဋ်အိုတ်တုဲ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန်အိုတ်ရ။ ခမဳဂမၠိုင်ဂှ် ပ္ဍဲအခိင်လက္ကရဴ တၟတ်ဒွံစုက်ဒး ကေုာံပွမကဠောမသဂမၠိုင်လီုလာ် ပွမပိုဉ်ဟာန်ဘိုဂ်ဘဂ်ဂမၠိုင်လီုလာ် ပွမလီုလာ်မ္ဂး ယဲဂမၠိုင်ဒှ်တုဲ ပ္ၚောံပြာပ်အာဇရေင် တဳလပိုဉ်အာနန္ဒအိုတ်တုဲ—

“ယွံတဳလပိုဉ်အာနန္ဒ ပိုဲဍိက်တအ်ညးဂမၠိုင် ဟွံဟီုဂရိုဟ်ကျာ်တြဲအိုတ်ရ၊ ဟွံဟီုဂရိုဟ်ဓရ်အိုတ်ရ၊ ဟွံဟီုဂရိုဟ်သင်အိုတ်ရ၊ ယွံတဳလပိုဉ်အာနန္ဒ ပိုဲဍိက်တအ်ညးဂမၠိုင် ဟီုဂရိုဟ်တဴ ဇကုဇကုဟေင်အိုတ်ရ၊ ဟွံဟီုဂရိုဟ်ညးသအာင်အိုတ်ရ၊ ပိုဲဍိက်တအ်ညးဂမၠိုင် သ္ပခမဳ ပ္ဍဲ ‘ဓမ္မဝိနယ’ သာသနာ မဂပ်ဝ်တွံလဝ်ဗွဲမဒးရး ရဴဝွံအိုတ်တုဲ မဟွံသၟဟ်အရထ သွက်သ္ဂောံဒ္ဂေတ်လ္ၚတ်ဒ္ဂေတ်မပြဲ ဗွဲမဍိုက်ပေင်သအးဇ္ၚး စဵုကဵုလအိုတ်လမျီုအိုတ်ဂှ်ဟေင် ဒှ်ညးဟွံမွဲကဵုကျာ်သြဳဂမၠိုင် ညးအောန်ကဵုပိုဉ်ဂမၠိုင်အိုတ်ရ။

ယွံတဳလပိုဉ်အာနန္ဒ ပ္ဍဲအခိင်လၟုဟ်ဝွံ ပိုဲဍိက်တအ်ညးဂမၠိုင် ကလိဂွံဒဒှ်ထပိုဲ ပ္ဍဲဇရေင်တဳလမၞုံပိုဉ်ကျာ်တြဲအိုတ်မ္ဂး ကလိဂွံဒဒှ်ခမဳပယျင်အိုတ်မ္ဂး ပ္ဍဲအခိင်လၟုဟ်ဝွံဟေင် မၠာ်သ္ၚေဝ်ဓရ်ကုသိုလ်ဂမၠိုင် ဗွဲတၟေင်တုဲအိုတ်မ္ဂး လုကဴ ‘ပဌမယာမ်’ ကိုပ်ကၠာဗ္တမ် ‘ပစ္ဆိမယာမ်’ သ္ဂာဗ္တမ် သီုမပတိတ်ဇြဟတ် ပွမဇၞော်ပၟဝ် ဓရ် ‘ဗောဓိပက္ခိယ’ မဒှ်ဗော်သွး မဂ်ဉာဏ်ဂမၠိုင်မဂၠိုင်ဂၠိုင်ကဵုဝါဂှ် သ္ပဒတဴအိုတ်ရ။

ယွံတဳလပိုဉ်အာနန္ဒ အာတ်ပါန်အခေါင်အိုတ်ရ၊ ဩဝ်ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲညိ” ရဴဝွံ ဂရင်ပတီအိုတ်ရ။

ယွံကောန်တၠတအ် ခိုဟ်သန်ရ ရဴဝွံ တဳလပိုဉ်အာနန္ဒ ဒုင်ဝန်ကုခမဳကောန်ညးဝဇ္ဇဳရးဂမၠိုင် မသ္ပဒတဴဍုင်ဝေသာလဳတုဲမ္ဂး ပ္ၚောံပြာပ်ဇရေင် တဳလမၞုံပိုဉ်ကျာ်တြဲတုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။

ယွံအာနန္ဒ ဟိုတ်နူဟိုတ် ညးဝဇ္ဇဳရး ကောန်ညးဝဇ္ဇဳရးဂမၠိုင် ကျာ်တြဲပါဲနုက်ထောံပါရာဇိကသိက္ခာပိုဒ် မဂပ်ဝ်ပညပ်လဝ်တုဲ ကုကွးဂမၠိုင်ရ၊ ပွမပါဲနုက်ထောံဝွံ ဟိုတ်ဟွံသေင်အခေါင်ဟွံသေင်ရ ရဴဝွံ သ္ဂးရ။

ပ္ဍဲကြဴနူဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ဟီုတွံဂလာန်ဓရ်တုဲမ္ဂး သ္ဂးကဵုခမဳဂမၠိုင်ရ၊ ယွံခမဳတအ် ယြဴခမဳတအ် ယြဴခမဳမွဲ ဟွံဖျေံသိက္ခာ ဟွံသ္ပပွမဍိုန်ဇြဟတ် ဗွဲမပြာကဋ်တုဲ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန်ရ၊ ညးဂှ် ကၠုင်မ္ဂး သ္ပကဵုခမဳပယျင်ဟွံဂွံရ၊ ယြဴခမဳမွဲတုန် ဖျေံကၠေံသိက္ခာ သ္ပပွမဍိုန်ဇြဟတ် ဗွဲမပြာကဋ်တုဲ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန်ရ၊ ညးဂှ်ကၠုင်တဴမ္ဂး သ္ဒးသ္ပကဵုခမဳပယျင်ရ။ ယွံခမဳတအ် ရဴသာ်ဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။


44) ယြဴခမဳမွဲ ကိရင်အာစိုပ် သိက္ခာခမဳဂမၠိုင် (မတွံဂးအဓိသဳလ) သာဇဳဝ (မတွံဂးသိက္ခာပိုဒ်) ဟွံဖျေံသိက္ခာ ဟွံသ္ပပွမဍိုန်ဇြဟတ် ဗွဲမပြာကဋ်တုဲ ဗွဲတွဵုမယုတ် ပ္ဍဲတိရစ္ဆာန်ၝောံဂှ်လေဝ် သွိုန်ဗပိုန်သိပ်ဂၠိပ် ဒ္ဂေတ်မေထုန်မ္ဂး၊ ခမဳဂှ် အာစိုပ်ပွမကျဟောမ်အာ နူသာသနာရ၊ ဟွံမွဲကဵုပွမပံင်ဖက်ဆက်ဆောံ ကေုာံခမဳခိုဟ်ဆာဲဂမၠိုင်မွဲစွံရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

⎈ ပွံက်ပဌမပါရာဇိကသိ

[ပလေဝ်ဒါန် | ပလေဝ်ဒါန် တမ်ကၞက်]

⎈ ပွံက်ပဌမပါရာဇိကသိက္ခာပိုဒ် 45) ယြဴမ္ဂးဂှ် ထေရ်ဇၞော်ကဵုဒှ် ခမဳသၟတ်ကဵုဒှ် ထေရ်လဒေါဝ်ကဵုဒှ် ယြဴဍေံမၞုံသဘဴအယောင်အလာ လွေဟ်ဗီုပြင်သဏ္ဌာန် ကမၠောန်ကေင်ကာ ဂကူ ဇာတ် ယၟု တၞောဝ်ဒတောဝ်အခိုက်အလေံ မံင်စံင် မၞုံကဵုအရာဂေတ်ဂ္ၚေတ်သာ်လဵုရ၊ ပူဂိုလ်ဂကူဝွံ ကော်ခဴဂး ယြဴရ။

⎈ ဟိုတ်ကော်လဴဂးခမဳ စှ်ၜါသာ်

[ပလေဝ်ဒါန် | ပလေဝ်ဒါန် တမ်ကၞက်]

ခမဳမ္ဂးဂှ် (1) ဟိုတ်မလေပ်အာတ် (နပွမအာတ် ဒဒက်တဴအရဳသပ္ပုရိုဟ်ဂမၠိုင်) ဂှ်ရ ခမဳ (2) ဟိုတ်မလေပ်ပြာပ်အာစိုပ် ဒ္ဂေတ်ပွမဂ္ၚေင်ပိဏ္ဍပါတ်ဂှ်ရ ခမဳ (3) ဟိုတ်မလေပ်သၠောံလတက်ယာတ် မသာ်ကုတ်လဝ်တုဲဂှ်ရ ခမဳ (4) ဟိုတ်မသၟိတ်ဂး ခမဳဂှ်ရ ခမဳ (5) ဟိုတ်ပွမဒုင်ဝန် ခမဳဂှ်ရ ခမဳ (6) ဟိုတ်မဒှ်နဂလာန်ကျာ်မ္ဂး ‘ဨဟိဘိက္ခု’ ယွံခမဳ ကၠုင်ညိဂှ်ရ ခမဳ (7) ဟိုတ်မဒှ်ပယျင် နသရဏဂုဏ်ဂမၠိုင်ပိပြကာဂှ်ရ ခမဳ (8) ဟိုတ်မဍိုက်ပေင်ကေုာံ မပ္တံသဳလခိုဟ်ဆာဲဂှ်ရ ခမဳ (9) ဟိုတ်မၞုံကဵုကြက် မပ္တံသဳလဂှ်ရ ခမဳ (10) ဟိုတ်မဒှ်ဃောဒ္ဂေတ်လ္ၚတ်သိက္ခာဂှ်ရ ခမဳ (11) ဟိုတ်မဒ္ဂေတ်လ္ၚတ်သိက္ခာတုဲဂှ်ရ ခမဳ (12) ဟိုတ်မိန်သင်မညဳသာသၟဟ်သၟန် ဂပ်ဝ်ကဵုဒှ်ပယျင်နကဵုကမ် မရနုက်ကဵုပန်ဝါမ္ဂး ‘ဉတ်’ ပွမကဵုတီ မဟွံလီုလာ် မဗဗွဲထေက်ကြိုက်ကဵု ဒၠောံဗတောန်ကျာ်ဂှ်ရ ခမဳမ္ဂးရ။ ပၞောဝ်ကဵုခမဳဂမၠိုင်စှ်ၜါဂကူဂှ် ယြဴခမဳမွဲ မိန်သင်မညဳသာသၟဟ်သၟန် ဂပ်ဝ်ကဵုဒှ်ပယျင်နကဵုကမ် မရနုက်ကဵုပန်ဝါမ္ဂး ‘ဉတ်’ ပွမကဵုတီ မဟွံလီုလာ် မဗဗွဲထေက်ကြိုက်ကဵု ဒၠောံဗတောန်ကျာ်ရ၊ ခမဳဝွံ ပ္ဍဲအရာပါရာဇိကဝွံ ဂပ်ဝ်နွံပၟိက် ရဴဝွံမ္ဂးခမဳရ။ သိက္ခာမ္ဂးဂှ် အဓိသဳလသိက္ခာ အဓိစိတ္တသိက္ခာ အဓိပညာသိက္ခာ ရဴဝွံ နွံပိဂကူရ၊ ပၞောဝ်ပိဂကူဂမၠိုင်ဂှ် ပ္ဍဲအရာဝွံ ဂပ်ဝ်နွံပၟိက် အဓိသဳလသိက္ခာရ။ သာဇဳဝမ္ဂးဂှ် ယြဴသိက္ခာပိုဒ်မွဲ တဳလမၞုံပိုဉ်ကျာ်တြဲ ဂပ်ဝ်ပညပ်လဝ်ရ၊ သိက္ခာပိုဒ်ဂှ် သာဇဳဝမ္ဂးရ၊ လေပ်ဒ္ဂေတ်တဴ ပ္ဍဲသာဇဳဝမတွံဂးသိက္ခာပိုဒ်ဂှ်ရ၊ ဟိုတ်ဂှ်ရ ဂပ်ဝ်ကော်ခဴဂးရဴဝွံမ္ဂး ကိရင်အာစိုပ် ‘သာဇဳဝ’ သိက္ခာပိုဒ်ရ။ ပ္ဍဲအရာ ဟွံဖျေံသိက္ခာ ဟွံသ္ပပွမဍိုန်ဇြဟတ် ဗွဲမပြာကဋ်တုဲဂှ် ယွံခမဳတအ် သ္ပပွမဍိုန်ဇြဟတ် ဗွဲမပြာကဋ်ဟေင်ဒှ်တုဲ သိက္ခာဟွံစှေ်လေဝ် နွံရ၊ သ္ပပွမဍိုန်ဇြဟတ် ဗွဲမပြာကဋ်လေဝ်ဒှ်တုဲ သိက္ခာစှေ်လေဝ် နွံရ။ ယွံခမဳတအ် မုရဴသာ်လဵု သ္ပပွမဍိုန်ဇြဟတ် ဗွဲမပြာကဋ်ဟေင်ဒှ်တုဲ သိက္ခာဟွံစှေ်ရော? ယွံခမဳတအ် ပ္ဍဲသာသနာဝွံ ခမဳဂှ် စှေ်စးလၞုဟ်လၞန် (ပ္ဍဲဒဒှ်ခမဳ) ဒှ်တုဲ ဟွံမိပ်လဟိင်ဒှ်တုဲ မိက်တသိုတ်အာ နူဒဒှ်ခမဳဒှ်တုဲ ဇအိုန်ဇရ ဒဒှ်ခမဳဒှ်တုဲ ဂွဂၠေံဒှ်တုဲ က္ဍုဟ်မၠေံဒှ်တုဲ ရာဒနာမိက် ဒဒှ်ခရှ်ဒှ်တုဲ ရာဒနာမိက် ဒဒှ်ဥပး ဒဒှ်ပၟင်အာရှာမ် ဒဒှ်သာမဏဳဒဒှ်တဳ ဒဒှ်ကွးတဳ ဒဒှ်ဟွံသေင်ကဵုခမဳ ဒဒှ်ဟွံသေင်ကဵုခမဳ ဒဒှ်ဟွံသေင်ကဵု တၞောဝ်ကျာ်ကောန်သၟိင်သာကျဝင်ဒှ်တုဲ အဲဂွံသၠးထောံကၠေံ ကျာ်မ္ဂး ခိုဟ်သန်ရ ရဴဝွံ ဟီုသ္ဂးရ၊ ကဵုတီရ။ ယွံခမဳတအ် ၜိုန်ဟီုသ္ဂး ကဵုတီကေတ်ရဴဝွံလေဝ် သ္ပပွမဍိုန်ဇြဟတ် ဗွဲမပြာကဋ်ဟေင်ဒှ်တုဲ သိက္ခာတုန် ဟွံစှေ်ဏီရ။ မွဲနဲတုန် စှေ်စးလၞုဟ်လၞန် (ပ္ဍဲဒဒှ်ခမဳ) ဒှ်တုဲ ဟွံမိပ်လဟိင်ဒှ်တုဲ မိက်တသိုတ်အာ နူဒဒှ်ခမဳဒှ်တုဲ ဇအိုန်ဇရဒဒှ်ခမဳဒှ်တုဲ ဂွဂၠေံဒှ်တုဲ က္ဍုဟ်မၠေံဒှ်တုဲ ရာဒနာမိက်ဒဒှ်ခရှ်ဒှ်တုဲ ရာဒနာမိက်ဒဒှ်ဥပး ဒဒှ်ပၟင်အာရှာမ် ဒဒှ်သာမဏဳ ဒဒှ်တဳ ဒဒှ်ကွးတဳ ဒဒှ်ဟွံသေင်ကဵုခမဳ ဒဒှ်ဟွံသေင်ကဵုတၞောဝ်ကျာ်ကောန်သၟိင်သာကျဝင်ဒှ်တုဲ အဲ ဂွံသၠးထောံကၠေံဓရ်မ္ဂး ခိုဟ်သန်ရ ရဴဝွံ ဟီုသ္ဂးရ၊ ကဵုတီရ ။ ပ ။ အဲဂှ် သင်။ သိက္ခာ။ ဝိနယ်။ ပါတိမုက်။ ပွမစၞောန်ထ္ၜးပါတိမုက်။ အ္စာဥပဇ္ၛာယ်။ အ္စာမသုန်တၠ။ ကွးပဒတဴမွဲစွံ။ ကွးပဒတဴဇရေင်။ ညးဒှ်အ္စာဥပဇ္ၛာယ်တုပ်သၟဟ်။ ညးဒှ်အ္စာ နိဿယတုပ်သၟဟ်။ ဂွံသၠးထောံကၠေံ သဟဓရ်မွဲစွံမ္ဂး ခိုဟ်သန်ရ ရဴဝွံ ဟီုသ္ဂးရ၊ ကဵုတီရ။ အဲဂွံဒှ်ခရှ်မ္ဂး။ ဂွံဒှ်ဥပးမ္ဂး။ ဂွံဒှ်ပၟင်အာရှာမ်မ္ဂး။ ဂွံဒှ်သာမဏဳမ္ဂး။ ဂွံဒှ်တဳမ္ဂး။ ဂွံဒှ်ကွးတဳမ္ဂး။ ဂွံဒှ်ညးဟွံသေင်ကဵုသေင်ကဵုခမဳမ္ဂး။ အဲ ဂွံဒှ်ညးဟွံသေင်ကဵုတၞောဝ်ကျာ်ကောန်သၟိင်သာကျဝင်မ္ဂး ခိုဟ်သန်ရ ရဴဝွံ ဟီုသ္ဂးရ၊ ကဵုတီရ။ ယွံခမဳတအ် ၜိုန်ဟီုသ္ဂး ကဵုတီကေတ်ရဴဝွံလေဝ် သ္ပပွမဍိုန်ဇြဟတ် ဗွဲမပြာကဋ်ဟေင်ဒှ်တုဲ သိက္ခာတုန် ဟွံစှေ်ဏီရ။


46) မွဲနဲတုန် စှေ်စးလၞုဟ်လၞန် (ပ္ဍဲဒဒှ်ခမဳ) ဒှ်တုဲ ဟွံမိပ်လဟိင်ဒှ်တုဲ မိက်တသိုတ်အာနူဒဒှ်ခမဳဒှ်တုဲ ဇအိုန်ဇရဒဒှ်ခမဳဒှ်တုဲ ဂွံဂၠေံဒှ်တုဲ က္ဍုဟ်မၠေံဒှ်တုဲ ရာဒနာမိက် ဒဒှ်ခရှ်ဒှ်တုဲ ။ ပ ။ ရာဒနာမိက် ဒဒှ်ဟွံသေင်ကဵု တၞောဝ်ကျာ်ကောန်သၟိင်သာကျဝင်ဒှ်တုဲ ။ ပ ။ အဲ ယဝ်ဂွံသၠးထောံကၠေံကျာ်မ္ဂး ခိုဟ်သန်ရ ရဴဝွံ ဟီုသ္ဂးရ၊ ကဵုတီရ ။ ပ ။ ယဝ်ဂွံဒှ် ညးဟွံသေင်ကဵု တၞောဝ်ကျာ်ကောန်သၟိင်သာကျဝင်မ္ဂး ခိုဟ်သန်ရ ရဴဝွံ ဟီုသ္ဂးရ၊ ကဵုတီရ ။ ပ ။ အဲ ဗွဲစၟတ် ဂွံသၠထောံကၠေံကျာ်မ္ဂး ခိုဟ်သန်ရ ရဴဝွံ ဟီုသ္ဂးရ၊ ကဵုတီရ ။ ပ ။ အဲ ဗွဲဟၟတ် ဂွံဒှ်ညးဟွံသေင်ကဵုတၞောဝ်ကျာ်ကောန်သၟိင်သာကျဝင်မ္ဂး ခိုဟ်သန်ရ ရဴဝွံ ဟီုသ္ဂးရ၊ ကဵုတီရ ။ ပ ။ အဲ လၟုဟ်ဂွံသၠးထောံကၠေံကျာ်မ္ဂး ခိုဟ်သန်ရ ရဴဝွံ ဟီုသ္ဂးရ၊ ကဵုတီရ ။ ပ ။ အဲလၟုဟ် ဂွံဒှ်ညးဟွံသေင်ကဵုတၞောဝ်ကျာ်ကောန်သၟိင်သာကျဝင်မ္ဂး ခိုဟ်သန်ရ ရဴဝွံ ဟီုသ္ဂးရ၊ ကဵုတီရ ။ ပ ။ အဲဂွံသၠထောံကၠေံကျာ်မ္ဂး ခိုဟ်သန်ရ ရဴဝွံ ဟီုသ္ဂးရ၊ ကဵုတီရ ။ ပ ။ အဲဂွံဒှ်ဟွံသေင်ကဵုတၞောဝ်ကျာ်ကောန်သၟိင်သာကျဝင်မ္ဂး ခိုဟ်သန်ရ ရဴဝွံ ဟီုသ္ဂးရ၊ ကဵုတီရ။ ယွံခမဳတအ် ၜိုန်ဟီုသ္ဂး ကဵုတီကေတ်ရဴဝွံလေဝ် သ္ပပွမဍိုန်ဇြဟတ် ဗွဲမပြာကဋ်ဟေင်ဒှ်တုဲ သိက္ခာတုန် ဟွံစှေ်ဏီရ။


47) မွဲနဲတုန် စှေ်စးလၞုဟ်လၞန် (ပ္ဍဲဒဒှ်ခမဳ) ဒှ်တုဲ ဟွံမိပ်လဟိင်ဒှ်တုဲ မိက်တသိုတ်အာနူဒဒှ်ခမဳဒှ်တုဲ ဇအိုန်ဇရဒဒှ်ခမဳဒှ်တုဲ ဂွဂၠေံဒှ်တုဲ က္ဍုဟ်မၠေံဒှ်တုဲ ရာဒနာမိက်ဒဒှ်ခရှ်ဒှ်တုဲ ။ ပ ။ ရာဒနာမိက် ဒဒှ်ဟွံသေင်ကဵုတၞောဝ်ကျာ်ကောန်သၟိင်သာကျဝင်ဒှ်တုဲ ဗှ်ဗၞုဟ်ဂွံသတိ မိအံက်ရ ရဴဝွံ ဟီုသ္ဂးရ၊ ကဵုတီရ။ မအံက်။ ကောဒေံ။ ၝဲဒေံဗြဴ။ ကောန်တြုံ။ ကောန်ဗြဴ။ သမ္ဘာ။ ကဠောမသဂမၠိုင်။ မိတ်သဟာဲဂမၠိုင်။ ကွာန် နဂီု။ ဝါဗ္ၚ။ ဂူယာ။ သြန်။ ထဝ်။ ကွတ်ပညာ။ ဗှ်ဗၞုဟ်ဂွံသတိ ကေင်အီဂြိုင် ဟီုသ္ဂးဝေင်ဂြိုင်ကတိုင်ကမှ် ပ္ဍဲကိုပ်ကၠာရ ရဴဝွံ ဟီုသ္ဂးရ၊ ကဵုတီရ။ ယွံခမဳတအ် ၜိုန်ဟီုသ္ဂး ကဵုတီကေတ် ရဴဝွံလေဝ် သ္ပပွမဍိုန်ဇြဟတ် ဗွဲမပြာကဋ်ဟေင်ဒှ်တုဲ သိက္ခာတုန် ဟွံစှေ်ဏီရ။


48) မွဲနဲတုန် စှေ်စးလၞုဟ်လၞန် (ပ္ဍဲဒဒှ်ခမဳ) ဒှ်တုဲ ဟွံမိပ်လဟိင်ဒှ်တုဲ မိက်တသိုတ်အာနူဒဒှ်ခမဳဒှ်တုဲ ဇအိုတ်ဇရဒဒှ်ခမဳဒှ်တုဲ ဂွကၠေံဒှ်တုဲ က္ဍုဟ်မၠေံဒှ်တုဲ ရာဒနာမိက်ဒဒှ်ခရှ်ဒှ်တုဲ ။ ပ ။ ရာဒနာမိက် ဒဒှ်ဟွံသေင်ကဵု တၞောဝ်ကျာ်ကောန်သၟိင်သာကျဝင်ဒှ်တုဲ မိအံက် နွံကုအဲရ၊ အဲထေက်ကဵုဒးကၠောန်ၜိုတ်လွဳမြိမြန် မိအံက်ဂှ်ရ။ မအံက် နွံကုအဲရ၊ အဲထေက်ကဵုဒးကၠောန်ၜိုတ်လွဳမြိမြန် မအံက်ဂှ်ရ။ ကောဒေံ နွံကုအဲရ၊ အဲထေက်ကဵုဒကၠောန်ၜိုတ်လွဳမြိမြန် ကောဒေံဂှ်ရ။ ၝဲဒေံဗြဴ နွံကုအဲရ၊ အဲ ထေက်ကဵုဒးကၠောန်ၜိုတ်လွဳမြိမြန် ၝဲဒေံဗြဴရ။ ကောန်တြုံနွံ ကုအဲရ၊ အဲထေက်ကဵုဒးကၠောန်ၜိုတ်လွဳမြိမြန် ကောန်တြုံဂှ်ရ။ ကောန်ဗြဴ နွံကုအဲရ၊ အဲထေက်ကဵုဒးကၠောန်ၜိုတ်လွဳမြိမြန် ကောန်ဗြဴဂှ်ရ။ သမ္ဘာ နွံကုအဲရ၊ အဲ ထေက်ကဵုဒးကၠောန်ၜိုတ်လွဳမြိမြန် သမ္ဘာဂှ်ရ။ ကဠောမသဂမၠိုင် နွံကုအဲအိုတ်၊ အဲ ထေက်ကဵုဒးကၠောန်ၜိုတ်လွဳမြိမြန် ကဠောမသဂမၠိုင်ဂှ်ရ။ မိတ်သဟာဲဂမၠိုင် နွံကုအဲအိုတ်ရ၊ အဲ ထေက်ကဵုဒးကၠောန်ၜိုတ်လွဳမြိမြန် မိတ်သဟာဲဂမၠိုင်ဂှ်ရ ရဴဝွံ ဟီုသ္ဂးရ၊ ကဵုတီရ။ ယွံခမဳတအ် ၜိုန်ဟီုသ္ဂး ကဵုတီကေတ်ရဴဝွံလေဝ် သ္ပပွမဍိုန်ဇြဟတ် ဗွဲမပြာကဋ်ဟေင်ဒှ်တုဲ သိက္ခာတုန် ဟွံစှေ်ဏီရ။


49) မွဲနဲတုန် စှေ်စးလၞုဟ်လၞန် (ပ္ဍဲဒဒှ်ခမဳ) ဒှ်တုဲ ဟွံမိပ်လဟိင်ဒှ်တုဲ မိက်တသိုတ်အာနူဒဒှ် ခမဳဒှ်တုဲ ဇအိုန်ဇရဒဒှ်ခမဳဒှ်တုဲ ဂွဂၠေံဒှ်တုဲ က္ဍုဟ်မၠေံဒှ်တုဲ ရာဒနာမိက်ဒဒှ်ခရှ်ဒှ်တုဲ ။ ပ ။ ရာဒနာမိက် ဒဒှ်ဟွံသေင်ကဵု တၞောဝ်ကျာ်ကောန်သၟိင်သာကျဝင်ဒှ်တုဲ မိအံက် နွံကုအဲရ၊ မိအံက်ဂှ် ကြက်ကၠောန်ၜိုတ်လွဳမြိမြန် အဲရ။ မအံက် နွံကုအဲရ၊ မအံက်ဂှ် ကြက်ကၠောန်ၜိုတ်လွဳမြိမြန် အဲရ။ ကောဒေံ နွံကုအဲရ၊ ကောဒေံဂှ် ကြက်ကၠောန်ၜိုတ်လွဳမြိမြန် အဲရ။ ၝဲဒေံဗြဴ နွံကုအဲရ၊ ၝဲဒေံဗြဴဂှ် ကြက်ကၠောန်ၜိုတ်လွဳမြိမြန် အဲရ။ သမ္ဘာ နွံကုအဲရ၊ သမ္ဘာဂှ် ကြက်ကၠောန်ၜိုတ်လွဳမြိမြန် အဲရ။ ကဠောမသဂမၠိုင် နွံကုအဲအိုတ်ရ၊ ကဠောမသဂမၠိုင်ဂှ် ကြက်ကၠောန်ၜိုတ်လွဳမြိမြန် အဲရ။ မိတ်သဟာဲဂမၠိုင် နွံကုအဲအိုတ်ရ၊ မိတ်သဟာဲဂမၠိုင်ဂှ် ကြက်ကၠောန်ၜိုတ်လွဳမြိမြန် အဲအိုတ်ရ ရဴဝွံ ဟီုသ္ဂးရ၊ ကဵုတီရ။ ကွာန် နွံကုအဲရ၊ နကဵုကွာန်ဂှ် အဲဂယိုင်လမျီုရ။ နိဂီု နွံကုအဲရ၊ နကဵုနိဂီုဂှ် အဲ ဂယိုင်လမျီုရ။ ဝါဗ္ၚ နွံကုအဲရ၊ နကဵုဝါဗ္ၚဂှ် အဲဂယိုင်လမျီုရ။ ဂူယာ နွံကုအဲရ၊ နကဵုဂူယာဂှ် အဲဂယိုင်လမျီုရ။ သြန်နွံကုအဲရ၊ နကဵုသြန်ဂှ် အဲ ဂယိုင်လမျီုရ။ ထဝ် နွံကုအဲရ၊ နကဵုထဝ်ဂှ် အဲ ဂယိုင်လမျီုရ။ ကွတ် နွံကုအဲရ၊ နကဵုကွတ်ဂှ် အဲဂယိုင်လမျီုရ ရဴဝွံ ဟီုသ္ဂးရ၊ ကဵုတီရ။ ယွံခမဳတအ် ၜိုန်ဟီုသ္ဂး ကဵုတီကေတ်ရဴဝွံလေဝ် သ္ပပွမဍိုန်ဇြဟတ် ဗွဲမပြာကဋ်ဟေင်ဒှ်တုဲ သိက္ခာတုန် ဟွံစှေ်ဏီရ။


50) မွဲနဲတုန် စှေ်စးလၞုန်လၞန် (ပ္ဍဲဒဒှ်ခမဳ) ဒှ်တုဲ ဟွံမိပ်လဟိင်ဒှ်တုဲ မိက်တသိုတ်အာ နူဒဒှ်ခမဳဒှ်တုဲ ဇအိုန်ဇရဒဒှ်ခမဳဒှ်တုဲ ဂွဂၠေံဒှ်တုဲ က္ဍုဟ်မၠေံဒှ်တုဲ ရာဒနာမိက်ဒဒှ်ခရှ်ဒှ်တုဲ ။ ပ ။ ရာဒနာမိက် ဒဒှ်ဟွံသေင်ကဵု တၞောဝ်ကျာ်ကောန်သၟိင်သာကျဝင်ဒှ်တုဲ (ဒ္ဂေတ်မပြဲဂှ်) ဇြိုင်ဂွံသ္ပမာန်ရ ရဴဝွံ ဟီုသ္ဂးရ၊ ကဵုတီရ။ ဟွံလောဲသွာရ ရဴဝွံ ဟီုသ္ဂးရ၊ ကဵုတီရ။ ဇြိုင်ဂွံဒ္ဂေတ်မာန်ရ ရဴဝွံ ဟီုသ္ဂးရ၊ ကဵုတီရ။ သွက်ဂွံဒ္ဂေတ် ဟွံလောဲသွာရ ရဴဝွံ ဟီုသ္ဂးရ၊ ကဵုတီရ။ ဟွံသၟဟ်အရထ (ယိုက်ဂၠေင်ဟွံမာန်) ရ ရဴဝွံ ဟီုသ္ဂးရ၊ ကဵုတီရ။ ဟွံဂံင်ရ ရဴဝွံ ဟီုသ္ဂးရ၊ ကဵုတီရ။ ဟွံမိပ်လဟိင်ရ ရဴဝွံ ဟီုသ္ဂးရ၊ ကဵုတီရ။ ဟွံမိပ်လဟိင်လောန်ရ ရဴဝွံ ဟီုသ္ဂးရ၊ ကဵုတီရ။ ယွံခမဳတအ် ၜိုန်ဟီုသ္ဂး ကဵုတီကေတ် ရဴဝွံလေဝ် သ္ပပွမဍိုန်ဇြဟတ် ဗွဲမပြာကဋ်ဟေင်ဒှ်တုဲ သိက္ခာတုန် ဟွံစှေ်ဏီရ။


51) ယွံခမဳတအ် မုရဴသာ်လဵု သ္ပပွမဍိုန်ကဵုဇြဟတ် ဗွဲမပြာကဋ်လေဝ် ဒှ်တုဲ သိက္ခာလေဝ်စှေ်ဂှ်ရော? ယွံခမဳတအ် ပ္ဍဲသာသနာဝွံ ခမဳဂှ် စှေ်စးလၞုဟ်လၞန် (ပ္ဍဲဒဒှ်ခမဳ) ဒှ်တုဲ ဟွံမိပ်လဟိင်ဒှ်တုဲ မိက်တသိုတ်အာ နူဒဒှ်ခမဳဒှ်တုဲ ဇအိုန်ဇရဒဒှ်ခမဳဒှ်တုဲ ဂွဂၠေံဒှ်တုဲ က္ဍုဟ်မၠေံဒှ်တုဲ ရာဒနာမိက်ဒဒှ်ခရှ်ဒှ်တုဲ ။ ပ ။ ရာဒနာမိက် ဒဒှ်ဟွံသေင်ကဵု တၞောဝ်ကျာ်ကောန်သၟိင်သာကျဝင်ဒှ်တုဲ အဲ သၠးထောံကၠေံကျာ်ရ ရဴဝွံ ဟီုသ္ဂးရ၊ ကဵုတီရ။ ယွံခမဳတအ် ဟီုသ္ဂးကဵုတီကေတ် ရဴဝွံမ္ဂးတုန် သ္ပပွမဍိုန်ဇြဟတ် ဗွဲမပြာကဋ်လေဝ်ဒှ်တုဲ သိက္ခာလေဝ် စှေ်ရ။

မွဲနဲတုန် စှေ်စးလၞုဟ်လၞန် (ပ္ဍဲဒဒှ်ခမဳ) ဒှ်တုဲ ဟွံမိပ်လဟိင်ဒှ်တုဲ မိက်တသိုတ်အာနူဒဒှ်ခမဳဒှ်တုဲ ဇအိုန်ဇရ ဒဒှ်ခမဳဒှ်တုဲ ဂွဂၠေံဒှ်တုဲ က္ဍုဟ်မၠေံဒှ်တုဲ ရာဒနာမိက် ဒဒှ်ခရှ်ဒှ်တုဲ ။ ပ ။ ရာဒနာမိက် ဒဒှ်ဟွံသေင်ကဵု တၞောဝ်ကျာ်ကောန်သၟိင်သာကျဝင်ဒှ်တုဲ အဲ သၠးထောံကၠေံဓရ်ရ ရဴဝွံ ဟီုသ္ဂးရ၊ ကဵုတီရ။ သၠးထောံကၠေံသင်ရ ရဴဝွံ ဟီုသ္ဂးရ၊ ကဵုတီရ။ သၠထောံကၠေံ သိက္ခာရ ရဴဝွံ ဟီုသ္ဂးရ၊ ကဵုတီရ။ သၠးထောံကၠေံဝိနယ်ရ ရဴဝွံ ဟီုသ္ဂးရ၊ ကဵုတီရ။ သၠးထောံကၠေံ ပါတိမုက်ရ ရဴဝွံ ဟီုသ္ဂးရ၊ ကဵုတီရ။ သၠးထောံကၠေံ ပွမစၞောန်ထ္ၜးပါတိမုက်ရ ရဴဝွံ ဟီုသ္ဂးရ၊ ကဵုတီရ။ သၠးထောံကၠေံ အ္စာဥပဇ္ၛာယ်ရ ရဴဝွံ ဟီုသ္ဂးရ၊ ကဵုတီရ။ သၠးထောံကၠေံ အ္စာမသုန်တၠရ ရဴဝွံ ဟီုသ္ဂးရ၊ ကဵုတီရ။ သၠးထောံကၠေံ ကွးပဒတဴမွဲစွံရ ရဴဝွံ ဟီုသ္ဂးရ ကဵုတီရ။ သၠးထောံကၠေံ ကွးပဒတဴဇရေင်ရ ရဴဝွံဟီုသ္ဂးရ၊ ကဵုတီရ။ သၠးထောံကၠေံ ညးဒှ်အ္စာဥပဇ္ၛာယ်တုပ်သၟဟ်ရ ရဴဝွံ ဟီုသ္ဂးရ၊ ကဵုတီရ။ သၠးထောံကၠေံ ညးဒှ်အ္စာနိဿယတုပ်သၟဟ်ရ ရဴဝွံ ဟီုသ္ဂးရ၊ ကဵုတီရ။ သၠးထောံကၠေံသဟဓရ်မွဲစွံရ ရဴဝွံ ဟီုသ္ဂးရ၊ ကဵုတီရ။ သမ္တီလဝ်အဲခရှ်ညိ ရဴဝွံ ဟီုသ္ဂးရ၊ ကဵုတီရ။ သမ္တီလဝ်အဲ ဥပးညိ ရဴဝွံဟီုသ္ဂးရ၊ ကဵုတီရ။ သမ္တီလဝ်အဲ ပၟင်အာရှာမ်ညိ ရဴဝွံ ဟီုသ္ဂးရ၊ ကဵုတီရ။ သမ္တီလဝ်အဲ သာမဏဳညိ ရဴဝွံ ဟီုသ္ဂးရ၊ ကဵုတီရ။ သမ္တီလဝ်အဲ တဳညိ ရဴဝွံ ဟီုသ္ဂးရ၊ ကဵုတီရ။ သမ္တီလဝ်အဲ ကွးတဳညိ ရဴဝွံ ဟီုသ္ဂးရ၊ ကဵုတီရ။ သမ္တီလဝ်အဲ ညးဟွံသေင်ကဵုခမဳညိ ရဴဝွံ ဟီုသ္ဂးရ၊ ကဵုတီရ။ သမ္တီလဝ်အဲ ညးဟွံေသင်ကဵုတၞောဝ်ကျာ်ကောန်သၟိင်သာကျဝင်ညိ ရဴဝွံ ဟီုသ္ဂးရ၊ ကဵုတီရ။ ယွံခမဳတအ် ဟီုသ္ဂး ကဵုတီကေတ်ရဴဝွံမ္ဂးတုန် သ္ပပွမဍိုန်ဇြဟတ် ဗွဲမပြာကဋ်လေဝ်ဒှ်တုဲ သိက္ခာလေဝ် စှေ်ရ။


52) မွဲနဲတုန် စှေ်စးလၞုဟ်လၞန် (ပ္ဍဲဒဒှ်ခမဳ) ဒှ်တုဲ ဟွံမိပ်လဟိင်ဒှ်တုဲ မိက်တသိုတ်အာနူဒဒှ်ခမဳဒှ်တုဲ ဇအိုန်ဇရဒဒှ်ခမဳဒှ်တုဲ ဂွဂၠေံဒှ်တုဲ က္ဍုဟ်မၠေံဒှ်တုဲ ရာဒနာမိက်ဒဒှ်ခရှ်ဒှ်တုဲ ။ ပ ။ ရာဒနာမိက် ဒဒှ်ဟွံသေင်ကဵု တၞောဝ်ကောန်သၟိင်သာကျဝင်ဒှ်တုဲ နကဵုကျာ်ဂှ် ဟွံမွဲကဵုဖဵု ကုအဲရ ရဴဝွံ ဟီုသ္ဂးရ၊ ကဵုတီရ ။ ပ ။ နကဵုညးဒ္ဂေတ်ဓရ်မွဲစွံဂမၠိုင်ဂှ် ဟွံမွဲကဵုဖဵု ကုအဲရရဴဝွံ ဟီုသ္ဂးရ၊ ကဵုတီရ ။ ပ ။ ဟီုသ္ဂးကဵုတီကေတ် ရဴဝွံမ္ဂး ။ ပ ။ မွဲနဲတုန် ။ ပ ။ နကဵုကျာ်ဂှ် မုနွံဖဵု ကုအဲဂှ်ရော? ရဴဝွံ ဟီုသ္ဂးရ၊ ကဵုတီရ ။ ပ ။ နကဵုညးဒ္ဂေတ်ဓရ်မွဲစွံဂမၠိုင်ဂှ် မုနွံဖဵု ကုအဲဂှ်ရော? ရဴဝွံ ဟီုသ္ဂးရ၊ ကဵုတီရ။ နကဵုကျာ်ဂှ် ဟွံဒှ်ဖဵု ကုအဲရ ရဴဝွံ ဟီုသ္ဂးရ၊ ကဵုတီရ ။ ပ ။ နကဵုညးဒ္ဂေတ်ဓရ်မွဲစွံဂမၠိုင်ဂှ် ဟွံဒှ်ဖဵု ကုအဲရ ရဴဝွံ ဟီုသ္ဂးရ၊ ကဵုတီရ။ အဲ ဂွံတီဗၠးနူကျာ်ဗွဲမဒးရးတုဲရ ရဴဝွံ ဟီုသ္ဂးရ၊ ကဵုတီရ ။ ပ ။ အဲဂွံတိတ်ဗၠးနူညးဒ္ဂေတ်ဓရ်မွဲစွံဂမၠိုင် ဗွဲမဒးရးတုဲရ ရဴဝွံ ဟီုသ္ဂးရ၊ ကဵုတီရ။ ယွံခမဳတအ် ဟီုသ္ဂ ကဵုတီကေတ် ရဴဝွံမ္ဂးတုန် သ္ပပွမဍိုန်ဇြဟတ် ဗွဲမပြာကဋ်လေဝ်ဒှ်တုဲ သိက္ခာလေဝ် စှေ်ရ။


53) ယြဴဂလာန်ပြယာယ် ဝေဝုစ် ‘ဗုဒ္ဓ’ ကျာ်၊ ဝေဝုစ် ‘ဓမ္မ’ ဓရ်၊ ဝေဝုစ် ‘သံဃ’ သင်၊ ဝေဝုစ်သိက္ခာ၊ ဝေဝုစ်ဝိနယ်၊ ဝေဝုစ်ပါတိမုက်၊ ဝေဝုစ်ပါတိမောက္ခုဒ္ဒေသ၊ ဝေဝုစ်အ္စာဥပဇ္ၛာယ်၊ ဝေဝုစ်အ္စာမသုန်တၠ၊ ဝေဝုစ်ကွးပဒတဴမွဲစွံ၊ ဝေဝုစ်ကွးပဒတဴဇရေင်၊ ဝေဝုစ်အ္စာဥပဇ္ၛာယ်တုပ်သၟဟ်၊ ဝေဝုစ်အ္စာနိဿယ၊ ဝေဝုစ်သဟဓရ်၊ ဝေဝုစ်ခရှ်၊ ဝေဝုစ်ဥပး၊ ဝေဝုစ်ပၟင်အာရှာမ်၊ ဝေဝုစ်သာမဏဳ၊ ဝေဝုစ်တဳ၊ ဝေဝုစ်ကွးတဳ၊ ဝေဝုစ်ညးဟွံသေင်ကဵုခမဳ၊ ပြယာယ်ဝေဝုစ် ညးဟွံသေင်ကဵုတၞောဝ်ကျာ်ကောန်သၟိင်သာကျဝင် မသအာင်နူမသ္ဂးကၠုင်တုဲဂမၠိုင်နွံအိုတ်ရ၊ နအာကာရအရာဂှ် အယောင်အလာလွေဟ်သဏ္ဌာန်ဂှ် ဟိုတ်ဂှ် နိမိတ်ဂှ်ဂမၠိုင်ဟီုသ္ဂးရ၊ ကဵုတီရ။ ယွံခမဳတအ် ဟီုသ္ဂး ကဵုတီကေတ် ရဴဝွံမ္ဂးတုန် သ္ပပွမဍိုန်ဇြဟတ် ဗွဲမပြာကဋ်လေဝ်ဒှ်တုဲ သိက္ခာလေဝ် စှေ်ရ။


54) ယွံခမဳတအ် မုရဴသာ်လဵု သိက္ခာဟွံစှေ်ဂှ်ရော? ယွံခမဳတအ် ပ္ဍဲသာသနာဝွံ ယြဴနအာကာရအရာ ယြဴနအယောင်အလာလွေဟ်သဏ္ဌာန် ယြဴနဟိုတ် ယြဴနနိမိတ်ဂမၠိုင်ဖျေံသိက္ခာရ၊ နအာကာရအရာဂှ် အယောင်အလာလွေဟ်သဏ္ဌာန်ဂှ် ဟိုတ်ဂှ် နိမတ်ဂှ်ဂမၠိုင် ညးကြအ်ဥမ္မတ် ဖျေံသိက္ခာရ၊ သိက္ခာဟွံစှေ်။ ဖျေံသိက္ခာ ပ္ဍဲဇရေင်ညးကြအ်ဥမ္မတ်ရ၊ သိက္ခာဟွံစှေ်ရ။ ညးစိုတ်ကလှ်လဖှ် ဖျေံသိက္ခာရ၊ သိက္ခာဟွံစှေ်။ ဖျေံသိက္ခာ ပ္ဍဲဇရေင်ညးစိုတ် ကလှ်လဖှ်ရ၊ သိက္ခာဟွံစှေ်ရ။ ညးဝေဒနာပ္ဍဵုပ္ဍိုက် ဖျေံသိက္ခာရ၊ သိက္ခာဟွံစှေ်။ ဖျေံသိက္ခာ ပ္ဍဲဇရေင်ညးဝေဒနာ ပ္ဍဵုပ္ဍိုက်ရ၊ သိက္ခာဟွံစှေ်ရ။ ဖျေံသိက္ခာ ပ္ဍဲဇရေင်ညးဒေဝတဴရ၊ သိက္ခာဟွံစှေ်ရ။ ဖျေံသိက္ခာ ပ္ဍဲဇရေင်တိရစ္ဆာန်ရ၊ သိက္ခာဟွံစှေ်ရ။ နဝေါဟာမာဂဓဘာသာအရဳဂမၠိုင် ဖျေံသိက္ခာ ပ္ဍဲဇရေင်အရဳရ၊ အရဳဂှ် ဟွံတီကၠိုဟ်ခၠင်ရ၊ သိက္ခာဟွံစှေ်ရ။ နဘာသာမၞိဟ်အရိုင် ဖျေံသိက္ခာ ပ္ဍဲဇရေင်အရဳရ၊ အရဳဂှ် ဟွံတီကၠိုဟ်ခၠင်ရ၊ သိက္ခာဟွံစှေ်ရ။ နမဟီုသ္ဂးဒးဗွဲမပြဟ် (ဖလုတ်တိတ်) ဖျေံသိက္ခာရ၊ သိက္ခာဟွံစှေ်ရ။ နမဟီုသ္ဂးဒး ဟွံဍာံစၟတ်ပၠန်ဂတးဆောတ်ယောင် ဖျေံသိက္ခာရ၊ သိက္ခာဟွံစှေ်ရ။ လၟိင်ဟီု သီုဟွံမွဲပၟိက်လၟိင်ဟီုရ၊ လၟိင်ဟီုညံင်ဟွံမိက်ရ၊ သိက္ခာဟွံစှေ်ရ။ သီုမမိက်လၟိင်ဟီုဂှ် ဟွံလၟိင်ဟီုရ၊ ဟွံလၟိင်ဟီု ညံင်ဂွံမိင်ရ၊ သိက္ခာဟွံစှေ်ရ။ လၟိင်ဟီု ကုညးဟွံတီကၠိုဟ်ခၠင်ရ၊ သိက္ခာဟွံစှေ်ရ။ ဟွံလၟိင်ဟီုကုညး တီကၠိုဟ်ခၠင်ရ၊ သိက္ခာဟွံစှေ်ရ။ လးလးလေဝ် (ကၠးကၠးလေဝ်) ဟွံလၟိင်ဟီုရ၊ သိက္ခာဟွံစှေ်ရ။ ယွံခမဳတအ် ၜိုန်ဟီုသ္ဂး ကဵုတီကေတ် ရဴဝွံလေဝ် သိက္ခာဟွံစှေ်ရ။ 55) ဒ္ဂေတ်မေထုန် မ္ဂးဂှ် ယြဴဒ္ဂေတ်မွဲ ဒှ်ဒ္ဂေတ်ညးအသပ္ပုရိုဟ်ဂမၠိုင်ရ၊ ဒှ်ဒ္ဂေတ်မၞိဟ်ညးပဒတဴ ပ္ဍဲဍုင်ကွာန်ရ၊ ဒှ်ဒ္ဂေတ်ညးယုတ်ဂမၠိုင်ရ၊ ရုန်မဵုသကာတ်မြဟ်ရ၊ မၞုံလအိတ်ဍေံ ပွမဒးကြဴကြာတ်ကဵုဍာ်ရ၊ (မၞိဟ်ညာတ်မ္ဂး ဟွံဆာဲတုဲ) ဂပ်ဝ်သ္ပပ္ဍဲဌာန်ဂြောပ်ဗ္ဒန်ရ၊ ဒးဒ္ဂေတ်သ္ပညးၜါၜါမွဲစွံရ၊ ဒ္ဂေတ်ဝွံ ဒ္ဂေတ်မေထုန်မ္ဂးရ။


သွိုန်ဗပိုန် (ဒ္ဂေတ်သ္ပ) ရမ္ဂးဂှ် ယြဴခမဳမွဲ နကဵုနိမိတ်ဇကုဂှ် ကဵုလုပ်အာ နိမိတ်မၞိဟ်ဗြဴဂှ် နကဵုအင်္ဂဇာတ်ဇကုဂှ် ကဵုလုပ်အာ အင်္ဂဇာတ်မၞိဟ်ဗြဴရ၊ ဗွဲတွဵုမယုတ် အယာံမာတ်တၟာမလ္ၚဴလေဝ် သပၠုပ်ဏာရ၊ ခမဳဝွံ သွိုန်ဗပိုန် (ဒ္ဂေတ်သ္ပ) မ္ဂးရ။ ပ္ဍဲအရာဗွဲတွဵုမယုတ် ပ္ဍဲတိရစ္ဆာန်ၝောံလေဝ်ဂှ် ၜိုန်ဒှ်ပ္ဍဲတိရစ္ဆာန်ၝောံလေဝ် ဟိုတ်မသွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် (မတွံဂး ဒ္ဂေတ်မမိပ်ဇြိပ်လဟိင်လဟာဲညးၜါမွဲစွံ) ဂှ် ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင်ဟွံသေင်ရ၊ ပ္ဍဲမၞိဟ်ဗြဴဂှ် သ္ဇက်ဒးဟီုဟွံမွဲရ၊ ဟိုတ်ဂှ်ရ ကော်ခဴဂး “ဗွဲတွဵုမယုတ် ပ္ဍဲတိရစ္ဆာန်ၝောံလေဝ်” ရ။ ပ္ဍဲအရာ ဟွံမွဲကဵုပွမပံင်ဖက် ကေုာံခမဳခိုဟ်ဆာဲဂမၠိုင်မွဲစွံဂှ် ပွမပံင်ဖက်မ္ဂးဂှ် ပွမသ္ပဝိနယ်ကမ်မွဲစွံ ပွမစၞောန်ထ္ၜး (ဖ္ဍောတ်) ပါတိမုက်မွဲစွံ ပွမဒ္ဂေတ်လ္ၚတ် ပဒတဴမွဲစွံရောင်၊ သီုဖအိုတ်ဝွံ ပွမပံင်ဖက်မ္ဂးရ၊ ပွမပံင်ဖက်ဂှ် ဟွံမွဲမွဲစွံကေုာံခမဳမစှေ်ပါရာဇိကဂှ်ရ၊ ဟိုတ်ဂှ်ရ ကော်ခဴဂး “ဟွံမွဲကဵုပွမပံင်ဖက် ကေုာံ ခမဳခိုဟ်ဆာဲဂမၠိုင်မွဲစွံ” ရ။


56) ဗြဴပိဂကူ ဗွဲဗြဴမၞိဟ် ဗြဴဒေဝတဴ ဗြဴတိရစ္ဆာန်၊ ဥဘတောဗျဉ်ပိဂကူ ဗွဲဥဘတောဗျဉ် ‘ညးမၞုံလိင်ၜါ’ မၞိဟ် ဥဘတောဗျဉ်ဒေဝတဴ ဥဘတောဗျဉ်တိရစ္ဆာန်၊ ပဏ္ဍုက် (ခမၞုဲ) ‘ညးလိင်ဆောတ်ယောင်’ မၞိဟ်၊ ပဏ္ဍုက်ဒေဝတဴ ပဏ္ဍုက်တိရစ္ဆာန်၊ တြုံပိဂကူ ဗွဲတြုံမၞိဟ် တြုံဒေဝတဴ တြုံတိရစ္ဆာန်။ ကုခမဳ မသွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲဂၠံင်ပိသာ်မတွံဂး ဝစ္စမဂ် ပဿာဝမဂ် မုခမဂ် ဗြဴမၞိဟ်ဂှ် ဒးအာပတ်ပါရာဇိကရ။ (ဝစ္စမဂ်- ပၞောက်ဂၠံင်အာတရဴဇၞော်၊ ပဿာဝမဂ်- ပၞောက်ဂၠံင်အာတရဴသၟတ်၊ မုခမဂ်- ပၞောက်ပါင်။) ကုခမဳ မသွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲဂၠံင်ပိသာ်မတွံဂး ဝစ္စမဂ် ပဿာဝမဂ် မုခမဂ် ဗြဴဒေဝတဴ ဗြဴတိရစ္ဆာန်ဂှ် ဒးအာပတ်ပါရာဇိကရ။ ကုခမဳ မသွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲဂၠံင်ပိသာ်မတွံဂး ဝစ္စမဂ် ပဿဝမဂ် မုခမဂ် ဥဘတောဗျဉ်မၞိဟ် ဥဘတောဗျဉ်ဒေဝတဴ ဥဘတောဗျဉ်တိရစ္ဆာန်ဂှ် ဒးအာပတ် ပါရာဇိကရ။ ကုခမဳ မသွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲဂၠံင်ၜါသာ်မတွံဂး ဝစ္စမဂ် မုခမဂ် ပဏ္ဍုက်မၞိဟ်ဂှ် ဒးအာပတ်ပါရာဇိကရ။ ကုခမဳ မသွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲဂၠံင်ၜါသာ်မတွံဂး ဝစ္စမဂ် မုခမဂ် ပဏ္ဍုက်ဒေဝတဴ ပဏ္ဍုက်တိရစ္ဆာန် တြုံမၞိဟ် တြုံဒေဝတဴ တြုံတိရစ္ဆာန်ဂှ် ဒးအာပတ်ပါရာဇိကရ။


57) စိုတ်မမိက်သွိုန်ဗပိုန် (ဒ္ဂေတ်သ္ပမေထုန်) ခမဳဂှ် ကတဵုဒှ်မ္ဂး ‘အခိင်ကတဵုဒှ်ဂှ်’ ကုခမဳ မသပၠုပ်ဏာ အင်္ဂဇာတ်ဇကု ကဵုဝစ္စမဂ် ဗြဴမၞိဟ်ဂှ် ဒးအာပတ်ပါရာဇိကရ။ စိုတ်မမိက်သွိုန်ဗပိုန် (ဒ္ဂေတ်သ္ပမေထုန်) ခမဳဂှ် ကတဵုဒှ်မ္ဂး ‘အခိင်ကတဵုဒှ်ဂှ်’ ကုခမဳမသပၠုပ်ဏာ အင်္ဂဇာတ်ဇကု ကဵုဝစ္စမဂ် ပဿာဝမဂ် မုခမဂ် ဗြဴဒေဝတဴ ဗြဴတိရစ္ဆာန် ဥဘတောဗျဉ်မၞိဟ် ဥဘတောဗျဉ်ဒေဝတဴ ဥဘတောဗျဉ်တိရစ္ဆာန်ဂှ် ဒးအာပတ်ပါရာဇိကရ။ စိုတ်မမိက်သွိုန်ဗပိုန် (ဒ္ဂေတ်သ္ပမေထုန်) ခမဳဂှ် ကတဵုဒှ်မ္ဂး ‘အခိင်ကတဵုဒှ်ဂှ်’ ကုခမဳမသပၠုပ်ဏာ အင်္ဂဇာတ်ဇကု ကဵုဝစ္စမဂ် ပဿာဝမဂ် မုခမဂ် ဗြဴဒေဝတဴ ဗြဴတိရစ္ဆာန် ဥဘတောဗျဉ်မၞိဟ် ဥဘတောဗျဉ်ဒေဝတဴ ဥဘတောဗျဉ်တိရစ္ဆာန်ဂှ် ဒးအာပတ်ပါရာဇိကရ။ စိုတ်မမိက်သွိုန်ဗပိုန် (ဒ္ဂေတ်သ္ပမေထုန်) ခမဳဂှ် ကတဵုဒှ်မ္ဂး ‘အခိင်ကတဵုဒှ်ဂှ်’ ကုခမဳမသပၠောပ်ဏာ အင်္ဂဇာတ်ဇကု ကဵုဝစ္စမဂ် မုခမဂ် ပဏ္ဍုက်မၞိဟ်ဂှ် ဒးအာပတ်ပါရာဇိကရ။ စိုတ်မမိက်သွိုန်ဗပိုန် (ဒ္ဂေတ်သ္ပမေထုန်) ခမဳဂှ် ကတဵုဒှ်မ္ဂး ‘အခိင်ကတဵုဒှ်ဂှ်’ ကုခမဳမသပၠောပ်ဏာ အင်္ဂဇာတ်ဇကု ကဵုဝစ္စမဂ် မုခမဂ် ပဏ္ဍုက်ဒေဝတဴ ပဏ္ဍုက်တိရစ္ဆာန် တြုံမၞိဟ် တြုံဒေဝတဴ တြုံတိရစ္ဆာန်ဂှ် ဒးအာပတ်ပါရာဇိကရ။


58) ခမဳသၞသတြုဂမၠိုင် ရင်တၠုင်ကော်နင်ဗြဴမၞိဟ် ဇရေင်ခမဳတုဲ နကဵုဝစ္စမဂ် ကဵုစိုန်သကီုဍိုက်စုတ် အင်္ဂဇာတ် (ခမဳ) အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ်သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး ဒးအာပတ်ပါရာဇိကရ။ ခမဳသၞသတြုဂမၠိုင် ရင်တၠုင်ကော်နင်ဗြဴမၞိဟ် ဇရေင်ခမဳတုဲ နကဵုဝစ္စမဂ် ကဵုစိုန်သကီုဍိုက်စုတ် အင်္ဂဇာတ် (ခမဳ) အိုတ်ရ၊ ခမဳဂှ် ပ္ဍဲခဏဃောပၠုပ် ဟွံသာယျေန်တုဲ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး ဒးအာပတ်ပါရာဇိကရ။ ခမဳသၞသတြုဂမၠိုင် ရင်တၠုင်ကော်နင်ဗြဴမၞိဟ် ဇရေင်ခမဳတုဲ နကဵုဝစ္စမဂ် ကဵုစိုန်သကီုဍိုက်စုတ် အင်္ဂဇာတ် (ခမဳ) အိုတ်ရ၊ ခမဳဂှ် ပ္ဍဲခဏဃောပၠုပ် ဟွံသာယျေန်တုဲ ပ္ဍဲခဏဃောလုပ် ဟွံသာယျေန်တုဲ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး ဒးအာပတ်ပါရာဇိကရ။ ခမဳသၞသတြုဂမၠိုင် ရင်တၠုင်ကော်နင်ဗြဴမၞိဟ် ဇရေင်ခမဳတုဲ နကဵုဝစ္စမဂ် ကဵုစိုန်သကီုဍိုက်စုတ် အင်္ဂဇာတ် (ခမဳ) အိုတ်ရ၊ ခမဳဂှ် ပ္ဍဲခဏဃောပၠောပ် ဟွံသာယျေန်တုဲ ပ္ဍဲခဏဃောလုပ် ဟွံသာယျေန်တုဲ၊ ပ္ဍဲခဏဃောတန်တဴ ဟွံသာယျေန်တုဲ၊ ပ္ဍဲခဏဃောၜေါတ်ပတိတ် သာယျေန်မ္ဂး ဒးအာပတ်ပါရာဇိကရ။ ခမဳသၞသတြုဂမၠိုင် ရင်တၠုင်ကော်နင်ဗြဴမၞိဟ် ဇရေင်ခမဳတုဲ နကဵုဝစ္စမဂ် ကဵုစိုန်သကီုဍိုက်စုတ် အင်္ဂဇာတ် (ခမဳ) အိုတ်ရ၊ ခမဳဂှ် ပ္ဍဲခဏဃောပၠောပ် ဟွံသာယျေန်တုဲ ပ္ဍဲခဏဃောလုပ် ဟွံသာယျေန်တုဲ၊ ပ္ဍဲခဏဃောတန်တဴ ဟွံသာယျေန်တုဲ၊ ပ္ဍဲခဏဃောၜေါတ်ပတိတ် ဟွံသာယျေန်မ္ဂး ဟွံဒးအာပတ်ရ။ ခမဳသၞသတြုဂမၠိုင် ရင်တၠုင်ကော်နင်ဗြဴမၞိဟ် ဇရေင်ခမဳတုဲ နကဵုပဿာဝမဂ် နကဵုမုခမဂ် ကဵုစိုန်သကီုဍိုက်စုတ် အင်္ဂဇာတ် (ခမဳ) အိုတ်ရ၊ ခမဳဂှ် ပ္ဍဲခဏဃောပၠောပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး ဒးအာပတ်ပါရာဇိကရ ။ ပ ။ ဟွံသာယျေန်မ္ဂး ဟွံဒးအာပတ်ရ။


59) ခမဳသၞသတြုဂမၠိုင် ဗြဴမၞိဟ်မၚုဟ်ဒၟံင် မသၠိင်ဒၟံင် မဗ္ၜူဒၟံင် မကြအ်ဒၟံင် မဝိုတ်ဒၟံင်၊ (ဇွ) ဗြဴမၞိဟ် ချိုတ်တုဲကၠဵုဟဂွံစဏီ ချိုတ်တုဲ ဗွဲမဂၠိုင်ဂၠိုင် ကၠဵုဟဂွံစဏီ စလဝ်ညိညတုဲ ။ ပ ။ ဒးအာပတ်ပါရာဇိကရ။ ရင်တၠုင်နင် (ဇွ) ဗြဴမၞိဟ်ချိုတ်တုဲ ဗွဲမဂၠိုင်ဂၠိုင် ကၠဵုစတုဲ ဇရေင်ခမဳတုဲ နကဵုဝစ္စမဂ် နကဵုပဿာဝမဂ် နကဵုမုခမဂ် ကဵုစိုန်သကီုဍိုက်စုတ် အင်္ဂဇာတ် (ခမဳ) အိုတ်ရ၊ ခမဳဂှ် ပ္ဍဲခဏဃောပၠောပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ထုလ္လစ္စယ်ရ ။ ပ ။ ဟွံသာယျေန်မ္ဂး ဟွံဒးအာပတ်ရ။ ခမဳသၞသတြုဂမၠိုင် ရင်တၠုင်ကော်နင်ဗြဴဒေဝတဴ ဗြဴတိရစ္ဆာန် ဥဘတောဗျဉ်မၞိဟ် ဥဘတောဗျဉ်ဒေဝတဴ ဥဒတောဗျဉ်တိရစ္ဆာန် ဇရေင်ခမဳတုဲ နကဵုဝစ္စမဂ် နကဵုပဿာဝမဂ် နကဵုမုခမဂ် ကဵုစိုန်သကီုဍိုက်စုတ် အင်္ဂဇာတ် (ခမဳ) အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ပါရာဇိကရ ။ ပ ။ ဟွံသာယျေန်မ္ဂး၊ ဟွံဒးအာပတ်ရ။ ခမဳသၞသတြုဂမၠိုင် ဥဘတောဗျဉ်တိရစ္ဆာန် မၚုဟ်ဒၟံင် မသၠိင်ဒၟံင် မဗ္ၜူဒၟံင် မကြအ်ဒၟံင် မဝိုတ်ဒၟံင်၊ (ဇွ) ဥတောဗျဉ်တိရစ္ဆာန် ချိုတ်တုဲကၠဵုဟဂွံစဏီ ချိုတ်တုဲ ဗွဲမဂၠိုင်ဂၠိုင် ကၠဵုဟဂွံစဏီ စလဝ်ညိညတုဲ ။ ပ ။ ဒးအာပတ်ပါရာဇိကရ။ ရင်တၠုင်နင် (ဇွ) ဥဘတောဗျဉ် တိရစ္ဆာန်ချိုတ်တုဲ ဗွဲမဂၠိုင်ဂၠိုင် ကၠဵုစတုဲ ဇရေင်ခမဳတုဲ နကဵုဝစ္စမဂ် နကဵုပဿာဝမဂ် နကဵုမုခမဂ်ဂှ် ကဵုစိုန်သကီုဍိုက်စုတ် အင်္ဂဇာတ် (ခမဳ) အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ထုလ္လစ္စယ်ရ ။ ပ ။ ဟွံသာယျေန်မ္ဂး ဟွံဒးအာပတ်ရ။ ခမဳသၞသတြုဂမၠိုင် ရင်တၠုင်ကော်နင်ပဏ္ဍုက်မၞိဟ် ပဏ္ဍုက်ဒေဝတဴ ပဏ္ဍုက်တိရစ္ဆာန် ဇရေင်ခမဳတုဲ နကဵုဝစ္စမဂ် နကဵုမုခမဂ် ကဵုစိုန်သကီုဍိုက်စုတ် အင်္ဂဇာတ် (ခမဳ) အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ထုလ္လစ္စယ်ရ ။ ပ ။ ဟွံသာယျေန်မ္ဂး ဟွံဒးအာပတ်ရ။ ခမဳသၞသတြုဂမၠိုင် ပဏ္ဍုက်တိရစ္ဆာန် မၚုဟ်ဒၟံင် မသၠိင်ဒၟံင် မဗ္စူဒၟံင် မကြအ်ဒၟံင် မဝိုတ်ဒၟံင်၊ (ဇွ) ပဏ္ဍုက်တိရစ္ဆာန် ချိုတ်တုဲ ကၠဵုဟွံဂွံစဏီ ချိုတ်တုဲ ဗွဲမဂၠိုင်ဂၠိုင် ကၠဵုဟဂွံစဏီ စလဝ်ညိညတုဲ ။ ပ ။ ဒးအာပတ်ရာဇိကရ။ ရင်တၠုင်နင် (ဇွ) ပဏ္ဍုက်တိရစ္ဆာန် ချိုတ်တုဲ ဗွဲဂၠိုင်ဂၠိုင် ကၠဵုစတုဲ ဇရေင်ခမဳတုဲ နကဵုဝစ္စမဂ် နကဵုမုခမဂ် ကဵုစိုန်သကီုဍိုက်စုတ် အင်္ဂဇာတ် (ခမဳ) အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ထုလ္လစ္စယ်ရ ။ ပ ။ ဟွံသာယျေန်မ္ဂး ဟွံဒးအာပတ်ရ။


60) ခမဳသၞသတြုဂမၠိုင် ရင်တၠုင်ကော်နင်တြုံမၞိဟ် တြုံဒေဝတဴ တြုံတိရစ္ဆာန် ဇရေင်ခမဳတုဲ နကဵုဝစ္စမဂ် နကဵုမုခမဂ် ကဵုစိုန်သကီုဍိုက်စုတ် အင်္ဂဇာတ် (ခမဳ) အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ပါရာဇိကရ ။ ပ ။ ဟွံသာယျေန်မ္ဂး ဟွံဒးအာပတ်ရ။ ခမဳသၞသတြုဂမၠိုင် တြုံတိရစ္ဆာန် မၚုဟ်ဒၟံင် မသၠိင်ဒၟံင် မဗ္ၜူဒၟံင် မကြအ်ဒၟံင် မဝိုတ်ဒၟံင် (ဇွ) တြုံတိရစ္ဆာန် ချိုတ်တုဲကၠဵုဟဂွံစဏီ ချိုတ်တုဲ ဗွဲမဂၠိုင်ဂၠိုင် ကၠဵုဟဂွံစဏီ စလဝ်ညိညတုဲ ။ ပ ။ ဒးအာပတ်ပါရာဇိကရ။ ရင်တၠုင်နင် (ဇွ) တြုံတိရစ္ဆာန် ချိုတ်တုဲဗွဲမဂၠိုင်ဂၠိုင် ကၠဵုစတုဲ ဇရေင်ခမဳတုဲ နကဵုဝစ္စမဂ် နကဵုမုခမဂ် ကဵုစိုန်သကီုဍိုက်စုတ် အင်္ဂဇာတ် (ခမဳ) အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ထုလ္လစ္စယ်ရ ။ ပ ။ ဟွံသာယျေန်မ္ဂး ဟွံဒးအာပတ်ရ။


61) ခမဳသၞသတြုဂမၠိုင် ရင်တၠုင်ကော်နင်ဗြဴမၞိဟ် ဇရေင်ခမဳတုဲ နကဵုဝစ္စမဂ် နကဵုပဿာဝမဂ် နကဵုမုခမဂ် ဗြဴမၞိဟ် မသာလဝ် (ဒုင်လဝ်ယာတ်သၞာ) ကဵုစိုန်သကီုဍိုက်စုတ် အင်္ဂဇာတ်ခမဳ မဟွံပါတ်လဝ်ယာတ်သၞာတ်အိုတ်ရ။ နကဵု - - - ဗြဴမၞိဟ် မဟဂွံသာလဝ် (ဒုင်လဝ်ယာတ်သၞာ) ဟိုန် - - - ခမဳ မပါတ်လဝ်ယာတ်သၞာ နကဵု - - - ဗြဴမၞိဟ် မသာလဝ် (ဒုင်လဝ်ယာတ်သၞာ) ဟိုန် - - - ခမဳ မပါတ်လဝ်ယာတ်သၞာ နကဵု - - - ဗြဴမၞိဟ် မဟွံဂွံသာလဝ် (ဒုင်လဝ်ယာတ်သၞာ) ကဵုစိုန်သကီုဍိုက်စုတ် အင်္ဂဇာတ်ခမဳ မဟဂွံပါတ်လဝ်ယာတ်သၞာအိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ပါရာဇိကရ ။ ပ ။ ဟွံသာယျေန်မ္ဂး ဟွံဒးအာပတ်ရ။ ခမဳသၞသတြုဂမၠိုင် ဗြဴမၞိဟ် မၚုဟ်ဒၟံင် မသၠိင်ဒၟံင် မဗ္ၜူဒၟံင် မကြအ်ဒၟံင် မဝိုတ်ဒၟံင်၊ (ဇွ) ဗြဴမၞိဟ် ချိုတ်တုဲကၠဵုဟဂွံစဏီ ချိုတ်တုဲ ဗွဲမဂၠိုင်ဂၠိုင် ကၠဵုဟဂွံစဏီ စလဝ်ညိညတုဲ ။ ပ ။ ဒးအာပတ်ပါရာဇိကရ။ ရင်တၠုင်နင် (ဇွ) ဗြဴမၞိဟ် ချိုတ်တုဲ ဗွဲမဂၠိုင်ဂၠိုင် ကၠဵုစတုဲ ဇရေင်ခမဳ နကဵုဝစ္စမဂ် နကဵုပဿာဝမဂ် နကဵုမုခမဂ် ဗြဴမၞိဟ် မသာလဝ် (ဒုင်လဝ်ယာတ်သၞာ) ကဵုစိုန်သကီုဍိုန်စုတ် အင်္ဂဇာတ်ခမဳ မဟဂွံပါတ်လဝ်ယာတ်သၞာအိုတ်ရ။ နကဵု - - - ဗြဴမၞိဟ် မဟဂွံသာလဝ် (ဒုင်လဝ်ယာတ်သၞာ) ဟိုန် - - - ခမဳ မပါတ်လဝ်ယာတ်သၞာ နကဵု - - - ဗြဴမၞိဟ် မသာလဝ် (ဒုင်လဝ်ယာတ်သၞာ) ဟိုန် - - - ခမဳ မပါတ်လဝ်ယာတ်သၞာ နကဵု - - - ဗြဴမၞိဟ် မဟွံဂွံသာလဝ် (ဒုင်လဝ်ယာတ်သၞာ) ကဵုစိုန်သကီုဍိုက်စုတ် အင်္ဂဇာတ်ခမဳ မဟဂွံပါတ်လဝ်ယာတ်သၞာအိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ထုလ္လစ္စယ်ရ ။ ပ ။ ဟွံသာယျေန်မ္ဂး ဟွံဒးအာပတ်ရ။ ခမဳသၞတြုဂမၠိုင် ရင်တၠင်ကော်နင် ဗြဴဒေဝတဴ ဗြဴတိရစ္ဆာန် ဥဘတောဗျဉ်မၞိဟ် ဥဘတောဗျဉ်ဒေဝတဴ ဥဘတောဗျဉ် တိရစ္ဆာန် ဇရေင်ခမဳတုဲ နကဵုဝစ္စမဂ် နကဵုပဿာဝမဂ် နကဵုမုခမဂ် ဥဘတောဗျဉ်တိရစ္ဆာန် မသာလဝ် (ဒုင်လဝ်ယာတ်သၞာ) ကဵုစိုန်သကီုဍိုက်စုတ် အင်္ဂဇာတ်ခမဳ မဟွံဂွံပါတ်လဝ်ယာတ်သၞာအိုတ်ရ။ နကဵု - - - ဥဘတောဗျဉ်တိရစ္ဆာန် မဟဂွံသာလဝ် (ဒုင်လဝ်ယာတ်သၞာ) ဟိုန် - - - ခမဳ မပါတ်လဝ်ယာတ်သၞာ နကဵု - - - ဥဘတောဗျဉ်တိရစ္ဆာန် မသာလဝ် (ဒုင်လဝ်ယာတ်သၞာ) ဟိုန် - - - ခမဳ မပါတ်လဝ်ယာတ်သၞာ နကဵု - - - ဥဘတောဗျဉ်တိရစ္ဆာန် မဟွံဂွံသာလဝ် (ဒုင်လဝ်ယာတ်သၞာ) ကဵုစိုန်သကီုဍိုက်စုတ် အင်္ဂဇာတ်ခမဳ မဟဂွံပါတ်လဝ်ယာတ်သၞာအိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ပါရာဇိကရ ။ ပ ။ ဟွံသာယျေန်မ္ဂး ဟွံဒးအာပတ်ရ။ ခမဳသၞသတြုဂမၠိုင် ဥဘတောတိရစ္ဆာန် မၚုဟ်ဒၟံင် မသၠိုင်ဒၟံင် မဗ္ၜူဒၟံင် မကြအ်ဒၟံင် မဝိုတ်ဒၟံင်၊ (ဇွ) ဥဘတောဗျဉ်တိရစ္ဆာန် ချိုတ်တုဲကၠဵုဟဂွံစဏီ ချိုတ်တုဲ ဗွဲဂၠိုင်ဂၠိုင် ကၠဵုဟဂွံစဏီ စလဝ်ညိညတုဲ ။ ပ ။ ဒးအာပတ်ပါရာဇိကရ။ ရင်တၠုင်နင် (ဇွ) ဥဘတောဗျဉ်တိရစ္ဆာန်ချိုတ်တုဲ ဗွဲမဂၠိုင်ဂၠိုင် ကၠဵုစတုဲ ဇရေင်ခမဳတုဲ နကဵုဝစ္စမဂ် နကဵုပဿာဝမဂ် နကဵုမုခမဂ် ဥဘတောဗျဉ်တိရစ္ဆာန် မသာလဝ် (ဒုင်လဝ်ယာတ်သၞာ) ကဵုစိုန်သကီုဍိုက်စုတ် အင်္ဂဇာတ်ခမဳ မဟဂွံပါလဝ် ယာတ်သၞာအိုတ်ရ။ နကဵု - - - ဥဘတောဗျဉ်တိရစ္ဆာန် မဟဂွံသာလဝ် (ဒုင်လဝ်ယာတ်သၞာ) ဟိုန် - - - ခမဳ မပါတ်လဝ်ယာတ်သၞာ နကဵု - - - ဥဘတောဗျဉ်တိရစ္ဆာန် မသာလဝ် (ဒုင်လဝ်ယာတ်သၞာ) ဟိုန် - - - ခမဳ မပါတ်လဝ်ယာတ်သၞာ နကဵု - - - ဥဘတောဗျဉ်တိရစ္ဆာန် မဟွံဂွံသာလဝ် (ဒုင်လဝ်ယာတ်သၞာ) ကဵုစိုန်သကီုဍိုက်စုတ် အင်္ဂဇာတ်ခမဳ မဟဂွံပါတ်လဝ်ယာတ်သၞာအိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ထုလ္လစ္စယ်ရ ။ ပ ။ ဟွံသာယျေန်မ္ဂး ဟွံဒးအာပတ်ရ။


62) ခမဳသၞသတြုဂမၠိုင် ရင်တၠင်ကော်နင် ပဏ္ဍုက်မၞိဟ် ပဏ္ဍုက်ဒေဝတဴ ပဏ္ဍုက်တိရစ္ဆာန် တြုံမၞိဟ် တြုံဒေဝတဴ တြုံတိရစ္ဆာန် ဇရေင်ခမဳတုဲ နကဵုဝစ္စမဂ် နကဵုပဿာဝမဂ် နကဵုမုခမဂ် တြုံတိရစ္ဆာန် မသာလဝ် (ဒုင်လဝ်ယာတ်သၞာ) ကဵုစိုန်သကီုဍိုက်စုတ် အင်္ဂဇာတ်ခမဳ မဟွံဂွံပါတ်လဝ်ယာတ်သၞာအိုတ်ရ။ နကဵု - - - တြုံတိရစ္ဆာန် မဟဂွံသာလဝ် (ဒုင်လဝ်ယာတ်သၞာ) ဟိုန် - - - ခမဳ မပါတ်လဝ်ယာတ်သၞာ နကဵု - - - တြုံတိရစ္ဆာန် မသာလဝ် (ဒုင်လဝ်ယာတ်သၞာ) ဟိုန် - - - ခမဳ မပါတ်လဝ်ယာတ်သၞာ နကဵု - - - တြုံတိရစ္ဆာန် မဟွံဂွံသာလဝ် (ဒုင်လဝ်ယာတ်သၞာ) ကဵုစိုန်သကီုဍိုက်စုတ် အင်္ဂဇာတ်ခမဳ မဟဂွံပါတ်လဝ်ယာတ်သၞာအိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ပါရာဇိကရ ။ ပ ။ ဟွံသာယျေန်မ္ဂး ဟွံဒးအာပတ်ရ။ ခမဳသၞသတြုဂမၠိုင် တြုံတိရစ္ဆာန် မၚုဟ်ဒၟံင် မသၠိုင်ဒၟံင် မဗ္ၜူဒၟံင် မကြအ်ဒၟံင် မဝိုတ်ဒၟံင်၊ (ဇွ) တြုံတိရစ္ဆာန် ချိုတ်တုဲကၠဵုဟဂွံစဏီ ချိုတ်တုဲ ဗွဲဂၠိုင်ဂၠိုင် ကၠဵုဟဂွံစဏီ စလဝ်ညိညတုဲ ။ ပ ။ ဒးအာပတ်ပါရာဇိကရ။ ရင်တၠုင်နင် (ဇွ) တြုံတိရစ္ဆာန် ချိုတ်တုဲ ဗွဲမဂၠိုင်ဂၠိုင် ကၠဵုစတုဲ ဇရေင်ခမဳတုဲ နကဵုဝစ္စမဂ် နကဵပဿာဝမဂ် နကဵုမုခမဂ် တြုံတိရစ္ဆာန် မသာလဝ် (ဒုင်လဝ်ယာတ်သၞာ) ကဵုစိုန်သကီုဍိုက်စုတ် အင်္ဂဇာတ်ခမဳ မဟဂွံပါလဝ် ယာတ်သၞာအိုတ်ရ။ နကဵု - - - တြုံတိရစ္ဆာန် မဟဂွံသာလဝ် (ဒုင်လဝ်ယာတ်သၞာ) ဟိုန် - - - ခမဳ မပါတ်လဝ်ယာတ်သၞာ နကဵု - - - တြုံတိရစ္ဆာန် မသာလဝ် (ဒုင်လဝ်ယာတ်သၞာ) ဟိုန် - - - ခမဳ မပါတ်လဝ်ယာတ်သၞာ နကဵု - - - တြုံတိရစ္ဆာန် မဟွံဂွံသာလဝ် (ဒုင်လဝ်ယာတ်သၞာ) ကဵုစိုန်သကီုဍိုက်စုတ် အင်္ဂဇာတ်ခမဳ မဟဂွံပါတ်လဝ်ယာတ်သၞာအိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ထုလ္လစ္စယ်ရ ။ ပ ။ ဟွံသာယျေန်မ္ဂး ဟွံဒးအာပတ်ရ။


63) ခမဳသၞသတြုဂမၠိုင် ရင်တၠင်ကော်နင် ခမဳ ဇရေင်ဗြဴမၞိဟ်တုဲ နကဵုအင်္ဂဇာတ်ခမဳ ကဵုစိုန်ကီုဍိုက်စုတ်ဝစ္စမဂ် ပဿာဝမဂ် မုခမဂ်အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ပါရာဇိကရ ။ ပ ။ ဟွံသာယျေန်မ္ဂး ဟွံဒးအာပတ်ရ။ ခမဳသၞသတြုဂမၠိုင် ရင်တၠုင်ကော်နင်ခမဳ ဇရေင်ဗြဴမၞိဟ် မၚုဟ်ဒၟံင် မသၠိင်ဒၟံင် မဗ္ၜူဒၟံင် မကြအ်ဒၟံင် မဝိုတ်ဒၟံင်၊ ဇရေင် (ဇွ) ဗြဴမၞိဟ် ချိုတ်တုဲကၠဵုဟဂွံစဏီ ချိုတ်တုဲ ဗွဲမဂၠိုင်ဂၠိုင် ကၠဵုဟဂွံစဏီ ။ ပ ။ ဒးအာပတ်ပါရာဇိကရ။ ရင်တၠုင်ကော်နင် ဇရေင် (ဇွ) ဗြဴမၞိဟ် ချိုတ်တုဲဗွဲမဂၠိုင်ဂၠိုင် ကၠဵုစတုဲတုဲ နကဵုအင်္ဂဇာတ်ခမဳ နကဵုကဵုစိုန်ကီုဍိုက်စုတ် ဝစ္စမဂ် ပဿာဝမဂ် မုခမဂ်အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ထုလ္လစ္စယ်ရ ။ ပ ။ ဟွံသာယျေန်မ္ဂး ဟွံဒးအာပတ်ရ။ ခမဳသၞသတြုဂမၠိုင် ရင်တၠုင်ကော်နင်ခမဳ ဇရေင်ဗြဴဒေဝတဴ ဗြဴတိရစ္ဆာန် ဥဘတောဗျဉ်မၞိဟ် ဥဘတောဗျဉ်ဒေဝတဴ ဥဘတောဗျဉ်တိရစ္ဆာန် ပဏ္ဍုက်မၞိဟ် ပဏ္ဍုက်ဒေဝတဴ ပဏ္ဍုက်တိရစ္ဆာန် တြုံမၞိဟ် တြုံဒေဝတဴ တြုံတိရစ္ဆာန်တုဲ နကဵုအင်္ဂဇာတ်ခမဳ ကဵုစိုန်စိုန်သကီုဍိုက်စုတ် ဝစ္စမဂ် မုခမဂ်အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ပါရာဇိကရ ။ ပ ။ ဟွံသာယျေန်မ္ဂး ဟွံဒးအာပတ်ရ။ ခမဳသၞသတြုဂမၠိုင် ရင်တၠုင်ကော်နင်ခမဳ ဇရေင်တြုံတိရစ္ဆာန် မၚုဟ်ဒၟံင် မသၠိင်ဒၟံင် မဗ္ၜူဒၟံင် မကြအ်ဒၟံင် မဝိုတ်ဒၟံင်၊ ဇရေင် (ဇွ) တြုံတိရစ္ဆာန် ချိုတ်တုဲကၠဵုဟဂွံစဏီ ချိုတ်တုဲ ဗွဲမဂၠိုင်ဂၠိုင် ကၠဵုဟဂွံစဏီ ။ ပ ။ ဒးအာပတ်ပါရာဇိကရ။ ရင်တၠုင်ကော်နင် ဇရေင် (ဇွ) တြုံတိရစ္ဆာန် ချိုတ်တုဲ ဗွဲမဂၠိုင်ဂၠိုင် ကၠဵုစတုဲတုဲ နကဵုအင်္ဂဇာတ်ခမဳ နကဵုကဵုစိုန်ကီုဍိုက်စုတ် ဝစ္စမဂ် မုခမဂ်အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ထုလ္လစ္စယ်ရ ။ ပ ။ ဟွံသာယျေန်မ္ဂး ဟွံဒးအာပတ်ရ။


64) ခမဳသၞသတြုဂမၠိုင် ရင်တၠုင်ကော်နင်ခမဳ ဇရေင်ဗြဴမၞိဟ်တုဲ နကဵုအင်္ဂဇာတ်ခမဳ မပါတ်လဝ်ယာတ်သၞာ ကဵုစိုန်သကီုဍိုက်စုတ် ဝစ္စမဂ် ပဿာမဂ် မုခမဂ် ဗြဴမၞိဟ် မဟွံဂွံသာလဝ် (ဒုင်လဝ်ယာတ်သၞာ) အိုတ်ရ။ နကဵု - - - ခမဳ မဟဂွံပါတ်လဝ်ယာတ်သၞာ ဟိုန် - - - ဗြဴမၞိဟ် မသာလဝ် (ဒုင်လဝ်ယာတ်သၞာ) နကဵု - - - ခမဳ မပါတ်လဝ်ယာတ်သၞာ ဟိုန် - - - ဗြဴမၞိဟ် မသာလဝ် (ဒုင်လဝ်ယာတ်သၞာ) နကဵု - - - ခမဳ မဟွံဂွံပါတ်လဝ်ယာတ်သၞာ ကဵုစိုန်သကီုဍိုက်စုတ် ဝစ္စမဂ် ပဿာဝမဂ် မုခမဂ် ဗြဴမၞိဟ် မဟဂွံသာလဝ် (ဒုင်လဝ်ယာတ်သၞာ) အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ပါရာဇိက ။ ပ ။ ဟွံသာယျေန်မ္ဂး ဟွံဒးအာပတ်ရ။ ခမဳသၞသတြုဂမၠိုင် ရင်တၠုင်ကော်နင်ခမဳ ဇရေင်ဗြဴမၞိဟ် မၚုဟ်ဒၟံင် မသၠိုင်ဒၟံင် မဗ္ၜူဒၟံင် မကြအ်ဒၟံင် မဝိုတ်ဒၟံင်၊ ဇရေင် (ဇွ) ဗြဴမၞိဟ် ချိုတ်တုဲကၠဵုဟဂွံစဏီ ချိုတ်တုဲဗွဲမဂၠိုင်ဂၠိုင် ကဵုဟဂွံစဏီ ။ ပ ။ ဒးအာပတ်ပါရာဇိကရ။ ရင်တၠုင်ကော်နင် ဇရေင် (ဇွ) ဗြဴမၞိဟ် ချိုတ်တုဲဗွဲမဂၠိုင်ဂၠိုင် ကၠဵုစတုဲတုဲ နကဵုအင်္ဂဇာတ်ခမဳ မပါတ်လဝ်ယာတ်သၞာ ကဵုစိုန်သကီုဍိုက်စုတ် ဝစ္စမဂ် ပဿာဝမဂ် မုခမဂ် ဗြဴမၞိဟ် မဟဂွံသာလဝ် (ဒုင်လဝ်ယာတ်သၞာ) အိုတ်ရ။ နကဵု - - - ခမဳ မဟဂွံပါတ်လဝ်ယာတ်သၞာ ဟိုန် - - - ဗြဴမၞိဟ် မသာလဝ် (ဒုင်လဝ်ယာတ်သၞာ) နကဵု - - - ခမဳ မပါတ်လဝ်ယာတ်သၞာ ဟိုန် - - - ဗြဴမၞိဟ် မသာလဝ် (ဒုင်လဝ်ယာတ်သၞာ) နကဵု - - - ခမဳ မဟွံဂွံပါတ်လဝ်ယာတ်သၞာ ကဵုစိုန်သကီုဍိုက်စုတ် ဝစ္စမဂ် ပဿာဝမဂ် မုခမဂ် ဗြဴမၞိဟ် မဟဂွံသာလဝ် (ဒုင်လဝ်ယာတ်သၞာ) အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ထုလ္လစ္စယ်ရ ။ ပ ။ ဟွံသာယျေန်မ္ဂး ဟွံဒးအာပတ်ရ။ ခမဳသၞသတြုဂမၠိုင် ရင်တၠုင်ကော်နင်ခမဳ ဇရေင်ဗြဴဒေဝတဴ ဗြဴတိရစ္ဆာန် ဥဘတောဗျဉ်မၞိဟ် ဥဘတောဗျဉ်ဒေဝတဴ ဥဘတောဗျဉ်တိရစ္ဆာန် ပဏ္ဍုက်မၞိဟ် ပဏ္ဍုက်ဒေဝတဴ ပဏ္ဍုက်တိရစ္ဆာန် တြုံမၞိဟ် တြုံဒေဝတဴ တြုံတိရစ္ဆာန်တုဲ နကဵုအင်္ဂဇာတ်ခမဳ မပါတ်လဝ်ယာတ်သၞာ ကဵုစိုန်စိုန်သကီုဍိုက်စုတ် ဝစ္စမဂ် မုခမဂ်တြုံတိရစ္ဆာန် မဟွံဂွံသာလဝ် (ဒုင်လဝ်ယာတ်သၞာ) အိုတ်ရ။ နကဵု - - - ခမဳ မဟဂွံပါတ်လဝ်ယာတ်သၞာ ဟိုန် - - - တြုံတိရစ္ဆာန် မသာလဝ် (ဒုင်လဝ်ယာတ်သၞာ) နကဵု - - - ခမဳ မပါတ်လဝ်ယာတ်သၞာ ဟိုန် - - - တြုံတိရစ္ဆာန် မသာလဝ် (ဒုင်လဝ်ယာတ်သၞာ) နကဵု - - - ခမဳ မဟွံဂွံပါတ်လဝ်ယာတ်သၞာ ကဵုစိုန်စိုန်သကီုဍိုက်စုတ် ဝစ္စမဂ် မုခမဂ်တြုံတိရစ္ဆာန် မဟွံဂွံသာလဝ် (ဒုင်လဝ်ယာတ်သၞာ) အိုတ်ရ၊ ခမဳဂှ် ပ္ဍဲခဏဃောပၠုပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ပါရာဇိကရ ။ ပ ။ ဟွံသာယျေန်မ္ဂး ဟွံဒးအာပတ်ရ။


65) ခမဳသၞသတြုဂမၠိုင် ရင်တၠုင်ကော်နင်ခမဳ ဇရေင်တြုံတိရစ္ဆာန် မၚုဟ်ဒၟံင် မသၠိင်ဒၟံင် မဗ္ၜူဒၟံင် မကြအ်ဒၟံင် မဝိုတ်ဒၟံင်၊ ဇရေင် (ဇွ) တြုံတိရစ္ဆာန် ချိုတ်တုဲကၠဵုဟဂွံစဏီ ချိုတ်တုဲ ဗွဲမဂၠိုင်ဂၠိုင် ကၠဵုဟဂွံစဏီ ။ ပ ။ ဒးအာပတ်ပါရာဇိကရ။ ရင်တၠုင်ကော်နင် ဇရေင် (ဇွ) တြုံတိရစ္ဆာန် ချိုတ်တုဲ ဗွဲမဂၠိုင်ဂၠိုင် ကၠဵုစတုဲတုဲ နကဵုအင်္ဂဇာတ်ခမဳ မပါတ်လဝ်ယာတ်သၞာ ကဵုစိုန်ကီုဍိုက်စုတ် ဝစ္စမဂ် မုခမဂ်တြုံတိရစ္ဆာန် မဟွံဂွံသာလဝ် (ဒုင်လဝ်ယာတ်သၞာ) အိုတ်ရ။ နကဵု - - - ခမဳ မဟဂွံပါတ်လဝ်ယာတ်သၞာ ဟိုန် - - - တြုံတိရစ္ဆာန် မသာလဝ် (ဒုင်လဝ်ယာတ်သၞာ) နကဵု - - - ခမဳ မပါတ်လဝ်ယာတ်သၞာ ဟိုန် - - - တြုံတိရစ္ဆာန် မသာလဝ် (ဒုင်လဝ်ယာတ်သၞာ) နကဵု - - - ခမဳ မဟွံဂွံပါတ်လဝ်ယာတ်သၞာ ကဵုစိုန်စိုန်သကီုဍိုက်စုတ် ဝစ္စမဂ် မုခမဂ်တြုံတိရစ္ဆာန် မဟွံဂွံသာလဝ် (ဒုင်လဝ်ယာတ်သၞာ) အိုတ်ရ၊ ခမဳဂှ် ပ္ဍဲခဏဃောပၠောပ် သာယျေန်မ္ဂး၊ ပ္ဍဲခဏဃောလုပ် သာယျေန်မ္ဂး၊ ပ္ဍဲခဏဃောတန်တဴ သာယျေန်မ္ဂး၊ ပ္ဍဲခဏဃောၜေါတ်ပတိတ် သာယျေန်မ္ဂး၊ ဒးအာပတ်ထုလ္လစ္စယ်ရ ။ ပ ။ ဟွံသာယျေန်မ္ဂး ဟွံဒးအာပတ်ရ။ တြးတဴ ခမဳသၞသတြုဂမၠိုင်တုဲ သၟဟ်ညံင်ရဴ ဂပ်ဝ်သ္ဂးတဴအိုတ်ကီု တုပ်သၟဟ်သာ်ဝွံ သၟိင်သၞသတြု ကမၠတ်သၞသတြု သၟာသၟုင်ဗြဴသၟုင်အရက်သၞသတြု ဒမၠမၞိဟ်ပရမ်သၞသတြုဂမၠိုင် တြးတုဲဂပ်ဝ်သ္ဂးအိုတ်ရ။


66) နကဵု ‘မဂ်’ ဂၠံင်တရဴမွဲ သပၠုပ်ဏာ ‘မဂ်’ ဂၠံင်တရဴမွဲမ္ဂး၊ ဒးအာပတ်ပါရာဇိကရ၊ နကဵု ‘မဂ်’ ဂၠံင်တရဴမွဲ သပၠုပ်ဏာ (မပ္တံပၞော်သရ) မဟွံသေင်ကဵုဂၠံင်တရဴမ္ဂး ဒးအာပတ်ပါရာဇိကရ၊ န (မပ္တံပၞော်သရ) မဟွံသေင်ကဵုဂၠံင်တရဴ သပၠုပ်ဏာ ‘မဂ်’ ဂၠံင်တရဴမ္ဂး၊ ဒးအာပတ်ပါရာဇိကရ၊ န (မပ္တံပၞော်သရ) မဟွံသေင်ကဵုဂၠံင်တရဴ သပၠုပ်ဏာ (မပ္တံပၞော်သရ) မဟွံသေင်ကဵုဂၠံင်တရဴမ္ဂး၊ ဒးအာပတ်ထုလ္လစ္စယ်ရ။ ခမဳဂှ် ဒ္ဂေတ်သ္ပဗွဲမပၠန်ဂတး ပ္ဍဲခမဳမတိက်သၠိင်ဒၟံင်ရ၊ ခမဳၚုဟ်တိုန်ဂှ် သာယျေန်ရ၊ ဂပ်ဝ်ပြာံထောံ ပလီုပလာ်ထောံ သီုၜါတၠဂမၠိုင်အိုတ်ရ၊ ခမဳၚုဟ်တိုန်ဂှ် ဟွံသာယျေန်မ္ဂး ဂပ်ဝ်ပြာံထောံ ခမဳမပလီုပလာ်လုတ်မှာဒုဟ်ရ။ ခမဳဂှ် ဒ္ဂေတ်သ္ပဗွဲမပၠန်ဂတး ပ္ဍဲသာမဏဳ မတိက်သၠိင်ဒၟံင်ရ၊ သာမဏဳမၚုဟ်တိုန်ဂှ် သာယျေန်ရ၊ ဂပ်ဝ်ပြာံထောံပလီုပလာ်ထောံ သီုၜါတၠဂမၠိုင်အိုတ်ရ၊ သာမဏဳၚုဟ်တိုန်ဂှ် ဟွံသာယျေန်မ္ဂး ဂပ်ဝ်ပြာံထောံခမဳမပလီုပလာ်လုတ်မှာဒုဟ်ရ။ သာမဏဳဂှ် ဒ္ဂေတ်သ္ပဗွဲမပၠန်ဂတး ပ္ဍဲခမဳမတိက်သၠိင်ဒၟံင်ရ၊ ခမဳၚုဟ်တိုန်ဂှ် သာယျေန်ရ၊ ဂပ်ဝ်ပြာံထောံ ပလီုပလာ်ထောံ သီုၜါတၠဂမၠိုင်အိုတ်ရ၊ ခမဳၚုဟ်တိုန်ဂှ် ဟွံသာယျေန်မ္ဂး ဂပ်ဝ်ပြာံထောံသာမဏဳ မပလီုပလာ်လုတ်မှာဒုဟ်ရ။ သာမဏဳဂှ် ဒ္ဂေတ်သ္ပဗွဲမပၠန်ဂတး ပ္ဍဲသာမဏဳမတိတ်သၠိင်ဒၟံင်ရ၊ သာမဏဳၚုဟ်တိုန်ဂှ် သာယျေန်ရ၊ ဂပ်ဝ်ပြာံထောံသာမဏဳ သီုၜါတၠဂမၠိုင်အိုတ်ရ၊ သာမဏဳၚုဟ်တိုန်ဂှ် ဟွံသာယျေန်မ္ဂး ဂပ်ဝ်ပြာံထောံသာမဏဳ မပလီုပလာ်လုတ်မှာဒုဟ်ရ။ ကုခမဳဟွံတီ ခမဳဟွံသာယျေန် ခမဳ (ကၠင်ကၟတ်လီုတုဲ) ကြအ်ဥမ္မတ် ခမဳ (ကလော်လကိုဟ်ရပ်တုဲ) စိုတ်ကလှ်လဖှ် ခမဳဝေဒနာပ္ဍဵုပ္ဍိုက် ခမဳမကလိလောန် ကိုပ်ကၠာအိုတ်ဂှ် ဟွံဒးအာပတ်ရ။ ခဏ်ထ္ၜးကဵု ပရူပရာဒုင်ယာတ်သၞာတုဲရ။

၁.၁.၅။ လၟေင်က္ဍိုပ်မာတိကာ ဝိနဳတဝတ္ထု

[ပလေဝ်ဒါန် | ပလေဝ်ဒါန် တမ်ကၞက်]

ဝတ္ထုကၞုဲၝောံ၊ ဝတ္ထုခမဳကောန်ညးဝဇ္ဇဳရး၊ ဝတ္ထုခမဳမကလိလောန် နအယောင်အလာမၞိဟ်၊ ဝတ္ထုခမဳမကလိလောန် သီုမဂၞံင်ဂၞါတ်လဝ်ဇကုသၟး၊ ဝတ္ထုခမဳဂမၠိုင်မကလိလောန် နအယောင်အလာတဳ၊ ဝတ္ထုသၟုတ်ဗြဴ၊ ဝတ္ထုခမဳဗြဴဥပ္ပလဝဏ်၊ ဝတ္ထုလိင်ပၠန်ဂတး ညးၜါတၠ။ ဝတ္ထုမိအံက် ကောန်ဝုတ် ဒေံဗြဴ သမ္ဘာဂမၠိုင်၊ ဝတ္ထုခမဳစၞိန်စးဍိုန်ညောန်၊ ဝတ္ထုခမဳအင်္ဂဇာတ်ဂၠိင်၊ ဝတ္ထုခမဳသွိုန်ဗပိုန်ခ္ဍတ်ဗြိုအ်မာၜါ၊ ဝတ္ထုတၞးရုပ်ကသူ၊ ဝတ္ထုကောန်ရုပ်ဆု။ ဝတ္ထုသုန္ဒရ၊ ဝတ္ထုခမဳပန်ဇကု၊ ဝတ္ထုပ္ဍဲသုသာန်မသုန်၊ ဝတ္ထုဗွဝ်ဇုတ်၊ ဝတ္ထုနာ်ၝောံ၊ ဝတ္ထုလကိုဟ်ၝောံ၊ ဝတ္ထုပြိုတ်ၝောံ၊ ဝတ္ထုပဏ္ဍုက် (ခမၞုဲ)၊ ဝတ္ထုညးကာယပသာဒလီုလာ်၊ ဝတ္ထုခမဳလုက်စုက်တၟအ်ဒွံဒး။ ပ္ဍဲဍုင်ဘဒ္ဒိယ ဝတ္ထုခမဳတၠအရှန်တိက်သၠိင်၊ ပ္ဍဲဍုင်သာရဝှ် ဝတ္ထုခမဳပန်ဇကု၊ ပ္ဍဲဍုင်ဝေသာလဳ ဝတ္ထုခမဳပိဇကု၊ ဝတ္ထုညးပူဇဴပကဴ၊ ဝတ္ထုခမဳဘာရုကစ္ဆက မတိက်လ္ပအ်ညာတ်။ ဝတ္ထုသုဗ္ဗာ၊ ဝတ္ထုသဒ္ဓါ၊ ဝတ္ထုခမဳဗြဴ၊ ဝတ္ထုသိက္ခမာန်၊ ဝတ္ထုသာမဏဳဗြဴ၊ ဝတ္ထုဗြဴစရာဲဍုင်၊ ဝတ္ထုပဏ္ဍုက်၊ ဝတ္ထုဗြဴမၞိဟ်၊ ဝတ္ထုခမဳ သွိုန်ဗပိုန်သိပ်ဂၠိပ်ရင်သကအ်၊ ဝတ္ထုခမဳဇၞော်၊ ဝတ္ထုဒြာဲၝောံသၟတ် ဣဝွံတုန် လၟေင်က္ဍိုပ်မာတိကာရောင်။

၁.၁.၆။ ဗီုသ္ဂုတ်သွာတ်ဝိနဳတဝတ္ထုဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

67) ပ္ဍဲမွဲအခိင်တေံ ခမဳမွဲဇကု သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲကၞုဲၝောံရ၊ တဳလမၞုံပိုဉ်ကျာ်တြဲ ပညပ်သိက္ခာပိုဒ်တုဲဒှ်ရ၊ အဲစှေ်ပါရာဇိကဟာ ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁) ပ္ဍဲမွဲအခိင်တေံ ခမဳကောန်ညးဝဇ္ဇဳရးဂမၠိုင်မဂၠိုင်ဂၠင် မသ္ပဒတဴဍုင်ဝေသာလဳဂှ် ဟွံဖျေံကၠေံသိက္ခာ ဟွံသ္ပပွမဍိုန်ဇြဟတ် ဗွဲမပြာကဋ်အိုတ်တုဲ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန်အိုတ်ရ၊ တဳလမၞုံပိုဉ်ကျာ်တြဲ ပညပ်သိက္ခာပိုဒ်တုဲဒှ်ရ၊ ပိုဲညးဂမၠိုင် စှေ်ပါရာဇိကအိုတ်ဟာ ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်အိုတ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၂) ပ္ဍဲမွဲအခိင်တေံ ခမဳမွဲဇကု သ္ပရဴဝွံမ္ဂး ဟွံဒးအာပတ် ကုအဲရ (ချပ်ရဴဝွံတုဲ) နလွေဟ်အယောင်အလာခရှ် သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန်ရ၊ တဳလမၞုံပိုဉ်ကျာ်တြဲ ပညပ်သိက္ခာပိုဒ်တုဲဒှ်ရ၊ အဲစှေ်ပါရာဇိကဟာ ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၃) ပ္ဍဲမွဲအခိင်တေံ ခမဳမွဲဇကု သ္ပရဴဝွံမ္ဂး ဟွံဒးအာပတ် ကုအဲရ ရဴဝွံ သ္ပဟွံမွဲဗွိုက်လတက်ဂၞံင်ဂၞါတ်ဇကုသၟးတုဲ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၄) ပ္ဍဲမွဲအခိင်တေံ ခမဳမွဲဇကု သ္ပရဴဝွံမ္ဂး ဟွံဒးအာပတ် ကုအဲရ ရဴဝွံ ဗိုက်လတက်သ္ၚာကၟတ်သင်မာန်တုဲ။ ဗိုက်လတက်သ္ၚာသကောဝ်ဆုတုဲ။ ဗိုက်လတက်သ္ၚာဂတဵုသတှေ်တုဲ။ ဗိုက်လတက်ယာတ်ကၟဝ် မတုတ်လဝ်နသော်မၞိဟ်တုဲ။ ဗိုက်လတက်ယာတ်ကၟဝ် မတုတ်လဝ်နသော်ဗ္တသတ်တုဲ။ ဗိုက်လတက်ယာတ် မတုတ်လဝ်နသၞေင်ဂစေံကၠိုင်ဟိုက်တုဲ။ ဗိုက်လတက်လဝ်စၞာံဗြန်တုဲ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန်ရ၊ သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၅-၁၁) ပ္ဍဲမွဲအခိင်တေံ ခမဳဂ္ၚေင်ပိဏ္ဍပါတ်မွဲဇကု ညာတ်ဒးသၟတ်ဗြဴ တိက်ဒၟံင်ပ္ဍဲကတဵုဒလာဲခုင်ဇမၠိင်တုဲ စိုတ်မထၞေန်စပ်သ္ဍိုက်မၠိုက် ကတဵုဒှ်တုဲ သပၠုပ်ဏာၝောံဇိုင် အပ္ဍဲအင်္ဂဇာတ်ရ၊ သၟတ်ဗြဴဂှ် သ္ဒးချိုတ်အာရ၊ သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇိကရ၊ ဒးအာပတ်သံဃာဒိသေသ်ရ ရဴဝွံ (သ္ဂးရ)။ (၁၂)


68) ပ္ဍဲမွဲအခိင်တေံ သၟတ်ဗၠာဲမွဲ စိုတ်စောဲစပ် ပ္ဍဲခမဳဗြဴဥပ္ပဝဏ် ဒှ်ဒၟံင်ရ၊ သၟတ်ဗၠာဲဂှ် ဃောခမဳဗြဴဥပ္ပလဝဏ် က္ညဂ္ၚေင်စဴပိဏ္ဍပါတ် လုပ်အာဘာသၟတ်တုဲ အောပ်ဗ္ဒဒၟံင်ရ၊ ခမဳဗြဴဥပ္ပလဝဏ် ကဵုပိုဉ်တုဲပ္ဍဲကြဴ တိတ်ကၠုင်နူဇြပ်ကဵုပိုဉ်တုဲ ကြဴကြာတ်ဇိုင်တုဲမ္ဂး လုပ်အာဘာသၟတ်တုဲဂဇအ်ဒၟံင် ပ္ဍဲဇံင်ခါတ်သၟတ်ရ၊ ပ္ဍဲအခိင်ဂှ် သၟတ်ဗၠာဲဂှ် ဗန်ရပ်ကေတ် ခမဳဗြဴဥပ္ပလဝဏ်တုဲ ပလီုပလာ်ထောံရ၊ ခမဳဗြဴဥပ္ပလဝဏ်ဂှ် ဂရင်ပတီ ဟိုတ်ပရူပရာဝွံ ကုခမဳဗြဴဂမၠိုင်ရ။ ခမဳဗြဴဂမၠိုင် ဂရင်ပတီ ဟိုတ်ပရူပရာဝွံ ကုခမဳတြုံဂမၠိုင်အိုတ်ရ၊ ခမဳတြုံဂမၠိုင် ဂရင်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် ကုခမဳဗြဴဟွံသာယျေန်ဂှ် ဟွံဒးအာပတ်ရ ရဴဝွံ (သ္ဂးရ)။ (၁၃)


69) ပ္ဍဲမွဲအခိင်တေံ ‘ဣတ္ထိလိင်’ လွေဟ်သဏ္ဌာန်မၞိဟ်ဗြဴ ကတဵုဒှ်ပြာကဋ်ကၠုင် ကုခမဳမွဲဇကုရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် သွက်ဂွံပံင်ဖက်သ္ပဒတဴမွဲစွံ ကေုာံခမဳဗြဴဂမၠိုင် ဥပဇ္ၛာယ် (မဂိုင်ကေတ်လဝ် လက်ထက်မၞိဟ်တြုံ) ဂှ် ဒဒှ်ပယျင် (မဂပ်ဝ်ဗှ်လဝ် လက်ထက်မၞိဟ်တြုံ) ဂှ် သၞာံဝှ် (မဂပ်ဝ်ရိုဟ်လၟိဟ်လဝ် လက်ထက်မၞိဟ်တြုံ) ဂမၠိုင်ဂှ်ဟေင် ကဵုအခေါင်ရ၊ ယြဴအာပတ်ခမဳတြုံဂမၠိုင် ဆက်ဆောံကေုာံခမဳဗြဴဂမၠိုင်အိုတ်ရ၊ အာပတ်ဂမၠိုင်ဂှ် တၞဟ်နဇအုဲဇဗဝဳဗလး ပ္ဍဲဇရေင်ခမဳဗြဴဂမၠိုင် ကဵုအခေါင်ရ၊ ယြဴအာပတ်ခမဳတြုံဂမၠိုင် ဟွံဆက်ဆောံ ကေုာံခမဳဗြဴဂမၠိုင်အိုတ်ရ၊ နအာပတ်ဂမၠိုင်ဂှ် ဟွံဒးအာပတ် ရဴဝွံ (သ္ဂးရ)။ (၁၄) ပ္ဍဲမွဲအခိင်တေံ ‘ပုရိသလိင်’ လွေဟ်သဏ္ဌာန်မၞိဟ်တြုံ ကတဵုဒှ်ပြာကဋ်ကၠုင် ကုခမဳဗြဴမွဲဇကုရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် သွက်ဂွံပံင်ဖက်သ္ပဒတဴမွဲစွံ ကေုာံခမဳတြုံဂမၠိုင် ဥပဇ္ၛာယ် (မဂိုင်ကေတ်လဝ် လက်ထက်မၞိဟ်ဗြဴ) ဂှ် ဒဒှ်ပယျင် (မဂပ်ဝ်ဗှ်လဝ် လက်ထက်မၞိဟ်ဗြဴ) ဂှ် သၞာံဝှ် (မဂပ်ဝ်ရိုဟ်လၟိဟ်လဝ် လက်ထက်မၞိဟ်ဗြဴ) ဂမၠိုင်ဂှ်ဟေင် ကဵုအခေါင်ရ၊ ယြဴအာပတ်ခမဳဗြဴဂမၠိုင် ဆက်ဆောံကေုာံခမဳတြုံဂမၠိုင်အိုတ်ရ၊ အာပတ်ဂမၠိုင်ဂှ် တၞဟ်နဇအုဲဇဗဝဳဗလး ပ္ဍဲဇရေင်ခမဳတြုံဂမၠိုင် ကဵုအခေါင်ရ၊ ယြဴအာပတ်ခမဳဗြဴဂမၠိုင် ဟွံဆက်ဆောံ ကေုာံခမဳတြုံဂမၠိုင်အိုတ်ရ၊ နအာပတ်ဂမၠိုင်ဂှ် ဟွံဒးအာပတ် ရဴဝွံ (သ္ဂးရ)။ (၁၅)


70) ပ္ဍဲမွဲအခိင်တေံ ခမဳမွဲဇကု သ္ပရဴဝွံမ္ဂး ဟွံဒးအာပတ်ကုအဲရ (ချပ်ရဴဝွံတုဲ) သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲမိအံက်ရ။ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲကောန်ဝုတ်ရ။ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲၝဲဒေံဗြဴရ။ အဲစှေ်ပါရာဇိကဟာ ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၆-၁၈) ပ္ဍဲမွဲအခိင်တေံ ခမဳမွဲဇကု သ္ပရဴဝွံမ္ဂး ဟွံဒးအာပတ်ကုအဲရ (ချပ်ရဴဝွံတုဲ) သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲသမ္ဘာတြေမ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၉)


71) ပ္ဍဲမွဲအခိင်တေံ ခမဳမွဲဇကု မၞုံကဵုဇုတ်စၞိန်စးဍိုန်ညောန်ရ၊ ခမဳဂှ် ပွမဟွံမိပ်လဟိင်ပ္ဍဵုပ္ဍိုက်ကၠာ လၞုဟ်လၞန်အာတုဲ ထ္ၜမ်ဇြောတ်ကေတ် အင်္ဂဇာတ်ဇကု နကဵုပါင်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၂၀) ပ္ဍဲမွဲအခိင်တေံ ခမဳမွဲဇကု မၞုံကဵုအင်္ဂဇာတ်မဂၠိင်ရ၊ ခမဳဂှ် ပွမဟွံမိပ်လဟိင်ပ္ဍဵုပ္ဍိုက်တုဲ အင်္ဂဇာတ်ဇကု သပၠုပ်ဏာဝစ္စမဂ် ဇကုရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၂၁) ပ္ဍဲမွဲအခိင်တေံ ခမဳမွဲဇကုဂှ် ညာတ်ဒးဇွချိုတ်ချိုတ်ရ၊ ပ္ဍဲဇွချိုတ်ချိုတ်ဂှ် ဇရေင်အင်္ဂဇာတ်ဂှ် မၞုံကဵုသရသရေန်ရ၊ ခမဳဂှ် သ္ပရဴဝွံမ္ဂး ဟွံဒးအာပတ် ကုအဲရ ရဴဝွံ သပၠုပ်ဏာအင်္ဂဇာတ်ဇကု ပ္ဍဲအင်္ဂဇာတ်ဇွချိုတ်ချိုတ်တုဲမ္ဂး ပတိတ်ဏာနူသရသရေန်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၂၂) ပ္ဍဲမွဲအခိင်တေံ ခမဳမွဲဇကုဂှ် ညာတ်ဒးဇွချိုတ်ချိုတ်ရ၊ ပ္ဍဲဇွချိုတ်ချိုတ်ဂှ် ဇရေင်အင်္ဂဇာတ်ဂှ် မၞုံကဵုသရသရေန်ရ၊ ခမဳဂှ် သ္ပရဴဝွံမ္ဂး ဟွံဒးအာပတ် ကုအဲရ ရဴဝွံ သပၠုပ်ဏာအင်္ဂဇာတ်ဇကု ပ္ဍဲသရသရေန်တုဲမ္ဂး ပတိတ်ဏာနူအင်္ဂဇာတ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၂၃) ပ္ဍဲမွဲအခိင်တေံ ခမဳမွဲဇကုဂှ် စိုတ်မထၞေန်စပ်သ္ဍိုက်မၠိုက် ကတဵုဒှ်ကၠုင်တုဲ နကဵုအင်္ဂဇာတ်ဇကု လုက်စုက်တေံတဴ နိမိတ်အင်္ဂဇာတ် တၞးရုပ်ကသူရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇိကရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၂၄) ပ္ဍဲမွဲအခိင်တေံ ခမဳမွဲဇကုဂှ် စိုတ်မထၞေန်စပ်သ္ဍိုက်မၠိုက် ကတဵုဒှ်ကၠုင်တုဲ နကဵုအင်္ဂဇာတ်ဇကု လုက်စုက်တေံတဴ နိမိတ်အင်္ဂဇာတ် ကောန်ရုပ်ဆုပယျေဝ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇိကရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၂၅)


72) ပ္ဍဲမွဲအခိင်တေံ ခမဳမၞုံယၟုသုန္ဒရ မသ္ပခမဳနူရာဇဂြိုဟ်ဂှ် ကွာ်တရဴနဂၠံင်တရဴ ကွဳစောတ်ရ၊ ဗြဴမွဲဂှ် ယွံတဳလပိုဉ် ဩဝ်လၟတ်ဒေါံဒၟံင် မွဲခဏဍောတ်ညိ၊ ကဵုဂွံလ္ၚောဝ်ညိ ရဴဝွံ ဂရင်ပတီတုဲမ္ဂး ဗြဴဂှ် ဃောလ္ၚောဝ်ဂှ် ယာပတိုန်သပိုင်တုဲ ထ္ၜေတ်ဇြောတ်ကေတ် အင်္ဂဇာတ်နကဵုပါင်ရ၊ ‘သံသယကုက္ကစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ၊ ယွံခမဳ တၠအဲ သာယျေန်ဒးဟာ ရဴဝွံ (ကာလမသၟာန်ဂှ်) ယွံတဳလမၞုံပိုဉ် အဲဍိက်ဟွံသာယျေန်ရ ရဴဝွံ (ဂရင်ပတီရ)။ ကုခမဳဟွံသာယျောန်ဂှ် ဟွံဒးအာပတ်ရ ရဴဝွံ (သ္ဂးရ)။ (၂၆) ပ္ဍဲမွဲအခိင်တေံ ဗြဴမွဲဂှ် ညာတ်ခမဳတုဲ ယွံတဳလပိုဉ် ဩဝ်က္ညကၠုင်ညိ၊ ဩဝ်သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန်ညိ ရဴဝွံ (ဂရင်ပတီရ)။ ယွံဒေံဗြဴ ဟွံထေက်ကြိုက်ရ၊ ပွဝွံ ဟွံဂပ်ဝ်ရ ရဴဝွံ (ဟီုသ္ဂးရ)၊ ယွံတဳလပိုဉ် ဩဝ်က္ညကၠုင်ညိ၊ အဲဍိက်ဗြဴ သ္ပလွဳရ၊ တဳလပိုဉ် လ္ပသ္ပလွဳညိ၊ သ္ပရဴဝွံမ္ဂး ဟွံဒးအာပတ် ကုတဳလပိုဉ်ရ ရဴဝွံ (ဂရင်ပတီရ)။ ခမဳဂှ် သ္ပအတိုင်ဗြဴဂှ်ဟီုရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၂၇) ပ္ဍဲမွဲအခိင်တေံ ဗြဴမွဲဂှ် ညာတ်ခမဳတုဲ ယွံတဳလပိုဉ် ဩဝ်က္ညကၠုင်ညိ၊ ဩဝ်သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုတ်ညိ ရဴဝွံ (ဂရင်ပတီ)။ ယွံဒေံဗြဴ ဟွံထေက်ကြိုက်ရ၊ ပွဝွံ ဟွံဂပ်ဝ်ရ ရဴဝွံ (ဟီုသ္ဂးရ)၊ ယွံတဳလပိုဉ် ဩဝ်က္ညကၠုင်ညိ၊ တဳလပိုဉ် သ္ပလွဳညိ၊ အဲဍိက်ဗြဴ သီုဟွံသ္ပလွဳဂှ်မံင်အာရ၊ သ္ပရဴဝွံမ္ဂး ဟွံဒးအာပတ် ကုတဳလပိုဉ်ရ ရဴဝွံ (ဂရင်ပတီရ)။ ခမဳဂှ် သ္ပအတိုင်ဗြဴဂှ်ဟီုရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၂၈) ပ္ဍဲမွဲအခိင်တေံ ဗြဴမွဲဂှ် ညာတ်ခမဳတုဲ ယွံတဳလပိုဉ် ဩဝ်က္ညကၠုင်ညိ၊ ဩဝ်သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုတ်ညိ ရဴဝွံ (ဂရင်ပတီ)။ ယွံဒေံဗြဴ ဟွံထေက်ကြိုက်ရ၊ ပွဝွံ ဟွံဂပ်ဝ်ရ ရဴဝွံ (ဟီုသ္ဂးရ)၊ ယွံတဳလပိုဉ် ဩဝ်က္ညကၠုင်ညိ၊ ထဗတ်လျတ်ပတိတ်ဇြဟတ် ပ္ဍဲအပ္ဍဲတုဲ ဩဝ်ဗလးသုက် ပ္ဍဲမ္ၚးညိ ။ ပ ။ ထပက်လျတ်ပတိတ်ဇြဟတ် ပ္ဍဲမ္ၚးတုဲ ဩဝ်ဗလးသုက် ပ္ဍဲအပ္ဍဲညိ၊ သ္ပရဴဝွံမ္ဂး ဟွံဒးအာပတ် ကုတဳလပိုဉ်ရ ရဴဝွံ (ဂရင်ပတီရ)။ ခမဳဂှ် သ္ပအတိုင်ဗြဴဂှ်ဟီုရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၂၉-၃၀)


73) ပ္ဍဲမွဲအခိင်တေံ ခမဳမွဲဇကုဂှ် က္ညအာသုသာန် ညာတ်ဒးဇွချိုတ်ချိုတ် ကၠဵုဟဂွံစဏီတုဲ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲဇွချိုတ်ချိုတ်ဂှ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၃၁) ပ္ဍဲမွဲအခိင်တေံ ခမဳမွဲဇကုဂှ် က္ညအာသုသာန် ညာတ်ဒးဇွချိုတ်ချိုတ် ဗွဲမဂၠိုင်ဂၠိုင် ကၠဵုဟဂွံစဏီတုဲ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲဇွချိုတ်ချိုတ်ဂှ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၃၂) ပ္ဍဲမွဲအခိင်တေံ ခမဳမွဲဇကုဂှ် က္ညအာသုသာန် ညာတ်ဒးဇွချိုတ်ချိုတ် ဗွဲမဂၠိုင်ဂၠိုင် ကၠဵုစလဝ်တုဲတုဲ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲဇွချိုတ်ချိုတ်ဂှ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇိကရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၃၃) ပ္ဍဲမွဲအခိင်တေံ ခမဳမွဲဇကုဂှ် က္ညအာသုသာန် ညာတ်ဒးက္ဍိုပ်ပိုတ်ပိုတ်တုဲ သီုကဵုလုက်ဒး (သကဲဖဍာန်) သပၠုပ်ဏာ အင်္ဂဇာတ် ပ္ဍဲပါင်မလ္ပံက် (ဟာလဝ်) ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၃၄) ပ္ဍဲမွဲအခိင်တေံ ခမဳမွဲဇကုဂှ် က္ညအာသုသာန် ညာတ်ဒးက္ဍိုပ်ပိုတ်ပိုတ်တုဲ ဟွံကဵုလုက်ဒး (သကဲဖဍာန်) သပၠုပ်ဏာ အင်္ဂဇာတ် ပ္ဍဲပါင်မလ္ပံက် (ဟာလဝ်) ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇိကရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၃၅) ပ္ဍဲမွဲအခိင်တေံ ခမဳမွဲဇကု စိုတ်မထၞေန်စပ်သ္ဍိုက်မၠိုက် ပ္ဍဲဗြဴမွဲ ဒှ်ဒၟံင်ရ၊ ဗြဴဂှ်ချိုတ်တုဲဗိုတ်ကၠဟ်စွံလဝ် ပ္ဍဲသုသာန်မ္ဂး ဇုတ်ဂမၠိုင်ပြးဆာဲဒၟံင်အိုတ်ရ၊ ခမဳဂှ် က္ညအာသုသာန်တုဲ ဓဇက်ပကောံဇုတ်ဂမၠိုင်တုဲမ္ဂး ကဵုဖျေံဏာဗစိုပ် သပၠုပ်ဏာအင်္ဂဇာတ် ပ္ဍဲဒၞါဲနိမိတ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇိကရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၃၆) ပ္ဍဲမွဲအခိင်တေံ ခမဳမွဲဇကုဂှ် သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲနာ်ၝောံရ။ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲဗြဴဒေတဴရ။ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲပြိုတ်ၝောံရ။ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် (ပ္ဍဲဝစ္စမဂ် မုခမဂ်) ပဏ္ဍုက် (ခမၞုဲ) ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၃၇-၄၀) ပ္ဍဲမွဲအခိင်တေံ ခမဳမွဲဇကုဂှ် ကာယပသာဒလီုလာ်ဒၟံင်ရ၊ ခမဳဂှ် “အဲ ဒုင်စသိုင်ခိုဟ် ဟွံခိုဟ် ဟွံမာန်ရ၊ ဟွံဒးအာပတ် ကုအဲရ” ရဴဝွံ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် တြုံမလ္ၚုသၟး (နူမဂ်ဖိုဟ်) ဂှ် ဒုင်စသိုင်မာန်ကဵုဒှ် ဒုင်စသိုင်ဟွံမာန်ကဵုဒှ် ဒးအာပတ်ပါရာဇိကရ ရဴဝွံ (သ္ဂးရ)။ (၄၁) ပ္ဍဲမွဲအခိင်တေံ ခမဳမွဲဇကုဂှ် သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲဗြဴရ ရဴဝွံ ပ္ဍဲအယာံမာတ်မလုတ်ဒးဂှ် ဒှ်သၠိုက်သ္ၚောံစိုတ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇိကရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၄၂)


74) ပ္ဍဲမွဲအခိင်တေံ ခမဳမွဲဇကုဂှ် ပြာပ်အာဌာန်သ္ပဒတဴတ္ၚဲ ပ္ဍဲဂြိုပ်မၠဵုစေဝ် ဇရေင်ဍုင်ဘဒ္ဒိယတုဲ တိက်သတင်ဒၟံင်ရ၊ အင်္ဂဇၞော်သၟတ်ခမဳဂှ်ဂမၠိုင် ကြံင်မ္ၚိုဟ်ကၠုင် ဟိုတ်နူကျာအိုတ်ရ၊ ဗြဴမွဲ ညာတ်ဒးတုဲ စိုန်သကီုဍိုက်စုတ် အင်္ဂဇာတ်တုဲမ္ဂး သ္ပအတိုင်နွံပၟိက်ဒးစိုတ်တုဲ ပါဲစ္ဍးတိတ်အာရ၊ ခမဳဂမၠိုင် ညာတ်ဒးသုက်ဗါန်ခြပ်ဒၟံင်တုဲ ဂရင်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် ဟိုတ်နူရာဂကီု ဟိုတ်နူတရဴဇၞော်ကီု ဟိုတ်နူတရဴသၟတ်ကီု ဟိုတ်နူကျာကီု ဟိုတ်နူစၟသုက် ထပက်ထပူကီု ဟိုတ်နူဟိုတ်ဂမၠိုင်မသုန်သာ်ဝွံ အင်္ဂဇာတ်ဒှ်တဴတၞဟ်နသ္ပဟဂှ်ရ၊ ကြံင်မ္ၚိုဟ်ကၠုင်ရ၊ ယွံခမဳတအ် ကုခမဳ (မတိက်သၠိင်ဒၟံင်ပ္ဍဲဂြိုပ်မၠဵုစေဝ်) ဂှ် ဟိုတ်နူရာဂ အင်္ဂဇာတ်သွက်ဂွံဒှ် တၞဟ်နသ္ပဟဂှ် သွက်ဂွံကြံင်မ္ၚိုဟ် ဟိုတ်ဟွံမွဲရ၊ ယွံခမဳတအ် ခမဳဂှ် တၠအရှန်ရောင်၊ ယွံခမဳတအ် ကုခမဳဂှ် ဟွံဒးအာပတ်ရ ရဴဝွံ (သ္ဂးရ)။ (၄၃) ပ္ဍဲမွဲအခိင်တေံ ခမဳမွဲဇကုဂှ် ပြာပ်အာဌာန်သ္ပဒတဴတ္ၚဲ ပ္ဍဲဂြိုပ်အန္ဓဝိုန် ဇရေင်ဍုင်သာရဝှ်တုဲ တိက်သတင်ဒၟံင်ရ၊ ဗြဴပၟင်ဂၠဴမွဲ ညာတ်ဒးတုဲ စိုန်သကီုဍိုက်စုတ်အင်္ဂဇာတ်ရ၊ ခမဳဂှ် ပ္ဍဲခဏဃောပၠုပ် သာယျေန်ရ၊ ပ္ဍဲခဏဃောလုပ် သာယျေန်ရ၊ ပ္ဍဲခဏဃောတန်တဴ သာယျေန်ရ၊ ပ္ဍဲခဏဃောၜေါတ်ပတိတ် သာယျေန်ရ။ ‘သံသယကုက္ကုစ္စ’ ပွမချပ်သၠေပ်ပၟာ်ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၄၄) ပ္ဍဲမွဲအခိင်တေံ ခမဳမွဲဇကုဂှ် ပြာပ်အာဌာန်သ္ပဒတဴတ္ၚဲ ပ္ဍဲဂြိုပ်အန္ဓဝိုန် ဇရေင်ဍုင်သာရဝှ်တုဲ တိက်သတင်ဒၟံင်ရ၊ ဗြဴပၟင်ဗ္ၜေအ်မွဲ ညာတ်ဒးတုဲ။ ဗြဴၚဳအှော်မွဲ ညာတ်ဒးတုဲ။ ဗြဴလပှ်အိက်ဂၠဴမွဲ ညာတ်ဒးတုဲ စိုန်သကီုဍိုက်စုတ်အင်္ဂဇာတ်ရ၊ ခမဳဂှ် ပ္ဍဲခဏဃောပၠုပ် သာယျေန်ရ၊ ပ္ဍဲခဏဃောလုပ် သာယျေန်ရ၊ ပ္ဍဲခဏဃောတန်တဴ သာယျေန်ရ၊ ပ္ဍဲခဏဃောၜေါတ်ပတိတ် သာယျေန်ရ။ ‘သံသယကုက္ကုစ္စ’ ပွမချပ်သၠေပ်ပၟာ်ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၄၅-၄၇)


75) ပ္ဍဲမွဲအခိင်တေံ ခမဳမွဲဇကုဂှ် ပြာပ်အာဌာန်သ္ပဒတဴတ္ၚဲ ပ္ဍဲဂြိုပ်မဟာဝိုန် ဇရေင်ဍုင်ဝေသာလဳတုဲ တိက်သတင်ဒၟံင်ရ၊ ဗြဴမွဲညာတ်ဒးတုဲ စိုန်သကီုဍိုက်စုတ်အင်္ဂဇာတ်တုဲမ္ဂး သ္ပအတိုင်နွံပၟိက်ဒးစိုတ်တုဲ ဒတူဂြိုင်ဒၟံင် ပ္ဍဲဇရေင်ရ၊ ခမဳဂှ် ၚုဟ်တိုန်တုဲ— ပွဝွံ ပွတၠအဲဟာ ရဴဝွံ (အခိင်မသၟာန်) ဗြဴဂှ် ဍာံပြရ ပွအဲဍိက်ဗြဴရ ရဴဝွံ (ဂရင်ပတီရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ သာယျေန်ဒးဟာ ရဴဝွံ (အခိင်မသၟာန်) ဂှ်— ယွံတဳလမၞုံပိုဉ် အဲဍိက် ဟွံတီရ ရဴဝွံ (ဂရင်ပတီရ)။ ယွံခမဳ ကုညးဟွံတီဂှ် ဟွံဒးအာပတ်ရ ရဴဝွံ (သ္ဂးရ)။ (၄၈)


76) ပ္ဍဲမွဲအခိင်တေံ ခမဳမွဲဇကုဂှ် ပြာပ်အာဌာန်သ္ပဒတဴတ္ၚဲ ပ္ဍဲဂြိုပ်မဟာဝိုန် ဇရေင်ဍုင်ဝေသာလဳတုဲ နိဿယ်ဗ္ဒာဲကဵုတၞံဆုတုဲ တိက်သတင်ဒၟံင်ရ၊ ဗြဴမွဲ ညာတ်ဒးတုဲ စိုန်သကီုဍိုက်စုတ်အင်္ဂဇာတ်ရ၊ ခမဳဂှ် ဒၠိုက်ကတဵု ဗွဲမပြဟ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ သာယျေန်ဒးဟာ ရဴဝွံ (အခိင်မသၟာန်) ဂှ်— ယွံတဳလမၞုံပိုဉ် အဲဍိက် ဟွံသာယျေန်ရ ရဴဝွံ (ဂရင်ပတီရ)။ ယွံခမဳ ကုညးဟွံသာယျေန်ဂှ် ဟွံဒးအာပတ်ရ ရဴဝွံ (သ္ဂးရ)။ (၄၉) ပ္ဍဲမွဲအခိင်တေံ ခမဳမွဲဇကုဂှ် ပြာပ်အာဌာန်သ္ပဒတဴတ္ၚဲ ပ္ဍဲဂြိုပ်မဟာဝိုန် ဇရေင်ဍုင်ဝေသာလဳတုဲ နိဿယ်ဗ္ဒာဲကဵုတၞံဆုတုဲ တိက်သတင်ဒၟံင်ရ၊ ဗြဴမွဲ ညာတ်ဒးတုဲ စိုန်သကီုဍိုက်စုတ်အင်္ဂဇာတ်ရ၊ ခမဳဂှ် ထၞိက်ကဵုဇိုင်တုဲ ကဵုပၠောအာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ သာယျေန်ဒးဟာ ရဴဝွံ (အခိင်မသၟာန်) ဂှ်— ယွံတဳလမၞုံပိုဉ် အဲဍိက် ဟွံတီရ ရဴဝွံ (ဂရင်ပတီရ)။ ယွံခမဳ ကုညးဟွံတီဂှ် ဟွံဒးအာပတ်ရ ရဴဝွံ (သ္ဂးရ)။ (၅၀)


77) ပ္ဍဲမွဲအခိင်တေံ ခမဳမွဲဇကုဂှ် ပြာပ်အာဌာန်သ္ပဒတဴတ္ၚဲ ပ္ဍဲဘာပြာသာဒ်ဇၞော် မၞုံကဵုအထောဋ်သ္ၚိကၠတ် ဂြိုပ်မဟာဝိုန် ဇရေင်ဍုင်ဝေသာလဳတုဲ ပံက်လဝ်တြင်တုဲ တိက်သတင်ဒၟံင်ရ၊ အင်္ဂဇၞော်သၟတ်ခမဳဂှ်ဂမၠိုင် ကြံင်မ္ၚိုဟ်ကၠုင် ဟိုတ်နူကျာအိုတ်ရ၊ ပ္ဍဲအခိင်ဂှ် ဗြဴဂမၠိုင်မကၠုင်သ္ၚေဝ်ဝေင်ဗဵုဘာ ဂိုင်ကေတ်နင် ပကဴမြမောဝ်တုဲ လုပ်ကၠုင် အပ္ဍဲအာရှာမ်အိုတ်ရ၊ ပ္ဍဲအခိင်ဂှ် ဗြဴဂမၠိုင်ဂှ် ညာတ်ဒးခမဳဂှ်တုဲ စိုန်သကီုဍိုက်စုတ် အင်္ဂဇာတ်တုဲမ္ဂး သ္ပအတိုင်နွံပၟိက်ဒးစိုတ်အိုတ်တုဲ “ခမဳဝွံတုန် တြုံပြဲအာဇာနယ်ရောင်သွံ” ရဴဝွံ ဟီုသ္ဂးအိုတ်တုဲပ္ဍဲကြဴ ပတိုန်ပကဴမြမောဝ်တုဲ စ္ဍးတိတ်အာအိုတ်ရ၊ ခမဳဂမၠိုင် ညာတ်ဒးသုက်ဗါန်ခြပ်ဒၟံင်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် ဟိုတ်နူရာဂကီု ဟိုတ်နူတရဴဇၞော်ကီု ဟိုတ်နူတရဴသၟဟ်ကီု ဟိုတ်နူကျာကီု ဟိုတ်နူစၟသုက် ထပက်ထပူကီု ဟိုတ်နူဟိုတ်ဂမၠိုင်မသုန်သာ်ဝွံ အင်္ဂဇာတ်ဒှ်တဴ တၞဟ်နသ္ပဟဂှ်ရ၊ ကြံင်မ္ၚိုဟ်ကၠုင်ရ၊ ယွံခမဳတအ် ကုခမဳ (ပံက်တြင်တုဲတိက်ဒၟံင်) ဂှ် ဟိုတ်နူရာဂ အင်္ဂဇာတ်သွက်ဂွံဒှ် တၞဟ်နသ္ပဟဂှ် သွက်ဂွံကြံင်မ္ၚိုဟ် ဟိုတ်ဟွံမွဲရ၊ ယွံခမဳတအ် ခမဳဂှ် တၠအရှန်ရောင်၊ ယွံခမဳတအ် ကုခမဳဂှ် ဟွံဒးအာပတ်ရ၊ ယွံခမဳတအ် ခမဳမတိက်သတင် ပ္ဍဲအခိင်တ္ၚဲဂှ် ကၟာတ်တြင်တုဲ တၞဟ်နတိက်သတင် ကဵုအခေါင်ရ ရဴဝွံ (သ္ဂးရ)။ (၅၁)


78) ပ္ဍဲမွဲအခိင်တေံ ခမဳမွဲဇကုဂှ် မသ္ပဒတဴ ပ္ဍဲသၞေဟ်က္ၜင်ဘာရုကစ္ဆဂှ် ပ္ဍဲအပ္ဍဲသွပ်လ္ပအ်တေံ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန်ပ္ဍဲသမ္ဘာတြေမ်တုဲ အဲခမဳဟွံသေင်ရ၊ ကြက်ရာမ်တိတ်ခရှ်ရ ရဴဝွံ အာတဴသၞေဟ်က္ၜင်ဘာရုကစ္ဆကမ္ဂး ဂဗဒးတဳလပိုဉ်ဥပါလိ ပ္ဍဲအကြာဂၠံင်တုဲ ဂရင်ပတီဟိုတ်ပရူပရာဝွံရ၊ တဳလပိုဉ်ဥပါလိဂှ် ယွံကောန်တၠ နလ္ပအ်ညာတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၅၂) ပ္ဍဲမွဲမခိင်တေံ ပ္ဍဲဍုင်ရာဇဂြိုဟ် ဥပဗြဴကော်ခဴဂး သုပဗ္ဗာဂှ် လေပ်လျုင်ဇြုင်သ္ဍိုက် အပ္ဍဲအရာမဟွံမွဲကဵုဖဵုရ၊ ဥပးဗြဴဂှ် “ဗြဴမကဵုဒါန် ဒ္ဂေတ်မေထုန်ဂှ် ကဵုဒါန် ဒါန်ပြဲပြဲမ္ဂးရ” မၞုံကွေတ်ရဴဝွံရ၊ ဥပဗြဴဂှ် ညာတ်ခမဳတုဲ— “ယွံတဳလပိုဉ် ဩဝ်က္ညကၠုင်ညိ၊ ဩဝ်သွိုန်ဗပိုန် (ဒ္ဂေတ်သ္ပ) ဒ္ဂေတ်မထုန်ညိ ရဴဝွံ (ဂရင်ပတီရ)။ ယွံဒေံဗြဴ ဟွံထေက်ကြိုက်ရ၊ ပွဝွံ ဟွံဂပ်ဝ်ရ ရဴဝွံ (ဟီုသ္ဂးရ)၊ ယွံတဳလပိုဉ် ဩဝ်က္ညကၠုင်ညိ၊ ဩဝ်ထဗတ်လျတ် ပ္ဍဲအကြာဒဳညိ၊ သ္ပရဴဝွံမ္ဂး ဟွံဒးအာပတ် ကုတဳလပိုဉ်ရ ။ ပ ။ ပ္ဍဲပၞေဟ် (ပံင်ဠုတ်) ။ ပ္ဍဲဒၠးဗုင်။ ပ္ဍဲအကြာပါင်ကၞက်။ ပ္ဍဲကအ်။ ပ္ဍဲပထောင်ကတောဝ်။ ပ္ဍဲဒွက်သော်။ ဩဝ်ထဗတ်လျတ် ပ္ဍဲအကြာလပုဟ်တဲညိ၊ ယွံတဳလပိုဉ် ဩဝ်က္ညကၠုင်ညိ၊ သ္ပလွဳပရာနတဲတုဲ ကြက်ကဵုဗလးသုက်ရ၊ သ္ပရဴဝွံမ္ဂး ဟွံဒးအာပတ်ကုတဳလပိုဉ်ရ ရဴဝွံ (ဂရင်ပတီရ)။ ခမဳဂှ် သ္ပအတိုင်ဥပးဗြဴဂှ်ဟီုရ၊ ‘သံသယကုက္ကုစ္စ’ ပွမသၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပါရာဇိကရ၊ ဒးအာပတ်သံဃာဒိသေသ်ရ ရဴဝွံ (သ္ဂးရ)။ (၅၃-၆၁)


79) ပ္ဍဲမွဲအခိင်တေံ ပ္ဍဲဍုင်သာရဝှ်ဂှ် ဥပးဗြဴကော်ခဴဂး သဒ္ဓါဂှ် လေပ်လျုင်ဇြုင်သ္ဍိုက် ပ္ဍဲအရာမဟွံမွဲကဵုဖဵုရ၊ ဥပးဗြဴဂှ် “ဗြဴမကဵုဒါန် ဒ္ဂေတ်မေထုန်ဂှ် ကဵုဒါန် ဒါန်ပြဲပြဲမ္ဂးရ” မၞုံကွေတ် ရဴဝွံရ၊ ဥပးဗြဴဂှ် ညာတ်ခမဳတုဲ— ယွံတဳလပိုဉ် ဩဝ်က္ညကၠုင်ညိ၊ ဩဝ်သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန်ညိ ရဴဝွံ (ဂရင်ပတီရ)။ ယွံဒေံဗြဴ ဟွံထေက်ကြိုက်ရ၊ ပွဝွံ ဟွံဂပ်ဝ်ရ ရဴဝွံ (ဟီုသ္ဂးရ)၊ ယွံတဳလပိုဉ် ဩဝ်က္ညကၠုင်ညိ၊ ဩဝ်ထဗတ်လျတ်ပ္ဍဲအကြာဒဳညိ ။ ပ ။ ယွံတဳလပိုဉ် ဩဝ်က္ညကၠုင်ညိ၊ သ္ပလွဳပရာနတဲတုဲ ကြက်ကဵုဗလးသုက်ရ၊ သ္ပရဴဝွံမ္ဂး ဟွံဒးအာပတ်ကုတဳလပိုဉ်ရ ရဴဝွံ (ဂရင်ပတီရ)။ ခမဳဂှ် သ္ပအတိုင်ဥပးဗြဴဂှ်ဟီုရ၊ ‘သံသယကုက္ကုစ္စ’ ပွမသၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပါရာဇိကရ၊ ဒးအာပတ်သံဃာဒိသေသ်ရ ရဴဝွံ (သ္ဂးရ)။ (၆၂-၇၀)


80) ပ္ဍဲမွဲအခိင်တေံ ပ္ဍဲဍုင်ဝေသာလဳဂှ် ကောန်သၟိင်လိစ္ဆဝဳသၟတ်ဂမၠိုင် ရပ်ခမဳတုဲကဵုဒ္ဂေတ်သ္ပ ဗွဲမပၠန်ဂတး ပ္ဍဲခမဳဗြဴအိုတ်ရ။ ကဵုဒ္ဂေတ်သ္ပ ဗွဲမပၠန်ဂတး ပ္ဍဲသိက္ခမာန်ဗြဴအိုတ်ရ။ ကဵုဒ္ဂေတ်သ္ပ ဗွဲမပၠန်ဂတး ပ္ဍဲသာမဏဳဗြဴအိုတ်ရ၊ သီုညးၜါတၠ သာယျေန်အိုတ်မ္ဂး၊ ဂပ်ဝ်ပြာံပလီုပလာ်ထောံ သီုညးၜါတၠဂမၠိုင်အိုတ်ရ၊ သီုညးၜါတၠ ဟွံသာယျေန်အိုတ်မ္ဂး၊ သီုညးၜါတၠ ဟွံဒးအာပတ်အိုတ်ရ။ (၇၃-၇၆)


81) ပ္ဍဲမွဲအခိင်တေံ ပ္ဍဲဍုင်ဝေသာလဳဂှ် ကောန်သၟိင်လိစ္ဆဝဳသၟတ်ဂမၠိုင် ရပ်ခမဳတုဲကဵုဒ္ဂေတ်သ္ပ ဗွဲမပၠန်ဂတး ပ္ဍဲဗြဴစရာဲဍုင်အိုတ်ရ။ ကဵုဒ္ဂေတ်သ္ပ ဗွဲမပၠန်ဂတး ပ္ဍဲပဏ္ဍုက် (ခမၞုဲ) အိုတ်ရ။ ကဵုဒ္ဂေတ်သ္ပ ဗွဲမပၠန်ဂတး ပ္ဍဲဗြဴမၞိဟ်အိုတ်ရ၊ ခမဳသာယျေန်မ္ဂး၊ ဂပ်ဝ်ပြာံပလီုပလာ်ထောံခမဳရ၊ ခမဳ ဟွံသာယျေန်မ္ဂး၊ ဟွံဒးအာပတ် ကုခမဳရ။ (၇၇-၈၂)


82) ပ္ဍဲမွဲအခိင်တေံ ခမဳဇၞော်ညးဇၞော်မှ သ္ပခမဳမွဲဇကု အာတဴသွက်သ္ၚေဝ်ရံင်သမ္ဘာတြေမ်ရ၊ ဗြဴဂှ် “ယွံတဳလပိုဉ် ဩဝ်က္ညကၠုင်ညိ၊ ဩဝ်ရာမ်တိတ်ခရှ်ညိ” ရဴဝွံ ဟီုသ္ဂးတုဲ ရပ်လဝ်ရ၊ ခမဳဂှ် ကလေင်ဆုတ်လက်ကရဴဂှ် လောတ်စှေ်လံက်လ္ၚာရ၊ ဗြဴဂှ် သၠိုက်ပတိုန်ယာတ်တုဲ စိုန်သကီုဍိုက်စုတ် အင်္ဂဇာတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲသာယျေန်ဒးဟာ ရဴဝွံ (အခိင်မသၟာန်) ဂှ် ယွံတဳလမၞုံပိုဉ် အဲဍိက် ဟွံသာယျေန်တဴရ ရဴဝွံ (ဂရင်ပတီရ)၊ ယွံခမဳ ကုညးဟွံသာယျေန်ဂှ် ဟွံဒးအာပတ်ရ ရဴဝွံ (သ္ဂးရ)။ (၈၅)


83) ပ္ဍဲမွဲအခိင်တေံ ခမဳမွဲဇကုဂှ် သ္ပဒတဴပ္ဍဲဂြိုပ်ရ၊ ကောန်ဒြာဲသၟတ်မွဲ ကၠုင်ဌာန်အာတရဴသၟတ် ခမဳဂှ်တုဲ သီုမသုင်တဴတရဴသၟတ်ဂှ် ရပ်ထ္ၜေတ်ဇြောတ်ကေတ် အင်္ဂဇာတ် နကဵုပါင်တုဲ ခမဳဂှ်သာယျေန်ဒးရ။ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၈၆) သ္ဂုတ်သွာတ်ဝိနဳတဝတ္ထုဂမၠိုင်တုဲရ။ ပဌမပါရာဇိကတုဲရ။

၁.၂။ ဒုတိယပါရာဇိက

[ပလေဝ်ဒါန် | ပလေဝ်ဒါန် တမ်ကၞက်]

၁.၂.၁။ ခဏ်ထ္ၜးကဵုပရူပရာ ခမဳဓနိယ

[ပလေဝ်ဒါန် | ပလေဝ်ဒါန် တမ်ကၞက်]

84) ပ္ဍဲမွဲအခိင်တေံ တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဒဵုဂိဇ္ၛကုဋ် ဇရေင်ဍုင်ရာဇဂြိုဟ်ရ။ ပ္ဍဲအခိင်ဂှ် ခမဳဂမၠိုင်မဂၠိုင်ဂၠင် မဒှ်မိတ်သဟာဲအယာံမာတ်ကေင်ညာတ် မဒှ်မိတ်သဟာဲပြဘိုဂ်မွဲစွံဂှ် သိုင်ခၞံဘာကၟဳချောဲသၟတ်ဂမၠိုင်တုဲ ပြာပ်လုပ်ဒဂိုန် ပ္ဍဲဇရေင်သကဲဒဵုဣသိဂိလိအိုတ်ရ။ တဳလပိုဉ်ဓနိယ မဒှ်ကောန်သၟာလၟာန်နုင်လေဝ် သိုင်ခၞံဘာကၟဳချောဲသၟတ်တုဲ ပြာပ်လုပ်ဒဂိုန်ရ။ ပ္ဍဲအခိင်ဂှ် ခမဳဂမၠိုင် ကလိလောန်ပိဂိတုတုဲ ဝှ်ကလိုဟ်တုဲမ္ဂး မလီုထောံ ဘာကၟဳချောဲသၟတ်ဂမၠိုင်တုဲ သီဂိုင်ဒေပ်ထောံ ချောဲကေုာံဆုဂမၠိုင်တုဲမ္ဂး ပါဲစ္ဍးအာ ဇနပိုဒ်မမိက်အာအိုတ်ရ၊ တဳလပိုဉ်ဓနိယ ကောန်သၟာလၟာန်နုင်တုန် ပ္ဍဲဌာန်ဂှ်ဟေင် သ္ပဒတဴ လုကဴဂိတုဗြဲတုဲမ္ဂး မုဟ်ကျာကီု သီုက္ည (ဆက်) သ္ပဒတဴဒၟံင်ရ။ ပ္ဍဲအခိင်ဂှ် တဳလပိုဉ်ဓနိယ ကောန်သၟာလၟာန်နုင် ဃောလုပ်ဂ္ၚေင်ပိဏ္ဍပါတ် အပ္ဍဲကွာန်ဂှ် ညးရတ်ချောဲ ညးၚဳအှော်ဂမၠိုင် ပလီုထောံ ဘာကၟဳချောဲသၟတ်တုဲမ္ဂး ဂိုင်ကေတ်ချောဲကေုာံဆုဂမၠိုင်တုဲ အာအိုတ်ရ။ မရနုက်ကဵုၜါဝါလေဝ် တဳလပိုဉ်ဓနိယကောန်သၟာလၟာန်နုင် ပကောံပကေဝ်ချောဲ ကေုာံအှော်ဂမၠိုင်တုဲ သိုင်ခၞံဘာကၟဳချောဲသၟတ်ရ။ မရနုက်ကဵုၜါဝါလေဝ် တဳလပိုဉ်ဓနိယ ကောန်သၟာလၟာန်နုင် ဃောလုပ်ဂ္ၚေင်ပိဏ္ဍပါတ် အပ္ဍဲကွာန်ဂှ် ညးရတ်ချောဲ ညးၚဳအှော်ဂမၠိုင် ပလီုထောံ ဘာကၟဳချောဲသၟတ်တုဲမ္ဂး ဂိုင်ကေတ်ချောဲကေုာံဆုဂမၠိုင်တုဲအာအိုတ်ရ။ မရနုက်ကဵုပိဝါလေဝ် တဳလပိုဉ်ဓနိယ ကောန်သၟာလၟာန်နုင် ပကောံပကေဝ်ချောဲကေုာံအှော်ဂမၠိုင်တုဲ သိုင်ခၞံဘာကၟဳချောဲသၟတ်ရ။ မရနုက်ကဵုပိဝါလေဝ် တဳလပိုဉ်ဓနိယကောန်သၟာလၟာန်နုင် ဃောလုပ်ဂ္ၚေင်ပိဏ္ဍပါတ် အပ္ဍဲကွာန်ဂှ် ညးရတ်ချောဲ ညးၚဳအှော်ဂမၠိုင် ပလီုထောံဘာကၟဳချောဲသၟတ်တုဲမ္ဂး ဂိုင်ကေတ်ချောဲကေုာံဆုဂမၠိုင်တုဲ အာအိုတ်ရ။ ပ္ဍဲအခိင်ဂှ် ကသပ်ရဴဝွံ ဒှ်ကၠုင် ကုတဳလပိုဉ်ဓနိယ ကောန်သၟာလၟာန်နုင်ရ— “အဲလုပ်ကွာန်တုဲ ဃောအာဂ္ၚေင်ပိဏ္ဍပါတ် စဵုကဵုပေင်ပိဝါလေဝ် ညးရတ်ချောဲ ညးၚဳအှော်ဂမၠိုင် ပလီုထောံဘာကၟဳချောဲသၟတ်တုဲမ္ဂး ဂိုင်ကေတ် ချောဲကေုာံဆုဂမၠိုင်တုဲ အာအိုတ်ရ။ အဲတုန် ပ္ဍဲကမၠောန်ကေင်ကာသၟာလၟာန်နုင် မဒှ်ကွတ်အ္စာဇကုဂှ် ဒှ်ညးကတ်ဗတောန်လဝ် ဗွဲမဒးရး ညးဟွံယုက်ဒေက် (ညးလေပ်လဝ်ဍိုက်က်ပေင်င်) ညးလေပ်လဝ် ဗွဲမသအးဇ္ၚးရ၊ အဲဂှ် အလဵုဇကုဆိုန်သရီုတုဲ သ္ဂောံသိုင်ခၞံဘာသၟတ် မတုဲတဴနတိကမၠေတ်အိုတ်သီုဂှ် ခိုဟ်သန်ရ” ရဴဝွံ (ကသပ်ဒှ်ရ)။ ပ္ဍဲကြဴနူဂှ် တဳလပိုဉ်ဓနိယ ကောန်သၟာလၟာန်နုင်ဂှ် အလဵုဇကုဆိုန်သရီုတုဲ သိုင်ခၞံဘာသၟတ်မတုဲတဴနတိကမၠေတ်အိုတ်သီုတုဲမ္ဂး ပကောံပကေဝ် ချောဲအှော်အိက်ဂၠဴဂမၠိုင်တုဲ စံင်ပၟတ်ဘာသၟတ်ဂှ်ရ၊ ဘာသၟတ်ဂှ် ကျေဝ်လှေဝ်လောန်ရ၊ ဗဵုစခိုဟ်ရ၊ ထေက်ကဵုမှောဝ်ဇဴရ၊ မၞုံကဵုသာ်အရံင်ဗကေတ်ဍာဲဂြောတ်ဒၟံင်ရ၊ တုပ်သၟဟ်ကေုာံစၟစရေဝ်ထဝ်ရ၊ ဗရုရမျာင် ဘာသၟတ်ဂှ် တုပ်သၟဟ်ကေုာံဗရုရမျာင် သ္ဂန်ဇာဗြန်ရ။


85) ပ္ဍဲအခိင်ဂှ် တဳလမၞုံပိုဉ်ကျာ်တြဲ မွဲဟာန်ကေုာံခမဳဂမၠိုင်မဂၠိုင် စှေ်ကၠုင်နူဒဵုဂိဇ္ၛကုဋ်တုဲ ဟိုတ်မဂွံညာတ်ကေတ် ဘာသၟတ် မကျေဝ်လှေဝ်လောန် ထေက်ကဵုဗဵုစခိုဟ် ထေက်ကဵုမှောဝ်ဇဴ မၞုံကဵုသာ်အရံင်ဗကေတ်ဍာဲဂြောတ်ဂှ်ရ “ယွံခမဳတအ် အရာဝတ္ထုမကျေဝ်လှေဝ်လောန် ထေက်ကဵုဗဵုစခိုဟ် ထေက်ကဵုမှောဝ်ဇဴ မၞုံကဵုသာ်အရံင် မဗကေတ်ဍာဲဂြောတ် မတုပ်သၟဟ်ကေုာံစၟဇရဳထဝ်ဂှ် မုမွဲဂှ်ရော?” ရဴဝွံ သၟာန်ခမဳဂမၠိုင်ရ၊ ပ္ဍဲအခိင်ဂှ် ခမဳဂမၠိုင်ဂှ် ဂရင်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ။ “ယွံခမဳတအ် ကုတြုံမလ္ၚုသၟး (နူမဂ်ဖိုလ်) ဂှ်ဟွံထေက်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာ ခမဳတအ် ဟွံသေင်ရ၊ ဟွံဂပ်ဝ်ရ၊ ဟွံထေက်ကဵုသ္ပရ။ ယွံခမဳတအ် တြုံမလ္ၚုသၟး (နူမဂ်ဖိုလ်) ဂှ် မုဟိုတ် ဂွံသိုင်ခၞံဘာသၟတ် မတုဲတဴနတိကမၠေတ်အိုတ်သီုဂှ်ရော? ယွံခမဳတအ် ဩဝ်အာအိုတ်ညိ၊ ဩဝ်ပလီုထောံ ဘာသၟတ်ဂှ်အိုတ်ညိ၊ ကောန်ဗွဲကြဴ စဴဗွဲဂတ လ္ပကဵုအာစိုပ် ပွမပျဲပျာံရာန်သကိုတ် ပ္ဍဲလတူသတ်ဂမၠိုင်ညိ။ ယွံခမဳတအ် ဟဂပ်ဝ်သိုင်ခၞံဘာသၟတ် မတုဲတဴနတိကမၠေတ်အိုတ်သီုရ၊ ကုခမဳမသိုင်ခၞံဂမၠိုင်ဂှ် ဒးအာပတ်ဒုက္ကဋ်ရ” ရဴဝွံ (သ္ဂးရ)။ ခမဳဂမၠိုင်ဂှ် ယွံတဳလမၞုံပိုဉ် ခိုဟ်သန်ရ ရဴဝွံ ဒုင်ဝန်ကုတဳလမၞုံပိုဉ်ကျာ်တြဲတုဲမ္ဂး ပြာပ်အာဘာသၟတ်ဂှ်တုဲ ပလီုထောံအိုတ်ရ။ ပ္ဍဲအခိင်ဂှ် တဳလပိုဉ်ဓနိယ ကောန်သၟာလၟာန်နုင်ဂှ်— “ယွံကောန်တၠတအ် မၞးတအ်ညးဂမၠိုင် မုဟိုတ် ပလီုထောံဘာသၟတ်အဲအိုတ်ဂှ်ရော?” ရဴဝွံ ဂရင်ပတီ သၟာန်ခမဳဂမၠိုင်ဂှ်ရ။ ယွံကောန်တၠ တဳလမၞုံပိုဉ်ကျာ်တြဲ ကဵုပလီုထောံရ ရဴဝွံ (သ္ဂးအိုတ်ရ)။ ယွံကောန်တၠတအ် ကျာ်တၠဓရ် ယဝ်ကဵုပလီုထောံမ္ဂး ဩဝ်ပလီုအိုတ်ညိ ရဴဝွံ (ဂရင်ပတီရ)။


86) ပ္ဍဲအခိင်ဂှ် ကသပ်ရဴဝွံ ဒှ်ကၠုင်ကုတဳလပိုဉ်ဓနိယ ကောန်သၟာလၟာန်နုင်ရ— “အဲ လုပ်ကွာန်တုဲ ဃောအာဂ္ၚေင်ပိဏ္ဍပါတ် စဵုကဵုပေင်ပိဝါလေဝ် ညးရတ်ချောဲ ညးၚဳအှော်ဂမၠိုင် ပလီုထောံ ဘာကၟဳချောဲသၟတ်တုဲမ္ဂး ဂိုင်ကေတ်ချောဲကေုာံဆုဂမၠိုင်တုဲ အာအိုတ်တုဲရ။ ဘာသၟတ်မတုဲတဴနတိမၠေတ်အိုတ်သီု အဲသိုင်ခၞံလဝ်လေဝ် တဳလမၞုံပိုဉ်ကျာ်တြဲ ဂပ်ဝ်ကဵုပလီုထောံတုဲရ၊ ပ္ဍဲရုင်ဆု (သၞေဟ်မကေတ်အကံက်ဆု) ဇခဳဆု မဒှ်မိတ်သဟာဲအယာံမာတ်ကေင်ညာတ် နွံမံင် ကုအဲရ၊ အဲအာတ်ဆုဂမၠိုင် ဇရေင်ဇခဳဆု ပ္ဍဲရုင်ဆုတုဲ သ္ဂောံသိုင်ခၞံဘာဆုသၟတ်မ္ဂး ခိုဟ်သန်ရ” ရဴဝွံ (ကသပ်ဒှ်ရ)။ ပ္ဍဲကြဴနူဂှ် တဳလပိုဉ်ဓနိယ ကောန်သၟာလၟာန်နုင် ပြာပ်အာဇရေင်ဇခဳဆု ပ္ဍဲရုင်ဆုတုဲ— “ယွံတၠညး (ဒကာ) အဲလုပ်ကွာန်တုဲ ဃောဂ္ၚေင်ပိဏ္ဍပါတ် စဵုကဵုပေင်ပိဝါလေဝ် ညးရတ်ချောဲ ညးၚဳအှော်ဂမၠိုင် ပလီုထောံ ဘာကၟဳချောဲသၟတ်တုဲမ္ဂး ဂိုင်ကေတ်ချောဲကေုာံဆုဂမၠိုင်တုဲ အာအိုတ်တုဲရ။ ဘာသၟတ်မတုဲတဴနတိမၠေတ်အိုတ်သီု အဲသိုင်ခၞံလဝ်လေဝ် တဳလမၞုံပိုဉ်ကျာ်တြဲ ဂပ်ဝ်ကဵုပလီုထောံတုဲရ၊ ယွံတၠညး (ဒကာ) ဩဝ်ကဵုဒါန်ဆုဂမၠိုင်ညိ၊ သၟိက်သိုက်ခၞံဘာဆုသၟတ်ရ” ရဴဝွံ ဟီုသ္ဂးရ။ ယွံတဳလပိုဉ် ဆုဂမၠိုင် သွက်ဂွံကဵုဒါန် ကုတဳလပိုဉ်ဂှ် ဟွံမွဲရ၊ ဆုသၟိင်ဂမၠိုင် မစွံလဝ် တၞဟ်နပလေဝ်ပလေတ်ဍုင်ကွာန် ကေုာံဘဲသတြု (မပ္တံတူပၟတ်) ဂှ် နွံအိုတ်ရ၊ ဆုဂမၠိုင်ဂှ် သၟိင်ဨကရာဇ် ကဵုကဵုဒါန်မ္ဂး ယွံတဳလပိုဉ် ဩဝ်စကာကဵုယိုက်ကေတ်ညိ ရဴဝွံ (ဂရင်ပတီရ)။ ယွံတၠညး (ဒကာ) သၟိင်ဨကရာဇ် ကဵုလဝ်ဒါန်တုဲတုဲရ ရဴဝွံ (သ္ဂးရ)။ ပ္ဍဲအခိင်ဂှ် ကသပ်ရဴဝွံဒှ်ကၠုင် ကုဇခဳဆု မၞုံပ္ဍဲရုင်ဆုရ— “ခမဳဂမၠိုင် မဒှ်တၞောဝ်ကျာ်ကောန်သၟိင်သာကျဝင်ဝွံ ဒ္ဂေတ်တဴဓရ်အိုတ်ရ၊ ဒ္ဂေတ်တဴ ဒ္ဂေတ်မသၟဟ်သၟန် ညိင်ဝတ်အိုတ်ရ၊ ဒ္ဂေတ်တဴမပြဲအိုတ်ရ၊ မၞုံအလေံဟီုဍာံစၟတ်အိုတ်ရ၊ မၞုံကဵုသဳလအိုတ်ရ၊ မၞုံသဘဴခိုဟ်ဆာဲအိုတ်ရ၊ သၟိင်ဨကရာဇ်လေဝ် လျုင်ဇြုင်သ္ဍိုက် ကုခမဳဂမၠိုင်ဝွံလောန်ရ၊ သီုဟဂွံကဵုလဝ်ဒါန်ဂှ် ကဵုဒါန်တုဲရ ရဴသာ်ဝွံ ဟီုဟွံသေင်အိုတ်ရ” ရဴဝွံ (ကသပ်ဒှ်ရ)။ ပ္ဍဲကြဴနူဂှ် ဇခဳဆု မၞုံပ္ဍဲရုင်ဆုဂှ် “ယွံတဳလပိုဉ် ဩဝ်စကာကဵု ယိုက်ကေတ်ဏာညိ” ရဴဝွံ ဂရင်ပတီ ကုတဳလပိုဉ်ဓနိယ ကောန်သၟာလၟာန်နုင်ရ။ ပ္ဍဲအခိင်ဂှ် တဳလပိုဉ်ဓနိယ ကောန်သၟာလၟာန်နုင် ကဵုကုတ်ကရေက်ကၠေံ ဆုဂမၠိုင်ဂှ် ဒကုတ်ဒကုတ်တုဲမ္ဂး ကဵုရင်တၠုင်ပ္ဍိုက်ဇက်ပတိတ် နကဵုကွဳတုဲ သိုင်ခၞံဘာဆုသၟတ်ရ။


87) ပ္ဍဲအခိင်ဂှ် ဗဗၞးဝဿကာရ မဒှ်အမာတ်ဇၞော်မဂဓရး ဃောအာမၠာ်သ္ၚေဝ်ရံင် စၟဳစၟတ်ကမၠောန် ဇၞော်သၟတ်ဂမၠိုင် ပ္ဍဲဍုင်ရာဇဂြိုဟ်ဂှ် ပြာပ်စိုပ်အာဇရေင်ဇခဳဆု မၞုံပ္ဍဲရုင်ဆုဂှ်တုဲ— “အမာံ ဆုသၟိင်ဂမၠိုင်မစွံလဝ် တၞဟ်နပလေဝ်ပလေတ်ဍုင်ကွာန် ကေုာံဘဲသတြု (မပ္တံတူပၟတ်) ဂှ် ညးဍေံဂှ်ရော?” ရဴဝွံ (သၟာန်ရ)။ ယွံတၠညး ဆုဂမၠိုင်ဂှ် သၟိင်ဨကရာဇ် ကဵုထောံဒါန် ကုတဳလပိုဉ်ဓနိယ ကောန်သၟာလၟာန်နုင်ရ ရဴဝွံ (သ္ဂးရ)။ ပ္ဍဲအခိင်ဂှ် ကုဗဗၞးဝဿကာရ မဒှ်အမာတ်ဇၞော်မဂဓရးဂှ် “သၟိင်မပြဲဂှ် ဆုသၟိင်ဂမၠိုင်မစွံလဝ် တၞဟ်နပလေဝ်ပလေတ်ဍုင်ကွာန် ကေုာံဘဲသတြု (မပ္တံတူပၟတ်) ဂှ် မုဟိုတ် သ္ဂောံကဵုထောံဒါန် ကုတဳလပိုဉ်ဓနိယ ကောန်သၟာလၟာန်နုင်ဂှ်ရော?” ရဴဝွံ စိုတ်ဟွံမိပ်ဒှ်ရ။ ပ္ဍဲကြဴနူဂှ် ကုဗဗၞးဝဿကာရ မဒှ်အမာတ်ဇၞော်မဂဓရး ပြာပ်အာဇရေင်သၟိင်ဗိမ္ဗိသာရ မၞုံယၟုသေနိယ တၠညးမဂဓရးတုဲ— “ဆုသၟိင်ဂမၠိုင်မစွံလဝ် တၞဟ်နပလေဝ်ပလေတ်ဍုင်ကွာန် ကေုာံဘဲသတြု (မပ္တံတူပၟတ်) ဂှ် သၟိင်မပြဲ ကဵုထောံဒါန် ကုတဳလပိုဉ်ဓနိယ ကောန်သၟာလၟာန်နုင်တုဲရ ဟီုဂှ် ဍာံပြဒၟံင်ဟာ” ရဴဝွံ (ဂရင်ပတီရ)။ ညးလဵုမွဲ ဟီုသ္ဂး (ကုတၠအဲ) ရဴဝွံဂှ်ရော? ရဴဝွံ (သၟာန်ရ)။ ယွံသၟိင်မပြဲ ဇခဳဆု မၞုံပ္ဍဲရုင်ဆုဂှ် ဟီုသ္ဂးရ ရဴဝွံ (ဂရင်ပတီရ)။ ယွံဗဗၞး ယဝ်ဒှ်သာ်ဂှ်မ္ဂး ဒးကဵုကော်ဇခဳဆု မၞုံပ္ဍဲရုင်ဆုရ ရဴဝွံ (နွံ အသမ်ရ)။ ပ္ဍဲကြဴနူဂှ် ဗဗၞးဝဿကာရ မဒှ်အမာတ်ဇၞော်မဂဓရး ကဵုရပ်ကၠေင်ဒက်ဇခဳဆု မၞုံပ္ဍဲရုင်ဆုတုဲ ကော်နင်ရ။ တဳလပိုဉ်ဓနိယ ကောန်သၟာလၟာန်နုင် သ္ဂောံညာတ်ကေတ်ရင်တၠုင်ပတိတ်နင်ဇခဳဆု မၞုံပ္ဍဲရုင်ဆု သီုမရပ်ကၠေင်ဒက်လဝ်တုဲ— “ယွံတၠညး (ဒကာ) မုဟိုတ် တၠအဲ ဒးဒုင်ရပ်ကၠေင်ဒက် ဓဇက်ပတိတ်ဂှ်ရော?” ရဴဝွံသၟာန်ဇခဳဆု မၞုံပ္ဍဲရုင်ဆုရ။ ယွံတဳလပိုဉ် ဟိုတ်နူကိစ္စကေင်ကာ ဆုဂမၠိုင်ဂှ်ရ ရဴဝွံ (ဂရင်ပတီရ)။ ယွံတၠညး (ဒကာ) ဩဝ်အာကၠညိ၊ အဲလေတ် ဗက်ကၠုင်ဏောဝ် ရဴဝွံ (အခိင်မဟီုဂှ်)— ယွံတဳလပိုဉ် ကိုပ်ကၠာအဲဍိက် ဟွံဂွံဒုင်ဂစိုတ်ဏီ က္ညဗက်ကၠုင်ညိ ရဴဝွံ (ကလေင်ဂရင်ပတီရ)။


88) ပ္ဍဲကြဴနူဂှ် တဳလပိုဓနိယ ကောန်သၟာလၟာန်နုင် ပြာပ်အာဇရေင်နန် သၟိင်ဗိမ္ဗိသာရ မၞုံယၟုသေနိယ တၠညးမဂဓရးတုဲ ဂဇအ်ဒၟံင်ပ္ဍဲသၞာမလးပဠေဝ်လဝ်ရ။ ပ္ဍဲအခိင်ဂှ် သၟိင်ဗိမ္ဗိသာရ မၞုံယၟုသေနိယ တၠညးမဂဓရး ပြာပ်ကၠုင်ဇရေင်တဳလပိုဉ်ဓနိယ ကောန်သၟာလၟာန်နုင်တုဲ လ္ၚောဝ်သ္ပဝတ်တုဲမ္ဂး ဂဇအ်ကေတ် ပ္ဍဲဒၞါဲမွဲတုဲ— “ယွံတဳလပိုဉ် ဆုသၟိင်ဂမၠိုင်မစွံလဝ် တၞဟ်နပလေဝ်ပလေတ်ဍုင်ကွာန် ကေုာံဘဲသတြု (မပ္တံတူပၟတ်) ဂှ် အဲဍိက်ကဵုထောံဒါန် ကုတဳလပိုဉ်တုဲရ ဟီုဂှ် ဍာံပြဒၟံင်ဟာ” ရဴဝွံ (ဂရင်ပတီ)ရ။ ယွံသၟိင်မပြဲ ဍာံပြရ ရဴဝွံ (ဟီုသ္ဂးတိုန်မ္ဂး)— ယွံတဳလပိုဉ် ပိုဲဍိက်တအ် သၟိင်ဨကရာဇ်ဂမၠိုင်မ္ဂးဂှ် မၞုံကဵုကမၠောန်ကေင်ကာဂၠိုင်အိုတ်ရ၊ မၞုံအရာဒးကၠောန်သ္ပဂၠိုင်အိုတ်ရ၊ ၜိုန်ကဵုဒါန်တုဲလေဝ် ဟွံဂွံသတိအိုတ်ရ၊ (သမ္တီဟွံဒးအိုတ်ရ)၊ အာတ်ပါန်အခေါင်ရ၊ ယွံတဳလပိုဉ် ညံင်ဂွံဂွံသတိဂှ် ဩဝ်ဟီုသ္ဂးညိ ရဴဝွံ (ဂရင်ပတီရ)။ ယွံမရာဇ် ဃောဒုင်ဂိုင်ကေတ် အဘိသိက်ပဌမကၠာတဲဂှ် “ဩဝ်ပြဘိုဂ် ခေျာဲအေှာ်ဍာ်ဂမၠိုင်အိုတ်ညိ ရဴဝွံ ကဵုလဝ်ဒါန် ကုခမဳဗဗၞးဂမၠိုင်ဟေင်တုဲ ဒှ်ရ” ရဴသာ်ဝွံ တၠအဲသၟိင်မရာဇ် ဩဝ်ဂွံသတိ ဂလာန်မကေင်ဟီုသ္ဂးလဝ်ညိ ရဴဝွံ (အခိင်မဟီုတိုန်ဂှ်)— ယွံတဳလပိုဉ် ဂွံသတိရ၊ (သမ္တီဒးရ)၊ ခမဳဗဗၞးဂမၠိုင် မလေပ်ဂွပါပ် ပွသရာမ်ပါပ် လေပ်မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာ မၞုံပၟိက်ကဵုသိက္ခာပိပြကာ နွံအိုတ်ရ၊ ကုခမဳဗဗၞးဂမၠိုင်ဂှ် ပ္ဍဲဒုဟ်ဗၞတ်ညိနာင်လေဝ် လေပ်ဒှ် ‘သံသယကုက္ကုစ္စ’ ပွမချပ်သၠေဟ်ပၟာအိုတ်ရ၊ ရန်တၟံကဵုခမဳဗဗၞးဂမၠိုင်ဂှ်တုဲ အဲဍိက် ဟီုသ္ဂးလဝ်ရ၊ ပွမဟီုသ္ဂးဒးသာ်ဂှ်လေဝ် ရန်တၟံကဵုချောဲအေှာ်ဍာ် မဟဂပ်ဝ်သဳၜတ်ဂိုင်ကေတ် ပ္ဍဲအပ္ဍဲဂြိုပ်ဟေင်ရ၊ တဳလပိုဉ်ဂှ် နကဵုမြော်ဂလာန်ဂှ် သီုဟဂွံကဵုလဝ်ဒါန်ဆုဂမၠိုင် ရင်တၠုင်ကေတ်ဏာဂွံရ ရဴဝွံ သမ္တီထေင်ကေတ်ရသွံ၊ သၟိင်ဨကရာဇ်မဖှ်ညံင်ရဴအဲဍိက် မုဟိုတ် သ္ဂောံပြိုက်ဂစိုတ် ကၠေင်ဒက်ဗက်ဗ္ဒဴထောံ သမဏဗြာဟ္မဏဂမၠိုင် မသ္ပဒတဴ ပ္ဍဲတွဵုရးဍုင်ဂှ်ရော? (ဗက်ဗ္ဒဴဟွံသေင်ရ)၊ ယွံတဳလပိုဉ် ဩဝ်က္ညအာညိ၊ တဳလပိုဉ်ဂှ် ဟိုတ်နူအရံင်တသော် အယောင်အလာခမဳ သ္ဂောံတိတ်ဗၠး (နူဒုဟ်ရ)၊ လက်က္ကရဴလ္ပသ္ပပွကမၠောန် ရဴဝွံညိ ရဴဝွံ (ဂရင်ပတီရ)။ မၞိဟ်ဂမၠိုင်— “ခမဳဂမၠိုင် မဒှ်တေၞာဝ်ကျာ်ကောန်သၟိင်သာကျဝင်ဝွံ ဟွံမွဲဂွဂလေံအိုတ်ရ၊ ဟွံမွဲသဳလအိုတ်ရ၊ မၞုံအလေံဟီုသ္ဂး ဟွံဍာံစၟတ်အိုတ်ရ၊ သီုကဵုဒှ်သာ်ဂှ် ခမဳဂမၠိုင်ဝွံ မၞုံအလေံဒ္ဂေတ်တဴဓရ်အိုတ်ရ၊ မၞုံအလေံဒ္ဂေတ်တဴ ဒ္ဂေတ်မသၟဟ်သၟန်အိုတ်ရ၊ မၞုံအလေံဒ္ဂေတ်တဴ မပြဲအိုတ်ရ၊ မၞုံအလေံဟီုသ္ဂး ဍာံစၟတ်အိုတ်ရ၊ မၞုံကဵုသဳလအိုတ်ရ၊ မၞုံသဘဴခိုဟ်ဆာဲအိုတ်ရ ရဴဝွံ ဂံင်ဒုင်ဝန်အိုတ်ဏီရ၊ ကုခမဳဂမၠိုင်ဝွံ ဒဒှ်ခမဳ ဒဒှ်ညးသပ္ပုရိုသ်ခိုဟ်ပြဲ ဟွံမွဲတုဲရ၊ ကုခမဳဂမၠိုင်ဝွံ ဒဒှ်ခမဳ ဒဒှ်ညးသပ္ပုရိုသ်ခိုဟ်ပြဲ ကၠေံလီုတုဲရ၊ ကုခမဳဂမၠိုင်ဝွံ သာ်လဵု ဒဒှ်ခမဳ ဒဒှ်ညးသပ္ပုရိုသ်ခိုဟ်ပြဲ ဂွံနွံဏီဂှ်ရော? ခမဳဂမၠိုင်ဝွံ စာ်စ္ဍးနူဒဒှ်ခမဳ ဒဒှ်ညးသပ္ပုရိုသ်ခိုဟ်ပြဲအိုတ်တုဲရ၊ ခမဳဂမၠိုင်ဝွံ သၟိင်ဨကရာဇ်လေဝ် လီပၠီဝဵုစၞာဲအိုတ်ဏီသွံ၊ မၞိဟ်သအာင်ဂမၠိုင်တုန် မုသ္ဇက်သ္ဂးနွံဏီဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ခမဳဂမၠိုင်ဂှ် သ္ဂောံမိင်ကေတ် ဂလာန်မၞိဟ်ဂမၠိုင် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်အိုတ်ရ၊ ယြဴခမဳဂမၠိုင် ပၟိက်အောန်အိုတ်ရ၊ တရိုပ်စိုတ်လောဲသွာအိုတ်ရ၊ (အေင်သတှေ်အိုတ်ရ) လေပ်ဂွပါပ် ပွသရာမ်ပါပ်အိုတ်ရ၊ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာအိုတ်ရ၊ မၞုံပၟိက်ကဵု သိက္ခာပိပြကာအိုတ်ရ၊ ခမဳဂမၠိုင်ဂှ်လေဝ် “မုဟိုတ် တဳလပိုဉ်ဓနိယ ကောန်သၟာလၟာန်နုင် ဂိုင်ကၠတ်ကေတ် ဆုသၟိင်ဂမၠိုင် သီုဟွံကဵုဒါန်ဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် တဳလပိုဉ်ဓနိယ ကောန်သၟာလၟာန်နုင် နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသင် ကောံဓရီုတုဲမ္ဂး— “ယွံဓနိယ တၠအဲ ဂိုင်ကၠတ်ကေတ် ဆုသၟိင်ဂမၠိုင် သီုဟွံကဵုရဟီုဂှ် ဍာံပြရဟာ” ရဴဝွံ စၟဳစၟတ်သၟာန်သၟုက်တဳလပိုဉ်ဓနိယ ကောန်သၟာလၟာန်နုင်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ “ယွံတြုံမလ္ၚုသၟး (နူမဂ်ဖိုလ်) (ပွကမၠောန်တၠအဲ)ဝွံ ဟွံထေက် ကုခမဳဂမၠိုင်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ်ဟွံသေင်ရ၊ ဟွံဂပ်ဝ်ရ၊ ဟွံထေက်ကဵုသ္ပရ၊ ယွံတြုံမလ္ၚုသၟး (နူမဂ်ဖိုလ်) မုဟိုတ် တၠအဲဂိုင်ကေတ် ဆုသၟိင်ဂမၠိုင် သီုဟွံကဵုဒါန်ဂှ်ရော? ယွံတြုံမလ္ၚုသၟး (နူမဂ်ဖိုလ်) ပွယုတ်မာတၠအဲ သ္ပဒးဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီဂှ် တၞဟ်နပွမကဵုလျုင်ဇြုင်သ္ဍိုက်ကီု ကုညးလျုင်ဇြုင်သ္ဍိုက်တုဲဂမၠိုင် တၞဟ်နပွမကဵုလျုင်ဇြုင်သ္ဍိုက်ဂၠိုင်တိုန်ကီု ကဵုကတဵုဒှ် ဟွံမာန်ရ၊ ယွံတြုံမလ္ၚုသၟး (နူမဂ်ဖိုလ်) ဍာံဍာံစၟတ်စၟတ် ပွယုတ်မာတၠအဲ သ္ပဒးဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမဟွံကဵုလျုင်ဇြုင်သ္ဍိုက်ကုညးလျုင်ဇြုင်သ္ဍိုက်တုဲလ္ၚဵုဂမၠိုင် တၞဟ်နပွမကဵုလျုင်ဇြုင်သ္ဍိုက်လီုလာ်ကီု ကဵုကတဵုဒှ်ရ ရဴဝွံ (ဟီုဂရိုဟ်ရ)။ ပ္ဍဲအခိင်ဂှ် အမာတ်ဇေၞာ်မွဲ မဒှ်ညးဇၞော်သ္ဂုတ်သွာတ်အမှုတြေမ် သ္ပပယျင်ဇရေင်ခမဳဂမၠိုင်တုဲ ဂဇအ်ဒၟံင်ပ္ဍဲဇရေင် တဳလမၞုံပိုဉ်ကျာ်တြဲရ၊ ပ္ဍဲအခိင်ဂှ် တဳလမၞုံပိုဉ်ကျာ်တြဲဂှ်— “ယွံခမဳ နပွမဂိုင်ကၠတ်ကေတ် ဂြပ်မၞုံဗၞတ်လဵုဂှ် သၟိင်ဗိမ္ဗိသာရ မၞုံယၟုသေနိယ တၠညးမဂဓရး ရပ်ကေတ်ကမၠတ်တုဲ ပြိုက်ဂစိုတ်ကၠေင်ဒက်ဗက်ဗ္ဒဴထောံဂှ်ရော?” ရဴဝွံ သၟာန်ခမဳဂှ်ရ။ ယွံတဳလမၞုံပိုဉ် နပွမဂိုင်ကၠတ်ကေတ်မွဲမး ဂြပ်မထေက်တန်ၚုဟ်မွဲမးဂှ် ပြိုက်ဂစိုတ်ကၠေင်ဒက် ဗက်ဗ္ဒဴထောံရ ရဴဝွံ (ဂရင်ပတီရ)။ ပ္ဍဲအခိင်ဂှ် ပ္ဍဲဍုင်ရာဇဂြိုဟ် မသုန်ၜဲဂှ် ဒှ်မွဲမးမ္ဂးရ၊ ပ္ဍဲကြဴနူဂှ် တဳလမၞုံပိုဉ်ကျာ်တြဲ ဟီုဂရိုဟ်တင်ဒုဟ်တဳလပိုဉ်ဓနိယ ကောန်သၟာလၟာန်နုင် နဟိုတ်မဂၠိုင်တုဲမ္ဂး ဟီုဂလာန်ဂရိုဟ်မဟွံမွဲဂုဏ် ဒဒက်တဴဇကုဇကု ပွမဇြိုင်ကဵုလွဳမြိမြန်ဇကုဇကု ။ ပ ။ ယွံခမဳတအ် ရဴဝွံ ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။


89) ယြဴခမဳမွဲ နဗွဝ်စိုတ်မမိက်ကၠတ် ဂိုင်ကၠတ်ကေတ် ဂြပ်မဟဂပ်ဝ်ကဵုမ္ဂး၊ ယြဴဟိုတ်ပွမဂိုင်ကၠတ်ကေတ် ဂြပ်မဟဂပ်ဝ်ကဵု မၞုံသဘဴမဖှ်သာ်လဵုမွဲ သၟိင်ဂမၠိုင်ဂိုင်ရပ်ကေတ်ကမၠတ်တုဲ တၠအဲ ဒှ်ညးကမၠတ်ရ ဒှ်ညးဒိုဟ်ဓီုရ ဒှ်ညးဝိဝိင်ရ ဒှ်ညးပၞုက်ဓလုက်ရ ရဴဝွံ ပြိုက်ဂစိုတ်လေဝ်ပြိုက်ဂစိုတ်အိုတ်ရ၊ ကၠေင်ဒက်လေဝ် ကၠေင်ဒက်အိုတ်ရ၊ ဗက်ဗ္ဒဴလေဝ် ဗက်ဗ္ဒဴအိုတ်ရ၊ ခမဳမဂိုင်ကၠတ်ကေတ် ဂြပ်မဟဂပ်ဝ်ကဵု မၞုံသဘဴမဖှ်သာ်ဂှ်ဝွံလေဝ် အာစိုပ်ပွမကျနူသာသနာရ၊ ဟွံမွဲပွမပံင်ဖက်မွဲစွံ ကေုာံခမဳခိုဟ်ဆာဲဂမၠိုင်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ရဴဝွံ တဳလမၞုံပိုဉ်ကျာ်တြဲ ပညပ်တဴသိက္ခာပိုဒ်ဝွံ ကုခမဳဂမၠိုင်ရ။


90) ပ္ဍဲမွဲအခိင်တေံ ခမဳဆဗ္ဗဂ္ဂဳ1 ဂမၠိုင် ပြာပ်အာသၞေဟ်ခဝါ (ဌာန်ပၠးစဲယာတ်ခဝါ) တုဲ ဂိုင်ကၠတ်ကေတ် ဂွဳစိုက်ခဝါအိုတ်တုဲမ္ဂး ရင်တၠုင်နင်အပ္ဍဲအာရှာမ်တုဲ ပါ်ပရအ်အိုတ်ရ။ ခမဳဂမၠိုင်— “ယွံကောန်တၠတအ် မၞးတအ်ညးဂမၠိုင် ပိုဉ်ဇၞော်အိုတ်ကွေံရသွံ၊ သ္ၚာဂၠိုင်ဂၠင် ကုမၞးတအ်ညးဂမၠိုင်ကွေံရသွံ” ရဴဝွံ ဟီုသ္ဂးအိုတ်ရ။ ယွံကောန်တၠတအ် ပသာ်ပိုဉ်ဇၞော် ကုပိုဲညးဂမၠိုင်ဂှ်ရော? လၞုဟ် ပိုဲညးဂမၠိုင် ပြာပ်အာသၞေဟ်ခဝါတုဲ ဂိုင်ကၠတ်နင် ဂွဳစိုက်ခဝါအိုတ်ရ ရဴဝွံ (ကလေင်ဟီုသ္ဂးအိုတ်ရ)။ ယွံကောန်တၠတအ် တဳလမၞုံပိုဉ်ကျာ်တြဲ ဂပ်ဝ်ပညပ်လဝ် သိက္ခာပိုဒ်တုဲရ ဟွံသေင်ရဟာ၊ ယွံကောန်တၠတအ် မုဟိုတ် မၞးတအ်ညးဂမၠိုင် ဂိုင်ကၠတ်ကေတ် ဂွဳစိုက်ခဝါအိုတ်ဂှ်ရော? ရဴဝွံ (ဟီုသ္ဂးအိုတ်ရ)။ ယွံကောန်တၠတအ် တဳလမၞုံပိုဉ်ကျာ်တြဲ ဂပ်ဝ်ပညပ်လဝ်သိက္ခာပိုဒ်တုဲဒှ်တုန် ဍာံပြရ၊ ၜိုန်ဂှ် တင်ပညပ်လဝ်ဂှ် ပ္ဍဲကွာန်ဟေင်ဒှ်တုဲ ပ္ဍဲဂြိုပ်ဟွံသေင်ရ ရဴဝွံ (ကလေင်ဟီုသ္ဂးအိုတ်ရ)။ ယွံကောန်တၠတအ် ပွမကၠတ်ပ္ဍဲဂြိုပ်ဂှ်လေဝ် တုပ်သၟဟ်ကေုာံပွမကၠတ် ပ္ဍဲကွာန်ဟေင်ရဟွံသေင်ဟာ၊ ယွံကောန်တၠတအ် (ပွကမၠောန် မၞးတအ်ညးဂမၠိုင်) ဝွံ ဟွံထေက် ကုခမဳဂမၠိုင်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ် ဟွံသေင်ရ၊ ဟွံဂပ်ဝ်ရ၊ ဟွံထေက်ကဵုသ္ပရ၊ ယွံကောန်တၠတအ် မုဟိုတ် မၞးတအ်ညးဂမၠိုင် ဂိုင်ကၠတ်ကေတ် ဂွဳစိုက်ခဝါအိုတ်ဂှ်ရော? ယွံကောန်တၠတအ် (ပွကမၠောန်မၞးတအ်ညးဂမၠိုင်) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီဂှ် တၞဟ်နပွမကဵုလျုင်ဇြုင်သ္ဍိုက်ကီု ကုညးလျုင်ဇြုင်သ္ဍိုက်တုဲဂမၠိုင် တၞဟ်နပွမကဵုလျုင်ဇြုင်သ္ဍိုက်ဂၠိုင်တိုန်ကီု ကဵုကတဵုဒှ်ဟွံမာန်ရ၊ ယွံကောန်တၠတအ် ဍာံဍာံစၟတ်စၟတ် (ပွကမၠောန်မၞးတအ်ညးဂမၠိုင် သ္ပဒးဝွံ) ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမဟွံကဵုလျုင်ဇြုင်သ္ဍိုက်ကီု ကုညးလျုင်ဇြုင်သ္ဍိုက်တုဲလ္ၚဵုဂမၠိုင် တၞဟ်နပွမကဵုလျုင်ဇြုင်သ္ဍိုက်လီုလာ်ကီု ကဵုကတဵုဒှ်ရ ရဴဝွံ (ဟီုသ္ဂးအိုတ်ရ)။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် ခမဳဆဗ္ဗဂ္ဂဳဂမၠိုင် နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသင်ကောံဓရီုတုဲမ္ဂး— “ယွံခမဳတအ် မၞးတအ်ညးဂမၠိုင် ပြာပ်အာသၞေဟ်ခဝါတုဲ ဂိုင်ကၠတ်ကေတ် ဂွဳစိုက်ခဝါအိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက် ခမဳဆဗ္ဗဂ္ဂဳဂမၠိုင်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုပရိုဟ်ရ၊ “ယွံတြုံမလ္ၚုသၟး (နူမဂ်ဖိုလ်) (ပွကမၠောန်မၞးတအ်ညးဂမၠိုင်)ဝွံ ဟွံထေက်ကုခမဳဂမၠိုင်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ် ဟွံသေင်ရ၊ ဟွံဂပ်ဝ်ရ၊ ဟွံထေက်ကဵုသ္ပရ၊ “ယွံတြုံမလ္ၚုသၟး (နူမဂ်ဖိုလ်) မုဟိုတ် မၞးတအ်ညးဂမၠိုင် ဂိုင်ကၠတ်ကေတ် ဂွဳစိုက်ခဝါအိုတ်ရော?” “ယွံတြုံမလ္ၚုသၟး (နူမဂ်ဖိုလ်) (ပွကမၠောန်မၞးတအ်ညးဂမၠိုင်) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ကုညးလျုင်ဇြုင်သ္ဍိုက်တုဲဂမၠိုင် တၞဟ်နပွမကဵုလျုင်ဇြုင်သ္ဍိုက်ဂၠိုင်တိုန်တဴကီု ကဵုကတဵုဒှ် ဟွံမာန်ရ၊ “ယွံတြုံမလ္ၚုသၟး (နမဂ်ဖိုလ်) တအ် ဍာံဍာံစၟတ်စၟတ် (ပွကမၠောန်မၞးတအ်ညးဂမၠိုင်သ္ပဒးဝွံ) ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမဟွံကဵုလျုင်ဇြုင်သ္ဍိုက်ကီု ကုညးလျုင်ဇြုင်သ္ဍိုက်တုဲလ္ၚဵုဂမၠိုင် တၞဟ်နပွမကဵုလျုင်ဇြုင်သ္ဍိုက်လီုလာ်ကီု ကဵုကတဵုဒှ်ရ ရဴဝွံ (ဟီုဂရိုဟ်ရ)။ ပ္ဍဲကြဴနူဂှ် တဳလမၞုံပိုဉ်ကျာ်တြဲ ဟီုဂရိုဟ်တင်ဒုဟ် ခမဳဆဗ္ဗဂ္ဂဳဂမၠိုင် နဟိုတ်မဂၠိုင်တုဲမ္ဂး ဟီုဂလာန်ဂရိုဟ် မဟွံမွဲကဵုဂုဏ် ဒဒက်တဴဇကုဇကု ပွမဇြိုင်ကဵုလွဳမြိမြန်ဇကုဇကု ။ ပ ။ ဟီုသ္ဂးတဴဂုဏ် ပွမပတိတ်ဇြဟတ် နဝဳရိယဂမၠိုင်တုဲမ္ဂး ဟီုတွံတဴဂလာန်ဓရ် မဗဗွဲညဳသၟဟ်ကဵုဗီုဒဒှ်ဂှ် ကုခမဳဂမၠိုင်တုဲပ္ဍဲကြဴ ။ ပ ။ ပညပ်တဴသိက္ခာပိုဒ်ဝွံ ကုခမဳဂမၠိုင်ရ ရဴဝွံ သ္ဂးကဵုခမဳဂမၠိုင်ရ။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။


91) ယြဴခမဳမွဲ နူကွာန်ကီု နူဂြိုပ်ကီု နဗွဝ်စိုတ်မမိက်ကၠတ် ဂိုင်ကၠတ်ကေတ် ဂြပ်မဟဂပ်ဝ်ကဵုမ္ဂး၊ ယြဴဟိုတ်ပွမဂိုင်ကၠတ်ကေတ် ဂြပ်မဟဂပ်ဝ်ကဵု မၞုံသဘဴမဖှ်သာ်လဵုမွဲ သၟိင်ဂမၠိုင်ဂိုင်ရပ်ကေတ် ကမၠတ်တုဲ တၠအဲ ဒှ်ညးကမၠတ်ရ ဒှ်ညးဒိုဟ်ဓီုရ ဒှ်ညးဝိဝိင်ရ ဒှ်ညးပၞုက်ဓလုက်ရ ရဴဝွံ ပြိုက်ဂစိုတ်လေဝ် ပြိုက်ဂစိုတ်အိုတ်ရ၊ ကၠေင်ဒက်လေဝ် ကၠေင်ဒက်အိုတ်ရ၊ ဗက်ဗ္ဒဴလေဝ် ဗက်ဗ္ဒဴအိုတ်ရ၊ ခမဳမဂိုင်ကၠတ်ကေတ် ဂြပ်မဟဂပ်ဝ်ကဵုမၞုံသဘဴမဖှ်သာ်ဂှ်ဝွံလေဝ် အာစိုပ်ပွမကျနူသာသနာရ၊ ဟွံမွဲပွမပံင်ဖက်မွဲစွံ ကေုာံခမဳခိုဟ်ဆာဲဂမၠိုင်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

၁.၂.၂။ ပွံက်ဒုတိယပါရာဇိကသိကာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

92) ယြဴမ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳမ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ ကွာန်2 မ္ဂးဂှ် မၞုံကဵုသ္ၚိမွဲမလေဝ် ကွာန်ရ၊ မၞုံကဵုသ္ၚိၜါမလေဝ် ကွာန်ရ၊ မၞုံကဵုသ္ၚိပိမလေဝ် ကွာန်ရ၊ မၞုံကဵုသ္ၚိပန်မလေဝ် ကွာန်ရ၊ မၞုံကဵုမၞိဟ်လေဝ် ကွာန်ရ၊ ဟွံမွဲကဵုမၞိဟ်လေဝ် ကွာန်ရ၊ မၞုံကဵုဒပ်အစဵုအဗိုင်လေဝ် ကွာန်ရ၊ ဟွံမွဲကဵုဒပ်အစဵုအဗိုင်လေဝ် ကွာန်ရ၊ ညံင်ရဴဒၞါဲဂၠဴဂမၠိုင်ကီုဒၞါဲတန်တဴလေဝ် ကွာန်ရ၊ ဒၞါဲတန်တဴ ဂကောံညးဗၞိက်ဂမၠိုင် ပဒတဴလောန်ပန်ဂိတုလေဝ် ဂပ်ဝ်ကော်ခဴဂး ကွာန်ရ။ ဥပစာကွာန်3 မ္ဂးဂှ် ဌာန်မွဲတၟံဒတုံ ‘မွဲကၠဟ်တၟံ’ တြုံမၞုံကဵုဇြဟတ်တဲလဒေါဝ် မတန်တဴပ္ဍဲဒၟုင်တြင် ကွာန်မၞုံကဵုအစဵုအဗိုင်ဒပ်ရောင်။ ဌာန်မွဲတၟံဒတုံ ‘မွဲကၠဟ်တၟံ’ တြုံမၞုံကဵုဇြဟတ်တဲလဒေါဝ် မတန်တဴ ပ္ဍဲဥပစာသ္ၚိ ကွာန်မဟွံမွဲကဵုအစဵုအဗိုင်ဒပ်ရောင်။ ဂြိုပ် မ္ဂးဂှ် ပါဲကၠေံကွာန် ဥပစာကွာန်တုဲ ဌာန်မသှေ်သၟေဟ်ရောင်။ ဂြပ်မဟဂပ်ဝ်ကဵုမ္ဂးဂှ် ဂြပ်မဟဂပ်ဝ်ကဵု မဟဂပ်ဝ်ဗလးထောံ မဟဂပ်ဝ်သၠးထောံ ဂပ်ဝ်မင်မွဲ ဂပ်ဝ်ကဵုဂြောပ်ဗ္ဒန် ဂပ်ဝ်သၞေံသၞဴ ရဴဝွံမ္ဂးဂြပ်အဲ ညးသအာင်မဂပ်ဝ်သီတ္ၜတ်လဝ်ရောင်။ ဗွဝ်စိုတ်မမိက်ကၠတ် မ္ဂးဂှ် မၞုံစိုတ်မမိက်ကၠတ်ဒှ်တုဲ မၞုံစိုတ်မပၞုက်ဓလုက်ဒှ်တုဲ။ ဂိုင်ကေတ် မ္ဂးဂှ် ဂိုင်ကေတ်မ္ဂး၊ ရင်တၠုင်ဂိုင်ကေတ်မ္ဂး၊ ပၞုက်ဓလုက်မ္ဂး၊ ကဵုဣရိယာပိုထ်လီုမ္ဂး၊ ကဵုတသိုတ်အာ နူဒၞါဲမ္ဂး၊ ကဵုကလိလောန်အခိင်ချိင်ဖါပ်လဝ်မ္ဂး။ ယြဴဍေံမၞုံသဘဴမဖှ်သာ်လဵု မ္ဂးဂှ် မွဲမးကီု (ဂြပ်) မထေက်တန်ၚုဟ်မွဲမးကီု (ဂြပ်) လောန်လတူမွဲမးကီုရ။ သၟိင်ဂမၠိုင် မ္ဂးဂှ် သၟိင်ဨကရာဇ် သၟိင်ပဒေသရာဇ် ညးစရး (ညးစဍုင်) ညးစကွာန်နာဲဗ္စာ (ညးဇၞော်ဓရ်သ္ဂုတ်သွာတ်အမှုအရာ) အမာတ်ဇေၞာ်ဂမၠိုင်ရောင်၊ ဟွံသေင်မ္ဂး သ္ပပွမသကုတ် ပွမကရေက်တုဲ ညးဒၠောံဗတောန်အုပ်ဓုပ်သီုဖအိုတ်ဂှ် ကော်ခဴဂး သၟိင်ရ။ ကမၠတ် မ္ဂးဂှ် နဗွဝ်စိုတ်မမိက်ကၠတ် ညးဂိုင်ကေတ် မသုန်ၜဲ ဂြပ်မထေက်တန်ၚုဟ်မးလောန်လတူမသုန်ၜဲ သီု (တၠဂြပ်ဟွံကဵု နကာယပါင်) ရောင်။ ပြိုက်ဂစိုတ်လေဝ် ပြိုက်ဂစိုတ်အိုတ်ရ မ္ဂးဂှ် နကဵုတဲဇိုင် လေံကလး ၜဝ် လေံဒုက်ဂမၠိုင်ကီု နပွမသကုတ်ကီု ဂစိုတ်အိုတ်ရ။ ကၠေင်ဒက်လေဝ် ကၠေင်ဒက်အိုတ်ရ မ္ဂးဂှ် ပွမကၠေင်ဒက်နဇုက် ပွမစုတ်ဆုဒွက်တသိင် ပွမကွက်ဇုက်ဇရှေ်ပသဲ ပွမသပၠုပ်သ္ၚိစာတ် ပွမကၠေင်ဒက်ဆုက်ဍုင် ပွမကၠေင်ဒက်ဆုက်ကွာန် ပွမကၠေင်ဒက်ဆုက်နိဂီု ပွမကၠေင်ဒက် နမွဲမွဲဂမၠိုင်အိုတ်ရ၊ မၞိဟ်ပၟင်ပၟဲလေဝ် စွံလဝ်အိုတ်ရ။ ဗက်ဗ္ဒဴလေဝ် ဗက်ဗ္ဒဴအိုတ်ရ မ္ဂးဂှ် ဗက်ဗ္ဒဴထောံ နူကွာန်ကီု နူနိဂီုကီု နူဍုင်ကီု နူဇနပိုဒ်ရးကး (ကၟိန်ဍုင်) ကီု နူဇနပိုဒ်ရးကး (ခရိုင်) မွဲလစှေ်ကီုအိုတ်ရ။ တၠအဲ ဒှ်ညးကမၠတ်ရ ဒှ်ညးဒိုဟ်ဓီုရ ဒှ်ညးဝိဝိင်ရ ဒှ်ညးလေပ်ပၞုက်ဓလုက်ရ မ္ဂးဂှ် ဂလာန်တ္ၜေဟ်လက်လဗပ်ပကီုရောင်။ ဍေံမၞုံသဘဴမဖှ်သာ်ဂှ် မ္ဂးဂှ် မွဲမးကီု (ဂြပ်) မထေက်တန်ၚုဟ်မွဲမးကီု (ဂြပ်) မလောန်လတူမွဲမးကီု။ ဍေံမဂိုင်ကေတ် မ္ဂးဂှ် ဍေံမဂိုင်ကေတ် ဍေံမရင်တၠုင် ဍေံမပၞုဟ်ဓလုက် ဍေံမကဵုဣရိယာပိုထ်လီု ဍေံမကဵုတသိုတ်အာနူဒၞါဲ ဍေံမကဵုကလိလောန် အခိင်ချိင်ဖါပ်။ ခမဳဝွံလေဝ် မ္ဂးဂှ် ထံက်ရံင်ကဵု (ခမဳမေထုန်ပါရာဇိက) တုဲ ဂပ်ဝ်သ္ဂးရ။ အာစိုပ်ပွမကျ နူသာသနာရ မ္ဂးဂှ် တၞးဆုမပြဟ်စှေ်နူတဝ်ဂှ် သၟဟ်ညံင်ရဴကလေင်ဍိုပ်ဍဴဟွံမာန်ကီု တုပ်သၟဟ်သာ်ဝွံ ခမဳဂှ် နဗွဝ်စိုတ်မမိက်ကၠတ် ဟိုတ်မဂိုင်ကေတ် မွဲမးကီု (ဂြပ်) မထေက်တန်ၚုဟ်မးမွဲမးကီု (ဂြပ်) မလောန်လတူမွဲမးကီု သီု (တၠဂြပ်ဟွံကဵု နကာယပါင်) ဂှ် ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဟိုတ်ဂှ်ရ “အာစိုပ်ပွမကျနူသာသနာရ” ရဴဝွံ ဂပ်ဝ်သ္ဂးရ။ ပ္ဍဲအရာဟွံမွဲကဵုပွမပံင်ဖက် ကေုာံခမဳခိုဟ်ဆာဲဂမၠိုင်မွဲစွံဂှ် ပွမပံင်ဖက်မ္ဂးဂှ် ပွမသ္ပဝိနယ်ကမ်မွဲစွံ ပွမစၞောန်ထ္ၜး (ဖ္ဍောတ်) ပါတိမုက်မွဲစွံ ပွမဒ္ဂေတ်လ္ၚတ် ပဒတဴမွဲစွံရောင်၊ သီုဖအိုတ်ဝွံ ပွမပံင်ဖက်မ္ဂးရ၊ ပွမပံင်ဖက်ဂှ် ဟွံမွဲမွဲစွံ ကေုာံခမဳမစှေ်ပါရာဇိကဂှ်ရ၊ ဟိုတ်ဂှ်ရကော်ခဴဂး “ဟွံမွဲကဵုပွမပံင်ဖက် ကေုာံခမဳခိုဟ်ဆာဲဂမၠိုင်မွဲစွံ”ရ။

⎈ လၟေင်က္ဍိုပ်မာတိကာ

[ပလေဝ်ဒါန် | ပလေဝ်ဒါန် တမ်ကၞက်]

93) ဂြပ်မတန်တဴ ပ္ဍဲတိ၊ ဂြပ်မတန်တဴ ပ္ဍဲကုန်ဒဵု၊ ဂြပ်မတန်တဴ အာကး၊ ဂြပ်မတန်တဴ ပ္ဍဲမ္ၚးဂၠး (သၠာတ်)၊ ဂြပ်မတန်တဴ ပ္ဍဲဍာ်၊ ဂြပ်မတန်တဴ ပ္ဍဲဂၠုင်၊ ဂြပ်မတန်တဴ ပ္ဍဲယာန်၊ ဂြပ်မတန်တဴ ဗွဲသဇိုင်ဝန် (လျိုင်)၊ ဂြပ်မတန်တဴ ပ္ဍဲအာရှာမ်၊ ဂြပ်မတန်တဴ ပ္ဍဲဘာ၊ ဂြပ်မတန်တဴ ပ္ဍဲတိဗ္ၚ၊ ဂြပ်မတန်တဴ ပ္ဍဲဂူယာ၊ ဂြပ်မတန်တဴ ပ္ဍဲကွာန်၊ ဂြပ်မတန်တဴ ပ္ဍဲဂြိုပ်၊ ဍာ်၊ ဆုဒက၊ တၞံဆုဗယိ၊ (သၟိင်ဆု)၊ ဂြပ်မဂပ်ဝ်ရင်တၠုင်၊ ဂြပ်မဂပ်ဝ်အပ်လဝ်၊ ဌာန်စွံလဝ်ကင် ဌာနကေတ်အကံက်၊ သတ်၊ သတ်ဟွံမွဲကဵုဇိုင် သတ်မၞုံကဵုဇိုင်ၜါ၊ သတ်မၞုံကဵုဇိုင်ပန်၊ သတ်မၞုံကဵုဇိုင်မဂၠိုင်၊ ညးစၞောန်ထ္ၜးကဵုလပုဟ်တဲ၊ ညးမင်မွဲဂြပ်မဂပ်ဝ်ရင်တၠုင်၊ ကသေံကၟဝ်တုဲ ပွမကၠတ်၊ ပွမသ္ပချိင်ဖါပ်၊ ပွမသ္ပစၟတ်သမ္တီ၊ ဣဝွံ မာတိကာရောင်။

⎈ ပွံက်မာတိကာ

[ပလေဝ်ဒါန် | ပလေဝ်ဒါန် တမ်ကၞက်]

94) ဂြပ်မတန်တဴ ပ္ဍဲတိ မ္ဂးဂှ် ဂြပ်ဖျေံစွံလဝ် တိုပ်ဒေပ်လဝ် ဂြောပ်ဗ္ဒန်လဝ်ပ္ဍဲတိရောင်။ “ကြက်ကၠတ်ဂြပ်မတန်တဴ ပ္ဍဲတိရ” ရဴဝွံ မၞုံစိုတ်မမိက်ကၠတ်ဒှ်တုဲ ဂၠာဲသ္ၚေဝ် သကအ်ပွံင်ကီု ကွဵုဇၜံက်ကီု နပရေဟ်ကီုမ္ဂး၊ အာလေဝ် အာမ္ဂး၊ ဒးအာပတ်ဒုက္ကဋ်ရ၊ ကုတ်ကၠေံ ဆုအှော်ကီုဇုက်လွာကီု မတိုန်ဒၟံင် ပ္ဍဲတိဂှ်မ္ဂး၊ ဒးအာပတ်ဒုက္ကဋ်ရ၊ ခါဲလေဝ် ခါဲခၞိက်တိပ္ဍဲတိဂှ်မ္ဂး၊ ဂွးလေဝ်ဂွးမ္ဂး၊ ပတိတ်လေဝ် ရင်တၠုင်ပတိတ်မ္ဂး၊ ဒးအာပတ်ဒုက္ကဋ်ရ၊ ဇွိတ်သပေါတ် နုင် (ဂြပ်) ဂှ်မ္ဂး၊ ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး၊ ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး၊ ဒးအာပတ်ပါရာဇ်ရ၊ သပၠုပ်ဏာခရော်ဇကုတုဲ မၞုံစိုတ်မမိက်ကၠတ် ဂြပ်မထေက်တန်ၚုဟ်မသုန်ၜဲ လောန်လတူမသုန်ၜဲဒှ်တုဲ ဇွိတ်သပေါတ်မ္ဂး၊ ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး၊ ဒးအာပတ်ထုလ္လစ္စယ်ရ။ ညံင်သ္ဂောံစိုပ်ခရော်ဇကုလေဝ် သ္ပမ္ဂး၊ သကေမ်တဲလေဝ် သကုတ်ကၠေံမ္ဂး (ကဵုသကေမ်တဲလေဝ် ကုက်ကေတ်မ္ဂး၊ ဒးအာပတ်ပါရာဇ်ရ။ ဂြပ်မဂပ်ဝ်ပတိုန်လဝ် ပ္ဍဲတောဝ် (ကၞောတ်ဇန်လဝ်နတောဝ်) ကီုလဝ် ဇုက်လက်ကြာပ်ထဝ် (ဇုက်ထဝ်) ကီုလဝ် ဇုက်ကွက်ကအ်ကီုလဝ် ဇုက်ကွက်ဂၞိင်ကီုလဝ် ယာတ်ဗွိုက်လတက်ကီုလဝ် ယာတ်ဖေင်ပူကွိင်က္ဍိုပ် (ထၟိင်က္ဍိုပ်) ကီုလဝ် မၞုံစိုတ်မမိက်ကၠတ်ဒှ်တုဲ ဇွိတ်သပေါတ်မ္ဂး၊ ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး၊ ဒးအာပတ်ထုလ္လစ္စယ်ရ၊ ရပ်ပ္ဍဲတၞုင်တုဲ ကဵုပင်ယာတိုန်မ္ဂး၊ ဒးအာပတ်ထုလ္လစ္စယ်ရ၊ သီုဃရတ်ခတ်ဇီုပေါတ်တုဲ ရင်တၠုင်ပတိတ်မ္ဂး၊ ဒးအာပတ်ထုလ္လစ္စယ်ရ၊ ဗွဲတွဵုမယုတ် အယာံမာတ်မွဲတၞုင်သော်လေဝ် ကဵုဗၠးတိတ်နူနုင်မ္ဂး၊ ဒးအာပတ်ပါရာဇ်ရ။ ကၠေင်သွဟ်ကီုလဝ် ကၠေင်ကီုလဝ် ဍာ်သာဲကီုလဝ် တင်လာဲကီုလဝ် မထေက်တန် ၚုဟ်မသုန်ၜဲ လောန်လတူမသုန်ၜဲဂှ် မၞုံစိုတ်မမိက်ကၠတ်ဒှ်တုဲ နမွဲအလန်ဓဝ် သုင်မ္ဂး၊ ဒးအာပတ်ပါရာဇ်ရ၊ ပ္ဍဲဌာန်ဂှ်ဟေင် ဖကးလေဝ်ဖကးထောံမ္ဂး၊ ကၠဟ်လေဝ်ကၠဟ်ထောံမ္ဂး၊ စံင်လေဝ် စံင်ထောံပၟတ်မ္ဂး၊ ပြဘိုဂ်ဟွံဒှ်ကၠာ ညံင်လီုအာလေဝ် သ္ပမ္ဂး၊ ဒးအာပတ်ဒုက္ကဋ်ရ။


95) ဂြပ်မတန်တဴ ပ္ဍဲကုန်ဒဵု မ္ဂးဂှ် ဂြပ်မဂပ်ဝ်ဖျေံစွံလဝ် ပ္ဍဲကုန်ဒဵုရောင်။ “ကြက်ကၠတ်ဂြပ်မတန်တဴ ပ္ဍဲကုန်ဒဵုရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာတဴလေဝ်အာမ္ဂး၊ ဒးအာပတ်ဒုက္ကဋ်ရ၊ ဇွိတ်သပေါတ်မ္ဂး၊ ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး၊ ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး၊ ဒးအာပတ်ပါရာဇ်ရ။


96) ဂြပ်မတန်တဴ ပ္ဍဲအကး မ္ဂးဂှ် ဂြပ်မအာစိုပ် အာကးရောင်။ မြာ်ကီု ဂစေံပူ (ကၠပူ) ကီု ဂစေံသဝ်ရဝကာ် (အကာပ်) ကီု ဂစေံဒဂိုတ် (အဃိုတ်) ကီု ယာတ်ကီု ယာတ်ဖေင်ပူကွိင်က္ဍိုပ် (ထၟိင်က္ဍိုပ်) ကီု သြန်ကီု ထဝ်ကီု ပိုတ်တုဲ ဃောဒတုံစှေ်ကီုရ။ “ကြက်ကၠတ်ဂြပ်မတန်တဴပ္ဍဲအာကးရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာလေဝ်အာမ္ဂး၊ ဒးအာပတ်ဒုက္ကဋ်ရ၊ သပိုတ်ပဒေါံထောံ ပွမအာမ္ဂး၊ ဒးအာပတ်ဒုက္ကဋ်ရ၊ ဇွိတ်သပေါတ်မ္ဂး၊ ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး၊ ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး၊ ဒးအာပတ်ပါရာဇ်ရ။


97) ဂြပ်မတန်တဴ ပ္ဍဲမ္ၚးဂၠး (သၠာတ်) မ္ဂးဂှ် ဂြပ်မတန်တဴ ပ္ဍဲမ္ၚးဂၠးသၠာတ်ရောင်။ ဂပ်ဝ်ကွက်စွံလဝ် ပ္ဍဲဇံင်ခါတ်ကီု ပ္ဍဲဂတဵုဒလာဲခိုင်ဇမၠိင်ကီု ပ္ဍဲဒုန်တေင်လ္ၜက်သ္ၚာကီု ပ္ဍဲဇုက်တေင်လ္ၜက်သ္ၚာကီု ပ္ဍဲဇၜံက်ဒုင်တက်လဝ်ပ္ဍဲဗ္ဒင်ကီု ပ္ဍဲတ္ၚံက်ဂြင်စိင်ကီု ပ္ဍဲတၞံဆုကီုရ၊ ဗွဲတွဵုမယုတ် ပ္ဍဲဇိုင်ဗဗေင်လေဝ် ဂပ်ဝ်ကွက်စွံလဝ်ရ။ “ကြက်ကၠတ်ဂြပ်မတန်တဴ ပ္ဍဲမ္ၚးဂၠးသၠာတ်ရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာလေဝ် အာမ္ဂး၊ ဒးအာပတ်ဒုက္ကဋ်ရ၊ ဇွိတ်သပေါတ်မ္ဂး၊ ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး၊ ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး၊ ဒးအာပတ်ပါရာဇ်ရ။


98) ဂြပ်မတန်တဴ ပ္ဍဲဍာ် မ္ဂးဂှ် ဂြပ်မဂပ်ဝ်ဖျေံလဝ် ပ္ဍဲဍာ်ရောင်။ “ကြက်ကၠတ်ဂြပ်မတန်တဴ ပ္ဍဲဍာ်ရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာလေဝ်အာမ္ဂး၊ ဒးအာပတ်ဒုက္ကဋ်ရ၊ ဗၠိုပ်လေဝ် ဗၠိုပ်မ္ဂး၊ မံက်လေဝ် မံက်တိုန်မ္ဂး၊ ဒးအာပတ်ဒုက္ကဋ်ရ၊ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞာဲမ္ဂး ဒးအာပတ်ပါရာဇ်ရ။ ဒကှ်ဥပ္ပိုလ်4ကီု ဒကှ်ပဒုမကီု ဒကှ်ပုဏ္ဏရိက်ကီု လွာဒကိုန်ကီု ကကီု အရုတ်ကီု မကဠုတ်တိုန်ကတဵုဒှ်ဒၟံင် ပ္ဍဲဍာ်ဂှ် မထေက်တန်ၚုဟ်မသုန်ၜဲ လောန်လတူမသုန်ၜဲဂှ် မၞုံစိုတ်မမိက်ကၠတ်ဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) မ္ဂး ဒးအာပတ်ပါရာဇ်ရ။


99) ဝတ္ထုဒှ်ဟိုတ်တတ်ကၠောံအာ (သြင်မွဲလ္ပာ်) ဂှ် ဂၠုင်မ္ဂးရ။ ဂြပ်မတန်တဴ ပ္ဍဲဂၠုင် မ္ဂးဂှ် ဂြပ်မဂပ်ဝ်ဖျေံစွံလဝ် ပ္ဍဲဂၠုင်ရောင်။ “ကြက်ကၠတ်ဂြပ်မတန်တဴ ပ္ဍဲဂၠုင်ရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာလေဝ်အာမ္ဂး ဒးအာပတ်ဒုက္ကဋ်ရ။ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞာဲမ္ဂး ဒးအာပတ်ပါရာဇ်ရ။ “ကြက်ကၠတ်ဂၠုင်ရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာလေဝ် အာမ္ဂး ဒးအာပတ်ဒုက္ကဋ်ရ။ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ သှ်ကၠေံဇုက်ဂၠုင်မ္ဂး ဒးအာပတ်ဒုက္ကဋ်ရ၊ သှ်ကၠေံဇုက်ဂၠုင်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ။ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ။ ဒ္စးတိုန်ဍာ်လတူဂှ်ကီု ဗလဲစှေ်ဍာ်သၟဝ်ကီု လၞင်ကီု ဗွဲတွဵုမယုတ် မွဲတၞုင်သော်လေဝ် ကဵုစၠောံဏာပြံင်ဆုဲအာမ္ဂး ဒးအာပတ်ပါရာဇ်ရ။


100) ဝဝ် ရထာ (ကွဳစောတ်) ကွဳသရေင်ဂှ် ယာန်မ္ဂးရ။ ဂြပ်မတန်တဴ ပ္ဍဲယာန် မ္ဂးဂှ်ဂြပ်မဂပ်ဝ်ဖျေံစွံလဝ် ပ္ဍဲယာန်ရောန်။ “ကြက်ကၠတ်ဂြပ်မတန်တဴ ပ္ဍဲယာန်ရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာလေဝ် အာမ္ဂး ဒးအာပတ်ဒုက္ကဋ်ရ၊ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအပတ်ပါရာဇ်ရ။ “ကြက်ကၠတ် ယာန်ရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာလေဝ် အာမ္ဂး ဒးအာပတ်ဒုက္ကဋ်ရ၊ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞာဲမ္ဂး ဒးအာပတ်ပါရာဇ်ရ။


101) သဇိုင်ဝန် (လျိုင်) က္ဍိုပ် လျိုင်ပၞး လျိုင်ဂၞိင် လျိုင်ဝှက်တဲဂှ် သဇိုင်ဝန် (လျိုင်) မ္ဂးရ။ မၞုံစိုတ်မမိက်ကၠတ် လျိုန်မတန်တဴ ပ္ဍဲက္ဍိုပ်ဒှ်တုဲ ဇွိတ်သပေါတ်မ္ဂး၊ ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ဖျေံထောံပၞးမ္ဂး ဒးအာပတ်ပါရာဇ်ရ။ မၞုံစိုတ်မမိက်ကၠတ် လျိုင်မတန်တဴ ပ္ဍဲပၞးဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ဖျေံထောံမ္ဂး ဒးအာပတ်ပါရာဇ်ရ။ မၞုံစိုတ်မမိက်ကၠတ်တုဲ လျိုင်မတန်တဴ ပ္ဍဲဂၞိင်ဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ဂိုင်ကေတ်နတဲမ္ဂး ဒးအာပတ်ပါရာဇ်ရ။ မၞုံစိုတ်မမိက်ကၠတ် လျိုင်ဝှက်တဲဒှ်တုဲ ဖျေံထောံမ္ဂး ဒးအာပတ်ပါရာဇ်ရ။ မၞုံစိုတ်မမိက်ကၠတ်ဒှ်တုဲ လပှ်ကေတ်နူတိမ္ဂး ဒးအာပတ်ပါရာဇ်ရ။


102) အာရှာမ်ကဴ အာရှာမ်သတ်ဂှ် အာရှာမ်မ္ဂးရ။ ဂြပ်မတန်တဴ ပ္ဍဲအာရှာမ်မ္ဂးဂှ် ဂြပ်မဂပ်ဝ်ဖျေံစွံလေဝ် ပ္ဍဲအာရှာမ် နပန်ဌာနဂမၠိုင်ရောင်။ (ဌာနဂမၠိုင်ဂှ်) ဂြပ်မတန်တဴပ္ဍဲတိ ကုန်ဒဵု အကး မ္ၚးဂၠးသၠာတ်ဂမၠိုင်ရောင်။ “ကြက်ကၠတ်ဂြပ်မတန်တဴ ပ္ဍဲအာရှာမ်ရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာလေဝ် အာမ္ဂး ဒးအာပတ်ဒုက္ကဋ်ရ၊ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞာဲမ္ဂး ဒးအာပတ်ပါရာဇ်ရ။ ရိုဟ်ကီုလဝ် ခၞော်သကောဝ်ကီုလဝ် တၞးကီုလဝ် ပကဴကီုလဝ် သတ်ကီုလဝ် မကဠုတ်တိုန်ကတဵုဒၟံင် ပ္ဍဲအာရှာမ်ဂှ် မထေက်တန်ၚုဟ်မသုန်ၜဲလောန်လတူမသုန်ၜဲဂှ် မၞုံစိုတ်မမိက်ကၠတ်ဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။ သ္ပဂဗုဓ်စောဲအမှု (နမမိက်ကလိဂွံ) အာရှာမ်မ္ဂး ဒးအာပတ်ဒုက္ကဋ်ရ၊ ကတဵုဗဒှ်ကဵုသၠေဟ်ပၟာ ကုတၠဂြပ်မ္ဂး ဒးအာပတ်ထုလ္လစ္စယ်ရ၊ တၠဂြပ်ဂှ် “အဲဟွံကလေင်ဂွံရ” ရဴဝွံ ဖျေံကၠေံသဇိုင်ဝန် (ဖျေံထောံစိုတ်) မ္ဂး ဒးအာပတ်ပါရာဇ်ရ၊ ဒှ်ဓရ်တုဲ (သ္ပအမှုတုဲ) ကဵုတၠဂြပ်ကျအာမ္ဂး ဒးအာပတ်ပါရာဇ်ရ၊ ဒှ်ဓရ်တုဲ ဇကုကျအာမ္ဂး ဒးအာပတ်ထုလ္လစ္စယ်ရ။


103) ဂြပ်မတန်တဴပ္ဍဲဘာ မ္ဂးဂှ် ဂြပ်မဂပ်ဝ်ဖျေံစွံလဝ် ပ္ဍဲဘာ နပန်ဌာနဂမၠိုင်ရောင်။ (ဌာနဂမၠိုင်ဂှ်) ဂြပ်မတန်တဴ ပ္ဍဲတိ ကုန်ဒဵု အကး မ္ၚးဂၠးသၠာတ်ဂမၠိုင်ရောင်။ “ကြက်ကၠတ်ဂြပ်မတန်တဴပ္ဍဲဘာရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာလေဝ် အာမ္ဂး ဒးအာပတ်ဒုက္ကဋ်ရ၊ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။ သ္ပဂဗုဓ်စောဲအမှု (နမမိက်ကလိဂွံ) ဘာမ္ဂး ဒးအာပတ်ဒုက္ကဋ်ရ၊ ကတဵုဗဒှ်ကဵုသၠေဟ်ပၟာကုတၠဂြပ်မ္ဂး ဒးအာပတ်ထုလ္လစ္စယ်ရ၊ တၠဂြပ်ဂှ် “အဲဟွံကလေင်ဂွံရ” ရဴဝွံ ဖျေံကၠေံသဇိုင်ဝန်တုဲ (ဖျေံထောံစိုတ်) မ္ဂး ဒးအာပတ်ပါရာဇ်ရ၊ ဒှ်ဓရ်တုဲ (သ္ပအမှုတုဲ) ကဵုတၠဂြပ်ကျအာမ္ဂး ဒးအာပတ်ပါရာဇ်ရ၊ ဒှ်ဓရ်တုဲ ဇကုကျအာမ္ဂး ဒးအာပတ်ထုလ္လစ္စယ်ရ။


104) ဌာန်သြောံၜဲ မကဠုတ်တိုန်ကတဵုဒှ်ဂှ် တိဗ္ၚမ္ဂးရ။ ဂြပ်မတန်တဴပ္ဍဲတိဗ္ၚ မ္ဂးဂှ် ဂြပ်မဂပ်ဝ်ဖျေံစွံလဝ် ပ္ဍဲတိဗ္ၚ နပန်ဌာနဂမၠိုင်ရောင်။ (ဌာနဂမၠိုင်ဂှ်) ဂြပ်မတန်တဴ ပ္ဍဲတိ ကုန်ဒဵု အကး မ္ၚးဂၠးသၠာတ်ဂမၠိုင်ရောင်။ “ကြက်ကၠတ်ဂြပ်မတန်တဴ ပ္ဍဲတိဗ္ၚရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာလေဝ် အာမ္ဂး ဒးအာပတ်ဒုက္ကဋ်ရ၊ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။ သြောံၜဲ မကဠုတ်တိုန်ကတဵုဒၟံင် ပ္ဍဲတိဗ္ၚဂှ် မထေက်တန်ၚုဟ်မသုန်ၜဲ လောန်လတူမသုန်ၜဲဂှ် မၞုံစိုတ်မမိက်ကၠတ်ဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။ သ္ပဂဗုဓ်စောဲအမှု (နမမိက်ကလိဂွံ) တိဗ္ၚမ္ဂး ဒးအာပတ်ဒုက္ကဋ်ရ၊ ကတဵုဗဒှ်ကဵုသၠေဟ်ပၟာ ကုတၠဂြပ်မ္ဂး ဒးအာပတ်ထုလ္လစ္စယ်ရ၊ တၠဂြပ်ဂှ် “အဲဟွံကလေင်ဂွံရ” ရဴဝွံ ဖျေံကၠေံသဇိုင်ဝန် (ဖျေံထောံစိုတ်) မ္ဂး ဒးအာပတ်ပါရာဇ်ရ၊ ဒှ်ဓရ်တုဲ (သ္ပအမှုတုဲ) ကဵုတၠဂြပ်ကျအာမ္ဂး ဒးအာပတ်ပါရာဇ်ရ၊ ဒှ်ဓရ်တုဲ ဇကုကျအာမ္ဂး ဒးအာပတ်ထုလ္လစ္စယ်ရ။ ပြံင်ဖြုဲထောံကၞက်တိုင် ဇုက် သွဵုဇၞး (ဒပ်) အပိုင်အခြာဇုက်နင် (ဇိုင်နင်) မွဲမွဲမ္ဂး ဒးအာပတ်ဒုက္ကဋ်ရ၊ ကိုပ်ကၠာပွမပတိတ်လွဳမွဲ (ဒေါံရ) ဟွံကၠုင်စိုပ်ဏီ (ကိုပ်ကၠာဟွံတုဲဏီ) ဒးအာပတ်ထုလ္လစ္စယ်ရ၊ ပွမပတိတ်လွဳဂှ် ကၠုင်စိုပ်မ္ဂး တုဲအာမ္ဂး ဒးအာပတ်ပါရာဇ်ရ။


105) ဂအာင်အာရှာမ် ဂအာင်ဘာဂှ် ဂအာင် (တိ) မ္ဂးရ။ ဂြပ်မတန်တဴ ပ္ဍဲဂအာင် (တိ) မ္ဂးဂှ် ဂြပ်မဂပ်ဝ်ဖျေံစွံလဝ် ပ္ဍဲဂအာင် (တိ) နပန်ဌာနဂမၠိုင်ရောင်။ (ဌာနဂမၠိုင်ဂှ်) ဂြပ်မတန်တဴပ္ဍဲတိ ကုန်ဒဵု အာကး မ္ၚးဂၠးသၠာတ်ဂမၠိုင်ရောင်။ “ကြက်ကၠတ်ဂြပ်မတန်တဴ ပ္ဍဲဂအာင် (တိ) ရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာလေဝ် အာမ္ဂး ဒးအာပတ်ဒုက္ကဋ်ရ၊ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။ သ္ပဂဗုဓ်စောဲအမှု (နမမိက်ကလိဂွံ) ဂအာင် (တိ) မ္ဂး ဒးအာပတ်ဒုက္ကဋ်ရ၊ ကတဵုဗဒှ်ကဵုသၠေဟ်ပၟာ ကုတၠဂြပ်မ္ဂး ဒးအာပတ်ထုလ္လစ္စယ်ရ၊ တၠဂြပ်ဂှ် “အဲဟွံကလေင်ဂွံရ” ရဴဝွံ ဖျေံကၠေံသဇိုင်ဝန် (ဖျေံထောံစိုတ်) မ္ဂး ဒးအာပတ်ပါရာဇ်ရ၊ ဒှ်ဓရ်တုဲ (သ္ပအမှုတုဲ) ကဵုတၠဂြပ်ကျအာမ္ဂး ဒးအာပတ်ပါရာဇ်ရ၊ ဒှ်ဓရ်တုဲ ဇကုကျအာမ္ဂး ဒးအာပတ်ထုလ္လစ္စယ်ရ။ ပြံင်ဖြုဲထောံကၞက်တိုင် ဇုက် သွဵုဇၞး (ဒပ်) အပိုင်အခြာဇုက်နင် (ဇိုင်နင်) မွဲမွဲမ္ဂး ဒးအာပတ်ဒုက္ကဋ်ရ၊ ကိုပ်ကၠာပွမပတိတ်လွဳမွဲ (ဒေါံရ) ဟွံကၠုင်စိုပ်ဏီ (ကိုပ်ကၠာဟွံတုဲဏီ) ဒးအာပတ်ထုလ္လစ္စယ်ရ၊ ပွမပတိတ်လွဳဂှ် ကၠုင်စိုပ်မ္ဂး တုဲအာမ္ဂး ဒးအာပတ်ပါရာဇ်ရ။


106) ဂြပ်မတန်တဴ ပ္ဍဲကွာန် မ္ဂးဂှ် ဂြပ်မဂပ်ဝ်ဖျေံစွံလဝ်ပ္ဍဲကွာန် နပန်ဌာနဂမၠိုင်ရောင်။ (ဌာနဂမၠိုင်ဂှ်) ဂြပ်မတန်တဴပ္ဍဲတိ ကုန်ဒဵု အာကး မ္ၚးဂၠးသၠာတ်ဂမၠိုင်ရောင်။ “ကြက်ကၠတ်ဂြပ်မတန်တဴ ပ္ဍဲကွာန်ရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာလေဝ် အာမ္ဂး ဒးအာပတ်ဒုက္ကဋ်ရ၊ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။


107) ဂြိုပ်မၞိဟ်ဂမၠိုင် မဂပ်ဝ်သဳၜတ်ကေတ်ဂှ် ဂြိုပ်မ္ဂးရ။ ဂြပ်မတန်တဴ ပ္ဍဲဂြိုပ် မ္ဂးဂှ်ဂြပ်မဂပ်ဝ်ဖျေံစွံလဝ် ပ္ဍဲဂြိုပ်နပဌာနဂမၠိုင်ရောင်။ (ဌာနဂမၠိုင်ဂှ်) ဂြပ်မတန်တဴပ္ဍဲတိ ကုန်ဒဵု အာကး မ္ၚးဂၠးသၠာတ်ဂမၠိုင်ရောင်။ “ကြက်ကၠတ်ဂြပ်မတန်တဴ ပ္ဍဲဂြိုပ်ရ” ရဴဝွံ မၞုံစိုတ်မမိက်ကၠတ်ဒှ်တုဲ သကအ်ပွံင်လေဝ် ဂၠာဲသ္ၚေဝ်မ္ဂး၊ အာလေဝ် အာမ္ဂး ဒးအာပတ်ဒုက္ကဋ်ရ၊ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။ အှော်ကီုလဝ် ဇုက်လွာကီုလဝ် ချောဲကီုလဝ် မကဠုတ်တိုန်ကတဵုဒှ်ဒၟံင် ပ္ဍဲဂြိုပ်ဂှ် မထေက်တန်ၚုဟ်မသုန်ၜဲ လောန်လတူမသုန်ၜဲဂှ် မၞုံစိုတ်မမိက်ကၠတ်ဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။


108) ဍာ် မ္ဂးဂှ် ဍာ်မတန်တဴ ပ္ဍဲနုင်ထၟာဲ ကၟာန်ပန်ကၠင် ကၟာဇဵုမွဲလ္ပာ်ကီုရောင်။ မၞုံစိုတ်မမိက်ကၠတ်ဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။ သပၠုပ်ဏာနုင်ထၟာဲဇကုတုဲ မၞုံစိုတ်မမိက်ကၠတ်ဍာ် မထေက်တန်ၚုဟ်မသုန်ၜဲ လောန်လတူမသုန်ၜဲဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ။ ညံင်သ္ဂောံစိုပ်နုင်ထၟာဇကု သ္ပမ္ဂး၊ ဒးအာပတ်ပါရာဇ်ရ။ ပလီုပလာ်သပိုတ်ထောံ ကၟိန်ဇဵုကၟာမ္ဂး ဒးအာပတ်ဒုက္ကဋ်ရ၊ ပလီုပလာ် သပိုတ်ထောံကၟိုန်ဇဵုကၟာတုဲ ဗလးပရိုဟ်ထောံဍာ် မထေက်တန်မသုန်ၜဲ လောန်လတူမသုန်ၜဲမ္ဂး ဒးအာပတ်ပါရာဇ်ရ။ ဗလးပရိုဟ်ထောံဍာ် မထေက်တန်ၚုဟ်လတူမွဲၜဲ သၟဝ်မသုန်ၜဲမ္ဂး ဒးအာပတ်ထုလ္လစ္စယ်ရ၊ ဗလးပရိုဟ်ထောံဍာ် မထေက်တန်ၚုဟ်မွဲၜဲ သၟဝ်မွဲၜဲမ္ဂး ဒးအာပတ်ဒုက္ကဋ်ရ။


109) ဆုဒက မ္ဂးဂှ် ဆုဒကမကုတ်လဝ်တုဲ ဆုဒကမဟဂပ်ဝ်ကုလဝ်ဏီရောင်။ မၞုံစိုတ်မမိက်ကၠတ်ဆုဒက မထေက်တန်ၚုဟ်မသုန်ၜဲ လောန်လတူမသုန်ၜဲဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။


110) ဆုဗယိ (သၟိင်ဆု) မ္ဂးဂှ်တၞံဆုမၞိဟ်ဂမၠိုင် မဂပ်ဝ်သဳၜတ်ဂိုင်ကေတ် သ္ပပြဘိုဂ်ရောင်။ မၞုံစိုတ်မမိက်ကၠတ်ဒှ်တုဲ ကုတ်မ္ဂး၊ ဇၟာပ်ကုတ်ဇၟာပ်ကုတ်ဂှ် ဒးအာပတ်ဒုက္ကဋ်ရ၊ ကိုပ်ကၠာပွမကုတ်ဗာ်မွဲလစုတ် (ဒေါံရ) ဟွံကၠုင်စိုပ်ဏီ (ကိုပ်ကၠာဟွံတုဲဏီ) ဒးအာပတ်ထုလ္လစ္စယ်ရ၊ ပွမကုတ်ဗာ်မွဲလစုတ်ဂှ် ကၠုင်စိုပ်မ္ဂး တုဲအာမ္ဂး ဒးအာပတ်ပါရာဇ်ရ။


111) ဂြပ်မဂပ်ဝ်ရင်တၠုင်ဏာ မ္ဂးဂှ်ဂြပ်ညးသအာင် မရင်တၠုင်ဏာရောင်။ မၞုံစိုတ်မမိက်ကၠတ်ဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။ “ကြက်ကော်ဏာ ညးရင်တၠုင်မွဲဟာန်ကေုာံဂြပ်ရ” ရဴဝွံ ကဵုပြံင်ဆုဲအာမွဲလဂါမ်ဇိုင်မ္ဂး ဒးအာပတ်ထုလ္လစ္စယ်ရ၊ ကဵုပြံင်ဆုဲအာလဂါမ်ဇိုင် မရနုက်ကဵုၜါမ္ဂး ဒးအာပတ်ပါရာဇ်ရ။ “ကြက်ဂိုင်ကေတ် ဂြပ်မဒတုံစှေ်ရ” ရဴဝွံ ကဵုဒတုံစှေ်မ္ဂး (သ္ပညံင်ဒတုံစှေ်) မ္ဂး ဒးအာပတ်ဒုက္ကဋ်ရ၊ မၞုံစိုတ်မမိက်ကၠတ်ဂြပ်မဒတုံစှေ် မထေက်တန်ၚုဟ်မသုန်ၜဲ လောန်လတူမသုန်ၜဲဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။


112) ဂြပ်မအပ်ပြာပ်လဝ် မ္ဂးဂှ်ဂြပ်မဂပ်ဝ်ဖျေံစွံလဝ် ပ္ဍဲဇရေင် (ဂြပ်မဂပ်ဝ်အပ်ပြာပ်လဝ်) ရောင်။ “ကဵုဂြပ်အဲညိ” ရဴဝွံ ဟီုသ္ဂးကၠုင်မ္ဂး အဲဟဂွံကေတ်လဝ်ရ ရဴဝွံ ဟီုတးပါဲကၠေံမ္ဂး ဒးအာပတ်ဒုက္ကဋ်ရ၊ ကတဵုဗဒှ်ကဵုသၠေဟ်ပၟာ ကုတၠဂြပ်မ္ဂး ဒးအာပတ်ထုလ္လစ္စယ်ရ၊ တၠဂြပ်ဂှ် “ကလေင်ကဵု ကုအဲ ဟွံသေင်ရ” ရဝွံ ဖျေံကၠေံသဇိုင်ဝန် (ဖျေံထောံစိုတ်) မ္ဂး ဒးအာပတ်ပါရာဇ်ရ၊ ဒှ်ဓရ်တုဲ (သ္ပအမှုတုဲ) ကဵုတၠဂြပ်ကျအာမ္ဂး ဒးအာပတ်ပါရာဇ်ရ၊ ဒှ်ဓရ်တုဲ ဇကုကျအာမ္ဂး ဒးအာပတ်ထုလ္လစ္စယ်ရ။


113) ဌာန်စွံလဝ်ကင် ဌာနကေတ်အကံက် မ္ဂးဂှ်ပ္ဍဲဒဵုမပိုတ် (စရုဲဒဵု) ကီု၊ ပ္ဍဲသၞေဟ်ကြုင်၊ ပ္ဍဲတြင်ကွာန်ကီု “ကုညးလုပ်ကၠုင်ဌာနဝွံ သ္ဒးဂိုင်ကေတ် အခေါင်ကင်ၚာင်ရ” ရဴဝွံ ဌာန်သၟိင်တၠမစၟတ်သမ္တီလဝ်ရောင်။ လုပ်ကၠုင်ကင် ဌာနကေတ်အကံက်တုဲ မၞုံစိုတ်မမိက်ကၠတ် ဂြပ်မဒးဆက်ကွာဲကဵုအခေါန်ကင်ၚာင် ကုသၟိင်တၠ မထေက်တန်ၚုဟ်မသုန်ၜဲ လောန်လတူမသုန်ၜဲဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုကလိလောန်အာကင် မွဲလဂါမ်ဇိုင်မ္ဂး ဒးအာပတ်ထုလ္လစ္စယ်ရ၊ ကဵုကလိလောန်အာ လဂါမ်ဇိုင်ဒုတိယမ္ဂး ဒးအာပတ်ပါရာဇ်ရ။ ဒတူပ္ဍဲအပ္ဍဲကင်တုဲ ကဵုဒတုံစှေ် (ကၠဟ်ပတိတ်) ပ္ဍဲမ္ၚးကင်မ္ဂး ဒးအာပတ်ပါရာဇ်ရ၊ ဗလေတ်အခေါင်ကင်ၚာင်မ္ဂး ဒးအာပတ်ဒုက္ကဋ်ရ။


114) သတ် မ္ဂးဂှ်မမိက်သ္ဂးသတ်မၞိဟ်ရ။ မၞုံစိုတ်မမိက်ကၠတ်ဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။ “ကြက်ရင်တၠုင်ဏာ တရဴတိုက် (နဇိုင်) ရ” ရဴဝွံ ကဵုပြံင်ဆုဲအာ မွဲလဂါမ်ဇိုင်မ္ဂး ဒးအာပတ်ထုလ္လစ္စယ်ရ၊ ကဵုပြံင်ဆုဲအာ လဂါမ်ဇိုင်ဒုတိယမ္ဂး ဒးအာပတ်ပါရာဇ်ရ။ သတ်ဟွံမွဲကဵုဇိုင် မ္ဂးဂှ် ဇြုံကဵုကရောင်။ မၞုံစိုတ်မမိက်ကၠတ် ဇြုံကဵုက မထေက်တန်ၚုဟ်မသုန်ၜဲ လောန်လတူမသုန်ၜဲဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။


115) သတ်မၞုံကဵုဇိုင်ၜါ မ္ဂးဂှ် မၞိဟ်ကဵုဂကူဂစေံဂမၠိုင်ရောင်။ မၞုံစိုတ်မမိက်ကၠတ်ဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။ “ကြက်ရင်တၠုင်ဏာ တရဴတိုက် (နဇိုင်) ရ” ရဴဝွံ ကဵုပြံင်ဆုဲအာ မွဲလဂါမ်မ္ဂး ဒးအာပတ်ထုလ္လစ္စယ်ရ၊ ကဵုပြံင်ဆုဲအာ လဂါမ်ဇိုင်ဒုတိယမ္ဂး ဒးအာပတ်ပါရာဇ်ရ။


116) သတ်မၞုံကဵုဇိုင်ပန် မ္ဂးဂှ်စိင် ချေံ အုဋ္ဌ် ဂၠဴ ချး ကေုာံသတ်မၞုံကဵုဇိုင်ပန် (မသၟေဟ်နူမသ္ဂးကၠုင်တုဲ) သီုဖအိုတ်ရောင်။ မၞုံစိုတ်မမိက်ကၠတ်ဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။ “ကြက်ရင်တၠုင်ဏာ တရဴတိုက် (နဇိုင်) ရ” ရဴဝွံ ကဵုပြံင်ဆုဲအာ မွဲလဂါမ်ဇိုင်ပဌမမ္ဂး ဒးအာပတ်ထုလ္လစ္စယ်ရ၊ ကဵုပြံင်ဆုဲအာ မွဲလဂါမ်ဇိုင်ဒုတိယမ္ဂး ဒးအာပတ်ထုလ္လစ္စယ်ရ၊ ကဵုပြံင်ဆုဲအာ မွဲလဂါမ်ဇိုင်တတိယမ္ဂး ဒးအာပတ်ထုလ္လစ္စယ်ရ၊ ကဵုပြံင်ဆုဲအာ လဂါမ်ဇိုင်စတုတ္ထမ္ဂး ဒးအာပတ်ပါရာဇ်ရ။


117) သတ်မၞုံကဵုဇိုင်မဂၠိုင် မ္ဂးဂှ် အယဴ ဂဂဳ စၟဥစ္စာလိင်္ဂ (စၟကြုတ်တိ ဗရုန်ဂး) ဂမၠိုင်ရောင်။ မၞုံစိုတ်မမိက်ကၠတ် မပ္တံအယဴ မထေက်တန်ၚုဟ်မသုန်ၜဲ လောန်လတူမသုန်ၜဲဒှ်တုဲ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။ “ကြက်ရင်တၠုင်ဏာ တရဴတိုက် (နဇိုင်) ရ” ရဴဝွံ ကဵုပြံင်ဆုဲအာ ဇၟာပ်ဂါမ်ဇိုင် ဇၟာပ်ဂါမ်ဇိုင်ရ၊ ဒးအာပတ်ထုလ္လစ္စယ်ရ၊ ကဵုပြံင်ဆုဲအာ လဂါမ်ဇိုင်လက္ကရဴအိုတ်မ္ဂး ဒးအာပတ်ပါရာဇ်ရ။


118) ညးစၞောန်ထ္ၜး ကဵုလပုဟ်တဲ လုပ်အပ္ဍဲတုဲ ညးစမ်ၜတ် ညးပၞုက်ဓလုက်အပ္ဍဲ မ္ဂးဂှ် စၟတ်သမ္တီဂြပ်တုဲ ညးလၟိင်ဟီုရောင်။ “ဩဝ်ဂိုင်ကၠတ်ကေတ် ဂြပ်မၞုံယၟုဝွံညိ” ရဴဝွံ ဟီုသ္ဂးတဴမ္ဂး ဒးအာပတ်ဒုက္ကဋ်ရ၊ ညးဒးဒုင်ဟီုသ္ဂးဂှ် ဂိုင်ကၠတ်ကေတ် ဂြပ်မဟီုသ္ဂးဂှ်မ္ဂး သီုညးၜါတၠ ဒးအာပတ်ပါရာဇ်ရ။ ညးမင်မွဲ ဂြပ်မရင်တၠုင်နင် မ္ဂးဂှ် ညးမင်မွဲထိင်ဒဝ် ဂြပ်မရင်တၠုင်နင်ရောင်။ မၞုံစိုတ်မမိက်ကၠတ်ဂြပ် မထေက်တန်ၚုဟ်မသုန်ၜဲ လောန်လတူမသုန်ၜဲဒှ်တုဲ ဇွိတ်သပေါတ်မ္ဂး၊ ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂး ဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။ ကသေံကၟဝ်တုဲ ပွမကၠတ် မ္ဂးဂှ် (ကသေံကၟဝ်ရင်သကအ်တုဲ ပွမကၠတ်ရောင်။) ကသေံကၟဝ်ညးမဂၠိုင်တုဲ ညးမွဲဂှ် ကၠတ်မ္ဂး၊ သီုညးဖအိုတ် ဒးအာပတ်ပါရာဇ်ရ။


119) ပွမသ္ပချိင်ဖါပ် မ္ဂးဂှ် သ္ပချိင်ဖါပ်တုဲ ပွမကဵုတီရောင်။ “ပ္ဍဲအခိင်နူဂယးကီု ပ္ဍဲအခိင်သဝ်တ္ၚဲကီု ပ္ဍဲအခိင်ဗ္တမ်ကီု နမချိင်ဖါပ်ကာလ မပ္တံနူဂယးဂှ် ဩဝ်ကၠတ်ဂြပ်ဝွံညိ” ရဴဝွံ သ္ပချိန်ဖါပ်မ္ဂး ဒးအာပတ်ဒုက္ကဋ်ရ၊ နမချိင်ဖါပ်ဂှ် ကၠတ်ဂြပ်ဂှ်မ္ဂး သီုညးၜါတၠ ဒးအာပတ်ပါရာဇ်ရ၊ ပ္ဍဲကိုပ်ကၠာကီု ပ္ဍဲလက္ကရဴ အခိင်ချိင်ဖါပ်ဂှ်ကီု ကၠတ်ဂြပ်ဂှ်မ္ဂး ကုခမဳမဖအောဝ်စကာမူလဂှ် ဟွံဒးအာပတ်ရ၊ ကုခမဳမကၠတ်ဟေင် ဒးအာပတ်ပါရာဇ်ရ။


120) ပွမသ္ပစၟတ်သမ္တီ မ္ဂးဂှ်တၞဟ်နပွမကဵုကတဵုဒှ် သညာစၟတ်သမ္တီ ပွမသ္ပစၟတ်သမ္တီမမိက်ကဵုမွဲမွဲရောင်။ “မတ်လေဝ် ထ္ၜေက်ထ္ၜးဏောဝ်၊ ဒၞေင်၊ တၞေင်မတ်လေဝ် ယာ (တေအ်) ထ္ၜးဏောဝ်၊ က္ဍိုပ်လေဝ် ယာပတိုန် (ခညိက်) ထ္ၜးဏောဝ်၊ နစၟတ်သမ္တီဂှ် ဩဝ်ကၠတ်ဂြပ်ဝွံညိ” ရဴဝွံ သ္ပစၟတ်သမ္တီမ္ဂး ဒးအာပတ်ဒုက္ကဋ်ရ၊ နစၟတ်သမ္တီဂှ် ကၠတ်ဂြပ်ဂှ်မ္ဂး သီုညးၜါတၠ ဒးအာပတ်ပါရာဇ်ရ၊ ပ္ဍဲကိုပ်ကၠာကီု ပ္ဍဲလက္ကရဴစၟတ်သမ္တီကီု ကၠတ်ဂြပ်ဂှ်မ္ဂး ကုခမဳ မဖအောဝ်စကာမူလဂှ် ဟွံဒးအာပတ်ရ၊ ကုခမဳမကၠတ်ဟေင် ဒးအာပတ်ပါရာဇ်ရ။


121) ခမဳမွဲဇကုဂှ် “ဩဝ်ကၠတ်ဂြပ် မၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး၊ ဒးအာပတ်ဒုက္ကဋ်ရ၊ ခမဳဂှ် စၟတ်သမ္တီထေင်ကေတ် ဂြပ်ဂှ်ရတုဲ ကၠတ်ကေတ်ဂြပ်ဂှ်ဟေင်မ္ဂး သီုၜါတၠ ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ကၠတ်ဂြပ် မၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး၊ ဒးအာပတ်ဒုက္ကဋ်ရ၊ ခမဳဂှ် စၟတ်သမ္တီထေင်ကေတ် ဂြပ်ဂှ်ရတုဲ ကၠတ်ကေတ်ဂြပ်သအာင်မ္ဂး ကုခမဳ မဖအောဝ်စကာမူလဂှ် ဟွံဒးအာပတ်ရ၊ ကုခမဳ မကၠတ်ဟေင် ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ကၠတ်ဂြပ် မၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး ဒးအာပတ်ဒုက္ကဋ်ရ၊ ခမဳဂှ် စၟတ်သမ္တီထေင်ကေတ် ဂြပ်သအာင်တုဲ ကၠဝ်ကေတ် ဂြပ်ဂှ်ဟေင်မ္ဂး သီုၜါတၠ ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ကၠတ်ဂြပ် မၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး ဒးအာပတ်ဒုက္ကဋ်ရ၊ ခမဳဂှ်စၟတ်သမ္တီထေင်ကေတ် ဂြပ်သအာင်တုဲ ကၠတ်ကေတ်ဂြပ်သအာင်ဟေင်ဂှ်မ္ဂး ကုခမဳမဖအောဝ်စကာမူလဂှ် ဟွံဒးအာပတ်ရ၊ ကုခမဳ မကၠတ်ဟေင် ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ဟီုကဵု ကုခမဳမၞုံယၟုဝွံညိ၊ ခမဳမၞုံယၟုဝွံလေဝ် ခမဳမၞုံယၟုဝွံ ဩဝ်ကၠတ်ဂြပ်မၞုံယၟုဝွံညိ ရဴဝွံ ဟီုကဵုကုခမဳမၞုံယၟုဝွံည” ရဴဝွံ ဖအောဝ်စကာ ခမဳမွဲဇကုမ္ဂး ဒးအာပတ်ဒုက္ကဋ်ရ၊ ခမဳဂှ် ဟီုကဵုကုခမဳမွဲသအာင်မ္ဂး ဒးအာပတ်ဒုက္ကဋ်ရ၊ ခမဳကၠတ်ဂှ် ဒုင်ဝန်မ္ဂး ခမဳမဖအောဝ်စကာမူလဂှ် ဒးအာပတ်ထုလ္လစ္စယ်ရ၊ ခမဳညးကၠတ်ဂှ် ကၠတ်ဂြပ်ဂှ်မ္ဂး သီုညးဖအိုတ် သီုညးပန်တၠ ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ဟီုကဵု ကုခမဳမၞုံယၟုဝွံညိ၊ ခမဳမၞုံယၟုဝွံလေဝ် ခမဳမၞုံယၟုဝွံ ဩဝ်ကၠတ်ဂြပ်မၞုံယၟုဝွံညိ ရဴဝွံ ဟီုကဵုကုခမဳမၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး ဒးအာပတ်ဒုက္ကဋ်ရ၊ ခမဳဂှ် ဖအောဝ်စကာခမဳမွဲသအာင် (တိုက်ရိုက်) မသအာင်နူ ခမဳမဂပ်ဝ်ဖအောဝ်စကာမွဲကဆံင်ဂှ်မ္ဂး ဒးအာပတ်ဒုက္ကဋ်ရ၊ ခမဳကၠတ်ဂှ် ဒုင်ဝန်မ္ဂး ဒးအာပတ်ဒုက္ကဋ်ရ၊ ခမဳဂှ်ကၠတ်ဂြပ်ဂှ်မ္ဂး ခမဳမဖအောဝ်စကာမူလဂှ် ဟွံဒးအာပတ်ရ၊ ကုခမဳမဖအောဝ်စကာ (တိုက်ရိုက်) ကီု ကုခမဳမကၠတ်ကီုဂှ် ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ကၠတ်ဂြပ် မၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး ဒးအာပတ်ဒုက္ကဋ်ရ၊ ခမဳဂှ် အာတုဲ အဲကၠတ်ဂြပ်ဟွံမာန်ရ ရဴဝွံ ကလေင်ကၠုင်မွဲလှေ်ပၠန်ရ၊ ခမဳဂှ် “ပ္ဍဲအခိင်သၟဟ်ရထဂှ် ဩဝ်ကၠတ်ဂြပ်ဂှ်ညိ” ရဴဝွံ (ထပ်) ဖအောဝ်စကာပၠန်မ္ဂး ဒးအာပတ်ဒုက္ကဋ်ရ၊ ခမဳဂှ် ကၠတ်ကေတ် ဂြပ်ဂှ်မ္ဂး သီုၜါတၠ ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ကၠတ်ဂြပ် မၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး ဒးအာပတ်ဒုက္ကဋ်ရ၊ ခမဳဂှ် ဖအောဝ်စကာတုဲပ္ဍဲကြဴ ၜိုန်သၠိုက်သ္ၚောံစိုတ် စိုတ်ဟွံမိပ်လေဝ် “လ္ပကၠတ်တဴရ” ရဴဝွံ ဟွံဟီုလၟိင်ဒးရ၊ ခမဳဂှ် ကၠတ်ကေတ် ဂြပ်ဂှ်မ္ဂး သီုၜါတၠ ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ကၠတ်ဂြပ် မၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး ဒးအာပတ်ဒုက္ကဋ်ရ၊ ခမဳဂှ် ဖအောဝ်စကာတုဲပ္ဍဲကြဴ သၠိုက်သ္ၚောံစိုတ် စိုတ်ဟွံမိပ်တုဲ “လ္ပကၠတ်ရ” ရဴဝွံ ဟီုလၟိင်ရ၊ ခမဳဂှ် “တၠအဲ ဖအောဝ်စကာအဲတုဲဒှ်ရ” ရဴဝွံ (ဟီုသ္ဂးတုဲ) ကၠတ်ကေတ်ဂြပ်ဂှ်မ္ဂး ကုခမဳ မဖအောဝ်စကာမူလဂှ် ဟွံဒးအာပတ်ရ၊ ကုခမဳ မကၠတ်ဟေင် ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ကၠတ်ဂြပ် မၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး ဒးအာပတ်ဒုက္ကဋ်ရ၊ ခမဳဂှ် ဖအောဝ်စကာတုဲပ္ဍဲကြဴ သၠိုက်သ္ၚောံစိုတ် စိုတ်ဟွံမိပ်တုဲ “လ္ပကၠတ်ရ” ရဴဝွံ ဟီုလၟိင်ရ၊ ခမဳဂှ် “ခိုဟ်သန်ရ” ဂးတုဲ ဝေင်ပါဲကၠေံမ္ဂး သီုညးၜါတၠ ဟွံဒးအာပတ်ရ။


122) ကုခမဳမဂိုင်ကၠတ်ကေတ် ဂြပ်မဟွံကဵု နဟိုတ်အင်္ဂဂမၠိုင်မသုန်ပြကာဂှ် ဒးအာပတ်ပါရာဇ်ရ။ ပွမဒှ်ဂြပ်ညးသအာင် မသီၜတ်မင်မွဲလဝ် ပွမမၞုံစၟတ်သမ္တီရဴဝွံမ္ဂး ဂြပ်ညးသအာင်သီၜတ်မင်မွဲလဝ် ပွမဒှ်အရပ်အစပ်မဇြိုင် မထေက်တန်ၚုဟ်မသုန်ၜဲ လောန်လတူမသုန်ၜဲ ပွမစိုတ်မမိက်ကၠတ် ကတဵုဒှ်ဂမၠိုင်ရောင်၊ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂးဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။


123) ကုခမဳမဂိုင်ကၠတ်ကေတ် ဂြပ်မဟွံကဵုနကဵုဟိုတ်အင်္ဂဂမၠိုင်မသုန်ပြကာဂှ် ဒးအာပတ်ထုလ္လစ္စယ်ရ၊ ပွမဒှ်ဂြပ်ညးအာင် မသီၜတ်မင်မွဲလဝ် ပွမမၞုံစၟတ်သမ္တီရဴဝွံမ္ဂး ဂြပ်ညးသအာင်သီၜတ်မင်မွဲလဝ် ပွမဒှ်အရပ်အစပ်မသာ မလောန်လတူမွဲၜဲ မအောန်သၟဝ်မသုန်ၜဲ ပွမစိုတ်မမိက်ကၠတ် ကတဵုဒှ်ဂမၠိုင်ရောင်။ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂးဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ထုလ္လစ္စယ်ရ။


124) ကုခမဳမဂိုင်ကၠတ်ကေတ် ဂြပ်မဟွံကဵုနဟိုတ်အင်္ဂဂမၠိုင်မသုန်ပြကာဂှ် ဒးအာပတ်ဒုက္ကဋ်ရ။ ပွမဒှ်ဂြပ်ညးသအာင် မသီၜတ်မင်မွဲလဝ် ပွမမၞုံစၟတ်သမ္တီ ရဴဝွံမ္ဂး ဂြပ်ညးသအာင်သီၜတ်မင်မွဲလဝ် ပွမဒှ်အရပ်အစပ်မသာမွဲၜဲ မအောန်သၟဝ်မွဲၜဲ ပွမစိုတ်မမိက်ကၠတ်ကတဵုဒှ်ဂမၠိုင်ရောင်။ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂးဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ဒုက္ကဋ်ရ။


125) ကုခမဳမဂိုင်ကၠတ်ကေတ် ဂြပ်မဟွံကဵုနဟိုတ်အင်္ဂဂမၠိုင်တြဴပြကာဂှ် ဒးအာပတ်ပါရာဇ်ရ။ ပွမဟွံမွဲစၟတ်သမ္တီ ရဴဝွံမ္ဂး ဂြပ်ဇကု၊ ပွမဟွံသေင်ကဵုဂိုင်ကေတ် ဗွဲဍုက်ကေဝ်ဒဒှ်ေဒယှ်၊ ပွမဟွံသေင်ကဵုဂိုင်ကေတ် ဗွဲဂြပ်ဂလေံ၊ ပွမဒှ်အရပ်အစပ်မဇြိုင် မထေက်တန်ၚုဟ်မသုန်ၜဲ လောန်လတူမသုန်ၜဲ၊ ပွမစိုတ်မမိက်ကၠတ် ကတဵုဒှ်ဂမၠိုင်ရောင်။ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂးဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ပါရာဇ်ရ။


126) ကုခမဳမဂိုင်ကၠတ်ကေတ် ဂြပ်မဟွံကဵုနဟိုတ်အင်္ဂဂမၠိုင်တြဴပြကာဂှ် ဒးအာပတ်ထုလ္လစ္စယ်ရ။ ပွမဟွံမွဲစၟတ်သမ္တီ ရဴဝွံမ္ဂး ဂြပ်ဇကု၊ ပွမဟွံသေင်ကဵုဂိုင်ကေတ် ဗွဲဍုက်ကေဝ်ဒဒှ်ေဒယှ်၊ ပွမဟွံသေင်ကဵုဂိုင်ကေတ် ဗွဲဂြပ်ဂလေံ၊ ပွမဒှ်အရပ်အစပ်မသာ မလောန်လတူမွဲၜဲ မအောန်သၟဝ်မသုန်ၜဲ ပွမစိုတ်မမိက်ကၠဝ် ကတဵုဒှ်ဂမၠိုင်ရောင်။ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂးဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ထုလ္လစ္စယ်ရ။


127) ကုခမဳမဂိုင်ကေတ် ဂြပ်မဟွံကဵုနဟိုတ်အင်္ဂဂမၠိုင်တြဴပြကာဂှ် ဒးအာပတ်ဒုက္ကဋ်ရ။ ပွမဟွံမွဲစၟတ်သမ္တီ ရဴဝွံမ္ဂးဂြပ်ဇကု၊ ပွမဟွံသေင်ကဵုဂိုင်ကေတ် ဗွဲမဍုက်ကေဝ်ဒဒှ်ေဒယှ်၊ ပွမဟွံသေင်ကဵုဂိုင်ကေတ် ဗွဲဂြပ်ဂလေံ၊ ပွမဒှ်အရပ်အစပ်မသာမွဲၜဲ အောန်သၟဝ်မွဲၜဲ၊ ပွမစိုတ်မမိက်ကၠတ် ကတဵုဒှ်ဂမၠိုင်ရောင်။ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂးဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ဒုက္ကဋ်ရ။


128) ကုခမဳမဂိုင်ကေတ် ဂြပ်မဟွံကဵုနဟိုတ်အင်္ဂဂမၠိုင်မသုန်ပြကာဂှ် ဒးအာပတ်ဒုက္ကဋ်ရ။ ပွမဟွံသေင်ကဵုဂြပ်ညးသအာင် မသီၜတ်မင်မွဲလဝ်၊ ပွမမၞုံစၟတ်သမ္တီ ရဴဝွံမ္ဂးဂြပ်ညးသအာင် သီၜတ်မင်မွဲလဝ်၊ ပွမဒှ်အရပ်အစပ်မဇြိုင် မထေက်တန်ၚုဟ်မသုန်ၜဲ မလောန်လတူမသုန်ၜဲ၊ ပွမစိုတ်မမိက်ကၠတ် ကတဵုဒှ်ဂမၠိုင်ရောင်။ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂးဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ဒုက္ကဋ်ရ။


129) ကုခမဳမဂိုင်ကေတ် ဂြပ်မဟွံကဵုနဟိုတ်အင်္ဂဂမၠိုင်မသုန်ပြကာဂှ် ဒးအာပတ်ဒုက္ကဋ်ရ။ ပွမဟွံသေင်ကဵုဂြပ်ညးသအာင် မသီၜတ်မင်မွဲလဝ်၊ ပွမမၞုံစၟတ်သမ္တီ ရဴဝွံမ္ဂးဂြပ်ညးသအာင် သီၜတ်မင်မွဲလဝ်၊ ပွမဒှ်အရပ်အစပ်မသာ မလောန်လတူမွဲၜဲ မအောန်သၟဝ်မသုန်ၜဲ၊ ပွမစိုတ်မမိက်ကၠတ် ကတဵုဒှ်ဂမၠိုင်ရောင်။ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂးဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ဒုက္ကဋ်ရ။


130) ကုခမဳမဂိုင်ကေတ် ဂြပ်မဟွံကဵုနဟိုတ်အင်္ဂဂမၠိုင်မသုန်ပြကာဂှ် ဒးအာပတ်ဒုက္ကဋ်ရ။ ပွမဟွံသေင်ကဵုဂြပ်ညးသအာင် မသီၜတ်မင်မွဲလဝ်၊ ပွမမၞုံစၟတ်သမ္တီ ရဴဝွံမ္ဂးဂြပ်ညးသအာင် သီၜတ်မင်မွဲလဝ်၊ ပွမဒှ်အရပ်အစပ်မသာမွဲၜဲ မအောန်သၟဝ်မွဲၜဲ၊ ပွမစိုတ်မမိက်ကၠတ် ကတဵုဒှ်ဂမၠိုင်ရောင်။ ဇွိတ်သပေါတ်မ္ဂး ဒးအာပတ်ဒုက္ကဋ်ရ၊ ကဵုချဳ (ပချဳ) မ္ဂးဒးအာပတ်ထုလ္လစ္စယ်ရ၊ ကဵုတသိုတ်အာ (ဆုဲအာ) နူဒၞါဲမ္ဂး ဒးအာပတ်ဒုက္ကဋ်ရ။


131) ကုခမဳစၟတ်မသမ္တီထေင်ကေတ်ဂြပ်ဇကု ဟွံဒးအာပတ်ရ၊ ပ္ဍဲပွမဂိုင်ကေတ်ရ၊ ပ္ဍဲပွမဂိုင်ကေတ် ဗွဲမဍုက်ကေဝ်ဒဒှ်ေဒယှ်၊ ပွမဂိုင်ကေတ် ဗွဲဂြပ်ဂလေံလဝ် ဟွံဒးအာပတ်ရ၊ ပ္ဍဲဂြပ်ပြိုတ်မသီၜတ်မင်မွဲလဝ် ဂြပ်တိရိစ္ဆာန် မသီၜတ်မင်မွဲလဝ်၊ ကုခမဳမစၟတ်သမ္တီပံသုကူ ခမဳမကြအ်ဥမ္မတ် ခမဳစိုတ်ကလှ်လဖှ် ခမဳဝေဒနာပ္ဍဵုပ္ဍိုက် ခမဳမကလိလောန်တမ်ကၠာတဲ ဟွံဒးအာပတ်ရ။ ခဏ်ထ္ၜးကဵုဟိုတ် အဒိန္နာဒါန်တုဲရ

၁.၂.၃။ လၟေင်က္ဍိုပ်မာတိကာ ဝိနဳတဝတ္ထု

[ပလေဝ်ဒါန် | ပလေဝ်ဒါန် တမ်ကၞက်]

ဆေင်စပ်ကဵုသၞေဟ်ခဝါ မသုန်ဝတ္ထု။ ဆေင်စပ်ကဵုသၞာလး ပန်ဝတ္ထု။ ဆေင်စပ်ကဵုဒမၠု မသုန်ဝတ္ထု။ ဆေင်စပ်ကဵုဂြပ်မရင်တၠုင်ဏာ မသုန်ဝတ္ထု။ ဆေင်စပ်ကဵုဂလာန်ဝေါဟာသုင်စောဲ မသုန်ဝတ္ထု။ သအာင်ဆေင်စပ်ကဵုကျာပဠက် မသုန်ဝတ္ထု။ ဝတ္ထုမလပှ်ပံသုကူ ပ္ဍဲဇွချိုတ်ချိုတ် မဟွံလီုလာ်ဏီ။ ဝတ္ထုမပြံင်လှာဲ ဇြေဟ်လိက်မာဲ။ ဆေင်စပ်ကဵုသ္ၚိဇရုင်ပဠက်ခဒမ်ဟုံဍာ် မသုန်ဝတ္ထု ဆေင်စပ်ကဵုစၞဇ္ၚး မသုန်ဝတ္ထု။ ဟွံမွဲကဵုညးဂိုင်ကေတ်တမ်မူလ မသုန်ဝတ္ထု။ ပ္ဍဲအခိင်ဒှ် ကၞောဝ်ပုင်, ဖျုန်။ ဝတ္ထုမကၠတ်ကွာင်, ကွာင်ဂြိုဟ်ပြေင်, ကွာင်ကဝေက်။ ဝတ္ထုမကၠတ်ပရိက္ခရာ ကေုာံထိုင်။ ဝတ္ထုမကၠတ်ဂရောပ်ဖုန်။ ဝတ္ထုမကၠတ်သ္ၚာ နူတေင်ဗလဲသ္ၚာ။ ဝတ္တုကၠတ်သ္ၚာတုဲ ပဒတဴသီုတိတ်နူဘာ။ ဝတ္ထုမစ ဗွဲဍုက်ကေဝ်ဒဒေှ်ဒယှ်။ စၟတ်သမ္တီထေင်ဂး ဂြပ်ဇကုတုဲ ဂိုင်ကေတ် သအာင်ၜါဝတ္ထု။ ပိုဲတအ်ဟဂွံကၠတ်ရ ဟီုသ္ဂးရဴဝွံ ထပှ်ဝတ္ထု။ ပိုဲတအ်ကၠတ်ရ ဟီုသ္ဂးရဴဝွံ ထပှ်ဝတ္ထု။ ကၠတ်မပ္တံသတ်ကြုက်သင် ထပှ်ဝတ္ထု။ ဆေင်စပ်ကဵုကၠတ်ပကဴမၠိုင် ၜါဝတ္ထု။ ဆေင်စပ်ကဵုခမဳဟီုသ္ဂးဍာံစၟတ် ပိဝတ္ထု။ ဆေင်စပ်ကဵုမၞိက် ဗလေတ်အကံက်ကလိလောန်ကင်ပိဝတ္ထု။ ဝတ္ထုမဆေင်စပ်ကဵုကၠိက် ဒြာဲ က။ ဝတ္ထုမကၠတ်ပၠောဏာကွဳ။ ဆေင်စပ်ကဵုဖျုန်ကဠောံ ၜါဝတ္ထု။ ဆေင်စပ်ကဵုဆု ၜါဝတ္ထု။ ဆေင်စပ်ကဵုပံသုကူ ၜါဝတ္ထု။ ဆေင်စပ်ကဵုဍာ် ၜါဝတ္ထု။ ဝတ္ထုမသ္ပပြဘိုဂ်ကၠေင်သွဟ်။ ဝတ္ထုကသေံကၟဝ်တုဲကၠတ်။ ဝတ္ထုကၠတ် ဟွံပေင်မသုန်ၜဲ။ ပ္ဍဲဍုင်သာရဝှ် ဝတ္ထုမကၠတ် မပ္တံသ္ၚုမွဲကေမ် ပန်ဝတ္တု။ စၞဇ္ၚးၜါဝတ္ထု။ ချောဲၜါဝတ္ထု။ မပ္တံပါ်ပရအ်ဂြပ်သင် ပန်ဝတ္ထု။ ဟွံမွဲကဵုတၠဂြပ် ထပှ်ဝတ္ထု။ ဆေင်စပ်ကဵုဆု ဍာ် တိ ချောဲဂမၠိုင်ၜါဝတ္ထု။ ဆေင်စပ်ကဵုဂြပ်သင် ထပှ်ဝတ္ထု။ ဝတ္ထု သၞာသတိက်သၞာဒၟံင် မၞုံကဵုတၠ ရင်တၠုင်ဏာဌာန်သအာင်ဟွံဂွံ။ ဝတ္ထု သၞာသတိက်သၞာဒၟံင် မၞုံကဵုတၠ ရင်တၠုင်ဏာဌာန်သအာင် ဗွဲဂြပ်ဂလေံ။ ဝတ္ထုထုလ္လနန္ဒာ ပ္ဍဲဍုင်စမ္ပာ ကေုာံဍုင်ဝေသာလဳ။ ပ္ဍဲဍုင်ဝေသာလဳ ဝတ္ထုအဇ္ဇုက။ ပ္ဍဲဍုင်ဗာရာဏာသဳ ဝတ္ထုပိလိန္ဒဝစ္ဆ။ ပ္ဍဲဍုင်ကောသမ္ဗဳ ဝတ္ထုပဏ္ဍုက ကေုာံကပိလ။ ပ္ဍဲဍုင်သာဂလ ဝတ္ထုဒလ္လိက။ ဣဝွံတုန် လၟေင်က္ဍိုပ်မာတိကာရောင်။

၁.၂.၄။ ဗီုသ္ဂုတ်သွာတ် ဝိနဳတဝတ္ထုဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

132) ပ္ဍဲမွဲအခိင်တေံ ခမဳဆဗ္ဗဂ္ဂဳဂမၠိုင် ပြာပ်အာသၞေဟ်ခဝါတုဲ ကၠတ်ကေတ်ဂွဳစိုက်ခဝါအိုတ်ရ၊ “တဳလမၞုံပိုဉ်ကျာ်တြဲ ပညပ်သိက္ခာပိုဒ်တုဲဒှ်ရ၊ ပိုဲညးဂမၠိုင် စှေ်ပါရာဇိကအိုတ်ဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်အိုတ်ရ၊ ဂရင်ပတီ ဟိုတ်ဂရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ ယွံခမဳတအ် မၞးတအ်ညးဂမၠိုင် စှေ်ပါရာဇိကအိုတ်ရ ရဴဝွံ (သ္ဂးရ)။ (၁) ပ္ဍဲမွဲအခိင်တေံ ခမဳမွဲဇကု ပြာပ်အာသၞေဟ်ခဝါတုဲ ညာတ်ဒးယာတ် မထေက်တန်ၚုဟ်မး မဂၠိုင်မ္ဂး စိုတ်မမိက်ကၠတ် ကတဵုဒှ်ရ၊ “တဳလမၞုံပိုဉ်ကျာ်တြဲ ပညပ်သိက္ခာပိုဒ်တုဲဒှ်ရ၊ အဲစှေ်ပါရာဇိကဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ ။ ပ ။ ယွံခမဳ နအယာံမာတ်စိုတ် ကတဵုဒှ်ဂှ် ဟွံဒးအာပတ်ရ ရဴဝွံ (သ္ဂးရ)။ (၂) ပ္ဍဲမွဲအခိင်တေံ ခမဳမွဲဇကု ပြာပ်အာသၞေဟ်ခဝါတုဲ ညာတ်ဒးယာတ် မထေက်တန်ၚုဟ်မးမဂၠိုင်မ္ဂး မၞုံစိုတ်မမိက်ကၠတ်ဒှ်တုဲ ဇွိတ်သပေါတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၃) ပ္ဍဲမွဲအခိင်တေံ ခမဳမွဲဇကု ပြာပ်အာသၞေဟ်ခဝါတုဲ ညာတ်ဒးယာတ် မထေက်တန်ၚုဟ်မးမဂၠိုင်မ္ဂး မၞုံစိုတ်မမိက်ကၠတ်ဒှ်တုဲ ကဵုချဳ (ပချဳ) ရ၊ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၄) ပ္ဍဲမွဲအခိင်တေံ ခမဳမွဲဇကု ပြာပ်အာသၞေဟ်ခဝါတုဲ ညာတ်ဒးယာတ် မထေက်တန်ၚုဟ်မးမဂၠိုင်မ္ဂး မၞုံစိုတ်မမိက်ကၠတ်ဒှ်တုဲ ကဵုတသိုတ်အာနူဒၞါဲရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၅)


133) ပ္ဍဲမွဲအခိင်ဂှ် ခမဳဂ္ၚေင်ပိဏ္ဍပါတ်မွဲဇကု ညာတ်ဒးယာတ်ဂြောပ်လတူ မထေက်တန်ၚုဟ်မးမဂၠိုင်မ္ဂး စိုတ်မမိက်ကၠတ်ကတဵုဒှ်ရ ။ ပ ။ မၞုံစိုတ်မမိက်ကၠတ်ဒှ်တုဲ ဇွိတ်သပေါတ်တဴရ ။ ပ ။ မၞုံစိုတ်မမိက်ကၠတ်ဒှ်တုဲ ကဵုချဳ (ပချဳ) ရ ။ ပ ။ မၞုံစိုတ်မမိက်ကၠတ်ဒှ်တုဲ ကဵုတသိုတ်အာနူဒၞါဲရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲစှေ်ပါရာ ဇိကရ ရဴဝွံ (သ္ဂးရ)။ (၆-၉)


134) ပ္ဍဲမွဲအခိင်တေံ ခမဳမွဲဇကု ပ္ဍဲအခိင်တ္ၚဲ ညာတ်ဒးဂြပ်တုဲ “ဗ္တမ်မှ ကၠတ်ဏောဝ်” ရဴဝွံ သ္ပစွံလဝ်စၟတ်သမ္တီရ၊ ခမဳဂှ် သမ္တဳထေင်ကေတ် ဂြပ်ဂှ်ရတုဲ ကၠတ်ကေတ် ဂြပ်ဂှ်ဟေင်ရ ။ ပ ။ သမ္တဳထေင်ကေတ် ဂြပ်ဂှ်တုဲ ကၠတ်ကေတ် ဂြပ်သအာင်ရ ။ ပ ။ သမ္တီထေင်ကေတ် ဂြပ်သအာင်တုဲ ကၠတ်ကေတ် ဂြပ်ဂှ်ရ ။ ပ ။ သမ္တီထေင်ကေတ် ဂြပ်သအာင်တုဲ ကၠတ်ကေတ်ဂြပ်သအာင်ဟေင်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲစှေ်ပါရာဇိကရ ရဴဝွံ (သ္ဂးရ)။ (၁၀-၁၃) ပ္ဍဲမွဲအခိင်တေံ ခမဳမွဲဇကု ပ္ဍဲအခိင်တ္ၚဲ ညာတ်ဒးဂြပ်တုဲ “ဗ္တမ်မှ ကၠတ်ဏောဝ်” ရဴဝွံ သ္ပစွံလဝ် စၟတ်သမ္တီရ၊ ခမဳဂှ် သမ္တီထေင်ကေတ် ဂြပ်ဂှ်ရတုဲ ကၠတ်ဒးဂြပ်ဇကုရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၄) ပ္ဍဲမွဲအခိင်တေံ ခမဳမွဲဇကု ဃောရင်တၠုင်ဏာ ဂြပ်ခမဳမွဲဇကုဂှ် မၞုံစိုတ်မမိက်ကၠတ်ဒှ်တုဲ ဇွိတ်သပေါတ် သဇိုင်ဝန် (လျိုင်) မၞုံလတူက္ဍိုပ်ရ ။ ပ ။ မၞုံစိုတ်မမိက်ကၠတ်ဒှ်တုဲ ကဵုချဳ (ပချဳ) ရ ။ ပ ။ မၞုံစိုတ်မမိက်ကၠတ်ဒှ်တုဲ ဖျေံထောံပၞးရ ။ ပ ။ မၞုံစိုတ်မမိက်ကၠတ်ဒှ်တုဲ ဇွိတ်သပေါတ် သဇိုင်ဝန် (လျိုင်) မၞုံပ္ဍဲပၞးရ ။ ပ ။ မၞုံစိုတ်မမိက်ကၠတ်ဒှ်တုဲ ကဵုချဳ (ပချဳ) ရ ။ ပ ။ မၞုံစိုတ်မမိက်ကၠတ်ဒှ်တုဲ ဖေျံထောံဂၞိင်ရ ။ ပ ။ မၞုံစိုတ်မမိက်ကၠတ်ဒှ်တုဲ ဇွိတ်သပေါတ် သဇိုင်ဝန် (လျိုင်) မၞုံပ္ဍဲဂၞိင်ရ ။ ပ ။ မၞုံစိုတ်မမိက်ကၠတ်ဒှ်တုဲ ကဵုချဳ (ပချဳ) ရ ။ ပ ။ မၞုံစိုတ်မမိက်ကၠတ်ဒှ်တုဲ ဂိုင်ကေတ်နတဲရ ။ ပ ။ မၞုံစိုတ်မမိက်ကၠတ်ဒှ်တုဲ လျိုင်ဝှက်တဲဂှ် ဖေျံထောံပ္ဍဲတိရ ။ ပ ။ မၞုံစိုတ်မမိက်ကၠတ်ဒှ်တုဲ လပှ်ကေတ် နတိရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၅-၂၅)


135) ပ္ဍဲမွဲအခိင်တေံ ခမဳမွဲဇကု ပၠးလဝ်သ္ၚာ ပ္ဍဲအမှဲအာကးတုဲ လုပ်အာဘာရ၊ ခမဳမွဲဇကုဂှ် “သ္ၚာဝွံ လ္ပကဵုလီုလာ်အာညိ” ရဴဝွံ သီဂိုင်ဒေပ်လဝ်ရ၊ ခမဳတၠသ္ၚာဂှ် တိတ်ကၠုင်တုဲ “ယွံကောန်တၠ ညးလဵုမွဲ ကၠတ်ဏာ သ္ၚာအဲဂှ်ရော?” ရဴဝွံ သၟာန်ခမဳဂှ်ရ၊ ခမဳ (သီဂိုင်ဒေပ်လဝ်သ္ၚာ) ဂှ် “အဲ ကၠတ်လဝ်ရ” ရဴဝွံ သ္ဂးရ။ ခမဳတၠသ္ၚာဂှ် “တၠအဲခမဳဟွံသေင်ရ” ရဴဝွံ စောတ်စောဲ ခမဳ (သီဂိုင်ဒေပ်လဝ်သ္ၚာ) ဂှ်ရ၊ ‘သံသယကုက္ကုစ္စ’ ပွမချပ်သေၠဟ်ပၟာ ဒှ်ကုခမဳဂှ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်) ဂှ်— ယွံတဳလမၞုံပိုဉ် အဲဍိက်အယာံမာတ်ဟီု အတိုင်ဂလာန်စပ်အာ (အယာံမာတ်ဟီုသှ် အတိုင်သၟာန်) ရ ရဴဝွံ (ဂရင်ပတီရ)။ ယွံခမဳ ပ္ဍဲပွမဟီု အယာံမာတ်ဂလာန်စပ်အာဂှ် ဟွံဒးအာပတ်ရ ရဴဝွံ (သ္ဂးရ)။ (၂၆) ပ္ဍဲမွဲအခိင်တေံ ခမဳမွဲဇကု ဖျေံစွံလဝ်သ္ၚာ ပ္ဍဲဂတဵုဒလာဲခုင်ဇမၠိင်တုဲ။ ဖျေံစွံလဝ်သၞာနိသဳဒိုန် ပ္ဍဲဂတဵုဒလာဲခုင်ဇမၠိင်တုဲ။ ဖျေံစွံလဝ်ဗဗေင် ပ္ဍဲသၟဝ်ဂတဵုဒလာဲခုင်ဇမၠိင်တုဲ လုပ်အာဘာဂှ်ရ၊ ခမဳမွဲဇကုဂှ် “ဗဗေင်ဝွံ လ္ပကဵုလီုလာ်အာညိ” ရဴဝွံ သီဂိုင်ဒေပ်လဝ်ရ၊ ခမဳတၠဗဗေင်ဂှ် တိတ်ကၠုင်တုဲ “ယွံကောန်တၠ ညးလဵုမွဲ ကၠတ်ဏာ ဗဗေင်အဲရော?” ရဴဝွံ သၟာန်ခမဳဂှ်ရ၊ ခမဳ (သီဂိုင်ဒေပ်လဝ်ဗဗေင်) ဂှ် “အဲကၠတ်လဝ်ရ” ရဴဝွံ သ္ဂးရ။ ခမဳတၠဗဗေင်ဂှ် “တၠအဲ ခမဳဟွံသေင်ရ” ရဴဝွံ စောတ်စောဲ ခမဳ (သီဂိုင်ဒေပ်လဝ်ဗဗေင်) ဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ပ္ဍဲပွမဟီု အယာံမာတ်ဂလာန်စပ်အာဂှ် ဟွံဒးအာပတ်ရ ရဴဝွံ (သ္ဂးရ)။ (၂၇-၂၉) ပ္ဍဲမွဲအခိင်တေံ ခမဳဗြဴမွဲဇကု ပၠးလဝ်သ္ၚာ ပ္ဍဲသွဵုဇၞး (ဒပ်) တုဲ လုပ်အာဘာရ၊ ခမဳဗြဴမွဲဇကုဂှ် “သ္ၚာဝွံ လ္ပကဵုလီုလာ်အာညိ” ရဴဝွံ သီဂိုင်ဒေပ်လဝ်ရ၊ ခမဳဗြဴတၠသ္ၚာဂှ် တိတ်ကၠုင်တုဲ “ယွံနာဲဗြဴ ညးလဵုမွဲ ကၠတ်ဏာ သ္ၚာအဲဂှ်ရော?” ရဴဝွံ သၟၟာန်ခမဳဗြဴဂှ်ရ၊ ခမဳဗြဴ (သီဂိုင်ဒေပ်လဝ်သ္ၚာ) ဂှ် “အဲကၠတ်လဝ်ရ” ရဴဝွံ သ္ဂးရ။ ခမဳဗြဴတၠသ္ၚာဂှ် “နာဲဗြဴဂှ် ခမဳဗြဴဟွံသေင်ရ” ရဴဝွံ စောတ်စောဲ ခမဳဗြဴ (သီဂိုင်ဒေပ်လဝ်သ္ၚာ) ဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဗြဴဂှ်ရ ။ ပ ။ ခမဳဗြဴဂှ် ဂရင်ပတီ ဟိုတ်ပရူပရာဝွံ ကုခမဳဗြဴ (သအာင်) ဂမၠိုင်ရ၊ ခမဳဗြဴဂမၠိုင် ဂရင်ပတီ ဟိုတ်ပရူပရာဝွံ ကုခမဳတြုံဂမၠိုင်အိုတ်ရ၊ ခမဳတြုံဂမၠိုင်ဂှ် ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် ပ္ဍဲပွမဟီု အယာံမာတ်ဂလာန်စပ်အာဂှ် ဟွံဒးအာပတ်ရ ရဴဝွံ (သ္ဂးရ)။ (၃၀)


136) ပ္ဍဲမွဲအခိင်တေံ ခမဳမွဲဇကု ညာတ်ဒးယာတ်ကျာပဠက် ကဝဲထ္ၜင်ဏာတုဲ “ကြက်ကလေင်ကဵု ကုတၠဂြပ်ရ” ရဴဝွံ ဃမ်ရပ်ကေတ်ရ၊ တၠဂြပ်ဂမၠိုင် “တဳလပိုဉ်ဂှ် ခမဳဟွံသေင်ရ” ရဴဝွံ စောတ်စောဲ ခမဳဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်) ဂှ်— ယွံတဳလမၞုံပိုဉ် အဲဍိက်ဟွံမွဲစိုတ်မမိက်ကၠတ်ရ ရဴဝွံ (ဂရင်ပတီရ)။ ယွံခမဳ ကုခမဳဟွံမွဲစိုတ် မမိက်ကၠတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၃၁) ပ္ဍဲမွဲအခိင်တေံ ခမဳမွဲဇကု ညာတ်ဒးယာတ်ကျာပဠက် ကဝဲထ္ၜင်ဏာတုဲ “ကိုပ်ကၠာတၠဂြပ်ဂမၠိုင် ဟွံညာတ်ဏီ (ကြက်ဂိုင်ကေတ်) ရ” ရဴဝွံ မၞုံစိုတ်မမိက်ကၠတ်ဒှ်တုဲ ဃမ်ရပ်ကေတ်ရ၊ တၠဂြပ်ဂမၠိုင်ဂှ် “တဳလပိုဉ်ဂှ် ခမဳဟွံသေင်ရ” ရဴဝွံ စောတ်စောဲ ခမဳဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၃၂) 137) ပ္ဍဲမွဲအခိင်တေံ ခမဳမွဲဇကု ပြာပ်အာသုသာန်တုဲ လပှ်ပံသုကူ ပ္ဍဲဇွချိုတ်ချိုတ်ဇကုဟွံလီုလာ်ဏီရ၊ ပ္ဍဲဇွချိုတ်ချိုတ်ဂှ်လေဝ် ပြိုတ်ဘုတ် လုပ်ဍုန်ကာတ်ဗ္ဒါဲဒၟံင်ရ၊ ပ္ဍဲအခိင်ဂှ် ပြိုတ်ဘုတ်ဂှ် “ယွံတဳလပိုဉ် လ္ပဂိုင်ကေတ် ယာတ်အဲဍိက်ညိ” ရဴဝွံ ဟီုကဵုခမဳဂှ်ရ။ ခမဳဂှ် ဟွံကလင်ကေတ် (ဂလာန်ပြိုတ်) ဂှ်တုဲ အာတဴရ၊ ပ္ဍဲအခိင်ဂှ် ဇွချိုတ်ချိုတ်ဂှ် ကတဵုတုဲ ဗက်အာလက္ကရဴခမဳဂှ် စေအ်စေအ်ရ၊ ပ္ဍဲအခိင်ဂှ် ခမဳဂှ် လုပ်အာဘာတုဲ ကၟာတ်ဒဝ်ထောံတြင်ရ၊ ပ္ဍဲအခိင်ဂှ် ဇွချိုတ်ချိုတ်ဂှ် ပ္ဍဲဒၞါဲဂှ်ဟေင် ဒေါမ်စှေ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ၜိုန်ဂှ်လေဝ် ယွံခမဳတအ် ပ္ဍဲဇွချိုတ်ချိုတ် ဇကုဟွံလီုလာ်ဏီဂှ် ဟဂပ်ဝ်လပှ်ပံသုကူရ၊ ကုခမဳမလပှ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ (၃၃)


138) ပ္ဍဲမွဲအခိင်တေံ ခမဳမွဲဇကု ပ္ဍဲအရာပါ်ပရအ်သ္ၚာသင် မၞုံစိုတ်မမိက်ကၠတ်ဒှ်တုဲပြံင်ထောံ ဇြေဟ်လိက်မာဲတုဲ ဂိုင်ကေတ်သ္ၚာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၃၄)


139) ပ္ဍဲမွဲအခိင်တေံ တဳလပိုဉ်အာနန္ဒ ပ္ဍဲသ္ၚိဇရုင်ပဠက်ရုင်ဟုမ်ဍာ် သပိုင်ခမဳမွဲဇကုဂှ် သမ္တီထေင်ကေတ် သပိုင်ဇကုတုဲ ဗိုက်ဏာရ။ ပ္ဍဲအခိင်ဂှ် ခမဳဂှ်— “ယွံကောန်တၠအာနန္ဒ တၠအဲ မုဟိုတ် ဗိုက်ဏာသပိုင်အဲဂှ်ရော?” ရဴဝွံ (အခိင်မဟီုသ္ဂးကဵု) တဳလပိုဉ်အာနန္ဒဂှ်— ယွံကောန်တၠ သမ္တီထေင်ကေတ် သပိုင်အဲတုဲ ဗိုက်ဒးရ ရဴဝွံ (ကလေင်သ္ဂးရ)။ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် ကုခမဳ မသမ္တီထေင်ကေတ် ရဴဝွံမ္ဂးဂြပ်ဇကုဂှ် ဟွံဒးအာပတ်ရ ရဴဝွံ (သ္ဂးရ)။ (၃၅)


140) ပ္ဍဲမွဲအခိင်တေံ ခမဳဂမၠိုင်မဂၠိုင် စှေ်ကၠုင်နူဒဵုဂိဇ္ၛကုဋ်အိုတ်မ္ဂး ညာတ်ဒးဖျုန် စၞဇ္ၚးဇာဒိသိုင်အိုတ်တုဲ ကဵုဖျိန်တုဲမ္ဂး သ္ပပြဘိုဂ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂှ်အိုတ်ရ ။ ပ ။ ယွံခမဳတအ် ပ္ဍဲစၞဇ္ၚးဇာဒိသိုင်ဂှ် ဟွံဒးအာပတ်ရ ရဴဝွံ (သ္ဂးရ)။ (၃၆) ပ္ဍဲမွဲအခိင်တေံ ခမဳဂမၠိုင်မဂၠိုင် စှေ်ကၠုင်နူဒဵုဂိဇ္ၛကုဋ်ဂှ်အိုတ်မ္ဂး ညာတ်ဒးဖျုန်စၞဇ္ၚးကၠအိုတ်တုဲ ။ ပ ။ ညာတ်ဒးဖျုန်စၞဇ္ၚးဗြန်အိုတ်တုဲ။ ညာတ်ဒးဖျုန်စၞဇ္ၚးဒိုဟ်ဒးအိုတ်တုဲ။ ညာတ်ဒးဖျုန်စၞဇ္ၚးကၠဵုကၠိင် (ကၠဵုဂြိုပ်) အိုတ်တုဲ ကဵုဖျိန်တုဲမ္ဂး သ္ပပြဘိုဂ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်အိုတ်ရ ။ ပ ။ ယွံခမဳတအ် ပ္ဍဲဂြပ်တိရစ္ဆာန် မသီၜတ်မင်မင်လဝ်ဂှ် ဟွံဒးအာပတ်ရ ရဴဝွံ (သ္ဂးရ)။ (၃၇-၄၀)


141) ပ္ဍဲမွဲအခိင်တေံ ခမဳမွဲဇကု ပ္ဍဲအရာပါ်ပရအ် ပိဏ္ဍပါတ်သင် “ကဵုသွက်ခမဳမွဲသအာင်ညိ” ရဴဝွံ သီုဟွံမွဲရိုဟ်ကၞက် လီဠာန်တုန် အာတ်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဟိုတ်ပွဟီုဂလာန်မဆောတ် ယောင်သီုမတီတဴ ဒးအာပတ်ပါဲစိုတ်ရ ရဴဝွံ (သ္ဂးရ)။ (၄၁) ပ္ဍဲမွဲအခိင်တေံ ခမဳမွဲဇကု ပ္ဍဲအရာပါ်ပရအ် စၞသ္ၚာဲစသင်။ ပ္ဍဲအရာပါ်ပရအ် ကွာင်သင်။ ပ္ဍဲအရာပါ်ပရအ် က္ၜဴသင်။ ပ္ဍဲအရာပါ်ပရအ် မုက်ဇၞော် (ထၞထဝ်) သင် “ကဵုသွက်ခမဳ မွဲသအာင်ဂှ်ညိ” ရဴဝွံ သီုဟွံမွဲရိုဟ်ကၞက် လီဠာန်တုန် အာတ်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဟိုတ်ပွဟီုဂလာန်မဆောတ်ယောင် သီုမတီတဴ ဒးအာပတ်ပါဲစိုတ်ရ ရဴဝွံ (သ္ဂးရ)။ (၄၂-၄၅)


142) ပ္ဍဲမွဲအခိင်တေံ ခမဳမွဲဇကု ပ္ဍဲအခိင်ဒှ်ကေၞာဝ်ကၠောဝ်စၞစသုင် လုပ်အာသ္ၚိမဖျိန်ပုင် (ဖဴ) တုဲ မၞုံစိုတ်မမိက်ကၠတ် ပုင်ပေင်ဗဗေင်ဒှ်တုဲ ကၠတ်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၄၆) ပ္ဍဲမွဲအခိင်တေံ ခမဳမွဲဇကု ပ္ဍဲအခိင်ဒှ်ကၞောဝ်ကၠောဝ်စၞစသုင် လုပ်အာသ္ၚိ မဖျိန်သွဖျုန် မၞုံစိုတ်မမိက်ကၠတ် ဖျုန်ပေင်ဗဗေင်ဒှ်တုဲ ကၠတ်ကေတ်ရ။ ‘သံသယကုက္ကစ္စ’ ပွမချပ်သၠေဟ်ပၟာဂှ် ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၄၇) ပ္ဍဲမွဲအခိင်တေံ ခမဳမွဲဇကု ပ္ဍဲအခိင်ဒှ်ကၞောဝ်ကၠောဝ်စၞစသုင် လုပ်အာဖဴစံင်ကွာင်တုဲ မၞုံစိုတ်မမိက်ကၠတ် ကွာင်ပေင်ဗဗေင်တုဲ ကၠတ်ကေတ်ရ ။ ပ ။ မၞုံစိုတ်မမိက်ကၠတ်ကွာင်ဂြိုဟ်ပြေင်ဂမၠိုင် ပေင်ဗဗေင်ဒှ်တုဲ ကၠတ်ကေတ်ရ ။ ပ ။ မၞုံစိုတ်မမိက်ကၠတ် ကွာင်ကဝေက်ဂမၠိုင်ပေင်ဗဗေင်ဒှ်တုဲ ကၠတ်ကေတ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၄၈-၅၀)


143) ပ္ဍဲမွဲအခိင်တေံ ခမဳမွဲဇကု ပ္ဍဲအခိင်တ္ၚဲ ညာတ်ဒးပရိက္ခရာ ‘အရပ်အစပ်’ တုဲ “ဗ္တမ်မှ ကၠတ်ဏောဝ်” ရဴဝွံ သ္ပစွံလဝ်စၟတ်သမ္တီရ။ ခမီဂှ် သမ္တီထေင်ကေတ် ပရိက္ခရာဂှ်ရတုဲ ကၠတ်ကေတ် ပရိက္ခရာဂှ်ဟေင်ရ ။ ပ ။ သမ္တီထေင်ကေတ် ပရိက္ခရာဂှ်ရတုဲ ကၠတ်ကေတ် ပရိက္ခရာသအာင်ရ ။ ပ ။ သမ္တီထေင်ကေတ် ပရိက္ခရာသအာင်တုဲ ကၠတ်ကေတ် ပရိက္ခရာဂှ်ရ ။ ပ ။ သမ္တီထေင်ကေတ် ပရိက္ခရာသအာင်တုဲ ကၠတ်ကေတ် ပရိက္ခရာသအာင်ဟေင်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၅၁-၅၄) ပ္ဍဲမွဲအခိင်တေံ ခမဳမွဲဇကု ပ္ဍဲအခိင်တ္ၚဲ ညာတ်ဒးပရိက္ခရာတုဲ “ဗ္တမ်မှ ကၠတ်ဏောဝ်” ရဴဝွံ သ္ပစွံလဝ်စၟတ်သမ္တီရ၊ ခမဳဂှ် သမ္တီထေင်ကေတ် ပရိက္ခရာဂှ်ရတုဲ ကၠတ်ဒး ပရိက္ခရာဇကုဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၅၅)


144) ပ္ဍဲမွဲအခိင်တေံ ခမဳမွဲဇကု ညာတ်ထိုင် မၞုံပ္ဍဲဂတဵုဒလာဲခုင်ဇမၠိင်တုဲ “ဂိုင်ကေတ်နူဂတဵုဒလာဲခုင်ဇမၠိင်ဝွံမ္ဂး ကြက်စှေ်ပါရာဇိကရ” ရဴဝွံ ပြံင်ဖြုဲထောံ မွဲဟာန်ကေုာံကတဵုဒလာဲခုင်ဇမၠိင်တုဲ ဂိုင်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳတၠအဲ စှေ်ပါရာဇိကရ ရဴဝွံ (သ္ဂးရ)။ (၅၆) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကၠတ်ဖုန်သင်ဒှ်တုဲ ကၠတ်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၅၇) ပ္ဍဲမွဲအခိင်တေံ ခမဳမွဲဇကု မၞုံစိုတ်မိက်ကၠတ်သ္ၚာ မၞုံပ္ဍဲဒုန်တေင်သ္ၚာတုဲ ကၠတ်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၅၈)


145) ပ္ဍဲမွဲအခိင်တေံ ခမဳမွဲဇကု ကၠတ်ကေတ် သ္ၚာမၞုံပ္ဍဲဘာတုဲ “တိတ်အာနူဘာဝွံမ္ဂး ကြက်စှေ်ပါရာဇိကရ” ရဴဝွံ (ဗှ်ဗၞုဟ်ကေတ်တုဲ) သီုဟွံတိတ်နူဘာဂှ် ပဒတဴဒၟံင်ရ ။ ပ ။ ဂရင်တီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် တြုံမလ္ၚုသၟး (နူမဂ်ဖိုလ်) တိတ်အာကဵုဒှ် သီုဟွံတိတ် ပဒတဴဒၟံင်ကဵုဒှ် ဒးအာပတ်ပါရာဇိကရ ရဴဝွံ(သ္ဂးရ)။ (၅၉)


146) ပ္ဍဲမွဲအခိင်တေံ ခမဳဂမၠိုင်ၜါဇကု ဒှ်သကအ်ရဲအိုတ်ရ၊ ခမဳမွဲဇကု ဃောလုပ် ဂ္ၚေင်ပိဏ္ဍပါတ် ခမဳသကအ်ရဲဂှ် ပ္ဍဲအရာပါ်ပရအ် စၞသ္ၚာဲစသင် ဂိုင်ကေတ် သွက်အရင်ခမဳသကအ်ရဲတုဲ ဗွဲဍုက်ကေဝ်ဒဒှ်ေဒယှ်ကေုာံသကအ်ရဲဂှ် ပြဘိုဂ်ထောံရ၊ ခမဳဂ္ၚေင်ပိဏ္ဍပါတ်ဂှ် တီတုဲ “တၠအဲ ခမဳဟွံသေင်ရ” ရဴဝွံစောတ်စောဲ ခမဳ (မသ္ပပြဘိုဂ်) ဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်) ဂှ်— ယွံတဳလမၞုံပိုဉ် အဲဍိက် (ဟွံမွဲစိုတ်မမိက်ကၠတ်ရ) ဍုက်ကေဝ်ဒဒှေ်ဒယှ်တုဲ ဂိုင်ကေတ်ရ ရဴဝွံ (ဂရင်ပတီရ)။ ယွံခမဳ ပ္ဍဲပွမဂိုင်ကေတ် ဍုက်ကေဝ်ဒဒှေ်ဒယှ်ဂှ် ဟွံဒးအာပတ်ရ ရဴဝွံ (သ္ဂးရ)။ (၆၀)


147) ပ္ဍဲမွဲအခိင်တေံ ခမဳဂမၠိုင်ဗွဲမဂၠိုင်ဂၠင် သ္ပတဴကမၠောန်ဇိင်သ္ၚာအိုတ်ရ၊ ပါ်ပရအ်တဴစၞသ္ၚာဲစ ကုသင်မ္ဂး ဂိုင်ကေတ် သွက်အရင်ခမဳအိုတ်သီုတုဲ စွံပတန်လဝ်အိုတ်ရ၊ ခမဳမွဲဇကုဂှ် သွက်အရင်ခမဳမွဲဇကုဂှ် သမ္တီထေင်ကေတ် သွက်အရင်ဇကုတုဲ ပြဘိုဂ်ထောံရ၊ ခမဳဂှ်တီတုဲ “တၠအဲ ခမဳဟွံသေင်ရ” ရဴဝွံ စောတ်စောဲ ခမဳ (မသ္ပပြဘိုဂ်) ဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်) ဂှ်— ယွံတဳလမၞုံပိုဉ် အဲဍိက် (ဟွံမွဲစိုတ်မမိက်ကၠတ်ရ) သမ္တီထေင်ကေတ်ဂြပ်ဇကုရ ရဴဝွံ (ဂရင်ပတီရ)။ ယွံခမဳ ကုခမဳမသမ္တီထေင်ကေတ် ဂြပ်ဇကုဂှ် ဟွံဒးအာပတ်ရ ရဴဝွံ (သ္ဂးရ)။ (၆၁) ပ္ဍဲမွဲအခိင်တေံ ခမဳဂမၠိုင်ဗွဲမဂၠိုင်ဂၠင် သ္ပတဴကမၠောန်ဇိင်သ္ၚာအိုတ်ရ၊ ပါ်ပရအ်တဴစၞသ္ၚာဲစ ကုသင်မ္ဂး နကဵုဗဗေင်ခမဳမွဲဇကုဂှ် ဂိုင်ကေတ် သွက်အရင်ခမဳမွဲဇကုတုန် စွံပတန်လဝ်ရ၊ ခမဳ တၠဗဗေင်ဂှ် သမ္တီထေင်ကေတ် ဂြပ်ဇကုတုဲ ပြဘိုဂ်ထောံရ၊ ခမဳတၠဂြပ်ဂှ် တီတုဲ “တၠအဲ ခမဳဟွံသေင်ရ” ရဴဝွံ စောတ်စောဲ ခမဳ (တၠဗဗေင်) ဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ မသမ္တီထေင်ကေတ် ဂြပ်ဇကုဂှ် ဟွံဒးအာပတ်ရ ရဴဝွံ (သ္ဂးရ)။ (၆၂)


148) ပ္ဍဲမွဲအခိင်တေံ ကမၠတ်သတ်ကြုက်ဂမၠိုင် ၜှ်ပလှ်ဖျေံသတ်ကြုက်တုဲ ဂိုင်ကေတ် ဂွဳစိုက်သတ်ကြုက်တုဲ အာအိုတ်ရ၊ တၠဂြပ်ဂမၠိုင် ထ္ဍေင်ဗက်ကၠုင်ကမၠတ်ဂမၠိုင်အိုတ်မ္ဂး ကမၠတ်ဂမၠိုင် ညာတ်တၠဂြပ်ဂမၠိုင်တုဲ ထောံဖျေံဂွဳစိုက်တုဲ ဂြိပ်ပေက်အိုတ်ရ၊ ခမဳဂမၠိုင် မၞုံစၟတ်သမ္တီပံသုကူတုဲ ဒုင်ဗဂိန်တုဲ ပြဘိုဂ်အိုတ်ရ၊ တၠဂြပ်ဂမၠိုင် “မၞး (တဳလပိုဉ်တအ်) ဂမၠိုင် ခမဳဟွံသေင်အိုတ်ရ” ရဴဝွံ စောတ်စောဲခမဳဂမၠိုင်ဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် မၞးတအ်ညးဂမၠိုင် မၞုံစိုတ်သာ်လဵုအိုတ်ဂှ်ရော? ရဴဝွံ (သၟာန်တိုန်) ဂှ်— ယွံတဳလမၞုံပိုဉ် ပိုဲဍိက်တအ်ညးဂမၠိုင် (ဟွံမွဲစိုတ်မမိက်ကၠတ်အိုတ်ရ) သမ္တီထေင်ကေတ် ပံသုကူအိုတ်ရ ရဴဝွံ (ဂရင်ပတီအိုတ်ရ)။ ယွံခမဳတအ် ကုခမဳ မသမ္တီထေင်ကေတ် ပံသုကူဂှ် ဟွံဒးအာပတ်ရ ရဴဝွံ (သ္ဂးရ)။ (၆၃) ပ္ဍဲမွဲအခိင်တေံ ကမၠတ်သတ်ကြေင်ဂမၠိုင်။ ကမၠတ်သတ်ဖာ (ပၞသ်ဂြိုပ်) ဂမၠိုင်။ ကမၠတ်သတ်ပၞသ်ဂမၠိုင်။ ကမၠတ်သတ်တာဂမၠိုင်။ ကမၠတ်က္ၜဴဂမၠိုင်။ ကမၠတ်သတ်မုက်ဇၞော် (သတ်ထၞထဝ်) ဂမၠိုင် ၜှ်ပလှ်ဖျေံသတ်မုက်ဇၞော်တုဲ ဂိုင်ကေတ် ဂွဳစိုက်သတ်မုက်ဇၞော်တုဲ အာအိုတ်ရ တၠဂြပ်ဂမၠိုင် ထ္ဍေင်ဗက်ကၠုင် ကမၠတ်ဂမၠိုင်အိုတ်မ္ဂး ကမၠတ်ဂမၠိုင် ညာတ်တၠဂြပ်ဂမၠိုင်တုဲ ထောံဖျေံဂွဳစိုက်တုဲ ဂြိပ်ပေက်အိုတ်ရ၊ ခမဳဂမၠိုင် မၞုံစၟတ်သမ္တီပံသုကူတုဲ ဒုင်ဗဂိန်တုဲ ပြဘိုဂ်အိုတ်ရ၊ တၠဂြပ်ဂမၠိုင် “မၞး (တဳလပိုဉ်တအ်) ဂမၠိုင် ခမဳဟွံသေင်အိုတ်ရ” ရဴဝွံ စောတ်စောဲ ခမဳဂမၠိုင်ဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ကုခမဳ မသမ္တီထေင်ကေတ် ပံသုကူဂှ် ဟွံဒးအာပတ်ရ ရဴဝွံ (သ္ဂးရ)။ (၆၄-၆၉) ပ္ဍဲမွဲအခိင်တေံ ကမၠတ်သတ်ကြုက်ဂမၠိုင် ၜှ်ပလှ်ဖျေံသတ်ကြုက်တုဲ ဂိုင်ကေတ်ဂွဳ စိုက်သတ်ကြုက်တုဲ အာအိုတ်ရ၊ တၠဂြပ်ဂမၠိုင် ထ္ဍေင်ဗက်ကၠုင် ကမၠတ်ဂမၠိုင်အိုတ်မ္ဂး ကမၠတ်ဂမၠိုင် ညာတ်တၠဂြပ်ဂမၠိုင်တုဲ ထောံဖျေံဂွဳစိုက်တုဲ ဂြိပ်ပေက်အိုတ်ရ၊ ခမဳဂမၠိုင် “ကိုပ်ကၠာတၠဂြပ်ဂမၠိုင်ဟွံညာတ် (ကြက်ပြဘိုဂ်ရ) ရဴဝွံ မၞုံစိုတ်မမိက်ကၠတ်ဒှ်တုဲ ပြဘိုဂ်အိုတ်ရ၊ တၠဂြပ်ဂမၠိုင် “မၞး (တဳလပိုဉ်တအ်) ဂမၠိုင် ခမဳဟွံသေင်အိုတ်ရ” ရဴဝွံ စောတ်စောဲ ခမဳဂမၠိုင်ဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် မၞးတအ်ညးဂမၠိုင် စှေ်ပါရာဇိကအိုတ်ရ ရဴဝွံ (သ္ဂးရ)။ (၇၀) ပ္ဍဲမွဲအခိင်တေံ ကမၠတ်သတ်ကြေင်ဂမၠိုင်။ ကမၠတ်သတ်ဖာ (ပၞသ်ဂြိုပ်) ဂမၠိုင်။ ကမၠတ်သတ်ပၞသ်ဂမၠိုင်။ ကမၠတ်သတ်တာဂမၠိုင်။ ကမၠတ်က္ၜဴဂမၠိုင်။ ကမၠတ်သတ်မုက်ဇၞော် (သတ်ထၞထဝ်) ဂမၠိုင် ၜှ်ပလှ်ဖျေံသတ်မုက်ဇၞော်တုဲ ဂိုင်ကေတ်ဂွဳစိုက် သတ်မုက်ဇၞော်တုဲ အာအိုတ်ရ၊ တၠဂြပ်ဂမၠိုင် ထ္ဍေင်ဗက်ကၠုင်ကမၠတ်ဂမၠိုင်အိုတ်မ္ဂး ကမၠတ်ဂမၠိုင် ညာတ်တၠဂြပ်ဂမၠိုင်တုဲ ထောံဖျေံဂွဳစိုက်တုဲ ဂြိပ်ပေက်အိုတ်ရ၊ ခမဳဂမၠိုင် “ကိုပ်ကၠာ တၠဂြပ်ဂမၠိုင်ဟွံညာတ် (ကြက်ပြဘိုဂ်အိုတ်ရ)” ရဴဝွံ မၞုံစိုတ်မမိက်ကၠတ်ဒှ်တုဲ ပြဘိုဂ်အိုတ်ရ။ တၠဂြပ်ဂမၠိုင် “မၞး (တဳလပိုဉ်တအ်) ဂမၠိုင် ခမဳဟွံသေင်အိုတ်ရ” ရဴဝွံ စောတ်စောဲခမဳဂမၠိုင်ဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် မၞးတအ်ညးဂမၠိုင် စှေ်ပါရာဇိကအိုတ်ရ ရဴဝွံ (သ္ဂးရ)။ (၇၁-၇၆) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကၠတ် သတ်ကြုက်သင်တုဲ ကၠတ်ကေတ်ရ။ သတ်ကြေင်သင်။ သတ်ဖာသင်။ သတ်ပၞသ်သင်။ သတ်တာသင်။ က္ၜဴသင်။ မၞုံစိုတ်မမိက်ကၠတ်သတ်မုက်ဇၞော်သင်တုဲ ကၠတ်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၇၇-၈၃)


149) ပ္ဍဲမွဲအခိင်တေံ ခမဳမွဲဇကု ပြာပ်အာဥဒျာန်ပကဴတုဲ မၞုံစိုတ်မမိက်ကၠတ်ပကဴ မၜှ်ပလှ်လဝ်တုဲ မထေက်တန်ၚုဟ်မသုန်ၜဲဒှ်တုဲ ကၠတ်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၈၄) ပ္ဍဲမွဲအခိင်တေံ ခမဳမွဲဇကု ပြာပ်အာဥဒျာန်ပကဴတုဲ ရုဲစှ်ၜှ်ပကဴ မထေက်တန်ၚုဟ်မသုန်ၜဲတုဲ မၞုံစိုတ်မမိက်ကၠတ်ဒှ်တုဲ ကၠတ်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၈၅)


150) ပ္ဍဲမွဲအခိင်တေံ ခမဳမွဲဇကု အာတဴကွာန်သၟတ်မွဲမ္ဂး “ယွံကောန်တၠ အတိုင် (တၠအဲ) ဗကန်ကဵု ဒကာကၠောန်ၜိုတ်တၠအဲဂှ် အဲဟီုလဴကဵုဏောဝ်” ရဴဝွံ သ္ဂးကဵုခမဳသအာင်မွဲဇကုရ၊ ခမဳဂှ်အာတုဲ ကဵုရင်တၠုင်နင် ယာတ်မွဲဂတှေ်တုဲမ္ဂး ဇကု ပြဘိုဂ်သုင်စောဲထောံရ၊ ခမဳ (မဟီုဗကန်) ဂှ် တီတုဲ “တၠအဲ ခမဳဟွံသေင်ရ” ရဴဝွံ စောတ်စောဲ ခမဳ (မသုင်စောဲထောံယာတ်) ဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ၜိုန်ဂှ်လေဝ် ယွံခမဳတအ် “အတိုင် (တၠအဲ) ဟီုဗကန်ဂှ် ဟီုလဴဏောဝ်” ရဴဝွံ ဟွံထေက်ကဵုသ္ဂးရ။ ကုခမဳမသ္ဂးဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ (၈၆) ပ္ဍဲမွဲအခိင်တေံ ခမဳမွဲဇကု အာတဴကွာန်သၟတ်မွဲမ္ဂး ခမဳမွဲဇကုဂှ် “ယွံကောန်တၠ အတိုင်အဲဗကန်ဂှ် ဩဝ်ဟီုကဵုဒကာကၠောန်ၜိုတ်အဲညိ” ရဴဝွံ သ္ဂးကဵုခမဳ (အာ) ဂှ်ရ၊ ခမဳဂှ် အာတုဲကဵုရင်တၠုင်နင်ယာတ်မွဲဒ္ၚဝ်မွဲစုမ်တုဲမ္ဂး မွဲဂတှေ်ဂှ် ဇကုပြဘိုဂ်သုင်စောဲထောံရ၊ မွဲဂတှေ်ဂှ် ကဵုတဴကုခမဳ (မဟီုဗကန်) ဂှ်ရ၊ တီတုဲ “တၠအဲ ခမဳဟွံသေင်ရ” ရဴဝွံ စောတ်စောဲခမဳ (မသုင်စောဲ) ဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ၜိုန်ဂှ်လေဝ် ယွံခမဳတအ် “အတိုင် (အဲ) ဟီုဗကန်ဂှ် ဟီုညိ” ရဴဝွံ ဟွံထေက်ကဵုသ္ဂးရ၊ ကုခမဳမသ္ဂးဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ (၈၇) ပ္ဍဲမွဲအခိင်တေံ ခမဳမွဲဇကု အာတဴကွာန်သၟတ်မွဲမ္ဂး “ယွံကောန်တၠ အတိုင် (တၠအဲ) ဗကန်ကဵု ဒကာကၠောန်ၜိုတ်တၠအဲဂှ် အဲဟီုလဴကဵုဏောဝ်” ရဴဝွံ သ္ဂးကဵုခမဳသအာင်မွဲဇကုရ၊ ခမဳဂှ်လေဝ် “အတိုင် (အဲ) ဟီုဗကန်ဂှ် ဩဝ်ဟီုညိ” ရဴဝွံ သ္ဂးရ၊ ခမဳဂှ် အာတုဲ ကဵုရင်တၠုင်နင်ကၠေင်သွဟ်မွဲတၠတ် တင်လာဲမွဲသၠထကေဝ် သ္ၚုမွဲဒြိုဏ် (မွဲဇိပ်) တုဲမ္ဂး ဇကုပြဘိုဂ်သုင်စောဲထောံရ ခမဳ (မဟီုဗကန်) ဂှ် တီတဴတုဲ “တၠအဲ ခမဳဟွံသေင်ရ” ရဴဝွံ စောတ်စောဲ ခမဳဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ၜိုန်ဂှ်လေဝ် ယွံခမဳတအ် “အတိုင် (တၠအဲ) ဟီုဗကန်ဂှ် ဟီုလဴဏောဝ်” ရဴဝွံ ဟွံထေက်ကဵုသ္ဂးရ၊ “အတိုင် (အဲ) ဟီုဗကန်ဂှ် ဩဝ်ဟီုညိ” ရဴဝွံလေဝ် ဟွံထေက်ကဵုသ္ဂးရ၊ ကုခမဳ မသ္ဂးဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ (၈၈)


151) ပ္ဍဲမွဲအခိင်တေံ တြုံမွဲဂှ် ဂိုင်ကေတ် မၞိက်မထေက်တန်ၚုဟ်မးမဂၠိုင်တုဲ သွိုန်ဗပိုန်တရဴအဓာန်မဂၠိင်သ္ၚောဲ ကေုာံခမဳမွဲစွံရ၊ တြုံဂှ် ညာတ်ဒးဌာန်စွံကင် ဌာနကေတ်အကံက်ဂှ်မ္ဂး ဃောခမဳဂှ်ဟွံတီဂှ် ပြိုက်စုတ်ထောံမၞိက် ပ္ဍဲထိုင်တုဲ အခိင်ကလိလောန်အာ ဌာန်စွံကင်ဌာနကေတ်အကံက်ဂှ် ကလေင်ကေတ်ထောံရ၊ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်)ဂှ်— ယွံတဳလမၞုံပိုဉ် အဲဍိက်ဟွံတီရ ရဴဝွံ (ဂရင်ပတီရ)။ ယွံခမဳ ကုခမဳဟွံတီဂှ် ဟွံဒးအာပတ်ရ ရဴဝွံ (သ္ဂးရ)။ (၈၉) ပ္ဍဲမွဲအခိင်တေံ တြုံမွဲဂှ် ဂိုင်ကေတ် မၞိက်မထေက်တန်ၚုဟ်မးမဂၠိုင်တုဲ သွိုန်ဗပိုန်တရဴအဓာန်မဂၠိင်သ္ၚောဲ ကေုာံခမဳမွဲစွံရ၊ တြုံဂှ် ညာတ်ဒးဌာန်စွံကင် ဌာနကေတ်အကံက်ဂှ်မ္ဂး သ္ပပၞညးဂိယဲတုဲ ဂွဳစိုက်ဇကုဂှ် ကဵုထောံကုခမဳဂှ်ရ၊ ပ္ဍဲကြဴနူဂှ် တြုံဂှ် အခိင်ကလိလောန်အာဌာန်စွံကင် ဌာနကေတ်အကံက်ဂှ်— ယွံတဳလပိုဉ် ကေတ်နင် (ကလေင်ကဵု) ဂွဳစိုက်အဲဍိက်ညိ၊ အဲဍိက် ညးဂိယဲဟွံသေင်ရ ရဴဝွံ ဟီုသ္ဂးရ၊ ယွံဒကာ မုဟိုတ် တၠအဲ သ္ပသာ်ဝွံဂှ်ရော? ရဴဝွံ (သၟာန်ရ)။ ပ္ဍဲအခိင်ဂှ် တြုံဂှ် ကလေင်ဟီုထ္ၜးကဵု ဟိုတ်ဝွံ ကုခမဳဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်) ဂှ်— ယွံတဳလမၞုံပိုဉ် အဲဍိက်ဟွံတီရ ရဴဝွံ (ဂရင်ပတီရ)။ ယွံခမဳ ကုခမဳဟွံတီဂှ် ဟွံဒးအာပတ်ရ ရဴဝွံ (သ္ဂးရ)။ (၉၀)


152) ပ္ဍဲမွဲအခိင်တေံ ခမဳမွဲဇကု သွိုန်ဗပိုန်တရဴအဓာန်မဂၠိင်သ္ၚောဲ ကေုာံညးဗၞိက်မွဲစွံရ၊ တြုံမွဲဂှ် လှေံလှန်ခမဳဂှ် နကဵု ‘အာမိသ’ ပစ္စယ်ဂြပ်တုဲမ္ဂး ညာတ်ဒးဌာန်စွံကင် ဌာနကေတ်အကံက်မ္ဂး “ယွံတဳလပိုဉ် မၞိက်ဝွံ ဩဝ်ကဵုကလိလောန် ဌာန်စွံကင် ဌာနကေတ်အကံက်ဂှ်ညိ” သ္ဂးရဴဝွံတုဲ ကဵုထောံမၞိက် မထေက်တန်ၚုဟ်မးမဂၠိုင် ကုခမဳဂှ်ရ၊ မတ်မၞိက်ဂှ် ခမဳဂှ်ကဵုကလိလောန်အာ ဌာန်စွံကင် ဌာနကေတ်အကံက်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၉၁)


153) ပ္ဍဲမွဲအခိင်တေံ ခမဳမွဲဇကု နမဆာန်ဍူဂှ် ဗလးထောံကၠိက်မဒးဒၟံင် ပ္ဍဲပးဒၞက်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်) ဂှ်— ယွံတဳလမၞုံပိုဉ် အဲဍိက်မၞုံပိၟက်ပွမဆာန်ဍူရ ရဴဝွံ (ဂရင်ပတီရ)။ ယွံခမဳ ကုခမဳမၞုံပၟိက်ပွမဆာန်ဍူဂှ် ဟွံဒးအာပတ်ရ ရဴဝွံ (သ္ဂးရ)။ (၉၂) ပ္ဍဲမွဲအခိင်တေံ ခမဳမွဲဇကု “ကိုပ်ကၠာတၠဂြပ်ဂမၠိုင် ဟွံညာတ်ဏီ (ကြက်ဗလးထောံရ)” ရဴဝွံ မၞုံစိုတ်မမိက်ကၠတ်ဒှ်တုဲ ဗလးထောံကၠိက်မဒးဒၟံင် ပ္ဍဲပးဒၞက်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၉၃) ပ္ဍဲမွဲအခိင်တေံ ခမဳမွဲဇကု နမဆာန်ဍူဂှ် ဗလးထောံဒြာဲမဒးဒၟံင် ပ္ဍဲပးဒၞက်ရ။ “ကိုပ်ကၠာတၠဂြပ်ဂမၠိုင် ဟွံညာတ်ဏီ (ကြက်ဗလးထောံရ)” ရဴဝွံ မၞုံစိုတ်မမိက်ကၠတ်ဒှ်တုဲ ဗလးထောံဒြာဲမဒးဒၟံင် ပ္ဍဲပးဒၞက်ရ။ နမဆာန်ဍူဂှ် ဗလးထောံကမဒးဒၟံင် ပ္ဍဲကၟေန် (ကၟီ) ရ။ “ကိုပ်ကၠာတၠဂြပ်ဂမၠိုင် ဟွံညာတ်ဏီ (ကြက်ဗလးထောံရ)” ရဴဝွံ မၞုံစိုတ်မမိက်ကၠတ်ဒှ်တုဲ ဗလးထောံက မဒးဒၟံင် ပ္ဍဲကၟေန် (ကၟီ) ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၉၄-၉၇) ပ္ဍဲမွဲအခိင်တေံ ခမဳမွဲဇကု ညာတ်ဒးဂြပ် ပ္ဍဲလတူယာန်တုဲ “ဂိုင်ကေတ် ပ္ဍဲယာန်ဝွံမ္ဂး ကြက်စှေ်ပါရာဇိကရ” ရဴဝွံ ကလိလောန်တုဲ ပၠောဏာတုဲ ဂိုင်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၉၈) ပ္ဍဲမွဲအခိင်တေံ ခမဳမွဲဇကု “ကြက်ကလေင်ကဵု တၠဂြပ်ဂမၠိုင်ရ” ရဴဝွံ လပှ်ကေတ် ဖျုန်ကဠောံလၞေင် (အသိမ်) ဃိုင်နင်တုဲ ပတုံဖျေံရ၊ တၠဂြပ်ဂမၠိုင် “မၞး (တဳလပိုဉ်) ဂှ် ခမဳဟွံသေင်ရ” ရဴဝွံ စောတ်စောဲ ခမဳဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက်ကၠတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၉၉) ပ္ဍဲမွဲအခိင်တေံ ခမဳမွဲဇကု “ကိုပ်ကၠာတၠဂြပ်ဂမၠိုင် ဟွံညာတ်ဏီ (ကြက်လပှ်ကေတ်တဴရ)” ရဴဝွံ မၞုံစိုတ်မမိက်ကၠတ်ဒှ်တုဲ လပှ်ကေတ် ဖျုန်ကဠောံ လၞေင် (အသိမ်) ဃိုင်နင်တုဲ ပတုံဖျေံရ၊ တၠဂြပ်ဂမၠိုင် “မၞး (တဳလပိုဉ်) ဂှ် ခမဳဟွံသေင်ရ” ရဴဝွံ စောတ်စောဲ ခမဳဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၀၀)


154) ပ္ဍဲမွဲအခိင်တေံ မၞိဟ်ဂမၠိုင် ဒက်ဖံင်တုဲ ဖဳဖျေံ ပ္ဍဲကြုင်အစိရဝတဳအိုတ်ရ၊ ဇုက်ဒက်ဖံင် ပိုတ်တုဲ ဆုဂမၠိုင်ပြးဆာဲ ဟဳစှေ်အာအိုတ်မ္ဂး ခမဳဂမၠိုင်သမ္တီထေင်ကေတ် ပံသုကူတုဲ ဟံင်ပတိုန်လဝ်အိုတ်ရ၊ တၠဂြပ်ဂမၠိုင် “မၞး (တဳလပိုဉ်တအ်) ဂမၠိုင် ခမဳဟွံသေင်အိုတ်ရ” ရဴဝွံ စောတ်စောဲ ခမဳဂမၠိုင်ဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ကုခမဳ မသမ္တီထေင်ကေတ်ပံသုကူဂှ် ဟွံဒးအာပတ်ရ ရဴဝွံ (သ္ဂးရ)။ (၁၀၁) ပ္ဍဲမွဲအခိင်တေံ မၞိဟ်ဂမၠိုင် ဒက်ဖံင်တုဲ ဖဳဖျေံ ပ္ဍဲကြုင်အစိရဝတဳအိုတ်ရ၊ ဇုက်ဒက်ဖံင်ပိုတ်တုဲ ဆုဂမၠိုင်ပြးဆာဲ ဟဳစှေ်အာအိုတ်မ္ဂး ခမဳဂမၠိုင် “ကိုပ်ကၠာ တၠဂြပ်ဂမၠိုင် ဟွံညာတ်ဏီဂှ် (ကြက်ဟံင်ပတိုန်အိုတ်ရ)” ရဴဝွံ မၞုံစိုတ်မမိက်ကၠတ်ဒှ်တုဲ ဟံင်ပတိုန်လဝ်အိုတ်ရ၊ တၠဂြပ်ဂမၠိုင် “မၞုံ (တဳလပိုဉ်တအ်) ဂမၠိုင် ခမဳဟွံသေင်အိုတ်ရ” ရဴဝွံ စောတ်စောဲ ခမဳဂမၠိုင်ဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်အိုတ်ရ ။ ပ ။ ယွံခမဳတအ် မၞးတအ်ညးဂမၠိုင် စှေ်ပါရာဇိကအိုတ်ရ ရဴဝွံ (သ္ဂးရ)။ (၁၀၂) ပ္ဍဲမွဲအခိင်တေံ ဂၟာဂၠဴပၟင်ဂၠဴမွဲ ကွက်လဝ်ယာတ် ပ္ဍဲတၞံဆုတုဲ အာတဴသွက်ဂွံသၠးတရဴဇၞော်ရ၊ ခမဳမွဲဇကု သမ္တီထေင်ကေတ် ပံသုကူတုဲ လပှ်ကေတ်မ္ဂး ပၟင်ဂၠဴဂှ် “မၞး (တဳလပိုဉ်) ဂှ် ခမဳဟွံသေင်ရ” ရဴဝွံ စောတ်စောဲ ခမဳဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ မသမ္တီထေင်ကေတ် ပံသုကူဂှ် ဟွံဒးအာပတ်ရ ရဴဝွံ (သ္ဂးရ)။ (၁၀၃) ပ္ဍဲမွဲအခိင်တေံ ခမဳမွဲဇကု ဃောတတ်ကၠောံအာကြုင်ဂှ် ယာတ်ဗၠးတိတ် နူတဲသၟာခဝါဂမၠိုင်တုဲ လ္ၜက်ခက်ဗာန် ပ္ဍဲဇိုင်ရ၊ ခမဳဂှ် “ကြက်ကလေင်ကဵု ကုတၠဂြပ်ဂမၠိုင်ရ” ရဴဝွံ ဂိုင်ကေတ်တဴရ၊ တၠဂြပ်ဂမၠိုင် “မၞး (တဳလပိုဉ်) ဂှ် ခမဳဟွံသေင်ရ” ရဴဝွံ စောတ်စောဲ ခမဳဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက်ကၠတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၁၀၄) ပ္ဍဲမွဲအခိင်တေံ ခမဳမွဲဇကု ဃောတတ်ကၠောံအာကြုင်ဂှ် ယာတ်ဗၠးတိတ် နူတဲသၟာခဝါဂမၠိုင်တုဲ လ္ၜက်ခက်ဗာန် ပ္ဍဲဇိုင်ရ၊ ခမဳဂှ် “ကိုပ်ကၠာ တၠဂြပ်ဂမၠိုင် ဟွံညာတ်ဏီ (ကြက်ဂိုင်ကေတ်ရ)” ရဴဝွံ မၞုံစိုတ်မမိက်ကၠတ်ဒှ်တုဲ ဂိုင်ကေတ်ရ၊ တၠဂြပ်ဂမၠိုင် “မၞး (တဳလပိုဉ်) ဂှ် ခမဳဟွံသေင်ရ” ရဴဝွံ စောတ်စောဲ ခမဳဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၀၅)


155) ပ္ဍဲမွဲအခိင်တေံ ခမဳမွဲဇကု ညာတ်ဒးနုင်ကၠေင်သွဟ်တုဲ သ္ပပြဘိုဂ်ဗၞတ်ညိနာင် ဗၞတ်ညိနာင်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၀၆) ပ္ဍဲမွဲအခိင်တေံ ခမဳဂမၠိုင်ဗွဲမဂၠိုင် “ကြက်ကၠတ်ဂြပ်အိုတ်စိုတ်” ရဴဝွံ ကသေံကၟဝ်တုဲအာအိုတ်တုဲ ပ္ဍဲကြဴ ခမဳမွဲဇကု ကၠတ်ဂြပ်ရ၊ ခမဳဂမၠိုင်ဂှ် “ပိုဲတအ်သီုညးဖအိုတ် ဟွံစှေ်ပါရာဇိကအိုတ်ရ၊ ခမဳကၠတ်ဟေင် စှေ်ပါရာဇိကရ” ရဴဝွံ ဟီုသ္ဂးအိုတ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ ယွံခမဳတအ် မၞးတအ်ညးဂမၠိုင်သီုဖအိုတ် စှေ်ပါရာဇိကအိုတ်ရ ရဴဝွံ (သ္ဂးရ)။ (၁၀၇) ပ္ဍဲမွဲအခိင်တေံ ခမဳဂမၠိုင်ဗွဲမဂၠိုင် ကသေံကၟဝ်တုဲ ကၠတ်ဂြပ်အိုတ်တုဲပ္ဍဲကြဴ ပါ်ပရအ်သွက်အရင်အိုတ်ဂှ် သွက်အရင်မွဲမွဲဇကု ဟွံပေင်မသုန်ၜဲရ၊ ခမဳဂမၠိုင်ဂှ် “ပိုဲတအ် ဟွံစှေ်ပါရာဇိကအိုတ်ရ” ရဴဝွံ ဟီုသ္ဂးအိုတ်ရ။ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ ယွံခမဳတအ် မၞးတအ်ညးဂမၠိုင် စှေ်ပါရာဇိကအိုတ်ရ ရဴဝွံ (သ္ဂးရ)။ (၁၀၈) ပ္ဍဲမွဲအခိင်တေံ ခမဳမွဲဇကု ပ္ဍဲဍုင်သာရဝှ် အခိင်ဒှ်ကၞောဝ်ကၠောဝ်စၞစသုင် မၞုံစိုတ်မမိက်ကၠတ်ဒှ်တုဲ ကၠတ်ကေတ် သ္ၚုတၠသ္ၚိဖျာ တၠဆေင်မွဲကေမ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၀၉) ပ္ဍဲမွဲအခိင်တေံ ခမဳမွဲဇကု ပ္ဍဲဍုင်သာရဝှ် အခိင်ဒှ်ကၞောဝ်ကၠောဝ်စၞစသုင် ၜဲမုက်တၠသ္ၚိဖျာကေမ်။ ၜဲမး (ၜဲဇၞော်) မွဲကေမ်။ မၞုံစိုတ်မမိက်ကၠတ်ဒှ်တုဲ ကၠတ်ကေတ် လ္ၚဴတၠသ္ၚိဖျာမွဲကေမ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၁၀-၁၁၂) ပ္ဍဲမွဲအခိင်တေံ ကမၠတ်ဂမၠိုင်ဂစိုတ်ဂၠဴ ပ္ဍဲဂြိုပ်အန္ဓဝိုန် ဇရေင်ဍုင်သာရဝှ်တုဲ စဖျုန်ဂၠဴတုဲအိုတ်မ္ဂး သှေ်သၟဟ်ဂှ် သီဂိုင်ဒေပ်ထောံတုဲ အာအိုတ်ရ၊ ခမဳဂမၠိုင် မၞုံစၟတ်သမ္တီပံသုကူအိုတ်တုဲ ကဵုဗဂိန်တုဲမ္ဂး ပြဘိုဂ်အိုတ်ရ၊ ကမၠတ်ဂမၠိုင် “မၞး (တဳလပိုဉ်တအ်) ဂမၠိုင် ခမဳဟွံသေင်အိုတ်ရ” ရဴဝွံ စောတ်စောဲ ခမဳဂမၠိုင်ဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်အိုတ်ရ ။ ပ ။ ယွံခမဳတအ် ကုခမဳ မသမ္တီထေင်ကေတ် ပံသုကူဂှ် ဟွံဒးအာပတ်ရ ရဴဝွံ (သ္ဂးရ)။ (၁၁၃) ပ္ဍဲမွဲအခိင်တေံ ကမၠတ်ဂမၠိုင် ဂစိုတ်ကၠိက် ပ္ဍဲဂြိုပ်အန္ဓဝိုန် ဇရေင်ဍုင်သာရဝှ်တုဲ စဖျုန်ကၠိက်တုဲအိုတ်မ္ဂး သှေ်သၟေဟ်ဂှ် သီဂိုင်ဒပ်ထောံတုဲ အာအိုတ်ရ၊ ခမဳဂမၠိုင် မၞုံစၟတ်သမ္တီပံသုကူအိုတ်တုဲ ကဵုဗဂိန်တုဲမ္ဂး ပြဘိုဂ်အိုတ်ရ၊ ကမၠတ်ဂမၠိုင် “မၞး (တဳလပိုဉ်တအ်) ဂမၠိုင် ခမဳဟွံသေင်အိုတ်ရ” ရဴဝွံ စောတ်စောဲ ခမဳဂမၠိုင်ဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်အိုတ်ရ ။ ပ ။ ယွံခမဳတအ် ကုခမဳ မသမ္တီထေင်ကေတ် ပံသုကူဂှ် ဟွံဒးအာပတ်ရ ရဴဝွံ (သ္ဂးရ)။ (၁၁၄) ပ္ဍဲမွဲအခိင်တေံ ခမဳမွဲဇကု ပြာပ်အာဌာန်ဒၠးချောဲတုဲ မၞုံစိုတ်မမိက်ကၠတ် ချောဲမရတ်လဝ်တုဲ မထေက်တန်ၚုဟ်မသုန်ၜဲဒှ်တုဲ ကၠတ်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၁၅) ပ္ဍဲမွဲအခိင်တေံ ခမဳမွဲဇကု ပြာပ်အာဌာန်ဒၠးချောဲတုဲ ရတ်ချောဲ မထေက်တန်ၚုဟ်မသုန်ၜဲဒှ်တုဲ မၞုံစိုတ်မမိက်ကၠတ်ဒှ်တုဲ ကၠတ်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၁၆)


156) ပ္ဍဲမွဲအခိင်တေံ ခမဳအာဂန္တုကဂမၠိုင် ကဵုပါ်ပရအ် သတ်ကြုက်သင်တုဲ ပြဘိုဂ်အိုတ်ရ၊ ခမဳပဒတဴဘာဂမၠိုင် “တဳလပိုဉ်တအ်ညးဂမၠိုင် ခမဳဟွံသေင်အိုတ်ရ” ရဴဝွံ စောတ်စောဲခမဳဂမၠိုင်ဂှ်အိုတ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်အိုတ်ရ ။ ပ ။ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် မၞးတအ်ညးဂမၠိုင် မၞုံစိုတ်သာ်လဵုအိုတ်ဂှ်ရော? ရဴဝွံ (သၟာန်တိုန်) ဂှ်— ယွံတဳလမၞုံပိုဉ် ပိုဲဍိက်တအ်ညးဂမၠိုင် မၞုံစိုတ်မမိက်သ္ပပြဘိုဂ်အိုတ်ရ ရဴဝွံ (ဂရင်ပတီအိုတ်ရ)။ ယွံခမဳတအ် တၞဟ်နသ္ပပြဘိုဂ်ဟေင်ဒှ်မ္ဂး ဟွံဒးအာပတ်ရ ရဴဝွံ (သ္ဂးရ)။ (၁၁၇) ပ္ဍဲမွဲအခိင်တေံ ခမဳအာဂန္တုကဂမၠိုင် သတ်ကြေင်သင်။ သတ်ဖာသင်။ သတ်ပၞသ်သင်။ သတ်တာဍုဟ်ဍုဟ်သင်။ က္ၜဴသင်။ ကဵုပါ်ပရအ် သတ်မုက်ဇၞော်သင်တုဲ ပြဘိုဂ်အိုတ်ရ။ ခမဳပဒတဴဘာဂမၠိုင် “တဳလပိုဉ်တအ်ညးဂမၠိုင် ခမဳဟွံသေင်အိုတ်ရ” ရဴဝွံ စောတ်စောဲခမဳဂမၠိုင်ဂှ်အိုတ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်အိုတ်ရ ။ ပ ။ ယွံခမဳတအ် တၞဟ်နသ္ပပြဘိုဂ်ဟေင်ဒှ်မ္ဂး ဟွံဒးအာပတ်ရ ရဴဝွံ (သ္ဂးရ)။ (၁၁၈-၁၂၃) ပ္ဍဲမွဲအခိင်တေံ ပၟင်တၞံကြုက်ဂမၠိုင် ကဵုဒါန်သတ်ကြုက် ကုခမဳဂမၠိုင်အိုတ်ရ၊ ခမဳဂမၠိုင် “ညးဂမၠိုင်ဝွံတုန် အခေါင်မင်မွဲဟေင် နွံအိုတ်ရ၊ အခေါင်ကဵုဒါန် ဟွံမွဲအိုတ်ရ” ရဴဝွံ ဒှ် ‘သံသယကုက္ကုစ္စ’ ပွမချပ်သၠေဟ်ပၟာအိုတ်တုဲ ဟွံဒုင်ဒါန်အိုတ်ရ ။ ပ ။ ဂရင်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ပ္ဍဲအရာညးမင်မွဲကဵုဒါန်ဂှ် ဟွံဒးအာပတ်ရ ရဴဝွံ (သ္ဂးရ)။ (၁၂၄) ပ္ဍဲမွဲအခိင်တေံ ပၟင်တၞံကြေင်ဂမၠိုင်။ ပၟင်တၞံဖာဂမၠိုင်။ ပၟင်တၞံပၞသ်ဂမၠိုင်။ ပၟင်သတ်တာဍုဟ်ဍုဟ်ဂမၠိုင်။ ပၟင်တၞံဂူက္ၜဴဂမၠိုင်။ ပၟင်တၞံမုက်ဇၞော်ဂမၠိုင် ကဵုဒါန်သတ်မုက်ဇၞော် ကုခမဳဂမၠိုင်အိုတ်ရ၊ မဳဂမၠိုင် “ညးဂမၠိုင်ဝွံတုန် အခေါင်မင်မွဲဟေင် နွံအိုတ်ရ၊ အခေါင်ကဵုဒါန် ဟွံမွဲအိုတ်ရ” ရဴဝွံ ဒှ် ‘သံသယကုက္ကုစ္စ’ ပွမချပ်သၠေဟ်ပၟာအိုတ်တုဲ ဟွံဒုင်ဒါန်အိုတ်ရ ။ ပ ။ ဂရင်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ပ္ဍဲအရာညးမင်မွဲကဵုဒါန်ဂှ် ဟွံဒးအာပတ်ရ ရဴဝွံ (သ္ဂးရ)။ (၁၂၅-၁၃၀) ပ္ဍဲမွဲအခိင်တေံ ခမဳမွဲဇကု ရင်တၠုင်ဂိုင်ကေတ် ဆုသင်ဗွဲဂြပ်ဂလေံတုဲ ထံက်ပခိုင်သ္ပဓမင်ယန် ဗ္ဒင်ဘာဇကုရ၊ ခမဳဂမၠိုင် “တၠအဲ ခမဳဟွံသေင်ရ” ရဴဝွံ စောတ်စောဲ ခမဳဂှ်အိုတ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်) ဂှ်— ယွံတဳလမၞုံပိုဉ် အဲဍိက်ဂိုင်ကေတ် ဗွဲဂြပ်ဂလေံရ ရဴဝွံ (ဂရင်ပတီရ)။ ယွံခမဳတအ် ပ္ဍဲပွမဂိုင်ကေတ် ဗွဲဂြပ်ဂလေံဂှ် ဟွံဒးအာပတ်ရ ရဴဝွံ (သ္ဂးရ)။ (၁၃၁) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကၠတ် ဍာ်သင်ဒှ်တုဲ ကၠတ်ကေတ်ရ။ မၞုံစိုတ်မမိက်ကၠတ် တိသင်ဒှ်တုဲ။ မၞုံစိုတ်မမိက်ကၠတ် ဖအုမ်ချောဲသင်ဒှ်တုဲ ကၠတ်ကေတ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၃၂-၁၃၄) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကၠတ် ဖအုံချောံသင်ဒှ်တုဲ စံင်ထောံပၟတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၃၅) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကၠတ် ဇံင်ခါတ်သင်ဒှ်တုဲ ကၠတ်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၃၆) ပ္ဍဲမွဲအခိင်တေံ ခမဳမွဲဇကု ဂတဵုဒလာဲခုင်ဇမၠိင်သင်။ ဖုင်သင်။ ဂၞဳသင်။ သၠတြင်သင်။ သၠဗတင်ကျာသင်။ မၞုံစိုတ်မမိက်ကၠတ် ဇအိုအ် ဒမင် သၞသင်ဒှ်တုဲ ကၠတ်ကေတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၃၇-၁၄၂)


157) ပ္ဍဲမွဲအခိင်တေံ ခမဳမွဲဇကု သၞာသတိက်သၞာဒၟံင် ပြဘိုဂ်အသုင်အစောဲဘာဒကာမွဲတၠဂှ် သ္ပသုင်စောဲ ပ္ဍဲဘာမွဲသအာင်အိုတ်ရ၊ ပ္ဍဲအခိင်ဂှ် ဒကာဂှ် “မုဟိုတ် တဳလပိုဉ် မပြဲဂမၠိုင် ပြဘိုဂ်အသုင်အစောဲ ဘာမွဲသအာင်ဂှ် သ္ဂောံသ္ပအသုင်အစောဲ ပ္ဍဲဘာမွဲသအာင်အိုတ်ရော?” ရဴဝွံ ဟီုဂရိုဟ်ရ၊ ပျုတ်ဗ္ဒေက်ရ၊ ဟီုထ္ၜးဒုဟ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ပြဘိုဂ်အသုင်အစောဲ ဘာမွဲသအာင်ဂှ် ဟဂပ်ဝ်သ္ပအသုင်အစောဲ ပ္ဍဲဘာမွဲသအာင်ရ၊ ကုခမဳ မသုင်စောဲဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၄၃) ပ္ဍဲမွဲအခိင်တေံ ခမဳဂမၠိုင် သွက်သ္ဂောံရင်တၠုင်နင် သ္ၚိရုင်ဉပေါသ် (သီ) ကီု ဌာန်သင်ကောံဓရီုကီုဂှ် ဒှ် ‘သံသယကုက္ကုစ္စ’ ပွမချပ်သၠေဟ်ပၟာအိုတ်တုဲ ဂဇအ်ဒၟံင် ပ္ဍဲလတူတိအိုတ်မ္ဂး ဇကုကေုာံသ္ၚာဂမၠိုင် ကၠေဝ်ဗာန်ခၞိက်တိဂမၠိုင် ဒှ်အိုတ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နရင်တၠုင်နင် ဗွဲဂြပ်ဂလေံလဝ်ဂှ် ကဵုအခေါင်ရ ရဴဝွံ (သ္ဂးရ)။ (၁၄၄) ပ္ဍဲမွဲအခိင်တေံ ပ္ဍဲဍုင်စမ္ပါ ခမဳဗြဴကွးပဒတဴဇရေင် ခမဳဗြဴထုလ္လနန္ဒာဂှ် ပြာပ်အာဇရေင်သ္ၚိဒကာ ကၠောန်ၜိုတ် ခမဳဗြဴထုလ္လနန္ဒာတုဲ “နာဲဗြဴထုလ္လနန္ဒာ မိ်ကသုင် ‘ယာဂု5’ ပုင်ၜိုဟ် မနှဴရဴပိရဲရဂး” ရဴဝွံ စကာကဵုၜိုဟ်တုဲ ကေတ်နင်တုဲမ္ဂး အလဵုဇကု ပြဘိုဂ်ထောံရ၊ ခမဳဗြဴထုလ္လနန္ဒာဂှ် တီတုဲ “တၠအဲ ခမဳဗြဴ ဟွံသေင်ရ” ရဴဝွံ စောတ်စောဲ ခမဳဗြဴဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဗြဴဂှ်ရ ။ ပ ။ ပ္ဍဲကြဴနူဂှ် ခမဳဗြဴဂှ် ဂရင်ပတီ ဟိုတ်ပရူပရာဝွံ ကုခမဳဗြဴဂမၠိုင်ရ၊ ခမဳဗြဴဂမၠိုင် ဂရင်ပတီ ဟိုတ်ပရူပရာဝွံ ကုခမဳတြုံဂမၠိုင်အိုတ်ရ၊ ခမဳတြုံဂမၠိုင် ဂရင်ပတီဟိုတ် ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် ဟွံဒးအာပတ်ပါရာဇ်ရ၊ ဟိုတ်ပွမဟီုဂလာန်ဟွံဍာံစၟတ် သီုမတီတဴ ဒးအာပတ်ပါဲစိုတ်ရ ရဴဝွံ (သ္ဂးရ)။ (၁၄၅) ပ္ဍဲမွဲအခိင်တေံ ပ္ဍဲဍုင်ရာဇဂြိုဟ် ခမဳဗြဴကွးပဒတဴဇရေင် ခမဳဗြဴတုလ္လနန္ဒာဂှ် ပြာပ်အာဇရေင် သ္ၚိဒကာကၠောန်ၜိုတ် ခမဳဗြဴထုလ္လနန္ဒာတုဲ “နာဲဗြဴထုလ္လနန္ဒာ မိက်စကွာင်ဂတဝ်သာဲရဂး” ရဴဝွံ စကဵုဖျိန်တုဲ ကေတ်နင်တုဲမ္ဂး အလဵုအကု ပြဘိုဂ်ထောံရ၊ ခမဳဗြဴထုလ္လနန္ဒာဂှ် တီတုဲ “တၠအဲ ခမဳဗြဴဟွံသေင်ရ” ရဴဝွံ စောတ်စောဲ ခမဳဗြဴဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဗြဴဂှ်ရ ။ ပ ။ ယွံခမဳတအ် ဟွံဒးအာပတ်ပါရာဇ်ရ၊ ဟိုတ်ပွမဟီုဂလာန် ဟွံဍာံစၟတ် သီုမတီတဴ ဒးအာပတ်ပါဲစိုတ်ရ ရဴဝွံ (သ္ဂးရ)။ (၁၄၆)


158) ပ္ဍဲမွဲအခိင်တေံ ပ္ဍဲဍုင်ဝေသာလဳ ကုဒကာကၠောန်ၜိုတ် တဳလပိုဉ်အဇ္ဇုကဂှ် မၞုံကဵုကောန်ၚာ်ၜါ ဗွဲကောန်ကေုာံကောန်ကၟိန်အိုတ်တုဲ ဒကာဂှ် “ယွံတဳလပိုဉ် ပၞောဝ်ကဵုကောန်ၚာ်ဂမၠိုင်ၜါဝွံ ကုကောန်ၚာ် မၞုံကဵုဓရ်သဒ္ဓါတုဲ လျုင်ဇြုင်သ္ဍိုက်ရတ်ပိပြကာဂှ် ဩဝ်ဟီုလဴကဵုအခေါင်အဝဵု ဗွဝ်ပိုဉ်ဂြပ်ဝွံညိ” ရဴဝွံ ဂရင်ပတီလဝ် တဳလပိုဉ်အဇ္ဇုကရ။ ပ္ဍဲအခိင်ဂှ် ကောန်ကၟိန်ဒကာဂှ် ဒှ်ညးမၞုံကဵုဓရ်သဒ္ဓါတုဲ လျုင်ဇြုင်သ္ဍိုက်ရတ်ပိပြကာတုဲ တဳလပိုဉ်အဇ္ဇုက ဟီုကဵုလဴကဵုအခေါင်အဝဵု ဗွဝ်ပိုဉ်ဂြပ် ကုကောန်ၚာ် (မဒှ်ကောန်ကၟိန်) ဂှ်ရ။ ကောန်ၚာ်ဂှ် နကဵုဗွဝ်ပိုဉ်ဂြပ်ဂှ် ပွမကူသာန်သွံရာန် (ဗွဝ်ပိုဉ်ဂြပ်) ဂှ်လေဝ် ကဵုတန်တဴရ၊ ဒါန်ဂှ်လေဝ် ကဵုကတဵုဒှ်ရ၊ ပ္ဍဲအခိင်ဂှ် ကောန်ဒကာဂှ်— “ယွံတဳလပိုဉ်အာနန္ဒ မုရဴညးမွဲ ထေက်ကဵုဒုင်အာဲကၟာဲ အပါအံက်ဂှ်ရော? ကောန်ဟာ ဟွံသေင်မ္ဂး ကောန်ကၟိန်ဟာ” ရဴဝွံ ဂရင်ပတီ တဳလပိုဉ်အာနန္ဒရ။ ယွံကောန်တၠဒကာ ကောန်ဂှ်ဒှ်ညးဒုင်အာဲကၟာဲ အပါအံက်ရ ရဴဝွံ (သ္ဂးရ)။ ယွံတဳလပိုဉ် တဳလပိုဉ်အဇ္ဇုကဝွံ ကြက်ဂြပ်ပိုဲဍိက်တအ်ညးဂမၠိုင်ဂှ် ဟီုလဴစၞောန်ထ္ၜးကဵု ကုကောန်ကၟိန်အပါအံက် ပိုဲဍိက်တအ်ညးဂမၠိုင်တုဲရ ရဴဝွံ (ဂရင်ပတီရ)။ ယွံကောန်တၠဒကာ တဳလပိုဉ်အဇ္ဇုကဂှ် ခမဳဟွံသေင်ရ ရဴဝွံ (သ္ဂးရ)။ ပ္ဍဲအခိင်ဂှ် တဳလပိုဉ်အဇ္ဇုကဂှ် “ယွံကောန်တၠအာနန္ဒ ဩဝ်သ္ဂုတ်သွာတ်ကဵု ကုအဲညိ” ရဴဝွံ ဟီုသ္ဂးကဵု တဳလပိုဉ်အာနန္ဒရ၊ ပ္ဍဲအခိင်ဂှ် တဳလပိုဉ်ဥပါလိ ဗက်ကဵုလ္ပာ် တဳလပိုဉ်အဇ္ဇုကရ၊ တဳလပိုဉ်ဥပါလိဂှ် “ယွံကောန်တၠအာနန္ဒ တၠဂြပ်ဂှ် အခေါင်အဝဵုဗွဝ်ဂြပ်ဝွံ ဩဝ်ဟီုလဴကဵု ကုညးမၞုံယၟုဝွံညိ ရဴဝွံ ဟီုဗကန်လဝ်တုဲ ဟီုလဴကဵု ကုကောန်ၚာ်ဂှ်မ္ဂး ခမဳမဟီုလဴဂှ် ဒးဒုဟ်အာပတ်လဵုဂှ်ရော?” ရဴဝွံ သၟာန်တဳလပိုဉ်အာနန္ဒရ။ ယွံတဳလပိုဉ် အာပတ်လဵုလေဝ် ဟွံဒးရ၊ ဗွဲတွဵုမယုတ် အယာံမာတ် အာပတ်ဒုက္ကဋ်လေဝ် ဟွံဒးရ ရဴဝွံ ဂရင်ပတီရ။ ယွံကောန်တၠအာနန္ဒ တဳလပိုဉ်အဇ္ဇုကဝွံ အခေါင်အဝဵုဗွဝ်ဂြပ်ဝွံ ဩဝ်ဟီုလဴကဵုကုညးမၞုံယၟုဝွံညိ ရဴဝွံ တၠဂြပ်ဂှ် ဟီုဗကန်လဝ်တုဲ ဟီုလဴကဵုကုကောန်ၚာ်ဂှ်ရ၊ ယွံကောန်တၠအာနန္ဒ ကုတဳလပိုဉ်အဇ္ဇုက ဒုဟ်အာပတ် ဟွံမွဲရ ရဴဝွံ (သ္ဂးရ)။ (၁၄၇)


159) ပ္ဍဲမွဲအခိင်တေံ ပ္ဍဲဍုင်ဗာရာဏသဳ သ္ၚိဒကာကၠောန်ၜိုတ် တဳလပိုဉ်ပိလိန္ဒဝစ္ဆ ဒးဒုင်ပ္ဍဵုပ္ဍိုက် ကမၠတ်ဂမၠိုင်ရ၊ ကောန်ၚာ်ၜါဂှ်လေဝ် ကော်ဏာအိုတ်ရ၊ ပ္ဍဲအခိင်ဂှ် တဳလပိုဉ်ပိလိန္ဒဝစ္ဆ ကော်နင် ကောန်ၚာ်သၟတ်ဂမၠိုင်ဂှ် နကဵုဣဒ္ဓိကြဳဇှ်တုဲ စွံလဝ် ပ္ဍဲလတူပြာသာဒ်ရ၊ မၞိဟ်ဂမၠိုင် ညာတ်ကောန်ၚာ်သၟတ်ဂမၠိုင်ဂှ်မ္ဂး “အရာပွဝွံ အစောံဣဒ္ဓိကြဳဇှ် တဳလပိုဉ်ပိလိန္ဒဝစ္ဆရောင်သွံ” ရဴဝွံ လျုင်ဇြုင်သ္ဍိုက် ပ္ဍဲတဳလပိုဉ်ပိလိန္ဒဝစ္ဆ လောန်အိုတ်ရ၊ ခမဳဂမၠိုင် “မုဟိုတ်တဳလပိုဉ်ပိလိန္ဒစ္ဆ ကလေင်ရင်တၠုင်နင် ကောန်ၚာ်သၟတ်ဂမၠိုင် ကမၠတ်ဂမၠိုင်မကော်ဏာတုဲဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ၊ ဂရင်ပတီဟိုတ်ပရူပရာဝွံ ကုတဳဳလမၞုံပိုဉ်ကျာ်တြဲအိုတ်ရ၊ ယွံခမဳတအ် ပ္ဍဲအရာဣဒ္ဓိကြဳဇှ် ဟွံဒးအာပတ်ရ ရဴဝွံ (သ္ဂးရ)။ (၁၄၈)


160) ပ္ဍဲမွဲအခိင်တေံ ခမဳဂမၠိုင်ၜါဇကုမတွံဂး ပဏ္ဍုက ကေုာံကပိလ ဒှ်မိတ်သဟာဲ ပဒတဴမွဲစွံအိုတ်ရ၊ မွဲဇကုဂှ် ပဒတဴ ပ္ဍဲကွာန်ဂြိုပ်သၟတ်တုဲ မွဲဇကုဂှ် ပဒတဴပ္ဍဲဍုင်ကောသမ္ဗဳရ။ ပ္ဍဲအခိင်ဂှ် ခမဳဂှ် နူကွာန်သၟတ် ပ္ဍဲအကြာဂၠံင်တဴအာဍုင်ကောသမ္ဗဳ ဃောတတ်ကေၠာံ ကြုင်ကဝးကၠေင်မိတ် မဗၠးတိတ်နူတဲသၟာဂစိုတ်ကၠိက်ဂမၠိုင်ဂှ် လ္ၜက်ခက်ဗာန် ပ္ဍဲဇိုင်ရ၊ ခမဳဂှ် “ကြက်ကလေင်ကဵု ကုတၠဂြပ်ဂမၠိုင်ရ” ရဴဝွံ ဂိုင်ကေတ်ရ၊ တၠဂြပ်ဂမၠိုင် “မၞး (တဳလပိုဉ်) ဂှ် ခမဳဟွံသေင်ရ” ရဴဝွံ စောတ်စောဲ ခမဳဂှ်အိုတ်ရ၊ ခမဳ မတတ်ကၠောံတိုန်ကၠုင် နူကြုင်ဂှ် ဗြဴပၟင်ဂၠဴ ညာတ်တုဲ “ယွံတဳလပိုဉ် ဩဝ်က္ညကၠုင်ညိ၊ ဩဝ်သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန်ညိ” ရဴဝွံ ဟီုမ္ဂး ခမဳဂှ် “အဲဂှ် သဘဴပကတိတေံ ခမဳဟွံသေင်ရ” ရဴဝွံ သွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ပ္ဍဲဗြဴပၟင်ဂၠဴဂှ်တုဲ ပ္ဍဲကြဴ အာစိုပ်ဍုင်ကောသမ္ဗဳတုဲ ဂရင်ပတီ ဟိုတ်ပရူပရာဝွံ ကုခမဳဂမၠိုင်အိုတ်ရ၊ ခမဳဂမၠိုင် ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟိုတ်နူပွမဂိုင်ကေတ် ဂြပ် (မိန်တၠညး ဟွံကဵုနကာယပါင်)ဂှ် ဟွံဒးအာပတ်ပါရာဇ်ရ၊ ဟိုတ်နူပွမသွိုန်ဗပိုန် (ဒ္ဂေတ်သ္ပ) ဒ္ဂေတ်မေထုန် ဒးအာပတ်ပါရာဇ်ရ ရဴဝွံ (သ္ဂးရ)။ (၁၄၉)


161) ပ္ဍဲမွဲအခိင်တေံ ပ္ဍဲဍုင်သာဂလ ခမဳကွးပဒတဴမွဲစွံ တဳလပိုဉ်ဒဠှိက ဟွံမိပ်လဟိင်လၞုဟ်လၞန် ပ္ဍဵုပ္ဍိုက်ရာန်သကိုတ်တုဲ ကၠတ်ကေတ်ဖေင်ယာတ်ပူက္ဍိုပ် တၠသ္ၚိဖျာ တၠဆေင်ဂှ်တုဲ “ယွံတဳလပိုဉ် အဲဍိက် ခမဳဟွံသေင်ရ၊ ကြက်ရာမ်တိတ်ခရှ်ရ” ရဴဝွံ ဂရင်ပတီ တဳလပိုဉ်ဒဠှိကရ၊ ယွံကောန်တၠ တၠအဲ သ္ပဒးမုမွဲဂှ်ရော? ရဴဝွံ သၟာန်မ္ဂး ခမဳဂှ် ဂရင်ပတီ ဟိုတ်ဒဒှ်တမ်ဂှ်မ္ဂး ကဵုရင်တၠုင်နင်တုဲ ကဵုသပိုတ်ၚုဟ်မးမ္ဂး ဖေင်ယာတ်ပူက္ဍိုပ်ဂှ် ဟွံထေက်တန်ၚုဟ်မသုန်ၜဲတုဲ “ယွံကောန်တၠ ဟွံဒးအာပတ်ပါရာဇ်ရ” ရဴဝွံ (သ္ဂုတ်သွာတ်ကဵုတုဲပ္ဍဲကြဴ) တွံကဵုဓမ္မကထာရ၊ ခမဳဂှ် မိပ်လဟိင်အာလောန်ရောင်။ (၁၅၀) ဗီုသ္ဂုတ်သွာတ် ဝိနဳတဝတ္ထုဂမၠိုင်တုဲရ။ ဒုတိယပါရာဇိကတုဲရ။

၁.၃။ တတိယပါရာဇိက

[ပလေဝ်ဒါန် | ပလေဝ်ဒါန် တမ်ကၞက်]

၁.၃.၁။ ဟိုတ်ပရူပရာ ပဌမပညပ်

[ပလေဝ်ဒါန် | ပလေဝ်ဒါန် တမ်ကၞက်]

162) တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာပြသာဒ်မၞုံကဵုဓုပ်ပြကာ အပ္ဍဲဂြိုပ်မဟာဝိုန် ဇရေင်ဍုင်ဝေသာလဳရ။ ပ္ဍဲအခိင်ဂှ် တဳလမၞုံပိုဉ်ကျာ်တြဲ တွံကဵုဓရ်အသုဘ ကုခမဳဂမၠိုင် နဟိုတ်မဂၠိုင်ဂၠင်ရ၊ တွံကဵုဂုဏ် အသုဘကမ္မဋ္ဌာန်ရ၊ တွံကဵုဂုဏ် ပွမဇၞော်ပၟဝ် အသုဘကမ္မဋ္ဌာန်ရ၊ ရန်တၟံတုဲ ရန်တၟံတုဲ တွံကဵုဂုဏ် အသုဘသမာပတ်ရ။ ပ္ဍဲအခိင်ဂှ် တဳလမၞုံပိုဉ်ကျာ်တြဲဂှ် "ခမဳတအ် အဲကျာ် လုကဴလ္ပာ်ဂိတု (စဵုကဵုလ္ပာ်ဂိတု စှ်သုန်တ္ၚဲ) မိက်ဂွံသတင်တန်တဴ ညးမွဲဓဝ်ရ၊ ပဲါနူခမဳပလံင်ပိဏ္ဍပါတ်တုဲ ညးလဵုမွဲလေဝ် လ္ပပြာပ်ကၠုင် ဇရေင်အဲကျာ်ညိ" ရဴဝွံ ဟီုလၟိင်ကဵု ခမဳဂမၠိုင်ရ။ ခမဳဂမၠိုင်ဂှ် "ယွံကျာ်မၞုံပိုဉ် ခိုဟ်ရ" ရဴဝွံ ဒုင်ဝန် ကုတဳလမၞုံပိုဉ်ကျာ်တြဲတုဲ ပဲါနူခမဳပလံင်ပိဏ္ဍပါတ်တုဲ ညးလဵုမွဲလေဝ် ဟွံပြာပ်အာဇရေင် တဳလမၞုံပိုဉ်ကျာ်တြဲအိုတ်ရ။ "တဳလမၞုံပိုဉ်ကျာ်တြဲဂှ် နဟိုတ်မဂၠိုင်ဂၠင် တွံတဴဓရ်အသုဘရ၊ တွံတဴဂုဏ် အသုဘ ကမ္မဋ္ဌာန်ရ၊ တွံတဴဂုဏ် ပွမဇၞော်ပၟဝ်အသုဘကမ္မဋ္ဌာန်ရ၊ ရန်တၟံတုဲ ရန်တၟံတုဲ တွံကဵုဂုဏ် အသုဘသမာပတ်ရ" ရဴဝွံ ခမဳဂမၠိုင်ဂှ် ပတိတ်ဇြဟတ် သ္ပလွဳပရာလၟေင် ပွမပတိတ်ဇြဟတ် ပ္ဍဲအသုဘဘာဝနာ မတ္ၜန်တ္ၜောဲတဴ နအကာဲအရာဂမၠိုင်မဂၠိုင်တုဲ ပဒတဴအိုတ်ရ။ ခမဳဂမၠိုင်ဂှ် ဇအိုန်ဇရ ပ္ဍဲခန္ဓဇကုဇကုအိုတ်ရ၊ ဂွဂၠေံအိုတ်ရ၊ က္ဍုဟ်မၠေံအိုတ်ရ၊ ဥပမာမ္ဂးတုန် သၟတ်ဗြဴကီု သၟတ်တြုံကီု မဍောတ်သွတ်ၜတ်တကတ် မၞုံအလေံမသ္ပဂ္ညိဂ္ညာတ်ကျိုင်ကျဝ်မဟုမ်ဍာ် မွဲဟာန်ကေုာံက္ဍိုပ်တုဲဂှ် ကၠုင်ကွက်စုတ်ပ္ဍဲကအ် ဇွဇြုံကီု ဇွကၠဵုကီု ဇွမၞိဟ်ကီုမ္ဂး သၟဟ်ညံင်ရဴဇအိုန်ဇရ ဂွဂၠေံ က္ဍုဟ်မၠေံတဴကီု တုပ်သၟဟ်သာ်ဝွံရ ခမဳဂမၠိုင်ဂှ် ဇအိုန်ဇရ ပ္ဍဲခန္ဓဇကုဇကုအိုတ်ရ ဂွဂၠေံအိုတ်တုဲ အလဵုဇကုတအ်လေဝ် ပတုံဖျေံဇကုဇကုတအ် နူ'ဇဳဝိတိန္ဒြဳ'လမျီုအိုတ်ရ၊ ကေုာံရင်သကအ်လေဝ် ပတုံဖျေံနူ ‘ဇဳဝိတိန္ဒြဳ’ လမျီုအိုတ်ရ၊ ပြာပ်အာဇရေင် ခမဳပတောံမိဂလဏ္ဍိကတုဲလေဝ် “ယွံကောန်တၠ အာတ်ပါန်အခေါင်တဴရ၊ ဩဝ်ပတုံဖျေံကဵု ပိုဲညးဂမၠိုင် နူ ‘ဇဳဝိတိန္ဒြဳ’ လမျီုညိ၊ ဗဗေင်သ္ၚာဝွံ ကြက်ဒှ်ဗဗေင်သ္ၚာ တၠအဲရ” ရဴဝွံ ဟီုသ္ဂးအိုတ်ရ၊ ပ္ဍဲအခိင်ဂှ် ခမဳပတောံမိဂလဏ္ဍိက ကလိဂွံဗဗေင်သ္ၚာဂမၠိုင် နဒဒှ်ၚုဟ်လိင်ဂစိုတ်ဒှ်တုဲ ပတုံဖျေံ ခမဳဂမၠိုင်ဗွဲမဂၠိုင် နူ'ဇဳဝိတိန္ဒြဳ'လမျီုတုဲ ဂိုင်ကေတ်သၞာ်မဗာန်ခြပ်ဒၟံင်ဆီတုဲ ပြာပ်အာကြုင်ဝဂ္ဂုမုဒါရ။


163) ပ္ဍဲကြဴနူဂှ် ကုခမဳပတောံမိဂလဏ္ဍိက မကြဴကြာတ်သအးဇ္ၚးဒၟံင်သၞာ် မဗာန်ခြပ်ဒၟံင်ဆီဂှ်— “ကုအဲဂှ် ဟွံကလိဂွံ (ဒတုဲဖဵုမြမောဝ်) ရသွံ၊ ကလိဂွံ (ဒတုဲမြမောဝ်) ဟွံဒးရးရသွံ၊ အဲဂှ် ဂပ်ဝ်ကလိဂွံ (ဒဒှ်မၞိဟ်) ဗွဲဟွံဒးရးရသွံ၊ ပွမကလိဂွံ (ဒဒှ်မၞိဟ်) ဗွဲမဒးရး ဟွံသေင်ရသွံ၊ အဲဆန်ၜန်ဒး ပွသရာမ်ပါပ် ဗွဲမဂၠိုင်ရသွံ၊ ယြဴအဲမွဲ ပတုံဖျေံခမဳဂမၠိုင် မၞုံကဵုဒ္ဂေတ်သဳလ မၞုံကဵုဓရ်မခိုဟ်ပြဲ နူ ‘ဇဳဝိတိန္ဒြဳတုဲ’ ရဴဝွံ ပွမဂွိင်စံင်တဴဗွဲကြဴ ပွမသၠိုက်သ္ၚောံစိုတ် ဒှ်ကၠုင်ဟေင်ရ။ ပ္ဍဲအခိင်ဂှ် ကောန်ဒေဝတဴမွဲ မလုပ်ဗော်ဂိုဏ်ဒေဝတဴမာရ်ဂှ် ကွာ်ကၠုင် ပ္ဍဲလတူဒၠးဍာ် မဟွံပါ်ဒကးတုဲ “ယွံညးသပ္ပုရိုသ် ခိုဟ်သန်ကွေံရ၊ ခိုဟ်သန်ကွေံရ၊ ယွံညးသပ္ပုရိုသ် ကုအဲဂှ် ကလိဂွံ (ဒတုဲဖဵုမြမောဝ်) ရသွံ၊ ယွံညးသပ္ပုရိုသ် ကလိဂွံ (ဒဒှ်မၞိဟ်) ဗွဲမဒးရးရသွံ၊ ယွံညးသပ္ပုရိုဟ် တၠအဲ ဂွံဆန်ၜန်ဒး ပွကုသိုလ်ထၟိက် ဗွဲမဂၠိုင်တုဲရ၊ ယြဴတၠအဲမွဲ ခမဳ မတတ်ကၠောံ (နူသံသာ) ဟွံမာန်ဏီဂမၠိုင်ဂှ် ဂွံကဵုတတ်ကၠောံအာတုဲရ” ရဴဝွံ ဟီုသ္ဂးကဵု ခမဳပတောံမိဂလဏ္ဍိကရ။ ပ္ဍဲအခိင်ဂှ် ခမဳပတောံမိဂလဏ္ဍိကဂှ် “ကုအဲဂှ် ကလိဂွံ (ဒတုဲမြမောဝ်) ရဂး၊ အဲ ဂပ်ဝ် ကလိဂွံ (ဒဒှ်မၞိဟ်) ဗွဲမဒးရးရဂး၊ အဲဆန်ၜန်ဒး ပွကုသိုလ်ထၟိက် ဗွဲမဂၠိုင်တုဲရဂး၊ ယြဴအဲမွဲ ခမဳမတတ်ကၠောံ (နူသံသာ) ဟွံမာန်ဏီဂမၠိုင်ဂှ် ဂွံကဵုတတ်ကၠောံအာတုဲရဂး” ရဴဝွံ ဂိုင်ကေတ် သၞာ်မကေက်တုဲ ပြာပ်အာနူဘာမွဲကဵုဘာမွဲ နူပြဝိုဏ်မွဲကဵုပြဝိုဏ်မွဲတုဲ “ညးလဵုမွဲ ဟွံတတ်ကၠောံ နူသံသာဏီဂှ်ရော? ညးလဵုမွဲ ဂွံကဵုတတ်ကၠောံဂှ်ရော?” ရဴဝွံ သၟာန်သၟုက်ရ။ ပၞောဝ်ခမဳဂမၠိုင်ဂှ် ကုခမဳ တဏှာရာဂ ဟွံစာ်စ္ဍးဏီဂမၠိုင် ပ္ဍဲအခိင်မသၟာန်သာ်ဂှ် ပွမဖေက်ဂၟံက် ပွမဇကုကြံင်မ္ၚိုဟ် ပွမနရဴသော်ဇကုဂမၠိုင် ဒှ်အိုတ်ရ၊ ကုခမဳ တဏှာရာဂ စာ်စ္ဍးတုဲဂမၠိုင်တုန် ပ္ဍဲအခိင်မသၟာန်သာ်ဂှ် ပွမဖေက်ဂၟံက် ပွမဇကုကြံင်မ္ၚိုဟ် ပွမနရဴသော်ဇကုဂမၠိုင် ဟွံဒှ်အိုတ်ရ။ ပ္ဍဲအခိင်ဂှ် ခမဳပတောံမိဂလဏ္ဍိကဂှ် ခမဳမွဲဇကုဂှ်လေဝ် နမွဲတ္ၚဲဓဝ် ပတုံဖျေံနူ ‘ဇဳဝိတိန္ဒြဳ’ လမျီုရ၊ ခမဳၜါဇကုဂမၠိုင်လေဝ် နမွဲတ္ၚဲဓဝ် ပတုံဖျေံနူ ‘ဇဳဝိတိန္ဒြဳ’ လမျီုရ၊ ခမဳပိဇကုဂမၠိုင်လေဝ် နမွဲတ္ၚဲဓဝ် ပတုံဖျေံနူ ‘ဇဳဝိတိန္ဒြဳ’ လမျီုရ၊ ခမဳပန်ဇကုဂမၠိုင်လေဝ် နမွဲတ္ၚဲဓဝ် ပတုံဖျေံနူ ‘ဇဳဝိတိန္ဒြဳ’ လမျီုရ၊ ခမဳမသုန်ဇကုဂမၠိုင်လေဝ် နမွဲတ္ၚဲဓဝ် ပတုံဖျေံနူ ‘ဇဳဝိတိန္ဒြဳ’ လမျီုရ၊ ခမဳစှ်ဇကုဂမၠိုင်လေဝ် နမွဲတ္ၚဲဓဝ် ပတုံဖျေံနူ ‘ဇဳဝိတိန္ဒြဳ’ လမျီုရ၊ ခမဳၜါစှော်ဇကုဂမၠိုင်လေဝ် နမွဲတ္ၚဲဓဝ် ပတုံဖျေံနူ ‘ဇဳဝိတိန္ဒြဳ’ လမျီုရ၊ ခမဳပိစှော်ဇကုဂမၠိုင်လေဝ် နမွဲတ္ၚဲဓဝ် ပတုံဖျေံနူ ‘ဇဳဝိတိန္ဒြဳ’ လမျီုရ၊ ခမဳပန်စှော်ဇကုဂမၠိုင်လေဝ် နမွဲတ္ၚဲဓဝ် ပတုံဖျေံနူ ‘ဇဳဝိတိန္ဒြဳ’ လမျီုရ၊ ခမဳမသုန်စှော်ဇကုဂမၠိုင်လေဝ် နမွဲတ္ၚဲဓဝ် ပတုံဖျေံနူ ‘ဇဳဝိတိန္ဒြဳ’ လမျီုရ၊ ခမဳတြဴစှော်ဇကုဂမၠိုင်လေဝ် နမွဲတ္ၚဲဓဝ် ပတုံဖျေံနူ ‘ဇဳဝိတိန္ဒြဳ’ လမျီုရ။


164) ပ္ဍဲကြဴနူဂှ် တဳလမၞုံပိုဉ်ကျာ်တြဲ ကလိလောန်အာ လ္ပာ်ဂိတုဂှ် ဒၠိုက်ကတဵုနူမသတင်ဒၟံင်ညးမွဲဓဝ်တုဲ “ယွံအာနန္ဒ ပသာ်ဂှ်ရော? ဂကောံခမဳဂှ် ညံင်ရဴကြဳအောန်ကီု ဒှ်အာဂှ်ရော?” ရဴဝွံ သ္ဂးကဵုတဳလပိုဉ် အာနန္ဒရ။ ယွံကျာ်မၞုံပိုဉ် ဒဒှ်အိုတ်သီုဂှ် ဂရင်ပတီရ၊ တဳလမၞုံပိုဉ်ကျာ်တြဲ တွံကဵုဓရ်အသုဘ ကုခမဳဂမၠိုင် နဟိုတ်မဂၠိုင်ဂၠင်ရ၊ တွံကဵုဂုဏ် အသုဘကမ္မဋ္ဌာန်ရ၊ တွဴကဵုဂုဏ် ပွမဇၞော်ပၟဝ် အသုဘကမ္မဋ္ဌာန်ရ၊ ရန်တၟံတုဲ ရန်တၟံတုဲ တွံကဵုဂုဏ် အသုဘသမာပတ်ရ။ ယွံကျာ်မၞုံပိုဉ် ခမဳဂမၠိုင်ဂှ် “တဳလမၞုံပိုဉ်ကျာ်တြဲဂှ် နဟိုတ်မဂၠိုင်ဂၠင် တွံတဴဓရ်အသုဘရ၊ တွံတဴဂုဏ် အသုဘကမ္မဋ္ဌာန်ရ၊ တွံတဴဂုဏ် ပွမဇၞော်ပၟဝ်အသုဘကမ္မဋ္ဌာန်ရ၊ ရန်တၟံတုဲ ရန်တၟံတုဲ တွံကဵုဂုဏ် အသုဘသမာပတ်ရ” ရဴဝွံ ပတိတ်ဇြဟတ်သ္ပလွဳပရာ လၟေင်ပွမပတိတ်ဇြဟတ် ပ္ဍဲအသုဘဘာဝနာ မတ္ၜန်တ္ၜောဲတဴ နအကာဲအရာဂမၠိုင်မဂၠိုင်တုဲ ပဒတဴအိုတ်ရ။ ခမဳဂမၠိုင်ဂှ် ဇအိုန်ဇရ ဂွံဂၠေံ က္ဍုဟ်မၠေံ ပ္ဍဲခန္ဓဇကုဇကုအိုတ်ရ၊ ဥပမာမ္ဂးတုန် သၟတ်ဗြဴကီု သၟတ်တြုံကီု မဍောတ်ၜတ်တကတ် မၞုံအလေံမသ္ပဂ္ညိဂ္ညာတ်ကျိုင်ကျဝ် မဟုမ်ဍာ်မွဲဟာန်ကေုာံက္ဍိုပ်တုဲဂှ် ကၠုင်ကွက်စုတ်ပ္ဍဲကအ် ဇွဇြုံကီု ဇွကၠဵုကီု ဇွမၞိဟ်ကီုမ္ဂး သၟဟ်ညံင်ရဴဇအိုန်ဇရ ဂွဂၠေံက္ဍုဟ်မၠေံတဴကီု တုပ်သၟဟ်သာ်ဝွံရ ခမဳဂမၠိုင်ဂှ် ဇအိုန်ဇရ ဂွဂၠေံက္ဍုဟ်မၠေံ ပ္ဍဲခန္ဓဇကုဇကုအိုတ်တုဲ အလဵုအလဵုဇကုတအ်လေဝ် ပတုံဖျေံဇကုဇကုတအ် နူ ‘ဇဳဝိတိန္ဒြဳ’ လမျီုအိုတ်ရ၊ ကေုာံရင်သကအ်လေဝ် ပတုံဖျေံ နူ ‘ဇဳဝိတိန္ဒြဳ’ လမျီုအိုတ်ရ၊ ပြာပ်အာဇရေင် ခမဳပတောံမိဂလဏ္ဍိကတုဲလေဝ် “ယွံကောန်တၠ အာတ်ပါန်အခေါင်ရ၊ ဩဝ်ပတုံဖျေံကဵု ပိုဲညးဂမၠိုင် နူ ‘ဇဳဝိတိန္ဒြဳ’ လမျီုညိ၊ ဗဗေင်သ္ၚာဝွံ ကြက်ဒှ်ဗဗေင်သ္ၚာ တၠအဲရ” ရဴဝွံ ဟီုသ္ဂးအိုတ်ရ။ ယွံကျာ်မၞုံပိုဉ် ပ္ဍဲအခိင်ဂှ် ခမဳပတောံမိဂလဏ္ဍိက ကလိဂွံဗဗေင်သ္ၚာဂမၠိုင်တုဲ နဒဒှ်ၚုဟ်လိင်ဂစိုတ်ဒှ်တုဲ ခမဳမွဲဇကုဂှ်လေဝ် နမွဲတ္ၚဲဓဝ် ဂစိုတ်ထောံရ ။ ပ ။ ခမဳတြဴစှော်ဇကုဂမၠိုင်လေဝ် နမွဲတ္ၚဲဓဝ် ဂစိုတ်ထောံရ။ ယွံကျာ်မၞုံပိုဉ် အာတ်ပါန်အခေါင်ရ၊ တဳလမၞုံပိုဉ်ကျာ်တြဲ ယြဴနအာကာဲအရာ မသအာင်နူအသုဘကမ္မဋ္ဌာန်မွဲ ဂကောံခမဳဝွံ တန်တဴပ္ဍဲအရဟတ္တဖိုလ်ရ၊ နအကာဲအရာဂှ် ဩဝ်တွံကဵုဟိုတ်အရာ ကမ္မဋ္ဌာန်သအာင်ညိ ရဴဝွံ ဂရင်ပတီရ။ “ယွံအာနန္ဒ ယဝ်ဒှ်သာ်ဂှ်မ္ဂး ခမဳဂမၠိုင်သီုဖအိုတ် မသ္ပနိဿယ်ဗ္ဒာဲကဵု ဍုင်ဝေသာလဳတုဲ ပဒတဴဒၟံင်ဂှ် ဩဝ်ကဵုကောံဓရီု ပ္ဍဲဇြပ်တာန်ဆံင်ကောံဓရီုညိ ရဴဝွံ သ္ဂးတဴမ္ဂး “ယွံကျာ်မၞုံပိုဉ် ခိုဟ်ရ” ရဴဝွံ တဳလပိုဉ်အာနန္ဒ ဂရင်ပတီဒုင်ဝန် ကုတဳလမၞုံပိုဉ်ကျာ်တြဲတုဲ ခမဳဂမၠိုင်သီုဖအိုတ် မသ္ပနိဿယ်ဗ္ဒာဲကဵု ဍုင်ဝေသာလဳတုဲ ပဒတဴဒၟံင်ဂှ် ကဵုကောံဓရီု ပ္ဍဲဇြပ်တာန်ဆံင် ကောံဓရီုတုဲမ္ဂး ပ္ၚောံပြာပ်အာ ဇရေင်တဳလမၞုံပိုဉ်ကျာ်တြဲတုဲ— “ယွံကျာ်မၞုံပိုဉ် ဂကောံခမဳ ကောံဓရီုဒၟံင်အိုတ်တုဲရ၊ ပ္ဍဲအခိင်လၟုဟ် သွက်သ္ဂောံက္ညအာဂှ် တဳလမၞုံပိုဉ်ကျာ်တြဲ တီကေတ်အခိင်ညိ၊ သွက်သ္ဂောံက္ညအာဂှ် ဒှ်အတိုင်ပၟိက် တဳလမၞုံပိုဉ်ကျာ်တြဲ ဟေင်ရ” ရဴဝွံ ဂရင်ပတီရ။


165) ပ္ဍဲအခိင်ဂှ် တဳလမၞုံပိုဉ်ကျာ်တြဲ ပြာပ်အာ ဇြပ်တာန်ဆံင်ကောံဓရီုတုဲ ဂဇအ်ဖျေံ ပ္ဍဲဒၞဲါမလးပညပ်လဝ်သၞာတုဲမ္ဂး သ္ဂးတိုန်ကဵုခမဳဂမၠိုင်ရ။ “ယွံခမဳတအ် အာနာပါနဿတိသမာဓိဝွံ ဂပ်ဝ်ဇၞော်ပၟဝ် ဂပ်ဝ်လ္ၚတ်သ္ပဗွဲမဂၠိုင်ကဵုဝါမ္ဂး ၜိုဟ်လေဝ် ၜိုဟ်လလမ်ရ၊ ပြဲလေဝ် ပြဲရ၊ သွက်ဒးလံင် (ဗပေင်စုတ်)လေဝ် ဟွံမွဲပၟိက်ရ၊ ဒၞဲါဌာန်ဒှ်တသိုခ်လေဝ် ဒှ်ရ၊ ဓရ်အကုသိုလ်မယုတ်မာဂမၠိုင် ဇၟာပ်မကတဵုဒှ် ဇၟာပ်မကတဵုဒှ်လေဝ် နမွဲခဏဓဝ် ကဵုကၠေံဗ္ဒန် ပၠိုတ်လလမ်အာမာန်ရ။ ယွံခမဳတအ် ဥပမာတုန် ပ္ဍဲဂိတုဒဂိုန် မဒှ်လအိတ်ဥတုက္ညင်ဂမၠိုင် ဗြဲဇၞော်မဂူစှေ်ကၠုင် ဟွံသေင်ကဵုအခိင်ဂှ် ဗၞတ်မွဲခဏဓဝ် သၟဟ်ညံင်ရဴကဵုကၠေံအိုတ် လလမ်ပၠိုတ်ကၠေံ မၠိုက်လက်ကၠိုက်မတိုန်ကၠုင်လတူကီု တုပ်သၟဟ်သာ်ဝွံဟေင် ယွံခမဳတအ် အာနာပါနဿတိသမာဓိဝွံ ဂပ်ဝ်ဇၞော်ပၟဝ် ဂပ်ဝ်လ္ၚတ်သ္ပဗွဲမဂၠိုင်ကဵုဝါမ္ဂး ၜိုဟ်လေဝ် ၜိုဟ်လလမ်ရ၊ ပြဲလေဝ် ပြဲရ၊ သွက်ဒးလံင် (ဗပေင်စုတ်) လေဝ် ဟွံမွဲပၟိက်ရ၊ ဒၞဲါဌာန်ဒှ်တသိုခ်လေဝ် ဒှ်ရ၊ ဓရ်အကုသိုလ်မယုတ်မာဂမၠိုင် ဇၟာပ်မကတဵုဒှ် ဇၟာပ်မကတဵုဒှ်လေဝ် နမွဲခဏဓဝ် ကဵုကၠေံဗ္ဒန် ပၠိုတ်လလမ်အာမာန်ရ။ ယွံခမဳတအ် အာနာပါနဿသတိသမာဓိဝွံ ဂပ်ဝ်ဇၞော်ပၟဝ် ဂပ်ဝ်သ္ပဗွဲမဂၠိုင်ကဵုဝါ သာ်လဵုမ္ဂး ၜိုဟ်လေဝ် ၜိုဟ်လလမ် ပြဲလေဝ် ပြဲရော? သွက်ဒးလံင် (ဗပေင်စုတ်) လေဝ် ဟွံမွဲပၟိက် ဒၞဲါဌာန်ဒှ်တသိုခ်လေဝ်ဒှ်တုဲ ဓရ်အကုသိုလ်မယုတ်မာဂမၠိုင် ဇၟာပ်မကတဵုဒှ် ဇၟာပ်မကတဵုဒှ်လေဝ် နမွဲခဏဓဝ် ကဵုကၠေံဗ္ဒန် ပၠိုတ်လလမ်အာမာန်ဂှ်ရော? ယွံခမဳတအ် ပ္ဍဲသာသနာဝွံ ခမဳဂှ် ပြာပ်အာ ဂြိုပ်တုဲကဵုဒှ် ပြာပ်အာသၟဝ်တမ်ဆုတုဲကဵုဒှ် ပြာပ်အာဌာန်လ္ၚုသ္ၚိတ်ဇြတုဲကဵုဒှ် တင်ထွာဲတုဲမ္ဂး စွံပတန်လဝ် ဇကုတပ်တပ်တုဲ သတိဂှ်ကတဵုဗဒှ်တူရူဏာကဵုကမ္မဌာန်တုဲ ဂဇအ်ဒၟံင်ရ။ ခမဳဂှ် မၞုံကဵုသတိတုဲဟေင် ယီု (တသိုဟ်) တိတ်ရ၊ မၞုံကဵုသတိတုဲဟေင် ယီုလုပ် (ခရောတ်ပၠုပ်) ရ၊ ယီုတိတ်ဂၠိင်ဂၠိင်လေဝ် “ယီုတိတ်ဂၠိင်ဂၠိင်ရ” ရဴဝွံ တီရ၊ ယီုလုပ်ဂၠိင်ဂၠိင်လေဝ် “ယီုလုပ်ဂၠိင်ဂၠိင်ရ” ရဴဝွံ တီရ၊ ယီုတိတ်ဂၠေံဂၠေံလေဝ် “ယီုတိတ်ဂၠေံဂၠေံရ” ရဴဝွံ တီရ၊ ယီုလုပ် ဂၠေံဂၠေံလေဝ် “ယီုလုပ်ဂၠေံဂၠေံရ” ရဴဝွံ တီရ။ သီုကဵုပြာကဋ်တဴ ဂကောံရုပ် (ယီုတိတ်) တမ် လဒေါဝ် ကၞောတ်အိုတ်သီုဂှ် ယီုတိတ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ၊ သီုကဵုပြာကဋ်တဴ ဂကောံရုပ် (ယီုလုပ်) တမ် လဒေါဝ် ကၞောတ်အိုတ်သီုဂှ် ယီုလုပ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ၊ သီုကဵုလလမ်ကၠေံ ယီုတိတ်မသကာတ်မြဟ်ဂှ် ယီုတိတ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ၊ သီုကဵုလလမ်ကၠေံ ယီုလုပ်မသကာတ်မြဟ်ဂှ် ယီုလုပ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ။ သီုမပြာကဋ်တဴ ‘ပဳတိ’ ပွမသ္ဍိုက်မၠိုက်ဂှ် ယီုတိတ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ၊ သီုမပြာကဋ်တဴ ‘ပဳတိ’ ပွမသ္ဍိုက်မၠိုက်ဂှ် ယီုလုပ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ၊ သီုမပြာကဋ်တဴ ‘သုခ’ ပွမဒှ်တသိုခ်ဂှ် ယီုတိတ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ၊ သီုမပြာကဋ်တဴ ‘သုခ’ ပွမဒှ်တသိုခ်ဂှ် ယီုလုပ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ။ သီုမကဵုပြာကဋ်တဴ စိတ္တသင်္ခါရ (မတွံဂး ဝေဒနာသညာ) ဂှ် ယီုတိတ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ၊ သီုမကဵုပြာကဋ်တဴ စိတ္တသင်္ခါ (မတွံဂးဝေဒနာသညာ) ဂှ် ယီုလုပ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ။ သီုမကဵုလလမ်ကၠေံ စိတ္တသင်္ခါရ (ဝေဒနာသညာ) ဂှ် ယီုတိတ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ၊ သီုမကဵုလလမ်ကၠေံ စိတ္တသင်္ခါရ (ဝေဒနာသညာ) ဂှ်ယီုလုပ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ။ သီုမကဵုပြာကဋ် တီတဴစိုတ်ဂှ် ယီုတိတ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ၊ သီုမကဵုပြာကဋ် တီတဴစိုတ်ဂှ် ယီုလုပ်ရ ရဴဝွံ ပတိတ်ဇြဟတ်တုဲ ဒ္ဂေတ်တဴရ။ သီုမကဵုစိုတ်မြဟ်မြာလောန် ။ ပ ။ သီုမစွံပတန်လဝ်စိုတ် ဗွဲမဒးရး ။ ပ ။ သီုမကဵုစိုတ်တိတ်ဗၠး (နူမပ္တံနဳဝရဏ) ။ ပ ။ သီုမမၠာ်သ္ၚေဝ်ဂၠိုင်ဂၠိုင်ကဵုဝါ ရဴဝွံမ္ဂး အနိစ္စ ။ ပ ။ သီုမမၠာ်သ္ၚေဝ်ဂၠိုင်ဂၠိုင်ကဵုဝါ ပွမစာ်စ္ဍးနူရာဂ ။ ပ ။ သီုမမၠာ်သ္ၚေဝ်ဂၠိုင်ဂၠိုင်ကဵုဝါ ပွမပၠိုတ်လလမ် ။ ပ ။ သီုမမၠာ်သ္ၚေဝ်ဂၠိုင်ဂၠိုင်ကဵုဝါ ပွမသၠးကၠေံမွဲလှေ်ပၠန်ဂှ် "ယီုတိတ်ရ" ရဴဝွံ ပတိတ်ဇြဟတ်တုဲ ဒ္ဂေတ်တဴရ၊ သီုမမၠာ်သ္ၚေဝ်ဂၠိုင်ဂၠိုင်ကဵုဝါ ရဴဝွံမ္ဂး ပွမသၠးကၠေံ မွဲလှေ်ပၠန်ဂှ် "ယီုလုပ်ရ" ရဴဝွံ ပတိတ်ဇြဟတ်တုဲ ဒ္ဂေတ်တဴရ။ ယွံခမဳတအ် အာနာပါနဿတိသမာဓိ ဂပ်ဝ်ဇၞော်ပၟဝ် ဂပ်ဝ်လ္ၚတ်သ္ပ ဗွဲမဂၠိုင်ကဵုဝါ ရဴဝွံဂှ် ၜိုဟ်လေဝ် ၜိုဟ်လလမ်ရ၊ ပြဲလေဝ် ပြဲရ၊ သွက်ဒးလံင် (ဗပေင်စုတ်) လေဝ် ဟွံမွဲပၟိက်ရ၊ ဒၞဲါဌာန်ဒှ်တသိုခ်လေဝ် ဒှ်ရ၊ ဓရ်အကုသိုလ်မယုတ်မာဂမၠိုင် ဇၟာပ်မကတဵုဒှ် ဇၟာပ်မကတဵုဒှ်လေဝ် နမွဲခဏဓဝ် ကဵုကၠေံဗ္ဒန် ပၠိုတ်လလမ်အာမာန်ရ” ရဴဝွံ တွံတဴရ။


166) ပ္ဍဲအခိင်ဂှ် တဳလမၞုံပိုဉ်ကျာ်တြဲ ဟိုတ်နူဟိုတ်အရာဝွံ ကဵုခမဳသင်ကောံဓရီုတုဲမ္ဂး “ယွံခမဳတအ် ခမဳဂမၠိုင် အလဵုဇကုတအ်လေဝ် ပတုံဖျေံ ဇကုဇကုတအ် နူ ‘ဇဳဝိတိန္ဒြဳ’ လမျီုအိုတ်ရ၊ ကေုာံရင်သကအ်လေဝ် ပတုံဖျေံ နူ ‘ဇဳဝိတိန္ဒြဳ’ လမျီုအိုတ်ရ၊ ခမဳပတောံမိဂလဏ္ဍိကဂှ်လေဝ် “ယွံကောန်တၠ အာတ်ပါန်အခေါင်ရ၊ ဩဝ်ပတုံဖျေံကဵု ပိုဲညးဂမၠိုင် နူ ‘ဇဳဝတိန္ဒြဳ’ လမျီုအိုတ်ညိ၊ ဗဗေင်သ္ၚာဝွံ ကြက်ဒှ်ဗဗေင်သ္ၚာ တၠအဲရ” ရဴဝွံ ပြာပ်အာတုဲ ဟီုသ္ဂးအိုတ်ရ သ္ဂောံမိင်ကေတ်ရဴဝွံဂှ် ဍာံပြဟာ ရဴဝွံ စၟဳစၟတ်သၟာန်သၟုက် ခမဳဂမၠိုင်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ “ယွံခမဳတအ် ဟွံထေက် ကုခမဳဂမၠိုင်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာ ခမဳတအ် ဟွံသေင်ရ၊ ဟွံဂပ်ဝ်ရ၊ ဟွံထေက်ကဵုသ္ပရ၊ “ယွံခမဳတအ် မုဟိုတ် ခမဳဂမၠိုင်ဂှ် အလဵုဇကုတအ်လေဝ် ပတုံဖျေံဇကုဇကုတအ် နူ ‘ ဇဳဝိတိန္ဒြဳ’ လမျီုအိုတ်ဂှ်ရော? ကေုာံရင်သကအ်လေဝ် ပတုံဖျေံ နူ ‘ဇဳဝိတိန္ဒြဳ’ လမျီုအိုတ်ဂှ်ရော? ခမဳပတောံမိဂလဏ္ဍိကဂှ်လေဝ် “ယွံကောန်တၠ အာတ်ပါန်အခေါင်ရ၊ ဩဝ်ပတုံဖျေံကဵုပိုဲညးဂမၠိုင် နူ ‘ဇဳဝိတိန္ဒြဳ’ လမျီုညိ၊ ဗဗေင်သ္ၚာဝွံ ကြက်ဒှ်ဗဗေင်သ္ၚာ တၠအဲရ” ရဴဝွံ ပြာပ်အာတုဲ ဟီုသ္ဂးအိုတ်ဂှ်ရော? ယွံခမဳတအ် ပွဝွံ ကုညးမဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက် ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။


167) ယြဴခမဳမွဲ ဖအောဝ်လလဴ (နစိုတ်စေတနာ မမိက်ဂစိုတ်) တုဲ ပတုံဖျေံ ဇကုညးမဒှ်ဇာတ်မၞိဟ် နူ ‘ဇဳဝိတိန္ဒြဳ’ လမျီုမ္ဂး၊ လွဟ်လနက်မပ္တံၜုန်မြ မလေပ်ရေင်တၠုင် ‘ဇဳဝိတိန္ဒြဳ’ လမျီုညးဂှ်လေဝ် ဂၠာဲသ္ၚေဝ်တုဲ စွံပတန်လဝ် (ပ္ဍဲဇရေင်) မ္ဂး၊ ခမဳဝွံလေဝ် အာစိုပ်ပွမကျနူသာသနာရ၊ ဟွံမွဲပွမပံင်ဖက်မွဲစွံ ကေုာံခမဳခိုဟ်ဆာဲဂမၠိုင်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံသ္ဂးရ)။ ရဴဝွံဟေင် တဳလမၞုံပိုဉ်ကျာ်တြဲ ပညပ်တဴသိက္ခာပိုဒ်ဝွံ ကုခမဳဂမၠိုင်ရ။


168) ပ္ဍဲအခိင်ဂှ် ဥပးမွဲ ဂိယဲဒၟံင်ရ၊ သမ္ဘာဥပးဂှ် ရုပ်သာ်ကျေဝ်လောန်ရ၊ ထေက်ကဵုဗဵုစခိုဟ်ရ၊ ကဵုစိုတ်ဇြုင်ကေတ်မာန်ရ၊ ခမဳဆဗ္ဗဂ္ဂဳဂမၠိုင် မၞုံစိုတ်စောဲစပ် ပ္ဍဲဗြဴဂှ်အိုတ်ရ၊ “ယွံကောန်တၠတအ် ယဝ်ဥပးဂှ် ဂျိုင်ဒၟံင်လမျီုမ္ဂး ပိုဲညးဂမၠိုင် ကလိဂွံဗြဴဂှ်မာန် ဟွံသေင်အိုတ်ရ၊ ယွံကောန်တၠတအ် လၟုဟ်ပိုဲညးဂမၠိုင် ဟီုထိုင်သးဂုဏ်ပွမချိုတ် ကုဥပးဂှ်အိုတ်စိုအ်” ရဴဝွံ ကသပ်ဒှ်ကုခမဳဆဗ္ဗဂ္ဂဳ ဂမၠိုင်တုဲမ္ဂး ခမဳဆဗ္ဗဂ္ဂဳဂမၠိုင် ပြာပ်အာဇရေင်ဥပးဂှ်တုဲ— “ယွံဥပး တၠအဲဒှ်ညးမၞုံပွထၟိက် မဂပ်ဝ်သ္ပလဝ်တုဲရ၊ ဒှ်ညးမၞုံကုသိုလ် မဂပ်ဝ်သ္ပလဝ်တုဲရ၊ ဒှ်ညးဆေဝ်တာကၠေံ အရာဖေက်ဂၟံက်တုဲရ၊ ပွယုတ်မာ မဂပ်ဝ်သ္ပတုဲ ဟွံမွဲကုတၠအဲရ၊ ပွကြမ်ကြသကာတ်မြဟ် မဂပ်ဝ်သ္ပတုဲ ဟွံမွဲရ၊ ပွကြံင်မ္ၚိုဟ်ဓဇန် မဂပ်ဝ်သ္ပလဝ်တုဲ ဟွံမွဲရ၊ တၠအဲဂပ်ဝ်သ္ပ ပွထၟိက်တုဲရ၊ တၠအဲ ဂပ်ဝ်ဝေင်ပါဲကၠေံ ပွမသရာမ်ပါပ်တုဲရ၊ နပွမဂျိုင်လမျီုမယုတ်မာဝွံ မုဖဵုနွံ ကုတၠအဲရော? လတူပွမဂျိုင်လမျီု ပွမချိုတ်ဂှ် ပြဲကုတၠအဲဏီရ၊ တၠအဲစုတိကလိလောန် နူဘဝဝွံတုဲ ခန္ဓဇကုလီုလာ်တုဲ ပ္ဍဲကြဴနူချိုတ်တုဲဂှ် ကြက်သ္ဂောံကတဵုဒှ် ပ္ဍဲဍုင်သွဝ် ဒှ်လအာဂတိခိုဟ်ဆာဲရ၊ ပ္ဍဲဍုင်သွဝ်ဂှ် တရိုပ်စိုတ်ဍိုက်ပေင်တဴ နကာမဂုဏ်ဒေဝတဴဂမၠိုင် မသုန်ပြကာဒှ်တုဲ ကြက်သ္ဂောံဒုင်စသိုင် မိပ်မိပ်ဇြိပ်ဇြိပ်ရ” ရဴဝွံ ဟီုသ္ဂးကဵုဥပးဂှ်အိုတ်ရ။


169) ပ္ဍဲအခိင်ဂှ် ဥပးဂှ် “တဳလပိုဉ်မပြဲဂမၠိုင် ဟီုဂလာန်ဍာံစၟတ်အိုတ်ရ၊ ဍာံပြရ အဲဂှ်ဒှ်ညးမၞုံပွထၟိက် မဂပ်ဝ်သ္ပလဝ်တုဲရ၊ ဒှ်ညးမၞုံကုသိုလ် မဂပ်ဝ်သ္ပလဝ်တုဲရ၊ ဒှ်ညးဆေဝ်တာကၠေံ အရာဖေက်ဂၟံက်တုဲရ၊ ပွယုတ်မာ မဂပ်ဝ်သ္ပတုဲ ဟွံမွဲကုအဲရ၊ ပွကြမ်ကြသကာတ်မြဟ် မဂပ်ဝ်သ္ပတုဲ ဟွံမွဲရ၊ ပွကြံင်မ္ၚိုဟ်ဓဇန် မဂပ်ဝ်သ္ပလဝ်တုဲ ဟွံမွဲရ၊ အဲဂပ်ဝ်သ္ပ ပွထၟိက်တုဲရ၊ အဲ ဂပ်ဝ်ဝေင်ပါဲကၠေံ ပွမသရာမ်ပါပ်တုဲရ၊ နပွမဂျိုင်လမျီုမယုတ်မာဝွံ မုဖဵုနွံ ကုအဲရော? လတူပွမဂျိုင်လမျီု ပွမချိုတ်ဂှ် ပြဲကုအဲဏီရ၊ အဲစုတိကလိလောန် နူဘဝဝွံတုဲ ခန္ဓဇကုလီုလာ်တုဲ ပ္ဍဲကြဴနူချိုတ်တုဲဂှ် ကြက်သ္ဂောံကတဵုဒှ် ပ္ဍဲဍုင်သွဝ် ဒှ်လအာဂတိခိုဟ်ဆာဲရ၊ ပ္ဍဲဍုင်သွဝ်ဂှ် တရိုပ်စိုတ်ဍိုက်ပေင်တဴ နကာမဂုဏ်ဒေဝတဴဂမၠိုင် မသုန်ပြကာဒှ်တုဲ ကြက်သ္ဂောံဒုင်စသိုင် မိပ်မိပ်ဇြိပ်ဇြိပ်ရ” ရဴဝွံ ဥပးဂှ် စၞစမဟွံဗဗွဲဂမၠိုင်လေဝ် စရ၊ ကွာင်သ္ၚာဲစ မဟွံဗဗွဲဂမၠိုင်လေဝ်သ္ၚာဲရ၊ စၞကၠာန်မဟွံဗဗွဲဂမၠိုင်လေဝ် ကၠာန်ရ၊ စၞသုင်မဟွံဗဗွဲဂမၠိုင်လေဝ် သုင်ရ၊ စၞစမဟွံဗဗွဲဂမၠိုင်လေဝ်စ ကွာင်သ္ၚာဲစ မဟွံဗဗွဲဂမၠိုင်လေဝ်သ္ၚာဲ စၞကၠာန်မဟွံဗဗွဲဂမၠိုင်လေဝ်ကၠာန် စၞသုင်မဟွံဗဗွဲဂမၠိုင်လေဝ် သုင်ဂှ်ရ ယဲမသကာတ်မြဟ် ကတဵုဒှ်ကုဥပးဂှ်တုဲ နကဵုယဲဂှ်ဟေင် ဥပးဂှ်စုတိကလိလောန်စဴရ။ သမ္ဘာဥပးဂှ် “ခမဳဂမၠိုင် မဒှ်တၞောဝ်ကျာ်ကောန်သၟိင်သာကျဝင်ဝွံ ဟွံမွဲဂွလေံအိုတ်ရ၊ ဟွံမွဲသဳလအိုတ်ရ၊ မၞုံအလေံဟီုသ္ဂး ဟွံဍာံစၟတ်အိုတ်ရ၊ သီုကဵုဒှ်သာ်ဂှ် ခမဳဂမၠိုင်ဝွံ မၞုံအလေံဒ္ဂေတ်တဴဓရ်အိုတ်ရ၊ မၞုံအလေံဒ္ဂေတ်တဴ ဒ္ဂေတ်မသၟဟ်သၟန်အိုတ်ရ၊ မၞုံအလေံဒ္ဂေတ်တဴမပြဲအိုတ်ရ၊ မၞုံအလေံဟီုသ္ဂး ဍာံစၟတ်အိုတ်ရ၊ မၞုံကဵုသဳလအိုတ်ရ၊ မၞုံသဘဴခိုဟ်ဆာဲအိုတ်ရ ရဴဝွံဂံင်ဒုင်ဝန်အိုတ်ဏီရ၊ ကုခမဳဂမၠိုင်ဝွံ ဒဒှ်ခမဳ ဒဒှ်ညးသပ္ပုရိုဟ်ခိုဟ်ပြဲ ဟွံမွဲတုဲရ၊ ကုခမဳဂမၠိုင်ဝွံ ဒဒှ်ခမဳ ဒဒှ်ညးသပ္ပုရိုဟ်ခိုဟ်ပြဲ ကၠေံလီုတုဲရ၊ ကုခမဳဂမၠိုင်ဝွံ သာ်လဵု ဒဒှ်ခမဳ ဒဒှ်ညးသပ္ပရိုဟ်ခိုဟ်ပြဲ ဂွံနွံဏီဂှ်ရော? ခမဳဂမၠိုင်ဝွံ စာ်စ္ဍးနူဒဒှ်ခမဳ ဒဒှ်ညးသပ္ပုရိုဟ်ခိုဟ်ပြဲအိုတ်တုဲရ၊ ခမဳဂမၠိုင်ဝွံ ဟီုထိုင်သးဂုဏ်ပွမချိုတ် ကုတြုံတၠသ္ၚိအဲအိုတ်ရ၊ ခမဳဂမၠိုင်ဝွံ ဂစိုတ်ထောံ တြုံတၠသ္ၚိအဲအိုတ်တုဲရ” ရဴဝွံ ဟီုဂရိုဟ်ရ၊ ပျုတ်ဗ္ဒေက်ရ၊ ဟီုထ္ၜးဒုဟ်ရ။ မၞိဟ်သအာင်ဂမၠိုင်လေဝ် “ခမဳဂမၠိုင် မဒှ်တၞောဝ်ကျာ်ကောန်သၟိင်သာကျဝင်ဝွံ ဟွံမွဲဂွလေံအိုတ်ရ၊ ဟွံမွဲသဳလအိုတ်ရ၊ မၞုံအလေံဟီုသ္ဂး ဟွံဍာံစၟတ်အိုတ်ရ၊ သီုကဵုဒှ်သာ်ဂှ် ခမဳဂမၠိုင်ဝွံ မၞုံအလေံဒ္ဂေတ်တဴ ဓရ်အိုတ်ရ၊ မၞုံအလေံဒ္ဂေတ်တဴ ဒ္ဂေတ်မသၟဟ်သၟန်အိုတ်ရ၊ မၞုံအလေံဒ္ဂေတ်တဴမပြဲအိုတ်ရ၊ မၞုံအလေံဟီုသ္ဂး ဍာံစၟတ်အိုတ်ရ၊ မၞုံကဵုသဳလအိုတ်ရ၊ မၞုံသဘဴခိုဟ်ဆာဲအိုတ်ရ ရဴဝွံဂံင်ဒုင်ဝန်အိုတ်ဏီရ၊ ကုခမဳဂမၠိုင်ဝွံ ဒဒှ်ခမဳ ဒဒှ်ညးသပ္ပုရိုဟ်ခိုဟ်ပြဲ ဟွံမွဲတုဲရ၊ ကုခမဳဂမၠိုင်ဝွံ ဒဒှ်ခမဳ ဒဒှ်ညးသပ္ပုရိုဟ်ခိုဟ်ပြဲ ကၠေံလီုတုဲရ၊ ကုခမဳဂမၠိုင်ဝွံ သာ်လဵုဒဒှ်ခမဳ ဒဒှ်ညးသပ္ပရိုဟ်ခိုဟ်ပြဲ ဂွံနွံဏီဂှ်ရော? ခမဳဂမၠိုင်ဝွံ စာ်စ္ဍးနူဒဒှ်ခမဳ ဒဒှ်ညးသပ္ပုရိုဟ်ခိုဟ်ပြဲအိုတ်တုဲရ၊ ခမဳဂမၠိုင်ဝွံ ဟီုထိုင်သးဂုဏ်ပွမချိုတ် ကုဥပးအိုတ်ရ၊ ခမဳဂမၠိုင်ဝွံ ဂစိုတ်ထောံဥပးအိုတ်တုဲရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ခမဳဂမၠိုင် သ္ဂောံမိင်ကေတ် ဂလာန်မၞိဟ်ဂမၠိုင် မဟီုဂရိုဟ် ပျုတ်ဗ္ဒေက်ဟီုထ္ၜးဒုဟ်အိုတ်ရ၊ ယြဴခမဳဂမၠိုင် ပၟိက်အောန်အိုတ်ရ ။ ပ ။ ခမဳဂမၠိုင်ဂှ် “မုဟိုတ် ခမဳဆဗ္ဗဂ္ဂဳဂမၠိုင် ဟီုထိုင်သးဂုဏ်ပွမချိုတ် ကုဥပးအိုတ်ဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။


170) ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် ခမဳဆဗ္ဗဂ္ဂဳဂမၠိုင် နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ ယွံခမဳတအ် မၞးတအ်ညးဂမၠိုင် ဟီုထိုင်သးဂုဏ်ပွမချိုတ် ကုဥပအိုတ်ရဟီုဂှ် ဍာံပြဟာရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ “ယွံတြုံမလ္ၚုသၟး (နူမဂ်ဖိုလ်) တအ် (ပွကမၠောန်) ဝွံ ဟွံထေက် ကုခမဳဂမၠိုင်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ် ဟွံသေင်ရ၊ ဟွံဂပ်ဝ်ရ၊ ဟွံထေက်ကဵုသ္ပရ။ “ယွံတြုံမလ္ၚုသၟး (နူမဂ်ဖိုလ်) တအ် မၞးတအ်ညးဂမၠိုင် မုဟိုတ် ဟီုထိုင်သးဂုဏ်မချိုတ် ကုဥပးအိုတ်ရော? “ယွံတြုံမလ္ၚုသၟး (နူမဂ်ဖိုလ်) တအ် ပွ (မၞးတအ်ညးဂမၠိုင် သ္ပဒး) ဝွံ ကုညးမဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။


171) ယြဴခမဳမွဲ ဖအောဝ်လလဴ (နစိုတ်စေတနာ မမိက်ဂစိုတ်) တုဲ ပတုံဖျေံ ဇကုညးမဒှ်ဇာတ်မၞိဟ် နူ ‘ဇဳဝိတိန္ဒြဳ’ လမျီုမ္ဂး၊ လွဟ်လနက်မပ္တံၜုန်မြ မလေပ်ရင်တၠုင် ‘ဇဳဝိတိန္ဒြဳ’ လမျီုညးဂှ်လေဝ် ဂၠာဲသ္ၚေဝ်တုဲ စွံပတန်လဝ် (ပ္ဍဲဇရေင်) မ္ဂး၊ ဂုဏ်ပွမချိုတ်လေဝ် ဟီုထိုင်သးမ္ဂး၊ တၞဟ်နပွမချိုတ်လေဝ် ကဵုဒဂိုန်ဂိုင်ကေတ်မ္ဂး၊ ‘ယွံတြုံ နပွမဂျိုင်လမျီုမယုတ်မာဝွံ မုဖဵုနွံကုတၠအဲဂှ်ရော? လတူပွမဂျိုင်လမျီု ပွမချိုတ်ဂှ် ပြဲကုတၠအဲဏီရ’ ရဴဝွံ မၞုံဂၠမ်စိုတ် (မမိက်ကဵုချိုတ်) ရဴဝွံဒှ်တုဲ မၞုံကသပ်စိုတ် (မမိက်ကဵုချိုတ်) ရဴဝွံဒှ်တုဲ နဟိုတ်မဂၠိုင် ဂုဏ်ပွမချိုတ်လေဝ် ဟီုထိုင်သးရ၊ တၞဟ်နပွမချိုတ်လေဝ် ကဵုဒဂိုန်ဂိုင်ကေတ်မ္ဂး၊ ခမဳဝွံလေဝ် အာစိုတ်ပွမကျနူသာသနာရ၊ ဟွံမွဲပွမပံင်ဖက်မွဲစွံ ကေုာံခမဳခိုဟ်ဆာဲဂမၠိုင်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

၁.၃.၂။ပွံက်တတိယပါရာဇိကသိကာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

172) ယြဴမ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳမ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ ဖအောဝ်လလဴ (နစိုတ်စေတနာ မမိက်ဂစိုတ်) တုဲမ္ဂးဂှ် သီုမတီတဴ သီုမတီတဴ ချိုတ်ချိုတ်ပၠိုတ်ပၠိုတ် ဖအောဝ်လလဴတုဲ ‘ပတိတ်လွဳတုဲ’ လၞိန်ဗပိန်တုဲ ပွမကလိလောန်ရောင်။ ဇကုညးမဒှ်ဇာတ်မၞိဟ်မ္ဂးဂှ် သ္ပတမ်နူ (ပဋိသန္ဓိ) စိုတ် ဝိညာဏ်ကတဵုဒှ်ကၠုင်ဗွဲကိုပ်ကၠာ ပ္ဍဲအပ္ဍဲဗုင်ဂၞဴမိတုဲ သတ် (မဒှ်) ပ္ဍဲအပ္ဍဲဍေံဒစဵုကဵုကာလမချိုတ်ဝွံ ဇကုညးမဒှ်ဇာတ်မၞိဟ်မ္ဂးရ။ ပတုံဖျေံ နူ’ဇဳဝိတိန္ဒြဳ’ လမျီုမ္ဂးမ္ဂးဂှ် သကုတ်ကၠေံ ‘ဇဳဝိတိန္ဒြဳ’ လမျီုရ၊ ကဵုပၠိုတ်ရ၊ ကဵုတၞောဝ်ခန္ဓ လီုလာ်ရ။ လွဟ်လနက်မပ္တံၜုန်မြ မလေပ်ရင်တၠုင် ‘ဇဳဝိတိန္ဒြဳ’ လမျီု ညးဂှ်လေဝ် ဂၠာဲသ္ၚေဝ်တုဲ စွံပတန်လဝ် (ပ္ဍဲဇရေင်) မ္ဂးဂှ် သၞာ်ကီုလဝ် ဗၞုဟ်ကီုလဝ် ခၞံင်ကီုလဝ် ဂတေက်ကီုလဝ် တၟံကဠောံကီုလဝ် လွဟ်လနက်သှေ်သၟေဟ်ကီုလဝ် ဂျိကီုလဝ် ဇုက်ကီုလဝ် (ဂၠာဲသ္ၚေဝ်တုဲ စွံပတန် လဝ်ပ္ဍဲဇရေင်မ္ဂး)။ ဂုဏ်ပွမချိုတ်လေဝ် ဟီုထိုင်သးမ္ဂးဂှ် ထ္ၜးကဵုဒုဟ် ပ္ဍဲပွမဂျိုင်လမျီုရ၊ ဟီုထိုင်သးဂုဏ်ပွမချိုတ်ရ။ တၞဟ်နပွမချိုတ်လေဝ် ကဵုဒဂိုန်ဂိုင်ကေတ်မ္ဂးဂှ် လွဟ်လနက်လေဝ် ဩင်ရင်တၠုင်ညိ၊ ဂျိလေဝ် ဩဝ်စညိ၊ ဒက်ကွက်ဖျေံဇုက်တုဲလေဝ် ဩဝ်ချိုတ်ညိ၊ (ပွမစကာ) ရဴဝွံရောင်။ ယွံတြုံမ္ဂးဂှ် ဒှ်ယၟုတြုံ မဂပ်ဝ်ကော်ခဴတူရူရောင်။ ပ္ဍဲအရာနပွမဂျိုင်လမျီုမယုတ်မာဝွံ မုဖဵုနွံကုတၠအဲဂှ်ရော? ပွမဂျိုင်လမျီုမယုတ်မာဂှ် ထံက်ရံင်ကဵုပွမဂျိုင်လမျီု ညးသ္ဂေဟ်သွဟ် ဖဲသအဳဂမၠိုင်တုဲ ပွမဂျိုင်လမျီု ညးဒိုက်ဂတ်ဂမၠိုင်ဂှ် ကဆံင်ယုတ်သဝ်ရ၊ ထံက်ရံင်ကဵုပွမဂျိုင်လမျီု ညးတၠဂြပ်ဂမၠိုင်တုဲ ပွမဂျိုင်လမျီု ညးဟၟဲကဵုဂြပ်ဂမၠိုင်ဂှ် ကဆံင်ယုတ်သဝ်ရ၊ ထံက်ရံင်ကဵုပွမဂျိုင်လမျီု ဒေဝတဴဂမၠိုင်တုဲ ပွမဂျိုင်လမျီု မၞိဟ်ဂမၠိုင်ဂှ် ကဆံင်ယုတ်သဝ်ရ။ ပွမဂျိုင်လမျီုမယုတ်မာမ္ဂးဂှ် နပွမဂျိုင်လမျီု ကဆံင်သဝ်ယုတ်မာ ဒဒက်တဴညးဇိုင်ပိုတ် ညးတဲပိုတ် ညးဇိုင်တဲပိုတ် ညးကတောဝ်ပိုတ် ညးမုဟ်ပိုတ် ညးကတောဝ်မုဟ်ပိုတ်ဝွံ (မုဖဵုနွံဂှ်ရော?)၊ လတူပွမဂျိုင်လမျီု ပွမချိုတ်ဂှ် ပြဲကုတၠအဲဏီရ၊ (ရဴဝွံ ဟီုထိုင်သးမ္ဂး)။ မၞုံဂၠမ်စိုတ် (မမိက်ကဵုချိုတ်) ရဴဝွံဒှ်တုဲမ္ဂးဂှ် စိုတ်ဂှ် ဂၠမ်စိုတ်မ္ဂးရ၊ ဂၠမ်စိုတ်ဂှ် စိုတ်မ္ဂးရ။ မၞုံကသပ်စိုတ် (မမိကကဵုချိုတ်) ရဴဝွံဒှ်တုဲမ္ဂးဂှ် မၞုံစၟတ်သမ္တီ ပ္ဍဲပွမချိုတ်ဒှ်တုဲ မၞုံစေတနာ ပ္ဍဲပွမ ချိုတ်ဒှ်တုဲ မၞုံပၟိက်ပ္ဍဲပွမချိုတ်ဒှ်တုဲ။ နဟိုတ်မဂၠိုင်မ္ဂးဂှ် နဟိုတ်အရာ ယုတ်ပြဲ ဇၞော်ဍောတ်တၞဟ်တၞဟ်ဂမၠိုင်။ ဂုဏ်ပွမချိုတ်လေဝ် ဟီုထိုင်သးမ္ဂးဂှ် “တၠအဲ စုတိကလိလောန် နူဘဝဝွံတုဲ ခန္ဓဇကုလီုလာ်တုဲ ပ္ဍဲကြဴနူချိုတ်တုဲဂှ် ကြက်သ္ဂောံကတဵုဒှ်ပ္ဍဲဍုင်သွဝ် ဒှ်လအာဂတိခိုဟ်ဆာဲရ၊ ပ္ဍဲဍုင်သွဝ်ဂှ် တရိုပ်စိုတ်ဍိုက်ပေင်တဴ နကာမဂုဏ်ဒေဝတဴဂမၠိုင် မသုန်ပြကာဒှ်တုဲ ကြက်သ္ဂောံဒုင်စသိုင် မိပ်မိပ်ဇြိပ်ဇြိပ်ရ” ရဴဝွံ ထ္ၜးကဵုဒုဟ် ပ္ဍဲပွမဂျိုင်လမျီုတုဲ ဟီုထိုင်သး ဂုဏ်ပွမချိုတ်ရ။ တၞဟ်နပွမချိုတ်လေဝ် ကဵုဒဂိုန်ဂိုင်ကေတ်မ္ဂးဂှ် လွဟ်လနက်လေဝ် ဩင်ရင်တၠုင်ညိ၊ ဂျိလေဝ် ဩဝ်စညိ၊ ဒက်ကွက်ဖျေံဇုက်တုဲလေဝ် ဩဝ်ချိုတ်ညိ၊ ပ္ဍဲလ္စအင်လှာ (ကတိုင်) ကီုလဝ် ပ္ဍဲဇြဟ်ကီုလဝ် ပ္ဍဲဗပါတ်ဒဵုကီုလဝ် ဩဝ်ဆင်စှေ်ညိ၊ (နမပ္တံရဴဝွံ စကာမ္ဂး)။ ခမဳဝွံလေဝ်မ္ဂးဂှ် ထံက်ရံင်ကဵု ခမဳကိုပ်ကၠာဂမၠိုင်တုဲ ဂပ်ဝ်သ္ဂးရ။ အာစိုပ်ပွမကျနူသာသနာရမ္ဂးဂှ် ဗွဲဥပမာမ္ဂး တၟံလးဇၞော် မဒကးအာၜါလွးတုဲဂှ် သၟဟ်ညံင်ရဴကလေင်ဗ္ဂပ်ဖျပ်မွဲလှေ်ပၠန် ဟွံဂွံရကီု တုပ်သၟဟ်သာ်ဝွံရ ခမဳဖအောဝ်လလဴ နစိုတ်စေတနာ မမိက်ဂစိုတ်တုဲ ပတုံဖျေံ ဇကုညးမဒှ်ဇာတ်မၞိဟ် နူ ‘ဇဳဝိတိန္ဒြဳ’ လမျီုတုဲဂှ် ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဟိုတ်ဂှ်ရ “အာစိုပ်ပွမကျနူသာသနာရ” ရဴဝွံ ဂပ်ဝ်သ္ဂးရ။ ပ္ဍဲအရာဟွံမွဲကဵုပွမပံင်ဖက် ကေုာံခမဳခိုဟ်ဆာဲဂမၠိုင်မွဲစွံဂှ် ပွမပံင်ဖက်မ္ဂးဂှ် ပွမသ္ပ ဝိနယ်ကမ်မွဲစွံ ပွမစၞောန်ထ္ၜး (ဖ္ဍောတ်) ပါတိမုက်မွဲစွံ ပွမဒ္ဂေတ်လ္ၚတ် ပဒတဴမွဲစွံရောင်၊ သီုဖအိုတ်ဝွံ ပွမပံင်ဖက်မ္ဂးရ၊ ပွမပံင်ဖက်ဂှ် ဟွံမွဲမွဲစွံ ကေုာံခမဳမစှေ်ပါရာဇိကဂှ်ရ၊ ဟိုတ်ဂှ်ရ ကော်ခဴဂး “ဟွံမွဲကဵုပွမပံင်ဖက် ကေုာံခမဳခိုဟ်ဆာဲဂမၠိုင်မွဲစွံ”ရ။ ⎈ လၟေင်က္ဍိုပ်မာတိကာ 173) အလဵုဇကု၊ သှ်ပတူ (စဳရေင်) တုဲ ပွမဗလးကလုတ်၊ ပွမဗလးကလုတ်အဆက်အဆက်၊ ကလုတ်မဆောတ်ယောင်၊ ကလုတ်အာတုဲ ကလေင်စဴကၠုင်၊ ဌာန်ဟွံဂြောပ်ဗ္ဒန် ပွမသမ္တီထေင်ကေတ် ရဴဝွံမ္ဂး ဌာန်ဂြောပ်ဗ္ဒန်၊ ဌာန်ဂြောပ်ဗ္ဒန်ဂှ် ပွမသမ္တီထေင်ကေတ် ရဴဝွံမ္ဂး ဌာန်ဟွံဂြောပ်ဗ္ဒန်၊ ဟွံသေင်ကဵုဌာန်ဂြောပ်ဗ္ဒန် ပွမသမ္တီထေင်ကေတ် ရဴဝွံမ္ဂး ဌာန်ဟွံဂြောပ်ဗ္ဒန်၊ ဌာန်ဂြောပ်ဗ္ဒန်ဂှ် ပွမသမ္တီထေင်ကေတ် ရဴဝွံမ္ဂး ဌာန်ဂြောပ်ဗ္ဒန်၊ ပွမထိုင်သး နဇကု၊ ပွမထိုင်သး နပါင်၊ ပွမထိုင်သး နဇကု နပါင်၊ ပွမထိုင်သး နကလုတ်၊ ချူလိခ်တုဲ ပွမထိုင်သး၊ ပွမခါဲကတိုင်၊ ပွမစွံပတန်ဂတဵုဒလာဲ၊ ပွမဖျေံစွံ လွဟ်လနက် ပ္ဍဲဇရေင်၊ ဂဥုဲ၊ ပွမပြာပ်ရင်တၠုင်ဏာ ရူပါရီုဇရေင်၊ ပွမပြာပ်ရင်တၠုင်ဏာ သဒ္ဒါရီုဇရေင်၊ ပွမပြာပ်ရင်တၠုင်ဏာ ဂန္ဓာရီုဇရေင်၊ ပွမပြာပ်ရင်တၠုင်ဏာ ရသာရီုဇရေင်၊ ပွမပြာပ်ရင်တၠုင်ဏာ ဖောဋ္ဌဗ္ဗာရီုဇရေင်၊ ပွမပြာပ်ရင်တၠုင်ဏာ ဓမ္မာရီုဇရေင်၊ ပွမဟီုလဴ၊ ပွမဒၠောံဗတာန်၊ ပွမသ္ပချိင်ဖါပ်၊ ပွမသ္ပနိမိတ်စၟတ်သမ္တီ။

⎈ ပွံက်မာတိကာ

[ပလေဝ်ဒါန် | ပလေဝ်ဒါန် တမ်ကၞက်]

174) အလဵုဇကုမ္ဂးဂှ် နကဵုဇကုကီု နကဵုအရာဝတ္ထုမစပ်ကေုာံဇကုကီု နပွမပန်ဗလးဏာလဴကီု အလဵုဇကု ဂစိုတ်ရ။ သှ်ပတူ (စဳရေင်) တုဲမ္ဂးဂှ် “ရဴဝွံ ထပက်ညိ၊ ရဴဝွံ ပြိုက်ကဵုဂွဵုဂွိုက်ညိ၊ ရဴဝွံ ဂစိုတ်ညိ ရဴသာ်ဝွံ သှ်ပတူစဳရေင်တုဲ ပွမဖအောဝ်စကာရောင်။ ခမဳမွဲဇကုဂှ် “ဩဝ်ဂစိုတ် ညးမၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး၊ ဒးအာပတ်ဒုက္ကဋ်ရ၊ ခမဳဂှ် သမ္တီထေင်ကေတ် ညးဂှ်ရတုဲ ဂစိုတ်ညးဂှ်ဟေင်မ္ဂး၊ သီုၜါတၠ ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ဂစိုတ် ညးမၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး၊ ဒးအာပတ်ဒုက္ကဋ်ရ၊ ခမဳဂှ် သမ္တီထေင်ကေတ် ညးဂှ်ရတုဲ ဂစိုတ်ညးသအာင်မ္ဂး၊ ကုခမဳ မဖအောဝ်စကာမူလဂှ် ဟွံဒးအာပတ်ရ၊ ကုခမဳ မဂစိုတ်ဟေင် ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ဂစိုတ် ညးမၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး၊ ဒးအာပတ်ဒုက္ကဋ်ရ၊ ခမဳဂှ် သမ္တီထေင်ကေတ် ညးသအာင်တုဲ ဂစိုတ်ညးဂှ်မ္ဂး၊ သီုၜါတၠ ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ဂစိုတ် ညးမၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး၊ ဒးအာပတ်ဒုက္ကဋ်ရ၊ ခမဳဂှ် သမ္တီထေင်ကေတ် ညးသအာင်တုဲ ဂစိုတ်ညးသအာင်မ္ဂး၊ ကုခမဳ မဖအောဝ်စကာမူလဂှ် ဟွံဒးအာပတ်ရ၊ ကုခမဳ မဂစိုတ်ဟေင် ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ဟီုကဵု ကုခမဳမၞုံယၟုဝွံညိ၊ ခမဳမၞုံယၟုဝွံလေဝ် ခမဳမၞုံယၟုဝွံ ဩဝ်ဂစိုတ်ညးမၞုံယၟုဝွံညိ ရဴဝွံ ဟီုကဵု ကုခမဳမၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး၊ ဒးအာပတ်ဒုက္ကဋ်ရ၊ ခမဳဂှ် ဟီုကဵုကုခမဳမွဲသအာင်မ္ဂး၊ ဒးအာပတ်ဒုက္ကဋ်ရ၊ ခမဳဂစိုတ်ဂှ် ဒုင်ဝန်မ္ဂး၊ ခမဳမဖအောဝ်စကာမူလဂှ် ဒးအာပတ်ထုလ္လစ္စယ်ရ၊ ခမဳညးဂစိုတ်ဂှ် ဂစိုတ်ညးဂှ်မ္ဂး သီုညးဖအိုတ် သီုညးပန်တၠ ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ဟီုကဵု ကုခမဳမၞုံယၟုဝွံညိ၊ ခမဳမၞုံယၟုဝွံလေဝ် ခမဳမၞုံယၟုဝွံ ဩဝ်ဂစိုတ်ညးမၞုံယၟုဝွံညိ ရဴဝွံ ဟီုကဵုကုခမဳမၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး၊ ဒးအာပတ်ဒုက္ကဋ်ရ၊ ခမဳဂှ် ဖအောဝ်စကာ ခမဳမွဲသအာင် (တိုက်ရိုက်) မသအာင်နူခမဳ မဂပ်ဝ်ဖအောဝ်စကာမွဲကဆံင်ဂှ်မ္ဂး၊ ဒးအာပတ်ဒုက္ကဋ်ရ၊ ခမဳဂစိုတ်ဂှ် ဒုင်ဝန်မ္ဂး၊ ဒးအာပတ်ဒုက္ကဋ်ရ၊ ခမဳဂှ် ဂစိုတ်ညးဂှ်မ္ဂး၊ ခမဳ မဖအောဝ်စကာမူလဂှ် ဟွံဒးအာပတ်ရ၊ ကုခမဳမဖအောဝ်စကာ (တိုက်ရိုက်)ကီု ကုခမဳဂစိုတ်ကီုဂှ် ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ဂစိုတ် ညးမၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး၊ ဒးအာပတ်ဒုက္ကဋ်ရ၊ ခမဳဂှ် အာတုဲ အဲဂစိုတ်ညးဂှ် ဟွံမာန်ရ ရဴဝွံ ကလေင်ကၠုင်မွဲလှေ်ပၠန်ရ၊ ခမဳဂှ် “ပ္ဍဲအခိင်ဂစိုတ်မာန်ဂှ် ဩဝ်ဂစိုတ် ညးဂှ်ညိ” ရဴဝွံ (ထပ်) ဖအောဝ်စကာပၠန်မ္ဂး၊ ဒးအာပတ်ဒုက္ကဋ်ရ၊ ခမဳဂှ် ဂစိုတ်ညးဂှ်မ္ဂး၊ သီုၜါတၠ ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ဂစိုတ်ညးမၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး၊ ဒးအာပတ်ဒုက္ကဋ်ရ၊ ခမဳဂှ် ဖအောဝ်စကာတုဲပ္ဍဲကြဴ ၜိုန်သၠိုက်သ္ၚောံစိုတ် စိုတ်ဟွံမိပ်လေဝ် “လ္ပဂစိုတ်ရ” ရဴဝွံ ဟွံဟီုလၟိင်ဒးရ၊ ခမဳဂှ် ဂစိုတ်ညးဂှ်မ္ဂး၊ သီုၜါတၠ ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ဂစိုတ် ညးမၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး၊ ဒးအာပတ်ဒုက္ကဋ်ရ၊ ခမဳဂှ် ဖအောဝ်စကာတုဲပ္ဍဲကြဴ သၠိုက်သ္ၚောံစိုတ် စိုတ်ဟွံမိပ်တုဲ “လ္ပဂစိုတ်ရ” ရဴဝွံ ဟီုလၟိင်ရ၊ ခမဳဂှ် “တၠအဲ ဖအောဝ်စကာအဲတုဲဒှ်ရ” ရဴဝွံ (ဟီုသ္ဂးတုဲ) ဂစိုတ်ညးဂှ်မ္ဂး၊ ကုခမဳ မဖအောဝ်စကာမူလဂှ် ဟွံဒးအာပတ်ရ၊ ကုခမဳ မဂစိုတ်ဟေင် ဒးအာပတ်ပါရာဇ်ရ။ ခမဳမွဲဇကုဂှ် “ဩဝ်ဂစိုတ် ညးမၞုံယၟုဝွံညိ” ရဴဝွံ ဖအောဝ်စကာ ခမဳမွဲဇကုမ္ဂး၊ ဒးအာပတ်ဒုက္ကဋ်ရ၊ ခမဳဂှ် ဖအောဝ်စကာတုဲပ္ဍဲကြဴ သၠိုက်သ္ၚောံစိုတ် စိုတ်ဟွံမိပ်တုဲ “လ္ပဂစိုတ်ရ” ရဴဝွံ ဟီုလၟိင်ရ၊ ခမဳဂှ် “ခိုဟ်သန်ရ” ဂးတုဲ ဝေင်ပါဲကၠေံမ္ဂး၊ သီုညးၜါတၠ ဟွံဒးအာပတ်ရ။ 175) ဌာန်ဟွံဂြောပ်ဗ္ဒန်ဂှ် သမ္တီထေင်ကေတ် ရဴဝွံမ္ဂး ဌာန်ဂြောပ်ဗ္ဒန်တုဲ “ဂွံဂစိုတ်ထောံညးမၞုံယၟုဝွံမ္ဂး ခိုဟ်သန်ရ” ရဴဝွံ ဟီုသ္ဂးမ္ဂး၊ ဒးအာပတ်ဒုက္ကဋ်ရ။ ဌာန်ဂြောပ်ဗ္ဒန်ဂှ် သမ္တီထေင်ကေတ် ရဴဝွံမ္ဂး ဌာန်ဟွံဂြောပ်ဗ္ဒန်တုဲ “ဂွံဂစိုတ်ထောံ ညးမၞုံယၟုဝွံမ္ဂး ခိုဟ်သန်ရ” ရဴဝွံ ဟီုသ္ဂးမ္ဂး၊ ဒးအာပတ်ဒုက္ကဋ်ရ။ ဌာန်ဟွံဂြောပ်ဗ္ဒန်ဂှ် သမ္တီထေင်ကေတ် ရဴဝွံမ္ဂး ဌာန်ဟွံဂြောပ်ဗ္ဒန်တုဲ “ဂွံဂစိုတ်ထောံညးမၞုံယၟုဝွံမ္ဂး ခိုဟ်သန်ရ” ရဴဝွံ ဟီုသ္ဂးမ္ဂး၊ ဒးအာပတ်ဒုက္ကဋ်ရ။ ဌာန်ဂြောပ်ဗ္ဒန်ဂှ် သမ္တီထေင်ကေတ် ရဴဝွံမ္ဂး ဌာန်ဂြောပ်ဗ္ဒန်တုဲ “ဂွံဂစိုတ်ထောံညးမၞုံယၟုဝွံမ္ဂး ခိုဟ်သန်ရ” ရဴဝွံ ဟီုသ္ဂးမ္ဂး၊ ဒးအာပတ်ဒုက္ကဋ်ရ။ ပွမထိုင်သးနဇကုမ္ဂးဂှ် “ညးမဂွံချိုတ်ရဴဝွံဂှ် ဂြပ်ရတ်လေဝ် လေပ်ကလိဂွံရ၊ သကအ်တွဳဝါရဒယှ်တှ်လေဝ် လေပ်ကလိဂွံရ၊ ဍုင်သွဝ်လေဝ် လေပ်အာစိုပ်ရ” ရဴဝွံ သ္ပအာကာဲအရာဇကုမ္ဂး၊ ဒးအာပတ်ဒုက္ကဋ်ရ၊ ဟိုတ်ပွမဟီုထိုင်သးဂှ် ကြက်ချိုတ်ရ ရဴဝွံ ကဵုကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ပွမထိုင်သးနပါင်မ္ဂးဂှ် “ညးမဂွံချိုတ်ရဴဝွံဂှ် ဂြပ်ရတ်လေဝ် လေပ်ကလိဂွံရ၊ သကအ်တွဳဝါရဒယှ်တှ်လေဝ် လေပ်ကလိဂွံရ၊ ဍုင်သွဝ်လေဝ် လေပ်အာစိုပ်ရ” ရဴဝွံ ဟီုသ္ဂး နပါင်မ္ဂး၊ ဒးအာပတ်ဒုက္ကဋ်ရ၊ ဟိုတ်ပွမဟီုထိုင်သးဂှ် ကြက်ချိုတ်ရ ရဴဝွံ ကဵုကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ပွမထိုင်သး နဇကု နပါင်ၜါမ္ဂးဂှ် “ညးမဂွံချိုတ် ရဴဝွံဂှ် ဂြပ်ရတ်လေဝ် လေပ်ကလိဂွံရ၊ သကအ်တွဳဝါရဒယှ်တှ်လေဝ် လေပ်ကလိဂွံရ၊ ဍုင်သွဝ်လေဝ် လေပ်အာစိုပ်ရ” ရဴဝွံ အာကာဲအရာဇကုလေဝ် သ္ပမ္ဂး၊ နပါင်လေဝ် ဟီုမ္ဂး၊ ဒးအာပတ်ဒုက္ကဋ်ရ၊ ဟိုတ်ပွမဟီုထိုင်သးဂှ် ကြက်ချိုတ်ရ ရဴဝွံ ကဵုကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ဗလးကလုတ်တုဲ ပွမဟီုထိုင်သးမ္ဂးဂှ် “ညးမဂွံချိုတ် ရဴဝွံဂှ် ဂြပ်ရတ်လေဝ် လေပ်ကလိဂွံရ၊ သကအ်တွဳဝါရဒယှ်တှ်လေဝ် လေပ်ကလိဂွံရ၊ ဍုင်သွဝ်လေဝ် လေပ်အာစိုပ်ရ” ရဴဝွံ ကဵုပရိုင် ကုကလုတ်မ္ဂး၊ ဒးအာပတ်ဒုက္ကဋ်ရ၊ သ္ဂောံမိင်ကေတ် ဂလာန်ကလုတ်တုဲ ကြက်ချိုတ်ရ ရဴဝွံ ကဵုကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ 176) ချူလိခ်တုဲ ပွမဟီုထိုင်သးမ္ဂးဂှ် “ညးမဂွံချိုတ် ရဴဝွံဂှ် ဂြပ်ရတ်လေဝ် လေပ်ကလိဂွံရ၊ သကအ်တွဳဝါရဒယှ်တှ်လေဝ် လေပ်ကလိဂွံရ၊ ဍုင်သွဝ်လေဝ် လေပ်အာစိုပ်ရ” ရဴဝွံ ချူလိခ်မ္ဂး၊ ဒးအာပတ်ဒုက္ကဋ်ရ၊ ဇၟာပ်မအက္ခရ်ဂှ် ဒးအာပတ်ဒုက္ကဋ်ရ၊ ရံင်လိခ်တုဲ ကြက်ချိုတ်ရ ရဴဝွံ ကဵုကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး ဒးအာပတ်ပါရာဇ်ရ။ ပွမခါဲကတိုင်မ္ဂးဂှ် ရန်တၟံကဵုမၞိဟ်တုဲ “ဒတုံစှေ်တုဲ ကြက်ချိုတ်ရ” ရဴဝွံ ခါဲကတိုင်မ္ဂး၊ ဒးအာပတ်ဒုက္ကဋ်ရ၊ ဒတုံစှေ်တုဲပ္ဍဲကြဴ ကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး ဒးအာပတ်ပါရာဇ်ရ။ ညးလဵုရဂှ် ဟွံရန်တၟံတုဲ “ညးမမိက်ကဵုမွဲမွဲ ဒတုံစှေ်တုဲ ကြက်ချိုတ်ရ” ရဴဝွံ ခါဲကတိုင်မ္ဂး၊ ဒးအာပတ်ဒုက္ကဋ်ရ၊ မၞိဟ်ဒတုံစှေ် ပ္ဍဲကတိုင်ဂှ်မ္ဂး၊ ဒးအာပတ်ဒုက္ကဋ်ရ၊ ဒတုံစှေ်တုဲ ပ္ဍဲကြဴ ကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ရာပါရာဇ်ရ။ ကလော်လကိုဟ်ကီုလဝ် ပြိုတ်ကီုလဝ် တိရစ္ဆာန်မပတောံလဝ်မၞိဟ်ကီုလဝ် ဒတုံစှေ်ပ္ဍဲကတိုင်ဂှ်မ္ဂး၊ ဒးအာပတ်ဒုက္ကဋ်ရ၊ ဒတုံစှေ်တုဲပ္ဍဲကြဴ ကတဵုဒှ် ဒုက္ခဝေဒနာမ္ဂး၊ ဒးအာပတ်ဒုက္ကဋ်ရ၊ ချိုတ်အာမ္ဂး၊ ဒးအာပတ်ထုလ္လစ္စယ်ရ။ တိရစ္ဆာန် ဒတုံစှေ်ပ္ဍဲကတိုင်ဂှ်မ္ဂး၊ ဒးအာပတ်ဒုက္ကဋ်ရ၊ ဒတုံစှေ်တုဲပ္ဍဲကြဴ ကတဵုဒှ်ဒုက္ခဝေဒနာမ္ဂး၊ ဒးအာပတ်ဒုက္ကဋ်ရ၊ ချိုတ်အာမ္ဂး၊ ဒးအာပတ်ပါဲစိုတ်ရ။ 177) ပွမစွံပတန်ဂတဵုဒလာဲမ္ဂးဂှ် “ဒတုံစှေ်တုဲ ကြက်ချိုတ်ရ” ရဴဝွံ ပ္ဍဲဂတဵုဒလာဲဂှ် လွဟ်ၜုန်မြလေဝ် စွံလဝ်မ္ဂး၊ နကဵုဂျိလေဝ် လံက်လေတ်လဝ်မ္ဂး၊ ညံင်ဂွံဍိုန်ကဵုဇြဟတ်လေဝ်သ္ပမ္ဂး၊ ပ္ဍဲလ္စအင်လှာ (ကတိုင်) ကီုလဝ် ပ္ဍဲဇြဟ်ကီုလဝ် ပ္ဍဲဗပါတ်ဒဵုကီုလဝ် စွံပတန်လဝ်မ္ဂး၊ ဒးအာပတ်ဒုက္ကဋ်ရ၊ နကဵုလွဟ်လနက်ကီုလဝ် နကဵုဂျိကီုလဝ် ဒတုံစှေ်ကီုလဝ် ကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ပွမဖျေံစွံလွဟ်လနက် ပ္ဍဲဇရေင်မ္ဂးဂှ် သၞာ်ကီုလဝ် ဗၞုဟ်ကီုလဝ် ခၞံင်ကီုလဝ် ဂတေက်ကီုလဝ် တၟံကဠောံကီုလဝ် လွဟ်လနက်သှေ်သၟေဟ်ကီုလဝ် ဂျိကီုလဝ် ဇုက်ကီုလဝ် “နအရာဝတ္ထုဝွံ ကြက်ချိုတ်ရ” ရဴဝွံ ဖျေံစွံပ္ဍဲဇရေင်မ္ဂး၊ ဒးအာပတ်ဒုက္ကဋ်ရ၊ နအရာဝတ္ထုဂှ် ကြက်ချိုတ်ရ ရဴဝွံ ကဵုကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ဂဥုဲမ္ဂးဂှ် ကၠေင်သွဟ်ကီုလဝ် ကၠေင်ကီုလဝ် ဍာ်သာဲကီုလဝ် တင်လာဲကီုလဝ် “ကၠာန်ဂဥုဲဝွံတုဲ ကြက်ချိုတ်ရ” ရဴဝွံ ကဵုမ္ဂး၊ ဒးအာပတ်ဒုက္ကဋ်ရ၊ ကၠာန်ဂဥုဲဂှ်တုဲ ကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ 178) ပွမပြာပ်ရင်တၠုင်ဏာ ရူပါရီုဇရေင်မ္ဂးဂှ် ရူပါရီု မဟွံမွဲကဵုသ္ဍိုက်မၠိုက်ဒးဂၞပ်မလေပ်ကတဵုဗဒှ်ကဵုဖေက်ဂၟံက် မဖေက်ဂၟံက်ခိုဟ်ဂှ် “ညာတ်ရူပါရီုဝွံမ္ဂး လကိုတ်တုဲ ကြက်ချိုတ်ရ” ရဴဝွံ ရင်တၠုင်ပြာပ်ဏာဇရေင်မ္ဂး၊ ဒးအာပတ်ဒုက္ကဋ်ရ၊ ညာတ်ရူပါရီုတုဲ လကိုတ်မ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ရူပါရီုမသ္ဍိုက်မၠိုက်ဒးဂၞပ်ဂှ် “ညာတ်ရူပါရီုဝွံမ္ဂး နမဟွံကလိဂွံ ကှ်ကေဲတုဲ ကြက်ချိုတ်တဴရ” ရဴဝွံ ရင်တၠုင်ပြာပ်ဏာဇရေင်မ္ဂး၊ ဒးအာပတ်ဒုက္ကဋ်ရ၊ ညာတ်ရူပါရီုဂှ်တုဲ နမကလိဂွံဟွံမာန် ကှ်ကေဲစှေ်မ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ပွမပြာပ်ရင်တၠုင်ဏာ သဒ္ဒါရီုဇရေင်မ္ဂးဂှ် ဗရုရမျာင် မဟွံမွဲကဵုသ္ဍိုက်မၠိုက်ဒးဂၞပ်မလေပ်ကတဵုဗဒှ်ကဵုဖေက်ဂၟံက် မဖေက်ဂၟံက်ခိုဟ်ဂှ် “မိင်ဗရုရမျာင်ဝွံမ္ဂး လကိုတ်တုဲ ကြက်ချိုတ်ရ” ရဴဝွံ ရင်တၠုင်ပြာပ်ဏာ ဇရေင်မ္ဂး၊ ဒးအာပတ်ဒုက္ကဋ်ရ၊ မိင်ဗရုရမျာင်ဂှ်တုဲ လကိုတ်မ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ဗရုရမျာင် မသ္ဍိုက်မၠိုက်ဒးဂၞပ် မသ္ဍိုက်ဆာန်သၞေံသၞဴ မလုပ်ဂြိုဟ်ဂှ် “မိင်ဗရုရမျာင်ဝွံမ္ဂး နမကလိဂွံဟွံမာန် ကှ်ကေဲတုဲ ကြက်ချိုတ်ရ” ရဴဝွံ ရင်တၠုင်ပြာပ်ဏာဇရေင်မ္ဂး၊ ဒးအာပတ်ဒုက္ကဋ်ရ၊ မိင်ဗရုရမျာင်ဂှ်တုဲ နမကလိဂွံဟွံမာန် ကှ်ကေဲစှေ်မ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ပွမပြာပ်ရင်တၠုင်ဏာ ဂန္ဓာရီုဇရေင်မ္ဂးဂှ် ဂန္ဓာရီု မဟွံမွဲကဵုသ္ဍိုက်မၠိုက်ဒးဂၞပ် မၞုံကဵုက္ဍုဟ်မၠေံဇအိုန်ဇရဂှ် “ဆုင်သၟူအမြာဲဝွံမ္ဂး က္ဍုဟ်မၠေံဇအိုန်ဇရတုဲ ကြက်ချိုတ်ရ” ရဴဝွံ ရင်တၠုင်ပြာပ်ဏာဇရေင်မ္ဂး၊ ဒးအာပတ်ဒုက္ကဋ်ရ၊ ဆုင်သၟူအမြာဲဂှ်တုဲ က္ဍုဟ်မၠေံဇအိုန်ဇရတုဲ ကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ဂန္ဓာရီုမသ္ဍိုက်မၠိုက်ဒးဂၞပ်ဂှ် “ဆုင်သၟူအမြာဲဝွံတုဲမ္ဂး နမဟွံကလိဂွံ ကှ်ကေဲတုဲ ကြက်ချိုတ်ရ” ရဴဝွံ ရင်တၠုင်ပြာပ်ဏာဇရေင်မ္ဂး၊ ဒးအာပတ်ဒုက္ကဋ်ရ၊ ဆုင်သၟူအမြာဲဂှ်တုဲ နမကလိဂွံဟွံမာန် ကှ်ကေဲစှေ်မ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ပွမပြာပ်ရင်တၠုင်ဏာ ရသာရီုဇရေင်မ္ဂးဂှ် ‘ရသာရီု’ ရှ်သာ မဟွံမွဲကဵုသ္ဍိုက်မၠိုက်ဒးဂၞပ် မၞုံကဵုက္ဍုဟ်မၠေံဇအိုန်ဇရဂှ် “ကၠာန်ရှ်သာဝွံတုဲမ္ဂး က္ဍုဟ်မၠေံဇအိုန်ဇရတုဲ ကြက်ချိုတ်တဴရ” ရဴဝွံ ရင်တၠုင်ပြာပ်ဏာဇရေင်မ္ဂး၊ ဒးအာပတ်ဒုက္ကဋ်ရ၊ ကၠာန်ရှ်သာဂှ်တုဲ က္ဍုဟ်မၠေံဇအိုန်ဇရတုဲ ကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ‘ရသာရီု’ ရှ်သာ မသ္ဍိုက်မၠိုက်ဒးဂၞပ်ဂှ် “ကၠာန် ရှ်သာဝွံတုဲမ္ဂး နမဟွံကလိဂွံ ကှ်ကေဲအာတုဲ ကြက်ချိုတ်ရ” ရဴဝွံ ရင်တၠုင်ပြာပ်ဏာဇရေင်မ္ဂး၊ ဒးအာပတ်ဒုက္ကဋ်ရ၊ ကၠာန်ရှ်သာဂှ်တုဲ နမကလိဂွံဟွံမာန် ကှ်ကေဲစှေ်မ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ပွမပြာပ်ရင်တၠုင်ဏာ ဖောဋ္ဌဗ္ဗာရီုဇရေင်မ္ဂးဂှ် ဖောဋ္ဌဗ္ဗာရီု မဟွံမွဲကဵုသ္ဍိုက်မၠိုက်ဒးဂၞပ် မတၟတ်ဒွံဟွံခိုဟ် မသကာတ်မြဟ်ဂှ် “တၟတ်ဒွံလုက်ဒး နတၟတ်ဒွံဝွံမ္ဂး ကြက်ချိုတ်ရ” ရဴဝွံ ရင်တၠုင်ပြာပ်ဏာဇရေင်မ္ဂး၊ ဒးအာပတ်ဒုက္ကဋ်ရ၊ ကုညးတၟတ်ဒွံလုက်ဒး နမတၟတ်ဒွံဂှ် ကတဵုဒှ်ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ဖောဋ္ဌဗ္ဗာရီု မသ္ဍိုက်မၠိုက်ဒးဂၞပ် မတၟတ်ဒွံခိုဟ် မဍိုန်ဍောတ်ဂှ် “တၟတ်ဒွံလုက်ဒး နမတၟတ်ဒွံဝွံမ္ဂး နမဟွံကလိဂွံ ကှ်ကေဲတုဲ ကြက်ချိုတ်ရ” ရဴဝွံ ရင်တၠုင်ပြာပ်ဏာ ဇရေင်မ္ဂး၊ ဒးအာပတ်ဒုက္ကဋ်ရ၊ တၟတ်ဒွံလုက်ဒး နတၟတ်ဒွံဂှ်တုဲ နမကလိဂွံဟွံမာန် ကှ်ကေဲစှေ်မ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ပွမပြာပ်ရင်တၠုင်ဏာ ဓမ္မာရီုဇရေင်မ္ဂးဂှ် “မိင်ဂလာန်ဝွံမ္ဂး လကိုတ်တုဲ ကြက်ချိုတ်အာရ” ရဴဝွံ ဟီုသ္ဂးဂလာန် မစပ်ကေုာံနရက် ကုညးထေက်ကဵုကတဵုဒှ် ပ္ဍဲနရက်မ္ဂး၊ ဒးအာပတ်ဒုက္ကဋ်၊ မိင်ဂလာန်ဂှ်တုဲ လကိုတ်မ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ “မိင်ဂလာန်ဓရ်ဝွံမ္ဂး ပၠုပ်စိုတ်ပ္ဍဲဍုင်သွဝ်တုဲ ကြက်ချိုတ်ရ” ရဴဝွံ ဟီုသ္ဂးဂလာန်မစပ်ကေုာံသွဝ် ကုညးတၠကုသိုလ်မ္ဂး၊ ဒးအာပတ်ဒုက္ကဋ်ရ၊ မိင်ဂလာန်ဂှ်တုဲ သီုမပၠုပ်စိုတ်ပ္ဍဲဍုင်သွဝ်ဂှ် ကြက်ချိုတ်ရ ရဴဝွံ ကဵုကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ 179) ပွမဟီုလဴမ္ဂးဂှ် “ရဴဝွံ ဩဝ်ချိုတ်ညိ၊ ညးမဂွံချိုတ် ရဴဝွံဂှ် ဂြပ်ရတ်လေဝ်လေပ်ကလိဂွံရ၊ သကအ်တွဳဝါရ ဒယှ်တှ်လေဝ် လေပ်ကလိဂွံရ၊ ဍုင်သွဝ်လေဝ် လေပ်အာစိုပ်ရ” ရဴဝွံ သၟာန်တုဲ ဟီုလဴမ္ဂး၊ ဒးအာပတ်ဒုက္ကဋ်ရ၊ နပွမဟီုလဴဂှ် ကြက်ချိုတ်ရ ရဴဝွံ ကဵုကတဵုဒှ်ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ပွမဒၠောံဗတောန်မ္ဂးဂှ် “ရဴဝွံ ဩဝ်ချိုတ်ညိ၊ ညးမဂွံချိုတ် ရဴဝွံဂှ် ဂြပ်ရတ်လေဝ်လေပ်ကလိဂွံရ၊ သကအ်တွဳဝါရ ဒယှ်တှ်လေဝ် လေပ်ကလိဂွံရ၊ ဍုင်သွဝ်လေဝ် လေပ်အာစိုပ်ရ” ရဴဝွံ သီုဟွံသၟာန်ဂှ် ဟီုလဴမ္ဂး၊ ဒးအာပတ်ဒုက္ကဋ်ရ၊ နဂလာန်ဒၠောံဗတောန်ဂှ် ကြက်ချိုတ်ရ ရဴဝွံ ကဵုကတဵုဒှ် ဒုက္ခဝေဒနာမ္ဂး၊ ဒးအာပတ်ထုလ္လစ္စယ်ရ၊ ချိုတ်အာမ္ဂး၊ ဒးအာပတ်ပါရာဇ်ရ။ ပွမသ္ပချိင်ဖါပ်မ္ဂးဂှ် ပ္ဍဲအခိင်နူဂယးကီု ပ္ဍဲအခိင်သဝ်တ္ၚဲကီု ပ္ဍဲအခိင်ဗ္တမ်ကီု ပ္ဍဲအခိင်တ္ၚဲကီု “နမချိင်ဖါပ်ကာလ မပ္တံနူဂယးဂှ် ဩဝ်ဂစိုတ် ညးဂှ်ညိ” ရဴဝွံ သ္ပချိင်ဖါပ်မ္ဂး၊ ဒးအာပတ်ဒုက္ကဋ်ရ၊ နမချိင်ဖါပ်ဂှ် ဂစိုတ်ညးဂှ်ဂှ်မ္ဂး၊ သီုညးၜါတၠ ဒးအာပတ်ပါရာဇ်ရ၊ ပ္ဍဲကိုပ်ကၠာကီုပ္ဍဲလက္ကရဴ အခိင်ချိင်ဖါပ်ဂှ်ကီု ဂစိုတ်ညးဂှ်မ္ဂး၊ ကုခမဳ မချိင်ဖါပ်မူလဂှ် ဟွံဒးအာပတ်ရ၊ ကုခမဳမဂစိုတ်ဟေင် ဒးအာပတ်ပါရာဇ်ရ။ ပွမသ္ပစၟတ်သမ္တီမ္ဂးဂှ် “မတ်လေဝ် ထ္ၜေက်ထ္ၜးဏောဝ်၊ ဒၞေင်၊ တၞေင်မတ်လေဝ်ယာ (တေအ်) ထ္ၜးဏောဝ်၊ က္ဍိုပ်လေဝ် ယာပတိုန် (ခညိက်) ထ္ၜးဏောဝ်၊ နစၟတ်သမ္တီဂှ် ဩဝ်ဂစိုတ်ညးဂှ်ညိ” ရဴဝွံ သ္ပစၟတ်သမ္တီမ္ဂး၊ ဒးအာပတ်ဒုက္ကဋ်ရ၊ နစၟတ်သမ္တီဂှ် ဂစိုတ်ညးဂှ်မ္ဂး၊ သီုညးၜါတၠ ဒးအာပတ်ပါရာဇ်ရ၊ ပ္ဍဲကိုပ်ကၠာကီု ပ္ဍဲလက္ကရဴ စၟတ်သမ္တီဂှ်ကီု ဂစိုတ်ညးဂှ်မ္ဂး ကုခမဳမသ္ပစၟတ်သမ္တီမူလဂှ် ဟွံဒးအာပတ်ရ၊ ကုခမဳ မဂစိုတ်ဟေင် ဒးအာပတ်ပါရာဇ်ရ။ ကုခမဳ ဟွံမွဲကဵုစိုတ်မမိဂစိုတ် ခမဳမဟွံတီ ခမဳမဟွံမိက်ကဵုချိုတ် (ကၠင်ကၟတ်လီုတုဲ) ခမဳမကြအ်ဥမ္မတ် ခမဳမကလိလောန်ကၠာတဲ ဟွံဒးအာပတ်ရ။ ခဏ်ထ္ၜးကဵုပရူပရာ မနုဿဝိဂ္ဂဟပါရာဇိကတုဲရ။

၁.၃.၃။ လၟေင်က္ဍိုပ်မာတိကာ ဝိနဳတဝတ္ထု

[ပလေဝ်ဒါန် | ပလေဝ်ဒါန် တမ်ကၞက်]

ပွမထိုင်သး၊ ပွမဂဇအ်ဒး၊ ပွမပတူရိ၊ ပွမလိုန်ဒး ဆုသွက်ကၠောန်ထအဳ၊ ခမဳအရကျာ်ကဵုအပါ၊ ခမဳခက်ဖျုန်ဂမၠိုင်၊ ပွမကဵုဒါန်က္ဍိုပ်ကၠာတဲ၊ ပွမစမ်ၜတ်ဂျိ၊ ပွမစဳရေင်ဂအာင်ဘာ ပိဝတ္ထု၊ ဍိုတ်ဍိုက်ဒးပိဝတ္ထု၊ ဝါစဳ (ဗဗဴ) ဒတုံစှေ်၊ ဇအိုအ်သၞဍိုက်ဒး၊ ပွမဒက်ရမ်၊ ပွမစှေ်၊ ကၟဳဘာတုဲ ပွမစှေ်ကၠုင်၊ ပွမဒတုံစှေ်၊ ပွမဆင်စှေ်နူဒဵုဂိဇ္ၛကုဋ်၊ ပွမပၠောဖျေံတၟံ၊ ပွမအုပ်ပဠက်၊ ပွမခရောတ်နုဟ်၊ ပွမဆိုန်ပတ်၊ ပွမဟုမ်ဍာ်၊ ပွမလံက်ကၠေင်၊ ပွမကဵုဒၠိုက်ကတဵု၊ ပွမကဵုသတိက်စှေ်၊ ပွမကဵုပုင်၊ ပွမဗ္စစၞ၊ ပွမဖျုင်ဍာ်ပၠာဲ၊ ဂၠမ်ဂဝ်ဗြဴဒေပ်တြုံသကဲ၊ သမ္ဘာတြုံတၠသ္ၚိတုပ်သၟဟ်၊ ပွမမိယာဲဟွံချိုတ်၊ ပွမကောန်ဟွံချိုတ်၊ ပွမမိယာဲသီုကောန်ချိုတ်၊ ပွမမိယာဲသီုကောန်ဟွံချိုတ်၊ ပွမပတ်ဗုင် ‘ပွမပတ်ပလီုကောန်’၊ ပွမကဵုဗုင်ဂၞဴဂမ္တဴ၊ ဗြဴသတန်၊ ဗြဴသၠးကောန်၊ ပွမဆောက် ကေယျက်ဝေင်ပါင်ကၞက်၊ ပွမပ္ဍိုက်တုဲသ္ပကမ် ‘ပွမဗိုင်ပ္ဍိုက်တုဲ သ္ပကမ်’၊ ပွမဂစိုတ်ကလော်လကိုဟ်၊ ပွမဗလးဏာဇရေင် လကိုဟ်ပရမ်၊ သမ္တီထေင်ညးဂှ်တုဲ ပွမဂစိုတ်၊ ပွမၜုင်တက် ‘ကလော်ဍုန်တုဲ ပွမၜုင်တက်’၊ ဓရ်မစပ်ကေုာံဍုင်သွဝ်၊ ဓရ်မစပ်ကေုာံနရက်၊ ပ္ဍဲဍုင်အာဠဝဳ ပွမဗဒေါမ်တၞံဆု ပိဝတ္ထု၊ ပွမစံင်ပၟတ်ဂြိုပ် ပိဝတ္ထု၊ လ္ပကဵုဒှ် လၟောင်ဍောင်ၜိုတ်ညိ၊ ကလင်ဂလာန်တၠအဲဟွံမာန်၊ ပွမဖျုင်ဍာ်တက်၊ ပွမဖျုင်ဂဥုဲသောဝဳရက၊ ဣဝွံတုန် လၟေင်က္ဍိုပ်မာတိကရောင်။

၁.၃.၄။ ဗီုသ္ဂုတသွာင် ဝိနဳတဝတ္ထုဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

180) ပ္ဍဲမွဲအခိင်တေံ ခမဳမွဲဇကု ဂိယဲဒၟံင်ရ၊ ခမဳဂမၠိုင် နမဆာန်ဍူဂှ် ဟီုထိုင်သးဂုဏ်ပွမချိုတ် ကုခမဳဂှ်အိုတ်ရ၊ ခမဳဂှ် စုတိချိုတ်အာရ၊ “တဳလမၞုံပိုဉ်ကျာ်တြဲ ပညပ်သိက္ခာပိုဒ်တုဲဒှ်ရ၊ ပိုဲညးဂမၠိုင် စှေ်ပါရာဇိကအိုတ်ဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳ (မထိုင်သး) ဂမၠိုင်ဂှ်အိုတ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲ အိုတ်ရ။ ယွံခမဳတအ် မၞးတအ်ညးဂမၠိုင် စှေ်ပါရာဇိကအိုတ်ရ ရဴဝွံ (သ္ဂးရ)။ (၁) ပ္ဍဲမွဲအခိင်တေံ ခမဳဂ္ၚေင်ပိဏ္ဍပါတ်မွဲဇကု ဂဇအ်ဖျေံဏာ ကောန်ၚာ်သၟတ် မဂြောပ်ဗ္ဒန်ဒၟံင် ယာတ်သကုတ် ပ္ဍဲဂတဵုဒလာဲခုင်ဇမၠိင်မ္ဂး ဍိုက်ဒးတုဲကဵုချိုတ်အာရ၊ “တဳလမၞုံပိုဉ်ကျာ်တြဲ ပညပ်သိက္ခာပိုဒ်တုဲ ဒှ်ရ၊ အဲစှေ်ပါရာဇိကဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ၊ ယွံခမဳ ဟွံဒးအာပတ်ပါရာဇ်ရ၊ ၜိုန်ဂှ်လေဝ် ယွံခမဳတအ် သီုဟွံဗ္စာရဏာ ဟွံစမ်ၜတ် ဟွံထေက်ကဵုဂဇအ်ပ္ဍဲသၞာရ၊ ကုခမဳ မဂဇအ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ (၂) ပ္ဍဲမွဲအခိင်တေံ ခမဳမွဲဇကု လးသၞာဂဇအ် ပ္ဍဲဇြပ်ကဵုပိုဉ် မၞုံအပ္ဍဲကွာန်မ္ဂး ပၞောဝ်ကဵုရိဂမၠိုင် မပတူစွံလဝ်ဂှ် ဂိုင်ကေတ်ရိမွဲမ္ဂး ရိဒုတိယဂှ် ဒေါမ်စှေ်တုဲ လပိုက်ဒးတပ်တပ် ပ္ဍဲက္ဍိုပ်ကောန်ၚာ်မွဲတုဲ ကောန်ၚာ်ဂှ် ချိုတ်အာရ၊ ‘သံသယကုက္ကစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်) ဂှ်— ယွံတဳလမၞုံပိုဉ် အဲဍိက်စိုတ်မမိက်ကဵုချိုတ် ဟွံမွဲရ ရဴဝွံ (ဂရင်ပတီရ)။ ယွံခမဳ ကုခမဳ မဟွံမိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၃) ပ္ဍဲမွဲအခိင်တေံ ခမဳမွဲဇကု လးသၞာဂဇအ် ပ္ဍဲဇြပ်ကဵုပိုဉ် မၞုံအပ္ဍဲကွာန်မ္ဂး လိုန်ဒးဆုထ္ၜောမ် သွက်ဂွံကၠောန်ထအဳတုဲ ပၠောအာမ္ဂး ဍိုက်ဒးကောန်ၚာ်မွဲတုဲ ကဵုချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ မဟွံမိက်ကဵုချိုတ်ဂှ် ဟွံဒးအာပတ်ရ (သ္ဂးရ)။ (၄) ပ္ဍဲမွဲအခိင်ထောံ ကောန်ကဵုအပါညးဂမၠိုင်ၜါ သ္ပခမဳ ပ္ဍဲဇရေင်ခမဳဂမၠိုင်အိုတ်ရ၊ ဂရင်ပတီ အခိင်အခါမ္ဂး ကောန်ဂှ် “တဳလပိုဉ် ဩဝ်က္ညအာညိ၊ သင် စၟဳမင်ဒၟံင် တဳလပိုဉ်ရ” ရဴဝွံ ဂရင်ပတီ အပါဂှ်တုဲ ရပ်ပ္ဍဲစးတုဲ ဓရိုဟ်ဏးမ္ဂး ခမဳဂှ် ဒေါမ်စှေ်တုဲ ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠမၞုံစိုတ်သာ်လဵုဂှ်ရော? ရဴဝွံ (သၟာန်တိုန်) ဂှ်— ယွံတဳလမၞုံပိုဉ် အဲဍိက်ဟွံမွဲပၟိက်ကဵုချိုတ်ရ ရဴဝွံ (ဂရင်ပတီရ)။ ယွံခမဳ ကုခမဳ ဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၅) ပ္ဍဲမွဲအခိင်တေံ ကောန်ကဵုအပါညးဂမၠိုင်ၜါ သ္ပခမဳပ္ဍဲဇရေင်ခမဳဂမၠိုင်အိုတ်ရ၊ ဂရင်ပတီအခိင်အခါမ္ဂး ကောန်ဂှ် “တဳလပိုဉ် ဩဝ်က္ညအာညိ၊ သင် စၟဳမင်ဒၟံင် တဳလပိုဉ်ရ” ရဴဝွံ ဂရင်ပတီအပါဂှ်တုဲ နပၟိက်မမိက်ကဵုချိုတ်ဂှ် ရပ်ပ္ဍဲစးတုဲ ဓရိုဟ်ဏာမ္ဂး ခမဳဂှ် ဒေါမ်စှေ်တုဲ ချိုတ်အာရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၆) ပ္ဍဲမွဲအခိင်တေံ ကောန်ကဵုအပါညးဂမၠိုင်ၜါ သ္ပခမဳ ပ္ဍဲဇရေင်ခမဳဂမၠိုင်အိုတ်ရ၊ ဂရင်ပတီအခိင်အခါမ္ဂး ကောန်ဂှ် “တဳလပိုဉ် ဩဝ်က္ညအာညိ၊ သင်စၟဳမင်ဒၟံင်တဳလပိုဉ်ရ” ရဴဝွံ ဂရင်ပတီအပါဂှ်တုဲ နပၟိက်မမိက်ကဵုချိုတ်ဂှ် ရပ်ပ္ဍဲစးတုဲ ခမဳဂှ် ၜိုန်ဒေါမ်စှေ်လေဝ်ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၇) 181) ပ္ဍဲမွဲအခိင်တေံ ကုခမဳမွဲဇကု ဃောကဵုပိုဉ် ကဠောံဖျုန်ဂၠဴ ခက်ဒၟံင်ပ္ဍဲခ္ဍောင်ကအ်ရ၊ ခမဳမွဲဇကုဂှ် ကဵုဂွဵုဂွိုက်တက်ကအ် ခမဳဂှ်မ္ဂး ကဠောံဖျုန်ဂၠဴမွဲဟာန်ကေုာံဆီ ပရာတ်ဒတုံစှေ်တုဲ ခမဳဂှ် ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၈) ပ္ဍဲအခိင်တေံ ကုခမဳမွဲဇကု ဃောကဵုပိုဉ် ကဠောံဖျုန်ဂၠဴ ခက်ဒၟံင်ပ္ဍဲခ္ဍောင်ကအ်ရ၊ ခမဳမွဲဇကုဂှ် မၞုံပၟိက်ကဵုချိုတ်တုဲ ကဵုဂွဵုဂွိုက်တက်ကအ် ခမဳဂှ်မ္ဂး ကဠောံဖျုန်ဂၠဴမွဲဟာန်ကေုာံဆီပရာတ်ဒတုံစှေ်တုဲ ခမဳဂှ် ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲစှေ်ပါရာဇိကရ ရဴဝွံ (သ္ဂးရ)။ (၉) ပ္ဍဲမွဲအခိင်တေံ ကုခမဳမွဲဇကု ဃောကဵုပိုဉ် ကဠောံဖျုန်ဂၠဴ ခက်ဒၟံင်ပ္ဍဲခ္ဍောင်ကအ်ရ၊ ခမဳမွဲဇကုဂှ် မမိက်ကဵုချိုတ်တုဲ ကဵုဂွဵုဂွိုက်တက်ကအ် ခမဳဂှ်မ္ဂး ၜိုန်ကဠောံဖျုန်ဂၠဴ မွဲဟာန်ကေုာံဆီပရာတ်ဒတုံစှေ်လေဝ် ခမဳဂှ် ဟွံချိုတ်ရ၊ ‘သံသယကုက္ကစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၁၀) ပ္ဍဲမွဲအခိင်တေံ ခမဳဂ္ၚေင်ပိဏ္ဍပါတ်မွဲဇကု ကလိဂွံနင်ပိဏ္ဍပါတ် သီုဂျိပါတုဲ ရင်တၠုင်ဏာဇြပ်ကဵုပိုဉ်တုဲပ္ဍဲကြဴ ကဵုဒါန်က္ဍိုပ်ကၠာတဲ ကုခမဳဂမၠိုင်ရ၊ ခမဳဂမၠိုင် ချိုတ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳ (မကဵုဒါန်က္ဍိုပ်ကၠာတဲ) ဂှ်ရ ။ ပ ။ ယွံခမဳ တၠအဲမၞုံစိုတ်သာ်လဵုရော? (သၟာန်တိုန်) ဂှ်— ယွံတဳလမၞုံပိုဉ် အဲဍိက်ဟွံတီရ ရဴဝွံ (ဂရင်ပတီရ)။ ယွံခမဳ ကုခမဳ ဟွံတီဂှ် ဟွံဒးအာပတ်ရ ရဴဝွံ (သ္ဂးရ)။ (၁၁) ပ္ဍဲမွဲအခိင်တေံ ခမဳမွဲဇကု သၟိက်စမ်ၜတ်တုဲ ကဵုဂျိ ကုခမဳမွဲဇကုမ္ဂး ခမဳဂှ် ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်) ဂှ်— ယွံတဳလမၞုံပိုဉ် အဲဍိက် မၞုံစိုတ်သၟိက်စမ်ၜတ်ရံင်ရ ရဴဝွံ (ဂရင်ပတီရ)။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၁၂) 182) ပ္ဍဲမွဲအခိင်တေံ ခမဳကောန်ဍုင်အာဠဝဳဂမၠိုင် ကၠောန်သ္ပစဳရေင်တဴ ဂအာင်ဘာအိုတ်မ္ဂး ခမဳမွဲဇကု မံင်နူသၟဝ်တုဲ ပင်ဒုင်ကဵုတၟံလတူရ၊ ခမဳလတူဂှ် ဂိုင်ကေတ်ဟွံဒးရးတုဲတၟံဂှ် လပိုက်ဒးတပ်တပ် ပ္ဍဲက္ဍိုပ်ခမဳသၟဝ်ဂှ်တုဲ ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက်ချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၁၃) ပ္ဍဲမွဲအခိင်တေံ ခမဳကောန်ဍုင်အာဠဝဳဂမၠိုင် ကၠောန်သ္ပစဳရေင်တဴ ဂအာင်ဘာအိုတ်မ္ဂး ခမဳမွဲဇကု မံင်နူသၟဝ်တုဲ ပင်ဒုင်ကဵုတၟံလတူရ၊ ခမဳလတူဂှ် မၞုံပၟိက်ကဵုချိုတ်တုဲ ဗလးဖျေံတၟံပ္ဍဲက္ဍိုပ် ခမဳသၟဝ်ဂှ်ရ၊ ခမဳဂှ် ချိုတ်အာရ ။ ပ ။ ခမဳဂှ် ဟွံချိုတ်ရ၊ ‘သံသယကုက္ကစ္စု’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၁၄-၁၅) ပ္ဍဲမွဲအခိင်တေံ ခမဳကောန်ဍုင်အာဠဝဳဂမၠိုင် သိုင်ခၞံဒက်တဴဗ္ဒင်ဘာအိုတ်မ္ဂး ခမဳမွဲဇကုမံင်နူသၟဝ်တုဲ ပင်ဒုင်ကဵုဍိုတ်လတူရ၊ ခမဳလတူဂှ် ဂိုင်ကေတ်ဟွံဒးရးတုဲ ဍိုတ်ဂှ် လပိုက်ဒးတပ်တပ် ပ္ဍဲက္ဍိုပ်ခမဳသၟဝ်ဂှ်တုဲ ခမဳဂှ် ချိုတ်အာရ၊ ‘သံသယကုက္ကစ္စု’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက်ချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၁၆) ပ္ဍဲမွဲအခိင်တေံခမဳကောန်ဍုင်အာဠဝဳဂမၠိုင် သိုင်ခၞံဒက်တဴ ဗ္ဒင်ဘာအိုတ်မ္ဂး ခမဳဇကု မံင်နူသၟဝ်တုဲ ပင်ဒုင်ကဵုဍိုတ်လတူရ၊ ခမဳလတူဂှ် မၞုံပၟိက်ကဵုချိုတ်တုဲ ဗလးဖျေံဍိုတ်ပ္ဍဲက္ဍိုပ် ခမဳသၟဝ်ဂှ်ရ၊ ခမဳဂှ် ချိုတ်အာရ ။ ပ ။ ခမဳဂှ် ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၁၇-၁၈) 183) ပ္ဍဲမွဲအခိင်တေံ ခမဳကောန်ဍုင်အာဠဝဳဂမၠိုင် ကၠောန်သ္ပတဴကေင်ကာတၟိ ‘ဝေယျဝစ္စဘာ’ အိုတ်မ္ဂး ခမဳမွဲဇကု မံင်နူသၟဝ်တုဲ ပင်ဒုင်ကဵုဝါစဳ (ဗဗဴ) လတူရ၊ ခမဳလတူဂှ် ဂိုင်ကေတ်ဟွံဒးရးတုဲ ဝါစဳဂှ် လပိုက်ဒးတပ်တပ် ပ္ဍဲက္ဍိုပ်ခမဳသၟဝ်ဂှ်တုဲ ခမဳဂှ် ချိုတ်အာရ၊ ‘သံသယကုက္ကစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ် မမိက်ချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၁၉) ပ္ဍဲမွဲအခိင်တေံ ခမဳကောန်ဍုင်အာဠဝဳဂမၠိုင် ကၠောန်သ္ပတဴကေင်ကာတၟိ ‘ဝေယျာဝစ္စဘာ’ အိုတ်မ္ဂး ခမဳမွဲဇကုမံင်နူသၟဝ်တုဲ ပင်ဒုင်ကဵုဝါစဳ (ဗဗဴ) လတူရ၊ ခမဳလတူဂှ် မၞုံပၟိက်ကဵုချိုတ်ဂှ်တုဲ ဗလးဖျေံဝါစဳ ပ္ဍဲက္ဍိုပ်ခမဳသၟဝ်ဂှ်ရ၊ ခမဳဂှ် ချိုတ်အာရ ။ ပ ။ ခမဳဂှ် ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၂၀-၂၁) ပ္ဍဲမွဲအခိင်တေံ ခမဳကောန်ဍုင်အာဠဝဳဂမၠိုင် ကၠောန်သ္ပတဴကေင်ကာတၟိအိုတ်မ္ဂး ခမဳမွဲဇကု မံင်နူသၟဝ်တုဲ ပင်ဒုင်ကဵုဇအိုအ်လတူရ၊ ခမဳလတူဂှ် ဂိုင်ကေတ်ဟွံဒးရးတုဲ ဇအိုအ်ဂှ်လပိုက်ဒးတပ်တပ် ပ္ဍဲက္ဍိုပ်ခမဳသၟဝ်ဂှ်တုဲ ခမဳဂှ် ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက်ချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၂၂) ပ္ဍဲမွဲအခိင်တေံ ခမဳကောန်ဍုင်အာဠဝဳဂမၠိုင် ကၠောန်သ္ပတဴကေင်ကာတၟိအိုတ်မ္ဂး ခမဳမွဲဇကု မံင်နူသၟဝ်တုဲ ပင်ဒုင်ကဵုဇအိုအ်လတူရ၊ ခမဳလတူဂှ် မၞုံပၟိက်ကဵုချိုတ်တုဲ ဗလးဖျေံဇအိုအ် ပ္ဍဲက္ဍိုပ်ခမဳသၟဝ်ဂှ်ရ၊ ခမဳဂှ် ချိုတ်အာရ ။ ပ ။ ခမဳဂှ် ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၂၃-၂၄) ပ္ဍဲမွဲအခိင်တေံ ခမဳကောန်ဍုင်အာဠဝဳဂမၠိုင် ကၠောန်သ္ပတဴကေင်ကာတၟိအိုတ်မ္ဂး ဒက်ရမ်အိုတ်ရ၊ ခမဳမွဲဇကုဂှ် “ယွံကောန်တၠ ဒတူပ္ဍဲလ္ပာ်ဏအ်တုဲ ဩဝ်ဒက်ညိ” ရဴဝွံ ဟီုကဵုခမဳမွဲဇကုဂှ်မ္ဂး ခမဳဂှ် ဒတူပ္ဍဲလ္ပာ်စကာဂှ်တုဲ ဃောဒက်ဒၟံင် လဵုဒတုံစှေ်တုဲ ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲမၞုံစိုတ်သာ်လဵုရော? ရဴဝွံ (သၟာန်တိုန်) ဂှ်— ယွံတဳလမၞုံပိုဉ် အဲဍိက် ဟွံမွဲပၟိက်ကဵုချိုတ်ရ ရဴဝွံ (ဂရင်ပတီရ)။ ယွံခမဳကုခမဳ ဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၂၅) ပ္ဍဲမွဲအခိင်တေံ ခမဳကောန်ဍုင်အာဠဝဳဂမၠိုင် ကၠောန်သ္ပတဴကေင်ကာတၟိအိုတ်မ္ဂး ဒက်ရမ်အိုတ်ရ၊ ခမဳမွဲဇကုဂှ် မၞုံပၟိက်ကဵုချိုတ်တုဲ “ယွံကောန်တၠ ဒတူပ္ဍဲလ္ပာ်ဏအ်တုဲ ဩဝ်ဒက်တဴညိ” ရဴဝွံ ဟီုကဵုခမဳမွဲဇကုဂှ်မ္ဂး ခမဳဂှ် ဒတူပ္ဍဲလ္ပာ်စကာဂှ်တုဲ ဃောဒက်ဒၟံင် လဵုဒတုံစှေ်တုဲ ချိုတ်အာရ ။ ပ ။ ခမဳဂှ် ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၂၆-၂၇) ပ္ဍဲမွဲအခိင်တေံ ခမဳမွဲဇကုကၟဳဘာတုဲ စှေ်ကၠုင်ရ၊ ခမဳမွဲဇကုဂှ် “ယွံကောန်တၠ ဩဝ်စှေ်ကၠုင်နူလ္ပာ်ဏအ်ညိ” ရဴဝွံ ဟီုကဵုခမဳမွဲဇကုဂှ်မ္ဂး ခမဳဂှ် စှေ်ကၠုင်နူလ္ပာ်ဂှ်တုဲ လဵုဒတုံစှေ်တုဲ ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳဟွံမွဲကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၂၈) ပ္ဍဲမွဲအခိင်တေံ ခမဳမွဲဇကု ကၟဳဘာတုဲ စှေ်ကၠုင်ရ၊ ခမဳမွဲဇကုဂှ် မၞုံပၟိက်ကဵုချိုတ်တုဲ “ယွံကောန်တၠ ဩဝ်စှေ်ကၠုင် နူလ္ပာ်ဏအ်ည” ရဴဝွံ ဟီုကဵုခမဳမွဲဇကုဂှ်မ္ဂး ခမဳဂှ် စှေ်ကၠုင်နူလ္ပာ်စကာဂှ်တုဲ လဵုဒတုံစှေ်တုဲ ချိုတ်အာရ ။ ပ ။ လဵုဒတုံစှေ်တုဲ ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စရ ရဴဝွံ (သ္ဂးရ)။ (၂၉-၃၀) ပ္ဍဲမွဲအခိင်တေံ ခမဳမွဲဇကု ပွမဟွံမိပ်လဟိင် ဂပ်ဝ်ပ္ဍဵုပ္ဍိုက်ရာန်သကိုတ်ဒှ်တုဲ တိုန်အာဒဵုဂိဇ္ၛကုဋ်တုဲ ဆင်စှေ်ပ္ဍဲဗပါတ်ဒဵုမ္ဂး လပိုက်ဍိုက်ဒး သၟာချာ (သၟာနှာ) မွဲတုဲ ကဵုချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ၜိုန်ဂှ်လေဝ် ယွံခမဳတအ် ဟဂပ်ဝ်ဗိုတ်ကၠဟ်ဖျေံ ဇကုဇကုရ၊ ကုခမဳမဆင်စှေ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ (၃၁) ပ္ဍဲမွဲအခိင်တေံ ခမဳဆဗ္ဗဆဳဂမၠိုင် တိုန်ဒဵုဂိဇ္ၛကုဋ်တုဲ နမမိက်ဂြိုင်ဝေင် ပၠောဖျေံတၟံကဠောံအိုတ်မ္ဂး လပိုက်ဍိုက်ဒးပၟင်ဂၠဴမွဲတုဲ ကဵုချိုတ်အာရ။ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂမၠိုင်ဂှ်အိုတ်ရ ။ ပ ။ ယွံခမဳတအ် ဟွံဒးအာပတ်ပါရာဇ်ရ၊ ၜိုန်ဂှ်လေဝ် ယွံခမဳတအ် နမမိက်ဂြိုင်ဝေင် ဟဂပ်ဝ်ပၠောဖျေံ တၟံကဠောံရ၊ ကုခမဳမပၠောဖျေံဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ (၃၂) 184) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင် အုပ်ပဠက်ကဵု ခမဳဂှ်အိုတ်မ္ဂး ခမဳဂှ် ချိုတ်အာရ။ ‘သံသယကုက္ကုစ္စ’ ပွချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ကုခမဳ ဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၃၃) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင် မၞုံပၟိက်ကဵုခမဳဂှ်ချိုတ်တုဲ အုပ်ပဠက်အိုတ်မ္ဂး ခမဳဂှ် ချိုတ်အာရ ။ ပ ။ ခမဳဂှ် ဟွံချိုတ်ရ။ ‘သံသယကုက္ကစ္စ’ ပွမချပ်သၠေဟ်ပၟာဒှ်ကုခမဳဂမၠိုင်ဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၃၄-၃၅) ပ္ဍဲမွဲအခိင်တေံ ခမဳမွဲဇကု က္ဍိုပ်ကတဴ (ဂိက္ဍိုပ်) ဒှ်တုဲ ခမဳဂမၠိုင် ကဵုခရောတ်နုဟ်အိုတ်မ္ဂး ခမဳဂှ် ချိုတ်အာရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ကုခမဳဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၃၆) ပ္ဍဲမွဲအခိင်တေံ ခမဳမွဲဇကု က္ဍိုပ်ကတဴ (ဂိက္ဍိုပ်) ဒှ်တုဲ ခမဳဂမၠိုင် မၞုံပၟိက်ကဵုချိုတ်တုဲကဵုခရောတ်နုဟ် ကုခမဳဂှ်အိုတ်မ္ဂး ခမဳဂှ် ချိုတ်အာရ ။ ပ ။ ခမဳဂှ် ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စရ ရဴဝွံ (သ္ဂးရ)။ (၃၇-၃၈) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင် ဆိုန်ပတ်ကဵုခမဳဂှ်အိုတ်မ္ဂး ခမဳဂှ်ချိုတ်အာရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ကုခမဳဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၃၉) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင် မၞုံပၟိက်ကဵုချိုတ်တုဲ ဆိုန်ပတ်ခမဳဂှ်အိုတ်မ္ဂး ခမဳဂှ်ချိုတ်အာရ ။ ပ ။ ခမဳဂှ် ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၄၀-၄၁) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင် ဖုမ်ဍာ်ကဵုခမဳဂှ်အိုတ်မ္ဂး ခမဳဂှ်ချိုတ်အာရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ကုခမဳဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၄၂) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင်မၞုံပၟိက်ကဵုချိုတ်တုဲ ဖုမ်ဍာ်ကဵုခမဳဂှ်အိုတ်မ္ဂး ခမဳဂှ် ချိုတ်အာရ ။ ပ ။ ခမဳဂှ် ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂမၠိုင်ဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၄၃-၄၄) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင် လံက်ကၠေင်ကဵုခမဳဂှ်အိုတ်မ္ဂး ခမဳဂှ်ချိုတ်အာရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ကုခမဳဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၄၅) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင်မၞုံပၟိက်ကဵုချိုတ်တုဲ လံက်ကၠေင်ကဵုခမဳဂှ်အိုတ်မ္ဂး ခမဳဂှ် ချိုတ်အာရ ။ ပ ။ ခမဳဂှ် ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၄၆-၄၇) 185) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင်ထ္ၜင်ကတဵုကဵု ခမဳဂှ်အိုတ်မ္ဂး ခမဳဂှ်ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ကုခမဳ ဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၄၈) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင် မၞုံပၟိက်ကဵုချိုတ်တုဲ ထ္ၜင်ကတဵုကဵုခမဳဂှ်အိုတ်မ္ဂး ခမဳဂှ်ချိုတ်အာရ ။ ပ ။ ခမဳဂှ် ဟွံချိုတ်ရ၊ ‘သံသယကုက္ကုစ္စ’ ပွချပ်သၠေဟ်ပၟာ ဒှ်ကုခမဳဂမၠိုင်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၄၉-၅၀) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင် သတိက်ကဵုခမဳဂှ်အိုတ်မ္ဂး ခမဳဂှ်ချိုတ်အာရ။ ‘သံသယကုက္ကုစ္စ’ ပွချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ကုခမဳဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၅၁) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင် မၞုံပၟိက်ကဵုချိုတ်တုဲ သတိက်ကဵုခမဳဂှ်အိုတ်မ္ဂး ခမဳဂှ်ချိုတ်အာရ ။ ပ ။ ခမဳဂှ်ဟွံချိုတ်ရ၊ ‘သံသယကုက္ကုစ္စ’ ပွချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၅၂-၅၃) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင် ဗ္စကဵုစၞစကုခမဳဂှ်အိုတ်မ္ဂး ခမဳဂှ်ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ကုခမဳဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၅၄) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင်မၞုံပၟိကဵုချိုတ်တုဲ ဗ္စကဵုစၞစခမဳဂှ်အိုတ်မ္ဂး ခမဳဂှ်ချိုတ်အာရ ။ ပ ။ ခမဳဂှ် ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၅၅-၅၆) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင် ဖျုင်ကဵုဍာ်ပၠာဲကုခမဳဂှ်အိုတ်မ္ဂး ခမဳဂှ်ချိုတ်အာရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ကုခမဳဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၅၇) ပ္ဍဲမွဲအခိင်တေံ ခမဳမွဲဇကု ဂိယဲဒှ်တုဲ ခမဳဂမၠိုင် မၞုံပၟိက်ကဵုချိုတ်တုဲ ဖျုင်ကဵုဍာ်ပၠာဲ ကုခမဳဂှ်အိုတ်မ္ဂး ခမဳဂှ်ချိုတ်အာရ ။ ပ ။ ခမဳဂှ် ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၅၈-၅၉) 186) ပ္ဍဲမွဲအခိင်တေံ ဗြဴမွဲဂှ် ဃောတြုံတၠသ္ၚိ အာဒၟံင်ဌာန်သအာင် ‘ဃောတြုံတၠသ္ၚိဟွံမွဲ’ ဂှ် ဂွံဂၠမ်ဂဝ်ကဵုတြုံသကဲ ‘တြုံဍောတ်’ ရ၊ ဗြဴဂှ် “ယွံတဳလပိုဉ် ကဵုဂွံအာတ်ပါန်အခေါင်ညိ၊ ဩဝ်တီကေတ် ဂဥုဲပတုံဖျေံဂၠမ်ဂဝ် ‘ဂဥုဲကောန်သရိုဟ်’ ညိ” ရဴဝွံ ဂရင်ပတီ ခမဳအ္စာမက္ညပြာပ်စဴသ္ၚိမ္ဂး “ခိုဟ်သန်ရ ဒေံဗြဴ” ရဴဝွံဒုင်ဝန်တုဲ ကဵုဂဥုဲပတုံဖျေံဂၠမ်ဂဝ်မ္ဂး ကောန်ၚာ် (မၞုံအပ္ဍဲဗုင်ဂၞဴ) ဂှ် ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲစှေ်ပါရာဇိကရ ရဴဝွံ (သ္ဂးရ)။ (၆၀) ပ္ဍဲမွဲအခိင် ကုတြုံမွဲဂှ် မၞုံကဵုသမ္ဘာၜါတုဲ မွဲသတန်တုဲ မွဲဂှ် ဒှ်ညးသၠးကောန်ရ၊ ဗြဴသတန်ဂှ် “ယွံတဳလပိုဉ် ဗြဴဝွံ သၠးကောန်မ္ဂး ကြက်ဂွံအလဵုအသဳပိုင်ပြဳဏာ ဂြပ်သီုဖအိုတ်ရ၊ ယွံတဳလပိုဉ် ကဵုဂွံအာတ်ပါန်အခေါင်ညိ၊ ဩဝ်တီကေတ် ဂဥုဲပတုံဖျေံဂၠမ်ဂဝ် ဗြဴဂှ်ညိ” ရဴဝွံဂရင်ပတီ ခမဳအ္စာ မက္ညပြာပ်စဴသ္ၚိမ္ဂး “ခိုဟ်သန်ရ ဒေံဗြဴ” ရဴဝွံ ဒုင်ဝန်တုဲ ကဵုဂဥုဲပတုံဖျေံဂၠမ်ဂဝ် ကုဗြဴဂှ်မ္ဂး ကောန်ၚာ်ဂှ်ချိုတ်အာရ၊ မိယာဲဂှ် ဟွံချိုတ်ရ၊ ‘သံသယကုက္ကုစ္စ’ ပွချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၆၁) ပ္ဍဲမွဲအခိင် ကုတြုံမွဲဂှ် မၞုံကဵုသမ္ဘာၜါတုဲ မွဲသတန်တုဲ မွဲဂှ် ဒှ်ညးသၠးကောန်ရ၊ ဗြဴသတန်ဂှ် “ယွံတဳလပိုဉ် ဗြဴဝွံ သၠးကောန်မ္ဂး ကြက်ဂွံအလဵုအသဳပိုင်ပြဳဏာ ဂြပ်သီုဖအိုတ်ရ၊ ယွံတဳလပိုဉ် ကဵုဂွံအာတ်ပါန်အခေါင်ညိ၊ ဩဝ်တီကေတ် ဂဥုဲပတုံဖျေံဂၠမ်ဂဝ် ဗြဴဂှ်ညိ” ရဴဝွံဂရင်ပတီ ခမဳအ္စာ မက္ညပြာပ်စဴသ္ၚိမ္ဂး “ခိုဟ်သန်ရ ဒေံဗြဴ” ရဴဝွံ ဒုင်ဝန်တုဲ ကဵုဂဥုဲပတုံဖျေံဂၠမ်ဂဝ် ကုဗြဴဂှ်မ္ဂး မိယာဲဂှ်ချိုတ်အာတုဲ၊ ကောန်ၚာ်ဂှ် သီုဟွံချိုတ်ရ၊ ‘သံသယကုက္ကုစ္စ’ ပွချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၆၂) ပ္ဍဲမွဲအခိင် ကုတြုံမွဲဂှ် မၞုံကဵုသမ္ဘာၜါတုဲ မွဲသတန်တုဲ မွဲဂှ် ဒှ်ညးသၠးကောန်ရ၊ ဗြဴသတန်ဂှ် “ယွံတဳလပိုဉ် ဗြဴဝွံ သၠးကောန်မ္ဂး ကြက်ဂွံအလဵုအသဳပိုင်ပြဳဏာ ဂြပ်သီုဖအိုတ်ရ၊ ယွံတဳလပိုဉ် ကဵုဂွံအာတ်ပါန်အခေါင်ညိ၊ ဩဝ်တီကေတ် ဂဥုဲပတုံဖျေံဂၠမ်ဂဝ် ဗြဴဂှ်ညိ” ရဴဝွံဂရင်ပတီ ခမဳအ္စာ မက္ညပြာပ်စဴသ္ၚိမ္ဂး “ခိုဟ်သန်ရ ဒေံဗြဴ” ရဴဝွံ ဒုင်ဝန်တုဲ ကဵုဂဥုဲပတုံဖျေံဂၠမ်ဂဝ် ကုဗြဴဂှ်မ္ဂး ကောန်သီုမိယာဲၜါတၠ ချိုတ်အာရ ။ ပ ။ ကောန်မိယာဲၜါတၠ ဟွံချိုတ်အိုတ်ရ၊ ‘သံသယကုက္ကုစ္စ’ ပွချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၆၃-၆၄) 187) ပ္ဍဲမၞုံအခိင်တေံ ဗြဴမၞုံကဵုဂၠမ်ဂဝ်မွဲဂှ် “ဩဝ်တီကေတ် ဂဥုဲပတုံဖျေံဂၠမ်ဂဝ်ညိ” ရဴဝွံ ဂရင်ပတီ ခမဳအ္စာမက္ညပြာပ်စဴသ္ၚိမ္ဂး ယဝ်ဒှ်သာ်ဂှ်မ္ဂး ယွံဒေံဗြဴ ဩဝ်ဒုင်ပတ်ကဵုညိ ရဴဝွံဟီုသ္ဂးရ၊ ဗြဴဂှ် စကာကဵုပတ်တုဲ ကဵုဂၠမ်ဂဝ်လီုအာရ၊ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂှ်ရ ။ ပ ။ ယွံခမဳ တၠအဲစှေ်ပါရာဇိကရ ရဴဝွံ (သ္ဂးရ)။ (၆၅) ပ္ဍဲမွဲအခိင်တေံ ဗြဴမၞုံကဵုဂၠမ်ဂဝ်မွဲဂှ် “ဩဝ်တီကေတ် ဂဥုဲပတုံဖျေံဂၠမ်ဂဝ်ညိ” ရဴဝွံဂရင်ပတီ ခမဳအ္စာ မက္ညပြာပ်စဴသ္ၚိမ္ဂး ယဝ်ဒှ်သာ်ဂှ်မ္ဂး ယွံဒေံဗြဴ ဩဝ်ကဵုဂမ္တဴညိ ရဴဝွံ ဟီုသ္ဂးရ၊ ဗြဴဂှ် ကဵုဂမ္တဴတုဲ ကဵုဂၠမ်ဂဝ်လီုအာရ၊ ‘သံသယကုက္ကုစ္စ’ ပွချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၆၆) ပ္ဍဲမွဲအခိင်တေံ ဗြဴသတန်မွဲဂှ် “အာတ်ပါန်အခေါင်ရ ယွံတဳလပိုဉ် ဩဝ်တီကေတ်ဂဥုဲ အဲဍိက်ဗြဴ သၠး (ဂွံ) ကောန်မာန်ညိ” ရဴဝွံ ဂရင်ပတီ ခမဳအ္စာမက္ညပြာပ်စဴသ္ၚိမ္ဂး “ခိုဟ်သန်ရ ဒေံဗြဴ” ရဴဝွံ ဒုင်ဝန်တုဲ ကဵုဂဥုဲကုဗြဴဂှ်မ္ဂး ဗြဴဂှ်ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၆၇) ပ္ဍဲမွဲအခိင်တေံ ဗြဴမလေပ်သၠးကောန်မွဲဂှ် “အာတ်ပါန်အခေါင်ရ ယွံတဳလပိုဉ် ဩဝ်တီကေတ် ဂဥုဲသၠးကောန်ဟွံမာန် ‘ဂဥုဲဆေဝ်ဒဝ်ပဋိသန္ဓိ’ ကုအဲဍိက်ဗြဴညိ” ရဴဝွံ ဂရင်ပတီခမဳအ္စာ မက္ညပြာပ်စဴသ္ၚိမ္ဂး “ခိုဟ်သန်ရ ဒေံဗြဴ” ရဴဝွံ ဒုင်ဝန်တုဲ ကဵုဂဥုဲ ကုဗြဴဂှ်မ္ဂး ဗြဴဂှ်ချိုတ်အာရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ။ ယွံခမဳ ဟွံဒးအာပါရာဇ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၆၈) ပ္ဍဲမွဲအခိင်တေံ ခမဳဆဗ္ဗဂ္ဂဳဂမၠိုင် ဆောက်ကယျေက်ဝေင်ပါင်ကၞက် ခမဳသတ္တရသဝဂ္ဂဳအိုတ်မ္ဂး ခမဳဂှ် ဍောင်ၜိုတ်တုဲ ယီုတိတ်ဟွံမာန်တုဲ ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ဟွံဒးအာပတ်ပါရာဇ်ရ ရဴဝွံ (သ္ဂးရ)။ (၆၉) ပ္ဍဲမွဲအခိင်တေံ ခမဳသတ္တရသဝဂ္ဂဳဂမၠိုင် ကြက်သ္ပကမ်ကဵု ခမဳဆဗ္ဗဂ္ဂဳအိုတ်ရ ရဴဝွံဍိုက်တုဲ ကဵုချိုတ်အာအိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ဟွံဒးအာပတ်ပါရာဇ်ရ ရဴဝွံ (သ္ဂးရ)။ (၇၀) ပ္ဍဲမွဲအခိင်တေံ ခမဳမကေင်ဒှ်အ္စာသဝ်သပၠုပ်ဘုတ် ‘အ္စာပယောဂ’ မွဲ ဂစိုတ်ဘုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၇၁) ပ္ဍဲမွဲအခိင်တေံ ခမဳမွဲဇကု ဗလးဏာခမဳမွဲဇကု ဘာမၞုံကဵုကလော်လကိုဟ်ပရမ်မ္ဂး လကိုဟ်ဂမၠိုင် ဂစိုတ်ထောံခမဳဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၇၂) ပ္ဍဲမွဲအခိင်တေံ ခမဳမွဲဇကု မၞုံပၟိက်ကဵုချိုတ်တုဲ ဗလးဏာခမဳမွဲဇကု ဘာမၞုံကဵုကလော်လကိုဟ်ပရမ်မ္ဂး လကိုဟ်ဂမၠိုင် ဂစိုတ်ထောံခမဳအိုတ်ရ ။ ပ ။ လကိုဟ်ဂမၠိုင် ဟွံဂစိုတ်ထောံခမဳဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၇၃-၇၄) ပ္ဍဲမွဲအခိင်တေံ ခမဳမွဲဇကု ဗလးဏာ ခမဳမွဲဇကု တရဴပရမ် မၞုံကဵုသတ်ဒမြိုဟ်မ္ဂး သတ်ဒမြိုဟ်ဂမၠိုင် ဂစိုတ်ထောံ ခမဳဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၇၅) ပ္ဍဲမွဲအခိင်တေံ ခမဳမွဲဇကု မၞုံပၟိက်ကဵုချိုတ်တုဲ ဗလးဏာ ခမဳမွဲဇကု တရဴပရမ်မၞုံကဵုသတ်ဒမြိုဟ်မ္ဂး သတ်ဒမြိုဟ်ဂမၠိုင် ဂစိုတ်ထောံခမဳဂှ်အိုတ်ရ ။ ပ ။ သတ်ဒမြိုဟ်ဂမၠိုင် ဟွံဂစိုတ်ထောံ ခမဳဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၇၆-၇၇) ပ္ဍဲမွဲအခိင်တေံ ခမဳမွဲဇကု ဗလးဏာ ခမဳမွဲဇကု တရဴပရမ် မၞုံကဵုကမၠတ်ဒမၠမ္ဂး ကမၠတ်ဒမၠဂမၠိုင် ဂစိုတ်ထောံ ခမဳဂှ်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၇၈) ပ္ဍဲမွဲအခိင်တေံ ခမဳမွဲဇကု မၞုံပၟိက်ကဵုချိုတ်တုဲ ဗလးဏာခမဳမွဲဇကုတရဴပရမ် မၞုံကဵုကမၠတ်ဒမၠမ္ဂး ကမၠတ်ဒမၠဂမၠိုင် ဂစိုတ်ထောံခမဳဂှ်အိုတ်ရ ။ ပ ။ ကမၠတ်ဒမၠဂမၠိုင် ဟွံဂစိုတ်ထောံခမဳဂှ်အိုတ်ရ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၇၉-၈၀) 188) ပ္ဍဲမွဲအခိင်တေံ ခမဳမွဲဇကု သမ္တီထေင်ကေတ် ခမဳမွဲဇကု ခမဳဂှ်ရတုဲ ဂစိုတ်ထောံခမဳဂှ်ဟေင်ရ ။ ပ ။ သမ္တီထေင်ကေတ် ခမဳဂှ်ရတုဲ ဂစိုတ်ထောံ ခမဳသအာင်ရ ။ ပ ။ သမ္တီထေင်ကေတ် ခမဳသအာင်တုဲ ဂစိုတ်ထောံ ခမဳဂှ်ရ ။ ပ ။ သမ္တီထေင်ကေတ် ခမဳသအာင်တုဲ ဂစိုတ်ထောံ ခမဳသအာင်ဟေင်ရ ။ ပ ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၈၁-၈၄) ပ္ဍဲမွဲအခိင်တေံ လကိုဟ်လုပ်ဍုန်ခမဳမွဲဇကုတုဲ ခမဳမွဲဇကုဂှ် ကဵုဂွဵုဂွိုက်တက်ၜုင် ကုခမဳ (လကိုဟ်ဍုန်) ဂှ်မ္ဂး ခမဳဂှ်ချိုတ်အာရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲပၟိက်ကဵုချိုတ်ဂှ်ဟွံဒးအာပတ်ရ ရဴဝွံ (သ္ဂးရ)။ (၈၅) ပ္ဍဲမွဲအခိင်တေံ လကိုဟ်လုပ်ဍုန် ခမဳမွဲဇကုတုဲ ခမဳမွဲဇကုဂှ် မၞုံပၟိက်ကဵုချိုတ်တုဲ ကဵုဂွဵုဂွိုက်တက်ၜုန် ကုခမဳ (လကိုဟ်ဍုန်) ဂှ်မ္ဂး ခမဳဂှ် ချိုတ်အာရ ။ ပ ။ ခမဳဂှ် ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၈၆-၈၇) ပ္ဍဲမွဲအခိင်တေံ ခမဳမွဲဇကု တွံဓရ်မစပ်ကေုာံဍုင်သွဝ် ကုညးတၠကုသိုလ်မ္ဂး ညးတၠကုသိုလ်ဂှ် သီုမပၠုပ်စိုတ် (ဍုင်သွဝ်) ဂှ် ချိုတ်အာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၈၈) ပ္ဍဲမွဲအခိင်တေံ ခမဳမွဲဇကု မၞုံပၟိက်ကဵုချိုတ်တုဲ တွံဓရ်မစပ်ကေုာံဍုင်သွဝ် ကုညးတၠကုသိုလ်မ္ဂး ညးတၠကုသိုလ်ဂှ်သီုမပၠုပ်စိုတ် (ဍုင်သွဝ်) ဂှ် ချိုတ်အာရ ။ ပ ။ ညးတၠကုသိုလ်ဂှ် သီုမပၠုပ်စိုတ် (ဍုင်သွဝ်) ဂှ် ဟွံချိုတ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၈၉-၉၀) ပ္ဍဲမွဲအခိင်တေံ ခမဳမွဲဇကု တွံဓရ်မစပ်ကေုာံနရက် ကုညးကြက်ဒးအာနရက်မ္ဂး ညးဂှ်လကိုတ်တုဲ ချိုတ်အာရ။ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂှ်ရ ။ ပ ။ ယွံခမဳ ကုခမဳဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၉၁) ပ္ဍဲမွဲအခိင်တေံ ခမဳမွဲဇကု မၞုံပၟိက်ကဵုချိုတ်တုဲ တွံဓရ်မစပ်ကေုာံနရက် ကုညးကြက်ဒးအာနရက်မ္ဂး ညးဂှ် လကိုတ်တုဲ ချိုတ်အာရ ။ ပ ။ ညးဂှ် လကိုတ်တုဲ ဟွံချိုတ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၉၂-၉၃) 189) ပ္ဍဲမွဲအခိင်တေံ ခမဳကောန်ဍုင်အာဠဝဳဂမၠိုင် ကၠောန်သ္ပ ‘နဝကမ္မ’ ကေင်ကာတၟိအိုတ်မ္ဂး ကုတ်ဗဒေါမ်ဖျေံတၞံဆုအိုတ်ရ၊ ခမဳမွဲဇကုဂှ် “ယွံကောန်တၠ မံင်ပ္ဍဲလ္ပာ်ဏအ်တုဲ ဩဝ်ကုတ်ညိ” ရဴဝွံဟီုကဵုခမဳမွဲဇကုဂှ်မ္ဂး ခမဳမံင်ပ္ဍဲလ္ပာ်ဟီုဂှ်တုဲ ကုတ်ဒၟံင်ဂှ် တၞံဆုဍိုက်တုဲကဵုချိုတ်အာရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၉၄) ပ္ဍဲမွဲအခိင်တေံ ခမဳကောန်ဍုင်အာဠဝဳဂမၠိုင် ကၠောန်သ္ပ ‘နဝကမ္မ’ ကေင်ကာတၟိအိုတ်မ္ဂး ကုတ်ဗဒေါမ်ဖျေံတၞံဆုအိုတ်ရ၊ ခမဳမွဲဇကုဂှ် “ယွံကောန်တၠ မံင်ပ္ဍဲလ္ပာ်ဏအ်တုဲ ဩဝ်ကုတ်ညိ” ရဴဝွံဟီုကဵုခမဳမွဲဇကုဂှ်မ္ဂး ခမဳမံင်ပ္ဍဲလ္ပာ်ဟီုဂှ်တုဲ ကုတ်ဒၟံင်ဂှ် တၞံဆုဍိုက်တုဲ ကဵုချိုတ်အာရ ။ ပ ။ တၞံဆုဍိုက်တုဲ ဟွံချိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၉၅-၉၆) 190) ပ္ဍဲမွဲအခိင်တေံ ခမဳဆဗ္ဗဂ္ဂဳဂမၠိုင် စံင်ပၟတ်ဂြိုပ်အိုတ်မ္ဂး မၞိဟ်ဂမၠိုင် တူပၟတ်တုဲချိုတ်အိုတ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲပၟိက်ကဵုချိုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၉၇) ပ္ဍဲမွဲအခိင်တေံ ခမဳဆဗ္ဗဂ္ဂဳဂမၠိုင် မၞုံပၟိက်ကဵုချိုတ်တုဲ စံင်ပၟတ်ဂြိုပ်အိုတ်မ္ဂး မၞိဟ်ဂမၠိုင် တူပၟတ်တုဲ ချိုတ်အိုတ်ရ ။ ပ ။ မၞိဟ်ဂမၠိုင် တူပၟတ်တုဲ ဟွံချိုတ်အိုတ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ ။ ပ ။ ယွံခမဳတအ် ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၉၈-၉၉) 191) ပ္ဍဲမွဲအခိင်တေံ ခမဳမွဲဇကု ပြာပ်အာသုသာန် ဌာန်ဂစိုတ်မၞိဟ်တုဲ “ယွံဒကာလ္ပကဵုညးဝွံ ဒှ်လၟောင်ဍောင်ၜိုတ်ညိ၊ နမွဲလစုတ်ဓဝ် ဩဝ်ဗာ်ဂစိုတ်ညိ” ရဴဝွံ ဟီုသ္ဂးကဵုတြုံဂစိုတ်ကမၠတ်မ္ဂး “ခိုဟ်သန်ရ ယွံတဳလပိုဉ်” ရဴဝွံ ဂရင်ပတီတုဲ နမွဲလစုတ်ဓဝ် ဗာ်ဂစိုတ်ရ။ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂှ်ရ ။ ပ ။ ယွံခမဳတၠအဲ စှေ်ပါရာဇိကရ ရဴဝွံ (သ္ဂးရ)။ (၁၀၀) ပ္ဍဲမွဲအခိင်တေံ ခမဳမွဲဇကု ပြာပ်အာသုသာန် ဌာန်ဂစိုတ်မၞိဟ်တုဲ “ယွံဒကာလ္ပကဵုညးဝွံ ဒှ်လၟောင်ဍောင်ၜိုတ်ညိ၊ နမွဲလစုတ်ဓဝ် ဩဝ်ဗာ်ဂစိုတ်ညိ” ရဴဝွံ ဟီုသ္ဂးကဵုတြုံဂစိုတ်ကမၠတ်မ္ဂး ဒကာဂှ် “ကလင်ဂလာန်တဳလပိုဉ် ဟွံမာန်ရ” ရဴဝွံ ကလေင်ဂရင်ပတီတုဲ ဂစိုတ်ထောံညးဂှ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၀၁) 192) ပ္ဍဲမွဲအခိင်တေံ တြုံမွဲဂှ် တဲပိုတ်ဇိုင်ပိုတ် ပ္ဍဲသ္ၚိကဠောမသတုဲ ကဠောမသဂမၠိုင် ကောံဗိုင်ဒၟံင်ရ၊ ခမဳမွဲဇကုဂှ် “ယွံဒကာတအ် နွံပၟိက်ကဵု ညးဝွံချိုတ်အိုတ်ဟာ” ရဴဝွံ သၟာန်မၞိဟ်ဂမၠိုင်မ္ဂး “ယွံတဳလပိုဉ် မိက်ကဵုချိုတ်အိုတ်ရ” ရဴဝွံ ဂရင်ပတီအိုတ်ရ၊ ယဝ်ဒှ်သာ်ဂှ်မ္ဂး ဖျုင်ဍာ်တက်အိုတ်ညိ ရဴဝွံဟီုသ္ဂးမ္ဂး မၞိဟ်ဂမၠိုင်ဂှ် ဖျုင်ညးဂှ်ဍာ်တက်အိုတ်မ္ဂး ညးဂှ်ချိုတ်အာရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၀၂) ပ္ဍဲမွဲအခိင်တေံ တြုံမွဲဂှ် တဲပိုတ်ဇိုင်ပိုတ် ပ္ဍဲသ္ၚိကဠောမသတုဲ ကဠောမသဂမၠိုင်ကောံဗိုင်ဒၟံင်ရ၊ ခမဳဗြဴမွဲကုဂှ် “ယွံဒကာတအ် နွံပၟိက်ကဵု ညးဝွံချိုတ်အိုတ်ဟာ” ရဴဝွံ သၟာန်မၞိဟ်ဂမၠိုင်မ္ဂး “ယွံနာဲဗြဴ မိက်ကဵုချိုတ်အိုတ်ရ” ရဴဝွံ ဂရင်ပတီအိုတ်ရ။ ယွံဒှ်သာ်ဂှ်မ္ဂး ဖျုင်ဂဥုဲလောဏသောဝဳရကအိုတ်ညိ ရဴဝွံ ဟီုသ္ဂးမ္ဂး မၞိဟ်ဂမၠိုင်ဂှ် ဖျုင်ညးဂှ် ဂဥုဲလောဏသောဝဳရကအိုတ်မ္ဂး ညးဂှ်ချိုတ်အာရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဗြဴဂှ်ရ ။ ပ ။ ပ္ဍဲကြဴနူဂှ် ခမဳဗြဴဂှ် ဂရင်ပတီ ဟိုတ်ပရူပရာဝွံ ကုခမဳဗြဴဂမၠိုင်ရ။ ခမဳဗြဴဂမၠိုင် ဂရင်ပတီဟိုတ်ပရူပရာဝွံ ကုခမဳတြုံဂမၠိုင်အိုတ်ရ။ ခမဳတြုံဂမၠိုင် ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် ခမဳဗြဴဂှ် စှေ်ပါရာဇိကရ ရဴဝွံ (သ္ဂးရ)။ (၁၀၃) သ္ဂုတ်သွာတ်ဝိနဳတဝတ္ထုဂမၠိုင်တုဲရ။ တတိယပါရာဇိကတုဲရ။

၁.၄။ စတုတ္ထပါရာဇိက

[ပလေဝ်ဒါန် | ပလေဝ်ဒါန် တမ်ကၞက်]

၁.၄.၁။ ဝတ္ထု ခမဳပဒတဴသြင်ကြုင်ဝဂ္ဂုမုဒါဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

193) တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာပြာသာဒ် မၞုံကဵုဓုပ်ပြကာ အပ္ဍဲဂြိုပ်မဟာဝိုန် ဇရေင်ဍုင်ဝေသာလဳရ။ ပ္ဍဲအခိင်ဂှ် ခမဳဂမၠိုင်မဂၠိုင်ဂၠင် မဒှ်မိတ်သဟာဲ အယာံမာတ်ကေင်ညာတ် မဒှ်မိတ်သဟာဲ ပဒတဴစသုင်မွဲစွံဂှ် သ္ပဒတဴလုပ်ဒဂိုန် ပ္ဍဲဩင်ကြုင်ဝဂ္ဂုမုဒါအိုတ်ရ။ ပ္ဍဲအခိင်ဂှ် ဝဇ္ဇဳရး စၞစသုင်ဝါတ်ခါဲရ၊ (ကတဵုဒှ်ကၞောဝ်ရ)၊ သွက်ဂွံဂယိုင်လမျီု ဝါတ်ဂါတ်ရ၊ မၞုံကဵုဇုတ်ဗုၜတ်ရ၊ သ္ဒးဂယိုင်လမျီု နကဵုဇြေဟ်လိက်မာဲရ၊ မိန်ထ္ၜကေတ်ဗဗေင် ပ္ဍဲတဲတုဲ နပွမဂ္ၚေင်ပိဏ္ဍပါတ် သွက်ဂွံယိုပ်ယာပ် ဟွံလောဲသွာရ။ ပ္ဍဲအခိင်ဂှ် ကသပ်ကတဵုဒှ် ကုခမဳဂမၠိုင်ရ— “ပ္ဍဲအခိင်လၟုဟ် ဝဇ္ဇဳဳရး စၞစသုင်ဝါတ်ခါဲရ၊ သွက်ဂွံဂယိုင်လမျီု ဝါတ်ဂါတ်ရ၊ မၞုံကဵုဇုတ်ဗုၜတ်ရ၊ သ္ဒးဂယိုင်လမျီု နကဵုဇြေဟ်လိက်မာဲရ၊ မိန်ထ္ၜကေတ်ဗဗေင် ပ္ဍဲတဲတုဲ နပွမဂ္ၚေင်ပိဏ္ဍပါတ် သွက်ဂွံယိုပ်ယာပ် ဟွံလောဲသွာရ၊ ပိုဲညးဂမၠိုင် မုရဴနနဲမွဲ ညဳသာသၟဟ်သၟန်မိပ်စိုတ်အိုဟ်တၟိုဟ် သီုဟွံကယျာန်ဒဝါတ်သေက်ဇဵုဂမၠိုင်ဂှ် သ္ဂောံပြာပ်လုပ်ဒဂိုန် ဗွဲတသိုခ်အိုတ်ဂှ်ရော? သွက်ပိဏ္ဍပါတ်လေဝ် သီုဟွံဒှ်လၟောင်ဍောင်ၜိုတ် ဂွံနွံအိုတ်ဂှ်ရော?” ရဴဝွံ (ကသပ်ကတဵုဒှ်ရ) ခမဳဂမၠိုင်လ္ၚဵုဂှ်— “ယွံကောန်တၠတအ် လၟုဟ်ဝွံ ပိုဲညးဂမၠိုင် စဳရေင်တဴ ကေင်ကာဇၞော်သၟတ် ခရှ်ဂမၠိုင်အိုတ်စိုအ်၊ စဳရေင်တဴရဴဝွံမ္ဂး မၞိဟ်ဂမၠိုင်ဂှ် ကြက်ဗှ်ဗၞုဟ်ဂွံသတိ သွက်သ္ဂောံကဵုဒါန် ကုပိုဲညးဂမၠိုင်အိုတ်ရ၊ ကဵုဒါန်ရဴဝွံအိုတ်မ္ဂး ပိုဲညးဂမၠိုင် ညဳသာသၟဟ်သၟန် မိပ်စိုတ်အိုဟ်တၟိုဟ် သီုဟွံကယျာန်ဒဝါတ်သေက်ဇဵုဂမၠိုင်ဂှ် သ္ဂောံပြာပ်လုပ်ဒဂိုန် ဗွဲတသိုခ်အိုတ်ရ၊ သွက်ပိဏ္ဍပါတ်လေဝ် သီုဟွံဒှ်လၟောင်ဍောင်ၜိုတ် နွံအိုတ်ရ” ရဴဝွံ ဟီုသ္ဂးအိုတ်ရ။ ခမဳဂမၠိုင်လ္ၚဵုဂှ်— ယွံကောန်တၠတအ် နပွမစဳရေင်တဴ ကေင်ကာဇၞော်သၟတ် ခရှ်ဂမၠိုင်ဂှ် မုဖဵုနွံအိုတ်ဂှ်ရော? ယွံကောန်တၠတအ် လၟုဟ်ဝွံ ပိုဲညးဂမၠိုင် ရင်တၠုင်တဴ ကေင်ကာကလုတ် ခရှ်ဂမၠိုင်အိုတ်စိုအ်၊ ရင်တၠုင်တဴရဴဝွံမ္ဂး မၞိဟ်ဂမၠိုင်ဂှ် ကြက်ဗှ်ဗၞုဟ်ဂွံသတိ သွက်သ္ဂောံကဵုဒါန် ကုပိုဲညးဂမၠိုင်အိုတ်ရ၊ ကဵုဒါန်ရဴဝွံအိုတ်မ္ဂး ပိုဲညးဂမၠိုင် ညဳသာသၟဟ်သၟန် မိပ်စိုတ်အိုဟ်တၟိုဟ် သီုဟွံကယျာန်ဒဝါတ်သေက်ဇဵုဂမၠိုင်ဂှ် သ္ဂောံပြာပ်လုပ်ဒဂိုန် ဗွဲတသိုခ်အိုတ်ရ၊ သွက်ပိဏ္ဍပါတ်လေဝ် သီုဟွံဒှ်လၟောင်ဍောင်ၜိုတ် နွံအိုတ်ရ” ရဴဝွံ ဟီုသ္ဂးအိုတ်ရ။ ခမဳဂမၠိုင်လ္ၚဵုဂှ်— “ယွံကောန်တၠတအ် ဟွံဗဗွဲရ၊ နပွမစဳရေင်တဴ ကေင်ကာဇၞော်သၟတ် ခရှ်ဂမၠိုင်ဂှ် မုဖဵုနွံအိုတ်ဂှ်ရော? နပွမရင်တၠုင်တဴ ကေင်ကာကလုတ်ခရှ်ဂမၠိုင် မုဖဵုနွံအိုတ်ဂှ်ရော? ယွံကောန်တၠတအ် လၟုဟ်ဝွံ ပိုဲညးဂမၠိုင် ဟီုသ္ဂးတဴ ဂုဏ်ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် ကေုာံရင်သကအ် ကုခရှ်ဂမၠိုင်အိုတ်စိုအ်၊ ‘ခမဳမၞုံယၟုဝွံ ကလိဂွံပဌမၛာန်ရ၊ ခမဳမၞုံယၟုဝွံ ကလိဂွံဒုတိယၛာန်ရ၊ ခမဳမၞုံယၟုဝွံ ကလိဂွံတတိယၛာန်ရ၊ ခမဳမၞုံယၟုဝွံ ကလိဂွံစတုတ္ထၛာန်ရ၊ ခမဳမၞုံယၟုဝွံ သောတာပန်ရ၊ ခမဳမၞုံယၟုဝွံ သကဒါဂါမ်ရ၊ ခမဳမၞုံယၟုဝွံ အနာဂါမ်ရ၊ ခမဳမၞုံယၟုဝွံ တၠအရှန်ရ၊ ခမဳမၞုံယၟုဝွံ ကလိဂွံဝိဇ္ဇာပိပြကာရ၊ ခမဳမၞုးယၟုဝွံ ကလိဂွံအဘိဉာဏ်တြဴပြကာရ’ ဟီုသ္ဂးအိုတ်စိုအ်၊ ဟီုသ္ဂးရဴဝွံအိုတ်မ္ဂး မၞိဟ်ဂမၠိုင်ဂှ် ကြက်သမ္တီထေင်ကေတ် ထေက်ကဵုကဵုဒါန် ကုပိုဲညးဂမၠိုင်အိုတ်ရ၊ ကဵုဒါန်ရဴဝွံအိုတ်မ္ဂး ပိုဲညးဂမၠိုင် ညဳသာသၟဟ်သၟန် မိပ်စိုတ်အိုဟ်တၟိုဟ် သီုဟွံကယျာန်ဒဝါတ် သေက်ဇဵုဂမၠိုင်ဂှ် သ္ဂောံပြာပ်လုပ်ဒဂိုန် ဗွဲတသိုခ်အိုတ်ရ၊ သွက်ပိဏ္ဍပါတ်လေဝ် သီုဟွံဒှ်လၟောင်ဍောင်ၜိုတ် နွံအိုတ်ဂှ်ရ” ရဴဝွံ ဟီုသ္ဂး အိုတ်ရ။ ယွံကောန်တၠတအ် ပွမဟီုသ္ဂးဂုဏ်ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် ကေုာံရင်သကအ် ကုခရှ်ဂမၠိုင်ဟေင် ပြဲသန်ရ ရဴဝွံ တုပ်စိုတ်အိုတ်ရ။ 194) ပ္ဍဲကြဴနူဂှ် ခမဳဂမၠိုင်ဂှ် ဟီုသ္ဂးတဴဂုဏ်ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် ကေုာံရင်သကအ် ကုခရှ်ဂမၠိုင်အိုတ်ရ၊ “ခမဳမၞုံယၟုဝွံ ကလိဂွံပဌမၛာန်ရ ။ ပ ။ ခမဳမၞုံယၟုဝွံ ကလိဂွံအဘိဉာဏ်တြဴပြကာရ” ဟီုသ္ဂးအိုတ်ရ။ ပ္ဍဲအခိင်ဂှ် မၞိဟ်ဂမၠိုင်ဂှ် “ကုပိုဲညးဂမၠိုင် ကလိဂွံခိုဟ်သန်အိုတ်ရသွံ၊ ပိုဲညးဂမၠိုင် ကလိဂွံဗွဲမဒးရးအိုတ်ရသွံ၊ ယြဴပ္ဍဲဇရေင်ပိုဲညးဂမၠိုင် ခမဳဂမၠိုင် မၞုံသဘဴမြဴသာ်ဝွံ ပြာပ်လုပ်ဒဂိုန်အိုတ်ရသွံ၊ ခမဳဂမၠိုင် မၞုံကဵုဒ္ဂေတ်သဳလ မၞုံကဵုသဘဴဓရ်ခိုဟ်ဆာဲ မၞုံသဘဴမဖှ်ညံင်ရဴခမဳဂမၠိုင်ဝွံ နူအခိင်ဝွံ ကိုပ်ကၠာတေံ ဟွံကေင်ပြာပ်လုပ်ဒဂိုန် ပ္ဍဲဇရေင်ပိုဲညးဂမၠိုင်အိုတ်ရသွံ” ရဴဝွံ ယြဴဘောဇိုန်စၞသ္ၚာဲ စၞကၠာန်စၞသုင်ဂမၠိုင် အလဵုဇကုပိုဲတအ် ဟွံစအိုတ် ဟွံသ္ၚာဲအိုတ် ဟွံကၠာန်အိုတ် ဟွံသုင်အိုတ်ရ၊ ဟွံကဵုကုမိမ ကောန်သမ္ဘာ ဍိက်သၟာကမၠောန် မိတ်သဟာဲပြဝါ ကဠောမသနာံရိုင်ကောန်မွဲမိဂမၠိုင်အိုတ်ရ၊ ဘောဇိုန်စၞသ္ၚာဲ စၞကၠာန်စၞသုင်ဂမၠိုင်ဂှ်ဟေင် ကဵုဒါန်ကုခမဳဂမၠိုင်အိုတ်ရ။ ပ္ဍဲအခိင်ဂှ် ကုခမဳဂမၠိုင်ဂှ် မၞုံကဵုပွမရုပ်သာ်ကျေဝ်ဂေါဝ် ပွမဣနြ္ဒဳပေင်အုဟ် ပွမသာ်မုက္ခဝါဇြုင်ကေဝ် သာ်စၞာံဇကု ဇြုင်ကေဝ်ဗွဲတၟေင်အိုတ်ရ။ ပွမပြာပ်အာ သွက်သ္ဂောံဗဵုလ္ၚောဝ် တဳလမၞုံပိုဉ်ကျာ်တြဲ ဒဒက်တဴခမဳဂမၠိုင် မဒၠိုက်ကတဵုနူဝှ်ဂှ် ဒှ်အခိုက်အလေံရ။ ပ္ဍဲအခိင်ဂှ် ကလိလောန်အာပိဂိတုတုဲ ခမဳဂမၠိုင် မဒၠိုက်ကတဵုနူဝှ်ဂှ် လပှ်သီဂိုင်ဒေပ် ဘာသၞာသတိက် သၞာဒၟံင်တုဲမ္ဂး ဂိုင်ကေတ်ဗဗေင်သ္ၚာတုဲ ပ္ၚောံပြာပ်အာ ဍုင်ဝေသာလဳအိုတ်ရ၊ ဗွဲလၟေင်လၟေင် ပြာပ်အာစိုပ် ဇရေင်တဳလမၞုံပိုဉ်ကျာ်တြဲ ပ္ဍဲဘာပြာသာဒ် မၞုံကဵုဓုပ်ပြကာ အပ္ဍဲဂြိုပ်မဟာဝိုန် ဇရေင်ဍုင်ဝေသာလဳအိုတ်တုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ ဂဇအ်ဒၟံင် ပ္ဍဲဒၞါဲမွဲအိုတ်ရ။ ပ္ဍဲအခိင်ဂှ် ခမဳဂမၠိုင် မဒၠိုက်ကတဵုနူဝှ် ပ္ဍဲဒိုဟ်ပန်ဂမၠိုင်ဂှ် ဇြာဲသကှ်အိုတ်ရ၊ ဖျုန်ဆီဒေက်ခ္ဍေက်အိုတ်ရ၊ မၞုံကဵုရုပ်သာ် ဟွံကျေဝ်ဂေါဝ်အိုတ်ရ၊ မၞုံကဵုသာ်ဇကုဖျိုဟ်ဖျေတ် သၟဟ်ညံင်တၞးဆုဍုဟ်ဍုဟ်အိုတ်ရ၊ မၞုံကဵုဇကုဓရံင် ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်) အိုတ်ရ၊ ခမဳမသ္ပဒတဴ ပ္ဍဲဩင်ကြုင်ဝဂ္ဂုမုဒါတုန် မၞုံကဵုရုပ်သာ်ကျေဝ်ဂေါဝ်အိုတ်ရ၊ မၞုံကဵုဣန္ဒြဳပေင်အုဟ်အိုတ်ရ၊ မၞုံကဵုသာ်မုက္ခဝါဇြုင်ကေဝ်အိုတ်ရ၊ မၞုံကဵုသာ်စၞာံဇကုဇြုင်ကေဝ်ဗွဲတၟေင်အိုတ်ရ။ ပွမဟီုဂလာန်ဆက်မိတ် ဗွဲမမိပ်စိုတ်အိုဟ်တိၟုဟ် ကေုာံခမဳအာဂန္တုကဂမၠိုင်မွဲစွံဂှ် ဒှ်အခိုက်အလေံ တဳလမၞုံပိုဉ်ကျာ်တြဲဂမၠိုင်ရ။ ပ္ဍဲအခိင်ဂှ် တဳလမၞုံပိုဉ်ကျာ်တြဲဂှ်— “ယွံခမဳတအ် မိပ်ဇြိပ်ထတ်ယုက်အိုတ်ဟာ၊ ယိုပ်ယာပ်အိုတ်ဟာ၊ ညဳသာသၟဟ်သၟန် မိပ်စိုတ်အိုဟ်တိၟုဟ် သီုဟွံကယျာန်ဒဝါတ်သေက်ဇဵုဂမၠိုင်ဂှ် သ္ဂောံပြာပ်လုပ်ဒဂိုန် ဗွဲတသိုခ်အိုတ်ရဟာ၊ သွက်ပိဏ္ဍပါတ်လေဝ် သီုဟွံဒှ်လၟောင်ဍောင်ၜိုတ် နွံအိုတ်ရဟာ” ရဴဝွံ သၟာန်တိုန်ခမဳ ဝဂ္ဂုမုဒါဂမၠိုင်ဂှ်— မိပ်ဇြိပ်ထတ်ယုက်အိုတ်ရ ယွံကျာ်မၞုံပိုဉ်၊ ယိုပ်ယာပ်အိုတ်ရ ယွံကျာ်မၞုံပိုဉ်၊ ညဳသာသၟဟ်သၟန် မိပ်စိုတ်အိုဟ်တၟိုဟ် သီုဟွံကယျာန်ဒဝါတ်သေက်ဇဵုဂမၠိုင်ဂှ် သ္ဂောံပြာပ်လုပ်ဒဂိုန် ဗွဲတသိုခ်အိုတ်ရ ယွံကျာ်မၞုံပိုဉ်၊ သွက်ပိဏ္ဍပါတ်လေဝ် သီုဟွံဒှ်လၟောင်ဍောင်ၜိုတ် နွံအိုတ်ရ ယွံကျာ်မၞုံပိုဉ်” ရဴဝွံ ဂရင်ပတီအိုတ်ရ။ ကျာ်တြဲဂမၠိုင် သီုတီတဴလေဝ် သၟာန်သၟုက်အိုတ်ရ၊ သီုမတီတဴလေဝ် ဟွံသၟာန်သၟုက်အိုတ်ရ ။ ပ ။ နကဵုဟိုတ်ဂမၠိုင် ၜါပြကာမတွံဂး “ဓရ်ဂှ်လေဝ် ကြက်တွံအိုတ်ရ၊ သိက္ခာပိုဒ်ဂှ်လေဝ် ကြက်ပညပ်တဴ ကုကွးဂမၠိုင်အိုတ်ရ”ဂှ် ကျာ်တြဲ မပတၠပိုဉ်တြဴပြကာဂမၠိုင် သၟာန်သၟုက်တဴ ခမဳဂမၠိုင်အိုတ်ရ။ ပ္ဍဲကြဴနူဂှ် တဳလမၞုံပိုဉ်ကျာ်တြဲဂှ် “ယွံခမဳတအ် မၞးတအ်ညးဂမၠိုင် မုရဴသာ်လဵု ညဳသာ သၟဟ်သၟန် မိပ်စိုတ်အိုဟ်တၟိုဟ် သီုဟွံကယျာန်ဒဝါတ်သေက်ဇဵုဂမၠိုင်ဂှ် သ္ဂောံပြာပ်လုပ်ဒဂိုန် ဗွဲတသိုခ်အိုတ်ဂှ်ရော? သွက်ပိဏ္ဍပါတ်လေဝ် သီုဟွံဒှ်လၟောင်ဍောင်ၜိုတ် နွံအိုတ်ဂှ်ရော?” ရဴဝွံ အခိင်မသၟာန်တိုန် ခမဳပဒတဴဩင်ကြုင်ဝဂ္ဂုမုဒါဂမၠိုင်ဂှ် ခမဳဂမၠိုင်ဂှ် ကလေင်ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ပသာ်ဂှ်ရော? (ဓရ်ၛာန်မဂ်ဖိုလ်) ဂှ် နွံပြကဋ် ကုမၞးတအ်ညးဂမၠိုင်အိုတ်ဟာ ရဴဝွံ (သၟာန်တိုန်ဂှ်)— ဟွံမွဲပြာကဋ်ရ ယွံကျာ်မၞုံပိုဉ် ရဴဝွံ (ဂရင်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ “ယွံတြုံမလ္ၚုသၟး (နူမဂ်ဖိုလ်) တအ် (ပွကမၠောန်) ဝွံ ဟွံထေက် ကုခမဳဂမၠိုင်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ် ဟွံသေင်ရ၊ ဟွံဂပ်ဝ်ရ၊ ဟွံထေက်ကဵုသ္ပရ၊ ယွံတြုံမလ္ၚုသၟး (နူမဂ်ဖိုလ်) တအ် မုဟိုတ်မၞးတအ်ညးဂမၠိုင် သွက်ဗုင်ဂၞဴဂှ် ဟီုသ္ဂးတဴ ဂုဏ်ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် ကေုာံရင်သကအ် ကုခရှ်ဂမၠိုင်အိုတ်ဂှ်ရော? ယွံတြုံမလ္ၚုသၟး (နူမဂ်ဖိုလ်) တအ် မၞးတအ်ညးဂမၠိုင် ရေက်ကလိုဟ်ထောံ ဗုင်ဂၞဴဇကုနကဵုၜုန်ရေက် ဂၠေဟ်ဗုင်ဂၠဴမကေက်ဂှ် ပြဲဏီရ၊ သွက်ဗုင်ဂၞဴဂှ် ပွမဟီုသ္ဂးတဴ ဂုဏ်ဓရ်ၛာန်မဂ်ဖိုလ်ဂှ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် ကေုာံရင်သကအ် ကုခရှ်ဂမၠိုင်တုန် ဟွံပြဲဟေင်ရ။ ပွမဒှ်သာ်ဂှ်ဂှ် မုဟိုတ်ဂှ်ရော? ယွံတြုံမလ္ၚုသၟး (နူမဂ်ဖိုလ်) တအ် ဟိုတ်နူဟိုတ်မတွံဂး ပွမဂစိုတ် နကဵုၜုန်ဂှ် အာစိုပ်ပွမချိုတ်ကီု ဒဒိုခ်မဆိုက်ညောန်ကဵုချိုတ်ကီုရ၊ ဟိုတ်နူဟိုတ်မတွံဂး ပွမရေက်ကလိုဟ်ထောံ ဗုင်ဂၞဴဇကု နကဵုၜုန်ဂှ် ခန္ဓဇကုလီုလာ်တုဲ ပ္ဍဲကြဴနူချိုတ်တုဲဂှ် နရက်မစာ်စ္ဍးနူတသိုခ် မဒှ်လအာဂတိ ညးဟွံခိုတ်ဆာဲတအ် မဒှ်အရာဒၞါဲဒတုံစှေ်ပြးဆာဲတုန်အာစိုပ်ဟွံမာန်ဟေင်ရ။ ယွံတြုံမလ္ၚုသၟး (နူမဂ်ဖိုလ်) တအ် ဟိုတ်နူဟိုတ်မတွံဂး ပွမဟီုသ္ဂးတဴ ဂုဏ်ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် ကေုာံရင်သကအ် ကုခရှ်ဂမၠိုင်ဝွံတုန် ခန္ဓဇကုလီုလာ်တုဲ ပ္ဍဲကြဴနူချိုတ်တုဲဂှ် သ္ဒးအာစိုပ်နရက် မစာ်စ္ဍးနူတသိုခ် မဒှ်လအာဂတိ ညးဟွံခိုဟ်ဆာဲတအ် မဒှ်အရာဒၞါဲဒတုံစှေ်ပြးဆာဲရ။ ယွံတြုံမလ္ၚုသၟး (နူမဂ်ဖိုလ်) တအ် ပွ (မၞံတအ်ညးဂမၠိုင် သ္ပဒး) ဝွံ ကုညးမဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ဂရိုဟ်တုဲ တွံကဵုဂလာန်ဓရ်တုဲပ္ဍဲကြဴသ္ဂးကဵုခမဳဂမၠိုင်အိုတ်ရ။

၁.၄.၂။ ကမၠတ်ဇၞော်မသုန်တၠ

[ပလေဝ်ဒါန် | ပလေဝ်ဒါန် တမ်ကၞက်]

195) ယွံခမဳတအ် ကမၠတ်ဇၞော်ဂမၠိုင် မသုန်တၠဝွံ နွံတဴပြာကဋ် ပ္ဍဲလောကအိုတ်ရ၊ မသုန်တၠဂမၠိုင်တုန် ညးဍေံဂှ်ရော? ယွံခမဳတအ် ပ္ဍဲလောကဝွံ ကုကမၠတ်လ္ၚုဵဂှ် “အဲ မုရဴပ္ဍဲအခိင်မွဲ တွဳဗွိုင် (ကွး) ကဵုကၠံကဵုလ္ၚီတုဲ သီုဂစိုတ်တဴ သီုကဵုဂစိုတ်တဴ သီုကုတ်တဴ သီုကဵုကုတ်တဴ သီုကဵုတောံဖျိန် သီုကဵုတောံဖျိန်ဂှ် ကြက်သ္ဂောံဂေတ်ဂ္ၚေင်အာကၠုင် ပ္ဍဲကွာန်နိဂီု ဍုင်ဒၟံင်သၟိင်ဂမၠိုင်ဂှ်ရော?” ရဴဝွံ ကသပ်ဒှ်ရ။ ပ္ဍဲအခိင်မွဲသအာင် ကမၠတ်ဇၞော်ဂှ် တွဳဗွိုင် (ကွး) ကဵုကၠံကဵုလ္ၚီတုဲ သီုဂစိုတ်တဴ သီုကဵုဂစိုတ်တဴ သီုကုတ်တဴ သီုကဵုကုတ်တဴ သီုကဵုတောံဖျိန် သီုကဵုတောံဖျိန်ဂှ် ဂေတ်ဂ္ၚေင်အာကၠုင်ပ္ဍဲကွာန်နိဂီု ဍုင်ဒၟံင်သၟိင်ဂမၠိုင်ရ။ ယွံခမဳတအ် တုပ်သၟဟ်သာ်ဝွံဟေင် ပ္ဍဲသာသနာဝွံ ကုခမဳယုတ်လ္ၚုဵဂှ်— “အဲ မုရဴပ္ဍဲအခိင်မွဲ တွဳဗွိုင် (ကွး) ကဵုကၠံကဵုလ္ၚီတုဲ သီုဂွံဒုင်ကၠောန်ၜိုတ်ခိုဟ်ခိုဟ် သီုဂွံဒုင်သ္ပအဲပရဲ သီုဂွံဒုင်သၞေံသၞဴ သီုဂွံဒုင်ပူဇဴ သီုဂွံဒုင်ရှေ်သှေ်ရဴဂဴ ထပိုဲခမဳခရှ်ဂမၠိုင်ဂှ် ကလိဂွံသ္ၚာပိဏ္ဍပါတ် ဘာဂဥုဲပစ္စယ်ပန်ဂမၠိုင်တုဲ ကြက်သ္ဂောံဂေတ်ဂ္ၚေင်အာကၠုင် ပ္ဍဲကွာန်နိဂီု ဍုင်ဒၟံင်သၟိင်ဂမၠိုင်ဂှ်ရော?” ရဴဝွံ ကသပ်ဒှ်ရ။ ပ္ဍဲအခိင်မွဲသအာင် ခမဳယုတ်ဂှ် တွဳဗွိုင် (ကွး) ကဵုကၠံကဵုလ္ၚီတုဲ သီုဂွံဒုင်ကၠောန်ၜိုတ်ခိုဟ်ခိုဟ် သီုဂွံဒုင်သ္ပအဲပရဲ သီုဂွံဒုင်သၞေံသၞဴ သီုဂွံဒုင်ပူဇဴ သီုဂွံဒုင်ရှေ်သှေ်ရဴဂဴ ထပိုဲခမဳခရှ်ဂမၠိုင်ဂှ် ကလိဂွံသ္ၚာပိဏ္ဍပါတ် ဘာဂဥုဲပစ္စယ်ပန်ဂမၠိုင်တုဲ ဂေတ်ဂ္ၚေင်အာကၠုင် ပ္ဍဲကွာန်နိဂီု ဍုင်ဒၟံင်သၟိင်ဂမၠိုင်ရ။ ယွံခမဳတအ် ဣဝွံတုန် ကမၠတ်ပဌမ နွံပြာကဋ် ပ္ဍဲလောကရ။ ယွံခမဳတအ်သအာင်နူဂှ်လေဝ် ပ္ဍဲသာသနာဝွံ ခမဳယုတ်လ္ၚဵုဂှ် ဂိုင်ကတ်ကေတ် သုတ် အဘိဓရ် ဝိနယ် ဒေသနာကျာ်တြဲတွံတုဲ သ္ပလဝ်ဂြပ်ဇကုအပိုင်ရ။ (ဟွံစွံစၞးအ္စာရ)။ ယွံခမဳတအ် ဣဝွံတုန်ကမၠတ်ဇၞော်ဒုတိယ နွံပြာကဋ် ပ္ဍဲလောကရ။ ယွံခမဳတအ် သအာင်နူဂှ်လေဝ် ပ္ဍဲသာသနာဝွံ ခမဳယုတ်လ္ၚဵုဂှ် စောတ်စောဲ ညးဒ္ဂေတ်ဓရ်မွဲစွံ မၞုံကဵုဒ္ဂေတ်မသအးဇ္ၚး မဒ္ဂေတ်တဴ ဒ္ဂေတ်မသအးဇ္ၚးပွဳပွူ နကဵုဒ္ဂေတ်မဟွံပြဲ (ဒ္ဂေတ်မေထုန်) မဟွံမွဲကဵု ရိုဟ်ကၞက်ရ။ ယွံခမဳတအ် ဣဝွံတုန် ကမၠတ်ဇၞော်တတိယ နွံပြာကဋ်ပ္ဍဲလောကရ။ ယွံခမဳတအ် သအာင်နူဂှ်လေဝ် ပ္ဍဲသာသနာဝွံ ခမဳယုတ်လ္ၚဵုဂှ် ယိုက်ဒိုက်သင်ရိုဟ်ခရှ် နကဵုအာရှာမ် ဂအာင်အာရှာမ် ဘာ ဂအာင်ဘာ ဇံင်ခါတ် ဂတဵုဒလာဲခုင်ဇမၠိင် ဖုန် ဂၞဳ နုင်ဗရိုတ် ဇရဳဗရိုတ်ဇၞော် ဇရဗရိုတ် ကၠာင်ဗရိုတ် ဝါစဳ (ဗဗဴ) မုဲ မြပံင် ကွုဵဇၜံက် ပၞုတ် ဇုက်လွာဒုန် ကၟတ်ဇပူ ကၟာစာဗဲ ချောဲ တိကမၠေတ် ကယျာဆု ကယျာတိ (ၜါဣသုန်ဂကူ) မဒှ်ဂရုဘဏ် ဂရုပရိက္ခာသင်ရ၊ လှေံလှန်ရ။ ယွံခမဳတအ် ဣဝွံတုန် ကမၠတ်ဇၞော်စတုတ္ထ နွံပြကဋ်ပ္ဍဲလောကရ။ ယွံခမဳတအ် ယြဴခမဳမွဲ ဟီုကြီုပတိုန်စ ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် မဟွံမွဲပြာကဋ် (ပ္ဍဲသန္ထာန်ဇကု) မဟွံဍာံစၟတ်ရ၊ ခမဳဝွံ ပ္ဍဲဩကာသလောက မဒှ်မွဲဟာန်ကေုာံဒေဝတဴ မဒှ်မွဲဟာန်ကေုာံဒေဝတဴမာရ် မဒှ်မွဲဟာန်ကေုာံဗြီုဝွံကီု ပ္ဍဲဂကောံသတ် မဒှ်မွဲဟာန်ကေုာံသမဏဗြာဟ္မဏဂမၠိုင် သၟိင်ဂမၠိုင် မၞိဟ်ဂမၠိုင်ဝွံကီုပြေအ်အိုတ်ရ ဇၞော်အိုတ်ရ ကမၠတ်ဇၞော်ရောင်၊ ပွမဒှ်သာ်ဂှ်ဂှ် မုဟိုတ်ရောဟီုမ္ဂး ယွံခမဳတအ် ဟိုတ်မကၠတ်စ ပိဏ္ဍပါတ်ကောန်ညးဍုင်ကွာန်ဂမၠိုင်ရောင်။ “ပ္ဍဲသန္ထာန်ဇကုဂှ် သီုဟွံမွဲကဵုဓရ်မသၠုင်ပြဲ ခမဳမဟီုသ္ဂး ညံင်မၞုံကဵုဓရ်သၠုင်ပြဲဂှ် ညံင်ရဴသၟာဝေင် (လၟဂစေံ) မတ္ၚံက်စၞာဲကီု ကၠတ်စပိဏ္ဍပါတ် ညးဍုင်ဂမၠိုင်မ္ဂးရ။ ခမဳဂမၠိုင်မဂၠိုင် ကွက်လဝ်သ္ၚာပ္ဍဲကအ်တုဲ မၞုံသဘဴကၠိၚေတ်ပပ်ပဳ စ္ဍးခြာနူပွမသ္ၚဳလလမ်မင်မွဲတုဲ မယုတ်မာဂှ် ဟိုတ်နူပွသရာမ်ပါပ် အကုသိုလ်ကမ် သ္ဒးပြပ်အာစိုပ်နရက်အိုတ်ရ။ သီုဟွံမွဲကဵုဒ္ဂေတ်သဳလ သီုဟွံမွဲကဵုသံဝရ ပွမထိင်ဒဝ်မင်မွဲ လတူပွမစပိဏ္ဍပါတ် ကောန်ညးဍုင်ကွာန်ဂမၠိုင် မကဵုဒါန်ဂှ် ပွမဂွံစကဠောံပသဲ မစံင်ဗဂဵုလဝ်ဍာဲဍာဲဂြင်ဂှ်ပြဲဏီရ”။ ပ္ဍဲကြဴနူဂှ် တဳလမၞုံပိုဉ်ကျာ်တြဲ ဟီုဂရိုဟ်တင်ဒုဟ် ခမဳပဒတဴဩင်ကြုင်ဝဂ္ဂုမုဒါဂမၠိုင် နဟိုတ်မဂၠိုင်တုဲမ္ဂး ဇကုဇကုပွမဇြိုင်ကဵုလွဳမြိမြန်ဇကုဇကု ညးသအာင်ပွမဇြိုင်ကဵုလွဳမြိမြန်ဇကုဇကု ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜး သိက္ခာပိုဒ်ဝွံအိုတ်ညိ။ “ယြဴခမဳမွဲ သီုဟွံတီတဴ ရင်တၠုင်ပြာပ်နင်ဇကု ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် မဂပ်ဝ်တွံဂး လညာတ်ဉာဏ်မပြဲ မသၟဟ်အစောံ တၞဟ်နပလီုပလာ်ကၠေံ ကိလေသတုဲ ‘ရဴဝွံ အဲတီရ၊ ရဴဝွံ အဲညာတ်ရ’ ရဴဝွံ ဟီုကြီုစမ္ဂး၊ ပ္ဍဲကြဴနူအခိင် မဟီုကြီုစတုဲဂှ် (ညးသအာင်ဂမၠိုင်) ဂပ်ဝ်သၟာန်စၟဳစၟတ်တုဲကီုလေဝ် မဟဂပ်ဝ်သၟာန်စၟဳစၟတ်ကီုလဝ် အာစိုပ်အာပတ်တုဲ မၞုံကဵုပၟိက်ကဵုသအးဇ္ၚးဒှ်တုဲ ‘ယွံကောန်တၠတအ် ရဴဝွံ သီုဟွံတီတဴဂှ် တီရ ရဴဝွံ ဟီုဒးတုဲ သီုဟွံညာတ်ဂှ် ရဴဝွံ ညာတ်ရ ရဴဝွံ ဟီုဒးတုဲ ဟီုဒးဂလာန် လ္ၚုသၟးဆောတ်ယောင်တုဲ’ ရဴဝွံ ဟီုသ္ဂးမ္ဂး၊ ခမဳဝွံလေဝ် အာစိုပ်ပွမကျ နူသာသနာရ၊ ဟွံမွဲပွမပံင်ဖက်မွဲစွံ ကေုာံခမဳ ခိုဟ်ဆာဲဂမၠိုင်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ရဴဝွံဟေင် တဳလမၞုံပိုဉ်ကျာ်တြဲ ပညပ်တဴသိက္ခာပိုဒ်ဝွံ ကုခမဳဂမၠိုင်ရ။ 196) ပ္ဍဲအခိင်ဂှ် ခမဳဂမၠိုင်ဗွဲမဂၠိုင် ပ္ဍဲမဟဂပ်ဝ်ညာတ်ဏီဂှ် ဂပ်ဝ်ညာတ်တုဲရ ရဴဝွံ မၞုံစၟတ်သမ္တီအိုတ်တုဲ ပ္ဍဲမဟဂပ်ဝ်အာစိုပ်ဏီဂှ် ဂပ်ဝ်အာစိုပ်တုဲရ ရဴဝွံ မၞုံစၟတ်သမ္တီအိုတ်တုဲ ပ္ဍဲမဟဂပ်ဝ်ကလိဂွံဏီဂှ် ဂပ်ဝ်ကလိဂွံတုဲရ ရဴဝွံ မၞုံစၟတ်သမ္တီအိုတ်တုဲ ပ္ဍဲမဟဂပ်ဝ်သ္ပဇၞောဝ်မတ်ဏီဂှ် ဂပ်ဝ်သ္ပဇၞောဝ်မတ်တုဲရ ရဴဝွံ မၞုံစၟတ်သမ္တီအိုတ်တုဲ နပွမထေင်ဇၞော်ဂှ် ဟီုထ္ၜးအရဟတ္တဖိုလ်အိုတ်ရ၊ ကုခမဳဂမၠိုင်ဂှ် ပ္ဍဲမွဲအခိင်သအာင် သွက်ရာဂဂွံကဵုဒှ်လေဝ် စိုတ်လၟောဝ်အာရ၊ သွက်ဒေါသဂွံကဵုဒှ်လေဝ် စိုတ်လၟောဝ်အာရ၊ သွက်မောဟဂွံကဵုဒှ်လေဝ် စိုတ်လၟောဝ်အာရ။ “တဳလမၞုံပိုဉ်ကျာ်တြဲ ဂပ်ဝ်ပညပ်လဝ် သိက္ခာပိုဒ်တုဲရ၊ ပိုဲညးဂမၠိုင်လေဝ် ပ္ဍဲမဟဂပ်ဝ်ညာတ်ဏီဂှ် ဂပ်ဝ်ညာတ်တုဲရ ရဴဝွံ မၞုံစၟတ်သမ္တီအိုတ်တုဲ ပ္ဍဲမဟဂပ်ဝ်အာစိုပ်ဏီဂှ် ဂပ်ဝ်အာစိုပ်တုဲရ ရဴဝွံ မၞုံစၟတ်သမ္တီအိုတ်တုဲ ပ္ဍဲမဟဂပ်ဝ်ကလိဂွံဏီဂှ် ဂပ်ဝ်ကလိဂွံတုဲရ ရဴဝွံ မၞုံစၞတ်သမ္တီအိုတ်တုဲ ပ္ဍဲမဟဂပ်ဝ်သ္ပဇၞောဝ်မတ်ဏီဂှ် ဂပ်ဝ်သ္ပဇၞောဝ်မတ်တုဲရ ရဴဝွံ မၞုံစၟတ်သမ္တီအိုတ်တုဲ နပွမထေင်ဇၞော်ဂှ် ဟီုထ္ၜးဒးအရဟတ္တဖိုလ်အိုတ်တုဲရ၊ ပသာ်ဂှ်ရော? ပိုဲညးဂမၠိုင်စှေ်ပါရာဇိကအိုတ်ဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ။ ဂရင်ပတီ ဟိုတ်ပရူပရာဝွံ ကုတဳလပိုဉ်အာနန္ဒအိုတ်ရ၊ တဳလပိုဉ်အာနန္ဒ ဂရင်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံအာနန္ဒ ယြဴခမဳဂမၠိုင် ပ္ဍဲမဟဂပ်ဝ်ညာတ်ဏီဂှ် ဂပ်ဝ်ညာတ်တုဲရ ရဴဝွံ မၞုံစၟတ်သမ္တီအိုတ်တုဲ ပ္ဍဲမဟဂပ်ဝ်အာစိုပ်ဏီဂှ် ဂပ်ဝ်အာစိုပ်တုဲရ ရဴဝွံ မၞုံစၟတ်သမ္တီအိုတ်တုဲ ပ္ဍဲမဟဂပ်ဝ်ကလိဂွံဏီဂှ် ဂပ်ဝ်ကလိဂွံတုဲရ ရဴဝွံ မၞုံစၟတ်သမ္တီအိုတ်တုဲ ပ္ဍဲမဟဂပ်ဝ်သ္ပဇၞောဝ်မတ်ဏီဂှ် ဂပ်ဝ်သ္ပဇၞောဝ်မတ်တုဲရ ရဴဝွံ မၞုံစၟတ်သမ္တီအိုတ်တုဲ နပွမထေင်ဇၞော်ဂှ် ဟီုထ္ၜးအရဟတ္တဖိုလ်အိုတ်ရ၊ ပွမဟီုထ္ၜးအရဟတ္တဖိုလ် နပွမထေင်ဇၞော်ဂှ်တုန် ဟွံရုမ်ဂပ်ကဵုကော်ခဴ ရဴဝွံ ဟိုတ်ပွမဒးအာပတ်ရ ရဴဝွံ (သ္ဂးရ)။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။ 197) ယြဴခမဳမွဲ သီုဟွံတီတဴ ရင်တၠုင်ပြာပ်နင်ဇကု ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် မဂပ်ဝ်တွံဂး လညာတ်ဉာဏ်မပြဲ မသၟဟ်အစောံတၞဟ်နပလီုပလာ်ကၠေံ ကိလေသတုဲ ‘ရဴဝွံ အဲတီရ၊ ရဴဝွံ အဲညာတ်ရ’ ရဴဝွံ ဟီုကြီုစမ္ဂး၊ ပ္ဍဲကြဴ နူအခိင် မဟီုကြီုစတုဲဂှ် (ညးသအာင်ဂမၠိုင်) ဂပ်ဝ်သၟာန်စၟဳစၟတ်တုဲကီုလဝ် မဟဂပ်ဝ်သၟာန်စၟဳစၟတ်ကီုလဝ် အာစိုပ်အာပတ်တုဲ မၞုံကဵုပၟိက်ကဵုသအးဇ္ၚးဒှ်တုဲ ‘ယွံကောန်တၠတအ် ရဴဝွံ သီုဟွံတီတဴဂှ် တီရ ရဴဝွံ ဟီုဒးတုဲ သီုဟွံညာတ်ဂှ် ရဴဝွံ ညာတ်ရ ရဴဝွံ ဟီုဒးတုဲ ဟီုဒးဂလာန်လ္ၚုသၟးဆောတ်ယောင်တုဲ’ ရဴဝွံ ဟီုသ္ဂးမ္ဂး၊ ဝေင်ပါဲကၠေံ ပွမထေင်ဇၞော်တုဲ ခမဳဝွံလေဝ် အာစိုပ်ပွမကျနူသာသနာရ၊ ဟွံမွဲပွမပံင်ဖက်မွဲစွံ ကေုာံခမဳခိုဟ်ဆာဲဂမၠိုင်ရ ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

၁.၄.၃။ ပွံက်စတုတပါရာဇိကသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

198) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳ မ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ သီုဟွံတီတဴ မ္ဂးဂှ် ဓရ်ကုသိုလ်မဟွံမွဲ မဟွံဍာံစၟတ် မဟွံမွဲပြာကဋ် ပ္ဍဲဇကုဂှ် “ဓရ်ကုသိုလ် နွံကုအဲရ” ရဴဝွံ သီုဟွံတီတဴ သီုဟွံညာတ်တဴ။ ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် မ္ဂးဂှ် ၛာန် ဝိမောက္ခ သမာဓိ သမာပတ် လညာတ်ဉာဏ် ပွမဇၞော်ပၟဝ်မဂ် ပွမသ္ပဇၞောဝ်မတ်ဖဵု ပွမပါဲကၠေံ ကိလေသ ပွမစာ်စ္ဍးနူနဳဝရဏ ပွမမိပ်လဟိင် ပ္ဍဲဘာမလ္ၚုသ္ၚိတ်ဇြရောင်။ ရင်တၠုင်ပြာပ်နင်ဇကုတုဲ မ္ဂးဂှ် ဓရ်ကုသိုလ်ဂမၠိုင်ဂှ်လေဝ် ရင်တၠုင်ပြာပ်နင်ဇကုရ၊ ဇကုဇကုလေဝ် ရင်တၠုင်ပြာပ်ဏာ ဓရ်ကုသိုလ်ဂမၠိုင်ဂှ်ရ။ ဉာဏ် မ္ဂးဂှ် ဝိဇ္ဇာပိပြကာရောင်။ လညာတ် မ္ဂးဂှ် ဉာဏ်ဂှ်လညတ်မ္ဂးရ၊ လညာတ်ဂှ် ဉာဏ်မ္ဂးရ။ ဟီုကြီုစမ္ဂး မ္ဂးဂှ် ကုညးဗြဴကီုလဝ် ကုညးတြုံကီုလဝ် ကုခရှ်လဝ် ကုခမဳကီုလဝ် ဟီုကြီုစမ္ဂး။ ရဴဝွံ အဲတီရ၊ ရဴဝွံ အဲညာဝ်ရ မ္ဂးဂှ် “အဲတီ ဓရ်ဂမၠိုင်ဂှ်ရ၊ အဲညာတ် ဓရ်ဂမၠိုင်ဂှ်ရ၊ ဓရ်ဂမၠိုင်ဂှ်လေဝ် နွံပ္ဍဲအဲရ၊ အဲလေဝ် ပြာကဋ် ပ္ဍဲဓရ်ဂမၠိုင်ဂှ်ရ” ရဴဝွံ (ပွဟီုလဴစရောင်)။ ပ္ဍဲကြဴနူအခိင် မဟီုကြီုစတုဲ မ္ဂးရ ယြဴပ္ဍဲခဏမွဲ ဟီုကြီုရ၊ ကလိလောန်ခဏဂှ် လယဂှ်မုဟုတ်ဂှ်မ္ဂး။ (ညးသအာင်ဂမၠိုင်) ဂပ်ဝ်သၟာန်စၟဳစၟတ်တုဲကီုလဝ် မ္ဂးဂှ် ယြဴဝတ္ထုမွဲ ဒုင်ဝန်ရ၊ ဝတ္ထုဂှ် “တၠအဲ ကလိဂွံ မုရဴဓရ်မွဲဂှ်ရော? တၠအဲ သာ်လဵုကလိဂွံဂှ်ရော? တၠအဲ မုရဴပ္ဍဲအခိင်မွဲ ကလိဂွံဂှ်ရော? တၠအဲ မုရဴပ္ဍဲဌာန်မွဲ ကလိဂွံဂှ်ရော? တၠအဲ ပါဲကၠေံ မုရဴကိလေသဂမၠိုင်ဂှ်ရော? တၠအဲကလိဂွံ မုရဴဓရ်ဂမၠိုင်ဂှ်ရော?” သၟာန်စၟဳစၟတ်မ္ဂး။ ဟဂပ်ဝ်သၟာန်စၟဳစၟတ်ကီုလဝ် မ္ဂးဂှ် ညးလဵုမွဲလေဝ် သီုဟွံသၟာန် ဟွံစၟဳစၟတ်။ အာစိုပ်အာပတ်တုဲ မ္ဂးဂှ် မၞုံကဵုပၟိက်ယုတ်သဝ်ပြေအ်ဒှ်တုဲ ပၟိက်ပြေအ်မဂပ်ဝ်ပ္ဍဵုပ္ဍိုက် ရာန်သကိုတ်ဒှ်တုဲ ဟီုကြီုပတိုန်စ ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် မဟွံမွဲပြာကဋ် မဟွံဍာံစၟတ်တုဲ အာစိုပ်အာပတ်ပါရာဇိကတုဲဒှ်ရ။ မၞုံကဵုပၟိက်ကဵုသအးဇ္ၚးဒှ်တုဲ မ္ဂးဂှ် ခရှ်ကီုလဝ် မိက်ဒှ်တုဲ ဥပကီုလဝ် မိက်ဒှ်တုဲ ပၟင်အာရှာမ်ကီုလဝ် မိက်ဒှ်တုဲ သာမဏဳကီုလဝ် မိက်ဒှ်တုဲ။ ယွံကောန်တၠတအ် ရဴဝွံ သီုဟွံတီတဴဂှ် တီရ ရဴဝွံ ဟီုဒးတုဲ သီုဟွံညာတ်ဂှ် ရဴဝွံညာတ်ရ ရဴဝွံဟီုဒးတုဲ မ္ဂးဂှ် “အဲ ဟွံတီဓရ်ဂမၠိုင်ဂှ်ရ၊ အဲဟွံညာတ်ဓရ်ဂမၠိုင်ဂှ်ရ၊ ဓရ်ဂမၠိုင်ဂှ်လေဝ် ဟွံမွဲပ္ဍဲအဲအိုတ်ရ၊ အဲလေဝ် ဟွံပြာကဋ် ပ္ဍဲဓရ်ဂမၠိုင်ဂှ်ရ” ရဴဝွံ (ပွဟီုလဴစရောင်)။ ဟီုဒးဂလာန်လ္ၚုသၟး ဆောတ်ယောင်တုဲ မ္ဂးဂှ် အဲဟီုဒးဂလာန်လ္ၚုသၟးတုဲရ၊ အဲဟီုဒးဂလာန်ဆောတ်ယောင်တုဲရ၊ အဲဟီုဒးဂလာန် ဟွံဍာံစၟတ်တုဲရ၊ အဲသီုဟွံတီဂှ် ဟီုဒးတုဲရ။ ဝေင်ပါဲကၠေံ ပွမထေင်ဇၞော်တုဲ မ္ဂးဂှ် ပါဲကၠေံ ပွမထေင်ဇၞော်တုဲ။ ခမဳဝွံလေဝ် မ္ဂးဂှ် ထံက်ရံင်ကဵုခမဳကိုပ်ကၠာဂမၠိုင်တုဲ ဂပ်ဝ်သ္ဂးရ။ အာစိုပ်ပွမကျ နူသာသနာရ မ္ဂးဂှ် ဗွဲဥပမာမ္ဂး တၞံတာကအ်ပိုတ်အာတုဲဂှ် သၟဟ်ညံင်ရဴတၞဟ်နပွမကလေင်ကၠုတ်ဍိုပ်ဍဴမွဲလှေ်ပၠန် ဟွံမာန်ကီု တုပ်သၟဟ်သာ်ဝွံရ ခမဳ မၞုံကဵုပၟိက်ယုတ်သဝ်ပြေအ်ဒှ်တုဲ ပၟိက်ပြေအ်မဂပ်ဝ်ပ္ဍဵုပ္ဍိုက်ရာန်သကိုတ်ဒှ်တုဲ ဟီုကြီုပတိုန်စ ဓရ်ၛာန် မဂ်ဖိုလ် မပြဴလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် မဟွံမွဲပြာကဋ် မဟွံဍာံစၟတ်တုဲဂှ် ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဟိုတ်ဂှ်ရ “အာစိုပ် ပွမကျနူသာသနာရ” ရဴဝွံ ဂပ်ဝ်သ္ဂးရ။ ပ္ဍဲအရာ ဟွံမွဲကဵုပွမပံင်ဖက် ကေုာံခမဳခိုဟ်ဆာဲဂမၠိုင်မွဲစွံဂှ် ပွမပံင်ဖက်မ္ဂးဂှ် ပွမသ္ပဝိနယ်ကမ်မွဲစွံ ပွမစၞောန်ထ္ၜး (ဖ္ဍောတ်) ပါတိမုက်မွဲစွံ ပွမဒ္ဂေတ်လ္ၚတ် ပဒတဴမွဲစွံရောင်။ သီုဖအိုတ်ဝွံ ပွမပံင်ဖက်မ္ဂးရ၊ ပွမပံင်ဖက်ဂှ် ဟွံမွဲမွဲစွံ ကေုာံခမဳမစှေ်ပါရာဇိကဂှ်ရ၊ ဟိုတ်ဂှ်ရ ကော်ခဴဂး “ဟွံမွဲကဵုပွမပံင်ဖက် ကေုာံခမဳခိုဟ်ဆာဲဂမၠိုင်မွဲစွံ” ရ။ 199) ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် မ္ဂးဂှ် ၛာန်၊ ဝိမောက္ခ၊ သမာဓိ၊ သမာပတ်၊ လညာတ်ဉာဏ်၊ ပွမဇၞော်ပၟဝ်မဂ်၊ ပွမသ္ပဇၞောဝ်မတ်ဖိုလ်၊ ပွမပါဲကၠေံကိလေသ၊ ပွမစာ်စ္ဍးနူနဳဝရဏ၊ ပွမမိပ်လဟိင် ပ္ဍဲဘာမလ္ၚုသ္ၚိတ်ဇြရောင်။ ၛာန် မ္ဂးဂှ် ပဌမၛာန်၊ ဒုတိယၛာန်၊ တတိယၛာန်၊ စတုတ္ထၛာန်ရောင်။ ဝိမောက္ခ မ္ဂးဂှ် ‘သုညတဝိမောက္ခ’ လ္ၚုသုန်ဂြာံနူကိလေသတုဲ ပွမတိတ်ဗၠး ‘အနိမိတ္တဝိမောက္ခ’ ဟွံမွဲကဵုနိမိတ်ဟိုတ်ကိလေသတုဲ ပွမတိတ်ဗၠး ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးရောင်။ သမာဓိ မ္ဂးဂှ် ‘သုညတသမာဓိ’ လ္ၚုသုန်ဂြာံနူကိလေသတုဲ ပွမတန်ကြန် ‘အနိမိတ္တသမာဓိ’ ဟွံမွဲကဵုနိမိတ်ဟိုတ်ကိလေသတုဲ ပွမတန်ကြန် ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်ရောင်။ သမာပတ် မ္ဂးဂှ် ‘သုညတသမာပတ်’ လ္ၚုသုန်ဂြာံနူကိလေသတုဲ ပွမလုပ်စ ‘အနိမိတ္တသမာပတ်’ ဟွံမွဲကဵုနိမိတ်ဟိုတ်ကိလေသတုဲ ပွမလုပ်စ ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စရောင်။ လညာတ်ဉာဏ် မ္ဂးဂှ် ဝိဇ္ဇာပိပြကာရောင်။ ပွမဇၞော်ပၟဝ်မဂ် မ္ဂးဂှ် သတိပဋ္ဌာန်ပန်ပြကာ၊ သမ္မပ္ပဓါန်ပန်ပြကာ၊ ဣဒ္ဓိပါဒ်ပန်ပြကာ၊ ဣန္ဒြဳမသုန်ပြကာ၊ ဗိုလ်မသုန်ပြကာ၊ ဗောဇ္ၛင်ထပှ်ပြကာ၊ မဂ္ဂင်ဒ္စါံပြကာ မပြဲရောင်။ ပွမသ္ပဇၞောဝ်မတ်ဖိုလ် မ္ဂးဂှ် ပွမသ္ပဇၞောဝ်မတ် သောတာပတ္တိဖိုလ်၊ ပွမသ္ပဇၞောဝ်မတ်သကဒါဂါမိဖိုလ်၊ ပွမသ္ပဇၞော်မတ် အနာဂါမိဖိုလ်၊ ပွမသ္ပဇၞောဝ်မတ် အရဟတ္တဖိုလ်ရောင်။ ပွမပါဲကၠေံကိလေသ မ္ဂးဂှ် ပွမပါဲကၠေံရာ၊ ပွမပါဲကၠေံဒေါသ၊ ပွမပါဲကၠေံမောဟရောင်။ ပွမစာ်စ္ဍးနူနဳဝရဏ မ္ဂးဂှ် ပွမစာ်စ္ဍးနူ ‘နဳဝရဏ’ ကၟာတ်လဒဵုစိုတ် နူရာဂ၊ ပွမစာ်စ္ဍးနူ ‘နဳဝရဏ’ ကၟာတ်လဒဵုစိုတ် နူဒေါသ၊ ပွမစာ်စ္ဍးနူ ‘နဳဝရဏ’ ကၟာတ်လဒဵုစိုတ် နူမောဟရောင်။ ပွမမိပ်လဟိင် ပ္ဍဲဘာမလ္ၚုသ္ၚိတ်ဇြ မ္ဂးဂှ် ပွမမိပ်လဟိင် ပ္ဍဲဘာမလ္ၚုသ္ၚိတ်ဇြ နပဌမၛာန်၊ ပွမမိပ်လဟိင် ပ္ဍဲဘာမလ္ၚုသ္ၚိတ်ဇြ နဒုတိယၛာန်၊ ပွမမိပ်လဟိင် ပ္ဍဲဘာမလ္ၚုသ္ၚိတ်ဇြနတတိယၛာန်၊ ပွမမိပ်လဟိင် ပ္ဍဲဘာမလ္ၚုသ္ၚိတ်ဇြ နစတုတ္ထၛာန်ရောင်။

၁.၄.၄။ စတုတ္ထပါရာဇိက သုဒိကဝါရ

[ပလေဝ်ဒါန် | ပလေဝ်ဒါန် တမ်ကၞက်]

200) ပ္ဍဲကိုပ်ကၠာ ဟဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲဟီုဒး ဟွံဍာံစၟတ်တုဲ” ရဴဝွံ တီရ၊ နဟိုတ်ဂမၠိုင် ပိသာ် (ဝွံ) လုပ်စ ပဌမၛာန်တုဲရ ရဴဝွံ ကုခမဳမဟီုဂလာန်ဟွံဍာံစၟတ် သီုမတီတဴဒးအာပတ်ပါရာဇ်ရ။ ပ္ဍဲကိုပ်ကၠာ ဟဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲဟီုဒး ဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ် ကွေတ် (ဇကုမတွံဂး ပဌမၛာန် ဟွံမွဲကုအဲရ) တုဲ နဟိုတ်ဂမၠိုင်ပန်သာ် လုပ်စပဌမၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ် ကွေတ် (ဇကုမတွံဂး ပဌမၛာန် ဟွံမွဲကုအဲရ) တုဲ ဂြောပ်ဗ္ဒန်လဝ် ပွမဒးဂၞပ်တုပ်စိုတ် (ဇကုမတွံဂး ပဌမၛာန် ဟွံမွဲကုအဲရ) တုဲ နဟိုတ်ဂမၠိုင်မသုန်သာ် လုပ်စပဌမၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ် ကွေတ် (ဇကုမတွံဂး ပဌမၛာန် ဟွံမွဲကုအဲရ) တုဲ ဂြောပ်ဗ္ဒန်လဝ် ပွမဒးဂၞပ်တုပ်စိုတ် (ဇကုမတွံဂး ပဌမၛာန် ဟွံမွဲကုအဲရ) တုဲ ဂြောပ်ဗ္ဒန်လေဝ် ပွမသ္ဍိုက်မၠိုက် ကြိုက်စိုတ် (ဇကုမတွံဂး ပဌမၛာန် ဟွံမွဲကုအဲရ) တုဲ နဟိုတ်ဂမၠိုင်တြဴသာ် လုပ်စပဌမၛာန်တုဲရ ရဴဝွံ ကုခမဳမဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ် ကွေတ် (ဇကုမတွံဂး ပဌမၛာန် ဟွံမွဲကုအဲရ) တုဲ ဂြောပ်ဗ္ဒန်လဝ် ပွမဒးဂၞပ်တုပ်စိုတ် (ဇကုမတွံဂး ပဌမၛာန် ဟွံမွဲကုအဲရ) တုဲ ဂြောပ်ဗ္ဒန်လဝ် တင်ရန်တၟံ (ဇကုမတွံဂး ပဌမၛာန် ဟွံမွဲကုအဲရ) တုဲ နဟိုတ်ဂမၠိုင်ထပှ်သာ် လုပ်စပဌမၛာန်တုဲရ ရဴဝွံ ကုခမဳမဟီုဂလာန် ဟွံဍာံစၟတ် သီုမတီတဴ ဒးအာပတ်ပါရာဇ်ရ။ 201) ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ နဟိုတ်ဂမၠိုင်ပိသာ် (ဝွံ) လုပ်စပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီုဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ နဟိုတ်ဂမၠိုင်ပန်သာ် လုပ်စပဌမၛာန် ရဴဝွံ ကုခမဳ မဟီုဂလာန်ဟွံဍာံစၟတ်ဂှ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံတီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ် ပွမဒးဂၞပ်တုပ်စိုတ်တုဲ နဟိုတ်ဂမၠိုင်မသုန်သာ် လုပ်စပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ နဟိုတ်ဂမၠိုင်တြဴသာ် လုပ်စပဌမၛာန် ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ် တင်ရန်တၟံတုဲ နဟိုတ်ဂမၠိုင်ထပှ်သာ် လုပ်စပဌမၛာန် ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ 202) ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ နဟိုတ်ဂမၠိုင်ပိသာ် (ဝွံ) လုပ်စဒၟံင်ပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ နဟိုတ်ဂမၠိုင်ပန်သာ် လုပ်စဒၟံင်ပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ နဟိုတ်ဂမၠိုင်မသုန်သာ် လုပ်စဒၟံင်ပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ နဟိုတ်ဂမၠိုင်တြဴသာ် လုပ်စဒၟံင်ပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ်တင်ရန်တၟံတုဲ နဟိုတ်ဂမၠိုင်ထပှ်သာ် လုပ်စဒၟံင်ပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ 203) ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ နဟိုတ်ဂမၠိုင်ပိသာ် (ဝွံ) ကလိဂွံပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ နဟိုတ်ဂမၠိုင်ပန်သာ် ကလိဂွံပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ နဟိုတ်ဂမၠိုင်မသုန်သာ် ကလိဂွံပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ နဟိုတ်ဂမၠိုင်တြဴသာ် ကလိဂွံပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ်တင်ရန်တၟံတုဲ နဟိုတ်ဂမၠိုင်ထပှ်သာ် ကလိဂွံပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ 204) ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ နဟိုတ်ဂမၠိုင်ပိသာ် (ဝွံ) မၞုံကဵုပွမလ္ၚတ်လဝ် ပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ နဟိုတ်ဂမၠိုင်ပန်သာ် မၞုံကဵုပွမလ္ၚတ်လဝ် ပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ နဟိုတ်ဂမၠိုင်မသုန်သာ် မၞုံကဵုပွမလ္ၚတ်လဝ် ပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ နဟိုတ်ဂမၠိုင်တြဴသာ် မၞုံကဵုပွမလ္ၚတ်လဝ် ပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ်တင်ရန်တၟံတုဲ နဟိုတ်ဂမၠိုင်ထပှ်သာ် မၞုံကဵုပွမလ္ၚတ်လဝ် ပဌမၛာန်ရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ 205) ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ နဟိုတ်ဂမၠိုင်ပိသာ် (ဝွံ) အဲ ဂပ်ဝ်သ္ပဇၞောဝ်မတ် ပဌမၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ နဟိုတ်ဂမၠိုင်ပန်သာ် အဲ ဂပ်ဝ်သ္ပဇၞောဝ်မတ် ပဌမၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ နဟိုတ်ဂမၠိုင်မသုန်သာ် အဲ ဂပ်ဝ်သ္ပဇၞောဝ်မတ် ပဌမၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ နဟိုတ်ဂမၠိုင်တြဴသာ် အဲ ဂပ်ဝ်သ္ပဇၞောဝ်မတ် ပဌမၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ်တင်ရန်တၟံတုဲ နဟိုတ်ဂမၠိုင်ထပှ်သာ် အဲ ဂပ်ဝ်သ္ပဇၞောဝ်မတ် ပဌမၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ညံင်ရဴဂပ်ဝ်တြးတဴ ပဌမၛာန်ဝွံကီု တုပ်သၟဟ်ရဴဝွံ အလုံအိုတ်သီုလေဝ် ဂပ်ဝ်တြးရ။ 206) နဟိုတ်ဂမၠိုင်ပိသာ် ။ ပ ။ နဟိုတ်ဂမၠိုင်ထပှ်သာ် ဒုတိယၛာန် ။ ပ ။ တတိယၛာန် ။ ပ ။ လုပ်စ စတုတ္ထၛာန်တုဲရ၊ လုပ်စရ၊ လုပ်စဒၟံင်ရ၊ ကလိဂွံစတုတ္ထၛာန်ရ၊ မၞုံကဵုပွမလ္ၚတ်လဝ် စတုတ္ထၛာန်ရ၊ အဲ ဂပ်ဝ်သ္ပဇၞောဝ်မတ် စတုတ္ထၛာန် တုဲရ ရဴဝွံ ကုခမဳမဟီုဂလာန် ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ်တင်ရန်တၟံတုဲ နဟိုတ်ဂမၠိုင်ထပှ်သာ် အဲ ဂပ်ဝ်သ္ပဇၞောဝ်မတ် စတုတ္ထၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ 207) နဟိုတ်ဂမၠိုင်ပိသာ် လုပ်စ ‘သုညတဝိမောက္ခ’ လ္ၚုသုန်ဂြာံနူကိလေသတုဲ ပွမတိတ်ဗၠး ‘အနိမိတ္တဝိမောက္ခ’ ဟွံမွဲကဵုနိမိတ်ဟိုတ်ကိလေသတုဲ ပွမတိတ်ဗၠး ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးတုဲရ၊ လုပ်စရ၊ လုပ်စဒၟံင်ရ၊ ကလိဂွံ ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးရ။ မၞုံကဵုပွမလ္ၚတ်လဝ်ရ။ အဲဂပ်ဝ်သ္ပဇၞောဝ်မတ် ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စ ‘သုညတသမာဓိ’ လ္ၚုသုန်ဂြာံနူကိလေသတုဲ ပွတန်ကြန် ‘အနိမိတ္တသမာဓိ’ ဟွံမွဲကဵုနိမိတ်ဟိုတ်ကိလေသတုဲ ပွမတန်ကြန် ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်တုဲရ၊ လုပ်စရ၊ လုပ်စဒၟံင်ရ၊ ကလိဂွံ ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်ရ။ မၞုံကဵုပွမလ္ၚတ်လဝ်ရ။ အဲဂပ်ဝ်သ္ပဇၞောဝ်မတ် ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စ ‘သုညတသမာပတ်’ လ္ၚုသုန်ဂြာံနူကိလေသတုဲ ပွမလုပ်စ ‘အနိမိတ္တသမာပတ်’ ဟွံမွဲကဵုနိမိတ်ဟိုတ်ကိလေသတုဲ ပွမလုပ်စ ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စတုဲရ၊ လုပ်စရ၊ လုပ်စဒၟံင်ရ၊ ကလိဂွံ ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စရ။ မၞုံကဵုပွမလ္ၚတ်လဝ်ရ။ အဲဂပ်ဝ်သ္ပဇၞောဝ်မတ် ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စ ဝိဇ္ဇာဂမၠိုင်ပိပြကာတုဲရ၊ လုပ်စရ၊ လုပ်စဒၟံင်ရ၊ ကလိဂွံဝိဇ္ဇာဂမၠိုင်ပိပြကာရ၊ မၞုံကဵုပွမလ္ၚတ်လဝ်ရ။ အဲဂပ်ဝ်သ္ပဇၞော်မတ် ဝိဇ္ဇာဂမၠိုင်ပိပြကာတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စသတိပဋ္ဌာန်ဂမၠိုင်ပန်ပြကာ သမ္မပ္ပဓါန်ဂမၠိုင်ပန်ပြကာ ဣဒ္ဓိပါဒ်ဂမၠိုင်ပန်ပြကာတုဲရ၊ လုပ်စရ၊ လုပ်စဒၟံင်ရ၊ ကလိဂွံဣဒ္ဓိပါဒ်ဂမၠိုင်ပန်ပြကာရ၊ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞော်မတ် ဣဒ္ဓိပါဒ်ဂမၠိုင်ပိပြကာတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စဣန္ဒြဳဂမၠိုင်မသုန်ပြကာ ဗိုလ်ဂမၠိုင်မသုန်ပြကာတုဲရ၊ လုပ်စရ၊ လုပ်စဒၟံင်ရ၊ ကလိဂွံဗိုလ်ဂမၠိုင်မသုန်ပြကာရ၊ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞောဝ်မတ်ဗိုလ်ဂမၠိုင်မသုန်ပြကာတုဲ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စဗောဇ္ၛင်ထပှ်ပြကာတုဲရ၊ လုပ်စရ၊ လုပ်စဒၟံင်ရ၊ ကလိဂွံဗောဇ္ၛင်ဂမၠိုင်ထပှ်ပြကာရ၊ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞောဝ်မတ် ဗောဇ္ၛင်ဂမၠိုင်ထပှ်ပြကာတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စမဂ္ဂင်ဒ္စါံပြကာမပြဲတုဲရ၊ လုပ်စရ၊ လုပ်စဒၟံင်ရ၊ ကလိဂွံမဂ္ဂင်ဒ္စါံပြကာမပြဲရ၊ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞော်မတ် မဂ္ဂင်ဒ္စါံပြကာမပြဲတုဲရ ရဴဝွံ ကုခမဳမဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စသောတာပတ္တိဖိုလ် သကဒါဂါမိဖိုလ် အနာဂါမိဖိုလ် အရဟတ္တဖိုလ်တုဲရ၊ လုပ်စရ၊ လုပ်စဒၟံင်ရ၊ ကလိဂွံအရဟတ္တဖိုလ်ရ၊ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞောဝ်မတ် အရဟတ္တဖိုလ်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် အဲ သၠးကၠေံရာဂတုဲရ၊ ဇအအ်တကၠေံတုဲရ၊ ဗလးကၠေံတုဲရ၊ ပါဲကၠေံတုဲရ၊ ကၠဟ်သၠးထောံကၠေံတုဲရ၊ ကဵုလကိုတ်ထောံတုဲရ၊ ကဵုလကိုတ်ထောံ ဗွဲမဒးရတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် အဲ သၠးကၠေံဒေါသတုဲရ၊ ဇအအ်တကၠေံတုဲရ၊ ဗလးကၠေံတုဲရ၊ ပါဲကၠေံတုဲရ၊ ကၠဟ်သၠးထောံကၠေံတုဲရ၊ ကဵုလကိုတ်ထောံတုဲရ၊ ကဵုလကိုတ်ထောံ ဗွဲမဒးရတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် အဲ သၠးကၠေံမောဟတုဲရ၊ ဇအအ်တကၠေံတုဲရ၊ ဗလးကၠေံတုဲရ၊ ပါဲကၠေံတုဲရ၊ ကၠဟ်သၠးထောံကၠေံတုဲရ၊ ကဵုလကိုတ်ထောံတုဲရ၊ ကဵုလကိုတ်ထောံ ဗွဲမဒးရတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵု နူရာဂတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵု နူဒေါသတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် ။ ပ ။ နဟိုတ်ဂမၠိုင်ထပှ်သာ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵု နူမောဟတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ပ္ဍဲကိုပ်ကၠာ ဟွံဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ်တင်ရန်တၟံတုဲ စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုနူမောဟတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ သုဒ္ဓိကဝါရတုဲရ။

၁.၄.၅။ ‘ခဏ္ဍစက်’ စက်သကုတ်

[ပလေဝ်ဒါန် | ပလေဝ်ဒါန် တမ်ကၞက်]

208) နဟိုတ်ဂမၠိုင်ပိသာ် လုပ်စပဌမၛာန်ကီု ဒုတိယၛာန်ကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံပဌမၛာန်ကီု ဒုတိယၛာန်ကီုရ၊ မၞုံကဵုပွမလ္ၚတ်လဝ်ရ၊ အဲဂပ်ဝ်သ္ပဇၞောဝ်မတ် ပဌမၛာန်ကီု ဒုတိယၛာန်ကီုတုဲရ၊ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စပဌမၛာန်ကီု တတိယၛာန်ကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံပဌမၛာန်ကီဒ တတိယၛာန်ကီုရ၊ မၞုံကဵုပွမလ္ၚတ်လဝ်ရ၊ အဲ ဂပ်ဝ်သ္ပဇၞောဝ်မတ် ပဌမၛာန်ကီု တတိယၛာန်ကီုတုဲရ၊ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စပဌမၛာန်ကီု စတုတ္ထၛာန်ကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံပဌမၛာန်ကီု စတုတ္ထၛာန်ကီုရ၊ မၞုံကဵုပွမလ္ၚတ်လဝ်ရ၊ အဲ ဂပ်ဝ်သ္ပဇၞောဝ်မတ် ပဌမၛာန်ကီု စတုတ္ထၛာန်ကီုတုဲရ၊ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စပဌမၛာန်ကီု ‘သုညတဝိမောက္ခ’ လ္ၚုသုန်ဂြာံနူကိလေသတုဲ ပွမတိတ်ဗၠးကီု။ ပဌမၛာန်ကီု ‘အနိမိတ္တဝိမောက္ခ’ ဟွံမွဲကဵုနိမိတ်ဟိုတ်ကိလေသတုဲ ပွမတိတ်ဗၠးကီု။ ပဌမၛာန်ကီု ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံပဌမၛာန်ကီု ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးကီုရ။ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞောဝ်မတ်ပဌမၛာန်ကီု ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စပဌမၛာန်ကီု ‘သုညတသမာဓိ’ လ္ၚုသုန်ဂြာံနူကိလေသတုဲ ပွမတန်ကြန်ကီု။ ပဌမၛာန်ကီု ‘အနိမိတ္တသမာဓိ’ ဟွံမွဲကဵုနိမိတ်ဟိုတ်ကိလေသတုဲ ပွမတန်ကြန်ကီု။ ပဌမၛာန်ကီု ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်ကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံပဌမၛာန်ကီု ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်ကီုရ။ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞောဝ်မတ်ပဌမၛာန်ကီု ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်ကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စပဌမၛာန်ကီု ‘သုညတသမာပတ်’ လ္ၚုသုန်ဂြာံနူကိလေသတုဲ ပွမလုပ်စကီု။ ပဌမၛာန်ကီု ‘အနိမိတ္တသမာပတ်’ ဟွံမွဲကဵုနိမိတ်ဟိုတ်ကိလေသတုဲ ပွမလုပ်စကီု။ ပဌမၛာန်ကီု ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စတုဲရ၊ လုပ်စရ၊ လုပ်စဒၟံင်ရ၊ ကလိဂွံပဌမၛာန်ကီု ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စကီုရ။ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞောဝ်မတ်ပဌမၛာန်ကီု ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စပဌမၛာန်ကီု ဝိဇ္ဇာဂမၠိုင်ပိပြကာကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံပဌမၛာန်ကီု ဝိဇ္ဇာဂမၠိုင်ပိပြကာကီုရ၊ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞောဝ်မတ်ပဌမၛာန်ကီု ဝိဇ္ဇာဂမၠိုင်ပိပြကာကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စပဌမၛာန်ကီု သတိပဋ္ဌာန်ဂမၠိုင်ပန်ပြကာကီု။ ပဌမၛာန်ကီု သမ္မပ္ပဓါန်ဂမၠိုင်ပန်ပြကာကီု။ ပဌမၛာန်ကီု ဣဒ္ဓိပါဒ်ဂမၠိုင်ပန်ပြကာကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံပဌမၛာန်ကီု ဣဒ္ဓိပါဒ်ဂမၠိုင်ပန်ပြကာကီုရ၊ မၞုံကဵုပွမလ္ၚတ်လဝ်ရ။ အဲဂပ်ဝ်သ္ပဇၞောဝ်မတ် ပဌမၛာန်ကီု ဣဒ္ဓိပါဒ်ဂမၠိုင်ပိပြကာကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စပဌမၛာန်ကီု ဣန္ဒြဳဂမၠိုင်မသုန်ပြကာကီု။ ပဌမၛာန်ကီု ဗိုလ်ဂမၠိုင်မသုန်ပြကာကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံပဌမၛာန်ကီု ဗိုလ်ဂမၠိုင်မသုန်ပြကာကီုရ၊ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞောဝ်မတ် ပဌမၛာန်ကီု ဗိုလ်ဂမၠိုင်မသုန်ပြကာတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ 209) နဟိုတ်ဂမၠိုင်ပိသာ် လုပ်စပဌမၛာန်ကီု ဗောဇ္ၛင်ဂမၠိုင်ထပှ်ပြကာကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံပဌမၛာန်ကီု ဗောဇ္ၛင်ဂမၠိုင်ထပှ်ပြကာကီုရ၊ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞောဝ်မတ် ပဌမၛာန်ကီု ဗောဇ္ၛင်ဂမၠိုင်ထပှ်ပြကာကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စပဌမၛာန်ကီု မဂ္ဂင်ဒ္စာံပြကာမပြဲကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံပဌမၛာန်ကီု မဂ္ဂင်ဒ္စါံပြကာမပြဲကီုရ၊ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞောဝ်မတ်ပဌမၛာန်ကီု မဂ္ဂင်ဒ္စါံပြကာမပြဲကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စပဌမၛာန်ကီု သောတာပတ္တိဖိုလ်ကီု။ ပဌမၛာန်ကီု သကဒါဂါမိဖိုလ်ကီု။ ပဌမၛာန်ကီု အနာဂါမိဖိုလ်ကီု။ ပဌမၛာန်ကီု အရဟတ္တဖိုလ်ကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံပဌမၛာန်ကီု အရဟတ္တဖိုလ်ကီုရ၊ မၞုံကဵုပွမလ္ၚတ်လဝ်ရ။ အဲဂပ်ဝ်သ္ပဇၞောဝ်မတ်ပဌမၛာန်ကီု အရဟတ္တဖိုလ်ကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် ပဌမၛာန်လေဝ် လုပ်စတုဲရ၊ လုပ်စရ၊ လုပ်စဒၟံင်ရ၊ ပဌမၛာန်လေဝ် ကလိဂွံရ၊ မၞုံကဵုပွမလ္ၚတ်လဝ်ရ။ အဲ ပဌမၛာန်လေဝ် ဂပ်ဝ်သ္ပဇၞောဝ်မတ်တုဲ၊ အဲရာဂလေဝ် သၠးကၠေံတုဲရ။ ဒေါသလေဝ် သၠးကၠေံတုဲရ။ မောဟလေဝ် သၠးကၠေံတုဲရ၊ ဇအအ်တကၠေံတုဲရ၊ ဗလးကၠေံတုဲရ၊ ပါဲကၠေံတုဲရ၊ ကၠဟ်သၠးထောံကၠေံတုဲရ၊ ကဵုသကိုတ်ထောံတုဲရ၊ ကဵုလကိုတ်ထောံ ဗွဲမဒးရတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် ။ ပ ။ ပ္ဍဲကိုပ်ကၠာ ဟဂွံဟီုဏီဟေင် ခမဳဂှ် “ဟီ ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ် ပွမဒးဂၞပ်တုပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ် တင်ရန်တၟံတုဲ နဟိုတ်ဂမၠိုင်ထပှ်သာ် ပဌမၛာန်လဝ် လုပ်စတုဲရ၊ လုပ်စရ၊ လုပ်စဒၟံင်ရ၊ ပဌမၛာန်လေဝ် ကလိဂွံရ၊ မၞုံကဵုပွလ္ၚတ်လဝ်ရ။ အဲပဌမၛာန်လေဝ် ဂပ်ဝ်သ္ပဇၞောဝ်မတ်တုဲ၊ နူရာဂလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုရ၊ နူဒေါသလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုရ၊ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ‘ခဏ္ဍစက်’ စက်သကုတ်တုဲရ။

၁.၄.၆။ ‘ဗဒ္ဓစက်’ စက်ဝိုင်

[ပလေဝ်ဒါန် | ပလေဝ်ဒါန် တမ်ကၞက်]

210) နဟိုတ်ဂမၠိုင်ပိသာ် လုပ်စဒုတိယၛာန်ကီု တတိယၛာန်ကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံဒုတိယၛာန်ကီု တတိယၛာန်ကီုရ၊ မၞုံကဵုပွမလ္ၚတ်လဝ်ရ၊ အဲ ဂပ်ဝ်သ္ပဇၞောဝ်မတ် ဒုတိယၛာန်ကီု တတိယၛာန်ကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စဒုတိယၛာန်ကီု စတုတ္ထၛာန်ကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံဒုတိယၛာန်ကီု စတုတ္ထၛာန်ကီုရ၊ မၞုံကဵုပွမလ္ၚတ်လဝ်ရ၊ အဲ ဂပ်ဝ်သ္ပဇၞောဝ်မတ်ဒုတိယၛာန်ကီု စတုတ္ထၛာန်ကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စဒုတိယၛာန်ကီု ‘သုညတဝိမောက္ခ’ လ္ၚုသုန်ဂြာံနူကိလေသတုဲ ပွမတိတ်ဗၠးကီု။ ‘အနိမိတ္တဝိမောက္ခ’ ဟွံမွဲကဵုနိမိတ်ဟိုတ်ကိလေသတုဲ ပွမတိတ် ဗၠးကီု။ ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးကီု။ ‘သုညတသမာဓိ’ လ္ၚုသုန်ဂြာံနူကိလေသတုဲ ပွမတန်ကြန်ကီု။ ‘အနိမိတ္တသမာဓိ’ ဟွံမွဲကဵုနိမိတ်ဟိုတ်ကိလေသတုဲ ပွမတန်ကြန်ကီု။ ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်ကီု။ ‘သုညတသမာပတ်’ လ္ၚုသုန်ဂြာံနူကိလေသတုဲ ပွမလုပ်စကီု။ ‘အနိမိတ္တသမာပတ်’ ဟွံမွဲကဵုနိမိတ်ဟိုတ်ကိလေသတုဲ ပွမလုပ်စကီု။ ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စကီု။ ဝိဇ္ဇာဂမၠိုင်ပိပြကာကီု။ သတိပဋ္ဌာန်ဂမၠိုင်ပန်ပြကာကီု။ သမ္မပ္ပဓာန်ဂမၠိုင်ပန်ပြကာကီု။ ဣဒ္ဓိပါဒ်ဂမၠိုင်ပန်ပြကာကီု။ ဣန္ဒြဳဂမၠိုင်မသုန်ပြကာကီု။ ဗိုလ် ဂမၠိုင်မသုန်ပြကာကီု။ ဗောဇ္ၛင်ဂမၠိုင်ထပှ်ပြကာကီု။ မဂ္ဂင်ဒ္စါံပြကာမပြဲကီု။ သောတာပတ္တိဖိုလ်ကီု။ သကဒါဂါမိဖိုလ်ကီု။ အနာဂါမိဖိုလ်ကီု။ အရဟတ္တဖိုလ်ကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံဒုတိယၛာန်ကီု အရဟတ္တဖိုလ်ကီုရ၊ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞောဝ်မတ်ဒုတိယၛာန်ကီု အရဟတ္တဖိုလ်ကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴဒးအာပတ်ပါရာဇ်ရ။ နဟိုတ်ဂမၠိုင်ပိသာ် ဒုတိယၛာန်လေဝ် လုပ်စတုဲရ၊ လုပ်စရ၊ လုပ်စဒၟံင်ရ၊ ဒုတိယၛာန်လေဝ် ကလိဂွံရ၊ မၞုံကဵုပွမလ္ၚတ်လဝ်ရ။ အဲ ဒုတိယၛာန်လေဝ် ဂပ်ဝ်သ္ပဇၞောဝ်မတ်တုဲ၊ အဲ ရာဂလေဝ် သၠးကၠေံတုဲရ။ ဒေါသလေဝ် သၠးကၠေံတုဲရ။ မောဟလေဝ် သၠးကၠေံတုဲရ၊ ဇအအ်တကၠေံတုဲရ၊ ဗလးကၠေံတုဲရ၊ ပါဲကၠေံတုဲရ၊ ကၠဟ်သၠးထောံကၠေံတုဲရ၊ ကဵုလကိုတ်ထောံတုဲရ၊ ကဵုလကိုတ်ထောံ ဗွဲမဒးရတုဲရ၊ နူရာဂလေဝ် စိုတ်အဲစာ်စ္ဍးနူ ‘နဳဝရဏ’ ကၟာတ်လဒဵုရ၊ နူဒေါသလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုရ၊ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် ။ ပ ။ နဟိုတ်ဂမၠိုင်ထပှ်သာ် ဂြောပ်ဗ္ဒန်လဝ်တင်ရန်တၟံတုဲ ဒုတိယၛာန်ကီု ပဌမၛာန်ကီု လုပ်စတုဲရ၊ လုပ်စရ၊ လုပ်စဒၟံင်ရ၊ ကလိဂွံဒုတိယၛာန်ကီု ပဌမၛာန်ကီုရ၊ မၞုံကဵုပွမလ္ၚတ်လဝ်ရ။ အဲ ဂပ်ဝ်သ္ပဇၞောဝ်မတ် ဒုတိယၛာန်ကီု ပဌမၛာန်ကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ‘ဗဒ္ဓစက်’ စက်ဝိုင်တုဲရ။ တုပ်သၟဟ်သာ်ဝွံ သ္ပမူမွဲမွဲတုဲ ညံင်စက်ဂေတ်ကၠောံ ဂပ်ဝ်ဗ္ဂေတ်ရ။ ကြက်သ္ဂးဂတဝွံတုန် ဗွဲခမ္ဍန်ရောင်။ 211) နဟိုတ်ဂမၠိုင်ပိသာ် လုပ်စတတိယၛာန်ကီု စတုတ္ထၛာန်ကီု ။ ပ ။ တတိယၛာန်ကီု အရဟတ္တဖိုလ်ကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံတတိယၛာန်ကီု အရဟတ္တဖိုလ်ကီုရ၊ မၞုံကဵုပွမလ္ၚတ်လဝ်ရ၊ အဲ ဂပ်ဝ်သ္ပဇၞောဝ်မတ် တတိယၛာန်ကီု အရဟတ္တဖိုလ်ကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် တတိယၛာန်လေဝ် လုပ်စတုဲရ၊ လုပ်စရ၊ လုပ်စဒၟံင်ရ၊ တတိယၛာန်လေဝ် ကလိဂွံရ၊ မၞုံကဵုပွမလ္ၚတ်လဝ်ရ။ အဲ တတိယၛာန်လေဝ် ဂပ်ဝ်သ္ပဇၞောဝ်မတ်တုဲ အဲ ရာဂလေဝ် သၠးကၠေံတုဲရ။ ဒေါသလေဝ် သၠးကၠေံတုဲရ။ မောဟလေဝ် သၠးကၠေံတုဲရ၊ ဇအအ်တကၠေံတုဲရ၊ ဗလးကၠေံတုဲရ၊ ပါဲကၠေံတုဲရ၊ ကၠဟ်သၠးထောံကၠေံတုဲရ၊ ကဵုလကိုတ်ထောံတုဲရ၊ ကဵုလကိုတ်ထောံ ဗွဲမဒးရတုဲရ၊ နူရာဂလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုရ၊ နူဒေါသလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုရ၊ နူမောဟလေဝ် စိုတ်အဲစာ်စ္ဍးနူ ‘နဳဝရဏ’ ကၟာတ်လဒဵုရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် လုပ်စတတိယၛာန်ကီု ပဌမၛာန်ကီု။ တတိယၛာန်ကီု ဒုတိယၛာန်ကီုတုဲရ၊ လုပ်စရ၊ လုပ်စဒၟံင်ရ၊ ကလိဂွံတတိယၛာန်ကီု ဒုတိယၛာန်ကီုရ၊ မၞုံကဵုပွမလ္ၚတ်လဝ်ရ၊ အဲ ဂပ်ဝ်သ္ပဇၞောဝ်မတ် တတိယၛာန်ကီု ဒုတိယၛာန်ကီုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ပဌမၛာန်လေဝ်။ ဒုတိယၛာန်လေဝ်။ တတိယၛာန်လေဝ်။ စတုတ္ထၛာန်လေဝ် လုပ်စတုဲရ၊ လုပ်စရ၊ လုပ်စဒၟံင်ရ၊ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ စတုတ္ထၛာန်လေဝ် ကလိဂွံရ၊ မၞုံကဵုပွမလ္ၚတ်လဝ်ရ၊ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ အဲ စတုတ္ထၛာန်လေဝ် ဂပ်ဝ်သ္ပဇၞောဝ်မတ်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ 212) နဟိုတ်ဂမၠိုင်ပိသာ် နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ‘သုညတဝိမောက္ခ’ လ္ၚုသုန်ဂြာံနူကိလေသတုဲ ပွမတိတ်ဗၠးလေဝ်။ ‘အနိမိတ္တဝိမောက္ခ’ ဟွံမွဲကဵုနိမိတ်ဟိုတ်ကိလေသတုဲ ပွမတိတ်ဗၠးလေဝ်။ ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးလေဝ် လုပ်စတုဲရ၊ လုပ်စရ၊ လုပ်စဒၟံင်ရ။ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးလေဝ် ကလိဂွံရ၊ မၞုံကဵုပွမလ္ၚတ်လဝ်ရ၊ နူမောဟလေဝ် စိုတ်အဲစာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ အဲ ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးလေဝ် ဂပ်ဝ်သ္ပဇၞောဝ်မတ် တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ‘သုညတသမာဓိ’ လ္ၚုသုန်ဂြာံနူကိလေသတုဲ ပွမတန်ကြန်လေဝ်။ ‘အနိမိတ္တသမာဓိ’ ဟွံမွဲကဵုနိမိတ်ဟိုတ်ကိလေသတုဲ ပွမတန်ကြန်လေဝ်။ ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်လေဝ် လုပ်စတုဲရ၊ လုပ်စရ၊ လုပ်စဒၟံင်ရ။ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်လေဝ် ကလိဂွံရ၊ မၞုံကဵုပွမလ္ၚတ်လဝ်ရ၊ နူမောဟလေဝ် စိုတ်အဲစာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ အဲ ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်လေဝ် ဂပ်ဝ်သ္ပဇၞောဝ်မတ်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ‘သုညတသမာပတ်’ လ္ၚုသုန်ဂြာံနူကိလေသတုဲ ပွမလုပ်စလေဝ်။ ‘အနိမိတ္တသမာပတ်’ ဟွံမွဲ ကဵုနိမိတ်ဟိုတ်ကိလေသတုဲ ပွမလုပ်စလေဝ်။ ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စလေဝ် လုပ်စတုဲရ၊ လုပ်စရ၊ လုပ်စဒၟံင်ရ။ နူမောဟလေဝ် စိုတ်အဲစာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စလေဝ် ကလိဂွံရ၊ မၞုံကဵုပွမလ္ၚတ်လဝ်ရ၊ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ အဲ ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စ ဂပ်ဝ်သ္ပဇၞောဝ်မတ်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ဝိဇ္ဇာဂမၠိုင်ပိပြကာလေဝ် လုပ်စတုဲရ၊ လုပ်စရ၊ လုပ်စဒၟံင်ရ။ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ဝိဇ္ဇာဂမၠိုင်ပိပြကာလေဝ် ကလိဂွံရ၊ မၞုံကဵုပွမလ္ၚတ်လဝ်ရ၊ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ဝိဇ္ဇာဂမၠိုင်ပိပြကာလေဝ် အဲ ဂပ်ဝ်သ္ပဇၞောဝ်မတ်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် မောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ သတိပဋ္ဌာန်ဂမၠိုင်ပန်ပြကာလေဝ်။ သမ္မပ္ပဓာန်ဂမၠိုင်ပန်ပြကာလေဝ်။ ဣဒ္ဓိပါဒ်ဂမၠိုင်ပန်ပြကာလေဝ် လုပ်စတုဲရ၊ လုပ်စရ၊ လုပ်စဒၟံင်ရ။ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ဣဒ္ဓိပါဒ်ဂမၠိုင်ပန်ပြကာလေဝ် ကလိဂွံရ၊ မၞုံကဵုပွမလ္ၚတ်လဝ်ရ၊ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ဣဒ္ဓိပါဒ်ဂမၠိုင်ပန်ပြကာလေဝ် အဲ ဂပ်ဝ်သ္ပဇၞောဝ်မတ်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ 213) နဟိုတ်ဂမၠိုင်ပိသာ် နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ဣန္ဒြဳဂမၠိုင်မသုန်ပြကာလေဝ်။ဗိုလ်ဂမၠိုင်မသုန်ပြကာလေဝ် လုပ်စတုဲရ၊ လုပ်စရ၊ လုပ်စဒၟံင်ရ။ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ဗိုလ်ဂမၠိုင်မသုန်ပြကာလေဝ် ကလိဂွံရ၊ မၞုံကဵုပွမလ္ၚတ်လဝ်ရ၊ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ဗိုလ်ဂမၠိုင်မသုန်ပြကာလေဝ် အဲ ဂပ်ဝ်သ္ပဇၞောဝ်မတ်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ဗောဇ္ၛင်ဂမၠိုင်ထပှ်ပြကာလေဝ် လုပ်စတုဲရ၊ လုပ်စရ၊ လုပ်စဒၟံင်ရ။ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ဗောဇ္ၛင်ဂမၠိုင်ထပှ်ပြကာလေဝ် ကလိဂွံရ၊ မၞုံကဵုပွမလ္ၚတ်လဝ်ရ၊ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ ဗောဇ္ၛင်ဂမၠိုင်ထပှ်ပြကာလေဝ် အဲ ဂပ်ဝ်သ္ပဇၞောဝ်မတ်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ မဂ္ဂင်ဒ္စါံပြကာမပြဲလေဝ် လုပ်စတုဲရ၊ လုပ်စရ၊ လုပ်စဒၟံင်ရ။ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ မဂ္ဂင်ဒ္စါံပြကာမပြဲလေဝ် ကလိဂွံရ၊ မၞုံကဵုပွမလ္ၚတ်လဝ်ရ၊ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ မဂ္ဂင်ဒ္စာံပြကာမပြဲလေဝ် အဲ ဂပ်ဝ်သ္ပဇၞောဝ်မတ်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ သောတာပတ္တိဖိုလ်လေဝ်။ သကဒါဂါမိဖိုလ်လေဝ်။ အနာဂါမိဖိုလ်လေဝ်။ အရဟတ္တဖိုလ်လေဝ် လုပ်စတုဲရ၊ လုပ်စရ၊ လုပ်စဒၟံင်ရ။ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ အရဟတ္တဖိုလ်လေဝ် ကလိဂွံရ၊ မၞုံကဵုပွမလ္ၚတ်လဝ်ရ၊ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ အရဟတ္တဖိုလ်လေဝ် အဲ ဂပ်ဝ်သ္ပဇၞောဝ်မတ် တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ အဲရာဂလေဝ် သၠးကၠေံတုဲရ။ ဒေါသလေဝ် သၠးကၠေံတုဲရ။ မောဟလေဝ် သၠးကၠေံတုဲရ၊ ဇအအ်တကၠေံတုဲရ၊ ဗလးကၠေံတုဲရ။ ပါဲကၠေံတုဲရ၊ ကၠဟ်သၠးထောံကၠေံတုဲရ၊ ကဵုလကိုတ်ထောံတုဲရ၊ ကဵုလကိုတ်ထောံ ဗွဲမဒးရတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ နဟိုတ်ဂမၠိုင်ပိသာ် ။ ပ ။ ပ္ဍဲကိုပ်ကၠာဟဂွံဟီုဏီဟေင် ခမဳဂှ် “ဟီုဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီုဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ် ပွမဒးဂၞပ်တုပ်စိုတ်တုဲ ဂြောပ်ဗ္ဒန်လဝ်ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ် တင်ရန်တၟံတုဲ နဟိုတ်ဂမၠိုင်ထပှ်သာ် နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ နူရာဂလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ၊ နူဒေါသလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ ရဴဝွံ ကုခမဳ မဟီုဂလာန် ဟွံဍာံစၟတ် သီုမတီတဴ ဒးအာပတ်ပါရာဇ်ရ။ ဨကမူတုဲရ။ ညံင်ရဴတြးထ္ၜးတဴ ဨကမူကီု မပ္တံဒုမူလေဝ် တုပ်သာ်ဝွံ ဂပ်ဝ်တြးသီုဖအိုတ်ရ။ ကြက်သ္ဂးဂတဝွံတုန် သဗ္ဗမူရောင်။ 214) နဟိုတ်ဂမၠိုင်ပိသာ် ။ ပ ။ ပ္ဍဲကိုပ်ကၠာ ဟဂွံဟီုဏီဟေင် ခမဳဂှ် “ဟီုဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲဟီုဒးဟွံဍာံစၟတ်တုဲ” ရဴဝွံ တီရ။ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ် ပွမဒးဂၞပ်တုပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ်တင်ရန်တၟံတုဲ နဟိုတ်ဂမၠိုင်ထပှ်သာ် ပဌမၛာန်ကီု ဒုတိယၛာန်ကီု တတိယၛာန်ကီု စတုတ္ထၛာန်ကီု ‘သုညတဝိမောက္ခ’ လ္ၚုသုန်ဂြာံနူကိလေသ ပွမတိတ်ဗၠးကီု ‘အနိမိတ္တဝိမောက္ခ’ ဟွံမွဲကဵုနိမိတ်ဟိုတ်ကိလေသတုဲ ပွမတိတ်ဗၠးကီု ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးကီု ‘သုညတသမာဓိ’ လ္ၚုသုန်ဂြာံနူကိလေသတုဲ ပွမတန်ကြန်ကီု ‘အနိမိတ္တသမာဓိ’ ဟွံမွဲကဵုနိမိတ်ဟိုတ်ကိလေသတုဲ ပွမတန်ကြန်ကီု ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်ကီု ‘သုညတသမာပတ်’ လ္ၚုသုန်ဂြာံနူကိလေသတုဲ ပွမလုပ်စကီု ‘အနိမိတ္တသမာပတ်’ ဟွံမွဲကဵု နိမိတ်ဟိုတ်ကိလေသတုဲ ပွမလုပ်စကီု ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စကီု ဝိဇ္ဇာဂမၠိုင်ပိပြကာကီု သတိပဋ္ဌာန်ဂမၠိုင်ပန်ပြကာကီု သမ္မပ္ပဓာန်ဂမၠိုင်ပန်ပြကာကီု ဣဒ္ဓိပါဒ်ဂမၠိုင်ပန်ပြကာကီု ဣန္ဒြဳဂမၠိုင်မသုန်ပြကာကီု ဗိုလ်ဂမၠိုင်မသုန်ပြကာကီု ဗောဇ္ၛင်ဂမၠိုင်ထပှ်ပြကာကီု မဂ္ဂင်ဒ္စါံပြကာမပြဲကီု သောတာပတ္တိဖိုလ်ကီု သကဒါဂါမိဖိုလ်ကီု အနာဂါမိဖိုလ်ကီု အရဟတ္တဖိုလ်ကီု လုပ်စတုဲရ၊ လုပ်စရ၊ လုပ်စဒၟံင်ရ ။ ပ ။ အဲ ရာဂလေဝ်သၠးကၠေံတုဲရ။ ဒေါသလေဝ် သၠးကၠေံတုဲရ။ မောဟလေဝ် သၠးကၠေံတုဲရ၊ ဇအအ်တကၠေံတုဲရ၊ ဗလးကၠေံတုဲရ၊ ပါဲကၠေံတုဲရ၊ ကၠဟ်သၠးထောံကၠေံတုဲရ၊ ကဵုလကိုတ်ထောံတုဲရ၊ ကဵုလကိုတ်ထောံဗွဲမဒးရတုဲရ၊ နူရာဂလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုရ၊ နူဒေါသလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုရ၊ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ ဒးအာပတ်ပါရာဇ်ရ။ သဗ္ဗမူတုဲရ။ ဂလာန်စပ်ကဵုသုဒ္ဓိကဝါရတုဲရ။ 215) နဟိုတ်ဂမၠိုင်ပိသာ် လုပ်စ ပဌမၛာန်တုဲရ ရဴဝွံ သီုမမိက်သ္ဂးတဴ လုပ်စဒုတိယၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ပါရာဇ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ။ နဟိုတ်ဂမၠိုင်ပိသာ် လုပ်စပဌမၛာန်တုဲရ ရဴဝွံ သီုမမိက်သ္ဂးတဴ လုပ်စတတိယၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ပါရာဇ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ။ နဟိုတ်ဂမၠိုင်ပိသာ် လုပ်စပဌမၛာန်တုဲရ ရဴဝွံ သီုမမိက်သ္ဂးတဴ လုပ်စစတုတ္ထၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ပါရာဇ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ။ နဟိုတ်ဂမၠိုင်ပိသာ် ။ ပ ။ ပ္ဍဲကိုပ်ကၠာဟဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီုဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ် ပွမဒးဂၞပ်တုပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ် တင်ရန်တၟံတုဲ နဟိုတ်ဂမၠိုင်ထပှ်သာ် လုပ်စပဌမၛာန်တုဲရ ရဴဝွံ သီုမမိက်သ္ဂးတဴ လုပ်စ ‘သုညတဝိမောက္ခ’ လ္ၚုသုန်ဂြာံနူကိလေသတုဲ ပွမတိတ်ဗၠး။ ‘အနိမိတ္တဝိမောက္ခ’ဟွံမွဲကဵုနိမိတ်ဟိုတ်ကိလေသတုဲ ပွမတိတ်ဗၠး။ ‘အပ္ပဏိဟိတဝိမောက္ခ’ဟွံမွဲကဵုပွမရာဒနာကိလေသတုဲ ပွမတိတ်ဗၠး။ ‘သုညတသမာဓိ’ လ္ၚုသုန်ဂြာံနူကိလေသတုဲ ပွမတန်ကြန်။ ‘အနိမိတ္တသမာဓိ’ ဟွံမွဲကဵုနိမိတ်ဟိုတ်ကိလေသတုဲ ပွမတန်ကြန်။ ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်။ ‘သုညတသမာပတ်’ လ္ၚုသုန်ဂြာံနူကိလေသတုဲ ပွမလုပ်စ။ ‘အနိမိတ္တသမာပတ်’ ဟွံမွဲကဵုနိမိတ်ဟိုတ်ကိလေသတုဲ ပွမလုပ်စ။ ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စ။ ဝိဇ္ဇာဂမၠိုင်ပိပြကာ။ သတိပဋ္ဌာန်ဂမၠိုင်ပန်ပြကာ။ သမ္မပ္ပဓာန်ဂမၠိုင်ပန်ပြကာ။ ဣဒ္ဓိပါဒ်ဂမၠိုင်ပန်ပြကာ။ ဣန္ဒြဳဂမၠိုင်မသုန်ပြကာ။ ဗိုလ်ဂမၠိုင်မသုန်ပြကာ။ ဗောဇ္ၛင်ဂမၠိုင်ထပှ်ပြကာ။ မဂ္ဂင်ဒ္စါံပြကာမပြဲ။ သောတာပတ္တိဖိုလ်။ သကဒါဂါမိဖိုလ်။ အနာဂါမိဖိုလ်။ အရဟတ္တဖိုလ်တုဲရ ။ ပ ။ အဲသၠးကၠေံ ရာဂတုဲရ။ သၠးေကၠံဒေါသတုဲရ။ သၠးကၠေံမောဟတုဲရ၊ ဇအအ်တကၠေံတုဲရ၊ ဗလးကၠေံတုဲရ၊ ပါဲကၠေံတုဲရ၊ ကၠဟ်သၠးထောံကၠေံတုဲရ၊ ကဵုလကိုတ်ထောံတုဲရ၊ ကဵုလကိုတ်ထောံ ဗွဲမဒးရတုဲရ၊ စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵု နူရာဂရ၊ စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵု နူဒေါသရ၊ စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵု နူမောဟရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ပါရာဇ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ။ ဨကမူ ‘ခဏ္ဍစက်’ စက်သကုတ် ညးဟီုမှာရာတုဲရ။ 216) နဟိုတ်ဂမၠိုင်ပိသာ် လုပ်စဒုတိယၛာန်တုဲရ ရဴဝွံ သီုမမိက်သ္ဂးတဴ လုပ်စတတိယၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ပါရာဇ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ။ နဟိုတ်ဂမၠိုင်ပိသာ် လုပ်စဒုတိယၛာန်တုဲရ ရဴဝွံ သီုမမိက်သ္ဂးတဴ လုပ်စ စတုတ္ထၛာန်တုဲရ ရဴဝွံ ။ ပ ။ စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵု နူမောဟရ ရဴဝွံ ကုခမဳမဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ပါရာဇ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ။ နဟိုတ်ဂမၠိုင်ပိသာ် ။ ပ ။ ဂြောပ်ဗ္ဒန်လဝ် တင်ရန်တၟံတုဲ နဟိုတ်ဂမၠိုင်ထပှ်သာ် လုပ်စဒုတိယၛာန်တုဲရ ရဴဝွံ သီုမမိက်သ္ဂးတဴ လုပ်စပဌမၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ပါရာဇ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ။ ဨကမူ ‘ဗဒ္ဓစက်’ စက်ဝိုင် ညးဟီုမှာရာတုဲရ။ ခ္ဍန်ကၠေံမူဂှ်တုဲ ဂပ်ဝ်ဓလိုက်ကၠေံရ။ 217) နကဵုဟိုတ်ဂမၠိုင်ပိသာ် ။ ပ ။ စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵု နူမောဟတုဲရ ရဴဝွံ သီုမမိက်သ္ဂးတဴ လုပ်စပဌမၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ပါရာဇ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ။ နကဵုဟိုတ်ဂမၠိုင်ပိသာ် ။ ပ ။ ဂြောပ်ဗ္ဒန်လဝ်တင်ရန်တၟံတုဲ နဟိုတ်ဂမၠိုင်ထပှ်သာ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵု နူမောဟတုဲရ ရဴဝွံ သီုမမိက်သ္ဂးတဴ စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵု နူဒေါသတုဲရ ရဴဝွံ ကုခမဳမဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ပါရာဇ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ။ ဨကမူ ညးဟီုမှာရာတုဲရ။ ညံင်ရဴတြးထ္ၜးတဴ ဨကမူကီု မပ္တံဒုမူလေဝ် တုပ်သာ်ဝွံ ဂပ်ဝ်တြးသီုဖအိုတ်ရ။ ကြက်သ္ဂးဂတဝွံတုန် သဗ္ဗမူရောင်။ 218) နဟိုတ်ဂမၠိုင်ပိသာ် ။ ပ ။ နဟိုတ်ဂမၠိုင်ထပှ်သာ် ပဌမၛာန်ကီု ဒုတိယၛာန်ကီု တတိယၛာန်ကီု စတုတ္ထုၛာန်ကီု ‘သုညတဝိမောက္ခ’ လ္ၚုသုန်ဂြာံနူကိလေသတုဲ ပွမတိတ်ဗၠးကီု ‘အနိမိတ္တဝိမောက္ခ’ ဟွံမွဲကဵုနိမိတ်ဟိုတ်ကိလေသတုဲ ပွမတိတ်ဗၠးကီု ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးကီု ‘သုညတသမာဓိ’ လ္ၚုသုန်ဂြာံနူကိလေသတုဲ ပွမတန်ကြန်ကီု ‘အနိမိတ္တသမာဓိ’ ဟွံမွဲကဵုနိမိတ် ဟိုတ်ကိလေသတုဲ ပွမတန်ကြန်ကီု ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်ကီု ‘သုညတသမာပတ်’ လ္ၚုသုန်ဂြာံနူကိလေသတုဲ ပွမလုပ်စကီု ‘အနိမိတ္တသမာပတ်’ ဟွံမွဲကဵုနိမိတ် ဟိုတ်ကိလေသတုဲ ပွမလုပ်စကီု ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စကီု ဝိဇ္ဇာဂမၠိုင်ပိပြကာကီု သတိပဋ္ဌာန်ဂမၠိုင်ပန်ပြကာကီု သမ္မပ္ပဓာန်ဂမၠိုင်ပန်ပြကာကီု ဣဒ္ဓိပါဒ်ဂမၠိုင်ပန်ပြကာကီု ဣန္ဒြဳဂမၠိုင်မသုန်ပြကာကီု ဗိုလ်ဂမၠိုင်မသုန်ပြကာကီု ဗောဇ္ၛင်ဂမၠိုင်ထပှ်ပြကာကီု မဂ္ဂင်ဒ္စါံပြကာမပြဲကီု သောတာပတ္တိဖိုလ်ကီု သကဒါဂါမိဖိုလ်ကီု အနာဂါမိဖိုလ်ကီု အရဟတ္တဖိုလ်ကီု လုပ်စတုဲရ ။ ပ ။ အဲ ရာဂလေဝ် သၠးကၠေံတုဲရ၊ ဒေါသလေဝ် သၠးကၠေံတုဲရ။ မောဟလေဝ် သၠးကၠေံတုဲရ၊ ဇအအ်တကၠေံတုဲရ၊ ဗလးကၠေံတုဲရ။ ပါဲကၠေံတုဲရ၊ ကၠဟ်သၠးထောံကၠေံတုဲရ၊ ကဵုလကိုတ်ထောံတုဲရ၊ ကဵုလကိုတ်ထောံဗွဲမဒးရတုဲရ၊ နူရာဂလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုရ၊ နူဒေါသလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲ ရဴဝွံ သီုမမိက်သ္ဂးတဴ စိုတ်အဲ စာ်စ္ဍးနူ ‘နဳဝရဏ’ကၟာတ်လဒဵု နူမောဟတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ပါရာဇ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ။ 219) နူဟိုတ်ဂမၠိုင်ပိသာ် ဒုတိယၛာန်ကီု တတိယၛာန်ကီု စတုတ္ထၛာန်ကီု ‘သုညတဝိမောက္ခ’ လ္ၚုသုန်ဂြာံနူကိလေသတုဲ ပွမတိတ်ဗၠးကီု ‘အနိမိတ္တဝိမောက္ခ’ ဟွံမွဲကဵုနိမိတ်ဟိုတ်ကိလေသတုဲ ပွမတိတ်ဗၠးကီု ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠးကီု ‘သုညတသမာဓိ’ လ္ၚုသုန်ဂြာံနူကိလေသတုဲ ပွမတန်ကြန်ကီု ‘အနိမိတ္တသမာဓိ’ ဟွံမွဲကဵုနိမိတ်ဟိုတ်ကိလေသတုဲ ပွမတန်ကြန်ကီု ‘အပ္ပဏိဟိတသမာဓိ’ ဟွံမွဲကဵုပွမရာဒနာကိလေသတုဲ ပွမတန်ကြန်ကီု ‘သုညတသမာပတ်’ လ္ၚုသုန်ဂြာံနူကိလေသတုဲ ပွမလုပ်စကီု ‘အနိမိတ္တသမာပတ်’ ဟွံမွဲကဵုနိမိတ်ဟိုတ်ကိလေသတုဲ ပွမလုပ်စကီု ‘အပ္ပဏိဟိတသမာပတ်’ ဟွံမွဲကဵုပွမရာဒနာကိလေသတုဲ ပွမလုပ်စကီု ဝိဇ္ဇာဂမၠိုင်ပိပြကာကီု သတိပဋ္ဌာန်ဂမၠိုင်ပန်ပြကာကီု သမ္မပ္ပဓာန်ဂမၠိုင်ပန်ပြကာကီု ဣဒ္ဓိပါဒ်ဂမၠိုင်ပန်ပြကာကီု ဣန္ဒြဳဂမၠိုင်မသုန်ပြကာကီု ဗိုလ်ဂမၠိုင်မသုန်ပြကာကီု ဗောဇ္ၛင်ဂမၠိုင်ထပှ်ပြကာကီု မဂ္ဂင်ဒ္စါံပြကာမပြဲကီု သောတာပတ္တိဖိုလ်ကီု သကဒါဂါမိဖိုလ်ကီု အရဟတ္တဖိုလ်ကီု လုပ်စတုဲရ ။ ပ ။ အဲ ရာဂလေဝ် သၠးကၠေံတုဲရ။ ဒေါသလေဝ် သၠးကၠေံတုဲရ။ မောဟလေဝ်သၠးကၠေံတုဲရ၊ ဇအအ်တကၠေံတုဲရ၊ ဗလးကၠေံတုဲရ၊ ပါဲကၠေံတုဲရ၊ ကၠဟ်သၠးထောံကၠေံတုဲရ၊ ကဵုလကိုတ် ထောံတုဲရ၊ ကဵုလကိုတ်ထောံ ဗွဲမဒးရတုဲရ၊ နူရာဂလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုရ၊ နူဒေါသလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲ ရဴဝွံ သီုမမိက်သ္ဂးတဴ လုပ်စပဌမၛာန်တုဲရ ရဴဝွံ ကုခမဳမဟီုဂလာန် ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ပါရာဇ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ။ နဟိုတ်ဂမၠိုင်ပိသာ် တတိယၛာန်ကီု စတုတ္ထၛာန်ကီု ။ ပ ။ နူမောဟလေဝ် စိုတ်အဲစာ်စ္ဍးနူ ‘နဳဝရဏ’ ကၟာတ်လဒဵုတုဲ၊ ပဌမၛာန်လေဝ် လုပ်စတုဲရ ရဴဝွံ သီုမမိက်သ္ဂးတဴ လုပ်စဒုတိယၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ပါရာဇ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ။ နဟိုတ်ဂမၠိုင်ပိသာ် ။ ပ ။ နူမောဟလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲ ပဌမၛာန်ကီု ဒုတိယၛာန်ကီု တတိယၛာန်ကီု စတုတ္ထၛာန်ကီု ။ ပ ။ ပ္ဍဲကိုပ်ကၠာဟဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ်ပွမဒးဂၞပ်တုပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ်တင်ရန်တၟံတုဲ နဟိုတ်ဂမၠိုင်ထပှ်သာ် နူရာဂလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲ ရဴဝွံ သီုမမိက်သ္ဂးတဴ နူဒေါသလေဝ် စိုတ်အဲ စာ်စ္ဍးနူ ‘နဳဝရဏ’ ကၟာတ်လဒဵုတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ပါရာဇ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ။ သဗ္ဗမူညးဟီုမှာရာတုဲရ။ ‘စက္ကပေယျာလ’ စက်ဓလိုက်လဝ် ညးဟီုမှာရာတုဲရ။ ဂလာန်ဝတ္ထုကာမဝါရတုဲရ။ 220) နဟိုတ်ဂမၠိုင်ပိသာ် ယြဴခမဳမွဲ သ္ပဒတဴပ္ဍဲဘာ တၠအဲရ၊ ခမဳဂှ် လုပ်စပဌမၛာန်တုဲရ၊ လုပ်စရ၊ လုပ်စဒၟံင်ရ။ ခမဳဂှ် ကလိဂွံပဌမၛာန်ရ၊ မၞုံကဵုပွမလ္ၚတ်လဝ်ရ၊ ခမဳဂှ် ဂပ်ဝ်သ္ပဇၞောဝ်မတ် ပဌမၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ၊ (ညကလင်) ဟွံတီကၠိုဟ်ခၠင်မ္ဂး ဒးအာပတ်ဒုက္ကဋ်ရ။ ပ္ဍဲကိုပ်ကၠာ ဟဂွံဟီုဏီဟေင် ခမဳဂှ် “ဟီု ဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ် ပွမဒးဂၞပ်တုပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ် တင်ရန်တၟံတုဲ နဟိုတ်ဂမၠိုင်ပန်သာ် မသုန်သာ် တြဴသာ် ထပှ်သာ် ယြဴခမဳမွဲ သ္ပဒတဴပ္ဍဲဘာ တၠအဲရ၊ ခမဳဂှ် လုပ်စပဌမၛာန်တုဲရ၊ လုပ်စရ၊ လုပ်စဒၟံင်ရ။ ခမဳဂှ် ကလိဂွံပဌမၛာန်ရ၊ မၞုံကဵုပွမလ္ၚတ်လဝ်ရ၊ ခမဳဂှ် ဂပ်ဝ်သ္ပဇၞောဝ်မတ် ပဌမၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုင်ခၠင်မ္ဂး ဒးအာပတ်ထုလ္လစ္စယ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ဒုက္ကဋ်ရ။ နဟိုတ်ဂမၠိုင်ပိသာ် ယြဴခမဳမွဲ သ္ပဒတဴပ္ဍဲဘာတၠအဲရ၊ ခမဳဂှ် ဒုတိယၛာန်။ တတိယၛာန်။ စတုတ္ထၛာန်။ ‘သုညတဝိမောက္ခ’ လ္ၚုသုန်ဂြာံနူကိလေသတုဲ ပွမတိတ်ဗၠး။ ‘အနိမိတ္တဝိမောက္ခ’ ဟွံမွဲကဵုနိမိတ်ဟိုတ်ကိလေသတုဲ ပွမတိတ်ဗၠး။ ‘အပ္ပဏိဟိတဝိမောက္ခ’ ဟွံမွဲကဵုပွမရာဒနာကိလေသတုဲ ပွမတိတ်ဗၠး။ ‘သုညတသမာဓိ’ လ္ၚုသုန်ဂြာံနူကိလေသတုဲ ပွမတန်ကြန်။ ‘အနိမိတ္တသမာဓိ’ ဟွံမွဲကဵုနိမိတ်ဟိုတ်ကိလေသတုဲ ပွမတန်ကြန်။ ‘အပ္ပဏိဟိတသမာဓိ’ ဟွံမွဲကဵုပွမရာဒနာ ကိလေသတုဲ ပွမတန်ကြန်။ ‘သုညတသမာပတ်’ လ္ၚုသုန်ဂြာံနူကိလေသတုဲ ပွမလုပ်စ။ ‘အနိမိတ္တသမာပတ်’ ဟွံမွဲကဵုနိမိတ်ဟိုတ်ကိလေသတုဲ ပွမလုပ်စ။ ‘အပ္ပဏိဟိတသမာပတ်’ ဟွံမွဲကဵုပွမရာဒနာ ကိလေသတုဲ ပွမလုပ်စ။ ဝိဇ္ဇာဂမၠိုင်ပိပြကာ။ သတိပဋ္ဌာန်ဂမၠိုင်ပန်ပြကာ။ သမ္မပ္ပဓာန်ဂမၠိုင်ပန်ပြကာ။ ဣဒ္ဓိပါဒ်ဂမၠိုင်ပန်ပြကာ။ ဣန္ဒြဳဂမၠိုင်မသုန်ပြကာ။ ဗိုလ်ဂမၠိုင်မသုန်ပြကာ။ ဗောဇ္ၛင်ဂမၠိုင်ထပှ်ပြကာ။ မဂ္ဂင်ဒ္စါံပြကာမပြဲ။ သောတာပတ္တိဖိုလ်။ သကဒါဂါမိဖိုလ်။ အနာဂါမိဖိုလ်။ အရဟတ္တဖိုလ် လုပ်စတုဲရ၊ လုပ်စရ၊ လုပ်စဒၟံင်ရ၊ ခမဳဂှ် ကလိဂွံအရဟတ္တဖိုလ်ရ။ မၞုံကဵုပွမလ္ၚတ်လဝ်ရ၊ ခမဳဂှ် ဂပ်ဝ်သ္ပဇၞောဝ်မတ် အရဟတ္တဖိုလ်တုဲရ ရဴဝွံ ကုခမဳမဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ဒုက္ကဋ်ရ။ နဟိုတ်ဂမၠိုင်ပိသာ် ယြဴခမဳမွဲ သ္ပဒတဴပ္ဍဲဘာ တၠအဲရ၊ ခမဳဂှ်သၠးကၠေံရာဂတုဲရ။ သၠးကၠေံဒေါသတုဲရ။ သၠးကၠေံမောဟတုဲရ၊ ဇအအ်တကၠေံတုဲရ၊ ဗလးကၠေံတုဲရ၊ ပါဲကၠေံတုဲရ၊ ကၠဟ်သၠးထောံကၠေံတုဲရ၊ ကဵုလကိုတ်ထောံတုဲရ၊ ကဵုလကိုတ်ထောံ ဗွဲမဒးရတုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ဒုက္ကဋ်ရ။ နဟိုတ်ဂမၠိုင်ပိသာ် ။ ပ ။ ပ္ဍဲကိုပ်ကၠာဟဂွံဟီုဏီဟေင် ခမဳဂှ် “ဟီုဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ် ပွမဒးဂၞပ်တုပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ်တင်ရန်တၟံတုဲ နဟိုတ်ဂမၠိုင်ထပှ်သာ် ယြဴခမဳမွဲသ္ပဒတဴပ္ဍဲဘာ တၠအဲရ၊ စိုတ်ခမဳဂှ် စာ်စ္ဍးနူ ‘နဳဝရဏ’ ကၟာတ်လဒဵု နူရာဂတုဲ၊ စိုတ်စာ်စ္ဍးနူ ‘နဳဝရဏ’ ကၟာတ်လဒဵု နူဒေါသတုဲ၊ စိုတ်စာ်စ္ဍးနူ ‘နဳဝရဏ’ ကၟာတ်လဒဵု နူမောဟတုဲရ၊ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ဒုက္ကဋ်ရ။ နဟိုတ်ဂမၠိုင်ပိသာ် ။ ပ ။ ပ္ဍဲကိုပ်ကၠာဟဂွံဟီုဏီဟေင် ခမဳဂှ် “ဟီုဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ် ပွမဒးဂၞပ်တုပ်စိုတ်တုဲ ဂြောပ်ဗ္ဒန်လဝ် ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ် တင်ရန်တၟံတုဲ နဟိုတ်ဂမၠိုင်ထပှ်သာ် ယြဴခမဳမွဲသ္ပဒတဴပ္ဍဲဘာ တၠအဲရ၊ ခမဳဂှ် ပ္ဍဲဘာမလ္ၚုသ္ၚိတ်ဇြ လုပ်စပဌမၛာန်။ ဒုတိယၛာန်။ တတိယၛာန်။ စတုတ္ထၛာန်တုဲရ၊ လုပ်စရ၊ လုပ်စဒၟံင်ရ။ ခမဳဂှ် ပ္ဍဲဘာမလ္ၚုသ္ၚိတ်ဇြ ကလိဂွံစတုတ္ထၛာန် မၞုံကဵုပွမလ္ၚတ်လဝ်ရ၊ ခမဳဂှ် ပ္ဍဲဘာမလ္ၚုသ္ၚိတ်ဇြ ဂပ်ဝ်သ္ပဇၞောဝ်မတ် စတုတ္ထၛာန် တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ဒုက္ကဋ်ရ။ ဗီုတၠုင်လအာ ပေယျာလစှ်သုန်ဂကူဂှ် တုပ်သာ်ဝွံ ဂပ်ဝ်တြးထ္ၜးအိုတ်ရ။ 221) နဟိုတ်ဂမၠိုင်ပိသာ် ။ ပ ။ ဂြောပ်ဗ္ဒန်လဝ်တင်ရန်တၟံတုဲ နဟိုတ်ဂမၠိုင်ထပှ်သာ် ယြဴခမဳမွဲ ပြဘိုဟ်သ္ၚာ တၠအဲရ၊ ယြဴခမဳမွဲ ပြဘိုဂ်ပိဏ္ဍပါတ် တၠအဲရ၊ ယြဴခမဳမွဲ ပြဘိုဂ်ဘာ သၞာသတိက်သၞာဒၟံင် တၠအဲရ၊ ယြဴခမဳမွဲ ပြဘိုဂ်ဂဥုဲ မဒှ်ကြိယာဗာပၟင်ပၟဲလမျီု မစှေ်စးကဵုယဲ တၠအဲရ ခမဳဂှ် ပ္ဍဲဘာမလ္ၚုသ္ၚိတ်ဇြ လုပ်စ စတုတ္ထၛာန်ရ၊ လုပ်စရ၊ လုပ်စဒၟံင်ရ။ ခမဳဂှ် ပ္ဍဲဘာမလ္ၚုသ္ၚိတ်ဇြ ကလိဂွံစတုတ္ထၛာန်ရ၊ မၞုံကဵုပွမလ္ၚတ်လဝ်ရ၊ ခမဳဂှ် ပ္ဍဲဘာမလ္ၚုသ္ၚိတ်ဇြဂပ်ဝ်သ္ပဇၞောဝ်မတ် စတုတ္ထၛာန် တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ဒုက္ကဋ်ရ။ နဟိုတ်ဂမၠိုင်ပိသာ် ။ ပ ။ ဂြောပ်ဗ္ဒန်လဝ်တင်ရန်တၟံတုဲ နဟိုတ်ဂမၠိုင်ထပှ်သာ် ယြဴခမဳမွဲဂှ် ပြဘိုဂ်သ္ၚာ တၠအဲတုဲရ၊ ယြဴခမဳမွဲ ပြဘိုဂ်ပိဏ္ဍပါတ် တၠအဲတုဲရ၊ ယြဴခမဳမွဲ ပြဘိုဂ်ဘာသၞာသတိက်သၞာဒၟံင် တၠအဲတုဲရ၊ ယြဴခမဳမွဲ ပြဘိုဂ်ဂဥုဲ မဒှ်ကြိယာဗာပၟင်ပၟဲလမျီု မစှေ်စးကဵုယဲတၠအဲတုဲရ၊ ခမဳဂှ် ပ္ဍဲဘာမလ္ၚုသ္ၚိတ်ဇြ လုပ်စ စတုတ္ထၛာန်တုဲရ၊ လုပ်စရ၊ လုပ်စဒၟံင်ရ။ ခမဳဂှ် ပ္ဍဲဘာမလ္ၚုသ္ၚိတ်ဇြ ကလိဂွံစတုတ္ထၛာန်ရ၊ မၞုံကဵုပွမလ္ၚတ်လဝ်ရ၊ ခမဳဂှ် ပ္ဍဲဘာမလ္ၚုသ္ၚိတ်ဇြဂပ်ဝ်သ္ပဇၞောဝ်မတ် စတုတ္ထၛာန်တုဲရ၊ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ဒုက္ကဋ်ရ။ နဟိုတ်ဂမၠိုင်ပိသာ် ။ ပ ။ ပ္ဍဲကိုပ်ကၠာဟဂွံဟီုဏီဟေင် ခမဳဂှ် “ဟီုဟွံဍာံစၟတ်ဏောဝ်” ရဴဝွံ တီရ၊ ခမဳဃောဟီုဂှ် “ဟီု ဟွံဍာံစၟတ်ရ” ရဴဝွံ တီရ၊ ခမဳဟီုတုဲဂှ် “အဲ ဟီုဒးဟွံဍာံစၟတ်တုဲ” ရဴဝွံ တီရ၊ ဂြောပ်ဗ္ဒန်လဝ်ကွေတ်တုဲ ဂြောပ်ဗ္ဒန်လဝ် ပွမဒးဂၞပ်တုပ်စိုတ်တုဲ ဂြောပ်ဗ္ဒန်လဝ်ပွမသ္ဍိုက်မၠိုက်ကြိုက်စိုတ်တုဲ ဂြောပ်ဗ္ဒန်လဝ်တင်ရန်တၟံတုဲ နဟိုတ်ဂမၠိုင်ထပှ်သာ် တၠအဲ သ္ပဟိုတ်ကဵု ယြဴခမဳမွဲတုဲ ကဵုဒါန်ဘာရ၊ ကဵုဒါန်သ္ၚာရ၊ ကဵုဒါန်ပိဏ္ဍပါတ်ရ၊ ကဵုဒါန်ဘာသၞာသတိက် သၞာဒၟံင်ရ၊ ကဵုဒါန်ဂဥုဲ မဒှ်ကြိယာဗာပၟင်ပၟဲလမျီု မစှေ်စးကဵုယဲရ၊ ခမဳဂှ် ပ္ဍဲဘာမလ္ၚုသ္ၚိတ်ဇြ လုပ်စ စတုတ္ထၛာန်တုဲရ၊ လုပ်စရ၊ လုပ်စဒၟံင်ရ။ ခမဳဂှ် ပ္ဍဲဘာမလ္ၚုသ္ၚိတ်ဇြ ကလိဂွံ စတုတ္ထၛာန်ရ၊ မၞုံကဵုပွမလ္ၚတ်လဝ်ရ၊ ခမဳဂှ် ပ္ဍဲဘာမလ္ၚုသ္ၚိတ်ဇြ ဂပ်ဝ်သ္ပဇၞောဝ်မတ်စတုတ္ထၛာန်တုဲရ ရဴဝွံ ကုခမဳ မဟီုဂလာန်ဟွံဍာံစၟတ် သီုမတီတဴ (ညးကလင်) တီကၠိုဟ်ခၠင်မ္ဂး ဒးအာပတ်ထုလ္လစ္စယ်ရ၊ (ညးကလင်) ဟွံတီကၠိုဟ်ခၠင်မ္ဂး ဒးအာပတ်ဒုက္ကဋ်ရ။ ပေယျာလစှ်သုန်ဂကူတုဲရ။ ဂလာန်စပ်ကဵုပစ္စယ်တုဲရ။ ‘စက္ကပေယျာလ’ စက်ဓလိုဥတ္တရိမနုဿဓမ္မတုဲရ။ 222) နပွမထေင်ဇၞော်မ္ဂး ကလိဂွံတုဲ ကုခမဳဟွံမိက်ဟီုကြီုပတိုန်စ (ကၠင်ကၟတ်လီုတုဲ) ခမဳ မကြဥမ္မတ် (လကိုဟ်ရပ်တုဲ) ခမဳစိုတ်ကလှ်လဖှ် ခမဳဝေဒနာပ္ဍဵုပ္ဍိုက် ခမဳမကလိလောန်ကၠာတဲ ဟွံဒးအာပတ်ရ။

၁.၄.၇ လၟေင်က္ဍိုပ်မာတိကာ ဝိနဳတဝတ္ထု

[ပလေဝ်ဒါန် | ပလေဝ်ဒါန် တမ်ကၞက်]

ပွမထေင်ဇၞော်မ္ဂး ကလိဂွံတုဲ၊ ပ္ဍဲဂြိုပ်၊ ပွမဂ္ၚေင်ပိဏ္ဍပါတ်၊ အ္စာဥပဇ္ၛာယ်၊ ဣရိယာပိုထ်၊ သံယောဇိုန်၊ ဓရ်တၟေင်ဂမၠိုင် ပ္ဍဲဌာန်ဂြောပ်ဗ္ဒန်၊ ဘာ၊ ပွမကၠောန်ၜိုတ်။ ဟွံဝါတ်ဂါတ်ရ၊ လွဳပရာ၊ သအာင်နူဂှ် ယွံကောန်တၠတအ် ဟွံဖေက်နူသၟိင်ဂစိုတ်၊ ညးသၠိုက်သ္ၚောံစိုတ်ဂှ် ဖေက်ရ၊ ပွမပတိတ်ဇြဟတ် ဗွဲမဒးရး၊ ပွမသ္ဍိုက်စိုတ် နပွမပတိတ်ဇြဟတ်၊ သအာင်နူဂှ် ပွမအေင်ဒုင် ဝေဒနာၜါဂကူ။ ဝတ္ထုဗဗၞးမသုန်ပိုဒ်၊ ခမဳဟီုသှ်အရဟတ္တဖိုလ်ပိဇကု၊ ဂပ်ဝ်ကၟာတ်ကၠေံကာမဂုဏ်ဂမၠိုင် မၞိဟ်သ္ပဒတဴသ္ၚိ ကၟိန်တအ်တုဲရ၊ ပွမဟွံမိပ်လဟိင်၊ သအာင်နူဂှ် ပါဲစ္ဍးအာတုဲ။ ဗွဝ်ဇုတ်၊ ဖျုန်ကၟဝ်၊ တြုံဂစိုတ်ဂၠဴၜါ၊ ဖျုန်ကဠောံ၊ လၟဂစေံ၊ ဟွံမွဲကဵုစၞာံ၊ သၟာဂစိုတ်ဗ္ၜေံ၊ သၞာ်၊ သၟာဂစိုတ်ကၠိက်၊ ဗၞုဟ်၊ လၟသတ်၊ လဴ၊ ညးပျဲပျာံ၊ တၞိင်၊ သၟာစဝ်ကွဳ။ ယြဴညးမွဲ ဂပ်ဝ်ဇိင်နတၞိင်ရ၊ တၞိင်ဂှ် ညးဗျဵုအလက်အကြာ၊ (ညးဒစုက်ဒလူ) မ္ဂးရ၊ နာဲဗ္စာ (ညးဇၞော်ဓရ်) တ္ၚံက်စၞာဲလီၜန် ညးကွာန်ဂှ် ကတဵုဒှ်ညးမၞုံကဵုလျိုင်ခၟာဲလိင် ‘ညးမကြိုက်ဇၞော်’ တုဲရ၊ ညးအာကၠုင်ကဵုကောန်သမ္ဘာ ညးသအာင်ဂှ် သ္ဒးတၞီဗၠိုက် ပ္ဍဲကတိုင်အိက်တုဲရ၊ ဗဗၞးလီုလီုဂှ် သ္ဒးစအိက်တုဲရ။ ဗြဴကလိလောန် တြုံတၠသ္ၚိတုဲဒ္ဂေတ်ဂှ် (ဗြဴကၠတ်စဆံက်) ဂှ် သ္ဒးကတဵုဒှ် ပြိုတ်ၝောံဟွံမွဲကဵုစၞာံတုဲရ၊ ဗြဴဒေါင် ‘ညးဖ္ဍုန်ကလော်’ ဂှ် သ္ဒးကတဵုဒှ် ဗြဴရုပ်သာ်ဟိန်ဗြိန်တုဲရ၊ ဗြဴမကိုဟ်ချာဲစုတ် ဗြဴမၞုံကဵုတြုံတၠသ္ၚိတုပ်သၟဟ် နကဵုပၟတ်ဖဴပယျေဝ်ဂှ် သ္ဒးကတဵုဒှ်ပြိုတ်ၝောံလ္ၚပၟတ်တုဲရ။ တြုံမဂစိုတ်ကမၠတ်ဂှ် သ္ဒးကတဵုဒှ် ပြိုတ်က္ဍိုပ်ပိုတ်တုဲရ၊ ခမဳတြုံ ခမဳဗြဴသိက္ခမာန် သာမဏဳတြုံ သာမဏဳဗြဴ မဒှ်ထပိုဲခမဳ ပ္ဍဲသာသနာ ကျာ်တြဲကဿပဂမၠိုင် ပ္ဍဲအခိင်ဂှ်သ္ပတဴပွမသရာမ်ပါပ်ဂမၠိုင်အိုတ်တုဲရ၊ ညးဂမၠိုင်ဂှ် သ္ဒးကတဵုဒှ်ပြိုတ်တူပၟတ် ကလာင်အကးအိုတ်တုဲရ။ ကြုင်တပေါဒါ၊ ပေါဲတဝ်စၞေဟ်ပၞာန် ဍုင်ရာဇဂြိုဟ်၊ စိင်ဇၟူဂမၠိုင်စှေ်ကၠုင်၊ ခမဳတၠအရှန် တဳလပိုဉ်သောဘိတ ဗှ်ဗၞုဟ်မသုန်ကၠံမဟာကပ်မာန်ရ၊ ဣဝွံတုန် လၟေင်က္ဍိုပ်မာတိကာရ။

၁.၄.၈။ ဗီုသ္ဂုတ်သွာတ် ဝိနဳတဝတ္ထုဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

223) ပ္ဍဲမွဲအခိင်တေံ ခမဳမွဲဇကု နပွမထေင်ဇၞော်မ္ဂး ကလိဂွံတုဲ ဟီုသှ်ဒးအရဟတ္တဖိုလ်ရ၊ “တဳလမၞုံပိုဉ်ကျာ်တြဲ ပညပ်သိက္ခာပိုဒ်တုဲဒှ်ရ၊ အဲ စှေ်ပါရာဇိကဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ၊ ဂရင်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ၊ ယွံခမဳ ကုခမဳမသီုသှ် နပွထေင်ဇၞော်မ္ဂး ကလိဂွံတုဲဂှ် ဟွံဒးအာပတ်ရ ရဴဝွံ (သ္ဂးရ)။ (၁) ပ္ဍဲမွဲအခိင်တေံ ခမဳမွဲဇကု “ပဒတဴဒၟံင်ရဴဝွံမ္ဂး မၞိဟ်ဂမၠိုင် ကြက်ထိုင်သး အဲရ” ရဴဝွံ ရာဒနာစၟဳတုဲ ပဒတဴပ္ဍဲဂြိုပ်ရ၊ မၞိဟ်ဂမၠိုင် ယိုက်ဒိုက်ထိုင်သး ခမဳဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ၜိုန်ဂှ်လေဝ် ယွံခမဳတအ်ရာဒနာစၟဳတုဲ ဟဂပ်ဝ်ပဒတဴ ပ္ဍဲဂြိုပ်ရ၊ ကုခမဳပတဴဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ (၂) ပ္ဍဲမွဲအခိင်တေံ ခမဳမွဲဇကု “ဂ္ၚေင်ပိဏ္ဍပါတ်ရဴဝွံမ္ဂး မၞိဟ်ဂမၠိုင် ကြက်ထိုင်သးအဲရ” ရဴဝွံ ရာဒနာစၟဳတုဲ ဂ္ၚေင်ပိဏ္ဍပါတ်ရ၊ မၞိဟ်ဂမၠိုင် ယိုက်ဒိုက်ထိုင်သး ခမဳဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ၜိုန်ဂှ်လေဝ် ယွံခမဳတအ် ရာဒနာစၟဳတုဲ ဟဂပ်ဝ်ဂ္ၚေင်ပိဏ္ဍပါတ်ရ၊ ကုခမဳမဂေတ်ဂ္ၚေင်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ (၃) ပ္ဍဲမွဲအခိင်တေံ ခမဳမွဲဇကု “ယွံကောန်တၠတအ် ကွးပဒတဴမွဲစွံ အ္စာဥပဇ္ၛာယ် ပိုဲညးဂမၠိုင်တအ်ဂှ် သီုညးဖအိုတ် ဒှ်တၠအရှန်ဂမၠိုင်အိုတ်ရ” ရဴဝွံ သီုသ္ဂးကဵုခမဳမွဲဇကုရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်ဂှ်)— ယွံကျာ်မၞုံပိုဉ် အဲဍိက်မၞုံစိုတ်မိက်ဟီုကြီုစရ ရဴဝွံ (ဂရင်ပတီရ)။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၄) ပ္ဍဲမွဲအခိင်တေံ ခမဳမွဲဇကု “ယွံကောန်တၠတအ် ကွးပဒတဴဇရေင် အ္စာဥပဇ္ၛာယ်ပိုဲညးဂမၠိုင်တအ်ဂှ် သီုညးဖအိုတ် ဒှ်ညးမၞုံကဵုဣဒ္ဓိကြဳဇှ်ဇၞော်ဂမၠိုင်အိုတ်ရ” ရဴဝွံ ဟီုသ္ဂးကဵု ခမဳမွဲဇကုရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်ဂှ်)— ယွံကျာ်မၞုံပိုဉ် အဲဍိက်မၞုံစိုတ်မိက်ဟီုကြီုစရ ရဴဝွံ (ဂရင်ပတီရ)။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၅) ပ္ဍဲမွဲအခိင်တေံ ခမဳမွဲဇကု “ကွာ်စင်္ကြမ်ရဴဝွံမ္ဂး။ ဒတူရဴဝွံမ္ဂး။ ဂဇအ်ရဴဝွံမ္ဂး။ သ္ပတဴပွမတိက်ရဴဝွံမ္ဂး မၞိဟ်ဂမၠိုင် ကြက်ထိုင်သး အဲရ” ရဴဝွံ ရာဒနာစၟဳတုဲ ကွာ်စင်္ကြမ်ရ၊ ဒတူရ၊ ဂဇအ်ရ၊ သ္ပတဴပွမတိက်ရ၊ မၞိဟ်ဂမၠိုင် ယိုက်ဒိုက်ထိုင်သး ခမဳဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ၜိုန်ဂှ်လေဝ် ယွံခမဳတအ် ရာဒနာစၟဳတုဲ ဟဂပ်ဝ်သ္ပတဴပွမတိက်ရ၊ ကုခမဳမသ္ပဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ (၆-၉) ပ္ဍဲမွဲအခိင်တေံ ခမဳမွဲဇကု ဟီုကြီုပတိုန်စ ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် ကုခမဳမွဲဇကုရ၊ ခမဳဂှ်လေဝ် “ယွံကောန်တၠ အဲလေဝ်ပါဲကၠေံသံယောဇိုန်ဂမၠိုင်တုဲရ” ရဴဝွံ ကလေင်ဟီုရ၊ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၁၀) 224) ပ္ဍဲမွဲအခိင်တေံ ခမဳမွဲဇကု ပြာပ်အာဌာန်ဂြောပ်ဗ္ဒန်တုဲ ဟီုကြီုပတိုန်စဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင်ရ၊ ခမဳမတီကေတ်စိုတ် ညးအာင်ဂှ် “ယွံကောန်တၠ လ္ပဟီုဂလာန်မၞုံသဘဴရဴဝွံညိ၊ ဓရ်ဂကူဂှ် ဟွံမွဲကုတၠအဲရ” ရဴဝွံ ဟီုရာန်သကိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၁) ပ္ဍဲမွဲအခိင်တေံ ခမဳမွဲဇကု ပြာပ်အာဌာန်ဂြောပ်ဗ္ဒန်တုဲ ဟီုကြီုပတိုန်စဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင်ရ၊ ဒေဝတဴမတီကေတ် စိုတ်ညးသအာင်ဂှ် “ယွံတဳလပိုဉ် လ္ပဟီုဂလာန်မၞုံသဘဴရဴဝွံညိ၊ ဓရ်ဂကူဂှ် ဟွံမွဲကုတဳလပိုဉ်ရ” ရဴဝွံ ဟီုရာန်သကိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၂) ပ္ဍဲမွဲအခိင်တေံ ခမဳမွဲဇကု “ယွံကောန်တၠဥပး ယြဴခမဳမွဲ ပဒတဴ ပ္ဍဲဘာတၠအဲရ၊ ခမဳဂှ် တၠအရှန်ရ” ရဴဝွံ ဟီုသ္ဂးကဵုဥပးမွဲရ၊ ခမဳဂှ်လေဝ် ပဒတဴဒၟံင် ပ္ဍဲဘာဥပဂှ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်ဂှ်)— ယွံကျာ်မၞုံပိုဉ် အဲဍိက်မၞုံစိုတ် မိက်ဟီုကြီုစရ ရဴဝွံ (ဂရင်ပတီရ)။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၁၃) ပ္ဍဲမွဲအခိင်တေံ ခမဳမွဲဇကု “ယွံကောန်တၠဥပး ယြဴခမဳမွဲ တၠအဲ ကၠောန်ၜိုတ် နသ္ၚာပိဏ္ဍပါတ် ဘာဂဥုဲမဒှ်ကြိယာဗာပၟင်ပၟဲ မစှေ်စးကဵုလမျီုရ၊ ခမဳဂှ် တၠအရှန်ရ” ရဴဝွံ ဟီုသ္ဂးကဵုဥပးမွဲရ၊ ဥပးဂှ်လေဝ် ကၠောန်ၜိုတ်ဒၟံင် ခမဳဂှ် နသ္ၚာ ပိဏ္ဍပါတ် ဘာဂဥုဲမဒှ်ကြိယာဗာပၟင်ပၟဲ မစှေ်စးကဵုလမျီုရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်ဂှ်)— ယွံကျာ်မၞုံပိုဉ် အဲဍိက်မၞုံစိုတ် မိက်ဟီုကြီုစရ ရဴဝွံ (ဂရင်ပတီရ)။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၁၄) 225) ပ္ဍဲမွဲအခိင်တေံ ခမဳမွဲဇကု ဂိယဲဒၟံင်ရ၊ “ပ္ဍဲတဳလပိုဉ် ဓရ်ၛာန်မဂ်ဖိုလ် မပြဲလောန် လတူဓရ်ကုသလကမ္မပထ မဒှ်ဂြပ်မၞိဟ်ဂမၠိုင် နွံဒၟံင်ဟာ” ရဴဝွံ ခမဳဂမၠိုင် သၟာန်ခမဳဂှ်အိုတ်ရ။ ယွံကောန်တၠတအ် သွက်ဂွံသီုသှ်ကဵုအရဟတ္တဖိုလ်ဂှ် ဟွံဝါတ်ဂါတ်ရ ရဴဝွံ ဟီုဒးရ၊ “ကွးတဳလမၞုံပိုဉ်ကျာ်တြဲဂမၠိုင်ဟေင် ဟီုသ္ဂးရဴဝွံမာန်အိုတ်ရ၊ အဲတုန် ကွးတဳလမၞုံပိုဉ်ကျာ်တြဲဟွံသေင်ရ၊ အဲစှေ်ပါရာဇိကဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ၊ ဂရင်ပတီဟိုတ် ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်ဂှ်)— ယွံကျာ်မၞုံပိုဉ် အဲဍိက်မၞုံစိုတ် ဟွံမိက်ဟီုကြီုစရ ရဴဝွံ (ဂရင်ပတီရ)။ ယွံခမဳ ကုခမဳ ဟွံမွဲကဵုစိုတ် ဟီုကြီုစဂှ် ဟွံဒးအာပတ်ရ ရဴဝွံ (သ္ဂးရ)။ (၁၅) ပ္ဍဲမွဲအခိင်တေံ ခမဳမွဲဇကု ဂိယဲဒၟံင်ရ၊ “ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် နွံကုတဳလပိုဉ်ဟာ” ရဴဝွံ ခမဳဂမၠိုင်သၟာန်ခမဳဂှ်အိုတ်ရ။ ယွံကောန်တၠတအ် ခမဳမၞုံကဵုလွဳပရာဂှ် မၞုံကဵုဓရ်မဂပ်ဝ်ကဵုစိုပ်ဒတုဲဟေင်ရ ရဴဝွံ ဟီုဒးရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ် ဟီုကြီုစဂှ် ဟွံဒးအာပတ်ရ ရဴဝွံ (သ္ဂးရ)။ (၁၆) ပ္ဍဲမွဲအခိင်တေံ ခမဳမွဲဇကု ဂိယဲဒၟံင်ရ၊ “ယွံကောန်တၠ လ္ပဖေက်ညိ” ရဴဝွံ ခမဳဂမၠိုင် ဟီုသ္ဂးကဵုခမဳဂှ်အိုတ်ရ။ ယွံကောန်တၠတအ် အဲဟွံဖေက်နူသၟိင်ဂစိုတ်ရ ရဴဝွံ ဟီုဒးရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်ဟီုကြီုစဂှ် ဟွံဒးအာပတ်ရ ရဴဝွံ (သ္ဂးရ)။ (၁၇) ပ္ဍဲမွဲအခိင်တေံ ခမဳမွဲဇကု ဂိယဲဒၟံင်ရ၊ “ယွံကောန်တၠ လ္ပဖေက်ညိ” ရဴဝွံ ခမဳဂမၠိုင် ဟီုသ္ဂးကဵုခမဳဂှ်အိုတ်ရ။ ယွံကောန်တၠတအ် ညးသၠိုက်သ္ၚောံစိုတ်ဟေင် သ္ဒးဖေက်ရဟွံသေင်ဟာ ရဴဝွံ ဟီုဒးရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်ဟီုကြီုစဂှ် ဟွံဒးအာပတ်ရ ရဴဝွံ (သ္ဂးရ)။ (၁၈) ပ္ဍဲမွဲအခိင်တေံ ခမဳမွဲဇကု ဂိယဲဒၟံင်ရ၊ “ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် နွံကုတဳလပိုဉ်ဟာ” ရဴဝွံ ခမဳဂမၠိုင် သၟာန်ခမဳဂှ်အိုတ်ရ။ ယွံကောန်တၠတအ် ညးပတိတ်ဇြဟတ် ဗွဲမဒးရးဂှ် မၞုံကဵုဓရ် မဂပ်ဝ်ကဵုစိုပ်ဒတုဲဟေင်ရ ရဴဝွံ ဟီုဒးရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ် ဟီုကြီုစဂှ် ဟွံဒးအာပတ်ရ ရဴဝွံ (သ္ဂးရ)။ (၁၉) ပ္ဍဲမွဲအခိင်တေံ ခမဳမွဲဇကု ဂိယဲဒၟံင်ရ၊ “ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထ မဒှ်ဂြပ်မၞိဟ်ဂမၠိုင် နွံကုတဳလပိုဉ်ဟာ” ရဴဝွံ ခမဳဂမၠိုင် သၟာန်ခမဳဂှ်အိုတ်ရ။ ယွံကောန်တၠတအ် ခမဳမၞုံကဵုလွဳပရာဂှ် မၞုံကဵုဓရ် မဂပ်ဝ်ကဵုစိုပ်ဒတုဲဟေင်ရ ရဴဝွံ ဟီုဒးရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ် ဟီုကြီုစဂှ် ဟွံဒးအာပတ်ရ ရဴဝွံ (သ္ဂးရ)။ (၂၀) ပ္ဍဲမွဲအခိင်တေံ ခမဳမွဲဇကု ဂိယဲဒၟံင်ရ၊ “ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် နွံကုတဳလပိုဉ်ဟာ” ရဴဝွံ ခမဳဂမၠိုင် သၟာန်ခမဳဂှ်အိုတ်ရ။ ယွံကောန်တၠတအ် ခမဳမပတိတ်ဇြဟတ်လောန်ဂှ် မၞုံကဵုဓရ် မဂပ်ဝ်ကဵုစိုပ်ဒတုဲဟေင်ရ ရဴဝွံ ဟီုဒးရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်ဟီုကြီုစဂှ် ဟွံဒးအာပတ်ရ ရဴဝွံ (သ္ဂးရ)။ (၂၁) ပ္ဍဲမွဲအခိင်တေံ ခမဳမွဲဇကု ဂိယဲဒၟံင်ရ၊ “ယွံကောန်တၠ ထတ်ယုက် မိပ်ဇြိပ်ဒၟံင်ဟာ၊ ယိုပ်ယာပ်ဒၟံင်ဟာ” ရဴဝွံ ခမဳဂမၠိုင် သၟာန်ခမဳဂှ်အိုတ်ရ။ ယွံကောန်တၠတအ် ညးဆဒှ်ကဵုအေင်ဒုင်မာန် ဟွံသေင်ရ ရဴဝွံ ဟီုဒးရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်ဟီုကြီုစဂှ် ဟွံဒးအာပတ်ရ ရဴဝွံ (သ္ဂးရ)။ (၂၂) ပ္ဍဲမွဲအခိင်တေံ ခမဳမွဲဇကု ဂိယဲဒၟံင်ရ၊ “ယွံကောန်တၠ ထတ်ယုက် မိပ်ဇြိပ်ဒၟံင်ဟာ၊ ယိုပ်ယာပ်ဒၟံင်ဟာ” ရဴဝွံ ခမဳဂမၠိုင် သၟာန်ခမဳဂှ်အိုတ်ရ။ ယွံကောန်တၠတအ် ပူဂိုလ်ပုထုဇန်အေင်ဒုင်မာန် ဟွံသေင်ရ ရဴဝွံ ဟီုဒးရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်ဂှ်)— ယွံကျာ်မၞုံပိုဉ် အဲဍိက်မၞုံစိုတ်မိက်ဟီုကြီုစရ ရဴဝွံ (ဂရင်ပတီရ)။ ယွံခမဳ ဟွံဒးအာပတ်ပါရာဇ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၂၃) 226) ပ္ဍဲမွဲအခိင်တေံ ဗဗၞးမွဲတၠ နိမန်ခမဳဂမၠိုင်တုဲ “တၠအရှန်မပြဲဂမၠိုင် ဩဝ်က္ညကၠုင်အိုတ်ညိ” ရဴဝွံ ဂရင်ပတီရ၊ “ပိုဲညးဂမၠိုင်လေဝ် တၠအရှန်ဟွံသေင်အိုတ်ရ၊ ဗဗၞးဝွံလေဝ် နအသုင်စောဲတၠအရှန် ဟီုသ္ဂးသုင်စောဲဒၟံင် ပိုဲညးဂမၠိုင်ရ၊ ပိုဲညးဂမၠိုင် မသာ်သ္ဂောံဒ္ဂေတ်သ္ပအိုတ်ဂှ်ရော?” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် ပ္ဍဲအရာလျုင်ဇြုင်သ္ဍိုက်တုဲဟီုသ္ဂးဂှ် ဟွံဒးအာပတ်ရ ရဴဝွံ (သ္ဂးရ)။ (၂၄) ပ္ဍဲမွဲအခိင်တေံ ဗဗၞးမွဲတၠ နိမန်ခမဳဂမၠိုင်တုဲ “တၠအရှန်မပြဲဂမၠိုင် ဩဝ်ဂဇအ်အိုတ်ညိ။ တၠအရှန်မပြဲဂမၠိုင် ဩဝ်ပြဘိုဂ်ကဵုပိုဉ်အိုတ်ညိ။ တၠအရှန်မပြဲဂမၠိုင် ဩဝ်တရိုပ်စိုတ်အိုတ်ညိ။ တၠအရှန်မပြဲဂမၠိုင် ဩဝ်က္ညအာအိုတ်ညိ” ရဴဝွံ ဂရင်ပတီရ၊ “ပိုဲညးဂမၠိုင်လေဝ် တၠအရှန်ဟွံသေင်အိုတ်ရ၊ ဗဗၞးဝွံလေဝ် နအသုင်စောဲတၠအရှန် ဟီုသ္ဂးသုင်စောဲဒၟံင် ပိုဲညးဂမၠိုင်ရ၊ ပိုဲညးဂမၠိုင် ပသာ်သ္ဂောံဒ္ဂေတ်သ္ပအိုတ်ဂှ်ရော?” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် ပ္ဍဲအရာလျုင်ဇြုင်သ္ဍိုက်တုဲ ဟီုသ္ဂးဂှ် ဟွံဒးအာပတ်ရ ရဴဝွံ (သ္ဂးရ)။ (၂၅-၂၈) ပ္ဍဲမွဲအခိင်တေံ ခမဳမွဲဇကု ဟီုကြီုပတိုန်စ ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် ကုခမဳမွဲဇကုရ၊ ခမဳဂှ်လေဝ် “ယွံကောန်တၠ အဲလေဝ်ပါဲကၠေံဓရ်အာသဝဂမၠိုင်တုဲရ” ရဴဝွံ ကလေင်ဟီုရ၊ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၂၉) ပ္ဍဲမွဲအခိင်တေံ ခမဳမွဲဇကု ဟီုကြီုပတိုန်စ ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် ကုခမဳမွဲဇကုရ၊ ခမဳဂှ်လေဝ် “ယွံကောန်တၠ ကုအဲလေဝ်ဓရ်ဂမၠိုင်ဂှ် နွံအိုတ်ရ” ရဴဝွံ ကလေင်ဟီုရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၃၀) ပ္ဍဲမွဲအခိင်တေံ ခမဳမွဲဇကု ဟီုကြီုပတိုန်စ ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင် ကုခမဳမွဲဇကုရ၊ ခမဳဂှ်လေဝ် “ယွံကောန်တၠ အဲလေဝ်ညာတ်တဴ ဓရ်ဂမၠိုင်ဂှ်ရ” ရဴဝွံ ကလေင်ဟီုရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၃၁) ပ္ဍဲမွဲအခိင်တေံ “ယွံတဳလပိုဉ် ဩဝ်က္ညကၠုင်ညိ ဩဝ်အုပ်ဓုပ်ပ္ဍဲသ္ၚိကၟိန်တုဲ ပဒတဴညိ” ရဴဝွံ ကဠောမသဂမၠိုင် ဟီုကဵုခမဳမွဲဇကုအိုတ်ရ၊ ယွံဒကာတအ် ညးမဖှ်ညံင်ရဴအဲ အုပ်ဓုပ်ပ္ဍဲသ္ၚိကၟိန်တုဲ ဟွံထေက်ကဵု ပဒတဴရ” ရဴဝွံ ဟီုဒးရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်ဟီုကြီုစဂှ် ဟွံဒးအာပတ်ရ ရဴဝွံ (သ္ဂးရ)။ (၃၂) 227) ပ္ဍဲမွဲအခိင်တေံ “ယွံတဳလပိုဉ် ဩဝ်က္ညကၠုင်ညိ၊ ဩဝ်ဒုင်စသိုင် ကာမဂုဏ်ဂမၠိုင်ညိ” ရဴဝွံ ကဠောမသဂမၠိုင် ဟီုကဵုခမဳမွဲဇကုအိုတ်ရ၊ ယွံဒကာတအ် အဲဂပ်ဝ်ကၟာတ်လဒဵုကၠေံ ကာမဂုဏ်ဂမၠိုင်တုဲအိုတ်ရ ရဴဝွံ ဟီုဒးရ၊ ‘သံသယကုက္ကုစ္စ’ ပွမချပ်သၠေဟ်ပၟာဒှ် ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်ဟီုကြီုစဂှ် ဟွံဒးအာပတ်ရ ရဴဝွံ (သ္ဂးရ)။ (၃၃) ပ္ဍဲမွဲအခိင်တေံ “ယွံတဳလပိုဉ် မိပ်လဟိင်ဒၟံင်ဟာ” ရဴဝွံ ကဠောမသဂမၠိုင် ဟီုကဵုခမဳမွဲဇကုအိုတ်ရ၊ ယွံဒကာတအ် အဲ နပွမလဟိင်လောန်ကာဲဂှ် မိပ်လဟိင်ဒၟံင်ရ ရဴဝွံဟီုဒးရ၊ “ကွးတဳလမၞုံပိုဉ်ကျာ်တြဲဂမၠိုင်ဟေင် ဟီုသ္ဂးရဴဝွံမာန်အိုတ်ရ၊ အဲတုန် ကွးတဳလမၞုံပိုဉ်ကျာ်တြဲ ဟွံသေင်ရ၊ အဲ စှေ်ပါရာဇိကဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်ဂှ်)— ယွံကျာ်မၞုံပိုဉ် အဲဍိက်မၞုံစိုတ်ဟွံမိက်ဟီုကြီုစရ ရဴဝွံ (ဂရင်ပတီရ)။ ယွံခမဳ ကုခမဳ ဟွံမွဲကဵုစိုတ်ဟီုကြီုစဂှ် ဟွံဒးအာပတ် ရဴဝွံ (သ္ဂးရ)။ (၃၄) ပ္ဍဲမွဲအခိင်တေံ ခမဳဂမၠိုင်ဗွဲမဂၠိုင် “ယြဴခမဳမွဲ ပြံင်အာနူဘာဝွံ ဗွဲကိုပ်ကၠာမ္ဂး ခမဳဂှ်တၠအရှန်ရ ရဴဝွံ ပိုဲညးဂမၠိုင် ဂွံတီကေတ်အိုတ်ရ” ရဴဝွံ သ္ပကတိကဝတ်တုဲ ပြာပ်လုပ်ဒဂိုန် ပ္ဍဲဘာမွဲအိုတ်ရ၊ ခမဳမွဲဇကုဂှ် “ဩဝ်ကဵုသမ္တီကေတ် အဲတၠအရှန်ညိ” ရဴဝွံ ပြံင်အာနူဘာဂှ် ဗွဲကိုပ်ကၠာရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ စှေ်ပါရာဇိကရ ရဴဝွံ (သ္ဂးရ)။ (၃၅) 228) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာဝေဠုဝန် မဒှ်ဒၞါဲဗ္စစၞကုယန်ဒမျိုင်ဂမၠိုင် ဇရေင်ဍုင်ရာဇဂြိုဟ်ဂှ် တဳလပိုဉ်လက္ခဏ ကေုာံတဳလပိုဉ်မဟာမောဂ္ဂလာန်ဂမၠိုင် သ္ပဒတဴဒၟံင် ပ္ဍဲဒဵုဂိဇ္ၛကုဋ်အိုတ်ရ၊ ပ္ဍဲအခိင်ဂှ် တဳလပိုဉ်မဟာမောဂ္ဂလာန်ဂှ် ပ္ဍဲအခိင်နူဂယး ဗိုက်ပဠေဝ်သ္ၚာ ဂိုင်ကေတ်ဗဗေင်သ္ၚာတုဲမ္ဂး ပြာပ်အာဇရေင် တဳလပိုဉ်လက္ခဏတုဲ “ယွံကောန်တၠလက္ခဏ ကၠုင်အာအိုတ်စိုအ် ကြက်လုပ်ဂ္ၚေင်ပိဏ္ဍပါတ်ဍုင်ရာဇဂြိုဟ်အိုတ်ရ” ရဴဝွံ ဟီုသ္ဂးကဵု တဳလပိုဉ်လက္ခဏရ။ “ယွံကောန်တၠ ခိုဟ်ရ” ရဴဝွံ တဳလပိုဉ်လက္ခဏ ကလေင်ပလန်ဂလာန် ကုတဳလပိုဉ်မဟာမောဂ္ဂလာန်ရ။ ပ္ဍဲအခိင်ဂှ် တဳလပိုဉ်မဟာမောဂ္ဂလာန်ဂှ် စှေ်ကၠုင်နူဒဵုဂိဇ္ၛကုဋ်မ္ဂး သ္ပကာဂအီ ပ္ဍဲဌာန်မွဲရ။ ပ္ဍဲအခိင်ဂှ် တဳလပိုဉ်လက္ခဏ ဂရင်ပတီ သၟာန်တိုန်တဳလပိုဉ်မဟာမောဂ္ဂလာန်ရ “ယွံကောန်တၠမောဂ္ဂလာန် ဟိုတ်အထံက်အပင် ပွမသ္ပကာဂအီဂှ်တုန် ညးဍေံဂှ်ရော?” ရဴဝွံ (သၟာန်ရ)။ ယွံကောန်တၠလက္ခဏ အခိင်တၞဟ်နသွဟ်ပြဒ္ဒညာဝွံ ဟွံသေင်ဏီရ၊ ပြဒ္ဒညာဝွံ သၟာန်အဲ ပ္ဍဲဇရေင်တဳလမၞုံပိုဉ်ကျာ်တြဲညိ ရဴဝွံ ဟီုသ္ဂးရ။ ပ္ဍဲကြဴနူဂှ် တဳလပိုဉ်လက္ခဏ ကေုာံတဳလပိုဉ်မဟာမောဂ္ဂလာန်ဂမၠိုင် ဂေတ်ေဂ္ၚင်ပိဏ္ဍပါတ် ပ္ဍဲဍုင်ရာဇဂြိုဟ်တုဲ ကဵုပိုဉ်တုဲပ္ဍဲကြဴ ပါဲစ္ဍးအာကၠုင်နူဇြပ်ကဵုပိုဉ်တုဲအိုတ်မ္ဂး ပြာပ်အာဇရေင်တဳလမၞုံပိုဉ် ကျာ်တြဲအိုတ်တုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲ ဂဇအ်ကေတ်ပ္ဍဲဒၞါဲမွဲအိုတ်တုဲမ္ဂး တဳလပိုဉ်လက္ခဏဂှ် “တဳလပိုဉ်မဟာမောဂ္ဂလာန်ဂှ် စှေ်ကၠုင်နူဒဵုဂိဇ္ၛကုဋ်မ္ဂး သ္ပကာဂအီ ပ္ဍဲဌာန်မွဲရ၊ ယွံကောန်တၠမောဂ္ဂလာန် ဟိုတ်အထံက်အပင် သ္ပကာဂအီဂှ်တုန်ညးဍေံဂှ်ရော? ရဴဝွံ ဂရင်ပတီသၟာန် တဳလပိုဉ်မဟာမောဂ္ဂလာန်ရ။ ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်ဗွဝ်ဇုတ် မအာဒၟံင်ပ္ဍဲအာကာသရ၊ ပြိုတ်ဗွဝ်ဇုတ်ဂှ် ကၟာတ် ခ္ဍာ် လနေင် အသိမ်ဂမၠိုင် ဗက်တုဲ ဗက်တုဲ ၜံက်ၛာ်ဗိုတ် ပ္ဍဲအကြာဇုက်သကဲအိုတ်ရ၊ ပြိုတ်ဂှ် သ္ပတဴဗရုရမျာင်မဂိသကဝ်ရ၊ ယွံကောန်တၠ ကသပ်ဒှ်ကုအဲဂှ်ရ ၊ယွံသကအ်တအ် ဩဒးအမ်သဝ်ကွေံရသွံ၊ ယွံသကအ်တအ် ဩဟွံကေင်ဒှ်မွဲလှေ်ဂှ် ဒှ်ကၠုင်ရသွံ၊ သတ်မၞုံသဘဴရဴဝွံ နွံတဴရောင်သွံ၊ ပြိုတ်မၞုံသဘဴရဴဝွံ နွံတဴရောင်သွံ၊ ညးကလိဂွံအတ္တဘဴ မၞုံသဘဴရဴဝွံ နွံတဴရောင်သွံ ရဴဝွံ (ကသပ်ဒှ်ကၠုင်ရ) ဂှ် ဟီုသ္ဂးရ။ ခမဳဂမၠိုင် “တဳလပိုဉ်မဟာမောဂ္ဂလာန် ဟီုကြီုပတိုန်စ ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင်ရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိင်ဂှ် တဳလမၞုံပိုဉ်ကျာ်တြဲ သ္ဂးတိုန်ကဵုခမဳဂမၠိုင်ရ “ယွံခမဳတအ် ကွးသာဝကဂမၠိုင် ဗွဲစၟတ် မၞုံကဵုမတ်မညာတ်ဂမၠိုင်ဂှ်ဒှ်တုဲ ပဒတဴအိုတ်ရောင်သွံ၊ ယွံခမဳတအ် ကွးသာဝကဂမၠိုင် ဗွဲစၟတ် မၞုံကဵုလညာတ်ဉာဏ်ဂမၠိုင်ဂှ်ဒှ်တုဲ ပဒတဴအိုတ်ရောင်သွံ၊ သီုကဵုဒှ်တဴကွးသာဝကသာ်ဂှ် သတ်မၞုံသဘဴဝွံဂှ် တီလေဝ် တီကေတ်မာန်ရောင်သွံ၊ ညာတ်လေဝ် ညာတ်မာန်ရောင်သွံ၊ သက်သဳလေဝ် သ္ပမာန်ရောင်သွံ။ ယွံခမဳတအ် ကိုပ်ကၠာတေံဟေင် သတ်ဂှ်အဲကျာ် ညာတ်ကၠုင်တုဲရ၊ ၜိုန်ဂှ်လေဝ် အဲ ဟွံဟီုသ္ဂးကၠုင်ရ၊ အဲ ဟီုသ္ဂးဟိုတ်ပရူပရာဂှ်မ္ဂး ညးသအာင်ဂမၠိုင် ဟွံလျုင်ပတှေ် ကုအဲအိုတ်ရ၊ ကုညးဟွံလျုင်ပတှေ်အဲဂမၠိုင်ဂှ် ပွမဟွံလျုင်ပတှေ်ဂှ်ဒှ်တဴ တၞဟ်နမသက္ကုဒတုဲမြမောဝ် တၞဟ်နဒှ်ဒဒိခ် လုကဴကာလမဂၠိင်သ္ၚောဲရ၊ ယွံခမဳတအ် သတ်ဂှ် ကေင်ဒှ်ကၠုင် သၟာဂစိုတ်ဂၠဴ ပ္ဍဲဍုင်ရာဇဂြိုဟ်ဝွံဟေင်ရ၊ သတ်ဂှ် နကဵုဖဵုကမ်ဂှ် လုကဴသၞာံဂမၠိုင်မဂၠိုင် လုကဴသၞာံကၠံဂမၠိုင်မဂၠိုင် လုကဴသၞာံလ္ၚီဂမၠိုင်မဂၠိုင် လုကဴသၞာံကိုဋ်ဂမၠိုင်မဂၠိုင် ဒးဒုင်စိန်ဂၠက် ပ္ဍဲနရက်တုဲ နကဵုဖဵုကမ် မသှေ်သၟေဟ်ဂှ်ဟေင် ကလိဂွံဒုင်စသိုင်ဒၟံင်အတ္တဘဴမၞုံသဘဴ ရဴဝွံရ၊ ယွံခမဳတအ် မောဂ္ဂလာန် ဟီုသ္ဂးဍာံစၟတ်ရ၊ ယွံခမဳတအ် ကုမောဂ္ဂလာန်ဂှ် ဟွံဒးအာပတ်ရ ရဴဝွံ (သ္ဂးရ)။ (၃၆) 229) ယွံကောန်တၠ အဲ စှေ်ကၠုင်နူဒဵုဂိဇ္ၛဋ်မ္ဂး သ္ဂောံညာတ်ကေတ် ပြိုတ်ဖျုန်ကၟဝ်မအာဒၟံင် ပ္ဍဲအာကာသရ၊ ပြိုတ်ဖျုန်ကၟဝ်ဂှ် ကၟာတ် ခ္ဍာ် လနေင်အသိမ်ဂမၠိုင် ဗက်တုဲ ဗက်တုဲ ၜံက်ၛာ်ဗိုတ်အိုတ်ရ၊ ပြိုတ်ဂှ် သ္ပတဴဗရုရမျာင်မဂိသကဝ်ရ ။ ပ ။ ယွံခမဳတအ် သတ်ဂှ်ကေင်ဒှ်ကၠုင်သၟာဂစိုတ်ဂၠဴ ပ္ဍဲဍုင်ရာဇဂြိုဟ်ဝွံဟေင်ရ ။ ပ ။ (၃၇) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်ကလောံဖျုန်မအာဒၟံင် ပ္ဍဲအာကာသရ၊ ပြိုတ်ကလောံဖျုန်ဂှ် ကၟာတ် ခ္ဍာ် လနေင် အသိမ်ဂမၠိုင် ဗက်တုဲ ဗက်တုဲ ၜံက်ၛာ်ဗိုတ်အိုတ်ရ၊ ပြိုတ်ဂှ် သ္ပတဴဗရုရမျာင်မဂိသကဝ်ရ ။ ပ ။ ယွံခမဳတအ် သတ်ဂှ်ကေင်ဒှ်ကၠုင်လၟဂစေံ ပ္ဍဲဍုင်ရာဇဂြိုဟ်ဝွံဟေင်ရ ။ ပ ။ (၃၈) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်တၟက်မဟွံမွဲကဵုစၞာံ မအာဒၟံင် ပ္ဍဲအာကာသရ၊ ပြိုတ်ဂှ် ကၟာတ် ခ္ဍာ် လနေင်အသိမ်ဂမၠိုင် ဗက်တုဲ ဗက်တုဲၜံက်ၛာ်ဗိုတ်အိုတ်ရ၊ ပြိုတ်ဂှ် သ္ပတဴဗရုရမျာင်မဂိသကဝ်ရ ။ ပ ။ ယွံခမဳတအ် သတ်ဂှ် ကေင်ဒှ်ကၠုင်သၟာဂစိုတ်ဗ္ၜေအ် ပ္ဍဲဍုင်ရာဇဂြိုဟ်ဝွံဟေင်ရ ။ ပ ။ (၃၉) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်တၟက်တသော်သၞာ်တိုန်ဒၟံင် မအာဒၟံင် ပ္ဍဲအာကာသရ၊ တသော်သၞာ်ပြိုတ်ဂှ်ဂမၠိုင်ဂှ် ကလာင်တိုန် ကလာင်တိုန်တုဲ ဒတုံစှေ် ပ္ဍဲဇကုပြိုတ်ဂှ်ဟေင်အိုတ်ရ၊ ပြိုတ်ဂှ် သ္ပတဴဗရုရမျာင် မဂိသကဝ်ရ ။ ပ ။ ယွံခမဳတအ် သတ်ဂှ်ကေင်ဒှ်ကၠုင်သၟာဂစိုတ်ကၠိက် ပ္ဍဲဍုင်ရာဇဂြိုဟ်ဝွံဟေင်ရ ။ ပ ။ (၄၀) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်တၟက်တသော်ဗၞုဟ်တိုန်ဒၟံင် မအာဒၟံင် ပ္ဍဲအာကာသရ၊ တသော်ဗၞုဟ်ပြိုတ်ဂှ်ဂမၠိုင်ဂှ် ကလာင်တိုန် ကလာင်တိုန်တုဲ ဒတုံစှေ် ပ္ဍဲဇကုပြိုတ်ဂှ်ဟေင်အိုတ်ရ၊ ပြိုတ်ဂှ် သ္ပတဴဗရုရမျာင် မဂိသကဝ်ရ ။ ပ ။ ယွံခမဳတအ် သတ်ဂှ် ကေင်ဒှ်ကၠုင်သၟာဂစိုတ်သတ် (မပ္တံဒြာဲ) ပ္ဍဲဍုင်ရာဇဂြိုဟ်ဝွံဟေင်ရ ။ ပ ။ (၄၁) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်တၟက်တသော်လဴတိုန်ဒၟံင် မအာဒၟံင် ပ္ဍဲအာကာသရ၊ တသော်လဴပြိုတ်ဂမၠိုင်ဂှ် ကလာင်တိုန် ကလာင်တိုန်တုဲ ဒတုံစှေ် ပ္ဍဲဇကုပြိုတ်ဂှ်ဟေင်အိုတ်ရ၊ ပြိုတ်ဂှ် သ္ပတဴဗရုရမျာင် မဂိသကဝ်ရ ။ ပ ။ ယွံခမဳတအ် သတ်ဂှ် ကေင်ဒှ်ကၠုင် ကောန်အာဏာတဲဂံင်သကာ ပ္ဍဲဍုင်ရာဇဂြိုဟ်ဝွံဟေင်ရ ။ ပ ။ (၄၂) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်တၟက်တသော်တၞိင်တိုန်ဒၟံင် မအာဒၟံင် ပ္ဍဲအာကာသရ၊ တသော်တၞိင်ပြိုတ်ဂမၠိုင်ဂှ် ကလာင်တိုန် ကလာင်တိုန်တုဲ ဒတုံစှေ် ပ္ဍဲဇကုပြိုတ်ဂှ်ဟေင်အိုတ်ရ၊ ပြိုတ်ဂှ် သ္ပတဴဗရုရမျာင် မဂိသကဝ်ရ ။ ပ ။ ယွံခမဳတအ် သတ်ဂှ် ကေင်ဒှ်ကၠုင် သၟာစဝ် ယွံခမဳတအ် သတ်ဂှ် ကေင်ဒှ်ကၠုင် သၟာစဝ်ကွဳ ဒဳကွဳ ပ္ဍဲဍုင်ရာဇဂြိုဟ်ဝွံဟေင်ရ ။ ပ ။ (၄၃) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်တၟက်တသော်တၞိင်တိုန်ဒၟံင် မအာဒၟံင်ပ္ဍဲအာကာသရ၊ တသော်တၞိင်ပြိုတ်ဂမၠိုင်ဂှ် လုပ်အာနူက္ဍိုပ်တုဲ တိတ်နူပါင်အိုတ်ရ၊ လုပ်နူပါင်တုဲ တိတ်နူသြိုဟ်အိုတ်ရ၊ လုပ်နူသြိုဟ်တုဲ တိတ်နူဗုင်အိုတ်ရ၊ လုပ်နူဗုင်တုဲ တိတ်နူဒဳဂမၠိုင်အိုတ်ရ၊ လုပ်အာဒဳဂမၠိုင်တုဲ တိတ်နူတံင်ယျ (ဂဒအ်ဗြာတ်) ဂမၠိုင်အိုတ်ရ၊ လုပ်တံင်ယျ (ဂဒအ်ဗြာတ်) ဂမၠိုင်တုဲ တိတ်နူဂတာဇိုင်ဂမၠိုင်အိုတ်ရ၊ ပြိုတ်ဂှ် သ္ပတဴဗရုရမျာင် မဂိသကဝ်ရ ။ ပ ။ ယွံခမဳတအ် သတ်ဂှ် ကေင်ဒှ်ကၠုင် ညးဗျဵုလက်အကြာ (ဒစုက်ဒလူ) ပ္ဍဲဍုင်ရာဇဂြိုဟ်ဝွံဟေင်ရ ။ ပ ။ (၄၄) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်တၟက်မၞုံကဵုခၟာဲလိင် ဗၞတ်တၟာနုင်ထၟာဲ မအာဒၟံင် ပ္ဍဲအာကာသရ၊ ပြိုတ်ဂှ် အာလေဝ် ပတိုန်ကေတ်ခၟာဲလိင်ဂမၠိုင် ပ္ဍဲလတူပၞးဟေင်တုဲ ဒးအာရ၊ ဂဇအ်လေဝ် ဒးဂဇအ်ပ္ဍဲလတူခၟာဲလိင်ဂမၠိုင်ဟေင်ရ၊ ပြိုတ်ဂှ် ကၟာတ် ခ္ဍာ် လနေင် အသိမ်ဂမၠိုင် ဗက်တုဲ ဗက်တုဲ ၜံက်ၛာ်ဗိုတ်အိုတ်ရ၊ ပြိုတ်ဂှ် သ္ပတဴဗရုရမျာင်မဂိသကဝ်ရ ။ ပ ။ ယွံခမဳတအ် သတ်ဂှ် ကေင်ဒှ်ကၠုင် နာဲဗ္စာ (ညးဇၞော်ဓရ်) ညးဇၞော်ကွာန်မတ္ၚံက်စၞာဲ ပ္ဍဲဍုင်ရာဇဂြိုဟ်ဝွံဟင်ရ ။ ပ ။ (၄၅) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်တၟက် မတၞီဗၠိုက်ဒၟံင် ပ္ဍဲကတိုင်အိက် မွဲဟာန်ကေုာံက္ဍိုပ်ရ ။ ပ ။ ယွံခမဳတအ် သတ်ဂှ်ကေင်ဒှ်ကၠုင် ညးကလိလောန် သမ္ဘာညးသအာင် ပ္ဍဲဍုင်ရာဇဂြိုဟ်ဝွံဟေင်ရ ။ ပ ။ (၄၆) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်တၟက်တၞီဗၠိုက်ဒၟံင်ပ္ဍဲကတိုင်အိက် မွဲဟာန်ကေုာံက္ဍိုပ်တုဲ မစဒၟံင်အိက် နကဵုတဲဂမၠိုင်ၜါလ္ပာ်ရ ။ ပ ။ ယွံခမဳတအ် သတ်ဂှ် ကေင်ကၠုင်ဗဗၞးလီုလီု ပ္ဍဲဍုင်ရာဇဂြိုဟ်ဝွံဟေင်ရ၊ ဗဗၞးဂှ် ပ္ဍဲသာသနာကျာ်တြဲကဿပ ဘိက်နိမန်ခမဳဂမၠိုင် နကဵုပိဏ္ဍပါတ်တုဲ ပ္ဍဲဒၞိဟ် (ဇရ) ဂှ် ကဵုပေင်တဴနကဵုအိက်ကဵုဂရင်ပတီအခိင်တုဲမ္ဂး “တဳလပိုဉ်ဂမၠိုင် အတိုင်နွံပၟိက်ဂှ် စလေဝ် ဩဝ်စအိုတ်ညိ၊ ရင်တၠုင်ဏာလေဝ် ဩဝ်ရင်တၠုင်ဏာအိုတ်ညိ” ရဴဝွံ ကေင်ဟီုသ္ဂးတုဲ ။ ပ ။ (၄၇) 230) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်ၝောံမဟွံမွဲကဵုစၞာံ မအာဒၟံင် ပ္ဍဲအာကာသရ၊ ပြိုတ်ၝောံဂှ် ကၟာတ် ခ္ဍာ် လနေင်အသိမ်ဂမၠိုင် ဗက်တုဲဗက်တုဲ ၜံက်ၛာ်ဗိုတ်အိုတ်ရ၊ ပြိုတ်ၝောံဂှ် သ္ပတဴဗရုရမျာင်မဂိသကဝ်ရ ။ ပ ။ ယွံခမဳတအ် ပြိုတ်ၝောံဂှ် ကေင်ဒှ်ကၠုင် ဗြဴကလိလောန် တြုံသ္ၚိတုဲဒ္ဂေတ် ပ္ဍဲဍုင်ရာဇဂြိုဟ်ဝွံဟေင်ရ ။ ပ ။ (၄၈) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်ၝောံ မၞုံကဵုသၟူအမြာဲဟွံဒးရး ရုပ်သာ်ပြေအ်ဟိန်ဗြိန် မအာဒၟံင် ပ္ဍဲအာကာသရ၊ ပြိုတ်ၝောံဂှ် ကၟာတ် ခ္ဍာ် လနေင်အသိမ်ဂမၠိုင် ဗက်တုဲဗက်တုဲ ၜံက်ၛာ်ဗိုတ်အိုတ်ရ၊ ပြိုတ်ၝောံဂှ် သ္ပတဴဗရုရမျာင် မဂိသကဝ်ရ ။ ပ ။ ယွံခမဳတအ် ပြိုတ်ၝောံဂှ် ကေင်ဒှ်ကၠုင် ဗြဴဒေါင် ပ္ဍဲဍုင်ရာဇဂြိုဟ်ဝွံဟေင်ရ ။ ပ ။ (၄၉) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်ၝောံ လ္ၚပၟတ်ဒတုံစှေ်ဒၟံင်ပြဳပြဳ နူပွဳပွူတုဲ မဒးဒုင်ေပၠာလဵုဒၟံင် ပ္ဍဲဂအုံပၟတ် ဍာ်သရဇွောဝ်စှေ်ဒၟံင်တော်တော် နူခ္ဍတ်တူပၟတ် မအာဒၟံင် ပ္ဍဲအာကာသရ၊ ပြိုတ်ၝောံဂှ် သ္ပတဴဗရုရမျာင် မဂိသကဝ်ရ ။ ပ ။ ယွံခမဳတအ် ပြိုတ်ၝောံဂှ် ကေင်ဒှ်ကၠုင်ဂၞကျာ်ဇၞော် သၟိင်ကလိင်္ဂရ၊ ဂၞကျာ်ဇၞော်ဂှ် ပွမစောန်စိုတ်ဂပ်ဝ်ပ္ဍဵုပ္ဍိုက်တုဲ ကေင်ကိုဟ်ချာဲစုတ်ကဵု ဗြဴမၞုံကဵုတြုံတၠသ္ၚိတုပ် နကဵုပၟတ်ဖဴပယျေဝ်တုဲရ ။ ပ ။ (၅၀) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်မဟွံမွဲကဵုက္ဍိုပ် မၞုံကဵုဇကုဟေင် မအာဒၟံင် ပ္ဍဲအာကာသရ၊ ပ္ဍဲသြိုဟ်ပြိုတ်ဂှ် မတ်ကေုာံပါင်ဂမၠိုင် နွံအိုတ်ရ၊ ကၟာတ် ခ္ဍာ် လနေင်အသိမ်ဂမၠိုင် ဗက်တုဲဗက်တုဲ ၜံက်ၛာ်ဗိုတ်အိုတ်ရ၊ ပြိုတ်ဂှ် သ္ပတဴဗရုရမျာင် မဂိသကဝ်ရ ။ ပ ။ ယွံခမဳတအ် သတ်ဂှ် ကေင်ဒှ်ကၠုင် တြုံဂစိုတ်ကမၠတ် ကော်ခဴဂး ဟာရိက ပ္ဍဲဍုင်ရာဇဂြိုဟ်ဝွံဟေင်ရ ။ ပ ။ (၅၁) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်ခမဳ မအာဒၟံင် ပ္ဍဲအာကာသရ၊ သကိုပ်ပြိုတ်ခမဳဂှ် ဂဵုဍာဲဂြင်ဒၟံင်ရ၊ ဒှ်မွဲဟာန်ကေုာံသၞပၟတ်ပွဳပွူရ၊ ဒှ်မွဲဟာန်ကေုာံလျးအရံင်ရ၊ ဗဗေင်လေဝ် ဂဵုဍာဲဂြင်ဒၟံင်ရ၊ ဒှ်မွဲဟာန်ကေုာံသၞပၟတ်ပွဳပွူရ၊ ဒှ်မွဲဟာန်ကေုာံ လျးအရံင်ရ၊ ဇုက်ကာယဗန်လေဝ် ဂဵုဍာဲဂြင်ဒၟံင်ရ၊ ဒှ်မွဲဟာန်ကေုာံသၞပၟတ်ပွဳပွူရ၊ ဒှ်မွဲဟာန်ကေုာံလျးအရံင်ရ၊ အန္ဓဇကုလေဝ် ဂဵုဍာဲဂြင်ဒၟံင်ရ၊ ဒှ်မွဲဟာန်ကေုာံသၞပၟတ်ပွဳပွူရ၊ ဒှ်မွဲဟာန်ကေုာံလျးအရံင်ရ၊ ပြိုတ်ခမဳဂှ် သ္ပတဴ ဗရုရမျာင်မဂိသကဝ်ရ ။ ပ ။ ယွံခမဳတအ် ခမဳဝွံ ပ္ဍဲသာသနာကျာ်တြဲကဿပ ကေင်ဒှ်ကၠုင် ခမဳယုတ်ရ ။ ပ ။ (၅၂) ယွံကောန်တၠ အဲ စှေ်ကၠုင်နူဒဵုဂိဇ္ၛကုဋ်မ္ဂး သ္ဂောံညာတ်ကေတ် ပြိုတ်ခမဳဗြဴ မအာဒၟံင်ပ္ဍဲအာကာသရ၊ သ္ဂောံညာတ်ကေတ် ပြိုတ်သိက္ခမာန်ရ၊ သ္ဂောံညာတ်ကေတ် ပြိုတ်သာမဏဳတြုံရ၊ သ္ဂောံညာတ်ကေတ် ပြိုတ်သာမဏဳဗြဴရ၊ သကိုပ်ပြိုတ်သာမဏဳဗြဴဂှ် ဂဵုဍာဲဂြင်ဒၟံင်ရ၊ ဒှ်မွဲဟာန်ကေုာံသၞပၟတ်ပွဳပွူရ၊ ဒှ်မွဲဟာန်ကေုာံလျးအရံင်ရ၊ ဗဗေင်လေဝ် ဂဵုဍာဲဂြင်ဒၟံင်ရ၊ ဒှ်မွဲဟာန်ကေုာံသၞပၟတ်ပွဳပွူရ၊ ဒှ်မွဲဟာန်ကေုာံလျးအရံင်ရ၊ ဇုက်ကာယဗန်လေဝ် ဂဵုဍာဲဂြင်ဒၟံင်ရ၊ ဒှ်မွဲဟာန်ကေုာံသၞပၟတ်ပွဳပွူရ၊ ဒှ်မွဲဟာန်ကေုာံလျးအရံင်ရ၊ ခန္ဓဇကုလေဝ် ဂဵုဍာဲဂြင်ဒၟံင်ရ၊ ဒှ်မွဲဟာန်ကေုာံသၞပၟတ်ပွဳပွူရ၊ ဒှ်မွဲဟာန်ကေုာံလျးအရံင်ရ၊ ပြိုဟ်သာမဏဳဗြဴဂှ် သ္ပတဴဗရုရမျာင်မဂိသကဝ်ရ။ ယွံကောန်တၠ ကသပ်ဝွံ ဒှ်ကုအဲဂှ်ရ “ယွံသကအ်တအ် ဩဒးအမ်သဝ်ကွေံရသွံ၊ ယွံသကအ်တအ် ဩဟွံကေင်ဒှ်မွဲလှေ်ဂှ် ဒှ်ကၠုင်ရသွံ၊ သတ်မၞုံသဘဴရဴဝွံ နွံတဴရောင်သွံ၊ ပြိုတ်မၞုံသဘဴရဴဝွံ နွံတဴရောင်သွံ၊ ညးကလိဂွံအတ္တဘဴမၞုံသဘဴရဴဝွံ နွံတဴရောင်သွံ ရဴဝွံ (ကသပ်ဒှ်ကၠုင်ရ)ဂှ် ဟီုသ္ဂးရ။ ခမဳဂမၠိုင် “တဳလပိုဉ်မဟာမောဂ္ဂလာန် ဟီုကြီုပတိုန်စ ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင်ရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိင်ဂှ် တဳလမၞုံပိုဉ်ကျာ်တြဲ သ္ဂးတိုန်ကဵုခမဳဂမၠိုင်ရ၊ “ယွံခမဳတအ် ကွးသာဝကဂမၠိုင် ဗွဲစၟတ် မၞုံကဵုမတ်မညာတ်ဂမၠိုင်ဂှ်ဒှ်တုဲ ပဒတဴအိုတ်ရောင်သွံ၊ ယွံခမဳတအ် ကွးသာဝကဂမၠိုင် ဗွဲစၟတ် မၞုံကဵုလညာတ်ဉာဏ်ဂမၠိုင်ဂှ်ဒှ်တုဲ ပဒတဴအိုတ်ရောင်သွံ၊ သီုကဵုဒှ်တဴကွးသာဝကသာ်ဂှ် သတ်မၞုံသဘဴဝွံဂှ် တီလေဝ် တီကေတ်မာန်ရောင်သွံ၊ ညာတ်လေဝ် ညာတ်မာန်ရောင်သွံ၊ သက်သဳလေဝ် သ္ပမာန်ရောင်သွံ။ ယွံခမဳတအ် ကိုပ်ကၠာတေံဟေင် သာမဏဳဗြဴဂှ် အဲညာတ်ကၠုင်တုဲရ၊ ၜိုန်ဂှ်လေဝ် အဲ ဟွံဟီုသ္ဂးကၠုင်ရ၊ အဲ ဟီုသ္ဂးဟိုတ်ပရူပရာဂှ်မ္ဂး ညးသအာင်ဂမၠိုင် ဟွံလျုင်ပတှေ် ကုအဲအိုတ်ရ၊ ကုညးဟွံလျုင်ပတှေ်အဲဂမၠိုင်ဂှ် ပွမဟွံလျုင်ပတှေ်ဂှ် ဒှ်တဴတၞဟ်နမသက္ကုဒတုဲမြမောဝ် တၞဟ်နဒှ်ဒဒိုခ် လုကဴကာလမဂၠိင်သ္ၚောဲရ၊ ယွံခမဳတအ် သာမဏဳဗြဴဂှ် ပ္ဍဲသာသနာ ကျာ်တြဲကဿပ ကေင်ဒှ်ကၠုင် သာမဏဳဗြဴယုတ်မာရ၊ သာမဏဳဗြဴဂှ် နကဵုဖဵုကမ်ဂှ် လုကဴသၞာံဂမၠိုင်မဂၠိုင် လုကဴသၞာံကၠံဂမၠိုင်မဂၠိုင် လုကဴသၞာံ လ္ၚီဂမၠိုင်မဂၠိုင် လုကဴသၞာံကိုဋ်ဂမၠိုင်မဂၠိုင် ဒးဒုင်စိန်ဂၠက် ပ္ဍဲနရက်တုဲ နကဵုဖဵုကမ် မသှေ်သၟေဟ်ဂှ်ဟေင် ကလိဂွံဒုင်စသိုင်ဒၟံင် အတ္တဘဴမၞုံသဘဴရဴဝွံရ၊ ယွံခမဳတအ် မောဂ္ဂလာန် ဟီုသ္ဂးဍာံစၟတ်ရ၊ ယွံခမဳတအ် ကုမောဂ္ဂလာန်ဂှ် ဟွံဒးအာပတ်ရ ရဴဝွံ (သ္ဂးရ)။ (၅၃-၅၆) 231) ပ္ဍဲအခိင်ဂှ် တဳလပိုဉ်မဟာမောဂ္ဂလာန်ဂှ် “ယွံကောန်တၠတအ် လ္စအင်လှာဒှ်အရာဇွောဝ်ဟဳကၠုင် ကြုင်တပေါဒါဝွံ မၞုံကဵုဍာ် ဇြုင်ကေဝ်ရ၊ မၞုံကဵုဍာ် ၜိုဟ်ဂံက်ရ၊ မၞုံကဵုဍာ်ဍာတ်ကြောံရ၊ မၞုံကဵုဍာ်ဗုတ္ၜတ်ရ၊ မၞုံကဵုသၞေဟ်ခိုဟ်ရ၊ မၞုံကဵုသ္ဍိုက်မၠိုက်ရ၊ မၞုံကဵုကအရုတ်ဂၠိုင်ရ၊ ဒကှ်ပဒုမဂမၠိုင် မၞုံဗၞတ်တၟာသၠာကွဳလေဝ် ရာင်ဒၟံင်အိုတ်ရ” ရဴဝွံ သ္ဂးကဵုခမဳဂမၠိုင်ရ။ “တဳလပိုဉ်မဟာမောဂ္ဂလောန်ဂှ် ‘ယွံကောန်တၠတအ် လ္စအင်လှာ ဒှ်အရာဇွောဝ်ဟဳကၠုင်ကြုင်တပေါဒါဝွံ မၞုံကဵုဍာ်ဇြုင်ကေဝ်ရ၊ မၞုံဍာ်ၜိုဟ်ဂံက်ရ၊ မၞုံကဵုဍာ်ဍာတ်ကြောံရ။ မၞုံကဵုဍာ်ဗုၜတ်ရ၊ မၞုံကဵုသၞေဟ်ခိုဟ်ရ၊ မၞုံကဵုသ္ဍိုက်မၠိုက်ရ၊ မၞုံကဵုကအရုတ်ဂၠိုင်ရ၊ ဒကှ်ပဒုမဂမၠိုင် မၞုံဗၞတ်တၟာသၠာကွဳလေဝ် ရာင်ဒၟံင်အိုတ်ရ’ ရဴဝွံ မုဟိုတ် သ္ဂောံဟီုသ္ဂးရဴဝွံဂှ်ရော? ဗွဲစၟတ်မ္ဂး ကြုင်တပေါဒါဝွံ သီုမကၞမ်ဒၟံင်ဗြံင်င် ဇွောဝ်ဟဳကၠုင်ဒၟံင်ရ၊ တဳလပိုဉ်မဟာမောဂ္ဂလာန် ဟီုကြီုပတိုန်စ ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင်ရ” ရဴဝွံ ခမဳဂမၠိုင် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် လ္စအင်လှာ ဒှ်အရာဇွောဝ်ဟဳကၠုင် ကြုင်တပေါဒါဝွံ မၞုံကဵုဍာ်ဇြုင်ကေဝ်တဴရ၊ မၞုံဍာ်ၜိုဟ်ဂံက်ရ၊ မၞုံကဵုဍာ်ဍာတ်ကြောံရ၊ မၞုံကဵုဍာ်ဗုၜတ်ရ၊ မၞုံကဵုသၞေဟ်ခိုဟ်ရ၊ မၞုံကဵုသ္ဍိုက်မၠိုက်ရ၊ မၞုံကဵုကအရုတ်ဂၠိုင်ရ၊ ဒကှ်ပဒုမဂမၠိုင် မၞုံဗၞတ်တၟာသၠာကွဳလေဝ် ရာင်ဒၟံင်အိုတ်ရ၊ ယွံခမဳတအ် ၜိုန်ဂှ်လေဝ် ကြုင်တပေါဒါဝွံ ကၠုင်နူအကြာနရက်ဇေၞာ်ဂမၠိုင်ၜါရ၊ ဟိုတ်ဂှ်ရ ကြုင်တပေါဒါဝွံ သီုမကၞမ်ဒၟံင်ဗြံင်ဗြံင် ဇွောဝ်ဟဳကၠုင်ဒၟံင်ရ၊ ယွံခမဳတအ် မောဂ္ဂလာန် ဟီုသ္ဂးဍာံစၟတ်ရ၊ ယွံခမဳတအ် ကုမောဂ္ဂလာန်ဂှ် ဟွံဒးအာပတ်ရ ရဴဝွံ (သ္ဂးရ)။ (၅၇) ပ္ဍဲမွဲအခိင်တေံ သၟိင်ဗိမ္ဗိသာရ မၞုံယၟုသေနိယ တၠညးမဂဓရး တဝ်စၞေဟ်ပၞာန်ကေုာံ သၟိင်လိစ္ဆဝဳဂမၠိုင်မ္ဂး ဒပ်ပၞာန်လီုအာရ၊ ပ္ဍဲကြဴနူဂှ် သၟိင်ဇၞော် ပကောံကေဝ်ဒပ်ပၞာန်တုဲ ဂွံဇၞးအာသၟိင်လိစ္ဆဝဳဂမၠိုင်ရ၊ ပ္ဍဲဒၠးတိပၞာန်လေဝ် “သၟိင်ဇၞော်ဂပ်ဝ်ပလီုကၠေံ သၟိင်လိစ္ဆဝဳဂမၠိုင်တုဲရ” ရဴဝွံ တက်ဂေတ်လံင်မံင် ဇၞးပၞာန်ရ၊ ပ္ဍဲအခိင်ဂှ် တဳလပိုဉ်မဟာမောဂ္ဂလာန်ဂှ် “ယွံကောန်တၠတအ် သၟိင်လိစ္ဆဝဳဂမၠိုင် ဂပ်ဝ်ပလီုထောံ သၟိင်ဇၞော်တုဲရ” ရဴဝွံ သ္ဂးကဵုခမဳဂမၠိုင်ရ။ “တဳလပိုဉ်မဟာမောဂ္ဂလာန်ဂှ် ‘ယွံကောန်တၠတအ် သၟိင်လိစ္ဆဝဳဂမၠိုင် ဂပ်ဝ်ပလီုထောံသၟိင်ဇၞော်တုဲရ’ ရဴဝွံ မုဟိုတ် သ္ဂောံဟီုသ္ဂးရဴဝွံဂှ်ရော? ပ္ဍဲဒၠးတိပၞာန်လေဝ် “သၟိင်ဇၞော်ဂပ်ဝ်ပလီုကၠေံ သၟိင်လိစ္ဆဝဳဂမၠိုင်တုဲရ” ရဴဝွံ တက်ဂေတ်လံင်ဒၟံင် မံင်ဇၞးပၞာန်ရ ဟွံသေင်ဟာ၊ တဳလပိုဉ်မဟာမောဂ္ဂလာန် ဟီုကြီုပတိုန်စ ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင်ရ” ရဴဝွံ ခမဳဂမၠိုင် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဗွဲကိုပ်ကၠာဂှ် သၟိင်လိစ္ဆဝဳဂမၠိုင် ဂပ်ဝ်ပလီုထောံ သၟိင်ဇၞော်တုဲရ၊ ကြဴနူဂှ်မှ သၟိင်ဇၞော်ပကောံပကေဝ်ဒပ်ပၞာန်တုဲ ဂွံဇၞးအာသၟိင်လိစ္ဆဝဳဂမၠိုင်ရ၊ ယွံခမဳတအ် မောဂ္ဂလာန် ဟီုသ္ဂးဍာံစၟတ်ရ၊ ယွံခမဳတအ် ကုမောဂ္ဂလာန်ဂှ် ဟွံဒးအာပတ်ရ ရဴဝွံ (သ္ဂးရ)။ (၅၈) 232) ပ္ဍဲအခိင်ဂှ် တဳလပိုဉ်မဟာမောဂ္ဂလာန်ဂှ် “ယွံကောန်တၠတအ် ဃောအဲလုပ်စ (စတုတ္ထၛာန်) သမာဓိ မဟွံမွဲကဵုပွမချဳဇတဝ် ပ္ဍဲကြုင်သပ္ပိနဳဂှ် သ္ဂောံမိင်ကေတ် ဗရုရမျာင်စိင်ဇၟူဂမၠိုင် တၞီစှေ်လ္စအင်လှာတုဲ တတ်တိုန်ကၠုင် မလရိုအ်တဴ ညံင်ရဴရမျာင်ကြေဲရ” ရဴဝွံ သ္ဂးကဵုခမဳဂမၠိုင်ရ။ “တဳလပိုဉ်မဟာမောဂ္ဂလာန် ဃောလုပ်စ (စတုတ္ထၛာန်) သမာဓိ မဟွံမွဲကဵုပွမချဳဇတဝ်ဂှ် မုဟိုတ် သ္ဂောံမိင်ဗရုရမျာင်ဂှ်ရော? တဳလပိုဉ်မဟာမောဂ္ဂလာန် ဟီုကြီုပတိုန်စဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင်ရ” ရဴဝွံ ခမဳဂမၠိုင် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရင်ဂတီ ဟိုတ်ဂရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် သမာဓိဂကူဂှ် နွံဒၟံင်ရ၊ ၜိုန်ဂှ်လေဝ် သမာဓိဂှ် သအးဇ္ၚးဟွံသေင်ရ၊ ယွံခမဳတအ် မောဂ္ဂလာန် ဟီုသ္ဂးဍာံစၟတ်ရ၊ ယွံခမဳတအ် ကုမောဂ္ဂလာန်ဂှ် ဟွံဒးအာပတ်ရ ရဴဝွံ (သ္ဂးရ)။ (၅၉) ပ္ဍဲအခိင်ဂှ် တဳလပိုဉ်သောဘိတဂှ် “ယွံကောန်တၠတအ် အဲ ဗှ်ဗၞုဟ် မသုန်ကၠံမဟာကပ်ဂမၠိုင်မာန်ရ” ရဴဝွံ သ္ဂးကဵုခမဳဂမၠိုင်ရ။ “တဳလပိုဉ်သောဘိတဂှ် ‘ယွံကောန်တၠတအ် အဲ ဗှ်ဗၞုဟ်မသုန်ကၠံမဟာကပ်ဂမၠိုင်မာန်ရ’ ရဴဝွံ မုဟိုတ် သ္ဂောံဟီုသ္ဂးရဴဝွံဂှ်ရော? တဳလပိုဉ်သောဘိတ ဟီုကြီုပတိုန်စ ဓရ်ၛာန်မဂ်ဖိုလ် မပြဲလောန်လတူဓရ်ကုသလကမ္မပထစှ် မဒှ်ဂြပ်မၞိဟ်ဂမၠိုင်ရ” ရဴဝွံ ခမဳဂမၠိုင် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရင်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဘဝ (မဗှ်ဗၞုဟ်မသုန်ကၠံမဟာကပ်မာန်) ဝွံ နွံကုသောဘိတရ၊ ဘဝဂှ်လေဝ် မွဲဘဝဓဝ်ဟေင်ရ၊ ယွံခမဳတအ် သောဘိတ ဟီုသ္ဂးဍာံစၟတ်ရ၊ ယွံခမဳတအ် ကုသောဘိတဂှ် ဟွံဒးအာပတ်ရ ရဴဝွံ (သ္ဂးရ)။ (၆၀)

စတုတ္ထပါရာဇိကတုဲရ။ 233) ယွံတၠဇမၠိင်အာယုက်တအ် ဂပ်ဝ်စၞောန်ထ္ၜးကဵု ပါရာဇိကအာပတ်ဂမၠိုင်ပန်ပြကာ ဗွဲသရုပ်အိုတ်တုဲရ၊ ယြဴခမဳမွဲ ပၞောဝ်ပါရာဇိကဂမၠိုင်ပန်ဂှ် အာစိုပ်မွဲမွဲမ္ဂး ပ္ဍဲအခိင် (ဃောဒှ်ခရှ်သာမဏဳ) ကၠာတေံ သၟဟ်ညံင်ရဴဟွံကလိဂွံ ပွမပံင်ဖက်ဆက်ဆောံမွဲစွံ ကေုာံခမဳဂမၠိုင် တုပ်သၟဟ်သာ်ဂှ်ကီု ခမဳဂှ် ပ္ဍဲအခိင်ကြဴ (မအာစိုပ်ပါရာဇိကတုဲ)လေဝ် ဟွံကလိဂွံ ပွမပံင်ဖက်ဆက်ဆောံမွဲစွံ ကေုာံခမဳဂမၠိုင်ရ၊ အာစိုပ်ပွမကျ နူသာသနာရ၊ ဟွံမွဲကဵုပွမပံင်ဖက်မွဲစွံ ကေုာံခမဳခိုဟ်ဆာဲဂမၠိုင်ရ၊ ပ္ဍဲပါရာဇိကဂမၠိုင်ပန်ဂှ် သၟာန်တဳလပိုဉ်ဂမၠိုင်ရ၊ သအးဇ္ၚးနူအာပတ်အိုတ်ရဟာ၊ မရနုက်ကဵုၜါဝါလေဝ် သၟာန်ရ၊ သအးဇ္ၚးနူအာပတ်အိုတ်ရဟာ၊ မရနုက်ကဵုပိဝါလေဝ် သၟာန်ရ၊ သအးဇ္ၚးနူအာပတ်အိုတ်ရဟာ၊ တၠဇမၠိင်အာယုက်တအ်ညးဂမၠိုင် ဟိုတ်မသအးဇ္ၚးနူအာပတ်အိုတ်ဟေင် ဒၟံင်သ္ၚိတ်သ္ၚိတ်ဇြဇြအိုတ်ရ၊ ရဴဝွံ နမဒၟံင်သ္ၚိတ်သ္ၚိတ်ဇြဇြဂှ် ဂွံသမ္တီကေတ် ဒဒှ်မသအးဇ္ၚး နူအာပတ်ဝွံရ။ ပါရာဇ်တုဲရ။ ပါရာဇ်ဗွဲခမ္ဍန် မေထုန် အဒိန္နဒါန် ပွမဂစိုတ်မၞိဟ် (ပွမဟီုကြီု) ဓရ်ညးမပြဲဂမၠိုင် ပါရာဇ်ဂမၠိုင်ပန်ပြကာဝွံ ဒှ်ဟိုတ်အဆက်ပိုတ် (ကေုာံသာသနာ) အိုတ်ရ၊ ဟဂပ်ဝ်သၠေဟ်ပၟာရ။

ခဏ်ပါရာဇိကတုဲရ။

၂။ ခဏ်သံဃာဒိသေသ်

[ပလေဝ်ဒါန် | ပလေဝ်ဒါန် တမ်ကၞက်]

၂.၁။ သုက္ကဝိဿဋ္ဌိသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

၂.၁.၁။ ဝတ္ထုတဳလပိုဉ်သေယျသက

[ပလေဝ်ဒါန် | ပလေဝ်ဒါန် တမ်ကၞက်]

ယွံတၠဇမၠိင်အာယုက်တအ် အာပတ်သံဃာဒိသေသ်ဂမၠိုင်စှ်ပိပြကာဝွံ အာစိုပ်ဒဒှ်ဂပ်ဝ် စၞောန်ထ္ၜး ဗွဲသရုပ်အိုတ်ရ။ 234) ပ္ဍဲမွဲအခိင်တေံ တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေင်ဍုင်သာရဝှ်ရ။ ပ္ဍဲအဃောအခိင်ဂှ် တဳလပိုဉ်သေယျသက သီုဟွံမိပ်လဟိင်ဂှ် သ္ဒးဒ္ဂေတ်ဒၟံင် ဒ္ဂေတ်မပြဲရ၊ တဳလပိုဉ်သေယျသက ဟိုတ်မဒ္ဂေတ်ဒၟံင်သာ်ဂှ်ဟေင် ဇြာဲသကှ်ရ၊ ဖျုန်ဆီဒေက်ခ္ဍေက်ရ၊ ရုပ်သာ်လီုလာ်ရ၊ မၞုံကဵုသာ်ဇကုဖျိုဟ်ဖျေဟ် သၟဟ်ညံင်တၞးဆုဍုဟ်ဍုဟ်ရ၊ မၞုံကဵုဇကုဓရံင် ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်)ရ။ တဳလပိုဉ်ဥဒါယဳ ဟိုတ်မညာတ်ကေတ် တဳလပိုဉ်သေယျသက မဇြာဲသကှ် ဖျုန်ဆီဒေက်ခ္ဍေက် ရုပ်သာ်လီုလာ် မၞုံကဵုသာ်ဇကုဖျိုဟ်ဖျေဟ် သၟဟ်ညံင်တၞးဆုဍုဟ်ဍုဟ် မၞုံကဵုဇကုဓရံင် ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်)ဂှ်ရ— “ယွံကောန်တၠသေယျသက မုဟိုတ် တၠအဲ ဇြာဲသကှ်ဂှ်ရော? ဖျုန်ဆီဒေက်ခ္ဍေက်ဂှ်ရော? ရုပ်သာ်လီုလာ်ဂှ်ရော? မၞုံကဵုသာ်ဇကုဖျိုဟ်ဖျေဟ် သၟဟ်ညံင်တၞးဆုဍုဟ်ဍုဟ်ဂှ်ရော? မၞုံကဵုဇကုဓရံင် ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်) ဂှ်ရော? ယွံကောန်တၠသေယျသက တၠအဲ သီုဟွံမိပ်လဟိင်ဂှ် သ္ဒးဒ္ဂေတ်ဒၟံင် ဒ္ဂေတ်မပြဲဟာ” ရဴဝွံ သၟာန်ရ။ ဍာံပြရ ယွံကောန်တၠ ရဴဝွံ (ကလေင်ဂရင်ဂတီရ)။ “ယွံကောန်တၠသေယျသကယဝ်ဒှ်သာ်ဂှ်မ္ဂး တၠအဲ အတိုင်နွံပၟိက် ဩဝ်စညိ၊ အတိုင်နွံပၟိက် ဩဝ်တိက်ညိ၊ အတိုင်နွံပၟိက်ဂှ် ဩဝ်ဟုမ်ဍာ်ညိ၊ အတိုင်နွံပၟိက်စ အတိုင်နွံပၟိက်တိက် အတိုင်နွံပၟိက်ဟုမ်ဍာ်တုဲမ္ဂး ပ္ဍဲအခိင်ပွမလၞုဟ်လၞန် ကတဵုဒှ်ကၠုင် ကုတၠအဲတုဲ ရာဂပ္ဍဵုပ္ဍိုက်ရာန်သကိုတ်စိုတ်ဂှ် သ္ပလွဳပရာနကဵုတဲတုဲ ဩဝ်ဗလး (ပတိတ်) သုက်ညိ” ရဴဝွံ (သ္ဂးရ)။ ယွံကောန်တၠ တၞဟ်နပွမသ္ပရဴဝွံဂှ် ဂပ်ဝ်ညိဟာ ရဴဝွံ (အခိင်မသၟာန်ဂှ်)— ဂပ်ဝ်ရ ယွံကောန်တၠ၊ အဲလေဝ် သ္ပတဴရဴဝွံရ ရဴဝွံ (ကေလင်သ္ဂးရ)။ ပ္ဍဲအခိင်ဂှ် တဳလပိုဉ်သေယျသက အတိုင်နွံပၟိက်စတုဲရ၊ အတိုင်နွံပၟိက်တိက်တုဲရ၊ အတိုင်နွံပၟိက်ဟုမ်ဍာ်တုဲရ၊ အတိုင်နွံပၟိက်စ အတိုင်နွံပၟိက်တိက် အတိုင်နွံပၟိက်ဟုမ်ဍာ်တုဲမ္ဂး ပ္ဍဲအခိင်ပွမလၞုဟ်လၞန် ကတဵုဒှ်ကၠုင်တုဲ ရာဂပ္ဍဵုပ္ဍိုက်ရာန်သကိုတ်စိုတ်ဂှ် သ္ပလွဳပရာနကဵုတဲတုဲ ကဵုဗလး (ပတိတ်) သုက်ရ၊ ကြဴနူဂှ် တဳလပိုဉ်သေယျသက ပ္ဍဲအခိင်မွဲသအာင် ရုပ်သာ်ကျေဝ်ဂေါဝ်ကၠုင်တုဲရ၊ ဣန္ဒြဳပေင်အုဟ်ကၠုင်တုဲရ၊ ရုပ်သာ်မုက္ခဝါဇြုင်ကေဝ်ကၠုင်တုဲရ၊ သာ်စၞာံဇကုဇြုင်ကေဝ်ကၠုင် ဗွဲတၟေင်တုဲရ၊ ပ္ဍဲအခိင်ဂှ် ခမဳမိတ်သဟာဲ တဳလပိုဉ်သေယျသကဂမၠိုင်— “ယွံကောန်တၠသေယျသက တၠအဲ ပ္ဍဲအခိင်ကၠာတေံ ဇြာဲသကှ်ရ၊ ဖျုန်ဆီဒေက်ခ္ဍေက်ရ၊ ရုပ်သာ်လီုလာ်ရ၊ မၞုံကဵုသာ်ဇကုဖျိုတ်ဖျေတ် သၟဟ်ညံင်တၞးဆုဍုဟ်ဍုဟ်ရ၊ မၞုံကဵုဇကုဓရံင် ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်)ရ၊ တၠအဲဂှ် ပ္ဍဲအခိင်လၟုဟ် ရုပ်သာ်ကျေဝ်ဂေါဝ်ကၠုင်ရ၊ ဣန္ဒြဳပေင်အုဟ်ကၠုင်ရ၊ ရုပ်သာ်မုက္ခဝါဇြုင်ကေဝ်ကၠုင်ရ၊ သာ်စၞာံဇကုဇြုင်ကေဝ်ကၠုင် ဗွဲတၟေင်ရ၊ ယွံကောန်တၠသေယျသက တၠအဲ သ္ပသုင်စောဲ မုဂဥုဲမွဲဂှ် ရော?” ရဴဝွံ သၟာန်သၟုက်အိုတ်ရ။ ယွံကောန်တၠတအ် အဲ ဟွံသ္ပသုင်စောဲဂဥုဲရ၊ ဗွဲဍာံဍာံပြပြဂှ် အဲ အတိုင်နွံပၟိက်စရ၊ အတိုင်နွံပၟိက်တိက်ရ၊ အတိုင်နွံပၟိက်ဟုမ်ဍာ်ရ၊ အတိုင်နွံပၟိက်စ အတိုင်နွံပၟိက်တိက် အတိုင်နွံပၟိက်ဟုမ်ဍာ်တုဲမ္ဂး ပ္ဍဲအခိင်ပွမလၞုဟ်လၞန် ကတဵုဒှ်ကၠုင်တုဲ ရာဂပ္ဍဵုပ္ဍိက်ရာန်သကိုတ်စိုတ်ဂှ် အဲသ္ပလွဳပရာ နကဵုတဲတုဲ ကဵုဗလး (ပတိတ်) သုက်ရ ရဴဝွံ (ကလေင်သ္ဂးရ)။ ယွံကောန်တၠသေယျသက တၠအဲ နကဵုတဲမသ္ပပြဘိုဂ် ဂြပ်ပစ္စယ်မၞုံသဒ္ဓါတုဲ မဂပ်ဝ်ကဵုဒါန်ဂှ်ဟေင် သ္ပလွဳပရာတုဲ ကဵုဗလး (ပတိတ်) သုက်ဟာ ရဴဝွံ (အခိင်မသၟာန်ဂှ်)— ဍာံပြရ ယွံကောန်တၠတအ် ရဴဝွံ (ကလေင်ဂရင်ပတီရ)။ “မုဟိုတ် တဳလပိုဉ်သေယျသက သ္ပလွဳပရာနကဵုတဲ ကဵုဗလး (ပတိတ်) သုက်ဂှ်ရော?” ရဴဝွံ ခမဳမၞုံပၟိက်အောန်ဂမၠိုင် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် တဳလပိုဉ်သေယျသက နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသင်ကောံဓရီုတုဲမ္ဂး— “ယွံသေယျသက တၠအဲ သ္ပလွဳပရာနကဵုတဲတုဲ ကဵုဗလး (ပတိတ်) သုက်ရဟီုဂှ် ဍာံပြဒၟံင်ဟာ” ရဴဝွံ စၟဳဳစၟတ်သၟာန်သၟုက် တဳလပိုဉ်သေယျသကရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာဟီုဂရိုဟ်ရ၊ “ယွံတြုံမလ္ၚုသၟး (နူမဂ်ဖိုလ်) (ပွမကမၠောန်)ဝွံ ဟွံထေက်ကုခမဳဂမၠိုင်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ် ဟွံသေင်ရ၊ ဟွံဂပ်ဝ်ရ၊ ဟွံထေက်ကဵုသ္ပရ၊ “ယွံတြုံမလ္ၚုသၟး (နူမဂ်ဖိုလ်) တၠအဲ သ္ပလွဳပရာနကဵုတဲတုဲ မဟိုတ် ကဵုဗလး (ပတိတ်) သုက်ဂှ်ရော? ယွံတြုံမလ္ၚုသၟး (နူမဂ်ဖိုလ်) အဲဂှ် နဟိုတ်မဂၠိုင်ဂၠင် ဟွံတွံလဝ်ဓရ် တၞဟ်နပွမဒှ်မွဲဟာန်ကေုာံရာဂတုဲ တွံလဝ်သွက်ဂွံစာ်စ္ဍးနူရာဂရ ဟွံသေင်ဟာ၊ ဟွံတွံလဝ်ဓရ် တၞဟ်နပွမစိုန်သကီုစပ်ကေုာံကာမဂုဏ်တုဲ တွံလဝ်သွက်ဟွံစိုန်သကီု ဟွံစပ်ကေုာံကာမဂုဏ်ရ ဟွံသေင်ဟာ၊ ဟွံတွံလဝ်ဓရ် တၞဟ်နပွမဒှ်မွဲဟာန်ကေုာံ ပွမစောဲလာံ (နတဏှာဒိဋ္ဌိ)တုဲ တွံလဝ်သွက်ဟွံစောဲလာံ (နတဏှာဒိဋ္ဌိ) ရ ဟွံသေင်ဟာ။ ယွံတြုံမလ္ၚုသၟး (နူမဂ်ဖိုလ်) အဲဂှ် သီုဂပ်ဝ်တွံလဝ်ဓရ် သွက်ဂွံစာ်စ္ဍးနူရာဂသာ်ဂှ် တၠအဲမုဟိုတ်ပတိတ်ဇြဟတ် တၞဟ်နပွမဒှ်မွဲဟာန်ကေုာံရာဂဂှ်ရော? သီုဂပ်ဝ်တွံလဝ်ဓရ် သွက်ဟွံစိုန်သကီု ဟွံစပ်ကေုာံကာမဂုဏ်သာ်ဂှ် ပတိတ်ဇြဟတ် တၞဟ်နပွမစိုန်သကီုစပ် ကေုာံကာမဂုဏ်ဂှ်ရော? သီုဂပ်ဝ်တွံလဝ်ဓရ် သွက်ဟွံစောဲလာံ (နတဏှာဒိဋ္ဌိ)သာ်ဂှ် ပတိတ်ဇြဟတ်တၞဟ်နပွမဒှ်မွဲဟာန်ကေုာံ ပွမစောဲလာံ (နတဏှာဒိဋ္ဌိ) ဂှ်ရော?။ ယွံတြုံမလ္ၚုသၟး (နူမဂ်ဖိုလ်) အဲဂှ် နဟိုတ်မဂၠိုင်ဂၠင် တွံလဝ်ဓရ် တၞဟ်နပွမစာ်စ္ဍးနူရာဂရ ဟွံသေင်ဟာ၊ တွံလဝ်ဓရ် တၞဟ်နပွမဟွံဗ္ၜူမာန် တၞဟ်နပွမပါဲပၠေင်ကေၠံ ပွမဗျဵုတဟင် (မတွံဂးကိလေသ) တၞဟ်နပွမပါဲသကုတ်ကၠေံ အစောဲအလာံ တၞဟ်နပွမသကုတ်ကၠေံရိုဟ်ကၞက်ဝဋ် တၞဟ်နတဏှာအိုတ် တၞဟ်နပွမဟွံထေၞန်စပ် တၞဟ်နပွမပၠိုတ်လလမ် တၞဟ်နပွမၜိုတ်သတိုတ်ရ ဟွံသေင်ဟာ။ ယွံတြုံမလ္ၚုသၟး (နူမဂ်ဖိုလ်) အဲဂှ် နဟိုတ်မဂၠိုင်ဂၠင် တွံလဝ်ပွမပါဲကၠေံကာမဂုဏ်ရ ဟွံသေင်ဟာ၊ တွံလဝ်ပွမပိုင်ခြာတီကေတ် သညာ (စိုတ်) ကာမဂုဏ်ဂမၠိုင်ရ ဟွံသေင်ဟာ တွံလဝ်ပွမပါဲပၠေင်ကၠေံ ပွမဗျဵုတဟင်ကာမဂုဏ်ရ ဟွံသေင်ဟာ၊ တွံလဝ်ပွမပါဲဂစိုတ်ကၠေံ ‘ကာမဝိတက်’ ပွမချပ်ပ္ဍဲကာမဂုဏ်ရ ဟွံသေင်ဟာ၊ တွံလဝ်ပွမၜိုဟ်လလမ် ဒတူတၠာဲကာမဂုဏ်ဂမၠိုင်ရ ဟွံသေင်ဟာ။ ယွံတြုံမလ္ၚုသၟး (နူမဂ်ဖိုလ်) (ပွတၠအဲသ္ပဒး)ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ကုညးလျုင်ဇြုင်သ္ဍိုက်တုဲဂမၠိုင် တၞဟ်နပွမကဵုလျုင်ဇြုင်သ္ဍိုက်ဂၠိုင်တိုန်ကီု ကဵုကတဵုဒှ်ဟွံမာန်ရ၊ ယွံတြုံမလ္ၚုသၟး (နူမဂ်ဖိုလ်) ဍာံဍာံစၟတ်စၟတ် (ပွတၠအဲသ္ပဒး)ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမဟွံကဵုလျုင်ဇြုင်သ္ဍိုက်ကီု ကုညးလျုင်ဇြုင်သ္ဍိုက်တုဲလ္ၚဵုဂမၠိုင် တၞဟ်နပွမကဵုလျုင်ဇြုင်သ္ဍိုက်လီုလာ်ကီု ကဵုကတဵုဒှ်ရ ရဴဝွံ (ဟီုဂရိုဟ်ရ)။ ပ္ဍဲကြဴနူဂှ် တဳလမၞုံပိုဉ်ကျာ်တြဲ ဟီုဂရိုဟ်တင်ဒုဟ် တဳလပိုဉ်သေယျသက နဟိုတ်မဂၠိုင်တုဲမ္ဂး ဟီုဂလာန်ဂရိုဟ်မဟွံမွဲကဵုဂုဏ် ဒဒက်တဴဇကုဇကု ပွမဇြိုင်ကဵုလွဳမြိမြန်ဇကုဇကု ။ ပ ။ ခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။ “ပွမဗလး (ပတိတ်) သုက်မဒှ်မွဲဟာန်ကေုာံစေတနာဂှ် ဒးအာပတ်သံဃာဒိသေသ်ရ” ရဴဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ရဴဝွံဟေင် တဳလမၞုံပိုဉ်ကျာ်တြဲ ပညပ်တဴသိက္ခာပိုဒ်ဝွံ ကုခမဳဂမၠိုင်ရ။ 235) ပ္ဍဲမွဲအခိင်တေံ ခမဳဂမၠိုင် သ္ပပြဘိုဂ်ဘောဇိုန်မပြဲဂမၠိုင်အိုတ်တုဲ သတိဗၠးကၠာ သီုဟွံမွဲဗ္စာရဏာဂမၠိုင်ဂှ် အာစိုပ်ပွမတိက်သၠိင်အိုတ်ရ၊ ကုခမဳ သတိဗၠးကၠာ သီုဟွံမွဲဗ္စာရဏာအာစိုပ်ပွမတိက်သၠိင်ဂမၠိုင်ဂှ် နမတိက်လ္ပအ်ညာတ် သုက်ဗလးတိတ်ရ၊ ‘ပွမဗလး (ပတိတ်) သုက်မဒှ်မွဲဟာန်ကေုာံစေတနာဂှ် ဒးအာပတ်သံဃာဒိသေသ်ရ’ ရဴဝွံ တဳလမၞုံပိုဉ်ကျာ်တြဲ ဂပ်ဝ်ပညပ်လဝ်သိက္ခာပိုဒ်တုဲဒှ်ရ၊ ပိုဲညးဂမၠိုင်လေဝ် နမတိက်လ္ပအ်ညာတ် သုက်ဗလးတိတ်အိုတ်ရ၊ ပ္ဍဲအရာတိက်လ္ပအ်ညာတ်ဝွံ ထေက်ကဵုကလိဂွံစေတနာဟေင်ရ၊ ပိုဲညးဂမၠိုင် ဒးအာပတ်သံဃာဒိသေသ်အိုတ်ဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုင်ဂှ်ရ၊ ဂရင်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် စေတနာဂှ် နွံရ၊ ၜိုန်ဂှ်လေဝ် စေတနာဂှ် ဟွံရုမ်ဂပ်ကဵုဟီုသ္ဂးရ၊ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။ 236) ဝေင်ကၠေံ ပွမဗလးသုက် ပ္ဍဲသွပ်လ္ပအ်တုဲ ပွမဗလး (ပတိတ်) သုက် မဒှ်မွဲဟာန်ကေုာံစေတနာဂှ် ဒးအာပတ်သံဒိသေသ်ရ ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

၂.၁.၂။ ပွံက်သုက္ကဝိဿဝိဿဋ္ဌဳသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

237) ဍေံမဒှ်မွဲဟာန်ကေုာံစေတနာ မ္ဂးဂှ် သီုမတီတဴ သီုမတီတဴ ချိုတ်ချိုတ်ပၠိုတ်တ်သ္ပလွဳတုဲ လၞိန်ဗပိန်တုဲ ပွမကလိလောန်ရောင်။ သုက်မ္ဂးဂှ် မၞုံစှ်ဂကူရ၊ သုက်မၞုံသာ်ဒမျိုင်၊ သာ်မိတ်၊ သာ်ဗကေတ်၊ သာ်ဗု၊ သာ်ဍာ်တက်၊ သာ်ဍာ်၊ သာ်ကၠေင်၊ သာ်ဍာ်တှ်ဂၠဴ၊ သာ်ဍာ်တှ်ထၟတ်၊ သာ်ကၠေင်သွဟ် ဂမၠိုင်ရောင်။ ပွမဗလး မ္ဂးဂှ် သ္ဂးတဴပွမကဵုတသိုတ်အာနူဒၞာဲရ။ ဝေင်ပါဲကၠေံပွမဗလးသုက် ပ္ဍဲသွပ်လ္ပအ် မ္ဂးဂှ် ပါဲကၠေံပွမဗလးသုက် ပ္ဍဲသွပ်လ္ပအ်တုဲ။ သံဃာဒိသေသ် မ္ဂးဂှ် သွက်အာပတ်ဂှ် သင်ဟေင် သ္ဒးကဵုပြဝးရ၊ သ္ဒးတံင်ဓဇက်တမ်ရ၊ သ္ဒးကဵုမာနတ်ရ၊ သ္ဒးပၠောပ်အဗ္ဘာန်ရ၊ ၜါဇကုပိဇကုကီု၊ ပူဂိုလ်မွဲမွဲကီု၊ ကဵုပြဝးဟွံဂွံရ၊ တံင်ဓဇက်တမ်ဟွံဂွံရ၊ ကဵုမာနတ်ဟွံဂွံရ၊ ပၠုပ်အဗ္ဘာန်ဟွံဂွံရ၊ ဟိုတ်ဂှ်ရ ကော်ခဴဂး ရဴဝွံမ္ဂး “သံဃာဒိသေသ်” ရ၊ (ယၟုမတွံဂးသံဃာဒိသေသ်ဂှ်) ယၟုဂကောံအာပတ်ဂှ်ဟေင်ရ၊ ဟိုတ်ဂှ်လေဝ် ကော်ခဴဂးရဴဝွံမ္ဂး “သံဃာဒိသေသ်” ရ။

⎈ လၟေင်က္ဍိုပ်မာတိကာ

[ပလေဝ်ဒါန် | ပလေဝ်ဒါန် တမ်ကၞက်]

ကဵုဗလး (ပတိတ်) ပ္ဍဲရုပ်အပ္ဍဲရ၊ ကဵုဗလး (ပတိတ်) ပ္ဍဲရုပ်မ္ဂးရ၊ ကဵုဗလး (ပတိတ်) ပ္ဍဲရုပ်အပ္ဍဲမ္ၚး ၜါပြကာရ၊ ကဵုပချဳ (ဂယတ်) ဂၞိင် ပ္ဍဲအကးတုဲ ကဵုဗလး (ပတိတ်) ရ။ ပ္ဍဲအခိင်အင်္ဂဇာတ် ကြံင်မ္ၚိုဟ်တေင်ကၠုင် ဟိုတ်နူရာဂ ကဵုဗလး (ပတိတ်) ရ၊ ပ္ဍဲအခိင်အင်္ဂဇာတ်ကြံင်မ္ၚိုဟ်တေင်ကၠုင် ဟိုတ်နူတရဴဇၞော် ကဵုဗလး (ပတိတ်) ရ၊ ပ္ဍဲအခိင်အင်္ဂဇာတ်ကြံင်မ္ၚိုဟ်တေင်ကၠုင် ဟိုတ်နူတရဴသၟတ် ကဵုဗလး (ပတိတ်) ရ၊ ပ္ဍဲအခိင်အင်္ဂဇာတ်ကြံင်မ္ၚိုဟ်တင်ကၠုင် ဟိုတ်နူကျာ ကဵုဗလး (ပတိတ်) ရ၊ ပ္ဍဲအခိင်အင်္ဂဇာတ် ကြံင်မ္ၚိုဟ်တေင်ကၠုင် ဟိုတ်နူစၟဥစ္စာလိင်္ဂ ထပက်ထပူကဵုဗလး (ပတိတ်) ရ။ တၞဟ်နပွမစာ်စ္ဍးနူယဲ ကဵုဗလး (ပတိတ်) ရ၊ တၞဟ်နသွက်ဂွံဒှ်တသိုခ် ကဵုဗလး (ပတိတ်) ရ၊ တၞဟ်နသွက်ဂဥုဲ ကဵုဗလး (ပတိတ်) ရ၊ တၞဟ်နသွက်ဒါန် ကဵုဗလး (ပတိတ်) ရ၊ တၞဟ်နသွက်ကုသိုလ်ထၟိက် ကဵုဗလး (ပတိတ်) ရ၊ တၞဟ်နသွက်ပူဇဴယဇ် ကဵုဗလး (ပတိတ်) ရ၊ တၞဟ်နသွက်ဍုင်သွဝ် ကဵုဗလး (ပတိတ်) ရ၊ တၞဟ်နသွက်မဗဳဇ ကဵုဗလး (ပတိတ်) ရ၊ တၞဟ်နသွက်စမ်ၜတ်ကဵုဗလး (ပတိတ်) ရ၊ တၞဟ်နသွက်ဂြိုင်မိပ်ဝေင် ကဵုဗလး (ပတိတ်) ရ။ ကဵုဗလး (ပတိတ်) သုက်မၞုံသာ်ဒမျိုင်ရ၊ ကဵုဗလး (ပတိတ်) သုက်မၞုံသာ်မိတ်ရ၊ ကဵုဗလး (ပတိတ်) သုက်မၞုံသာ်ဗကေတ်ရ၊ ကဵုဗလး (ပတိတ်) သုက်မၞုံသာ်ဗုရ၊ ကဵုဗလး (ပတိတ်) သုက်မၞုံသာ်ဍာ်တက်ရ၊ ကဵုဗလး (ပတိတ်) သုက်မၞုံသာ်ဍာ်ရ၊ ကဵုဗလး (ပတိတ်) သုက်မၞုံသာ်ကၠေင်ရ၊ ကဵုဗလး (ပတိတ်) သုက်မၞုံသာ်ဍာ်တှ်ဂၠဴရ၊ ကဵုဗလး (ပတိတ်) သုက်မၞုံသာ်ဍာ်တှ်ထၟတ်ရ၊ ကဵုဗလး (ပတိတ်) သုက်မၞုံသာ်ကၠေင်သွဟ်ရ။

⎈ ပွံက်မာတိကာ

[ပလေဝ်ဒါန် | ပလေဝ်ဒါန် တမ်ကၞက်]

238) ပ္ဍဲရုပ်အပ္ဍဲ မ္ဂးဂှ် ပ္ဍဲရုပ်အပ္ဍဲ မဂပ်ဝ်စောဲလာံ။ ပ္ဍဲရုပ်မ္ၚး မ္ဂးဂှ် ပ္ဍဲရုပ်မ္ၚး မဂပ်ဝ်စောဲလာံကဵုဒှ် ပ္ဍဲရုပ်မ္ၚး မဟဂပ်ဝ်စောဲလာံကဵုဒှ်။ ပ္ဍဲရုပ်အပ္ဍဲမ္ၚး မ္ဂးဂှ် ပ္ဍဲဂကောံရုပ်ၜါဂှ်။ ကဵုပချဳ (ဂယတ်) ဂၞိင် ပ္ဍဲအကးတုဲ မ္ဂးဂှ် ကုညးသ္ပလွဳပရာ ပ္ဍဲအကး တၞဟ်နသ္ပအင်္ဂဇာတ်ဒှ်ဒၟံင်ဒတုဲရ။ ပ္ဍဲအခိင်အင်္ဂဇာတ် ကြံင်မ္ၚိုဟ်တေင်ကၠုင် ဟိုတ်နူရာဂ မ္ဂးဂှ် ကုညးရာဂရာန်ကိုတ်တဴဂှ် တၞဟ်နသ္ပအင်္ဂဇာတ် ဒှ်ဒၟံင်ဒတုဲရ။ ပ္ဍဲအခိင်အင်္ဂဇာတ် ကြံင်မ္ၚိုဟ်တေင်ကၠုင် ဟိုတ်နူတရဴဇၞော် မ္ဂးဂှ် ကုညးတရဴဇၞော်ရာန်သကိုတ်ဂှ် တၞဟ်နသ္ပအင်္ဂဇာတ် ဒှ်ဒၟံင်ဒတုဲရ။ ပ္ဍဲအခိင်အင်္ဂဇာတ် ကြံင်မ္ၚိုဟ်တေင်ကၠုင် ဟိုတ်နူတရဴသၟတ် မ္ဂးဂှ် ကုညးတရဴသၟတ်ရာန်သကိုတ်ဂှ် တၞဟ်နသ္ပအင်္ဂဇာတ် ဒှ်ဒၟံင်ဒတုဲရ။ ပ္ဍဲအခိင်အင်္ဂဇာတ် ကြံင်မ္ၚိုဟ်တေင်ကၠုင် ဟိုတ်နူကျာ မ္ဂးဂှ် ကုညးကျာရာန်သကိုတ်ဂှ် တၞဟ်နသ္ပအင်္ဂဇာတ် ဒှ်ဒၟံင်ဒတုဲရ။ ပ္ဍဲအခိင်အင်္ဂဇာတ် ကြံင်မ္ၚိုဟ်တေင်ကၠုင် ဟိုတ်နူစၟဥစ္စလိင်္ဂ ထပက်ထပူ မ္ဂးဂှ် ဟိုတ်နူစၟဥစ္စာလိင်္ဂထပက်ထပူ တၞဟ်နသ္ပအင်္ဂဇာတ် ဒှ်ဒၟံင်ဒတုဲရ။ 239) တၞဟ်နပွမစာ်စ္ဍးနူယဲ မ္ဂးဂှ် ကြက်ဂွံဒှ် ဟွံမွဲကဵုယဲရ။ တၞဟ်နသွက်ဂွံဒှ်တသိုခ် မ္ဂးဂှ် ကြက်ကဵုကတဵုဒှ်သုခဝေဒနာ ပွမဒှ်တသိုခ်ရ။ တၞဟ်နသွက်ဂဥုဲ မ္ဂးဂှ် ကြက်ဒှ်ဂဥုဲရ။ တၞဟ်နသွက်ကဵုဒါန် မ္ဂးဂှ် ကြက်ကဵုဒါန်ရ။ တၞဟ်နသွက်ကုသိုလ်ထၟိက် မ္ဂးဂှ် ကြက်ဒှ်ကုသိုလ်ထၟိက်ရ။ တၞဟ်နသွက်ပူဇဴယဇ် မ္ဂးဂှ် ကြက်ပူဇဴယဇ်ရ။ တၞဟ်နသွက်ဍုင်သွဝ် မ္ဂးဂှ် ကြက်အာစိုပ်ဍုပ်သွဝ်ရ။ တၞဟ်နသွက်မဗဳဇ မ္ဂးဂှ် ကြက်ဒှ်မဗဳဇရ။ တၞဟ်နသွက်စမ်ၜတ် မ္ဂးဂှ် ကြက်ဒှ်ဒမျိုင်ရ၊ ကြက်ဒှ်သာ်မိတ်ရ၊ ကြက်ဒှ်သာ်ဗကေတ်ရ၊ ကြက်ဒှ်ဗုရ၊ ကြက်ဒှ်သာ်ဍာ်တက်ရ၊ ကြက်ဒှ်သာ်ဍာ်ရ၊ ကြက်ဒှ်သာ်ကၠေင်ရ၊ ကြက်ဒှ်သာ်ဍာ်တှ်ဂၠဴရ၊ ကြက်ဒှ်သာ်ဍာ်ထၟတ်ရ၊ ကြက်ဒှ်သာ်ကၠေင်သွဟ်ရ။ တၞဟ်နသွက် ဂြိုင်မိပ်ဝေင် မ္ဂးဂှ် မိက်ဂြိုင်ဝေင်မိပ်ဇြိပ်တုဲ။

၂.၁.၃။ သုက္ကဝိဿဋ္ဌိ သံဃာဒိသေသ် သုဒ္ဓိကဝါရ

[ပလေဝ်ဒါန် | ပလေဝ်ဒါန် တမ်ကၞက်]

240) ပ္ဍဲရုပ်အပ္ဍဲ ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ ပ္ဍဲရုပ်မ္ၚး ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ် ပ္ဍဲအရုပ်အပ္ဍဲမ္ၚး ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ ပ္ဍဲအခိင်အင်္ဂဇာတ် ကြံင်မ္ၚိုဟ်တေင်ကၠုင် ဟိုတ်နူရာဂ ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ ပ္ဍဲအခိင်အင်္ဂဇာတ် ကြံင်မ္ၚိုဟ်တေင်ကၠုင် ဟိုတ်နူတရဴဇၞော် ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ ပ္ဍဲအခိင်အင်္ဂဇာတ် ကြံင်မ္ၚိုဟ်တေင်ကၠုင် ဟိုတ်နူတရဴသၟတ် ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ ပ္ဍဲအခိင်အင်္ဂဇာတ် ကြံင်မ္ၚိုဟ်တေင်ကၠုင် ဟိုတ်နူကျာ ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ ပ္ဍဲအခိင်အင်္ဂဇာတ် ကြံင်မ္ၚိုဟ်တေင်ကၠုင် ဟိုတ်နူစၟဥစ္စာလိင်္ဂ ထပက်ထပူ ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ တၞဟ်နပွမစာ်စ္ဍးနူယဲ ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်ဂွံဒှ်တသိုခ် ။ ပ ။ တၞဟ်နသွက်ဂဥုဲ။ တၞဟ်နသွက်ဒါန်။ တၞဟ်နသွက်ကုသိုလ်ထၟိက်။ တၞဟ်နသွက်ပူဇဴယဇ်။ တၞဟ်နသွက်မဗဳဇ။ တၞဟ်သွက်စမ်ၜတ်။ တၞဟ်နသွက်ဂြိုင်မိပ်ဝေင် ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ ပတိတ်ဇြဟတ် သုက်မၞုံသာ်ဒမျိုင်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ သုတ်မၞုံသာ်မိတ်။ သုတ်မၞုံသာ်ဗကေတ်။ သုက်မၞုံသာ်ဗု။ သုတ်မၞုံသာ်ဍာ်တက်။ သုက်မၞုံသာ်ဍာ်။ သုက်မၞုံသာ်ကၠေင်။ သုက်မၞုံသာ်ဍာ်တှ်ဂၠဴ။ သုက်မၞုံဍာ်တှ်ထၟတ်။ ပတိတ်ဇြဟတ် သ္ပလွဳပရာ သုက်မၞုံသာ်ကၠေင်သွဟ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ သုဒ္ဓိကဝါရတုဲရ။ ———

၂.၁.၄။ ဨကမူ 'ခဏ္ဍစက်' စက်သကုတ်

[ပလေဝ်ဒါန် | ပလေဝ်ဒါန် တမ်ကၞက်]

တၞဟ်နပွမစာ်စ္ဍးနူယဲကီု တၞဟ်နသွက်ဂွံဒှ်တသိုခ်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နပွမစာ်စ္ဍးနူယဲကီု တၞဟ်နသွက်ဂဥုဲကီု ။ ပ ။ တၞဟ်နပွမစာ်စ္ဍးနူယဲကီု တၞဟ်နသွက်ဒါန်ကီု။ တၞဟ်နပွမစာ်စ္ဍးနူယဲကီု တၞဟ်နသွက်ကုသိုလ်ထၟိက်ကီု။ တၞဟ်နပွမစာ်စ္ဍးနူယဲကီု တၞဟ်နသွက်ပူဇဴယဇ်ကီု။ တၞဟ်နပွမစာ်စ္ဍးနူယဲကီု တၞဟ်နသွက်ဍုင်သွဝ်ကီု။ တၞဟ်နပွမစာ်စ္ဍးနူယဲကီု တၞဟ်နသွက်မဗဳဇကီု။ တၞဟ်နပွမစာ်စ္ဍးနူယဲကီု တၞဟ်နသွက်စမ်ၜတ်ကီု။ တၞဟ်နပွမစာ်စ္ဍးနူယဲကီု တၞဟ်နသွက်ဂြိုင်မိပ်ဝေင်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ ဨကမူ ‘ခဏ္ဍစက်’ စက်သကုတ်တုဲရ။ ———

၂.၁.၅။ ဨကမူ 'ဗဒ္:စက်' စက်ဝိုင်

[ပလေဝ်ဒါန် | ပလေဝ်ဒါန် တမ်ကၞက်]

241) တၞဟ်နသွက်ဂွံဒှ်တသိုခ်ကီု တၞဟ်နသွက်ဂဥုဲကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်ဂွံဒှ်တသိုခ်ကီု တၞဟ်နသွက်ဒါန်ကီု။ တၞဟ်နသွက်ဂွံဒှ်တသိုခ်ကီု တၞဟ်နသွက်ကုသိုလ်ထၟိက်ကီု။ တၞဟ်နသွက်ဂွံဒှ်တသိုခ်ကီု တၞဟ်နသွက်ပူဇဴယဇ်ကီု။ တၞဟ်နသွက်ဂွံဒှ်တသိုခ်ကီု တၞဟ်နသွက်ဍုင်သွဝ်ကီု။ တၞဟ်နသွက်ဂွံဒှ်တသိုခ်ကီု တၞဟ်နသွက်မဗဳဇကီု။ တၞဟ်နသွက်ဂွံဒှ်တသိုခ်ကီု တၞဟ်နသွက်စမ်ၜတ်ကီု။ တၞဟ်နသွက်ဂွံဒှ်တသိုခ်ကီု တၞဟ်နသွက်ဂြိုင်မိပ်ဝေင်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်ဂွံဒှ်တသိုခ်ကီု တၞဟ်နပွမစာ်စ္ဍးနူယဲကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ 242) တၞဟ်နသွက်ဂဥုဲကီု တၞဟ်နသွက်ဒွန်ကီု ။ ပ ။ တၞဟ်နသွက်ဂဥုဲကီု တၞဟ်နသွက်ကုသိုလ်ထၟိက်ကီု။ တၞဟ်နသွက်ဂဥုဲကီု တၞဟ်နသွက်ပူဇဴယမ်ကီု။ တၞဟ်နသွက်ဂဥုဲကီု တၞဟ်နသွက်ဍုင်သွဝ်ကီု။ တၞဟ်နသွက်ဂဥုဲကီု တၞဟ်နသွက်မဗဳဇကီု။ တၞဟ်နသွက်ဂဥုဲကီု တၞဟ်နသွက်စမ်ၜတ်ကီု။ တၞဟ်နသွက်ဂဥုဲကီု တၞဟ်နသွက်ဂြိုင်မိပ်ဝေင်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်ဂဥုဲကီု တၞဟ်နပွမစာ်စ္ဍးနူယဲကီု ။ ပ ။ တၞဟ်နသွက်ဂဥုဲကီု တၞဟ်နသွက်ဂွံဒှ်တသိုခ်ကီု ပတိတ်ဇြဟတ်မ္ဂ၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်ဒါန်ကီု တၞဟ်နသွက်ကုသိုလ်ထၟိက်ကီု ။ ပ ။ တၞဟ်နသွက်ဒါန်ကီု တၞဟ်နသွက်ပူဇဴယမ်ကီု။ တၞဟ်နသွက်ဒါန်ကီု တၞဟ်နသွက်ဍုင်သွဝ်ကီု။ တၞဟ်နသွက်ဒါန်ကီု တၞဟ်နသွက်မဗဳဇကီု။ တၞဟ်နသွက်ဒါန်ကီု တၞဟ်နသွက်စမ်ၜတ်ကီု။ တၞဟ်နသွက်ဒါန်ကီု တၞဟ်နသွက်ဂြိုင်မိပ်ဝေင်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်ဒါန်ကီု တၞဟ်နပွမစာ်စ္ဍးနူယဲကီု ။ ပ ။ တၞဟ်နသွက်ဒါန်ကီု တၞဟ်နသွက်ဂွံဒှ်သိုခ်ကီု။ တၞဟ်နသွက်ဒါန်ကီု တၞဟ်နသွက်ဂဥုဲကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်ကုသိုလ်ထၟိက်ကီု တၞဟ်နသွဉ်ပူဇဴယဇ်ကီု ။ ပ ။ တၞဟ်နသွက်ကုသိုလ်ထၟိက်ကီု တၞဟ်နသွက်ဍုင်သွဝ်ကီု။ တၞဟ်နသွက်ကုသိုလ်ထၟိက်ကီု တၞဟ်နသွက်မဗဳဇကီု။ တၞဟ်နသွက်ကုသိုလ်ထၟိက်ကီု တၞဟ်နသွက်စမ်ၜတ်ကီု။ တၞဟ်နသွက်ကုသိုလ်ထၟိက်ကီု တၞဟ်နသွက်ဂြိုင်မိပ်ဝေင်ကီု ပတိတ်ဇြဟတ်မ္ဂး၊ ဗလးတိတ်မ္ဂး၊ ဒးအာပတ် သံဃာဒိသေသ်ရ။ တၞဟ်နသွက်ကုသိုလ်ထၟိက်ကီု တၞဟ်နပွမစာ်စ္ဍးနူယဲကီု ။ ပ ။ တၞဟ်နသွက်ကုသိုလ်ထၟိက်ကီု တၞဟ်နသွက်ဂွံဒှ်တသိုခ်ကီု။ တၞဟ်နသွက်ကုသိုလ်ထၟိက်ကီု တၞဟ်နသွက်ဂဥုဲကီု။ တၞဟ်နသွက်ကုသိုလ်ထၟိက်ကီု တၞဟ်နသွက်ဒါန်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်ပူဇဴယဇ်ကီု တၞဟ်နသွက်ဍုင်သွဝ်ကီု ။ ပ ။ တၞဟ်နသွက်ပူဇဴယဇ်ကီု တၞဟ်နသွက်မဗဳဇကီု။ တၞဟ်နသွက်ပူဇဴယဇ်ကီု တၞဟ်နသွက်စမ်ၜတ်ကီု။ တၞဟ်နသွက်ပူဇဴယဇ်ကီု တၞဟ်နသွက်ဂြိုင်မိပ်ဝင်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်ပူဇဴယဇ်ကီု တၞဟ်နပွမစာ်စ္ဍးနူယဲကီု ။ ပ ။ တၞဟ်နသွက်ပူဇဴယဇ်ကီု တၞဟ်နသွက်ဂွံဒှ်တသိုခ်ကီု။ တၞဟ်နသွက်ပူဇဴယဇ်ကီု တၞဟ်နသွက်ဂဥုဲကီု။ တၞဟ်နသွက်ပူဇဴယဇ်ကီု တၞဟ်နသွက်ဒါန်ကီု။ တၞဟ်နသွက်ပူဇဴယဇ်ကီု တၞဟ်သွက်ကုသိုလ်ထၟိက်ကီုပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်ဍုင်သွဝ်ကီု တၞဟ်နသွက်မဗဳဇကီု ။ ပ ။ တၞဟ်နသွက်ဍုင်သွဝ်ကီု တၞဟ်နသွက်စမ်ၜတ်ကီု။ တၞဟ်နသွက်ဍုင်သွဝ်ကီု တၞဟ်နသွက်ဂြိုင်မိပ်ဝေင်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်ဍုင်သွဝ်ကီု တၞဟ်နပွမစာ်စ္ဍးနူယဲကီု ။ ပ ။ တၞဟ်နသွက်ဍုင်သွဝ်ကီု တၞဟ်နသွက်ဂွံဒှ်တသိုခ်ကီု။ တၞဟ်နသွက်ဍုင်သွဝ်ကီု တၞဟ်နသွက်ဂဥုဲကီု။ တၞဟ်နသွက်ဍုင်သွဝ်ကီု တၞဟ်နသွက်ဒါန်ကီု။ တၞဟ်နသွက်ဍုင်သွဝ်ကီု တၞဟ်နသွက်ကုသိုလ်ထၟိက်ကီု။ တၞဟ်နသွက်ဍုင်သွဝ်ကီု တၞဟ်နသွက်ပူဇဴယမ်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်မဗဳဇကီု တၞဟ်နသွက်စမ်ၜတ်ကီု ။ ပ ။ တၞဟ်နသွက်မဗဳဇကီု တၞဟ်နသွက်ဂြိုင်မိပ်ဝေင်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်မဗဳဇကီု တၞဟ်နပွမစာ်စ္ဍးနူယဲကီု ။ ပ ။ တၞဟ်နသွက်မဗဳဇကီု တၞဟ်နသွက်ဂွံဒှ်တသိုခ်ကီု။ တၞဟ်နသွက်မဗဳဇကီု တၞဟ်နသွက်ဂဥုဲကီု။ တၞဟ်နသွက်မဗဳဇကီု တၞဟ်နသွက်ဒါန်ကီု။ တၞဟ်နသွက်မဗဳဇကီု တၞဟ်နသွက်ကုသိုလ်ထၟိက်ကီု။ တၞဟ်နသွက်မဗဳဇကီု တၞဟ်နသွက်ပူဇဴယဇ်ကီု။ တၞဟ်နသွက်မဗဳဇကီု တၞဟ်နသွက်ဍုင်သွဝ်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်စမ်ၜတ်ကီု တၞဟ်နသွက်ဂြိုင်မိပ်ဝေင်ကီု ပတိတ်ဇြဟတ်သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်စမ်ၜတ်ကီု တၞဟ်နပွမစာ်စ္ဍးနူယဲကီု ။ ပ ။ တၞဟ်နသွက်စမ်ၜတ်ကီု တၞဟ်နသွက်ဂွံဒှ်တသိုခ်ကီု။ တၞဟ်နသွက်စမ်ၜတ်ကီု တၞဟ်နသွက်ဂဥုဲကီု။ တၞဟ်နသွက်စမ်ၜတ်ကီု တၞဟ်နသွက်ဒါန်ကီု။ တၞဟ်နသွက်စမ်ၜတ်ကီု တၞဟ်နသွက်ကုသိုလ်ထၟိက်ကီု။ တၞဟ်နသွက်စမ်ၜတ်ကီု တၞဟ်နသွက်ပူဇဴယဇ်ကီု။ တၞဟ်နသွက်စမ်ၜတ်ကီု တၞဟ်နသွက်ဍုင်သွဝ်ကီု။ တၞဟ်နသွက်စမ်ၜတ်ကီု တၞဟ်နသွက်မဗဳဇကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နသွက်ဂြိုင်မိပ်ဝေင်ကီု တၞဟ်နပွမစာ်စ္ဍးနူယဲကီု ။ ပ ။ တၞဟ်နသွက်ဂြိုင်မိပ်ဝေင်ကီု တၞဟ်နသွက်ဂွံဒှ်တသိုခ်ကီု။ တၞဟ်နသွက်ဂြိုင်မိပ်ဝေင်ကီု တၞဟ်နသွက်ဂဥုဲကီု။ တၞဟ်နသွက်ဂြိုင်မိပ်ဝေင်ကီု တၞဟ်နသွက်ဒါန်ကီု။ တၞဟ်နသွက်ဂြိုင်မိပ်ဝေင်ကီု တၞဟ်နသွက်ကုသိုလ်ထၟိက်ကီု။ တၞဟ်နသွက်ဂြိုင်မိပ်ဝေင်ကီု တၞဟ်နသွက်ပူဇဴယဇ်ကီု။ တၞဟ်နသွက်ဂြိုင်မိပ်ဝေင်ကီု တၞဟ်နသွက်ဍုင်သွဝ်ကီု။ တၞဟ်နသွက်ဂြိုင်မိပ်ဝေင်ကီု တၞဟ်နသွက်မဗဳဇကီု။ တၞဟ်နသွက်ဂြိုင်မိပ်ဝေင်ကီု တၞဟ်သွက်စမ်ၜတ်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ ဨကမူ ‘ဗဒ္ဓစက်’ စက်ဝိုင်တုဲရ။ ——— [ဒုမူ ခဏ္ဍစက် ဒုမူဗဒ္ဓစက်ဂမၠိုင်ဂှ် ခ္ဍန်ထောံရ။ တိမူ ။ ပ ။ နဝမူဂမၠိုင်လေဝ် တုပ်သာ်ဂှ် ဂပ်ဝ်တြးရ။] တင်သမ္တီ ပ္ဍဲပါဠိ ဒုမူၜါကၠာဂှ် နွံဗၞတ်ညိနာင်တုဲ ပ္ဍဲဗၟာခ္ဍန်ထောံသီုဖအိုတ်ရ၊ ယဝ်နွံပၟိက်မ္ဂး သ္ဂးကေတ်ညိ လောဲသွာရ။ 243) တၞဟ်နပွမစာ်စ္ဍးနူယဲ တၞဟ်နသွက်ဂွံဒှ်တသိုခ် တၞဟ်နသွက်ဂဥုဲ တၞဟ်နသွက်ဒါန် တၞဟ်နသွက်ကုသိုလ်ထၟိက် တၞဟ်နသွက်ပူဇဴယဇ် တၞဟ်နသွက်ဍုင်သွဝ် တၞဟ်နသွက်မဗဳဇ တၞဟ်နသွက်စမ်ၜတ် တၞဟ်နသွက်ဂြိုင်မိပ်ဝေင် ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ သဗ္ဗမူတုဲရ။ ——— 244) ပတိတ်ဇြဟတ် သုက်မၞုံသာ်ဒမျိုင်ကီု သုက်မၞုံသာ်မိတ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ဒမျိုင်ကီု သုက်မၞုံသာ်ဗကေတ်ကီု ။ ပ ။ သုက်မၞုံသာ်ဒမျိုင်ကီု သုက်မၞုံသာ်ဗုကီု။ သုက်မၞုံသာ်ဒမျိုင်ကီု သုက်မၞုံသာ်ဍာ်တက်ကီု။ သုက်မၞုံသာ်ဒမျိုင်ကီု သုက်မၞုံသာ်ဍာ်ကီု။ သုက်မၞုံသာ်ဒမျိုင်ကီု သုက်မၞုံသာ်ကၠေင်ကီု။ သုက်မၞုံသာ်ဒမျိုင်ကီု သုက်မၞုံသာ်ဍာ်တှ်ဂၠဴကီု။ သုက်မၞုံသာ်ဒမျိုင်ကီု သုက်မၞုံသာ်ဍာ်တှ်ထၟတ်ကီု။ ပတိတ်ဇြဟတ် သုက်မၞုံသာ်ဒမျိုင်ကီု သုက်မၞုံသာ်ကၠေင်သွဟ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ ဨကမူ ‘ခဏ္ဍစက်’ စက်သကုတ်တုဲရ။ ——— 245) ပတိတ်ဇြဟတ် သုက်မၞုံသာ်မိတ်ကီု သုတ်မၞုံသာ်ဗကေတ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ သုက်မၞုံသာ်မိတ်ကီု သုက်မၞုံသာ်ဗုကီု။ သုက်မၞုံသာ်မိတ်ကီု သုက်မၞုံသာ်ဍာ်တက်ကီု။ သုက်မၞုံသာ်မိတ်ကီု သုက်မၞုံသာ်ဍာ်ကီု။ သုက်မၞုံသာ်မိတ်ကီု သုက်မၞုံသာ်ကၠေင်ကီု။ သုက်မၞုံသာ်မိတ်ကီု သုက်မၞုံသာ်ဍာ်တှ်ဂၠဴကီု။ သုက်မၞုံသာ်မိတ်ကီု သုက်မၞုံသာ်ဍာ်တှ်ထၟတ်ကီု။ ပတိတ်ဇြဟတ် သုက်မၞုံသာ်မိတ်ကီု သုက်မၞုံသာ်ကၠေင်သွဟ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ ပတိတ်ဇြဟတ် သုက်မၞုံသာ်မိတ်ကီု သုက်မၞုံသာ်ဒမျိုင်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ ဨကမူ ‘ဗဒ္ဓစက်’ စက်ဝိုင်တုဲရ။ ——— 246) ပတိတ်ဇြဟတ် သုက်မၞုံသာ်ဗကေတ်ကီု သုက်မၞုံသာ်ဗုကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ သုက်မၞုံသာ်ဗကေတ်ကီု သုက်မၞုံသာ်ဍာ်တက်ကီု ။ ပ ။ သုက်မၞုံသာ်ဗကေတ်ကီု သုက်မၞုံသာ်ဍာ်ကီု။ သုက်မၞုံသာ်ဗကေတ်ကီု သုက်မၞုံသာ်ကၠေင်ကီု။ သုက်မၞုံသာ်ဗကေတ်ကီု သုက်မၞုံသာ်ဍာ်တှ်ဂၠဴကီု။ သုက်မၞုံသာ်ဗကေတ်ကီု သုက်မၞုံသာ်ဍာ်တှ်ထၟတ်ကီု။ ပတိတ်ဇြဟတ် သုက်မၞုံသာ်ဗကေတ်ကီု သုက်မၞုံသာ်ကၠေင်သွဟ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ သုက်မၞုံသာ်ဗကေတ်ကီု သုက်မၞုံသာ်ဒမျိုင်ကီု ။ ပ ။ ပတိတ်ဇြဟတ် သုက်မၞုံသာ်ဗကေတ်ကီု သုက်မၞုံသာ်မိတ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ သုက်မၞုံသာ်ဗုကီု သုက်မၞုံသာ်ဍာ်တက်ကီု ။ ပ ။ သုက်မၞုံသာ်ဗုကီု သုက်မၞုံသာ်ဍာ်ကီု။ သုက်မၞုံသာ်ဗုကီု သုက်မၞုံသာ်ကၠေင်ကီု။ သုက်မၞုံသာ်ဗုကီု သုက်မၞုံသာ်ဍာ်တှ်ဂၠဴကီု။ သုက်မၞုံသာ်ဗုကီု သုက်မၞုံဍာ်တှ်ထၟတ်ကီု။ ပတိတ်ဇြဟတ် သုက်မၞုံသာ်ဗုကီု သုက်မၞုံသာ်ကၠေင်သွဟ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ဗုကီု သုက်မၞုံသာ်ဒမျိုင်ကီု ။ ပ ။ သုက်မၞုံသာ်ဗုကီု သုက်မၞုံသာ်မိတ်ကီု ပတိတ်ဇြဟတ် သုက်မၞုံသာ်ဗုကီု သုက်မၞုံသာ်ဗကေတ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ဍာ်တက်ကီု သုက်မၞုံသာ်ဍာ်ကီု ။ ပ ။ သုက်မၞုံသာ်ဍာ်တက်ကီု သုက်မၞုံသာ်ကၠေင်ကီု။ သုက်မၞုံသာ်ဍာ်တက်ကီု သုက်မၞုံသာ်ဍာ်တှ်ဂၠဴကီု။ သုက်မၞုံသာ်ဍာ်တက်ကီု သုက်မၞုံသာ်ဍာ်တှ်ထၟတ်ကီု။ ပတိတ်ဇြဟတ်သုက်မၞုံသာ်ဍာ်တက်ကီု သုက်မၞုံသာ်ကၠေင်သွဟ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ဍာ်တက်ကီု သုက်မၞုံသာ်ဒမျိုင်ကီု ။ ပ ။ သုက်မၞုံသာ်ဍာ်တက်ကီု သုက်မၞုံသာ်မိတ်ကီု။ သုက်မၞုံသာ်ဍာ်တက်ကီု သုက်မၞုံသာ်ဗကေတ်ကီု။ ပတိတ်ဇြဟတ် သုက်မၞုံသာ်ဍာ်တက်ကီု သုက်မၞုံသာ်ဗုကီုမ္ဂး သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဒိသေသ်ရ။ သုက်မၞုံသာ်ဍာ်ကီု သုက်မၞုံသာ်ကၠေင်ကီု ။ ပ ။ သုက်မၞုံသာ်ဍာ်ကီု သုက်မၞုံသာ်ဍာ်တှ်ဂၠဴကီု။ သုက်မၞုံသာ်ဍာ်ကီု သုက်မၞုံသာ်ဍာ်တှ်ထၟတ်ကီု။ ပတိတ်ဇြဟတ် သုက်မၞုံသာ်ဍာ်ကီု သုက်မၞုံသာ်ကၠေင်သွဟ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ဍာ်ကီု သုက်မၞုံသာ်ဒမျိုင်ကီု ။ ပ ။ သုက်မၞုံသာ်ဍာ်ကီု သုက်မၞုံသာ်မိတ်ကီု။ သုက်မၞုံသာ်ဍာ်ကီု သုက်မၞုံသာ်ဗကေတ်ကီု။ သုက်မၞုံသာ်ဍာ်ကီု သုက်မၞုံသာ်ဗုကီု။ ပတိတ်ဇြဟတ် သုက်မၞုံသာ်ဍာ်ကီု သုက်မၞုံသာ်ဍာ်တက်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ သုက်မၞုံသာ်ကၠေင်ကီု သုက်မၞုံသာ်ဍာ်တှ်ဂၠဴကီု ။ ပ ။ သုက်မၞုံသာ်ကၠေင်ကီု သုက်မၞုံဍာ်တှ်ထၟတ်ကီု။ ပတိတ်ဇြဟတ် သုက်မၞုံသာ်ကၠေင်ကီု သုက်မၞုံသာ်ကၠေင်သွဟ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ကၠေင်ကီု သုက်မၞုံသာ်ဒမျိုင်ကီု ။ ပ ။ သုက်မၞုံသာ်ကၠေင်ကီု သုက်မၞုံသာ်မိတ်ကီု။ သုက်မၞုံသာ်ကၠေင်ကီု သုက်မၞုံသာ်ဗကေတ်ကီု။ သုက်မၞုံသာ်ကၠေင်ကီု သုက်မၞုံသာ်ဗုကီု။ သုက်မၞုံသာ်ကၠေင်ကီု သုက်မၞုံသာ်ဍာ်တက်ကီု။ ပတိတ်ဇြဟတ် သုက်မၞုံသာ်ကၠေင်ကီု သုက်မၞုံသာ်ဍာ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ သုက်မၞုံသာ်ဍာ်တှ်ဂၠဴကီု သုက်မၞုံသာ်ဍာ်တှ်ထၟတ်ကီု ။ ပ ။ ပတိတ်ဇြဟတ် သုက်မၞုံသာ်ဍာ်တှ်ဂၠဴကီု သုက်မၞုံသာ်ကၠေင်သွဟ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ သုက်မၞုံသာ်ဍာ်တှ်ဂၠဴကီု သုက်မၞုံသာ်ဒမျိုင်ကီု ။ ပ ။ သုက်မၞုံသာ်ဍာ်တှ်ဂၠဴကီု သုက်မၞုံသာ်မိတ်ကီု။ သုက်မၞုံသာ်ဍာ်တှ်ဂၠဴကီု သုက်မၞုံသာ်ဗကေတ်ကီု။ သုက်မၞုံသာ်ဍာ်တှ်ဂၠဴကီု သုက်မၞုံသာ်ဗုကီု။ သုက်မၞုံသာ်ဍာ်တှ်ဂၠဴကီု သုက်မၞုံသာ်ဍာ်တက်ကီု။ သုက်မၞုံသာ်ဍာ်တှ်ဂၠဴကီု သုက်မၞုံသာ်ဍာ်ကီု။ ပတိတ်ဇြဟတ် သုက်မၞုံသာ်ဍာ်တှ်ဂၠဴကီု သုက်မၞုံသာ်ကၠေင်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ ပတိတ်ဇြဟတ် သုက်မၞုံသာ်ဍာ်တှ်ထၟတ်ကီု သုက်မၞုံသာ်ကၠေင်သွဟ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ သုက်မၞုံသာ်ဍာ်တှ်ထၟတ်ကီု သုက်မၞုံသာ်ဒမျိုင်ကီု ။ ပ ။ သုက်မၞုံသာ်ဍာ်တှ်ထၟတ်ကီု သုက်မၞုံသာ်မိတ်ကီု။ သုက်မၞုံသာ်ဍာ်တှ်ထၟတ်ကီု သုက်မၞုံသာ်ဗကေတ်ကီု။ သုက်မၞုံသာ်ဍာ်တှ်ထၟတ်ကီု သုက်မၞုံသာ်ဗုကီု။ သုက်မၞုံသာ်ဍာ်တှ်ထၟတ်ကီု သုက်မၞုံသာ်ဍာ်တက်ကီု။ သုက်မၞုံသာ်ဍာ်တှ်ထၟတ်ကီု သုက်မၞုံသာ်ဍာ်ကီု။ သုက်မၞုံသာ်ဍာ်တှ်ထၟတ်ကီု သုက်မၞုံသာ်ကၠေင်ကီု။ ပတိတ်ဇြဟတ် သုက်မၞုံသာ်ဍာ်တှ်ထၟတ်ကီု သုက်မၞုံသာ်ဍာ်တှ်ဂၠဴကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ ပတိတ်ဇြဟတ် သုက်မၞုံသာ်ကၠေင်သွဟ်ကီု သုက်မၞုံသာ်ဒမျိုင်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ သုက်မၞုံသာ်ကၠေင်သွဟ်ကီု သုက်မၞုံသာ်မိတ်ကီု ။ ပ ။ သုက်မၞုံသာ်ကၠေင်သွဟ်ကီု သုက်မၞုံသာ်ဗကေတ်ကီု။ သုက်မၞုံသာ်ကၠေင်သွဟ်ကီု သုက်မၞုံသာ်ဗုကီု။ သုက်မၞုံသာ်ကၠေင်သွဟ်ကီု သုက်မၞုံသာ်ဍာ်တက်ကီု။ သုက်မၞုံသာ်ကၠေင်သွဟ်ကီု သုက်မၞုံသာ်ဍာ်ကီု။ သုက်မၞုံသာ်ကၠေင်သွဟ်ကီု သုက်မၞုံသာ်ကၠေင်ကီု။ သုက်မၞုံသာ်ကၠေင်သွဟ်ကီု သုက်မၞုံသာ်ဍာ်တှ်ဂၠဴကီု။ ပတိတ်ဇြဟတ် သုက်မၞုံသာ်ကၠေင်သွဟ်ကီု သုက်မၞုံသာ်ဍာ်တှ်ထၟတ်ကီုမ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ ဨကမူ ‘ဗဒ္ဓစက်’ စက်ဝိုင်တုဲရ။ ——— [ဒုမူ ခဏ္ဍစက် ဒုမူဗဒ္ဓစက်ဂမၠိုင်ဂှ် ခ္ဍန်ထောံရ။ တိမူ ။ ပ ။ နဝမဂမၠိုင်လေဝ် တုပ်တဴသာ်ဂှ် ဂပ်ဝ်တြးရ။] တင်သမ္တီ ပ္ဍဲပါဠိ ဒုမူၜါကၠာဂှ် နွံဗၞတ်ညိနာင်တုဲ ပ္ဍဲဗၟာခ္ဍန်ထောံသီုဖအိုတ်ရ။ ယွံနွံပၟိက်မ္ဂး သ္ဂးကေတ်ညိ လောဲသွာရ။ 247) သုက်မၞုံသာ်ဒမျိုင်။ သုတ်မၞုံသာ်မိတ်။ သုက်မၞုံသာ်ဗကေတ်။ သုက်မၞုံသာ်ဗု။ သုက်မၞုံသာ်ဍာ်တက်။ သုက်မၞုံသာ်ဍာ်။ သုက်မၞုံသာ်ကၠေင်။ သုက်မၞုံသာ်ဍာ်တှ်ဂၠဴ။ သုက်မၞုံသာ်ဍာ်တှ်ထၟတ်။ ပတိတ်ဇြဟတ် သုက်မၞုံသာ်ကၠေင်သွဟ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး ဒးအာပတ်သံဃာဒိသေသ်ရ။ သဗ္ဗမူတုဲရ။ ——— 248) တၞဟ်နပွမစာ်စ္ဍးနူယဲကီု သုက်မၞုံသာ်ဒမျိုင်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နပွမစာ်စ္ဍးနူယဲကီု တၞဟ်နသွက်ဂွံဒှ်တသိုခ်ကီု သုက်မၞုံသာ်ဒမျိုင်ကီု သုက်မၞုံသာ်မိတ်ကီု ပတိတ်ဇြဟတ်မ္ဂ၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ တၞဟ်နပွမစာ်စ္ဍးနူယဲကီု တၞဟ်နသွက်ဂွံဒှ်တသိုခ်ကီု တၞဟ်နသွက်ဂဥုဲကီု သုက်မၞုံသာ်ဒမျိုင်ကီု သုက်မၞုံသာ်မိတ်ကီု သုက်မၞုံသာ်ဗကေတ်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ ပၟဝ်ဂလိုင်တိုန်စက်ၜါဂှ် နနဲဝွံဟေင် သ္ဒးပၟဝ် (ဂလိုင်တိုန် ဂလိုင်တိုန်) ရ။ တၞဟ်နပွမစာ်စ္ဍးနူယဲကီု တၞဟ်နသွက်ဂွံဒှ်တသိုခ်ကီု တၞဟ်နသွက်ဂဥုဲကီု တၞဟ်နသွက်ဒါန်ကီု တၞဟ်နသွက်ကုသိုလ်ထၟိက်ကီု တၞဟ်နသွက်ပူဇဴယဇ်ကီု တၞဟ်နသွက်ဍုင်သွဝ်ကီု တၞဟ်နသွက်မဗဳဇကီု တၞဟ်နသွက်စမ်ၜတ်ကီု တၞဟ်နသွက်ဂြိုင်မိပ်ဝေင်ကီု သုက်မၞုံသာ်ဒမျိုင်ကီု သုတ်မၞုံသာ်မိတ်ကီု သုက်မၞုံသာ်ဗကေတ်ကီု သုက်မၞုံသာ်ဗုကီု သုက်မၞုံသာ်ဍာ်တက်ကီု သုက်မၞုံသာ်ဍာ်ကီု သုက်မၞုံသာ်ကၠေင်ကီု သုက်မၞုံသာ်ဍာ်တှ်ဂၠဴကီု သုက်မၞုံသာ်ဍာ်တှ်ထၟတ်ကီု သုက်မၞုံသာ်ကၠေင်သွဟ်ကီု ပတိတ်ဇြဟတ်မ္ဂး၊ သ္ပလွဳပရာမ္ဂး၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ ‘မိဿစက်’ စက်ၜါပံင်လဝ်တုဲရ။ ——— 249) ကြက်ဗလးပတိတ် သုက်မၞုံသာ်ဒမျိုင်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်မိက် ဗလးတိတ်မ္ဂး ဒးအာပတ်သံဃာဒိသေသ်ရ။ ကြက်ဗလးပတိတ် သုက်မၞုံသာ်ဒမျိုင်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ ဗကေတ် ။ ပ ။ သာ်ဗု။ သာ်ဍာ်တက်။ သာ်ဍာ်။ သာ်ကၠေင်။ သာ်ဍာ်တှ်ဂၠဴ။ သာ်ဍာ်တှ်ထၟတ်။ သုက်မၞုံသာ်ကၠေင်သွဟ် ဗလးတိတ်မ္ဂး ဒးအာပတ်သံဃာဒိသေသ်ရ။ ‘ခဏ္ဍစက်’ စက်သကုတ်တုဲရ။ ——— 250) ကြက်ဗလးပတိတ် သုက်မၞုံသာ်မိတ်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဗကေတ် ဗလးတိတ်မ္ဂး ဒးအာပတ်သံဃာဒိသေသ်ရ။ ကြက်ဗလးပတိတ် သုက်မၞုံသာ်မိတ်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ ဗကေတ် ။ ပ ။ သာ်ဗု။ သာ်ဍာ်တက်။ သာ်ဍာ်။ သာ်ကၠေင်။ သာ်ဍာ်တှ်ဂၠဴ။ သာ်ဍာ်တှ်ထၟတ်။ သုက်မၞုံသာ်ဒမျိုင် ဗလးတိတ်မ္ဂး ဒးအာပတ်သံဃာဒိသေသ်ရ။ ဂပ်ဝ်ခ္ဍန်ကၠေံ မူ ‘ဗဒ္ဓစက်’ စက်ဝိုင်ရ။ ——— 251) ကြက်ဗလးပတိတ် သုက်မၞုံသာ်ကၠေင်သွဟ်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဒမျိုင် ဗလးတိတ်မ္ဂး ဒးအာပတ်သံဃာဒိသေသ်ရ။ ကြက်ဗလးပတိတ် သုက်မၞုံသာ်ကၠေင်သွဟ်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ ဗကေတ် ။ ပ ။ သာ်ဗု။ သာ်ဍာ်တက်။ သာ်ဍာ်။ သာ်ကၠေင်။ သာ်ဍာ်တှ်ဂၠဴ။ သာ်ဍာ်တှ်ထၟတ်။ သုက်မၞုံဍာ်တှ်ထၟတ် ဗလးတိတ်မ္ဂး ဒးအာပတ်သံဃာဒိသေသ်ရ။ ‘ကုစ္ဆိစက်’ စက်ဗုင်တုဲရ။ ——— 252) ကြက်ဗလးပတိတ် သုက်မၞုံသာ်မိတ်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဒမျိုင် ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ဗကေတ် ။ ပ ။ သုက်မၞုံသာ်ဗု။ သုက်မၞုံသာ်ဍာ်တက်။ သုက်မၞုံသာ်ဍာ်။ သုက်မၞုံသာ်ကၠေင်။ သုက်မၞုံသာ်ဍာ်တှ်ဂၠဴ။ သုက်မၞုံသာ်ဍာ်တှ်ထၟတ်။ ကြက်ဗလးပတိတ် သုက်မၞုံသာ်ကၠေင်သွဟ်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဒမျိုင် ဗလးတိတ်မ္ဂး ဒးအာပတ်သံဃာဒိသေသ်ရ။ ဗီုဗ္ဂေတ် ‘ ပိဋ္ဌစက်’ စက်စးပဌမတုဲရ။ ——— 253) ကြက်ဗလးပတိတ် သုက်မၞုံသာ်ဗကေတ် ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်မိတ် ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ဗု။ ပ ။ သုက်မၞုံသာ်ဍာ်တက်။ သုက်မၞုံသာ်ဍာ်။ သုက်မၞုံသာ်ကၠေင်။ သုက်မၞုံသာ်ဍာ်တှ်ဂၠဴ။ သုက်မၞုံသာ်ဍာ်တှ်ထၟတ်။ သုက်မၞုံသာ်ကၠေင်သွဟ်။ ကြက်ဗလးပတိတ် သုက်မၞုံသာ်ဒမျိုင်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်မိတ် ဗလးတိတ်မ္ဂး ဒးအာပတ်သံဃာဒိသေသ်ရ။ ဗီုဗ္ဂေင် ‘ပိဋ္ဌိစက်’ စက်စးဒုတိယတုဲရ။ ——— 254) ကြက်ဗလးပတိတ် သုက်မၞုံသာ်ဗုရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဗကေတ် ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ဍာ်တက် ။ ပ ။ သုက်မၞုံသာ်ဍာ်။ သုက်မၞုံသာ်ကၠေင်။ သုက်မၞုံသာ်ဍာ်တှ်ဂၠဴ။ သုက်မၞုံသာ်ဍာ်တှ်ထၟတ်။ သုက်မၞုံသာ်ကၠေင်သွဟ်။ သုက်မၞုံသာ်ဒမျိုင်။ ကြက်ဗလးပတိတ် သုက်မၞုံသာ်မိတ်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဗကေတ် ဗလးတိတ်မ္ဂး ဒးအာပတ်သံဃာဒိသေသ်ရ။ ဗီုဗ္ဂေတ် ‘ပိဋ္ဌိစက်’ စက်စးတတိယတုဲရ။ ——— 255) ကြက်ဗလးပတိတ် သုက်မၞုံသာ်ဍာ်တက် ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဗု ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ဍာ် ။ ပ ။ သုက်မၞုံသာ်ကၠေင်။ သုက်မၞုံသာ်ဍာ်တှ်ဂၠဴ။ သုက်မၞုံသာ်ဍာ်တှ်ထၟတ်။ သုက်မၞုံသာ်ကၠေင်သွဟ်။ သုက်မၞုံသာ်ဒမျိုင်။ သုက်မၞုံသာ်မိတ်။ ကြက်ဗလးပတိတ် သုက်မၞုံသာ်ဗကေတ်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဗု ဗလးတိတ်မ္ဂး ဒးအာပတ်သံဃာဒိသေသ်ရ။ ဗီုဗ္ဂေတ် ‘ပိဋ္ဌိစက်’ စက်စးစတုတ္ထတုဲရ။ ——— 256) ကြက်ဗလးပတိတ် သုက်မၞုံသာ်ဍာ်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဍာ်တက် ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ကၠေင် ။ ပ ။ သုက်မၞုံသာ်ဍာ်တှ်ဂၠဴ။ သုက်မၞုံသာ်ဍာ်တှ်ထၟတ်။ သုက်မၞုံသာ်ကၠေင်သွဟ်။ သုက်မၞုံသာ်ဒမျိုင်။ သုက်မၞုံသာ်မိတ်။ သုက်မၞုံသာ်ဗကေတ်။ ကြက်ဗလးပတိတ် သုက်မၞုံသာ်ဗုရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဍာ်တက် ဗလးတိတ်မ္ဂး ဒးအာပတ်သံဃာဒိသေသ်ရ။ ဗီုဗ္ဂေတ် ‘ပိဋ္ဌိစက်’ စက်စးပဉ္စမတုဲရ။ ——— 257) ကြက်ဗလးပတိတ် သုက်မၞုံသာ်ဍာ်တက်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဍာ် ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ဍာ်တှ်ဂၠဴ ။ ပ ။ သုက်မၞုံသာ်ဍာ်တှ်ထၟတ်။ သုက်မၞုံသာ်ကၠေင်သွဟ်။ သုက်မၞုံသာ်ဒမျိုင်။ သုက်မၞုံသာ်မိတ်။ သုက်မၞုံသာ်ဗကေတ်။ သုက်မၞုံသာ်ဗု။ ကြက်ဗလးပတိတ် သုက်မၞုံသာ်ဍာ်တက်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဍာ်တက် ဗလးတိတ်မ္ဂး ဒးအာပတ်သံဃာဒိသေသ်ရ။ ဗီုဗ္ဂေတ် ‘ပိဋ္ဌိစက်’ စက်စးဆဋ္ဌမတုဲရ။ ——— 258) ကြက်ဗလးပတိတ် သုက်မၞုံသာ်ဍာ်တှ်ဂၠဴရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ကၠေင် ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ဍာ်တှ်ထၟတ် ။ ပ ။ သုက်မၞုံသာ်ကၠေင်သွဟ်။ သုက်မၞုံသာ်ဒမျိုင်။ သုက်မၞုံသာ်မိတ်။ သုက်မၞုံသာ်ဗကေတ်။ သုက်မၞုံသာ်ဗု။ သုက်မၞုံသာ်ဍာ်တက်။ ကြက်ဗလးပတိတ် သုက်မၞုံသာ်ဍာ်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ကၠေင် ဗလးတိတ်မ္ဂး ဒးအာပတ်သံဃာဒိသေသ်ရ။ ဗီုဗ္ဂေတ် ‘ပိဋ္ဌိစက်’ စက်စးသတ္တမတုဲရ။ ——— 259) ကြက်ဗလးပတိတ် သုက်မၞုံသာ်ဍာ်တှ်ထၟတ်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဍာ်တှ်ဂၠဴ ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ကၠေင်သွဟ် ။ ပ ။ သုက်မၞုံသာ်ဒမျိုင်။ သုက်မၞုံသာ်မိတ်။ သုက်မၞုံသာ်ဗကေတ်။ သုက်မၞုံသာ်ဗု။ သုက်မၞုံသာ်ဍာ်တက်။ သုက်မၞုံသာ်ဍာ်။ ကြက်ဗလးပတိတ် သုက်မၞုံသာ်ကၠေင် ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဍာ်တှ်ဂၠဴ ဗလးတိတ်မ္ဂး ဒးအာပတ်သံဃာဒိသေသ်ရ။ ဗီုဗ္ဂေတ် ‘ပိဋ္ဌိစက်’ စက်စးအဋ္ဌမတုဲရ။ ——— 260) ကြက်ဗလးပတိတ် သုက်မၞုံသာ်ကၠေင်သွဟ်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဍာ်တှ်ထၟတ် ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်ဒမျိုင် ။ ပ ။ သုက်မၞုံသာ်မိတ်။ သုက်မၞုံသာ်ဗကေတ်။ သုက်မၞုံသာ်ဗု။ သုက်မၞုံသာ်ဍာ်တက်။ သုက်မၞုံသာ်ဍာ်။ သာ်မၞုံသာ်ကၠေင်။ ကြက်ဗလးပတိတ် သုက်မၞုံသာ်ဍာ်တှ်ဂၠဴရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ဍာ်တှ်ထၟတ် ဗလးတိတ်မ္ဂး ဒးအာပတ်သံဃာဒိသေသ်ရ။ ဗီုဗ္ဂေတ် ‘ပိဋ္ဌိစက်’ စက်စးနဝမတုဲရ။ ——— 261) ကြက်ဗလးပတိတ် သုက်မၞုံသာ်ဒမျိုင်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ကၠေင်သွဟ် ဗလးတိတ်မ္ဂး ဒးအာပတ်သံဃာဒိသေသ်ရ။ သုက်မၞုံသာ်မိတ် ။ ပ ။ သုက်မၞုံသာ်ဗကေတ်။ သုက်မၞုံသာ်ဗု။ သုက်မၞုံသာ်ဍာ်တက်။ သုက်မၞုံသာ်ဍာ်။ သာ်မၞုံသာ်ကၠေင်။ သုက်မၞုံသာ်ဍာ်တှ်ဂၠဴ။ ကြက်ဗလးပတိတ် သုက်မၞုံသာ်ဍာ်တှ်ထၟတ်ရ ရဴဝွံ ပတိတ်ဇြဟတ်ရ၊ သ္ပလွဳပရာရ၊ သုက်မၞုံသာ်ကၠေင်သွဟ် ဗလးတိတ်မ္ဂး ဒးအာပတ်သံဃာဒိသေသ်ရ။ ဗီုဗ္ဂေတ် ‘ပိဋ္ဌိစက်’ စက်စးဒသမတုဲရ။ ‘ပိဋ္ဌိစက်’ စက်စးတုရ။ ——— 262) ပတိတ်ဇြဟတ်ရ၊ သ္ပလွဳပရာရ၊ ဗလးတိတ်မ္ဂး၊ ဒးအာပတ်သံဃာဒိသေသ်ရ။ ပတိတ်ဇြဟတ်ရ၊ သ္ပလွဳပရာရ၊ ဟွံဗလးတိတ်မ္ဂး ဒးအာပတ်ထုလ္လစ္စယ်ရ။ ပတိတ်ဇြဟတ်ရ၊ ဟွံသ္ပလွဳပရာရ၊ ဗလးပတိတ်မ္ဂး၊ ဟွံဒးအာပတ်ရ။ ပတိတ်ဇြဟတ်ရ၊ ဟွံသ္ပလွဳပရာရ၊ ဟွံဗလးတိတ်မ္ဂး၊ ဟွံဒးအာပတ်ရ။ ဟွံပတိတ်ဇြဟတ်ရ၊ သ္ပလွဳပရာရ၊ ဗလးတိတ်မ္ဂး ဟွံဒးအာပတ်ရ။ ဟွံပတိတ်ဇြဟတ်ရ၊ သ္ပလွဳပရာရ၊ ဟွံဗလးတိတ်မ္ဂး၊ ဟွံဒးအာပတ်ရ။ ဟွံပတိတ်ဇြဟတ်ရ၊ ဟွံသ္ပလွဳပရာရ၊ ဗလးတိတ်မ္ဂး၊ ဟွံဒးအာပတ်ပတ်ရ။ ဟွံပတိတ်ဇြဟတ်ရ၊ ဟွံသ္ပလွဳပရာရ၊ ဟွံဗလးတိတ်မ္ဂး၊ ဟွံဒးအာပတ်ရ။ ခမဳသုက်ဗလးတိတ် နမတိတ်လ္ပအ်ညာတ် ကုခမဳဟွံမိက်ကဵုဗလးတိတ် (ကၠင်ကၟတ်လီုတုဲ) ခမဳမကြအ်ဥမ္မတ် (လကိုတ်ရပ်တုဲ) ခမဳစိုတ်ကလှ်လဖှ် ခမဳဝေဒနာပ္ဍဵုပ္ဍိုက် ခမဳမကလိလောန်ကၠာတဲ ဟွံဒးအာပတ်ရ။ ခဏ်ထ္ၜးကဵုဗီုဗ္ဂေတ်စက်တုဲရ။ ———

၂.၁.၆။ လၟေင်က္ဍိုပ်မာတိကာ ဝိနဳတဝတ္ထု

[ပလေဝ်ဒါန် | ပလေဝ်ဒါန် တမ်ကၞက်]

လ္ပအ်ညာတ် တရဴဇၞော် တရဴသၟတ် ပွမကူချပ် ပွမဟုမ်ဍာ်ဂမ္တဴ ဂဥုဲယဲသၞော် ဂၠံင်တရဴသ္ၚိသၠိုက် သ္ၚိဇရုင်ပဠက် ပွသ္ပလွဳပရာ။ သာမဏဳ ညးတိက်သၠိင် ပွမကၞေပ်ကဵုဒဳ ပွမဂန်ကဵုသကေမ်တဲ ပ္ဍဲအကး ပွမပၠး ပွမမၠာ်သ္ၚေဝ် ပၞော်ကောန်ပၞံက် (ပထောင်ကသအ်) ညးဓဇိုတ်ပေါတ်ကဵုဆု။ ဇၟောဝ်ဍာ် ဍာ်သၠိုက်သရီု ပွမဂြိပ် ကဝးပကဴ ဂြိုပ်ဒကှ် ဗတဳ လၟက် ပွကိုဟ်ချာဲဍာ် ဒၞာဲသတိက် ၝောံဇိုင်၊ ဣဝွံတုန် လၟေင်က္ဍိုပ်မာတိကာရောင်။

၂.၁.၇။ ဗီုသ္ဂုတ်သွာတ်ဝိနဳတဝတ္ထုဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

263) ပ္ဍဲမွဲအခိင်တေံ ကုခမဳမွဲဇကု နမတိက်လ္ပအ်ညာတ် သုက်ဗလးတိတ်ရ၊ “တဳလမၞုံပိုဉ်ကျာ်တြဲ ဂပ်ဝ်ပညပ်လဝ်သိက္ခာပိုဒ်တုဲဒှ်ရ၊ အဲဒးအာပတ်သံဃာဒိသေသ်ဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ၊ ယွံခမဳ နပွမတိက်လ္ပအ်ညာတ်တုဲ သုက်ဗလးတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၁) ပ္ဍဲမွဲအခိင်တေံ ခမဳမွဲဇကု ဃောသၠးတရဴဇၞော် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်ဂှ်) ယွံကျာ်မၞုံပိုဉ် အဲဍိက် ဟွံမွဲကဵုစိုတ်မမိက်ဗလးပတိတ်ရ ရဴဝွံ (ဂရင်ပတီရ)။ ယွံခမဳ ကုခမဳဟွံမွဲကဵုစိုတ်မမိက်ဗလးပတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၂) ပ္ဍဲမွဲအခိင်တေံ ခမဳမွဲဇကု ဃောသၠးတရဴသၟတ် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက်ဗလးပတိတ်ဂှ် ဟွံဒးအာပတ် ရဴဝွံ (သ္ဂးရ)။ (၃) ပ္ဍဲမွဲအခိင်တေံ ခမဳမွဲဇကု ဃောကူချပ်ဒၟံင် ကသပ်ကာမဂုဏ် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳမကူချပ်ဂှ် ဟွံဒးအာပတ်ရ ရဴဝွံ (သ္ဂးရ)။ (၄) ပ္ဍဲမွဲအခိင်တေံ ခမဳမွဲဇကု ဃောဟုမ်ဍာ်ဂမ္တဴ သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ မၞုံစိုတ်သာ်လဵုဂှ်ရော? ရဴဝွံ (သၟာန်တိုန်ဂှ်) ယွံကျာ်မၞုံပိုဉ် အဲဍိက် ဟွံမွဲကဵုစိုတ်မမိက်ဗလးပတိတ်ရ ရဴဝွံ (ဂရင်ပတီရ)။ ယွံခမဳ ကုခမဳဟွံမွဲကဵုစိုတ်မမိက်ဗလးပတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၅) ပ္ဍဲမွဲအခိင်တံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောဟုမ်ဍာ်ဂမ္တဴ သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ။ (၆) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောဟုမ်ဍာ်ဂမ္တဴ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၇) ပ္ဍဲမွဲအခိင်တေံ ကုခမဳမွဲဇကု ဒှ်သရပ္ဍဲအင်္ဂဇာတ်တုဲ ဃောလံက်ဂဥုဲ သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက် ဗလးပတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၈) ပ္ဍဲမွဲအခိင်တေံ ကုခမဳမွဲဇကု ဒှ်သရပ္ဍဲအင်္ဂဇာတ်တုဲ မၞုံစိုတ်မမိက်ကဵုဗလးတိတ်ဒှ်တုဲ ဃောလံက်ဂဥုဲ သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၉-၁၀) ပ္ဍဲမွဲအခိင်တေံ ခမဳမွဲဇကု ဃောပၠေင်ကၠေံနှော် ခၟာဲလိင် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳဟွံမွဲကဵုစိုတ် မမိက်ဗလးတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၁၁) ပ္ဍဲမွဲအခိင်တေံ ကုခမဳမွဲဇကု မိက်ကဵုဗလးတိတ်တုဲ ဃောပၠေင်ကၠေံနှော် ခၟာဲလိင် သုက်ဗလးတိတ်ရ ။ ပ ။ သုတ်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂရ)။ (၁၂-၁၃) 264) ပ္ဍဲမွဲအခိင်တေံ ခမဳမွဲဇကု ဃောကွာ်ဂၠံင် (ကွာတရဴ) သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳဟွံမွဲကဵုစိုတ် မမိက်ဗလးပတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၁၄) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောကွာ်ဂၠံင် (ကွာ်တရဴ) သုက်ဗးလတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၁၅-၁၆) ပ္ဍဲမွဲအခိင်တေံ ခမဳမွဲဇကု ရပ်ကေတ်သ္ၚိသၠိုက် (စၞာံခရောပ်အင်္ဂဇာတ်) ဃောသၠးတရဴသၟတ် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက်ဗလးတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၁၇) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ရပ်ကေတ်သ္ၚိသၠိုက် (စၞာံခရောပ်အင်္ဂဇာတ်) တုဲ ဃောသၠးတရဴသၟတ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၁၈-၁၉) ပ္ဍဲမွဲအခိင်တေံ ခမဳမွဲဇကု ဃောဖအင်ဒၟံင်ဒၠးဗုင် ပ္ဍဲသ္ၚိဇရုင်ပဠက် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက်ဗလးပတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၂၀) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောဖအင်ဒၟံင်ဒၠးဗုင် ပ္ဍဲသ္ၚိဇရုင်ပဠက် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၂၁-၂၂) ပ္ဍဲမွဲအခိင်တေံ ခမဳမွဲဇကု ဃောသ္ပဒၟံင် ပွမတုဟ်ပေါတ်မိဟ် ကုအ္စာဥပဇ္ၛာယ် ပ္ဍဲသ္ၚိဇရုင်ပဠက် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက်ဗလးပတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၂၃) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောသ္ပဒၟံင် ပွမတုဟ်ပေါတ်မိဟ် ကုအ္စာဥပဇ္ၛာယ် ပ္ဍဲသ္ၚိဇရုင်ပဠက် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၂၄-၂၅) 265) ပ္ဍဲမွဲအခိင်တေံ ခမဳမွဲဇကု ဃောဃရိတ်ခတ်ထဗတ်လျတ်ဒးဒဳ သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳဟွံမွဲကဵုစိုတ်မမိက်ဗလးပတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၂၆) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောဃရိတ်ခတ်ထဗတ်လျတ်ဒးဒဳ သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၂၇-၂၈) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ “ယွံကောန်တၠသာမဏဳ ဩဝ်ကၠုင်ညိ၊ ဩဝ်ဂန်ရပ် အင်္ဂဇာတ်အဲညိ” ရဴဝွံ ဟီုကဵုသာမဏဳမွဲဇကုရ၊ သာမဏဳဂှ် ဂန်ရပ်အင်္ဂဇာတ်ခမဳဂှ်ရ၊ ကုခမဳဂှ်ဟေင် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ။ (၂၉) ပ္ဍဲမွဲအခိင်တေံ ခမဳမွဲဇကု ဂန်ရပ်အင်္ဂဇာတ်သာမဏဳ မတိက်သၠိင်ဒၟံင်ရ၊ ကုခမဳဂှ်ဟေင် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရရဴဝွံ (သ္ဂးရ)။ (၃၀) 266) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောကၞေပ်အင်္ဂဇာတ်နဒဳဂမၠိုင်ဂှ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၃၁-၃၂) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောကၞေပ်အင်္ဂဇာတ် နသကေမ်တဲ သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၃၃-၃၄) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောဂယတ်ဂၞိင် ပ္ဍဲအကး သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၃၅-၄၆) ပ္ဍဲမွဲအခိင်တေံ ခမဳမွဲဇကု ဃောပၠးဇကု (ၜိုတ်လၞုဟ်) ဂှ် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက်ဗလးတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၃၇) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောပၠးဇကု (ၜိုတ်လၞုဟ်) တဴဂှ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၃၈-၃၉) ပ္ဍဲမွဲအခိင်တေံ ခမဳမွဲဇကု မၞုံစိုတ်မထၞေန်စပ်လောန်ဒှ်တုဲ သ္ၚေဝ်ကျောဝ်ရံင် အင်္ဂဇာတ်ညးဗြဴရ၊ ကုခမဳဂှ် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ၜိုန်ဂှ်လေဝ် ယွံခမဳတအ် နစိုတ်မထၞေန်စပ်လောန်ဂှ် ဟဂပ်ဝ်သ္ၚေဝ်ကျောဝ်ရံင် အင်္ဂဇာတ်ညးဗြဴရ၊ ကုခမဳမသ္ၚေဝ်ကျောဝ်ရံင်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ (၄၀) 267) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောပၠောပ်ဏာအင်္ဂဇာတ် အပ္ဍဲပၞောက်ပသဲတ္ၚံက် (ပထောင်ကသအ်) သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၄၁-၄၂) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောတက်ၜုင် အင်္ဂဇာတ်နဆုဂှ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၄၃-၄၄) ပ္ဍဲမွဲအခိင်တေံ ခမဳမွဲဇကု ဃောဟုမ်ဍာ် ပ္ဍဲဒစးဍာ်ဂှ် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက်ဗလးပတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၄၅) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောဟုမ်ဍာ် ပ္ဍဲဒစးဍာ်ဂှ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၄၆-၄၇) ပ္ဍဲမွဲအခိင်တေံ ခမဳမွဲဇကု ဃောဝေင်ဒၟံင် ပ္ဍဲဍာ်သၠိုက်ကရီုဂှ် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက်ဗလးပတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၄၈) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောဝင်ဒၟံင်ပ္ဍဲဍာ်သၠိုက်သရီုဂှ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၄၉-၅၀) ပ္ဍဲမွဲအခိင်တေံ ခမဳမွဲဇကု ဃောဂြိပ်အာပ္ဍဲဍာ်ဂှ် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳ ဟွံမွဲကဵုစိုတ်မမိက်ဗလးပတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၅၁) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောဂြိပ်အာပ္ဍဲဍာ်ဂှ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၅၂-၅၃) ပ္ဍဲမွဲအခိင်တေံ ခမဳမွဲဇကု ဃောဝေင်ဒၟံင် ကဝး (ဇၟန်)ပကဴဂှ် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳဟွံမွဲကဵုစိုတ်မမိက်ဗလးပတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၅၄) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောဝင်ဒၟံင်ကဝး(ဇၟန်)ပကဴဂှ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၅၅-၅၆) 268) ပ္ဍဲမွဲအခိင်တေံ ခမဳမွဲဇကု ဃောဂြိပ်အာ ပ္ဍဲဂြိုပ်ဒကှ်ဂှ် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳဟွံမွဲကဵုစိုတ်မမိက်ဗလးပတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၅၇) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောဂြိပ်အာပ္ဍဲဂြိုပ်ဒကှ်ဂှ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၅၈-၅၉) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောပၠုပ်ဏာအင်္ဂဇာတ် အပ္ဍဲဗတဳဂှ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၆၀-၆၁) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောပၠုပ်ဏာအင်္ဂဇာတ်အပ္ဍဲလၟက်ဂှ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၆၂-၆၃) ပ္ဍဲမွဲအခိင်တေံ ခမဳမွဲဇကု ဃောစဝ်ဒၟံင်အင်္ဂဇာတ်နဍာ်ဂှ် သုက်ဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ကုခမဳဟွံမွဲကဵုစိုတ်မမိက်ကဵုဗလးပတိတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၆၄) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောစဝ်ဒၟံင်အင်္ဂဇာတ်နဍာ်ဂှ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၆၅-၆၆) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောထဗတ်လျတ်အင်္ဂဇာတ်ပ္ဍဲဒၞာဲသတိက်ဂှ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၆၇-၆၈) ပ္ဍဲမွဲအခိင်တေံ ခမဳမွဲဇကု မၞုံစိုတ်မမိက်ကဵုဗလးတိတ်ဒှ်တုဲ ဃောဓဇိုတ်ပေါတ်အင်္ဂဇာတ်နၝောံတဲဂှ် သုက်ဗလးတိတ်ရ ။ ပ ။ သုက်ဟွံဗလးတိတ်ရ၊ “တဳလမၞုံပိုဉ်ကျာ်တြဲ ဂပ်ဝ်ပညပ်လဝ်သိက္ခာပိုဒ်တုဲဒှ်ရ၊ အဲဒးအာပတ်သံဃာဒိသေသ်ဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ၊ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၆၉-၇၀) သုက္ကဝိဿဋ္ဌိသိက္ခာပိုဒ် ပဌမတုဲရ။

၂.၂။ ကာယသံသဂ္ဂသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

၂.၂.၁။ ဝတ္ထုတဳလပိုဉ် ဥဒါယဳ

[ပလေဝ်ဒါန် | ပလေဝ်ဒါန် တမ်ကၞက်]

269) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတဒၟံင် ပ္ဍဲဘာဇေတဝန် မဒှ်အာရှာမ် အနာထပိဏ္ဍိကသေဌဳ ဇရေင်ဍုင်သာရဝှ်ဂှ် တဳလပိုဉ်ဥဒါယဳ သ္ပဒတဴဒၟံင်ပ္ဍဲဂြိုပ်ရ၊ ဘာတဳလပိုဉ်ဥဒါယဳဂှ် ကျေဝ်ဂေါဝ်လောန်ရ၊ ထေက်ကဵုဗဵုသ္ၚေဝ်ရံင်ခိုဟ်ရ၊ လေပ်ကဵုစိုတ်ဇြုင်ကေဝ်ရ၊ မၞုံကဵုဂၠမ်ပ္ဍဲလဒေါဝ်ရ၊ မၞုံကဵုဂၠမ်တာန်ဆံင် ဂေတ်အာကၠုင်နူပွဳပွူရ၊ လးပညပ်စွံလဝ်ဇံင်ခါတ် ဂတဵုဒလာဲခုင်ဇမၠိင် ဖုန်ဂၞဳ ဗွဲမဒးရးရ၊ စွံပတန်လဝ် ဍာ်သုင်ဍာ်ရပ်စပ် ဗွဲမဒးရးရ၊ ကွဟ်လဝ်ပြဝိုဏ်ဗွဲမဒးရးရ၊ မၞိဟ်ဂမၠိုင်မဂၠိုင်လေဝ် သၟိက်ဗဵုဝေင်ဘာ တဳလပိုဉ်ဥဒါယဳတုဲ ကၠုင်အိုတ်ရ၊ ဗဗၞးမွဲတၠလေဝ် မွဲဟာန်ကေုာံသမ္ဘာညးတေံ ပြာပ်ကၠုင်ဇရေင် တဳလပိုဉ်ဥဒါယဳတုဲမ္ဂး “ပိုဲဍိက်တအ်ညးဂမၠိုင် သၟိက်ဗဵုဝေင်ဘာ တဳလပိုဉ်ဥဒါယဳအိုတ်ရ” ရဴဝွံ (အခိင်မဟီုတိုန်) ကဵုတဳလပိုဉ်ဥဒါယဳဂှ် ယွံဗဗၞး ယဝ်ဒှ်သာ်ဂှ်မ္ဂး ဩဝ်ဗဵုညိ ရဴဝွံ ဂိုင်ကေတ်ပသဲတ္ၚံက်တုဲ ၜေါတ်ပတိတ်သၞောဝ်တြင်တုဲမ္ဂး ဓရိုဟ်ပံက်တြင်တုဲ လုပ်အာဘာရ၊ ဗဗၞးဂှ်လေဝ် လုပ်အာနူလက္ကရဴ တဳလပိုဉ်ဥဒါယဳရ၊ ဗဗၞးဗြဴဂှ်လေဝ် လုပ်အာနူလက္ကရဴဗဗၞးဂှ်ရ။ ပ္ဍဲအခိင်ဂှ် တဳလပိုဉ်ဥဒါယဳ သီုပံက်တဴဗတင်ကျာလ္ၚဵု သီုကၟာတ်ဒဝ်တဴဗတင်ကျာလ္ၚဵုဂှ် ဂေတ်အာလၟေင်ဂၠမ်တုဲမ္ဂး ကၠုင်နူလက္ကရဴတုဲ ရပ်ဇွိတ်သပေါတ်အင်္ဂဇၞော် သၟတ်ဗဗၞးဗြဴဂမၠိုင်ဂှ်ရ။ ပ္ဍဲအခိင်ဂှ် ဗဗၞးဂှ် ဟီုဂလာန်မိပ်စိုတ်အိုဟ်တၟိုဟ် ကေုာံတဳလပိုဉ်ဥဒါယဳတုဲ ကလေင်စဴအာရ။ ကြဴနူဂှ် ဗဗၞးဂှ် မိပ်စိုတ်လောန်တုဲ “ခမဳဂမၠိုင် မဒှ်တၞောဝ်ကျာ်ကောန်သၟိင်သာကျဝင်ဝွံ ပြဲသန်အိုတ်ရောင်၊ ခမဳဂမၠိုင်ဂှ် သ္ပဒတဴပ္ဍဲဂြိုပ်မြဴသာ်ဝွံအိုတ်ရောင်၊ တဳလပိုဉ်ဥဒါယဳလေဝ် ပြဲသန်ရ၊ တဳလပိုဉ်ဥဒါယဳဂှ်လေဝ် သ္ပဒတဴပ္ဍဲဂြိုပ်ရ” ရဴဝွံ ဟီုမြော်တိတ်ဂလာန်မိပ်စိုတ်ရ။ ဟီုတဴရဴဝွံမ္ဂး ဗဗၞးဗြဴဂှ် သဘဴခိုဟ်ပြဲ တဳလပိုဉ်ဥဒါယဳဂှ် ပသာ်ဂွံနွံဂှ်ရော? တၠအဲ သၟဟ်ညံင်ရဴရပ်ဇွိတ်သပေါတ်အင်္ဂဇၞော် သၟတ်အဲဂမၠိုင်ကီု တုပ်သၟဟ်သာ်ဝွံဟေင် ခမဳဳဥဒါယဳလေဝ် ရပ်ဇွိတ်သပေါတ်အင်္ဂဇၞော် သၟတ်အဲဂမၠိုင်တုဲရ” ရဴဝွံ ဟီုသ္ဂးကဵုဗဗၞးဂှ်ရ။ ပ္ဍဲအခိင်ဂှ် ဗဗၞးဂှ် “ခမဳဂမၠိုင် ဒှ်တၞောဝ်ကျာ်ကောန်သၟိင်သာကျဝင်ဝွံ ဟွံမွဲဂွဂလေံအိုတ်ရ၊ ဟွံမွဲသဳလအိုတ်ရ၊ မၞုံအလေံဟီုသ္ဂး ဟွံဍာံစၟတ်အိုတ်ရ၊ သီုကဵုဒှ်သာ်ဂှ် ခမဳဂမၠိုင်ဝွံမၞုံအလေံဒ္ဂေတ်တဴဓရ်အိုတ်ရ၊ မၞုံအလေံဒ္ဂေတ်တဴ ဒ္ဂေတ်မသၟဟ်သၟန်အိုတ်ရ၊ မၞုံအလေံဒ္ဂေတ်တဴမပြဲအိုတ်ရ၊ မၞုံအလေံဟီုသ္ဂးဍာံစၟတ်အိုတ်ရ၊ မၞုံကဵုသဳလအိုတ်ရ၊ မၞုံသဘဴခိုဟ်ဆာဲအိုတ်ရ ရဴဝွံ ဂံင်ဒုင်ဝန်အိုတ်ဏီရ၊ ကုခမဳဂမၠိုင်ဝွံ ဒဒှ်ခမဳ ဒဒှ်ညးသပ္ပုရိုသ်ခိုဟ်ပြဲ ဟွံမွဲတုဲရ၊ ကုခမဳဂမၠိုင်ဝွံ ဒဒှ်ခမဳ ဒဒှ်ညးသပ္ပုရိုသ်ခိုဟ်ပြဲကၠေံလီုတုဲရ၊ ကုခမဳဂမၠိုင်ဝွံ သာ်လဵုဒဒှ်ခမဳ ဒဒှ်ညးသပ္ပုရိုသ်ခိုဟ်ပြဲ ဂွံနွံဏီဂှ် ရော? ခမဳဂမၠိုင်ဝွံ စာ်စ္ဍးနူဒဒှ်ခမဳ ဒဒှ်ညးသပ္ပုရိုသ်ခိုဟ်ပြဲအိုတ်တုဲရ၊ မုဟိုတ် ခမဳဥဒါယဳဝွံ ရပ်ဇွိတ်သပေါတ် အင်္ဂဇၞော်သၟတ်သမ္ဘာအဲဂမၠိုင်ဂှ်ရော? ဗြဴကောန်ဂကူ ‘ဗြဴတၠလျိုင်’ ဗြဴဇၞော်ကောန်ဂကူ ‘ဝုတ်ဇၞော်’ သၟတ်ဗြဴကောန်ဂကူ ‘ဝုတ်သၟတ်’ ဂအှ်ဗြဴကောန်ဂကူ ဍိက်ဗြဴကောန်ဂကူဂမၠိုင် ဟွံထေက်ကဵုသွက်ဂွံအာ အာရှာမ်ဘာကီုရ၊ ဗြဴကောန်ဂကူ ‘ဗြဴတၠလျိုင်’ ဗြဴဇၞော်ကောန်ဂကူ ‘ဝုတ်ဇၞော်’ သၟတ်ဗြဴကောန်ဂကူ ‘ဝုတ်သၟတ်’ ဂအှ်ဗြဴကောန်ဂကူ ဍိက်ဗြဴကောန်ဂကူဂမၠိုင် အာတဴအာရှာမ်ကီု ဘာကီုအိုတ်မ္ဂး ဗြဴဂမၠိုင်ဂှ်လေဝ် ခမဳဂမၠိုင် မဒှ်တၞောဝ်ကျာ်ကောန်သၟိင်သာကျဝင်ဝွံ ပလီုပလာ်အိုတ်ရ” ရဴဝွံ ဟီုဂရိုဟ်ရ၊ ပျုတ်ဗ္ဒေက်ရ၊ ဟီုထ္ၜးဒုဟ်ရ။ ခမဳဂမၠိုင် သ္ဂောံမိင်ကေတ်ဂလာန်ဗဗၞးဂှ် ဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်အိုတ်မ္ဂး၊ ယြဴခမဳဂမၠိုင် ပၟိက်အောန်အိုတ်ရ၊ ခမဳဂမၠိုင်ဂှ် “မုဟိုတ် တဳလပိုဉ်ဥဒါယဳ အာစိုပ်ပွမနှဴရဴဇကုတဲမွဲစွံ ကေုာံမၞိဟ်ဗြဴဂှ်ရော? ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် တဳလပိုဉ်ဥဒါယဳ နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသင်ကောံဓရီုတုဲမ္ဂး— “ယွံဥဒါယဳ တၠအဲ အာစိုပ်ပွမနှဴရဴဇကုတဲမွဲစွံ ကေုာံမၞိဟ်ဗြဴရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက် တဳလပိုဉ်ဥဒါယဳရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ “ယွံတြုံမလ္ၚုသၟး (နူမဂ်ဖိုလ်) (ကမၠောန်ပွ) ဝွံ ဟွံထေက်ကုခမဳဂမၠိုင်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ် ဟွံသေင်ရ၊ ဟွံဂပ်ဝ်ရ၊ ဟွံထေက်ကဵုသ္ပရ၊ “ယွံတြုံမလ္ၚုသၟး (နူမဂ်ဖိုလ်) မုဟိုတ် တၠအဲအာစိုပ် ပွမနှဴရဴဇကုတဲမွဲစွံ ကေုာံမၞိဟ်ဗြဴဂှ်ရော? ယွံတြုံမလ္ၚုသၟး (နူမဂ်ဖိုလ်) အဲဂှ် နဟိုတ်မဂၠိုင်ဂၠင် ဟွံတွံလဝ်ဓရ် တၞဟ်နပွမဒှ်မွဲဟာန်ကေုာံရာဂတုဲ တွံလဝ်သွက်ဂွံစာ်စ္ဍးနူရာဂရ ဟွံသေင်ဟာ ။ ပ ။ တွံလဝ်ပွမၜိုဟ်လလမ်ဒတူတၠာဲကာမဂုဏ်ဂမၠိုင်ရ ဟွံသေင်ဟာ။ ယွံတြုံမလ္ၚုသၟး (နူမဂ်ဖိုလ်) (ပွတၠအဲသ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။ 270) ယြဴခမဳမွဲ လကိုဟ်ရာဂ ဂပ်ဝ်လုပ်ဍုန်ဒှ်တုဲ နကဵုစိုတ်မပၠန်ဂတးဂှ် အာစိုပ်ပွမနှဴရဴ ဇကုတဲမွဲစွံ ကေုာံမာတုဂါမ်မ္ဂး၊ အာစိုပ်ပွမရပ်တဲကီု ပွမရပ်ဒွက်သော်ကီု ပွမရပ်ဇွိတ်သပေါတ်အင်္ဂဇေၞာ် သၟတ်မွဲမွဲကီုမ္ဂး၊ ကုခမဳဂှ် ဒးအာပတ်သံဃဒိသေသ်ရ ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

၂.၂.၂။ ပွံက်ကာယသံသဂ္ဂသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

271) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳမ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ လကိုဟ်ရာဂ ဂပ်ဝ်လုပ်ဍုန်ဒှ်တုဲမ္ဂးဂှ် ထၞေန်စပ်လောန်ဒှ်တုဲ မၞုံကဵုပွမသ္ၚေဝ်မွဲဒှ်တုဲ မၞုံစိုတ်မဂပ်ဝ်ဒက်ဂြေန်ပူပါတ်ဒှ်တုဲ။ ပၠန်ဂတးမ္ဂးဂှ် စိုတ်မထၞေန်စပ်လေဝ် ပၠန်ဂတးမ္ဂးရ၊ စိုန်မထေဲပၞတ်လေဝ် ပၠန်ဂတးမ္ဂးရ၊ စိုတ်မဝိဝိင်လေဝ် ပၠန်ဂတးမ္ဂးရ၊ ၜိုန်ဂှ်လေဝ် ပ္ဍဲအရာဝွံ စိုတ်မထၞေန်စပ်ဂှ် ဂပ်ဝ်နွံပၟိက် ရဴဝွံမ္ဂး “ပၠန်ဂတး” ရ။ မာတုဂါမမ္ဂးဂှ် ဗြဴမၞိဟ်ရောင်၊ လကိုဟ် (ဒေဝတဴ) ဗြဴ ဟွံသေင်၊ ပြိုတ်ဗြဴ ဟွံသေင်၊ တိရစ္ဆာန်ဗြဴ ဟွံသေင်၊ ဗွဲတွဵုမယုတ် ကောန်ၚာ်ဗြဴမၜံင်သၠးတိတ်တ္ၚဲဝွံရောင်။ ပ္ဍဲမၞိဟ်ဗြဴအဝယ်ဇေၞာ်ဂှ် သက်ဟီုဟၟဲဟေင်ရ။ မွဲစွံမ္ဂးဂှ် မွဲဟာန်ကေုာံရောင်။ အာစိုပ်ပွမနှဴရဴဇကုတဲမ္ဂးဂှ် သ္ဂးတဴပွမကလိလောန်ရ။ တဲမ္ဂးဂှ် သ္ပတမ်နူတင်တဲတုဲ စဵုစိုပ်တၞုင်သၞေမ်တဲဂှ် (တဲမ္ဂးရ)။ ဒွက်သော်မ္ဂးဂှ် သော်သက်သက်ဂမၠိုင်ကီု သော်မနှဴရဴကေုာံတောဝ်ဂမၠိုင်ကီု သော်မနှဴရဴကေုာံပကဴဂမၠိုင်ကီု သော်မနှဴရဴကေုာံသြန်ထဝ်ဂမၠိုင်ကီု သော်မနှဴရဴကေုာံထဝ်ဂမၠိုင်ကီု သော်မနှဴရဴကေုာံဇၟန်ဗၠဲဂမၠိုင်ကီု သော်မနှဴရဴကေုာံဇၟန်မၞိက်ဂမၠိုင်ကီုဂှ် (ဒွက်သော်မ္ဂးရ)။ အင်္ဂဇၞော်သၟတ်မ္ဂးဂှ် ပါဲကၠေံတဲကီု ဒွက်သော်ကီုတုဲ သၟေဟ်ဂှ် အင်္ဂဇၞော်သၟတ်မ္ဂးရ။

၂.၂.၃။ လၟေင်က္ဍိုဟ်မာတိကာ

[ပလေဝ်ဒါန် | ပလေဝ်ဒါန် တမ်ကၞက်]

272) ပွမဇွိတ်သပေါတ်တူရူ၊ ပွမဇွိတ်သပေါတ်ပြံင်အာ ပြံင်ကၠုင် (နူတေံနူဏံ)၊ တီၞစှေ်လ္ပာ်သၟဝ်တုဲ ပွမဇွိတ်သပေါတ်၊ တိုန်လ္ပာ်လတူတုဲ ပွမဇွိတ်သပေါတ်၊ ဒံင်စှေ်လ္ပာ်သၟဝ်တုဲ ပွမဇွိတ်သပေါတ်၊ ဒံင်တိုန်လ္ပာ်လတူတုဲ ပွမဇွိတ်သပေါတ်၊ ပွမတံင်ဓဇက်နင်တူရူ၊ ပွမတံင်ဓရိုဟ် ပတိတ်၊ ပွမပ္ဍဵုပတ်၊ ပွမကရေပ်၊ ပွမရပ်၊ ပွမတၟတ်ဒွံလုက်စုက်။

၂.၂.၄။ ပွံက်မာတိကာ

[ပလေဝ်ဒါန် | ပလေဝ်ဒါန် တမ်ကၞက်]

ပွမဇွိတ်သပေါတ်တူရူမ္ဂးဂှ် အယာံမာတ်ပွမဇွိတ်သပေါတ်တူရူရောင်။ ပွမဇွိတ်သပေါတ် ပြံင်အာပြံင်ကၠုင်မ္ဂးဂှ် ပွမကဵုချဳအာ နူတေံနူဏအ်ရောင်။ တၞီစှ်လ္ပာ်သၟဝ်တုဲ ပွမဇွိတ်သပေါတ်မ္ဂးဂှ် ပွမဖျေံလ္ပာ်သၟဝ်ရောင်။ တိုန်လ္ပာ်လတူတုဲ ပွမဇွိတ်သပေါတ်မ္ဂးဂှ် ပွမထ္ၜပတိုန်လတူရောင်။ ဒံင်စှေ်လ္ပာ်သၟဝ်တုဲ ပွမဇွိတ်သပေါတ်မ္ဂးဂှ် ပွမကဵုလၟောဝ်စှေ်သၟဝ်ရောင်။ ဒံင်တိုန်လ္ပာ်လတူတုဲ ပွမဇွိတ်သပေါတ်မ္ဂးဂှ် ပွမထ္ၜပတိုန်လတူရောင်။ ပွမတံင်ဓဇက်နင်တူရူ မ္ဂးဂှ် ပွမတံင်ဓဇက်ရောင်။ ပွမတံင်ဓရိုဟ်ပတိတ်မ္ဂးဂှ် ပွမဓရိုဟ်ရောင်။ ပွမပ္ဍဵုပတ်မ္ဂးဂှ် ရပ်ကေတ်အင်္ဂဇၞော်သၟတ်တုဲ ပွမကၞေပ်ရောင်။ ပွမကရေပ်မ္ဂးဂှ် ပွမကရေပ်ကဵုမမိက်ကဵုမွဲမွဲရောင်။ ပွမရပ်မ္ဂးဂှ် အယာံမာတ်ပွမရပ်ရောင်။ ပွမတၟတ်ဒွံလုက်စုက်မ္ဂးဂှ် အယာံမာတ်ဒွံလုက်ဒးရောင်။ သံဃာဒိသေသ်မ္ဂးဂှ် ။ ပ ။ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်” ရ။

၂.၂.၅။ ဗီုဗ္ဂေတ်စက် ကာယသံသဂ္ဂသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

273) မၞိဟ်ဗြဴလေဝ် ဒှ်ရ၊ သမ္တီထေင်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်ဗြဴဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး၊ တၞီစှေ်လ္ပာ်သၟဝ်တုဲ ဇွိတ်သပေါတ်မ္ဂး၊ တိုန်လ္ပာ်လတူတုဲ ဇွိတ်သပေါတ်မ္ဂး၊ ဒံင်စှေ်လ္ပာ်သၟဝ်တုဲ ဇွိတ်သပေါတ်မ္ဂး၊ ဒံင်တိုန်လ္ပာ်လတူတုဲ ဇွိတ်သပေါတ်မ္ဂး၊ တံင်ဓဇက်နင်တူရူမ္ဂး၊ တံင်ဓရိုဟ် ပတိတ်မ္ဂး၊ ပ္ဍုဵပတ်မ္ဂး၊ ကရေပ်မ္ဂး၊ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်သံဃာဒိသေသ်ရ။ မိၞဟ်ဗြဴလေဝ် ဒှ်ရ၊ သၠေဟ်ပၟာတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်ဗြဴဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ်ရ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် ခမၞုဲတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်ဗြဴဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ်ရ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်တြုံတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်ဗြဴဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ်ရ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် တိရစ္ဆာန်တုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်ဗြဴဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ်ရ။ ခမၞုဲလေဝ် ဒှ်ရ၊ သမ္တီထေင်ကေတ် ခမၞုဲတုဲ စိုတ်မထေၞန်စပ်လေဝ် နွံရ၊ ခမဳဂှ်လေဝ် ဇကုခမၞုဲဂှ် နကဵုဇကုဇကု ဇွိတ်အပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ်ရ။ ခမၞုဲလေဝ် ဒှ်ရ၊ သၠေဟ်ပၟာတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုခမၞုဲဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ်ရ။ ခမၞုဲလေဝ် ဒှ်ရ၊ သမ္တီထေင်ကေတ် မၞိဟ်တြုံတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုခမၞုဲဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ်ရ။ ခမၞုဲလေဝ် ဒှ်ရ၊ သမ္တီထေင်ကေတ် တိရစ္ဆာန်တုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုခမၞုဲဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ်ရ။ ခမၞုဲလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုခမၞုဲဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ်ရ။ မၞိဟ်တြုံလေဝ် ဒှ်ရ၊ သမ္တီထေင်ကေတ် မၞိဟ်တြုံတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်တြုံဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ်ရ။ မၞိဟ်တြုံလေဝ် ဒှ်ရ၊ သၠေဟ်ပၟာတုဲ ။ ပ ။ မၞိဟ်တြုံလေဝ် ဒှ်ရ၊ သမ္တီထေင်ကေတ်တိရစ္ဆာန်တုဲ။ မၞိဟ်တြုံလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ။ မၞိဟ်တြုံလေဝ် ဒှ်ရ၊ သမ္တီထေင်ကေတ် ခမၞုဲတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုခမၞုဲဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၞတ်ဒွံလုက်စုက်မ္ဂး၊ ဒးအာပတ်ဒုက္ကဋ်ရ။ တိရစ္ဆာန်လေဝ် ဒှ်ရ၊ သမ္တီထေင်ကေတ် တိရစ္ဆာန်တုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုတိရစ္ဆာန်ဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ်ရ။ တိရစ္ဆာန်လေဝ် ဒှ်ရ၊ သၠေဟ်ပၟာတုဲ ။ ပ။ တိရစ္ဆာန်လေဝ် ဒှ်ရ သမ္တီထေင်ကေတ်မၞိဟ်ဗြဴတုဲ။ တိရစ္ဆာန်လေဝ်ဒှ်ရ၊ သမ္တီထေင်ကေတ် ခမၞုဲတုဲ။ တိရစ္ဆာန်လေဝ် ဒှ်ရ၊ သမ္တီထေင်ကေတ် မၞိဟ်တြုံတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်တြုံဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ်ရ။ ဨကမူတုဲရ။ 274) မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်ဗြဴဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်သံဃာဒိသေသ် ၜါလစုတ်ရ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ မၞုံသၠေဟ်ပၟာတုဲ စိုတ်မထၞေန်စပ်လေဝ်နွံရ၊ ခမဳဂှ်လေဝ် ဇကုမၞိဟ်ဗြဴဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်သံဃာဒိသေသ်ၜါလစုတ်ရ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် ခမၞုဲတုဲ ။ ပ ။ သမ္တီထေင်ကေတ် မၞိဟ်တြုံတုဲ။ သမ္တီထေင်ကေတ် တိရစ္ဆာန်တုဲ စိုတ်မထၞေန်စပ်လေဝ်နွံရ၊ ခမဳဂှ်လေဝ် ဇကုမၞိဟ်ဗြဴဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်သံဃာသေသ်ၜါလစုတ်ရ။ ခမၞုဲဂမၠိုင်ၜါလေဝ် ဒှ်အိုတ်ရ၊ ပ္ဍဲခမၞုဲဂမၠိုင်ၜါ သမ္တီထေင်ကေတ် ခမၞုဲတုဲ စိုတ်မထေၞန်စပ်လေဝ် နွံရ၊ ခမဳဂှ်လေဝ် ဇကုခမၞုဲဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ၜါလစုတ်ရ။ ခမၞုဲဂမၠိုင်ၜါလေဝ် ဒှ်အိုတ်ရ၊ ပ္ဍဲခမၞုဲဂမၠိုင်ၜါ မၞုံသၠေဟ်ပၟာတုဲ ။ ပ ။ သမ္တီထေင်ကေတ်မၞိဟ်တြုံတုဲ။ သမ္တီထေင်ကေတ် တိရစ္ဆာန်တုဲ။ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်ဗြဴဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ၜါလစုတ်ရ။ မၞိဟ်တြုံဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်တြုံဂမၠိုင်ၜါ သမ္တီထေင်ကေတ် မၞိဟ်တြုံတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်တြုံဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ။ မၞိဟ်တြုံဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်တြုံဂမၠိုင်ၜါ မၞုံသၠေဟ်ပၟာတုဲ ။ ပ ။ သမ္တီထေင်ကေတ် တိရစ္ဆာန်တုဲ ။ သမ္တီထေင်ကေတ် မၞိဟ်ဗြဴတုဲ။ သမ္တီထေင်ကေတ် ခမၞုဲတုဲ စိုတ်မထေၞန်စပ်လေဝ် နွံရ၊ ခမဳဂှ်လေဝ် ဇကုခမၞုဲဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ။ တိရစ္ဆာန်ဂမၠိုင်ၜါလေဝ် ဒှ်ရ၊ ပ္ဍဲတိရစ္ဆာန်ဂမၠိုင်ၜါ သမ္တီထေင်ကေတ် တိရစ္ဆာန်တုဲ စိုတ်မထေၞန်စပ်လေဝ် နွံရ၊ ခမဳဂှ်လေဝ် ဇကုတိရစ္ဆာန်ဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ။ တိရစ္ဆာန်ဂမၠိုင်ၜါလေဝ် ဒှ်ရ၊ ပ္ဍဲတိရစ္ဆာန်ဂမၠိုင်ၜါ မၞုံသၠေဟ်ပၟာတုဲ ။ ပ ။ သမ္တီထေင်ကေတ် မၞိဟ်ဗြဴတုဲ။ သမ္တီထေင်ကေတ် ခမၞုဲတုဲ။ သမ္တီထေင်ကေတ် မၞိဟ်တြုံတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်တြုံဂမၠိုင်ၜါဂှ် နကဵုဇကုဇကုဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ။ 275) မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်သံဃာဒိသေသ်ကေုာံဒုက္ကဋ်ရ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ မၞုံသၠေဟ်ပၟာတုဲ စိုတ်မထေၞန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုကမ္ဂး၊ ဒးအာပတ်ထုလ္လစ္စယ် ကေုာံဒုက္ကဋ်ရ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် ခမၞုဲတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ၜါလစုတ်ရ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်တြုံတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ကေုာံဒုက္ကဋ်ရ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် တိရစ္ဆာန်တုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ကေုာံဒုက္ကဋ်ရ။ မၞိဟ်ဗြဴကီု မၞိဟ်တြုံကီုဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ။ မၞိဟ်ဗြဴကီု မၞိဟ်တြုံကီု ဒှ်ရ၊ ပ္ဍဲညးဂမၠိုင်သီုၜါ မၞုံသၠေဟ်ပၟာတုဲ ။ ပ ။ သမ္တီထေင်ကေတ်ခမၞုဲတုဲ။ သမ္တီထေင်ကေတ် မၞိဟ်တြုံတုဲ။ သမ္တီထေင်ကေတ် တိရစ္ဆာန်တုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ်ကေုာံဒုက္ကဋ်ရ။ မၞိဟ်ဗြဴကီု တိရစ္ဆာန်ကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ။ မၞိဟ်ဗြဴကီု တိရစ္ဆာန်ကီု ဒှ်ရ၊ ပ္ဍဲညးဂမၠိုင်သီုၜါ မၞုံသၠေဟ်ပၟာတုဲ ။ ပ ။ သမ္တီထေင်ကေတ်ခမၞုဲတုဲ။ သမ္တီထေင်ကေတ် မၞိဟ်တြုံတုဲ။ သမ္တီထေင်ကေတ် တိရစ္ဆာန်တုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ကေုာံဒုက္ကဋ်ရ။ ခမၞုဲကီု မၞိဟ်တြုံကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် ခမၞုဲတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ကေုာံဒုက္ကဋ်။ ခမၞုဲကီု မၞိဟ်တြုံကီု ဒှ်ရ၊ ပ္ဍဲညးဂမၠိုင်သီုၜါ မၞုံသၠေဟ်ပၟာတုဲ ။ ပ ။ သမ္တီထေင်ကေတ်မၞိဟ်တြုံတုဲ။ သမ္တီထေင်ကေတ် တိရစ္ဆာန်တုဲ ။ ပ ။ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ။ ခမၞုဲကီု တိရစ္ဆာန်ကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် ခမၞုဲတုဲ စိုတ်မထေၞန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ကေုာံဒုက္ကဋ်ရ။ ခမၞုဲကီု တိရစ္ဆာန်ကီု ဒှ်ရ၊ ပ္ဍဲညးဂမၠိုင်သီုၜါ မၞုံသၠေဟ်ပၟာတုဲ ။ ပ ။ သမ္တီထေင်ကေတ် မၞိဟ်တြုံတုဲ။ သမ္တီထေင်ကေတ် တိရစ္ဆာန်တုဲ။ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ။ မၞိဟ်တြုံကီု တိရစ္ဆာန်ကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်တြုံတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ။ မၞိဟ်တြုံကီု တိရစ္ဆာန်ကီု ဒှ်ရ၊ ပ္ဍဲညးဂမၠိုင်သီုၜါ မၞုံသၠေဟ်ပၟာတုဲ ။ ပ ။ သမ္တီထေင်ကေတ်တိရစ္ဆာန်တုဲ။ သမ္တီထေင်ကေတ် မၞိဟ်ဗြဴတုဲ။ သမ္တီထေင်ကေတ် ခမၞုဲတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ။ ဒုမူတုဲရ။ 276) မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထေၞန်စပ်လေဝ် နွံရ၊ ခမဳဂှ်လေဝ် အရာဝတ္ထုမစပ်ကေုာံဇကုမၞိဟ်ဗြဴဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် အရာဝတ္ထု မစပ်ကေုာံဇကုမၞိဟ်ဗြဴဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ၜါလစုတ်ရ ။ ပ ။ မိၞဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် အရာဝတ္ထု မစပ်ကေုာံဇကုညးဂမၠိုင်ၜါဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ကေုာံဒုက္ကဋ်ရ ။ ပ ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်ဗြဴဂှ် နအရာဝတ္ထ မစပ်ကေုာံဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်ဗြဴဂမၠိုင်ၜါဂှ် နအရာဝတ္ထု မစပ်ကေုာံဇကုဇကုဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နအရာဝတ္ထုမစပ်ကေုာံဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ကေုာံဒုက္ကဋ်ရ ။ ပ ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထေၞန်စပ်လေဝ် နွံရ၊ ခမဳဂှ်လေဝ် အရာဝတ္ထု မစပ်ကေုာံဇကုမၞိဟ်ဗြဴဂှ် နအရာဝတ္ထု မစပ်ကေုာံဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် အရာဝတ္ထု မစပ်ကေုာံဇကုမၞိဟ်ဗြဴဂမၠိုင်ၜါဂှ် နအရာဝတ္ထု မစပ်ကေုာံဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် အရာဝတ္ထု မစပ်ကေုာံဇကုညးဂမၠိုင်ၜါဂှ် နအရာဝတ္ထုမစပ်ကေုာံဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်ဗြဴဂှ် နအရာဝတ္ထုဇကု မဂပ်ဝ်သောဝ်ဗလးဏာ ဇွိတ်သပေါတ်တူရူမ္ဂး၊ ဒးအာပတ်ဒုက္ကဋ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုမၞိဟ်ဗြဴဂမၠိုင်ၜါဂှ် နအရာဝတ္ထု ဇကုမဂပ်ဝ်သောဝ်ဗလးဏာ ဇွိတ်သပေါတ်တူရူမ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဇကုညးဂမၠိုင်ၜါဂှ် နအရာဝတ္ထု ဇကုမဂပ်ဝ်သောဝ်ဗလးဏာ ဇွိတ်သပေါတ်တူရူမ္ဂး၊ ဒးအာပတ်ဒုက္ကဋ်ၜါလစုတ်ရ ။ ပ ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် အရာသတ္ထုမစပ် ကေုာံဇကုမၞိဟ်ဗြဴဂှ် နအရာဝတ္ထု ဇကုမဂပ်ဝ်သောဝ်ဗလးဏာ ဇွိတ်သပေါတ်တူရူမ္ဂး၊ ဒးအာပတ်ဒုက္ကဋ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် အရာဝတ္ထု မစပ်ကေုာံဇကုမၞိဟ်ဗြဴဂမၠိုင်ၜါဂှ် နအရာဝတ္ထု ဇကုမဂပ်ဝ်သောဝ်ဗလးဏာ ဇွိတ်သပေါတ်တူရူမ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် အရာဝတ္ထု မစပ်ကေုာံဇကုညးဂမၠိုင်ၜါဂှ် နအရာဝတ္ထု ဇကုမဂပ်ဝ်သောဝ်ဗလးဏာ ဇွိတ်သပေါတ်တူရူမ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထေၞန်စပ်လေဝ် နွံရ၊ ခမဳဂှ်လေဝ် အရာဝတ္ထုမၞိဟ်ဗြဴ မဂပ်ဝ်သောဝ်ဗလးနင်ဂှ် နအရာဝတ္ထု ဇကုမဂပ်ဝ်သောဝ်ဗလးဏာ ဇွိတ်သပေါတ်တူရူမ္ဂး ဒးအာပတ်ဒုက္ကဋ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် အရာဝတ္ထုမၞိဟ်ဗြဴဂမၠိုင်ၜါ မဂပ်ဝ်သောဝ်ဗလးနင်ဂှ် နအရာဝတ္ထုဇကုမဂပ်ဝ်သောဝ်ဗလးဏာ ဇွိတ်သပေါတ်တူရူမ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် အရာဝတ္ထုညးဂမၠိုင်ၜါ မဂပ်ဝ်သောဝ်ဗလးနင်ဂှ် နအရာဝတ္ထုဇကုမဂပ်ဝ်သောဝ်ဗလးဏာ ဇွိတ်သပေါတ်တူရူမ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ ‘ဘိက္ခုပေယျာလ’ စက်ဓလိုက်နူလ္ပာ်ခမဳတုဲရ။ 277) မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ မၞိဟ်ဗြဴဂှ်လေဝ် ဇကုခမဳဂှ် နကဵုဇကုဇကုမၞိဟ်ဗြဴ ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး၊ တၞီစှေ်လ္ပာ်သၟဝ်တုဲ ဇွိတ်သပေါတ်မ္ဂး၊ တိုန်လ္ပာ်လတူတုဲ ဇွိတ်သပေါတ်မ္ဂး၊ ဒံင်စှေ်လ္ပာ်သၟဝ်တုဲ ဇွိတ်သပေါတ်မ္ဂး၊ ဒံင်တိုန်လ္ပာ်လတူတုဲ ဇွိတ်သပေါတ်မ္ဂး၊ တံင်ဓဇက်နင်တူရူမ္ဂး၊ တံင်ဓရိုဟ် ပတိတ်မ္ဂး၊ ပ္ဍဵုပတ်မ္ဂး၊ ကရေပ်မ္ဂး၊ ရပ်မ္ဂး၊ တၟတ်ဒွံလုက်စုက်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး၊ ဒုင်ဝန် ‘သာယျေန်’ တၟက်ဒွံလုက်စုက်မ္ဂး၊ ဒးအာပတ်သံဃာဒိသေသ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ မၞိဟ်ဗြဴဂမၠိုင်ၜါဂှ်လေဝ် ဇကုခမဳဂှ် နကဵုဇကုဇကုတအ် ဇွိတ်သပေါတ်တူရူအိုတ်မ္ဂး၊ ဇွိတ်သပေါတ် ပြံင်အာပြံင်ကၠုင်အိုတ်မ္ဂး တီၞစှေ်လ္ပာ်သၟဝ်တုဲ ဇွိတ်သပေါတ်အိုတ်မ္ဂး တိုန်လ္ပာ်လတူတုဲ ဇွိတ်သပေါတ်အိုတ်မ္ဂး၊ ဒံင်စှေ်လ္ပာ်သၟဝ်တုဲ ဇွိတ်သပေါတ်တဴအိုတ်မ္ဂး၊ ဒံင်တိုန်လ္ပာ်လတူတုဲ ဇွိတ်သပေါတ်အိုတ်မ္ဂး၊ တံင်ဓဇက်နင်တူရူအိုတ်မ္ဂး၊ တံင်ဓရိုဟ်ပတိတ်အိုတ်မ္ဂး၊ ပ္ဍဵုပတ်အိုတ်မ္ဂး၊ ကရေပ်အိုတ်မ္ဂး၊ ရပ်အိုတ်မ္ဂး၊ တၟတ်ဒွံလုက်စုက်တဴအိုတ်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်သံဃာဒိသေသ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ညးဂမၠိုင်ၜါဂှ်လေဝ် ဇကုခမဳဂှ် နကဵုဇကုဇကုတအ် ဇွိတ်သပေါတ်တူရူအိုတ်မ္ဂး၊ ဇွိတ်သပေါတ် ပြံင်အာပြံင်ကၠုင်အိုတ်မ္ဂး ။ ပ ။ ရပ်အိုတ်မ္ဂး၊ တၟတ်ဒွံလုက်စုက်အိုတ်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာနဇရာမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုတ်မ္ဂး ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ်နွံရ၊ မၞိဟ်ဗြဴဂှ်လေဝ် အရာဝတ္ထ မစပ် ကေုာံဇကုခမဳဂှ် နကဵုဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာနဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ်နွံရ၊ မၞိဟ်ဗြဴဂမၠိုင်ဂှ်လေဝ် အရာဝတ္ထုမစပ်ကေုာံဇကုခမဳဂှ် နကဵုဇကုဇကုတအ် ဇွိတ်သပေါတ်တူရူအိုတ်မ္ဂး၊ ဇွိတ်သပေါတ် ပြံင်အာပြံင်ကၠုင်အိုတ်မ္ဂး ။ ပ ။ ရပ်အိုတ်မ္ဂး၊ တၟတ်ဒွံလုက်စုက်အိုတ်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ညးဂမၠိုင်ၜါဂှ်လေဝ် အရာဝတ္ထု မစပ်ကေုာံဇကုခမဳဂှ် နကဵုဇကုဇကုတအ် ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ကေုာံဒုက္ကဋ်ရ ။ ပ ။ မၞိဟ်ဗြဴလေဝ်ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ မၞိဟ်ဗြဴဂှ်လေဝ် ဇကုခမဳဂှ် နအရာဝတ္ထု မစပ်ကေုာံဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ်ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ်ရ ။ ပ ။ မိၞဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ မၞိဟ်ဗြဴဂမၠိုင်ဂှ်လေဝ် ဇကုခမဳဂှ် နအရာဝတ္ထု မစပ်ကေုာံဇကုဇကုတအ် ဇွိတ်သပေါတ်တူရူအိုတ်မ္ဂး၊ ဇွိတ်သပေါတ် ပြံင်အာပြံင်ကၠုင်အိုတ်မ္ဂး ။ ပ ။ ရပ်အိုတ်မ္ဂး၊ တၟတ်ဒွံလုက်စုက်အိုတ်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထေၞန်စပ်လေဝ် နွံရ၊ ညးဂမၠိုင်ၜါဂှ်လေဝ် ဇကုခမဳဂှ် နအရာဝတ္ထု မစပ်ကေုာံဇကုဇကု ဇွိတ်သပေါတ်တူရူအိုတ်မ္ဂး၊ ဇွိတ်သပေါတ် ပြံင်အာပြံင်ကၠုင်အိုတ်မ္ဂး ။ ပ ။ ရပ်အိုတ်မ္ဂး၊ တၟတ်ဒွံလုက်စုက်အိုတ်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာနဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ထုလ္လစ္စယ် ကေုာံဒုက္ကဋ်ရ ။ ပ ။ 278) မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ မၞိဟ်ဗြဴဂှ်လေဝ် အရာဝတ္ထု မစပ်ကေုာံဇကုခမဳဂှ် နအရာဝတ္ထု မစပ်ကေုာံဇကုဇကု ဇွိတ်သပေါတ်တူရူမ္ဂး၊ ဇွိတ်သပေါတ် ပြံင်အာပြံင်ကၠုင်မ္ဂး ။ ပ ။ ရပ်မ္ဂး၊ တၟတ်ဒွံလုက်စုက်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ မၞိဟ်ဗြဴဂမၠိုင်ဂှ်လေဝ် အရာဝတ္ထု မစပ်ကေုာံဇကုခမဳဂှ် နအရာဝတ္ထု မစပ်ကေုာံဇကုဇကုတအ် ဇွိတ်သပေါတ်တူရူအိုတ်မ္ဂး၊ ဇွိတ်သပေါတ် ပြံင်အာပြံင်ကၠုင်အိုတ်မ္ဂး ။ ပ ။ ရပ်အိုတ်မ္ဂး၊ တၟတ်ဒွံလုက်စုက်အိုတ်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာနဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ်ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ညးဂမၠိုင်ၜါဂှ်လေဝ် အရာဝတ္ထု မစပ်ကေုာံဇကုခမဳဂှ် နအရာဝတ္ထုမစပ်ကေုာံဇကုဇကုတအ် ဇွိတ်သပေါတ်တူရူအိုတ်မ္ဂး၊ ဇွိတ်သပေါတ် ပြံင်အာပြံင်ကၠုင်အိုတ်မ္ဂး ။ ပ ။ ရပ်အိုတ်မ္ဂး၊ တၟတ်ဒွံလုက်စုက်အိုတ်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာနဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ မၞိဟ်ဗြဴဂှ်လေဝ် ဇကုခမဳဂှ် နအရာဝတ္ထု ဇကုမဂပ်ဝ်သောဝ်ဗလးဏာ ဇွိတ်သပေါတ်တူရူမ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာနဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ မၞိဟ်ဗြဴဂမၠိုင်ဂှ်လေဝ် ဇကုခမဳဂှ် နအရာဝတ္ထုဇကုမဂပ်ဝ်သောဝ်ဗလးဏာ ဇွိတ်သပေါတ်တူရူမ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာနဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ညးဂမၠိုင်ၜါဂှ်လေဝ် ဇကုခမဳဂှ် နအရာဝတ္ထု ဇကုမဂပ်ဝ်သောဝ်ဗလးဏာဇွိတ်သပေါတ်တူရူမ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာနဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ်နွံရ၊ မၞိဟ်ဗြဴဂှ်လေဝ် အရာဝတ္ထုမစပ်ကေုာံဇကုခမဳဂှ် နအရာဝတ္ထု ဇကုမဂပ်ဝ်သောဝ်ဗလးဏာ ဇွိတ်သပေါတ်တူရူမ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထေၞန်စပ်လေဝ် နွံရ၊ မၞိဟ်ဗြဴဂမၠိုင်ၜါဂှ်လေဝ် အရာဝတ္ထုမစပ်ကေုာံဇကုခမဳဂှ် နအရာဝတ္ထုဇကုတအ်မဂပ်ဝ်သောဝ်ဗလးဏာ ဇွိတ်သပေါတ်တူရူအိုတ်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာနဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ညးဂမၠိုင်ၜါဂှ်လေဝ် အရာဝတ္ထုမစပ်ကေုာံဇကုခမဳဂှ် နအရာဝတ္ထုဇကုတအ် မဂပ်ဝ်သောဝ်ဗလးဏာ ဇွိတ်သပေါတ်တူရူအိုတ်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ မၞိဟ်ဗြဴဂှ်လေဝ် အရာဝတ္ထု ခမဳမဂပ်ဝ်သောဝ်ဗလးနင်ဂှ် နအရာဝတ္ထု ဇကုမဂပ်ဝ်သောဝ်ဗလးဏာ ဇွိတ်သပေါတ်တူရူမ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး၊ တၟတ်ဒွံလုက်စုက်တုန်ဟွံဒုင်ဝန် ‘သာယျေန်’ မ္ဂး၊ ဒးအာပတ်ဒုက္ကဋ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ မၞိဟ်ဗြဴဂမၠိုင်ၜါဂှ်လေဝ် အရာဝတ္ထု ခမဳမဂပ်ဝ်သောဝ်ဗလးနင်ဂှ် နအရာဝတ္ထု ဇကုတအ်မဂပ်ဝ်သောဝ်ဗလးဏာ ဇွိတ်သပေါတ်တူရူအိုတ်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး၊ တၟတ်ဒွံလုက်စုက်တုန် ဟွံဒုင်ဝန် ‘သာယျေန်’ မ္ဂး၊ ဒးအာပတ်ဒုက္ကဋ်ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထေၞန်စပ်လေဝ် နွံရ၊ ညးဂမၠိုင်ၜါဂှ်လေဝ် အရာဝတ္ထု ခမဳမဂပ်ဝ်သောဝ်ဗလးနင်ဂှ် နအရာဝတ္ထု ဇကုတအ်မဂပ်ဝ်သောဝ်ဗလးဏာ ဇွိတ်သပေါတ်တူရူအိုတ်မ္ဂး၊ မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး၊ တၟတ်ဒွံလုက်စုက်တုန် ဟွံဒုင်ဝန် ‘သာယျေန်’ မ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ 279) မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဒးအာပတ်သံဃာဒိသေသ်ရ။ မၞုံပၟိက်သိပ်ဂၠိပ်ဒှ်တုဲ သ္ပလွဳပရာ နဇကုမ္ဂး၊ တၟတ်ဒွံလုက်စုက်တုန် ဟွံဒုင်ဝန် ‘သာယျေန်’ မ္ဂး၊ ဒးအာပတ်ဒုက္ကဋ်ရ။ မၞုံပၟိက်သိပ်ဂၠိပ်ဒှ်တုဲ နဇကုတုန် ဟွံသ္ပလွဳပရာ၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဟွံဒးအာပတ်ရ။ မၞုံပၟိက်သိပ်ဂၠိပ်ဒှ်တုဲ နဇကုလေဝ် ဟွံသ္ပလွဳပရာ၊ တၟတ်ဒွံလုက်စုက်လေဝ် ဟွံဒုင်ဝန် ‘သာယျေန်’ မ္ဂး၊ ဟွံဒးအာပတ်ရ။ မၞုံပိၟက်တိတ်ဗၠးဒှ်တုဲ သ္ပလွဳပရာ နဇကုမ္ဂး၊ ဒုင်ဝန် ‘သာယျေန်’ တၟတ်ဒွံလုက်စုက်မ္ဂး၊ ဟွံဒးအာပတ်ရ။ မၞုံပၟိက်တိတ်ဗၠးဒှ်တုဲ သ္ပလွဳပရာ နဇကုမ္ဂး၊ တၟတ်ဒွံလုက်စုက်တုန် ဟွံဒုင်ဝန် ‘သာယျေန်’ မ္ဂး၊ ဟွံဒးအာပတ်ရ။ မၞုံပၟိက်တိတ်ဗၠးဒှ်တုဲ နဇကုတုန် ဟွံသ္ပလွဳပရာ၊ ဒုင်ဝန် ‘သာယျေန်’ တၟတ်ဒွံလုက်စုက်တဴမ္ဂး၊ ဟွံဒးအာပတ်ရ။ မၞုံပၟိက်တိတ်ဗၠးဒှ်တုဲ နဇကုလေဝ် ဟွံသ္ပလွဳပရာ၊ တၟတ်ဒွံလုက်စုက်လေဝ် ဟွံဒုင်ဝန် ‘သာယျေန်’ မ္ဂး၊ ဟွံဒးအာပတ်ရ။ 280) ကုခမဳ ဟွံမွဲကဵုစေတနာပြာကဋ် ခမဳသတိတိတ်ဗၠး ခမဳဟွံတီ ခမဳဟွံသာယျေန်တဴ ခမဳကြအ်ဉမ္မတ် ခမဳစိုတ်ကလှ်လဖှ် ခမဳဝေဒနာပ္ဍဵုပ္ဍိုက် ခမဳမကလိလောန်ကၠာတဲ ဟွံဒးအာပတ်ရ။ ဗီုဗ္ဂေတ်စက်တုဲရ။

၂.၂.၆။ လၟေင်က္ဍိုပ်မာတိကာ ဝိနဳတဝတ္ထုဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

မိအံက်၊ ကောန်ဝုတ်၊ ၝဲ,ဒေံဗြဴ၊ သမ္ဘာ၊ လကိုဟ် (ဒေဝတဴ) ဗြဴ၊ ခမၞုဲ၊ ဗြဴမတိက်သၠိင်၊ ဇွညးဗြဴ၊ တိရစ္ဆာန်ၝောံ၊ ကောန်ရုပ်ပယျေဝ်ဆု။ ပွမကေၞပ်၊ ဒဒန်၊ ဂၠံင်တရဴ၊ တၞံဆု၊ ဂၠုင်၊ ဇုက်၊ လေံ၊ ပွမဓရိုဟ် နဗဗေင်၊ ပွမလ္ၚောဝ်၊ သ္ပလွဳပရာတုဲ ဟွံလုက်ဒး၊ ဣဝွံတုန် လၟေင်က္ဍိုပ်မာတိကာရောင်။

၂.၂.၇။ ဗီုသ္ဂုတ်သွာတ် ဝိနဳတဝတ္ထုဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

281) ပ္ဍဲမွဲအခိင်တေံ ခမဳမွဲဇကု နပွမဆာန်ကၟိန် မတွံဂးမိအံက်ဂှ် ရပ်ဇွိတ်သပေါတ်ကုမိအံက်ရ၊ “တဳလမၞုံပိုဉ်ကျာ်တြဲ ဂပ်ဝ်ပညပ်လဝ် သိက္ခာပိုဒ်တုဲဒှ်ရ၊ အဲ ဒးအာပတ်သံဃာဒိသေသ်ဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ၊ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁) ပ္ဍဲမွဲအခိင်တေံ ခမဳမွဲဇကု နပွမဆာန်ကၟိန် မတွံဂးကောန်ဝုတ်ဂှ် ရပ်ဇွိတ်သပေါတ်ကုကောန်ဝုတ်ရ ။ ပ ။ နပွမဆာန်ကၟိန် မတွံဂးၝဲ,ဒေံဗြဴဂှ် ရပ်ဇွိတ်သပေါတ် ကုၝဲ,ဒေံဗြဴရ၊ ‘သံသယကုက္ကုစ္စ’ ပွမချပ်သေၠဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၂-၃) ပ္ဍဲမွဲအခိင်တေံ ခမဳမွဲဇကု အာစိုပ်ပွမနှဴရဴဇကုကာယ ကုသမ္ဘာတြေမ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံ (သ္ဂးရ)။ (၄) ပ္ဍဲမွဲအခိင်တေံ ခမဳမွဲဇကု အာစိုပ်ပွမနှဴရဴဇကုကာယ ကုလကိုဟ် (ဒေဝတဴ) ဗြဴရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၅) ပ္ဍဲမွဲအခိင်တေံ ခမဳမွဲဇကု အာစိုပ်ပွမနှဴရဴဇကုကာယ ကုခမၞုဲရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၆) ပ္ဍဲမွဲအခိင်တေံ ခမဳမွဲဇကု အာစိုပ်ပွမနှဴရဴဇကုကာယ ကုဗြဴမတိက်သၠိင်ဒၟံင်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ အာပတ်သံဃာဒိသေသ်ရ ရဴဝွံ (သ္ဂးရ)။ (၇) ပ္ဍဲမွဲအခိင်တေံ ခမဳမွဲဇကု အာစိုပ်ပွမနှဴရဴဇကုကာယ ကုဇွညးဗြဴရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၈) ပ္ဍဲမွဲအခိင်တေံ ခမဳမွဲဇကု အာစိုပ်ပွမနှဴရဴဇကုကာယ ကုတိရစ္ဆာန်ၝောံရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၉) ပ္ဍဲမွဲအခိင်တေံ ခမဳမွဲဇကု အာစိုပ်ပွမနှဴရဴဇကုကာယ ကုကောန်ရုပ်ပယျေဝ်ဆုရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၀) 282) ပ္ဍဲမွဲအခိင်တေံ ညးဗြဴဂမၠိုင်ဗွဲမဂၠိုင် ကၞေပ်ကရေပ်ခမဳမွဲဇကုတုဲ ရင်တၠုင်ဏာနသပါတဲအဆက်အဆက်အိုတ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ သာယျေန်ဒးဟာ ရဴဝွံ (သၟာန်တိုန်ဂှ်) ယွံကျာ်မၞုံပိုဉ် အဲဍိက်ဟွံသာယျေန်တဴရ ရဴဝွံ (ဂရင်ပတီရ)။ ယွံခမဳ ကုခမဳဟွံသာယျေန်ဂှ် ဟွံဒးအာပတ်ရ ရဴဝွံ (သ္ဂးရ)။ (၁၁) ပ္ဍဲမွဲအခိင်တေံ ခမဳမွဲဇကု မၞုံစိုတ်မထၞေန်စပ်ဒှ်တုဲ ဂရိုဟ်ဂဝုဲဒဒန် ညးဗြဴကွာ်တတ်အာဒၟံင်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၂) ပ္ဍဲမွဲအခိင်တေံ ခမဳမွဲဇကု ညာတ်ကေတ်ညးဗြဴ ပ္ဍဲဒစးတရဴတုဲ မၞုံစိုတ်မထၞေန်စပ်ဒှ်တုဲ တေက်တဴ နကဵုတၞုင်ပၞးရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံ (သ္ဂးရ)။ (၁၃) ပ္ဍဲမွဲအခိင်တေံ ခမဳမွဲဇကု မၞုံစိုတ်မထၞေန်စပ်ဒှ်တုဲ ဂရိုဟ်ဂဝုဲတၞံဆု ညးဗြဴတိုန်ဒၟံင်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၄) ပ္ဍဲမွဲအခိင်တေံ ခမဳမွဲဇကု မၞုံစိုတ်မထၞေန်စပ်ဒှ်တုဲ ဂရိုဟ်ပချဳ ဂၠုင် ညးဗြဴဍိုက်ဒၟံင်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၅) ပ္ဍဲမွဲအခိင်တေံ ခမဳမွဲဇကု မၞုံစိုတ်မထၞေန်စပ်ဒှ်တုဲ တံင်ဓဇက်ဇုက် ညးဗြဴရပ်လဝ်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၆) ပ္ဍဲမွဲအခိင်တေံ ခမဳမွဲဇကု မၞုံစိုတ်မထၞေန်စပ်ဒှ်တုဲ တံင်ဓဇက်လေံ ညးဗြဴရပ်လဝ်ရ၊ ‘သံသယကုက္ကစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၇) ပ္ဍဲမွဲအခိင်တေံ ခမဳမွဲဇကု မၞုံစိုတ်မထၞေန်စပ်ဒှ်တုဲ ဓရိုဟ်ညးဗြဴ နကဵုဗဗေင်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၁၈) ပ္ဍဲမွဲအခိင်တေံ ခမဳမွဲဇကု ညးဗြဴဂှ် လေ္ၚာဝ်သ္ပဝတ်မ္ဂး မၞုံစိုတ်မထၞေန်စပ်ဒှ်တုဲ ယာပတိုန်ဇိုင်ရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံ (သ္ဂးရ)။ (၁၉) ပ္ဍဲမွဲအခိင်တေံ ခမဳမွဲဇကု ကြက်ရပ်ညးဗြဴရ ရဴဝွံ ၜိုန်သ္ပလွဳပရာလေဝ် ဟွံလုက်စုက်ဒးရ၊ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၂၀) ကာယသံသဂ္ဂသိက္ခာပိုဒ် ဒုတိယတုဲရ။

၂.၃။ ဒု ဋ္ဌုလ္လဝါစာသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

၂.၃.၁။ ဝတ္ထုတဳလပိုဉ် ဥဒါယဳ

[ပလေဝ်ဒါန် | ပလေဝ်ဒါန် တမ်ကၞက်]

283) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာဇေတဝန် မဒှ်အာရှာမ် အနာထပိဏ္ဍကသေဌဳ ဇရေင်ဍုင်သာရဝှ်ဂှ် တဳလပိုဉ်ဥဒါယဳ သ္ပဒတဴဒၟံင်ပ္ဍဲဂြိုပ်ရ၊ ဘာတဳလပိုဉ်ဥဒါယဳဂှ် ကျေဝ်ဂေါဝ်လောန်ရ၊ ထေက်ကဵုဗဵုသ္ၚေဝ်ရံင်ခိုဟ်ရ၊ လေပ်ကဵုစိုတ်ဇြုင်ကေဝ်ရ။ ပ္ဍဲအခိင်ဂှ် ညးဗြဴဂမၠိုင်ဗွဲမဂၠိုင် သၟိက်ဗဵုဝေင်ဘာဂှ် ကၠုင်တဴအပ္ဍဲအာရှာမ်အိုတ်ရ၊ ပ္ဍဲကြဴနူဂှ် ညးဗြဴဂမၠိုင်ဂှ် ပြာပ်ကၠုင်ဇရေင် တဳလပိုဉ်ဥဒါယဳအိုတ်တုဲ “ယွံတဳလပိုဉ် ပိုဲဍိက်တအ် ညးဂမၠိုင် သၟိက်ဗဵုဝေင်ဘာတဳလပိုဉ်ဥဒါယဳအိုတ်ရ” ရဴဝွံ ဂရင်ပတီ တဳလပိုဉ်ဥဒါယဳအိုတ်ရ၊ ပ္ဍဲအခိင်ဂှ် တဳလပိုဉ်ဥဒါယဳကဵုညးဗြဴဂမၠိုင် ဗဵုဝေင်ဘာတုဲမ္ဂး ရန်ကဵုဝစ္စမဂ် ပဿာဝမဂ်ညးဗြဴဂမၠိုင်ဂှ်တုဲ ဂုဏ်ဂှ်လေဝ်သ္ဂးရ၊ မသက္ကုဂုဏ် (ဂလာန်ဂရိုဟ်) လေဝ် သ္ဂးရ၊ အာတ်လေဝ် အာတ်ရ၊ ထပ်ကဵုထပ်လေဝ် အာတ်ရ၊ သၟာန်လေဝ် သၟာန်ရ၊ ကလေင်တုဲလေဝ် သၟာန်ပၠန်ရ၊ ဟီုလေဝ်ဟီုရ၊ ဒၠောံဗတောန်လေဝ် ဒၠောံဗတောန်ရ၊ တ္ၜေဟ်လက်လေဝ် တ္ၜေဟ်လက်ရ၊ ယြဴဗြဴဂမၠိုင် စာ်စ္ဍးနူ ‘ဩတ္တပ္ပ’ ပွမလကိုတ်ပါပ်အိုတ်ရ၊ မၞုံသဘဴတ္ၚံက်စၞာဲအိုတ်ရ၊ စာ်စ္ဍးနူဂွပါပ်အိုတ်ရ၊ ဗြဴဂမၠိုင်ဂှ် အီလေဝ်အီ ကေုာံတဳလပိုဉ်ဥဒါယဳ မွဲစွံအိုတ်ရ၊ ပတိုန်တုဲလေဝ် ဟီုအိုတ်ရ၊ ဗွဲမသကာတ်လေဝ် ဂြိုင်ဂ အှေ်အိုတ်ရ၊ ဗျံက်လေဝ် ဟီုဗျံက်တဴအိုတ်ရ။ ယြဴဗြဴဂမၠိုင်တုန် မၞုံစိုတ်လေပ်ဂွဖေက်အိုတ်ရ၊ ဗြဴဂမၠိုင်ဂှ် တိတ်အာအိုတ်တုဲ “ယွံတဳလပိုဉ်တအ် ဂလာန် (တဳလပိုဉ်ဥဒါယဳ) ဟီုသ္ဂးဝွံ ဟွံထေက်ရ၊ ဟွံဗဗွဲရ၊ ပိုဲဍိက်ဗြဴတအ်ညးဂမၠိုင် တြုံတၠသ္ၚိဂှ် ဂပ်ဝ်ဟီုသ္ဂးရဴဝွံမှ ဟွံမွဲပၟိက်အိုတ်ရ၊ တဳလပိုဉ်ဥဒါယဳ ဂပ်ဝ်ဟီုသ္ဂးတုန် ပသာ်သ္ဂောံနွံပၟိက်အိုတ်ဂှ်ရော?” ရဴဝွံ ကဵုခမဳဂမၠိုင် ဟီုဂရိုဟ်အိုတ်ရ၊ (ဟီုတေင်ကဵုခမဳဂမၠိုင်အိုတ်ရ။) ခမဳပၟိက်အောန်ဂမၠိုင် “တဳလပိုဉ်ဥဒါယဳ မုဟိုတ်သ္ဂောံဟီုဂရိုင်စရဵုကဵုညးဗြဴ နဂလာန်မရုန်မဵုသကာတ်မြဟ်ဂမၠိုင်ဂှ်ရော?” ရဴဝွံ ဟီုဂရိုဟ်တင်ဒုဟ် တဳလပိုဉ်ဥဒါယဳ နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသင်ကောံဓရီုတုဲမ္ဂး— “ယွံဥဒါယဳ တၠအဲ ဟီုဂရိုင်စရဵုကဵုညးဗြဴနဂလာန်မရုန်မဵု သကာတ်မြဟ်ဂမၠိုင်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက် တဳလပိုဉ်ဥဒါယဳရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ “ယွံတြုံမလ္ၚုသၟး (နူမဂ်ဖိုလ်) (ကမၠောန်ပွ) ဝွံ ဟွံထေက်ကုခမဳဂမၠိုင်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာ ခမဳတအ်ဟွံသေင်ရ၊ ဟွံဂပ်ဝ်ရ၊ ဟွံထေက်ကဵုသ္ပရ၊ “ယွံတြုံမလ္ၚုသၟး (နူမဂ်ဖိုလ်) မုဟိုတ် တၠအဲဟီုဂရိုင်စရဵုကဵုညးဗြဴ နဂလာန်မရုန်မဵု သကာတ်မြဟ်ဂမၠိုင်ဂှ်ရော? ယွံတြုံမလ္ၚုသၟး (နူမဂ်ဖိုလ်) အဲဂှ် နဟိုတ်မဂၠိုင်ဂၠင် ဟွံတွံလဝ်ဓရ် တၞဟ်နပွမဒှ်မွဲဟာန်ကေုာံရာဂတုဲ တွံလဝ် သွက်ဂွံစာ်စ္ဍးနူရာဂရ ဟွံသေင်ဟာ ။ ပ ။ တွံလဝ် ပွမၜိုဟ်လလမ်ဒတူတၠာဲကာမဂုဏ်ဂမၠိုင်ရ ဟွံသေင်ဟာ။ ယွံတြုံမလ္ၚုသၟး (နူမဂ်ဖိုလ်) (ပွတၠအဲသ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နကဵုလျုင်ဇြုင်သ္ဍိုက်ကီု ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။ 284) ယြဴခမဳမွဲ လကိုဟ်ရာဂ ဂပ်ဝ်ဍုန်ဒှ်တုဲ နကဵုစိုတ်မပၠန်ဂတးဂှ် သၟတ်ဗၠာဲဂှ် သၟဟ်ညံင်ရဴ ဟီုဂရိုင်စရဵုကဵုသၟတ်ဝုတ် နဂလာန်မစပ်ကေုာံမေထုန်ဂမၠိုင်ကီု ဟီုဂရိုင်စရဵုကဵုညးဗြဴ နဂလာန်မရုန်မဵု သကာတ်မြဟ်ဂမၠိုင်မ္ဂး၊ ကုခမဳဂှ် ဒးအာပတ်သံဃာဒိသေသ်ရ ရဴဝွံ (ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ ရဴဝွံ သ္ဂးရ)။

၂.၃.၂။ ပွံက်ဒုဋ္ဌုလ္လဝါစစာသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

285) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳ မ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ လကိုဟ်ရာဂ ဂပ်ဝ်လုပ်ဍုန်ဒှ်တုဲ မ္ဂးဂှ် ထၞေန်စပ်လောန်ဒှ်တုဲ မၞုံကဵုပွမသ္ၚေဝ်မွဲဒှ်တုဲ မၞုံစိုတ်မဂပ်ဝ်ဒက်ဂြေန်ပူပါန်ဒှ်တုဲ။ ပၠန်ဂတး မ္ဂးဂှ် စိုတ်မထၞေန်စပ်လေဝ် ပၠန်ဂတးမ္ဂးရ၊ စိုတ်မထေဲပၞတ်လေဝ် ပၠန်ဂတးမ္ဂးရ၊ စိုတ်မဝိဝိင်လေဝ်ပၠန်ဂတးမ္ဂးရ၊ ၜိုန်ဂှ်လေဝ် ပ္ဍဲအရာဝွံ စိုတ်မထၞေန်စပ်ဂှ် ဂပ်ဝ်နွံပၟိက်ရဴဝွံမ္ဂး “ပၠန်ဂတး” ရ။ မာတုဂါမ မ္ဂးဂှ် ဗြဴမၞိဟ်ရောင်၊ လကိုဟ် (ဒေဝတဴ) ဗြဴ ဟွံသေင်၊ ပြိုတ်ဗြဴ ဟွံသေင်၊ တိရစ္ဆာန်ဗြဴ ဟွံသေင်၊ မၞိဟ်ဗြဴမသၟဟ်စောံတီကၠိုဟ်ခၠင် ဂလာန်ခိုဟ် ဟွံခိုဟ် ရုန်မဵု ဟွံရုန်မဵုရောင်။ ဂလာန်မရုန်မဵု သကာတ်မြဟ် မ္ဂးဂှ် ဂလာန်မစပ်ကေုာံဝစ္စမဂ် ပဿာဝမဂ် မေထုန်ရောင်။ ဟီုဂရိုင်စရဵုမ္ဂး မ္ဂးဂှ် သ္ဂးတဴပွမကလိလောန်ရ။ သၟတ်ဗၠာဲဂှ် ညံင်ရဴသၟတ်ဝုတ် မ္ဂးဂှ် သၟတ်တြုံဂှ် သၟတ်ဗြဴ သၟတ်ဗၠာဲဂှ် သၟတ်ဝုတ်ညးဒုင်စသိုင်ကာမဂုဏ်ဂှ် ညးဗြဴဒုင်စသိုင်ကာမဂုဏ်။ နဂလာန်မစပ် ကေုာံမေထုန် မ္ဂးဂှ် နဂလာန်မစိုန်သကီု ကေုာံမေထုန်။ သံဃာဒိသေသ်မ္ဂး ဂှ် ။ ပ ။ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်ရ” ရ။

⎈ လၟေင်က္ဍိုပ်မာတိကာ

[ပလေဝ်ဒါန် | ပလေဝ်ဒါန် တမ်ကၞက်]

ရန်ကဵုဝစ္စမဂ် ပဿာဝမဂ်ဂမၠိုင်ၜါတုဲ ဂုဏ်ဂှ်လေဝ် သ္ဂးရ၊ မသက္ကုဂုဏ် (ဂလာန်ဂရိုဟ်) လေဝ်သ္ဂးရ၊ အာတ်လေဝ် အာတ်ရ၊ ထပ်ကဵုထပ်လေဝ် အာတ်ရ၊ သၟာန်လေဝ် သၟာန်ရ၊ ကလေင်သၟာန်တုဲလေဝ် သၟာန်ပၠန်ရ၊ ဟီုလေဝ် ဟီုရ၊ ဒၠောံဗတောန်လေဝ် ဒၠောံဗတောန်တဴရ၊ တ္ၜေဟ်လက်လေဝ် တ္ၜေဟ်လက်ရ။

⎈ ပွံက်မာတိကာ

[ပလေဝ်ဒါန် | ပလေဝ်ဒါန် တမ်ကၞက်]

ဟီုသ္ဂးဂုဏ်ရ မ္ဂးဂှ် ဟီုပတိုန်ဝစ္စမဂ် ပဿာဝမဂ်ဂမၠိုင်ၜါရ၊ ဟီုသ္ဂးဂုဏ်ရ၊ ထိုင်သးရ။ ဟီုသ္ဂးမသက္ကုဂုဏ် (ဂလာန်ဂရိုဟ်) ရ မ္ဂးဂှ် တ္ၜေဟ်လက်ဝစ္စမဂ် ပဿာဝမဂ်ဂမၠိုင်ၜါရ၊ ပျုတ်ဗ္ဒေက်ရ၊ ဟီုဂရိုဟ်ရ။ အာတ်ရ မ္ဂးဂှ် ကဵုကုအဲညိ၊ ထေက်ကဵုကဵုကုအဲရ ရဴဝွံ (သ္ဂးရ)။ အာတ်ထပ်ကဵုထပ်ရ မ္ဂးဂှ် မုရဴပ္ဍဲအခိင်ဝွံ မိအံက်တၠအဲ ကြက်လျုင်စိုတ်ဂှ်ရော? မုရဴ ပ္ဍဲအခိင်မွဲ မအံက်တၠအဲ ကြက်လျုင်စိုတ်ဂှ်ရော? မုရဴပ္ဍဲအခိင်မွဲ ဒေဝတဴတၠအဲဂမၠိုင် ကြက်လျုင်စိုတ်အိုတ်ဂှ်ရော? မုရဴပ္ဍဲအခိင်မွဲ ကြက်ဒှ်အခိင်ခိုဟ်အခါခိုဟ် အခေါင်ခိုဟ်ဂှ်ရော? မုရဴ ပ္ဍဲအခိင်မွဲ တၠအဲ ကြက်ကလိဂွံ ဒ္ဂေတ်မေထုန်တၠအဲဂှ်ရော? ရဴဝွံ (သ္ဂးရ)။ သၟာန်ရ မ္ဂးဂှ် တၠအဲ ပသာ်ကဵုတဴ ကုတြုံဇၞော်ဂှ်ရော? တၠအဲ ပသာ်ကဵုတဴ ကုတြုံသၟတ်ရော? ရဴဝွံ (သ္ဂးရ)။ ကလေင်သၟာန်ရ မ္ဂးဂှ် တၠအဲ ကဵုတဴကုတြုံဇၞော် ရဴဝွံဟာ၊ တၠအဲ ကဵုတဴကုတြုံသၟတ် ရဴဝွံဟာ ရဴဝွံ (သ္ဂးရ)။ ဟီုရ မ္ဂးဂှ် ဂပ်ဝ်သၟာန်ဒှ်တုဲ “ဩဝ်ကဵုရဴဝွံညိ၊ ဗြဴမကဵုရဴဝွံဂှ် တြုံတၠသ္ၚိ ကြက်သ္ဍိုက်ဆာန်သၞေံသၞဴဒးဂၞပ်ရ” ရဴဝွံ (သ္ဂးရ။ ဒၠောံဗတောန်ရ မ္ဂးဂှ် ဟီုဟွံသၟာန်ဂှ် “ဩဝ်ကဵုရဴဝွံညိ၊ ဗြဴမကဵုရဴဝွံဂှ် တြုံတၠသ္ၚိ ကြက်သ္ဍိုက်ဆာန်သၞေံသၞဴဒးဂၞပ်ရ” ရဴဝွံ (သ္ဂးရ)။ တ္ၜေဟ်လက်ရ မ္ဂးဂှ် ကုတၠအဲဂှ် ဟွံမွဲကဵုနိမိတ်ဗြဴရ၊ မၞုံအယာံမာတ်နိမိတ်ဗြဴဟေင်ရ၊ ဆီကျာဟွံဇွောဝ် ‘ဥတုဟွံကၠုင်’ ရ၊ ဆီကျာ်ဇွောဝ်တိတ်ဒၟံင်လၟိုန်ရ၊ မၞုံကဵုယာတ်ကသအ် ပြိုက်ချအ်ကၟာတ်လဝ်လၟိုန်ရ၊ ဆီပဿဴဇွောဝ်ဒၟံင်ရ၊ ဖျုန်ဂၠန်ဂၠိင်ရ၊ (မကေအ်ဂၠိင်ရ)၊ ဒှ်ဗြဴခမၞုဲရ၊ ဒှ်ဗြဴအယောင်အလာ တုပ်ညးတြုံရ၊ မဂ်ၜါစပ်ဒၟံင်ရ၊ ဒှ်ဥဘတောဗျဉ် ‘ညးလိင်နွံၜါ’ ရ ရဴဝွံ သ္ဂးရ။


286) မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုဝစ္စမဂ် ပဿာဝမဂ်ဗြဴဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး၊ အာတ်လေဝ် အာတ်မ္ဂး၊ ထပ်ကဵုထပ်လေဝ် အာတ်မ္ဂး၊ သၟာန်လေဝ်သၟာန်မ္ဂး၊ ကလေင်တုဲလေဝ် သၟာန်ပၠန်မ္ဂး၊ ဟီုလေဝ် ဟီုမ္ဂး၊ ဒၠောံဗတောန်လေဝ် ဒၠောံဗတောန်မ္ဂး၊ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်သံဃာဒိသေသ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုဝစ္စမဂ် ပဿာဝမဂ် ဗြဴဂမၠိုင်ၜါဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်သံဃာဒိသေသ်ရ ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုဝစ္စမဂ် ပဿာဝမဂ် ညးဂမၠိုင်ၜါဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်သံဃာဒိသေသ်ရ ကေုာံဒုက္ကဋ်ရ ။ ပ ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ပါဲကၠေံဝစ္စမဂ် ပဿာဝမဂ် ဗြဴဂမၠိုင်ၜါဂှ်တုဲ ရန်ကဵုသၟဝ်ဇုတ်ကၞင်ကအ်ၜါ လတူဗၞဳအဝဏ်တင်က္ၜံင်ၜါ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ထုလ္လစ္စယ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ပါဲကၠေံဝစ္စမဂ် ပဿာဝမဂ် ဗြဴဂမၠိုင်ၜါဂှ်တုဲ ရန်ကဵုသၟဝ်ဇုတ်ကၞင်ကအ်ၜါ လတူဗၞဳအဝဏ်တင်က္ၜံင်ၜါ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ထုလ္လစ္စယ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ပါဲကၠေံဝစ္စမဂ် ပဿာဝမဂ် ညးဂမၠိုင်ၜါဂှ်တုဲ ရန်ကဵုသၟဝ်ဇုတ်ကၞင်ကအ်ၜါ လတူဗၞဳအဝဏ်တင်က္ၜံင်ၜါတုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ထုလ္လစ္စယ် ကေုာံဒုက္ကဋ်ရ ။ ပ ။ မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုသၟဝ်ဇုတ်ကၞင်ကအ်ၜါ လတူဗၞဳအဝဏ်တင်က္ၜံင်ၜါဗြဴဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ဒုက္ကဋ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုသၟဝ်ဇုတ်ကၞင်ကအ်ၜါ လတူဗၞဳအဝဏ်တင်က္ၜံင်ၜါဗြဴဂမၠိုင်ၜါဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုသၟဝ်ဇုတ်ကၞင်ကအ်ၜါ လတူဗၞဳအဝဏ်တင်က္ၜံင်ၜါတုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုအရာဝတ္ထု မစပ်ကေုာံဇကုညးဂမၠိုင်ၜါဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုင်သီုၜါ သမ္တီထေင်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုအရာဝတ္ထုမစပ်ကေုာံဇကုညးဂမၠိုင်ၜါဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ဒုက္ကဋ် ၜါလစုတ်ရ ။ ပ ။


287) ကုခမဳ မသ္ပတူရူကဵုအရထ ခမဳမသ္ပတူရူကဵုပါဠိ ခမဳမသ္ပတူရူကဵု ပွမဒၠောံဗတောန် ခမဳကြအ်ဥမ္မတ် ခမဳမကလိလောန်ကၠာတဲ ဟွံဒးအာပတ်ရ။

၂.၃.၃။ လၟေင်က္ဍိုပ်မာတိကာ ဝိနဳတဝတ္ထု

[ပလေဝ်ဒါန် | ပလေဝ်ဒါန် တမ်ကၞက်]

ဗကေတ်ဍာဲရ၊ တီုတ္ဍတ်ရ၊ ထုဲၜန်ရ၊ ကြံင်မ္ၚိုဟ်ရ၊ ဂၠိင်ရ၊ ဂပ်ဝ်ဂြာတ်တဵုပဠုမ်တုဲရဟာ၊ တရဴဂၠေံဟာ၊ မၞုံကဵုဓရ်သဒ္ဓါရ၊ ပွမကဵုဒါန်၊ ကမၠောန်ကေင်ကာ၊ ဣဝွံတုန် လၟေင်က္ဍိုပ်မာတိကာရောင်။

၂.၃.၄။ ဗီုသ္ကုတ်သွာတ် ဝိနဳတဝတ္ထုဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

288) ပ္ဍဲမွဲအခိင်တေံ ဗြဴမွဲ ဂြောပ်လတက်လဝ်ယာတ်ကၟဝ် ဖျောန်လဝ်တၟိတၟိရ၊ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂြပ်တၠအဲ ဗကေတ်ဍာဲရ” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တင်မမိက်သ္ဂး) တုဲ ဍာံပြရ ယွံတဳလပိုဉ် ယာတ်ကၟဝ်ဆဂွံဖျောန်လဝ်တုဲဒှ်ရ ရဴဝွံ (ဂရင်ပတီရ)။ “တဳလမၞုံပိုဉ်ကျာ်တြဲ ဂပ်ဝ်ပညပ်လဝ် သိက္ခာပိုဒ်တုဲဒှ်ရ၊ အဲဒးအာပတ်သံဃာဒိသေသ်ဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁) ပ္ဍဲမွဲအခိင်တေံ ဗြဴမွဲ ဂြောပ်လတက်လဝ် ယာတ်ကၟဝ်မကြံင်မ္ၚိုဟ်ရ၊ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂြပ်တၠအဲ တသော်တီုရ” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တင်မမိက်သ္ဂး) တုဲ ဍာံပြရ ယွံတဳလပိုဉ် ယာတ်ကၟဝ်မကြံင်မ္ၚိုဟ်ဒှ်ရ ရဴဝွံ (ဂရင်ပတီရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၂) ပ္ဍဲမွဲအခိင်တေံ ဗြဴမွဲ ဂြောပ်လတက်လဝ်ယာတ်ကၟဝ် တုတ်လဝ်တၟိတၟိရ၊ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂြပ်တၠအဲ တသော်ထုဲရ” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တင်မမိက်သ္ဂး) တုဲ ဍာံပြရ ယွံတဳလပိုဉ် ယာတ်ကၟဝ်ဆဂွံတုတ်လဝ်တုဲဒှ်ရ ရဴဝွံ (ဂရင်ပတီရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၃) ပ္ဍဲမွဲအခိင်တေံ ဗြဴမွဲ ဂြောပ်လတက်လဝ် ယာတ်ကၟဝ်မကြံင်မ္ၚိုဟ်ရ၊ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂြပ်တၠအဲ တသော်ကြံင်ရ” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တင်မမိက်သ္ဂး) တုဲ ဍာံပြရ ယွံတဳလပိုဉ် ယာတ်ကၟဝ်မကြံင်မ္ၚိုဟ်ဒှ်ရ ရဴဝွံ (ဂရင်ပတီရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၄) ပ္ဍဲမွဲအခိင်တေံ ဗြဴမွဲ ဂြောပ်လတက်လဝ် ယာတ်ခ္ဍဳ (ယာတ်ဍောတ်၊ ပဝါ) ရ၊ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂြပ်တၠအဲ တသော်ဂၠိင်ရ” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တင်မမိက်သ္ဂး) တုဲ ဍာံပြရ ယွံတဳလပိုဉ် ယာတ်ခ္ဍဳ (ယာတ်ဍောတ်) ဒှ်ရ ရဴဝွံ (ဂရင်ပတီရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၅)


289) ပ္ဍဲမွဲအခိင်တေံ ဗြဴမွဲ ကဵုဂြာတ်တဵုမတုဲ ကလေင်ကၠုင်ရ၊ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂြပ်တၠအဲ ဂပ်ဝ်ဂြာတ်တဵုတုဲရဟာ” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တင်မမိက်သ္ဂး) တုဲ ဍာံပြရ ယွံတဳလပိုဉ် ဂြာတ်တဵုဟွံတုဲဏီရ ရဴဝွံ (ဂရင်ပတီရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၆) ပ္ဍဲမွဲအခိင်တေံ ခမဳမွဲဇကု ညာတ်ကေတ် ပြဘာဇ်ဗြဴ ပ္ဍဲဒစးတရဴတုဲ၊ မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂၠံင်တရဴဂၠေံဟာ” ရဴဝွံ ဟီုသ္ဂးကဵုပြဘာဇ်ဗြဴဂှ်ရ၊ ပြဘာဇ်ဗြဴဂှ် ဟွံတီ (တင်မမိက်သ္ဂး) တုဲ ဍာံပြရ ယွံတဳလပိုဉ် ကြက်ဒးအာရ ရဴဝွံ (ဂရင်ပတီရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၇) ပ္ဍဲမွဲအခိင်တေံ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ တၠအဲ မၞုံဓရ်သဒ္ဓါရ၊ ၜိုန်ဂှ်လေဝ် အရာဝတ္ထုမကဵုတြုံတၠသ္ၚိ တၠအဲဂှ် ဟွံကဵုဒါန် ကုပိုဲညးဂမၠိုင်ရ” ရဴဝွံ ဟီုသ္ဂးကဵုဗြဴဂှ်ရ။ ယွံတဳလပိုဉ် မုအရာဝတ္ထုဂှ်ရော? ရဴဝွံ (ဂရင်ပတီရ)။ ဒ္ဂေတ်မေထုန်ရောင် ရဴဝွံ ဟီုသ္ဂးရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံ (သ္ဂးရ)။ (၈) ပ္ဍဲမွဲအခိင်တေံ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ တၠအဲ မၞုံဓရ်သဒ္ဓါရ၊ ၜိုန်ဂှ်လေဝ် ဒါန်ပြဲအိုတ်ဂှ် ဟွံကဵုဒါန် ကုပိုဲညးဂမၠိုင်ရ” ရဴဝွံ ဟီုသ္ဂးကဵုဗြဴဂှ်ရ။ ယွံတဳလပိုဉ် မုဒါန်ပြဲအိုတ်ဂှ် မုမွဲဂှ်ရော်? ရဴဝွံ (ဂရင်ပတီရ)။ ဒ္ဂေတ်မေထုန်ရောင် ရဴဝွံ ဟီုသ္ဂးရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံ (သ္ဂးရ)။ (၉) ပ္ဍဲမွဲအခိင်တေံ ဗြဴမွဲ ကၠောန်ဒၟံင်ကမၠောန်ကေင်ကာရ၊ ခမဳမွဲဇကု မၞုံစိုတ်ထၞေန်စပ်ဒှ်တုဲ “ယွံဒေံဗြဴ ဩဝ်ဒေါအ်ကၠာညိ အဲကၠောန်ဏောဝ် ။ ပ ။ ယွံဒေံဗြဴ ဩဝ်ဂဇအ်ကၠာညိ အဲကၠောန်ဏောဝ် ။ ပ ။ ယွံဒေံဗြဴ ဩဝ်တိက်ကၠာညိ အဲကၠောန်ဏောဝ်” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တင်မမိက်သ္ဂး) ရ။ သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၀-၁၂) ဒုဋ္ဌုလ္လဝါစာသိက္ခာပိုဒ် တတိယ တုဲရ။

၂.၄။ အတကာမပါရိစရိယသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

၂.၄.၁။ ဝတ္ထုတဳလပိုဉ်ဥဒါယဳ

[ပလေဝ်ဒါန် | ပလေဝ်ဒါန် တမ်ကၞက်]

290) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာဇေတဝန် မဒှ်အာရှာမ် အနာထပိဏ္ဍိကသေဌဳဇရေင်ဍုင်သာရဝှ်ဂှ် တဳလပိုဉ်ဥဒါယဳ ဒှ်ခမဳ မလေပ်ပြာပ် စဴသ္ၚိ (ခမဳအ္စာ) ပ္ဍဲဍုင်သာရဝှ်ရ၊ ပြာပ်စဴသ္ၚိဂမၠိုင် ဗွဲမဂၠိုင်ရ၊ ပ္ဍဲအဃောအခိင်ဂှ် ဗြဴတြုံတၠသ္ၚိ ချိုတ်အာတုဲမွဲဂှ် ရုပ်သာ်ကျေဝ်ဂေါဝ်လောန်ရ၊ ထေက်ကဵုဗဵုသ္ၚေဝ်ရံင်ခိုဟ်ရ၊ လေပ်ကဵုစိုတ်ဇြုင်ကေဝ်ရ၊ ပ္ဍဲအခိင်ဂှ် တဳလပိုဉ်ဥဒါယဳ ပ္ဍဲအခိင်နူဂယး ရုင်လတက်ပဠေဝ် သ္ၚာတုဲ ထ္ၜဂိုင်ကေတ် ဗဗေင်သ္ၚာ ပြာပ်စဴအာသ္ၚိဗြဴဂှ်တုဲ ဂဇအ်ဒၟံင် ပ္ဍဲသၞာမလးပညပ်လဝ်ရ၊ ပ္ဍဲအခိင်ဂှ် ဗြဴဂှ် ပြာပ်ကၠုင်ဇရေင် တဳလပိုဉ်ဥဒါယဳတုဲ လ္ၚောဝ်သ္ပဝတ် တဳလပိုဉ်ဥဒါယဳ ဗွဲမရှေ်သှေ်ရဴဂဴတုဲမ္ဂး ဂဇအ်ဒၟံင်ပ္ဍဲဒၞဲါမွဲရ၊ ဗြဴမဂဇအ်ဒၟံင် ပ္ဍဲဒၞဲါမွဲတုဲဂှ် နကဵုဂလာန်ဓရ် တဳလပိုဉ် ဥဒါယဳ ကဵုတီညာတ် (ဒတုဲဖဵုမြမောဝ်) ကဵုဒဂိုန်ဂိုင်ကေတ် (ဓရ်) (သွက်ဂွံဒ္ဂေတ်ဓရ်) ကဵုသ ကေက်သကာ ကဵုမြဟ်မြာတုဲဒှ်တုဲ ဗြဴဂှ်— “ယွံတဳလပိုဉ် အရာနွံပၟိက်ဂှ် ဩဝ်ဟီုညိ၊ ပိုဲဍိက် တအ်ညးဂမၠိုင် ကဵုဒါန်သ္ၚာပိဏ္ဍပါတ် ဘာ ဂဥုဲမဒှ်ကြိယာဗာပၟင်ပၟဲလမျီု မစှေ်စးကဵုယဲဂမၠိုင် မာန်ဒၟံင်အိုတ်ရ” ရဴဝွံ ဂရင်ပတီ တဳလပိုဉ်ဥဒါယဳရ။ ယွံဒေံဗြဴ သ္ၚာပိဏ္ဍပါတ် ဘာ ဂဥုဲ မဒှ်ကြိယာဗာပၟင်ပၟဲလမျီု မစှေ်စးကဵုယဲဂမၠိုင်ဂှ် ဟွံဝါတ်ခဲါ ကုပိုဲညးဂမၠိုင်ရ၊ သၟဟ်ရထမ္ဂး အရာဝတ္ထု ဇြိုင်ကဵုကလိဂွံမာန် ကုပိုဲညးဂမၠိုင်ဂှ် ဩဝ်ကဵုဒါန်ညိ ရဴဝွံ (သ္ဂးရ)။ မုအရာဝတ္ထုမွဲဂှ်ရော? ကျာ် ရဴဝွံ (ဂရင်ပတီရ)။ ဒ္ဂေတ်မေထုန်ရောင် ရဴဝွံ (သ္ဂးရ)။ နွံပၟိက်ဒၟံင်ဟာကျာ် ရဴဝွံ (ဂရင်ပတီရ)။ နွံပၟိက်ဒၟံင်ရဴ ယွံဒေံဗြဴ ရဴဝွံ (သ္ဂးရ)။ ယွံတဳလပိုဉ် ဩဝ်က္ညကၠုင်ညိ ရဴဝွံ ဟီုတုဲ လုပ်အာဂၠမ်တုဲမ္ဂး သၠောတ်ကၠေံဂၞိန်တုဲ တိက်ဒၟံင်လံက်လ္ၚာ ပ္ဍဲလတူဇံင်ခါတ်ရ၊ ပ္ဍဲအခိင်ဂှ် တဳလပိုဉ်ဥဒါယဳ ပြာပ်အာဇရေင် ဗြဴဂှ်တုဲ “မုရဴညးမွဲ ကြက်ဂွံဇွိတ်သပေါတ် အရာဝတ္ထု မၞုံကဵုသၟူအမြာဲဟွံဒးရး ဟအာဲဟ အှေ် ယုတ်ပြေအ်ဝွံဂှ်ရော?” ရဴဝွံ ချဟ်စုတ်ဍာ်ပါင်တုဲ ပဲါစ္ဍးအာရ။ ပ္ဍဲအခိင်ဂှ် ဗြဴဂှ် “ခမဳဂမၠိုင် မဒှ်တၞောဝ်ကျာ်ကောန်သၟိင်သာကျဝင်ဝွံ ဟွံမွဲဂွဂလေံ အိုတ်ရ၊ ဟွံမွဲသဳလအိုတ်ရ၊ မၞုံအလေံဟီုသ္ဂး ဟွံဍာံစၟတ်အိုတ်ရ၊ သီုကဵုဒှ်သာ်ဂှ် ခမဳဂမၠိုင်ဝွံ မၞုံအလေံဒ္ဂေတ်တဴ ဓရ်အိုတ်ရ၊ မၞုံအလေံဒ္ဂေတ်တဴ ဒ္ဂေတ်မသၟဟ်သၟန်အိုတ်ရ၊ မၞုံအလေံ ဒ္ဂေတ်တဴမပြဲအိုတ်ရ၊ မၞုံအလေံဟီုသ္ဂးဍာံစၟတ်အိုတ်ရ၊ မၞုံကဵုသဳလအိုတ်ရ၊ မၞုံသဘဴခိုဟ်ဆာဲ အိုတ်ရ ရဴဝွံ ဂံင်ဒုင်ဝန်အိုတ်ဏီရ၊ ကုခမဳဂမၠိုင်ဝွံ ဒဒှ်ခမဳ ဒဒှ်ညးသပ္ပုရိုသ်ခိုဟ်ပြဲ ဟွံမွဲတုဲရ၊ ကုခမဳဂမၠိုင်ဝွံ ဒဒှ်ခမဳ ဒဒှ်ညးသပ္ပုရိုသ်ခိုဟ်ပြဲ ကၠေံလီုတုဲရ၊ ကုခမဳဂမၠိုင်ဝွံ သာ်လဵု ဒဒှ်ခမဳ ဒဒှ်ညးသပ္ပုရိုသ်ခိုဟ်ပြဲ ဂွံနွံဏီဂှ်ရော? ခမဳဂမၠိုင်ဝွံ စာ်စ္ဍးနူဒဒှ်ခမဳ ဒဒှ်ညးသပ္ပုရိုသ်ခိုဟ်ပြဲ အိုတ်တုဲရ၊ မုဟိုတ် ခမဳဥဒါယဳဝွံ အလဵုဇကု အာတ်အဲဒ္ဂေတ်မေထုန်တုဲ 'မုရဴညးမွဲ ကြက်ဂွံ ဇွိတ်သပေါတ် အရာဝတ္ထု မၞုံကဵုသၟူအမြာဲဟွံဒးရး ဟအာဲဟ အှေ် ယုတ်ပြေအ်ဝွံဂှ်ရော?' ရဴဝွံ ချဟ်စုတ်ဍာ်ပါင်တုဲ ပါဲစ္ဍးအာဂှ်ရော? ပွမယုတ်မာအဲ ညးဍေံဂှ်ရော? သၟူအမြာဲဒးရး ဟအာဲ ဟ အှေ်အဲဂှ် ညးဍေံဂှ်ရော? အဲဂှ် မုရဴနအရာမွဲ ယုတ်သၟဝ်ဗြဴလဵုဂှ်ရော?” ရဴဝွံ ဟီုဂရိုဟ်ရ၊ ပျုတ်ဗ္ဒေက်ရ၊ ဟီုထ္ၜးဒုဟ်ရ။ ဗြဴသအာင်ဂမၠိုင်လေဝ် “ခမဳဂမၠိုင် မဒှ်တၞောဝ်ကျာ်ကောန်သၟိင်သာကျဝင်ဝွံ ဟွံမွဲဂွဂလေံအိုတ်ရ၊ ဟွံမွဲသဳလအိုတ်ရ၊ မၞုံအလေံဟီုသ္ဂး ဟွံဍာံစၟတ်အိုတ်ရ ။ ပ ။ မုဟိုတ် ခမဳ ဥဒါယဳဝွံ အလဵုဇကု အာတ်ဒ္ဂေတ်မေထုန် ကုဗြဴဝွံတုဲ ‘မုရဴညးမွဲ ကြက်ဂွံဇွိတ်သပေါတ် အရာ ဝတ္ထု မၞုံကဵုသၟူအမြာဲဟွံဒးရး ဟအာဲဟ အှေ် ယုတ်ပြေအ်ဝွံဂှ်ရော?’ ရဴဝွံ ချဟ်စုတ်ဍာ်ပါင်တုဲ ပဲါစ္ဍးအာဂှ်ရော? ပွယုတ်မာဗြဴဝွံ ညးဍေံဂှ်ရော? သၟူအမြာဲဒးရးဟအာဲဟ အှေ်ဗြဴဝွံဂှ် ညးဍေံ ဂှ်ရော? ဗြဴဂှ် မုရဴနအရာမွဲ ယုတ်သၟဝ်ဗြဴလဵုဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက် အိုတ်ရ၊ ဟီုထ္ၜးဒုဟ်အိုတ်ရ။ ခမဳဂမၠိုင် သ္ဂောံမိင်ကေတ် ဗြဴဂမၠိုင်ဂှ် ဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်အိုတ်မ္ဂး၊ ယြဴခမဳဂမၠိုင် ပၟိက်အောန်အိုတ်ရ၊ ခမဳဂမၠိုင်ဂှ် “မုဟိုတ် တဳလပိုဉ်ဥဒါယဳ ဟီုဂုဏ်ပွမကၠောန် ၜိုတ်နကာမဇကု မဂပ်ဝ်နွံပၟိက် ပ္ဍဲဇရေင်မၞိဟ်ဗြဴဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက် အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် တဳလပိုဉ်ဥဒါယဳ နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသင်ကောံဓရီုတုဲမ္ဂး— “ယွံဥဒါယဳ တၠအဲဟီုဂုဏ်ပွမကၠောန်ၜိုတ် နကာမဇကုမဂပ်ဝ်နွံပၟိက် ပ္ဍဲဇရေင်မၞိဟ်ဗြဴရ ဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက် တဳလပိုဉ် ဥဒါယဳရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဲပြကာ ဟီုဂရိုဟ်ရ၊ “ယွံတြုံမလ္ၚုသၟး (နူမဂ်ဖိုလ်) (ကမၠောန်ပွ) ဝွံ ဟွံထေက်ကုခမဳဂမၠိုင်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာ ခမဳတအ်ဟွံသေင်ရ၊ ဟွံဂပ်ဝ်ရ၊ ဟွံထေက်ကဵုသ္ပရ၊ “ယွံတြုံမလ္ၚုသၟး (နူမဂ်ဖိုလ်) မုဟိုတ်တၠအဲ ဟီုဂုဏ်ပွမကၠောန်ၜိုတ် နကာမဇကုမဂပ်ဝ်နွံပၟိက် ပ္ဍဲဇရေင်မၞိဟ်ဗြဴဂှ်ရော? ယွံတြုံမလ္ၚုသၟး (နူမဂ်ဖိုလ်) အဲဂှ် နဟိုတ်မဂၠိုင်ဂၠင် ဟွံတွံလဝ်ဓရ်တၞဟ်နပွမဒှ်မွဲဟာန်ကေုာံရာဂတုဲ တွံလဝ် သွက်ဂွံစာ်စ္ဍးနူရာဂရ ဟွံသေင်ဟာ ။ ပ ။ တွံလဝ် ပွမၜိုဟ်လလမ် ဒတူတၠာဲကာမဂုဏ်မဂၠိုင်ရ ဟွံသေင်ဟာ။ ယွံတြုံမလ္ၚုသၟး (နူမဂ်ဖိုလ်) (ပွတၠအဲသ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။


291) ယြဴခမဳမွဒ လကိုဟ်ရာဂ ဂပ်ဝ်လုပ်ဍုန်ဒှ်တုဲ နကဵုစိုတ်မပၠန်ဂတးဂှ် ဟီုဂုဏ်မကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေင်မၞိဟ်ဗြဴမ္ဂး၊ ‘ယွံဒေဗြဴ ယြဴဗြဴမွဲ ဂွံကၠောန်ၜိုတ်ညးမၞုံကဵုဒ္ဂေတ်သဳလ မၞုံကဵုသဘဴဓရ်ခိုဟ်ဆာဲ မၞုံအလေံဒ္ဂေတ်တဴ ဒ္ဂေတ်မပြဲ မဖှ်ညံင်ရဴအဲ နကဵုဒ္ဂေတ်မေထုန်ရ၊ ပွမကၠောန်ၜိုတ်ဝွံ ပၞောဝ်ပွမကၠောန်ၜိုတ်ဂမၠိုင် ပြဲအိုတ်ရ’ ရဴဝွံ ဟီုသ္ဂး နဂလာန်မစပ်ကေုာံမေထုန်မ္ဂး၊ ကုခမဳဂှ် ဒးအာပတ်သံဃာဒိသေသ်ရ ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

၂.၄.၂။ ပွံက်အတ္တကာပါရိစရိယသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

292) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳ မ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ လကိုဟ်ရာဂ ဂပ်ဝ်လုပ်ဍုန်ဒှ်တုဲ မ္ဂးဂှ် ထၞေန်စပ်လောန်ဒှ်တုဲ မၞုံကဵုပွမသ္ၚေဝ်မွဲဒှ်တုဲ မၞုံစိုတ်မဂပ်ဝ်ဒက်ဂြေန်ပူပါတ်ဒှ်တုဲ။ ပၠန်ဂတး မ္ဂးဂှ် စိုတ်မထၞေန်စပ်လေဝ် ပၠန်ဂတးမ္ဂးရ၊ စိုန်မထေဲပၞတ်လေဝ် ပၠန်ဂတးမ္ဂးရ၊ စိုတ်မဝိဝိင်လေဝ် ပၠန်ဂတးမ္ဂးရ၊ ၜိုန်ဂှ်လေဝ် ပ္ဍဲအရာဝွံ စိုတ်မထၞေန်စပ်ဂှ် ဂပ်ဝ်နွံပၟိက်ရဴဝွံမ္ဂး “ပၠန်ဂတး” ရ။ မာတုဂါမ မ္ဂးဂှ် ဗြဴမၞိဟ်ရောင်၊ လကိုဟ် (ဒေဝတဴ) ဗြဴဟွံသေင်၊ ပြိုတ်ဗြဴဟွံသေင်၊ တိရစ္ဆာန်ဗြဴဟွံသေင်၊ မၞိဟ်ဗြဴမသၟဟ်စောံတီကၠိုဟ်ခၠင် ဂလာန်ခိုဟ် ဟွံခိုဟ် ရုန်မဵု ဟွံရုန်မဵုရောင်။ ပ္ဍဲဇရေင်မၞိဟ်ဗြဴ မ္ဂးဂှ် ပ္ဍဲဇရေင်ကရပ်မၞိဟ်ဗြဴ၊ ပ္ဍဲဌာန်ဟွံသ္ၚောဲကေုာံမၞိဟ်ဗြဴ။ ကာမဇကုမဂပ်ဝ်နွံပၟိက် မ္ဂးဂှ် ကြိုက်စိုတ်ဇကု၊ ဟိုတ်ဇကု၊ ပၟိက်ဇကု၊ ပွမကၠောန်ၜိုတ် ကုဇကု။ ပွမကၠောန်ၜိုတ်ဝွံ ပြဲအိုတ်ရ မ္ဂးဂှ် ပွမကၠောန်ၜိုတ်ဝွံ လောန်ကာဲရ၊ ပွမကၠောန်ၜိုတ်တဴဝွံ ပြဲအိုတ်ရ၊ ပွမကၠောန်ၜိုတ်ဝွံ ဒှ်ဇၞော်သကိုပ်သကရ၊ ပွမကၠောန်ၜိုတ်ဝွံ ပြဲလောန်ရ၊ ပွကၠောန်ၜိုတ်ဝွံ ပြဲအိုတ်ရ ဂပ်ဝ်ရာဒနာမိက်ရ။ ယြဴဗြဴမွဲ မ္ဂးဂှ် ဗြဴသၟိင်ကီု ဗြဴဗဗၞးကီု ဗြဴညးဗၞိက်ကီု ဗြဴဒိုက်ဂတ်ကီု။ ညးမဖှ်ညံင်ရဴအဲ မ္ဂးဂှ် သၟိင်ကီု ဗဗၞးကီု ညးဗၞိက်ကီု ညးဒိုက်ဂတ်ကီု။ ဍေံမၞုံကဵုဒ္ဂေတ်သဳလ မ္ဂးဂှ် ဍေံမဝေင်ပါဲ နူပွမဂစိုတ်လမျီုညး ဍေံမဝေင်ပါဲ နူပွမဂိုင်ကၠတ်ကေတ်ဂြပ်ညးဟွံကဵု ဍေံမဝေင်ပါဲ နူပွမဟီုဂလာန်ဟွံဍာံစၟတ်။ မၞုံအလေံဒ္ဂေတ်တဴ ဒ္ဂေတ်မပြဲ မ္ဂးဂှ် ဍေံမဝေင်ပါဲ နူဒ္ဂေတ်မေထုန်။ ဍေံမၞုံသဘဴဓရ် ခိုဟ်ဆာဲ မ္ဂးဂှ် ဗွဲဒ္ဂေတ်သဳလဂှ်ကီု ဗွဲဒ္ဂေတ်မပြဲဂှ်ကီု မၞုံသဘဴဓရ်ခိုဟ်ဆာဲရ။


နဒ္ဂေတ်ဂှ် မ္ဂးဂှ် နဒ္ဂေတ်မေထုန်ဂှ်။ ကၠောန်ၜိုတ်ရ မ္ဂးဂှ် ကဵုမိပ်လဟိင်ရ။ ဍေံမစပ်ကေုာံမေထုန် မ္ဂးဂှ် ဍေံမစိုန်သကီုကေုာံဒ္ဂေတ်မေထုန်။ သံဃာဒိသေသ် မ္ဂးဂှ် ။ ပ ။ ဟိုတ်ဂှ်လေဝ်ကော်ခဴ ရဴဝွံမ္ဂး “သံဃာဒိသေသ်ရ” ရ။ 293) မၞိဟ်ဗြဴလေဝ် ဒှ်ရ၊ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဟီုဂုဏ်ပွမကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေင်မၞိဟ်ဗြဴမ္ဂး၊ ဒးအာပတ်သံဃာဒိသေသ်ရ။ မၞိဟ်ဗြဴလေဝ် ဒှ်ရ၊ သၠေဟ်ပၟာတုဲ ။ ပ ။ သမ္တီထေင်ကေတ် ခမၞုဲတုဲ။ သမ္တီထေင်ကေတ် မၞိဟ်တြုံတုဲ။ သမ္တီထေင်ကေတ် တိရစ္ဆာန်တုဲ စိုတ်မထၞေန်လေဝ်နွံရ၊ ခမဳဂှ်လေဝ် ဟီုဂုဏ်ပွမကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေင်မၞိဟ်ဗြဴမ္ဂး၊ ဒးအာပတ်ထုလ္လစ္စယ်ရ။ ခမၞုဲလေဝ် ဒှ်ရ၊ သမ္တီထေင်ကေတ် ခမၞုဲတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဟီုဂုဏ်ပွမကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေင်ခမၞုဲမ္ဂး၊ ဒးအာပတ်ထုလ္လစ္စယ်ရ။ ခမၞုဲလေဝ် ဒှ်ရ၊ သၠေဟ်ပၟာတုဲ ။ ပ ။ သမ္တီထေင်ကေတ် မၞိဟ်တြုံတုဲ။ သမ္တီထေင်ကေတ် တိရစ္ဆာန်တုဲ။ သမ္တီထေင်ကေတ် မၞိဟ်ဗြဴတုဲ စိုတ်မထၞေန်လေဝ်နွံရ၊ ခမဳဂှ်လေဝ် ဟီုဂုဏ်ပွမကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေင်ခမၞုဲမ္ဂး၊ ဒးအာပတ်ဒုက္ကဋ်ရ။ မၞိဟ်တြုံလေဝ် ဒှ်ရ ။ ပ ။ တိရစ္ဆာန်လေဝ် ဒှ်ရ၊ သမ္တီထေင်ကေတ် တိရစ္ဆာန်တုဲ ။ ပ ။ သၠေဟ်ပၟာတုဲ ။ ပ ။ သမ္တီထေင်ကေတ် မၞိဟ်ဗြဴတုဲ။ သမ္တီထေင်ကေတ် ခမၞုဲတုဲ။ သမ္တီထေင်ကေတ် မၞိဟ်တြုံတုဲ စိုတ်မထၞေန်လေဝ် နွံရ၊ ခမဳဂှ်လေဝ် ဟီုဂုဏ်ပွမကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေင်တိရစ္ဆာန်မ္ဂး၊ ဒးအာပတ်ဒုက္ကဋ်ရ။ မၞိဟ်ဗြဴဂမၠိုင်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဟီုဂုဏ်ပွကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေင်မၞိဟ်ဗြဴဂမၠိုင်ၜါမ္ဂး၊ ဒးအာပတ်သံဃာဒိသေသ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညဂမၠိုင်ၜါ သမ္တီထေင်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဟီုဂုဏ်ပွမကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေင်ညးဂမၠိုင်ၜါမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။


294) “ဩဝ်ကၠောန်ၜိုတ် နသ္ၚာပိဏ္ဍပါတ် ဘာ ဂဥုဲမဒှ်ကြိယာဗာပၟင်ပၟဲလမျီု မစှေ်စးကဵုယဲညိ” ရဴဝွံ ဟီုမ္ဂး၊ ဟွံဒးအာပတ်ရ၊ ကုခမဳမကြအ်ဥမ္မတ် ခမဳမကလိလောန်ကၠာတဲ ဟွံဒးအာပတ်ရ။

၂.၄.၃။ လၟေင်က္ဍိုပ်မာတိကာ ဝိနဳတဝတ္ထု

[ပလေဝ်ဒါန် | ပလေဝ်ဒါန် တမ်ကၞက်]

မုရဴသာ်လဵု ဗြဴသတန်ဂှ် သ္ဂောံကလိဂွံကောန်ဇာတ်ဂှ်ရော? ညးမဂပ်ဝ်သ္ဍိုက်ဆာန်ကီု ညးဂေါဝ်ဆာဲကီု သ္ဂောံဒှ်ညိဂှ်ရော? မုရဴမွဲ သ္ဂောံကဵုဒါန်ဂှ်ရော? မုရဴမွဲ သ္ဂောံကၠောန်ၜိုတ်ဂှ်ရော? မုရဴသာ်လဵု သ္ဂောံအာစိုပ်ဂတိခိုဟ်ဆာဲဂှ်ရော? ဣဝွံတုန် လၟေင်က္ဍိုပ်မာတိကာရောင်။

၂.၄.၄။ ဗီုသ္ဂုတ်သွာတ် ဝိနဳတဝတ္ထု

[ပလေဝ်ဒါန် | ပလေဝ်ဒါန် တမ်ကၞက်]

295) ပ္ဍဲမွဲအခိင်တေံ ဗြဴသတန်မွဲဂှ် “ယွံတဳလပိုဉ် မုရဴသာ်လဵု အဲဍိက်ဗြဴသ္ဂောံသၠးကောန်မာန်ညိဂှ်ရော?” ရဴဝွံ ဂရင်ပတီ ခမဳမလေပ်ပြာပ်စဴသ္ၚိ (ခမဳအ္စာ) ရ။ ယွံဒေံဗြဴ ယဝ်ဒှ်သာ်ဂှ်မ္ဂး ဩဝ်ကဵုဒါန်မပြဲညိ ရဴဝွံ (သ္ဂးရ)။ ယွံတဳလပိုဉ် ဒါန်မပြဲတုန် ညးဍေံဂှ်ရော? ရဴဝွံ (သၟာန်ရ)။ ဒ္ဂေတ်မေထုန်ရောင် ရဴဝွံ (သ္ဂးရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံသ္ဂးရ။ (၁) ပ္ဍဲမွဲအခိင်တေံ ဗြဴမၞုံအလေံ သၠးကောန်မွဲဂှ် “ယွံတဳလပိုဉ် မုရဴသာ်လဵု အဲဍိက်ဗြဴသ္ဂောံကလိဂွံကောန်ဂှ်ရော?” ရဴဝွံ ဂရင်ပတီ ခမဳခလေပ်ပြာပ်စဴသ္ၚိ (ခမဳအ္စာ) ရ။ ယွံဒေံဗြဴ ယဝ်ဒှ်သာ်ဂှ်မ္ဂး ဩဝ်ကဵုဒါန်မပြဲညိ ရဴဝွံ (သ္ဂးရ)။ ယွံတဳလပိုဉ် ဒါန်မပြဲတုန် ညးဍေံဂှ်ရော? ရဴဝွံ (သၟာန်ရ)။ ဒ္ဂေတ်မေထုန်ရောင် ရဴဝွံ (သ္ဂးရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံသ္ဂးရ။ (၂) ပ္ဍဲမွဲအခိင်တေံ ဗြဴမွဲဂှ် “ယွံတဳလပိုဉ် မုရဴသာ်လဵု အဲဍိက်ဗြဴ သ္ဂောံဒှ်ညးတြုံတၠသ္ၚိ ဂပ်ဝ်သ္ဍိုက်ဆာန်ဂှ်ရော?” ရဴဝွံ ဂရင်ပတီ ခမဳမလေပ်ပြာပ်စဴသ္ၚိ (ခမဳအ္စာ) ရ။ ယွံဒေံဗြဴ ယဝ်ဒှ်သာ်ဂှ်မ္ဂး ဩဝ်ကဵုဒါန်မပြဲညိ ရဴဝွံ (သ္ဂးရ)။ ယွံတဳလပိုဉ် ဒါန်မပြဲတုန် ညးဍေံဂှ်ရော? ရဴဝွံ (သၟာန်ရ)။ ဒ္ဂေတ်မေထုန်ရောင် ရဴဝွံ (သ္ဂးရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံသ္ဂးရ။ (၃) ပ္ဍဲမွဲအခိင်တေံ ဗြဴမွဲဂှ် “ယွံတဳလပိုဉ် မုရဴသာ်လဵု အဲဍိက်ဗြဴ သ္ဂောံဒှ်ညးမၞုံကဵုသာ် အင်္ဂဂေါဝ်ဆာဲဂှ်ရော?” ရဴဝွံ ဂရင်ပတီ ခမဳမလေပ်ပြာပ်စဴသ္ၚိ (ခမဳအ္စာ) ရ။ ယွံဒေံဗြဴ ယဝ်ဒှ်သာ်ဂှ်မ္ဂး ဩဝ်ကဵုဒါန်မပြဲညိ ရဴဝွံ (သ္ဂးရ)။ ယွံတဳလပိုဉ် ဒါန်မပြဲတုန် ညးဍေံဂှ်ရော? ရဴဝွံ (သၟာန်ရ)။ ဒ္ဂေတ်မေထုန်ရောင် ရဴဝွံ (သ္ဂးရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံသ္ဂးရ။ (၄) ပ္ဍဲမွဲအခိင်တေံ ဗြဴမွဲဂှ် “ယွံတဳလပိုဉ် မုရဴမွဲ အဲဍိက်ဗြဴ သ္ဂောံကဵုဒါန် ကုတဳလပိုဉ်ဂှ်ရော?” ရဴဝွံ ဂရင်ပတီ ခမဳမလေပ်ပြာပ်စဴသ္ၚိ (ခမဳအ္စာ) ရ။ ယွံဒေံဗြဴ ယဝ်ဒှ်သာ်ဂှ်မ္ဂး ဩဝ်ကဵုဒါန်မပြဲညိ ရဴဝွံ (သ္ဂးရ)။ ယွံတဳလပိုဉ် ဒါန်မပြဲတုန် ညးဍေံဂှ်ရော? ရဴဝွံ (သၟာန်ရ)။ ဒ္ဂေတ်မေထုန်ရောင် ရဴဝွံ (သ္ဂးရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံသ္ဂးရ။ (၅) ပ္ဍဲမွဲအခိင်တေံ ဗြဴမွဲဂှ် “ယွံတဳလပိုဉ် မုရဴနမွဲ အဲဍိက်ဗြဴ သ္ဂောံကၠောန်ၜိုတ်တဳလပိုဉ်ဂှ်ရော?” ရဴဝွံ ဂရင်ပတီ ခမဳမလေပ်ပြာပ်စဴသ္ၚိ (ခမဳအ္စာ) ရ။ ယွံဒေံဗြဴ ယဝ်ဒှ်သာ်ဂှ်မ္ဂး ဩဝ်ကဵုဒါန်မပြဲညိ ရဴဝွံ (သ္ဂးရ)။ ယွံတဳလပိုဉ် ဒါန်မပြဲတုန် ညးဍေံဂှ်ရော? ရဴဝွံ (သၟာန်ရ)။ ဒ္ဂေတ်မေထုန်ရောင် ရဴဝွံ (သ္ဂးရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံသ္ဂးရ။ (၆) ပ္ဍဲမွဲအခိင်တေံ ဗြဴမွဲဂှ် “ယွံတဳလပိုဉ် မုရဴသာ်လဵု အဲဍိက်ဗြဴသ္ဂောံအာစိုပ်ဂတိခိုဟ်ဆာဲဂှ်ရော?” ရဴဝွံ ဂရင်ပတီ ခမဳမလေပ်ပြာပ်စဴသ္ၚိ (ခမဳအ္စာ) ရ။ ယွံဒေံဗြဴ ယဝ်ဒှ်သာ်ဂှ်မ္ဂး ဩဝ်ကဵုဒါန်မပြဲညိ ရဴဝွံ (သ္ဂးရ)။ ယွံတဳလပိုဉ် ဒါန်မပြဲတုန် ညးဍေံဂှ်ရော? ရဴဝွံ (သၟာန်ရ)။ ဒ္ဂေတ်မေထုန်ရောင် ရဴဝွံ (သ္ဂးရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံသ္ဂးရ။ (၇) အတ္တကာမပါရိစရိယသိက္ခာပိုဒ် စတုတ္ထတုဲရ။


၂.၅။ သဥ္စရိတ္တသိက္ခာပိဒ်

[ပလေဝ်ဒါန် | ပလေဝ်ဒါန် တမ်ကၞက်]

၂.၅.၁။ ဝတ္ထုတဳလပိုဉ် ဥဒါယဳ

[ပလေဝ်ဒါန် | ပလေဝ်ဒါန် တမ်ကၞက်]

296) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာဇေတဝန် မဒှ်အာရှာမ် အနာထပိဏ္ဍိကသေဌဳ ဇရေင်ဍုင်သာရဝှ်ဂှ် တဳလပိုဉ်ဥဒါယဳ ဒှ်ခမဳမလေပ်ပြာပ်စဴသ္ၚိ (ခမဳအ္စာ) ပ္ဍဲဍုင်သာရဝှ်ရ၊ ပြာပ်စဴသ္ၚိဂမၠိုင် ဗွဲမဂၠိုင်ရ၊ ယြဴပ္ဍဲဂကူမွဲ သ္ဂောံညာတ်ကေတ် သၟတ်တြုံဟွံမွဲကဵုသမ္ဘာကီု သၟတ်ဗြဴဟွံမွဲကဵုတြုံတၠသ္ၚိကီုရ၊ ပ္ဍဲဇရေင်မိမသၟတ်တြုံဂမၠိုင်ဂှ်— “သၟတ်ဗြဴ သ္ၚိဂကူမၞုံယၟုဝွံ ရုပ်သာ်ကျေဝ်ဂေါဝ်လောန်ရ၊ ထေက်ကဵုဗဵုသ္ၚေဝ်ရံင်ခိုဟ်ရ၊ လေပ်ကဵုစိုတ်ဇြုင်ကေဝ်ရ၊ မၞုံကဵုပညာရ၊ ကေက်သကာရ၊ မၞုံကဵုဉာဏ်ထပက်ခၠင်ကေတ်ရ၊ စဳကၠးဆိုက်ဗ္ဒက်ရ၊ စာ်စ္ဍးနူလၞုဟ်လၞန်ရ၊ သၟတ်ဗြဴဂှ် ထေက်ကြိုက်ဗဗွဲကဵုသၟတ်တြုံဝွံရ” ရဴဝွံ ဟီုသ္ဂးဂုဏ်သၟတ်ဗြဴရ။ မိမတၠကောန်တြုံဂမၠိုင်ဂှ်— “ယွံတဳလပိုဉ် ပိုဲဍိက်တအ်ညးဂမၠိုင်ဂှ် ‘ညးဂမၠိုင်တေံဂှ် ဒှ်ညးလဵုအိုတ်ရောကီု ဒှ်တဴကောန်ဇာတ်ညးလဵုရောကီု’ ကီု ဟွံတီညးဂမၠိုင်ဂှ်အိုတ်ရ၊ ယွံတဳလပိုဉ် ယဝ်ရတဳလပိုဉ်ကဵု (မိမသၟတ်ဗြဴဂမၠိုင်ဂှ်) ကဵုစမ္ဂး ပိုဲဍိက်တအ်ညးဂမၠိုင် သွက်သၟတ်တြုံဝွံ ကြက်ရင်တၠုင်ဒုင်ကော်နင်သၟတ်ဗြဴဂှ်အိုတ်ရ” ရဴဝွံ ဟီုသ္ဂးအိုတ်ရ။ ပ္ဍဲဇရေင်မိမ သၟတ်ဗြဴဂမၠိုင်ဂှ်— “သၟတ်တြုံသ္ၚိဂကူမၞုံယၟုဝွံ ရုပ်သာ်ကျေဝ်ဂေါဝ်လောန်တဴရ၊ ထေက်ကဵုဗဵုသ္ၚေဝ်ရံင်ခိုဟ်ရ၊ လေပ်ကဵုစိုတ်ဇြုင်ကေဝ်ရ၊ မၞုံကဵုပညာရ၊ ကေက်သကာရ၊ မၞုံကဵုဉာဏ် ထပက်ခၠက်ကေတ်ရ၊ စဳကၠးဆိုဗ္ဒက်ရ၊ စာ်စ္ဍးနူလၞုဟ်လၞန်ရ၊ သၟတ်တြုံဂှ်ထေက်ကြိုက်ဗဗွဲကဵုသၟတ်ဗြဴဝွံရ” ရဴဝွံ ဟီုသ္ဂးဂုဏ်သၟတ်တြုံရ။ မိမတၠကောန်ဗြဴဂမၠိုင်ဂှ်— “ယွံတဳလပိုဉ် ပိုဲဍိက်တအ်ညးဂမၠိုင်ဂှ် ‘ညးဂမၠိုင်တေံဂှ် ဒှ်ညးလဵုအိုတ်ရောကီု ဒှ်တဴကောန်ဇာတ်ညးလဵုရောကီု’ ကီု ဟွံတီညးဂမၠိုင်ဂှ်အိုတ်ရ၊ တၞဟ်နဟီုသ္ဂး သွက်သၟတ်ဗြဴဒှ်ညံင်ဟွံမွဲကျာ်သြဳ ဒးဂွဂၠေံရ၊ ယွံတဳလပိုဉ် ယဝ်ရတဳလပိုဉ်ကဵု (မိမသၟတ်တြုံဂမၠိုင်ဂှ်) အာတ်မ္ဂး ပိုဲဍိက်တအ်ညးဂမၠိုင် သွက်သၟတ်ဗြဴဝွံ ကြက်ကဵုစ ကုသၟတ်တြုံဂှ်အိုတ်ရ” ရဴဝွံ ဟီုသ္ဂးအိုတ်ရ။ နနဲဝွံဟေင် ပွမရေင်တၠုင်ဂိုင်ကေတ် ကောန်ဗြဴဂမၠိုင်လေဝ် ကဵုသ္ပရ၊ ပွမကဵုစကောန်ဗြဴဂမၠိုင်လေဝ် ကဵုသ္ပရ၊ ပွမပတူအိန်ထံင်ဂမၠိုင်လေဝ် ကဵုသ္ပရ။


297) ပ္ဍဲမွဲအခိင်တေံ ကောန်ဝုတ်သမ္ဘာဟောတြေမ်မွဲ ရုပ်သာ်ကျေဝ်ဂေါဝ်လောန်ရ၊ ထေက်ကဵုဗဵုသ္ၚေဝ်ရံင်ခိုဟ်ရ၊ လေပ်ကဵုစိုတ်ဇြုင်ကေဝ်ရ၊ အာဇဳဝက ‘ကွးတဳ’ ကောန်မွဲကွာန်ဂမၠိုင် ကၠုင်အိုတ်တုဲ “ယွံနာဲဗြဴ သၟတ်ဗြဴဝွံ ဩဝ်ကဵုကုကောန်တြုံ ပိုဲညးဂမၠိုင်ညိ” ရဴဝွံ ဟီုသ္ဂးကဵု သမ္ဘာဟောရာတြေမ်ဂှ်အိုတ်ရ။ သမ္ဘာဟောရာတြေမ်ဂှ် “ယွံနာဲတအ် အဲတုန် ‘ညးဂမၠိုင်ဝွံတုန် ဒှ်ညးလဵုအိုတ်ရောကီု ဒှ်ကောန်ဇာတ်ညးလဵုရောကီု’ ဂှ် ဟွံတီမၞးတအ်ညးဂမၠိုင်ရ၊ သၟတ်ဗြဴဝွံလေဝ် ဒှ်ကောန်ဗြဴအဲမွဲတၠဓဝ်သၟးဟွံက ကွာန်သအာင်လေဝ် သ္ဒးအာတုဲအဲကဵုစ ဟွံမာန်ရ” ရဴဝွံ ဟီုသ္ဂးရ၊ မၞိဟ်ဂမၠိုင် “ယွံနာဲတအ် မၞးတအ်ညးဂမၠိုင် ဟိုတ်နူဟိုတ်လဵုမွဲ ကၠုင်အိုတ်ဂှ်ရော?” ရဴဝွံ သၟာန်အာဇဳဝက ‘ကွးတဳ’ ဂမၠိုင်ဂှ်အိုတ်ရ။ ယွံနာဲတအ် ပ္ဍဲဍုင်သာရဝှ်ဝွံ ပိုဲညးဂမၠိုင် ကၠုင်အာတ်ကောန်ဝုတ် သမ္ဘာဟောရာတြေမ်မၞုံယၟုဝွံ သွက်ကောန်တြုံ ပိုဲတအ်အိုတ်ရ၊ သမ္ဘာဟောရာတြေမ်ဂှ် “ယွံနာဲတအ် အဲတုန် ‘ညးဂမၠိုင်ဝွံတုန် ဒှ်ညးလဵုအိုတ်ရောကီု ဒှ်ကောန်ဇာတ်ညးလဵုရောကီု’ ဂှ် ဟွံတီမၞးတအ်ညးဂမၠိုင်ရ၊ သၟတ်ဗြဴဝွံလေဝ် ဒှ်ကောန်ဗြဴအဲမွဲတၠဓဝ်သၟးဟွံက ကွာန်သအာင်လေဝ် သ္ဒးအာတုဲ အဲကဵုစ ဟွံမာန်ရ” ရဴဝွံ (ဟီုသ္ဂးရ ရဴဝွံ ဟီုသ္ဂးအိုတ်ရ)။ ယွံနာဲတအ် မၞးတအ်ညးဂမၠိုင် မုဟိုတ် အာတ်ကောန်ဝုန် သမ္ဘာဟောရာတြေမ်ဂှ်အိုတ်ရော? ဒးဟီုကဵုတဳလပိုဉ်ဥဒါယဳ ထေက်ရဟွံသေင်ဟာ၊ တဳလပိုဉ်ဥဒါယဳ ကြက်ကဵု ကဵုစဏောဝ် ရဴဝွံ (ဟီုသ္ဂးအိုတ်ရ)။ ပ္ဍဲအခိင်ဂှ် ကွးအာဇဳဝကဂမၠိုင် ပြာပ်အာဇရေင် တဳလပိုဉ်ဥဒါယဳအိုတ်တုဲမ္ဂး “ယွံတဳလပိုဉ် ပ္ဍဲဍုင်သာရဝှ်ဝွံ ပိုဲညးဂမၠိုင် ကၠုင်အာတ်ကောန်ဝုတ် သမ္ဘာဟောရာတြေမ်မၞုံယၟုဝွံ သွက်ကောန်တြုံ ပိုဲတအ်အိုတ်ရ၊ သမ္ဘာဟောရာတြေမ်ဂှ် “ယွံနာဲတအ် အဲတုန် ‘ညးဂမၠိုင်ဝွံတုန် ဒှ်ညးလဵုအိုတ်ရောကီု ဒှ်ကောန်ဇာတ်ညးလဵုရောကီု’ ဂှ် ဟွံတီမၞးတအ်ညးဂမၠိုင်ရ၊ သၟတ်ဗြဴဝွံလေဝ် ဒှ်ကောန်ဗြဴအဲမွဲတၠဓဝ်သၟးဟွံက ကွာန်သအာင်လေဝ် သ္ဒးအာတုဲ အဲကဵုစ ဟွံမာန်ရ” ရဴဝွံ ဟီုသ္ဂးရ၊ ယွံတဳလပိုဉ် အာတ်ပါန်အခေါင်ရ၊ တဳလပိုဉ် ဩဝ်ဖအောဝ်ကဵု သမ္ဘာဟောရာတြေမ်ဂှ် ကဵုစကောန်ဝုတ် သွက်ကောန်တြုံ ပိုဲဍိက်တအ်ညးဂမၠိုင်ညိ” ရဴဝွံ (ဟီုသ္ဂးအိုတ်ရ)။ ပ္ဍဲအခိင်ဂှ် တဳလပိုဉ်ဥဒါယဳ ပြာပ်အာဇရေင် သမ္ဘာဟောရာတြေမ်ဂှ်တုဲ “မုဟိုတ်ဟွံကဵုစကောန်ဝုတ် ကုညးဂမၠိုင်ဝွံဂှ်ရော?” ရဴဝွံ သၟာန်သမ္ဘာဟောရာတြေမ်ဂှ်ရ။ ယွံတဳလပိုဉ် ညးဂမၠိုင်ဝွံ ‘ညးဂမၠိုင်ဝွံတုန် ဒှ်ညးလဵုအိုတ်ရောကီု ဒှ်ကောန်ဇာတ်ညးလဵုရောကီု’ ဂှ် အဲဍိက် ဟွံတီညးဂမၠိုင်ရ၊ သၟတ်ဗြဴဝွံ ဒှ်ကောန်ဗြဴအဲဍိက်မွဲတၠဓဝ်သၟးဟွံက ကွာန်သအာင်လေဝ် သ္ဒးဗက်အာတုဲ အဲဍိက်ကဵုစဟွံမာန်ရ ရဴဝွံ (ဂရင်ပတီရ)။ ဩဝ်ကဵုထောံ ကုညးဂမၠိုင်ဝွံညိ၊ ညးဂမၠိုင်ဝွံ အဲတီဒၟံင်ရ ရဴဝွံ (သ္ဂးရ)။ ယွံတဳလပိုဉ် ယဝ်ရတဳလပိုဉ် တီမ္ဂးကဵုဏာရ ရဴဝွံ (ဂရင်ပတီရ)။ ပ္ဍဲကြဴနူဂှ် သမ္ဘာဟောရာတြေမ်ဂှ် ကဵုဏာကောန်ဝုတ် ကုကွးအာဇဳဝကဂမၠိုင်ဂှ်ရ၊ ကွးအာဇဳဝကဂမၠိုင်ဂှ် ရင်တၠုင်ဏာသၟတ်ဗြဴဂှ်တုဲ ဗၞတ်မွဲဂိတုဟေင် သ္ပသုင်စောဲ နဒဒှ်ခအှ်အိုတ်ရ၊ ပ္ဍဲအခိင်လောန်အာနူမွဲဂိတုဂှ် သ္ပသုင်စောဲ နဒဒှ်ဍိက်ဗြဴအိုတ်ရ၊ ပ္ဍဲအခိင်ဂှ် သၟတ်ဗြဴဂှ်— “အဲ အာစိုပ်ဒၟံင် ဂကူဟွံဒးရးရ၊ ဒှ်ဒၟံင်ဒဒိုခ်ရ၊ ဟွံကလိဂွံ တသိုခ်ကာယစိုတ်ရ၊ ဗၞတ်မွဲဂိတုဟေင် သ္ပသုင်စောဲအဲ နဒဒှ်ခအှ်အိုတ်ရ၊ ပ္ဍဲအခိင်လောန်အာနူမွဲဂိတုဂှ် သ္ပသုင်စောဲအဲ နဒဒှ်ဍိက်ဗြဴအိုတ်ရ၊ ယွံမိယာဲအဲ ဩဝ်ကၠုင်ညိ၊ ဩဝ်ကၠုင်ကော်ဖျဴ အဲညိ” ရဴဝွံ ဗလးဏာကလုတ် ဇရေင်မိယာဲတေံရ။ ပ္ဍဲအခိင်ဂှ် သမ္ဘာဟောရာတြေမ်ဂှ် ပြာပ်အာဇရေင်ကွးအာဇဳဝကဂမၠိုင်တုဲ “ယွံကောန်နာဲတအ် သၟတ်ဗြဴဝွံ လ္ပသ္ပသုင်စောဲ နဒဒှ်ဍိက်ဗြဴအိုတ်ညိ၊ သၟတ်ဗြဴဝွံ ဩဝ်သ္ပသုင်စောဲ နဒဒှ်ခအှ်အိုတ်ညိ” ရဴဝွံ ဟီုသ္ဂးကဵုကွးအာဇဳဝကဂမၠိုင်ရ။ ကွးအာဇဳဝကဂမၠိုင်ဂှ် “ကုပိုဲညးဂမၠိုင် ဟွံမွဲကဵုမကဵုကေတ် ကေုာံတၠအဲရ၊ ကုပိုဲညးဂမၠိုင် မၞုံကဵုပွမကဵုကေတ် ကေုာံခမဳဟေင်ရ၊ တၠအဲ ဩဝ်အာညိ၊ ပိုဲညးဂမၠိုင် ဟွံတီတၠအဲအိုတ်ရ” ရဴဝွံ ဟီုသ္ဂးအိုတ်ရ၊ ပ္ဍဲအခိင်ဂှ် သမ္ဘာဟောရာတြေမ်ဂှ် ကွးအာဇဳဝကဂမၠိုင်ဂှ် ဂပ်ဝ်ရာန်သကိုတ် ပရာန်လဟုက်တုဲ မွဲလှေ်ပၠန် ကလေင်စဴကၠုင် ဍုင်သာရဝှ်ဟေင်ရ။ မရနုက်ကဵုၜါဝါလေဝ် သၟတ်ဗြဴဂှ်— “အဲ အာစိုပ်ဒၟံင် ဂကူဟွံဒးရးရ၊ ဒှ်ဒၟံင်ဒဒိုခ်ရ၊ ဟွံကလိဂွံ တသိုခ်ကာယစိုတ်ရ၊ ဗၞတ်မွဲဂိတုဟေင် သ္ပသုင်စောဲအဲ နဒဒှ်ခအှ်အိုတ်ရ၊ ပ္ဍဲအခိင်လောန်အာနူမွဲဂိတုဂှ် သ္ပသုင်စောဲအဲ နဒဒှ်ဍိက်ဗြဴအိုတ်ရ၊ ယွံမိယာဲအဲ ဩဝ်ကၠုင်ညိ၊ ဩဝ်ကၠုင်ကော်ဖျဴ အဲညိ” ရဴဝွံ ဗလးဏာကလုတ် ဇရေင်မိယာဲတေံရ။ ပ္ဍဲအခိင်ဂှ် သမ္ဘာဟောရာတြေမ်ဂှ် ပြာပ်အာဇရေင် တဳလပိုဉ်ဥဒါယဳတုဲ “ယွံတဳလပိုဉ်တအ် သၟတ်ဗြဴဂှ် အာစိုပ်ဒၟံင်ဂကူဟွံဒးရးရဂး၊ ဒှ်ဒၟံင်ဒဒိုခ်ရဂး၊ ဟွံကလိဂွံ တသိုခ်ကာယစိုတ်ရဂး၊ ဗၞတ်မွဲဂိတုဟေင် သ္ပသုင်စောဲအဲ နဒဒှ်ခအှ်အိုတ်ရဂး၊ ပ္ဍဲအခိင်လောန်အာနူမွဲဂိတုဂှ် သ္ပသုင်စောဲအဲ နဒဒှ်ဍိက်ဗြဴအိုတ်ရဂး၊ ယွံကောန်နာဲတအ် သၟတ်ဗြဴဝွံ လ္ပသ္ပသုင်စောဲ နဒဒှ်ဍိက်ဗြဴအိုတ်ညိ၊ သၟတ်ဗြဴဝွံ ဩဝ်သ္ပသုင်စောဲ နဒဒှ်ခအှ်ညိအိုတ်ညိ” ရဴဝွံ ဟီုသ္ဂးညိကျာ် ရဴဝွံ ဂရင်ပတီ တဳလပိုဉ်ဥဒါယဳရ။ ပ္ဍဲအခိင်ဂှ် တဳလပိုဉ်ဥဒါယဳ ပြာပ်အာဇရေင် ကွးအာဇဳဝကဂမၠိုင်တုဲ “ယွံကောန်နာဲတအ် သၟတ်ဗြဴဝွံ လ္ပသ္ပသုင်စောဲ နဒဒှ်ဍိက်ဗြဴအိုတ်ညိ၊ သၟတ်ဗြဴဝွံ ဩဝ်သ္ပသုင်စောဲ နဒဒှ်ခအှ်အိုတ်ညိ” ရဴဝွံ ဟီုသ္ဂးကဵု ကွးအာဇဳဝကဂမၠိုင်ရ။ ကွးအာဇဳဝကဂမၠိုင်ဂှ် “ကုပိုဲညးဂမၠိုင် ဟွံမွဲကဵုပွမကဵုကေတ် ကေုာံတၠအဲရ၊ ကုပိုဲညးဂမၠိုင် မၞုံကဵုကေတ် ကေုာံသမ္ဘာဟောရာတြေမ်ဟေင်ရ၊ ခမဳမ္ဂးဂှ် ဟွံထေက်ကဵုသ္ပလွဳ (သ္ပဓဝိင်) ရ၊ ထေက်ကဵုဒှ် ခမဳခိုဟ်ဟေင်ရ၊ တၠအဲဩဝ်အာညိ၊ ပိုဲညးဂမၠိုင် ဟွံတီတၠအဲအိုတ်ရ”ရဝွံ ဟီုသ္ဂးအိုတ်ရ၊ ပ္ဍဲအခိင်ဂှ် တဳလပိုဉ်ဥဒါယဳဂှ် ကွးအာဇဳဝကဂမၠိုင်ဂှ် ဂပ်ဝ်ရာန်သကိုတ် ပရာန်လဟုက်တုဲ မွဲလှေ်ပၠန် ကလေင်စဴကၠုင်ဍုင်သာရဝှ်ဟေင်ရ။ မရနုက်ကဵုပိဝါလေဝ် သၟတ်ဗြဴဂှ်— “အဲ အာစိုပ်ဒၟံင် ဂကူဟွံဒးရးရ၊ ဒှ်ဒၟံင်ဒဒိုခ်ရ၊ ဟွံကလိဂွံ တသိုခ်ကာယစိုတ်ရ၊ ဗၞတ်မွဲဂိတုဟေင် သ္ပသုင်စောဲအဲ နဒဒှ်ခအှ်အိုတ်ရ၊ ပ္ဍဲအခိင်လောန်အာနူမွဲဂိတုဂှ် သ္ပသုင်စောဲအဲ နဒဒှ်ဍိက်ဗြဴအိုတ်ရ၊ ယွံမိယာဲအဲ ဩဝ်ကၠုင်ညိ၊ ဩဝ်ကၠုင်ကော်ဖျဴ အဲညိ” ရဴဝွံ ဗလးဏာကလုတ် ဇရေင်မိယာဲတေံရ။ မရနုက်ကဵုၜါဝါလေဝ် သမ္ဘာဟောရာတြေမ်ဂှ် ပြာပ်အာဇရေင်တဳလပိုဉ်ဥဒါယဳတုဲ— “ယွံတဳလပိုဉ်တအ် သၟတ်ဗြဴဂှ် အာစိုပ်ဒၟံင်ဂကူဟွံဒးရးရဂး၊ ဒှ်ဒၟံင်ဒဒိုခ်ရဂး၊ ဟွံကလိဂွံ တသိုခ်ကာယစိုတ်ရဂး၊ ဗၞတ်မွဲဂိတုဟေင် သ္ပသုင်စောဲအဲ နဒဒှ်ခအှ်အိုတ်ရဂး၊ ပ္ဍဲအခိင်လောန်အာနူမွဲဂိတုဂှ် သ္ပသုင်စောဲအဲ နဒဒှ်ဍိက်ဗြဴအိုတ်ရဂး၊ ယွံကောန်နာဲတအ် သၟတ်ဗြဴဝွံ လ္ပသ္ပသုင်စောဲ နဒဒှ်ဍိက်ဗြဴအိုတ်ညိ၊ သၟတ်ဗြဴဝွံ ဩဝ်သ္ပသုင်စောဲ နဒဒှ်ခအှ်ညိအိုတ်ညိ” ရဴဝွံ ဟီုသ္ဂးညိကျာ် ရဴဝွံ ဂရင်ပတီ တဳလပိုဉ်ဥဒါယဳရ။ ပဌမကၠာတဲဂှ်လေဝ် ကွးအာဇဳဝကဂမၠိုင်ဂှ် ရာန်သကိုတ် ဗဒဴထောံအဲတုဲရ၊ တၠအဲဩဝ်အာညိ၊ အဲ ကြက်ဟွံအာရ ရဴဝွံ (တဳလပိုဉ်ဥဒါယဳ ကလေင်ဟီုရ)။


298) ပ္ဍဲအခိင်ဂှ် သမ္ဘာဟောရာတြေမ်ဂှ် “ကောန်ဝုတ်အဲ ဟိုတ်နူခါမ်သဳၝောံမယုတ်မာ ဟိုတ်နူခါမ်သဳတၟက်မယုတ်မာ ဟိုတ်နူတြုံတၠသ္ၚိမယုတ်မာ သၟဟ်ညံင်ရဴအာစိုပ်ဒၟံင်ဂကူဟွံဒးရကီု သၟဟ်ညံင်ရဴဒှ်ဒၟံင်ဒဒိုခ်ကီု သၟဟ်ညံင်ရဴဟွံကလိဂွံ တသိုခ်ကာယစိုတ်ကီု တုပ်သၟဟ်သာ်ဝွံ တဳလပိုဉ်ဥဒါယဳ ဩဝ်ကဵုအာစိုပ် အရာဟွံခိုဟ်ဆာဲညိ၊ တုပ်သၟဟ်သာ်ဝွံ တဳလပိုဉ်ဥဒါယဳ ဩဝ်ကဵုဒှ်ဒဒိုခ်ညိ၊ တုပ်သၟဟ်သာ်ဝွံ တဳလပိုဉ်ဥဒါယဳ ဩဝ်ကဵုလ္ပကဵုကလိဂွံ တသိုခ်ကာယစိုတ်ညိ” ရဴဝွံ ဟီုဂရိုဟ်ရ၊ ပျုတ်ဗ္ဒေက်ရ၊ ဟီုထ္ၜးဒုဟ်ရ။ သၟတ်ဗြဴဂှ်လေဝ် “အဲ ဟိုတ်နူခါမ်သဳၝောံမယုတ်မာ ဟိုတ်နူခါမ်သဳတၟက်မယုတ်မာ ဟိုတ်နူတြုံတၠသ္ၚိမယုတ်မာ သၟဟ်ညံင်ရဴအာစိုပ်ဒၟံင် ဂကူဟွံဒးရးကီု သၟဟ်ညံင်ရဴဒှ်ဒၟံင်ဒဒိုခ်ကီု သၟဟ်ညံင်ရဴဟွံကလိဂွံ တသိုခ်ကာယစိုတ်ကီု တုပ်သၟဟ်သာ်ဝွံ တဳလပိုဉ်ဥဒါယဳ ဩဝ်ကဵုအာစိုပ် အရာဟွံခိုဟ်ဆာဲညိ၊ တုပ်သၟဟ်သာ်ဝွံ တဳလပိုဉ်ဥဒါယဳ ဩဝ်ကဵုဒှ်ဒဒိုခ်ညိ၊ တုပ်သၟဟ်သာ်ဝွံ တဳလပိုဉ်ဥဒါယဳ ဩဝ်ကဵုလ္ပကလိဂွံ တသိုခ်ကာယစိုတ်ညိ” ရဴဝွံ ဟီုဂရိုဟ်ရ၊ ပျုတ်ဗ္ဒေက်ရ၊ ဟီုထ္ၜးဒုဟ်ရ။ ဗြဴမွဲသအာင်ဂမၠိုင် ဟွံမွဲကဵုပွမတရိုပ်စိုတ် နကဵုခါမ်သဳၝောံဂမၠိုင်ကီု နကဵုခါမ်သဳတၟက်ဂမၠိုင်ကီု နကဵုတြုံတၠသ္ၚိဂမၠိုင်ကီုလေဝ် “ပိုဲညးဂမၠိုင် ဟိုတ်နူခါမ်သဳၝောံဂမၠိုင်မယုတ်မာ ဟိုတ်နူခါမ်သဳတၟက်ဂမၠိုင်မယုတ်မာ ဟိုတ်နူတြုံတၠသ္ၚိဂမၠိုင်မယုတ်မာ သၟဟ်ညံင်ရဴအာစိုပ်ဒၟံင် ဂကူဟွံဒးရးအိုတ်ကီု သၟဟ်ညံင်ရဴဒှ်ဒၟံင်ဒဒိုခ်အိုတ်ကီု သၟဟ်ညံင်ရဴဟွံကလိဂွံ တသိုခ်ကာယစိုတ်အိုတ်ကီု တုပ်သၟဟ်သာ်ဝွံ တဳလပိုဉ်ဥဒါယဳ ဩဝ်ကဵုအာစိုပ် အရာဟွံခိုဟ်ဆာဲညိ၊ တုပ်သၟဟ်သာ်ဝွံ တဳလပိုဉ်ဥဒါယဳ ဩဝ်ကဵုဒှ်ဒဒိုခ်ညိ၊ တုပ်သၟဟ်သာ်ဝွံ တဳလပိုဉ်ဥဒါယဳ ဩဝ်ကဵုလ္ပကဵုကလိဂွံ တသိုခ်ကာယစိုတ်ညိ” ရဴဝွံ ဟီုလက်ချဴအိုတ်ရ။ ဗြဴမွဲသအာင်ဂမၠိုင် မၞုံကဵုပွမတရိုပ်စိုတ် နကဵုခါမ်သဳၝောံဂမၠိုင်ကီု နကဵုခါမ်သဳတၟက်ဂမၠိုင်ကီု နကဵုတြုံတၠသ္ၚိဂမၠိုင်ကီုလေဝ် “ပိုဲညးဂမၠိုင် ဟိုတ်နူခါမ်သဳၝောံဂမၠိုင်မခိုဟ်ဆာဲ ဟိုတ်နူခါမ်သဳတၟက်ဂမၠိုင်မခိုဟ်ဆာဲ ဟိုတ်နူတြုံတၠသ္ၚိဂမၠိုင်မခိုဟ်ဆာဲ သၟဟ်ညံင်ရဴကလိဂွံ တသိုခ်အိုတ်ကီု သၟဟ်ညံင်ရဴဍိုက်ပေင်ကဵု အရပ်အရာအိုတ်ကီု သၟဟ်ညံင်ရဴတသိုခ်ဇၞော်မောဝ်အိုတ်တဴကီု တုပ်သၟဟ်သာ်ဝွံ တဳလပိုဉ်ဥဒါယဳ ဩဝ်ကဵုကလိဂွံတသိုခ်ညိ၊ တုပ်သၟဟ်သာ်ဝွံ တဳလပိုဉ်ဥဒါယဳ ဩဝ်ကဵုဍိုက်ပေင်ကဵု အရပ်အရာညိ၊ တုပ်သၟဟ်သာ်ဝွံ တဳလပိုဉ်ဥဒါယဳ ဩဝ်ကဵုကလိဂွံ တသိုခ်ဇၞော်မောဝ်ညိ” ရဴဝွံ ရာဒနာမိက်အိုတ်ရ။ ခမဳဂမၠိုင် သ္ဂောံမိင်ကေတ် ဗီုဗြဴလ္ၚဵုလက်ချဴ ကေုာံဗီုဗြဴလ္ၚဵုဂမၠိုင် ရာဒနာအိုတ်တုဲ ခမဳပၟိက်အောန်ဂမၠိုင် “တဳလပိုဉ်ဥဒါယဳ မုဟိုတ်သ္ပကေင်ကာကလုတ်ဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ်တဳလပိုဉ်ဥဒါယဳ နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသင်ကောံဓရီုတုဲမ္ဂး— “ယွံဥဒါယဳ တၠအဲ သ္ပကေင်ကာကလုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက် တဳလပိုဉ်ဥဒါယဳရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဲပြကာ ဟီုဂရိုဟ်ရ ။ ပ ။ “ယွံတြုံမလ္ၚုသၟး (နူမဂ်ဖိုလ်) မုဟိုတ်တၠအဲ သ္ပကေင်ကာကလုတ်ဂှ်ရော?” ။ ပ ။ ယွံတြုံမလ္ၚုသၟး (နူမဂ်ဖိုလ်) (ပွတၠအဲသ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။


299) ယြဴခမဳမွဲ ကုဗြဴလေဝ် ပၟိက်တြုံ ဟိုတ်မမိက်ကဵုဒှ်သမ္ဘာကီု ကုတြုံလေဝ် ပၟိက်ဗြဴဟိုတ်မမိက်ကဵုဒှ်တၠသ္ၚိကီု သ္ပကဵုကေင်ကာကလုတ်မ္ဂး၊ ကုခမဳဂှ် ဒးအာပတ်သံဃာဒိသေသ်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ရဴဝွံဟေင် တဳလမၞုံပိုဉ်ကျာ်တြဲ ပညပ်တဴသိက္ခာပိုဒ်ဝွံ ကုခမဳဂမၠိုင်ရ။


300) ပ္ဍဲမွဲအခိင်တေံ သၟုင်ဗြဴ (ညးဗက်ၝောံ) ဂမၠိုင်ဗွဲမဂၠိုင် သၟိက်ဝေင်ဂြိုပ်မိပ်ဇြိပ် ပ္ဍဲဥဒျာန်ဂမၠိုင်တုဲ “ဩဝ်ကၠုင်ဥဒျာန်ညိ၊ ကြက်ဝေင်ဂြိုင်မိပ်ဇြိပ်အိုတ်ရ” ရဴဝွံ ဗလးဏာကလုတ် ဇရေင်ဗြဴစရာဲဍုင်မွဲအိုတ်ရ။ ဗြဴစရာဲဍုင်ဂှ် “ယွံနာဲတအ် အဲဂှ် ‘ညးဂမၠိုင်ဝွံတုန် ဒှ်ညးလဵုအိုတ်ရောကီု ဒှ်ကောန်ဇာတ်ညးလဵုရောကီု’ ဂှ် ဟွံတီမၞးတအ်ညးဂမၠိုင်ရ၊ ပ္ဍဲအဲလေဝ် ဂြပ်ရတ်ဂၠိုင်ဂၠင်ရ၊ ကပေါတ်သုင်စောဲဂၠိုင်ဂၠုင်ရ၊ မ္ၚးဍုင်လေဝ် သ္ဒးဗက်အာဒှ်တုဲ အဲဗက်အာဟွံမာန်ရ” ရဴဝွံ ဟီုသ္ဂးရ။ ပ္ဍဲအခိင်ဂှ် ကလုတ်ဂှ် ဟီုလဴ ဟိုတ်ပရူပရာဝွံ ကုသၟုင်ဗြဴဂမၠိုင်ဂှ်ရ၊ ဟီုလဴရဴဝွံဝွံမ္ဂး တြုံမွဲဂှ် “ယွံနာဲတအ် မၞးတအ်ညးဂမၠိုင် မုဟိုတ်အာတ်တဴ ဗြဴစရာဲဍုင်အိုတ်ဂှ်ရော? ဒးဟီုကဵုတဳလပိုဉ်ဥဒါယဳထေက်ရ ဟွံသေင်ဟာ၊ တဳလပိုဉ်ဥဒါယဳ ကြက်ဖအောဝ်ဗတိုက်ရ” ရဴဝွံ ဟီုသ္ဂးရ။ ဟီုသ္ဂးရဴဝွံမ္ဂး ဥပးမွဲဂှ် “ယွံနာဲတအ် လ္ပဟီုရဴဝွံညိ၊ သွက်ဂွံသ္ပကမၠောန် မၞုံသဘဴရဴဝွံ ဟွံဂပ်ဝ် ကုခမဳဂမၠိုင်မဒှ်တၞောဝ်ကျာ်ကောန်သၟိင်သာကျဝင်ရ၊ တဳလပိုဉ်ဥဒါယဳ ကြက်သ္ပရဴဝွံ ဟွံသေင်ရ” ရဴဝွံ ဟီုသ္ဂးရ။ ဟီုသ္ဂးရဴဝွံမ္ဂး “ကြက်သ္ပရ၊ ကြက်သ္ပဟွံသေင်ရ” ရဴဝွံ သ္ပတဴပွမဝေင်လံင်အိုတ်ရ၊ ပ္ဍဲကြဴနူဂှ် သၟုင်ဗြဴဂမၠိုင်ဂှ် ပြာပ်အာဇရေင် တဳလပိုဉ်ဥဒါယဳတုဲ “ယွံတဳလပိုဉ် ပိုဲဍိက်တအ်ညးဂမၠိုင် သၟိက်ဝေင်ဂြိုင်မိပ်ဇြိပ် ပ္ဍဲဥဒျာန်ဂမၠိုင်ဒှ်တုဲ ‘ဩဝ်ကၠုင်ဥဒျာန်ညိ၊ ကြက်ဝေင်ဂြိုင်မိပ်ဇြိပ်အိုတ်ရ’ ရဝွံ ဗလးဏာကလုတ်မွဲ ဇရေင်ဗြဴစရာဲဍုင် မၞုံယၟုဝွံအိုတ်ရ။ ဗြဴစရာဲဍုင်ဂှ် ‘ယွံနာဲတအ် အဲဂှ် ‘ညးဂမၠိုင်ဝွံတုန် ဒှ်ညးလဵုအိုတ်ရောကီု ဒှ်ကောန်ဇာတ်ညးလဵုရောကီု’ ဂှ် ဟွံတီမၞးတအ်ညးဂမၠိုင်ရ၊ ပ္ဍဲအဲလေဝ် ဂြပ်ရတ်ဂၠိုင်ဂၠင်ရ၊ ကပေါတ်သုင်စောဲဂၠိုင်ဂၠုင်ရ၊ မ္ၚးဍုင်လေဝ် သ္ဒးဗက်အာဒှ်တုဲ အဲဗက်အာဟွံမာန်ရ’ ရဴဝွံဟီုသ္ဂးရ။ ယွံတဳလပိုဉ် အာတ်ပါန်အခေါင်ရ၊ တဳလပိုဉ် ဩဝ်ဖအောဝ် ဗြဴစရာဲဍုင်ဂှ်ညိ” ရဴဝွံ ဂရင်ပတီ တဳလပိုဉ်ဥဒါယဳအိုတ်ရ။ ပ္ဍဲအခိင်ဂှ် တဳလပိုဉ်ဥဒါယဳ ပြာပ်အာဇရေင်ဗြဴစရာဲဍုင်ဂှ်တုဲ “မုဟိုတ် ဟွံဗက်အာဇရေင် ညးဂမၠိုင်ဝွံဂှ်ရော?” ရဴဝွံ သၟာန်ရ။ ယွံတဳလပိုဉ် ညးဂမၠိုင်ဝွံ ‘ညးဂမၠိုင်ဝွံတုန် ဒှ်ညးလဵုအိုတ်ရောကီု ဒှ်ကောန်ဇာတ်ညးလဵုရောကီု’ ဂှ် အဲဍိက်ဟွံတီညးဂမၠိုင်ရ၊ ပ္ဍဲအဲဍိက်လေဝ် ဂြပ်ရတ်ဂၠိုင်ဂၠင်ရ၊ ကပေါတ်သုင်စောဲဂၠိုင်ဂၠင်ရ၊ မ္ၚးဍုင်လေဝ် သ္ဒးဗက်အာဒှ်တုဲ အဲဗက်အာဟွံမာန်ရ’ ရဴဝွံ (ဂရင်ပတီရ)။ ဩဝ်ဗက်အာ ဇရေင်ညးဂမၠိုင်ညိ၊ ညးဂမၠိုင်ဝွံ အဲတီဒၟံင်ရ ရဴဝွံ (သ္ဂးရ)။ ယွံတဳလပိုဉ် ယဝ်ရတဳလပိုဉ်တီမ္ဂး အဲဍိက်ဗြဴဗက်အာရ ရဴဝွံ (ဂရင်ပတီရ)။ ပ္ဍဲအခိင်ဂှ် သၟုင်ဗြဴဂမၠိုင်ဂှ် ရင်တၠုင်ကော်ဏာ ဗြဴစရာဲဍုင်ဂှ် အာတဴဥဒျာန်အိုတ်ရ၊ ပ္ဍဲအခိင်ဂှ် ဥပးဂှ် “မုဟိုတ် တဳလပိုဉ်ဥဒါယဳ သ္ပကေင်ကာကလုတ် ပ္ဍဲသမ္ဘာမဂပ်ဝ်ပံင်ဖက် မွဲချိုန်ခဏဂှ်ရော?” ရဴဝွံ ဟီုဂရိုဟ်ရ၊ ပျုတ်ဗ္ဒေက်ရ၊ ဟီုထ္ၜးဒုဟ်ရ။ ခမဳဂမၠိုင် သ္ဂောံမိင်ကေတ် ဂလာန်ဥပးမဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်ဂှ်တုဲ ခမဳပၟိက်အောန်ဂမၠိုင် “တဳလပိုဉ်ဥဒါယဳ မုဟိုတ်သ္ပကေင်ကာကလုတ် ပ္ဍဲသမ္ဘာမဂပ်ဝ်ပံင်ဖက် မွဲချိုန်ခဏဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် တဳလပိုဉ်ဥဒါယဳ နဟိုတ်မဂၠိုင်အိုတ်တုဲ ဂရင်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသင်ကောံဓရီုတုဲမ္ဂး— “ယွံဥဒါယဳ တၠအဲ သ္ပကေင်ကာကလုတ် ပ္ဍဲသမ္ဘာမဂပ်ဝ်ပံင်ဖက် မွဲချိုန်ခဏရဟီုဂှ် ဍာံပြဟာ” ရဴဝွံ စၟဳစၟတ်သၟာတ်သၟုက် တဳလပိုဉ်ဥဒါယဳရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဲပြကာ ဟီုဂရိုဟ်ရ ။ ပ ။ “ယွံတြုံမလ္ၚုသၟး (နူမဂ်ဖိုလ်) မုဟိုတ်တၠအဲ သ္ပကေင်ကာကလုတ် ပ္ဍဲသမ္ဘာမဂပ်ဝ်ပံင်ဖက်မွဲချိုန်ခဏရော?” ။ ပ ။ ယွံတြုံမလ္ၚုသၟး (နူမဂ်ဖိုလ်) (ပွတၠအဲသ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။


301) ယြဴခမဳမွဲ ကုဗြဴလေဝ် ပၟိက်တြုံဟိုတ်မမိက်ကဵုဒှ်သမ္ဘာကီု ကုတြုံလေဝ် ပၟိက်ဗြဴဟိုတ်မမိက်ကဵုဒှ်တၠသ္ၚိကီု သ္ပကဵုကေင်ကာကလုတ်မ္ဂး၊ ဗွဲတွဵုမယုတ် ကုဗြဴမဂပ်ဝ်ပံင်ဖက်မွဲချိုန်ခဏလေဝ် သ္ပကဵုကေင်ကာကလုတ်မ္ဂး ကုခမဳဂှ် ဒးအာပတ်သံဃာဒိသေသ်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

၂.၅.၂။ ပွံက်သဥ္စရိတ္တသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

302) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳ မ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ သ္ပကဵုကေင်ကာကလုတ် မ္ဂးဂှ် မၞိဟ်ဗြဴဂှ် ဂပ်ဝ်ဖအောဝ်စကာဒှ်တုဲလေဝ် အာဇရေင်မၞိဟ်တြုံရ၊ မၞိဟ်တြုံဂှ် ဂပ်ဝ်ဖအောဝ်စကာဒှ်တုဲလေဝ် အာဇရေင်မၞိဟ်ဗြဴရ။ ကုဗြဴလေဝ် ပၟိက်တြုံ မ္ဂးဂှ် ပၟိက်တြုံဂှ် ဟီုလဴကဵုကုဗြဴရ။ ကုတြုံလေဝ် ပၟိက်ဗြဴ မ္ဂးဂှ် ပၟိက်ဗြဴဂှ် ဟီုလဴကဵုကုတြုံရ။ ဟိုတ်မမိက်ကဵုဒှ်သမ္ဘာကီု မ္ဂးဂှ် တၠအဲ ကြက်သ္ဂောံဒှ်သမ္ဘာရ။ ဟိုတ်မမိက်ကဵုဒှ်တၠသ္ၚိကီု မ္ဂးဂှ် တၠအဲ ကြက်သ္ဂောံဒှ်တၠသ္ၚိရ။ ဗွဲတွဵုမယုတ် မွဲချိုန်ခဏလေဝ် မ္ဂးဂှ် တၠအဲ ကြက်သ္ဂောံဒှ် သမ္ဘာမွဲချိုန်ခဏရ။ သံဃာဒိသေသ် မ္ဂးဂှ် ။ ပ ။ ဟိုတ်ဂှ်လေဝ် ကော်ခဴဂးရဴဝွံမ္ဂး “သံဃာဒိသေသ်” ရ။


303) ဗြဴစှ်ဂကူ ဗွဲအစောံဗြဴ မိအံက်မင်မွဲလဝ်၊ ဗြဴမအံက်မင်မွဲလဝ်၊ ဗြဴမိမမင်မွဲလဝ်၊ ဗြဴကောဒေံမင်မွဲလဝ်၊ ဗြဴၝဲဒေံမင်မွဲလဝ်၊ ဗြဴကဠောမသမင်မွဲလဝ်၊ ဗြဴတၞောဝ်ဒတောဝ်မင်မွဲလဝ်၊ ဗြဴညးဒ္ဂေတ်ဓရ်မွဲစွံမင်မွဲလဝ်၊ ဗြဴစွံပတန်လဝ်ပၟင်ပၟဲ၊ ဗြဴစွံလဝ်ဒဏ်ရ။


304) သမ္ဘာစှ်ဂကူ ဗွဲအစောံသမ္ဘာ မဂပ်ဝ်ရာန်နသြန်၊ သမ္ဘာပၟိက်တုပ်တုဲ ပဒတဴ၊ သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်၊ သမ္ဘာပဒတဴ ဟိုတ်နူယာတ်ဗွိုက်လတက်၊ သမ္ဘာဖျေံတဲမွဲစွံ ပ္ဍဲခ ရော်ဍာ်တုဲမထပ်တဲ၊ သမ္ဘာကဵုဖျေံကၠေံယာတ်ဒစဲတုဲ ပဒတဴ၊ သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်၊ သမ္ဘာသၟာကမၠောန်ဗြဴလေဝ်ဒှ် သမ္ဘာလေဝ်ဒှ်၊ ဇၞးပၞာန်တုဲ သမ္ဘာမဂပ်ဝ်ရင်တၠုင်နင်၊ သမ္ဘာပံင်ဖက်မွဲချိုန်ခဏရ။ ဗြဴ မိအံက်မင်မွဲလဝ် မ္ဂးဂှ် မိအံက်မင်မွဲလဝ်ရ၊ ကဵုဂြောပ်ဗ္ဒန်ရ၊ သ္ပပွမဂွံအလဵုအသဳရ၊ ကဵုဒ္ဂေတ်ဗက်အလိုက်ပၟိက်ဇကုရ။ ဗြဴ မအံက်မင်မွဲလဝ် မ္ဂးဂှ် မအံက်မင်မွဲလဝ်ရ၊ ကဵုဂြောပ်ဗ္ဒန်ရ၊ သ္ပပွမဂွံအလဵုအသဳရ၊ ကဵုဒ္ဂေတ်ဗက်အလိုက်ပၟိက်ဇကုရ။ ဗြဴ မိမမင်မွဲလဝ် မ္ဂးဂှ် မိမဂမၠိုင်မင်မွဲလဝ်အိုတ်ရ၊ ကဵုဂြောပ်ဗ္ဒန်ရ၊ သ္ပပွမဂွံအလဵုအသဳရ၊ ကဵုဒ္ဂေတ်ဗက်အလိုက်ပၟိက်ဇကုရ။ ဗြဴ ကောဒေံမင်မွဲလဝ် မ္ဂးဂှ် ကောဒေံမင်မွဲလဝ်ရ၊ ကဵုဂြောပ်ဗ္ဒန်ရ၊ သ္ပပွမဂွံအလဵုအသဳရ၊ ကဵုဒ္ဂေတ်ဗက်အလိုက်ပၟိက်ဇကုရ။ ဗြဴ ၝဲဒေံမင်မွဲလဝ် မ္ဂးဂှ် ၝဲဒေံဗြဴမင်မွဲလဝ်ရ၊ ကဵုဂြောပ်ဗ္ဒန်ရ၊ သ္ပပွမဂွံအလဵုအသဳရ၊ ကဵုဒ္ဂေတ်ဗက်အလိုက်ပၟိက်ဇကုရ။ ဗြဴ ကဠောမသမင်မွဲလဝ် မ္ဂးဂှ် ကဠောမသဂမၠိုင် မင်မွဲလဝ်အိုတ်ရ၊ ကဵုဂြောပ်ဗ္ဒန်ရ၊ သ္ပပွမဂွံအလဵုအသဳရ၊ ကဵုဒ္ဂေတ်ဗက်အလိုက်ပၟိက်ဇကုရ။ ဗြဴ တၞောဝ်ဒတောဝ်မင်မွဲလဝ် မ္ဂးဂှ် တၞောဝ်ဒတောဝ်ဂမၠိုင် မင်မွဲလဝ်အိုတ်ရ၊ ကဵုဂြောပ်ဗ္ဒန်ရ၊ သ္ပပွမဂွံအလဵုအသဳရ၊ ကဵုဒ္ဂေတ်ဗက်အလိုက်ပၟိက်ဇကုရ။ ဗြဴ ညးဒ္ဂေတ်ဓရ်မွဲစွံမင်မွဲလဝ် မ္ဂးဂှ် ညးဒ္ဂေတ်ဓရ်မွဲစွံဂမၠိုင် မင်မွဲလဝ်အိုတ်ရ၊ ကဵုဂြောပ်ဗ္ဒန်ရ၊ သ္ပပွမဂွံအလဵုအသဳရ၊ ကဵုဒ္ဂေတ်ဗက်အလိုက်ပၟိက်ဇကုရ။ ဗြဴ စွံပတန်လဝ်ပၟင်ပၟဲ မ္ဂးဂှ် ပ္ဍဲအပ္ဍဲပုင်ဂၞဴမိဟေင် “ဗြဴဝွံ သမ္ဘာအဲရ” ရဴဝွံ ဗွဲတွဵုမယုတ် တဵုတိုင်ဇၟန်ပကဴတုဲ ဗြဴမဂပ်ဝ်စၟတ်သမ္တီလဝ်လေဝ် ဗြဴ မစွံပတန်လဝ်ပၟင်ပၟဲမ္ဂးရ။ ဗြဴ စွံလဝ်ဒဏ် မ္ဂးဂှ် “ယြဴညးမွဲ အာကၠုင်ကဵုဗြဴမၞုံယၟုဝွံရ၊ ကုညးဂှ် ဩဝ်တပ်ဒဏ်ဗၞတ်ဝွံညိ” ရဴဝွံ ဗြဴ ပူဂိုလ်လ္ၚဵုဂမၠိုင်ဂှ် စွံလဝ်ဒဏ်ရ။ သမ္ဘာ မဂပ်ဝ်ရာန်နသြန် မ္ဂးဂှ် ရာန်ကေတ်နကဵုသြန်တုဲ ကဵုပဒတဴရ။ သမ္ဘာ ပၟိက်တုပ်တုဲပဒတုဲ မ္ဂးဂှ် တြုံမသ္ဍိုက်ဆာန်ဂှ် ကဵုဗြဴသ္ဍိုက်ဆာန် ပဒတဴရ။ သမ္ဘာ ပဒတဴဟိုတ်နူပိုဉ်ဟာန်ဘိုဂ်ဘဂ် မ္ဂးဂှ် ကဵုပိုဉ်ဟာန်ဘိုဂ်ဘဂ်တုဲ ကဵုပဒတဴရ။ သမ္ဘာ ပဒတဴဟိုတ်နူယာတ်ဗွိုက်လတက် မ္ဂးဂှ် ကဵုယာတ်ဗွိုက်လတက်တုဲ ကဵုပဒတဴရ။ သမ္ဘာ ဖျေံတဲမွဲစွံ ပ္ဍဲခရော်ဍာ်တုဲ မထပ်တဲ မ္ဂးဂှ် ဇွိတ်သပေါတ်ရပ်ခရော်ဍာ်တုဲ ကဵုပဒတဴရ။ သမ္ဘာ ကဵုဖျေံကၠေံ ယာတ်ဒစဲတုဲ ပဒတဴ မ္ဂးဂှ် ကဵုဖျေံဒစဲတုဲ ကဵုပဒတဴရ။ ဍိက်ဗြဴ မ္ဂးဂှ် ဍိက်ဗြဴလေဝ်ဒှ်ရ၊ သမ္ဘာလေဝ် ဒှ်ရ။ သၟာကမၠောန်ဗြဴ မ္ဂးဂှ် သၟာကမၠောန်လေဝ်ဒှ်ရ၊ သမ္ဘာလေဝ်ဒှ်ရ။ ဇၞးပၞာန်တုဲ သမ္ဘာမဂပ်ဝ်ရင်တၠုင်နင် မ္ဂးဂှ် သ္ဂးတဴဗြဴဍိက်ဂၠုဲရ။ သမ္ဘာပံင်ဖက်မွဲချိုန်ခဏ မ္ဂးဂှ် သ္ဂးတဴသမ္ဘာမွဲချိုန်ရ။


305) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴ မိအံက်မင်မွဲလဝ်မၞုံယၟုဝွံ ဩဝ်ဒှ်သမ္ဘာ မဂ်ပဝ်ရာန်နသြန် ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာ ခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဩဝ်ဟီုကဵုဗြဴ မအံက်မင်မွဲလဝ် မၞုံယၟုဝွံညိ” ရဴဝွံ ဗလးဏာရ ။ ပ ။ ဩဝ်ဟီုကဵုဗြဴ မိမမင်မွဲလဝ်။ ဩဝ်ဟီုကဵုဗြဴ ကောဒေံမင်မွဲလဝ်။ ဩဝ်ဟီုကဵုဗြဴ ၝဲဒေံဗြဴမင်မွဲလဝ်။ ဩဝ်ဟီုကဵုဗြဴ ကဠောမသမင်မွဲလဝ်။ ဩဝ်ဟီုကဵုဗြဴ တၞောဝ်ဒတောဝ်မင်မွဲလဝ်။ ဩဝ်ဟီုကဵုဗြဴ ညးဒ္ဂေတ်ဓရ်မွဲစွံမင်မွဲလဝ်။ ဩဝ်ဟီုကဵုဗြဴ စွံပတန်လဝ်ပၟင်ပၟဲ။ ဗြဴ စွံလဝ်ဒဏ်မၞုံယၟုဝွံ ဩဝ်ဒှ်သမ္ဘာ မဂပ်ဝ်ရာန်နသြန် ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ နိက္ခေပပိုဒ်ဂမၠိုင်ရောင်။

၂.၅.၃။ ‘ခဏ္ဍစက်’စက်သကုတ်

[ပလေဝ်ဒါန် | ပလေဝ်ဒါန် တမ်ကၞက်]

306) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက် မင်မွဲလဝ်ကီု ဗြဴမအံက်မင်မွဲလဝ် မၞုံယၟုဝွံကီု ဩဝ်ဒှ်သမ္ဘာဂမၠိုင် မဂပ်ဝ်ရာန်နသြန် ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဩဝ်ဟီုကဵု ဗြဴမိအံက် မင်မွဲလဝ်ကီု၊ ဗြဴမိမ မင်မွဲလဝ်ကီု ။ ပ ။ ဗြဴမိအံက် မင်မွဲလဝ်ကီု၊ ဗြဴကောဒေံ မင်မွဲလဝ်ကီု။ ဗြဴမိအံက် မင်မွဲလဝ်ကီု၊ ဗြဴၝဲဒေံဗြဴမင်မွဲလဝ်ကီု။ ဗြဴမိအံက် မင်မွဲလဝ်ကီု၊ ဗြဴကဠောမသ မင်မွဲလဝ်ကီု။ ဗြဴမိအံက်မင်မွဲလဝ်ကီု၊ ဗြဴတၞောဝ်ဒတောဝ်မင်မွဲလဝ်ကီု။ ဗြဴမိအံက်မင်မွဲလဝ်ကီု၊ ဗြဴညးဒ္ဂေတ်ဓရ်မွဲစွံမင်မွဲလဝ်ကီု။ ဗြဴမိအံက်မင်မွဲလဝ်ကီု၊ ဗြဴစွံပတန်လဝ်ပၟင်ပၟဲကီု။ ဗြဴမိအံက်မင်မွဲလဝ်ကီု၊ ဗြဴစွံလဝ်ဒဏ်မၞုံယၟုဝွံ ဩဝ်ဒှ်သမ္ဘာဂမၠိုင် မဂပ်ဝ်ရာန်နသြန် ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ခဏ္ဍစက်’ စက်သကုတ်တုဲရ။

၂.၅.၄။ ‘ဗဒ္ဓစက်’ စက်ဝိုင်

[ပလေဝ်ဒါန် | ပလေဝ်ဒါန် တမ်ကၞက်]

307) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမအံက်မင်မွဲလဝ်ကီု ဗြဴမိမမင်မွဲလဝ် မၞုံယၟုဝွံကီု ဩဝ်ဒှ်သမ္ဘာဂမၠိုင် မဂပ်ဝ်ရာန်နသြန် ညးမၞုံယၟုဝွံအိုတ်ညိ ရဴဝွဴ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး၊ ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ်၊ ဗြဴမအံက်မင်မွဲလဝ်ကီု ဗြဴကောဒေံမင်မွဲလဝ်မၞုံယၟုဝွံကီု ။ ပ ။ ဗြဴမအံက် မင်မွဲလဝ်ကီု ဗြဴၝဲဒေံဗြဴမင်မွဲလဝ်။ ဗြဴမအံက် မင်မွံလဝ်ကီု ဗြဴကဠောမသ မင်မွဲလဝ်ကီု။ ဗြဴမအံက် မင်မွဲလဝ်ကီု ဗြဴတၞောဝ်ဒတောဝ်မင်မွဲလဝ်ကီု။ ဗြဴမအံက် မင်မွဲလဝ်ကီု ဗြဴညးဒ္ဂေတ်ဓရ်မွဲစွံ မင်မွဲလဝ်ကီု။ ဗြဴမအံက် မင်မွဲလဝ်ကီု ဗြဴစွံပတန်လဝ်ပၟင်ပၟဲကီု။ ဗြဴမအံက် မင်မွဲလဝ်ကီု ဗြဴစွံလဝ်ဒဏ်မၞုံယၟုဝွံကီု ဩဝ်ဒှ်သမ္ဘာဂမၠိုင် မဂပ်ဝ်ရာန်နသြန် ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်တဴမ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမအံက်မင်မွဲလဝ်ကီု ဗြဴမိအံက်မင်မွဲလဝ် မၞုံယၟုဝွံကီု ဩဝ်ဒှ်သမ္ဘာဂမၠိုင် မဂပ်ဝ်ရာန်နသြန် ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး၊ ဒးအာပတ်သံဃဒိသေသ်ရ။ ‘ဗဒ္ဓစက်’ စက်ဝိုင်တုဲရ။ ဂပ်ဝ်ခ္ဍန်ကၠေံမူရ။ 308) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴစွံလဝ်ဒဏ်ကီု ဗြဴမိအံက်မင်မွဲလဝ်ကီု မၞုံယၟုဝွံ ဩဝ်ဒှ်သမ္ဘာဂမၠိုင်မဂပ်ဝ်ရာန်နသြန် ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴစွံလဝ်ဒဏ်ကီု ဗြဴမအံက်မင်မွဲလဝ်ကီု ။ ပ ။ ဗြဴစွံလဝ်ဒဏ်ကီု ဗြဴမိမမင်မွဲလဝ်ကီု။ ဗြဴစွံလဝ်ဒဏ်ကီု ဗြဴကောဒေံမင်မွဲလဝ်ကီု။ ဗြဴစွံလဝ်ဒဏ်ကီု ဗြဴၝဲဒေံဗြဴမင်မွဲလဝ်ကီု။ ဗြဴစွံလဝ်ဒဏ်ကီု ဗြဴကဠောမသမင်မွဲလဝ်ကီု။ ဗြဴစွံလဝ်ဒဏ်ကီု ဗြဴတၞောဝ်ဒတောဝ်မင်မွဲလဝ်ကီု။ ဗြဴစွံလဝ်ဒဏ်ကီု ဗြဴညးဒ္ဂေတ်ဓရ်မွဲစွံမင်မွဲလဝ်ကီု။ ဗြဴစွံလဝ်ဒဏ်ကီု ဗြဴစွံပတန်လဝ်ပၟင်ပၟဲကီု မၞုံယၟုဝွံ ဩဝ်ဒှ်သမ္ဘာဂမၠိုင် မဂပ်ဝ်ရာန်နသြန် ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ဨကမူတုဲရ။ [ဒုမူကီု တိမူကီု စဵုစိုပ်နဝမူ တုပ်နဲဝွံ ဂပ်ဝ်သ္ပရ။] ကြက်သ္ဂးဂတဝွံတုန် ဒသမူရောင်။ 309) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်မၞုံယၟုဝွံကီု၊ ဗြဴမိမမင်မွဲလဝ်ကီု၊ ဗြဴကောဒေံမင်မွဲလဝ်ကီု၊ ဗြဴၝဲဒေံမင်မွဲလဝ်ကီု၊ ဗြဴကဠောမသမင်မွဲလဝ်ကီု၊ ဗြဴတၞောဝ်ဒတောဝ်မင်မွဲလဝ်ကီု၊ ဗြဴညးဒ္ဂေတ်ဓရ်မွဲစွံမင်မွဲလဝ်ကီု၊ ဗြဴစွံပတန်လဝ်ပၟင်ပၟဲကီု၊ ဗြဴမစွံလဝ်ဒဏ်ကီု ဩဝ်ဒှ်သမ္ဘာဂမၠိုင် မဂပ်ဝ်ရာန်နသြန် ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ စက်နူလ္ပာ်သမ္ဘာ မဂပ်ဝ်ရာန် နသြန်တုဲရ။ 310) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်မၞုံယၟုဝွံ ဩဝ်ဒှ်သမ္ဘာမဂပ်ဝ်ရာန်နသြန် ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ ။ ပ ။ သမ္ဘာပၟိက်တုပ်တုဲ ပဒတဴ။ သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်။ သမ္ဘာပဒတဴ ဟိုတ်နူယာတ်ဗွိုက်လတက်။ သမ္ဘာဖျေံတဲမွဲစွံ ပ္ဍဲခရော်ဍာ်တုဲ မထပ်တဲ။ သမ္ဘာကဵုဖျေံကၠေံ ယာတ်ဒစဲတုဲပဒတဴ။ သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်။ သမ္ဘာသၟာကမၠောန်ဗြဴလေဝ်ဒှ် သမ္ဘာလေဝ်ဒှ်။ သမ္ဘာဍိက်ဂၠုဲ။ ဩဝ်သ္ပသမ္ဘာပံင်ဖက်မွဲချိုန်ခဏညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး၊ ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဩဝ်ဟီုကဵုဗြဴမအံက် မင်မွဲလဝ်မၞုံယၟုဝွံညိ” ရဴဝွံ ဗလးဏာရ ။ ပ ။ ဩဝ်ဟီုကဵုဗြဴ မိမမင်မွဲလဝ်။ ဩဝ်ဟီုကဵုဗြဴ ကောဒေံမသမင်မွဲလဝ်။ ဩဝ်ဟီုကဵုဗြဴ ၝဲဒေံဗြဴမင်မွဲလဝ်။ ဩဝ်ဟီုကဵုဗြဴ ကဠောမသမင်မွဲလဝ်။ ဩဝ်ဟီုကဵုဗြဴ တၞောဝ်ဒတောဝ်မင်မွဲလဝ်။ ဩဝ်ဟီုကဵုဗြဴ ညးဒ္ဂေတ်ဓရ်မွဲစွံမင်မွဲလဝ်။ ဩဝ်ဟီုကဵုဗြဴ စွံပတန်လဝ်ပၟင်ပၟဲ။ ဗြဴစွံလဝ်ဒဏ်မၞုံယၟုဝွံ ဩဝ်ဒှ်သမ္ဘာပံင်ဖက် မွဲချိုန်ခဏညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ နက္ခေပပိုဒ်ဂမၠိုင်ရောင်။ 311) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်ကီု ဗြဴမအံက်မင်မွဲလဝ်မၞုံယၟုဝွံကီု ဩဝ်ဒှ်သမ္ဘာဂမၠိုင် မပံင်ဖက်မွဲချိုန်ခဏ ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဩဝ်ဟီုကဵုဗြဴ မိအံက်မင်မွဲလဝ်ကီု ဗြဴမိမမင်မွဲလဝ်ကီု ။ ပ ။ ဗြဴမိအံက်မင်မွဲလဝ်ကီု ဗြဴစွံလဝ်ဒဏ် မၞုံယၟုဝွံကီု ဩဝ်ဒှ်သမ္ဘာဂမၠိုင်မပံင်ဖက် မွဲချိုန်ခဏညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး၊ ဒးအာပတ်သံဃာဒိသေသ်ရ။ ‘ခဏ္ဍစက်’ စက်သကုတ်တုဲရ။ 312) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမအံက်မင်မွဲလဝ်ကီု ဗြဴမိမမင်မွဲလဝ်မၞုံယၟုဝွံကီု ဩဝ်ဒှ်သမ္ဘာဂမၠိုင် မပံင်ဖက်မွဲချိုန်ခဏ ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမအံက်မင်မွဲလဝ်ကီု ဗြဴကောဒေံမင်မွဲလဝ် မၞုံယၟုဝွံကီု ။ ပ ။ ဗြဴမအံက်မင်မွဲလဝ်ကီု ဗြဴစွံလဝ်ဒဏ်မၞုံယၟုဝွံကီု ဩဝ်ဒှ်သမ္ဘာဂမၠိုင်မပံင်ဖက်မွဲချိုန်ခဏ ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမအံက်မင်မွဲလဝ်ကီု၊ ဗြဴမိအံက်မင်မွဲလဝ်မၞုံယၟုဝွံကီု ဩဝ်ဒှ်သမ္ဘာဂမၠိုင် မပံင်ဖက်မွဲချိုန်ခဏ ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ဗဒ္ဓစက်’ စက်ဝိုင်တုဲရ။ ဂပ်ဝ်ခ္ဍန်ကၠေံမူရ။ 313) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမစွံလဝ်ဒဏ်ကီု ဗြဴမိအံက်မင်မွဲလဝ်မၞုံယၟုဝွံကီု ဩဝ်ဒှ်သမ္ဘာဂမၠိုင် မပံင်ဖက်မွဲချိုန်ခဏ ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴစွံလဝ်ဒဏ်ကီု ဗြဴမအံက်မင်မွဲလဝ်မၞုံယၟုဝွံကီု ။ ပ ။ ဗြဴမစွံလဝ်ဒဏ်ကီု ဗြဴမစွံလဝ်ပၟင်ပၟဲမၞုံယၟုဝွံကီဒ ဩဝ်ဒှ်သမ္ဘာဂမၠိုင် မပံင်ဖက်မွဲချိုန်ခဏ ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ဨကမူတုဲရ။ [မပ္တံဒုမူဂမၠိုင်လေဝ် တုပ်နဲဝွံဟေင် ဂပ်ဝ်သ္ပအိုတ်ရ။] ကြက်သ္ဂးဂတဝွံတုန် ဒသမူရောင်။ 314) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်မၞုံယၟုဝွံကီု ဗြဴမအံက်မင်မွဲလဝ်ကီု ဗြဴမိမမင်မွဲလဝ်ကီု ဗြဴကောဒေံမင်မွဲလဝ်ကီု ဗြဴၝဲဒေံဗြဴမင်မွဲလဝ်ကီု ဗြဴကဠောမသမင်မွဲလဝ်ကီု ဗြဴတၞောဝ်ဒတောဝ်မင်မွဲလဝ်ကီု ဗြဴညးဒ္ဂေတ်ဓရ်မံင်မွဲစွံမင်မွဲလဝ်ကီု ဗြဴစွံပတန်လဝ်ပၟင်ပၟဲကီု ဗြဴမစွံလဝ်ဒဏ်ကီု ဩဝ်ဒှ်သမ္ဘာဂမၠိုင် မပံင်ဖက်မွဲချိုန်ခဏ ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ စက်နူလ္ပာ်သမ္ဘာ မပံင်ဖက်မွဲချိုန်ခဏတုဲရ။ 315) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်မၞုံယၟုဝွံ ဩဝ်ဒှ်သမ္ဘာ မဂပ်ဝ်ရာန်နသြန် ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ် မၞုံယၟုဝွံ ဩဝ်ဒှ်သမ္ဘာပၟိက်တုပ်တုဲ ပဒတဴ ညးမၞုံယၟုဝွံညိ ။ ပ ။ သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်။ သမ္ဘာပဒတဴ ဟိုတ်နူယာတ်ဗွိုက်လတက်။ သမ္ဘာဖျေံတဲမွဲစွံ ပ္ဍဲခရော်ဍာ်တုဲမထပ်တဲ။ သမ္ဘာကဵုဖျေံကၠေံယာတ်ဒစဲတုဲ ပဒတဴ။ သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်။ သမ္ဘာသၟာကမၠောန်ဗြဴလေဝ်ဒှ် သမ္ဘာလေဝ်ဒှ်။ သမ္ဘာဍိက်ဂၠုဲ။ ဩဝ်ဒှ်သမ္ဘာပံင်ဖက်မွဲချိုန်ခဏညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ နက္ခေပပိုဒ်ဂမၠိုင်ရောင်။ 316) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက် မင်မွဲလဝ်မၞုံယၟုဝွံ ဩဝ်ဒှ်သမ္ဘာ မဂပ်ဝ်ရာန်နသြန်ကီု သမ္ဘာပၟိက်တုပ်တုဲ ပဒတဴ ညးမၞုံယၟုဝွံကီုညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်မၞုံယၟုဝွံ ဩဝ်ဒှ်သမ္ဘာမဂပ်ဝ်ရာန်နသြန်ကီု သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီု ။ ပ ။ သမ္ဘာမဂပ်ဝ်ရာန်နသြန်ကီု သမ္ဘာပဒတဴဟိုတ်နူယာတ်ဗွိုက်လတက်ကီု။ သမ္ဘာမဂပ်ဝ်ရာန်နသြန်ကီု သမ္ဘာဖျေံတဲမွဲစွံပ္ဍဲခရော်ဍာ်တုဲ ထပ်တဲကီု။ သမ္ဘာမဂပ်ဝ်ရာန်နသြန်ကီု သမ္ဘာကဵုဖျေံကၠေံယာတ်ဒစဲတုဲ ပဒတဴကီု။ သမ္ဘာမဂပ်ဝ်ရာန်နသြန်ကီု သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်ကီု။ သမ္ဘာမဂပ်ဝ်ရာန်နသြန်ကီု သမ္ဘာသၟာကမၠောန်ဗြဴလေဝ်ဒှ် သမ္ဘာလေဝ်ဒှ်။ သမ္ဘာမဂပ်ဝ်ရာန်နသြန်ကီု သမ္ဘာဍိက်ဂၠုဲကီု။ ဩဝ်ဒှ်သမ္ဘာမဂပ်ဝ်ရာန်နသြန်ကီု သမ္ဘာပံင်ဖက်မွဲချိုန်ခဏကီုညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ခဏ္ဍစက်’ စက်သကုတ်တုဲရ။ 317) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်မၞုံယၟုဝွံ ဩဝ်ဒှ်သမ္ဘာ ပၟိက်တုပ်တုဲပဒတဴကီု သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီု ညးမၞုံယၟုဝွံ ။ ပ ။ သမ္ဘာပၟိက်တုပ်တုဲ ပဒတဴကီု သမ္ဘာပံင်ဖက်မွဲချိန်ခဏကီု။ ဩဝ်ဒှ်သမ္ဘာပၟိက်တုပ်တုဲ ပဒတဴကီု သမ္ဘာမဂပ်ဝ်ရာန်နသြန်ကီုညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ဗဒ္ဓစက်’ စက်ဝိုင်တုဲရ။ ဂပ်ဝ်ခ္ဍန်ကၠေံမူရ။ 318) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်မၞုံယၟုဝွံ ဩဝ်ဒှ်သမ္ဘာ ပံင်ဖက်မွဲချိုန်ခဏကီု သမ္ဘာမဂပ်ဝ်ရာန်နသြန်ကီု ညးမၞုံယၟုဝွံညိ ။ ပ ။ သမ္ဘာပံင်ဖက်မွဲချိုန်ခဏကီု သမ္ဘာပၟိက်တုပ်တုဲ ပဒတဴကီု။ ဩဝ်ဒှ်သမ္ဘာပံင်ဖက်မွဲချိုန်ခဏကီု သမ္ဘာဍိက်ဂၠုဲကီုညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ဨကမူတုဲရ။ [မပ္တံဒုမူဂမၠိုင်လေဝ် တုပ်နဲဝွံဟေင် ဂပ်ဝ်သ္ပအိုတ်ရ။] ကြက်သ္ဂးဂတဝွံတုန် ဒသမူရောင်။ 319) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်မၞုံယၟုဝွံကီု ဩဝ်ဒှ်သမ္ဘာ မဂပ်ဝ်ရာန်နသြန်ကီု သမ္ဘာပၟိက်တုပ်တုဲပဒတဴကီု သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီု သမ္ဘာပဒတဴဟိုတ်နူယာတ်ဗွိုက်လတက်ကီု သမ္ဘာဖျေံတဲမွဲစွံ ပ္ဍဲခရော်ဍာ်တုဲ မထပ်တဲကီု သမ္ဘာကဵုဖျေံကၠေံ ယာတ်ဒစဲတုဲ ပဒတဴကီု သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်ကီု သမ္ဘာသၟာကမၠောန်ဗြဴလေဝ်ဒှ် သမ္ဘာလေဝ်ဒှ်ကီု သမ္ဘာဍိက်ဂၠုဲကီု သမ္ဘာပံင်ဖက်မွဲချိုန်ခဏကီု ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး၊ ဒးအာပတ်သံဃာဒိသေသ်ရ။ စက်နူလ္ပာ်ဗြဴမိအံက် မင်မွဲလဝ်တုဲရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမအံက်မင်မွဲလဝ်မၞုံယၟုဝွံ ။ ပ ။ ဗြဴမိမမင်မွဲလဝ်။ ဗြဴကောဒေံမင်မွဲလဝ်။ ဗြဴၝဲဒေံဗြဴမင်မွဲလဝ်။ ဗြဴကဠောမသမင်မွဲလဝ်။ ဗြဴတၞောဝ်ဒတောဝ်မင်မွဲလဝ်။ ဗြဴညးဒ္ဂေတ်ဓရ်မွဲစွံမင်မွဲလဝ်။ ဗြဴစွံပတန်လဝ်ပၟင်ပၟဲ။ ဗြဴစွံလဝ်ဒဏ်မၞုံယၟုဝွံ ဩဝ်ဒှ်သမ္ဘာ မဂပ်ဝ်ရာန်နသြန် ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴစွံလဝ်ဒဏ်မၞုံယၟုဝွံ ဩဝ်ဒှ်သမ္ဘာပၟိက်တုပ်တုဲ ပဒတဴ ညးမၞုံယၟုဝွံ ။ ပ ။ သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်။ သမ္ဘာပဒတဴဟိုတ်တူယာတ်ဗွိုက်လတက်။ သမ္ဘာဖျေံတဲမွဲစွံ ပ္ဍဲခရော်ဍာ်တုဲ မထပ်တဲ။ သမ္ဘာကဵုဖျေံကၠေံ ယာတ်ဒစဲတုဲ ပဒတဴ။ သမ္ဘာဍိက်ဗြဴလေဝ်ဒှ် သမ္ဘာလဝ်ဒှ်။ သမ္ဘာသၟာကမၠောန်ဗြဴလေဝ်ဒှ် သမ္ဘာလေဝ်ဒှ်။ သမ္ဘာဍိက်ဂၠုဲ။ ဩဝ်ဒှ်သမ္ဘာ ပံင်ဖက်မွဲချိုန်ခဏညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ နိက္ခေပပိုဒ်ဂမၠိုင်ရောင်။ 320) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴစွံလဝ်ဒဏ်မၞုံယၟုဝွံ ဩဝ်ဒှ်သမ္ဘာမဂပ်ဝ်ရာန်နသြန်ကီု သမ္ဘာပၟိက်တုဲ ပဒတဴကီု ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴစွံလဝ်ဒဏ်မၞုံယၟုဝွံ ဩဝ်ဒှ်သမ္ဘာ မဂပ်ဝ်ရာန်နသြန်ကီု သမ္ဘာပဒတဴ ဟိုတ်နူဟာန်ဘိုဂ်ဘဂ်ကီု ။ ပ ။ ဩဝ်ဒှ်သမ္ဘာ မဂပ်ဝ်ရာန်နသြန်ကီု သမ္ဘာပံင်ဖက်မွဲချိုန်ခဏကီုညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ခဏ္ဍစက်’ စက်သကုတ်တုဲရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴစွံလဝ်ဒဏ်မၞုံယၟုဝွံ ဩဝ်ဒှ်သမ္ဘာပၟိက်တုပ်တုဲ ပဒတဴကီု သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီဒ ညးမၞုံယၟုဝွံ ။ ပ ။ သမ္ဘာပၟိက်တုပ်တုဲ ပဒတဴကီု သမ္ဘာမပံင်ဖက်မွဲချိုန်ခဏကီု။ ဩဝ်ဒှ်သမ္ဘာပၟိက်တုပ်တုဲ ပဒတဴကီု သမ္ဘာမဂပ်ဝ်ရာန်နသြန်ကီုညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ဗဒ္ဓစက်’ စက်ဝိုင်တုဲရ။ ဂပ်ဝ်ခ္ဍန်ကၠေံမူရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴစွံလဝ်ဒဏ်မၞုံယၟုဝွံ ဩဝ်ဒှ်သမ္ဘာပံင်ဖက်မွဲချိုန်ခဏကီု သမ္ဘာမဂပ်ဝ်ရာန် နသြန်ကီု ညးမၞုံယၟုဝွံညိ ။ ပ ။ ဩဝ်ဒှ်သမ္ဘာပံင်ဖက်မွဲချိုန်ခဏကီု သမ္ဘာဍိက်ဂၠုဲကီုညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ဨကမူတုဲရ။ [ဒုမူကီု တိမူကီု စဵုစိုပ်နဝမူ တုပ်နဲဝွံဟေင် ဂပ်ဝ်သ္ပရ။] ကြက်သ္ဂးဂတဝွံတုန် ဒသမူရောင်။ 321) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴစွံလဝ်ဒဏ်မၞုံယၟုဝွံ ဩဝ်ဒှ်သမ္ဘာမဂပ်ဝ်ရာန်နသြန်ကီု သမ္ဘာပၟိက်တုပ်တုဲ ပဒတဴကီု၊ သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီု၊ သမ္ဘာပဒတဴ ဟိုတ်နူယာတ်ဗွိုက်လတက်ကီု၊ သမ္ဘာဖျေံတဲမွဲစွံ ပ္ဍဲခရော်ဍာ်တုဲ မထပ်တဲကီု၊ သမ္ဘာကဵုဖျေံကၠေံယာတ်ဒစဲတုဲ ပဒတဴကီု၊ သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်ကီု၊ သမ္ဘာသၟာကမၠောန်လဝ်ဒှ် သမ္ဘာလေဝ်ဒှ်ကီု၊ သမ္ဘာဍိက်ဂၠုဲကီု၊ သမ္ဘာပံင်ဖက်မွဲချိုန်ခဏကီု ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရေင်တၠုင်နင်ပၠန်မ္ဂး၊ ဒးအာပတ်သံဃာဒိသေသ်ရ။ စက်နူလ္ပာ်ဗြဴစွံလဝ်ဒဏ်တုဲရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက် မင်မွဲလဝ်မၞုံယၟုဝွံ ဩဝ်ဒှ်သမ္ဘာမဂပ်ဝ်ရာန်နသြန် ညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်ကီု ဗြဴမအံက်မင်မွဲလဝ်ကီု၊ မၞုံယၟုဝွံ ဩဝ်ဒှ်သမ္ဘာ မဂပ်ဝ်ရာန်နသြန်ကီု၊ သမ္ဘာပၟိက်တုပ်တုဲ ပဒတဴကီု ညးမၞုံယၟုဝွံအိုတ်ညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး၊ ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်ကီု၊ ဗြဴမအံက်မင်မွဲလဝ်ကီု၊ ဗြဴမိမမင်မွဲလဝ်ကီု၊ မၞုံယၟုဝွံ ဩဝ်ဒှ်သမ္ဘာမဂပ်ဝ်ရာန်နသြန်ကီု၊ သမ္ဘာပၟိက်တုပ်တုဲ ပဒတဴကီု၊ သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီု ညးမၞုံယၟုဝွံအိုတ်ညိ” ရဴဝွံ ဗလးဏာခမဳရ၊ ဒုင်တဴတဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ တုပ်သၟဟ်သာ်ဝွံ ဂပ်ဝ်ပွမဇၞော်မောဝ်ၜါလ္ပာ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်ကီု၊ ဗြဴမအံက်မင်မွဲလဝ်ကီု၊ ဗြဴမိမမင်မွဲလဝ်ကီု၊ ဗြဴကောဒေံမင်မွဲလဝ်ကီု၊ ဗြဴၝဲဒေံဗြဴမင်မွဲလဝ်ကီု၊ ဗြဴကဠောမသမင်မွဲလဝ်ကီု၊ ဗြဴတၞောဝ်ဒတောဝ်မင်မွဲလဝ်ကီု၊ ဗြဴညးဒ္ဂေတ်ဓရ်မွဲစွံမင်မွဲလဝ်ကီု၊ ဗြဴစွံပတန်လဝ်ပၟင်ပၟဲကီု၊ ဗြဴစွံလဝ်ဒဏ်ကီု မၞုံယၟုဝွံဩဝ်ဒှ်သမ္ဘာမဂပ်ဝ်ရာန်နသြန်ကီု၊ သမ္ဘာပၟိက်တုဲပဒတဴကီု၊ သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီု၊ သမ္ဘာပဒတဴ ဟိုတ်နူယာတ်ဗွိုက်လတက်ကီု၊ သမ္ဘာဖျေံတဲမွဲစွဲ ပ္ဍဲခရော်ဍာ်တုဲ မထပ်တဲကီု၊ သမ္ဘာကဵုဖျေံကၠေံယာတ်ဒစဲတုဲ ပဒတဴကီု၊ သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်၊ သမ္ဘာသၟာကမၠောန်ဗြဴလေဝ်ဒှ် သမ္ဘာလေဝ်ဒှ်ကီု၊ သမ္ဘာဍိက်ဂၠုဲကီု၊ သမ္ဘာပံင်ဖက်မွဲချိုန်ခဏကီု ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဴတဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ပွမဇၞော်မောဝ်ၜါလ္ပာ်တုဲရ။ မိအံက်တြုံဂှ် ဗလးဏာခမဳရ ။ ပ ။ မအံက်တြုံဂှ် ဗလးဏာခမဳရ ။ ပ ။ မိမတြုံဂမၠိုင်ဂှ် ဗလးဏာခမဳအိုတ်ရ ။ ပ ။ ကောဒေံတြုံဂှ် ဗလးဏာခမဳရ ။ ပ ။ ၝဲဒေံဗြဴတြုံဂှ် ဗလးဏာခမဳရ ။ ပ ။ ကဠောမသတြုံဂမၠိုင်ဂှ် ဗလးဏာခမဳအိုတ်ရ ။ ပ ။ တၞောဝ်ဒတောဝ်တြုံဂမၠိုင်ဂှ် ဗလးဏာခမဳအိုတ်ရ ။ ပ ။ ညးဒ္ဂေတ်ဓရ်မွဲစွံ တြုံဂမၠိုင်ဂှ် ဗလးဏာခမဳအိုတ်ရ ။ ပ ။ ဂပ်ဝ်တြးတဴ ‘ပုရိသပေယျာလ’ စက်ဓလိုက်နူလ္ပာ်တြုံတုဲရ။ [ညံင်နဲကိုပ်ကၠာကီု ဂပ်ဝ်တြးတဴ ပွမဇၞော်မောဝ်ၜါလ္ပာ်ရ။] 322) မိအံက် ဗြဴမိမင်မွဲလဝ်ဂှ် “ယွံတဳလပိုဉ် ဩဝ်က္ညအာညိ၊ ဗြဴမၞုံယၟုဝွံ ဩဝ်ဒှ်သမ္ဘာမဂပ်ဝ်ရာန်နသြန် ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ မိက်အံက် ဗြဴမိမင်မွဲလဝ်ဂှ် “ယွံတဳလပိုဉ် ဩဝ်က္ညအာညိ၊ ဗြဴမၞုံယၟုဝွံ ဩဝ်ဒှ်သမ္ဘာပၟိက်တုပ်တုဲ ပဒတဴ ။ ပ ။ သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်၊ သမ္ဘာပဒတဴ ဟိုတ်နူယာတ်ဗွိုက်လတက်၊ သမ္ဘာဖျေံတဲမွဲစွံပ္ဍဲခရော်ဍာ်တုဲ မထပ်တဲ၊ သမ္ဘာကဵုဖျေံကၠေံ ယာတ်ဒစဲတုဲပဒတဴ၊ သမ္ဘာဍိက်ဗြဴလေဝ်ဒှ် သမ္ဘလေဝ်ဒှ်၊ သမ္ဘာသၟာကမၠောန်ဗြဴလေဝ်ဒှ် သမ္ဘာလေဝ်ဒှ်၊ သမ္ဘာဍိက်ဂၠုဲ၊ သမ္ဘာပံင်ဖက်မွဲချိုန်ခဏ ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ နိက္ခေပပိုဒ်ဂမၠိုင်ရောင်။ 323) မိအံက် ဗြဴမိမင်မွဲလဝ်ဂှ် “ယွံတဳလပိုဉ် ဩဝ်က္ညအာညိ၊ ဗြဴမၞုံယၟုဝွံ ဩဝ်ဒှ်သမ္ဘာ မဂပ်ဝ်ရာန်နသြန်ကီု သမ္ဘာပၟိက်တုပ်တုဲ ပဒတဴကီု ။ ပ ။ သမ္ဘာမဂပ်ဝ်ရာန် နသြန်ကီု သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီု ။ ပ ။ သမ္ဘာမဂပ်ဝ်ရာန်နသြန်ကီု သမ္ဘာပံင်ဖက်မွဲချိုန်ခဏကီု ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ခဏ္ဍစက်’ စက်သကုတ်တုဲရ။ 324) မိအံက် ဗြဴမိမင်မွဲလဝ်ဂှ် “ယွံတဳလပိုဉ် ဩဝ်က္ညအာညိ၊ ဗြဴမၞုံယၟုဝွံ ဩဝ်ဒှ်သမ္ဘာပၟိက်တုပ်တုဲ ပဒတဴကီု သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီု ။ ပ ။ သမ္ဘာပၟိက်တုပ်တုဲ ပဒတဴကီု သမ္ဘာပံင်ဖက်မွဲချိုန်ခဏကီု ။ ပ ။ သမ္ဘာပၟိက်တုၠတုဲ ပဒတဴကီု သမ္ဘာမဂပ်ဝ်ရာန်နသြန်ကီု ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ဗဒ္ဓစက်’ စက်ဝိုင်တုဲရ။ ဂပ်ဝ်ခ္ဍန်ကၠေံမူရ။ 325) မိအံက် ဗြဴမိမင်မွဲလဝ်ဂှ် “ယွံတဳလပိုဉ် ဩဝ်က္ညအာညိ၊ ဗြဴမၞုံယၟုဝွံ ဩဝ်ဒှ်သမ္ဘာ ပံင်ဖက်မွဲချိုန်ခဏကီု သမ္ဘာမဂပ်ဝ်ရာန် နသြန်ကီု ။ ပ ။ သမ္ဘာပံင်ဖက်မွဲချိုန်ခဏကီု သမ္ဘာပၟိက်တုပ်တုဲ ပဒတဴကီု ။ ပ ။ သမ္ဘာပံင်ဖက်မွဲချိုန်ခဏကီု သမ္ဘာဍိက်ဂၠုဲကီုညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ဨကမူတုဲရ။ [ဒုမူကီု တိမူကီု စဵုစိုပ်နဝမူ တုပ်နဲဝွံဟေင် ဂပ်ဝ်သ္ပရ] ကြက်သ္ဂးဂတဝွံတုန် ဒသမူရောင်။ 326) မိအံက် ဗြဴမိမင်မွဲလဝ်ဂှ် “ယွံတဳလပိုဉ် ဩဝ်က္ညအာညိ၊ ဗြဴမၞုံယၟုံဝွံ ဩဝ်ဒှ်သမ္ဘာ မဂပ်ဝ်ရာန်နသြန်ကီု သမ္ဘာပၟိက်တုပ်တုဲ ပဒတဴကီု သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီု သမ္ဘာပဒတဴဟိုတ်နူယာတ်ဗွိုက်လတက်ကီု သမ္ဘာဖျေံတဲမွဲစွံပ္ဍဲခရော်ဍာ်တုဲ မထပ်တုဲကီု သမ္ဘာကဵုဖျေံကၠေံယာတ်ဒစဲတုဲ ပဒတဴကီု သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်ကီု သမ္ဘာသၟာကမၠောန်ဗြဴလေဝ်ဒှ် သမ္ဘာလေဝ်ဒှ်ကီု သမ္ဘာဍိက်ဂၠုဲကီု သမ္ဘာပံင်ဖက်မွဲချိုန်ခဏကီု ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ စက်နူလ္ပာ်မိတုဲရ။ မအံက် ဗြဴမအံက်မင်မွဲလဝ်ဂှ် ဗလးဏာခမဳရ ။ ပ ။ မိမဂမၠိုင် ဗြဴမိမမင်မွဲလဝ်ဂှ် ဗလးဏာခမဳအိုတ်ရ။ ကောဒေံ ဗြဴကောဒေံမင်မွဲလဝ်ဂှ် ဗလးဏာခမဳရ။ ၝဲဒေံဗြဴ ဗြဴၝဲဒေံမင်မွဲလဝ်ဂှ် ဗလးဏာခမဳရ။ ကဠောမသဂမၠိုင် ဗြဴကဠောမသမင်မွဲလဝ်ဂှ် ဗလးဏာခမဳအိုတ်ရ။ တၞောဝ်ဒတောဝ်ဂမၠိုင် ဗြဴတၞောဝ်ဒတောဝ်မင်မွဲလဝ်ဂှ် ဗလးဏာခမဳအိုတ်ရ။ ညးဒ္ဂေတ်ဓရ်မွဲစွံဂမၠိုင် ဗြဴညးဒ္ဂေတ်ဓရ်မွဲစွံမင်မွဲလဝ်ဂှ် ဗလးဏာခမဳအိုတ်ရ။ ညးသီၜတ်ဂိုင်ကေတ် ဗြဴစွံလဝ်ပၟင်ပၟဲဂှ် ဗလးဏာခမဳရ။ ညးစွံလဝ်ဒဏ် ဗြဴစွံလဝ်ဒဏ်ဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက် မင်မွဲလဝ်မၞုံယၟုဝွံ ဩဝ်ဒှ်သမ္ဘာမဂပ်ဝ်ရာန်နသြန် ညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ညးစွံလဝ်ဒဏ် ဗြဴစွံလဝ်ဒဏ်ဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်မၞုံယၟုဝွံ ဩဝ်ဒှ်သမ္ဘာပၟိက်တုပ်တုဲ ပဒတဴ ။ ပ ။ သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်။ သမ္ဘာပဒတဴ ဟိုတ်နူယာတ်ဗွိုက်လတက်။ သမ္ဘာဖျေံတဲမွဲစွံ ပ္ဍဲခရော်ဍာ်တုဲမထပ်တဲ။ သမ္ဘာကဵုဖျေံကၠေံယာတ်ဒစဲတုဲ ပဒတဴ။ သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်။ သမ္ဘာသၟာကမၠောန်ဗြဴလေဝ်ဒှ် သမ္ဘာလေဝ်ဒှ်။ သမ္ဘာဍိက်ဂၠုဲ။ ဩဝ်ဒှ်သမ္ဘာပံင်ဖက်မွဲချိုန်ခဏညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ နက္ခေပပိုဒ်ဂမၠိုင်ရောင်။ 327) ညးစွံလဝ်ဒဏ် ဗြဴစွံလဝ်ဒဏ်ဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်မၞုံယၟုဝွံ ဩဝ်ဒှ်သမ္ဘာမဂပ်ဝ်ရာန်နသြန်ကီု သမ္ဘာပၟိက်တုပ်တုဲပဒတဴကီု ။ ပ ။ သမ္ဘာမဂပ်ဝ်ရာန်နသြန်ကီု သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီု ။ ပ ။ သမ္ဘာမဂပ်ဝ်ရာန်နသြန်ကီု သမ္ဘာပံင်ဖက်မွဲချိုန်ခဏကီု ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ခဏ္ဍစက်’ စက်သကုတ်တုဲရ။ 328) ညးစွံလဝ်ဒဏ် ဗြဴစွံလဝ်ဒဏ်ဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်မၞုံယၟုဝွံ ဩဝ်ဒှ်သမ္ဘာပၟိက်တုပ်တုဲ ပဒတဴကီု သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီု ။ ပ ။ သမ္ဘာပၟိက်တုပ်တုဲပဒတဴကီု သမ္ဘာပံင်မွဲချိုန်ခဏကီု ။ ပ ။ သမ္ဘာပၟိက်တုပ်တုဲ ပဒတဴကီု သမ္ဘာမဂပ်ဝ်ရာန် နသြန်ကီု ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ဗဒ္ဓစက်’ စက်ဝိုင်တုဲရ။ ဂပ်ဝ်ခ္ဍန်ကၠေံမူရ။ 329) ညးစွံလဝ်ဒဏ် ဗြဴစွံလဝ်ဒဏ်ဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်မၞုံယၟုဝွံ ဩဝ်ဒှ်သမ္ဘာပံင်ဖက်မွဲချိုန်ခဏကီု သမ္ဘာမဂပ်ဝ်ရာန်နသြန်ကီု ။ ပ ။ သမ္ဘာပံင်ဖက်မွဲချိုန်ခဏကီု သမ္ဘာပၟိက်တုပ်တုဲ ပဒတဴကီု ။ ပ ။ သမ္ဘာပံင်ဖက်မွဲချိုန်ခဏကီု သမ္ဘာဍိက်ဂၠုဲကီုညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ဨကမူတုဲရ။ [ဒုမူကီု တိမူကီု စဵုစိုပ်နဝမူ တုပ်နဲဝွံဟေင် ဂပ်ဝ်သ္ပရ။] ကြက်သ္ဂးဂတဝွံတုန် ဒသမူရောင်။ 330) ညးစွံလဝ်ဒဏ် ဗြဴစွံလဝ်ဒဏ်ဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက်မင်မွဲလဝ်မၞုံယၟုဝွံ ဩဝ်ဒှ်သမ္ဘာ မဂပ်ဝ်ရာန်နသြန်ကီု သမ္ဘာပၟိက်တုပ်တုဲ ပဒတဴကီု သမ္ဘာပဒတဴဟိုတ်နူပိုဉ်ဟာန်ဘိုဂ်ဘဂ်ကီု သမ္ဘာပဒတဴ ဟိုတ်နူယာတ်ဗွိုက်လတက်ကီု သမ္ဘာဖျေံတဲမွဲစွံပ္ဍဲခရော်ဍာ်တုဲ မထပ်တဲကီု သမ္ဘာကဵုဖျေံကၠေံ ယာတ်ဒစဲတုဲ ပဒတဴကီု သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်ကီု သမ္ဘာသၟာကမၠောန်ဗြဴလေဝ်ဒှ် သမ္ဘာလေဝ်ဒှ်ကီု သမ္ဘာဍိက်ဂၠုဲကီု သမ္ဘာပံင်ဖက်မွဲချိုန်ခဏကီု ညးမၞုံယၟုဝွံညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ စက်နူလ္ပာ်ဗြဴစွံလဝ်ဒဏ်တုဲရ။ ဗြဴမိမင်မွဲလဝ်ဂှ် “ယွံတဳလပိုဉ် ဩဝ်က္ညအာညိ၊ (အဲဍိက်) မိက်ဂွံဒှ်သမ္ဘာ မဂပ်ဝ်ရာန်နသြန် ညးမၞုံယၟုဝွံရ ရဴဝွံ ဩဝ်ဟီုကဵုညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ဗြဴမိမင်မွဲလဝ်ဂှ် “ယွံတဳလပိုဉ် ဩဝ်က္ညအာညိ၊ (အဲဍိက်) မိက်ဂွံဒှ် သမ္ဘာပၟိက်တုပ်တုဲ ပဒတဴ ။ ပ ။ သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်။ သမ္ဘာပဒတဴ ဟိုတ်နူယာတ်ဗွိုက်လတက်။ သမ္ဘာဖျေံတဲမွဲစွံ ပ္ဍဲခရော်ဍာ်တုဲမထပ်တဲ။ သမ္ဘာကဵုဖျေံကၠေံယာတ်ဒစဲတုဲ ပဒတဴ။ သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်။ သမ္ဘာသၟာကမၠောန်ဗြဴလေဝ်ဒှ်။ သမ္ဘာဍိက်ဂၠုဲ။ သမ္ဘာပံင်ဖက်မွဲချိုန်ခဏကီု ညးမၞုံယၟုဝွံရ ရဴဝွံ ဩဝ်ဟီုကဵုညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ နိက္ခေပပိုဒ်ဂမၠိုင်ရောင်။ 331) ဗြဴမိမင်မွဲလဝ်ဂှ် “ယွံတဳလပိုည် ဩဝ်က္ညအာညိ၊ (အဲဍိက်) မိက်ဂွံဒှ်သမ္ဘာ မဂပ်ဝ်ရာန်နသြန်ကီု သမ္ဘာပၟိက်တုပ်တုဲ ပဒတဴကီု ညးမၞုံယၟုဝွံရ ရဴဝွံ ဩဝ်ဟီုကဵုညိမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ဗြဴမိမင်မွဲလဝ်ဂှ် “ယွံတဳလပိုဉ် ဩဝ်က္ညအာညိ၊ (အဲဍိက်) မိက်ဂွံဒှ်သမ္ဘာ မဂပ်ဝ်ရာန်နသြန်ကီု သမ္ဘာပဒတဴဟိုတ်နူပိုဉ်ဟာန်ဘိုဂ်ဘဂ်ကီု ။ ပ ။ သမ္ဘာမဂပ်ဝ်ရာန် နသြန်ကီု သမ္ဘာပဒတဴ ဟိုတ်နူယာတ်ဗွိုက်လတက်ကီု ။ ပ ။ သမ္ဘာမဂပ်ဝ်ရာန်နသြန်ကီု သမ္ဘာပံင်ဖက်မွဲချိုန်ခဏကီု ညးမၞုံယၟုဝွံရ ရဴဝွံ ဩဝ်ဟီုကဵုညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ခဏ္ဍစက်’ စက်သကုတ်တုဲရ။ 332) ဗြဴမိမင်မွဲလဝ်ဂှ် “ယွံတဳလပိုဉ် ဩဝ်က္ညအာညိ၊ (အဲဍိက်) မိက်ဂွံဒှ်သမ္ဘာပၟိက်တုပ်တုဲ ပဒတဴကီု သမ္ဘာပဒတဴဟိုတ်နူပိုဉ်ဟာန်ဘိုဂ်ဘဂ်ကီု ။ ပ ။ သမ္ဘာပၟိက်တုပ်တုဲ ပဒတဴကီု သမ္ဘာပံင်ဖက်မွဲချိုန်ခဏကီု ။ ပ ။ သမ္ဘာပၟိက်တုပ်တုဲ ပဒတဴကီု သမ္ဘာမဂပ်ဝ်ရာန်နသြန်ကီု ညးမၞုံယၟုဝွံရ ရဴဝွံ ဩဝ်ဟီုကဵုညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ဗဒ္ဓစက်’ စက်ဝိုင်တုဲရ။ ဂပ်ဝ်ခ္ဍန်ကၠေံမူရ။ ဗြဴမိမင်မွဲလဝ်ဂှ် “ယွံတဳလပိုဉ် ဩဝ်က္ညအာညိ၊ (အဲဍိက်) မိက်ဂွံဒှ် သမ္ဘာပံင်ဖက်မွဲချိုန်ခဏကီု သမ္ဘာမဂပ်ဝ်ရာန်နသြန်ကီု ။ ပ ။ သမ္ဘာပံင်ဖက်မွဲချိုန်ခဏကီု သမ္ဘာပၟိက်တုပ်တုဲပဒတဴကီု ။ ပ ။ သမ္ဘာပံင်ဖက်မွဲချိုန်ခဏကီု သမ္ဘာဍိက်ဂၠုဲကီု ညးမၞုံယၟုဝွံရ ရဴဝွံ ဩဝ်ဟီုကဵုညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ဨကမူတုဲရ။ [မပ္တံဒုမူဂမၠိုင်လေဝ် တုပ်နဲဝွံဟေင် ဂပ်ဝ်သ္ပအိုတ်ရ။] ကြက်သ္ဂးဂတဝွံတုန် ဒသမူရောင်။ 333) ဗြဴမိမင်မွဲလဝ်ဂှ် “ယွံတဳလပိုဉ် ဩဝ်က္ညအာညိ၊ (အဲဍိက်) မိက်ဂွံဒှ် သမ္ဘာမဂပ်ဝ်ရာန်နသြန်ကီု သမ္ဘာပၟိက်တုပ်တုဲ ပဒတဴကီု သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီု သမ္ဘာပဒတဴ ဟိုတ်နူယာတ်ဗွိုက်လတက်ကီု သမ္ဘာဖျေံတဲမွဲစွံ ပ္ဍဲခရော်ဍာ်တုဲ မထပ်တဲကီု သမ္ဘာကဵုဖျေံကၠေံယာတ်ဒစဲတုဲ ပဒတဴကီု သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်ကီု သမ္ဘာသၟာကမၠောန်ဗြဴလေဝ်ဒှ် သမ္ဘာဍိက်ဂၠုဲကီု သမ္ဘာပံင်ဖက်မွဲချိုန်ခဏကီု ညးမၞုံယၟုဝွံရ ရဴဝွံ ဩဝ်ဟီုကဵု ညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ စက်နူလ္ပာ်ဗြဴမိမင်မွဲလဝ် မွဲဂကူတုဲရ။ ဗြဴမအံက်မင်မွဲလဝ်ဂှ် ဗလးဏာခမဳရ ။ ပ ။ ဗြဴမိမင်မွဲလဝ်ဂှ် ဗလးဏာခမဳရ။ ဗြဴကောဒေံမင်မွဲလဝ်ဂှ် ဗလးဏာခမဳရ။ ဗြဴၝဲဒေံမင်မွဲလဝ်ဂှ် ဗလးဏာခမဳရ။ ဗြဴကဠောမသမင်မွဲလဝ်ဂှ် ဗလးဏာခမဳရ။ ဗြဴတၞောဝ်ဒတောဝ်မင်မွဲလဝ်ဂှ် ဗလးဏာခမဳရ။ ဗြဴညးဒ္ဂေတ်ဓရ်မွဲစွံမင်မွဲလဝ်ဂှ် ဗလးဏာခမဳရ။ ဗြဴစွံလဝ်ပၟင်ပၟဲဂှ် ဗလးဏာခမဳရ။ ဗြဴစွံလဝ်ဒဏ်ဂှ် “ယွံတဳလပိုဉ် ဩဝ်က္ညအာညိ၊ (အဲဍိက်) မိက်ဂွံဒှ်သမ္ဘာ မဂပ်ဝ်ရာန်နသြန် ညးမၞုံယၟုဝွံရ ရဴဝွံ ဩဝ်ဟီုကဵု ညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ဗြဴစွံလဝ်ဒဏ်ဂှ် “ယွံတဳလပိုည် ဩဝ်က္ညအာညိ၊ (အဲဍိက်) မိက်ဂွံဒှ်သမ္ဘာပၟိက်တုပ်တုဲ ပဒတဴ ။ ပ ။ သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်။ သမ္ဘာပဒတဴ ဟိုတ်နူယာတ်ဗွိုက်လတက်။ သမ္ဘာဖျေံတဲမွဲစွံ ပ္ဍဲခရော်ဍာ်တုဲ မထပ်တဲ။ သမ္ဘာကဵုဖျေံကၠေံ ယာတ်ဒစဲတုဲ ပဒတဴ။ သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်။ သမ္ဘာသၟာကမၠောန်ဗြဴလေဝ်ဒှ် သမ္ဘာလေဝ်ဒှ်။ သမ္ဘာဍိက်ဂၠုဲ။ သမ္ဘာပံင်ဖက်မွဲချိုန်ခဏကီု ညးမၞုံယၟုဝွံရ ရဴဝွံ ဩဝ်ဟီုကဵုညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ နိက္ခေပပိုဒ်ဂမၠိုင်ရောင်။ 334) ဗြဴစွံလဝ်ဒဏ်ဂှ် “ယွံတဳလပိုဉ် ဩဝ်က္ညအာညိ၊ (အဲဍိက်) မိက်ဂွံဒှ် သမ္ဘာမဂပ်ဝ်ရာန်နသြန်ကီု သမ္ဘာပၟိက်တုဲ ပဒတဴကီု ။ ပ ။ သမ္ဘာမဂပ်ဝ်ရာန် နသြန်ကီု သမ္ဘာပံင်ဖက်မွဲချိုန်ခဏကီု ညးမၞုံယၟုဝွံရ ရဴဝွံ ဩဝ်ဟီုကဵုညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ခဏ္ဍစက်’ စက်သကုတ်တုဲရ။ 335) ဗြဴစွံလဝ်ဒဏ်ဂှ် “ယွံတဳလပိုည် ဩဝ်က္ညအာညိ၊ (အဲဍိက်) မိက်ဂွံဒှ်သမ္ဘာပၟိက်တုပ်တုဲ ပဒတဴကီု သမ္ဘာပဒတဴဟိုတ်နူပိုဉ်ဟာန်ဘိုဂ်ဘဂ်ကီု ။ ပ ။ သမ္ဘာပၟိက်တုပ်တုဲ ပဒတဴကီု သမ္ဘာပံင်ဖက်မွဲချိုန်ခဏကီု ။ ပ ။ သမ္ဘာပၟိက်တုပ်တုဲ ပဒတဴကီု သမ္ဘာမဂပ်ဝ်ရာန်နသြန်ကီု ညးမၞုံယၟုဝွံရ ရဴဝွံ ဩဝ်ဟီုကဵုညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ‘ဗဒ္ဓစက်’ စက်ဝိုင်တုဲရ။ ဂပ်ဝ်ခ္ဍန်ကၠေံမူရ။ 336) ဗြဴစွံလဝ်ဒဏ်ဂှ် “ယွံတဳလပိုဉ် ဩဝ်က္ညအာညိ၊ (အဲဍိက်) မိက်ဂွံဒှ်သမ္ဘာပံင်ဖက်မွဲချိုန်ခဏကီု သမ္ဘာမဂပ်ဝ်ရာန်နသြန်ကီု ။ ပ ။ သမ္ဘာပံင်ဖက်မွဲချိုန်ခဏကီု သမ္ဘာပၟိက်တုပ်တုဲ ပဒတဴကီု ။ ပ ။ သမ္ဘာပံင်ဖက်မွဲချိုန်ခဏကီု သမ္ဘာဍိက်ဂၠုဲကီု ညးမၞုံယၟုံဝွံရ ရဴဝွံ ဩဝ်ဟီုကဵုညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ ဨကမူတုဲရ။ [မပ္တံဒုမူဂမၠိုင်လေဝ် တုပ်နဲဝွံဟေင် ဂပ်ဝ်သ္ပအိုတ်ရ။] ကြက်သ္ဂးဂတဝွံတုန် ဒသမူရောင်။ 337) ဗြဴစွံလဝ်ဒဏ်ဂှ် “ယွံတဳလပိုည် ဩဝ်က္ညအာညိ၊ (အဲဍိက်) မိက်ဂွံဒှ်သမ္ဘာ မဂပ်ဝ်ရာန်နသြန်ကီု သမ္ဘာပၟိက်တုပ်တုဲ ပဒတဴကီု သမ္ဘာပဒတဴ ဟိုတ်နူပိုဉ်ဟာန်ဘိုဂ်ဘဂ်ကီု သမ္ဘာပဒတဴ ဟိုတ်နူယာတ်ဗွိုက်လတက်ကီု သမ္ဘာဖျေံတဲမွဲစွံ ပ္ဍဲခရော်ဍာ်တုဲ မထပ်တဲကီု သမ္ဘာကဵုဖျေံကၠေံယာတ်ဒစဲတုဲ ပဒတဴကီု သမ္ဘာဍိက်ဗြဴလေဝ်ဒှ် သမ္ဘာလေဝ်ဒှ်ကီု သမ္ဘာသၟာကမၠောန်ဗြဴလေဝ်ဒှ် သမ္ဘာလေဝ်ဒှ်ကီု သမ္ဘာဍိက်ဂၠုဲကီု သမ္ဘာပံင်ဖက်ချိုန်ခဏကီု ညးမၞုံယၟုဝွံရ ရဴဝွံ ဩဝ်ဟီုကဵုညးမၞုံယၟုဝွံညိ” ရဴဝွံ ဗလးဏာခမဳရ၊ ဒုင်တုဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး ဒးအာပတ်သံဃာဒိသေသ်ရ။ စက်နူလ္ပာ်ဗြဴစွံလဝ်ဒဏ် မွဲဂကူတုဲရ။ ‘သဗ္ဗစက္ကပေယျာလ’ စက်ဓလိုက်အိုတ်သီုတုဲရ။ 338) ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး၊ ဒးအာပတ်သံဃာဒိသေသ်ရ။ ဒုင်တဲမ္ဂး၊ စမ်ၜတ်မ္ဂး၊ ဟွံကလေင်ရင်တၠုင်နင်ပၠန်မ္ဂး၊ ဒးအာပတ်ထုလ္လစ္စယ်ရ။ ဒုင်တဲမ္ဂး၊ ဟွံစမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး၊ ဒးအာပတ်ထုလ္လစ္စယ်ရ။ ဒုင်တဲမ္ဂး၊ ဟွံစမ်ၜတ်မ္ဂး၊ ဟွံကလေင်ရင်တၠုင်နင်ပၠန်မ္ဂး၊ ဒးအာပတ်ဒုက္ကဋ်ရ။ ဟွံဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး၊ ဒးအာပတ်ထုလ္လစ္စယ်ရ။ ဟွံဒုင်တဲမ္ဂး၊ စမ်ၜတ်မ္ဂး၊ ဟွံကလေင်ရင်တၠုင်နင်ပၠန်မ္ဂး၊ ဒးအာပတ်ဒုက္ကဋ်ရ။ ဟွံဒုင်တဲမ္ဂး၊ ဟွံစမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး၊ ဒးအာပတ်ဒုက္ကဋ်ရ။ ဟွံဒုင်တဲမ္ဂး၊ ဟွံစမ်ၜတ်မ္ဂး၊ ဟွံကလေင်ရင်တၠုင်နင်ပၠန်မ္ဂး၊ ဟွံဒးအာပတ်ရ။ တြုံဂှ် “ယွံတဳလပိုဉ်တအ် ဩဝ်က္ညအာအိုတ်ညိ၊ ဩဝ်စမ်ၜတ် ဗြဴမၞုံယၟုဝွံအိုတ်ညိ” ရဴဝွံ ဖအောဝ်စကာ ခမဳဂမၠိုင်မဂၠိုင်ရ၊ သီုညးဖအိုတ် ဒုင်တဲအိုတ်မ္ဂး၊ သီုညးဖအိုတ်စမ်ၜတ်အိုတ်မ္ဂး၊ သီုညးဖအိုတ် ကလေင်ရင်တၠုင်နင်ပၠန်အိုတ်မ္ဂး၊ သီုညးဖအိုတ် ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ်တအ် ဩဝ်က္ညအာအိုတ်ညိ၊ ဩဝ်စမ်ၜတ်ဗြဴ မၞုံယၟုဝွံအိုတ်ညိ” ရဴဝွံ ဖအောဝ်စကာခမဳဂမၠိုင်မဂၠိုင်ရ၊ သီုညးဖအိုတ်ဒုင်တဲအိုတ်မ္ဂး၊ သီုညးဖအိုတ်စမ်ၜတ်အိုတ်မ္ဂး၊ ကဵုခမဳမွဲဇကု ကလေင်ရင်တၠုင်နင်ပၠန်အိုတ်မ္ဂး၊ သီုညးဖအိုတ် ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ်တအ် ဩဝ်က္ညအာအိုတ်ညိ၊ ဩဝ်စမ်ၜတ်ဗြဴ မၞုံယၟုဝွံအိုတ်ညိ” ရဴဝွံ ဖအောဝ်စကာ ခမဳဂမၠိုင်မဂၠိုင်ရ၊ သီုညးဖအိုတ် ဒုင်တဲအိုတ်မ္ဂး၊ ကဵုခမဳမွဲဇကုစမ်ၜတ်တုဲသီုညးဖအိုတ် ကလေင်ရင်တၠုင်နင်ပၠန်အိုတ်မ္ဂး၊ သီုညးဖအိုတ် ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ်တအ် ဩဝ်က္ညအာအိုတ်ညိ၊ ဩဝ်စမ်ၜတ်ဗြဴ မၞုံယၟုဝွံအိုတ်ညိ” ရဴဝွံ ဖအောဝ်စကာ ခမဳဂမၠိုင်မဂၠိုင်ရ၊ သီုညးဖအိုတ်ဒုင်တဲအိုတ်မ္ဂး၊ ကဵုခမဳမွဲဇကုစမ်ၜတ်တုဲကဵုခမဳမွဲဇကု ကလေင်ရင်တၠုင်နင်ပၠန်အိုတ်မ္ဂး၊ သီုညးဖအိုတ် ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဩဝ်စမ်ၜတ်ဗြဴမၞုံယၟုဝွံညိ” ရဴဝွံ ဖအောဝ်စကာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကလေင်ရင်တၠုင်နင်ပၠန်မ္ဂး၊ ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဩဝ်စမ်ၜတ်ဗြဴမၞုံယၟုဝွံညိ” ရဴဝွံ ဖအောဝ်စကာခမဳရ၊ ဒုင်တဲမ္ဂး၊ စမ်ၜတ်မ္ဂး၊ ကဵုကွးပဒတဴဇရေင် ကလေင်ရင်တၠုင်နင်ပၠန်မ္ဂး၊ ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဩဝ်စမ်ၜတ်ဗြဴမၞုံယၟုဝွံညိ” ရဴဝွံ ဖအောဝ်စကာခမဳရ၊ ဒုင်တဲမ္ဂး၊ ကဵုကွးပဒတဴဇရေင် စမ်ၜတ်တုဲ အလဵုဇကုကလေင်ရင်တၠုင်နင်ပၠန်မ္ဂး၊ ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဩဝ်စမ်ၜတ်ဗြဴမၞုံယၟုဝွံညိ” ရဴဝွံ ဖအောဝ်စကာခမဳရ၊ ဒုင်တဲမ္ဂး၊ ကဵုကွးပဒတဴဇရေင် စမ်ၜတ်မ္ဂး၊ ကဵုကွးပဒတဴဇရေင် စမ်ၜတ်တုဲ ကဵုကလေင်ရင်တၠုင်နင်ပၠန် မ္ၚး (တြုံဂှ်) မ္ဂး၊ သီုၜါဇကု ဒးအာပတ်ထုလ္လစ္စယ်ရ။ 339) က္ညအာမ္ဂး ကဵုဍိုက်ပေင်ရ၊ (ဒုင်လေဝ် ဒုင်တဲ၊ စမ်ၜတ်လေဝ် စမ်ၜတ်ရ) ကလေင်ကၠုင်မ္ဂး ကဵုဆောတ်ယောင်ရ၊ (ဟွံကလေင်ရင်တၠုင်နင်ရ) ဒးအာပတ်ထုလ္လစ္စယ်ရ။ က္ညအာမ္ဂး ကဵုဆောတ်ယောင်ရ၊ (ဟွံဒုင်တဲရ) ကလေင်ကၠုင်မ္ဂး ကဵုဍိုက်ပေင်ရ၊ (စမ်ၜတ်လေဝ် စမ်ၜတ်ရ၊ ကလေင်ရင်တၠုင်နင်ပၠန်ရ) ဒးအာပတ်ထုလ္လစ္စယ်ရ။ က္ညအာမ္ဂး ကဵုဍိုက်ပေင်ရ၊ ကလေင်ကၠုင်မ္ဂး ကဵုဍိုက်ပေင်ရ၊ ဒးအာပတ်သံဃာဒိသေသ်ရ။ က္ညအာမ္ဂး ကဵုဆောတ်ယောင်ရ၊ ကလေင်ကၠုင်မ္ဂး ကဵုဆောတ်ယောင်ရ၊ ဟွံဒးအာပတ်ရ။ 340) အာတဴ နကိစ္စကေင်ကာသင်ကီု စေတဳကီု ညးဂိယဲကီုမ္ဂး (ဟွံဒးအာပတ်ရ) ကုခမဳမကြအ်ဥမ္မတ် ခမဳမကလိလောန်ကၠာတဲ ဟွံဒးအာပတ်ရ။ ဗီုဗ္ဂေတ်စက် သဉ္စရိတ္တသိက္ခာပိုဒ်တုဲရ။

၂.၅.၅။ လၟေင်က္ဍိုပ်မာတိကာ ဝိနဳတဝတ္ထုဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

ဗြဴမတိက်သၠိင်၊ ဗြဴမချိုန်၊ ဗြဴမတိတ်အာ၊ ဟွံသေင်ကဵုဗြဴ၊ ဗြဴခမၞုဲ၊ သ္ပပွမသေက်ဇဵုတုဲ ကဵုအိုတ်တၟိုဟ်တုဲ၊ ပွသ္ပကလုတ် ပ္ဍဲခမၞုဲ၊ ဣဝွံတုန် လၟေင်က္ဍိုပ်မာတိကာရောင်။

၂.၅.၆။ ဗီုသ္ဂုတ်သွာတ်ဝိနဳတဝတ္ထုဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

341) ပ္ဍဲမွဲအခိင်တေံ တြုံမွဲဂှ် “ယွံတဳလပိုဉ် ဩဝ်က္ညအာညိ၊ ဩဝ်စမ်ၜတ် ဗြဴမၞုံယၟုဝွံညိ” ရဴဝွံ ဖအောဝ်စကာခမဳမွဲရ၊ ခမဳဂှ် က္ညအာတုဲ “ဗြဴမၞုံယၟုဝွံဂှ် ညးဍေံဂှ်ရော?” ရဴဝွံ သၟာန်မၞိဟ်ဂမၠိုင်ရ၊ တိက်သၠိင်ဒၟံင်ရကျာ် ရဴဝွံ (ဂရင်ပတီအိုတ်ရ)။ “တဳလပိုဉ်ကျာ်တြဲ ဂပ်ဝ်ပညပ်လဝ် သိက္ခာပိုဒ်တုဲဒှ်ရ၊ အဲ ဒးအာပတ်သံဃာဒိသေသ်ဟာ” ရဴဝွံ ‘သံသယကုက္ကုစ္စ’ ပွချပ်သၠေဟ်ပၟာ ဒှ်ကုခမဳဂှ်ရ၊ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ၊ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁)

ပ္ဍဲမွဲအခိင်တေံ တြုံမွဲဂှ် “ယွံတဳလပိုဉ် ဩဝ်က္ညအာညိ၊ ဩဝ်စမ်ၜတ် ဗြဴမၞုံယၟုဝွံညိ” ရဴဝွံ ဖအောဝ်စကာခမဳမွဲရ၊ ခမဳဂှ် က္ညအာတုဲ “ဗြဴမၞုံယၟုဝွံဂှ် ညးဍေံဂှ်ရော?” ရဴဝွံ သၟာန်မၞိဟ်ဂမၠိုင်ရ၊ ချိုတ်အာတုဲရကျာ် ။ ပ ။ တိတ်အာရကျာ် ။ ပ ။ မၞိဟ်ဗြဴ ဟွံသေင်ရကျာ် ။ ပ ။ ဗြဴခမၞုဲရကျာ် ရဴဝွံ (ဂရင်ပတီအိုတ်ရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ် သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၂-၅)

ပ္ဍဲမွဲအခိင်တေံ ဗြဴမွဲဂှ် ဒှ်သေက်ဇဵုကေုာံတြုံတၠသ္ၚိတုဲ အာသ္ၚိမိဇကုရ၊ ခမဳမလေပ်ပြာပ်စဴသ္ၚိဂှ် သ္ပတဴဂလာန်အိုတ်တၟိဟ်ရ၊ (ကဵုကလေင်စဴသ္ၚိရ) ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ဗြဴထေက်ကဵုဟီုဂလာန်ကလုတ်ဟာ ရဴဝွံ (သၟာန်တိုန်ဂှ်) ဗြဴထေက်ကဵုဟီုဂလာန်ကလုတ် ဟွံသေင်ရကျာ် ရဴဝွံ (ဂရင်ပတီရ)။ ယွံခမဳ ပ္ဍဲဗြဴမဟွံထေက်ကဵုဟီုဂလာန်ကလုတ်ဂှ် ဟွံဒးအာပတ်ရ ရဴဝွံ (သ္ဂးရ)။ (၆)

ပ္ဍဲမွဲအခိင်တေံ ခမဳမွဲဇကု သ္ပကေင်ကာကလုတ် ပ္ဍဲခမၞုဲရ၊ ‘သံသယကုက္ကုစ္စ’ ပွမချပ်သၠေဟ်ပၟာဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ထုလ္လစ္စယ်ရ ရဴဝွံ (သ္ဂးရ)။ (၇)

သဉ္စရိတ္တသိက္ခာပိုဒ်ပဉ္စမတုဲရ။

၂.၆။ ကုဋိကာရသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

၂.၆.၁။ ဝတ္ထုခမဳကောန်ဍုင်အာဠဝဳဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

342) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒံၟင် ပ္ဍဲဘာဝေဠုဝန် မဒှ်ဒၟါဲကဵုစၞ ကုယန်လမ္စံက်ဂမၠိုင် ဇရေင်ဍုင်ရာဇဂြိုဟ်ဂှ် ခမဳကောန်ဍုင်အာဠဝဳဂမၠိုင်ကဵုသိုင်ခၞံဘာဂမၠိုင် မၞုံကဵုကပေါတ်ကြိယာဗာ မဂပ်ဝ်အာတ်အလဵုဇကု မဟွံမွဲကဵုတၠ (ဒကာညးမသိုင်) ဍေံမၞုံကဵုပူဂိုလ် မစၞောန်ထ္ၜးမ္ဂးသွက်ဇကု မဟွံမွဲကဵုဗၞတ်ဗ္ၜတ်အိုတ်ရ၊ ဘာဂမၠိုင်ဂှ် ဟွံအာစိုပ် ပွမစိုပ်ဒတုဲအိုတ်ရ၊ ခမဳဂမၠိုင်ဂှ် “ဩဝ်ကဵုမၞိဟ်တြုံအိုတ်ညိ၊ ဩဝ်ကဵုကေင်ကာတဲတြုံအိုတ်ညိ၊ ဩဝ်ကဵုဂၠဴအိုတ်ညိ၊ ဩဝ်ကဵုကွဳအိုတ်ညိ၊ ဩဝ်ကဵုဝါစဳ (ဗဗဴ) အိုတ်ညိ၊ ဩဝ်ကဵုမုဲအိုတ်ညိ၊ ဩဝ်ကဵုမြပံင်အိုတ်ညိ၊ ဩဝ်ကဵုကွဵုဇၜံက်အိုတ်ညိ၊ ဩဝ်ကဵုပၞုတ်အိုတ်ညိ၊ ဩဝ်ကဵုဇုက်လွာအိုတ်ညိ၊ ဩဝ်ကဵုဒုန်အိုတ်ညိ၊ ဩဝ်ကဵုကၟတ်ဇပူအိုတ်ညိ၊ ဩဝ်ကဵုကၟတ်စောဗဲအိုတ်ညိ၊ ဩဝ်ကဵုချောဲ (သှေ်သၟေဟ်) အိုတ်ညိ၊ ဩဝ်ကဵုတိကမၠောတ်အိုတ်ညိ” ရဴဝွံ အာတ်ဂၠိုင်ဂမၠိုင်ဒှ်တုဲ ထ္ၜးသၞိင်နိမိတ်ဂၠိုင်ဂမၠိုင်ဒှ်တုဲ သ္ပဒတဴအိုတ်ရ။ မၞိဟ်ဂမၠိုင် ဂပ်ဝ်ပ္ဍဵုပ္ဍိုက်ရာန်သကိုတ် နပွမအာတ်ဂမၠိုင်ဒှ်တုဲ ဂပ်ဝ်ပ္ဍဵုပ္ဍိုက်ရာန်သကိုတ်ဂှ် နပွမထ္ၜးသၞိင်နိမိတ်ဂမၠိုင်ဒှ်တုဲ ညာတ်ဒးခမဳဂမၠိုင်မ္ဂး သမ္ၚာတ်လေဝ် သမ္ၚာတ်အိုတ်ရ၊ လကိုတ်လေဝ် လကိုတ်အိုတ်ရ၊ ဂြိပ်လေဝ် ဂြိပ်ပေက်အိုတ်ရ၊ ပါဲတုဲလေဝ် အာအိုတ်ရ၊ ဗလေတ်မုက်တုဲလေဝ် ပဒတဴအိုတ်ရ၊ တြင်သ္ၚိလေဝ် ကၟာတ်ဒဝ်ထောံအိုတ်ရ၊ ညာတ်ဒးဂၠဴဂမၠိုင်လေဝ် သမ္တီထေင်ကေတ် ခမဳတုဲ ဂြိပ်ဒဴအိုတ်ရ။ 

ပ္ဍဲအခိင်ဂှ် တဳလပိုဉ်မဟာကဿပ သ္ပဒတဴ လုကဴဂိတုဗြဲ ပ္ဍဲဍုင်ရာဇဂြိုဟ်တုဲမ္ဂး က္ညအာဍုင်အာဠဝဳရ၊ အတိုင်လၟေင်လၟေင် အာစိုပ်ဍုင်အာဠဝဳမ္ဂး တဳလပိုဉ်မဟာကဿပ သ္ပဒတဴဒၟံင် ပ္ဍဲအဂ္ဂါဠဝစေတဳ ဇရေင်ဍုင်အာဠဝဳဂှ်ရ၊ ပ္ဍဲအခိင်ဂှ် တဳလပိုဉ်မဟာကဿပ ပ္ဍဲအခိင်နူဂယး ရုင်လတက်ပဠေဝ်သ္ၚာတုဲ ထ္ၜဂိုင်ကေတ် ဗဗေင်သ္ၚာတုဲမ္ဂး၊ လုပ်ဂ္ၚေင်ပိဏ္ဍပါတ် ပ္ဍဲဍုင်အာဠဝဳရ၊ မၞိဟ်ဂမၠိုင်ညာတ်ကေတ် တဳလပိုဉ်မဟာကဿပမ္ဂး သမ္ၚာတ်လေဝ် သမ္ၚာတ်အိုတ်ရ၊ လကိုတ်လေဝ် လကိုတ်အိုတ်ရ၊ ဂြိပ်လေဝ် ဂြိပ်ပေက်အိုတ်ရ၊ ပါဲတုဲလေဝ်အာအိုတ်ရ၊ ဗလေတ်မုက်တုဲလေဝ် ပဒတဴအိုတ်ရ၊ တြင်သ္ၚိလေဝ် ကၟာတ်ဒဝ်ထောံအိုတ်ရ။

ပ္ဍဲအခိင်ဂှ် တဳလပိုဉ်မဟာကဿပ ဂေတ်ဂ္ၚေင်ပိဏ္ဍပါတ် ပ္ဍဲဍုင်အာဠဝဳတုဲ ကဵုပိုဉ်တုဲ ပ္ဍဲကြဴ ပါဲစ္ဍးနူဇြပ်ကဵုပိုဉ်တုဲမ္ဂး— “ယွံကောန်တၠတအ် ပ္ဍဲကိုပ်ကၠာတေံ ဍုင်အာဠဝဳဝွံ ဖဲသအဳရ၊ မၞုံကဵုပိဏ္ဍပါတ် ကလိဂွံလောဲသွာရ၊ မိန်ကေတ် ဗဗေင်ပ္ဍဲတဲတုဲ နပွမဂ္ၚေင်ပိဏ္ဍပါတ် သွက်ဂွံယိုပ်ယာပ် လောဲသွာတဴရ၊ ပ္ဍဲအခိင်လၟုဟ်တုန် ဍုင်အာဠဝဳဝွံ စၞစသုင်ဝါတ်ခါဲရ၊ မၞုံကဵုပိဏ္ဍပါတ် ဇြိုင်ကဵုကလိဂွံရ၊ မိန်ကေတ် ဗဗေင်ပ္ဍဲတဲတုဲ နပွမဂ္ၚေင်ပိဏ္ဍပါတ် သွက်ဂွံယိုပ်ယာပ် ဟွံလောဲသွာရ၊ ယွံကောန်တၠတအ် ဍုင်အာဠဝဳဝွံ မုရဴဟိုတ်နူဟိုတ်အထံင်အပင်မွဲ စၞစသုင်ဝါတ်ခါဲဂှ်ရော? မၞုံကဵုပိဏ္ဍပါတ်ဇြိုင်ကဵုကလိဂွံဂှ်ရော? မိန်ကေတ် ဗဗေင်ပ္ဍဲတဲတုဲ နပွမဂေ္ၚင်ပိဏ္ဍပါတ် သွက်ဂွံယိုပ်ယာပ်ဟွံလောဲသွာဂှ်ရော?” ရဴဝွံ သၟာန်ခမဳဂမၠိုင်ရ။ ပ္ဍဲအခိင်ဂှ် ခမဳဂမၠိုင်ဂှ် ဂရင်ပတီ လဴဟိုတ် ပရူပရာဝွံ ကုတဳလပိုဉ် မဟာကဿပအိုတ်ရ။ 343) ပ္ဍဲအခိင်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံင် ပ္ဍဲဍုင်ရာဇဂြိုဟ် ဗွဲမမိပ်လဟိင်တုဲမ္ဂး က္ညအာဒေသစာရိတ် ဍုင်အာဠဝဳရ၊ အတိုင်လေၟင်လေၟင် က္ညဂ္ၚေင်အာဒေသစရိတ်ဂှ်မ္ဂး စိုပ်ကၠုင်ဍုင်အာဠဝဳရ၊ တဳလမၞုံပိုဉ်ကျာ်တြဲ သ္ပဒတဴဒၟံင် ပ္ဍဲအဂ္ဂါဠဝစေတဳ ဇရေင်ဍုင်အာဠဝဳဂှ်ရ၊ ပ္ဍဲအခိင်ဂှ် တဳလပိုဉ်မဟာကဿပ ပြာပ်အာဇရေင် တဳလမၞုံပိုဉ်ကျာ်တြဲတုဲမ္ဂး လေ္ၚာဝ်သ္ပဝတ် တဳလမၞုံပိုဉ်ကျာ်တြဲ ဗွဲမရှေ်သှေ်ရဴဂဴတုဲ ဂဇအ်ကေတ် ပ္ဍဲဒၞါဲမွဲတုဲပ္ဍဲကြဴ ဂရင်ပတီလဴဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ၊ ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲကဵုခမဳသင် ကောံဓရီုတုဲမ္ဂး— “ယွံခမဳတအ် မၞးတအ်ညးမဂမၠိုင် ကဵုသိုင်ခၞံဘာဂမၠိုင် မၞုံကဵုကပေါတ်ကြိယာဗာ မဂပ်ဝ်အာတ်အလဵုဇကု မဟွံမွဲကဵုတၠ (ဒကာညးမသိုင်) မၞုံကဵုပူဂိုလ်မစၞောန်ထ္ၜးမ္ဂး သွက်ဇကုမဟွံမွဲကဵုဗၞတ်ဗ္ၜတ်အိုတ်ရ၊ ဘာဂမၠိုင်ဂှ် ဟွံအာစိုပ် ပွမစိုပ်ဒတုဲအိုတ်ရ၊ မၞးတအ်ညးဂမၠိုင်ဂှ် ‘ဩဝ်ကဵုမၞိဟ်တြုံအိုတ်ညိ၊ ဩဝ်ကဵုကေင်ကာတဲတြုံအိုတ်ညိ၊ ဩဝ်ကဵုဂၠဴအိုတ်ညိ၊ ဩဝ်ကဵုကွဳအိုတ်ညိ၊ ဩဝ်ကဵုဝါစဳ (ဗဗဴ) အိုတ်ညိ၊ ဩဝ်ကဵုမုဲအိုတ်ညိ၊ ဩဝ်ကဵုမြပံင်အိုတ်ညိ၊ ဩဝ်ကဵုကွဵုဇၜံက်အိုတ်ညိ၊ ဩဝ်ကဵုပၞုတ်အိုတ်ညိ၊ ဩဝ်ကဵုဇုက်လွာအိုတ်ညိ၊ ဩဝ်ကဵုဒုန်အိုတ်ညိ၊ ဩဝ်ကဵုကၟတ်ဇပူအိုတ်ညိ၊ ဩဝ်ကဵုကၟတ်စောဗဲအိုတ်ညိ၊ ဩဝ်ကဵုချောဲ (သှေ်သၟေဟ်) အိုတ်ညိ၊ ဩဝ်ကဵုတိကမေၠတ်အိုတ်ညိ’ ရဴဝွံ အာတ်ဂၠိုင်ဂမၠိုင်ဒှ်တုဲ ထ္ၜးသၞိင်နိမိတ်ဂၠိုင်ဂမၠိုင်ဒှ်တုဲ သ္ပဒတဴအိုတ်ရ၊ မၞိဟ်ဂမၠိုင် ဂပ်ဝ်ပ္ဍဵုပ္ဍိုက်ရာန်သကိုဟ် နပွမအာတ်ဂမၠိုင်ဒှ်တုဲ ဂပ်ဝ်ပ္ဍဵုပ္ဍိုက်ရာန်သကိုတ် နပွမထ္ၜးသိၞင်နိမိတ်ဂမၠိုင်ဒှ်တုဲ ညာတ်ဒးခမဳဂမၠိုင်မ္ဂး သမ္ၚာတ်လေဝ် သမ္ၚာတ်အိုတ်ရ၊ လကိုတ်လေဝ် လကိုတ်အိုတ်ရ၊ ဂြိပ်လေဝ် ဂြိပ်ပေက်အိုတ်ရ၊ ပါဲတုဲလေဝ် အာအိုတ်ရ၊ ဗလေတ်မုက်တုဲလေဝ် ပဒတဴအိုတ်ရ၊ တြင်သ္ၚိလေဝ် ကၟာတ်ဒဝ်ထောံအိုတ်ရ၊ ညာတ်ဒးဂၠဴဂမၠိုင်လေဝ် သမ္တီထေင်ကေတ်ခမဳတုဲ ဂြိပ်ဒဴအိုတ်ရ ဟီုဂှ် ဍာံပြဟာ ရဴဝွံ စၟဳစၟတ်သၟာန်သၟုက် ခမဳကောန်ဍုင်အာဠဝဳဂမၠိုင်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ ယွံတြုံမလ္ၚုသၟး (နူမဂ်ဖိုလ်) တအ်မၞးတအ်ညးဂမၠိုင် မုဟိုတ်ကဵုသိုင်ခၞံဘာဂမၠိုင် မၞုံကဵုကပေါတ်ကြိယာဗာ မဂပ်ဝ်အာတ်အလဵုဇကု မဟွံမွဲကဵုတၠ (ဒကာညးမသိုင်) ဍေံမၞုံကဵုပူဂိုလ် မစၞောန်ထ္ၜးမ္ဂးသွက်ဇကု မဟွံမွဲကဵုဗၞတ်ဗ္ၜတ်အိုတ်ဂှ်ရော? ဘာဂမၠိုင်ဂှ် ဟွံအာစိုပ် ပွမစိုပ်ဒတုဲအိုတ်ရ၊ မၞးတအ်ညးဂမၠိုင်ဂှ် ဩဝ်ကဵုမၞိဟ်တြုံအိုတ်ညိ၊ ဩဝ်ကဵုကေင်ကာတဲတြုံအိုတ်ညိ ။ ပ ။ ဩဝ်ကဵုချောဲ (သှေ်သၟေဟ်) အိုတ်ညိ၊ ဩဝ်ကဵုတိကမၠေတ်အိုတ်ညိ ရဴဝွံ အာတ်ဂၠိုင်ဂမၠိုင်ဒှ်တုဲ ထ္ၜးသၞိင်နိမိတ်ဂၠိုင်ဂမၠိုင်ဒှ်တုဲ သ္ပဒတဴအိုတ်ဂှ်ရော? ယွံတြုံမလ္ၚုသၟး (နူမဂ်ဖိုလ်) တအ် (ပွမၞးတအ်ညးဂမၠိုင်သ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵု လျုင်ဇြုင်သ္ဍိုက်ကီု ။ ပ ။ ဟီုဂရိုဟ်တုဲ တွံတဴဂလာန်ဓရ်တုဲမ္ဂး သ္ဂးကဵုခမဳဂမၠိုင်ရ။

၂.၆.၂။ ဝတ္ထုသၟိင်နာ်မဏိကဏ္ဌ

[ပလေဝ်ဒါန် | ပလေဝ်ဒါန် တမ်ကၞက်]

344) ယွံခမဳတအ် ကေင်ဒှ်ကၠုင်ပ္ဍဲကိုပ်ကၠာတေံတုန် ရသိကောကဵုဒေံဂမၠိုင်ၜါ သ္ပနိဿယ်ဗ္ဒာဲကဵုကြုင်ဂင်္ဂါတုဲ သ္ပဒတဴအိုတ်ရ၊ ယွံခမဳတအ် ပ္ဍဲအခိင်ဂှ် သၟိင်နာ်မၞုံယၟုမဏိကဏ္ဌၜိင်ကေၠာံကြုင်ဂင်္ဂါတုဲ ပြာပ်ကၠုင်ဇရေင် ရသိဒေံတုဲမ္ဂး ပူပါတ်တဴရသိဒေံ နကဵုကဝးဂမၠိုင်ထပှ်ပွူတုဲ စၟဳလဝ်ကဵုဒၞော် (နော်) မဇေၞာ် ပ္ဍဲလတူကၞိပ် (က္ဍိုပ်) တုဲ တန်တဴရ၊ ယွံခမဳတအ် ပ္ဍဲအခိင်ဂှ် ရသိဒေံဂှ် ဖေက်နာ်ဂှ်တုဲ ဇြာဲသကှ်ရ၊ ဖျုန်ဆီဒေက်ခ္ဍေက်ရ၊ ရုပ်သာ်လီုလာ်ရ၊ မၞုံကဵုသာ်ဇကုဖျိုဟ်ဖျေတ် သၟဟ်ညံင်တၞးဆုဍုဟ်ဍုဟ်ရ၊ မၞုံကဵုဇကုဓရံင် ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်)ရ။ ယွံခမဳတအ် ရသိကောဂှ် သ္ဂောံညာတ်ကေတ် ရသိဒေံ မဇြာဲသကှ် ဖျုန်ဆီဒေက်ခ္ဍေက် ရုပ်သာ်လီုလာ် မၞုံကဵုသာ်ဇကုဖျိုဟ်ဖျေတ် သၟဟ်ညံင်တၞးဆုဍုဟ်ဍုဟ် မၞုံကဵုဇကုဓရံင်ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်) ဂှ်တုဲ— “ယွံဒေံ တၠအဲ မုဟိုတ်ဇြာဲသကှ်ဂှ်ရော? ဖျုန်ဆီဒေက်ခ္ဍေက်ဂှ်ရော? ရုပ်သာ်လီုလာ်ဂှ်ရော? မၞုံကဵုသာ်ဇကုဖျိုဟ်ဖျေတ် သၟဟ်ညံင်တၞးဆုဍုဟ်ဍုဟ်ဂှ်ရော? မၞုံကဵုဇကုဓရံင်ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်) ဂှ်ရော?” ရဴဝွံ သၟာန်ရသိဒေံရ။ ယွံကော ပ္ဍဲဌာန်ဝွံ သၟိင်နာ်မဏိကဏ္ဌ ၜိင်ကၠောံကြုင်ဂင်္ဂါတုဲ ပြာပ်ကၠုင်ဇရေင်အဲတုဲမ္ဂး ပူပါတ်လဝ်အဲ နကဵုကဝးဂမၠိုင် ထပှ်ပွူတုဲ စၟဳလဝ်ကဵုဒၞော် (နော်) မဇေၞာ် ပ္ဍဲလတူကၞိပ် (က္ဍိုပ်) တုဲ တန်တဴရ၊ ယွံကော အဲဟိုတ်မဖေက်နာ်ဂှ်ရ ဇြာဲသကှ်ရ၊ ဖျုန်ဆီဒေက်ခ္ဍေက်ရ၊ ရုပ်သာ်လီုလာ်ရ၊ မၞုံကဵုသာ်ဇကုဖျိုဟ်ဖျေတ် သၟဟ်ညံင်တၞးဆုဍုဟ်ဍုဟ်ရ၊ မၞုံကဵုဇကုဓရံင် ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်) ရ ရဴဝွံ (သ္ဂးရ)။ ယွံဒေံဍောတ် တၠအဲ နွံပၟိက်ကဵုနာ်ဂှ် ဟွံကၠုင်ဟာ ရဴဝွံ (သၟာန်ရ)။ ယွံကော အဲနွံပၟိက်ကဵုနာ်ဂှ် ဟွံကၠုင်ရ ရဴဝွံ (သ္ဂးရ)။ ယွံဒေံဍောတ် တၠအဲ ညာတ်ဒၟံင်ဇြပ်နာ်ဂှ် မမိက်ကဵုမွဲမွဲဟာ ရဴဝွံ (သၟာန်ရ)။ ယွံကော အဲ ညာတ်ဒၟံင်မၞိဟ် မကျိုင်ကျဝ်ကွက်လဝ် ပ္ဍဲကအ်နာ်ဂှ်ရ ရဴဝွံ (သ္ဂးရ)။ ယွံဒေံဍောတ် ယဝ်ဒှ်သာ်ဂှ်မ္ဂး တၠအဲဂှ် “ယွံသၟိင်နာ် မၞိက်ဂှ် ဩဝ်ကဵုကုအဲညိ၊ အဲနွံပၟိက်ကဵုမၞိက်ရ” ရဴဝွံ ဩဝ်အာတ်နာ်ဂှ် မၞိက်ညိ ရဴဝွံ (သ္ဂးရ)။ ယွံခမဳတအ် ပ္ဍဲအခိင်ဂှ် သၟိင်နာဂ်မဏိကဏ္ဌ ၜိင်ကေၠာံကြုင်ဂင်္ဂါတုဲ ပြာပ်ကၠုင်ဇရေင်ရသိဒေံတုဲမ္ဂး တန်တဴဒၟံင် ပ္ဍဲဌာန်မွဲရ၊ ယွံခမဳတအ် သၟိင်နာဂ်မဏိကဏ္ဌ မတန်တဴပ္ဍဲဌာန်မွဲတုဲဂှ် ရသိဒေံဂှ် “ယွံသၟိင်နာ် မၞိက်ဂှ် ဩဝ်ကဵုကုအဲညိ၊ အဲနွံပၟိက်ကဵုမၞိက်ရ” ရဴဝွံ သ္ဂးရ၊ ယွံခမဳတအ် ပ္ဍဲအခိင်ဂှ် သၟိင်နာဂ်မဏိကဏ္ဌဂှ် “ခမဳဂှ် အာတ်ဒၟံင်မၞိက်ရ၊ ခမဳဂှ် နွံပိၟက်ကဵုမၞိက်ရ” ရဴဝွံ ဗွဲမပြဟ်သန်ဟေင် (တိတ်) အာရ။ ယွံခမဳတအ် မရနုက်ကဵုၜါဝါလေဝ် သၟိင်နာဂ်မဏိကဏ္ဌ ၜိင်ကၠောံကြုင်ဂင်္ဂါတုဲ ပြာပ်ကၠုင်ဇရေင် ရသိဒေံရ။ ယွံခမဳတအ် ရသိဒေံဂှ် ညာတ်ကေတ်သၟိင်နာ်မဏိကဏ္ဌ မကၠုင်ဒၟံင်နူဇမ္ၚောဲဟေင်မ္ဂး “ယွံသၟိင်နာ် မၞိက်ဂှ် ဩဝ်ကဵုကုအဲညိ၊ အဲနွံပၟိက်ကဵုမၞိက်ရ” ရဴဝွံ သ္ဂးကဵုသၟိင်နာ် မဏိကဏ္ဌရ၊ ယွံခမဳတအ် ပ္ဍဲအခိင်ဂှ် သၟိင်နာ်မဏိကဏ္ဌဂှ် “ခမဳဂှ် အာတ်ဒၟံင်မၞိက်ရ၊ ခမဳဂှ် နွံပၟိက်ကဵုမၞိက်ရ” ရဴဝွံ နူဌာန်ဂှ်ဟေင် ဂတးကလေင်အာရ။ ယွံခမဳတအ် မရနုက်ကဵုပိဝါလေဝ် သၟိင်နာ်မဏိကဏ္ဌ ၜိင်ကေၠာံကြုင်ဂင်္ဂါရ၊ ယွံခမဳတအ် ရသိဒေံဂှ် ညာတ်ကေတ် သၟိင်နာ်မဏိကဏ္ဌ ၜိင်ကေၠာံကၠုင်ကြုင်ဂင်္ဂါမ္ဂး “ယွံသၟိင်နာ်မၞိက်ဂှ် ဩဝ်ကဵုကုအဲညိ၊ အဲနွံပၟိက်ကဵုမၞိက်ရ” ရဴဝွံ သ္ဂးကဵုသၟိင်နာ်မဏိကဏ္ဌရ။ ယွံခမဳတအ် ပ္ဍဲအခိင်ဂှ် သၟိင်နာ်မဏိကဏ္ဌဂှ်— “ပုင်ဍာ်ပၠာဲ မလှဲလးမပြဲ ကုအဲဂှ် ကတဵုဒှ်ကၠုင် ဟိုတ်နူမၞိက်ဝွံရ၊ မၞိက်ဂှ် ကြက်ကဵုကုတၠအဲ ဟွံသေင်ရ၊ တၠအဲ ဒှ်ညးလေပ်အာတ်လောန်ဗၞတ်ရ၊ ဘာအဿမပိုဒ် တၠအဲလေဝ် ကြက်ကၠုင် ဟွံသေင်ရ။ သၟတ်ဗၠာဲ ညးမရပ်လဝ်သၞာ် မဂပ်ဝ်ချူလဝ် ပ္ဍဲတၟံဂှ် သၟဟ်ညံင်ရဴစမြ (ဘပဠ) ဒၟံင်အဲကီု အာတ်မၞိက်တုဲ စမြဗဟေက်ဒၟံင်ရ၊ တၠအဲ ဒှ်ညးလေပ်အာတ်လောန်ဗၞတ်ရ၊ ဘာအဿမပိုဒ်တၠအဲလေဝ် ကြက်ကၠုင်ဟွံသေင်ရ” ရဴဝွံ သ္ဂးကဵုရသိဒေံဂှ် နကဵုဂါထာဂမၠိုင်ရ။ ယွံခမဳတအ် ပ္ဍဲကြဴနူဂှ် သၟိင်နာ်မဏိကဏ္ဌဂှ် “ခမဳဂှ် အာတ်ဒၟံင်မၞိက်ရ၊ ခမဳဂှ် နွံပၟိက်ကဵုမၞိက်ရ” ရဴဝွံ ပါဲစ္ဍးအာရ၊ ပါဲစ္ဍးအာ အတိုင်ပါဲစ္ဍးအာဟေင်ရ၊ မွဲလှေ်ပၠန် ဟွံကလေင်ကၠုင်ရ။ ယွံခမဳတအ် ပ္ဍဲအခိင်ဂှ် ရသိဒေံဂှ် ဟဂွံညာတ်ကေတ် နာ်မညာတ်ဒၟံင်လိၟုန်ဂှ်တုဲ လောန်လတူကိုပ်ကၠာတေံ ဇြာဲသကှ်ရ၊ ဖျုန်ဆီဒေက်ခ္ဍေက်ရ၊ ရုပ်သာ်လီုလာ်ရ၊ မၞုံကဵုသာ်ဇကုဖျိုဟ်ဖျေတ် သၟဟ်ညံင်တၞးဆုဍုဟ်ဍုဟ်ရ၊ မၞုံကဵုဇကုဓရံင် ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်) ရ။ ယွံခမဳတအ် ရသိကောဂှ် သ္ဂောံညာတ်ကေတ် ရသိဒေံ လောန်လတူကိုပ်ကၠာတေံ မဇြာဲသကှ် ဖျုန်ဆီဒေက်ခ္ဍေက် ရုပ်သာ်လီုလာ် မၞုံကဵုသာ်ဇကုဖျိုဟ်ဖျေတ် သၟဟ်ညံင်တၞးဆုဍုဟ်ဍုဟ် မၞုံကဵုဇကုဓရံင် ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်) ဂှ် တုဲ ပ္ဍဲကြဴ— “ယွံဒေံ တၠအဲ မုဟိုတ် လောန်လတူကိုပ်ကၠာတေံ ဇြာဲသကှ်ဂှ်ရော? ဖျုန်ဆီဒေက်ခ္ဍေက်ဂှ်ရော? ရုပ်သာ်လီုလာ်ဂှ်ရော? မၞုံကဵုသာ်ဇကုဖျိုဟ်ဖျေတ် သၟဟ်ညံင်တၞးဆုဍုဟ်ဍုဟ်ဂှ်ရော? မၞုံကဵုဇကုဓရံင် ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်) ဂှ်ရော?” ရဴဝွံ သ္ဂးကဵုရသိဒေံရ။ ယွံကော အဲဟဂွံညာတ်ကေတ် နာ်မညာတ်ဒၟံင်လၟိုန်ဂှ်တုဲ လောန်လတူကိုပ်ကၠာတေံ ဇြာဲသကှ်ရ၊ ဖျုန်ဆီဒေက်ခ္ဍေက်ရ၊ ရုပ်သာ်လီုလာ်ရ၊ မၞုံကဵုသာ်ဇကုဖျိုဟ်ဖျေတ် သၟဟ်ညံင်တၞးဆုဍုဟ်ဍုဟ်ရ၊ မၞုံကဵုဇကု ဓရံင်ဇာလတေင်မံက်ထေင်ဒၟံင် (သၟဟ်ညံင်လးပၠးလဝ်ဇာနှိက်) ရဴဝွံ သ္ဂးရ။ ခမဳတအ် ပ္ဍဲအခိင်ဂှ် ရသိကောဂှ်— “ယြဴအရာဝတ္ထု မဂပ်ဝ်သ္ဍိုက်ဆာန်မွဲ နွံယြဴကုညးမွဲရ၊ ဝတ္ထုညးဂှ်ဂှ် ၜိုန်သ္ဍိုက်မၠိုက်ဒးဂၞပ်လေဝ် ဟွံထေက်ကဵုအာတ်ရ၊ ဟိုတ်ပွမအာတ်လောန်ဗၞတ် ဒှ်ပွမက္ဍုဟ်မၠေံရ၊ ညးပြဲဂှ် အာတ်နာ်မၞိက်ရ၊ သ္ဒးအာစိုပ် ပွမဟဂွံညာတ်နာဂ်ဂှ်ဟေင်ရ” ရဴဝွံ သ္ဂးကဵုရသိဒေံဂှ် နကဵုဂါထာရ။ ယွံခမဳတအ် သတ်ဂမၠိုင် မဒှ်တိရစ္ဆာန်ဂှ်လေဝ် ဟွံသ္ဍိုက်မၠိုက် ပွမအာတ်အိုတ်ရ၊ ဟွံသ္ဍိုက်မၠိုက် ပွမထ္ၜးသၞိင်နိမိတ်အိုတ်ရ၊ ကုညးမဒှ်မၞိဟ်ဂမၠိုင်တုန် မုသ္ဇက်သ္ဂးနွံဏီဂှ်ရော?


345) ယွံခမဳတအ် ကေင်ဒှ်ကၠုင် ပ္ဍဲကိုပ်ကၠာတေံတုန် ခမဳမွဲဇကု သ္ပဒတဴဒၟံင်ပ္ဍဲသပိုဟ်ဂြိုပ်မွဲ ဇရေင်သကဲဒဵုဟိမဝန်ရ၊ ယွံခမဳတအ် ပ္ဍဲဇရေင်သပိုဟ်ဂြိုပ်ဂှ် လ္စသၠိုက်သရီု (အင်လှာ) မဇေၞာ်ခၠိုင်နွံရ၊ ယွံခမဳတအ် ပ္ဍဲအခိင်ဂှ် ဂကောံဂစေံပဝါမဂၠိုင် လုကဴမွဲတ္ၚဲ ဂေတ်ဂ္ၚေင်ဂၠာဲစ ပ္ဍဲလ္စအင်လှာဂှ်တုဲ ပ္ဍဲအခိင်သဝ်တ္ၚဲ တၞဟ်နပဒတဴ ပြာပ်အာသပိုဟ်ဂြိုပ်ဂှ်ရ။ ယွံခမဳတအ် ပ္ဍဲအခိင်ဂှ် ခမဳဂှ် ဗရုရမျာင်ဂကောံဂစေံပဝါဂှ် ဂပ်ဝ်ပ္ဍဵုပ္ဍိုက်ရာန်သကိုတ်ဗွဲမသကာတ်ဒှ်တုဲ ပြာပ်ကၠုင်ဇရေင်အဲတုဲမ္ဂး လ္ၚောဝ်သ္ပဝတ်အဲ ဗွဲမရှေ်သှေ်ရဴဂဴတုဲ ဂဇအ်ဒၟံင်ပ္ဍဲဒၞါဲမွဲရ၊ ယွံခမဳတအ် ခမဳမဂဇအ်ဒၟံင် ပ္ဍဲဒၞါဲမွဲတုဲဂှ်— 

“ယွံခမဳ ဒုင်စရင်ဒၟံင်ဟာ၊ ယိုပ်ယာပ်ဒၟံင်ဟာ၊ သီုဟွံဒှ်လၟောင်ဍောင်ၜိုတ်ဂှ် သ္ဂောံကၠုင်တရဴအဓာန်မဂၠိင်သ္ၚောဲဟာ၊ ယွံခမဳ တၠအဲ မုရဴနူဌာန်လဵု ကၠုင်တဴဂှ်ရော?” ရဴဝွံ အဲသၟာန်ရ။

ဒုင်စရင်ဒၟံင်ရ ယွံကျာ်မၞုံပိုဉ်၊ ယိုပ်ယာပ်ဒၟံင်ရ ယွံကျာ်မၞုံပိုဉ် ယွံကျာ်မၞုံပိုဉ် အဲဍိက်သီုဟွံဒှ်လၟောင်ဍောင်ၜိုတ်ဂှ် သ္ဂောံကၠုင်တရဴအဓာန်မဂၠိင်သ္ၚောဲရ၊ ယွံကျာ်မၞုံပိုဉ် ပ္ဍဲဇရေင်သကဲဒဵုဟိမဝန်ဂှ် သပိုဟ်ဂြိုပ်ဇေၞာ် နွံမွဲရ၊ ယွံကျာ်မၞုံပိုဉ် ပ္ဍဲဇရေင်သပိုဟ်ဂြိုပ်ဂှ် သ္စသၠိုက်သရီု (အင်လှာ) မဇေၞာ်ခၠိုင် နွံရ၊ ယွံကျာ်မၞုံပိုဉ် ပ္ဍဲအခိင်ဂှ် ဂကောံဂစေံပဝါမဂၠိုင် လုကဴမွဲတ္ၚဲ ဂေတ်ဂ္ၚေင်ဂၠာဲစ ပ္ဍဲလ္စအင်လှာဂှ်တုဲ ပ္ဍဲအခိင်သဝ်တ္ၚဲ တၞဟ်နပဒတဴ ပြာပ်အာသပိုဟ်ဂြိုပ်ဂှ်ရ၊ ယွံကျာ်မၞုံပိုဉ် ဗရုရမျာင်ဂကောံဂစေမ်ပဝါဂှ် ဂပ်ဝ်ပ္ဍဵုပ္ဍိုက်ရာန်သကိုတ်ဒှ်တုဲ အဲဍိက် ကၠုင်နူဌာန်ဂှ်ရ ရဴဝွံ (ဂရင်ပတီရ)။ ယွံခမဳ တၠအဲ နွံပိၟက်ကဵုဂကောံဂစေံပဝါဂှ် ဟွံကၠုင်ဟာ ရဴဝွံ (သၟာန်တိုန်ဂှ်) ယွံကျာ်မၞုံပိုဉ် အဲဍိက် နွံပၟိက်ကဵုဂကောံဂစေံပဝါဂှ် ဟွံကၠုင်ရ ရဴဝွံ (ဂရင်ပတီရ)။ ယွံခမဳ ယဝ်ဒှ်သာ်ဂှ်မ္ဂး တၠအဲ အာဌာန်ဂှ်တုဲ လုပ်အာသပိုဟ်ဂြိုပ်ဂှ်တုဲမ္ဂး ပ္ဍဲအခိင်ကိုပ်ကၠာဗ္တမ် ဗၞတ်ပိဝါ ဩဝ်လၟိင်ဟီုတိုန်ရမျာင်ညိ။ “ယွံဂကောံဂစေံပဝါတအ် ဩဝ်ကလင် (ဂလာန်) အဲအိုတ်ညိ၊ ယြဴဂစေံဂမၠိုင်မၞုံဗၞတ်မွဲ ပြာပ်စိုပ်ပွမပဒတဴ ပ္ဍဲသပိုဟ်ဂြိုပ်ဝွံအိုတ်ရ၊ အဲနွံပၟိက်ကဵုသၞေင်ရ၊ ယွံဂကောံဂစေံပဝါတအ် ဩဝ်ကဵုကုအဲ သၞေင်မွဲမွဲဇဳအိုတ်ညိ ရဴဝွံ ဩဝ်လၟိင်ဟီုတိုန်ရမျာင်ညိ၊ ပ္ဍဲအခိင်သ္ဂာဗ္တမ်၊ ပ္ဍဲအခိင်ပယျာံဂယး ဗၞတ်ပိဝါ ဩဝ်လၟိင်ဟီုတိုန်ရမျာင်ညိ။ ယွံဂကောံဂစေံပဝါတအ် ဩဝ်ကလင် (ဂလာန်) အဲအိုတ်ညိ၊ ယြဴဂစေံဂမၠိုင်မၞုံဗၞတ်မွဲ ပြာပ်စိုပ်ပွမပဒတဴ ပ္ဍဲသပိုဟ်ဂြိုပ်ဝွံအိုတ်ရ၊ အဲနွံပၟိက်ကဵုသၞေင်ရ၊ ယွံဂကောံဂစေံပဝါတအ် ဩဝ်ကဵုကုအဲ သၞေင်မွဲမွဲဇဳအိုတ်ညိ ရဴဝွံ (ဩဝ်လၟိင်ဟီုတိုန်ရမျာင်ညိ ရဴဝွံ သ္ဂးရ)။ ယွံခမဳ ပ္ဍဲအခိင်ဂှ် ခမဳဂှ် အာဌာန်ဂှ်တုဲ လုပ်အာသပိုဟ်ဂြိုပ်ဂှ်တုဲမ္ဂး ပ္ဍဲအခိင်ကိုပ်ကၠာဗ္တမ်ဗၞတ်ပိဝါ လၟိင်ဟီုတိုန်ရမျာင်ရ။ “ယွံဂကောံဂစေံပဝါတအ် ဩဝ်ကလင် (ဂလာန်) အဲအိုတ်ညိ၊ ယြဴဂစေံဂမၠိုင်မၞုံဗၞတ်မွဲပြာပ်စိုပ်ပွမပဒတဴ ပ္ဍဲသပိုဟ်ဂြိုပ်ဝွံအိုတ်ရ၊ အဲနွံပိၟက်ကဵုသၞေင်ရ၊ ယွံဂကောံဂစေံပဝါတအ် ဩဝ်ကဵုကုအဲ သၞေင်မွဲမွဲဇဳအိုတ်ညိ ရဴဝွံ လၟိင်ဟီုတိုန်ရမျာင်ရ၊ ပ္ဍဲအခိင်သ္ဂာဗ္တမ်၊ ပ္ဍဲအခိင်ပယျာံဂယး ဗၞတ်ပိဝါ လၟိင်ဟီုတိုန်ရမျာင်ရ။ ယွံဂကောံဂစေံပဝါတအ် ဩဝ်ကလင် (ဂလာန်) အဲအိုတ်ညိ၊ ယြဴဂစေံဂမၠိုင်မၞုံဗၞတ်မွဲ ပြာပ်စိုပ်ပွမပဒတဴ ပ္ဍဲသပိုဟ်ဂြိုပ်ဝွံအိုတ်ရ၊ အဲနွံပၟိက်ကဵုသၞေင်ရ၊ ယွံဂကောံဂစေံပဝါတအ် ဩဝ်ကဵုကုအဲ သၞေင်မွဲမွဲဇဳအိုတ်ညိ ရဴဝွံ လၟိင်ဟီုတိုန်ရမျာင်ရ။ ယွံခမဳ ပ္ဍဲအခိင်ဂှ် ဂကောံဂစေံပဝါဂှ် “ခမဳဂှ် အာတ်သၞေင်ရ၊ ခမဳဂှ် နွံပၟိက်ကဵုသၞေင်ရ” ရဴဝွံ ပါဲစ္ဍးအာနူသပိုဟ်ဂြိုပ်ဂှ်ရ၊ ပါဲစ္ဍးအာ အတိုင်ပါဲစ္ဍးအာဟေင်ရ၊ မွဲလှေ်ပၠန် ဟွံကလေင်ကၠုင်ရ။ ယွံခမဳတအ် သတ်ဂမၠိုင် မဒှ်တိရစ္ဆာန်ဂှ်လေဝ် ဟွံသ္ဍိုက်မၠိုက် ပွမအာတ်အိုတ်ရ၊ ဟွံသ္ဍိုက်မၠိုက် ပွမထ္ၜးသၞိင်နိမိတ်အိုတ်ရ၊ ကုညးမဒှ်မၞိဟ်ဂမၠိုင်တုန် မုသ္ဇက်သ္ဂးနွံဏီဂှ်ရော?


346) ယွံခမဳတအ် ကေင်ဒှ်ကၠုင်ပ္ဍဲကိုပ်ကၠာတေံတုန် မအံက် ကောန်ဂကူရဋ္ဌပါလဂှ် “(ယွံကောန်သ္ဍိုက်) ရဋ္ဌပါလ ဗွဲစၟတ် မၞိဟ်ဂမၠိုင်မဂၠိုင်ဂှ် အဲ ဟွံတီရ၊ မၞိဟ်မဂၠိုင်ဂှ် ကောံကၠုင်ဇရေင်အဲအိုတ်တုဲ အာတ်အိုတ်ရ၊ မုဟိုတ် တၠအဲ ဟွံအာတ်အဲဂှ်ရော?” ရဴဝွံ သ္ဂးကဵုကောန်ဂကူရဋ္ဌပါလ နကဵုဂါထာရ။ “ယွံမအံက် ညးမလေပ်အာတ်ဂှ် ဒှ်အရာထေက်ကဵုက္ဍုဟ်မၠေံရ၊ ညးဟွံကဵုတဴအရာမအာတ်ဂှ်လေဝ် ဒှ်အရာထေက်ကဵုက္ဍုဟ်မၠေံဟေင်ရ၊ ကုအဲဂှ် ဟိုတ်မဟွံမိက်ကဵုဒှ်ပွမက္ဍုဟ်မၠေံဂှ် အဲဟွံအာတ် တၠအဲရ” ရဴဝွံ (ကလေင်ဟီုရ)။ ယွံခမဳတအ် ကောန်ဂကူရဋ္ဌပါလဂှ် အပါအံက်ဇကုဂှ်မှ ရဴဝွံ ဟွံအာတ်ဏီရ၊ မၞိဟ် (ညးသအာင်) ဂှ် မၞိဟ် (ညးသအာင်) တုန် မုသ္ဇသ်သ္ဂးနွံဏီရော?


347) ယွံခမဳတအ် မၞိဟ်ဂမၠိုင် ဂပ်ဝ်ဇြိုင်ဂွံပကောံပကေဝ် ပိုဉ်ဟာန်ဂြပ်ရတ်ဂမၠိုင်အိုတ်ရ၊ ပိုဉ်ဟာန်ဂြပ်ရတ်ဂမၠိုင် မဂပ်ဝ်ပကောံပကေဝ်လဝ်တုဲလေဝ် ဂပ်ဝ်ဇြိုင်ဂွံမင်မွဲအိုတ်ရ၊ ယွံတြုံမလ္ၚုသၟး (နူမဂ်ဖိုလ်) တအ် မၞးတအ်ညးဂမၠိုင် ပ္ဍဲပိုဉ်ဟာန်ဂြပ်ရတ်ဂမၠိုင် ဂပ်ဝ်ဇြိုင်ဂွံပကောံပကေဝ် ဂပ်ဝ်ပကောံပကေဝ်လဝ်တုဲလေဝ် မဂပ်ဝ်ဇြိုင်ဂွံမင်မွဲမာန်ရဴဝွံဂှ် “ဩဝ်ကဵုမၞိဟ်တြုံအိုတ်ညိ၊ ဩဝ်ကဵုကေင်ကာတဲတြုံအိုတ်ညိ၊ ဩဝ်ကဵုဂၠဴအိုတ်ညိ၊ ဩဝ်ကဵုကွဳအိုတ်ညိ၊ ဩဝ်ကဵုဝါစဳ (ဗဗဴ) အိုတ်ညိ၊ ဩဝ်ကဵုမုဲအိုတ်ညိ၊ ဩဝ်ကဵုမြပံင်အိုတ်ညိ၊ ဩဝ်ကွဵုဇၜံက်အိုတ်ညိ၊ ဩဝ်ကဵုပၞုတ်အိုတ်ညိ၊ ဩဝ်ကဵုဇုက်လွာအိုတ်ညိ၊ ဩဝ်ကဵုဒုန်အိုတ်ညိ၊ ဩဝ်ကဵုကၟတ်ဇပူအိုတ်ညိ၊ ဩဝ်ကဵုကၟတ်စောဗဲအိုတ်ညိ၊ ဩဝ်ကဵုချောဲ (သှေ်သၟေဟ်) အိုတ်ညိ၊ ဩဝ်ကဵုတိကမၠေတ်အိုတ်ညိ” ရဴဝွံ အာတ်ဂၠိုင်ဂမၠိုင်ဒှ်တုဲ ထ္ၜးသၞိင်နိမိတ်ဂၠိုင်ဂမၠိုင်ဒှ်တုဲ သ္ပဒတဴအိုတ်ရောင်သွံ။ ယွံတြုံမလ္ၚုသၟး (နူမဂ်ဖိုလ်) (ပွမၞးတအ်ညးဂမၠိုင်သ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။


348) ခမဳ မမိက်ကဵုသိုင်ခၞံဘာကုဋ် မဟွံမွဲကဵုတၠ (ဒကာညးမသိုင်) မၞုံကဵုပူဂိုလ်မစၞောန်ထ္ၜးမ္ဂးဇကု နကပေါတ်ကြိယာဗာ မဂပ်ဝ်အာတ်အလဵုဇကုတုန် ဂပ်ဝ်ကဵုသိုင်ခၞံဘာမၞုံကဵုဗၞတ်ဗ္ၜတ်ပမာဏာရ၊ ကြက်သ္ဂးဂတဝွံတုန် ဗၞတ်ဗ္ၜတ်ပမာဏဘာဂှ်ရောင်၊ နကဵုက္ဍစၞေန်တဲကျာ်ဇမၠိင်စှ်ၜါက္ဍ အနာံထပှ်က္ဍဂမၠိုင်ရောင်၊ သွက်ဂွံစၞောန်ထ္ၜးဂအာင်ဘာ ဂပ်ဝ်ရင်တၠုင်ဘိက်နိမန်နင်ခမဳဂမၠိုင်အိုတ်ရ၊ ခမဳဂမၠိုင်ဂှ် ဂပ်ဝ်စၞောန်ထ္ၜးဂအာင်ဘာ မဟွံမွဲကဵုရိုက်ဘဲ မပ္တံစၟဂြုန် မၞုံကဵုဥပစာ မွဲသ္ပဝ်ကွဳအိုတ်ရ၊ ခမဳဂှ် ပ္ဍဲဂအာင်ဘာကုဋ် မၞုံကဵုပရိုက်ဘဲ မပ္တံစၟဂြုန် မဟွံမွဲကဵုဥပစာမွဲသ္ပဝ်ကွဳဂှ် ကဵုသၞိင်ခၞံဘာကုဋ် နကပေါတ်ကြိယာဗာ မဂပ်ဝ်အာတ်အလဵုဇကုမ္ဂး၊ ခမဳဂမၠိုင်လေဝ် တၞဟ်နစၞောန်ထ္ၜး ဂအာင်ဘာကုဋ် ဟွံရင်တၠုင်နိမန်နင်မ္ဂး၊ ဗၞတ်ဗ္ၜတ်ပမာဏလေဝ် ကဵုကလိလောန်အာမ္ဂး၊ ဒးအာပတ်သံဃာဒိသေသ်ရ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

၂.၆.၃။ ပွံက်ကုဋိကာသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

349) ကပေါတ်ကြိယာဗာ မဂပ်ဝ်အာတ်အလဵုဇကုမ္ဂးဂှ် မၞိဟ်တြုံကီု ကေင်ကာတဲတြုံကီု ဂၠဴကီု ကွဳကီု ဝါစဳ (ဗဗဴ) ကီု မုဲကီု မြပံင်ကီု ကွဵုဇၜံက်ကီု ပၞုတ်ကီု ဇုက်လွာကီု ဒုန်ကီု ကၟတ်ဇပူကီု ကၟတ်စောဗဲကီု ချောဲ (သှေ်သၟေဟ်) ကီု တိကမၠေတ်ကီု အာတ်ကေတ်အလဵုဇကုတုဲ။ ဘာကုဋ်မ္ဂးဂှ် ဘာမဂပ်ဝ်လံက်လေတ်လဝ် ပ္ဍဲအပ္ဍဲကီု ဘာမဂပ်ဝ်လံက်လေတ်လဝ် ပ္ဍဲမ္ၚးကီု ဘာမဂပ်ဝ်လံက်လေတ်လဝ် ပ္ဍဲအပ္ဍဲမ္ၚးကီုရောင်။ ဍေံမမိက်ကဵုသိုင်ခၞံမ္ဂးဂှ် ခမဳမသိုင်ခၞံကီု ခမဳမကဵုသိုင်ခၞံကီု။ ဍေံဟွံမွဲကဵုတၠ (ဒကာညးမသိုင်) မ္ဂးဂှ် တၠညးမမိက်ကဵုမွဲမွဲမတွံဂး ညးဗြဴ ညးတြုံ ခရှ် ခမဳဟွံမွဲရ။ မၞုံကဵုပူဂိုလ်မစၞောန်ထ္ၜးမ္ဂးဇကုမ္ဂးဂှ် တၞဟ်နသွက်ဇကု။ ဂပ်ဝ်ကဵုသိုင်ခၞံဘာကုဋ် မၞုံကဵုဗၞတ်ဗ္ၜတ်ပမာဏရ၊ ကြက်သ္ဂးဂတဝွံတုန် ဗၞတ်ဗ္ၜတ်ပမာဏဘာဂှ်ရောင်၊ နကဵုက္ဍစၞေန်တဲကျာ် ဇမၠိင်စှ်ၜါက္ဍမ္ဂးဂှ် နဗၞတ်ဗ္ၜတ်မဒှ်ပ္ဍဲမ္ၚး။ အနာံထပှ်က္ဍဂမၠိုင်မ္ဂးဂှ် နဗၞတ်ဗ္ၜတ်မဒှ်အပ္ဍဲ။ တၞဟ်နစၞောန်ထ္ၜး ဂအာင်ဘာကုဋ် ဂပ်ဝ်ရင်တၠုင်ဘိက်နိမန်နင် ခမဳဂမၠိုင်အိုတ်ရ မ္ဂးဂှ် ခမဳမသိုင်ခၞံဘာကုဋ်ဂှ် သအးဇ္ၚးၚးတး ဂအာင်ဘာကုဋ်တုဲ ပြာပ်အာဇရေင်သင်တုဲ လ္ၜက်ကၠေဟ်ပတိုန်သ္ၚာကေၞဟ် ပ္ဍဲလတူပၞးပါဲမွဲလ္ပာ်တုဲ လ္ၚောဝ်ဂၠးဇိုင်ခမဳထေရ်ဇၞော်ဂမၠိုင်တုဲ သီုမဂဇအ်ဒၟံင်လံက်ဂဇုန် ပင်ခၠအ်ပတိုန်သၟိပ်တဲတုဲ— “ယွံတဳလပိုဉ်တအ် အဲဍိက် သၟိက်သိုင်ခၞံဘာကုဋ် မဟွံမွဲကဵုတၠ (ဒကာညးမသိုင်) မၞုံကဵုပူဂိုလ်မစၞောန်ထ္ၜးမ္ဂးဇကု နကပေါတ်ကြိယာဗာ မဂပ်ဝ်အာတ်အလဵုဇကုရ၊ ယွံတဳလပိုဉ်တအ် အဲဍိက် အာတ်ပါန်အခေါင်သင် သွက်ဂွံသ္ၚေဝ်ရံင် ဂအာင်ဘာကုဋ်ရ” ရဴဝွံ သ္ဒးဂရင်ပတီရ။ မရနုက်ကဵုၜါဝါလေဝ် သ္ဒးဂရင်ပတီရ၊ မရနုက်ကဵုပိဝါလေဝ် သ္ဒးဂရင်ပတီရ။ တၞဟ်နသ္ၚေဝ်ရံင်ဂအာင်ဘာကုဋ် ယဝ်ရသင်သီုဖအိုတ်သၟဟ်ရထမ္ဂး၊ သင်သီုဖအိုတ်သ္ဒးသ္ၚေဝ်ရံင်ရ၊ တၞဟ်နသ္ၚေဝ်ရံင်ဂအာင်ဘာကုဋ် ယဝ်ရသင်သီုဖအိုတ် ဟွံသၟဟ်ရထမ္ဂး၊ ပၞောဝ်ခမဳဂမၠိုင်ဂှ် ယြဴခမဳဂမၠိုင် တၞဟ်နတီကေတ် မၞုံ-ဟွံမွဲကဵုပရိုက်ဘဲ မၞုံ-ဟွံမွဲကဵုဥပစာမွဲသ္ပဝ်ကွဳစဳကၠးဆိုက်ဗ္ဒက်အိုတ်ရ၊ သၟဟ်စောံအိုတ်ရ၊ အာတ်အခေါင်ခမဳဂမၠိုင်ဂှ်တုဲ သ္ဒးသိၟတ်ပတိုန်ရ။ ယွံခမဳတအ် ရဴဝွံဟေင် သ္ဒးသၟိတ်ပတိုန်ရ၊ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသင်တီရ။


350) ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ မိက်သိုင်ခၞံဘာကုဋ် မဟွံမွဲကဵုတၠ (ဒကာညးမသိုင်) မၞုံကဵုပူဂိုလ်မစၞောန်ထ္ၜးမ္ဂးဇကု နကပေါတ်ကြိယာဗာ မဂပ်ဝ်အာတ်အလဵုဇကုရ၊ ခမဳဂှ် အာတ်အခေါင်သင် သွက်ဂွံသ္ၚေဝ်ရံင်ဂအာင်ဘာကုဋ်ရ၊ ကုသင်ဂှ် ကမ်မၞုံကဵုအခိင်မဗဗွဲ ယဝ်ဒှ်မ္ဂး၊ သင်ဂှ် တၞဟ်နသ္ၚေဝ်ရံင်ဂအာင်ဘာကုဋ် (ခမဳ) မၞုံယၟုဝွံ သ္ဒးသၟိတ်ပတိုန် ခမဳဂမၠိုင်မၞုံယၟုဝွံမၞုံယၟုဝွံရ၊ ဣဝွံတုန် ပွမကဵုတီရောင်။ ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ မိက်သိုင်ခၞံဘာကုဋ် မဟွံမွဲကဵုတၠ (ဒကာညးမသိုင်) မၞုံကဵုပူဂိုလ်မစၞောန်ထ္ၜးမ္ဂးဇကု နကပေါတ်ကြိယာဗာမဂပ်ဝ်အာတ်အလဵုဇကုရ၊ ခမဳဂှ် အာတ်အခေါင်သင် သွက်ဂွံသ္ၚေဝ်ရံင် ဂအာင်ဘာကုဋ်ရ၊ သင်ဂှ် တၞဟ်နသ္ၚေဝ်ရံင် ဂအာင်ဘာကုဋ် (ခမဳ) မၞုံယၟုဝွံ သၟိတ်ပတိုန်ခမဳဂမၠိုင် မၞုံယၟုဝွံ မၞုံယၟုဝွံရ၊ ယြဴကုတဳလပိုဉ်မွဲ သ္ဍိုက်မၠိုက်ပွမသၟိတ်ပတိုန် ခမဳဂမၠိုင် မၞုံယၟုဝွံ မၞုံယၟုဝွံ သွက်ဂွံသ္ၚေဝ်ရံင်ဂအာင်ဘာကုဋ် ခမဳမၞုံယၟုဝွံရ၊ တဳလပိုဉ်ဂှ် သ္ဒးဒၟံင်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သင်ဂှ် သွက်ဂွံသ္ၚေဝ်ရံင်ဂအာင်ဘာကုဋ် (ခမဳ) မၞုံယၟုဝွံ ဂပ်ဝ်သၟိတ်ပတိုန် ခမဳဂမၠိုင်မၞုံယၟုဝွံ မၞုံယၟုဝွံတုဲရ၊ ကုသင်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံင်ကၞပ်သ္ၚောံသ္ၚိတ်ဇြရ၊ နမဒၟံင်ကၞပ်သ္ၚောံဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။


351) ခမဳဂမၠိုင် မကလိဂွံသၟိတ်တုဲဂှ် အာဌာန်ဂှ်တုဲ သ္ဒးသ္ၚေဝ်ရံင်ဂအာင်ဘာကုဋ်ရ၊ မၞုံ-ဟွံမွဲကဵုပရိုက်ဘဲ မၞုံ-ဟွံမွဲကဵုဉပဝာမွဲသ္ပဝ်ကွဳဂှ် သ္ဒးတီရ၊ မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳ ယဝ်ဒှ်မ္ဂး၊ “ပ္ဍဲဌာန်ဝွံ လ္ပသိုင်ခၞံညိ” ရဴဝွံ သ္ဒးဟီုရ၊ ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳ ယဝ်ဒှ်မ္ဂး၊ “ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳရ” ရဴဝွံ သ္ဒးဂရင်ပတီကုသင်ရ၊ ခမဳမသိုင်ခၞံဘာကုဋ်ဂှ် ပြာပ်အာဇရေင်သင်တုဲ လ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလ္ပါ်တုဲ လ္ၚောဝ်ဂၠးဇိုင်ခမဳထေရ်ဇၞော်ဂမၠိုင်တုဲ သီုမဂဇအ်ဒၟံင်လံက်ဂဇုန် ပင်ခၠအ်ပတိုန်သၟိပ်တဲတုဲ— ယွံတဳလပိုဉ်တအ် အဲဍိက် သၟိက်သိုင်ခၞံင်ဘာကုဋ် မဟွံမွဲကဵုတၠ (ဒကာညးမသိုင်) မၞုံကဵုပူဂိုလ်မစၞောန်ထ္ၜးမ္ဂးဇကု နကပေါတ်ကြိယာဗာ မဂပ်ဝ်အာတ်အလဵုဇကုရ၊ ယွံတဳလပိုဉ်တအ် အဲဍိက်အာတ်ပါန်အခေါင်သင် စေၞာန်ထ္ၜးဂအာင်ဘာကုဋ်ရ” ရဴဝွံ သ္ဒးဂရင်ပတီရ။ မရနုက်ကဵုၜါဝါလေဝ် သ္ဒးအာတ်အခေါင်ရ၊ မရနုက်ကဵုပိဝါလေဝ် သ္ဒးအာတ်အခေါင်ရ။ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသင်တီရ။


352) ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ မိက်သိုင်ခၞံဘာကုဋ် မဟွံမွဲကဵုတၠ (ဒကာညးမသိုင်) မၞုံကဵုပူဂိုလ်မစၞောန်ထ္ၜးမ္ဂးဇကု နကပေါတ်ကြိယာဗာ မဂပ်ဝ်အာတ်အလဵုဇကုရ၊ ခမဳဂှ် အာတ်အခေါင်သင် စၞောန်ထ္ၜးဂအာင်ဘာကုဋ်ရ၊ ကုသင်ဂှ် ကမ်မၞုံကဵုအခိင်မဗဗွဲ ယဝ်ဒှ်မ္ဂး၊ သင်ဂှ် စေၞာန်ထ္ၜးဂအာင်ဘာကုဋ် (ခမဳ) မၞုံယၟုဝွံရ၊ ဣဝွံတုန် ပွမကဵုတီရောင်။ ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ မိက်သိုင်ခၞံဘာကုဋ် မဟွံမွဲကဵုတၠ (ဒကာညးမသိုင်) မၞုံကဵုပူဂိုလ်မစၞောန်ထ္ၜးမ္ဂးဇကု နကပေါတ်ကြိယာဗာမဂပ်ဝ်အာတ်အလဵုဇကုရ၊ ခမဳဂှ် အာတ်အခေါင်သင် စၞောန်ထ္ၜးဂအာင်ဘာကုဋ်ရ၊ သင်ဂှ်စၞောန်ထ္ၜးဂအာင်ဘာကုဋ် (ခမဳ) မၞုံယၟုဝွံရ၊ ယြဴကုတဳလပိုဉ်မွဲ သ္ဍိုက်မၠိုက်ပွမစၞောန်ထ္ၜး ဂအာင်ဘာကုဋ် ခမဳမၞုံယၟုဝွံရ၊ တဳလပိုဉ်ဂှ် သ္ဒးဒၟံင်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သင်ဂှ် ဂပ်ဝ်စၞောန်ထ္ၜးဂအာင်ဘာကုဋ် (ခမဳ) မၞုံယၟုဝွံတုဲရ၊ ကုသင်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံင်ကၞပ်သ္ၚောံသ္ၚိတ်ဇြရ၊ နမဒၟံင်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။


353) မၞုံကဵုပရိုက်ဘဲမ္ဂးဂှ် ဒၞါဲခၟတ်ပၞဴ ခၟတ်အကေၠင်ဂမၠိုင်လေဝ် ဒှ်ရ၊ ဒၞါဲစၟဂြုန်ဂမၠိုင်လေဝ်ဒှ်ရ၊ ဒၞါဲကၞိဂမၠိုင်လေဝ် ဒှ်ရ၊ ဒၞါဲဇြုံဂမၠိုင်လေဝ် ဒှ်ရ၊ ဒၞါဲအယဴဂမၠိုင်လေဝ် ဒှ်ရ၊ ဒၞါဲဂဂဳဂမၠိုင်လေဝ်ဒှ်ရ၊ ဒၞါဲစိင်ဂမၠိုင်လေဝ် ဒှ်ရ၊ ဒၞါဲချေံဂမၠိုင်လေဝ် ဒှ်ရ၊ ဒၞါဲဇာဒိသိုင်ဂမၠိုင်လေဝ် ဒှ်ရ၊ ဒၞါဲကၠဂမၠိုင်လေဝ် ဒှ်ရ၊ ဒၞါဲဗြန်ဂမၠိုင်လေဝ် ဒှ်ရ၊ ဒၞါဲကီၟဂမၠိုင်လေဝ် ဒှ်ရ၊ ဒၞါဲဒိုဟ်ဒးဂမၠိုင်လေဝ် ဒှ်ရ၊ ဒၞါဲသတ်တိရစ္ဆာန်ဂမၠိုင် မမိက်ကဵုမွဲမွဲလေဝ် ဒှ်ရ၊ ဒၞါဲဌာန်သြောံလေဝ် နိဿယ်ဗ္ဒာဲရ၊ ဒၞါဲဌာန်ၜဲလေဝ် နိဿယ်ဗ္ဒာဲရ၊ ဒၞါဲဌာန်ထံင်ဒှ်ဒၞါဲဂစိုတ်ကမၠတ်လေဝ် နိဿယ်ဗ္ဒာဲရ၊ ဒၞါဲသုဿာန်ဌာန်ကုန်ဂစိုတ်မၞိဟ်လေဝ် နိဿယ်ဗ္ဒာဲရ၊ ဒၞါဲသုဿာန်ဌာန်တိုပ်ဇွလေဝ် နိဿယ်ဗ္ဒာဲရ၊ ဥဒျာန်ကၠအ်ပကဴလေဝ် နိဿယ်ဗ္ဒာဲရ၊ ဂအာင်သၟိင်လေဝ် နိဿယ်ဗ္ဒာယ်ရ၊ ရုင်စိင်လေဝ် နိဿယ်ဗ္ဒာဲရ၊ ရုင်ချေံလေဝ် နိဿယ်ဗ္ဒာဲရ၊ သ္ၚိစာတ်ကၠေင်ဒက်လေဝ် နိဿယ်ဗ္ဒာဲရ၊ ရုင်အရက်သုရာလေဝ် နိဿယ်ဗ္ဒာဲရ၊ ရုင်ဂစိုတ်ဖျုန်လေဝ် နိဿယ်ဗ္ဒာဲရ၊ ဂၠံင်ဍာန်လေဝ် နိဿယ်ဗ္ဒာဲရ၊ ဂၠံင်သဗာန်ဍာန် ပန်သွာင်လေဝ် နိဿယ်ဗ္ဒာဲရ၊ သဘင်လေဝ် နိဿယ်ဗ္ဒာဲရ၊ ဂၠံင်တရဴခၠင်သာတ် (ဂၠံင်ကၠိုဟ်အာကၠိုဟ်ကၠုင်) လေဝ် နိဿယ်ဗ္ဒာဲရ၊ ဣဝွံတုန် မၞုံကဵုပရိုက်ဘဲမ္ဂးရ။ ဟွံမွဲကဵုဥပစာ မွဲသ္ပဝ်ကွဳမ္ဂးဂှ် နကဵုကွဳအတိုင်မဗ္ဂန်လဝ်လိၟုန် တၞဟ်နဂေတ်သွဝ်တုဲ အာကီု နူပွဳပွူ တၞဟ်နဂေတ်သ္ပဝ် နတိၞန်ကီု ဟွံသၟဟ်ရထရ၊ ဣဝွံတုန် ဟွံမွဲကဵုဥပစာ မွဲသ္ပဝ်ကွဳမ္ဂးရ။ ဟွံမွဲကဵုပရိုက်ဘဲမ္ဂးဂှ် ဒၞါဲခၟတ်ပၞဴ ခၟတ်အကၠေင်ဂမၠိုင်လေဝ် ဟွံသေင်ရ၊ ဒၞါဲစၟဂြုန်ဂမၠိုင်လေဝ်ဟွံသေင်ရ၊ ဒၞါဲကၞိဂမၠိုင်လေဝ် ဟွံသေင်ရ၊ ဒၞါဲဇြုံဂမၠိုင်လေဝ် ဟွံသေင်ရ၊ ဒၞါဲအယဴဂမၠိုင်လေဝ်ဟွံသေင်ရ၊ ဒၞါဲဂဂဳဂမၠိုင်လေဝ် ဟွံသေင်ရ ။ ပ ။ ဂၠံင်တရဴခၠင်သာတ် (ဂၠံင်ကၠိုဟ်အာကၠိုဟ်ကၠုင်) လေဝ် ဟွံနိဿယ်ဗ္ဒာဲရ၊ ဣဝွံတုန် ဟွံမွဲကဵုပရိုက်ဘဲမ္ဂးရ။ မၞုံကဵုဥပစာ မွဲသ္ပဝ်ကွဳမ္ဂးဂှ် နကဵုကွဳအတိုင်မဗ္ဂန်လဝ်လၟိုန် တၞဟ်နဂေတ်သွဝ်တုဲအာကီု နူပွဳပွူ တၞဟ်နဂေတ်သ္ပဝ် နတိၞန်ကီု သၟဟ်ရထရ၊ ဣဝွံတုန် မၞုံကဵုဥပစာမွဲသ္ပဝ်ကွဳမ္ဂးရ။ ကပေါတ်ကြိယာဗာ မဂပ်ဝ်အာတ်အလဵုဇကုမ္ဂးဂှ် မၞိဟ်တြုံကီု ကေင်ကာတဲတြုံကီု ။ ပ ။ တိကမၠေတ်ကီု အာတ်ကေတ် အလဵုဇကုတုဲ။ ဘာကုဋ်မ္ဂးဂှ် ဘာမဂပ်ဝ်လံက်လေတ်လဝ်ပ္ဍဲအပ္ဍဲကီု ဘာမဂပ်ဝ်လံက်လေတ်လဝ် ပ္ဍဲမ္ၚးကီု ဘာမဂပ်ဝ်လံက်လေတ်လဝ် ပ္ဍဲအပ္ဍဲမ္ၚးကီုရောင်။ ဍေံမမိက်ကဵုသိုင်ခၞံမ္ဂးဂှ် ခမဳမသိုင်ခၞံ (အလဵုဇကု)ကီု ခမဳမကဵု (ညးသအာင်) သိုင်ခၞံကီု။ တၞဟ်နစၞောန်ထ္ၜးဂအာင်ဘာကုဋ် ခမဳဂမၠိုင်လေဝ် ဟွံရင်တၠုင်နိမန်နင်မ္ဂး၊ ဗၞတ်ဗ္ၜတ်ပမာဏလေဝ် ကဵုကလိလောန်အာမ္ဂးဂှ် ဟွံကဵုစၞောန်ထ္ၜးဂအာင်ဘာ နကဵုဉတ္တိဒုတိယကမ်တုဲ နူဇမၠိင်ကီု နူအနာံကီု ဗွဲတွုဵမယုတ် အယာံမာတ်မွဲတၞုင်သော်လေဝ် ကဵုကလိလောန်တုဲ (အလဵုဇကု) သိုင်ခၞံကဵုဒှ် ကဵု(ညးသအာင်) သိုင်ခၞံကဵုဒှ် ဇၟာပ်သ္ပလွဳပရာ ဒးအာပတ်ဒုက္ကဋ်ရ၊ ကိုပ်ကၠာတိကဠောံမွဲ ဟွံစိုပ်ဒတုဲဏီ ဒးအာပတ်ထုလ္လစ္စယ်ရ၊ တိကဠောံလက္ကရဴအိုတ် စိုပ်ဒတုဲမ္ဂး ဒးအာပတ်သံဃာဒိသေသ်ရ။ သံဃာဒိသေသ်မ္ဂးဂှ် ။ ပ ။ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်”ရ။


354) ခမဳဂှ် သိုင်ခၞံဘာကုဋ်မၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ၜါလစုတ်ရ။ ခမဳဂှ် သိုင်ခၞံဘာကုဋ် မၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ။ ခမဳဂှ် သိုင်ခၞံဘာကုဋ်မၞုံကဵုဂအာင် မဟဂပ်ဝ်စၞောန်ထ္ၜး မဟွံမွဲကဵုဂရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ။ ခမဳဂှ် သိုင်ခၞံဘာကုဋ် မၞုံကဵုဂအာင် မဟဂပ်ဝ်စၞောန်ထ္ၜး မဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး၊ ဒးအာပတ်သံဃာဒိသေသ်ရ။


355) ခမဳဂှ် သိုင်ခၞံဘာကုဋ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး၊ ဒးအာပတ်ဒုက္ကဋ်ၜါလစုတ်ရ။ ခမဳဂှ် သိုင်ခၞံဘာကုဋ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး၊ ဒးအာပတ်ဒုက္ကဋ်ရ။ ခမဳဂှ် သိုင်ခၞံဘာကုဋ် မၞုံကဵုဂအာင် မဂပ်ဝ်စၞောန်ထ္ၜး မဟွံမွဲကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး၊ ဒးအာပတ်ဒုက္ကဋ်ရ။ ခမဳဂှ် သိုင်ခၞံဘာကုဋ် မၞုံကဵုဂအာင် မဂပ်ဝ်စၞောန်ထ္ၜး မဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး၊ ဟွံဒးအာပတ်ရ။ ခမဳဂှ် သိုင်ခၞံဘာကုဋ် မကလိလောန်ဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ၜါလစုတ်ရ။ ခမဳဂှ် သိုင်ခၞံဘာကုဋ် မကလိလောန်ဗၞတ်ဗ္ၜတ် မၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ။ ခမဳဂှ် သိုင်ခၞံဘာကုဋ် မကလိလောန်ဗၞတ်ဗ္ၜတ် မဟွံမွဲကဵုပရိုက်ဘဲ မဟွံမွဲကဵုဥပစာမွဲ သ္ပဝ်ကွဳမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ။ ခမဳဂှ် သိုင်ခၞံဘာကုဋ် မကလိလောန်ဗၞတ်ဗ္ၜတ် မဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး၊ ဒးအာပတ်သံဃာဒိသေသ်ရ။ ခမဳဂှ် သိုင်ခၞံဘာကုဋ် မၞုံကဵုဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး၊ ဒးအာပတ်ဒုက္ကဋ်ၜါလစုတ်ရ။ ခမဳဂှ် သိုင်ခၞံဘာကုဋ် မၞုံကဵုဗၞတ်ဗ္ၜတ် မၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး၊ ဒးအာပတ်ဒုက္ကဋ်ရ။ ခမဳဂှ် သိုင်ခၞံဘာကုဋ် မၞုံကဵုဗၞတ်ဗ္ၜတ် မဟွံမွဲကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး၊ ဒးအာပတ်ဒုက္ကဋ်ရ။ ခမဳဂှ် သိုင်ခၞံဘာကုဋ် မၞုံကဵုဗၞတ်ဗ္ၜတ် မဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး၊ ဟွံဒးအာပတ်ရ။ ခမဳဂှ် သိုင်ခၞံဘာကုဋ်မၞုံကဵုဂအာင် မဟဂပ်ဝ်စၞောန်ထ္ၜး မကလိလောန်ဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး၊ ဒးအာပတ်သံဃာဒိသေသ်ၜါလစုတ် ကေုာံဒုက္ကဋ်ၜါလစုတ်ရ။ ခမဳဂှ် သိုင်ခၞံဘာကုဋ်မၞုံကဵုဂအာင် မဟဂပ်ဝ်စၞောန်ထ္ၜး မကလိလောန်ဗၞတ်ဗ္ၜတ် မၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး၊ ဒးအာပတ်သံဃာဒိသေသ်ၜါလစုတ် ကေုာံဒုက္ကဋ်ရ။ ခမဳဂှ် သိုင်ခၞံဘာကုဋ် မၞုံကဵုဂအာင် မဟဂပ်ဝ်စၞောန်ထ္ၜး မကလိလောန်ဗၞတ်ဗ္ၜတ် မဟွံမွဲကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး၊ ဒးအာပတ်သံဃာဒိသေသ်ၜါလစုတ် ကေုာံဒုက္ကဋ်ရ။ ခမဳဂှ် သိုင်ခၞံဘာကုဋ် မၞုံကဵုဂအာင် မဟဂပ်ဝ်စၞောန်ထ္ၜး မကလိလောန်ဗၞတ်ဗ္ၜတ် မဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး၊ ဒးအာပတ်သံဃာဒိသေသ်ၜါလစုတ်ရ။ ခမဳဂှ် သိုင်ခၞံဘာကုဋ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး၊ ဒးအာပတ်ဒုက္ကဋ်ၜါလစုတ်ရ။ ခမဳဂှ် သိုင်ခၞံဘာကုဋ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုဗၞတ်ဗ္ၜတ် မၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး၊ ဒးအာပတ်ဒုက္ကဋ်ရ။ ခမဳဂှ် သိုင်ခၞံဘာကုဋ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုဗၞတ်ဗ္ၜတ် မဟွံမွဲကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး၊ ဒးအာပတ်ဒုက္ကဋ်ရ။ ခမဳဂှ် သိုင်ခၞံဘာကုဋ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုဗၞတ်ဗ္ၜတ် မဟွံမွဲကဵုပရိုက်ဘဲမၞုံကဵုဥပစာမွဲသ္ပဝ်ကွဳမ္ဂး၊ ဟွံဒးအာပတ်ရ။


356) ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးရ၊ သိုင်ခၞံဘာကုဋ်ခမဳဂှ် မၞုံကဵုဂအာင်မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ၜါလစုတ်ရ 
။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဟွံဒးအာပတ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးရ၊ သိုင်ခၞံဘာကုဋ်ခမဳဂှ် မကလိလောန်ဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ဟွံဒးအာပတ်ရ။ ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဟဂပ်ဝ်စၞောန်ထ္ၜး မကလိလောန်ဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ၜါလစုတ် ကေုာံဒုက္ကဋ်ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ၜါလစုတ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ၜါလစုတ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ၜါလစုတ်ရ။ ခမဳဂှ် “ဩဝ်သိုင်ခၞံဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ဟွံဒးအာပတ်ရ။


357) ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံတုန် အလဵုဇကုဟွံစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ကေုာံဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုင်ခၞံဘာကုဋ်ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ်ကဵုဒှ်ညိ” ရဴဝွံတုန် အလဵုဇကု ဟွံစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဟွံဒးအာပတ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံတုန် အလဵုဇကုဟွံစၞောန်ထ္ၜးရ၊ သိုင်ခၞံဘာကုဋ် ခမဳဂှ် မကလိလောန်ဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံအလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံတုန် အလဵုဇကု ဟွံစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ် ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဟွံဒးအာပတ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ရဴဝွံတုန် အလဵုဇကု ဟွံစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဟဂပ်ဝ်စေၞာန်ထ္ၜး မကလိလောန်ဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ၜါလစုတ် ကေုာံဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ၜါလစုတ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ၜါလစုတ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ၜါလစုတ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးကဵုဒှ် မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ရဴဝွံတုန် အလဵုဇကု ဟွံစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ် ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဟွံဒးအာပတ်ရ။


358) ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳအိုတ်ရ၊ ခမဳဂှ် “သိုင်ခၞံဘာကုဋ်အဲ မၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳရဂး” ရဴဝွံ သ္ဂောံမိင်ရ၊ ခမဳဂှ် “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ် ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ရဴဝွံ အလဵုဇကုလေဝ် သ္ဒးအာရ၊ ကလုတ်လေဝ် သ္ဒးဗလးဏာရ၊ အလဵုဇကုလေဝ် ယဝ်ဟွံအာမ္ဂး၊ ကလုတ်လေဝ် ယဝ်ဟွံဗလးဏာမ္ဂး၊ ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဟဂပ်ဝ်စၞောန် ထ္ၜးမၞုံပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်ရ၊ ခမဳဂှ် “သိုင်ခၞံဘာကုဋ်အဲ မၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မၞုံကဵုဥပစာ မွဲသ္ပဝ်ကွဳရဂး” ရဴဝွံ သ္ဂောံမိင်ရ၊ ခမဳဂှ် “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ် ကဵုဒှ်ညိ” ရဴဝွံ အလဵုဇကုလေဝ် သ္ဒးအာရ၊ ကလုတ်လေဝ် သ္ဒးဗလးဏာရ၊ အလဵုဇကုလေဝ် ယဝ်ဟွံအာမ္ဂး၊ ကလုတ်လေဝ် ယဝ်ဟွံဗလးဏာမ္ဂး၊ ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဟဂပ်ဝ်စၞောန်ထ္ၜး ဟွံမွဲပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်ရ၊ ခမဳဂှ် “သိုင်ခၞံဘာကုဋ်အဲ မၞုံကဵုဂအာင် မဟဂပ်ဝ်စၞောန်ထ္ၜး ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳရဂး” ရဴဝွံ သ္ဂောံမိင်ရ၊ ခမဳဂှ် “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံ အလဵုဇကုလေဝ် သ္ဒးအာရ၊ ကလုတ်လေဝ် သ္ဒးဗလးဏာရ၊ အလဵုဇကုလေဝ် ယဝ်ဟွံအာမ္ဂး၊ ကလုတ်လေဝ် ယဝ်ဟွံဗလးဏာမ္ဂး၊ ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ်ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင်မဟဂပ်ဝ်စၞောန်ထ္ၜး ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်ရ၊ ခမဳဂှ် “သိုင်ခၞံဘာကုဋ်အဲ မၞုံကဵုဂအာင် မဟဂပ်ဝ်စၞောန်ထ္ၜး ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳရဂး” ရဴဝွံ သ္ဂောံမိင်ရ၊ ခမဳဂှ် “မၞုံကဵုဂအာင် မဂပ်ဝ်စၞောန်ထ္ၜး ကဵုဒှ်ညိ” ရဴဝွံ အလဵုဇကုလေဝ် သ္ဒးအာရ၊ ကလုတ်လေဝ် သ္ဒးဗလးဏာရ၊ အလဵုဇကုလေဝ် ယဝ်ဟွံအာမ္ဂး၊ ကလုတ်လေဝ် ယဝ်ဟွံဗလးဏာမ္ဂး၊ ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ်ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်ရ၊ ခမဳဂှ် “သိုင်ခၞံဘာကုဋ်အဲ မၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳရဂး” ရဴဝွံ သ္ဂောံမိင်ရ၊ ခမဳဂှ် “ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ရဴဝွံ အလဵုဇကုလေဝ် သ္ဒးအာရ၊ ကလုတ်လေဝ် သ္ဒးဗလးဏာရ၊ အလဵုဇကုလေဝ် ယဝ်ဟွံအာမ္ဂး၊ ကလုတ်လေဝ် ယဝ်ဟွံဗလးဏာမ္ဂး၊ ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ်ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင်မဂပ်ဝ်စၞောန်ထ္ၜး မၞုံပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်ရ၊ ခမဳဂှ် “သိုင်ခၞံဘာကုဋ်အဲ မၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳရဂး” ရဴဝွံ သ္ဂောံမိင်ရ၊ ခမဳဂှ် “ဟွံမွဲကဵုပရိုက်ဘဲလေဝ် ကဵုဒှ်ညိ” ရဴဝွံ အလဵုဇကုလေဝ် သ္ဒးအာရ၊ ကလုတ်လေဝ် သ္ဒးဗလးဏာရ၊ အလဵုဇကုလေဝ် ယဝ်ဟွံအာမ္ဂး၊ ကလုတ်လေဝ် ယဝ်ဟွံဗလးဏာမ္ဂး၊ ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ်ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင်မဂပ်ဝ်စၞောန်ထ္ၜး ဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်ရ၊ ခမဳဂှ် “သိုင်ခၞံဘာကုဋ်အဲ မၞုံကဵုဂအာင် မဂပ်ဝ်စၞောန်ထ္ၜး ဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳရဂး” ရဴဝွံ သ္ဂောံမိင်ရ၊ ခမဳဂှ် “မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံ အလဵုဇကုလေဝ် သ္ဒးအာရ၊ ကလုတ်လေဝ် သ္ဒးဗလးဏာရ၊ အလဵုဇကုလေဝ် ယဝ်ဟွံအာမ္ဂး၊ ကလုတ်လေဝ် ယဝ်ဟွံဗလးဏာမ္ဂး၊ ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင်မဂပ်ဝ်စၞောန်ထ္ၜး ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဟွံဒးအာပတ်ရ။


359) ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ်ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မကလိလောန်ဗၞတ်ဗ္ၜတ် ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်ရ၊ ခမဳဂှ် “သိုင်ခၞံဘာကုဋ်အဲ မကလိလောန်ဗၞတ်ဗ္ၜ္ၜတ် မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳရဂး” ရဴဝွံ သ္ဂောံမိင်ရ၊ ခမဳဂှ် “မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံ အလဵုဇကုလေဝ် သ္ဒးအာရ၊ ကလုတ်လေဝ် သ္ဒးဗလးဏာရ ။ ပ ။ “မၞုံကဵုဗၞတ်ဗ္ၜတ်လေဝ် ကဵုဒှ်ဟွံမွဲကဵုပရိုက်ဘဲလေဝ် ကဵုဒှ်ညိ” ။ ပ ။ “မၞုံကဵုဗၞတ်ဗ္ၜတ်လေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ။ ပ ။ “မၞုံကဵုဗၞတ်ဗ္ၜတ်လေဝ် ကဵုဒှ်ညိ” ရဴဝွံ အလဵုဇကုလေဝ် သ္ဒးအာရ၊ ကလုတ်လေဝ် သ္ဒးဗလးဏာရ၊ အလဵုဇကုလေဝ် ယဝ်ဟွံအာမ္ဂး၊ ကလုတ်လေဝ် ယဝ်ဟွံဗလးဏာမ္ဂး၊ ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဗၞတ်ဗ္ၜတ် ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်ရ၊ ခမဳဂှ် “သိုင်ခၞံဘာကုဋ်အဲ မၞုံကဵုဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳရဂး” ရဴဝွံ သ္ဂောံမိင်ရ၊ ခမဳဂှ် “ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံ အလဵုဇကုလေဝ် သ္ဒးအာရ၊ ကလုတ်လေဝ် သ္ဒးဗလးဏာရ ။ ပ ။ “ဟွံမွဲကဵုပရိုက်ဘဲလေဝ် ကဵုဒှ်ညိ” ။ ပ ။ “မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ။ ပ ။ ဟွံဒးအာပတ်ရ။


360) ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဟဂပ်ဝ်စၞောန်ထ္ၜး မကလိလောန်ဗၞတ်ဗ္ၜတ် ဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်ရ၊ ခမဳဂှ် “သိုင်ခၞံဘာကုဋ်အဲ မၞုံကဵုဂအာမဟဂပ်ဝ်စၞောန်ထ္ၜး မကလိလောန်ဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳရဂး” ရဴဝွံ သ္ဂောံမိင်ရ၊ ခမဳဂှ် “မၞုံကဵုဂအာင်မဂပ်ဝ် စၞောန်ထ္ၜးလေဝ်ကဵုဒှ် မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ရဴဝွံ အလဵုဇကုလေဝ် သ္ဒးအာရ၊ ကလုတ်လေဝ် သ္ဒးဗလးဏာရ ။ ပ ။ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ် ကဵုဒှ်ညိ” ။ ပ ။ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် မၞုံကဵုဗၞတ်ဗ္ၜတ်လေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ။ ပ ။ “မၞုံကဵုဂအာင် မဂပ်ဝ်စၞောန်ထ္ၜးလေဝ် ကဵုဒှ် မၞုံကဵုဗၞတ်ဗ္ၜတ်လေဝ် ကဵုဒှ်ညိ” ရဴဝွံ (အလဵုဇကုလေဝ် သ္ဒးအာရ၊ ကလုတ်လေဝ် သ္ဒးဗလးဏာရ၊) အလဵုဇကုလေဝ် ယဝ်ဟွံအာမ္ဂး၊ ကလုတ်လေဝ် ယဝ်ဟွံဗလးဏာမ္ဂး၊ ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုဗၞတ်ဗ္ၜတ် ဟွံမွဲကဵုပရိုက်ဘဲ ဟွံမွဲကဵု ဥပစာ မွဲသ္ပဝ်ကွဳအိုတ်ရ၊ ခမဳဂှ် “သိုင်ခၞံဘာကုဋ်အဲ မၞုံကဵုဂအာင် မဂပ်ဝ်စၞောန်ထ္ၜး မၞုံကဵုဗၞတ်ဗ္ၜတ် မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳရဂး” ရဴဝွံ သ္ဂောံမိင်ရ၊ ခမဳဂှ် “ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ရဴဝွံ အလဵုဇကုလေဝ် သ္ဒးအာရ၊ ကလုတ်လေဝ် သ္ဒးဗလးဏာရ ။ ပ ။ “ဟွံမွဲကဵုပရိုက်ဘဲလေဝ် ကဵုဒှ်ညိ” ။ ပ ။ “မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ။ ပ ။ ဟွံဒးအာပတ်ရ။ ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ် ပိလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဉစာမွဲ သ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဟွံဒးအာပတ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မကလိလောန်ဗၞတ်ဗ္ၜတ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ် ပိလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ကုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလုဵဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဗၞတ်ဗ္ၜတ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင်ဒးအာပတ်ဒုက္ကဋ် ၜါလစုတ်ရ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဟွံဒးအာပတ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဟဂပ်ဝ်စေၞာန်ထ္ၜး မကလိလောန်ဗၞတ်ဗ္ၜတ် ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ် ပန်လစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ် ပိလစုတ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ် ပိလစုတ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ် ၜါလစုတ်ရ။ ခမဳဂှ် “ဩဝ်သိုင်ခၞံဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စေၞာန်ထ္ၜးလေဝ်ကဵုဒှ် မၞုံကဵုဗၞတ်ဗ္ၜတ်လေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုဗၞတ်ဗ္ၜတ် ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဟွံဒးအာပတ်ရ။


361) ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာသမွဲသ္ပဝ်ကွဳအိုတ်ရ၊ ကိုပ်ကၠာသိုင်ခၞံဘာကုဋ်ဂှ် ဟွံတုဲဏီ ခမဳဂှ် ကလေင်ကၠုင်မ္ဂး၊ ခမဳဂှ် ဘာကုဋ်ဂှ် ကုညးသအာင်လေဝ် သ္ဒးကဵုထောံရ၊ ပလီုကၠေံတုဲလေဝ် မွဲလှေ်ပၠန် သ္ဒးကလေင်သိုင်ခၞံရ၊ ကုညးသအာင်လေဝ် ယဝ်ဟွံကဵုထောံမ္ဂး၊ ပလီုထောံတုဲလေဝ် မွဲလှေ်ပၠန် ယဝ်ကလေင်သိုင်ခၞံမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ၜါလစုတ်ရ။ ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်ရ၊ ကိုပ်ကၠာသိုင်ခၞံဘာကုဋ်ဂှ် ဟွံတုဲဏီ ခမဳဂှ် ကလေင်ကၠုင်မ္ဂး၊ ခမဳဂှ် ဘာကုဋ်ဂှ် ကုညးသအာင်လေဝ် သ္ဒးကဵုထောံရ၊ ပလီုကေၠံတုဲလေဝ် မွဲလှေ်ပၠန် သ္ဒးကလေင်သိုင်ခၞံရ၊ ကုညးသအာင်လေဝ် ယဝ်ဟွံကဵုထောံမ္ဂး၊ ပလီုထောံတုဲလေဝ် မွဲလှေ်ပၠန် ယဝ်ဟွံကလေင်သိုင်ခၞံမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ရ။ ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်ရ၊ ကိုပ်ကၠာသိုင်ခၞံဘာကုဋ်ဂှ် ဟွံတုဲဏီ ခမဳဂှ် ကလေင်ကၠုင်မ္ဂး၊ ခမဳဂှ် ဘာကုဋ်ဂှ် ကုညးသအာင်လေဝ် သ္ဒးကဵုထောံရ၊ ပလီုကေၠံတုဲလေဝ် မွဲလှေ်ပၠန် သ္ဒးကလေင်သိုင်ခၞံရ၊ ကုညးသအာင်လေဝ် ယဝ်ဟွံကဵုထောံမ္ဂး၊ ပလီုထောံတုဲလေဝ် မွဲလှေ်ပၠန် ယဝ်ဟွံကလေင်သိုင်ခၞံမ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး ဟွံဒးအာပတ်ရ။


362) ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ သိုင်ခၞံဘာကုဋ် ခမဳဂှ် မကလိလောန်ဗၞတ်ဗ္ၜတ် မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်ရ၊ ကိုပ်ကၠာသိုင်ခၞံဘာကုဋ်ဂှ် ဟွံတုဲဏီ ခမဳဂှ် ကလေင်ကၠုင်မ္ဂး၊ ခမဳဂှ် ဘာကုဋ်ဂှ် ကုညးသအာင်လေဝ် သ္ဒးကဵုထောံရ၊ ပလီုကၠေံတုဲလေဝ် မွဲလှေ်ပၠန် သ္ဒးကလေင်သိုင်ခၞံရ၊ ကုညးသအာင်လေဝ် ယဝ်ဟွံကဵုထောံမ္ဂး၊ ပလီုထောံတုဲလေဝ် မွဲလှေ်ပၠန် ယဝ်ဟွံကလေင်သိုင်ခၞံမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ၜါလစုတ်ရ ။ ပ ။ သိုင်ခၞံဘာကုဋ်မၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုင်ခၞံဘာကုဋ်ဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ရ။ ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ သိုင်ခၞံဘာကုဋ် ခမဳဂှ် မၞုံကဵုဗၞတ်ဗ္ၜတ် မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်ရ၊ ကိုပ်ကၠာသိုင်ခၞံဘာကုဋ်ဂှ် ဟွံတုဲဏီ ခမဳဂှ် ကလေင်ကၠုင်မ္ဂး၊ ခမဳဂှ် ဘာကုဋ်ဂှ် ကုညးသအာင်လေဝ် သ္ဒးကဵုထောံရ၊ ပလီုကၠေံတုဲလေဝ် မွဲလှေ်ပၠန် သ္ဒးကလေင်သိုင်ခၞံရ၊ ကုညးသအာင်လေဝ် ယဝ်ဟွံကဵုထောံမ္ဂး၊ ပလီုထောံတုဲလေဝ်မွဲလှေ်ပၠန် ယဝ်ဟွံကလေင်သိုင်ခၞံမ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ်ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ဟွံဒးအာပတ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ သိုင်ခၞံဘာကုဋ် ခမဳဂှ် မၞုံကဵုဂအာင်မဟဂပ်ဝ်စၞောန်ထ္ၜး မကလိလောန်ဗၞတ်ဗ္ၜတ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်ရ၊ ကိုပ်ကၠာသိုင်ခၞံဘာကုဋ်ဂှ် ဟွံတုဲဏီ ခမဳဂှ် ကလေင်ကၠုင်မ္ဂး၊ ခမဳဂှ် ဘာကုဋ်ဂှ် ကုညးသအာင်လေဝ် သ္ဒးကဵုထောံရ၊ ပလီုကေၠံတုဲလေဝ် မွဲလှေ်ပၠန် သ္ဒးကလေင်သိုင်ခၞံရ၊ ကုညးသအာင်လေဝ် ယဝ်ဟွံကဵုထောံမ္ဂး၊ ပလီုထောံတုဲလေဝ် မွဲလှေ်ပၠန် ယဝ်ဟွံကလေင်သိုင်ခၞံမ္ဂး၊ ဒးအာပတ်သံဃာဒိသေသ်ၜါလစုတ် ကေုာံဒုက္ကဋ်ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ၜါလစုတ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ၜါလစုတ် ကေုာံဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ၜါလစုတ်ရ။ ခမဳဂှ် “ဩဝ်သိုင်ခၞံဘာကုဋ် အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုဗၞတ်ဗ္ၜတ် မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်ရ၊ ကိုပ်ကၠာသိုင်ခၞံဘာကုဋ်ဂှ် ဟွံတုဲဏီ ခမဳဂှ် ကလေင်ကၠုင်မ္ဂး၊ ခမဳဂှ် ဘာကုဋ်ဂှ် ကုညးသအာင်လေဝ် သ္ဒးကဵုထောံရ၊ ပလီုကေၠံတုဲလေဝ် မွဲလှေ်ပၠန် သ္ဒးကလေင်သိုင်ခၞံရ၊ ကုညးသအာင်လေဝ် ယဝ်ဟွံကဵုထောံမ္ဂး၊ ပလီုထောံတုဲလေဝ် မွဲလှေ်ပၠန် ယဝ်ဟွံကလေင်သိုင်ခၞံမ္ဂး၊ ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာကုဋ် မၞုံကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာကုဋ် ဟွံမွဲကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံ ဘာကုဋ်အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ သိုင်ခၞံဘာကုဋ် ခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုဗၞတ်ဗ္ၜတ် မဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ဟွံဒးအာပတ်ရ။


363) ဘာဇကု သိုင်ခၞံဟွံစိုပ်ဒတုဲဏီဂှ် ဇကုကဵုစိုပ်ဒတုဲ (ပတုဲထောံ)မ္ဂး၊ ဒးအာပတ်သံဃာဒိသေသ်ရ။ ဘာဇကု သိုင်ခၞံဟွံစိုပ်ဒတုဲဏီဂှ် ကဵုညးသအာင်ဂမၠိုင် စိုပ်ဒတုဲမ္ဂး၊ ဒးအာပတ်သံဃာဒိသေသ်ရ။ ဘာညးသအာင်ဂမၠိုင် သိုင်ခၞံဟွံစိုပ်ဒတုဲဏီဂှ် ဇကုကဵုစိုပ်ဒတုဲမ္ဂး၊ ဒးအာပတ်သံဃာဒိသေသ်ရ။ ဘာညးသအာင်ဂမၠိုင် သိုင်ခၞံဟွံစိုပ်ဒတုဲဏီဂှ် ကဵုညးသအာင်ဂမၠိုင် စိုပ်ဒတုဲမ္ဂး၊ ဒးအာပတ်သံဃာဒိသေသ်ရ။


364) ပ္ဍဲလိုဏ် ပ္ဍဲဂိုဟ် ပ္ဍဲဘာကုဋ်စၟဳသၠ ပါဲကၠေံသ္ၚိ (ဘာ) မဂပ်ဝ်သိုင်ခၞံ တၞဟ်နသွက်ညးသအာင်တုဲ ပ္ဍဲအရာအိုတ်သီု ဟွံဒးအာပတ်ရ၊ ကုခမဳကြအ်ဉမ္မတ် ခမဳကလိလောန်ကၠာတဲ ဟွံဒးအာပတ်ရ။ ကုဋိကာရသိက္ခာပိုဒ် ဆဋ္ဌတုဲရ။

၂.၇။ ဝိဟာရကာရသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

၂.၇.၁။ ဝတ္ထုတဳလပိုဉ်ဆန္ဒ

[ပလေဝ်ဒါန် | ပလေဝ်ဒါန် တမ်ကၞက်]

365) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာဃောသိတာရာမ် ဇရေင်ဍုင်ကောသမ္ဗဳဂှ် သမ္ၚေဟ်မဒှ်ညးကေၠာန်ၜိုတ်ဥပကာ တဳလပိုဉ်ဆန္နဂှ် “ယွံတဳလပိုဉ် ဩဝ်တီကေတ်ဂအာင်ဘာညိ၊ ကြက်ကဵုသိုင်ခၞံဘာ သွက်တဳလပိုဉ်ရ” ရဴဝွံ ဂရင်ပတီ တဳလပိုဉ်ဆန္နရ။ ပ္ဍဲအခိင်ဂှ် တဳလပိုဉ်ဆန္န သအးဇ္ၚးၚးတး ဂအာင်ဘာမ္ဂး ကဵုကုတ်ကၠေံ တၞံဆုဗယိမွဲ ကွာန်မဂပ်ဝ်သ္ပပူဇဴ နိဂီုမဂပ်ဝ်သ္ပပူဇဴ ဇနပိုဒ်ရးမဂပ်ဝ်သ္ပပူဇဴ တွဵုရးဍုင်မဂပ်ဝ်သ္ပပူဇဴရ။ “ခမဳဂမၠိုင် မဒှ်တၞောဝ်ကျာ်ကောန်သၟိင်သာကျဝင် တၞံဆၞဗယိ ကွာန်မဂပ်ဝ်သ္ပပူဇဴ နိဂီုမဂပ်ဝ်သ္ပပူဇဴ ဍုင်မဂပ်ဝ်သ္ပပူဇဴ ဇနပိုဒ်ရးမဂပ်ဝ်သ္ပပူဇဴ တွဵုရးဍုင်မဂပ်ဝ်သ္ပပူဇဴဂှ် မုဟိုတ်ကဵုကုတ်ကၠေံအိုတ်ဂှ်ရော? ခမဳဂမၠိုင် မဒှ်တၞောဝ်ကျာ်ကောန်သၟိင်သာကျဝင် ရာန်သကိုတ်တဴလမျီု မၞုံကဵုဣနြ္ဒဳမွဲအိုတ်ရ” ရဴဝွံ မၞိဟ်ဂမၠိုင် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ခမဳဂမၠိုင် သ္ဂောံမိင်ကေတ် (ဂလာန်) မၞိဟ်ဂမၠိုင် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်ဂှ်အိုတ်ရ၊ ခမဳပိၟက်အောန်ဂမၠိုင် “တဳလပိုဉ်ဆန္န တၞံဆုဗယိ ကွာန်မဂပ်ဝ်သ္ပပူဇဴ ။ ပ ။ တွဵုရးဍုင်ဂပ်ဝ်သ္ပပူဇဴဂှ် မုဟိုတ် ကဵုကုတ်ကေၠံဂှ် ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် တဳလပိုဉ်ဆန္န နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ “ယွံဆန္န တၠအဲ ကဵုကုတ်ကေၠံတၞံဆုဗယိ ကွာန်မဂပ်ဝ်သ္ပပူဇဴ ။ ပ ။ တွဵုရးဍုင်မဂပ်ဝ်သ္ပပူဇဴရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ “ယွံတြုံမလ္ၚုသၟး (နူမဂ်ဖိုလ်) တၠအဲ တၞံဆုဗယိ ကွာန်မဂပ်ဝ်သ္ပပူဇဴ နဳဂီု မဂပ်ဝ်သ္ပပူဇဴ ဍုင်မဂပ်ဝ်သ္ပပူဇဴ ဇနပိုဒ်ရးမဂပ်ဝ်သ္ပပူဇဴ တွဵုရးဍုင်မဂပ်ဝ်သ္ပပူဇဴဂှ် မုဟိုတ်ကဵုကုတ်ကေၠံဂှ်ရော? ။ ပ ။ ယွံတြုံမလ္ၚုသၟး (နူမဂ်ဖိုလ်) မၞိဟ်ဂမၠိုင် ပ္ဍဲတၞံဆုဂှ် မၞုံကဵုပွမသမ္တီထေင်ကေတ် ရဴဝွံမ္ဂးမၞုံကဵု လမျီုအိုတ်ရ၊ ယွံတြုံမလ္ၚုသၟး (နူမဂ်ဖိုဟ်) (ပွတၠအဲသ္ပဒး)ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံ အိုတ်ညိ။


366) ခမဳမမိက်သိုင်ခၞံဘာမဇေၞာ် မဟွံမွဲကဵုတၠ (ဒကာညးမသိုင်) မၞုံကဵုပူဂိုလ်မဂပ်ဝ် စၞောန်ထ္ၜးမ္ဂးဇကုတုန် တၞဟ်နစၞောန်ထ္ၜးဂအာင်ဘာ ဂပ်ဝ်ရင်တၠုင်ဘိက်နိမန်နင် ခမဳဂမၠိုင်အိုတ်ရ၊ ခမဳဂမၠိုင်ဂှ် ဂပ်ဝ်စၞောန်ထ္ၜးဂအာင်ဘာ မဟွံမွဲကဵုပရိုက်ဘဲ မပ္တံစၟဂြုန် မၞုံကဵုဥပစာမွဲ သ္ပဝ်ကွဳအိုတ်ရ၊ ခမဳဂှ် ပ္ဍဲဂအာင်ဘာ မၞုံကဵုပရိုက်ဘဲ မပ္တံစၟဂြုန် မဟွံမွဲကဵုဉပစာ မွဲသ္ပဝ်ကွဳဂှ် ကဵုသိုင်ခၞံဘာမဇၞော်မ္ဂး၊ တၞဟ်နစၞောန်ထ္ၜး ဂအာင်ဘာမဇၞော် ခမဳဂမၠိုင်လေဝ် ဟွံရင်တၠုင်နိမန်နင်မ္ဂး၊ ဒးအာပတ်သံဃာဒိသေသ်ရ ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

ပွံက်ဝိဟာရကာရသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

367) ဘာမဇၞော် မ္ဂးဂှ် သ္ဂးတဴဘာမၞုံကဵုတၠ (ဒကာညးမသိုင်)ရ။ ဘာ မ္ဂးဂှ် ဘာမဂပ်ဝ်လံက်လေတ်လဝ် ပ္ဍဲအပ္ဍဲကီု ဘာမဂပ်ဝ်လံက်လေတ်လဝ် ပ္ဍဲမ္ၚးကီု ဘာမဂပ်ဝ်လံက်လေတ်လဝ်ပ္ဍဲအပ္ဍဲမ္ၚးကီုရောင်။ (ဘာဟီုဂှ် ကေတ်ဘာမဇေၞာ်ညိ) ဍေံမမိက်ကဵုသိုင်ခၞံမ္ဂးဂှ် ခမဳမသိုင်ခၞံကီု ခမဳမကဵုသိုင်ခၞံကီု။ ဍေံမၞုံကဵုတၠ (ဒကာညးမသိုင်) မ္ဂးဂှ် တၠညးမမိက်ကဵုမွဲမွဲမတွံဂး ညးဗြဴ ညးတြုံ ခရှ် ခမဳ နွံရ။ မၞုံကဵုပူဂိုလ်မစၞောန်ထ္ၜးမ္ဂးဇကု မ္ဂးဂှ် တၞဟ်နသွက်ဇကု။ တၞဟ်နစၞောန်ထ္ၜးဂအာင်ဘာ ဂပ်ဝ်ရင်တၠုင်ဘိက်နိမန်နင် ခမဳဂမၠိုင်အိုတ်ရ မ္ဂးဂှ် ခမဳမသိုင်ခၞံဘာဂှ် သအးဇ္ၚးၚးတး ဂအာင်ဘာတုဲ ပြာပ်အာဇရေင်သင်တုဲ လ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလ္ပာ်တုဲ လ္ၚောဝ်ဂၠးဇိုင် ခမဳထေရ်ဇၞော်ဂမၠိုင်တုဲ သီုမဂဇအ်ဒၟံင်လံက်ဂဇုန် ပင်ခၠအ်ပတိုန်သၟိပ်တဲတုဲ— “ယွံတဳလပိုဉ်တအ် အဲဍိက် သၟိက်သိုင်ခၞံဘာမဇၞော် မၞုံကဵုတၠ (ဒကာညးမသိုင်) မၞုံကဵုပူဂိုလ်မဂပ်ဝ်စၞောန်ထ္ၜးမ္ဂး ဇကုရ၊ ယွံတဳလပိုဉ်တအ် အဲဍိက် အာတ်ပါန်အခေါင်သင် သွက်ဂွံသ္ၚေဝ်ရံင် ဂအာင်ဘာရ” ရဴဝွံ သ္ဒးဂရင်ပတီရ။ မရနုက်ကဵုၜါဝါလေဝ် သ္ဒးဂရင်ပတီရ၊ မရနုက်ကဵုပိဝါလေဝ် သ္ဒးဂရင်ပတီရ။ တၞဟ်နသ္ၚေဝ်ရံင်ဂအာင်ဘာ ယဝ်ရသင်သီုဖအိုတ် သၟဟ်ရထမ္ဂး၊ သင်သီုဖအိုတ်သ္ဒးသ္ၚေဝ်ရံင်ရ၊ တၞဟ်နသ္ၚေဝ်ရံင်ဂအာင်ဘာ ယဝ်ရသင်သီုဖအိုတ် ဟွံသၟဟ်ရထမ္ဂး၊ ပၞောဝ်ခမဳဂမၠိုင်ဂှ် ယြဴခမဳဂမၠိုင် တၞဟ်နတီကေတ် မၞုံ-ဟွံမွဲကဵုပရိုက်ဘဲ မၞုံ-ဟွံမွဲကဵုဥပစာမွဲသ္ပဝ်ကွဳစဳကၠးဆိုက်ဗ္ဒက်အိုတ်ရ၊ သၟဟ်စောံအိုတ်ရ၊ အာတ်အခေါင် ခမဳဂမၠိုင်ဂှ်တုဲ သ္ဒးသၟတ်ပတိုန်ရ။ ယွံခမဳတအ် ရဴဝွံဟေင် သ္ဒးသၟိတ်ပတိုန်ရ၊ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသင်တီရ။


368) ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ မိက်သိုင်ခၞံဘာကုဋ် မၞုံကဵုတၠ (ဒကာညးမသိုင်) မၞုံကဵုပူဂိုလ်မဂပ်ဝ်စၞောန်ထ္ၜးမ္ဂး ဇကုရ၊ ခမဳဂှ်အာတ်အခေါင်သင် သွက်ဂွံသ္ၚေဝ်ရံင်ဂအာင်ဘာရ၊ ကုသင်ဂှ် ကမ်မၞုံကဵုအခိင်မဗဗွဲ ယဝ်ဒှ်မ္ဂး၊ သင်ဂှ် တၞဟ်နသ္ၚေဝ်ရံင်ဂအာင်ဘာ (ခမဳ) မၞုံယၟုဝွံ သ္ဒးသၟိတ်ပတိုန် ခမဳဂမၠိုင်မၞုံယၟုဝွံ မၞုံယၟုဝွံရ၊ ဣဝွံတုန် ပွမကဵုတီရောင်။ ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ မိက်သိုင်ခၞုံဘာကုဋ် မၞုံကဵုတၠ (ဒကာညးမသိုင်) မၞုံကဵုပူဂိုလ် မဂပ်ဝ်စၞောန်ထ္ၜးဇကုရ၊ ခမဳဂှ် အာတ်အခေါင်သင် သွက်ဂွံသ္ၚေဝ်ရံင်ဂအာင်ဘာရ၊ သင်ဂှ် တၞဟ်နသ္ၚေဝ်ရံင်ဂအာင်ဘာ (ခမဳ) မၞုံယၟုဝွံ သၟိတ်ပတိုန် ခမဳဂမၠိုင်မၞုံယွံဝွံ မၞုံယၟုဝွံရ၊ ယြဴကုတဳလပိုဉ်မွဲ သ္ဍိုက်မၠိုက်ပွမသၟိတ်ပတိုန် ခမဳဂမၠိုင်မၞုံယၟုဝွံ မၞုံယၟုဝွံ သွက်ဂွံသ္ၚေဝ်ရံင် ဂအာင်ဘာ ခမဳမၞုံယၟုဝွံရ၊ တဳလပိုဉ်ဂှ် သ္ဒးဒၟံင်သ္ၚိတ်သ္ၚိတ်ရ၊ ယြဴကုတဳလမၞုံပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သင်ဂှ် သွက်ဂွံသ္ၚေဝ်ရံင် ဂအာင်ဘာ (ခမဳ) မၞုံယၟုဝွံ ဂပ်ဝ်သၟိတ်ပတိုန် ခမဳဂမၠိုင်မၞုံယၟုဝွံ မၞုံယၟုဝွံတုဲရ၊ ကုသင်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံင်ကၞပ်သ္ၚောံသ္ၚိတ်ဇြရ၊ နမဒၟံင်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။


369) ခမဳဂမၠိုင် မကလိဂွံသၟိတ်တုဲဂှ် အာဌာန်ဂှ်တုဲ သ္ဒးသ္ၚေဝ်ရံင် ဂအာင်ဘာရ၊ မၞုံ-ဟွံမွဲကဵုပရိုက်ဘဲ မၞုံ-ဟွံမွဲကဵုဥပစာမွဲသ္ပဝ်ကွဳဂှ် သ္ဒးတီရ၊ မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳ ယဝ်ဒှ်မ္ဂး၊ “ပ္ဍဲဌာန်ဝွံ လ္ပသိုင်ခၞံညိ” ရဴဝွံ သ္ဒးဟီုရ၊ ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳ ယဝ်ဒှ်မ္ဂး၊ “ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳရ” ရဴဝွံ သ္ဒးဂရင်ပတီ ကုသင်ရ၊ ခမဳမသိုင်ခၞံဘာဂှ် ပြာပ်အာဇရေင်သင်တုဲ လ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလ္ပာ်တုဲ လ္ၚောဝ်ဂၠးဇိုင်ခမဳထေရ်ဂမၠိုင်တုဲ သီုမဂဇအ်ဒၟံင်လံက်ဂဇုန် ပင်ခၠအ်ပတိုန်သၟိပ်တဲတုဲ— “ယွံတဳလပိုဉ်တအ် အဲဍိက် သၟိက်သိုင်ခၞံဘာမဇၞော် မၞုံကဵုတၠ (ဒကာညးမသိုင်) မၞုံကဵုပူဂိုလ် မဂပ်ဝ်စၞောန်ထ္ၜးမ္ဂး ဇကုရ၊ ယွံတဳလပိုဉ်တအ် အဲဍိက်အာတ်ပါန်အခေါင်သင် စၞောန်ထ္ၜးဂအာင်ဘာရ” ရဴဝွံ သ္ဒးဂရင်ပတီရ။ မရနုက်ကဵုၜါဝါလေဝ် သ္ဒးအာတ်အခေါင်ရ၊ မရနုက်ကဵုပိဝါလေဝ် သ္ဒးအာတ်အခေါင်ရ။ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသင်တီရ။


370) ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ မိက်သိုင်ခၞံဘာမဇၞော် မၞုံကဵုတၠ (ဒကာညးမသိုင်) မၞုံကဵုပူဂိုလ်မဂပ်ဝ်စၞောန်ထ္ၜးမ္ဂးဇကုရ၊ ခမဳဂှ် အာတ်အခေါင်သင် စၞောန်ထ္ၜးဂအာင်ဘာရ၊ ကုသင်ဂှ် ကမ်မၞုံကဵုအခိင်မဗဗွဲ ယဝ်ဒှ်မ္ဂး၊ သင်ဂှ်စၞောန်ထ္ၜးဂအာင်ဘာ (ခမဳ) မၞုံယၟုဝွံရ၊ ဣဝွံတုန် ပွမကဵုတီရောင်။ ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ မိက်သိုင်ခၞံဘာမဇၞော် မၞုံကဵုတၠ (ဒကာညးမသိုင်) မၞုံကဵုပူဂိုလ်မဂပ်ဝ်စၞောန်ထ္ၜးမ္ဂး ဇကုရ၊ ခမဳဂှ် အာတ်အခေါင်သင် စၞောန်ထ္ၜးဂအာင်ဘာရ၊ သင်ဂှ် စၞောန်ထ္ၜးဂအာင်ဘာ (ခမဳ) မၞုံယၟုဝွံရ၊ ယြဴကုတဳလပိုဉ်မွဲ သ္ဍိုက်မၠိုင်ပွမစၞောန်ထ္ၜးဂအာင်ဘာ ခမဳမၞုံယၟုဝွံရ၊ တဳလပိုဉ်ဂှ် သ္ဒးဒၟံင်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သင်ဂှ် ဂပ်ဝ်စၞောန်ထ္ၜးဂအာင်ဘာ (ခမဳ) မၞုံယၟုဝွံတုဲရ၊ ကုသင်ဂှ် မၞုံကဵုပွမသ္ဍိုက်မၠိုက်တဴရ၊ ဟိုတ်ဂှ်ရ ဒၟံင်ကၞပ်သ္ၚောံသ္ၚိတ်ဇြရ၊ နမဒၟံင်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။


371) မၞုံကဵုပရိုက်ဘဲ မ္ဂးဂှ် ဒၞါဲခၟတ်ပၞဴ ခၟတ်အကၠေင်ဂမၠိုင်လေဝ် ဒှ်ရ၊ ဒၞါဲစၟဂြုန်ဂမၠိုင်လေဝ်ဒှ်ရ၊ ကၞိဂမၠိုင်လေဝ်၊ ဇြုံဂမၠိုင်လေဝ်၊ အယဴဂမၠိုင်၊ ဂဂဳဂမၠိုင်၊ စိင်ဂမၠိုင်၊ ချေံဂမၠိုင်လေဝ်၊ ဇာဒိသိုင်ဂမၠိုင်လေဝ်၊ ကၠဂမၠိုင်လေဝ်၊ ဗြန်ဂမၠိုင်လေဝ်၊ ကၟီဂမၠိုင်၊ ဒၞါဲဒိုဟ်ဒးဂမၠိုင်လေဝ် ဒှ်ရ၊ ဒၞါဲသတ်တိရစ္ဆာန်ဂမၠိုင် မမိက်ကဵုမွဲမွဲလေဝ် ဒှ်ရ၊ ဒၞါဲဌာန်သြောံလေဝ် နိဿယ်ဗ္ဒာဲရ၊ ဒၞါဲသုသာန်ဌာန်ကုန်ဂစိုတ်မၞိဟ်လေဝ် နိဿယ်ဗ္ဒာဲရ၊ ဒၞါဲသုသာန်ဌာန်တိုပ်ဇွလေဝ် နိဿယ်ဗ္ဒာဲရ၊ ဥဒျာန်ကၠအ်ပကဴလေဝ် နိဿယ်ဗ္ဒာဲရ၊ ဂအာင်သၟိင်လေဝ် နိဿယ်ဗ္ဒာဲရ၊ ရုင်စိင်လေဝ် နိဿယ်ဗ္ဒာဲရ၊ ရုင်ချေံလေဝ် နိဿယ်ဗ္ဒာဲရ၊ သ္ၚိစာတ်ကၠေင်ဒက်လေဝ် နိဿယ်ဗ္ဒာဲရ၊ ရုင်အရက်သုရာလေဝ် နိဿယ်ဗ္ဒာဲရ၊ ရုင်ဂစိုတ်ဖျုန်လေဝ် နိဿယ်ဗ္ဒာဲရ၊ ဂၠံင်ဍာန်လေဝ် နိဿယ်ဗ္ဒာဲရ၊ ဂၠံင်သဗာန်ဍာန်ပန်သွာင်လေဝ် နိဿယ်ဗ္ဒာဲရ၊ သဘင်လေဝ် နိဿယ်ဗ္ဒာဲရ၊ ဂၠံင်တရဴခၠင်သာတ် (ဂၠံင်ကၠိုဟ်အာကၠိုဟ်ကၠုင်) လေဝ် နိဿယ်ဗ္ဒာဲရ၊ ဣဝွံတုန် မၞုံကဵု ပရိုက်ဘဲမ္ဂးရ။ ဟွံမွဲကဵုဥပစာ မွဲသ္ပဝ်ကွဳ မ္ဂးဂှ်နကဵုကွဳအတိုင်မဗ္ဂန်လဝ်လၟိုန် တၞဟ်နဂေတ်သွဝ်တုဲအာကီု နူပွဳပွူ တၞဟ်နဂေတ်သ္ပဝ်နတၞိန်ကီု ဟွံသၟဟ်ရထရ၊ ဣဝွံတုန် ဟွံမွဲကဵုဥပစာ မွဲသ္ပဝ်ကွဳမ္ဂးရ။ ဟွံမွဲကဵုပရိုက်ဘဲ မ္ဂးဂှ် ဒၞါဲခၟတ်ပၞဴ ခၟတ်အကၠေင်ဂမၠိုင်လေဝ် ဟွံသေင်ရ ။ ပ ။ ဂၠံင်တရဴခၠင်သာတ် (ဂၠံင်ကၠိုဟ်အာကၠိုဟ်ကၠုင်) လေဝ် ဟွံနိဿယ်ဗ္ဒာဲရ။ ဣဝွံတုန် ဟွံမွဲကဵုပရိုက်ဘဲမ္ဂးရ။ မၞုံကဵုဥပစာ မွဲသ္ပဝ်ကွဳမ္ဂးဂှ် နကဵုကွဳအတိုင်မဗ္ဂန်လဝ်လၟိုန် တၞဟ်နဂေတ်သွဝ်တုဲ အာကီု နူပွဳပွူ တၞဟ်နဂေတ်သ္ပဝ်နတၞိန်ကီု သၟဟ်ရထရ၊ ဣဝွံတုန် မၞုံကဵုဥပစာ မွဲသ္ပဝ်ကွဳမ္ဂးရ။ ဘာမဇၞော် မ္ဂးဂှ် သ္ဂးတဴဘာမၞုံကဵုတၠ (ဒကာညးသိုင်) ရ။ ဘာ မ္ဂးဂှ် ဘာမဂပ်ဝ်လံက်လေတ်လဝ် ပ္ဍဲအပ္ဍဲကီု ဘာမဂပ်ဝ်လံက်လေတ်လဝ် ပ္ဍဲမ္ၚးကီု ဘာမဂပ်ဝ်လံက်လေတ်လဝ် ပ္ဍဲအပ္ဍဲမ္ၚးကီုရောင်။ ကဵုသိုင်ခၞံ မ္ဂးဂှ် ခမဳမသိုင်ခၞံ (အလဵုဇကု) ကီု ခမဳမကဵု (ညးသအာင်) သိုင်ခၞံကီု။ တၞဟ်နစၞောန်ထ္ၜးဂအာင်ဘာ ခမဳဂမၠိုင်လေဝ် ဟွံရင်တၠုင်နိမန်နင် မ္ဂးဂှ် ဟွံကဵုစၞောန်ထ္ၜးဂအာင်ဘာ နကဵုဉတ္တိဒုတိယကမ်တုဲ (အလဵုဇကု) သိုင်ခၞံကဵုဒှ် ကဵု (ညးသအာင်) သိုင်ခၞံကဵုဒှ် ဇၟာပ်သ္ပလွဳပရာ ဒးအာပတ်ဒုက္ကဋ်ရ၊ ကိုပ်ကၠာတိကဠောံမွဲ ဟွံစိုပ်ဒတုဲဏီ ဒးအပတ်ထုလ္လစ္စယ်ရ၊ တိကဠောံလက္ကရဴအိုတ် စိုပ်ဒတုဲမ္ဂး ဒးအာပတ်သံဃာဒိသေသ်ရ။ သံဃာဒိသေသ် မ္ဂးဂှ် ။ ပ ။ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်ရ” ရ။


372) ခမဳဂှ် သိုင်ခၞံဘာမၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳမ္ဂး ဒးအာပတ်သံဃာဒိသေသ် ကေုာံဒုက္ကဋ်ၜါလစုတ်ရ။ ခမဳဂှ် သိုင်ခၞံဘာမၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မၞုံကဵုဥပစာ မွဲသ္ပဝ်ကွဳမ္ဂး ဒးအာပတ်သံဃာဒိသေသ် ကေုာံ ဒုက္ကဋ်ရ။ ခမဳဂှ် သိုင်ခၞံဘာမၞုဴကဵုဂအာင် မဟဂပ်ဝ်စၞောန်ထ္ၜး မဟွံမွဲကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး ဒးအာပတ်သံဃာဒိသေသ် ကေုာံဒုက္ကဋ်ရ။ ခမဳဂှ် သိုင်ခၞံဘာမၞုံကဵုဂအာင် မဟဂပ်ဝ်စၞောန်ထ္ၜး မဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး ဒးအာပတ်သံဃာဒိသေသ်ရ။ ခမဳဂှ် သိုင်ခၞံဘာမၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး ဒးအာပတ်ဒုက္ကဋ်ၜါလစုတ်ရ။ ခမဳဂှ် သိုင်ခၞံဘာမၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး ဒးအာပတ်ဒုက္ကဋ်ရ။ ခမဳဂှ် သိုင်ခၞံဘာမၞုံကဵုဂအာင် မဂပ်ဝ်စၞောန်ထ္ၜး မဟွံမွဲကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး ဒးအာပတ်ဒုက္ကဋ်ရ။ ခမဳဂှ် သိုင်ခၞံဘာမၞုံကဵုဂအာင် မဂပ်ဝ်စၞောန်ထ္ၜး ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး ဟွံဒးအာပတ်ရ။


373) ခမဳဂှ် “ဩဝ်သိုင်ခၞံဘာ အဲအိုတ်ညိ” ရဴဝွံ အလဵုဇကု စၞောန်ထ္ၜးရ၊ သိုင်ခၞံဘာခမဳဂှ် မၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ၜါလစုတ်ရ ။ ပ ။ သိုင်ခၞံဘာမၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုင်ခၞံဘာ ဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုင်ခၞံဘာ ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်သံဃာဒိသေသ်ရ။ ခမဳဂှ် “ဩဝ်သိုင်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးရ၊ သိုင်ခၞံဘာခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ၜါလစိုတ်ရ ။ ပ ။ သိုင်ခၞံဘာမၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်ဒုက္ကဋ်ရ ။ ပ ။ သိုင်ခၞံဘာဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်ဒုက္ကဋ်ရ ။ ပ ။ သိုင်ခၞံဘာ ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး ဟွံဒးအာပတ်ရ။


374) ခမဳဂှ် “ဩဝ်သိုင်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံတုန် အလဵုဇကု ဟွံစၞောန်ထ္ၜးရ၊ သိုင်ခၞံဘာခမဳဂှ် မၞုံကဵုဂအာင်မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်သံဃာဒိသေသ်ကေုာံဒုက္ကဋ်ၜါလစုတ်ရ ။ ပ ။ သိုင်ခၞံဘာ မၞုဴကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်သံဃာဒိသေသ်ကေုာံဒုက္ကဋ်ရ ။ ပ ။ သိုင်ခၞံဘာဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်သံဃာဒိသေသ်ကေုာံဒုက္ကဋ်ရ ။ ပ ။ သိုင်ခၞံဘာဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်သံဃာဒိသေသ်ရ။ ခမဳဂှ် “ဩဝ်သိုင်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ်ကဵုဒှ်ညိ” ရဴဝွံတုန် အလဵုဇကု ဟွံစၞောန်ထ္ၜးရ၊ သိုင်ခၞံဘာခမဳဂှ် မၞုံကဵုဂအာင်မဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်ဒုက္ကဋ်ၜါလစုတ်ရ ။ ပ ။ သိုင်ခၞံဘာမၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်ဒုက္ကဋ်ရ ။ ပ ။ သိုင်ခၞံဘာဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်ဒုက္ကဋ် ။ ပ ။ သိုင်ခၞံဘာဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး ဟွံဒးအာပတ်ရ။


375) ခမဳဂှ် “ဩဝ်သိုင်ခၞံဘာ အဲအိုတ်ညိ” ရဴဝွံ အလဵုဇကု စၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံ အလဵုဇကု စၞောန်ထ္ၜးရ၊ သိုင်ခၞံဘာခမဳဂှ်မၞုံကဵုဂအာင်မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳအိုတ်ရ၊ ခမဳဂှ် “သိုင်ခၞံဘာအဲမၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳရဂး” ရဴဝွံ သ္ဂောံမိင်ရ၊ ခမဳဂှ် “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံ အလဵုဇကုလေဝ်သ္ဒးအာရ၊ ကလုတ်လေဝ် သ္ဒးဗလးဏာရ ။ ပ ။ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ် ကဵုဒှ်ညိ” ။ ပ ။ မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ်ကဵုဒှ်ညိ” ။ ပ ။ မၞုံကဵုဂအာင် မဂပ်ဝ်စၞောန်ထ္ၜးလေဝ် ကဵုဒှ်ညိ” ရဴဝွံ (အလဵုဇကုလေဝ် သ္ဒးအာရ၊ ကလုတ်လေဝ်သ္ဒးဗလးဏာရ) အလဵုဇကုလေဝ် ယဝ်ဟွံအာမ္ဂး၊ ကလုတ်လေဝ် ယဝ်ဟွံဗလးဏာမ္ဂး ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ်ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာခမဳဂှ် မၞုံကဵုဂအာင် မဂပ်ဝ်စၞောန်ထ္ၜးမၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်ရ၊ ခမဳဂှ် “သိုင်ခၞံဘာအဲ မၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳရဂး” ရဴဝွံ သ္ဂောံမိင်ရ၊ ခမဳဂှ် “ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ်ကဵုဒှ်ညိ” ရဴဝွံ အလဵုဇကုလေဝ် သ္ဒးအာတဴရ၊ ကလုတ်လေဝ် သ္ဒးဗလးဏာရ၊ “ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ။ ပ ။ “ဟွံမွဲကဵုပရိုက်ဘဲလေဝ် ကဵုဒှ်ညိ” ။ ပ ။ “မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ။ ပ ။ ဟွံဒးအာပတ်ရ။


376) ခမဳဂှ် “ဩဝ်သိုင်ခၞံဘာ အဲအိုတ်ညိ” ရဴဝွံ အလဵုဇကု စၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုဴကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုင်ခၞံဘာခမဳဂှ် မၞုံကဵုဂအာင်မဟဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာဂမၠိုင် ဒးအာပတ်ဒုက္ကဋ် ပိလစုတ်ရ ။ ပ ။ သိုင်ခၞံဘာ မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာဂမၠိုင် ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာ ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာဂမၠိုင် ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာကုဋ်ဂမၠိုင် ဒးအာပတ်ဒုက္ကဋ်ရ။ ခမဳဂှ် “ဩဝ်သိုင်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာင် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ်ကဵုဒှ်ညိ” ရဴဝွံလေဝ် အလဵုဇကု စၞောန်ထ္ၜးရ၊ သိုင်ခၞံဘာခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာဂမၠိုင် ဒးအာပတ်ဒုက္ကဋ် ၜါလစုတ်ရ ။ ပ ။ သိုင်ခၞံဘာမၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာဂမၠိုင် ဒးအာပတ်ဒုက္ကဋ်ရ ။ ပ ။ သိုင်ခၞံဘာ ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ကုခမဳသိုင်ခၞံဘာဂမၠိုင် ဒးအာပတ်ဒုက္ကဋ်ရ ။ ပ ။ သိုင်ခၞံဘာ ဟွံမွဲကဵုပရိုက်ဘဲ မၞုံကဵုဥပစာမွဲသ္ပကွဳအိုတ်မ္ဂး ကုခမဳသိုင်ခၞံဘာဂမၠိုင် ဟွံဒးအာပတ်ရ။


377) ခမဳဂှ် “ဩဝ်သိုင်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ သိုင်ခၞံဘာခမဳဂှ် မၞုံကဵုဂအာင် မဟဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်ရ၊ ကိုပ်ကၠာသိုင်ခၞံဘာဂှ်ဟွံတုဲဏီ ခမဳဂှ် ကလေင်ကၠုင်မ္ဂး၊ ခမဳဂှ် ဘာဂှ်ကုညးသအာင်လေဝ် သ္ဒးကဵုထောံရ၊ ပလီုကၠေံတုဲလေဝ် မွဲလှေ်ပၠန်သ္ဒးကလေင်သိုင်ခၞံရ၊ ကုညးသအာင်လေဝ် ယဝ်ဟွံကဵုထောံမ္ဂး ပလီုထောံတုဲလေဝ် မွဲလှေ်ပၠန် ယဝ်ဟွံကလေင်သိုင်ခၞံမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ၜါလစုတ်ရ ။ ပ ။ သိုင်ခၞံဘာမၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုင်ခၞံဘာဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ရ။ ခမဳဂှ် “ဩဝ်သိုင်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ သိုင်ခၞံဘာခမဳဂှ် မၞုံကဵုဂအာင် မဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်ရ၊ ကိုပ်ကၠာသိုင်ခၞံဘာဟွံတုဲဏီ ခမဳဂှ် ကလေင်ကၠုင်မ္ဂး၊ ခမဳဂှ် ဘာဂှ် ကုညးသအာင်လေဝ်သ္ဒးကဵုထောံရ၊ ပလီုကၠေံတုဲလေဝ်မွဲလှေ်ပၠန် သ္ဒးကလေင်သိုင်ခၞံရ၊ ကုညးသအာင်လေဝ် ယဝ်ဟွံကဵုထောံမ္ဂး၊ ပလီုထောံတုဲလေဝ် မွဲလှေ်ပၠန် ယဝ်ဟွံကလေင်သိုင်ခၞံမ္ဂး၊ ဒးအာပတ်ဒုက္ကဋ်ၜါလစုတ်ရ ။ ပ ။ သိုင်ခၞံဘာမၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုင်ခၞံဘာဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး ဟွံဒးအာပတ်ရ။


378) ဘာဇကုသိုင်ခၞံဟွံစိုပ်ဒတုဲဏီဂှ် ဇကုကဵုစိုပ်ဒတုဲ (ပတုဲထောံ) မ္ဂး၊ ဒးအာပတ်သံဃာဒိသေသ်ရ။ ဘာဇကုသိုင်ခၞံဟွံစိုပ်ဒတုဲဏီဂှ် ကဵုညးသအာင်ဂမၠိုင် စိုပ်ဒတုဲမ္ဂး၊ ဒးအာပတ်သံဃာဒိသေသ်ရ။ ဘာညးသအာင်ဂမၠိုင် သိုင်ခၞံဟွံစိုပ်ဒတုဲဏီဂှ် ဇကုကဵုစိုပ်ဒတုဲမ္ဂး၊ ဒးအာပတ်သံဃာဒိသေသ်ရ။ ဘာညးသအာင်ဂမၠိုင် သိုင်ခၞံဟွံစိုပ်ဒတုဲဏီဂှ် ကဵုညးသအာင်ဂမၠိုင် စိုပ်ဒတုဲမ္ဂး၊ ဒးအာပတ်သံဃာဒိသေသ်ရ။


379) ပ္ဍဲလိုဏ် ပ္ဍဲဂိုဟ် ပ္ဍဲဘာကုဋ်စၟဳသၠ ပါဲကၠေံသ္ၚိ (ဘာ) မဂပ်ဝ်သိုင်ခၞံ တၞဟ်နသွက်ညးသအာင်တုဲ ပ္ဍဲအရာအိုတ်သီု ဟွံဒးအာပတ်ရ၊ ကုခမဳကြအ်ဥမ္မတ် ခမဳကလိလောန်ကၠာတဲ ဟွံဒးအာပတ်ရ။ ဝိဟာရကာရသိက္ခာပိုဒ် သတ္တမတုဲရ။

၂.၈။ ဒုဋ္ဌဒေါသသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

၂.၈.၁။ ဝတ္ထုတဳလပိုဉ်ဒဗ္ဗ ကောန်သၟိင်မလ္လ

[ပလေဝ်ဒါန် | ပလေဝ်ဒါန် တမ်ကၞက်]

380) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာဝေဠုဝန် မဒှ်ဒၞါဲကဵုစၞ ကုယန်လမ္စံက်ဂမၠိုင် ဇရေင်ဍုင်ရာဇဂြိုဟ်ဂှ် တဳလပိုဉ်ဒဗ္ဗမဒှ်ကောန်သၟိင်မလ္လ နူၜံင်သၠးတိတ်ကၠုင် မၞုံအယာံမာတ်ထပှ်သၞာံဏီဂှ် သ္ပကေတ်ဇၞောဝ်မတ် အရဟတ္တဖိုလ်တုဲရ၊ တဳလပိုဉ်ဒဗ္ဗဂှ် ဓရ်သာဝကကွးဂမၠိုင် မထေက်ကဵုအာစိုပ်အိုတ်သီုဂှ် အာစိုပ်အတိုင်လၟေင်တုဲရ၊ ကုတဳလပိုဉ်ဒဗ္ဗဂှ် ကိစ္စကေင်ကာခမဳ မမိက်ကဵုမွဲမွဲ ဟွံမွဲကဵုပွမဒးသ္ပကြဴရ၊ ဓရ်မဂပ်ဝ်သ္ပလဝ်တုဲလေဝ် ဟွံမွဲကဵုပွမဒးထပ်ဇၞော်ပၟဝ်ရ။ ပ္ဍဲအခိင်ဂှ် ပြာပ်အာဌာန်သ္ၚိတ်ဇြတုဲ ဃောသတင်တန်တဴဒၟံင် (ညးမွဲဓဝ်) ဂှ် “အဲ နူၜံင်သၠးတိတ်တုဲ မၞုံအယာံမာတ်ထပှ်သၞာံဏီဂှ် သ္ပကေတ်ဇၞောဝ်မတ် အရဟတ္တဖိုလ်တုဲရ၊ ဓရ်ကွးသာဝကဂမၠိုင် မထေက်ကဵုအာစိုပ်အိုတ်သီုဂှ် (အဲ) အာစိုပ်အတိုင်လၟေင်တုဲရ၊ ကိစ္စကေင်ကာခမဳ မမိက်ကဵုမွဲမွဲ ဟွံမွဲကဵုပွမဒးသ္ပကြဴ ကုအဲရ၊ ဓရ်မဂပ်ဝ်သ္ပလဝ်တုဲလေဝ် ဟွံမွဲကဵုပွမဒးထပ်ဇၞော်ပၟဝ်ရ၊ အဲ မုဂွံကၠောန်သ္ပ ကေင်ကာဇၞော်သၟတ်သင်ညိဂှ်ရော?” ရဴဝွံ ကသပ်စိုတ်ဒှ် ကုတဳလပိုဉ်ဒဗ္ဗ ကောန်သၟိင်မလ္လရ။ ပ္ဍဲအခိင်ဂှ် “အဲ သၞာသတိက် သၞာဒၟံင်သင်လေဝ် သ္ဂောံလးပညပ်ကဵုမ္ဂး ပိဏ္ဍပါတ်ဂမၠိုင်လေဝ် သ္ဂောံစၞောန်ထ္ၜးကဵုမ္ဂး ခိုဟ်သန်ရ” ရဴဝွံ ကသပ်ဒှ် ကုတဳလပိုဉ်ဒဗ္ဗ ကောန်သၟိင်မလ္လရ။ ပ္ဍဲအခိင်ဂှ် တဳလပိုဉ်ဒဗ္ဗကောန်သၟိင်မလ္လ ပ္ဍဲအခိင်သဝ်တ္ၚဲ ဒၠိုက်ကတဵုနူဌာန်သတိတ်သတင်ဒၟံင် (ညးမွဲဓဝ်) တုဲ ပ္ၚောံပြာပ်အာဇရေင် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တဳလမၞုံပိုဉ်ကျာ်တြဲတုဲ ဂဇအ်ဒၟံင်ပ္ဍဲဒၞာဲမွဲရ၊ ဂဇအ်ဒၟံင်ပ္ဍဲဒၞါဲမွဲတုဲ တဳလပိုဉ်ဒဗ္ဗ ကောန်သၟိင်မလ္လဂှ်— “ယွံကျာ်မၞုံပိုဉ် ပြာပ်အာဌာန်သ္ၚိတ်ဇြတုဲ ဃောသတင်တန်တဴဒၟံင် (ညးမွဲဓဝ်) ဂှ် “အဲနူၜံင်သၠးတိတ်တုဲ မၞုံအယာံမာတ်ထပှ်သၞာံဏီဂှ် သ္ပကေတ်ဇၞောဝ်မတ် အရဟတ္တဖိုလ်တုဲရ၊ ဓရ်ကွးသာဝကဂမၠိုင် မထေက်ကဵုအာစိုပ်အိုတ်သီုဂှ် (အဲ) အာစိုပ်အတိုင်လၟေင်တုဲရ၊ ကိစ္စကေင်ကာခမဳ မမိက်ကဵုမွဲမွဲ ဟွံမွဲကဵုပွမဒးသ္ပကြဴ ကုအဲရ၊ ဓရ်မဂပ်ဝ်သ္ပလဝ်တုဲလေဝ် ဟွံမွဲကဵုပွမဒးထပ်ဇၞော်ပၟဝ်ရ၊ အဲ မုဂွံကၠောန်သ္ပ ကေင်ကာဇၞော်သၟတ်သင်ညိဂှ်ရော?” ရဴဝွံ ကသပ်စိုတ်ဒှ်ကၠုင်ရ။ “ယွံကျာ်မၞုံပိုဉ် ကုအဲဍိက်ဂှ် ‘အဲ သၞာသတိက် သၞာဒၟံင်သင်လေဝ် သ္ဂောံလးပညပ်ကဵုမ္ဂး ပိဏ္ဍပါတ်ဂမၠိုင်လေဝ် သ္ဂောံစၞောန်ထ္ၜးကဵုမ္ဂး ခိုဟ်သန်ရ’ ရဴဝွံ ကသပ်ဒှ်ရ။ ယွံကျာ်မၞုံပိုဉ် အဲဍိက်နွံပၟိက်သၞာသတိက် သၞာဒၟံင်သင်လေဝ် တၞဟ်နလးပညပ်ကီု ပိဏ္ဍပါတ်ဂမၠိုင်လေဝ် တၞဟ်နစၞောန်ထ္ၜးကီုရ” ရဴဝွံ (ဂရင်ပတီရ)။ ယွံဒဗ္ဗ ခိုဟ်သန်ရ ခိုဟ်သန်ရ၊ ယွံဒဗ္ဗ ယဝ်ဒှ်သာ်ဂှ်မ္ဂး တၠအဲ သၞာသတိက် သၞာဒၟံင်သင်လေဝ် ဩဝ်လးပညပ်ညိ၊ ပိဏ္ဍပါတ်ဂမၠိုင်လေဝ် ဩဝ်စၞောန်ထ္ၜးညိ” ရဴဝွံ (ကဵုအခေါင်ရ)။ “ခိုဟ်သန်ရ ယွံကျာ်မၞုံပိုဉ်” ရဴဝွံ တဳလပိုဉ်ဒဗ္ဗ ကောန်သၟိင်မလ္လ ကလေင်ဂရင်ပတီ ကုတဳလမၞုံပိုဉ်ကျာ်တြဲရ။ ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသင်ကောံဓရီုတုဲမ္ဂး ဟီုတွံဂလာန်ဓရ်တုဲ— “ယွံခမဳတအ် ယဝ်ဒှ်သာ်ဂှ်မ္ဂး သင် ဩဝ်သၟိတ်ပတိုန်ဒဗ္ဗ မဒှ်ကောန်သၟိင်မလ္လ ရဴဝွံမ္ဂး ညးလးပညပ် သၞာသတိက် သၞာဒၟံင်ကီု ရဴဝွံမ္ဂး ညးစၞောန်ထ္ၜး ပိဏ္ဍပါတ်ကီုညိ”။ ယွံခမဳတအ် ရဴဝွံဟေင် ဂပ်ဝ်သၟိတ်ရ၊ ဗွဲကိုပ်ကၠာ သ္ဒးအာတ်ပါန်အခေါင်ဒဗ္ဗ ကောန်သၟိင်မလ္လရ၊ အာတ်ပါန်အခေါင်တုဲပ္ဍဲကြဴ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသင်တီရ။


381) “ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ကမ်မၞုံကဵုအခိင်မဗဗွဲကုသင် ယဝ်ဒှ်မ္ဂး၊ သင်သၟိတ်ပတိုန်တဳလပိုဉ်ဒဗ္ဗ ကောန်သၟိင်မလ္လရဴဝွံမ္ဂး ညးလးပညပ်သၞာသတိက် သၞာဒၟံင်ကီု ရဴဝွံမ္ဂး ညးစၞောန်ထ္ၜး ပိဏ္ဍပါတ်ကီုရ၊ ဣဝွံတုန် ပွမကဵုတီရောင်။ ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ သင်သၟိတ်ပတိုန်တဳလပိုဉ်ဒဗ္ဗ ကောန်သၟိင်မလ္လ ရဴဝွံမ္ဂး ညးလးပညပ်သၞာသတိက် သၞာဒၟံင်ကီု ရဴဝွံမ္ဂး ညးစၞောန်ထ္ၜးပိဏ္ဍပါတ်ကီုရ၊ ယြဴကုတဳလပိုဉ်မွဲ မၞုံကဵုပွမသ္ဍိုက် ပွမသၟိတ်ပတိုန် တဳလပိုဉ်ဒဗ္ဗကောန်သၟိင်မလ္လ ရဴဝွံမ္ဂး ညးလးပညပ် သၞာသတိက် သၞာဒၟံင်ကီု ရဴဝွံမ္ဂး ညးစၞောန်ထ္ၜး ပိဏ္ဍပါတ်ကီုရ၊ တဳလပိုဉ်ဂှ် သ္ဒးဒၟံင်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သင်ဂပ်ဝ်သၟိတ်ပတိုန် တဳလပိုဉ်ဒဗ္ဗ ကောန်သၟိင်မလ္လ ရဴဝွံမ္ဂး ညးလးပညပ်သၞာသတိက် သၞာဒၟံင်ကီု ရဴဝွံမ္ဂး ညးစၞောန်ထ္ၜး ပိဏ္ဍပါတ်ကီုတုဲရ၊ ကုသင်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံင်ကၞပ်သ္ၚောံသ္ၚိတ်ဇြရ၊ နမဒၟံင်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။


382) တဳလပိုဉ်ဒဗ္ဗ မကလိဂွံသၟိတ်တုဲဂှ် ကုခမဳဂမၠိုင်မၞုံကဵုသဘဴတုပ်သၟဟ်ဂှ် လးပညပ်ကဵု သၞာသတိက် သၞာဒၟံင် မွဲဂကောံဓဝ်ရ၊ ယြဴခမဳဂမၠိုင် ပကင်ရင်သုတ်အိုတ်ရ၊ “ခမဳဂမၠိုင်ဂှ် ကြက်ဖ္ဍောတ်သုတ်သၟဟ်သၟန် ကေုာံရင်သကအ်အိုတ်ရ” ရဴဝွံ လးပညပ်ကဵုသၞာသတိက် သၞာဒၟံင် ကုခမဳဂမၠိုင် မွဲဂကောံဓဝ်ရ။ ယြဴခမဳဂမၠိုင် ပကင်ရင်ဝိနယ်အိုတ်ရ၊ “ခမဳဂမၠိုင်ဂှ် ကြက်သ္ဂုတ်သွာတ်ဝိနယ် ကေုာံရင်သကအ်အိုတ်ရ” ရဴဝွံ လးပညပ်ကဵုသၞာသတိက် သၞာဒၟံင် ကုခမဳဂမၠိုင်ဂှ်မွဲဂကောံဓဝ်ရ။ ယြဴခမဳဂမၠိုင် ဒှ်ဓမ္မကထိက အ္စာတွံဓရ်အိုတ်ရ၊ “ခမဳဂမၠိုင်ဂှ် ကြက်သရီုသဳကၠဳဓရ်ကေုာံရင်သကအ်အိုတ်ရ” ရဴဝွံ လးပညပ်ကဵုသၞာသတိက် သၞာဒၟံင် ကုခမဳဂမၠိုင်ဂှ် မွဲဂကောံဓဝ်ရ။ ယြဴခမဳဂမၠိုင် မၞုံအလေံ လုပ်စၛာန်အိုတ်ရ၊ “ခမဳဂမၠိုင်ဂှ် ကြက်စာ်စ္ဍးနူဒွံလုက်စုက် (ပထုဲ) ကေုာံရင်သကအ်အိုတ်ရ” ရဴဝွံ လးပညပ်ကဵုသၞာသတိက် သၞာဒၟံင် ကုခမဳဂမၠိုင်ဂှ် မွဲဂကောံဓဝ်ရ။ ယြဴခမဳဂမၠိုင် မၞုံအလေံဟီုဂလာန်ဒစဵုဒစးကဵု (မဂ်ဖိုလ်) အိုတ်ရ၊ မၞုံကဵုဒ္ဂေတ်လ္ၚတ်ပွမခိုင်ဗိုန်ဗတ်ခိုင်ကၠိုက် ခန္ဓဇကုဂမၠိုင်ဒှ်တုဲ ပဒတဴအိုတ်ရ၊ “တဳလပိုဉ်ဂမၠိုင်ဝွံ နပွမမိပ်လဟိင်ဝွံလေဝ် ကြက်ပဒတဴအိုတ်ရ” ရဴဝွံ လးပညပ်ကဵု သၞာသတိက် သၞာဒၟံင် ကုခမဳဂမၠိုင်ဂှ် မွဲဂကောံဓဝ်ရ။ ယြဴခမဳဂမၠိုင် ကၠုင်တဴပ္ဍဲဟွံသေင်ကဵုအခိင်အိုတ်ရ၊ “ကုခမဳဂမၠိုင်ဂှ်လေဝ် လုပ်စၛာန်မၞုံအာရီုတေဇောကသိုဏ်တုဲ နကဵုလျးအရံင်ဂှ်ဟေင် လးပညပ်ကဵု သၞာသတိက် သၞာဒၟံင်ရ။ ဗွဲစၟတ်တုန် ခမဳဂမၠိုင် “ပိုဲညးဂမၠိုင် ကြက်ဗဵုရံင် ဣဒ္ဓိကြဳဇှ်ပါဋိဟာ တဳလပိုဉ်ဒဗ္ဗကောန်သၟိင်မလ္လအိုတ်ရ” ရဴဝွံ သၟးသၟး (မးမး) ကၠုင်ပ္ဍဲဟွံသေင်ကဵုအခိင်အိုတ်ရ၊ ခမဳဂမၠိုင်ဂှ် ပြာပ်အာဇရေင် တဳလပိုဉ်ဒဗ္ဗ ကောန်သၟိင်မလ္လတုဲ “ယွံကောန်တၠဒဗ္ဗ ဩဝ်လးပညပ်ကဵု သၞာသတိက် သၞာဒၟံင် ကုပိုဲညးဂမၠိုင်ညိ” ရဴဝွံ သ္ဂးအိုတ်ရ။ တဳလပိုဉ်ဒဗ္ဗ ကောန်သၟိင်မလ္လဂှ် “တဳလပိုဉ်ဂမၠိုင် မုရဴပ္ဍဲဌာန်မွဲ နွံပၟိက်အိုတ်ဂှ်ရော? မုရဴပ္ဍဲဌာန်မွဲ သ္ဂောံလးပညပ်ကဵုဂှ်ရော?” ရဴဝွံ သ္ဂးကဵုခမဳဂမၠိုင်ဂှ်ရ။ ခမဳဂမၠိုင်ဂှ် သၟးသၟး (မးမး) စၞောန်ထ္ၜး ပ္ဍဲဌာန်ဇမ္ၚောဲအိုတ်ရ၊ “ယွံကောန်တၠဒဗ္ဗ ဩဝ်လးပညပ်ကဵု သၞာသတိက် သၞာဒၟံင် ကုပိုဲညးဂမၠိုင် ပ္ဍဲဒဵုဂိဇ္ဇကုဋ်ညိ၊ ယွံကောန်တၠ ဩဝ်လးပညပ်ကဵု သၞာသတိက် သၞာဒၟံင် ကုပိုဲညးဂမၠိုင် ခြော်ဇြဟ်စောရပပါတညိ၊ ယွံကောန်တၠ ဩဝ်လးပညပ်ကဵု သၞာသတိက် သၞာဒၟံင် ကုပိုဲညးဂမၠိုင် ပ္ဍဲထီုတၟံမစံက် သကဲဒဵုဣသိဂိလိညိ၊ ယွံကောန်တၠ ဩဝ်လးပညပ်ကဵုသၞာသတိက် သၞာဒၟံင် ကုပိုဲညးဂမၠိုင် ပ္ဍဲဂိုဟ်တၞံဆုသြေင် သကဲဒဵုဝေဘာရညိ၊ ယွံကောန်တၠ ဩဝ်လးပညပ်ကဵု သၞာသတိက် သၞာဒၟံင် ကုပိုဲညးဂမၠိုင် ပ္ဍဲခၠိုင်သပ္ပသောဏ္ဍိက ဂြိုပ်ကြက်ဇြင်ညိ၊ ယွံကောန်တၠ ဩဝ်လးပညပ်ကဵု သၞာသတိက် သၞာဒၟံင် ကုပိုဲညးဂမၠိုင် ပ္ဍဲလဂေါဝ် (စောဝ်) ဂေါတမကညိ၊ ယွံကောန်တၠ ဩဝ်လးပညပ်ကဵု သၞာသတိက် သၞာဒၟံင် ကုပိုဲညးဂမၠိုင် ပ္ဍဲလဂေါဝ်တပေါဒညိ၊ ယွံကောန်တၠ ဩဝ်လးပညပ်ကဵုသၞာသတိက် သၞာဒၟံင် ကုပိုဲညးဂမၠိုင် ပ္ဍဲအာရှာမ်တပေါဒါညိ၊ ယွံကောန်တၠ ဩဝ်လးပညပ်ကဵု သၞာသတိက် သၞာဒၟံင် ကုပိုဲညးဂမၠိုင် ပ္ဍဲဥဒျာန်ကြက်သဝ်ဇဳဝကညိ၊ ယွံကောန်တၠ ဩဝ်လးပညပ်ကဵု သၞာသတိက် သၞာဒၟံင် ကုပိုဲညးဂမၠိုင် ပ္ဍဲဂြိုပ်မဒ္ဒကုစ္ဆိညိ” ရဴဝွံ (စၞောန်ထ္ၜးပ္ဍဲဌာန်ဇမ္ၚောဲအိုတ်ရ)။ ကုခမဳဂမၠိုင်ဂှ် တဳလပိုဉ်ဒဗ္ဗ လုပ်စၛာန် မၞုံအာရီုတေဇောကသိုဏ်တုဲ နကဵုလပိုဟ်တဲမဂဵုခၠင်ဂှ် အာတဴနူဂတနူဂတရ။ ခမဳဂမၠိုင်ဂှ်လေဝ် နကဵုလျးအရံင်ဂှ်ဟေင် ဗက်အာလက္ကရဴ နူလက္ကရဴ တဳလပိုဉ်ဒဗ္ဗ ကောန်သၟိင်မလ္လအိုတ်ရ၊ တဳလပိုဉ်ဒဗ္ဗ ကောန်သၟိင်မလ္လဂှ် “ဣဝွံတုန် ဇံင်ခါတ်ရောင်၊ ဣဝွံတုန် ဂတဵုဒလာဲခုင်ဇမၠိုင်ရောင်၊ ဣဝွံတုန် ဖုန်ရောင်၊ ဣဝွံတုန် ဂၞဳရောင်၊ ဣဝွံတုန် ဌာန်သၠးတရဴဇၞော်ရောင်၊ ဣဝွံတုန် ဌာန်သၠးပဿဴ အာတရဴသၟတ်ရောင်၊ ဣဝွံတုန် ဍာ်သုင်ရောင်၊ ဣဝွံတုန် ဍာ်ရပ်စပ်ရောင်၊ ဣဝွံတုန် လေံဒစုန်ရောင်၊ ဣဝွံတုန် ကတိကဝတ်သင် မစွံပတန်လဝ် (နမပ္တံ) ပ္ဍဲအခိင်ဝွံ သ္ဒးလုပ်ရ၊ ပ္ဍဲအခိင်ဝွံ သ္ဒးတိတ်ရရောင်” ရဴဝွံ ဟီုသ္ဂးတုဲ လးပညပ်ကဵု သၞာသတိက် သၞာဒၟံင် ကုခမဳဂမၠိုင်ဂှ်ရ။ တဳလပိုဉ်ဒဗ္ဗ ကောန်သၟိင်မလ္လ လးပညပ်ကဵု သၞာသတိက်သၞာဒၟံင် ကုခမဳဂမၠိုင်ဂှ်တုဲမ္ဂး ကလေင်က္ညစဴအာ ဘာဝေဠုဝန်ဟေင်ရ။


383) ပ္ဍဲအခိင်ဂှ် ခမဳမေတ္တိယဘူမဇကဂမၠိုင် ညးသၟတ်လေဝ် ဒှ်အိုတ်ရ၊ ပိုဉ်ကမ်လေဝ်အောန်အိုတ်ရ၊ သၞာသတိက် သၞာဒၟံင် မယုတ်ပြေအ်ဂမၠိုင်ကီု ပိဏ္ဍပါတ်မယုတ်ပြေအ်ဂမၠိုင်ကီု ဂြပ်သင်ဂှ် အာစိုပ်ကုခမဳဂမၠိုင်ဂှ်အိုတ်ရ။ ပ္ဍဲအခိင်ဂှ် ပ္ဍဲဍုင်ရာဇဂြိုဟ် မၞိဟ်ဂမၠိုင် (မၞုံပၟိက်တၞဟ်နကဵုဒါန်) ပိဏ္ဍပါတ်မဂပ်ဝ်ပြုပြေင်စဳရေင်လဝ် ဗွဲတၟေင်ကီု ကၠေဟ်သွဟ်ကီု ကၠေင်ကီု သွပွေက်ကီု ကုခမဳဂမၠိုင် မဒှ်ထေရ်အိုတ်ရ၊ ကုခမဳမေတ္တိယဘူမဇကဂမၠိုင်တုန် ကဵုဒါန်ပုင်ကၞောန်သ္ၚု မၞုံမရနုက်ကဵုၜါခရော်မ္ဂး ဍာ်သမ် မဒှ်အတိုင်ပကတိ အတိုင်မဖျိန်လၟိုန်အိုတ်ရ။ ခမဳမေတ္တိယဘူမဇကဂမၠိုင်ဂှ် ကဵုပိုဉ်တုဲပ္ဍဲကြဴ ပါဲစ္ဍးကၠုင် နူဇြပ်ကဵုပိုဉ်တုဲအိုတ်မ္ဂး “ယွံကောန်တၠတအ် ပ္ဍဲဇြပ်ကဵုပိုဉ် မုအရာမွဲ ဒှ်တဴကုမၞးတအ်ညးဂမၠိုင်ဂှ်ရော? ယွံကောန်တၠတအ် ပ္ဍဲဇြပ်ကဵုပိုဉ် မုအရာမွဲ ဒှ်တဴ ကုမၞးတအ်ညးဂမၠိုင်ဂှ်ရော?” ရဴဝွံ သၟာန်ခမဳဂမၠိုင် မဒှ်ထေရ်အိုတ်ရ၊ မှာထေရ်လ္ၚဵုဂမၠိုင် “ယွံကောန်တၠတအ် ကုပိုဲညးဂမၠိုင် (ဂွံ) ကၠေင်သွဟ်ဒှ်ရ၊ ကၠေင်ဒှ်ရ၊ သွပွေက်ဒှ်ရ” ရဴဝွံ သ္ဂးတဴအိုတ်ရ၊ ခမဳမေတ္တိယဘူမဇကဂမၠိုင်တုန် “ယွံကောန်တၠတအ် ကုပိုဲညးဂမၠိုင် မမိက်ကဵုမွဲမွဲ ဟွံတၟေင်ဒှ်ရ၊ ပုင်ကၞောန်သ္ၚု မၞုံမရနုက်ကဵုၜါခရော်မ္ဂး ဍာ်သမ်မဒှ်အတိုင်ပကတိ အတိုင်မဖျိန်လၟိုန် ဒှ်ရ” ရဴဝွံ သ္ဂးအိုတ်ရ။ ပ္ဍဲအခိင်ဂှ် ဒကာကလျာဏဘတ္တိကဂှ် ကဵုဒါန်စတုက္ကဘတ် နိစ္စဘတ် ကုသင်ရ၊ ဒကာဂှ် ပ္ဍဲဇြပ်ကဵုပိုဉ် တန်တဴဒၟံင်ပ္ဍဲဇရေင် မွဲဟာန်ကေုာံကောန်သမ္ဘာတုဲ ကၠောန်ၜိုတ်ဥပကာရ၊ သၟာန်တဴခမဳလ္ၚဵုဂမၠိုင် နကဵုပိဏ္ဍပါတ်အိုတ်ရ၊ သၟာန်တဴခမဳလ္ၚဵုဂမၠိုင် နကဵုအမာဲသွအိုတ်ရ၊ သၟာန်တဴခမဳလ္ၚဵုဂမၠိုင် နကဵုကၠေင်အိုတ်ရ၊ သၟာန်တဴခမဳလ္ၚဵုဂမၠိုင် နကဵုသွပွေက်အိုတ်ရ။ ပ္ဍဲအခိင်ဂှ် ပ္ဍဲတ္ၚဲယး တၞဟ်န (သွက်ဂွံသ္ပပြဘိုဂ်) ပိဏ္ဍပါတ် ဒကာကလျာဏဘတ္တိကဂှ် ဂပ်ဝ်စၞောန်ထ္ၜး ကုခမဳမေတ္တိယဘူမဇကဂမၠိုင်ရ။ ပ္ဍဲအခိင်ဂှ် သမ္ၚေဟ်ကလျာဏဘတ္တိကဂှ်ပြာပ်အာ အာရှာမ် နကဵုကိစ္စကေင်ကာ မမိက်ကဵုမွဲမွဲရ။ ဒကာဂှ် ပြာပ်အာဇရေင် တဳလပိုဉ်ဒဗ္ဗ ကောန်သၟိင်မလ္လတုဲ လ္ၚောဝ်သ္ပဝတ်တဳလပိုဉ်ဒဗ္ဗ ကောန်သၟိင်မလ္လတုဲမ္ဂး ဂဇအ်ဒၟံင်ပ္ဍဲဒၞါဲမွဲရ၊ ဒကာကလျာဏဘတ္တိက မဂဇအ်ဒၟံင် ပ္ဍဲဒၞါဲမွဲတုဲဂှ် နကဵုဂလာန်ဓရ် တဳလပိုဉ်ဒဗ္ဗကောန်သၟိင်မလ္လ ကဵုတီညာတ် (ဒတုဲမြမောဝ်) ကဵုဒဂိုန်ဂိုင်ကေတ် (ဓရ်) (သွက်ဂွံဒ္ဂေတ်ဓရ) ကဵုသကေက်သကာတုဲ ကဵုမြဟ်မြာတုဲဒှ်တုဲ (ဒကာကလျာဏဘတ္တိက)— “ယွံတဳလပိုဉ် ပ္ဍဲတ္ၚဲယး တၞဟ်န (သွက်ဂွံသ္ပပြဘိုဂ်) ပ္ဍဲသ္ၚိအဲဍိက်တအ် ဂပ်ဝ်စၞောန်ထ္ၜးပိဏ္ဍပါတ် ကုခမဳလဵုဂှ်ရော?” ရဴဝွံ ဂရင်ပတီ တဳလပိုဉ်ဒဗ္ဗ ကောန်သၟိင်မလ္လရ။ ယွံဒကာ ပ္ဍဲတ္ၚဲယး တၞဟ်န (သွက်ဂွံသ္ပပြဘိုဂ်) ပ္ဍဲသ္ၚိမၞးတအ်ညးဂမၠိုင် ဂပ်ဝ်စၞောန်ထ္ၜးပိဏ္ဍပါတ် ကုခမဳ
မေတ္တိယဘူမဇကဂမၠိုင်တုဲရ ရဴဝွံ (သ္ဂးရ)။ ပ္ဍဲအခိင်ဂှ် ဒကာကလျာဏဘတ္တိက ဟွံမိပ်စိုတ်ဒှ်အာရ၊ “မုဟိုတ် ခမဳယုတ်ဂမၠိုင် ကြက်သ္ဂောံပြဘိုဂ် ပ္ဍဲသ္ၚိပိုဲတအ်ညးဂမၠိုင်ဂှ်ရော?” ရဴဝွံ စဴအာသ္ၚိတုဲ “ဟာဲဍိက်ဗြဴ ပ္ဍဲတ္ၚဲယး ယြဴခမဳဂမၠိုင် ကြက်ကၠုင်တဴ တၞဟ်နပိဏ္ဍပါတ်အိုတ်ရ၊ ခမဳမကၠုင်ကဵုပိုဉ်ဂမၠိုင်ဂှ် လးကဵုသၞာပ္ဍဲပါင်မုက်တြင်တုဲ ဩဝ်ကၠောန်ၜိုတ် နကဵုပုင်ကၞောန်သ္ၚု မၞုံမရနုက်ကဵုၜါခရော်မ္ဂး ဍာ်သမ်ဂှ်ညိ” ရဴဝွံ ဖအောဝ်စကာဍိက်ဗြဴရ၊ ယွံတၠနာဲ ခိုဟ်သန်ရ ရဴဝွံ ဍိက်ဗြဴဂှ် ကလေင်သ္ဂးကဵု ဒကာကလျာဏဘတ္တိကရ။ ပ္ဍဲအခိင်ဂှ် ခမဳမေတ္တိယဘူမဇကဂမၠိုင် “ယွံကောန်တၠတအ် နူတနေံဏအ် ဂပ်ဝ်စၞောန်ထ္ၜးလဝ်ပိဏ္ဍပါတ် ဒကာကလျာဏဘတ္တိက ကုပိုဲညးဂမၠိုင်တုဲရ၊ ပ္ဍဲတ္ၚဲယး ဒကာကလျာဏဘတ္တိက တန်တဴဒၟံင်ပ္ဍဲဇရေင် မွဲဟာန်ကေုာံကောန်သမ္ဘာတုဲ ကြက်ကၠောန်ၜိုတ် ပိုဲညးဂမၠိုင်ရ၊ သၟာန်တဴခမဳလ္ၚဵုဂမၠိုင် နကဵုပိဏ္ဍပါတ်အိုတ်ရ၊ သၟာန်တဴခမဳလ္ၚဵုဂမၠိုင် နကဵုအမာဲသွအိုတ်ရ၊ သၟာန်တဴခမဳဂမၠိုင် နကဵုကၠေင်အိုတ်ရ၊ သၟာန်တဴခမဳဂမၠိုင် နကဵသွပွေက်အိုတ်ရ” ရဴဝွံ ခမဳမေတ္တိယဘူမဇကဂမၠိုင်ဂှ် နပွမမိပ်စိုတ်ဂှ်ဟေင် ပ္ဍဲဗ္တမ်ဟွံတိက် အတိုင်ပၟိက်စိုတ် (တိက်ဟွံမာန်) အိုတ်ရ၊ ပ္ဍဲကြဴနူဂှ် ခမဳမေတ္တိယဘူမဇကဂမၠိုင် ပ္ဍဲအခိင်နူဂယး ရုင်လတက်ပဠေဝ်သ္ၚာတုဲ မိန်ဂိုင်ကေတ် ဗဗေင်သ္ၚာတုဲမ္ဂး ပြာပ်စဴအာသ္ၚိ ဒကာကလျဏဘတ္တိကအိုတ်ရ။ ဍိက်ဗြဴဂှ် ညာတ်အာ ခမဳမေတ္တိယဘူမဇကဂမၠိုင် မက္ညကၠုင်ဒၟံင် နူဇမ္ၚောဲရ၊ ညာတ်တုဲမ္ဂး လးပညပ်ကဵုသၞာ ပ္ဍဲပါင်မုက်တြင်တုဲ “ယွံတဳလပိုဉ်တအ် ဩဝ်ဂဇအ်အိုတ်ညိ” ရဴဝွံ ဂရင်ပတီ ခမဳမေတ္တိယဘူမဇကဂမၠိုင်ရ။ ပ္ဍဲအခိင်ဂှ် ကုခမဳမေတ္တိယဘူမဇကဂမၠိုင်ဂှ် “ဨကန္တ ပိဏ္ဍပါတ် ဟွံစိုပ်ဒတုဲ (ဟွံစိန်ဝုန်) ဏီဒှ်တုဲ ကဵုပိုဲညးဂမၠိုင် ဂဇအ်ဒၟံင် ပ္ဍဲပါင်မုက်တြင်အိုတ်ရ” ရဴဝွံ ဗှ်ဗၞုဟ်ထေင်တဴရ။ ပ္ဍဲအခိင်ဂှ် ဍိက်ဗြဴဂှ် “ယွံတဳလပိုဉ်တအ် ဩဝ်ပြဘိုဂ်ကဵုပိုဉ်အိုတ်ညိ” ရဴဝွံ နကဵုပုင်ကၞောန်သ္ၚု မၞုံကဵုမရနုက်ကဵုၜါခရော်မ္ဂးဍာ်သမ် (ဗဂိန်ကဵုရ)။ ယွံဒေံဗြဴ ပိုဲညးဂမၠိုင်တုန် ညးမၞုံကဵုနစ္စဘတ်ဂမၠိုင်ရ ရဴဝွံ (သ္ဂးရ)။ ယွံတဳလပိုဉ်တအ် တီဒၟံင်ရ၊ ဒှ်ညးမၞုံနိစ္စဘတ်အိုတ်ရ၊ ၜိုန်ဂှ် နူတနေံတေံဟေင် “ဟာဲဍိက်ဗြဴ ပ္ဍဲတ္ၚဲယး ယြဴခမဳဂမၠိုင် ကြက်ကၠုင်တဴ တၞဟ်နပိဏ္ဍပါတ်အိုတ်ရ၊ ခမဳမကၠုင်ကဵုပိုဉ်ဂမၠိုင်ဂှ် လးကဵုသၞာ ပ္ဍဲပါင်တြင်တုဲ ဩဝ်ကၠောန်ၜိုန်နကဵုပုင်ကၞောန်သ္ၚု မၞုံမရနုက်ကဵုၜါခရော်မ္ဂး ဍာ်သမ်ညိ” ရဴဝွံ သမ္ၚေဟ်ဂှ် ဖအောဝ်စကာလဝ် ဍိက်ဗြဴရ၊ ယွံတဳလပိုဉ်တအ် ဩဝ်ပြဘိုဂ်ကဵုပိုဉ်အိုတ်ညိ ရဴဝွံ (ဂရင်ပတီရ)။ ပ္ဍဲအခိင်ဂှ် ခမဳမေတ္တိယဘူမဇကဂမၠိုင်ဂှ် “ယွံကောန်တၠတအ် နူတနေံတေံ ဒကာကလျာဏဘတ္တိက ကၠုင်အာရှာမ်ဇရေင်တဳလပိုဉ်ဒဗ္ဗ ကောန်သၟိင်မလ္လရ၊ ဨကန္တ တဳလပိုဉ်ဒဗ္ဗကောန်သၟိင်လ္လ ဂပ်ဝ်ပလီုပလာ်ထောံ ပိုဲညးဂမၠိုင် ပ္ဍဲဇရေင်ဒကာတုဲအိုတ်ရ” ရဴဝွံ ခမဳမေတ္တိယဘူမဇကဂမၠိုင်ဂှ် နပွမဟွံမိပ်စိုတ်ဂှ်ဟေင် အတိုင်ပၟိက်စိုတ် ဟွံသ္ပပြဘိုဂ်အိုတ်ရ၊ ပ္ဍဲအခိင်ဂှ်ခမဳမေတ္တိယဘူမဇကဂမၠိုင် ကဵုပိုဉ်တုဲပ္ဍဲကြဴ ပါဲစ္ဍးအာနူဇြပ်ကဵုပိုဉ်တုဲအိုတ်မ္ဂး စဴအာ အာရှာမ်တုဲ သီဂိုင်ဒေပ်ဗဗေင်သ္ၚာတုဲ သီုမဒက်တာန်အာယောဂပတ်သကိုပ် ပ္ဍဲမုက်တြင်မ္ၚးအာရှာမ် ကၞပ်သ္ၚောံသ္ၚိတ်ဇြဒၟံင်အိုတ်တုဲ မုက်မတ်ဟွံကျေဝ်ဂမၠိုင်ဒှ်တုဲ မၞုံကဵုပၞးမဖျေံလဝ်မုက်သၟဝ်ဂမၠိုင်ဒှ်တုဲ ၚုင်ၚဇြဟောံဂမၠိုင်ဒှ်တုဲ ဟွံဟီုအရေဝ်ဂမၠိုင်ဒှ်တုဲ ဂဇအ်ဒၟံင်အိုတ်ရ။ ပ္ဍဲအခိင်ဂှ် ခမဳဗြဴမေတ္တိယာ ပြာပ်ကၠုင်ဇရေင် ခမဳမေတ္တိယဘူမဇကဂမၠိုင်တုဲ ပ္ဍဲကြဴ “ယွံတဳလပိုဉ်တအ် လ္ၚောဝ်သ္ပဝတ်ရ” ရဴဝွံ သ္ဂးကဵုခမဳမေတ္တိယဘူမဇကဂမၠိုင်ရ၊ သ္ဂးတဴရဴဝွံမ္ဂး ခမဳမေတ္တိယဘူမဇကဂမၠိုင် ဟွံဟီုအရေဝ်အိုတ်ရ။ မရနုက်ကဵုၜါဝါလေဝ် ။ ပ ။ မရနုက်ကဵုပိဝါလေဝ် ခမဳဗြဴမေတ္တိယာဂှ် “ယွံတဳလပိုဉ်တအ် လ္ၚောဝ်သ္ပဝတ်ရ” ရဴဝွံ သ္ဂးကဵုခမဳမေတ္တိယဘူမဇကဂမၠိုင်ရ၊ မနုက်ကဵုပိဝါလေဝ် ခမဳမေတ္တိယဘူမဇကဂမၠိုင် ဟွံဟီုအရေဝ်အိုတ်ရ။ အဲဍိက်ဗြဴ ပသာ်လုတ်မှာဒးဒုဟ် ကုတဳလပိုဉ်တအ်ညးဂမၠိုင်ဂှ်ရော? မုဟိုတ်တဳလပိုဉ်တအ် ညးဂမၠိုင် ဟွံဟီုအရေဝ်ကဵုအဲဍိက်ဗြဴအိုတ်ဂှ်ရော? ရဴဝွံ (သၟာန်ရ)။ ယွံဒေံဗြဴ လဴထ္ၜးကဵု အတိုင်ဒဒှ်ပိုဲတအ်ရ၊ ဒဗ္ဗကောန်သၟိင်မလ္လ သီုဂပ်ဝ်ရာန်သကိုတ် ပျဲပျာံဒၟံင်ပိုဲညးဂမၠိုင်ဂှ်တၠအဲ သ္ၚဳမဲမဇ္ၛဟ်ရောင်သွံ ရဴဝွံ (သ္ဂးအိုတ်ရ)။ ယွံတဳလပိုဉ်တအ် အဲဍိက်ဗြဴ မုမွဲသ္ဂောံသ္ပညိဂှ်ရော? ရဴဝွံ (သၟာန်ရ)။ ယွံဒေံဗြဴ တၠအဲ ယဝ်နွံပၟိက်မ္ဂး ပ္ဍဲတ္ၚဲဝွံဟေင် တဳလမၞုံပိုဉ်ကျာ်တြဲ ဩဝ်ကဵုပြာမ် (ပလီုပလာ်) ထောံဒဗ္ဗကောန်သၟိင်မလ္လရ ရဴဝွံ (သ္ဂးအိုတ်ရ)။ ယွံတဳလပိုဉ်တအ် အဲဍိက်ဗြဴ မုမွဲ သ္ဂောံသ္ပညိဂှ်ရော? အဲဍိက်ဗြဴတၞဟ်နသ္ပတဴ မုမွဲ သၟဟ်ရထဂှ်ရော? ရဴဝွံ (သၟာန်ရ)။ ယွံဒေံဗြဴ ဩဝ်ကၠုင်ညိ၊ တၠအဲ ပြာပ်အာဇရေင် တဳလမၞုံပိုဉ်ကျာ်တြဲတုဲ “ယွံတဳလမၞုံပိုဉ် ပွဝွံ ဟွံထေက်ကြိုက်ရ၊ ဟွံဗဗွဲရ၊ ယွံတဳလမၞုံပိုဉ် ယြဴဌာန်ဒိုဟ်မွဲ ဟွံမွဲကၠုင်ကဵုဘဲရ၊ ဟွံမွဲကၠုင်ကဵု သၞသတြုသၞဝဲရ၊ ဟွံမွဲကၠုင်ကဵုပရိုက်ဥပ္ပဒ္ဒြဴ မလေပ်ရာန်သကိုတ်ရ၊ ယြဴနူဒိုဟ်မွဲ ဟွံမွဲကၠုင်ကဵု ပွမကျာဗာပိုက်လွိင်၊ (လၟုဟ်) နူဒိုဟ်ဂှ် မၞုံကၠုင်ကဵုကျာဗာပိုက်လွိင်ရ၊ တဳလပိုဉ်ဒဗ္ဗ ကောန်သၟိင်မလ္လ ဂပ်ဝ်ပလီုပလာ်ထောံ အဲဍိက်ဗြဴရ” ရဴဝွံ ဩဝ်ဂရင်ပတီညိ ရဴဝွံ (သ္ဂးအိုတ်ရ)။ ယွံတဳလပိုဉ်တအ် ခိုဟ်သန်ရ ရဴဝွံ ခမဳဗြဴမေတ္တိယာ ဒုင်ဝန်ကုခမဳမေတ္တိယဘူမဇကဂမၠိုင်တုဲ ပြာပ်အာဇရေင် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ ဂဇအ်တန်တဴဒၟံင် ပ္ဍဲဒၞါဲမွဲရ၊ ခမဳဗြဴမေတ္တိယာ မဂဇအ်တန်တဴဒၟံင် ပ္ဍဲဒၞါဲမွဲတုဲဂှ် “ယွံတဳလမၞုံပိုဉ် ပွဝွံ ဟွံထေက်ကြိုက်ရ၊ ဟွံဗဗွဲရ၊ ယွံတဳလမၞုံပိုဉ် ယြဴဌာန်ဒိုဟ်မွဲ ဟွံမွဲကၠုင်ကဵုဘဲရ၊ ဟွံမွဲကၠုင်ကဵု သၞသတြုသၞဝဲရ၊ ဟွံမွဲကၠုင်ကဵုပရိုက်ဥပ္ပဒ္ဒြဴ မလေပ်ရာန်သကိုတ်ရ၊ ဌာန်ဒိုဟ်ဂှ် (လၟုဟ်) မၞုံကဵုဘဲရ၊ မၞုံကဵုဘဲရ၊ မၞုံကဵုသၞသတြုသၞဝဲရ၊ မၞုံကဵုပရိုက်ဥပ္ပဒ္ဒြဴ မလေပ်ရာန်သကိုတ်ရ၊ ယြဴနူဒိုဟ်မွဲ ဟွံမွဲကၠုင်ကဵု ပွမကျာ်ဗာပိုက်လွိင်ရ၊ (လၟုဟ်) နူဒိုဟ်ဂှ် မၞုံကၠုင်ကဵုပွမကျာဗာပိုက်လွိင်ရ၊ တဳလပိုဉ်ဒဗ္ဗ ကောန်သၟိင်မလ္လ ဂပ်ဝ်မလီုပလာ်ထောံ အဲဍိက်ဗြဴရ” ရဴဝွံ ဩဝ်ဂရင်ပတီညိ ရဴဝွံ (သ္ဂးအိုတ်ရ)။ ယွံတဳလပိုဉ်တအ် ခိုဟ်သန်ရ ရဴဝွံ ခမဳဗြဴမေတ္တိယာ ဒုင်ဝန်ကုခမဳမေတ္တိယဘူမဇကဂမၠိုင်တုဲ ပြာပ်အာဇရေင် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲဂဇအ်တန်တဴဒၟံင် ပ္ဍဲဒၞါဲမွဲရ၊ ခမဳဗြဴမေတ္တိယာ မဂဇအ်တန်တဴဒၟံင် ပ္ဍဲဒၞါဲမွဲတုဲဂှ် “ယွံတဳလမၞုံပိုဉ် ပွဝွံ ဟွံထေက်ကြိုက်ရ၊ ဟွံဗဗွဲရ၊ ယွံတဳလမၞုံပိုဉ် ယြဴဌာန်ဒိုဟ်မွဲ ဟွံမွဲကၠုင်ကဵုဘဲရ၊ ဟွံမွဲကၠုင်ကဵု သၞသတြုသၞဝဲရ၊ ဟွံမွဲကၠုင်ကဵုပရိုက်ဥပ္ပဒ္ဒြဴ မလေပ်ရာန်သကိုတ်ရ၊ ဌာန်ဒိုဟ်ဂှ် (လၟုဟ်) မၞုံကဵုဘဲရ၊ မၞုံကဵုသၞသတြုသၞဝဲရ၊ မၞုံကဵုပရိုက်ဥပ္ပဒ္ဒြဴ မလေပ်ရာန်သကိုတ်ရ၊ ယြဴနူဒိုဟ်မွဲ ဟွံမွဲကၠုင်ကဵု ပွမကျာဗာပိုက်လွိင်ရ၊ (လၟုဟ်) နူဒိုဟ်ဂှ် မၞုံကၠုင်ကဵု ပွမကျာဗာပိုက်လွိင်ရ၊ ဍာ်ဂှ် သၟဟ်ညံင်ဂဵုဍာဲဒၟံင်ရောင် ထေင်ရ၊ တဳလပိုဉ်ဒဗ္ဗ ကောန်သၟိင်မလ္လ ဂပ်ဝ်ပလီုပလာ် အဲဍိက်ဗြဴရ” ရဴဝွံ ဩဝ်ဂရင်ပတီညိ တဳလမၞုံပိုဉ်ကျာ်တြဲရ။


384) ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသင်ကောံဓရီုတုဲမ္ဂး ယွံဒဗ္ဗ အတိုင်ခမဳဗြဴဝွံဟီုဂှ် တၠအဲ သ္ပဒးကမၠောန် ပွမပလီုပလာ် မၞုံသဘဴရဴဝွံရဂှ် ဂွံသတိ (သမ္တီ) ဒးဟာ” ရဴဝွံ စၟဳစၟတ်သၟာန်သၟုက် တဳလပိုဉ်ဒဗ္ဗ ကောန်သၟိင်မလ္လရ။ ယွံတဳလမၞုံပိုဉ် အတိုင်တဳလမၞုံပိုဉ်ကျာ်တြဲ တီတဴ အဲဍိက်ဟေင်ရ ရဴဝွံ (ဂရင်ပတီရ)။ မရနုက်ကဵုၜါဝါလေဝ် ။ ပ ။ မရနုက်ကဵုပိဝါလေဝ် ယွံဒဗ္ဗ အတိုင်ခမဳဗြဴဝွံဟီုဂှ် တၠအဲ သ္ပဒးကမၠောန်ပွမပလီုပလာ် မၞုံသဘဴရဴဝွံရဂှ် ဂွံသတိ (သမ္တီ) ဒးဟာ” ရဴဝွံ (သ္ဂးရ)။ ယွံတဳလမၞုံပိုဉ် အတိုင်တဳလမၞုံပိုဉ်ကျာ်တြဲ တီတဴ အဲဍိက်ဟေင်ရ ရဴဝွံ (ဂရင်ပတီရ)။ ယွံဒဗ္ဗ တၠပညာဂမၠိုင် ဟွံခၠေဝ်သှ်ရဴဝွံအိုတ်ရ၊ (ဟွံသောင်ကလးရဴဝွံအိုတ်ရ)၊ တၠအဲ ယဝ်ဂပ်ဝ်သ္ပဒးမ္ဂး၊ ဂပ်ဝ်သ္ပဒးရ ရဴဝွံ ဩဝ်ဂရင်ပတီညိ ရဴဝွံ (သ္ဂးရ)။ ယွံတဳလမၞုံပိုဉ် အဲဍိက် သ္ပတမ်နူၜံင်သၠးတိတ်တုဲ နအယာံမာတ်တိက်လ္ပအ်ညာတ်လေဝ် သွိုန်ဗပိုန်သိပ်ဂၠိပ်ဒး ဒ္ဂေတ်မေထုန်ရဂှ် ဟွံတီရ၊ အဲဍိက်မၚုဟ်ဒၟံင်ဂှ် မုသ္ဇက်သ္ဂးနွံဏီဂှ်ရော? ရဴဝွံ (ဂရင်ပတီရ)။ ပ္ဍဲအခိင်ဂှ် တဳလမၞုံပိုဉ်ကျာ်တြဲဂှ် “ယွံခမဳတအ် ယဝ်ဒှ်သာ်ဂှ်မ္ဂး ဩဝ်ပြာမ်ပၠေင်ထောံ ခမဳဗြဴမေတ္တိယာအိုတ်ညိ၊ (ဩဝ်ပလီုပလာ်ထောံ (အယောင်အလာ) ခမဳဗြဴမေတ္တိယာအိုတ်ညိ)၊ ခမဳ (မဖအောဝ်စကာ) ဂမၠိုင်ဝွံလေဝ် ဩဝ်စၟဳစၟတ်သၟာန်သၟုက်အိုတ်ညိ” ရဴဝွံ သ္ဂးကဵုခမဳဂမၠိုင်ရ။ တဳလမၞုံပိုဉ်ကျာ်တြဲ သ္ဂးတိုန်ဂလာန်ဝွံတုဲမ္ဂး ဒၠိုက်ကတဵုနူဒၞါဲတုဲ က္ညလုပ်အာဘာရ။ ပ္ဍဲအခိင်ဂှ် ခမဳဂမၠိုင်ဂှ် ပြာမ်ပၠေင်ထောံခမဳဗြဴမေတ္တိယာအိုတ်ရ၊ ပ္ဍဲအခိင်ဂှ် ခမဳမေတ္တိယဘူမဇကဂမၠိုင်— “ယွံကောန်တၠတအ် ဩဝ်လ္ပပြာမ်ပၠေင်ထောံ ခမဳဗြဴမေတ္တိယာအိုတ်ညိ၊ ခမဳဗြဴဂှ်လုတ်မှာဒုဟ်မမိက်ကဵုမွဲမွဲ ဟွံသေင်ရ၊ ပိုဲညးဂမၠိုင်မထေဲပၞတ် မဟွံမိပ်စိုတ် မမိက်ကဵုတသိုတ်အာ (နူသာသနာ) ဟေင် ဂပ်ဝ်ဖအောဝ်ဗတိုက် ခမဳဗြဴဂှ်အိုတ်ရ” ဟီုသ္ဂးကဵုခမဳဂမၠိုင်အိုတ်ရ။ ယွံကောန်တၠတအ် မၞးတအ်ညးဂမၠိုင် စောတ်စောဲပလီုပလာ် တဳလပိုဉ်ဒဗ္ဗကောန်သၟိင်မလ္လ နအာပတ်ပါရာဇ် မဟွံမွဲကဵုရိုဟ်တၞမ်အိုတ်ဟာ ရဴဝွံ (သၟာန်အိုတ်ရ)။ ခမဳပၟိက်အောန်ဂမၠိုင်ဂှ် “ခမဳမေတ္တိယဘူမဇကဂမၠိုင် မုဟိုတ်စောတ်စောဲပလီုပလာ် တဳလပိုဉ်ဒဗ္ဗ ကောန်သၟိင်မလ္လ နအာပါတ်ရာဇ် မဟွံမွဲကဵုရိုဟ်တၞမ်အိုတ်ဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် ခမဳမေတ္တိယဘူမဇကဂမၠိုင် နဟိုတ်ဂမၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ် ကျာ်တြဲအိုတ်ရ ။ ပ ။ “ယွံတဳတအ် မၞးတအ်ညးဂမၠိုင် စောတ်စောဲပလီုပလာ် ဒဗ္ဗကောန်သၟိင်မလ္လ နအာပတ်ပါရာဇ် မဟွံမွဲကဵုရိုဟ်တၞမ်အိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ “ယွံတြုံမလ္ၚုသၟး (နူမဂ်ဖိုလ်) တအ် မၞးတအ်ညးဂမၠိုင် မုဟိုတ်စောတ်စောဲပလီုပလာ် ဒဗ္ဗကောန်သၟိင်မလ္လ နအာပတ်ပါရာဇ် မဟွံမွဲကဵုရိုဟ်တၞမ်အိုတ်ဂှ်ရော? ။ ပ ။ ယွံတြုံမလ္ၚုသၟး (နူမဂ်ဖိုလ်) တအ် (ပွမၞးတအ်ညးဂမၠိုင် သ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္္ခာပိုဒ်ဝွံအိုတ်ညိ။


385) ယြဴခမဳမွဲ မၞုံကဵုစိုတ်ဒေါသမဂပ်ဝ်ပ္ဍဵုပ္ဍိုက် မမိက်ပလီုပလာ်ဒှ်တုဲ ဟွံသ္ဍိုက်မၠိုက်ဒှ်တုဲ ‘ကဵုခမဳဂှ် တသိုတ်အာနူဒ္ဂေတ်မပြဲဝွံမာန်ရ’ ချပ်ရဴဝွဴတုဲ စောတ်စောဲပလီုပလာ် နအာပတ်ပါရာဇ် မဟွံမွဲကဵုရိုဟ်တၞမ်မ္ဂး၊ ပ္ဍဲကြဴနူစောတ်စောဲပလီုပလာ်တုဲဂှ် (ညးသအာင်ဂမၠိုင်) ဂပ်ဝ်သၟာန်စၟဳစၟတ်တုဲကီုလဝ် သီုမဟဂပ်ဝ်သၟာန်စၟဳစၟတ်ကီုလဝ် အဓိကိုရ်ဂှ်လေဝ် ဟွံမွဲကဵုရိုဟ်တၞမ်ဒှ်မ္ဂး၊ ခမဳမစောတ်စောဲဂှ်လေဝ် ဒုင်ဝန်ဒုဟ်မ္ဂး၊ (ကုခမဳဂှ်) ဒးအာပတ်သံဃာဒိသေသ်ရ ရဴဝွံ (ဩဝ်စၞောန်ထ္ၜးသိက္ခာပိုဒ်ဝွံအိုတ် ရဴဝွံ သ္ဂးရ)။

၂.၈.၂။ ပွံက်ဒုဋ္ဌဒေါသသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

386) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳ မ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ ဟိုန်ခမဳ မ္ဂးဂှ် ဟိုတ်ခမဳသအာင်။ မၞုံကဵုစိုတ်ဒေါသမဂပ်ဝ်ပ္ဍဵုပ္ဍိုက် မမိက်ပလီုပလာ်ဒှ်တုဲ မ္ဂးဂှ် ထေဲပၞတ်ဂှ်ဒှ်တုဲ ဟွံမိပ်စိုတ်ဒှ်တုဲ မၞုံစိုတ်ဟွံမိပ်လဟိင်ဒှ်တုဲ မၞုံစိုတ်မဒွံလုက်စုက် (ထ္ဍိမြိ) ဒးဒှ်တုဲ မၞုံစိုတ်မတဵုဒှ်ညံင်ကၞက်စရံင်ဒှ်တုဲ။ ဟွံသ္ဍိုက်မၠိုက်ဒှ်တုဲ မ္ဂးဂှ် နပွမထေဲပၞတ်ဂှ်ကီု နပွမပလီုပလာ်ဂှ်ကီု နပွမဟွံမိပ်စိုတ်ဂှ်ကီု နပွမဟွံမိပ်လဟိင်ဂှ်ကီု ဒှ်ဟွံသ္ဍိုက်မၠိုက်ရ။ ဟွံမွဲကဵုရိုဟ်တၞံ မ္ဂးဂှ် ဟဂပ်ဝ်ညာတ် ဟဂပ်ဝ်မိင် ဟဂပ်ဝ်သၠေဟ်ပၟာ။ နအာပတ်ပါရာဇ် မ္ဂးဂှ် ပၞောဝ်ပါရာဇ်ပန်ဂမၠိုင် နမွဲမွဲ။ စောတ်စောဲပလီုပလာ် မ္ဂးဂှ် (အလဵုဇကုလေဝ်) စောတ်စောဲရ၊ (ကဵုညးသအာင်ဂမၠိုင်လေဝ်) စောတ်စောဲရ။ ကဵုခမဳဂှ် တသိုတ်အာနူသာသနာမာန်ရ မ္ဂးဂှ် ကဵုတသိုတ်အာနူဒဒှ်ခမဳမာန်ရ၊ ကဵုတသိုတ်အာ နူဓရ်ခမဳမာန်ရ၊ ကဵုတသိုတ်အာနူဂကောံဗွဝ်သဳလမာန်ရ၊ ကဵုတသိုတ်အာ နူဂုဏ်ဒ္ဂေတ်မာန်ရ။ ပ္ဍဲကြဴနူစောတ်စောဲ ပလီုပလာ်တုဲဂှ် မ္ဂးဂှ် ယြဴပ္ဍဲခဏမွဲ ဂပ်ဝ်စောတ်စောဲပလီုပလာ်တဴရ၊ ကလိလောန်အခိင်ဂှ် အခါဂှ် ကာလဂှ်မ္ဂး။ (ညးသအာင်ဂမၠိုင်) ဂပ်ဝ်သၟာန်စၟဳစၟတ်တုဲကီုလေဝ် မ္ဂးဂှ် ယြဴနဝတ္ထုမွဲ ဂပ်ဝ်စောတ်စောဲပလီုပလာ်ရ၊ ဂပ်ဝ်သၟာန်စၟဳစၟတ်ဝတ္ထုဂှ်မ္ဂး။ သီုမဟဂပ်ဝ်သၟာန်စၟဳစၟတ်ကီုလဝ် မ္ဂးဂှ် မိန်ညးမမိက်ကဵုမွဲမွဲ သီုမဟဂပ်ဝ်သၟာန်။ အဓိကိုရ် မ္ဂးဂှ် အဓိကိုရ်ဂမၠိုင် ဗွဲဝိဝါဒါဓိကိုရ် အနုဝါဒါဓိကိုရ် အာပတ္တာဓိကိုရ် ကိစ္စာဓိကိုရ် မၞုံပန်ဂကူအိုတ်ရ။ ခမဳမစောတ်စောဲဂှ်လေဝ် ဒုင်ဝန်ဒဟ် မ္ဂးဂှ် အဲဟီုဒးဂလာန်လ္ၚုသၟးတုဲရ၊ အဲဟီုဒးဂလာန်ဆောတ်ယောင်တုဲရ၊ အဲဟီုဒးဂလာန်ဟွံဍာံစၟတ်တုဲရ၊ အဲ သီုဟွံတီဂှ် ဟီုဒးတုဲရ။ သံဃာဒိသေသ် မ္ဂးဂှ် ။ ပ ။ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်” ရ။


387) ခမဳ (စောဒက) ဂှ် သီုဟွံညာတ်တဴခမဳ မအာစိုပ် ‘ကလိလောန်’ အာပတ်ပါရာဇ်ဂှ်၊ “အဲ ဂပ်ဝ်ညာတ် (ခမဳဂှ်) အာစိုပ်အာပတ်ပါရာဇ်တုဲရ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် သီုဟွံမိင်တဴ ရဴဝွံမ္ဂး “ခမဳ အာစိုပ်အာပတ်ပါရာဇ်တုဲ” ဂှ် “အဲ ဂပ်ဝ်မိင် (ခမဳဂှ်) အာစိုပ်အာပတ်ပါရာဇ်တုဲရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် သီုဟွံမွဲကဵုပွမသၠေဟ်ပၟာ ရဴဝွံမ္ဂး “ခမဳမအာစိုပ် အာပတ်ပါရာဇ်တုဲ” ဂှ် “အဲ ဂပ်ဝ်သၠေဟ်ပၟာ (ခမဳဂှ်) အာစိုပ်အာပတ်ပါရာဇ်တုဲ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် သီုဟွံညာတ်တဴ ခမဳမအာစိုပ် ‘ကလိလောန်’ အာပတ်ပါရာဇ်ဂှ် “အဲဂပ်ဝ်ညာတ် (ခမဳဂှ်) အာစိုပ်အာပတ်ပါရာဇ်တုဲရ၊ မိင်လေဝ်ဂပ်ဝ်မိင်တုဲရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် သီုဟွံညာတ်တဴ ခမဳမအာစိုပ် ‘ကလိလောန်’ အာပတ်ပါရာဇ်ဂှ် “အဲဂပ်ဝ်ညာတ် (ခမဳဂှ်) အာစိုပ်အာပတ်ပါရာဇ်တုဲရ၊ သၠေဟ်ပၟာလေဝ် ဂပ်ဝ်သၠေဟ်ပၟာတုဲရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် သီုဟွံညာတ်တဴ ခမဳမအာစိုပ် ‘ကလိလောန်’ အာပတ်ပါရာဇ်ဂှ် “အဲ ဂပ်ဝ်ညာတ် (ခမဳဂှ်) အာစိုပ်အာပတ်ပါရာဇ်တုဲရ၊ မိင်လေဝ် ဂပ်ဝ်မိင်တုဲရ၊ သၠေဟ်ပၟာလေဝ် ဂပ်ဝ်သၠေဟ်ပၟာတုဲရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် သီုဟွံညာတ်တဴ ခမဳမအာစိုပ် ‘ကလိလောန်’ အာပတ်ပါရာဇ်ဂှ် “အဲဂပ်ဝ်မိင် (ခမဳဂှ်) အာစိုပ်အာပတ်ပါရာဇ်တုဲရ၊ သၠေဟ်ပၟာလေဝ် ဂပ်ဝ်သၠေဟ်ပၟာတုဲရ ။ ပ ။ အဲဂပ်ဝ်မိင်တုဲရ၊ ညာတ်လေဝ် ဂပ်ဝ်ညာတ်တုဲရ ။ ပ ။ အဲဂပ်ဝ်မိင်တုဲရ၊ သၠေဟ်ပၟာလေဝ် ဂပ်ဝ်သၠေဟ်ပၟာတုဲရ၊ ညာတ်လေဝ် ဂပ်ဝ်ညာတ်တုဲရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် သီုဟွံမွဲကဵု ပွမသၠေဟ်ပၟာ ရဴဝွံမ္ဂး “ခမဳမအာစိုပ်အာပတ်ပါရာဇ်တုဲ” ဂှ် “အဲ ဂပ်ဝ်သၠေဟ်ပၟာ (ခမဳဂှ်) အာစိုပ်အာပတ်ပါရာဇ်တုဲရ၊ ညာတ်လေဝ် ဂပ်ဝ်ညာတ်တုဲရ ။ ပ ။ အဲဂပ်ဝ်သၠေဟ်ပၟာတုဲရ၊ မိင်လေဝ် ဂပ်ဝ်မိင်တုဲရ၊ (တၠအဲ) ခမဳဟွံသေင်ရ ။ ပ ။ ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် ဂပ်ဝ်ညာတ်တဴ ခမဳမအာစိုပ် ‘ကလိလောန်’ အာပတ်ပါရာဇ်ရ၊ “အဲ ဂပ်ဝ်မိင်တဴခမဳဂှ္ အာစိုပ်အာပတ်ပါရာဇ်တုဲရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် ဂပ်ဝ်ညာတ်တဴ ခမဳမအာစိုပ် ‘ကလိလောန်’ အာပတ်ပါရာဇ်ရ၊ “အဲ ဂပ်ဝ်သၠေဟ်ပၟာတဴ ခမဳဂှ် အာစိုပ်အာပတ်ပါရာဇ်တုဲရ ။ ပ ။ “အဲ ဂပ်ဝ်မိင်တဴ ခမဳဂှ် အာစိုပ်အာပတ်ပါရာဇ်တုဲရ၊ သၠေဟ်ပၟာလေဝ် ဂပ်ဝ်သၠေဟ်ပၟာတုဲရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် ဂပ်ဝ်မိင်တဴ ရဴဝွံမ္ဂး “ခမဳအာစိုပ်အာပတ်ပါရာဇ်တုဲ” ရ၊ “အဲ ဂပ်ဝ်သၠေဟ်ပၟာ (ခမဳဂှ်) အာစိုပ်အာပတ်ပါရာဇ်တုဲရ ။ ပ ။ ရဴဝွံစောတ်စောဲမ္ဂး၊ အဲ ဂပ်ဝ်ညာတ် (ခမဳဂှ်) အာစိုပ်အာပတ်ပါရာဇ်တုဲရ ။ ပ ။ အဲ ဂပ်ဝ်သၠေဟ်ပၟာ (ခမဳဂှ်) အာစိုပ်အာပတ်ပါရာဇ်တုဲရ၊ ညာတ်လေဝ် ဂပ်ဝ်ညာတ်တုဲရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် ဂပ်ဝ်သၠေဟ်ပၟာတဴ ရဴဝွံမ္ဂး “ခမဳအာစိုပ်အာပတ်ပါရာဇ်တုဲ” ရ “အဲ ဂပ်ဝ်ညာတ် (ခမဳဂှ်) အာစိုပ်အာပတ်ပါရာဇ်တုဲရ ။ ပ ။ အဲဂပ်ဝ်မိင် (ခမဳဂှ်) အာစိုပ်အာပတ်ပါရာဇ်တုဲရ ။ ပ ။ အဲဂပ်ဝ်ညာတ် (ခမဳဂှ်) အာစိုပ်အာပတ်ပါရာဇ်တုဲရ၊ မိင်လေဝ် ဂပ်ဝ်မိင်တုဲရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် ဂပ်ဝ်ညာတ် ခမဳမဒှ် ဃောအာစိုပ် အာပတ်ပါရာဇ်ဂှ်ရ၊ ပ္ဍဲမဂပ်ဝ်ညာတ်ဂှ် မၞုံကဵုသၠေဟ်ပၟာရ၊ ဟွံပတှေ် အရာမဂပ်ဝ်ညာတ်ရ၊ ဟွံဂွံသတိအရာမဂပ်ဝ်ညာတ်ရ၊ ဝိုတ်ဒၟံင်အရာမဂပ်ဝ်ညာတ်ရ ။ ပ ။ ပ္ဍဲမဂပ်ဝ်မိင်ဂှ် မၞုံကဵုသၠေဟ်ပၟာရ၊ ဟွံပတှေ်အရာမဂပ်ဝ်မိင်ရ၊ ဟွံဂွံသတိအရာမဂပ်ဝ်မိင်ရ၊ ဝိုတ်ဒၟံင် အရာမဂပ်ဝ်မိင်ရ ။ ပ ။ ပ္ဍဲမဂပ်ဝ်သၠေဟ်ပၟာဂှ် မၞုံကဵုသၠေဟ်ပၟာရ၊ ဟွံပတှေ် အရာမဂပ်ဝ်သၠေဟ်ပၟာရ၊ ဟွံဂွံသတိ အရာမဂပ်ဝ်သၠေဟ်ပၟာရ၊ ဝိုတ်ဒၟံင် အရာမဂပ်ဝ်သၠေဟ်ပၟာရ။ အဲဂပ်ဝ်သၠေဟ်ပၟာ (ခမဳဂှ်) အာစိုပ်အာပတ်ပါရာဇ်တုဲရ၊ ညာတ်လေဝ် ဂပ်ဝ်ညာတ်တုဲရ ။ ပ ။ အဲဂပ်ဝ်သၠေဟ်ပၟာတုဲရ၊ မိင်လေဝ် ဂပ်ဝ်မိင်တုဲရ ။ ပ ။ အဲဂပ်ဝ်သၠေဟ်ပၟာတုဲရ၊ ညာတ်လေဝ် ဂပ်ဝ်ညာတ်တုဲရ၊ မိင်လေဝ် ဂပ်ဝ်မိင်တုဲရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။


388) ခမဳ (စောဒက) ဂှ် ဟဂပ်ဝ်ညာတ်တဴ ခမဳမဒှ် ဃောအာစိုပ်အာပတ်ပါရာဇ်ရ၊ “အဲ ဂပ်ဝ်ညာတ် (ခမဳဂှ်) အာစိုပ်အာပတ်ပါရာဇ်တုဲရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် ဟဂပ်ဝ်မိင်တဴ ခမဳမအာစိုပ် အာပတ်ပါရာဇ်တုဲ ။ ပ ။ ဟဂပ်ဝ်သၠေဟ်ပၟာတဴ ခမဳမအာစိုပ်အာပတ်ပါရာဇ်တုဲရ၊ ခမဳ (မဟဂပ်ဝ်သၠေဟ်ပၟာ) ဂှ် ဂပ်ဝ်သၠေဟ်ပၟာရဴဝွံမ္ဂး အာစိုပ်အာပတ်ပါရာဇ်တုဲရ ။ ပ ။ ရဴဝွံ ယဝ်ကဵုစောတ်စောဲ ခမဳဂှ်မ္ဂး၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် ဟဂပ်ဝ်ညာတ်တဴခမဳမဒှ်ဃောအာစိုပ် ‘ကလိလောန်’ အာပတ်ပါရာဇ် “ဂပ်ဝ်ညာတ် (ခမဳဂှ်) အာစိုပ်အာပတ်ပါရာဇ်တုဲရ၊ ဂပ်ဝ်မိင်တုဲရ ။ ပ ။ ဂပ်ဝ်ညာတ်တုဲရ၊ ဂပ်ဝ်သၠေဟ်ပၟာတုဲရ ။ ပ ။ ဂပ်ဝ်ညာတ်တုဲရ၊ ဂပ်ဝ်မိင်တုဲရ၊ ဂပ်ဝ်သၠေဟ်ပၟာတုဲရ ။ ပ ။ ခမဳ (စောဒက) ဂှ် ဟဂပ်ဝ်မိင်တဴ ခမဳမအာစိုပ် အာပတ်ပါရာဇ်တုဲရ ။ ပ ။ (ခမဳစောဒကဂှ်) ဂပ်ဝ်သၠေဟ်ပၟာ (ခမဳဂှ်) အာစိုပ်အာပတ်ပါရာဇ်တုဲရ၊ ဂပ်ဝ်သၠေဟ်ပၟာ (ခမဳဂှ်) အာစိုပ်အာပတ်ပါရာဇ်တုဲရ၊ ဂပ်ဝ်ညာတ်တုဲရ ။ ပ ။ ဂပ်ဝ်သၠေဟ်ပၟာတုဲရ၊ ဂပ်ဝ်မိင်တုဲရ ။ ပ ။ ဂပ်ဝ်သၠေဟ်ပၟာတုဲရ၊ ဂပ်ဝ်ညာတ်တုဲရ၊ ဂပ်ဝ်မိင်တုဲရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် ဂပ်ဝ်ညာတ်တဴ ခမဳမဒှ်ဃောအာစိုပ်အာပတ်ပါရာဇ်ရ၊ ဂပ်ဝ်မိင်တဴခမဳဂှ် အာစိုပ်အာပတ်ပါရာဇ်တုဲရ ရဴဝွံ ယဝ်ကဵုစောတ်စောဲမ္ဂး ။ ပ ။ ဂပ်ဝ်သၠေဟ်ပၟာ ခမဳဂှ်ရ ရဴဝွံ ယဝ်ကဵုစောတ်စောဲမ္ဂး ။ ပ ။ ဂပ်ဝ်မိင်တဴ ခမဳဂှ် အာစိုပ်အာပတ်ပါရာဇ်တုဲရ၊ ဂပ်ဝ်သၠေဟ်ပၟာရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် ဂပ်ဝ်မိင်တဴ “အာစိုပ်အာပတ်ပါရာဇ်တုဲ” ရ ။ ပ ။ (ခမဳစောဒကဂှ်) ဂပ်ဝ်သၠေဟ်ပၟာ ရဴဝွံမ္ဂး “အာစိုပ်အာပတ်ပါရာဇ်တုဲ” ရ၊ ဂပ်ဝ်ညာတ်တဴ ခမဳဂှ် အာစိုပ်အာပတ်ပါရာဇ်တုဲ ရဴဝွံ ယဝ်ကဵုစောတ်စောဲမ္ဂး ။ ပ ။ ဂပ်ဝ်မိင်တဴ ခမဳဂှ် အာစိုပ်အာပတ်ပါရာဇ်တုဲရ ရဴဝွံ ယဝ်ကဵုစောတ်စောဲမ္ဂး ။ ပ ။ ဂပ်ဝ်ညာတ်တဴ ခမဳဂှ် အာစိုပ်အာပတ်ပါရာဇ်တုဲရ၊ ဂပ်ဝ်မိင်ရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳ (စောဒက) ဂှ် ဂပ်ဝ်ညာတ်ခမဳ မဒှ်ဃောအာစိုပ်အာပတ်ပါရာဇ်ရ၊ ပ္ဍဲမဂပ်ဝ်ညာတ်တဴဂှ် မၞုံကဵုသၠေဟ်ပၟာရ၊ ဟွံပတှေ် အရာမဂပ်ဝ်ညာတ်ရ၊ ဟွံဂွံသတိ အရာမဂပ်ဝ်ညာတ်ရ၊ ဝိုတ်ဒၟံင်အရာမဂပ်ဝ်ညာတ်ရ ။ ပ ။ ပ္ဍဲမဂပ်ဝ်မိင်ဂှ် မၞုံကဵုသၠေဟ်ပၟာရ၊ ဟွံပတှေ်အရာမဂပ်ဝ်မိင်ရ၊ ဟွံဂွံသတိ အရာမဂပ်ဝ်မိင်ရ၊ ဝိုတ်ဒၟံင် အရာမဂပ်ဝ်မိင်ရ ။ ပ ။ ပ္ဍဲအဂပ်ဝ်သၠေဟ်ပၟာဂှ် မၞုံကဵုသၠေဟ်ပၟာရ၊ ဟွံပတှေ် အရာမဂပ်ဝ်သၠေဟ်ပၟာခမဳဂှ် ရဴဝွံမ္ဂး “အာစိုပ်အာပတ်ပါရာဇ်တုဲ” ရ၊ ဂပ်ဝ်ညာတ်ရ၊ ရဴဝွံ ယဝ်စောတ်စောဲမ္ဂး ။ ပ ။ ဝိုတ်ဒၟဴင် အရာမဂပ်ဝ်သၠေဟ်ပၟာရ၊ ဂပ်ဝ်သၠေဟ်ပၟာခမဳဂှ် ရဴဝွံမ္ဂး “အာစိုပ်အာပတ်ပါရာဇ်တုဲ” ရ၊ ဂပ်ဝ်မိင်ရ၊ ရဴဝွံ ယဝ်ကဵုစောတ်စောဲမ္ဂး ။ ပ ။ ဝိုတ်ဒၟံင် အရာမဂပ်ဝ်သၠေဟ်ပၟာရ၊ ဂပ်ဝ်သၠေဟ်ပၟာခမဳဂှ် ရဴဝွံမ္ဂး “အာစိုပ်အာပတ်ပါရာဇ်တုဲ” ရ၊ ဂပ်ဝ်ညာတ်ရ၊ ဂပ်ဝ်မိင်ရ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲ ခမဳဂှ်မ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။


389) ပ္ဍဲညးဟွံသအးဇ္ၚးဂှ် ကွေတ်မတွံဂးသအးဇ္ၚးရ။ ပ္ဍဲညးသအးဇ္ၚးဂှ် ကွေတ်မတွံဂး ဟွံသအးဇ္ၚးရ။ ပ္ဍဲညးဟွံသအးဇ္ၚးဂှ် ကွေတ်မတွံဂး ဟွံသအးဇ္ၚးရ။ ပ္ဍဲညးသအးဇ္ၚးဂှ် ကွေတ်မတွံဂး သအးဇ္ၚးရ။ ပူဂိုလ်ဂှ် အာစိုပ်အာပတ်ပါရာဇ်မွဲမွဲဒှ်တုဲ ဟွံသအးဇ္ၚးရ၊ ပူဂိုလ်ဂှ်သီုမၞုံကဵုကွေတ်မတွံဂး သအးဇ္ၚးရဒှ်တုဲ ဟွံကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်ကဵုတသိုတ်အာမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ။ ပူဂိုလ်ဂှ် အာစိုပ်အာပတ်ပါရာဇ် မွဲမွဲဒှ်တုဲ ဟွံသအးဇ္ၚးရ၊ ပူဂိုလ်ဂှ် သီုမၞုံကဵုကွေတ်မတွံဂး သအးဇ္ၚးရဒှ်တုဲ ကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်ကဵုတသိုတ်အာမ္ဂး ဒးအာပတ်သံဃာဒိသေသ်ရ။ ပူဂိုလ်ဂှ် အာစိုပ်အာပတ်ပါရာဇ် မွဲမွဲဒှ်တုဲ ဟွံသအးဇ္ၚးရ၊ ပူဂိုလ်ဂှ် သီုမၞုဴကဵုကွေတ်မတွံဂး သအးဇ္ၚးရဒှ်တုဲ ဟွံကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်တ္ၜေဟ်လက်မ္ဂး ဒးအာပတ်ဩမသဝါဒပါဲစိုတ် ကေုာံဒုက္ကဋ်ရ။ ပူဂိုလ်ဂှ် အာစိုပ်အာပတ်ပါရာဇ် မွဲမွဲဒှ်တုဲ ဟွံသအးဇ္ၚးရ၊ ပူဂိုလ်ဂှ် သီုမၞုံကဵုကွေတ်မတွံဂး သအးဇ္ၚးရဒှ်တုဲ ကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်တ္ၜေဟ်လက်မ္ဂး ဒးအာပတ်ဩမသဝါဒပါဲစိုတ်ရ။ ပူဂိုလ်ဂှ် ဟွံအာစိုပ်အာပတ်ပါရာဇ် မွဲမွဲဒှ်တုဲ သအးဇ္ၚရ၊ ပူဂိုလ်ဂှ် သီုမၞုံကဵုကွေတ်မတွံဂး ဟွံသအးဇ္ၚးရဒှ်တုဲ ဟွံကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်ကဵုတသိုတ်အာမ္ဂး ဒးအာပတ်ဒုက္ကဋ်ရ။ ပူဂိုလ်ဂှ် ဟွံအာစိုပ်အာပတ်ပါရာဇ် မွဲမွဲဒှ်တုဲ သအးဇ္ၚးရ၊ ပူဂိုလ်ဂှ် သီုမၞုံကဵုကွေတ်မတွံဂး ဟွံသအးဇ္ၚးရဒှ်တုဲ ကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်ကဵုတသိုတ်အာမ္ဂး ဟွံဒးအာပတ်ရ။ ပူဂိုလ်ဂှ် ဟွံအာစိုပ်အာပတ်ပါရာဇ် မွဲမွဲဒှ်တုဲ သအးဇ္ၚးရ၊ ပူဂိုလ်ဂှ် သီုမၞုံကဵုကွေတ်မတွံဂး ဟွံသအးဇ္ၚးရဒှ်တုဲ ဟွံကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်တ္ၜေဟ်လက်မ္ဂး၊ ဒးအာပတ်ဩမသဝါဒပါဲစိုတ် ကေုာံဒုက္ကဋ်ရ။ ပူဂိုလ်ဂှ် ဟွံအာစိုပ်အာပတ်ပါရာဇ် မွဲမွဲဒှ်တုဲ သအးဇ္ၚးရ၊ ပူဂိုလ်ဂှ် သီုမၞုံကဵုကွေတ်မတွံဂး ဟွံသအးဇ္ၚးရဒှ်တုဲ ကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်တ္ၜေဟ်လက်မ္ဂး ဒးအာပတ်ဩမသဝါဒပါဲစိုတ်ရ။ ပူဂိုဟ်ဂှ် အာစိုပ်အာပတ်ပါရာဇ် မွဲမွဲဒှ်တုဲ ဟွံသအးဇ္ၚးရ၊ ပူဂိုလ်ဂှ် သီုမၞုံကဵုကွေတ်မတွံဂး ဟွံသအးဇ္ၚးရဒှ်တုဲ ဟွံကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်ကဵုတသိုတ်အာမ္ဂး ဒးအာပတ်ဒုက္ကဋ်ရ။ ပူဂိုလ်ဂှ် အာစိုပ်အာပတ်ပါရာဇ် မွဲမွဲဒှ်တုဲ ဟွံသအးဇ္ၚးရ၊ ပူဂိုလ်ဂှ် သီုမၞုံကဵုကွေတ်မတွံဂး ဟွံသအးဇ္ၚးရဒှ်တုဲ ကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်ကဵုတသိုတ်အာမ္ဂး ဟွံဒးအာပတ်ရ။ ပူဂိုလ်ဂှ် အာစိုပ်အာပတ်ပါရာဇ် မွဲမွဲဒှ်တုဲ ဟွံသအးဇ္ၚးရ၊ ပူဂိုလ်ဂှ် သီုမၞုံကဵုကွေတ်မတွံဂး ဟွံသအးဇ္ၚးရဒှ်တုဲ ဟွံကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်တ္ၜေဟ်လက်တဴမ္ဂး၊ ဒးအာပတ်ဩမသဝါဒပါဲစိုတ် ကေုာံဒုက္ကဋ်ရ။ ပူဂိုလ်ဂှ် အာစိုပ်အာပတ်ပါရာဇ် မွဲမွဲဒှ်တုဲ ဟွံသအးဇ္ၚးရ၊ ပူဂိုလ်ဂှ် သီုမၞုံကဵုကွေတ်မတွံဂး ဟွံသအးဇ္ၚးရဒှ်တုဲ ကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်တ္ၜေဟ်လက်မ္ဂး ဒးအာပတ်ဩမသဝါဒပါဲစိုတ်ရ။ ပူဂိုလ်ဂှ် ဟွံအာစိုပ်အာပတ်ပါရာဇ် မွဲမွဲဒှ်တုဲ သအးဇ္ၚးရ၊ ပူဂိုလ်ဂှ် သီုမၞုံကဵုကွေတ်မတွံဂး သအးဇ္ၚးရဒှ်တုဲ ဟွံကဵုသ္ပအခေါင်တုဲ ယဝ်ဟီုသ္ဂး နပၟိက်မမိက် ကဵုတသိုတ်အာမ္ဂး ဒးအာပတ်သံဃာဒိသေသ် ကေုာံဒုက္ကဋ်ရ။ ပူဂိုလ်ဂှ် ဟွံအာစိုပ်အာပတ်ပါရာဇ် မွဲမွဲဒှ်တုဲ သအးဇ္ၚးရ၊ ပူဂိုလ်ဂှ် သီုမၞုံကဵုကွေတ်မတွံဂး သအးဇ္ၚးရဒှ်တုဲ ကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်ကဵုတသိုတ်အာမ္ဂး ဒးအာပတ်သံဃာဒိသေသ်ရ။ ပူဂိုလ်ဂှ် ဟွံအာစိုပ်အာပတ်ပါရာဇ် မွဲမွဲဒှ်တုဲ သအးဇ္ၚးရ၊ ပူဂိုလ်ဂှ် သီုမၞုံကဵုကွေတ်မတွံဂး သအးဇ္ၚးရဒှ်တုဲ ဟွံကဵုသ္ပအခေါင်တုဲ ယဝ်ဟီုသ္ဂးနပၟိက်မမိက်တ္ၜေဟ်လက်မ္ဂး ဒးအာပတ်ဩမသဝါဒပါဲစိုတ် ကေုာံဒုက္ကဋ်ရ။ ပူဂိုလ်ဂှ် ဟွံအာစိုပ်အာပတ်ပါရာဇ် မွဲမွဲဒှ်တုဲ သအးဇ္ၚးရ၊ ပူဂိုလ်ဂှ် သီုမၞုံကဵုကွေတ်မတွံဂး သအးဇ္ၚးရဒှ်တုဲ ကဵုသ္ပအခေါင်တုဲ ယဝ်ဟီုသ္ဂး နပၟိက်မမိက်တ္ၜေဟ်လက်မ္ဂး ဒးအာပတ်ဩမသဝါဒပါဲစိုတ်ရ။


390) ပ္ဍဲညးသအးဇ္ၚးဂှ် ခမဳမၞုံကွေတ်မတွံဂး ဟွံသအးဇ္ၚး ပ္ဍဲညးဟွံသအးဇ္ၚးဂှ် ခမဳမၞုံကွေတ်မတွံဂး ဟွံသအးဇ္ၚး ကုခမဳကြအ်ဥမ္မတ် ခမဳကလိလောန်ကၠာတဲဂှ် ဟွံဒးအာပတ်ရ။ ဒုဋ္ဌဒေါသသိက္ခာပိုဒ် အဋ္ဌမတုဲရ။

၂.၉။ ဒုတိယဒုဋ္ဌဒေါသသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

391) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာဝေဠုဝန် မဒှ်ဒၞါဲကဵုစၞ ကုယန်လမ္စံက်ဂမၠိုင် ဇရေင်ဍုင်ရာဇဂြိုဟ်ဂှ် ခမဳမေတ္တိယဘူမဇကဂမၠိုင် စှေ်ကၠုင်နူဒဵုဂိဇ္ၛကုဋ်အိုတ်မ္ဂး သ္ဂောံညာတ်ကေတ်ဗ္ၜေအ်ကၟတ် မဒ္ဂေတ်သ္ပဗွဲမပၠန်ဂတးပ္ဍဲဗ္ၜေအ်ၝောံအိုတ်ရ၊ ညာတ်တုဲမ္ဂး “ယွံကောန်တၠတအ် လၟုဟ်ဝွံ ဗ္ၜေအ်ကၟက်ဝွံသ္ပဒဗ္ဗကောန်သၟိင်မလ္လအိုတ်ရ၊ ဗ္ၜေအ်ၝောံဝွံ သ္ပခမဳဗြဴမေတ္တိယာအိုတ်ရ၊ ပိုဲညးဂမၠိုင် ရဴဝွံဟေင်ကော်ခဴအိုတ်ရ၊ ယွံကောန်တၠတအ် ပိုဲညးဂမၠိုင်ပ္ဍဲကိုပ်ကၠာတေံ နမမိင်ရမျာင်ဟီုဂှ် စောတ်စောဲကၠုင် ဒဗ္ဗကောန်သၟိင်မလ္လအိုတ်ရ၊ ပ္ဍဲအခိင်လၟုဟ်ဝွံတုန် ပိုဲညးဂမၠိုင်အလဵုဇကုသ္ဂောံညာတ်ကေတ် ဒ္ဂေတ်သ္ပဗွဲမပၠန်ဂတး ပ္ဍဲခမဳဗြဴမေတ္တိယာအိုတ်ရ” ရဴဝွံ ဟီုသ္ဂးအိုတ်ရ၊ ခမဳမေတ္တိယဘူမဇကဂမၠိုင်ဂှ် ဗ္ၜေအ်ကၟက်ဂှ် ခုတ်ထောံယၟုဒဗ္ဗ ကောန်သၟိင်မလ္လအိုတ်ရ၊ ဗ္ၜေအ်ၝောံဂှ် ခုတ်ထောံယၟုခမဳဗြဴမေတ္တိယာအိုတ်ရ၊ ခမဳမေတ္တယဘူမဇကဂမၠိုင်ဂှ် “ယွံကောန်တၠတအ် ပိုဲညးဂမၠိုင် ပ္ဍဲကိုပ်ကၠာတေံ နမမိင်ရမျာင်ဟီုဂှ် စောတ်စောဲကၠုင် ဒဗ္ဗကောန်သၟိင်မလ္လအိုတ်ရ၊ ပ္ဍဲအခိင်လၟုဟ်ဝွံတုန် ပိုဲညးဂမၠိုင် အလဵုဇကုသ္ဂောံညာတ်ကေတ် ဒ္ဂေတ်သ္ပဗွဲမပၠန်ဂတး ပ္ဍဲခမဳဗြဴမေတ္တိယာအိုတ်ရ” ရဴဝွံ ဟီုသ္ဂးကဵု ခမဳဂမၠိုင်အိုတ်ရ။ ခမဳဂမၠိုင်ဂှ် “ယွံကောန်တၠတအ် လ္ပဟီု ရဴဝွံအိုတ်ညိ၊ တဳလပိုဉ်ဒဗ္ဗ ကောန်သၟိင်မလ္လကြက်ဟွံသ္ပ ရဴဝွံရ” ရဴဝွံ ဟီုသ္ဂးအိုတ်ရ။ ပ္ဍဲအခိင်ဂှ် ခမဳဂမၠိုင် ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ပ္ဍဲအခိင်ဂှ် ဟိုတ်နူဟိုတ်အရာဝွံ တဳလပိုဉ်ကျာ်တြဲ ကဵုခမဳသင်ကောံဓရီုတုဲမ္ဂး— ယွံဒဗ္ဗအတိုင်ခမဳဂမၠိုင်ဝွံဟီုဂှ် တၠအဲ သ္ပဒးကမၠောန် ပွမပလီုပလာ်မၞုံသဘဴရဴဝွံရဂှ် ဂွံသတိ (သမ္တီ) ဒးဟာ” ရဴဝွံ စၟဳစၟတ်သၟာန်သၟုက်တဳလပိုဉ်ဒဗ္ဗ ကောန်သၟိင်မလ္လရ။ ယွံတဳလမၞုံပိုဉ် အတိုင်တဳလမၞုံပိုဉ်ကျာ်တြဲ တီတဴ အဲဍိက်ဟေင်ရ ရဴဝွံ (ဂရင်ပတီရ)။ မရနုက်ကဵုၜါလေဝ် ။ ပ ။ မရနုက်ကဵုပိဝါလေဝ် ယွံဒဗ္ဗ အတိုင်ခမဳဂမၠိုင်ဝွံဟီုဂှ် တၠအဲ သ္ပဒးကမၠောန် ပွမပလီုပလာ် မၞုံသဘဴရဴဝွံရဂှ် ဂွံသတိ (သမ္တီ) ဒးဟာ” ရဴဝွံ (သ္ဂးရ)။ ယွံတဳလမၞုံပိုဉ် အတိုင်တဳလမၞုံပိုဉ်ကျာ်တြဲ တီတဴအဲဍိက်ဟေင်ရ ရဴဝွံ (ဂရင်ပတီရ)။ ယွံဒဗ္ဗ တၠပညာဂမၠိုင် ဟွံခၠေဝ်သှ် ရဴဝွံအိုတ်ရ။ (ဟွံသေင်ကလး ရဴဝွံအိုတ်ရ)၊ တၠအဲယဝ်ဂပ်ဝ်သ္ပဒးမ္ဂး၊ ဂပ်ဝ်သ္ပဒးရ ရဴဝွံ ဩဝ်ဂရင်ပတီညိ၊ တၠအဲ ယဝ်ဟဂပ်ဝ်သ္ပဒးမ္ဂး၊ ဟဂပ်ဝ်သ္ပရ ရဴဝွံ ဩဝ်ဂရင်ပတီညိ ရဴဝွံ (သ္ဂးရ)။ ယွံတဳလမၞုံပိုဉ် အဲဍိက်သ္ပတမ်နူ ၜံင်သၠးတိတ်တုဲ နအယာံမာတ် တိတ်လ္ပအ်ညာတ်လေဝ် သွိုန်ဗပိုန်သိပ်ဂၠိပ်ဒး ဒ္ဂေတ်မေထုန်ရဂှ် ဟွံတီရ၊ အဲဍိက်မၚုဟ်ဒၟံင်ဂှ် မုသ္ဇက်သ္ဂးနွံဏီဂှ်ရော? ရဴဝွံ (ဂရင်ပတီရ)။ ပ္ဍဲအခိင်ဂှ် တဳလမၞုံပိုဉ်ကျာ်တြဲဂှ် “ယွံခမဳတအ် ယဝ်ဒှ်သာ်ဂှ်မ္ဂး ဩဝ်သၟာန်စၟဳစၟတ် ခမဳဂမၠိုင်ဝွံ အိုတ်ညိ” ရဴဝွံ သ္ဂးကဵုခမဳဂမၠိုင်တုဲ ဒၠိုက်ကတဵုနူဒၞါဲတုဲ က္ညလုပ်အာဘာရ။ ပ္ဍဲအခိင်ဂှ် ခမဳဂမၠိုင်သၟာန်စၟဳစၟတ် ခမဳမေတ္တိယဘူမဇကဂမၠိုင်အိုတ်ရ။ ခမဳဂမၠိုင် ဂပ်ဝ်စၟဳစၟတ်သၟာန်သၟုက်အိုတ်မ္ဂး ခမဳမေတ္တိယာဘူမဇကဂမၠိုင်ဂှ် ဂရင်ပတီဟီုလဴဟိုတ်ပရူပရာဝွံ ကုခမဳဂမၠိုင်အိုတ်ရ။ ယွံကောန်တၠတအ် မၞးတအ်ညးဂမၠိုင် ဂိုင်ကေတ်ဟိုတ်မြော်မွဲသအာင် မဗာန်ခြပ်ကေုာံသိက္ခာပိုဒ်တုဲမ္ဂး စောတ်စောဲပလီုပလာ်တဴ တဳလပိုဉ်ဒဗ္ဗ ကောန်သၟိင်မလ္လ နကဵုအာပတ်ပါရာဇ်အိုတ်ဟာ ရဴဝွံ (သၟာန်သၟုက်အိုတ်ရ)။ ဍာံပြရ ယွံကောန်တၠတအ် ရဴဝွံ (ဟီုသ္ဂးအိုတ်ရ)။ ခမဳပၟိက်အောန်ဂမၠိုင်ဂှ် “ခမဳမေတ္တိယဘူမဇကဂမၠိုင် ဂိုင်ကေတ်ဟိုတ်မြော်မွဲသအာင်မဗာန်ခြပ် ကေုာံသိက္ခာပိုဒ်တုဲမ္ဂး မုဟိုတ် စောတ်စောဲပလီုပလာ် တဳလပိုဉ်ဒဗ္ဗ ကောန်သၟိင်မလ္လ နအာပတ်ပါရာဇ်အိုတ်ဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် ခမဳမေတ္တိယဘူမဇကဂမၠိုင် နဟိုတ်ဂမၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ “ယွံခမဳတအ် မၞးတအ်ညးဂမၠိုင် ဂိုင်ကေတ် ဟိုတ်မြော်မွဲသအာင် မဗာန်ခြပ်ကေုာံသိက္ခာပိုဒ်တုဲမ္ဂး စောတ်စောဲပလီုပလာ် ဒဗ္ဗကောန်သၟိင်မလ္လ နအာပတ်ပါရာဇ်အိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ “ယွံတြုံမလ္ၚုသၟး (နူမဂ်ဖိုလ်) တအ် မၞးတအ်ညးဂမၠိုင် ဂိုင်ကေတ် ဟိုတ်မြော်မွဲသအာင်မဗာန်ခြပ်ကေုာံသိက္ခာပိုဒ်တုဲမ္ဂး မုဟိုတ် စောတ်စောဲပလီုပလာ် ဒဗ္ဗကောန်သၟိင်မလ္လ နအာပတ်ပါရာဇ်အိုတ်ဂှ်ရော? ။ ပ ။ ယွံတြုံမလ္ၚုသၟး (နူမဂ်ဖိုလ်) တအ် (ပွမၞးတအ်ညးဂမၠိုင် သ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။ 392) ယြဴခမဳမွဲ မၞုံကဵုစိုတ်ဒေါသ မဂပ်ဝ်ပ္ဍဵုပ္ဍိုက် မမိက်ပလီုပလာ်ဒှ်တုဲ ဟွံသ္ဍိုက်မၠိုက်ဒှ်တုဲ ဂိုင်ကေတ်ဟိုတ်မြော်မွဲသအာင် မဗာန်ခြပ်ကေုာံသိက္ခာပိုဒ်တုဲမ္ဂး ‘ကဵုခမဳဂှ် တသိုတ်အာနူဒ္ဂေတ်မပြဲဝွံမာန်ရ’ ချပ်ရဴဝွံတုဲ စောတ်စောဲပလီုပလာ် နအာပတ်ပါရာဇ်မ္ဂး၊ ပ္ဍဲကြဴနူစောတ်စောဲပလီုပလာ်တုဲဂှ် (ညးသအာင်ဂမၠိုင်) ဂပ်ဝ်သၟာန်စၟဳစၟတ်တုဲကီုလေဝ် သီုမဟဂပ်ဝ်သၟာန်စၟဳစၟတ်ကီုလဝ် အဓိကိုရ်ဂှ် ဆက်စပ်ကေုာံဝတ္ထုသအာင်လေဝ် ဒှ်မ္ဂး၊ ဂိုင်ကေတ်ဟိုတ်မြော်မွဲသအာင်မဗာန်ခြပ် ကေုာံသိက္ခာပိုဒ်လေဝ် ဒှ်မ္ဂး၊ ခမဳမစောတ်စောဲဂှ်လေဝ် ဒုင်ဝန်ဒုဟ်မ္ဂး၊ (ကုခမဳဂှ်) ဒးအာပတ်သံဃာဒိသေသ်ရ ရဴဝွံ (ဩဝ်စၞောန်ထ္ၜးသိက္ခာပိုဒ်ဝွံအိုတ် ရဴဝွံ သ္ဂးရ)။

၂.၉.၁။ ပွံက်ဒုတိယဒုဋ္ဌဒေါသသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

393) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳ မ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ ဟိုန်ခမဳ မ္ဂးဂှ် ဟိုတ်ခမဳသအာင်။ မၞုံကဵုစိုတ်ဒေါသမဂပ်ဝ်ပ္ဍဵုပ္ဍိုက် မမိက်ပလီုပလာ်ဒှ်တုဲ မ္ဂးဂှ် ထေဲပၞတ်ဂှ်ဒှ်တုဲ ဟွံမိပ်စိုတ်ဒှ်တုဲ မၞုံစိုတ်ဟွံမိပ်လဟိင်ဒှ်တုဲ မၞုံစိုတ်မတၟံဒွံလုက်စုက် (ထ္ဍိမြိ) ဒးဒှ်တုဲ မၞုံစိုတ်မကတဵုဒှ်ညံင်ကၞက်စရံင်ဒှ်တုဲ။ ဟွံသ္ဍိုက်မၠိုက်ဒှ်တုဲ မ္ဂးဂှ် နပွမထေဲပၞတ်ဂှ်ကီု နပွမပလီုပလာ်ဂှ်ကီု နပွမဟွံမိပ်စိုတ်ဂှ်ကီု နပွမဟွံမိပ်လဟိင်ဂှ်ကီု ဒှ်ဟွံသ္ဍိုက်မၠိုက်ရ။ ဆေင်စပ်ကေုာံဝတ္ထု မွဲသအာင်တုဲ မ္ဂးဂှ် ဆေင်စပ်ကေုာံဝတ္ထုမွဲသအာင် မတွံဂးအာပတ်လေဝ် ဒှ်ရ၊ ဆေင်စပ်ကေုာံဝတ္ထုမွဲသအာင်မတွံဂး အဓိကိုရ်လေဝ် ဒှ်ရ။ မုရဴသာ်လဵု အဓိကိုရ်ဂှ် ဒှ်ဝတ္ထုမွဲသအာင် ဒဒက်တဴအဓိကိုရ်ဂှ်ရော? ဝိဝါဒါဓိကိုရ်ဂှ် ဒှ်ဝတ္ထုမွဲသအာင် ဒဒက်တဴအနုဝါဒါဓိကိုရ် အာပတ္တာဓိကိုရ် ကိစ္စာဓိကိုရ်ရ။ အနုဝါဒါဓိကိုရ်ဂှ် ဒှ်ဝတ္ထုမွဲသအာင် ဒဒက်တဴအာပတ္တာဓိကိုရ် ကိစ္စာဓိကိုရ် ဝိဝါဒါဓိကိုရ်ရ။ အာပတ္တာဓိကိုရ်ဂှ် ဒှ်ဝတ္ထုမွဲသအာင် ဒဒက်တဴကိစ္စာဓိကိုရ် ဝိဝါဒါဓိကိုရ် အနုဝါဒါဓိကိုရ် အာပတ္တာဓိကိုရ်ရ။ ကိစ္စာဓိကိုရ်ဂှ် ဒှ်ဝတ္ထုမွဲသအာင် ဒဒက်တဴဝိဝါဒါဓိကိုရ် အနုဝါဒါဓိကိုရ် အာပတ္တာဓိကိုရ်ရ။ ရဴဝွံ အဓိကိုရ်ဂှ် ဒှ်ဝတ္ထုမွဲသအာင် ဒဒက်တဴအဓိကိုရ်ရ။ မုရဴသာ်လဵု အဓိကိုရ်ဂှ် ဒှ်ဝတ္ထုအဓိကိုရ်ဂှ်ရော? ဝိဝါဒါဓိကိုရ်ဂှ် ဒှ်ဝတ္ထုဝိဝါဒါဓိကိုရ်ဂှ်ရ၊ အနုဝါဒါဓိကိုရ်ဂှ် ဒှ်ဝတ္ထုအနုဝါဒါဓိကိုရ်ဂှ်ရ။ အာပတ္တာဓိကိုရ် လဆာဝ် ဒှ်ဝတ္ထုအာပတ္တာဓိကိုရ်ဂှ်ရ၊ လဆောဝ် ဒှ်ဝတ္ထုမွဲသအာင်ရ။ မုရဴသာ်လဵု အာပတ္တာဓိကိုရ်ဂှ် ဒှ်ဝတ္ထုမွဲသအာင် ဒဒက်တဴအာပတ္တာဓိကိုရ်ဂှ်ရော? အာပတ်မေထုနဓမ္မပါရာဇ်ဂှ် ဒှ်ဝတ္ထုမွဲသအာင် ဒဒက်တဴအာပတ်အဒိန္နဒါနပါရာဇ် အာပတ်မနုဿဝိဂ္ဂဟပါရာဇ် အာပတ်ဥတ္တရိမနုဿဓမ္မပါရာဇ်ရ။ အာပတ်အဒိန္နဒါနပါရာဇ်ဂှ် ဒှ်ဝတ္ထုမွဲသအာင် ဒဒက်တဴအာပတ်မနုဿဝိဂ္ဂဟပါရာဇ် အာပတ်ဥတ္တရိမနုဿဓမ္မပါရာဇ် အာပတ်မေထုနဓမ္မပါရာဇ်ရ။ အာပတ်မနုဿဝိဂ္ဂဟပါရာဇ်ဂှ် ဒှ်ဝတ္ထုမွဲသအာင် ဒဒက်တဴအာပတ်ဥတ္တရိမနုဿဓမ္မပါရာဇ် အာပတ်မေထုနဓမ္မပါရာဇ် အာပတ်အဒိန္နဒါနပါရာဇ်ရ။ အာပတ်ဥတ္တရိမနုဿဓမ္မပါရာဇ်ဂှ် ဒှ်ဝတ္ထုမွဲသအာင် ဒဒက်တဴအာပတ်မေထုနဓမ္မပါရာဇ် အာပတ်အဒိန္နဒါနပါရာဇ် မနုဿဝိဂ္ဂဟပါရာဇ်ရ။ ရဴဝွံဟေင် အာပတ္တာဓိကိုရ်ဂှ် ဒှ်တဴဝတ္ထုမွဲသအာင် ဒဒက်တဴအာပတ္တာဓိကိုရ်ရ။ မုရဴသာ်လဵု အာပတ္တာဓိကိုရ်ဂှ် ဒှ်ဝတ္ထုအာပတ္တာဓိကိုရ်ဂှ်ရော? အာပတ်မေထုနဓမ္မပါရာဇ်ဂှ် ဒှ်ဝတ္ထုအာပတ်မေထုနဓမ္မပါရာဇ်ရ။ အာပတ်အဒိန္နဒါနပါရာဇ်ဂှ် ဒှ်ဝတ္ထု အာပတ်အဒိန္နဒါန်ပါရာဇ်ရ။ အာပတ်မနုဿဝိဂ္ဂဟပါရာဇ်ဂှ် ဒှ်ဝတ္ထု အာပတ်မနုဿဝိဂ္ဂဟပါရာဇ်ရ။ အာပတ်ဥတ္တရိမနုဿဓမ္မပါရာဇ်ဂှ် ဒှ်ဝတ္ထု အာပတ်ဥတ္တရိမနုဿဓမ္မပါရာဇ်ရ။ ရဴဝွံ အာပတ္တာဓိကိုရ် ဒှ်ဝတ္ထုအာပတ္တာဓိကိုရ်ရ။ ကိစ္စာဓိကိုရ်ဂှ် ဒှ်ဝတ္ထုကိစ္စာဓိကိုရ်ရ။ ရဴဝွံဟေင် အဓိကိုရ်ဂှ် ဒှ်ဝတ္ထုအဓိကိုရ်ရ။


394) ပ္ဍဲအရာဂိုင်ကေတ် ဟိုတ်မြော်မွဲသအာင် မဗာန်ခြပ်ကေုာံသိက္ခာပိုဒ်တုဲမ္ဂး ဂှ် မြော်မ္ဂးဂှ်တုန်— မြော်ဂမၠိုင် ဗွဲအစောံဇာတ် ယၟု တၞောဝ် လွေဟ်သဏ္ဌာန် အာပတ် ဗဗေင်သ္ၚာ ဥပဇ္ၛာယ် အ္စာ သၞာသတိက်သၞာဒၟံင် မၞုံစှ်ဂကူအိုတ်ရ။


395) မြော်ဇာတ် မ္ဂးဂှ် ညာတ်တဴ (ဂကူ) သၟိင် အာစိုပ်အာပတ်ပါရာဇ်ရ၊ ညာတ်ဒးသၟိင်သအာင်တုဲ “အဲ ဂပ်ဝ်ညာတ်တဴ ခမဳဂကူသၟိင် အာစိုပ်အာပတ်ပါရာဇ်တုဲ၊ (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ဇၟာပ်ဂလာန်ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ညာတ်တဴ (ဂကူ) ဗဗၞးရ ။ ပ ။ ညာတ်တဴ (ဂကူ) ညးဗၞိက်ရ ။ ပ ။ ညာတ်တဴ (ဂကူ) ညးဒိုက်ဂတ် အာစိုပ်အာပတ်ပါရာဇ်ရ၊ ညာတ်ဒးညးဒိုက်ဂတ်သအာင်တုဲ “အဲ ဂပ်ဝ်ညာတ်တဴ ခမဳဂကူညးဒိုက်ဂတ် အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။


396) မြော်ယၟု မ္ဂးဂှ် ညာတ်တဴဗုဒ္ဓရက္ခိတရ ။ ပ ။ ညာတ်တဴဓမ္မရက္ခိတရ ။ ပ ။ ညာတ်တဴသံဃရက္ခိတ အာစိုပ်အာပတ်ပါရာဇ်ရ၊ ညာတ်ဒးသံဃရက္ခိတသအာင်တုဲ “အဲ ဂပ်ဝ်ညာတ်တဴသံဃရက္ခိတ အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။


397) မြော်တၞောဝ် မ္ဂးဂှ် ညာတ်တဴ (ခမဳတၞောဝ်) ဂေါတမရ ။ ပ ။ ညာတ်တဴ (ခမဳတၞောဝ်) မောဂ္ဂလာန်ရ ။ ပ ။ ညာတ်တဴ (ခမဳတၞောဝ်) ကစ္စာယနရ ။ ပ ။ ညာတ်တဴ (ခမဳတၞောဝ်) ဝါသေဋ္ဌ အာစိုပ်အာပတ်ပါရာဇ်ရ၊ ညာတ်ဒး (ခမဳတၞောဝ်) ဝါသေဋ္ဌသအာင်တုဲ “အဲ ဂပ်ဝ်ညာတ်တဴ (ခမဳတၞောဝ်) ဝါသေဋ္ဌ အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။


398) မြော်လွေဟ်သဏ္ဌာန် မ္ဂးဂှ် ညာတ်တဴခမဳမသၠုင် (ဂၠိင်) ရ ။ ပ ။ ညာတ်တဴခမဳ မသဝ် (ဂၠေံ) ရ ။ ပ ။ ညာတ်တဴခမဳမလမ္စံက်ရ ။ ပ ။ ညာတ်တဴခမဳမဗုဗတာင် အာစိုပ်အာပတ်ပါရာဇ်ရ၊ ညာတ်ဒးခမဳဗုဗတာင်သအာင်တုဲ “အဲ ဂပ်ဝ်ညာတ်တဴခမဳဗုဗတာင် အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။


399) မြော်အာပတ် မ္ဂးဂှ် ညာတ်ဴခမဳ အာစိုပ်လဟုကအာပတ်ရ၊ ခမဳအာစိုပ်လဟုကအာပတ်ဂှ် နကဵုအာပတ်ပါရာဇ် (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ ။ ပ ။ ရဴဝွံ ယဝ်စောတ်စောဲမ္ဂး၊ ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။


400) မြော်ဗဗေင် မ္ဂးဂှ်ညာတ်တဴခမဳပကင်ရင်ဗဗေင်ပသဲရ ။ ပ ။ ညာတ်တဴခမဳပကင်ရင်ဗဗေင်တိ (မတုပ်ကေုာံဗဗေင်ပသဲ မၞုံသာ်သဏ္ဌာန်ခိုဟ် မၞုံသာ်အရံင်ထိုင်သာဲ) ရ ။ ပ ။ ညာတ်တဴခမဳပကင်ရင်ဗဗေင်ပကတိ အာစိုပ်အာပတ်ပါရာဇ်ရ၊ ညာတ်ဒးခမဳပကင်ရင်ဗဗေင်တိပကတိသအာင်တုဲ “အဲ ဂပ်ဝ်ညာတ်တဴ ခမဳပကင်ရင်ဗဗေင်တိပကတိ အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။


401) မြော်သ္ၚာ မ္ဂးဂှ် ညာတ်တဴခမဳ ပကင်ရင်သ္ၚာပံသုကူရ ။ ပ ။ ညာတ်တဴခမဳကပင်ရင် ဒကာဂမၠိုင်ဂပ်ဝ်ကဵုဒါန် အာစိုပ်အာပတ်ပါရာဇ်ရ၊ ညာတ်ဒးခမဳ ပကင်ရင်သ္ၚာဒကာဂမၠိုင် ဂပ်ဝ်ကဵုဒါန်သအာင်တုဲ “အဲ ဂပ်ဝ်ညာတ်တဴ ခမဳပကင်ရင်သ္ၚာ ဒကာဂမၠိုင်ဂပ်ဝ်ကဵုဒါန် အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။


402) မြော်ဥပဇ္ၛာယ် မ္ဂးဂှ် ညာတ်တဴကွးပဒတဴမွဲစွံ ခမဳမၞုံယၟုဝွံ အာစိုပ်အာပတ်ပါရာဇ်ရ၊ ညာတ်ဒးကွးပဒတဴမွဲစွံ ခမဳမၞုံယၟုဝွံသအာင်တုဲ “အဲ ဂပ်ဝ်ညာတ်တဴ ကွးပဒတဴမွဲစွံ ခမဳမၞုံယၟုဝွံ အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။


403) မြော်အ္စာ မ္ဂးဂှ် ညာတ်တဴကွးပဒတဴဇရေင် ခမဳမၞုံယၟုဝွံ အာစိုပ်အာပတ်ပါရာဇ်ရ၊ ညာတ်ဒးကွးပဒတဴဇရေင် ခမဳမၞုံယၟုဝွံသအာင်တုဲ “အဲ ဂပ်ဝ်ညာတ်တဴ ကွးပဒတဴဇရေင် ခမဳမၞုံယၟုဝွံ အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။


404) မြော်ဘာ သၞာသတိက်သၞာဒၟံင် မ္ဂးဂှ် ညာတ်တဴခမဳမပဒတဴ ပ္ဍဲဘာသၞာသတိက်သၞာဒၟံင်မၞုံယၟုဝွံ အာစိုပ်အာပတ်ပါရာဇ်ရ၊ ညာတ်ဒးခမဳမပဒတဴ ပ္ဍဲဘာသၞာသတိက်သၞာဒၟံင် မၞုံယၟုဝွံသအာင်တုဲ “အဲ ဂပ်ဝ်ညာတ်ခမဳမပဒတဴ ပ္ဍဲဘာသၞာသတိက် သၞာဒၟံင်မၞုံယၟုဝွံ အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။


405) နအာပတ်ပါရာဇ် မ္ဂးဂှ် ပၞောဝ်ပါရာဇ်ပန်ဂမၠိုင် နမွဲမွဲ။ စောတ်စောဲပလီုပလာ် မ္ဂးဂှ် (အလဵုဇကုလေဝ်) စောတ်စောဲရ၊ (ကဵုညးသအာင်ဂမၠိုင်လေဝ်) စောတ်စောဲရ။ ကဵုခမဳဂှ် တသိုတ်အာ နူဒ္ဂေတ်မပြဲဝွံမာန်ရ မ္ဂးဂှ် ကဵုတသိုတ်အာ နူဒဒှ်ခမဳမာန်ရ၊ ကဵုတသိုတ်အာ နူဓရ်ခမဳမာန်ရ၊ ကဵုတသိုတ်အာ နူဂကောံဗွဝ်သဳလမာန်ရ၊ ကဵုတသိုတ်အာနူဂုဏ်ဒ္ဂေတ်မာန်ရ။ ပ္ဍဲကြဴနူစောတ်စောဲ ပလီုပလာ်တုဲဂှ် မ္ဂးဂှ် ယြဴပ္ဍဲခဏမွဲ ဂပ်ဝ်စောတ်စောဲပလီုပလာ်ရ၊ ကလိလောန်အခိင်ဂှ် အခါဂှ် ကာလဂှ်မ္ဂး။ (ညးသအာင်ဂမၠိုင်) ဂပ်ဝ်သၟာန်စၟဳစၟတ်တုဲကီုလဝ် မ္ဂးဂှ် ယြဴနဝတ္ထုမွဲ ဂပ်ဝ်စောတ်စောဲပလီုပလာ်ရ၊ ဂပ်ဝ်သၟာန်စၟဳစၟတ် ဝတ္ထုဂှ်မ္ဂး။ သီုမဩဂပ်ဝ်သၟာန်စၟဳစၟတ်ကီုလဝ် မ္ဂးဂှ် မိန်ညးမမိက်ကဵုမွဲမွဲ သီုမဟဂပ်ဝ်သၟာန် အဓိကိုရ် မ္ဂးဂှ် အဓိကိုရ်ဂမၠိုင် ဗွဲဝိဝါဒဓိကိုရ် အနုဝါဒါဓိကိုရ် အာပတ္တာဓိကိုရ် ကိစ္စာဓိကိုရ် မၞုံပန်ဂကူအိုတ်ရ။ ဂိုင်ကေတ် ဟိုတ်မြော်မွဲသအာင် မဗာန်ခြပ်ကေုာံသိက္ခာပိုဒ်တုဲမ္ဂး မ္ဂးဂှ် ပၞောဝ်မြော်ဂမၠိုင်စှ်သာ် ဂပ်ဝ်ဂိုင်ကေတ် ဟိုတ်မြော်မွဲမွဲဂကူရ။ ခမဳမစောတ်စောဲဂှ်လေဝ် ဒုင်ဝန်ဒုဟ် မ္ဂးဂှ် အဲဟီုဒးဂလာန်လ္ၚုသၟးတုဲရ၊ အဲဟီုဒးဂလာန်ဆောတ်ယောင်တုဲရ၊ အဲ ဟီုဒးဂလာန်ဟွံဍာံစၟတ်တုဲရ၊ အဲ သီုဟွံတီဂှ် ဟီုဒးတုဲရ။ သံဃာဒိသေသ် မ္ဂးဂှ် ။ ပ ။ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်” ရ။


406) ညာတ်တဴခမဳ အာစိုပ်အာပတ်သံဃာဒိသေသ်ရ၊ ပ္ဍဲသံဃာဒိသေသ်ဂှ် မၞုံကဵုကွေတ် ရဴဝွံမ္ဂး သံဃာဒိသေသ်ရ၊ ခမဳဂှ် နကဵုအာပတ်ပါရာဇ် “(တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာင်မတွံဂး အာပတ်လေဝ် ဒှ်ရ၊ ဟိုတ်မြော်သအာင်လေဝ် ဂိုင်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ညာတ်တဴခမဳ အာစိုပ်သံဃာဒိသေသ်ရ၊ ပ္ဍဲသံဃာဒိသေသ်ဂှ် မၞုံကွေတ်ရဴဝွံမ္ဂး ထုလ္လစ္စယ်ရ ။ ပ ။ မၞုံကွေတ်ရဴဝွံမ္ဂး ပါဲစိုတ်ရ။ မၞုံကွေတ်ရဴဝွံမ္ဂး ပါဋိဒေသနိက်ရ။ မၞုံကွေတ်ရဴဝွံ ဒုက္ကဋ်ရ။ မၞုံကွေတ်ရဴဝွံမ္ဂး ဒုဗ္ဘာသိုတ်ရ၊ ခမဳဂှ် နကဵုအာပတ်ပါရာဇ် (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာင်မတွံဂး အာပတ်လေဝ် ဒှ်ရ၊ ဟိုတ်မြော်သအာင်လေဝ် ဂိုင်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ညာတ်တဴခမဳ အာစိုပ်အာပတ်ထုလ္လစ္စယ်ရ၊ ပ္ဍဲထုလ္လစ္စယ် မၞုံကွေတ်ရဴဝွံမ္ဂး ထုလ္လစ္စယ်ဂှ်ရ ။ ပ ။ ပ္ဍဲထုလ္လစ္စယ်ဂှ် မၞုံကွေတ်ရဴဝွံမ္ဂး ပါဲစိုတ်ရ။ မၞုံကွေတ်ရဴဝွံမ္ဂး ပါဋိဒေသနိက်ရ။ မၞုံကွေတ်ရဴဝွံမ္ဂး ဒုက္ကဋ်ရ။ မၞုံကွေတ်ရဴဝွံမ္ဂး ဒုဗ္ဘာသိုတ်ရ။ မၞုံကွေတ်ရဴဝွံမ္ဂး သံဃာဒိသေသ်ခမဳဂှ် နကဵုအာပတ်ပါရာဇ် (တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာင်မတွံဂး အာပတ်လေဝ် ဒှ်ရ၊ ဟိုတ်မြော်သအာင်လေဝ် ဂိုင်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳအာစိုပ်အာပတ်ပါဲစိုတ် ။ ပ ။ အာပတ်ပါဋိဒေသနိက်။ အာပတ်ဒုက္ကဋ်။ ညာတ်တဴခမဳ အာစိုပ်အာပတ်ဒုဗ္ဘာသိုတ်ရ၊ ပ္ဍဲဒုဗ္ဘာသိုတ်ဂှ် မၞုံကွေတ်ရဴဝွံမ္ဂး ဒုဗ္ဘာသိုတ်ရ ။ ပ ။ ပ္ဍဲကဵုဒုဗ္ဘာသိုတ် မၞုံကွေတ်ရဴဝွံမ္ဂး သံဃာဒိသေသ်ရ။ မၞုံကွေတ်ရဴဝွံမ္ဂး ပါဲစိုတ်ရ။ မၞုံကွေတ်ရဴဝွံမ္ဂး ပါဋိဒေသနိက်ရ။ မၞုံကွေတ်ရဴဝွံမ္ဂး ဒုက္ကဋ်ရ၊ ခမဳဂှ် နကဵုအာပတ်ပါရာဇ် “(တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာင်မတွံဂး အာပတ်လေဝ် ဒှ်ရ၊ ဟိုတ်မြော်သအာင်လေဝ် ဂိုင်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ [သ္ပမူအာပတ်မွဲမွဲတုဲ ဂပ်ဝ်ဒက်စက်ရ။]


407) ညာတ်တဴခမဳ အာစိုပ်အာပတ်သံဃာဒိသေသ်ရ၊ ပ္ဍဲသံဃာဒိသေသ်ဂှ် မၞုံကဵုကွေတ်ရဴဝွံမ္ဂး သံဃာဒိသေသ်ရ၊ ခမဳဂှ် နကဵုအာပတ်ပါရာဇ် “(တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာင်မတွံဂး အာပတ်လေဝ် ဒှ်ရ၊ ဟိုတ်မြော်သအာင်လေဝ် ဂိုင်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ညာတ်တဴခမဳ အာစိုပ်အာပတ်သံဃာဒိသေသ်ရ၊ ပ္ဍဲသံဃာဒိသေသ်ဂှ် မၞုံကွေတ်ရဴဝွံမ္ဂး ထုလ္လစ္စယ်ရ ။ ပ ။ မၞုံကွေတ်ရဴဝွံမ္ဂး ပါဲစိုတ်။ မၞုံကွေတ်ရဴဝွံမ္ဂး ပါဋိဒေသနိက်ရ။ မၞုံကဵုကွေတ်ရဴဝွံမ္ဂး ဒုက္ကဋ်ရ။ မၞုံကွေတ်ရဴဝွံမ္ဂး ဒုဗ္ဘာသိုတ်ရ၊ ခမဳဂှ် နကဵုအာပတ်ပါရာဇ် “(တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာင်မတွံဂး အာပတ်လေဝ် ဒှ်ရ၊ ဟိုတ်မြော်သအာင်လေဝ် ဂိုင်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ညာတ်တဴခမဳ အာစိုပ်အာပတ်ထုလ္လစ္စယ်ရ၊ ပ္ဍဲထုလ္လစ္စယ် မၞုံကွေတ်ရဴဝွံမ္ဂးထုလ္လစ္စယ်ဂှ်ရ ။ ပ ။ ပ္ဍဲထုလ္လစ္စယ်ဂှ် မၞုံကွေတ်ရဴဝွံမ္ဂး ပါဲစိုတ်ရ။ မၞုံကွေတ်ရဴဝွံမ္ဂး ပါဋိဒေသနိက်ရ။ မၞုံကွေတ်ရဴဝွံမ္ဂး ဒုက္ကဋ်ရ။ မၞုံကွေတ်ရဴဝွံမ္ဂး ဒုဗ္ဘာသိုတ်ရ။ မၞုံကွေတ်ရဴဝွံမ္ဂး သံဃာဒိသေသ်ခမဳဂှ် နကဵုအာပတ်ပါရာဇ် ““(တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာင်မတွံဂး အာပတ်လေဝ် ဒှ်ရ၊ ဟိုတ်မြော်သအာင်လေဝ် ဂိုင်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ ခမဳအာစိုပ်အာပတ်ပါဲစိုတ် ။ ပ ။ အာပတ်ပါဋိဒေသနိက်။ အာပတ်ဒုက္ကဋ်။ ညာတ်တဴခမဳအာစိုပ်အာပတ်ဒုဗ္ဘာသိုတ်ရ၊ ပ္ဍဲဒုဗ္ဘာသိုတ်ဂှ် မၞုံကွေတ်ရဴဝွံမ္ဂး ဒုဗ္ဘာသိုတ်ရ ။ ပ ။ ပ္ဍဲဒုဗ္ဘာသိုတ် မၞုံကွေတ်ရဴဝွံမ္ဂး သံဃာဒိသေသ်ရ။ မၞုံကွေတ်ရဴဝွံမ္ဂး ထုလ္လစ္စယ်ရ။ မၞုံကွေတ်ရဴဝွံမ္ဂး ပါဲစိုတ်ရ။ မၞုံကွေတ်ရဴဝွံမ္ဂး ပါဋိဒေသနိက်ရ။ မၞုံကွေတ်ရဴဝွံမ္ဂး ဒုက္ကဋ်ရ၊ ခမဳဂှ် နကဵုအာပတ်ပါရာဇ် “(တၠအဲ) ခမဳဟွံသေင်ရ၊ တၞောဝ်ကျာ်ကောန်သၟိင်သာကျဝင် ဟွံသေင်ရ၊ ဥပေါသ်ကီု ပဝါရဏာကီု ကိစ္စကေင်ကာသင်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာင်မတွံဂး အာပတ်လေဝ် ဒှ်ရ၊ ဟိုတ်မြော်သအာင်လေဝ် ဂိုင်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါင်) ဂှ် ဒးအာပတ်သံဃာဒိသေသ်ရ။ 408) မၞုံသညာစၟတ်သမ္တီအတိုင်ဂှ်တုဲ စောတ်စောဲလေဝ် စောတ်စောဲမ္ဂး၊ ကဵုစောတ်စောဲကဵုစောတ်စောဲမ္ဂး၊ ဟွံဒးအာပတ်ရ၊ ကုခမဳကြအ်ဥမ္မတ် ခမဳကလိလောန်ကၠာတဲ ဟွံဒးအာပတ်ရ။

၂.၁၀။ သံဃဘေဒသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

၂.၁၀.၁။ ဝတ္ထုတဳလပိုဉ်ဒေဝဒတ်

[ပလေဝ်ဒါန် | ပလေဝ်ဒါန် တမ်ကၞက်]

409) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာဝေဠုဝန် မဒှ်ဒၞါဲကဵုစၞ ကုယန်လမ္စံက်ဂမၠိုင် ဇရေင်ဍုင်ရာဇဂြိုဟ်ဂှ် ဒေဝဒတ်ပြာပ်အာဇရေင်ကောကာလိက ကဋမောဒကတိဿက ကောန်ဂၞကျာ်ခဏ္ဍ သမုဒ္ဒဒတ္တဂမၠိုင်တုဲ “ယွံကောန်တၠတအ် ဩဝ်ကၠုင်အိုတ်ညိ၊ ပိုဲညးဂမၠိုင် ကြက်သ္ပပွမပါ်ဒကးသင် ပွမပလီုပလာ် အာဏာစက်ခမဳဂေါတမအိုတ်ရ” ရဴဝွံ ဟီုသ္ဂးကဵုကောကာလိကကီု ကဋမောဒကတိဿက ကောန်ဂၞကျာ်ခဏ္ဍာကီု သမုဒ္ဒဒတ္တကီုရ၊ ဟီုသ္ဂးရဴဝွံမ္ဂး ကောကာလိကဂှ် “ယွံကောန်တၠ ခမဳဂေါတမဂှ်တုန် ကြဳဇှ်အာနုဘဴဇၞော်ရ၊ ပိုဲညးဂမၠိုင် ပသာ်သ္ဂောံသ္ပပွမပါ်ဒကးသင် ပွမပလီုပလာ်အာဏာစက် ခမဳဂေါတမအိုတ်ဂှ်ရော?” ရဴဝွံ ဟီုသ္ဂးကဵုဒေဝဒတ်ရ။ ယွံကောန်တၠတအ် ဩဝ်ကၠုင်အိုတ်ညိ၊ ပိုဲညးဂမၠိုင် ပြာပ်အာဇရေင် ခမဳဂေါတမတုဲ “ယွံတဳလမၞုံပိုဉ်ကျာ်တြဲဂှ် နဟိုတ်မဂၠိုင်ဂၠင် မၞုံအလေံဟီုသ္ဂးတဴဂုဏ် ပွမပၟိက်အောန် ပွမအေင်သတှေ် (တရိုပ်စိုတ်) ပွမတှေ်တြဳထောံကိလေသ ပွမခါလယှ်ထောံကိလေသ ပွမရင်တၠုင်ကဵုလျုင်ဇြုင်သ္ဍိုက် ပွမဆန်ၜန်ကိလေသ ပွမပတိတ်ဇြဟတ် နဝဳရိယ၊ ယွံတဳလမၞုံပိုဉ် ဝတ္ထုဂမၠိုင်မသုန်သာ်ဝွံ နဟိုတ်မဂၠိုင်ဂၠင် ဒှ်တဴတၞဟ်နပွမပၟိက်အောန် တၞဟ်နပွမအေင်သတှေ် (တရိုပ်စိုတ်) တၞဟ်နပွမတှေ်တြဳထောံကိလေသ တၞဟ်နပွမခါလယှ်ထောံကိလေသ တၞဟ်နပွမရင်တၠုင်ကဵုလျုင်ဇြုင်သ္ဍိုက်ကီု တၞဟ်နပွမဟွံဆန်ၜန်ကိလေသ တၞဟ်နပွမပတိတ်ဇြဟတ် နဝဳရယအိုတ်ရ၊ အာတ်ပါန်အခေါင်ရ ယွံကျာ်မၞုံပိုဉ် ခမဳဂမၠိုင် စဵုကဵုလအိတ်လမျီုကဵုဒှ်ညးပဒတဴ ပ္ဍဲဂြိုပ်အိုတ်ညိ၊ ယြဴခမဳမွဲ တၞီလုပ်ကွာန်မ္ဂး ကုခမဳဂှ် ကဵုအာစိုပ်ဒုဟ်ညိ။ စဵုကဵုလအိတ်လမျီု ကဵုဒှ်ညးပကင်ရင် ဓုတင်ပိဏ္ဍပါတ်အိုတ်ညိ၊ ယြဴခမဳမွဲ ဒုင်တဲ (ပွမကဵုပိုဉ် ပိဏ္ဍပါတ်နိမန်ကဵုဒါန်) မ္ဂး ကုခမဳဂှ် ကဵုအာစိုပ်ဒုဟ်ညိ။ စဵုကဵုလအိတ်လမျီု ကဵုဒှ်ညးပကင်ရင် ဓုတင်ပံသုကူအိုတ်ညိ၊ ယြဴခမဳမွဲ ဒုင်တဲသ္ၚာဒကာဂမၠိုင်ကဵုဒါန်မ္ဂး ကုခမဳဂှ် ကဵုအာစိုပ်ဒုဟ်ညိ။ စဵုကဵုလအိတ်လမျီု ကဵုဒှ်ညးပကင်ရင် ဓုတင်ရုက္ခမူအိုတ်ညိ၊ ယြဴခမဳမွဲ ပြာပ်အာဘာမၞုံကဵုစၟဳမ္ဂး ကုခမဳဂှ် ကဵုအာစိုပ်ဒုဟ်ညိ။ စဵုကဵုလအိတ်လမျီု လ္ပကဵုစကဖျုန်အိုတ်ညိ၊ ယြဴခမဳမွဲ စကဖျုန်မ္ဂး ကုခမဳဂှ် ကဵုအာစိုပ်ဒုဟ်ညိ” ရဴဝွံ အာတ်တဴ ဝတ္ထုဂမၠိုင်မသုန်သာ်ဝွံအိုတ်မ္ဂး၊ ဝတ္ထုဂမၠိုင်မသုန်သာ်ဝွံ ခမဳဂေါတမ ကြက်ဟွံကဵုအခေါင်ရ၊ ပိုဲညးဂမၠိုင် နကဵုဝတ္ထုဂမၠိုင်မသုန်သာ်ဝွံ ကြက်ကဵုဂကောံမၞိဟ်တီကေတ်အိုတ်ရ၊ ယွံကောန်တၠတအ် နဝတ္ထုဂမၠိုင်မသုန်သာ်ဝွံ တၞဟ်နသ္ပ ပွမပါ်ဒကးသင် ပွမပလီုပလာ်အာဏာစက် ခမဳဂေါတမသၟဟ်ရထဟေင်ရ၊ ယွံကောန်တၠတအ် မၞိဟ်ဂမၠိုင်လျုင်ဇြုင်သ္ဍိုက် ပွမအေင်သတှေ်တွဵုအိုတ်ရ ရဴဝွံ (သ္ဂးရ)။ ပ္ဍဲအခိင်ဂှ် ဒေဝဒတ်မွဲဟာန်ကေုာံပရိသတ်ပြာပ်အာဇရေင် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး ဂဇအ်ကေတ်ပ္ဍဲဒၞါဲမွဲတုဲ— ယွံတဳလမၞုံပိုဉ် တဳလမၞုဴပိုဉ်ကျာ်တြဲဂှ် နဟိုတ်မဂၠိုင်ဂၠင် မၞုံအလေံဟီုသ္ဂးတဴဂုဏ် ပွမပၟိက်အောန် ။ ပ ။ ပွမပတိတ်ဇြဟတ် နဝဳရိယရ၊ ယွံတဳလမၞုံပိုဉ် ဝတ္ထုဂမၠိုင်မသုန်သာ်ဝွံ နဟိုတ်မဂၠိုင်ဂၠင် ဒှ်တဴတၞဟ်နပွမပၟိက်အောန် ။ ပ ။ နဝဳရိယအိုတ်ရ၊ အာတ်ပါန်အခေါင်ရ ယွံကျာ်မၞုံပိုဉ် ခမဳဂမၠိုင် စဵုကဵုလအိတ်လမျီု ကဵုဒှ်ညးပဒတဴ ပ္ဍဲဂြိုပ်အိုတ်ညိ၊ ယြဴခမဳမွဲ တၞီလုပ်ကွာန်မ္ဂး ကုခမဳဂှ် ကဵုအာစိုပ်ဒုဟ်ညိ ။ ပ ။ စဵုကဵုလအိတ်လမျီု လ္ပကဵုစကဖျုန်အိုတ်ညိ၊ ယြဴခမဳမွဲ စကဖျုန်မ္ဂး၊ ကုခမဳဂှ် ကဵုအာစိုပ်ဒုဟ်ညိ” ရဴဝွံ ဂရင်ပတီ တဳလမၞုံပိုဉ်ကျာ်တြဲရ။ ယွံဒေဝဒတ် ဟွံဗဗွဲထေက်ကြိုက်ရ၊ ယြဴခမဳမွဲ နွံပၟိက်မ္ဂး (ခမဳဂှ်) ဩဝ်ကဵုဒှ် ညးပဒတဴ ဘာဂြိုပ်ညိ၊ ယြဴခမဳမွဲ နွံပၟိက်မ္ဂး (ခမဳဂှ်) ဩဝ်ကဵုဒှ် ညးပဒတဴဘာကွာန်ညိ၊ ယြဴခမဳမွဲနွံပၟိက်မ္ဂး (ခမဳဂှ်) ဩဝ်ကဵုဒှ် ညးပကင်ရင်ဓုတင်ပိဏ္ဍပါတ်ညိ၊ ယြဴခမဳမွဲ နွံပၟိက်မ္ဂး (ခမဳဂှ်) ဩဝ်ကဵုဒှ်ညးဒုင်တဲ နိမန္တနဘတ်ညိ၊ ယြဴခမဳမွဲနွံပၟိက်မ္ဂး (ခမဳဂှ်) ဩဝ်ကဵုဒှ် ညးပကင်ရင်ဓုတင်ပံသုကူညိ၊ ယြဴခမဳမွဲနွံပၟိက်မ္ဂး (ခမဳဂှ်) ဩဝ်ကဵုဒှ် ညးဒုင်တဲသ္ၚာ ဒကာဂမၠိုင်ကဵုဒါန်ညိ၊ ယွံဒေဝဒတ် လုကဴဒ္စါံဂိတုဂမၠိုင် အဲဂပ်ဝ်ကဵုလဝ်အခေါင် သၞာသတိက် သၞာဒၟံင်သၟဝ်တၞံဆုတုဲရ၊ ဂပ်ဝ်ကဵုလဝ်အခေါင် ကဖျုန်မသအးဇ္ၚး နူလအိတ်ပိမဂပ်ဝ်တွံဂး ဟဂပ်ဝ်ညာတ် ဟဂပ်ဝ်မိင် ဟဂပ်ဝ်သၠေဟ်ပၟာတုဲရ ရဴဝွံ (သ္ဂးရ)။ ပ္ဍဲအခိင်ဂှ် ဒေဝဒတ် “တဳလမၞုံပိုဉ်ကျာ်တြဲ ဟွံကဵုအခေါင် ဝတ္ထုမသုန်သာ်ဝွံရ” ရဴဝွံ မိပ်သၠောင်သ္ပဝ်မြဟ်တိုန်ဒှ်တုဲ မွဲဟာန်ကေုာံပရိသာတ် ဒၠိုက်ကတဵုနူဒၞါဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး သ္ပရှေ်သှေ်ရဴဂဴကၠာ ပါဲစ္ဍးအာရ။


410) ပ္ဍဲအခိင်ဂှ် ဒေဝဒတ် လုပ်အာဍုင်ရာဇဂြိုဟ်တုဲ “ယွံကောန်တၠတအ် ပိုဲညးဂမၠိုင် ပြာပ်အာဇရေင် ခမဳဂေါတမတုဲ ‘ယွံတဳလမၞုံပိုဉ် တဳလမၞုံပိုဉ်ကျာ်တြဲဂှ် နဟိုတ်မဂၠိုင်ဂၠင် မၞုံအလေံဟီုသ္ဂးတဴဂုဏ် ပွမပၟိက်အောန် ပွမအေင်သတှေ် (တရိုပ်စိုတ်) ပွမတှေ်တြဳထောံကိလေသ ပွမခါလယှ်ထောံကိလေသ ပွမရေင်တၠုင်ကဵုလျုင်ဇြုင်သ္ဍိက် ပွမဟွံဆန်ၜတ်ကိလေသ ပွမပတိတ်ဇြဟတ် နဝဳရိယရ၊ ယွံတဳလမၞုံပိုဉ် ဝတ္ထုဂမၠိုင်မသုန်သာ်ဝွံ နဟိုတ်မဂၠိုင်ဂၠင်ဂှ် ဒှ်တဴတၞဟ်နပွမပၟိက်အောန် တၞဟ်နပွမအေင်သတှေ် (တရိုပ်စိုတ်) တၞဟ်နပွမတှေ်တြဳထောံကိလေသ တၞဟ်နပွမခါလယှ်ထောံကိလေသ တၞဟ်နပွမရင်တၠုင်ကဵုလျုင်ဇြုင်သ္ဍိုက် တၞဟ်နပွမဟွံဆန်ၜန်ကိလေသ တၞဟ်နပွမပတိတ်ဇြဟတ် နဝဳရိယအိုတ်ရ၊ အာတ်ပါန်အခေါင်ရ ယွံကျာ်မၞုံပိုဉ် ခမဳဂမၠိုင် စဵုကဵုလအိတ်လမျီု ကဵုဒှ်ညးပဒတဴ ပ္ဍဲဂြိုပ်အိုတ်ညိ၊ ယြဴခမဳမွဲတၞီလုပ်ကွာန်မ္ဂး၊ ကုခမဳဂှ် ကဵုအာစိုပ်ဒုဟ်ညိ။ စဵုကဵုလအိတ်လမျီု ကဵုဒှ်ညးပကင်ရင် ဓုတင်ပိဏ္ဍပါတ်အိုတ်ညိ၊ ယြဴခမဳမွဲ ဒုင်တဲ (ပွမကဵုပိုဉ်ပိဏ္ဍပါတ် နိမန်ကဵုဒါန်) မ္ဂး၊ ကုခမဳဂှ် ကဵုအာစိုပ်ဒုဟ်ညိ။ စဵုကဵုလအိတ်လမျီု ကဵုဒှ်ညးပကင်ရင် ဓုတင်ပံသကူအိုတ်ညိ၊ ယြဴခမဳမွဲ ဒုင်တဲသ္ၚာဒကာဂမၠိုင်ကဵုဒါန်မ္ဂး၊ ကုခမဳဂှ် ကဵုအာစိုပ်ဒုဟ်ညိ။ စဵုကဵုလအိတ်လမျီု ကဵုဒှ်ညးပကင်ရင်ဓုတင်ရုက္ခမူအိုတ်ညိ၊ ယြဴခမဳမွဲ ပြာပ်အာဘာမၞုံကဵုစၟဳမ္ဂး ကုခမဳဂှ်ကဵုအာစိုပ်ဒုဟ်ညိ။ စဵုကဵုလအိတ်လမျီု လ္ပကဵုစကဖျုန်အိုတ်ညိ၊ ယြဴခမဳမွဲ စကဖျုန်မ္ဂး ကုခမဳဂှ် ကဵုအာစိုပ်ဒုဟ်ညိ” ရဴဝွံ အာတ်တဴဝတ္ထုဂမၠိုင် မသုန်သာ်ဝွံအိုတ်တုဲရ၊ ဝတ္ထုဂမၠိုင်မသုန်သာ်ဝွံ ခမဳဂေါတမ ဟွံကဵုအခေါင်ရ၊ ပိုဲညးဂမၠိုင် ဒဂိုန်ဒ္ဂေတ်နကဵုဝတ္ထုဂမၠိုင် မသုန်သာ်ဝွံအိုတ်ရ” ရဴဝွံ ကဵုဂကောံ မၞိဟ်တီကေတ် နဝတ္ထုဂမၠိုင်မသုန်သာ်ရ။ ပၞောဝ်ဂကောံမၞိဟ်ဂမၠိုင်ဂှ် ယြဴမၞိဟ်ဂမၠိုင် ဟွံပတှေ် (ရတ်ပိပြကာ) အိုတ်ရ၊ ဟွံလျုင်ဇြုင်သ္ဍိုက်အိုတ်ရ၊ မၞိဟ်ဂမၠိုင်ဂှ် “ခမဳဂမၠိုင် မဒှ်တၞောဝ်ကျာ်ကောန်သၟိင်သာကျဝင်ဝွံ ခါလယှ်ပတိတ်ကိလေသအိုတ်ရ၊ မၞုံကဵုပွမဂယိုင်လမျီု အေင်သတှေ်အိုတ်ရ၊ ခမဳဂေါတမ လာဘ်သကဂၠိုင်ဂှ်တုန် ပတိတ်ဇြဟိတ်ပကီုလွဳပရာ တၞဟ်နဖဵုလာဘ်သကာဂၠိုင်ရ” ရဴဝွံ ဟီုသ္ဂးအိုတ်ရ။ ယြဴမၞိဟ်ဂမၠိုင်တုန် ပတှေ် (ရတ်ပိပြကာ) အိုတ်ရ၊ လျုင်ဇြုင်သ္ဍိုက်အိုတ်ရ၊ မၞုံကဵုပညာအိုတ်ရ၊ စဳကၠးဆိုက်ဗ္ဒက်အိုတ်ရ၊ မၞုံကဵုဂမြင်ဉာဏ်အိုတ်ရ၊ မၞိဟ်ဂမၠိုင်ဂှ် “ဒေဝဒတ် မုဟိုတ်သ္ပလွဳပရာ တၞဟ်နပွမပါ်ဒကးသင် တၞဟ်နပွမပလီုပလာ် အာဏာစက် တဳလမၞုံပိုဉ်ကျာ်တြဲဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ခမဳဂမၠိုင် သ္ဂောံမိင်ကေတ် ဂလာန်မၞိဟ်ဂမၠိုင် မဟီုဂရိုဟ်ပျုတ်ဗ္ဒေက်ဟီုထ္ၜးဒုဟ်ဂှ်တုဲ ခမဳပၟိက်အောန်ဂမၠိုင် “ဒေဝဒတ် မုဟိုတ်သ္ပလွဳပရာ တၞဟ်နပွမပါ်ဒကးသင် တၞဟ်နပွမပလီုပလာ် အာဏာစက်ဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် ဒေဝဒတ်နဟိုတ်မဂၠိုင်အိုတ်တုဲ ဂရင်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ ယွံဒေဝဒတ် တၠအဲသ္ပလွဳပရာတၞဟ်နပွမပါ်ဒကးသင် တၞဟ်နပွမပလီုပလာ် အာဏာစက်ရဟီုဂှ် ဍာံပြဟာ ရဴဝွံ စၟဳစၟတ်သၟာန်သၟုက်တဴရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဂရိုဟ်ရ ။ ပ ။ “ယွံတြုံမလ္ၚုသၟး (နူမဂ်ဖိုလ်) တၠအဲ မုဟိုတ်သ္ပလွဳပရာ တၞဟ်နပွမပါ်ဒကးသင် တၞဟ်နပွမပလီုပလာ် အာဏာစက်ဂှ်ရော? ယွံတြုံမလ္ၚုသၟး (နူမဂ်ဖိုလ်) (ပွတၠအဲ သ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။


411) ယြဴခမဳမွဲ သ္ပလွဳပရာ တၞဟ်နပွမပါ်ဒကး သင်မညဳသာသၟဟ်သၟဟ်မ္ဂး ဟိုတ်မလေပ်ကတဵုဗဒှ်ကဵု ပွမပါ်ဒကးလေဝ် ယိုက်ဒိုက်ဂိုင်ကေတ် ဗွဲမဗိုန်ဗတ်တုဲ တန်တဴမ္ဂး ခမဳဂမၠိုင်ဂှ် ‘တဳလပိုဉ်ဂှ် လ္ပသ္ပလွဳပရာ တၞဟ်နပွမပါ်ဒကး သင်မညဳညာသၟဟ်သၟန်ညိ၊ ဟိုတ်မလေပ်ကတဵုဗဒှ်ကဵု ပွမပါဒကးလေဝ် ယိုက်ဒိုက်ဂိုင်ကေတ် ဗွဲမဗိုန်ဗတ်တုဲ လ္ပတန်တဴညိ၊ တဳလပိုဉ် ဩဝ်ညဳသာသၟဟ်သၟန်ကေုာံသင်ညိ၊ သင်မညဳသာသၟဟ်သၟန်ဂှ်ဟေင် အိုဟ်တၟိုဟ်ဗွဲမဒးရးဒှ်တုဲ ဟွံမွဲပွမကယျာန်ဒဝါတ်ဒှ်တုဲ မၞုံကဵုပွမစၞောန်ထ္ၜး ပါတိမုက်မွဲစွံဒှ်တုဲ သ္ဂောံပဒတဴဗွဲတသိုခ်ရ’ ရဴဝွံ သ္ဂးကဵု ခမဳဂှ်ရ၊ ရဴဝွံဟေင် ခမဳဂမၠိုင် သီုဂပ်ဝ်သ္ဂးတဴခမဳဂှ် တုပ်နဲကိုပ်ကၠာဟေင် ယိုက်ဒိုက်ဂိုင်ကေတ်မ္ဂး၊ တၞဟ်နကဵုသၠးကၠေံကွေတ်ဂှ် စဵုကဵုပေင်ပိဝါ ခမဳဂမၠိုင်ဂပ်ဝ်ဒၠောံဗတောန်ခမဳဂှ် ဗွဲမဒးရးရ။ စဵုကဵုပေင်ပိဝါ ဂပ်ဝ်ဒၠောံဗတောန်ဗွဲမဒးရးနေဝ် ယဝ်သၠးကၠေံကွေတ်ဂှ်မ္ဂး ပွမသၠးကၠေံ ရဴဝွံ ခိုဟ်သန်ရ။ ယဝ်ဟွံသၠးကၠေံမ္ဂး (ကုခမဳဂှ်) ဒးအာပတ်သံဃာဒိသေသ်ရ ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

၂.၁၀.၂။ ပွံက်သံဃဘေဒသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

412) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳ မ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂး ခမဳရ။ သင်မညဳသာသၟဟ်သၟန် မ္ဂးဂှ် (သင်) မၞုံကဵုပွမပံင်ဖက် တုပ်သၟဟ်မတန်တဴပ္ဍဲသိမ် တုပ်တၟဟ်။ သ္ပလွဳပရာ တၞဟ်နပွမပါ်ဒကး မ္ဂးဂှ် မုရဴသာ်လဵုခမဳဂမၠိုင်ဝွံ သ္ဂောံပါ်အာတၞဟ်တၞဟ်အိုတ်ဂှ်ရော? သ္ဂောံဒှ်ဟွံစပ်အိုတ်ဂှ်ရော? သ္ဂောံဒှ်ဂကောံကဵုဂကောံအိုတ်ဂှ်ရော? ရဴဝွံ ဂၠာဲသ္ၚေဝ်ဗော်သွးရ၊ ဒက်ဂကောံဂိုဏ်ရ။ ဟိုတ်မလေပ်ကတဵုဗဒှ်ကဵု ပွမပါ်ဒကးလေဝ် မ္ဂးဂှ် ဝတ္ထုစှ်ဒ္စာံသာ် မလေပ်ကတဵုဗဒှ်ကဵု ပွမပါ်ဒကးဂမၠိုင်ရောင်။ ဂိုင်ကေတ်ဗွဲမဗိုန်ဗတ်တုဲ မ္ဂးဂှ် ဂိုင်ကေတ်တုဲ။ သ္ပယိုက်ဒိုက်တုဲ မ္ဂးဂှ်စၞောန်ထ္ၜးမ္ဂး။ တန်တဴ မ္ဂးဂှ်ဟွံသေင်ကၠေံမ္ဂး။ ခမဳဂှ် မ္ဂးဂှ်ခမဳမလေပ်ပါ်ဒကးသင်ရောင်။ ခမဳဂမၠိုင် မ္ဂးဂှ် ခမဳသအာင်ဂမၠိုင်။ ယြဴခမဳဂမၠိုင် ညာတ်အိုတ်ရ၊ ယြဴခမဳဂမၠိုင် မိင်အိုတ်ရ၊ ခမဳဂမၠိုင်ဂှ် “တဳလပိုဉ်ဂှ် လ္ပသ္ပလွဳပရာ တၞဟ်နပွမပါ်ဒကး သင်မညဳသာသၟဟ်သၟန်ညိ၊ ဟိုတ်မလေပ်ကတဵုဗဒှ်ကဵု ပွမပါ်ဒကးလေဝ် ယိုက်ဒိုက်ဂိုင်ကေတ် ဗွဲမဗိုန်ဗတ်တုဲ လ္ပတန်တဴညိ၊ တဳလပိုဉ် ဩဝ်ညဳသာသၟဟ်သၟန်ကေုာံသင်ညိ၊ သင်မညဳသာသၟဟ်သၟန်ဂှ်ဟေင် အိုတ်တၟိုဟ်ဗွဲမဒးရးဒှ်တုဲ ဟွံမွဲပွမကယျာန်ဒဝါတ်ဒှ်တုဲ မၞုံကဵုပွမစၞောန်ထ္ၜး ပါတိမုက်မွဲစွံဒှ်တုဲ သ္ဂောံပဒတဴ ဗွဲတသိုခ်ရ” ရဴဝွံ သ္ဒးဟီုသ္ဂးရ။ မရနုက်ကဵုၜါဝါလေဝ် သ္ဒးဟီုသ္ဂးရ၊ မရနုက်ကဵုပိဝါလေဝ် သ္ဒးဟီုသ္ဂးရ။ ယဝ်သၠးကၠေံမ္ဂး၊ ပွမသၠကၠေံဂှ် ခိုဟ်သန်ရ၊ ယဝ်ဟွံသၠးကၠေံမ္ဂး ဒးအာပတ်ဒုက္ကဋ်ရ၊ မိင်တုဲ ဟွံဟီုသ္ဂးအိုတ်မ္ဂး၊ ဒးအာပတ်ဒုက္ကဋ်ရ၊ ခမဳဂှ် ဇရေင်လဒေါဝ်သင်လေဝ် ကော်ဏာတုဲ “တဳလပိုဉ်ဂှ် လ္ပသ္ပလွဳပရာ တၞဟ်နပွမပါ်ဒကး သင်မညဳသာသၟဟ်သၟန်ညိ၊ ဟိုတ်မလေပ်ကတဵုဗဒှ်ကဵုပွမပါ်ဒကးလေဝ် ယိုက်ဒိုက်ဂိုင်ကေတ် ဗွဲမဗိုန်ဗတ်တုဲ လ္ပတန်တဴညိ၊ တဳလပိုဉ် ဩဝ်ညဳသာသၟဟ်သၟန်ကေုာံသင်ညိ၊ သင်မညဳသာသၟဟ်သၟန်ဂှ်ဟေင် အိုတ်တၟိုဟ်ဗွဲမဒးရးဒှ်တုဲ ဟွံမွဲပွမကယျာန်ဒဝါတ်ဒှ်တုဲ မၞုံကဵုပွမစၞောန်ထ္ၜး ပါတိမုက်မွဲစွံဒှ်တုဲ သ္ဂောံပဒတဴ ဗွဲတသိုခ်ရ” ရဴဝွံ သ္ဒးဟီုသ္ဂးရ။ မရနုက်ကဵုၜါဝါလေဝ် သ္ဒးဟီုသ္ဂးရ၊ မရနုက်ကဵုပိဝါလေဝ် သ္ဒးဟီုသ္ဂးရ။ ယဝ်သၠးကၠေံမ္ဂး၊ ပွမသၠးကၠေံဂှ် ခိုဟ်သန်ရ၊ ယဝ်ဟွံသၠးကၠေံမ္ဂး ဒးအာပတ်ဒုက္ကဋ်ရ။ ဂပ်ဝ်ဒးဒၠောံဗတောန်ခမဳဂှ် ဗွဲဒးရးရ၊ ယွံခမဳတအ် ရဴဝွံဟေင် သ္ဒးဒၠောံဗတောန် ဗွဲမဒးရးရ၊ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသင်တီရ။ 413) ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ သ္ပလွဳပရာ တၞဟ်နပွပါ်ဒကး သင်မညဳသာသၟဟ်သၟန်ရ၊ ခမဳဂှ် ဟွံသၠးကၠေံကွေတ်ဂှ်ရ၊ ကမ်မၞုံကဵုအခိင်မဗဗွဲကုသင် ယဝ်ဒှ်မ္ဂး၊ တၞဟ်နကဵုသၠးကၠေံကွေတ်ဂှ် သင် သ္ဒးဒၠောံဗတောန် ခမဳမၞုံယၟုဝွံ ဗွဲမဒးရးရ၊ ဣဝွံတုန် ပွမကဵုတီရောင်။ ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ သ္ပလွဳပရာတၞဟ်နပွမပါ်ဒကးသင် မညဳသာသၟဟ်သၟန်ရ၊ ခမဳဂှ် ဟွံသၠးကၠေံကွေတ်ဂှ်ရ၊ တၞဟ်နကဵုသၠးကၠေံကွေတ်ဂှ် သင်ဒၠောံဗတောန်ခမဳမၞုံယၟုဝွံ ဗွဲမဒးရးရ၊ ယြဴကုတဳလပိုဉ်မွဲ တၞဟ်နကဵုသၠးကၠေံကွေတ်ဂှ် သ္ဍိုက်မၠိုက်ပွမဒၠောံဗတောန် ခမဳမၞုံယၟုဝွံ ဗွဲမဒးရးရ၊ တဳလပိုဉ်ဂှ် သ္ဒးဒၟံင်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ဂှ်ရ၊ တဳလပိုဉ်ဂှ် သ္ဒးဟီုတိုန်ရ။ မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ။ ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ သ္ပလွဳပရာတၞဟ်နပွမပါ်ဒကး သင်မညဳသာသၟဟ်သၟန်ရ၊ ခမဳဂှ် ဟွံသၠးကၠေံကွေတ်ဂှ်ရ၊ တၞဟ်နကဵုသၠးကၠေံကွေတ်ဂှ် သင်ဒၠောံဗတောန် ခမဳမၞုံယၟုဝွံ ဗွဲမဒးရးရ၊ ယြဴကုတဳလပိုဉ်မွဲ တၞဟ်နကဵုသၠးကၠေံကွေတ်ဂှ် သ္ဍိုက်မၠိုက်ပွမဒၠောံဗတောန် ခမဳမၞုံယၟုဝွံ ဗွဲမဒးရးရ၊ တဳလပိုဉ်ဂှ် သ္ဒးဒၟံင်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ တၞဟ်နကဵုသၠးကၠေံကွေတ်ဂှ် သင်ဂပ်ဝ်ဒၠောံဗတောန် ခမဳမၞုံယၟုဝွံ ဗွဲမဒးရးတုဲရ၊ ကုသင်မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံင်ကၞပ်သ္ၚောံသ္ၚိတ်ဇြရ၊ နမဒၟံင်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။ 414) ပ္ဍဲလအိတ်ဉတ် ဒးအာပတ်ဒုက္ကဋ်ရ၊ ပ္ဍဲလအိတ်ကမ္မဝါစ်ဂမၠိုင်ၜါဝါ ဒးအာပတ်ထုလ္လစ္စယ်ရ၊ ပ္ဍဲလအိတ်ကမ္မဝါစ် ဒးအာပတ်သံဃာဒိသေသ်ရ။ ကုခမဳမအာစိုပ်သံဃာဒိသေသ် ဒုက္ကဋ်ဂှ် ပ္ဍဲလအိတ်ဉတ် ထုလ္လစ္စယ် ပ္ဍဲလအိတ်ကမ္မဝါစ်ဂမၠိုင် ၜါဝါဂမၠိုင်ဂှ် လလမ်အိုတ်ရ။ သံဃာဒိသေသ်မ္ဂးဂှ် ။ ပ ။ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်” ရ။ 415) ပ္ဍဲဓမ္မကမ် (မဂပ်ဝ်သ္ပနဗဗွဲဓရ်) မၞုံပွမသမ္တီထေင်ကေတ် ဓမ္မကမ်တုဲ ဟွံသၠးကၠေံမ္ဂး၊ ဒးအာပတ်သံဃာဒိသေသ်ရ။ ပ္ဍဲဓမ္မကမ် မၞုံသၠေဟ်ပၟာတုဲ ဟွံသၠးကၠေံမ္ဂး၊ ဒးအာပတ်သံဃာဒိသေသ်ရ။ ပ္ဍဲဓမ္မကမ် မၞုံပွမသမ္တီထေင်ကေတ် အဓမ္မကမ်တုဲ ဟွံသၠးကၠေံမ္ဂး၊ ဒးအာပတ်သံဃာဒိသေသ်ရ။ ပ္ဍဲအဓမ္မကမ်မၞုံပွမသမ္တီထေင်ကေတ် ဓမ္မကမ်တုဲ ဟွံသၠးကၠေံမ္ဂး၊ ဒးအာပတ်ဒုက္ကဋ်ရ။ ပ္ဍဲအဓမ္မကမ်မၞုံသၠေဟ်ပၟာတုဲ ဟွံသၠးကၠေံမ္ဂး၊ ဒးအာပတ်ဒုက္ကဋ်ရ။ ပ္ဍဲအဓမ္မကမ် မၞုံပွမသမ္တီထေင်ကေတ် အဓမ္မကမ်တုဲ ဟွံသၠးကၠေံမ္ဂး ဒးအာပတ်ဒုက္ကဋ်ရ။ 416) ကုခမဳ မဟဂပ်ဝ်ဒၠောံဗတောန် ဗွဲမဒးရ (နဉတ်ကမ္မဝါစ်) ခမဳသၠးကၠေံကွေတ် ခမဳကြအ်ဥမ္မတ် ခမဳစိုတ်ကလှ်လဖှ် ခမဳဝေဒနာပ္ဍဵုပ္ဍိုက် ခမဳကလိလောန်ကၠာတဲဂှ် ဟွံဒးအာပတ်ရ။ သံဃာဘေဒသိက္ခာပိုဒ်ဒသမတုဲရ။

၂.၁.၁။ ဘောဒါနုဝတ္တကသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

၂.၁၁.၁။ ဝတ္ထုခမဳဗွက်ကြဴဒေဝဒတ်ဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

417) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာဝေဠုဝန်မဒှ်ဒၞါဲကဵုစၞ ကုယန်လမ္စံက်ဂမၠိုင် ဇရေင်ဍုင်ရာဇဂြိုဟ်ဂှ် ဒေဝဒတ် သ္ပလွဳပရာ တၞဟ်နပွမပါ်ဒကးသင် တၞဟ်နပွမပလီုပလာ် အာဏာစက်ရ။ ခမဳဂမၠိုင်ဂှ် “ဒေဝဒတ် မၞုံအလေံဟီုသ္ဂး ဟွံဓရ်ရ၊ ဒေဝဒတ် မၞုံအလေံဟီုသ္ဂးဟွံညဳသာသၟဟ်သၟန် ကေုာံဝိနယ်ရ၊ ဒေဝဒတ် မုဟိုတ်သ္ပလွဳပရာ တၞဟ်နပွမပါ်ဒကးသင် တၞဟ်နပွမပလီုပလာ် အာဏာစက်ရော?” ရဴဝွံ ဟီုသ္ဂးအိုတ်ရ။ ဟီုသ္ဂးရဴဝွံမ္ဂး ကောကာလိက ကဋမောဒကတိဿက ကောန်ဂၞကျာ်ခဏ္ဍ သမုဒ္ဒဒတ္တဂမၠိုင်— “ယွံတဳလပိုဉ်တအ် လ္ပဟီု ရဴဝွံအိုတ်ညိ၊ ဒေဝဒတ်ဂှ် မၞုံအလေံဟီုသ္ဂး ဟွံဓရ်ရ၊ ဒေဝဒတ်ဂှ် မၞုံအလေံဟီုသ္ဂး ညဳသာသၟဟ်သၟန် ကေုာံဝိနယ်ရ၊ ဒေဝဒတ်ဂှ် ဂိုင်ကေတ်ပၟိက်ကီု တင်ထံက်ပခိုင် ပိုဲညးဂမၠိုင်ကီုတုဲ ဟီုသ္ဂးရ၊ (ပၟိက်တင်ထံက်ပခိုင်) ပိုဲညးဂမၠိုင်လေဝ် တီရ၊ ဟီုသ္ဂးတဴကေုာံကွေတ် တင်ပတှေ်ကေတ်ပိုဲညးဂမၠိုင်ရ၊ ပွဂှ် ပိုဲညးဂမၠိုင်လေဝ် သ္ဍိုက်မၠိုက်ဒးဂၞပ်ရ” ရဴဝွံ ဟီုသ္ဂးကဵု ခမဳဂမၠိုင်အိုတ်ရ။ ခမဳပၟိက်အောန်ဂမၠိုင်ဂှ် “မုဟိုတ် ခမဳဂမၠိုင် ဒ္ဂေတ်ဗက်လက္ကရဴဒေဝဒတ် မသ္ပလွဳပရာတၞဟ်နပွမပါ်ဒကးသင်တုဲ ဟီုသ္ဂးဂလာန် ပါ်ဒကးအိုတ်ဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် ခမဳမဒ္ဂေတ်ဗက်လက္ကရဴဂမၠိုင် နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ ယွံခမဳတအ် ခမဳဂမၠိုင်ဒ္ဂေတ်ဗက်လက္ကရဴဒေဝဒတ် မသ္ပလွဳပရာ တၞဟ်နပွမပါ်ဒကသင်တုဲ ဟီုသ္ဂးဂလာန် ပါ်ဒကးအိုတ်ရဟီုဂှ် ဍာံပြဟာ ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ ယွံခမဳတအ် တြုံမလ္ၚုသၟး (နူမဂ်ဖိုလ်) ဂမၠိုင်ဂှ် မုဟိုတ် ဒ္ဂေတ်ဗက်လက္ကရဴဒေဝဒတ် မသ္ပလွဳပရာ တၞဟ်နပွမပါ်ဒကးသင်တုဲ ဟီုဂလာန်ပါ်ဒကးအိုတ်ဂှ်ရော? ယွံခမဳတအ် (ပွမၞးတအ်ညးဂမၠိုင်သ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ယွဲခမဳတအ် ရဴဝွံဟေင် ဩဝ်စၞောန်ထ္ၜးသိက္ခာပိုဒ်ဝွံအိုတ်ညိ။


418) မွဲဇကုကီု ၜါဇကုဂမၠိုင်ကီု ပိဇကုဂမၠိုင်ကီု ခမဳဂမၠိုင်ဒ္ဂေတ်ဗက်လက္ကရဴ ခမဳဂှ်ဟေင်တုဲ မလေပ်ဟီုသ္ဂးဂလာန်ပါ်ဒကးဂှ် နွံအိုတ်ရ၊ ခမဳဂမၠိုင် ‘တဳလပိုဉ်ဂမၠိုင် မမိက်ကဵုညိညလေဝ် လ္ပဟီုသ္ဂးကဵု ခမဳဂှ်အိုတ်ညိ၊ ခမဳဂှ် ဓရ်ကရာလေဝ် မၞုံအလေံဟီုသ္ဂးရ၊ ခမဳဂှ်ညဳသာသၟဟ်သၟန်ကေုာံဝိနယ်လေဝ် မၞုံအလေံဟီုသ္ဂးရ၊ ခမဳဂှ် ဂိုင်ကေတ်ပၟိက်ကီု တင်ထံက်ပခိုင်ပိုဲညးဂမၠိုင်ကီုတုဲ ဟီုသ္ဂးရ၊ (ပၟိက်တင်ထံက်ပခိုင်) ပိုဲညးဂမၠိုင်လေဝ် သ္ဍိုက်မၠိုက်ဒးဂၞပ်ရ’ ရဴဝွံ ဟီုသ္ဂးအိုတ်မ္ဂး ခမဳဂမၠိုင် ‘တဳလပိုဉ်တအ်ညးဂမၠိုင် လ္ပဟီုရဴဝွံအိုတ်ညိ၊ ခမဳဂှ် မၞုံအလေံဟီုသ္ဂးဓရ် ဟွံသေင်ရ၊ ခမဳမၞုံအလေံဟီုသ္ဂး ညဳသာသၟဟ်သၟန် ကေုာံဝိနယ်လေဝ်ဟွံသေင်ရ၊ တဳလပိုဉ်တအ်ညးဂမၠိုင်လေဝ် လ္ပသ္ဍိုက်မၠိုက် ပွမပါ်ဒကးသင်အိုတ်ညိ၊ တဳလပိုဉ်တအ်ညးဂမၠိုင် ဩဝ်ညဳသာသၟဟ်သၟန်ကေုာံသင်ညိ၊ သင်မညဳသာသၟဟ်သၟန်ဂှ်ဟေင် အိုတ်တၟိုဟ်ဗွဲမဒးရးဒှ်တုဲ ဟွံမွဲပွမကယျာန်ဒဝါတ်ဒှ်တုဲ မၞုံကဵုပွမစၞောန်ထ္ၜး ပါတိမုက်မွဲစွံတုဲ သ္ဂောံပဒတဴ ဗွဲတသိုခ်ရ’ ရဴဝွံ သ္ဂးကဵုခမဳဂမၠိုင်ဂှ်အိုတ်ရ၊ ရဴဝွံဟေင် ခမဳဂမၠိုင် သီုဂပ်ဝ်သ္ဂးအိုတ်ရ၊ ခမဳဂမၠိုင်ဂှ် တုပ်နဲကိုပ်ကၠာဟေင် ယိုက်ဒိုက်ဂိုင်ကေတ်အိုတ်မ္ဂး၊ တၞဟ်နကဵုသၠးကၠေံကွေတ်ဂှ် စဵုကဵုပေင်ပိဝါ ခမဳဂမၠိုင် ဂပ်ဝ်ဒၠောံဗတောန် ခမဳဂမၠိုင်ဂှ် ဗွဲမဒးရးအိုတ်ရ၊ စဵုကဵုပေင်ပိဝါ ဂပ်ဝ်ဒၠောံဗတောန် ဗွဲမဒးရးအိုတ်နေဝ် ယဝ်သၠးကၠေံကွေတ်ဂှ်အိုတ်မ္ဂး၊ ပွမသၠးကၠေံရဴဝွံ ခိုဟ်သန်ရ၊ ယဝ်ဟွံသၠးကၠေံအိုတ်မ္ဂး (ကုခမဳဂမၠိုင်ဂှ်) ဒးအာပတ်သံဃာဒိသေသ်ရ ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

၂.၁၁.၂။ ပွံက်ဘေဒါနုဝတ္တကသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

၂.၁၁.၂။ ပွံက်ဘေဒါနုဝတ္တကသိက္ခာပိုဒ် 419) ခမဳဂှ်ဟေင် မ္ဂးဂှ် ခမဳမလေပ်ပါ်ဒကးသင်ဂှ်။ ခမဳဂမၠိုင်နွံအိုတ်ရ မ္ဂးဂှ် ခမဳသအာင်ဂမၠိုင် နွံအိုတ်ရ။ ဍေံမဒ္ဂေတ်ဗက်လက္ကရဴ မ္ဂးဂှ် ခမဳသံဃဘေဒကဂှ် ယြဴကွေတ်တင်ပတှေ်ကေတ်မွဲနွံရ၊ ယြဴပွမသ္ဍိုက်မၠိုက်တုပ်စိုတ်မွဲနွံရ၊ ယြဴပွမဒးဂၞပ်ပြေစိုတ်မွဲ နွံရ၊ ခမဳဘေဒါနုဝတ္တကဂမၠိုင်ဂှ်လေဝ် မၞုံကဵုကွေတ် တင်ပတှေ်ကေတ်ဂှ်အိုတ်ရ၊ မၞုံကဵုပွမသ္ဍိုက်မၠိုက်တုပ်စိုတ်ဂှ်အိုတ်ရ၊ မၞုံကဵုပွမဒးဂၞပ် ပြေစိုတ်ဂှ်အိုတ်ရ။ ဍေံမလေပ်ဟီုသ္ဂး ဂလာန်ပါ်ဒကး မ္ဂးဂှ် ဍေံမတန်တဴတၞဟ်နဂုဏ် တၞဟ်နဗော်သွးခမဳသံဃဘေဒကဂှ်။ မွဲဇကုကီု ၜါဇကုဂမၠိုင်ကီု ပိဇကုဂမၠိုင်ကီု မ္ဂးဂှ် မွဲဇကုကီု၊ ၜါဇကုဂမၠိုင်ကီု ပိဇကုဂမၠိုင်ကီု နွံအိုတ်ရ၊ ခမဳဂမၠိုင်ဂှ် “တဳလပိုဉ်ဂမၠိုင် မမိက်ကဵုညိညလေဝ် လ္ပဟီုသ္ဂး ကဵုခမဳဂှ်အိုတ်ညိ၊ ခမဳဂှ် ဓရ်ကရာလေဝ် မၞုံအလေံဟီုသ္ဂးရ၊ ခမဳဂှ် ညဳသာသၟဟ်သၟန် ကေုာံဝိနယ်လေဝ် မၞုံအလေံဟီုသ္ဂးရ၊ ခမဳဂှ် ဂိုင်ကေတ်ပၟိက်ကီု တင်ထံက်ပခိုင်ပိုဲညးဂမၠိုင်ကီုတုဲ ဟီုသ္ဂးတဴရ၊ (ပၟိက်တင်ထံက်ပခိုင်) ပိုဲညးဂမၠိုင်လေဝ်တီရ၊ ဟီုသ္ဂးတဴကေုာံကွေတ် တင်ပတှေ်ကေတ်ပိုဲညးဂမၠိုင်ရ၊ ပွဂှ် ပိုဲညးဂမၠိုင်လေဝ် သ္ဍိုက်မၠိုက်ဒးဂၞပ်ရ” ရဴဝွံ ဟီုသ္ဂးအိုတ်မ္ဂး။ ခမဳဂမၠိုင်ဂှ် မ္ဂးဂှ် ခမဳမဒ္ဂေတ်ဗက်လက္ကရဴဂမၠိုင်ဂှ်။ ခမဳဂမၠိုင် မ္ဂးဂှ် ခမဳသအာင်ဂမၠိုင်။ ယြဴခမဳဂမၠိုင် ညာတ်အိုတ်ရ၊ ယြဴခမဳဂမၠိုင် မိင်အိုတ်ရ၊ ခမဳဂမၠိုင်ဂှ် “တဳလပိုဉ်တအ်ညးဂမၠိုင် လ္ပဟီု ရဴဝွံအိုတ်ညိ၊ ခမဳဂှ် မၞုံအလေံဟီုသ္ဂးဓရ်လေဝ် ဟွံသေင်ရ၊ ခမဳဂှ် မၞုံအလေံဟီုသ္ဂး ညဳသာသၟဟ်သၟန် ကေုာံဝိနယ်လေဝ် ဟွံသေင်ရ၊ တဳလပိုဉ်တအ်ညးဂမၠိုင်လေဝ် လ္ပသ္ဍိုက်မၠိုက် ပွမပါ်ဒကးသင်အိုတ်ညိ၊ တဳလပိုဉ်တအ်ညးဂမၠိုင် ဩဝ်ညဳသာသၟဟ်သၟန်ကေုာံသင်ညိ၊ သင်မညဳသာသၟဟ်သၟန်ဂှ်ဟေင် အိုဟ်တၟိုဟ်ဗွဲမဒးရးဒှ်တုဲ ဟွံမွဲပွမကယျာန်ဒဝါတ်ဒှ်တုဲ မၞုံကဵုပွမစၞောန်ထ္ၜးပါတိမုက်မွဲစွံဒှ်တုဲ သ္ဂောံပဒတဴ ဗွဲတသိုခ်ရ” ရဴဝွံ ဟီုသ္ဂးအိုတ်ရ။ မရနုက်ကဵုၜါဝါလေဝ် ဂပ်ဝ်သ္ဂးအိုတ်ရ၊ မရနုက်ကဵုပိဝါလေဝ် ဂပ်ဝ်ဟီုသ္ဂးအိုတ်ရ။ ယဝ်သၠးကၠေံအိုတ်မ္ဂး၊ ပွမသၠးကၠေံဂှ် ခိုဟ်သန်ရ၊ ယဝ်ဟွံသၠးကၠေံအိုတ်မ္ဂး ဒးအာပတ်ဒုက္ကဋ်ရ။ မိင်တုဲ ဟွံဟီုသ္ဂးအိုတ်မ္ဂး၊ ဒးအာပတ်ဒုက္ကဋ်ရ၊ ခမဳဂှ် ဇရေင်လဒေါဝ်သင်လေဝ် ကော်ဏာတုဲ “တဳလပိုဥ်တအ်ညးဂမၠိုင် လ္ပဟီု ရဴဝွံအိုတ်ညိ၊ ခမဳဂှ် မၞုံအလေံဟီုသ္ဂး ဓရ်လေဝ် ဟွံသေင်ရ၊ ခမဳဂှ် မၞုံအလေံဟီုသ္ဂး ညဳသာသၟဟ်သၟန်ကေုာံဝိနယ်လေဝ် ဟွံသေင်ရ၊ တဳလပိုဉ်တအ်ညးဂမၠိုင်လေဝ် လ္ပသ္ဍိုက်မၠိုက် ပွမပါ်ဒကးသင်အိုတ်ညိ၊ တဳလပိုဉ်တအ်ညးဂမၠိုင် ဩဝ်ညဳသာသၟဟ်သၟန်ကေုာံသင်ညိ၊ သင်မညဳသာသၟဟ်သၟန်ဂှ်ဟေင် အိုတ်တၟိုဟ်ဗွဲမဒးရးဒှ်တုဲ ဟွံမွဲပွမကယျာန်ဒဝါတ်ဒှ်တုဲ မၞုံကဵုပွမစၞောန်ထ္ၜးပါတိမုက်မွဲစွံဒှ်တုဲ သ္ဂောံပဒတဴဗွဲတလသိုခ်ရ” ရဴဝွံ ဂပ်ဝ်ဟီုသ္ဂးအိုတ်ရ။ မရနုက်ကဵုၜါဝါလေဝ် ဂပ်ဝ်ဟီုသ္ဂးအိုတ်ရ၊ မရနုက်ကဵုပိဝါလေဝ် ဂပ်ဝ်ဟီုသ္ဂးအိုတ်ရ။ ယဝ်သၠးထောံအိုတ်မ္ဂး၊ ပွမသၠးကၠေံဂှ် ခိုဟ်သန်ရ၊ ယဝ်ဟွံသၠးကၠေံအိုတ်မ္ဂး ဒးအာပတ်ဒုက္ကဋ်ရ။ ဂပ်ဝ်ဒးဒၠောံဗတောန် ခမဳဂမၠိုင်ဂှ် ဗွဲဒးရးအိုတ်ရ၊ ယွံခမဳတအ် ရဴဝွံဟေင် သ္ဒးဒၠောံဗတောန် ဗွဲမဒးရးရ၊ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသင်တီရ။


420) ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳဂမၠိုင်မၞုံယၟုဝွံ ဒ္ဂေတ်ဗက်လက္ကရဴ ခမဳမၞုံယၟုဝွံ မသ္ပလွဳပရာ တၞဟ်နပွမပါ်ဒကးသင်တုဲ ဟီုသ္ဂးဂလာန် ပါ်ဒကးအိုတ်ရ၊ ခမဳဂမၠိုင်ဂှ် ဟွံသၠးကၠေံကွေတ်ဂှ်အိုတ်ရ၊ ကမ်မၞုံကဵုအခိင် မဗဗွဲကုသင် ယဝ်ဒှ်မ္ဂး၊ တၞဟ်နကဵုသၠးကၠေံကွေတ်ဂှ် သင်သ္ဒးဒၠောံဗတောန် ခမဳဂမၠိုင်မၞုံယၟုဝွံ မၞုံယၟုဝွံဗွဲမဒးရးရ၊ ဣဝွံတုန် ပွမကဵုတီရောင်။ ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳဂမၠိုင်မၞုံယၟုဝွံ မၞုံယၟုဝွံ ဒ္ဂေတ်ဗက်လက္ကရဴ ခမဳမၞုံယၟုဝွံ မသ္ပလွဳပရာ တၞဟ်နပွမပါ်ဒကးသင်တုဲ ဟီုသ္ဂးဂလာန် ပါ်ဒကးအိုတ်ရ၊ ခမဳဂမၠိုင်ဂှ် ဟွံသၠးကၠေံကွေတ်ဂှ်အိုတ်ရ၊ တၞဟ်နကဵုသၠးကေၠံကွေတ်ဂှ်ဂှ် သင်သ္ဒးဒၠောံဗတောန် ခမဳဂမၠိုင်မၞုံယၟုဝွံ မၞုံယၟုဝွံ ဗွဲမဒးရးရ၊ ယြဴကုတဳလပိုဉ်မွဲ တၞဟ်နကဵုသၠးကၠေံကွေတ်ဂှ် သ္ဍိုက်မၠိုက်ပွမဒၠောံဗတောန် ခမဳဂမၠိုင်မၞုံယၟုဝွံ မၞုံယၟုဝွံ ဗွဲမဒးရးရ၊ တဳလပိုဉ်ဂှ် သ္ဒးဒၟံင်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ။ ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳဂမၠိုင်မၞုံယၟုဝွံ မၞုံယၟုဝွံဒ္ဂေတ်ဗက်လက္ကရဴ ခမဳမၞုံယၟုဝွံ မသ္ပလွဳပရာ တၞဟ်နပွမပါ်ဒကးသင်တုဲ ဟီုသ္ဂးဂလာန်ပါ်ဒကးအိုတ်ရ၊ ခမဳဂမၠိုင်ဂှ် ဟွံသၠးကၠေံကွေတ်ဂှ်အိုတ်ရ၊ တၞဟ်နကဵုသၠးကၠေံကွေတ်ဂှ် သင်သ္ဒးဒၠောံဗတောန် ခမဳဂမၠိုင်မၞုံယၟုဝွံ မၞုံယၟုဝွံ ဗွဲမဒးရးရ၊ ယြဴကုတဳလပိုဉ်မွဲ တၞဟ်နကဵုသၠးကၠေံကွေတ်ဂှ်သ္ဍိုက်မၠိုက် ပွမဒၠောံဗတောန် ခမဳဂမၠိုင် မၞုံယၟုဝွံ မၞုံယၟုဝွံ ဗွဲမဒးရးရ၊ တဳလပိုဉ်ဂှ် သ္ဒးဒၟံင်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ တၞဟ်နကဵုသၠးကၠေံကွေတ်ဂှ် သင်ဂပ်ဝ်ဒၠောံဗတောန် ခမဳဂမၠိုင်မၞုံယၟုဝွံ မၞုံယၟုဝွံ ဗွဲမဒးရးတုဲရ၊ ကုသင်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံင်ကၞပ်သ္ၚောံသ္ၚိတ်ဇြရ၊ နမဒၟံင်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။


421) ပ္ဍဲလအိတ်ဉတ် ဒးအာပတ်ဒုက္ကဋ်ရ၊ ပ္ဍဲလအိတ်ကမ္မဝါစ်ဂမၠိုင်ၜါဝါ ဒးအာပတ်ထုလ္လစယ်ရ၊ ပ္ဍဲလအိတ်ကမ္မဝါစ် ဒးအာပတ်သံဃာဒိသေသ်ရ။ ကုခမဳ မအာစိုပ်သံဃာဒိသေသ် ဒုက္ကဋ်ဂှ် ပ္ဍဲလအိတ်ဉတ် ထုလ္လစ္စယ်ပ္ဍဲလအိတ်ကမ္မဝါစ်ဂမၠိုင် ၜါဝါဂမၠိုင်ဂှ် လလမ်အိုတ်ရ။ ၜါဇကုပိဇကုဂမၠိုင် ဂပ်ဝ်ဒၠောံဗတောန် မွဲဂကောံဓဝ်အိုတ်ရ၊ လောန်လတူ (ၜါဇကုပိဇကုဂမၠိုင်ဂှ် ဟဂပ်ဝ်ဒၠောံဗတောန်အိုတ်ရ။ သံဃာဒိသေသ် မ္ဂးဂှ် ။ ပ ။ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်ရ” ရ။


422) ပ္ဍဲဓမ္မကမ် မၞုံပွမသမ္တီထေင်ကေတ် ဓမ္မကမ်တုဲ ဟွံသၠးကၠေံအိုတ်မ္ဂး၊ ဒးအာပတ်သံဃာဒိသေသ်ရ။ ပ္ဍဲဓမ္မကမ် မၞုံသၠေဟ်ပၟာတုဲ ဟွံသၠးကၠေံအိုတ်မ္ဂး၊ ဒးအာပတ်သံဃာဒိသေသ်ရ။ ပ္ဍဲဓမ္မကမ် မၞုံပွမသမ္တီထေင်ကေတ် အဓမ္မကမ်တုဲ ဟွံသၠးကၠေံအိုတ်မ္ဂး၊ ဒးအာပတ်သံဃာဒိသေသ်ရ။ ပ္ဍဲအမ္မကမ် မၞုံပွမသမ္တီထေင်ကေတ် ဓမ္မကမ်တုဲ ဟွံသၠးကၠေံအိုတ်မ္ဂး ဒးအာပတ်ဒုက္ကဋ်ရ။ ပ္ဍဲအဓမ္မကမ် မၞုံသၠေဟ်ပၟာတုဲ ဟွံသၠးကၠေံအိုတ်မ္ဂး ဒးအာပတ်ဒုက္ကဋ်ရ။ ပ္ဍဲအဓမ္မကမ် မၞုံပွမသမ္တီထေင်ကေတ် အဓမ္မကမ်တုဲ ဟွံသၠးကၠေံအိုတ်မ္ဂး ဒးအာပတ်ဒုက္ကဋ်ရ။


423) ကုခမဳ မဟဂပ်ဝ်ဒၠောံဗတောန် ဗွဲမဒးရး (နဉတ်ကမ္မဝါစ်) ခမဳသၠးကၠေံကွေတ် ခမဳကြအ်ဥမ္မတ် ခမဳစိုတ်ကလှ်လဖှ် ခမဳဝေဒနာပ္ဍဵုပ္ဍိုက် ခမဳကလိလောန်ကၠာတဲဂမၠိုင်ဂှ် ဟွံဒးအာပတ်ရ။ ဘေဒါနုဝတ္တကသိက္ခာပိုဒ် ဨကာဒသမတုဲရ။

၂.၁၂။ ဒုဗ္ဗစသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

424) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာဃောသိတာရာမ် ဇရေင်ဍုင်ကောသမ္ဗဳဂှ် တဳလပိုဉ်ဆန္န ဒ္ဂေတ်တဴဒ္ဂေတ်ဟွံဗဗွဲရ၊ ခမဳဂမၠိုင် “ယွံကောန်တၠဆန္န လ္ပသ္ပပွမၞုံသဘဴရဴဝွံညိ၊ ပွဝွံ ဟွံဂပ်ဝ်ရ” ရဴဝွံ ဟီုသ္ဂးအိုတ်ရ။ တဳလပိုဉ်ဆန္နဂှ် “ယွံကောန်တၠတအ် မၞးတအ်ညးဂမၠိုင် ထေက်ကဵုဟီုကဵုအဲရ ရဴဝွံ မုဟိုတ်သမ္တီကေတ်အိုတ်ဂှ်ရော? အဲဟေင် ထေက်ကဵုဟီုသ္ဂး ကဵုမၞးတအ်ညးဂမၠိုင်ရ၊ ကျာ်ပိုဲတအ်ညးဂမၠိုင်ရ၊ ကောန်နာဲ ပိုဲတအ်ညးဂမၠိုင် ဂပ်ဝ်ထပက်ခၠင်ဂြင်တီကေတ် ဓရ်တုဲရ၊ ဥပမာမ္ဂးတုန် လဗိုတ်ကျာမသကာတ်မြဟ် ပိုက်လွိင်ကၠုင်မ္ဂး ချောဲတၞာင်ဆု တၞးဆုကှ်ကှ်ဂမၠိုင် သၟဟ်ညံင်ရဴပကောံဂအုံလဝ် မွဲစွံဓဝ်တုဲဒှ်ကီု ဇၟောဝ်ဍာ်ကြုင် မဇွောဝ်စှေ်ကၠုင်နူက္ဍဟ်ဒဵုဂှ် သၟဟ်ညံင်ရဴပကောံဂအုံလဝ် သွိသွန်အိက်ၚာ်သွးဂမၠိုင် မွဲစွံဓဝ်တုဲဒှ်ကီု တုပ်သၟဟ်သာ်ဝွံဟေင် ဂပ်ဝ်ကဵုပကောံလဝ် မၞးတအ်ညးဂမၠိုင် မသ္ပခမဳနူတၞဟ်တၞဟ် မၞုံယၟုတၞဟ်တၞဟ် မၞုံတၞောဝ်တၞဟ်တၞဟ် မၞုံဇာတ်တၞဟ်တၞဟ် မွဲစွံအိုတ်ရ၊ ယွံကောန်တၠတအ် မၞးတအ်ညးဂမၠိုင် ထေက်ကဵုဟီုကဵုအဲရ ရဴဝွံ မုဟိုတ် သမ္တီကေတ်အိုတ်ဂှ်ရော? အဲဟေင်ထေက်ကဵုဟီုသ္ဂး ကဵုမၞးတအ်ညးဂမၠိုင်ရ၊ ကျာ်ပိုဲတအ်ညးဂမၠိုင်ရ၊ ဓရ်ပိုဲတအ်ညးဂမၠိုင်ရ၊ ကောန်နာဲပိုဲတအ်ညးဂမၠိုင် ဂပ်ဝ်ထပက်ခၠင်ဂြင်တီကေတ် ဓရ်တုဲရ” ရဴဝွံ ဟီုသ္ဂးရ။ ခမဳပၟိက်အောန်ဂမၠိုင်ဂှ် “တဳလပိုဉ်ဆန္န ခမဳဂမၠိုင် ဂပ်ဝ်ဒၠောံဗတောန် နသိက္ခာပိုဒ်ဂှ်မ္ဂး မုဟိုတ်သ္ဂောံသ္ပတဴ ဟွံထေက်ကဵုဟီုဒၠောံဗတောန်ဇကုဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် တဳလပိုဉ်ဆန္န နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ ယွံဆန္န တၠအဲ ခမဳဂမၠိုင်ဂပ်ဝ်ဒၠောံဗတောန် နသိက္ခာပိုဒ်ဂှ်မ္ဂး သ္ပတဴဟွံထေက်ကဵု ဟီုဒၠောံဗတောန်ဇကုရဟီုဂှ် ဍာံပြဟာ ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ ယွံတြုံမလ္ၚုသၟး (နူမဂ်ဖိုလ်) ခမဳဂမၠိုင် ဂပ်ဝ်ဒၠောံဗတောန် နသိက္ခာပိုဒ်ဂှ်မ္ဂး မုဟိုတ် တၠအဲ သ္ဂောံသ္ပတဴဟွံထေက်ကဵု ဟီုဒၠောံဗတောန်ဇကုဂှ်ရော? ယွံတြုံမလ္ၚုသၟး (နူမဂ်ဖိုလ်) (ပွတၠအဲသ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜး သိက္ခာပိုဒ်ဝွံအိုတ်ညိ။


425) ခမဳဂှ် ဒှ်ညးမၞုံသဘဴ ဟီုဒၠောံဗတောန်ဝါတ် နသိက္ခာပိုဒ်ဂမၠိုင် မကၠုင်ပ္ဍဲပါတိမုက်ဟေင်ရ၊ ခမဳဂမၠိုင် ဂပ်ဝ်ဟီုဒၠောံဗတောန် နသိက္ခာပိုဒ်မ္ဂး ‘တဳလပိုဉ်တအ်ညးဂမပိုင် ခိုဟ်ကီု ပရေအ်ကီု မမိက်ကဵုညိည လ္ပဟီုကဵုအဲဍိက်အိုတ်ညိ၊ အဲဍိက်လေဝ် ခိုဟ်ကီု ပရေအ်ကီု မမိက်ကဵုညိည ကြက်ဟွံဟီုသ္ဂးကဵု တဳလပိုဉ်တအ်ညးဂမၠိုင်ရ၊ တဳလပိုဉ်တအ်ညးဂမၠိုင် ဩဝ်ဝေင်ပါဲကၠေံ နူပွမဟီုဒၠောံဗတောန် အဲဍိက်အိုတ်ညိ’ ရဴဝွံ သ္ပတဴဟွံထေက်ကဵု ဟီုသ္ဂးကဵုဇကုရ၊ ခမဳဂမၠိုင် ‘တဳလပိုဉ် လ္ပသ္ပတဴပွမဟွံထေက်ကဵု ဟီုသ္ဂးကဵုဇကုညိ၊ တဳလပိုဉ် ဩဝ်သ္ပတဴပွမထေက်ကဵု ဟီုသ္ဂးကဵုဇကုဟေင်ညိ၊ တဳလပိုဉ်လေဝ် ဩဝ်ဟီုသ္ဂးကဵုခမဳဂမၠိုင် နဟိုတ်မဗဗွဲကဵုဓရ်ညိ၊ ခမဳဂမၠိုင်လေဝ် ကြက်ဟီုသ္ဂးကဵုတဳလပိုဉ် နဟိုတ်မဗဗွဲကဵုဓရ်အိုတ်ရ၊ ရဴသာ်ဝွံ နပွမဒၠောံဗတောန်ရင်သကအ် ပွမကဵုဒၠိုက်ကတဵု နူအာပတ်ရင်သကအ်ဝွံဟေင် ပရိသာတ်ကျာ်တြဲဂှ် အာစိုပ်ပွမဇၞော်မောဝ်မာန်ရ’ ရဴဝွံ သ္ဒးဟီုသ္ဂးကဵုခမဳဂှ်ရ၊ ရဴဝွံဟေင် ခမဳဂမၠိုင် သီုဂပ်ဝ်သ္ဂးတဴ ခမဳဂှ် တုပ်နဲကိုပ်ကၠာဟေင် ယိုက်ဒိုက်ဂိုင်ကေတ်မ္ဂး၊ တၞဟ်နကဵုသၠးကၠေံကွေတ်ဂှ် စဵုကဵုပေင်ပိဝါ ခမဳဂမၠိုင် ဂပ်ဝ်ဒၠောံဗတောန်ခမဳဂှ် ဗွဲမဒးရးရ၊ စဵုကဵုပေင်ပိဝါ ဂပ်ဝ်ဒၠောံဗတောန်ဗွဲမဒးရးနေဝ် ယဝ်သၠးကၠေံကွေတ်ဂှ်မ္ဂး ပွမသၠးကၠေံ ရဴဝွံ ခိုဟ်သန်ရ၊ ယဝ်ဟွံသၠးကၠေံမ္ဂး (ကုခမဳဂှ်) ဒးအာပတ်သံဃာဒိသေသ်ရ ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

၂.၁၂.၁။ ပွံက်ဒုဗ္ဗစသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

426) ခမဳဂှ် ဒှ်ညးမၞုံသဘဴ ဟီုဒၠောံဗတောန်ဝါတ်ဟေင် ဒှ်ရ မ္ဂးဂှ် ဍိုက်ပေင်တဴကေုာံဓရ်ဂမၠိုင် မလေပ်သ္ပကဵု ပွမဟီုဒၠောံဗတောန်ဝါတ်ဒှ်တုဲ ဟီုဒၠောံဗတောန်ဝါတ်ရ၊ ဟွံမွဲကဵုအေင်ဒုင်ရ၊ ဟွံကလင်ဂိုင်ကေတ် ဒၠောံဗတောန် ဗွဲမရှေ်သှေ်ရဴဂဴရ။ နသိက္ခာပိုဒ်ဂမၠိုင် မကၠုင်ပ္ဍဲပါတိမုက် မ္ဂးဂှ် နသိက္ခာပိုဒ်ဂမၠိုင် မလုပ်လၟိဟ်ပ္ဍဲပါတိမုက်။ ခမဳဂမၠိုင် မ္ဂးဂှ် ခမဳသအာင်ဂမၠိုင်။ နဟိုတ်မဗဗွဲကဵုဓရ် မ္ဂးဂှ် ယြဴသိက္ခာပိုဒ်မွဲ တဳလမၞုံပိုဉ်ကျာ်တြဲ ပညပ်လဝ်ရ၊ သိက္ခာပိုဒ်ဂှ် ဟိုတ်မဗဗွဲကဵုဓရ်မ္ဂးရ၊ ဂပ်ဝ်ဟီုဒၠောံဗတောန် နဟိုတ်မဗဗွဲကဵုဓရ်ဂှ်မ္ဂး “တဳလပိုဉ်တအ်ညးဂမၠိုင် ခိုဟ်ကီု ပရေအ်ကီု မမိက်ကဵုညိည လ္ပဟီုကဵုအဲဍိက်အိုတ်ညိ၊ အဲဍိက်လေဝ ခိုဟ်ကီု ပရေအ်ကီု မမိက်ကဵုညိည ကြက်ဟွံဟီုသ္ဂးကဵုတဳလပိုဉ်တအ်ညးဂမၠိုင်ရ၊ တဳလပိုဉ်တအ်ညးဂမၠိုင် ဩဝ်ဝေင်ပါဲကၠေံ နူပွမဟီုဒၠောံဗတောန် အဲဍိက်အိုတ်ညိ” ရဴဝွံ သ္ပတဴ ဟွံထေက်ကဵုဟီုသ္ဂးကဵုဇကုရ။ ခမဳဂှ် မ္ဂးဂှ် ယြဴခမဳမွဲ ဟီုဒၠောံဗတောန်ဝါတ်ရ၊ ခမဳဂှ်။ ခမဳဂမၠိုင် မ္ဂးဂှ် ခမဳသအာင်ဂမၠိုင်။ ယြဴခမဳဂမၠိုင် ညာတ်အိုတ်ရ၊ ယြဴခမဳဂမၠိုင် မိင်အိုတ်ရ၊ ခမဳဂမၠိုင်ဂှ် “တဳလပိုဥ် လ္ပသ္ပတဴ ပွမဟွံထေက်ကဵု ဟီုသ္ဂးကဵုဇကုညိ၊ တဳလပိုဉ် ဩဝ်သ္ပတဴ ပွမထေက်ကဵုဟီုသ္ဂး ကဵုဇကုဟေင်ညိ၊ တဳလပိုဉ်လေဝ် ဩဝ်ဟီုသ္ဂးကဵုခမဳဂမၠိုင် နဟိုတ်မဗဗွဲကဵုဓရ်ညိ၊ ခမဳဂမၠိုင်လေဝ် ကြက်ဟီုသ္ဂးကဵုတဳလပိုဉ် နဟိုတ်မဗဗွဲကဵုဓရ်အိုတ်ရ၊ ရဴသာ်ဝွံ နပွမဒၠောံဗတောန်ရင်သကအ် ပွမကဵုဒၠိုက်ကတဵုနူအာပတ် ရင်သကအ်ဝွံဟေင် ပရိသာတ်ကျာ်တြဲဂှ် အာစိုပ်ပွမဇၞော်မောဝ်မာန်ရ” ရဴဝွံ သ္ဒးဟီုသ္ဂးရ။ မရနုက်ကဵုၜါဝါလေဝ် သ္ဒးဟီုသ္ဂးရ၊ မရနုက်ကဵုပိဝါလေဝ် သ္ဒးဟီုသ္ဂးရ။ ယဝ်သၠးကၠေံတဴမ္ဂး၊ ပွမသၠးကၠေံဂှ် ခိုဟ်သန်ရ၊ ယဝ်ဟွံသၠးကၠေံမ္ဂး ဒးအာပတ်ဒုက္ကဋ်ရ၊ မိင်တုဲ ဟွံဟီုသ္ဂးအိုတ်မ္ဂး ဒးအာပတ်ဒုက္ကဋ်ရ၊ ခမဳဂှ် ဇရေင်လဒေါဝ်သင်လေဝ် ကော်ဏာတုဲ “တဳလပိုဉ် လ္ပသ္ပတဴ ပွမဟွံထေက်ကဵု ဟီုသ္ဂးကဵုဇကုညိ ။ ပ ။ ပွမကဵုဒၠိုက်ကတဵုနူအာပတ် ရင်သကအ်ဝွံ ပရိသာတ်ကျာ်တြဲဂှ် အာစိုပ်ပွမဇၞော်မောဝ်မာန်ရ” ရဴဝွံ (သ္ဒးဟီုသ္ဂးရ)။ မရနုက်ကဵုၜါဝါလေဝ် သ္ဒးဟီုသ္ဂးရ၊ မရနုက်ကဵုပိဝါလေဝ် သ္ဒးဟီုသ္ဂးရ။ ယဝ်သၠးကၠေံတဴမ္ဂး ပွမသၠးကၠေံဂှ် ခိုဟ်သန်ရ၊ ယဝ်ဟွံသၠးကၠေံမ္ဂး ဒးအာပတ်ဒုက္ကဋ်ရ။ ဂပ်ဝ်ဒးဒၠောံဗတောန် ခမဳဂှ် ဗွဲမဒးရး (နဉတ်ကမ္မဝါစ်) ရ၊ ယွံခမဳတအ် ရဴဝွံဟေင် သ္ဒးဒၠောံဗတောန် ဗွဲမဒးရးရ၊ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသင်တီရ။


427) ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ ခမဳဂမၠိုင် ဂပ်ဝ်ဒၠောံဗတောန် နသိက္ခာပိုဒ်မ္ဂး သ္ပတဴဟွံထေက်ကဵု ဟီုသ္ဂးကဵုဇကုရ၊ ခမဳဂှ်ဟွံသၠးကၠေံကွေတ်ဂှ်ရ၊ ကမ်မၞုံကဵုအခိင် မဗဗွဲကုသင် ယဝ်ဒှ်မ္ဂး တၞဟ်နကဵုသၠးကၠေံကွေတ်ဂှ် သင်သ္ဒးဒၠောံဗတောန် ခမဳမၞုံယၟုဝွံ ဗွဲမဒးရးရ၊ ဣဝွံတုန် ပွမကဵုတီရောင်။ ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ ခမဳဂမၠိုင် ဂပ်ဝ်ဟီုဒၠောံဗတောန် နသိက္ခာပိုဒ်မ္ဂး သ္ပတဴဟွံထေက်ကဵု ဟီုသ္ဂးကဵုဇကုရ၊ ခမဳဂှ်ဟွံသၠးကၠေံကွေတ်ဂှ်ရ၊ တၞဟ်နကဵုသၠးကၠေံကွေတ်ဂှ် သင်ဒၠောံဗတောန် ခမဳမၞုံယၟုဝွံ ဗွဲမဒးရးရ၊ ယြဴကုတဳလပိုဉ်မွဲ တၞဟ်နကဵုသၠးကၠေံကွေတ်ဂှ် သ္ဍိုက်မၠိုက်ပွမဒၠောံဗတောန် ခမဳမၞုံယၟုဝွံ ဗွဲမဒးရးရ၊ တဳလပိုဉ် သ္ဒးဒၟံင်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ။ ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ ခမဳဂမၠိုင် ဂပ်ဝ်ဟီုဒၠောံဗတောန် နသိက္ခာပိုဒ်မ္ဂး သ္ပတဴဟွံထေက်ကဵု ဟီုသ္ဂးကဵုဇကုရ၊ ခမဳဂှ်ဟွံသၠးကၠေံကွေတ်ဂှ်ရ၊ တၞဟ်နကဵုသၠးကၠေံကွေတ်ဂှ် သင်ဒၠောံဗတောန် ခမဳမၞုံယၟုဝွံ ဗွဲမဒးရးရ၊ ယြဴကုတဳလပိုဉ်မွဲ တၞဟ်နကဵုသၠးကၠေံကွေတ်ဂှ် သ္ဍိုက်မၠိုက်ပွမဒၠောံဗတောန် ခမဳမၞုံယၟုဝွံ ဗွဲမဒးရးရ၊ တဳလပိုဉ် သ္ဒးဒၟံင်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ တၞဟ်နကဵုသၠးကၠေံကွေတ်ဂှ် သင်ဂပ်ဝ်ဒၠောံဗတောန် ခမဳမၞုံယၟုဝွံ ဗွဲမဒးရးရ၊ ကုသင်ဂှ်လေဝ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံင်ကၞပ်သ္ၚောံသ္ၚိတ်ဇြရ၊ နမဒၟံင်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။


428) ပ္ဍဲလအိတ်ဉတ် ဒးအာပတ်ဒုက္ကဋ်ရ၊ ပ္ဍဲလအိတ်ကမ္မဝါစ်ဂမၠိုင်ၜါဝါ ဒးအာပတ်ထုလ္လစ္စယ်ရ၊ ပ္ဍဲလအိတ်ကမ္မဝါစ် ဒးအာပတ်သံဃာဒိသေသ်ရ။ ကုခမဳ မအာစိုပ်သံဃာဒိသေသ်ဂှ် ဒုက္ကဋ် ပ္ဍဲလအိတ်ဉတ် ထုလ္လစ္စယ် ပ္ဍဲလအိတ်ကမ္မဝါစ်ဂမၠိုင် ၜါဝါဂမၠိုင်ဂှ် လလမ်အိုတ်ရ။ သံဃာဒိသေသ် မ္ဂးဂှ် ။ ပ ။ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်” ရ။


429) ပ္ဍဲဓမ္မကမ် မၞုံပွမသမ္တီထေင်ကေတ် ဓမ္မကမ်တုဲ ဟွံသၠးကၠေံမ္ဂး ဒးအာပတ်သံဃာဒိသေသ်ရ။ ပ္ဍဲဓမ္မကမ် မၞုံသၠေဟ်ပၟာတုဲ ဟွံသၠးကၠေံမ္ဂး ဒးအာပတ်သံဃာဒိသေသ်ရ။ ပ္ဍဲဓမ္မကမ် မၞုံပွမသမ္တီထေင်ကေတ် အဓမ္မကမ်တုဲ ဟွံသၠးကၠေံမ္ဂး ဒးအာပတ်သံဃာဒိသေသ်ရ။ ပ္ဍဲအဓမ္မကမ် မၞုံပွမသမ္တီထေင်ကေတ် ဓမ္မကမ်တုဲ ဟွံသၠးကၠေံမ္ဂး ဒးအာပတ်ဒုက္ကဋ်ရ။ ပ္ဍဲအဓမ္မကမ် မၞုံသၠေဟ်ပၟာတုဲ ဟွံသၠးကၠေံမ္ဂး ဒးအာပတ်ဒုက္ကဋ်ရ။ ပ္ဍဲအဓမ္မကမ် မၞုံပွမသမ္တီထေင်ကေတ် အဓမ္မကမ်တုဲ ဟွံသၠးကၠေံမ္ဂး ဒးအာပတ်ဒုက္ကဋ်ရ။


430) ကုခမဳ မဟဂပ်ဝ်ဒၠောံဗတောန် ဗွဲမဒးရး (နဉတ်ကမ္မဝါစ်) ခမဳသၠးကၠေံကွေတ် ခမဳကြအ်ဥမ္မတ် ခမဳကလိလောန်ကၠာတဲဂှ် ဟွံဒးအာပတ်ရ။ ဒုဗ္ဗစသိက္ခာပိုဒ် ဒွါဒသမတုဲရ။

၂.၁၃။ ကုလဒူသကသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

၂.၁၃.၁။ ဝတ္ထုခမဳအဿဇိပုနဗ္ဗသုကဂမၠိုင်

[ပလေဝ်ဒါန် | ပလေဝ်ဒါန် တမ်ကၞက်]

431) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဲပြကာ သ္ပဒတဴတန်ဒၟံင် ပ္ဍဲဘာဇေတဝန် မဒှ်အာရှာမ် အနာထပိဏ္ဍိကသေဌဳ ဇရေင်ဍုင်သာရဝှ် ခမဳယုတ် မဟွံမွဲကဵုဂွဂလေံဂမၠိုင် မၞုံယၟုအဿဇိပုနဗ္ဗက ဒှ်နွံပိုဉ်ဂဇအ်ဘာဂမၠိုင် ပ္ဍဲကဳဋာဂိရိအိုတ်ရ။ ခမဳဂမၠိုင်ဂှ် ဒ္ဂေတ်သ္ပတဴ ဒ္ဂေတ်ယုတ်မာ မၞုံသဘဴရဴဝွံအိုတ်ရ၊ တဵုတဴတၞံပကဴသၟတ်အိုတ်ရ၊ ဖအောဝ်ကဵုညးသအာင်တဵုအိုတ်ရ၊ ကိုဟ်စဝ်စရိုဟ်ဍာ်အိုတ်ရ၊ ဖအောဝ်ကဵုကိုဟ်စဝ်စရိုဟ်ဍာ်အိုတ်ရ၊ ၜှ်ဂၠောင်အိုတ်ရ၊ ဖအောဝ်ကဵုၜှ်ဂၠောင်အိုတ်ရ၊ ကၞောတ်ဇန်အိုတ်ရ၊ ဖအောဝ်ကဵုကၞောတ်ဇန်အိုတ်ရ၊ သ္ပတဴဇၟန်ပကဴ မၞုံတဝ်မတိတ် မွဲလ္ပာ်အိုတ်ရ၊ ဖအောဝ်ကဵုသ္ပအိုတ်ရ၊ သ္ပတဴဇၟန်ပကဴ မၞုံတဝ်မတိတ် ၜါလ္ပာ်အိုတ်ရ၊ ဖအောဝ်ကဵုသ္ပအိုတ်ရ၊ သ္ပတဴပကဴ ဗ္တဗ္ဂဲအိုတ်ရ၊ ဖအောဝ်ကဵုသ္ပအိုတ်ရ၊ သ္ပတဴပကဴလကံက်တဲ (ဇၟန်ပကဴကဝး) အိုတ်ရ၊ ဖအောဝ်ကဵုသ္ပအိုတ်ရ၊ သ္ပတဴပကဴတဝ်စရှ်အိုတ်ရ၊ ဖအောဝ်ကဵုသ္ပအိုတ်ရ၊ သ္ပတဴသၞေက်၊ ပကဴဂ္ညိကတောဝ်အိုတ်ရ၊ ဖအောဝ်ကဵုသ္ပအိုတ်ရ၊ သ္ပတဴပကဴ ဂြောပ်သြိုဟ်အိုတ်ရ၊ ဖအောဝ်ကဵုသ္ပအိုတ်ရ။ ခမဳဂမၠိုင်ဂှ် တၞဟ်နဖဵုဗြဴကောန်ဂကူ ‘ဗြဴတၠလျိုင်’ ဗြဴဇၞော်ကောန်ဂကူ ‘ဝုတ်ဇၞော်’ သၟတ်ဗြဴကောန်ဂကူ ‘ဝုတ်သၟတ်’ ဂအှ်ဗြဴကောန်ဂကူ ဍိက်ဗြဴကောန်ဂကူဂမၠိုင် ရင်တၠုင်တဴဇၟန်ပကဴ မၞုံတဝ်မတိတ် မွဲလ္ပာ်အိုတ်ရ၊ ဖအောဝ်ကဵုရင်တၠုင်အိုတ်ရ၊ ရင်တၠုင်တဴ ဇၟန်ပကဴမၞုံတဝ်မတိတ် ၜါလ္ပာ်အိုတ်ရ၊ ဖအောဝ်ကဵုရင်တၠုင်အိုတ်ရ၊ ရင်တၠုင်တဴပကဴ ဗ္တဗ္ဂဲအိုတ်ရ၊ ဖအောဝ်ကဵုရင်တၠုင်အိုတ်ရ၊ ရင်တၠုင်တဴပကဴလကံက်တဲ (ဇၟန်ပကဴကဝး) အိုတ်ရ၊ ဖအောဝ်ကဵုရေင်တၠုင်အိုတ်ရ၊ ရင်တၠုင်တဴပကဴတဝ်စရှ်အိုတ်ရ၊ ဖအောဝ်ကဵုရင်တၠုင်အိုတ်ရ၊ ရင်တၠုင်တဴသၞေက်၊ ပကဴဂ္ညိကတောဝ်အိုတ်ရ၊ ဖအောဝ်ကဵုရင်တၠုင်အိုတ်ရ၊ ရင်တၠုင်တဴ ပကဴဂြောပ်သြိုဟ်အိုတ်ရ၊ ဖအောဝ်ကဵုရင်တၠုင်အိုတ်ရ။ ခမဳဂမၠိုင်ဂှ် မွဲဟာန်ကေုာံဗြဴကောန်ဂကူ ‘ဗြဴတၠလျိုင်’ ဗြဴဇၞော်ကောန်ဂကူ ‘ဝုတ်ဇၞော်’ သၟတ်ဗြဴကောန်ဂကူ ‘ဝုတ်သၟတ်’ ဂအှ်ဗြဴကောန်ဂကူ ဍိက်ဗြဴကောန်ဂကူဂမၠိုင် ပ္ဍဲမွဲပ္ၚာန်ခရော်ဓဝ်လေဝ် စဟာပ်အိုတ်ရ၊ ပ္ဍဲမွဲခရော်သုင်ဍာ်ဓဝ်လေဝ် သုင်အိုတ်ရ၊ ပ္ဍဲမွဲသၞာဓဝ်လေဝ် ဂဇအ်အိုတ်ရ၊ ပ္ဍဲမွဲဇံင်ခါတ်ဓဝ်လေဝ် တိက်အိုတ်ရ၊ ပ္ဍဲမွဲယာတ်လးဓဝ်လေဝ် တိက်အိုတ်ရ၊ ပ္ဍဲမွဲယာတ်လတက်ဓဝ်လေဝ် တိက်အိုတ်ရ၊ ပ္ဍဲမွဲယာတ်လး မွဲယာတ်လတက်ဓဝ်လေဝ် တိက်အိုတ်ရ၊ ပ္ဍဲဟွံသေင်ကဵုအခိင်လေဝ် စဟာပ်အိုတ်ရ၊ သိအရက်လေဝ် သုင်အိုတ်ရ၊ ပကဴသဴမြမောဝ်ဂစေအ်စၠန်လံက်ဗဗိုဟ်လေဝ် ပကင်ရင်အိုတ်ရ၊ လှေ်လေဝ်လှေ်အိုတ်ရ၊ ဂယှေ်လေဝ်ဂယှ်အိုတ်ရ၊ တိင်တိုက်လေဝ် တိင်တိုက်အိုတ်ရ၊ လှေ်လေဝ် လှေ်သာင်သောဝ်အိုတ်ရ၊ (ဗတောန်ထ္ၜးကဵု နဲလှေ်အိုတ်ရ) အလိုက်ဗြဴသၟာလှေ်လေဝ် လှေ်ဗက်အိုတ်ရ၊ အလိုက်ဗြဴသၟာလှေ်လေဝ် လှေ်သာင်သောဝ်အိုတ်ရ၊ အလိုက်ဗြဴသၟာဂယှေ်လေဝ် တိင်တိုက်ဗက်အိုတ်ရ၊ အလိုက်ဗြဴသၟာဂယှေ်လေဝ် လှေ်သာင်သောဝ်ဗက်အိုတ်ရ၊ အလိုက်ဗြဴသၟာဆေင်ဝေင်လေဝ် လှေ်ဗက်အိုတ်ရ၊ အလိုက်ဗြဴသၟာဆေင်ဝေင်လေဝ် ဂယှေ်ဗက်အိုတ်ရ၊ အလိုက်ဗြဴသၟာဆေင်ဝေင်လေဝ် တိင်တိုက်ဗက်အိုတ်ရ၊ အလိုက်ဗြဴသၟာဆေင်ဝေင်လေဝ် လှေ်သာင်သောဝ်အိုတ်ရ၊ အလိုက်ဗြဴသၟာဗတောန်လေဝ် လှေ်ဗက်အိုတ်ရ၊ အလိုက်ဗြဴသၟာဗတောန်လေဝ် ဂယှေ်ဗက်အိုတ်ရ၊ အလိုက်ဗြဴသၟာဗတောန်လေဝ် တိင်တိုက်ဗက်အိုတ်ရ၊ အလိုက်ဗြဴသၟာဗတောန်လေဝ် လှေ်သာင်သောဝ်ဗက်အိုတ်ရ။ ကၠဒ္စာံခန်လေဝ် ဝေင်အိုတ်ရ၊ ကၠစှ်ခန်လေဝ် ဝေင်တဴအိုတ်ရ၊ ကၠပ္ဍဲအမှဲအာကးလေဝ် ဝေင်တဴအိုတ်ရ၊ ကၠောန်သရက်ပ္ဍဲတိတုဲလေဝ် ဝေင်တဴအိုတ်ရ၊ နပွမပေါဟ်မခတ်လေဝ် ဝေင်အိုတ်ရ၊ နပွမဖျေံမပး ပ္ဍဲလတူခတဵုပးတုဲလေဝ် ဝေင်တဴအိုတ်ရ၊ နပွမတက်တင်ဏာင်လေဝ် ဝေင်တဴအိုတ်ရ၊ နကဵုဇြေဟ်ဒုန်ကရေက်လေဝ် ဝေင်တဴအိုတ်ရ၊ နပွမဝေင်မခနေအ်လေဝ် ဝေင်တဴအိုတ်ရ၊ နပွမဓဂိုဟ်ပေဝ်လေဝ် ဝေင်တဴအိုတ်ရ၊ နကဵုထဲသၟတ်လေဝ် ဝေင်တဴအိုတ်ရ၊ နပွမပစူတာ (နပွမဗတက်ဂတးဂတန်) လေဝ် ဝေင်တဴအိုတ်ရ၊ နကဵုစက်စာန်လေဝ် ဝေင်တဴအိုတ်ရ၊ နကဵုကၞာဲသၟတ်လေဝ် ဝေင်တဴအိုတ်ရ၊ နကဵုကွဳသၟတ်လေဝ် ဝေင်တဴအိုတ်ရ၊ နကဵုတ္ၚသၟတ်လေဝ် ဝေင်တဴအိုတ်ရ၊ နပွမပၞုက်အက္ခရ်လေဝ် ဝေင်တဴအိုတ်ရ၊ နပွမထၟံက်ပတိတ်ကသပ်စိုတ်လေဝ် ဝေင်တဴအိုတ်ရ၊ သ္ပမပ္တံကဵုညံင်ကၠက် ညံင်ခ္ဍဴ ညံင်ကုန်တုဲလေဝ် ဝေင်တဴအိုတ်ရ၊ ကွတ်စိင်လေဝ် ကတ်ဗတောန်အိုတ်ရ၊ ကွတ်ချေံလေဝ် ကတ်ဗတောန်အိုတ်ရ၊ ကွတ်ကွဳစောတ် (ရထာ) လေဝ် ကတ်ဗတောန်အိုတ်ရ၊ ကွတ်တ္ၚလေဝ် ကတ်ဗတောန်အိုတ်ရ၊ ကွတ်သာင်ၜုန်မြလေဝ် ကတ်ဗတောန်အိုတ်ရ၊ နူဂတစိင်လေဝ် ဂြိပ်အာအိုတ်ရ၊ နူဂတချေံလေဝ် ဂြိပ်အာအိုတ်ရ၊ နူဂတးကွဳစောတ် (ရထာ) လေဝ် ဂြိပ်အာဂြိပ်ကၠုင်အိုတ်ရ၊ သ္ပတဴညံင်ဒံင်သၠာ်တက်ၜုင်အိုတ်ရ၊ တက်လေဝ် တက်ကၞက်အိုတ်ရ၊ ကဝိုတ်လေဝ် ကဝိုတ်လက်ဗန်အိုတ်ရ၊ တက်လေဝ် တက်လက်ပၠုဲအိုတ်ရ။ ပ္ဍဲလဒေါဝ် ပေါဲလှေ်ဂမၠိုင်လေဝ် လးပၠးသကိုပ်တုဲ “ယွံဒေံဗြဴ ဩဝ်လှေ် ပ္ဍဲသၞာဝွံညိ” ရဴဝွံ ဟီုသ္ဂးကဵု ဗြဴသၟာလှေ်အိုတ်ရ၊ ခိုဟ်ကွံရ ခိုဟ်ကွေံရ ယွံဒေံဗြဴရဴဝွံ ကဵုလေဝ် ကဵုသာဓုကာအိုတ်ရ၊ လပုဟ်တဲဂမၠိုင် ပတိုန်စွံလဝ်လတူေကၞင်လေဝ် ဍံက်ကဵုအိုတ်ရ၊ ဒ္ဂေတ်ပွယုတ်မနာနာသာ်လေဝ် ဒ္ဂေတ်သ္ပအိုတ်ရ။


432) ပ္ဍဲအခိင်ဂှ် ခမဳမွဲဇကု ဒၠိုက်ကတဵုနူဝှ် ပ္ဍဲဇနပိုဒ်ကာသိရးတုဲ တၞဟ်နသွက်သ္ဂောံဗဵုလ္ၚောဝ် တဳလမၞုံပိုဉ်ကျာ်တြဲ အာတဴဍုင်သာရဝှ်မ္ဂး စိုပ်ကၠုင်ကဳဋာဂိရိရ၊ ပ္ဍဲအခိင်ဂှ်ပ္ဍဲအခိင်နူဂယး သၠောံရုင်လတက်ပဠေဝ်သ္ၚာတုဲမ္ဂး ဂိုင်ထ္ၜကေတ် ဗဗေင်သ္ၚာတုဲ မၞုံကဵုမတ်မဖျေံလဝ်ဗွဲသၟဝ် နပွမတိုန်ဂတ ပွမဆုတ်လက္ကရဴ ပွမသ္ၚေဝ်ရံင်တူရူ ပွမသ္ၚေဝ်ဒစေင်ရံင် ပွမခ္ဍောပ် ပွမပၠး မရင်တၠုင်ကဵုလျုင်ဇြုင်သ္ဍိုက်ဒှ်တုဲ ခမဳမဍိုက်ပေင်တဴ ကေုာံဣရိပိုတ်ဂှ် တၞဟ်နသွက်ပိဏ္ဍပါတ် လုပ်အာကဳဋာဂိရိရ။ မၞိဟ်ဂမၠိုင် ညာတ်ခမဳဂှ်တုဲ “ဍိုန်ဍိုန်လျလျ လဇုဲလဇုဲလ္ဇလ္ဇ ခ္ဍောပ်လဝ်မုက်တုဲ (ခတောအ်လဝ်ေကၞင်) ညံင်ညးဒေါသတိတ်ကီုတုဲ ညးမကၠုင်ဒၟံင်ဝွံ ညးလဵုဂှ်ရော? ကုညးမပြာပ်ကၠုင်ဝွံ မုရဴညးလဵုမွဲ ကြက်ကဵုဒါန်ပိဏ္ဍပါတ်ဂှ်ရော? တဳလပိုဉ်အဿဇိပုနဗ္ဗသုကဂမၠိုင် ပိုဲညးဂမၠိုင်တုန် ဍိုန်ဍောတ်ဇိပ်ဂၠိပ်အိုတ်ရ၊ ဍုက်ဍေက်ကလိတ်ကလောဝ် အိုတ်ရ၊ ပါင်ဍာတ်အိုတ်ရ၊ မၞုံကဵုပွမအီအာဂတအိုတ်ရ၊ ကၠုင်ညိ ကၠုင်ညိ ရဴဝွံ မၞုံအလေံဟီုဒုင်တၠုင်ပါင်ဆာတ်အိုတ်ရ၊ မၞုံကဵုမုက္ခဝါဍာတ်ပ္ညုင် ဇြုင်ကေဝ်ဒၟံင်ဟေင် မံက်ထေင်လဵုအိုတ်ရ၊ မၞုံအလေံဟီုသ္ဂးကိုပ်ကၠာရ၊ ကုတဳလပိုဉ်ဂမၠိုင်ဂှ်ဟေင် ထေက်ကဵု ကဵုဒါန်ပိဏ္ဍပါတ်ရ” ရဴဝွံ ဟီုသ္ဂးအိုတ်ရ။ ဥပးမွဲဂှ် ညာတ်ဒးအာခမဳ မဂေတ်ဂ္ၚေင် တၞဟ်နသွက်ပိဏ္ဍပါတ် ပ္ဍဲကဳဋာဂိရိဂှ်မ္ဂး ပြာပ်အာဇရေင်ခမဳဂှ်တုဲ လ္ၚောဝ်သ္ပဝတ် ဗွဲမရှေ်သှေ်ရဴဂဴမ္ဂး “ယွံတဳလပိုဉ် ကလိဂွံပိဏ္ဍပါတ်ညိဟာ” ရဴဝွံ ဂရင်ပတီရ။ ယွံဒကာ ဟွံကလိဂွံ ပိဏ္ဍပါတ်ရ ရဴဝွံ (ကလေင်သ္ဂးရ)။ ယွံတဳလပိုဉ် ဩဝ်က္ညကၠုင်ညိ၊ ကြက်အာသ္ၚိအိုတ်ရ ရဴဝွံ (ဂရင်ပတီရ)။ ပ္ဍဲအခိင်ဂှ် ဥပးဂှ် နိမန်ဏာခမဳဂှ် သ္ၚိတုဲ ဖါပ်ဗ္စတုဲမ္ဂး— “ယွံတဳလပိုဉ် တဳလပိုဉ် မုရဴဌာန်မွဲက္ညအာဂှ်ရော?” ရဴဝွံ ဂရင်ပတီရ။ ယွံဒကာ အဲ တၞဟ်နသွက်သ္ဂောံဗဵုလ္ၚောဝ် တဳလမၞုံပိုဉ်ကျာ်တြဲ ကြက်အာဍုင်သာရဝှ်ရ ရဴဝွံ (ကလေင်သ္ဂးရ)။ ယွံတဳလပိုဉ် ယဝ်ဒှ်သာ်ဂှ်မ္ဂး နကဵုဂလာန်အဲဍိက်ဂှ် ဩဝ်လ္ၚောဝ်ဖျေံက္ဍိုပ်ဂၠးဇိုင်တဳလမၞုံပိုဉ်ကျာ်တြဲဂမၠိုင်ညိ ရဴဝွံလေဝ် ဩဝ်ဂရင်ပတီညိ။ “ယွံတဳလမၞုံပိုဉ် ဘာပ္ဍဲကဳဋာဂိရိဂှ် လီုလာ်အာတုဲရ၊ ခမဳယုတ် မဟွံမွဲကဵုဂွဂလေံဂမၠိုင် မၞုံယၟုအဿဇိပုနဗ္ဗက ဒှ်နွံပိုဉ်ဂဇအ်ဘာဂမၠိုင် ပ္ဍဲကဳဋာဂိရိအိုတ်ရ။ ခမဳဂမၠိုင်ဂှ် ဒ္ဂေတ်သ္ပတဴ ဒ္ဂေတ်ယုတ်မာ မၞုံသဘဴရဴဝွံအိုတ်ရ၊ တဵုတဴတၞံပကဴသၟတ်အိုတ်ရ၊ ဖအောဝ်ကဵုညးသအာင်တဵုအိုတ်ရ၊ ကိုဟ်စဝ်စရိုဟ်ဍာ်အိုတ်ရ၊ ဖအောဝ်ကဵုကိုဟ်စဝ်စရိုဟ်ဍာ်အိုတ်ရ ။ ပ ။ ဒ္ဂေတ်ပွယုတ်မာနာနာသာ်လေဝ် ဒ္ဂေတ်သ္ပအိုတ်ရ။ ယွံတဳလမၞုံပိုဉ် မၞိဟ်ဂမၠိုင် မလျုင်ပတှေ် လျုင်ဇြုင်သ္ဍိုက် (ရတ်ပိပြကာ) ပ္ဍဲအခိင်ကၠာတေံလေဝ် ပ္ဍဲအခိင်လၟုဟ် ဟွံလျုင်ပတှေ် ဟွံလျုင်ဇြုင်သ္ဍိုက် (ရတ်ပိပြကာ) အိုတ်ရ၊ ဝတ်ကဵုဒါန်သင်ဂမၠိုင် ပ္ဍဲအခိင်ကၠာတေံလေဝ် ပ္ဍဲအခိင်လၟုဟ် ပိုတ်အာအိုတ်ရ၊ ခမဳမသ္ဍိုက်ဆာန်သဳလဂမၠိုင် သုန်ဂြာမ်အာအိုတ်ရ ခမဳယုတ်မာဂမၠိုင် ပဒတဴဒၟံင်အိုတ်ရ။ ယွံတဳလမၞုံပိုဉ် အာတ်ပါန်အခေါင်ရ၊ တဳလမၞုံပိုဉ်ကျာ်တြဲ ဗလးကဵုခမဳဂမၠိုင် ဘာပ္ဍဲကဳဋာဂိရိညိ၊ နပွမဗလးနင်သာ်ဂှ် ဘာပ္ဍဲကဳဋာဂိရိဝွံ တန်တဴဗွဲမဒးရးရ” ရဴဝွံလေဝ် (ဩဝ်ဂရင်ပတီညိ ရဴဝွံ ဂရင်ပတီရ)။ “ယွံဒကာ ခိုဟ်ရ” ရဴဝွံ ခမဳဂှ် ဒုင်ဝန်ကုဥပးဂှ်တုဲ ပါဲစ္ဍးအာ ဍုင်သာရဝှ်ရ၊ ဗွဲလၟေင်လၟေင်ပြာပ်အာဘာဇေတဝန် မဒှ်အာရှာမ် အနာထပိဏ္ဍိကသေဌဳ ဇရေင်ဍုင်သာရဝှ် ဇရေင်တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ ဂဇအ်ဒၟံင်ပ္ဍဲဒၞါဲမွဲရ။ ပွမဟီုဂလာန်ဆက်မိတ် ဗွဲမမိပ်စိုတ်အိုတ်တၟိုဟ် ကေုာံခမဳအာဂန္တုကဂမၠိုင်မွဲစွံဂှ် ဒှ်အခိုက်အလေံ တဳလမၞုံပိုဉ်ကျာ်တြဲဂမၠိုင်ရ။ ပ္ဍဲအခိင်ဂှ် တဳလမၞုံပိုဉ်ကျာ်တြဲဂှ်— “ယွံခမဳ ဒုင်စရင်ဒၟံင်ဟာ၊ ယိုပ်ယာပ်ဒၟံင်ဟာ၊ သီုဟွံဒှ်လၟောင်ဍောင်ၜိုတ်ဂှ် သ္ဂောံကၠုင်တရဴအဓါန်မဂၠိင်သ္ၚောဲဟာ၊ ယွံခမဳ တၠအဲ မုရဴနူဌာန်လဵုလေဝ် ကၠုင်တဴဂှ်ရော?” ရဴဝွံ သၟာန်ခမဳဂှ်ရ။ ဒုင်စရံင်ဒၟံင်ရ ယွံကျာ်မၞုံပိုဉ်၊ ယိုပ်ယာပ်ဒၟံင်ရ ယွံကျာ်မၞုံပိုဉ်၊ ယွံကျာ်မၞုံပိုဉ် အဲဍိက်သီုဟွံဒှ်လၟောင်ဍောင်ၜိုတ်ဂှ် သ္ဂောံကၠုင်တရဴ အဓါန်မဂၠိင်သ္ၚောဲရ၊ ယွံကျာ်မၞုံပိုဉ် အဲဍိက်ဒၠိုက်ကတဵုနူဝှ် ပ္ဍဲဇနပိုဒ်ကာသိရးတုဲ တၞဟ်နသွက်သ္ဂောံဗဵုလ္ၚောဝ် တဳလမၞုံပိုဉ်ကျာ်တြဲ ကၠုင်တဴဍုင်သာရဝှ်မ္ဂး စိုပ်ကၠုင်ကဳဋာဂိရိရ၊ ယွံကျာ်မၞုံပိုဉ် ပ္ဍဲအခိင်ဂှ် အဲဍိက် ပ္ဍဲအခိင်နူဂယးသၠောံရုင်လတက်ပဠေဝ်သ္ၚာတုဲမ္ဂး ဂိုင်ထ္ၜကေတ် ဗဗေင်သ္ၚာတုဲ တၞဟ်နသွက်ပိဏ္ဍပါတ်လုပ်အာကဳဋာဂိရိရ။ ယွံကျာ်မၞုံပိုဉ် ဥပးမွဲဂှ် ညာတ်ဒးအာအဲဍိက် မဂေတ်ဂ္ၚေင်တၞဟ်နသွက်ပိဏ္ဍပါတ် ပ္ဍဲကဳဋာဂိရိဂှ်မ္ဂး ပြာပ်ကၠုင်ဇရေင်အဲဍိက်တုဲ လ္ၚောဝ်သ္ပဝတ်ကဵု အဲဍိက်တုဲမ္ဂး— “ယွံတဳလပိုဉ် ကလိဂွံပိဏ္ဍပါတ်ညိ” ရဴဝွံ ဂရင်ပတီရ။ ယွံဒကာ ဟွံကလိဂွံပိဏ္ဍပါတ်ရ ရဴဝွံ (ကလေင်သ္ဂးရ)။ ယွံတဳလပိုဉ် ဩဝ်က္ညကၠုင်ညိ၊ ကြက်အာသ္ၚိအိုတ်ရ ရဴဝွံ (ဂရင်ပတီရ)။ ယွံကျာ်မၞုံပိုဉ် ပ္ဍဲအခိင်ဂှ် ဥပးဂှ် နိမန်ဏာအဲဍိက် သ္ၚိဂှ်တုဲ ဖါပ်ဗ္စတုဲမ္ဂး— “ယွံတဳလပိုဉ် တဳလပိုဉ် မုရဴဌာန်လဵုမွဲ က္ညအာဂှ်ရော?” ရဴဝွံ ဂရင်ပတီရ။ ယွံဒကာအဲ တၞဟ်နသွက်သ္ဂောံဗဵုလ္ၚောဝ် တဳလမၞုံပိုဉ်ကျာ်တြဲ ကြက်အာဍုင်သာရဝှ်ရ ရဴဝွံ (ကလေင်သ္ဂးရ)။ ယွံတဳလပိုဉ် ယဝ်ဒှ်သာ်ဂှ်မ္ဂး နကဵုဂလာန်အဲဍိက်ဂှ် ဩဝ်လ္ၚောဝ်ဖျေံက္ဍိုပ် ဂၠးဇိုင် တဳလမၞုံပိုဉ်ကျာ်တြဲဂမၠိုင်ညိ ရဴဝွံလေဝ် ဩဝ်ဂရင်ပတီညိ။ “ယွံတဳလမၞုံပိုဉ် ဘာပ္ဍဲကဳဋာဂိရိဂှ် လီုလာ်အာတုဲရ၊ ခမဳယုတ် မဟွံမွဲကဵုဂွဂလေံဂမၠိုင် မၞုံယၟုအဿဇိပုနဗ္ဗက ဒှ်နွံပိုဉ်ဂဇအ်ဘာဂမၠိုင် ပ္ဍဲကဳဋာဂိရိအိုတ်ရ။ ခမဳဂမၠိုင်ဂှ် ဒ္ဂေတ်သ္ပတဴ ဒ္ဂေတ်ယုတ်မာ မၞုံသဘဴရဴဝွံအိုတ်ရ၊ တဵုတဴတၞံပကဴသၟတ်အိုတ်ရ၊ ဖအောဝ်ကဵုညးသအာင်တဵုအိုတ်ရ၊ ကိုဟ်စဝ်စရိုဟ်ဍာ်အိုတ်ရ၊ ဖအောဝ်ကဵုကိုဟ်စဝ်စရိုဟ်ဍာ်အိုတ်ရ ။ ပ ။ ဒ္ဂေတ်ပွယုတ်မာနာနာသာ်လေဝ် ဒ္ဂေတ်သ္ပအိုတ်ရ။ ယွံတဳလမၞုံပိုဉ် မၞိဟ်ဂမၠိုင် မလျုင်ပတှေ် လျုင်ဇြုင်သ္ဍိုက် (ရတ်ပိပြကာ) ပ္ဍဲအခိင်ကၠာတေံလေဝ် ပ္ဍဲအခိင်လၟုဟ် ဟွံလျုင်ပတှေ် ဟွံလျုင်ဇြုင်သ္ဍိုက် (ရတ်ပိပြကာ) အိုတ်ရ၊ ဝတ်ကဵုဒါန်သင်ဂမၠိုင် ပ္ဍဲအခိင်ကၠာတေံလေဝ် ပ္ဍဲအခိင်လၟုဟ် ပိုတ်အာအိုတ်ရ၊ ခမဳမသ္ဍိုက်ဆာန်သဳလဂမၠိုင် သုန်ဂြာမ်အာအိုတ်ရ ခမဳယုတ်မာဂမၠိုင် ပဒတဴဒၟံင်အိုတ်ရ။ ယွံတဳလမၞုံပိုဉ် အာတ်ပါန်အခေါင်ရ၊ တဳလမၞုံပိုဉ်ကျာ်တြဲ ဗလးကဵုခမဳဂမၠိုင် ဘာပ္ဍဲကဳဋာဂိရိညိ၊ နပွမဗလးနင်သာ်ဂှ် ဘာပ္ဍဲကဳဋာဂိရိဝွံ တန်တဴဗွဲမဒးရးရ ရဴဝွံ ဩဝ်ဂရင်ပတီညိ” ရဴဝွံ ဂရင်ပတီကုအဲဍိက်ရ။ ယွံကျာ်မၞုံပိုဉ် အဲဍိက်ကၠုင်ကဳဋာဂိရိရ ရဴဝွံ (ဂရင်ပတီရ)။


433) ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသင်ကောံဓရီုတုဲမ္ဂး “ယွံတဳလမၞုံပိုဉ် ဘာပ္ဍဲကဳဋာဂိရိဂှ် လီုလာ်အာတုဲရ၊ ခမဳယုတ် မဟွံမွဲကဵုဂွဂလေံဂမၠိုင် မၞုံယၟုအဿဇိပုနဗ္ဗက ဒှ်နွံပိုဉ်ဂဇအ်ဘာဂမၠိုင် ပ္ဍဲကဳဋာဂိရိအိုတ်ရ။ ခမဳဂမၠိုင်ဂှ် ဒ္ဂေတ်သ္ပတဴ ဒ္ဂေတ်ယုတ်မာ မၞုံသဘဴရဴဝွံအိုတ်ရ၊ တဵုတဴတၞံပကဴသၟတ်အိုတ်ရ၊ ဖအောဝ်ကဵုညးသအာင်တဵုအိုတ်ရ၊ ကိုဟ်စဝ်စရိုဟ်ဍာ်အိုတ်ရ၊ ဖအောဝ်ကဵုကိုဟ်စဝ်စရိုဟ်ဍာ်အိုတ်ရ ။ ပ ။ ဒ္ဂေတ်ပွယုတ်မာနာနာသာ်လေဝ် ဒ္ဂေတ်သ္ပအိုတ်ရ။ ယွံတဳလမၞုံပိုဉ် မၞိဟ်ဂမၠိုင် မလျုင်ပတှေ် လျုင်ဇြုင်သ္ဍိုက် (ရတ်ပိပြကာ) ပ္ဍဲအခိင်ကၠာတေံလေဝ် ပ္ဍဲအခိင်လၟုဟ် ဟွံလျုင်ပတှေ် ဟွံလျုင်ဇြုင်သ္ဍိုက် (ရတ်ပိပြကာ) အိုတ်ရ၊ ဝတ်ကဵုဒါန်သင်ဂမၠိုင် ပ္ဍဲအခိင်ကၠာတေံလေဝ် ပ္ဍဲအခိင်လၟုဟ် ပိုတ်အာအိုတ်ရ၊ ခမဳမသ္ဍိုက်ဆာန်သဳလဂမၠိုင် သုန်ဂြာမ်အာအိုတ်ရ ခမဳယုတ်မာဂမၠိုင် ပဒတဴဒၟံင်အိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ခမဳဂမၠိုင်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ ယွံခမဳတအ် တြုံမလ္ၚုသၟး (နူမဂ်ဖိုလ်) ဂမၠိုင်ဂှ် မုဟိုတ် ဒ္ဂေတ်သ္ပတဴ ဒ္ဂေတ်ယုတ်မာ မၞုံသဘဴရဴဝွံအိုတ်ဂှ်ရော? တဵုတဴတၞံပကဴသၟတ်အိုတ်ဂှ်ရော? ဖအောဝ်ကဵုညးသအာင်တဵုအိုတ်ဂှ်ရော? ကိုဟ်စဝ်စရိုဟ်ဍာ်အိုတ်ဂှ်ရော? ဖအောဝ်ကဵု ကိုဟ်စဝ်စရိုဟ်ဍာ်အိုတ်ဂှ်ရော? ၜှ်ဂၠောင်အိုတ်ရော? ဖအောဝ်ကဵုၜှ်ဂၠောင်အိုတ်ဂှ်ရော? ကၞောတ်ဇန်အိုတ်ဂှ်ရော? ဖအောဝ်ကဵုကၞောတ်ဇန်အိုတ်ဂှ်ရော? သ္ပတဴဇၟန်ပကဴ မၞုံတဝ်မတိတ် မွဲလ္ပာ်အိုတ်ဂှ်ရော? ဖအောဝ်ကဵုသ္ပအိုတ်ဂှ်ရော? သ္ၠတဴဇၟန်ပကဴမၞုံတဝ်မတိတ် ၜါလ္ပာ်အိုတ်ဂှ်ရော? ဖအောဝ်ကဵုသ္ပအိုတ်ဂှ်ရော? သ္ပတဴပကဴဗ္တဗ္ဂဴအိုတ်ဂှ်ရော? ဖအောဝ်ကဵုသ္ပအိုတ်ဂှ်ရော? သ္ပတဴပကဴလကံက်တဲ (ဇၟာန်ပကဴကဝး) အိုတ်ဂှ်ရော? ဖအောဝ်ကဵုသ္ပအိုတ်ဂှ်ရော? သ္ပတဴပကဴ တဝ်စရှ်အိုတ်ဂှ်ရော? ဖအောဝ်ကဵုသ္ပအိုတ်ဂှ်ရော? သ္ပတဴသၞေက် ပကဴဂ္ညိကတောဝ်အိုတ်ဂှ်ရော? ဖအောဝ်ကဵုသ္ပအိုတ်ဂှ်ရော? သ္ပတဴပကဴဂြောပ်သြိုဟ်အိုတ်ဂှ်ရော်? ဖအောဝ်ကဵုသ္ပအိုတ်ဂှ်ရော? ခမဳဂမၠိုင်ဂှ် တၞဟ်နဖဵုဗြဴကောန်ဂကူ ‘ဗြဴတၠလျိုင်’ ဗြဴဇၞော်ကောန်ဂကူ ‘ဝုတ်ဇၞော်’ သၟတ်ဗြဴကောန်ဂကူ ‘ဝုတ်သၟတ်’ ဂအှ်ဗြဴကောန်ဂကူ ဍိက်ဗြဴကောန်ဂကူဂမၠိုင် ရင်တၠုင်တဴဇၟန်ပကဴ မၞုံတဝ်မတိတ် မွဲလ္ပာ်အိုတ်ဂှ်ရော? ဖအောဝ်ကဵုရင်တၠုင်အိုတ်ဂှ်ရော? ရင်တၠုင်တဴဇၟန်ပကဴ မၞုံတဝ်မတိတ် ၜါလ္ပာ်အိုတ်ဂှ်ရော? ဖအောဝ်ကဵုရင်တၠုင်အိုတ်ဂှ်ရော? ရင်တၠုင်တဴပကဴ ဗ္တဗ္ဂဲအိုတ်ဂှ်ရောင်? ဖအောဝ်ကဵုရင်တၠုင်အိုတ်ဂှ်ရော? ရင်တၠုင်တဴပကဴလကံက်တဲ (ဇၟန်ပကဴကဝး) အိုတ်ဂှ်ရော? ဖအောဝ်ကဵုရင်တၠုင်အိုတ်ဂှ်ရော? ရင်တၠုင်တဴပကဴတဝ်စရှ်အိုတ်ဂှ်ရော? ဖအောဝ်ကဵုရင်တၠုင်အိုတ်ဂှ်ရော? ရင်တၠုင်တဴသၞေက်ပကဴဂ္ညိကတောဝ်အိုတ်ဂှ်ရော? ဖအောဝ်ကဵုရင်တၠုင်အိုတ်ဂှ်ရော? ရင်တၠုင်တဴ ပကဴဂြောပ်သြိုဟ်အိုတ်ဂှ်ရော? ဖအောဝ်ကဵုရင်တၠုင်အိုတ်ဂှ်ရ? ခမဳဂမၠိုင်ဂှ် မွဲဟာန်ကေုာံဗြဴကောန်ဂကူ ‘ဗြဴတၠလျိုင်’၊ ဗြဴဇၞော်ကောန်ဂကူ ‘ဝုတ်ဇၞော်’၊ သၟတ်ဗြဴကောန်ဂကူ ‘ဝုတ်သၟတ်’ ဂအှ်ဗြဴကောန်ဂကူ ဍိက်ဗြဴကောန်ဂကူဂမၠိုင် ပ္ဍဲမွဲပ္ၚာန်ခရော်ဓဝ်လေဝ် စဟာပ်အိုတ်ဂှ်ရော? ပ္ဍဲမွဲခရော်သုင်ဍာ်ဓဝ်လေဝ် သုင်အိုတ်ဂှ်ရော? ပ္ဍဲမွဲသၞာဓဝ်လေဝ် ဂဇအ်အိုတ်ဂှ်ရော? ပ္ဍဲမွဲဇံင်ခါတ်ဓဝ်လေဝ် တိက်အိုတ်ဂှ်ရော? ပ္ဍဲမွဲယာတ်လးဓဝ်လေဝ်တိက်အိုတ်ဂှ်ရော? ပ္ဍဲမွဲယာတ်လတက်ဓဝ်လေဝ် တိက်အိုတ်ဂှ်ရော? ပ္ဍဲမွဲယာတ်လးမွဲ ယာတ်လတက်ဓဝ်လေဝ် တိက်အိုတ်ဂှ်ရော? ပ္ဍဲဟွံသေင်ကဵုအခိင်လေဝ် စဟာပ်အိုတ်ဂှ်ရော? သိအရက်လေဝ် သုင်အိုတ်ဂှ်ရော? ပကဴသဴမြမောဝ် ဂစေအ်စၠန်လံက်ဗဗိုဟ်လေဝ် ပကင်ရင်အိုတ်ဂှ်ရော? လှေ်လေဝ် လှေ်အိုတ်ဂှ်ရော? ဂယှေ်လေဝ် ဂယှေ်အိုတ်ဂှ်ရော? တိင်တိုက်လေဝ် တိင်တိုက်အိုတ်ဂှ်ရော? လှေ်လေဝ် လှေ်သာင်သောဝ်အိုတ်ဂှ်ရော? (ဗတောန်ထ္ၜးကဵုနဲလှေ်အိုတ်ဂှ်ရော?) အလိုက်ဗြဴသၟာလှေ်လေဝ် လှေ်ဗက်အိုတ်ဂှ်ရော? အလိုက်ဗြဴသၟာလှေ်လေဝ် ဂယှေ်ဗက်အိုတ်ဂှ်ရော? အလိုက်ဗြဴသၟာလှေ်လေဝ် တိင်တိုက်ဗက်အိုတ်ဂှ်ရော? အလိုက်ဗြဴသၟာလှေ်လေဝ် လှေ်သာင်သောဝ်အိုတ်ဂှ်ရော? အလိုက်ဗြဴသၟာဂယှေ်လေဝ် လှေ်ဗက်အိုတ်ဂှ်ရော? အလိုက်သၟာဗြဴဂယှေ်လေဝ် ဂယှေ်ဗက်အိုတ်ဂှ်ရော? အလိုက်ဗြဴသၟာဂယှေ်လေဝ် တိင်တိုက်ဗက်အိုတ်ဂှ်ရော? အလိုက်သၟာဗြဴဂယှေ်လေဝ် လှေ်သာင်သောဝ်ဗက်အိုတ်ဂှ်ရော? အလိုက်ဗြဴသၟာဆေင်ဝေင်လေဝ် လှေ်ဗက်အိုတ်ဂှ်ရော? အလိုက်ဗြဴသၟာဆေင်ဝေင်လေဝ် ဂယှေ်ဗက်အိုတ်ဂှ်ရော? အလိုက်ဗြဴသၟာဆေင်ဝေင်လေဝ် တိင်တိုက်ဗက်အိုတ်ဂှ်ရော? အလိုက်ဗြဴသၟာဆေင်ဝေင်လေဝ် လှေ်သာင်သောဝ်အိုတ်ဂှ်ရော? အလိုက်ဗြဴသၟာဗတောန်လေဝ် လှေ်ဗက်အိုတ်ဂှ်ရော? အလိုက်ဗြဴသၟာဗတောန်လေဝ် ဂယှေ်ဗက်အိုတ်ဂှ်ရော? အလိုက်ဗြဴသၟာဗတောန်လေဝ် တိင်တိုက်ဗက်အိုတ်ဂှ်ရော? အလိုက်ဗြဴသၟာဗတောန်လေဝ် လှေ်သာင်သောဝ်ဗက်အိုတ်ဂှ်ရော? ကၠဒ္စာံခန်လေဝ် ဝေင်အိုတ်ဂှ်ရော? ကၠစှ်ခန်လေဝ် ဝေင်အိုတ်ဂှ်ရော? ကၠပ္ဍဲအမှဲအကးလေဝ် ဝေင်အိုတ်ဂှ်ရော? ကၠောန်သရက်ပ္ဍဲတိတုဲလေဝ် ဝေင်အိုတ်ဂှ်ရော? နပွမပေါဟ်မခတ်လေဝ် ဝေင်အိုတ်ဂှ်ရော? နပွမဖျေံမပး ပ္ဍဲလတူခတဵုပးတုဲလေဝ် ဝေင်အိုတ်ဂှ်ရော? နပွမတက်တင်ဏာင်လေဝ် ဝေင်အိုတ်ဂှ်ရော? နကဵုဇြေဟ်ဒုန်ကရေက်လေဝ် ဝေင်အိုတ်ရော? နဝေင်မခနေအ်လေဝ် ဝေင်အိုတ်ဂှ်ရော? နပွမဓဂိုဟ်ပေဝ်လေဝ် ဝေင်အိုတ်ဂှ်ရော? နကဵုထဲသၟတ်လေဝ် ဝေင်အိုတ်ဂှ်ရော? နပွမပစူတာ (နပွမဗတက်ဂတးဂတန်) လေဝ် ဝေင်အိုတ်ဂှ်ရော? နကဵုစက်စာန်လေဝ် ဝေင်အိုတ်ဂှ်ရော? နကဵုကၞာဲသၟတ်လေဝ် ဝေင်အိုတ်ဂှ်ရော? နကဵုကွဳသၟတ်လေဝ် ဝေင်အိုတ်ဂှ်ရော? နကဵုတ္ၚသၟတ်လေဝ် ဝေင်အိုတ်ဂှ်ရော? နပွမပၞုက်အက္ခရ်လေဝ် ဝေင်အိုတ်ဂှ်ရော? နပွမထၟံက်ပတိတ် ကသပ်စိုတ်လေဝ် ဝေင်အိုတ်ဂှ်ရော? သ္ပမပ္တံကဵုညံင်ကၠက် ညံင်ခ္ဍဴညံင်ကုန်တုဲလေဝ် ဝေင်အိုတ်ဂှ်ရော? ကွတ်စိင်လေဝ် ကတ်ဗတောန်အိုတ်ဂှ်ရော? ကွတ်ချေံလေဝ် ကတ်ဗတောန်အိုတ်ဂှ်ရော? ကွတ်ကွဳစောတ် (ရထာ) လေဝ် ကတ်ဗတောန်အိုတ်ဂှ်ရော? ကွတ်တ္ၚလေဝ် ကတ်ဗတောန်အိုတ်ဂှ်ရော? ကွတ်သာင်ၜုန်မြလေဝ် ကတ်ဗတောန်အိုတ်ဂှ်ရော? နူဂတစိင်လေဝ် ဂြိပ်အာအိုတ်ဂှ်ရော? နူဂတချေံလေဝ် ဂြိပ်အာအိုတ်ဂှ်ရော? နူဂတးကွဳစောတ် (ရထာ) လေဝ် ဂြိပ်အာဂြိပ်ကၠုင်အိုတ်ဂှ်ရော? သ္ပတဴညံင်ဒံင်သၠာ် တက်ၜုင်အိုတ်ဂှ်ရော? တက်လေဝ် တက်ကၞက်အိုတ်ဂှ်ရော? ကဝိုတ်လေဝ် ကဝိုတ်လက်ဗန်အိုတ်ဂှ်ရော? တက်လေဝ် တက်လက်ပၠုဲအိုတ်ဂှ်ရော? ပ္ဍဲလဒေါဝ်ပေါဲလှေ်ဂမၠိုင်လေဝ် လးပၠးသကိုပ်တုဲ “ယွံဒေံဗြဴ ဩဝ်လှေ်ပ္ဍဲသၞာဝွံညိ” ရဴဝွံ ဟီုသ္ဂးကဵု ဗြဴသၟာလှေ်အိုတ်ဂှ်ရော? ခိုဟ်ကွေံရ ခိုဟ်ကွေံရ ယွံဒေံဗြဴ ရဴဝွံ ကဵုလေဝ်ကဵုသာဓုကာအိုတ်ဂှ်ရော? လပုဟ်တဲဂမၠိုင် ပတိုန်စွံလဝ်လတူတၞေင်လေဝ် ဍံက်ကဵုအိုတ်ဂှ်ရော? ဒ္ဂေတ်ပွယုတ်မာ နာနာသာ်လေဝ် ဒ္ဂေတ်သ္ပအိုတ်ရော၊ ယွံခမဳတအ် (ပွမၞးတအ်ညးဂမၠိုင်သ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု ။ ပ ။ ဟီုဂရိုဟ်တုဲ တွံကဵုဓရ်တုဲပ္ဍဲကြဴ— “ယွံသာရိပိုတ် မောဂ္ဂလာန်တအ် မၞးတအ်ညးဂမၠိုင် ဩဝ်အာအိုတ်ညိ၊ အာကဳဋာဂိရိတုဲ ဩဝ်သ္ပ ‘ပဗ္ဗာဇနဳယကမ်’ ပွမဗက်ဗ္ဒဴ နူကဳဋာဂိရိ ကုခမဳအဿဇဳပုနဗ္ဗသုကဂမၠိုင်အိုတ်ညိ၊ ခမဳဂမၠိုင်ဂှ် ဒှ်ကွးပဒတဴမွဲစွံဂမၠိုင် မၞးတအ်ညးဂမၠိုတ်အိုတ်ရ” ရဴဝွံ သ္ဂးကဵုသာရိပိုတ် မောဂ္ဂလာန်ရ။ ယွံတဳလမၞုံပိုဉ် ခမဳဂမၠိုင်ဂှ် ကြမ်ကြသအဵုသအာ်အိုတ်ရ၊ သကာတ်မြဟ်အိုတ်ရ၊ ပိုဲဍိက်တအ်ညးဂမၠိုင် မုရဴသာ်လဵု သ္ဂောံသ္ပပွမဗက်ဗ္ဒဴ နူကဳဋာဂိရိ ကုခမဳအဿဇဳပုနဗ္ဗသုကဂမၠိုင်အိုတ်ဂှ်ရော? ရဴဝွံ (ဂရင်ပတီအိုတ်ရ)။ ယွံသာရိပိုတ် မောဂ္ဂလာန်တအ် ယဝ်ဒှ်သာ်ဂှ်မ္ဂး မၞးတအ်ညးဂမၠိုင် အာမွဲဟာန်ကေုာံ ခမဳဂမၠိုင်မဂၠိုင်အိုတ်ညိ ရဴဝွံ (သ္ဂးရ)။ ယွံတဳလမၞုံပိုဉ် ခိုဟ်သန်ရ ရဴဝွံ သာရိပိုတ်ကေုာံ မောဂ္ဂလာန်ဂမၠိုင် ကလေင်ဂရင်ပတီ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဣဝွံတုန် ဒ္ဂေတ်ဝတ်ရောင်၊ ဗွဲကိုပ်ကၠာ သ္ဒးစောဒနာခမဳအဿဇိပုနဗ္ဗသုကဂမၠိုင်ရ၊ ကြဴနူဂှ် သ္ဒးကဵုဗှ်ဗၞုဟ်ရ၊ ကြဴနူဂှ် သ္ဒးပတိုန်အာပတ်ရ၊ ကြဴနူဂှ် ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသင်တီရ။


434) ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳအဿဇိပုနဗ္ဗသုကဂမၠိုင် လေပ်ပလီုပလာ်ဂကူအိုတ်ရ၊ မၞုံကဵုဒ္ဂေတ်ယုတ်မာအိုတ်ရ၊ ဒ္ဂေတ်မယုတ်မာဂမၠိုင် ဒဒက်တဴခမဳဂမၠိုင်ဝွံ ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ ဂကူဂမၠိုင် မိန်ခမဳဂမၠိုင်ဝွံ မဂပ်ဝ်ပလီုပလာ်လေဝ် ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ ကမ်မၞုံကဵုအခိင် မဗဗွဲကုသင် ယဝ်ဒှ်မ္ဂး သင်သ္ပပွမဗက်ဗ္ဒဴကၠေံ နူကဳဋာဂိရိ ကုခမဳအဿဇိပုနဗ္ဗသုကဂမၠိုင် ရဴဝွံမ္ဂး ‘ခမဳအဿဇိပုနဗ္ဗသုကဂမၠိုင် သ္ပဒတဴ ပ္ဍဲကဳဋာဂိရိဟွံဂွံရ’ ဣဝွံတုန် ပွမကဵုတီရောင်။ ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳအဿဇိပုနဗ္ဗသုကဂမၠိုင် လေပ်ပလီုပလာ်ဂကူအိုတ်ရ၊ မၞုံကဵုဒ္ဂေတ်ယုတ်မာအိုတ်ရ၊ ဒ္ဂေတ်မယုတ်မာဂမၠိုင် ဒဒက်တဴခမဳဂမၠိုင်ဝွံ ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ ဂကူဂမၠိုင် မိန်ခမဳဂမၠိုင်ဝွံ မဂပ်ဝ်ပလီုပလာ်လေဝ် ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ ကမ်မၞုံကဵုအခိင် မဗဗွဲကုသင် ယဝ်ဒှ်မ္ဂး သင်သ္ပပွမဗက်ဗ္ဒဴကၠေံ နူကဳဋာဂိရိ ကုခမဳအဿဇိပုနဗ္ဗသုကဂမၠိုင် ရဴဝွံမ္ဂး ‘ခမဳအဿဇိပုနဗ္ဗသုကဂမၠိုင် သ္ပဒတဴ ပ္ဍဲကဳဋာဂိရိဟွံဂွံ’ ရ၊ ယြဴကုတဳပိုဉ်မွဲ ဟွံမွဲကဵုပွမသ္ဍိုက်မၠိုင်ရ၊ တဳလပိုဉ်ဂှ် သ္ဒးဟီုတိုန်ရ။ မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ။ ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ ။ ပ ။ တဳလပိုဉ်ဂှ် သ္ဒးဟီုတိုန်ရ။ သင်ဂပ်ဝ်သ္ပ ပွမဗက်ဗ္ဒဴကၠေံ နူကဳဋာဂိရိ ကုခမဳအဿဇိပုနဗ္ဗသုကဂမၠိုင် ရဴဝွံမ္ဂး ‘ခမဳအဿဇိပုနဗ္ဗသုကဂမၠိုင် သ္ပဒတဴ ပ္ဍဲကဳဋာဂိရိ ဟွံဂွံ’ တုဲရ၊ ကုသင်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံင်ကၞပ်သ္ၚောံသ္ၚိတ်ဇြရ၊ နမဒၟံင်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။


435) ပ္ဍဲအခိင်ဂှ် ခမဳသင်မၞုံပဓါန်ဍေံသာရိပိုတ် မောဂ္ဂလာန် က္ညအာကဳဋာဂိရိတုဲ ဂပ်ဝ်သ္ပပွမဗက်ဗ္ဒဴကၠေံ နူကဳဋာဂိရိ ကုခမဳအဿဇိပုနဗ္ဗသုကဂမၠိုင် ရဴဝွံမ္ဂး ‘ခမဳအဿဇိပုနဗ္ဗသုကဂမၠိုင် သ္ပဒတဴပ္ဍဲကဳဋာဂိရိ ဟွံဂွံ’ တုဲရ၊ ခမဳဂမၠိုင် မိန်သင်မဂပ်ဝ်ဗက်ဗ္ဒဴကၠေံတုဲဂှ် ဟွံဒ္ဂေတ်ဗွဲမဒးရးအိုတ်ရ၊ ဟွံဗလာပ်ဖျေံ တသော်မာန်အိုတ်ရ၊ ဟွံဒ္ဂေတ်တဴ ဒ္ဂေတ်မလေပ်ရင်တၠုင်ပတိတ်နူကမ်အိုတ်ရ၊ ဟွံကလအ်ခမဳဂမၠိုင်အိုတ်ရ၊ တ္ၜေဟ်လက်အိုတ်ရ၊ လဗပ်ပကီုဟီုစုတ်အိုတ်ရ၊ ကဵုအာစိုဒဒှ် ညးဗက်စဆန္ဒာဂတိ ဒေါသာဂတိ မောဟာဂတိ ဘယာဂတိဂမၠိုင်အိုတ်ရ၊ ပါဲလေဝ် ပါဲစ္ဍးအာအိုတ်ရ၊ ရာမ်လေဝ် ရာမ်တိတ်ခရှ်အိုတ်ရ။ ခမဳပၟိက်အောန်ဂမၠိုင် “သင်သီုဂပ်ဝ်ဗက်ဗ္ဒဴအိုတ်ဂှ် မုဟိုတ် ဟွံဒ္ဂေတ်ဗွဲမဒးရးအိုတ်ဂှ်ရော? ဟွံဗလာပ်ဖျေံတသော်မာန်အိုတ်ဂှ်ရော? ဟွံဒ္ဂေတ်တဴ ဒ္ဂေတ်မလေပ်ရင်တၠုင်ပတိတ်ကမ်အိုတ်ဂှ်ရော? ဟွံကလအ်ခမဳဂမၠိုင်အိုတ်ဂှ်ရော? တ္ၜေဟ်လက်အိုတ်ဂှ်ရော? လဗပ်ပကီုဟီုစုတ်အိုတ်ဂှ်ရော? ကဵုအာစိုပ်ဒဒှ် ညးဗက်စဆန္ဒာဂတိ ဒေါသာဂတိ မောဟာဂတိ ဘယာဂတိဂမၠိုင်အိုတ်ဂှ်ရော? ပါဲလေဝ် ပါဲစ္ဍးအာအိုတ်ဂှ်ရော? ရာမ်လေဝ် ရာမ်တိတ်ခရှ်အိုတ်ဂှ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင် ဟီုဂရိုဟ်တင်ဒုဟ် ခမဳအဿဇိပုနဗ္ဗသုကဂမၠိုင် နဟိုတ်ဂမၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ ယွံခမဳတအ် ခမဳအဿဇိပုနဗ္ဗသုကဂမၠိုင် သင်သီုဂပ်ဝ်ဗက်ဗ္ဒဴအိုတ်ဂှ် ဟွံဒ္ဂေတ်ဗွဲမဒးရးအိုတ်ရ ။ ပ ။ ရာမ်လေဝ် ရာမ်တိတ်ခရှ်အိုတ်ရဟီုဂှ် ဍာံပြဟာ ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဲပြကာ ဟီုဂရိုဟ်ရ ။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜး သိက္ခာပိုဒ်ဝွံအိုတ်ညိ။


436) ခမဳမလေပ်ပလီုပလာ်ဂကူဂမၠိုင် မၞုံကဵုဒ္ဂေတ်မယုတ်မာဂှ် သ္ပနိဿယ်ဗ္ဒာဲကဵုကွာန်နိဂီုမွဲမွဲတုဲ သ္ပဒတဴရ၊ ဒ္ဂေတ်မယုတ်မာဂမၠိုင် ခမဳဂှ် ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ ဂကူဂမၠိုင် မိန်ခမဳဂှ် မဂပ်ဝ်ပလီုပလာ်လေဝ် ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ ခမဳဂမၠိုင် ‘တဳလပိုဉ်တုန် လေပ်ပလီုပလာ်ဂကူရ၊ မၞုံကဵုဒ္ဂေတ်မယုတ်မာရ၊ ဒ္ဂေတ်မယုတ်မာဂမၠိုင် တဳလပိုဉ်ဂှ် ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ ဂကူဂမၠိုင် မိန်တဳလပိုဉ် မဂပ်ဝ်ပလီုပလာ်လေဝ် ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ တဳလပိုဉ် ဩဝ်စ္ဍးတိတ်အာ နူဘာဝွံညိ၊ နပွမပဒတဴ ပ္ဍဲဘာဝွံ ဟွံမွဲဖဵုကုတဳလပိုဉ်ရ’ ရဴဝွံ သ္ဒးဟီုသ္ဂးကဵုခမဳဂှ်ရ၊ ရဴဝွံ ခမဳဂမၠိုင် ဂပ်ဝ်ဟီုသ္ဂးမ္ဂး ခမဳဂှ် ‘ခမဳဂမၠိုင် ဆန္ဒာဂတိလေဝ် ဗက်စအိုတ်ရ၊ ဒေါသာဂတိလေဝ် ဗက်စအိုတ်ရ၊ မောဟာဂတိလေဝ် ဗက်စအိုတ်ရ၊ ဘယာဂတိလေဝ် ဗက်စအိုတ်ရ၊ နအာပတ်မၞုံသဘဴသာ်ဂှ် ခမဳလ္ၚဵုဂမၠိုင် ဗက်ဗ္ဒဴအိုတ်ရ၊ ခမဳလ္ၚဵုဂမၠိုင် ဟွံဗက်ဗ္ဒဴအိုတ်ရ’ ရဴဝွံ ဟီုသ္ဂးကဵုခမဳဂမၠိုင်မ္ဂး၊ ခမဳဂမၠိုင် ‘တဳလပိုဉ် လ္ပဟီုရဴဝွံညိ၊ ခမဳဂမၠိုင် ဆန္ဒာဂတိလေဝ် ဟွံဗက်စအိုတ်ရ၊ ဒေါသာဂတိလေဝ်ဟွံဗက်စအိုတ်ရ၊ မောဟာဂတိလေဝ် ဟွံဗက်စအိုတ်ရ၊ ဘယာဂတိလေဝ် ဟွံဗက်စအိုတ်ရ၊ တဳလပိုဉ်ဟေင် လေပ်ပလီုပလာ်ဂကူရ၊ မၞုံကဵုဒ္ဂေတ်မယုတ်မာရ၊ ဒ္ဂေတ်မယုတ်မာဂမၠိုင် တဳလပိုဉ်ဂှ် ညာတ်လေဝ်ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ ဂကူဂမၠိုင်မိန်တဳလပိုဉ် မဂပ်ဝ်ပလီုပလာ်လေဝ် ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ တဳလပိုဉ် ဩဝ်စ္ဍးတိတ်အာနူဘာဝွံညိ၊ နပွမပဒတဴ ပ္ဍဲဘာဝွံ ဟွံမွဲဖဵု ကုတဳလပိုဉ်ရ’ ရဴဝွံ သ္ဒးဟီုသ္ဂးကဵုခမဳဂှ်ရ၊ ရဴဝွံဟေင်ခမဳဂမၠိုင် သီုဂပ်ဝ်သ္ဂးတဴခမဳဂှ် တုပ်နဲကိုပ်ကၠာဟေင် ယိုက်ဒိုက်ဂိုင်ကေတ်မ္ဂး တၞဟ်နကဵုသၠးကၠေံကွေတ်ဂှ် စဵုကဵုပေင်ပိဝါ ခမဳဂမၠိုင် ဂပ်ဝ်ဒၠောံဗတောန်ခမဳဂှ် ဗွဲမဒးရးရ၊ စဵုကဵုပေင်ပိဝါ ဂပ်ဝ်ဒၠောံဗတောန် ဗွဲမဒးရနေဝ် ယဝ်သၠးကၠေံကွေတ်ဂှ်မ္ဂး၊ ပွမသၠးကၠေံ ရဴဝွံ ခိုဟ်သန်ရ၊ ယဝ်ဟွံသၠးကၠေံမ္ဂး၊ (ကုခမဳဂှ်) ဒးအာပတ်သံဃာဒိသေသ်ရ ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။

၂.၁၃.၂။ ပွံက်ကုလဒူသကသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

437) ခမဳဂှ် ကွာန်နိဂီုမွဲမွဲ မ္ဂးဂှ် ကွာန်ကီု နဂီုကီု ဍုင်ကီု ကွာန်နိဂီုမ္ဂးရ။ သ္ပနိဿယ်ဗ္ဒာဲတုဲ သ္ပဒတဴရ မ္ဂးဂှ် သ္ၚာပိဏ္ဍပါတ် ဘာ ဂဥုဲမဒှ်ကြိယာဗာပၟင်ပၟဲလမျီု မစှေ်စးကဵုယဲဂမၠိုင် စပ်ကေုာံကွာန်နိဂီုဂှ်အိုတ်ရ။

ဂကူ မ္ဂးဂှ် ဂကူသၟိင် ဂကူဗဗၞး ဂကူသၟာဗၞိက် ဂကူဒိုက်ဂတ် ရဴဝွံ မၞုံပန်ဂကူအိုတ်ရ။ လေပ်ပလီုပလာ်ဂကူဂမၠိုင်ရ မ္ဂးဂှ် နမကဵုပကဴကီု နမကဵုသတ်ဆုကီု နမကဵုခၞိက်ကြကောတ်ကီု နမကဵုတိကမၠေတ်ကီု နမကဵုဆုဒကကီု နမကဵုဒုန်ကီု နပွမဝဳဂဥုဲကီု နမဒုင်ဖအောဝ်စကာတုဲ အာကဵုဇိုင်ကီု လေပ်ပလီုပလာ်ဂကူဂမၠိုင်ရ။

မၞုံကဵုဒ္ဂေတ်မယုတ်မာရ မ္ဂးဂှ် တဵုတဴတၞံပကဴသၟတ်ရ၊ ဖအောဝ်ကဵုတဵုရ၊ ကိုဟ်စဝ်စရိုဟ်ဍာ်ရ၊ ဖအောဝ်ကဵုစကိုဟ်စဝ်စရိုဟ်ရ၊ ၜှ်ဂၠောင်ရ၊ ဖအောဝ်ကဵုၜှ်ဂၠောင်ရ၊ ကၞောတ်ဇန်ရ၊ ဖအောဝ်ကဵုကၞောတ်ဇန်ရ။

ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ မ္ဂးဂှ် ယြဴညးဂမၠိုင် ဒှ်ဂတမတ်အိုတ်ရ၊ ညးဂမၠိုင်ဂှ် ညာတ်အိုတ်ရ၊ ယြဴညးဂမၠိုင် ဒှ်ကြဴမတ်အိုတ်ရ၊ ညးဂမၠိုင်ဂှ် မိင်အိုတ်ရ။

ဂကူဂမၠိုင် မိန်ခမဳဂှ် မဂပ်ဝ်ပလီုပလာ်လေဝ် မ္ဂးဂှ် ပ္ဍဲကိုပ်ကၠာတေံ ညးမၞုံကဵုဓရ်သဒ္ဓါတုဲ မလျုင်ဇြုင်သ္ဍိုက်ဂမၠိုင် သ္ပဟိုတ်ကဵုခမဳဂှ်တုဲ ဓရ်သဒ္ဓါစ္ဍးအာအိုတ်ရ၊ ပွမလျုင်ဇြုင်သ္ဍိုက်ဂှ် စ္ဍးအာအိုတ်ရ။

ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ မ္ဂးဂှ် မ္ဂးဂှ် ယြဴညးဂမၠိုင် ဒှ်ဂတမတ်အိုတ်ရ၊ ညးဂမၠိုင်ဂှ် ညာတ်အိုတ်ရ၊ ယြဴညးဂမၠိုင် ဒှ်ကြဴမတ်အိုတ်ရ၊ ညးဂမၠိုင်ဂှ် မိင်အိုတ်ရ။ ခမဳ မ္ဂးဂှ် ခမဳပလီုပလာ်ဂကူဂမၠိုင်ဂှ်။ ခမဳဂမၠိုင်မ္ဂးဂှ် ခမဳသအာင်ဂမၠိုင်။

ယြဴခမဳဂမၠိုင် ညာတ်အိုတ်ရ၊ ယြဴခမဳဂမၠိုင် မိင်အိုတ်ရ၊ ခမဳဂမၠိုင်ဂှ် “တဳလပိုဉ်ဟေင် လေပ်ပလီုပလာ်ဂကူရ၊ မၞုံကဵုဒ္ဂေတ်မယုတ်မာရ၊ ဒ္ဂေတ်မယုတ်မာဂမၠိုင် တဳလပိုဉ်ဂှ် ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ ဂကူဂမၠိုင် မိန်တဳလပိုဉ် မဂပ်ဝ်ပလီုပလာ်လေဝ် ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ တဳလပိုဉ် ဩဝ်စ္ဍးတိတ်အာ နူဘာဝွံညိ၊ နပွမပဒတဴပ္ဍဲဘာဝွံ ဟွံမွဲဖဵု ကုတဳလပိုဉ်ရ” ရဴဝွံ သ္ဒးဟီုသ္ဂးကဵုခမဳဂှ်ရ၊ ရဴဝွံ ခမဳဂမၠိုင် ဂပ်ဝ်ဟီုသ္ဂးမ္ဂး ခမဳဂှ် “ခမဳဂမၠိုင် ဆန္ဒာဂတိလေဝ် ဗက်စအိုတ်ရ၊ ဒေါသာဂတိလေဝ် ဗက်စအိုတ်ရ၊ မောဟာဂတိလေဝ် ဗက်စအိုတ်ရ၊ ဘယာဂတိလေဝ် ဗက်စအိုတ်ရ၊ နအာပတ်မၞုံသဘဴရဴသာ်ဂှ် ခမဳလ္ၚဵုဂမၠိုင် ဗက်ဗ္ဒဴအိုတ်ရ၊ ခမဳလ္ၚဵုဂမၠိုင် ဟွံဗက်ဗ္ဒဴအိုတ်ရ” ရဴဝွံ ဟီုသ္ဂးကဵုခမဳဂမၠိုင်မ္ဂး။ ခမဳ မ္ဂးဂှ် ခမဳမဂပ်ဝ်သ္ပကမ်ဂှ်။ ခမဳဂမၠိုင် မ္ဂးဂှ် ခမဳသအာင်ဂမၠိုင်။

ယြဴခမဳဂမၠိုင် ညာတ်အိုတ်ရ၊ ယြဴခမဳဂမၠိုင် မိင်အိုတ်ရ၊ ခမဳဂမၠိုင်ဂှ် “တဳလပိုဉ် လ္ပဟီုရဴဝွံညိ၊ ခမဳဂမၠိုင် ဆန္ဒာဂတိလေဝ် ဟွံဗက်စအိုတ်ရ၊ ဒေါသာဂတိလေဝ် ဟွံဗက်စအိုတ်ရ၊ မောဟာဂတိလေဝ် ဟွံဗက်စအိုတ်ရ၊ ဘယာဂတိလေဝ် ဟွံဗက်စအိုတ်ရ၊ တဳလပိုဉ်ဟေင် လေပ်ပလီုပလာ်ဂကူရ၊ မၞုံကဵုဒ္ဂေတ်မယုတ်မာရ၊ ဒ္ဂေတ်မယုတ်မာဂမၠိုင် တဳလပိုဉ်ဂှ် ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ ဂကူဂမၠိုင် မိန်တဳလပိုဉ် မဂပ်ဝ်ပလီုပလာ်လေဝ် ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ တဳလပိုဉ် ဩဝ်စ္ဍးတိတ်အာနူဘာဝွံညိ နပွမပဒတဴပ္ဍဲဘာဝွံ ဟွံမွဲဖဵု ကုတဳလပိုဉ်ရ” ရဴဝွံ သ္ဒးဟီုသ္ဂးရ။

မရနုက်ကဵုၜါဝါလေဝ် သ္ဒးဟီုသ္ဂးရ၊ မရနုက်ကဵုပိဝါလေဝ် သ္ဒးဟီုသ္ဂးရ။ ယဝ်သၠးကၠေံမ္ဂး ပွမသၠးကၠေံဂှ် ခိုဟ်သန်ရ၊ ယဝ်ဟွံသၠးကၠေံမ္ဂး ဒးအာပတ်ဒုက္ကဋ်ရ။ မိင်တုဲ ဟွံဟီုသ္ဂးအိုတ်မ္ဂး ဒးအာပတ်ဒုက္ကဋ်ရ။ ခမဳဂှ် ဇရေင်လဒေါဝ်သင်လေဝ် ကော်ဏာတုဲ “တဳလပိုဉ် လ္ပဟီုရဴဝွံညိ၊ ခမဳဂမၠိုင် ဆန္ဒာဂတိလေဝ် ဟွံဗက်စအိုတ်ရ၊ ဒေါသာဂတိလေဝ် ဟွံဗက်စအိုတ်ရ၊ မောဟာဂတိလေဝ် ဟွံဗက်စအိုတ်ရ၊ ဘယာဂတိလေဝ် ဟွံဗက်စအိုတ်ရ၊ တဳလပိုဉ်ဟေင် လေပ်ပလီုပလာ်ဂကူရ၊ မၞုံကဵုဒ္ဂေတ်မယုတ်မာရ၊ ဒ္ဂေတ်မယုတ်မာဂမၠိုင် မိန်တဳလပိုဉ် မဂပ်ဝ်ပလီုပလာ်လေဝ် ညာတ်လေဝ် ဂပ်ဝ်ညာတ်အိုတ်ရ၊ မိင်လေဝ် ဂပ်ဝ်မိင်အိုတ်ရ၊ တဳလပိုဉ် ဩဝ်စ္ဍးတိတ်အာနူဘာဝွံညိ၊ နပွမပဒတဴပ္ဍဲဘာဝွံ ဟွံမွဲဖဵု ကုတဳလပိုဉ်ရ” ရဴဝွံ သ္ဒးဟီုသ္ဂးရ။

မရနုက်ကဵုၜါဝါလေဝ် သ္ဒးဟီုသ္ဂးရ၊ မရနုက်ကဵုပိဝါလေဝ် သ္ဒးဟီုသ္ဂးရ။ ယဝ်သၠးကၠေံမ္ဂး ပွမသၠးကၠေံဂှ် ခိုဟ်သန်ရ၊ ယဝ်ဟွံသၠးကၠေံမ္ဂး ဒးအာပတ်ဒုက္ကဋ်ရ။ ဂပ်ဝ်ဒးဒၠောံဗတောန် ခမဳဂှ် ဗွဲမဒးရး (နဉတ်ကမ္မဝါစ်) ရ၊ ယွံခမဳတအ် ရဴဝွံဟေင် သ္ဒးဒၠောံဗတောန် ဗွဲမဒးရးရ၊ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသင်တီရ။


438) ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ သင်ဂပ်ဝ်ဗက်ဗ္ဒဴထောံမ္ဂး ခမဳဂမၠိုင် အာစိုပ်ဒဒှ်ညးဗက်စဆန္ဒာဂတိ ဒေါသာဂတိ မောဟာဂတိ ဘယာဂတိဂမၠိုင်ရ၊ ခမဳဂှ် ဟွံသၠးကၠေံကွေတ်ဂှ်ရ၊ ကမ်မၞုံကဵုအခိင် မဗဗွဲကုသင် ယဝ်ဒှ်တဴမ္ဂး တၞဟ်နကဵုသၠးကၠေံကွေတ်ဂှ် သင်သ္ဒးဒၠောံဗတောန် ခမဳမၞုံယၟုဝွံ ဗွဲမဒးရးရ၊ ဣဝွံတုန် ပွမကဵုတီရောင်။

ယွံတဳလပိုဉ်တအ် သင် ဩဝ်ကလင်ပင်မှိင် (ဂလာန်) အဲဍိက်ညိ၊ ခမဳမၞုံယၟုဝွံ သင်ဂပ်ဝ်ဗက်ဗ္ဒဴထောံမ္ဂး ခမဳဂမၠိုင် အာစိုပ်ဒဒှ်ညးဗက်စဆန္ဒာဂတိ ဒေါသာဂတိ မောဟာဂတိ ဘယာဂတိဂမၠိုင်ရ၊ ခမဳဂှ် ဟွံသၠးကၠေံကွေတ်ဂှ်ရ၊ ကမ်မၞုံကဵုအခိင် မဗဗွဲကုသင် ယဝ်ဒှ်တဴမ္ဂး တၞဟ်နကဵုသၠးကၠေံကွေတ်ဂှ် သင်သ္ဒးဒၠောံဗတောန် ခမဳမၞုံယၟုဝွံ ဗွဲမဒးရးရ၊ ယြဴကုတဳလပိုဉ်မွဲ တၞဟ်နကဵုသၠးကၠေံကွေတ်ဂှ် သ္ဍိုက်မၠိုက်ပွမဒၠောံဗတောန် ခမဳမၞုံယၟုဝွံ ဗွဲမဒးရးရ၊ တဳလပိုဉ်ဂှ် သ္ဒးဒၟံင်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။

မရနုက်ကဵု ၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ ။ ပ ။ တၞဟ်နကဵုသၠးကၠေံကွေတ်ဂှ် သင်ဂပ်ဝ်ဒၠောံဗတောန် ခမဳမၞုံယၟုဝွံ ဗွဲမဒးရးရ၊ ကုသင်ဂှ် မၞုံကဵုပွမသ္ဍိုက်မၠိုက်ရ။ ဟိုတ်ဂှ်ရ ဒၟံင်ကၞပ်သ္ၚောံသ္ၚိတ်ဇြရ။ နမဒၟံင်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။


439) ပ္ဍဲလအိတ်ဉတ် ဒးအာပတ်ဒုက္ကဋ်ရ၊ ပ္ဍဲလအိတ်ကမ္မဝါစ်ဂမၠိုင်ၜါဝါ ဒးအာပတ်ထုလ္လစ္စယ်ရ၊ ပ္ဍဲလအိတ်ကမ္မဝါစ် ဒးအာပတ်သံဃာဒိသေသ်ရ။ ကုခမဳ မအာစိုပ်သံဃာဒိသေသ်ဂှ် ဒုက္ကဋ် ပ္ဍဲလအိတ်ဉတ် ထုလ္လစယ် ပ္ဍဲလအိတ်ကမ္မဝါစ်ဂမၠိုင် ၜါဝါဂမၠိုင် လလမ်အိုတ်ရ။

သံဃာဒိသေသ် မ္ဂးဂှ် သွက်အာပတ်ဂှ် သင်ဟေင် သ္ဒးကဵုပြဝးရ၊ သ္ဒးတံင်ဓဇက်တမ်ရ၊ သ္ဒးကဵုမာနတ်ရ၊ သ္ဒးပၠုပ်အဗ္ဘာန်ရ၊ ၜါဇကု ပိဇကုကီု၊ ပူဂိုလ်မွဲမွဲကီု၊ ကဵုပြဝးဟွံဂွံရ၊ တံင်ဓဇက်တမ် ဟွံဂွံရ၊ ကဵုမာနတ် ဟွံဂွံရ၊ ပၠုပ်အဗ္ဘာန် ဟွံဂွံရ၊ ဟိုတ်ဂှ်ရ ကော်ခဴဂး ရဴဝွံမ္ဂး “သံဃာဒိသေသ်” ရ၊ (ယၟုမတွံဂး သံဃာဒိသေသ်ဂှ်) ယၟုဂကောံအာပတ်ဂှ်ဟေင်ရ၊ ဟိုတ်ဂှ်လေဝ် ကော်ခဴဂးရဴဝွံမ္ဂး “သံဃာဒိသေသ်” ရ။


440) ပ္ဍဲဓမ္မကမ် မၞုံပွမသမ္တီထေင်ကေတ် ဓမ္မကမ်တုဲ ဟွံသၠးကၠေံမ္ဂး ဒးအာပတ်သံဃာဒိသေသ်ရ။ ပ္ဍဲဓမ္မကမ် မၞုံသၠေဟ်ပၟာတုဲ ဟွံသၠးကၠေံမ္ဂး ဒးအာပတ်သံဃာဒိသေသ်ရ။ ပ္ဍဲဓမ္မကမ် မၞုံပွမသမ္တီထေင်ကေတ် အဓမ္မကမ်တုဲ ဟွံသၠးကၠေံမ္ဂး ဒးအာပတ်သံဃာဒိသေသ်ရ။ ပ္ဍဲအဓမ္မကမ် မၞုံပွမသမ္တီထေင်ကေတ် ဓမ္မကမ်တုဲ ဟွံသၠးကၠေံမ္ဂး ဒးအာပတ်ဒုက္ကဋ်ရ။ ပ္ဍဲအဓမ္မကမ်ဂှ် မၞုံသၠေဟ်ပၟာတုဲ ဟွံသၠးကၠေံမ္ဂး ဒးအာပတ်ဒုက္ကဋ်ရ။ ပ္ဍဲအဓမ္မကမ် မၞုံပွမသမ္တီထေင်ကေတ် အဓမ္မကမ်တုဲ ဟွံသၠးကၠေံမ္ဂး ဒးအာပတ်ဒုက္ကဋ်ရ။


441) ကုခမဳ မဟဂပ်ဝ်ဒၠောံဗတောန် ဗွဲမဒးရ (နဉတ်ကမ္မဝါစ်) ခမဳသၠးကၠေံကွေတ် ခမဳကြအ်ဥမ္မတ် ခမဳကလိလောန်ကၠာတဲဂှ် ဟွံဒးအာပတ်ရ။ ကုလဒူသကသိက္ခာပိုဒ် တေရသမတုဲရ။ ☙ နိဂီုတေရသကဏ် ❧


442) ယွံတၠဇမၠိင်အာယုက်တအ် ဂပ်ဝ်စၞောန်ထ္ၜးကဵု အာပတ်သံဃာဒိသေသ်ဂမၠိုင်စှ်ပိ ဗွဲအာပတ်ဒးပ္ဍဲခဏမကလိလောန်ဒစိတ် အာပတ်ဒးပ္ဍဲလအိတ်ဒၠောံဗတောန် နဉတ်ကမ္မဝါစ်ပန် ဗွဲသရုပ်တုဲအိုတ်ရ။ ခမဳဂှ် ပၞောဝ်ကဵုစှ်ပိဂမၠိုင်ဂှ် အာစိုပ်မွဲမွဲတုဲ ယြဴလုကဴဗၞတ်တ္ၚဲဂမၠိုင် သီုမတီတဴ ဂြောပ်ဗ္ဒန်လဝ်ရ၊ လုကဴဗၞတ်တ္ၚဲဂမၠိုင်ဂှ် ခမဳဂှ် သီုဟွံမွဲပၟိက် သ္ဒးပဒတဴ ပြဝးရ။ ခမဳမပဒတဴပြဝးတုဲဂှ် လောန်လတူဂှ် လုကဴတြဴဗ္တမ် တၞဟ်နခမဳဂမၠိုင် ဂွံသ္ဍိုက်မၠိုက် သ္ဒးဒ္ဂေတ်မာနတ်ရ၊ ခမဳမဒ္ဂေတ်မာနတ်တုဲဂှ် သ္ဒးေ ကာ်ပၠုပ်အဗ္ဘာ န်ပ္ဍဲသိမ် မၞုံကဵုလၟိဟ်ခမဳသင် ၜါစှော်ဇကုရ။ ခမဳသင်ၜါစှော်ယုတ်မွဲဇကုလေဝ် ေ ကာ်ပၠုပ်အဗ္ဘာန် ခမဳဂှ်မ္ဂး၊ ခမဳဂှ်လေဝ် ဟဂ ပ်ဝ်ကော်ပၠုပ်အဗ္ဘာန်မ္ဂးရ။ ခမဳ (ေ ကာ်ပၠုပ်အဗ္ဘာန်) ဂမၠိုင်လေဝ် ဂပ်ဝ်ဂရိုဟ်အိုတ်ရ၊ ဣဝွံတုန် ဒ္ဂေတ်ထေက်ကဵုဒ္ဂေတ်ဗက် (ပ္ဍဲအရာဒးအာပတ်သံဃာဒိသေသ်) ရောင်။

ပ္ဍဲသံဃာဒိသေသ်ဂမၠိုင်ပန်ဂှ် သၟာန်တဳလပိုဉ်ဂမၠိုင်ရ၊ သအးဇ္ၚးနူအာပတ်အိုတ်ရဟာ၊ မရနုက်ကဵုၜါဝါလေဝ် သၟာန်တဴရ၊ သအးဇ္ၚးအာပတ်အိုတ်ရဟာ၊ မရနုက်ကဵုပိဝါလေဝ် သၟာန်တဴရ၊ သအးဇ္ၚးနူအာပတ်အိုတ်ရဟာ။ တၠဇမၠိင်အာယုက်တအ်ညးဂမၠိုင် ပ္ဍဲ (သံဃာဒိသေသ်စှ်ပိ) ဂမၠိုင်ဝွံ သအးဇ္ၚးနူအာပတ်အိုတ်ရ၊ ဟိုတ်ဂှ်ရ ဒၟံင်သ္ၚိတ်သ္ၚိတ်ဇြဇြအိုတ်ရ၊ ရဴဝွံ နမဒၟံင်သ္ၚိတ်သ္ၚိတ်ဇြဇြဂှ် ဂွံသမ္တီကေတ် ဒဒှ်မသအးဇ္ၚးနူအာပတ်ဝွံရ။ စှ်ပိပြကာတုဲရ။


☙ လၟေင်က္ဍိုပ်တေရသကဏ်ဗွဲခမ္ဍန် ❧ ပွမဗလးသုက်၊ ပွမနှဴရဴဇကုကာယ၊ ပွမဟီုရုန်မဵု၊ ပွမအာတ်ကာမဂုဏ် တၞဟ်နသွက်ဇကု၊ ပွမသ္ပကလုတ်၊ ဘာကုဋ်၊ ဘာဇၞော်၊ ဟွံမွဲကဵုရိုဟ်တၞမ်၊ ဟိုတ်မြော်တုပ်သၟဟ်၊ ပွမပါ်ဒကးဗော်၊ ဒ္ဂေတ်ဗက်လက္ကရဴဂမၠိုင်၊ ဒၠောံဗတောန်ဝါတ်၊ ပွမပလီုဂကူ၊ ပံင်သံဃာဒိသေသ် စှ်ပိပြကာဂမၠိုင်ရောင်။

ခဏ်သံဃာဒိသေသ်တုဲရ။

၃။ ခဏ်အနိယတ

[ပလေဝ်ဒါန် | ပလေဝ်ဒါန် တမ်ကၞက်]

၃.၁။ ပဌမအနိယတသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

ယွံတၠဇမၠိင်အာယုက်တအ် အာပတ်အနိယတဂမၠိုင် ၜါပြကာဝွံ အာစိုပ်ဒဒှ်ဂပ်ဝ်စၞောန်ထ္ၜး ဗွဲသရုပ်အိုတ်ရ။


443) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာဇေတ၀န် မဒှ်အာရှာမ် အနာထပိဏ္ဍိကသေဌဳ ဇရေင်ဍုင်သာရဝှ်ဂှ် တဳလပိုဉ်ဥဒါယဳ ဒှ်ခမဳမလေပ်ပြာပ်စဴသ္ၚိ (ခမဳအ္စာ) ပ္ဍဲဍုင်သာရဝှ်ရ၊ ပြာပ်စဴသ္ၚိဂမၠိုင် ဗွဲမဂၠိုင်ရ၊ ပ္ဍဲအခိင်ဂှ် သၟတ်ဗြဴသ္ၚိဒကာကၠောန်ၜိုတ် တဳလပိုဉ်ဥဒါယဳဂှ် ကဵုစ ကုသၟတ်တြုံ သ္ၚိဂကူသအာင်ရ၊ ပ္ဍဲအခိင်ဂှ် တဳလပိုဉ်ဥဒါယဳ ပ္ဍဲအခိင်နူဂယး သၠောံရုင်လတက်ပလေဝ်သ္ၚာတုဲမ္ဂး ဂိုင်ထ္ၜကေတ်ဗဗေင်သ္ၚာတုဲ ပြာပ်စဴအာသ္ၚိဂကူဂှ်တုဲ ပ္ဍဲကြဴ “သၟတ်ဗြဴ မၞုံယၟုဝွံ ဣလဵုရော?” ရဴဝွံ သၟာန်မၞိဟ်ဂမၠိုင်ရ၊ မၞိဟ်ဂမၠိုင်ဂှ် “ယွံတဳလပိုဉ် ဂပ်ဝ်ကဵုထောံ ကုသၟတ်တြုံ သ္ၚိဂကူမၞုံယၟုဝွံရ” ရဴဝွံ သ္ဂးအိုတ်ရ၊ သ္ၚိဂကူဂှ်လေဝ် ဒှ်သ္ၚိဒကာကၠောန်ၜိုတ် တဳလပိုဉ်ဥဒါယဳဟေင်ရ၊ ပ္ဍဲအခိင်ဂှ် တဳလပိုဉ်ဥဒါယဳ ပြာပ်အာသ္ၚိဂကူဂှ်တုဲ ပ္ဍဲကြဴ “သၟတ်ဗြဴ မၞုံယၟုဝွံ ဣလဵုရော?” ရဴဝွံ သၟာန်မၞိဟ်ဂမၠိုင်ရ၊ မၞိဟ်ဂမၠိုင်ဂှ် “ယွံတဳလပိုဉ် သၟတ်ဗြဴဂှ် ဂဇအ်ဒၟံင် ပ္ဍဲဂၠမ်သတိက်ရ” ရဴဝွံ သ္ဂးအိုတ်ရ။ ပ္ဍဲအခိင်ဂှ် တဳလပိုဉ်ဥဒါယဳ ပြာပ်အာဇရေင် သၟတ်ဗြဴဂှ်တုဲ ပ္ဍဲကြဴ မွဲဟာန်ကေုာံသၟတ်ဗြဴဂှ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန် မဟွံမွဲကဵုအစဵုဗိုင် မဗဗွဲကဵုတၞဟ်နသ္ပဒ္ဂေတ်မေထုန် သီုမဟီုဂလာန်တွံဓရ် မဗဗွဲကဵုအခိင်ဂှ် ဂဇအ်ဒၟံင်ရ။ ပ္ဍဲအခိင်ဂှ် ဝိသာခါ မၞုံယၟုမိဂါရမာတာ (မစိုန်ဒှ်ညံင်မိ မိဂါရသေဌဳ) မၞုံကဵုကောန်ဇာတ်ဂၠိုင်၊ မၞုံကဵုကောန်စဴဂၠိုင်ရ၊ မၞုံကဵုကောန်ဇာတ် စ္ဍးနူယဲရ၊ မၞုံကဵုကောန်စဴ စ္ဍးနူယဲရ၊ ဂပ်ဝ်သၟိတ်ဂး ဗြဴမၞုံကဵုမ္ၚိုလ်လောန်ရ၊ မၞိဟ်ဂမၠိုင် ပ္ဍဲပေါဲယဇ် ပေါဲသဘင် ပေဲါဗဗွဲကဵုအခိင်ဂမၠိုင် တရာပ်ဖာပ်ဗ္စဝိသာခါ မၞုံယၟုမိဂါရမာတာ ဗွဲကိုပ်ကၠာအိုတ်ရ၊ ပ္ဍဲအခိင်ဂှ် ဝိသာခါ မၞုံယၟုမိဂါရမာတာဂှ် ဂပ်ဝ်ဘိက်လဝ်ဂှ်ရ အာသ္ၚိဂကူဂှ်ရ။ ပ္ဍဲအခိင်ဂှ် ဝိသာခါ မၞုံယၟုမိဂါရမာတာဂှ် ညာတ်ဒးအာတဳလပိုဉ်ဥဒါယဳ မဂဇအ်ဒၟံင် မွဲဟာန်ကေုာံ သၟတ်ဗြဴဂှ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန် မဟွံမွဲကဵုအစဵုဗိုင် မဗဗွဲကဵု တၞဟ်နသ္ပဒ္ဂေတ်မေထုန်တုဲ— “တဳလပိုဉ်ဂှ် ဂဇအ်ဒၟံင်မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန် မဟွံမွဲကဵုအစဵုဗိုင် မဗဗွဲကဵု တၞဟ်နသ္ပဒ္ဂေတ်မေထုန်ရ၊ ယွံတဳလပိုဉ် ဒ္ဂေတ်ပွဝွံ ဟွံထေက်ကြိုက်ရ၊ ဟွံဗဗွဲရ၊ ယွံတဳလပိုဉ် တဳလပိုဉ်ဂှ် မၞုံပၟိက်ကဵုမေထုန်ဂှ် ဟွံသေင်ရ၊ ၜိုန်ဂှ်လေဝ် သွက်ညးဟွံလျုင်ဇြုင်သ္ဍိုက်ဂမၠိုင်ဏီ ဇြိုင်ကဵုဂွံလျုင်ဇြုင်သ္ဍိုက်အိုတ်ရ” ရဴဝွံ သ္ဂးရ။ တဳလပိုဉ်ဥဒါယဳဂှ် ဝိသာခါ မၞုံယၟုမိဂါရမာတာ သီုဂပ်ဝ်ဟီုသ္ဂးတဴ ရဴဝွံဂှ် ဟွံကလင်ကေတ်ရ၊ ပ္ဍဲအခိင်ဂှ် ဝိသာခါ မၞုံယၟုမိဂါရမာတာ တိတ်အာတုဲ ဂရင်ပတီ ဟိုတ်ပရူပရာဝွံ ကုခမဳဂမၠိုင်ရ။ ခမဳပၟိက်အောန်ဂမၠိုင်ဂှ် “တဳလပိုဉ်ဥဒါယဳ မုဟိုတ် သ္ဂောံဂဇအ်ဒၟံင် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန် မဟွံမွဲကဵုအစဵုဗိုင် မဗဗွဲကဵု တၞဟ်နသ္ပဒ္ဂေတ်မေထုန်ဂှ်ရော” ရဴဝွံ ဟီုဂရိုဟ်အိုတ်ရ၊ ပျုတ်ဒ္ဂေတ်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် တဳလပိုဉ်ဥဒါယဳ နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ “ယွံဥဒါယဳ တၠအဲ သ္ပပွမဂဇအ်ဒၟံင် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန် မဟွံမွဲအစဵုဗိုင် မဗဗွဲကဵုတၞဟ်နသ္ပဒ္ဂေတ်မေထုန်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ။ ပ ။ ယွံတြုံ မလ္ၚုသၟး (နူမဂ်ဖိုလ်) တၠအဲ မုဟိုတ်ဂဇအ်ဒၟံင် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန် မဟွံမွဲအစဵုဗိုင် မဗဗွဲကဵုတၞဟ်နသ္ပဒ္ဂေတ်မေထုန်ဂှ်ရော?၊ ယွံတြုံ မလ္ၚုသၟး (နူမဂ်ဖိုလ်) (ပွတၠအဲသ္ပဒး) ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜး သိက္ခာပိုဒ်ဝွံအိုတ်ညိ။


444) ယြဴခမဳမွဲ တၠအဲ သ္ပပွမဂဇအ်ဒၟံင် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန် မဟွံမွဲအစဵုဗိုင် မဗဗွဲကဵုတၞဟ်နသ္ပဒ္ဂေတ်မေထုန်မ္ဂး၊ ဥပးဗြဴ မၞုံကဵုဂလာန် ထေက်ကဵုပတှေ်ဂှ် ညာတ်ခမဳဂှ်တုဲ နပါရာဇ်ကီု နသံဃာဒိသေသ်ကီု နပဲါစိုတ်ကီု ပၞောဝ်အာပတ်ဂမၠိုင်ပိ စောတ်စောဲ နအာပတ်မွဲမွဲမ္ဂး၊ ခမဳ မဒုင်ဝန် ပွမဂဇအ်ဂှ် နပါရာဇ်ကီု နသံဃာဒိသေသ်ကီု နပဲါစိုတ်ကီု ပၞောဝ်အာပတ်ဂမၠိုင်ပိ နအာပတ်မွဲမွဲ ဒးသ္ဂုတ်သွာတ်ရ၊ နအာပတ် ဥပးဗြဴ မၞုံဂလာန် မထေက်ကဵုပတှေ် မစောတ်စောဲဂှ် ဒးသ္ဂုတ်သွာတ်ခမဳဂှ်ရ၊ အာပတ်ဝွံတုန် ဟွံဗိုန်ရ ရဴဝွံ (ဩဝ်စၞောန်ထ္ၜးညိ ရဴဝွံ သ္ဂးရ)။

၃.၁.၁။ ပွံက်ပဌမအနိယတသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

445) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု။ ပ ။ ခမဳ မ္ဂးဂှ် ။ ပ ။ ပ္ဍဲအရာဝွံ ညးမအာစိုပ် ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂး ခမဳရ။ မာတုဂါမ မ္ဂးဂှ် ဗြဴမၞိဟ်ရောင်၊ လကိုဟ် (ဒေဝတဴ) ဗြဴ ဟွံသေင်၊ ပြိုတ်ဗြဴ ဟွံသေင်၊ တိရစ္ဆာန်ဗြဴ ဟွံသေင်၊ ဗွဲတွဵုမယုတ် ကောန်ၚာ်ဗြဴ မၜံင်သၠးတိတ် တ္ၚဲဝွံရောင်။ ပ္ဍဲမၞိဟ်ဗြဴအဝယ်ဇၞော်ဂှ် သက်ဟီုဟွံမွဲဟေင်ရ။ မွဲစွံ မ္ဂးဂှ် မွဲဟာန်ကေုာံရောင်။ ညးမွဲကေုာံညးမွဲ မ္ဂးဂှ် ခမဳမွဲဇကု မာတုဂါမ်မွဲတၠရောင်။ ဌာန်လ္ၚုဂြောပ်ဗ္ဒန် မ္ဂးဂှ် ဌာန်လ္ၚုဂြောပ်ဗ္ဒန်မတ် ဌာန်လ္ၚုဂြောပ်ဗ္ဒန်ကတောဝ်ရောင်။ ဌာန်လ္ၚုဂြောပ် မ္ဂးဂှ် ဌာန်ဟွံသၟဟ်စောံ တၞဟ်နညာတ် ပွမထ္ၜေက်မတ်ကီု ပွမပချဳထ္ၜး တၞေင်မတ်ကီု ပွမဓညိက်ထ္ၜးက္ဍိုပ်ကီုရောင်။ ဌာန်လ္ၚုဂြောပ်ဗ္ဒန်ကတောဝ် မ္ဂးဂှ် ဌာန်ဟွံသၟဟ်စောံ တၞဟ်နမိင်ဂလာန်ပကတိရောင်။ ဌာန်မၞုံကဵုအစဵုအဗိုင် မ္ဂးဂှ် ဌာန်မဂပ်ဝ်ဂြောပ်ဗ္ဒန် စဵုလဝ်နကဵုဗ္ဒင်ကီု နကဵုသၠတြင်ကီု နကဵုသကဝ်ကီု နကဵုယာတ်သၞိက်ကီု နကဵုတၞံဆုကီု နကဵုဒယိုင်ကီု နကဵုကောပ်ကာဲဒေါဲကီု နကဵုမမိက်ကဵုမွဲမွဲရောင်။ မဗဗွဲကဵုတၞဟ်နသ္ပဒ္ဂေတ်မေထုန် မ္ဂးဂှ် ဌာန်မသၟဟ်စောံ တၞဟ်နသွိုန်ဗပိုန်သိပ်ဂၠိပ် ဒ္ဂေတ်မေထုန်ရောင်။ ဂဇအ်ဒၟံင် မ္ဂးဂှ် မာတုဂါမဂှ် ဂဇအ်မ္ဂး ခမဳဂှ် ပြာပ်အာတုဲလေဝ် ဂဇအ်ရ၊ ပြာပ်အာတုဲလေဝ် တိက်ရ၊ ခမဳဂှ် ဂဇအ်မ္ဂး မာတုဂါမ ပြာပ်အာတုဲလေဝ် ဂဇအ်ရ၊ ပြာပ်အာတုဲလေဝ် တိက်ရ၊ သီုညးၜါလေဝ် ဂဇအ်အိုတ်ရ၊ သီုညးၜါလေဝ် တိက်အိုတ်ရ။ ဍေံမၞုံဂလာန်ထေက်ကဵုပတှေ် မ္ဂးဂှ် ဍေံအာစိုပ်သောတာပတ္တိဖိုလ်တုဲ ဍေံမထပက်ခၠင်တီကေတ်သစ္စပန်တုဲ ဍေံမဒ္ဂေတ်လ္ၚတ်သိက္ခာပိပြကာတုဲ။ ဥပးဗြဴ မ္ဂးဂှ် ဒကာဗျဉ် မပြာပ်ခစကျာ်ဓရ်သင်ရောင်။ ညာတ်တုဲမ္ဂးဂှ် ရံင်ညာတ်တုဲ။ နပါရာဇ်ကီု နသံဃာဒိသေသ်ကီု နပဲါစိုတ်ကီု ပၞောဝ်အာပတ်ဂမၠိုင်ပိ စောတ်စောဲ နအာပတ်မွဲမွဲမ္ဂး၊ ခမဳမဒုင်ဝန် ပွမဂဇအ်ဂှ် နပါရာဇ်ကီု နသံဃာဒိသေသ်ကီု နပဲါစိုတ်ကီု ပၞောဝ်အာပတ်ဂမၠိုင်ပိ နအာပတ်မွဲမွဲ ဒးသ္ဂုတ်သွာတ်ရ၊ နအာပတ် ဥပးဗြဴ မၞုံကဵုဂလာန် မထေက်ကဵုပတှေ် မစောတ်စောဲဂှ် ဒးသ္ဂုတ်သွာတ် ခမဳဂှ်ရ။


446) ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံင် သွိုန်ဗပိုန် သိပ်ဂၠိပ်ဒၟံင် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုင်ဝန်ပွမဂဇအ်ဂှ်မ္ဂး၊ ဒးသ္ဂုတ်သွာတ် နအာပတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံင် သွိုန်ဗပိုန် သိပ်ဂၠိပ်ဒၟံင် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် ဍာံပြရ အဲဂဇအ်ဒၟံင်ရ၊ ၜိုန်ဂှ်လေဝ် မေထုန်ဂှ်တုန် ဟဂွံသွိုန်ဗပိုန်သိပ်ဂၠိပ်ရ ရဴဝွံ သ္ဂးတဴမ္ဂး ၊ ဒးသ္ဂုတ်သွာတ် နပွမဂဇအ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံင် သွိုန်ဗပိုန် သိပ်ဂၠိပ်ဒၟံင် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် အဲ ဟွံဂဇအ်ဒၟံင်ရ၊ ဗွဲစၟတ်တုန် အဲတိက်ဒၟံင်ရ ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံင် သွိုန်ဗပိုန် သိပ်ဂၠိပ်ဒၟံင် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် အဲဟွံဂဇအ်ဒၟံင်ရ၊ ဗွဲစၟတ်တုန် အဲဒတူဒၟံင်ရ ရဴဝွံ သ္ဂးတဴမ္ဂး ၊ ဟဂပ်ဝ်သ္ဂုတ်သွာတ်ရ။


447) ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံင် သွိုန်ဗပိုန် သိပ်ဂၠိပ်ဒၟံင် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုင်ဝန်ပွမတိက်ဂှ်မ္ဂး၊ ဒးသ္ဂုတ်သွာတ် နအာပတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံင် သွိုန်ဗပိုန် သိပ်ဂၠိပ်ဒၟံင် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် ဍာံပြရ အဲတိက်ဒၟံင်ရ၊ ၜိုန်ဂှ်လေဝ် မေထုန်ဂှ်တုန် ဟဂွံသွိုန်ဗပိုန် သိပ်ဂၠိပ်ရ ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံင် သွိုန်ဗပိုန် သိပ်ဂၠိပ်ဒၟံင် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် အဲဟွံတိက်ဒၟံင်ရ၊ ဗွဲစၟတ်တုန် အဲဂဇအ်ဒၟံင်ရ ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံင် သွိုန်ဗပိုန် သိပ်ဂၠိပ်ဒၟံင် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် အဲဟွံတိက်ဒၟံင်ရ၊ ဗွဲစၟတ်တုန် အဲဒတူဒၟံင်ရ ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။


448) ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံင် အာစိုပ်ပွမနှဴရဴဇကုကာယ မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုင်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ပ ။ “ဍာံပြရ အဲဂဇအ်ဒၟံင်ရ၊ ၜိုန်ဂှ်လေဝ် ပွမနှဴရဴဇကုကာယတုန် ဟွံအာစိုပ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲဟွံဂဇအ်ဒၟံင်ရ၊ ဗွဲစၟတ်တုန် အဲတိက်ဒၟံင်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲ ဟွံဂဇအ်ဒၟံင်ရ၊ ဗွဲစၟတ်တုန် အဲဒတူဒၟံင်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံင် အာစိုပ်ပွမနှဴရဴဇကုကာယ ကေုာံမာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုင်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ပ ။ “ဍာံပြရ အဲတိက်ဒၟံင်ရ၊ ၜိုန်ဂှ်လေဝ် ပွမနှဴရဴဇကုကာယတုန် ဟွံအာစိုပ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲဟွံတိက်ဒၟံင်ရ၊ ဗွဲစၟတ်တုန် အဲဂဇအ်ဒၟံင်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲဟွံတိက်ဒၟံင်ရ၊ ဗွဲစၟတ်တုန် အဲဒတူဒၟံင်ရ” ရဴဝွံ သ္ဂးတဴမ္ဂး ၊ ဟဂပ်ဝ်သ္ဂုတ်သွာတ်ရ။


449) ဥပးဗြဴ “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံင် ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန် မဟွံမွဲကဵုအစဵုဗိုင် မဗဗွဲကဵုတၞဟ်နသ္ပ ဒ္ဂေတ်မေထုန်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုင်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ပ ။ “အဲဟွံဂဇအ်ဒၟံင်ရ၊ ဗွဲစၟတ်တုန် အဲတိက်ဒၟံင်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲ ဟွံဂဇအ်ဒၟံင်ရ၊ ဗွဲစၟတ်တုန် အဲဒတူဒၟံင်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။


450) ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် မတိက်ဒၟံင်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန် မဟွံမွဲကဵုအစဵုဗိုင် မဗဗွဲကဵုတၞဟ်နသ္ပ ဒ္ဂေတ်မေထုန်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုင်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ပ ။ “အဲ ဟွံတိက်ဒၟံင်ရ၊ ဗွဲစၟတ်တုန် အဲဂဇအ်ဒၟံင်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲ ဟွံတိက်ဒၟံင်ရ၊ ဗွဲစၟတ်တုန် အဲဒတူဒၟံင်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဟွံဗိုန်ရမ္ဂးဂှ် ပါရာဇ်ရကီု သံဃာဒိသေသ်ရကီု ပဲါစိုတ်ရကီု ဟွံဗိုန်ရ။


451) ဒုင်ဝန် ပွမအာမ္ဂး၊ ဒုင်ဝန် ပွမဂဇအ်မ္ဂး၊ ဒုင်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဒုင်ဝန် ပွမအာမ္ဂး၊ ဟွံဒုင်ဝန် ပွမဂဇအ်မ္ဂး၊ ဒုင်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဒုင်ဝန် ပွမအာမ္ဂး၊ ဒုင်ဝန် ပွမဂဇအ်မ္ဂး၊ ဟွံဒုင်ဝန် အာပတ်မ္ဂး၊ ဒးသ္ဂုတ်သွာတ် နပွမဇအ်ရ။ ဒုင်ဝန် ပွမအာမ္ဂး၊ ဟွံဒုင်ဝန် ပွမဂဇအ်မ္ဂး၊ ဟွံဒုင်ဝန် အာပတ်မ္ဂး၊ ဟဂပ်ဝ်သ္ဂုတ်သွာတ်ရ။ ဟွံဒုင်ဝန် ပွမအာမ္ဂး၊ ဒုင်ဝန် ပွမဂဇအ်မ္ဂး၊ ဒုင်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဟွံဒုင်ဝန် ပွမအာမ္ဂး၊ ဟွံဒုင်ဝန် ပွမဂဇအ်မ္ဂး၊ ဒုင်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဟွံဒုင်ဝန် ပွမအာမ္ဂး၊ ဒုင်ဝန် ပွမဂဇအ်မ္ဂး၊ ဟွံဒုင်ဝန် အာပတ်မ္ဂး၊ ဒးသ္ဂုတ်သွာတ် နပွမဂဇအ်ရ။ ဟွံဒုင်ဝန် ပွမအာမ္ဂး၊ ဟွံဒုင်ဝန် ပွမဂဇအ်မ္ဂး၊ ဟွံဒုင်ဝန် အာပတ်မ္ဂး၊ ဟဂပ်ဝ်သ္ဂုတ်သွာတ်ရ။ ပဌမအနိယတသိက္ခာပိုဒ် တုဲရ။

၃.၂။ ဒုတိယအနိယတသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

452) ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံင် ပ္ဍဲဘာဇေတဝန် မဒှ်အာရှာမ် အနာထပိဏ္ဍိကသေဌဳ ဇရေင်ဍုင်သာရဝှ်ဂှ် တဳလပိုဉ်ဥဒါယဳဂှ် တဳလမၞုံပိုဉ်ကျာ်တြဲ ဆေဝ်ဒဝ်ကၠေံ "ပွမဂဇအ်ဒၟံင် ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန် မဟွံမွဲကဵုအစဵုဗိုင် မဗဗွဲကဵုတၞဟ်နသ္ပ ဒ္ဂေတ်မေထုန်တုဲရ" ရဴဝွံ ကေုာံသၟဝ်ဗြဴဂှ်ဟေင် ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန် သီုမဟီုဂလာန် တွံဓရ်မဗဗွဲကဵုအခိင်ဂှ် ဂဇအ်ဒၟံင်ရ။ မရနုက်ကဵုၜါဝါလေဝ် ဝိသာခါ မၞုံယၟုမိဂါရမာတာဂှ် ဂပ်ဝ်ဘိက်လဝ်ဒှ်တုဲ အာသ္ၚိဂကူဂှ်ရ။ ဝိသာခါ မၞုံယၟုမိဂါရမာတာဂှ် ညာတ်ဒးအာတဳလပိုဉ်ဥဒါယဳ မဂဇအ်ဒၟံင် မွဲဟာန်ကေုာံသၟတ်ဗြဴဂှ် ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန်ရ၊ ညာတ်တုဲမ္ဂး “ယွံတဳလပိုဉ် တဳလပိုဉ် ဂဇအ်ဒၟံင် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန်ရ၊ ယွံတဳလပိုဉ် ဒ္ဂေတ်ပွဝွံ ဟွံထေက်ကြိုက်ရ၊ ဟွံဗဗွဲရ၊ ယွံတဳလပိုဉ် တဳလပိုဉ်ဂှ် မၞုံပၟိက်ကဵုဒ္ဂေတ်မေထုန်ဂှ် ဟွံသေင်ရ၊ ၜိုန်ဂှ်လေဝ် သွက်ညးဟွံလျုင်ဇြုင်သ္ဍိုက်ဂမၠိုင်ဏီ ဇြိုင်ကဵုဂွံလျုင်ဇြုင်သ္ဍိုက်အိုတ်ရ” ရဴဝွံ သ္ဂးကဵုတဳလပိုဉ်ဥဒါယဳရ။ တဳလပိုဉ်ဥဒါယဳဂှ် ဝိသာခါ မၞုံယၟုမိဂါရမာတာ သီုဂပ်ဝ်ဟီုသ္ဂးတဴ ရဴဝွံဂှ် ဟွံကလင်ကေတ်ရ၊ ပ္ဍဲအခိင်ဂှ် ဝိသာခါ မၞုံယၟုမိဂါရမာတာ တိတ်အာတုဲ ဂရင်ပတီ ဟိုတ်ပရူပရာဝွံ ကုခမဳဂမၠိုင်ရ။ ခမဳပၟိက်အောန်ဂမၠိုင် “တဳလပိုဉ်ဥဒါယဳ မုဟိုတ် သ္ဂောံဂဇအ်ဒၟံင် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန်ဂှ်ရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုင်ဂှ် ဟီုဂရိုဟ်တင်ဒုဟ် တဳလပိုဉ်ဥဒါယဳ နဟိုတ်မဂၠိုင်အိုတ်တုဲ ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။ “ယွံဥဒါယဳ တၠအဲ သ္ပပွမဂဇအ်ဒၟံင် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရင်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ။ ပ ။ ယွံတြုံ မလ္ၚုသၟး (နူမဂ်ဖိုလ်) တၠအဲ မုဟိုတ်ဂဇအ်ဒၟံင် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန်ဂှ်ရော?၊ ယွံတြုံ မလ္ၚုသၟး (နူမဂ်ဖိုလ်) (ပွတၠအဲသ္ပဒး)ဝွံ ကုညးဟွံလျုင်ဇြုင်သ္ဍိုက်ဂမၠိုင်ဏီ တၞဟ်နပွမကဵုလျုင်ဇြုင်သ္ဍိုက်ကီု။ ပ ။ ယွံခမဳတအ် ရဴဝွံဟေင် ဩဝ်စၞောန်ထ္ၜး သိက္ခာပိုဒ်ဝွံအိုတ်ညိ။


453) ဌာန်ဂှ် အစဵုဗိုင်လေဝ် ဟွံမွဲရ၊ တၞဟ်နသ္ပဒ္ဂေတ်မေထုန်လေဝ် ဟွံသၟဟ်စောံရ၊ ၜိုန်ဂှ်လေဝ် သွက်ဂွံဟီုသ္ဂး ဂရိုင်စရဵုကဵုမာတုဂါမ် နဂလာန်မရုန်မဵုဂမၠိုင်တုန် သၟဟ်စောံရ၊ ယြဴခမဳမွဲ ပ္ဍဲဌာန်မၞုံသဘဴမဖှ်သာ်ဂှ် သ္ပပွမဂဇအ်ဒၟံင် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန်မ္ဂး၊ ဥပးဗြဴ မၞုံကဵုဂလာန် ထေက်ကဵုပတှေ် ဂှ် ညာတ်ခမဳဂှ်တုဲ နသံဃာဒိသေသ်ကီု နပဲါစိုတ်ကီု ပၞောဝ်အာပတ်ဂမၠိုင်ၜါ စောတ်စောဲနအာပတ်မွဲမွဲမ္ဂး၊ ခမဳ မဒုင်ဝန် ပွမဂဇအ်ဂှ် နသံဃာဒိသေသ်ကီု နပါဲစိုတ်ကီု ပၞောဝ်အာပတ်ဂမၠိုင်ၜါ နအာပတ်မွဲမွဲ ဒးသ္ဂုတ်သွာတ် ခမဳဂှ်ရ၊ အာပတ်ဝွံတုန် ဟွံဗိုန်ရ ရဴဝွံ (ဩဝ်စၞောန်ထ္ၜးညိ ရဴဝွံ သ္ဂးရ)။

၃.၂.၁။ ပွံက်ဒုတိယအနိယတသိက္ခာပိုဒ်

[ပလေဝ်ဒါန် | ပလေဝ်ဒါန် တမ်ကၞက်]

454) ဌာန်ဂှ် အစဵုဗိုင်လေဝ် ဟွံမွဲရမ္ဂးဂှ် ဌာန်မဟဂပ်ဝ်ဂြောပ်ဗ္ဒန်စဵုလဝ် နကဵုဗ္ဒင်ကီု နကဵုသၠတြင်ကီု နကဵုသကဝ်ကီု နကဵုယာတ်သၞိက်ကီု နကဵုတၞံဆုကီု နကဵုဒယိုင်ကီု နကဵုကောပ်ကာဲဒေဲါကီု နကဵုမမိက်ကဵုမွဲမွဲရောင်။ တၞဟ်နသ္ပဒ္ဂေတ်မေထုန်လေဝ် ဟွံသၟဟ်စောံရမ္ဂးဂှ် ဌာန်မဟွံသၟဟ်စောံ တၞဟ်နသွိုန်ဗပိုန်သိပ်ဂၠိပ် ဒ္ဂေတ်မေထုန်ရောင်။ သွက်ဂွံဟီုသ္ဂး ဂရိုင်စရဵုကဵုမာတုဂါမ် နဂလာန်မရုန်မဵုဂမၠိုင်တုန် သၟဟ်စောံရမ္ဂးဂှ် တၞဟ်နဟီုသ္ဂးဂရိုင်စရဵု ကဵုမာတုဂါမ် နဂလာန်ရုန်မဵုဂမၠိုင် သၟဟ်စောံရ။ ယြဴမ္ဂးဂှ် ယြဴဍေံမၞုံသဘဴမဖှ်သာ်လဵု။ ပ ။ ခမဳမ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ ပ္ဍဲဌာန်မၞုံသဘဴမဖှ်သာ်ဂှ်မ္ဂးဂှ် ပ္ဍဲဌာန် မၞုံသဘဴရဴဝွံ။ မာတုဂါမမ္ဂးဂှ် ဗြဴမၞိဟ်ရောင်။ လကိုဟ် (ဒေဝတဴ) ဗြဴ ဟွံသေင်၊ ပြိုတ်ဗြဴဟွံသေင်၊ တိရစ္ဆာန်ဗြဴဟွံသေင်၊ မၞိဟ်ဗြဴ မသၟဟ်စောံ တီကၠိုဟ်ခၠင် ဂလာန်ခိုဟ်ဟွံခိုဟ် ရုန်မဵု ဟွံရုန်မဵုရောင်။ မွဲစွံမ္ဂးဂှ် မွဲဟာန်ကေုာံရောင်။ ညးမွဲကေုာံညးမွဲမ္ဂးဂှ် ခမဳမွဲဇကု မာတုဂါမ်မွဲတၠရောင်။ ဌာန်လ္ၚုဂြောပ်ဗ္ဒန်မ္ဂးဂှ် ဌာန်လ္ၚုဂြောပ်ဗ္ဒန်မတ် ဌာန်လ္ၚုဂြောပ်ဗ္ဒန်ကတောဝ်ရောင်။ ဌာန်လ္ၚုဂြောပ်ဗ္ဒန်မတ်မ္ဂးဂှ် ဌာန်ဟွံသၟဟ်စောံ တၞဟ်နညာတ် ပွမထ္ၜေက်ထ္ၜးမတ်ကီု ပွမပချဳထ္ၜးတၞေင်မတ်ကီု ပွမဓညိက်ထ္ၜးက္ဍိုပ်ကီုရောင်။ ဌာန်လ္ၚုဂြောပ်ဗ္ဒန်ကတောဝ်မ္ဂးဂှ် ဌာန်ဟွံသၟဟ်စောံ တၞဟ်နမိင်ဂလာန်ပကတိရောင်။ ဂဇအ်ဒၟံင်မ္ဂးဂှ် မာတုဂါမဂှ် ဂဇအ်မ္ဂး ခမဳဂှ် ပြာပ်အာတုဲလေဝ် ဂဇအ်ရ၊ ပြာပ်အာတုဲလေဝ် တိက်ရ၊ ခမဳဂှ် ဂဇအ်မ္ဂး မာတုဂါမဂှ် ပြာပ်အာတုဲလေဝ် ဂဇအ်ရ၊ ပြာပ်အာတုဲလေဝ် တိက်ရ၊ သီုညးၜါလေဝ် ဂဇအ်အိုတ်ရ၊ သီုညးၜါလေဝ် တိက်အိုတ်ရ။ ဍေံမၞုံဂလာန်ထေက်ကဵုပတှေ်မ္ဂးဂှ် ဍေံမအာစိုပ်သောတာပတ္တိဖိုလ်တုဲ ဍေံမထပက်ခၠင်တီကေတ်သစ္စပန်တုဲ ဍေံမဒ္ဂေတ်လ္ၚတ်သိက္ခာပိပြကာတုဲ။ ဥပးဗြဴမ္ဂးဂှ် ဒကာဗျဉ် မပြာပ်ခစကျာ်ဓရ်သင်ရောင်။ ညာတ်တုဲမ္ဂးဂှ် ရံင်ညာတ်တုဲ။ နသံဃာဒိသေသ်ကီု နပဲါစိုတ်ကီု ပၞောဝ်အာပတ်ဂမၠိုင်ၜါ စောတ်စောဲနအာပတ်မွဲမွဲမ္ဂး၊ ခမဳမဒုင်ဝန် ပွမဂဇအ်ဂှ် နသံဃာဒိသေသ်ကီု နပဲါစိုတ်ကီု ပၞောဝ်အာပတ်ဂမၠိုင်ၜါ နအာပတ်မွဲမွဲ ဒးသ္ဂုတ်သွာတ်ရ၊ နအာပတ် ဥပးဗြဴ မၞုံကဵုဂလာန် မထေက်ကဵုပတှေ် မစောတ်စောဲဂှ် ဒးသ္ဂုတ်သွာတ်ခမဳဂှ်ရ။


455) ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံင် အာစိုပ်ပွမနှဴရဴဇကုကာယ ကေုာံမာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုင်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံင် အာစိုပ်ပွမနှဴရဴဇကုကာယ ကေုာံမာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် “ဍာံပြရ အဲဂဇအ်ဒၟံင်ရ၊ ၜိုန်ဂှ်လေဝ် ပွမနှဴရဴ ဇကုကာယတုန် ဟွံအာစိုပ်ရ” ရဴဝွံ သ္ဂးတဴမ္ဂး ဒးသ္ဂုတ်သွာတ် နပွမဂဇအ်ရ။ ပ ။ “အဲဟွံဂဇအ်ဒၟံင်ရ၊ ဗွဲစၟတ်တုန် အဲတိက်ဒၟံင်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲ ဟွံဂဇအ်ဒၟံင်ရ၊ ဗွဲစၟတ်တုန် အဲဒတူဒၟံင်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံင် အာစိုပ်ပွမနှဴရဴဇကုကာယ ကေုာံမာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုင်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံင် အာစိုပ်ပွမနှဴရဴဇကုကာယ ကေုာံမာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် “ဍာံပြရ အဲတိက်ဒၟံင်ရ၊ ၜိုန်ဂှ်လေဝ် ပွမနှဴရဴ ဇကုကာယတုန် ဟွံအာစိုပ်ရ” ရဴဝွံ သ္ဂးတဴမ္ဂး ဒးသ္ဂုတ်သွာတ် နပွမတိက်ရ။ ပ ။ “အဲဟွံတိက်ဒၟံင်ရ၊ ဗွဲစၟတ်တုန် အဲဂဇအ်ဒၟံင်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲ ဟွံတိက်ဒၟံင်ရ၊ ဗွဲစၟတ်တုန် အဲဒတူဒၟံင်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဥပးဗြဴဂှ် “အဲဍိက် ဂပ်ဝ်မိင်တဴတဳလပိုဉ် သီုမဂဇအ်ဒၟံင် ဟီုသ္ဂးဂရိုင်စရဵုကဵု မာတုဂါမ် နဂလာန်ရုန်မဵုဂမၠိုင်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုင်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ဥပးဗြဴဂှ် “အဲဍိက် ဂပ်ဝ်မိင်တဴတဳလပိုဉ် သီုမဂဇအ်ဒၟံင် ဟီုသ္ဂးဂရိုင်စရဵုကဵု မာတုဂါမ် နဂလာန်ရုန်မဵုဂမၠိုင်တုဲရ” ရဴဝွံ စောတ်စောဲမ္ဂး၊ ခမဳဂှ် “ဍာံပြရ အဲဂဇအ်ဒၟံင်ရ၊ ၜိုန်ဂှ်လေဝ် ဟွံဟီုဂရိုင်စရဵု (ကဵုမာတုဂါမ်) နဂလာန်မရုန်မဵုရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲ ဟွံဂဇအ်ဒၟံင်ရ၊ ဗွဲစၟတ်တုန် အဲတိက်ဒၟံင်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲ ဟွံဂဇအ်ဒၟံင်ရ၊ ဗွဲစၟတ်တုန် အဲဒတူဒၟံင်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဥပးဗြဴဂှ် “အဲဍိက် ဂပ်ဝ်မိင်တဴတဳလပိုဉ် သီုမတိက်ဒၟံင် ဟီုသ္ဂးဂရိုင်စရဵုကဵု မာတုဂါမ် နဂလာန်ရုန်မဵုဂမၠိုင်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုင်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ဥပးဗြဴဂှ် “အဲဍိက် ဂပ်ဝ်မိင်တဴတဳလပိုဉ် သီုမတိက်ဒၟံင် ဟီုသ္ဂးဂရိုင်စရဵုကဵု မာတုဂါမ် နဂလာန်ရုန်မဵုဂမၠိုင်တုဲရ” ရဴဝွံ စောတ်စောဲမ္ဂး၊ ခမဳဂှ် “ဍာံပြရ အဲတိက်ဒၟံင်ရ၊ ၜိုန်ဂှ်လေဝ် ဟွံဟီုဂရိုင်စရဵု (ကဵုမာတုဂါမ်) နဂလာန်မရုန်မဵုရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲ ဟွံတိက်ဒၟံင်ရ၊ ဗွဲစၟတ်တုန် အဲဂဇအ်ဒၟံင်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲ ဟွံတိက်ဒၟံင်ရ၊ ဗွဲစၟတ်တုန် အဲဒတူဒၟံင်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။


456) ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံင် ကေုာံမာတုဂါမ်ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုင်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ပ ။ “အဲဟွံဂဇအ်ဒၟံင်ရ၊ ဗွဲစၟတ်တုန် အဲတိက်ဒၟံင်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲ ဟွံဂဇအ်ဒၟံင်ရ၊ ဗွဲစၟတ်တုန် အဲဒတူဒၟံင်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံင် ကေုာံမာတုဂါမ်ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုင်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ပ ။ “အဲဟွံတိက်ဒၟံင်ရ၊ ဗွဲစၟတ်တုန် အဲဂဇအ်ဒၟံင်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲ ဟွံတိက်ဒၟံင်ရ၊ ဗွဲစၟတ်တုန် အဲဒတူဒၟံင်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဣဝွံလေဝ် မ္ဂးဂှ် ထံက်ကဵုသိက္ခာပိုဒ်ကၠာဂှ်တုဲ သ္ဂးရ။ ဟွံဗိုန်ရ မ္ဂးဂှ် သံဃာဒိသေသ်ရကီု ပဲါစိုတ်ရကီု ဟွံဗိုန်ရ။


457) ဒုင်ဝန် ပွမအာမ္ဂး၊ ဒုင်ဝန် ပွမဂဇအ်မ္ဂး၊ ဒုင်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဒုင်ဝန် ပွမအာမ္ဂး၊ ဟွံဒုင်ဝန် ပွမဂဇအ်မ္ဂး၊ ဒုင်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဒုင်ဝန် ပွမအာမ္ဂး၊ ဒုင်ဝန် ပွမဂဇအ်မ္ဂး၊ ဟွံဒုင်ဝန် အာပတ်မ္ဂး၊ ဒးသ္ဂုတ်သွာတ် နပွမဇအ်ရ။ ဒုင်ဝန် ပွမအာမ္ဂး၊ ဟွံဒုင်ဝန် ပွမဂဇအ်မ္ဂး၊ ဟွံဒုင်ဝန် အာပတ်မ္ဂး၊ ဟဂပ်ဝ်သ္ဂုတ်သွာတ်ရ။ ဟွံဒုင်ဝန် ပွမအာမ္ဂး၊ ဒုင်ဝန် ပွမဂဇအ်မ္ဂး၊ ဒုင်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဟွံဒုင်ဝန် ပွမအာမ္ဂး၊ ဟွံဒုင်ဝန် ပွမဂဇအ်မ္ဂး၊ ဒုင်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဟွံဒုင်ဝန် ပွမအာမ္ဂး၊ ဒုင်ဝန် ပွမဂဇအ်မ္ဂး၊ ဟွံဒုင်ဝန် အာပတ်မ္ဂး၊ ဒးသ္ဂုတ်သွာတ် နပွမဂဇအ်ရ။ ဟွံဒုင်ဝန် ပွမအာမ္ဂး၊ ဟွံဒုင်ဝန် ပွမဂဇအ်မ္ဂး၊ ဟွံဒုင်ဝန် အာပတ်မ္ဂး၊ ဟဂပ်ဝ်သ္ဂုတ်သွာတ်ရ။ ဒုတိယအနိယတသိက္ခာပိုဒ်တုဲရ။


458) ယွံတၠဇမၠိင်အာယုက်တအ် အာပတ်အနိယတဂမၠိုင်ၜါပြကာဝွံ ဂပ်ဝ်စၞောန်ထ္ၜး ဗွဲသရုပ်တုဲအိုတ်ရ။ ပ္ဍဲအနိယတဂမၠိုင်ၜါဂှ် သၟာန်တဳလပိုဉ်ဂမၠိုင်ရ၊ သအးဇ္ၚးနူအာပတ်အိုတ်ရဟာ၊ မရနုက်ကဵုၜါဝါလေဝ် သၟာန်ရ၊ သအးဇ္ၚးနူအာပတ်အိုတ်ရဟာ၊ မရနုက်ကဵုပိဝါလေဝ် သၟာန်ရ၊ သအးဇ္ၚးနူအာပတ်အိုတ်ရဟာ၊ တၠဇမၠိင်အာယုက်တအ်ညးဂမၠိုင် ပ္ဍဲအနိယတဂမၠိုင်ၜါဝွံ သအးဇ္ၚးနူအာပတ်အိုတ်ရ၊ ဟိုတ်ဂှ်ရ ဒၟံင်သ္ၚိတ်သ္ၚိတ်ဇြဇြအိုတ်ရ၊ ရဴဝွံ နမဒၟံင်သ္ၚိတ်သ္ၚိတ်ဇြဇြဂှ် ဂွံသမ္တီကေတ် ဒဒှ်မသအးဇ္ၚးနူအာပတ်ဝွံရ။

လၟေင်က္ဍိုပ်အနိယတဗွဲခမ္ဍန်

[ပလေဝ်ဒါန် | ပလေဝ်ဒါန် တမ်ကၞက်]

သိက္ခာပိုဒ် (ပဌမ) မဗဗွဲကဵု တၞဟ်နသ္ပ ဒ္ဂေတ်မေထုန်ကီု တုပ်သၟဟ်သာ်ဂှ်ဟေင် သိက္ခာပိုဒ် (ဒုတိယ) မဟွံဗဗွဲကီု (ရဴဝွံ) တဳလမၞုံပိုဉ်ကျာ်တြဲ မၞုံကဵုတာဒိဂုဏ် ပညပ်လဝ် အနိယတသိက္ခာပိုဒ်ဂမၠိုင် ဗွဲမဒးရးရ။

ခဏ်အနိယတတုဲရ။

နိဿဲ

[ပလေဝ်ဒါန် | ပလေဝ်ဒါန် တမ်ကၞက်]

(ပါဠိမဟာဝဂ် ဘာသာမန်) − တြးပတိတ် နူဂကောံပါဠိပိဋကတ် ကၠာဲစၠောံဘာသာမန်၊ သာသနာ−၂၅၆၀၊ ဍုင်−၁၃၇၉၊ ခရေစ်−၂၀၁၇

- (ပါဠိပါရာဇိကဏ် သကုတ်−၂) ဆက်ဗှ်အာညိ

ကလေင်ကေတ်လဝ် နူ "https://mnw.wikipedia.org/w/index.php?title=ပိဋကတ်ဘာသာမန်_(ပါဠိပါရာဇိကဏ်_သကုတ်−၁)&oldid=47046"