ပိဋကတ်ဘာသာမန် (ပါဠိစူဠဝဝ် သကုတ်−၂)
၆.၃.၄။ မပတမ်ပွမပါဲကၠေံ ပွမရပ်စပ်သုၚ်စောဲ ပ္ဍဲဌာန်သအာၚ်[ပလေဝ်ဒါန် | ပလေဝ်ဒါန် တမ်ကၞက်]
၃၂၃။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဇနပိုဒ်ကဳဋာဂိရိ ဗၞတ်မမိပ်လဟိၚ်တုဲမ္ဂး အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်အာဠဝဳတုဲ သ္ပဒတဴတန်ဒၟံၚ် ပ္ဍဲသ္ၚိဗယိအဂ္ဂါဠဝ ဇရေၚ်ဍုၚ်အာဠဝဳဂှ်ရ။ ပ္ဍဲအခိၚ်ဂှ် ခမဳကောန်ဍုၚ်အာဠဝဳဂမၠိုၚ် ကဵုတဴကေၚ်ကာတၟိဂမၠိုၚ် မၞုံသဘဴရဴသာ်ဝွံအိုတ်ရ။ နအယာံမာတ်ထၟံက်ခန်အၚ်္ဂဒဵုလေဝ် ကဵုတဴကေၚ်ကာတၟိအိုတ်ရ၊ နအယာံမာတ်လံက်လေတ်ဗ္ဒၚ်လေဝ် ကဵုတဴကေၚ်ကာတၟိအိုတ်ရ၊ နအယာံမာတ်ဗ္ဂပ်တြၚ်လေဝ် ကဵုတဴကေၚ်ကာတၟိအိုတ်ရ၊ နအယာံမာတ်မသ္ပဇဵု တိုၚ်တြၚ်လေဝ် ကဵုတဴကေၚ်ကာတၟိအိုတ်ရ၊ နအယာံမာတ်မသ္ပဗတၚ်ကျာလေဝ် ကဵုတဴကေၚ်ကာတၟိအိုတ်ရ၊ နအယာံမာတ်မလံက်သာ်ဗုလေဝ် ကဵုတဴကေၚ်ကာတၟိအိုတ်ရ၊ နအယာံမာတ်မလံက်သာ်လမ္စံက်လေဝ် ကဵုတဴကေၚ်ကာတၟိအိုတ်ရ၊ နအယာံမာတ်မဖ္ဍုက်ဖ္ဍေက်ဆီတၟံလေဝ် ကဵုတဴကေၚ်ကာတၟိအိုတ်ရ၊ နအယာံမာတ်မစၟဳလေဝ် ကဵုတဴကေၚ်ကာတၟိအိုတ်ရ၊ နအယာံမာတ်မဒက်စၟဳလေဝ် ကဵုတဴကေၚ်ကာတၟိအိုတ်ရ၊ နအယာံမာတ်မစွံသ္ၚိဖရာပ်လေဝ် ကဵုတဴကေၚ်ကာတၟိအိုတ်ရ၊ နအယာံမာတ်ပဠေဝ်ပဠေတ် ကဝ်သကုတ်လေဝ် ကဵုတဴကေၚ်ကာတၟိအိုတ်ရ၊ နအယာံမာတ်မလံက်လေတ်အိက်ဂၠဴ ဍာ်ဗစိုတ်လေဝ် ကဵုတဴကေၚ်ကာတၟိအိုတ်ရ၊ စဵုကဵုသၞာံၜါစှော်သၞာံလေဝ် ကဵုတဴကေၚ်ကာတၟိအိုတ်ရ၊ စဵုကဵုသၞာံပိစှော်သၞာံလေဝ် ကဵုတဴကေၚ်ကာတၟိအိုတ်ရ၊ စဵုကဵုလအိတ်လမျီုလေဝ် ကဵုတဴကေၚ်ကာတၟိအိုတ်ရ၊ စဵုကဵုယေက်ပၟတ်အိုတ်လေဝ် သွက်ဘာမစိုပ်ဒတုဲတုဲဂှ် ကဵုတဴကေၚ်ကာတၟိအိုတ်ရ။
ခမဳပၟိက်အောန်ဂမၠိုၚ်ဂှ် “ခမဳကောန်ဍုၚ်အာဠဝဳဂမၠိုၚ် မုဟိုတ် ကဵုတဴကေၚ်ကာတၟိဂမၠိုၚ် မၞုံသဘဴရဴဝွံအိုတ်ရော?။ နအယာံမာတ်ထၟံက်ခန်အၚ်္ဂဒဵုလေဝ် မုဟိုတ် ကဵုတဴကေၚ်ကာတၟိအိုတ်ရော၊ နအယာံမာတ်လံက်လေတ်ဗ္ဒၚ်လေဝ်။ နအယာံမာတ်ဗ္ဂပ်တြၚ်လေဝ်။ နအယာံမာတ်မသ္ပဇဵု၊ တိုၚ်တြၚ်လေဝ်။ နအယာံမာတ်မသ္ပဗတၚ်ကျာလေဝ်။ နအယာံမာတ်မလံက်သာ်ဗုလေဝ်။ နအယာံမာတ် မလံက်သာ်လမ္စံက်လေဝ်။ နအယာံမာတ် မဖ္ဍုက်ဖ္ဍေက်ဆီတၟံလေဝ်။ နအယာံမာတ်မစၟဳလေဝ်။ နအယာံမာတ်မဒက်စၟဳလေဝ်။ နအယာံမာတ်မစွံသ္ၚိဖရာပ်လေဝ်။ နအယာံမာတ်ပဠေဝ်ပဠေတ် ကဝ်သကုတ်လေဝ်။ နအယာံမာတ်မလံက်လေတ်အိက်ဂၠဴ ဍာ်ဗစိုတ်လေဝ်။ စဵုကဵုသၞာံၜါစှော်သၞာံလေဝ်။ စဵုကဵုသၞာံပိစှော်သၞာံလေဝ်။ စဵုကဵုလအိတ်လမျီုလေဝ်။ စဵုကဵုယေက်ပၟတ်အိုတ်လေဝ် သွက်ဘာမစိုပ်ဒတုဲတုဲဂှ် မုဟိုတ် ကဵုတဴကေၚ်ကာတၟိအိုတ်ရော?။ ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ ယွံခမဳတအ် ဍာံပြဟာ ။ ပ ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ) ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး—
“ယွံခမဳတအ် နအယာံမာတ်ထၟံက်ခန်အၚ်္ဂဒဵုလေဝ် ဟဂပ်ဝ်ကဵုကေၚ်ကာတၟိရ ။ ပ ။ နအယာံမာတ်လံက်လေတ်ဗ္ဒၚ် ဟဂပ်ဝ်ကဵုကေၚ်ကာတၟိရ။ နအယာံမာတ်ဗ္ဂပ်တြၚ် ဟဂပ်ဝ်ကဵုကေၚ်ကာတၟိရ။ နအယာံမာတ်မသ္ပဇဵုတြၚ်၊ တိုၚ်တြၚ် ဟဂပ်ဝ်ကဵုကေၚ်ကာတၟိရ။ နအယာံမာတ် မသ္ပဗတၚ်ကျာ ဟဂပ်ဝ်ကဵုကေၚ်ကာတၟိရ။ နအယာံမာတ်မလံက်သာ်ဗု ဟဂပ်ဝ်ကဵုကေၚ်ကာတၟိရ။ နအယာံမာတ်မလံက်သာ်လမ္စံက် ဟဂပ်ဝ်ကဵုကေၚ်ကာတၟိရ။ နအယာံမာတ်မဖ္ဍုက်ဖ္ဍေက်ဆီတၟံ ဟဂပ်ဝ်ကဵုကေၚ်ကာတၟိရ။ နအယာံမာတ်မစၟဳ ဟဂပ်ဝ်ကဵုကေၚ်ကာတၟိရ။ နအယာံမာတ်မဒက်စၟဳ ဟဂပ်ဝ်ကဵုကေၚ်ကာတၟိရ။ နအယာံမာတ်မစွံသ္ၚိဖရာပ် ဟဂပ်ဝ်ကဵုကေၚ်ကာတၟိရ။ နအယာံမာတ်ပဠေဝ်ပဠေတ်ကဝ်သကုတ် ဟဂပ်ဝ်ကဵုကေၚ်ကာတၟိရ၊ နအယာံမာတ်မလံက်လေတ်အိက်ဂၠဴ ဍာ်ဗစိုတ် ဟဂပ်ဝ်ကဵုကေၚ်ကာတၟိရ။ စဵုကဵုသၞာံၜါစှော်သၞာံလေဝ် ဟဂပ်ဝ်ကဵုကေၚ်ကာတၟိရ။ စဵုကဵုသၞာံပိစှော်သၞာံလေဝ် ဟဂပ်ဝ်ကဵုကေၚ်ကာတၟိရ၊ စဵုကဵုလအိတ်လမျီုလေဝ် ဟဂပ်ဝ်ကဵုကေၚ်ကာတၟိရ။ စဵုကဵုယေက်ပၟတ်အိုတ်လေဝ် သွက်ဘာမစိုပ်ဒတုဲတုဲဂှ် ဟဂပ်ဝ်ကဵုကေၚ်ကာတၟိရ၊ ကုခမဳမကဵုဂှ် ဒးအာပတ်ဒုက္ကဋ်ရ။
ယွံခမဳတအ် ကဵုအခေါၚ် ကေၚ်ကာတၟိ မဟဂပ်ဝ်သ္ပဏီကီု ကေၚ်ကာတၟိ မသ္ပဟွံစိုပ်ဒတုဲဏီကီုရ ရဴဝွံ (သ္ဂးရ)။
ပ္ဍဲဘာမဍောတ်ဂှ် သ္ၚေဝ်ရံၚ်ကမၠောန်တုဲ တၞဟ်နကဵုကေၚ်ကာတၟိ စဵုကဵုမသုန်သၞာံ တြဴသၞာံကီု ပ္ဍဲဘာဖျေံစၟဳမွဲလပါ်ဂှ် သ္ၚေဝ်ရံၚ်ကမၠောန်တုဲ တၞဟ်နကဵုကေၚ်ကာတၟိ စဵုကဵုထပှ်သၞာံ ဒ္စံါသၞာံကီု ပ္ဍဲဘာမဇၞော်ဂှ် သ္ၚေဝ်ရံၚ်ကမၠောန်တုဲ တၞဟ်နကဵုကေၚ်ကာတၟိ စဵုကဵုစှ်သၞာံ စှ်ၜါသၞာံကီုဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် သွက်ဘာဂမၠိုၚ်အိုတ်သီု ကဵုတဴကေၚ်ကာတၟိအိုတ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်သွက်ဘာဂမၠိုၚ်အိုတ်သီု ဟဂပ်ဝ် ကဵုကေၚ်ကာတၟိရ၊ကုခမဳမကဵုဂှ်ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ကဵုတဴဘာဂမၠိုၚ်ၜါမ ကုခမဳမွဲဇကုဓဝ်အိုတ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်သွက်ဘာဂမၠိုၚ်အိုတ်သီု ဟဂပ်ဝ်ကဵုကေၚ်ကာတၟိရ၊ ကုခမဳမကဵုဂှ်ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ကဵုတဴဘာဂမၠိုၚ်ၜါမ ကုခမဳမွဲဇကုအိုတ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ဟဂပ်ဝ်ကဵုဘာဂမၠိုၚ်ၜါကုခမဳဇကုဓဝ်ရ၊ ကုခမဳမကဵုဂှ် ဒးအာပတ်ဒုက္ကဋ်ရရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ဂိုၚ်ကေတ်ကေၚ်ကာတၟိတုဲမ္ဂး ကဵုခမဳမွဲဇကု ပဒတဴအိုတ်ရ။ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ဂိုၚ်ကေတ်ကေၚ်ကာတၟိတုဲမ္ဂး ဟဂပ်ဝ်ကဵုခမဳမွဲသအာၚ် ပဒတဴရ၊ကဵုခမဳမကဵုပဒတဴဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ဂိုၚ်ကေတ်ကေၚ်တာတၟိတုဲမ္ဂး ဆေဝ်ဒဝ်ကၠေံ ဘာသၚ်အိုတ်ရ။ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ဂိုၚ်ကေတ်တၟိကေၚ်ကာတုဲမ္ဂး ဟဂပ်ဝ်ဆေဝ်ဒဝ်ကၠေံ ဘာသၚ်ရ၊ကုခမဳမဆေဝ်ဒဝ်ဂှ် ဒးအာပတ်ဒုက္ကဋ်ရ။ ယွံခမဳတအ်ကဵုအခေါၚ်သွက်ဂွံဂိုၚ်ကေတ် သၞာသတိက်သၞာဒၟံၚ်မပြဲမွဲရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ကဵုတဴကေၚ်ကာတၟိ ကုခမဳမတန်တဴ ပ္ဍဲမ္ၚးသိမ်အိုတ်ရ။ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ဟဂပ်ဝ်ကဵုကေၚ်ကာတၟိ ကုခမဳမတန်တဴ ပ္ဍဲမ္ၚးသိမ်ရ၊ကုခမဳမကဵုဂှ်ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ဂိုၚ်ကေတ်ကေၚ်ကာတၟိတုဲမ္ဂး အခါကာလအိုတ်သီု ဆေဝ်ဒဝ်အိုတ်ရ။ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ဂိုၚ်ကေတ်ကေၚ်ကာတၟိတုဲမ္ဂး အခါကာလအိုတ်သီု ဟဂပ်ဝ်ဆေဝ်ဒဝ်ရ၊ကုခမဳမဆေဝ်ဒဝ်ဂှ် ဒးအာပတ်ဒုက္ကဋ်ရ။
ယွံခမဳတအ် လုကဴဂိတုဗြဲပိဂိတုဂမၠိုၚ်ကဵုအခေါၚ်တၞဟ်နဆေဝ်ဒဝ်ရ၊ ပ္ဍဲဥတုမုဟ်ကျာ ဥတုက္ညၚ်ဂမၠိုၚ်တုန်ဟွံကဵုအခေါၚ်တၞဟ်နဆေဝ်ဒဝ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ဂိုၚ်ကေတ်ကေၚ်ကာတၟိတုဲမ္ဂး စ္ဍးလေဝ် စ္ဍးအာဌာန်သအာၚ်အိုတ်ရ။ခရှ်လေဝ်ရာမ်တိတ်အိုတ်ရ။ ချိုတ်လေဝ်ချိုတ်အိုတ်ရ။ ရဴဝွံမ္ဂးသာမဏဳဂမၠိုၚ်လေဝ်ဒုၚ်ဝန်အိုတ်ရ။ ရဴဝွံမ္ဂးညးသၠးကၠေံသိက္ခာဂမၠိုၚ်လေဝ် ဒုၚ်ဝန်အိုတ်ရ။ရဴဝွံမ္ဂးညးအာစိုပ်ပါရာဇ်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးကြအ်ဥမ္မတ်လေဝ်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးစိုတ်ကလှ်လဖှ်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဝေဒနာပ္ဍဵုပ္ဍိုက်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဒးဒုၚ်ဗက်ပတိတ်ထောံဟိုတ်မဟွံမၠာ်သ္ၚေဝ်အာပတ်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဒးဒုၚ်ဗက်ပတိတ်ထောံဟိုတ်မဟွံဇအုဲဇဗဝဳဗလးအာပတ်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံသၠးကၠေံ ကွေတ်မယုတ်မာဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂး ခမၞုဲဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးကၠတ်ပံၚ်ဖက်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးပြံၚ်အာဗော်တဳဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးတိရစ္ဆာန်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဂစိုတ်မိဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဂစိုတ်မဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဂစိုတ်တၠအရှန်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးပလီုပလာ်ခမဳဗြဴဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးပါ်ဒကးသၚ်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးသ္ပဇကုကျာ် ညံၚ်ဆီဂွံပ္ဍူအာဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးဥဘတောဗျဉ်ဂမၠိုၚ်လေဝ် ဒုၚ်ဝန်အိုတ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ မိက်စ္ဍးအာမ္ဂး “လ္ပကဵုဟုတ်ယုတ် ကုသၚ်ညိ” ရဴဝွံ (ပၠုပ်စိုတ်တုဲ) ဒးကဵုထောံ ကုခမဳသအာၚ်ရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ ရာမ်တိတ်ခရှ်မ္ဂး ။ ပ ။ ချိုတ်အာမ္ဂး။ ဒုၚ်ဝန် ရဴဝွံမ္ဂးသာမဏဳမ္ဂး။ ဒုၚ်ဝန် ရဴဝွံမ္ဂးညးသၠးကၠေံသိက္ခာမ္ဂး။ ဒုၚ်ဝန် ရဴဝွံမ္ဂး ညးအာစိုပ်ပါရာဇ်မ္ဂး။ ဒုၚ်ဝန် ရဴဝွံမ္ဂးညးကြအ်ဥမ္မတ်မ္ဂး။ ဒုၚ်ဝန် ရဴဝွံမ္ဂးညးစိုတ်ကလှ်လဖှ်မ္ဂး။ ဒုၚ်ဝန် ရဴဝွံမ္ဂးညးဝေဒနာပ္ဍဵုပ္ဍိုက်မ္ဂး။ ဒုၚ်ဝန် ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံမၠာ်သ္ၚေဝ်အာပတ်မ္ဂး။ ဒုၚ်ဝန် ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံသၠးကၠေံ ကွေတ်မယုတ်မာမ္ဂး။ ဒုၚ်ဝန် ရဴဝွံမ္ဂးခမၞုဲမ္ဂး။ ဒုၚ်ဝန် ရဴဝွံမ္ဂးညးကၠတ်ပံၚ်ဖက်မ္ဂး။ ဒုၚ်ဝန် ရဴဝွံမ္ဂးညးပြံၚ်အာဗော်တဳမ္ဂး။ ဒုၚ်ဝန် ရဴဝွံမ္ဂးတိရစ္ဆာန်မ္ဂး။ ဒုၚ်ဝန် ရဴဝွံမ္ဂးညးဂစိုတ်မိမ္ဂး။ ဒုၚ်ဝန် ရဴဝွံမ္ဂးညးဂစိုတ်မမ္ဂး။ ဒုၚ်ဝန် ရဴဝွံမ္ဂးညးဂစိုတ်တၠအရှန်မ္ဂး။ ဒုၚ်ဝန် ရဴဝွံမ္ဂးညးပလီုပလာ်ခမဳဗြဴမ္ဂး။ ဒုၚ်ဝန် ရဴဝွံမ္ဂးညးပါ်ဒကးသၚ်မ္ဂး။ ဒုၚ်ဝန် ရဴဝွံမ္ဂးညးသ္ပဇကုကျာ် ညံၚ်ဆီဂွံပ္ဍူအာမ္ဂး။ ဒုၚ်ဝန် ရဴဝွံမ္ဂးဥဘတောဗျဉ်မ္ဂး၊ “လ္ပကဵုဟုတ်ယုတ် ကုသၚ်ညိ” ရဴဝွံ (ပၠုပ်စိုတ်တုဲ) ဒးကဵုထောံ ကုခမဳသအာၚ်ရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ ကိုပ်ကၠာဟွံစိုပ်ဒတုဲဏီ စ္ဍးအာမ္ဂး “လ္ပကဵုဟုတ်ယုတ် ကုသၚ်ညိ” ရဴဝွံ (ပၠုပ်စိုတ်တုဲ) ဒးကဵုထောံ ကုခမဳသအာၚ်ရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ ကိုပ်ကၠာဟွံစိုပ်ဒတုဲဏီ ရာံတိတ်ခရှ်မ္ဂး ။ ပ ။ ဒုၚ်ဝန် ရဴဝွံမ္ဂးဥဘတောဗျဉ်မ္ဂး၊ “လ္ပကဵုဟုတ်ယုတ် ကုသၚ်ညိ” ရဴဝွံ (ပၠုပ်စိုတ်တုဲ) ဒးကဵုထောံ ကုခမဳသအာၚ်ရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ စိုပ်ဒတုဲတုဲမှ စ္ဍးအာမ္ဂး ဘာဂှ် ဒှ်ဘာခမဳဂှ်ဟေၚ်ရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ စိုပ်ဒတုဲတုဲမှ ရာမ်တိတ်ခရှ်မ္ဂး ။ ပ ။ ချိုတ်အာမ္ဂး။ ဒုၚ်ဝန် ရဴဝွံမ္ဂးသာမဏဳမ္ဂး။ ဒုၚ်ဝန် ရဴဝွံမ္ဂးညးသၠးကၠေံသိက္ခာမ္ဂး။ ဒုၚ်ဝန် ရဴဝွံမ္ဂး ညးအာစိုပ်ပါရာဇ်မ္ဂး၊ သၚ် ဒှ်တၠရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ စိုပ်ဒတုဲတုဲမှ ဒုၚ်ဝန် ရဴဝွံမ္ဂးညးကြအ်ဥမ္မတ်မ္ဂး။ ဒုၚ်ဝန် ရဴဝွံမ္ဂးညးစိုတ်ကလှ်လဖှ်မ္ဂး။ ဒုၚ်ဝန် ရဴဝွံမ္ဂးညးဝေဒနာပ္ဍဵုပ္ဍိုက်မ္ဂး။ ဒုၚ်ဝန် ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံမၠာ်သ္ၚေဝ်အာပတ်မ္ဂး။ ဒုၚ်ဝန် ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံသၠးကၠေံ ကွေတ်မယုတ်အာမ္ဂး၊ ဘာဂှ် ဒှ်ဘာခမဳဂှ်ဟေၚ်ရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ စိုပ်ဒတုဲတုဲမှ ဒုၚ်ဝန် ရဴဝွံမ္ဂးခမၞုဲမ္ဂး။ ဒုၚ်ဝန် ရဴဝွံမ္ဂးညးကၠတ်ပံၚ်ဖက်မ္ဂး။ ဒုၚ်ဝန် ရဴဝွံမ္ဂးညးပြံၚ်အာဗော်တဳမ္ဂး။ ဒုၚ်ဝန် ရဴဝွံမ္ဂးတိရစ္ဆာန်မ္ဂး။ ဒုၚ်ဝန် ရဴဝွံမ္ဂးညးဂစိုတ်မိမ္ဂး။ ဒုၚ်ဝန် ရဴဝွံမ္ဂးညးဂစိုတ်မမ္ဂး။ ဒုၚ်ဝန် ရဴဝွံမ္ဂးညးဂစိုတ်တၠအရှန်မ္ဂး။ ဒုၚ်ဝန် ရဴဝွံမ္ဂးညးပလီုပလာ်ခမဳဗြဴမ္ဂး။ ဒုၚ်ဝန် ရဴဝွံမ္ဂးညးပါ်ဒကးသၚ်မ္ဂး။ ဒုၚ်ဝန် ရဴဝွံမ္ဂးညးသ္ပဇကုကျာ် ညံၚ်ဆီဂွံပ္ဍူအာမ္ဂး။ ဒုၚ်ဝန် ရဴဝွံမ္ဂးဥဘတောဗျဉ်မ္ဂး၊ သၚ်ဒှ်တၠရ။
၆.၃.၅။ ကဵုအခေါၚ် မပတမ်သံဃဘတ်[ပလေဝ်ဒါန် | ပလေဝ်ဒါန် တမ်ကၞက်]
၃၂၅။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတန်ဒၟံၚ် ပ္ဍဲဍုၚ်အာဠဝဳ ဗၞတ်မမိပ်လဟိၚ်တုဲမ္ဂး အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်ရာဇဂြိုဟ်တုဲ သ္ပဒတဴတန်ဒၟံၚ် ပ္ဍဲဘာဝေဠုဝန် မဒှ်ဒၞာဲကဵုစၞ ကုယန်လမ္စံက်ဂမၠိုၚ် ဇရေၚ်ဍုၚ်ရာဇဂြိုဟ်ဂှ်ရ။ ပ္ဍဲအခိၚ်ဂှ် ဍုၚ်ရာဇဂြိုဟ် စၞစသုၚ်ဝါတ်ခါဲရ၊ မၞိဟ်ဂမၠိုၚ် ကၠောန်သ္ပသံဃဘတ် ဟွံမာန်ရ၊ နွံပၟိက်ကၠောန်သ္ပ ဥဒ္ဒေသဘတ်ကီု နိမန္တနဘတ်ကီု သလာကဘတ်ကီု ပက္ခိကဘတ်ကီု ဥပေါသထိကဘတ်ကီု ပါဋိပဒိကဘတ်ကီုအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သံဃဘတ်ကီု ဥဒ္ဒေသဘတ်ကီု နိမန္တနဘတ်ကီု သလာကဘတ်ကီု ပက္ခိကဘတ်ကီု ဥပေါသထိကဘတ်ကီု ပါဋိပဒိကဘတ်ကီုရ ရဴဝွံ (သ္ဂးရ)။
၆.၃.၆။ ပွမကဵုသၟိတ် ဒဒှ်ခမဳ စၞောန်ထ္ၜးပိဏ္ဍပါတ်[ပလေဝ်ဒါန် | ပလေဝ်ဒါန် တမ်ကၞက်]
၃၂၆။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် သွက်ဇကုတအ် ဂိုၚ်ကေတ် ဘတ်မပြဲဂမၠိုၚ်တုဲမ္ဂး ဘတ်မယုတ်ပရေအ်ဂမၠိုၚ်ဂှ် ကဵုကုခမဳဂမၠိုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳမဍိုက်ပေၚ်တဴ ကေုာံအၚ်္ဂဂမၠိုၚ် မသုန်သာ်ဂှ် ဒးသၟိၚ်ပတိုန် ရဴဝွံမ္ဂး ခမဳစၞောန်ထ္ၜး ပိဏ္ဍပါတ်ရ။ ခမဳဂှ် ဟွံဗက် ဆန္ဒာဂတိရ။ ဟွံဗက် ဒေါသာဂတိရ။ ဟွံဗက် မောဟာဂတိရ။ ဟွံဗက် ဘယာဂတိရ။ စၞောန်ထ္ၜးတုဲ ဟွံဂွံစၞောန်ထ္ၜးဏီလေဝ် လေပ်တီရ။ ယွံခမဳတအ် ရဴဝွံ ဒးသၟိတ်ရ၊ ဗွဲကိုပ်ကၠာ သ္ဒးအာတ်ပါန်အခေါၚ် ခမဳရ၊ အာတ်ပါန်အခေါၚ်တုဲပ္ဍဲကြဴ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ— “ယွဴတဳလပိုဉ်တအ် သၚ် ဩဝ်ကလၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳစၞောန်ထ္ၜးပိဏ္ဍပါတ်ရ၊ ဣဝွံတုန် ပွမကဵုတီရောၚ်။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳစၞောန်ထ္ၜးပိဏ္ဍပါတ်ရ၊ ယြဴကုတဳလပိုဉ်မွဲ မၞုံကဵုပွမသ္ဍိုက် ပွမသၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳစၞောန်ထ္ၜးပိဏ္ဍပါတ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သၚ် ဟဂပ်ဝ်သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳစၞောန်ထ္ၜးပိဏ္ဍပါတ်တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။ ပ္ဍဲအခိၚ်ဂှ် “မုရဴသာ်လဵု ဂပ်ဝ်စၞောန်ထ္ၜးပိဏ္ဍပါတ်ရော?” ရဴဝွံ ကသပ်ဒှ် ကုခမဳစၞောန်ထ္ၜးပိဏ္ဍပါတ်ဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ချူဂၞတ်စုတ် ပ္ဍဲဒုန်ကရေက်ကီု ပ္ဍဲဂၠး (မပတမ်သၠတာ) ကီုတုဲ ဂၟာဲထကဵုတုဲမ္ဂး တၞဟ်နစၞောန်ထ္ၜးပိဏ္ဍပါတ် ကဵုအခေါၚ်ရ ရဴဝွံ (သ္ဂးရ)။
၆.၃.၇။ ပွမကဵုသၟိတ် ဒဒှ်မပတမ်ညးလးသၞာ[ပလေဝ်ဒါန် | ပလေဝ်ဒါန် တမ်ကၞက်]
၃၂၇။ ပ္ဍဲအခိၚ်ဂှ် ခမဳ မလးဘာသၞာသတိက်သၞာဒၟံၚ် ကုသၚ် ဟွံမွဲရ ။ ပ ။ ခမဳပၟၚ်ဒြပ်ဟွံမွဲရ ။ ပ ။ ခမဳမဒုၚ်ဂိုၚ်ကေတ်သ္ၚာ ဟွံမွဲရ ။ ပ ။ ခမဳပါ်ပရအ်သ္ၚာ ဟွံမွဲရ ။ ပ ။ ခမဳမပါ်ပရအ်ယာဂု ဟွံမွဲရ ။ ပ ။ ခမဳမပါ်ပရအ်သတ်ဆု ဟွံမွဲရ ။ ပ ။ ခမဳမပါ်ပရအ် စၞစကွာၚ်ၜဲဟွံမွဲရ ။ ပ ။ စၞစကွာၚ်ၜဲ စွံပတန်လဝ် သီုဟွံပါ်ပရအ်ဂှ် လီုလာ်အာရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳမဍိုက်ပေၚ်တဴ ကေုာံအၚ်္ဂဂမၠိုၚ်မသုန်သာ်ဂှ် ဒးသၟိတ်ပတိုန်ရဴဝွံမ္ဂး ခမဳမပါ်ပရအ် စၞစကွာၚ်ၜဲရ။ ခမဳဂှ် ဟွံဗက် ဆန္ဒာဂတိရ။ ဟွံဗက် ဒေါသာဂတိရ။ ဟွံဗက် မောဟာဂတိရ။ ဟွံဗက် ဘယာဂတိရ။ ပါ်ပရအ်တုဲ ဟွံဂွံပါ်ပရအ်ဏီလေဝ် လေပ်တီရ။ ယွံခမဳတအ် ရဴဝွံ ဒးသၟိတ်ရ။ ဗွဲကိုပ်ကၠာ သ္ဒးအာတ်ပါန်အခေါၚ် ခမဳရ၊ အာတ်ပါန်အခေါၚ်တုဲပ္ဍဲကြဴ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ— “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမပါ်ပရအ် စၞစကွာၚ်ၜဲရ၊ ဣဝွံတုန် ပွမကဵုတီရောၚ်။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမပါ်ပရအ် စၞစကွာၚ်ၜဲရ၊ ယြဴကုတဳလပိုဉ်မွဲ မၞုံကဵုပွမသ္ဍိုက် ပွမသၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမပါ်ပရအ် စၞစကွာၚ်ၜဲရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သၚ် ဂပ်ဝ်သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမပါ်ပရအ် စၞစကွာၚ်ၜဲတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
၆.၃.၈။ ပွမကဵုသၟိတ် ဒဒှ်ညးသၠးပရိက္ခာရာဗၞတ်ညိနာၚ်[ပလေဝ်ဒါန် | ပလေဝ်ဒါန် တမ်ကၞက်]
၃၂၈။ ပ္ဍဲအခိၚ်ဂှ် ပ္ဍဲတိုပ်ဒြပ်သၚ် ပရိက္ခာရာဗၞတ်ညိနာၚ် ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလပိုဉ် ကျာ်တြဲအိုတ်ရ။ ယွံခမဳတအ် ခမဳမဍိုက်ပေၚ်တဴ ကေုာံအၚ်္ဂဂမၠိုၚ်မသုန်သာ်ဂှ် ဒးသၟိတ်ပတိုန်ရဴဝွံမ္ဂး ခမဳမသၠး ပရိက္ခရာဗၞတ်ညိနာၚ်ရ။ ခမဳဂှ် ဟွံဗက်ဆန္ဒာဂတိရ။ ဟွံဗက် ဒေါသာဂတိရ။ ဟွံဗက် မောဟာဂတိရ။ ဟွံဗက် ဘယာဂတိရ။ သၠးတုဲ ဟွံဂွံသၠးဏီလေဝ် လေပ်တီရ။ ယွံခမဳတအ် ရဴဝွံ ဒးသၟိတ်ရ၊ ဗွဲကိုပ်ကၠာ သ္ဒးအာတ်ပါန်အခေါၚ် ခမဳရ၊ အာတ်ပါန်အခေါၚ်တုဲပ္ဍဲကြဴ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ— “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမသၠး ပရိက္ခရာဗၞတ်ညိနာၚ်ရ၊ ဣဝွံတုန် ပွမကဵုတီရောၚ်။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂးခမဳသၠး ပရိက္ခရာဗၞတ်ညိနာၚ်ရ၊ ယြဴကုတဳလပိုဉ်မွဲ မၞုံကဵုပွမသ္ဍိုက် ပွမသၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမသၠး ပရိက္ခရာဗၞတ်ညိနာၚ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သၚ် ဂပ်ဝ်သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမသၠး ပရိက္ခရာဗၞတ်ညိနာၚ်တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဂးကဵုတီရ ရဴဝွံ သ္ဂးရ)။ ခမဳမသၠး ပရိက္ခာရာဗၞတ်ညိနာၚ်ဂှ် ဒးကဵုတၞိၚ်မွဲတၞုၚ်ရ၊ ဒးကဵုၜုန်သၟတ်မွဲရ၊ ဒးကဵုဒၞပ်မွဲချဴရ၊ ဒးကဵုကာယဗန်မွဲတၞုၚ်ရ၊ ဒးကဵုဇုက်ကၟာဲရ၊ ဒးကဵုခ္ဍိုဟ်ဍာ်ယာတ်ရ၊ ဒးကဵုခ္ဍိုဟ်ဍာ်ဓမၚ်ကရိုဏ်ရ၊ အမာတ်ဇမၠိၚ်ရ၊ (ကောန်ကၞၚ်သ္ၚာမဂၠိၚ်)၊ ဒးကဵုအမာတ်အနာံမဂၠေံရ၊ ဒးကဵုဗွဝ်ဂၞါသ္ၚိသ္ၚာဇၞော်ရ၊ ဒးကဵုဗွဝ်ဂၞါသ္ၚိသ္ၚာဇၞော်ရ၊ ဒးကဵုဗွဝ်ဂၞဴသ္ၚိသ္ၚာဍောတ်ရ၊ ဒးကဵုအမာံဇမၠိၚ်ရ၊ ဒးကဵုအမာတ်ဇမၠေံရ။ ကၠေၚ်သွဟ် ဍာ်သာဲ တၚ်လာဲသၚ်ဂမၠိုၚ် နွံမ္ဂး ဒးကဵုသွက်ဂွံကၠာန်မွဲဝါရ၊ မွဲလှေ်ပၠန်လေဝ် မိက်ကၠာန်မ္ဂး မွဲလှေ်ပၠန်လေဝ် ဒးကဵုရ။
၆.၃.၉။ ပွမကဵုသၟိတ် ဒဒှ်မပတမ်ညးကဵုသ္ၚာသၞုက်ဗြဲ[ပလေဝ်ဒါန် | ပလေဝ်ဒါန် တမ်ကၞက်]
၃၂၉။ ပ္ဍဲအခိၚ်ဂှ် ခမဳ မကဵုသ္ၚာသၞုက်ဗြဲ ကုသၚ် ဟွံမွဲရ ။ ပ ။ ခမဳမကဵုဗဗေၚ် ဟွံမွဲရ ။ ပ ။ ခမဳမဖအောဝ်စကာ ပၟၚ်အာရှာမ် ဟွံမွဲရ ။ ပ ။ ခမဳမဖအောဝ် သာမဏဳ ဟွံမွဲရ၊ သာမဏဳဂမၠိုၚ် ဟိုတ်မဟွံဖအောဝ်စကာဂှ်ရ ဟွံကၠောန်သ္ပ ကမၠောန်ကေၚ်ကာအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳမဍိုက်ပေၚ်တဴကေုာံ အၚ်္ဂမသုန်သာ်ဂှ် ဒးသၟိတ်ပတိုန် ရဴဝွံမ္ဂး ခမဳမဖအောဝ်စကာ သာမဏဳရ။
ခမဳဂှ် ဟွံဗက် ဆန္ဒာဂတိရ။
ဟွံဗက် ဒေါသာဂတိရ။
ဟွံဗက် မောဟာဂတိရ။
ဟွံဗက် ဘယာဂတိရ။
ဖအောဝ်စကာတုဲ ဟွံဂွံဖအောဝ်စကာဏီလေဝ် လေပ်တီရ။
ယွံခမဳတအ် ရဴဝွံ ဒးသၟိတ်ရ၊ ဗွဲကိုပ်ကၠာ သ္ဒးအာတ်ပါန်အခေါၚ် ခမဳရ၊ အာတ်ပါန်အခေါၚ်တုဲပ္ဍဲကြဴ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမဖအောဝ် သာမဏဳရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂးခမဳမဖအောဝ်စကာ သာမဏဳရ၊ ယြဴကုတဳလပိုဉ်မွဲ မၞုံကဵုပွမသ္ဍိုက် ပွမသၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမဖအောဝ်စကာ သာမဏဳရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမဖအောဝ်စကာ သာမဏဳတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
❀❀❀ခဏ်တတိယတုဲရ။❀❀❀
✵✵✵သေနာသနက္ခန္ဓကဆဋ္ဌတုဲရ။✵✵✵
❖ သေနာသနက္ခန္ဓကဂှ် ဗွဲခမ္ဍန်[ပလေဝ်ဒါန် | ပလေဝ်ဒါန် တမ်ကၞက်]
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ဟဂွံပညပ်ဘာဏီရ၊ ပဒတဴ ပ္ဍဲဌာန်ဂှ်ဂှ်အိုတ်ရ၊ ကွးကျာ်တြဲဂမၠိုၚ်ဂှ် တိတ်ကၠုၚ် နူဌာန်ဂှ်ဂှ်အိုတ်ရ။
သေဌဳ ညာတ်ဒးတုဲ ဂရၚ်ပတီ ဂလာန်ဝွံမ္ဂး ကဵုသိုၚ်ခၞံမ္ဂး ပဒတဴအိုတ်ဟာရ၊ မွဲလှေ်ပၠန် ဂရၚ်ပတီသၟာန် ကျာ်တြဲအိုတ်ရ။
ကဵုအခေါၚ် ဘာဂမၠိုၚ်မသုန်ဂကူ မတွံဂးဘာဖျေံစၟဳၜါလပါ် ဘာဖျေံစၟဳမွဲလပါ် ပြသာဒ်ခၠုပ် ထီုဂိုဟ်ဝွံရ။ သေဌဳ ကဵုသိုၚ်ခၞံ ဘာဂမၠိုၚ်ရ။
ဂကောံမၞိဟ်မဂၠိုၚ် ကဵုသိုၚ်ခၞံ ဘာမဟွံမွဲကဵုတြၚ် ဟွံမွဲကဵုကၟာတ်လဒဵုရ၊ (ကဵုအခေါၚ်) သၠတြၚ် ဇဵုတြၚ် ခအဳသၟတ် ပးလကံက်လတူရ။
(ကဵုအခေါၚ်) ပၞော်သွက်ဂွံတံၚ် ဇုက်သွက်ဂွံတံၚ် ဒယိုၚ်တိုၚ်စုတ်သၞောဝ်တြၚ် ပးလကံက် ဆုသၟတ် သွက်ဂွံစုတ်သၞောဝ်တြၚ် (ဂွေန်တဲကၞုဲပသဲ) သၞောတ်တြၚ်သၟတ် သၞာဲတြၚ် ပသဲတ္ၚံက် ဗရိုတ် ပသဲတ္ၚံက်ဆု ပသဲတ္ၚံဒြၚ်သတ်ရ။
ကဵုအခေါၚ် ယန္တရာပံက် (ကသအ်) သၞောဝ်တြၚ်သၟတ် (ကောန်ကသအ်)စၟဳ ပွမလံက်လေတ် အပ္ဍဲမ္ၚး ဗတၚ်ကျာတိုၚ်ဗွုတ် ဗတၚ်ကျာဒဇာ ဗတၚ်ကျာဒုၚ်ကရေက် ကဝးဇုက်ဇိုတ်ဇိုၚ် သၞာလးချောဲရ။
(ကဵုအခေါၚ်) ပွမလံက်လေတ် နကဵုတိ (ပွမဗဝ်တိသဝ်) ဇံၚ်တာန်လဝ်ကဵုၜဝ် ဇံၚ်ဂတဵုမၞုံကဵုၝောံ မဂပ်ဝ်ပြိုက်လဝ်ပ္ဍဲဇိုၚ် သုၚ်စောဲပ္ဍဲသုသာန် ဇံၚ်ဂတဵု မၞုံကဵုၝောံ ကေုာံဇိုၚ်မွဲဗ္စပ်ဓဝ် ဇံၚ်ဂတဵု မၞုံကဵုဇိုၚ်သဏ္ဌာန်ၚာၚ်ဂတာံ ဇံၚ်ဂတဵု မၞုံကဵုဇိုၚ်မဂပ်ဝ်ပြိုက်လဝ်ပ္ဍဲၝောံ ဂတဵုပန်ကၠၚ် ဂတဵုမသၠုၚ်ရ။
(ကဵုအခေါၚ်) ဇံၚ်ဂတဵုမၞုံကဵုအၚ်္ဂထပှ်ပြကာ ဇံၚ်ဂတဵုတာန်လဝ်ကဵုၜဝ် ဂတဵုဒက်တာန်ယာတ်တမြံၚ် ဂတဵုဇိုၚ်ဗ္ၜေအ် ဂတဵုဇိုၚ်သဏ္ဌာန်သတ်တလုဲ သၞာကောပ်ကာဲဒေါဲ (ဂတဵုထၟိက်) ဂတဵုဆံက်ရ။
ဇံၚ်မသၠုၚ် ဇြုံဒွံဒး ဇိုၚ်ဇံၚ်သၠုၚ်လောန် ဂၞဳဒုၚ်ဇိုၚ်ဇံၚ် မၞုံဗၞတ်ဒ္စါံလပုဟ်တဲ တောဝ်ဒ္စါံခန် ယာတ်တမြံၚ် သၞာပြိုက်ချဵု ဂၞဳမၞုံဗၞတ်ကဝက်ဇကုကီု ဖုန်ပေါဲက္ဍဟ်ဒဵု ယာတ်သုၚ်စောဲဘာ ပွမဒက်ပူပါတ် ပွမဒတုံစှေ်သၟဝ် သံက်ကယျာတုဲကၠတ်ဏာ။
ကျာ်တြဲ ကဵုအခေါၚ် ပွမထၞဟ်ဍာ်ဂဥုဲ ပွမဖျောန်ဗီုတဲမသုန်တၞုၚ်ရ၊ ဘာတဳ ဘာခမဳ တိဖုဲကာမ် တိကမၠေတ်။
ဇၜိုတ်ဆု ဂတာတဲပသဲ တိဖုဲကၞောန်သ္ၚု တိဖုဲခၞိက်ရာဲ ကၠေၚ်ပၠုဲ ဂၠိုၚ်အာမ္ဂး ကဵုအခေါၚ် သွက်ဂွံပတိတ်ထောံ မွဲလှေ်ပၠန်ရ။ တိတမြံၚ် တိအိက်ကြုက်တိ။
ဇၜိုတ်ဆု ဍာ်ဂဥုဲကသဴ တိသဝ် ပွမဗဝ်တိ ခမဳမတိုန် လောစှေ်အိုတ်ရ၊ ဂၠး (ဗလးခဠာတ်) ဗ္ဒၚ်ကဝက် မွဲလှေ်ပၠန်ဂၠမ်ပိဂကူ။
ဘာသၟတ် ဇိုၚ်ဗ္ဒၚ် ဍေက်ဍာ်ဗြဲရ၊ ပွမက္ညာၚ်ကရေဲ ဇၜံက်ဂမာဲ ဒုန်တေၚ်သ္ၚာ ဇုက်တေၚ်ဗလဲသ္ၚာ ဒၞာဲဒုၚ်ကၟုဲ ကာဲလာဓရိုဟ်။
ဗလဲတၞိန် ခၞိက်တိ ဒးသ္ပနယ် ပ္ဍဲလၟေၚ်မသ္ဂးလဝ်သၟဝ်တုဲရ၊ ပ္ဍဲအမှဲအကး ဂမ္တဴတ္ၚဲရ၊ စၚ်နုၚ်ဍာ်သွုၚ် အစဳရေၚ်သ္ဂးလဝ်သၟဝ် ခရော်(ဗြံက်)။
မုက်ထော်ဘာ ပြဝိုဏ် သ္ၚိဇရုၚ်ပၟတ် အာရှာမ် မွဲလှေ်ပၠန် မုက်ထောံတြၚ် ဒးသ္ပနနယ်မသ္ဂးလဝ်သၟဝ်ရ။
ပြာသာဒ်စၟဳအၚ်္ဂဒဵု အနာထပိဏ္ဍိကသေဌဳ မၞုံကဵုသဒ္ဓါလျုၚ် အာဂြိုပ်ကြက်ဂြၚ်ရ၊ အနာထပိဏ္ဍိကသေဌဳ မတီညာတ်သစ္စ ဘိက်နိမန် ကျာ်တြဲ မွဲဟာန်ကေုာံသၚ်ရ။
ပ္ဍဲအကြာဂၠံၚ်တရဴ ဖအောဝ်စကာရ၊ ဂကောံမၞိဟ်မဂၠိုၚ် ကဵုကၠောန်သ္ပ အာရှာမ်ရ၊ ပ္ဍဲဍုၚ်ဝေသာလဳ နူကၠာ ကေၚ်ကာတၟိလေဝ် သီဂိုၚ်ကေတ်ရ။
မုရဴညးမွဲ ထေက်ရော?၊ ဘာရုၚ်ကဵုပိုဉ် ဇာတ်သၟိၚ်သဝ်ရဝကာ် ပူဂိုလ်မဟဂပ်ဝ် လ္ၚောဝ်သီဂိုၚ်ကေတ်ရ၊ ပ္ဍဲအပ္ဍဲကွာန်လေဝ် သၞားလးချဵု(ဖ္ဍဳ) စိုပ်သာရဝှ်ရ။
ကဵုပတန်အာရှာမ်ရ၊ ပွမညာန်ညေဲ ပ္ဍဲဘာရုၚ်ကဵုပိုဉ် ခမဳဂိယဲ သၞာသတိက်သၞာဒၟံၚ်မပြဲ ပွမကော်မြော် ဂကောံခမဳစှ်ထပှ်ဇကု ဌာန်ဂှ်။
မုရဴခမဳမွဲ မုရဴနနယ်မွဲ ဂွံပါ်ပရအ်ရော?၊ ဒးပါ်ပရအ် ဗွဲအပိုၚ်အခြာဘာ အပိုၚ်အခြာ ပြဝိုဏ်ရ၊ သွက်ဘိုအ်လက်ကရဴ (သွက်ဘိုအ်မဗဗွဲ)လေဝ် ကဵုအခေါၚ်ရ၊ သွက်ဘိုအ်လက်ကရဴဂှ် ဟွံမိက်ကဵုမ္ဂး ဟဂပ်ဝ်ကဵုရ။
မ္ၚးသိမ် အခါကာလအိုတ်သီု ဘာသၞာသတိက်သၞာဒၟံၚ် ပွမကဵုဂိုၚ်ကေတ်ဘာပိဂကူ ခမဳနန္ဒ ပွမထိုၚ်သး ခမဳဒတူ ခမဳသၞာတုပ်သၟဟ်။
ခမဳသၞာတုပ်သၟဟ်ဂမၠိုၚ် ပလီုပလာ်အိုတ်ရ။ ဂကောံခမဳပိဇကု ဂကောံခမဳၜါဇကု ညးဟွံဂွံအခေါၚ်ဂဇအ်သၞာတုပ်သၟဟ် သၞာဇမၠိၚ် ပွမပြဘိုက်သုၚ်စောဲ။
မိနော် ပ္ဍဲကဳဋာကိရိ ဌာန်ဟွံကြပ်ဟွံသ္ၚောဲ ပွမပါ်ပရအ် ဍုၚ်အာဠဝဳ ပွမထၟံက်ၚေက်ကမၚ်ကရ် ပွမလံက်လေတ်ဗ္ဒၚ် ပွမဗ္ဂပ်တြၚ် ပွမၜတ်ဇဵုတြၚ်။
ဗတၚ်ကျာ သာ်ဗု သာ်လမ္စံက် ဆီတၟံ ပွမစၟဳ ပွမဒက် ပွမစွံသ္ၚိဖရာပ် ပွမကဝ်သကုတ် အိက်ဂၠဴ ပွမလံက်ဍာ်ဗစိုတ် လုကဴၜါစှော်သၞာံ လုကဴပိစှော်သၞာံ ပွမကဵု စဵုအခိၚ်ယေက်ပၟတ်ပၠိုတ်။
ဘာစိုပ်ဒတုဲ ဘာမဟဂွံသ္ပဏီ ပ္ဍဲဘာသၟတ် မသုန်သၞာံတြဴသၞာံ၊ ပ္ဍဲဘာဖျေံစၟဳမွဲလပါ် ထပှ်သၞာံဒ္စါံသၞာံ၊ ပ္ဍဲဘာဇၞော် လုကဴစှ်သၞာံစှ်ၜါသၞာံဂမၠိုၚ် ဘာဂမၠိုၚ်အိုတ်သီု ကဵုထောံခမဳမွဲဇကုအိုတ်ရ၊ ကဵုခမဳသအာၚ် ပဒတဴအိုတ်ရ။ ဒြပ်သၚ် မ္ၚးသိမ် အခါကာလအိုတ်သီု စ္ဍးအာရ၊ ခရှ်လေဝ် ရာမ်တိတ်အိုတ်ရ။
ပွမချိုတ် သာမဏဳ ညးသၠးကၠေံသိက္ခာ ညးအာစိုပ်ပါရာဇ် ညးကြအ် ညးစိုတ်ကလှ်လဖှ် ညးဝေဒနာပ္ဍဵုပ္ဍိုက် ပွမဟွံမၠာ်သ္ၚေဝ်အာပတ်။
ပွမဟွံဇအုဲဇဗ ကွေတ်မှာရာ ခမၞုဲ ထေယျသံဝါသက ညးပြံၚ်အာဗော်တဳ တိရစ္ဆာန် ညးဂစိုတ်မိ ညးဂစိုတ်မ ညးဂစိုတ်တၠအရှန် ညးပလီုပလာ်ခမဳဗြဴ။
ညးပါ်ဒကးသၚ် ညးသ္ပညံၚ်ဆီဂွံပ္ဍူ ဥဘတောဗျဉ် လ္ပကဵုဟုတ်ယုတ် ကုသၚ်ညိ ရဴဝွံ ပၠုပ်စိုတ်တုဲ ကဵုအခေါၚ် သွက်ဂွံကဵု ကေၚ်ကာတၟိဂှ် ကုခမဳသအာၚ်ရ။
ကိုပ်ကၠာဟွံစိုပ်ဒတုဲဏီ စ္ဍးအာမ္ဂး ကဵုအခေါၚ် သွက်ဂွံကဵု ကုခမဳသအာၚ်ရ။ စိုပ်ဒတုဲတုဲမှ စ္ဍးအာမ္ဂး ဒှ်ဘာခမဳဂှ်ဟေၚ်ရ။ ရာမ်တိတ်ခရှ်မ္ဂး ချိုတ်အာမ္ဂး ဒှ်သာမဏဳမ္ဂး။
ဒုၚ်ဝန် ရဴဝွံမ္ဂး သၠးကၠေံသိက္ခာ အာစိုပ်ပါရာဇ် ခမၞုဲမ္ဂး သၚ်ဟေၚ် ပိုၚ်ပြဳရ၊ ဒုၚ်ဝန် ရဴဝွံမ္ဂး ညးကြအ် ညးစိုတ်ကလှ်လဖှ် ညးဝေဒနာပ္ဍဵုပ္ဍိုက်။ ပွမဟွံမၠာ်သ္ၚေဝ် ပွမဟွံဇအုဲဇဗ ပွမဟွံသၠးကၠေံ ကွေတ်မှာရာမ္ဂး ဘာဂှ် ဒှ်ဘာခမဳဂှ်ဟေၚ်ရ။
ခမဳဂှ် ဒုၚ်ဝန်ရဴဝွံမ္ဂး ခမၞုဲ ထေယျသံဝါသက ညးပြံၚ်အာဗော်တဳ တိရစ္ဆာန် ညးဂစိုတ်မိ ညးဂစိုတ်မ ညးဂစိုတ်တၠအရှန် ညးပလီုပလာ်ခမဳဗြဴ ညးပါ်ဒကးသၚ် ညးသ္ပညံၚ်ဆီဂွံပ္ဍူ ဥဘတောဗျဉ်မ္ဂး သၚ်ဟေၚ် ပိုၚ်ပြဳရ။
ရၚ်တၠုၚ်ဏာ ဘာသအာၚ်အိုတ်ရ၊ ဟွံဂပ်ဝ် ရဴဝွံ ဂိုၚ်ကေတ်ရ၊ သရိုဟ်စှေ်ရ၊ ယာတ်ကၟဝ် ယာတ်စၞာံကၟီ ကဝးဇုက်ဇိုတ်ဇိုၚ် ယာတ်တမြံၚ် လိုန်အိုတ်ရ။
ပွမလိုန် နဇိုၚ်မဍေက် ပွမလိုန် နကဵုဒၞပ် ပွမချဟ်စုတ်ဍာ်ပါၚ် ပွမခရက်ခရောဝ် ပွမဗ္ဒာဲဒလာဲ ပွမခရက်ခရောဝ် နဇိုၚ်ဂတဵုဒလာဲ ဇိုၚ်ပကြာတ်တုဲ သၞာလး။
ပွမက္ညအာ ဍုၚ်ရာဇဂြိုဟ် ကၠောန်သ္ပသံဃဘတ်ဟွံမာန် ပိဏ္ဍပါတ်ဍိုန်လျ ခမဳစၞောန်ထ္ၜးပိဏ္ဍပါတ် ပသာ်ဂွံစၞောန်ထ္ၜးရော၊ ပွမသၟိတ် ခမဳညးလးသၞာ ခမဳပၟၚ်ဒြပ်။ ပွမသၟိတ် ခမဳမကဵုဂိုၚ်ကေတ်သ္ၚာ ခမဳမပါ်ပရအ် ခမဳမပါ်ပရအ်ယာဂု ခမဳမပါ်ပရအ်သတ်ဆု ခမဳမပါ်ပရအ် စၞစကွာၚ်ၜဲ ခမဳမပါ်ပရအ်ဒြပ်ဗၞတ်ညိနာၚ်။ ပွမသၟိတ် ခမဳမကဵုဒုၚ်ဂိုၚ်ကေတ်သ္ၚာသၞုက်ဗြဲ တုပ်သၟဟ်သာ်ဂှ် ခမဳမကဵုဒုၚ်ဂိုၚ်ကေတ်ဗဗေၚ် ခမဳမဖအောဝ်စကာပၟၚ်အာရှာမ် သာမဏဳ။
ကျာ်တြဲ မလေပ်ပလီုပလာ်ဗပါ်ကၠေံ ကိလေသအိုတ်သီု မတီညာတ်လောက မၞုံကဵုစိုတ် မနွံပၟိက်ဒတုဲမြမောဝ်ဂှ် သွက်ဂွံလုပ်စၛာန်ကီု သွက်ဂွံမၠာ်သ္ၚဳဝိပဿနာကီု ကဵုအခေါၚ်ဘာ မၞုံကဵုဖဵုမဂွံအောပ်ဗ္ဒ မၞုံကဵုဖဵုမဒှ်တသိုခ်ရ။
☀︎☀︎☀︎သေနာသနက္ခန္ဓကတုဲရ။☀︎☀︎☀︎
၇။ သံဃဘေဒကက္ခန္ဓက[ပလေဝ်ဒါန် | ပလေဝ်ဒါန် တမ်ကၞက်]
၇.၁။ အခဏ်ပထမ[ပလေဝ်ဒါန် | ပလေဝ်ဒါန် တမ်ကၞက်]
၇.၁.၁။ သၟိင်သကျဝင်တဴတၠ ပခမဳ[ပလေဝ်ဒါန် | ပလေဝ်ဒါန် တမ်ကၞက်]
၃၃၀။ ပ္ဍဲအခိင်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴဒၟံၚ် ပ္ဍဲနိဂီုမၞုံယၟု အနုပိယ သၟိၚ်မလ္လဂမၠိုၚ်ဂှ် သၟိၚ်သကျဝၚ်မပြာကဋ်ဒယှ်တှ်လောန်ဂမၠိုၚ် ဒ္ဂေတ်ပတုပ်ဗက် တဳလမၞုံပိုဉ်ကျာ်တြဲ မသ္ပခမဳတုဲ ပခမဳအိုတ်ရ။
ပ္ဍဲအခိၚ်ဂှ် ပၞောဝ်သၟိၚ်သကျဝၚ်မဟာနာမ် ကေုာံသၟိၚ်သကျဝၚ်အနုရုဒ္ဓ ကောကဵုဒေံဂမၠိုၚ်ၜါတၠဂှ် သၟိၚ်သကျဝၚ်အနုရုဒ္ဓဂှ် ဍိုန်ဍောတ်ၜတ်တကတ်လောန်ရ၊ ကုကောန်သၟိၚ်ဂှ် ပြသာဒ်နွံပိတၞုၚ်အိုတ်ရ။ မွဲတၞုၚ်ဂှ်တုဲ ပြာသာဒ်ပဒတဴ ရာသဳမုဟ်ကျာရ၊ မွဲတၞုန်ဂှ်တုန် ပြသာဒ်ပဒတဴ ရာသဳက္ညၚ်ရ။ မွဲတၞုၚ်ဂှ်တုန် ပြသာဒ်ပဒတဴ ရာသဳဗြဲရ၊ ကောန်သၟိၚ်ဂှ် လုကဴဂိတုဗြဲဂမၠိုၚ်ပန်ဂိတု သီုမဒုၚ်စသုၚ် နကဵုကွိၚ်ကွိုက်ဂမၠိုၚ် ညးဗြဴဂမၠိုၚ်ဟေၚ်တိၚ်တိုက်ဂှ် ဟွံစှေ်ထပ်သၟဝ် ပြာသာဒ်ရ၊ ပ္ဍဲအခိၚ်ဂှ်— “ပ္ဍဲအခိၚ်လၟုဟ် သၟိၚ်သကျဝၚ် မပြာကဋ်ဒယှ်တှ်လောန်ဂမၠိုၚ် ဒ္ဂေတ်ပတုပ်ဗက် တဳလမၞုံပိုဉ်ကျာ်တြဲ မသ္ပခမဳတုဲ ပခမဳအိုတ်ရ၊ နူဂကူပိုဲညးဂမၠိုၚ် နူဂကူပိုဲညးဂမၠိုၚ် နူအဝေါၚ်ခရှ် လုပ်အဝေါၚ်ခမဳတုဲ ညးပခမဳလေဝ် ဟွံမွဲမွဲရ၊ အဲကဵုဒှ် အနုရုဒ္ဓကဵုဒှ် ဂွံပခမဳမ္ဂး ခိုဟ်သန်ရ” ရဴဝွံ ကသပ်ဒှ် ကုသၟိၚ်သကျဝၚ် မဟာနာမ်ရ။
ပ္ဍဲအခိၚ်ဂှ် သၟိၚ်သကျဝၚ်မဟာနာမ် ပြာပ်အာဇရေၚ် ကောန်သၟိၚ်အနုရုဒ္ဓတုဲပ္ဍဲကြဴ—
“ယွံဒေံအနုရုဒ္ဓ ပ္ဍဲအခိၚ်လၟုဟ် သၟိၚ်သကျဝၚ် မပြာကဋ်ဒယှ်တှ်လောန်ဂမၠိုၚ် ဒ္ဂေတ်ပတုပ်ဗက် တဳလမၞုံပိုဉ်ကျာ်တြဲ မသ္ပခမဳတုဲ ပခမဳအိုတ်ရ၊ နူဂကူပိုဲညးဂမၠိုၚ် နူအဝေါၚ်ခရှ် လုပ်အဝေါၚ်ခမဳတုဲ ညးပခမဳမမိက်ကဵုမွဲမွဲ ဟွံမွဲရ၊ ဟိုတ်ဂှ်ရ တၠအဲလေဝ် သြဝ်ပခမဳညိ၊ အဲလေဝ် ကြက်ပခမဳရ” ရဴဝွံ ဟီုသ္ဂးကဵုကောန်သၟိၚ်အနုရုဒ္ဓရ။
အဲဂှ် ဒှ်ညးဍိုန်ဍောတ်ၜတ်တကတ်လောန်ရ၊ နူအဝေါၚ်ခရှ် လုပ်အဝေါၚ်ခမဳတုဲသွက်ဂွံပခမဳဂှ် အဲဟွံသၟဟ်ရထရ၊ တၠအဲဟေၚ် သြဝ်ပခမဳညိ ရဴဝွံ (သ္ဂးရ)။ ယွံဒေံအနုရုဒ္ဓ သြဝ်ကၠုၚ်ညိ၊ စပ်ကဵုကမၠောန်ကေၚ်ကာခရှ် ညးပဒတဴသ္ၚိကၟိန်တုဲ ကြက်ဒၠောံဗတောန် တၠအဲရ။ ဗွဲကိုပ်ကၠာ ဒးကဵုထဲတိရ၊ ကဵုထဲတိတုဲ ဒးကဵုတဵုပဠုမ်(ဂြာတ်မ)ရ၊ကဵုတဵုပဠုမ်တုဲ ဒးသပၠုပ်ဍာ်ရ၊ ကဵုသပၠုပ်ဍာ်တုဲ ဒးကဵုပတိတ်ဍာ်ရ၊ ကဵုပတိတ်ဍာ်တုဲ ဒးကဵုဂစှေ် ချောဲဗဝ်တမ်ရ၊ ကဵုဂစှေ်ချောဲဗဝ်တမ်တုဲ ဒးကဵုရတ်ရ၊ ကဵုရတ်တုဲ ဒးကဵုရၚ်တၠုၚ်ပတိတ်ဏာရ၊ ကဵုရၚ်တၠုၚ်ပတိတ်ဏာတုဲ ဒးကဵုဗွဝ်ဖအုံရ၊ ကဵုဗွဝ်ဖအုံတုဲ ဒးကဵုပၠိုန်ရ၊ ကဵုပၠိုန်တုဲ ဒးကဵုရၚ်တၠုၚ် ၜံက်ဂရိုက်ပတိတ်ဆံက်ဂမၠိုၚ်ရ၊ ကဵုရၚ်တၠုၚ်ၜံက်ဂရိုက်ပတိတ်ဆံက်ရ၊ ဒးကဵုရၚ်တၠုၚ်ပတိတ် တဝ်သြောံသၟတ်ဂမၠိုၚ် ‘သ္ပအ်သြောံဂမၠိုၚ်’ ရ၊ ကဵုရၚ်တၠုၚ်ပတိတ် တဝ်သြောံသၟတ်ဂမၠိုၚ်တုဲ ဒးကဵုသရဳရ၊ ကဵုသရဳတုဲ ဒးကဵုရၚ်တၠုၚ်သပၠုပ်ဟၚ်စာတ်ရ၊ ကဵုရၚ်တၠုၚ်သပၠုပ်တုဲ ပ္ဍဲသၞာံဂတတေံလေဝ် ဒးကၠောန်သ္ပ အတိုၚ်ဝွံရ၊ သၞာံဂတဂတတေံလေဝ် အတိုၚ်ဝွံဟေၚ် ဒးကၠောန်သ္ပရ ရဴဝွံ (ဒၠောံဗတောန်ရ)။ ကမၠောန်ကေၚ်ကာဂမၠိုၚ် အိုတ်အာဟွံမာန်အိုတ်ရ၊ ပွမစိုပ်ဒတုဲ ကမၠောန်ကေၚ်ကာဂမၠိုၚ် ဟွံပြာကဋ်ရ၊ မုရဴပ္ဍဲအခိၚ်မွဲ ကမၠောန်ကေၚ်ကာဂမၠိုၚ် ကြက်အိုတ်အာမာန်အိုတ်ရော?၊ မုရဴပ္ဍဲအခိၚ်မွဲ ပွမစိုပ်ဒတုဲ ကမၠောန်ကေၚ်ကာဂမၠိုၚ် ပြာကဋ်ရော?၊ ပိုဲညးဂမၠိုၚ် မုရဴပ္ဍဲအခိၚ်မွဲ သီုဟွံမွဲဂဗုဓ်ဓဝိၚ် ဂွံဒုၚ်သိုၚ် ဗွဲမဍိုက်ပေၚ်စုမ်ရုမ် နကဵုကာမဂုဏ်ဂမၠိုၚ်မသုန်ပြကာအိုတ်ရော? ရဴဝွံ (သ္ဂးရ)။
ယွံဒေံအနုရုဒ္ဓ ကမၠောန်ကေၚ်ကာဂမၠီုၚ် အိုတ်အာဟွံမာန်အိုတ်ရ၊ ပွမစိုပ်ဒတုဲ ကမၠောန်ကေၚ်ကာဂမၠိုၚ် ဟွံပြာကဋ်ရ၊ သီုကမၠောန်ကေၚ်ကာဟွံအိုတ်ဟေၚ် မအံက်ဂမၠိုၚ်ကီု မိအံက်ဂမၠိုၚ်ကီု စုတိစဴသွဝ်တုဲအိုတ်ရ ရဴဝွံ သ္ဂးရ။ ဒှ်သာ်ဂှ်ဟေၚ် တၠအဲ (ကောဂၠု) ဟေၚ် ဩဝ်တီကေတ် ကမၠောန်ကေၚ်ကာခရှ် ညးပဒတဴသ္ၚိကၟိန်ညိ၊ အဲ နူအဝေါၚ်ခရှ် လုပ်အဝေါၚ်ခမဳတုဲ ကြက်ပခမဳရ ရဴဝွံ (သ္ဂးရ)။
ပ္ဍဲအခိၚ်ဂှ်ကော န်သၟိၚ်အနုရုဒ္ဓ ပြာပ်အာဇရေၚ် မိအံက်ဇကုတုဲပ္ဍဲကြဴ—
“ယွံမိအံက် နူအဝေါၚ်ခရှ် လုပ်အဝေါၚ်ခမဳတုဲ အဲ မိက်ပခမဳရ၊ နူအဝေါၚ်ခရှ် လုပ်အဝေါၚ်ခမဳတုဲ သွက်ဂွံပခမဳ ဩဝ်ကဵုအခေါၚ် ကုအဲညိ” ရဴဝွံ ဟီုသ္ဂးကဵုမိအံက်ရ။ ဟီုသ္ဂးတဴ ရဴဝွံမ္ဂး မိအံက်ကောန်သၟိၚ်အနုရုဒ္ဓဂှ်—
“ယွံကောန်အနုရုဒ္ဓ အဲသ္ဍိုက်ဆာန် မၞးကောန်အဲၜါတၠဂမၠိုၚ်ရ၊ သ္ဍိုက်မၠိုက်ရ၊ ဟွံက္ဍုဟ်မၠေံရ၊ ၜိုန်ဒးချိန်အာလေဝ် သီုဟွံမွဲပၟိက်အိုတ်ဂှ် ကြက်ဒးသာဲခြာအာ ကေုာံမၞးတအ်ညးဂမၠိုၚ်အိုတ်ရ၊ ဂျိုၚ်ဒၟံၚ်လမျီုတုန် နူအဝေါၚ်ခရှ်ဝွံ တၞဟ်နလုပ်စိုပ်အဝေါၚ်ခမဳ ပသာ် အဲဂွံကဵုအခေါၚ်ကဵုမၞးတအ်ညးဂမၠိုၚ်မာန်ရော?” ရဴဝွံ သ္ဂးကဵုကောန်သၟိၚ်သကျဝၚ် အနုရုဒ္ဓရ။
မရနုက်ကဵုၜါဝါလေဝ် ။ ပ ။ မရနုက်ကဵုပိဝါလေဝ် ကောန်သၟိၚ်အနုရုဒ္ဓဂှ် “ယွံမအံက် နူအဝေါၚ်ခရှ် လုပ်အဝေါၚ်ခမဳတုဲ အဲ မိက်ဂွံပခမဳရ၊ နူအဝေါၚ်ခရှ် လုပ်အဝေါၚ်ခမဳတုဲ သွက်ဂွံပခမဳ ဩဝ်ကဵုအခေါၚ် ကုအဲညိ” ရဴဝွံ ဟီုသ္ဂးကဵုမိအံက်ရ။
ပ္ဍဲအခိၚ်ဂှ် သၟိၚ်သကျဝၚ်မၞုံယၟုဘဒ္ဒိယ သ္ပဒၟံၚ်ဒဒှ်သၟိၚ် သၟိၚ်သကျဝၚ်ဂမၠိုၚ်ရ၊ သၟိၚ်ဂှ်တုန် ဒှ်သကအ်ပွံၚ် ကောန်သၟိၚ်အနုရုဒ္ဓရ။
ပ္ဍဲအခိၚ်ဂှ် မိအံက်ကောန်သၟိၚ်အနုရုဒ္ဓဂှ်—
“သၟိၚ်သကျဝၚ် မၞုံယၟုဘဒ္ဒိယ မဒှ်သကအ်ပွံၚ်အနုရုဒ္ဓဂှ် သ္ပဒၟံၚ်ဒဒှ်သၟိၚ် သၟိၚ်သကျဝၚ်ဂမၠိုၚ်ရ၊ သၟိၚ်ဂှ် နူအဝေါၚ်ခရှ် လုပ်အဝေါၚ်ခမဳတုဲ ပခမဳမာန်ဟွံသေၚ်ရ” ရဴဝွံ (ပၠုပ်စိုတ်တုဲ) “ယွံကောန်အနုရုဒ္ဓ သၟိၚ်သကျဝၚ် မၞုံယၟုဘဒ္ဒိယ နူအဝေါၚ်ခရှ် လုပ်အဝေါၚ်ခမဳတုဲ ပခမဳမ္ဂး တၠအဲလေဝ် ဩဝ်ပခမဳညိ” ရဴဝွံ သ္ဂးကဵု ကောန်သၟိၚ်သကျဝၚ်အနုရုဒ္ဓရ။ (ပ္ဍဲအကြာဝွံ ပ္ဍဲဗၟာ ဟွံတုပ်သၟဟ်ကဵုပါဠိရ၊ ဂိုၚ်ကေတ်လဝ်ပါဌ်သအာၚ်ရ၊ တေက်ရံၚ်ညိ)
ပ္ဍဲအခိၚ်ဂှ် ကောန်သၟိၚ်အနုရုဒ္ဓ ပြာပ်အာဇရေၚ် သၟိၚ်သကျဝၚ်မၞုံယၟုဘဒ္ဒိယတုဲ—
“ယွံသဟာဲ ပွမဂွံဒှ်ခမဳအဲဂှ် ဆပ်စပ်ဒၟံၚ်ကေုာံတၠအဲရ” ရဴဝွံ သ္ဂးကဵုသၟိၚ်သကျဝၚ်မၞုံယၟုဘဒ္ဒိယရ။
ယွံသဟာဲ ပွမဂွံဒှ်ခမဳတၠအဲဂှ် ဆပ်စပ်ဒၟံၚ်ကေုာံအဲကဵုဒှ် ပွမဆက်စပ် ပွမဟွံဆက်စပ်ဂှ် သောၚ်ဍေံရ (လဝ်ကဵုဒှ်ကၠာရ)၊ အဲ ကေုာံတၠအဲ အတိုၚ်နွံပၟိက်ဂှ် ဩဝ်ပခမဳညိ ရဴဝွံ (ဘဒ္ဒိယ သ္ဂးရ)။ (*ပ္ဍဲပိုဒ် အဲကေုာံတၠအဲဂှ် အဲ ပခမဳကေုာံတၠအဲရ ရဴဝွံ လဂွံကဵု ပွမစောဲစပ် ကဵုသကအ်ရဲဂှ် ၜိုန်မိက်ဟီုပတိတ်တိုဟ်တိုဟ်လေဝ် ဒှ်ညးမၞုံကဵုစိုတ်လောဘ တံၚ်ဂြဲစောဲဗာန် ပ္ဍဲတသိုခ်သၟိၚ်ဂှ်ရ အဲကေုာံတၠအဲ ဗၞတ်ဝွံဟေၚ်မြော်ဗြုတိတ်အာတုဲ ဂလာန်သှေ်ဂှ် ဟီုဗွဲမဍိုက်ပေၚ် ဟွံမာန်ဒှ်အာရ−ဋ္ဌ။)
ယွံသဟာဲ ဩဝ်ကၠုၚ်ညိ၊ ပိုဲတအ်သီုညးၜါတၠ နူအဝေါၚ်ခရှ် လုပ်အဝေါၚ်ခမဳတုဲ ပခမဳအိုတ်စိုအ် ရဴဝွံ (အနုရုဒ္ဓ သ္ဂးရ)။
ယွံသဟာဲ အဲ နူအဝေါၚ်ခရှ် လုပ်အဝေါၚ်ခမဳတုဲ ပခမဳဟွံမာန်ရ၊ မုရဴကိစ္စကေၚ်ကာ တၠအဲမွဲသအာၚ် အဲမကၠောန်သ္ပကဵုမာန်မွဲ ဂွံကၠောန်သ္ပရော?” တၠအဲဟေၚ် ဩဝ်ပခမဳညိ ရဴဝွံ (ဘဒ္ဒိယ သ္ဂးရ)။
ယွံသဟာဲ မိအံက်ဂှ် “ယွံကောန်အနုရုဒ္ဓ သၟိၚ်သကျဝၚ် မၞုံယၟုဘဒ္ဒိယ နူအဝေါၚ်ခရှ် လုပ်အဝေါၚ်ခမဳတုဲ ပခမဳမ္ဂး တၠအဲလေဝ် ဩဝ်ပခမဳညိ ရဴဝွံ ဟီုသ္ဂးကဵုအဲရ” ရဴဝွံ (အနုရုဒ္ဓ သ္ဂးရ)။
ဂလာန်မ္ဂး “ယွံသဟာဲ ပွမဂွံဒှ်ခမဳတၠအဲဂှ် ဆပ်စက်ဒၟံၚ်ကေုာံအဲကဵုဒှ် ဟွံဆက်စပ်ကဵုဒှ် ပွမဆက်စပ် ပွမဟွံဆက်စပ်ဂှ် သောၚ်ဍေံရ (လဝ်ကဵုဒှ်ကၠာရ)။ အဲ ကေုာံတၠအဲ အတိုၚ်နွံပၟိက်ဂှ် ဩဝ်ပခမဳညိ” ရဴဝွံ တၠအဲ ကေၚ်ဟီုသ္ဂးလဝ်ရ ဟွံသေၚ်ဟာ။ ယွံသဟာဲ ဩဝ်ကၠုၚ်ညိ ပိုဲတအ်ညးၜါတၠ နူအဝေါၚ်ခရှ် လုပ်အဝေါၚ်ခမဳတုဲ ပခမဳအိုတ်စိုအ် ရဴဝွံ (အနုရုဒ္ဓ သ္ဂးရ)။
ပ္ဍဲအဃောအခိၚ်ဂှ် မၞိဟ်ဂမၠိုၚ် မၞုံအလေံဟီုဍာံစၟတ်အိုတ်ရ၊ မၞုံအလေံဒုၚ်ဝန်ဍာံစၟတ်အိုတ်ရ၊ ပ္ဍဲအခိၚ်ဂှ် သၟိၚ်သကျဝၚ်ဘဒ္ဒိယဂှ်−
“ယွံသဟာဲ စဵုကဵုထပှ်သၞာံ ဩဝ်လၟတ်မၚ်ညိ၊ ပ္ဍဲအခိၚ်မကလိလောန်အာ ထပှ်သၞာံဂမၠိုၚ်ဂှ် ပိုဲတအ်သီုညးၜါတၠ နူအဝေါၚ်ခရှ် လုပ်အဝေါၚ်ခမဳတုဲ ပခမဳအိုတ်ရ ရဴဝွံ (ဘဒ္ဒိယ သ္ဂးရ)။
ယွံသဟာဲ ထပှ်သၞာံမ္ဂးဂှ် လအ်လောန်ကွေံရ၊ စဵုကဵုထပှ်သၞာံဂှ် အဲလၟတ်မၚ်ဟွံမာန်ရ ရဴဝွံ (အနုရုဒ္ဓ သ္ဂးရ)။
ယွံသဟာဲ စဵုကဵုတြဴသၞာံ ဩဝ်လၟတ်မၚ်ညိ ။ ပ ။ စဵုကဵုမသုန်သၞာံ။ စဵုကဵုပန်သၞာံ။ စဵုကဵုပိသၞာံ။ စဵုကဵုၜါသၞာံ။ စဵုကဵုမွဲသၞာံ ဩဝ်လၟတ်မၚ်ညိ၊ ပ္ဍဲအခိၚ်မကလိလ ောန်အာ မွဲသၞာံဂှ် ပိုဲတအ်သီုညးၜါတၠ နူအဝေါၚ်ခရှ် လုပ်အဝေါၚ်ခမဳတုဲ ပခမဳအိုတ်ရ ရဴဝွံ (ဘဒ္ဒိယ သ္ဂးရ)။
ယွံသဟာဲ မွဲသၞာံမ္ဂးဂှ် လအ်လောန်ကွေံရ၊ စဵုကဵုမွဲသၞာံဂှ် အဲလၟတ်မၚ်ဟွံမာန်ရ ရဴဝွံ (အနုရုဒ္ဓ သ္ဂးရ)။
ယွံသဟာဲ စဵုကဵုထပှ်ဂိတု ဩဝ်လၟတ်မၚ်ညိ၊ ပ္ဍဲအခိၚ်မကလိလောန်အာ ထပှ်ဂိတုဂမၠိုၚ်ဂှ် ပိုဲတအ်သီုညးၜါတၠ နူအဝေါၚ်ခရှ် လုပ်အဝေါၚ်ခမဳတုဲ ပခမဳအိုတ်ရ ရဴဝွံ (ဘဒ္ဒိယ သ္ဂးရ)။
ယွံသဟာဲ ထပှ်ဂိတုမ္ဂးဂှ် လအ်လောန်ကွေံရ၊ စဵုကဵုထပှ်ဂိတုဂှ် အဲလၟတ်မၚ်ဟွံမာန်ရ ရဴဝွံ (အနုရုဒ္ဓ သ္ဂးရ)။
ယွံသဟာဲ စဵုကဵုတြဴဂိတု ။ ပ ။ စဵုကဵုမသုန်ဂိတု။ စဵုကဵုပန်ဂိတု။ စဵုကဵုပိဂိတု။ စဵုကဵုၜါဂိတု။ စဵုကဵုမွဲဂိတု။ ဗၞတ်လပါ်ဂိတု ဩဝ်လၟတ်မၚ်ညိ၊ ပ္ဍဲအခိၚ်မကလိလောန်အာ လပါ်ဂိတုဂှ် ပိုဲတအ် သီုညးၜါတၠ နူဝေါၚ်ခရှ် လုပ်အဝေါၚ်ခမဳတုဲ ပခမဳအိုတ်ရ ရဴဝွံ (ဘဒ္ဒိယ သ္ဂးရ)။
ယွံသဟာဲ လပါ်ဂိတုမ္ဂးဂှ် လအ်လောန်ကွေံရ၊ စဵုကဵုလပါ်ဂိတုဂှ် အဲလၟတ်မၚ်ဟွံမာန်ရ ရဴဝွံ (အနုရုဒ္ဓ သ္ဂးရ)။
ယွံသဟာဲ ကိုပ်ကၠာအဲဟဂွံအပ်ပြာပ်ကဵု ကောန်ဂမၠိုၚ်ကီု ဒေံဂမၠိုၚ်ကီု ဒဒှ်သၟိၚ်ဏီဂှ် ထပှ်ဗၞတ်ထပှ်တ္ၚဲ ဩဝ်လၟတ်မၚ်ညိ ရဴဝွံ (ဘဒ္ဒိယ သ္ဂးရ)။
ယွံသဟာဲ ထပှ်တ္ၚဲမ္ဂးဂှ် ဟွံလအ်ကွေံကွေံရ၊ (အဲ) လၟတ်မၚ်ရ ရဴဝွံ (အနုရုဒ္ဓ သ္ဂးရ)။
၃၃၁။ ပ္ဍဲအခိၚ်ဂှ် ကောန်သၟိၚ်သကျဝၚ်ဂမၠိုၚ်တြဴတၠ မတွံဂး ဘဒ္ဒိယ အနုရုဒ္ဓ အာနန္ဒ ဘဂု ကိမိလ ဒေဝဒတ် သၟာဆတ္တာဥပါလိဟေၚ် ဒှ်မရနုက်ကဵုထပှ်တၠဂမၠိုၚ်တုဲ ပ္ဍဲအခိၚ်ကိုပ်ကၠာတေံ သၟဟ်ညံၚ်တိတ် တိဥဒျာန် နကဵုအၚ်္ဂပၞာန်ပန်ကၞိပ်အိုတ်ကီု တိတ်အာ နကဵုအၚ်္ဂပၞာန်ပန်ကၞိပ်အိုတ်ရ။ ကောန်သၟိၚ်ဂမၠိုၚ်ဂှ် အာစိုပ်ဇမ္ၚောဲတုဲမ္ဂး ကဵုဒပ်ပၞာန် ကလေၚ်ဆုတ်စဴတုဲ လုပ်စုပ်အာတွဵုရး သအာၚ်တုဲမ္ဂး သၠောတ်ကၠေံကယျိုၚ်ကယျဝ်တုဲ ဒက်စိုက်ဂွဳ နကဵုယာတ်ကၞေဟ်လတူတုဲ “ယွံသကအ် ဥပါလိ ဩဝ်ကလေၚ်စဴလၟုဟ်ညိ၊ ဒြပ်ကသပ်ဗၞတ်ဝွံ ဂယိုၚ်လမျီုရုမ်ဂပ် ကုတၠအဲရ” ရဴဝွံ သ္ဂးကဵုဥပါလိသၟာဆတ္တာအိုတ်ရ။ ပ္ဍဲအခိၚ်ဂှ် ကုသၟာဆတ္တာဥပါလိ ဃောကလေၚ်စဴဂှ်—
“သၟိၚ်သကျဝၚ်ဂမၠိုၚ် ကြမ်ကြအိုတ်ရ၊ ဥပလိဝွံ ကဵုကောန်သၟိၚ်ဂမၠိုၚ် တိတ်အာအိုတ်ရ ရဴဝွံ ဂစိုတ်လေဝ် ဂစိုတ်ထောံအဲအိုတ်ရ၊ ကောန်သၟိၚ်သကျဝၚ်ဂမၠိုၚ်ဝွံမှ နူအဝေါၚ်ခရှ် လုပ်အဝေါၚ်ခမဳတုဲ ပခမဳအိုတ်ဏီရ၊ အဲတုန် မုသ္ဇက်သ္ဂးနွံဏီရော?” ရဴဝွံ ကသပ်ဒှ်ရ။
(ချပ်ရဴဝွံတုဲ ပ္ဍဲကြဴ) သှ်ပၠိုဟ်ကၠေံ စိုက်ဂွဳဂှ်တုဲမ္ဂး ကွက်စွံ ဒြပ်ဂှ်ပ္ဍဲတၞံဆုတုဲ “ကုညးဆဵုညာတ်ဂှ် ကဵုလဝ်ဒါန်တုဲဒှ်ရ၊ (ညးလဵုဟွံဟီု) ဩဝ်ရၚ်တၠုၚ်ကေတ်ဏာညိ” ရဴဝွံ သ္ဂးတုဲ ပြာပ်အာဇရေၚ် ကောန်သၟိၚ်သကျဝၚ်ဂမၠိုၚ်ရ၊ ကောန်သၟိၚ်သကျဝၚ်ဂမၠိုၚ်ဂှ် ညာတ်ဒးသၟာဆတ္တာဥပါလိ ကၠုၚ်ဒၟံၚ် နူဇမ္ၚောဲတုဲ “ယွံသကအ်ဥပါလိ မုဟိုတ်ကလေၚ်ကၠုၚ်ရော?” ရဴဝွံ သၟာန်သၟာဆတ္တာဥပါလိအိုတ်ရ။
ယွံကောန်နာဲတအ် အဲဍိက်ဃောကလေၚ်စဴဂှ် “သၟိၚ်သကျဝၚ်ဂမၠိုၚ် ကြမ်ကြအိုတ်ရ၊ ဥပါလိဝွံ ကဵုကောန်သၟိၚ်ဂမၠိုၚ် တိတ်အာအိုတ်ရ ရဴဝွံ ဂစိုတ်လေဝ် ကဵုဂစိုတ်ထောံအဲအိုတ်ရ၊ ကောန်သၟိၚ်သကျဝၚ်ဂမၠိုၚ်ဝွံမှ နူအဝေါၚ်ခရှ် လုပ်အဝေါၚ်ခမဳတုဲ ပခမဳအိုတ်ဏီရ၊ အဲတုန် မုသ္ဇက်သ္ဂးနွံဏီရော?” ရဴဝွံ ကသပ်ဒှ်ရ။ ယွံကောန်နာဲတအ် အဲဍိက်ဂှ် သှ်ပၠိုဟ်ကၠေံ စိုက်ဂွဳဂှ်တုဲမ္ဂး ကွက်စွံဒြပ်ဂှ် ပ္ဍဲတၞံဆုတုဲ “ကုညးဆဵုညာတ်ဂှ် ကဵုလဝ်ဒါန်တုဲဒှ်ရ၊ (ညးလဵုဟွံဟီု) ဩဝ်ရၚ်တၠုၚ်ကေတ်ဏာညိ” ရဴဝွံ သ္ဂးတုဲ ကလေၚ်ကၠုၚ်ရ ရဴဝွံ (သ္ဂးရ)။
ယွံသကအ်ဥပါလိ ပွမကလေၚ်ကၠုၚ်ဂှ် ဒှ်ပွမသ္ပခိုဟ်သန်ရ၊ သၟိၚ်သကျဝၚ်ဂမၠိုၚ်ကြမ်ကြအိုတ်ရ။ “ဥပါလိဝွံ ကဵုကောန်သၟိၚ်ဂမၠိုၚ် တိတ်အာအိုတ်ရ” ရဴဝွံ ဂစိုတ်လေဝ် ကဵုဂစိုတ်ထောံတၠအဲအိုတ်ရ ရဴဝွံ (သ္ဂးအိုတ်ရ)။
ပ္ဍဲအခိၚ်ဂှ် ကောန်သၟိၚ်သကျဝၚ်ဂမၠိုၚ် ကော်ဏာဥပါလိ ဇရေၚ်တဳလမၞုံပိုဉ်ကျာ်တြဲတုဲမ္ဂး ဂဇအ်ကေတ် ပ္ဍဲဒၞာဲမွဲအိုတ်တုဲ—
“ယွံကျာ်မၞုံပိုဉ် ပိုဲဍိက်တအ် သကျဝၚ်ဂမၠိုၚ် နိဿယ်ကဵုမာနအိုတ်ရ၊ ယွံကျာ်မၞုံပိုဉ် သၟာဆတ္တာဥပါလိဝွံ လုကဴမလအ်ကာဖာ ဒှ်ညးကၠောန်ၜိုတ်ဥပကာ ပိုဲဍိက်တအ်ညးဂမၠိုၚ်ရ၊ တဳလမၞုံပိုဉ်ကျာ်တြဲ သ္ပခမဳကဵုဥပါလိ ဗွဲကိုပ်ကၠာညိ၊ ပိုဲဍိက်တအ်ညးဂမၠိုၚ် ကြက်သ္ပပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမရှေ်သှေ်ရဴဂဴ ကုဥပါလိဝွံအိုတ်ရ၊ သ္ပရဴဝွံမ္ဂး သာကဳယမာန် ပိုဲသကျဝၚ်ဂမၠိုၚ် ကြက်ကဝ်စှေ်ရ” ရဴဝွံ ပရၚ်ပတီအိုတ်ရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပခမဳကဵု သၟာဆတ္တာဥပါလိ ဗွဲကိုပ်ကၠာရ၊ ကြဴနူဂှ် ပခမဳကဵု ကောန်သၟိၚ်သကျဝၚ်ဂမၠိုၚ်ဂှ်ရ။
ပ္ဍဲအခိၚ်ဂှ် တဳလပိုဉ်ဘဒ္ဒိယ ပ္ဍဲအပ္ဍဲဒဂိုန်ဝှ်ဂှ်ဟေၚ် သ္ပဇၞောဝ်မတ် ဝဇ္ဇာပိပြကာဂမၠိုၚ်ရ၊ တဳလပိုဉ်အနုရုဒ္ဓ ကဵုကတဵုဒှ် ဒိဗ္ဗစက္ခုဉာဏ်ရ၊ တဳလပိုဉ်အာနန္ဒ သ္ပဇၞောဝ်မတ် သောတာပတ္တိဖိုဟ်ရ၊ ဒေဝဒတ် ကဵုကတဵုဒှ် ဣဒ္ဓိကြဳဇှ်ပုထုဇန်ဂမၠိုၚ်ထေက်ကဵုကလိဂွံရ။
၃၃၂။ ပ္ဍဲအခိၚ်ဂှ် တဳလပိုဉ်ဘဒ္ဒိယ ပြာပ်အာဂြိုပ်ကီု ပြာပ်အာသၟဝ်တမ်ဆုကီု ပြာပ်အာဌာန်သ္ၚိတ်ဇြကီု “ဩ. ဒှ်တသိုခ်ကွေံရသွံ” ရဴဝွံ ကြီုဒၟံၚ်ဥဒါန်ဟွံပိုတ်ရ။ ပ္ဍဲအခိၚ်ဂှ် ခမဳဂမၠိုၚ်မဂၠိုၚ် ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ် ဂဇအ်ကေတ် ပ္ဍဲဒၞာဲမွဲတုဲအိုတ်မ္ဂး—
“ယွံတဳလမၞုံပိုဉ် တဳလပိုဉ်ဘဒ္ဒိယဂှ် ပြာပ်အာဂြိုပ်ကီု ပြာပ်အာသၟဝ်တမ်ဆုကီု ပြာပ်အာဌာန်သ္ၚိတ်ဇြကီု ‘ဩ. ဒှ်တသိုခ်ကွေံရသွံ’ ရဴဝွံ ကြီုဒၟံၚ်ဥဒါန်ဟွံပိုတ်ရ၊ ယွံတဳလမၞုံပိုဉ် တဳလပိုဉ်ဘဒ္ဒိယဂှ် ဨကန္တ သီုဟွံမိပ်လဟိၚ်ဂှ် ဒ္ဂေတ်ဒၟံၚ်ဒ္ဂေတ်မပြဲရ။
ဗှ်ဗၞုဟ်ဂွံသတိ တသိုခ်သၟိၚ်ကိုပ်ကၠာဂှ်တုဲ ပြာပ်အာဂြိုပ်ကီု ပြာပ်အာသၟဝ်တမ်ဆုကီု ပြာပ်အာဌာန်သ္ၚိတ်ဇြကီု ‘ဩ. ဒှ်တသိုခ်ကွေံရသွံ၊ ဩ. ဒှ်တသိုခ်ကွေံရသွံ’ ရဴဝွံ ကြီုဒၟံၚ်ဥဒါန် ဟွံပိုတ်ရ” ရဴဝွံ ဂရၚ်ပတီအိုတ်ရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ဟီုသ္ဂးကဵုခမဳမွဲဇကု ရဴဝွံရ “ယွံခမဳ ဩဝ်ကၠုၚ်ညိ၊ နကဵုဂလာန် အဲ ‘ယွံကောန်တၠဘဒ္ဒိယ ကျာ်တြဲ ကော်ဒၟံၚ်တၠအဲရ’ ရဴဝွံ တၠအဲ ဩဝ်အာကော် ခမဳဘဒ္ဒိယညိ” ရဴဝွံ (သ္ဂးတဴရ)။ “ယွံကျာ်မၞုံပိုဉ် ခိုဟ်ရ” ရဴဝွံ ခမဳဂှ် ဒုၚ်ဝန် ကုတဳလမၞုံပိုဉ်ကျာ်တြဲတုဲမ္ဂး ပြာပ်အာဇရေၚ် တဳလပိုဉ်ဘဒ္ဒိယတုဲ “ယွံကောန်တၠဘဒ္ဒိယ ကျာ်တြဲ ကော်ဒၟံၚ်တၠအဲရ” ရဴဝွံ ဟီုသ္ဂးရ။
“ခိုဟ်ရ ယွံကောန်တၠ” ရဴဝွံ ဒုၚ်ဝန် ကုခမဳဂှ်တုဲ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တုဲ တဳလပိုဉ်ဘဒ္ဒိယ မဂဇအ်ဒၟံၚ် ပ္ဍဲဒၞာဲမဗဗွဲဂှ် တဳလမၞုံပိုဉ်ကျာ်တြဲ သ္ဂးတိုန်ဂလာန်ဝွံရ။
“ယွံဘဒ္ဒိယ တၠအဲ ပြာပ်အာဂြိုပ်ကီု ပြာပ်အာသၟဝ်တမ်ဆုကီု ပြာပ်အာဌာန်သ္ၚိတ်ဇြကီု ‘ဩ. ဒှ်တသိုခ်ကွေံရသွံ၊ ဩ. ဒှ်တသိုခ်ကွေံရသွံ’ ရဴဝွံ ကြီုဒၟံၚ်ဥဒါန် ဟွံပိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီရ)။
ယွံဘဒ္ဒိယ တၠအဲ ဟိုတ်မညာတ်ကေတ် မုဖဵုတၟေၚ်မွဲ ပြာပ်အာဂြိုပ်ကီု ပြာပ်အာသၟဝ်တမ်ဆုကီု ပြာပ်အာဌာန်သ္ၚိတ်ဇြကီု “ဩ. ဒှ်တသိုခ်ကွေံရသွံ၊ ဩ. ဒှ်တသိုခ်ကွေံရသွံ” ရဴဝွံ ကြီုဒၟံၚ်ဥဒါန် ဟွံပိုတ်ရော? ရဴဝွံ (သၟာန်ရ)။
ယွံကျာ်မၞုံပိုဉ် အဲဍိက် ဃောဒှ်သၟိၚ်ကိုပ်ကၠာတေံ ပ္ဍဲအပ္ဍဲနန်လေဝ် ဒးစဳရေၚ်လဝ် ပၟၚ်ပၟဲဗွဲမဒးရးရ၊ ပ္ဍဲမ္ၚးနန်လေဝ် ဒးစဳရေၚ်လဝ် ပၟၚ်ပၟဲဗွဲမဒးရးရ၊ ပ္ဍဲအပ္ဍဲဍုၚ်လေဝ် ဒးစဳရၚ်လဝ် ပၟၚ်ပၟဲဗွဲမဒးရးရ၊ ပ္ဍဲမ္ၚးဍုၚ်လေဝ် ဒးစဳရေၚ်လဝ် ပၟၚ်ပၟဲဗွဲမဒးရးရ၊ ပ္ဍဲအပ္ဍဲဇနပိုဒ်လေဝ် ဒးစဳရေၚ်လဝ် ပၟၚ်ပၟဲဗွဲမဒးရးရ၊ ပ္ဍဲမ္ၚးဇနပိုဒ်လေဝ် ဒးစဳရေၚ်လဝ် ပၟၚ်ပၟဲဗွဲမဒးရးရ၊ ယွံကျာ်မၞုံပိုဉ် အဲဍိက်ၜိုန်ဂပ်ဝ်မၚ်မွဲလဝ်ရဴဝွံလေဝ် ၜိုန်ဂပ်ဝ်ကဵုဂြောပ်ဗ္ဒန်ရဴဝွံလေဝ် သီုမဖေက်ဂၟံက် သီုမလကိုတ်တ္ၚဵု သီုမသမ္ၚံက်သမ္ၚာတ် သီုမဇတဝ်ဒၟံပ်ဖြာပ်ဖြာပ်ဂှ် ဒးပဒတဴဒၟံၚ်ရ။ ယွံကျာ်မၞုံပိုဉ် အခိၚ်လၟုဟ်တုန် အဲဍိက်ဂှ် ပြာပ်အာဂြိုပ်ကီု ပြာပ်အာသၟဝ်တမ်ဆုကီု ပြာပ်အာဌာန်သ္ၚိဇြကီု ဟွံဖေက် ဟွံလကိုတ် ဟွံသမ္ၚံက်သမ္ၚာတ် ဟွံဇတဝ်ဖြာပ်ဖြာပ်တုဲ သီုဟွံမွဲကဵုဂဗုဓ်ဓဝိၚ် ဖျေံကၠေံတသော် မတွံဂးမာန်မာန ဂယိုၚ်လမျီု နကဵုပစ္စယ်ညးသအာၚ်ကဵုဒါန်တုဲမ္ဂး ညံၚ်ရဴသတ်ဒြာဲ ဂွံပဒတဴအာ နစိုတ်မဗၠးၜးရ။
ယွံကျာ်မၞုံပိုဉ် အဲဍိက် ဟိုတ်မညာတ်ကေတ် ဖဵုတၟေၚ်ဝွံဂှ်ရ ပြာပ်အာဂြိုပ်ကီု ပြာပ်အာသၟဝ်တမ်ဆုကီု ပြာပ်အာဌာန်သ္ၚိတ်ဇြကီု “ဩ. ဒှ်တသိုခ်ကွေံသွံ၊ ဩ. ဒှ်တသိုခ်ကွေံရသွံ” ရဴဝွံ ကြီုဒၟံၚ်ဥဒါန် ဟွံပိုတ်ရ ရဴဝွံ (ဂရၚ်ပတီရ)။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ တီကေတ် ဟိုတ်ပရူပရာဂှ်တုဲ ပ္ဍဲအခိၚ်ဂှ် ကြီုဂအောတ်တိုန် ဥဒါန်ဝွံရ။
ယြဴပ္ဍဲစိုတ်ညးမွဲ ပၞောတ်ဒေါသဂမၠိုၚ် ဟွံမွဲအိုတ်ရ၊ ဒုဟ်မပတမ်သမ္ပတ္တိ ဝိပတ္တိလေဝ် ကလိလောန်အာရ၊ ပူဂိုလ် မဟွံမွဲကဵုဘဲ မဒှ်တသိုခ် မဟွံမွဲကဵုပွမစံၚ်တူဂှ် ဒေဝတဴဂမၠိုၚ် ဟွံကလိဂွံ သွက်ဂွံဗဵုလ္ၚောတ်အိုတ်ရ ရဴဝွံ (ကြီုဂအောတ်တုန်
၇.၁.၂။ ပရူပရာဒေဝဒတ်[ပလေဝ်ဒါန် | ပလေဝ်ဒါန် တမ်ကၞက်]
၃၃၃။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲနိဂီုအနုပိယ ဗၞတ်မမိပ်လဟိၚ်တုဲမ္ဂး အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်ကောသမ္ဗဳတုဲ သ္ပဒတဴတန်ဒၟံၚ် ပ္ဍဲဘာဃောသိတာရာမ် ဇရေၚ်ဍုၚ်ကောသမ္ဗဳဂှ်ရ။ ပ္ဍဲအခိၚ်ဂှ် ပြာပ်အာဌာန်လ္ၚုသ္ၚိတ်ဇြတုဲ ကုဒေဝဒတ် မသတၚ်တန်တဴဒၟံၚ်ညးမွဲဓဝ်ဂှ်—
“မုရဴညးမကဵုကတဵုဒှ် လာဘ်သက္ကာမဂၠိုၚ် ကုအဲမွဲ အဲဂွံကဵုလျုၚ်ဇြုၚ်သ္ဍိုက်ရော?” ရဴဝွံ ကသပ်ဒှ်ရ။ ကြဴနူဂှ်—
“ကောန်သၟိၚ်ဗၠာဲအဇတသတြုဝွံ ဍောတ်လေဝ်ဍောတ်ရ၊ ကြဴလေဝ် ကြက်ခိုဟ်စရ၊ ကောန်သၟိၚ်ဗၠာဲအဇာတသတြု မကဵုကတဵုဒှ် လာဘ်သက္ကာမဂၠိုၚ် ကုအဲဂှ် အဲဂွံကဵုလျုၚ်ဇြုၚ်သ္ဍိုက်မ္ဂး ခိုဟ်သန်ရ” ရဴဝွံ ကသပ်ဒှ် ကုဒေဝဒတ်ပၠန်ရ။
ကြဴနူဂှ် ဒေဝဒတ် လပှ်သီဂိုၚ်ဒေပ် ဘာသၞာသတိက်သၞာဒၟံၚ်တုဲမ္ဂး ဂိုၚ်ကေတ်ဗဗေၚ်သ္ၚာတုဲ အတိုၚ်လၟေၚ်လၟေၚ် က္ညစ္ဍးအာမ္ဂး စိုပ်ကၠုၚ် ဍုၚ်ရာဇဂြိုဟ်ရ။ ပ္ဍဲအခိၚ်ဂှ် ဒေဝဒတ်ပၠေၚ်ကၠေံ လွေဟ်အယောၚ်အလာဇကုတုဲမ္ဂး နိမိတ်ဗဒှ် လွေဟ်အယောၚ်အလာကောန်ၚာ်ပါတ်လဝ်ဇြုံပ္ဍဲဂၞိၚ်တုဲ ဒှ်ပြာကုဋ်ကၠုၚ် ပ္ဍဲသြိုဟ်ကောန်သၟိၚ်ဗၠာဲအဇာတသတြုရ။
ပ္ဍဲအခိၚ်ဂှ် ကောန်သၟိၚ်ဗၠာဲအဇာတသတြု ဖေက်ဂၟံက်ရ၊ လကိုတ်တ္ၚဵုရ၊ သမ္ၚာတ်စိုတ်ရ၊ ဇတဝ်ဒၟံၚ်ဖြာပ်ဖြာပ်ရ။ ပ္ဍဲအခိၚ်ဂှ် ဒေဝဒတ်ဂှ်—
“ယွံကောန်သၟိၚ်တၠအဲ ဖေက်ဒၟံၚ်အဲဟာ” ရဴဝွံ သၟာန်ကောန်သၟိၚ်ဗၠာဲ အဇာတသတြုရ။
ဍာံပြရ ဖေက်ဒၟံၚ်ရ၊ တၠအဲ ဒှ်ညးလဵုရော? ရဴဝွံ (ကလေၚ်သၟာန်ရ)။
အဲ ဒေဝဒတ်ရ ရဴဝွံ (သ္ဂးရ)။
ယွံတဳလပိုဉ် တဳလပိုဉ်ဂှ် ဒှ်တဳလပိုဉ်ဒေဝဒတ်မ္ဂး နကဵုလွေဟ်အယောၚ်အလာဇကုဟေၚ် ဩဝ်ကဵုဒှ်ပြာကဋ်ညိ ရဴဝွံ (ဂရၚ်ပတီရ)။
ပ္ဍဲအခိၚ်ဂှ် ဒေဝဒတ်ပၠေၚ်ကၠေံ လွေဟ်အယောၚ်အလာကောန်ၚာ်တုဲမ္ဂး သီုမပကၚ်ရၚ်လဝ် သကိုပ်ဗဗေၚ်သ္ၚာဂှ် ဒတူဒၟံၚ်ပ္ဍဲဂတ ကောန်သၟိၚ်ဗၠာဲအဇာတသတြုရ။ ပ္ဍဲအခိၚ်ဂှ် ကောန်သၟိၚ်ဗၠာဲ အဇာတသတြု လျုၚ်ဇြုၚ်သ္ဍိုက်အာ ကုဒေဝဒတ် နကဵုဣဒ္ဓပါဋိဟာဂှ်လောန်ဒှ်တုဲ နကဵုရထာ (ကွဳစောတ်) ဂမၠိုၚ်မသုန်ကၠံ ပြာပ်ခစ သဝ်တ္ၚဲဂယးရ၊ ပုၚ်ဂအုပ် မသုန်ကၠံဂမၠိုၚ်လေဝ် ဖအောဝ်ကဵုပလံၚ်ရ။
ပ္ဍဲအခိၚ်ဂှ် ကုဒေဝဒတ် မၞုံကဵုစိုတ် မဂပ်ဝ်ပ္ဍဵုပ္ဍိုက်ဓလီုလဝ် နကဵုလာဘ်သက္ကာဒယှ်တှ်ဂှ် ပၟိက်ဆန္ဒမတွံဂး “အဲ ကြက်ရၚ်တၠုၚ် ခမဳသၚ်ရ” ဂှ် ကတဵုဒှ်ကၠုၚ်ရ။ မွဲဒမြိပ်ကေုာံစိုတ်ဂှ် ကတဵုဒှ်ဂှ် ဒေဝဒတ် တသိုတ်အာနူဣဒ္ဓိကြဳဇှ်ဂှ်ရ။
ပ္ဍဲအခိၚ်ဂှ် ကောန်သၟိၚ်ကောဠိယ မၞုံယၟုကကုဓ မဒှ်ညးကၠောန်ၜိုန်ဥပကာ တဳလပိုဉ်မဟာမောဂ္ဂလာန်ဂှ် လၟုဟ်ရ ပကာဂစိုတ်ချိုတ်အာတုဲ ကတဵုဒှ်ပ္ဍဲဘုံဗြီုမွဲ မတုဲတဴနကဵုၛာန်စိုတ်ရ၊ ကုဗြီုကကုဓဂှ် ကလိဂွံအတ္တဘဴခန္ဓဇကု ဗၞတ်တၟာၜါပိ ဂါမခေတ် မဂဓရးရ၊ ဗြီုကကုဓဂှ် နပွမကလိဂွံ အတ္တဘဴဗၞတ်တၟာဂှ် ဇကုဇကုလေဝ် ဟွံကဵုဍောၚ်ၜိုတ်ရ၊ ညးမွဲ သအာၚ်လေဝ် ဟွံကဵုဍောၚ်ၜိုတ်ရ။
ပ္ဍဲအခိၚ်ဂှ် ဗြီုကကုဓ ပ္ၚောံပြာပ်အာ ဇရေၚ်တဳလပိုဉ်မဟာမောဂ္ဂလာန်တုဲ လ္ၚောဝ်သ္ပဝတ်တုဲမ္ဂး သီုမဒတူဒၟံၚ် ပ္ဍဲဒၞာဲမဗဗွဲမွဲဂှ်—
“ယွံတဳလပိုဉ် ကုဒေဝဒတ် မၞုံကဵုစိုတ် မဂပ်ဝ်ပ္ဍဵုပ္ဍိုက်ဓလီုလဝ် နကဵုလာဘ်သက္ကာဒယှ်တှ်ဂှ် ပၟိက်ဆန္ဒမတွံဂး “အဲ ကြက်ရၚ်တၠုၚ် ခမဳသၚ်ရ” ဂှ် ကတဵုဒှ်ကၠုၚ်တုဲရ။ မွဲဒမြိပ်ကေုာံစိုတ်ဂှ် ကတဵုဒှ်ဂှ် ဒေဝဒတ် တသိုတ်အာ နူဣဒ္ဓိကြဳဇှ်ဂှ်ရ” ရဴဝွံ ဂရၚ်ပတီ တဳလပိုဉ်မဟာမောဂ္ဂလာန်ရ။ ဂရၚ်ပတီဂလာန်ဝွံတုဲမ္ဂး လ္ၚောဝ်သ္ပဝတ် တဳလပိုဉ်မဟာမောဂ္ဂလာန်တုဲ သ္ပရှေ်သှေ်ရဴဂဴကၠာ ကၠေံဗ္ဒန်အာ ပ္ဍဲဌာန်ဂှ်ဟေၚ်ရ။
ပ္ဍဲအခိၚ်ဂှ် တဳလပိုဉ်မဟာမောဂ္ဂလာန် ပ္ၚောံပြာပ်အာဇရေၚ် တဳလပိုဉ်ကျာ်တြဲတုဲ လ္ၚောဝ်သ္ပဝတ်တုဲမ္ဂး သီုမဂဇအ်ဒၟံၚ် ပ္ဍဲဒၞာဲမဗဗွဲမွဲဂှ်—
“ယွံကျာ်မၞုံပိုဉ် ကောန်သၟိၚ်ကောဠိယ မၞုံယၟုကကုဓ မဒှ်ညးကၠောန်ၜိုန်ဥပကာ အဲဍိက်ဂှ် လၟုဟ်ဂှ် ပကာဂစိုတ်ချိုတ်အာတုဲ ကတဵုဒှ်ပ္ဍဲဘုံဗြီုမွဲ မတုဲတဴနကဵုၛာန်စိုတ်ရ၊ ကုဗြီုကကုဓဂှ် ကလိဂွံအတ္တဘဴခန္ဓဇကု ဗၞတ်တၟာၜါပိ ပါဂခေတ် မဂဓရးရ၊ ဗြီုကကုဓဂှ် နမကလိဂွံ အတ္တဘဴဗၞတ်တၟာဂှ် ဇကုဇကုလေဝ် ဟွံကဵုဍောၚ်ၜိုတ်ရ၊ ညးမွဲသအာၚ်လေဝ် ဟွံကဵုဍောၚ်ၜိုတ်ရ။ ယွံကျာ်မၞုံပိုဉ် ပ္ဍဲအခိၚ်ဂှ် ဗြီုကကုဓဂှ် ပြာပ်ကၠုၚ်ဇရေၚ် အဲဍိက်တုဲ လ္ၚောဝ်သ္ပဝတ် အဲဍိက်တုဲမ္ဂး သီုမဒတူဒၟံၚ် ပ္ဍဲဒၞာဲမဗဗွဲမွဲဂှ် “ယွံတဳလပိုဉ် ကုဒေဝဒတ် မၞုံကဵုစိုတ် မဂပ်ဝ်ပ္ဍဵုပ္ဍိုက်ဓလီုလဝ် နကဵုလာဘ်သက္ကာဒယှ်တှ်ဂှ် ပၟိက်ဆန္ဒမတွံဂး “အဲ ကြက်ရၚ်တၠုၚ် ခမဳသၚ်ရ” ဂှ် ကတဵုဒှ်ကၠုၚ်တုဲရ။ မွဲဒမြိပ်ကေုာံစိုတ်ဂှ်ကတဵုဒှ်ဂှ် ဒေဝဒတ် တသိုတ်အာ နူဣဒ္ဓိကြဳဇှ်ဂှ်ရ” ရဴဝွံ ဂရၚ်ပတီ အဲဍိက်ရ။ ယွံကျာ်မၞုံပိုဉ် ဂရၚ်ပတီ ဂလာန်ဝွံတုဲမ္ဂး လ္ၚောဝ်သ္ပဝတ် အဲဍိက်တုဲ သ္ပရှေ်သှေ်ရဴဂဴတုဲ ဗြီုကကုဓဂှ် ကၠေံဗ္ဒန်အာ ပ္ဍဲဌာန်ဂှ်ဟေၚ်ရ ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
ယွံမောဂ္ဂလာန် နကဵုစိုတ် (တၠအဲ) တၠအဲ ပိုၚ်ခြာကေတ်စိုတ် (ဗြီုကကုဓ) တုဲ တီတဴဟာ “ဂလာန်ဗြီုကကုဓ မဟီုသ္ဂးအိုတ်သီုဂှ် အတိုၚ်ဟီုသ္ဂးဂှ်ဟေၚ် ဒှ်ဟာ၊ ဟွံဒှ် နအကာဲအရာ မွဲသအာၚ်ဟာ” ရဴဝွံ (သၟာန်ရ)။
ယွံကျာ်မၞုံပိုဉ် နကဵုစိုတ် (အဲဍိက်) လေဝ် အဲဍိက်ပိုၚ်ခြာကေတ် စိုတ် (ဗြီုကကုဓဂှ်) တုဲ တီရ၊ “ဂလာန်ဗြီုကကုဓ မဟီုသ္ဂးအိုဿီုဂှ် အတိုၚ်ဟီုသ္ဂးဂှ်ဟေၚ် ဒှ်ရ၊ ဟွံဒှ် နအကာဲအရာ မွဲသအာၚ်ရ” ရဴဝွံ (ဂရၚ်ပတီရ)။
ယွံမောဂ္ဂလာန် ဂလာန်ဂှ် ဩဝ်မၚ်မွဲလဝ်ကၠာ၊ ယွံမောဂ္ဂလာန် ဩဝ်မၚ်မွဲလဝ်ဂလာန်ဂှ်ညိ၊ ပ္ဍဲကာလလၟုဟ်ဝွံ တြုံမဒှ်လ္ၚုသၟးနူမဂ်ဖိုလ်ဂှ် အလဵုဇကုဟေၚ် ကြက်သ္ပဗွဲမပြကဋ်ဇကုဇကုရ။ (ကကုဓဂှ် ဒှ်ဗြီုဟေၚ်တုဲ ဒေဝပုတ္တ-ကၠာဲလဝ်ဗြီုရ။)
၇.၁.၃။ စၞောန်ထ္ၜးကဵအ္စာမသုန်တၠ[ပလေဝ်ဒါန် | ပလေဝ်ဒါန် တမ်ကၞက်]
၃၃၄။ ယွံမောဂ္ဂလာန် အ္စာဂမၠိုၚ်မသုန်တၠဝွံ နွံပြာကဋ် ပ္ဍဲလောကအိုတ်ရ။ မသုန်တၠဂမၠိုၚ်တုန် ညးဍေံအိုတ်ဂှ်ရော?—
ယွံမောဂ္ဂလာန် ပ္ဍဲလောကဝွံ အ္စာလ္ၚဵုဂှ် သီုဟွံမွဲကဵု သဳလမသအးဇ္ၚးဂှ် “မၞုံကဵုသဳလသအးဇ္ၚးရ၊ သဳလအဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ” ရဴဝွံ ဒုၚ်ဝန်ရ။ အ္စာဂှ် ကွး (ညးတေံ) ဂမၠိုၚ် “တြနာဲအ္စာဝွံ သီုဟွံမွဲကဵုသဳလမသအးဇ္ၚးဂှ် ‘မၞုံကဵုသဳလမသအးဇ္ၚးရ၊ သဳလအဲသအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ’ ရဴဝွဴ ဒုၚ်ဝန်ရ၊ ပိုယ်ညးဂမၠိုၚ် ဟီုလဴဗ္စ ဟိုတ်ပရူပရာဂှ် ကုမၞိဟ်ဂမၠိုၚ်အိုတ်မ္ဂး အ္စာဂှ် ဟွံသ္ဍိုက်မၠိုက်ရ၊ နကဵုဂလာန် မဟွံသ္ဍိုက်မၠိုက်ဂှ် ပိုယ်ညးဂမၠိုၚ် မုဟိုတ်ဂွံဟီုသ္ဂးကဵု အ္စာဂှ်အိုတ်ရော?၊ ထံက်ပၚ်လဝ် နကဵုသ္ၚာ ပိဏ္ဍပါတ် ဘာ ဂဥုဲ မဒှ်ကြိယာဗာပၟၚ်ပၟဲလမျီုမစှေ်စး ကဵုယဲဂမၠိုၚ်ရ၊ ယြဴကမၠောန်မွဲ အ္စာဂှ် သ္ပရ၊ နကဵုကမၠောန်ဂှ်ဟေၚ် အ္စာဂှ် ကြက်ပြာကဋ်ကၠုၚ်ရ” ရဴဝွံ တီကေတ်အိုတ်ရ။ ယွံမောဂ္ဂလာန် အ္စာဂမၠိုၚ် မၞုံသဘဴရဴဝွံ ညးမဒှ်ကွးဂမၠိုၚ် မၚ်မွဲစဵုဒၞါကဵု နူသဳလအိုတ်ရ၊ အ္စာမၞုံသဘဴရဴဝွံဂှ်လေဝ် ရာဒနာမိက် နွံပၟိက်နူဇရေၚ်ကွးဂမၠိုၚ် ပွမမၚ်မွဲစဵုဒၞါကဵု နူသဳလရ။
ယွံမောဂ္ဂလာန် မွဲဂကူပၠန်တုန်— ပ္ဍဲလောကဝွံ အ္စာလ္ၚဵုဂှ် သီုဟွံမွဲကဵု ပွမဂယိုၚ်လမျီုမသအးဇ္ၚးဂှ် “မၞုံကဵုပွမဂယိုၚ်လမျီုမသအးဇ္ၚးရ၊ ပွမဂယိုၚ်လမျီုအဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ” ရဴဝွံ ဒုၚ်ဝန်ရ။ အ္စာဂှ် ကွး (ညးတေံ) ဂမၠိုၚ်ဂှ် “တြနာဲအ္စာဝွံ သီုဟွံမွဲကဵု ပွမဂယိုၚ်လမျီုမသအးဇ္ၚးဂှ် ‘မၞုံကဵုဂယိုၚ်လမျီု မသအးဇ္ၚးရ၊ ပွမဂယိုၚ်လမျီုအဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ’ ရဴဝွံ ဒုၚ်ဝန်ရ။ ပိုယ်ညးဂမၠိုၚ် ဟီုလဴဗ္စ ဟိုတ်ပရူပရာဂှ် ကုမၞိဟ်ဂမၠိုၚ်အိုတ်မ္ဂး အ္စာဂှ် ဟွံသ္ဍိုက်မၠိုက်ရ၊ နကဵုဂလာန် မဟွံသ္ဍိုက်မၠိုက်ဂှ် ပိုယ်ညးဂမၠိုၚ် မုဟိုတ်ဂွံဟီုသ္ဂးကဵု အ္စာဂှ်အိုတ်ရော?၊ ထံက်ပၚ်လဝ် နကဵုသ္ၚာ ပိဏ္ဍပါတ် ဘာ ဂဥုဲ မဒှ်ကြိယာဗာပၟၚ်ပၟဲလမျီုမစှေ်စး ကဵုယဲဂမၠိုၚ်ရ၊ ယြဴကမၠောန်မွဲ အ္စာဂှ် သ္ပရ၊ နကဵုကမၠောန်ဂှ်ဟေၚ် အ္စာဂှ် ကြက်ပြာကဋ်ကၠုၚ်ရ” ရဴဝွံ တီကေတ်အိုတ်ရ။ ယွံမောဂ္ဂလာန် အ္စာဂမၠိုၚ် မၞုံသဘဴရဴဝွံ ညးမဒှ်ကွးဂမၠိုၚ် မၚ်မွဲစဵုဒၞါကဵု နူပွမဂယိုၚ်လမျီုအိုတ်ရ၊ အ္စာမၞုံသဘဴရဴဝွံဂှ်လေဝ် ရာဒနာမိက်နွံပၟိက် နူဇရေၚ်ကွးဂမၠိုၚ် ပွမမၚ်မွဲစဵုဒၞာကဵု နူပွမဂယိုၚ်လမျီုရ။
ယွံမောဂ္ဂလာန် မွဲဂကူပၠန်တုန်— ပ္ဍဲလောကဝွံ အ္စာလ္ၚဵုဂှ် သီုမၞုံကဵု ပွမတွံဓရ် ဟွံသအးဇ္ၚးဂှ် “မၞုံကဵုပွမတွံဓရ် သအးဇ္ၚးရ၊ ပွမတွံဓရ်အဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ” ရဴဝွံ ဒုၚ်ဝန်ရ။ အ္စာဂှ် ကွး (ညးတေံ) ဂမၠိုၚ်ဂှ် “တြနာဲအ္စာဝွံ သီုမၞုံကဵု ပွမတွံဓရ် ဟွံသအးဇ္ၚးဂှ် ‘မၞုံကဵုပွမတွံဓရ် သအးဇ္ၚးရ၊ ပွမတွံဓရ်အဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ’ ရဴဝွံ ဒုၚ်ဝန်ရ။ ပိုယ်ညးဂမၠိုၚ် ဟီုလဴဗ္စ ဟိုတ်ပရူပရာဂှ် ကုမၞိဟ်ဂမၠိုၚ်အိုတ်မ္ဂး အ္စာဂှ် ဟွံသ္ဍိုက်မၠိုက်ရ၊ နကဵုဂလာန် မဟွံသ္ဍိုက်မၠိုက်ဂှ် ပိုယ်ညးဂမၠိုၚ် မုဟိုတ်ဂွံဟီုသ္ဂးကဵု အ္စာဂှ်အိုတ်ရော?၊ ထံက်ပၚ်လဝ် နကဵုသ္ၚာ ပိဏ္ဍပါတ် ဘာ ဂဥုဲ မဒှ်ကြိယာဗာပၟၚ်ပၟဲလမျီုမစှေ်စး ကဵုယဲဂမၠိုၚ်ရ၊ ယြဴကမၠောန်မွဲ အ္စာဂှ် သ္ပရ၊ နကဵုကမၠောန်ဂှ်ဟေၚ် အ္စာဂှ် ကြက်ပြာကဋ်ကၠုၚ်ရ” ရဴဝွံ တီကေတ်အိုတ်ရ။ ယွံမောဂ္ဂလာန် အ္စာဂမၠိုၚ် မၞုံသဘဴရဴဝွံ ညးမဒှ်ကွးဂမၠိုၚ် မၚ်မွဲစဵုဒၞါကဵု နူပွမတွံဓရ်အိုတ်ရ၊ အ္စာမၞုံသဘဴရဴဝွံဂှ်လေဝ် ရာဒနာမိက်နွံပၟိက် နူဇရေၚ်ကွးဂမၠိုၚ် ပွမမၚ်မွဲစဵုဒၞာကဵု နူပွမတွံဓရ်ရ။
ယွံမောဂ္ဂလာန် မွဲဂကူပၠန်တုန်— ပ္ဍဲလောကဝွံ အ္စာလ္ၚဵုဂှ် သီုမၞုံကဵု ပွမဟီုသှ် ဟွံသအးဇ္ၚးဂှ် “မၞုံကဵုပွမဟီုသှ် သအးဇ္ၚးရ၊ ပွမဟီုသှ်အဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ” ရဴဝွံ ဒုၚ်ဝန်ရ။ အ္စာဂှ် ကွး (ညးတေံ) ဂမၠိုၚ်ဂှ် “တြနာဲအ္စာဝွံ သီုမၞုံကဵု ပွမဟီုသှ် ဟွံသအးဇ္ၚးဂှ် ‘မၞုံကဵုပွမဟီုသှ် သအးဇ္ၚးရ၊ ပွမဟီုသှ်အဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ’ ရဴဝွံ ဒုၚ်ဝန်ရ။ ပိုယ်ညးဂမၠိုၚ် ဟီုလဴဗ္စ ဟိုတ်ပရူပရာဂှ် ကုမၞိဟ်ဂမၠိုၚ်အိုတ်မ္ဂး အ္စာဂှ် ဟွံသ္ဍိုက်မၠိုက်ရ၊ နကဵုဂလာန် မဟွံသ္ဍိုက်မၠိုက်ဂှ် ပိုယ်ညးဂမၠိုၚ် မုဟိုတ်ဂွံဟီုသ္ဂးကဵု အ္စာဂှ်အိုတ်ရော?၊ ထံက်ပၚ်လဝ် နကဵုသ္ၚာ ပိဏ္ဍပါတ် ဘာ ဂဥုဲ မဒှ်ကြိယာဗာပၟၚ်ပၟဲလမျီုမစှေ်စး ကဵုယဲဂမၠိုၚ်ရ၊ ယြဴကမၠောန်မွဲ အ္စာဂှ် သ္ပရ၊ နကဵုကမၠောန်ဂှ်ဟေၚ် အ္စာဂှ် ကြက်ပြာကဋ်ကၠုၚ်ရ” ရဴဝွံ တီကေတ်အိုတ်ရ။ ယွံမောဂ္ဂလာန် အ္စာဂမၠိုၚ် မၞုံသဘဴရဴဝွံ ညးမဒှ်ကွးဂမၠိုၚ် မၚ်မွဲစဵုဒၞါကဵု နူပွမဟီုသှ်အိုတ်ရ၊ အ္စာမၞုံသဘဴရဴဝွံဂှ်လေဝ် ရာဒနာမိက်နွံပၟိက် နူဇရေၚ်ကွးဂမၠိုၚ် ပွမမၚ်မွဲစဵုဒၞာကဵု နူပွမဟီုသှ်ရ။
ယွံမောဂ္ဂလာန် မွဲဂကူပၠန်တုန်— ပ္ဍဲလောကဝွံ အ္စာလ္ၚဵုဂှ် သီုမၞုံကဵု လညာတ်ဉာဏ် ဟွံသအးဇ္ၚးဂှ် “မၞုံကဵုလညာဉာဏ် သအးဇ္ၚးရ၊ လညာတ်ဉာဏ်အဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ” ရဴဝွံ ဒုၚ်ဝန်ရ။ အ္စာဂှ် ကွး (ညးတေံ) ဂမၠိုၚ်ဂှ် “တြနာဲအ္စာဝွံ သီုမၞုံကဵုလညာတ်ဉာဏ် ဟွံသအးဇ္ၚးဂှ် ‘မၞုံကလညာတ်ဉာဏ် သအးဇ္ၚးရ၊ လညာတ်ဉာဏ်အဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ’ ရဴဝွံ ဒုၚ်ဝန်ရ။ ပိုယ်ညးဂမၠိုၚ် ဟီုလဴဗ္စ ဟိုတ်ပရူပရာဂှ် ကုမၞိဟ်ဂမၠိုၚ်အိုတ်မ္ဂး အ္စာဂှ် ဟွံသ္ဍိုက်မၠိုက်ရ၊ နကဵုဂလာန် မဟွံသ္ဍိုက်မၠိုက်ဂှ် ပိုယ်ညးဂမၠိုၚ် မုဟိုတ်ဂွံဟီုသ္ဂးကဵု အ္စာဂှ်အိုတ်ရော?၊ ထံက်ပၚ်လဝ် နကဵုသ္ၚာ ပိဏ္ဍပါတ် ဘာ ဂဥုဲ မဒှ်ကြိယာဗာပၟၚ်ပၟဲလမျီုမစှေ်စး ကဵုယဲဂမၠိုၚ်ရ၊ ယြဴကမၠောန်မွဲ အ္စာဂှ် သ္ပရ၊ နကဵုကမၠောန်ဂှ်ဟေၚ် အ္စာဂှ် ကြက်ပြာကဋ်ကၠုၚ်ရ” ရဴဝွံ တီကေတ်အိုတ်ရ။ ယွံမောဂ္ဂလာန် အ္စာဂမၠိုၚ် မၞုံသဘဴရဴဝွံ ညးမဒှ်ကွးဂမၠိုၚ် မၚ်မွဲစဵုဒၞါကဵု နူလညာတ်ဉာဏ်အိုတ်ရ၊ အ္စာမၞုံသဘဴရဴဝွံဂှ်လေဝ် ရာဒနာမိက်နွံပၟိက် နူဇရေၚ်ကွးဂမၠိုၚ် ပွမမၚ်မွဲစဵုဒၞာကဵု နူလညာတ်ဉာဏ်ရ။ ယွံမောဂ္ဂလာန် အ္စာဂမၠိုၚ်မသုန်တၠဝွံ နွံပြာကဋ် ပ္ဍဲလောကအိုတ်ရ။
ယွံမောဂ္ဂလာန် အဲတုန် ဟိုတ်မၞုံကဵု သဳလသအးဇ္ၚးဂှ်ရ “မၞုံကဵုသဳလမသအးဇ္ၚးရ၊ သဳလအဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံမွဲကဵုပွမကၠိခ္ဍက်ရ” ရဴဝွံ ဒုၚ်ဝန်ရ၊ ကွးဂမၠိုၚ်လေဝ် ဟွံမၚ်မွဲ ဟွံစဵုဒၞါ နူသဳလအိုတ်ရ၊ အဲလေဝ် ဟွံရာဒနာမိက် ဟွံနွံပၟိက် နူဇရေၚ်ကွးဂမၠိုၚ် ပွမမၚ်မွဲစဵုဒၞါ နူသဳလရ။ ဟိုတ်မၞုံကဵု ပွမဂယိုၚ်လမျီုသအးဇ္ၚးဂှ်ရ ။ ပ ။ ဟိုတ်မၞုံကဵုပွမတွံဓရ်သအးဇ္ၚးဂှ်ရ ။ ပ ။ ဟိုတ်မၞုံကဵုပွမဟီုသှ် သအးဇ္ၚးဂှ်ရ ။ ပ ။ ဟိုတ်မၞုံကဵုလညာတ်ဉာဏ် သအးဇ္ၚးဂှ်ရ “မၞုံကဵု လညာတ်ဉာဏ် သအးဇ္ၚးရ၊ လညာတ်ဉာဏ်အဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံမွဲကဵုပွမကၠိခ္ဍက်ရ” ရဴဝွံ ဒုၚ်ဝန်ရ၊ ကွးဂမၠိုၚ်လေဝ် ဟွံမၚ်မွဲ ဟွံစဵုဒၞါအဲ နူလညာတ်ဉာဏ်ရ၊ အဲလေဝ် ဟွံရာဒနာမိက် ဟွံနွံပၟိက် နူဇရေၚ်ကွးဂမၠိုၚ် ပွမပၚ်မွဲစဵုဒၞါ နူလညာတ်ဉာဏ်ရ ရဴဝွံ (သ္ဂးရ)။
၃၃၅။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ကောသမ္ဗဳ ဗၞတ်မမိပ်လဟိၚ်တုဲမ္ဂး အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်ရာဇဂြိုဟ်ရ၊ တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဘာဝေဠုဝန် မဒှ်ဒၞာဲကဵုစၞ ကုယန်လမ္စံက်ဂမၠိုၚ် ဇရေၚ်ဍုၚ်ရာဇဂြိုဟ်ဂှ်ရ။ ပ္ဍဲအခိၚ်ဂှ် ခမဳဂမၠိုၚ်မဂၠိုၚ် ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သီုမဂဇအ်ဒၟံၚ် ပ္ဍဲဒၞာဲမွဲအိုတ်ဂှ်—
“ယွံတဳလမၞုံပိုဉ် ကောန်သၟိၚ်ဗၠာဲ အဇာတသတြုဂှ် နကဵုရထာ (ကွဳစောတ်) ဂမၠိုၚ်မသုန်ကၠံ ပြာပ်ခစ ကုဒေဝဒတ် သဝ်တ္ၚဲဂယးရ၊ ပုၚ်ဂအုပ် မသုန်ကၠံဂမၠိုၚ်လေဝ် ပလံၚ်ရ” ရဴဝွံ ဂရၚ်ပတီအိုတ်ရ။
ယွံခမဳတအ် လ္ပသ္ဍိုက်မၠိုက် လာဘ်သက္ကာဒယှ်တှ် ဒေဝဒတ်အိုတ်ညိ၊ ယွံခမဳတအ် လုကဴကာလ ကောန်သၟိၚ်ဗၠာဲအဇာတသတြု နကဵုရထာ (ကွဳစောတ်) ဂမၠိုၚ်မသုန်ကၠံ ပြာပ်ခစဒၟံၚ် ကုဒေဝဒတ် သဝ်တ္ၚဲဂယး လုကဴကာလ ပလံၚ်ဒၟံၚ်ပုၚ်ဂအုပ် မသုန်ကၠံဂမၠိုၚ်ဂှ် ကုဒေဝဒတ်ဂှ် ပွမဟုတ်ယုတ် ပ္ဍဲဓရ်ကုသိုလ်ဂမၠိုၚ်ဟေၚ် ဂပ်ဝ်နွံပၟိက်ရ၊ ပွမဇၞော်မောဝ်ဂှ် ဟဂပ်ဝ်နွံပၟိက်ရ။
ယွံခမဳတအ် ဥပမာတုန် ပ္ဍဲမုဟ်ကၠဵုပရမ်ဂှ် စုတ်ကဵုကၠၚ်ကၟတ်တိရစ္ဆာန် မပတမ်ကၠၚ်ကၟတ်ကၟီအိုတ်ရ၊ ယွံခမဳတအ် စုတ်ကဵုရဴဝွံမ္ဂး ကၠဵုဂှ် ညံၚ်ရဴကြမ်ကြလောန်လတူဗၞတ်ဗ္ၜတ်ကီု ယွံခမဳတအ် တုပ်သၟဟ်သာ်ဝွံဟေၚ် လုကဴကာလ ကောန်သၟိၚ်ဗၠာဲအဇာတသတြု နကဵုရထာ (ကွဳစောတ်) ဂမၠိုၚ်မသုန်ကၠံ ပြာပ်ခစဒၟံၚ် ကုဒေဝဒတ် သဝ်တ္ၚဲဂယး လုကဴကာလ ပလံၚ်ဒၟံၚ်ပုၚ်ဂအုပ် မသုန်ကၠံဂမၠိုၚ်ဂှ် ကုဒေဝဒတ်ဂှ် ပွမဟုတ်ယုတ် ပ္ဍဲဓရ်ကုသိုလ်ဂမၠိုၚ်ဟေၚ် ဂပ်ဝ်နွံပၟိက်ရ၊ ပွမဇၞော်မောဝ်ဂှ် ဟဂပ်ဝ်နွံပၟိက်ရ။
ယွံခမဳတအ် တၞဟ်နဂစိုတ်ကၠေံ ဇကုဇကု လာဘ်ပူဇဴသက္ကာဒယှ်တှ် ကတဵုဒှ်ကၠုၚ်ကုဒေဝဒတ်ရ၊ တၞဟ်နလီုလာ် လာဘ်ပူဇဴသက္ကာဒယှ်တှ် ကတဵုဒှ်ကၠုၚ် ကုဒေဝဒတ်ရ။
ယွံခမဳတအ် ဥပမာတုန် တၞံဗြာတ်ဂှ် တၞဟ်နဂစိုတ်ကၠေံဇကုဇကု ညံၚ်ရဴသတ်ကဵုသတ်ကီု တၞဟ်နလီုလာ် ညံၚ်ရဴသတ်ကဵုသတ်ကီု ယွံခမဳတအ် တုပ်သၟဟ်သာ်ဝွံဟေၚ် တၞဟ်နဂစိုတ်ကၠေံ ဇကုဇကု လာဘ်ပူဇဴသက္ကာဒယှ်တှ် ကတဵုဒှ်ကၠုၚ် ကုဒေဝဒတ်ရ၊ တၞဟ်နလီုလာ် လာဘ်ပူဇဴ သက္ကာဒယှ်တှ် ကတဵုဒှ်ကၠုၚ် ကုဒေဝဒတ်ရ။
ယွံခမဳတအ် ဥပမာမွဲနယ်တုန် တၞံဒုန်ဂှ် တၞဟ်နဂစိုတ်ကၠေံဇကုဇကု ညံၚ်ရဴသတ်ကဵုသတ်ကီု တၞဟ်နလီုလာ် ညံၚ်ရဴသတ်ကဵုသတ်ကီု ယွံခမဳတအ် တုပ်သၟဟ်သာ်ဝွံဟေၚ် တၞဟ်နဂစိုတ်ကၠေံ ဇကုဇကု လာဘ်ပူဇဴသက္ကာဒယှ်တှ် ကတဵုဒှ်ကၠုၚ် ကုဒေဝဒတ်ရ၊ တၞဟ်နလီုလာ် လာဘ်ပူဇဴသက္ကာဒယှ်တှ် ကတဵုဒှ်ကၠုၚ် ကုဒေဝဒတ်ရ။
ယွံခမဳတအ် ဥပမာမွဲနယ်တုန် တၞံကပိုဟ်ဂှ် တၞဟ်နဂစိုတ်ကၠေံဇကုဇကု ညံၚ်ရဴသတ်ကဵုသတ်ကီု တၞဟ်နလီုလာ် ညံၚ်ရဴသတ်ကဵုသတ်ကီု ယွံခမဳတအ် တုပ်သၟဟ်သာ်ဝွံဟေၚ် တၞဟ်နဂစိုတ်ကၠေံ ဇကုဇကု လာဘ်ပူဇဴသက္ကာဒယှ်တှ် ကတဵုဒှ်ကၠုၚ် ကုဒေဝဒတ်ရ၊ တၞဟ်နလီုလာ် လာဘ်ပူဇဴသက္ကာဒယှ်တှ် ကတဵုဒှ်ကၠုၚ် ကုဒေဝဒတ်ရ။
ယွံခမဳတအ် ဥပမာမွဲနယ်တုန် ချေံအဿတဵုၝောံ (ချး) ဂှ် တၞဟ်နဂစိုတ်ကၠေံဇကုဇကု ညံၚ်ရဴဂိုၚ်ကေတ် ဂၠမ်ဂဝ်ကီု တၞဟ်နလီုလာ် ညံၚ်ရဂိုၚ်ကေတ်ဂၠမ်ဂဝ်ကီု ယွံခမဳတအ် တုပ်သၟဟ်သာ်ဝွံဟေၚ် တၞဟ်နဂစိုတ်ကၠေံ ဇကုဇကု လာဘ်ပူဇဴသက္ကာဒယှ်တှ် ကတဵုဒှ်ကၠုၚ် ကုဒေဝဒတ်ရ၊ တၞဟ်နလီုလာ် လာဘ်ပူဇဴသက္ကာဒယှ်တှ် ကတဵုဒှ်ကၠုၚ် ကုဒေဝဒတ်ရ။
“ဗွဲစၟတ်မ္ဂး သတ်ဗြာတ်ဂှ် ညံၚ်ရဴဂစိုတ်တၞံဗြာတ်ကီု၊ သတ်ဒုန်ဂှ် ညံၚ်ရဴဂစိုတ် တၞံဒုန်ကီု၊ သတ်ကပိုတ်ဂှ် ညံၚ်ရဴဂစိုတ် တၞံကပိုဟ်ကီု၊ ဂၠမ်ဂဝ်ချေံအဿတဵုၝောံဂှ် ညံၚ်ရဴဂစိုတ် ချေံအဿၝောံကီု တုပ်သာ်ဂှ် ပူဇဴသက္ကာဂှ် ဂစိုတ်ကၠေံ တြုံယုတ်မာရ” ရဴဝွံ (သ္ဂးရ)။
✵✵✵ခဏ်ပဌမ တုဲရ။✵✵✵
၇.၂။ အခဏ်ဒုတိယ[ပလေဝ်ဒါန် | ပလေဝ်ဒါန် တမ်ကၞက်]
၇.၂.၁။ ပကာသနဳယကမ်[ပလေဝ်ဒါန် | ပလေဝ်ဒါန် တမ်ကၞက်]
၃၃၆။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ တွဳတွိုၚ်လဝ်ပရိသာတ်မဂၠိုၚ်တုဲ အခိၚ်မဂဇအ်ဒၟံၚ် သီုမတွံဒၟံၚ်ဓရ် ပ္ဍဲပရိသာတ်မွဲဟာန်ကေုာံသၟိက်ဂှ် ဒေဝဒတ် ဒၠိုက်ကတဵုနူဒၞာဲတုဲ လ္ၜက်ပတိုန်သ္ၚာကၞေဟ် ပ္ဍဲလတူပၞးမွဲလပါ် ပၚ်လၟောဝ်ဏာသၟိပ်တဲ ဌာန်တဳလမၞုံပိုဉ်ကျာ်တြဲနွံတေံတုဲ—
“ယွံတဳလမၞုံပိုဉ် တဳလမၞုံပိုဉ်ကျာ်တြဲဂှ် အခိၚ်လၟုဟ် ဗျုအာတုဲရ၊ ဇၞော်အာတုဲရ၊ ကြံၚ်ဍုဟ်အာတုဲရ၊ အခိၚ်လောန်တုဲရ၊ အာစိုပ်အဝယ်လအိတ်အိုတ်တုဲရ၊ ယွံတဳလမၞုံပိုဉ် တဳလမၞုံပိုဉ်ကျာ်တြဲဂှ် ပ္ဍဲအခိၚ်လၟုဟ် သီုမပတိတ်ဒြဟတ်ပဒတဴမံၚ်အာ ဗွဲတသိုခ်ဂတမတ်ဂှ် ဩဝ်ပဒတဴအာ ဗွဲမသက္ကုဂဝိၚ်ညိ၊ ဩဝ်အပ်ပြာပ်ကဵု ခမဳသၚ် ကုအဲဍိက်ညိ၊ အဲဍိက်ကြက်ရၚ်တၠုၚ်ခမဳသၚ်ရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံဒေဝဒတ် ဟွံဗဗွဲထေက်ရ၊ တၠအဲ လ္ပသ္ဍိုက်မၠိုက် တၞဟ်နရၚ်တၠုၚ် ခမဳသၚ်ညိ ရဴဝွံ (သ္ဂးရ)။
မရနုက်ကဵုၜါဝါလေဝ် ဒေဝဒတ်။ ပ ။ မရနုက်ကဵုပိဝါလေဝ် ဒေဝဒတ်ဂှ်—
“ယွံတဳလမၞုံပိုဉ် တဳလမၞုံပိုဉ်ကျာ်တြဲဂှ် အခိၚ်လၟုဟ် ဗျုအာတုဲရ၊ ဇၞော်အာတုဲရ၊ ကြံၚ်ဍုဟ်အာတုဲရ၊ အခိၚ်လောန်တုဲရ၊ အာစိုပ်အဝယ်လအိတ်အိုတ်တုဲရ၊ ယွံတဳလမၞုံပိုဉ် တဳလမၞုံပိုဉ်ကျာ်တြဲဂှ် ပ္ဍဲအခိၚ်လၟုဟ် သီုမပတိတ်ဒြဟတ်ပဒတဴမံၚ်အာ ဗွဲတသိုခ်ဂတမတ်ဂှ် ဩဝ်ပဒတဴအာ ဗွဲမသက္ကုဂဝိၚ်ညိ၊ ဩဝ်အပ်ပြာပ်ကဵု ခမဳသၚ် ကုအဲဍိက်ညိ၊ အဲဍိက်ကြက်ရၚ်တၠုၚ်ခမဳသၚ်ရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
ယွံဒေဝဒတ် ကုသာရိပိုတ် မောဂ္ဂလာန်ဂမၠိုၚ်လေဝ် အဲ အပ်ပြာပ်ကဵု ခမဳသၚ် ဟွံသေၚ်ရ။
ကုတၠအဲ မယုတ်မာ မစသုၚ်တဴ ပစ္စယ်မတုပ်သၟဟ်ကဵုဍာ်ပါၚ်ဂှ် မုဟိုတ် ဂွံအပ်ပြာပ်ကဵုရော? ရဴဝွံ (သ္ဂးရ)။
ပ္ဍဲအခိၚ်ဂှ် ဒေဝဒတ်ဂှ် “ပ္ဍဲပရိသာတ် မွဲဟာန်ကေုာံသၟိၚ်ဂှ် တဳလမၞုံပိုဉ်ကျာ်တြဲ ရာန်သကိုတ်အဲ နကဵုဂလာန်မ္ဂး ညးစသုၚ်တဴ ပစ္စယ်မတုပ်သၟဟ်ကဵုဍာ်ပါၚ်ရ၊ ယိုက်ဒိုက်ပတိုန် သာရိပိုတ် မောဂ္ဂလာန်ဂမၠိုၚ်ဟေၚ်ရ” ရဴဝွံ ထေဲပၞောတ်သတိုတ် သီုဟွံမိပ်စိုတ်ဂှ် လ္ၚောဝ်သ္ပဝတ် တဳလမၞုံပိုဉ် ကျာ်တြဲတုဲမ္ဂး သ္ပရှေ်သှေ်ရဴဂဴကၠာ ပါဲစ္ဍးအာရ။ ဣဝွံတုန် ဒှ်ပွမဒက်ဝဲ ဒေဝဒတ်ပဌမ ပ္ဍဲလတူတဳလမၞုံပိုဉ်ကျာ်တြဲရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ယွံခမဳတအ် ဒှ်သာ်ဂှ်မ္ဂး “ပ္ဍဲကိုပ်ကၠာတေံ အာကာရအရာဒ္ဂေတ် ဒေဝဒတ် ဒှ်မွဲဗီုရ၊ ပ္ဍဲအခိၚ်လၟုဟ် အာကာရအရာဒ္ဂေတ် ဒေဝဒတ် ဒှ်မွဲဗီုရ၊ ယြဴကမၠောန်ပွမွဲ ဒေဝဒတ် သ္ပနကဵုဇကုကီု နကဵုပါၚ်ကီုရ၊ နကမၠောန်ပွဂှ် ဟဂပ်ဝ်သမ္တီ ရဴဝွံ ကျာ်ကီု ရဴဝွံမ္ဂးဓရ်ကီု ရဴဝွံမ္ဂးသၚ်ကီုရ၊ နကမၠောန်ပွဂှ် ဂပ်ဝ်သမ္တီ ရဴဝွံမ္ဂးဒေဝဒတ်ဟေၚ်ရ” ရဴဝွံ သၚ်ဩဝ်သ္ပပကာသနဳယကမ် ကုဒေဝဒတ် ပ္ဍဲဍုၚ်ရာဇဂြိုဟ်ညိ ရဴဝွံ သ္ဂးကဵုခမဳဂမၠိုၚ်ရ။
ယွံခမဳတအ် ရဴဝွံ ဒးသ္ပရ၊ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
၃၃၇။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵု အခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်သ္ပပကာနဳယကမ် ကုဒေဝဒတ် ပ္ဍဲဍုၚ်ရာဇဂြိုဟ် ရဴဝွံမ္ဂး ‘ပ္ဍဲကိုပ်ကၠာတေံ အာကာရအရာဒ္ဂေတ် ဒေဝဒတ် ဒှ်မွဲဗီုရ၊ အခိၚ်လၟုဟ် အာကာရအရာဒ္ဂေတ်ဒေဝဒတ် ဒှ်မွဲဗီုရ၊ ယြဴကမၠောန်ပွမွဲ ဒေဝဒတ် သ္ပနကဵုဇကုကီု နကဵုပါၚ်ကီုရ၊ နကမၠောန်ပွဂှ် ဟဂပ်ဝ်သမ္တီ ရဴဝွံကျာ်ကီု ရဴဝွံမ္ဂးဓရ်ကီု ရဴဝွံမ္ဂးသၚ်ကီုရ၊ နကမၠောန်ပွဂှ် ဂပ်ဝ်သမ္တီ ရဴဝွံမ္ဂး ဒေဝဒတ်ဟေၚ်ရ’၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ်သ္ပပကာနဳယကမ် ကုဒေဝဒတ် ပ္ဍဲဍုၚ်ရာဇဂြိုဟ် ရဴဝွံမ္ဂး ‘ပ္ဍဲကိုပ်ကၠာတေံ အာကာရအရာဒ္ဂေတ် ဒေဝဒတ် ဒှ်မွဲဗီုရ၊ အခိၚ်လၟုဟ် အာကာရအရာဒ္ဂေတ်ဒေဝဒတ် ဒှ်မွဲဗီုရ၊ ယြဴကမၠောန်ပွမွဲ ဒေဝဒတ် သ္ပနကဵုဇကုကီု နကဵုပါၚ်ကီုရ၊ နကမၠောန်ပွဂှ် ဟဂပ်ဝ်သမ္တီ ရဴဝွံကျာ်ကီု ရဴဝွံမ္ဂးဓရ်ကီု ရဴဝွံမ္ဂးသၚ်ကီုရ၊ နကမၠောန်ပွဂှ် ဂပ်ဝ်သမ္တီ ရဴဝွံမ္ဂး ဒေဝဒတ်ဟေၚ်ရ’။
ယြဴကုတဳလပိုဉ်မွဲ သ္ဍိုက်မၠိုက် ပွမသ္ပပကာသနဳယကမ် ကုဒေဝဒတ် ပ္ဍဲဍုၚ်ရာဇဂြိုဟ် ရဴဝွံမ္ဂး ‘ပ္ဍဲကိုပ်ကၠာတေံ အာကာရအရာဒ္ဂေတ် ဒေဝဒတ် ဒှ်မွဲဗီုရ၊ အခိၚ်လၟုဟ် အာကာရအရာဒ္ဂေတ်ဒေဝဒတ် ဒှ်မွဲဗီုရ၊ ယြဴကမၠောန်ပွမွဲ ဒေဝဒတ် သ္ပနကဵုဇကုကီု နကဵုပါၚ်ကီုရ၊ နကမၠောန်ပွဂှ် ဟဂပ်ဝ်သမ္တီ ရဴဝွံကျာ်ကီု ရဴဝွံမ္ဂးဓရ်ကီု ရဴဝွံမ္ဂးသၚ်ကီုရ၊ နကမၠောန်ပွဂှ် ဂပ်ဝ်သမ္တီ ရဴဝွံမ္ဂး ဒေဝဒတ်ဟေၚ်ရ’၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်သ္ပပကာသနဳယကမ် ကုဒေဝဒတ် ပ္ဍဲဍုၚ်ရာဇဂြိုဟ် ရဴဝွံမ္ဂး ‘ပ္ဍဲကိုပ်ကၠာတေံ အာကာရအရာဒ္ဂေတ် ဒေဝဒတ် ဒှ်မွဲဗီုရ၊ အခိၚ်လၟုဟ် အာကာရအရာဒ္ဂေတ်ဒေဝဒတ် ဒှ်မွဲဗီုရ၊ ယြဴကမၠောန်ပွမွဲ ဒေဝဒတ် သ္ပနကဵုဇကုကီု နကဵုပါၚ်ကီုရ၊ နကမၠောန်ပွဂှ် ဟဂပ်ဝ်သမ္တီ ရဴဝွံကျာ်ကီု ရဴဝွံမ္ဂးဓရ်ကီု ရဴဝွံမ္ဂးသၚ်ကီုရ၊ နကမၠောန်ပွဂှ် ဂပ်ဝ်သမ္တီ ရဴဝွံမ္ဂး ဒေဝဒတ်ဟေၚ်ရ’ တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
၃၃၈။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ယွံသာရိပိုတ် ဒှ်သာ်ဂှ်မ္ဂး တၠအဲ ဩဝ်သ္ပပြာကဋ် ဒေဝဒတ် ပ္ဍဲဍုၚ်ရာဇဂြိုဟ်ညိ” ရဴဝွံ သ္ဂးကဵုတဳလပိုဉ်သာရိပိုတ်ရ။
ယွံတဳလမၞုံပိုဉ် ပ္ဍဲကိုပ်ကၠာတေံ “ကောန်ဂကူဂေါဓက ဣဒ္ဓိကြဳဇှ်ဇၞော်ရ၊ ကောန်ဂကူဂေါဓိက အာနုဘဴဇၞော်ရ” ရဴဝွံ အဲဍိက် ဟီုကၠုၚ်ဂုဏ်ဒေဝဒတ် ပ္ဍဲဍုၚ်ရာဇဂြိုဟ်ရ။ ယွံတဳလမၞုံပိုဉ် မုရဴသာ်လဵု အဲဍိက် ဂွံသ္ပပြာကဋ် ဒေဝဒတ် ပ္ဍဲဍုၚ်ရာဇဂြိုဟ်ရော? ရဴဝွံ (ဂရၚ်ပတီရ)။
ယွံသာရိပိုတ် တၠအဲဂှ် “ကောန်ဂကူဂေါဓိက ဣဒ္ဓိကြဳဇှ်ဇၞော်ရ၊ ကောန်ဂကူဂေါဓိက အာနုဘဴဇၞော်ရ” ရဴဝွံ ဟီုကၠုၚ်ဂုဏ်ဒေဝဒတ် ပ္ဍဲဍုၚ်ရာဇဂြိုဟ် အတိုၚ်ဒှ်ဍာံစၟတ်ရ ဟွံသေၚ်ဟာ ရဴဝွံ (သၟာန်ရ)။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီရ)။
ယွံသာရိပိုတ် အတိုၚ်ဝွံဟေၚ် တၠအဲ ဩဝ်ပြာကဋ် ဒေဝဒတ် အတိုၚ်ဍာံစၟတ်ညိ ရဴဝွံ (သ္ဂးရ)။
“ယွံကျာ်မၞုံပိုဉ် ခိုဟ်သန်ရ” ရဴဝွံ တဳလပိုဉ်သာရိပိုတ် ဒုၚ်ဝန် ကုတဳလမၞုံပိုဉ်ကျာ်တြဲရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ယွံခမဳတအ် ဒှ်သာ်ဂှ်မ္ဂး သၚ် ဩဝ်သၟိတ်ပတိုန် သာရိပိုတ် သွက်ဂွံသ္ပပြာကဋ် ဒေဝဒတ် ပ္ဍဲဍုၚ်ရာဇဂြိုဟ် ရဴဝွံမ္ဂး ‘ပ္ဍဲကိုပ်ကၠာတေံ အာကာရအရာဒ္ဂေတ် ဒေဝဒတ် ဒှ်မွဲဗီုရ၊ အခိၚ်လၟုဟ် အာကာရအရာဒ္ဂေတ်ဒေဝဒတ် ဒှ်မွဲဗီုရ၊ ယြဴကမၠောန်ပွမွဲ ဒေဝဒတ် သ္ပနကဵုဇကုကီု နကဵုပါၚ်ကီုရ၊ နကမၠောန်ပွဂှ် ဟဂပ်ဝ်သမ္တီ ရဴဝွံကျာ်ကီု ရဴဝွံမ္ဂးဓရ်ကီု ရဴဝွံမ္ဂးသၚ်ကီုရ၊ နကမၠောန်ပွဂှ် ဂပ်ဝ်သမ္တီ ရဴဝွံမ္ဂး ဒေဝဒတ်ဟေၚ်ရ’ ညိ ရဴဝွံ သ္ဂးကဵုခမဳဂမၠိုၚ်ရ။
ယွံခမဳတအ် ရဴဝွံ ဒးသၟိတ်ရ၊ ဗွဲကိုပ်ကၠာ သ္ဒးအာတ်ပါန်အခေါၚ် သာရိပိုတ်ရ၊ အာတ်ပါန်အခေါၚ်တုဲ ပ္ဍဲကြဴ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် သၟိတ်ပတိုန် တဳလပိုဉ်သာရိပိုတ် သွက်ဂွံသ္ပပြာကဋ် ဒေဝဒတ် ပ္ဍဲဍုၚ်ရာဇဂြိုဟ် ရဴဝွံမ္ဂး ‘ပ္ဍဲကိုပ်ကၠာတေံ အာကာရအရာဒ္ဂေတ် ဒေဝဒတ် ဒှ်မွဲဗီုရ၊ အခိၚ်လၟုဟ် အာကာရအရာဒ္ဂေတ်ဒေဝဒတ် ဒှ်မွဲဗီုရ၊ ယြဴကမၠောန်ပွမွဲ ဒေဝဒတ် သ္ပနကဵုဇကုကီု နကဵုပါၚ်ကီုရ၊ နကမၠောန်ပွဂှ် ဟဂပ်ဝ်သမ္တီ ရဴဝွံကျာ်ကီု ရဴဝွံမ္ဂးဓရ်ကီု ရဴဝွံမ္ဂးသၚ်ကီုရ၊ နကမၠောန်ပွဂှ် ဂပ်ဝ်သမ္တီ ရဴဝွံမ္ဂး ဒေဝဒတ်ဟေၚ်ရ’၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် သၟိတ်ပတိုန် တဳလပိုဉ်သာရိပိုတ် သွက်ဂွံသ္ပပြာကဋ် ဒေဝဒတ် ပ္ဍဲဍုၚ်ရာဇဂြိုဟ် ရဴဝွံမ္ဂး ‘ပ္ဍဲကိုပ်ကၠာတေံ အာကာရအရာဒ္ဂေတ် ဒေဝဒတ် ဒှ်မွဲဗီုရ၊ အခိၚ်လၟုဟ် အာကာရအရာဒ္ဂေတ်ဒေဝဒတ် ဒှ်မွဲဗီုရ၊ ယြဴကမၠောန်ပွမွဲ ဒေဝဒတ် သ္ပနကဵုဇကုကီု နကဵုပါၚ်ကီုရ၊ နကမၠောန်ပွဂှ် ဟဂပ်ဝ်သမ္တီ ရဴဝွံကျာ်ကီု ရဴဝွံမ္ဂးဓရ်ကီု ရဴဝွံမ္ဂးသၚ်ကီုရ၊ နကမၠောန်ပွဂှ် ဂပ်ဝ်သမ္တီ ရဴဝွံမ္ဂး ဒေဝဒတ်ဟေၚ်ရ’ ယြဴကုတဳလပိုဉ်မွဲ သ္ဍိုက်မၠိုက် ပွမသၟိတ်ပတိုန် တဳလပိုဉ်သာရိပိုတ် သွက်ဂွံသ္ပပြာကဋ် ဒေဝဒတ် ပ္ဍဲဍုၚ်ရာဇဂြိုဟ် ရဴဝွံမ္ဂး ‘ပ္ဍဲကိုပ်ကၠာတေံ အာကာရအရာဒ္ဂေတ် ဒေဝဒတ် ဒှ်မွဲဗီုရ၊ အခိၚ်လၟုဟ် အာကာရအရာဒ္ဂေတ်ဒေဝဒတ် ဒှ်မွဲဗီုရ၊ ယြဴကမၠောန်ပွမွဲ ဒေဝဒတ် သ္ပနကဵုဇကုကီု နကဵုပါၚ်ကီုရ၊ နကမၠောန်ပွဂှ် ဟဂပ်ဝ်သမ္တီ ရဴဝွံကျာ်ကီု ရဴဝွံမ္ဂးဓရ်ကီု ရဴဝွံမ္ဂးသၚ်ကီုရ၊ နကမၠောန်ပွဂှ် ဂပ်ဝ်သမ္တီ ရဴဝွံမ္ဂး ဒေဝဒတ်ဟေၚ်ရ’၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်သၟိတ်ပတိုန် တဳလပိုဉ်သာရိပိုတ် သွက်ဂွံသ္ပပြာကဋ် ဒေဝဒတ် ပ္ဍဲဍုၚ်ရာဇဂြိုဟ် ရဴဝွံမ္ဂး ‘ပ္ဍဲကိုပ်ကၠာတေံ အာကာရအရာဒ္ဂေတ် ဒေဝဒတ် ဒှ်မွဲဗီုရ၊ အခိၚ်လၟုဟ် အာကာရအရာဒ္ဂေတ်ဒေဝဒတ် ဒှ်မွဲဗီုရ၊ ယြဴကမၠောန်ပွမွဲ ဒေဝဒတ် သ္ပနကဵုဇကုကီု နကဵုပါၚ်ကီုရ၊ နကမၠောန်ပွဂှ် ဟဂပ်ဝ်သမ္တီ ရဴဝွံကျာ်ကီု ရဴဝွံမ္ဂးဓရ်ကီု ရဴဝွံမ္ဂးသၚ်ကီုရ၊ နကမၠောန်ပွဂှ် ဂပ်ဝ်သမ္တီ ရဴဝွံမ္ဂး ဒေဝဒတ်ဟေၚ်ရ’ တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
တဳလပိုဉ်သာရိပိုတ် မကလိဂွံသၟိတ်တုဲဂှ် မွဲဟာန်ကေုာံခမဳဂမၠိုၚ်ဗွဲမဂၠိုၚ် လုပ်အာဍုၚ်ရာဇဂြိုဟ်တုဲ သ္ပပြာကဋ် ဒေဝဒတ် ပ္ဍဲဍုၚ်ရာဇဂြိုဟ် ရဴဝွံမ္ဂး ‘ပ္ဍဲကိုပ်ကၠာတေံ အာကာရအရာဒ္ဂေတ် ဒေဝဒတ် ဒှ်မွဲဗီုရ၊ အခိၚ်လၟုဟ် အာကာရအရာဒ္ဂေတ်ဒေဝဒတ် ဒှ်မွဲဗီုရ၊ ယြဴကမၠောန်ပွမွဲ ဒေဝဒတ် သ္ပနကဵုဇကုကီု နကဵုပါၚ်ကီုရ၊ နကမၠောန်ပွဂှ် ဟဂပ်ဝ်သမ္တီ ရဴဝွံကျာ်ကီု ရဴဝွံမ္ဂးဓရ်ကီု ရဴဝွံမ္ဂးသၚ်ကီုရ၊ နကမၠောန်ပွဂှ် ဂပ်ဝ်သမ္တီ ရဴဝွံမ္ဂး ဒေဝဒတ်ဟေၚ်ရ’။
ပ္ဍဲအရာမသ္ပပြာကဋ်ဂှ် ညးဟွံမွဲကဵုပွမပတှ်ေ ပွမလျုၚ်ဇြုၚ်သ္ဍိုက် ပွမတီဂမၠိုၚ် “ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ်ဝွံ စောန်စိုတ်အိုတ်ရ၊ စောန်စိုတ် လာဘ်သက္ကာ ဒေဝဒတ်အိုတ်ရ” ရဴဝွံ ဟီုသ္ဂးအိုတ်ရ။
ညးမၞုံကဵုပွမပတှ်ေ ပွမလျုၚ်ဇြုၚ်သ္ဍိုက် ပွမတီ မၞိဟ်တၠပညာဂမၠိုၚ်တုန် “တဳလမၞုံပိုဉ်ကျာ်တြဲ ပွမကဵုသ္ပပြာကဋ် ဒေဝဒတ် ပ္ဍဲဍုၚ်ရာဇဂြိုဟ်ဝွံ ယုတ်သဝ်ဟွံသေၚ်ရ” ရဴဝွံ ဟီုသ္ဂးအိုတ်ရ။
၇.၂.၂။ ပရူပရာကောန်သၟိၚ်ဗၠာဲအဇာတသတြု[ပလေဝ်ဒါန် | ပလေဝ်ဒါန် တမ်ကၞက်]
၃၃၉။ ပ္ဍဲအခိၚ်ဂှ် ဒေဝဒတ်ပြာပ်အာဇရေၚ် ကောန်သၟိၚ်ဗၠာဲအဇာတသတြုတုဲ—
“ယွံကောန်သၟိၚ် ပ္ဍဲကိုပ်ကၠာတေံ မၞိဟ်ဂမၠိုၚ် အာယုက်ဂၠိၚ်အိုတ်ရ၊ ပ္ဍဲအခိၚ်လၟုဟ် အာယုက်ဂၠေံအိုတ်ရ။ တၠအဲ ဟိုတ်မဒးချိုတ်အာကဵု ဘဝကောန်သၟိၚ်ဗၠာဲ နွံရ၊ ယွံကောန်သၟိၚ် ဟိုတ်ဂှ်ရ တၠအဲ ဂစိုတ်ကၠေံ မအံက်တုဲ ဩဝ်ဒှ်သၟိၚ်ညိ၊ အဲ ဂစိုတ်ကျာ်တြဲတုဲ ကြက်ဒှ်ကျာ်ရ” ရဴဝွံ (ဟီုသ္ဂးရ)။
ပ္ဍဲအခိၚ်ဂှ် ကောန်သၟိၚ်အဇာတသတြုဂှ် “တဳလပိုဉ်ဒေဝဒတ် ဣဒ္ဓိကြဳဇှ်အာနုဘဴဇၞော်ရ၊ တဳလပိုဉ်ဒေဝဒတ် တီတန်ဒှ်ရ” ရဴဝွံ ဒက်စုတ်ၜုန်သော် ပ္ဍဲဒဳတုဲ ပ္ဍဲအခိၚ်လဒေါဝ်တ္ၚဲဒၚ်ဒၚ်ဖေက်လကိုတ်သမ္ၚာတ် သီုမဇတဝ်ဖြာပ်ဖြာပ်ဂှ် ဗွဲမပြဟ်ဟေၚ် လုပ်အာအပ္ဍဲနန်ရ။ အမာတ်ဇၞော်ပၟၚ်ပၟဲလမျီုဂမၠိုၚ် ပ္ဍဲအပ္ဍဲနန် ဗွဲမပြဟ် သီုမဖေက်လကိုတ်သမ္ၚာတ် ဇတဝ်ဖြာပ်ဖြာပ်တုဲရပ်ကေတ်အိုတ်ရ။ အမာတ်ဇၞော်ဂမၠိုၚ်ဂှ် ဂၠိုက်ဂၠာဲသ္ၚေဝ်ရံၚ်မ္ဂး ညာတ်ဒးၜုတ်သော် မဒက်လဝ်ပ္ဍဲဒဳတုဲ−
“ယွံကောန်သၟိၚ်ဗၠာဲ တၠအဲ မုအရာမွဲ မိက်သ္ပရော?” ရဴဝွံ သၟာန်ကောန်သၟိၚ်ဗၠာဲ အဇာတသတြုအိုတ်ရ။
မိက်ဂစိုတ် မအံက်ရ ရဴဝွံ (သ္ဂးရ)။
မုရဴညးမွဲ ဗတိုက်ဖအောဝ်ရော? ရဴဝွံ (သၟာန်အိုတ်ပၠန်ရ)။
တဳလပိုဉ်ဒေဝဒတ် ဗတိုက်ဖအောဝ်ရ ရဴဝွံ (သ္ဂးရ)။
အမာတ်ဇၞော်ဂမၠိုၚ်လ္ၚဵုဂှ် “ကောန်သၟိၚ်ဗၠာဲ ကေုာံဒေဝဒတ်ကီု ခမဳဂမၠိုၚ်အိုတ်သီုကီု ထေက်ကဵုဂစိုတ်ရ” ရဴဝွံ မၞုံကွေတ်အိုတ်ရ။
အမာတ်ဇၞော်ဂမၠိုၚ်လ္ၚဵုဂှ် “ခမဳဂမၠိုၚ် ဟွံထေက်ကဵုဂစိုတ်ရ၊ ခမဳဂမၠိုၚ် ဟွံလုတ်မှာဒုဟ် မမိက်ကဵုမွဲမွဲအိုတ်ရ၊ ကောန်သၟိၚ်ဗၠာဲ ကေုာံ ဒေဝဒတ်ဂှ် ထေက်ကဵုဂစိုတ်ရ” ရဴဝွံ မၞုံကွေတ်အိုတ်ရ။
အမာတ်ဇၞော်ဂမၠိုၚ်လ္ၚဵုဂှ် “ကောန်သၟိၚ်ဗၠာဲ ကေုာံဒေဝဒတ်လေဝ် ဟွံထေက်ကဵုဂစိုတ်ရ၊ ခမဳဂမၠိုၚ်လေဝ် ဟွံထေက်ကဵုဂစိုတ်ရ၊ ထေက်ကဵုဟီုလဴဗ္စ ကုသၟိၚ်ဇၞော်ရ၊ အတိုၚ်သၟိၚ်ဇၞော်ဟီုဂှ် သ္ပအိုတ်ရ” ရဴဝွံ မၞုံကွေတ်အိုတ်ရ။
ကြဴနူဂှ် အမာတ်ဇၞော်ဂမၠိုၚ်ဂှ် ရပ်ကေတ် ကောန်သၟိၚ်ဗၠာဲအဇာတသတြုတုဲ ပြာပ်အာဇရေၚ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးအိုတ်တုဲ ဂရၚ်ပတီဟီုလဴဗ္စ ဟိုတ်ပရူပရာဂှ် ကုသၟိၚ်ဗိမ္ဗိသာရ မၞုံယၟုသေနိယ တၠညးမဂဓရးအိုတ်ရ။
ယွံသကအ်တအ် အမာတ်ဇၞော်ဂမၠိုၚ် ပသာ်မၞုံကွေတ်အိုတ်ရော? ရဴဝွံ (သၟာန်ရ)။
ယွံတၠညးသၟိၚ်ဇၞော် အမာတ်ဇၞော်ဂမၠိုၚ်လ္ၚဵုဂှ် “ကောန်သၟိၚ်ဗၠာဲ ကေုာံဒေဝဒတ်ကီု ခမဳဂမၠိုၚ်အိုတ်သီုကီု ထေက်ကဵုဂစိုတ်ရ” ရဴဝွံ မၞုံကွေတ်အိုတ်ရ။
အမာတ်ဇၞော်ဂမၠိုၚ်လ္ၚဵုဂှ် “ခမဳဂမၠိုၚ် ဟွံထေက်ကဵုဂစိုတ်ရ၊ ခမဳဂမၠိုၚ် ဟွံလုတ်မှာဒုဟ် မမိက်ကဵုမွဲမွဲအိုတ်ရ၊ ကောန်သၟိၚ်ဗၠာဲ ကေုာံ ဒေဝဒတ်ဂှ် ထေက်ကဵုဂစိုတ်ရ” ရဴဝွံ မၞုံကွေတ်အိုတ်ရ။
အမာတ်ဇၞော်ဂမၠိုၚ်လ္ၚဵုဂှ် “ကောန်သၟိၚ်ဗၠာဲ ကေုာံဒေဝဒတ်လေဝ် ဟွံထေက်ကဵုဂစိုတ်ရ၊ ခမဳဂမၠိုၚ်လေဝ် ဟွံထေက်ကဵုဂစိုတ်ရ၊ ထေက်ကဵုဟီုလဴဗ္စ ကုသၟိၚ်ဇၞော်ရ၊ အတိုၚ်သၟိၚ်ဇၞော်ဟီုဂှ် သ္ပအိုတ်ရ” ရဴဝွံ မၞုံကွေတ်အိုတ်ရ။
ယွံသကအ်တအ် ကျာ်ကီု ဓရ်ကီု သၚ်ကီု ပသာ်ဂွံသ္ပရော? ပြဟ်ပြဟ်ဂှ်ဟေၚ် သ္ပပြာကဋ် ဒေဝဒတ် ပ္ဍဲဍုၚ်ရာဇဂြိုဟ် ရဴဝွံမ္ဂး ‘ပ္ဍဲကိုပ်ကၠာတေံ အာကာရအရာဒ္ဂေတ် ဒေဝဒတ်ဒှ်မွဲဗီုရ၊ ပ္ဍဲအခိၚ်လၟုဟ် အာကာရအရာဒ္ဂေတ် ဒေဝဒတ် ဒှ်မွဲဗီုရ၊ ယြဴကမၠောန်ပွမွဲ ဒေဝဒတ်သ္ပနကဵုဇကုကီု နကဵုပါၚ်ကီုရ၊ နကမၠောန်ပွဂှ် ဟဂပ်ဝ်သမ္တီ ရဴဝွံကျာ်ကီု ရဴဝွံမ္ဂးဓရ်ကီု ရဴဝွံမ္ဂးသၚ်ကီုရ၊ နကမၠောန်ပွဂှ် ဂပ်ဝ်သမ္တီ ရဴဝွံမ္ဂး ဒေဝဒတ်ဟေၚ် တုဲရ’ ဟွံသေၚ်ဟာ ရဴဝွံ (သ္ဂးရ)။
ပၞောဝ်ကဵုအမာတ်ဇၞော်ဂမၠိုၚ်ဂှ် အမာတ်ဇၞော်ဂမၠိုၚ်မၞုံကဵုကွေတ်ရဴဝွံမ္ဂး “ကောန်သၟိၚ်ဗၠာဲကေုာံဒေဝဒတ်ကီု ခမဳဂမၠိုၚ်အိုတ်သီုကီု ထေက်ကဵုဂစိုတ်ရ” ဂှ် ဖျေံထောံကဆံၚ်ရ။
အမာတ်ဇၞော်ဂမၠိုၚ် မသ္ဂုတ်သွာတ်ရဴဝွံမ္ဂး “ခမဳဂမၠိုၚ်ဟွံထေက်ကဵုဂစိုတ်ရ၊ ခမဳဂမၠိုၚ် ဟွံလုပ်မှာဒုဟ် မမိက်ကဵုမွဲမွဲအိုတ်ရ၊ ကောန်သၟိၚ်ဗၠာဲ ကေုာံဒေဝဒတ်ဂှ် ထေက်ကဵုဂစိုတ်ရ” ဂှ် ဖျေံစွံပ္ဍဲကဆံၚ် မသဝ်တုဲမ္ဂး အမာတ်ဇၞော်ဂမၠိုၚ် မၞုံကဵုကွေတ်ရဴဝွံမ္ဂး “ကောန်သၟိၚ်ဗၠာဲ ကေုာံဒေဝဒတ်လေဝ် ဟွံထေက်ကဵုဂစိုတ်ရ၊ ခမဳဂမၠိုၚ်လေဝ် ဟွံထေက်ကဵုဂစိုတ်ရ၊ ထေက်ကဵုဟီုလဴဗ္စ ကုသၟိၚ်ဇၞော်ရ၊ အတိုၚ်သၟိၚ်ဇၞော်ဟီုဂှ် သ္ပအိုတ်ရ” ဂှ်တုန် ပတိုန်ကဵုကဆံၚ်ရ။
ပ္ဍဲအခိၚ်ဂှ် သၟိၚ်ဗိမ္ဗိသာရ မၞုံယၟုသေနိယ တၠညးမဂးဓရးဂှ်−
“ယွံကောန်သၟိၚ်ဗၠာဲ တၠအဲ မုဟိုတ် မိက်ဂစိုတ်အဲရော?” ရဴဝွံ သၟာန်ကောန်သၟိၚ်ဗၠာဲ အဇာတသတြုရ။ ယွံတၠညးမအံက် နွံပၟိက်ကဵုဒဒှ်သၟိၚ်ရ ရဴဝွံ (လဴပတီရ)။
ယွံကောန်သၟိၚ်ဗၠာဲ တၠအဲ နွံပၟိက်ကဵုဒဒှ်သၟိၚ်မ္ဂး “ပိုဉ်သမ္ပတ္တိ သၟိၚ်ဝွံ ဒှ်ပိုဉ်သမ္ပတ္တိ တၠအဲရ” ရဴဝွံ ဟီုသ္ဂးတုဲ ဇိုၚ်နှၚ်အပ်ပြာပ်ကဵုဒဒှ်သၟိၚ် ကုကောန်သၟိၚ်ဗၠာဲအဇာတသတြုရ။
၇.၂.၃။ ပွမဖအောဝ်ဗလး သၟာဂစိုတ်မၞိဟ်ဂမၠိုၚ်[ပလေဝ်ဒါန် | ပလေဝ်ဒါန် တမ်ကၞက်]
၃၄၀။ ပ္ဍဲအခိၚ်ဂှ် ဒေဝဒတ် ပြာပ်အာဇရေၚ် ကောန်သၟိၚ်ဗၠာဲအဇာတသတြုတုဲ “ယွံသၟိၚ်မရာဇ် ဩဝ်ဖအောဝ်ဗလး တြုံသကအ်ဂမၠိုၚ်မဂစိုတ် ခမဳဂေါတမညိ” ရဴဝွံ ဟီုသ္ဂးကဵု ကောန်သၟိၚ်ဗၠာဲ အဇာတသတြုရ။
ပ္ဍဲအခိၚ်ဂှ် ကောန်သၟိၚ်အဇာတသတြုဂှ် “ယွံသကအ်တအ် အတိုၚ်တဳလပိုဉ် ဒေဝဒတ်ဟီုဂှ် ဩဝ်သ္ပအိုတ်ညိ” ရဴဝွံ ဖအောဝ်စကာ တြုံသကအ်ဂမၠိုၚ်ရ။
ပ္ဍဲအခိၚ်ဂှ် ဒေဝဒတ်ဂှ် “ယွံဒကာ ဩဝ်အာညိ၊ ခမဳဂေါတမ သ္ပဒတဴဒၟံၚ် ပ္ဍဲဌာန်မၞုံယၟုဝွံရ၊ ဂစိုတ်ထောံ ခမဳဂေါတမဂှ်တုဲမ္ဂး ဩဝ်ကၠုၚ် နကဵုဂၠံၚ်တရဴဝွံညိ” ရဴဝွံ ဖအောဝ်စကာ တြုံမွဲရ။
ပ္ဍဲဂၠံၚ်တရဴဂှ် “ဂစိုတ်ထောံ တြုံမွဲမကၠုၚ် နကဵုဂၠံၚ်တရဴဝွံတုဲမ္ဂး ဩဝ်ကၠုၚ် နကဵုဂၠံၚ်တရဴဝွံအိုတ်ညိ” ရဴဝွံ ဖျေံစွံလဝ်တြုံဂမၠိုၚ်ၜါတၠရ။
ပ္ဍဲဂၠံၚ်တရဴဂှ် “ဂစိုတ်ထောံ တြုံဂမၠိုၚ်ၜါတၠ မကၠုၚ် နကဵုဂၠံၚ်တရဴဝွံတုဲမ္ဂး ဩဝ်ကၠုၚ်နကဵုဂၠံၚ်တရဴဝွံအိုတ်ညိ” ရဴဝွံ ဖျေံလဝ်တြုံဂမၠိုၚ်ပန်တၠရ။
ပ္ဍဲဂၠံၚ်တရဴဂှ် “ဂစိုတ်ထောံ တြုံဂမၠိုၚ်ပန်တၠ မကၠုၚ် နကဵုဂၠံၚ်တရဴဝွံတုဲမ္ဂး ဩဝ်ကၠုၚ်နကဵုဂၠံၚ်တရဴဝွံအိုတ်ညိ” ရဴဝွံ ဖျေံလဝ်တြုံဒ္စါံတၠရ။
ပ္ဍဲဂၠံၚ်တရဴဂှ် “ဂစိုတ်ထောံ တြုံဂမၠိုၚ်ဒ္စါံတၠ မကၠုၚ်နကဵုဂၠံၚ်တရဴဝွံတုဲမ္ဂး ဩဝ်ကၠုၚ်နကဵုဂၠံၚ်တရဴဝွံအိုတ်ညိ” ရဴဝွံ ဖျေံစွံလဝ်တြုံဂမၠိုၚ်စှ်တြဴတၠရ။
ပ္ဍဲအခိၚ်ဂှ် တြုံမွဲတၠဂှ် ဂိုၚ်ကေတ်သၞာ်ကေုာံခဒံၚ် ကၟာဲကေတ် တ္ၚကေုာံဍေၚ်လဴတုဲ ပြာပ်အာဇရေၚ် တဳလမၞုံပိုဉ်ကျာ်တြဲပ္ဍဲကြဴ ဒတူဒၟံၚ် ပ္ဍဲဇရေၚ်တဳလမၞုံပိုဉ်ကျာ်တြဲ နကဵုဇကုမကြံၚ်မ္ၚိုဟ် ‘ဟွံချဳဇတဝ်’ သီုမဖေက်လကိုတ်သမ္ၚာတ် ဇတဝ်ဖြာပ်ဖြာပ်ရ။
တဳလမၞုံပိုဉ်ကျာ်တြဲ ညာတ်ဒး တြုံမဒတူဒၟံၚ် နကဵုဇကုမကြံၚ်မ္ၚိုဟ် ‘ဟွံချဳဇတဝ်’ သီုမဖေက်လကိုတ် သမ္ၚာတ် ဇတဝ်ဖြာပ်ဖြာပ်ဂှ်တုဲ “ယွံဒကာ ဩဝ်ကၠုၚ်ညိ၊ လ္ပဖေက်ညိ” ရဴဝွံ (သ္ဂးရ)။
ပ္ဍဲအခိၚ်ဂှ် တြုံမွဲတၠဂှ် စွံထောံသၞာ်ကေုာံခဒံၚ် ပ္ဍဲဌာန်မဗဗွဲ ဖျေံကၠေံ တ္ၚကေုာံဍေၚ်လဴတုဲ ပြာပ်အာဇရေၚ်တဳလမၞုံပိုဉ်ကျာ်တြဲပ္ဍဲကြဴ မာစှေ် ပ္ဍဲဒၠးဇိုၚ်တဳလမၞုံပိုဉ်ကျာ်တြဲတုဲမ္ဂး—
‘’ယွံကျာ်မၞုံပိုဉ် အတိုၚ်မဒိုဟ်ဓီု အတိုၚ်မဝိဝိၚ် အတိုၚ်မဟွံဍိုဟ်ကေက်စဳကၠး ဒုဟ်ဓလီုဍိုက်ဒး အဲဍိက်တုဲရ။ အဲဍိက်ဂှ် မၞုံစိုတ်မမိက်ပလီုပလာ် (မဒြိုဟ်စာ) မၞုံစိုတ်မမိက်ဂစိုတ်ဒှ်တုဲ ပြာပ်ကၠုၚ်ဌာန်ဝွံရ။ ယွံကျာ်မၞုံပိုဉ် ဒုဟ်ဍိက်ဂှ် ဗွဲအစောံဒုဟ် တၞဟ်နဂွံသ္ၚဳလလမ်မၚ်မွဲ ပ္ဍဲကာလကြဴ တဳလမၞုံပိုဉ်ကျာ်တြဲ ဩဝ်အေၚ်ဒုၚ်ညိကျာ်” ရဴဝွံ ဂရၚ်ပတီရ။
ယွံဒကာ အတိုၚ်မဒိုဟ်ဓီု အတိုၚ်မဝိဝိၚ် အတိုၚ်ဟွံဍိုဟ်ကေက်စဳကၠး ဗွဲစၟတ် ဒုဟ်ဓလီုဍိုက်ဒး တၠအဲတုဲရ။ တၠအဲ မၞုံစိုတ်မမိက်ပလီုပလာ် (မဒြိုဟ်စာ) မၞုံစိုတ်မမိက်ဂစိုတ်ဒှ်တုဲ ပြာပ်ကၠုၚ်ဌာန်ဝွံရ။
ယွံဒကာ တၠအဲ ယြဴဟိုတ်မွဲ ညာတ်ကေတ်ဒုဟ် ဗွဲအစောံဒုဟ်တုဲ ဇအုဲဇဗကၠေံ ဗွဲမဗဗွဲကဵုဓရ်ရ၊ ဟိုတ်ဂှ်ရ ဒုဟ်တၠအဲဂှ် ပိုဲအေၚ်ဒုၚ်အိုတ်ရ။ ယွံဒကာ ယြဴညးမွဲ ညာတ်ကေတ်ဒုဟ် ဗွဲအစောံဒုဟ်တုဲ ဇအုဲဇဗကၠေံ ဗွဲမဗဗွဲကဵုဓရ်ရ၊ ပ္ဍဲကာလကြဴလေဝ် သ္ၚဳလလမ်မၚ်မွဲရ၊ ပွမသ္ပရဴဝွံ ဒှ်ဟိုတ်မဇၞော်မောဝ် ပ္ဍဲဒၠောံဗတောန်ကျာ်ဟေၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ တွံကဵုဂလာန်ဓရ် မဒှ်အတိုၚ်လၟေၚ် ကုတြုံဂှ်ရ၊ ဂလာန်ဓရ်မဒှ်အတိုၚ်လၟေၚ်ဂှ်တုန် ညးဍေံဂှ်ရော?၊ ဂလာန်မစပ်ကဵုဒါနကီု ဂလာန်မစပ်ကဵုသဳလကီုဂလာန်မစပ်ကဵုဍုၚ်သွဝ်ကီု ဒုဟ်ကီု ပွမယုတ်သဝ်ကီု ပွမကၠိခ္ဍက် ကာမဂုဏ်ဂမၠိုၚ်ကီု ဖဵုပ္ဍဲပွမတိတ်ဗၠး (နူကာမဂုဏ်ဂမၠိုၚ်) ကီု ထ္ၜးကဵုရ။
တဳလမၞုံပိုဉ်ကျာ်တြဲ ပ္ဍဲအခိၚ်မတီကေတ် မၞုံကဵုစိုတ်မဒုၚ်စရၚ် မၞုံကဵုစိုတ်မဍိုန်ညောန် မၞုံကဵုစိုတ်စာ်စ္ဍးနူ’နဳဝရဏ’ ကၟာတ်လဒဵု မၞုံကဵုစိုတ်မြဟ်တိုန် မၞုံကဵုစိုတ်မလျုၚ်ဇြုၚ်သ္ဍိုက် ပ္ဍဲတြုံဂှ် ထ္ၜးကဵု ‘ဒုက္ခသစ္စ’ ဒဒိုခ်ကီု ‘သမုဒယသစ္စ’ ဟိုတ်ဒဒိုခ်ကတဵုဒှ်ကီု ‘နိရောဓသစ္စ’ အရာဒဒိုခ် ပၠိုတ်ကီု ‘မဂ္ဂသစ္စ’ ဂၠံၚ်တရဴဒှ်ဟိုတ်အာစိုပ်အရာဒဒိုခ်ပၠိုတ်ကီု မဒှ်ဓရ်ဒေသနာ ‘သာမုက္ကံသိက’ မတီညာတ် ဓမံက်ပတိတ်အလဵုဇကုကျာ်ဂမၠိုၚ်ရ။ ယာတ်ဗုသအး မစာ်စ္ဍးနူကမၠိကၠိခ္ဍက်ဂှ် သၟဟ်ညံၚ်ရဴ ဒုၚ်ဂိုၚ်ကေတ်ဍာ်လွံက် ဗွဲမဒးရးကီု တုပ်တဴသာ်ဂှ်ရ ပ္ဍဲဒၞာဲဂှ်ဟေၚ် “ဓရ်အိုတ်သီု မၞုံသဘဴ ပွမကတဵုဒှ်ဂှ် မၞုံသဘဴပၠိုတ်ရ” ရဴဝွံ ‘သောတာပတ္တိမဂ်ဉာဏ်’ မတ်ဓရ် မဟွံမွဲကဵုမၠိုက် မစာ်စ္ဍး နူကၠိုက်လ္ၚေၚ်ကိလေသဂှ် ကတဵုဒှ် ကုတြုံဂှ်ရ။
ပ္ဍဲအခိၚ်ဂှ် တြုံဂှ် ညာတ်ကေတ်ဓရ်တုဲဂှ်ဒှ်တုဲ အာစိုပ်ဓရ်တုဲဂှ်ဒှ်တုဲ တီကေတ်ဓရ်တုဲဂှ် ဒှ်တုဲ တၞီလုပ်အာဓရ်တုဲဂှ်ဒှ်တုဲ ကလိလောန်အာ သၠေဟ်ပၟာတုဲဂှ်ဒှ်တုဲ စာ်စ္ဍးနူချပ်သၠေဟ်ပၟာ သာ်တေံဟာ, သာ်ဏအ်ဟာတုဲဂှ်ဒှ်တုဲ အာစိုပ်ဂံၚ်သကာ (သက်လှက်) ပ္ဍဲသာသနာကျာ်တြဲတုဲဂှ်ဒှ်တုဲ ဟွံမွဲကဵုညးလျုၚ်ပတှ်ေ မသအာၚ်နူကျာ်ဂှ်ဒှ်တုဲ—
“ယွံတဳလမၞုံပိုဉ် (ဓရ်ဂှ်) ထေက်ကဵုသ္ဍိုက်မၠိုက်လောန်ရ၊ ယွံတဳလမၞုံပိုဉ် (ဓရ်ဂှ်) ထေက်ကဵုသ္ဍိုက်မၠိုက်လောန်ရ၊ ဗွဲဥပမာမ္ဂးတုန် ဝတ္ထုဗကပ်စွံလဝ်ဂှ် သၟဟ်ညံၚ်ရဴဂတးလ္ၚာကဵုကီု ဝတ္ထုဂြောပ်ဗ္ဒန်လဝ်ဂှ် သၟဟ်ညံၚ်ရဴပံက်ထ္ၜးကဵုကီု ကုညး မတ်ဂေတ်တၠိၚ်ဂၠံၚ်ဂှ် သၟဟ်ညံၚ်ရဴ ဟီုလဴကဵုဂၠံၚ်ဍာန်ဍာံစၟတ်ကီု “ညးမၞုံကဵုမတ်မညာတ်ဂမၠိုၚ်ဂှ် ကြက်ဂွံညာတ်ကေတ် ရုပ်သာ်ဂမၠိုၚ်အိုတ်ရ” ရဴဝွံ ပ္ဍဲတိုက်ဒမၠုဂှ် သၟဟ်ညံၚ်ရဴစံၚ်ဗဂဵုကဵု ပၟတ်ကၠေၚ်သ္ဍဴကီု တုပ်သၟဟ်သာ်ဂှ် ဟေၚ်ရ တဳလမၞုံပိုဥ်ဂှ် နကဵုဟိုတ်တၞဟ်တၞဟ် တွံထ္ၜးကဵုဓရ်ရ၊ ယွံတဳလမၞုံပိုဉ် အဲဍိက်ဂှ် ပြာပ်ခ သ္ပစ္ၜုဲစ္ၜော်သကအ်ဗ္ဒကဵု တဳလမၞုံပိုဉ်ကျာ်တြဲရ၊ ဓရ်ဂှ်လေဝ် ပြာပ်ခ သ္ပစ္ၜုဲစ္ၜော်သကအ်ဗ္ဒရ၊ သၚ်ဂှ်လေဝ် ပြာပ်ခ သ္ပစ္ၜုဲစ္ၜော်သကအ်ဗ္ဒရ၊ ယွံတဳလမၞုံပိုဉ် တဳလမၞုံပိုဉ်ဂှ် သ္ပတမ်နူတ္ၚဲဝွံတုဲစဵုကဵုလအိတ်လမျီု အဲဍိက်ဂှ် ဥပးပြာပ်ခ သ္ပစ္ၜုဲစ္ၜော်သကအ်ဗ္ဒရ ရဴဝွံ သြဝ်ဂိုၚ်သမ္တီလဝ်ညိ” ရဴဝွံဂရၚ်ပတီ တဳမၞုံပိုဉ်ကျာ်တြဲရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ “ယွံဒကာ တၠအဲ ဩဝ်လ္ပအာ နဂၠံၚ်တရဴဝွံညိ ဩဝ်အာ နဂၠံၚ်တရဴဝွံညိ” ရဴဝွံ သ္ဂးတုဲ ဗလးထောံတြုံဂှ် နဂၠံၚ်တရဴမွဲသအာၚ်ရ။
ပ္ဍဲအခိၚ်ဂှ် တြုံဂမၠိုၚ်ၜါတၠဂှ် “ပသာ်ရော? တြုံမွဲတၠဂှ် လအ်ကၠုၚ်ကွေံရ” ရဴဝွံ အာတဴ တရဴဒ္စးအိုတ်အိုတ်မ္ဂး ညာတ်ဒး တဳလမၞုံပိုဉ်ကျာ်တြဲ မဂဇအ်ဒၟံၚ်ပ္ဍဲသၟဝ်တမ်ဆုတုဲ ပြာပ်အာဇရေၚ်တဳလမၞုံပိုဉ်ကျာ်တြဲတုဲပ္ဍဲကြဴ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ ဂဇအ်ဒၟံၚ် ပ္ဍဲဒၞာဲမွဲအိုတ်ရ၊ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ တွံကဵုဂလာန်ဓရ် မဒှ်အတိုၚ်လၟေၚ် ကုတြုံဂမၠိုၚ်ဂှ်ရ။ ပ ။
အာစိုပ်ဂံၚ်သကာ (သက်လှက်) ပ္ဍဲသာသနာကျာ်တြဲတုဲဂှ် ဒှ်တုဲ ဟွံမွဲကဵုညးလျုၚ်ပတှ်ေ မသအာၚ်နူကျာ်ဂှ်ဒှ်တုဲ—
“ယွံတဳလမၞုံပိုဉ် (ဓရ်ဂှ်) ထေက်ကဵုသ္ဍိုက်မၠိုက်လောန်ရ ။ ပ ။ ယွံတဳလမၞုံပိုဉ် တဳလမၞုံပိုဉ်ဂှ် သ္ပတမ်နူတ္ၚဲဝွံတုဲ စဵုကဵုလမျီု ပိုဲဍိက်တအ်ညးဂမၠိုၚ်ဂှ် ဥပးပြာပ်ခ သ္ပစ္ၜုဲစ္ၜော်သကအ်ဗ္ဒဂမၠိုၚ်ရ ရဴဝွံ ဩဝ်ဂိုၚ်သမ္တီလဝ်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲအိုတ်ရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ “ယွံဒကာတအ် မၞးတအ်ညးဂမၠိုၚ် ဩဝ်လ္ပအာ နဂၠံၚ်တရဴဝွံအိုတ်ညိ၊ ဩဝ်အာ နဂၠံၚ်တရဴဝွံအိုတ်ညိ” ရဴဝွံ သ္ဂးတုဲ ဗလးထောံတြုံဂမၠိုၚ်ၜါတၠဂှ် နဂၠံၚ်တရဴမွဲသအာၚ်ရ။
ပ္ဍဲအခိၚ်ဂှ် တြုံဂမၠိုၚ်ပန်တၠဂှ် ။ ပ ။
ပ္ဍဲအခိၚ်ဂှ် တြုံဂမၠိုၚ်ဒ္စါံတၠဂှ် ။ ပ ။
ပ္ဍဲအခိၚ်ဂှ် တြုံဂမၠိုၚ်စှ်တြဴတၠဂှ် “ပသာ်ရော? တြုံဒ္စါံတၠဂှ် လအ်ကၠုၚ်ကွေံရ” ရဴဝွံ အာတဴ တရဴဒ္စးအိုတ်အိုတ်မ္ဂး ညာတ်ဒး တဳလမၞုံပိုဉ်ကျာ်တြဲ မဂဇအ်ဒၟံၚ်ပ္ဍဲသၟဝ်တမ်ဆုတုဲ ပြာပ်အာဇရေၚ်တဳလမၞုံပိုဉ်ကျာ်တြဲတုဲပ္ဍဲကြဴ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ ဂဇအ်ဒၟံၚ် ပ္ဍဲဒၞာဲမွဲအိုတ်ရ၊ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ တွံကဵုဂလာန်ဓရ် မဒှ်အတိုၚ်လၟေၚ် ကုတြုံဂမၠိုၚ်ဂှ်ရ၊ ဂလာန်ဓရ် မဒှ်အတိုၚ်လၟေၚ်ဂှ်တုန် ညးဍေံဂှ်ရော?၊ ဂလာန်မစပ်ကဵုဒါနကီု ။ ပ ။ အာစိုပ်ဂံၚ်သကာ (သက်လှက်) ပ္ဍဲသာသနာကျာ်တြဲတုဲဂှ် ဒှ်တုဲ ဟွံမွဲကဵုညးလျုၚ်ပတှ်ေ မသအာၚ်နူကျာ်ဂှ်ဒှ်တုဲ—
“ယွံတဳလမၞုံပိုဉ် (ဓရ်ဂှ်) ထေက်ကဵုသ္ဍိုက်မၠိုက်လောန်ရ ။ ပ ။ ယွံတဳလမၞုံပိုဉ် တဳလမၞုံပိုဉ်ဂှ် သ္ပတမ်နူတ္ၚဲဝွံတုဲ စဵုကဵုလမျီု ပိုဲဍိက်တအ်ညးဂမၠိုၚ်ဂှ် ဥပးပြာပ်ခ သ္ပစ္ၜုဲစ္ၜော်သကအ်ဗ္ဒဂမၠိုၚ်ရ ရဴဝွံ ဩဝ်ဂိုၚ်သမ္တီလဝ်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲအိုတ်ရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ “ယွံဒကာတအ် မၞးတအ်ညးဂမၠိုၚ် ဩဝ်လ္ပအာ နဂၠံၚ်တရဴဝွံအိုတ်ညိ၊ ဩဝ်အာ နဂၠံၚ်တရဴဝွံအိုတ်ညိ” ရဴဝွံ သ္ဂးတုဲ ဗလးထောံတြုံဂမၠိုၚ်ၜါတၠဂှ် နဂၠံၚ်တရဴမွဲသအာၚ်ရ။
ပ္ဍဲအခိၚ်ဂှ် တြုံမွဲတၠဂှ် ပြာပ်အာဇရေၚ် ဒေဝဒတ်တုဲပ္ဍဲကြဴ—
“ယွံတဳလပိုဉ် အဲဍိက် ဂစိုတ်တဳလမၞုံပိုဉ်ကျာ်တြဲဂှ် ဟွံမာန်ရ၊ တဳလမၞုံပိုဉ်ကျာ်တြဲဂှ် ဣဒ္ဓိကြဳဇှ်ဇၞော်ရ၊ အာနုဘဴဇၞော်ရ” ရဴဝွံ ဟီုသ္ဂးကဵုဒေဝဒတ်ရ။
“ယွံဒကာ ဒေါံရ၊ တၠအဲ လ္ပဂစိုတ် ခမဳဂေါတမရ၊ အဲဟေၚ် ဂစိုတ်ခမဳဂေါတမရ” ရဴဝွံ (သ္ဂးရ)။
၇.၂.၄။ ပွမကဵုဆီကျာ်ပ္ဍူအာ[ပလေဝ်ဒါန် | ပလေဝ်ဒါန် တမ်ကၞက်]
၃၄၁။ တဳလမၞုံပိုဉ်ကျာ်တြဲ ပ္ဍဲအခိၚ်မကွာ်ဒၟံၚ်စၚ်္ကြမ် ပ္ဍဲသၞိၚ်ဒဵုဂိဇ္ၛကုဋ်ဂှ် ဒေဝဒတ်တိုန်ဒဵုဂိဇ္ၛကုဋ်တုဲ “နကဵုတၟံကဠောံဝွံ ကြက်ဂစိုတ် ခမဳဂေါတမရ” ရဴဝွံ ပၠူဖျေံ တၟံကဠောံမဇၞော်ရ။
အထောဋ်ဒဵုဂမၠိုၚ်ၜါ ကၠုၚ်တုဲ ဒုၚ်ဂိုၚ်ကေတ် တၟံကဠောံမပၠူဖျေံဂှ်အိုတ်ရ၊ သတှ်ေ (ကွပ်) တၟံ မကလာၚ်တိတ်ကၠုၚ် နူတၟံကဠောံဂှ် ကဵုကတဵုဒှ်ဆီပ္ဍဲဇကု တဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ လ္ၚာ်ရံၚ်လတူတုဲမ္ဂး “ယွံတြုံမလ္ၚုသၟး (နူမဂ်ဖိုလ်) တၠအဲကဵုဇၞော်မောဝ်တဴ ပွမသရာံပါပ် ဗွဲမဂၠိုၚ်ရ၊ တၠအဲ မၞုံကဵုစိုတ်မမိက်ပလီုပလာ် (စိုတ်မဂြိုဟ်စာ) မၞုံစိုတ်မမိက်ဂစိုတ်ဒှ်တုဲ ကဵုကတဵုဒှ်ဆီ ကုအဲကျာ်ရ” ရဴဝွံ သ္ဂးကဵုဒေဝဒတ်ရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ယွံခမဳတအ် ဒေဝဒတ် လ္ၚတ်ဆန်ၜန် အာနန္တရိယကမ်ဝွံ ဗွဲကိုပ်ကၠာတုဲရ၊ နကဵုစိုတ်မမိက်ပလီုပလာ် (စိုတ်မဂြိုဟ်စာ) စိုတ်မမိက်ဂစိုတ်ဂှ် ကဵုကတဵုဒှ်ဆီ ကုအဲကျာ်ရ” ရဴဝွံ သ္ဂးကဵုခမဳဂမၠိုၚ်ရ။
“ဒေဝဒတ် ပတိတ်ဇြဟတ် ပွမဂစိုတ် ကုတဳလမၞုံပိုဉ်ကျာ်တြဲရဂး” ရဴဝွံ ခမဳဂမၠိုၚ် မဂွံမိၚ်ကေတ်ဂှ် နူဌာန်ပွဳပွူပွဳပွူ ဘာတဳလမၞုံပိုဉ်ကျာ်တြဲ မၞုံကဵုဗရုရမျာၚ် မသကာတ်မြဟ်ဇၞော်လှဲဂမၠိုၚ်ဒှ်တုဲ သီုမသ္ပတဴ ပွမဖ္ဍောတ်သှ်ၛာယ်ဂမၠိုၚ်ဂှ် တၞဟ်နဖဵုပွမၚ်မွဲ ပွမဆေဝ်ဒဝ် ပွမဂြောပ်ဗ္ဒန် ကုတဳလမၞုံပိုဉ်ကျာ်တြဲ ကွာ်ဒၟံၚ်စၚ်္ကြမ်အိုတ်ရ။
တဳလမၞုံပိုဉ်ကျာ်တြဲ သ္ဂောံမိၚ်ကေတ် ဗရုရမျာၚ်မသကာတ်မြဟ်ဇၞော်လှဲ ဗရုရမျာၚ်မ ဖ္ဍောတ်သှ်ၛာယ်တုဲ—
“ယွံအာနန္ဒ ဗရုရမျာၚ်မသကာတ်မြဟ်ဇၞော်လှဲ မဖ္ဍောတ်သှ်ၛာယ်ဂှ် မုဗရုရမျာၚ်မွဲရော?” ရဴဝွံ သၟာန်တဳလပိုဉ်အာနန္ဒရ။
“ယွံတဳလမၞုံပိုဉ် ဒေဝဒတ် ပတိတ်ဇြဟတ် ပွမဂစိုတ် ကုတဳလမၞုံပိုဉ်ကျာ်တြဲရဂး” ရဴဝွံခမဳဂမၠိုၚ် ဂွံမိၚ်ကေတ်အိုတ်ရ၊ ယွံကျာ်မၞုံပိုဉ် ခမဳဂမၠိုၚ်ဂှ် နူဌာန်ပွဳပွူပွဳပွူ ဘာတဳလမၞုံပိုဉ်ကျာ်တြဲ မၞုံကဵုဗရုရမျာၚ် မသကာတ်မြဟ်ဇၞော်လှဲဂမၠိုၚ်ဒှ်တုဲ သီုမသ္ပတဴ ပွမဖ္ဍောတ်သှ်ၛာယ်ဂမၠိုၚ်ဂှ် တၞဟ်နဖဵုပွမၚ်မွဲ ပွမဆေဝ်ဒဝ် ပွမဂြောပ်ဗ္ဒန် ကုတဳလမၞုံပိုဉ်ကျာ်တြဲ ကွာ်ဒၟံၚ်စၚ်္ကြမ်အိုတ်ရ။
ယွံတဳလမၞုံပိုဉ် ဗရုရမျာၚ် မသကာတ်မြဟ်ဇၞော်လှဲ မဖ္ဍောတ်သှ်ၛာယ်ဂှ်တုန် ဒှ်ဗရုရမျာၚ်ဂမၠိုၚ်ဝွံရ ရဴဝွံ ဂရၚ်ပတီရ။
ယွံအာနန္ဒ ဒှ်သာ်ဂှ်မ္ဂး နကဵုဂလာန်အဲ “ကျာ်တြဲ ကော်ဒၟံၚ်တဳလပိုဉ်တအ်ရ” ရဴဝွံဩဝ်အာကော် ခမဳဂမၠိုၚ်ဂှ်ညိ ရဴဝွံ သ္ဂးတဴရ။ “ယွံကျာ်မၞုံပိုဉ် ခိုဟ်ရ” ရဴဝွံ တဳလပိုဉ်အာနန္ဒဒုၚ်ဝန် ကုတဳလမၞုံပိုဉ်ကျာ်တြဲတုဲမ္ဂး ပြာပ်အာဇရေၚ် ခမဳဂမၠိုၚ်ဂှ်တုဲ “ကျာ်တြဲ ကော်ဒၟံၚ်တဳလပိုဉ်တအ်ရ” ရဴဝွံ ဟီုသ္ဂးကဵုခမဳဂမၠိုၚ်ဂှ်ရ။ “ယွံကောန်တၠ ခိုဟ်ရ” ရဴဝွံ ဒုၚ်ဝန် ကုတဳလပိုဉ်အာနန္ဒတုဲ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တုဲ ခမဳဂမၠိုၚ် မဂဇအ်ဒၟံၚ်ပ္ဍဲဒၞာဲမဗဗွဲဂှ် တဳလမၞုံပိုဉ်ကျာ်တြဲ သ္ဂးတိုန်ဂလာန်ဝွံရ—
ယွံခမဳတအ် နကဵုလွဳပရာညးသအာၚ် ဟိုတ်အရာမဂစိုတ် ကျာ်တြဲမာန်ဂှ် အခေါၚ်ဟွံမွဲရ။
ယွံခမဳတအ် ကျာ်တြဲဂမၠိုၚ် သီု (ညးသအာၚ်ဂမၠိုၚ်) ဟွံဒးသ္ပလွဳပရာ သ္ပပရိနိဗ္ဗာန်အိုတ်ရ။
ယွံခမဳတအ် အ္စာဂမၠိုၚ်မသုန်တၠဝွံ နွံပြာကဋ် ပ္ဍဲလောကအိုတ်ရ။ မသုန်တၠဂမၠိုၚ်တုန် ညးဍေံဂှ်ရော?၊ ယွံခမဳတအ် ပ္ဍဲလောကဝွံ အ္စာလ္ၚဵုဂှ် သီုဟွံမွဲကဵု သဳလမသအးဇ္ၚးဂှ် “မၞုံကဵုသဳလ သအးဇ္ၚးရ၊ သဳလအဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ” ရဴဝွံ ဒုၚ်ဝန်ရ။ အ္စာဂှ် ကွး (ညးတေံ) ဂမၠိုၚ် “တြနာဲအ္စာဝွံ သီုဟွံမွဲကဵု သဳလမသအးဇ္ၚးဂှ် ‘မၞုံကဵုသဳလ မသအးဇ္ၚးရ၊ သဳလအဲသအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ’ ရဴဝွံ ဒုၚ်ဝန်ရ၊ ပိုယ်ညးဂမၠိုၚ် ဟီုလဴဗ္စဟိုတ်ပရူပရာဂှ် ကုမၞိဟ်ဂမၠိုၚ်အိုတ်မ္ဂး အ္စာဂှ် ဟွံသ္ဍိုက်မၠိုက်ရ၊ နကဵုဂလာန် မဟွံသ္ဍိုက်မၠိုက်ဂှ်ပိုယ်ညးဂမၠိုၚ် မုဟိုတ်ဂွံဟီုသ္ဂးကဵု အ္စာဂှ်အိုတ်ရော? ထံၚ်ပၚ်လဝ် နကဵုသ္ၚာ ပိဏ္ဍပါတ် ဘာဂဥုဲ မဒှ်ကြိယာဗာပၟၚ်ပၟဲလမျီုမစှေ်စး ကဵုယဲဂမၠိုၚ်ရ၊ ယြဴကမၠောန်မွဲ အ္စာဂှ် သ္ပရ၊ နကဵုကမၠောန်ဂှ်ဟေၚ် အ္စာဂှ် ကြက်ပြာကဋ်ကၠုၚ်ရ” ရဴဝွံ တီကေတ်အိုတ်ရ။ ယွံခမဳတအ် အ္စာဂမၠိုၚ်မၞုံသဘဴ ရဴဝွံ ညးမဒှ်ကွးဂမၠိုၚ် မၚ်မွဲစဵုဒၞါကဵု နူသဳလအိုတ်ရ၊ အ္စာမၞုံသဘဴရဴဝွံဂှ်လေဝ် ရာဒနာမိက်နွံပၟိက် နူဇရေၚ်ကွးဂမၠိုၚ် ပွမမၚ်မွဲစဵုဒၞါကဵု နူသဳလရ။
ယွံခမဳတအ် မွဲဂကူပၠန်တုန်— ပ္ဍဲလောကဝွံ အ္စာလ္ၚဵုဂှ် သီုဟွံမွဲကဵု ပွမဂယိုၚ်လမျီုမသအးဇ္ၚးဂှ် ။ ပ ။ သီုမၞုံကဵုပွမတွံဓရ် ဟွံသအးဇ္ၚးဂှ် ။ ပ ။ သီုမၞုံကဵုပွမဟီုသှ် ဟွံသအးဇ္ၚးဂှ် ။ ပ ။ သီုမၞုံကဵုလညာတ်ညာဏ် ဟွံသအးဇ္ၚးဂှ် “မၞုံကဵုလညာတ်ဉာဏ် မသအးဇ္ၚးရ၊ လညာတ်ညာဏ်အဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ” ရဴဝွံ ဒုၚ်ဝန်ရ၊ အ္စာဂှ် ကွး (ညးတေံ) ဂမၠိုၚ် “တြနာဲအ္စာဝွံ သီုမၞုံကဵုညးလညာတ်ဉာဏ်ဟွံသအးဇ္ၚးဂှ် “မၞုံကဵုလညာတ်ညာဏ် မသအးဇ္ၚးရ၊ လညာတ်ညာဏ်အဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံကၠိခ္ဍက်ရ” ရဴဝွံ ဒုၚ်ဝန်ရ။ ပိုယ်ညးဂမၠိုၚ်ဟီုလဴဗ္စ ဟိုတ်ပရူပရာဂှ် ကုမၞိဟ်ဂမၠိုၚ်အိုတ်မ္ဂး အ္စာဂှ် ဟွံသ္ဍိုက်မၠိုက်ရ၊ နကဵုဂလာန် မဟွံသ္ဍိုက်မၠိုက်ဂှ် ပိုယ်ညးဂမၠိုၚ် မုဟိုတ် ဂွံဟီုသ္ဂးကဵု အ္စာဂှ်အိုတ်ရော?၊ ထံၚ်ပၚ်လဝ် နကဵုသ္ၚာပိဏ္ဍပါတ် ဘာ ဂဥုဲ မဒှ်ကြိယာဗာပၟၚ်ပၟဲလမျီုမစှေ်စး ကဵုယဲဂမၠိုၚ်ရ၊ ယြဴကမၠောန်မွဲ အ္စာဂှ်သ္ပရ၊ နကဵုကမၠောန်ဂှ်ဟေၚ် အ္စာဂှ် ကြက်ပြာကဋ်ကၠုၚ်ရ” ရဴဝွံ တီကေတ်အိုတ်ရ။ ယွံခမဳတအ်အ္စာဂမၠိုၚ်မၞုံသဘဴရဴဝွံ ညးမဒှ်ကွးဂမၠိုၚ် မၚ်မွဲစဵုဒၞာကဵု နူလညာတ်ညာဏ်အိုတ်ရ၊ အ္စာမၞုံသဘဴရဴဝွံဂှ်လေဝ် ရာဒနာမိက်နွံပၟိက် နူဇရေၚ်ကွးဂမၠိုၚ် ပွမမၚ်မွဲစဵုဒၞာကဵု နူလညာတ်ဉာဏ်ရ။ယွံခမဳတအ် အ္စာဂမၠိုၚ်မသုန်တၠဝွံ နွံပြာကဋ် ပ္ဍဲလောကအိုတ်ရ။
ယွံခမဳတအ် အဲတုန် ဟိုတ်မၞုံကဵုသဳလသအးဇ္ၚးဂှ်ရ “မၞုံကဵုသဳလမသအးဇ္ၚးရ၊ သဳလအဲသအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံမွဲကဵုပွမကၠိခ္ဍက်ရ” ရဴဝွံ ဒုၚ်ဝန်ရ၊ ကွးဂမၠိုၚ်လေဝ် ဟွံမၚ်မွဲ ဟွံစဵုဒၞါအဲနူသဳလအိုတ်ရ၊ အဲလေဝ် ဟွံရာဒနာမိက် ဟွံနွံပၟိက် နူဇရေၚ်ကွးဂမၠိုၚ် ပွမမၚ်မွဲစဵုဒၞါ နူသဳလရ။
ယွံခမဳတအ် အဲတုန် ဟိုတ်မၞုံကဵုပွမဂယိုၚ်လမျီု သအးဇ္ၚးဂှ်ရ ။ ပ ။ ဟိုတ်မၞုံကဵု ပွမတွံဓရ်သအးဇ္ၚးဂှ်ရ ။ ပ ။ ဟိုတ်မၞုံကဵုပွမဟီုသှ် သအးဇ္ၚးဂှ်ရ ။ ပ ။ ဟိုတ်မၞုံကဵုလညာတ်ဉာဏ် သအးဇ္ၚးဂှ်ရ “မၞုံကဵုလညာတ်ညာဏ် သအးဇ္ၚးရ၊ လညာတ်ညာဏ်အဲ သအးဇ္ၚးရ၊ ဗုဒ္စၚ်ဗ္ၜၚ်ရ၊ ဟွံမွဲကဵုပွမကၠိခ္ဍက်ရ” ရဴဝွံ ဒုၚ်ဝန်ရ၊ ကွးဂမၠိုၚ်လေဝ် ဟွံမၚ်မွဲ ဟွံစဵုဒၞါအဲ နူလညာတ်ဉာဏ်ရ၊ အဲလေဝ် ဟွံရာဒနာမိက် ဟွံနွံပၟိက် နူဇရေၚ်ကွးဂမၠိုၚ် ပွမမၚ်မွဲစဵုဒၞါ နူလညာတ်ညာဏ်ရ။
ယွံခမဳတအ် နကဵုလွဳပရာညးသအာၚ် ဟိုတ်အရာမဂစိုတ် ကျာ်တြဲမာန်ဂှ် အခေါၚ်ဟွံမွဲရ။ ယွံခမဳတအ် ကျာ်တြဲဂမၠိုၚ် သီု(ညးသအာၚ်ဂမၠိုၚ်) ဟွံဒးသ္ပလွဳပရာ သ္ပပရိနိဗ္ဗာန်အိုတ်ရ။ ယွံခမဳတအ် မၞးတအ်ညးဂမၠိုၚ် သြဝ်က္ညအာဘာ မတန်ဒၟံၚ်လၟိုန်ဒမၠိအိုတ်ညိ၊ ယွံခမဳတအ်ဟဂပ်ဝ်မၚ်မွဲ ကျာ်တြဲဂမၠိုၚ်အိုတ်ရ ရဴဝွံ (သ္ဂးရ)။
၇.၂.၅။ ကဵုဗလးစိင်နာဠာဂိရိ[ပလေဝ်ဒါန် | ပလေဝ်ဒါန် တမ်ကၞက်]
၃၄၂။ ပ္ဍဲအခိၚ်ဂှ် ပ္ဍဲဍုၚ်ရာဇဂြိုဟ် စိၚ်မၞုံယၟုနာဠာဂိရိ ကြမ်ကြသအဵုသအာ်ရ၊ လေပ်ဂစိုတ်မၞိဟ်ရ၊ ဒေဝဒတ် လုပ်အာဍုၚ်ရာဇဂြိုဟ်တုဲ အာရုၚ်စိၚ်တုဲမ္ဂး−
“ယွံမၞးတအ် ပိုဲညးဂမၠိုၚ်တုန် ညးဍုက်ကေဝ်ဒဒှ်ေဒယှ်ကဵုသၟိၚ်ဂမၠိုၚ်ရ၊ ညးကဆံၚ်ဂုဏ်သဝ်ဂှ် သွက်ဂွံကဵုကဆံၚ်သၠုၚ်တိုန်ကီု သွက်ဂွံကဵုဇွောံမစရိတ်ဂိတုဂၠိုၚ်တိုန်ကီု သၟဟ်စောံအိုတ်ရ၊ ယွံမၞးတအ် ဟိုတ်ဂှ်ရ ခမဳဂေါတမ အခိၚ်မက္ညကၠုၚ် ဂၠံၚ်တရဴဝွံ သှ်ကၠေံစိၚ်နာဠာဂိရိဝွံတုဲ ဩဝ်ဗလးဏာ ဂၠံၚ်တရဴဝွံအိုတ်ညိ” ရဴဝွံ ဟီုသ္ဂးကဵုဂမာစိၚ်ဂမၠိုၚ်ရ။
“ယွံတဳလပိုဉ် ခိုဟ်ရ” ရဴဝွံ ဂမာစိၚ်ဂမၠိုၚ်ဂှ် ဒုၚ်ဝန် ဒေဝဒတ်အိုတ်ရ။
ပ္ဍဲအခိၚ်ဂှ် တဳလမၞုံကဵုပိုဉ်ကျာ်တြဲ ပ္ဍဲအခိၚ်နူဂယး ဗိုက်ပဠေဝ်ပဠေတ်သ္ၚာတုဲ သီုမထ္ၜဂိုၚ်ရပ်ကေတ်ဗဗေၚ်သ္ၚာဂှ် က္ညလုပ်အာဂ္ၚေၚ်ပိဏ္ဍပါတ် အပ္ဍဲဍုၚ်ရာဇဂြိုဟ် မွဲဟာန်ကေုာံခမဳဂမၠိုၚ်မဂၠိုၚ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ က္ညအာဂၠံၚ်တရဴဂှ်ရ။ ဂမာစိၚ်ဂမၠိုၚ်ဂှ် ညာတ်ဒးတဳလမၞုံပိုဉ်ကျာ်တြဲ မက္ညကၠုၚ်နဂၠံၚ်တရဴဂှ်တုဲ သှ်ဗလးကၠေံစိၚ်နာဠာဂိရိတုဲ သကဵုအာဂၠံၚ်တရဴဂှ်အိုတ်ရ။ စိၚ်နာဠာဂိရိ ညာတ်ဒး တဳလမၞုံပိုဉ်ကျာ်တြဲ မက္ညကၠုၚ်ဒၟံၚ် နူဇမ္ၚောဲတုဲ ယာပတိုန်လပှ်တုဲမ္ဂး သီုမပကာပၠးပကိုၚ်လဝ် သၠကတောဝ်ကေုာံဗ္တဂှ် ဂြိပ်တူရူကၠုၚ်ကဵု တဳလမၞုံပိုဉ်ကျာ်တြဲရ။
ခမဳဂမၠိုၚ် ညာတ်ဒး စိၚ်နာဠာဂိရိ မကၠုၚ်နူဇမ္ၚောဲတုဲ—
“ယွံတဳလမၞုံပိုဉ် စိၚ်နာဠာဂိရိဝွံ ကြမ်ကြသအဵုသအာ်ရ၊ လေပ်ဂစိုတ်မၞိဟ်ရ၊ ကၠုၚ်ဒၟံၚ်ဂၠံၚ်တရဴဝွံရ၊ ယွံတဳလမၞုံပိုဉ် တဳလမၞုံပိုဉ်ကျာ်တြဲ မပတၠပိုဉ်တြဴပြကာ သြဝ်ပါဲအာညိ၊ တဳလမၞုံပိုဉ်ကျာ်တြဲ မက္ညကၠုၚ်ခိုဟ်ဆာဲ သြဝ်ပါဲအာညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဩဝ်ကၠုၚ်အိုတ်ညိ၊ လ္ပဖေက်အိုတ်ညိ။ ယွံခမဳတအ် နကဵုလွဳပရာညးသအာၚ် ဟိုတ်အရာမဂစိုတ် ကျာ်တြဲမာန်ဂှ် အခေါၚ်ဟွံမွဲရ။ ယွံခမဳတအ် ကျာ်တြဲဂမၠိုၚ် သီု (ညးသအာၚ်ဂမၠိုၚ်) ဟွံဒးသ္ပလွဳပရာ သ္ပပရိနိဗ္ဗာန်အိုတ်ရ ရဴဝွံ (သ္ဂးရ)။
ခမဳဂမၠိုၚ်ဂှ် မရနုက်ကဵုၜါဝါလေဝ် ။ ပ ။ ခမဳဂမၠိုၚ် မရနုက်ကဵုပိဝါလေဝ် “ယွံတဳလမၞုံပိုဉ် စိၚ်နာဠာဂိရိဝွံ ကြမ်ကြသအဵုသအာ်ရ၊ လေပ်ဂစိုတ်မၞိဟ်ရ၊ ကၠုၚ်ဒၟံၚ်ဂၠံၚ်တရဴဝွံရ၊ ယွံတဳလမၞုံပိုဉ် တဳလမၞုံပိုဉ်ကျာ်တြဲ မပတၠပိုဉ်တြဴပြကာ သြဝ်ပါဲအာညိ၊ တဳလမၞုံပိုဉ်ကျာ်တြဲ မက္ညကၠုၚ်ခိုဟ်ဆာဲ သြဝ်ပါဲအာညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဩဝ်ကၠုၚ်အိုတ်ညိ၊ လ္ပဖေက်အိုတ်ညိ။ ယွံခမဳတအ် နကဵုလွဳပရာညးသအာၚ် ဟိုတ်အရာမဂစိုတ် ကျာ်တြဲမာန်ဂှ် အခေါၚ်ဟွံမွဲရ။ ယွံခမဳတအ် ကျာ်တြဲဂမၠိုၚ် သီု (ညးသအာၚ်ဂမၠိုၚ်) ဟွံဒးသ္ပလွဳပရာ သ္ပပရိနိဗ္ဗာန်အိုတ်ရ ရဴဝွံ (သ္ဂးရ)။
ပ္ဍဲအခိၚ်ဂှ် မၞိဟ်ဂမၠိုၚ် တိုန်ပ္ဍဲပြာသာဒ်ဇမၠိၚ်ဂမၠိုၚ်ကီု ပ္ဍဲပြာသာဒ်ခၠုပ်ဂမၠိုၚ်ကီု ပ္ဍဲကၟဳသ္ၚိဂမၠိုၚ်ကီုတုဲ ပဒတဴဒၟံၚ်အိုတ်ရ။
ပၞောဝ်မၞိဟ်ဂမၠိုၚ်ဂှ် မၞိဟ်ဟွံမွဲကဵုပွမပတှ်ေ ပွမလျုၚ်ဇြုၚ်သ္ဍိုက် ဟွံမွဲကဵုဉာဏ်ဂမၠိုၚ် “ယွံသကအ်တအ် ခမဳဇၞော်ဂှ် ရုပ်သာ်ကျေဝ်ဂေါဝ်လောန်ရ၊ စိၚ် ကြက်ဂပ်ဝ်ပြိုက်ပျဲရ” ရဴဝွံ ဟီုသ္ဂးအိုတ်ရ။
ၜိုန်ဂှ် မၞိဟ်မၞုံကဵုပွမပတှ်ေ ပွမလျုၚ်ဇြုၚ်သ္ဍိုက် မၞုံကဵုပညာ မၞုံကဵုဉာဏ်ဂမၠိုၚ်တုန် “ယွံသကအ်တအ် စိၚ် (နာဠာဂိရိ) ဂှ် ခြာဟွံလအ် ကြက်ထ္ပက်ပၞာန် ကေုာံစိၚ် (မတွံဂးကျာ်တြဲ) ရသွံ” ရဴဝွံ ဟီုသ္ဂးအိုတ်ရ။
ပ္ဍဲအခိၚ်ဂှ် တဳလမၞုံကဵုပိုဉ်ကျာ်တြဲ ဓလီုလဝ် စိၚ်နာဠာဂိရိ နကဵုမေတ္တာစိုတ်ရ၊ ပ္ဍဲအခိၚ်ဂှ်စိၚ်နာဠာဂိရိဂှ် ဟိုတ်မဒွံဒး ကေုာံမေတ္တာစိုတ် တဳလမၞုံကဵုပိုဉ်ကျာ်တြဲဂှ်ရ ဖျေံကၠေံ လပှ်တုဲပြာပ်အာဇရေၚ် တဳလမၞုံကဵုပိုဉ်ကျာ်တြဲတုဲမ္ဂး ဒတူဒၟံၚ် ပ္ဍဲဂတတဳလမၞုံကဵုပိုဉ်ကျာ်တြဲရ။ ပ္ဍဲအခိၚ်ဂှ်တဳလမၞုံကဵုပိုဉ်ကျာ်တြဲ ဇွိတ်သပေါတ် ကၟံၚ်ကွိုတ်စိၚ်နာဠာဂိရိ နကဵုတဲပုၚ်တုဲ ဖ္ဍောတ်ကဵုစိၚ် နာဠာဂိရိ နဂါထာဂမၠိုၚ်ဝွံရ။
“ယွံစိၚ်နာဠာဂိရိ လ္ပပြာပ်ကာတ်ကၠုၚ် ဇရေၚ်စိၚ်မတွံဂးကျာ်ညိ၊ ယွံစိၚ်နာဠာဂိရိ ပွမပြာပ်ကာတ်ကၠုၚ် ဇရေၚ်စိၚ်မတွံဂးကျာ်ဂှ် ဒှ်ဒဒိုခ်ဟေၚ်ရ၊ ယွံစိၚ်နာဠာဂိရ ကုညးဂစိုတ်စိၚ်မတွံဂးကျာ်ဂှ် နူဘဝဝွံ အာဘဝကြဴမ္ဂး ဂတိခိုဟ် ဒှ်ဟွံမာန်ရ၊ လ္ပဗ္ၜူမာန်ညိ၊ လ္ပဟိုတ်မာဲညိ၊ ညးဟိုတ်မာဲဂမၠိုၚ်ဂှ် အာစိုပ်ဂတိခိုဟ် ဟွံမာန်အိုတ်ရ၊ ဗွဲမဗဗွဲကဵုအကာဲအရာ မအာစိုပ်ဂတိခိုဟ်မာန်ဂှ် တၠအဲဟေၚ် ဒးသ္ပရ” ရဴဝွံ (သ္ဂးရ)။
ပ္ဍဲအခိၚ်ဂှ် စိၚ်နာဠာဂိရိ ဂိုၚ်ကေတ် ခၞိက်ဇိုၚ်တဳလမၞုံပိုဉ်ကျာ်တြဲဂမၠိုၚ် နကဵုလပှ်တုဲ ကြုဲစုတ် ပ္ဍဲလတူက္ဍိုပ်တုဲမ္ဂး စဵုကဵုစိုပ်ဌာန် မဂွံညာတ်ကေတ်ကျာ် ထံၚ်ကလဵုကျဝ် ဖျဝ်က္ၜံၚ်ၜါ ဆုတ်အာရ။ ကြဴနူဂှ် စိၚ်နာဠာဂိရိဂှ် အာရုၚ်စိၚ်တုဲ ဒတူဒၟံၚ်ပ္ဍဲဒၞာဲဇကုရ၊ နအကာဲအရာဂှ် စိၚ်နာဠာဂိရိ ယေန်သၞာၚ်အာရ။ ပ္ဍဲအခိၚ်ဂှ် မၞိဟ်ဂမၠိုၚ် “ညးလ္ၚဵုဂမၠိုၚ်ဂှ် ဒၠောံဗတောန်တဴ နကဵုလေံဗၞုဟ်ကီု နကဵုဇၜံက်ဂမၠိုၚ်ကီု နကဵုလေံကလး လေံၜဝ်ဂမၠိုၚ်ကီုအိုတ်ရ ကျာ်တြဲဂှ် သီုဗၞုဟ်ဟွံပါသီုလွဟ်လနက်ဟွံပါ ဒၠောံဗတောန်ဏာ စိၚ်နာဠာဂိရိရ” ရဴဝွံ ဖ္ဍောတ်ဂယှေ် နကဵုဂါထာအိုတ်ရ။
“ဒေဝဒတ်ဝွံ ယုတ်မာလောန်ရ၊ ဒှ်ညးဟွံမွဲကျာ်သြဳလောန်ရ၊ ပတိတ်ဇြဟတ် သွက်ဂွံဂစိုတ် ခမဳဂေါတမ ဣဒ္ဓိကြဳဇှ်အာနုဘဴမဇၞော်ရဴဝွံရသွံ” ရဴဝွံ မၞိဟ်ဂမၠိုၚ် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
လာဘ်သက္ကာ ဟုတ်ယုတ်အာ ကုဒေဝဒတ်တုဲ လာဘ်သက္ကာ တဴတက်ကၠုၚ် ကုတဳလမၞုံပိုဥ်ကျာ်တြဲရ။
၇.၂.၆။ အာတ်ဝတ်မသုန်သာ်[ပလေဝ်ဒါန် | ပလေဝ်ဒါန် တမ်ကၞက်]
၃၄၃။ ပ္ဍဲအခိၚ်ဂှ် ဒေဝဒတ် ဟိုတ်နူလာဘ်သက္ကာ ဟုတ်ယုတ်အာဂှ်ရ မွဲဟာန်ကေုာံပရိသာတ်အာတ်တုဲ အာတ်တဴပ္ဍဲသ္ၚိဒကာဂမၠိုၚ်တုဲ ဒးစရ။
မၞိဟ်ဂမၠိုၚ် “ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သာကျဝၚ် အာတ်တုဲ အာတ်တဴ ပ္ဍဲသ္ၚိဒကာဂမၠိုၚ်တုဲ မုဟိုတ် စအိုတ်ရော? မုရဴညးမွဲ ဟွံဒးစိုတ် ရှ်သာခိုဟ်ခိုဟ်နွံရော? မုရဴညးမွဲ ဟွံသ္ဍိုက်မၠိုက်ဒးဂၞပ် ရှ်သာဍာတ်ကြိုအ် နွံရော?” ရဴဝွံ ဟီုဂရိုဟ်အိုတ်ရ။ ခမဳဂမၠိုၚ် သ္ဂောံမိၚ်ကေတ်ဂလာန်မၞိဟ်ဂမၠိုၚ်ဂှ် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်အိုတ်ဟေၚ်ရ။ ခမဳပၟိက်အောန်ဂမၠိုၚ်ဂှ် “မုဟိုတ် ဒေဝဒတ် မွဲဟာန်ကေုာံပရိသာတ် အာတ်တုဲ အာတ်တဴပ္ဍဲသ္ၚိဒကာဂမၠိုၚ်တုဲ စရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ ယွံဒေဝဒတ် တၠအဲမွဲဟာန်ကေုာံပရိသာတ် အာတ်တုဲ အာတ်တဴ ပ္ဍဲသ္ၚိဒကာဂမၠိုၚ်တုဲ စရ ဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီရ) ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး—
“ယွံခမဳတအ် ဒှ်သာ်ဂှ်ရ ညးမၞုံပၟိက်မယုတ်မာဂမၠိုၚ် နိဿယ်ဗ္ဒာဲကဵုဗော်သွးတုဲ လ္ပကဵုပါ်ဒကးသၚ်အိုတ်ညိ” ရဴဝွံ သွက်ဂွံလၞိန်ဗပိန် ခမဳမဟွံမွဲကဵုသဳလဂမၠိုၚ်ကီု တၞဟ်နဂွံပဒတဴဗွဲတသိုခ် ကုခမဳမသ္ဍိုက်ဆာန်သဳလဂမၠိုၚ်ကီု တၞဟ်နယိုက်ဒိုက် ဒကာဂမၠိုၚ်ကီု သ္ပဟိုတ်ကဵုဖဵုတၟေၚ်ဂမၠိုၚ်ပိဂကူတုဲ ကြက်ပညပ်တဴ ဘောဇိုန်ခမဳပိဇကု မဂပ်ဝ်ဒုၚ်ဂိုၚ်ကေတ်မွဲဂကောံဓဝ် ပ္ဍဲသ္ၚိဒကာဂမၠိုၚ် ကုခမဳဂမၠိုၚ်ရ၊ ယွံခမဳတအ် ဘောဇိုန်ခမဳပန်ဇကု မဂပ်ဝ်ဒုၚ်ဂိုၚ်ကေတ် မွဲဂကောံဓဝ်ဂှ် ဒးသ္ဂုတ်သွတ် အတိုၚ်ဓရ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ဒေဝဒတ် ပြာပ်အာဇရေၚ် ကောကာလိက ကဋမောဒကတိဿက ကောန်ဂၞကျာ်ခဏ္ဍာ သမုဒ္ဒဒတ္တဂမၠိုၚ်တုဲ “ယွံကောန်တၠတအ် ဩဝ်ကၠုၚ်အိုတ်ညိ၊ ပိုဲညးဂမၠိုၚ် ကြက်သ္ပပွမပါ်ဒကးသၚ် ပွမပလီုပလာ်အာဏာစက် ခမဳဂေါတမအိုတ်ရ” ရဴဝွံ ဟီုသ္ဂးကဵု ကောကာလိကကီု ကဋမောဒကတိဿက ကောန်ဂၞကျာ်ခဏ္ဍာကီု သမုဒ္ဒဒတ္တကီုရ၊ ဟီုသ္ဂးရဴဝွံမ္ဂး ကောကာလိကဂှ် “ယွံကောန်တၠ ခမဳဂေါတမတုန် မၞုံကဵုကြဳဇှ်ဇၞော်ရ၊ မၞုံကဵုအာနုဘဴဇၞော်ရ၊ ပိုဲညးဂမၠိုၚ် ပသာ်သ္ဂောံသ္ပ ပွမပါ်ဒကးသၚ် ပွမလီုပလာ်အာဏာစက် ခမဳဂေါတမအိုတ်ရော? ရဴဝွံ ဟီုသ္ဂးကဵုဒေဝဒတ်ရ။
ယွံကောန်တၠတအ် ဩဝ်ကၠုၚ်အိုတ်ညိ၊ ပိုဲညးဂမၠိုၚ် ပြာပ်အာဇရေၚ် ခမဳဂေါတမတုဲ “ယွံတဳလမၞုံပိုဉ် တဳလမၞုံပိုဉ်ကျာ်တြဲဂှ် နဟိုတ်မဂၠိုၚ်ဂၠၚ် မၞုံအလေံဟီုသ္ဂးတဴဂုဏ် ပွမပၟိက်အောန် ပွမအေၚ်သတှ်ေ (တရိုပ်စိုတ်) ပွမတှ်ေတြဳထောံကိလေသ ပွမခါလယှ်ထောံကိလေသ ပွမရၚ်တၠုၚ်ကဵုလျုၚ်ဇြုၚ်သ္ဍိုက် ပွမဟွံဆန်ၜန်ကိလေသ ပွမပတိတ်ဇြဟတ် နဝဳရိယရ၊ ယွံတဳလမၞုံပိုဉ် ဝတ္ထုဂမၠိုၚ်မသုန်သာ်ဝွံ နဟိုတ်မဂၠိုၚ်ဂၠၚ် ဒှ်တဴ တၞဟ်နပွမပၟိက်အောန် တၞဟ်နပွမအေၚ်သတှ်ေ (တရိုပ်စိုတ်) တၞဟ်နပွမတှ်ေတြဳထောံကိလေသ တၞဟ်နပွမခါလယှ်ထောံကိလေသ တၞဟ်နပွမရေၚ်တၠုၚ်ကဵုလျုၚ်ဇြုၚ်သ္ဍိုက် တၞဟ်နပွမဟွံဆန်ၜန်ကိလေသ တၞဟ်နပွမတိတ်ဇြဟတ် နဝဳရိယအိုတ်ရ၊ အာတ်ပါန်အခေါၚ်ရ ယွံကျာ်မၞုံပိုဉ်။
(၁) ခမဳဂမၠိုၚ် စဵုကဵုလအိတ်လမျီု ကဵုဒှ်ညးပဒတဴဘာဂြိုပ်အိုတ်ညိ၊ ယြဴခမဳမွဲ တၞီလုပ်ဘာဇရေၚ်ကွာန်မ္ဂး ကုခမဳဂှ် ကဵုအာစိုပ်ဒုဟ်ညိ။
(၂) စဵုကဵုလအိတ်လမျီု ကဵုဒှ်ညးပကၚ်ရၚ် ဓုတၚ်ပိဏ္ဍပါတ်အိုတ်ညိ၊ ယြဴခမဳမွဲ ဒုၚ်တဲ (ပွမကဵုပိုဉ် ပိဏ္ဍပါတ်နိမန်ကဵုဒါန်) မ္ဂး ကုခမဳဂှ် ကဵုအာစိုပ်ဒုဟ်ညိ။
(၃) စဵုကဵုလအိတ်လမျီု ကဵုဒှ်ညးပကၚ်ရၚ် ဓုတၚ်ပံသုကူအိုတ်ညိ၊ ယြဴခမဳမွဲ ဒုၚ်တဲသ္ၚာဒကာဂမၠိုၚ် ကဵုဒါန်မ္ဂး၊ ကုခမဳဂှ် ကဵုအာစိုပ်ဒုဟ်ညိ။
(၄) စဵုကဵုလအိတ်လမျီု ကဵုဒှ်ညးပကၚ်ရၚ် ဓုတၚ်ရုက္ခမူအိုတ်ညိ၊ ယြဴခမဳမွဲ ပြာပ်အာဘာမၞုံကဵုစၟဳမ္ဂး ကုခမဳဂှ် ကဵုအာစိုပ်ဒုဟ်ညိ။
(၅) စဵုကဵုလအိတ်လမျီု လ္ပကဵုစဖျုန်ကအိုတ်ညိ၊ ယြဴခမဳမွဲ စဖျုန်ကမ္ဂး ကုခမဳဂှ် ကဵုအာစိုပ်ဒုဟ်ညိ” ရဴဝွံ အာတ်တဴ ဝတ္ထုဂမၠိုၚ်မသုန်သာ်ဝွံအိုတ်မ္ဂး၊ ဝတ္ထုဂမၠိုၚ်မသုန်သာ်ဝွံ ခမဳဂေါတမ ကြက်ဟွံကဵုအခေါၚ်ရ၊ ပိုဲညးဂမၠိုၚ် နကဵုဝတ္ထုဂမၠိုၚ်မသုန်သာ်ဝွံ ကြက်ကဵုဂကောံ မၞိဟ်တီကေတ်အိုတ်ရ။ ယွံကောန်တၠတအ် နဝတ္ထုဂမၠိုၚ်မသုန်သာ်ဝွံ တၞဟ်နသ္ပပွမပါ်ဒကးသၚ် ပွမပလီုပလာ် အာဏာစက် ခမဳဂေါတမ သၟဟ်ရထဟေၚ်ရ၊ ယွံကောန်တၠတအ် မၞိဟ်ဂမၠိုၚ်လျုၚ်ဇြုၚ်သ္ဍိုက် ပွမအေၚ်သတှ်ေတွဵုအိုတ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ဒေဝဒတ် မွဲဟာန်ကေုာံပရိသာတ် ပြာပ်အာဇရေၚ် တဳလမၞုံပိုဉ်ကျာ်တြဲတုဲလ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး ဂဇအ်ကေတ်ပ္ဍဲဒၞာဲမွဲတုဲ—
ယွံတဳလမၞုံပိုဉ် တဳလမၞုံပိုဉ်ကျာ်တြဲဂှ် နဟိုတ်မဂၠိုၚ်ဂၠၚ် မၞုံအလေံဟီုသ္ဂးတဴဂုဏ် ပွမပၟိက်အောန် ။ ပ ။ ပွမပတိတ်ဇြဟတ် နဝဳရိယရ၊ ယွံတဳလမၞုံပိုဉ် ဝတ္ထုဂမၠိုၚ် မသုန်သာ်ဝွံ နဟိုတ်မဂၠိုၚ်ဂၠၚ် ဒှ်တဴ တၞဟ်နပွမပၟိက်အောန် ။ ပ ။ တၞဟ်နပွမပတိတ်ဇြဟတ် နဝဳရိယအိုတ်ရ၊ အာတ်ပါန်အခေါၚ်ရ ယွံကျာ်မၞုံပိုဉ် ခမဳဂမၠိုၚ် စဵုကဵုလအိတ်လမျီု ကဵုဒှ်ညးပဒတဴ ဘာဂြိုပ်အိုတ်ညိ၊ ယြဴခမဳမွဲ တၞီလုပ်ကွာန်မ္ဂး၊ ကုခမဳဂှ် ကဵုအာစိုပ်ဒဟ်ညိ ။ ပ ။ စဵုကဵုလအိတ်လမျီု လ္ပကဵုစဖျုန်ကအိုတ်ညိ၊ ယြဴခမဳမွဲ စဖျုန်ကမ္ဂး၊ ကုခမဳဂှ် ကဵုသစိုပ်ဒုဟ်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ (ပါဠိဟွံခ္ဍန်ရ)
ယွံဒေဝဒတ် ဟွံဗဗွဲထေက်ကြိုက်ရ၊ ယြဴခမဳမွဲ နွံပၟိက်မ္ဂး၊ (ခမဳဂှ်) ဩဝ်ကဵုဒှ်ညးပဒတဴ ဘာဂြိုပ်ညိ၊ ယြဴခမဳမွဲ နွံပၟိက်မ္ဂး၊ (ခမဳဂှ်) ဩဝ်ကဵုဒှ်ညးပဒတဴဘာကွာန်ညိ၊ ယြဴခမဳမွဲ နွံပၟိက်မ္ဂး၊ (ခမဳဂှ်) ဩဝ်ကဵုဒှ်ညးပကၚ်ရၚ်ဓုတၚ်ပိဏ္ဍပါတ်ညိ၊ ယြဴခမဳမွဲ နွံပၟိက်မ္ဂး၊ (ခမဳဂှ်) ဩဝ်ကဵုဒှ်ညးပကၚ်ရၚ်ဓုတၚ်ပံသုကူညိ၊ ယြဴခမဳမွဲ နွံပၟိက်မ္ဂး၊ (ခမဳဂှ်) ဩဝ်ကဵုဒှ်ညးဒုၚ်တဲသ္ၚာ ဒကာဂမၠိုၚ်ကဵုဒါန်ညိ၊ ယွံဒေဝဒတ် လုကဴဒ္စါံဂိတုဂမၠိုၚ် အဲ ဂပ်ဝ်ကဵုလဝ်အခေါၚ် သၞာသတိက် သၞာဒၟံၚ်သၟဝ်တၞံဆုတုဲရ၊ ဂပ်ဝ်ကဵုလဝ်အခေါၚ် ကဖျုန်မသအးဇ္ၚး နူလအိတ်ပိ မဂပ်ဝ်တွံဂး ဟဂပ်ဝ်ညာတ် ဟဂပ်ဝ်မိၚ် ဟဂပ်ဝ်သၠေဟ်ပၟာတုဲရ ရဴဝွံ (သ္ဂးရ)။
ပ္ဍဲအခိၚ်ဂှ် ဒေဝဒတ် “တဳလမၞုံပိုဉ်ကျာ်တြဲ ဟွံကဵုအခေါၚ် ဝတ္ထုမသုန်သာ်ဝွံရ” ရဴဝွံမိပ်သၠောၚ်သ္ပဝ်မြဟ်တိုန်ဒှ်တုဲ မွဲဟာန်ကေုာံပရိသာတ် ဒၠိုက်ကတဵုနူဒၞာဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး သ္ပရှေ်သှေ်ရဴဂဴကၠာ ပါဲစ္ဍးအာရ။
ပ္ဍဲအခိၚ်ဂှ် ဒေဝဒတ် လုပ်အာ ဍုၚ်ရာဇဂြိုပ်တုဲ “ယွံကောန်တၠတအ် ပိုဲညးဂမၠိုၚ် ပြာပ်အာဇရေၚ် ခမဳဂေါတမတုဲ ‘ယွံတဳလမၞုံပိုဉ် တဳလမၞုံပိုဉ်ကျာ်တြဲဂှ် နဟိုတ်မဂၠိုၚ်ဂၠၚ် မၞုံအလေံ ဟီုသ္ဂးတဴဂုဏ် ပွမပၟိက်အောန် ။ ပ ။ တၞဟ်နပွမပတိတ်ဇြဟတ် နဝဳရိယအိုတ်ရ။ အာတ်ပါတ်အခေါၚ်ရ ယွံကျာ်မၞုံပိုဉ် ခမဳဂမၠိုၚ် စဵုကဵုလအိတ်လမျီု ကဵုဒှ်ညးပဒတဴပ္ဍဲဂြိုပ်အိုတ်ညိ၊ ယြဴခမဳမွဲ တၞီလုပ်ကွာန်မ္ဂး၊ ကုခမဳဂှ် ကဵုအာစိုပ် ဒုဟ်ညိ ။ ပ ။ စဵုကဵုလအိတ်လမျီု လ္ပကဵုစဖျုန်ကအိုတ်ညိ၊ ယြဴခမဳမွဲ စဖျုန်ကမ္ဂး၊ ကုခမဳဂှ် ကဵုအာစိုပ်ဒုဟ်ညိ’ ရဴဝွံ အာတ်တဴ ဝတ္ထုဂမၠိုၚ် မသုန်သာ်ဝွံအိုတ်တုဲရ၊ ဝတ္ထုဂမၠိုၚ် မသုန်သာ်ဝွံ ခမဳဂေါတမ ဟွံကဵုအခေါၚ်ရ၊ ပိုဲညးဂမၠိုၚ်ဂှ် ဒဂိုန်ဒ္ဂေတ် နကဵုဝတ္ထုဂမၠိုၚ်မသုန်သာ်ဝွံ အိုတ်ရ” ရဴဝွံ ကဵုဂကောံမၞိဟ်တီကေတ် နဝတ္ထုဂမၠိုၚ် မသုန်သာ်ရ။
ပၞောဝ်ဂကောံဂမၠိုၚ်ဂှ် ယြဴမၞိဟ်ဂမၠိုၚ် ပတှ်ေ (ရတ်ပိပြကာ) အိုတ်ရ၊ ဟွံလျုၚ်ဇြုၚ်သ္ဍိုက်အိုတ်ရ၊ မၞိဟ်ဂမၠိုၚ်ဂှ် “ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သာကျဝၚ်ဝွံ လယှ်ပတိတ် ကိလေသအိုတ်ရ၊ မၞုံကဵုပွမဂယိုၚ်လမျီုအေၚ်သတှ်ေအိုတ်ရ၊ ခမဳဂေါတမ လာဘ်သကာဂၠိုၚ်ဂှ်တုန် ပတိတ်ဒြဟတ်ပကီုလွဳပရာ တၞဟ်နဖဵုလာဘ်သကာဂၠိုၚ်ရ” ရဴဝွံ ဟီုသ္ဂးအိုတ်ရ။
ယြဴမၞိဟ်ဂမၠိုၚ်တုန် ပတှ်ေ (ရတ်ပိပြကာ) အိုတ်ရ၊ လျုၚ်ဇြုၚ်သ္ဍိုက်အိုတ်ရ၊ မၞုံကဵုပညာအိုတ်ရ၊ စဳကၠးဆိုက်ဗ္ဒက်အိုတ်ရ၊ မၞုံကဵုဂမြၚ်ဉာဏ်အိုတ်ရ၊ မၞိဟ်ဂမၠိုၚ်ဂှ် “ဒေဝဒတ် မုဟိုတ် သ္ပလွဳပရာ တၞဟ်နပွမပါ်ဒကးသၚ် တၞဟ်နပွမပလီုပလာ်အာဏာစက် တဳလမၞုံပိုဉ်ကျာ်တြဲရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ခမဳဂမၠိုၚ် သ္ဂောံမိၚ်ကေတ် ဂလာန်မၞိဟ်ဂမၠိုၚ် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်ဂှ်အိုတ်ဟေၚ်ရ၊ ခမဳပၟိက်အောန်ဂမၠိုၚ်ဂှ် “ဒေဝဒတ် မုဟိုတ် သ္ပလွဳပရာ တၞဟ်နပွမပါ်ဒကးသၚ် တၞဟ်နပွပလီုပလာ်အာဏာစက်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဟီုဂရိုဟ်တၚ်ဒုဟ် ဒေဝဒတ် နဟိုတ်ဂမၠိုၚ်အိုတ်တုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။
ယွံဒေဝဒတ် တၠအဲ သ္ပလွဳပရာ တၞဟ်နပွမပါ်ဒကးသၚ် တၞဟ်နပွမပလီုပလာ်အာဏာစက်ရဟီုဂှ် ဍာံပြဟာ ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီရ)။
ယွံဒေဝဒတ် တၠအဲ လ္ပသ္ဍိုက်မၠိုက် ပွမပါ်ဒကးသၚ်ညိ၊ ယွံဒေဝဒတ် ပွမပါ်ဒကး သၚ်ဂှ် ဇြိုၚ်လောန်ရ၊ ယွံဒေဝဒတ် ညးပါ်ဒကးသၚ်မညဳသာသၟဟ်သၟန်ဂှ် ကဵုဇၞော်မောဝ်တဴ ပွသရာံပါပ် မကဵုတဴ လုကဴမွဲကပ် (ကဝ်) ရ၊ ဒးဒုၚ်စိန်ဂၠက် ပ္ဍဲနရက် လုကဴမွဲကပ်ရ၊ ယွံဒေဝဒတ် ညးမသ္ပ သၚ်မပါ်ဒကး ညံၚ်ဂွံညဳသာသၟဟ်သၟန်ဂှ် ကဵုဇၞော်မောဝ်တဴ ကုသိုလ်မပြဲရ၊ ဂွံမိပ်ဇြိပ်လဟိၚ် ပ္ဍဲဍုၚ်သွဝ် လုကဴမွဲကပ်ရ၊ ယွံဒေဝဒတ် ဟွံဗဗွဲထေက်ကြိုက်ရ၊ ယွံဒေဝဒတ် တၠအဲ လ္ပသ္ဍိုက်မၠိုက် ပွမပါ်ဒကးသၚ်ညိ၊ ယွံဒေဝဒတ် ပွမပါ်ဒကးသၚ်ဂှ် ဇြိုၚ်လောန်ရ ရဴဝွံ (သ္ဂးရ)။
ပ္ဍဲအခိၚ်ဂှ် တဳလပိုဉ်အာနန္ဒ ပ္ဍဲအခိၚ်နူဂယ သၠောံရုၚ်လတက်ပဠေဝ်သ္ၚာတုဲ ဂိုၚ်ကေတ်ဗဗေၚ်သ္ၚာတုဲမ္ဂး လုပ်ဂ္ၚေၚ်ပိဏ္ဍပါတ် ဍုၚ်ရာဇဂြိုဟ်ရ။ ဒေဝဒတ် ညာတ်ဒး တဳလပိုဉ်အာနန္ဒ မဂေတ်ဂ္ၚေၚ် ဒၟံၚ်ပိဏ္ဍပါတ် ပ္ဍဲဍုၚ်ရာဇဂြိုဟ်တုဲ ပြာပ်အာဇရေၚ် တဳလပိုဉ်အာနန္ဒတုဲပ္ဍဲကြဴ “ယွံကောန်တၠအာနန္ဒ သ္ပတမ်တ္ၚဲဝွံတုဲ တၞဟ်ခြာကေုာံကျာ်ဟေၚ် တၞဟ်ခြာကေုာံသၚ်ဟေၚ်အဲ ကြက်သ္ပဥပေါသ်ရ၊ ကြက်သ္ပသံဃကမ်ရ” ရဴဝွံ ဟီုသ္ဂးကဵုတဳလပိုဉ်အာနန္ဒရ။
ပ္ဍဲအခိၚ်ဂှ် တဳလပိုဉ်အာနန္ဒ ဂေတ်ဂ္ၚေၚ်ပိဏ္ဍပါတ် ပ္ဍဲဍုၚ်ရာဇဂြိုဟ်တုဲ ကဵုပိုဉ်တုဲပ္ဍဲကြဴ ပါဲစ္ဍးကၠုၚ်နူကွာန်ဂ္ၚေၚ်ပိဏ္ဍပါတ်တုဲ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး သီုမဂဇအ်ဒၟံၚ် ပ္ဍဲဒၞာဲမွဲဂှ်—
“ယွံတဳလမၞုံပိုဉ် အဲဍိက် ပ္ဍဲအခိၚ်နူဂယး သၠောံရုၚ်လတက်ပဠေဝ်သ္ၚာတုဲ ဂိုၚ်ကေတ်ဗဗေၚ်သ္ၚာတုဲမ္ဂး လုပ်ဂ္ၚေၚ်ပိဏ္ဍပါတ် ဍုၚ်ရာဇဂြိုဟ်ရ။ ယွံတဳလပိုဉ် ဒေဝဒတ် ညာတ်ဒး အဲဍိက် မဂေတ်ဂ္ၚေၚ် ဒၟံၚ်ပိဏ္ဍပါတ် ပ္ဍဲဍုၚ်ရာဇဂြိုဟ်တုဲ ပြာပ်အာဇရေၚ် အဲဍိက်တုဲမ္ဂး ‘ယွံကောန်တၠအာနန္ဒ သ္ပတမ်တ္ၚဲဝွံတုဲ တၞဟ်ခြာကေုာံကျာ်ဟေၚ် တၞဟ်ခြာကေုာံသၚ်ဟေၚ်အဲ ကြက်သ္ပဥပေါသ်ရ၊ ကြက်သ္ပသံဃကမ်ရ’ ရဴဝွံ ဟီုသ္ဂးကဵုအဲဍိက်ရ၊ ယွံတဳလပိုဉ် ဒေဝဒတ် သ္ပတမ်နူတ္ၚဲဝွံတုဲ ကြက်ပါ်ဒကးသၚ်ရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ တီကေတ်ဟိုတ်ဂှ်တုဲ ပ္ဍဲအခိၚ်ဂှ်—
ညးသပ္ပုရိုဟ်ဂှ် သွက်ဂွံပတုဲသ္ပ ပွကုသိုလ် လောဲသွာရ၊ ညးယုတ်မာဂှ် သွက်ဂွံပတုဲသ္ပပွကုသိုလ် ဇြိုၚ်သန်ရ၊ ညးယုတ်မာဂှ် သွက်ဂွံပတုဲသ္ပ ပွသရာံပါပ် လောဲသွာရ၊ ညးသပ္ပုရိုဟ် ခိုဟ်ပြဲဂမၠိုၚ် သွက်ဂွံပတုဲသ္ပပွသရာံပါပ် ဇြိုၚ်သန်ရ ရဴဝွံ ကြီုဂအောတ်တိုန်ဥဒါန်ရ။
✵✵✵ခဏ်ဒုတိယတုဲရ။✵✵✵
၇.၃။ ခဏ်တတိယ[ပလေဝ်ဒါန် | ပလေဝ်ဒါန် တမ်ကၞက်]
၇.၃.၁။ သံဃဘေဒကထာ[ပလေဝ်ဒါန် | ပလေဝ်ဒါန် တမ်ကၞက်]
၃၄၄။ ပ္ဍဲအခိၚ်ဂှ် ပ္ဍဲတ္ၚဲဥပေါသ်ဂှ် ဒေဝဒတ် ဒၠိုက်ကတဵုနူဒၞာဲတုဲ “ယွံကောန်တၠတအ် ပိုဲညးဂမၠိုၚ် ပြာပ်အာဇရေၚ် ခမဳဂေါတမတုဲ ‘ယွံတဳလမၞုံပိုဉ် တဳလမၞုံပိုဉ်ကျာ်တြဲဂှ် နဟိုတ်မဂၠိုၚ်ဂၠၚ် မၞုံအလေံ ဟီုသ္ဂးတဴဂုဏ် ပွမပၟိက်အောန် ။ ပ ။ တၞဟ်နပွမပတိတ်ဒြဟတ် နဝဳရိယအိုတ်ရ။ အာတ်ပါတ်အခေါၚ်ရ ယွံကျာ်မၞုံပိုဉ် ခမဳဂမၠိုၚ် စဵုကဵုလအိတ်လမျီု ကဵုဒှ်ညးပဒတဴ ပ္ဍဲဂြိုဟ်အိုတ်ညိ၊ ယြဴခမဳမွဲ တၞီလုပ်ကွာန်မ္ဂး၊ ကုခမဳဂှ် ကဵုအာစိုပ်ဒုဟ်ညိ ။ ပ ။ စဵုကဵုလအိတ်လမျီု လ္ပကဵုစကဖျုန်အိုတ်ညိ၊ ယြဴခမဳမွဲ စကဖျုန်မ္ဂး၊ ကုခမဳဂှ် ကဵုအာစိုပ်ဒုဟ်ညိ” ရဴဝွံ အာတ်တဴဝတ္ထုဂမၠိုၚ်မသုန်သာ်ဝွံအိုတ်တုဲရ၊ (ပ္ဍဲအရာဂှ်) ဝတ္ထုဂမၠိုၚ်မသုန်သာ်ဝွံ ခမဳဂေါတမ ဟွံကဵုအခေါၚ်ရ၊ ပိုဲညးဂမၠိုၚ်ဂှ် သှ်ပတူ နကဵုဝတ္ထုဂမၠိုၚ် မသုန်သာ်ဝွံတုဲ ဒ္ဂေတ်အိုတ်စိုအ်၊ တဳလပိုဉ် သ္ဍိုက်မၠိုက် ဝတ္ထုဂမၠိုၚ်မသုန်သာ်ဝွံ ဩဝ်ဂိုၚ်ကေတ် ဇြေဟ်လိက်မာဲညိ” ရဴဝွံ ကဵုဂိုၚ်ကေတ် ဇြေဟ်လိက်မာဲရ။
ပ္ဍဲအဃောအခိၚ်ဂှ် ခမဳကောန်ညးဝဇ္ဇဳရးဂမၠိုၚ် ဗၞတ်မသုန်ကၠံ ပဒတဴဍုၚ်ဝေသာလဳဂှ် ဍောတ်လေဝ်ဍောတ်အိုတ်ရ၊ ပ္ဍဲဝိနယ်လေဝ် ဟွံစဳကၠးဆိုက်ဗ္ဒက်အိုတ်ရ၊ ခမဳဂမၠိုၚ်ဂှ် “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ” ရဴဝွံ ဂိုၚ်ကေတ် ဇြေဟ်လိက်မာဲအိုတ်ရ။ ပ္ဍဲအခိၚ်ဂှ် ဒေဝဒတ် ပါ်ဒကးသၚ်တုဲ ကော်ဂွံခမဳဂမၠိုၚ်ဗၞတ်မသုန်ကၠံတုဲ စ္ဍးအာဌာန်ဂယာသဳသရ၊ ပ္ဍဲအခိၚ်ဂှ် သာရိပိုတ် မောဂ္ဂလာန်ဂမၠိုၚ် ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚေဝ်သ္ပဝတ်တုဲမ္ဂး အခိၚ်မဂဇအ်ဒၟံၚ်ပ္ဍဲဒၞာဲမွဲအိုတ်ဂှ် တဳလပိုဉ်သာရိပိုတ်ဂှ်—
“ယွံတဳလမၞုံပိုဉ် ဒေဝဒတ် ပါ်ဒကးသၚ်တုဲ ကော်ဂွံခမဳဂမၠိုၚ်ဗၞတ်မသုန်ကၠံတုဲ စ္ဍးအာဌာန်ဂယာသဳသရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
ယွံသာရိပိုတ်တအ် ပွမဆာန်ဍူ ပ္ဍဲခမဳသၟတ်ဂမၠိုၚ်ဂှ်လေဝ် ဟွံဒှ်ကုမၞးတအ်ညးဂမၠိုၚ်ရသွံ၊ ယွံသာရိပိုတ်တအ် ကိုပ်ကၠာဟဂွံလီုလာ် မသက္ကုဖဵုအိုတ်ဏီ မၞးတအ်ညးဂမၠိုၚ် ဩဝ်အာအိုတ်ညိ ရဴဝွံ (သ္ဂးရ)။
“ယွံကျာ်မၞုံပိုဉ် ခိုဟ်သန်ရ” ရဴဝွံ သာရိပိုတ် မောဂ္ဂလာန်ဂမၠိုၚ် ဒုၚ်ဝန်ကုတဳလမၞုံပိုဉ်ကျာ်တြဲတုဲမ္ဂး ဒၠိုက်ကတဵုနူဒၞာဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး သ္ပရှေ်သှေ်ရဴဂဴကၠာ ပြာပ်အာ ဌာန်ဂယာသဳသအိုတ်ရ။
ကြဴနူဂှ် ခမဳမွဲဇကု သီုမရိုအ်ယာံဂတေဝ်ဒၟံၚ် ပ္ဍဲဇရေၚ်တဳလမၞုံပိုဉ်ကျာ်တြဲဂှ် ဒတူဒၟံၚ်ရ၊ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ်—
“ယွံခမဳ တၠအဲ မုဟိုတ်လရိုအ်ယာံဂတေဝ်ဒၟံၚ်ရော?” ရဴဝွံ သၟာန်ခမဳဂှ်ရ။
ယွံတဳလမၞုံပိုဉ် သာရိပိုတ် မောဂ္ဂလာန်ဂမၠိုၚ် မဒှ်ကွးအဂ္ဂသာဝက တဳလမၞုံပိုဉ်ကျာ်တြဲဂှ်လေဝ် သ္ဍိုက်မၠိုက်ဓရ် ဒေဝဒတ်ဂမၠိုၚ်ဒှ်တုဲ အာတဴဇရေၚ် ဒေဝဒတ်အိုတ်ရ ရဴဝွံ (ဂရၚ်ပတီရ)။
ယွံခမဳ သာရိပိုတ် မောဂ္ဂလာန်ဂမၠိုၚ် ဟိုတ်အရာမသ္ဍိုက်မၠိုက်ဓရ် ဒေဝဒတ်ဂှ် ဟွံမွဲရ၊ ဗွဲစၟတ်တုန် သာရိပိုတ် မောဂ္ဂလာန်ဂမၠိုၚ်ဂှ် အာတဴတၞဟ်နကဵုခမဳဂမၠိုၚ် ကၠိုဟ်ကေတ်အိုတ်ရ ရဴဝွံ (သ္ဂးရ)။
၃၄၅။ ပ္ဍဲအခိၚ်ဂှ် ဒေဝဒတ် မဒှ်ဃောမဂဇအ်ဒၟံၚ် သီုမတွံဒၟံၚ်ဓရ် နတွဳတွိုၚ်ပရိသာတ်မဂၠိုၚ်ဂှ် ညာတ်ဒးသာရိပိုတ် မောဂ္ဂလာန်ဂမၠိုၚ် မကၠုၚ်နူဇမ္ၚောဲတုဲ “ယွံခမဳတအ် ဩဝ်သ္ၚေဝ်ရံၚ်အိုတ်ညိ၊ အဲ ဂပ်ဝ်တွံလဝ်ဓရ် ဗွဲမဒးရးတုဲရ၊ သာရိပိုတ် မောဂ္ဂလာန်ဂမၠိုၚ် မဒှ်ကွးအဂ္ဂသာဝက ခမဳဂေါတမဂှ်လေဝ် သ္ဍိုက်မၠိုက်ဓရ်အဲဂမၠိုၚ်ဒှ်တုဲ ကၠုၚ်ဇရေၚ်အဲအိုတ်ရ” ရဴဝွံ သ္ဂးကဵုခမဳဂမၠိုၚ်ရ။
သ္ဂးတဴရဴဝွံမ္ဂး ကောကာလိကဂှ် “ယွံကောန်တၠဒေဝဒတ် လ္ပလုပ်နှဴရဴကဵု သာရိပိုတ် မောဂ္ဂလာန်ဂမၠိုၚ်ညိ၊ သာရိပိုတ် မောဂ္ဂလာန်ဂမၠိုၚ် မၞုံပၟိက်ယုတ်ပရေအ်အိုတ်ရ၊ ဗက်အလိုက်ပၟိက်ယုတ်ပရေအ်တံၚ်ဂြဲအိုတ်ရ” ရဴဝွံ သ္ဂးကဵုဒေဝဒတ်ရ။
ယွံကောန်တၠ လ္ပဟီုညိ၊ ပွမကၠုၚ် သာရိပိုတ် မောဂ္ဂလာန်ဂမၠိုၚ်ဂှ် ဟိုတ်မသ္ဍိုက်မၠိုက်ဓရ်အဲဂှ်ရ ဒှ်ပွမကၠုၚ်ခိုဟ်ရ ရဴဝွံ (သ္ဂးရ)။ ပ္ဍဲအခိၚ်ဂှ် ဒေဝဒတ်ဂှ် “ယွံကောန်တၠသာရိပိုတ် ဩဝ်ကၠုၚ်ညိ၊ ဩဝ်ဂဇအ် ပ္ဍဲသၞာဝွံညိ” ရဴဝွံ ဘိက်တဳလပိုဉ်သာရိပိုတ် (သွက်ဂွံဂဇအ်) နကဵုသၞာကဝက်ရ။
“ယွံကောန်တၠ ဒေါံရ” ရဴဝွံ တဳလပိုဉ်သာရိပိုတ် ဂိုၚ်ကေတ် သၞာဂဇအ်သအာၚ်မွဲတုဲ ဂဇအ်ဒၟံၚ်ပ္ဍဲဒၞာဲမဗဗွဲမွဲရ၊ တဳလပိုဉ်မောဂ္ဂလာန်လေဝ် ဂိုၚ်ကေတ် သၞာဂဇအ်သအာၚ်မွဲတုဲ ဂဇအ်ဒၟံၚ်ပ္ဍဲဒၞာဲမဗဗွဲမွဲရ။ ပ္ဍဲအခိၚ်ဂှ် ဒေဝဒတ် လုကဴပိပယျာံဗတမ်ဂှ် နကဵုဂလာန်ဓရ် ကဵုခမဳဂမၠိုၚ်တီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြဴတုဲဒှ်တုဲမ္ဂး—
“ယွံကောန်တၠသာရိပိုတ် ခမဳသၚ် စာ်စ္ဍးနူထိနမိဒ္ဓရ၊ ယွံကောန်တၠသာရိပိုတ် ဂလာန်ဓရ် သွက်ခမဳဂမၠိုၚ် ဩဝ်ကဵုပြာကဋ် ပ္ဍဲဉာဏ်တၠအဲညိ၊ စၞိန်စးအဲ ကွိုၚ်ကွုဲရ၊ အဲပၠးကၠေံစၞိန်စးဂှ်ရ” ရဴဝွံ သ္ဂးကဵုတဳလပိုဉ်သာရိပိုတ်ရ။
“ယွံကောန်တၠ ခိုဟ်သန်ရ” ရဴဝွံ တဳလပိုဉ်သာရိပိုတ် ဒုၚ်ဝန် ကုဒေဝဒတ်ရ။ ပ္ဍဲအခိၚ်ဂှ် ခ္ဍပ်ကၠေံသ္ၚာသကိုပ်ဇၞော်ပန်ခ္ဍပ်တုဲ လးပၠးတုဲမ္ဂး သ္ပတဴပွမတိက် နသကဲပုၚ်ရ။
ဒေဝဒတ် ဍောၚ်ၜိုတ်တုဲ မၞုံကဵုသတိဆောတ်ယောၚ် မဟွံမွဲကဵုဉာဏ်မဗ္စာရဏာဂှ် ဗၞတ်မွဲမုဟုတ်ဓဝ်ဟေၚ် တိက်လှိၚ်အာရ။
ပ္ဍဲအခိၚ်ဂှ် တဳလပိုဉ်သာရိပိုတ် ဒၠောံဗတောန်ခမဳဂမၠိုၚ် နကဵုဂလာန်ဓရ် မတွံဂးပါဋိဟာ ပွမတီစိုတ်ညးသအာၚ်တုဲ ပွမဒၠောံဗတောန်ရ၊ ဆေဝ်ဒဝ်ရ။ တဳလပိုဉ်မဟာမောဂ္ဂလာန် ဒၠောံဗတောန်ခမဳဂမၠိုၚ် နကဵုဂလာန်ဓရ် မတွံဂးပါဋိဟာ ပွမထ္ၜးဣဒ္ဓိတုဲဒၠောံဗတောန်ရ၊ ဆေဝ်ဒဝ်ရ။ ကြဴနူဂှ် တဳလပိုဉ်သာရိပိုတ် နပွမတီစိုတ်ညးသအာၚ်တုဲ ဒၠောံဗတောန်ကီု တဳလပိုဉ်မဟာမောဂ္ဂလာန်ဂှ် နပွမထ္ၜးဣဒ္ဓိတုဲ ဒၠောံဗတောန်ကီု ဂပ်ဝ်ဒၠောံဗတောန်ဆေဝ်ဒဝ်အိုတ်မ္ဂး “ဓရ်အိုတ်သီု မၞုံသဘဴပွမကဵုဒှ်ဂှ် မၞုံသဘဴပၠိုတ်ရ” ရဴဝွံ ‘သောတာပတ္တိမဂ်ဉာဏ်’ မတ်ဓရ်မဟွံမွဲကဵုမၠိုက် မစာ်စ္ဍးနူကၠိုက်လ္ၚေၚ် ကိလေသဂှ် ကတဵုဒှ်ကုခမဳဂမၠိုၚ်ဂှ်ရ။
ပ္ဍဲအခိၚ်ဂှ် တဳလပိုဉ်သာရိပိုတ်ဂှ် “ယွံကောန်တၠတအ် ပိုဲညးဂမၠိုၚ် အာဇရေၚ်တဳလမၞုံပိုဉ်ကျာ်တြဲအိုတ်ရ၊ ခမဳမသ္ဍိုက်မၠိုက်ဓရ် တဳလမၞုံပိုဉ်ကျာ်တြဲဂှ် ဩဝ်ကၠုၚ်ညိ” ရဴဝွံ သ္ဂးကဵု ခမဳဂမၠိုၚ်ရ။ ပ္ဍဲအခိၚ်ဂှ် သာရိပိုတ် မောဂ္ဂလာန်ဂမၠိုၚ် ကော်ဂွံခမဳဂမၠိုၚ်မသုန်ကၠံဂှ်တုဲ ပြာပ်အာ ဘာဝေဠုဝန်အိုတ်ရ။ ပ္ဍဲအခိၚ်ဂှ် ကောကာလိကဂှ် ယွံကောန်တၠဒေဝဒတ် ဩဝ်ကတဵုညိ၊ သာရိပိုတ် မောဂ္ဂလာန်ဂမၠိုၚ် ရၚ်တၠုၚ်ဏာ ခမဳဂမၠိုၚ်ဂှ်အိုတ်ရ၊ “ယွံကောန်တၠ ဒေဝဒတ် လ္ပလုပ်နှဴရဴကဵုသာရိပိုတ် မောဂ္ဂလာန်ဂမၠိုၚ်ညိ၊ သာရိပိုတ် မောဂ္ဂလာန်ဂမၠိုၚ် မၞုံပၟိက်ယုတ်ပရေအ်အိုတ်ရ၊ ဗက်အလိုက်ပၟိက် ယုတ်ပရေအ်တံၚ်ဂြဲအိုတ်ရ” ရဴဝွံ သ္ဂးဟီုမံၚ်ကဵုတၠအဲရ ဟွံသေၚ်ရဟာ ရဴဝွံ သ္ဂးတုဲ မ္ၚုဟ်ဒေဝဒတ်ရ။
ပ္ဍဲအခိၚ်ဂှ် ပ္ဍဲဒၞာဲဂှ်ဟေၚ် ဆီဂမ္တဴ ဇအအ်တိတ် နူပါၚ်ဒေဝဒတ်ရ။
သာရိပိုတ် မောဂ္ဂလာန်ဂမၠိုၚ် ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ်တုဲမ္ဂး အခိၚ်မဇအ်ဒၟံၚ်ပ္ဍဲဒၞာဲမွဲအိုတ်ဂှ် တဳလပိုဉ်သာရိပိုတ်ဂှ်—
“ယွံတဳမၞုံပိုဉ် ခမဳဘေဒါနုဝတ္တကဂမၠိုၚ် ဂွံပပယျၚ်မွဲလှေ်ပၠန်အိုတ်မ္ဂး ခိုဟ်ရ” ရဴဝွံဂရၚ်ပတီ တဳလမၞုံပိုဉ်ကျာ်တြဲရ။
ယွံသာရိပိုတ် ဟွံဗဗွဲရ၊ တၠအဲ လ္ပသ္ဍိုက်မၠိုက် ပွမပပယျၚ်မွဲလှေ်ပၠန် ခမဳဘေဒါနုဝတ္တကဂမၠိုၚ်ညိ၊ ယွံသာရိပိုတ် ဒှ်သာ်ဂှ်မ္ဂး ဩဝ်ကဵုခမဳဘေဒါနုဝတ္တကဂမၠိုၚ် ဟီုလၟိၚ်ဒေသနာ အာပတ်ထုလ္လစ္စယ်ညိ။ ယွံသာရိပိုတ် ဒေဝဒတ် ပသာ်ဒ္ဂေတ်သ္ပ ကုတၠအဲရော? ရဴဝွံ (သၟာန်ရ)။ ယွံတဳလမၞုံပိုဉ် တဳလမၞုံပိုဉ်ကျာ်တြဲ လုကဴပိပယျာံဗတအ်ဂှ် နကဵုဂလာန်ဓရ် ကဵုခမဳဂမၠိုၚ်တီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြဴတုဲ ဒှ်တုဲမ္ဂး “ယွံသာရိပိုတ် ခမဳသၚ် စာ်စ္ဍးနူထိနမိဒ္ဓရ၊ ယွံသာရိပိုတ်ဂလာန်ဓရ် သွက်ခမဳဂမၠိုၚ် ဩဝ်ကဵုပြကဋ် ပ္ဍဲဉာဏ်တၠအဲညိ၊ စၞိန်စးအဲကွိုၚ်ကွုဲရ၊ အဲပၠးကၠေံစၞိန်စးဂှ်ရ” ရဴဝွံ သၟဟ်ညံၚ်ရဴ ဗတိုက်ဖအောဝ်အဲဍိက်ကီု တုပ်သၟဟ်သာ်ဝွံဟေၚ် ဒေဝဒတ်ဒ္ဂေတ်သ္ပရ ရဴဝွံ (ဂရၚ်ပတီရ)။
၃၄၆။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ်—
“ယွံခမဳတအ် ကေၚ်ဒှ်ကၠုၚ် ပ္ဍဲကိုပ်ကၠာတေံတုန် ပ္ဍဲသ္ပိုဟ်ဂြိုပ်ဇၞော်မွဲ လ္စအၚ်လှာဇၞော်နွံမွဲရ၊ နိဿယ်ဗ္ဒာဲကဵုလ္စအၚ်လှာဂှ်တုဲ စိၚ်ဂမၠိုၚ် ပဒတဴဒၟံၚ်အိုတ်ရ။
စိၚ်ဂမၠိုၚ်ဂှ် တၞီစှေ် လ္စအၚ်လှာဂှ်တုဲ ပိုက်ၜေါတ် လွာဒကိုန်, တမ်ရိုဟ်ဒကှ် နကဵုလပှ်တုဲ လယှ်ကၠေံဗွဲမဒးရးတုဲ သ္ၚာဲတဴလွာဒကိုန်, တမ်ရိုဟ်ဒကှ်ဂမၠိုၚ် မဟွံမွဲကဵုသၠိုက်သရီုတုဲ ၚိတ်ဖျေံအိုတ်ရ၊ လွာဒကိုန်, တမ်ရိုဟ်ဒကှ်ဂမၠိုၚ် ဒှ်တဴ တၞဟ်နဖဵုရုပ်သာ်ကီု တၞဟ်နဖဵုဒြဟတ်ကီု စိၚ်ဂမၠိုၚ်ဂှ်ရ၊ ဟိုတ်နူဟိုတ်မတွံဂးလွာဒကိုန်, တမ်ရိုဟ်ဒကှ်ဂှ် ပွမချိုတ်လေဝ် ဟွံအာစိုပ်အိုတ်ရ၊ ဒဒိုခ်မဆိုက်ညောန်ကဵုချိုတ်လေဝ် ဟွံအာစိုပ်အိုတ်ရ။
ယွံခမဳတအ် စိၚ်သၟတ်ဝှ်ၜတ်ဂမၠိုၚ် ပတုပ်ဗက်စိၚ်ဇၞော်ဂမၠိုၚ်ဂှ်တုဲ တၞီစှေ်အာ လ္စအၚ်လှာပိုက်ၜေါတ် လွာဒကိုန်, တမ်ရိုဟ်ဒကှ် နကဵုလပှ်တုဲ သီုဟွံလယှ်ကၠေံဗွဲမဒးရး သ္ၚာဲစလွာဒကိုန်, တမ်ရိုဟ်ဒကှ်ဂမၠိုၚ် မွဲဟာန်ကေုာံသၠိုက်သရီုတုဲ ၚိတ်ဖျေံအိုတ်ရ၊ လွာဒကိုန်, တမ်ရိုဟ်ဒကှ်ဂမၠိုၚ်ဂှ် ဟွံဒှ်တဴ တၞဟ်နဖဵုရုပ်သာ်ကီု တၞဟ်နဖဵုဒြဟတ်ကီု စိၚ်သၟတ်ဂမၠိုၚ်ဂှ်ရ၊ ဟိုတ်နူဟိုတ်မတွံဂး လွာဒကိုန်, တမ်ရိုဟ်ဒကှ်ဂှ် ပွမချိုတ်လေဝ် အာစိုပ်အိုတ်ရ၊ ဒဒိုခ်မဆိုက်ညောန်ကဵုချိုတ်လေဝ် အာစိုပ်အိုတ်ရ။
ယွံခမဳတအ် တုပ်သၟဟ်သာ်ဝွံဟေၚ် ဒေဝဒတ် ပတုပ်ဗက်အဲတုဲ မသ္ပဂှ် ကြက်ဒးချိုတ် ဗွဲဒဒိုခ်ရ” ရဴဝွံ သ္ဂးကဵုခမဳဂမၠိုၚ်ရ။
စိၚ်သၟတ် မပတုပ်ဗက် စိၚ်ဇၟူဇၞော် မဇီုထ္ပက်တိတုဲ အာကၠုၚ်ပ္ဍဲၜဳကြုၚ်ဂမၠိုၚ် သီုမစတဴ လွာဒကိုန်, တမ်ရိုဟ်ဒကှ်ဂမၠိုၚ်ဂှ် စဒး လွာဒကိုန်, တမ်ရိုဟ်ဒကှ်ဂမၠိုၚ် မၞုံကဵုသၠိုက်သရီုတုဲ သၟဟ်ညံၚ်ရဴဒးချိုတ်ကီု ဒေဝဒတ် မသ္ပပတုပ်ဗက်အဲကျာ်ဂှ် အာစိုပ် ဒဒိုခ်ဂှ်ဒှ်တုဲ ကြက်ဒးချိုတ်ရ။
၃၄၇။ ယွံခမဳတအ် ခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ဒ္စါံသာ်ဂှ် ထေက်ကြိုက်ကဵုတၞဟ်နအာ နဒဒှ်ကလုတ်ရ။ ညးမ္ဂး ဒ္စါံသာ်အိုတ်ဂှ်ရော?
ယွံခမဳတအ် ပ္ဍဲသာသနာဝွံ ခမဳဂှ် ကလၚ်လေဝ် ကလၚ်လေပ်ရ၊ ကလေၚ်ဟီုလေဝ် ကလေၚ်ဟီုလေပ်ရ၊ ကတ်ဗတောန်လေဝ် ကတ်ဗတောန်လေပ်ရ၊ ပကၚ်ရၚ်လေဝ် ပကၚ်ရၚ်လေပ်ရ၊ စၟတ်သမ္တီလေဝ် စၟတ်သမ္တီလေပ်ရ၊ အလဵုဇကုလေဝ် လေပ်တီရ၊ ကဵုညးတၞဟ်သအာၚ်လေဝ် လေပ်ကဵုတီရ၊ ပ္ဍဲဒတုဲဖဵုနွံ ဟွံမွဲလေဝ် စဳကၠးရ၊ ပွမကယျာန်ဓဝါတ်လေဝ် ဟွံလေပ်သ္ပရ။ ယွံခမဳတအ် ခမဳမဍိုက်ပေၚ်တဴ ကေုာံအၚ်္ဂဂမၠိုၚ်ဒ္စါံသာ်ဝွံ ထေက်ကြိုက်ကဵု တၞဟ်နအာ နဒဒှ်ကလုတ်ရ။ ယွံခမဳတအ် သာရိပိုတ် မဍိုက်ပေၚ်တဴကေုာံအၚ်္ဂဂမၠိုၚ်ဒ္စါံသာ်ဂှ် ထေက်ကြိုက်ကဵု တၞဟ်နအာ နဒဒှ်ကလုတ်ရ။ ညးမ္ဂး ဒ္စါံသာ်အိုတ်ဂှ်ရော?
ယွံခမဳတအ် ပ္ဍဲသာသနာဝွံ သာရိပိုတ်ဂှ် ကလၚ်လေဝ် ကလၚ်လေပ်ရ၊ ကလေၚ်ဟီုလေဝ် ကလေၚ်ဟီုလေပ်ရ၊ ကတ်ဗတောန်လေဝ် ကတ်ဗတောန်လေပ်ရ၊ စၟတ်သမ္တီလေဝ် စၟတ်သမ္တီလေပ်ရ၊ အလဵုဇကုလေဝ် လေပ်တီရ၊ ကဵုညးတၞဟ်သအာၚ်လေဝ် လေပ်ကဵုတီရ၊ ပ္ဍဲဒတုဲဖဵု, ဟွံမွဲလေဝ် စဳကၠးရ၊ ပွမကယျာန်ဓဝါတ်လေဝ် ဟွံလေပ်သ္ပရ။ ယွံခမဳတအ် သာရိပိုတ် မဍိုက်ပေၚ်တဴ ကေုာံအၚ်္ဂဂမၠိုၚ် ဒ္စါံသာ်ဝွံ ထေက်ကြိုက်ကဵု တၞဟ်နအာ နဒဒှ်ကလုတ်ရ ရဴတွံ (ဟီုသ္ဂးရ)။
ယြဴခမဳမွဲ အာစိုပ်ပရိသာတ် မဟီုဂလာန်ကြံၚ်မ္ၚိုဟ်တုဲ ဟွံချဳဇတဝ်ရ၊ ဂလာန်လေဝ်ဟွံကဵုဟုတ်ယုတ်ရ၊ ဂလာန်ပရိုၚ်လေဝ် ဟွံဂြောပ်ဗ္ဒန်ရ၊ သီုဟွံမွဲကဵုသၠေဟ်ပၟာဂှ် လေပ်ဟီုသ္ဂးရ၊ ဒးဒုၚ်သၟာန်ကီုလေဝ် ဟွံထေဲပၞတ်ရ၊ ခမဳမၞုံသဘဴမဖှ်သာ်ဂှ် ဗွဲစၟတ်မ္ဂး ထေက်ကြိုက်ကဵု တၞဟ်နအာ နဒဒှ်ကလုတ်ရ။
၃၄၈။ ယွံခမဳတအ် ဒေဝဒတ် မၞုံကဵုစိုတ် မိန်ဓရ်အသပ္ပုရိုဟ်ဂမၠိုၚ်ဒ္စါံသာ် မဂပ်ဝ်ဓလီုဍိုက်ရာန်သကိုတ်ဂှ် ကြက်ကတဵုဒှ် ပ္ဍဲအပါယ်ရ၊ ကြက်ကတဵုဒှ် ပ္ဍဲနရက်ရ၊ ကြက်တန်တဴ လုကဴအာယုကပ်ရ၊ ဇအုဲဇဗဝဳဗလးဟွံမာန်ရ။ ညးမ္ဂး ဒ္စါံသာ်အိုတ်ဂှ်ရော? ယွံခမဳတအ် ဒေဝဒတ် မၞုံကဵုစိုတ် မိန်လာဘ် မဂပ်ဝ်ဓလီုဍိုက်ရာန်သကိုတ်ဂှ် ကြက်ကတဵုဒှ် ပ္ဍဲအပါယ်ရ၊ ကြက်ကတဵုဒှ် ပ္ဍဲနရက်ရ၊ ကြက်တန်တဴ လုကဴအာယုကပ်ရ၊ ဇအုဲဇဗဝဳဗလးဟွံမာန်ရ။ ယွံခမဳတအ် ပွမဟွံကလိဂွံလာဘ် ။ ပ ။ ယွံခမဳတအ် ပွမနွံကဵုဒယှ်တှ် ။ ပ ။ ယွံခမဳတအ် ပွမဟွံမွဲကဵုဒယှ်တှ် ။ ပ ။ ယွံခမဳတအ် ပွမသ္ပမြိမြန်ကၠောန်ၜိုတ် ဗွဲမဒးရး ။ ပ ။ ယွံခမဳတအ် ပွမဟွံသ္ပမြိမြန်ကၠောန်ၜိုတ် ဗွဲမဒးရး ။ ပ ။ ယွံခမဳတအ် ပွမမၞုံကဵုပၟိက် မယုတ်သဝ် ။ ပ ။ ယွံခမဳတအ် ဒေဝဒတ် မၞုံကဵုစိုတ် မိန်မၞုံကဵုမိတ်မယုတ်မာ မဂပ်ဝ်ဓလီုဍိုက်ရာန်သကိုတ်ဂှ် ကြက်ကတဵုဒှ် ပ္ဍဲအပါယ်ရ၊ ကြက်ကတဵုဒှ် ပ္ဍဲနရက်ရ၊ ကြက်တန်တဴ လုကဴအာယုကပ်ရ၊ ဇအုဲဇဗဝဳဗလးဟွံမာန်ရ။
ယွံခမဳတအ် ဒေဝဒတ် မၞုံကဵုစိုတ် မိန်ဓရ်အသပ္ပုရိုဟ်ဂမၠိုၚ်ဒ္စါံသာ် မဂပ်ဝ်ဓလီုဍိုက်ရာန်သကိုတ်ဂှ် ကြက်ကတဵုဒှ် ပ္ဍဲအပါယ်ရ၊ ကြက်ကတဵုဒှ် ပ္ဍဲနရက်ရ၊ ကြက်တန်တဴ လုကဴအာယုကပ်ရ၊ ဇအုဲဇဗဝဳဗလးဟွံမာန်ရ။
၃၄၉။ ယွံခမဳတအ် ခမဳဂှ် ဓလီုဍိုက်ကၠေံ ဓလီုဍိုက်ကၠေံ ပွမကလိဂွံလာဘ် မကတဵုဒှ်ကၠုၚ်ဂှ်တုဲ ပဒတဴမံၚ်မ္ဂး ခိုဟ်ရ။ ပွမဟွံကလိဂွံလာဘ် မကတဵဒှ်ကၠုၚ် ။ ပ ။ ပွမဒယှ်တှ် မကတဵုဒှ်ကၠုၚ်။ ပွမဟွံမွဲကဵုဒယှ်တှ် မကတဵုဒှ်ကၠုၚ်။ ပွမသ္ပမြိမြန်ကၠောန်ၜိုတ် ဗွဲမဒးရး မကတဵုဒှ်ကၠုၚ်။ ပွမဟွံသ္ပမြိမြန်ကၠောန်ၜိုတ် ဗွဲမဒးရးမကတဵုဒှ်ကၠုၚ်။ ပၟိက်မယုတ်သဝ် မကတဵုဒှ်ကၠုၚ်။ ဓလီုဍိုက်ကၠေံ ဓလီုဍိုက်ကၠေံ ပွမၞုံကဵုမိတ်သဟာဲမယုတ်မာ မကတဵုဒှ်ကၠုၚ်ဂှ်တုဲ ပဒတဴမံၚ်မ္ဂး ခိုဟ်ရ။
ယွံခမဳတအ် ခမဳဂှ် သ္ပဟိုတ်ကဵုဖဵုတၟေၚ်သာ်လဵုတုဲ ဓလီုဍိုက်ကၠေံ ဓလီုဍိုက်ကၠေံ ပွမကလိဂွံလာဘ် မကတဵုဒှ်ကၠုၚ်ဂှ်တုဲ ဂွံပဒတဴမံၚ်ရော?။ ပွမဟွံကလိဂွံလာဘ် မကတဵုဒှ်ကၠုၚ် ။ ပ ။ ပွမဒယှ်တှ် မကတဵုဒှ်ကၠုၚ်။ ပွမဟွံမွဲကဵုဒယှ်တှ် မကတဵုဒှ်ကၠုၚ်။ ပွမသ္ပမြိမြန်ကၠောန်ၜိုတ် ဗွဲမဒးရး မကတဵုဒှ်ကၠုၚ်။ ပွမဟွံသ္ပမြိမြန်ကၠောန်ၜိုတ် ဗွဲမဒးရးမကတဵုဒှ်ကၠုၚ်။ ပၟိက်မယုတ်သဝ် မကတဵုဒှ်ကၠုၚ်။ ဓလီုဍိုက်ကၠေံ ဓလီုဍိုက်ကၠေံ ပွမၞုံကဵုမိတ်သဟာဲမယုတ်မာ မကတဵုဒှ်ကၠုၚ်ဂှ်တုဲ ဂွံပဒတဴမံၚ်ရော?။
ယွံခမဳတအ် ကုခမဳ မပဒတဴ သီုဟွံဓလီုဍိုက် ပွမကလိဂွံလာဘ် မကတဵုဒှ်ကၠုၚ်ဂှ် ဓရ်အာသဝ ကေုာံပွမဍောၚ်ၜိုတ်စိုတ် ပွမဒတူတၠာဲဂမၠိုၚ် ကတဵုဒှ်ကၠုၚ်အိုတ်ရ၊ ကုခမဳ ဓလီုဍိုက်ကၠေံ ဓလီုဍိုက်ကၠေံ ပွမကလိဂွံလာဘ် မကတဵုဒှ်ကၠုၚ်ဂှ်တုဲ ပဒတဴဂှ် ဓရ်အာသဝ ကေုာံ ပွမဍောၚ်ၜိုတ် စိုတ် ပွမဒတူတၠာဲဂမၠိုၚ် ဟွံကတဵုဒှ်ကၠုၚ်အိုတ်ရ။
ယွံခမဳတအ် ပွမဟွံကလိဂွံလာဘ် မကတဵုဒှ်ကၠုၚ် ။ ပ ။ ပွမဒယှ်တှ် ပကတဵုဒှ်ကၠုၚ်။ ပွမဟွံမွဲကဵုဒယှ်တှ် မကတဵုဒှ်ကၠုၚ်။ ပွမသ္ပမြိမြန်ကၠောန်ၜိုတ် ဗွဲမဒးရး မကတဵုဒှ်ကၠုၚ်။ ပွမဟွံသ္ပမြိမြန်ကၠောန်ၜိုတ် ဗွဲမဒးရး မကတဵုဒှ်ကၠုၚ်။ ပၟိက်မယုတ်သဝ် မကဵုဒှ်ကၠုၚ်။ ကုခမဳ မပဒတဴ သီုဟွံဓလီုဍိုက် ပွမၞုံကဵုမိတ်သဟာဲမယုတ်မာ မကတဵုဒှ်ကၠုၚ်ဂှ် ဓရ်အာသဝ ကေုာံပွမဍောၚ်ၜိုတ်စိုတ် ပွမဒတူတၠာဲဂမၠိုၚ် ကတဵုဒှ်ကၠုၚ်အိုတ်ရ၊ ကုခမဳ ဓလီုဍိုက်ကၠေံ ဓလီုဍိုက်ကၠေံ ပွမၞုံကဵုမိတ်သဟာဲမယုတ်မာ မကတဵုဒှ်ကၠုၚ်ဂှ်တုဲ ပဒတဴဂှ် ဓရ်အာသဝ ကေုာံပွမဍောၚ်ၜိုတ်စိုတ် ပွမဒတူတၠာဲဂမၠိုၚ် ဟွံကတဵုဒှ်ကၠုၚ်အိုတ်ရ။ ယွံခမဳတအ် သ္ပဟိုတ်ကဵု ဖဵုတၟေၚ်သာ်ဝွံတုဲ ဓလီုဍိုက်ကၠေံ ဓလီုဍိုက်ကၠေံ ပွမကလိဂွံလာဘ် မကတဵုဒှ်ကၠုၚ်ဂှ်တုဲ ဒးပဒတဴမံၚ်ရ။ ပွမဟွံကလိဂွံလာဘ် မကတဵုဒှ်ကၠုၚ် ။ ပ ။ ပွမဒယှ်တှ် မကတဵုဒှ်ကၠုၚ်။ ပွမဟွံမွဲကဵုဒယှ်တှ် မကတဵုဒှ်ကၠုၚ်။ ပွမသ္ပမြိမြန် ကၠောန်ၜိုတ် ဗွဲမဒးရး မကတဵုဒှ်ကၠုၚ်။ ပွမဟွံသ္ပမြိမြန်ကၠောန်ၜိုတ် ဗွဲမဒးရး မကဵုဒှ်ကၠုၚ်။ ပၟိက်မယုတ်သဝ် မကတဵုဒှ်ကၠုၚ်။ ဓလီုဍိုက်ကၠေံ ဓလီုဍိုက်ကၠေံ ပွမၞုံကဵုမိတ်သဟာဲမယုတ်မာ မကတဵုဒှ်ကၠုၚ်ဂှ်တုဲ ဒးပဒတဴမံၚ်ရ။
ယွံခမဳတအ် ဟိုတ်ဂှ်ရ ပ္ဍဲသာသနာဝွံ ဓလီုဍိုက်ကၠေံ ဓလီုဍိုက်ကၠေံ ပွမကလိဂွံလာဘ် မကတဵုဒှ်ကၠုၚ်ဂှ်တုဲ ကြက်ပဒတဴမံၚ်အိုတ်ရ။ ပွမဟွံကလိဂွံလာဘ် မကတဵုဒှ်ကၠုၚ် ။ ပ ။ ပွမဒယှ်တှ် မကတဵုဒှ်ကၠုၚ်။ ပွမဟွံမွဲကဵုဒယှ်တှ် မကတဵုဒှ်ကၠုၚ်။ ပွမသ္ပမြိမြန်ကၠောန်ၜိုတ် ဗွဲမဒးရး မကတဵုဒှ်ကၠုၚ်။ ပွမဟွံသ္ပမြိမြန်ကၠောန်ၜိုတ်ဗွဲမဒးရးမကတဵုဒှ်ကၠုၚ်။ ပၟိက်မယုတ်သဝ် မကတဵုဒှ်ကၠုၚ်။ ဓလီုဍိုက်ကၠေံ ဓလီုဍိုက်ကၠေံ ပွမၞုံကဵုမိတ်သဟာဲမယုတ်မာ မကတဵုဒှ်ကၠုၚ်ဂှ်တုဲ ကြက်ပဒတဴမံၚ်အိုတ်ရ။ ၃၅၀။ ယွံခမဳတအ် ဒေဝဒတ် မၞုံကဵုစိုတ် မိန်ဓရ်အသပ္ပုရိုဟ်ဂမၠိုၚ်ပိသာ် မဂပ်ဝ် ဓလီုဍိုက်ရာန်သကိုတ်ဂှ် ကြက်ကတဵုဒှ် ပ္ဍဲအပါယ်ရ၊ ကြက်ကတဵုဒှ် ပ္ဍဲနရက်ရ၊ ကြက်တန်တဴ လုကဴအာယုကပ်ရ၊ ဇအုဲဇဗဝဳဗလးဟွံမာန်ရ။ ညးမ္ဂးပိသာ်အိုတ်ဂှ်ရော?— ပွမမၞုံကဵုပၟိက်မယုတ်ပရေအ်၊ ပွမမၞုံကဵုမိတ်မယုတ်မာ၊ နပွမကလိဂွံဓရ်တၟေၚ်ဗၞတ်ညိနာၚ်ဂှ် အာစိုပ်ပွမကျဟောံဗြောံ ပ္ဍဲအကြာရ။
ယွံခမဳတအ် ဒေဝဒတ် မၞုံကဵုစိုတ် မိန်ဓရ်အသပ္ပုရိုဟ်ဂမၠိုၚ်ပိသာ်ဝွံ မဂပ်ဝ်ဓလီုဍိုက် ရာန်သကိုတ်ဂှ် ကြက်ကတဵုဒှ် ပ္ဍဲအပါယ်ရ၊ ကြက်ကတဵုဒှ် ပ္ဍဲနရက်ရ၊ ကြက်တန်တဴ လုကဴအာယုကပ်ရ၊ ဇအုဲဇဗဝဳဗလးဟွံမာန်ရ။
ပ္ဍဲလောကဝွံ ညးမမိက်ကဵုမွဲမွဲ ကာလလဆောဝ်လေဝ် ဟွံထေက်ကဵုဒှ် ညးမၞုံကဵုပၟိက်ယုတ်ပရေအ်ရ၊ ဟိုတ်မၞုံကဵုပၟိက်ယုတ်ပရေအ်ဝွံလေဝ် ဩဝ်တီကေတ် လအာဂတိ ညးမၞုံကဵုပၟိက် ယုတ်ပရေအ်ဂမၠိုၚ်အိုတ်ရ။
ဒေဝဒတ်ဂှ် တၠပညာရ ရဴဝွံ ပြာကဋ်ရ၊ ညးမၞုံကဵုစိုတ် မဂပ်ဝ်ဇၞော်ပၟဝ်တုဲ ရဴဝွံ ဂပ်ဝ်သၟိတ်ဂးရ၊ ညံၚ်ရဴယးတၟးတဴ နကဵုသကအ်တွဳဝါရကီု ရဴဝွံ အဲကျာ် မိၚ်ရ။
ဒေဝဒတ်ဂှ် အာစိုပ်ပွဟိုတ်မာဲဒှ်တုဲ ဟိုတ်မမိက်ထ္ဍိမြိခ္ဍိုက်ခရိုက် အဲကျာ်ဂှ်ရ ဒးအာစိုပ် နရက်အဝဳစိ မၞုံကဵုပၞော်တြၚ်ပန်ပၞော် ထေက်ကဵုဖေက်ဂၟံက်ရ။
ယြဴညးမွဲ လုတ်မှာဒုဟ် ကုကျာ်တြဲ မဟွံထေက်ကဵုလုတ်မှာဒုဟ် မဟွံပတုဲပွသရာံပါပ်ရ၊ ပွသရာံပါပ်ဂှ် အာစိုပ် ပူဂိုလ်မၞုံကဵုစိုတ်မလုတ်မှာဒုဟ် မဟွံမွဲကဵုပွမရှေ်သှေ်ရဴဂဴဂှ်ဟေၚ်ရ။
ယြဴညးမွဲ နကဵုဂျိမွဲနုၚ် ပလီုပလာ် ၜဳမှာသၟိဒ်မာန်ရ ရဴဝွံ သမ္တီထေက်ကေတ်ရ၊ ညးဂှ် နကဵုဂျိမွဲနုၚ်ဂှ် ပလီုပလာ်ဟွံမာန်ရ။ ဟိုတ်ဍေံတုန် မှာသၟိဒ်ဂှ် ဇၞော်လှ်တုဲ ဟိုတ်မထေက်ကဵုဖေက်ဂၟံက်ရောၚ်။
တုပ်သၟဟ်သာ်ဝွံဟေၚ်ရ ယြဴညးမွဲ နဂလာန်မခ္ဍိုက်ခရိုက်ချုက်ချာဲ ပျဲပျာံရာန်သကိုတ် ကျာ်တြဲ မအာစိုပ်ပွမသၟဟ်သၟန် မၞုံကဵုစိုတ်ၜိုတ်လလမ်ရ၊ ဂလာန်မခ္ဍိုက် ခရိုက်ချုက်ချာဲ ညးဂှ် ဟွံစိုပ်ပ္ဍဲကျာ်တြဲရ။
ခမဳမဒ္ဂေတ်လၟေၚ်ဂၠံၚ်တရဴ ယြဴပူဂိုလ်မွဲ အာစိုပ်နိဗ္ဗာန် ဌာန်ဒဒိုခ်အိုတ်ရ၊ တၠပညာဂှ် ဒးသ္ပမိတ်ကဵု ပူဂိုလ်ဂကူဂှ်ရ၊ ဒးသိပ်ဂၠိပ်ဟုဲဟာဲ ပူဂိုလ်ဂှ်ရ။
၇.၃.၂။ သၟာန်ပြဒ္ဒညာ ဥပါလိ[ပလေဝ်ဒါန် | ပလေဝ်ဒါန် တမ်ကၞက်]
၃၅၁။ ပ္ဍဲအခိၚ်ဂှ် တဳလပိုဉ်ဥပါလိ ပြာပ်အာဇရေၚ် တဳလမၞုံပိုဉ်ကျာ်တြဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သီုမဂဇအ်ဒၟံၚ် ပ္ဍဲဒၞာဲမွဲဂှ်—
ယွံတဳလမၞုံပိုဉ် “စရိတ်သၚ် စရိတ်သၚ် ‘သၚ်ကရောန်’” ရဴဝွံ ဟီုသ္ဂးဒၟံၚ်ရ၊ ယွံတဳလမၞုံပိုဉ် မုရဴနဗၞတ်မွဲ ဒှ်စရိတ်သၚ်ဟေၚ်တုဲ ဟွံဒှ်သၚ်ပါ်ဒကးရော?။ မုရဴနဗၞတ်မွဲ စရိတ်သၚ်လေဝ်ဒှ်တုဲ သၚ်ပါ်ဒကးလေဝ်ဒှ်ရော?” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံဥပါလိ နူမွဲလပါ်ဂှ် ဒှ်မွဲဇကုရ၊ နူမွဲလပါ်ဂှ် ဒှ်ၜါဇကုအိုတ်ရ၊ ခမဳမရနုက်ကဵုပန်ဇကုဂှ် “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်ဝွံအိုတ်ညိ၊ ဩဝ်သ္ဍိုက်မၠိုက် ဒၠောံဗတောန်ဝွံအိုတ်ညိ” ရဴဝွံ ဟီုသ္ဂးတုဲ ကဵုဂိုၚ်ကေတ် ဇြေဟ်လိက်မာဲရ၊ ယွံဥပါလိ ၜိုန်ကဵုဂိုၚ်ကေတ်ရဴဝွံလေဝ် ဒှ်စရိတ်သၚ်ဟေၚ်တုဲ ဟွံဒှ်သၚ်ပါ်ဒကးဏီရ။
ယွံဥပါလိ နူမွဲလပါ်ဂှ် ဒှ်ၜါဇကုအိုတ်ရ၊ နူမွဲလပါ်ဂှ်လေဝ် ဒှ်ၜါဇကုအိုတ်ရ၊ ခမဳမရနုက်ကဵုမသုန်ဇကုဂှ် “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်တွံအိုတ်ညိ၊ ဩဝ်သ္ဍိုက်မၠိုက် ဒၠောံဗတောန်ဝွံအိုတ်ညိ” ရဴဝွံ ဟီုသ္ဂးတုဲ ကဵုဂိုၚ်ကေတ် ဇြေဟ်လိက်မာဲရ၊ ယွံဥပါလိ ၜိုန်ကဵုဂိုၚ်ကေတ်ရဴဝွံလေဝ် ဒှ်စရိတ်သၚ်ဟေၚ်တုဲ ဟွံဒှ်သၚ်ပါ်ဒကးဏီရ။
ယွံဥပါလိ နူမွဲလပါ်ဂှ် ဒှ်ၜါဇကုအိုတ်ရ၊ နူမွဲလပါ်ဂှ်လေဝ် ဒှ်ၜါဇကုအိုတ်ရ၊ ခမဳမရနုက်ကဵု မသုန်ဇကုဂှ် “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်ဝွံအိုတ်ညိ၊ ဩဝ်သ္ဍိုက်မၠိုက် ဒၠောံဗတောန်ဝွံအိုတ်ညိ” ရဴဝွံ ဟီုသ္ဂးတုဲ ကဵုဂိုၚ်ကေတ် ဇြေဟ်လိက်မာဲရ၊ ယွံဥပါလိ ၜိုန်ကဵုဂိုၚ်ကေတ်ရဴဝွံလေဝ် ဒှ်စရိတ်သၚ်ဟေၚ်တုဲ ဟွံဒှ်သၚ်ပါ်ဒကးဏီရ။
ယွံဥပါလိ နူမွဲလပါ်ဂှ် ဒှ်ၜါဇကုအိုတ်ရ၊ နူမွဲလပါ်ဂှ် ဒှ်ပိဇကုရ၊ ခမဳမရနုက်ကဵုတြဴဇကုဂှ် “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်ဝွံအိုတ်ညိ၊ ဩဝ်သ္ဍိုက်မၠိုက် ဒၠောံဗတောန်ဝွံအိုတ်ညိ” ရဴဝွံ ဟီုသ္ဂးတုဲ ကဵုဂိုၚ်ကေတ် ဇြေဟ်လိက်မာဲရ၊ ယွံဥပါလိ ၜိုန်ကဵုဂိုၚ်ကေတ်ရဴဝွံလေဝ် ဒှ်စရိတ်သၚ်ဟေၚ်တုဲ ဟွံဒှ်သၚ်ပါ်ဒကးဏီရ။
ယွံဥပါလိ နူမွဲလပါ်ဂှ် ဒှ်ပိဇကုအိုတ်ရ၊ နူမွဲလပါ်ဂှ်လေဝ် ဒှ်ပိဇကုအိုတ်ရ၊ ခမဳမရနုက်ကဵုထပှ်ဇကုဂှ် “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်ဝွံအိုတ်ညိ၊ ဩဝ်သ္ဍိုက်မၠိုက် ဒၠောံဗတောန်ဝွံအိုတ်ညိ” ရဴဝွံ ဟီုသ္ဂးတုဲ ကဵုဂိုၚ်ကေတ် ဇြေဟ်လိက်မာဲရ၊ ယွံဥပါလိ ၜိုန်ကဵုဂိုၚ်ကေတ်ရဴဝွံလေဝ် ဒှ်စရိတ်သၚ်ဟေၚ်တုဲ ဟွံဒှ်သၚ်ပါ်ဒကးဏီရ။
ယွံဥပါလိ နူမွဲလပါ်ဂှ် ဒှ်ပိဇကုအိုတ်ရ၊ နူမွဲလပါ်ဂှ် ဒှ်ပန်ဇကုအိုတ်ရ၊ ခမဳမရနုက်ကဵု ဒ္စါံဇကုဂှ် “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်ဝွံအိုတ်ညိ၊ ဩဝ်သ္ဍိုက်မၠိုက် ဒၠောံဗတောန်ဝွံအိုတ်ညိ” ရဴဝွံ ဟီုသ္ဂးတုဲ ကဵုဂိုၚ်ကေတ် ဇြေဟ်လိက်မာဲရ၊ ယွံဥပါလိ ၜိုန်ကဵုဂိုၚ်ကေတ်ရဴဝွံလေဝ် ဒှ်စရိတ်သၚ်ဟေၚ်တုဲ ဟွံဒှ်သၚ်ပါ်ဒကးဏီရ။
ယွံဥပါလိ နူမွဲလပါ်ဂှ် ဒှ်ပန်ဇကုအိုတ်ရ၊ နူမွဲလပါ်ဂှ်လေဝ် ဒှ်ပန်ဇကုအိုတ်ရ၊ ခမဳမရနုက်ကဵုဒ္စိတ်ဇကုဂှ် “”ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်ဝွံအိုတ်ညိ၊ ဩဝ်သ္ဍိုက်မၠိုက် ဒၠောံဗတောန်ဝွံအိုတ်ညိ” ရဴဝွံ ဟီုသ္ဂးတုဲ ကဵုဂိုၚ်ကေတ် ဇြေဟ်လိက်မာဲရ၊ ယွံဥပါလိ ကဵုဂိုၚ်ကေတ်ရဴဝွံတုန် ဒှ်စရိတ်သၚ်လေဝ်ဒှ်တုဲ သၚ်ပါ်ဒကးလေဝ်ဒှ်ရ။
ယွံဥပါလိ ကုခမဳဒ္စိတ်ဇကုဂမၠိုၚ်ကီု ကုခမဳမလောန်လတူဒ္စိတ်ဇကုဂမၠိုၚ်ကီု စရိတ်သၚ်ကီု သၚ်ပါ်ဒကးကီုဒှ်ရ။
ယွံဥပါလ ခမဳဗြဴ ပါ်ဒကးသၚ်ဟွံမာန်ရ၊ တၞဟ်နပါ်ဒကးတုန် ပတိတ်ဒြဟတ်မာန်ရ၊ သိက္ခာမာန် ပါ်ဒကးသၚ်ဟွံမာန်ရ ။ ပ ။ သာမဏဳတြုံ ပါ်ဒကးသၚ်ဟွံမာန်ရ။ သာမဏဳဗြဴ ပါ်ဒကးသၚ်ဟွံမာန်ရ။ ဥပတြုံ ပါ်ဒကးသၚ်ဟွံမာန်ရ။ ဥပးဗြဴ ပါ်ဒကးသၚ်ဟွံမာန်ရ၊ တၞဟ်နပါ်ဒကးတုန် ပတိတ်ဇြဟတ်မာန်ရ။
ယွံဥပါလိ ခမဳမဒှ်ပကတတ် မၞုံကဵုပွမပံက်ဖက်တုပ်သၟဟ် မတန်တဴပ္ဍဲသိမ်တုပ်သၟဟ်ဂှ် ပါ်ဒကးသၚ်မာန်ရ ရဴဝွံ (သ္ဂးရ)။
၃၅၂။ ယွံတဳလမၞုံပိုဉ် “သၚ်ပါ်ဒကး သၚ်ပါ်ဒကး” ရဴဝွံ ဟီုသ္ဂးဒၟံၚ်ရ၊ ယွံတဳလမၞုံပိုဉ် မုရဴနဗၞတ်မွဲ ဒှ်သၚ်ပါ်ဒကးရော?” ရဴဝွံ (ဂရၚ်ပတီရ)။
ယွံဥပါလိ ပ္ဍဲသာသနာဝွံ ခမဳဂမၠိုၚ် ဟွံသေၚ်ကဵုဓရ်ဂှ် “ဓရ်ရ” ရဴဝွံ ထ္ၜးအိုတ်ရ၊ ဓရ်ဂှ် “ဟွံသေၚ်ကဵုဓရ်ရ” ရဴဝွံ ထ္ၜးအိုတ်ရ၊ ဟွံသေၚ်ကဵုဝိနယ်ဂှ် “ဝိနယ်ရ” ရဴဝွံ ထ္ၜးအိုတ်ရ၊ ဝိနယ်ဂှ် “ဟွံသေၚ်ကဵုဝိနယ်ရ” ရဴဝွံ ထ္ၜးအိုတ်ရ၊ ကျာ်တြဲ မဟဂပ်ဝ်တွံ မဟဂပ်ဝ်ဟီုဂှ် “ကျာ်တြဲ ဂပ်ဝ်တွံ ဂပ်ဝ်ဟီုရ” ရဴဝွံ ထ္ၜးအိုတ်ရ၊ ကျာ်တြဲ မဂပ်ဝ်တွံ မဂပ်ဝ်ဟီုဂှ် “ကျာ်တြဲ မဟဂပ်ဝ်တွံ မဟဂပ်ဝ်ဟီုရ၊ ရဴဝွံထ္ၜးအိုတ်ရ၊ အလေံဒ္ဂေတ်လ္ၚတ်ကျာ်တြဲဟွံသေၚ်ဂှ် “အလေံဒ္ဂေတ်လ္ၚတ်ကျာ်တြဲရ” ရဴဝွံထ္ၜးအိုတ်ရ၊ အလေံဒ္ဂေတ်ကျာ်တြဲဂှ် “အလေံဒ္ဂေတ်လ္ၚတ်ကျာ်တြဲဟွံသေၚ်ရ” ရဴဝွံ ထ္ၜးအိုတ်ရ၊ ကျာ်တြဲမဟဂပ်ဝ်ပညပ်ဂှ် “ကျာ်တြဲဂပ်ဝ်ပညပ်ရ” ရဴဝွံ ထ္ၜးအိုတ်ရ၊ ကျာ်တြဲ မဂပ်ဝ်ပညပ်ဂှ် “ကျာ်တြဲ မဟဂပ်ဝ်ပညပ်ရ” ရဴဝွံ ထ္ၜးအိုတ်ရ၊ ဟွံသေၚ်ကဵု အာပတ်ဂှ် “အာပတ်ရ” ရဴဝွံထ္ၜးအိုတ်ရ၊ အာပတ်ဂှ် “ဟွံသေၚ်ကဵုအာပတ်ရ” ရဴဝွံ ထ္ၜးအိုတ်ရ၊ အာပတ်မသာဂှ် “အာပတ်ဇြိုၚ်ရ” ရဴဝွံ ထ္ၜးအိုတ်ရ၊ အာပတ်မဇြိုၚ်ဂှ် “အာပတ်သာရ” ရဴဝွံ ထ္ၜးအိုတ်ရ၊ အာပတ်မၞုံကဵုသှေ်သၟေဟ်ဂှ် “အာပတ်ဟွံမွဲကဵုသှေ်သၟေဟ်ရ” ရဴဝွံ ထ္ၜးအိုတ်ရ၊ အာပတ်ဟွံမွဲကဵုသှေ်သၟေဟ်ဂှ် “အာပတ်မၞုံကဵုသှေ်သၟေဟ်ရ” ရဴဝွံ ထ္ၜးအိုတ်ရ၊ အာပတ်ရုန်မဵု ‘ကြံၚ်မ္ၚိုဟ်’ ဂှ် “အာပတ်ဟွံရုန်မဵု ‘ဟွံကြံၚ်မ္ၚိုဟ်’ ရ” ရဴဝွံ ထ္ၜးအိုတ်ရ၊ အာပတ်ရုန်မဵု ‘ကြံၚ်မ္ၚိုဟ်’ ဂှ် “အာပတ်ဟွံရုန်မဵု ‘ဟွံကြံၚ်မ္ၚိုဟ်’ ရ” ရဴဝွံ ထ္ၜးအိုတ်ရ။
ခမဳဂမၠိုၚ်ဂှ် နကဵုဝတ္ထုဟိုတ်ဂမၠိုၚ်စှ်ဒ္စါံဂကူဝွံ တံၚ်ဓဇက်အိုတ်ရ၊ တံၚ်ဓဇက်ဗွဲအစောံ မယုတ်အိုတ်ရ၊ သ္ပဥပေါဟ်တၞဟ်ခြာအိုတ်ရ၊ သ္ပပဝါရဏာတၞဟ်ခြာအိုတ်ရ၊ သ္ပကမ်သၚ် တၞဟ်ခြာအိုတ်ရ။ ယွံဥပါလိ နဗၞတ်ဝွံ သၚ်ပါ်ဒကးရ ရဴဝွံ (သ္ဂးရ)။
၃၅၃။ ယွံတဳလမၞုံပိုဉ် “သၚ်ညဳသာသၟဟ်သၟန် သၚ်ညဳသာသၟဟ်သၟန်” ရဴဝွံ ဟီုသ္ဂးဒၟံၚ်ရ၊ ယွံတဳလမၞုံပိုဉ် မုရဴနဗၞတ်မွဲ ဒှ်သၚ်ညဳသာသၟဟ်သၟန်ရော?” ရဴဝွံ (ဂရၚ်ပတီရ)။
ယွံဥပါလိ ပ္ဍဲသာသနာဝွံ ခမဳဂမၠိုၚ် ဟွံသေၚ်ကဵုဓရ်ဂှ် “ဟွံေသၚ်ကဵုဓရ်ရ” ရဴဝွံ ထ္ၜးအိုတ်ရ၊ ဓရ်ဂှ် “ဓရ်ရ” ရဴဝွံ ထ္ၜးအိုတ်ရ၊ ဟွံသေၚ်ကဵုဝိနယ်ဂှ် “ဟွံသေၚ်ကဵုဝိနယ်ရ” ရဴဝွံ ထ္ၜးအိုတ်ရ၊ ဝိနယ်ဂှ် “ဝိနယ်ရ” ရဴဝွံ ထ္ၜးအိုတ်ရ၊ ကျာ်တြဲ မဟဂပ်ဝ်တွံ မဟဂပ်ဝ်ဟီုဂှ် “ကျာ်တြဲ မဟဂပ်ဝ်တွံ မဟဂပ်ဝ်ဟီုရ” ရဴဝွံ ထ္ၜးအိုတ်ရ၊ ကျာ်တြဲ မဂပ်ဝ်တွံ မဂပ်ဝ်ဟီုဂှ် “ကျာ်တြဲ မဂပ်ဝ်တွံ မဂပ်ဝ်ဟီုရ” ရဴဝွံ ထ္ၜးအိုတ်ရ၊ အလေံဒ္ဂေတ်လ္ၚတ်ကျာ်တြဲဟွံသေၚ်ဂှ် “အလေံဒ္ဂေတ်လ္ၚတ်ကျာ်တြဲဟွံသေၚ်ရ” ရဴဝွံ ထ္ၜးအိုတ်ရ၊ အလေံဒ္ဂေတ်လ္ၚတ်ကျာ်တြဲဂှ် “အလေံဒ္ဂေတ်လ္ၚတ် ကျာ်တြဲရ” ရဴဝွံ ထ္ၜးအိုတ်ရ၊ ကျာ်တြဲ မဟဂပ်ဝ်ပညပ်ဂှ် “ကျာ်တြဲ မဟဂပ်ဝ်ပညပ်ရ” ရဴဝွံ ထ္ၜးအိုတ်ရ၊ ကျာ်တြဲ မဂပ်ဝ်ပညပ်ဂှ် “ကျာ်တြဲ မဂပ်ဝ်ပညပ်ရ” ရဴဝွံ ထ္ၜးအိုတ်ရ၊ ဟွံသေၚ်ကဵုအာပတ်ဂှ် “ဟွံသေၚ်ကဵုအာပတ်ရ” ရဴဝွံ ထ္ၜးအိုတ်ရ၊ အာပတ်ဂှ် “အာပတ်ရ” ရဴဝွံ ထ္ၜးအိုတ်ရ၊ အာပတ်မသာဂှ် “အာပတ်မသာရ” ရဴဝွံ ထ္ၜးအိုတ်ရ၊ အာပတ်မဇြိုၚ်ဂှ် “အာပတ်ဇြိုၚ်ရ” ရဴဝွံ ထ္ၜးအိုတ်ရ၊ အာပတ်မၞုံကဵုသှေ်သၟေဟ်ဂှ် “အာပတ်မၞုံကဵုသှေ်သၟေဟ်ရ” ရဴဝွံ ထ္ၜးအိုတ်ရ၊ အာပတ်ဟွံမွဲကဵုသှေ်သၟေဟ်ဂှ် “အာပတ်ဟွံမွဲကဵုသှေ်သၟေဟ်ဂှ်ရ” ရဴဝွံ ထ္ၜးအိုတ်ရ၊ အာပတ်ရုန်မဵု ‘ကြံၚ်မ္ၚိုဟ်’ ဂှ် “အာပတ်ရုန်မဵု ‘ကြံၚ်မ္ၚိုဟ်’ ရ” ရဴဝွံ ထ္ၜးအိုတ်ရ၊ အာပတ်ဟွံရုန်မဵု ‘ဟွံကြံၚ်မ္ၚိုဟ်’ ဂှ် “အာပတ်ဟွံရုန်မဵု ‘ဟွံကြံၚ်မ္ၚိုဟ်’ ရ” ရဴဝွံ ထ္ၜးအိုတ်ရ။
ခမဳဂမၠိုၚ်ဂှ် နကဵုဝတ္ထုဟိုတ်ဂမၠိုၚ်စှ်ဒ္စါံဂကူဝွံ ဟွံတံၚ်ဓဇက်အိုတ်ရ၊ ဟွံတံၚ်ဓဇက် ဗွဲအစောံမယုတ်အိုတ်ရ၊ ဟွံသ္ပဥပေါသ်တၞဟ်ခြာအိုတ်ရ၊ ဟွံသ္ပပဝါရဏာတၞဟ်ခြာအိုတ်ရ၊ ဟွံသ္ပကမ်သၚ်တၞဟ်ခြာအိုတ်ရ။ ယွံဥပါလိ နဗၞတ်ဝွံ သၚ်ညဳသာသၟဟ်သန်ရ ရဴဝွံ (သ္ဂးရ)။
၃၅၄။ ယွံတဳလမၞုံပိုဉ် ဟိုတ်မပါ်ဒကးသၚ် မညဳသာသၟဟ်သၟန် ခမဳဂှ် ကဵုဇၞော်မောဝ်တဴ မုရဴဓရ်မွဲရော? ရဴဝွံ (ဂရၚ်ပတတီရ)။
ယွံဥပါလိ ဟိုတ်မပါ်ဒကးသၚ် မညဳသာသၟဟ်သၟန် ကဵုဇၞော်မောဝ်တဴ ပွသရာံပါပ်မတန်တဴ လုကဴအာယုကပ်ရ၊ ဒးစိန်ဂၠက် ပ္ဍဲနရက် လုကဴအာယုကပ်ရ ရဴဝွံ (သ္ဂးရ)။
ခမဳမပါ်ဒကးသၚ် မမိပ်လဟိၚ် ပ္ဍဲပွမပါ်ဒကးသၚ် မတန်တဴ ပ္ဍဲပွမဟွံဗဗွဲဓရ် ကြက်ဒးကတဵုဒှ် ပ္ဍဲအပါယ် ကြက်ဒးစှေ်နရက် ကြက်တန်တဴ လုကဴအာယုကပ်ဂှ် ဟုတ်ယုတ်အာ နူနိဗ္ဗာန် ဒှ်အရာယောဂအိုတ်အာရ၊ ဟိုတ်မပါ်ဒကးသၚ် မညဳသာသၟန်သၟန် ဒးစိန်ဂၠက် ပ္ဍဲနရက် လုကဴအာယုကပ်ရ ရဴဝွံ (သ္ဂးရ)။
ယွံတဳလမၞုံပိုဉ် ခမဳမသ္ပသၚ်ပါ်ဒကး ညံၚ်ဂွံညဳသာသၟန်သၟဟ်ဂှ် ကဵုဇၞော်မောဝ်တဴ မုရဴဓရ်မွဲရော ရဴဝွံ (ဂရၚ်ပတီရ)။
ယွံဥပါလိ ဟိုတ်မသ္ပသၚ်သ္ပပါ်ဒကး ညံၚ်ဂွံညဳသာသၟဟ်သၟန်ဂှ် ကဵုဇၞော်မောဝ်တဴ ပွကုသိုလ်မပြဲ မတန်တဴ လုကဴအာယုကပ်ရ၊ ဂွံမိပ်ဇြိပ်လဟိၚ် ပ္ဍဲဍုၚ်သွဝ် လုကဴအာယုကပ်ရ ရဴဝွံ (သ္ဂးရ)။
သၚ်ညဳသာသၟဟ်သၟန်ဂှ် ဒှ်တသိုခ်ရ၊ ခမဳမလေပ်ယိုက်ဒိုက် ခမဳဂမၠိုၚ်မညဳသာသၟန်သၟဟ် မမိပ်လဟိၚ်ပ္ဍဲပွမညဳသာသၟဟ်သၟန် မတန်တဴပ္ဍဲဓရ်ဂှ် ဟွံဟုတ်ယုတ်အာ နူနိဗ္ဗာန်ဒှ်အရာ ယောဂအိုတ်အာ၊ ဟိုတ်မသ္ပသၚ် ပါ်ဒကး ညံၚ်ဂွံညဳသာသၟဟ်သၟန်ဂှ် ဂွံမိပ်ဇြိပ်လဟိၚ် ပ္ဍဲဍုၚ်သွဝ် လုကဴအာယုကပ်ရ ရဴဝွံ (သ္ဂးရ)။
၃၅၅။ ယွံတဳလမၞုံပိုဉ် ခမဳမပါ်ဒကးသၚ်ဂှ် ဒှ်ညးကြက်ကတဵုဒှ် ပ္ဍဲအပါယ် ညးကြက်ကတဵုဒှ် ပ္ဍဲနရက် ညးကြက်တန်တဴ လုကဴအာယုကပ် ညးဇအုဲဇဗဝဳဗလးဟွံမာန်ဟာ ရဴဝွံ (ဂရၚ်ပတီရ)။
ယွံတဳလမၞုံပိုဉ် ခမဳမပါ်ဒကးသၚ်ဂှ် ဒှ်ညးဟွံဒးကတဵုဒှ် ပ္ဍဲအပါယ် ညးဟွံဒးကတဵုဒှ် ပ္ဍဲနရက် ညးဟွံဒးတန်တဴ လုကဴအာယုကပ် ညးဇအုဲဇဗဝဳဗလးမာန်ဟာ ရဴဝွံ (ဂရၚ်ပတီရ)။
ယွံဥပါလိ ခမဳမပါ်ဒကးသၚ်ဂှ် ဒှ်ညးဟွံဒးကတဵုဒှ် ပ္ဍဲအပါယ် ညးဟွံဒးကတဵုဒှ် ပ္ဍဲနရက် ညးဟွံဒးတန်တဴ လုကဴအာယုကပ် ညးဇအုဲဇဗဝဳဗလးမာန်ရ ရဴဝွံ (သ္ဂးရ)။
ယွံတဳလမၞုံပိုဉ် မုရဴခမဳ မပါ်ဒကးသၚ်မွဲ ဒှ်ညးကြက်ကတဵုဒှ် ပ္ဍဲအပါယ် ညးကြက်ကတဵုဒှ် ပ္ဍဲနရက် ညးကြက်တန်တဴ လုကဴအာယုကပ် ညးဇအုဲဇဗဝဳဗလးဟွံမာန်ရော? ရဴဝွံ (ဂရၚ်ပတီရ)။
ယွံဥပါလိ ပ္ဍဲသာသနာဝွံ ခမဳဂှ် ဟွံသေၚ်ကဵုဓရ်ဂှ် “ဓရ်ရ” ရဴဝွံထ္ၜးရ၊ ပ္ဍဲအရာမထ္ၜးဂှ် ပ္ဍဲကွေတ်ပါ်ဒကးဟွံသေၚ်ကဵုဓရ်ဂှ် မၞုံကွေတ်ရဴဝွံမ္ဂး “ဟွံသေၚ်ကဵုဓရ်” ရ၊ ဂြောပ်ဗ္ဒန်လဝ် တၚ်ဒုၚ်ကေတ်ဇကုတုဲ ဂြောပ်ဗ္ဒန်လဝ် ပွမသ္ဍိုက်မၠိုက်တုပ်စိုတ်ဇကုတုဲ ဂြောပ်ဗ္ဒတ်လဝ် ပွမဒးဂၞပ် ကြိုက်စိုတ်ဇကုတုဲ ဂြောပ်ဗ္ဒန်လဝ်တၚ်ရန်တၟံဇကုတုဲ “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်ဝွံအိုတ်ညိ၊ ဩဝ်သ္ဍိုက်မၠိုက်ဒၠောံဗတောန်ဝွံအိုတ်ညိ” ရဴဝွံ ဟီုလၟိၚ်တုဲ ကဵုဂိုၚ်ကေတ် ဇြေဟ်လိက်မာဲရ။
ယွံဥပါလိ ခမဳမပါ်ဒကးသၚ်ဝွံလေဝ် ဒှ်ညးကြက်ကတဵုဒှ် ပ္ဍဲအပါယ် ညးကြက်ကတဵုဒှ် ပ္ဍဲနရက် ညးကြက်တန်တဴ လုကဴအာယုကပ် ညးဇအုဲဇဗဝဳဗလးဟွံမာန်ရ ရဴဝွံ (သ္ဂးရ)။
ယွံဥပါလိ မွဲဂကူပၠန်တုန် ခမဳဂှ် ဟွံသေၚ်ကဵုဓရ်ဂှ် “ဓရ်ရ” ရဴဝွံ ထ္ၜးရ၊ ပ္ဍဲအရာမထ္ၜးအရာဂှ် ပ္ဍဲကွေတ်ပါ်ဒကး ဟွံသေၚ်ကဵုဓရ်ဂှ် မၞုံကွေတ်ရဴဝွံမ္ဂး ဓရ်ရ၊ ဂြောပ်ဗ္ဒန်လဝ် တၚ်ဒုၚ်ကေတ်ဇကုတုဲ ဂြောပ်ဗ္ဒန်လဝ် ပွမသ္ဍိုက်မၠိုက်တုပ်စိုတ်ဇကုတုဲ ဂြောပ်ဗ္ဒန်လဝ် ပွမဒးဂၞပ်ကြိုက်စိုတ်ဇကုတုဲ ဂြောပ်ဗ္ဒန်လဝ်တၚ်ရန်တၟအ်ဇကုတုဲ “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်ဝွံအိုတ်ညိ၊ ဩဝ်သ္ဍိုက်မၠိုက် ဒၠောံဗတောန်ဝွံအိုတ်ညိ” ရဴဝွံ ဟီုလၟိၚ်တုဲ ကဵုဂိုၚ်ကေတ်ဇြေဟ်လိက်မာဲရ။
ယွံဥပါလိ ခမဳမပါ်ဒကးသၚ်ဝွံလေဝ် ဒှ်ညးကြက်ကတဵုဒှ် ပ္ဍဲအပါယ် ညးကြက်ကတဵုဒှ် ပ္ဍဲနရက် ညးကြက်တန်တဴ လုကဴအာယုကပ် ညးဇအုဲဇဗဝဳဗလးဟွံမာန်ရ ရဴဝွံ (သ္ဂးရ)။
ယွံဥပါလိ မွဲဂကူပၠန်တုန် ခမဳဂှ် ဟွံသေၚ်ကဵုဓရ်ဂှ် “ဓရ်ရ” ရဴဝွံ ထ္ၜးရ၊ ပ္ဍဲအရာမထ္ၜးဂှ် ပ္ဍဲကွေတ်ပါ်ဒကးဟွံသေၚ်ကဵုဓရ်ဂှ် မၞုံသၠေဟ်ပၟာရ၊ ဂြောပ်ဗ္ဒန်လဝ် တၚ်ဒၚ်ကေတ်ဇကုတုဲ ဂြောပ်ဗ္ဒန်လဝ် ပွမသ္ဍိုက်မၠိုက်တုပ်စိုတ်ဇကုတုဲ ဂြောပ်ဗ္ဒန်လဝ် ပွမဒးဂၞပ်ကြိုက်စိုတ်ဇကုတုဲ ဂြောပ်ဗ္ဒန်လဝ်တၚ်ရန်တၟအ်ဇကုတုဲ “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်ဝွံအိုတ်ညိ၊ ဩဝ်သ္ဍိုက်မၠိုက် ဒၠောံဗတောန်ဝွံအိုတ်ညိ” ရဴဝွံ ဟီုလၟိၚ်တုဲ ကဵုဂိုၚ်ကေတ် ဇြေဟ်လိက်မာဲရ။
ယွံဥပါလိ ခမဳမပါ်ဒကးသၚ်ဝွံလေဝ် ဒှ်ညးကြက်ကတဵုဒှ် ပ္ဍဲအပါယ် ညးကြက်ကတဵုဒှ် ပ္ဍဲနရက် ညးကြက်တန်တဴ လုကဴအာယုကပ် ညးဇအုဲဇဗဝဳဗလးဟွံမာန်ရ ရဴဝွံ (သ္ဂးရ)။
ယွံဥပါလိ မွဲဂကူပၠန်တုန် ခမဳဂှ် ဟွံသေၚ်ကဵုဓရ်ဂှ် “ဓရ်ရ” ရဴဝွံ ထ္ၜးရ၊ ပ္ဍဲအရာမထ္ၜးဂှ် ပ္ဍဲကွေတ်ပါ်ဒကးဓရ်ဂှ် မၞုံကွေတ်ရဴဝွံမ္ဂး ဟွံသေၚ်ကဵုဓရ်ရ ။ ပ ။ (ပ္ဍဲအရာမထ္ၜးဂှ် ပ္ဍဲကွေတ်ပါ်ဒကးဓရ်ဂှ် မၞုံကွေတ်ရဴဝွံမ္ဂးဓရ်ရ)။ ပ္ဍဲအရာမထ္ၜး ဂှ် ပ္ဍဲကွေတ်ပါ်ဒကးဓရ်ဂှ် မၞုံကဵုသၠေဟ်ပၟာရ။ ပ္ဍဲအရာ မထ္ၜးဂှ် ပ္ဍဲကွေတ်ပါ်ဒကးမၞုံကဵုသၠေဟ်ပၟာဂှ် မၞုံကွေတ်ရဴဝွံမ္ဂးဓရ်ရ။ ပ္ဍဲအရာမထ္ၜးဂှ် ပ္ဍဲကွေတ်ပါ်ဒကးမၞုံကဵုသၠေဟ်ပၟာဂှ် မၞုံကဵုသၠေဟ်ပၟာရ။ ဂြောပ်ဗ္ဒန်လဝ် တၚ်ဒုၚ်ကေတ်ဇကုတုဲ ဂြောပ်ဗ္ဒန်လဝ်ပွမသ္ဍိုက်မၠိုက်တုပ်စိုတ်ဇကုတုဲ ဂြောပ်ဗ္ဒန်လဝ် ပွမဒးဂၞပ်ကြိုက်စိုတ်ဇကုတုဲ ဂြောပ်ဗ္ဒန်လဝ် တၚ်ရန်တၟအ်ဇကုတုဲ “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်ဝွံအိုတ်ညိ၊ ဩဝ်သ္ဍိုက်မၠိုက် ဒၠောံဗတောန်ဝွံအိုတ်ညိ” ရဴဝွံ ဟီုလၟိၚ်တုဲ ကဵုဂိုၚ်ကေတ် ဇြေဟ်လိက်မာဲရ။
ယွံဥပါလိ ခမဳမပါ်ဒကးသၚ်ဝွံလေဝ် ဒှ်ညးကြက်ကတဵုဒှ် ပ္ဍဲအပါယ် ညးကြက်ကတဵုဒှ် ပ္ဍဲနရက် ညးကြက်တန်တဴ လုကဴအာယုကပ် ညးဇအုဲဇဗဝဳဗလးဟွံမာန်ရ ရဴဝွံ (သ္ဂးရ)။
ယွံဥပါလိ မွဲဂကူပၠန်တုန် ခမဳဂှ် ဓရ်ဂှ် “ဟွံသေၚ်ကဵုဓရ်ရ” ရဴဝွံ ထ္ၜးရ ။ ပ ။ ဟွံသေၚ်ကဵု ဝိနယ်ဂှ် “ဝိနယ်ရ” ရဴဝွံ ထ္ၜးရ၊ ဝိနယ်ဂှ် “ဟွံသေၚ်ကဵုဝိနယ်ရ” ရဴဝွံ ထ္ၜးရ၊ ကျာ်တြဲမဟဂပ်ဝ်တွံ မဟဂပ်ဝ်ဟီုဂှ် “ကျာ်တြဲ ဂပ်ဝ်တွံ ဂပ်ဝ်ဟီုရ” ရဴဝွံ ထ္ၜးရ၊ ကျာ်တြဲ မဂပ်ဝ်တွံ မဂပ်ဝ်ဟီုဂှ် “ကျာ်တြဲမဟဂပ်ဝ်တွံ မဟဂပ်ဝ်ဟီုရ” ရဴဝွံ ထ္ၜးရ၊ အလေံဒ္ဂေတ်လ္ၚတ်ကျာ်တြဲဟွံသေၚ်ဂှ် “အလေံ ဒ္ဂေတ်လ္ၚတ်ကျာ်တြဲရ” ရဴဝွံ ထ္ၜးရ၊ အလေံဒ္ဂေတ်လ္ၚတ်ကျာ်တြဲဂှ် “အလေံဒ္ဂေတ်လ္ၚတ်ကျာ်တြဲဟွံသေၚ်ရ” ရဴဝွံ ထ္ၜးရ။ ကျာ်တြဲမဟဂပ်ဝ်ပညပ်ဂှ် “ကျာ်တြဲဂပ်ဝ်ပညပ်ရ” ရဴဝွံ ထ္ၜးရ၊ ကျာ်တြဲ မဂပ်ဝ်ပညပ်ဂှ် “ကျာ်တြဲ မဟဂပ်ဝ်ပညပ်ရ” ရဴဝွံ ထ္ၜးရ၊ ဟွံသေၚ်ကဵု အာပတ်ဂှ် “အာပတ်ရ” ရဴဝွံ ထ္ၜးရ၊ အာပတ်ဂှ် “ဟွံသေၚ်ကဵုအာပတ်ရ” ရဴဝွံ ထ္ၜးရ၊ အာပတ်မသာဂှ် “အာပတ်ဇြိုၚ်ရ” ရဴဝွံ ထ္ၜးရ၊ အာပတ်မဇြိုၚ်ဂှ် “အာပတ်သာရ” ရဴဝွံ ထ္ၜးရ၊ အာပတ်မၞုံကဵုသှေ်သၟေဟ်ဂှ် “အာပတ်ဟွံမွဲကဵုသှေ်သၟေဟ်ရ” ရဴဝွံ ထ္ၜးရ၊ အာပတ်ဟွံမွဲကဵုသှေ်သၟေဟ်ဂှ် “အာပတ်မၞုံကဵုသှေ်သၟေဟ်ရ” ရဴဝွံ ထ္ၜးရ၊ အာပတ်ရုန်မဵု ‘ကြံၚ်မ္ၚိုဟ်’ ဂှ် “အာပတ်ဟွံရုန်မဵု ‘ဟွံကြံၚ်မ္ၚိုဟ်’ ဂှ်ရ” ရဴဝွံ ထ္ၜးရ၊ အာပတ်ရုန်မဵု ‘ကြံၚ်မ္ၚိုဟ်’ ဂှ် “အာပတ်ဟွံရုန်မဵု ‘ဟွံကြံၚ်မ္ၚိုဟ်’ ရ” ရဴဝွံ ထ္ၜးရ။
ပ္ဍဲအရာမထ္ၜးဂှ် ပ္ဍဲကွေတ်ပါ်ဒကး ဟွံသေၚ်ကဵုဓရ်ဂှ် မၞုံကွေတ်ရဴဝွံမ္ဂး ဟွံသေၚ်ကဵုဓရ်ရ ။ ပ ။ ပ္ဍဲအရာမထ္ၜးဂှ် ပ္ဍဲကွေတ်ပါ်ဒကး ဟွံသေၚ်ကဵုဓရ်ဂှ် မၞုံကွေတ်ရဴဝွံမ္ဂးဓရ်ရ။ ပ္ဍဲအရာမထ္ၜးဂှ် ပ္ဍဲကွေတ်ပါ်ဒကး ဟွံသေၚ်ကဵုဓရ်ဂှ် မၞုံကဵုသၠေဟ်ပၟာရ။
ပ္ဍဲအရာမထ္ၜးဂှ် ပ္ဍဲကွေတ်ပါ်ဒကး ဓရ်ဂှ် မၞုံကွေတ်ရဴဝွံမ္ဂး ဟွံသေၚ်ကဵုဓရ်ရ။ (ပ္ဍဲအရာမထ္ၜး ပ္ဍဲကွေတ်ပါ်ဒကးဓရ်ဂှ် မၞုံကွေတ်ရဴဝွံမ္ဂးဓရ်ရ)။ ပ္ဍဲအရာမထ္ၜးဂှ် ပ္ဍဲကွေတ်ပါ်ဒကး ဓရ်ဂှ် မၞုံကဵုသၠေဟ်ပၟာရ။
ပ္ဍဲအရာမထ္ၜးဂှ် ပ္ဍဲကွေတ်ပါ်ဒကးမၞုံကဵုသၠေဟ်ပၟာဂှ် မၞုံကွေတ်ရဴဝွံမ္ဂး ဟွံသေၚ်ကဵုဓရ်ရ။ ပ္ဍဲအရာမထ္ၜးဂှ် ပ္ဍဲကွေတ်ပါ်ဒကး မၞုံကဵုသၠေဟ်ပၟာဂှ် မၞုံကွေတ်ရဴဝွံမ္ဂးဓရ်ရ။ ပ္ဍဲအရာမထ္ၜးဂှ် ပ္ဍဲကွေတ်ပါ်ဒကး မၞုံကဵုသၠေဟ်ပၟာဂှ် မၞုံကဵုသၠေဟ်ပၟာရ။
ဂြောပ်ဗ္ဒန်လဝ် တၚ်ဒုၚ်ကေတ်ဇကုတုဲ ဂြောပ်ဗ္ဒန်လဝ် ပွမသ္ဍိုက်မၠိုက်တုပ်စိုတ်ဇကုတုဲ ဂြောပ်ဗ္ဒန်လဝ် ပွမဒးဂၞပ် ကြိုက်စိုတ်ဇကုတုဲ ဂြောပ်ဗ္ဒန်လဝ်တၚ်ရန်တၟအ်ဇကုတုဲ “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်ဝွံအိုတ်ညိ၊ ဩဝ်သ္ဍိုက်မၠိုက် ဒၠောံဗတောန်ဝွံအိုတ်ညိ” ရဴဝွံ ဟီုလၟိၚ်တုဲ ကဵုဂိုၚ်ကေတ် ဇြေဟ်လိက်မာဲရ။
ယွံဥပါလိ ခမဳမပါ်ဒကးသၚ်ဝွံလေဝ် ဒှ်ညးကြက်ကတဵုဒှ် ပ္ဍဲအပါယ် ညးကြက်ကတဵုဒှ် ပ္ဍဲနရက် ညးကြက်တန်တဴ လုကဴအာယုကပ် ညးဇအုဲဇဗဝဳဗလးဟွံမာန်ရ ရဴဝွံ (သ္ဂးရ)။
ယွံတဳလမၞုံပိုဉ် မုရဴခမဳမပါ်ဒကးသၚ်မွဲ ဒှ်ညးဟွံဒးကတဵုဒှ် ပ္ဍဲအပါယ် ညးဟွံဒးကတဵုဒှ် ပ္ဍဲနရက် ညးဟွံဒးတန်တဴ လုကဴအာယုကပ် ညးဇအုဲဇဗဝဳဗလးမာန်ရော? ရဴဝွံ (ဂရၚ်ပတီရ)။
ယွံဥပါလိ ပ္ဍဲသာသနာဝွံ ခမဳဂှ် ဟွံသေၚ်ကဵုဓရ်ဂှ် “ဓရ်ရ” ရဴဝွံ ထ္ၜးရ၊ ပ္ဍဲအရာမထ္ၜးဂှ် ပ္ဍဲကွေတ်ပါ်ဒကးဓရ်ဂှ် မၞုံကွေတ်ရဴဝွံမ္ဂး ဓရ်ရ၊ ဟွံဂြောပ်ဗ္ဒန်လဝ် တၚ်ဒုၚ်ကေတ်ဇကုတုဲ ဟွံဂြောပ်ဗ္ဒန်လဝ် ပွမသ္ဍိုက်မၠိုက်တုပ်စိုတ်ဇကုတုဲ ဟွံဂြောပ်ဗ္ဒန်လဝ် ပွမဒးဂၞပ်ကြိုက်စိုတ်ဇကုတုဲ ဟွံဂြောပ်ဗ္ဒန်လဝ်တန်ရန်တၟအ်ဇကုတုဲ “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်ဝွံအိုတ်ညိ၊ ဩဝ်သ္ဍိုက်မၠိုက် ဒၠောံဗတောန်ဝွံအိုတ်ညိ” ရဴဝွံ ဟီုလၟိၚ်တုဲ ကဵုဂိုၚ်ကေတ် ဇြေဟ်လိက်မာဲရ။
ယွံကပါလိ ခမဳမပါ်ဒကးသၚ်ဝွံ ဒှ်ညးဟွံဒးကတဵုဒှ် ပ္ဍဲအပါယ် ညးဟွံဒးကတဵုဒှ် ပ္ဍဲနရက် ညးဟွံဒးတန်တဴ လုကဴအာယုကပ် ညးဇအုဲဇဗဝဳဗလးမာန်ရ ရဴဝွံ (သ္ဂးရ)။
ယွံဥပါလိ မွဲဂကူပၠန်တုန် ခမဳဂှ် ဓရ်ဂှ် “ဟွံသေၚ်ကဵုဓရ်ရ” ရဴဝွံ ထ္ၜးရ ။ ပ ။ အာပတ်ရုန်မဵု ‘ကြံၚ်မ္ၚိုဟ်’ ဂှ် “အာပတ်ဟွံရုန်မဵု ‘ဟွံကြံၚ်မ္ၚိုဟ်’ ရ” ရဴဝွံ ထ္ၜးရ။ ပ္ဍဲအရာမထ္ၜးဂှ် ပ္ဍဲကွေတ်ပါ်ဒကး ဓရ်ဂှ် မၞုံကွေတ်ရဴဝွံမ္ဂး ဓရ်ရ၊ ဟွံဂြောပ်ဗ္ဒန်လဝ် တၚ်ဒုၚ်ကေတ်ဇကုတုဲ ဟွံဂြောပ်ဗ္ဒန်လဝ် ပွမသ္ဍိုက်မၠိုက်တုပ်စိုတ်ဇကုတုဲ ဟွံဂြောပ်ဗ္ဒန်လဝ် ပွမဒးဂၞပ်ကြိုက်စိုတ်ဇကုတုဲ ဟွံဂြောပ်ဗ္ဒန်လဝ်တန်ရန်တၟအ်ဇကုတုဲ “ဣဝွံတုန် ဓမ္မရ၊ ဣဝွံတုန် ဝိနယရ၊ ဣဝွံတုန် ဒၠောံဗတောန်ကျာ်ရ၊ ဩဝ်ဂိုၚ်ကေတ် ဒၠောံဗတောန်ဝွံအိုတ်ညိ၊ ဩဝ်သ္ဍိုက်မၠိုက် ဒၠောံဗတောန်ဝွံအိုတ်ညိ” ရဴဝွံ ဟီုလၟိၚ်တုဲ ကဵုဂိုၚ်ကေတ် ဇြေဟ်လိက်မာဲရ။
ယွံဥပါလိ ခမဳမပါ်ဒကးသၚ်ဝွံ ဒှ်ညးဟွံဒကတဵုဒှ် ပ္ဍဲအပါယ် ညးဟွံဒးကတဵုဒှ် ပ္ဍဲနရက် ညးဟွံဒးတန်တဴ လုကဴအာယုကပ် ညးဇအုဲဇဗဝဳဗလးမာန်ရ ရဴဝွံ (သ္ဂးရ)။
✵✵✵ခဏ်တတိယတုဲရ။✵✵✵
❖ သံဃဘေဒကက္ခန္ဓကဂှ် ဗွဲခမ္ဍန်[ပလေဝ်ဒါန် | ပလေဝ်ဒါန် တမ်ကၞက်]
ပ္ဍဲနိဂီုအနုပိယ ကောန်သၟိၚ်သကျဝၚ် ညးပြာကဋ်ဂမၠိုၚ် ကောန်သၟိၚ်အနုရုဒ္ဓ မဍိုန်ဍောတ် ၜတ်တကတ် ပွမဟွံမွဲပၟိက် ပွမထဲတိ ပွမတဵုပဠုမ်မ (ဂြာတ်မ) ပွမသပၠုပ်ဍာ် ပွမဂစှေ်ချောဲဗဝ်တမ် ပွမရတ် ပွမရၚ်တၠုၚ်ပတိတ် နူတိဗ္ၚ။
ပွမဗွဝ်ဖအုံ ပွမပၠိုန် ပွမရၚ်တၠုၚ်ၜံက်ဂရိုက်ပတိတ်ဆံက်၊ ပွမရေၚ်တၠုၚ်ပတိတ် တဝ်သြောံသၟတ်ဂမၠိုၚ် ‘သ္ပအ်သြောံဂမၠိုၚ်’ ပွမသရဳ ပွမရၚ်တၠုၚ်သပၠုပ်ဟၚ်စာတ် ပ္ဍဲသၞာံဂတတေံလေဝ် ပွမဒးကၠောန်သ္ပရဴဝွံ ကမၠောန်ကေၚ်ကာ ဟွံအိုတ်အာ မအံက်ဂမၠိုၚ် အပါဇၞော်ဂမၠိုၚ်။
ကောန်သၟိၚ်ဘဒ္ဒိယ ကောန်သၟိၚ်အနုရုဒ္ဓ ကောန်သၟိၚ်အာနန္ဒ ကောန်သၟိၚ်ဘဂု ကောန်သၟိၚ်ကိမိလ မာန်မာနကောန်သၟိၚ်သကျဝၚ်ဂမၠိုၚ် ဍုၚ်ကောသမ္ဗဳ ဟုတ်ယုတ်နူၛာန်အဘိဉာဏ် ဗြီုကကုဓ။
ပွမသ္ပပကာသနဳယကမ် မအံက်သၟိၚ်ဗမ္ဗိသာရ တြုံသၟာတ္ၚ စိၚ်နာဠာဂိရိ တိကဘောဇိုန် ဝတ္ထုမသုန်သာ် ပွမဇြိုၚ် ပွမပါ်ဒကးသၚ် အာပတ်ထုလ္လစ္စယ်။
ဓရ်အသပ္ပရိုဟ်ပိဂကူ ဓရ်အသပ္ပရိုဟ်ဒ္စါံဂကူ မွဲလှေ်ပၠန် ဓရ်အသပ္ပုရိုဟ်ပိဂကူ စရိတ်သၚ် သၚ်ပါ်ဒကး ဒှ်ဟာ။
ဣဝွံတုန် သံဃဘေဒကက္ခန္ဓက ဗွဲခမ္ဍန်တုဲရ။
☀︎☀︎☀︎သံဃဘေဒကက္ခန္ဓကတုဲရ။☀︎☀︎☀︎
၈။ ဝတ္တက္ခန္ဓက[ပလေဝ်ဒါန် | ပလေဝ်ဒါန် တမ်ကၞက်]
၈.၁။ စၞောန်ထ္ၜးကဵုအာဂန္တုကဝတ်[ပလေဝ်ဒါန် | ပလေဝ်ဒါန် တမ်ကၞက်]
၃၅၆။ ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴဴတန်ဒၟံၚ် ပ္ဍဲဘာဇေတဝန် မဒှ်အာရှာမ် အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳအာဂန္တုကဂမၠိုၚ် သီုမလိုန်ဍိုက်လဝ်ဒၞပ်လေဝ် လုပ်ကၠုၚ်အပ္ဍဲအာရှာမ်အိုတ်ရ၊ သီုမဓလဝ်လဝ်က္ဍိုၚ်လေဝ် လုပ်ကၠုၚ်အပ္ဍဲအာရှာမ်အိုတ်ရ၊ သီုမဓလီုလဝ်က္ဍိုပ်လေဝ် လုပ်ကၠုၚ်အပ္ဍဲအာရှာမ်အိုတ်ရ၊ သီုမစွံလဝ်သ္ၚာပ္ဍဲက္ဍိုပ်လေဝ် လုပ်ကၠုၚ်အပ္ဍဲအာရှာမ်အိုတ်ရ၊ နကဵုဍာ်သုၚ်လေဝ် ကြာတ်ဇိုၚ်အိုတ်ရ၊ ခမဳ ပဒတဴ ဘာမဇၞော်ဂမၠိုၚ်လေဝ် ဟွံလ္ၚောဝ်အိုတ်ရ၊ ဘာသၞာသတိက်သၞာဒၟံၚ်လေဝ် ဟွံသၟာန်အိုတ်ရ။
ခမဳအာဂန္တုကမွဲဇကု ပံက်သၞောဝ်တြၚ် အပ္ဍဲဘာမဟွံပဒတဴတုဲ ဓရိုဟ်သၠတြၚ်တုဲမ္ဂး လုပ်အာ ဗွဲမပြဟ်ရ၊ နူလတူဇဵုတြၚ်လတူ ဇြုံဒတုံစှေ် ပ္ဍဲပၞးခမဳဂှ်ရ၊ ခမဳဂှ် ဖေက်လကိုတ်တုဲ က္ညာၚ်ကရေဲရ၊ ခမဳဂမၠိုၚ် ဂြိပ်ကၠုၚ်တုဲ “ ယွံကောန်တၠ တၠအဲ မုဟိုတ် က္ညာၚ်ကရေဲရော” ရဴဝွံ သၟာန်ခမဳဂှ်အိုတ်ရ။ ပ္ဍဲအခိၚ်ဂှ် ခမဳဂှ် ဟီုလဴဗ္စ ဟိုတ်ဂှ် ကုခမဳဂမၠိုၚ်ရ။ ခမဳပၟိက်အောန်ဂမၠိုၚ်ဂှ်—
“မုဟိုတ် ခမဳအာဂန္တုကဂမၠိုၚ် သီုမလိုန်ဍိုက်လဝ်ဒၞပ်လေဝ် လုပ်ကၠုၚ်အပ္ဍဲအာရှာမ်အိုတ်ရော?၊ သီုမဓလဝ်လဝ်က္ဍိုၚ်လေဝ် လုပ်ကၠုၚ်အပ္ဍဲအာရှာမ်အိုတ်ရော?၊ သီုမဓလီုလဝ်က္ဍိုပ်လေဝ် လုပ်ကၠုၚ်အပ္ဍဲအာရှာမ်အိုတ်ရော?၊ သီုမစွံလဝ်သ္ၚာ ပ္ဍဲက္ဍိုပ်လေဝ် လုပ်ကၠုၚ်အပ္ဍဲအာရှာမ်အိုတ်ရော?၊ နကဵုဍာ်သုၚ်လေဝ် ကြာတ်ဇိုၚ်အိုတ်ရော?၊ ခမဳပဒတဴဘာ မဇၞော်ဂမၠိုၚ်လေဝ် ဟွံလ္ၚောဝ်အိုတ်ရော?၊ ဘာသၞာသတိက်သၞာဒၟံၚ်လေဝ် ဟွံသၟာန်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။
“ယွံခမဳတအ် ခမဳအာဂန္တုကဂမၠိုၚ် သီုမလိုန်ဍိုက်လဝ်ဒၞပ်လေဝ် လုပ်ကၠုၚ်အပ္ဍဲအာရှာမ်အိုတ်ရ၊ သီုမဓလဝ်လဝ်က္ဍိုၚ်လေဝ် လုပ်ကၠုၚ်အပ္ဍဲအာရှာမ်အိုတ်ရ၊ သီုမဓလီုလဝ်က္ဍိုပ်လေဝ် လုပ်ကၠုၚ်အပ္ဍဲအာရှာမ်အိုတ်ရ၊ သီုမစွံလဝ်သ္ၚာပ္ဍဲက္ဍိုပ်လေဝ် လုပ်ကၠုၚ်အပ္ဍဲအာရှာမ်အိုတ်ရ၊ နကဵုဍာ်သုၚ်လေဝ် ကြာတ်ဇိုၚ်အိုတ်ရ၊ ခမဳ ပဒတဴ ဘာမဇၞော်ဂမၠိုၚ်လေဝ် ဟွံလ္ၚောဝ်အိုတ်ရ၊ ဘာသၞာသတိက်သၞာဒၟံၚ်လေဝ် ဟွံသၟာန်အိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။
တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ။
ယွံခမဳတအ် ခမဳအာဂန္တုကဂမၠိုၚ် မုဟိုတ် သီုမလိုန်ဍိုက်လဝ်ဒၞပ်လေဝ် လုပ်ကၠုၚ်အပ္ဍဲအာရှာမ်အိုတ်ရော?၊ သီုမဓလဝ်လဝ်က္ဍိုၚ်လေဝ် လုပ်ကၠုၚ်အပ္ဍဲအာရှာမ်အိုတ်ရော?၊ သီုမဓလီုလဝ်က္ဍိုပ်လေဝ် လုပ်ကၠုၚ်အပ္ဍဲအာရှာမ်အိုတ်ရော?၊ သီုမစွံလဝ်သ္ၚာ ပ္ဍဲက္ဍိုပ်လေဝ် လုပ်ကၠုၚ်အပ္ဍဲအာရှာမ်အိုတ်ရော?၊ နကဵုဍာ်သုၚ်လေဝ် ကြာတ်ဇိုၚ်အိုတ်ရော?၊ ခမဳပဒတဴဘာ မဇၞော်ဂမၠိုၚ်လေဝ် ဟွံလ္ၚောဝ်အိုတ်ရော?၊ ဘာသၞာသတိက်သၞာဒၟံၚ်လေဝ် ဟွံသၟာန်အိုတ်ရော?။
ယွံခမဳတအ် (ပွခမဳအာဂန္တုကဂမၠိုၚ် သ္ပဒးဝွံ) ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ။ ပ ။ တွံကဵုဂလာန်ဓရ်တုဲမ္ဂး သ္ဂးကဵုခမဳဂမၠိုၚ်ရ—
၃၅၇။ ယွံခမဳတအ် ဒှ်သာ်ဂှ်မ္ဂး ကြက်ပညပ်တဴ ဒ္ဂေတ်ဝတ်ခမဳအာဂန္တုကဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳအာဂန္တုကဂမၠိုၚ် ဒးဒ္ဂေတ်ရ။
ယွံခမဳတအ် ခမဳအာဂန္တုကဂှ် “ပ္ဍဲလၟုဟ် ကြက်လုပ်အာရှာမ်ရ” ရဴဝွံ သၠောတ်(ပတိတ်)ဒၞပ်တုဲ ဖျဝ်ဂရိုက်တုဲမ္ဂး ဂိုၚ်ကေတ်တုဲကီု ခ္ဍောပ်ကၠေံက္ဍိုၚ်တုဲကီု ပံက်ကၠေံက္ဍိုပ်တုဲကီု သ္ၚာပ္ဍဲက္ဍိုပ် စွံပ္ဍဲလတူပၞးတုဲ ဟွံပြဟ်ဟွံလဇုဲ ဒးလုပ်အာ အပ္ဍဲအာရှာမ် ဗွဲမဒးရးရ။ ခမဳ မလုပ်အပ္ဍဲအာရှာမ်ဂှ် “ခမဳ ပဒတဴဘာဂမၠိုၚ် မုရဴပ္ဍဲဌာန်မွဲ ပဒတဴဒၟံၚ်အိုတ်ရော?” ရဴဝွံ ဒးစၟတ်သမ္တီ ဗွဲမဒးရးရ၊ ပ္ဍဲဇြပ်ကောံဓရီုကဵုဒှ် ပ္ဍဲကၞာထးကဵုဒှ် ပ္ဍဲသၟဝ်တမ်ဆုကဵုဒှ် ခမဳ ပဒတဴဘာဂမၠိုၚ် ပဒတဴဒၟံၚ်အိုတ်မ္ဂး၊ အာဌာန်ဂှ်တုဲ ဒးဖျေံစွံဗဗေၚ် ပ္ဍဲဌာန်မဗဗွဲရ၊ ဒးစွံသ္ၚာ ပ္ဍဲဌာန်မဗဗွဲရ၊ ဂိုၚ်ကေတ် သၞာဂဇအ်မဗဗွဲတုဲ ဒးဂဇအ်ရ၊ “မုမွဲ ဒှ်ဍာ်သုၚ်ရော?၊ မုမွဲ ဒှ်ဍာ်ရပ်စပ်ရော?” ရဴဝွံ ဒးသၟာန် ဍာ်သုၚ် ဍာ်ရပ်စပ်ရ၊ နွံပၟိက်ကဵုဍာ်သုၚ်မ္ဂး ဂိုၚ်ကေတ်ဍာ်သုၚ်တုဲ ဒးသုၚ်ရ၊ နွံပၟိက်ကဵုဍာ်ရပ်စပ်မ္ဂး ဂိုၚ်ကေတ် ဒးကြာတ်ဇိုၚ်ရ။ ခမဳ မကြာတ်ဇိုၚ်ဂှ် နကဵုတဲမွဲလပါ်ဂှ် ဒးစဝ်ဍာ်ရ၊ နကဵုတဲမွဲလပါ်ဂှ် ဒးကြာတ်ဇိုၚ်ရ၊ နကဵုတဲဂှ်ဟေၚ် ဟဂပ်ဝ်စဝ်ဍာ်ရ၊ နကဵုတဲဂှ်ဟေၚ် ဟဂပ်ဝ်ကြာတ်ဇိုၚ်ရ။
သၟာန်ယာတ်တမြံၚ်ဇိုတ်ဒၞပ်တုဲ ဒးဇိုတ်ဒၞပ်ဂမၠိုၚ်ရ၊ ခမဳ မဇိုတ်ဒၞပ်ဂမၠိုၚ်ဂှ် ဗွဲကိုပ်ကၠာ ဒးဇိုတ် နကဵုယာတ်တမြံၚ်မကှ်ရ၊ ကြဴနူဂှ်မှ ဒးဇိုတ်နကဵုယာတ်မဍေက်ရ၊ လပိုက်ကြာတ်ကြဴယာတ်တမြံၚ်ဇိုတ်ဒၞပ်တုဲ ဒးပၠးလဝ် ပ္ဍဲဌာန်မဗဗွဲရ။
ခမဳ ပဒတဴဘာဂှ် ဒှ်ခမဳဇၞော်မ္ဂး ဒးလ္ၚောဝ်ရ၊ ဒှ်ခမဳသၟတ်မ္ဂး ဒးဒုၚ်လ္ၚောဝ်ရ၊ “သွက်အဲဍိက် မုရဴ ဘာသၞာသတိက် သၞာဒၟံၚ်မွဲ အာစိုပ်ရော?” ရဴဝွံ ဒးသၟာန် ဘာသၞာသတိက် သၞာဒၟံၚ်ရ၊ ကေၚ်ပဒတဴကီု ဟွံကေၚ်ပဒတဴကီု ဒးသၟာန်ရ၊ ဒးသၟာန် ကွာန်ဂ္ၚေၚ်ပိဏ္ဍပါတ်ရ၊ ဒးသၟာန်ကွာန်ဟွံသေၚ်ကဵုဂ္ၚေၚ်ပိဏ္ဍပါတ်ရ၊ ဒးသၟာန် ဒကာဂမၠိုၚ် မဂပ်ဝ်သၟိတ်ဂးသေက္ခရ၊ ဒးသၟာန်ဌာန်သၠးတရဴဇၞော်ရ၊ ဒးသၟာန် ဌာန်သၠးတရဴသၟတ်ရ၊ ဒးသၟာန် ဍာ်သုၚ်ရ၊ ဒးသၟာန် ဍာ်ရပ်စပ်ရ၊ ဒးသၟာန် လေံဒစုန်ရ၊ “မုရဴပ္ဍဲအခိၚ်မွဲ ဒးလုပ်ရ၊ မုရဴပ္ဍဲအခိၚ်မွဲ ဒးတိတ်ရော?” ရဴဝွံ ဒးသၟာန်ကတိကဝတ်သၚ်ရ။
ဒှ်ဘာဟွံကေၚ်ပဒတဴမ္ဂး ခ္ဍံက်သၠတြၚ်တုဲ လၟတ်မၚ်မွဲမုဟုတ်တုဲမ္ဂး ပလှ်ကယျာသၞောဝ်တြၚ်တုဲ ဓရိုဟ်သၠတြၚ်တုဲ ဒတူဒၟံၚ်ပ္ဍဲလပါ်မ္ၚးတုဲ ဒးသ္ၚေဝ်ရံၚ်ရ။ ဘာ သၟိက်ဟန်ဗန်နွံမ္ဂးကီု ပတိုန်စွံဇံၚ် ပ္ဍဲလတူဇံၚ်ကီု ပတိုန်စွံဂတဵု လတူဂတဵုကီု ဘာ သၟိက်ဟန်ဗန်ဂအုံနှဴရဴဒၟံၚ်ကီု သၟဟ်အစောံမ္ဂး ဒးကွဟ်ၚးတးရ။
ခမဳ မသောၚ်ဖ္ဍောၚ်ၚးတးဘာဂှ် ဗွဲကိုပ်ကၠာ ရၚ်တၠုၚ်ပတိတ် သၞာလးတိတုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ဂၞဳဒုၚ်ဂိုၚ်ဇံၚ်ဂမၠိုၚ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ဖုန်ဂၞဳတုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် သၞာနိသဳဒိုန် သၞာလးတိက်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ဇံၚ်ခါတ်ဂှ် သ္ပဗွဲမသဝ်ဒးရး သီုဟွံကဵုထ္ဍိမြိလုက်စုက်ဒး သၠတြၚ် ဇဵုတြၚ်ဂှ် ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ဂတဵုဂှ် သ္ပဗွဲမသဝ်ဒးရး သီုဟွံကဵုထ္ဍိမြိလုက်စုက်ဒး သၠတြၚ် ဇဵုတြၚ်ဂှ် ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ထၟာဲဂစှ် (ထၟာဲတဲ) တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ဂတဵုဒလာဲတုဲ သ္ဒးစွံလဝ် ပ္ဍဲဒၞာဲမဗဗွဲရ၊ သၞာလးတိဂှ် သမ္တီလဝ် ဒၞာဲလးလၟိုန်တုဲ ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ပ္ဍဲဘာ ယဝ်သ္ၚိစၟဇာဖိုၚ်နွံမ္ဂး၊ သ္ဒးပါဲကၠေံ နူသၠဖ္ဍာန် ဗွဲကိုပ်ကၠာရ၊ သ္ဒးဇိုတ်ပေါတ်ဗတၚ်ကျာ ကေုာံ သကဲခဒမ်ဂမၠိုၚ်ရ။
ဗ္ဒၚ်မသ္ပလဝ်ကလိတ်ကလောတ် နကဵုခၞိက်တိကမၠေတ်ကေတ် (နကဵုဆီတၟံ) ပတိုဟ်တိုန်မ္ဂး၊ ဖ္ဍုက်ဍာ်ယာတ်တမြံၚ်တုဲ ဝတ်ကၠေံတုဲမ္ဂး သ္ဒးဇိုတ်ပေါတ်ရ၊ တိမသ္ပလဝ်ကလိတ်ကလောတ် နကဵုသာ်လမ္စံက်ဂှ် ပတိုဟ်တိုန်မ္ဂး၊ ဖ္ဍုက်ဍာ်ယာတ်တမြံၚ်တုဲ ဝတ်ကၠေံတုဲမ္ဂး သ္ဒးဇိုတ်ပေါတ်ရ၊ ဒှ်တိမဟဂွံသ္ပလဝ်ကလိတ်ကလောတ်မ္ဂး လၟုဟ်ဖရုဲဍာ်တုဲ”လ္ပကဵုမၠိုက်တိုန်ဘာညိ” ရဴဝွံ (စွံစိုတ်တုဲ) သ္ဒးကွဟ်ကၟဟ်ရ၊ ပကောံဖအုံလဝ် အိက်ကၟဟ်တုဲ သ္ဒးထောံထောံ ပ္ဍဲဌာန်မဗဗွဲရ။
စဲတ္ၚဲသအးဇ္ၚး သၞာလးတိတုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲဇိုတ်ပေါတ် ဇိုၚ်ဇံၚ်ဂမၠိုၚ်တုဲမ္ဂး သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဇံၚ်ခါတ်တုဲမ္ဂး ဂရိုက်ထောံတုဲ သ္ပဗွဲမမသဝ်ဒးရး သီုဟွံထ္ဍိမြိလုက်စုက်ဒး သၠတြၚ် ဇဵုတြၚ်ဂှ် သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဂတဵုတုဲမ္ဂး ဂရိုက်ထောံတုဲ သ္ပဗွဲမမသဝ်ဒးရး သီုဟွံထ္ဍိမြိလုက်စုက်ဒး သၠတြၚ် ဇဵုတြၚ်ဂှ် သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဖုန်ဂၞဳတုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး သၞာနိသဳဒိုန် သၞာလးတိက်တုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲဇိုတ်ပေါတ် ထၟာဲဂစှ်တုဲမ္ဂး သ္ဒးကလေၚ်စွံ ပ္ဍဲဒၞာဲအတိုၚ်စွံလဝ်လၟိုန်ရ၊ စဲတ္ၚဲဇိုတ်ပေါတ်ဂတဵုဒလာဲတုဲမ္ဂး သ္ဒးကလေၚ်စွံ ပ္ဍဲဒၞာဲအတိုၚ်စွံလဝ်လၟိုန်ရ။
သ္ဒးစွံဗဗေၚ်သ္ၚာရ။ ခမဳ မိက်ဂွံစွံဗဗေၚ်ဂှ် နကဵုတဲမွဲလပါ်ဂှ် ရပ်ကေတ်ဗဗေၚ်တုဲ နကဵုတဲမွဲလပါ်ဂှ် ဇွိတ်စမ်ရံၚ် သၟဝ်ဇံၚ်ခါတ်ကီု သၟဝ်ဂတဵုကီုတုဲ သ္ဒးစွံရ၊ ဟဂွံစွံဗဗေၚ် ပ္ဍဲတိမဟွံမွဲကဵုသၞာရ။ ခမဳ မိက်ဂွံစွံသ္ၚာဂှ် နကဵုတဲမွဲလပါ်ဂှ် ရပ်ကေတ်သ္ၚာတုဲ နကဵုတဲမွဲလပါ်ဂှ် ဇွိတ်ပေါတ်ထောံဒုန်တေၚ်သ္ၚာ ဇုက်ဗလဲသ္ၚာတုဲ သ္ပလအိတ်မုဟ်ပ္ဍဲလပါ်တေံ သ္ပကဝးပ္ဍဲလပါ်ဏအ်တုဲ သ္ဒးစွံသ္ၚာရ။ နူဒိုဟ်ဗၟံက် ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်ဗၟံက်ဂမၠိုၚ်ရ၊ နူဒိုဟ်ပလိုတ် ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်ပလိုတ်ဂမၠိုၚ်ရ၊ နူဒိုဟ်သၟဝ်ကျာ ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်သၟဝ်ကျာဂမၠိုၚ်ရ၊ နူဒိုဟ်သၠုၚ်ကျာ ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်သၠုၚ်ကျာဂမၠိုၚ်ရ၊ ဒှ်အခိၚ်ဂမ္တဴမ္ဂး ပ္ဍဲအခိၚ်တ္ၚဲ သ္ဒးကၟာတ်ဒဝ်လဝ် ဗတၚ်ကျာဂမၠိုၚ်ရ၊ ပ္ဍဲအခိၚ်ဗတမ် သ္ဒးပံက်လဝ်ရ။
ပြဝိုဏ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ပြဝိုဏ်ရ။ မုက်ထော်တြၚ်ခဒမ်ဟုမ်ဍာ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် မုက်ထော်တြၚ်ခဒမ်ဟုမ်ဍာ်ရ။
ဇြပ်ကောံဓရီု သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ဇြပ်ကောံဓရီုရ။ ရုၚ်ပၟတ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ရုၚ်ပၟတ်ရ။ သ္ၚိဝစ်(သ္ၚိဍာ်) သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် သ္ၚိဝစ်ရ။ ဍာ်သုၚ်ဟွံမွဲမ္ဂး၊ သ္ဒးစွံပတန် ဍာ်သုၚ်ရ။ ဍာ်ရပ်စပ်ဟွံမွဲမ္ဂး၊ သ္ဒးစွံပတန် ဍာ်ရပ်စပ်ရ။ ပ္ဍဲနုၚ်ဍာ်ကြာတ်(နုၚ်သအးသ္ၚိဍာ်) ဍာ်ဟွံမွဲမ္ဂး၊ သ္ဒးဗပေၚ်စုတ်ဍာ်ရ။
ယွံခမဳတအ် ဣဝွံတုန် ဒ္ဂေတ်ဝတ်ခမဳအာဂန္တုကဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳအာဂန္တုကဂမၠိုၚ် ဒးဒ္ဂေတ်ရ ရဴဝွံ (သ္ဂးရ)။
၈.၂။ စၞောန်ထ္ၜးကဵုအာဝါသိကဝတ်[ပလေဝ်ဒါန် | ပလေဝ်ဒါန် တမ်ကၞက်]
၃၅၈။ ပ္ဍဲအခိၚ်ဂှ် ခမဳအာဝါသိကဂမၠိုၚ် သီုမညာတ်ခမဳအာဂန္တုကဂမၠိုၚ်ဖိုဟ် ဟွံလးသၞာအိုတ်ရ၊ ဟွံစွံပတန် ဍာ်ကြဴဇိုၚ် ဂတဵုကြာတ်ဇိုၚ် ကဝေက်ပေါတ်ဇိုၚ်ဂမၠိုၚ် ပ္ဍဲဇရေၚ်အိုတ်ရ၊ ဒစးဒုၚ်တၠုၚ်တရဴတုဲ ဟွံဟောဝ်ဒုၚ်ဂိုၚ်ကေတ် ဗဗေၚ်သ္ၚာအိုတ်ရ၊ ဟွံသၟာန် နဍာ်သုၚ်အိုတ်ရ၊ ခမဳအာဂန္တုက မဇၞော်ဂမၠိုၚ်လေဝ် ဟွံလ္ၚောဝ်အိုတ်ရ၊ ဟွံလးဘာသၞာသတိက်သၞာဒၟံၚ်အိုတ်ရ။
ခမဳပၟိက်အောန်ဂမၠိုၚ်ဂှ်—
“မုဟိုတ် ခမဳ အာဝါသိကဂမၠိုၚ် သီုမညာတ်ခမဳအာဂန္တုကဂမၠိုၚ်ဖိုဟ် ဟွံလးသၞာအိုတ်ရော?၊ ဟွံစွံပတန် ဍာ်ကြဴဇိုၚ် ဂတဵုကြာတ်ဇိုၚ် ကဝေက်ပေါတ်ဇိုၚ်ဂမၠိုၚ် ပ္ဍဲဇရေၚ်အိုတ်ရော?၊ ဒးစးဒုၚ်တၠုၚ် တရဴတုဲ ဟွံဟောဝ်ဒုၚ်ဂိုၚ်ကေတ် ဗဗေၚ်သ္ၚာအိုတ်ရော?၊ ဟွံသၟာန် နဍာ်သုၚ်အိုတ်ရော?၊ ခမဳအာဂန္တုက မဇၞော်ဂမၠိုၚ်လေဝ် ဟွံလ္ၚောဝ်အိုတ်ရော?၊ ဟွံလးဘာသၞာသတိက် သၞာဒၟံၚ်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။
ယွံခမဳတအ် ဍာံပြဟာ။ ပ ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး သ္ဂးကဵုခမဳဂမၠိုၚ်ရ။
၃၅၉။ ယွံခမဳတအ် ဒှ်သာ်ဂှ်မ္ဂး ကြက်ပညပ်တဴ ဒ္ဂေတ်ဝတ်ခမဳအာဝါသိကဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳအာဝါသိကဂမၠိုၚ် ဒးဒ္ဂေတ်ရ။
ယွံခမဳတအ် ခမဳအာဝါသိကဂမၠိုၚ် မညာတ်ခမဳအာဂန္တုကမဇၞော်မ္ဂး ဒးလးသၞာရ၊ ဒးစွံပတန်ဍာ်ကြဴဇိုၚ် ဂတဵုကြာတ်ဇိုၚ် ကဝေက်ပေါတ်ဇိုၚ်ဂမၠိုၚ် ပ္ဍဲဇရေၚ်ရ၊ ဒစးဒုၚ်တၠုၚ်တရဴတုဲ ဒးဟောဝ်ကေတ်ဗဗေၚ်သ္ၚာရ၊ ဒးသၟာန် နဍာ်သုၚ်ရ၊ ယဝ်သၟဟ်ရထမ္ဂး ဒးဇိုတ်ဒၞပ်ဂမၠိုၚ်ရ၊ ခမဳ မဇိုတ်ဒၞပ်ဂမၠိုၚ်ဂှ် ဗွဲကိုပ်ကၠာ ဒးဇိုတ်နကဵုယာတ်တမြံၚ်မကှ်ရ၊ ကြဴနူဂှ်မှ ဒးဇိုတ်နကဵုယာတ်မဍေက်ရ၊ လပိုက်ကြဴကြာတ် ယာတ်တမြံၚ်ဇိုတ်ဒၞပ်တုဲ ဒးပၠးလဝ် ပ္ဍဲဌာန်မဗဗွဲရ။
ဒးလ္ၚောဝ် ခမဳအာဂန္တုကမဇၞော်ရ၊ “ဘာဂှ် အာစိုပ် သွက်တဳလပိုဉ်ရ” ရဴဝွံ ဒးလးဘာသၞာသတိက် သၞာဒၟံၚ်ရ၊ ကေၚ်ပဒတဴကီု ဟွံကေၚ်ပဒတဴကီု ဒးဟီုထ္ၜးရ၊ ဒးဟီုထ္ၜး ကွာန်ဂ္ၚေၚ်ပိဏ္ဍပါတ်ရ၊ ဒးဟီုထ္ၜး ကွာန်ဟွံသေၚ်ကဵုဂ္ၚေၚ်ပိဏ္ဍပါတ်ရ၊ ဒးဟီုထ္ၜး ဒကာဂမၠိုၚ် မဂပ်ဝ်သၟိတ်ဂးသေက္ခရ၊ ဒးဟီုထ္ၜး ဌာန်သၠးတရဴဇၞော်ရ၊ ဒးဟီုထ္ၜး ဌာန်သၠးတရဴသၟတ်ရ၊ ဒးဟီုထ္ၜး ဍာ်သုၚ်ရ၊ ဒးဟီုထ္ၜး ဍာ်ရပ်စပ်ရ၊ ဒးဟီုထ္ၜး လေံဒစုန်ရ၊ “ပ္ဍဲအခိၚ်ဝွံ ဒးလုပ်ရ၊ ပ္ဍဲအခိၚ်ဝွံ ဒးတိတ်ရ” ရဴဝွံ ဒးဟီုထ္ၜး ကတိကဝတ်သၚ်ရ။
ယဝ်ဒှ်ခမဳသၟတ်မ္ဂး “ပ္ဍဲဒၞာဲဝွံ သြဝ်စွံဗဗေၚ်ညိ၊ ပ္ဍဲဒၞာဲဝွံ သြဝ်စွံသ္ၚာညိ၊ ဣဝွံတုန် သၞာရ၊ သြဝ်ဂဇအ်ညိ” သီုမဂဇအ်ဒၟံၚ် ဒးဟီုရ၊ ဒးဟီုထ္ၜး ဍာ်သုၚ်ရ၊ ဒးဟီုထ္ၜး ဍာ်ရပ်စပ်ရ၊ ဒ:ဟီုထ္ၜး ယာတ်တမြံၚ်ဇိုတ်ဒၞပ်ရ၊ ဒးကဵုခမဳအာဂန္တုကလ္ၚောဝ်ရ၊ “ဘာဂှ် အာစိုပ်သွက်တၠအဲရ” ရဴဝွံ ဒးဟီုထ္ၜး ဘာသၞာသတိက်သၞာဒၟံၚ်ရ၊ ကေၚ်ပဒတဴကီု ဟွံကေၚ်ပဒတဴကီု ဒးဟီုထ္ၜးရ၊ ဒးဟီုထ္ၜး ကွာန်ဂ္ၚေၚ်ပိဏ္ဍပါတ်ရ၊ ဒးဟီုထ္ၜး ကွာန်ဟွံသေၚ်ကဵုဂ္ၚေၚ်ပိဏ္ဍပါတ်ရ၊ ဒးဟီုထ္ၜး ဒကာဂမၠိုၚ် မဂပ်ဝ်သၟိတ်ဂးသေက္ခရ၊ ဒးဟီုထ္ၜး ဌာန်သၠးတရဴဇၞော်ရ၊ ဒးဟီုထ္ၜး ဌာန်သၠးတရဴသၟတ်ရ၊ ဒးဟီုထ္ၜး ဍာ်သုၚ်ရ၊ ဒးဟီုထ္ၜး ဍာ်ရပ်စပ်ရ၊ ဒးဟီုထ္ၜး လေံဒစုန်ရ၊ “ပ္ဍဲအခိၚ်ဝွံ ဒးလုပ်ရ၊ ပ္ဍဲအခိၚ်ဝွံ ဒးတိတ်ရ” ရဴဝွံ ဒးဟီုထ္ၜး ကတိကဝတ်သၚ်ရ။
ယွံခမဳတအ် ဣဝွံတုန် ဒ္ဂေတ်ဝတ်ခမဳအာဝါသိကဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳအာဝါသိကဂမၠိုၚ် ဒးဒ္ဂေတ်ရ ရဴဝွံ (သ္ဂးရ)။
၈.၃။ ဒ္ဂေတ်ဝတ်ခမဳကွာ်တရဴ[ပလေဝ်ဒါန် | ပလေဝ်ဒါန် တမ်ကၞက်]
၃၆၀။ ပ္ဍဲအခိၚ်ဂှ် ခမဳကွာ်တရဴဂမၠိုၚ် သီုဟွံလပှ်သီဂိုၚ်ဒေပ် ကယျာဆုကီု ကယျာတိကီု ပံက်စွံလဝ် တြၚ်ဇၞော်ဗတၚ်ကျာဂမၠိုၚ် သီုဟွံဂရၚ်ပတီလဴဗ္စ ဘာသၞာသတိက်သၞာဒၟံၚ်ဂှ် စ္ဍးအာအိုတ်ရ၊ ကယျာဆု ကယျာတိဂမၠိုၚ် လီုလာ်အိုတ်ရ၊ ဘာသၞာသတိက်သၞာဒၟံၚ် ဟွံဂြောပ်ဗ္ဒန်ခိုၚ်ကၠိုက်ရ။
ခမဳပၟိက်အောန်ဂမၠိုၚ်ဂှ်—
“မုဟိုတ် ခမဳကွာ်တရဴဂမၠိုၚ် သီုဟွံလပှ်သီဂိုၚ်ဒေပ် ကယျာဆုကီု ကယျာတိကီု ပံက်စွံလဝ် တြၚ်ဇၞော်ဗတၚ်ကျာဂမၠိုၚ်တုဲ သီုဟွံဂရၚ်ပတီလဴဗ္စ ဘာသၞာသတိက်သၞာဒၟံၚ်ဂှ် စ္ဍးအာအိုတ်ရော?၊ ကယျာဆု ကယျာတိဂမၠိုၚ် လီုလာ်အိုတ်ရ၊ ဘာသၞာသတိက် သၞာဒၟံၚ် သီုဟွံဂြောပ်ဗ္ဒန်ခိုၚ်ကၠိုက်ရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
၃၆၁။ ယွံခမဳတအ် ဒှ်သာ်ဂှ်မ္ဂး ကြက်ပညပ်တဴ ဒ္ဂေတ်ဝတ်ကုခမဳကွာ်တရဴဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳကွာ်တရဴဂမၠိုၚ် ဒးဒ္ဂေတ်ရ။ ယွံခမဳတအ် ခမဳမကွာ်တရဴဂှ် လပှ်သီဂိုၚ်ဒေပ် ကယျာဆု ကယျာတိဂမၠိုၚ်တုဲ ကၟာတ်ဒဝ်ကၠေံ တြၚ်ဇၞော်ဗတၚ်ကျာဂမၠိုၚ်တုဲ ဂရၚ်ပတီလဴဗ္စ ဘာသၞာသတိက်သၞာဒၟံၚ်တုဲ ဒးစ္ဍးအာရ။
ခမဳဟွံမွဲမ္ဂး ဒးဂရၚ်ပတီလဴဗ္စ သာမဏဳရ၊ သာမဏဳဟွံမွဲမ္ဂး ဒးဂရၚ်ပတီလဴဗ္စ ပၟၚ်အာရှာမ်၇၊ ပၟၚ်အာရှာမ်ဟွံမွဲမ္ဂး ဒးဂရၚ်ပတီလဴဗ္စ ဥပးရ၊ ခမဳကဵုဒှ် သာမဏဳကဵုဒှ် ပၟၚ်အာရှာမ်ကဵုဒှ် ဥပးကဵုဒှ် (ညးမမိက်ကဵုမွဲမွဲ) ဟွံမွဲမ္ဂး လးဇံၚ် ပ္ဍဲလတူတၟံဂမၠိုၚ်ပန်ကလောံတုဲ ပတိုန်စွံဇံၚ်မွဲ ပ္ဍဲလတူဇံၚ်မွဲတုဲ ပတိုန်စွံဂတဵုမွဲ ပ္ဍဲလတူဂတဵုမွဲတုဲ သၞာသတိက်သၞာဒၟံၚ်ဂှ် ဖအုံစွံ ပ္ဍဲလတူဂှ်တုဲ လပှ်သီဂိုၚ်ဒေပ် ကယျာဆု ကယျာတိဂမၠိုၚ်တုဲ ကၟာတ်ဒဝ်ကၠေံ တြၚ်ဇၞော်ဗတၚ်ကျာတုဲ ဒးစ္ဍးအာရ။
ဘာဍေက်ဗြဲ(ဗြဲဓဇူ)မ္ဂး သၟဟ်ရထမ္ဂး ဒးကၟဳရ၊ “မုရဴသာ် ဂွံကၟဳဘာရော?” ရဴဝွံ ဓဗုဓ်ဓဝိၚ်လေဝ် ဒးကၠေံစိုတ်လွဳရ၊ နနယ်ဝွံ ကလိဂွံကၟဳဂှ်မ္ဂး ပွမကလိဂွံဝွံ ခိုဟ်သန်ရ၊ ယဝ်ဟွံကလိဂွံမ္ဂး ပ္ဍဲဌာန်ဟွံဍေက်ဍာ်ဗြဲ လးဇံၚ် ပ္ဍဲလတူတၟံဂမၠိုၚ်ပန်ကလောံတုဲ ပတိုန်စွံဇံၚ်မွဲ ပ္ဍဲလတူဇံၚ်မွဲတုဲ ပတိုန်စွံဂတဵုမွဲ ပ္ဍဲလတူဂတဵုမွဲတုဲ သၞာသတိက်သၞာဒၟံၚ်ဂှ် ဖအုံစွံ ပ္ဍဲလတူဂှ်တုဲ လပှ်သီဂိုၚ်ဒေပ် ကယျာဆု ကယျာတိဂမၠိုၚ်တုဲ ကၟာတ်ဒဝ်ကၠေံ တြၚ်ဇၞော်ဗတၚ်ကျာတုဲ ဒးစ္ဍးအာရ။
ဘာအလုံအိုဿီု ဍေက်ဗြဲ (ဗြဲဓဇူ) မ္ဂး သၟဟ်ရထမ္ဂး ဘာသၞာသတိက်သၞာဒၟံၚ်ဂှ် ဒးရၚ်တၠုၚ်ဏာ အပ္ဍဲကွာန်ရ၊ “မုရဴသာ်လဵု သၞာသတိက်သၞာဒၟံၚ်ဂှ် ဂွံရၚ်တၠုၚ်ဏာ အပ္ဍဲကွာန်ရော?” ရဴဝွံ ဂဗုဓ်ဓဝိၚ်လေဝ် ဒးကၠေံစိုတ်လွဳရ၊ နနယ်ဝွံ ကလိဂွံရၚ်တၠုၚ်ဏာ အပ္ဍဲကွာန်မ္ဂး ခိုဟ်သန်ရ၊ ယဝ်ဟွံကလိဂွံမ္ဂး ပ္ဍဲအမှဲအကး လးဇံၚ် ပ္ဍဲလတူတၟံဂမၠိုၚ်ပန်ကလောံတုဲ ပတိုန်စွံဇံၚ်မွဲ ပ္ဍဲလတူဇံၚ်မွဲတုဲ ပတိုန်စွံဂတဵုမွဲ ပ္ဍဲလတူဂတဵုမွဲတုဲ သၞာသတိက်သၞာဒၟံၚ်ဂှ် ဖအုံစွံ ပ္ဍဲလတူဂှ်တုဲ လပှ်သီဂိုၚ်ဒေပ် ကယျာဆု ကယျာတိဂမၠိုၚ်တုဲ “အဝယ်လစှေ်မပတမ်ၝောံဇံၚ်လေဝ် သှေ်သၟေဟ်တန်ဒှ်အိုတ်ရ” ရဴဝွံ (ပၠုပ်စိုတ်တုဲ) ဂြောပ်ဗ္ဒန်ကၠေံ နကဵုချောဲကီု နကဵုသၠဆုကီုတုဲ ဒးစ္ဍးအာရ။ ယွံခမဳတအ် ဣဝွံတုန် ဒ္ဂေတ်ဝတ်ခမဳကွာ်တရဴဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳကွာ်တရဴဂမၠိုၚ် ဒးဒ္ဂေတ်ရ ရဴဝွံ (သ္ဂးရ)။
၈.၄။ စၞောန်ထ္ၜးကဵုဝတ်ဒးသ္ပအနုမောဒနာ[ပလေဝ်ဒါန် | ပလေဝ်ဒါန် တမ်ကၞက်]
၃၆၂။ ပ္ဍဲအခိၚ်ဂှ် ခမဳဂမၠိုၚ် ဟွံသ္ပအနုမောဒနာ ပ္ဍဲဇြပ်ကဵုပိုဉ်အိုတ်ရ။ မၞိဟ်ဂမၠိုၚ် “ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ် ဟွံသ္ပအနုမောဒနာ ပ္ဍဲဇြပ်ကဵုပိုဉ်အိုတ်ရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ခမဳဂမၠိုၚ် သ္ဂောံမိၚ်ကေတ်ဂလာန်မၞိဟ်ဂမၠိုၚ် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်အိုတ်ဟေၚ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ကဵုအခေါၚ် တၞဟ်နသ္ပအနုမောဒနာ ပ္ဍဲဇြပ်ကဵုပိုဉ်ရ” ရဴဝွံ သ္ဂးကဵုခမဳဂမၠိုၚ်ရ။
ပ္ဍဲအခိၚ်ဂှ် “မုရဴခမဳမွဲ ထေက်ကဵုသ္ပအနုမောဒနာ ပ္ဍဲဇြပ်ကဵုပိုဉ်ရော?” ရဴဝွံ ကသပ်ဒှ် ကုခမဳဂမၠိုၚ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ကဵုအခေါၚ် မှာထေရ်ဇၞော် တၞဟ်နသ္ပအနုမောဒနာ ပ္ဍဲဇြပ်ကဵုပိုဉ်ရ” ရဴဝွံ သ္ဂးကဵုခမဳဂမၠိုၚ်ရ။
ပ္ဍဲအခိၚ်ဂှ် ဂကောံဗော်သွးမွဲ ကဵုဒါန်ပိဏ္ဍပါတ်သၚ်ရ၊ တဳလပိုဉ်သာရိပိုတ် ဒှ်သံဃထေရ်ရ၊ ခမဳဂမၠိုၚ် “တဳလမၞုံပိုဉ်ကျာ်တြဲ ကဵုအခေါၚ် ခမဳထေရ်ဇၞော် တၞဟ်နသ္ပအနုမောဒနာ ပ္ဍဲဇြပ်ကဵုပိုဉ်ရ” ရဴဝွံ သှေ်ၜက်စွံလဝ် တဳလပိုဉ်သာရိပိုတ်မွဲဇကုဓဝ်တုဲ စ္ဍးအာအိုတ်ရ။ ပ္ဍဲအခိၚ်ဂှ် တဳလပိုဉ်သာရိပိုတ် သ္ပအနုမောဒနာ ကဵုမၞိဟ်ဂမၠိုၚ်တုဲမ္ဂး လက်ကရဴမှ ညးမွဲဓဝ် က္ညအာရ၊ တဳလမၞုံပိုဉ်ကျာ်တြဲ ညာတ်ဒး တဳလပိုဉ်သာရိပိုတ် မကၠုၚ်ညးမွဲဓဝ် နူဇမ္ၚောဲတုဲ “ ယွံသာရိပိုတ် ပသာ်ရော?၊ ပိဏ္ဍပါတ် ဍိုက်ပေၚ်ဟာ” ရဴဝွံ (သ္ဂးရ)။ “ယွံကျာ်မၞုံပိုဉ် ပိဏ္ဍပါတ် ဍိုက်ပေၚ်ရ၊ ၜိုန်ဍိုက်ပေၚ်လေဝ် ခမဳဂမၠိုၚ် သှေ်ၜက်စွံလဝ် အဲဍိက်မွဲဇကုဓဝ်တုဲ စ္ဍးအာအိုတ်ရ” ရဴဝွံ ဂရၚ်ပတီရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး” ယွံခမဳတအ် ပ္ဍဲဇြပ်ကဵုပိုဉ် ကဵုအခေါၚ် မှာထေရ်ဇၞော် မှာထေရ်သၟတ် ခမဳဂမၠိုၚ်ပန်ဇကု မသုန်ဇကု တၞဟ်နလၟတ်မၚ်ဒၟံၚ်ရ” ရဴဝွံ သ္ဂးကဵုခမဳဂမၠိုၚ်ရ။
ပ္ဍဲအခိၚ်ဂှ် မှာထေရ်မွဲဇကု ၜိုန်တရဴဇၞော်ပ္ဍဵုပ္ဍိုက်လေဝ် လၟတ်မၚ်ဒၟံၚ် ပ္ဍဲဇြပ်ကဵုပိုဉ်ရ၊ မှာထေရ်ဂှ် အေၚ်တရဴဇၞော်ဟွံမာန်တုဲ ဝိဝိၚ်ဝိုတ်စိပ်ကၠာ လောတ်စှေ်အာရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကိစ္စထေက်ကဵုသ္ပနွံမ္ဂး ဟီုလဴဗ္စ ခမဳနွံဇရေၚ်တုဲ တၞဟ်နအာဂှ် ကဵုအခေါၚ်ရ ရဴဝွံ (သ္ဂးရ)။
၈.၅။ ဝတ်ဒးပတုဲ ပ္ဍဲရုၚ်ကဵုပိုဉ်[ပလေဝ်ဒါန် | ပလေဝ်ဒါန် တမ်ကၞက်]
၃၆၃။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် သီုမဗိုက်,ရုၚ်လတက်လေဝ် ဗွဲဟွံဒးရးဂမၠိုၚ် သီုဟွံဍိုက်ပေၚ် ကဵုအယောၚ်အလာဂမၠိုၚ်ဂှ် အာဇြပ်ကဵုပိုဉ်အိုတ်ရ၊ တတ်တိုန်တုဲလေဝ် အာနူဂတနူဂတ ခမဳထေရ်ဇၞော်ဂမၠိုၚ်အိုတ်ရ၊ ဃရိတ်ခဇ် (ၜေတ်ဓရေတ်) ခမဳထေရ်ဇၞော်ဂမၠိုၚ်တုဲလေဝ် ဂဇအ်အိုတ်ရ၊ ခမဳသၟတ်ဂမၠိုၚ်လေဝ် ဆေဝ်ဒဝ်နသၞာအိုတ်ရ၊ သ္ၚာဇၞော်ဂှ်လေဝ် ဍိုက်တုဲဂဇအ် ပ္ဍဲအပ္ဍဲကွာန်အိုတ်ရ။
ခမဳပၟိက်အောန်ဂမၠိုၚ်ဂှ် “မုဟိုတ် ခမဳဆဗ္ဗဂ္ဂဳဂမၠိုၚ် သီုမဗိုက်,ရုၚ်လတက်လေဝ် ဗွဲဟွံဒးရးဂမၠိုၚ် သီုဟွံဍိုက်ပေၚ် ကဵုအယောၚ်အလာဂမၠိုၚ်ဂှ် အာဇြပ်ကဵုပိုဉ်အိုတ်ရော?၊ တတ်တိုန်တုဲလေဝ် အာနူဂတနူဂတ ခမဳထေရ်ဇၞော်ဂမၠိုၚ်အိုတ်ရော?၊ ဃရိတ်ခဇ် (ၜေတ်ဓရေတ်) ခမဳထေရ်ဇၞော်ဂမၠိုၚ်တုဲလေဝ် ဂဇအ်အိုတ်ရော?၊ ခမဳသၟတ်ဂမၠိုၚ်လေဝ် ဆေဝ်ဒဝ်နသၞာအိုတ်ရော?၊ သ္ၚာဇၞော်ဂှ်လေဝ် ဍိုက်တုဲဂဇအ် ပ္ဍဲအပ္ဍဲကွာန်အိုတ်ရော?”
ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။
“ယွံခမဳတအ် ခမဳဆဗ္ဗဂ္ဂဳဂမၠိုၚ် သီုမဗိုက်,ရုၚ်လတက်လေဝ် ဗွဲဟွံဒးရးဂမၠိုၚ် သီုဟွံဍိုက်ပေၚ် ကဵုအယောၚ်အလာဂမၠိုၚ်ဂှ် အာဇြပ်ကဵုပိုဉ်အိုတ်ရ၊ တတ်တိုန်တုဲလေဝ် အာနူဂတနူဂတ ခမဳထေရ်ဇၞော်ဂမၠိုၚ်အိုတ်ရ၊ ဃရိတ်ခဇ် (ၜေတ်ဓရေတ်) ခမဳထေရ်ဇၞော်ဂမၠိုၚ်တုဲလေဝ် ဂဇအ်အိုတ်ရ၊ ခမဳသၟတ်ဂမၠိုၚ်လေဝ် ဆေဝ်ဒဝ်နသၞာအိုတ်ရ၊ သ္ၚာဇၞော်ဂှ်လေဝ် ဍိုက်တုဲဂဇအ် ပ္ဍဲအပ္ဍဲကွာန်အိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ပ ။ ဟီုဂရိုဟ်တုဲ။ ပ ။ တွံကဵုဂလာန်ဓရ်တုဲမ္ဂး သ္ဂးကဵုခမဳဂမၠိုၚ်ရ။
၃၆၄။ ယွံခမဳတအ် ဒှ်သာ်ဂှ်မ္ဂး ကြပ်ပညပ်တဴ ဒ္ဂေတ်ဝတ် ပ္ဍဲဇြပ်ကဵုပိုဉ် ကုခမဳဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳဂမၠိုၚ် ဒးဒ္ဂေတ် ပ္ဍဲဇြပ်ကဵုပိုဉ်ရ။
ယဝ်ဂရၚ်ပတီ အခိၚ် ပ္ဍဲအာရှာမ်မ္ဂး ဗိုက်သ္ပိုၚ် ဗွဲဗၞဳအဝဏ်မညဳသာ နမဂြောပ်ဗ္ဒန် ဗၞဳအဝဏ်ပိပြကာ(ဗၞဳအဝဏ်တၚ်ကၞံၚ်ၜါလပါ် ကဵုပံၚ်ကဠုတ် −မိက်သ္ဂးရ)။ ဒက်ဇုက်ကာယဗန်တုဲ သၠောံရုၚ်လတက် သ္ၚာသကိုပ်ဂမၠိုၚ်မထပ်လဝ်တုဲ စုတ်ခၟောံသ္ၚာတုဲ ကြာတ်ကြဴတုဲမ္ဂး ဂိုၚ်ကေတ်ဗဗေၚ်တုဲ ဟွံလဇုဲလောန် ဟွံပြဟ်လောန် သ္ဒးလုပ်ကွာန် ဗွဲမဒးရးရ။
တတ်တိုန်တုဲ ဟဂပ်ဝ်အာနူဂတ နူဂတခမဳထေရ်ဇၞော်ဂမၠိုၚ်ရ၊ သီုမဂြောပ်ဗ္ဒန်လဝ် ဗွဲမဒးရး သ္ဒးအာပ္ဍဲအပ္ဍဲကွာန်ရ၊ သီုမသ္ၚဳလလမ်မၚ်မွဲဣန္ဒြဳ ဗွဲမဒးရး သ္ဒးအာပ္ဍဲအပ္ဍဲကွာန်ရ၊ သီုမဖျေံလဝ်မတ်ဗွဲသၟဝ် သ္ဒးအာပ္ဍဲအပ္ဍဲကွာန်ရ၊ သၠိုက်ပတိုန်သ္ၚာတုဲ ဟဂပ်ဝ်အာ ပ္ဍဲအပ္ဍဲကွာန်ရ၊ သီုမဂြိုၚ်တဴ ဗွဲမသကာတ် ဟဂပ်ဝ်အာ ပ္ဍဲအပ္ဍဲကွာန်ရ၊ မၞုံကဵုဗရုရမျာၚ် မအောန်သာဒှ်တုဲ သ္ဒးအာ ပ္ဍဲအပ္ဍဲကွာန်ရ၊ ဂရိုက်ဂရာၚ်ဂဝုဲပချဳဇကုတုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ဂဝုဲကသဳတဲတုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ဂရိုက်ကသဳက္ဍိုပ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ထံက်ဂန်လဝ်ဂၞိၚ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ဓလီုလဝ်က္ဍိုပ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ကွာ်ကချေအ်ခ္ဍိုတ် လိုန်နကဵုတၞုဟ်ဒၞေဟ်ဇိုၚ်တုဲ ဟဂပ်ဝ်အာ ပ္ဍဲအပ္ဍဲကွာန်ရ။
သီုမသ္ၚဳလလမ်မၚ်မွဲလဝ်ဣန္ဒြဳ ဗွဲမဒးရး သ္ဒးဂဇအ် ပ္ဍဲအပ္ဍဲကွာန်ရ၊ သီုမဖျေံလဝ်မတ်ဗွဲသၟဝ် သ္ဒးဂဇအ် ပ္ဍဲအပ္ဍဲကွာန်ရ၊ သၠိုက်ပတိုန်သ္ၚာတုဲ ဟဂပ်ဝ်ဂဇအ် ပ္ဍဲအပ္ဍဲကွာန်ရ၊ သီုမဂြိုၚ်တဴ ဗွဲမသကာတ် ဟဂပ်ဝ်ဂဇအ် ပ္ဍဲအပ္ဍဲကွာန်ရ၊ မၞုံကဵုဗရုရမျာၚ် မအောန်သာဒှ်တုဲ သ္ဒးဂဇအ် ပ္ဍဲအပ္ဍဲကွာန်ရ၊ ဂရိုက်ဂရာၚ်ဂဝုဲပချဳဇကုတုဲ ဟဂပ်ဝ်ဂဇအ် ပ္ဍဲအပ္ဍဲကွာန်ရ၊ ဂဝုဲကသဳတဲတုဲ ဟဂပ်ဝ်ဂဇအ် ပ္ဍဲအပ္ဍဲကွာန်ရ၊ ဂရိုက်ကသဳက္ဍိုပ်တုဲ ဟဂပ်ဝ်ဂဇအ် ပ္ဍဲအပ္ဍဲကွာန်ရ၊ ထံက်ဂန်လဝ်ဂၞိၚ်တုဲ ဟဂပ်ဝ်ဂဇအ် ပ္ဍဲအပ္ဍဲကွာန်ရ၊ ဓလီုလဝ်က္ဍိုပ်တုဲ ဟဂပ်ဝ်ဂဇအ် ပ္ဍဲအပ္ဍဲကွာန်ရ၊ ဒက်တာန်တဲ တာန်ယာတ်တုဲ ဟဂပ်ဝ်ဂဇအ် ပ္ဍဲအပ္ဍဲကွာန်ရ၊ သီုမဃရိတ်ခဇ် ခမဳထေရ်ဇၞော်ဂမၠိုၚ်ဂှ် ဟဂပ်ဝ်ဂဇအ်ရ၊ နကဵုသၞာလေဝ် ဟဂပ်ဝ်ဆေဝ်ဒဝ် ခမဳသၟတ်ဂမၠိုၚ်ရ၊ ဍိုက်သ္ၚာဇၞော်တုဲလေဝ် ဟဂပ်ဝ်ဂဇအ် ပ္ဍဲအပ္ဍဲကွာန်ရ။
ဒုၚ်ကဵုဍာ်မ္ဂး မိန်လဝ်ဗဗေၚ် နကဵုတဲဂမၠိုၚ်ၜါလပါ်တုဲ သ္ဒးဒုၚ်ဂိုၚ်ကေတ်ဍာ်ရ၊ ဖျဝ်ဖျေံတုဲ သီုဟွံကဵုထ္ဍိမြိစုက်ဒးဂှ် သ္ဒးကြာတ်ကြဴဗဗေၚ်ရ။
ထၟာဲဂစှ် (ထၟာဲတဲ) နွံမ္ဂး “လ္ပကဵုထၟာဲဂစှ် ဍေက်ဍာ်ညိ၊ လ္ပကဵုခမဳနွံဇရေၚ်ဂမၠိုၚ် ဍေက်ဍာ်ညိ၊ လ္ပကဵုသ္ၚာဇၞော် ဍေက်ဍာ်ညိ” ရဴဝွံ ဖျဝ်ဖျေံတုဲ သ္ဒးကိုဟ်ချာဲဍာ် ပ္ဍဲထၟာဲဂစှ်ရ။
ထၟာဲဂစှ်ဟွံမွဲမ္ဂး “လ္ပကဵုခမဳနွံဇရေၚ်ဂမၠိုၚ် ဍေက်ဍာ်ညိ၊ လ္ပကဵုသ္ၚာဇၞော် ဍေက်ဍာ်ညိ” ရဴဝွံ ဖျဝ်ဖျေံတုဲ သ္ဒးကိုဟ်ချာဲဍာ် ပ္ဍဲတိရ။
ကဵုဒါန် ပိဏ္ဍပါတ်မ္ဂး မိန်လဝ်ဗဗေၚ် နကဵုတဲဂမၠိုၚ်ၜါလပါ်တုဲ သ္ဒးဒုၚ်ဂိုၚ်ကေတ်ပိဏ္ဍပါတ်ရ၊ သ္ဒးစွံလဝ်ဒၞာဲ သွက်သွရ။
ကၠေၚ်သွဟ်ကီု ကၠေၚ်ကီု ပွေက်ကီု နွံမ္ဂး “ သြဝ်ကဵုဍိုက်ပေၚ် ညဳသၟဟ်သၟန် ကုခမဳဂမၠိုၚ်အိုဿီုညိ” ရဴဝွံ ထေရ်ဇၞော် သ္ဒးဟီုရ။
သ္ဒးဒုၚ်ဂိုၚ်ကေတ် ပိဏ္ဍပါတ် ဗွဲမဒးရးရ၊ သီုမၞုံကဵုစၟတ်သမ္တီ ပ္ဍဲဗဗေၚ်ဂှ် သ္ဒးဒုၚ်ဂိုၚ်ကေတ်ပိဏ္ဍပါတ်ရ၊ သ္ဒးဒုၚ်ဂိုၚ်ကေတ် ပိဏ္ဍပါတ် မညဳသၟဟ်သၟန်ကဵုသွရ၊ သ္ဒးဒုၚ်ဂိုၚ်ကေတ်ပိဏ္ဍပါတ် မညဳသၟဟ်သၟန်ကဵု စရိတ်သၟန်ဗဗေၚ်ရ။
သွက်ခမဳဂမၠိုၚ်အိုဿီု ကိုပ်ကၠာပိဏ္ဍပါတ် ဟွံစိုပ်ဏီ ထေရ်ဇၞော် ဟဂပ်ဝ်သ္ပပြဘိုဂ်ပိဏ္ဍပါတ်ရ၊ သ္ဒးသ္ပပြဘိုဂ်ပိဏ္ဍပါတ် ဗွဲမရှေ်သှေ်ရဴဂဴရ၊ သီုမၞုံကဵုစၟတ်သမ္တီ ပ္ဍဲဗဗေၚ်ဂှ် သ္ဒးသ္ပပြဘိုဂ်ပိဏ္ဍပါတ်ရ၊ သ္ဒးသ္ပပြဘိုဂ်ပိဏ္ဍပါတ် ဗွဲလၟေၚ်လၟေၚ်ရ၊ သ္ဒးသ္ပပြဘိုဂ်ပိဏ္ဍပါတ် ဗွဲမညဳသၟဟ်သၟန်ကဵုသွရ၊ သွေက်ဍေက်ကေတ် က္ဍိုပ်ပိဏ္ဍပါတ်တုဲ ဟဂပ်ဝ်သ္ပပြဘိုဂ်ပိဏ္ဍပါတ်ရ၊ ဗဒဲါကေတ်ကဵု ပွမမိက်ကဵုဂၠိုၚ်ဒှ်တုဲ ဟဂပ်ဝ်ဂြောပ်ဗ္ဒန်သွကီု အမာဲသွကဗျဉ်ကီု နကဵုပိဏ္ဍပါတ်ရ၊ ခမဳဟွံဂိယဲဂှ် တၞဟ်နဖဵုဇကု ဟဂပ်ဝ်အာတ်စ သွကီု ပိဏ္ဍပါတ်ကီုရ၊ မၞုံကဵုစၟတ်သမ္တီ မမိက်ဂရိုဟ်ဒှ်တုဲ ဟဂပ်ဝ်သ္ရေဝ်ရံၚ် ဗဗေၚ်ညးသအာၚ်ရ၊ ဟဂပ်ဝ်သ္ပ လၟံက်ပိဏ္ဍပါတ် မဇၞော်လောန်ရ၊ ဒးသ္ပလၟံက်ပိဏ္ဍပါတ် ဗွဲဗၞဳအဝဏ်မညဳသာရ၊ ကိုပ်ကၠာလၟံက်ပိဏ္ဍပါတ် ဟွံစိုပ်ပါၚ်ဏီ ဟဂပ်ဝ်လ္ပံက်ပါၚ်ရ၊ ခမဳမကဵုပိုဉ် ဟဂပ်ဝ်သပၠုပ် လပုဟ်တဲအိုဿီု ပ္ဍဲအပ္ဍဲပါၚ်ရ၊ နကဵုပါၚ်မၞုံကဵုလၟံက်ပိဏ္ဍပါတ်ဂှ် ဟဂပ်ဝ်ဟီုအရေဝ်ရ၊ ကတိုၚ်ပတိုန် လၟံက်ပိဏ္ဍပါတ်တုဲ ဟဂပ်ဝ်သ္ပပြဘိုဂ်ရ၊ ကိတ်ထပိုတ်ကၠေံ လၟံက်ပိဏ္ဍပါတ်တုဲ ဟဂပ်ဝ်သ္ပပြဘိုဂ်ရ၊ ခၜမ်လဝ်ပ္ဍဲကၞိၚ် ညံၚ်ရဴကၞုဲခၜမ်သတ်ဆုတုဲ ဟဂပ်ဝ်သ္ပပြဘိုဂ်ရ၊ လယှ်တဲတုဲ ဟဂပ်ဝ်သ္ပပြဘိုဂ်ရ၊ ကြုဲဝေၚ်မပုၚ်တုဲ ဟဂပ်ဝ်သ္ပပြဘိုဂ်ရ၊ ကလေအ်လတာ်တုဲ ဟဂပ်ဝ်သ္ပပြဘိုဂ်ရ၊ သ္ပဗရုစာပ်စာပ်တုဲ ဟဂပ်ဝ်သ္ပပြဘိုဂ်ရ၊ သ္ပသောတ်ဗြုဂြံက်ဂြံက်တုဲ ဟဂပ်ဝ်သ္ပပြဘိုဂ်ရ၊ ကၠာန်တဲတုဲ ဟဂပ်ဝ်သ္ပပြဘိုဂ်ရ၊ ခါဂွါတ်ဗဗေၚ်တုဲ ဟဂပ်ဝ်သ္ပပြဘိုဂ်ရ၊ ကၠာန်သၟန်ပါၚ်တုဲ ဟဂပ်ဝ်သ္ပပြဘိုဂ်ရ။
နတဲမၞုံကဵုအာမိသဂှ် ဟဂပ်ဝ်ရပ် ခရော်သုၚ်ဍာ်ရ၊ ခမဳဂမၠိုၚ်အိုဿီု ကိုပ်ကၠာကဵုပိုဉ်ဟွံတုဲဏီ ထေရ်ဇၞော် ဟဂပ်ဝ်ဒုၚ်ဂိုၚ်ကေတ်ဍာ်ရ၊ ဒုၚ်ကဵုဍာ်မ္ဂး မိန်လဝ်ဗဗေၚ် နကဵုတဲဂမၠိုၚ်ၜါလပါ်တုဲ သ္ဒးဒုၚ်ကေတ်ဍာ်ရ၊ ဖျဝ်ဖျေံတုဲ သီုဟွံကဵုထ္ဍိမြိစုက်ဒးဂှ် သ္ဒးကြာတ်ကြဴဗဗေၚ်ရ၊ ထၟာဲဂစှ်(ထၟာဲတဲ) နွံမ္ဂး “လ္ပကဵုထၟာဲဂစှ် ဍေက်ဍာ်ညိ၊ လ္ပကဵုခမဳနွံဇရေၚ်ဂမၠိုၚ် ဍေက်ဍာ်ညိ၊ လ္ပကဵုသ္ၚာဇၞော် ဍေက်ဍာ်ညိ” ရဴဝွံ ဖျဝ်ဖျေံတုဲ သ္ဒးကိုဟ်ချာဲဍာ် ပ္ဍဲထၟာဲဂစှ်ရ။
ထၟာဲဂစှ်ဟွံမွဲမ္ဂး “လ္ပကဵုခမဳနွံဇရေၚ်ဂမၠိုၚ် ဍေက်ဍာ်ညိ၊ လ္ပကဵုသ္ၚာဇၞော် ဍေက်ဍာ်ညိ” ရဴဝွံ ဖျဝ်ဖျေံတုဲ သ္ဒးကိုဟ်ချာဲဍာ် ပ္ဍဲတိရ။ ဟဂပ်ဝ်ကိုဟ်ချာဲ ဍာ်ကြာတ်ဗဗေၚ် မဒှ်မွဲဟာန်ကေုာံမပုၚ် ပ္ဍဲအပ္ဍဲကွာန်ရ။
ကလေၚ်စဴမ္ဂး ခမဳသၟတ်ဂမၠိုၚ် သ္ဒးကလေၚ်စဴ ဗွဲကိုပ်ကၠာရ၊ ထေရ်ဇၞော်ဂမၠိုၚ် သ္ဒးကလေၚ်စဴ နူလက်ကရဴရ၊ သီုမဂြောပ်ဗ္ဒန်လဝ် ဗွဲမဒးရး သ္ဒးအာပ္ဍဲအပ္ဍဲကွာန်ရ၊ သီုမသ္ၚဳလလမ်မၚ်မွဲလဝ်ဣန္ဒြဳ ဗွဲမဒးရး သ္ဒးအာပ္ဍဲအပ္ဍဲကွာန်ရ၊ သီုမဖျေံလဝ်မတ်ဗွဲသၟဝ် သ္ဒးအာပ္ဍဲအပ္ဍဲကွာန်ရ၊ သၠိုက်ပတိုန်သ္ၚာတုဲ ဟဂပ်ဝ်အာ ပ္ဍဲအပ္ဍဲကွာန်ရ၊ သီုမဂြိုၚ်တဴ ဗွဲမသကာတ် ဟဂပ်ဝ်အာ ပ္ဍဲအပ္ဍဲကွာန်ရ၊ မၞုံကဵုဗရုရမျာၚ်မအောန်သာဒှ်တုဲ သ္ဒးအာပ္ဍဲအပ္ဍဲကွာန်ရ၊ ဂရိုက်ဂရာၚ်ဂဝုဲပချဳဇကုတုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ဂဝုဲကသဳတဲတုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ဂရိုက်ကသဳက္ဍိုပ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ထံက်ဂန်လဝ်ဂၞိၚ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ဓလီုလဝ်က္ဍိုပ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ကွာ်ကချေအ်ခ္ဍိုတ် လိုန်နကဵုတၞုဟ်ဒၞေဟ်ဇိုၚ်တုဲ ဟဂပ်ဝ်အာ ပ္ဍဲအပ္ဍဲကွာန်ရ။ ယွံခမဳတအ် ဣဝွံတုန် ဒ္ဂေတ်ဝတ်ခမဳဂမၠိုၚ် ပ္ဍဲဇြပ်ကဵုပိုဉ်ရ၊ အတိုၚ်ဒ္ဂေတ်ဝတ်ဂှ် ခမဳဂမၠိုၚ် ဒးဒ္ဂေတ် ပ္ဍဲဇြပ်ကဵုပိုဉ်ရ ရဴဝွံ (သ္ဂးရ)။
❀ခဏ်ပဌမ တုဲရ။❀
၈.၆။ စၞောန်ထ္ၜးကဵု ပိဏ္ဍစာရိကဝတ်[ပလေဝ်ဒါန် | ပလေဝ်ဒါန် တမ်ကၞက်]
၃၆၅။ ပ္ဍဲအခိၚ်ဂှ် ခမဳဳဂမၠိုၚ် သီုမဗိုက် ရုၚ်လတက်လဝ် ဗွဲဟွံဒးရးဂမၠိုၚ် သီုဟွံဍိုက်ပေၚ်ကဵုအယောၚ်အလာဂမၠိုၚ်ဂှ် ဂေတ်ဂ္ၚေၚ်ပိဏ္ဍပါတ်အိုတ်ရ၊ သီုဟွံမွဲကဵုစၟတ်သမ္တီလေဝ် လုပ်အာသ္ၚိအိုတ်ရ၊ သီုဟွံမွဲကဵုစၟတ်သမ္တီလေဝ် တိတ်အိုတ်ရ၊ ဗွဲမပြဟ်လောန်လေဝ် လုပ်အိုတ်ရ၊ ဗွဲမပြဟ်လောန်လေဝ် တိတ်အိုတ်ရ၊ ပ္ဍဲဌာန်သ္ၚောဲလောန်လေဝ် ဒတူအိုတ်ရ၊ ပ္ဍဲဌာန်ကြပ်လောန်လေဝ် ဒတူအိုတ်ရ၊ ဗွဲမလလအ်လောန်လေဝ် ဒတူအိုတ်ရ၊ ဗွဲမပြဟ်လောန်လေဝ် ဒတူအိုတ်ရ။
ပ္ဍဲအခိၚ်ဂှ် ခမဳမဂ္ၚေၚ်ပိဏ္ဍပါတ်မွဲဇကုလေဝ် သီုဟွံစွံသတိ လုပ်အာသ္ၚိမ္ဂး သမ္တီထေၚ်ကေတ်တြၚ်တုဲ လုပ်ဒးအာဂၠမ်မွဲရ၊ ပ္ဍဲဂၠမ်ဂှ် ဗြဴမွဲ သီုဟွံမွဲကဵုယာတ် တိက်ဒၟံၚ်လံက်လ္ၚာရ၊ ခမဳဂှ် ညာတ်ဒးဗြဴမတိက်ဒၟံက်လံက်လ္ၚာ သီုဟွံမွဲကဵုယာတ်တုဲ “ဣဝွံ တြၚ်ဟွံသေၚ်ရ၊ ဂၠမ်ဟေၚ်ရ” ရဴဝွံ တိတ်ကၠုၚ်နူဂၠမ်ဂှ်ရ။ တြုံတၠသ္ၚိ ဗြဴဂှ် ညာတ်ဒး ဗြဴမတိက်ဒၟံၚ်လံက်လ္ၚာ သီုဟွံမွဲကဵုယာတ်တုဲ “ ခမဳဝွံ ပလီုပလာ် သမ္ဘာအဲရ” ရဴဝွံ ရပ်ကေတ်ခမဳဂှ်တုဲ ၜုၚ်တက်ရ၊ ပ္ဍဲအခိၚ်ဂှ် ဗြဴဂှ် ၚုဟ်တိုန် နကဵုဗရုရမျာၚ်ဂှ်တုဲ “ယွံတၠနာဲ တၠအဲ မုဟိုတ် ၜုၚ်တက် ခမဳဝွံရော” ရဴဝွံ ဟီုသ္ဂးကဵုတြုံဂှ်ရ။
ခမဳဝွံ ပလီုပလာ် တၠအဲရ ရဴဝွံ (သ္ဂးရ)။
“ယွံတၠနာဲ ခမဳဝွံ ဟွံပလီုပလာ် အဲရ၊ ခမဳဂှ် ဟွံလေပ်သ္ပရ” ရဴဝွံ ဟီုသ္ဂးတုဲ ကဵုဗလးထောံခမဳဂှ်ရ။ ပ္ဍဲအခိၚ်ဂှ် ခမဳဂှ် အာအာရှာမ်တုဲ ဟီုလဴဗ္စ ဟိုတ်ပရူပရာဂှ် ကုခမဳဂမၠိုၚ်ရ၊ ခမဳပၟိက်အောန်ဂမၠိုၚ်ဂှ် “မုဟိုတ် ခမဳဳဂမၠိုၚ် သီုမဗိုက် ရုၚ်လတက်လဝ် ဗွဲဟွံဒးရးဂမၠိုၚ် သီုဟွံဍိုက်ပေၚ်ကဵုအယောၚ်အလာဂမၠိုၚ်ဂှ် ဂေတ်ဂ္ၚေၚ်ပိဏ္ဍပါတ်အိုတ်ရော?၊ သီုဟွံမွဲကဵုစၟတ်သမ္တီလေဝ် လုပ်အာသ္ၚိအိုတ်ရော?၊ သီုဟွံမွဲကဵုစၟတ်သမ္တီလေဝ် တိတ်အိုတ်ရော?၊ ဗွဲမပြဟ်လောန်လေဝ် လုပ်အိုတ်ရော?၊ ဗွဲမပြဟ်လောန်လေဝ် တိတ်အိုတ်ရော?၊ ပ္ဍဲဌာန်သ္ၚောဲလောန်လေဝ် ဒတူအိုတ်ရော?၊ ပ္ဍဲဌာန်ကြပ်လောန်လေဝ် ဒတူအိုတ်ရော?၊ ဗွဲမလလအ်လောန်လေဝ် ဒတူအိုတ်ရ၊ ဗွဲမပြဟ်လောန်လေဝ် ဒတူအိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ပ ။ ဟီုဂရိုဟ်တုဲ။ ပ ။ တွံကဵုဂလာန်ဓရ်တုဲမ္ဂး သ္ဂးကဵု ခမဳဂမၠိုၚ်ရ။
၃၆၆။ ယွံခမဳတအ် ဒှ်သာ်ဂှ်မ္ဂး ကြပ်ပညပ်တဴ ဒ္ဂေတ်ဝတ်ကုခမဳ မဂေတ်ဂ္ၚေၚ်ပိဏ္ဍပါတ်ဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳမဂေတ်ဂ္ၚေၚ်ပိဏ္ဍပါတ်ဂမၠိုၚ် ဒးဒ္ဂေတ်ရ။
ယွံခမဳတအ် ခမဳမဂေတ်ဂ္ၚေၚ်ပိဏ္ဍပါတ်ဂှ် “ပ္ဍဲလၟုဟ်ဟေၚ် ကြပ်လုပ်ကွာန်ရ” ရဴဝွံ ဗိုက်သပိုၚ် ဗွဲဗၞဳအဝဏ်မညဳသာ နမဂြောပ်ဗ္ဒန် ဗၞဳအဝဏ်ပိပြကာ, (ဗၞဳအဝဏ်တၚ်က္ၜံၚ်ၜါလပါ်ကဵုပံၚ်ကဠုတ်−မိက်သ္ဂးရ)။ ဒက်ဇုက်ကာယဗန်တုဲ သၠောံရုၚ်လတက်သ္ၚာသကိုပ်ဂမၠိုၚ် မထပ်လဝ်တုဲ စုတ်ခၟောံသ္ၚာတုဲ ကြာတ်ကြဴတုဲမ္ဂး ဂိုၚ်ကေတ်ဗဗေၚ်တုဲ ဟွံလဇုဲလောန် ဟွံပြဟ်လောန် သ္ဒးလုပ်ကွာန် ဗွဲမဒးရးရ။
သီုမဂြောပ်ဗ္ဒန်လဝ် ဗွဲမဒးရး သ္ဒးအာပ္ဍဲအပ္ဍဲကွာန်ရ၊ သီုမသ္ၚဳလလမ်မၚ်မွဲဣန္ဒြဳ ဗွဲမဒးရး သ္ဒးအာပ္ဍဲအပ္ဍဲကွာန်ရ၊ သီုမဖျေံလဝ်မတ်ဗွဲသၟဝ် သ္ဒးအာပ္ဍဲအပ္ဍဲကွာန်ရ၊ သၠိုက်ပတိုန်သ္ၚာတုဲ ဟဂပ်ဝ်အာ ပ္ဍဲအပ္ဍဲကွာန်ရ၊ သီုမဂြိုၚ်တဴ ဗွဲမသကာတ် ဟဂပ်ဝ်အာ ပ္ဍဲအပ္ဍဲကွာန်ရ၊ မၞုံကဵုဗရုရမျာၚ် မအောန်သာဒှ်တုဲ သ္ဒးအာ ပ္ဍဲအပ္ဍဲကွာန်ရ၊ ဂရိုက်ဂရာၚ်ဂဝုဲပချဳဇကုတုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ဂဝုဲကသဳတဲတုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ဂရိုက်ကသဳက္ဍိုပ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ထံက်ဂန်လဝ်ဂၞိၚ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ဓလီုလဝ်က္ဍိုပ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ကွာ်ကချေအ်ခ္ဍိုတ် နကဵုဒၞေဟ်,တၞုၚ်ဇိုၚ်တုဲ ဟဂပ်ဝ်အာ ပ္ဍဲအပ္ဍဲကွာန်ရ။
ခမဳမလုပ်သ္ၚိဂှ် “နဂၠံၚ်တရဴဝွံ ကြပ်လုပ်ရ၊ နဂၠံၚ်တရဴဝွံ ကြက်တိတ်ရ” ရဴဝွံ ဒးစၟတ်သမ္တီရ၊ ဟဂပ်ဝ်လုပ် ဗွဲမပြဟ်လောန်ရ၊ ဟဂပ်ဝ်တိတ် ဗွဲမပြဟ်လောန်ရ၊ ဟဂပ်ဝ်ဒတူ ပ္ဍဲဌာန်မသ္ၚောဲလောန်ရ၊ ဟဂပ်ဝ်ဒတူ ပ္ဍဲဌာန်မကြပ်လောန်ရ၊ ဟဂပ်ဝ်ဒတူ ပ္ဍဲဗွဲမလအ်လောန်ရ၊ ဟဂပ်ဝ်ကလေၚ် ဗွဲမပြဟ်ရ၊ “မိက်ကဵုဒါန် (လံၚ်) ပိဏ္ဍပါတ်ဟာ၊ ဟွံမိက်ကဵုဒါန်ဟာ” ရဴဝွံ သီုဒတူဒၟံၚ် ဒးစၟတ်သမ္တီရ။
ဖျေံကၠေံ ကမၠောန်ကီု ဒၠိုက်ကတဵုနူဒၞာဲကီု ဇွိတ်သပေါတ် (ရပ်) ယံက်နော်ကီု ဇွိတ်သပေါတ်ထၟာဲပ္ၚာန်ကီု ကဵုဒတူဒေံါကီုကီု “မိက်ကဵုဒါန်ရ” ရဴဝွံ (ပၠုပ်စိုတ်တုဲ) ဒးဒတူရ။
ကဵုဒါန် (လံၚ်) ပိဏ္ဍပါတ်မ္ဂး နကဵုတဲပါဲ ဖါဲကၠေံသ္ၚာတုဲ နကဵုတဲပုၚ် ဖျဝ်ဖျေံဗဗေၚ်တုဲ မိန်လဝ်ဗဗေၚ် နကဵုတဲဂမၠိုၚ်ၜါလပါ်တုဲ သ္ဒးဒုၚ်ဂိုၚ်ကေတ် ပိဏ္ဍပါတ်ရ၊ ဟဂပ်ဝ်သ္ၚေဝ်ရံၚ်မုက္ခဝါဗြဴမကဵုဒါန်ပိဏ္ဍပါတ်၊ မိက်ကဵုဒါန် (လံၚ်) သွဟာ၊ ဟွံမိက်ကဵုဒါန်ဟာ” ရဴဝွံ ဒးစၟတ်သမ္တီရ။ ဖျေံကၠေံ ကမၠောန်ကီု ဒၠိုက်ကတဵုနူဒၞာဲကီု ဇွိတ်သပေါတ် (ရပ်) ယံက်နော်ကီု ဇွိတ်သပေါတ်ထၟာဲပ္ၚာန်ကီု ကဵုဒတူဒေံါကီုကီု “မိက်ကဵုဒါန်ရ” ရဴဝွံ (ပၠုပ်စိုတ်တုဲ) ဒးဒတူရ။ ကဵုဒါန်ပိဏ္ဍပါတ်တုဲမ္ဂး ဂြောပ်ဗ္ဒန်ကၠေံဗဗေၚ် နကဵုသ္ၚာတုဲ ဟွံပြဟ်ဟွံလဇုဲ ဒးကလေၚ်စဴ ဗွဲမဒးရးရ။
သီုမဂြောပ်ဗ္ဒန်လဝ် ဗွဲမဒးရး သ္ဒးအာပ္ဍဲအပ္ဍဲကွာန်ရ၊ သီုမသ္ၚဳလလမ်မၚ်မွဲဣန္ဒြဳ ဗွဲမဒးရး သ္ဒးအာပ္ဍဲအပ္ဍဲကွာန်ရ၊ သီုမဖျေံလဝ်မတ်ဗွဲသၟဝ် သ္ဒးအာပ္ဍဲအပ္ဍဲကွာန်ရ၊ သၠိုက်ပတိုန်သ္ၚာတုဲ ဟဂပ်ဝ်အာ ပ္ဍဲအပ္ဍဲကွာန်ရ၊ သီုမဂြိုၚ်တဴ ဗွဲမသကာတ် ဟဂပ်ဝ်အာ ပ္ဍဲအပ္ဍဲကွာန်ရ၊ မၞုံကဵုဗရုရမျာၚ် မအောန်သာဒှ်တုဲ သ္ဒးအာ ပ္ဍဲအပ္ဍဲကွာန်ရ၊ ဂရိုက်ဂရာၚ်ဂဝုဲပချဳဇကုတုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ဂဝုဲကသဳတဲတုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ဂရိုက်ကသဳက္ဍိုပ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ထံက်ဂန်လဝ်ဂၞိၚ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ဓလီုလဝ်က္ဍိုပ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ကွာ်ကချေအ်ခ္ဍိုတ် နကဵုဒၞေဟ်,တၞုၚ်ဇိုၚ်တုဲ ဟဂပ်ဝ်အာ ပ္ဍဲအပ္ဍဲကွာန်ရ။
ခမဳ မကလေၚ်ကၠုၚ် နူကွာန်ဂ္ၚေၚ်ပိဏ္ဍပါတ် ဗွဲကိုပ်ကၠာဂှ် ဒးလးသၞာရ၊ ဒးစွံပတန်လဝ် ဍာ်ကြဴဇိုၚ် ဂတဵုကြာတ်ဇိုၚ် ကဝေက်ပေါတ်ဇိုၚ် ပ္ဍဲဇရေၚ်ရ၊ ကြဴကြာတ်ခရော် သွက်ဂွံစုတ်က္ဍိုပ်ပုၚ်တုဲ ဒးစွံပတန်လဝ်ရ၊ ဒးစွံပတန်လဝ် ဍာ်သုၚ်ကီု ဍာ်ရပ်စပ်ကီု ပ္ဍဲဇရေၚ်ရ၊ ခမဳ ကလေၚ်ကၠုၚ် နူကွာန်ဂ္ၚေၚ်ပိဏ္ဍပါတ် နူလက်ကရဴဂှ် မိက်ဂွံစ ပုၚ်သှေ်သၟေဟ်ဂှ်မ္ဂး စရ၊ ဟွံမိက်စမ္ဂး ပ္ဍဲဌာန် မဟွံမွဲကဵုတၞံဆုချောဲ မလမ္စံက်ဍိုက်ဍဴလေဝ် ဒးကၠဟ်ကၠေံရ၊ ပ္ဍဲဍာ် မဟွံမွဲကဵုစၟလေဝ် ဒးကိုဟ်ချာဲရ၊ ခမဳဂှ် ဒးထပ်သ္ၚာရ၊ ဒးသီဂိုၚ်ဒေပ် ဍာ်ကြဴဇိုၚ် ဂတဵုကြာတ်ဇိုၚ် ကဝေက်ပေါတ်ဇိုၚ်ရ၊ ကြဴကြာတ်ခရော်သွက်ဂွံစုတ်က္ဍိုပ်ပုၚ်တုဲ ဒးသီဂိုၚ်ဒေပ်ရ၊ ဒးသီဂိုၚ်ဒေပ် ဍာ်သုၚ်ကီု ဍာ်ရပ်စပ်ကီုရ၊ ဒးကွဟ်ကၟဟ်ဘာရုၚ် (ဇြပ်) ကဵုပိုဉ်ရ။ ခမဳညာတ် နုၚ်ဍာ်သွုၚ်ကီု နုၚ်ဍာ်ရပ်စပ်ကီု နုၚ်ဍာ်ကြာတ်ကီု မဟၟဲကဵုဍာ်ဂှ် (စုတ်ဍာ်တုဲ) ဒးစွံပတန်ရ။ ခမဳဂှ် ယဝ်ထ္ၜၚ်ပတိုန်ဟွံမာန်မ္ဂး ကော်ခါတဲ အဖဝ်တုဲ ထ္ၜးပတိုန် နကဵုတဲဂမၠိုၚ်တုဲ ဒးစွံပတန်ရ၊ ဟိုတ်နူဟိုတ် ထ္ၜၚ်ပတိုန်ဟွံမာန်ဂှ် ဟဂပ်ဝ်သ္ပပွမမြော်ဟီုတိတ်ပါၚ်ရ။
ယွံခမဳတအ် ဣဝွံတုန် ဒ္ဂေတ်ဝတ်ခမဳ မဂေတ်ဂ္ၚေၚ်ပိဏ္ဍပါတ်ဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳမဂေတ်ဂ္ၚေၚ်ပိဏ္ဍပါတ်ဂမၠိုၚ် ဒးဒ္ဂေတ်ရ ရဴဝွံ (သ္ဂးရ)။
၈.၇။ ဒ္ဂေတ်ဝတ်ခမဳ ပဒတဴပ္ဍဲဂြိုပ်ဂမၠိုၚ်[ပလေဝ်ဒါန် | ပလေဝ်ဒါန် တမ်ကၞက်]
၃၆၇။ ပ္ဍဲအခိၚ်ဂှ် ခမဳဂမၠိုၚ်ဗွဲမဂၠိုၚ် ပဒတဴ ပ္ဍဲဂြိုပ်အိုတ်ရ၊ ခမဳဂမၠိုၚ်ဂှ် ဟွံပတန်လဝ် ဍာ်သုၚ်အိုတ်ရ၊ ဟွံစွံပတန်လဝ် ဍာ်ရပ်စပ်အိုတ်ရ၊ ဟွံစွံပတန်လဝ် ပၟတ်အိုတ်ရ၊ ဟွံစွံပတန်လဝ် ဒၞိဟ်ပၟတ် ဗၞုတ်ပၟတ်အိုတ်ရ၊ ဟွံတီ ပရူပရာနက္ချတ်ဂမၠိုၚ်အိုတ်ရ၊ ဟွံတီ သွက်ဒိုဟ်ဂမၠိုၚ်အိုတ်ရ။
ကမၠတ်ဒမၠဂမၠိုၚ် အာစိုပ်ဌာန်ဂှ်တုဲ—
“ယွံတဳလပိုဉ်တအ် ဍာ်သုၚ်နွံဟာ” ရဴဝွံ ဂရၚ်ပတီသၟာန် ခမဳဂမၠိုၚ်အိုတ်ရ။
ယွံဒကာ ဟွံမွဲရ ရဴဝွံ (သ္ဂးအိုတ်ရ)။
ယွံတဳလပိုဉ်တအ် ဍာ်ရပ်စပ်နွံဟာ ရဴဝွံ (ဂရၚ်ပတီသၟာန် ခမဳဂမၠိုၚ်အိုတ်ရ။)
ယွံဒကာ ဟွံမွဲရ ရဴဝွံ (သ္ဂးအိုတ်ရ)။
ယွံတဳလပိုဉ်တအ် ပၟတ်နွံဟာ ရဴဝွံ (ဂရၚ်ပတီသၟာန် ခမဳဂမၠိုၚ်အိုတ်ရ။)
ယွံဒကာ ဟွံမွဲရ ရဴဝွံ (သ္ဂးအိုတ်ရ)။
ယွံတဳလပိုဉ်တအ် ဒၞိဟ်ပၟတ် ဗၞုတ်ပၟတ်နွံဟာ ရဴဝွံ (ဂရၚ်ပတီသၟာန် ခမဳဂမၠိုၚ်အိုတ်ရ။)
ယွံဒကာ ဟွံမွဲရ ရဴဝွံ (သ္ဂးအိုတ်ရ)။
ယွံတဳလပိုဉ်တအ် တ္ၚဲဝွံ စိုန်သကီုကေုာံနက္ချတ်လဵုရော ရဴဝွံ (ဂရၚ်ပတီသၟာန် ခမဳဂမၠိုၚ်အိုတ်ရ။)
ယွံဒကာ ပိုဲညးဂမၠိုၚ် ဟွံတီအိုတ်ရ ရဴဝွံ (သ္ဂးအိုတ်ရ)။
ယွံတဳလပိုဉ်တအ် ဣဝွံတုန် ဒှ်ဒိုဟ်လဵုရော ရဴဝွံ (ဂရၚ်ပတီသၟာန် ခမဳဂမၠိုၚ်အိုတ်ရ။)
ယွံဒကာ ပိုဲညးဂမၠိုၚ် ဟွံတီအိုတ်ရ ရဴဝွံ (သ္ဂးအိုတ်ရ)။
ပ္ဍဲအခိၚ်ဂှ် ကမၠတ်ဒမၠဂမၠိုၚ်ဂှ် “ကုခမဳဂမၠိုၚ်ဝွံ ဍာ်သုၚ်ဟွံမွဲ၊ ဍာ်ရပ်စပ်ဟွံမွဲ၊ ပၟတ်ဟွံမွဲ၊ ဒၞိဟ်ပၟတ်ဗၞုတ်ပၟတ်ဟွံမွဲ၊ ဟွံတီ ဟိုတ်ပရူပရာနက္ချတ်ဂမၠိုၚ်အိုတ်ရ၊ ဟွံတီ သွက်ဒိုဟ်ဂမၠိုၚ်အိုတ်ရ၊ ညးဂမၠိုၚ်ဝွံတုန် ကမၠတ်ဒမၠဂမၠိုၚ်ရ၊ ညးဂမၠိုၚ်ဝွံတုန် ခမဳ ဟွံသေၚ်အိုတ်ရ” ရဴဝွံ ၜုၚ်တက်တုဲ စ္ဍးအာအိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဟီုလဴဗ္စ ဟိုတ်ပရူပရာဂှ် ကုခမဳဂမၠိုၚ်အိုတ်ရ။ ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး သ္ဂးကဵုခမဳဂမၠိုၚ်ရ။
၃၆၈။ ယွံခမဳတအ် ဒှ်သာ်ဂှ်မ္ဂး ကြပ်ပညပ်တဴ ဒ္ဂေတ်ဝတ် ကုခမဳပဒတဴပ္ဍဲဂြိုပ်ဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳပဒတဴပ္ဍဲဂမၠိုၚ် ဒးဒ္ဂေတ်ရ။
ယွံခမဳတအ် ခမဳပဒတဴပ္ဍဲဂြိုပ်ဂှ် ဒၠိုက်ကတဵုပြဟ်ပြဟ်တုဲ စုတ်ဗဗေၚ် ပ္ဍဲထိုၚ် (ဖျေဲ) တုဲမ္ဂး ကွက်ကၟာဲ ပ္ဍဲပၞးတုဲ ပတိုန်လဝ်သ္ၚာ ပ္ဍဲပၞးတုဲ လိုန်ဍိုက်ဒၞပ် လပှ်သီဂိုၚ်ဒေပ် ကယျာဆု ကယျာတိတုဲ ကၟာတ်ဒဝ်ကၠေံ တြၚ်ဇၞော်ဗတၚ်ကျာတုဲမ္ဂး သ္ဒးစှေ်နူဘာရ။ “လၟုဟ်ဝွံဟေၚ် ကြက်လုပ်ကွာန်ရ” ရဴဝွံ သၠောတ်ဒၞပ်တုဲ ဖျဝ်ဂရိုက်တုဲမ္ဂး စုတ်ပ္ဍဲထိုၚ် ကွက်ကၟာဲပ္ဍဲပၞးတုဲ ဗိုက်သပိုၚ်ဗွဲဗၞဳ အဝဏ်မညဳသာ နမဂြောပ်ဗ္ဒန် ဗၞဳအဝဏ်ပိပြကာ, ဒက်ဇုက်ကာယဗန်တုဲသၠောံရုၚ်လတက်သ္ၚာသကိုပ်ဂမၠိုၚ် မထပ်လဝ်တုဲ စုတ်ခၟောံသ္ၚာတုဲ ကြာတ်ကြဴတုဲမ္ဂး ဂိုၚ်ကေတ် ဗဗေၚ်တုဲ ဟွံလဇုဲလောန် ဟွံပြဟ်လောန် သ္ဒးလုပ်ကွာန် ဗွဲမဒးရးရ၊ သီုမဂြောပ်ဗ္ဒန်လဝ် ဗွဲမဒးရး သ္ဒးအာပ္ဍဲအပ္ဍဲကွာန်ရ။ ပ ။ ထံက်ဂန်လဝ်ဂၞိၚ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ဓလီုလဝ်က္ဍိုပ်တုဲ ဟဂပ်ဝ်အာ ပ္ဍဲအပ္ဍဲကွာန်ရ၊ ကွာ်ကချေအ်ခ္ဍိုတ် နကဵုဒၞေဟ်,တၞုၚ်ဇိုၚ်တုဲ ဟဂပ်ဝ်အာ ပ္ဍဲအပ္ဍဲကွာန်ရ။
ခမဳမလုပ်သ္ၚိဂှ် “နဂၠံၚ်တရဴဝွံ ကြပ်လုပ်ရ၊ နဂၠံၚ်တရဴဝွံ ကြက်တိတ်ရ” ရဴဝွံ ဒးစၟတ်သမ္တီရ၊ ဟဂပ်ဝ်လုပ် ဗွဲမပြဟ်လောန်ရ၊ ဟဂပ်ဝ်တိတ် ဗွဲမပြဟ်လောန်ရ၊ ဟဂပ်ဝ်ဒတူ ပ္ဍဲဌာန်မသ္ၚောဲလောန်ရ၊ ဟဂပ်ဝ်ဒတူ ပ္ဍဲဌာန်မကြပ်လောန်ရ၊ ဟဂပ်ဝ်ဒတူ ပ္ဍဲဗွဲမလအ်လောန်ရ၊ ဟဂပ်ဝ်ကလေၚ် ဗွဲမပြဟ်ရ၊ ခမဳတဒတူဂှ် “မိက်ကဵုဒါန် (လံၚ်) ပိဏ္ဍပါတ်ဟာ၊ ဟွံမိက်ကဵုဒါန်ဟာ” ရဴဝွံ ဒးစၟတ်သမ္တီရ။
ဖျေံကၠေံ ကမၠောန်ကီု ဒၠိုက်ကတဵုနူဒၞာဲကီု ဇွိတ်သပေါတ် (ရပ်) ယံက်နော်ကီု ဇွိတ်သပေါတ်ထၟာဲပ္ၚာန်ကီု ကဵုဒတူဒေံါကီုကီု “မိက်ကဵုဒါန်ရ” ရဴဝွံ (ပၠုပ်စိုတ်တုဲ) ဒးဒတူရ။
ကဵုဒါန် (လံၚ်) ပိဏ္ဍပါတ်မ္ဂး နကဵုတဲပါဲ ဖါဲကၠေံသ္ၚာတုဲ နကဵုတဲပုၚ် ဖျဝ်ဖျေံဗဗေၚ်တုဲ မိန်လဝ်ဗဗေၚ် နကဵုတဲဂမၠိုၚ်ၜါလပါ်တုဲ သ္ဒးဒုၚ်ဂိုၚ်ကေတ် ပိဏ္ဍပါတ်ရ၊ ဟဂပ်ဝ်သ္ၚေဝ်ရံၚ်မုက္ခဝါဗြဴမကဵုဒါန်ပိဏ္ဍပါတ်၊ မိက်ကဵုဒါန် (လံၚ်) သွဟာ၊ ဟွံမိက်ကဵုဒါန်ဟာ” ရဴဝွံ ဒးစၟတ်သမ္တီရ။ ဖျေံကၠေံ ကမၠောန်ကီု ဒၠိုက်ကတဵုနူဒၞာဲကီု ဇွိတ်သပေါတ် (ရပ်) ယံက်နော်ကီု ဇွိတ်သပေါတ်ထၟာဲပ္ၚာန်ကီု ကဵုဒတူဒေံါကီုကီု “မိက်ကဵုဒါန်ရ” ရဴဝွံ (ပၠုပ်စိုတ်တုဲ) ဒးဒတူရ။ ကဵုဒါန်ပိဏ္ဍပါတ်တုဲမ္ဂး ဂြောပ်ဗ္ဒန်ကၠေံဗဗေၚ် နကဵုသ္ၚာတုဲ ဟွံပြဟ်ဟွံလဇုဲ ဒးကလေၚ်စဴ ဗွဲမဒးရးရ။
သီုမဂြောပ်ဗ္ဒန်လဝ် ဗွဲမဒးရး သ္ဒးအာပ္ဍဲအပ္ဍဲကွာန်ရ။ ပ ။ ကွာ်ကချေအ်ခ္ဍိုတ် နကဵုဒၞေဟ်,တၞုၚ်ဇိုၚ်တုဲ ဟဂပ်ဝ်အာ ပ္ဍဲအပ္ဍဲကွာန်ရ။ တိတ်ကၠုၚ်နူကွာန်မ္ဂး စုတ်ဗဗေၚ် ပ္ဍဲထိုၚ်တုဲ ကွက်ကၟာဲ ပ္ဍဲပၞး ခ္ဍပ်ကၠေံသ္ၚာ ပတိုန်စွံ ပ္ဍဲက္ဍိုပ်တုဲ သီုမလိုန်ဍိုက်ဒၞပ်ဂှ် ဒးအာရ။ ယွံခမဳတအ် ခမဳပဒတဴပ္ဍဲဂြိုပ်ဂှ် ဒးစွံပတန်လဝ် ဍာ်သုၚ်ရ၊ ဒးစွံပတန်လဝ် ဍာ်ရပ်စပ်ရ၊ ဒးစွံပတန်လဝ် ပၟဝ်ရ၊ ဒးစွံပတန်လဝ် ဒၞိဟ်ပၟတ် ဗၞုဟ်ပၟတ်ရ၊ ဒးစွံပတန်လဝ် လေံဒစုန် ပ္ဍဲဇရေၚ်ရ၊ ဒးဂိုၚ်ကတ်ကေတ် ပရူပရာနက္ချတ်ဂမၠိုၚ်အိုဿီုကီု ပရူပရာနက္ချတ်ဂမၠိုၚ်မွဲလစှေ်ကီုရ၊ ဒးတီစဳကၠး ပ္ဍဲဒိုဟ်ဂမၠိုၚ်ရ။
ယွံခမဳတအ် ဣဝွံတုန် ဒ္ဂေတ်ဝတ် ခမဳပဒတဴပ္ဍဲဂြိုပ်ဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳပဒတဴပ္ဍဲဂြိုပ်ဂမၠိုၚ် ဒးဒ္ဂေတ်ရ ရဴဝွံ (သ္ဂးရ)။
၈.၈။ ဒ္ဂေတ်ဝတ် ပ္ဍဲဘာသၞာသတိက်သၞာဒၟံင်[ပလေဝ်ဒါန် | ပလေဝ်ဒါန် တမ်ကၞက်]
၃၆၉။ ပ္ဍဲအခိၚ်ဂှ် ခမဳဂမၠိုၚ်ဗွဲမဂၠိုၚ် ဇိၚ်သ္ၚာ ပ္ဍဲအမှဲအကးအိုတ်ရ၊ ခမဳဆဗ္ဗဂ္ဂဳဂမၠိုၚ် ဂရိုက်သၞာသတိက်သၞာဒၟံၚ် ပ္ဍဲဌာန်ဒစးကျာအိုတ်ရ၊ ခမဳဂမၠိုၚ် တ္ၜန်တ္ၜောဲနှဴရဴ နမၠိုက်အိုတ်ရ။ ခမဳပၟိက်အောန်ဂမၠိုၚ်ဂှ် “ မုဟိုတ် ခမဳဆဗ္ဗဂ္ဂဳဂမၠိုၚ် ဂရိုက်သၞာသတိက်သၞာဒၟံၚ် ပ္ဍဲဌာန်ဒစးကျာအိုတ်ရော?၊ ခမဳဂမၠိုၚ် တ္ၜန်တ္ၜောဲနှဴရဴ နမၠိုက်အိုတ်ရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။ ယွံခမဳတအ် ခမဳဆဗ္ဗဂ္ဂဳဂမၠိုၚ် ဂရိုက်သၞာသတိက်သၞာဒၟံၚ် ပ္ဍဲဌာန်ဒစးကျာအိုတ်ရ၊ ခမဳဂမၠိုၚ် တ္ၜန်တ္ၜောဲနှဴရဴ နမၠိုက်အိုတ်ရ ဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ပ ။ ဟီုဂရိုဟ်တုဲ။ ပ ။ တွံကဵုဂလာန်ဓရ်တုဲမ္ဂး သ္ဂးကဵုခမဳဂမၠိုၚ်ရ။
၃၇၀။ ယွံခမဳတအ် ဒှ်သာ်ဂှ်မ္ဂး ကြက်ပညပ်တဴ ဒ္ဂေတ်ဝတ် ပ္ဍဲဘာသၞာသတိက်သၞာဒၟံၚ် ကုခမဳဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳဂမၠိုၚ် ဒးဒ္ဂေတ် ပ္ဍဲဘာသၞာသတိက်သၞာဒၟံၚ်ရ။ ဘာယဝ်သၟိက်ဟန်ဗန်နွံမ္ဂး သၟဟ်ရထမ္ဂး သၟဟ်အစောံမ္ဂး ဒးကွဟ်ၚးတးရ။
ခမဳမသောၚ်ဖ္ဍောၚ်ၚးတးဘာဂှ် ဗွဲကိုပ်ကၠာ ရၚ်တၠုၚ်ပတိတ် ဗဗေၚ်သ္ၚာတုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် သၞာနိသဳဒိုန်သၞာလးတိက်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်ရၚ်တၠုၚ်ပတိတ် ဖုန်ဂၞဳတုဲ သ္ဒးစွံလဝ် ပ္ဍဲဒၞာဲမဗဗွဲရ၊ ဇံၚ်ခါတ်ဂှ် သ္ပဗွဲမသဝ်ဒးရး သီုဟွံကဵုထ္ဍိမြိလုက်စုက်ဒး သၠတြၚ် ဇဵုတြၚ်ဂှ် ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ဂတဵုဂှ် သ္ပဗွဲမသဝ်ဒးရး သီုဟွံကဵုထ္ဍိမြိလုက်စုက်ဒး သၠတြၚ် ဇဵုတြၚ်ဂှ် ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ဇိုၚ်ဇံၚ်ဂမၠိုၚ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ထၟာဲဂစှ် (ထၟာဲတဲ) တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ဂတဵုဒလာဲတုဲ သ္ဒးစွံလဝ် ပ္ဍဲဒၞာဲမဗဗွဲရ၊ သၞာလးတိဂှ် သမ္တီလဝ် ဒၞာဲလးလၟိုန်တုဲ ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ပ္ဍဲဘာ ယဝ်သ္ၚိစၟဇာဖိုၚ်နွံမ္ဂး သ္ဒးပါဲကၠေံ နူသၠဖ္ဍာန် ဗွဲကိုပ်ကၠာရ၊ သ္ဒးဇိုတ်ပေါတ်ဗတၚ်ကျာ ကေုာံ သကဲခဒမ်ဂမၠိုၚ်ရ။
ဗ္ဒၚ်မသ္ပကလိတ်ကလောတ် နကဵုခၞိက်တိကမၠေတ်ဗကေတ် (နကဵုဆီတၟံ)ဂှ် ပတိုဟ်တိုန်မ္ဂး ဖ္ဍုက်ဍာ်ယာတ်တမြံၚ်တုဲ ဝတ်ကၠေံတုဲမ္ဂး သ္ဒးဇိုတ်ပေါတ်ရ၊ တိမသ္ပလဝ်ကလိတ်ကလောတ် နကဵုသာ်လမ္စံက်ဂှ် ပတိုဟ်တိုန်မ္ဂး ဖ္ဍုက်ယာတ်တမြံၚ်တုဲ ဝတ်ကၠေံတုဲမ္ဂး သ္ဒးပေါတ်ဇိုတ်ရ၊ ဒှ်တိမဟဂွံသ္ပကလိတ်ကလောတ်မ္ဂး လၟုဟ်ဖရုဲဍာ်တုဲ “လ္ပကဵုမၠိုက်တိုန်ဘာညိ” ရဴဝွံ (စွံစိုတ်တုဲ) သ္ဒးကွဟ်ကၟဟ်ရ၊ ပကောံဖအုံလဝ် အိက်ကၟဟ်တုဲ သ္ဒးထောံထောံ ပ္ဍဲဌာန်မဗဗွဲရ။
ဟဂပ်ဝ်ဂရိုက် သၞာသတိက်သၞာဒၟံၚ် ပ္ဍဲဇရေၚ်ခမဳရ၊ ဟဂပ်ဝ်ဂရိုက် သၞာသတိက်သၞာဒၟံၚ် ပ္ဍဲဇရေၚ်ဘာရ၊ ဟဂပ်ဝ်ဂရိုက် သၞာသတိက်သၞာဒၟံၚ် ပ္ဍဲဇရေၚ်ဍာ်သုၚ်ရ၊ ဟဂပ်ဝ်ဂရိုက် သၞာသတိက်သၞာဒၟံၚ် ပ္ဍဲဇရေၚ်ဍာ်ရပ်စပ်ရ၊ ဟဂပ်ဝ်ဂရိုက် သၞာသတိက်သၞာဒၟံၚ် ပ္ဍဲဌာန်ဒစးကျာရ၊ ဒးဂရိုက် သၞာသတိက်သၞာဒၟံၚ် ပ္ဍဲသၟဝ်ဗလဲကျာရ။
စဲတ္ၚဲသအးဇ္ၚး သၞာလးတိတုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲဇိုတ်ပေါတ် ဇိုၚ်ဇံၚ်ဂမၠိုၚ်တုဲမ္ဂး သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဇံၚ်ခါတ်တုဲမ္ဂး ဂရိုက်ထောံတုဲ သ္ပဗွဲမမသဝ်ဒးရး သီုဟွံထ္ဍိမြိလုက်စုက်ဒး သၠတြၚ် ဇဵုတြၚ်ဂှ် သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဂတဵုတုဲမ္ဂး ဂရိုက်ထောံတုဲ သ္ပဗွဲမမသဝ်ဒးရး သီုဟွံထ္ဍိမြိလုက်စုက်ဒး သၠတြၚ် ဇဵုတြၚ်ဂှ် သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဖုန်ဂၞဳတုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး သၞာနိသဳဒိုန် သၞာလးတိက်တုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲဇိုတ်ပေါတ် ထၟာဲဂစှ်တုဲမ္ဂး သ္ဒးကလေၚ်စွံ ပ္ဍဲဒၞာဲအတိုၚ်စွံလဝ်လၟိုန်ရ၊ စဲတ္ၚဲဇိုတ်ပေါတ်ဂတဵုဒလာဲတုဲမ္ဂး သ္ဒးကလေၚ်စွံ ပ္ဍဲဒၞာဲအတိုၚ်စွံလဝ်လၟိုန်ရ။
သ္ဒးစွံဗဗေၚ်သ္ၚာရ။ ခမဳ မိက်ဂွံစွံဗဗေၚ်ဂှ် နကဵုတဲမွဲလပါ်ဂှ် ရပ်ကေတ်ဗဗေၚ်တုဲ နကဵုတဲမွဲလပါ်ဂှ် ဇွိတ်စမ်ရံၚ် သၟဝ်ဇံၚ်ခါတ်ကီု သၟဝ်ဂတဵုကီုတုဲ သ္ဒးစွံရ၊ ဟဂွံစွံဗဗေၚ် ပ္ဍဲတိမဟွံမွဲကဵုသၞာရ။ ခမဳ မိက်ဂွံစွံသ္ၚာဂှ် နကဵုတဲမွဲလပါ်ဂှ် ရပ်ကေတ်သ္ၚာတုဲ နကဵုတဲမွဲလပါ်ဂှ် ဇွိတ်ပေါတ်ထောံဒုန်တေၚ်သ္ၚာ ဇုက်ဗလဲသ္ၚာတုဲ သ္ပလအိတ်မုဟ်ပ္ဍဲလပါ်တေံ သ္ပကဝးပ္ဍဲလပါ်ဏအ်တုဲ သ္ဒးစွံသ္ၚာရ။
နူဒိုဟ်ဗၟံက် ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်ဗၟံက်ဂမၠိုၚ်ရ၊ နူဒိုဟ်ပလိုတ် ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်ပလိုတ်ဂမၠိုၚ်ရ၊ နူဒိုဟ်သၟဝ်ကျာ ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်သၟဝ်ကျာဂမၠိုၚ်ရ၊ နူဒိုဟ်သၠုၚ်ကျာ ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်သၠုၚ်ကျာဂမၠိုၚ်ရ၊ ဒှ်အခိၚ်ဂမ္တဴမ္ဂး ပ္ဍဲအခိၚ်တ္ၚဲ သ္ဒးကၟာတ်ဒဝ်လဝ် ဗတၚ်ကျာဂမၠိုၚ်ရ၊ ပ္ဍဲအခိၚ်ဗတမ် သ္ဒးပံက်လဝ်ရ။
ပြဝိုဏ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ပြဝိုဏ်ရ။ မုက်ထော်တြၚ်ခဒမ်ဟုမ်ဍာ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် မုက်ထော်တြၚ်ခဒမ်ဟုမ်ဍာ်ရ။ ဇြပ်ကောံဓရီု သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ဇြပ်ကောံဓရီုရ။ ရုၚ်ပၟတ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ရုၚ်ပၟတ်ရ။ သ္ၚိဝစ် (သ္ၚိဍာ်) သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် သ္ၚိဝစ်ရ။ ဍာ်သုၚ်ဟွံမွဲမ္ဂး၊ သ္ဒးစွံပတန် ဍာ်သုၚ်ရ။ ဍာ်ရပ်စပ်ဟွံမွဲမ္ဂး၊ သ္ဒးစွံပတန် ဍာ်ရပ်စပ်ရ။ ပ္ဍဲနုၚ်ဍာ်ကြာတ် (နုၚ်သအးသ္ၚိဍာ်) ဍာ်ဟွံမွဲမ္ဂး၊ သ္ဒးဗပေၚ်စုတ်ဍာ်ရ။
ယဝ်ပဒတဴ မွဲဟာန် ကေုာံ ခမဳဇၞော် ပ္ဍဲမွဲဘာဓဝ်မ္ဂး ဟွံဂရၚ်ပတီလဴဗ္စ ခမဳဇၞော်တုဲ ဟဂပ်ဝ်သ္ပ ပွမဂိုၚ်ကတ်ကေတ် ပွမသၟာန်ရ၊ ဟဂပ်ဝ်သ္ပ ပွမသှ်ၛာဲရ၊ ဟဂပ်ဝ်သ္ပ ပွမတွံဓရ်ရ၊ ဟဂပ်ဝ်သ္ပ ပွမဍေန်ပၟတ်ရ၊ ဟဂပ်ဝ်ပလိုတ်ပၟတ်ရ၊ ဟဂပ်ဝ်ပံက် ဗတၚ်ကျာဂမၠိုၚ်အိုတ်ရ၊ ဟဂပ်ဝ်ကၟာတ် ဗတၚ်ကျာဂမၠိုၚ်အိုတ်ရ၊ ယဝ်ကွာ်စၚ်္ကြမ် မွဲဟာန် ကေုာံ ခမဳဇၞော် ပ္ဍဲမွဲစၚ်္ကြမ်ဓဝ်မ္ဂး ဂတမုက်လပါ်ခမဳဇၞော်နွံတုဲ ဒးကွာ်ရ၊ ဟဂပ်ဝ်ကဵုဓဇိုတ်တေက်ဒး ခမဳဇၞော် နကဵုတၞုၚ်မုက်သ္ၚာရ။
ယွံခမဳတအ် ဣဝွံတုန် ဒ္ဂေတ်ဝတ်ခမဳဂမၠိုၚ် ပ္ဍဲဘာသၞာသတိက်သၞာဒၟံၚ်ရ၊ အတိုၚ်ဒ္ဂေတ်ဝတ်ဂှ် ခမဳဂမၠိုၚ် ဒးဒ္ဂေတ်ပ္ဍဲဘာသၞာသတိက်သၞာဒၟံၚ်ရ။
၈.၉။ ဝတ်ဒးဒ္ဂေတ် ပ္ဍဲသ္ၚိဇရုၚ်ပလက်[ပလေဝ်ဒါန် | ပလေဝ်ဒါန် တမ်ကၞက်]
၃၇၁။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ၜိုန်ခမဳထေရ်ဇၞော်ဂမၠိုၚ် ဂပ်ဝ်ဆေဝ်ဒဝ်အိုတ်လေဝ် သ္ပဟိုတ်ကဵု ဟွံရှေ်သှေ်ရဴဂဴတုဲ ပ္ဍဲသ္ၚိဇရုၚ်ပလက် ပတိုန်(စုတ်) အှော်ဗွဲမဂၠိုၚ်တုဲ စံၚ်ဗဂဵုပၟတ် ကၟာတ်ဒဝ်ထောံတြၚ်တုဲမ္ဂး ဂဇအ်ဒၟံၚ်ပ္ဍဲဇရေၚ်တြၚ်အိုတ်ရ။ ခမဳဂမၠိုၚ် ဟွံကလိဂွံပၞော်တြၚ်ဒှ်တုဲ ဟိုတ်မဂမ္တဴဂှ်ရ ဗ္ၜူတုဲ လောတ်အိုတ်ရ။ ခမဳ ပၟိက်အောန်ဂမၠိုၚ်ဂှ်—
“မုဟိုတ် ခမဳဆဗ္ဗဂ္ဂဳဂမၠိုၚ် ၜိုန်ခမဳထေရ်ဇၞော်ဂမၠိုၚ် ဂပ်ဝ်ဆေဝ်ဒဝ်အိုတ်လေဝ် သ္ပဟိုတ်ကဵု ဟွံရှေ်သှေ်ရဴဂဴတုဲ ပ္ဍဲသ္ၚိဇရုၚ်ပလက် ပတိုန် (စုတ်) အှော်ဗွဲမဂၠိုၚ်တုဲ စံၚ်ဗဂဵုပၟတ် ကၟာတ်ဒဝ်ထောံတြၚ်တုဲမ္ဂး ဂဇအ်ဒၟံၚ်ပ္ဍဲဇရေၚ်တြၚ်အိုတ်ရော?။ ခမဳဂမၠိုၚ် ဟွံကလိဂွံပၞော်တြၚ်ဒှ်တုဲ ဟိုတ်မဂမ္တဴဂှ်ရ ဗ္ၜူတုဲ လောတ်အိုတ်ရ ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။
“ယွံခမဳတအ် ခမဳဆဗ္ဗဂ္ဂဳဂမၠိုၚ် ၜိုန်ခမဳထေရ်ဇၞော်ဂမၠိုၚ် ဂပ်ဝ်ဆေဝ်ဒဝ်အိုတ်လေဝ် သ္ပဟိုတ်ကဵု ဟွံရှေ်သှေ်ရဴဂဴတုဲ ပ္ဍဲသ္ၚိဇရုၚ်ပလက် ပတိုန် (စုတ်) အှော်ဗွဲမဂၠိုၚ်တုဲ စံၚ်ဗဂဵုပၟတ် ကၟာတ်ဒဝ်ထောံတြၚ်တုဲမ္ဂး ဂဇအ်ဒၟံၚ်ပ္ဍဲဇရေၚ်တြၚ်အိုတ်ရ။ ခမဳဂမၠိုၚ် ဟွံကလိဂွံပၞော်တြၚ်ဒှ်တုဲ ဟိုတ်မဂမ္တဴဂှ်ရ ဗ္ၜူတုဲ လောတ်အိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး—
ယွံခမဳတအ် ခမဳထေရ်ဇၞော် သီုမဂပ်ဝ်ဆေဝ်ဒဝ်ဂှ် သ္ပဟိုတ်ကဵုဟွံရှေ်သှေ်ရဴဂဴတုဲ ပ္ဍဲသ္ၚိဇရုၚ်ပလက် ပတိုန် (စုတ်) အှော်ဗွဲမဂၠိုၚ်တုဲ ဟဂပ်ဝ်စံၚ်ဗဂဵုပၟတ်ရ။ ကုခမဳ မစံၚ်ဗဂဵုဂှ် ဒးအာပတ် ဒုက္ကဋ်ရ။
ယွံခမဳတအ် ကၟာတ်ဒဝ်ထောံတြၚ်တုဲ ဟဂပ်ဝ်ဂဇအ် ပ္ဍဲဇရေၚ်တြၚ်ရ၊ ကုခမဳ မဂဇအ်ဂှ် ဒးအာပတ်ဒုက္ကဋ်ရ ရဴဝွံ သ္ဂးကဵုခမဳဂမၠိုၚ်ရ။
၃၇၂။ ယွံခမဳတအ် ဒှ်သာ်ဂှ်မ္ဂး ကြက်ပညပ်တဴ ဒ္ဂေတ်ဝတ် ပ္ဍဲသ္ၚိဇရုၚ်ပလက် ကုခမဳဂမၠိုၚ်၊ အတိုၚ်ဒ္ဂေတ်ဝတ်ဂှ် ခမဳဂမၠိုၚ် ဒးဒ္ဂေတ် ပ္ဍဲသ္ၚိဇရုပ်ပလက်ရ။
ခမဳ မအာသ္ၚိဇရုၚ်ပလက် ဗွဲကိုပ်ကၠာဂှ် ပတေၚ်ဂၠိုၚ်မ္ဂး ဒးအုဲထောံထောံပတေၚ်ရ၊ သ္ၚိဇရုၚ်ပလက် သၟိက်ဟန်ဗန်နွံဒှ်မ္ဂး သ္ဒးကွဟ်ကၟဟ် သ္ၚိဇရုၚ်ပလက်ရ၊ ခုၚ်တိဗွဝ် သၟိက်ဟန်ဗန်နွံဒှ်မ္ဂး သ္ဒးကွဟ်ကၟဟ် ခုၚ်တိဗွဝ်ရ၊ ပြဝိုဏ် သၟိက်ဟန်ဗန်နွံဒှ်မ္ဂး သ္ဒးကွဟ်ကၟဟ် ပြဝိုဏ်ရ၊ မုက်ထော်တြၚ် သၟိက်ဟန်ဗန်နွံဒှ်မ္ဂး သ္ဒးကွဟ်ကၟဟ် မုက်ထော်တြၚ်ရ၊ ဇြပ်သ္ၚိဇရုၚ်ပလက် သၟိက်ဟန်ဗန်နွံဒှ်မ္ဂး သ္ဒးကွဟ်ကၟဟ် ဇြပ်သ္ၚိဇရုၚ်ပလက်ရ။
သ္ဒးထ္ၜိုန်ကလောံ ခၞိက်ကြကောတ် နကဵုဍာ်ရ၊ သ္ဒးဖ္ဍုက်တိကမၠေတ် နကဵုဍာ်ရ၊ သ္ဒးချာဲဗပေၚ်ဍာ် ပ္ဍဲဒၞိဟ်ဇရဟုမ်ဍာ်ရ၊ ခမဳမလုပ်သ္ၚိဇရုၚ်ပလက်ဂှ် လံက်လေတ်မုက် နကဵုတိကမၠေတ် မဖ္ဍုက်လတ်ဍာ်တုဲ ဂြောပ်ဓလီုလဝ် (နကဵုသၞုက်ဍာ်) နူဂတကီု နူလက်ကရဴကီုတုဲ သ္ဒးလုပ်သ္ၚိဇရုၚ်ပလက်ရ၊ ဃရိတ်ခဇ် ခမဳဇၞော်ဂမၠိုၚ်တုဲ ဟဂပ်ဝ်ဂဇအ်ရ၊ ဟဂပ်ဝ်ဆေဝ်ဒဝ်ခမဳသၟတ်ဂမၠိုၚ် နကဵုသၞာအိုတ်ရ၊ သၟဟ်ရထမ္ဂး ပ္ဍဲသ္ၚိဇရုၚ်ပလက် သ္ဒးပေါတ်မိဟ် ကုခမဳထေရ်ဇၞော်ဂမၠိုၚ်ရ၊ ခမဳမတိတ်ကၠုၚ် နူသ္ၚိဇရုပ်ပလက်ဂှ် ဂိုၚ်ကေတ်ဂတဵုသ္ၚိဇရုၚ်ပလက်တုဲ ဂြောပ်ဓလီုလဝ် (နကဵုသၞုက်ဍာ်) နူဂတကီု နူလက်ကရဴကီုတုဲ သ္ဒးတိတ် နူသ္ၚိဇရုၚ်ပလက်ရ။ သၟဟ်ရထမ္ဂး ပ္ဍဲဍာ်လေဝ် သ္ဒးပေါတ်မိဟ် ကုခမဳထေရ်ဇၞော်ဂမၠိုၚ်ရ၊ ဟဂပ်ဝ်ဟုမ်ဍာ် ပ္ဍဲဂတခမဳထေရ်ဇၞော်ဂမၠိုၚ်ရ၊ ဟဂပ်ဝ်ဟုမ်ဍာ် ပ္ဍဲလတူရ၊ ဟုမ်ဍာ်တုဲ ခမဳမတိုန်ကၠုၚ်ဂှ် သ္ဒးကဵုဂၠံၚ် ကုခမဳမစှေ်ဍာ်ဂမၠိုၚ်၊ ခမဳမတိတ်ကၠုၚ် နူသ္ၚိဇရုၚ်ပလက် လက်ကရဴအိုတ်ဂှ် ပ္ဍဲသ္ၚိဇရုၚ်ပလက် ဒှ်လၟက်သရီုမ္ဂး သ္ဒးကြာတ်ကြဴရ၊ ကြာတ်ကြဴဒၞိဟ်တိကမၠေတ်တုဲ သီဂိုၚ်ဒေပ် ဂတဵုသ္ၚိဇရုၚ်ပလက်တုဲ ပလိုတ်ပၟတ်တုဲ ကၟတ်ဒဝ်တြၚ်တုဲ သ္ဒးစ္ဍးအာရ။ ယွံခမဳတအ် ဣဝွံတုန် ဒ္ဂေတ်ဝတ်ခမဳဂမၠိုၚ် ပ္ဍဲသ္ၚိဇရုၚ်ပလက်ရ၊ အတိုၚ်ဒ္ဂေတ်ဝတ်ဂှ် ခမဳဂမၠိုၚ် ဒးဒ္ဂေတ်ပ္ဍဲသ္ၚိဇရုၚ်ပလက်ရ။
၈.၁၀။ ဝတ်ဒးဒ္ဂေတ် ပ္ဍဲဝစ္စကုဋဳ[ပလေဝ်ဒါန် | ပလေဝ်ဒါန် တမ်ကၞက်]
၃၇၃။ ပ္ဍဲအခိၚ်ဂှ် ခမဳမွဲဇကု မၞုံကဵုဗြာဟ္မဏဇာတ်ဂှ် သၠးတရဴဇၞော်တုဲမ္ဂး “တရဴဇၞော်ယုတ်သဝ်တုဲ သၟူအမြာဲဟွံဒးရးဝွံ မုရဴညးမွဲ ဂွံကြာတ်ဍာ်ကရာတ်ရော” ရဴဝွံ ဟွံမွဲပၟိက် တၞဟ်နကြာတ်ဍာ်ကရာတ်ရ၊ ပ္ဍဲဝစ္စမဂ် ခမဳဂှ် စၟတျုတန်တဴရ။ ပ္ဍဲအခိၚ်ဂှ် ခမဳဂှ် ဟီုလဴဗ္စ ဟိုတ်ပရူပရာဂှ် ကုခမဳဂမၠိုၚ်ရ။ ယွံကောန်တၠ ပသာ်ရော? တၠအဲ သၠးတရဴဇၞော်တုဲမ္ဂး ဟွံကြာတ်ဍာ်ကရာတ်ဟာ ရဴဝွံ သၟာန်အိုတ်ရ။ ယွံကောန်တၠတအ် ဟွံကြာတ်ဂှ် ဍာံပြရ ရဴဝွံ သ္ဂးရ။ ခမဳ ပၟိက်အောန်ဂမၠိုၚ်ဂှ် “မုဟိုတ် ခမဳဂှ် သၠးတရဴဇၞော်တုဲမ္ဂး ဟွံကြာတ်ဍာ်ကရာတ်ရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။
“ယွံခမဳ တၠအဲ သၠးတရဴဇၞော်တုဲမ္ဂး ဟွံကြာတ်ဍာ်ကရာတ်ရ ဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီရ)။ ပ ။ ဟီုဂရိုဟ်တုဲ။ ပ ။ တွံကဵုဂလာန်ဓရ်တုဲမ္ဂး—
“ယွံခမဳတအ် သၠးတရဴဇၞော်တုဲမ္ဂး သီုမၞုံကဵုဍာ် ဟွံကြာတ်ဍာ်ကရာတ်ဂှ် ဟဂပ်ဝ်မံၚ်ရ၊ ကုခမဳ ဟွံကြာတ်ဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။
ပ္ဍဲအခိၚ်ဂှ် ခမဳဂမၠိုၚ် ပ္ဍဲသ္ၚိဝစ် (သ္ၚိဍာ်) သၠးတရဴဇၞော် အတိုၚ်လၟေၚ်ညးဇၞော်အိုတ်ရ၊ ခမဳသၟတ်ဂမၠိုၚ် ၜိုန်ကၠုၚ်ဗွဲကိုပ်ကၠာလေဝ် သီုမမိက်သၠးတရဴဇၞော်ဂှ် ဒးလၟတ်မၚ်ဒၟံၚ်အိုတ်ရ၊ ခမဳသၟတ်ဂမၠိုၚ် ဒးအေၚ်လဝ်တရဴဇၞော်ဂှ်ရ ဗ္ၜူတုဲလောတ်စှေ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။ ယွံခမဳတအ် ဍာံပြဟာ။ ပ ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ပ ။
“ယွံခမဳတအ် ပ္ဍဲသ္ၚိဝစ် ဟဂပ်ဝ်သၠးတရဴဇၞော် အတိုၚ်လၟေၚ်ညးဇၞော်ရ၊ ကုခမဳသၠးဂှ် ဒးအာပတ်ဒုက္ကဋ်ရ၊ ယွံခမဳတအ် ကဵုအခေါၚ် သွက်ဂွံသၠးတရဴဇၞော် အတိုၚ်လၟေၚ်ညးကၠုၚ်စိုပ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ဗွဲမပြဟ်လောန်လေဝ် လုပ်သ္ၚိဝစ်အိုတ်ရ၊ သၠိုက်ပတိုန်သပိုၚ်တုဲလေဝ် လုပ်သ္ၚိဝစ်အိုတ်ရ၊ သီုမခအိဟ် (ဂိုတ်) တဴ အိဟ်အိဟ်ဂမၠိုၚ်လေဝ် သၠးတရဴဇၞော်အိုတ်ရ၊ သီုမစတဴဆုဒကဂမၠိုၚ်လေဝ် သၠးတရဴဇၞော်အိုတ်ရ၊ ပ္ဍဲမ္ၚးဒၞိဟ်ကရံက်တရဴဇၞော်လေဝ် သၠးတရဴဇၞော်အိုတ်ရ၊ ပ္ဍဲမ္ၚးဒၞိဟ်ကရံက်တရဴသၟတ်လေဝ် သၠးတရဴသၟတ်အိုတ်ရ၊ ပ္ဍဲဒၞိဟ်တရဴသၟတ်လေဝ် ချဟ်စုတ်ဍာ်ပါၚ်အိုတ်ရ၊ နဃရိုအ် (လေံကၞေဟ်) မသကာတ်လေဝ် ဗိုၚ် (ဃမိုၚ်) အိုတ်ရ၊ ဃရိုအ်ဗိုၚ်တုဲလေဝ် ပတုံဖျေံပ္ဍဲကတိုၚ်တရဴဇၞော်အိုတ်ရ၊ ဗွဲမပြဟ်လောန်လေဝ် တိတ်ကၠုၚ်အိုတ်ရ၊ သၠိုက်ပတိုန်သပိုၚ်တုဲလေဝ် တိတ်ကၠုၚ်အိုတ်ရ၊ သ္ပဗရုစာပ်စာပ်တုဲလေဝ် ကြာတ်ဍာ်ကရာတ်အိုတ်ရ၊ ပ္ဍဲခရော်ဍာ်ကရာတ်လေဝ် သၟေဟ်စွံလဝ်ဍာ်အိုတ်ရ။
ခမဳပၟိက်အောန်ဂမၠိုၚ်ဂှ် “ ခမဳဆဗ္ဗဂ္ဂဳဂမၠိုၚ် ဗွဲမပြဟ်လောန်လေဝ် လုပ်သ္ၚိဝစ်အိုတ်ရော?၊ သၠိုက်ပတိုန်သပိုၚ်တုဲလေဝ် လုပ်သ္ၚိဝစ်အိုတ်ရော?၊ သီုမခအိဟ် (ဂိုတ်) တဴ အိဟ်အိဟ်ဂမၠိုၚ်လေဝ် သၠးတရဴဇၞော်အိုတ်ရော?၊ သီုမစတဴဆုဒကဂမၠိုၚ်လေဝ် သၠးတရဴဇၞော်အိုတ်ရော?၊ ပ္ဍဲမ္ၚးဒၞိဟ်ကရံက်တရဴဇၞော်လေဝ် သၠးတရဴဇၞော်အိုတ်ရော?၊ ပ္ဍဲမ္ၚးဒၞိဟ်ကရံက်တရဴသၟတ်လေဝ် သၠးတရဴသၟတ်အိုတ်ရော?၊ ပ္ဍဲဒၞိဟ်တရဴသၟတ်လေဝ် ချဟ်စုတ်ဍာ်ပါၚ်အိုတ်ရော?၊ နဃရိုအ် (လေံကၞေဟ်) မသကာတ်လေဝ် ဗိုၚ် (ဃမိုၚ်) အိုတ်ရော?၊ ဃရိုအ်ဗိုၚ်တုဲလေဝ် ပတုံဖျေံပ္ဍဲကတိုၚ်တရဴဇၞော်အိုတ်ရော?၊ ဗွဲမပြဟ်လောန်လေဝ် တိတ်ကၠုၚ်အိုတ်ရော?၊ သၠိုက်ပတိုန်သပိုၚ်တုဲလေဝ် တိတ်ကၠုၚ်အိုတ်ရော?၊ သ္ပဗရုစာပ်စာပ်တုဲလေဝ် ကြာတ်ဍာ်ကရာတ်အိုတ်ရော?၊ ပ္ဍဲခရော်ဍာ်ကရာတ်လေဝ် သၟေဟ်စွံလဝ်ဍာ်အိုတ်ရော? ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။
ယွံခမဳတအ် ဍာံပြဟာ။ ပ ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ပ ။ ဟီုဂရိုဟ်တုဲ။ ပ ။ တွံကဵုဂလာန်ဓရ်တုဲမ္ဂး သ္ဂးကဵုခမဳဂမၠိုၚ်ရ။
၃၇၄။ ယွံခမဳတအ် ဒှ်သာ်ဂှ်မ္ဂး ကြက်ပညပ်တဴ ဝတ်မဒးဒ္ဂေတ် ပ္ဍဲသ္ၚိဝစ် ကုခမဳဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳဂမၠိုၚ် ဒး ဒ္ဂေတ် ပ္ဍဲသ္ၚိဝစ်ရ။
ခမဳ မအာသ္ၚိဝစ်ဂှ် ဒတူဒၟံၚ်ပ္ဍဲမ္ၚးတုဲ သ္ဒးခ္ဍက်ခအေမ်ရ၊ ခမဳဂမၠိုၚ် မဂဇအ်ဒၟံၚ် ပ္ဍဲသ္ၚိဝစ်လေဝ် သ္ဒးခ္ဍက်ခအေမ်ရ၊ လ္ၜက်စွံသ္ၚာ ပ္ဍဲဒုန်တေၚ်သ္ၚာကီု ပ္ဍဲဇုက်တေၚ်ဗလဲသ္ၚာကီုတုဲ ဟွံပြဟ်ဟွံလဇုဲ သ္ဒးလုပ်အာသ္ၚိဝစ် ဗွဲမဒးရးရ၊ ဟဂပ်ဝ်လုပ် ဗွဲမပြဟ်လောန်ရ၊ သၠိုက်ပတိုန်သပိုၚ်တုဲ ဟဂပ်ဝ်လုပ်ရ၊ သီုမဒတူဒၟံၚ် ပ္ဍဲဒၞပ်သၠးတရဴဇၞော်ဂှ် ဒးသၠိုက်ပတိုန်သပိုၚ်ရ၊ သီုမခအိဟ်တဴ ဟဂပ်ဝ်သၠးတရဴဇၞော်ရ၊ သီုမစတဴဆုဒက ဟဂပ်ဝ်သၠးတရဴဇၞော်ရ၊ ဟဂပ်ဝ်သၠးတရဴဇၞော် ပ္ဍဲမ္ၚးဒၞိဟ်ကရံက်တရဴဇၞော်ရ၊ ဟဂပ်ဝ်သၠးတရဴသၟတ် ပ္ဍဲဒၞိဟ်ကရံက်တရဴသၟတ်ရ၊ ဟဂပ်ဝ်ချဟ်စုတ်ဍာ်ပါၚ် ပ္ဍဲဒၞိဟ်ကရံက်တရဴသၟတ်ရ၊ ဟဂပ်ဝ်ဗိုၚ် နကဵုဃရိုအ်မသကာတ်မြဟ်ရ၊ ဟဂပ်ဝ်ဒတုံဖျေံ ဃရိုအ် ပ္ဍဲကတိုၚ်တရဴဇၞော်ရ၊ သီုမတန်တဴဒၟံၚ် ပ္ဍဲဒၞပ်သၠးတရဴဇၞော်ဂှ် ဒးဂြောပ်ဗ္ဒန်လဝ်ရ၊ ဟဂပ်ဝ်တိတ် ဗွဲမပြဟ်လောန်ရ၊ သၠိုက်ပတိုန်သပိုၚ်တုဲ ဟဂပ်ဝ်တိတ်ရ၊ သီုမတန်တဴဒၟံၚ် ပ္ဍဲဒၞပ်ကြာတ်ဍာ်ကရာတ်ဂှ် ဟွံထေက်ကဵုသၠိုက်ပတိုန်သပိုၚ်ရ၊ သီုမသ္ပဗရုစာပ်စာပ် ဟဂပ်ဝ်ကြာတ်ဍာ်ကရာတ်ရ၊ ဟဂပ်ဝ်သၟေဟ်စွံလဝ်ဍာ် ပ္ဍဲခရော်ဍာ်ကရာတ်ရ၊ သီုမတန်တဴဒၟံၚ် ပ္ဍဲဒၞပ်ကြာတ်ဍာ်ကရာတ်ဂှ် ဒးဂြောပ်ဗ္ဒန်လဝ်ရ။
သ္ၚိဝစ် ကၠေဝ်ဗာန်တရဴဇၞော်မ္ဂး ဒးကြာတ်ကြဴရ၊ နတိုၚ်ဃရိုအ် (သုၚ်စောဲတုဲ) ပေၚ်မ္ဂး ဒးကိုဟ်ချာဲဃရိုအ်ရ၊ သ္ၚိဝစ် သၟိက်ဟန်ဗန်နွံဒှ်မ္ဂး သ္ဒးကွဟ်ကၟဟ်သ္ၚိဝစ်ရ၊ ခုၚ်တိဗွဝ် သၟိက်ဟန်ဗန်နွံဒှ်မ္ဂး သ္ဒးကွဟ်ကၟဟ် ခုၚ်တိဗွဝ်ရ၊ ပြဝိုဏ် သၟိက်ဟန်ဗန်နွံဒှ်မ္ဂး သ္ဒးကွဟ်ကၟဟ် ပြဝိုဏ်ရ၊ မုက်ထော်တြၚ် သၟိက်ဟန်ဗန်နွံဒှ်မ္ဂး သ္ဒးကွဟ်ကၟဟ် မုက်ထော်တြၚ်ရ၊ ပ္ဍဲနုၚ်ဍာ်ကြာတ် (နုၚ်သအးသ္ၚိဍာ်) ဍာ်ဟွံမွဲဒှ်မ္ဂး သ္ဒးဗပေၚ်စုတ်ဍာ်ရ။ ယွံခမဳတအ် ဣဝွံတုန် ဝတ်ဒ္ဂေတ်ဝတ် ခမဳဂမၠိုၚ် မဒးဒ္ဂေတ်ပ္ဍဲသ္ၚိဝစ်ရ၊ အတိုၚ်ဒ္ဂေတ်ဝတ်ဂှ် ခမဳဂမၠိုၚ် ဒးဒ္ဂေတ် ပ္ဍဲသ္ၚိဝစ်ရ ရဴဝွံ (သ္ဂးရ)။
၈.၁၁။ ဝတ်ဒးဒ္ဂေတ် ပ္ဍဲအာစာဥပဇ္ၛာယ်[ပလေဝ်ဒါန် | ပလေဝ်ဒါန် တမ်ကၞက်]
၃၇၅။ ပ္ဍဲအခိၚ်ဂှ် ခမဳကွးပဒတဴမွဲစွံဂမၠိုၚ် ဟွံဒ္ဂေတ်ဗွဲမဒးရး ပ္ဍဲအ္စာဥပဇ္ၛာယ်ဂမၠိုၚ်အိုတ်ရ။
ခမဳပၟိက်အောန်ဂမၠိုၚ်ဂှ် “မုဟိုတ် ခမဳကွးပဒတဴမွဲစွံဂမၠိုၚ် ဟွံဒ္ဂေတ်ဗွဲမဒးရး ပ္ဍဲအ္စာဥပဇ္ၛာယ်ဂမၠိုၚ်ရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။
“ယွံခမဳတအ် ခမဳကွးပဒတဴမွဲစွံဂမၠိုၚ် ဟွံဒ္ဂေတ်ဗွဲမဒးရး ပ္ဍဲအ္စာဥပဇ္ၛာယ်ဂမၠိုၚ်အိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ။ ယွံခမဳတအ် ခမဳကွးပဒတဴမွဲစွံဂမၠိုၚ် မုဟိုတ် ဟွံဒ္ဂေတ်ဗွဲမဒးရး ပ္ဍဲအ္စာဥပဇ္ၛာယ်ဂမၠိုၚ်အိုတ်ရော?၊ ယွံခမဳတအ် (ပွခမဳဂမၠိုၚ် သ္ပဒးဝွံ) ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ။ ပ ။ တွံကဵုဂလာန်ဓရ်တုဲမ္ဂး သ္ဂးကဵုခမဳဂမၠိုၚ်ရ။
၃၇၆။ ယွံခမဳတအ် ဒှ်သာ်ဂှ်မ္ဂး ကြက်ပညပ်တဴ ဒ္ဂေတ်ဝတ်ဗွဲမဒးရး ပ္ဍဲအ္စာဥပဇ္ၛာယ်ဂမၠိုၚ် ကုခမဳကွးပဒတဴမွဲစွံဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳကွးပဒတဴမွဲစွံဂမၠိုၚ် ဒးဒ္ဂေတ် ပ္ဍဲအ္စာဥပဇ္ၛာယ်ဂမၠိုၚ်ရ။ ယွံခမဳတအ် ကွးပဒတဴမွဲစွံဂှ် ဒးဒ္ဂေတ်ပ္ဍဲအ္စာဥပဇ္ၛာယ် ဗွဲမဒးရးရ။ ပ္ဍဲဂလာန်ဂှ် ကြက်သ္ဂးဂတဝွံတုန် ပွမဒ္ဂေတ်ဗွဲမဒးရးရောၚ်။
(ကွးပဒတဴမွဲစွံဂှ်) ဒၠိုက်ကတဵုနူဂယးပြဟ်တုဲ သၠောတ်ကၠေံဒၞပ်တုဲမ္ဂး လ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ်တုဲ သ္ဒးဗဂိန်ကဵုဆုဒကရ၊ သ္ဒးဗဂိန်ကဵုဍာ်လာၚ်မုက်ရ၊ သ္ဒးလးသၞာဂဇအ်ရ၊ ယာဂုနွံမ္ဂး ကြဴကြာတ်ခရော်တုဲ သ္ဒးဗဂိန်ကဵုယာဂုရ၊ ကုအ္စာဥပဇ္ၛာယ် မသုၚ်ယာဂုတုဲဂှ် ဒုၚ်ကဵုဍာ်တုဲ ဟောဝ်ဂိုၚ်ကေတ်ခရော်တုဲ သ္ပမွဲမဒးရး သီုဟွံကဵုထ္ဍိမြိလုက်စုက်ဒးဂှ် ကြဴကြာတ်တုဲမ္ဂး သ္ဒးသီဂိုၚ်ဒေပ်စွံရ၊ အ္စာဥပဇ္ၛာယ် ဒၠိုက်ကတဵု (နူဒၞာဲ) မ္ဂး သ္ဒးသီဂိုၚ်ဒေပ်ထောံသၞာဂဇအ်ဂှ်ရ၊ ယဝ်သၟိက်ဟန်ဗန်နွံမ္ဂး သ္ဒးကွဟ်ကၟဟ် ဒၞာဲဂှ်ရ။
အ္စာဥပဇ္ၛာယ် သၟိက်လုပ်ကွာန်မ္ဂး သ္ဒးဒုၚ်ကဵု သပိုၚ်ဗိုက်လုပ်ကွာန်ရ၊ သ္ဒးဂိုၚ်ကေတ်သပိုၚ်ဗိုက်ပ္ဍဲဘာရ၊ သ္ဒးဒုၚ်ကဵုကာယဗန်ရ၊ ထပ်လဝ် သ္ၚာသကိုပ်ဂမၠိုၚ်တုဲ သ္ဒးဒုၚ်ကဵုရ၊ ကြဴကြာတ်တုဲ သ္ဒးဒုၚ်ကဵုဗဗေၚ်မဒှ်မွဲဟာန်ကေုာံဍာ်ရ။ ယဝ်အ္စာဥပဇ္ၛာယ် နွံပၟိက်ကဵုခမဳဗွက်ကြဴမ္ဂး ဗိုက်သပိုၚ် ဗွဲဗၞဳအဝဏ်မညဳသာ နမဂြောပ်ဗ္ဒန် ဗၞဳအဝဏ်ပိပြကာ (ဗၞဳအဝဏ်တၚ်က္ၜံၚ် ၜါလပါ် ကဵုပံၚ်ဠုတ် မိက်သ္ဂးရ)။ ဒက်ဇုက်ကာယဗန် သၠောံရုက်လတက် သ္ၚာသကိုပ်ဂမၠိုၚ် မထပ်လဝ် စုတ်ခၟောံသ္ၚာ ကြာတ်ကြဴဂိုၚ်ကေတ်ဗဗေၚ်တုဲ သ္ဒးဒှ်ခမဳဗွက်ကြဴ အ္စာဥပဇ္ၛာယ်ရ၊ ဟွံထေက်ကဵုဗက်အာ ဗွဲမသ္ၚောဲလောန်ရ၊ ဟွံထေက်ကဵုဗက်အာ ဗွဲကြပ်လောန်ရ၊ သ္ဒးဒုၚ်ဂိုၚ်ကေတ် ပွမလှာဲဂတးဗဗေၚ်ရ၊ ဃောအ္စာဥပဇ္ၛာယ် ဟီုဒၟံၚ်ဂလာန်ဂှ် ပၠံက်ပၠုပ်ပ္ဍဲအကြာအကြာတုဲ ဟွံထေက်ကဵုဟီုရ၊ အ္စာဥပဇ္ၛာယ် ဟီုသ္ဂးကြပ်ညောန်ကဵုအာပတ်မ္ဂး သ္ဒးဆေဝ်ဒဝ်ရ။
ကလေၚ်ကၠုၚ် (နူဌာန်ဂ္ၚေၚ်ပိဏ္ဍပါတ်) မ္ဂး စဴကၠုၚ်ဗွဲကိုပ်ကၠာတုဲ သ္ဒးလးပညပ်လဝ်သၞာဂဇအ်ရ၊ သ္ဒးစွံပတန်လဝ် ဍာ်ကြဴဇိုၚ် ဂတဵုကြာတ်ဇိုၚ် ကဝေက်ပေါတ်ဇိုၚ် ပ္ဍဲဇရေၚ်ရ၊ ဒစးဒုၚ်တၠုၚ်တရဴတုဲ သ္ဒးဒုၚ်ဂိုၚ်ကေတ် ဗဗေၚ်သ္ၚာရ၊ သ္ဒးဒုၚ်ကဵုသပိုၚ်ဗိုက်ပ္ဍဲဘာရ၊ သ္ဒးဟောဝ်ဂိုၚ်ကေတ် သပိုၚ်ဗိုက်လုပ်ကွာန်ရ၊ ယဝ်သ္ၚာဍေက်ဒၟံၚ်ပလက်မ္ဂး ဗၞတ်မွဲခဏဍောတ် သ္ဒးစဲလဝ် ပ္ဍဲဂမ္တဴတ္ၚဲရ၊ ၜိုန်ဂှ် စွံလဝ် ဗွဲမလအ်ဟွံဂွံရ၊ သ္ဒးထပ်သ္ၚာရ၊ ထပ်သ္ၚာမ္ဂး “လ္ပကဵုဒှ်ကဝ်ကေက် ‘ပၞေတ်ခ္ဍပ်’ ပ္ဍဲလဒေါဝ်ညိ” ရဴဝွံ သီုမပၠုပ်စိုတ် ယှအ်ကၠေံတၞုၚ်မုဟ်ပန်လပုဟ်တဲတုဲ သ္ဒးထပ်သ္ၚာရ၊ သ္ဒးစွံလဝ် ဇုက်ကာယဗန် ပ္ဍဲအပ္ဍဲသၞာထပ်လဝ်ရ။
ပိဏ္ဍပါတ်နွံတုဲ အ္စာဥပဇ္ၛာယ်လေဝ် မိက်သ္ပပြဘိုဂ်မ္ဂး ဒုၚ်ကဵုဍာ်ရပ်စပ်တုဲ သ္ဒးဗဂိန်ကဵုပိဏ္ဍပါတ်ရ၊ (နွံပၟိက်ဍာ်ဟာ ရဴဝွံ) သ္ဒးဂရၚ်ပတီသၟာန် အ္စာဥပဇ္ၛာယ် နကဵုဍာ်သုၚ်ရ၊ ကုအ္စာ မကဵုပိုဉ်တုဲဂှ် ဒုၚ်ကဵုဍာ်တုဲ ဟောဝ်ဂိုၚ်ကေတ်ဗဗေၚ်တုဲမ္ဂး သ္ပဗွဲမဒးရး သီုကဵုထ္ဍိမြိလုက်စုက်ဒးဂှ် ကြဴကြာတ်သအးဇ္ၚးတုဲ သ္ပစဵုကဵုဍာ်ကှ်တုဲမ္ဂး ဗၞတ်မွဲခဏဍောတ် သ္ဒးစဲလဝ် ပ္ဍဲဂမ္တဴတ္ၚဲရ၊ ၜိုန်ဂှ် စွံလဝ် ဗွဲမလအ်ဟွံဂွံရ၊ သ္ဒးစွံဗဗေၚ်သ္ၚာရ၊ မိက်စွံဗဗေၚ်မ္ဂး နကဵုတဲမွဲလပါ်ဂှ် ရပ်ကေတ်ဗဗေၚ်တုဲ နကဵုတဲမွဲလပါ်ဂှ် ဇွိတ်စမ်ရံၚ် သၟဝ်ဇံၚ်ခါတ်ကီု သၟဝ်ဂတဵုကီုတုဲ သ္ဒးစွံရ၊ ဟဂွံစွံဗဗေၚ် ပ္ဍဲတိမဟွံမွဲကဵုသၞာရ။ မိက်ဂွံစွံသ္ၚာမ္ဂး နကဵုတဲမွဲလပါ်ဂှ် ရပ်ကေတ်သ္ၚာတုဲ နကဵုတဲမွဲလပါ်ဂှ် ဇွိတ်ပေါတ်ထောံဒုန်တေၚ်သ္ၚာ ဇုက်ဗလဲသ္ၚာတုဲ သ္ပလအိတ်မုဟ်ပ္ဍဲလပါ်တေံ သ္ပကဝးပ္ဍဲလပါ်ဏအ်တုဲ သ္ဒးစွံသ္ၚာရ။ အ္စာဥပဇ္ၛာယ် ဒၠိုက်ကတဵု (နူဒၞာဲ) မ္ဂး သ္ဒးသီဂိုၚ်ထောံ သၞာဂဇအ်ဂှ်ရ၊ သ္ဒးသီဂိုၚ်ဒေပ်ထောံ ဍာ်ကြဴဇိုၚ် ဂတဵုပေါတ်ဇိုၚ် ကဝေက်ပေါတ်ဇိုၚ်ရ၊ ယဝ်သၟိက်ဟန်ဗန်နွံမ္ဂး သ္ဒးကွဟ်ကၟဟ်ဒၞာဲဂှ်ရ။ အ္စာဥပဇ္ၛာယ် မိက်ဟုမ်ဍာ်မ္ဂး သ္ဒးစဳရေၚ်ဍာ်ဟုမ်ရ၊ နွံပၟိက်ကဵုဍာ်လၟုဟ်မ္ဂး သ္ဒးစဳရေၚ်ကဵုဍာ်လၟုဟ်ရ၊ နွံပၟိက်ကဵုဍာ်ဂမ္တဴမ္ဂး သ္ဒးစဳရေၚ်ကဵုဍာ်ဂမ္တဴရ။
အ္စာဥပဇ္ၛာယ် မိက်ဂွံလုပ်သ္ၚိဇရုၚ်ပလက်မ္ဂး သ္ဒးထ္ၜိုန်ကလောံ ခၞိက်ကြကောတ် နကဵုဍာ်ရ၊ သ္ဒးဖ္ဍုက်တိကမၠေတ် နကဵုဍာ်ရ၊ ဂိုၚ်ကေတ်ဂတဵုသ္ၚိဇရုၚ်ပလက်တုဲ သီုမဗက်အာ နူလက်ကရဴ နူလက်ကရဴ အ္စာဥပဇ္ၛာယ်ဂှ် ဒုၚ်ကဵုဂတဵုသ္ၚိဇရုၚ်ပလက်တုဲမ္ဂး ဟောဝ်ဂိုၚ်ကေတ်သ္ၚာတုဲ သ္ဒးစွံလဝ် ပ္ဍဲဌာန်မဗဗွဲရ၊ သ္ဒးဒုၚ်ကဵုခၞိက်ကြကောတ်ရ၊ သ္ဒးဒုၚ်ကဵုတိကမၠေတ်ရ။ ယဝ်သၟဟ်ရထမ္ဂး သ္ဒးလုပ်သ္ၚိဇရုၚ်ပလက်ရ၊ ခမဳမလုပ်သ္ၚိဇရုၚ်ပလက်ဂှ် လံက်လေတ်မုက် နကဵုတိကမၠေတ် မဖ္ဍုက်လတ်ဍာ်တုဲ ဂြောပ်ဓလီုလဝ် (နကဵုသၞုက်ဍာ်) နူဂတကီု နူလက်ကရဴကီုတုဲ သ္ဒးလုပ်သ္ၚိဇရုၚ်ပလက်ရ၊ ဃရိတ်ခဇ် ခမဳဇၞော်ဂမၠိုၚ်တုဲ ဟဂပ်ဝ်ဂဇအ်ရ၊ ဟဂပ်ဝ်ဆေဝ်ဒဝ်ခမဳသၟတ်ဂမၠိုၚ် နကဵုသၞာအိုတ်ရ၊ ပ္ဍဲသ္ၚိဇရုၚ်ပလက် သွက်အ္စာဥပဇ္ၛာယ် သ္ဒးသ္ပကဵုကေၚ်ကာအိုဿီု (မပတမ် ပွမစံၚ်ဗဂဵုပၟတ်) ရ၊ ခမဳမတိတ်ကၠုၚ် နူသ္ၚိဇရုပ်ပလက်ဂှ် ဂိုၚ်ကေတ်ဂတဵုသ္ၚိဇရုၚ်ပလက်တုဲ ဂြောပ်ဓလီုလဝ် (နကဵုသၞုက်ဍာ်) နူဂတကီု နူလက်ကရဴကီုတုဲ သ္ဒးတိတ် နူသ္ၚိဇရုၚ်ပလက်ရ။
ပ္ဍဲအရာဟုမ်ဍာ်လေဝ် သွက်အ္စာဥပဇ္ၛာယ် သ္ဒးသ္ပကေၚ်ကာအိုဿီု (မပတမ် ပွမတုဟ်ပေါတ်မိဟ်) ရ၊ ခမဳမဟုမ်ဍာ်တုဲဂှ် တိုန်ကၠုၚ်ဗွဲကိုပ်ကၠာ အ္စာဥပဇ္ၛာယ်တုဲ သ္ပဇကုဇကု စဵုကဵုဟွံမွဲကဵုဍာ်တုဲ ဗိုက်သပိုၚ်တုဲ သ္ဒးဇိုတ်ကဵုဍာ် နူဇကုအ္စာဥပဇ္ၛာယ်ရ၊ သ္ဒးဒုၚ်ကဵုသပိုၚ်ရ၊ သ္ဒးဒုၚ်ကဵုသ္ၚာသကိုပ်ရ၊ ဂိုၚ်ကေတ်ဂတဵုသ္ၚိဇရုၚ်ပလက်တုဲ ကၠုၚ်ဗွဲကိုပ်ကၠာတုဲ သ္ဒးလးပညပ်လဝ် သၞာဂဇအ်ရ၊ သ္ဒးစွံပတန်လဝ် ဍာ်ကြဴဇိုၚ် ဂတဵုပေါတ်ဇိုၚ် ကဝေက်ပေါတ်ဇိုၚ် ပ္ဍဲဇရေၚ်ရ၊ (နွံပၟိက်ဍာ်ဟာ ရဴဝွံ) သ္ဒးဂရၚ်ပတီသၟာန် အ္စာဥပဇ္ၛာယ် နကဵုဍာ်သုၚ်ရ၊ ယဝ်မိက်ကဵုလ္ၚတ်ကတ်ဗတောန်မ္ဂး သ္ဒးလ္ၚတ်ကတ်ဗတောန်ရ၊ ယဝ်မိက်ကဵုသၟာန်ဂၠိုၚ်ဂၠိုၚ်ကဵုဝါမ္ဂး သ္ဒးသၟာန်ဂၠိုၚ်ဂၠိုၚ်ကဵုဝါရ။
ဘာအ္စာဥပဇ္ၛာယ် ပဒတဴဂှ် ယဝ်သၟိက်ဟန်ဗန်နွံမ္ဂး ယဝ်သၟဟ်ရထမ္ဂး သ္ဒးသောၚ် ဖ္ဍောၚ်ၚးတးရ၊ ခမဳမသောၚ်ဖ္ဍောၚ်ၚးတးဘာဂှ် ဗွဲကိုပ်ကၠာ ရၚ်တၠုၚ်ပတိတ် ဗဗေၚ်သ္ၚာတုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် သၞာနိသဳဒိုန်သၞာလးတိက်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်ရၚ်တၠုၚ်ပတိတ် ဖုန်ဂၞဳတုဲ သ္ဒးစွံလဝ် ပ္ဍဲဒၞာဲမဗဗွဲရ၊ ဇံၚ်ခါတ်ဂှ် သ္ပဗွဲမသဝ်ဒးရး သီုဟွံကဵုထ္ဍိမြိလုက်စုက်ဒး သၠတြၚ် ဇဵုတြၚ်ဂှ် ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ဂတဵုဂှ် သ္ပဗွဲမသဝ်ဒးရး သီုဟွံကဵုထ္ဍိမြိလုက်စုက်ဒး သၠတြၚ် ဇဵုတြၚ်ဂှ် ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ဇိုၚ်ဇံၚ်ဂမၠိုၚ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ထၟာဲဂစှ် (ထၟာဲတဲ) တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ဂတဵုဒလာဲတုဲ သ္ဒးစွံလဝ် ပ္ဍဲဒၞာဲမဗဗွဲရ၊ သၞာလးတိဂှ် သမ္တီလဝ် ဒၞာဲလးလၟိုန်တုဲ ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ပ္ဍဲဘာ ယဝ်သ္ၚိစၟဇာဖိုၚ်နွံမ္ဂး သ္ဒးပါဲကၠေံ နူသၠဖ္ဍာန် ဗွဲကိုပ်ကၠာရ၊ သ္ဒးဇိုတ်ပေါတ်ဗတၚ်ကျာ ကေုာံ သကဲခဒမ်ဂမၠိုၚ်ရ။
ဗ္ဒၚ်မသ္ပကလိတ်ကလောတ် နကဵုခၞိက်တိကမၠေတ်ဗကေတ် (နကဵုဆီတၟံ) ဂှ် ပတိုဟ်တိုန်မ္ဂး ဖ္ဍုက်ဍာ်ယာတ်တမြံၚ်တုဲ ဝတ်ကၠေံတုဲမ္ဂး သ္ဒးဇိုတ်ပေါတ်ရ၊ တိမသ္ပလဝ်ကလိတ်ကလောတ် နကဵုသာ်လမ္စံက်ဂှ် ပတိုဟ်တိုန်မ္ဂး ဖ္ဍုက်ယာတ်တမြံၚ်တုဲ ဝတ်ကၠေံတုဲမ္ဂး သ္ဒးပေါတ်ဇိုတ်ရ၊ ဒှ်တိမဟဂွံသ္ပကလိတ်ကလောတ်မ္ဂး လၟုဟ်ဖရုဲဍာ်တုဲ “လ္ပကဵုမၠိုက်တိုန်ဘာညိ” ရဴဝွံ (စွံစိုတ်တုဲ) သ္ဒးကွဟ်ကၟဟ်ရ၊ ပကောံဖအုံလဝ် အိက်ကၟဟ်တုဲ သ္ဒးထောံထောံ ပ္ဍဲဌာန်မဗဗွဲရ။
စဲတ္ၚဲသအးဇ္ၚး သၞာလးတိတုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲဇိုတ်ပေါတ် ဇိုၚ်ဇံၚ်ဂမၠိုၚ်တုဲမ္ဂး သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဇံၚ်ခါတ်တုဲမ္ဂး ဂရိုက်ထောံတုဲ သ္ပဗွဲမမသဝ်ဒးရး သီုဟွံထ္ဍိမြိလုက်စုက်ဒး သၠတြၚ် ဇဵုတြၚ်ဂှ် သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဂတဵုတုဲမ္ဂး ဂရိုက်ထောံတုဲ သ္ပဗွဲမမသဝ်ဒးရး သီုဟွံထ္ဍိမြိလုက်စုက်ဒး သၠတြၚ် ဇဵုတြၚ်ဂှ် သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဖုန်ဂၞဳတုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး သၞာနိသဳဒိုန် သၞာလးတိက်တုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲဇိုတ်ပေါတ် ထၟာဲဂစှ်တုဲမ္ဂး သ္ဒးကလေၚ်စွံ ပ္ဍဲဒၞာဲအတိုၚ်စွံလဝ်လၟိုန်ရ၊ စဲတ္ၚဲဇိုတ်ပေါတ်ဂတဵုဒလာဲတုဲမ္ဂး သ္ဒးကလေၚ်စွံ ပ္ဍဲဒၞာဲအတိုၚ်စွံလဝ်လၟိုန်ရ။
သ္ဒးစွံဗဗေၚ်သ္ၚာရ။ ခမဳ မိက်ဂွံစွံဗဗေၚ်ဂှ် နကဵုတဲမွဲလပါ်ဂှ် ရပ်ကေတ်ဗဗေၚ်တုဲ နကဵုတဲမွဲလပါ်ဂှ် ဇွိတ်စမ်ရံၚ် သၟဝ်ဇံၚ်ခါတ်ကီု သၟဝ်ဂတဵုကီုတုဲ သ္ဒးစွံရ၊ ဟဂွံစွံဗဗေၚ် ပ္ဍဲတိမဟွံမွဲကဵုသၞာရ။ ခမဳ မိက်ဂွံစွံသ္ၚာဂှ် နကဵုတဲမွဲလပါ်ဂှ် ရပ်ကေတ်သ္ၚာတုဲ နကဵုတဲမွဲလပါ်ဂှ် ဇွိတ်ပေါတ်ထောံဒုန်တေၚ်သ္ၚာ ဇုက်ဗလဲသ္ၚာတုဲ သ္ပလအိတ်မုဟ်ပ္ဍဲလပါ်တေံ သ္ပကဝးပ္ဍဲလပါ်ဏအ်တုဲ သ္ဒးစွံသ္ၚာရ။
နူဒိုဟ်ဗၟံက် ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်ဗၟံက်ဂမၠိုၚ်ရ၊ နူဒိုဟ်ပလိုတ် ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်ပလိုတ်ဂမၠိုၚ်ရ၊ နူဒိုဟ်သၟဝ်ကျာ ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်သၟဝ်ကျာဂမၠိုၚ်ရ၊ နူဒိုဟ်သၠုၚ်ကျာ ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်သၠုၚ်ကျာဂမၠိုၚ်ရ၊ ဒှ်အခိၚ်ဂမ္တဴမ္ဂး ပ္ဍဲအခိၚ်တ္ၚဲ သ္ဒးကၟာတ်ဒဝ်လဝ် ဗတၚ်ကျာဂမၠိုၚ်ရ၊ ပ္ဍဲအခိၚ်ဗတမ် သ္ဒးပံက်လဝ်ရ။
ပြဝိုဏ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ပြဝိုဏ်ရ။ မုက်ထော်တြၚ်ခဒမ်ဟုမ်ဍာ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် မုက်ထော်တြၚ်ခဒမ်ဟုမ်ဍာ်ရ။ ဇြပ်ကောံဓရီု သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ဇြပ်ကောံဓရီုရ။ ရုၚ်ပၟတ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ရုၚ်ပၟတ်ရ။ သ္ၚိဝစ် (သ္ၚိဍာ်) သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် သ္ၚိဝစ်ရ။ ဍာ်သုၚ်ဟွံမွဲမ္ဂး၊ သ္ဒးစွံပတန် ဍာ်သုၚ်ရ။ ဍာ်ရပ်စပ်ဟွံမွဲမ္ဂး၊ သ္ဒးစွံပတန် ဍာ်ရပ်စပ်ရ။ ပ္ဍဲနုၚ်ဍာ်ကြာတ်(နုၚ်သအးသ္ၚိဍာ်) ဍာ်ဟွံမွဲမ္ဂး၊ သ္ဒးဗပေၚ်စုတ်ဍာ်ရ။
ပွမဟွံမိပ်လဟိၚ် ကတဵုဒှ် ကုအ္စာဥပဇ္ၛာယ်မ္ဂး ကွးပဒတဴမွဲစွံဂှ် (အလဵုဇကုလေဝ်) သ္ဒးကော်ဏာဌာန်သအာၚ်ရ၊ (ညးသအာၚ်လေဝ်) သ္ဒးကဵုကော်ဏာရ၊ ဂလာန်ဓရ်လေဝ် သ္ဒးဟီုတွံကဵု ကုအ္စာဥပဇ္ၛာယ်ဂှ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ကတဵုဒှ် ကုအ္စာဥပဇ္ၛာယ်မ္ဂး ကွးပဒတဴမွဲစွံဂှ် သ္ဒးပါဲပၠေၚ်ကၠေံရ၊ (ညးသအာၚ်လေဝ်) သ္ဒးကဵုပၠေၚ်ကၠေံရ၊ ဂလာန်ဓရ်လေဝ် သ္ဒးဟီုတွံကဵု ကုအ္စာဥပဇ္ၛာယ်ဂှ်ရ။ ကွေတ်မှာရာ ကတဵုဒှ် ကုအ္စာဥပဇ္ၛာယ်မ္ဂး ကွးပဒတဴမွဲစွံဂှ် သ္ဒးသောၚ်ကလး ကဵုစာ်စ္ဍးအာရ၊ (ညးသအာၚ်လေဝ်) သ္ဒးကဵုသောၚ်ကလးစာ်စ္ဍးအာရ၊ ဂလာန်ဓရ်လေဝ် သ္ဒးဟီုတွံကဵု ကုအ္စာဥပဇ္ၛာယ် ဂှ်ရ။ အ္စာဥပဇ္ၛာယ် အာစိုပ်ဂရုကအာပတ်တုဲ ထေက်ကဵုတၞဟ်နပဒတဴပြဝးမ္ဂး ကွးပဒတဴမွဲစွံဂှ် “မုရဴသာ်လဵု သၚ် သ္ဂောံကဵုပြဝး ကုအ္စာဥပဇ္ၛာယ်ရော” ရဴဝွံ သ္ဒးသ္ပဂဗုဓ်လွဳပရာရ။ အ္စာဥပဇ္ၛာယ် ထေက်ကဵုတံၚ်ဓဇက်တမ်ဒှ်မ္ဂး ကွးပဒတဴမွဲစွံဂှ် “မုရဴသာ်လဵု သၚ် သ္ဂောံတံၚ်ဓဇက်တမ် အ္စာဥပဇ္ၛာယ်ရော” ရဴဝွံ သ္ဒးသ္ပဂဗုဓ်လွဳပရာရ။ အ္စာဥပဇ္ၛာယ် ထေက်ကဵုဒ္ဂေတ် ‘မာနတ်’ ထေက်ကဵုသ္ဍိုက်မၠိုက်ဒှ်မ္ဂး ကွးပဒတဴမွဲစွံဂှ် “မုရဴသာ်လဵု သၚ် သ္ဂောံကဵုမာနတ် ကုအ္စာဥပဇ္ၛာယ်ရော” ရဴဝွံ သ္ဒးသ္ပဂဗုဓ်လွဳပရာရ။ အ္စာဥပဇ္ၛာယ် ထေက်ကဵုကော်ပၠုပ်အဗ္ဘာန်ဒှ်မ္ဂး ကွးပဒတဴမွဲစွံဂှ် “မုရဴသာ်လဵု သၚ် သ္ဂောံကော်ပၠုပ်အဗ္ဘာန် အ္စာဥပဇ္ၛာယ်ရော” ရဴဝွံ သ္ဒးသ္ပဂဗုဓ်လွဳပရာရ။ သၚ်မိက်သ္ပ ‘တဇ္ဇနိယကမ်’ ပွမဘပဠကီု ‘နိယဿကမ်’ ပွမကဵုပဒတဴကေုာံအ္စာ နိဿယကီု ‘ပဗ္ဗာဇနဳယကမ်’ ပွမဗက်ဗ္ဒဴကီု ‘ပဋိသာရဏဳယကမ်’ ပွမကဵုကလအ်ဒုၚ်ဂုဏ်ကီု ‘ဥက္ခေပနဳယကမ်’ ပွမဗက်ပတိတ်ထောံကီု ကုအ္စာဥပဇ္ၛာယ်မ္ဂး၊ ကွးပဒတဴမွဲစွံဂှ် “မုရဴသာ်လဵု သၚ် ဟဂွံသ္ပကမ် ကုအ္စာဥပဇ္ၛာယ်ရော?၊ မုရဴသာ်လဵု သ္ဂောံကဵုဒုဟ်သာစှေ်ရော?” ရဴဝွံ သ္ဒးသ္ပဂဗုဓ် လွဳပရာရ။ သၚ် သ္ပ ‘တဇ္ဇနိယကမ်’ ပွမဘပဠကီု ‘နိယဿကမ်’ ပွမကဵုပဒတဴကေုာံအ္စာ နိဿယကီု ‘ပဗ္ဗာဇနဳယကမ်’ ပွမဗက်ဗ္ဒဴကီု ‘ပဋိသာရဏဳယကမ်’ ပွမကဵုကလအ်ဒုၚ်ဂုဏ်ကီု ‘ဥက္ခေပနဳယကမ်’ ပွမဗက်ပတိတ်ထောံကီု ကုအ္စာဥပဇ္ၛာယ်မ္ဂး၊ ကွးပဒတဴမွဲစွံဂှ် “မုရဴသာ်လဵု အ္စာဥပဇ္ၛာယ် သ္ဂောံဒ္ဂေတ်ဗွဲမဒးရးရော?၊ သ္ဂောံဖျေံတသော်မတွံဂးမာန်ရော?၊ ဒ္ဂေတ်တဴဒ္ဂေတ်မတိတ်ဗၠးမူဒဏ်ရော?၊ သၚ် သ္ဂောံလလမ်ကၠေံကမ်ရော?” ရဴဝွံ သ္ဒးသ္ပဂဗုဓ်လွဳပရာရ။
သ္ၚာအ္စာဥပဇ္ၛာယ်ဂှ် ထေက်ကဵုဒးလပိုက်ကဆံၚ်ဒှ်မ္ဂး၊ ကွးပဒတဴမွဲစွံဂှ် သ္ဒးလပိုက်ကဆံၚ်ရ၊ “မုရဴသာ်လဵု သ္ဂောံလပိုက်ကဆံၚ် သ္ၚာအ္စာဥပဇ္ၛာယ်ရော?” ရဴဝွံ ဂဗုဓ်လွဳပရာလေဝ် ဒးသ္ပရ။ သ္ၚာအ္စာဥပဇ္ၛာယ်ဂှ် ထေက်ကဵုဒးဇိၚ်မ္ဂး၊ ကွးပဒတဴမွဲစွံဂှ် သ္ဒးဇိၚ်ရ၊ “မုရဴသာ်လဵု သ္ဂောံဇိၚ်သ္ၚာအ္စာဥပဇ္ၛာယ်ရော?” ရဴဝွံ ဂဗုဓ်လွဳပရာလေဝ် ဒးသ္ပရ၊ သွက်အ္စာဥပဇ္ၛာယ် ထေက်ကဵုဖျိန် ဍာ်လွံက်ဒှ်မ္ဂး၊ ကွးပဒတဴမွဲစွံဂှ် သ္ဒးဖျိန်ဍာ်လွံက်ရ၊ “မုရဴသာ်လဵု သ္ဂောံဖျိန်ဍာ်လွံက် သွက်အ္စာဥပဇ္ၛာယ်ရော?” ရဴဝွံ ဂဗုဓ်လွဳပရာလေဝ် ဒးသ္ပရ။ သ္ၚာအ္စာဥပဇ္ၛာယ်ဂှ် ထေက်ကဵုဒးဖျောန်ဒှ်မ္ဂး၊ ကွးပဒတဴမွဲစွံဂှ် သ္ဒးဖျောန်ရ၊ “မုရဴသာ်လဵု သ္ဂောံဖျောန် သ္ၚာအ္စာဥပဇ္ၛာယ်ရော?” ရဴဝွံ ဂဗုဓ်လွဳပရာလေဝ် ဒးသ္ပရ။ ခမဳမဖျောန်သ္ၚာဂှ် သ္ဒးဖျောန်ဂတးဂတန် ဗွဲမဒးရးရ၊ ကိုပ်ကၠာ ထၞဟ်ဍာ်လွံက် ဓဇူဟွံပိုတ်ဏီ စ္ဍးအာဟွံဂွံရ။
သီုဟွံဂရၚ်ပတီပါန်အခေါၚ် အ္စာဥပဇ္ၛာယ် ဟဂပ်ဝ်ကဵုဗဗေၚ် ကုညးလ္ၚဵုရ၊ ဗဗေၚ်ညးလ္ၚဵုဂှ်လေဝ် ဟွံထေက်ကဵုဂိုၚ်ကေတ်ရ၊ ဟဂပ်ဝ်ကဵုသ္ၚာ ကုညးလ္ၚဵုရ၊ သ္ၚာညးလ္ၚဵုဂှ်လေဝ် ဟွံထေက်ကဵုဂိုၚ်ကေတ်ရ၊ ဟဂပ်ဝ်ကဵုပရိက္ခရာ ‘အရပ်စပ်’ ကုညးလ္ၚဵုရ၊ ပရိက္ခရာညးလ္ၚဵုဂှ်လေဝ် ဟွံထေက်ကဵုဂိုၚ်ကေတ်ရ၊ ဟဂပ်ဝ်ကးသော်က္ဍိုပ် ညးလ္ၚဵုဂမၠိုၚ်ရ၊ ဟွံထေက်ကဵုကးသော်က္ဍိုပ်ဇကုဂမၠိုၚ် ကုညးလ္ၚဵုရ၊ ဟဂပ်ဝ်သ္ပကမၠောန်ကေၚ်ကာ ညးလ္ၚဵုဂမၠိုၚ်ရ၊ ဟွံထေက်ကဵုသ္ပကမၠောန်ကေၚ်ကာ (မပတမ် ပွမတုဟ်ပေါတ်မိဟ်) ကုညးလ္ၚဵုရ၊ ဟဂပ်ဝ်သ္ပကေၚ်ကာဇၞော်သၟတ် ညးလ္ၚဵုရ၊ ဟဂပ်ဝ်ကဵုသ္ပကမၠောန်ကေၚ်ကာ ဇၞော်သၟတ်ဇကု ကုညးလ္ၚဵုရ၊ ဟဂပ်ဝ်သ္ပခမဳဗွက်ကြဴ ညးလ္ၚဵုရ၊ ဟဂပ်ဝ်ကဵုညးလ္ၚဵု သ္ပခမဳဗွက်ကြဴဇကုရ၊ ဟဂပ်ဝ်ရၚ်တၠုၚ် ပိဏ္ဍပါတ် ညးလ္ၚဵုရ၊ ဟဂပ်ဝ်ကဵုညးလ္ၚဵု ရၚ်တၠုၚ်ပိဏ္ဍပါတ်ဇကုရ၊ သီုဟွံဂရၚ်ပတီပါန်အခေါၚ် အ္စာဥပဇ္ၛာယ် ဟွံထေက်ကဵုလုပ်ကွာန်ရ၊ ဟွံထေက်ကဵုအာ သုသာန်ရ၊ ဟွံထေက်ကဵုစ္ဍးအာဌာန်သအာၚ်ရ၊ အ္စာဥပဇ္ၛာယ် ဂိယဲဒှ်မ္ဂး၊ လုကဴကာလမဂျိုၚ်ဒၟံၚ်လမျီု သ္ဒးကၠောန်ၜိုတ်လွဳပရာရ၊ စဵုကဵုယဲအ္စာဥပဇ္ၛာယ်ဂှ် ဗၠး သ္ဒးလၟတ်မၚ်ဒၟံၚ်ရ။
ယွံခမဳတအ် ဣဝွံတုန် ဒ္ဂေတ်ဝတ် ခမဳကွးပဒတဴမွဲစွံဂမၠိုၚ် မဒးဒ္ဂေတ် ပ္ဍဲအ္စာဥပဇ္ၛာယ်ဂမၠိုၚ်ရ။ အတိုၚ်ဒ္ဂေတ်ဝတ်ဂှ် ခမဳကွးပဒတဴမွဲစွံဂမၠိုၚ် ဒးဒ္ဂေတ် ပ္ဍဲအ္စာဥပဇ္ၛာယ်ဂမၠိုၚ်ရ ရဴဝွံ (သ္ဂးရ)။
၈.၁၂။ ဝတ်ဒးဒ္ဂေတ် ပ္ဍဲကွးပဒတဴမွဲစွံဂမၠိုၚ်[ပလေဝ်ဒါန် | ပလေဝ်ဒါန် တမ်ကၞက်]
၃၇၇။ ပ္ဍဲအခိၚ်ဂှ် အ္စာဥပဇ္ၛာယ်ဂမၠိုၚ် ဟွံဒ္ဂေတ်ဗွဲမဒးရး ပ္ဍဲကွးပဒတဴမွဲစွံဂမၠိုၚ်အိုတ်ရ။
ခမဳပၟိက်အောန်ဂမၠိုၚ်ဂှ် “မုဟိုတ် အ္စာဥပဇ္ၛာယ်ဂမၠိုၚ် ဟွံဒ္ဂေတ်ဗွဲမဒးရး ပ္ဍဲကွးပဒတဴမွဲစွံဂမၠိုၚ်အိုရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။ “ယွံခမဳတအ် အစာဥပဇ္ၛာယ်ဂမၠိုၚ် ဟွံဒ္ဂေတ်ဗွဲမဒးရး ပ္ဍဲကွးပဒတဴမွဲစွံဂမၠိုၚ်အိုတ်ရ ဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ပ ။ ဟီုဂရိုဟ်တုဲ။ ပ ။ တွံကဵုဂလာန်ဓရ်တုဲမ္ဂး သ္ဂးကဵုခမဳဂမၠိုၚ်ရ။
၃၇၈။ ယွံခမဳတအ် ဒှ်သာ်ဂှ်မ္ဂး ကြက်ပညပ်တဴ ဒ္ဂေတ်ဝတ်မဒးဒ္ဂေတ် ပ္ဍဲကွးပဒတဴမွဲစွံဂမၠိုၚ် ကုအ္စာဥပဇ္ၛာယ်ဂမၠိုၚ်ရ၊ အတိုၚ်ဒ္ဂေတ်ဝတ်ဂှ် အ္စာဥပဇ္ၛာယ်ဂမၠိုၚ် ဒးဒ္ဂေတ် ပ္ဍဲကွးပဒတဴမွဲစွံဂမၠိုၚ်ရ။ ယွံခမဳတအ် အ္စာဥပဇ္ၛာယ် ဒးဒ္ဂေတ် ပ္ဍဲကွးပဒတဴမွဲစွံ ဗွဲမဒးရးရ။ ပ္ဍဲဂလာန်ဂှ် ကြက်သ္ဂးဂတဝွံတုန် ပွမဒ္ဂေတ် ဗွဲမဒးရးရောၚ်။
ယွံခမဳတအ် အ္စာဥပဇ္ၛာယ်ဂှ် သ္ဒးယိုက်ဒိုက်ထံက်ပၚ်သၚ်ရိုဟ် ကွးပဒတဴမွဲစွံ နပွမပကတ်ဗတောန် ပွမသၟာန်ဂၠိုၚ်ဂၠိုၚ်ကဵုဝါ ပွမဝေတ်ဗတောန် ဒၠောံဗတောန်စၞောန်ထ္ၜးရ။ ဗဗေၚ်အ္စာဥပဇ္ၛာယ် နွံတုဲ ဗဗေၚ်ကွးပဒတဴမွဲစွံ ဟွံမွဲမ္ဂး၊ အ္စာဥပဇ္ၛာယ် သ္ဒးကဵုဗဗေၚ် ကုကွးပဒတဴမွဲစွံရ၊ “မုရဴသာ်လဵု ဗဗေၚ်သ္ဂောံကတဵုဒှ်ကၠုၚ် ကုကွးပဒတဴမွဲစွံရော” ရဴဝွံ ဂဗုဓ်လွဳပရာလေဝ် ဒးသ္ပရ။ သ္ၚာအ္စာဥပဇ္ၛာယ် နွံတုဲ သ္ၚာကွးပဒတဴမွဲစွံ ဟွံမွဲမ္ဂး၊ အ္စာဥပဇ္ၛာယ် သ္ဒးကဵုသ္ၚာ ကုကွးပဒတဴမွဲစွံရ၊ “မုရဴသာ်လဵု သ္ၚာသ္ဂောံကတဵုဒှ်ကၠုၚ် ကုကွးပဒတဴမွဲစွံရော” ရဴဝွံ ဂဗုဓ်လွဳပရာလေဝ် ဒးသ္ပရ။ ပရိက္ခရာ’အရပ်စပ်’ အ္စာဥပဇ္ၛာယ် နွံတုဲ ပရိက္ခရာကွးပဒတဴမွဲစွံ ဟွံမွဲမ္ဂး၊ အ္စာဥပဇ္ၛာယ် သ္ဒးကဵုပရိက္ခရာ ကုကွးပဒတဴမွဲစွံရ၊ “မုရဴသာ်လဵု ပရိက္ခရာသ္ဂောံကတဵုဒှ်ကၠုၚ် ကုကွးပဒတဴမွဲစွံရော” ရဴဝွံ ဂဗုဓ်လွဳပရာလေဝ် ဒးသ္ပရ။ ကွးပဒတဴမွဲစွံ ဂိယဲမ္ဂး၊ ဒၠိုက်ကတဵုနူဂယးပြဟ်တုဲ သ္ဒးဒုၚ်ကဵုဆုဒကရ၊ သ္ဒးဒုၚ်ကဵုဍာ်လာၚ်မုက်ရ၊ သ္ဒးလးသၞာဂဇအ်ရ၊ ယာဂုနွံမ္ဂး ကြဴကြာတ်ခရော်တုဲ သ္ဒးဒုၚ်ကဵုယာဂုရ၊ ကုကွးပဒတဴမွဲစွံ မသုၚ်ယာဂုတုဲဂှ် ဒုၚ်ကဵုဍာ်တုဲ ဟောဝ်ဂိုၚ်ကေတ်ခရော်တုဲ သ္ပဗွဲမဒးရး သီုဟွံကဵုထ္ဍိမြိလုက်စုက်ဒးဂှ် ကြဴကြာတ်တုဲမ္ဂး သ္ဒးသီဂိုၚ်ဒေပ်စွံရ၊ ကွးပဒတဴမွဲစွံ ဒၠိုက်ကတဵု (နူဒၞာဲ) မ္ဂး သ္ဒးသီဂိုၚ်ဒေပ်ထောံ သၞာဂဇအ်ဂှ်ရ၊ ယဝ်သၟိက်ဟန်ဗန်နွံမ္ဂး၊ သ္ဒးကွဟ်ကၟဟ် ဒၞာဲဂှ်ရ။
ကွးပဒတဴမွဲစွံ သၟိက်လုပ်ကွာန်မ္ဂး သ္ဒးဒုၚ်ကဵု သပိုၚ်ဗိုက်လုပ်ကွာန်ရ၊ သ္ဒးဂိုၚ်ကေတ်သပိုၚ်ဗိုက်ပ္ဍဲဘာရ၊ သ္ဒးဒုၚ်ကဵုကာယဗန်ရ၊ ထပ်လဝ် သ္ၚာသကိုပ်ဂမၠိုၚ်တုဲ သ္ဒးဒုၚ်ကဵုရ၊ ကြဴကြာတ်တုဲ သ္ဒးဒုၚ်ကဵုဗဗေၚ်မဒှ်မွဲဟာန်ကေုာံဍာ်ရ။
“အခိၚ်ဗၞတ်ဝွံ ကြက်ကလေၚ်စဴကၠုၚ်ရ” ရဴဝွံ (ပၠုပ်စိုတ်တုဲ) သ္ဒးလးပညပ်လဝ်သၞာဂဇအ်ရ၊ သ္ဒးစွံပတန်လဝ် ဍာ်ကြဴဇိုၚ် ဂတဵုကြာတ်ဇိုၚ် ကဝေက်ပေါတ်ဇိုၚ် ပ္ဍဲဇရေၚ်ရ၊ ဒစးဒုၚ်တၠုၚ်တရဴတုဲ သ္ဒးဒုၚ်ဂိုၚ်ကေတ် ဗဗေၚ်သ္ၚာရ၊ သ္ဒးဒုၚ်ကဵုသပိုၚ်ဗိုက်ပ္ဍဲဘာရ၊ သ္ဒးဟောဝ်ဂိုၚ်ကေတ် သပိုၚ်ဗိုက်လုပ်ကွာန်ရ၊ ယဝ်သ္ၚာဍေက်ဒၟံၚ်ပလက်မ္ဂး ဗၞတ်မွဲခဏဍောတ် သ္ဒးစဲလဝ် ပ္ဍဲဂမ္တဴတ္ၚဲရ၊ ၜိုန်ဂှ် စွံလဝ် ဗွဲမလအ်ဟွံဂွံရ၊ သ္ဒးထပ်သ္ၚာရ၊ ထပ်သ္ၚာမ္ဂး “လ္ပကဵုဒှ်ကဝ်ကေက် ‘ပၞေတ်ခ္ဍပ်’ ပ္ဍဲလဒေါဝ်ညိ” ရဴဝွံ သီုမပၠုပ်စိုတ် ယှအ်ကၠေံတၞုၚ်မုဟ်ပန်လပုဟ်တဲတုဲ သ္ဒးထပ်သ္ၚာရ၊ သ္ဒးစွံလဝ် ဇုက်ကာယဗန် ပ္ဍဲအပ္ဍဲသၞာထပ်လဝ်ရ။
ပိဏ္ဍပါတ်နွံတုဲ ကွးပဒတဴမွဲစွံလေဝ် မိက်သ္ပပြဘိုဂ်မ္ဂး ဒုၚ်ကဵုဍာ်ရပ်စပ်တုဲ သ္ဒးဒုၚ်ကဵုပိဏ္ဍပါတ်ရ၊ (နွံပၟိက်ဍာ်ဟာ ရဴဝွံ) သ္ဒးဂရၚ်ပတီသၟာန် ကွးပဒတဴမွဲစွံ နကဵုဍာ်သုၚ်ရ၊ ကုကွးပဒတဴမွဲစွံ မကဵုပိုဉ်တုဲဂှ် ဒုၚ်ကဵုဍာ်တုဲ ဟောဝ်ဂိုၚ်ကေတ်ဗဗေၚ်တုဲမ္ဂး သ္ပဗွဲမဒးရး သီုကဵုထ္ဍိမြိလုက်စုက်ဒးဂှ် ကြဴကြာတ်သအးဇ္ၚးတုဲ သ္ပစဵုကဵုဍာ်ကှ်တုဲမ္ဂး ဗၞတ်မွဲခဏဍောတ် သ္ဒးစဲလဝ် ပ္ဍဲဂမ္တဴတ္ၚဲရ၊ ၜိုန်ဂှ် စွံလဝ် ဗွဲမလအ်ဟွံဂွံရ၊ သ္ဒးစွံဗဗေၚ်သ္ၚာရ၊ မိက်စွံဗဗေၚ်မ္ဂး နကဵုတဲမွဲလပါ်ဂှ် ရပ်ကေတ်ဗဗေၚ်တုဲ နကဵုတဲမွဲလပါ်ဂှ် ဇွိတ်စမ်ရံၚ် သၟဝ်ဇံၚ်ခါတ်ကီု သၟဝ်ဂတဵုကီုတုဲ သ္ဒးစွံရ၊ ဟဂွံစွံဗဗေၚ် ပ္ဍဲတိမဟွံမွဲကဵုသၞာရ။ မိက်ဂွံစွံသ္ၚာမ္ဂး နကဵုတဲမွဲလပါ်ဂှ် ရပ်ကေတ်သ္ၚာတုဲ နကဵုတဲမွဲလပါ်ဂှ် ဇွိတ်ပေါတ်ထောံဒုန်တေၚ်သ္ၚာ ဇုက်ဗလဲသ္ၚာတုဲ သ္ပလအိတ်မုဟ်ပ္ဍဲလပါ်တေံ သ္ပကဝးပ္ဍဲလပါ်ဏအ်တုဲ သ္ဒးစွံသ္ၚာရ။ ကွးပဒတဴမွဲစွံ ဒၠိုက်ကတဵု (နူဒၞာဲ) မ္ဂး သ္ဒးသီဂိုၚ်ထောံ သၞာဂဇအ်ဂှ်ရ၊ သ္ဒးသီဂိုၚ်ဒေပ်ထောံ ဍာ်ကြဴဇိုၚ် ဂတဵုပေါတ်ဇိုၚ် ကဝေက်ပေါတ်ဇိုၚ်ရ၊ ယဝ်သၟိက်ဟန်ဗန်နွံမ္ဂး သ္ဒးကွဟ်ကၟဟ်ဒၞာဲဂှ်ရ။
ကွးပဒတဴမွဲစွံ မိက်ဟုမ်ဍာ်မ္ဂး သ္ဒးစဳရေၚ်ဍာ်ဟုမ်ရ၊ နွံပၟိက်ကဵုဍာ်လၟုဟ်မ္ဂး သ္ဒးစဳရေၚ်ကဵုဍာ်လၟုဟ်ရ၊ နွံပၟိက်ကဵုဍာ်ဂမ္တဴမ္ဂး သ္ဒးစဳရေၚ်ကဵုဍာ်ဂမ္တဴရ။
ကွးပဒတဴမွဲစွံ မိက်ဂွံလုပ်သ္ၚိဇရုၚ်ပလက်မ္ဂး သ္ဒးထ္ၜိုန်ကလောံ ခၞိက်ကြကောတ် နကဵုဍာ်ရ၊ သ္ဒးဖ္ဍုက်တိကမၠေတ် နကဵုဍာ်ရ၊ ဂိုၚ်ကေတ်ဂတဵုသ္ၚိဇရုၚ်ပလက်တုဲ သီုမဗက်အာ နူလက်ကရဴ နူလက်ကရဴ အ္စာဥပဇ္ၛာယ်ဂှ် ဒုၚ်ကဵုဂတဵုသ္ၚိဇရုၚ်ပလက်တုဲမ္ဂး ဟောဝ်ဂိုၚ်ကေတ်သ္ၚာတုဲ သ္ဒးစွံလဝ် ပ္ဍဲဌာန်မဗဗွဲရ၊ သ္ဒးဒုၚ်ကဵုခၞိက်ကြကောတ်ရ၊ သ္ဒးဒုၚ်ကဵုတိကမၠေတ်ရ။ ယဝ်သၟဟ်ရထမ္ဂး သ္ဒးလုပ်သ္ၚိဇရုၚ်ပလက်ရ၊ ခမဳမလုပ်သ္ၚိဇရုၚ်ပလက်ဂှ် လံက်လေတ်မုက် နကဵုတိကမၠေတ် မဖ္ဍုက်လတ်ဍာ်တုဲ ဂြောပ်ဓလီုလဝ် (နကဵုသၞုက်ဍာ်) နူဂတကီု နူလက်ကရဴကီုတုဲ သ္ဒးလုပ်သ္ၚိဇရုၚ်ပလက်ရ၊ ဃရိတ်ခဇ် ခမဳဇၞော်ဂမၠိုၚ်တုဲ ဟဂပ်ဝ်ဂဇအ်ရ၊ ဟဂပ်ဝ်ဆေဝ်ဒဝ်ခမဳသၟတ်ဂမၠိုၚ် နကဵုသၞာအိုတ်ရ၊ ပ္ဍဲသ္ၚိဇရုၚ်ပလက် ကွးပဒတဴမွဲစွံ သ္ဒးသ္ပကဵုကေၚ်ကာအိုဿီု (မပတမ် ပွမစံၚ်ဗဂဵုပၟတ်) ရ၊ ခမဳမတိတ်ကၠုၚ် နူသ္ၚိဇရုပ်ပလက်ဂှ် ဂိုၚ်ကေတ်ဂတဵုသ္ၚိဇရုၚ်ပလက်တုဲ ဂြောပ်ဓလီုလဝ် (နကဵုသၞုက်ဍာ်) နူဂတကီု နူလက်ကရဴကီုတုဲ သ္ဒးတိတ် နူသ္ၚိဇရုၚ်ပလက်ရ။
ပ္ဍဲအရာဟုမ်ဍာ်လေဝ် သွက်ကွးပဒတဴမွဲစွံ သ္ဒးသ္ပကေၚ်ကာအိုဿီု (မပတမ် ပွမတုဟ်ပေါတ်မိဟ်) ရ၊ ခမဳမဟုမ်ဍာ်တုဲဂှ် တိုန်ကၠုၚ်ဗွဲကိုပ်ကၠာတုဲ သ္ပဇကုဇကု စဵုကဵုဟွံမွဲကဵုဍာ်တုဲ ဗိုက်သပိုၚ်တုဲ သ္ဒးဇိုတ်ကဵုဍာ် နူဇကုကွးပဒတဴမွဲစွံရ၊ သ္ဒးဒုၚ်ကဵုသပိုၚ်ရ၊ သ္ဒးဒုၚ်ကဵုသ္ၚာသကိုပ်ရ၊ ဂိုၚ်ကေတ်ဂတဵုသ္ၚိဇရုၚ်ပလက်တုဲ ကၠုၚ်ဗွဲကိုပ်ကၠာတုဲ သ္ဒးလးပညပ်လဝ် သၞာဂဇအ်ရ၊ သ္ဒးစွံပတန်လဝ် ဍာ်ကြဴဇိုၚ် ဂတဵုပေါတ်ဇိုၚ် ကဝေက်ပေါတ်ဇိုၚ် ပ္ဍဲဇရေၚ်ရ၊ (နွံပၟိက်ဍာ်ဟာ ရဴဝွံ) သ္ဒးသၟာန် ကွးပဒတဴမွဲစွံ နကဵုဍာ်သုၚ်ရ။
ဘာကွးပဒတဴမွဲစွံ ပဒတဴဂှ် ယဝ်သၟိက်ဟန်ဗန်နွံမ္ဂး ယဝ်သၟဟ်ရထမ္ဂး သ္ဒးသောၚ် ဖ္ဍောၚ်ၚးတးရ၊ ခမဳမသောၚ်ဖ္ဍောၚ်ၚးတးဘာဂှ် ဗွဲကိုပ်ကၠာ ရၚ်တၠုၚ်ပတိတ် ဗဗေၚ်သ္ၚာတုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် သၞာနိသဳဒိုန်သၞာလးတိက်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်ရၚ်တၠုၚ်ပတိတ် ဖုန်ဂၞဳတုဲ သ္ဒးစွံလဝ် ပ္ဍဲဒၞာဲမဗဗွဲရ၊ ဇံၚ်ခါတ်ဂှ် သ္ပဗွဲမသဝ်ဒးရး သီုဟွံကဵုထ္ဍိမြိလုက်စုက်ဒး သၠတြၚ် ဇဵုတြၚ်ဂှ် ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ဂတဵုဂှ် သ္ပဗွဲမသဝ်ဒးရး သီုဟွံကဵုထ္ဍိမြိလုက်စုက်ဒး သၠတြၚ် ဇဵုတြၚ်ဂှ် ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ဇိုၚ်ဇံၚ်ဂမၠိုၚ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ထၟာဲဂစှ် (ထၟာဲတဲ) တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ဂတဵုဒလာဲတုဲ သ္ဒးစွံလဝ် ပ္ဍဲဒၞာဲမဗဗွဲရ၊ သၞာလးတိဂှ် သမ္တီလဝ် ဒၞာဲလးလၟိုန်တုဲ ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ပ္ဍဲဘာ ယဝ်သ္ၚိစၟဇာဖိုၚ်နွံမ္ဂး သ္ဒးပါဲကၠေံ နူသၠဖ္ဍာန် ဗွဲကိုပ်ကၠာရ၊ သ္ဒးဇိုတ်ပေါတ်ဗတၚ်ကျာ ကေုာံ သကဲခဒမ်ဂမၠိုၚ်ရ။
ဗ္ဒၚ်မသ္ပကလိတ်ကလောတ် နကဵုခၞိက်တိကမၠေတ်ဗကေတ် (နကဵုဆီတၟံ) ဂှ် ပတိုဟ်တိုန်မ္ဂး ဖ္ဍုက်ဍာ်ယာတ်တမြံၚ်တုဲ ဝတ်ကၠေံတုဲမ္ဂး သ္ဒးဇိုတ်ပေါတ်ရ၊ တိမသ္ပလဝ်ကလိတ်ကလောတ် နကဵုသာ်လမ္စံက်ဂှ် ပတိုဟ်တိုန်မ္ဂး ဖ္ဍုက်ယာတ်တမြံၚ်တုဲ ဝတ်ကၠေံတုဲမ္ဂး သ္ဒးပေါတ်ဇိုတ်ရ၊ ဒှ်တိမဟဂွံသ္ပကလိတ်ကလောတ်မ္ဂး လၟုဟ်ဖရုဲဍာ်တုဲ “လ္ပကဵုမၠိုက်တိုန်ဘာညိ” ရဴဝွံ (စွံစိုတ်တုဲ) သ္ဒးကွဟ်ကၟဟ်ရ၊ ပကောံဖအုံလဝ် အိက်ကၟဟ်တုဲ သ္ဒးထောံထောံ ပ္ဍဲဌာန်မဗဗွဲရ။
စဲတ္ၚဲသအးဇ္ၚး သၞာလးတိတုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲဇိုတ်ပေါတ် ဇိုၚ်ဇံၚ်ဂမၠိုၚ်တုဲမ္ဂး သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဇံၚ်ခါတ်တုဲမ္ဂး ဂရိုက်ထောံတုဲ သ္ပဗွဲမမသဝ်ဒးရး သီုဟွံထ္ဍိမြိလုက်စုက်ဒး သၠတြၚ် ဇဵုတြၚ်ဂှ် သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဂတဵုတုဲမ္ဂး ဂရိုက်ထောံတုဲ သ္ပဗွဲမမသဝ်ဒးရး သီုဟွံထ္ဍိမြိလုက်စုက်ဒး သၠတြၚ် ဇဵုတြၚ်ဂှ် သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဖုန်ဂၞဳတုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး သၞာနိသဳဒိုန် သၞာလးတိက်တုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲဇိုတ်ပေါတ် ထၟာဲဂစှ်တုဲမ္ဂး သ္ဒးကလေၚ်စွံ ပ္ဍဲဒၞာဲအတိုၚ်စွံလဝ်လၟိုန်ရ၊ စဲတ္ၚဲဇိုတ်ပေါတ်ဂတဵုဒလာဲတုဲမ္ဂး သ္ဒးကလေၚ်စွံ ပ္ဍဲဒၞာဲအတိုၚ်စွံလဝ်လၟိုန်ရ။
သ္ဒးစွံဗဗေၚ်သ္ၚာရ။ ခမဳ မိက်ဂွံစွံဗဗေၚ်ဂှ် နကဵုတဲမွဲလပါ်ဂှ် ရပ်ကေတ်ဗဗေၚ်တုဲ နကဵုတဲမွဲလပါ်ဂှ် ဇွိတ်စမ်ရံၚ် သၟဝ်ဇံၚ်ခါတ်ကီု သၟဝ်ဂတဵုကီုတုဲ သ္ဒးစွံရ၊ ဟဂွံစွံဗဗေၚ် ပ္ဍဲတိမဟွံမွဲကဵုသၞာရ။ ခမဳ မိက်ဂွံစွံသ္ၚာဂှ် နကဵုတဲမွဲလပါ်ဂှ် ရပ်ကေတ်သ္ၚာတုဲ နကဵုတဲမွဲလပါ်ဂှ် ဇွိတ်ပေါတ်ထောံဒုန်တေၚ်သ္ၚာ ဇုက်ဗလဲသ္ၚာတုဲ သ္ပလအိတ်မုဟ်ပ္ဍဲလပါ်တေံ သ္ပကဝးပ္ဍဲလပါ်ဏအ်တုဲ သ္ဒးစွံသ္ၚာရ။
နူဒိုဟ်ဗၟံက် ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်ဗၟံက်ဂမၠိုၚ်ရ၊ နူဒိုဟ်ပလိုတ် ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်ပလိုတ်ဂမၠိုၚ်ရ၊ နူဒိုဟ်သၟဝ်ကျာ ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်သၟဝ်ကျာဂမၠိုၚ်ရ၊ နူဒိုဟ်သၠုၚ်ကျာ ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်သၠုၚ်ကျာဂမၠိုၚ်ရ၊ ဒှ်အခိၚ်ဂမ္တဴမ္ဂး ပ္ဍဲအခိၚ်တ္ၚဲ သ္ဒးကၟာတ်ဒဝ်လဝ် ဗတၚ်ကျာဂမၠိုၚ်ရ၊ ပ္ဍဲအခိၚ်ဗတမ် သ္ဒးပံက်လဝ်ရ။
ပြဝိုဏ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ပြဝိုဏ်ရ။ မုက်ထော်တြၚ်ခဒမ်ဟုမ်ဍာ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် မုက်ထော်တြၚ်ခဒမ်ဟုမ်ဍာ်ရ။ ဇြပ်ကောံဓရီု သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ဇြပ်ကောံဓရီုရ။ ရုၚ်ပၟတ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ရုၚ်ပၟတ်ရ။ သ္ၚိဝစ် (သ္ၚိဍာ်) သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် သ္ၚိဝစ်ရ။ ဍာ်သုၚ်ဟွံမွဲမ္ဂး၊ သ္ဒးစွံပတန် ဍာ်သုၚ်ရ။ ဍာ်ရပ်စပ်ဟွံမွဲမ္ဂး၊ သ္ဒးစွံပတန် ဍာ်ရပ်စပ်ရ။ ပ္ဍဲနုၚ်ဍာ်ကြာတ် (နုၚ်သအးသ္ၚိဍာ်) ဍာ်ဟွံမွဲမ္ဂး၊ သ္ဒးဗပေၚ်စုတ်ဍာ်ရ။
ပွမဟွံမိပ်လဟိၚ် ကတဵုဒှ် ကုကွးပဒတဴမွဲစွံမ္ဂး အ္စာဥပဇ္ၛာယ်ဂှ် (အလဵုဇကုလေဝ်) သ္ဒးကော်ဏာဌာန်သအာၚ်ရ၊ (ညးသအာၚ်လေဝ်) သ္ဒးကဵုကော်ဏာရ၊ ဂလာန်ဓရ်လေဝ် သ္ဒးဟီုတွံကဵု ကုကွးပဒတဴမွဲစွံဂှ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ကတဵုဒှ် ကုကွးပဒတဴမွဲစွံမ္ဂး အ္စာဥပဇ္ၛာယ်ဂှ် သ္ဒးပါဲပၠေၚ်ကၠေံရ၊ (ညးသအာၚ်လေဝ်) သ္ဒးကဵုပၠေၚ်ကၠေံရ၊ ဂလာန်ဓရ်လေဝ် သ္ဒးဟီုတွံကဵု ကုကွးပဒတဴမွဲစွံဂှ်ရ။ ကွေတ်မှာရာ ကတဵုဒှ် ကုကွးပဒတဴမွဲစွံမ္ဂး အ္စာဥပဇ္ၛာယ်ဂှ် သ္ဒးသောၚ်ကလး ကဵုစာ်စ္ဍးအာရ၊ (ညးသအာၚ်လေဝ်) သ္ဒးကဵုသောၚ်ကလးစာ်စ္ဍးအာရ၊ ဂလာန်ဓရ်လေဝ် သ္ဒးဟီုတွံကဵု ကုကွးပဒတဴမွဲစွံဂှ်ရ။ ကွးပဒတဴမွဲစွံ အာစိုပ်ဂရုကအာပတ်တုဲ ထေက်ကဵုတၞဟ်နပဒတဴပြဝးမ္ဂး အ္စာဥပဇ္ၛာယ်ဂှ် “မုရဴသာ်လဵု သၚ် သ္ဂောံကဵုပြဝး ကုကွးပဒတဴမွဲစွံရော” ရဴဝွံ သ္ဒးသ္ပဂဗုဓ်လွဳပရာရ။ ကွးပဒတဴမွဲစွံ ထေက်ကဵုတံၚ်ဓဇက်တမ်ဒှ်မ္ဂး အ္စာဥပဇ္ၛာယ်ဂှ် “မုရဴသာ်လဵု သၚ် သ္ဂောံတံၚ်ဓဇက်တမ် ကွးပဒတဴမွဲစွံရော” ရဴဝွံ သ္ဒးသ္ပဂဗုဓ်လွဳပရာရ။ ကွးပဒတဴမွဲစွံ ထေက်ကဵုဒ္ဂေတ် ‘မာနတ်’ ထေက်ကဵုသ္ဍိုက်မၠိုက်ဒှ်မ္ဂး အ္စာဥပဇ္ၛာယ်ဂှ် “မုရဴသာ်လဵု သၚ် သ္ဂောံကဵုမာနတ် ကုကွးပဒတဴမွဲစွံရော” ရဴဝွံ သ္ဒးသ္ပဂဗုဓ်လွဳပရာရ။ ကွးပဒတဴမွဲစွံ ထေက်ကဵုကော်ပၠုပ်အဗ္ဘာန်ဒှ်မ္ဂး အ္စာဥပဇ္ၛာယ်ဂှ် “မုရဴသာ်လဵု သၚ် သ္ဂောံကော်ပၠုပ်အဗ္ဘာန် ကွးပဒတဴမွဲစွံရော” ရဴဝွံ သ္ဒးသ္ပဂဗုဓ်လွဳပရာရ။ သၚ်မိက်သ္ပ ‘တဇ္ဇနိယကမ်’ ပွမဘပဠကီု ‘နိယဿကမ်’ ပွမကဵုပဒတဴကေုာံအ္စာ နိဿယကီု ‘ပဗ္ဗာဇနဳယကမ်’ ပွမဗက်ဗ္ဒဴကီု ‘ပဋိသာရဏဳယကမ်’ ပွမကဵုကလအ်ဒုၚ်ဂုဏ်ကီု ‘ဥက္ခေပနဳယကမ်’ ပွမဗက်ပတိတ်ထောံကီု ကုကွးပဒတဴမွဲစွံမ္ဂး၊ အ္စာဥပဇ္ၛာယ်ဂှ် “မုရဴသာ်လဵု သၚ် ဟဂွံသ္ပကမ် ကုကွးပဒတဴမွဲစွံရော?၊ မုရဴသာ်လဵု သ္ဂောံကဵုဒုဟ်သာစှေ်ရော?” ရဴဝွံ သ္ဒးသ္ပဂဗုဓ် လွဳပရာရ။ သၚ် သ္ပ ‘တဇ္ဇနိယကမ်’ ပွမဘပဠကီု ‘နိယဿကမ်’ ပွမကဵုပဒတဴကေုာံအ္စာ နိဿယကီု ‘ပဗ္ဗာဇနဳယကမ်’ ပွမဗက်ဗ္ဒဴကီု ‘ပဋိသာရဏဳယကမ်’ ပွမကဵုကလအ်ဒုၚ်ဂုဏ်ကီု ‘ဥက္ခေပနဳယကမ်’ ပွမဗက်ပတိတ်ထောံကီု ကုကွးပဒတဴမွဲစွံမ္ဂး၊ အ္စာဥပဇ္ၛာယ်ဂှ် “မုရဴသာ်လဵု ကွးပဒတဴမွဲစွံ သ္ဂောံဒ္ဂေတ်ဗွဲမဒးရးရော?၊ သ္ဂောံဖျေံတသော်မတွံဂးမာန်ရော?၊ ဒ္ဂေတ်တဴဒ္ဂေတ်မတိတ်ဗၠးမူဒဏ်ရော?၊ သၚ် သ္ဂောံလလမ်ကၠေံကမ်ရော?” ရဴဝွံ သ္ဒးသ္ပဂဗုဓ်လွဳပရာရ။
သ္ၚာကွးပဒတဴမွဲစွံဂှ် ထေက်ကဵုဒးလပိုက်ကဆံၚ်ဒှ်မ္ဂး၊ အ္စာဥပဇ္ၛာယ်ဂှ် သ္ဒးလပိုက်ကဆံၚ်ရ၊ “မုရဴသာ်လဵု သ္ဂောံလပိုက်ကဆံၚ် သ္ၚာကွးပဒတဴမွဲစွံရော?” ရဴဝွံ ဂဗုဓ်လွဳပရာလေဝ် ဒးသ္ပရ။ သ္ၚာကွးပဒတဴမွဲစွံဂှ် ထေက်ကဵုဒးဇိၚ်မ္ဂး၊ အ္စာဥပဇ္ၛာယ်ဂှ် သ္ဒးဇိၚ်ရ၊ “မုရဴသာ်လဵု သ္ဂောံဇိၚ်သ္ၚာကွးပဒတဴမွဲစွံရော?” ရဴဝွံ ဂဗုဓ်လွဳပရာလေဝ် ဒးသ္ပရ၊ သွက်ကွးပဒတဴမွဲစွံ ထေက်ကဵုဖျိန် ဍာ်လွံက်ဒှ်မ္ဂး၊ အ္စာဥပဇ္ၛာယ်ဂှ် သ္ဒးဖျိန်ဍာ်လွံက်ရ၊ “မုရဴသာ်လဵု သ္ဂောံဖျိန်ဍာ်လွံက် သွက်ကွးပဒတဴမွဲစွံရော?” ရဴဝွံ ဂဗုဓ်လွဳပရာလေဝ် ဒးသ္ပရ။ သ္ၚာကွးပဒတဴမွဲစွံဂှ် ထေက်ကဵုဒးဖျောန်ဒှ်မ္ဂး၊ အ္စာဥပဇ္ၛာယ်ဂှ် သ္ဒးဖျောန်ရ၊ “မုရဴသာ်လဵု သ္ဂောံဖျောန် သ္ၚာကွးပဒတဴမွဲစွံရော?” ရဴဝွံ ဂဗုဓ်လွဳပရာလေဝ် ဒးသ္ပရ။ ခမဳမဖျောန်သ္ၚာဂှ် သ္ဒးဖျောန်ဂတးဂတန် ဗွဲမဒးရးရ၊ ကိုပ်ကၠာ ထၞဟ်ဍာ်လွံက် ဓဇူဟွံပိုတ်ဏီ စ္ဍးအာဟွံဂွံရ။
ကွးပဒတဴမွဲစွံ ဂိယဲဒှ်မ္ဂး၊ လုကဴကာလမဂျိုၚ်ဒၟံၚ်လမျီု သ္ဒးကၠောန်ၜိုတ်လွဳပရာရ၊ စဵုကဵုယဲကွးပဒတဴမွဲစွံဂှ် ဗၠး သ္ဒးလၟတ်မၚ်ဒၟံၚ်ရ။
ယွံခမဳတအ် ဣဝွံတုန် ဒ္ဂေတ်ဝတ် အ္စာဥပဇ္ၛာယ်ဂမၠိုၚ် မဒးဒ္ဂေတ် ပ္ဍဲခမဳကွးပဒတဴမွဲစွံဂမၠိုၚ်ရ။ အတိုၚ်ဒ္ဂေတ်ဝတ်ဂှ် အ္စာဥပဇ္ၛာယ်ဂမၠိုၚ် ဒးဒ္ဂေတ် ပ္ဍဲခမဳကွးပဒတဴမွဲစွံဂမၠိုၚ်ရ ရဴဝွံ (သ္ဂးရ)။
၈.၁၃။ စၞောန်ထ္ၜးကဵုအာစာရိယဝတ်[ပလေဝ်ဒါန် | ပလေဝ်ဒါန် တမ်ကၞက်]
၃၇၉။ ပ္ဍဲအခိၚ်ဂှ် ခမဳကွးပဒတဴဇရေၚ်ဂမၠိုၚ် ဟွံဒ္ဂေတ်ဗွဲမဒးရး ပ္ဍဲအ္စာဂမၠိုၚ်အိုတ်ရ။
ခမဳပၟိက်အောန်ဂမၠိုၚ်ဂှ် “မုဟိုတ် ခမဳကွးပဒတဴဇရေၚ်ဂမၠိုၚ် ဟွံဒ္ဂေတ်ဗွဲမဒးရး ပ္ဍဲအ္စာဂမၠိုၚ်ရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။
“ယွံခမဳတအ် ခမဳကွးပဒတဴမွဲဇရေၚ်ဂမၠိုၚ် ဟွံဒ္ဂေတ်ဗွဲမဒးရး ပ္ဍဲအ္စာဂမၠိုၚ်အိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ပ ။ ဟီုဂရိုဟ်တုဲ။ ပ ။ တွံကဵုဂလာန်ဓရ်တုဲမ္ဂး သ္ဂးကဵုခမဳဂမၠိုၚ်ရ။
၃၇၆။ ယွံခမဳတအ် ဒှ်သာ်ဂှ်မ္ဂး ကြက်ပညပ်တဴ ဒ္ဂေတ်ဝတ်ဗွဲမဒးရး ပ္ဍဲအ္စာဂမၠိုၚ် ကုခမဳကွးပဒတဴဇရေၚ်ဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳကွးပဒတဴဇရေၚ်ဂမၠိုၚ် ဒးဒ္ဂေတ် ပ္ဍဲအ္စာဂမၠိုၚ်ရ။ ယွံခမဳတအ် ကွးပဒတဴဇရေၚ်ဂှ် ဒးဒ္ဂေတ်ပ္ဍဲအ္စာ ဗွဲမဒးရးရ။ ပ္ဍဲဂလာန်ဂှ် ကြက်သ္ဂးဂတဝွံတုန် ပွမဒ္ဂေတ်ဗွဲမဒးရးရောၚ်။
(ကွးပဒတဴဇရေၚ်ဂှ်) ဒၠိုက်ကတဵုနူဂယးပြဟ်တုဲ သၠောတ်ကၠေံဒၞပ်တုဲမ္ဂး လ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ်တုဲ သ္ဒးဗဂိန်ကဵုဆုဒကရ၊ သ္ဒးဗဂိန်ကဵုဍာ်လာၚ်မုက်ရ၊ သ္ဒးလးသၞာဂဇအ်ရ၊ ယာဂုနွံမ္ဂး ကြဴကြာတ်ခရော်တုဲ သ္ဒးဗဂိန်ကဵုယာဂုရ၊ ကုအ္စာ မသုၚ်ယာဂုတုဲဂှ် ဒုၚ်ကဵုဍာ်တုဲ ဟောဝ်ဂိုၚ်ကေတ်ခရော်တုဲ သ္ပမွဲမဒးရး သီုဟွံကဵုထ္ဍိမြိလုက်စုက်ဒးဂှ် ကြဴကြာတ်တုဲမ္ဂး သ္ဒးသီဂိုၚ်ဒေပ်စွံရ၊ အ္စာ ဒၠိုက်ကတဵု (နူဒၞာဲ) မ္ဂး သ္ဒးသီဂိုၚ်ဒေပ်ထောံသၞာဂဇအ်ဂှ်ရ၊ ယဝ်သၟိက်ဟန်ဗန်နွံမ္ဂး သ္ဒးကွဟ်ကၟဟ် ဒၞာဲဂှ်ရ။ အ္စာ သၟိက်လုပ်ကွာန်မ္ဂး သ္ဒးဒုၚ်ကဵု သပိုၚ်ဗိုက်လုပ်ကွာန်ရ၊ သ္ဒးဂိုၚ်ကေတ်သပိုၚ်ဗိုက်ပ္ဍဲဘာရ၊ သ္ဒးဒုၚ်ကဵုကာယဗန်ရ၊ ထပ်လဝ် သ္ၚာသကိုပ်ဂမၠိုၚ်တုဲ သ္ဒးဒုၚ်ကဵုရ၊ ကြဴကြာတ်တုဲ သ္ဒးဒုၚ်ကဵုဗဗေၚ်မဒှ်မွဲဟာန်ကေုာံဍာ်ရ။ ယဝ်အ္စာ နွံပၟိက်ကဵုခမဳဗွက်ကြဴမ္ဂး ဗိုက်သပိုၚ် ဗွဲဗၞဳအဝဏ်မညဳသာ နမဂြောပ်ဗ္ဒန် ဗၞဳအဝဏ်ပိပြကာ (ဗၞဳအဝဏ်တၚ်က္ၜံၚ် ၜါလပါ် ကဵုပံၚ်ဠုတ် မိက်သ္ဂးရ)။ ဒက်ဇုက်ကာယဗန် သၠောံရုက်လတက် သ္ၚာသကိုပ်ဂမၠိုၚ် မထပ်လဝ် စုတ်ခၟောံသ္ၚာ ကြာတ်ကြဴဂိုၚ်ကေတ်ဗဗေၚ်တုဲ သ္ဒးဒှ်ခမဳဗွက်ကြဴ အ္စာရ၊ ဟွံထေက်ကဵုဗက်အာ ဗွဲမသ္ၚောဲလောန်ရ၊ ဟွံထေက်ကဵုဗက်အာ ဗွဲကြပ်လောန်ရ၊ သ္ဒးဒုၚ်ဂိုၚ်ကေတ် ပွမလှာဲဂတးဗဗေၚ်ရ၊ ဃောအ္စာ ဟီုဒၟံၚ်ဂလာန်ဂှ် ပၠံက်ပၠုပ်ပ္ဍဲအကြာအကြာတုဲ ဟွံထေက်ကဵုဟီုရ၊ အ္စာ ဟီုသ္ဂးကြပ်ညောန်ကဵုအာပတ်မ္ဂး သ္ဒးဆေဝ်ဒဝ်ရ။
ကလေၚ်ကၠုၚ် (နူဌာန်ဂ္ၚေၚ်ပိဏ္ဍပါတ်) မ္ဂး စဴကၠုၚ်ဗွဲကိုပ်ကၠာတုဲ သ္ဒးလးပညပ်လဝ်သၞာဂဇအ်ရ၊ သ္ဒးစွံပတန်လဝ် ဍာ်ကြဴဇိုၚ် ဂတဵုကြာတ်ဇိုၚ် ကဝေက်ပေါတ်ဇိုၚ် ပ္ဍဲဇရေၚ်ရ၊ ဒစးဒုၚ်တၠုၚ်တရဴတုဲ သ္ဒးဒုၚ်ဂိုၚ်ကေတ် ဗဗေၚ်သ္ၚာရ၊ သ္ဒးဒုၚ်ကဵုသပိုၚ်ဗိုက်ပ္ဍဲဘာရ၊ သ္ဒးဟောဝ်ဂိုၚ်ကေတ် သပိုၚ်ဗိုက်လုပ်ကွာန်ရ၊ ယဝ်သ္ၚာဍေက်ဒၟံၚ်ပလက်မ္ဂး ဗၞတ်မွဲခဏဍောတ် သ္ဒးစဲလဝ် ပ္ဍဲဂမ္တဴတ္ၚဲရ၊ ၜိုန်ဂှ် စွံလဝ် ဗွဲမလအ်ဟွံဂွံရ၊ သ္ဒးထပ်သ္ၚာရ၊ ထပ်သ္ၚာမ္ဂး “လ္ပကဵုဒှ်ကဝ်ကေက်’ပၞေတ်ခ္ဍပ်’ပ္ဍဲလဒေါဝ်ညိ” ရဴဝွံ သီုမပၠုပ်စိုတ် ယှအ်ကၠေံတၞုၚ်မုဟ်ပန်လပုဟ်တဲတုဲ သ္ဒးထပ်သ္ၚာရ၊ သ္ဒးစွံလဝ် ဇုက်ကာယဗန် ပ္ဍဲအပ္ဍဲသၞာထပ်လဝ်ရ။
ပိဏ္ဍပါတ်နွံတုဲ အ္စာလေဝ် မိက်သ္ပပြဘိုဂ်မ္ဂး ဒုၚ်ကဵုဍာ်ရပ်စပ်တုဲ သ္ဒးဗဂိန်ကဵုပိဏ္ဍပါတ်ရ၊ (နွံပၟိက်ဍာ်ဟာ ရဴဝွံ) သ္ဒးဂရၚ်ပတီသၟာန် အ္စာ နကဵုဍာ်သုၚ်ရ၊ ကုအ္စာ မကဵုပိုဉ်တုဲဂှ် ဒုၚ်ကဵုဍာ်တုဲ ဟောဝ်ဂိုၚ်ကေတ်ဗဗေၚ်တုဲမ္ဂး သ္ပဗွဲမဒးရး သီုကဵုထ္ဍိမြိလုက်စုက်ဒးဂှ် ကြဴကြာတ်သအးဇ္ၚးတုဲ သ္ပစဵုကဵုဍာ်ကှ်တုဲမ္ဂး ဗၞတ်မွဲခဏဍောတ် သ္ဒးစဲလဝ် ပ္ဍဲဂမ္တဴတ္ၚဲရ၊ ၜိုန်ဂှ် စွံလဝ် ဗွဲမလအ်ဟွံဂွံရ၊ သ္ဒးစွံဗဗေၚ်သ္ၚာရ၊ မိက်စွံဗဗေၚ်မ္ဂး နကဵုတဲမွဲလပါ်ဂှ် ရပ်ကေတ်ဗဗေၚ်တုဲ နကဵုတဲမွဲလပါ်ဂှ် ဇွိတ်စမ်ရံၚ် သၟဝ်ဇံၚ်ခါတ်ကီု သၟဝ်ဂတဵုကီုတုဲ သ္ဒးစွံရ၊ ဟဂွံစွံဗဗေၚ် ပ္ဍဲတိမဟွံမွဲကဵုသၞာရ။ မိက်ဂွံစွံသ္ၚာမ္ဂး နကဵုတဲမွဲလပါ်ဂှ် ရပ်ကေတ်သ္ၚာတုဲ နကဵုတဲမွဲလပါ်ဂှ် ဇွိတ်ပေါတ်ထောံဒုန်တေၚ်သ္ၚာ ဇုက်ဗလဲသ္ၚာတုဲ သ္ပလအိတ်မုဟ်ပ္ဍဲလပါ်တေံ သ္ပကဝးပ္ဍဲလပါ်ဏအ်တုဲ သ္ဒးစွံသ္ၚာရ။
အ္စာ ဒၠိုက်ကတဵု (နူဒၞာဲ) မ္ဂး သ္ဒးသီဂိုၚ်ထောံ သၞာဂဇအ်ဂှ်ရ၊ သ္ဒးသီဂိုၚ်ဒေပ်ထောံ ဍာ်ကြဴဇိုၚ် ဂတဵုပေါတ်ဇိုၚ် ကဝေက်ပေါတ်ဇိုၚ်ရ၊ ယဝ်သၟိက်ဟန်ဗန်နွံမ္ဂး သ္ဒးကွဟ်ကၟဟ်ဒၞာဲဂှ်ရ။ အ္စာ မိက်ဟုမ်ဍာ်မ္ဂး သ္ဒးစဳရေၚ်ဍာ်ဟုမ်ရ၊ နွံပၟိက်ကဵုဍာ်လၟုဟ်မ္ဂး သ္ဒးစဳရေၚ်ကဵုဍာ်လၟုဟ်ရ၊ နွံပၟိက်ကဵုဍာ်ဂမ္တဴမ္ဂး သ္ဒးစဳရေၚ်ကဵုဍာ်ဂမ္တဴရ။
အ္စာ မိက်ဂွံလုပ်သ္ၚိဇရုၚ်ပလက်မ္ဂး သ္ဒးထ္ၜိုန်ကလောံ ခၞိက်ကြကောတ် နကဵုဍာ်ရ၊ သ္ဒးဖ္ဍုက်တိကမၠေတ် နကဵုဍာ်ရ၊ ဂိုၚ်ကေတ်ဂတဵုသ္ၚိဇရုၚ်ပလက်တုဲ သီုမဗက်အာ နူလက်ကရဴ နူလက်ကရဴ အ္စာဂှ် ဒုၚ်ကဵုဂတဵုသ္ၚိဇရုၚ်ပလက်တုဲမ္ဂး ဟောဝ်ဂိုၚ်ကေတ်သ္ၚာတုဲ သ္ဒးစွံလဝ် ပ္ဍဲဌာန်မဗဗွဲရ၊ သ္ဒးဒုၚ်ကဵုခၞိက်ကြကောတ်ရ၊ သ္ဒးဒုၚ်ကဵုတိကမၠေတ်ရ။ ယဝ်သၟဟ်ရထမ္ဂး သ္ဒးလုပ်သ္ၚိဇရုၚ်ပလက်ရ၊ ခမဳမလုပ်သ္ၚိဇရုၚ်ပလက်ဂှ် လံက်လေတ်မုက် နကဵုတိကမၠေတ် မဖ္ဍုက်လတ်ဍာ်တုဲ ဂြောပ်ဓလီုလဝ် (နကဵုသၞုက်ဍာ်) နူဂတကီု နူလက်ကရဴကီုတုဲ သ္ဒးလုပ်သ္ၚိဇရုၚ်ပလက်ရ၊ ဃရိတ်ခဇ် ခမဳဇၞော်ဂမၠိုၚ်တုဲ ဟဂပ်ဝ်ဂဇအ်ရ၊ ဟဂပ်ဝ်ဆေဝ်ဒဝ်ခမဳသၟတ်ဂမၠိုၚ် နကဵုသၞာအိုတ်ရ၊ ပ္ဍဲသ္ၚိဇရုၚ်ပလက် သွက်အ္စာ သ္ဒးသ္ပကဵုကေၚ်ကာအိုဿီု (မပတမ် ပွမစံၚ်ဗဂဵုပၟတ်)ရ၊ ခမဳမတိတ်ကၠုၚ် နူသ္ၚိဇရုပ်ပလက်ဂှ် ဂိုၚ်ကေတ်ဂတဵုသ္ၚိဇရုၚ်ပလက်တုဲ ဂြောပ်ဓလီုလဝ် (နကဵုသၞုက်ဍာ်) နူဂတကီု နူလက်ကရဴကီုတုဲ သ္ဒးတိတ် နူသ္ၚိဇရုၚ်ပလက်ရ။
ပ္ဍဲအရာဟုမ်ဍာ်လေဝ် သွက်အ္စာ သ္ဒးသ္ပကေၚ်ကာအိုဿီု (မပတမ် ပွမတုဟ်ပေါတ်မိဟ်) ရ၊ ခမဳမဟုမ်ဍာ်တုဲဂှ် တိုန်ကၠုၚ်ဗွဲကိုပ်ကၠာ အ္စာတုဲ သ္ပဇကုဇကု စဵုကဵုဟွံမွဲကဵုဍာ်တုဲ ဗိုက်သပိုၚ်တုဲ သ္ဒးဇိုတ်ကဵုဍာ် နူဇကုအ္စာရ၊ သ္ဒးဒုၚ်ကဵုသပိုၚ်ရ၊ သ္ဒးဒုၚ်ကဵုသ္ၚာသကိုပ်ရ၊ ဂိုၚ်ကေတ်ဂတဵုသ္ၚိဇရုၚ်ပလက်တုဲ ကၠုၚ်ဗွဲကိုပ်ကၠာတုဲ သ္ဒးလးပညပ်လဝ် သၞာဂဇအ်ရ၊ သ္ဒးစွံပတန်လဝ် ဍာ်ကြဴဇိုၚ် ဂတဵုပေါတ်ဇိုၚ် ကဝေက်ပေါတ်ဇိုၚ် ပ္ဍဲဇရေၚ်ရ၊ (နွံပၟိက်ဍာ်ဟာ ရဴဝွံ) သ္ဒးဂရၚ်ပတီသၟာန် အ္စာ နကဵုဍာ်သုၚ်ရ၊ ယဝ်မိက်ကဵုလ္ၚတ်ကတ်ဗတောန်မ္ဂး သ္ဒးလ္ၚတ်ကတ်ဗတောန်ရ၊ ယဝ်မိက်ကဵုသၟာန်ဂၠိုၚ်ဂၠိုၚ်ကဵုဝါမ္ဂး သ္ဒးသၟာန်ဂၠိုၚ်ဂၠိုၚ်ကဵုဝါရ။
ဘာအ္စာ ပဒတဴဂှ် ယဝ်သၟိက်ဟန်ဗန်နွံမ္ဂး ယဝ်သၟဟ်ရထမ္ဂး သ္ဒးသောၚ် ဖ္ဍောၚ်ၚးတးရ၊ ခမဳမသောၚ်ဖ္ဍောၚ်ၚးတးဘာဂှ် ဗွဲကိုပ်ကၠာ ရၚ်တၠုၚ်ပတိတ် ဗဗေၚ်သ္ၚာတုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် သၞာနိသဳဒိုန်သၞာလးတိက်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်ရၚ်တၠုၚ်ပတိတ် ဖုန်ဂၞဳတုဲ သ္ဒးစွံလဝ် ပ္ဍဲဒၞာဲမဗဗွဲရ၊ ဇံၚ်ခါတ်ဂှ် သ္ပဗွဲမသဝ်ဒးရး သီုဟွံကဵုထ္ဍိမြိလုက်စုက်ဒး သၠတြၚ် ဇဵုတြၚ်ဂှ် ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ဂတဵုဂှ် သ္ပဗွဲမသဝ်ဒးရး သီုဟွံကဵုထ္ဍိမြိလုက်စုက်ဒး သၠတြၚ် ဇဵုတြၚ်ဂှ် ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ဇိုၚ်ဇံၚ်ဂမၠိုၚ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ထၟာဲဂစှ် (ထၟာဲတဲ) တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ဂတဵုဒလာဲတုဲ သ္ဒးစွံလဝ် ပ္ဍဲဒၞာဲမဗဗွဲရ၊ သၞာလးတိဂှ် သမ္တီလဝ် ဒၞာဲလးလၟိုန်တုဲ ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ပ္ဍဲဘာ ယဝ်သ္ၚိစၟဇာဖိုၚ်နွံမ္ဂး သ္ဒးပါဲကၠေံ နူသၠဖ္ဍာန် ဗွဲကိုပ်ကၠာရ၊ သ္ဒးဇိုတ်ပေါတ်ဗတၚ်ကျာ ကေုာံ သကဲခဒမ်ဂမၠိုၚ်ရ။
ဗ္ဒၚ်မသ္ပကလိတ်ကလောတ် နကဵုခၞိက်တိကမၠေတ်ဗကေတ် (နကဵုဆီတၟံ) ဂှ် ပတိုဟ်တိုန်မ္ဂး ဖ္ဍုက်ဍာ်ယာတ်တမြံၚ်တုဲ ဝတ်ကၠေံတုဲမ္ဂး သ္ဒးဇိုတ်ပေါတ်ရ၊ တိမသ္ပလဝ်ကလိတ်ကလောတ် နကဵုသာ်လမ္စံက်ဂှ် ပတိုဟ်တိုန်မ္ဂး ဖ္ဍုက်ယာတ်တမြံၚ်တုဲ ဝတ်ကၠေံတုဲမ္ဂး သ္ဒးပေါတ်ဇိုတ်ရ၊ ဒှ်တိမဟဂွံသ္ပကလိတ်ကလောတ်မ္ဂး လၟုဟ်ဖရုဲဍာ်တုဲ “လ္ပကဵုမၠိုက်တိုန်ဘာညိ” ရဴဝွံ (စွံစိုတ်တုဲ) သ္ဒးကွဟ်ကၟဟ်ရ၊ ပကောံဖအုံလဝ် အိက်ကၟဟ်တုဲ သ္ဒးထောံထောံ ပ္ဍဲဌာန်မဗဗွဲရ။
စဲတ္ၚဲသအးဇ္ၚး သၞာလးတိတုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲဇိုတ်ပေါတ် ဇိုၚ်ဇံၚ်ဂမၠိုၚ်တုဲမ္ဂး သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဇံၚ်ခါတ်တုဲမ္ဂး ဂရိုက်ထောံတုဲ သ္ပဗွဲမမသဝ်ဒးရး သီုဟွံထ္ဍိမြိလုက်စုက်ဒး သၠတြၚ် ဇဵုတြၚ်ဂှ် သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဂတဵုတုဲမ္ဂး ဂရိုက်ထောံတုဲ သ္ပဗွဲမမသဝ်ဒးရး သီုဟွံထ္ဍိမြိလုက်စုက်ဒး သၠတြၚ် ဇဵုတြၚ်ဂှ် သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဖုန်ဂၞဳတုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး သၞာနိသဳဒိုန် သၞာလးတိက်တုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲဇိုတ်ပေါတ် ထၟာဲဂစှ်တုဲမ္ဂး သ္ဒးကလေၚ်စွံ ပ္ဍဲဒၞာဲအတိုၚ်စွံလဝ်လၟိုန်ရ၊ စဲတ္ၚဲဇိုတ်ပေါတ်ဂတဵုဒလာဲတုဲမ္ဂး သ္ဒးကလေၚ်စွံ ပ္ဍဲဒၞာဲအတိုၚ်စွံလဝ်လၟိုန်ရ။ သ္ဒးစွံဗဗေၚ်သ္ၚာရ။ ခမဳ မိက်ဂွံစွံဗဗေၚ်ဂှ် နကဵုတဲမွဲလပါ်ဂှ် ရပ်ကေတ်ဗဗေၚ်တုဲ နကဵုတဲမွဲလပါ်ဂှ် ဇွိတ်စမ်ရံၚ် သၟဝ်ဇံၚ်ခါတ်ကီု သၟဝ်ဂတဵုကီုတုဲ သ္ဒးစွံရ၊ ဟဂွံစွံဗဗေၚ် ပ္ဍဲတိမဟွံမွဲကဵုသၞာရ။ ခမဳ မိက်ဂွံစွံသ္ၚာဂှ် နကဵုတဲမွဲလပါ်ဂှ် ရပ်ကေတ်သ္ၚာတုဲ နကဵုတဲမွဲလပါ်ဂှ် ဇွိတ်ပေါတ်ထောံဒုန်တေၚ်သ္ၚာ ဇုက်ဗလဲသ္ၚာတုဲ သ္ပလအိတ်မုဟ်ပ္ဍဲလပါ်တေံ သ္ပကဝးပ္ဍဲလပါ်ဏအ်တုဲ သ္ဒးစွံသ္ၚာရ။
နူဒိုဟ်ဗၟံက် ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်ဗၟံက်ဂမၠိုၚ်ရ၊ နူဒိုဟ်ပလိုတ် ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်ပလိုတ်ဂမၠိုၚ်ရ၊ နူဒိုဟ်သၟဝ်ကျာ ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်သၟဝ်ကျာဂမၠိုၚ်ရ၊ နူဒိုဟ်သၠုၚ်ကျာ ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်သၠုၚ်ကျာဂမၠိုၚ်ရ၊ ဒှ်အခိၚ်ဂမ္တဴမ္ဂး ပ္ဍဲအခိၚ်တ္ၚဲ သ္ဒးကၟာတ်ဒဝ်လဝ် ဗတၚ်ကျာဂမၠိုၚ်ရ၊ ပ္ဍဲအခိၚ်ဗတမ် သ္ဒးပံက်လဝ်ရ။
ပြဝိုဏ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ပြဝိုဏ်ရ။ မုက်ထော်တြၚ်ခဒမ်ဟုမ်ဍာ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် မုက်ထော်တြၚ်ခဒမ်ဟုမ်ဍာ်ရ။ ဇြပ်ကောံဓရီု သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ဇြပ်ကောံဓရီုရ။ ရုၚ်ပၟတ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ရုၚ်ပၟတ်ရ။ သ္ၚိဝစ်(သ္ၚိဍာ်) သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် သ္ၚိဝစ်ရ။ ဍာ်သုၚ်ဟွံမွဲမ္ဂး၊ သ္ဒးစွံပတန် ဍာ်သုၚ်ရ။ ဍာ်ရပ်စပ်ဟွံမွဲမ္ဂး၊ သ္ဒးစွံပတန် ဍာ်ရပ်စပ်ရ။ ပ္ဍဲနုၚ်ဍာ်ကြာတ် (နုၚ်သအးသ္ၚိဍာ်) ဍာ်ဟွံမွဲမ္ဂး၊ သ္ဒးဗပေၚ်စုတ်ဍာ်ရ။
ပွမဟွံမိပ်လဟိၚ် ကတဵုဒှ် ကုအ္စာမ္ဂး ကွးပဒတဴဇရေၚ်ဂှ် (အလဵုဇကုလေဝ်) သ္ဒးကော်ဏာဌာန်သအာၚ်ရ၊ (ညးသအာၚ်လေဝ်) သ္ဒးကဵုကော်ဏာရ၊ ဂလာန်ဓရ်လေဝ် သ္ဒးဟီုတွံကဵု ကုအ္စာဂှ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ကတဵုဒှ် ကုအ္စာမ္ဂး ကွးပဒတဴဇရေၚ်ဂှ် သ္ဒးပါဲပၠေၚ်ကၠေံရ၊ (ညးသအာၚ်လေဝ်) သ္ဒးကဵုပၠေၚ်ကၠေံရ၊ ဂလာန်ဓရ်လေဝ် သ္ဒးဟီုတွံကဵု ကုအ္စာဂှ်ရ။ ကွေတ်မှာရာ ကတဵုဒှ် ကုအ္စာမ္ဂး ကွးပဒတဴဇရေၚ်ဂှ် သ္ဒးသောၚ်ကလး ကဵုစာ်စ္ဍးအာရ၊ (ညးသအာၚ်လေဝ်) သ္ဒးကဵုသောၚ်ကလးစာ်စ္ဍးအာရ၊ ဂလာန်ဓရ်လေဝ် သ္ဒးဟီုတွံကဵု ကုအ္စာဂှ်ရ။ အ္စာ အာစိုပ်ဂရုကအာပတ်တုဲ ထေက်ကဵုတၞဟ်နပဒတဴပြဝးမ္ဂး ကွးပဒတဴဇရေၚ်ဂှ် “မုရဴသာ်လဵု သၚ် သ္ဂောံကဵုပြဝး ကုအ္စာဥပဇ္ၛာယ်ရော” ရဴဝွံ သ္ဒးသ္ပဂဗုဓ်လွဳပရာရ။ အ္စာ ထေက်ကဵုတံၚ်ဓဇက်တမ်ဒှ်မ္ဂး ကွးပဒတဴဇရေၚ်ဂှ် “မုရဴသာ်လဵု သၚ် သ္ဂောံတံၚ်ဓဇက်တမ် အ္စာရော” ရဴဝွံ သ္ဒးသ္ပဂဗုဓ်လွဳပရာရ။ အ္စာ ထေက်ကဵုဒ္ဂေတ် ‘မာနတ်’ ထေက်ကဵုသ္ဍိုက်မၠိုက်ဒှ်မ္ဂး ကွးပဒတဴဇရေၚ်ဂှ် “မုရဴသာ်လဵု သၚ် သ္ဂောံကဵုမာနတ် ကုအ္စာရော” ရဴဝွံ သ္ဒးသ္ပဂဗုဓ်လွဳပရာရ။ အ္စာ ထေက်ကဵုကော်ပၠုပ်အဗ္ဘာန်ဒှ်မ္ဂး ကွးပဒတဴဇရေၚ်ဂှ် “မုရဴသာ်လဵု သၚ် သ္ဂောံကော်ပၠုပ်အဗ္ဘာန် အ္စာရော” ရဴဝွံ သ္ဒးသ္ပဂဗုဓ်လွဳပရာရ။ သၚ်မိက်သ္ပ ‘တဇ္ဇနိယကမ်’ ပွမဘပဠကီု ‘နိယဿကမ်’ ပွမကဵုပဒတဴကေုာံအ္စာ နိဿယကီု ‘ပဗ္ဗာဇနဳယကမ်’ ပွမဗက်ဗ္ဒဴကီု ‘ပဋိသာရဏဳယကမ်’ ပွမကဵုကလအ်ဒုၚ်ဂုဏ်ကီု ‘ဥက္ခေပနဳယကမ်’ ပွမဗက်ပတိတ်ထောံကီု ကုအ္စာမ္ဂး၊ ကွးပဒတဴဇရေၚ်ဂှ် “မုရဴသာ်လဵု သၚ် ဟဂွံသ္ပကမ် ကုအ္စာရော?၊ မုရဴသာ်လဵု သ္ဂောံကဵုဒုဟ်သာစှေ်ရော?” ရဴဝွံ သ္ဒးသ္ပဂဗုဓ် လွဳပရာရ။ သၚ် သ္ပ ‘တဇ္ဇနိယကမ်’ ပွမဘပဠကီု ‘နိယဿကမ်’ ပွမကဵုပဒတဴကေုာံအ္စာ နိဿယကီု ‘ပဗ္ဗာဇနဳယကမ်’ ပွမဗက်ဗ္ဒဴကီု ‘ပဋိသာရဏဳယကမ်’ ပွမကဵုကလအ်ဒုၚ်ဂုဏ်ကီု ‘ဥက္ခေပနဳယကမ်’ ပွမဗက်ပတိတ်ထောံကီု ကုအ္စာမ္ဂး၊ ကွးပဒတဴဇရေၚ်ဂှ် “မုရဴသာ်လဵု အ္စာ သ္ဂောံဒ္ဂေတ်ဗွဲမဒးရးရော?၊ သ္ဂောံဖျေံတသော်မတွံဂးမာန်ရော?၊ ဒ္ဂေတ်တဴဒ္ဂေတ်မတိတ်ဗၠးမူဒဏ်ရော?၊ သၚ် သ္ဂောံလလမ်ကၠေံကမ်ရော?” ရဴဝွံ သ္ဒးသ္ပဂဗုဓ်လွဳပရာရ။
သ္ၚာအ္စာဂှ် ထေက်ကဵုဒးလပိုက်ကဆံၚ်ဒှ်မ္ဂး၊ ကွးပဒတဴဇရေၚ်ဂှ် သ္ဒးလပိုက်ကဆံၚ်ရ၊ “မုရဴသာ်လဵု သ္ဂောံလပိုက်ကဆံၚ် သ္ၚာအ္စာရော?” ရဴဝွံ ဂဗုဓ်လွဳပရာလေဝ် ဒးသ္ပရ။ သ္ၚာအ္စာဂှ် ထေက်ကဵုဒးဇိၚ်မ္ဂး၊ ကွးပဒတဴမွဲစွံဂှ် သ္ဒးဇိၚ်ရ၊ “မုရဴသာ်လဵု သ္ဂောံဇိၚ်သ္ၚာအ္စာရော?” ရဴဝွံ ဂဗုဓ်လွဳပရာလေဝ် ဒးသ္ပရ၊ သွက်အ္စာ ထေက်ကဵုဖျိန် ဍာ်လွံက်ဒှ်မ္ဂး၊ ကွးပဒတဴမွဲစွံဂှ် သ္ဒးဖျိန်ဍာ်လွံက်ရ၊ “မုရဴသာ်လဵု သ္ဂောံဖျိန်ဍာ်လွံက် သွက်အ္စာရော?” ရဴဝွံ ဂဗုဓ်လွဳပရာလေဝ် ဒးသ္ပရ။ သ္ၚာအ္စာဂှ် ထေက်ကဵုဒးဖျောန်ဒှ်မ္ဂး၊ ကွးပဒတဴမွဲစွံဂှ် သ္ဒးဖျောန်ရ၊ “မုရဴသာ်လဵု သ္ဂောံဖျောန် သ္ၚာအ္စာရော?” ရဴဝွံ ဂဗုဓ်လွဳပရာလေဝ် ဒးသ္ပရ။ ခမဳမဖျောန်သ္ၚာဂှ် သ္ဒးဖျောန်ဂတးဂတန် ဗွဲမဒးရးရ၊ ကိုပ်ကၠာ ထၞဟ်ဍာ်လွံက် ဓဇူဟွံပိုတ်ဏီ စ္ဍးအာဟွံဂွံရ။
သီုဟွံဂရၚ်ပတီပါန်အခေါၚ် အ္စာ ဟဂပ်ဝ်ကဵုဗဗေၚ် ကုညးလ္ၚဵုရ၊ ဗဗေၚ်ညးလ္ၚဵုဂှ်လေဝ် ဟွံထေက်ကဵုဂိုၚ်ကေတ်ရ၊ ဟဂပ်ဝ်ကဵုသ္ၚာ ကုညးလ္ၚဵုရ၊ သ္ၚာညးလ္ၚဵုဂှ်လေဝ် ဟွံထေက်ကဵုဂိုၚ်ကေတ်ရ၊ ဟဂပ်ဝ်ကဵုပရိက္ခရာ ‘အရပ်စပ်’ ကုညးလ္ၚဵုရ၊ ပရိက္ခရာညးလ္ၚဵုဂှ်လေဝ် ဟွံထေက်ကဵုဂိုၚ်ကေတ်ရ၊ ဟဂပ်ဝ်ကးသော်က္ဍိုပ် ညးလ္ၚဵုဂမၠိုၚ်ရ၊ ဟွံထေက်ကဵုကးသော်က္ဍိုပ်ဇကုဂမၠိုၚ် ကုညးလ္ၚဵုရ၊ ဟဂပ်ဝ်သ္ပကမၠောန်ကေၚ်ကာ ညးလ္ၚဵုဂမၠိုၚ်ရ၊ ဟွံထေက်ကဵုသ္ပကမၠောန်ကေၚ်ကာ (မပတမ် ပွမတုဟ်ပေါတ်မိဟ်) ကုညးလ္ၚဵုရ၊ ဟဂပ်ဝ်သ္ပကေၚ်ကာဇၞော်သၟတ် ညးလ္ၚဵုရ၊ ဟဂပ်ဝ်ကဵုသ္ပကမၠောန်ကေၚ်ကာ ဇၞော်သၟတ်ဇကု ကုညးလ္ၚဵုရ၊ ဟဂပ်ဝ်သ္ပခမဳဗွက်ကြဴ ညးလ္ၚဵုရ၊ ဟဂပ်ဝ်ကဵုညးလ္ၚဵု သ္ပခမဳဗွက်ကြဴဇကုရ၊ ဟဂပ်ဝ်ရၚ်တၠုၚ် ပိဏ္ဍပါတ် ညးလ္ၚဵုရ၊ ဟဂပ်ဝ်ကဵုညးလ္ၚဵု ရၚ်တၠုၚ်ပိဏ္ဍပါတ်ဇကုရ၊ သီုဟွံဂရၚ်ပတီပါန်အခေါၚ် အ္စာ ဟွံထေက်ကဵုလုပ်ကွာန်ရ၊ ဟွံထေက်ကဵုအာ သုသာန်ရ၊ ဟွံထေက်ကဵုစ္ဍးအာဌာန်သအာၚ်ရ၊ အ္စာ ဂိယဲဒှ်မ္ဂး၊ လုကဴကာလမဂျိုၚ်ဒၟံၚ်လမျီု သ္ဒးကၠောန်ၜိုတ်လွဳပရာရ၊ စဵုကဵုယဲအ္စာဂှ်ဗၠး သ္ဒးလၟတ်မၚ်ဒၟံၚ်ရ။
ယွံခမဳတအ် ဣဝွံတုန် ဒ္ဂေတ်ဝတ် ခမဳကွးပဒတဴဇရေၚ်ဂမၠိုၚ် မဒးဒ္ဂေတ် ပ္ဍဲအ္စာဂမၠိုၚ်ရ။ အတိုၚ်ဒ္ဂေတ်ဝတ်ဂှ် ခမဳကွးပဒတဴဇရေၚ်ဂမၠိုၚ် ဒးဒ္ဂေတ် ပ္ဍဲအ္စာဂမၠိုၚ်ရ ရဴဝွံ (သ္ဂးရ)။
၈.၁၄။ ဝတ်ဒးဒ္ဂေတ် ပ္ဍဲကွးပဒတဴဇရေၚ်ဂမၠိုၚ်[ပလေဝ်ဒါန် | ပလေဝ်ဒါန် တမ်ကၞက်]
၃၈၁။ ပ္ဍဲအခိၚ်ဂှ် အ္စာဂမၠိုၚ် ဟွံဒ္ဂေတ်ဗွဲမဒးရး ပ္ဍဲကွးပဒတဴဇရေၚ်ဂမၠိုၚ်အိုတ်ရ။
ခမဳပၟိက်အောန်ဂမၠိုၚ်ဂှ် “မုဟိုတ် အ္စာဂမၠိုၚ် ဟွံဒ္ဂေတ်ဗွဲမဒးရး ပ္ဍဲကွးပဒတဴဇရေၚ်ဂမၠိုၚ်အိုရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုဂကောံခမဳ ကောံဓရီုတုဲမ္ဂး “ယွံခမဳတအ် အစာဂမၠိုၚ် ဟွံဒ္ဂေတ်ဗွဲမဒးရး ပ္ဍဲကွးပဒတဴဇရေၚ်ဂမၠိုၚ်အိုတ်ရ ဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ပ ။ ဟီုဂရိုဟ်တုဲ။ ပ ။ တွံကဵုဂလာန်ဓရ်တုဲမ္ဂး သ္ဂးကဵုခမဳဂမၠိုၚ်ရ။
၃၈၂။ ယွံခမဳတအ် ဒှ်သာ်ဂှ်မ္ဂး ကြက်ပညပ်တဴ ဒ္ဂေတ်ဝတ်မဒးဒ္ဂေတ် ပ္ဍဲကွးပဒတဴဇရေၚ်ဂမၠိုၚ် ကုအ္စာဂမၠိုၚ်ရ၊ အတိုၚ်ဒ္ဂေတ်ဝတ်ဂှ် အ္စာဂမၠိုၚ် ဒးဒ္ဂေတ် ပ္ဍဲကွးပဒတဴဇရေၚ်ဂမၠိုၚ်ရ။ ယွံခမဳတအ် အ္စာ ဒးဒ္ဂေတ် ပ္ဍဲကွးပဒတဴဇရေၚ် ဗွဲမဒးရးရ။ ပ္ဍဲဂလာန်ဂှ် ကြက်သ္ဂးဂတဝွံတုန် ပွမဒ္ဂေတ် ဗွဲမဒးရးရောၚ်။
ယွံခမဳတအ် အ္စာဂှ် သ္ဒးယိုက်ဒိုက်ထံက်ပၚ်သၚ်ရိုဟ် ကွးပဒတဴဇရေၚ် နပွမပကတ်ဗတောန် ပွမသၟာန်ဂၠိုၚ်ဂၠိုၚ်ကဵုဝါ ပွမဝေတ်ဗတောန် ဒၠောံဗတောန်စၞောန်ထ္ၜးရ။ ဗဗေၚ်အ္စာ နွံတုဲ ဗဗေၚ်ကွးပဒတဴဇရေၚ် ဟွံမွဲမ္ဂး၊ အ္စာ သ္ဒးကဵုဗဗေၚ် ကုကွးပဒတဴဇရေၚ်ရ၊ “မုရဴသာ်လဵု ဗဗေၚ်သ္ဂောံကတဵုဒှ်ကၠုၚ် ကုကွးပဒတဴဇရေၚ်ရော” ရဴဝွံ ဂဗုဓ်လွဳပရာလေဝ် ဒးသ္ပရ။ သ္ၚာအ္စာ နွံတုဲ သ္ၚာကွးပဒတဴဇရေၚ် ဟွံမွဲမ္ဂး၊ အ္စာ သ္ဒးကဵုသ္ၚာ ကုကွးပဒတဴဇရေၚ်ရ၊ “မုရဴသာ်လဵု သ္ၚာသ္ဂောံကတဵုဒှ်ကၠုၚ် ကုကွးပဒတဴဇရေၚ်ရော” ရဴဝွံ ဂဗုဓ်လွဳပရာလေဝ် ဒးသ္ပရ။ ပရိက္ခရာ ‘အရပ်စပ်’ အ္စာ နွံတုဲ ပရိက္ခရာကွးပဒတဴဇရေၚ် ဟွံမွဲမ္ဂး၊ အ္စာ သ္ဒးကဵုပရိက္ခရာ ကုကွးပဒတဴဇရေၚ်ရ၊ “မုရဴသာ်လဵု ပရိက္ခရာသ္ဂောံကတဵုဒှ်ကၠုၚ် ကုကွးပဒတဴဇရေၚ်ရော” ရဴဝွံ ဂဗုဓ်လွဳပရာလေဝ် ဒးသ္ပရ။
ကွးပဒတဴဇရေၚ် ဂိယဲမ္ဂး၊ ဒၠိုက်ကတဵုနူဂယးပြဟ်တုဲ သ္ဒးဒုၚ်ကဵုဆုဒကရ၊ သ္ဒးဒုၚ်ကဵုဍာ်လာၚ်မုက်ရ၊ သ္ဒးလးသၞာဂဇအ်ရ၊ ယာဂုနွံမ္ဂး ကြဴကြာတ်ခရော်တုဲ သ္ဒးဒုၚ်ကဵုယာဂုရ၊ ကုကွးပဒတဴဇရေၚ် မသုၚ်ယာဂုတုဲဂှ် ဒုၚ်ကဵုဍာ်တုဲ ဟောဝ်ဂိုၚ်ကေတ်ခရော်တုဲ သ္ပဗွဲမဒးရး သီုဟွံကဵုထ္ဍိမြိလုက်စုက်ဒးဂှ် ကြဴကြာတ်တုဲမ္ဂး သ္ဒးသီဂိုၚ်ဒေပ်စွံရ၊ ကွးပဒတဴဇရေၚ် ဒၠိုက်ကတဵု(နူဒၞာဲ)မ္ဂး သ္ဒးသီဂိုၚ်ဒေပ်ထောံ သၞာဂဇအ်ဂှ်ရ၊ ယဝ်သၟိက်ဟန်ဗန်နွံမ္ဂး၊ သ္ဒးကွဟ်ကၟဟ် ဒၞာဲဂှ်ရ။
ကွးပဒတဴဇရေၚ် သၟိက်လုပ်ကွာန်မ္ဂး သ္ဒးဒုၚ်ကဵု သပိုၚ်ဗိုက်လုပ်ကွာန်ရ၊ သ္ဒးဂိုၚ်ကေတ်သပိုၚ်ဗိုက်ပ္ဍဲဘာရ၊ သ္ဒးဒုၚ်ကဵုကာယဗန်ရ၊ ထပ်လဝ် သ္ၚာသကိုပ်ဂမၠိုၚ်တုဲ သ္ဒးဒုၚ်ကဵုရ၊ ကြဴကြာတ်တုဲ သ္ဒးဒုၚ်ကဵုဗဗေၚ်မဒှ်မွဲဟာန်ကေုာံဍာ်ရ။
“အခိၚ်ဗၞတ်ဝွံ ကြက်ကလေၚ်စဴကၠုၚ်ရ” ရဴဝွံ (ပၠုပ်စိုတ်တုဲ) သ္ဒးလးပညပ်လဝ်သၞာဂဇအ်ရ၊ သ္ဒးစွံပတန်လဝ် ဍာ်ကြဴဇိုၚ် ဂတဵုကြာတ်ဇိုၚ် ကဝေက်ပေါတ်ဇိုၚ် ပ္ဍဲဇရေၚ်ရ၊ ဒစးဒုၚ်တၠုၚ်တရဴတုဲ သ္ဒးဒုၚ်ဂိုၚ်ကေတ် ဗဗေၚ်သ္ၚာရ၊ သ္ဒးဒုၚ်ကဵုသပိုၚ်ဗိုက်ပ္ဍဲဘာရ၊ သ္ဒးဟောဝ်ဂိုၚ်ကေတ် သပိုၚ်ဗိုက်လုပ်ကွာန်ရ၊ ယဝ်သ္ၚာဍေက်ဒၟံၚ်ပလက်မ္ဂး ဗၞတ်မွဲခဏဍောတ် သ္ဒးစဲလဝ် ပ္ဍဲဂမ္တဴတ္ၚဲရ၊ ၜိုန်ဂှ် စွံလဝ် ဗွဲမလအ်ဟွံဂွံရ၊ သ္ဒးထပ်သ္ၚာရ၊ ထပ်သ္ၚာမ္ဂး “လ္ပကဵုဒှ်ကဝ်ကေက်’ပၞေတ်ခ္ဍပ်’ပ္ဍဲလဒေါဝ်ညိ” ရဴဝွံ သီုမပၠုပ်စိုတ် ယှအ်ကၠေံတၞုၚ်မုဟ်ပန်လပုဟ်တဲတုဲ သ္ဒးထပ်သ္ၚာရ၊ သ္ဒးစွံလဝ် ဇုက်ကာယဗန် ပ္ဍဲအပ္ဍဲသၞာထပ်လဝ်ရ။
ပိဏ္ဍပါတ်နွံတုဲ ကွးပဒတဴဇရေၚ်လေဝ် မိက်သ္ပပြဘိုဂ်မ္ဂး ဒုၚ်ကဵုဍာ်ရပ်စပ်တုဲ သ္ဒးဒုၚ်ကဵုပိဏ္ဍပါတ်ရ၊ (နွံပၟိက်ဍာ်ဟာ ရဴဝွံ) သ္ဒးဂရၚ်ပတီသၟာန် ကွးပဒတဴဇရေၚ် နကဵုဍာ်သုၚ်ရ၊ ကုကွးပဒတဴဇရေၚ် မကဵုပိုဉ်တုဲဂှ် ဒုၚ်ကဵုဍာ်တုဲ ဟောဝ်ဂိုၚ်ကေတ်ဗဗေၚ်တုဲမ္ဂး သ္ပဗွဲမဒးရး သီုကဵုထ္ဍိမြိလုက်စုက်ဒးဂှ် ကြဴကြာတ်သအးဇ္ၚးတုဲ သ္ပစဵုကဵုဍာ်ကှ်တုဲမ္ဂး ဗၞတ်မွဲခဏဍောတ် သ္ဒးစဲလဝ် ပ္ဍဲဂမ္တဴတ္ၚဲရ၊ ၜိုန်ဂှ် စွံလဝ် ဗွဲမလအ်ဟွံဂွံရ၊ သ္ဒးစွံဗဗေၚ်သ္ၚာရ၊ မိက်စွံဗဗေၚ်မ္ဂး နကဵုတဲမွဲလပါ်ဂှ် ရပ်ကေတ်ဗဗေၚ်တုဲ နကဵုတဲမွဲလပါ်ဂှ် ဇွိတ်စမ်ရံၚ် သၟဝ်ဇံၚ်ခါတ်ကီု သၟဝ်ဂတဵုကီုတုဲ သ္ဒးစွံရ၊ ဟဂွံစွံဗဗေၚ် ပ္ဍဲတိမဟွံမွဲကဵုသၞာရ။ မိက်ဂွံစွံသ္ၚာမ္ဂး နကဵုတဲမွဲလပါ်ဂှ် ရပ်ကေတ်သ္ၚာတုဲ နကဵုတဲမွဲလပါ်ဂှ် ဇွိတ်ပေါတ်ထောံဒုန်တေၚ်သ္ၚာ ဇုက်ဗလဲသ္ၚာတုဲ သ္ပလအိတ်မုဟ်ပ္ဍဲလပါ်တေံ သ္ပကဝးပ္ဍဲလပါ်ဏအ်တုဲ သ္ဒးစွံသ္ၚာရ။
ကွးပဒတဴဇရေၚ် ဒၠိုက်ကတဵု (နူဒၞာဲ) မ္ဂး သ္ဒးသီဂိုၚ်ထောံ သၞာဂဇအ်ဂှ်ရ၊ သ္ဒးသီဂိုၚ်ဒေပ်ထောံ ဍာ်ကြဴဇိုၚ် ဂတဵုပေါတ်ဇိုၚ် ကဝေက်ပေါတ်ဇိုၚ်ရ၊ ယဝ်သၟိက်ဟန်ဗန်နွံမ္ဂး သ္ဒးကွဟ်ကၟဟ်ဒၞာဲဂှ်ရ။
ကွးပဒတဴဇရေၚ် မိက်ဟုမ်ဍာ်မ္ဂး သ္ဒးစဳရေၚ်ဍာ်ဟုမ်ရ၊ နွံပၟိက်ကဵုဍာ်လၟုဟ်မ္ဂး သ္ဒးစဳရေၚ်ကဵုဍာ်လၟုဟ်ရ၊ နွံပၟိက်ကဵုဍာ်ဂမ္တဴမ္ဂး သ္ဒးစဳရေၚ်ကဵုဍာ်ဂမ္တဴရ။
ကွးပဒတဴဇရေၚ် မိက်ဂွံလုပ်သ္ၚိဇရုၚ်ပလက်မ္ဂး သ္ဒးထ္ၜိုန်ကလောံ ခၞိက်ကြကောတ် နကဵုဍာ်ရ၊ သ္ဒးဖ္ဍုက်တိကမၠေတ် နကဵုဍာ်ရ၊ ဂိုၚ်ကေတ်ဂတဵုသ္ၚိဇရုၚ်ပလက်တုဲ သီုမဗက်အာ နူလက်ကရဴ နူလက်ကရဴ အ္စာဥပဇ္ၛာယ်ဂှ် ဒုၚ်ကဵုဂတဵုသ္ၚိဇရုၚ်ပလက်တုဲမ္ဂး ဟောဝ်ဂိုၚ်ကေတ်သ္ၚာတုဲ သ္ဒးစွံလဝ် ပ္ဍဲဌာန်မဗဗွဲရ၊ သ္ဒးဒုၚ်ကဵုခၞိက်ကြကောတ်ရ၊ သ္ဒးဒုၚ်ကဵုတိကမၠေတ်ရ။ ယဝ်သၟဟ်ရထမ္ဂး သ္ဒးလုပ်သ္ၚိဇရုၚ်ပလက်ရ၊ ခမဳမလုပ်သ္ၚိဇရုၚ်ပလက်ဂှ် လံက်လေတ်မုက် နကဵုတိကမၠေတ် မဖ္ဍုက်လတ်ဍာ်တုဲ ဂြောပ်ဓလီုလဝ် (နကဵုသၞုက်ဍာ်) နူဂတကီု နူလက်ကရဴကီုတုဲ သ္ဒးလုပ်သ္ၚိဇရုၚ်ပလက်ရ၊ ဃရိတ်ခဇ် ခမဳဇၞော်ဂမၠိုၚ်တုဲ ဟဂပ်ဝ်ဂဇအ်ရ၊ ဟဂပ်ဝ်ဆေဝ်ဒဝ်ခမဳသၟတ်ဂမၠိုၚ် နကဵုသၞာအိုတ်ရ၊ ပ္ဍဲသ္ၚိဇရုၚ်ပလက် ကွးပဒတဴဇရေၚ် သ္ဒးသ္ပကဵုကေၚ်ကာအိုဿီု (မပတမ် ပွမစံၚ်ဗဂဵုပၟတ်) ရ၊ ခမဳမတိတ်ကၠုၚ် နူသ္ၚိဇရုပ်ပလက်ဂှ် ဂိုၚ်ကေတ်ဂတဵုသ္ၚိဇရုၚ်ပလက်တုဲ ဂြောပ်ဓလီုလဝ် (နကဵုသၞုက်ဍာ်) နူဂတကီု နူလက်ကရဴကီုတုဲ သ္ဒးတိတ် နူသ္ၚိဇရုၚ်ပလက်ရ။
ပ္ဍဲအရာဟုမ်ဍာ်လေဝ် သွက်ကွးပဒတဴဇရေၚ် သ္ဒးသ္ပကေၚ်ကာအိုဿီု (မပတမ် ပွမတုဟ်ပေါတ်မိဟ်) ရ၊ ခမဳမဟုမ်ဍာ်တုဲဂှ် တိုန်ကၠုၚ်ဗွဲကိုပ်ကၠာတုဲ သ္ပဇကုဇကု စဵုကဵုဟွံမွဲကဵုဍာ်တုဲ ဗိုက်သပိုၚ်တုဲ သ္ဒးဇိုတ်ကဵုဍာ် နူဇကုကွးပဒတဴဇရေၚ်ရ၊ သ္ဒးဒုၚ်ကဵုသပိုၚ်ရ၊ သ္ဒးဒုၚ်ကဵုသ္ၚာသကိုပ်ရ၊ ဂိုၚ်ကေတ်ဂတဵုသ္ၚိဇရုၚ်ပလက်တုဲ ကၠုၚ်ဗွဲကိုပ်ကၠာတုဲ သ္ဒးလးပညပ်လဝ် သၞာဂဇအ်ရ၊ သ္ဒးစွံပတန်လဝ် ဍာ်ကြဴဇိုၚ် ဂတဵုပေါတ်ဇိုၚ် ကဝေက်ပေါတ်ဇိုၚ် ပ္ဍဲဇရေၚ်ရ၊ (နွံပၟိက်ဍာ်ဟာ ရဴဝွံ) သ္ဒးသၟာန် ကွးပဒတဴဇရေၚ် နကဵုဍာ်သုၚ်ရ။
ဘာကွးပဒတဴဇရေၚ် ပဒတဴဂှ် ယဝ်သၟိက်ဟန်ဗန်နွံမ္ဂး ယဝ်သၟဟ်ရထမ္ဂး သ္ဒးသောၚ် ဖ္ဍောၚ်ၚးတးရ၊ ခမဳမသောၚ်ဖ္ဍောၚ်ၚးတးဘာဂှ် ဗွဲကိုပ်ကၠာ ရၚ်တၠုၚ်ပတိတ် ဗဗေၚ်သ္ၚာတုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် သၞာနိသဳဒိုန်သၞာလးတိက်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်ရၚ်တၠုၚ်ပတိတ် ဖုန်ဂၞဳတုဲ သ္ဒးစွံလဝ် ပ္ဍဲဒၞာဲမဗဗွဲရ၊ ဇံၚ်ခါတ်ဂှ် သ္ပဗွဲမသဝ်ဒးရး သီုဟွံကဵုထ္ဍိမြိလုက်စုက်ဒး သၠတြၚ် ဇဵုတြၚ်ဂှ် ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ဂတဵုဂှ် သ္ပဗွဲမသဝ်ဒးရး သီုဟွံကဵုထ္ဍိမြိလုက်စုက်ဒး သၠတြၚ် ဇဵုတြၚ်ဂှ် ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ဇိုၚ်ဇံၚ်ဂမၠိုၚ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ထၟာဲဂစှ် (ထၟာဲတဲ) တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ရၚ်တၠုၚ်ပတိတ် ဂတဵုဒလာဲတုဲ သ္ဒးစွံလဝ် ပ္ဍဲဒၞာဲမဗဗွဲရ၊ သၞာလးတိဂှ် သမ္တီလဝ် ဒၞာဲလးလၟိုန်တုဲ ရၚ်တၠုၚ်ပတိတ်တုဲ သ္ဒးစွံလဝ် ပ္ဍဲဒၞာဲမဗဗွဲရ၊ ပ္ဍဲဘာ ယဝ်သ္ၚိစၟဇာဖိုၚ်နွံမ္ဂး သ္ဒးပါဲကၠေံ နူသၠဖ္ဍာန် ဗွဲကိုပ်ကၠာရ၊ သ္ဒးဇိုတ်ပေါတ်ဗတၚ်ကျာ ကေုာံ သကဲခဒမ်ဂမၠိုၚ်ရ။
ဗ္ဒၚ်မသ္ပကလိတ်ကလောတ် နကဵုခၞိက်တိကမၠေတ်ဗကေတ် (နကဵုဆီတၟံ) ဂှ် ပတိုဟ်တိုန်မ္ဂး ဖ္ဍုက်ဍာ်ယာတ်တမြံၚ်တုဲ ဝတ်ကၠေံတုဲမ္ဂး သ္ဒးဇိုတ်ပေါတ်ရ၊ တိမသ္ပလဝ်ကလိတ်ကလောတ် နကဵုသာ်လမ္စံက်ဂှ် ပတိုဟ်တိုန်မ္ဂး ဖ္ဍုက်ယာတ်တမြံၚ်တုဲ ဝတ်ကၠေံတုဲမ္ဂး သ္ဒးပေါတ်ဇိုတ်ရ၊ ဒှ်တိမဟဂွံသ္ပကလိတ်ကလောတ်မ္ဂး လၟုဟ်ဖရုဲဍာ်တုဲ “လ္ပကဵုမၠိုက်တိုန်ဘာညိ” ရဴဝွံ (စွံစိုတ်တုဲ) သ္ဒးကွဟ်ကၟဟ်ရ၊ ပကောံဖအုံလဝ် အိက်ကၟဟ်တုဲ သ္ဒးထောံထောံ ပ္ဍဲဌာန်မဗဗွဲရ။
စဲတ္ၚဲသအးဇ္ၚး သၞာလးတိတုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲဇိုတ်ပေါတ် ဇိုၚ်ဇံၚ်ဂမၠိုၚ်တုဲမ္ဂး သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဇံၚ်ခါတ်တုဲမ္ဂး ဂရိုက်ထောံတုဲ သ္ပဗွဲမမသဝ်ဒးရး သီုဟွံထ္ဍိမြိလုက်စုက်ဒး သၠတြၚ် ဇဵုတြၚ်ဂှ် သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဂတဵုတုဲမ္ဂး ဂရိုက်ထောံတုဲ သ္ပဗွဲမမသဝ်ဒးရး သီုဟွံထ္ဍိမြိလုက်စုက်ဒး သၠတြၚ် ဇဵုတြၚ်ဂှ် သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး ဖုန်ဂၞဳတုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲသအးဇ္ၚး သၞာနိသဳဒိုန် သၞာလးတိက်တုဲမ္ဂး ဂရိုတ်ထောံတုဲ သ္ဒးကလေၚ်လးစွံ အတိုၚ်လးစွံလၟိုန်ရ၊ စဲတ္ၚဲဇိုတ်ပေါတ် ထၟာဲဂစှ်တုဲမ္ဂး သ္ဒးကလေၚ်စွံ ပ္ဍဲဒၞာဲအတိုၚ်စွံလဝ်လၟိုန်ရ၊ စဲတ္ၚဲဇိုတ်ပေါတ်ဂတဵုဒလာဲတုဲမ္ဂး သ္ဒးကလေၚ်စွံ ပ္ဍဲဒၞာဲအတိုၚ်စွံလဝ်လၟိုန်ရ။
သ္ဒးစွံဗဗေၚ်သ္ၚာရ။ ခမဳ မိက်ဂွံစွံဗဗေၚ်ဂှ် နကဵုတဲမွဲလပါ်ဂှ် ရပ်ကေတ်ဗဗေၚ်တုဲ နကဵုတဲမွဲလပါ်ဂှ် ဇွိတ်စမ်ရံၚ် သၟဝ်ဇံၚ်ခါတ်ကီု သၟဝ်ဂတဵုကီုတုဲ သ္ဒးစွံရ၊ ဟဂွံစွံဗဗေၚ် ပ္ဍဲတိမဟွံမွဲကဵုသၞာရ။ ခမဳ မိက်ဂွံစွံသ္ၚာဂှ် နကဵုတဲမွဲလပါ်ဂှ် ရပ်ကေတ်သ္ၚာတုဲ နကဵုတဲမွဲလပါ်ဂှ် ဇွိတ်ပေါတ်ထောံဒုန်တေၚ်သ္ၚာ ဇုက်ဗလဲသ္ၚာတုဲ သ္ပလအိတ်မုဟ်ပ္ဍဲလပါ်တေံ သ္ပကဝးပ္ဍဲလပါ်ဏအ်တုဲ သ္ဒးစွံသ္ၚာရ။
နူဒိုဟ်ဗၟံက် ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်ဗၟံက်ဂမၠိုၚ်ရ၊ နူဒိုဟ်ပလိုတ် ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်ပလိုတ်ဂမၠိုၚ်ရ၊ နူဒိုဟ်သၟဝ်ကျာ ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်သၟဝ်ကျာဂမၠိုၚ်ရ၊ နူဒိုဟ်သၠုၚ်ကျာ ကျာမဒှ်မွဲဟာန်ကေုာံမၠိုက်ဂမၠိုၚ် ပိုက်လွိၚ်ကၠုၚ်အိုတ်မ္ဂး၊ သ္ဒးကၟာတ်ဒဝ်ကၠေံ ဗတၚ်ကျာဒိုဟ်သၠုၚ်ကျာဂမၠိုၚ်ရ၊ ဒှ်အခိၚ်ဂမ္တဴမ္ဂး ပ္ဍဲအခိၚ်တ္ၚဲ သ္ဒးကၟာတ်ဒဝ်လဝ် ဗတၚ်ကျာဂမၠိုၚ်ရ၊ ပ္ဍဲအခိၚ်ဗတမ် သ္ဒးပံက်လဝ်ရ။
ပြဝိုဏ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ပြဝိုဏ်ရ။ မုက်ထော်တြၚ်ခဒမ်ဟုမ်ဍာ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် မုက်ထော်တြၚ်ခဒမ်ဟုမ်ဍာ်ရ။ ဇြပ်ကောံဓရီု သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ဇြပ်ကောံဓရီုရ။ ရုၚ်ပၟတ် သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် ရုၚ်ပၟတ်ရ။ သ္ၚိဝစ် (သ္ၚိဍာ်) သၟိက်ဟန်ဗန်နွံဒှ်မ္ဂး၊ သ္ဒးကွဟ်ကၟဟ် သ္ၚိဝစ်ရ။ ဍာ်သုၚ်ဟွံမွဲမ္ဂး၊ သ္ဒးစွံပတန် ဍာ်သုၚ်ရ။ ဍာ်ရပ်စပ်ဟွံမွဲမ္ဂး၊ သ္ဒးစွံပတန် ဍာ်ရပ်စပ်ရ။ ပ္ဍဲနုၚ်ဍာ်ကြာတ်(နုၚ်သအးသ္ၚိဍာ်) ဍာ်ဟွံမွဲမ္ဂး၊ သ္ဒးဗပေၚ်စုတ်ဍာ်ရ။ ပွမဟွံမိပ်လဟိၚ် ကတဵုဒှ် ကုကွးပဒတဴမွဲစွံမ္ဂး အ္စာဂှ် (အလဵုဇကုလေဝ်) သ္ဒးကော်ဏာဌာန်သအာၚ်ရ၊ (ညးသအာၚ်လေဝ်) သ္ဒးကဵုကော်ဏာရ၊ ဂလာန်ဓရ်လေဝ် သ္ဒးဟီုတွံကဵု ကုကွးပဒတဴဇရေၚ်ဂှ်ရ။ ‘သံသယကုက္ကုစ္စ’ ပွမချပ်သၠေဟ်ပၟာ ကတဵုဒှ် ကုကွးပဒတဴဇရေၚ်မ္ဂး အ္စာဂှ် သ္ဒးပါဲပၠေၚ်ကၠေံရ၊ (ညးသအာၚ်လေဝ်) သ္ဒးကဵုပၠေၚ်ကၠေံရ၊ ဂလာန်ဓရ်လေဝ် သ္ဒးဟီုတွံကဵု ကုကွးပဒတဴဇရေၚ်ဂှ်ရ။ ကွေတ်မှာရာ ကတဵုဒှ် ကုကွးပဒတဴဇရေၚ်မ္ဂး အ္စာဂှ် သ္ဒးသောၚ်ကလး ကဵုစာ်စ္ဍးအာရ၊ (ညးသအာၚ်လေဝ်) သ္ဒးကဵုသောၚ်ကလးစာ်စ္ဍးအာရ၊ ဂလာန်ဓရ်လေဝ် သ္ဒးဟီုတွံကဵု ကုကွးပဒတဴဇရေၚ်ဂှ်ရ။ ကွးပဒတဴဇရေၚ်အာစိုပ်ဂရုကအာပတ်တုဲ ထေက်ကဵုတၞဟ်နပဒတဴပြဝးမ္ဂး အ္စာဂှ် “မုရဴသာ်လဵု သၚ် သ္ဂောံကဵုပြဝး ကုကွးပဒတဴဇရေၚ်ရော” ရဴဝွံ သ္ဒးသ္ပဂဗုဓ်လွဳပရာရ။ ကွးပဒတဴဇရေၚ် ထေက်ကဵုတံၚ်ဓဇက်တမ်ဒှ်မ္ဂး အ္စာဂှ် “မုရဴသာ်လဵု သၚ် သ္ဂောံတံၚ်ဓဇက်တမ် ကွးပဒတဴဇရေၚ်ရော” ရဴဝွံ သ္ဒးသ္ပဂဗုဓ်လွဳပရာရ။ ကွးပဒတဴဇရေၚ် ထေက်ကဵုဒ္ဂေတ် ‘မာနတ်’ ထေက်ကဵုသ္ဍိုက်မၠိုက်ဒှ်မ္ဂး အ္စာဂှ် “မုရဴသာ်လဵု သၚ် သ္ဂောံကဵုမာနတ် ကုကွးပဒတဴဇရေၚ်ရော” ရဴဝွံ သ္ဒးသ္ပဂဗုဓ်လွဳပရာရ။ ကွးပဒတဴဇရေၚ် ထေက်ကဵုကော်ပၠုပ်အဗ္ဘာန်ဒှ်မ္ဂး အ္စာဂှ် “မုရဴသာ်လဵု သၚ် သ္ဂောံကော်ပၠုပ်အဗ္ဘာန် ကွးပဒတဴဇရေၚ်ရော” ရဴဝွံ သ္ဒးသ္ပဂဗုဓ်လွဳပရာရ။ သၚ်မိက်သ္ပ ‘တဇ္ဇနိယကမ်’ ပွမဘပဠကီု ‘နိယဿကမ်’ ပွမကဵုပဒတဴကေုာံအ္စာ နိဿယကီု ‘ပဗ္ဗာဇနဳယကမ်’ ပွမဗက်ဗ္ဒဴကီု ‘ပဋိသာရဏဳယကမ်’ ပွမကဵုကလအ်ဒုၚ်ဂုဏ်ကီု ‘ဥက္ခေပနဳယကမ်’ ပွမဗက်ပတိတ်ထောံကီု ကုကွးပဒတဴဇရေၚ်မ္ဂး၊ အ္စာဂှ် “မုရဴသာ်လဵု သၚ် ဟဂွံသ္ပကမ် ကုကွးပဒတဴမွဲစွံရော?၊ မုရဴသာ်လဵု သ္ဂောံကဵုဒုဟ်သာစှေ်ရော?” ရဴဝွံ သ္ဒးသ္ပဂဗုဓ် လွဳပရာရ။ သၚ် သ္ပ ‘တဇ္ဇနိယကမ်’ ပွမဘပဠကီု ‘နိယဿကမ်’ ပွမကဵုပဒတဴကေုာံအ္စာ နိဿယကီု ‘ပဗ္ဗာဇနဳယကမ်’ ပွမဗက်ဗ္ဒဴကီု ‘ပဋိသာရဏဳယကမ်’ ပွမကဵုကလအ်ဒုၚ်ဂုဏ်ကီု ‘ဥက္ခေပနဳယကမ်’ ပွမဗက်ပတိတ်ထောံကီု ကုကွးပဒတဴဇရေၚ်မ္ဂး၊ အ္စာဂှ် “မုရဴသာ်လဵု ကွးပဒတဴဇရေၚ် သ္ဂောံဒ္ဂေတ်ဗွဲမဒးရးရော?၊ သ္ဂောံဖျေံတသော်မတွံဂးမာန်ရော?၊ ဒ္ဂေတ်တဴဒ္ဂေတ်မတိတ်ဗၠးမူဒဏ်ရော?၊ သၚ် သ္ဂောံလလမ်ကၠေံကမ်ရော?” ရဴဝွံ သ္ဒးသ္ပဂဗုဓ်လွဳပရာရ။
သ္ၚာကွးပဒတဴဇရေၚ်ဂှ် ထေက်ကဵုဒးလပိုက်ကဆံၚ်ဒှ်မ္ဂး၊ အ္စာဂှ် သ္ဒးလပိုက်ကဆံၚ်ရ၊ “မုရဴသာ်လဵု သ္ဂောံလပိုက်ကဆံၚ် သ္ၚာကွးပဒတဴဇရေၚ်ရော?” ရဴဝွံ ဂဗုဓ်လွဳပရာလေဝ် ဒးသ္ပရ။ သ္ၚာကွးပဒတဴဇရေၚ်ဂှ် ထေက်ကဵုဒးဇိၚ်မ္ဂး၊ အ္စာဂှ် သ္ဒးဇိၚ်ရ၊ “မုရဴသာ်လဵု သ္ဂောံဇိၚ်သ္ၚာကွးပဒတဴဇရေၚ်ရော?” ရဴဝွံ ဂဗုဓ်လွဳပရာလေဝ် ဒးသ္ပရ၊ သွက်ကွးပဒတဴဇရေၚ် ထေက်ကဵုဖျိန် ဍာ်လွံက်ဒှ်မ္ဂး၊ အ္စာဂှ် သ္ဒးဖျိန်ဍာ်လွံက်ရ၊ “မုရဴသာ်လဵု သ္ဂောံဖျိန်ဍာ်လွံက် သွက်ကွးပဒတဴဇရေၚ်ရော?” ရဴဝွံ ဂဗုဓ်လွဳပရာလေဝ် ဒးသ္ပရ။ သ္ၚာကွးပဒတဴဇရေၚ်ဂှ် ထေက်ကဵုဒးဖျောန်ဒှ်မ္ဂး၊ အ္စာဂှ် သ္ဒးဖျောန်ရ၊ “မုရဴသာ်လဵု သ္ဂောံဖျောန် သ္ၚာကွးပဒတဴဇရေၚ်ရော?” ရဴဝွံ ဂဗုဓ်လွဳပရာလေဝ် ဒးသ္ပရ။ ခမဳမဖျောန်သ္ၚာဂှ် သ္ဒးဖျောန်ဂတးဂတန် ဗွဲမဒးရးရ၊ ကိုပ်ကၠာ ထၞဟ်ဍာ်လွံက် ဓဇူဟွံပိုတ်ဏီ စ္ဍးအာဟွံဂွံရ။
ကွးပဒတဴဇရေၚ် ဂိယဲဒှ်မ္ဂး၊ လုကဴကာလမဂျိုၚ်ဒၟံၚ်လမျီု သ္ဒးကၠောန်ၜိုတ်လွဳပရာရ၊ စဵုကဵုယဲကွးပဒတဴဇရေၚ်ဂှ် ဗၠး သ္ဒးလၟတ်မၚ်ဒၟံၚ်ရ။
ယွံခမဳတအ် ဣဝွံတုန် ဒ္ဂေတ်ဝတ် အ္စာဂမၠိုၚ် မဒးဒ္ဂေတ် ပ္ဍဲခမဳကွးပဒတဴဇရေၚ်ဂမၠိုၚ်ရ။ အတိုၚ်ဒ္ဂေတ်ဝတ်ဂှ် အ္စာဂမၠိုၚ် ဒးဒ္ဂေတ် ပ္ဍဲခမဳကွးပဒတဴဇရေၚ်ဂမၠိုၚ်ရ ရဴဝွံ (သ္ဂးရ)။
✤✤✤ ဝတ္တက္ခန္ဓကအဋ္ဌမတုဲရ။ ✤✤✤ ပ္ဍဲခန္ဓကဝွံ ဝတ္ထုစှ်ဒ္စိတ်ရောၚ်၊ ဒ္ဂေတ်ဝတ် စှ်ပန်ရောၚ်။
❖ ဝတ္တက္ခန္ဓကဂှ် ဗွဲခမ္ဍန်[ပလေဝ်ဒါန် | ပလေဝ်ဒါန် တမ်ကၞက်]
ပွမလိုန်ဍိုက်ဒၞပ်ကီု ပွမဓလဝ်က္ဍိုၚ်ကီု ပွမဓလီုလဝ်က္ဍိုပ်ကီု ပွမစွံလဝ်သ္ၚာ ပ္ဍဲက္ဍိုပ်ကီု ဍာ်သုၚ်ကီု ပွမဟွံလ္ၚောဝ်ကီု ပွမဟွံသၟာန်ကီု ဇြုံကီု ခမဳသ္ဍိုက်ဆာန်သဳလဂမၠိုၚ် ဟီုဂရိုဟ်ကီု။
ပွမသၠောတ်ဒၞပ်ကီု က္ဍိုၚ်ကီု ပၞးကီု (ပွလုပ်) ဟွံပြဟ်ဟွံလဇုဲကီု ပွမစ္ဍးအာကီု ပွမဖျေံ ဗဗေၚ်သ္ၚာကီု ဒၞာဲတၠအဲကီု ပွမသၟာန်ကီု။
ပွမစုတ်ဗဗေၚ်ဍာ်ကီု ပွမကြာတ်ကီု ပွမဇိုန်ဒၞပ် နယာတ်မကှ်ကီု မဍေက်ကီု ခမဳဇၞော်ကီု ခမဳသၟတ်ကီု ပွမသၟာန်ကီု ပွမကေၚ်ပဒတဴကီု ကွာန်ဂ္ၚေၚ်ပိဏ္ဍပါတ်ကီု။
သေက္ခသမ္မုတိကီု ဌာန်သၠးတရဴဇၞော်ကီု ဍာ်သုၚ်ကီု ဍာ်ရပ်စပ်ကီု လေံဒစုန်ကီု ကတိကဝတ်ကီု သအာၚ်နူဂှ် အခိၚ်ကီု ဗၞတ်မွဲမုဟုတ်ကီု သၟိက်ဟန်ဗန်ကီု ပွမရၚ်တၠုၚ်ပတိတ် သၞာလးတိကီု။
ဂၞဳဒုၚ်ဇိုၚ်ဇံၚ်ကီု ဖုန်ကီု ဂၞဳကီု ဇံၚ်ကီု ဂတဵုကီု ထၟာဲတဲကီု ဂတဵုဒလာဲကီု လပါ်လတူကီု သကဲကီု ဆီတၟံကီု သာ်လမ္စံက်ကီု ပွမဖ္ဍုက်ဖ္ဍေက်ကီု။
သၟိက်ဟန်ဗန်ကီု သၞာလးတိကီု ဂၞဳဒုၚ်ဇိုၚ်ဇံၚ်ကီု ဇံၚ်ကီု ဂတဵုကီု ဖုန်ကီု သၞာနိသဳဒိုန်ကီု ထၟာဲတဲကီု ဂတဵုဒလာဲကီု။
ဗဗေၚ်သ္ၚာကီု တိကီု လအိတ်မုဟ် နူလပါ်တေံကီု ခ္ဍပ်နူလပါ်ဏအ်ကီု ကျာမကၠုၚ်နူဒိုဟ်ဗၟံက်ကီု ကျာမကၠုၚ်နူဒိုဟ်ပလိုတ်ကီု ကျာမကၠုၚ်နူဒိုဟ်သၟဝ်ကျာကီု ကျာမကၠုၚ်နူဒိုဟ်သၠုၚ်ကျာကီု။
အခိၚ်ဂံက် အခိၚ်ဂမ္တဴကီု ပ္ဍဲတ္ၚဲဗတမ်ကီု ပြဝိုဏ်ကီု မုက်ထော်တြၚ်ကီု ဇြပ်ကောံဓရီုကီု ရုၚ်ပၟတ်ကီု ဒ္ဂေတ်ဝတ် ပ္ဍဲသ္ၚိဝစ်ဂမၠိုၚ်ကီု။
နုၚ် ပ္ဍဲဍာ်သုၚ် ဍာ်ရပ်စပ် ဍာ်ကရာတ်ဂမၠိုၚ်ကီု ကျာ်တြဲ မဟဂပ်ဝ်ၜတ်ကၞာတ် နကဵုဥပၟာဂမၠိုၚ် ပညပ်တဴ ဒ္ဂေတ်ဝတ်ခမဳကၟုဲဂမၠိုၚ်ရ။
ပွမစွံလးသၞာကီု ပွမဟွံစွံပတန်ဍာ်ကီု ပွမဟွံဒစးဒုၚ်တၠုၚ်တရဴကီု ပွမဟွံသၟာန် နဍာ်သုၚ်ကီု ပွမဟွံလ္ၚောဝ်ကီု ပွမဟွံလးသၞာကီု ခမဳသ္ဍိုက်ဆာန်သဳလဂမၠိုၚ် ဟီုဂရိုဟ်အိုတ်။
ဒၞာဲခမဳဇၞော်ကီု ပွမစွံပတန်ဍာ်ကီု ပွမဒစးဒုၚ်တၠုၚ်တရဴကီု ဍာ်သုၚ်ကီု ဒၞပ်ကီု ပွမလ္ၚောဝ် ပ္ဍဲဒၞာဲမဗဗွဲကီု ပွမလးသၞာကီု။
ပွမကေၚ်ပဒတဴကီု ကွာန်ဂ္ၚေၚ်ပိဏ္ဍပါတ် သေက္ခသမ္မုတိကီု ဌာန်သၠးတရဴဇၞော်ကီု ဍာ်သုၚ်ကီု ဍာ်ရပ်စပ်ကီု လေံဒစုန်ကီု ကတိကဝတ်ကီု အခိၚ်ကီု ပွဂဇအ်ဒဒက်တဴခမဳသၟတ်ကီု။
ပွမကဵုလ္ၚောဝ်ကီု ပွမဟီုထ္ၜးကီု ရၚ်တၠုၚ်တုပ်သၟဟ်ကဵုနယ်သၟဝ်(သ္ဂးတုဲ)ရ၊ တဳလမၞုံပိုဉ်ကျာ်တြဲ မတုပ်သၟဟ်ကေုာံညးဇၞော်ကွဳ စၞောန်ထ္ၜးကဵု ဒ္ဂေတ်ဝတ် ခမဳပဒတဴဘာဂမၠိုၚ်ရ။
ခမဳကွာ်တရဴဂမၠိုၚ်ကီု ကယျာဆုကီု ကယျာတိကီု ပွမပံက်ကီု ပွမဟွံလဴဗ္စကီု ပွမလီုလာ်ကီု ပွမဟွံဂြောပ်ဗ္ဒန်ကီု ခမဳသ္ဍိုက်ဆာန်သဳလဂမၠိုၚ် ဟီုဂရိုဟ်အိုတ်ရ။
လပှ်သီဂိုၚ်ဒေပ်တုဲကီု ကၟာတ်ဒဝ်တုဲကီု ဂရၚ်ပတီလဴဗ္စ ခမဳကဵုဒှ် သာမဏဳကဵုဒှ် ပၟၚ်အာရှာမ်ကဵုဒှ် ဥပးကဵုဒှ်တုဲဟေၚ် စ္ဍးအာရ။
ဒးသီဂိုၚ်ဒေပ် ဗွဝ်ဂအုံ ပ္ဍဲတၟံကလောံဂမၠိုၚ်ရ၊ ပွမကၟာတ်ဒဝ်ကီု သၟဟ်ရထမ္ဂး ဒးသ္ပဂဗုဓ် လွဳပရာရ၊ ပ္ဍဲဌာန် ဟွံဍေက်ဗြဲ တုပ်သၟဟ်သာ်ဂှ်ကီုရ။
ပွမဗြဲဓဇူအလုံအိုတ်သီုကီု ပွမရၚ်တၠုၚ်ဏာကွာန်ကီု ပ္ဍဲအမှဲအကး တုပ်သၟဟ်သာ်ကီု၊ ပွမပၠောပ်စိုတ်မ္ဂး အၚ်္ဂၝောံဇံၚ်ဂမၠိုၚ်တုန် သှေ်သၟေဟ်အိုတ်ရကီု ဒ္ဂေတ်ဝတ်ခမဳကွာ်တရဴဂမၠိုၚ်ရ။
ပွမဟွံအိုဟ်တၟိုဟ်ကီု မှာထေရ်ဇၞော်ကီု ပွမသှ်ၜေက်စွံလဝ်ကီု ပန်ဇကု မသုန်ဇကုဂမၠိုၚ်ကီု တရဴဇၞော်ပ္ဍဵုပ္ဍိုက်ကီု ပွမဗ္ၜူစိပ်အာကီု ဣဝွံတုန် ဒ္ဂေတ်ဝတ် ပ္ဍဲအရာသ္ပအနုမောဒနာဂမၠိုၚ်ရ။
ခမဳဆဗ္ဗဂ္ဂဳဂမၠိုၚ် ဗိုက်လတက်လဝ်ဗွဲဟွံဒးရးဂမၠိုၚ်တုဲ ရုၚ်လတက်လဝ်ဗွဲဟွံဒးရးဂမၠိုၚ်တုဲ ဟွံမွဲကဵုအကာဲအရာဂမၠိုၚ်တုဲ ပွမတတ်တိုန်ဂတကီု ပွမဃရိတ်ခဇ် မှာထေရ်ဂမၠိုၚ်ကီု။
ခမဳသၟတ်ဂမၠိုၚ်ကီု သ္ၚာသကိုပ်ကီု ခမဳသ္ဍိုက်ဆာန်သဳလဂမၠိုၚ် ပွမဟီုဂရိုဟ်အိုတ်ကီု ပွမဗိုက်ဗွဲဗၞဳအဝဏ်ပိပြကာ (ညဳသာသၟဟ်သၟန်)ကီု ဇုက်ကာယဗန်ကီု ပွမထပ်ကီု ခၟောံသ္ၚာကီု။
ပွမဟွံဗလေတ်ပါဲအာကီု ပွမဂြောပ်ဗ္ဒန်ကီု ပွမသ္ၚဳလလမ်မၚ်မွဲဣန္ဒြဳဗွဲမဒးရးကီု ပွမဖျေံ မတ်ဗွဲသၟဝ်ကီု ပွမဟွံသၠိုက်ပတိုန်သ္ၚာကီု ပွမဂြိုၚ်ဗွဲမသကာတ်ကီု ရမျာၚ်မအောန်သာကီု ပွမဟွံ ဂဝုဲပချဳပိဂကူကီု။
ပွမထံက်ဂန်ဂၞိၚ်ကီု ပွမဓလီုက္ဍိုပ်ကီု ပွမကွာ်နကဵုဒၞေဟ်တၞုၚ်ဇိုၚ်ကီု ပွမဂြောပ်ဗ္ဒန်ကီု ပွမသ္ၚဳလလမ်မၚ်မွဲဣန္ဒြဳဗွဲမဒးရးကီု ပွမဂြိုပ်ဗွဲမသကာတ် သီုမၞုံကဵုစိုတ်မကလှ်လဖှ်ကီု ရမျာၚ်မအောန်သာကီု ပွမဟွံဂဝုဲပချဳပိဂကူကီု။
ပွမထံက်ဂန်ဂၞိၚ်ကီု ပွမဓလီုက္ဍိုပ်ကီု ပွမဒက်တာန်တဲတာန်ယာတ်ကီု ဃရတ်ခဇ်တုဲ ဟွံပဒတဴပ္ဍဲသၞာရ၊ ဍိုက်တုဲ ပ္ဍဲဍာ် ဖျဝ်ဖျေံတုဲ ပွမကိုဟ်ချာဲကီု။
ပ္ဍဲဇရေၚ်ကီု သ္ၚာဇၞော်ကီု ဒုၚ်ဂိုၚ်ကေတ် ပိဏ္ဍပါတ်ရ၊ သွကီု ပွေက်ကီု ကုခမဳအိုတ်သီု ညဳသၟဟ်သၟန်ကဵုစရိတ်သၟန်ဗဗေၚ်ကီု။
ဗွဲမရှေ်သှေ်ရဴဂဴ ပွမဟွံမွဲကဵုစၟတ်သမ္တီဗဗေၚ်ကီု ဗွဲလၟေၚ်လၟေၚ်ကီု ပွမညဳသၟဟ်ကဵုသွကီု ပွမဟွံခွေက်ဍေက်က္ဍိုပ်ပုၚ်ကီု ပွမဟွံဂြောပ်ဗ္ဒန်ကီု ပွမအာတ်ကီု ပွမၞုံစၟတ်သမ္တီ မမိက်ဂရိုဟ်ကီု။
လၟံက်ပိဏ္ဍပါတ်ဇၞော် လၟံက်ပိဏ္ဍပါတ်ဗၞဳအဝဏ်မညဳသာ ပ္ဍဲပါၚ်ကီု လပုဟ်တဲအိုတ်သီုကီု ပွမဟွံဟီုအရေဝ်ကီု ပွမကတိုၚ်ပတိုန်လၟံက်ပိဏ္ဍပါတ်ကီု ပွမကိတ်ထပိုတ်ကီု ပွမခၜမ်ပ္ဍဲကၞိၚ်ကီု ပွမလယှ်ကီု ပွမကြုဲဝေၚ်မပုၚ်ကီု။
ပွမကဠေအ်လတာ်ကီု ပွမသ္ပဗရုစာပ်စာပ်ကီု ပွမသ္ပသောတ်ဗြုဂြံက်ဂြံက်ကီုပွမကၠာန်တဲကီု ပွမခါဂွါတ်ဗဗေၚ်ကီု ပွမကၠာန်သၟန်ပါၚ်ကီု တဲမၞုံကဵုအာမိသကီု ပွမဒုၚ်ဂိုၚ်ကေတ်ဍာ်ကီု။
ခမဳအိုတ်သီု ကိုပ်ကၠာကဵုပိုဥ်ဟွံတုဲဏီကီု ပ္ဍဲဍာ် ဖျဝ်ဖျေံတုဲ ပွမကိုဟ်ချာဲကီုထၟာဲတဲ ခမဳနွံဇရေၚ်ကီု သ္ၚာဇၞော်ကီု ဖျဝ်တုဲကီု ပ္ဍဲတိကီု။
ဍာ်ကြာတ်မပုၚ်ပါကီု ပွမကလေၚ်စဴကီု ပွမဂြောပ်ဗ္ဒန်ဗွဲမဒးရးကီု ပွကွာ်ကဵုဒၞေဟ်တၞုၚ်ဇိုၚ်ကီု ကျာ်တြဲသၟိၚ်ဓရ် ပညပ်တဴ ဒ္ဂေတ်ဝတ်ဘာရုၚ်ကဵုပိုဉ်ဝွံရ။
မၞုံကဵုပွမဗိုက်လတက် ဗွဲဟွံဒးရးတုဲ ဟွံဍိုက်ပေၚ်ကဵု အယောၚ်အလာဒှ်တုဲဟွံစၟတ်သမ္တီတုဲဗွဲမပြဟ် ပွမဒတူပ္ဍဲဌာန်သ္ၚောဲကီု ပွမဒတူပ္ဍဲဌာန်ကြပ်လောန်ကီု ပွဒတူဗွဲမလအ်ကီု ပွမကလေၚ် ဗွဲမပြဟ်ကီု ပ္ဍဲပိဏ္ဍစာရိကဝတ် တုပ်သာ်ဂှ်(ပညပ်လဝ်ရ)။
(တုပ်သၟဟ်သာ်ဂှ် ခမဳညးဂ္ၚေၚ်ပဏ္ဍပါတ်)။
သီုမဂြောပ်ဗ္ဒန် ဒးအာရ၊ ပွမသ္ၚဳလလမ်မၚ်မွဲဣန္ဒြဳ ဗွဲမဒးရးကီု ပွမဖျေံမတ်ဗွဲသၟဝ်ကီု ပွမဟွံသၠိုက်ပတိုန်သ္ၚာကီု ပွမဂြိုၚ်ဗွဲမသကာတ်ကီု ရမျာၚ်မအောန်သာကီုပွမဟွံဂဝုဲပချဳပိဂကူကီု။
ပွမထံက်ဂန်ဂၞိၚ်ကီု ပွမဓလီုက္ဍိုပ်ကီု ပွမကွာ်နကဵုဒၞေဟ်တၞုၚ်ဇိုၚ်ကီု ပွမစၟတ်သမ္တီကီု ဗွဲမပြဟ်ကီု ပွမဒတူပ္ဍဲဌာန်သ္ၚောဲကီု ပွမဒတူပ္ဍဲဌာန်ကြပ်လောန်ကီု ပွဒတူဗွဲမလအ်ကီု ပွမကလေၚ် ဗွဲမပြဟ်ကီု ဒၞာဲကီု ယံက်နော်ကီု။
ထၟာဲပ္ဍာန်ကီု ပွမကဵုဒတူကီု ဖဲါကၠေံတုဲ လၟောဝ်ဏာတုဲ ပွမဒုၚ်ဂိုၚ်ကေတ်ကီုဟွံမဟွံလ္ၚာ် ရံၚ်ကီု ပ္ဍဲသွဂမၠိုၚ်လေဝ် ဝတ်ဂှ် တုပ်သၟဟ်သာ်ဂှ်ဟေၚ်ရ။
ခမဳဂမၠိုၚ် ပွမဂြောပ်ဗ္ဒန် နကဵုသ္ၚာကီု ပွမအာသီုမဂြောပ်ဗ္ဒန်လဝ်ကီု ပွမသ္ၚဳလလမ်မၚ်မွဲ ဣန္ဒြဳဗွဲမဒးရးကီု ပွမဖျေံမတ်ဗွဲသၟဝ်ကီု ပွမဟွံသၠိုက်ပတိုန်သ္ၚာကီု ပွမဂြိုၚ်ဗွဲမသကာတ်ကီု။
ရမျာၚ်မအောန်သာကီု ပွမဟွံဂဝုဲပချဳပိဂကူကီု ပွမထံက်ဂန်ဂၞိၚ်ကီု ပွမဓလီုက္ဍိုပ်ကီု ပွမကွာ်နကဵုဒၞေဟ်တၞုၚ်ဇိုၚ်ကီု ဗွဲကိုပ်ကၠာပွလးသၞာ ပွမကြာတ်ခရော်စိုတ်က္ဍိုပ်ပုၚ် ဍာ်သုၚ် ဍာ်ရပ်စပ်ကီု နူလက်ကြဴ နွံပၟိက်မ္ဂး ပွမစကီု ပွမကၠဟ်ထောံကီု ပွမသီရုပ်ကီု။ ပွသီဂိုၚ်ဒေပ်ကီု ပွမကွဟ်ကၟဟ်ကီု ပွစုတ်ဗဗေၚ်ဍာ် နုၚ်မလ္ၚုသၟးကီု ပွမကော်ဖဲါတဲကီု ပွမဟီုသ္ဂးကီု ဣဝွံတုန် ဒ္ဂေတ်ဝတ် ခမဳဂ္ၚေၚ်ပိဏ္ဍပါတ်ဂမၠိုၚ်ရ။
ဍာ်သုၚ် ဍာ်ရပ်စပ် ပၟတ် ဒၞိဟ်ပၟတ်ဗၞုတ်ပၟတ် နက္ချတ် ဒိုဟ် ကမၠတ်ဒမၠဂမၠိုၚ်ကီုအလုံအိုတ်သီု ဟွံမွဲရ ရဴဝွံ ပွၜုၚ်တက်ကီု ပ္ဍဲပၞး ဗဗေၚ်သ္ၚာကီု သအာၚ်နူဂှ်။
ပ္ဍဲအခိၚ်လၟုဟ်ဝွံ ပွမကၟာဲပ္ဍဲပၞးကီု ဗွဲဗၞဳအဝဏ်ပိပြကာညဳသာသၟဟ်သၟန် ညံၚ်ရဴရၚ်တၠုၚ် ဒ္ဂေတ်ဝတ် ခမဳဂ္ၚေၚ်ပိဏ္ဍပါတ်ဂမၠိုၚ်ကီု ဒးရၚ်တၠုၚ် ဒ္ဂေတ်ဝတ်ခမဳပဒတဴဘာဂြိုပ်ဂမၠိုၚ်ရ။
ပွမပတိုန် ဗဗေၚ်ပ္ဍဲပၞး သ္ၚာပ္ဍဲက္ဍိုပ် ပွမဍိုက်ဒၞပ်ကီု ဍာ်သုၚ်ကီု ဍာ်ရပ်စပ်ကီု ပၟတ်ကီု ဒၞိဟ်ပၟတ်ဗၞုတ်ပၟတ်ကီု လေံဒစုန်ကီု။
နက္ချတ်မၞုံကဵုအဝယ်လစှေ် ‘နက္ချတ်လ္ၚဵု’ ကီု ပ္ဍဲဒိုဟ်ဂမၠိုၚ်ကီု စဳကၠးဆိုက်ဗ္ဒက်ဒးဒှ်ရ။ ကျာ်တြဲမပြဲလတူသတ်ဂမၠိုၚ် ပညပ်တဴ ဒ္ဂေတ်ဝတ်ခမဳပဒတဴဘာဂြိုပ်ဂမၠိုၚ်ဝွံရ။
အမှဲအကးကီု ပြးဆာဲအိုတ်ရ၊ ခမဳသ္ဍိုက်ဆာန်သဳလဂမၠိုၚ် ဟီုဂရိုဟ်အိုတ်ရ၊ ပ္ဍဲဘာ သၟိက်ဟန်ဗန် နွံမ္ဂး ဗွဲကိုပ်ကၠာ ဗဗေၚ်သ္ၚာ။
ဖုန် ဂၞဳ ဇံၚ်ကီု ဂတဵုကီု ထၟာဲတဲကီု ဂတဵုဒလာဲကီု ဗတၚ်ကျာ ပွပတိုဟ်တိုန်ကီု ဆီတၟံကီု တိမၞုံကဵုသာ်မလမ္စံက်ကီု တိဟဂွံဖ္ဍုက်ဖ္ဍေက်ကီု။
ဗွဝ်ဖအုံသၟိက် ဇရေၚ်ခမဳကီု သၞာသတိက်သၞာဒၟံၚ်ကီု ဘာ ဍာ်သုၚ်ကီု ဇရေၚ်ဍာ်သုၚ်ကီု ဌာန်ဒစးကျာကီု။
ပ္ဍဲသၟဝ်ဗလဲကျာ သၞာလးတိကီု ဇံၚ် ဂၞဳဒုၚ်ဇိုၚ်ဇံၚ်ကီု ဂတဵုကီု ဖုန် သၞာနိသဳဒိုန်ကီု ထၟာဲတဲကီု ဂတဵုဒလာဲကီု။
ဗဗေၚ်သ္ၚာကီု တိ(ဟွံမွဲကဵုသၞာ) ကီု ပ္ဍဲလပါ်ဂှ် လအိတ်မုဟ်ကီု ပ္ဍဲလပါ်ဏအ်ခ္ဍပ်ကီု ဒိုဟ်ဗၟံက်ကီု ဒိုဟ်ပလိုတ်ကီု ဒိုဟ်သၟဝ်ကျာကီု သအာၚ်နူဂှ် ဒိုဟ်သၠုၚ်ကျာကီု။
အခိၚ်ဂံက် အခိၚ်ဂမ္တဴကီု တ္ၚဲကီု ဗတမ်ကီု ပြဝိုဏ်ကီု မုက်ထော်တြၚ်ကီု ဇြပ်ကောံဓရီု ရုၚ်ပၟတ်ကီု သ္ၚိဝစ်ကီု ဍာ်သုၚ်ကီု။
နုၚ်စအးသ္ၚိဍာ်ကီု ခမဳဇၞော်ကီု ပွမဗတောန်ပါဠိကီု ပွမဗတောန်အဋ္ဌကထာကီု ပွမသှ်ၛာယ်ကီု ပွမတွံဓရ်ကီု ပွမဍေန်ပၟတ်ကီု ပွမပလိုတ်ပၟတ်ကီု ပွမဟွံပံက်ကီု ပွမဟွံကၟာတ်ကီု။
ပွမဂတးမုက်လပါ်ထေရ်ဇၞော်နွံကီု နတၞုၚ်မုဟ်သ္ၚာလေဝ် ပွမဟွံဓဇိုတ်တေက်ဒးကီု ကျာ်တြဲမၞုံကဵုလွဳပရာမဇၞော် ကဵုတီတဴ ‘ပညပ်တဴ’ ဒ္ဂေတ်ဝတ်ပ္ဍဲဘာဂမၠိုၚ်ဂှ်ရ။
ပွမဆေဝ်ဒဝ်ကီု တြၚ်ကီု ပွမဝိုတ်စိပ်ကီု ခမဳသ္ဍိုက်ဆာန်သဳလဂမၠိုၚ် ဟီုဂရိုဟ်အိုတ်ရ၊ နူသ္ၚိဇရုၚ်ပလက် ဒးထောံပတေၚ်ရ၊ ဗွဝ်ခုၚ်တိဂှ် တုပ်သၟဟ်သာ်ဂှ်ရ။
ပြဝိုဏ်ကီု မုက်ထော်တြၚ်ကီု ဇြပ်ကီု ခၞိက်ကြကောတ် တိကမၠေတ် ဒၞိဟ်ဇရဟုံဍာ်ကီု မုက်ခဝါကီု နူဂတ ပွမဟွံဃရိတ်ခဇ် ထေရ်ဇၞော်ဂမၠိုၚ်ကီု ပွမဟွံဆေဝ်ဒဝ် ခမဳသၟတ်ဂမၠိုၚ်ကီု သၟဟ်ရထမ္ဂး။
နူဂတကီု နူဒစးဍာ်လတူကီု ဂၠံၚ်တရဴကီု လၟက်သရီုကီု ခရော်တိကမၠေတ် ဂတဵုဒလာဲကီု ပလိုတ်တုဲကီု ကၟာတ်ဒဝ်တုဲကီု (ဒးစ္ဍးအာကီု)။ သ္ဂးကၠုၚ်တုဲဝွံတုန် ဒ္ဂေတ်ဝတ်ပ္ဍဲသ္ၚိဇရုၚ်ပလက်ရ။
ပွမဟွံကြာတ်ဍာ်ကရာတ်ကီု လၟေၚ်ဇၞော်ဍောတ်ကီု လၟေၚ်ကၠုၚ်စိုပ်ကီု ဗွဲမပြဟ်ကီုပွမဟွံသၠိုက်ပတိုန်သ္ပိုၚ်ကီု ပွမခအိဟ်ကီု ဆုဒကကီု ကရံက်တရဴဇၞော်ကီု ပွမချဟ်ဍာ်ပါၚ် ပ္ဍဲကရံက်တရဴသၟတ်ကီု။
ဃရိုအ်သကာတ်မြဟ်ကီု ကတိုၚ်တရဴဇၞော်ကီု ဗွဲမပြဟ်ကီု ပွမဟွံသၠိုက်ကီု ဗရုရမျာၚ်စာပ်စာပ်ကီု ပွမသၟေဟ်စွံဍာ်ကရာတ်ကီု ပွမခအေမ် နူအပ္ဍဲမ္ၚးကီု ဇုက်တေၚ်ကီု ဟွံပြဟ်ပြေဟ်ကီု။
ဗွဲမပြဟ်ပြေဟ်ကီု ပွမဟွံသၠိုက်ကီု ပွမတန်တဴကီု ပွမခအိဟ် ကရံက်တရဴဇၞော်ကီု ပွမချဟ်ဍာ်ပါၚ် ပ္ဍဲကရံက်တရဴသၟတ်ကီု၊ ဃရိုအ်သ္ကာတ်မြဟ်ကီု ကတိုၚ်တရဴဇၞော်ကီု ဒၞပ်ခုၚ်ဒၞာဲ သၠးတရဴဇၞော်ကီု။
ပွမဟွံပြဟ်ကီု ပွမဟွံပြဟ်လောန်ကီု ပွမဟွံသၠိုက်ကီု ဒၞပ်ခုၚ်ဒၞာဲ သၠးတရဴဇၞော်ကီု ပွမသ္ပဗရုစာပ်စာပ်ကီု ပွမသၟေဟ်စွံဍာ်ကရာတ်ကီု ပွမဂြောပ်ဗ္ဒန်ကီု ပွမကၠေဝ်ဗာန်တရဴဇၞော်ကီု နစုတ်ဃရိုအ်ကီု။
သ္ၚိဝစ်ကီု ဗွဝ်တိဖအုံမ္ၚးကီု ပြဝိုဏ်ကီု မုက်ထော်တြၚ်ကီု ဍာ်ပ္ဍဲအရာကြာတ်ဍာ်ကရာတ်ကီု သ္ဂးကၠုၚ်တုဲဝွံတုန် ဒ္ဂေတ်ဝတ် ပ္ဍဲသ္ၚိဝစ်ရ။
ဒၞပ်ကီု ဆုဒကကီု ဍာ်လာ်မုက်ကီု သၞာကီု ယာဂုကီု ဍာ်ကီု ကြာတ်တုဲ ပွမထပ်ဂိုၚ်ကီု သၟိဟ်ဟန်ဗန်ကီု ကွာန်ကီု။
သပိုၚ်ကီု ဇုက်ကာယဗန်ကီု သ္ၚာဇၞော်ၜါထပ်ကီု ဗဗေၚ်မၞုံကဵုဍာ်ကီု ခမဳဗွက်ကြဴကီု ဗၞဳအဝဏ်ပိပြကာကီု ဗွဲဗၞဳအဝဏ်မညဳသာကီု အာတုဲ သၞာကီု။
ဍာ်ကြာတ်ဇိုၚ်ကီု ဂတဵုဂဇအ်ကၠာဟဂွံကြာတ်ဇိုၚ်ကီု ကဝေက်ပေါတ်ဇိုၚ်ကီု ပွမဒစးဒုၚ်တၠုၚ် တရဴကီု သပိုၚ်ကီု ပွမစဲတ္ၚဲကီု ပွမစွံကီု ပၞေတ်ခ္ဍပ်ကီု အပ္ဍဲကဝးသ္ၚာကီု တၞဟ်နစ ပွမဗဂိန်ကီု။
ဍာ်သုၚ်ကီု ဍာ်ကီု ဗွဲမသဝ်ကီု ဗၞတ်မွဲခဏကီု ပွမဟွံစွံ ဗွဲမလအ်ကီု ဗဗေၚ်သ္ၚာကီု တိကီု ပ္ဍဲလပါ်ဂှ် လအိတ်မုုဟ်ကီု ပ္ဍဲလပါ်ဏအ် ခ္ဍပ်ကီု။
ပွမသီရုပ်ကီု ပွမဂိုၚ်ဒေပ်ကီု သၟိဟ်ဟန်ဗန်ကီု သွက်ဂွံဟုံဍာ် ဍာ်လၟုဟ်ကီု ဍာ်ဂမ္တဴကီု သ္ၚိဇရုၚ်ပလက်ကီု ခၞိက်ကြကောတ်ကီု တိကမၠေတ်ကီု နူလက်ကရဴကီု။
ဂတဵုဒလာဲကီု သ္ၚာကီု ခၞိက်ကြကောတ်ကီု တိကမၠေတ်ကီု သၟဟ်ရထမ္ဂးကီု မုက်ခဝါကီု နူဂတကီု မှာထေရ်ဇၞော်ကီု ခမဳသၟတ်ကီု ပွမတုပ်ပေါတ်မိဟ်ကီု ကေၚ်ကာကီု ပွမတိတ်ကီု။
နူဂတကီု ဍာ်ကီု ဟုံဍာ်တုဲမ္ဂး ဗိုက်သပိုၚ်တုဲ အ္စာဥပဇ္ၛာယ်ကီု သပိုၚ်ကီု သ္ၚာကီု ဂတဵုဒလာဲကီု သၞာကီု။
ဍာ်ကြာတ်ဇိုၚ်ကီု ဂတဵုကြာတ်ဇိုၚ်ကီု ကဝေက်ပေါတ်ဇိုၚ်ကီု ဍာ်သုၚ်ကီု ပွမဗတောန်ပါဠိကီု ပွမဗတောန်အဋ္ဌကထာကီု သၟိဟ်ဟန်ဗန်ကီု ပွမသအးဇ္ၚးကီု ဗွဲကိုပ်ကၠာ ဗဗေၚ်သ္ၚာကီု။
သၞာနိသဳဒိုန်ကီု သၞာလးတိက်ကီု ဖုန်ကီု ဂၞဳကီု ဇံၚ်ကီု ဂတဵုကီု ဂၞဳဒုၚ်ဇိုၚ်ဇံၚ်ကီု ထၟာဲတဲကီု ဂတဵုဒလာဲကီု။
တိကီု သ္ၚိစၟဇာဖိုၚ်ကီု ဗတၚ်ကျာ်ကီု ဆီတၟံကီု တိမၞုံကဵုသာ်မလမ္စံက်ကီု တိဟဂွံဖ္ဍုက်ဖ္ဍေက်ကီု တိကီု သၞာလးတိကီု ဂၞဳဒုၚ်ဇိုၚ်ဇံၚ်ကီု ဇံၚ်ကီု ဂတဵုကီု ဂၞဳကီု။
သၞာနိသဳဒိုန်ကီု သၞာလးတိက်ကီု ထၟာဲတဲကီု ဂတဵုဒလာဲကီု ဗဗေၚ်သ္ၚာကီုဒိုဟ်ဗၟံက်ကီု ဒိုဟ်ပလိုတ်ကီု ဒိုဟ်သၟဝ်ကျာကီု သအာၚ်နူဂှ် ဒိုဟ်သၠုၚ်ကျာကီု။
အခိၚ်ဂံက် အခိၚ်ဂမ္တဴ တ္ၚဲ ဗတမ်ကီု ပြဝိုဏ်ကီု မုက်ထော်တြၚ်ကီု ဇြပ်ကောံဓရီုရုၚ်ပၟတ်ကီု သ္ၚိဝစ်ကီု ဍာ်သုၚ်ကီု ဍာ်ရပ်စပ်ကီု။
ဍာ်ကရာတ်ကီု ပွမဟွံမိပ်လဟိၚ်ကီု ပွမၞုံကဵု ‘သံသယကုက္ကုစ္စ’ ပွမချပ်သၠေဟ် ပၟာကီု ကွေတ်မှာရာကီု အာပတ်သံဃာဒိသေသ်ကီု ပွမဓဇက်တမ်ကီု မာနတ်အဗ္ဘာန်ကီု တဇ္ဇနဳယကမ်ကီု နိယဿကီု။
ပဗ္ဗာဇနဳယကမ်ကီု ပဋိသာရဏဳယကမ်ကီု ဥက္ခေပနဳယကမ်ကီု သ္ပတုဲကီု ပွမလပိုက်ကြာတ်ကြဴကီု ဍာ်လွံက်ကီု ပွမဖျောန်ကီု ပွမဂတးဂတနကီု။
ဗဗေၚ်ကီု သ္ၚာကီု ပရိက္ခရာကီု ပွကးက္ဍိုပ်ကီု ပွမပေါတ်မိဟ်ကီု ကေၚ်ကာဇၞော်သၟတ်ကီု ခမဳဗွက်ကြဴကီု ပိဏ္ဍပါတ်ကီု ပွမလုပ်ကီု။
ပွမဟဂွံအာသုသာန်ကီု ပွမဟဂွံအာဌာန်သအာၚ်ကီု ပွမကၠောန်ၜိုတ်စဵုကဵုလအိတ် လမျီုကီု သ္ဂးကၠုၚ်တုဲဝွံတုန် ဝတ်ကွးပဒတဴမွဲစွံ (သွက်ဂွံဒ္ဂေတ်) ပ္ဍဲအ္စာဥပဇ္ၛာယ်ရ။
ပွမဒၠောံဗတောန်ကီု ပွမဆေဝ်ဒဝ်ကီု ပွမဗတာန်ပါဠိကီု ပွမဗတောန်အဋ္ဌကထာကီု ဗဗေၚ်ကီု သ္ၚာကီု ပရိက္ခရာကီု ပွမဂိယဲကီု ပွမဟွံဒှ်ခမဳဗွက်ကြဴကီု။
သၟဟ်ညံၚ်ရဴဒ္ဂေတ်ဝတ်ဂမၠိုၚ် (သွက်ဂွံသ္ပ) ပ္ဍဲအ္စာဥပဇ္ၛာယ်ဂမၠိုၚ်ကီု ဒှ်ဒ္ဂေတ်ဝတ် (သွက်ဂွံသ္ပ) ပ္ဍဲအ္စာဂမၠိုၚ်အိုတ်ရ။ သၟဟ်ညံၚ်ရဴဒ္ဂေတ်ဝတ် (သွက်ဂွံသ္ပ) ပ္ဍဲကွးပဒတဴမွဲစွံဂမၠိုၚ်ကီု ဒှ်ဒ္ဂေတ်ဝတ် (သွက်ဂွံသ္ပ)ပ္ဍဲကွးပဒတဴဇရေၚ်ဂမၠိုၚ်ရ။
ဒ္ဂေတ်ဝတ်ဂမၠိုၚ် ပ္ဍဲအာဂန္တုက ‘ခမဳကၟုဲ’ ဂမၠိုၚ် မွဲလှေ်ပၠန် ဒှ်ဒ္ဂေတ်ဝတ် ပ္ဍဲအာဝါသိက ‘ခမဳပဒတဴဘာ’ ဂမၠိုၚ်အိုတ်ရ၊ ဂမိကဝတ် ‘ခမဳကွာ်တရဴ’ ကီု အနုမောဒနဝတ် ‘ပွမအိုဟ်တၟိုဟ်’ ကီု ဘဝတ္တဂ္ဂဝတ်’ ဘာရုၚ်ကဵုပိုဉ်’ ကီု ပိဏ္ဍစာရိကဝတ် ‘ခမဳဂ္ၚေၚ်ပိဏ္ဍပါတ်’ ကီု။
အာရညိကဝတ် ‘ခမဳပဒတဴပ္ဍဲဂြိုပ်’ ကီု သေနာသနဝတ် ‘ဘာ’ ကီု ဇန္တာဃရဝတ် ‘သ္ၚိဇရုၚ်ပလက်’ ကီု ဝစ္စကုဋိဝတ် ‘သ္ၚိဝစ်’ ကီု ဥပဇ္ၛာယဝတ် ‘ဒးပတုဲပ္ဍဲဥပဇ္ၛာယ်ဂမၠိုၚ်’ ကီု သဒ္ဓိဝိဟာရိကဝတ် ‘ဒးပတုဲပ္ဍဲကွးပဒတဴမွဲစွံဂမၠိုၚ်’ ကီု။
အာစရိယဝတ် ‘ဒးသ္ပပ္ဍဲအ္စာဂမၠိုၚ်’ ဒှ်ဝတ် သွက်ဒးပတုဲတုပ်သၟဟ် ပ္ဍဲအန္တေဝါ သိကဝတ် ‘ဒးသ္ပပ္ဍဲကွးပဒတဴဇရေၚ်ဂမၠိုၚ်’ ရ၊ ပ္ဍဲဝတ္တက္ခန္ဓက ဝတ္ထုစှ်ဒ္စိတ်ရ၊ ဒ္ဂေတ်ဝတ်စှ်ပန်ဂမၠိုၚ်ရ။
ခမဳမဟွံဒ္ဂေတ်ရနုက်ဗပေၚ်ဝတ်ဂှ် ကဵုဍိုက်ပေၚ်သဳလဟွံမာန်ရ၊ ခမဳသဳလဟွံ သအးဇ္ၚးဂှ် ဟွံမွဲကဵုပညာဒှ်တုဲ ကလိဂွံစိုတ်တန်ကြန်ဟွံမာန်ရ။
ခမဳမၞုံကဵုစိုတ်မကလှ်လဖှ်ဂှ် မၞုံကဵုအာရီုဂၠိုၚ်တုဲ ညာတ်ဓရ် ဗွဲမဒးရး ဟွံမာန်ရ၊ ခမဳ မဟွံညာတ်ဓရ်သပ္ပုရိုဟ် ဗွဲမဒးရးဂှ် တိတ်ဗၠး နူဒဒိုခ်ဟွံမာန်ရ။
ခမဳမဒ္ဂေတ်ရနုက်ဗပေၚ်ဝတ်ဂှ် သဳလလေဝ် ကဵုဍိုက်ပေၚ်မာန်ရ၊ ခမဳသဳလသအးဇ္ၚးဂှ် မၞုံကဵုပညာဒှ်တုဲ စိုတ်တန်ကြန်လေဝ် ကလိဂွံမာန်ရ။
ခမဳစိုတ်ဟွံကလှ်လဖှ်ဂှ် မၞုံကဵုအာရီုမွဲဓဝ်တုဲ ညာတ်ဓရ် ဗွဲမဒးရးမာန်ရ၊ ခမဳမညာတ် ဓရ်သပ္ပုရိုဟ် ဗွဲမဒးရးဂှ် တိတ်ဗၠး နူဒဒိုခ်မာန်ရ။
ဟိုတ်ဂှ်ရ ခမဳကောန်ကျာ် မၞုံကဵုပညာဂှ် ဒးဒ္ဂေတ်ရနုက်ဗပေၚ်ဒ္ဂေတ်ဝတ် မဒှ်ဒၠောံဗတောန်ကျာ်ရ၊ ဟိုတ်ပွမဒ္ဂေတ်ရနုက်ဗပေၚ်သာ်ဂှ် ကြက်ဂွံအာစိုပ်နိဗ္ဗာန်ရ။
ဣဝွံ ဗွဲခမ္ဍန်တုဲရ။
☀︎☀︎☀︎ဝတ္တက္ခန္ဓကတုဲရ။☀︎☀︎☀︎
၉။ ပါတိမောက္ခဋ္ဌပနက္ခန္ဓက[ပလေဝ်ဒါန် | ပလေဝ်ဒါန် တမ်ကၞက်]
၉.၁။ အာတ်အခေါၚ် သွက်ဂွံစၞောန်ထ္ၜးပါတိမုက်[ပလေဝ်ဒါန် | ပလေဝ်ဒါန် တမ်ကၞက်]
၃၈၃။ ပ္ဍဲအခိၚ်တဳလပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲပြာသာဒ် ဝိသာခါ မစိုန်ဒှ်ညံၚ်ရဴမိ မိဂါရသေဌဳ အပ္ဍဲဘာပုဗ္ဗရာမ် ဇရေၚ်ဍုၚ်သာရဝှ်ဂှ် ပ္ဍဲတ္ၚဲဥပေါသ် သီုကဵုခမဳသၚ်မတွဳဗွိုၚ်လဝ် ဂဇအ်ဒၟံၚ်ရ။ ပ္ဍဲအခိၚ်ဂှ် တဳလပိုဉ်အာနန္ဒ ဗတမ်ဂၠုဒှ်တုဲ ပယာံပထမ ကလိလောန်အာမ္ဂး ကတဵုနူဒၞာဲတုဲ လ္ၜက်ကၠေဟ်ပတိုန်သ္ၚာ ပ္ဍဲလတူပၞးပါဲတုဲ ပၚ်ဏာတဲလပါ်ကျာ်တြဲနွံတုဲ—
“ယွံတဳလမၞုံပိုဉ် ဗတမ်ဂၠုရကျာ်၊ ပယာံပထမ ကလိလောန်အာတုဲရကျာ်၊ ခမဳသၚ် ဒးဂဇအ်ဒၟံၚ် ဗွဲမလအ်ရကျာ်၊ ယွံတဳလမၞုံပိုဉ် တဳလမၞုံပိုဉ်ကျာ်တြဲ ထ္ၜးပါတိမုက် ကဵုခမဳဂမၠိုၚ်ညိကျာ်” ရဴဝွံ ဂရၚ်ပတီရ။
ဂရၚ်ပတီ ရဴသာ်ဝွံမ္ဂး ကျာ်တြဲ ပဒတဴဒၟံၚ်သ္ၚိတ်သ္ၚိတ်ရ။ မရနုက်ကဵုၜါဝါလေဝ် တဳလပိုဉ်အာနန္ဒ ဗတမ်ဂၠုဒှ်တုဲ ပယာံမဇ္ၛိမ ကလိလောန်အာမ္ဂး ကတဵုနူဒၞာဲတုဲ လ္ၜဟ်ကၠေဟ်ပတိုန်သ္ၚာ ပ္ဍဲလတူပၞးပါဲတုဲ ပၚ်ဏာတဲလပါ်ကျာ်တြဲနွံတုဲ—
“ယွံတဳလမၞုံပိုဉ် ဗတမ်ဂၠုရကျာ်၊ ပယာံမဇ္ၛိမ ကလိလောန်အာတုဲရကျာ်၊ ခမဳသၚ် ဒးဂဇအ်ဒၟံၚ် ဗွဲမလအ်ရကျာ်၊ ယွံတဳလမၞုံပိုဉ် တဳလမၞုံပိုဉ်ကျာ်တြဲ ထ္ၜးပါတိမုက်ကဵုခမဳဂမၠိုၚ်ညိကျာ်” ရဴဝွံ ဂရၚ်ပတီရ။
မရနုက်ကဵုၜါဝါလေဝ် ကျာ်တြဲ ပဒတဴဒၟံၚ်သ္ၚိတ်သ္ၚိတ်ရ။ မရနုက်ကဵုပိဝါလေဝ် တဳလပိုဉ်အာနန္ဒ ဗတမ်ဂၠုဒှ်တုဲ ပယာံပစ္ဆိမ ကလိလောန်အာမ္ဂး အရှိုဏ်တိုန်ဒှ်တုဲ ဗတမ်ဂှ် မၞုံကဵုမုက္ခဝါ မသ္ဍိုက်မၠိုက်မ္ဂး ကတဵုနူဒၞာဲတုဲ လ္ၜဟ်ကၠေဟ်ပတိုန်သ္ၚာ ပ္ဍဲလတူပၞးပါဲတုဲ ပၚ်ဏာတဲလပါ်ကျာ်တြဲနွံတုဲ “ယွံတဳလမၞုံပိုဉ် ဗတမ်ဂၠုရကျာ်၊ ပယာံပစ္ဆိမ ကလိလောန်အာတုဲရကျာ်၊ အရှိုဏ်တိုန်တုဲရကျာ်၊ ဗတမ်ဂှ် မၞုံကဵုမုက္ခဝါ မသ္ဍိုက်မၠိုက်ရကျာ်၊ ခမဳသၚ် ဒးဂဇအ်ဒၟံၚ် ဗွဲမလအ်ရကျာ်၊ ယွံတဳလမၞုံပိုဉ် တဳလမၞုံပိုဉ်ကျာ်တြဲ ထ္ၜးပါတိမုက်ကဵုခမဳဂမၠိုၚ်ညိကျာ်” ရဴဝွံ ဂရၚ်ပတီရ။ ယွံအာနန္ဒ ပရိသာတ် ဟွံသအးဇ္ၚးရ ရဴဝွံ (သ္ဂးရ)။
ပ္ဍဲအခိၚ်ဂှ် “ကျာ်တြဲ ရန်တၟအ်ကဵုညးလဵုတုဲ ‘ယွံအာနန္ဒ ပရိသာတ် ဟွံသအးဇ္ၚးရ’ ရဴဝွံ ဂွံသ္ဂးဂှ်ရော?။ ရဴဝွံ ကသပ်ကတဵုဒှ် ကုတဳလပိုဉ်မောဂ္ဂလာန်ရ။ ကြဴနူဂှ် တဳလပိုဉ်မဟာမောဂ္ဂလာန် ပိုၚ်ခြာကေတ် စိုတ်ခမဳသၚ်အိုတ်သီု နကဵုစိုတ်ဇကုတုဲ သပၠုပ်စိုတ်ရ။ တဳလပိုဉ်မဟာမောဂ္ဂလာန် ညာတ်ကေတ်ပူဂိုလ် ‘ဒုဿဳလ’ ဟွံမွဲကဵုသဳလ မဂဇအ်ဒၟံၚ် လဒေါဝ်ခမဳသၚ် မၞုံကဵုဒ္ဂေတ်မယုတ်သဝ် ဟွံသအးဇ္ၚးတုဲ မၞုံကဵုဒ္ဂေတ်မထေက်ကဵုသၠေဟ်ပၟာ မဂြောပ်ဗ္ဒန်တဴကမၠောန် သီုဟွံသေၚ်ကဵုခမဳ ရဴဝွံမ္ဂးခမဳ သီုဟွံဒ္ဂေတ်တဴ ဒ္ဂေတ်မပြဲ ဒုၚ်ဝန် ရဴဝွံမ္ဂး ဒ္ဂေတ်မပြဲ မအုဲဒၟံၚ်ပ္ဍဲအပ္ဍဲ မဍုက်ဒၟံၚ်ဍာ်ဗြဲကိလေသ ဍေံမဒှ်ညံၚ်ခၟိက်ဟန်ဗန်တုဲ ကတဵုနူဒၞာဲတုဲမ္ဂး ပြာပ်အာဇရေၚ်ပူဂိုလ်ဂှ်တုဲ “ယွံကောန်တၠ ဩဝ်ကတဵုညိ၊ ကျာ်တြဲ ညာတ်မံၚ်တၠအဲရ၊ တၠအဲဂှ် ဟွံမွဲကဵုပံၚ်ဖက်မွဲစွံ ကေုာံခမဳဂမၠိုၚ်ရ” ရဴဝွံ ၜိုန်သ္ဂးသာ်ဂှ်ကီုလေဝ် ပူဂိုလ်ဂှ် ကၞပ်သ္ၚောံဒၟံၚ်ရ။
မရနုက်ကဵုၜါဝါကီုလေဝ် တဳလပိုဉ်မဟာမောဂ္ဂလာန်ဂှ် “ယွံကောန်တၠ ဩဝ်ကတဵုညိ၊ ကျာ်တြဲ ညာတ်မံၚ်တၠအဲရ၊ တၠအဲဂှ် ဟွံမွဲကဵုပံၚ်ဖက်မွဲစွံ ကေုာံခမဳဂမၠိုၚ်ရ” ရဴဝွံ ၜိုန်ဟီုသ္ဂးလေဝ် ပူဂိုလ်ဂှ် ကၞပ်သ္ၚောံဒၟံၚ်ရ။
မရနုက်ကဵုပိဝါကီုလေဝ် တဳလပိုဉ်မဟာမောဂ္ဂလာန်ဂှ် “ယွံကောန်တၠ ဩဝ်ကတဵုညိ၊ ကျာ်တြဲ ညာတ်မံၚ်တၠအဲရ၊ တၠအဲဂှ် ဟွံမွဲကဵုပံၚ်ဖက်မွဲစွံ ကေုာံခမဳဂမၠိုၚ်ရ” ရဴဝွံ ၜိုန်ဟီုသ္ဂးလေဝ် ပူဂိုလ်ဂှ် ကၞပ်သ္ၚောံဒၟံၚ်ရ။
ပ္ဍဲအခိၚ်ဂှ် တဳလပိုဉ်မဟာမောဂ္ဂလာန် ဂန်ရပ်ကေတ် ပ္ဍဲသပါတဲပူဂိုလ်ဂှ်တုဲ ပတိတ်ဏာမ္ၚးမုက်ပါၚ်တြၚ်တုဲ ထပက်စုတ်ထောံ သၞောဝ်တြၚ်တုဲ ပြာပ်အာဇရေၚ်ကျာ်တြဲတုဲမ္ဂး “ယွံတဳလပိုဉ် အဲဍိက် ဂပ်ဝ်ကဵုပူဂိုလ်ဂှ် တိတ်အာတုဲရကျာ်၊ ပရိသာတ် သအးဇ္ၚးရကျာ်၊ ယွံတဳလပိုဉ်ကျာ်တြဲ ထ္ၜးပါတိမုက် ကုခမဳဂမၠိုၚ်ညိကျာ်” ရဴဝွံ ဂရၚ်ပတီ ကုတဳလမၞုံပိုဉ်ကျာ်တြဲရ။ ယွံမောဂ္ဂလာန် ဒှ်အမ်သဝ်ကွေံရ၊ ယွံမောဂ္ဂလာန် ဟွံကေၚ်ဒှ်မွဲလှေ် ဒှ်ကွေံရ၊ တြုံမလ္ၚုအာနူမဂ်ဖိုလ်ဂှ် မၚ်ဒၟံၚ်စဵုကဵု မဒးဂန်ရပ်ကေတ် သပါတဲကီုရသွံ ရဴဝွံ (သ္ဂးရ)။
၉.၂။ အမ်သဝ် ပ္ဍဲမှာသၟိတ်ဒ္စါံသာ်[ပလေဝ်ဒါန် | ပလေဝ်ဒါန် တမ်ကၞက်]
၃၈၄။ ယွံခမဳတအ် သဘဴမဒှ်အမ်သဝ် ဟွံကေၚ်ဒှ်မွဲလှေ်ဂမၠိုၚ် ပ္ဍဲမှာသၟိဒ်ဇၞော်တအ်ဂှ် ဒ္စါံသာ်ဂမၠိုၚ်ဝွံရ၊ အသူဂမၠိုၚ် ညာတ်ကေတ် ညာတ်ကေတ် သဘဴမဒှ်အမ်သဝ် ဟွံကေၚ်ဒှ်မွဲလှေ်ဂမၠိုၚ်တုဲ မိပ်လဟိၚ်လောန် ပ္ဍဲမှာသၟိဒ်ဇၞော်အိုတ်ရ။ ညးမ္ဂး ဒ္စါံသာ်အိုတ်ဂှ်ရော? —
(၁) ယွံခမဳတအ် မှာသၟိဒ်ဇၞော်ဂှ် သဝ်စှေ် ဗွဲအတိုၚ်လၟေၚ်ရ၊ လၟောဝ်စှေ် ဗွဲအတိုၚ်လၟေၚ်ရ၊ လသောဝ်စှေ် ဗွဲအတိုၚ်လၟေၚ်ရ။ ယွံခမဳတအ် စတမ်ဟေၚ်ဟွံဇြိုဟ်တုဲ ပွမသဝ်စှေ် ဗွဲအတိုၚ်လၟေၚ် လၟောဝ်စှေ် ဗွဲအတိုၚ်လၟေၚ် တသောဝ်စှေ် ဗွဲအတိုၚ်လၟေၚ် မှာသၟိဒ်ဇၞော်ဂှ် ဒှ်သဘဴမဒှ်အမ်သဝ် ဟွံကေၚ်ဒှ်မွဲလှေ် ပ္ဍဲမှာသၟိဒ်ဇၞော် ပဌမရ၊ အသူဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲမှာသၟိဒ်ဇၞော်အိုတ်ရ။
(၂) ယွံခမဳတအ် မွဲဂကူပၠန်တုန် မှာသၟိဒ်ဇၞော်ဂှ် မၞုံသဘဴမတန်တဴ ဟွံကလိလောန်အာ သြၚ်ဗၚ်ရ၊ ယွံခမဳတအ် မၞုံသဘဴမတန်တဴဒှ်တုဲ ပွမဟွံကလိလောန်သြၚ်ဗၚ် မှာသၟိဒ်ဝွံလေဝ် ဒှ်သဘဴမဒှ်အမ်သဝ် ဟွံကေၚ်ဒှ်မွဲလှေ် ပ္ဍဲမှာသၟိဒ်ဇၞော် ဒုတိယရ၊ အသူဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲမှာသၟိဒ်ဇၞော်အိုတ်ရ။
(၃) ယွံခမဳတအ် မွဲဂကူပၠန်တုန် မှာသၟိဒ်ဇၞော်ဂှ် ဟွံဆက်ဆောမ် ကေုာံ ဇွသမ္အုဲရ၊ ဇွသမ္အုဲ နွံပ္ဍဲမှာသၟိဒ်ဇၞော်မ္ဂး ကဵုအာစိုပ်သြၚ်ဗၚ် ဗွဲမပြဟ်ရ၊ ကဵုတိုန်လတူသြၚ်ရ၊ ယွံခမဳတအ် ပွမဟွံဆက်ဆောမ်ကေုာံဇွသမ္အုဲ ဇွသမ္အုဲနွံ ပ္ဍဲမှာသၟိဒ်ဇၞော်မ္ဂး ပွမကဵုအာစိုပ်သြၚ်ဗၚ် ဗွဲမပြဟ် ပွမကဵုတိုန်လတူသြၚ် မှာသၟိဒ်ဝွံလေဝ် ဒှ်သဘဴမဒှ်အမ်သဝ် ဟွံကေၚ်ဒှ်မွဲလှေ် ပ္ဍဲမှာသၟိဒ်ဇၞော်တတိယရ၊ အသူဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲမှာသၟိဒ်ဇၞော်အိုတ်ရ။
(၄) ယွံခမဳတအ် မွဲဂကူပၠန်တုန် ကြုၚ်ဇၞော်ဂမၠိုၚ်အိုတ်သီု မတွံဂးဂၚ်္ဂါ ယမုနာ အစိရဝတဳ သရဘူ မဟဳဂှ် စိုပ်အာမှာသၟိဒ်အိုတ်မ္ဂး သၠးထောံယၟုတၞောဝ်ဒတောဝ်ဂမၠိုၚ် မဒှ်ပ္ဍဲကိုပ်ကၠာတုဲ အာစိုပ်ပွမကော်ခဴ ရဴဝွံမ္ဂး ‘မှာသၟိဒ်ဇၞော်’ ဟေၚ်အိုတ်ရ။ ယွံခမဳတအ် ကြုၚ်ဇၞော်ဂမၠိုၚ်အိုတ်သီု မတွံဂးဂၚ်္ဂါ ယမုနာ အစိရဝတဳ သရဘူ မဟဳဂှ် စိုပ်အာမှာသၟိဒ်အိုတ်မ္ဂး သၠးထောံယၟုတၞောဝ်ဒတောဝ်ဂမၠိုၚ် မဒှ်ပ္ဍဲကိုပ်ကၠာတုဲ အာစိုပ်ပွမကော်ခဴ ရဴဝွံမ္ဂး ‘မှာသၟိဒ်ဇၞော်’ ဟေၚ်ဝွံလေဝ် ဒှ်သဘဴမဒှ် အမ်သဝ် ဟွံကေၚ်ဒှ်မွဲလှေ် ပ္ဍဲမှာသၟိဒ်ဇၞော် စတုတ္ထရ၊ အသူဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲမှာသၟိဒ်ဇၞော်အိုတ်ရ။
(၅) ယွံခမဳတအ် မွဲဂကူပၠန်တုန် ပ္ဍဲလောကဝွံ ၜဳသၟတ် ကြုၚ်သၟတ်ဂမၠိုၚ်အိုတ်သီုလေဝ် လုပ်အာမှာသၟိဒ်အိုတ်ရ၊ ဇၟောဝ်ဍာ်ဗြဲဂမၠိုၚ် နူအာကးအိုတ်သီုလေဝ် စှေ်ကၠုၚ်အိုတ်ရ၊ ဟိုတ်နူဍာ်ဂှ် ပွမယအ် ပွမပေၚ်တၟိုဟ် မှာသၟိဒ်ဇၞော် ဟွံပြာကဋ်ရ။ ယွံခမဳတအ် ပ္ဍဲလောကဝွံ ၜဳသၟတ် ကြုၚ်သၟတ်ဂမၠိုၚ်အိုတ်သီုလေဝ် ပွမလုပ်အာမှာသၟိဒ် ဇၟောဝ်ဍာ်ဗြဲဂမၠိုၚ် နူအာကးအိုတ်သီုလေဝ် ပွမစှေ်ကၠုၚ်၊ ဟိုတ်နူဍာ်ဂှ် ပွမယအ် ပွမပေၚ်တၟိုဟ် မှာသၟိဒ်ဇၞော် ဟွံပြာကဋ်လေဝ် ဒှ်သဘဴ မဒှ်အမ်သဝ် ဟွံကေၚ်ဒှ်မွဲလှေ် ပ္ဍဲမှာသၟိဒ်ဇၞော် ပဉ္စမရ၊ အသူဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲမှာသၟိဒ်ဇၞော်အိုတ်ရ။
(၆) ယွံခမဳတအ် မွဲဂကူပၠန်တုန် မှာသၟိဒ်ဇၞော်ဂှ် မၞုံကဵုရှ်သာပ္ဍုၚ်မွဲဂကူဓဝ်ဟေၚ်ရ။ ယွံခမဳတအ် ပွမမၞုံကဵုရှ်သာပ္ဍုၚ်မွဲဂကူဓဝ် မှာသၟိဒ်ဇၞော်ဝွံလေဝ် ဒှ်သဘဴမဒှ်အမ်သဝ် ဟွံကေၚ်ဒှ်မွဲလှေ် ပ္ဍဲမှာသၟိဒ်ဇၞော် ဆဋ္ဌရ၊ အသူဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲမှာသၟိဒ်ဇၞော်အိုတ်ရ။
(၇) ယွံခမဳတအ် မွဲဂကူပၠန်တုန် မှာသၟိဒ်ဇၞော်ဂှ် မၞုံကဵုရတ်မဂၠိုၚ် ရတ်ရိုဟ်လၟိဟ်ဂၞန်ဟွံမာန် မတွံဂးဗၠဲ မၞိက် မၞိက်မတ်ဗ္ဂဲ ကၞုသၚ် တၟံမတ် မတ်တၟံသိလ္လာ သြန် ထဝ် မၞိက်ဗကေတ် မၞိက်ဒဝါန်ရ။ ယွံခမဳတအ် ပွမမၞုံကဵုရတ်မဂၠိုၚ် ရတ်ရိုဟ်လၟိဟ်ဂၞန်ဟွံမာန် မတွံဂးဗၠဲ မၞိက် မၞိက်သာ်စၞာံဒုန် ကၞုသၚ် တၟံမတ် မတ်တၟံသိလ္လာ သြန် ထဝ် မၞိက်ဗကေတ် မၞိက်ဒဝါန် မှာသၟိဒ်ဇၞော်ဝွံလေဝ် ဒှ်သဘဴမဒှ်အမ်သဝ် ဟွံကေၚ်ဒှ်မွဲလှေ် ပ္ဍဲမှာသၟိဒ်ဇၞော် သတ္တမရ၊ အသူဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲမှာသၟိဒ်ဇၞော်အိုတ်ရ။
(၈) ယွံခမဳတအ် မွဲဂကူပၠန်တုန် မှာသၟိဒ်ဇၞော်ဂှ် ဒှ်ဒၞာဲဒၟံၚ်သတ်ဇၞော်ဂမၠိုၚ် မတွံဂးကတိမိ ကတိမိၚ်္ဂလ ကတိမိတိမိၚ်္ဂလ အသူ နာဂ် ဂန္ဓဝ်တအ်ကီု၊ သတ်ဂမၠိုၚ် မၞုံကဵုအတ္တဘဴမဇၞော် စဵုကဵုကၠံယောဇနာ၊ ၜါကၠံယောဇနာ၊ ပိကၠံယောဇနာ၊ ပန်ကၠံယောဇနာ၊ မသုန်ကၠံယောဇနာ တအ်ရ။ ယွံခမဳတအ် ပွမဒှ်ဒၞာဲဒၟံၚ် သတ်ဇၞော်ဂမၠိုၚ်မတွံဂး ကတိမိ ကတိမိၚ်္ဂလ ကတိမိတိမိၚ်္ဂလ အသူ နာဂ် ဂန္ဓဝ်တအ်ကီု၊ သတ်ဂမၠိုၚ် မၞုံကဵုအတ္တဘဴမဇၞော် စဵုကဵုကၠံယောဇနာ ။ ပ ။ မသုန်ကၠံယောဇနာတအ် မှာသၟိဒ်ဇၞော်ဝွံလေဝ် ဒှ်သဘဴမဒှ်အမ်သဝ် ဟွံကေၚ် ဒှ်မွဲလှေ် ပ္ဍဲမှာသၟိဒ်ဇၞော် အဋ္ဌမရ၊ အသူဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲမှာသၟိဒ်ဇၞော်အိုတ်ရ။
ယွံခမဳတအ် သဘဴမဒှ်အမ်သဝ် ဟွံကေၚ်ဒှ်မွဲလှေ်ဂမၠိုၚ် ပ္ဍဲမှာသၟိဒ်ဇၞော်တအ်ဂှ် ဒ္စါံသာ်ဂမၠိုၚ်ဝွံရ၊ အသူဂမၠိုၚ် ညာတ်ကေတ် ညာတ်ကေတ် သဘဴမဒှ်အမ်သဝ် ဟွံကေၚ်ဒှ်မွဲလှေ်ဂမၠိုၚ်ဂှ်တုဲ မိပ်လဟိၚ်လောန် ပ္ဍဲမှာသၟိဒ်ဇၞော်အိုတ်ရ။
၉.၃။ အမ်သဝ် ပ္ဍဲသာသနာဒ္စါံသာ်[ပလေဝ်ဒါန် | ပလေဝ်ဒါန် တမ်ကၞက်]
၃၈၅။ ယွံခမဳတအ် တုပ်သၟဟ်သာ်ဝွံဟေၚ် သဘဴမဒှ်အမ်သဝ် ဟွံကေၚ်ဒှ်မွဲလှေ်ဂမၠိုၚ် ပ္ဍဲဓမ္မဝိနယ ‘သာသနာ’ ဂှ် ဒ္စါံသာ်ဂမၠိုၚ်ဝွံရ၊ ခမဳဂမၠိုၚ် ညာတ်ကေတ် ညာတ်ကေတ် သဘဴမဒှ်အမ်သဝ် ဟွံကေၚ်ဒှ်မွဲလှေ်ဂမၠိုၚ်တုဲ မိပ်လဟိၚ်လောန် ပ္ဍဲဓမ္မဝိနယ ‘သာသနာ’ ဝွံအိုတ်ရ။
ဒ္စါံသာ်ဂမၠိုၚ်ဂှ် ညးဍေံရော?—
(၁) ယွံခမဳတအ် မှာသၟိဒ်ဇၞော်ဂှ် စတမ်ဟေၚ်ဟွံဇြိုဟ်တုဲ သၟဟ်ညံၚ်ရဴသဝ်စှေ် ဗွဲအတိုၚ်လၟေၚ် လၟောဝ်စှေ် ဗွဲအတိုၚ်လၟေၚ် လသောဝ်စှေ် ဗွဲအတိုၚ်လၟေၚ်ကီု ယွံခမဳတအ် တုပ်သာ်ဝွံဟေၚ် ပ္ဍဲဓမ္မဝိနယ ‘သာသနာ’ ဝွံ မၞုံကဵုသိက္ခာ မဒးဒ္ဂေတ်ဗွဲအတိုၚ်လၟေၚ်ရ၊ မၞုံကဵုကမၠောန် မဂပ်ဝ်သ္ပ ဗွဲအတိုၚ်လၟေၚ်ရ၊ မၞုံကဵုဒ္ဂေတ်ပဋိပဒါ မဂပ်ဝ်ဒ္ဂေတ် ဗွဲအတိုၚ်လၟေၚ်ရ၊ ပ္ဍဲတမ်ဟေၚ် ဂြၚ်တီကၠိုဟ်ခၠၚ်ကေတ် အရဟတ္တဖိုလ်ဟွံသေၚ်ရ။ ယွံခမဳတအ် ပ္ဍဲဓမ္မဝိနယ ‘သာသနာ’ ဝွံ ပွမမၞုံကဵုလၟေၚ်သိက္ခာ ပွမမၞုံကဵုလၟေၚ်ကမၠောန် မၞုံကဵုလၟေၚ်ဒ္ဂေတ်ပဋိပဒါ ပ္ဍဲတမ်ဟေၚ် ပွမဟွံဂြၚ်တီ ကၠိုဟ်ခၠၚ်ကေတ် အရဟတ္တဖိုလ်ဂမၠိုၚ်ဂှ်လေဝ် သဘဴမဒှ်အမ်သဝ် ဟွံကေၚ်ဒှ်မွဲလှေ် ပ္ဍဲဓမ္မဝိနယ ‘သာသနာ’ မဒှ် ပဌမရ၊ ခမဳဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲဓမ္မဝိနယ ‘သာသနာ’ အိုတ်ရ။
(၂) ယွံခမဳတအ် မှာသၟိဒ်ဇၞော်ဂှ် မၞုံသဘဴမတန်တဴဒှ်တုဲ သၟဟ်ညံၚ်ရဴဟွံကလိလောန်အာသြၚ်ဗၚ်ကီု ယွံခမဳတအ် တုပ်သာ်ဝွံဟေၚ် ကွးအဲကျာ်ဂမၠိုၚ် ဟိုတ်နူဟိုတ်မတွံဂးလမျီုကီုလေဝ် ဟွံကလိလောန်တဴ သိက္ခာပိုဒ် အဲကျာ်ပညပ်လဝ် ကဵုကွးတအ်ဂှ်ရ။
ယွံခမဳတအ် ဟိုတ်နူဟိုတ်မတွံဂးလမျီုကီုလေဝ် ကွးအဲကျာ်ဂမၠိုၚ် ပွမဟွံကလိလောန်တဴသိက္ခာပိုဒ် အဲကျာ်ပညပ်လဝ်ကဵုကွးတအ်ဂှ်လေဝ် သဘဴမဒှ်အမ်သဝ် ဟွံကေၚ်ဒှ်မွဲလှေ် ပ္ဍဲဓမ္မဝိနယ ‘သာသနာ’ မဒှ်ဒုတိယရ၊ ခမဳဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲဓမ္မဝိနယ ‘သာသနာ’ အိုတ်ရ။
(၃) ယွံခမဳတအ် မှာသၟိဒ်ဇၞော်ဂှ် ဟွံဆက်ဆောမ်ကေုာံဇွသမ္အုဲရ၊ ဇွသမ္အုဲနွံ ပ္ဍဲမှာသၟိဒ်ဇၞော်မ္ဂး သၟဟ်ညံၚ်ရဴကဵုအာစိုပ်သြၚ်ဗၚ် ဗွဲမပြဟ်ကီု သၟဟ်ညံၚ်ရဴကဵုတိုန် လတူသြၚ်ဗၚ်ကီု ယွံခမဳတအ် တုပ်သာ်ဝွံဟေၚ် ကေုာံပူဂိုလ်ဟွံမွဲကဵုသဳလ မၞုံကဵုဒ္ဂေတ်မယုတ်သဝ် ဟွံသအးဇ္ၚးဒှ်တုဲ မၞုံကဵုဒ္ဂေတ် မထေက်ကဵုသၠေဟ်ပၟာ မဂြောပ်ဗ္ဒန်တဴကမၠောန် သီုဟွံသေၚ်ကဵုခမဳ ဒုၚ်ဝန် ရဴဝွံမ္ဂးခမဳ သီုဟွံဒ္ဂေတ်တဴဒ္ဂေတ်မပြဲ ဒုၚ်ဝန် ရဴဝွံမ္ဂး ဒ္ဂေတ်တဴဒ္ဂေတ်မပြဲ မအုဲဒၟံၚ်ပ္ဍဲအပ္ဍဲ မဍုက်ဒၟံၚ်ဍာ်ဗြဲကိလေသ မဒှ်ညံၚ်ခၟိက်ဂှ် သၚ် ဟွံဆက်ဆောမ်ရ၊ ကောံဓရီုတုဲ ဗက်ဗဒဴပတိတ်ပူဂိုလ်ဂှ် ဗွဲမပြဟ်ရ။ ပူဂိုလ်ဂှ် ၜိုန်ဂဇအ်ဒၟံၚ် ပ္ဍဲလဒေါဝ်သၚ်ကီုလေဝ် ဗွဲစၟတ်မ္ဂး သ္ၚောဲမံၚ်နူသၚ်ရ၊ သၚ်လေဝ် သ္ၚောဲနူပူဂိုလ်ဂှ်ရ။ ယွံခမဳတအ် ပွမသၚ် ဟွံဆက်ဆောမ် ကေုာံပူဂိုလ်ဟွံမွဲကဵုသဳလ မၞုံကဵုဒ္ဂေတ်မယုတ်သဝ် ဟွံသအးဇ္ၚးဒှ်တုဲ မၞုံကဵုဒ္ဂေတ်မထေက်ကဵုသၠေဟ်ပၟာ မဂြောပ်ဗ္ဒန်တဴကမၠောန် သီုဟွံသေၚ်ကဵုခမဳ ဒုၚ်ဝန် ရဴဝွံမ္ဂးခမဳ သီုဟွံဒ္ဂေတ်တဴဒ္ဂေတ်မပြဲ ဒုၚ်ဝန် ရဴဝွံမ္ဂး ဒ္ဂေတ်တဴဒ္ဂေတ်မပြဲ မအုဲဒၟံၚ်ပ္ဍဲအပ္ဍဲ မဍုက်ဒၟံၚ်ဍာ်ဗြဲကိလေသ မဒှ်ညံၚ်ခၟိက် ကောံဓရီုတုဲ ပွမဗက်ဗ္ဒဴပတိတ်ပူဂိုလ်ဂှ် ဗွဲမပြဟ် ၜိုန်ဂဇအ်ဒၟံၚ် ပ္ဍဲလဒေါဝ်သၚ်ကီုလေဝ် ပွမသ္ၚောဲနူသၚ် ဒဒက်ပူဂိုလ်ဂှ် သၚ်လေဝ် ပွမသ္ၚောဲနူပူဂိုလ်ဂှ်လေဝ် သဘဴမဒှ်အမ်သဝ် ဟွံကေၚ်ဒှ်မွဲလှေ် ပ္ဍဲဓမ္မဝိနယ ‘သာသနာ’ မဒှ်တတိယရ၊ ခမဳဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲဓမ္မဝိနယ ‘သာသနာ’ အိုတ်ရ။
(၄) ယွံခမဳတအ် မှာသၟိဒ်ဇၞော်ဂှ် ၜဳဇၞော်ဂမၠိုၚ်အိုတ်သီု မတွံဂးဂၚ်္ဂါ ယမုနာ အစိရဝတဳ သရဘူ မဟဳဂှ် စိုပ်အာမှာသၟိဒ်အိုတ်မ္ဂး သၠးထောံယၟုတၞောဝ်ဒတောဝ်ဂမၠိုၚ် မဒှ်ပ္ဍဲကိုပ်ကၠာတုဲ သၟဟ်ညံၚ်ရဴအာစိုပ် ပွမကော်ခဴ ရဴဝွံမ္ဂး ‘မှာသၟိဒ်ဇၞော်’ ဟေၚ်အိုတ်ကီု ယွံခမဳတအ် တုပ်သာ်ဂှ်ဟေၚ် ဂကူဂမၠိုၚ်ပန်ဂကူ မတွံဂးသၟိၚ် ဗဗၞး ညးဗၞိက် ညးဒိုဂ်ဂတ်ဝွံ နူဘဝခရှ် အာစိုပ်ဘဝခမဳ ပ္ဍဲဓမ္မဝိနယ ‘သာသနာ’ ဍေံဒမိန်ကျာ်တြဲ မဂပ်ဝ်တွံလဝ်ဂှ်အိုတ်မ္ဂး သၠးကၠေံယၟုတၞောဝ်ဒတောဝ် မဒှ်ပ္ဍဲကိုပ်ကၠာတေံတုဲ အာစိုပ်မကော်ခဴ ပွမရိုဟ်လၟိဟ် ရဴဝွံမ္ဂး “ခမဳကောန်ကျာ် ကောန်သၟိၚ်သာကျဝၚ်” အိုတ်ရ။ယွံခမဳတအ် ဂကူဂမၠိုၚ်ပန်ဂကူ မတွံဂးသၟိၚ် ဗဗၞး ညးဗၞိက် ညးဒိုဂ်ဂတ်ဝွံ နူဘဝခရှ် အာစိုပ်ဘဝခမဳ ပ္ဍဲဓမ္မဝိနယ ‘သာသနာ’ ဍေံဒမိန်ကျာ်တြဲ မဂပ်ဝ်တွံလဝ်ဂှ်အိုတ်မ္ဂး သၠးကၠေံယၟုတၞောဝ်ဒတောဝ် မဒှ်ပ္ဍဲကိုပ်ကၠာတေံတုဲ ပွမအာစိုပ်မကော်ခဴ ပွမရိုဟ်လၟိဟ် ရဴဝွံမ္ဂး “ခမဳကောန်ကျာ် ကောန်သၟိၚ်သာကျဝၚ်” ဝွံလေဝ် သဘဴမဒှ်အမ်သဝ် ဟွံကေၚ်ဒှ်မွဲလှေ် ပ္ဍဲဓမ္မဝိနယ ‘သာသနာ’ မဒှ် စတုတ္ထရ၊ ခမဳဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲဓမ္မဝိနယ ‘သာသနာ’ အိုတ်ရ။
(၅) ယွံခမဳတအ် ပ္ဍဲလောကဝွံ ၜဳသၟတ် ကြုၚ်သၟတ်ဂမၠိုၚ်အိုတ်သီုလေဝ် လုပ်အာမှာသၟိဒ်အိုတ်ရ၊ ဇၟောဝ်ဍာ်ဗြဲဂမၠိုၚ် နူအာကးအိုတ်သီုလေဝ် စှေ်ကၠုၚ်အိုတ်ရ၊ ဟိုတ်နူဍာ်ဂှ် ပွမယအ် ပွမပေၚ်တၟိုဟ် မှာသၟိဒ်ဇၞော် ဟွံပြာကဋ်ရ။ ယွံခမဳတအ် တုပ်သာ်ဝွံဟေၚ် ခမဳဂမၠိုၚ်မဂၠိုၚ်တအ်ဂှ် ၜိုဟ်သတိုတ်အာ နကဵုဓါတ်ၜိုဟ်သတိုတ် ဟွံမွဲကဵုခန္ဓမသှေ်သၟေဟ်အိုတ်ရ၊ နပွမၜိုဟ်သတိုတ်ဂှ် ဓါတ်ၜိုဟ်သတိုတ် ယအ်ကီု ပေၚ်တၟိုဟ်ကီု ဟွံပြာကဋ်ရ။ ယွံခမဳတအ် ခမဳဂမၠိုၚ်မဂၠိုၚ်တအ်ဂှ် ၜိုဟ်သတိုတ်အာ နကဵုဓါတ်ၜိုဟ်သတိုတ် ဟွံမွဲကဵုခန္ဓမသှေ်သၟေဟ်အိုတ်ရ၊ နပွမၜိုဟ်သတိုတ်ဂှ် ပွမဓါတ်ၜိုဟ်သတိုတ် ယအ်အာကီု ပေၚ်တၟိုဟ်ကီု ဟွံပြာကဋ်ဝွံလေဝ် သဘဴမဒှ်အမ်သဝ် ဟွံကေၚ်ဒှ်မွဲလှေ် ပ္ဍဲဓမ္မဝိနယ ‘သာသနာ’ မဒှ် ပဉ္စမရ၊ ခမဳဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲဓမ္မဝိနယ ‘သာသနာ’ အိုတ်ရ။
(၆) ယွံခမဳတအ် မှာသၟိဒ်ဇၞော်ဂှ် သၟဟ်ညံၚ်ရဴမၞုံကဵုရှ်သာပ္ဍုၚ် မွဲဂကူဓဝ်ဟေၚ်ကီု ယွံခမဳတအ် တုပ်သာ်ဂှ်ဟေၚ် ပ္ဍဲဓမ္မဝိနယ ‘သာသနာ’ ဝွံ မၞုံကဵုရှ် ပွမတိတ်ဗၠး မွဲဂကူဓဝ်ဟေၚ်ရ။ ယွံခမဳတအ် ပ္ဍဲဓမ္မဝိနယ ‘သာသနာ’ ဝွံ ပွမမၞုံကဵုရှ် ပွမတိတ်ဗၠး မွဲဂကူဓဝ်ဟေၚ်ဝွံလေဝ် သဘဴမဒှ်အမ်သဝ် ဟွံကေၚ်ဒှ်မွဲလှေ် ပ္ဍဲဓမ္မဝိနယ ‘သာသနာ’ မဒှ် ဆဋ္ဌရ၊ ခမဳဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲဓမ္မဝိနယ ‘သာသနာ’ အိုတ်ရ။
(၇) ယွံခမဳတအ် မှာသၟိဒ်ဇၞော်ဂှ် သၟဟ်ညံၚ်ရဴမၞုံကဵုရတ်မဂၠိုၚ် ရတ်ရိုဟ်လၟိဟ်ဂၞန်ဟွံမာန် မတွံဂးဗၠဲ မၞိက် မၞိက်မတ်ဗ္ဂဲ ကၞုသၚ် တၟံမတ် မတ်တၟံသိလ္လာ သြန် ထဝ် မၞိက်ဗကေတ် မၞိက်ဒဝါန်ရ။ ယွံခမဳတအ် တုပ်သာ်ဝွံဟေၚ် ဓမ္မဝိနယ ‘သာသနာ’ ဝွံ မၞုံကဵုရတ်မဂၠိုၚ် ရတ်ရိုဟ်လၟိဟ်ဂၞန်ဟွံမာန် မတွံဂးသတိပဋ္ဌာန်ပန်၊ သမ္မပ္ပဓါန်ပန်၊ ဣဒ္ဓိပါဒ်ပန်၊ ဣန္ဒြဳမသုန်၊ ဗိုလ်မသုန်၊ ဗောဇ္ၛၚ်ထပှ်၊ မဂ္ဂၚ်ဒ္စါံရ။ ယွံခမဳတအ် ပွမမၞုံကဵုရတ်မဂၠိုၚ် ရတ်ရိုဟ်လၟိဟ်ဂၞန် ဟွံမာန်မတွံဂး သတိပဋ္ဌာန်ပန်၊ သမ္မပ္ပဓါန်ပန်၊ ဣဒ္ဓိပါဒ်ပန်၊ ဣန္ဒြဳမသုန်၊ ဗိုလ်မသုန်၊ ဗောဇ္ၛၚ်ထပှ်၊ မဂ္ဂၚ်ဒ္စါံ ဓမ္မဝိနယ ‘သာသနာ’ ဝွံလေဝ် သဘဴမဒှ်အမ်သဝ် ဟွံကေၚ်ဒှ်မွဲလှေ် ပ္ဍဲဓမ္မဝိနယ ‘သာသနာ’ မဒှ် သတ္တမရ၊ ခမဳဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲဓမ္မဝိနယ ‘သာသနာ’ အိုတ်ရ။
(၈) ယွံခမဳတအ် မှာသၟိဒ်ဇၞော်ဂှ် သၟဟ်ညံၚ်ရဴဒှ်ဒၞာဲဒၟံၚ် သတ်ဇၞော်ဂမၠိုၚ်မတွံဂး ကတိမိ ကတိမိၚ်္ဂလ ကတိမိတိမိၚ်္ဂလ အသူ နာဂ် ဂန္ဓဝ်တအ်ကီု၊ သတ်ဂမၠိုၚ် မၞုံကဵုအတ္တဘဴမဇၞော် စဵုကဵုကၠံယောဇနာ၊ ၜါကၠံယောဇနာ၊ ပိကၠံယောဇနာ၊ ပန်ကၠံယောဇနာ၊ မသုန်ကၠံယောဇနာကီု ယွံခမဳတအ် တုပ်သာ်ဂှ်ဟေၚ် ပ္ဍဲဓမ္မဝိနယ ‘သာသနာ’ ဝွံ ဒှ်ဒၞာဲသတ်ဂမၠိုၚ် မဇၞော်ပြဲ မတွံဂး ပူဂိုလ်သောတာပန်၊ ပူဂိုလ်ဃောဒ္ဂေတ် တၞဟ်နသ္ပဇၞောဝ်မတ်ကဵု သောတာပတ္တိဖိုလ်၊ ပူဂိုလ်သကဒါဂါမ်၊ ပူဂိုလ်ဃောဒ္ဂေတ် တၞဟ်နသ္ပဇၞောဝ်မတ်ကဵု သကဒါဂါမိဖိုလ်၊ ပူဂိုလ်အနာဂါမ်၊ ပူဂိုလ်ဃောဒ္ဂေတ် တၞဟ်နသ္ပဇၞောဝ်မတ်ကဵု အနာဂါမိဖိုလ်၊ ပူဂိုလ်တၠအရှန်၊ ပူဂိုလ်ဃောဒ္ဂေတ် တၞဟ်နသ္ပဇၞော်မောဝ်မတ်ကဵု အရဟတ္တဖိုလ်ရ။ ယွံခမဳတအ် ပွမဒှ်ဒၞာဲမံၚ်သတ်ဂမၠိုၚ် မဇၞော်ပြဲ မတွံဂး ပူဂိုလ်သောတာပန်၊ ပူဂိုလ်ဃောဒ္ဂေတ် တၞဟ်နသ္ပဇၞောဝ်မတ်ကဵု သောတာပတ္တိဖိုလ် ။ ပ ။ ပူဂိုလ်တၠအရှန်၊ ပူဂိုလ်ဃောဒ္ဂေတ် တၞဟ်နသ္ပဇၞောဝ်မတ်ကဵု အရဟတ္တဖိုလ်ဝွံလေဝ် သဘဴမဒှ်အမ်သဝ် ဟွံကေၚ်ဒှ်မွဲလှေ် ပ္ဍဲဓမ္မဝိနယ ‘သာသနာ’ မဒှ် အဋ္ဌမရ၊ ခမဳဂမၠိုၚ် ညာတ်ကေတ် ညာတ်ကေတ် သဘဴဂှ်တုဲ မိပ်လဟိၚ်မံၚ် ပ္ဍဲဓမ္မဝိနယ ‘သာသနာ’ အိုတ်ရ။
ယွံခမဳတအ် သဘဴမဒှ်အမ်သဝ် ဟွံကေၚ်ဒှ်မွဲလှေ်ဂမၠိုၚ် ပ္ဍဲဓမ္မဝိနယ ‘သာသနာ’ ဂှ် ဒ္စါံသာ်ဂမၠိုၚ်ဝွံရ၊ ခမဳဂမၠိုၚ် ညာတ်ကေတ် ညာတ်ကေတ် သဘဴမဒှ်အမ်သဝ် ဟွံကေၚ်ဒှ်မွဲလှေ်ဂမၠိုၚ်တုဲ မိပ်လဟိၚ်လောန် ပ္ဍဲဓမ္မဝိနယ ‘သာသနာ’ အိုတ်ရ ရဴဝွံ (သ္ဂးရ)။ ကြဴနူဂှ် တဳလမၞုံပိုဉ်ကျာ်တြဲ တီကေတ်ဟိုတ်ဂှ်တုဲ ပ္ဍဲအခိၚ်ဂှ် ကြီုဂအောတ်တိုန် ဥဒါန်ဝွံရ။
“ညးဂြောပ်ဗ္ဒန်အာပတ်ဂှ် ဍေက်ဗြဲကိလေသရ၊ ညးပံက်ထ္ၜးအာပတ်ဂှ် ဟွံဍေက်ဗြဲကိလေသရ၊ ဟိုတ်ဂှ်ရ ဩဝ်ပံက်ထ္ၜး အာပတ်မဂြောပ်ဗ္ဒန်လဝ်တုဲအိုတ်ညိ၊ ပံက်ထ္ၜး ရဴဝွံမ္ဂး ညးဂှ် ဍေက်ဗြဲကိလေသဟွံမာန်ရ” ရဴဝွံ (ကြီုဂအောတ်တိုန်ဥဒါန်ရ)။
၉.၄။ ညးထေက်ကဵုကလင်ပါတိမုက်[ပလေဝ်ဒါန် | ပလေဝ်ဒါန် တမ်ကၞက်]
၃၈၆။ ပ္ဍဲအခိၚ်ဂှ် ကျာ်တြဲ ကော်လၟိၚ်တိုန်ခမဳဂမၠိုၚ်ရ—
ယွံခမဳတအ် သ္ပတမ်နူတ္ၚဲဝွံတုဲ အဲ ဟွံသ္ပဥပေါသ်ရ၊ ဟွံထ္ၜးပါတိမုက်ရ၊ ယွံခမဳတအ် ပ္ဍဲကြဴနူအခိၚ်လၟုဟ်ဝွံ မၞးတအ်ဟေၚ် ဩဝ်သ္ပဥပေါသ်အိုတ်ညိ၊ ဩဝ်ထ္ၜးပါတိမုက်အိုတ်ညိ၊ ယွံခမဳတအ် ဟိုတ်အရာကျာ်တြဲ ဂွံသ္ပဥပေါသ် ဂွံထ္ၜးပါတိမုက် ပ္ဍဲပရိသာတ် မဟွံသအးဇ္ၚးဂှ် ဒှ်ဟွံမာန်ရ။
ယွံခမဳတအ် ကုခမဳမၞုံကဵုအာပတ်လေဝ် ဟဂပ်ဝ်ကလၚ်ပါတိမုက်ရ၊ ကုခမဳ မကလၚ်ဂှ် ဒးအာပတ်ဒုက္ကဋ်ရ။
ယွံခမဳတအ် ကဵုအခေါၚ် သွက်ဂွံတန်ဒေါံထောံ ပါတိမုက် ပွမကလၚ်ပါတိမုက် ကုခမဳမၞုံကဵု အာပတ်ဂှ်ရ၊ ယွံခမဳတအ် ရဴဝွံ ဒးတန်ဒေါံရ၊ ပ္ဍဲတ္ၚဲဥပေါသ် မရနုက်ကဵုစှ်ပန်ကီု ပ္ဍဲတ္ၚဲဥပေါသ် မရနုက်ကဵုစှ်သုန်ကီု ပူဂိုလ်ဂှ် နွံပ္ဍဲဂတမုက်မ္ဂး ဒးဟီုပတိတ် ပ္ဍဲလဒေါဝ်သၚ်ရ—
“ယွံတဳလပိုဉ်တအ် သၚ် ဩဝ်ကလၚ်ဂလာန် (အဲဍိက်)ညိ၊ ပူဂိုလ်မၞုံယၟုဝွံ မၞုံကဵုအာပတ်ရ၊ တန်ဒေါံထောံ ပါတိမုက် ကုပူဂိုလ်ဂှ်ရ၊ ဃောပူဂိုလ်ဂှ် နွံပ္ဍဲဂတမုက် ဟဂပ်ဝ်ထ္ၜး ပါတိမုက်ရ၊ ဂပ်ဝ်တန်ဒေါံထောံ ပါတိမုက်တုဲဒှ်ရ” ရဴဝွံ (ဒးဟီုပတိတ်ရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် “ညးမမိက်ကဵုမွဲမွဲ ဟွံတီကေတ် ပိုဲညးဂမၠိုၚ်ရ” ရဴဝွံ သီုမၞုံကဵုအာပတ်ဟေၚ် ကလၚ်ပါတိမုက်အိုတ်ရ။
ခမဳထေရ်ဇၞော်ဂမၠိုၚ် မတီကေတ်စိုတ် ညးသအာၚ်ဂမၠိုၚ်ဂှ် “ယွံကောန်တၠတအ် ခမဳဆဗ္ဗဂ္ဂဳဂမၠိုၚ် မၞုံယၟုဝွံ မၞုံယၟုဝွံ ‘ညးမမိက်ကဵုမွဲမွဲ ဟွံတီကေတ် ပိုဲညးဂမၠိုၚ်ရ’ ရဴဝွံ သီုမၞုံကဵု အာပတ်ဟေၚ် ကလၚ်ပါတိမုက်အိုတ်ရ” ရဴဝွံ ဟီုလဴဗ္စ ကုခမဳဂမၠိုၚ်အိုတ်ရ။
ခမဳဆဗ္ဗဂ္ဂဳဂမၠိုၚ် ခမဳထေရ်ဇၞော်ဂမၠိုၚ် မတီကေတ်စိုတ်ညးသအာၚ်ဂမၠိုၚ်ဂှ် “ယွံကောန်တၠတအ် ခမဳဆဗ္ဗဂ္ဂဳဂမၠိုၚ် မၞုံယၟုဝွံ မၞုံယၟုဝွံ ‘ညးမမိက်ကဵုမွဲမွဲ ဟွံတီကေတ် ပိုဲညးဂမၠိုၚ်ရ’ ရဴဝွံ သီုမၞုံကဵုအာပတ်ဟေၚ် ကလၚ်ပါတိမုက်အိုတ်ရ” ရဴဝွံ ဟီုလဴဗ္စ ပိုဲတအ် ကုခမဳဂမၠိုၚ်အိုတ်ရ ရဴဝွံ ဂွံမိၚ်ကေတ်အိုတ်ရ။
ခမဳဆဗ္ဗဂ္ဂဳဂမၠိုၚ် “ခမဳမသ္ဍိုက်ဆာန်သဳလဂမၠိုၚ် တန်ဒေါံပါတိမုက် ကုပိုဲညးဂမၠိုၚ်အိုတ်ရ” ရဴဝွံ ပၠုပ်စိုတ်တုဲ ပြဟ်ပြဟ်ဟေၚ် သီုဟွံမွဲကဵုဒုဟ် သီုဟွံမွဲကဵုဟိုတ်ဂှ် တန်ဒေါံပါတိမုက် ကုခမဳဂမၠိုၚ် မသအးဇ္ၚးမဟွံဒးအာပတ်အိုတ်ရ။
ခမဳပၟိက်အောန်ဂမၠိုၚ်ဂှ် “ခမဳဆဗ္ဗဂ္ဂဳဂမၠိုၚ် မုဟိုတ် သီုဟွံမွဲကဵုဒုဟ် သီုဟွံမွဲကဵုဟိုတ်ဂှ် တန်ဒေါံပါတိမုက် ကုခမဳဂမၠိုၚ် မသအးဇ္ၚးမဟွံဒးအာပတ်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဆဗ္ဗဂ္ဂဳဂမၠိုၚ် သီုဟွံမွဲကဵုဒုဟ် သီုဟွံမွဲကဵုဟိုတ်ဂှ် တန်ဒေါံပါတိမုက် မုခမဳဂမၠိုၚ် မသအးဇ္ၚး မဟွံဒးအာပတ်အိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ) ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး −
“ယွံခမဳတအ် သီုဟွံမွဲကဵုဒုဟ် သီုဟွံမွဲကဵုဟိုတ်ဂှ် ဟဂပ်ဝ်တန်ဒေါံပါတိမုက် ကုခမဳဂမၠိုၚ် မသအးဇ္ၚး မဟွံဒးအာပတ်ရ၊ ကုခမဳမတန်ဒေါံဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။
၉.၅။ ပွမတန်ဒေါံပါတိမုက် မဗဗွဲကဵုဓရ် ဟွံဗဗွဲကဵုဓရ်[ပလေဝ်ဒါန် | ပလေဝ်ဒါန် တမ်ကၞက်]
၃၈၇။ ယွံခမဳတအ် ပွမတန်ဒေါံပါတိမုက် မဟွံဗဗွဲကဵုဓရ် မွဲဂကူ၊ ပွမတန်ဒေါံပါတိမုက် မဗဗွဲကဵုဓရ် မွဲဂကူ။
ပွမတန်ဒေါံပါတိမုက် မဟွံဗဗွဲကဵုဓရ် ၜါဂကူ၊ ပွမတန်ဒေါံပါတိမုက် မဗဗွဲကဵုဓရ် ၜါဂကူ။
ပွမတန်ဒေါံပါတိမုက် မဟွံဗဗွဲကဵုဓရ် ပိဂကူ၊ ပွမတန်ဒေါံပါတိမုက် မဗဗွဲကဵုဓရ် ပိဂကူ။
ပွမတန်ဒေါံပါတိမုက် မဟွံဗဗွဲကဵုဓရ် ပန်ဂကူ၊ ပွမတန်ဒေါံပါတိမုက် မဗဗွဲကဵုဓရ် ပန်ဂကူ။
ပွမတန်ဒေါံပါတိမုက် မဟွံဗဗွဲကဵုဓရ် မသုန်ဂကူ၊ ပွမတန်ဒေါံပါတိမုက် မဗဗွဲကဵုဓရ် မသုန်ဂကူ။
ပွမတန်ဒေါံပါတိမုက် မဟွံဗဗွဲကဵုဓရ် တြဴဂကူ၊ ပွမတန်ဒေါံပါတိမုက် မဗဗွဲကဵုဓရ် တြဴဂကူ။
ပွမတန်ဒေါံပါတိမုက် မဟွံဗဗွဲကဵုဓရ် ထပှ်ဂကူ၊ ပွမတန်ဒေါံပါတိမုက် မဗဗွဲကဵုဓရ် ထပှ်ဂကူ။
ပွမတန်ဒေါံပါတိမုက် မဟွံဗဗွဲကဵုဓရ် ဒ္စါံဂကူ၊ ပွမတန်ဒေါံပါတိမုက် မဗဗွဲကဵုဓရ် ဒ္စါံဂကူ။
ပွမတန်ဒေါံပါတိမုက် မဟွံဗဗွဲကဵုဓရ် ဒ္စိတ်ဂကူ၊ ပွမတန်ဒေါံပါတိမုက် မဗဗွဲကဵုဓရ် ဒ္စိတ်ဂကူ။
ပွမတန်ဒေါံပါတိမုက် မဟွံဗဗွဲကဵုဓရ် စှ်ဂကူ၊ ပွမတန်ဒေါံပါတိမုက် မဗဗွဲကဵုဓရ် စှ်ဂကူ။
ပွမတန်ဒေါံပါတိမုက် မဟွံဗဗွဲကဵုဓရ် မွဲဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ် မဟွံမွဲကဵုဟိုတ်တၞမ်ရ။ ဣဝွံတုန် ပွမတန်ဒေါံပါတိမုက် မဟွံဗဗွဲကဵုဓရ် မွဲဂကူရ။
ပွမတန်ဒေါံပါတိမုက် မဗဗွဲကဵုဓရ် မွဲဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ် မၞုံကဵုဟိုတ်တၞမ်ရ။ ဣဝွံတုန် ပွမတန်ဒေါံပါတိမုက် မဗဗွဲကဵုဓရ် မွဲဂကူရ။
ပွမတန်ဒေါံပါတိမုက် မဟွံဗဗွဲကဵုဓရ် ၜါဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ် မဟွံမွဲကဵုဟိုတ်တၞမ်ရ၊ တန်ဒေါံပါတိမုက် နပွမဒ္ဂေတ်လီုလာ် မဟွံမွဲကဵုဟိုတ်တၞမ်ရ။ ဣဝွံတုန် ပွမတန်ဒေါံပါတိမုက် မဟွံဗဗွဲကဵုဓရ်ၜါဂကူရ။
ပွမတန်ဒေါံပါတိမုက် မဗဗွဲကဵုဓရ် ၜါဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ် မၞုံကဵုဟိုတ်တၞမ်ရ၊ တန်ဒေါံပါတိမုက် နပွမဒ္ဂေတ်လီုလာ် မၞုံကဵုဟိုတ်တၞမ်ရ။ ဣဝွံတုန် ပွမတန်ဒေါံပါတိမုက် မဗဗွဲကဵုဓရ်ၜါဂကူရ။
ပွမတန်ဒေါံပါတိမုက် မဟွံဗဗွဲကဵုဓရ် ပိဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ် မဟွံမွဲကဵုဟိုတ်တၞမ်ရ၊ တန်ဒေါံပါတိမုက် နပွမဒ္ဂေတ်လီုလာ် မဟွံမွဲကဵုဟိုတ်တၞမ်ရ၊ တန်ဒေါံပါတိမုက် နပွမကွေတ်လီုလာ် မဟွံမွဲကဵုဟိုတ်တၞမ်ရ။ ဣဝွံတုန် ပွမတန်ဒေါံပါတိမုက် မဟွံဗဗွဲကဵုဓရ်ပိဂကူရ။
ပွမတန်ဒေါံပါတိမုက် မဗဗွဲကဵုဓရ် ပိဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ် မၞုံကဵုဟိုတ်တၞမ်ရ၊ တန်ဒေါံပါတိမုက် နပွမဒ္ဂေတ်လီုလာ် မၞုံကဵုဟိုတ်တၞမ်ရ၊ တန်ဒေါံပါတိမုက် နပွမကွေတ်လီုလာ် မၞုံကဵုဟိုတ်တၞမ်ရ။ ဣဝွံတုန် ပွမတန်ဒေါံပါတိမုက် မဗဗွဲကဵုဓရ် ပိဂကူရ။
ပွမတန်ဒေါံပါတိမုက် မဟွံဗဗွဲကဵုဓရ် ပန်ဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ် မဟွံမွဲကဵုဟိုတ်တၞမ်ရ၊ တန်ဒေါံပါတိမုက် နပွမဒ္ဂေတ်လီုလာ် မဟွံမွဲကဵုဟိုတ်တၞမ်ရ၊ တန်ဒေါံပါတိမုက် နပွမကွေတ်လီုလာ် မဟွံမွဲကဵုဟိုတ်တၞမ်ရ၊ တန်ဒေါံပါတိမုက် နပွမဂယိုၚ်လမျီုလီုလာ် မဟွံမွဲကဵုဟိုတ်တၞမ်ရ။ ဣဝွံတုန် ပွမတန်ဒေါံပါတိမုက် မဟွံဗဗွဲကဵုဓရ်ပန်ဂကူရ။
ပွမတန်ဒေါံပါတိမုက် မဗဗွဲကဵုဓရ် ပန်ဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ် မၞုံကဵုဟိုတ်တၞမ်ရ၊ တန်ဒေါံပါတိမုက် နပွမဒ္ဂေတ်လီုလာ် မၞုံကဵုဟိုတ်တၞမ်ရ၊ တန်ဒေါံပါတိမုက် နပွမကွေတ်လီုလာ် မၞုံကဵုဟိုတ်တၞမ်ရ၊ တန်ဒေါံပါတိမုက် နပွဂယိုၚ်လမျီုလီုလာ် မၞုံကဵုဟိုတ်တၞမ်ရ။ ဣဝွံတုန် ပွမတန်ဒေါံပါတိမုက် မဗဗွဲကဵုဓရ် ပန်ဂကူရ။
ပွမတန်ဒေါံပါတိမုက် မဟွံဗဗွဲကဵုဓရ် မသုန်ဂကူဂှ် ညးဍေံရော?။ တန်ဒေါံပါတိမုက် နအာပတ်ပါရာဇ် မဟွံမွဲကဵုဟိုတ်တၞမ်ရ။ နအာပတ်သံဃာဒိသေသ် မဟွံမွဲကဵုဟိုတ်တၞမ်ရ ။ ပ ။ နအာပတ်ပါဲစိုတ် မဟွံမွဲကဵုဟိုတ်တၞမ်ရ။ နအာပတ်ပါဋိဒေသနိက် မဟွံမွဲကဵုဟိုတ်တၞမ်ရ။ တန်ဒေါံပါတိမုက် နအာပတ်ဒုက္ကဋ် မဟွံမွဲကဵုဟိုတ်တၞမ်ရ။ ဣဝွံတုန် ပွမတန်ဒေါံပါတိမုက် မဟွံဗဗွဲကဵုဓရ် မသုန်ဂကူရ။
ပွမတန်ဒေါံပါတိမုက် မဗဗွဲကဵုဓရ် မသုန်ဂကူဂှ် ညးဍေံရော?။ တန်ဒေါံပါတိမုက် နအာပတ်ပါရာဇ် မၞုံကဵုဟိုတ်တၞမ်ရ။ နအာပတ်သံဃာဒိသေသ် မၞုံကဵုဟိုတ်တၞမ်ရ ။ ပ ။ နအာပတ်ပါဲစိုတ် မၞုံကဵုဟိုတ်တၞမ်ရ။ နအာပတ်ပါဋိဒေသနိက် မၞုံကဵုဟိုတ်တၞမ်ရ။ တန်ဒေါံပါတိမုက် နအာပတ်ဒုက္ကဋ် မၞုံကဵုဟိုတ်တၞမ်ရ။ ဣဝွံတုန် ပွမတန်ဒေါံပါတိမုက် မဗဗွဲကဵုဓရ် မသုန်ဂကူရ။
ပွမတန်ဒေါံပါတိမုက် မဟွံဗဗွဲကဵုဓရ် တြဴဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ် မဟွံမွဲကဵုဟိုတ်တၞမ် မဟဂပ်ဝ်သ္ဂုတ်သွာတ်ဏီရ၊ တန်ဒေါံပါတိမုက် နပွမသဳလလီုလာ် မဟွံမွဲကဵုဟိုတ်တၞမ် မဂပ်ဝ်သ္ဂုတ်သွာတ်တုဲရ၊ တန်ဒေါံပါတိမုက် နပွမဒ္ဂေတ်လီုလာ် မဟွံမွဲကဵုဟိုတ်တၞမ် မဟဂပ်ဝ်သ္ဂုတ်သွာတ်ဏီရ၊ တန်ဒေါံပါတိမုက် နပွမဒ္ဂေတ်လီုလာ် မဟွံမွဲကဵုဟိုတ်တၞမ် မဂပ်ဝ်သ္ဂုတ်သွာတ်တုဲရ၊ တန်ဒေါံပါတိမုက် နပွမကွေတ်လီုလာ် မဟွံမွဲကဵုဟိုတ်တၞမ် မဟဂပ်ဝ်သ္ဂုတ်သွာတ်ဏီရ၊ တန်ဒေါံပါတိမုက် နပွမကွေတ်လီုလာ် မဟွံမွဲကဵုဟိုတ်တၞမ် မဂပ်ဝ်သ္ဂုတ်သွာတ်တုဲရ။ ဣဝွံတုန် ပွမတန်ဒေါံပါတိမုက် မဟွံဗဗွဲကဵုဓရ်တြဴဂကူရ။
ပွမတန်ဒေါံပါတိမုက် မဗဗွဲကဵုဓရ် တြဴဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ်မၞုံကဵုဟိုတ်တၞမ် မဟဂပ်ဝ်သ္ဂုတ်သွာတ်ဏီရ၊ တန်ဒေါံပါတိမုက် နပွမသဳလလီုလာ် မၞုံကဵုဟိုတ်တၞမ် မဂပ်ဝ်သ္ဂုတ်သွာတ်တုဲရ၊ နပွမဒ္ဂေတ်လီုလာ် မၞုံကဵုဟိုတ်တၞမ် ။ ပ ။ တန်ဒေါံပါတိမုက် နပွမကွေတ်လီုလာ် မဟဂပ်ဝ်သ္ဂုတ်သွာတ်ဏီ ။ ပ ။ မဂပ်ဝ်သ္ဂုတ်သွာတ်တုဲရ။ ဣဝွံတုန် ပွမတန်ဒေါံပါတိမုက် မဗဗွဲကဵုဓရ်တြဴဂကူရ။
ပွမတန်ဒေါံပါတိမုက် မဟွံဗဗွဲကဵုဓရ် ထပှ်ဂကူဂှ် ညးဍေံရော?။ တန်ဒေါံပါတိမုက် နအာပတ်ပါရာဇ် မဟွံမွဲကဵုဟိုတ်တၞမ်ရ။ နအာပတ်သံဃာဒိသေသ် မဟွံမွဲကဵုဟိုတ်တၞမ်ရ ။ ပ ။ နအာပတ်ထုလ္လစ္စယ်။ နအာပတ်ပါဲစိုတ်။ နအာပတ်ပါဋိဒေသနိက်။ နအာပတ်ဒုက္ကဋ်။ တန်ဒေါံပါတိမုက် နအာပတ်ဒုဗ္ဘာသိုတ် မဟွံမွဲကဵုဟိုတ်တၞမ်ရ။ ဣဝွံတုန် ပွမတန်ဒေါံပါတိမုက် မဟွံဗဗွဲကဵုဓရ် ထပှ်ဂကူရ။
ပွမတန်ဒေါံပါတိမုက် မဗဗွဲကဵုဓရ် ထပှ်ဂကူဂှ် ညးဍေံရော?။ တန်ဒေါံပါတိမုက် နအာပတ်ပါရာဇ် မၞုံကဵုဟိုတ်တၞမ်ရ။ နအာပတ်သံဃာဒိသေသ် မၞုံကဵုဟိုတ်တၞမ်ရ ။ ပ ။ နအာပတ်ထုလ္လစ္စယ်။ နအာပတ်ပါဲစိုတ်။ နအာပတ်ပါဋိဒေသနိက်။ နအာပတ်ဒုက္ကဋ်။ တန်ဒေါံပါတိမုက် နအာပတ်ဒုဗ္ဘာသိုတ် မၞုံကဵုဟိုတ်တၞမ်ရ။ ဣဝွံတုန် ပွမတန်ဒေါံပါတိမုက် မဗဗွဲကဵုဓရ် ထပှ်ဂကူရ။
ပွမတန်ဒေါံပါတိမုက် မဟွံဗဗွဲကဵုဓရ် ဒ္စါံဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ် မဟွံမွဲကဵုဟိုတ်တၞမ် မဟဂပ်ဝ်သ္ဂုတ်သွာတ်ဏီရ၊ တန်ဒေါံပါတိမုက် နပွမသဳလလီုလာ် မဟွံမွဲကဵုဟိုတ်တၞမ် မဂပ်ဝ်သ္ဂုတ်သွာတ်တုဲရ၊ တန်ဒေါံပါတိမုက် နပွမဒ္ဂေတ်လီုလာ် မဟွံမွဲကဵုဟိုတ်တၞမ် ။ ပ ။ နပွမကွေတ်လီုလာ်။ တန်ဒေါံပါတိမုက် နပွမဂယိုၚ်လမျီုလီုလာ် မဟဂပ်ဝ်သ္ဂုတ်သွာတ်ဏီ ။ ပ ။ မဂပ်ဝ်သ္ဂုတ်သွာတ်တုဲရ။ ဣဝွံတုန် ပွမတန်ဒေါံပါတိမုက် မဟွံဗဗွဲကဵုဓရ်ဒ္စါံဂကူရ။
ပွမတန်ဒေါံပါတိမုက် မဗဗွဲကဵုဓရ် ဒ္စါံဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ် မၞုံကဵုဟိုတ်တၞမ် မဟဂပ်ဝ်သ္ဂုတ်သွာတ်ဏီရ၊ တန်ဒေါံပါတိမုက် နပွမသဳလလီုလာ် မၞုံကဵုဟိုတ်တၞမ် မဂပ်ဝ်သ္ဂုတ်သွာတ်တုဲရ၊ တန်ဒေါံပါတိမုက် နပွမဒ္ဂေတ်လီုလာ် မၞုံကဵုဟိုတ်တၞမ် ။ ပ ။ နပွမကွေတ်လီုလာ်။ တန်ဒေါံပါတိမုက် နပွမဂယိုၚ်လမျီုလီုလာ် မဟဂပ်ဝ်သ္ဂုတ်သွာတ်ဏီ ။ ပ ။ မဂပ်ဝ်သ္ဂုတ်သွာတ်တုဲရ။ ဣဝွံတုန် ပွမတန်ဒေါံပါတိမုက် မဗဗွဲကဵုဓရ်ဒ္စါံဂကူရ။
ပွမတန်ဒေါံပါတိမုက် မဟွံဗဗွဲကဵုဓရ် ဒ္စိတ်ဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ် မဟွံမွဲကဵုဟိုတ်တၞမ် မဟဂပ်ဝ်သ္ဂုတ်သွာတ်ဏီရ၊ တန်ဒေါံပါတိမုက် နပွမသဳလလီုလာ် မဟွံမွဲကဵုဟိုတ်တၞမ် မဂပ်ဝ်သ္ဂုတ်သွာတ်တုဲရ၊ တန်ဒေါံပါတိမုက် နပွမသဳလလီုလာ် မဟွံမွဲကဵုဟိုတ်တၞမ် သ္ဂုတ်သွာတ်ဏီရ၊ တန်ဒေါံပါတိမုက် နပွမဒ္ဂေတ်လီုလာ် မဟွံမွဲကဵုဟိုတ်တၞမ် ။ ပ ။ တန်ဒေါံပါတိမုက် နပွမကွေတ်လီုလာ် မဟဂပ်ဝ်သ္ဂုတ်သွာတ်ဏီရ ။ ပ ။ မဂပ်ဝ်သ္ဂုတ်သွာတ်တုဲရ။ သ္ဂုတ်သွာတ်တုဲ ဟဂွံသ္ဂုတ်သွာတ်ဏီရ။ ဣဝွံတုန် ပွမတန်ဒေါံပါတိမုက် မဟွံဗဗွဲကဵုဓရ် ဒ္စိတ်ဂကူရ။
ပွမတန်ဒေါံပါတိမုက် မဗဗွဲကဵုဓရ် ဒ္စိတ်ဂကူဂှ် ညးဍေံရော?။ တန်ဒေါံပါတိမုက် နပွမသဳလလီုလာ် မၞုံကဵုဟိုတ်တၞမ် မဟဂပ်ဝ်သ္ဂုတ်သွာတ်ဏီရ၊ တန်ဒေါံပါတိမုက် နပွမသဳလလီုလာ် မၞုံကဵုဟိုတ်တၞမ် မဂပ်ဝ်သ္ဂုတ်သွာတ်တုဲရ၊ တန်ဒေါံပါတိမုက် နပွမသဳလလီုလာ် မၞုံကဵုဟိုတ်တၞမ် သ္ဂုတ်သွာတ်တုဲ ဟဂွံသ္ဂုတ်သွာတ်ဏီရ၊ တန်ဒေါံပါတိမုက် နပွမဒ္ဂေတ်လီုလာ် မၞုံကဵုဟိုတ်တၞမ် ။ ပ ။ တန်ဒေါံပါတိမုက် နပွမကွေတ်လီုလာ် မဟဂပ်ဝ်သ္ဂုတ်သွာတ်ဏီရ ။ ပ ။ မဂပ်ဝ်သ္ဂုတ်သွာတ်တုဲရ။ သ္ဂုတ်သွာတ်တုဲ ဟဂွံသ္ဂုတ်သွာတ်ဏီရ။ ဣဝွံတုန် ပွမတန်ဒေါံပါတိမုက် မဗဗွဲကဵုဓရ် ဒ္စိတ်ဂကူရ။
ပွမတန်ဒေါံပါတိမုက် မဟွံဗဗွဲကဵုဓရ် စှ်ဂကူဂှ် ညးဍေံရော?။ ညးစှေ်ပါရာဇ် ဟွံဂဇအ်ဒၟံၚ်ပ္ဍဲပရိသာတ်ဂှ်ရ၊ ဂလာန်ပါရာဇ် ဟွံပိုတ်သကုတ်ဏီ ဟွံသေၚ်ရ၊ ညးဖျေံသိက္ခာ ဟွံဂဇအ်ဒၟံၚ်ပ္ဍဲပရိသာတ်ဂှ်ရ၊ ဂလာန်ဖျေံသိက္ခာ ဟွံပိုတ်သကုတ်ဏီ ဟွံသေၚ်ရ၊ ပြာပ်အာစိုပ် ပွမညဳသာသၟဟ်သၟန် မဗဗွဲကဵုဓရ်ရ၊ ဟွံဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန်ရ၊ ဂလာန်သွက်ဂွံဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန် ဟွံပိုတ်သကုတ်ဏီ ဟွံသေၚ်ရ၊ ဟွံမွဲကဵုပွမညာတ် ပွမမိၚ် ပွမသၠေဟ်ပၟာ နပွမသဳလလီုလာ်ရ၊ ဟွံမွဲကဵုပွမညာတ် ပွမမိၚ် ပွမသၠေဟ်ပၟာ နပွမဒ္ဂေတ်လီုလာ်ရ၊ ဟွံမွဲကဵုပွမညာတ် ပွမမိၚ် ပွမသၠေဟ်ပၟာ နပွမကွေတ်လီုလာ်ရ။ ဣဝွံတုန် ပွမတန်ဒေါံပါတိမုက် မဟွံဗဗွဲကဵုဓရ် စှ်ဂကူရ။
ပွမတန်ဒေါံပါတိမုက် မဗဗွဲကဵုဓရ် စှ်ဂကူဂှ် ညးဍေံရော?။ ညးစှေ်ပါရာဇ် ဂဇအ်ဒၟံၚ် ပ္ဍဲပရိသာတ်ဂှ်ရ၊ ဂလာန်ပါရာဇ် ဟွံပိုတ်သကုတ်ဏီရ၊ ညးဖျေံသိက္ခာ ဂဇအ်ဒၟံၚ် ပ္ဍဲပရိသာတ်ဂှ်ရ၊ ဂလာန်ဖျေံသိက္ခာ ဟွံပိုတ်သကုတ်ဏီရ၊ ဟွံပြာပ်အာစိုပ် ပွမညဳသာသၟဟ်သၟန် မဗဗွဲကဵုဓရ်ရ။ ဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန်ရ၊ ဂလာန်သွက်ဂွံဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန် ဟွံပိုတ်သကုတ်ဏီရ၊ မၞုံကဵုပွမညာတ် ပွမမိၚ် ပွမသၠေဟ်ပၟာ နပွမသဳလလီုလာ်ရ၊ မၞုံကဵုပွမညာတ် ပွမမိၚ် ပွမသၠေဟ်ပၟာ နပွမဒ္ဂေတ်လီုလာ်ရ၊ မၞုံကဵုပွမညာတ် ပွမမိၚ် ပွမသၠေဟ်ပၟာ နပွမကွေတ်လီုလာ်ရ။ ဣဝွံတုန် ပွမတန်ဒေါံပါတိမုက် မဗဗွဲကဵုဓရ်စှ်ဂကူရ။
၉.၆။ ပွမတန်ပါတိမုက် မဗဗွဲကဵုဓရ်[ပလေဝ်ဒါန် | ပလေဝ်ဒါန် တမ်ကၞက်]
၃၈၈။ မုရဴသာ်လဵု ညးစှေ်ပါရာဇ် ဂဇအ်ဒၟံၚ် ပ္ဍဲပရိသာတ်ဂှ်ရော?။
ယွံခမဳတအ် ပ္ဍဲသာသနာဝွံ ခမဳဂှ် ယြဴနအကာဲအရာ အယောၚ်အလာ စၟတ်သမ္တီနိမိတ်ဂမၠိုၚ် အာစိုပ်အာပတ်ပါရာဇ်ရ၊ ခမဳဂှ် နအကာဲအရာ အယောၚ်အလာ စၟတ်သမ္တီနိမိတ်ဂမၠိုၚ်ဂှ် ညာတ် ခမဳမအာစိုပ်အာပတ်ပါရာဇ်ရ။
ခမဳဂှ် ဟွံညာတ် ခမဳအာစိုပ်အာပတ်ပါရာဇ်ရ။
ဗွဲစၟတ်တုန် “ယွံကောန်တၠ ခမဳမၞုံယၟုဝွံ အာစိုပ် အာပတ်ပါရာဇ်ရ” ရဴဝွံ ခမဳမွဲဇကုဂှ် ဟီုလဴ ကုခမဳရ။
ခမဳဂှ် ဟွံညာတ် ခမဳမအာစိုပ် အာပတ်ပါရာဇ်ရ၊ “ယွံကောန်တၠ ခမဳမၞုံယၟုဝွံ အာစိုပ်အာပတ်ပါရာဇ်ရ” ရဴဝွံ ခမဳမွဲဇကုဂှ်လေဝ် ဟွံဟီုလဴ ကုခမဳရ၊ ဗွဲစၟတ်တုန် “ယွံကောန်တၠ အဲဍိက် အာစိုပ် အာပတ်ပါရာဇ်” ရဴဝွံ ဟီုလဴ ကုခမဳရ။
ယွံခမဳတအ် ခမဳဂှ် နပွမညာတ်ဂှ်ကီု နပွမမိၚ်ဂှ်ကီု နပွမသၠေဟ်ပၟာဂှ်ကီု ယဝ်နွံပၟိက်မ္ဂး ပ္ဍဲတ္ၚဲဥပေါသ်မရနုက်ကဵုစှ်ပန်ကီု ပ္ဍဲတ္ၚဲဥပေါသ်မရနုက်ကဵုစှ်သုန်ကီု ပူဂိုလ်ဂှ် နွံပ္ဍဲဂတမုက်မ္ဂး ဒးဟီုပတိတ် ပ္ဍဲလဒေါဝ်သၚ်ရ—
“ယွံတဳလပိုဉ်သၚ်တအ် သၚ် ဩဝ်ကလၚ်ဂလာန် (အဲဍိက်) ညိ၊ ပူဂိုလ်မၞုံယၟုဝွံ အာစိုပ်အာပတ်ပါရာဇ်ရ၊ တန်ဒေါံထောံ ပါတိမုက် ကုပူဂိုလ်ဂှ်ရ၊ ပူဂိုလ်ဂှ် နွံပ္ဍဲဂတမုက်မ္ဂး ဟဂပ်ဝ်ထ္ၜးပါတိမုက်ရ” ရဴဝွံ (ဒးဟီုပတိတ်ရ)။ ပွမတန်ဒေါံပါတိမုက် ဗဗွဲကဵုဓရ်ရ။ ၃၈၉။ ဃောတန်ဒေါံပါတိမုက် ကုပူဂိုလ်ဂှ် ဟိုတ်နူအန္တရာယ် သၟိၚ်ကဵုဒှ် ဟိုတ်နူအန္တရာယ်ကမၠတ်ကဵုဒှ် ဟိုတ်နူအန္တရာယ် ပၟတ်ကဵုဒှ် ဟိုတ်နူအန္တရာယ် ဍာ်ကဵုဒှ် ဟိုတ်နူအန္တရာယ် မၞိဟ်ကဵုဒှ် ဟိုတ်နူအန္တရာယ် ကလော်လကိုဟ်ကဵုဒှ် ဟိုတ်နူအန္တရာယ် သတ်ဒမြိုဟ်ကဵုဒှ် ဟိုတ်နူအန္တရာယ် ဇြုံဂဂဳအယဴကဵုဒှ် ဟိုတ်နူအန္တရာယ် လမျီုကဵုဒှ် ဟိုတ်နူအန္တရာယ် ဒ္ဂေတ်မပြဲကဵုဒှ် ပၞောဝ်ကဵုအန္တရာယ်ဂမၠိုၚ်စှ်သာ်ဝွံ ဟိုတ်နူဟိုတ်မွဲမွဲသာ် ပရိသာတ် ကတဵုအာမ္ဂး။
ယွံခမဳတအ် ခမဳဂှ် ယဝ်နွံပၟိက်မ္ဂး ပ္ဍဲဘာဂှ်ကီု ပ္ဍဲဘာသအာၚ်ကီု ပူဂိုလ်ဂှ် နွံပ္ဍဲဂတမုက်မ္ဂး ဒးဟီုပတိတ် ပ္ဍဲလဒေါဝ်သၚ်ရ—
“ယွံတဳလပိုဉ်တအ် သၚ် ဩဝ်ကလၚ်ဂလာန် (အဲဍိက်) ညိ၊ ဂလာန်ပါရာဇ် ပူဂိုလ်မၞုံယၟုဝွံ ဟွံပိုတ်သကုတ်ဏီရ၊ ဟဂွံသ္ဂုတ်သွာတ် အမှုဂှ်ဏီရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်သ္ဂုတ် သွာတ်အမှုဂှ်ရ” ရဴဝွံ (ဒးဟီုပတိတ်ရ)။
ကလိဂွံပွမသ္ဂုတ်သွာတ်ရဴဝွံမ္ဂး ဆာဲသန်ရ၊ ယဝ်ဟွံကလိဂွံမ္ဂး ပ္ဍဲတ္ၚဲဥပေါသ်မရနုက်ကဵုစှ်ပန်ကီု ပ္ဍဲတ္ၚဲဥပေါသ်မရနုက်ကဵုစှ်သုန်ကီု ပူဂိုလ်ဂှ် နွံပ္ဍဲဂတမုက်မ္ဂး ဒးဟီုပတိတ် ပ္ဍဲလဒေါဝ်သၚ်ရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ်ဂလာန် (အဲဍိက်) ညိ၊ ဂလာန်ပါရာဇ် ပူဂိုလ်မၞုံယၟုဝွံ ဟွံပိုတ်သကုတ်ဏီရ၊ ဟဂွံသ္ဂုတ်သွာတ် အမှုဂှ်ဏီရ၊ တန်ဒေါံထောံ ပါတိမုက် ကုပူဂိုလ်ဂှ်ရ၊ ပူဂိုလ်ဂှ် နွံပ္ဍဲဂတမုက်မ္ဂး ဟဂပ်ဝ်ထ္ၜးပါတိမုက်ရ” ရဴဝွံ (ဒးဟီုပတိတ်ရ)။ ပွမတန်ဒေါံပါတိမုက် ဗဗွဲကဵုဓရ်ရ။
၃၉၀။ မုရဴသာ်လဵု ညးဖျေံသိက္ခာ ဂဇအ်ဒၟံၚ် ပ္ဍဲပရိသာတ်ဂှ်ရော?။
ယွံခမဳတအ် ပ္ဍဲသာသနာဝွံ ခမဳဂှ် ယြဴနအကာဲအရာ အယောၚ်အလာ စၟတ်သမ္တီနိမိတ်ဂမၠိုၚ် ဖျေံသိက္ခာရ၊ ခမဳဂှ် နအကာဲအရာ အယောၚ်အလာ စၟတ်သမ္တီ နိမိတ်ဂမၠိုၚ်ဂှ်ညာတ် ခမဳမဖျေံသိက္ခာရ။ ခမဳဂှ် ဟွံညာတ် ခမဳမဖျေံသိက္ခာရ၊ ဗွဲစၟတ်တုန် “ယွံကောန်တၠ ခမဳမၞုံယၟုဝွံ ဖျေံသိက္ခာရ” ရဴဝွံ ခမဳမွဲဇကုဂှ် ဟီုလဴ ကုခမဳရ။
ခမဳဂှ် ဟွံညာတ် ခမဳမဖျေံသိက္ခာရ၊ “ယွံကောန်တၠ ခမဳမၞုံယၟုဝွံ ဖျေံသိက္ခာ” ရဴဝွံ ခမဳမွဲဇကုဂှ်လေဝ် ဟွံဟီုလဴ ကုခမဳရ။ ဗွဲစၟတ်တုန် “ယွံကောန်တၠ အဲဍိက် ဖျေံသိက္ခာရ” ရဴဝွံ ခမဳဂှ်ဟေၚ် ဟီုလဴ ကုခမဳရ။ ယွံခမဳတအ် ခမဳဂှ် နပွမညာတ်ဂှ်ကီု နပွမမိၚ်ဂှ်ကီု နပွမသၠေဟ်ပၟာဂှ်ကီု ယဝ်နွံပၟိက်မ္ဂး ပ္ဍဲတ္ၚဲဥပေါသ်မရနုက်ကဵုစှ်ပန်ကီု ပ္ဍဲတ္ၚဲဥပေါသ်မရနုက်ကဵုစှ်သုန်ကီု ပူဂိုလ်ဂှ် နွံပ္ဍဲဂတမုက်မ္ဂး ဒးဟီုပတိတ် ပ္ဍဲလဒေါဝ်သၚ်ရ—
“ယွံတဳလပိုဉ်တအ် သၚ် ဩဝ်ကလၚ်ဂလာန် (အဲဍိက်) ညိ၊ ပူဂိုလ်မၞုံယၟုဝွံ ဖျေံထောံသိက္ခာရ၊ တန်ဒေါံထောံ ပါတိမုက် ကုပူဂိုလ်ဂှ်ရ၊ ပူဂိုလ်ဂှ် နွံပ္ဍဲဂတမုက်မ္ဂး ဟဂပ်ဝ်ထ္ၜးပါတိမုက်ရ” ရဴဝွံ (ဒးဟီုပတိတ်ရ)။ ပွမတန်ဒေါံပါတိမုက် ဗဗွဲကဵုဓရ်ရ။
၃၉၁။ ဃောတန်ဒေါံပါတိမုက် ကုပူဂိုလ်ဂှ် အန္တရာယ်သၟိၚ်ကဵုဒှ် ။ ပ ။ ဟိုတ်နူအန္တရာယ် ဒ္ဂေတ်မပြဲကဵုဒှ် ပၞောဝ်ကဵုအန္တရာယ်ဂမၠိုၚ်စှ်သာ်ဝွံ ဟိုတ်နူဟိုတ်မွဲမွဲသာ် ပရိသာတ်ကတဵုအာမ္ဂး။
ယွံခမဳတအ် ခမဳဂှ် ယဝ်နွံပၟိက်မ္ဂး ပ္ဍဲဘာဂှ်ကီု ပ္ဍဲဘာသအာၚ်ကီု ပူဂိုလ်ဂှ် နွံဂတမုက်မ္ဂး ဒးဟီုပတိတ် ပ္ဍဲလဒေါဝ်သၚ်ရ −
“ယွံတဳလပိုဉ်တအ် သၚ် ဩဝ်ကလၚ်ဂလာန် (အဲဍိက်) ညိ၊ ဂလာန်ဖျေံသိက္ခာ ပူဂိုလ်မၞုံယၟုဝွံ ဟွံပိုတ်သကုတ်ဏီရ၊ ဟဂွံသ္ဂုတ်သွာတ် အမှုဂှ်ဏီရ၊ ကမ်မၞုံကဵုအခိၚ်မဗဗွဲ ကုသၚ်ယဝ်ဒှ်မ္ဂး သၚ်သ္ဂုတ်သွာတ်အမှုဂှ်ရ” ရဴဝွံ (ဒးဟီုပတိတ်ရ)။
ကလိဂွံပွမသ္ဂုတ်သွာတ်ရဴဝွံမ္ဂး ဆာဲသန်ရ၊ ယဝ်ဟွံကလိဂွံမ္ဂး ပ္ဍဲတ္ၚဲဥပေါသ်မရနုက်ကဵုစှ်ပန်ကီု ပ္ဍဲတ္ၚဲဥပေါသ်မရနုက်ကဵုစှ်သုန်ကီု ပူဂိုလ်ဂှ် နွံဂတမုက်မ္ဂး ဒးဟီုပတိတ် ပ္ဍဲလဒေါဝ်သၚ်ရ—
“ယွံတဳလပိုဉ်တအ် သၚ် ဩဝ်ကလၚ်ဂလာန် (အဲဍိက်) ညိ၊ ဂလာန်ဖျေံသိက္ခာ ပူဂိုလ်မၞုံယၟုဝွံ ဟွံပိုတ်သကုတ်ဏီရ၊ ဟဂွံသ္ဂုတ်သွာတ် အမှုဂှ်ဏီရ၊ တန်ဒေါံထောံပါတိမုက် ကုပူဂိုလ်ဂှ်ရ၊ ပူဂိုလ်ဂှ် နွံပ္ဍဲဂတမုက်မ္ဂး ဟဂပ်ဝ်ထ္ၜးပါတိမုက်ရ” ရဴဝွံ (ဒးဟီုပတိတ်ရ)။ ပွမတန်ဒေါံပါတိမုက် ဗဗွဲကဵုဓရ်ရ။
၃၉၂။ မုရဴသာ်လဵု ဟွံပြာပ်အာစိုပ် ပွမညဳသာသၟဟ်သၟန် မဗဗွဲကဵုဓရ်ရော?။
ယွံခမဳတအ် ပ္ဍဲသာသနာဝွံ ခမဳဂှ် ယြဴနအကာဲအရာ အယောၚ်အလာ စၟတ်သမ္တီနိမိတ်ဂမၠိုၚ် ဟွံပြာပ်အာစိုပ် ပွမညဳသာသၟဟ်သၟန် မဗဗွဲကဵုဓရ်ရ၊ ခမဳဂှ် နအကာဲအရာ အယောၚ်အလာ စၟတ်သမ္တီနိမိတ်ဂှ် ညာတ် ခမဳမဟွံပြာပ်အာစိုပ် ပွမညဳသာသၟဟ်သၟန်မဗဗွဲကဵုဓရ်ရ။
ခမဳဂှ် ဟွံညာတ် ခမဳမဟွံပြာပ်အာစိုပ် ပွမညဳသာသၟဟ်သၟန် မဗဗွဲကဵုဓရ်ရ။ ဗွဲစၟတ်တုန် “ယွံကောန်တၠ ခမဳမၞုံယၟုဝွံ ဟွံပြာပ်အာစိုပ် ပွမညဳသာသၟဟ်သၟန် မဗဗွဲကဵုဓရ်ရ” ရဴဝွံ ခမဳမွဲဇကုဂှ် ဟီုလဴ ကုခမဳရ။
ခမဳဂှ်လေဝ် ဟွံညာတ် ခမဳမဟွံပြာပ်အာစိုပ် ပွမညဳသာသၟဟ်သၟန် မဗဗွဲကဵုဓရ်ရ။ “ယွံကောန်တၠ ခမဳမၞုံယၟုဝွံ ဟွံပြာပ်အာစိုပ် ပွမညဳသာသၟဟ်သၟန် မဗဗွဲကဵုဓရ်ရ” ရဴဝွံ ခမဳမွဲဇကုဂှ်လေဝ် ဟွံဟီုလဴ ကုခမဳမွဲရ၊ ဗွဲစၟတ်တုန် “ယွံကောန်တၠ အဲဍိက် ဟွံပြာပ်အာစိုပ် ပွမညဳသာသၟဟ်သၟန် မဗဗွဲကဵုဓရ်ရ” ရဴဝွံ ခမဳဂှ်ဟေၚ် ဟီုလဴ ကုခမဳရ။
ယွံခမဳတအ် ခမဳဂှ် နပွမညာတ်ဂှ်ကီု နပွမမိၚ်ဂှ်ကီု နပွမသၠေဟ်ပၟာဂှ်ကီု ယဝ်နွံပၟိက်မ္ဂး ပ္ဍဲတ္ၚဲဥပေါသ်မရနုက်ကဵုစှ်ပန်ကီု ပ္ဍဲတ္ၚဲဥပေါသ်မရနုက်ကဵုစှ်သုန်ကီု ပူဂိုလ်ဂှ် နွံပ္ဍဲဂတမုက်မ္ဂး ဒးဟီုပတိတ် ပ္ဍဲလဒေါဝ်သၚ်ရ—
“ယွံတဳလပိုဉ်တအ် သၚ် ဩဝ်ကလၚ်ဂလာန် (အဲဍိက်) ညိ၊ ပူဂိုလ်မၞုံယၟုဝွံ ဟွံပြာပ်အာစိုပ် ပွမညဳသာသၟဟ်သၟန် မဗဗွဲကဵုဓရ်ရ၊ တန်ဒေါံပါတိမုက် ကုပူဂိုလ်ဂှ်ရ၊ ပူဂိုလ်ဂှ် နွံပ္ဍဲဂတမုက်မ္ဂး ဟဂပ်ဝ်ထ္ၜးပါတိမုက်ရ” ရဴဝွံ (ဒးဟီုပတိတ်ရ)။ ပွမတန်ဒေါံပါတိမုက် မဗဗွဲကဵုဓရ်ရ။
၃၉၃။ မုရဴသာ်လဵု ဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန်ရော?။
ယွံခမဳတအ် ပ္ဍဲသာသနာဝွံ ခမဳဂှ် ယြဴနအကာဲအရာ အယောၚ်အလာ စၟတ်သမ္တီနိမိတ်ဂမၠိုၚ် ဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန်ရ၊ ခမဳဂှ် နအကာဲအရာအယောၚ်အလာ စၟတ်သမ္တီ နိမိတ်ဂမၠိုၚ်ဂှ် ညာတ် ခမဳမဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန်ရ။ ခမဳဂှ် ဟွံညာတ် ခမဳမဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန်ရ။ ဗွဲစၟတ်တုန် “ယွံကောန်တၠ ခမဳမၞုံယၟုဝွံ ဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန်ရ” ရဴဝွံ ခမဳမွဲဇကုဂှ် ဟီုလဴ ကုခမဳရ။ ခမဳဂှ်လေဝ် ဟွံညာတ် ခမဳမဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန်ရ၊ “ယွံကောန်တၠ ခမဳမၞုံယၟုဝွံ ဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန်ရ” ရဴဝွံ ခမဳမွဲဇကုဂှ်လေဝ် ဟွံဟီုလဴ ကုခမဳရ၊ ဗွဲစၟတ်တုန် “ယွံကောန်တၠ အဲဍိက် ဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန်ရ” ရဴဝွံ ခမဳဂှ်ဟေၚ် ဟီုလဴ ကုခမဳရ။ ယွံခမဳတအ် ခမဳဂှ် နပွမညာတ်ဂှ်ကီု နပွမမိၚ်ဂှ်ကီု နပွမသၠေဟ်ပၟာဂှ်ကီု ယဝ်နွံပၟိက်မ္ဂး ပ္ဍဲတ္ၚဲဥပေါသ်မရနုက်ကဵုစှ်ပန်ကီု ပ္ဍဲတ္ၚဲဥပေါသ်မရနုက်ကဵုစှ်သုန်ကီု ပူဂိုလ်ဂှ် နွံပ္ဍဲဂတမုက်မ္ဂး ဒးဟီုပတိတ် ပ္ဍဲလဒေါဝ်သၚ်ရ—
“ယွံတဳလပိုဉ်တအ် သၚ် ဩဝ်ကလၚ်ဂလာန် (အဲဍိက်) ညိ၊ ပူဂိုလ်မၞုံယၟုဝွံ ဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန်ရ၊ တန်ဒေါံထောံပါတိမုက် ကုပူဂိုလ်ဂှ်ရ၊ ပူဂိုလ်ဂှ် နွံပ္ဍဲဂတမုက်မ္ဂး ဟဂပ်ဝ်ထ္ၜးပါတိမုက်ရ” ရဴဝွံ (ဒးဟီုပတိတ်ရ)။ ပွမတန်ဒေါံပါတိမုက် ဗဗွဲကဵုဓရ်ရ။
၃၉၄။ ဃောတန်ဒေါံပါတိမုက် ကုပူဂိုလ်ဂှ် ဟိုတ်နူအန္တရာယ် သၟိၚ်ကဵုဒှ် ။ ပ ။ ဟိုတ်နူအန္တရာယ် ဒ္ဂေတ်မပြဲကဵုဒှ် ပၞောဝ်ကဵုအန္တရာယ်ဂမၠိုၚ်စှ်သာ်ဝွံ ဟိုတ်နူဟိုတ်မွဲမွဲသာ် ပရိသာတ်ကတဵုအာမ္ဂး။
ယွံခမဳတအ် ခမဳဂှ် ယဝ်နွံပၟိက်မ္ဂး ပ္ဍဲဘာဂှ်ကီု ပ္ဍဲဘာသအာၚ်ကီု ပူဂိုလ်ဂှ် နွံပ္ဍဲဂတမုက်မ္ဂး ဒးဟီုပတိတ် ပ္ဍဲလဒေါဝ်သၚ်ရ—
“ယွံတဳလပိုဉ်တအ် သၚ် ဩဝ်ကလၚ်ဂလာန် (အဲဍိက်) ညိ၊ ပွမဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန် ပူဂိုလ်မၞုံယၟုဝွံ ဟွံပိုတ်သကုတ်ဏီရ၊ ဟဂွံသ္ဂုတ်သွာတ်အမှုဂှ်ဏီရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်သ္ဂုတ်သွာတ်အမှုဂှ်ရ” ရဴဝွံ (ဒးဟီုပတိတ်ရ)။
ကလိဂွံပွမသ္ဂုတ်သွာတ်ရဴဝွံမ္ဂး ဆာဲသန်ရ၊ ယဝ်ဟွံကလိဂွံမ္ဂး ပ္ဍဲတ္ၚဲဥပေါသ်မရနုက်ကဵုစှ်ပန်ကီု ပ္ဍဲတ္ၚဲဥပေါသ်မရနုက်ကဵုစှ်သုန်ကီု ပူဂိုလ်ဂှ် နွံပ္ဍဲဂတမုက်မ္ဂး ပ္ဍဲလဒေါဝ်သၚ်ရ—
“ယွံတဳလပိုဉ်တအ် သၚ် ဩဝ်ကလၚ်ဂလာန် (အဲဍိက်) ညိ၊ ပွမဂိုၚ်ကေတ် ပွမညဳသာသၟဟ်သၟန် မဗဗွဲကဵုဓရ်မွဲလှေ်ပၠန် ပူဂိုလ်မၞုံယၟုဝွံ ဟွံပိုတ်သကုတ်ဏီရ၊ ဟဂွံသ္ဂုတ်သွာတ် အမှုဂှ်ဏီရ၊ တန်ဒေါံထောံ ပါတိမုက် ကုပူဂိုလ်ဂှ်ရ၊ ပူဂိုလ်ဂှ် နွံပ္ဍဲဂတမုက်မ္ဂး ဟဂပ်ဝ်ထ္ၜးပါတိမုက်ရ” ရဴဝွံ (ဒးဟီုပတိတ်ရ)။ ပွမတန်ဒေါံပါတိမုက် ဗဗွဲကဵုဓရ်ရ။
၃၉၅။ မုရဴသာ်လဵု ဒှ်ပွမညာတ် ပွမမိၚ် ပွမသၠေဟ်ပၟာ နပွမသဳလလီုလာ်ရော?။
ယွံခမဳတအ် ပ္ဍဲသာသနာဝွံ ခမဳဂှ် ယြဴနအကာဲအရာ အယောၚ်အလာ စၟတ်သမ္တီနိမိတ်ဂမၠိုၚ် ဒှ်ပွမညာတ် ပွမမိၚ် ပွမသၠေဟ်ပၟာ နပွမသဳလလီုလာ်ရ။ ခမဳဂှ် နအကာဲအရာ အယောၚ်အလာ စၟတ်သမ္တီ နိမိတ်ဂမၠိုၚ်ဂှ် ညာတ် ခမဳဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ နပွမသဳလလီုလာ်ရ။
ခမဳဂှ် ဟွံညာတ် ခမဳဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ နပွမသဳလလီုလာ်ရ၊ ဗွဲစၟတ်တုန် “ယွံကောန်တၠ ဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ ခမဳမၞုံယၟုဝွံ နပွမသဳလလီုလာ်ရ” ရဴဝွံ ခမဳမွဲဇကုဂှ် ဟီုလဴ ကုခမဳရ။
ခမဳဂှ်လေဝ် ဟွံညာတ် ခမဳဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ နပွမသဳလလီုလာ်ရ၊ “ယွံကောန်တၠ ဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ ခမဳမၞုံယၟုဝွံ နပွမသဳလလီုလာ်ရ” ရဴဝွံ ခမဳမွဲဇကုဂှ်လေဝ် ဟွံဟီုလဴ ကုခမဳရ၊ ဗွဲစၟတ်တုန် “ယွံကောန်တၠ ဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ အဲဍိက် နပွမသဳလလီုလာ်ရ” ခမဳဂှ်ဟေၚ် ဟီုလဴ ကုခမဳရ။ ယွံခမဳတအ် ခမဳဂှ် နပွမညာတ်ဂှ်ကီု နပွမမိၚ်ဂှ်ကီု နပွမသၠေဟ်ပၟာဂှ်ကီု ယဝ်နွံပၟိက်မ္ဂး ပ္ဍဲတ္ၚဲဥပေါသ်မရနုက်ကဵုစှ်ပန်ကီု ပ္ဍဲတ္ၚဲဥပေါသ်မရနုက်ကဵုစှ်သုန်ကီု ပူဂိုလ်ဂှ် နွံပ္ဍဲဂတမုက်မ္ဂး ဒးဟီုပတိတ် ပ္ဍဲလဒေါဝ်သၚ်ရ—
“ယွံတဳလပိုဉ်တအ် သၚ် ဩဝ်ကလၚ်ဂလာန် (အဲဍိက်) ညိ၊ ဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ ခမဳမၞုံယၟုဝွံ နပွမသဳလလီုလာ်ရ၊ တန်ဒေါံထောံ ပါတိမုက် ကုပူဂိုလ်ဂှ်ရ၊ ပူဂိုလ်ဂှ် နွံပ္ဍဲဂတမုက်မ္ဂး ဟဂပ်ဝ်ထ္ၜးပါတိမုက်ရ” ရဴဝွံ (ဒးဟီုပတိတ်ရ)။ ပွမတန်ဒေါံပါတိမုက် ဗဗွဲကဵုဓရ်ရ။
၃၉၆။ မုရဴသာ်လဵု ဒှ်ပွမညာတ် ပွမမိၚ် ပွမသၠေဟ်ပၟာ နပွမဒ္ဂေတ်လီုလာ်ရော?။
ယွံခမဳတအ် ပ္ဍဲသာသနာဝွံ ခမဳဂှ် ယြဴနအကာဲအရာ အယောၚ်အလာ စၟတ်သမ္တီ နိမိတ်ဂမၠိုၚ် ဒှ်ပွမညာတ် ပွမမိၚ် ပွမသၠေဟ်ပၟာ နပွမဒ္ဂေတ်လီုလာ်ရ။ ခမဳဂှ် နအကာဲအရာ အယောၚ်အလာ စၟတ်သမ္တီ နိမိတ်ဂမၠိုၚ်ဂှ် ညာတ် ခမဳဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ နပွမဒ္ဂေတ်လီုလာ်ရ။
ခမဳဂှ် ဟွံညာတ် ခမဳဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ နပွမဒ္ဂေတ်လီုလာ်ရ၊ ဗွဲစၟတ်တုန် “ယွံကောန်တၠ ဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ နပွမဒ္ဂေတ်လီုလာ်ရ၊ ဗွဲစၟတ်တုန် “ယွံကောန်တၠ ဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ ခမဳမၞုံယၟုဝွံ နပွမဒ္ဂေတ်လီုလာ်ရ” ရဴဝွံ ခမဳမွဲဇကုဂှ် ဟီုလဴ ကုခမဳရ။
ခမဳဂှ်လေဝ် ဟွံညာတ် ခမဳဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ နပွမဒ္ဂေတ်လီုလာ်ရ၊ “ယွံကောန်တၠ ဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ ခမဳမၞုံယၟုဝွံ နပွမဒ္ဂေတ်လီုလာ်ရ” ရဴဝွံ ခမဳမွဲဇကုဂှ်လေဝ် ဟွံဟီုလဴ ကုခမဳရ၊ ဗွဲစၟတ်တုန် “ယွံကောန်တၠ ဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ အဲဍိက် နပွမဒ္ဂေတ်လီုလာ်ရ” ရဴဝွံ ခမဳဂှ်ဟေၚ် ဟီုလဴ ကုခမဳရ။ ယွံခမဳတအ် ခမဳဂှ် နပွမညာတ်ဂှ်ကီု နပွမမိၚ်ဂှ်ကီု နပွမသၠေဟ်ပၟာဂှ်ကီု ယဝ်နွံပၟိက်မ္ဂး ပ္ဍဲတ္ၚဲဥပေါသ်မရနုက်ကဵုစှ်ပန်ကီု ပ္ဍဲတ္ၚဲဥပေါသ်မရနုက်ကဵုစှ်သုန်ကီု ပူဂိုလ်ဂှ် နွံပ္ဍဲဂတမုက်မ္ဂး ဒးဟီုပတိတ် ပ္ဍဲလဒေါဝ်သၚ်ရ −
“ယွံတဳလပိုဉ်တအ် သၚ် ဩဝ်ကလၚ်ဂလာန် (အဲဍိက်) ညိ၊ ဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ ခမဳမၞုံယၟုဝွံ နပွမဒ္ဂေတ်လီုလာ်ရ၊ တန်ဒေါံထောံ ပါတိမုက် ကုပူဂိုလ်ဂှ်ရ၊ ပူဂိုလ်ဂှ် နွံပ္ဍဲဂတမုက်မ္ဂး ဟဂပ်ဝ်ထ္ၜးပါတိမုက်ရ” ရဴဝွံ (ဒးဟီုပတိတ်ရ)။ ပွမတန်ဒေါံပါတိမုက် ဗဗွဲကဵုဓရ်ရ။
၃၉၇။ မုရဴသာ်လဵု ဒှ်ပွမညာတ် ပွမမိၚ် ပွမသၠေဟ်ပၟာ နပွမကွေတ်လီုလာ်ရော?။
ယွံခမဳတအ် ပ္ဍဲသာသနာဝွံ ခမဳဂှ် ယြဴနအကာဲအရာ အယောၚ်အလာ စၟတ်သမ္တီ နိမိတ်ဂမၠိုၚ် ဒှ်ပွမညာတ် ပွမမိၚ် ပွမသၠေဟ်ပၟာ နပွမကွေတ်လီုလာ်ရ။ ခမဳဂှ် နအကာဲအရာ အယောၚ်အလာ စၟတ်သမ္တီ နိမိတ်ဂမၠိုၚ်ဂှ် ညာတ် ခမဳဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ နပွမကွေတ်လီုလာ်ရ။
ခမဳဂှ် ဟွံညာတ် ခမဳမဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ နပွမကွေတ်လီုလာ်ရ၊ ဗွဲစၟတ်တုန် “ယွံကောန်တၠ ဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ ခမဳမၞုံယၟုဝွံ နပွမကွေတ်လီုလာ်ရ” ရဴဝွံ ခမဳမွဲဇကုဂှ် ဟီုလဴ ကုခမဳရ။
ခမဳဂှ်လေဝ် ဟွံညာတ် ခမဳဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ နပွမကွေတ်လီုလာ်ရ၊ “ယွံကောန်တၠ ဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ ခမဳမၞုံယၟုဝွံ နပွမကွေတ်လီုလာ်ရ” ရဴဝွံ ခမဳမွဲဇကုဂှ်လေဝ် ဟွံဟီုလဴ ကုခမဳရ၊ ဗွဲစၟတ်တုန် “ယွံကောန်တၠ ဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ အဲဍိက် နပွမကွေတ်လီုလာ်ရ” ရဴဝွံ ခမဳဂှ်ဟေၚ် ဟီုလဴ ကုခမဳရ။ ယွံခမဳတအ် ခမဳဂှ် နပွမညာတ်ဂှ်ကီု နပွမမိၚ်ဂှ်ကီု နပွမသၠေဟ်ပၟာဂှ်ကီု ယဝ်နွံပၟိက်မ္ဂး ပ္ဍဲတ္ၚဲဥပေါသ်မရနုက်ကဵုစှ်ပန်ကီု ပ္ဍဲတ္ၚဲဥပေါသ်မရနုက်ကဵုစှ်သုန်ကီု ပူဂိုလ်ဂှ် နွံပ္ဍဲဂတမုက်မ္ဂး ဒးဟီုပတိတ် ပ္ဍဲလဒေါဝ်သၚ်ရ—
“ယွံတဳလပိုဉ်တအ် သၚ် ဩဝ်ကလၚ်ဂလာန် (အဲဍိက်) ညိ၊ ဂပ်ဝ်ညာတ် ဂပ်ဝ်မိၚ် ဂပ်ဝ်သၠေဟ်ပၟာ ခမဳမၞုံယၟုဝွံ နပွမကွေတ်လီုလာ်ရ၊ တန်ဒေါံထောံ ပါတိမုက် ကုပူဂိုလ်ဂှ်ရ၊ ပူဂိုလ်ဂှ် နွံပ္ဍဲဂတမုက်မ္ဂး ဟဂပ်ဝ်ထ္ၜးပါတိမုက်ရ” ရဴဝွံ (ဒးဟီုပတိတ်ရ)။ ပွမတန်ဒေါံပါတိမုက် ဗဗွဲကဵုဓရ်ရ။ ဣဝွံတုန် ပွမတန်ဒေါံပါတိမုက် မဗဗွဲကဵုဓရ်စှ်သာ်ဂမၠိုၚ်ရ။
❀ခဏ်ပဌမတုဲရ။❀
၉.၇။ အၚ်္ဂအဓိကိုရ် မဂိုၚ်ကေတ်အလဵုဇကု[ပလေဝ်ဒါန် | ပလေဝ်ဒါန် တမ်ကၞက်]
၃၉၈။ ပ္ဍဲအခိၚ်ဂှ် တဳလပိုဉ်ဥပါလိ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သီုမဂဇအ်ဒၟံၚ်ပ္ဍဲဒၞာဲမွဲဂှ်—
“ယွံတဳလမၞုံပိုဉ် ခမဳမမိက်ဂိုၚ်ကေတ် အတ္တာဒါနဓိကိုရ် ‘အဓိကိုရ်မဂပ်ဝ်ဂိုၚ်ကေတ်အလဵုဇကု’ ဂှ် ဒးဂိုၚ်ကေတ် အတ္တာဒါနာဓိကိုရ် မဍိုက်ပေၚ်တဴကေုာံအၚ်္ဂမုစိသာ်ရော” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
ယွံဥပါလိ ခမဳခမိက်ဂိုၚ်ကေတ် အတ္တာဒါနာဓိကိုရ်ဂှ် ဒးဂိုၚ်ကေတ် အတ္တာဒါနဓိကိုရ် မဍိုက်ပေၚ်တဴကေုာံအၚ်္ဂမသုန်သာ်ရ၊ ယွံဥပါလိ ခမဳမမိက်ဂိုၚ်ကေတ် အတ္တာဒါနဓိကိုရ်ဂှ်—
“အတ္တာဒါနဓိကိုရ် အဲမမိက်ဂိုၚ်ကေတ်ဝွံ ဒးအခိၚ်ဟာ၊ ဟွံသေၚ်ကဵုအခိၚ်ဟာ” ရဴဝွံ ဒးဗ္စာရဏာရ။
ယွံဥပါလိ ခမဳမဗ္စာရဏာဂှ် “တၞဟ်နဂိုၚ်ကေတ် အတ္တာဒါနဓိကိုရ်ဝွံ အခိၚ်ဟွံသေၚ်ရ၊ အခါဟွံသေၚ်ရ” ရဴဝွံ ယဝ်တီမ္ဂး ဟဂပ်ဝ်ဂိုၚ်ကေတ် အတ္တာဒါနဓိကိုရ်ဂှ်ရ။
ယွံဥပါလိ ခမဳမဗ္စာရဏဂှ် “တၞဟ်နဂိုၚ်ကေတ် အတ္တာဒါနာဓိကိုရ်ဝွံ ဒးအခိၚ်ရ၊ အခါဟွံသေၚ်ဂှ် ဟွံသေၚ်ရ” ရဴဝွံ ယဝ်တီမ္ဂး ခမဳဂှ် “အတ္တာဒါနဓိကိုရ် အဲမမိက်ဂိုၚ်ကေတ်ဝွံ ဍာံစၟတ်ဟာ၊ ဟွံဍာံစၟတ်ဟာ” ရဴဝွံ ဒးဗ္စာရဏ လောန်လတူဂှ်ရ။
ယွံဥပါလိ ခမဳဂှ် ဗ္စာရဏာမ္ဂး “အတ္တာဒါနာဓိကိုရ်ဝွံ ဟွံဍာံစၟတ်ရ” ရဴဝွံ ယဝ်တီမ္ဂး ဟဂပ်ဝ်ဂိုၚ်ကေတ် အတ္တာဒါနာဓိကိုရ်ဂှ်ရ။
ယွံဥပါလိ ခမဳဂှ် ဗ္စာရဏာမ္ဂး “အတ္တာဒါနဓိကိုရ်ဝွံ ဍာံစၟတ်ရ၊ ဟွံဍာံစၟတ် ဟွံသေၚ်ရ” ရဴဝွံ ယဝ်တီမ္ဂး ခမဳဂှ် “အတ္တာဒါနဓိကိုရ် အဲမမိက်ဂိုၚ်ကေတ်ဝွံ စပ်ကဵုဖဵုဟာ၊ ဟွံစပ်ကဵုဖဵုဟာ” ရဴဝွံ ဒးဗ္စာရဏာ လောန်လတူဂှ်ရ။
ယွံဥပါလိ ခမဳဂှ် ဗ္စာရဏမ္ဂး “အတ္တာဒါနဓိကိုရ်ဝွံ ဟွံစပ်ကဵုဖဵုရ၊ စပ်ကဵုဖဵုဟွံသေၚ်ရ” ရဴဝွံ ယဝ်တီမ္ဂး ဟဂပ်ဝ်ဂိုၚ်ကေတ် အတ္တာဒါနဓိကိုရ်ဂှ်ရ။
ယွံဥပါလိ ခမဳဂှ် ဗ္စာရဏာမ္ဂး “အတ္တာဒါနဓိကိုရ်ဝွံ စပ်ကဵုဖဵုရ၊ ဟွံစပ်ကဵုဖဵုဟွံသေၚ်ရ” ရဴဝွံ ယဝ်တီမ္ဂး ခမဳဂှ် “အဲဂိုၚ်ကေတ် အတ္တာဒါနဓိကိုရ်ဝွံမ္ဂး ကလိဂွံခမဳမိတ်ဂမၠိုၚ်မဒှ်ဍုက်ကေဝ်ဒဒှ်ေဒယှ် ဟွံဍုက်ကေတ်ဒဒှ်ေဒယှ် မဒှ်ဗော်သွးမဒှ်အတိုၚ်ဓရ် အတိုၚ်ဝိနယ်ဟာ၊ ဟွံကလိဂွံဟာ” ရဴဝွံ ဒးဗ္စာရဏာ လောန်လတူဂှ်ရ။
ယွံဥပါလိ ခမဳဂှ် ဗ္စာရဏာမ္ဂး “အဲဂိုၚ်ကေတ် အတ္တာဒါနာဓိကိုရ်ဝွံမ္ဂး ဟွံကလိဂွံ ခမဳမိတ်ဂမၠိုၚ် မဍုက်ကေဝ်ဒဒှ်ေဒယှ် ဟွံဍုက်ကေဝ်ဒဒှ်ေဒယှ် မဒှ်ဗော်သွးမဒှ်အတိုၚ်ဓရ် အတိုၚ်ဝိနယ်ရ” ရဴဝွံ ယဝ်တီမ္ဂး ဟဂပ်ဝ်ဂိုၚ်ကေတ် အတ္တာဒါနာဓိကိုရ်ဂှ်ရ။
ယွံဥပါလိ ခမဳဂှ် ဗ္စာရဏာမ္ဂး “အဲဂိုၚ်ကေတ် အတ္တာဒါနာဓိကိုရ် ကလိဂွံ ခမဳမိတ်ဂမၠိုၚ် မဍုက်ကေဝ်ဒဒှ်ေဒယှ် ဟွံဍုက်ကေဝ်ဒဒှ်ေဒယှ် မဒှ်ဗော်သွးအတိုၚ်ဓရ် အတိုၚ်ဝိနယ်ရ” ရဴဝွံ ယဝ်တီမ္ဂး ခမဳဂှ် “ဃောအဲဂိုၚ်ကေတ် အတ္တာဒါနာဓိကိုရ်ဝွံ ဟိုတ်နူဟိုတ်ဂှ် ပွမကယျာန်ဓဝါတ်သေက်ဇဵုကြဴမတ်, ပွမဟီုသ္ဂးစှေ်စး စဵုကဵုဇိုၚ်တဲပါကီု သၚ်ပါ်ဒကးကီု စရိတ်သၚ် ကြက်ပါ်ဒကးကီု သၚ်ပါ်ခြာအာတၞဟ်တၞဟ်ကီု သၚ်ဒှ်တၞဟ်တၞဟ်ကီု ကတဵုဒှ်ကၠုၚ် ကုသၚ်ဟာ၊ ဟွံသေၚ်သာ်ဂှ်မ္ဂး ဟွံကတဵုဒှ်ဟာ” ရဴဝွံ ဒးဗ္စာရဏာ လောန်လတူဂှ်ရ။
ယွံဥပါလိ ခမဳဂှ် ဗ္စာရဏာမ္ဂး “အဲဂိုၚ်ကေတ် အတ္တာဒါနာဓိကိုရ်ဝွံမ္ဂး ဟိုတ်နူဟိုတ်ဂှ် ပွမကယျာန်ဓဝါတ် သေက်ဇဵုကြဴမတ်, ဂတမတ် ပွမဟီုသ္ဂးစှေ်စး စဵုကဵုဇိုၚ်တဲပါကီု သၚ်ပါ်ဒကးကီု စရိသၚ် ကြက်ပါ်ဒကးကီု သၚ်ပါ်ခြာတၞဟ်တၞဟ်ကီု သၚ်ဒှ်တၞဟ်တၞဟ်ကီု ကတဵုဒှ်ကၠုၚ် ကုသၚ်ရ” ရဴဝွံ ယဝ်တီမ္ဂး ဟဂပ်ဝ်ဂိုၚ်ကေတ် အတ္တာဒါနာဓိကိုရ်ဂှ်ရ။
ယွံဥပါလိ ခမဳဂှ် ဗ္စာရဏာမ္ဂး “အဲဂိုၚ်ကေတ် အတ္တာဒါနာဓိကိုရ်ဝွံမ္ဂး ဟိုတ်နူဟိုတ်ဂှ် ပွမကယျာန်ဓဝါတ် သေက်ဇဵုကြဴမတ်, ဂတမတ် ပွမဟီုသ္ဂးစှေ်စး စဵုကဵုဇိုၚ်တဲပါကီု သၚ်ပါ်ဒကးကီု စရိသၚ် ကြက်ပါ်ဒကးကီု သၚ်ပါ်ခြာတၞဟ်တၞဟ်ကီု သၚ်ဒှ်တၞဟ်တၞဟ်ကီု ဟွံကတဵုဒှ်ကၠုၚ် ကုသၚ်ရ” ရဴဝွံ ယဝ်တီမ္ဂး ဂပ်ဝ်ဂိုၚ်ကေတ် အတ္တာဒါနာဓိကိုရ်ဂှ်ရ။
ယွံဥပါလိ ဂိုၚ်ကေတ် အတ္တာဒါနာဓိကိုရ် မဍိုက်ပေၚ်တဴ ကေုာံ အၚ်္ဂမသုန်သာ်ဝွံမ္ဂး ပ္ဍဲကာလကြဴလေဝ် လေပ်သ္ပကဵုဂၠမ်စိုတ်မိပ်မြဟ်ရ ရဴဝွံ (သ္ဂးရ)။
၉.၈။ ဓရ်ထေက်ကဵု ပူဂိုလ်စောဒက ဗ္စာရဏာ[ပလေဝ်ဒါန် | ပလေဝ်ဒါန် တမ်ကၞက်]
၃၉၉။ ယွံတဳလမၞုံပိုဉ် ခမဳစောဒက မမိက်စောဒနာညးသအာၚ်ဂှ် ဗ္စာရဏာပ္ဍဲသန္ထာန်ဇကု ဓရ်ဂမၠိုၚ်ဗၞတ်မုစိတုဲ ထေက်ကဵုစောဒနာ ညးသအာၚ်ရော? ရဴဝွံ (ဂရၚ်ပတီရ)။
ယွံဥပါလိ ခမဳစောဒက မမိက်စောဒနာညးသအာၚ်ဂှ် ဗ္စာရဏာပ္ဍဲသန္ထာန်ဇကု ဓရ်ဂမၠိုၚ်မသုန်သာ်တုဲ ထေက်ကဵုစောဒနာ ညးသအာၚ်ရ။
ယွံဥပါလိ ခမဳစောဒကာ မမိက်စောဒနာညးသအာၚ်ဂှ် ရဴဝွံ ဗ္စာရဏာရ။ “အဲ ဒ္ဂေတ်ဇကု သအးဇ္ၚးဟာ၊ ဍိုက်ပေၚ်တဴကေုာံ ဒ္ဂေတ်ဇကု မသအးဇ္ၚး မဟွံထောၚ်ပြိုဟ် မဟဂပ်ဝ်ဇွိတ်သပေါတ်ဟာ၊ ဓရ်ဝွံ နွံကုအဲဟာ၊ ဟွံသေၚ်သာ်ဂှ်မ္ဂး ဟွံမွဲဟာ” ရဴဝွံ ဒးဗ္စာရဏာရ။
ယွံဥပါလိ ခမဳဂှ် ဒ္ဂေတ်ဇကုဟွံသအးဇ္ၚးမ္ဂး ဟွံဍိုက်ပေၚ်တဴကေုာံဒ္ဂေတ်ဇကုမသအးဇ္ၚး မဟွံထောၚ်ပြိုဟ် မဟဂပ်ဝ်ဇွိတ်သပေါတ်မ္ဂး “ဗတိုက်ဖအောဝ်ရ၊ တဳလပိုဉ် သ္ၚေဝ်ရံၚ်ဒ္ဂေတ်ဇကုဇကု ဗွဲကိုပ်ကၠာညိ” ရဴဝွံ ညးမလေပ်ဟီုသ္ဂး ကုခမဳဂှ် လေပ်နွံအိုတ်ရ။
ယွံဥပါလိ မွဲဂကူပၠန်တုန် ခမဳစောဒက မမိက်စောဒနာညးသအာၚ်ဂှ်—
“အဲ ဒ္ဂေတ်ပါၚ် သအးဇ္ၚးဟာ၊ ဍိုက်ပေၚ်တဴကေုာံ ဒ္ဂေတ်ပါၚ် မသအးဇ္ၚး မဟွံထောၚ်ပြိုဟ် မဟဂပ်ဝ်ဇွိတ်သပေါတ်ဟာ၊ ဓရ်ဝွံ နွံကုအဲဟာ၊ ဟွံသေၚ်သာ်ဂှ်မ္ဂး ဟွံမွဲဟာ” ရဴဝွံ ဒးဗ္စာရဏာရ။
ယွံဥပါလိ ခမဳဂှ် ဒ္ဂေတ်ပါၚ်ဟွံသအးဇ္ၚးမ္ဂး ဟွံဍိုက်ပေၚ်တဴကေုာံ ဒ္ဂေတ်ပါၚ်မသအးဇ္ၚး မဟွံထောၚ်ပြိုဟ် မဟဂပ်ဝ်ဇွိတ်သပေါတ်မ္ဂး “ဗတိုက်ဖအောဝ်ရ၊ တဳလပိုဉ် သ္ၚေဝ်ရံၚ်ဒ္ဂေတ်ပါၚ်ဇကု ဗွဲကိုပ်ကၠာညိ” ရဴဝွံ ညးမလေပ်ဟီုသ္ဂး ကုခမဳဂှ် လေပ်နွံအိုတ်ရ။ ယွံဥပါလိ မွဲဂကူပၠန်တုန် ခမဳစောဒက မမိက်စောဒနာညးသအာၚ်ဂှ်—
“မေတ္တာစိုတ် တန်တဴတူရူ ကုအဲဟာ၊ စ္ဍးနူပၞောတ်ဒေါသ ပ္ဍဲညးဒ္ဂေတ်ဓရ်မွဲစွံဂမၠိုၚ်ဟာ၊ ဓရ်ဝွံ နွံကုအဲဟာ ဟွံသေၚ်သာ်ဂှ်မ္ဂး ဟွံမွဲဟာ” ရဴဝွံ ဒးဗ္စာရဏာရ။
ယွံဥပါလိ မေတ္တာစိုတ် ဟွံတန်တဴတူရူ ကုခမဳဂှ်မ္ဂး ဟွံစ္ဍးနူပၞောတ်ဒေါသ ပ္ဍဲညးဒ္ဂေတ်ဓရ်မွဲစွံဂမၠိုၚ်မ္ဂး “ဗတိုက်ဖအောဝ်ရ၊ တဳလပိုဉ်ဗွဲကိုပ်ကၠာ ဩဝ်ကဵုကတဵုဒှ်တူရူ မေတ္တာစိုတ် ပ္ဍဲညးဒ္ဂေတ်ဓရ်မွဲစွံဂမၠိုၚ်ညိ” ညးမလေပ်ဟီုသ္ဂး ကုခမဳဂှ် လေပ်နွံအိုတ်ရ။ ယွံဥပါလိ မွဲဂကူပၠန်တုန် ခမဳစောဒက မမိက်စောဒနာညးသအာၚ်ဂှ်—
“အဲ လမိၚ်လညာတ်ဂၠိုၚ်ဟာ၊ ပကၚ်ရၚ်လဝ် လၟိၚ်လညာတ်ဟာ၊ လ္ၚတ်ဆန်ၜန် (ပကောံပကေဝ်) လဝ် လမိၚ်လညာတ်ဟာ။ ဓရ်ဂမၠိုၚ် မၞုံကဵုပွမဆာဲတမ် ပွမဆာဲလဒေါဝ် ပွမဆာဲကၞောတ်တုဲ ဒှ်မွဲဟာန်ကေုာံအရထသဒ္ဒါသၟဟွံက ဍိုက်ပေၚ်ပွဳပွူးအိုတ်တ်သီုတုဲ မတွံထ္ၜးတဴ ဒ္ဂေတ်မပြဲမသအးဇ္ၚးဂှ် ဂပ်ဝ်ကလၚ်လဝ် ဗွဲမဂၠိုၚ်ဟာ၊ ပကၚ်ရၚ် ပတိုန်လဝ်ပါၚ်ဟာ၊ လ္ၚတ်လဝ်ဟာ၊ ဗ္စာရဏာလဝ် နစိုတ်ဟာ၊ ထပက်ခၠၚ်တီကေတ် နကဵုပညာ ဗွဲမဒးရးဟာ၊ ဓရ်ဝွံ နွံကုအဲဟာ၊ ဟွံသေၚ်သာ်ဂှ်မ္ဂး ဟွံမွဲဟာ” ရဴဝွံ ဒးဗ္စာရဏာရ။
ယွံဥပါလိ ခမဳဂှ် လမိၚ်လညာတ်ဟွံဂၠိုၚ်မ္ဂး ဟွံပကၚ်ရၚ်လဝ်လၟိၚ်လညတ်မ္ဂး ဟွံလ္ၚတ်ဆန်ၜန် (ပကောံပကေဝ်) လဝ် လမိၚ်လညာတ်မ္ဂး။ ဓရ်ဂမၠိုၚ် မၞုံကဵုပွမဆာဲတမ် ပွမဆာဲလဒေါဝ် ပွမဆာဲကၞောတ်တုဲ ဒှ်မွဲဟာန်ကေုာံအရထသဒ္ဒါသၟးဟွံက ဍိုက်ပေၚ်ပွဳပွူအိုတ်သီုတုဲ မတွံထ္ၜးတဴ ဒ္ဂေတ်မပြဲမသအးဇ္ၚးဂှ် ဟဂပ်ဝ်ကလၚ်လဝ် ဗွဲမဂၠိုၚ်မ္ဂး ဟဂွံပကၚ်ရၚ်ပတိုန်လဝ်ပါၚ်မ္ဂး ဟဂွံလ္ၚတ်လဝ်မ္ဂး ဟဂွံဗ္စာရဏာလဝ် နစိုတ်မ္ဂး ဟဂွံထပက်ခၠၚ်တီကေတ် နကဵုပညာဗွဲမဒးရးမ္ဂး “ဗတိုက်ဖအိုတ်ရ၊ တဳလပိုဉ် ဗွဲကိုပ်ကၠာ ဩဝ်ကတ်ဗတောန် ပါဠိသုတ်ညိ” ညးမလေပ်ဟီုသ္ဂး ကုခမဳဂှ် လေပ်နွံအိုတ်ရ။
ယွံဥပါလိ မွဲဂကူပၠန်တုန် ခမဳစောဒက မမိက်စောဒနာညးသအာၚ်ဂှ်—
“အဲ ဂွံလဝ်ပါၚ်တိုက် ပါတိမုက်ဂမၠိုၚ်ၜါ ဗွဲတြးဟာ၊ ပါ်ပရအ်လဝ် ဗွဲမဒးရးတုဲဒှ်ဟာ၊ မၞုံကဵုပွမကဵုဒှ်ဗွဲမဒးရးဟာ၊ ဗွဲပါဠိကီု ဗွဲအဋ္ဌကထာကီု သ္ဂုတ်သွာတ်လဝ် ဗွဲမဒးရးတုဲဒှ်ဟာ၊ ဓရ်ဝွံ နွံကုအဲဟာ ဟွံသေၚ်သာ်ဂှ်မ္ဂး ဟွံမွဲဟာ” ရဴဝွံ ဒးဗ္စာရဏာရ။
ယွံဥပါလိ ခမဳဂှ် ဟွံဂွံလဝ်ပါၚ်တိုက် ပါတိမုက်ဂမၠိုၚ်ၜါ ဗွဲတြးမ္ဂး ဟွံဂွံပါ်ပရအ်လဝ် ဗွဲမဒးရးမ္ဂး ဟွံမွဲကဵုပွမကတဵုဒှ်ဗွဲမဒးရးမ္ဂး ဗွဲပါဠိကီု ဗွဲအဋ္ဌကထာကီု ဟဂွံသ္ဂုတ်သွာတ်လဝ်ဗွဲမဒးရးမ္ဂး “ယွံကောန်တၠ သိက္ခာပိုဒ်ဝွံ မုရဴပ္ဍဲဌာန်မွဲ ကျာ်တြဲ တွံလဝ်ရော?” ရဴဝွံ သၟာန်မ္ဂး သှ်ကဵုဗွဲမဒးရး ဟွံမာန်မ္ဂး “ဗတိုက်ဖအောဝ်ရ၊ တဳလပိုဉ် ဗွဲကိုပ်ကၠာ ဩဝ်ကတ်ဗတောန် ဝိနယ်ညိ” ရဴဝွံ ညးမလေပ်ဟီုသ္ဂး ကုခမဳဂှ် လေပ်နွံအိုတ်ရ။
ယွံဥပါလိ ခမဳစောဒက မမိက်စောဒနာညးသအာၚ်ဂှ် ဗ္စာရဏာပ္ဍဲသန္ထာန်ဇကု ဓရ်ဂမၠိုၚ်မသုန်သာ်ဝွံတုဲ ထေက်ကဵုစောဒနာညးသအာၚ်ရ ရဴဝွံ (သ္ဂးရ)။
၉.၉။ သဘဴဓရ်ပူဂိုလ်စောဒက မဒးကဵုကတဵုဒှ် ပ္ဍဲသန္ထာဇကု[ပလေဝ်ဒါန် | ပလေဝ်ဒါန် တမ်ကၞက်]
၄၀၀။ ယွံတဳလမၞုံပိုဉ် ခမဳစောဒက မမိက်စောဒနာညးသအာၚ်ဂှ် ကဵုကတဵုဒှ် ပ္ဍဲသန္ထာန်ဇကု ဓရ်ဂမၠိုၚ်မသုန်သာ်တုဲ ဒးစောဒနာညးသအာၚ်ရော? ရဴဝွံ (ဂရၚ်ပတီရ)။
ယွံဥပါလိ ခမဳစောဒက မမိက်စောဒနာညးသအာၚ်ဂှ် ကဵုကတဵုဒှ် ပ္ဍဲသန္ထာန်ဇကု ဓရ်ဂမၠိုၚ်မသုန်သာ်တုဲ ဒးစောဒနာညးသအာၚ်ရ။
“ကြက်ဟီုသ္ဂး ပ္ဍဲအခိၚ်မဗဗွဲရ၊ ကြက်ဟွံဟီုသ္ဂး ပ္ဍဲအခိၚ်မဟွံဗဗွဲရ၊ ကြက်ဟီုသ္ဂး နဂလာန်ဍာံစၟတ်ရ၊ ကြက်ဟွံဟီုသ္ဂး နဂလာန်ဟွံဍာံစၟတ်ရ၊ ကြက်ဟီုသ္ဂး နဂလာန်ဍိုန်ဍောတ်ရ၊ ကြက်ဟွံသီုသ္ဂး နဂလာန်မသကာတ်မြဟ်ရ၊ ကြက်ဟီုသ္ဂး နဂလာန်မစပ်ကေုာံဖဵုရ၊ ကြက်ဟွံဟီုသ္ဂး နဂလာန်မဟွံစပ်ကေုာံဖဵုရ၊ ကြက်ဟီုသ္ဂး သီုမစွံမေတ္တာစိုတ်ရ၊ ကြက်ဟွံဟီုသ္ဂး သီုမစွံဒေါသစိုတ်ရ။
ယွံဥပါလိ ခမဳစောဒက မမိက်စောဒနာညးစအာၚ်ဂှ် ကဵုကတဵုဒှ်ပ္ဍဲသန္ထာန်ဇကု ဓရ်ဂမၠိုၚ်မသုန်သာ်တုဲ ဒးစောဒနာညးသအာၚ်ရ ရဴဝွံ (သ္ဂးရ)။
၉.၁၀။ စၞောန်ထ္ၜးကဵုအရာဆေၚ်စပ်ကဵုစောဒက စုဒိတကဂမၠိုၚ်[ပလေဝ်ဒါန် | ပလေဝ်ဒါန် တမ်ကၞက်]
၄၀၁။ ယွံတဳလပိုဉ် မုရဴနအကာဲအရာဂမၠိုၚ် ဒးကဵုကတဵုဒှ် ပွမသၠိုက်သ္ၚောံစိုတ် ကုခမဳအဓမ္မစောဒကရော? ရဴဝွံ (ဂရၚ်ပတီရ)။
ယွံဥပလိ နအကာဲအရာဂမၠိုၚ်မသုန်သာ် ဒးကဵုကတဵုဒှ် ပွမသၠိုက်သ္ၚောံစိုတ် ကုခမဳအဓမ္မစောဒကရ။
“တဳလပိုဉ် စောဒနာ ပ္ဍဲအခိၚ်ဟွံဗဗွဲရ၊ ဟွံစောဒနာ ပ္ဍဲအခိၚ်မဗဗွဲရ၊ ထေက်ကဵုတၞဟ်နသၠိုက်သ္ၚောံစိုတ် ကုတၠအဲရ။ တဳလပိုဉ် စောဒနာ နဂလာန်ဟွံဍာံစၟတ်ရ၊ ဟွံစောဒနာ နဂလာန်မဍာံစၟတ်ရ၊ ထေက်ကဵုတၞဟ်နသၠိုက်သ္ၚောံစိုတ် ကုတၠအဲရ။ တဳလပိုဉ် စောဒနာ နဂလာန်မသကာတ်မြဟ်ရ၊ ဟွံစောဒနာ နဂလာန်မဍိုန်ဍောတ်ရ၊ ထေက်ကဵုတၞဟ်နသၠိုက်သ္ၚောံစိုတ်ကုတၠအဲရ။ တဳလပိုဉ် စောဒနာ နဂလာန်မဟွံစပ်ကေုာံဖဵုရ၊ ဟွံစောဒနာ နဂလာန်မစပ်ကေုာံဖဵုရ၊ ထေက်ကဵုတၞဟ်နသၠိုက်သ္ၚောံစိုတ် ကုတၠအဲရ။ တဳလပိုဉ် စော်ဒနာ သီုမစွံဒေါသစိုတ်ရ၊ ဟွံစောဒနာ သီုမစွံမေတ္တာစိုတ်ရ၊ ထေက်ကဵုတၞဟ်နသၠိုက်သ္ၚောံစိုတ် ကုတၠအဲရ” ရဴဝွံ (ဒးကတဵုဒှ် ပွမသၠိုက်သ္ၚောံစိုတ်ရ)။
ယွံဥပါလိ နအကာဲအရာဂမၠိုၚ်မသုန်သာ်ဝွံ ဒးကဵုကတဵုဒှ် ပွမသၠိုက်သ္ၚောံစိုတ် ကုခမဳအဓမ္မစောဒကရ၊ ပွမဒးကဵုကတဵုဒှ် မုဟိုတ်ရောဟီုမ္ဂး— ခမဳသအာၚ်လေဝ် သီုဟွံဍာံစၟတ်ဂှ်စောဒနာ ဂွံရ ရဴဝွံ ဟွံဂိုၚ်သမ္တီကေတ်ရ၊ (ဟိုတ်ဂှ်ရောၚ်) ရဴဝွံ (သ္ဂးရ)။ ယွံတဳလမၞုံပိုဉ် မုရဴနအကာဲအရာဂမၠိုၚ် ဒးကဵုကတဵုဒှ် ပွမမိပ်စိုတ်သၠောၚ်သ္ပဝ် ကုခမဳမဒးဒုၚ်စောဒနာ ဟွံဗဗွဲဓရ်ရော ရဴဝွံ (ဂရၚ်ပတီရ)။
ယွံဥပါလိ နအကာဲအရာဂမၠိုၚ်မသုန်သာ် ဒကဵုကတဵုဒှ် ပွမမိပ်စိုတ်သၠောၚ်သ္ပဝ် ကုခမဳမဒးဒုၚ်စောဒနာ ဟွံဗဗွဲဓရ်ရ။
“စောဒနာ တဳလပိုဉ် ပ္ဍဲအခိၚ်ဟွံဗဗွဲရ၊ ဟွံစောဒနာ ပ္ဍဲအခိၚ်မဗဗွဲရ၊ ထေက်ကဵုတၞဟ်နမိပ်စိုတ်သၠောၚ်သ္ပဝ် ကုတၠအဲရ။ စောဒနာ တဳလပိုဉ် နဂလာန်ဟွံဍာံစၟတ်ရ၊ ဟွံစောဒနာ နဂလာန်မဍာံစၟတ်ရ၊ ထေက်ကဵုတၞဟ်နမိပ်စိုတ်သၠောၚ်သ္ပဝ် ကုတၠအဲရ။
စောဒနာ တဳလပိုဉ် နဂလာန်မသကာတ်မြဟ်ရ၊ ဟွံစောဒနာ နဂလာန်မဍိုန်ဍောတ်ရ၊ ထေက်ကဵုတၞဟ်နမိပ်စိုတ်သၠောၚ်သ္ပဝ် ကုတၠအဲရ။ စောဒနာ တဳလပိုဉ် နဂလာန်မဟွံစပ်ကေုာံဖဵုရ၊ ဟွံစောဒနာ နဂလာန်မစပ်ကေုာံဖဵုရ၊ ထေက်ကဵုတၞဟ်နမိပ်စိုတ်သၠောၚ်သ္ပဝ် ကုတၠအဲရ။ စောဒနာ တဳလပိုဉ် နဒေါသစိုတ်ရ၊ ဟွံစောဒနာ နမေတ္တာစိုတ်ရ၊ ထေက်ကဵုတၞဟ်နမိပ်စိုတ်သၠောၚ်သ္ပဝ် ကုတၠအဲရ” ရဴဝွံ (ဒးကဵုကတဵုဒှ် ပွမမိပ်စိုတ် သၠောၚ်သ္ပဝ်ရ)။
ယွံဥပါလိ နအကာဲအရာဂမၠိုၚ် မသုန်သာ်ဝွံ ဒးကဵုကတဵုဒှ် ပွမမိပ်စိုတ်သၠောၚ်သ္ပဝ် ကုခမဳ မဒးဒုၚ်စောဒနာ ဟွံဗဗွဲဓရ်ရ ရဴဝွံ (သ္ဂးရ)။
ယွံတဳလမၞုံပိုဉ် မုရဴနအကာဲအရာဂမၠိုၚ် ဒးကဵုကတဵုဒှ် ပွမမိပ်စိုတ်သၠောၚ်သ္ပဝ် ကုခမဳမဒးဒုၚ်စောဒနာ နဗဗွဲဓရ်ရော? ရဴဝွံ (ဂရၚ်ပတီရ)။ ယွံဥပါလိ နအကာဲအရာဂမၠိုၚ်မသုန်သာ် ဒးကဵုကတဵုဒှ် ပွမမိပ်စိုတ်သၠောၚ်သ္ပဝ် ကုခမဳမဒးဒုၚ်စောဒနာ နဗဗွဲဓရ်ရ။
“တဳလပိုဉ် စောဒနာ ပ္ဍဲအခိၚ်မဗဗွဲရ၊ ဟွံစောဒနာ ပ္ဍဲအခိၚ်မဟွံဗဗွဲရ၊ ထေက်ကဵုတၞဟ်နမိပ်စိုတ်သၠောၚ်သ္ပဝ် ကုတၠအဲရ။ တဳလပိုဉ် စောဒနာ နဂလာန်မဍာံစၟတ်ရ၊ ဟွံစောဒနာ နဂလာန်မဟွံဍာံစၟတ်ရ၊ ထေက်ကဵုတၞဟ်နမိပ်စိုတ်သၠောၚ်သ္ပဝ် ကုတၠအဲရ။ တဳလပိုဉ် စောဒနာ နဂလာန် မဍိုန်ဍောတ်ရ၊ ဟွံစောဒနာ နဂလာန်မသကာတ်မြဟ်ရ၊ ထေက်ကဵုတၞဟ်နမိပ်စိုတ်သၠောၚ်သ္ပဝ် ကုတၠအဲရ။ တဳလပိုဉ် စောဒနာ နဂလာန်မစပ်ကေုာံဖဵုရ၊ ဟွံစောဒနာ နဂလာန် မဟွံစပ်ကေုာံဖဵုရ၊ ထေက်ကဵုတၞဟ်နမိပ်စိုတ်သၠောၚ်သ္ပဝ် ကုတၠအဲရ။ တဳလပိုဉ် စောဒနာ သီုမစွံမေတ္တာစိုတ်ရ၊ ဟွံစောဒနာ သီုမစွံဒေါသစိုတ်ရ၊ ထေက်ကဵုတၞဟ်နမိပ်စိုတ်သၠောၚ်သ္ပဝ်ကုတၠအဲရ။ ယွံပါလိတ နအကာဲအရာဂမၠိုၚ်မသုန်သာ်ဝွံ ဒကဵဒကတဵုဒှ် ပွမမိပ်စိုတ်သၠောၚ်သ္ပဝ် ကုခမဳမဒးဒုၚ်စောဒနာ နဗဗွဲဓရ်ရ။ ပွမဒးကဵုကတဵုဒှ်သာ်ဂှ် မုဟိုတ်ရောဟီုမ္ဂး— ခမဳသအာၚ်လေဝ် အတိုၚ်ဍာံစၟတ်ဂှ် ဒးစောဒနာရ ရဴဝွံ ဂိုၚ်သမ္တီကေတ်ရ၊ ဟိုတ်ဂှ်ရောၚ်” ရဴဝွံ (သ္ဂးရ)။
ယွံတဳလမၞုံပိုဉ် မုရဴနအကာဲအရာဂမၠိုၚ် ဒကဵုကတဵုဒှ် ပွမသၠိုက်သ္ၚောံစိုတ် ကုခမဳ မဒးဒုၚ်စောဒနာ နဗဗွဲဓရ်ရော? ရဴဝွံ (ဂရၚ်ပတီရ)။
ယွံဥပါလိ နအကာဲအရာဂမၠိုၚ်မသုန်သာ် ဒးကဵုကတဵုဒှ် ပွသၠိုက်သ္ၚောံစိုတ် ကုခမဳ မဒးဒုၚ်စောဒနာ နဗဗွဲဓရ်ရ။
“စောဒနာ တဳလပိုဉ် အခိၚ်မဗဗွဲရ၊ ဟွံစောဒနာ ပ္ဍဲအခိၚ်မဟွံဗဗွဲရ၊ ထေက်ကဵုတၞဟ်နသၠိုက်သ္ၚောံစိုတ် ကုတၠအဲရ။ စောဒနာ တဳလပိုဉ် နဂလာန်ဍာံစၟတ်ရ၊ ဟွံစောဒနာ နဂလာန်ဟွံဍာံစၟတ်ရ၊ ထေက်ကဵုတၞဟ်နသၠိုက်သ္ၚောံစိုတ် ကုတၠအဲရ။ စောဒနာ တဳလပိုဉ် နဂလာန်မဍိုန်ဍောတ်ရ၊ ဟွံစောဒနာ နဂလာန်မသကာတ်မြဟ်ရ၊ ထေက်ကဵုတၞဟ်နသၠိုက်သ္ၚောံစိုတ် ကုတၠအဲရ။ စောဒနာ တဳလပိုဉ် နဂလာန်မစပ်ကေုာံဖဵုရ၊ ဟွံစောဒနာ နဂလာန် မဟွံစပ်ကေုာံဖဵုရ၊ ထေက်ကဵုတၞဟ်နသၠိုက်သ္ၚောံစိုတ် ကုတၠအဲရ။ စောဒနာ တဳလပိုဉ် နမေတ္တာစိုတ်ရ၊ ဟွံစောဒနာ နဒေါသစိုတ်ရ၊ ထေက်ကဵုတၞဟ်နသၠိုက်သ္ၚောံစိုတ် ကုတၠအဲရ။ ဥပါလိ နအကာဲအရာဂမၠိုၚ် မသုၚ်သာ်ဝွံ ဒးကဵုကတဵုဒှ် ပွမသၠိုက်သ္ၚောံစိုတ် ကုခမဳ မဒးဒုၚ်စောဒနာ နဗဗွဲဓရ်ရ” ရဴဝွံ (သ္ဂးရ)။
ယွံတဳလမၞုံပိုဉ် ခမဳမမိက်စောဒနာညးသအာၚ်ဂှ် သ္ပပၠုပ်စိုတ် ပ္ဍဲသန္ထာန်ဇကု ဓရ်ဂမၠိုၚ်မုစိသာ်တုဲ ဒးစောဒနာညးသအာၚ်ရော? ရဴဝွံ (ဂရၚ်ပတီရ)။
ယွံဥပါလိ ခမဳစောဒက မမိက်စောဒနာညးသအာၚ်ဂှ် သ္ပပၠုပ်စိုတ် ပ္ဍဲသန္ထာန်ဇကု ဓရ်ဂမၠိုၚ်မသုန်သာ် မတွံဂးပွမဆာန်ဍူ ပွမဂၠာဲသ္ၚေဝ်ဒတုဲမြမောဝ် ပွမမၚ်မွဲ ပွမကဵုဒၠိုက်ကတဵုနူအာပတ် ပွမသ္ပတူရူဂတကဵုဝိနယ်တုဲ ဒးစောဒနာညးသအာၚ်ရ။
ယွံဥပါလိ ခမဳစောဒက မမိက်စောဒနာညးသအာၚ်ဂှ် သ္ပပၠုပ်စိုတ် ပ္ဍဲသန္ထာန်ဇကု ဓရ်ဂမၠိုၚ်မသုန်သာ်ဝွံတုဲ ဒးစောဒနာညးသအာၚ်ရ ရဴဝွံ (သ္ဂးရ)။
ယွံတဳလမၞုံပိုဉ် ခမဳ မဒးဒုၚ်စောဒနာဂှ် ဂပ်ဝ်တန်တဴ ပ္ဍဲဓရ်ဂမၠိုၚ်မုစိရော? ရဴဝွံ (ဂရၚ်ပတီရ)။
ယွံဥပါလိ ခမဳ မဒးဒုၚ်စောဒနာဂှ် ဒးတန်တဴ ပ္ဍဲဓရ်ဂမၠိုၚ်ၜါ မတွံဂး ပွမဟီုသ္ဂးဍာံစၟတ် ပွမဟွံထေဲပၞောတ်ရ ရဴဝွံ (သ္ဂးရ)။
❀❀ခဏ်ဒုတိယတုဲရ။❀❀
✤✤✤ပါတိမောက္ခဋ္ဌပနက္ခန္ဓက နဝမ တုဲရ။✤✤✤
ပ္ဍဲခန္ဓကဝွံ ဝတ္ထုဂမၠိုၚ် မၞုံပိစှော်ဂမၠိုၚ်ရ။
❖ ပါတိမောက္ခဋ္ဌပနက္ခန္ဓဂှ် ဗွဲခမ္ဍန်[ပလေဝ်ဒါန် | ပလေဝ်ဒါန် တမ်ကၞက်]
ပ္ဍဲတ္ၚဲဥပေါသ် ယြဴခမဳမယုတ်မာမၞုံဗၞတ်မွဲ ဟွံတိတ်ရ၊ တဳလပိုဉ်မောဂ္ဂလာန် ဂပ်ဝ်ဗက်ပတိတ်ရ၊ အမ်သဝ် ပ္ဍဲသာသနာဒ္စါံသာ်။
လၟေၚ်သဝ် အတိုၚ်လၟေၚ်သိက္ခာကီု ပွမတန်တဴ ဗွဲသဘဴကီု ပွမကလိလောန်ဟွံမာန်ကီု ပွမဗိုတ်ပတိုန် ဇွသမ္အုဲကီု သၚ် ဗက်ပတိတ် ဒုဿဳလကီု ၜဳသၟတ် ကြုၚ်သၟတ်ဂမၠိုၚ် ပွမဟွံသၠး ကၠေံအိုတ်ရ။
ပွမဇွောဝ်လုပ် ပွမၜိုဟ်သတိုတ်ကီု ရှ်သာမွဲဂကူဓဝ် ဝိမုတ္တိရသကီု ပ္ဍဲဓမ္မဝိနယ မၞုံကဵုရတ်မဂၠိုၚ်ကီု သတ်မပတမ် ကတိမိ ပူဂိုလ်အရဳဂမၠိုၚ်ဒ္စါံကီု။
သ္ပဥပမာမှာသၟိဒ်တုဲ စွံလဝ်ဂုဏ် ပ္ဍဲသာသနာရ၊ ပ္ဍဲတ္ၚဲဥပေါသ် ပွမထ္ၜးပါတိမုက်ကီု ညးမမိက်ကဵုမွဲမွဲ ဟွံတီပိုဲညးဂမၠိုၚ်ကီု။
ပြဟ်ပြဟ်ဟေၚ် ပွမဂရိုဟ်ကီု ပွမတန်ဒေါံ ပါတိမုက် မွဲဂကူ ၜါဂကူ ပိဂကူ ပန်ဂကူ မသုန်ဂကူ တြဴဂကူ ထပှ်ဂကူ ဒ္စါံဂကူ စှ်ဂကူကီု။
သဳလ ဒ္ဂေတ် ကွေတ်ကီု ပွမဂယိုၚ်လမျီု ပွမတွံ ပ္ဍဲပွမပါ်ပရအ်ပန်ပြကာကီု ပါရာဇ်ကီု သံဃာဒိသေသ်ကီု ပါဲစိုတ်ကီု ပါဋိဒေသနိက်ကီု။
ဒုက္ကဋ်ကီု ပ္ဍဲပွမပါ်ပရအ်မသုန်ပြကာကီု ပွမသဳလဒ္ဂေတ်လီုလာ်ကီု သ္ဂုတ်သွာတ်မဟဂွံသ္ပဏီကီု သ္ဂုတ်သွာတ်မသ္ပတုဲကီု ပ္ဍဲပွမပါ်ပရအ်တြဴပြကာကီု အစဳရေၚ်မဗဗွဲကီု။
ပါရာဇ်ကီု သံဃာဒိသေသ်ကီု ထုလ္လစ္စယ်ကီု ပါဲစိုတ်ကီု ပါဋိဒေသနိက်ကီု ဒုက္ကဋ်ကီု ဒုဗ္ဘာသိုတ်ကီု ဂပ်ဝ်တွံ ပ္ဍဲသွက်ထပှ်ပြကာရ။
ပွမသဳလဒ္ဂေတ်လီုလာ်ကီု ကွေတ်ပွဂယိုၚ်လမျီုလီုလာ်ကီု ဒ္စါံပြကာမွဲဟာန်ကေုာံ သ္ဂုတ်သွာတ်မသ္ပတုဲ သ္ဂုတ်သွာတ်မဟွံဂွံသ္ပဏီကီု ပ္ဍဲသဳလဒ္ဂေတ်ကွေတ် သ္ဂုတ်သွာတ်မဟဂွံ သ္ပဏီကီု သ္ဂုတ်သွာတ်မသ္ပတုဲကီု သ္ဂုတ်သွာတ်မသ္ပတုဲ ဟဂွံသ္ပဏီကီု ရဴဝွံ ဗွဲအတိုၚ်မဗဗွဲဍာံစၟတ် ကျာ်တြဲ ဂပ်ဝ်တွံလဝ် ဒ္စိတ်ဂကူဂမၠိုၚ်အိုတ်ရ။
ခမဳစှေ်ပါရာဇ်ကီု သ္ဂုတ်သွာတ်မဟွံစိုပ်ဒတုဲဏီကီု ခမဳမဖျေံသိက္ခာကီု တုပ်သၟဟ်သာ်ဂှ် သ္ဂုတ်သွာတ်မဟွံစိုပ်ဒတုဲဏီကီု ပွမပြာပ်အာကီု ပွမဟွံဂိုၚ်ကေတ်မွဲလှေ်ပၠန်ကီု ဂလာန်မဂိုၚ်ကေတ်မွဲလှေ်ပၠန်ကီု။
ပ္ဍဲပွမသဳလဒ္ဂေတ်လီုလာ်ကီု ယြဴယြဴပ္ဍဲပွမကွေတ်လီုလာ်ကီု ပွမညာတ် ပွမမိၚ် ပွမသၠေဟ်ပၟာကီု နတၟေၚ်ပကာရစှ်သာ်ဝွံ ဩဝ်တီကေတ် ပွမတန်ဒေါံပါတိမုက်ဂှ်အိုတ်ညိ။
ခမဳမွဲဇကု ညာတ်ခမဳမွဲဇကုရ၊ ခမဳသအာၚ်လေဝ် ညာတ်တုဲ ဟီုလဴထ္ၜးရ၊ ခမဳဂှ်ဟေၚ် ဟီုလဴထ္ၜးရ၊ မိၚ်ဂလာန်ဂှ်တုဲ ခမဳဂှ် တန်ဒေါံပါတိမုက်ရ။
သၟိၚ် ကမၠတ် ပၟတ် ဍာ် ကလော်လကိုဟ် သတ်ဒမြိဟ် ဇြုံဂဂဳအယဴ လမျီုဒ္ဂေတ်မပြဲ ပၞောဝ်အန္တရာယ်ဂမၠိုၚ်စှ်သာ် ဟိုတ်နူအန္တရာယ်မွဲမွဲသာ် ကတဵုအာရ။
ပ္ဍဲဘာကီု ပ္ဍဲဘာသအာၚ်ကီု ပွမတန်ဒေါံ မဗဗွဲဓရ် ပွမတန်ဒေါံ ဟွံဗဗွဲဓရ် ရဴဝွံ ဩဝ်တီကေတ် ဗွဲအတိုၚ်လၟေၚ်အိုတ်ညိ။
အခိၚ်မဗဗွဲ ပွမဍာံစၟတ် ပွမစပ်ကေုာံဖဵုကီု ကလိဂွံဟာ ဟွံကလိဂွံဟာ ဒ္ဂေတ်ဇကုပါၚ်ကီု မေတ္တာကီု ပွမလၟိၚ်လညာတ် ဂၠိုၚ်ကီု ပါတိမုက်ၜါဂမၠိုၚ်ကီု။
အခိၚ်မဗဗွဲ နဂလာန်မဍာံစၟတ်ကီု နဂလာန်မဍိုန်ဍောတ်ကီု နဂလာန်မစပ်ကေုာံဖဵုကီု နမေတ္တာစိုတ်ကီု ဒးစောဒနာရ၊ ကုခမဳမစောဒနာ ဗွဲဟွံဍာံစၟတ် အရာမပါဲပၠေၚ်ကၠေံ ပွမသၠိုက်သ္ၚောံစိုတ်ဟွံမာန် ညးဒးဒုၚ်စောဒနာလေဝ် တုပ်သၟဟ်သာ်ဂှ်ရောၚ်။ ခမဳစောဒနာ နဂလာန်ဍာံစၟတ် ခမဳဒးဒုၚ်စောဒနာ ပါဲပၠၚ်ကၠေံ ပွမသၠိုက်သ္ၚောံစိုတ်မာန်ရ၊ ပွမဆာန်ဍူ ပွမနွံပၟိက်ဒတုဲမြမောဝ် ပွမၚ်မွဲ ပွမကဵုဒၠိုက်ကတဵု ပွမသ္ပတူရူဂတကဵု (ဝိနယ်)။
ရဴဝွံ ကျာ်တြဲ ထ္ၜးကဵုဒ္ဂေတ်ဝတ် ကုခမဳစောဒကရ၊ ပ္ဍဲပွမဍာံစၟတ်ကီု ပ္ဍဲပွမဟွံထေဲပၞောဝ်ကီု သဘဴဓမ္မတာ ခမဳဒးဒုၚ်စောဒနာဟေၚ် ဒးဒ္ဂေတ်ရောၚ်။ ဣဝွံတုန် ဗွဲခမ္ဍန်တုဲရ။
☀︎ ☀︎ ☀︎ ပါတိမောက္ခဋ္ဌပနက္ခန္ဓကတုဲရ။☀︎ ☀︎ ☀︎
၁၀။ ဘိက္ခုနိက္ခန္ဓက[ပလေဝ်ဒါန် | ပလေဝ်ဒါန် တမ်ကၞက်]
၁၀.၁။ ခဏ်ပဌမ[ပလေဝ်ဒါန် | ပလေဝ်ဒါန် တမ်ကၞက်]
၁၀.၁.၁။ ဝတ္ထုမဟာပဇာပတိဂေါတမဳ[ပလေဝ်ဒါန် | ပလေဝ်ဒါန် တမ်ကၞက်]
၄၀၂။ ပ္ဍဲအခိၚ် တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာနိဂြောဓာရာမ် ဇရေၚ်ဍုၚ်ကပိလဝှ် လုပ်လၟိဟ်သက္ကရးဂှ် မဟာပဇာပတိဂေါတမဳ ပြာပ်အာဇရေၚ် တဳလမၞုံပိုဉ် ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သီုမဂဇအ်ဒၟံၚ်ဒၞာဲမွဲဂှ်—
“ယွံတဳလမၞုံပိုဉ် အာတ်အခေါၚ်ရ၊ မာတုဂါမ်ဂှ် နူအဝေါၚ်ခရှ် လုပ်စိုပ်အဝေါၚ်ခမဳ ပ္ဍဲ ‘ဓမ္မဝိနယ’ သာသနာ ကျာ်တြဲမတွံလဝ်တုဲ မိက်သ္ပခမဳရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
ယွံဂေါတမဳ ဟွံထေက်ရ၊ တၠအဲ လ္ပဒးဂၞပ် ပွမဒှ်ခမဳ မာတုဂါမ် နူအဝေါၚ်ခရှ် လုပ်စိုပ်အဝေါၚ်ခမဳတုဲ သ္ပခမဳ ပ္ဍဲ ‘ဓမ္မဝိနယ’ သာသာနာကျာ်တြဲ မတွံလဝ်ညိ ရဴဝွံ (ဟီုသ္ဂးရ)။
မရနုက်ကဵုၜါဝါလေဝ် ။ ပ ။ မရနုက်ကဵုပိဝါလေဝ် မဟာပဇာပတိဂေါတမဳဂှ်—
“ယွံတဳလမၞုံပိုဉ် အာတ်အခေါၚ်ရ၊ မာတုဂါမ်ဂှ် နူအဝေါၚ်ခရှ် လုပ်စိုပ်အဝေါၚ်ခမဳတုဲ မိက်သ္ပခမဳတုဲ သ္ပခမဳ ပ္ဍဲ ‘ဓမ္မဝိနယ’ သာသနာကျာ်တြဲ မတွံလဝ်ညိ ရဴဝွံ (ဟီုသ္ဂးရ)။
ပ္ဍဲအခိၚ်ဂှ် မဟာပဇာပတိဂေါတမဳဂှ် “တဳလမၞုံပိုဉ်ကျာ်တြဲ ဟွံကဵုအခေါၚ် ပွမဒှ်ခမဳမာတုဂါမ် နူအဝေါၚ်ခရှ် လုပ်စိုပ်အဝေါၚ်ခမဳတုဲ သ္ပခမဳ ပ္ဍဲ ‘ဓမ္မဝိနယ’ သာသနာကျာ်တြဲမတွံလဝ်ရ” ရဴဝွံ မၞုံကဵုဒဒိုခ် မၞုံကဵုစိုတ်ဟွံမိပ်ဒှ်တုဲ မၞုံကဵုမုက္ခဝါ ဍာ်ရမတ်မဇွောဝ်ဒှ်တုဲ သီုကဵုလရိုဟ်ယာံ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သ္ပရှေ်သှေ်ရဴဂဴကၠာ ပါဲစ္ဍးအာရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ကပိလဝှ် ဗၞတ်မမိပ်လဟိၚ်တုဲမ္ဂး အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်ဝေသာလဳတုဲ သ္ပဒတဴတန်ဒၟံၚ် ပ္ဍဲဘာပြာသာဒ်ဇၞော် မၞုံကဵုအထောဋ်သ္ၚိကၠတ် အပ္ဍဲဂြိုပ်မဟာဝိုန် ဇရေၚ်ဍုၚ်ဝေသာလဳဂှ်ရ။
ပ္ဍဲအခိၚ်ဂှ် မဟာပဇာပတိဂေါတမဳဂှ် ကုတ်ကၠေံသော်က္ဍိုပ်ဂမၠိုၚ်တုဲ လတက်ကေတ်ယာတ်ဖျောန်လဝ် ဍာ်လွံက်ဂမၠိုၚ်တုဲ မွဲဟာန်ကေုာံကောန်ဝုတ် သၟိၚ်သာကျဝၚ်ဂမၠိုၚ်မဂၠိုၚ် ပ္ၚောံအာဍုၚ်ဝေသာလဳမ္ဂး ဗွဲလၟေၚ်လၟေၚ်ပြာပ်အာစိုပ်ဘာပြာပ်သာဒ်ဇၞော် မၞုံကဵုအထောဋ် သ္ၚိကၠတ် ပ္ဍဲဂြိုပ်မဟာဝိုန် ဇရေၚ်ဍုၚ်ဝေသာလဳရ။
ပ္ဍဲအခိၚ်ဂှ် မဟာပဇာပတိဂေါတမဳဂှ် နကဵုဇိုၚ်ဂမၠိုၚ် မခတိုဟ်ခ္ဍတ်ဂုဟ်ဂေန်ဒၟံၚ်ကီု နကဵုဇကုမကၠေဝ်ဒၟံၚ်မၠိုက်ကီု မၞုံကဵုဒဒိုခ် မၞုံကဵုစိုတ်ဟွံမိပ်ဒှ်တုဲ မၞုံကဵုမုက္ခဝါ ဍာ်ရမတ်မဇွောဝ်ဒှ်တုဲ သီုကဵုလရိုအ်ယာံ တန်တဴဒၟံၚ် ပ္ဍဲမ္ၚးပါၚ်မုက်တြၚ်။ တဳလပိုဉ်အာနန္ဒ ညာတ်ကေတ် မဟာပဇာပတိဂေါတမဳ နကဵုဇိုၚ်ဂမၠိုၚ် မခတိုဟ်ခ္ဍတ်ဂုဟ်ဂေန်ဒၟံၚ်ကီု နကဵုဇကုမကၠေဝ်ဒၟံၚ်မၠိုက်ကီု မၞုံကဵုဒဒိုခ် မၞုံကဵုစိုတ်ဟွံမိပ်ဒှ်တုဲ မၞုံကဵုမုက္ခဝါ ဍာ်ရမတ်မဇွောဝ်ဒှ်တုဲ သီုကဵုလရိုအ်ယာံ မတန်တဴဒၟံၚ် ပ္ဍဲမ္ၚးပါၚ်မုက်တြၚ်ဂှ်မ္ဂး “ယွံဂေါတမဳ တၠအဲ မုဟိုတ်နကဵုဇိုၚ်ဂမၠိုၚ် မခတိုဟ်ခ္ဍတ်ဂုဟ်ဂေန်ဒၟံၚ်ကီု နကဵုဇကုမကၠေဝ်ဒၟံၚ်မၠိုက်ကီု မၞုံကဵုဒဒိုခ် မၞုံကဵုစိုတ်ဟွံမိပ်ဒှ်တုဲ မၞုံကဵုမုက္ခဝါ ဍာ်ရမတ်မဇွောဝ်ဒှ်တုဲ သီုကဵုလရိုအ်ယာံဂှ် ဂွံတန်တဴဒၟံၚ် ပ္ဍဲမ္ၚးပါၚ်တြၚ်ဂှ်ရော?” ရဴဝွံ သၟာန်တိုန် မဟာပဇာပတိဂေါတမဳရ။
ယွံတဳလပိုဉ်အာနန္ဒ ဟိုတ်နူတဳလမၞုံပိုဉ်ကျာ်တြဲ ဟွံကဵုအခေါၚ် ပွမဒဒှ်ခမဳမာတုဂါမ် နူအဝေါၚ်ခရှ် လုပ်စိုပ်အဝေါၚ်ခမဳတုဲ သ္ပခမဳပ္ဍဲ ‘ဓမ္မဝိနယ’ သာသနာကျာ်တြဲ မတွံလဝ်ဂှ်ရ တန်တဴဒၟံၚ်ရ ရဴဝွံ (ဂရၚ်ပတီရ)။
ယွံဂေါတမဳ ဒှ်သာ်ဂှ်မ္ဂး ဃောအဲအာတ်အခေါၚ်ဂရၚ်ပတီ တဳလမၞုံပိုန်ကျာ်တြဲ ပွမဒှ်ခမဳမာတုဂါမ် နူအဝေါၚ်ခရှ် လုပ်စိုပ်အဝေါၚ်ခမဳတုဲ သ္ပခမဳပ္ဍဲ ‘ဓမ္မဝိနယ’ သာသနာကျာ်တြဲ မတွံလဝ်ဂှ် တၠအဲတန်ဒၟံၚ်ပ္ဍဲဒၞာဲဝွံ မွဲချိုန်ခဏညိကၠာ ရဴဝွံ (သ္ဂးရ)။
ကြဴနူဂှ် တဳလပိုဉ်အာနန္ဒ ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ်တုဲမ္ဂး သီုမဂဇအ်ဒၟံၚ်ဒၞာဲမွဲဂှ်—
“ယွံတဳလမၞုံပိုဉ် မဟာပဇာပတိဂေါတမဳဝွံ ‘တဳလမၞုံပိုဉ်ကျာ်တြဲ ဟွံကဵုအခေါၚ် ပွမဒှ်ခမဳ မာတုဂါမ်နူဝေါၚ်ခရှ် လုပ်စိုပ်အဝေါၚ်ခမဳတုဲ သ္ပခမဳပ္ဍဲ ‘ဓမ္မဝိနယ’ သာသနာကျာ်တြဲ မတွံလဝ်ရ’ ရဴဝွံ နကဵုဇိုၚ်ဂမၠိုၚ် မခတိုဟ်ခ္ဍတ်ဂုဟ်ဂေန်ဒၟံၚ်ကီု နကဵုဇကုမကၠေဝ်ဒၟံၚ်မၠိုက်ကီု မၞုံကဵုဒဒိုခ် မၞုံကဵုစိုတ်ဟွံမိပ်ဒှ်တုဲ မၞုံကဵုမုက္ခဝါ ဍာ်ရမတ်မဇွောဝ်ဒှ်တုဲ သီုကဵုလရိုအ်ယာံဂှ် တန်တဴဒၟံၚ် ပ္ဍဲမ္ၚးပါၚ်မုက်တြၚ်ရ၊ အာပါန်အခေါၚ်ရ ယွံတဳလမၞုံပိုဉ် မာတုဂါမ်ဂှ် နူအဝေါၚ်ခရှ် လုပ်စိုပ်အာဝေါၚ်ခမဳတုဲ မိက်ကဵုကလိဂွံ ဒဒှ်ခမဳပ္ဍဲ ‘ဓမ္မဝိနယ’ သာသနာကျာ်တြဲ မတွံလဝ်ရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
ယွံအာနန္ဒ ဟွံထေက်ရ၊ တၠအဲ လ္ပဒးဂၞပ် ပွမဒှ်ခမဳ မာတုဂါမ် နူအဝေါၚ်ခရှ် လုပ်စိုပ်အဝေါၚ်ခမဳတုဲ သ္ပခမဳပ္ဍဲ ‘ဓမ္မဝိနယ’ သာသနာကျာ်တြဲ မတွံလဝ်ညိ ရဴဝွံ (ဟီုသ္ဂးရ)။ မရနုက်ကဵုၜါဝါလေဝ် ။ ပ ။ မရနုက်ကဵုပိဝါလေဝ် တဳလပိုဉ်အာနန္ဒဂှ်—
“ယွံတဳလမၞုံပိုဉ် မဟာပဇာပတိဂေါတမဳဝွံ ‘တဳလမၞုံပိုဉ်ကျာ်တြဲ ဟွံကဵုအခေါၚ် ပွမဒှ်ခမဳ မာတုဂါမ်နူဝေါၚ်ခရှ် လုပ်စိုပ်အဝေါၚ်ခမဳတုဲ သ္ပခမဳပ္ဍဲ ‘ဓမ္မဝိနယ’ သာသနာကျာ်တြဲ မတွံလဝ်ရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
ယွံအာနန္ဒ ဟွံထေက်ရ၊ တၠအဲ လ္ပဒးဂၞပ် ပွမဒှ်ခမဳ မာတုဂါမ် နူအဝေါၚ်ခရှ် လုပ်စိုပ်အဝေါၚ်ခမဳတုဲ သ္ပခမဳပ္ဍဲ ‘ဓမ္မဝိနယ’ သာသနာကျာ်တြဲ မတွံလဝ်ညိ ရဴဝွံ (ဟီုသ္ဂးရ)။
ကြဴနူဂှ် တဳလမၞုံပိုဉ်အာနန္ဒဂှ် “တဳလမၞုံပိုဉ်ကျာ်တြဲ ဟွံကဵုအခေါၚ် ပွမဒှ်ခမဳ မာတုဂါမ်နူအဝေါၚ်ခရှ် လုပ်စိုပ်အဝေါၚ်ခမဳတုဲ သ္ပခမဳပ္ဍဲ ‘ဓမ္မဝိနယ’ သာသနာကျာ်တြဲ မတွံလဝ်ရ ရဴဝွံတီတုဲ နဟိုတ်မွဲသအာၚ် အဲဂွံအာတ်အခေါၚ် ပွမဒှ်ခမဳ မာတုဂါမ်နူအဝေါၚ်ခရှ် လုပ်စိုပ်အဝေါၚ်ခမဳတုဲ သ္ပခမဳပ္ဍဲ ‘ဓမ္မဝိနယ’ သာသနာကျာ်တြဲ မတွံလဝ်မ္ဂး ခိုဟ်သန်ရ” ရဴဝွံ ချပ်တုဲပ္ဍဲကြဴ—
“ယွံတဳလမၞုံပိုဉ် မာတုဂါမ်ဂှ် နူအဝေါၚ်ခရှ် လုပ်စိုပ်အဝေါၚ်ခမဳပ္ဍဲ ‘ဓမ္မဝိနယ’ သာသနာကျာ်တြဲမတွံလဝ်တုဲ ထေက်ကြိုက်ကဵုတၞဟ်နပွမသ္ပဇၞောဝ်မောဝ် သောတာပတ္တိဖိုလ်ကီု သကဒါဂါမိဖိုလ်ကီု အနာဂါမိဖိုလ်ကီု အရဟတ္တဖိုလ်ကီုဟာ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံအာနန္ဒ မာတုဂါမ်ဂှ် နူအဝေါၚ်ခရှ် လုပ်စိုပ်အဝေါၚ်ခမဳပ္ဍဲ ‘ဓမ္မဝိနယ’ သာသနာကျာ်တြဲမတွံလဝ်တုဲ ထေက်ကြိုက်ကဵု တၞဟ်နပွမသ္ပဇၞောဝ်မတ် သောတာပတ္တိဖိုလ်ကီု သကဒါဂါမိဖိုလ်ကီု အနာဂါမိဖိုလ်ကီု အရဟတ္တဖိုလ်ကီုရ ရဴဝွံ (သ္ဂးရ)။
ယွံတဳလမၞုံပိုဉ် မာတုဂါမ်ဂှ် နူအဝေါၚ်ခရှ် လုပ်စိုပ်အဝေါၚ်ခမဳပ္ဍဲ ‘ဓမ္မဝိနယ’ သာသနာကျာ်တြဲမတွံလဝ်တုဲ ထေက်ကြိုက်ကဵု တၞဟ်နပွမသ္ပဇၞောဝ်မတ် သောတာပတ္တိဖိုလ်ကီု သကဒါဂါမိဖိုလ်ကီု အနာဂါမိဖိုလ်ကီု အရဟတ္တဖိုလ်ကီုမ္ဂး ယွံတဳလမၞုံပိုဉ် မဟာပဇာပတိဂေါတမဳဂှ် ဂုဏ်ဂၠိုၚ်ဒၟံၚ်ရ၊ ဒှ်မိသွီုကျာ်တြဲရ၊ စဵုစိုပ်အခိၚ် အာကဵုဇိုၚ်မာန် ညးမမြိမြန်လွဳဝတ်လဝ်ရ၊ ညးမဗမဴလဝ်တှ်ရ၊ မိစဴအာသွဝ်တုဲ ညးဗမဴလဝ်ဍာ်တှ်ကဵုကျာ်တြဲရ၊ ယွံတဳလမၞုံပိုဉ် အာတ်အခေါၚ်ရ၊ မာတုဂါမ်ဂှ် နူဝေါၚ်ခရှ် လုပ်စိုပ်အဝေါၚ်ခမဳတုဲ မိက်ကဵုကလိဂွံ ဒဒှ်ခမဳပ္ဍဲ ‘ဓမ္မဝိနယ’ သာသနာကျာ်တြဲ မတွံလဝ်ရ” ရဴဝွံ (ဂရ၎်ပတီရ)။
၁၀.၁.၂။ ဂရုဓရ်ဒ္စါံသာ်[ပလေဝ်ဒါန် | ပလေဝ်ဒါန် တမ်ကၞက်]
၄၀၃။ ယွံအာနန္ဒ မဟာပဇာပတိဂေါတမဳဂှ် ယဝ်ရဒုၚ်ဝန်ကဵု ဂရုဓရ်ဂမၠိုၚ် ဒ္စါံသာ်မ္ဂး ပွမဒုၚ်ဝန်ဂှ်ဟေၚ် ဩဝ်ကဵုဒှ်ပယျၚ် သွက်ဂေါတမဳဂှ်ညိ။
ခမဳဗြဴဂှ် ဒှ်ပယျၚ်တုဲ ၜိုန်ဂွံဝသ်ကၠံကီုလေဝ် ဒးသ္ပပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမရှေ်သှေ်ရဴဂဴ ကုခမဳ မဒှ်ပယျၚ်ပ္ဍဲတ္ၚဲဂှ်ရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၁)
ခမဳဗြဴဂှ် ဟွံထေက်ကဵုလုပ်ဒဂိုန်ဝှ် ပ္ဍဲဘာဟွံမွဲကဵုခမဳတြုံရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၂)
ခမဳဗြဴဂှ် ဇၟာပ်ဇၟာပ်လပါ်ဂိတု နူဇရေၚ်ဘိက္ခုသၚ် ဒးနွံပၟိက် ဒးရာဒနာမိက် ဓရ်ဂမၠိုၚ်ၜါသာ် မတွံဂးပွမသၟာန်ဥပေါသ်ကီု ပွမပြာပ်အာဒုၚ်ဒၠောံဗတောန်ကီုဝွံရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၃)
ခမဳဗြဴဂှ် လိုက်ဝသ်မ္ဂး ဒးဘိက်လဝ် နကဵုဟိုတ်ဂမၠိုၚ် ပိသာ်မတွံဂး ပွမညာတ် ပွမမိၚ် ပွမသၠေဟ်ပၟာ ပ္ဍဲသၚ်ၜါလပါ်ရောၚ်၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၄)
ခမဳဗြဴဂှ် အာစိုပ်အာပတ်သံဃာဒိသေသ်မ္ဂး ဒးဒ္ဂေတ်ပက္ခမာနတ် ပ္ဍဲသၚ်ၜါလပါ်ရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၅)
ကုသိက္ခမာန် မဒ္ဂေတ်လဝ်ဒ္ဂေတ် ပ္ဍဲဓရ်ဂမၠိုၚ်တြဴသာ် လုကဴၜါသၞာံဂမၠိုၚ်တုဲဂှ် ဒးဂၠာဲသ္ၚဳသ္ပပယျၚ် ပ္ဍဲသၚ်ၜါလပါ်ရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၆)
ခမဳဗြဴဂှ် နကဵုဟိုတ်မမိက်ကဵုမွဲမွဲ ဟွံထေက်ကဵုတွေဟ်လက်လဗပ်ပကီုဟီုစုတ် ကဵုခမဳတြုံရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၇)
သ္ပတမ်နူတ္ၚဲဒှ်ခမဳတုဲ ဂပ်ဝ်ကၟာတ်လဝ်အခေါၚ် ခမဳဗြဴတအ်ဟီုဂး ပ္ဍဲလတူခမဳတြုံတအ်ရ၊ ဟဂပ်ဝ်ကၟာတ်လဝ်အခေါၚ် ခမဳတြုံတအ်ဟီုဂး ပ္ဍဲလတူခမဳဗြဴတအ်ရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၈)
ယွံအာနန္ဒ မဟာပဇာပတိဂေါတမဳဂှ် ယဝ်ရဒုၚ်ဝန်ကဵု ဂရုဓရ်ဂမၠိုၚ်ဒ္စါံသာ်မ္ဂး ပွမဒုၚ်ဝန်ဂှ်ဟေၚ် ဩဝ်ကဵုဒှ်ပယျၚ် သွက်ဂေါတမဳဂှ်ညိ ရဴဝွံ (ဟီုသ္ဂးရ)။
ပ္ဍဲအခိၚ်ဂှ် တဳလပိုဉ်အာနန္ဒ ဂိုၚ်ကတ်ကေတ် ဂရုဓရ်ဂမၠိုၚ်ဒ္စါံသာ် ပ္ဍဲဇရေၚ်တဳလမၞုံပိုဉ်ကျာ်တြဲတုဲ ပ္ဍဲကြဴ ပြာပ်အာဇရေၚ် မဟာပဇာပတိဂေါတမဳတုဲမ္ဂး—
“ယွံဂေါတမဳ တၠအဲဂှ် ယဝ်ဒုၚ်ဝန်ကဵု ဂရုဓရ်ဂမၠိုၚ် ဒ္စါံသာ်ဝွံမ္ဂး ပွမဒုၚ်ဝန်ဂှ်ဟေၚ် ဒှ်သ္ပပယျၚ် သွက်တၠအဲရ။
ခမဳဗြဴဂှ် ဒှ်ပယျၚ်တုဲ ၜိုန်ဂွံဝသ်ကၠံကီုလေဝ် ဒးသ္ပပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမရှေ်သှေ်ရဴဂဴ ကုခမဳ မဒှ်ပယျၚ်ပ္ဍဲတ္ၚဲဂှ်ရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၁)
ခမဳဗြဴဂှ် ဟွံထေက်ကဵုလုပ်ဒဂိုန်ဝှ် ပ္ဍဲဘာဟွံမွဲကဵုခမဳတြုံရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၂)
ခမဳဗြဴဂှ် ဇၟာပ်ဇၟာပ်လပါ်ဂိတု နူဇရေၚ်ဘိက္ခုသၚ် ဒးနွံပၟိက် ဒးရာဒနာမိက် ဓရ်ဂမၠိုၚ်ၜါသာ် မတွံဂးပွမသၟာန်ဥပေါသ်ကီု ပွမပြာပ်အာဒုၚ်ဒၠောံဗတောန်ကီုဝွံရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၃)
ခမဳဗြဴဂှ် လိုက်ဝသ်မ္ဂး ဒးဘိက်လဝ် နကဵုဟိုတ်ဂမၠိုၚ် ပိသာ်မတွံဂး ပွမညာတ် ပွမမိၚ် ပွမသၠေဟ်ပၟာ ပ္ဍဲသၚ်ၜါလပါ်ရောၚ်၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၄)
ခမဳဗြဴဂှ် အာစိုပ်အာပတ်သံဃာဒိသေသ်မ္ဂး ဒးဒ္ဂေတ်ပက္ခမာနတ် ပ္ဍဲသၚ်ၜါလပါ်ရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၅)
ကုသိက္ခမာန် မဒ္ဂေတ်လဝ်ဒ္ဂေတ် ပ္ဍဲဓရ်ဂမၠိုၚ်တြဴသာ် လုကဴၜါသၞာံဂမၠိုၚ်တုဲဂှ် ဒးဂၠာဲသ္ၚဳသ္ပပယျၚ် ပ္ဍဲသၚ်ၜါလပါ်ရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၆)
ခမဳဗြဴဂှ် နကဵုဟိုတ်မမိက်ကဵုမွဲမွဲ ဟွံထေက်ကဵုတွေဟ်လက်လဗပ်ပကီုဟီုစုတ် ကဵုခမဳတြုံရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၇)
သ္ပတမ်နူတ္ၚဲဒှ်ခမဳတုဲ ဂပ်ဝ်ကၟာတ်လဝ်အခေါၚ် ခမဳဗြဴတအ်ဟီုဂး ပ္ဍဲလတူခမဳတြုံတအ်ရ၊ ဟဂပ်ဝ်ကၟာတ်လဝ်အခေါၚ် ခမဳတြုံတအ်ဟီုဂး ပ္ဍဲလတူခမဳဗြဴတအ်ရ၊ ဓရ်ဝွံလေဝ် ရှေ်သှေ်ရဴဂဴတုဲ သ္ပအဲပရဲတုဲ သ္ဍိုက်မၠိုက်သၞေံသၞဴတုဲ ပူဇဴတုဲ စဵုကဵုလအိတ်လမျီု ဟွံထေက်ကဵုကလိလောန်ရ။ (၈)
ယွံဂေါတမဳ တၠအဲဂှ် ယဝ်ဒုၚ်ဝန်ကဵု ဂရုဓရ်ဂမၠိုၚ် ဒ္စါံသာ်ဝွံမ္ဂး ပွမဒုၚ်ဝန်ဂှ်ဟေၚ် ဒှ်သ္ပပယျၚ် သွက်တၠအဲရ ရဴဝွံ (ဟီုသ္ဂးရ)။
ယွံတဳလပိုဉ်အာနန္ဒ မၞိဟ်ဗြဴကီု မၞိဟ်တြုံကီု မဍောတ်သွတ် မၜတ်တကတ် မၞုံအလေံမကျိုၚ်ကျဝ် မကြာတ်လဝ်က္ဍိုပ်တုဲဂှ် ကလိဂွံ ပ္ကဴဒကှ်ကဵုဒှ် ပ္ကဴကလအ်ဗြဲ (ပ္ကဴကၟဵုတ္ၚဲ) ကဵုဒှ် ပ္ကဴတၞဴ (ဂမုၚ်) ကဵုဒှ်တုဲ ဒုၚ်ဂိုၚ်ကေတ် နကဵုတဲဂမၠိုၚ်ၜါတုဲ ညံၚ်ရဴစွံပတန်လဝ် ပ္ဍဲလတူက္ဍိုပ် မဒှ်အဝဲမပြဲကီု၊ ယွံတဳလပိုဉ်အာနန္ဒ တုပ်သာ်ဝွံဟေၚ် အဲဍိက် ဒုၚ်ဝန်ကဵု ဂရုဓရ်ဂမၠိုၚ်ဒ္စါံသာ်ဝွံရ၊ ဟွံထေက်ကဵုကလိလောန် စဵုကဵုလအိတ်လမျီုဝွံရ ရဴဝွံ (ဂရၚ်ပတီရ)။
ပ္ဍဲကာလဂှ် တဳလပိုဉ်အာနန္ဒ ပြာပ်အာဇရေၚ် တဳလမၞုံပိုဉ်ကျာ်တြဲ လ္ၚောဝ်သ္ပဝတ်တဳလမၞုံပိုဉ်ကျာ်တြဲတုဲမ္ဂး ဂဇအ်ဒၟံၚ်မွဲဒၞာဲတုဲ “ယွံတဳလမၞုံပိုဉ် မဟာပဇာပတိဂေါတမဳဂှ် ဒုၚ်ဝန်ကဵုဂရုဓရ်ဂမၠိုၚ်ဒ္စါံသာ် ဟွံထေက်ကဵုကလိလောန် စဵုကဵုလအိတ်လမျီုရ၊ မိသွီု တဳလမၞုံပိုဉ်ကျာ်တြဲ ဒှ်အာပယျၚ်တုဲရ” ရဴဝွံ ဂရၚ်ပတီရ။
ယွံအာနန္ဒ မာတုဂါမ်ဂှ် နူအဝေါၚ်ခရှ် လုပ်စိုပ်အဝေါၚ်ခမဳတုဲ ယဝ်ဟွံကလိဂွံ ဒဒှ်ခမဳပ္ဍဲ ‘ဓမ္မဝိနယ’ သာသာနာကျာ်တြဲမတွံလဝ်မ္ဂး ‘သာသနာ’ ဒ္ဂေတ်မပြဲဂှ် တန်တဴလုကဴ ဗွဲမလအ်ရ၊ ဓရ်ညးသပ္ပုရိုဟ် တန်တဴလုကဴလ္ၚီသၞာံရ။ ယွံအာနန္ဒ မာတုဂါမ်ဂှ် နူအဝေါၚ်ခရှ် လုပ်စိုပ်အဝေါၚ် ခမဳတုဲ ဟိုတ်မကလိဂွံ ဒဒှ်ခမဳပ္ဍဲ ‘ဓမ္မဝိနယ’ သာသာနာကျာ်တြဲမတွံလဝ်ဂှ်ရ ပ္ဍဲကာလလၟုဟ် ‘သာသနာ’ ဒ္ဂေတ်မပြဲဂှ် တန်တဴလုကဴ ဗွဲမလအ်ဟွံမာန်ရ၊ ယွံအာနန္ဒ ပ္ဍဲကာလလၟုဟ် လုကဴမသုန်ကၠံသၞာံဂမၠိုၚ်ဟေၚ် ဓရ်ညးသပ္ပုရိုဟ် ကြက်တုန်တဴရ။
ယွံအာနန္ဒ သ္ၚိမၞိဟ်ဗြဴဂၠိုၚ်တုဲ မၞိဟ်တြုံအောန်တအ်လဵုဟွံဟီု ညံၚ်ရဴကမၠတ် ဍေန်ပၟတ်ပ္ဍဲနုၚ်တုဲ မလေပ်ကၠတ်ဂမၠိုၚ် ပလီုပလာ်လောဲသွာကီု၊ ယွံအာနန္ဒ တုပ်သာ်ဝွံဟေၚ် မာတုဂါမ်ဂှ် ယြဴပ္ဍဲ ‘ဓမ္မဝိနယ’ သာသနာကျာ်တြဲမတွံလဝ်မွဲ နူအဝေါၚ်ခရှ် လုပ်စိုပ်အဝေါၚ်ခမဳတုဲ ကလိဂွံဒဒှ်ခမဳရ၊ ‘သာသနာ’ ဒ္ဂေတ်မပြဲ တန်တဴလုကဴ ဗွဲမလအ်ဟွံမာန်ရ။
ယွံအာနန္ဒ ပ္ဍဲခံက်သာလဳ မဍိုက်ပေၚ် မဂျိုၚ်ဍိုပ်ဍဴဂှ် ဂကူယဲကြုတ်ဗု (ယဲစၟနော်) ကၠုၚ်စိုပ်မ္ဂး ခံက်သာလဳဂှ် ညံၚ်ရဴတန်တဴ ဗွဲမလအ်ဟွံမာန်ကီု၊ ယွံအာနန္ဒ တုပ်သာ်ဝွံဟေၚ် မာတုဂါမ်ဂှ် ယြဴပ္ဍဲ ‘ဓမ္မဝိနယ’ သာသနာကျာ်တြဲမတွံလဝ်မွဲ နူအဝေါၚ်ခရှ် လုပ်စိုပ်အဝေါၚ်ခမဳတုဲ ကလိဂွံဒဒှ်ခမဳရ၊ ‘သာသနာ’ ဒ္ဂေတ်မပြဲ တန်တဴလုကဴ ဗွဲမလအ်ဟွံမာန်ရ။
ယွံအာနန္ဒ ပ္ဍဲကၠအ်က္ၜဴ မဍိုက်ပေၚ် မဂျိုၚ်ဍိုပ်ဍဴဂှ် ဂကူကြုတ်ဗကေတ် ကၠုၚ်စိုပ်မ္ဂး ကၠအ်က္ၜဴဂှ် ညံၚ်ရဴတန်တဴ ဗွဲမလအ်ဟွံမာန်ကီု၊ ယွံအာနန္ဒ တုပ်သာ်ဝွံဟေၚ် မာတုဂါမ်ဂှ် ယြဴပ္ဍဲ ‘ဓမ္မဝိနယ’ သာသနာကျာ်တြဲမတွံလဝ်မွဲ နူအဝေါၚ်ခရှ် လုပ်စိုပ်အဝေါၚ်ခမဳတုဲ ကလိဂွံဒဒှ်ခမဳရ၊ ‘သာသနာ’ ဒ္ဂေတ်မပြဲ တန်တဴလုကဴ ဗွဲမလအ်ဟွံမာန်ရ။
ယွံအာနန္ဒ တြုံဂှ် ညံၚ်ဍာ်ဟွံဂွံကလိလောန်အာဇဵုကၟာတုဲ နူပြဟ်ပြဟ်ဟေၚ် ညံၚ်ရဴမဒးဒက် (တက်) ဇဵုဗၞၚ်ကီု၊ ယွံအာနန္ဒ တုပ်သာ်ဝွံဟေၚ် အဲကျာ်ဂှ် နူပြဟ်ပြဟ်ဟေၚ် ပညပ်လဝ် ဂရုဓရ်ဂမၠိုၚ် ဒ္စါံသာ်သွက်ခမဳဗြဴတုဲရ၊ ဟွံထေက်ကဵုကလိလောန် ဟဵုကဵုလအိတ်လမျီုအိုတ်ရ ရဴဝွံ (သ္ဂးရ)။
၁၀.၁.၃။ ကဵုအခေါၚ် ဘိက္ခုနဳဥပသမ္ပဒါ[ပလေဝ်ဒါန် | ပလေဝ်ဒါန် တမ်ကၞက်]
၄၀၄။ ပ္ဍဲအခိၚ်ဂှ် မဟာပဇာပတိဂေါတမဳ ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး ဒတူဒၟံၚ်ဒၞာဲမွဲတုဲ—
“ယွံတဳလမၞုံပိုဉ် စပ်ကဵုကောန်သၟိၚ်ဗြဴသကျဝၚ်ဂမၠိုၚ်တုဲ အဲဍိက် ပသာ်ဂွံဒ္ဂေတ်သ္ပရော?” ရဴဝွံ ဂရၚ်ပတီရ။
ပ္ဍဲအခိၚ်ဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုမဟာပဇာပတိဂေါတမဳ တီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာကဵုမြဟ်မြာရ။ ကြဴနူဂှ် မဟာပဇာပတိဂေါတမဳဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲဒှ်တုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သ္ပရှေ်သှေ်ရဴဂဴကၠာ ပါဲစ္ဍးအာရ။
ပ္ဍဲကြဴနူဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး—
“ယွံခမဳတအ် ကဵုအခေါၚ် ခမဳတြုံဂမၠိုၚ် သွက်ဂွံပပယျၚ်ကဵု ခမဳဗြဴဂမၠိုၚ်ရ” ရဴဝွံ သ္ဂးကဵုခမဳဂမၠိုၚ်ရ။
ပ္ဍဲအခိၚ်ဂှ် ခမဳဗြဴဂမၠိုၚ်ဂှ်—
“နာဲဗြဴဂှ် ဟွံဒှ်ပယျၚ်ဏီရ၊ ပိုဲညးဂမၠိုၚ်ဟေၚ် ဒှ်ပယျၚ်အိုတ်ရ၊ ခမဳတြုံဂမၠိုၚ်ဂှ် ဒးပပယျၚ်ကဵု ခမဳဗြဴဂမၠိုၚ်ရ ရဴဝွံ တဳလမၞုံပိုဉ်ကျာ်တြဲ ပညပ်လဝ်ရ ရဴဝွံ သ္ဂးကဵုမဟာပဇာပတိဂေါတမဳရ။
ပ္ဍဲအခိၚ်ဂှ် မဟာပဇာပတိဂေါတမဳ ပြာပ်အာဇရေၚ် တဳလပိုဉ်အာနန္ဒတုဲ လ္ၚောဝ်သ္ပဝတ်တုဲမ္ဂး သီုဒတူဒၟံၚ်ဒၞာဲမွဲဂှ်—
“ယွံပိုဉ်အာနန္ဒ ခမဳဗြဴဂမၠိုၚ်ဝွံ ‘နာဲဗြဴဂှ် ဟွံဒှ်ပယျၚ်ဏီရ၊ ပိုဲညးဂမၠိုၚ်ဟေၚ် ဒှ်ပယျၚ်အိုတ်ရ၊ ခမဳတြုံဂမၠိုၚ်ဂှ် ဒးပပယျၚ်ကဵု ခမဳဗြဴဂမၠိုၚ်ရ’ ရဴဝွံ တဳလမၞုံပိုဉ်ကျာ်တြဲ ပညပ်လဝ်ရ” ရဴဝွံ သ္ဂးကဵုအဲဍိက်အိုတ်ရ။
ပ္ဍဲအခိၚ်ဂှ် တဳလပိုဉ်အာနန္ဒ ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး သီုမဂဇအ်ဒၟံၚ်ဒၞာဲမွဲဂှ်—
“ယွံတဳလမၞုံပိုဉ် မဟာပဇာပတိဂေါတမဳဂှ် ယွံပိုဉ်အာနန္ဒ မဳဗြဴဂမၠိုၚ်ဝွံ ‘နာဲဗြဴဂှ် ဟွံဒှ်ပယျၚ်ဏီရ၊ ပိုဲညးဂမၠိုၚ်ဟေၚ် ဒှ်ပယျၚ်အိုတ်ရ၊ ခမဳတြုံဂမၠိုၚ်ဂှ် ဒးပပယျၚ်ကဵု ခမဳဗြဴဂမၠိုၚ်ရ’ ရဴဝွံ တဳလမၞုံပိုဉ်ကျာ်တြဲ ပညပ်လဝ်ရ” ရဴဝွံ ဂရၚ်ပတီရ။
ယွံအနန္ဒ မဟာပဇာပတိဂေါတမဳဂှ် သ္ပတမ်နူတ္ၚဲ ဒုၚ်ဝန် ဂရုဓရ်ဂမၠိုၚ်ဒ္စါံသာ်တုဲ ပွမဒုၚ်ဝန်ဂှ်ဟေၚ် ဒှ်ပယျၚ်တုဲအာရ ရဴဝွံ (သ္ဂးရ)။
၄၀၅။ ကြဴနူဂှ် မဟာပဇာပတိဂေါတမဳ ပြာပ်အာဇရေၚ် တဳလပိုဉ်အာနန္ဒတုဲ လ္ၚောဝ်သ္ပဝတ် တဳလပိုဉ်အာနန္ဒတုဲမ္ဂး သီုဒတူဒၟံၚ်ဒၞာဲမွဲဂှ်—
“ယွံပိုဉ်အာနန္ဒ အဲဍိက် အာတ်လာဘ် ကုတဳလမၞုံပိုဉ်ကျာ်တြဲမွဲရ၊ ယွံတဳလမၞုံပိုဉ် တဳလမၞုံပိုဉ်ကျာ်တြဲ ကဵုအခေါၚ် ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမရှေ်သှေ်ရဴဂဴ အတိုၚ်လၟေၚ်ညးဇၞော် ကုခမဳတြုံဂမၠိုၚ်ကီု ကုခမဳဗြဴဂမၠိုၚ်ကီုမ္ဂး ခိုဟ်သန်ရ” ရဴဝွံ ဂရၚ်ပတီရ။
ပ္ဍဲအခိၚ်ဂှ် တဳလပိုဉ်အာနန္ဒ ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး သီုမဂဇအ်ဒၟံၚ်ဒၞာဲမွဲဂှ်—
“ယွံတဳလမၞုံပိုဉ် မဟာပဇာပတိဂေါတမဳဂှ် ယွံပိုဉ်အာနန္ဒ အဲဍိက် အာတ်လာဘ် ကုတဳလမၞုံပိုဉ်ကျာ်တြဲမွဲရ၊ ယွံတဳလမၞုံပိုဉ် တဳလမၞုံပိုဉ်ကျာ်တြဲ ကဵုအခေါၚ် ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမရှေ်သှေ်ရဴဂဴ အတိုၚ်လၟေၚ်ညးဇၞော် ကုခမဳတြုံဂမၠိုၚ်ကီု ကုခမဳဗြဴဂမၠိုၚ်ကီုမ္ဂး ခိုဟ်သန်ရ ရဴဝွံ ဂရၚ်ပတီရ” ဂှ် ဂရၚ်ပတီရ။
ယွံအာနန္ဒ ဟိုတ်အခေါၚ်အရာ မကဵုအခေါၚ် ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမရှေ်သှေ်ရဴဂဴ ကုမာတုဂါမ်ဂမၠိုၚ် ဟွံမွဲရ။
ယွံအာနန္ဒ တဳဂမၠိုၚ် မၞုံကဵုကွေတ်မသအာၚ်နူသာသနာ မၞုံကဵုဓရ်မဂပ်ဝ်တွံလဝ် ဗွဲဟွံဒးရးဝွံလေဝ် ဟွံသ္ပပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမရှေ်သှေ်ရဴဂဴကုမာတုဂါမ် ဂမၠိုၚ်အိုတ်ဏီရ။
ကျာ်တြဲဂှ် သာ်လဵုဂွံကဵုအခေါၚ် ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမရှေ်သှေ်ရဴဂဴ ကုမာတုဂါမ်ဂမၠိုၚ်မာန်ရော?” ရဴဝွံ (သ္ဂးရ)။
ပ္ဍဲကြဴနူဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး—
“ယွံခမဳတအ် ဟဂပ်ဝ်သ္ပ ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမရှေ်သှေ်ရဴဂဴ ကုမာတုဂါမ်ရ၊ ကုခမဳမသ္ပဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။
ပ္ဍဲအခိၚ်ဂှ် မဟာပဇာပတိဂေါတမဳ ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး သီုမဒတူဒၟံၚ်ဒၞာဲမွဲဂှ်—
“ယွံတဳလမၞုံပိုဉ်ကျာ်တြဲ ယြဴသိက္ခာပိုဉ်ခမဳဗြဴတအ်ဂမၠိုၚ် ဆက်ဆောံကေုာံခမဳတြုံဂမၠိုၚ်အိုတ်ရ၊ စပ်ကဵု သိက္ခာပိုဒ်ဂမၠိုၚ်ဂှ်တုဲ ပိုဲဍိက်တအ်ညးဂမၠိုၚ် ပသာ်ဂွံဒ္ဂေတ်သ္ပအိုတ်ရော?” ရဴဝွံ ဂရၚ်ပတီရ။
ယွံဂေါတမဳ ယြဴသိက္ခာပိုဒ်ခမဳဗြဴတအ်ဂမၠိုၚ် ဆက်ဆောမ်ကေုာံခမဳတြုံဂမၠိုၚ်အိုတ်ရ၊ စပ်ကဵုသိက္ခာပိုဒ်ဂမၠိုၚ်ဂှ်တုဲ ညံၚ်ရဴခမဳတြုံဂမၠိုၚ်ဒ္ဂေတ်ကီု ဩဝ်ဒ္ဂေတ်အိုတ်ညိ ရဴဝွံ (သ္ဂးရ)။
ယွံတဳလမၞုံပိုဉ် ယြဴသိက္ခာပိုဒ်ခမဳဗြဴဂမၠိုၚ် ဟွံဆက်ဆောမ်ကေုာံခမဳတြုံဂမၠိုၚ်အိုတ်ရ၊ စပ်ကဵုသိက္ခာပိုဒ်ဂမၠိုၚ်ဂှ်တုဲ ပိုဲဍိက်တအ်ညးဂမၠိုၚ် ပသာ်ဂွံဒ္ဂေတ်သ္ပအိုတ်ရော?” ရဴဝွံ ဂရၚ်ပတီရ။ ယွံဂေါတမဳ ယြဴသိက္ခာပိုဒ်ခမဳဗြဴတအ်ဂမၠိုၚ် ဆက်ဆောမ်ကေုာံခမဳတြုံဂမၠိုၚ်အိုတ်ရ၊ စပ်ကဵုသိက္ခာပိုဒ်ဂမၠိုၚ်ဂှ်တုဲ အတိုၚ်ပညပ်လဝ်ဂှ် ဩဝ်ဒ္ဂေတ်အိုတ်ညိ ရဴဝွံ (သ္ဂးရ)။
၄၀၆။ ပ္ဍဲအခိၚ်ဂှ် မဟာပဇာပတိဂေါတမဳ ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး သီုမဒတူဒၟံၚ်ဒၞာဲမွဲဂှ်—
“အာတ်ပါန်အခေါၚ်ရ၊ ယွံတဳလမၞုံပိုဉ် တဳလမၞုံပိုဉ်ကျာ်တြဲဂှ် ဩဝ်တွံဓရ်ကုအဲဍိက်ဗွဲခမ္ဍန်ညိ၊ အဲဍိက်ဂွံမိၚ်ကေတ်ဓရ် တဳလမၞုံပိုဉ်ကျာ်တြဲဂှ်တုဲ ညးမွဲဓဝ် ပြာပ်အာဌာန်လ္ၚုတုဲ သီုဟွံဟိုတ်မာဲ ပတိတ်ဇြဟတ်တုဲ ဗလးဏာစိုတ်တုဲ မိက်ဂွံပဒတဴရ” ရဴဝွံ ဂရၚ်ပတီရ။
ယွံဂေါတမဳ တၠအဲဂှ် ယြဴဓရ်ဂမၠိုၚ် ဓရ်ဂမၠိုၚ်ဂှ် ဒှ်တဴ တၞဟ်နစောဲလာံအိုတ်ရ၊ ဟွံဒှ်တဴ တၞဟ်နစာ်စ္ဍး နူပွမစောဲလာံအိုတ်ရ၊ ဒှ်အဴ သွက်ဂွံစိုန်သကီု ပ္ဍဲဝဋ်ဟေၚ်အိုတ်ရ၊ ဟွံဒှ်တဴ သွက်ဟွံစိုန်သကီု ပ္ဍဲဝဋ်အိုတ်ရ၊ ဒှ်တဴ သွက် (ကိလေသ) ဂွံဇၞော်မောဝ်ဟေၚ်အိုတ်ရ၊ ဟွံဒှ်တဴ သွက်ဂွံပလီုပလာ်ကၠောံအိုတ်ရ၊ ဒှ်တဴ သွက်ပၟိက်ဂွံဇၞော်ဟေၚ်အိုတ်ရ၊ ဟွံဒှ်တဴ သွက်ပၟိက်အောန်အိုတ်ရ၊ ဒှ်တဴ သွက်ဟွံတရိုပ်ကဵုစိုတ်ဟေၚ်အိုတ်ရ၊ ဟွံဒှ်တဴ သွက်ဂွံတရိုပ်ကဵုစိုတ်အိုတ်ရ၊ ဒှ်တဴ သွက်ဂွံမံၚ်ကေုာံသကအ်ပွံၚ်ဟေၚ်အိုတ်ရ၊ ဟွံဒှ်တဴ သွက်ဂွံသ္ၚိတ်ဇြအိုတ်ရ၊ ဒှ်တဴ သွက်ဂွံလၞုဟ်ဟေၚ်အိုတ်ရ၊ ဟွံဒှ်တဴ သွက်ဂွံလွဳပရာပတိတ်ဇြဟတ်အိုတ်ရ၊ ဒှ်တဴ သွက်ဂွံမြိမြန်ဝါတ်ဂါတ်ဟေၚ်အိုတ်ရ၊ ဟွံဒှ်တဴ သွက်ဂွံမြိမြန်လောဲသွာအိုတ်ရ” ရဴဝွံ ယဝ်တီမ္ဂး၊ ယွံဂေါတမဳ ဓရ်တအ်ဂှ် ဗွဲစၟတ်မ္ဂး “ဣဝွံဂှ် ဓရ်ဟွံသေၚ်၊ ဣဝွံဂှ် ဝိနယ်ဟွံသေၚ်၊ ဣဝွံဂှ် ဒၠောံဗတောန်ကျာ်ဟွံသေၚ်” ရဴဝွံ သမ္တီညိ။
ယွံဂေါတမဳ တၠအဲဂှ် ယြဴဓရ်ဂမၠိုၚ် ဓရ်ဂမၠိုၚ်ဝွံဂှ် ဒှ်တဴ တၞဟ်နစာ်စ္ဍးစောဲလာံအိုတ်ရ၊ ဟွံဒှ်တဴ တၞဟ်နစောဲလာံအိုတ်ရ၊ ဒှ်တဴ သွက်ဟွံစိုန်သကီု ပ္ဍဲဝဋ်ဟေၚ်အိုတ်ရ၊ ဟွံဒှ်တဴ သွက်ဂွံစိုန်သကီု ပ္ဍဲဝဋ်အိုတ်ရ၊ ဒှ်တဴ သွက်ဂွံပလီုပလာ် (ကိလေသ) ဟေၚ်အိုတ်ရ၊ ဟွံဒှ်တဴ သွက်ဂွံဇၞော်မောဝ်အိုတ်ရ၊ ဒှ်တဴ သွက်ပၟိက်ဂွံအောန်ဟေၚ်အိုတ်ရ၊ ဟွံဒှ်တဴ သွက်ပၟိက်ဂွံဇၞော်အိုတ်ရ၊ ဒှ်တဴ သွက်ဂွံတြိုပ်ကဵုစိုတ်ဟေၚ်အိုတ်ရ၊ ဟွံဒှ်တဴ သွက်ဟွံတြိုပ်ကဵုစိုတ်အိုတ်ရ၊ ဒှ်တဴ သွက်ဂွံသ္ၚိတ်ဇြဟေၚ်အိုတ်ရ၊ ဟွံဒှ်တဴ သွက်ဂွံမံၚ်ကေုာံသကအ်ပွံၚ်အိုတ်ရ၊ ဒှ်တဴ သွက်ဂွံလွဳပရာ ပတိတ်ဇြဟတ်ဟေၚ်အိုတ်ရ၊ ဟွံဒှ်တဴ သွက်ဂွံလၞုဟ်လၞန်အိုတ်ရ၊ ဒှ်တဴ သွက်ဂွံလွဳမြိမြန်လောဲသွာဟေၚ်အိုတ်ရ၊ ဟွံဒှ်တဴ သွက်ဂွံမြိမြန်ဝါတ်ဂါတ်အိုတ်ရ” ရဴဝွံ ယဝ်တီမ္ဂး ယွံဂေါတမဳ ဓရ်တအ်ဂှ် ဗွဲစၟတ်မ္ဂး “ဣဝွံဂှ် ဓရ်ရ၊ ဣဝွံဂှ် ဝိနယ်ရ၊ ဣဝွံဂှ် ဒၠောံဗတောန်ကျာ်ရ” ရဴဝွံ သမ္တီညိ ရဴဝွံ (သ္ဂးရ)။
၄၀၇။ ပ္ဍဲအခိၚ်ဂှ် ဟဂပ်ဝ်စၞောန်ထ္ၜးပါတိမုက် ကုခမဳဗြဴဂမၠိုၚ်ဏီရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ်တၞဟ်နစၞောန်ထ္ၜးပါတိမုက် ကုခမဳဗြဴဂမၠိုၚ်ရ ရဴဝွံ (သ္ဂးရ)။ ပ္ဍဲအခိၚ်ဂှ် “မုရဴညးမွဲ ဂပ်ဝ်စၞောန်ထ္ၜး ပါတိမုက် ကုခမဳဗြဴဂမၠိုၚ်ရော?” ရဴဝွံကသပ်ဒှ် ကုခမဳတြုံဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ခမဳတြုံဂမၠိုၚ် သွက်ဂွံစၞောန်ထ္ၜးပါတိမုက် ကုခမဳဗြဴဂမၠိုၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳတြုံဂမၠိုၚ် ပြာပ်အာဘာခမဳဗြဴဂမၠိုၚ်တုဲ ထ္ၜးပါတိမုက် ကုခမဳဗြဴဂမၠိုၚ်အိုတ်ရ။
“ခမဳဗြဴဂမၠိုၚ်ဝွံ ဒှ်သမ္ဘာဇၞော် ခမဳတြုံဂမၠိုၚ်ဝွံအိုတ်ရ၊ ခမဳဗြဴဂမၠိုၚ်ဝွံ ဒှ်သမ္ဘာသၟတ် ခမဳတြုံဂမၠိုၚ်ဝွံအိုတ်ရ၊ ခမဳတြုံဂမၠိုၚ်ဝွံ ကြက်မိပ်ဇြိပ်လဟိၚ်မွဲစွံ ကေုာံခမဳဗြဴဂမၠိုၚ်ဝွံအိုတ်ရ” ရဴဝွံ မၞိဟ်ဂမၠိုၚ် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳတြုံဂမၠိုၚ် ဟဂပ်ဝ်ထ္ၜးပါတိမုက် ကုခမဳဗြဴဂမၠိုၚ်ရ၊ ကုခမဳမထ္ၜးဂှ် ဒးအာပတ်ဒုက္ကဋ်ရ။ ယွံခမဳတအ် (အဲ) ကဵုအခေါၚ် ခမဳဗြဴဂမၠိုၚ် သွက်ဂွံထ္ၜးပါတိမုက် ကုခမဳဗြဴဂမၠိုၚ်ရ ရဴဝွံ (သ္ဂးရ)။ “ပါတိမုက်ဂှ် ဒးထ္ၜး ရဴဝွံရ” ရဴဝွံ ခမဳဗြဴဂမၠိုၚ် ဟွံတီအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် “ပါတိမုက်ဂှ် ဩဝ်ထ္ၜးရဴဝွံအိုတ်ညိ” ရဴဝွံ ကဵုအခေါၚ် ခမဳတြုံဂမၠိုၚ် တၞဟ်နဟီုလဴထ္ၜး ကုခမဳဗြဴဂမၠိုၚ်ရ ရဴဝွံ (သ္ဂးရ)။ ၄၀၈။ ပ္ဍဲအခိၚ်ဂှ် ခမဳဗြဴဂမၠိုၚ် ဟွံဇအုဲဇဗဝဳဗလးအာပတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြုံအိုတ်ရ။ ယွံခမဳတအ် ခမဳဗြဴဂမၠိုၚ် သီုဟွံဇအုဲဇဗဝဳဗလးအာပတ်ဂှ် ဟဂပ်ဝ်ပဒတဴရ၊ ကုခမဳဗြဴ ဟွံဇအုဲဇဗဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ “အာပတ်ဂှ် ဒးဇအုဲဇဗရဴဝွံရ” ရဴဝွံ ခမဳဗြဴဂမၠိုၚ် ဟွံတီအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် “အာပတ်ဂှ် ဩဝ်ဇအုဲဇဗရဴဝွံအိုတ်ညိ” ရဴဝွံ ကဵုအခေါၚ် ခမဳတြုံဂမၠိုၚ် တၞဟ်နဟီုလဴထ္ၜး ကုခမဳဗြဴဂမၠိုၚ်ရ ရဴဝွံ (သ္ဂးရ)။
ကြဴနူဂှ် “မုရဴညးမွဲ ဂပ်ဝ်ဂွံဒုၚ်ဂိုၚ်ကေတ် အာပတ်ခမဳဗြဴဂမၠိုၚ်ရော?” ရဴဝွံ ကသပ်ဒှ် ကုခမဳတြုံဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ခမဳတြုံဂမၠိုၚ် တၞဟ်နဒုၚ်ဂိုၚ်ကေတ် အာပတ်ခမဳဗြဴဂမၠိုၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ပ္ဍဲသဗါန်ဍာန်ဇၞော်ကီု ပ္ဍဲဂၠံၚ်တရဴခၠၚ်သာတ်ကီု ပ္ဍဲဂၠံၚ်တရဴသွာၚ်ကီု ညာတ်ဒးခမဳမ္ဂး ဖျေံစွံဗဗေၚ်ပ္ဍဲတိတုဲ လ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ် သီုမဂဇအ်ဒၟံၚ် ဗွဲလံက်ဂဇုန်ဂှ် ပၚ်ခၠအ်သၟိပ်တဲတုဲ ဇအုဲဇဗအာပတ်အိုတ်ရ။ “ခမဳဗြဴဂမၠိုၚ်ဝွံ ဒှ်သမ္ဘာဇၞော် ခမဳတြုံဂမၠိုၚ်ဝွံအိုတ်ရ၊ ခမဳဗြဴဂမၠိုၚ်ဝွံ ဒှ်သမ္ဘာသၟတ် ခမဳတြုံဂမၠိုၚ်ဝွံအိုတ်ရ၊ ကလိလောန် ပ္ဍဲအခိၚ်ဗတမ်တုဲအိုတ်မ္ဂး လၟုဟ်မှ ကလအ်ဒုၚ်ဂုဏ်အိုတ်ရ” ရဴဝွံ မၞိဟ်ဂမၠိုၚ် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳတြုံဂမၠိုၚ် ဟဂပ်ဝ်ဒုၚ်ဂိုၚ်ကေတ် အာပတ်ခမဳဗြဴဂမၠိုၚ်ရ၊ ကုခမဳမဒုၚ်ဂိုၚ်ကေတ်ဂှ် ဒးအာပတ်ဒုက္ကဋ်ရ။ ယွံခမဳတအ် ကဵုအခေါၚ် ခမဳဗြဴဂမၠိုၚ် တၞဟ်နဒုၚ်ဂိုၚ်ကေတ် အာပတ် ခမဳဗြဴဂမၠိုၚ်ရ ရဴဝွံ (သ္ဂးရ)။
“အာပတ်ဂှ် ဒးဒုၚ်ဂိုၚ်ကေတ် ရဴဝွံရ” ရဴဝွံ ခမဳဗြဴဂမၠိုၚ် ဟွံတီအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် “အာပတ်ဂှ် ဩဝ်ဒုၚ်ဂိုၚ်ကေတ် ရဴဝွံအိုတ်ညိ” ရဴဝွံ ကဵုအခေါၚ် ခမဳတြုံဂမၠိုၚ် တၞဟ်နဟီုလဴထ္ၜး ကုခမဳဗြဴဂမၠိုၚ်ရ ရဴဝွံ (သ္ဂးရ)။
၄၀၉။ ပ္ဍဲအခိၚ်ဂှ် ဟဂပ်ဝ်သ္ပကမ် ကုခမဳဗြဴဂမၠိုၚ်ဏီရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နသ္ပကမ် ကုခမဳဗြဴဂမၠိုၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် “မုရဴညးမွဲ ဂပ်ဝ်ဂွံသ္ပကမ် ကုခမဳဗြဴဂမၠိုၚ်ရော?” ရဴဝွံ ကသပ်ဒှ် ကုခမဳတြုံဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ်ခမဳတြုံဂမၠိုၚ် တၞဟ်နသ္ပကမ် ကုခမဳဗြဴဂမၠိုၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴမဒးဒုၚ်သ္ပကမ်ဂမၠိုၚ် ပ္ဍဲသဗါန်ဍာန်ဇၞော်ကီု ပ္ဍဲဂၠံၚ်တရဴခၠၚ်သာတ်ကီု ပ္ဍဲဂၠံၚ်တရဴသွာၚ်ကီု ညာတ်ဒးခမဳမ္ဂး ဖျေံစွံဗဗေၚ် ပ္ဍဲတိတုဲ လ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ် သီုမဂဇအ်ဒၟံၚ် ဗွဲလံက်ဂဇုန်ဂှ် ပၚ်ခၠအ်သၟိပ်တဲတုဲ “ဗွဲစၟတ် ဂပ်ဝ်သ္ပရဴဝွံရ” ရဴဝွံ သမ္တီထေၚ်ကေတ်အိုတ်တုဲ ကလအ်ဒုၚ်ဂုဏ်အိုတ်ရ။ မၞိဟ်ဂမၠိုၚ် “ခမဳဗြဴဂမၠိုၚ်ဝွံ ဒှ်သမ္ဘာဇၞော် ခမဳတြုံဂၠိုၚ်ဝွံအိုတ်ရ၊ ခမဳဗြဴဂမၠိုၚ်ဝွံ ဒှ်သမ္ဘာသၟတ် ခမဳတြုံဂမၠိုၚ်ဝွံအိုတ်ရ၊ ကလိလောန်ပ္ဍဲအခိၚ်ဗတမ်တုဲအိုတ်မ္ဂး လၟုဟ်မှ ကလအ်ဒုၚ်ဂုဏ်အိုတ်ရ” ရဴဝွံ တုပ်သၟဟ်ကိုပ်ကၠာဟေၚ် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳတြုံဂမၠိုၚ် ဟဂပ်ဝ်သ္ပကမ် ကုခမဳဗြဴဂမၠိုၚ်ရ၊ ကုခမဳမသ္ပဂှ် ဒးအာပတ်ဒုက္ကဋ်ရ။ ယွံခမဳတအ် ကဵုအခေါၚ်ခမဳဗြဴဂမၠိုၚ် တၞဟ်နသ္ပကမ် ကုခမဳဗြဴဂမၠိုၚ်ရ ရဴဝွံ (သ္ဂးရ)။
“ရဴဝွံ ဒးသ္ပကမ်ရ’ ရဴဝွံ ခမဳဗြဴဂမၠိုၚ် ဟွံတီအိုတ်ရ။ ပရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် “ဩဝ်သ္ပကမ်ရဴဝွံအိုတ်ညိ” ရဴဝွံ ကဵုအခေါၚ် ခမဳတြုံဂမၠိုၚ် တၞဟ်နဟီုလဴထ္ၜး ကုခမဳဗြဴဂမၠိုၚ်ရ ရဴဝွံ (သ္ဂးရ)။
၄၁၀။ ပ္ဍဲအခိၚ်ဂှ် ခမဳဗြဴဂမၠိုၚ် ပ္ဍဲလဒေါဝ်သၚ် ကတဵုဒှ်ကယျာန်ဒဝါတ်သေက်ဇဵု ကတမတ်, ကြဴမတ် ဟီုသ္ဂးစှေ်စး အာစိုပ်အရေဝ်ဂၠိုၚ်ဒှ်တုဲ သီုမထ္ပက်ခၠၚ်ဗၞုဟ်ပါၚ်ရၚ်သကအ်ဂှ် ပဒတဴအိုတ်ရ၊ ကဵုလလမ်ကၠေံ အဓိကိုရ်ဂှ် ဟွံမာန်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ်ခမဳတြုံဂမၠိုၚ် တၞဟ်နကဵုလလမ်ကၠေံ အဓိကိုရ်ခမဳဗြဴဂမၠိုၚ်ရ ရဴဝွံ (သ္ဂးရ)။ ပ္ဍဲအခိၚ်ဂှ် ခမဳတြုံဂမၠိုၚ် ကဵုလလမ်ကၠေံအဓိကိုရ် ခမဳဗြဴဂမၠိုၚ်အိုတ်ရ၊ သ္ဂုတ်သွာတ်အဓိကိုရ်ဂှ်မ္ဂး ညာတ်တဴခမဳဗြဴဂမၠိုၚ် မဒှ်အာစိုပ်ကမ်ကီု မဒှ်အာစိုပ်အာပတ်ကီုအိုတ်ရ၊ ခမဳဗြဴဂမၠိုၚ် “ယွံတဳလပိုဉ်တအ် အာတ်ပါန်အခေါၚ်ရ၊ တဳလပိုဉ်တအ်ဟေၚ် ဩဝ်သ္ပကမ်ကုခမဳဗြဴဂမၠိုၚ်အိုတ်ညိ၊ တဳလပိုဉ်တအ်ဟေၚ် ဩဝ်ဒုၚ်ဂိုၚ်ကေတ် အာပတ်ခမဳဗြဴဂမၠိုၚ်အိုတ်ညိ၊ ခမဳတြုံဂမၠိုၚ် ဒးကဵုလလမ်ကၠေံ အဓိကိုရ် ခမဳဗြဴဂမၠိုၚ်ရ” ရဴဝွံ တဳလမၞုံပိုဉ်ကျာ်တြဲ ပညပ်လဝ်ရ ရဴဝွံဂရၚ်ပတီအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳတြုံဂမၠိုၚ် ပတိုန်ကမ်ကဵုခမဳဗြဴဂမၠိုၚ်တုဲ တၞဟ်နအပ်ပြာပ်ကဵု ကုခမဳဗြဴဂမၠိုၚ်၊ ခမဳဗြဴဂမၠိုၚ် တၞဟ်နသ္ပကမ် ကုခမဳဗြဴဂမၠိုၚ်၊ ခမဳတြုံဂမၠိုၚ် ပတိုန်အာပတ်ကဵု ခမဳဗြဴဂမၠိုၚ်တုဲ တၞဟ်နအပ်ပြာပ်ကဵု ကုခမဳဗြဴဂမၠိုၚ်၊ ခမဳဗြဴဂမၠိုၚ် တၞဟ်နဒုၚ်ဂိုၚ်ကေတ် အာတ်ပတ်ခမဳဗြဴဂမၠိုၚ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴမဒှ်ကွပဒတဴဇရေၚ် ခမဳဗြဴဥပ္ပဝဏ် သီုမဂိုၚ်ကတ်ကေတ် ဝိနယ် လုကဴထပှ်သၞာံဂမၠိုၚ် ဗက်ဒၟံၚ်လက်ကရဴ တဳလမၞုံပိုဉ်ကျာ်တြဲရ၊ ကုခမဳဗြဴသတိဗၠးဂှ် ဝိနယ်မဂိုၚ်ကတ်ကေတ်တုဲ မဂိုၚ်ကတ်ကေတ်တုဲဂှ် ဝိုတ်ကၠေံအာရ။
“တဳလမၞုံပိုဉ်ကျာ်တြဲ က္ညအာဍုၚ်သာရဝှ်ရဂး” ရဴဝွံ ခမဳဗြဴဂှ် ဂွံမိၚ်ကေတ်ရ၊ ပ္ဍဲအခိၚ်ဂှ် “အဲသီုမဂိုၚ်ကတ်ကေတ် ဝိနယ် လုကဴထပှ်သၞာံဂမၠိုၚ် ဗက်ကၠုၚ်ဒၟံၚ်လက်ကရဴ တဳလမၞုံပိုဉ်ကျာ်တြဲရ၊ ကုအဲဂှ် ဟိုတ်မသတိဗၠးဂှ်ရ ဝိနယ် မဂိုၚ်ကတ်ကေတ်တုဲ မဂိုၚ်ကတ်ကေတ်တုဲဂှ် ဝိုတ်ကၠေံအာရ၊ မာတုဂါမ် သွက်ဂွံဗက်ဒၟံၚ်လက်ကရဴ တဳလမၞုံပိုဉ်ကျာ်တြဲ စဵုကဵုလအိတ်လမျီုဂှ်ဇြိုၚ်သန်ရ၊ အဲပသာ်ဂွံဒ္ဂေတ်သ္ပရော?” ရဴဝွံ ကသပ်ဒှ် ကုခမဳဗြဴဂှ်ရ။ ပ္ဍဲအခိၚ်ဂှ် ခမဳဗြဴဂှ် ဟီုလဴဗ္စ ဟိုတ်ပရူပရာဂှ် ကုခမဳဗြဴဂမၠိုၚ်ရ၊ ခမဳဗြဴဂမၠိုၚ် ဟီုပတီလဴဗ္စ ဟိုတ်ပရူပရာဂှ် ကုခမဳတြုံဂမၠိုၚ်အိုတ်ရ၊ ခမဳဂမၠိုၚ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ကဵုအခေါၚ် ခမဳတြုံဂမၠိုၚ် တၞဟ်နဖျေံပတိုန် ဝိနယ် ကုခမဳဗြဴဂမၠိုၚ်ရ ရဴဝွံ (သ္ဂးရ)။
✵✵✵ ခဏ်ပဌမတုဲရ။✵✵✵
၁၀.၂။ ခဏ်ဒုတိယ[ပလေဝ်ဒါန် | ပလေဝ်ဒါန် တမ်ကၞက်]
၄၁၁။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ဝေသာလဳ ဗၞတ်မမိပ်လဟိၚ်တုဲမ္ဂး အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်သာရဝှ်ရ၊ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ် အနာထပိဏ္ဍကသေဌဳ ဇရေၚ်ဍုၚ်သာရဝှ်ဂှ်ရ။ ပ္ဍဲအခိၚ်ဂှ် ခမဳ ဆဗ္ဗဂ္ဂဳဂမၠိုၚ် “ထၞေန်စပ် ပ္ဍဲပိုဲညးဂမၠိုၚ်တန်ဒှ်အိုတ်ရ” ရဴဝွံ ကိုဟ်ချာဲ ခမဳဗြဴဂမၠိုၚ် နကဵုဍာ်လှိုက်သရီုအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳတြုံဂမၠိုၚ် ဟဂပ်ဝ်ကိုဟ်ချာဲ ခမဳဗြဴဂမၠိုၚ် နကဵုဍာ်လှိုက်သရီုရ၊ ကုခမဳမကိုဟ်ချာဲ ဒးအာပတ်ဒက္ကဋ်ရ၊ ယွံခမဳတအ် ကဵုအခေါၚ် သွက်ဂွံသ္ပပွမတပ်ဒဏ် ကုခမဳဂှ်ရ ရဴဝွံ (သ္ဂးရ)။ ပ္ဍဲအခိၚ်ဂှ် “မုဒဏ်မွဲ ဂွံကဵုရော?” ရဴဝွံ ကသပ်ဒှ် ကုခမဳဂမၠိုၚ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဘိက္ခုနဳသၚ် ဒးသ္ပမဟဂပ်ဝ်လ္ၚောဝ် ခမဳဂှ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် “ထၞေန်စပ် ပ္ဍဲပိုဲညးဂမၠိုၚ်တန်ဒှ်အိုတ်ရ” ရဴဝွံ ပံက်ဇကုတုဲ ထ္ၜးကဵု ကုခမဳဗြဴဂမၠိုၚ်အိုတ်ရ၊ ပံက်ဒဳတုဲ ထ္ၜးကဵု ကုခမဳဗြဴဂမၠိုၚ်အိုတ်ရ၊ ပံက်အၚ်္ဂဇာတ်တုဲ ထ္ၜးကဵု ကုခမဳဗြဴဂမၠိုၚ်အိုတ်ရ၊ ဟီုသ္ပဂရိုၚ်စရဵု ကဵုခမဳဗြဴဂမၠိုၚ်အိုတ်ရ၊ နှဴရဴပကီုတဴမွဲစွံ ကေုာံခမဳဗြဴဂမၠိုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳတြုံဂမၠိုၚ် ပံက်ဇကုတုဲ ဟဂပ်ဝ်ထ္ၜးကဵု ကုခမဳဗြဴဂမၠိုၚ်အိုတ်ရ၊ ပံက်ဒဳတုဲ ဟဂပ်ဝ်ထ္ၜးကဵု ကုခမဳဗြဴဂမၠိုၚ်အိုတ်ရ၊ ပံက်အၚ်္ဂဇာတ်တုဲ ဟဂပ်ဝ်ထ္ၜးကဵု ကုခမဳဗြဴဂမၠိုၚ်အိုတ်ရ၊ ဟဂပ်ဝ်ဟီုသ္ပဂရိုၚ်စရဵု ကဵုခမဳဗြဴဂမၠိုၚ်အိုတ်ရ၊ ဟဂပ်ဝ်နှဴရဴပကီုတဴမွဲစွံ ကေုာံခမဳဗြဴဂမၠိုၚ်အိုတ်ရ၊ ကုခမဳမနှဴရဴပကီု ဒးအာပတ်ဒုက္ကဋ်ရ၊ ယွံခမဳတအ် ကဵုအခေါၚ် သွက်ဂွံကဵုဒဏ် ကုခမဳဂှ်ရ ရဴဝွံ (သ္ဂးရ)။ ပ္ဍဲအခိၚ်ဂှ် “မုဒဏ်မွဲ ဂွံကဵုရော?” ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဘိက္ခုနဳသၚ် ဒးသ္ပမဟဂပ်ဝ်လ္ၚောဝ် ခမဳဂှ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဆဗ္ဗဂ္ဂဳဂမၠိုၚ် “ထၞေန်စပ် ပ္ဍဲပိုဲညးဂမၠိုၚ်တန်ဒှ်အိုတ်ရ” ရဴဝွံ ကိုဟ်ချာဲခမဳတြုံဂမၠိုၚ် နကဵုဍာ်လှိုက်သရီုအိုတ်ရ။ ဂရၚ်ပတီ ဟိုတ်ပရူပရူ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂမၠိုၚ် ဟဂပ်ဝ်ကိုဟ်ချာဲ ခမဳတြုံဂမၠိုၚ် နကဵုဍာ်လှိုက်သရီုရ၊ ကုခမဳဗြဴမကိုဟ်ချာဲ ဒးအာပတ်ဒက္ကဋ်ရ၊ ယွံခမဳတအ် ကဵုအခေါၚ် သွက်ဂွံသ္ပပွမတပ်ဒဏ် ကုခမဳဗြဴဂှ်ရ ရဴဝွံ (သ္ဂးရ)။ ပ္ဍဲအခိၚ်ဂှ် “မုဒဏ်မွဲ ဂွံကဵုရော?” ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သွက်ဂွံသ္ပပွမ ဆေဝ်ဒဝ်ရ ရဴဝွံ (သ္ဂးရ)။ သ္ပပွမဆေဝ်ဒဝ်မ္ဂး ဟွံကလၚ်ကေတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သွက်ဂွံတန်ဒေါံဩဝါဒ ဒၠောံဗတောန်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဆဗ္ဗဂ္ဂဳဂမၠိုၚ် “ထၞေန်စပ် ပ္ဍဲပိုဲညးဂမၠိုၚ်တန်ဒှ်အိုတ်ရ” ရဴဝွံ ပံက်ဇကုတုဲ ထ္ၜးကဵု ကုခမဳတြုံဂမၠိုၚ်အိုတ်ရ၊ ပံက်ဖျုန်ပရဲ (တှ်) တုဲထ္ၜးကဵု ကုခမဳတြုံဂမၠိုၚ်အိုတ်ရ၊ ပံက်ဒဳတုဲ ထ္ၜးကဵု ကုခမဳတြုံဂမၠိုၚ်အိုတ်ရ၊ ပံက်အၚ်္ဂဇာတ်တုဲ ထ္ၜးကဵု ကုခမဳတြုံဂမၠိုၚ်အိုတ်ရ၊ ဟီုသ္ပဂရိုၚ်စရဵု ကဵုခမဳတြုံဂမၠိုၚ်အိုတ်ရ၊ နှဴရဴပကီုတဴမွဲစွံ ကေုာံခမဳတြုံဂမၠိုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂမၠိုၚ် ပံက်ဇကုတုဲ ဟဂပ်ဝ်ထ္ၜးကဵု ကုခမဳတြုံဂမၠိုၚ်ရ၊ ပံက်ဖျုန်ပရဲ (တှ်) တုဲ ဟဂပ်ဝ်ထ္ၜးကဵု ကုခမဳတြုံဂမၠိုၚ်ရ၊ ပံက်ဒဳတုဲ ဟဂပ်ဝ်ထ္ၜးကဵု ကုခမဳတြုံဂမၠိုၚ်ရ၊ ပံက်အၚ်္ဂဇာတ်တုဲ ဟဂပ်ဝ်ထ္ၜးကဵု ကုခမဳတြုံဂမၠိုၚ်ရ၊ ဟဂပ်ဝ်ဟီုသ္ပဂရိုၚ်စရဵု ကဵုခမဳတြုံဂမၠိုၚ်ရ၊ ဟဂပ်ဝ်နှဴရဴပကီုတဴမွဲစွံ ကေုာံခမဳတြုံဂမၠိုၚ်ရ၊ ကုခမဳဗြဴမနှဴရဴပကီု ဒးအာပတ်ဒုက္ကဋ်ရ။ ယွံခမဳတအ် ကဵုအခေါၚ် သွက်ဂွံကဵုဒဏ် ကုခမဳဗြဴဂှ်ရ ရဴဝွံ (သ္ဂးရ)။ ပ္ဍဲအခိၚ်ဂှ် “မုဒဏ်မွဲ ဂွံကဵုရော?” ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သွက်ဂွံသ္ပပွမ ဆေဝ်ဒဝ်ရ ရဴဝွံ (သ္ဂးရ)။ သ္ပပွမဆေဝ်ဒဝ်မ္ဂး ဟွံကလၚ်ကေတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သွက်ဂွံတန်ဒေါံဩဝါဒ ဒၠောံဗတောန်ရ ရဴဝွံ (သ္ဂးရ)။
ပ္ဍဲအခိၚ်ဂှ် “တၞဟ်နသ္ပဥပေါသ် ကေုာံခမဳဗြဴ မတန်ဒေါံလဝ် ဩဝါဒဒၠောံဗတောန်ဂှ် ဂပ်ဝ်ဟာ ဟွံဂပ်ဝ်ဟာ” ကသပ်ဒှ် ကုခမဳဂမၠိုၚ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဗၞတ်အဓိကိုရ်ဂှ် ဟွံလလမ်ဏီ ဟဂပ်ဝ်သ္ပဥပေါသ်မွဲစွံ ကေုာံခမဳဗြဴ မတန်ဒေါံလဝ် ဩဝါဒဒၠောံဗတောန်ရ ရဴဝွံ (သ္ဂးရ)။
၄၁၂။ ပ္ဍဲအခိၚ်ဂှ် တဳလပိုဉ်ဥဒါယဳ တန်ဒေါံလဝ် ဩဝါဒဒၠောံဗတောန်တုဲ စ္ဍးအာဒေသစာရိတ်ရ၊ “တဳလပိုဉ်ဥဒါယဳ တန်ဒေါံလဝ် ဩဝါဒဒၠောံဗတောန်တုဲ မုဟိုတ် စ္ဍးအာဒေသစာရိတ်ရော?” ရဴဝွံ ခမဳဗြဴဂမၠိုၚ် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳမၞုံပိုဉ်ကျာ်တြဲအိုတ်ရ။
ယွံခမဳတအ် တန်ဒေါံလဝ် ဩဝါဒဒၠောံဗတောန်တုဲ ဟဂပ်ဝ်စ္ဍးအာ ဒေသစာရိတ်ရ၊ ကုခမဳမစ္ဍးအာဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳတြုံမဒိုဟ်ဓီု ဟွံစဳကၠးဆိုက်ဗ္ဒက်ဂှ် ဟဂပ်ဝ်တန်ဒေါံလဝ် ဩဝါဒဒၠောံဗတောန်ရ၊ ကုခမဳမတန်ဒေါံဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် သီုဟွံမွဲကဵုဒုဟ် သီုဟွံမွဲကဵုဟိုတ်ဂှ် တန်ဒေါံ ဩဝါဒဒၠောံဗတောန်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် သီုဟွံမွဲကဵုဒုဟ် သီုဟွံမွဲကဵုဟိုတ်ဂှ် ဟဂပ်ဝ်ဒေါံလဝ် ဩဝါဒဒၠောံဗတောန်ရ၊ ကုခမဳတန်ဒေါံဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် တန်ဒေါံ ဩဝါဒဒၠောံဗတောန်တုဲပ္ဍဲကြဴ ဟွံကဵုသ္ဂုတ်သွာတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တန်ဒေါံဩဝါဒဒၠောံဗတောန်တုဲ ပ္ဍဲကြဴ ဂပ်ဝ်ဒးကဵုသ္ဂုတ်သွာတ်ဟေၚ်ရ၊ ကုခမဳဟွံကဵုဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၄၁၃။ ပ္ဍဲအခိၚ်ဂှ် ခမဳဗြဴဂမၠိုၚ် ဟွံအာဌာန်ဒၠောံဗတောန်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴဂှ် ဂပ်ဝ်ဒးအာ ဌာန်ဒၠောံဗတောန်ဟေၚ်ရ၊ ကုခမဳဗြဴဟွံအာဂှ် ဒးသ္ဂုတ်သွာတ် ဗွဲမဗဗွဲကဵုဓရ် ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ်အိုတ်သီု အာဌာန်ဒၠောံဗတောန်ရ။ “ခမဳဗြဴဂမၠိုၚ်ဝွံ ဒှ်သမ္ဘာဇၞော် ခမဳတြုံဂမၠိုၚ်ဝွံအိုတ်ရ၊ ခမဳဗြဴဂမၠိုၚ်ဝွံ ဒှ်သမ္ဘာသၟတ် ခမဳတြုံဂမၠိုၚ်အိုတ်ရ၊ ခမဳတြုံဂမၠိုၚ်ဝွံ ကြက်မိပ်ဇြိပ်လဟိၚ်မွဲစွံ ကေုာံခမဳဗြဴဂမၠိုၚ်ဝွံအိုတ်ရ” ရဴဝွံ မၞိဟ်ဂမၠိုၚ် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟိုတ်ထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴဂမၠိုၚ်အိုတ်သီု ဟဂပ်ဝ်အာဌာန်ဒၠောံဗတောန်ရ၊ အာအိုတ်မ္ဂး ဒးအာပတ်ဒုက္ကဋ်ရ။ ယွံခမဳတအ် ခမဳဗြဴပန်ဇကု မသုန်ဇကုဂမၠိုၚ် ကဵုအခေါၚ် တၞဟ်နအာဌာန်ဒၠောံဗတောန်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴပန်ဇကု မသုန်ဇကုဂမၠိုၚ် အာဌာန်ဒၠောံဗတောန်အိုတ်ရ။ ခမဳဗြဴဂမၠိုၚ်ဝွံ ဒှ်သမ္ဘာဇၞော် ခမဳတြုံဂမၠိုၚ်ဝွံအိုတ်ရ၊ ခမဳဗြဴဂမၠိုၚ်ဝွံ ဒှ်သမ္ဘာသၟတ် ခမဳတြုံဂမၠိုၚ်အိုတ်ရ၊ ခမဳတြုံဂမၠိုၚ်ဝွံ ကြက်မိပ်ဇြိပ်လဟိၚ်မွဲစွံ ကေုာံခမဳဗြဴဂမၠိုၚ်ဝွံအိုတ်ရ” ရဴဝွံ မၞိဟ်ဂမၠိုၚ်တုပ်နယ်ကိုပ်ကၠာတေံဟေၚ် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟိုတ်ထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴပန်ဇကု မသုန်ဇကုဂမၠိုၚ် ဟဂပ်ဝ်အာဌာန်ဒၠောံဗတောန်ရ၊ အာအိုတ်မ္ဂး ဒးအာပတ်ဒုက္ကဋ်ရ။ ယွံခမဳတအ် ခမဳဗြဴၜါဇကု ပိဇကုဂမၠိုၚ် ကဵုအခေါၚ် တၞဟ်နအာဌာန်ဒၠောံဗတောန်ရ ရဴဝွံ (သ္ဂးရ)။
ပြာပ်အာဇရေၚ် ခမဳတြုံဇကုတုဲ လ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ် သီုမဂဇအ်ဒၟံၚ်ဗွဲလံက်ဂဇုန်ဂှ် ပၚ်ခၠအ်သၟိပ်တဲတုဲမ္ဂး—
“ယွံတဳလပိုဉ် ဘိက္ခုနဳသၚ် လ္ၚောဝ်ဒၠးဇိုၚ် ဘိက္ခုသၚ်ဂမၠိုၚ်ရ၊ အာတ်ပါန်အခေါၚ်တၞဟ်နကလၚ်ဩဝါဒကီဒ ပွမပြာပ်ခစကီုရ၊ ယွံတဳလပိုဉ် ဘိက္ခုနဳသၚ် မိက်ကလိဂွံ တၞဟ်နကလၚ်ဩဝါဒကီု ပွမပြာပ်ခစကီုရ” ရဴဝွံ ဒးဂရၚ်ပတီရ။
ခမဳဂှ် ပြာပ်အာဇရေၚ် ခမဳထ္ၜးပါတိမုက်တုဲမ္ဂး “ယွံတဳလပိုဉ် ဘိက္ခုနဳသၚ် လ္ၚောဝ်ဒၠးဇိုၚ် ဘိက္ခုသၚ်ဂမၠိုၚ်ရ၊ အာတ်ပါန်အခေါၚ်တၞဟ်နကလၚ်ဩဝါဒကီဒ ပွမပြာပ်ခစကီုရ၊ ယွံတဳလပိုဉ် ဘိက္ခုနဳသၚ် မိက်ကလိဂွံ တၞဟ်နကလၚ်ဩဝါဒကီု ပွမပြာပ်ခစကီုရ” ရဴဝွံ ဒးဂရၚ်ပတီရ။
“ခမဳမွဲမွဲ မသၟိတ်လဝ်ရဴဝွံမ္ဂး ညးဒၠောံဗတောန် ခမဳဗြဴဂမၠိုၚ် နွံဒၟံၚ်ဟာ” ရဴဝွံ ခမဳထ္ၜး ပါတိမုက်ဂှ် ဒးသၟာန်ရ။ ခမဳမွဲမွဲ မသၟိတ်လဝ်ရဴဝွံမ္ဂး ညးဒၠောံဗတောန် ခမဳဗြဴဂမၠိုၚ်ဂှ် နွံမ္ဂး “ခမဳမၞုံယၟုဝွံ သၟိတ်လဝ်ရဴဝွံမ္ဂး ညးဒၠောံဗတောန် ခမဳဗြဴဂမၠိုၚ်ရ၊ ဘိက္ခုနဳသၚ် ဩဝ်ပြာပ်အာဇရေၚ် ခမဳဂှ်ညိ” ရဴဝွံ ခမဳထ္ၜးပါတိမုက်ဂှ် ဒးဟီုရ။
ခမဳမွဲမွဲ မသၟိတ်လဝ်ရဴဝွံမ္ဂး ညးဒၠောံဗတောန် ခမဳဗြဴဂမၠိုၚ်ဂှ် ဟွံမွဲမ္ဂး “မုရဴတဳလပိုဉ်မွဲ သၟဟ်ရထ သွက်ဂွံဒၠောံဗတောန် ခမဳဗြဴဂမၠိုၚ်ရော?” ရဴဝွံ ခမဳထ္ၜးပါတိမုက်ဂှ် ဒးသၟာန်ရ။ ခမဳမွဲမွဲဇကု သၟဟ်ရထ သွက်ဂွံဒၠောံဗတောန် ခမဳဗြဴဂမၠိုၚ်မ္ဂး ခမဳဂှ်လေဝ် ဍိုက်ပေၚ်ကဵုအၚ်္ဂဒ္စါံသာ်မ္ဂး သၟိတ်ပတိုန်တုဲ “ခမဳမၞုံယၟုဝွံ သၟိတ်လဝ်ရဴဝွံမ္ဂး ညးဒၠောံဗတောန် ခမဳဗြဴဂမၠိုၚ်ရ၊ ဘိက္ခုနဳသၚ် ဩဝ်ပြာပ်အာဇရေၚ် ခမဳဂှ်ညိ” ရဴဝွံ ဒးဟီုရ။
သွက်ဂွံဒၠောံဗတောန် ခမဳဗြဴဂမၠိုၚ် ညးလဵုမွဲလေဝ် ဟွံသၟဟ်ရထမ္ဂး “ခမဳမွဲမွဲ မသၟိတ်လဝ်ရဴဝွံမ္ဂး ညးဒၠောံဗတောန် ခမဳဗြဴဂမၠိုၚ် ဟွံမွဲရ၊ ဘိက္ခုနဳသၚ် ဩဝ်ကဵုဍိုက်ပေၚ်တဴကေုာံအာကာရအရာကာယပါၚ် မလျုၚ်ဇြုၚ်သ္ဍိုက်ညိ” ရဴဝွံ ခမဳထ္ၜးပါတိမုက်ဂှ် ဒးဟီုရ။
၄၁၄။ ပ္ဍဲအခိၚ်ဂှ် ခမဳဂမၠိုၚ် ဟွံဂိုၚ်ကေတ် ဩဝါဒအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဂပ်ဝ်ဒးဒုၚ်ဂိုၚ်ကေတ် ဩဝါဒဟေၚ်ရ၊ ကုခမဳ ဟွံဒုၚ်ဂိုၚ်ကေတ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ပြာပ်အာဇရေၚ် ခမဳဟွံမွဲကဵုအစောံမွဲဇကုတုဲ “ယွံတဳလပိုဉ် ဩဝ်ဒုၚ်ဂိုၚ်ကေတ် ဩဝါဒညိ” ရဴဝွံ ဂရၚ်ပတီအိုတ်ရ။ (ဩဝါဒမ္ဂးဂှ် ကလိဂွံဒၠောံဗတောန်ဟာ ရဴဝွံ ဩဝါဒခမဳဗြဴဂမၠိုၚ် မဂပ်ဝ်အာတ်ရောၚ်။)
ယွံဒေံဗြဴတအ် အဲဟွံမွဲကဵုအစောံရ၊ မုရဴသာ်လဵု အဲဂွံဒုၚ်ဂိုၚ်ကေတ်ဩဝါဒရော? ရဴဝွံ (သ္ဂးရ)။ ယွံတဳလပိုဉ် ဩဝ်ဒုၚ်ဂိုၚ်ကေတ် ဩဝါဒညိ၊ “ခမဳတြုံဂမၠိုၚ် ဒးဒုၚ်ဂိုၚ်ကေတ် ဩဝါဒ ခမဳဗြဴဂမၠိုၚ်ရ” ရဴဝွံ တဳလမၞုံပိုဉ်ကျာ်တြဲ ပညပ်လဝ်ရ ရဴဝွံ (ဂရၚ်ပတီအိုတ်ရ)။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ပါဲကၠေံခမဳဟွံမွဲကဵုအစောံတုဲ ခမဳသၟေဟ်ဂမၠိုၚ် ကဵုအခေါၚ် သွက်ဒုၚ်ဂိုၚ်ကေတ်ဩဝါဒရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ပြာပ်အာဇရေၚ် ခမဳဂိယဲမွဲဇကုတုဲ “ယွံတဳလပိုဉ် ဩဝ်ဒုၚ်ဂိုၚ်ကေတ် ဩဝါဒညိ” ရဴဝွံ ဂရၚ်ပတီအိုတ်ရ။
ယွံဒေံဗြဴတအ် အဲဂိယဲဒၟံၚ်ရ၊ မုရဴသာ်လဵု အဲဂွံဒုၚ်ဂိုၚ်ကေတ်ဩဝါဒရော? ရဴဝွံ (သ္ဂးရ)။ ယွံတဳလပိုဉ် ဩဝ်ဒုၚ်ဂိုၚ်ကေတ် ဩဝါဒညိ၊ “ပါဲကၠေံ ခမဳဟွံမွဲကဵုအစောံတုဲ ခမဳသၟေဟ်ဂမၠိုၚ် ဒးဒုၚ်ဂိုၚ်ကေတ်ဩဝါဒရ” ရဴဝွံ တဳလမၞုံပိုဉ်ကျာ်တြဲ ပညပ်လဝ်ရ ရဴဝွံ (ဂရၚ်ပတီအိုတ်ရ)။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ပါဲကၠေံခမဳဟွံမွဲကဵုအစောံ ကေုာံခမဳဂိယဲတုဲ ခမဳသၟေဟ်ဂမၠိုၚ် ကဵုအခေါၚ် သွက်ဒုၚ်ဂိုၚ်ကေတ်ဩဝါဒရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ပြာပ်အာဇရေၚ် ခမဳမွဲဇကု မဒှ်ညောန်ကဵု ကွာ်တရဴတုဲ “ယွံတဳလပိုဉ် ဩဝ်ဒုၚ်ဂိုၚ်ကေတ် ဩဝါဒညိ” ရဴဝွံ ဂရၚ်ပတီအိုတ်ရ။
ယွံဒေံဗြဴတအ် အဲဒှ်ဒၟံၚ်ညောန်ကဵုကွာ်တရဴရ၊ မုရဴသာ်လဵု အဲဂွံဒုၚ်ဂိုၚ်ကေတ်ဩဝါဒရော? ရဴဝွံ (သ္ဂးရ)။ ယွံတဳလပိုဉ် ဩဝ်ဒုၚ်ဂိုၚ်ကေတ် ဩဝါဒညိ၊ “ပါဲကၠေံခမဳဟွံမွဲကဵုအစောံ ကေုာံခမဳဂိယဲတုဲ ခမဳသၟေဟ်ဂမၠိုၚ် ကဵုအခေါၚ် သွက်ဒုၚ်ဂိုၚ်ကေတ်ဩဝါဒရ” ရဴဝွံ တဳလမၞုံပိုဉ်ကျာ်တြဲ ပညပ်လဝ်ရ ရဴဝွံ (ဂရၚ်ပတီအိုတ်ရ)။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ပါဲကၠေံခမဳဟွံမွဲကဵုအစောံ၊ ခမဳဂိယဲ၊ ခမဳကြက်ကွာ်တရဴဂမၠိုၚ်တုဲ ခမဳသၟေဟ်ဂမၠိုၚ် ကဵုအခေါၚ် သွက်ဒုၚ်ဂိုၚ်ကေတ်ဩဝါဒရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ပြာပ်အာဇရေၚ် ခမဳပဒတဴပ္ဍဲဂြိုပ်မွဲဇကုတုဲ “ယွံတဳလပိုဉ် ဩဝ်ဒုၚ်ဂိုၚ်ကေတ် ဩဝါဒညိ” ရဴဝွံ ဂရၚ်ပတီအိုတ်ရ။
ယွံဒေံဗြဴတအ် အဲပဒတဴဒၟံၚ်ပ္ဍဲဂြိုပ်ရ၊ မုရဴသာ်လဵု အဲဂွံဒုၚ်ဂိုၚ်ကေတ်ဩဝါဒရော? ရဴဝွံ (သ္ဂးရ)။ ယွံတဳလပိုဉ် ဩဝ်ဒုၚ်ဂိုၚ်ကေတ် ဩဝါဒညိ၊ “ပါဲကၠေံခမဳဟွံမွဲကဵုအစောံ၊ ခမဳဂိယဲ၊ ခမဳကြက်ကွာ်တရဴဂမၠိုၚ်တုဲ ခမဳသၟေဟ်ဂမၠိုၚ် ကဵုအခေါၚ် သွက်ဒုၚ်ဂိုၚ်ကေတ်ဩဝါဒရ” ရဴဝွံ တဳလမၞုံပိုဉ်ကျာ်တြဲ ပညပ်လဝ်ရ ရဴဝွံ (ဂရၚ်ပတီအိုတ်ရ)။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳပဒတဴပ္ဍဲဂြိုပ်ဂှ် သွက်ဒုၚ်ဂိုၚ်ကေတ် ဩဝါဒကီု “ကြက်ကလေၚ်ရၚ်တၠုၚ်ဌာန်ဝွံရ” ရဴဝွံ သွက်ဂွံသ္ပချိၚ်ဖါပ်ကီု ကဵုအခေါၚ်ရ ရဴဝွံ (သ္ဂးရ)။
၄၁၅။ ပ္ဍဲအခိၚ်ဂှ် ခမဳတြုံဂမၠိုၚ် ဒုၚ်ဂိုၚ်ကေတ် ဩဝါဒတုဲမ္ဂး ဟွံဟီုလဴထ္ၜးအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဂပ်ဝ်ဒးဂရၚ်ပတီလဴဗ္စ ဩဝါဒဟေၚ်ရ၊ ကုခမဳ မဟွံဂရၚ်ပတီလဴဗ္စဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳတြုံဂမၠိုၚ် ဒုၚ်ဂိုၚ်ကေတ်ဩဝါဒတုဲမ္ဂး ဟွံကလေၚ်ရၚ်တၠုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဂပ်ဝ်ဒးကလေၚ်ရၚ်တၠုၚ်ဩဝါဒဟေၚ်ရ၊ ကုခမဳမဟွံကလေၚ်ရၚ်တၠုၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ဟွံအာဌာန်ချိပ်ဖါပ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴဂမၠိုၚ် ဂပ်ဝ်ဒးအာဌာန်ချိၚ်ဖါပ်ဟေၚ်ရ၊ ကုခမဳဗြဴဟွံအာဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၄၁၆။ ပ္ဍဲအခိၚ်ဂှ် ခမဳဗြဴဂမၠိုၚ် ပကၚ်ရၚ်လဝ် ဇုက်ကာယဗန်ဂမၠိုၚ်မဂၠိၚ်အိုတ်ရ၊ နကဵုဇုက်ကာယဗန် မဂၠိၚ်ဂမၠိုၚ်ဂှ် လၟောဝ်စှေ် ‘ဍောတ်စှေ်’ အိုတ်ရ။ မၞိဟ်ဂမၠိုၚ် ။ ပ ။ သၟဟ်ညံၚ်ရဴခရှ်ဗြဴ ညးမဒုၚ်စသိုၚ်ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴဂှ် ဟဂပ်ဝ်ပကၚ်ရၚ်လဝ် ဇုက်ကာယဗန် မဒက်ပူပါတ်မွဲပွူ ရုမ်ဂပ်ရ။ နဇုက်ကာယဗန်လေဝ် ဟဂပ်ဝ်ကဵုဇုတ်သကဲဂမၠိုၚ် လၟောဝ်စှ် ‘ဍောတ်စှေ်’ ရ၊ ကုခမဳဗြဴမကဵုလၟောဝ်စှေ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ကဵုဇုတ်သကဲဂမၠိုၚ် လၟောဝ်စှေ် နကဵုဂၠးသပှ်ေချာအိုတ်ရ။ ကဵုဇုတ်သကဲဂမၠိုၚ် လၟောဝ်စှေ် နကဵုဂၠးစၞာံအိုတ်ရ။ ကဵုဇုတ်သကဲဂမၠိုၚ် လၟောဝ်စှေ် နကဵုဂၠးယာတ်အိုတ်ရ။ ကဵုဇုတ်သကဲဂမၠိုၚ် လၟောဝ်စှေ် နကဵုယာတ်ထကတ်အိုတ်ရ။ ကဵုဇုတ်သကဲဂမၠိုၚ် လၟောဝ်စှေ်နကဵုယာတ်ဗ္ၜန်အိုတ်ရ။ ကဵုဇုတ်သကဲဂမၠိုၚ် လၟောဝ်စှေ် နကဵုဂၠးသ္ၚာအိုတ်ရ။ ကဵုဇုတ်သကဲဂမၠိုၚ် လၟောဝ်စှေ် နကဵုသ္ၚာထကတ်အိုတ်ရ။ ကဵုဇုတ်သကဲဂမၠိုၚ် လၟောဝ်စှေ် နကဵုသ္ၚာဗ္ၜန်အိုတ်ရ။ ကဵုဇုတ်သကဲဂမၠိုၚ် လၟောဝ်စှေ် နကဵုတောဝ်ထကအ်အိုတ်ရ။ ကဵုဇုတ်သကဲဂမၠိုၚ် လၟောဝ်စှေ် နကဵုတောဝ်ဗ္ၜန်အိုတ်ရ။ မၞိဟ်ဂမၠိုၚ် ။ ပ ။ “သၟဟ်ညံၚ်ရဴခရှ်ဗြဴ ညးမဒုၚ်စသိုၚ်ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴဂှ် ဟဂပ်ဝ်ကဵုဇုက်သကဲဂမၠိုၚ် လၟောဝ်စှေ် နကဵုဂၠးသပှ်ေချာရ။ ပ ။ ဟဂပ်ဝ်ကဵုဇုက်သကဲဂမၠိုၚ် လၟောဝ်စှေ် နကဵုတောဝ်ဗ္ၜန်ရ၊ ကုခမဳဗြဴကဵုလၟောဝ်စှေ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ဓဇိုတ်ပေါတ်ဂၞိၚ် နကဵုဇုတ်တံၚ်ယျဂၠဴအိုတ်ရ၊ ကဵုခါဂွါတ် ‘ဂဒုတက်’ နကဵုဇုတ်သၟိပ်ဂၠဴအိုတ်ရ၊ ကဵုခါဂွါတ် တဲအိုတ်ရ၊ ကဵုခါဂွါတ် စးတဲအိုတ်ရ၊ ကဵုခါဂွါတ် ဂဒဟ်ဗြာတ်အိုတ်ရ၊ ကဵုခါဂွါတ် စးဇိုၚ်အိုတ်ရ၊ ကဵုခါဂွါတ် ဒဳအိုတ်ရ၊ ကဵုခါဂွါတ် မုက်ခဝါအိုတ်ရ၊ ကဵုခါဂွါတ် ဖျုန်ဓရီုၚေက်အိုတ်ရ။ မၞိဟ်ဂမၠိုၚ် ။ ပ ။ “သၟဟ်ညံၚ်ရဴခရှ်ဗြဴ ညးမဒုၚ်စသိုၚ်ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဟဂပ်ဝ်ကဵုဓဇိုတ်ပေါတ်ဂၞိၚ် နကဵုဇုတ်တံၚ်ယျဂၠဴရ ။ ပ ။ ဟဂပ်ဝ်ကဵုခါဂွါတ် ဖျုန်ဓရီုၚေက်ရ၊ ကုခမဳဗြဴမကဵုခါဂွါတ် ‘ပေါတ်’ ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၄၁၇။ ပ္ဍဲအခိၚ်ဂှ် ခမဳဗြဴဆဗ္ဗဂ္ဂဳဂမၠိုၚ် လံက်လေတ်မုက်ခဝါအိုတ်ရ၊ ဓဇိုတ်ပေါတ်မုက်ခဝါအိုတ်ရ၊ ပၠေတ်မုက်ခဝါ နကဵုခၞိက်ပံၚ်မုက်အိုတ်ရ။ ထ္ပက်ဍံက်ကွေၚ်လဝ်မုက်ခဝါ နကဵုတၟံမြၚ်သိလ္လာအိုတ်ရ။ ဖျောန်အဝယ်ဇၞော်သၟတ်အိုတ်ရ။ ဖျောန်သၟာန်ပါၚ်အိုတ်ရ။ ဖျောန်အဝယ်ဇၞော်သၟတ် ဖျောန်သၟန်ပါၚ်အိုတ်။ မၞိဟ်ဂမၠိုၚ် “သၟဟ်ညံၚ်ရဴခရှ်ဗြဴ ညးမဒုၚ်စသိုၚ်ကာမဂုဏ် ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်လံက်လေတ် မုက်ခဝါရ ။ ပ ။ ဟဂပ်ဝ်ဓဇိုတ်ပေါတ် မုက်ခဝါရ။ ဟဂပ်ဝ်ပၠေတ်မုက်ခဝါ နကဵုခၞိက်ပံၚ်မုက်ရ။ ဟဂပ်ဝ်ထ္ပက်ဍံက်ကွေၚ်လဝ်မုက်ခဝါ နကဵုတၟံမြၚ်သိလ္လာရ။ ဟဂပ်ဝ်ဖျောန်အဝယ်ဇၞော်သၟတ်ရ။ ဟဂပ်ဝ်သ္ပ သၟာန်ပါၚ်ရ။ ဟဂပ်ဝ်သ္ပ ပွမဖျောန်အဝယ်ဇၞော်သၟတ် ဖျောန်သၟန်ပါၚ်ရ၊ ကုခမဳဗြဴ မသ္ပဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဆဗ္ဗဂ္ဂဳဂမၠိုၚ် သ္ပလဝ်စရိတ် မတ္ၚံက်စှေ်သၟဝ်သကဲတၞေၚ်မတ်အိုတ်ရ ‘သက်ဒၞေၚ်မတ်’ အိုတ်ရ။ ကွေၚ်ဂ္စေအ်ပ္ဍဲကၞိၚ်အိုတ်ရ၊ သ္ၚေဝ်ရံၚ် နပၞော်ဗတၚ်ကျာအိုတ်ရ၊ ဒတူဒၟံၚ်ပ္ဍဲပါၚ်တြၚ်ဌာန်မၞုံကဵုလျး (သီုမထၟံက်လဝ်ဇကု) အိုတ်ရ၊ ကဵုသ္ပတဴပွမလှေ်အိုတ်ရ၊ ကဵုဗြဴစရာဲဍုၚ် ပဒတဴအိုတ်ရ၊ စွံပတန်လဝ် ရုၚ်သၟုၚ် (တေဝ်ဆေၚ်အရက်) အိုတ်ရ၊ စွံပတန်လဝ်ဖျုန်ထၞေက် ကထၞေက်အိုတ်ရ၊ လးဖျာအိုတ်ရ၊ ကဵုဂတှ်အိုတ်ရ (ဖျေံစသြန်) အိုတ်ရ၊ သ္ပပွမကူသာန်အိုတ်ရ၊ ကဵုဍိက်တြုံ ကၠောန်ၜိုတ်အိုတ်ရ၊ ကဵုဍိက်ဗြဴ ကၠောန်ၜိုတ်အိုတ်ရ၊ ကဵုသၟာကမၠောန်ကၠောန်ၜိုတ်အိုတ်ရ၊ ကဵုသၟာကမၠောန်ဗြဴ ကၠောန်ၜိုတ်အိုတ်ရ၊ ကဵုတိရိစ္ဆာန်ကၠောန်ၜိုတ်အိုတ်ရ၊ သွံတဴ ဖျာထၞေက်ဖျာသကှ်တၞဟ်တၞဟ်အိုတ်ရ၊ ပကၚ်ရၚ်လဝ် ဇုက်ဂ္ညိဂၞိၚ် မကဵုသကဲလၟောဝ်စှေ်အိုတ်ရ။ မၞိဟ်ဂမၠိုၚ် “သၟဟ်ညံၚ်ရဴခရှ်ဗြဴ ညးမဒုၚ်စသိုၚ်ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူ ပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဟဂပ်ဝ်သ္ပလဝ်စရိတ် မတ္ၚံက်စှေ်သၟဝ်သကဲတၞေၚ်မတ်ရ ။ ပ ။ ဟဂပ်ဝ် သ္ပပွမကွေၚ်ဂစေအ်ပ္ဍဲကၞိၚ်ရ။ ဟဂပ်ဝ်သ္ၚေဝ်ရံၚ် နပၞော်ဗတၚ်ကျာရ။ ဟဂပ်ဝ်ဒတူ ပ္ဍဲပါၚ်တြၚ်ဌာန်မၞုံကဵုလျး (သီုမထၟံက်လဝ်ဇကု) ရ။ ဟဂပ်ဝ်ကဵုသ္ပ ပွမလှေ်ရ။ ဟဂပ်ဝ်ဗြဴစရာဲဍုၚ်ပဒတဴရ။ ဟဂပ်ဝ်စွံပတန် ရုၚ်သၟၚ်ရ။ ဟဂပ်ဝ်စွံပတန် ဖျုန်ထၞေက်ကထၞေက်ရ။ ဟဂပ်ဝ်ကဵုဂတှ်ရ။ ဟဂပ်ဝ်သ္ပ ပွမကူသာန်ရ။ ဟဂပ်ဝ်ကဵုဍိက်တြုံ ကၠောန်ၜိုတ်ရ။ ဟဂပ်ဝ်ကဵုဍိက်ဗြဴ ကၠောန်ၜိုတ်ရ။ ဟဂပ်ဝ်ကဵုသၟာကမၠောန် ကၠောန်ၜိုတ်ရ။ ဟဂပ်ဝ်ကဵုသၟာကမၠောန်ဗြဴ ကၠောန်ၜိုတ်ရ။ ဟဂပ်ဝ်ကဵု တိရစ္ဆာန်ကၠောန်ၜိုတ်ရ။ ဟဂပ်ဝ်သွံ ဖျာထၞေက်ဖျာသကှ်တၞဟ်တၞဟ်ရ၊ ဟဂပ်ဝ်ပကၚ်ရၚ် ဇုက်ဂ္ညိဂၞိၚ်မကဵုသကဲလၟောဝ်စှေ်ရ၊ ကုခမဳဗြဴ မပကၚ်ရၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၄၁၈။ ပ္ဍဲအခိၚ်ဂှ် ခမဳဗြဴဆဗ္ဗဂ္ဂဳဂမၠိုၚ် ပကၚ်ရၚ်သ္ၚာဂမၠိုၚ် မၞုံကဵုသာ်လမ္စံက်အိုတ်သီုအိုတ်ရ ။ ပ ။ ပကၚ်ရၚ်သ္ၚာဂမၠိုၚ် မၞုံကဵုသာ်မိတ်အိုတ်သီုအိုတ်ရ ။ ပ ။ ပကၚ်ရၚ်သ္ၚာဂမၠိုၚ် မၞုံကဵုသာ်ဗကေတ်အိုတ်သီုအိုတ်ရ။ ပကၚ်ရၚ်သ္ၚာဂမၠိုၚ် မၞုံကဵုသာ်ဗကေတ်ကြံၚ် (သာ်တာပရံၚ်) အိုတ်သီုအိုတ်ရ။ ပကၚ်ရၚ်သ္ၚာဂမၠိုၚ် မၞုံကဵုသာ်ဒမျိုၚ်အိုတ်သီုအိုတ်ရ။ ပကၚ်ရၚ်သ္ၚာဂမၠိုၚ် မဖျောန်လဝ်နဍာ်လွံက် မၞုံယၟုမဟာရၚ်္ဂ (မတုပ်ကဵုသာ်စၞိန်စးဂဂဳ) အိုတ်သီုအိုတ်ရ။ ပကၚ်ရၚ်သ္ၚာဂမၠိုၚ် မဖျောန်လဝ်နဍာ်လွံက် မၞုံယၟုမဟာနာမ (မတုပ်ကဵုသာ်ဖျိုဟ်) အိုတ်သီုအိုတ်ရ။ ပကၚ်ရၚ်သ္ၚာဂမၠိုၚ် မဟွံကုတ်တသာဲအိုတ်ရ။ ပကၚ်ရၚ်သ္ၚာဂမၠိုၚ် မၞုံတသာဲမဂၠိၚ်အိုတ်ရ။ ပကၚ်ရၚ်သ္ၚာဂမၠိုၚ် မၜန်လဝ်တသာဲဍောၚ်ကဴအိုတ်ရ။ ပကၚ်ရၚ်သ္ၚာဂမၠိုၚ် မၜန်လဝ်တသာဲ မတုပ်သတ်ဆုအိုတ်ရ။ ပကၚ်ရၚ် ပဠောံခြပ်အိုတ်ရ။ ပကၚ်ရၚ် သ္ၚာသကောဝ်ဆုအိုတ်ရ။ မၞိဟ်ဂမၠိုၚ် “သၟဟ်ညံၚ်ရဴခရှ်ဗြဴ ညးမဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဟဂပ်ဝ်ပကၚ်ရၚ်သ္ၚာဂမၠိုၚ် မၞုံကဵုသာ်လမ္စံက်အိုတ်သီုရ ။ ပ ။ ဟဂပ်ဝ်ပကၚ်ရၚ် သ္ၚာသကောဝ်ဆုရ၊ ကုခမဳဗြဴ မပကၚ်ရၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၄၁၉။ ပ္ဍဲအခိၚ်ဂှ် ခမဳဗြဴမွဲဇကုဂှ် ဆိုက်ညောန်ကဵုချိုတ်မ္ဂး “အဲကလိလောန်စဴမ္ဂး ပရိက္ခရာအဲ ဩဝ်ကဵုဒှ် ကုသၚ်ညိ” ရဴဝွံ ဟီုဗကန်လဝ်ရ။ ပ္ဍဲအရာမဟီုသာ်ဂှ် ခမဳတြုံဂမၠိုၚ်ကီု ခမဳဗြဴဂမၠိုၚ်ကီု “ဒှ်ပရိက္ခရာ ပိုဲတအ်ရ၊ ဒှ်ပရိက္ခရာ ပိုဲတအ်ရ” ရဴဝွံ ကယျန်ဓဝါတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဆိုက်ညောန်ကဵုချိုတ်မ္ဂး “အဲကလိလောန်စဴမ္ဂး ပရိက္ခရာအဲ ဩဝ်ကဵုဒှ် ကုသၚ်ညိ” ရဴဝွံ ဟီုသ္ဂးမ္ဂး ပ္ဍဲအရာမဟီုသာ်ဂှ် ဘိက္ခုသၚ် ဟွံဂွံအလဵုအသဳရ၊ ဝတ္ထုဒြပ်ဂှ် ဒှ် ကုဘိက္ခုနဳသၚ်ဟေၚ်ရ။
ယွံခမဳတအ် သိက္ခမာန် ။ ပ ။ ယွံခမဳတအ် သာမဏဳဗြဴ ဆိုက်ညောန်ကဵုချိုတ်မ္ဂး “အဲကလိလောန်စဴမ္ဂး ပရိက္ခရာအဲ ဩဝ်ကဵုဒှ် ကုသၚ်ညိ” ရဴဝွံ ဟီုသ္ဂးမ္ဂး ပ္ဍဲအရာမဟီုသာ်ဂှ် ဘိက္ခုသၚ် ဟွံဂွံအလဵုအသဳရ၊ ဝတ္ထုဒြပ်ဂှ် ဒှ်ကုဘိက္ခုနဳသၚ်ဟေၚ်ရ။
ယွံခမဳတအ် ခမဳတြုံ ဆိုက်ညောန်ကဵုချိုတ်မ္ဂး “အဲကလိလောန်စဴမ္ဂး ပရိက္ခရာအဲ ဩဝ်ကဵုဒှ် ကုသၚ်ညိ” ရဴဝွံ ဟီုသ္ဂးမ္ဂး ပ္ဍဲအရာမဟီုသာ်ဂှ် ဘိက္ခုနဳသၚ် ဟွံဂွံအလဵုအသဳရ၊ ဝတ္ထုဒြပ်ဂှ် ဒှ်ကုဘိက္ခုသၚ်ဟေၚ်ရ။
ယွံခမဳတအ် သာမဏဳတြုံ ။ ပ ။ ယွံခမဳတအ် ဥပတြုံ ။ ပ ။ ယွံခမဳတအ် ဥပးဗြဴ ။ ပ ။ ယွံခမဳတအ် ညးသအာၚ်မမိက်ကဵုမွဲမွဲ ဆိုက်ညောန်ကဵုချိုတ်မ္ဂး “အဲကလိလောန်စဴမ္ဂး ပရိက္ခရာအဲ ဩဝ်ကဵုဒှ် ကုသၚ်ညိ” ရဴဝွံ ဟီုသ္ဂးမ္ဂး ပ္ဍဲအရာမဟီုသာ်ဂှ် ဘိက္ခုနဳသၚ် ဟွံဂွံအလဵုအသဳရ၊ ဝတ္ထုဒြပ်ဂှ် ဒှ်ကုဘိက္ခုသၚ်ဟေၚ်ရ။
၄၂၀။ ပ္ဍဲအခိၚ်ဂှ် ဗြဴမွဲတၠ မကေၚ်ဒှ်သၟာလက်ဗန်ဂှ် သ္ပခမဳ ပ္ဍဲဇရေၚ်ခမဳဗြဴဂမၠိုၚ်ရ၊ ခမဳဗြဴဂှ် ညာတ်ဒးခမဳမဍိုန်ကဵုဇြဟတ် ပ္ဍဲဂၠံၚ်တရဴတုဲ တေက်ပဒေါံဖျေံ နကဵုတၞုၚ်ပၞးရ။ “ခမဳဗြဴဂှ်မုဟိုတ် တေက်ပဒေါံဖျေံ ခမဳတြုံရော?” ရဴဝွံ ခမဳဂမၠိုၚ် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဟဂပ်ဝ်တေက်ခမဳတြုံရ၊ ကုခမဳဗြဴမတေက်ဂှ် ဒးအာပတ်ဒုက္ကဋ်ရ။ ယွံခမဳတအ် ခမဳဗြဴဂှ် ညာတ်ခမဳတြုံမ္ဂး ပါဲကၠေံနူဇမ္ၚောဲတုဲ သွက်ဂွံကဵုဂၠံၚ်ဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ဗြဴမွဲတၠ မဒှ်ဃောသာဲခြာဒၟံၚ်ကဵုတြုံတၠသ္ၚိဂှ် ဂွံအာဂၠမ်ဂဝ် နကဵုတြုံသကဲရ၊ ဗြဴဂှ် ကဵုပတုံဖျေံဂၠမ်ဂဝ်တုဲ “ယွံနာဲဗြဴ ဗတိုက်ဖအောဝ်ရ၊ ကောန်ၚာ်သၟတ်မပလီုလဝ်ဂၠမ်ဂဝ်ဝွံ ဩဝ်ရၚ်တၠုၚ် နကဵုဗဗေၚ်ညိ” ရဴဝွံ ဟီုကဵုခမဳဗြဴ မပြာပ်စဴသ္ၚိရ။ ပ္ဍဲအခိၚ်ဂှ် စုတ်ကောန်ၚာ်သၟတ်ဂှ် ပ္ဍဲဗဗေၚ် ဂြောပ်ဗ္ဒန်ကၠေံ နကဵုသ္ၚာတုဲ စ္ဍးအာရ။
ပ္ဍဲအခိၚ်ဂှ် ခမဳမဂေတ်ဂ္ၚေၚ်ပိဏ္ဍပါတ်မွဲဇကု “ပိဏ္ဍပါတ်မကလိဂွံဗွဲကိုပ်ကၠာဂှ် သီုဟဂွံကဵုဒါန် ကုခမဳတြုံကဵုဒှ် ခမဳဗြဴကဵုဒှ်ဂှ် အဲဟွံစရ” ရဴဝွံ ဒဂိုန်ဒ္ဂေတ်လဝ် သာရဏဳယဝတ်ရ။ ပ္ဍဲအခိၚ်ဂှ် ခမဳဂှ် ညာတ်ဒးခမဳဗြဴဂှ်မ္ဂး “ယွံဒေံဗြဴ လၟုဟ်ဩဝ်ဒုၚ်ဂိုၚ်ကေတ်ပိဏ္ဍပါတ်ညိ” ရဴဝွံ သ္ဂးရ။ ယွံတဳလပိုဉ် ဒေါံရ ရဴဝွံ (ဂရၚ်ပတီရ)။ မရနုက်ကဵုၜါဝါလေဝ် ။ ပ ။ မရနုက်ကဵုပိဝါလေဝ် ခမဳဂှ် “ယွံဒေံဗြဴ လၟုဟ်ဩဝ်ဒုၚ်ဂိုၚ်ကေတ် ပိဏ္ဍပါတ်ညိ” ရဴဝွံ သ္ဂးကဵုခမဳဗြဴဂှ်ရ။ ယွံတဳလပိုဉ်ဒေါံရ ရဴဝွံ (ဂရၚ်ပတီရ)။ ယွံဒေံဗြဴ “ပိဏ္ဍပါတ်မကလိဂွံဗွဲကိုပ်ကၠာဂှ် သီုဟဂွံကဵုဒါန် ကုခမဳတြုံကဵုဒှ် ခမဳဗြဴကဵုဒှ်ဂှ် အဲဟွံစရ” ရဴဝွံ ဒဂိုန်ဒ္ဂေတ်လဝ် သာရဏဳယဝတ်ရ။ ယွံဒေံဗြဴ လၟုဟ်ဩဝ်ဒုၚ်ဂိုၚ်ကေတ် ပိဏ္ဍပါတ်ညိ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂှ် ဟိုတ်နူခမဳဂှ် ဟီုသ္ဂးစဵုကဵုဗလေတ်ဟွံဗၠးဂှ်ရ “ယွံတဳလပိုဉ် ဩဝ်သ္ၚေဝ်ရံၚ် ကောန်ၚာ်သၟတ်မပလီုလဝ်ဂၠမ်ဂဝ် ပ္ဍဲဗဗေၚ်ဝွံညိ၊ လ္ပဟီုလဴဗ္စ ကုညးမမိက်ကဵုမွဲမွဲညိ” ရဴဝွံ (ဂရၚ်ပတီတုဲမ္ဂး) ပတိတ်ထ္ၜးကဵုဗဗေၚ်ရ။ ပ္ဍဲအခိၚ်ဂှ် ခမဳဂှ် “ခမဳဗြဴဂှ် မုဟိုတ်ရၚ်တၠုၚ်ပတိတ် ကောန်ၚာ်သၟတ် မပလီုလဝ်ဂၠမ်ဂဝ် နကဵုဗဗေၚ်ရော?” ရဴဝွံ ဟီုဂရိုဟ်ရ၊ ပျုတ်ဗ္ဒေက်ရ၊ ဟီုထ္ၜးဒုဟ်ရ။ ကြဴနူဂှ် ခမဳဂှ်ဟီုလဴဗ္စ ဟိုတ်ပရူပရာဂှ် ကုခမဳဂမၠိုၚ်ရ။ ခမဳပၟိက်အောန်ဂမၠိုၚ်ဂှ် “မုဟိုတ် ခမဳဗြဴဂှ် ရၚ်တၠုၚ်ပတိတ်ကောန်ၚာ်သၟတ် မပလီုလဝ်ဂၠမ်ဂဝ် နကဵုဗဗေၚ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဟဂပ်ဝ်ရၚ်တၠုၚ် ကောန်ၚာ်သၟတ်မပလီုလဝ်ဂၠမ်ဂဝ် နကဵုဗဗေၚ်ရ၊ ကုခမဳဗြဴ မရၚ်တၠုၚ်ဂှ် ဒးအာပတ်ဒုက္ကဋ်ရ။ ယွံခမဳတအ် ခမဳဗြဴဂှ် ညာတ်ခမဳတြုံမ္ဂး တၞဟ်နပတိတ် ထ္ၜးဗဗေၚ်ဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဆဗ္ဗဂ္ဂဳဂမၠိုၚ် ညာတ်ခမဳတြုံမ္ဂး ဂးတဂတန်တုဲ ထ္ၜးကဵုတကေတ်ဗဗေၚ်အိုတ်ရ။ “မုဟိုတ် ခမဳဗြဴဆဗ္ဗဂ္ဂဳဂမၠိုၚ် ညာတ်ခမဳတြုံမ္ဂး ဂးတဂတန်တုဲ ထ္ၜးကဵုတကေတ်ဗဗေၚ်အိုတ်ရော?” ရဴဝွံ ခမဳဂမၠိုၚ် ဟီုရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ညာတ်ခမဳတြုံမ္ဂး ဂးတဂတန်တုဲ ဟဂပ်ဝ်ထ္ၜးကဵုတကေတ်ဗဗေၚ်ရ၊ ကုခမဳဗြဴ မထ္ၜးဂှ် ဒးအာပတ်ဒုက္ကဋ်ရ။ ယွံခမဳတအ် ခမဳဗြဴဂှ် ညာတ်ခမဳတြုံမ္ဂး သွက်ဂွံလ္ၚာတုဲ ထ္ၜးဗဗေၚ်ဂှ်ကဵုအခေါၚ်ရ၊ နကဵုစၞမၞုံပ္ဍဲဗဗေၚ်လေဝ် ဒးဘိက်ခမဳတြုံရ ရဴဝွံ (သ္ဂးရ)။
ပ္ဍဲအခိၚ်ဂှ် ပ္ဍဲဍုၚ်သာရဝှ် ကၠဟ်ထောံလဝ် အၚ်္ဂဇာတ်တြုံ ပ္ဍဲသဗာန်ဍာန်ဇၞော်ရ၊ ခမဳဗြဴဂမၠိုၚ် သ္ၚေဝ်ရံၚ်ပစၚ်လဝ် အၚ်္ဂဇာတ်တြုံဂှ်အိုတ်ရ၊ မၞိဟ်ဂမၠိုၚ် သ္ပပွမက္ညာၚ်ထအဴအိုတ်ရ၊ ခမဳဗြဴဂမၠိုၚ် မုက်မတ်ဟွံကျေဝ်ဒှ်အိုတ်ရ။ ကြဴနူဂှ် ခမဳဗြဴဂမၠိုၚ်ဂှ် အာဘာတုဲ ဟီုလဴဗ္စ ဟိုတ်ပရူပရာဝွံ ကုခမဳဗြဴဂမၠိုၚ်အိုတ်ရ။
ခမဳဗြဴပၟိက်အောန်ဂမၠိုၚ်ဂှ် “မုဟိုတ် ခမဳဗြဴဂမၠိုၚ် သ္ၚေဝ်ရံၚ်ပစၚ်လဝ် အၚ်္ဂဇာတ်တြုံအိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ကြဴနူဂှ် ခမဳဗြဴဂမၠိုၚ်ဂှ် ဟီုလဴဗ္စ ဟိုတ်ပရူပရာဂှ် ကုခမဳတြုံဂမၠိုၚ်ရ။ ခမဳဂမၠိုၚ် ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဟဂပ်ဝ်သ္ၚေဝ်ရံၚ်ပစၚ်လဝ် အၚ်္ဂဇာတ်တြုံရ၊ ကုခမဳဗြဴ မသ္ၚေဝ်ရံၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၄၂၁။ ပ္ဍဲအခိၚ်ဂှ် မၞိဟ်ဂမၠိုၚ် ကဵုဒါန် စၞစသုၚ် ကုခမဳတြုံဂမၠိုၚ်အိုတ်ရ။ ခမဳတြုံဂမၠိုၚ်ကဵုဒါန် ကုခမဳဗြဴဂမၠိုၚ်အိုတ်ရ။ မၞိဟ်ဂမၠိုၚ် “တဳလပိုဉ်ဂမၠိုၚ် ကဵုလဝ်ဒါန် သွက်ဇကုဂွံပြဘိုဂ်ဂှ် မုဟိုတ် ကဵုဒါန်ကုညးသအာၚ်ဂမၠိုၚ်အိုတ်ရော?” ပိုဲညးဂမၠိုၚ်လေဝ် ဟွံတီသွက်ဂွံကဵုတဴဒါန်အိုတ်ဟာ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုလဝ်ဒါန် သွက်ဇကုဂွံပြဘိုဂ်ဂှ် ဟဂပ်ဝ်ကဵုဒါန် ကုညးသအာၚ်ဂမၠိုၚ်ရ၊ ကုခမဳမကဵုဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် စၞစသုၚ် နွံဂၠိုၚ်ဂၠၚ် ကုခမဳတြုံဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သွက်ဂွံကဵုဒါန် ကုသၚ်ရ ရဴဝွံ (သ္ဂးရ)။
နွံဂၠိုၚ်ဂၠၚ်လောန်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် သွက်ဂွံကဵုဒါန် ဒါန်ပုဂ္ဂလိကဂှ်လေဝ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် မၞိဟ်ဂမၠိုၚ် ကဵုဒါန်စၞစသုၚ် ကုခမဳဗြဴဂမၠိုၚ်အိုတ်ရ။ ခမဳဗြဴဂမၠိုၚ် ကဵုဒါန်ကုခမဳတြုံဂမၠိုၚ်အိုတ်ရ။ မၞိဟ်ဂမၠိုၚ် “ခမဳဗြဴဂမၠိုၚ်ကဵုလဝ်ဒါန် သွက်ဇကုဂွံပြဘိုဂ်ဂှ် မုဟိုတ်ကဵုဒါန် ကုညးသအာၚ်ဂမၠိုၚ်အိုတ်ရော?၊ ပိုဲညးဂမၠိုၚ်လေဝ်ဟွံတီ သွက်ဂွံကဵုတဴဒါန်အိုတ်ဟာ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ကဵုလဝ်ဒါန် သွက်ဇကုဂွံပြဘိုဂ်ဂှ် ဟဂပ်ဝ်ကဵုဒါန်ကုညးသအာၚ်ဂမၠိုၚ်ရ၊ ကုခမဳဗြဴမကဵုဂှ် ဒးအာပတ် ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် စၞစသုၚ် နွံဂၠိုၚ်ဂၠၚ် ကုခမဳဗြဴဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သွက်ဂွံကဵုဒါန် ကုသၚ်ရ ရဴဝွံ (သ္ဂးရ)။
နွံဂၠိုၚ်ဂၠၚ်လောန်ရ၊ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် သွက်ဂွံကဵုဒါန် ဒါန်ပုဂ္ဂလိကဂှ်လေဝ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် စၞစသုၚ်မဒေပ်စွံလဝ် နွံဂၠိုၚ်ဂၠၚ် ကုခမဳဗြဴဂမၠိုၚ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် စၞစသုၚ်မဒေပ်စွံလဝ် ခမဳဗြဴဂမၠိုၚ်ဂှ် ခမဳတြုံဂမၠိုၚ်ကဵုဗဂိန်တုဲ သွက်ဂွံပြဘိုဂ်ဂှ် ကဵုအခေါၚ်ရ ရဴဝွံ (သ္ဂးရ)။
၄၂၂။ ပ္ဍဲအခိၚ်ဂှ် ဘာသၞာသတိက်သၞာဒၟံၚ် နွံဂၠိုၚ်ဂၠၚ် ကုခမဳတြုံဂမၠိုၚ်ရ။ ကုခမဳဗြဴဂမၠိုၚ်ဂှ် ဟွံဂၠိုၚ်ဂၠၚ်ရ။ “ယွံတဳလပိုဉ်တအ် အာပါန်အခေါၚ်ရ၊ တဳလပိုဉ်တအ်ညးဂမၠိုၚ် ဩဝ်ကဵုဘာကုပိုဲဍိက်တအ်ညးဂမၠိုၚ် ဗွဲဂလေံမွဲခဏအိုတ်ညိ” ရဴဝွံ ခမဳဗြဴဂမၠိုၚ် ဗလးကလုတ် ဇရေၚ်ခမဳတြုံဂမၠိုၚ်အိုတ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သွက်ဂွံကဵုဘာ ကုခမဳဗြဴဂမၠိုၚ် ဗွဲဂလေံမွဲခဏရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴ ဆီဥတုကၠုၚ်ဂမၠိုၚ် ဓလီုဍိုက် ဇံၚ်မဂပ်ဝ်ဒက်လဝ်ဖုန်ကီု ဂတဵုမဂပ်ဝ်ဒက်လဝ်ဖုန်ကီုတုဲလေဝ် ဂဇအ်အိုတ်ရ၊ ဓလီုဍိုက်တုဲလေဝ် တိက်အိုတ်ရ၊ သၞာသတိက် သၞာဒၟံၚ် ကၠေဝ်ဗာန်ဆီဥတုဒှ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဓလီုဍိုက် ဇံၚ်မဂပ်ဝ်ဒက်လဝ်ဖုန်ကီု ဂတဵုမဂပ်ဝ်ဒက်လဝ်ဖုန်ကီုတုဲလေဝ် ဟဂပ်ဝ်ဂဇအ်ရ၊ ဓလီုဍိုက်တုဲလေဝ် ဟဂပ်ဝ်တိက်ရ၊ ကုခမဳဗြဴ မဓလီုဍိုက်တုဲဂဇအ် ဓလီုဍိုက်တုဲတိက်ဂှ် ဒးအာပတ်ဒုက္ကဋ်ရ။ ယွံခမဳတအ် ကဵုအခေါၚ် သ္ၚာဒုၚ်ဆီဥတုရ ရဴဝွံ (သ္ဂးရ)။ ဆီကၠေံဗာန် သ္ၚာဒုၚ်ဆီဥတုရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ်ယာတ်ကသအ် သွက်ဂွံကၟာတ်ချအ်ရ၊ ယာတ်ကသအ်သၠောတ်စှေ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် စန်ကၠေံ နကဵုဇုက်တုဲ သွက်ဂွံဒက်စုတ် ပ္ဍဲဒဳဂှ် ကဵုအခေါၚ်ရ ရဴဝွံ (သ္ဂးရ)။
ဇုက်ဒက် ပိုတ်အာရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ပွမခါတ်ဂၞိန်ကီု ဇုက်ဂ္ညိဂၞိၚ်ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဆဗ္ဗဂ္ဂဳဂမၠိုၚ် အခါကာလအိုတ်သီု ပကၚ်ရၚ်လဝ် ဇုက်ဂ္ညိဂၞိၚ်အိုတ်ရ။ မၞိဟ်ဂမၠိုၚ် “သၟဟ်ညံၚ်ရဴခရှ်ဗြဴ ညးမဒုၚ်စသိုၚ်ကာမဂုဏ်ဂမၠိုၚ်ကီုရောၚ်” ရဴဝွံ ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် အခါကာလအိုတ်သီု ဟဂပ်ဝ်ပကၚ်ရၚ်လဝ် ဇုက်ဂ္ညိဂၞိၚ်ရ၊ ကုခမဳဗြဴမပကၚ်ရၚ်ဂှ် ဒးအာပတ်ဒုက္ကဋ်ရ၊ ယွံခမဳတအ် ပ္ဍဲအခိၚ်ဆီဥတုကၠုၚ် ကဵုအခေါၚ်ဇုက်ဂ္ညိဂၞိၚ် ကုခမဳဗြဴဥတုကၠုၚ်ရ ရဴဝွံ (သ္ဂးရ)။
✵✵✵ ခဏ်ဒုတိယတုဲရ။ ✵✵✵
၁၀.၃။ ခဏ်တတိယ[ပလေဝ်ဒါန် | ပလေဝ်ဒါန် တမ်ကၞက်]
၄၂၃။ ပ္ဍဲအခိၚ်ဂှ် သ္ဂောံညာတ်ကေတ် ခမဳဗြဴဟွံမွဲကဵုအၚ်္ဂဇာတ်ဂမၠိုၚ်ကီု ခမဳဗြဴမၞုံအယာံမာတ် ပၞေတ်အၚ်္ဂဇာတ်ဂမၠိုၚ်ကီု ခမဳဗြဴဥတုဟွံကၠုၚ်ဂမၠိုၚ်ကီု ခမဳဗြဴဥတုကၠုၚ်ဒၟံၚ်လၟိုန်ဂမၠိုၚ်ကီု ခမဳဗြဴမၞုံကဵုယာတ်ကသအ် ပြိုက်ချအ်ကၟာတ်လဝ်လၟိုန်ဂမၠိုၚ်ကီု ခမဳဗြဴဆီပဿဴဇွောဝ်ဒၟံၚ်ဂမၠိုၚ်ကီု ခမဳဗြဴဖျုန်ဂၠန်မဂၠိၚ်ဂမၠိုၚ်ကီု (မကေအ်ဂၠိၚ်) ခမဳဗြဴမဒှ်ဗြဴခမၞုဲဗြဴဂမၠိုၚ်ကီု ခမဳဗြဴမဒှ်ဗြဴအယောၚ် အလာတုပ်ညးတြုံဂမၠိုၚ်ကီု ခမဳဗြဴမဂ်ၜါစပ်ဒၟံၚ်ဂမၠိုၚ်ကီု ခမဳဗြဴမဒှ်ဥဘတောဗျဉ်ဂမၠိုၚ်ကီုအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ်တၞဟ်နသၟာန် ဟိုတ်ဂမၠိုၚ်ၜါစှော်ပန် မလေပ်သ္ပကဵုအန္တရာယ်ကုအလံၚ်ပယျၚ်ဗြဴရ၊ ယွံခမဳတအ် ရဴဝွံဒးသၟာန်ရ။
“တၠအဲ ညးဟွံမွဲကဵုအၚ်္ဂဇာတ် ဟွံသေၚ်ရဟာ၊ ညးမၞုံအယာံမာတ်ပၞေတ်အၚ်္ဂဇာတ်ဟွံသေၚ်ရဟာ၊ ညးဥတုဟွံကၠုၚ် ဟွံသေၚ်ရဟာ၊ ညးဥတုကၠုၚ်ဒၟံၚ်လၟိုန် ဟွံသေၚ်ရဟာ၊ ညးမၞုံကဵုယာတ်သကအ် ပြိုက်ချအ်လဝ်လၟိုန် ဟွံသေၚ်ရဟာ၊ ညးဆီပဿဴဇွောဝ်ဒၟံၚ်လၟိုန် ဟွံသေၚ်ရဟာ၊ ညးမၞုံကဵုဖျုန်ဂၠန်မဂၠိၚ် ဟွံသေၚ်ရဟာ၊ ခမၞုဲဗြဴ ဟွံသေၚ်ရဟာ၊ ညးအယောၚ်အလာတုပ်ညးတြုံ ဟွံသေၚ်ရဟာ၊ ညးမဂ်ၜါစပ်ဒၟံၚ် ဟွံသေၚ်ရဟာ၊ ဥဘတောဗျဉ် ဟွံသေၚ်ရဟာ။
ယဲဂမၠိုၚ် မၞုံသဘဴရဴဝွံ နွံကုတၠအဲအိုတ်ဟာ၊ ယဲပၞီခါဲဒုတ်ကီု ယဲခ္ဍတ်ဗြိုအ်မာကီု ယဲကသံက်သၠာကီု ယဲခ္ဍက်ယဲမှတ်ကီု ယဲကြအ်ယှောတ် ခတုက်ကၠိက်ခတုတ်စာၚ်ကီု နွံဟာ၊ ဒှ်မၞိဟ် ဇေတ်ဇေတ်ဟာ၊ ဒှ်မၞိဟ်ဗြဴဇေတ်ဇေတ်ဟာ၊ ဒှ်ညးတဝ်စၞေဟ် (နူဒဒှ်ဍိက်) တုဲဟာ၊ ဒှ်ညးဟွံမွဲကဵု ဂတှ်ဟာ၊ ဒှ်ညးဟွံသေၚ်ကဵုခစသၟိၚ် ရၚ်တၠုၚ်ကေၚ်ကာသၟိၚ်ဟာ၊ မိမဂမၠိုၚ်ကီု တြုံတၠသ္ၚိကီု ကဵုအခေါၚ် ကဵုတၠအဲဟာ၊ ဒှ်ညးပေၚ်အာယုက်ၜါစှော်ဟာ၊ ဗဗေၚ်သ္ၚာ ဍိုက်ပေၚ်ကုတၠအဲဟာ၊ တၠအဲ မၞုံယၟုသာ်လဵုရော?၊ ခမဳဗြဴဥပဇ္ၛာယ်တၠအဲ မၞုံယၟုသာ်လဵုရော?” ရဴဝွံ သ္ဒးသၟာန်ရ။
ပ္ဍဲအခိၚ်ဂှ် ခမဳတြုံဂမၠိုၚ် သၟာန်တဴဟိုတ်ဂမၠိုၚ် မလေပ်သ္ပကဵုအန္တရာယ် ကုခမဳဗြဴဂမၠိုၚ်အိုတ်ရ၊ အလံၚ်ပယျၚ်ဗြဴဂမၠိုၚ် ရောမ်ဒညဂွဂစိုၚ်အိုတ်ရ၊ မုက်မတ်ဟွံကျေဝ်အိုတ်ရ။ ဟွံသၟဟ်ရထ တၞဟ်နသီုသှ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကုအလံၚ်ပယျၚ် မသအးဇ္ၚးတုဲ ပ္ဍဲဘိက္ခုနဳသၚ် နပွမပယျၚ် ပ္ဍဲမွဲလပါ်ဂှ်ကဵုအခေါၚ် တၞဟ်နပယျၚ် ပ္ဍဲဘိက္ခုသၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် သၟာန်တဴဟိုတ်ဂမၠိုၚ် မလေပ်သ္ပကဵုအန္တရာယ် အလံၚ်ပယျၚ်ဗြဴဂမၠိုၚ် မဟဂပ်ဝ်ဒၠောံဗတောန်လဝ် ဏီအိုတ်ရ၊ အလံၚ်ပယျၚ်ဗြဴဂမၠိုၚ် ရောမ်ဒညဂွဂစိုၚ်အိုတ်ရ၊ မုက်မတ်ဟွံကျေဝ်အိုတ်ရ။ ဟွံသၟဟ်ရထ တၞဟ်နသီုသှ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဒၠောံဗတောန်ဗွဲကိုပ်ကၠာတုဲ ကြဴမှ တၞဟ်နပွမသၟာန် ဟိုတ်ဂမၠိုၚ်မလေပ်သ္ပကဵုအန္တရာယ်ဂှ် ကဵုအခေါၚ်ရ ရဴဝွံ (သ္ဂးရ)။ ဒၠောံဗတောန်တဴ ပ္ဍဲလဒေါဝ်သၚ်ဂှ်ဟေၚ်အိုတ်ရ။ အလံၚ်ပယျၚ်ဗြဴဂမၠိုၚ် တုပ်သၟဟ်သာ်ဂှ်ဟေၚ် ရောမ်ဒညဂွဂစိုၚ်အိုတ်ရ၊ မုက်မတ်ဟွံကျေဝ်အိုတ်ရ။ ဟွံသၟဟ်ရထ တၞဟ်နဟီုသှ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဒၠောံဗတောန်ပ္ဍဲဒၞာဲမဗဗွဲတုဲမှ တၞဟ်နပွမသၟာန်ဟိုတ်ဂမၠိုၚ် မလေပ်သ္ပကဵုအန္တရာယ် ပ္ဍဲလဒေါဝ်သၚ်ဂှ် ကဵုအခေါၚ်ရ။ ယွံခမဳတအ် ရဴဝွံ သ္ဒးဒၠောံဗတောန်ရ—
၄၂၄။ ဗွဲကိုပ်ကၠာ သ္ဒးကဵုဂိုၚ်ကေတ်ဥပဇ္ၛာယ်ရ၊ ကဵုဂိုၚ်ကေတ် ဥပဇ္ၛာယ်တုဲပ္ဍဲကြဴ သ္ဒးဟီုလၟိၚ်လဴထ္ၜးကဵု ဗဗေၚ်သ္ၚာရ၊ ဣဝွံဂှ် ဗဗေၚ်တၠအဲရ၊ ဣဝွံဂှ် သကိုပ်ရ၊ ဣဝွံဂှ်သ္ၚာကၞေဟ်ရ၊ ဣဝွံဂှ် သပိုၚ်ရ၊ ဣဝွံဂှ် ယာတ်ဂြောပ်သြိုဟ်ရ၊ ဣဝွံဂှ် သ္ၚာသၞုက်ဍာ်ရ၊ ဩဝ်အာညိ၊ ဩဝ်ဒတူဒၟံၚ် ပ္ဍဲဌာန်မၞုံယၟုဝွံညိ ရဴဝွံ သ္ဒးဟီုသ္ဂးရ။ ခမဳဗြဴဂမၠိုၚ် မဟွံစဳကၠးဆိုက်ဗ္ဒက် မဟွံဍိုက်ကေက်ဂှ် ဒၠောံဗတောန်အိုတ်ရ၊ အလံၚ်ပယျၚ်ဗြဴဂမၠိုၚ် မဂပ်ဝ်ဒၠောံဗတောန် ရောမ်ဒညဂွဂစိုၚ်အိုတ်ရ၊ မုက်မတ်ဟွံကျေဝ်အိုတ်ရ။ ဟွံသၟဟ်ရထ တၞဟ်နဟီုသှ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
“ယွံခမဳတအ် ခမဳဗြဴ မဟွံစဳကၠးဆိုက်ဗ္ဒက် မဟွံဍိုဟ်ကေဟ်ဂှ် ဟဂပ်ဝ်ဒၠောံဗတောန်ရ၊ ကုခမဳဗြဴ မဒၠောံဗတောန်ဂှ် ဒးအာပတ်ဒုက္ကဋ်ရ။ ယွံခမဳတအ် ခမဳဗြဴ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် ကဵုအခေါၚ်တၞဟ်နဒၠောံဗတောန်ရ ရဴဝွံ (သ္ဂးရ)။
ခမဳဗြဴ မဟွံကလိဂွံသၟိတ်ဂမၠိုၚ် ဒၠောံဗတောန်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴ မဟွံကလိဂွံသၟိတ်ဂှ် ဟဂပ်ဝ်ဒၠောံဗတောန်ရ၊ ကုခမဳဗြဴ မဒၠောံဗတောန်ဂှ် ဒးအာပတ်ဒုက္ကဋ်ရ၊ ယွံခမဳတအ် ခမဳဗြဴမကလိဂွံသၟိတ်ဂှ် ကဵုအခေါၚ်တၞဟ်နဒၠောံဗတောန်ရ။ ယွံခမဳတအ် ရဴဝွံ သ္ဒးကဵုသၟိတ်ရ။ အလဵုဇကုလေဝ် ဂပ်ဝ်သၟိတ်ပတိုန် ဇကုဇကုရ၊ ညးမွဲသအာၚ်လေဝ် ဂပ်ဝ်သၟိတ်ပတိုန် ညးမွဲသအာၚ်ရ။
မုရဴသာ်လဵု အလဵုဇကုလေဝ် ဂပ်ဝ်သၟိတ်ပတိုန် ဇကုဇကုရော?၊ ခမဳဗြဴ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ။
“ယွံနာဲဗြဴတအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ နာဲဗြဴမၞုံယၟုဝွံ သ္ၚေဝ်မဲကဵု ဒဒှ်ခမဳပယျၚ် နာဲဗြဴမၞုံယၟုဝွံရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ အဲဍိက်ဒၠောံဗတောန် နာဲဗြဴမၞုံယၟုဝွံရ” ရဴဝွံ အလဵုဇကုလေဝ် ဂပ်ဝ်သၟိတ်ပတိုန် ဇကုဇကုရ။ မုရဴသာ်လဵု ညးမွဲသအာၚ်လေဝ် ဂပ်ဝ်သၟိတ်ပတိုန် ညးမွဲသအာၚ်ရော?၊ ခမဳဗြဴ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ။
“ယွံနာဲဗြဴတအ် သၚ်. ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ နာဲဗြဴမၞုံယၟုဝွံ သ္ၚေဝ်မဲကဵုဒဒှ်ခမဳပယျၚ် နာဲဗြဴမၞုံယၟုဝွံရ၊ ကမ်မၞုံကဵုအခိၚ်ဗဗွဲကုသၚ် ယဝ်ဒှ်မ္ဂး၊ နာဲဗြဴမၞုံယၟုဝွံ ဒၠောံဗတောန် နာဲဗြဴမၞုံယၟုဝွံရ” ရဴဝွံ ညးမွဲသအာၚ်လေဝ် ဂပ်ဝ်သၟိတ်ပတိုန် ညးမွဲသအာၚ်ရ။ ခမဳဗြဴမကလိဂွံသၟိတ်တုဲ ပြာပ်အာဇရေၚ် အလံၚ်ပယျၚ်ဗြဴတုဲမ္ဂး ရဴဝွံ သ္ဒးဟီုရ။
“ယွံနာဲဗြဴမၞုံယၟုဝွံ ဩဝ်ကလၚ်ညိ၊ အခိၚ်ဝွံတုန် ဒှ်အခိၚ်တၠအဲ ဒးဟီုဍာံစၟတ်ဟေၚ်ရ၊ ဒှ်အခိၚ်ဒးဟီုဍာံပြဟေၚ်ရ၊ ယြဴဟိုတ်နူဟိုတ်မွဲ ကတဵုဒှ်ရ၊ ဟိုတ်ဂှ်ရ သၟာန်စၟဳစၟတ်တဴ ပ္ဍဲလဒေါဝ်သၚ်မ္ဂး နွံတဴပြာကဋ်ဂှ် “နွံရ” ရဴဝွံ သ္ဒးဟီုရ၊ ဟွံမွဲတဴပြကဋ် “ဟွံမွဲရ” ရဴဝွံ သ္ဒးဟီုရ။ လ္ပဒှ်ရောမ်ဒညဂွဂစိုၚ်ညိ၊ လ္ပဒှ်မုက်မတ်ဟွံကျေဝ်ညိ၊ အတိုၚ်ကြက်သ္ဂးဂတွံ ကြက်သၟာန်စၟဳစၟတ် တၠအဲအိုတ်ရ—
ညးဟွံမွဲကဵုအၚ်္ဂဇာတ် ဟွံသေၚ်ရဟာ၊ ညးမၞုံအယာံမာတ်ပၞေတ်အၚ်္ဂဇာတ် ဟွံသေၚ်ရဟာ၊ ညးဥတုဟွံကၠုၚ် ဟွံသေၚ်ရဟာ၊ ညးဥတုကၠုၚ်ဒၟံၚ်လၟိုန် ဟွံသေၚ်ရဟာ၊ ညးမၞုံကဵု ယာတ်ကသအ် ပြိုက်ချအ်လဝ်လၟိုန် ဟွံသေၚ်ရဟာ၊ ညးဆီပဿဴဇွောဝ်ဒၟံၚ်လၟိုန် ဟွံသေၚ်ရဟာ၊ ညးမၞုံကဵုဖျုန်ဂၠန်မဂၠိၚ် ဟွံသေၚ်ရဟာ၊ ခမၞုဲဗြဴ ဟွံသေၚ်ရဟာ၊ ညးအယောၚ်အလာတုပ် ညးတြုံ ဟွံသေၚ်ရဟာ၊ ညးမဂ်ၜါစပ်ဒၟံၚ် ဟွံသေၚ်ရဟာ၊ ဥဘတောဗျဉ် ဟွံသေၚ်ရဟာ။
ယဲဂမၠိုၚ် မၞုံသဘဴရဴဝွံ နွံကုတၠအဲအိုတ်ဟာ၊ ယဲပၞီခါဒုတ်ကီု ယဲခ္ဍတ်ဗြိုအ်မာကီု ယဲကသံက်သၠာကီု ယဲခ္ဍက်ကဲမှတ်ကီု ယဲကြအ်ယှောတ် ခတုက်ကၠိက်ခတုက်စာၚ်ကီု နွံဟာ၊ ဒှ်မၞိဟ် ဇေတ်ဇေတ်ဟာ၊ ဒှ်မၞိဟ်ဗြဴဇေတ်ဇေတ်ဟာ၊ ဒှ်ညးတဝ်စၞေဟ် (နူဒဒှ်ဍိက်) တုဲဟာ၊ ဒှ်ညးဟွံမွဲကဵုဂတှ်ဟာ၊ ဒှ်ညးဟွံသေၚ်ကဵုခစသၟိၚ် ရၚ်တၠုၚ်ကေၚ်ကာသၟိၚ်ဟာ၊ မိမဂမၠိုၚ်ကီု တြုံတၠသ္ၚိကီု ကဵုအခေါၚ် ကဵုတၠအဲဟာ၊ ဒှ်ညးပေၚ်အာယုက်ၜါစှော်ဟာ၊ ဗဗေၚ်သ္ၚာ ဍိုက်ပေၚ်ကုတၠအဲဟာ၊ တၠအဲ မၞုံယၟုသာ်လဵုရော?၊ ခမဳဗြဴဥပဇ္ၛာယ်တၠအဲ မၞုံယၟုသာ်လဵုရော?” ရဴဝွံ ကြက်သၟာန်အိုတ်ရ။
(အ္စာဒၠောံဗတောန် ကေုာံအလံၚ်ပယျၚ်ဗြဴဂမၠိုၚ်) ကၠုၚ်မွဲစွံအိုတ်ရ။ ဟဂပ်ဝ်ကၠုၚ်မွဲစွံရ၊ ခမဳဗြဴမဒၠောံဗတောန် ကၠုၚ်ဗွဲကိုပ်ကၠာတုဲ သ္ဒးကဵုသၚ်တီရ—
“ယွံနာဲဗြဴတအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ နာဲဗြဴမၞုံယၟုဝွံ သ္ၚေဝ်မဲကဵု ဒဒှ်ခမဳပယျၚ် နာဲဗြဴမၞုံယၟုဝွံရ၊ အဲဍိက် ဂပ်ဝ်ဒၠောံဗတောန် အလံၚ်ပယျၚ်ဗြဴဂှ်တုဲရ၊ ကမ်မၞုံကဵု အခိၚ်မဗဗွဲ ကုသၚ် ယဝ်ဒှ်မ္ဂး၊ နာဲဗြဴမၞုံယၟုဝွံ (လုပ်) ကၠုၚ်ရ” ရဴဝွံ (သ္ဒးကဵုသၚ်တီရ)။ “ဩဝ် (လုပ်) ကၠုၚ်ညိ” ရဴဝွံ သ္ဒးဟီုရ။
(အလံၚ်ပယျၚ်ဗြဴဂှ်) ကဵုလ္ၜက်ကၠေဟ်ပတိုန် သ္ၚာကၞေဟ်ပ္ဍဲလတူပၞးပါဲမွဲလပါ်တုဲ လ္ၚောဝ်ဒၠးဇိုၚ် ခမဳဗြဴဂမၠိုၚ်တုဲမ္ဂး သီုမကဵုဂဇအ်ဒၟံၚ်ဗွဲလံက်ဂဇုန် ပၚ်ပတိုန်ခၠအ်သၟိပ်တဲတုဲမ္ဂး—
“ယွံနာဲဗြဴတအ် (အဲဍိက်) အာတ်အခေါၚ်သၚ် ဒဒှ်ခမဳပယျၚ်ရ၊ ယွံနာဲဗြဴတအ် သၚ်သ္ပဟိုတ်ကဵုဓရ်ဇြဟာန်ဆာန်ဍူ အဲဍိက်တုဲ ဩဝ်ရၚ်တၠုၚ်ပတိတ်ညိ။ မရနုက်ကဵုၜါဝါလေဝ် ယွံနာဲဗြဴတအ် (အဲဍိက်) အာတ်အခေါၚ်သၚ် ဒဒှ်ခမဳပယျၚ်ရ၊ ယွံနာဲဗြဴတအ် သၚ်သ္ပဟိုတ်ကဵုဓရ်ဇြဟာန်ဆာန်ဍူ အဲဍိက်တုဲ ဩဝ်ရၚ်တၠုၚ်ပတိတ်ညိ။ မရနုက်ကဵုပိဝါလေဝ် ယွံနာဲဗြဴတအ် (အဲဍိက်) အာတ်အခေါၚ်သၚ် ဒဒှ်ခမဳပယျၚ်ရ၊ ယွံနာဲဗြဴတအ် သၚ်သ္ပဟိုတ်ကဵုဓရ်ဇြဟာန်ဆာန်ဍူ အဲဍိက်တုဲ ဩဝ်ရၚ်တၠုၚ်ပတိတ်ညိ” ရဴဝွံ ဒးအာတ်အခေါၚ်ရ။
ခမဳဗြဴ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
“ယွံနာဲဗြဴတအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ နာဲဗြဴမၞုံယၟုဝွံ သ္ၚေဝ်မဲကဵုဒဒှ်ခမဳပယျၚ် နာဲဗြဴမၞုံယၟုဝွံရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ အဲဍိက် သၟာန်ဟိုတ်ဂမၠိုၚ် မလေပ်သ္ပကဵုအန္တရာယ် နာဲဗြဴမၞုံယၟုဝွံရ” ရဴဝွံ (သ္ဒးကဵုတီရ)။
ယွံနာဲဗြဴမၞုံယၟုဝွံ ဩဝ်ကလၚ်ညိ၊ အခိၚ်ဝွံတုန် ဒှ်အခိၚ်တၠအဲ ဒးဟီုဍာံစၟတ်ဟေၚ်ရ၊ ဒှ်အခိၚ်ဒးဟီုဍာံပြဟေၚ်ရ၊ ယြဴဟိုတ်နူဟိုတ်မွဲ ကတဵုဒှ်ရ၊ သၟာန်ဟိုတ်ဂှ်ရ၊ နွံတဴပြာကဋ်မ္ဂး “နွံရ” ရဴဝွံ သ္ဒးဟီုရ၊ ဟွံမွဲတဴပြကဋ် “ဟွံမွဲရ ရဴဝွံ သ္ဒးဟီုရ။ ညးဟွံမွဲကဵုအၚ်္ဂဇာတ် ဟွံသေၚ်ဟာ ။ ပ ။ အ္စာဥပဇ္ၛာယ်တၠအဲ မၞုံယၟုသာ်လဵုရော?” ရဴဝွံ (ဒးသၟာန်ရ)။
ခမဳဗြဴ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
၄၂၅။ “ယွံနာဲဗြဴတအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ နာဲဗြဴမၞုံယၟုဝွံသ္ၚေဝ်မဲကဵု ဒဒှ်ခမဳပယျၚ် နာဲဗြဴမၞုံယၟုဝွံရ၊ သအးဇ္ၚးနူဟိုတ်ဂမၠိုၚ် မလေပ်သ္ပကဵုအန္တရာယ်ရ၊ ဗဗေၚ်သ္ၚာ ဍိုက်ပေၚ် ကုနာဲဗြဴဝွံရ၊ နာဲဗြဴမၞုံယၟုဝွံရ အာတ်သၚ် ဒဒှ်ပယျၚ် နကဵုဥပဇ္ၛာယ်နာဲဗြဴမၞုံဝွံရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်ပကဵုပယျၚ် နာဲဗြဴမၞုံယၟုဝွံ နကဵုဥပဇ္ၛာယ် နာဲဗြဴမၞုံယၟုဝွံရ၊ ဣဝွံတုန် ပွမကဵုတီရောၚ်။
ယွံနာဲဗြဴတအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ နာဲဗြဴမၞုံယၟုဝွံ သ္ၚေဝ်မဲကဵုဒဒှ်ခမဳပယျၚ် နာဲဗြဴမၞုံယၟုဝွံရ၊ သအးဇ္ၚးနူဟိုတ်ဂမၠိုၚ် မလေပ်သ္ပကဵုအန္တရာယ်ရ၊ ဗဗေၚ်သ္ၚာဍိုက်ပေၚ် ကုနာဲဗြဴဝွံရ၊ နာဲဗြဴမၞုံယၟုဝွံ အာတ်သၚ် ဒဒှ်ပယျၚ် နကဵုဥပဇ္ၛာယ်နာဲဗြဴမၞုံယၟုဝွံရ၊ သၚ်ပကဵုပယျၚ် နာဲဗြဴမၞုံယၟုဝွံ နကဵုဥပဇ္ၛာယ် နာဲဗြဴမၞုံယၟုဝွံရ၊ ယြဴကုနာဲဗြဴမွဲ မၞုံကဵုပွမသ္ဍိုက်မၠိုက် ပွမပပယျၚ် နာဲဗြဴမၞုံယၟုဝွံ နကဵုဥပဇ္ၛာယ် နာဲဗြဴမၞုံယၟုဝွံရ၊ နာဲဗြဴဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုနာဲဗြဴမွဲ ဟွံမွဲကဵုပွမသ္ဍိုက်မၠိုက်ရ၊ နာဲဗြဴဂှ် သ္ဒးဟီုတိုန်ရ။ မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ။
ယွံနာဲဗြဴတအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ နာဲဗြဴမၞုံယၟုဝွံ သ္ၚေဝ်မဲကဵု ဒဒှ်ခမဳပယျၚ် နာဲဗြဴမၞုံယၟုဝွံရ၊ သအးဇ္ၚးဟိုတ်ဂမၠိုၚ် မလေပ်သ္ပအန္တရာယ်ရ၊ ဗဗေၚ်သ္ၚာဍိုက်ပေၚ် ကုနာဲဗြဴဝွံရ၊ နာဲဗြဴမၞုံယၟုဝွံ အာတ်သၚ် ဒဒှ်ပယျၚ် နကဵုဥပဇ္ၛာယ်နာဲဗြဴမၞုံယၟုဝွံရ၊ သၚ်ပကဵုပယျၚ် နာဲဗြဴမၞုံယၟုဝွံ နကဵုဥပဇ္ၛာယ် နာဲဗြဴမၞုံယၟုဝွံရ၊ ယြဴကုနာဲဗြဴမွဲ မၞုံကဵုပွမသ္ဍိုက်မၠိုက် ပွမပပယျၚ် နာဲဗြဴမၞုံယၟုဝွံ နကဵုဥပဇ္ၛာယ် နာဲဗြဴမၞုံယၟုဝွံရ၊ နာဲဗြဴဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုနာဲဗြဴမွဲ ဟွံမွဲကဵုပွမသ္ဍိုက်မၠိုက်ရ၊ နာဲဗြဴဂှ် သ္ဒးဟီုတိုန်ရ။ သၚ် ဂပ်ဝ်ပကဵုပယျၚ် နာဲဗြဴမၞုံယၟုဝွံ နကဵုဥပဇ္ၛာယ် နာဲဗြဴမၞုံယၟုဝွံတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
ပ္ဍဲခဏ (ပပယျၚ် ပ္ဍဲဘိက္ခုနဳသၚ်တုဲ) ဂှ်ဟေၚ် ကော်တုဲကဵုပြာပ်အာဇရေၚ် ဘိက္ခုသၚ်တုဲ ကဵုလ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ်တုဲ လ္ၚောဝ်ဒၠးဇိုၚ်ခမဳတြုံဂမၠိုၚ်တုဲမ္ဂး သီုမကဵုဂဇအ်ဒၟံၚ်ဗွဲလံက်ဂဇုန် ပၚ်ပတိုန်ခၠအ်သၟိပ်တဲတုဲမ္ဂး—
“ယွံတဳလပိုဉ်တအ် အဲဍိက် မၞုံယၟုဝွံရ၊ သ္ၚေဝ်မဲကဵုဒဒှ်ပယျၚ် နာဲဗြဴမၞုံယၟုဝွံရ၊ သအးဇ္ၚး ပ္ဍဲဘိက္ခုနဳသၚ် နပွမပပယျၚ် ပ္ဍဲမွဲလပါ်တုဲဒှ်ရ၊ ယွံတဳပိုဉ်တအ် အဲဍိက် အာတ်အခေါၚ်သၚ် ဒဒှ်ခမဳပယျၚ်ရ၊ ယွံတဳလပိုဉ်တအ် သၚ် သ္ပဟိုတ်ကဵုဓရ်ဇြဟာန်ဆာန်ဍူ အဲဍိက်တုဲ ဩဝ်ရၚ်တၠုၚ်ပတိတ်ညိ။ ယွံတဳလပိုဉ်တအ် အဲဍိက် မၞုံယၟုဝွံရ၊ သ္ၚေဝ်မဲကဵုဒဒှ်ပယျၚ် နာဲဗြဴမၞုံယၟုဝွံရ၊ သအးဇ္ၚး ပ္ဍဲဘိက္ခုနဳသၚ် နပွမပပယျၚ် ပ္ဍဲမွဲလပါ်တုဲဒှ်ရ၊ ယွံတဳလပိုဉ်တအ် မရနုက်ကဵုၜါဝါလေဝ် အဲဍိက် အာတ်အခေါၚ်သၚ် ဒဒှ်ခမဳပယျၚ်ရ၊ ယွံတဳပိုဥ်တအ် သၚ် သ္ပဟိုတ်ကဵုဓရ်ဇြဟာန်ဆာန်ဍူ အဲဍိက်တုဲ ဩဝ်ရၚ်တၠုၚ်ပတိတ်ညိ။ ယွံတဳလပိုဉ်တအ် အဲဍိက် မၞုံယၟုဝွံရ၊ သ္ၚေဝ်မဲကဵု ဒဒှ်ပယျၚ် နာဲဗြဴမၞုံယၟုဝွံရ၊ သအးဇ္ၚး ပ္ဍဲဘိက္ခုနဳသၚ် နပွမပပယျၚ် ပ္ဍဲမွဲလပါ်တုဲဒှ်ရ၊ ယွံတဳလပိုဉ်တအ် မရနုက်ကဵုပိဝါလေဝ် အဲဍိက် အာတ်အခေါၚ်သၚ် ဒဒှ်ခမဳပယျၚ်ရ၊ ယွံတဳလပိုဉ်တအ် သၚ် သ္ပဟိုတ်ကဵု ဓရ်ဇြဟာန်ဆာန်ဍူ အဲဍိက်တုဲ ဩဝ်ရၚ်တၠုၚ်ပတိတ်ညိ” ရဴဝွံ သ္ဒးအာတ်အခေါၚ်ရ။
ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဗြဴမၞုံယၟုဝွံ သ္ၚေဝ်မဲကဵု ဒဒှ်ခမဳပယျၚ် ခမဳဗြဴမၞုံယၟုဝွံရ၊ သအးဇ္ၚး ပ္ဍဲဘိက္ခုနဳသၚ် နပွမပပယျၚ် ပ္ဍဲမွဲလပါ်တုဲဒှ်ရ၊ ခမဳဗြဴမၞုံယၟုဝွံ အာတ်သၚ် ပွမပပယျၚ် နကဵုဥပဇ္ၛာယ်ဗြဴမၞုံယၟုဝွံရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်ပကဵုပယျၚ် ခမဳဗြဴမၞုံယၟုဝွံ နကဵုဥပဇ္ၛာယ်ဗြဴမၞုံယၟုဝွံရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဗြဴမၞုံယၟုဝွံ သ္ၚေဝ်မဲကဵုဒဒှ်ခမဳပယျၚ် ခမဳဗြဴမၞုံယၟုဝွံရ၊ သအးဇ္ၚး ပ္ဍဲဘိက္ခုနဳသၚ် နပွမပပယျၚ် ပ္ဍဲမွဲလပါ်တုဲဒှ်ရ၊ ခမဳဗြဴမၞုံယၟုဝွံ အာတ်သၚ် ပွမပပယျၚ် နကဵုဥပဇ္ၛာယ်ဗြဴမၞုံယၟုဝွံရ၊ သၚ်ပကဵုပယျၚ် ခမဳဗြဴမၞုံယၟုဝွံ နကဵုဥပဇ္ၛာယ်ဗြဴမၞုံယၟုဝွံရ၊ ယြဴကုတဳလပိုဉ်မွဲ မၞုံကဵုပွမသ္ဍိုက်မၠိုက် ပွမပပယျၚ် ခမဳဗြဴမၞုံယၟုဝွံ နကဵုဥပဇ္ၛာယ် ဗြဴမၞုံယၟုဝွံရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဗြဴမၞုံယၟုဝွံ သ္ၚေဝ်မဲကဵုဒဒှ်ခမဳပယျၚ် ခမဳဗြဴမၞုံယၟုဝွံရ၊ သအးဇ္ၚး ပ္ဍဲဘိက္ခုနဳသၚ် နပွမပပယျၚ် ပ္ဍဲမွဲလပါ်တုဲဒှ်ရ၊ ခမဳဗြဴမၞုံယၟုဝွံ အာတ်သၚ် ပွမပပယျၚ် နကဵုဥပဇ္ၛာယ်ဗြဴမၞုံယၟုဝွံရ၊ သၚ်ပကဵုပယျၚ် ခမဳဗြဴမၞုံယၟုဝွံ နကဵုဥပဇ္ၛာယ်ဗြဴမၞုံယၟုဝွံရ၊ ယြဴကုတဳလပိုဉ်မွဲ မၞုံကဵုပွမသ္ဍိုက်မၠိုက် ပွမပပယျၚ် ခမဳဗြဴမၞုံယၟုဝွံ နကဵုဥပဇ္ၛာယ် ဗြဴမၞုံယၟုဝွံရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်ပကဵုပယျၚ် ခမဳဗြဴမၞုံယၟုဝွံ နကဵုဥပဇ္ၛာယ် ဗြဴမၞုံယၟုဝွံရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
ပ္ဍဲခဏ (မပပယျၚ် နူဘိက္ခုသၚ်တုဲ) ဂှ်ဟေၚ် သ္ဒးၜတ်ဗၞတ်သၞိၚ်ရ၊ သ္ဒးဟီုလၟိၚ်ဥတု (ဃောကၠုၚ်စိုပ်) ရ၊ သ္ဒးဟီုလၟိၚ်သွက်တ္ၚဲရ၊ ပံၚ်ပကောံ (သၞိၚ် ဥတု တ္ၚဲ) တုဲ သ္ဒးဟီုလၟိၚ် (တ္ၚဲဒှ်ခမဳ) ရ၊ “ဩဝ်ဟီုလဴထ္ၜး အရာနိဿယ်ဗ္ဒာဲဂမၠိုၚ်ပိပြကာကီု ဒ္ဂေတ်မဟဂပ်ဝ်သ္ပဒ္စါံပြကာဂမၠိုၚ်ကီု ကုခမဳဗြဴဝွံအိုတ်ညိ” ရဴဝွံ ဂပ်ဝ်ဒးဟီုကဵု ခမဳဗြဴဂမၠိုၚ်အိုတ်ရ။
၄၂၆။ ပ္ဍဲအခိၚ်ဂှ် ခမဳဗြဴဂမၠိုၚ် ဃောကဵုဖျုဲပြံၚ်သၞာဂမၠိုၚ် ပ္ဍဲဇြပ်ကဵုပိုဉ် ကဵုကလိလောန်အခိၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ကုခမဳဗြဴဂမၠိုၚ်ဒ္စါံဇကု အတိုၚ်လၟေၚ်ညးဇၞော် ကုခမဳဗြဴဂမၠိုၚ် သှေ်သၟေဟ်ဂှ် အတိုၚ်လၟေၚ်ကၠုၚ်စိုပ်ရ ရဴဝွံ (သ္ဂးရ)။
ပ္ဍဲအခိၚ်ဂှ် “တဳလမၞုံပိုဉ်ကျာ်တြဲ ကဵုအခေါၚ်ကုခမဳဗြဴဂမၠိုၚ်ဒ္စါံဇကု အတိုၚ်လၟေၚ် ညးဇၞော်ကီု ကုခမဳဗြဴဂမၠိုၚ်သှေ်သၟေဟ်ဂှ် အတိုၚ်လၟေၚ်ကၠုၚ်စိုပ်ကီုရ” ရဴဝွံ ခမဳဗြဴဂမၠိုၚ် ပ္ဍဲဌာန်ဂမၠိုၚ်အိုတ်သီု ကုခမဳဗြဴဂမၠိုၚ်ဒ္စါံဇကု အတိုၚ်လၟေၚ်ညးဇၞော်ကီု ကုခမဳဗြဴဂမၠိုၚ်သှေ်သၟေဟ်ဂှ် အတိုၚ်လၟေၚ်ကၠုၚ်စိုပ်ကီု ဆေဝ်ဒဝ်အိုတ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ပ္ဍဲဇြပ်ကဵုပိုဉ်ကဵုအခေါၚ် ကုခမဳဗြဴဂမၠိုၚ်ဒ္စါံဇကု အတိုၚ်လၟေၚ်ညးဇၞော် ကုခမဳဗြဴဂမၠိုၚ်သှေ်သၟေဟ်ဂှ် အတိုၚ်လၟေၚ်ကၠုၚ်စိုပ်ကီုရ။ ပ္ဍဲဌာန်ဂမၠိုၚ်အိုတ်သီု ဟဂပ်ဝ်ဆေဝ်ဒဝ် အတိုၚ်လၟေၚ်ညးဇၞော်ရ၊ ကုခမဳဗြဴမဆေဝ်ဒဝ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၄၂၇။ ပ္ဍဲအခိၚ်ဂှ် ခမဳဗြဴဂမၠိုၚ် ဟွံသ္ပပဝါရဏာအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴဂှ် ဂပ်ဝ်ဒးသ္ပပဝါရဏာရ၊ ကုခမဳဗြဴဟွံသ္ပ ပဝါရဏာဂှ် ဒးသ္ဂုတ်သွာတ် ဗွဲမဗဗွဲကဵုဓရ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ဇကုဇကုတအ် သ္ပပဝါရဏာတုဲမ္ဂး ဟွံသ္ပပဝါရဏာကဵု သၚ်ခမဳတြုံအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဇကုဇကုတအ် သ္ပပဝါရဏာမ္ဂး ဂပ်ဝ်ဒးသ္ပပဝါရဏာကဵု သၚ်ခမဳတြုံရ၊ ကုခမဳဗြဴဟွံသ္ပပဝါရဏာဂှ် ဒးသ္ဂုတ်သွာတ် ဗွဲမဗဗွဲကဵုဓရ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် သ္ပပဝါရဏာကေုာံခမဳဂမၠိုၚ် မွဲဂကောံဓဝ်အိုတ်မ္ဂး သ္ပတဴပွမညောန်ညေဲအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဟဂပ်ဝ်သ္ပပဝါရဏာ မွဲဟာန်ကေုာံခမဳတြုံဂမၠိုၚ် မွဲဂကောံဓဝ်ရ၊ ကုခမဳဗြဴမသ္ပပဝါရဏာဂှ် ဒးအာပတ်ဒုက္ကဋ်ရ ရဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ကိုပ်ကၠာဟဂွံကဵုပိုဉ်ဏီ သ္ပပဝါရဏာအိုတ်မ္ဂး ကဵုကလိလောန် အာအခိၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ကဵုပိုဉ်တုဲမှ သွက်ဂွံသ္ပပဝါရဏာဂှ် ကဵုအခေါၚ်ရ ရဴဝွံ (သ္ဂးရ)။
ကဵုပိုဉ်တုဲမှ သ္ပပဝါရဏာအိုတ်မ္ဂး ကဵုဒှ်အာ ဟွံသေၚ်ကဵုအခိၚ်အိုတ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တ္ၚဲဏအ်သ္ပပဝါရဏာတုဲမ္ဂး ပ္ဍဲတ္ၚဲယး (တ္ၚဲမွဲစွေက်) ကဵုအခေါၚ် တၞဟ်နသ္ပပဝါရဏာကဵု သၚ်ခမဳတြုံရ ရဴဝွံ (သ္ဂးရ)။
ပ္ဍဲအခိၚ်ဂှ် ဘိက္ခုနဳသၚ်အိုတ်သီု သ္ပပဝါရဏာမ္ဂး သ္ပတဴပွမညာန်ညေဲရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
“ယွံနာဲဗြဴတအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲကုသၚ် ယဝ်ဒှ်မ္ဂး၊ သၚ်သၟိတ်ပတိုန် ခမဳဗြဴမၞုံယၟုဝွံ တၞဟ်နသ္ပပဝါရဏာကဵု ဘိက္ခုသၚ် သွက်ဘိက္ခုနဳသၚ်ရ၊ ဣဝွံတုန် ပွမကဵုတီရောၚ်။
ယွံနာဲဗြဴတအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ်သၟိတ်ပတိုန် ခမဳဗြဴမၞုံယၟုဝွံ တၞဟ်နသ္ပပဝါရဏာကဵုဘိက္ခုသၚ် သွက်ဘိက္ခုနဳသၚ်ရ၊ ယြဴကုနာဲဗြဴမွဲ မၞုံကဵုပွမသ္ဍိုက်မၠိုက် ပွမသၟိတ်ပတိုန် ခမဳဗြဴမၞုံယၟုဝွံ တၞဟ်နသ္ပပဝါရဏာကဵု ဘိက္ခုသၚ် သွက်ဘိက္ခုနဳသၚ်ရ၊ နာဲဗြဴဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုနာဲဗြဴမွဲ ဟွံမွဲကဵုပွမသ္ဍိုက်မၠိုက်ရ၊ နာဲဗြဴဂှ် သ္ဒးဟီုတိုန်ရ။
သၚ် ဂပ်ဝ်သၟိတ်ပတိုန် ခမဳဗြဴမၞုံယၟုဝွံ တၞဟ်နသ္ပပဝါရဏာကဵု ဘိက္ခုသၚ် သွက်ဘိက္ခုနဳသၚ်ရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
ခမဳဗြဴမဂပ်ဝ်သၟိတ်ပတိုန်တုဲဂှ် ကော်ဘိက္ခုနဳသၚ်တုဲ ပြာပ်အာဇရေၚ် ဘိက္ခုသၚ်တုဲလ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ်တုဲ လ္ၚောဝ်ဒၠးဇိုၚ်ခမဳတြုံဂမၠိုၚ်တုဲမ္ဂး သီုမဂဇအ်ဒၟံၚ် ဗွဲလံက်ဂဇုန် ပၚ်ပတိုန်ခၠအ်သၟိပ်တဲတုဲမ္ဂး—
“ယွံတဳလပိုဉ်တအ် ဘိက္ခုနဳသၚ် သ္ပပဝါရဏာကဵု ဘိက္ခုသၚ်ရ၊ ယွံတဳပိုဉ်တအ် ဘိက္ခုသၚ်ဂှ် နပွမညာတ်ကီု နပွမမိၚ်ကီု နပွမသၠေဟ်ပၟာကီု သ္ပဟိုတ်ကဵုဓရ်ဇြဟာန်ဆာန်ဍူ ဘိက္ခုနဳသၚ်တုဲ ဩဝ်ဟီုသ္ဂးညိ၊ ဆဵုညာတ် (ဒုဟ်) မ္ဂး ကြက်ဇအုဲဇဗရ။ ယွံတဳလပိုဉ် မရနုက်ကဵုၜါဝါလေပ် ။ ပ ။ ယွံတဳလပိုဉ်တအ် မရနုက်ကဵုပိဝါလေဝ် ဘိက္ခုနဳသၚ် သ္ပပဝါရဏာကဵု ဘိက္ခုသၚ်ရ၊ ယွံတဳပိုဉ်တအ် ဘိက္ခုသၚ်ဂှ် နပွမညာတ်ကီု နပွမမိၚ်ကီု နပွမသၠေဟ်ပၟာကီု သ္ပဟိုတ်ကဵုဓရ်ဇြဟာန်ဆာန်ဍူ ဘိက္ခုနဳသၚ်တုဲ ဩဝ်ဟီုသ္ဂးညိ၊ ဆဵုညာတ် (ဒုဟ်) မ္ဂး ကြက်ဇအုဲဇဗရ” ရဴဝွံ သ္ဒးဟီုသ္ဂးရ။
၄၂၈။ ပ္ဍဲအခိၚ်ဂှ် ခမဳဗြဴဂမၠိုၚ် တန်ဒေါံဥပေါသ် ကုခမဳတြုံဂမၠိုၚ်အိုတ်ရ၊ တန်ဒေါံပဝါရဏာအိုတ်ရ၊ သ္ပမၞုံကဵုပွမဒၠောံပတောန်အိုတ်ရ၊ ကဵုဒှ်ဇၞော်သကိုပ်သကအိုတ်ရ၊ ကဵုသ္ပအခေါၚ်အိုတ်ရ၊ စောဒနာအိုတ်ရ၊ ကဵုဗှ်ဗၞုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဟဂပ်ဝ်တန်ဒေါံဥပေါသ် ကုခမဳတြုံရ၊ ၜိုန်တန်ဒေါံလေဝ် ဟွံဒှ်တန်ဒေါံရ၊ ကုခမဗြဴ မတန်ဒေါံဂှ် ဒးအာပတ်ဒုက္ကဋ်ရ။
ဟဂပ်ဝ်တန်ဒေါံ ပဝါရဏာရ၊ ၜိုန်တန်ဒေါံလေဝ် ဟွံဒှ်တန်ဒေါံရ၊ ကုခမဳဗြဴ မတန်ဒေါံဂှ် ဒးအာပတ်ဒုက္ကဋ်ရ။
ဟဂပ်ဝ်သ္ပ မၞုံကဵုပွမဒၠောံဗတောန်ရ၊ ၜိုန်သ္ပလေဝ် ဟွံဒှ်သ္ပရ၊ ကုခမဳဗြဴ မသ္ပဂှ် ဒးအာပတ်ဒုက္ကဋ်ရ။
ဟဂပ်ဝ်ကဵုဒှ်ဇၞော်သကိုပ်သကရ၊ ၜိုန်ကဵုဒှ်လေဝ် ဟွံကဵုဒှ်ရ၊ ကုခမဳဗြဴဒှ်ဂှ် ဒးအာပတ် ဒုက္ကဋ်ရ။
ဟဂပ်ဝ်ကဵုသ္ပအခေါၚ်ရ၊ ၜိုန်ကဵုသ္ပလေဝ် ဟွံဒှ်သ္ပရ၊ ကုခမဳဗြဴ မကဵုသ္ပဂှ် ဒးအာပတ် ဒုက္ကဋ်ရ။
ဟဂပ်ဝ်စောဒနာရ၊ ၜိုန်စောဒနာလေဝ် ဟွံဒှ်စောဒနာရ၊ ကုခမဳဗြဴ မစောဒနာဂှ် ဒးအာပတ်ဒုက္ကဋ်ရ။
ဟဂပ်ဝ်ကဵုဗှ်ဗၞုဟ်ရ၊ ၜိုန်ကဵုဗှ်ဗၞုဟ်လေဝ် ဟွံဒှ်ကဵုဗှ်ဗၞုဟ်ရ၊ ကုခမဳဗြဴမကဵုဗှ်ဗၞုဟ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳတြုံဂမၠိုၚ် တန်ဒေါံဥပေါသ် ကုခမဳဗြဴဂမၠိုၚ်အိုတ်ရ၊ တန်ဒေါံပဝါရဏာအိုတ်ရ၊ သ္ပမၞုံကဵုပွမဒၠောံဗတောန်အိုတ်ရ၊ ကဵုဒှ်ဇၞော်သကိုပ်သကအိုတ်ရ၊ ကဵုသ္ပအခေါၚ်အိုတ်ရ၊ စောဒနာအိုတ်ရ၊ ကဵုဗှ်ဗၞုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ခမဳတြုံဂှ် သွက်ဂွံတန်ဒေါံဥပေါသ် ကုခမဳဗြဴရ၊ ပွမတန်ဒေါံဂှ်လေဝ် ဒှ်ပွမတန်ဒေါံဗွဲမဒးရးရ၊ ကုခမဳမတန်ဒေါံဂှ် ဟွံဒးအာပတ်ရ။
ကဵုအခေါၚ် သွက်ဂွံတန်ဒေါံ ပဝါရဏာရ၊ ပွမတန်ဒေါံဂှ်လေဝ် ဒှ်ပွမတန်ဒေါံဗွဲမဒးရးရ၊ ကုခမဳမတန်ဒေါံဂှ် ဟွံဒးအာပတ်ရ။
ကဵုအခေါၚ် သွက်ဂွံသ္ပမၞုံကဵုပွမဒၠောံဗတောန်ရ၊ ပွမသ္ပဂှ်လေဝ် ဒှ်ပွမသ္ပဗွဲမဒးရးရ၊ ကုခမဳ မသ္ပဂှ် ဟွံဒးအာပတ်ရ။
ကဵုအခေါၚ် သွက်ဂွံကဵုဒှ်ဇၞော်သကိုပ်သကရ၊ ပွမကဵုဒှ်ဂှ်လေဝ် ဒှ်ပွမကဵုဒှ်ဗွဲမဒးရးရ၊ ကုခမဳဂှ် မကဵုဒှ်ဂှ် ဟွံဒးအာပတ်ရ။
ကဵုအခေါၚ် သွက်ဂွံကဵုသ္ပအခေါၚ်ရ၊ ပွမကဵုသ္ပဂှ်လေဝ် ဒှ်ပွမကဵုသ္ပဗွဲမဒးရးရ။ ကုခမဳမကဵုသ္ပဂှ် ဟွံဒးအာပတ်ရ။
ကဵုအခေါၚ် သွက်ဂွံစောဒနာရ၊ ပွမစောဒနာဂှ်လေဝ် ဒှ်ပွမစောဒနာဗွဲမဒးရးရ၊ ကုခမဳမစောဒနာဂှ် ဟွံဒးအာပတ်ရ။
ကဵုအခေါၚ် သွက်ဂွံကဵုဗှ်ဗၞုဟ်ရ၊ ပွမကဵုဗှ်ဗၞုဟ်ဂှ်လေဝ် ဒှ်ပွမကဵုဗှ်ဗၞုဟ်ဗွဲမဒးရးရ၊ ကုခမဳမကဵုဗှ်ဗၞုဟ်ဂှ် ဟွံဒးအာပတ်ရ။
၄၂၉။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် အာကၠုၚ်တဴ နကဵုယာန် ဗ္ဂန်ၝောံတုဲ တၟက် (ညးတြုံ) ဒဳကီု နကဵုယာန် ဗ္ဂန်တၟက်တုဲ ၝောံ (ညးဗြဴ) ဒဳကီုအိုတ်ရ၊ မၞိဟ်ဂမၠိုၚ် “သၟဟ်ညံၚ်ရဴညးအာပေါဲဂၚ်္ဂါ ပေါဲမဟိဂမၠိုၚ်ကီုရောၚ်” ရဴဝွံ မၞိဟ်ဂမၠိုၚ် ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဟဂပ်ဝ်အာ နကဵုယာန်ရ၊ ကုခမဳဗြဴမအာ နကဵုယာန်ဂှ် ဒးသ္ဂုတ်သွာတ်ဗွဲမဗဗွဲဓရ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴမွဲဇကု ဂိယဲဒၟံၚ်ရ၊ အာနကဵုဇိုၚ် ဟွံမာန်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကုခမဳဗြဴမဂိယဲဂှ် ကဵုအခေါၚ်ယာန်ရ ရဴဝွံ (သ္ဂးရ)။
ပ္ဍဲအခိၚ်ဂှ် “ယာန်ဗ္ဂန်ၝောံဟာ၊ ယာန်ဗ္ဂန်တၟက်ဟာ” ရဴဝွံ ကသပ်ဒှ် ကုခမဳဗြဴဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ယာန်မဗ္ဂန်ၝောံကီု ယာန်မဗ္ဂန်တၟက်ကီု ယာန်ဓရိုဟ်, တံၚ်ဓဇက်နတဲကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ကုခမဳဗြဴမွဲဇကုဂှ် နယာတ်ကဆံက်ထၟုက်ဂှ် ဒှ်အာဟွံဒှ်တသိုခ်လောန်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ်ဝဝ်ကီု သရေၚ်ကီုရ ရဴဝွံ (သ္ဂးရ)။
၄၃၀။ ပ္ဍဲအခိၚ်ဂှ် ဗြဴစရာဲဍုၚ် အဍ္ဎကာသိ ပထပိုဲ ပ္ဍဲဇရေၚ်ခမဳဗြဴဂမၠိုၚ်ရ၊ ဗြဴစရာဲဍုၚ်ဂှ် “ကြက်ပပယျၚ် ပ္ဍဲဇရေၚ်တဳလမၞုံပိုဉ်ကျာ်တြဲရ” ရဴဝွံ သၟိက်အာဍုၚ်သာရဝှ်ရ။ “ဗြဴစရာဲဍုၚ် အဍ္ဎကာသိ သၟိက်အာဍုၚ်သာရဝှ်ရဂး” ရဴဝွံ သၟုၚ်လဗၚ်သုရာ (ပၠေပ်အရက်) ဂမၠိုၚ် သ္ဂောံမိၚ်ကေတ်အိုတ်ရ။ သၟုၚ်လဗၚ်သုရာဂမၠိုၚ်ဂှ် ကတဵုရုသံၚ်ဒၟံၚ် ပ္ဍဲဂၠံၚ်တရဴအိုတ်ရ။ “သၟုၚ်လဗၚ်သုရာဂမၠိုၚ်ဂှ် ကတဵုရုသံၚ်ဒၟံၚ် ပ္ဍဲဂၠံၚ်တရဴအိုတ်ရ” ရဴဝွံ ဗြဴစရာဲဍုၚ် အဍ္ဎကာသိ သ္ဂောံမိၚ်ကေတ်ရ။ “အဲဍိက်မိက်ပပယျၚ်ဒှ်တုဲ မုရဴသာ်လဵု အဲဍိက် ဂွံဒ္ဂေတ်သ္ပရော?” ရဴဝွံ ဖအောဝ်ဗလးဏာကလုတ် ဇရေၚ်တဳလမၞုံပိုဉ်ကျာ်တြဲရ။
ပ္ဍဲကြဴနူဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး—
“ယွံခမဳတအ် နကလုတ်လေဝ် ကဵုအခေါၚ် တၞဟ်နပပယျၚ်ရ” ရဴဝွံ သ္ဂးကဵုခမဳဂမၠိုၚ်ရ။
နကဵုကလုတ်ခမဳတြုံ ပပယျၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ် ကျာ်တြဲအိုတ်ရ။ ယွံခမဳတအ် နကဵုကလုတ်ခမဳတြုံ ဟဂပ်ဝ်ပပယျၚ်ရ၊ ကုခမဳဗြဴ မပပယျၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ နကဵုကလုတ်သိက္ခမာန် ပပယျၚ်အိုတ်ရ ။ ပ ။ နကဵုကလုတ်သာမဏဳတြုံ ပပယျၚ်အိုတ်ရ ။ ပ ။ နကဵုကလုတ်သာမဏဳဗြဴ ပပယျၚ်အိုတ်ရ ။ ပ ။ နကဵုကလုတ်မဟွံစဳကၠး ဆိုက်ဗ္ဒက် မဟွံဍိုက်ကေဟ် ပပယျၚ်အိုတ်ရ။ ယွံခမဳတအ် နကဵုကလုတ် မဟွံစဳကၠးဆိုက်ဗ္ဒက် မဟွံဍိုဟ်ကေက် ဟဂပ်ဝ်ပပယျၚ်ရ၊ ကုခမဳဗြဴ မပပယျၚ်ဂှ် ဒးအာပတ်ဒုက္ကဋ်ရ။ ယွံခမဳတအ် နကလုတ်ခမဳဗြဴစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် ကဵုအခေါၚ်တၞဟ်နပပယျၚ်ရ ရဴဝွံ (သ္ဂးရ)။
ခမဳဗြဴကလုတ်ဂှ် ပြာပ်အာဇရေၚ်သၚ်တုဲ လ္ၜက်ကၠေဟ်ပတိုန်သ္ၚာကၞေဟ် ပ္ဍဲလတုပၞးပါဲမွဲလပါ်တုဲ လ္ၚောဝ်ဒၠးဇိုၚ် ခမဳတြုံဂမၠိုၚ်တုဲမ္ဂး သီုမဂဇအ်ဒၟံၚ်ဗွဲလံက်ဂဇုန် ပၚ်ပတိုန်ခၠအ်သၟိပ်တဲတုဲမ္ဂး—
“ယွံတဳလပိုဉ်တအ် နာဲဗြဴမၞုံယၟုဝွံ သ္ၚေဝ်မဲကဵု ဒဒှ်ခမဳပယျၚ် နာဲဗြဴမၞုံယၟုဝွံရ၊ သအးဇ္ၚး ပ္ဍဲဘိက္ခုနဳသၚ် နပွမပပယျၚ် ပ္ဍဲမွဲလပါ်တုဲဒှ်ရ၊ နာဲဗြဴဂှ် ဟိုတ်နူအန္တရာယ်မမိက်ကဵုမွဲမွဲဂှ် ကၠုၚ်ဟွံမာန်ရ၊ ယွံတဳလပိုဉ်တအ် နာဲဗြဴမၞုံယၟုဝွံ အာတ်သၚ် ပွမပပယျၚ်ရ၊ ယွံတဳလပိုဉ်တအ် သၚ် သ္ပဟိုတ်ကဵုဓရ်ဇြဟာန်ဆာန်ဍူ နာဲဗြဴဂှ်တုဲ ဩဝ်ရၚ်တၠုၚ်ပတိတ်ညိ။ ယွံတဳလပိုဉ်တအ် နာဲဗြဴမၞုံယၟုဝွံ သ္ၚေဝ်မဲကဵု ဒဒှ်ခမဳပယျၚ် နာဲဗြဴမၞုံယၟုဝွံရ၊ သအးဇ္ၚး ပ္ဍဲဘိက္ခုနဳသၚ် နပွမပပယျၚ် ပ္ဍဲမွဲလပါ်တုဲဒှ်ရ၊ နာဲဗြဴဂှ် ဟိုတ်နူအန္တရာယ်မမိက်ကဵုမွဲမွဲဂှ် ကၠုၚ်ဟွံမာန်ရ၊ ယွံတဳလပိုဉ်တအ် မရနုက်ကဵုၜါဝါလဝ် နာဲဗြဴမၞုံယၟုဝွံ အာတ်သၚ် ပွမပပယျၚ်ရ၊ ယွံတဳလပိုဉ်တအ် သၚ် သ္ပဟိုတ်ကဵုဓရ်ဇြဟာန်ဆာန်ဍူ နာဲဗြဴဂှ်တုဲ ဩဝ်ရၚ်တၠုၚ်ပတိတ်ညိ။ ယွံတဳလပိုဉ်တအ် နာဲဗြဴမၞုံယၟုဝွံ သ္ၚေဝ်မဲကဵု ဒဒှ်ခမဳပယျၚ် နာဲဗြဴမၞုံယၟုဝွံရ၊ သအးဇ္ၚး ပ္ဍဲဘိက္ခုနဳသၚ် နပွမပပယျၚ် ပ္ဍဲမွဲလပါ်တုဲဒှ်ရ၊ နာဲဗြဴဂှ် ဟိုတ်နူအန္တရာယ်မမိက်ကဵုမွဲမွဲဂှ် ကၠုၚ်ဟွံမာန်ရ၊ ယွံတဳလပိုဉ်တအ် မရနုက်ကဵုပိဝါလဝ် နာဲဗြဴမၞုံယၟုဝွံ အာတ်သၚ် ပွမပပယျၚ်ရ၊ ယွံတဳလပိုဉ်တအ် သၚ် သ္ပဟိုတ်ကဵုဓရ်ဇြဟာန်ဆာန်ဍူ နာဲဗြဴဂှ်တုဲ ဩဝ်ရၚ်တၠုၚ်ပတိတ်ညိ” ရဴဝွံ ဒးဂရၚ်ပတီရ။
ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ နာဲဗြဴမၞုံယၟုဝွံ သ္ၚေဝ်မဲကဵု ဒဒှ်ခမဳပယျၚ် နာဲဗြဴမၞုံယၟုဝွံရ၊ သအးဇ္ၚး ပ္ဍဲဘိက္ခုနဳသၚ် နပွမပပယျၚ် ပ္ဍဲမွဲလပါ်တုဲဒှ်ရ၊ နာဲဗြဴဂှ် ဟိုတ်နူအန္တရာယ်မမိက်ကဵုမွဲမွဲဂှ် ကၠုၚ်ဟွံမာန်ရ၊ နာဲဗြဴမၞုံယၟုဝွံ အာတ်သၚ် ပွမပပယျၚ် နကဵုဥပဇ္ၛာယ်ဗြဴမၞုံယၟုဝွံရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်ပကဵုပယျၚ် နာဲဗြဴမၞုံယၟုဝွံ နကဵုဥပဇ္ၛာယ်ဗြဴမၞုံယၟုဝွံရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ နာဲဗြဴမၞုံယၟုဝွံ သ္ၚေဝ်မဲကဵု ဒဒှ်ခမဳပယျၚ် နာဲဗြဴမၞုံယၟုဝွံရ၊ သအးဇ္ၚး ပ္ဍဲဘိက္ခုနဳသၚ် နပွမပပယျၚ် ပ္ဍဲမွဲလပါ်တုဲဒှ်ရ၊ နာဲဗြဴဂှ် ဟိုတ်နူအန္တရာယ်မမိက်ကဵုမွဲမွဲဂှ် ကၠုၚ်ဟွံမာန်ရ၊ နာဲဗြဴမၞုံယၟုဝွံ အာတ်သၚ် ပွမပပယျၚ် နကဵုဥပဇ္ၛာယ်ဗြဴမၞုံယၟုဝွံရ၊ သၚ်ပကဵုပယျၚ် နာဲဗြဴမၞုံယၟုဝွံ နကဵုဥပဇ္ၛာယ်ဗြဴမၞုံယၟုဝွံရ၊ ယြဴကုတဳလပိုဉ်မွဲ မၞုံကဵုပွသ္ဍိုက်မၠိုက် ပွမပပယျၚ် နာဲဗြဴမၞုံယၟုဝွံ နကဵုဥပဇ္ၛာယ်ဗြဴမၞုံယၟုဝွံရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါဂှ်လေဝ် ဟီုသ္ဂးဟိုတ်ဂှ်ရ။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ နာဲဗြဴမၞုံယၟုဝွံ သ္ၚေဝ်မဲကဵု ဒဒှ်ခမဳပယျၚ် နာဲဗြဴမၞုံယၟုဝွံရ၊ သအးဇ္ၚး ပ္ဍဲဘိက္ခုနဳသၚ် နပွမပပယျၚ် ပ္ဍဲမွဲလပါ်တုဲဒှ်ရ၊ နာဲဗြဴဂှ် ဟိုတ်နူအန္တရာယ်မမိက်ကဵုမွဲမွဲဂှ် ကၠုၚ်ဟွံမာန်ရ၊ နာဲဗြဴမၞုံယၟုဝွံ အာတ်သၚ် ပွမပပယျၚ် နကဵုဥပဇ္ၛာယ်ဗြဴမၞုံယၟုဝွံရ၊ သၚ်ပကဵုပယျၚ် နာဲဗြဴမၞုံယၟုဝွံ နကဵုဥပဇ္ၛာယ်ဗြဴမၞုံယၟုဝွံရ၊ ယြဴကုတဳလပိုဉ်မွဲ မၞုံကဵုပွသ္ဍိုက်မၠိုက် ပွမပပယျၚ် နာဲဗြဴမၞုံယၟုဝွံ နကဵုဥပဇ္ၛာယ်ဗြဴမၞုံယၟုဝွံရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်ပကဵုပယျၚ် နာဲဗြဴမၞုံယၟုဝွံ နကဵုဥပဇ္ၛာယ်ဗြဴမၞုံယၟုဝွံတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ်ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
ပ္ဍဲခဏ (မပပယျၚ် နူဘိက္ခုသၚ်တုဲ) ဂှ်ဟေၚ် သ္ဒးၜတ်ဗၞတ်သၞိၚ်ရ၊ သ္ဒးဟီုလၟိၚ်ဥတု (ဃောကၠုၚ်စိုပ်) ရ၊ သ္ဒးဟီုလၟိၚ်သွက်တ္ၚဲရ၊ ပံၚ်ပကောံ (သၞိၚ် ဥတု တ္ၚဲ) တုဲ သ္ဒးဟီုလၟိၚ် (တ္ၚဲဒှ်ခမဳ) ရ။ “ဩဝ်ဟီုလဴထ္ၜး အရာနိဿယ်ဗ္ဒာဲဂမၠိုၚ်ပိပြကာကီု ဒ္ဂေတ်မဟဂပ်ဝ်သ္ပဒ္စါံပြကာဂမၠိုၚ်ကီု ကုခမဳဗြဴဂှ်အိုတ်ညိ” ရဴဝွံ ဂပ်ဝ်ဒးဟီုကဵု ခမဳဗြဴဂမၠိုၚ်ရ။
၄၃၁။ ပ္ဍဲအခိၚ်ဂှ် ခမဳဗြဴဂမၠိုၚ် ပဒတဴပ္ဍဲဂြိုပ်အိုတ်ရ၊ ညးသၟုၚ်လဗၚ်သုရာဂမၠိုၚ် ပလီုပလာ်အိုတ်ရ၊ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဟဂပ်ဝ်ပဒတဴပ္ဍဲဂြိုပ်ရ၊ ကုခမဳဗြဴမပဒတဴဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ဥပးမွဲတၠ ကဵုဒါန် တိုက်ဒြပ် ကုဘိက္ခုနဳသၚ်ရ။ ဂရၚ်ပတီ ဟိုတ်ပရာပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် တိုက်ဒြပ်ရ ရဴဝွံ (သ္ဂးရ)။
တိုက်ဒြပ် ဟွံရုမ်ဂပ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဘာရ ရဴဝွံ (သ္ဂးရ)။ ဘာ ဟွံရုမ်ဂပ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ကေၚ်ကာတၟိရ ရဴဝွံ (သ္ဂးရ)။ ကေၚ်ကာတၟိ ဟွံရုမ်ဂပ်ရ။ ဂရၚ်ပတီဟိုတ်ပရူပရာ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဘာပုဂ္ဂလိကလေဝ် ကဵုအခေါၚ် သွက်ဂွံသ္ပရ ရဴဝွံ (သ္ဂးရ)။
၄၃၂။ ပ္ဍဲအခိၚ်ဂှ် ဗြဴမွဲတၠဂှ် သီုမၞုံကဵုဂၠမ်ဂဝ်မတန်ဂှ် ပခမဳပ္ဍဲဇရေၚ်ခမဳဗြဴဂမၠိုၚ်ရ၊ ကုဗြဴဂှ်ပခမဳတုဲမ္ဂး ဂၠမ်ဂဝ်ၜံၚ်သၠးတိတ်ရ။ ပ္ဍဲအခိၚ်ဂှ် “အဲ ပသာ်ဂွံဒ္ဂေတ်သ္ပ ပ္ဍဲကောန်ၚာ်ဝွံရော?” ရဴဝွံကသပ်ဒှ် ကုခမဳဗြဴဂှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ကဵုအခေါၚ် သွက်ဂွံလွဳမြိမြန်ကောန်ၚာ်ဂှ် စဵုကဵုစိုပ်အခိၚ် မတီကၠိုဟ်ခၠၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် “အဲလေဝ် ဟွံကလိဂွံ တၞဟ်နပဒတဴညးမွဲဓဝ်ရ၊ ခမဳဗြဴသအာၚ်လေဝ် ဟွံကလိဂွံ တၞဟ်နပဒတဴမွဲစွံ ကေုာံကောန်ၚာ်ရ၊ အဲ ပသာ်ဂွံဒ္ဂေတ်သ္ပ ပ္ဍဲကောန်ၚာ်ဝွံရော?” ရဴဝွံ ကသပ်ဒှ် ကုခမဳဗြဴဂှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် သၟိတ်ပတိုန် ခမဳဗြဴမွဲဇကုတုဲ တၞဟ်နကဵုသကအ်ရဲ ကုခမဳဗြဴဂှ် ကဵုအခေါၚ်ရ။ ယွံခမဳတအ် ရဴဝွံ ဒးသၟိတ်ပတိုန်ရ။
ဗွဲကိုပ်ကၠာ ဒးအာတ်အခေါၚ် ခမဳဗြဴရ၊ အာတ်အခေါၚ်တုဲမ္ဂး ခမဳဗြဴ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ။
“ယွံနာဲဗြဴတအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲကုသၚ် ယဝ်ဒှ်မ္ဂး၊ သၚ် သၟိတ်ပတိုန် ခမဳဗြဴမၞုံယၟုဝွံ ရဴဝွံမ္ဂး သကအ်ရဲခမဳဗြဴမၞုံယၟုဝွံရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်ပတိုန်ခမဳဗြဴ မၞုံယၟုဝွံရဴဝွံမ္ဂး သကအ်ရဲခမဳဗြဴမၞုံယၟုဝွံရ၊ ယြဴနာဲဗြဴမွဲ မၞုံကဵုပွမသ္ဍိုက်မၠိုက် ပွမသၟိတ်ပတိုန် ခမဳဗြဴမၞုံယၟုဝွံ ရဴဝွံမ္ဂး သကအ်ရဴခမဳဗြဴမၞုံယၟုဝွံရ၊ နာဲဗြဴဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုနာဲဗြဴမွဲ ဟွံမွဲကဵုပွမသ္ဍိုက်မၠိုက်ရ၊ နာဲဗြဴဂှ် သ္ဒးဟီုတိုန်ရ။
သၚ် ဂပ်ဝ်သၟိတ်ပတိုန် ခမဳဗြဴမၞုံယၟုဝွံ ရဴဝွံမ္ဂး သကအ်ရဲခမဳဗြဴမၞုံယၟုဝွံတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
ပ္ဍဲအခိၚ်ဂှ် “အဲ ပသာ်ဂွံဒ္ဂေတ်သ္ပ ပ္ဍဲကောန်ၚာ်ဝွံရော?” ရဴဝွံ ကသပ်ဒှ် ကုခမဳဗြဴ သကအ်ရဲဂှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ပါဲကၠေံ ပွမပဒတဴဘာမၞုံကဵုမွဲစၟဳ မွဲဗ္ဒၚ်တုဲ သၟဟ်ညံၚ်ရဴဒးဒ္ဂေတ် ပ္ဍဲတြုံသအာၚ်ဂမၠိုၚ်ကီု တုပ်သၟက်သာ်ဂှ် တၞဟ်နဒ္ဂေတ် ပ္ဍဲကောန်ၚာ်ဂှ် ကဵုအခေါၚ်ရ ရဴဝွံ (သ္ဂးရ)။
၄၃၃။ ပ္ဍဲအခိၚ်ဂှ် ခမဳဗြဴမွဲဇကု အာစိုပ်အာပတ်သံဃာဒိသေသ်တုဲ ဒ္ဂောတ်ဒၟံၚ်မာနတ်ရ။ ပ္ဍဲအခိၚ်ဂှ် “အဲလေဝ် ဟွံကလိဂွံ တၞဟ်နပဒတဴညးမွဲဓဝ်ရ၊ ခမဳဗြဴသအာၚ်လေဝ် ဟွံကလိဂွံတၞဟ်နပဒတဴမွဲစွံ ကေုာံအဲရ၊ အဲ ပသာ်ဂွံဒ္ဂေတ်သ္ပရော?” ရဴဝွံ ကသပ်ဒှ် ကုခမဳဗြဴဂှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် သၟိတ်ပတိုန် ခမဳဗြဴမွဲဇကုတုဲ တၞဟ်နကဵုသကအ်ရဲ ကုခမဳဗြဴဂှ် ကဵုအခေါၚ်ရ။
ယွံခမဳတအ် ရဴဝွံ ဒးသၟိတ်ပတိုန်ရ။ ဗွဲကိုပ်ကၠာ ဒးအာတ်အခေါၚ် ခမဳဗြဴရ၊ အာတ်အခေါၚ်တုဲမ္ဂး ခမဳဗြဴစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ။
“ယွံနာဲဗြဴ သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် သၟိတ်ပတိုန် ခမဳဗြဴမၞုံယၟုဝွံ ရဴဝွံမ္ဂး သကအ်ရဲခမဳဗြဴမၞုံယၟုဝွံရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်ပတိုန် ခမဳဗြဴမၞုံယၟုဝွံ ရဴဝွံမ္ဂး သကအ်ရဲခမဳဗြဴမၞုံယၟုဝွံရ၊ ယြဴနာဲဗြဴမွဲ မၞုံကဵုပွမသ္ဍိုက်မၠိုက် ပွမသၟိတ်ပတိုန် ခမဳဗြဴမၞုံယၟုဝွံ ရဴဝွံမ္ဂး သကအ်ရဲခမဳဗြဴမၞုံယၟုဝွံရ၊ နာဲဗြဴဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုနာဲဗြဴမွဲ ဟွံမွဲကဵုပွမသ္ဍိုက်မၠိုက်ရ၊ နာဲဗြဴဂှ် သ္ဒးဟီုတိုန်ရ။
သၚ် ဂပ်ဝ်သၟိတ်ပတိုန် ခမဳဗြဴမၞုံယၟုဝွံ ရဴဝွံမ္ဂး သကအ်ရဲခမဳဗြဴမၞုံယၟုဝွံရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
၄၃၄။ ပ္ဍဲအခိၚ်ဂှ် ခမဳဗြဴမွဲ ဖျေံသိက္ခာတုဲ ရာံတိတ်ခရှ်ရ၊ ခမဳဗြဴဂှ် မွဲလှေ်ပၠန် ကလေၚ်ကၠုၚ်တုဲ အာတ်အခေါၚ် ပပယျၚ် ခမဳဗြဴဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ် ကျာ်တြဲအိုတ်ရ။ ယွံခမဳတအ် ပွမဖျေံသိက္ခာ ဒှ်အာကုခမဳဗြဴရ၊ ယြဴဟိုတ်နူဟိုတ်မွဲ ခမဳဗြဴဂှ် ရာမ်တိတ်ခရှ်ရ၊ ဟိုတ်နူဟိုတ်ဂှ် ခမဳဗြဴဂှ် ခမဳဗြဴဟွံသေၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴမွဲ နူဘာဇကုပဒတဴ ပြံၚ်အာဘာတဳရ၊ ခမဳဗြဴဂှ် မွဲလှေ်ပၠန် ကလေၚ်ကၠုၚ်တုဲ အာတ်အခေါၚ် ပပယျၚ် ခမဳဗြဴဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴ နူဘာဇကုပဒတဴ ပြံၚ်အာဘာတဳဂှ် မွဲလှေ်ပၠန် ကလေၚ်ကၠုၚ်မ္ဂး ဟဂပ်ဝ်ပပယျၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာဟွံဂပ်ဝ်ဂမၠိုၚ်ဒှ်တုဲ ဟွံဒုၚ်တဲ ပွမလ္ၚောဝ်ကီု ပွမကးက္ဍိုပ်ကီု ပွမခေပ်သၞေံတဲသၞေံဇိုၚ် ပွမစုတ်ဂဥုဲသရကီု တြုံဂမၠိုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နဒုၚ်တဲရ ရဴဝွံ (သ္ဂးရ)။
၄၃၅။ ပ္ဍဲအခိၚ်ဂှ် ခမဳဗြဴဂမၠိုၚ် ဂဇအ်တက်ထွာဲအိုတ်မ္ဂး သာယျေန်တဴ ပွမတၟတ်ဒွံဒၞေဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴဂှ် ဟဂပ်ဝ်ဂဇအ်တက်ထွာဲရ၊ ကုခမဳဗြဴမဂဇအ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴမွဲဇကု ဂိယဲဒၟံၚ်ရ၊ ကုခမဳဗြဴဂှ် စာ်စ္ဍးကေုာံမတက်ထွာဲတုဲ ဟွံဒှ်တသိုခ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကုခမဳဗြဴ မဂိယဲဂှ် ကဵုအခေါၚ် ပွမတက်ထွာဲကဝက် ‘ပွမဂဇအ်အေမ်ဒေမ်’ ရ ရဴဝွံ (သ္ဂးရ)။ ပ္ဍဲအခိၚ်ဂှ် ခမဳဗြဴဂမၠိုၚ် သၠတရဴဇၞော် ပ္ဍဲသ္ၚိဝစ်အိုတ်ရ၊ ခမဳဗြဴဆဗ္ဗဂ္ဂဳဂမၠိုၚ် ပတုံဖျေံဂၠမ်ဂဝ် ပ္ဍဲအတိုၚ်သ္ၚိဝစ်ဂှ်ဟေၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴဂမၠိုၚ် ဟဂပ်ဝ်သၠးတရဴဇၞော် ပ္ဍဲသ္ၚိဝစ်ရ၊ ကုခမဳဗြဴမသၠးဂှ် ဒးအာပတ်ဒုက္ကဋ်ရ။ ယွံခမဳတအ် ကဵုအခေါၚ် တၞဟ်နသၠးတရဴဇၞော် ပ္ဍဲသ္ၚိဝစ် မၞုံကဵုပံက်လဟာ်လဝ်ပ္ဍဲသၟတ် မၞုံကဵုစၟဳလဝ် ပ္ဍဲလတူရ ရဴဝွံ (သ္ဂးရ)။
၄၃၆။ ပ္ဍဲအခိၚ်ဂှ် ခမဳဗြဴဂမၠိုၚ် ဟုံဍာ် နကဵုခၞိက်ကြကောတ်ဗံၚ်အိုတ်ရ။ မၞိဟ်ဂမၠိုၚ် “သၟဟ်ညံၚ်ရဴခရှ်ဗြဴ ညးမဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဟဂပ်ဝ်ဟုံဍာ် နကဵုခၞိက်ကြကောတ်ဗံၚ်ရ၊ ကုခမဳဗြဴမဟုံဍာ်ဂှ် ဒးအာပတ်ဒုက္ကဋ်ရ။ ယွံခမဳတအ် ကဵုအခေါၚ် သဗိုက်သ္ၚု ‘သ္ပအ်သြောံ’ ကီု တိကမၠေတ်ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ဟုံဍာ် နတိကမၠေတ် မထီုဗးလဝ်မြမောဝ်အိုတ်ရ။ မၞိဟ်ဂမၠိုၚ် “သၟဟ်ညံၚ်ရဴခရှ်ဗြဴ ညးမဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဗြဴဂှ် ဟဂပ်ဝ်ဟုံဍာ် နတိကမၠေတ် မထီုဗးလဝ်မြမောဝ်ရ၊ ကုခမဳဗြဴမဟုံဍာ်ဂှ် ဒးအာပတ်ဒုက္ကဋ်ရ။ ယွံခမဳတအ် ကဵုအခေါၚ် တိကမၠေတ်ပကတိရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ဟုံဍာ် ပ္ဍဲသ္ၚိဇရုၚ်ပလက်ဂမၠိုၚ်မ္ဂး သ္ပပွမညာန်ညေဲအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴဂှ် ဟဂပ်ဝ်ဟုံဍာ် ပ္ဍဲသ္ၚိဇရုၚ်ပလက်ရ၊ ကုခမဳဗြဴမဟုံဍာ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ ပ္ဍဲအခိၚ်ဂှ် ခမဳဗြဴဂမၠိုၚ် ဟုံဍာ် ပ္ဍဲဒစးဍာ်ဇွောဝ်အိုတ်မ္ဂး သာယျေန်တဴတၟတ်ဒွံဇၟောဝ်ဍာ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴဂှ် ဟဂပ်ဝ်ဟုံဍာ် ပ္ဍဲဒစးဍာ်ဇွောဝ်ရ၊ ကုခမဳဗြဴမဟုံဍာ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ဟုံဍာ် ပ္ဍဲဟွံသေၚ်ကဵုသၞေဟ်ဍာ်အိုတ်မ္ဂး သၟုၚ်လဗၚ်သုရာဂမၠိုၚ် ပလီုပလာ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴဂှ် ဟဂပ်ဝ်ဟုံဍာ် ပ္ဍဲဟွံသေၚ်ကဵုသၞေဟ်ဍာ်ရ၊ ကုခမဳဗြဴမဟုံဍာ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗြဴဂမၠိုၚ် ဟုံဍာ် ပ္ဍဲသၞေဟ်ဍာ်ညးတြုံအိုတ်ရ။ မၞိဟ်ဂမၠိုၚ် “သၟဟ်ညံၚ်ရဴခရှ်ဗြဴ ညးမဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳဗြဴဂှ် ဟဂပ်ဝ်ဟုံဍာံ ပ္ဍဲသၞေဟ်ဍာ်ညးတြုံရ၊ ကုခမဳဗြဴမဟုံဍာ်ဂှ် ဒးအာပတ်ဒုက္ကဋ်ရ။ ယွံခမဳတအ် ကဵုအခေါၚ် သွက်ဂွံဟုံဍာ် ပ္ဍဲသၞေဟ်ဍာ်ညးဗြဴရ ရဴဝွံ (သ္ဂးရ)။
✵✵✵ခဏ်တတိယတုဲရ။✵✵✵
✤✤✤ ဘိက္ခုနိက္ခန္ဓက တတိယတုဲရ။ ✤✤✤ ပ္ဍဲခန္ဓကဝွံ ဝတ္ထုနွံကၠံရ။
❖ ဘိက္ခုနိက္ခန္ဓကဂှ် ဗွဲခမ္ဍန်[ပလေဝ်ဒါန် | ပလေဝ်ဒါန် တမ်ကၞက်]
ဂေါတမဳ အာတ်အခေါၚ် ဒဒှ်ပယျၚ်ရ၊ ပ္ဍဲဍုၚ်ကပိလဝှ် ကျာ်တြဲ ဟွံကဵုအခေါၚ်ရ၊ ကျာ်တြဲ က္ညအာဍုၚ်ဝေသာလဳရ။
သီုမၞုံကဵုဇကု ကၠေဝ်ဗာန်မၠိုက် ဂရၚ်ပတီ ကုအာနန္ဒ ပ္ဍဲပါၚ်မုက်တြၚ်ရ၊ ထေက်ကြိုက်ဟာ ရဴဝွံကီု မိအံက်ရ ရဴဝွံကီု ညးလွဳမြိမြန်ရ ရဴဝွံကီု အာတ်အခေါၚ် နနယ်ပြယာယ်ရ။
ဗၞတ်ကၠံသၞာံကီု တ္ၚဲဂှ်ကီု ဘာဟွံမွဲကဵုခမဳကီု ပွမဒးနွံပၟိက်ရာဒနာမိက်ကီု ပွမသ္ပပဝါရဏာကီု အာပတ်သံဃာဒိသေသ်ကီု လုကဴၜါသၞာံဂမၠိုၚ်ကီု ပွမဟွံတ္ၜေဟ်လက်ကီု။
ပွမကၟာတ်ထောံကီု ဗၞတ်မဂျိုၚ်လမျီု ဂရုဓရ်ဒ္စါံသာ်မဒးဒ္ဂေတ်ဗက်ကီု ပွမဒုၚ်ဝန်ဂရုဓရ်ကီု ပွမဒုၚ်ဝန်ဂှ်ဟေၚ် ပွမဒှ်ပယျၚ် ကုဂေါတမဳကီု။
ဗၞတ်လ္ၚီသၞာံကီု ဗၞတ်မသုန်ကၠံသၞာံကီု နဥပၟာ ကမၠတ်ရပ်ပၟတ်နုၚ် ယဲကြုတ်ဗု (ယဲစၟနော်) ယဲကြုတ်ဗကေတ်ဂမၠိုၚ် နနယ်အတိုၚ်ဝွံ ဓရ်သပ္ပုရိုဟ်ဟုတ်ယုတ်။
ပြဟ်ပြဟ်ဟေၚ် ပွမဒက်တပ်ဇဵုကၟာ မွဲလှေ်ပၠန် ဓရ်သပ္ပုရိုဟ်တန်တဴ ကဵုအခေါၚ် သွက်ဂွံပယျၚ် ပွမလ္ၚောဝ် အတိုၚ်လၟေၚ်ညးဇၞော် နာဲတြုံ နာဲဗြဴဂမၠိုၚ်။
ဟွံသ္ပအိုတ်ရ သာ်လဵုဂွံကဵုအခေါၚ်ရော? သိက္ခာပိုဒ်မဆက်ဆောမ် သိက္ခာပိုဒ် ဟွံဆက်ဆောမ်ကီု ပွမဒုၚ်ဂိုၚ်ကေတ်ဒၠောံဗတောန်ကီု ပါတိမုက်ကီု ပသာ်ဂွံသ္ပရော? ဘာခမဳဗြဴကီု။
ပွမဟွံတီကီု ဟွံမဟီုလဴဗ္စကီု ပွမဟွံဇအုဲဇဗကီု ခမဳဂမၠိုၚ် ပွမဟွံဟီုလဴဗ္စကီု ခမဳဂမၠိုၚ် ပွမဟွံဒုၚ်ဂိုၚ်ကေတ်ကီု ခမဳဗြဴဂမၠိုၚ် ပွမဒုၚ်ဂိုၚ်ကေတ်ကီု။
ပွမဟီုလဴဗ္စကီု ကမ်ကီု ခမဳဂမၠိုၚ် ပွမသ္ပကမ်ကီု ပွမဟီုဂရိုဟ်ကီု ခမဳဗြဴဂမၠိုၚ် ပွမသ္ပကမ်ကီု ပွမဟီုလဴဗ္စကီု ပွမကယျာန်ဓဝါတ်ကီု ပွမပတိုန် (ကမ်) ကီု ခမဳဗြဴကွးပဒတဴဇရေၚ် ဥပ္ပလဝဏ်ကီု ပ္ဍဲဍုၚ်သာရဝှ် ဍာ်လှိုက်သရီုကီု ပွမဟဂွံလ္ၚောဝ်ကီု ပွမပံက်ထ္ၜးဇကုကီု ဒဳကီု အၚ်္ဂဇာတ်ကီု ပွမသ္ပဂရိုၚ်စရဵုကီု ပွမနှဴရဴပကီုကီု ဆဗ္ဗဂ္ဂဳဂမၠိုၚ်ကီု။
ပွမဟဂွံလ္ၚောဝ်ကီု ပွမတပ်ဒဏ်ကီု မွဲလှေ်ပၠန် ခမဳဗြဴဂမၠိုၚ် တုပ်သၟဟ်သာ်ဂှ်ကီု ပွမကၟာတ်လဒဵုကီု ပွမဒုၚ်ဒၠောံဗတောန်ကီု ဂပ်ဝ်ဟာ ပွမစ္ဍးအာကီု။
ခမဳဗြဴဒိုဟ်ဓီုဂမၠိုၚ်ကီု ပွမဟွံသေၚ်ကဵုဒုဟ်ကီု ပွမဟွံသ္ဂုတ်သွာတ်ကီု ဩဝါဒကီု ဘိက္ခုနဳသၚ်ကီု ခမဳဗြဴဂမၠိုၚ်ၜါတၠ ပိတၠကီု ပွမဟွံဂိုၚ်ကေတ်ကီု ခမဳဒိုဟ်ဓီု ခမဳဂိယဲ ခမဳကွာ်တရဴ။
ခမဳပဒတဴဂြိုပ်ဂမၠိုၚ်ကီု ပွမဟွံဟီုလဴဗ္စကီု မွဲလှေ်ပၠန် ပွမဟွံရၚ်တၠုၚ်ကီု ပွမဟွံအာကီု ဇုက်ကာယဗန်မဂၠိၚ်ကီု ဂၠးသပှ်ေချာကီု ဂၠးစၞာံကီု နယာတ်ထကတ် ယာတ်ဗ္ၜန် သ္ၚာထကတ် သ္ၚာဗ္ၜန်ကီု တောဝ်ထကတ် တောဝ်ဗ္ၜန်ကီု။
ဇုတ်တံၚ်ယျဂၠဴကီု ဇုတ်သၟိပ်ဂၠဴကီု ကတာတဲကီု စးဂတာတဲကီု ဂတာဇိုၚ်ကီု စးဇိုၚ် (ဂဒအ်ဗြာတ်) ကီု ဒဳကီု မုက်ကီု ဓရီုၚေက်ကီု ပွမလံက်လေဝ်ကီု ပွမချိုန်ပတ်ကီု ပွမပံက်မုက် နခၞိက်ကြကောတ်ကီု။
ပွမကွေၚ်မတ်ကီု ပွမဖျောန်အဝယ်ဇၞော်သၟတ်ကီု ပွမဖျောန်မုက်ကီု တုပ်သၟဟ်သာ်ဂှ် ပွမဖျောန်ၜါဂကူဂှ် ပွမသက်ဒၞေၚ်မတ် ပွမကွေၚ်ဂ္စေအ်ပ္ဍဲကၞိၚ်ကီု ပၞော်ဗတၚ်ကျာကီု လျးအရံၚ်ကီု ပွမလှေ်ကီု။
ဗြဴစရာဲဍုၚ်ကီု ရုၚ်သၟုၚ်ကီု ဖျုန်ထၞေက်ကထၞေက်ကီု ပွမလးဖျာကီု ပွမဖျေံသြန်ကီု ပွမကူသာန် ဍိက်တြုံ ဍိက်ဗြဴကီု သၟာကမၠောန်တြုံ သၟာကမၠောန်ဗြဴ ပွမကဵုကၠောန်ၜိုတ်ကီု။
တိရစ္ဆာန်ကီု သၞေဝ်သွထၞေက် ပကၚ်ရၚ်လဝ် ယာတ်မကဵုသကဲလၟောဝ်စှေ်အိုတ်ရ၊ သ္ၚာလမ္စံက် သ္ၚာသာ်တာပရံၚ် သ္ၚာဒမျိုၚ်ကီု။
သ္ၚာသာ်စးဂဂဳကီု သ္ၚာသာ်ဖျိုဟ်ကီု သ္ၚာဟွံကုတ်တသာဲ သ္ၚာတသာဲဂၠိၚ် သ္ၚာမၞုံကဵုတသာဲသဏ္ဌာန်ဍောၚ်ပ္ကဴ သတ်ဆု ပဠောံခြပ် သ္ၚာသကောဝ်ဆုကီု ပကၚ်ရၚ်အိုတ်ရ။
ပ္ဍဲအရာခမဳဗြဴ သိက္ခမာန် သာမဏဳဗြဴဂမၠိုၚ် ချိုတ်လောန်စဴ ပအပ်ကဵုပရိက္ခရာမ္ဂး ခမဳဗြဴဂမၠိုၚ်ဟေၚ် ပိုၚ်ပြဳအိုတ်ရ။
ခမဳတြုံ သာမဏဳတြုံ ဥပးပြုံ ဥပးဗြဴ ညးသအာၚ်ဂမၠိုၚ် ပအပ်ကဵုပရိက္ခရာမ္ဂး ခမဳပိုၚ်ရ။
လက်ဗန် ‘ပွမတေက်ကဵုဇကု” ကီု ဂၠမ်ဂဝ်ကောန်ၚာ်ကီု တကေတ်ဗဗေၚ်ကီု နိမတ်ညးတြုံကီု စၞစစၞသုၚ်ကီု ပွမဂၠိုၚ်ဂၠၚ်ကီု ပွမဂၠိုၚ်ဂၠၚ်လောန်ကီု ပွမဂိုၚ်ဒေပ် စၞစစၞသုၚ်ကီု။
အရာခမဳတြုံဂမၠိုၚ် သ္ပပြဘိုဂ်ဂွံဂှ် ခမဳဗြဴ တုပ်သၟဟ်သာ်ဂှ် သ္ပရ၊ ဘာကီု ခမဳဗြဴ ညးဥတုကၠုၚ်ဂမၠိုၚ်ကီု ပွမကၠေဝ်ဗာန်ဆီကီု ယာတ်ကသအ်ဒုၚ် (ထၚ်) ဆီဥတုကီု။
ပွမပိုတ်စှေ်ကီု အခါကာလအိုတ်သီုကီု ပွမညာတ်ကေတ် မပတမ် ညးဟွံမွဲကဵုနိမိတ်ကီု ညးမၞုံအယာံမာတ်ပၞေတ်နိမိတ် ညးဆီဟွံဇွောဝ် တုပ်သၟဟ်သာ်ဂှ် ညးဆီကၠုၚ်လၟိုန်ကီု။
ညးဒးသုၚ်စောဲယာတ်ကသအ်ဒုၚ်ဆီဥတုလၟိုန် ညးဆီပဿဴဇွောဝ် ညးဖျုန်ဂၠန်ဂၠိၚ် ခမၞုဲဗြဴကီု ညးဒှ်အယောၚ်အလာညးတြုံ ညးနိမိတ်ဗျဉ်စပ် ခမဳဗြဴညးဒှ်ဥဘတောဗျဉ်ကီု။
သ္ပတမ်နူညးဟွံမွဲကဵုနိမိတ်တုဲ စဵုကဵုညးဒှ်ဥဘတောဗျဉ် အလုံအိုတ်သီုဝွံ ဂပ်ဝ်တီကေတ် ဗွဲပေယျာလရ၊ ယဲပၞီခါဒုတ်ကီု ယဲခ္ဍတ်ဗြိုအ်မာကီု ယဲစော်ဇၞော်ကီု။
ယဲခ္ဍက်ယဲမှတ်ကီု ယဲခတုက်ကၠိက်, စၚ်ကီု ပွမဒှ်ဗြဴမၞိဟ်ကီု ပွမဒှ်မၞိဟ်ဗြဴကီု ပွမဒှ်ညးဗြဴ တဝ်စၞေဟ်ကီု ညးဟွံမွဲကဵုဂတှ်ကီု ညးဟွံသေၚ်ကဵုခစသၟိၚ်ကီု ညးဂွံအခေါၚ်သ္ပကီု ပွမပေၚ် အာယုက်ၜါစှော်သၞာံကီု။
ညးဍိုက်ပေၚ်ကဵုသ္ၚာကီု မၞုံယၟုသာ်လဵုရောကီု (ပွမသၟာန်ယၟုကီု) ဥပဇ္ၛာယ်ဗြဴတၠအဲဂှ် မၞုံယၟုသာ်လဵုရော? သၟာန်အန္တရာယ်ဂမၠိုၚ်ၜါစှော်ပန်တုဲ ပွမပပယျၚ်ကီု။
ပွမရောမ်ဒညဂွဂစိုၚ်ကီု ပွမဒၠောံဗတောန်ကီု တုပ်သၟဟ်သာ်ဂှ် ပွမဒၠောံဗတောန် ပ္ဍဲလဒေါဝ်သၚ်ကီု ပွမကဵုဂိုၚ်ကေတ် ဥပဇ္ၛာယ်ကီု သကိုပ်ကီု သ္ၚာကီု သပိုၚ်ကီု။
ယာတ်ဂြောပ်သြိုဟ်ကီု သၞုက်ဍာ်ကီု ဟီုလဴတုဲ ဗလးဏာရ၊ ညးဒိုဟ်ဓီု ညးမဟဂပ်ဝ်သၟိတ် ပွမကၠုၚ်မွဲစွံ ပွမအာတ်အခေါၚ် ပွမသၟာန်ဟိုတ်ဂမၠိုၚ် မလေပ်သ္ပအန္တရာယ်ကီု။
ပွမပယျၚ်နူမွဲလပါ်ကီု ပ္ဍဲသၚ်ခမဳတြုံ တုပ်သၟဟ်သာ်ဂှ်ကီု မွဲလှေ်ပၠန် သၞိၚ် ဥတု တ္ၚဲကီု ဂကောံပိဂကူကီု အရာနိဿယ်ဗ္ဒာဲဂမၠိုၚ်ပိဂကူကီု။
ဒ္ဂေတ်ဒ္စါံသာ် မဟဂပ်ဝ်ဒ္ဂေတ်သ္ပကီု အခိၚ်ကီု ပ္ဍဲဒၞာဲဂမၠိုၚ်အိုတ်သီု ဒ္စါံဇကုဂမၠိုၚ်ကီု ခမဳဗြဴဂမၠိုၚ် ပွမဟွံသ္ပပဝါရဏာကီု တုပ်သၟဟ်သာ်ဂှ် ပွမဟွံသ္ပပဝါရဏာကဵု ဘိက္ခုသၚ်ကီု။
ပွမညာန်ညေဲကီု အခိၚ်နူဂယးကီု အခိၚ်ဒေါဝ်တ္ၚဲကီု ဥပေါသ်ကီု ပဝါရဏာကီု ပွမမၞုံကဵုပွမဒၠောံဗတောန်ကီု ဇၞော်သကိုပ်သကကီု။
အခေါၚ်ကီု ပွမစောဒနာကီု ပွမကဵုဗှ်ဗၞုဟ်ကီု သွက်ခမဳဗြဴ ကျာ်တြဲ ပါဲကၠေံရ။ သအာၚ်နူဂှ် ကျာ်တြဲ ကဵုအခေါၚ် သွက်ခမဳဂမၠိုၚ်ရ။
ယာန်ကီု ညးဂိယဲကီု ယာန် (ဗ္ဂန်လဝ်ၝောံတၟက်) ကီု ယာန်ကဆံက်ထၟုက်ကီု ဗြဴစရာဲဍုၚ် အဍ္ဎကာသိကီု ကလုတ်ခမဳ ကလုတ်သိက္ခမာန် ကလုတ်သာမဏဳတြုံ ကလုတ်သာမဏဳဗြဴ ကလုတ်ညးဒိုဟ်ဓီုကီု။
ပ္ဍဲဂြိုပ် ဥပးကီု တိုက်ဒြပ်ကီု ဘာကီု ကေၚ်ကာတၟိဟွံရုမ်ဂပ်ကီု ဂၠမ်ဂဝ်တန်ကီု ညးမွဲဓဝ်ကီု။
ပ္ဍဲဘာမွဲစၟဳမွဲဗ္ဒၚ်ကီု ပွမပဒတဴကီု အာပတ်သံဃာဒိသေသ်ကီု ပွမဖျေံသိက္ခာကီု ပွမပြံၚ်အာကီု ပွမလ္ၚောဝ်ကီု ပွမကးက္ဍိုပ်ကီု ပွမခေပ်သၞေမ်တဲသၞေမ်ဇိုၚ် ပွမစုတ်ဂဥုဲသရကီု။
ပွမဂဇအ်တက်ထွာဲကီု ညးဂိယဲကီု သ္ၚိဝစ် ခၞိက်ကြကောတ်ကီု ပွမထီုဗးနမြမောတ်ကီု သ္ၚိဇရုၚ်ပလက်ကီု ဒစးဍာ်ကီု ဟွံသေၚ်ကဵုသၞေဟ်ဍာ်ကီု သၞေဟ်ဍာ်ညးတြုံကီု။
မဟာဂေါတမဳ အာတ်အခေါၚ်ရ၊ အာနန္ဒလေဝ် ဗွဲမဂပ်ဝ် အာတ်အခေါၚ်ရ၊ ဟိုတ်နူ (ခမဳဗြဴဂမၠိုၚ်) ပထပိုဲခမဳဂှ်ရ ပ္ဍဲသာသနာကျာ်တြဲ ဒှ်အာပရိသာတ်ပန်ဂကူအိုတ်ရ။
သၟဟ်ညံၚ်ရဴလွဳကဵု ကုဂိသကဝ်ဂမၠိုၚ်ကီု တၞဟ်နပွမကဵုကတဵု ပွမသမ္ၚံက်သ္ၚာတ်စိုတ်ကီု တၞဟ်နကဵုဓရ်ညးသပ္ပုရိုဟ်ဇၞော်မောဝ်ကီု ကျာ်တြဲ တွံတဴ ရဴဝွံရ။
ရဴသာ်ဝွံ မာတုဂါမ်ဂမၠိုၚ်မွဲသအာၚ် ညးမတီကေတ် ဓရ်ညးသပ္ပုရိုဟ်လေဝ် ယြဴဌာန်မွဲ အာတုဲ ဟွံဒးစံၚ်တူအိုတ်ရ၊ အာစိုပ် နဗ္ဗာန်ဌာန်ဟွံမွဲစံၚ်တူ မဟွံမွဲကဵုပွမ စုတိဂှ်အိုတ်ရ။
✵✵✵ဘိက္ခုနိက္ခန္ဓဗွဲခမ္ဍန်တုဲရ။✵✵✵
☀︎☀︎☀︎ဘိက္ခုနိက္ခန္ဓက တုဲရ။☀︎☀︎☀︎
၁၁။ ပဥ္စသတိကက္ခန္ဓက[ပလေဝ်ဒါန် | ပလေဝ်ဒါန် တမ်ကၞက်]
၁၁.၁။ နိဒါန်သၚ်္ဂါယန[ပလေဝ်ဒါန် | ပလေဝ်ဒါန် တမ်ကၞက်]
၄၃၇။ ပ္ဍဲအခိၚ်ဂှ် တဳလပိုဉ်မဟာကဿပဂှ် ကော်လၟိၚ်တိုန် ခမဳဂမၠိုၚ်ရ— ယွံကောန်တၠတအ် ပ္ဍဲကာလမွဲတ္ၚဲ အဲ မွဲဟာန်ကေုာံခမဳသၚ်ဂမၠိုၚ်မဂၠိုၚ် ဗၞတ်မသုန်ကၠံ နူဍုၚ်ပါဝါသွိုန်ဗပိုန်တဴ တရဴအဓါန်မဂၠိၚ်သ္ၚောဲ ဍုၚ်ကုသိနာရာမ်ရ။ ယွံကောန်တၠတအ် ပ္ဍဲအခိၚ်ဂှ် အဲပါဲစှေ် နူဂၠံၚ်တုဲ ဂဇအ်ဒၟံၚ် ပ္ဍဲသၟဝ်တၞံဆုမွဲတၞံရ။
ပ္ဍဲအခိၚ်ဂှ် တဳအာဇဳဝကမွဲ ကေတ်နၚ်ပ္ကဴဒေဝတဴ မန္ဒာရဝ (ပ္ကဴကိုန်ဒိပ်) နူဍုၚ်ကုသိနာရာမ်တုဲ သွိုန်ဗပိုန်တဴ တရဴအဓါန်မဂၠိၚ်သ္ၚောဲ ဍုၚ်ပါဝါရ။ ယွံကောန်တၠတအ် အဲ သဂွံညာတ်ကေတ် တဳအာဇဳဝက အဃောမကၠုၚ်ဒၟံၚ် နူဇမ္ၚောဲဂှ်ဟေၚ်ဂှ် “ယွံကောန်တၠကျာ်တြဲနာဲသာ အာစာပိုဲတအ်ဂှ် တီဒၟံၚ်ဟာ” ရဴဝွံ သၟာန်တိုန် တဳအာဇဳဝကဂှ်ရ။ ယွံကောန်တၠ ဩ တီဒၟံၚ်ရ၊ ခမဳဂေါတမ သ္ပပရိနိဗ္ဗာန်ဂှ် တ္ၚဲဝွံပေၚ်အာထပှ်တ္ၚဲတုဲရ၊ နူဌာန် မသ္ပပရိနိဗ္ဗာန်ဂှ် အဲဍိက်ကေတ်နၚ် ပ္ကဴဒေဝတဴမန္ဒာရဝ (ပ္ကဴကိုန်ဒိပ်) ဝွံရ (တဳဂှ်) ကလေၚ်ဟီုထ္ၜးရ။
ယွံကောန်တၠတအ် ပ္ဍဲအရာမဟီုဂှ် ခမဳဂမၠိုၚ်လ္ၚဵု ရာဂဟွံစာ်စ္ဍးဏီ “ကျာ်တြဲ မၞုံကဵုပိုဉ်တြဴပြကာဂှ် ဗွဲမပြဟ်သန်ဟေၚ် ပပရိနိဗ္ဗာန်တုဲရ၊ ကျာ်တြဲမလေပ်ဟီုသ္ဂးတဴ ဂလာန်ခိုဟ်ဆာဲဂှ် ဗွဲမပြဟ်သန်ဟေၚ် ပပရိနိဗ္ဗာန်တုဲရ၊ ကျာ်တြဲ မၞုံကဵုမတ်ပညာဂှ် ဗွဲမပြဟ်သန်ဟေၚ် ကၠေံဗ္ဒန်အာ ပ္ဍဲလောကတုဲရ” ရဴဝွံ ပၚ်ယာပတိုန် သပါတဲဂမၠိုၚ်တုဲ လရိုအ်ယာံအိုတ်ရ၊ သၟဟ်ညံၚ်ရဴဒတုံစှေ် ဗပါတ်ဗၚ်ဇြဟ်ကီု လောတ်စှေ်အိုတ်ရ၊ ပၠောတ်လော ပၠူဇကုတူရူအိုတ်ရ၊ ပၠောတ်လော ပၠူအာ ပၠူကၠုၚ်အိုတ်ရ။
ခမဳဂမၠိုၚ် ရာဂ စာ်စ္ဍးအိုတ်အာတုဲဂှ်တုန် “ဓရ် ‘သၚ်္ခါရ’ ပွမဒးပြုပြေၚ်ကဵုဂမၠိုၚ် နွံသဘဴဟွံဗိုန်အိုတ်ရ၊ ပ္ဍဲ (အပ္ဍဲဓရ်သၚ်္ခါရဂမၠိုၚ်) ဝွံ သဘဴဗိုန်ဂှ် သာ်လဵုသဂွံကလိဂွံ မာန်ဂှ်ရော” ရဴဝွံ သီုမဗှ်ဗၞုဟ် သီုမဗ္စာရဏာအိုတ်ဂှ်ဒှ်တုဲ အေၚ်ဒုၚ်အာအိုတ်ရ။
ယွံကောန်တၠတအ် ပ္ဍဲအခိၚ်ဂှ် အဲ ကော်လၟိၚ်တိုန် ခမဳဂမၠိုၚ်ရ—
“ယွံကောန်တၠတအ် ဩဝ်ဒေါံထောံအိုတ်ညိ၊ လ္ပစံၚ်တူပူဆာအိုတ်ညိ၊ လ္ပလရိုအ်ယာံအိုတ်ညိ။ ‘ပွမဒးသာဲဂမျိုၚ် ပွမဒးသာဲဂမ်စိုတ် ပွမဒးသာဲခြာ ဘဝတၞဟ်ခြာ ကေုာံညးမသ္ဍိုက်ဆာန်သ္ဍိုက်မၠိုက် သၞေအ်သၞဴဂမၠိုၚ်အိုတ်သီု’ ဂှ် ပ္ဍဲကိုပ်ကၠာတေအ်ဟေၚ် တဳလမၞုံပိုဉ်ကျာ်တြဲ တွံလဝ်တုဲရ ဟွံသေၚ်ဟာ။ ယွံကောန်တၠတအ် ‘အရာဝတ္ထု မၞုံသဘဴပွမပလီုပလာ်ဂှ် ဩဝ်လပကဵုလီုလာ်ညိ’ ရဴဝွံ အတိုၚ်မၞုံပၟိက် ရာဒနာမိက် သာ်လဵုသဂွံကလိဂွံမာန်ဂှ်ရော?၊ သွက်သဂွံကလိဂွံမာန် ရဴဝွံ ဟိုတ်ဍေံဟွံမွဲရ” ရဴဝွံ (သ္ဂးရ)။
ယွံကောန်တၠတအ် ပ္ဍဲအခိၚ်ဂှ် ခမဳဇၞော် (တြကျာ်) မၞုံယၟုသုဘဒ္ဒဂှ် ဂဇအ်ဒၟံၚ် ပ္ဍဲအကြာပရိသာတ်ဂှ်ရ။ ယွံကောန်တၠတအ် ပ္ဍဲအခိၚ်ဂှ် ခမဳဇၞော်သုဘဒ္ဒဂှ် သ္ဂးကဵုခမဳဂမၠိုၚ် ဂလာန်ဝွံရ—
“ယွံကောန်တၠတအ် ဩဝ်ဒေါံထောံအိုတ်ညိ၊ လ္ပစံၚ်တူပူဆာအိုတ်ညိ၊ လ္ပလရိုအ်ယာံအိုတ်ညိ၊ ပိုဲညးဂမၠိုၚ် တိတ်ဗၠးအာ နူခမဳဇၞော်ဂှ် ဗွဲမဒးရးတုဲအိုတ်ရ၊ (ခမဳဇၞော်ဂှ်) ‘ဣဝွံဂှ် ဂပ်ဝ်ကုမၞးတအ်ရ၊ ဣဝွံဂှ် ဟွံဂပ်ဝ်ကုမၞးတအ်ရ’ ရဴဝွံ ပိုဲညးဂမၠိုၚ် ဒးဒုၚ်ချုက်ချာဲကၠုၚ်ရ၊ ပ္ဍဲကာလလၟုဟ်ဝွံတိုန် ပိုဲညးဂမၠိုၚ် အရာနွံပၟိက်သ္ပဂှ် ကြက်သပအိုတ်ရ၊ အရာဟွံမွဲပၟိက်သ္ပဂှ် ကြက်ဟွံသပအိုတ်ရ” ရဴဝွံ (သ္ဂးရ)။
ယွံကောန်တၠတအ် ပိုဲညးဂမၠိုၚ် ကိုပ်ကၠာဓရ်အသပ္ပုရိုဟ် ဟွံဂဵုလဟဵုဏီ၊ ကိုပ်ကၠာဓရ်သပ္ပရိုဟ် ဟွံကၠေံဗ္ဒန်ဏီ၊ ကိုပ်ကၠာဓရ်ဟွံသေၚ်ကဵုဝိနယ် ဟွံဂဵုလဟဵုဏီ၊ ကိုပ်ကၠာဓရ်ဝိနယ် ဟွံကၠေံဗ္ဒန်ဏီ၊ ကိုပ်ကၠာပူဂိုလ်အဓမ္မဝါဒဳဂမၠိုၚ် ဟွံမွဲကဵုဒြဟတ်ဏီ၊ ကိုပ်ကၠာပူဂိုလ်ဓမ္မဝါဒဳဂမၠိုၚ် ဟွံဍိုန်ကဵုဇြဟတ်ဏီ၊ ကိုပ်ကၠာပူဂိုလ်အဝိနယဝါဒဳဂမၠိုၚ် ဟွံမွဲကဵုဒြဟတ်ဏီ၊ ကိုပ်ကၠာပူဂိုလ် ဝိနယဝါဒဳဂမၠိုၚ် ဟွံဍိုန်ကဵုဇြဟတ်ဏီ၊ ပတိုန်သၚ်္ဂါယန ဓမ္မ ကေုာံ ဝိနယအိုတ်စိုအ် (ပကောံဖ္ဍောတ်အိုတ်စိုအ်) ရဴဝွံ ဟီုသ္ဂးရ။
ယွံတဳလပိုဉ် ဒှ်သာ်ဂှ်မ္ဂး ထေရ်မဟာကဿပ ဩဝ်ရုဲစှ် ခမဳဂမၠိုၚ်ညိ ရဴဝွံ ဂရၚ်ပတီအိုတ်ရ။
ပ္ဍဲအခိၚ်ဂှ် တဳလပိုဉ်မဟာကဿပ ရုဲစှ်တၠအရှန်ဂမၠိုၚ် မသုန်ကၠံယုတ်မွဲရ။ ခမဳဂမၠိုၚ်ဂရၚ်ပတီ ကုတဳလပိုဉ်မဟာကဿပ ရဴဝွံအိုတ်ရ။ “ယွံတဳလပိုဉ် တဳလပိုဉ်အာနန္ဒဝွံ ၜိုန်ဒှ်အယာံမာတ်သေက္ခ မဟွံထေက်ကဵုတၞဟ်နဗက် ဆန္ဒာဂတိ ဒေါသာဂတိ မောဟဂတိ ဘယာဂတိလေဝ် ဂိုၚ်ကတ်ကေတ်လဝ် ဓမ္မကေုာံဝိနယ ပ္ဍဲဇရေၚ်တဳလမၞုံပိုဉ်ကျာ်တြဲ ဗွဲမဂၠိုၚ်ရ၊ ယွံတဳလပိုဉ် ဟိုတ်ဒှ်ဟေၚ် ထေရ်မဟာကဿပဂှ် တဳလပိုဉ်အာနန္ဒလေဝ် ဩဝ်ရုဲစှ်ညိ” ရဴဝွံ ဂရၚ်ပတီအိုတ်ရ။ ပ္ဍဲအခိၚ်ဂှ် တဳလပိုဉ်မဟာကဿပဂှ် တဳလပိုဉ်အနန္ဒလေဝ် ရုဲစှ်ရ။
ပ္ဍဲအခိၚ်ဂှ် “ပိုဲညးဂမၠိုၚ် မုရဴပ္ဍဲဌာန်မွဲ ဂွံပတိုန်သၚ်္ဂါယန ဓမ္မကေုာံဝိနယအိုတ်ရော?” ရဴဝွံ ကသပ်ဒှ် ကုထေရ်ဇၞော်ဂမၠိုၚ်ရ။
ပ္ဍဲအခိၚ်ဂှ် “ဍုၚ်ရာဇဂြိုဟ်ဂှ် မၞုံကဵုကွာန်ဂ္ၚေၚ်ပိဏ္ဍပါတ်ဂၠိုၚ်ရ၊ ဘာဂၠိုၚ်ရ၊ ပိုဲညးဂမၠိုၚ်ပြာပ်လုပ်ဒဂိုန် ပ္ဍဲဍုၚ်ရာဇဂြိုဟ်အိုတ်တုဲ ဂွံပတိုန်သၚ်္ဂါယန ဓမ္မကေုာံဝိနယမ္ဂး ခိုဟ်ရ၊ ခမဳသအာၚ်ဂမၠိုၚ်လေဝ် ဟဂွံပြာပ်လုပ်ဒဂိုန် ပ္ဍဲဍုၚ်ရာဇဂြိုဟ်အိုတ်မ္ဂး ခိုဟ်ရ” ရဴဝွံ ကသပ်ဒှ် ကုထေရ်ဇၞော်ဂမၠိုၚ်ရ။ ပ္ဍဲအခိၚ်ဂှ် တဳလပိုဉ်မဟာကဿပ ကဵုသၚ်တီရ—
၄၃၈။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်သၟိတ်ပတိုန် ခမဳဂမၠိုၚ်မသုန်ကၠံဝွံ ရဴဝွံမ္ဂး ‘ပြာပ်လုပ်ဒဂိုန် ပ္ဍဲဍုၚ်ရာဇဂြိုဟ်ဂမၠိုၚ်ဒှ်တုဲ တၞဟ်နပတိုန်သၚ်္ဂါယန ဓမ္မကေုာံ ဝိနယ ခမဳသအာၚ်ဂမၠိုၚ် ဟဂပ်ဝ်ပြာပ်လုပ်ဒဂိုန် ပ္ဍဲဍုၚ်ရာဇဂြိုဟ်’ ရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ်သၟိတ်ပတိုန် ခမဳဂမၠိုၚ် မသုန်ကၠံဝွံ ရဴဝွံမ္ဂး ‘ပြာပ်လုပ်ဒဂိုန် ပ္ဍဲဍုၚ်ရာဇဂြိုဟ်ဂမၠိုၚ်ဒှ်တုဲ တၞဟ်နပတိုန်သၚ်္ဂါယန ဓမ္မကေုာံဝိနယ ခမဳသအာၚ်ဂမၠိုၚ် ဟဂပ်ဝ်ပြာပ်လုပ်ဒဂိုန် ပ္ဍဲဍုၚ်ရာဇဂြိုဟ်’ ရ၊ ယြဴတဳလပိုဉ်မွဲ မၞုံကဵုပွမသ္ဍိုက်မၠိုက် ပွမသၟိတ်ပတိုန် ကုခမဳဂမၠိုၚ်မသုန်ကၠံဝွံ ရဴဝွံမ္ဂး ‘ပြာပ်လုပ်ဒဂိုန် ပ္ဍဲဍုၚ်ရာဇဂြိုဟ်ဂမၠိုၚ်ဒှ်တုဲ တၞဟ်နပတိုန်သၚ်္ဂါယန ဓမ္မကေုာဴဝိနယ ခမဳသအာၚ်ဂမၠိုၚ် ဟဂပ်ဝ်ပြာပ်လုပ်ဒဂိုန် ပ္ဍဲဍုၚ်ရာဇဂြိုဟ်’ ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်သၟိတ်ပတိုန် ခမဳဂမၠိုၚ်မသုန်ကၠံဝွံ ရဴဝွံမ္ဂး ‘ပြာပ်လုပ်ဒဂိုန် ပ္ဍဲဍုၚ်ရာဇဂြိုဟ်ဂမၠိုၚ်ဒှ်တုဲ တၞဟ်နပတိုန်သၚ်္ဂါယန ဓမ္မကေုာံဝိနယ ခမဳသအာၚ်ဂမၠိုၚ် ဟဂပ်ဝ်ပြာပ်လုပ်ဒဂိုန် ပ္ဍဲဍုၚ်ရာဇဂြိုဟ်’ တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
ကြဴနူဂှ် ခမဳထေရ်ဇၞော်ဂမၠိုၚ် တၞဟ်နပတိုန်သၚ်္ဂါယန ဓမ္မကေုာံဝိနယ က္ညအာဍုၚ်ရာဇဂြိုဟ်အိုတ်ရ၊ ကြဴနူဂှ် ကသပ်ရဴဝွံ ဒှ်ကုခမဳထေရ်ဇၞော်ဂမၠိုၚ်ရ။
“ယွံကောန်တၠတအ် တဳလမၞုံပိုဉ်ကျာ်တြဲဂှ် ထိုၚ်သးပွမပဠေတ်ပဠေတ် ကဝ်သကုတ်ထောၚ်ပြိုဟ်ရ၊ ယွံကောန်တၠတအ် လၟုဟ် ပ္ဍဲညးဂမၠိုၚ် လုကဴဂိတုပဌမ ပဠေတ်ပဠေတ်ကဝ်သကုတ် ထောၚ်ပြိုဟ်အိုတ်ရ၊ လုကဴဂိတုမဇ္ၛိမလဒေါဝ် ကောံဓရီုတုဲ ပတိုန်သၚ်္ဂါယန ဓမ္မကေုာံဝိနယအိုတ်ရ” ရဴဝွံ (ကသပ်ဒှ်ရ)။
ကြဴနူဂှ် ခမဳထေရ်ဇၞော်ဂမၠိုၚ် လုကဴဂိတုပဌမ ပဠေတ်ပဠေတ် ကဝ်သကုတ်ထောၚ်ပြိုဟ်အိုတ်ရ။ ပ္ဍဲအခိၚ်ဂှ် တဳလပိုဉ်အာနန္ဒ “တ္ၚဲယးကောံဓရီုရ၊ အဲသီုကဵုဒှ်တဴသေက္ခ ပွမက္ညအာ ကောံဓရီုဂှ် ဟွံဗဗွဲရ” ရဴဝွံ လုကဴဗတမ် ဗွဲမဂၠိုၚ်ဟေၚ် ကဵုကလိလောန် နကာယဂတာသတိတုဲ ပ္ဍဲအခိၚ်ဖလာၚ်ဂးဗတမ်ဂှ် “ကြက်သတၚ်ရ” ရဴဝွံ ဒလာဲဖျေံဇကုရ။ က္ဍိုပ်သကိုပ်ဟွံစိုပ်ဂၞဳ၊ ဇိုၚ်ဂမၠိုၚ် ဃောဗၠးတိတ်နူတိ၊ ပ္ဍဲအကြာဝွံ စိုတ် သီုဟွံစောဲလာံဂှ် တိတ်ဗၠးအာနူဓရ်အာသဝဂမၠိုၚ်ရ။
၄၃၉။ ကြဴနူဂှ် တဳလပိုဉ်အာနန္ဒ ဒှ်တၠအရှန်တုဲ က္ညအာကောံဓရီုရ။ ပ္ဍဲအခိၚ်ဂှ် တဳလပိုဉ်မဟာကဿပ ကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိက်မဗဗွဲ ကုသၚ် ယဝ်ဒှ်မ္ဂး၊ အဲဍိက် သၟာန်ဝိနယ် ကုဥပါလိရ” ရဴဝွံ (ကဵုတီရ)။
တဳလပိုဉ်ဥပါလိလေဝ် ကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲကုသၚ် ယဝ်ဒှ်မ္ဂး၊ တဳလပိုဉ်မဟာကဿပ သၟာန်ဝိနယ်မ္ဂး အဲဍိက် သှ်ကဵုရ” ရဴဝွံ (ကဵုတီရ)။
ကြဴနူဂှ် တဳလပိုဉ်မဟာကဿပဂှ် “ယွံကောန်တၠဥပါလိ ပဌမပါရာဇိကဂှ် မုရဴပ္ဍဲဌာန်မွဲ ပညပ်လဝ်ရော?” ရဴဝွံ သၟာန်တဳလပိုဉ်ဥပါလိရ။
ယွံတဳပိုဉ် ပညပ်လဝ် ပ္ဍဲဍုၚ်ဝေသာလဳရ ရဴဝွံ ဂရၚ်ပတီရ။
သ္ပဟိုတ်ကဵု မုရဴပူဂိုလ်မွဲတုဲ ပညပ်လဝ်ရော? ရဴဝွံ (သၟာန်ရ)။
သ္ပဟိုတ်ကဵု သုဒိန်ကောန်သေဌဳကလန္ဒတုဲ ပညပ်လဝ်ရ ရဴဝွံ (ဂရၚ်ပတီရ)။
မူရဴဟိုတ်နူဟိုတ်မွဲ ပညပ်လဝ်ရော? ရဴဝွံ (သၟာန်ရ)။
ဟိုတ်နူကလိလောန်ဒ္ဂေတ်မေထုန်ဂှ် ပညပ်လဝ်ရ ရဴဝွံ (ဂရၚ်ပတီရ)။
ပ္ဍဲအခိၚ်ဂှ် တဳလပိုဉ်မဟာကဿပ ဝတ္ထုဟိုတ်ပဌမပါရာဇိကလေဝ် သၟာန်တဳလပိုဉ်ဥပါလိရ၊ နိဒါန်လေဝ် သၟာန်ရ၊ ပူဂိုလ်လေဝ် သၟာန်ရ၊ ပညပ်လေဝ်သၟာန်ရ၊ အနုပညပ်လေဝ်သၟာန်ရ၊ ပွမဒးအာပတ်လေဝ် သၟာန်ရ၊ ပွမဟွံဒးအာပတ်လေဝ် သၟာန်ရ။
ယွံကောန်တၠဥပါလိ ဒုတိယပါရာဇိကဂှ် မုရဴပ္ဍဲဌာန်မွဲ ပညပ်လဝ်ရော? ရဴဝွံ (သၟာန်ရ)။
ယွံတဳလပိုဉ် ပညပ်လဝ် ပ္ဍဲဍုၚ်ရာဇဂြိုဟ်ရ ရဴဝွံ ဂရၚ်ပတီရ။
သ္ပဟိုတ်ကဵု မုရဴပူဂိုလ်မွဲတုဲ ပညပ်လဝ်ရော? ရဴဝွံ (သၟာန်ရ)။
သ္ပဟိုတ်ကဵု ထေရ်ဓနိယတုဲ ပညပ်လဝ်ရ ရဴဝွ (ဂရၚ်ပတီရ)။
မုရဴဟိုတ်နူဟိုတ်မွဲ ပညပ်လဝ်ရော? ရဴဝွံ (သၟာန်ရ)။
ဟိုတ်ပွမဂိုၚ်ကၠတ်ကေတ် ဒြပ်တၠညးဟွံကဵုဂှ် ပညပ်လဝ်ရ ရဴဝွံ (ဂရၚ်ပတီရ)။
ပ္ဍဲအခိၚ်ဂှ် တဳလပိုဉ်မဟာကဿပ ဝတ္ထုဟိုတ်ဒုတိယပါရာဇိကလေဝ် သၟာန်တဳလပိုဉ် ဥပါလိရ၊ နိဒါန်လေဝ် သၟာန်ရ၊ ပူဂိုလ်လေဝ် သၟာန်ရ၊ ပညပ်လေဝ် သၟာန်ရ၊ အနုပညပ်လေဝ် သၟာန်ရ၊ ပွမဒးအာပတ်လေဝ် သၟာန်ရ၊ ပွမဟွံဒးအာပတ်လေဝ် သၟာန်ရ။
ယွံကောန်တၠဥပါလိ တတိယပါရာဇိကဂှ် မုရဴပ္ဍဲဌာန်မွဲ ကညပ်လဝ်ရော? ရဴဝွံ (သၟာန်ရ)။
ယွံတဳလပိုဉ် ပညပ်လဝ် ပ္ဍဲဍုၚ်ဝေသာလဳရ ရဴဝွံ ဂရၚ်ပတီရ။
သ္ပဟိုတ်ကဵု မုရဴပူဂိုလ်မွဲတုဲ ပညပ်လဝ်ရော? ရဴဝွံ (သၟာန်ရ)။
သ္ပဟိုတ်ကဵု ခမဳဂမၠိုၚ်မဂၠိုၚ်တုဲ ပညပ်လဝ်ရ ရဴဝွံ (ဂရၚ်ပတီရ)။ မုရဴဟိုတ်နူဟိုတ်မွဲ ပညပ်လဝ်ရော? ရဴဝွံ (သၟာန်ရ)။
ဟိုတ်နူဟိုတ်မတွံဂး ပွမဂစိုတ်ဇကုညးမဒှ်ဇာတ်မၞိဟ်ဂှ် ပညပ်လဝ်ရ ရဴဝွံ (ဂရၚ်ပတီရ)။
ပ္ဍဲအခိၚ်ဂှ် တဳလပိုဉ်မဟာကဿပ ဝတ္ထုဟိုတ်တတိယပါရာဇိကလေဝ် သၟာန်တဳလပိုဉ်ဥပါလိရ၊ နိဒါန်လေဝ် သၟာန်ရ၊ ပူဂိုလ်လေဝ် သၟာန်ရ၊ ပညပ်လေဝ် သၟာန်ရ၊ အနုပညပ်လေဝ် သၟာန်ရ၊ ပွမဒးအာပတ်လေဝ် သၟာန်ရ၊ ပွမဟွံဒးအာပတ်လေဝ် သၟာန်ရ။
ယွံကောန်တၠဥပါလိ စတုတ္ထပါရာဇိကဂှ် မုရဴပ္ဍဲဌာန်မွဲ ပညပ်လဝ်ရော? ရဴဝွံ (သၟာန်ရ)။
ယွံတဳလပိုဉ် ပညပ်လဝ် ပ္ဍဲဍုၚ်ဝေသာလဳရ ရဴဝွံ ဂရၚ်ပတီရ။
သ္ပဟိုတ်ကဵု မုရဴပူဂိုလ်မွဲတုဲ ပညပ်လဝ်ရော? ရဴဝွံ (သၟာန်ရ)။
သ္ပဟိုတ်ကဵု ခမဳဂမၠိုၚ် မပဒတဴ ပ္ဍဲသြၚ်ကြုၚ်ဝဂ္ဂုမုဒါတုဲ ပညပ်လဝ်ရ ရဴဝွံ (ဂရၚ်ပတီရ)။
မုရဴဟိုတ်နူဟိုတ်မွဲ ပညပ်လဝ်ရော? ရဴဝွံ (သၟာန်ရ)။
ဟိုတ်နူဟိုတ်ပွမဟီုကြီုစကလိဂွံၛာန်မဂ်ဖိုလ်ဂှ် ပညပ်လဝ်ရ ရဴဝွံ (ဂရၚ်ပတီရ)။
ပ္ဍဲအခိၚ်ဂှ် တဳလပိုဉ်မဟာကဿပ ဝတ္ထုဟိုတ်စတုတ္ထပါရာဇိကလေဝ် သၟာန်တဳလပိုဉ်ဥပါလိရ၊ နိဒါန်လေဝ် သၟာန်ရ၊ ပူဂိုလ်လေဝ် သၟာန်ရ၊ ပညပ်လေဝ် သၟာန်ရ၊ အနုပညပ်လေဝ် သၟာန်ရ၊ ပွမဒးအာပတ်လေဝ် သၟာန်ရ၊ ပွမဟွံဒးအာပတ်လေဝ် သၟာန်ရ။
နနယ်ဝွံဟေၚ် သၟာန်ဥဘတော ဝိဘၚ်ဂမၠိုၚ်ၜါရ၊ ဇၟာပ်မသၟာန် ဇၟာပ်မသၟာန် တဳလပိုဉ်ဥပါလိ သှ်ကဵုရ။
၄၄၀။ ပ္ဍဲအခိၚ်ဂှ် တဳလပိုဉ်မဟာကဿပ ကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ် မဗဗွဲ ကုသၚ်ယဝ်ဒှ်မ္ဂး၊ အဲဍိက် သၟာန်ဓမ္မ ကုအာနန္ဒရ” ရဴဝွံ (ကဵုတီရ)။
တဳလပိုဉ်အာနန္ဒလေဝ် ကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ တဳလပိုဉ်မဟာကဿပ သၟာန်ဓမ္မမ္ဂး အဲဍိက် သှ်ကဵုရ” ရဴဝွံ (ကဵုတီရ)။
ကြဴနူဂှ် တဳလပိုဉ်မဟာကဿပဂှ် “ယွံကောန်တၠအာနန္ဒ သုတ်ဗြဟ္မဇာလဂှ် မုရဴပ္ဍဲဌာန်မွဲ တွံလဝ်ရော?” ရဴဝွံ သၟာန်တဳပိုဉ်အာနန္ဒရ။
ယွံတဳလပိုဉ် တွံလဝ် ပ္ဍဲဇြပ်ပွေၚ်သၟိၚ် ဇရေၚ်ဥဒျာန်ကြုက်အမ္ဗလဋ္ဌိက အကြာဍုၚ်ရာဇဂြိုဟ် ကဵုဍုၚ်နာဠန္ဒရ ရဴဝွံ (ဂရၚ်ပတီရ)။
သ္ပဟိုတ်ကဵု မုရဴပူဂိုလ်မွဲတုဲ တွံလဝ်ရော? ရဴဝွံ (သၟာန်ရ)။
သ္ပဟိုတ်ကဵု ပြဘာဇ်သုပ္ပိယကီု မၚ်ဗၠာဲဗြဟ္မဒတ်ကီုတုဲ တွံလဝ်ရ ရဴဝွံ (ဂရၚ်ပတီရ)။
ပ္ဍဲအခိၚ်ဂှ် တဳလပိုဉ်မဟာကဿပ နိဒါန်သုတ်ဗြဟ္မဇာလလေဝ် သၟာန်တဳလပိုဉ်အာနန္ဒရ၊ ပူဂိုလ်လေဝ် သၟာန်ရ။
ယွံကောန်တၠအာနန္ဒ သုတ်သာမညဖလဂှ် မုရဴပ္ဍဲဌာန်မွဲ တွံလဝ်ရော? ရဴဝွံ (သၟာန်ရ)။
ယွံတဳလပိုဉ် တွံလဝ် ပ္ဍဲဥဒျာန်ကြုက်သဝ်ဇဳဝက ဇရေၚ်ဍုၚ်ရာဇဂြိုဟ်ရ ရဴဝွံ (ဂရၚ်ပတီရ)။
တွံလဝ် ကေုာံပူဂိုလ်လဵုရော? ရဴဝွံ (သၟာန်ရ)။
တွံလဝ် ကေုာံအဇာတသတြု ကောန်ဝေဒေဟဳရ ရဴဝွံ (ဂရၚ်ပတီရ)။
ပ္ဍဲအခိၚ်ဂှ် တဳလပိုဉ်မဟာကဿပ နိဒါန်သုတ်သာမညဖလလေဝ် သၟာန်တဳလပိုဉ်အာနန္ဒရ၊ ပူဂိုလ်လေဝ် သၟာန်ရ။ နနယ်ဝွံဟေၚ် သၟာန်နိကယာယ်ဂမၠိုၚ်မသုန်ရ၊ ဇၟာပ်မသၟာန် ဇၟာပ်မသၟာန် တဳလပိုဉ်အာနန္ဒ သှ်ကဵုရ။
၁၁.၂။ ခုဒ္ဒါနုခုဒ္ဒကသိက္ခာပဒကထာ[ပလေဝ်ဒါန် | ပလေဝ်ဒါန် တမ်ကၞက်]
၄၄၁။ ကြဴနူဂှ် တဳလပိုဉ်အာနန္ဒဂှ် “ယွံတဳလပိုဉ်တအ် တဳလမၞုံပိုဉ်ကျာ်တြဲ ပ္ဍဲအခိၚ်ဆိုက်ညောန်ကဵုပပရိနိဗ္ဗာန်ဂှ် ယွံအာနန္ဒ အခိၚ်အဲကျာ်မကလိလောန်အာဂှ် သၚ်မိက်နုက်ကၠေံ ခုဒ္ဒါနုခုဒ္ဒကသိက္ခာပိုဒ်ဂမၠိုၚ်မ္ဂး နုက်ကၠေံညိ” ရဴဝွံ ဟီုမြော်လဝ်ကဵုအဲဍိက် ရဴဝွံ ဂရၚ်ပတီ ကုခမဳထေရ်ဇၞော်ဂမၠိုၚ်ရ။
ယွံကောန်တၠအာနန္ဒ တၠအဲဂှ် “ယွံတဳလမၞုံပိုဉ် ခုဒ္ဒါနုခုဒ္ဒကသိက္ခာပိုဒ်ဂမၠိုၚ်တုန် ညးဍေံအိုတ်ရော” ရဴဝွံ ဂရၚ်ပတီသၟာန်လဝ် တဳလမၞုံပိုဉ်ကျာ်တြဲဟာ ရဴဝွံ (သၟာန်အိုတ်ရ)။
ယွံကောန်တၠအာနန္ဒ တၠအဲဂှ် “ယွံတဳလမၞုံပိုဉ် ခုဒ္ဒါနုခုဒ္ဒကသိက္ခာပိုဒ်ဂမၠိုၚ်တုန် ညးဍေံအိုတ်ရော” ရဴဝွံ ဟွံဂရၚ်ပတီသၟာန်ဒး တဳလမၞုံပိုဉ်ကျာ်တြဲရ ရဴဝွံ (ဂရၚ်ပတီရ)။
မှာထေရ်ဂမၠိုၚ်လ္ၚဵုဂှ် “ပါဲကၠေံ ပါရာဇ်ဂမၠိုၚ်ပန်ဂကူတုဲ သိက္ခာပိုဉ်သှေ်သၟေဟ်ဂမၠိုၚ်ဂှ် ခုဒ္ဒါနုခုဒ္ဒကသိက္ခာပိုဒ်ဂမၠိုၚ်ရ” ရဴဝွံ (သ္ဂးအိုတ်ရ)။
မှထေရ်ဂမၠိုၚ်လ္ၚဵုဂှ် “ပါဲကၠေံ ပါရာဇ်ဂမၠိုၚ်ပန်ဂကူတုဲကီု ပါဲကၠေံ သံဃာဒိသေသ်ဂမၠိုၚ် စှ်ပိဂကူတုဲကီု သိက္ခာပိုဒ်သှေ်သၟေဟ်ဂမၠိုၚ်ဂှ် ခုဒ္ဒါနုခုဒ္ဒကသိက္ခာပိုဒ်ဂမၠိုၚ်ရ” ရဴဝွံ (သ္ဂးအိုတ်ရ)။
မှာထေရ်ဂမၠိုၚ်လ္ၚဵုဂှ် “ပါဲကၠေံ ပါရာဇ်ဂမၠိုၚ်ပန်ဂကူတုဲကီု ပါဲကၠေံ သံဃာဒိသေသ်ဂမၠိုၚ် စှ်ပိဂကူတုဲကီု ပါဲကၠေံ အနိယတဂမၠိုၚ်ၜါဂကူတုဲကီု သိက္ခာပိုဒ်သှေ်သၟေဟ်ဂမၠိုၚ်ဂှ် ခုဒ္ဒါနုခုဒ္ဒကသိက္ခာပိုဒ်ဂမၠိုၚ်ရ” ရဴဝွံ (သ္ဂးအိုတ်ရ)။
မှာထေရ်ဂမၠိုၚ်လ္ၚဵုဂှ် “ပါဲကၠေံ ပါရာဇ်ဂမၠိုၚ်ပန်ဂကူတုဲကီု ပါဲကၠေံ သံဃာဒိသေသ်ဂမၠိုၚ် စှ်ပိကူတုဲကီု ပါဲကၠေံ အနိယတဂမၠိုၚ်ၜါဂကူတုဲကီု ပါဲကၠေံ နိဿဂ္ဂိပါဲစိုတ်ဂမၠိုၚ်ပိစှော်ဂကူတုဲကီု သိက္ခာပိုဒ်သှေ်သၟေဟ်ဂမၠိုၚ်ဂှ် ခုဒ္ဒနုခုဒ္ဒကသိက္ခာပိုဒ်ဂမၠိုၚ်ရ” ရဴဝွံ (သ္ဂးအိုတ်ရ)။
မှာထေရ်ဂမၠိုၚ်လ္ၚဵုဂှ် “ပါဲကၠေံ ပါရာဇ်ဂမၠိုၚ်ပန်ဂကူတုဲကီု ပါဲကၠေံ သံဃာဒိသေသ်ဂမၠိုၚ်စှ်ပိဂကူတုဲကီု ပါဲကၠေံ အနိယတဂမၠိုၚ်ၜါဂကူတုဲကီု ပါဲကၠေံ နိဿဂ္ဂိပါဲစိုတ်ဂမၠိုၚ်ပိစှော်ဂကူတုဲကီု ပါဲကၠေံ သုဒ္ဓပါဲစိုတ်ဂမၠိုၚ်ဒ္စိတ်စှော်ၜါဂကူဂမၠိုၚ်တုဲကီု သိက္ခာပိုဒ်သှေ်သၟေဟ်ဂမၠိုၚ်ဂှ် ခုဒ္ဒါနုခုဒ္ဒကသိက္ခာပိုဒ်ဂမၠိုၚ်ရ” ရဴဝွံ (သ္ဂးအိုတ်ရ)။
မှာထေရ်ဂမၠိုၚ်လ္ၚဵုဂှ် “ပါဲကၠေံ ပါရာဇ်ဂမၠိုၚ်ပန်ဂကူတုဲကီု ပါဲကၠေံ သံဃာဒိသေသ်ဂမၠိုၚ်စှ်ပိဂကူတုဲကီု ပါဲကၠေံ အနိယတဂမၠိုၚ်ၜါဂကူတုဲကီု ပါဲကၠေံ နဿဂ္ဂိပါဲစိုတ်ဂမၠိုၚ်ပိစှော်ဂကူတုဲကီု ပါဲကၠေံ သုဒ္ဓပါဲစိုတ်ဂမၠိုၚ်ဒ္စိတ်စှော်ၜါဂကူဂမၠိုၚ်တုဲကီု ပါဲကၠေံ ပါဋိဒေသနိက်ဂမၠိုၚ်ပန်ဂကူတုဲကီု သိက္ခာပိုဒ်သှေ်သၟေဟ်ဂမၠိုၚ်ဂှ် ခုဒ္ဒါနုခုဒ္ဒကသိက္ခာပိုဒ်ဂမၠိုၚ်ရ” ရဴဝွံ (သ္ဂးအိုတ်ရ)။
၃၃၂။ ပ္ဍဲအခိၚ်ဂှ် တဳလပိုဉ်မဟာကဿပ ကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သိက္ခာပိုဒ်မစပ်ကေုာံမၞိဟ်ဂမၠိုၚ်လေဝ် နွံကုပိုဲညးဂမၠိုၚ်အိုတ်ရ၊ ‘ဣဝွံဂှ် ဂပ်ဝ်ကုခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ်ဂမၠိုၚ်ရ၊ ဣဝွံဂှ် ဟွံဂပ်ဝ်ရ’ ရဴဝွံ မၞိဟ်ဂမၠိုၚ်လေဝ် တီအိုတ်ရ။ ပိုဲညးဂမၠိုၚ် ယဝ်နုက်ထောံ ခုဒ္ဒါနုခုဒ္ဒကသိက္ခာပိုဒ်ဂမၠိုၚ်အိုတ်မ္ဂး၊ ‘ခမဳဂေါတမဂှ် ပညပ်လဝ် သိက္ခာပိုဒ်ကုကွးဂမၠိုၚ် စဵုကဵုဗၞတ်အထိုက်အတန်ယေက်ပၟတ်ပၠိုတ်ညိၚ်ဟေၚ်ရ၊ ဗၞတ်အခိၚ်ကျာ်အ္စာ ခမဳဂမၠိုၚ်ဝွံ တန်တဴဂှ် ခမဳဂမၠိုၚ်ဝွံ ဒ္ဂေတ်ပ္ဍဲသိက္ခာပိုဒ်ဂမၠိုၚ်အိုတ်ရ၊ ဟိုတ်နူကျာ်အ္စာ ခမဳဂမၠိုၚ်ဝွံ ပပရိနိဗ္ဗာန်ဂှ် လၟုဟ် ခမဳဂမၠိုၚ်ဝွံ ဟွံဒ္ဂေတ်ပ္ဍဲသိက္ခာပိုဒ်ဂမၠိုၚ်အိုတ်ရ’ ရဴဝွံ ညးဟီုသ္ဂးဂမၠိုၚ် ကြက်နွံအိုတ်ရ၊ ကမ်မၞုံကဵု အခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် ဟွံပညပ် မဟဂွံပညပ်လဝ်ဏီရ၊ ဟွံသကုတ်ကၠေံ ပညပ်လဝ်တုဲဂှ်ရ၊ အတိုၚ်ပညပ်လဝ်တုဲဂှ် ဒဂိုန်ဂိုၚ်ကေတ် ပ္ဍဲသိက္ခာပိုဒ်ဂမၠိုၚ်တုဲ ဒ္ဂေတ်အာရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သိက္ခာပိုဒ်မစပ်ကေုာံ မၞိဟ်ဂမၠိုၚ်လေဝ် နွံကုပိုဲညးဂမၠိုၚ်အိုတ်ရ၊ ‘ဣဝွံဂှ် ဂပ်ဝ်ကုခမဳဂမၠိုၚ်မတၞောဝ်ကျာ်ကောန်သၟိၚ်သကျဝၚ်ဂမၠိုၚ်ရ၊ ဣဝွံဂှ် ဟွံဂပ်ဝ်ရ’ ရဴဝွံ မၞိဟ်ဂမၠိုၚ်လေဝ် တီအိုတ်ရ။ ပိုဲညးဂမၠိုၚ် ယဝ်နုက်ထောံ ခုဒ္ဒါနုခုဒ္ဒကသိက္ခာပိုဒ်ဂမၠိုၚ်အိုတ်မ္ဂး ‘ခမဳဂေါတမဂှ် ပညပ်လဝ် သိက္ခာပိုဒ် ကုကွးဂမၠိုၚ် စဵုကဵုဗၞတ်အထိုက်အတန်ယေက်ပၟတ်ပၠိုတ်ညိၚ်ဟေၚ်ရ၊ ဗၞတ်အခိၚ်ကျာ်အ္စာခမဳဂမၠိုၚ်ဝွံ တန်တဴဂှ် ခမဳဂမၠိုၚ်ဝွံ ဒ္ဂေတ်ပ္ဍဲသိက္ခာပိုဒ်ဂမၠိုၚ်အိုတ်ရ၊ ဟိုတ်နူကျာ်အ္စာ ခမဳဂမၠိုၚ်ဝွံ ပပရိနိဗ္ဗာန်ဂှ် လၟုဟ် ခမဳဂမၠိုၚ်ဝွံ ဟွံဒ္ဂေတ်ပ္ဍဲသိက္ခာပိုဒ်ဂမၠိုၚ်အိုတ်ရ’ ရဴဝွံ ညးဟီုသ္ဂးဂမၠိုၚ် ကြက်နွံအိုတ်ရ၊ သၚ် ဟွံပညပ် မဟဂွံပညပ်လဝ်ဏီရ၊ ဟွံသကုတ်ကၠေံ ပညပ်လဝ်တုဲဂှ်ရ၊ အတိုၚ်ပညပ်လဝ်တုဲဂှ် ဒဂိုန်ဂိုၚ်ကေတ် ပ္ဍဲသိက္ခာပိုဒ်ဂမၠိုၚ်တုဲ ဒ္ဂေတ်အာရ။
ယြဴကုတဳလပိုဉ်မွဲ မၞုံကဵုပွမသ္ဍိုက်မၠိုက် ပွမဟွံပညပ် မဟဂွံပညပ်လဝ်ဏီ ပွမဟွံသကုတ်ကၠေံ ပညပ်လဝ်တုဲဂှ် အတိုၚ်ပညပ်လဝ်တုဲဂှ် ဒဂိုန်ဂိုၚ်ကေတ် ပ္ဍဲသိက္ခာပိုဒ်ဂမၠိုၚ်တုဲ ပွမဒ္ဂေတ်အာရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဟွံပညပ် မဟဂွံပညပ်လဝ်ဏီရ၊ ဟွံသကုတ်ကၠေံ ပညပ်လဝ်တုဲဂှ်ရ၊ အတိုၚ်ပညပ်လဝ်တုဲဂှ် ဒဂိုန်ဂိုၚ်ကေတ် ပ္ဍဲသိက္ခာါပိုဒ်ဂမၠိုၚ်တုဲ ဒ္ဂေတ်အာရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ်ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
၄၄၃။ ပ္ဍဲအခိၚ်ဂှ် ခမဳထေရ်ဇၞော်ဂမၠိုၚ်—
“ယွံကောန်တၠအာနန္ဒ တၠအဲဂှ် ‘ယွံတဳလမၞုံပိုဉ် ခုဒ္ဒါနုခုဒ္ဒကသိက္ခာပိုဒ်ဂမၠိုၚ် မုရဴသိက္ခာပိုဒ်ဂမၠိုၚ်လဵုရော?’ ရဴဝွံ ဟွံဂရၚ်ပတီသၟာန်ထောံ တဳလမၞုံပိုဉ်ကျာ်တြဲရ၊ ဣဝွံဂှ် ပွသ္ပဟွံဒးရး တၠအဲရ၊ ဩဝ်ဟီုလၟိၚ်ဒေသနာ ပွသ္ပဟွံဒးရးဂှ်ညိ” ရဴဝွံ သ္ဂးကဵု တဳလပိုဉ်အာနန္ဒအိုတ်ရ။
ယွံတဳလပိုဉ်တအ် အဲဍိက် ဟိုတ်မဝိုတ်အာသတိဂှ်ရ ‘ယွံတဳလမၞုံပိုဉ် ခုဒ္ဒါနုခုဒ္ဒကသိက္ခာပိုဒ်ဂမၠိုၚ် မုရဴသိက္ခာပိုဒ်ဂမၠိုၚ်လဵုရော?’ ရဴဝွံ ဟွံဂရၚ်ပတီသၟာန်ဒး တဳလမၞုံပိုဉ်ကျာ်တြဲရ။ ပွဂှ် ပွသ္ပဟွံဒးရး ရဴဝွံ အဲဍိက်ဟွံညာတ်ရ၊ ၜိုန်ဂှ်လေဝ် ဗွဲအစောံလျုၚ်ပတှ်ေ ကုတဳလပိုဉ်တအ် ညးဂမၠိုၚ် ဟီုလၟိၚ်ဒေသနာ ပွသ္ပဟွံဒးရးဂှ်ရ။
ယွံကောန်တၠအာနန္ဒ တၠအဲဂှ် လိုန်သ္ၚာသၞုက်ဗြဲ တဳလမၞုံပိုဉ်ကျာ်တြဲတုဲ ဇိၚ်ရ၊ ဣဝွံလေဝ် ပွသ္ပဟွံဒးရး တၠအဲရ၊ ဩဝ်ဟီုလၟိၚ်ဒေသနာ ပွသ္ပဟွံဒးရးဂှ်ညိ ရဴဝွံ (သ္ဂးအိုတ်ရ)။
ယွံတဳလပိုဉ်တအ် အဲဍိက် ဗွဲအစောံဟွံရှေ်သှေ်ရဴဂဴ လိုန်သ္ၚာသၞုက်ဗြဲ တဳလမၞုံပိုဉ်ကျာ်တြဲတုဲ ဇိၚ်ဟွံသေၚ်ရ၊ ပွဂှ် ပွသ္ပဟွံဒးရး ရဴဝွံ အဲဍိက် ဟွံညာတ်ရ၊ ၜိုန်ဂှ်လေဝ် ဗွဲအစောံလျုၚ်ပတှ်ေ ကုတဳလပိုဉ်တအ်ညးဂမၠိုၚ် ဟီုလၟိၚ်ဒေသနာ ပွသ္ပဟွံဒးရးဂှ်ရ။ ယွံကောန်တၠအာနန္ဒ တၠအဲဂှ် ကဵုမာတုဂါမ်ဂမၠိုၚ် လ္ၚောဝ်ဇကု (ဇွ) တဳလမၞုံပိုဉ်ကျာ်တြဲ ဗွဲကိုပ်ကၠာရ၊ ဍာ်ရမတ်မာတုဂါမ်ဂမၠိုၚ် မလရိုအ်ယာံဂှ် လေတ်ဒးဇကု (ဇွ) တဳလမၞုံပိုဉ်ကျာ်တြဲရ၊ ဣဝွံလေဝ် ပွသ္ပဟွံဒးရး တၠအဲရ၊ ဩဝ်ဟီုလၟိၚ်ဒေသနာ ပွသ္ပဟွံဒးရးဂှ်ညိ ရဴဝွံ (သ္ဂးအိုတ်ရ)။
ယွံတဳလပိုဉ်တအ် အဲဍိက် “(ပွမအာ) ပ္ဍဲဟွံသေၚ်ကဵုအခိၚ် လ္ပကဵုဒှ် ကုမာတုဂါမ်ဂမၠိုၚ်ဝွံညိ” ရဴဝွံ (ဗှ်ဗၞုဟ်ကေတ်တုဲ) ကဵုမာတုဂါမ်ဂမၠိုၚ် လ္ၚောဝ်ဇကု (ဇွ) တဳလမၞုံပိုဉ်ကျာ်တြဲ ဗွဲကိုပ်ကၠာရ၊ ပွဂှ် ပွသ္ပဟွံဒးရး ရဴဝွံ အဲဍိက် ဟွံညာတ်ရ၊ ၜိုန်ဂှ်လေဝ် ဗွဲအစောံလျုၚ်ပတှ်ေ ကုတဳလပိုဉ်တအ်ညးဂမၠိုၚ် ဟီုလၟိၚ်ဒေသနာ ပွသ္ပဟွံဒးရးဂှ်ရ။
ယွံကောန်တၠအာနန္ဒ တဳလမၞုံပိုဉ်ကျာ်တြဲ သီုကဵုသ္ပတဴနိမိတ်မကြံၚ်မ္ၚိုဟ် သီုကဵုသ္ပတဴသၞိၚ်အရံၚ်မကြံၚ်မ္ၚိုဟ်ဂှ် “သွက်ဂွံဒှ်ဒတုဲမြမောဝ် မၞိဟ်မဂၠိုၚ်ကီု သွက်ဂွံဒှ်တသိုခ်မၞိဟ်မဂၠိုၚ်ကီု သွက်ဂွံမၚ်မွဲလိုက်ကီု သွက်ဂွံဒှ်ဖဵုကီု သွက်ဂွံဒှ်ဒတုဲမြမောဝ်ကီု သွက်ဂွံဒှ်တသိုခ် မၞိဟ်ဒေဝတဴဂမၠိုၚ်ကီု တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဩဝ်တန်တဴ လုကဴအာယုကပ်ညိ၊ တဳလမၞုံပိုဉ်ကျာ်တြဲ မလေပ်သ္ဂးတဴဂလာန်ခိုဟ်ဆာဲ ဩဝ်တန်တဴ လုကဴအာယုကပ်ညိ” ရဴဝွံ တၠအဲ ဟွံအာတ်ပါန် အခေါၚ်ထောံ တဳလမၞုံပိုဉ်ကျာ်တြဲရ၊ ဣဝွံလေဝ် ပွသ္ပဟွံဒးရး တၠအဲရ၊ ဩဝ်ဟီုလၟိၚ်ဒေသနာ ပွသ္ပဟွံဒးရးဂှ်ညိ ရဴဝွံ (သ္ဂးအိုတ်ရ)။
ယွံတဳလပိုဉ်တအ် အဲဍိက် ဟိုတ်မၞုံကဵုစိုတ် သၟိၚ်မာရ်မဂပ်ဝ်ပ္ဍဵုပ္ဍိုက်ရာန်သကိုတ်ဂှ်ရ “သွက်ဂွံဒှ်ဒတုဲမြမောဝ် မၞိဟ်မဂၠိုၚ်ကီု သွက်ဂွံဒှ်တသိုခ်မၞိဟ်မဂၠိုၚ်ကီု သွက်ဂွံမၚ်မွဲလိုက်ကီု သွက်ဂွံဒှ်ဖဵုကီု သွက်ဂွံဒှ်ဒတုဲမြမောဝ်ကီု သွက်ဂွံဒှ်တသိုခ် မၞိဟ်ဒေဝတဴဂမၠိုၚ်ကီု တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဩဝ်တန်တဴ လုကဴအာယုကပ်ညိ၊ တဳလမၞုံပိုဉ်ကျာ်တြဲ မလေပ်သ္ဂးတဴဂလာန်ခိုဟ်ဆာဲ ဩဝ်တန်တဴ လုကဴအာယုကပ်ညိ” ရဴဝွံ တၠအဲ ဟွံအာတ်ပါန် အခေါၚ်ထောံ တဳလမၞုံပိုဉ်ကျာ်တြဲရ၊ ပွဂှ် ပွသ္ပဟွံဒးရး ရဴဝွံ အဲဍိက်ဟွံညာတ်ရ၊ ၜိုန်ဂှ်လေဝ် ဗွဲအစောံလျုၚ်ပတှ်ေ ကုတဳလပိုဉ်တအ်ညးဂမၠိုၚ် ဟီုလၟိၚ်ဒေသနာ ပွသ္ပဟွံဒးရးဂှ်ရ။
ယွံကောန်တၠအာနန္ဒ တၠအဲ သ္ပလွဳပရာ ဒဒှ်ထပိုဲခမဳ မာတုဂါမ် ပ္ဍဲဓမ္မဝိနယ ‘သာသနာ’ ကျာ်တြဲမတွံလဝ်ရ၊ ဣဝွံလေဝ် ပွသ္ပဟွံဒးရး တၠအဲရ၊ ဩဝ်ဟီုလၟိၚ်ဒေသနာ ပွသ္ပဟွံဒးရးဂှ်ညိ ရဴဝွံ (သ္ဂးအိုတ်ရ)။
ယွံတဳလပိုဉ်တအ် “မဟာပဇာပတိဂေါတမဳဝွံ ဒှ်မိသွီုကျာ်တြဲရ၊ ညးမြိမြန်လဝ် စဵုကဵုဇၞော်ဂေါဝ်ရ၊ ညးလွဳဝတ်ဗ္စဖျုၚ်လဝ်ရ၊ ညးကဵုလဝ်ဍာ်တှ်ရ၊ မိစဴအာသွဝ်တုဲ ညးဗမဴလဝ်ဍာ်တှ် ကဵုကျာ်တြဲရ” ရဴဝွံ ဗှ်ဗၞုဟ်ကေတ်တုဲ အဲဍိက် သ္ပလွဳပရာဒး ဒဒှ်ထပိုဲခမဳ မာတုဂါမ် ပ္ဍဲဓမ္မဝိနယ ‘သာသနာ’ ကျာ်တြဲမတွံလဝ်ရ၊ ပွဂှ် ပွသ္ပဟွံဒးရး ရဴဝွံ အဲဍိက်ဟွံညာတ်ရ၊ ၜိုန်ဂှ်လေဝ် ဗွဲအစောံလျုၚ်ပတှ်ေ ကုတဳလပိုဉ်တအ်ညးဂမၠိုၚ် ဟီုလၟိၚ်ဒေသနာ ပွသ္ပဟွံဒးရးဂှ်ရ။
၄၄၄။ ပ္ဍဲအခိၚ်ဂှ် တဳလပိုဥ်ပုရာဏ မွဲဟာန်ကေုာံ ဂကောံခမဳသၚ်ဂမၠိုၚ်မဂၠိုၚ် ဗၞတ်မသုန်ကၠံ ဂေတ်ဂ္ၚေၚ်ဒၟံၚ် ဒေသစာရိတ် ပ္ဍဲဇနပိုဒ်ဒက္ခိဏဂိရိရ။ ပ္ဍဲအခိၚ်ဂှ် တဳလပိုဉ်ပုရာဏ ပဒတဴဗၞတ်မမိပ်လဟိၚ် ပ္ဍဲဇနပိုဒ်ဒက္ခိဏဂိရိတုဲမ္ဂး ဃောခမဳထေရ်ဇၞော်ဂမၠိုၚ် ပတိုန်သၚ်္ဂါယန ဓမ္မကေုာံဝိနယ ပြာပ်အာဇရေၚ် ခမဳထေရ်ဇၞော်ဂမၠိုၚ် ပ္ဍဲဘာဝေဠုဝန် မဒှ်ဒၞာဲကဵုစၞ ကုယန်လမ္စံက် ဂမၠိုၚ် ဇရေၚ်ဍုၚ်ရာဇဂြိုဟ်တုဲပ္ဍဲကြဴ ဟီုဂလာန်မိပ်စိုတ်အိုဟ်တၟိုဟ် ဆက်မိတ်မွဲဟာန်ကေုာံ ခမဳထေရ်ဇၞော်ဂမၠိုၚ်တုဲမ္ဂး ဂဇအ်ဒၟံၚ်ပ္ဍဲဒၞာဲမွဲရ၊ တဳလပိုဉ်ပုရာဏ မဂဇအ်ဒၟံၚ် ပ္ဍဲဒၞာဲမွဲဂှ် “ယွံကောန်တၠပုရာဏ ထေရ်ဇၞော်ဂမၠိုၚ် ပတိုန်သၚ်္ဂါယန ဓမ္မကေုာံဝိနယအိုတ်ရ၊ ဩဝ်ပြာပ်အာ ဌာန်ပတိုန်သၚ်္ဂါယနဂှ်ညိ” ရဴဝွံ ခမဳထေရ်ဇၞော်ဂမၠိုၚ် သ္ဂးအိုတ်ရ။
ယွံကောန်တၠတအ် ထေရ်ဇၞော်ဂမၠိုၚ် ဂပ်ဝ်ပတိုန်သၚ်္ဂါယန ဓမ္မကေုာံဝိနယ ဗွဲမဒးရးရ၊ ၜိုန်ဂှ်လေဝ် အဲဍိက် အတိုၚ်ကလၚ်လဝ်တုဲ ပ္ဍဲဂတမုက်တဳလမၞုံပိုဉ်ကျာ်တြဲဂှ်ဟေၚ် အတိုၚ်ဂိုၚ်ကေတ်တုဲဂှ်ဟေၚ် ကြက်ပကၚ်ရၚ်ရ ရဴဝွံ (သ္ဂးရ)။
၁၁.၃။ ဗြဟ္မဒဏ်[ပလေဝ်ဒါန် | ပလေဝ်ဒါန် တမ်ကၞက်]
၄၄၅။ ပ္ဍဲအခိၚ်ဂှ် တဳလပိုဉ်အာနန္ဒဂှ်—
“ယွံတဳလပိုဉ်တအ် တဳလမၞုံပိုဉ်ကျာ်တြဲ ပ္ဍဲအခိၚ်ဆိုက်ညောန်ကဵုပပရိနိဗ္ဗာန်ဂှ် ယွံအာနန္ဒ အဲကျာ်ကလိလောန်စဴတုဲ သၚ်ဩဝ်စွံဗြဟ္မဒဏ် ကုခမဳဆန္နညိ” ရဴဝွံ ဟီုမြော်ဗကန်လဝ်ကဵုအဲဍိက်ရ ရဴဝွံ ဂရၚ်ပတီ ခမဳထေရ်ဇၞော်ဂမၠိုၚ်ရ။
ယွံကောန်တၠအာနန္ဒ တၠအဲဂှ် “ယွံတဳလပိုဉ် ဗြဟ္မဒဏ်မ္ဂးဂှ် ညးဍေံရော?” ရဴဝွံ ဂရၚ်ပတီသၟာန်ထောံ တဳလမၞုံပိုဉ်ကျာ်တြဲဟာ” ရဴဝွံ (သၟာန်အိုတ်ရ)။
ယွံတဳလပိုဉ်တအ် အဲဍိက်ဂှ် “ယွံတဳလပိုဉ် ဗြဟ္မဒဏ်မ္ဂးဂှ် ညးဍေံရော?” ရဴဝွံ ဂရၚ်ပတီသၟာန်လဝ် တဳလမၞုံပိုဉ်ကျာ်တြဲ ရဴဝွံ (သ္ဂးရ)။
ယွံအာနန္ဒ ခမဳဆန္နဂှ် အရာမိက်ဟီုဂှ် ကဵုဟီုညိ၊ ခမဳဂမၠိုၚ် ဟဂပ်ဝ်ဟီုကဵု ခမဳဆန္နရ၊ ဟဂပ်ဝ်ဒၠောံဗတောန်ရ၊ ဟဂပ်ဝ်ဝေတ်ဆေဝ်ဒဝ်ရ၊ ဣဝွံဂှ် ဗြဟ္မဒဏ်ရ ရဴဝွံ (တဳလမၞုံပိုဉ်ကျာ်တြဲ ဟီုမြော်ကၠုၚ်ရ ရဴဝွံဂရၚ်ပတီရ)။
ယွံကောန်တၠအာနန္ဒ ဒှ်သာ်ဂှ်မ္ဂး တၠအဲဟေၚ် ဩဝ်ကဵုစွံ ဗြဟ္မဒဏ် ကုခမဳဆန္နညိ ရဴဝွံ (သ္ဂးအိုတ်ရ)။
ယွံတဳလပိုဉ်တအ် မုရဴသာ်လဵု အဲဍိက်ဂွံကဵုစွံဗြဟ္မဒဏ် ကုခမဳဆန္နရော၊ ခမဳဂှ်ကြမ်ကြသအဵုသအာ်ရ၊ သကာတ်မြဟ်ရ ရဴဝွံ (ဂရၚ်ပတီရ)။
ယွံကောန်တၠအာနန္ဒ ဒှ်သာ်ဂှ်မ္ဂး ဩဝ်အာမွဲဟာန်ကေုာံခမဳဂမၠိုၚ်မဂၠိုၚ်ညိ ရဴဝွံ (သ္ဂးအိုတ်ရ)။
“ခိုဟ်သန်ရ ယွံတဳလပိုဉ်တအ်” ရဴဝွံ တဳလပိုဉ်အာနန္ဒ ဒုၚ်ဝန်ကုခမဳထေရ်ဇၞော်ဂမၠိုၚ်တုဲမ္ဂး မွဲဟာန်ကေုာံခမဳသၚ်ဂမၠိုၚ်မဂၠိုၚ်ဗၞတ်မသုန်ကၠံ နကဵုဂၠုၚ်မဒးစးတိုန်လတူ ဒစးတိုန်ဍုၚ်ကောသမ္ဗဳရ၊ စှေ်နူဂၠုၚ်တုဲ ဂဇအ်ဒၟံၚ်ပ္ဍဲသၟဝ်တမ်ဆုမွဲ ဇရေၚ်ဥဒျာန်သၟိၚ်ဥဒေနရ။
ပ္ဍဲအခိၚ်ဂှ် သၟိဥဒေန မွဲဟာန်ကေုာံကမၠောၚ်မောၚ်မ ဝေၚ်ဂြိုၚ်ကတိုၚ်ကမှ်မိပ်မြဟ်ဒၟံၚ်ပ္ဍဲဥဒျာန်ရ။ “တဳလပိုဉ်အာနန္ဒ အ္စာပိုဲတအ်ဂှ် ဂဇအ်ဒၟံၚ်ပ္ဍဲသၟဝ်တမ်ဆုမွဲ ဇရေၚ်ဥဒျာန်ရဂး” ရဴဝွံ ကမၠောၚ်မောၚ်မ သၟိၚ်ဥဒေန သ္ဂောံမိၚ်ကေတ်ရ။ ပ္ဍဲအခိၚ်ဂှ် ကမၠောၚ်မောၚ်မဂှ် “ယွံတၠညးသၟိၚ်ဇၞော် တဳလပိုဉ်အာနန္ဒ အ္စာပိုဲတအ်ဂှ် ဂဇအ်ဒၟံၚ်ပ္ဍဲသၟဝ်တမ်ဆုမွဲ ဇရေၚ်ဥဒျာန်ရဂး၊ ယွံတၠညးသၟိၚ်ဇၞော် ပိုဲဍိက်တအ်ညးဂမၠိုၚ် နွံပၟိက်သၟိက်မိက်ဗဵုလ္ၚောဝ် တဳလပိုဉ်အာနန္ဒအိုတ်ရ” ရဴဝွံ ဟီုပတီ သၟိၚ်ဥဒေနအိုတ်ရ။
ဒှ်သာ်ဂှ်မ္ဂး မၞးတအ်ညးဂမၠိုၚ် ဩဝ်ဗဵုလ္ၚောဝ် ခမဳအာနန္ဒအိုတ်ညိ ရဴဝွံ (သ္ဂးရ)။
ပ္ဍဲအခိၚ်ဂှ် ကမၠောၚ်မောၚ်မ သၟိၚ်ဥဒနေဂှ် ပြာပ်အာဇရေၚ် တဳလပိုဉ်အာနန္ဒတုဲ လ္ၚောဝ်သ္ပဝတ် တဳလပိုဉ်အာနန္ဒတုဲမ္ဂး ဂဇအ်ဒၟံၚ်ပ္ဍဲဒၞာဲမွဲရ၊ ကမၠောၚ်မောၚ်မ သၟိၚ်ဥဒေန မဂဇအ်ဒၟံၚ်ပ္ဍဲဒၞာဲမွဲဂှ် နကဵုဂလာန်ဓရ် တဳလပိုဉ်အာနန္ဒ ကဵုတီညာတ်ကေတ (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုကေက်သကာ ကဵုမြဟ်မြာရ။
ပ္ဍဲအခိၚ်ဂှ် ကမၠောၚ်မောၚ်မသၟိၚ်ဥဒေနဂှ် နကဵုဂလာန်ဓရ် တဳလပိုဉ်အာနန္ဒ ကဵုတီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုကေက်သကာကဵုမြဟ်မြာတုဲမ္ဂး ကဵုဒါန်ယာတ်ကၞေဟ်ဂမၠိုၚ်မသုန်ကၠံ ကုတဳလပိုဉ်အာနန္ဒရ။ ကြဴနူဂှ် ကမၠောၚ်မောၚ်မ သၟိၚ်ဥဒေနဂှ် သ္ဍိုက်မၠိုက်ဂလာန်မဂပ်ဝ်ဟီုတွံ တဳလပိုဉ်အာနန္ဒလောန်ဒှ်တုဲ အိုဟ်တၟိုဟ်လောန်ဒှ်တုဲ ဒၠိုက်ကတဵုနူဒၞာဲတုဲမ္ဂး လ္ၚောဝ်သ္ပဝတ်တဳလပိုဉ်အာနန္ဒတုဲ သ္ပရှေ်သှေ်ရဴဂဴပြာပ်အာ ဇရေၚ်သၟိၚ်ဥဒေနရ။ သၟိၚ်ဥဒေန ညာတ်ကေတ် ကမၠောၚ်မောၚ်မ မကၠုၚ်နူဇမ္ၚောဲမ္ဂး “မၞးတအ်ညးဂမၠိုၚ် ဆဵုညာတ်ခမဳအာနန္ဒအိုတ်ဟာ” ရဴဝွံ သၟာန်သၟုက် ကမၠောၚ်မောၚ်မရ။ ယွံတၠညးသၟိၚ်ဇၞော် ပိုဲဍိက်တအ်ညးဂမၠိုၚ် ဂွံဆဵုညာတ်ကၠုၚ် တဳလပိုဉ်အာနန္ဒအိုတ်ရ ရဴဝွံ (ဟီုပတီရ)။ မၞးတအ်ညးဂမၠိုၚ် ဂွံကဵုကၠုၚ်ဒါန်မမိက်ကဵုမွဲမွဲ ကုခမဳအာနန္ဒအိုတ်ဟာ ရဴဝွံ (သၟာန်သၟုက်ရ)။ ယွံတၠညးသၟိၚ်ဇၞော် ပိုဲဍိက်တအ်ညးဂမၠိုၚ်ကဵုကၠုၚ်ဒါန် ယာတ်ကၞေဟ်ဂမၠိုၚ် မသုန်ကၠံ ကုတဳလပိုဉ်အာနန္ဒအိုတ်ရ ရဴဝွံ (ဟီုပတီရ)။
သၟိၚ်ဥဒေနဂှ် “မုဟိုတ် ခမဳအာနန္ဒ ဒုၚ်ဂိုၚ်ကေတ် သ္ၚာဗွဲမဂၠိုၚ်ဗၞတ်ဂှ်ရော၊ ခမဳအာနန္ဒဂှ် ပွမကူသာန်သွံရာန်ယာတ်လေဝ် ကြက်သ္ပဟာ၊ ဆေၚ်ယာတ်လေဝ်လးတေဝ်ဟာ” ရဴဝွံ ဟီုဂရိုဟ်ရ၊ ပျုတ်ဗ္ဒေက်ရ၊ ဟီုထ္ၜးဒုဟ်ရ။
ကြဴနူဂှ် သၟိၚ်ဥဒေနပြာပ်အာဇရေၚ် တဳလပိုဉ်အာနန္ဒတုဲ ဟီုဂလာန်မိပ်စိုတ်အိုဟ်တၟိုဟ်ဆက်မိတ် ကေုာံ တဳလပိုဉ်အာနန္ဒရ၊ ဟီုပတုဲကၠေံဂလာန်ထေက်ကဵုမိပ်စိုတ်အိုတ်ဟ်တၟိုဟ် ထေက်ကဵုဗှ်ဗၞုဟ်တုဲ သီုမဂဇအ်ဒၟံၚ်ပ္ဍဲဒၞာဲမွဲဂှ်—
“ယွံတဳလပိုဉ်အာနန္ဒ ကမၠောၚ်မောၚ်မအဲဍိက်တအ် ကၠုၚ်စိုပ်ဌာန်ဝွံဟာ” ရဴဝွံ ဂရၚ်ပတီ တဳလပိုဉ်အာနန္ဒရ။
ယွံသၟိၚ်ဇၞော် ကမၠောၚ်မောၚ်မ တၠအဲ ကၠုၚ်စိုပ်ဌာန်ဝွံရ ရဴဝွံ (သ္ဂးရ)။
ကဵုဒါန်မမိက်ကဵုမွဲမွဲ ကုတဳလပိုဉ်အာနန္ဒဟာ ရဴဝွံ (ဂရၚ်ပတီရ)။
ယွံသၟိၚ်ဇၞော် ကဵုဒါန် ကုအဲ ယာတ်ကၞေဟ်ဂမၠိုၚ်မသန်ကၠံရ ရဴဝွံ (သ္ဂးရ)။
သ္ၚာဗွဲမဂၠိုၚ်ဗၞတ်ဝွံ တဳလပိုဉ်အာနန္ဒ ပသာ်သ္ပရော? ရဴဝွံ (ဂရၚ်ပတီရ)။
ယွံသၟိၚ်ဇၞော် ကြက်ပါ်ပရအ်မွဲစွံ ကေုာံခမဳဂမၠိုၚ်မၞုံကဵုသ္ၚာမဍိုန်လျရ ရဴဝွံ (သ္ဂးရ)။
ယွံတဳလပိုဉ်အာနန္ဒ သ္ၚာတြေံဂမၠိုၚ်မဍိုန်လျဂှ် ပသာ်သ္ပအိုတ်ရော? ရဴဝွံ (ဂရၚ်ပတီရ)။
ယွံသၟိၚ်ဇၞော် သ္ၚာတြေံဂမၠိုၚ်မဍိုန်လျဂှ် ကြက်သ္ပသၞာလးလတူအိုတ်ရ ရဴဝွံ (သ္ဂးရ)။
ယွံတဳလပိုဉ်အာနန္ဒ သၞာလးလတူတြေံဂမၠိုၚ်ဂှ် ပသာ်သ္ပအိုတ်ရော? ရဴဝွံ (ဂရၚ်ပတီရ)။
ယွံသၟိၚ်ဇၞော် သ္ၚာလးလတူတြေံဂမၠိုၚ်ဂှ် ကြပ်သ္ပဂရောပ်ဖုန်အိုတ်ရ ရဴဝွံ (သ္ဂးရ)။
ယွံတဳပိုဉ်အာနန္ဒ ဂရောပ်ဖုန်တြေံဂမၠိုၚ်ဂှ် ပသာ်သ္ပအိုတ်ရော? ရဴဝွံ (ဂရၚ်ပတီရ)။
ယွံသၟိၚ်ဇၞော် ဂရောပ်ဖုန်တြေံဂမၠိုၚ်ဂှ် ကြက်သ္ပသၞာလးတိအိုတ်ရ ရဴဝွံ (သ္ဂးရ)။
ယွံတဳလပိုဉ်အာနန္ဒ သၞာလးတိတြေံဂမၠိုၚ် ပသာ်သ္ပအိုတ်ရော? ရဴဝွံ (ဂရၚ်ပတီရ)။
ယွံသၟိၚ်ဇၞော် သၞာလးတိတြေံဂမၠိုၚ်ဂှ် ကြက်သ္ပကဝးဇုက်ဇိုတ်ဇိုၚ်အိုတ်ရ ရဴဝွံ (သ္ဂးရ)။
ယွံတဳလပိုဉ်အာနန္ဒ ကဝးဇုက်ဇိုတ်ဇိုၚ်တြေံဂမၠိုၚ်ဂှ် ပသာ်သ္ပအိုတ်ရော? ရဴဝွံ (ဂရၚ်ပတီရ)။
ယွံသၟိၚ်ဇၞော် ကဝးဇုက်ဇိုတ်ဇိုၚ်တြေံဂမၠိုၚ်ဂှ် ကြက်သ္ပယာတ်ဇိုတ်မၠိုက်အိုတ်ရ ရဴဝွံ (သ္ဂးရ)။
ယွံတဳလပိုဉ်အာနန္ဒ ယာတ်ဇိုတ်မၠိုက်တြေံဂမၠိုၚ်ဂှ် ပသာ်သ္ပအိုတ်ရော? ရဴဝွံ (ဂရၚ်ပတီရ)။
ယွံသၟိၚ်ဇၞော် ယာတ်ဇိုတ်မၠိုက်တြေံဂမၠိုၚ်ဂှ် ဒန်ထောံလှေက်တုဲ ဖုဲတဴနလှိုက်သရီုတုဲမ္ဂး ကြက်လံက်လေဝ်တိဗွဝ်ဖအုံအိုတ်ရ ရဴဝွံ (သ္ဂးရ)။
ပ္ဍဲအခိၚ်ဂှ် သၟိၚ်ဥဒေနဂှ် “ခမဳဂမၠိုၚ်မတၞောဝ်ကျာ် ကောန်သၟိၚ်သကျဝၚ်အိုတ်သီုဝွံ ရၚ်တၠုၚ် သ္ပတဴဗွဲမဗဗွဲအိုတ်ရ၊ ဟွံကဵုအာစိုပ်ပွမလီုလာ် မသက္ကုဒတုဲဖဵုအိုတ်ရ” ရဴဝွံ ယာတ်ဂမၠိုၚ်မသုန်ကၠံသအာၚ်လေဝ် ကဵုဒါန် ကုတဳလပိုဉ်အာနန္ဒရ။ ပိဏ္ဍပါတ်သ္ၚာ မတွံဂးသ္ၚာလ္ၚီဝွံ ကတဵုဒှ်ကၠုၚ် ကုတဳလပိုဉ်အာနန္ဒ ဗွဲကိုပ်ကၠာရ။
ပ္ဍဲအခိၚ်ဂှ် တဳလပိုဉ်အာနန္ဒ ပြာပ်အာ ဘာဃောသိတာရာမ်တုဲ ဂဇအ်ဒၟံၚ်ပ္ဍဲသၞာမလးပညပ်လဝ်ရ၊ ပ္ဍဲအခိၚ်ဂှ် တဳလပိုဉ် ဆန္နပြာပ်ကၠုၚ်ဇရေၚ် တဳလပိုဉ်အာနန္ဒတုဲ လ္ၚောဝ်သ္ပဝတ် တဳလပိုဉ်အာနန္ဒတုဲမ္ဂး ဂဇအ်ဒၟံၚ်ပ္ဍဲဒၞာဲမွဲရ၊ တဳလပိုဉ်ဆန္န မဂဇအ်ဒၟံပ္ဍဲဒၞာဲမွဲဂှ်— “ယွံကောန်တၠဆန္န သၚ် ကဵုစွံဗြဟ္မဒဏ် ကုတၠအဲရ” ရဴဝွံ တဳလပိုဉ်အာနန္ဒ သ္ဂးရ။
ယွံတဳလပိုဉ်အာနန္ဒ ကဵုစွံ မုဗြဟ္မဒဏ်ရော? ရဴဝွံ (ဂရၚ်ပတီရ)။
ယွံကောန်တၠဆန္န တၠအဲ အရာမိက်ဟီုဂှ် ကဵုဟီု ခမဳဂမၠိုၚ်ညိ၊ ခမဳဂမၠိုၚ် ဟဂပ်ဝ်ဟီုကဵုတၠအဲရ၊ ဟဂပ်ဝ်ဒၠောံဗတောန်ရ၊ ဟဂပ်ဝ်ဝေတ်ဆေဝ်ဒဝ်ရ၊ (ဣဝွံဂှ် ဗြဟ္မဒဏ်ရ ရဴဝွံ သ္ဂးရ)။
“ယွံတဳလပိုဉ်အာနန္ဒ သ္ပတမ်နူ ခမဳဂမၠိုၚ် မဟဂပ်ဝ်ဟီုသ္ဂး မဟွံဒၠောံဗတောန် မဟွံဝေတ်ဆေဝ်ဒဝ် အဲဍိက်တုဲ ဒှ်ဂစိုတ်ထောံ အဲဍိက်ဟေၚ်ရ ဟွံသေၚ်ဟာ” ရဴဝွံ ပ္ဍဲဒၞာဲဂှ်ဟေၚ် ဒၚ်သၠၚ်တုဲ လောတ်စှ်ရ။
ပ္ဍဲအခိၚ်ဂှ် တဳလပိုဉ်ဆန္နဂှ် ဟိုတ်ဗြဟ္မဒဏ်ပ္ဍဵုပ္ဍိုက်ရာန်သကိုတ်ကီု ဟိုတ်မဂွကီု ဟိုတ်မက္ဍုဟ်မၠေံကီု ညးမွဲဓဝ်ပြာပ်အာဌာန် လ္ၚုသ္ၚိတ်ဇြတုဲ ဟွံဝိဝိၚ်ဟိုတ်မာဲဒှ်တုဲ ပတိတ်ဇြဟတ် ဗွဲမသကာတ်မြဟ်ဒှ်တုဲ မၞုံကဵုစိုတ်မတန်ကြန်ဂှ်ဒှ်တုဲ ပဒတဴမ္ဂး ဖဵု (အရဟတ္တဖိုလ်) မဒှ်လအိတ် ဒ္ဂေတ်မပြဲ မဟွံမွဲပတောံၜတ် ကောန်ဂကူဂမၠိုၚ် နူအဝေါၚ်ဘဝခရှ် မလုပ်စိုပ်အဝေါၚ်ဘဝခမဳ ဗွဲမဒးရး မဂပ်ဝ်နွံပၟိက်ဂှ် ခြာဟွံလအ် ပ္ဍဲဘဝလၟုဟ်ဟေၚ် အလဵုဇကု သ္ပကေတ်ဇၞောဝ်မတ်နကဵုဉာဏ်တၟေၚ်ကၠာ အာစိုပ်တုဲ သ္ပဒတဴရ၊ “ပွမတန်ပဋိသန္ဓိအိုတ်တုဲရ၊ ဒ္ဂေတ်လ္ၚတ်ဒ္ဂေတ်မပြဲတုဲရ၊ သ္ပပတုဲကိစ္စမဂ်တုဲရ၊ တၞဟ်နကိစ္စမဂ်ဝွံ ကိစ္စထေက်ကဵုဒးသ္ပ မွဲသအာၚ်ဟွံမွဲတုဲရ” ရဴဝွံ တီရ၊ တဳလပိုဉ်ဆန္နဂှ် ပၞောဝ်ကဵုတၠအရှန်ဂမၠိုၚ် ဒှ်ပါလုပ်လၟိဟ် မွဲဇကုရ။ ပ္ဍဲအခိၚ်ဂှ် တဳလပိုဉ်ဆန္န အာစိုပ်အရဟတ္တဖိုဟ်တုဲ ပြာပ်အာဇရေၚ် တဳလပိုဉ်အာနန္ဒတုဲပ္ဍဲကြဴ “ယွံတဳလပိုဉ်အာနန္ဒ ပ္ဍဲအခိၚ်လၟုဟ် ဩဝ်ကဵုလလမ် ဗြဟ္မဒဏ် ကုအဲဍိက်ညိ” ရဴဝွံ ဂရၚ်ပတီရ။ ယွံကောန်တၠဆန္န တၠအဲ သ္ပတအ်နူတ္ၚဲ မသ္ပကေတ်ဇၞော်မတ် အရဟတ္တဖိုဟ်တုဲ ဗြဟ္မဒဏ် လလမ်အာ ကုတၠအဲတုဲရ ရဴဝွံ သ္ဂးရ။
ပ္ဍဲဝိနယသၚ်္ဂဳတိဝွံ ခမဳမသုန်ကၠံ ဟိုတ်မဟွံမွဲယုတ်,လောန်ဂှ်ရ ဝိနယသၚ်္ဂဳတိဝွံ ကော်ခဴဂး “ပဥ္စသတိကသၚ်္ဂါယန” ရ။
✵✵✵ပဉ္စသတိပကက္ခန္ဓဨကာဒသမတုဲရ။✵✵✵
ပ္ဍဲခန္ဓကဝွံ ဝတ္ထုမၞုံၜါစှော်ပိရ။
❖ ပဥ္စသတိကက္ခန္ဓကဂှ် ဗွဲခမ္ဍန်[ပလေဝ်ဒါန် | ပလေဝ်ဒါန် တမ်ကၞက်]
ကျာ်တြဲ ပပရိနိဗ္ဗာန်တုဲမ္ဂး မှာထေရ်မၞုံယၟုမဟာကဿပ မမၚ်မွဲတၞောဝ်ဒတောဝ် ဓရ်ညးသပ္ပုရိုဟ်ဂှ် သ္ဂးကဵုဂကောံခမဳရ။
နူဍုၚ်ပါဝ် ပ္ဍဲတရဴအဓါန်မဂၠိၚ်သ္ၚောဲ (ဂၠံၚ်အာကုသိနာရာမ်) သုဘဒ္ဒ ဟီုသ္ဂးရ၊ ကိုပ်ကၠာ ဓရ်ညးအသပ္ပုရိုဟ် ဟွံဂဵုလဟဵုဏီ ကြက်ပတိုန်သၚ်္ဂါယန ဓရ်ညးသပ္ပုရိုဟ်အိုတ်ရ။
ရုဲစှ် တၠအရှန်မသုန်ကၠံ မယုတ်ဒေက်မွဲဇကုကီု အာနန္ဒကီုရ၊ သီုမပဒတဴ ပ္ဍဲလိုဏ်ဂိုဟ် မပြဲဂှ် ပွမပတိုန်သၚ်္ဂါယန သုတ် အဘိဓရ် ဝိနယ်။
သၟာန်ဝိနယ် ကုဥပါလိရ၊ သၟာန်သုတ် ကုအာနန္ဒမၞုံကဵုပညာရ၊ ကွးကျာ်ဂမၠိုၚ် သ္ပပွမပတိုန်သၚ်္ဂါယန ပိဋကတ်ပိအိုတ်ရ။
ပ္ဍဲခုဒ္ဒါနုခုဒ္ဒက ပွမဒ္ဂေတ် အတိုၚ်ပညပ်လဝ်ဗွဲတၟေၚ် ပွမတွံဂရၚ်ပတီသၟာန်ဒးလိုန်တုဲ ပွမကဵုလ္ၚောဝ် ပွမဟွံအာတ်အခေါၚ် ပွမပခမဳ မာတုဂါမ် ပွမလျုၚ်ပတှ်ေ ဣဝွံဂမၠိုၚ်တုန် ပွမသ္ပဟွံဒးရးဂမၠိုၚ်ရောၚ်။
တဳလပိုဉ်ပုရာဏကီု ဗြဟ္မဒဏ်ကီု ဥဒေန ကေုာံကမၠောၚ်မောၚ်မကီု သ္ၚာဗၞတ်ဂှ်ကီု သ္ၚာမဍိုန်လျကီု သၞာလးလတူကီု ဖုန်ကီု။
သၞာလးတိကီု ကဝးဇုက်ဇိုတ်ဇိုၚ်ကီု ယာတ်ဇိုတ်မၠိုက်ကီု ပွမဖုဲ နကဵုလှိုက်သရီုကီု သ္ၚာလ္ၚီ ကတဵုဒှ်ကၠုၚ် ကုခမဳမၞုံယၟုအာနန္ဒ ဗွဲကိုပ်ကၠာရ။
ထေရ်ဆန္န မဂပ်ဝ်ဘပဠရာန်သကိုတ် နဗြဟ္မဒဏ် အာစိုပ် သစ္စပန်ရ၊ ခမဳတၠအရှန်ဂမၠိုၚ်မသုန်ကၠံ မအာစိုပ်ပွမလ္ၚတ်လဝ်တုဲဂှ် သ္ပအိုတ်ရ၊ ဟိုတ်ဂှ်ရ ကော်ခဴဂး “ပဉ္စသတိကသၚ်္ဂါယန” ရ။
✵ ✵ ✵ ဣဝွံတုန် ပဉ္စသတိကက္ခန္ဓက ဗွဲခမ္ဍန်တုဲရ။ ✵ ✵ ✵
☀︎ ☀︎ ☀︎ ပဉ္စသတိကက္ခန္ဓကတုဲရ။ ☀︎ ☀︎ ☀︎
၁၂။ သတ္တသတိကက္ခန္ဓက[ပလေဝ်ဒါန် | ပလေဝ်ဒါန် တမ်ကၞက်]
၁၂.၁။ ခဏ်ပဌမ[ပလေဝ်ဒါန် | ပလေဝ်ဒါန် တမ်ကၞက်]
၄၄၆။ တဳလမၞုံပိုဉ်ကျာ်တြဲ ပပရိနိဗ္ဗာန်တုဲ ပ္ဍဲအခိၚ်မၞုံကဵုကၠံသၞာံဂှ် ပ္ဍဲဍုၚ်ဝေသာလဳခမဳကောန်ညးဝဇ္ဇဳရးဂမၠိုၚ် မပဒတဴပ္ဍဲဍုၚ်ဝေသာလဳ ထ္ၜးတဴဝတ္ထုဂမၠိုၚ်စှ်သာ်အိုတ်ရ။ “သိၚ်္ဂဳလောဏကပ္ပဂှ် ဂပ်ဝ်ရ၊ ဒွၚ်္ဂုလကပ္ပဂှ် ဂပ်ဝ်ရ၊ ဂါမန္တရကပ္ပဂှ် ဂပ်ဝ်ရ၊ အာဝါသကပ္ပဂှ် ဂပ်ဝ်ရ၊ အနုမတိကပ္ပဂှ် ဂပ်ဝ်ရ၊ အာစိဏ္ဏကပ္ပဂှ် ဂပ်ဝ်ရ၊ အမထိတကပ္ပဂှ် ဂပ်ဝ်ရ၊ ပွမသုၚ် ဇဠောဂဳဂှ် ဂပ်ဝ်ရ၊ နိသဳဒိုန် မဟွံမွဲကဵုတသာဲဂှ် ဂပ်ဝ်ရ၊ ထဝ်သြန်ဂှ် ဂပ်ဝ်ရ” ရဴဝွံ (ထ္ၜးအိုတ်)။
ပ္ဍဲအခိၚ်ဂှ် တဳလပိုဉ်ယသ မဒှ်ကောန်ဗဗၞးကာကဏ္ဍက ဂေတ်ဂ္ၚေၚ်ဒေသစာရိတ် ပ္ဍဲဝဇ္ဇဳရးမ္ဂး စိုပ်ကၠုၚ်ဍုၚ်ဝေသာလဳရ၊ တဳလပိုဉ်ယသ မဒှ်ကောန်ဗဗၞးကာကဏ္ဍက သ္ပဒတဴတန်ဒၟံၚ် ပ္ဍဲဘာပြာသာဒ်ဇၞော် မၞုံကဵုအထောဋ်သ္ၚိကၠတ် အပ္ဍဲဂြိုပ်မဟာဝိုန် ဇရေၚ်ဍုၚ်ဝေသာလဳဂှ်ရ။
ပ္ဍဲအခိၚ်ဂှ် ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳဂှ် ပ္ဍဲတ္ၚဲဥပေါသ် ခရော်ဗရိုတ်ဂှ် ကဵုဗပေၚ်နကဵုဍာ်စွံလဝ် ပ္ဍဲလဒေါဝ်သၚ်တုဲ ဥပးဂမၠိုၚ် မပဒတဴ ပ္ဍဲဍုၚ်ဝေသာလဳ ဇၟာပ်မကၠုၚ်ဇၟာပ်မကၠုၚ်ဂှ် “ယွံဒကာတအ် မွဲကသာပ် (မွဲဒကေဝ်) ကီု ကဝက်ကသာပ်ကီု မွဲမးကီု မွဲၜဲကီု ဩဝ်ကဵုဒါန် ကုသၚ်အိုတ်ညိ၊ ကြက်ဒှ် ကိစ္စကေၚ်ကာထေက်ကဵုသ္ပ နပရိက္ခရာသၚ်ရ” ရဴဝွံ သ္ဂးအိုတ်ရ။
ဟီုသ္ဂးရဴဝွံမ္ဂး တဳလပိုဉ်ယသ မဒှ်ကောန်ဗဗၞးကာကဏ္ဍကဂှ် “ယွံဒကာတအ် မွဲကသာပ်ကီု ကဝက်ကသာပ်ကီု မွဲမးကီု မွဲၜဲကီု လ္ပကဵုဒါန် ကုသၚ်အိုတ်ညိ၊ ထဝ်သြန်ဂှ် ဟွံဂပ်ဝ် ကုခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ်ရ၊ ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ် ဟွံသာယျောန် ထဝ်သြန်အိုတ်ရ၊ ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ် ဟွံဒုၚ်ဂိုၚ်ကေတ် ထဝ်သြန်အိုတ်ရ၊ ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ် ကၠဟ်သၠးဖျေံထောံ မၞိက်ထဝ်အိုတ်ရ၊ စာ်စ္ဍးနူထဝ်သြန်အိုတ်ရ” ရဴဝွံ သ္ဂးကဵုဥပးဂမၠိုၚ် မပဒတဴ ဍုၚ်ဝေသာလဳရ။
တဳလပိုဉ်ယသ မဒှ်ကောန်ဗဗၞးကာကဏ္ဍက ၜိုန်သီုသ္ဂးရဴဝွံလေဝ် ဥပးဂမၠိုၚ် မပဒတဴဍုၚ်ဝေသာလဳဂှ် မွဲကသာပ်ကီု ကဝက်ကသာပ်ကီု မွဲမးကီု မွဲၜဲကီု ကဵုဒါန် ကုသၚ်အိုတ်ဟေၚ်ရ။
ကြဴနူဂှ် ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳဂှ် ပ္ဍဲအခိၚ်ကလိလောန်အာဗတမ်ဂှ် ထဝ်သြန်ဂှ် စွံပတန်သွက် နလၟိဟ်ခမဳတုဲ ပါ်ပရအ်အိုတ်ရ။
ကြဴနူဂှ် ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳဂှ် “ယွံကောန်တၠယသ ဣဝွံဂှ် သြန်သွက်ဘိုအ် တၠအဲရ” ရဴဝွံ ဟီုသ္ဂးကဵုတဳလပိုဉ်ယသ မဒှ်ကောန်ဗဗၞးကာကဏ္ဍကအိုတ်ရ။
ယွံကောန်တၠတအ် သြန်သွက်ဘိုအ်အဲ ဟွံမွဲရ၊ အဲ ဟွံသာယျေန်သြန်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳဂှ် “ယွံကောန်တၠတအ်ယသ မဒှ်ကောန်ဗဗၞးကာကဏ္ဍကဝွံ တ္ၜေက်လက် ဥပးဂမၠိုၚ် မၞုံကဵုသဒ္ဓါ မလျုၚ်ဇြုၚ်သ္ဍိုက်ရ၊ လဗပ်ပကီုဟီုစုတ်ရ၊ သ္ပပွမဟွံလျုၚ်ဇြုၚ်သ္ဍိုက်ရ၊ ပ္ဍဲလၟုဟ် ပိုဲညးဂမၠိုၚ် သ္ပပဋိသာရဏဳယကမ် ကုယသဝွံအိုတ်စိုအ်” ရဴဝွံ သ္ပပဋိသာရဏဳယကမ် ကုယသဂှ်အိုတ်ရ။ ပ္ဍဲအခိၚ်ဂှ် တဳလပိုဉ်ယသ မဒှ်ကောန်ဗဗၞးကာကဏ္ဍကဂှ် “ယွံကောန်တၠတအ် ‘ဒးကဵုခမဳကလုတ်ဗွက်ကြဴ ကုခမဳမဒးဒုၚ်သ္ပ ပဋိသာရဏဳယမ်ရ’ ရဴဝွံ တဳလမၞုံပိုဉ်ကျာ်တြဲ ပညပ်လဝ်ရ၊ ယွံကောန်တၠတအ် ဩဝ်ကဵုခမဳကလုတ် ဗွက်ကြဴ ကုအဲအိုတ်ညိ” ရဴဝွံ သ္ဂးကဵုခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳရ။ ပ္ဍဲအခိၚ်ဂှ် ခမဳကောန်ညးဝဇ္ဇဳရးဂမၠိုၚ် မပဒတဴပ္ဍဲဍုၚ်ဝေသာလဳဂှ် သၟိတ်ပတိုန် ခမဳမွဲဇကုတုဲ ကဵုခမဳဗွက်ကြဴ ကုတဳလပိုဉ်ယသ မဒှ်ကောန်ဗဗၞးကာကဏ္ဍကအိုတ်ရ။ ကြဴနူဂှ် တဳလပိုဉ်ယသ မဒှ်ကောန်ဗဗၞးကာကဏ္ဍက မွဲဟာန်ကေုာံခမဳကလုတ်ဗွက်ကြဴ လုပ်အာ ဍုၚ်ဝေသာလဳတုဲ—
၁၂.၁.၁။ ကမၠိဂိတုတ္ၚဲဂမၠိုၚ်ပန်သာ်[ပလေဝ်ဒါန် | ပလေဝ်ဒါန် တမ်ကၞက်]
ယွံခမဳတအ် ကမၠိကၠိခ္ဍက်ဂမၠိုၚ် ဂိတုတ္ၚဲဂမၠိုၚ်ဂှ် ဣဝွံပန်ဂကူအိုတ်ရ၊ ဂိတုတ္ၚဲဂမၠိုၚ် ဟိုတ်မကၠိခ္ဍက်တဴ နကဵုကမၠိကၠိခ္ဍက်ဂမၠိုၚ်ဂှ် ဟွံဂဵုလဟဵုအိုတ်ရ၊ ဟွံဂဵုလဟဵုအိုတ်ရ၊ ဟွံယးတၟးအိုတ်ရ၊ ဟွံရာၚ်ဆာဲအိုတ်ရ။ ညးမ္ဂးပန်ဂကူအိုတ်ဂှ်ရောမ္ဂးမာ—
ယွံခမဳတအ် ဂၠမ်မတ်ဗြဲဂှ် ဟိုတ်ဂိတုတ္ၚဲဂမၠိုၚ် ဂွံကၠိခ္ဍက်ရ၊ ဂိတုတ္ၚဲဂမၠိုၚ် ဟိုတ်မကၠိခ္ဍက်တဴ နကဵုကမၠိကၠိခ္ဍက်ဂှ် ဟွံဂဵုလဟဵုအိုတ်ရ၊ ဟွံယးတၟးအိုတ်ရ၊ ဟွံရာၚ်ဆာဲအိုတ်ရ။
ယွံခမဳတအ် လတိုပ်ဂှ် ဟိုတ်ဂိတုတ္ၚဲဂမၠိုၚ် ဂွံကၠိခ္ဍက်ရ၊ ဂိတုတ္ၚဲဂမၠိုၚ် ဟိုတ်မကၠိခ္ဍက်တဴ နကဵုကမၠိကၠိခ္ဍက်ဂှ် ဟွံဂဵုလဟဵုအိုတ်ရ၊ ဟွံယးတၟးအိုတ်ရ၊ ဟွံရာၚ်ဆာဲအိုတ်ရ။
ယွံခမဳတအ် ယေက်, မၠိုက်ဂှ် ဟိုတ်ဂိတုတ္ၚဲဂမၠိုၚ် ဂွံကၠိခ္ဍက်ရ၊ ဂိတုတ္ၚဲဂမၠိုၚ် ဟိုတ်မကၠိခ္ဍက်တဴ နကဵုကမၠိကၠိခ္ဍက်ဂှ် ဟွံဂဵုလဟဵုအိုတ်ရ၊ ဟွံယးတၟးအိုတ်ရ၊ ဟွံရာၚ်ဆာဲအိုတ်ရ။
ယွံခမဳတအ် ရာဟုအသုရိန်ဂှ် ဟိုတ်ဂိတုတ္ၚဲဂမၠိုၚ် ဂွံကၠိခ္ဍက်ရ၊ ဂိတုတ္ၚဲဂမၠိုၚ် ဟိုတ်မကၠိခ္ဍက်တဴ နကဵုကမၠိကၠိခ္ဍက်ဂှ် ဟွံဂဵုလဟဵုအိုတ်ရ၊ ဟွံယးတၟးအိုတ်ရ၊ ဟွံရာၚ်ဆာဲအိုတ်ရ။
ယွံခမဳတအ် ကမၠိကၠိခ္ဍက်ဂမၠိုၚ် ဂိတုတ္ၚဲဂမၠိုၚ်ဂှ် ဣဝွံပန်ဂကူအိုတ်ရ၊ ဂိတုတ္ၚဲဂမၠိုၚ် ဟိုတ်မကၠိခ္ဍက်တဴ နကဵုကမၠိကၠိခ္ဍက်ဂမၠိုၚ်ဂှ် ဟွံဂဵုလဟဵုအိုတ်ရ၊ ဟွံယးတၟးအိုတ်ရ၊ ဟွံရာၚ်ဆာဲအိုတ်ရ။
၁၂.၁.၂။ ကမၠိခမဳဂမၠိုၚ်ပန်သာ်[ပလေဝ်ဒါန် | ပလေဝ်ဒါန် တမ်ကၞက်]
ယွံခမဳတအ် တုပ်သၟဟ်ညံၚ်ရဴသာ်ဂှ်ဟေၚ် ကမၠိကၠိခ္ဍက်ဂမၠိုၚ် သမဏဗြာဟ္မဏဂမၠိုၚ်ဂှ် ဣဝွံပန်ဂကူအိုတ်ရ၊ သမဏဗြာဟ္မဏဂမၠီုၚ် ဟိုတ်မကၠိခ္ဍက်တဴ နကဵုကမၠိကၠိခ္ဍက်ဂမၠိုၚ်ဂှ် ဟွံဂဵုလဟဵုအိုတ်ရ၊ သမဏဗြာဟ္မဏဂမၠိုၚ် ဟိုတ်မကၠိခ္ဍက်တဴ နကဵုကမၠိကၠိခ္ဍက်ဂမၠိုၚ်ဂှ် ဟွံဂဵုလဟဵုအိုတ်ရ၊ ဟွံယးတၟးအိုတ်ရ၊ ဟွံရာၚ်ဆာဲအိုတ်ရ။ ညးမ္ဂးပန်ဂကူအိုတ်ဂှ်ရောမ္ဂးတုန်—
ယွံခမဳတအ် သမဏဗြာဟ္မဏဂမၠိုၚ်လ္ၚဵု သုၚ်ဍာ်သိအိုတ်ရ၊ သုၚ်အရက်မေရယ်အိုတ်ရ၊ မဟွံဝေၚ်ပါဲကၠေံ နူပွမသုၚ်စသိအရက်အိုတ်ရ။ ယွံခမဳတအ် ဣဝွံဂှ် ကမၠိကၠိခ္ဍက် သမဏဗြာဟ္မဏဂမၠိုၚ် မဒှ်ကိုပ်ကၠာရ၊ ဟိုတ်မကၠိခ္ဍက်တဴ နကဵုကမၠိကၠိခ္ဍက်ဂှ် သမဏဗြာဟ္မဏဂမၠိုၚ်လ္ၚဵု ဟွံဂဵုလဟဵုအိုတ်ရ၊ ဟွံယးတၟးအိုတ်ရ၊ ဟွံရာၚ်ဆာဲအိုတ်ရ။
ယွံခမဳတအ် မွဲဂကူပၠန်တုန် သမဏဗြာဟ္မဏဂမၠိုၚ်လ္ၚဵု သွိုန်ဗပိုန်သိပ်ဂၠိပ်ဒ္ဂေတ်မေထုန်အိုတ်ရ၊ ဟွံဝေၚ်ပါဲကၠေံ နူပွမသွိုန်ဗပိုန်သိပ်ဂၠိပ်ဒ္ဂေတ်မေထုန်အိုတ်ရ။ ယွံခမဳတအ် ဣဝွံဂှ် ကမၠိကၠိခ္ဍက် သမဏဗြာဟ္မဏဂမၠိုၚ် မရနုက်ကဵုၜါရ၊ သမဏဗြာဟ္မဏဂမၠိုၚ်လ္ၚဵု ဟိုတ်မကၠိခ္ဍက်တဴ နကဵုကမၠိကၠိခ္ဍက်ဂှ် ဟွံဂဵုလဟဵုအိုတ်ရ၊ ဟွံယးတၟးအိုတ်ရ၊ ဟွံရာၚ်ဆာဲအိုတ်ရ။
ယွံခမဳတအ် မွဲဂကူပၠန်တုန် သမဏဗြာဟ္မဏဂမၠိုၚ်လ္ၚဵု သာယျေန်ထဝ်သြန်အိုတ်ရ၊ ဟွံဝေၚ်ပါဲကၠေံ နူပွမဒုၚ်ဂိုၚ်ကေတ်ထဝ်သြန်အိုတ်ရ။ ယွံခမဳတအ် ဣဝွံဂှ် ကမၠိကၠိခ္ဍက်သာမဏဗြာဟ္မဏဂမၠိုၚ် မရနုက်ကဵုပိရ၊ သမဏဗြာဟ္မဏဂမၠိုၚ်လ္ၚဵု ဟိုတ်မကၠိခ္ဍက်တဴ နကဵုကမၠိကၠိခ္ဍက်ဂှ် ဟွံဂဵုလဟဵုအိုတ်ရ၊ ဟွံယးတၟးအိုတ်ရ၊ ဟွံရာၚ်ဆာဲအိုတ်ရ။
ယွံခမဳတအ် မွဲဂကူပၠန်တုန် သမဏဗြာဟ္မဏဂမၠိုၚ်လ္ၚဵု ဂယိုၚ်လမျီုမှာရာအိုတ်ရ၊ ဟွံဝေၚ်ပါဲကၠေံ နူပွမဂယိုၚ်လမျီုမှာရာအိုတ်ရ။ ယွံခမဳတအ် ဣဝွံဂှ် ကမၠိကၠိခ္ဍက် သမဏဗြာဟ္မဏဂမၠိုၚ် မရနုက်ကဵုပန်ရ၊ သမဏဗြာဟ္မဏဂမၠိုၚ်လ္ၚဵု ဟိုတ်မကၠိခ္ဍက်တဴ နကဵုကမၠိကၠိခ္ဍက်ဂှ် ဟွံဂဵုလဟဵုအိုတ်ရ၊ ဟွံယးတၟးအိုတ်ရ၊ ဟွံရာၚ်ဆာဲအိုတ်ရ။
ယွံခမဳတအ် ကမၠိကၠိခ္ဍက်ဂမၠိုၚ် သမဏဗြာဟ္မဏဂမၠိုၚ်ဂှ် ဣဝွံပန်ဂကူအိုတ်ရ၊ သာမဏဗြာဟ္မဏဂမၠိုၚ်လ္ၚဵု ဟိုတ်မကၠိခ္ဍက်တဴ နကဵုကမၠိကၠိခ္ဍက်ဂမၠိုၚ်ဂှ် ဟွံဂဵုလဟဵုအိုတ်ရ၊ ဟွံယးတၟးအိုတ်ရ၊ ဟွံရာၚ်ဆာဲအိုတ်ရ။
ယွံဒကာတအ် တဳလမၞုံပိုဉ်ကျာ်တြဲ တွံတဴဂလာန်ဝွံရ၊ တွံတဴဂလာန်ဝွံတုဲ ကျာ်တြဲမလေပ်သ္ဂးတဴဂလာန်ခိုဟ်ဆာဲ ပ္ဍဲကြဴနူဂှ် တွံတိုန်ဂလာန်ဝွံရ။
သမဏဗြာဟ္မဏဂမၠိုၚ်လ္ၚဵု မၞုံယၟုပေါသ မကၠိခ္ဍက်တဴ နကဵု ‘ရာဂ’ ပွမထၞေန်စပ် ‘ဒေါသ’ ပွမလုတ်မှာဒုဟ် ဒးဒုၚ်ကၟာတ်လဒဵုကဵုအဝိဇ္ဇာ မလေပ်သ္ဍိုက်မၠိုက်တဴ ပိယရုပ် သာတရုပ်ဂှ် သုၚ်ဍာ်သိအိုတ်ရ၊ သုၚ်အရက်မေရယ်အိုတ်ရ၊ သွိုန်ဗပိုန်သိပ်ဂၠိပ် မေထုန်အိုတ်ရ၊ ပူဂိုလ်မဟွံတီဂမၠိုၚ်ဂှ် သာယျေန် ထဝ်ကီု သြန်ကီုအိုတ်ရ။
သမဏဗြာဟ္မဏဂမၠိုၚ်လ္ၚဵု ဂယိုၚ်လမျီု နပွမဂယိုၚ်လမျီုမှာရာအိုတ်ရ၊ ကမၠိကၠိခ္ဍက်ဂမၠိုၚ် ဝွံ ကျာ်တြဲမဒှ်ကဠောဒညာတ်သၟိၚ်တ္ၚဲ တွံလဝ်ရ။
ယြဴနကမၠိကၠိခ္ဍက်ဂမၠိုၚ်ဂှ် သမဏဗြာဟ္မဏဂမၠိုၚ်လ္ၚဵု ဟွံဂဵုလဟဵုအိုတ်ရ၊ ဟွံယးတၟးအိုတ်ရ၊ ဟွံသအးဇ္ၚးအိုတ်ရ၊ ဒှ်မွဲဟာန်ကေုာံမၠိုက်အိုတ်ရ၊ တုပ်သၟဟ်ကေုာံဒြာဲဂြိုပ်အိုတ်ရ။
သမဏဗြာဟ္မဏဂမၠိုၚ်လ္ၚဵု မကွိၚ်ဂြောပ် နကဵုတိုက်ဒမၠု မဒှ်ဍိက်ပၠက်တဏှာ မဒှ်မွဲဟာန်ကေုာံတဏှာ ကဵုဇၞော်မောဝ်တဴ တိသုသာန် မသကာတ်မြဟ်အိုတ်ရ၊ ဒးဂိုၚ်ကေတ် ဘဝတၟိမွဲလှေ်ပၠန်အိုတ်ရ ရဴဝွံ (တွံတဴရ)။
အဲမၞုံကွေတ်ရဴဝွံ တ္ၜေက်လက် တြနာဲဥပးဂမၠိုၚ် မၞုံကဵုသဒ္ဓါ မၞုံကဵုလျုၚ်ဇြုၚ်သ္ဍိုက်ရးဂး၊ လဗပ်ပကီု ဟီုစုတ်ရဂး၊ သ္ပပွမဟွံလျုၚ်ဇြုၚ်သ္ဍိုက်ရဂး၊ အဲဂှ် ဟွံသေၚ်ကဵုဓရ်ဂှ် ဟွံသေၚ်ကဵုဓရ်ရ၊ ဓရ်ဂှ် ဓရ်ရ ရဴဝွံ ဟီုရ၊ ဟွံသေၚ်ကဵုဝိနယ်ရ၊ ဝိနယ်ဂှ် ဝိနယ်ရ ရဴဝွံဟီုရ။
၄၄၈။ ယွံဒကာတအ် ပ္ဍဲကာလမွဲအခိၚ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဘာဝေဠုဝန် မဒှ်ဒၞာဲကဵုစၞကုဇန်လမ္စံက်ဂမၠိုၚ် ဇရေၚ်ဍုၚ်ရာဇဂြိုဟ်ရ။
ပ္ဍဲအခိၚ်ဂှ် ပ္ဍဲပရိသာတ်သၟိၚ် မဂဇအ်ကောံဓရီုသၟဟ်သၟန် အပ္ဍဲဝၚ်နန်ဂှ် ဂလာန်အကြာမတွံဂး “ကုခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ်ဂှ် ထဝ်သြန်ဂှ် ဂပ်ဝ်ရ၊ ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ် သာယျေန်ထဝ်သြန်အိုတ်ရ၊ ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ်ဂှ် ဒုၚ်ဂိုၚ်ကေတ် ထဝ်သြန်အိုတ်ရ” ရဴဝွံ ဒှ်ကၠုၚ်ရ။
ယွံဒကာတအ် ပ္ဍဲအခိၚ်ဂှ် ညးဇၞော်ကွာန်မဏိစူဠက ဂဇအ်နွံဒၟံၚ်ပ္ဍဲပရိသာတ်ဂှ်ရ။ ယွံဒကာတအ် ပ္ဍဲအခိၚ်ဂှ် ညးဇၞော်ကွာန်မဏိစူဠကဂှ်—
“ယွံတၠနာဲတအ် လ္ပဟီုရဴဝွံအိုတ်ညိ၊ ကုခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ်ဂှ် ထဝ်သြန်ဂှ် ဟွံဂပ်ဝ်ရ၊ ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ်ဂှ် ဟွံသာယျေန်ထဝ်သြန်အိုတ်ရ၊ ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ်ဂှ် ဟွံဒုၚ်ဂိုၚ်ကေတ်ထဝ်သြန်အိုတ်ရ၊ ခမဳဂမၠိုၚ် မဒှ်တၞောဝ်ကျာ်ကောန်သၟိၚ် သကျဝၚ်ဂှ် ကၠဟ်သၠးဖျေံထောံ မၞိက်ထဝ်အိုတ်ရ၊ စာ်စ္ဍးနူထဝ်သြန်အိုတ်ရ” ရဴဝွံ ဟီုသ္ဂးကဵု ပရိသာတ်ဂှ်ရ။ ယွံဒကာတအ် ညးဇၞော်ကွာန်မဏိစူဠက တၞဟ်နကဵုပရိသာတ်ဂှ် တီကၠိုဟ်ကေတ် သၟဟ်ရထရ။ ယွံဒကာတအ် ညးဇၞော်ကွာန်မဏိစူဠကဂှ် ကဵုပရိသာတ်ဂှ် တီကၠိုဟ်ကေတ်တုဲပ္ဍဲကြဴ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တုဲ သီုမဂဇအ်ဒၟံၚ်ပ္ဍဲဒၞာဲမွဲဂှ်—
“ယွံကျာ်မၞုံပိုဉ် လၟုဟ် ပ္ဍဲပရိသာတ်သၟိၚ် မဂဇအ်ကောံဓရီုညဳသၟဟ်သၟန် အပ္ဍဲဝၚ်နန်ဂှ် ဂလာန်အကြာမတွံဂး ‘ကုခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ်ဂှ် ထဝ်သြန်ဂှ် ဂပ်ဝ်ရ၊ ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ် သာယျေန်ထဝ်သြန်အိုတ်ရ၊ ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ်ဂှ် ဒုၚ်ဂိုၚ်ကေတ် ထဝ်သြန်အိုတ်ရ’ ရဴဝွံ ဒှ်ကၠုၚ်ရ။ ယွံကျာ်မၞုံပိုဉ် ဟီုသ္ဂးရဴဝွံမ္ဂး အဲဍိက်ဂှ် ‘ယွံတၠနာဲတအ် လ္ပဟီုရဴဝွံအိုတ်ညိ၊ ကုခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ်ဂှ် ထဝ်သြန်ဂှ် ဟွံဂပ်ဝ်ရ၊ ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ်ဂှ် ဟွံသာယျေန်ထဝ်သြန်အိုတ်ရ၊ ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ်ဂှ် ဟွံဒုၚ်ဂိုၚ်ကေတ် ထဝ်သြန်အိုတ်ရ၊ ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ်ဂှ် ကၠဟ်သၠးဖျေံထောံ မၞိက်ထဝ်အိုတ်ရ၊ စာ်စ္ဍးနူထဝ်သြန်အိုတ်ရ’ ရဴဝွံ ဟီုသ္ဂးကဵု ပုရိသာတ်ဂှ်ရ။ ယွံကျာ်မၞုံပိုဉ် အဲဍိက်ဂှ် တၞဟ်နကဵုပရိသာတ်ဂှ် တီကၠိုဟ်ကေတ် သၟဟ်ရထရ။
ယွံကျာ်မၞုံပိုဉ် ပသာ်ရော? အဲဍိက်ဟီုသ္ဂးရဴဝွံမ္ဂး ဒှ်ညးဟီုသ္ဂး ဂလာန်တဳလမၞုံပိုဉ်ကျာ်တြဲ ဟီုတွံဟာ၊ ဒှ် ဟွံစောတ်စောဲ တဳလမၞုံပိုဉ်ကျာ်တြဲ နဂလာန်ဟွံဍာံစၟတ်ဟာ၊ ဓရ်မဗဗွဲကုဓရ်ဂှ်လေဝ် ဒှ်ဟီုသ္ဂးဟာ၊ ပွမဟီုသ္ဂးလ္ၚဵု ညံၚ်ဂွံဗဗွဲကဵုဝါဒဂှ် ရုမ်ဂပ်ကဵုဟိုတ်တုဲ သီုဟွံအာစိုပ် အရာထေက်ကဵု ဟီုဂရိုဟ်ဒှ်ဟာ” ရဴဝွံ ဂရၚ်ပတီရ။
ယွံညးဇၞော်ကွာန် တၠအဲဟီုသ္ဂးရဴဝွံမ္ဂး ဒှ်ညးဟီုသ္ဂးဂလာန်အဲဟီုတွံရ၊ ဒှ်ဟွံစောတ်စောဲ အဲ နဂလာန်ဟွံဍာံစၟတ်ရ၊ ဓရ်မဗဗွဲကုဓရ်ဂှ်လေဝ် ဒှ်ဟီုသ္ဂးရ၊ ပွမဟီုသ္ဂးလ္ၚဵု ညံၚ်ဂွံဗဗွဲကဵုဝါဒဂှ် ရုမ်ဂပ်ကဵုဟိုတ်တုဲ ဟွံအာစိုပ်အရာထေက်ကဵုဟီုဂရိုဟ်ရ၊ ယွံညးဇၞော်ကွာန်ကုခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ်ဂှ် ထဝ်သြန်ဂှ် ဟွံဂပ်ဝ်ရ၊ ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ်ဂှ် ဟွံသာယျေန်ထဝ်သြန်အိုတ်ရ၊ ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ်ဂှ် ဟွံဒုၚ်ဂိုၚ်ကေတ် ထဝ်သြန်အိုတ်ရ၊ ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ်ဂှ် ကၠဟ်သၠးဖျေံထောံ မၞိက်ထဝ်အိုတ်ရ၊ စာ်စ္ဍးနူထဝ်သြန်အိုတ်ရ။
ယွံညးဇၞော်ကွာန် ကုညးထဝ်သြန်ဂပ်ဝ်ဂှ် ကာမဂုဏ်ဂမၠိုၚ် မသုန်ပြကာလေဝ် ဂပ်ဝ်အိုတ်ရ၊ ညးကာမဂုဏ်ဂမၠိုၚ် မသုန်ပြကာဂပ်ဝ်ဂှ် “ညးဟွံမွဲကဵုဓရ်ခမဳ၊ ညးဟွံမွဲကဵုဓရ် တၞောဝ်ကျာ်ကောန်သၟိၚ်သကျဝၚ်ဂမၠိုၚ်” ရဴဝွံ ဩဝ်ဂိုၚ်သမ္တီ ဗွဲဨကန်ညိ။
ယွံညးဇၞော်ကွာန် ဗွဲစၟတ်တုန် အဲတွံတဴရဴဝွံရ၊ “ညးမၞုံပၟိက်ကဵုချောဲဂှ် ဂပ်ဝ်ဂၠာဲသ္ၚေဝ်ချောဲရ၊ ညးမၞုံပၟိက်ကဵုဆုဂှ် ဂပ်ဝ်ဂၠာဲသ္ၚေဝ်ဆုရ၊ ညးမၞုံပၟိက်ကဵုကွဳဂှ် ဂပ်ဝ်ဂၠာဲသ္ၚေဝ်ကွဳရ၊ ညးမၞုံပၟိက်ကဵုတြုံ (သၟာကမၠောန်) ဂှ် ဂပ်ဝ်ဂၠာဲသ္ၚေဝ်တြုံ (သၟာကမၠောန်) ရ။ ယွံညးဇၞော်ကွာန် နကဵုဟိုတ်လဵုလေဝ် ‘ဂပ်ဝ်သာယျေန် ဂပ်ဝ်ဂၠာဲသ္ၚေဝ်ထဝ်သြန်’ ရ” ရဴဝွံ အဲကျာ်ဟွံတွံရ ရဴဝွံ သ္ဂးရ။
အဲမၞုံအလေံဟီုသ္ဂးရဴဝွံ တ္ၜေက်လက် တြနာဲဥပးဂမၠိုၚ် မၞုံကဵုသဒ္ဓါ မၞုံကဵုလျုၚ်ဇြုၚ်သ္ဍိုက်ရဂး၊ လဗပ်ပကီု ဟီုစုတ်ရဂး၊ သ္ပပွမဟွံလျုၚ်ဇြုၚ်သ္ဍိုက်ရဂး၊ အဲဂှ် ဟွံသေၚ်ကဵုဓရ်ဂှ် ဟွံသေၚ်ကဵုဓရ်ရ၊ ဓရ်ဂှ် ဓရ်ရ ရဴဝွံဟီုရ၊ ဟွံသေၚ်ကဵုဝိနယ်ဂှ် ဟွံသေၚ်ကဵုဝိနယ်ရ၊ ဝိနယ်ဂှ် ဝိနယ်ရ ရဴဝွံဟီုရ။
၄၄၉။ ယွံဒကာတအ် ပ္ဍဲကာလမွဲတ္ၚဲ ပ္ဍဲဍုၚ်ရာဇဂြိုဟ် တဳလမၞုံပိုဉ်ကျာ်တြဲ သ္ပဟိုတ်ကဵုတဳလပိုဉ်ဥပနန္ဒ ကောန်သၟိၚ်သကျဝၚ်တုဲ ပါဲကၠေံထဝ်သြန်ရ၊ သိက္ခာပိုဒ်လေဝ် ပညပ်ရ။ အဲမၞုံကွေတ်ရဴဝွံ တ္ၜေက်လက် တြနာဲဥပးဂမၠိုၚ် မၞုံကဵုသဒ္ဓါမၞုံကဵုလျုၚ်ဇြၚ်သ္ဍိုက်ရဂး၊ လဗပ်ပကီုဟီုစုတ်ရဂး၊ သ္ပပွမဟွံလျုၚ်ဇြုၚ်သ္ဍိုက်ရဂး၊ အဲဂှ် ဟွံသေၚ်ကဵုဓရ်ဂှ် ဟွံသေၚ်ကဵုဓရ်ရ၊ ဓရ်ဂှ် ဓရ်ရ ရဴဝွံ ဟီုရ၊ ဟွံသေၚ်ကဵုဝိနယ်ဂှ် ဟွံသေၚ်ကဵုဝိနယ်ရ၊ ဝိနယ်ဂှ် ဝိနယ်ရ ရဴဝွံ ဟီုရ။
ဟီုသ္ဂးရဴဝွံမ္ဂး ဥပးကောန်ဍုၚ်ဝေသာလဳဂမၠိုၚ်ဂှ် “ယွံတဳလပိုဉ် တဳလပိုဉ်ယသ ကောန်ဗဗၞး ကာကဏ္ဍကမွဲဇကုဟေၚ် ခမဳမဒှ်တၞောဝ်ကျာ်ကောန်သၟိၚ်သကျဝၚ်ရ၊ ညးဂမၠိုၚ်အိုတ်သီုဝွံ ခမဳဟွံသေၚ်အိုတ်ရ၊ တၞောဝ်ကျာ်ကောန်သၟိၚ်သကျဝၚ် ဟွံသေၚ်အိုတ်ရ၊ တဳလပိုဉ်ယသ ကောန်ဗဗၞး ကာကဏ္ဍက ဩဝ်ပဒတဴ ပ္ဍဲဍုၚ်ဝေသာလဳညိ၊ ပိုဲဍိက်တအ်ညးဂမၠိုၚ် သ္ပဂဗုဓ်လွဳပရာ သွက်သ္ၚာ ပိဏ္ဍပါတ် ဘာဂဥုဲမဒှ်ကြိယာဗာပၟၚ်ပၟဲလမျီု မစှေ်ကဵုယဲဂမၠိုၚ်အိုတ်ရ” ရဴဝွံ ဂရၚ်ပတီ တဳလပိုဉ်ယသ ကောန်ဗဗၞးကာကဏ္ဍကအိုတ်ရ။
ကြဴနူဂှ် တဳလပိုဉ်ယသ ကောန်ဗဗၞးကာကဏ္ဍကဂှ် ကဵုဥပးကောန်ဍုၚ်ဝေသာလဳဂမၠိုၚ်တီတုဲမ္ဂး မွဲဟာန်ကေုာံခမဳကလုတ် ဗွက်ကြဴ အာအာရှာမ်ဘာရ။
ပ္ဍဲအခိၚ်ဂှ် ခမဳကောန်ဝဇ္ဇဳရးဂမၠိုၚ် မပဒတဴဍုၚ်ဝေသာလဳဂှ် “ယွံကောန်တၠယသ ကောန်ဗဗၞးကာကဏ္ဍက ဂပ်ဝ်အာတ်ဒုၚ်ဂုဏ် ဥပးဂမၠိုၚ်မပဒတဴပ္ဍဲဍုၚ်ဝေသာလဳတုဲရဟာ” ရဴဝွံ သၟာန် ခမဳကလုတ်ဗွက်ကြဴအိုတ်ရ။
ယွံကောန်တၠတအ် ဥပးဂမၠိုၚ် သ္ပပိုဲညးဂမၠိုၚ် ဒဒှ်ညးယုတ်မာအိုတ်ရ၊ တဳလပိုဉ်ယသကောန်ဗဗၞးကာကဏ္ဍကမွဲဇကုဟေၚ် သ္ပဒဒှ်ခမဳ မဒှ်တၞောဝ်ကျာ်ကောန်သၟိၚ်သကျဝၚ်အိုတ်ရ၊ သ္ပပိုဲညးဂမၠိုၚ်အိုတ်သီု ဒဒှ်ခမဳ ဟွံသေၚ်အိုတ်ရ၊ ဒဒှ်ခမဳ မဒှ်တၞောဝ်ကျာ်ကောန်သၟိၚ်သကျဝၚ် ဟွံသေၚ်အိုတ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳကောန်ဝဇ္ဇဳရးဂမၠိုၚ် မပဒတဴပ္ဍဲဍုၚ်ဝေသာလဳဂှ် “ယွံကောန်တၠတအ် ယသ ကောန်ဗဗၞးကာကဏ္ဍကဝွံ သီုပိုဲညးဂမၠိုၚ် မဟဂပ်ဝ်သၟိတ်ပတိုန်ဂှ် သ္ပပြာကဋ် ကုခရှ်ဂမၠိုၚ်ရ၊ လၟုဟ် ပိုဲညးဂမၠိုၚ် သ္ပဥက္ခေပနဳယကမ် ကုခမဳဂှ်အိုတ်စိုတ်” ရဴဝွံ ခမဳဂမၠိုၚ်ဂှ်မိက်သ္ပ ဥက္ခေပနဳယကမ် ကုယသဂှ်တုဲ ကောံဓရီုအိုတ်ရ။
ပ္ဍဲအခိၚ်ဂှ် တဳလပိုဉ်ယသ ကောန်ဗၞးကာကဏ္ဍက ကဠာၚ်တိုန်အကးတုဲ တန်တဴပ္ဍဲဍုၚ်ကောသမ္ဗဳရ။
၄၅၀။ ပ္ဍဲအခိၚ်ဂှ် တဳလပိုဉ်ယသ ကောန်ဗဗၞးကာကဏ္ဍကဂှ် “ယွံတဳလပိုဉ်တအ် ဩဝ်က္ညကၠုၚ်အိုတ်ညိ၊ ကိုပ်ကၠာဓရ်အသပ္ပုရိုဟ် ဟွံဂဵုလဟဵုဏီ၊ ကိုပ်ကၠာဓရ်သပ္ပုရိုဟ် ဟွံကၠေံဗ္ဒန်ဏီ၊ ကိုပ်ကၠာဓရ်ဟွံသေၚ်ကဵုဝိနယ် ဟွံဂဵုလဟဵုဏီ၊ ကိုပ်ကၠာဓရ်ဝိနယ် ဟွံကၠေံဗ္ဒန်ဏီ၊ ကိုပ်ကၠာပူဂိုလ်အဓမ္မဝါဒဳဂမၠိုၚ် ဟွံမွဲကဵုဒြဟတ်ဏီ၊ ကိုပ်ကၠာပူဂိုလ်ဓမ္မဝါဒဳဂမၠိုၚ် ဟွံဍုန်ကဵုဇြဟတ်ဏီ၊ ကိုပ်ကၠာပူဂိုလ် အဝိနယဝါဒဳဂမၠိုၚ် ဟွံမွဲကဵုဒြဟတ်ဏီ၊ ကိုပ်ကၠာပူဂိုလ်ဝိနယဝါဒဳဂမၠိုၚ် ဟွံဍိုန်ကဵုဇြဟတ်ဏီ ကြက်ဂိုၚ်ကေတ် အဓိကိုရ်ဝွံအိုတ်ရ” ရဴဝွံ ဗလးဏာကလုတ် ဇရေၚ်ခမဳကောန်ဍုၚ်ပါဝါဂမၠိုၚ်ကီု ဇရေၚ်ခမဳကောန်ညးအဝန္တိက္ခိဏပထရးဂမၠိုၚ်ကီုရ။
ပ္ဍဲအခိၚ်ဂှ် တဳလပိုဉ်သမ္ဘူတ မပဒတဴပ္ဍဲဌာန်သာဏဂှ် ပဒတဴဒၟံၚ် ပ္ဍဲဒဵုမၞုံယၟုအဟောဂၚ်္ဂါရ။ ပ္ဍဲအခိၚ်ဂှ် တဳလပိုဉ်ယသ ကောန်ဗဗၞးကာကဏ္ဍက ပြာပ်အာဇရေၚ် တဳလပိုဉ်သမ္ဘူတ မပဒတဴပ္ဍဲဌာန်သာဏ ဒဵုမၞုံယၟုအဟောဂၚ်္ဂါတုဲ လ္ၚောဝ်သ္ပဝတ်တုဲမ္ဂး သီုမဂဇအ်ဒၟံၚ်ပ္ဍဲဒၞာဲမွဲဂှ်—
“ယွံတဳလပိုဉ် ပ္ဍဲဍုၚ်ဝေသာလဳ ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳ ထ္ၜးတဴဝတ္ထုဂမၠိုၚ်စှ်သာ်အိုတ်ရ။
‘ၜဵု မရၚ်တၠုၚ်စွံလဝ် နဍေၚ်ဒြၚ်သတ်ဂှ် ဂပ်ဝ်ရ။
ပွမစသုၚ် ပ္ဍဲအခိၚ်တ္ၚဲစေၚ်လောန်အာ ၜါလပုဟ်တဲဂှ် ဂပ်ဝ်ရ။
ကုခမဳကြက်အာကွာန်သအာၚ်ဂှ် ပွမစသုၚ် သီုဟွံသ္ပအတိရိတ်ဝိယကမ်ဂှ် ဂပ်ဝ်ရ။
ပ္ဍဲမွဲသိမ်ဓဝ် ပွမသကမ်သၚ်တၞဟ်တၞဟ်ဂှ် ဂပ်ဝ်ရ။
ပွမကဵုဆန်ဂှ် ဂပ်ဝ်ရ။
ဒ္ဂေတ်လ္ၚတ်အလေံ အ္စာဥပဇ္ၛာယ်ဂမၠိုၚ်ဂှ် ဂပ်ဝ်ရ။
သီုဟွံသ္ပအတိရိဝိနယ်ကမ် ပွမသ္ပဘိုဂ်ဍာ်တှ် ကၠာဟွံဒှ်ဍာ်တှ်ထၟတ်ဏီဂှ် ဂပ်ဝ်ရ။
ပွမသုၚ်ဍာ်သိၜတ်ၜတ်ဂှ် ဂပ်ဝ်ရ။
နသဳဒိုန် မဟွံမွဲကဵုတသာဲဂှ် ဂပ်ဝ်ရ။
ထဝ်သြန်ဂှ် ဂပ်ဝ်ရ’ ရဴဝွံ (ထ္ၜးအိုတ်ရ)။
ယွံတဳလပိုဉ် လၟုဟ် ပိုဲဍိက်တအ်ညးဂမၠိုၚ် ကိုပ်ကၠာဓရ်အသပ္ပရိုဟ် ဟွံဂဵုလဟဵုဏီ၊ ကိုပ်ကၠာဓရ်သပ္ပုရိုဟ် ဟွံကၠေံဗ္ဒန်ဏီ၊ ကိုပ်ကၠာဓရ်ဟွံသေၚ်ကဵုဝိနယ် ဟွံဂဵုလဟဵုဏီ၊ ကိုပ်ကၠဓရ်ဝိနယ် ဟွံကၠေံဗ္ဒန်ဏီ၊ ကိုပ်ကၠာ ပူဂိုလ်အဓမ္မဝါဒဳဂမၠိုၚ် ဟွံမွဲကဵုဇြဟတ်ဏီ၊ ကိုပ်ကၠာပူဂိုလ်ဓမ္မဝါဒဳဂမၠိုၚ် ဟွံဍိုန်ကဵုဇြဟတ်ဏီ၊ ကိုပ်ကၠာပူဂိုလ်အဝိနယဝါဒဳဂမၠိုၚ် ဟွံမွဲကဵုဇြဟတ်ဏီ၊ ကိုပ်ကၠာပူဂိုလ်ဝိနယဝါဒဳဂမၠိုၚ် ဟွံဍိုန်ကဵုဇြဟတ်ဏီ ကြက်ဂိုၚ်ကေတ် အဓိကိုရ်ဝွံအိုတ်ရ” ရဴဝွံ ဂရၚ်ပတီရ။
“ယွံကောန်တၠ ခိုဟ်သန်ရ” ရဴဝွံ တဳလပိုဉ်သမ္ဘူတ မပဒတဴပ္ဍဲဌာန်သာဏဂှ် ဒုၚ်ဝန်ကုတဳလပိုဉ်ယသ ကောန်ဗဗၞးကာကဏ္ဍကရ။ ပ္ဍဲအခိၚ်ဂှ် ခမဳဂမၠိုၚ်မဒှ်ကောန်ပါဝေယျကရး မၞုံဗၞတ်တြဴစှော်ဇကု မဒှ်ခမဳပဒတဴဂြိုပ်အိုတ်သီု မဒှ်ပကၚ်ရၚ်ဓုတၚ်ပိဏ္ဍပါတ်အိုတ်သီု မဒှ်ပကၚ်ရၚ်ဓုတၚ် ပံသုကူအိုတ်သီု မဒှ်ပကၚ်ရၚ်ဓုတၚ်တိစဳဝရိက်အိုတ်သီု မဒှ်တၠအရှန်ဖအိုတ်ဂှ် ကောံဓရီုဒၟံၚ် ပ္ဍဲဒဵုမၞုံယၟု အဟောဂၚ်္ဂါအိုတ်ရ။
ခမဳဂမၠိုၚ်မဒှ်ကောန်အဝန္တိဒက္ခိဏာပထရး မၞုံဗၞတ်ဒ္စါံစှော်ဒ္စါံဇကု မဒှ်လ္ၚဵုခမဳပဒတဴဂြိုပ် မဒှ်လ္ၚဵုပကၚ်ရၚ်ဓုတၚ်ပိဏ္ဍပါတ် မဒှ်လ္ၚဵုပကၚ်ရၚ်ဓုတၚ်ပံသုကူ မဒှ်လ္ၚဵုပကၚ်ရၚ်ဓုတၚ်တိစဳဝရိက် မဒှ်တၠအရှန်ဖအိုတ်ဂှ် ကောံဓရီုဒၟံၚ် ပ္ဍဲဒဵုမၞုံယၟုအဟောဂၚ်္ဂါအိုတ်ရ။ ပ္ဍဲအခိၚ်ဂှ် ခမဳထေရ်ဇၞော်ဂမၠိုၚ် ချပ်ဂၞန်အိုတ်မ္ဂး “အဓိကိုရ်ဝွံ သကာတ်လေဝ်သကာတ်မြဟ်ရ၊ ဂံၚ်လေဝ်ဂံၚ်သကာရ၊ ပိုဲညးဂမၠိုၚ် မုရဴဗော်သွးမွဲ ကလိဂွံအိုတ်ရော? နကဵုဗော်သွးဂှ် ပ္ဍဲအဓိကိုရ်ဝွံ ပိုဲညးဂမၠိုၚ် မၞုံကဵုဒြဟတ်လောန်အိုတ်ရော?” ရဴဝွံ ကသပ်ဒှ်အိုတ်ရ။
၄၅၁။ ပ္ဍဲအခိၚ်ဂှ် တဳလပိုဉ်ရေဝတ ပဒတဴဒၟံၚ် ပ္ဍဲဍုၚ်သောရေယျရ၊ လၟိၚ်လညာတ်ဂၠိုၚ်တုဲ ဂွံပတိုန်လဝ်ပါၚ် ပါဠိသၟးဟွံက ဓမ္မဝိနယကေုာံမာတိကာလေဝ် ပကၚ်ရၚ်လဝ်ရ၊ ဍိုဟ်ကေက်စဳကၠးဆိုက်ဗ္ဒက် မၞုံကဵုဉာဏ်ပညာမဇြိုဟ်နက်ရ၊ လေပ်ဂွပါပ်ရ၊ မၞုံကဵု “သံသယကုက္ကုစ္စ’ ပွမချပ်သၠေပ်ပၟာရ၊ မၞုံပၟိက်ကဵုဒ္ဂေတ်သိက္ခာရ။
ပ္ဍဲအခိၚ်ဂှ် “တဳလပိုဉ်ရေဝတဝွံ ပဒတဴဒၟံၚ် ပ္ဍဲဍုၚ်သောရေယျရ၊ လၟိၚ်လညာတ်ဂၠိုၚ်တုဲ ဂွံပတိုန်လဝ်ပါၚ် ပါဠိသၟးဟွံက ဓမ္မဝိနယကေုာံမာတိကာလေဝ် ပကၚ်ရၚ်လဝ်ရ၊ ဍိုဟ်ကေက်စဳကၠးဆိုက်ဗ္ဒက် မၞုံကဵုဉာဏ်ပညာမဇြိုဟ်နက်ရ၊ လေပ်ဂွပါပ်ရ၊ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာရ၊ မၞုံပၟိက်ကဵုဒ္ဂေတ်သိက္ခာရ။
ပိုဲညးဂမၠိုၚ် ကလိဂွံဗော်သွး တဳလပိုဉ်ရေဝတမ္ဂး နပွမကလိဂွံရဴဝွံ ပ္ဍဲအဓိကိုရ်ဝွံ ပိုဲညးဂမၠိုၚ် ကြက်ဒှ်ညးမၞုံကဵုဒြဟတ်လောန်အိုတ်ရ” ရဴဝွံ ကသပ်ဒှ် ကုခမဳထေရ်ဇၞော်ဂမၠိုၚ်အိုတ်ရ။
ဃောခမဳထေရ်ဇၞော်ဂမၠိုၚ် ချပ်ဂၞန်ဒၟံၚ်ဂှ် တဳလပိုဉ်ရေဝတ မိၚ်ကေတ်နကဵုဒိဗ္ဗသောတ အဘိဉာဏ် မသအးဇ္ၚးမလောန် လတူပွမမိၚ်ကတောဝ်မၞိဟ်ဂမၠိုၚ်တုဲ “အဓိကိုရ်ဝွံ သကာတ်လေဝ်သကာတ်မြဟ်ရ၊ ဂံၚ်လေဝ်ဂံၚ်သကာရ၊ ပ္ဍဲအဓိကိုရ်မၞုံသဘဴရဴဝွံ အဲဆုတ်ကလေၚ်ထောံမ္ဂး ပွမဆုတ်ကလေၚ်ဂှ် ဟွံဗဗွဲရ၊ ခမဳဂမၠိုၚ်ဂှ်လေဝ် ကြက်ကၠုၚ်လၟုဟ်အိုတ်ရ၊ အဲဂှ်နှဴအာကရောမ်ခမဳဂမၠိုၚ်ဂှ်မ္ဂး ဂွံအာဗွဲတသိုခ် ဟွံသေၚ်ရ၊ အဲဂွံအာပြဟ်ပြဟ်မ္ဂး ခိုဟ်ရ” ရဴဝွံ ကသပ်ဒှ်ရ။
ကြဴနူဂှ် တဳလပိုဉ်ရေဝတ နူသောရေယျ အာဍုၚ်သၚ်္ကဿရ။
ပ္ဍဲအခိၚ်ဂှ် ခမဳထေရ်ဂမၠိုၚ် “တဳလပိုဉ်ရေဝတ ဣလဵုရော?” ရဴဝွံ အာဍုၚ်သောရေယတုဲ သၟာန်အိုတ်ရ။
“တဳလပိုဉ်ရေဝတဂှ် အာဍုၚ်သၚ်္ကဿရ” ရဴဝွံ ခမဳဂမၠိုၚ်ဂှ် သ္ဂးအိုတ်ရ။
ပ္ဍဲအခိၚ်ဂှ် ခမဳထေရ်ဂမၠိုၚ် “တဳလပိုဉ်ရေဝတ ဣလဵုရော?” ရဴဝွံ အာဍုၚ်သၚ်္ကဿတုဲ သၟာန်အိုတ်ရ။
“တဳလပိုဉ်ရေဝတဂှ် အာဍုၚ်ကဏ္ဏကုဇ္ဇရ” ရဴဝွံ ခမဳဂမၠိုၚ်ဂှ် သ္ဂးအိုတ်ရ။
ပ္ဍဲအခိၚ်ဂှ် တဳလပိုဉ်ရေဝတ နူဍုၚ်ကဏ္ဏကုဇ္ဇ အာဍုၚ်ဥဒုမ္ဗရရ။
ပ္ဍဲအခိၚ်ဂှ် ခမဳထေရ်ဂမၠိုၚ် “တဳလပိုဉ်ရေဝတ ဣလဵုရော?” ရဴဝွံ အာဍုၚ်ကဏ္ဏကုဇ္ဇတုဲ သၟာန်အိုတ်ရ။
“တဳလပိုဉ်ရေဝတဂှ် အာဍုၚ်ဥဒုမ္ဗရ” ရဴဝွံ ခမဳဂမၠိုၚ်ဂှ် သ္ဂးအိုတ်ရ။
ပ္ဍဲအခိၚ်ဂှ် တဳလပိုဉ်ရေဝတ နူဍုၚ်ဥဒုမ္ဗရ အာဍုၚ်အဂ္ဂဠ ရ။
ပ္ဍဲအခိၚ်ဂှ် ခမဳထေရ်ဂမၠိုၚ် “တဳလပိုဉ်ရေဝတ ဣလဵုရော?” ရဴဝွံ အာဍုၚ်ဥဒုမ္ဗရတုဲ သၟာန်အိုတ်ရ။
“တဳလပိုဉ်ရေဝတဂှ် အာဍုၚ်အဂ္ဂဠရ” ရဴဝွံ ခမဳဂမၠိုၚ်ဂှ် သ္ဂးအိုတ်ရ။
ပ္ဍဲအခိၚ်ဂှ် တဳလပိုဉ်ရေဝတ နူဍုၚ်အဂ္ဂဠ အာဍုၚ်သဟဇာတိရ။
ပ္ဍဲအခိၚ်ဂှ် ခမဳထေရ်ဂမၠိုၚ် “တဳလပိုဉ်ရေဝတ ဣလဵုရော?” ရဴဝွံ အာဍုၚ်အဂ္ဂဠတုဲ သၟာန်အိုတ်ရ။
“တဳလပိုဉ်ရေဝတဂှ် အာဍုၚ်သဟဇာတိရ” ရဴဝွံ ခမဳဂမၠိုၚ်ဂှ် သ္ဂးအိုတ်ရ။
ပ္ဍဲအခိၚ်ဂှ် ခမဳထေရ်ဂမၠိုၚ် ဂတာပ်အာ တဳလပိုဉ်ရေဝတ ပ္ဍဲဍုၚ်သဟဇာတိအိုတ်ရ။
၄၅၂။ ပ္ဍဲအခိၚ်ဂှ် တဳလပိုဉ်သမ္ဘူတ မပဒတဴပ္ဍဲဌာန်သာဏဂှ် “ယွံကောန်တၠ တဳလပိုဉ်ရေဝတဝွံ လၟိၚ်လညာတ်ဂၠိုၚ်တုဲ ဂွံပတိုန်လဝ်ပါၚ် ပါဠိသၟးဟွံက ဓမ္မဝိနယ ကေုာံ မာတိကာလေဝ်ပကၚ်ရၚ်လဝ်ရ၊ ဍိုဟ်ကေက် စဳကၠးဆိုက်ဗ္ဒက်မၞုံကဵုဉာဏ်ပညာမဇြိုဟ်နက်ရ၊ လေပ်ဂွပါပ်ရ၊ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာရ၊ မၞုံပၟိက်ကဵုဒ္ဂေတ်သိက္ခာရ။ ပိုဲညးဂမၠိုၚ် သၟာန်တဴ တဳလပိုဉ်ရေဝတ သၟာန်ပုစ္ဆာအိုတ်မ္ဂး၊ တဳလပိုဉ်ရေဝတဂှ် နသၟာန်ပုစ္ဆာမွဲဓဝ်ဟေၚ် ကဵုကလိလောန်အာ လုကဴကၠိုဟ်ဗတမ်မာန်ရ၊ လၟုဟ် တဳလပိုဉ်ရေဝတ ကြက်ဗတိုက်ဖအောဝ် ခမဳကွပဒတဴဇရေၚ် မလေပ်ဖ္ဍောတ် နရမျာၚ်ရ။ တၠအဲဂှ် ပ္ဍဲအခိၚ်ပွမဖ္ဍောတ် နရမျာၚ်ခမဳကွးပဒတဴဇရေၚ်တုဲဂှ် ပြာပ်အာဇရေၚ် တဳလပိုဉ်ရေဝတတုဲ ဩဝ်ဂရၚ်ပတီသၟာန် ဝတ္ထုဂမၠိုၚ်စှ်သာ်ဝွံညိ” ရဴဝွံ သ္ဂးကုတဳလပိုဉ်ယသ မဒှ်ကောန်ဗဗၞးကာကဏ္ဍကရ။
“ယွံတဳလပိုဉ် ခိုဟ်သန်ရ” ရဴဝွံ တဳလပိုဉ်ယသ ကောန်ဗၞးကာကဏ္ဍကဂှ် ဒုၚ်ဝန်ကုတဳလပိုဉ်သမ္ဘူတ မပဒတဴပ္ဍဲဌာန်သာဏရ။
ပ္ဍဲအခိၚ်ဂှ် တဳလပိုဉ်ရေဝတ ဗတိုက်ဖအောဝ် ခမဳကွးပဒတဴဇရေၚ် မလေပ်ဖ္ဍောတ်နရမျာၚ်ရ။ ပ္ဍဲအခိၚ်ဂှ် တဳလပိုဉ်ယသ ကောန်ဗဗၞးကာကဏ္ဍကဂှ် ပ္ဍဲအခိၚ်ပွမဖ္ဍောတ်နရမျာၚ် ခမဳကွးပဒတဴ ဇရေၚ်တုဲဂှ် ပြာပ်အာဇရေၚ် တဳလပိုဉ်ရေဝတတုဲ လ္ၚောဝ်သ္ပဝတ် တဳလပိုဉ်ရေဝတတုဲမ္ဂး သီုမဂဇအ်ဒၟံၚ် ပ္ဍဲဒၞာဲမွဲဂှ်—
“ယွံတဳလမၞုံပိုဉ် သိၚ်္ဂဳလောဏကပ္ပဂှ် ဂပ်ဝ်ဟာ” ရဴဝွံ ဂရၚ်ပတီသၟာန်တိုန်ရ။
ယွံကောန်တၠ သိၚ်္ဂဳလောဏကပ္ပမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် “ပ္ဍဲဌာန်ဟွံမွဲကဵုၜဵုဂှ် ကြက်ဂွံပြဘိုဂ်ရ” ရဴဝွံ သွက်ဂွံရၚ်တၠုၚ်လဝ်ၜဵု နကဵုဍေၚ်ဒြၚ်သတ်ဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
ယွံတဳလမၞုံပိုဉ် ဒွၚ်္ဂုလကပ္ပဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဒွၚ်္ဂုလကပ္ပမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် ပ္ဍဲအခိၚ်တ္ၚဲစေၚ်လောန်အာ သၞိၚ်ၜါလပုဟ်တဲတုဲဂှ် သွက်ဂွံပြဘိုဂ်ဘောဇိုန်ဂှ် ဂပ်ဝ်ဟာ ရဴဝွံ (ဂရၚ်ပတီရ)။ ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
ယွံတဳလမၞုံပိုဉ် ဂါမန္တရကပ္ပဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဂါမန္တကပ္ပမ္ဂးဂှ် ညးဍေံရော ရဴဝွံ (သၟာန်ရ)။
ယွံတဳလပိုဉ် “လၟုဟ် ကြက်အာကွာန်သအာၚ်ရ” ရဴဝွံ ခမဳမဒးပဝါရိတ် ဃောကဵုပိုဉ်ဂှ် သွက်ဂွံသ္ပပြဘိုဂ် ဘောဇိုန်မဟွံသ္ပအတိရိတ်ဝိနယ်ကမ်ဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
ယွံတဳလမၞုံပိုဉ် အာဝါသကပ္ပမ္ဂးဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ အာဝါသကပ္ပမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် ဘာဂမၠိုၚ်မဂၠိုၚ်ဂှ် ဒှ်မွဲသိမ်ဓဝ်အိုတ်ရ၊ သွက်ဂွံသ္ပဥပေါဟ်တၞဟ်တၞဟ်ဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
ယွံတဳလမၞုံပိုဉ် အနုမတိကပ္ပဂှ် ဟဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ အနုမတိကပ္ပမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် “ခမဳမကၠုၚ်ဂမၠိုၚ် ကြက်ကဵုသ္ပအခေါၚ်အိုတ်ရ” ရဴဝွံ သၚ်မဒှ်ဝဂ် သွက်ဂွံသ္ပကမ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
ယွံတဳလမၞုံပိုဉ် အာစိဏ္ဏကပ္ပဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ အာစိဏ္ဏကပ္ပမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် ပွဝွံ ဒှ်ဒ္ဂေတ်အလေံ အ္စာဥပဇ္ၛာယ်အဲရ၊ ပွဝွံ ဒှ်ဒ္ဂေတ်အလေံ အ္စာဥပဇ္ၛာယ်အဲရ၊ သွက်ဂွံဒ္ဂေတ်အလေံ ပွဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဒ္ဂေတ်အလေံလ္ၚဵုဂှ် ဂပ်ဝ်ရ၊ ဒ္ဂေတ်အလေံလ္ၚဵုဂှ် ဟွံဂပ်ဝ်ရ ရဴဝွံ (သ္ဂးရ)။
ယွံတဳလမၞုံပိုဉ် အမထိတကပ္ပဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ အမထိကကပ္ပမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် ဍာ်တှ် သဘဴဍာ်တှ်ပကတိလေဝ် စာ်စ္ဍးတုဲ ဍာ်တှ်ထၟတ်လေဝ် ဟွံဒှ်ဏီဂှ် ခမဳဒးပဝါရိတ်ဃောကဵုပိုဉ်ဂှ် သီုဟွံသ္ပအတိရိတ်ဝိနယ်ကမ် သွက်ဂွံသုၚ်ဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
ယွံတဳလမၞုံပိုဉ် သွက်ဂွံသုၚ် ဇဠောဂဳဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဇဠောဂဳမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် ၜိုန်စဳရေၚ်လဝ် နကပေါတ်ကြိယာဗာအိုတ်သိုတုဲလေဝ် သွက်ဂွံသုၚ်ဍာ်သိၜတ်ၜတ် မဟွံဒှ်ဍာ်သိအရက်ဏီဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
ယွံတဳလမၞုံပိုဉ် နိသဳဒိုန်မဟွံမွဲကဵုတဿဲဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်တ်ရ ရဴဝွံ (သ္ဂးရ)။
ယွံတဳလမၞုံပိုဉ် ထဝ်သြန်ဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
ယွံတဳလပိုဉ် ပ္ဍဲဍုၚ်ဝေသာလဳ ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳဝွံ ထ္ၜးတဴဝတ္ထုဂမၠိုၚ်စှ်သာ်အိုတ်ရ။ ကိုပ်ကၠာဓရ်အသပ္ပုရိုဟ် ဟွံဂဵုလဟဵုဏီ၊ ကိုပ်ကၠဓရ်သပ္ပုရိုဟ် ဟွံကၠေံဗ္ဒန်ဏီ၊ ကိုပ်ကၠာဓရ်ဟွံသေၚ်ကဵုဝိနယ် ဟွံဂဵုလဟဵုဏီ၊ ကိုပ်ကၠာ ဓရ်ဝိနယ်ဟွံကၠေံဗ္ဒန်ဏီ၊ ကိုပ်ကၠာပူဂိုလ်အဓမ္မဝါဒဳဂမၠိုၚ် ဟွံမွဲကဵုဇြဟတ်ဏီ၊ ကိုပ်ကၠာပူဂိုလ်ဓမ္မဝါဒဳဂမၠိုၚ် ဟွံဍုန်ကဵုဒြဟတ်ဏီ၊ ကိုပ်ကၠာပူဂိုလ်အဝိနယဝါဒဳဂမၠိုၚ် ဟွံမွဲကဵုဇြဟတ်ဏီ၊ ကိုပ်ကၠာပူဂိုလ်ဝိနယဝါဒဳဂမၠိုၚ် ဟွံဍိုန်ကဵုဇြဟတ်ဏီ လၟုဟ်ပိုဲဍိက်တအ်ညးဂမၠိုၚ် ကြက်ဂိုၚ်ကေတ် အဓိကိုရ်ဝွံအိုတ်ရ” ရဴဝွံ ဂရၚ်ပတီရ။ “ယွံကောန်တၠ ခိုဟ်သန်ရ” ရဴဝွံ တဳလပိုဉ်ရေဝတ ဒုၚ်ဝန် ကုတဳလပိုဉ်ယသ ကောန်ဗဗၞးကာကဏ္ဍကရ။
✤✤✤ခဏ်ပဌမတုဲရ။✤✤✤
၁၂.၂။ ခဏ်ဒုတိယ[ပလေဝ်ဒါန် | ပလေဝ်ဒါန် တမ်ကၞက်]
၄၅၃။ ပ္ဍဲအခိၚ်ဂှ် ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳဂှ် “ခမဳယသ ကောန်ဗဗၞးကာကဏ္ဍက မိက်ဂိုၚ်ကေတ် အဓိကိုရ်ဝွံတုဲ ဂၠာဲသ္ၚေဝ်ဒၟံၚ် ဗော်သွးရဂး၊ ဗော်သွးဂှ်လေဝ် ကလိဂွံရဂး” ရဴဝွံ ဂွံမိၚ်ကေတ်အိုတ်ရ။
ပ္ဍဲအခိၚ်ဂှ် “အဓိကိုရ်ဝွံ သကာတ်လေဝ်သကာတ်မြဟ်ရ၊ ဂံၚ်လေဝ်ဂံၚ်သကာရ၊ ပိုဲညးဂမၠိုၚ် မုရဴဗော်သွးမွဲ ကလိဂွံအိုတ်ရော? နကဵုဗော်သွးဂှ် ပ္ဍဲအဓိကိုရ်ဝွံ ပိုဲညးဂမၠိုၚ် မၞုံကဵုဇြဟတ်လောန်အိုတ်ရော?” ရဴဝွံ ကသပ်ဒှ် ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ် ဝေသာလဳအိုတ်ရ။
ကြဴနူဂှ် “တဳလပိုဉ်ရေဝတဝွံ လၟိၚ်လညာတ်ဂၠိုၚ်တုဲ ဂွံပတိုန်လဝ်ပါၚ် ပါဠိသၟးဟွံက ဓမ္မဝိနယကေုာံမာတိကာလေဝ် ပကၚ်ရၚ်လဝ်ရ၊ ဍိုဟ်ကေက် စဳကၠးဆိုက်ဗ္ဒက် မၞုံကဵုဉာဏ်ပညာမဇြိုဟ်နက်ရ၊ လေပ်ဂွပါပ်ရ၊ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာရ၊ မၞုံပၟိက်ကဵုဒ္ဂေတ်သိက္ခာရ။ ပိုဲညးဂမၠိုၚ် ကလိဂွံဗော်သွး တဳလပိုဉ်ရေဝတမ္ဂး နပွမကလိဂွံရဴဝွံ ပ္ဍဲအဓိကိုရ်ဝွံ ပိုဲညးဂမၠိုၚ် ကြက်ဒှ်ညးမၞုံကဵုဒြဟတ်လောန်အိုတ်ရ” ရဴဝွံ ကသပ်ဒှ် ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳအိုတ်ရ။
ပ္ဍဲအခိၚ်ဂှ် ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳဂှ် စဳရေၚ်တဴပရိက္ခရာ အရပ်အစပ်ခမဳ ဗွဲမဂၠိုၚ်မတွံဂး ဗဗေၚ် သ္ၚာ နိသဳဒိုန် ထကိုအ်တၞိၚ် ဇုက်ကာယဗန် ခ္ဍိုဟ်ဍာ် ယာတ်ခ္ဍိုဟ်ဍာ်ဓမၚ်ကရိုဏ်အိုတ်၊ ကြဴနူဂှ် ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳဂှ်ဂိုၚ်ကေတ် ပရိက္ခရာအရပ်အစပ်ခမဳဂမၠိုၚ်တုဲ ဒစးတိုန်အာ ဍုၚ်သဟဇာတိ နကဵုဂၠုၚ်အိုတ်ရ၊ စှေ်နူဂၠုၚ်အိုတ်တုဲ ကဵုပိုဉ်ပ္ဍဲသၟဝ်တမ်ဆုမွဲအိုတ်ရ။
ပ္ဍဲအခိၚ်ဂှ် တဳလပိုဉ်သာဠ ပြာပ်အာဌာန်လ္ၚုသ္ၚိတ်ဇြတုဲ ဃောသတၚ်တန်တဴဒၟံၚ် ညးမွဲဓဝ်ဂှ် “မုရဴညးဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်အိုတ်ရော? ခမဳကောန်ပါစိနရးဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်အိုတ်ဟာ၊ ခမဳကောန်ဍုၚ်ပါဝါဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်အိုတ်ဟာ” ရဴဝွံ ကသပ်စိုတ်ဒှ်ရ။
ပ္ဍဲအခိၚ်ဂှ် ကုတဳလပိုဉ်သာဠ မဗ္စာရဏာတဴ ဓရ်ကီု ဝိနယ်ကီုဂှ် “ခမဳကောန်ပါစိနရးဂမၠိုၚ် ဒှ်ပူဂိုလ်အဓမ္မဝါဒဳဂမၠိုၚ်အိုတ်ရ၊ ခမဳကောန်ဍုၚ်ပါဝါဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်အိုတ်ရ” ရဴဝွံ ကသပ်ဒှ်ရ။
ပ္ဍဲအခိၚ် ဗြီုမွဲတၠ မပဒတဴပ္ဍဲဘုံသုဒ္ဓါဝါသဂှ် တီကေတ်ကသပ်စိုတ် တဳလပိုဉ်သာဠနကဵုစိုတ်ဇကုတုဲ တြုံမၞုံကဵုဒြဟတ်ဂှ် သ္ပါတဲမခ္ဍပ်လဝ်ဂှ် သၟဟ်ညံၚ်ရဴပၠးပတိတ်ကီု သ္ပတဲပၠးလဝ်ဂှ် သၟဟ်ညံၚ်ရဴ ခ္ဍပ်ပၠုပ်ကီု တုပ်သၟဟ်သာ်ဂှ်ဟေၚ် ကၠေံဗ္ဒန်အာ နူဘုံဗြီုသုဒ္ဓါဝါသတုဲ ကၠုၚ်ဒှ်ပြာကဋ် ပ္ဍဲဂတမုက် တဳလပိုဉ်သာဠ ရ။
ပ္ဍဲအခိၚ်ဂှ် ဗြီုဂှ်—
“ယွံတဳလပိုဉ်သာဠ အာတ်ပါန်အခေါၚ်ရ၊ ခမဳကောန်ပါစိနရးဂမၠိုၚ် ဒှ်ပူဂိုလ်အဓမ္မဝါဒဳဂမၠိုၚ်အိုတ်ရ၊ ခမဳကောန်ဍုၚ်ပါဝါဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်အိုတ်ရ။ ယွံတဳလပိုဉ်သာဠ ဟိုတ်ဂှ်ရ တဳလပိုဉ်ဩဝ်တန်တဴ အတိုၚ်ဓရ်ညိ” ရဴဝွံ ဂရၚ်ပတီ တဳလပိုဉ်သာဠ ရ။ ယွံဗြီု ပ္ဍဲအခိၚ်ကိုပ်ကၠာတေံကီု ပ္ဍဲအခိၚ်လၟုဟ်ကီု အဲတန်တဴ အတိုၚ်ဓရ်ရ။
ၜိုန်ဂှ်လေဝ် ဗွဲကိုပ်ကၠာ အဲဟွံသ္ပပြာကဋ်ကွေတ်ဏီရ၊ ပ္ဍဲအဓိကိုရ်ဝွံ သၟိတ်ပတိုန်အဲတန်ဒှ်ရ ရဴဝွံ (သ္ဂးရ)။
၄၅၄။ ပ္ဍဲအခိၚ်ဂှ် ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳ ဂိုၚ်ကေတ်ပရိက္ခရာ အရပ်စပ်ခမဳဂမၠိုၚ်တုဲ ပြာပ်အာဇရေၚ် တဳလပိုဉ်ရေဝတတုဲပ္ဍဲကြဴ—
“ယွံတဳလပိုဉ် မှာထေရ်ဂှ် ဩဝ်ဒုၚ်ဂိုၚ် ပရိက္ခရာ အရပ်အစပ်ခမဳ ဗွဲမဂၠိုၚ်မတွံဂး ဗဗေၚ်သ္ၚာ နိသဳဒိုန် ထကိုအ်တၞိၚ် ဇုက်ကာယဗန် ခ္ဍိုဟ်ဍာ်ယာတ် ခ္ဍိုဟ်ဍာ်ဓမၚ်ကရိုဏ်ညိ” ရဴဝွံ ဂရၚ်ပတီအိုတ်ရ။
“ယွံကောန်တၠတအ် ဒေါံရ၊ ဗဗေၚ်တိစဳဝရိက် ဍိုက်ပေၚ်ဒၟံၚ် ကုအဲရ” ရဴဝွံ (သ္ဂးတုဲ) ဟွံမွဲပၟိက် တၞဟ်နဒုၚ်ဂိုၚ်ကေတ်ရ။
ပ္ဍဲအခိၚ်ဂှ် ခမဳမၞုံယၟုဥတ္တရ မၞုံဝှ်ၜါစှော်ဝှ်တုဲဂှ် ဒှ်ညးကၠောန်ၜိုတ် တဳလပိုဉ်ရေဝတရ။
ပ္ဍဲအခိၚ်ဂှ် ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳ ပြာပ်အာဇရေၚ် တဳလပိုဉ်ဥတ္တရတုဲ “တဳလပိုဉ်ဥတ္တရ ဩဝ်ဒုၚ်ဂိုၚ်ကေတ် ပရိက္ခရာ အရပ်အစပ်ခမဳ ဗွဲမဂၠိုၚ်မတွံဂး ဗဗေၚ် သ္ၚာ နိသဳဒိုန် ထကိုအ်တၞိၚ် ဇုက်ကာယဗန် ခ္ဍိုဟ်ဍာ်ယာတ် ခ္ဍိုဟ်ဍာ်ဓမၚ်ကရိုဏ်ညိ” ရဴဝွံ ဂရၚ်ပတီအိုတ်ရ။
“ယွံကောန်တၠတအ် ဒေံါရ၊ ဗဗေၚ်တိစဳဝရိက် ဍိုက်ပေၚ်ဒၟံၚ် ကုအဲရ” ရဴဝွံ (သ္ဂးတုဲ) ဟွံမွဲပၟိက် တၞဟ်နဒုၚ်ဂိုၚ်ကေတ်ရ။
ယွံကောန်တၠဥတ္တရ မၞိဟ်ဂမၠိုၚ် ဗဂိန်ကဵုဒါန် ပရိက္ခရာ အရပ်အစပ်ခမဳ ကုတဳလမၞုံပိုဉ်ကျာ်တြဲအိုတ်ရ၊ တဳလမၞုံပိုဉ်ကျာ်တြဲ ဒုၚ်ဂိုၚ်ကေတ်မ္ဂး နပွမဒုၚ်ဂိုၚ်ကေတ်ဂှ် ဒှ်အိုဟ်တၟိုဟ်စိုတ်အိုတ်ရ၊ တဳလမၞုံပိုဉ်ကျာ်တြဲ ဟွံဒုၚ်ဂိုၚ်ကေတ်မ္ဂး “ယွံတဳလပိုဉ် မှာထေရ်ဂှ် သၟဟ်ညံၚ်ရဴတဳလမၞုံပိုဉ်ကျာ်တြဲ ဒုၚ်ဂိုၚ်ကေတ်ကီု ဩဝ်ဒုၚ်ဂိုၚ်ကေတ်ညိ၊ ပွမဒုၚ်ဂိုၚ်ကေတ် ဒှ်သၟဟ်ညံၚ်ရဴ တဳလမၞုံပိုဉ်ကျာ်တြဲ ဒုၚ်ဂိုၚ်ကေတ်ကီုရ” ရဴဝွံ ဗဂိုန်ကဵုဒါန် ကုတဳလပိုဉ်အာနန္ဒအိုတ်ရ။
တဳလပိုဉ်ဥတ္တရဂှ် သၟဟ်ညံၚ်ရဴတဳလပိုဉ်ရေဝတ ဒုၚ်ဂိုၚ်ကေတ်ကီု ဩဝ်ဒုၚ်ဂိုၚ်ကေတ်ပရိက္ခရာ အရပ်အစပ်ခမဳညိ၊ ပွမဒုၚ်ဂိုၚ်ကေတ်ဂှ် ဒှ်သၟဟ်ညံၚ်ရဴတဳလပိုဉ်ရေဝတ ဒုၚ်ဂိုၚ်ကေတ်ကီုရ ရဴဝွံ ဂရၚ်ပတီအိုတ်ရ။ ပ္ဍဲအခိၚ်ဂှ် တဳလပိုဉ်ဥတ္တရဂှ် ဟိုတ်နူခမဳကောန်ညးဝဇ္ဇဳရးဂမၠိုၚ်မပဒတဴ ပ္ဍဲဍုၚ်ဝေသာလဳ (ဟီုကရေပ်ဂရောတ်) ပ္ဍဵုပ္ဍိုက် (နကဵုဂလာန်) ဂှ်ရ ယွံကောန်တၠတအ် အရာနွံပၟိက်ဂှ် ဩဝ်ဟီုအိုတ်ညိ ရဴဝွံ သ္ဂးတုဲ ဒုၚ်ဂိုၚ်ကေတ် သ္ၚာမွဲဂတှ်ေရ။
တဳလပိုဉ်ဥတ္တရဂှ် “ယွံတဳလပိုဉ် ထေရ်ရေဝတဂှ် ကျာ်တြဲမပတၠပိုဉ်တြဴပြကာဂမၠိုၚ် ကတဵုဒှ်ကၠုၚ် ပ္ဍဲဇနပိုဒ်ဗၟံက်ဂမၠိုၚ်အိုတ်ရ၊ ခမဳကောန်ပါစိနရးဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်အိုတ်ရ၊ ခမဳကောန်ဍုၚ်ပါဝါဂမၠိုၚ် ဒှ်ပူဂိုလ်အဓမ္မဝါဒဳဂမၠိုၚ်အိုတ်ရ” ရဴဝွံ ဂလာန်ဗၞတ်ဝွံဟေၚ် ဩဝ်ဟီု ပ္ဍဲလဒေါဝ်သၚ်ညိ ရဴဝွံ ဩဝ်ဂရၚ်ပတီညိ။
“ယွံကောန်တၠတအ် ခိုဟ်ရ” ရဴဝွံ တဳလပိုဉ်ဥတ္တရ ဒုၚ်ဝန် ကုခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳတုဲမ္ဂး ပြာပ်အာဇရေၚ် တဳလပိုဉ်ရေဝတတုဲပ္ဍဲကြဴ—
“ယွံတဳလပိုဉ် ကျာ်တြဲမပတၠပိုဉ်တြဲပြကာဂမၠိုၚ် ကတဵုဒှ်ကၠုၚ် ပ္ဍဲဇနပိုဒ်ဗၟံက်ဂမၠိုၚ်အိုတ်ရ၊ ခမဳကောန်ပါစိနရးဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်အိုတ်ရ၊ ခမဳကောန်ဍုၚ်ပါဝါဂမၠိုၚ် ဒှ်ပူဂိုလ်အဓမ္မဝါဒဳဂမၠိုၚ်အိုတ်ရ ရဴဝွံ ထေရ်ရေဝတဂှ် ဂလာန်ဗၞတ်ဝွံဟေၚ် ဩဝ်ဟီုပ္ဍဲလဒေါဝ်သၚ်ညိ” ရဴဝွံ ဂရၚ်ပတီရ။
“ယွံခမဳ တၠအဲ ဗတိုက်ဖအောဝ်အဲ ပ္ဍဲမဟွံသေၚ်ကဵုဓရ်ရ” ရဴဝွံ ထေရ်ရေဝတဳဗက်ဗ္ဒဴထောံ တဳလပိုဉ်ဥတ္တရ ရ။
ပ္ဍဲအခိၚ်ဂှ် ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳဂှ် “ယွံကောန်တၠဥတ္တရ ထေရ်ဇၞော်ရေဝတ ပသာ်ဟီုသ္ဂးရော?” ရဴဝွံ သၟာန်သၟုက် တဳလပိုဉ်ဥတ္တရအိုတ်ရ။
ယွံကောန်တၠတအ် ပိုဲညးဂမၠိုၚ် သ္ပဒးပွမယုတ်သဝ်အိုတ်ရ၊ “ယွံခမဳ တၠအဲ ဗတိုက်ဖအောဝ် အဲ ပ္ဍဲမဟွံသေၚ်ကဵုဓရ်ရ” ရဴဝွံ ထေရ်ရေဝတ ဗက်ဗ္ဒဴထောံအဲရ ရဴဝွံ (သ္ဂးရ)။
ယွံကောန်တၠဥတ္တရ တၠအဲ မၞုံဝှ်ၜါစှော်တုဲ ဇၞော်ဒၟံၚ်ရဟွံသေၚ်ဟာ ရဴဝွံ (သၟာန်အိုတ်ရ)။
ယွံကောန်တၠတအ် ဍာံပြရ။
ၜိုန်ဂှ်လေဝ် အဲဍိက်တအ် ဒးဂိုၚ်ကေတ်ဒၟံၚ် အ္စာနိဿယဗွဲမအဲပရဲအိုတ်ဏီရ ရဴဝွံ (သ္ဂးရ)။
၄၅၅။ ပ္ဍဲအခိၚ်ဂှ် သၚ် ဟိုတ်မမိက်သ္ဂုတ်သွာတ် အဓိကိုရ်ဂှ်ရ ကောံဓရီုဒၟံၚ်ရ၊ ကြဴနူဂှ်တဳလပိုဉ်ရေဝတ ကဵုသၚ်တီရ။
“ယွံကောန်တၠတအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ပိုဲညးဂမၠိုၚ်ကဵုလလမ်ကၠေံ အဓိကိုရ်ဝွံ ပ္ဍဲဌာန်ဝွံအိုတ်မ္ဂး ခမဳဂမၠိုၚ် မဂိုၚ်ကေတ်အဓိကိုရ်တမ်ဂှ် ခ္ဍဟ်ကတဵုသွက်ဂွံသ္ပကမ် မွဲလှေ်ပၠန်အိုတ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး သၚ် ကဵုလလမ်ကၠေံ အဓိကိုရ်ဝွံ ပ္ဍဲဌာန်မဒှ်တမ်ဟေၚ်ရ” ရဴဝွံ (ကဵုတီရ)။
ကြဴနူဂှ် ခမဳထေရ်ဇၞော်ဂမၠိုၚ် မမိက်သ္ဂုတ်သွာတ် အဓိကိုရ်ဂှ်ဂမၠိုၚ်ဒှ်တုဲ က္ညအာဍုၚ်ဝေသာလဳအိုတ်ရ။
ပ္ဍဲအခိၚ်ဂှ် ကွးပဒတဴမွဲစွံ တဳလပိုဉ်အာနန္ဒ မၞုံယၟုသဗ္ဗကာမိ မဒှ်သံဃထေရ် အလုံဂၠးတိ သ္ပတမ်နူဒှ်ခမဳတုဲ မၞုံကဵုဝှ်ကၠံၜါစှော်ဝှ်ဂှ် ပဒတဴဒၟံၚ် ပ္ဍဲဍုၚ်ဝေသာလဳရ။
ပ္ဍဲအခိၚ်ဂှ် တဳလပိုဉ်ရေဝတဂှ်—
“ယွံကောန်တၠ အဲပြာပ်အာဘာ တဳလပိုဉ်သဗ္ဗကာမိ ပဒတဴရ၊ တၠအဲဂှ် ပြဟ်ပြဟ်ဟေၚ် ပြာပ်အာဇရေၚ် တဳလပိုဉ်သဗ္ဗကာမိတုဲ ဩဝ်ဂရၚ်ပတီသၟာန်လဝ် ဝတ္ထုဂမၠိုၚ်စှ်သာ်ဝွံညိ” ရဴဝွံ သ္ဂးကဵု တဳလပိုဉ်သမ္ဘူတ မပဒတဴပ္ဍဲဌာန်သာဏရ။
“ယွံတဳလပိုဉ် ခိုဟ်သန်ရ” ရဴဝွံ တဳလပိုဉ်သမ္ဘူတ မပဒတဴပ္ဍဲဌာန်သာဏ ဒုၚ်ဝန်ကုတဳလပိုဉ်ရေဝတရ။
ကြဴနူဂှ် တဳလပိုဉ်ရေဝတ ပြာပ်အာဘာ တဳလပိုဉ်သဗ္ဗကာမိ ပဒတဴရ၊ သၞာသတိက်သၞာဒၟံၚ် တဳလပိုဉ်သဗ္ဗကာမိဂှ် လးလဝ် ပ္ဍဲဂၠမ်ရ၊ သၞာသတိက်သၞာဒၟံၚ် တဳလပိုဉ်ရေဝတဂှ် လးလဝ်ပ္ဍဲပါၚ်ဂၠမ်ရ။
ပ္ဍဲအခိၚ်ဂှ် တဳလပိုဉ်ရေဝတဂှ် “မှာထေရ်ဝွံ ဇၞော်ကြံၚ်ဍုဟ်တုဲ ဟွံတိက်ဟွံဒလာဲရ” ရဴဝွံ (ပၠုပ်စိုတ်တုဲ) ဟွံတိက်ရ၊ တဳလပိုဉ်သဗ္ဗကာမိဂှ် “ခမဳအာဂန္တုကဝွံ ဍောၚ်ၜိုတ်တုဲ ဟွံတိက် ဟွံဒလာဲရ” ရဴဝွံ (ပၠုပ်စိုတ်တုဲ) ဟွံတိက်ရ။
ပ္ဍဲအခိၚ်ဂှ် တဳလပိုဉ်သဗ္ဗကာမိ ပ္ဍဲအခိၚ်ဖလာၚ်ဂယးဗတမ်ဂှ် ဒၠိုက်ကတဵုတုဲ “ယွံနာဲတၠအဲ လၟုဟ် မုရဴနပွမပဒတဴမွဲ ပဒတဴဒၟံၚ်ဗွဲမဂၠိုၚ်ရော?” ရဴဝွံ သၟာန်တဳလပိုဉ်ရေဝတရ။
ယွံတဳလပိုဉ် အဲဍိက် လၟုဟ် နမလုပ်စမေတ္တာၛာန်ဂှ် ပဒတဴဒၟံၚ်ဗွဲမဂၠိုၚ်ရ ရဴဝွံ (ဂရၚ်ပတီရ)။
ယွံနာဲ တၠအဲ လၟုဟ် နပွမပဒတဴမမံက်ဂတဝ် ပဒတဴဒၟံၚ်ဗွဲမဂၠိုၚ်ရ၊ ယွံနာဲ မေတ္တာၛာန်ဝွံတုန် ပွမပဒတဴမမံက်ဂတဝ်ရ ရဴဝွံ (သ္ဂးရ)။ ယွံတဳလပိုဉ် အဲဍိက် ဃောဒှ်ခရှ်တေံလေဝ် လ္ၚတ်ဒၟံၚ် မေတ္တာရ၊ ဟိုတ်ဂှ်ရ အဲဍိက် ပ္ဍဲအခိၚ်လၟုဟ်လေဝ် နမလုပ်စမေတ္တာၛာန်ဂှ် ပဒတဴဒၟံၚ်ဗွဲမဂၠိုၚ်ရ၊ ၜိုန်ဂှ်လေဝ် အဲဍိက် အာစိုပ်အရဟတ္တဖိုလ် ဗွဲမလအ်တုဲရ ရဴဝွံ (ဂရၚ်ပတီရ)။
ယွံတဳလပိုဉ် မှာထေရ်ဂှ် လၟုဟ် မုရဴနပွမပဒတဴမွဲ ပဒတဴဒၟံၚ်ဗွဲမဂၠိုၚ်ရော? ရဴဝွံ (ဂရၚ်ပတီ သၟာန်ရ)။ ယွံနာဲ အဲလၟုဟ် လုပ်စသုညတဖဵုတုဲ နပွမပဒတဴဂှ် ပဒတဴဒၟံၚ်ဗွဲမဂၠိုၚ်ရ ရဴဝွံ (သ္ဂးရ)။ ယွံတဳလပိုဉ် မှာထေရ်ဂှ် လၟုဟ် နပွမပဒတဴတြုံမပြဲဂမၠိုၚ် ပဒတဴဗွဲမဂၠိုၚ်ရ၊ ယွံတဳလပိုဉ် သုညတဖဵုဝွံ ပွမပဒတဴတြုံမပြဲဂမၠိုၚ်ရ ရဴဝွံ (ဂရၚ်ပတီရ)။
ယွံနာဲ အဲ ဃောဒှ်ခရှ်တေံလေဝ် လ္ၚတ်ဒၟံၚ်သုညတဖဵုရ၊ ဟိုတ်ဂှ်ရ အဲပ္ဍဲအခိၚ်လၟုဟ်လေဝ် လုပ်စသုညတဖဵုတုဲ နပွမပဒတဴဂှ် ပဒတဴဒၟံၚ်ဗွဲမဂၠိုၚ်ရ၊ ဗွဲစၟတ်လေဝ် အဲအာစိုပ် အရဟတ္တဖိုလ် ဗွဲမလအ်တုဲရ ရဴဝွံ (ဂရၚ်ပတီရ)။
ဣဝွံတုန် ဂလာန်အကြာ မဟွံပိုတ်ဏီ ခမဳထေရ်ဂမၠိုၚ်ရောၚ်။
ကိုပ်ကၠာဂလာန်ဟွံပိုတ်ဏီ တဳလပိုဉ်သမ္ဘူတ မပဒတဴဌာန်သာဏ စိုပ်ကၠုၚ်ဌာန်ဂှ်တုဲမ္ဂး ပြာပ်အာဇရေၚ် တဳလပိုဉ်သဗ္ဗကာမိတုဲ လ္ၚောဝ်သ္ပဝတ်တုဲမ္ဂး သီုမဂဇအ်ဒၟံၚ်ပ္ဍဲဒၞာဲမွဲဂှ်—
“ယွံတဳလပိုဉ် ပ္ဍဲဍုၚ်ဝေသာလဳ ခမဳကောန်ညးဝဇ္ဇဳရးဂမၠိုၚ် မပဒတဴ ပ္ဍဲဍုၚ်ဝေသာလဳ ထ္ၜးတဴဝတ္ထုဂမၠိုၚ်စှ်သာ်အိုတ်ရ၊ ‘သိၚ်္ဂဳလောဏကပ္ပဂှ် ဂပ်ဝ်ရ၊ ဒွၚ်္ဂုလကပ္ပဂှ် ဂပ်ဝ်ရ၊ ဂါမန္တရ ကပ္ပဂှ် ဂပ်ဝ်ရ၊ အာဝါသကပ္ပဂှ် ဂပ်ဝ်ရ၊ အနုမတိကပ္ပဂှ် ဂပ်ဝ်ရ၊ အာစိဏ္ဏကပ္ပဂှ် ဂပ်ဝ်ရ၊ အမထိတကပ္ပဂှ် ဂပ်ဝ်ရ၊ ပွမသုၚ် ဇဠောဂဳဂှ် ဂပ်ဝ်ရ၊ နိသဳဒိုန် မဟွံမွဲကဵုတသာဲဂှ် ဂပ်ဝ်ရ၊ ထဝ်သြန်ဂှ် ဂပ်ဝ်ရ” ရဴဝွံ (ထ္ၜးအိုတ်)။
ယွံတဳလပိုဉ် မှာထေရ်ဂှ် ဂိုၚ်ကတ်ကေတ် ဓမ္မကေုာံဝိနယ ပ္ဍဲတမ်ဇိုၚ်အ္စာဥပဇ္ၛာယ်ရ၊ ယွံတဳလပိုဉ် မှာထေရ် ဃောမဗ္စာရဏာတဴ ဓမ္မကေုာံဝိနယဂှ် ပသာ်ဒှ်ရော? “မုရဴညးဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်ရော? ခမဳကောန်ပါစိနရးဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်ဟာ၊ ခမဳကောန်ဍုၚ်ပါဝါဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်ဟာ” ရဴဝွံ (ဂရၚ်ပတီရ)။
ယွံကောန်တၠ တၠအဲလေဝ် ဂိုၚ်ကတ်ကေတ် ဓမ္မကေုာံဝိနယ ပ္ဍဲတမ်ဇိုၚ်အ္စာဥပဇ္ၛာယ်ရ၊ ယွံကောန်တၠ တၠအဲ ဃောမဗ္စာဏာတဴ ဓမ္မကေုာံဝိနယဂှ် ပသာ်ဒှ်ရော? “မုရဴညးဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်ရော? ခမဳကောန်ပါစိနရးဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်ဟာ၊ ခမဳကောန်ဍုၚ်ပါဝါဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်ဟာ” ရဴဝွံ (သၟာန်ရ)။
ယွံတဳလပိုဉ် အဲဍိက် ဃောမဗ္စာရဏာတဴ ဓမ္မကေုာံဝိနယဂှ် “ခမဳကောန်ပါစိနရးဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်ရ၊ ခမဳကောန်ဍုၚ်ပါဝါဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်ရ” ရဴဝွံ ကသပ်ဒှ်ရ။ ၜိုန်ဂှ်လေဝ် ဗွဲကိုပ်ကၠာ အဲဍိက် ဟွံသ္ပပြာကိုဋ်ကွေတ်ဏီရ၊ ပ္ဍဲအဓိကိုရ်ဝွံ ဟိုတ်မသၟိတ်ပတိုန် အဲဍိက် တန်ဒှ်ရ ရဴဝွံ (ဂရၚ်ပတီရ)။
ယွံကောန်တၠ အဲလေဝ် ဃောမဗ္စာရဏာတဴ ဓမ္မကေုာံဝိနယဂှ် “ခမဳကောန်ပါစိနရးဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်ရ၊ ခမဳကောန်ဍုၚ်ပါဝါဂမၠိုၚ် ဒှ်ပူဂိုလ်ဓမ္မဝါဒဳဂမၠိုၚ်ရ” ရဴဝွံ ဒှ်ဗ္စာရဏာရ။ ၜိုန်ဂှ်လေဝ် ဗွဲကိုပ်ကၠာ အဲဟွံသ္ပပြာကဋ်ကွေတ်ဏီရ၊ ပ္ဍဲအဓိကိုရ်ဝွံ ဟိုတ်မသၟိတ် ပတိုန်အဲ တန်ဒှ်ရ ရဴဝွံ (သ္ဂးရ)။
၄၅၆။ ကြဴနူဂှ် သၚ် ဟိုတ်မမိက်သ္ဂုတ်သွာတ် အဓိကိုရ်ဂှ်ရ ကောံဓရီုဒၟံၚ်ရ။
သ္ဂုတ်သွာတ် အဓိကိုရ်ဂှ်မ္ဂး ဂလာန်ဂမၠိုၚ် မဟွံမွဲကဵုအပိုၚ်အခြာ ကတဵုဒှ်အိုတ်ရ၊ အရထဂလာန်မွဲလေဝ် ဟဂွံတီကေတ်ရ၊ ပ္ဍဲအခိၚ်ဂှ် တဳလပိုဉ်ရေဝတ ကဵုသၚ်တီရ။
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ပိုဲဍိက်တအ်ညးဂမၠိုၚ် သ္ဂုတ်သွာတ် အဓိကိုရ်ဝွံမ္ဂး ဂလာန်ဂမၠိုၚ် မဟွံမွဲကဵုအပိုၚ်အခြာ ကတဵုဒှ်အိုတ်ရ၊ အရထဂလာန်မွဲလေဝ် ဟဂွံတီကေတ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ လလမ်ကၠေံ အဓိကိုရ်ဝွံ နကဵုဥဗ္ဗဟိကကမ္မဝါစ်ရ။ ရုဲစှ် ခမဳကောန်ပါစိနရးဂမၠိုၚ်ပန်ဇကုကီု ခမဳကောန်ဍုၚ်ပါဝေယျကဂမၠိုၚ် ပန်ဇကုကီုရ။ ပၞောဝ်ခမဳကောန်ပါစိနရးဂမၠိုၚ် ရုဲစှ် တဳလပိုဉ်သဗ္ဗကာမိကီု တဳလပိုဉ်သာဠ ကီု တဳလပိုဉ်ခုဇ္ဇသောဘိတကီု တဳလပိုဉ်ဝါသဘဂါမိကီုရ။ ပၞောဝ်ခမဳကောန်ဍုၚ်ပါဝါဂမၠိုၚ် ရုဲစှ် တဳလပိုဉ်ရေဝတကီု တဳလပိုဉ်သမ္ဘူတ မပဒတဴပ္ဍဲဌာန်သာဏကီု တဳလပိုဉ်ယသ မဒှ်ကောန်ဗဗၞးကာကဏ္ဍဏကီု တဳလပိုဉ်သုမနကီုရ” ရဴဝွံ (သ္ဒးကဵုတီရ)။
ကြဴနူဂှ် တဳလပိုဉ်ရေဝတ ကဵုသၚ်တီရ။
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ပိုဲဍိက်တအ်ညးဂမၠိုၚ် သ္ဂုတ်သွာတ် အဓိကိုရ်ဝွံမ္ဂး ဂလာန်ဂမၠိုၚ် မဟွံမွဲကဵုအပိုၚ်အခြာ ကတဵုဒှ်အိုတ်ရ၊ အရထဂလာန်မွဲလေဝ် ဟဂွံတီကေတ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်သၟိတ်ပတိုန် ခမဳကောန်ပါစိနရးဂမၠိုၚ်ပန်ဇကုကီု ခမဳကောန်ဍုၚ်ပါဝါဂမၠိုၚ်ပန်ဇကုကီု သွက်ဂွံလလမ်ကၠေံ အဓိကိုရ်ဝွံ နကဵုဥဗ္ဗဟိကကမ္မဝါစ်ရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ပိုဲဍိက်တအ်ညးဂမၠိုၚ် သ္ဂုတ်သွာတ် အဓိကိုရ်ဝွံမ္ဂး ဂလာန်ဂမၠိုၚ် မဟွံမွဲကဵုအပိုၚ်အခြာ ကတဵုဒှ်အိုတ်ရ၊ အရထဂလာန်မွဲလေဝ် ဟဂွံတီကေတ်ရ၊ သၚ် သၟိတ်ပတိုန် ခမဳကောန်ပါစိနရးဂမၠိုၚ်ပန်ဇကုကီု ခမဳကောန်ဍုၚ်ပါဝါဂမၠိုၚ်ပန်ဇကုကီု သွက်ဂွံလလမ်ကၠေံ အဓိကိုရ်ဝွံ နကဵုဥဗ္ဗဟိကကမ္မဝါစ်ရ။
ယြဴကုတဳလပိုဉ်မွဲ မၞုံကဵုပွမသ္ဍိုက်မၠိုက် ပွမသၟိတ်ပတိုန် ခမဳကောန်ပါစိနရးဂမၠိုၚ်ပန်ဇကုကီု ခမဳကောန်ဍုၚ်ပါဝါဂမၠိုၚ်ပန်ဇကုကီု သွက်ဂွံလလမ်ကၠေံ အဓိကိုရ်ဝွံ နကဵုဥဗ္ဗဟိကကမ္မဝါစ်ရ၊ တဳလပိုဉ်ဂှ် သ္ဒးသ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရတဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်သၟိတ်ပတိုန် ခမဳကောန်ပါစိနရးဂမၠိုၚ်ပန်ဇကုကီု ခမဳကောန်ဍုၚ်ပါဝါဂမၠိုၚ်ပန်ဇကုကီု သွက်ဂွံလလမ်ကၠေံ အဓိကိုရ်ဝွံ နကဵုဥဗ္ဗဟိကကမ္မဝါစ်တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်သ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
ပ္ဍဲအခိၚ်ဂှ် ခမဳမၞုံယၟုအဇိတ မဂွံစှ်ဝှ်ဂှ် ဒှ်ခမဳထ္ၜးပါတိမုက်သၚ်ရ။ ပ္ဍဲအခိၚ်ဂှ် တဳလပိုဉ်အဇိတ ဂှ်လေဝ် သၚ်သၟိတ်ပတိုန် ရဴဝွံမ္ဂး ညးလးသၞာခမဳထေရ်ဂမၠိုၚ်ရ။
ပ္ဍဲအခိၚ်ဂှ် “ပိုဲညးဂမၠိုၚ် မုရဴပ္ဍဲဌာန်မွဲ ဂွံကဵုလလမ်ကၠေံ အဓိကိုရ်ဝွံအိုတ်ရော?” ရဴဝွံကသပ်ဒှ် ကုခမဳထေရ်ဂမၠိုၚ်ရ။ ပ္ဍဲအခိၚ်ဂှ် “ဘာဝါလိကာရာမ်ဝွံ မၞုံကဵုအရာမိပ်လဟိၚ်ရ၊ ဗရုရမျာၚ်အောန်သာရ၊ ရမျာၚ်ထအဴကၠံၚ်ဍုၚ်ကွာန်အောန်ရ၊ ပိုဲညးဂမၠိုၚ် ဂွံကဵုလလမ်ကၠေံ အဓိကိုရ်ဝွံ ပ္ဍဲဘာဝါလိကာရာမ်မ္ဂး ခိုဟ်သန်ရ” ရဴဝွံ ကသပ်ဒှ် ကုခမဳထေရ်ဂမၠိုၚ်ရ။
၄၅၇။ ကြဴနူဂှ် ခမဳထေရ်ဂမၠိုၚ် မိက်သ္ဂုတ်သွာတ် အဓိကိုရ်ဂှ်ဂမၠိုၚ်ဒှ်တုဲ က္ညအာဘာဝါလိကာရာမ်အိုတ်ရ။
ကြဴနူဂှ် တဳလပိုဉ်ရေဝါတ ကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ အဲဍိက် သၟာန်ဝိနယ် ကုထေရ်သဗ္ဗကာမိရ” ရဴဝွံ (ကဵုတီရ)။
တဳလပိုဉ်သဗ္ဗကာမိလေဝ် ကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲကုသၚ် ယဝ်ဒှ်မ္ဂး၊ ရေဝတဂှ် သၟာန်ဝိနယ်မ္ဂး အဲသှ်ကဵုရ” ရဴဝွံ (ကဵုတီရ)။
ကြဴနူ တဳလပိုဉ်ရေဝတဂှ်—
“ယွံတဳလမၞုံပိုဉ် သၚ်္ဂဳလောဏကပ္ပဂှ် ဂပ်ဝ်ဟာ” ရဴဝွံ ဂရၚ်ပတီသၟာန်တိုန် တဳလပိုဉ်သဗ္ဗကာမိရ။
ယွံကောန်တၠ သိၚ်္ဂဳလောဏကပ္ပမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် “ပ္ဍဲဌာန်ဟွံမွဲကဵုၜဵု (ဘောဇိုန်ဟွံမွဲကဵုၜဵု) ဂှ် ကြက်ဂွံပြဘိုဂ်အိုတ်ရ” ရဴဝွံ သွက်ဂွံရေၚ်တၠုၚ်လဝ်ၜဵု နကဵုဍေၚ်ဒြၚ်သတ်ဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
မုရဴပ္ဍဲဌာန်မွဲ မုရဴပ္ဍဲသိက္ခာပိုဒ် ပါဲဒဝ်လဝ်ရော? ရဴဝွံ (ဂရၚ်ပတီရ)။
ပါဲဒဝ်လဝ် ပ္ဍဲပဒဘာဇနဳဒှ်အရာပါ်ပရအ် ပါတိမုက် အပ္ဍဲဍုၚ်သာရဝှ်ရ ရဴဝွံ (သ္ဂးရ)။
မုရဴအာပတ်မွဲ အာစိုပ်ရော? ရဴဝွံ (ဂရၚ်ပတီရ)။
အာစိုပ်အာပတ်ပါဲစိုတ် (မဒး) ဟိုတ်နူသ္ပပွမတိုပ်ဒေပ်တုဲ သ္ပပြဘိုဂ်ရ ရဴဝွံ (သ္ဂးရ)။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် ဂပ်ဝ်သ္ဂုတ်သွာတ် ဝတ္ထုမဒှ်ကိုပ်ကၠာဝွံတုဲရ၊ ဟိုတ်နူဟိုတ်ဝွံလေဝ် ဝတ္ထုဝွံ ဓရ်ဟွံသေၚ်ရ၊ ဝိနယ်ဟွံသေၚ်ရ၊ စာ်စ္ဍးနူဒၠောံဗတောန်ကျာ်တြဲရ၊ ဖျေံဇြေဟ်လိက်မာဲ မဒှ်ကိုပ်ကၠာဝွံရ။ (၁)
ယွံတဳလမၞုံပိုဉ် ဒွၚ်္ဂုလကပ္ပဂှ် ကပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဒွၚ်္ဂုလကပ္ပမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် ပ္ဍဲအခိၚ်တ္ၚဲစေၚ်လောန်အာ သၞိၚ်ၜါလပုဟ်တဲတုဲဂှ် သွက်ဂွံပြဘိုဂ်ဘောဇိုန်ဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
မုရဴပ္ဍဲဌာန်မွဲ မုရဴပ္ဍဲသိက္ခာပိုဒ် ပါဲဒဝ်လဝ်ရော? ရဴဝွံ (ဂရၚ်ပတီရ)။
ပါဲဒဝ်လဝ် ပ္ဍဲပဒဘာဇနဳဒှ်အရာပါ်ပရအ် ပါတိမုက် အပ္ဍဲဍုၚ်ရာဇဂြိုဟ်ရ ရဴဝွံ (သ္ဂးရ)။
မုရဴအာပတ်မွဲ အာစိုပ်ရော? ရဴဝွံ (ဂရၚ်ပတီရ)။
အာစိုပ်အာပတ်ပါဲစိုတ် (မဒး) ဟိုတ်နူပွမသ္ပပြဘိုဂ် ပ္ဍဲအခိၚ်တ္ၚဲစေၚ်ရ ရဴဝွံ (သ္ဂးရ)။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် ဂပ်ဝ်သ္ဂုတ်သွာတ်ဝတ္တုမရနုက်ကဵုၜါတုဲရ၊ ဟိုတ်နူဟိုတ်ဝွံလေဝ် ဝတ္ထုဝွံ ဓရ်ဟွံသေၚ်ရ၊ ဝိနယ်ဟွံသေၚ်ရ၊ စာ်စ္ဍးနူဒၠောံဗတောန်ကျာ်တြဲရ၊ ဖျေံဇြေဟ်လိက်မာဲ မရနုက်ကဵုၜါဝွံရ။ (၂) ယွံတဳလမၞုံပိုဉ် ဂါမန္တရကပ္ပဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဂါမန္တကပ္ပမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် “လၟုဟ် ကြက်အာကွာန်သအာၚ်ရ” ရဴဝွံ ခမဳမဒးပဝါရိတ် ဃောကဵုပိုဉ်ဂှ် သွက်ဂွံသ္ပပြဘိုဂ် ဘောဇိုန်မဟွံသ္ပအတိရိတ်ဝိနယ်ကမ်ဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
မုရဴပ္ဍဲဌာန်မွဲ မုရဴပ္ဍဲသိက္ခာပိုဒ် ပါဲဒဝ်လဝ်ရော? ရဴဝွံ (ဂရၚ်ပတီရ)။
ပါဲဒဝ်လဝ် ပ္ဍဲပဒဘာဇနဳဒှ်အရာပါ်ပရအ် ပါတိမုက် အပ္ဍဲဍုၚ်သာရဝှ်ရ ရဴဝွံ (သ္ဂးရ)။
မုရဴ အာပတ်မွဲ အာစိုပ်ရော? ရဴဝွံ (ဂရၚ်ပတီရ)။
အာစိုပ်အာပတ်ပါဲစိုတ် (မဒး) ဟိုတ်နူပွမသ္ပပြဘိုဂ် သီုဟွံသ္ပအတိရိတ်ဝိနယ်ကမ်ရ ရဴဝွံ (သ္ဂးရ)။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် ဂပ်ဝ်သ္ဂုတ်သွာတ်ဝတ္ထု မရနုက်ကဵုပိဝွံတုဲရ၊ ဟိုတ်နူဟိုတ်ဝွံလေဝ် ဝတ္ထုဝွံ ဓရ်ဟွံသေၚ်ရ၊ ဝိနယ်ဟွံသေၚ်ရ၊ စာ်စ္ဍးနူဒၠောံဗတောန်ကျာ်တြဲရ၊ ဖျေံဇြေဟ်လိက်မာဲ မရနုက်ကဵုပိဝွံရ။ (၃)
ယွံတဳလမၞုံပိုဉ် အာဝါသကပ္ပဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ အာဝါသကပ္ပမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် ဘာဂမၠိုၚ်မဂၠိုၚ်ဂှ် ဒှ်မွဲသိမ်ဓဝ်အိုတ်ရ၊ သွက်ဂွံသ္ပဥပေါသ်တၞဟ်တၞဟ်ဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
မုရဴပ္ဍဲဌာန်မွဲ မုရဴပ္ဍဲသိက္ခာပိုဒ် ပါဲဒဝ်လဝ်ရော? ရဴဝွံ (ဂရၚ်ပတီရ)။
ပါဲဒဝ်လဝ် ပ္ဍဲဥပေါသထက္ခန္ဓက အပ္ဍဲဍုၚ်ရာဇဂြိုဟ်ရ ရဴဝွံ (သ္ဂးရ)။
မုရဴအာပတ်မွဲ အာစိုပ်ရော? ရဴဝွံ (ဂရၚ်ပတီရ)။
အာစိုပ်အာပတ်ဒုက္ကဋ် (မဒး) ဟိုတ်နူပွကလိလောန် ဝိနယ်ရ ရဴဝွံ (သ္ဂးရ)။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် ဂပ်ဝ်သ္ဂုတ်သွာတ်ဝတ္ထု မရနုက်ကဵုပန်တုဲရ၊ ဟိုတ်နူဟိုတ်ဝွံလေဝ် ဝတ္ထုဝွံ ဓရ်ဟွံသေၚ်ရ၊ ဝိနယ် ဟွံသေၚ်ရ၊ စာ်စ္ဍးနူဒၠောံဗတောန်ကျာ်တြဲရ၊ ဖျေံဇြေဟ်လိက်မာဲ မရနုက်ကဵုပန်ဝွံရ။ (၄)
ယွံတဳလမၞုံပိုဉ် အနုမတိကပ္ပဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ အနုမတိကပ္ပမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် “ခမဳမကၠုၚ်ဂမၠိုၚ် ကြက်ကဵုသ္ပအခေါၚ်အိုတ်ရ” ရဴဝွံ သၚ်မဒှ်ဂပ်ဝ် သွက်ဂွံသ္ပကမ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ် ရဴဝွံ (သ္ဂးရ)။
မုရဴပ္ဍဲဌာန်မွဲ မုရဴပ္ဍဲသိက္ခာပိုဒ် ပါဲဒဝ်လဝ်ရော? ရဴဝွံ (ဂရၚ်ပတီရ)။
ပါဲဒဝ်လဝ် ပ္ဍဲစမ္ပေယျက္ခန္ဓက ဝိနယဝတ္ထုရ ရဴဝွံ (သ္ဂးရ)။
မုရဴအာပတ်မွဲ အာစိုပ်ရော? ရဴဝွံ (ဂရၚ်ပတီရ)။
အာစိုပ်အာပတ်ဒုက္ကဋ် (မဒး) ဟိုတ်နူပွမကလိလောန် ဝိနယ်ရ ရဴဝွံ (သ္ဂးရ)။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် ဂပ်ဝ်သ္ဂုတ်သွာတ်ဝတ္ထု မရနုက်ကဵုမသုန်တုဲရ၊ ဟိုတ်နူဟိုတ်ဝွံလေဝ် ဝတ္ထုဝွံ ဓရ်ဟွံသေၚ်ရ၊ ဝိနယ်ဟွံသေၚ်ရ၊ စာ်စ္ဍးနူဒၠောံဗတောန်ကျာ်တြဲရ၊ ဖျေံဇြေဟ်လိက်မာဲ မရနုက်ကဵုမသုန်ဝွံရ။ (၅)
ယွံတဳလမၞုံပိုဉ် အာစိဏ္ဏကပ္ပဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ အာစိဏ္ဏကပ္ပမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် ပွဝွံ ဒှ်ဒ္ဂေတ်အလေံ အ္စာဥပဇ္ၛာယ်အဲရ၊ ပွဝွံ ဒှ်ဒ္ဂေတ်အလေံ အ္စာဥပဇ္ၛာယ် အဲရ ရဴဝွံ သွက်ဂွံဒ္ဂေတ်အလေံ ပွဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဒ္ဂေတ်အလေံလ္ၚဵုဂှ် ဂပ်ဝ်ရ၊ ဒ္ဂေတ်အလေံလ္ၚဵုဂှ် ဟွံဂပ်ဝ်ရ ရဴဝွံ (သ္ဂးရ)။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် ဂပ်ဝ်သ္ဂုတ်သွာတ်ဝတ္ထု မရနုက်ကဵုတြဴတုဲရ၊ ဟိုတ်နူဟိုတ်ဝွံလေဝ် ဝတ္ထုဝွံ ဓရ်ဟွံသေၚ်ရ၊ ဝိနယ်ဟွံသေၚ်ရ၊ စာ်စ္ဍးနူဒၠောံဗတောန်ကျာ်တြဲရ၊ ဖျေံဇြေဟ်လိက်မာဲ မရနုက်ကဵုတြဴဝွံရ။ (၆)
ယွံတဳလမၞုံပိုဉ် အမထိတကပ္ပဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ အမထိကကပ္ပမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် ဍာ်တှ် သဘဴဍာ်တှ်ပကတိလေဝ် သၠးကၠေံ၊ ဍာ်တှ်ထၟတ်လေဝ် ဟွံဒှ်ဏီဂှ် ခမဳဒးပဝါရိတ်ဃောကဵုပိုဉ်ဂှ် သီုဟွံသ္ပအတိရိတ်ဝိနယ်ကမ် သွက်ဂွံသုၚ်ဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
မုရဴပ္ဍဲဌာန်မွဲ မုရဴပ္ဍဲသိက္ခာပိုဒ် ပါဲဒဝ်လဝ်ရော? ရဴဝွံ (ဂရၚ်ပတီရ)။
ပါဲဒဝ်လဝ် ပ္ဍဲပဒဘာဇနဳဒှ်အရာပါ်ပရအ် ပါတိမုက် အပ္ဍဲဍုၚ်သာရဝှ်ရ ရဴဝွံ (သ္ဂးရ)။
မုရဴအာပတ်မွဲ အာစိုပ်ရော? ရဴဝွံ (ဂရၚ်ပတီရ)။
အာစိုပ်အာပတ်ပါဲစိုတ် (မဒး) ဟိုတ်နူပွမသ္ပပြဘိုဂ် သီုဟွံသ္ပအတိရိတ်ဝိနယ်ကမ်ရ ရဴဝွံ (သ္ဂးရ)။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် ဂပ်ဝ်သ္ဂုတ်သွာတ်ဝတ္ထု မရနုက်ကဵုထပှ်ဝွံတုဲရ၊ ဟိုတ်နူဟိုတ်ဝွံလေဝ် ဝတ္ထုဝွံ ဓရ်ဟွံသေၚ်ရ၊ ဝိနယ်ဟွံသေၚ်ရ၊ စာ်စ္ဍးနူဒၠောံဗတောန်ကျာ်တြဲရ၊ ဖျေံဇြေဟ်လိက်မာဲ မရနုက်ကဵုထပှ်ဝွံရ။ (၇)
ယွံတဳလမၞုံပိုဉ် သွက်ဂွံသုၚ် ဇဠောဂဳဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဇဠောဂဳမ္ဂးဂှ် ညးဍေံရော? ရဴဝွံ (သၟာန်ရ)။
ယွံတဳလပိုဉ် သွက်ဂွံသုၚ် ဍာ်သိၜတ်ၜတ် မစဳရေၚ်လဝ် နကပေါတ်ကြိယာဗာအိုတ်သီုတုဲ မဟွံဒှ်ဍာ်သိအရက်ဏီဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
မုရဴပ္ဍဲဌာန်မွဲ မုရဴပ္ဍဲသိက္ခာပိုဒ် ပါဲဒဝ်လဝ်ရော? ရဴဝွံ (ဂရၚ်ပတီရ)။
ပါဲဒဝ်လဝ် ပ္ဍဲပဒဘာဇနဳဒှ်အရာပါ်ပရအ် ပါတိမုက် အပ္ဍဲဍုၚ်ကောသမ္ဗဳရ ရဴဝွံ (သ္ဂးရ)။
မုရဴအာပတ်မွဲ အာစိုပ်ရော? ရဴဝွံ (ဂရၚ်ပတီရ)။
အာစိုပ်အာပတ်ပါဲစိုတ် (မဒး) ဟိုတ်နူပွမသုၚ်သိအရက်ရ ရဴဝွံ (သ္ဂးရ)။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် ဂပ်ဝ်သ္ဂုတ်သွာတ်ဝတ္ထု မရနုက်ကဵုဒ္စါံဝွံတုဲရ၊ ဟိုတ်နူဟိုတ်ဝွံလေဝ် ဝတ္ထုဝွံ ဓရ်ဟွံသေၚ်ရ၊ ဝိနယ်ဟွံသေၚ်ရ၊ စာ်စ္ဍးနူဒၠောံဗတောန်ကျာ်တြဲရ၊ ဖျေံဇြေဟ်လိက်မာဲ မရနုက်ကဵုဒ္စါံဝွံရ။ (၈)
ယွံတဳလမၞုံပိုဉ် နိသဳဒိုန်မဟွံမွဲကဵုတသာဲဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
မုရဴပ္ဍဲဌာန်မွဲ မုရဴပ္ဍဲသိက္ခာပိုဒ် ပါဲဒဝ်လဝ်ရော? ရဴဝွံ (ဂရၚ်ပတီရ)။
ပါဲဒဝ်လဝ် ပ္ဍဲပဒဘာဇနဳဒှ်အရာပါ်ပရအ် ပါတိမုက် အပ္ဍဲဍုၚ်သာရဝှ်ရ ရဴဝွံ (သ္ဂးရ)။
မုရဴအာပတ်မွဲ အာစိုပ်ရော? ရဴဝွံ (ဂရၚ်ပတီရ)။
အာစိုပ်အာပတ်ဆေဒနကပါဲစိုတ်ရ ရဴဝွံ (သ္ဂးရ)။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် ဂပ်ဝ်သ္ဂုတ်သွာတ်ဝတ္ထု မရနုက်ကဵုဒ္စိတ်ဝွံတုဲရ၊ ဟိုတ်နူဟိုတ်ဝွံလေဝ် ဝတ္ထုဝွံ ဓရ်ဟွံသေၚ်ရ၊ ဝိနယ်ဟွံသေၚ်ရ၊ စာ်စ္ဍးနူဒၠောံဗတောန်ကျာ်တြဲရ၊ ဖျေံဇြေဟ်လိက်မာဲ မရနုက်ကဵုဒ္စိတ်ဝွံရ။ (၉)
ယွံတဳလမၞုံပိုဉ် ထဝ်သြန်ဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
မုရဴပ္ဍဲဌာန်မွဲ မုရဴပ္ဍဲသိက္ခာပိုဒ် ပါဲဒဝ်လဝ်ရော? ရဴဝွံ (ဂရၚ်ပတီရ)။
ပါဲဒဝ်လဝ် ပ္ဍဲပဒဘာဇနဳဒှ်အရာပါ်ပရအ် ပါတိမုက် အပ္ဍဲဍုၚ်ရာဇဂြိုဟ်ရ ရဴဝွံ (သ္ဂးရ)။
မုရဴအာပတ်မွဲ အာစိုပ်ရော ရဴဝွံ (ဂရၚ်ပတီရ)။
အာစိုပ်အာပတ်ပါဲစိုတ် (မဒး) ဟိုတ်နူပွမုဒုၚ်ဂိုၚ်ကေတ်ထဝ်သြန်ရ ရဴဝွံ (သ္ဂးရ)။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် ဂပ်ဝ်သ္ဂုတ်သွာတ်ဝတ္ထု မရနုက်ကဵုဒ္စိတ်ဝွံတုဲရ၊ ဟိုတ်နူဟိုတ်ဝွံလေဝ် ဝတ္ထုဝွံ ဓရ်ဟွံသေၚ်ရ၊ ဝိနယ်ဟွံသေၚ်ရ၊ စာ်စ္ဍးနးဒၠောံဗတောန်ကျာ်တြဲရ၊ ဖျေံဇြေဟ်လိက်မာဲ မရနုက်ကဵုဒ္စိတ်ဝွံရ။ (၉)
ယွံတဳလမၞုံပိုဉ် ထဝ်သြန်ဂှ် ဂပ်ဝ်ဟာ ရဴဝွံ (ဂရၚ်ပတီရ)။
ယွံကောန်တၠ ဟွံဂပ်ဝ်ရ ရဴဝွံ (သ္ဂးရ)။
မုရဴပ္ဍဲဌာန်မွဲ မုရဴပ္ဍဲသိက္ခာပိုဒ် ပါဲဒဝ်လဝ်ရော? ရဴဝွံ (ဂရၚ်ပတီရ)။
ပါဲဒဝ်လဝ် ပ္ဍဲပဒဘာဇနဳဒှ်အရာပါ်ပရအ် ပါတိမုက် အပ္ဍဲဍုၚ်ရာဇဂြိုဟ်ရ ရဴဝွံ (သ္ဂးရ)။
မုရဴအာပတ်မွဲ အာစိုပ်ရော ရဴဝွံ (ဂရၚ်ပတီရ)။
အာစိုပ်အာပတ်ပါဲစိုတ် (မဒး) ဟိုတ်နူပွမဒုၚ်ဂိုၚ်ကေတ်ထဝ်သြန်ရ ရဴဝွံ (သ္ဂးရ)။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် ဂပ်ဝ်သ္ဂုတ်သွာတ်ဝတ္ထု မရနုက်ကဵုစှ်ဝွံတုဲရ၊ ဟိုတ်နူဟိုတ်ဝွံလေဝ် ဝတ္ထုဝွံ ဓရ်ဟွံသေၚ်ရ၊ ဝိနယ်ဟွံသေၚ်ရ၊ စာ်စ္ဍးနူဒၠောံဗတောန်ကျာ်တြဲရ၊ ဖျေံဇြေဟ်လိက်မာဲ မရနုက်ကဵုစှ်ဝွံရ။ (၁၀)
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ်ဂပ်ဝ်သ္ဂုတ်သွာတ်ဝတ္ထုဂမၠိုၚ် စှ်သာ်ဝွံတုဲရ၊ ဟိုတ်နူဟိုတ်ဝွံလေဝ် ဝတ္ထုဂမၠိုၚ်ဝွံ ဓရ်ဟွံသေၚ်အိုတ်ရ၊ ဝိနယ်ဟွံသေၚ်အိုတ်ရ၊ စာ်စ္ဍးနူဒၠောံဗတောန်ကျာ်တြဲရ” ရဴဝွံ ကဵုတီရ။
၄၅၈။ ယွံကောန်တၠတအ် ဂပ်ဝ်နုက်ကၠေံ အဓိကိုရ်ဝွံတုဲရ၊ ဂပ်ဝ်ကဵုလလမ်တုဲရ၊ ဂပ်ဝ်ကဵု လလမ်ဗွဲတၟေၚ်တုဲရ၊ ဂပ်ဝ်ကဵုလလမ်ကၠေံ ဗွဲတၟေၚ်ဒးရးတုဲရ၊ ၜိုန်ဒှ်သာ်ဂှ်လေဝ် ယွံကောန်တၠ တၞဟ်နကဵုခမဳဂမၠိုၚ်ဂှ် တီကေတ် ပ္ဍဲလဒေါဝ်သၚ်လေဝ် တၠအဲ ဩဝ်ထပ်သၟာန်ဝတ္ထုဂမၠိုၚ်စှ်သာ်ဝွံညိ ရဴဝွံ သ္ဂးရ။ ပ္ဍဲအခိၚ်ဂှ် တဳလပိုဉ်ရေဝတဂှ် ပ္ဍဲလဒေါဝ်သၚ်လေဝ် ဂရၚ်ပတီသၟာန် တဳလပိုဉ်သဗ္ဗကာမိ ဝတ္ထုဂမၠိုၚ်စှ်သာ်ဝွံရ၊ ဇၟာပ်မသၟာန် ဇၟာပ်မသၟာန် တဳလပိုဉ်သဗ္ဗကာမိ သှ်ကဵုရ။ ပ္ဍဲအရာပတိုန် ဝိနယသၚ်္ဂါယနဝွံ ခမဳဂမၠိုၚ်ထပှ်ကၠံ မဟွံမွဲကဵုယုတ်,လောန်ဒှ်အိုတ်ရ၊ ဟိုတ်ဂှ်ရ ဝိနယသၚ်္ဂါယနဝွံ ကော်ခဴဂး “သတ္တသတိကသၚ်္ဂါယန” ရ။
သတ္တသတိကက္ခန္ဓကဒွါဒသမတုဲရ။
ပ္ဍဲခန္ဓကဝွံ ဝတ္ထုဂမၠိုၚ် ၜါဣသုန်ဂမၠိုၚ်ရ။
❖ သတ္တသတိကက္ခန္ဓကဂှ် ဗွဲခမ္ဍန်[ပလေဝ်ဒါန် | ပလေဝ်ဒါန် တမ်ကၞက်]
ဝတ္ထုဂမၠိုၚ်စှ်သာ်ကီု ကဵုဗဗေၚ် နကဵုဍာ်ကီု ပဋိသာရဏဳယကမ်ကီု ပွမလုပ်အာမွဲဟာန် ကေုာံခမဳကလုတ်ဗွက်ကြဴကီု ကမၠိကၠိခ္ဍက်ပန်သာ်ကီု မွဲလှေ်ပၠန် ကမၠိကၠိခ္ဍက်ပန်သာ်ကီု ထဝ်သြန်ကီု ခမဳပဒတဴဍုၚ်ကောသမ္ဗဳကီု ခမဳပဒတဴဍုၚ်ပါဝါကီု။
ဂၠံၚ်တရဴကီု ဍုၚ်သောရေယျကီု ဍုၚ်သၚ်္ကဿကီု ဍုၚ်ကဏ္ဏကုဇ္ဇကီု ဍုၚ်ဥဒုမ္ဗရကီု ဍုၚ်သဟဇာတိကီု ပွမဗတိုက်ဖအောဝ်ကီု ပွမဟီုလၟိၚ်ကီု မုရဴသာ်လဵု ပိုဲညးဂမၠိုၚ် မၞုံကဵုဇြဟတ်လောန်အိုတ်ရော?။
ဗဗေၚ်ကီု ပွမဒစးတိုန် နကဵုဂၠုၚ်ကီု ပွမဒှ်ပြကဋ်နူဇမ္ၚောဲ ကုခမဳကီု ပွမသကာတ်မြဟ်ကီု သၚ်ကီု ဍုၚ်ဝေသာလဳကီု မေတ္တာၛာန်ကီု သၚ်ကီု ဥဗ္ဗဟိကကမ္မဝါစ်ကီု ဣဝွံတုန် ဗွဲခမ္ဍန်ရ။
☀︎ ☀︎ ☀︎ သတ္တသတိကက္ခန္ဓကတုဲရ။☀︎ ☀︎ ☀︎ စူဠဝဝ်တုဲရ။ ပါဠိစူဠဝဝ် ဘာသာမန်တုဲရ။