လောကသိဒ္ဓိ
သွက်ကောန်ဂကူတံဂွံတီညာတ်ဂွံစဳကၠးဂုဏ်ဒုဟ်ပ္ဍဲလောတုဲ သွက်ဂွံဒှ်ဒတုဲမြမောဝ်တသိုက်ကုသတ္တံဂမၠိုၚ် အတိုၚ်ကျာ်ဇၞော်အစွောံမခၞံလဝ်
( ပြကိုဟ်−လောကသိဒ္ဓိ ) ကေုာံ ပြကိုဟ်သၞဲလ္ၚီ
အာစာတံခၞံလဝ်ကိုပ်ကၠာတေံဂှ် ကျာ်ဇၞော်အစာစာ သဳလဝန္တထေရ် (မာံရွှေၚိ) ညးမဂွံတဆိပ် (အဂ္ဂမဟာပဏ္ဍိတ) စဳရေၚ်ပြုပြေၚ်ပလေဝ်လဟဵုလဝ်ရောၚ်။
ထ္ၜးပဏာမ ပြကိုဟ်
[ပလေဝ်ဒါန် | ပလေဝ်ဒါန် တမ်ကၞက်]နမောတဿတိ
က္ၜံၚ်ထံက်ကလဵု တဲပ္ဍဵုသိသံ၊ ဗုဒ္ဓံ ဓမ္မံ သံဃံ ဒေဝါ၊ မိမအာစာ လ္ၚောဝ်ကၠာတုဲ၊ ဒ္ဂေတ်လိုက်ဗာ ပညာဒှ်တၟုဲ၊ ပညာနွံတုဲ ဒှ်ဒတုဲဇန်၊ ယာံပညာအောန် လုတ်လောန်ဒိုဟ်ဒး၊ ဉာဏ်ဟွံစဳကၠး ချပ်ဒးလုတ်အာ၊ ဟိုတ်အောန်ပညာ ဒးဒိုက်အာကီု၊ ဟိုတ်ဂှ်ဂၠာဲနၚ် တၚ်တဝှ်ဗီု၊ ညံၚ်ပၞၚ်တိုၚ်ထဝ် မပ္ဍေန်လဝ်ကီု၊ ဝေါဟာဂစာဲ နဲကဲဂၠာဲဟီု၊ နဲမဒှ်သိတ် လအိတ်ဂၠာဲဟီု၊ နဲမဒှ်ဗီု ပ္ကီုနၚ်ဒုဟ်တၚ်၊ ပိုဲဂၠာဲဟီုနၚ် မၞးပၚ်မှိၚ်ညိ၊ ဟီုလဝ်လိက်မွဲ ပ္ဍဲရးမန်ပိ၊ ယမုလိက်ရော လောကသိဒ္ဓိ၊ ဒတုဲလိုက်ပိ မဂ္ညိအံသဝ်၊ ပ္ဍေန်ဇမန်လဝ် ပအံသဝ်ရောၚ်။
ထ္ၜးလၟေၚ်ယၟုတ္ၚဲထပှ်
[ပလေဝ်ဒါန် | ပလေဝ်ဒါန် တမ်ကၞက်]ပ္တန်သုစရိုတ် စိုတ်ပကဵုယောၚ်၊ စၟတ်သမ္တီရောၚ် အခေါၚ်ဝါကျ၊ တၞံတ္ၚဲထပှ် ဒဒှ်ဟီုပၠ၊ အဒိုတ်စန္ဒြာ အၚာဗုဒ္ဓ၊ ဗြဴဗတိရ သိုက်ကြသ္ၚိသဝ်၊ ဂွံတ္ၚဲထပှ် အာစာတွံလဝ်။
ထ္ၜးလၟေၚ်ဂိတုစှ်ၜါ
[ပလေဝ်ဒါန် | ပလေဝ်ဒါန် တမ်ကၞက်]ဂိတုဆတ္တဝ် ဟီုလဝ်စှ်ၜါ၊ စဲပသာ်ဇှ်ေ သၟေဟ်အာသာတ်ကၠာ၊ သဝန်ဘဝ်ဝှ် ကထိုက်တွံအာ၊ မြေက္ကသဵုပုဟ်မာ် ကွာ်လုပ်မွဲသာ၊ ဖဝ်ရဂိုန်မှာ ပေၚ်စှ်ၜါရ။
(က) ထ္ၜးရုပ်ဒွါစှ်ၜါ
[ပလေဝ်ဒါန် | ပလေဝ်ဒါန် တမ်ကၞက်]သီုလၟေၚ်ဒွါစှ်ၜါနာမ၊ မိဟ်ဗြိုဟ်မေထုန် ကြကတ်တုန်ရ၊ သိၚ်ကန်တူကၠာ ဗိစ္ဆာခုဇ္ဇ၊ ဓနုမကဝ် ကုံမိန်လဝ်ပၠ၊ ဝွံယၟုကၠာဒွါစှ်ၜါရ။
- အဓိပ္ပါယ်တုန်
(၁) ။ မိပ် − ကၞိ
(၂) ။ ဗြိုဟ် − ဂၠဴ
(၃) ။ မေထုန် − ကၠ
(၄) ။ ကြကတ် − ဗ္တာဲ
(၅) ။ သိၚ် − နာဲ
(၆) ။ ကန် − သဝ်ရဝကာဲ
(၇) ။ တူ − ဗ္စေံ
(၈) ။ ဗိစ္ဆာ − ချေံ
(၉) ။ ဓနု − ကၞုဲ
(၁၀) ။ မကဝ် − စာၚ်ဍာ်
(၁၁) ။ ကုံ − ကၠဵု
(၁၂) ။ မိန် − ကၠိက်
(က) ထ္ၜးရုပ်ဒွါ − ၁၂ ။ ဗွဲယမုဂှ် ဟီုတွံဂတ၊ မိဟ်ဂှ်ကၞိအဴ ဗြိုဟ်ဂၠဴမူလ၊ မေထုန်ဂှ်ကၠ ကြကတ်ဗတာဲ၊ အာစာတွံဂၠာဲ ဒၞာဲဝွံသေၚ်ဟာ၊ သိၚ်နာ်ကန်ဖက် စက်ကဝက်မာ၊ တူဗ္ၜေံကၠာ ဗိစ္ဆာချေံလဝ်၊ ဓနုကၞုဲဓဝ် မကဝ်စာၚ်ဍာ်၊ ကုံကၠဵုလမာ် မိန်ကၠိက်ကွာ်ဗိုန်၊ ဝွံဒှ်လၟိုန် ပ္တိန်လဝ်စိုတ်ရ။ [ဂလာန်ဝွံ ထပ်စုတ်ရောၚ်]
ထ္ၜးယၟုဒိုဟ်ဒစာံ, ဒိုဟ်စှ်
[ပလေဝ်ဒါန် | ပလေဝ်ဒါန် တမ်ကၞက်]ဒိုဟ်ဒစာံဂှ် ဒိုဟ်စှ်နာမ၊ ဗမံက်ပလိုတ် သၠုၚ်ကျာ်ဂိုတ်ပၠ၊ သၟတ်ကျာအဂၞဲ ဗွဲဒိုဟ်နေရတိ၊ ဗာယပ်ဨသာန် ဒစာံဋ္ဌာန်ဂျ၊ ဒိုဟ်အာကာသ သီုဒိုဟ်အသၟဝ်၊ သာ်ဝွံဆတ္တဝ် ဟီုလဝ်ဒိုဟ်စှ်။
ထ္ၜးကိုန်ဒိုဟ်ဂွံလာပ်
[ပလေဝ်ဒါန် | ပလေဝ်ဒါန် တမ်ကၞက်]ဒိုဟ်မအာသွံ ဂွံလာပ်ဟီုတွံ၊ အဒိုတ်သၠုၚ်ကျာ စန်ဗာယပ်သၟဟ်၊ အၚာမွဲဂှ် တွံဒိုဟ်ဗမံက်၊ ဗုဒ္ဓဝါစိ နေရတိသြံက်၊ ဗြဴဗတိလံက် စံက်ဨသာန်အာ၊ သိုက်အဂၞဲလဝ် သ္ၚိသဝ်သၟဝ်ကျာ၊ ဒိုဟ်ဝွံဂွံမြာ လာဘ်သကာဟေၚ် ။
ကိုန်ဂပ်ဝ်စှ်ေဝေၚ်
[ပလေဝ်ဒါန် | ပလေဝ်ဒါန် တမ်ကၞက်]ဒိုဟ်ကဵုစှ်ေဝေၚ် လၟေၚ်လက်သန်၊ အဒိုတ်သၟဝ်ကျာ အာဟွံဂွံပၠန်၊ စန်နေရတိ သတြုထိက္ၜန်၊ ဨသာန်အၚာ အာဒးဗွဲဒဏ်၊ ဗုဒ္ဓပုဗ္ဗ လပပြာပ်ညန်၊ ဗြဴဗတိပၠန် အဂၞဲခၠန်လဝ်၊ သိုက်သၠုၚ်ကျာ်သိုတ် ပလိုတ်သ္ၚိသဝ်၊ ယာံအာဒဲအိုတ် ဟိုတ်ဂှ်နူကဝ်၊ အာစာတွံလဝ် သိုက်သဍဝ်ရောၚ်။
(ခ) ကိုန်ဒိုဟ်အာဂွံဇၞး −−− ဒိုဟ်ဇၞးဂှ် ဟီုတွံမွဲတောၚ်၊ တ္ၚဲအဒိုတ်ရောၚ် ဂၠောၚ်အဂၞဲကၠာ၊ တ္ၚဲစန်ဆတ္တဝ် လဝ်သမၠုၚ်ကျာ၊ အၚာပလိုတ် ၜိုတ်ပါၚ်အာစာ၊ ဗုဒ္ဓဝါဂှ် တွံဒိုဟ်သၟဝ်ကျာ၊ တ္ၚဲဗြဴဗတိ နေရတိမှာ၊ သိုက်ဨသာန်ဟေၚ် လၟေၚ်ဒိုဟ်လအာ၊ သ္ၚိသဝ်မွဲမံက် ဗမံက်ယာကြာ၊ ဒိုဟ်ဇၞးကၠာ အာစာတွံရောၚ်။ [ ဂလာန်ဝွံ ထပ်စုတ်ရောၚ်]။
ကိုန်တ္ၚဲကဵုနက်သတ် ဒဒှ်အာကၠုၚ်ဟွံဂွံ
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲကဵုနက်သတ် ဟီုစၟတ်မွဲတောၚ်၊ တ္ၚဲအဒိုတ်ရောၚ် မွဲတောၚ်ဒှ်စိ၊ နက်သတ်ဒှ်သ္ဍာံ ဒှ်ဒစာံဂ္ညိ၊ ဗွဲဒိုဟ်သၟဝ်ကျာ ယာံအာစုတိ၊ တ္ၚဲစန်ဟွံခိုဟ် ဒိုဟ်နေရတိ၊ နူမသုန်စိ ဒမၠိဒဵုစှ်၊ နက်သတ်ဝွံကၠာ ပအာဒိုဟ်ဂှ်၊ တ္ၚဲအၚာသၟဟ် ဒိုဟ်ဂှ်ဨသာန်၊ နူစှ်ဒစိတ် နက်သတ်တိတ်ပ္ကာန်၊ ဒဵုစၜါစှော်ပိ ဝေၚ်ညိကွေံကြာန်၊ တ္ၚဲဗုဒ္ဓဝါ ၜါစှော်ပန်ပ္ကာန်၊ ဒိုဟ်ဗမံက်ကၠာ ပအာသာန်သာန်၊ ဗြဴဗတိဟာန် ဋ္ဌာန်အဂၞဲဂှ်၊ မွဲၜါပိတန် ၜါဣသုန်သၟဟ်၊ ၜါစှော်တြဴကၠာ ၜါစှော်ထပှ်၊ တ္ၚဲနက်သတ်သၟဟ် အဂၞဲဂှ်ဝေၚ်၊ တ္ၚဲသိုက်တုန်ပၠန် နက်သတ်ပန်ဟေၚ်၊ ဒိုဟ်သမၠုၚ်ကျာ ပဴအာသၟတ်ဝေၚ်၊ တ္ၚဲသ္ၚိသဝ်သိုတ် ဒိုဟ်ပလိုတ်ဟေၚ်၊ နက်သတ်စှ်မွဲ အာဒးဘဲတၟေၚ်၊ ရာဟုမွဲဟေၚ် ပြေၚ်ဒိုဟ်ဗာယပ်၊ နက်သတ်ပ္တံကၠာ နူစှ်ၜါဗဂပ်၊ ဒဵုစှ်ထပှ် ချပ်ဗစာရဏာ၊ တလပညာ ဝေၚ်ပအာညိ၊ ဒိုဟ်ကဵုတ္ၚဲခုတ် အာလုတ်ထိမြိ၊ ဒၞာဲအာတုန်စိ မြိထဍိရောၚ်။
အဓိပ္ပါယ် ကိုန်တ္ၚဲကဵုနက်သတ်ဂှ်တုန် −−− တ္ၚဲဂှ်၊ နက်သတ်ဂှ် ၊ ဒိုဟ်ဂှ် အာဟွံဂွံမ္ဂးရ။
တ္ၚဲ။−−−−−−လၟိဟ်နက်သတ်။ −−−−−−−ဒိုဟ်အာဟွံဂွံ။
တ္ၚဲအဒိုတ် −−− ၁၈။ −−− သၟဝ်ကျာ ။
တ္ၚဲစန် − −− ၅၊ ၆၊ ၇၊ ၈၊ ၉၊ ၁၀။ −−− နေရတိ ။
တ္ၚဲအၚာ −−− ၁၉၊ ၂၀၊ ၂၁၊၂ ၂၊ ၂၃။ −−− ဨသာန် ။
တ္ၚဲဗုဒ္ဓဝါ −−− ၂၄ ။ −−− ဗမံက် ။
တ္ၚဲဗြဴဗတိ −−− ၁၊ ၂၊ ၃၊ ၂၅၊ ၂၆၊ ၂၇။ −−− အဂၞဲ ။
တ္ၚဲသိုက် −−− ၄။ −−− သမၠုၚ်ကျာ ။
တ္ၚဲသ္ၚိသဝ် −−− ၁၁။ − ပလိုတ် ။
ရာဟု −−− ၁၂၊ ၁၃၊ ၁၄၊ ၁၅၊ ၁၆၊ ၁၇။ −−− ဗာယပ် ။
ဗီုစၟတ်နက်သတ်ဂှ် ရံၚ်ကေတ်ပ္ဍဲကဵုကိုန်နက်သတ်(၂၇) တွံလဝ်ဂတဝွံရ။
တ္ၚဲဂှ် နက်သတ် အတိုၚ်ထ္ၜးလဝ်ဂှ် ယဝ်အာဒးမ္ဂး ဟွံသေၚ်ဒးချိုတ်၊ ဟွံသေၚ်ဒးလေၚ် ဒဒိုက်ထဍိမြိဒးရောၚ်၊ ဟိုတ်ဂှ်ရ တၠပညာတံ သၟိက်မၚ်မွဲ ပိုန်အာယုက်တုဲ မှတ်ဝေၚ်ပါဲညိ။
ကိုန်တ္ၚဲဖျေံထဏီ
[ပလေဝ်ဒါန် | ပလေဝ်ဒါန် တမ်ကၞက်]အဒိုတ်ကၟတ်စိ ပိခဝ်ထ္ၜတ်သောၚ်၊ ၜါသၟဝ်ကျာရောၚ် မွဲဂၠံၚ်ဗာယပ်၊ စန်ဖျုန်ၜါခဝ် လဝ်ဗမံက်အပ်၊ မွဲနေရတိ ဒမၠိမွဲတၟပ်၊ အၚာဒးဝပ် ကၟတ်ထပ်ပ္ကာန်၊ ၜါနေရတိ မွဲဂ္ညိဨသာန်၊ ဗုဒ္ဓမွဲဟာန် ဖျုန်မာတ္တာန်စဲ၊ သၟဝ်ကျာဏာၜါ ဗမံက်ဏာမွဲ၊ ဗြဴဗတိအဴ ပ္ကဴချောဲဓရဲ၊ ၜါသမၠုၚ်ကျာ မွဲဏာအဂၞဲ၊ သိုက်သတ်ဆုလိုတ် ပလိုတ်ၜါထဲ၊ သမၠုၚ်ကျာမွဲ ဖျေံစုတ်မွဲခဝ်၊ ထဏီကၠုၚ်ဂှ် ဒှ်တ္ၚဲသ္ၚိသဝ် ၜါဒိုဟ်အဂၞဲ မွဲပလိုတ်လဝ်၊ ဒှ်တ္ၚဲသ္ၚိသဝ် ဖျေံလဝ်ဗၠးယဲ ။
အဓိပ္ပါယ်ကိုန်ဝွံ ။−−−။ယြဴညးမွဲ အာလုတ်တုဲ ထဏီအာမ္ဂး ဗီုဂွံဖျေံထဏီ
တ္ၚဲထဏီ −−−−−−−−− လၟိဟ်ခဝ် −−−−−−−−− စၞဒးစုတ် −−−−−−−− ဒိုဟ်ဖျေံထဏီ
၁ ။ တ္ၚဲအဒိုတ် −−−−−− ၃၀−ခဝ် −−−−−−−−− သၞေဝ်ကၟတ် −−−−−− သၠုကျာ ၂ ၊ ဗာယပ် ၁ ။
၂ ။ တ္ၚဲစန် −−−−−−−−− ၃−ခဝ် −−−−−− −−−− ဖျုန် −−−−−−−− −−− ဗမံက် ၂ ၊ နေရတိ ၂ ။
၃ ။ တ္ၚဲအၚာ −−−−−−−−၃−ခဝ် −−−−−− −−−−သၞေဝ်ကၟတ် −−− −−−နေရတိ ၂ ၊ ဨသာန် ၁ ။
၄ ။ တ္ၚဲဗုဒ္ဓဝါ −−−−−−−−၃−ခဝ် −−−−−−−−−−−ဖျုန်စုတ်ညိ −−−−−− သၟဝ်ကျာ ၂ ၊ ဗမံက် ၁ ။
၅ ။ တ္ၚဲဗြဴဗတိ −−−−−− ၃−ခဝ် −−−−−−−−−−−ပ္ကဴချောဲ −−−−−−−−−−−သမၠုၚ်ကျာ ၂၊ အဂၞဲ ၁ ။
၆ ။ တ္ၚဲသိုက် −−−−−−− ၃−ခဝ် ၊ −−−−−−−−− သတ်ဆု −−−−−−−−−ပလိုတ် ၂၊ သမၠုၚ်ကျာ ၁ ။
၇ ။ တ္ၚဲသ္ၚိသဝ် −−−−−− ၃−ခဝ် ၊ −−−−−−−−−− ကၠေၚ် −−−−−−−−−− အဂၞဲ ၂၊ ပလိုတ် ၁ ။
ကိုန်ဗြိုဟ်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]ဂတဝွံစိ ဒမံၚ်သ္ၚိပြဲ၊ ပိုဲဟီုလဝ်ဒိုဟ် လမေၚ်ဗြိုဟ်နဲ၊ ဇမၠိုၚ်ကၞဳပြဲ မွဲဇမၠိုၚ်ဝိုန်၊ ဟတ်ပ္ကောံလဝ်ဗိုန် ကဵုပိပမဝ်၊ ဒစာံယိုက်စ ဆသၟေဟ်ဆတ္တဝ်၊ မွဲသ္ၚိဗနိက် ၜါပၟိက်ဂြောဝ်၊ ပိသ္ၚိသၟိၚ်ပၠန် ပန်လၟယံက်ယောဝ်၊ ဗြိုဟ်မသုန်ဓဝ် တၞောဝ်ဂဟပ္တိ၊ ဗြိုဟ်တရဴသၟတ် သ္ၚိကမၠတ်စိ၊ ထပှ်အမာတ် ပိုၚ်ကၞာတ်ယုတ္တိ၊ သုန်အာဒမၠိ သ္ၚိစရာဲဍုၚ် ။
အဓိပ္ပါယ်ဗြိုဟ်သ္ၚိတုန် −−− ယြဴပူဂဵုမွဲ သၟိက်ဂွံဗြိုဟ်သ္ၚိမ္ဂး ဇမၠိုၚ်ကၞဳကဵုဇမၠိၚ်ဝိုန် ဒှ်သာ်ဂှ်ဟွံသေၚ် ဇမၠိၚ်အနာံသ္ၚိဂှ် ဟတ်တုဲပံၚ်လဝ် ပၟဝ်ကဵုပိ စကဵုဒစာံ သှ်ေမွဲဗြိုဟ်သ္ၚိဗၞိက်၊ သှ်ေၜါဗြိုဟ်သ္ၚိဂြောဝ်၊ သှ်ေပိဗြိုဟ်သ္ၚိသၟိၚ်၊ သှ်ေပန်ဗြိုဟ်သ္ၚိလၟ၊ သှ်ေမသုန်ဗြိုဟ်သ္ၚိသမ္ၚေဟ်၊ သှ်ေတြဴဗြိုဟ်သ္ၚိကမၠတ်၊ သှ်ေထပှ်ဗြိုဟ်သ္ၚိအမာတ်၊ သှ်ေဒစာံဗြိုဟ်သ္ၚိစရာဲဍုၚ် ။
- ဗီုဍေံတုန်
သှ်ေ −−−−−−−− ဗြိုဟ်သ္ၚိ
၁ −−−−−−−−−− သ္ၚိဗၞိက်
၂ −−−−−−−−−− သ္ၚိဂြောဝ်
၃ −−−−−−−−−− သ္ၚိသၟိၚ်
၄ −−−−−−−−−− သ္ၚိလၟ
၅ −−−−−−−−−− သ္ၚိသမ္ၚေဟ်
၆ −−−−−−−−−− သ္ၚိကမၠတ်
၇ −−−−−−−−−− သ္ၚိအမာတ်
၈ −−−−−−−−−− သ္ၚိစရာဲဍုၚ်− မဒှ်ရ ။
ကိုန်ဗြိုဟ်ဒယိုၚ်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]ဂတဟီုပ္ညုၚ် ကိုန်ဗြိုဟ်ဒယိုၚ်၊ ဇမၠိၚ်ဟတ်ဂိုၚ် ကဵုပိပမဝ်၊ ထပှ်ယိုက်စ ဆသၟေဟ်ဆတ္တဝ်၊ မွဲဟွံခိုဟ်ရ ၜါလာဘသွဝ်၊ ဗြိုဟ်ပိဆတ္တဝ် ဗဝဝ်ဒုက္ခ၊ ပန်ပြဲလောန်တုန် မသုန်ချိုတ်ရ၊ တရဴသုခိ သုန်ဝိနာသ၊ ဗြိုဟ်ဒယိုၚ်ရ ဟီုပၠလဝ်ရောၚ်။
ကောန်ဂကူတံ သိုၚ်သ္ၚိမ္ဂး ဇမၠိုၚ်ဒယိုၚ်သ္ၚိဂှ် ဟတ်တုဲ ပံၚ်ပၟတ်ကဵုပိ စကဵုထပှ် သှ်ေမွဲခိုဟ် သှ်ေၜါဂွံလာဘ် သှ်ေပိဒှ်ဒဒိုက် သှ်ေပန်ပြဲခိုဟ်၊ သှ်ေမသုန်ချိုတ်၊ သှ်ေတြဴဒှ်တသိုက် သှ်ေထပှ် သုန်ဂြာံအာရ။
ကိုန်ဒယိုၚ်ဂၠေံ
[ပလေဝ်ဒါန် | ပလေဝ်ဒါန် တမ်ကၞက်]ဒယိုၚ်ဂၠေံဂှ် ဟီုတွံမွဲတောၚ်၊ ယဝ်ဂၠေံမွဲရောၚ် ယဲဂၠောၚ်ဥပါတ်၊ ဂၠေံၜါဒှ်ဝါတ် ဂၠေံပိညာတ်ဂုဏ်၊ ဂၠေံပန်ခိုဟ်တန် ဂၠေံမသုန်လေၚ်၊ သီုတရဴဂှ် တုပ်သၟဟ်ဍိုက်ပေၚ်၊ ဟွံဂွံဒိုက်လေၚ် ဍိုက်ပေၚ်တဴရောၚ်။
ကိုန်ဗြိုဟ်ပဝ်ဍုန်
[ပလေဝ်ဒါန် | ပလေဝ်ဒါန် တမ်ကၞက်]ဗြိုဟ်ပဝ်ဍုန်ဂၠောၚ် မွဲတောၚ်သၟိက်ဂွံ၊ ဒကုတ်ဒမၚ်ပဒစာံစွံ၊ ပိသၞောဝ်ဍောတ်ထောံ မသုန်စွံကေတ်၊ ဂၠိုၚ်ပိုန်နာံသေက် ဒှ်ကွေတ်အာစာ။
ကောန်ဂကူတံ သိုၚ်သ္ၚိကေတ်ဗြိုဟ်ပဝ်ဍုန်မ္ဂး ဒကုတ်ဒမၚ်ရိုဟ်ပကၠေံဒစာံစွံတုဲ ပိစွံဂှ်ထောံမသုန်စွံဂှ် ကေတ်ပတဴတုဲ ဒှ်ပဝ်ဍုန် ကရိုဟ်ခိုဟ်ရ၊ ညးကြဴဝွံ ကၠတ်ဖျေံကၠေံဆရံၚ်ကျေဝ်လေဝ်နွံရ။
ကိုန်ဗြိုဟ်တရၚ်
[ပလေဝ်ဒါန် | ပလေဝ်ဒါန် တမ်ကၞက်]ပိုဲဟီုလဝ်ဒိုဟ် ဗြိုဟ်တရၚ်ကၠာ၊ ပိစဍောန်ပြဲ ကဵုမွဲဂတာ၊ ဗြိုဟ်တရၚ် မက္ဍၚ်အညာ၊ ပမိက်အာစာ မဟာဂုရု၊ ရပ်ဂတေက်ဂါဲ ဂၠာဲသ္ၚေဝ်သတြု၊ ဗတံဒမၠု ရုရုပေက်အာ၊ ဗြိုဟ်တရၚ်သၟတ် ဒးသၞောတ်အာစာ၊ ညးမၞုံပညာ ပြာကတ်လဝ်ရောၚ်။
ဗြိုဟ်တရၚ်သ္ၚိတုန် ပိစဍောန်ကဵုမွဲဂတာကေတ်မ္ဂး ဒးပမိက်အာစာရ၊ တရၚ်ဝွံ ကေတ်ဍန်ဍန်ရောၚ် ဇၞော်လေဝ်စွံဂွံရ။
ကိုန်ဒုဟ်ဂအာၚ်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]ဒုဟ်ဂအာၚ်သ္ၚိဂှ်ဟီုတွံမွဲတောၚ်၊ သၟဝ်ကျာဨသာန် ဗမံက်ဍာန်ထောၚ်၊ ဋ္ဌာန်ပိဝွံကၠာ သဝ်အာပြဲရောၚ်၊ သမၠုၚ်ကျာပလိုတ် ယဲချိုတ်ဟွံယောၚ်၊ ဗာယပ်အဂၞဲ ဒဒိုက်မွဲတောၚ်၊ နေရတိသၟတ် ကမၠတ်ဖဍောၚ်၊ သီုမသုန်ဒိုဟ် သဝ်ဟွံခိုဟ်ရောၚ်၊ ဂအာၚ်သ္ၚေဝ်ရံၚ် တးညံၚ်မုက်ဖံ၊ ဂၠိုၚ်ယဿပတ် ရတ်မွဲကဵုကၠံ၊ စးကၞုဟ်ခဍံ ရပ်တၞံဒှ်လေၚ်၊ ညံၚ်ဂိတုပေၚ် ဂွံပူဇဴသၟိၚ်၊ ဂအာၚ်ဇိုၚ်ပၞောဟ် လယှ်တိၚ်တိၚ်၊ ညးဟီုပိုဲမိၚ် ဂအာၚ်စးချေံ၊ ယာံဒးမံၚ်ဍေံ တူပၟတ်ကွေံရ၊ ဂအာၚ်သ္ၚေဝ်ရံၚ် ဇိက်ညံၚ်တိဗ္ၚ၊ တုက်ဗရဲဍာ် သာ်ဝွံမၞးပ၊ အိုတ်ဒုဟ်သဗ္ဗ ဗၠးရဇၟာန်တန် ။
အဓိပ္ပါယ်ဒုဟ်ဂအာၚ်သ္ၚိ
၁ ။ ဒိုဟ်သၟတ်ကျာ်
၂ ။ ဒိုဟ်ဨသာန်
၃ ။ ဒိုဟ်ဗမံက် ။ −−−−− ဋ္ဌာန်ပိစွံဝွံ ခိုဟ်လ္အိတ်ရ။
၁ ။ ဒိုဟ်သမၠုၚ်ကျာ
၂ ။ ဒိုဟ်ပလိုတ် ။ −−−−−− ဋ္ဌာန်ၜါဝွံသဝ်မ္ဂး ယဲဒိုက်ချိုတ်ဒှ်ရ။
၁ ။ ဒိုဟ်ဗာယပ်
၂ ။ ဒိုဟ်အဂၞဲ ။ −−−−−−−−−−− ဋ္ဌာန်ၜါဝွံသဝ်မ္ဂး ဒးဒဒိုက်ရ။
၁ ။ ဒိုဟ်နေရတိသဝ်မ္ဂး ဒးကမၠတ်ဒှ်ရ။
(က) ဂအာသ္ၚိတးညံၚ်မုက်ဖံဂှ် ယဿပတ်ဂၠိုၚ်ရ။
(ခ) ဂအာၚ်သ္ၚိဂအုဟ်အဒေါဝ်ညံၚ်စကၞုဂှ် ဒှ်လလေၚ်ရ။
(ဂ) ဂအာၚ်သ္ၚိညံၚ်ဇဵုပၞောဟ်ဂှ် ဂအာၚ်စးချေံ ညးကော်မံၚ်ဂအာၚ်ဂှ် သ္ၚိတူလေဝ်ဒှ်ရ။
ဟိုတ်ဂှ်ရ− ဂအာၚ်သ္ၚိဇိက်ကၠေံၜံက်သတးကၠေံ ဗရဲဍာ်တုဲ ခမုက်သတးကၠေံမ္ဂး ဗၠးဒုဟ်အိုဿီုရ။
ကိုန်ဂိတုသိုၚ်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]ဂိတုသိုၚ်သ္ၚိ ဟီုကဵုညိပၠန် ။ ပသာ်သဝန် ကထိုက်ညန်အာ ။ ဖဝ်ရဂိုန်ပုဟ် ဒုဟ်ညိဟွံပါ ။ ဂိတုမသုန် နွံဂုန်ပြာထာ ။ သ္ဂောံသိုၚ်သ္ၚိသွံ ။ ပိုန်ဟာန်သ္ဂောံမြာ ဂိတုသၟိဟ်ဂှ် ဒုဟ်ဟေၚ်တွံအာ ။ ။ ဂိတုသိုၚ်သ္ၚိတုန် ။ ဂိတုပသာ် ။ ဂိတုခ္ဍဲသဳ ။ ဂိတုကထိုန် ။ ဂိတုပုဟ် ။ ဂိတုဖဝ်ရဂိုန် ။ ဂိတုမသုန်ဝွံ သိုၚ်သ္ၚိမ္ဂး ဗၠးဒုဟ်တုဲကၠိဂွံပိုန်ဟာန်ရ ။ ဂိတုစဲ ။ ဂိတုဇှ်ေ ။ ဂိတုဒဂိုန် ။ ဂိတုဘတ် ။ ဂိတုဝှ် ။ ဂိတုမြေက္ကသဵု ။ ဂိတုမာ် ။ သိုၚ်သ္ၚိမ္ဂး နွံကဵုဒုဟ် ဟွံခိုဟ်ရ ။
ကိုန်နာ်ဂေတ်
[ပလေဝ်ဒါန် | ပလေဝ်ဒါန် တမ်ကၞက်](က) က္ဍိုပ်နာ်ဂၞဴနာ် ကွာ်ဗ္စာရဏာ ။ ဖဝ်ရဂိုန်စဲ ပသာ်ပြဲဖာ ။ က္ဍိုပ်ပလိုတ်ရ ဗတပုဗ္ဗာ ။ ဂၞဴသၟဝ်ကျာသ္အး စးသမၠုၚ်ကျာထဲ ၊ နၚ်ဒယိုၚ်ရ နူဒိုဟ်အဂၞဲ ။
(ခ) ဇှ်ေအသာတ်ညန် သဝန်မွဲတဲ က္ဍိုပ်သၟဝ်ကျာရ ဗ္တသမၠုၚ်ကျာပြဲ ၊ စးပလိုတ်သ္ကဲ ဂၞဴဗွဲဗမံက် ၊ နၚ်ဒယိုၚ်သြံက် နူဒိုဟ်ဨသာန် ။
(ဂ) ဘတ်အသုတ်ကြိုက် ကထိုက်မံက်ပ္ကာန် ၊ က္ဍိုပ်ဗမံက်ဟာန် ဗတဌာန်ပလိုတ် ၊ ဂၞဴသမၠုၚ်ကျာ စးသၟဝ်ကျာသိုတ် ၊ နၚ်ဒယိုၚ်အိုတ် နူဒိုဟ်ဗယပ် ။
(ဃ) မြေက္ကသဵု ပုဟ် မာ် ကွာ်လုပ်မွဲသာ က္ဍိုပ်သမၠုၚ်ကျာရ ဗ္တသၟဝ်ကျာ ၊ ဂၞဴပလိုတ်ဒး စးဗမံက်ဏာ ၊ နၚ်ဒယိုၚ်ကၠာ ဒိုဟ်နေရတိ ။
သွက်ဂွံသမ္တီ လၟေၚ်နာ်ဂေတ်
(က) ဂိတုဖဝ်ရဂိုန် ၊ ဂိတုစဲ ၊ ဂိတုပသာ် ၊ ပိဂိတုဝွံ က္ဍိုပ်နွံပလိုတ် ၊ ဗ္တဗမံက် ဂၞဴသၟဝ်ကျာ ၊ စးသမၠုၚ်ကျာ ၊ နၚ်ဒယိုၚ် နူဒိုဟ်အဂၞဲ ။
(ခ) ဂိတုဇှ်ေ ၊ ဂိတုဒဂိုန် ၊ ဂိတုခ္ဍဲသဳ ၊ ပိဂိတုဝွံ က္ဍိုပ်သၟဝ်ကျာ ၊ ဗ္တသမၠုၚ်ကျာ ၊ ဂၞဴဗမံက် စးပလိုတ် ၊ နၚ်ဒယိုၚ် နူဒိုဟ်ဨသာန် ။
(ဂ) ဂိတုဘတ် ၊ဂိတုဝှ် ၊ ဂိတုကထိုန် ၊ ပိဂိတုဝွံ က္ဍိုပ်နွံဗမံက် ၊ ဗ္တပလိုတ် ၊ ဂၞဴသမၠုၚ်ကျာ ၊ စးသၟဝ်ကျာ ၊ နၚ်ဒယိုၚ် နူဒိုဟ်ဗယပ် ။
(ဃ) မြေက္ကသဵု ၊ ပုဟ် ၊ မာ် ၊ ပိဂိတုဝွံ က္ဍိုပ်နွံသမၠုၚ်ကျာ ၊ ဗ္တသၟဝ်ကျာ ၊ ဂၞဴပလိုတ် ၊ စးဗမံက် ၊ နၚ်ဒယိုၚ် နူဒိုဟ်နေရတိ ။
ထ္ၜးဗီုခါဲကတိုၚ်ဂစိုတ်နာ်
[ပလေဝ်ဒါန် | ပလေဝ်ဒါန် တမ်ကၞက်]ယဝ်ညးမွဲစိ ဒှ်တ္ၚဲအဒိုတ် ရပ်ကွဵုပဝိုတ် က္ဍိုပ်နာ်ပ္ဍဵုလဝ် ၊ ဗုဒ္ဓဆတ္တဝ် ပ္ဍဵုလဝ်ဗတ ၊ ဗြဴဗတိရ ခါဲပရိုဟ်ဂၞဴ ခါဲက္ဍိုပ်ဗတ အိုတ်သ္ကန်ရအဴ ၊ ခါဲဒးစးနာ် ဂၠိုၚ်သာ်ယဲတဴ ၊ ဟိုတ်ဂှ်သဘဴ ဂၞဴနာ်ကဵုခါဲ ၊ သ္ဂောံပိုန်စရာဲ ဂွံအာဲဗဴလ ၊ တိဂွးပ္တိုန်ရ ဗတနာ်လဝ် ၊ သာ်ဝွံပဒး ဗၠးဒုဟ်ဆတ္တဝ် ၊ သၟိက်သိုက်သဍဝ် သမ္တီလဝ်ဍေံ ။
အဓိပ္ပါယ်ခါဲကတိုၚ်ဂစိုတ်နာ်တုန်–
ညးတ္ၚဲအဒိုတ် နာံသ္ပဝ်ရပ်ကွဵုတုဲ ကဵုပ္ဍဵုလဝ်က္ဍိုပ်နာ် ။
ညးတ္ၚဲဗုဒ္ဓဝါဂှ် ရပ်ကွဵုတုဲ ကဵုပ္ဍဵုလဝ်ဗတနာ်ရ ။
ညးတ္ၚဲဗြဴဗဗတိဂှ် ရပ်ကွဵုဂတမုက် ဗွဲဒိုဟ်သမၠုၚ်ကျာ ကဵုခါဲပရိုဟ်ကၠေံဂၞဴနာ်ရ ။
က္ဍိုပ်နာ် ဗတနာ်ခါဲတုဲ နာ်ချိုတ်ရ ၊ စးနာ်ဟဂပ်ဝ်ခါဲ ယဝ်ခါဲဒးစးနာ်မ္ဂး ဒှ်ယဲဒိုက်ဂၠိုၚ်ရ ။
ဟိုတ်ဂှ်ရ ကဵုခါဲပရိုဟ်ဂၞဴနာ်ရောၚ် ၊ တိဂွးပ္တိုန်နူကတိုၚ်ဂှ် စွံလ္ပါ်ဗတနာ်တေံညိ ၊ ပဒးသာ်ဝွံတုဲ ဗၠးဒုဟ်အိုဿီု ဟၟဲကဵုအန္တရာဲတုဲ ဂွံမံၚ်နတသိုက် ဂွံဇၞော်ပၟဝ်လဝ် ပိုန်အိုတ်ရောၚ် ။
ကိုန်ဖျေံဒယိုၚ်သ္ၚိတုန်
[ပလေဝ်ဒါန် | ပလေဝ်ဒါန် တမ်ကၞက်]ကာလဖျေံကတိုၚ် ဒယိုၚ်ဂှ်ကွေံ ၊ ဒယိုၚ်ဂှ်မာ ခါဒတုံစှ်ေ ၊ တလသ္ၚိချိုတ် ကောန်စဴချိုတ်ကွေံ ၊ ဟိုတ်ဂှ်ဒယိုၚ် ပဂိုၚ်ပတုံဖျေံ ၊ ဒယိုၚ်ဂှ်ကွေံ ကဵုစှ်ေသာသာ ၊ ဂွံဒှ်လၟေတ် ကွေတ်ညးတမၠာ ။
အဓိပ္ပါယ်ဗီုဖျေံဒယိုၚ်သ္ၚိတုန်
ဒယိုၚ်သ္ၚိ ကာလဖျေံကတိုၚ်ဂှ် ဒယိုၚ်ဂှ် ခါဒတုံစှ်ေကတိုၚ်မ္ဂး ဟွံခိုဟ် ၊ တၠသ္ၚိကဵုဒှ် ကောန်စဴကဵုဒှ် ဒးပကာဂစိုတ်ဒှ်ရ ၊ ဟိုတ်ဂှ်ရ ကာလဖျေံကတိုၚ်သ္ၚိဂှ် ဖျေံသာသာညိ ၊ ပွမပသာ်ဝွံ ဒှ်ကွေတ်ညးတမၠာရ ။
ကိုန်ဗီုဂွံလွိၚ်ဏာဒယိုၚ်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]ဒိုဟ်လွိၚ်ဖျိုၚ် ဒယိုၚ်ဂှ်မာ ၊ ပိုဲဟီုကဵုစိ ပၚ်မှိၚ်ညိကၠာ ၊ ဒိုဟ်ဗမံက်သွံ ဂွံလွိၚ်ဏာ ၊ ပြဲလောန်က္ဍၚ်သွံ ပိုန်ဘိုက်ဂွံမြာ ၊ ဒိုဟ်အဂၞဲသၟတ် တူပၟတ်ကၠာ ၊ နေရတိသၟတ် ကမၠတ်ဂွံဏာ ၊ ဒိုဟ်သၟဝ်ကျာဟေၚ် ဒိုက်လေၚ်သေၚ်ဟာ ၊ သမၠုၚ်ကျာပလိုတ် ခိုဟ်သ္တိုတ်ပြဲဖာ ၊ ဗယပ်ဨသာန် ပိုန်ဟာန်သ္ဂောံမြာ ၊ ဒိုဟ်လွိၚ်ဟေၚ် ဒယိုၚ်သေၚ်ဟာ ။
ကာလ ဖျေံဒယိုၚ်သ္ၚိတုန်
၁ ။ ဒိုဟ်ဗၟံက်ဂွံလဝိၚ်ဏာ ဒယိုၚ်သ္ၚိမ္ဂး ခိုဟ်လ္အိတ်ရ ၊ ကလိဂွံပိုန်ဘိုက်ရ ။
၂ ။ ဒိုဟ်အဂၞဲ လဝိၚ်ဏာဒယိုၚ်မ္ဂး ဒးတူပၟတ်ဒှ်ရ ။
၃ ။ ဒိုဟ်နေရတိ လဝိၚ်ဏာဒယိုၚ်မ္ဂး ဒးကမၠတ်ဒှ်ရ ။
၄ ။ ဒိုဟ်သၟဝ်ကျာ လဝိၚ်ဏာဒယိုၚ်မ္ဂး ဒးဒဒိုက် လေၚ်ဒှ်ရ ။
၅ ။ ဒိုဟ်သမၠုၚ်ကျာ ဒိုဟ်ပလိုတ် လဝိၚ်ဏာဒယိုၚ်မ္ဂး ခိုဟ်လ္အိတ်ရ ။
၆ ။ ဒိုဟ်ဗာယပ် ဒိုဟ်ဨသာန် လဝိၚ်ဏာဒယိုၚ်မ္ဂး ကလိဂွံပိုန်ဟာန်ရ ။
ကိုန်တ္ၚဲသိုၚ်သ္ၚိ ခိုဟ်−ဟွံခိုဟ်
[ပလေဝ်ဒါန် | ပလေဝ်ဒါန် တမ်ကၞက်]အဒိုတ်သိုၚ်သ္ၚိ သုခိလာဘ ၊ စန်ဒးဒိုက်ကၠာ လာဘ်မြာဗွဲကြဴ ၊ အၚာတူရ ဗုဒ္ဓဒိုက်တဴ ၊ ကၠာဒဒိုက်နှဴ ဂွံလာဘ်ကြဴပၠန် ၊ ဂုရုလာဘ ကြဴသုခညန် ၊ တ္ၚဲသိုက်ဒိုက်ကၠာ ကြဴသုခါတုန် ၊ သ္ၚိသဝ်သိုၚ်သ္ၚိ မြိဒးဘဲဒဏ် ၊ အာစာပကန် ဒုဟ်ပါဲခၠန်ညိ ။ တ္ၚဲအဒိုတ်သိုၚ်သ္ၚိမ္ဂး ကလိဂွံတသိုက်ရ ၊ တ္ၚဲစန် ၊ တ္ၚဲဗုဒ္ဓဝါ ၊ တ္ၚဲဗြဴဗတိ ၊ တ္ၚဲသိုက် သိုၚ်သ္ၚိမ္ဂး ဒးဒိုက်ကၠာတုဲ ကြဴဂွံလာဘ်ပၠန်ရ ၊ တ္ၚဲအၚာ သိုၚ်သ္ၚိမ္ဂး သ္ၚိတူဒှ်ရ ၊ တ္ၚဲသ္ၚိသဝ် သိုၚ်သ္ၚိမ္ဂး ဒးဘဲဒဏ်ရ ။
ကိုန်နက်သတ်ပေၚ် − ၂၇
[ပလေဝ်ဒါန် | ပလေဝ်ဒါန် တမ်ကၞက်]တဝှ်နက်သတ် တိုၚ်ဗၞတ်ယုတ္တိ ၊ ဗွဲမစွေက်ဂှ် ပိုဲဟီုတွံညိ ၊ ပသာ်စှ်ပိ ဇှ်ေညိစှ်ဗျာံ ၊ နက်သတ်ပေၚ်ကၞာတ် အသာတ်ဒစာံ ၊ သာန်တရဴ ဘတ်ပိစဴသ္ဍာံ ၊ စှ်မွဲစွေက်ဗျာံ ပေၚ်သ္ဍာံနက်သတ် ။
ဂိတု ဗွဲစွေက် နက်သတ်ပေၚ်
- ပသာ် ------- ၁၃ ------ ၂၇
- ဇှ်ေ -------- ၁၀ ------ ၂၇
- ဒဂိုန် -------- ၈------- ၂၇-
- ခ္ဍဲသဳ -------- ၆ ------ ၂၇-
- ဘတ် -------- ၃ ------၂၇
- ဝှ် --------- ၁ ------ ၂၇
ဗွဲမမံက်သၟတ် ပိုဲဟီုစၟတ်ပၠန် ၊ ကထိုက်စှ်ပန် လက်သန်ဗွဲမံက် ၊ မြေက္ကသဵုကၠာ စှ်ၜါဟီုလံက် ၊ ပုဟ်ဂှ်စှ်မံက် မာ်လံက်ဒစာံ ၊ ဖဝ်ရဂိုန်အဴ တရဴမံက်သ္ဍာံ ၊ စဲပိမံက်သ္ကဲ ပသာ်မွဲဗျာံ ၊ နက်သတ်ပေၚ်သ္ဍာံ ၜါစှော်ထပှ် ။
ဂိတု ဗွဲမံက် နက်သတ်ပေၚ်
- ကထိုန် ------- ၁၄ ------- ၂၇
- မြေက္ကသဵု ----- ၁၂ ------- ၂၇
- ပုဟ် --------- ၁၀ --------၂၇
- မာ် ----------- ၈ --------၂၇
- ဖဝ်ရဂိုန် -------- ၆ -------၂၇
- မာ် ----------- ၈---------၂၇
- စဲ -------------၃ ------- ၂၇
- ပသာ် ---------- ၁ -------၂၇
ကိုန်နက်သတ် ကၟိတ်−ဒၟပ်−ကၟာတ်
[ပလေဝ်ဒါန် | ပလေဝ်ဒါန် တမ်ကၞက်]နက်သတ်ခပ်သဳ ဂွံတီတုဲသၟဟ် ၊ ကၟိတ်ကၟာတ်ဂှ် ပိုဲဟီုတွံပၠန် ၊ နတ်သတ်တ္ၚဲဂှ် ထပှ်စဗ္ဂန် ၊ သုန်မွဲၜါတိတ် နက်သတ်ကၟိတ်ပၠန် ၊ ပိပန်မသုန် ဒမပ်ပ္တန်ဆန် ၊ တရဴသှ်ေညာတ် ဒှ်ကၟာတ်ပၠန် ၊ တီတုဲလက်သန် ၊ တန်ဗ္စာရဏာ ၊ နက်သတ်ကၟိတ်ကွေံ စၞေဟ်ဇၞးကၠာ ၊ သ္ၚေဝ်ပၟိက်ပြဲ တဲညးဟွံတာ ၊ ဒြပ်ကဵုကုညး ဒးထပက်ကာ ၊ ယဝ်ဟွံကဵုညးသွံ ဒးထောံလသာ ၊ နက်သတ်ဝွံရ ပဏာဒြပ်ကၠာ ၊ နက်သတ်ဒၟပ်ဂှ် ပိုဲဟီုတွံအာ ၊ ဂၠုၚ်က္ၜၚ်ဆတ္တဝ် သဍဝ်နှဴဂါ ၊ ဂွံပကီုမ္ဂး ခိုဟ်ဂးသေၚ်ဟာ ၊ ပၠုပ်စိၚ်ပ္ဍဲရုၚ် ဒက်စလိုၚ်ကၠာ ၊ စၚ်ကတောဝ်ဟွံခြာ အာစာပကန် ။
နက်သတ်ကၟာတ် ယဝ်ညာတ်မွဲတန် ၊ ဂိုၚ်ဒေပ်ထဝ်သြန် တန်ပ္ဍဲဇကု ၊ စေတဳပ္တန်ဓါတ် ကၞာတ်နန်ဒက်မြု ၊ ဗိုၚ်စိၚ်ပၠုပ်တိုက် တသိုက်ဇကု ၊ ပတန်ဟွံလ္ၚု ဒဵုဗျုသေၚ်ဟာ ၊ တလပညာ ချပ်ပိုၚ်ခြာပ္ညဳ ။
ကိုန်ရုပ်နက်သတ်ပ္ဍဲအာကာသ
[ပလေဝ်ဒါန် | ပလေဝ်ဒါန် တမ်ကၞက်]နက်သတ်မွဲသၟတ် အဿဝဏဳ ၊ ဂးရုပ်ချေံသ္ဍာံ သၞံၚ်ဒစာံညဳ ၊ တရဴလေဝ်ဂး ယးတဴဖျဳဖျဳ ၊ ဗမံက်ချေံညိ သၞံၚ်ပိတဝဳ ၊ ၝောံစၚ်စဳပျး ဂးဘိရဏဳ ၊ ဗမံက်ဂှ်ပ္ညဳ ကောန်စာၚ်သ္အဳသ္ဂါ ၊ သၞံၚ်တရဴညိ ဂးကြိတ္တိကာ ၊ နူကောန်စာၚ်ခိုဟ် ဗွဲဒိုဟ်သၟဝ်ကျာ ၊ ရောဟိဏဳဇြုံ ထပှ်ဘုံဗ္ဂါ ၊ ပျးမတ်လိုက်ဗာ တူဍာန်ကျာကဝ် ၊ အဂၞဲကောန်စာၚ် ခၠၚ်သာၚ်ဂတဝ်၊ မိဂ္ဂသဳဟ သီုသၠယာထပ် ၊ က္ဍိုပ်ဒြာဲလေဝ်ဂး အာစာပျးလဝ်၊ စာၚ်ပယျဵုဂၠိ ပိဂးမွဲဝဝ်၊ သၞံၚ်ဒစိတ်ဓဝ် လျးသဝဝ်ဟာန်၊ နူကောန်စာၚ်ကွေံ ဒစှ်ေဨသာန်၊ ဘဒ္ဒြာကျာံအဴ ၜိၚ်တဴကွာန်ကွာန်၊ နူကျာံထဝ်ဟာန် သန်ဌာန်ပုဗ္ဗာ၊ ပုန္နပ္ပသု ယၟုလှဴဂါ၊ သၞံၚ်တရဴဂၠေါဲ တူအမှဲကျာ၊ ဗမံက်လှဴဂါ ဖုဿဂတာံ၊ သၞံၚ်မသုန်ဗျာၚ် ပြာၚ်ၚာၚ်ဓဝါံ၊ ဗမံက်ဂှ်အဵု နူကဵုဂတာံ၊ ရုခ်ဒမြၚာံ သၞံၚ်ပိလာံဂျ၊ ဒုၚ်ယၟုသၟတ် နက်သတ်မှေမှ၊ နူဒမြံကၠာ ဗွဲပးစိဏ၊ သၞံၚ်ကၞုဲပန်ကၠာ ယၟုမာဃ၊ ဗမံက်ကၞုဲရ ဂၠဴကၟက်ပလွဳ၊ ယၟုပုဗ္ဗ ပလ္လဂုန္နဳ၊ ဒှ်သၞံၚ်ၜါရောၚ် ညိဟွံယောၚ်ချဳ၊ ဗမံက်ဂၠဴကၟက် သက္ကသသဳ၊ ရုပ်ဂၠဴဗြဴၜါ သၞံၚ်ၜါတဝဳ၊ နက်သတ်ဥတြ ပလ္လဂုန္နဳ၊ နူဂၠဴဗြဴတွဳ တူဝိထဳဍာန်၊ ဂဵုဒစးတဴ ဒကဴဨသာန်၊ သၞံၚ်စိၚ်ဟတ္ထိ ဇက်ညိကာန်ကာန်၊ သၞံၚ်စှ်ပန်ဟာန် ကူဍာန်ကာသ၊ က္ဍိုၚ်ဗတာၚ်ကီု ညးဟီုတဴရ၊
အဂၞဲစှ်ၚ်ဂှ် စဴဒှ်ရုပ်ကၠ၊ ခုတ်ယၟုသၟတ် နက်သတ်စိတြ၊ သၞံၚ်အဇထဝ် တုပ်အခဝ်ၜ၊ သွောတ္ထိရုပ်ကၠန် သၞံၚ်ပန်ရေၚ်ဂျ၊ လျးဂဵုတၞဟ် ဒှ်ဗမံက်ကၠ၊ ဒကဴဨသာန် ဌာန်ကၠန်ဂှ်ရ၊ သၞံၚ်ပြေၚ်ရေၚ်ဗ္ဂါ ဂးဗေသာခ၊ သၞံၚ်ဒစိတ်ဂျ သီုတေဇကၠာ၊ အဂၞဲပြေၚ်ဂှ် သ္ၚောဲညိဒှ်အာ၊ ညးပိဂေါဝ်သာ် ကွာ်ဒက္ခိဏာ၊ အနူရာဓ မြာ်ရသေၚ်ဟာ၊ သၞံၚ်ထပှ်ဟေၚ် မံၚ်တရေပ်ဗ္ဂါ၊ ဗ္ၜေံဇေဌ ဒုၚ်နာမကၠာ၊ ညံၚ်အခဝ်ခ ပ္တုပ်စသၞံၚ်ၜါ၊ မူလဗ္ဂဲ ညိဟွံသ္ၚောဲခြာ၊ သၞံၚ်ဒစိတ်ဟေၚ် ရေၚ်ဆက်မွဲသာ၊ သီုညးပိဂှ် သၟဟ်ရုပ်နာဂါ၊ သိတ်ကၟက်သၞံၚ်ၜါ ပုဗ္ဗသလ္လ၊ ဨသာန်မြာ်ဂှ် မြဟ်ခၠၚ်ခဏ၊ ဗမံက်သိတ်ကၟက် ဗက်ကဵုဒေသ၊ ဥတြသာန်အဴ ဂးသိတ်ဗြဴရ၊ သၞံၚ်ၜါခဏ ပၠလျးဗစဳ၊ ဗမံက်သိတ်ဗြဴ ဂဵုတဴဖျဳဖျဳ၊ သြဝဏ္ဏကၠာ ရုပ်မှာယောဂဳ၊ သၞံၚ်ဗ္ဒတဝဳ ဖျဳဖျဳဂဵုတဴ၊ ဨသာန်ယောဂဳ ခၠၚ်လလဳသ္ဍဴ၊ တနေဌကွေံ ရုပ်သမ္ၚေဟ်ဗြဴ၊ ရေၚ်တရေၚ်သၟတ် ဒှ်သၞံၚ်တရဴ၊ ပန်ဇၞော်ၜါဍောတ် လၜေါတ်ဖျဴဖျဴ၊ အဂၞဲဒစှ်ေ ရုပ်သမ္ၚေဟ်ဗြဴ၊ သတ္တဗိဿ ရုပ်ယက္ခအဴ၊ သၞံၚ်ပိဒကဴ မွဲတဴဒေါဝ်ဂှ်၊ ဨသာန်ကလော် မွဲဗော်ဒဒှ်၊ ပုဗ္ဗာဘဒ္ဒြာ ဇာဒိသိုၚ်မြဟ်၊ သၞံၚ်ၜါခဏှ် သၟဟ်န်လက်လက်၊ ဒိုဟ်ဗမံက်ကၠာ ဇာဒိသိုၚ်ကၟက်၊ ဇာဒိသိုၚ်ဗြဴ ဂၠါဲတဴဖဝက်၊ ဥတြဘဒ္ဒြာ နာမတွံဆက်၊ သၞံၚ်ၜါမွဲရေၚ် မံၚ်တရေၚ်ဂၠက်၊ ဗမံက်အဆက် သဳဟကၟက်ဗြဴ၊ ဂးရေဝတဳ ကညာညဳနှဴ၊ သၞံၚ်ဂှ်ဂဵုတဴ ဖျဴဖျဴဖျဳဖျဳ၊ တူအကာသ ခဏဗစဳ၊ ၜါစှော်ထပှ် ဂဵုမြဟ်ညံၚ်နှဳ၊ ညံၚ်ဇုက်လလဳ ဗစဳခဏ၊ ရံၚ်မွဲသ္ၚေဝ်အာ တူဍာန်ကာသ၊ ဂွံညာတ်ကေတ်ကၠာ လၟေၚ်နာမ၊ သုစရိုတ်သ္ၚံ လဒံစိတ္တ၊ သမ္တီလဝ်ရ လပဝိုတ်ကၠာ။ (ကိုန်ဝွံထပ်စုတ်ကြဴရောၚ်)
နက်သတ်အဿဝဏဳရုပ် လၟိဟ်မ ဒိုဟ်
၁။ အဿဝဏဳ ရုပ်ချေံ ၈−၆
၂။ ဘိရဏဳ ၝောံစာၚ် ၃ ဗၟံက်၊ အဿဝဏဳ
၃။ ကြိတ္တိကာ ကောန်စာၚ် ၆−၇ ဗၟံက်
၄။ ရောဟိဏဳ ဇြုံ ၇ သၟဝ်ကျာ၊ ကြိတ္တိကာ
၅။ မိဂသဳ က္ဍိုပ်ဒြာဲ ၇ အဂၞဲ၊ ကြိတ္တိကာ
စာပၚ်ယျဵု
၆။ ဘဒြ ကျာံ ၉−၁ ဒစှ်ေဨသာန်
ကောန်စာၚ်
၇။ ပုန္နပ္ပ ဂၠုၚ်က္ၜၚ် ၆ ဗၟံက်ကျာံ
၈။ ဖုဿ ဂတာံ ၅ ဗၟံက်ဂၠုၚ်က္ၜၚ်
၉။ မှေမှ ဒမြအ် ၃-၄ ဗၟံက်ဂတာံ
၁၀။ မာဃ ကၞုဲ ၄ ဗၟံက်ဒမြအ်
၁၁။ ပုဗ္ဗပလ္လဂုနဳ ဂၠဴကၟက် ၂ ဗၟံက်ကၞုဲ
၁၂။ ဥတြပလ္လဂုနဳ ဂၠဴဗြဴ ၂ ဗၟံက်ဂၠဴကၟက်
၁၃။ ဟတ္ထိ စိၚ် ၄ ဒကဴဨသာန်ဂၠဴဗြဴ
က္ဍိုၚ်ဗ္တာၚ်
၁၄။ စိတြ ကၠ ဗီုအခဝ်ၜအဂၞဲစိၚ်
၁၅သွောတ္ထိ ကၠန် ၄-၂ ဗၟံက်ကၠ
၁၆။ ဗေသာခ ပြေၚ် ၉-၁၄ ဒကဴဨသာန်ကၠ
၁၇။ အနူရာဓ မြာ် ၃-၁၅ အဂၞဲပြေၚ်
၁၈။ ဇေဌ ဗ္ၜေံ ၇ သမၠုၚ်ကျာပြေၚ်
၁၉။ မူလ ဗ္ဂဲ ၉-၅ သမၠုၚ်ကျာဗ္ၜေံ
၂၀။ ပုဗ္ဗာသာန် သိတ်ကၟက် ၂ ဨသာန်မြာ်
၂၁။ ဥတ္တရာသာန် သိတ်ဗြဴ ၂ ဗၟံက်သိတ်ကၟက်
၂၂။ ဩဝဏ္ဏ ဣသိ ၃ ဗၟံက်သိတ်ဗြဴ
၂၃။ တနေဌ သမ္ၚေဟ်ဗြဴ ၆ ဨသာန်ယောဂဳ
၂၄။ သတ္တဗိဿ ယက္ခ ၄-၆ ဒစှ်ေအဂၞဲသမ္ၚေဟ်
၂၅။ ပုဗ္ဗာဘဒ္ဒြာ ဇာဒိသိုၚ်ကၟက် ၂-၄ ဨသာန်ကဠော်
၂၆။ ဥတြာဘဒ္ဒြာ ဇာဒိသိုၚ်ဗြဴ ၂ ဗၟံက်ဇာဒိသိုၚ်ကၟက်
၂၇။ ရေဝတဳ ရုပ်ကညာ ဗၟံက်ဇာဒိသိုၚ်ကၟက်
ကိုန်နက်သတ်ပျးဍုၚ်
[ပလေဝ်ဒါန် | ပလေဝ်ဒါန် တမ်ကၞက်]ယၟုနက်သတ် ဟီုစၟတ်မွဲဝါ၊ ဟီုပျးဍုၚ်ကၠာ ၜါမွဲကရောံ၊ အဿဝဏဳ နက်သတ်ပ္ညဳကောံ၊ နက်သတ်ဝွံကၠာ အာပျးဍုၚ်ကြောံ၊ တိရဏဳဗျာံ ဗကာံစာၚ်ကောံ၊ ပိကောန်စာၚ်ဗျောံ စောံဍုၚ်တခိုၚ်၊ ပန်ဇြုံသိၚ်္ဃိုဝ် ပျးကဵုရိုၚ်ရိုၚ်၊ မသုန်က္ဍိုပ်ဒြာဲ နာဲဟံသာဂွိုၚ်၊ တရဴက္ၜၚ်ပ္ညုၚ် ဓဝါဲဂၠုၚ်အိုၚ်၊ ထပှ်ရုပ်ဂၠုၚ် ပျးလဂုၚ်ကျိုၚ်၊ ဒစာံဂတာံ လဗၚ်လာံဗိုၚ်၊ ဒစိတ်ဒမြံ သဓီုဒွံတိုၚ်၊ စှ်ရုပ်ကၞုဲဂွိုၚ် ပိုၚ်ဗာရဏသဳ၊ ဂၠဴကၟက်စှ်မွဲ မိတ္ထိုလ်သဲပ္ညဳ၊ ဂၠဴဗြဴစှ်ၜါ စမ္ပါနဂဵု၊ စှ်ပိစိၚ်ပၠန် ဓညဝတဳ၊ စှ်ပန်က္ဍိုပ်ကၠ ပၠဝေသာလဳ၊ စှ်သုန်ကၠန်ပ္ညဳ သ္ဇၚ်ထဲစဳခၠ၊ စှ်တရဴပြေၚ် တၟေၚ်ဇံၚ်ဗောဇ၊ စှ်ထပှ်မြာ် ဇေကုတ္တရ၊ စှ်ဒစာံဂျ နာမဗ္ၜေံ၊ ပျးကဵုညိဆေံ ကသဳကရး၊ စှ်ဒစိတ်ထဲ ရုပ်ဗ္ဂဲဒး၊ ပျးဍုၚ်မွဲရ ဂးစလရး၊ ၜါစှော်သိတ်ကၟက် မတၟဖက်ဒး၊ ၜါစှော်မွဲအဴ သိတ်ဗြဴစဳပျး၊ ဍုၚ်မွဲနာမ မာဂဓရး၊ ၜါစှော်ၜါဂ္ညိ ရုပ်ဣသိဒး၊ ဍုၚ်သေံအာပျး ပၠကဵုလျးပၠန်၊ ၜါစှော်ပိပ္ညဳ ရုပ်သေဌဳပ္တန်၊ ပျးကောသမ္ဗဳ ဗစဳသရန်၊ ရာဇာဂြိုဟ်ထၟိက် ကၠိက်ၜါစှော်ပန်၊ ၜါဣသုန်ပၠန် ဇာဒိသိုၚ်ကၟက်၊ အိန္ဒပတ္တာ နာဂဵုပျးဗက်၊ ၜါစှော်တရဴ သဳဟဗြဴဆက်၊ ကပ္ပဳလဝှ် ဣၚုဟ်ပျးဗက်၊ ၜါစှော်ထပှ် ကညာတွံဆက်၊ ခုဿနာရာံ ပျးသ္ဍာံသက်လက်၊ ဗီုမဒှ်ကြက် တဝှ်နက်သတ်၊ ယဝ်သၟိက်လေပ်ကွတ် လ္ၚတ်ပမှာ ။
နက်သတ် ရုပ် ပျးဍုၚ်
၁ ။ အဿဝဏဳ--ရုပ်ချေံ--ဍုၚ်ကြောံ
၂ ။ ဘိရဏဳ--ၝောံစာၚ်--ဍုၚ်ဗကာံ
၃ ။ ကြိတ္တိကာ--ကောန်စာၚ်--ဍုၚ်တခိုၚ်
၄ ။ ရောဟိဏဳ--ဇြုံ--ဍုၚ်သိၚ်္ဃိုဝ်
၅ ။ မိဂသဳ--က္ဍိုပ်ဒြာဲ--ဍုၚ်ဟံသာဝတဳ
၆ ။ ဘဒ္ဒြ--က္ၜၚ်ကျာံ--ဍုၚ်ဓဝါဲ
၇ ။ ပုန္နပ္ပသု--ဂၠုၚ်--ဍုၚ်လ္ဂုၚ်
၈ ။ ဖုဿ--ဂတာံ--ဍုၚ်လဗုန်
၉ ။ မှေမှ--ဒမြအ်--ဍုၚ်သဓီု
၁၀ ။ မာဃ--ကၞဲ--ဍုၚ်ဗာရဏသဳ
၁၁ ။ ပုဗ္ဗပလ္လဂုနဳ--ဂၠဴကၟက်--ဍုၚ်မိတ္ထိုလ်
၁၂ ။ ဥတြပလ္လဂုနဳ--ဂၠဴဗြဴ--ဍုၚ်စမ္ပါနာဂဵု
၁၃ ။ ဟတ္ထိ--စိၚ်--ဍုၚ်ဓညဝတဳ
၁၄ ။ စိတြ--ကၠ--ဍုၚ်ဝေသာလဳ
၁၅ ။ သွောတ္ထိ--ကၠန်--ဍုၚ်သ္ဇၚ်ထောဲ
၁၆ ။ ဗေသာခ--ပြေၚ်--ဍုၚ်ဇံၚ်ဗောဇ
၁၇ ။ အနုရာဓ--မြာ်--ဍုၚ်ဇေကုတ္တရး
၁၈ ။ ဇေဌ--ဗ္ၜေံ--ဍုၚ်ကသဳကရး
၁၉ ။ မူလ--ဗ္ဂဲ--ဍုၚ်စလရး
၂၀ ။ ပုဗ္ဗသာန်--သိတ်ကၟက်--ဍုၚ်မတ္တမ
၂၁ ။ ဥတ္တရာသာန်--သိတ်ဗြဴ--ဍုၚ်မဂဓရး
၂၂ ။ သြဝဏ္ဏ--ဣသိ--ဍုၚ်သေံ
၂၃ ။ တနေဌ--သေဌဳ--ဍုၚ်ကောသမ္ဗဳ
၂၄ ။ သတ္တဗိဿ--ကၠိက်--ဍုၚ်ရာဇာဂြိုဟ်
၂၅ ။ ပုဗ္ဗာဘဒ္ဒြာ--ဇာဒိသိုၚ်ကၟက်--ဍုၚ်ဣန္ဒပတ္တနာဂဵု
၂၆ ။ ဥတ္တရာဘဒ္ဒြာ--ဇာဒိသိုၚ်ဗြဴ--ဍုၚ်ကပ္ပဳလဝှ်
၂၇ ။ ရေဝတဳ--ကညာ--ဍုၚ်ခုဿနာရာံ
ကိုန်ဟုဲနက်သတ်ကဵုတ္ၚဲ
[ပလေဝ်ဒါန် | ပလေဝ်ဒါန် တမ်ကၞက်]ယၟုနက်သတ် ဟီုစၟတ်တုဲကၠာ၊ နက်သတ်ကဵုတ္ၚဲ ဟီုသ္ကဲမွဲဝါ၊ အဒိုတ်တရဴ စန်နှဴစုတ်ၜါ၊ မသုန်အၚာ ဗုဒ္ဓဝါမွဲ၊ ပန်ဗြဴဗတိ သိုက်သန်ဂ္ညိထဲ၊ သ္ၚိသဝ်ပိသၟတ် သၞဴနက်သတ်တ္ၚဲ၊ စကုထပှ် သၟေဟ်ဟွံမွဲတုဲ၊ ယဝ်ရသှ်ေမွဲ သ္ကဲဒှ်ဥပါဒ် ၜါကၞောတ်စိ ပိမြိုတ်တူဝါတ်၊ ပန်မြိုတ်ဓဇိုက် မသုန်သိုက်ကၞာတ်၊ တရဴလာဘ်ညာတ် သုန်ကၞာတ်မ္ၚဵု၊ ဂုဏ်ဒုဟ်နက်သတ် ပိုဲစၟတ်ဟီုကဵု။
အဓိပ္ပါယ်ကိုန်နက်သတ်ကဵုတ္ၚဲ
၁ ။ တ္ၚဲအဒိုတ် -----ဟုဲ-၆။
၂ ။ တ္ၚဲစန် --------ဟုဲ-၂။
၃ ။ တ္ၚဲအၚာ ------ဟုဲ-၅။
၄ ။ တ္ၚဲဗုဒ္ဓဝါ ------ဟုဲ-၁။
၅ ။ တ္ၚဲဗြဴဗတိ -----ဟုဲ-၄။
၆ ။ တ္ၚဲသိုက် ------ဟုဲ-၀။
၇ ။ တ္ၚဲသ္ၚိသဝ် -----ဟုဲ-၃။
ဟုဲတုဲ စကု - ၇ ၊ သၟေဟ်ဂှ်တွံကဵုရ ။
သှ်ေ ဟိုတ်ဖဵု'
၁ ။ ဒှ်ယဲဥပါဒ် ၊
၂ ။ တၞောဝ် ၊
၃ ။ ဒှ်မြိုတ်တူဝါတ်ဂါတ် ၊
၄ ။ မြိုတ်ဓဇိုက်ခိုဟ် ၊
၅ ။ သိုက် ၊
၆ ။ ပကာဂွံလာဘ် ၊
ရ ။ ဒှ်မ္ၚဵုခိုဟ် ၊
ကိုန်လၟေၚ်ဒိတ္ထဳ သွက်ဂွံပ္တုဲကာ
[ပလေဝ်ဒါန် | ပလေဝ်ဒါန် တမ်ကၞက်]ဒိတ္ထဳတုန်အဵု ဒ္ၚဳတွံကဵုကၠာ၊ ဒိတ္ထဳတန်လဝ် ပၟဝ်ကဵုၜါ၊ မံက်ပိုက်ကၠေံမွဲ စွေက်လံၚ်မွဲကၠာ၊ စကုထပှ် သၟိက်ဟွံသေၚ်ဟာ၊ သၟေဟ်မွဲပါပ ဗာလာဝၜါ၊ ပိကောလုဝ ပန်တေဇကၠာ၊ မသုန်ဂးမာ ပကာရဏ၊ တရဴလအိတ် ဂးဝါဏိဇ္ဇ၊ သုန်ယုတ်မာပၠ ကရိုန်ဒိတ္ထဳ၊ နဲသာ်ဝွံမာ သမ္တီကၠာပ္ညဳ။
ကိုန်ပါပပၠန် ကးသော်ကၠောန်ကွဳ၊ ဗာလာဝပ္ညဳ တိုန်သ္ၚိလုပ်ဍုၚ်၊ ဒုၚ်မ္ၚဵုခိုဟ် ဗၠိုပ်ဟုံခိုဟ်ပ္ညုၚ်၊ ကောလုဝတၟုဲ ဂဥုဲကျောန်သုၚ်၊ ကၟောန်ဂဥုဲပ္ညုၚ် ခိုဟ်ကၠုၚ်ဇၟာပ်ရာ၊ တေဇတန်အဴ တၚေတ်လ္ၚဴကၠာ၊ တၚေတ်က္ၜဴ လ္ၚဴခိုဟ်တဴသေၚ်ဟာ၊ သၠတရၚ်ခိုဟ် ပြကိုဟ်လှဴဂါ၊ ဝွံခဏံဟေၚ် ခိုဟ်သန်သေၚ်ဟာ၊ ကရုဏာအဵု တဵုလွဳခိုဟ်ကၠာ၊ သိုၚ်သ္ၚိနန်ကၠတ် ဒးဗၞတ်ကၠောန်ကာ၊ ဝါဏိဇ္ဇသွံ ပဗၞိက်ဂွံမြာ၊ ပသေက်သၟိၚ်ပြဲ သၞက်ကရောဲကၠာ၊ ဒိတ္ထဳတုန်ဟေၚ် ကရိုန်သေၚ်ဟာ၊ ဇၟာပ်ကာပကၠောန် ယာံကၠောန်လေၚ်အာ၊ ကောန်သမ္ဘာချိုတ် ဒြပ်အိုတ်ဖြာဖြာ၊ ဝေၚ်သ္အးဗၠးအာ မြာပိုန်တွဵု။
အဓိပ္ပါယ်ကိုန်ဝွံတုန်
ဒိတ္ထဳဗွဲမံက်မ္ဂး နုက်ကၠေံမွဲ ယဝ်ဒှ်ဗွဲစွေက်မ္ဂး လံၚ်စုတ်မွဲ ဒိတ္ထဳတုန်လေဝ် ပၟဝ်ကဵုၜါ စကဵုထပှ် ဆသၟေဟ်ဂှ် အတိုၚ်စုတ်လဝ်ဗွဲသၟတေံရံၚ်ကေတ်ရ။
သှ်ေ ။ ယၟုကရိုန် ။ သွက်ကၠောန်ကာ ။
၁ ။ --ပါပ --------ကးသော်ကၠောန်ကွဳခိုဟ်။
၂ ။ --ဗလဝ -------တိုန်သ္ၚိလုပ်ဍုၚ် ဒုၚ်မ္ၚဵုခိုဟ် ဗလိုပ်ခိုဟ်။
၃ ။ --ကောလုဝ ----ကၠောန်ဂဥုဲခိုဟ်။
၄ ။ --တေဇ -------တၚေတ်လ္ၚဴ တၚေတ်က္ၜဴ ခၞံသၠတရၚ် ခၞံပြကိုဟ် တှ်ေဂၠုၚ်က္ၜၚ်ခိုဟ်။
၅ ။ --ပကာရဏ ----တဵုလွဳ သိုၚ်သ္ၚိ သိုၚ်နန်ခိုဟ်။
၆ ။ --ဝါဏိဇ္ဇ -------ပဗၞိက် ပသေက်သၟိၚ် သၞက်ကရောဲခိုဟ်။
၇ ။ --ကရိုန်ဒိတ္ထဳ -----ဇၟာပ်ကာ ကၠောန်ဟွံခိုဟ် ကၠောန်မ္ဂး ကောန်သမ္ဘာချိုတ် ဒြပ်အိုတ်ဒှ်ရ။
ကိုန်တဝါ်စန်
[ပလေဝ်ဒါန် | ပလေဝ်ဒါန် တမ်ကၞက်]တဝါ်စန်ကီု ဂတဟီုကဵု၊ မိပ်သိပ်ဓနု ဒွါပိဝွံအဵု၊ အာစာတွံကဵု တွဵုစန်သတိက်၊ မကိုဝ်ဗြိုဟ်ကန် စန်တွာဲထမိက်၊ တူကုံလမိက် မေထုန်သၟိက်မြာ၊ စန်ဍုန်ဟေၚ်ရ ဒှ်ဗလဝကၠာ၊ ဝွံဌာန်စန်ဟေၚ် ပန်စွံသေၚ်ဟာ၊ ကြကတ်ဗိစ္ဆာ မိန်ကၠာတုန်ရောၚ်၊ စန်လောလိန်ဂှ် တဝှ်အာစာ၊ မိဟ်သိၚ်ရပ္တန် ယိုက်ဒြၚ်နန်ထာ၊ ကြကတ်ဗိစ္ဆာ ခါဲကမာရ၊ တူကုံကတ်ကွတ် ဍိုက်ယာန်သၟတ်ပ၊ မကဝ်ဗြိုဟ်ပ္ညဳ ပ္တန်စေတဳပၠ၊ တဝှ်အာစာ မဟာဂုဏ၊ စန်တိတ်လဝ်ဒိုဟ် ဒေပ်ဒြပ်ခိုဟ်ရ၊ ဇြပ်စေတဳပၠ ကၠောန်ဒြပ်ပမှာ၊ စန်တွာ်ခိုဟ်သ္အး ဂွံဇၞးယာကြာ၊ ပြေၚ်ဂအာၚ်သ္ၚိ ဝိဝါဟကၠာ၊ ဇၟာပ်ကာစဳရေၚ် ခိုဟ်သန်သေၚ်ဟာ၊ စန်လဝ်လိန်ဓဝ် ဗဝ်မဇိက်ကၠာ၊ ပဂမဳဂၠိ ကာတိဇၟာပ်ကာ၊ စန်ဍုန်ဗာလ ပဗၞိက်ဂွံမြာ၊ ဇၟာပ်ကာခိုဟ်ဇၟံ အိုတ်တၟံကာ၊ မိဟ်မေထုန်တုန် ဓနုစန္ဒြာ၊ ဒွါပန်စွံကၞာတ် ယဝ်ညာတ်စန်ကၠာ၊ တၞုၚ်ဓါတ်သၟတ် နက်သတ်သ္ဂုတ်အာ၊ ပ္တုဲကာလဟေၚ် သၟတ်ဝေၚ်ဇၟာပ်ကာ၊ ယာံဒးပ္တုဲဟေၚ် လေၚ်ဇၞော်သေၚ်ဟာ၊ တဝှ်အာစာ ပပြာကတ်ရောၚ်။
ကိုန်သွက်ဂွံဂၠာဲပၟၚ်တိ
[ပလေဝ်ဒါန် | ပလေဝ်ဒါန် တမ်ကၞက်]ပၟၚ်တိသွံ သၟိက်ဂွံမွဲတောၚ်၊ ဗွဲမမံက်ရောၚ် တန်ဂၠေါၚ်စှ်သုန်၊ ဗွဲစွေက်ဂှ် တန်ၜါစှော်ပ္ဍုန်၊ ဇိုတ်ဒိတ္ထဳသၟတ် သၟေဟ်ဇိုတ်စှ်တုန်၊ သၟေဟ်ပၟၚ်တိ ဒမၠိဟီုပ္ဍုန်၊ အဒိုတ်မၚ်တိ သိုၚ်သ္ၚိလေၚ်သန်၊ စန်မၚ်နွံဂုဏ် အၚာသုန်အာ၊ ဗုဒ္ဓဂုရု ပြဂုပြဲဖာ၊ သ္ၚိသဝ်ရာဟု မြိုတ်ကျုဒိဿာ၊ ပၟၚ်တိဟေၚ် ဟွံခိုဟ်သေၚ်ဟာ၊ ကိုတ်မၚ်ပြဲသန် စန်စွေက်ပါဲကၠာ၊ တ္ၚဲသိုက်ခိုဟ်ဂၠိ သိုၚ်သ္ၚိဘုတ်ဘာ၊ ပၟၚ်တိကၠာ အာစာတွံရောၚ်။
ကောန်ဂကူတံ သိုၚ်သ္ၚိဘုတ်ဘာမ္ဂး ပၟၚ်တိဂပ်ဝ်ဒးရုဲရောၚ်၊ နဲဂၠါဲပၟၚ်တိတုန် ဗွဲမမံက်ယဝ်သဒှ်မ္ဂး တန်လဝ် - ၁၅။ ဗွဲစွေက်ယဝ်ဒှ်မ္ဂး တန် - ၂၀။ ရိုဟ်ဒိတ္ထဳမံက်စွေက်တုဲ ဂွံလၟိဟ်မံက်ကဵုဒှ် ဂွံလၟိဟ်စွေက်ကဵုဒှ် ယဝ်ဒှ်လ္ပါ်မံက် နုက်ကၠေံနူ ၁၅ - ဂှ်ရ ယဝ်ဒှ်လ္ပါ်စွေက်မ္ဂး နုက်ကၠေံနူ ၂၀ - ဂှ်ရ သၟေဟ်ဂၠိုၚ်နူစှ်မ္ဂး နုက်ကၠေံစှ်ပၠန်။ သှ်ေမွဲ အဒိုတ်မၚ်တိ ၊ သှ်ေၜါ စန်မၚ်တိ၊ သှ်ေပိ အၚာမၚ်တိ၊ သှ်ေပန် ဗုဒ္ဓဝါမၚ်တိ၊ သှ်ေမသုန် ဗြဴဗတိမၚ်တိ၊ သှ်ေတြဴ သိုက်မၚ်တိ၊ သှ်ေထပှ် သ္ၚိသဝ်မၚ်တိ၊ သှ်ေဒစာံ ရာဟုမၚ်တိ၊ သှ်ေဒစိတ် ကိုတ်မၚ်တိ၊ သှ်ေစှ် မြိုတ်ကျုဟွံခိုဟ် ဗွဲစွေက်ဂှ် စန်ပါဲကၠေံညိ။
ဗီုဍေံ
သှ်ေ---ပၟၚ်တိ---ခိုဟ်-ဟွံခိုဟ်
၁။ အဒိုတ်မၚ်တိ လေၚ်သန်။
၂။ စန်မၚ်တိ ခိုဟ်။
၃။ အၚာမၚ်တိ သုန်ဂြာံ။
၄။ ဗုဒ္ဓဝါမၚ်တိ ခိုဟ်။
၅။ ဗြဴဗတိမၚ်တိ ခိုဟ်။
၆။ သိုက်မၚ်တိ ခိုဟ်။
၇။ သ္ၚိသဝ်မၚ်တိ ဟွံခိုဟ်။
၈။ ရာဟုမၚ်တိ ဟွံခိုဟ်။
၉။ ကိုတ်မၚ်တိ ခိုဟ်။
၁၀။ မြိုတ်ကျုမၚ်တိ ဟွံခိုဟ်။
ကိုန်ရေက်
[ပလေဝ်ဒါန် | ပလေဝ်ဒါန် တမ်ကၞက်]ရေက်သုန်ကာအဵု တွံကဵုမွဲတောၚ်၊ ဗွဲမမံက်ရောၚ် စှ်တ္ၚဲဂၠေါၚ်အာ၊ ပိသၞောတ်ရေၚ်သ္ကဲ ပိစှော်တ္ၚဲကၠာ၊ ဗက်ဒိတ္ထဳမွဲ ပန်ထပ်သ္ကဲအာ၊ ပၟဝ်ပိသၟတ် ထပှ်စကၠာ၊ သၟေဟ်လက်သုန်ဓဝ် ပိပၟဝ်အာ၊ ထပှ်စဟာန် သၟေဟ်ရေက်ကာန်ကၠာ၊ ပၟဝ်ပိသၟဟ် ထပှ်စအာ၊ ဒှ်ရေက်ပုပ်ဂ္ညိ ပၟဝ်ပိကၠာ၊ ထပှ်စအာ ရေက်ဆိပ်ဏာပ္တုံ၊ ရေက်သုန်က္ဍဝ်ဒ္ဂူ ရေက်ကာန်နူသ္တုံ၊ ရေက်ပုပ်ဂၠိၚ်လုံ ရေက်ဆိပ်သ္တုံဇွိ၊ ဂွံရေက်ပန်စိ ဒမၠိပမှာ၊ ဒးရေက်သုန်ဟာန် ဒးရေက်ကာန်ကၠာ၊ လ္ၚုသန်ပြဟ် သေက်ဇဵုဒှ်အာ၊ ဒးရေက်ပုပ်ရ တူပၟတ်ကၠာ၊ ဒးရေက်ဆိပ်ပၠန် ဘဲဒဏ်နာနာ၊ ဝွံရေက်ပန်ကၠာ အာစာတွံရောၚ်။
ကောန်ဂကူတံ ပကာဝါမ္ၚဵုမ္ဂး ရေက်ပန်သာ် ဂပ်ဝ်ဝေၚ်ပါဲညိ။
ညးမ္ဂးရေက်ပန်သာ်ဂှ်ရေ
(၁) ရေက်သုန် ပကာလ္ၚုသန်ရ။
(၂) ရေက်ကာန် ပကာလ္ၚုသန်ရ။
(၃) ရေက်ပုပ် ပကာတူပၟတ်ရ။
(၄) ရေက်ဆိပ် ပကာဒးဘဲဒဏ်ရ။
ဣဝွံ ရေက်ပန်သာ်ရ။
လက်သန်ဍေံတုန်
၁။ ရေက်သုန်က္ဍဝ်ဒ္ဂူမ္ဂးဂှ် ပ္ဍဲဂၞန်စွံလဝ်ပိသၞောဝ်ဂှ် ဂၞန်လ္တူကဵုသၟဝ် က္ဍဝ်ဖျေံတပ်ပ်ဂှ် ရေက်သုန်မ္ဂးရ။
လက်သန်ဍေံတုန်
၂။ ရေက်ကာန်နူသတုံမ္ဂးဂှ် ပ္ဍဲဂၞန်လ္တူသၟဝ်ဂှ် နူတဲပုၚ်ကဵုပါဲ က္ဍဝ်ကဵုဒစှ်ေပိပိသ္ၚိ ဒှ်ရေက်ကာန်မ္ဂးရ။
လက်သန်ဍေံတုန်
၃။ ရေက်ဂၠိၚ်လောန်မ္ဂးဂှ် ပ္ဍဲဂၞန်ပိထပ်မစွံလဝ်ဂှ် တန်လ္တူတေံကီု တန်ဂၞန်လ္ဒေါဝ်ဂှ်ကီု တန်ဂၞန်သၟဝ်ဂှ်ကီု ဂၞန်ဂတကဵုကြဴ ပန်န်သ္ၚိက္ဍဝ်ဂၠိၚ်ဂှ် ရေက်ပုပ်မ္ဂးရ။
လက်သန်ဍေံတုန်
၄။ ရေက်ဆိပ် သတုံဇွိမ္ဂးဂှ် ဂၞန်လ္တူကဵုသၟဝ် ၜေဲလာ်နူတဲပုၚ်ကဵုပါဲ ပိပိသ္ၚိဂှ် ရေက်ဆိပ်မ္ဂးရ။
သၟိက်တီရေက်ပန်မ္ဂးဂှ် နူမွဲမံက် ဒဵုပေၚ်စှ်တ္ၚဲ စွံလတူမွဲထပ်၊ နူဂှ် အဒေါဝ်စှ်တ္ၚဲပမွဲထပ်၊ နူသၟဝ်တ္ၚဲ ပမွဲထပ်၊ စွံဂၞန်ပိထပ်ရ။
မွဲမံက်ဒှ်တ္ၚဲအဒိုတ်မ္ဂး၊ အဒိုတ်-၁။ စန်-၂။ အၚာ-၃။ ဗုဒ္ဓဝါ-၄။ ဗြဴဗတိ-၅။ သိုက်-၆။ သ္ၚိသဝ်-၀။ ကလေၚ်အဒိုတ် ဒဵုပေၚ်စှ်ရ။ သၞောဝ်အဒေါဝ်ကီု၊ သၞောဝ်သၟဝ်ဂှ်ကီု၊ နဲဝွံရ။
၁။ ၂။ ၃။ ၄။ ၅။ ၆။ ၇။ ၈။ ၉။ ၁၀။
၁၊ ၂၊ ၃၊ ၄၊ ၅၊ ၆၊ ၀၊ ၁၊ ၂၊ ၃၊
၄၊ ၅၊ ၆၊ ၀၊ ၁၊ ၂၊ ၃၊ ၄၊ ၅၊ ၆၊
၀၊ ၁၊ ၂၊ ၃၊ ၄၊ ၅၊ ၆၊ ၀၊ ၁၊ ၂၊
ဣဝွံ ဗီုမွဲမံက်တ္ၚဲအဒိုတ်ရ။
မပ္တံနူတ္ၚဲစန်တံဂှ်တုန် ၂-စွံတံ၊ ၃-စွံတံ၊ နနဲဝွံ စှ်သၞောဝ်ပိထပ်စွံမ္ဂးရ။ ဗက်ဒိတ္ထဳမွဲ ပန်ထပ်သကဲအာမ္ဂးဂှ် မွဲမံက်တ္ၚဲအဒိုတ် ယဝ်သဒှ်မ္ဂး -
၁။ အဒိုတ် ပၟဝ်ကဵု-၃ ဒှ်-၃ စကဵု-၇ ဂွံ ၃။
၂။ စန် ပၟဝ်ကဵု-၃ ဒှ်-၆ စကဵု-၇ ဂွံ ၆။
၃။ အၚာ ပၟဝ်ကဵု-၃ ဒှ်-၉ စကဵု-၇ သှ်ေ ၂။
၄။ ဗုဒ္ဓဝါ ပၟဝ်ကဵု-၃ ဒှ်-၁၂ စကဵု-၇ သှ်ေ ၅။
မွဲမံက်တ္ၚဲစန်မ္ဂး စန်၊ အၚာ၊ ဗုဒ္ဓဝါ၊ ဗြဴဗတိ၊ နဲလတူတေံ ပြေၚ်ကေတ်ရ၊ မပ္တံတ္ၚဲအၚာတံဂှ် နဲဝွံရ။
သွက်ဂွံတီတုဲ လၚ်္ကာသၟဝ်တေံသမ္တီရ အဒိုတ်ပိပၠန် စန်တရဴကၠာ၊ အၚာၜါဂ္ညိ ဗုဒ္ဓဝါစိ၊ ဂ္ညိမသုန်အဴ ဗြဴဗတိမွဲ၊ သိုက်ပန်ဆတ္တဝ် သ္ၚိသဝ်ဒၞါဲဂှ်၊ တိုၚ်တဝှ်နဲ အာစာတွံပြဲ၊ နဲလဗၚ်ဒိုၚ် ဂိုၚ်သမ္တီညိ။
အဓိပ္ပါယ်
တ္ၚဲ။--ပၟဝ်။--ဂွံ။--စ။--ဂွံ။--သှ်ေ။
၁။----၃။----၃။--၇။---၃။
၂။----၃။----၆။--၇။---၆။
၃။----၃။---၉။---၇။---၂။
၄။----၃။--၁၂။---၇။---၅။
၅။----၃။--၁၅။---၇။---၁။
၆။----၃။--၁၈။---၇။---၄။
၀။----၃။--၂၁။---၇။---၀။
ဗီုကာလဖျေံရေက်ဂှ်
ပပ္တံနူတ္ၚဲမွဲမံက်ဂှ် စွံပ္တန်တုဲ ပၟဝ်ကဵု-၃၊ စကဵု-၇၊ ဂွံဆသှ်ေဂှ် ဒှ်ရေက်သုန်ရ။ ရေက်သုန်ဂှ် ပၟဝ်ကဵု-၃၊ စကဵု-၇၊ ဒှ်ရေက်ကာန်ရ။ ရေက်ကာန်ဂှ် ပၟဝ်ကဵု-၃၊ စကဵု-၇၊ ဒှ်ရေက်ပုပ်ရ။ ရေက်ပုပ်ဂှ် ပၟဝ်ကဵု-၃၊ စကဵု-၇၊ ဒှ်ရေက်ဆိပ်ရ။
ဗီုတ္ၚဲအဒိုတ် မွဲမံက် ပၟဝ်တုဲ စတုဲ
ရေက်သုန်။ ရေက်ကာန်။ ရေက်ပုပ်။ ရေက်ဆိပ်။
၃၊ ------ ၂၊ ------ ၆၊ ----- ၄၊
၆၊ ----- ၄၊ ------ ၅၊ ----- ၁၊
၂၊ ------- ၆၊ ----- ၄၊ ----- ၅၊
၅၊ ------ ၁၊ ------ ၃၊ ----- ၂၊
ရေက်သုန်။ ရေက်ကာန်။ ရေက်ပုပ်။ ရေက်ဆိပ်။
၃၆။ -----၂၄။ -------၃၄၅၆။ --၄၁။
၆၂။ -----၄၆။ -------------- ၁၅။
၂၅။ -----၆၁။ -------------- ၅၂။
ဗီုက္ဍဝ်ဍေံဂှ် ရံၚ်ကေတ်သၟဝ်တေံရ။
ဗီုဍေံ
ကိုန်လဗေၚ်ဒိုၚ်
[ပလေဝ်ဒါန် | ပလေဝ်ဒါန် တမ်ကၞက်]လဗၚ်ဒိုၚ်အဵု တွံကဵုမွဲတောၚ်၊ စန်ဗြဴဗတိ ဗုဒ္ဓဂ္ညိသောၚ်၊ သ္ၚိသဝ်အဒိုတ် စန်သ္တိုတ်သိုက်ရောၚ်၊ ဂုရုသောရဳ သိုက်ပ္ညဳမွဲတောၚ်၊ လဗေၚ်ဒိုၚ်ရောၚ် ဝွံမွဲတောၚ်ကၠာ၊ ပါပဝေၚ်သ္ကဲ သာမျပြဲဖာ၊ လဗေၚ်ဒိုၚ်ကၠာ အာစာတွံရောၚ်။
ဂၞန်။ ----လၟေၚ်တ္ၚဲ။ --------အဓိပ္ပါယ်။
၁။ -----အဒိုတ် ---------အတိုၚ်ဂၞန်ထ္ၜးလဝ်ဂှ်
၂။ -----စန် -----------ဂှ် ဒှ်လၟေၚ်တ္ၚဲရ ။ ။
၃။------အၚာ ---------ကိုန်ရေက်ဖျေံလဝ်
၄။ -----ဗုဒ္ဓဝါ ----------ဗီုတေံဂှ်စွံလ္တူတုဲ
၅။ -----ဗြဴဗတိ ---------ဗွဲသၟဝ်အတိုၚ်ထ္ၜးလဝ်
၆။ -----သိိုက် ----------ဝေၚ်ပါပသာမယဂှ်ကေတ်ရ
၇။ -----သ္ၚိသဝ် ---------(၂၊ ၅၊ ၄၊ ၇၊ ၁၊ ၂၊ ၆၊ ၅၊ ၇၊ ၆)
ကိုန်ဂိတုတိုပ်သုက်
[ပလေဝ်ဒါန် | ပလေဝ်ဒါန် တမ်ကၞက်]ကောန်ၚာ်ဒှ်မၞိဟ် ဖဝ်ရဂိုန်၊ စဲ၊ ပသာ် ပ္ဍဲပိဂိတုဝွံ တိုပ်သုက်သၟဝ်ကျာ ကလိဂွံပိုန်အာယုက်ရ။
ကောန်ၚာ်ဒှ်မၞိဟ် ဂိတုဇှ်ေ၊ ဒဂိုန်၊ ခ္ဍဲသဳဂှ် တိုပ်သုက်ပလိုတ် ကလိဂွံပိုန်အာယုက်ရ။
ကောန်ၚာ်ဒှ်မၞိဟ် ဂိတုဘတ်၊ ဝှ်၊ ကထိုန်မ္ဂး တိုပ်သုက်သမၠုၚ်ကျာ ကလိဂွံပိုန်အာယုက်ရ။
ကောန်ၚာ်ဒှ်မၞိဟ် ဂိတုမြေက္ကသဵု၊ ပုဟ်၊ မာ်၊ ပိဂိတုဝွံ တိုပ်သုက်ဗၟံက် ကလိဂွံပိုန်အာယုက်ရ။
*ဗီုဖျေံဍေံ
ဂိတု။----------ဒိုဟ်။----------ကလိဂွံဖဵု
ဖဝ်ရဂိုန်]
စဲ) -- ၃-ဂိတု ----သၟဝ်ကျာ ---- ဂွံပိုန်အာယုက်
ပသာ်]
ဇှ်ေ]
ဒဂိုန်) -- ၃-ဂိတု ----ပလိုတ် ---- ဂွံပိုန်အာယုက်
ခ္ဍဲသဳ]
ဘတ်]
ဝှ်) -- ၃-ဂိတု ----သမၠုၚ်ကျာ ---- ဂွံပိုန်အာယုက်
ကထိုန်]
မြေက္ကသဵု]
ပုဟ်) -- ၃-ဂိတု ----ဗမံက် ---- ဂွံပိုန်အာယုက်
မာ်]
ကိုန်တွံတ္ၚဲထပှ်
[ပလေဝ်ဒါန် | ပလေဝ်ဒါန် တမ်ကၞက်]တွံတ္ၚဲအဒိုတ်။ ။ ယြဴညးမွဲ ဒှ်တ္ၚဲအဒိုတ်၊ နာံသ္ပဝ်ကၞာတ် ဓါတ်တၟံပြဲသ္တိုတ်၊ ညဳသာညးအိုတ် စရိုတ်သာဓါ၊ လေပ်အဲပရဲ ရတ်ပိပြဲဖာ၊ ပဂုဏ်ကဵုညး ဒှ်သမးကၠာ၊ တုက်ဍာ်ကြဴအှော် ဒှ်တဴပမာ၊ ပ္တေံပါၚ်ညးပြဟ် ဒှ်သၚောံကၠာ၊ ပရံပရာ မြာတသိုက်ကြဴ၊ ဒါန်ကုသဵုဂှ် ဟိုတ်ဂွံသှ်ပ္တဴ၊ အာယုက်စိုပ်ကၠာ ၜါစှော်မွဲအဴ၊ စိုတ်ဟွံတန်ကၠာ စံၚ်နှာဒှ်တဴ၊ ၜါဣသုန်စိ အမှုမြိတဴ၊ ၜါစှော်ထပှ် ပန်စှော်တရဴ၊ မၚ်မွဲပါၚ်စိုတ် ပဝိုတ်သှ်ပ္တဴ၊ လောန်နူဂှ်အဴ လာဘစဴမြာ၊ တ္ၚဲအဒိုတ်ရ သမ္တီပမှာ၊ ဗာယပ်မွဲဟာန် ဌာန်မူလကၠာ၊ စေတဳလမာ် လဝ်ကျာ်ဘုတ်ဘာ၊ ဗမံက်ဍာ်ဒါန် ဌာန်ကမၠိုၚ်ကၠာ၊ အဂၞဲလဝ််ဟေၚ် ဇရာံသေၚ်ဟာ၊ ပြေၚ်ဂၠဴဗော်သွး လဝ်ဒိုဟ်သမၠုၚ်ကျာ၊ နေရတိဟေၚ် လဝ်လွဟ်သေၚ်ဟာ၊ ပလိုတ်ဖဴကာန် လဝ်သုသာန်ကၠာ၊ တ္ၚဲအဒိုတ်မာ ပပြာကတ်ရောၚ်။
တွံတ္ၚဲစန်။ ။ ညးဒှ်တ္ၚဲစန် ဟီုပၠန်မွဲတောၚ်၊ နာံကၠဟွံယောၚ် မွဲတောၚ်ဓါတ်ဆု၊ မာန်စံၚ်ထေဲပြဟ် ဟဲပြဟ်မေခု၊ ဟိုတ်ဂုဏ်ပါၚ်ရ ညးပသတြု၊ ဂုဏ်ပါၚ်ဟွံခိုဟ် ဇၟာပ်ဒိုဟ်မေခု၊ စှ်သုန်သၞာံအဴ စိုတ်က္တဴနရု၊ သမၠီုမေခု ဟုဲဒးဂၠုအာ၊ ဂွံဒြပ်ဟွံပိုတ် ဒြပ်အိုတ်ဖြာဖြာ၊ ၜါစှော်ပိကၠာ ထံၚ်ထာလမိုန်၊ ပိစှော်လောန်ရ မှတ််ပဗိုန်ဗိုန်၊ မသုန်စှော်ကွိိုန် လိုန်လုပ်ထံၚ်ထာ၊ မၞိဟ်တ္ၚဲစန်ဟေၚ် ဟီုလဝ်သေၚ်ဟာ၊ ကျာ်ဘုတ်ဘာလဝ် ဗမံက်သၟဝ်ကျာ၊ ဒိုဟ်ဨသာန်အဴ လဝ်ကၠံပ္ကဴကၠာ၊ အဂၞဲကမၠိုၚ် ဍာ်ဒါန်ပိုၚ်ခြာ၊ သမၠုၚ်ကျာဟေၚ် ဇရာံသေၚ်ဟာ၊ နေရတိကၠာ ဏာလဝ်ပြေၚ်ဂၠဴ၊ ဗော်သွးတုန်သွံ လဝ်ဂွံသဘဴ၊ ဒိုဟ်ပလိုတ်ဂှ် ဒေပ်လဝ်လွဟ်အဴ၊ ဗာယပ်လဝ်ဖဴ သွဴသုသာန်ကၠာ၊ ပြုပြေၚ်ဒးသွံ ပိုန်ဟာန်ဂွံမြာ၊ မၞိဟ်တ္ၚဲစန်ဟေၚ် တွံလဝ်သေၚ်ဟာ။
တွံတ္ၚဲအၚာ။ ။ မၞိဟ်တ္ၚဲအၚာ တွံအာမွဲတောၚ်၊ နာံသဳဟရောၚ် ဂၠေါၚ်ဓါတ်ပသဲ၊ စှ်သုန်သၞာံထဲ ယဲကလော်ကၠာ၊ ၜါဣသုန်သ္ကဲ ဒှ်ယဲမွဲဝါ၊ ပိစှော်လောန်ဂှ် ဂမ္တဴဒှ်အာ၊ ပဏေတ်က္ဍိုပ််ကၞေၚ် နွဴတဴသေၚ်ဟာ၊ ဂံၚ်ဩာဲသဘဴ နွံတဴသဒ္ဓါ၊ ဒမံၚ််ဂၠိုၚ်ဒၞါဲ သဟာဲဂၠိုၚ်ရာ၊ ဒြပ်ဟွံတုန်သွံ ဂွံညိအိုတ်အာ၊ ပဂုဏ်ကဵုညး ဒးထပက်ကာ၊ ကလောဒ္ညာတ်ကောံ ၜိုန်နွံဒြပ်ကၠာ၊ ညိဟွံစုတ်တဲ မွဲဟွံဍံၚ်သွာ၊ ခိုဟ်စမေခု ဗက်ဇကုကၠာ၊ အကြီုဒယှ် တွံတ္ၚဲအၚာ၊ အဂၞဲဨသာန် ပကာန်ကျာ််ဘုတ်ဘာ၊ ဒိုဟ်ဗမံက်အဴ လဝ်ကၠံပ္ကဴကၠာ၊ နေရတိဟေၚ် ဇရာံသေၚ်ဟာ၊ ဗော်သွးပြေၚ်ဂၠဴ ပလိုတ်ဖျဴဏာ၊ စွံလဝ်လွဟ်ဟေၚ် ဗာယပ်သေၚ်ဟာ၊ သၟဝ််ကျာဖဴပ္ကာန် လဝ်သုသာန်ကၠာ၊ မၞိဟ်တ္ၚဲအၚာ အာစာဟီုတွံ။
တွံတ္ၚဲဗုဒ္ဓဝါ။ ။ တ္ၚဲဗုဒ္ဓဝါ ဒှ်မၞိဟ်ခါဂှ်၊ နာံကၠဵုဓါတ်ပတေၚ် ပေၚ်စှ်ထပှ်၊ ယဲဒိုက်တုန်အဵု အမှုကတဵုဒှ်၊ ဂၠါဲဒြပ်ဂွံပြဟ် ဣၚုဟ်အိုတ်အာ၊ လေပ်ချူကှ်ေပ္ညဳ နွံလွဳပရာ၊ ထောံဌာန်ဒဒှ် ဌာနတၞဟ်အာ၊ ပဂုဏ်ကဵုညး ဒှ်သၟးကၠာ၊ လဟီုပါၚ်ဂံၚ် ဟွံချပ်ထံၚ်ထာ၊ ဇၞော်ဂွံပိုန်ဘိုက် ဂွံတသိုက်မြာ၊ မသုန်စှော်ဒ္စာံ ဂါံလုပ်ယဲကၠာ၊ ညးမဒှ်ခုတ် တ္ၚဲဗုဒ္ဓဝါ၊ စေတဳဘာပ္ညုၚ် ဗၟံက်သမၠုၚ်ကျာ၊ အဂၞဲကျာ်ဩဳ တဵုလွဳပ္ကဴကၠာ၊ နေရတိဟေၚ် ကမၠိုၚ်သေၚ်ဟာ၊ ဒိုဟ်ပလိုတ်ဗျာံ လဝ်ဇရာံကၠာ၊ ဗော်သွးပြေၚ်ဂၠဴ ဗာယပ်ဖျဴဏာ၊ လဝ်လွဟ်ဆတ္တဝ် ဗွဲဒိုဟ်သၟဝ်ကျာ၊ ဨသာန်ဖဴဟေၚ် သုသာန်သေၚ်ဟာ၊ တ္ၚဲဗုဒ္ဓဝါ အာစာဟီုတွံ။
တွံတ္ၚဲဗြဴဗတိ။ ။ တ္ၚဲဗြဴဗတိ နာံကၞိဓါတ်ဍာ်၊ ဒေါသညံၚ်နာ် ရုပ်သာ်ပညာ၊ ပ္ဍေန်ပ္ဍဟ်ဂၠိုၚ်ရော တီညာတ်ဝေါဟာ၊ ၜါစှော်သၞာံဆံၚ် စိုတ်ဂၠိုၚ်စံၚ်နှာ၊ ပဂုဏ်ကဵုညး ဒှ်သမးကၠာ၊ ဂမဳသၟိၚ်ဟေၚ် သီုဗြဴသေၚ်ဟာ၊ သ္ဂောံပဒိပ်ဒါဲ ရာၚ်ဆာဲမြိုတ်ဖာ၊ ညးဒှ်တ္ၚဲစိ ဗြဴဗတိကၠာ၊ စေတဳဘာပ္ညုၚ် ပလိုတ်သၠုၚ်ကျာ၊ နေရတိအဴ ကၠံပ္ကဴသာဓါ၊ ဗာယပ်ဍာ်ဒါန် ဌာန်ကမၠိုၚ်ကၠာ၊ ဇရာံလဝ်ခိုဟ် ဗွဲဒိုဟ်သၟဝ်ကျာ၊ ဗော်သွးပြေၚ်ဂၠဴ ဨသာန်ဖျဴဏာ၊ ဒိုဟ်ဗမံက်ဂှ် လဝ်လွဟ်သေၚ်ဟာ၊ အဂၞဲလဝ်ဖဴ သွဴသုသာန်ကၠာ၊ တ္ၚဲဗြဴဗတိ ဒမၠိတွံအာ။
တွံတ္ၚဲသိုက်။ ။ တ္ၚဲသိုက်သက်သၟိဟ် နာံမၞိဟ်ဓါတ်ကျာ၊ စိုပ်ၜါစှော်မွဲ ယဲဒိုက်နာနာ၊ စိုတ်စောန်ပြံက်ပ္ကာန် ဂလာန်ဟွံညှာ၊ ထေဲပြဟ်ပါၚ်ဂံၚ် ဟီုဟွံထံၚ်ထာ၊ ကၠောန်နၚ်ဒြပ်သ္တိုတ် ဂွံညိအိုတ်အာ၊ ၜါဣသုန်သွံ ဂွံမိတ်ပြဝါ၊ ဒၟါနူညးအဴ ဒှ်ဂမ္တဴကၠာ၊ နူပန်စှော်အဴ တရဴစှော်မာ၊ သ္ဂေဟ်သွဟ်ပိုန်ဘိုက် မသက္ကုခြာ၊ မၞိဟ်တ္ၚဲသိုက်ဟေၚ် တွံလဝ်သေၚ်ဟာ၊ စေတဳဇြပ်လဝ် ပလိုတ်သၟဝ်ကျာ၊ ဒိုဟ်ဗာယပ်အဴ တဵုကၠံပ္ကဴကၠာ၊ ကမၠိုၚ်ဍာ်ဒါန် ဨသာန်ပြဲဖာ၊ ဒိုဟ်ဗမံက်သ္ဍာံ လဝ်ဇရာံကၠာ၊ ဗော်သွးပြေၚ်ဂၠဴ အဂၞဲဖျဴဏာ၊ သမၠုၚ်ကျာဂှ် လဝ်လွဟ်သေၚ်ဟာ၊ နေရတိဖဴ သွဴသုသာန်ကၠာ၊ တ္ၚဲသိုက်ဓါတ်ကျာ အာစာတွံသၟတ်။
တွံတ္ၚဲသ္ၚိသဝ်။ ။ နာံနာ်သ္ၚိသဝ် က္ဍဝ်ဓါတ်ကမတ်၊ ဒေါသလောန်ဗၞတ် ညံၚ်ပမတ်ကၠာ၊ ပၞေါဝ်မိမသ္ကဲ ညးမွဲစာ်ခြာ၊ သာဓါလအိတ် ဂၠိုၚ်မိတ်ပြဝါ၊ စိုတ်ဝါတ်ဂါတ်သန် နွံပၠန်သဒ္ဓါ၊ ကၠဵုကိတ်လမာ် တဏီဍာ်ကၠာ၊ နက်သတ်သ္တုံဇွိ ညိနွံသေၚ်ဟာ၊ ဒေပ်ဒြပ်ပိုန်ဇၟံ ဟွံသပံသာ၊ တြုံဒှ်ဂမဳ အနဳဟွံခြာ၊ ဒှ်ဗြဴသ္ဍိုက်စိ တလသ္ၚိကၠာ၊ ၜါဣသုန်သွံ ဂွံမိတ်ပြဝါ၊ ပိစှော်စိုပ်စိ အမှုမြိပါ၊ စိုပ်ပန်စှော်ပၠန် ပြဲသန်ထံၚ်ထာ၊ မၞိဟ်တ္ၚဲသ္ၚိသဝ်် တွံလဝ်သေၚ်ဟာ၊ နေရတိသ္ကဲ အဂၞဲကျာ်ဘာ၊ သီုဌာန်ၜါဒိုဟ် လဝ်ခိုဟ်သေၚ်ဟာ၊ လဝ်ကၠံပ္ကဴပ္ညုၚ် ဒိုဟ်သမၠုၚ်ကျာ၊ ပလိုတ်ဍာ်ဒါန်် ဌာန်ကမၠိုၚ်ကၠာ၊ ဗာယပ်လဝ်ဟေၚ် ဇရာံသေၚ်ဟာ၊ ဗော်သွးပြေၚ်ဂၠဴ ဖျဴလဝ်သၟဝ်ကျာ၊ ဒိုဟ်ဨသာန်ဟေၚ် ဟီုလဝ်သေၚ်ဟာ။
ကိုန်တွံနက်သတ် −၂၇
[ပလေဝ်ဒါန် | ပလေဝ်ဒါန် တမ်ကၞက်]၁။ နက်သတ်သက်သၟိဟ် ညးဒှ်မၞိဟ်ဂှ်၊ နက်သတ်မွဲကွေံ ရုပ်ချေံဟီုတွံ၊ ဒလိဒ္ဒသၟတ် ပြာကတ်ဒယှ်၊ ပူဂဵုမွဲသၟဟ် ဒှ်နက်သတ်ဂှ်၊ လေပ်ကွတ်နွံညာဏ် လေပ်ဆာန်ညးပြဟ်၊ လေပ်ဗနိက်ပၠန် စၞအောန်သဒှ်၊ မာန်စံၚ်လောန်ဗၞတ် နူသွတ်ဒဵုသၟတ််၊ ဇၞော်ခိုဟ်ပ္ဍဲသၟိၚ် အာယုက်ဂၠိၚ်သၟဟ်၊ ဒစာံစှော်ကီု အာယုက်ဟီုတွံ၊ နက်သတ်မွဲဂှ် ဒဒှ်လက်သန်။
၂။ ဘိရဏဳကၠာ နက််သတ်ၜါပၠန်၊ နက်သတ်သေဌဳ ဣန်ရဳဇၟံကၟန်၊ စိုတ်ပြဲလောန်ရ ဖေက််ဂွလောန်သန်၊ လေပ်အရေဝ်ဓဝ် ဂၠိုၚ်ကဵုထဝ်သန်၊ က္ဍိုပ်က္ၜၚ်မွဲတဲ နွံကဵုယဲပၠန်၊ စိုပ်ပန်စှော်သ္တိုတ်် သၟိက်ချိုတ်မွဲတန်၊ တရဴစှော််ရောၚ် ချိုတ်ဟွံယောၚ်ခၠန်၊ ဝွံတဝှ်ကၠာ နက််သတ်ၜါပၠန်။
၃။ ကြိတ္တိကာဂ္ညိ နက်သတ်ပိပၠန်၊ စောရနက်သတ် တွံလဝ်သၟတ်ဇန်၊ နက်သတ်ဂှ်ပၠန် မၞိဟ်မွဲတန်ဒှ်၊ စိုတ်ဂၠိုက်လုလောန် ဟွံတန်ကြန်သၟတ်၊ ထပှ်စှော်သတိုတ် ဒးချိုတ်လ္ၚတ်၊ နက်သတ်ပိကၠာ ဟီုတုဲခါဂှ်။
၄။ ရောဟိဏဳပၠန် နက်သတ်ပန်သၟတ်၊ ဘူမိပါလ တၠတိတွံ၊ မၚ်မွဲစိုတ်ဒှ် သ္ဂေဟ်သွဟ်ထဝ်ဩန်၊ တီဒဒိုက်ကၠာ သမ္ဘာဂၠိိုၚ်သန်၊ ထပှ်စှော်သ္တိုတ် အာယုက်အိုတ်သ္ကန်။
၅။ မိဂ္ဂသဳတုန် ဒှ်မသုန်ပၠန်၊ သန္ဓရဳကာဲ နက်သတ်ဆာဲသန်၊ နက်သတ်ဂှ်သ္ကဲ ဒှ်မၞိဟ်မွဲတန်၊ စိိုတ်လဂူကီု လဟီုဇၟံကၟန်၊ နွံတဴဣန်ရဳ နွံကျာ်ဩဳပၠန််၊ ဒစာံစှော်သ္တိုတ် အာယုက်အိုတ်သ္ကန်၊ ဝွံနက်သတ်တုန် မသုန်တွံတန်။
၆။ ဘဒ္ဒြကျာံအဴ ဒှ်တရဴပၠန်၊ မဟာဒေဝဳ နက်သတ်ပ္ညဳပ္တန်၊ မၞိဟ်ဂံၚ်ဩာဲပၠန် ဂလာန်အောန်တဴ၊ နွံကဵုပိုန်ဟာန် မၠေံဆာန်ညးအဴ၊ အာယုက်သဘဴ တရဴစှော်သၟတ်၊ သ္ကန်အိုတ်ဒဲပၠိုတ် ဒးချိုတ်လ္ၚတ်။
၇။ ပုန္နပ္ပသု ယမုထပှ်၊ ပ္ဍဲနက်သတ်ဂှ် ယဝ်ဒှ်မၞိဟ်ရ၊ နက်သတ်ဂှ်ကၞာတ် ဗာဇ္ဇခါတ်ပၠ၊ စိုတ်မၚိုဟ်ကြံၚ် လဟုတ်ညံၚ်ကၠ၊ လေပ်ကွတ်ဒမၠိ ကာဘိကၠောန်စ၊ လေပ်ဗနိက်ကၠာ မြာဇၟာပ်သဗ္ဗ၊ စိုပ်ပန်စှော်ချိုတ် ယဝ်ဟွံချိုတ်ရ၊ ဒစိတ်စှော်ပၠ ချိုတ်ရအဆတ်။
၈။ ဖုဿဂတာံ ဒစာံနက်သတ်၊ နက်သတ်ဝွံမာ ရာဇာအဆတ်၊ နွံတဴဒြပ်ရတ် ယဲထတ်တဴဂး၊ ၜါစှော်လောန်အဵု ဒှ်သွေက်ကဵုညး၊ ပန်ဣသုန်ထဲ ဒှ်ယဲဇၞော်ကၠး၊ ယဲပါၚ်မဂး မဒးချိုတ်ရ။
၉။ မှေမှဒစိတ် နက်သသတ်တိတ်ပၠ၊ တြုံဒှ်ဂမဳ ဗြဴနွံသဳလ၊ နက်သတ်ဝွံသၟတ် ဝွံဓဝ်သစ္စ၊ လေပ်ဆာန်ရေၚ်သ္ကံ ဖျီုဖအံမိမ၊ ထပှ်စှော်ပၠ မာရဏကၠာ။
၁၀။ မာဃကၞုဲဟေၚ် စှ်ရောၚ်သေၚ်ဟာ၊ ဒလိဒ္ဒသၟတ် နက်သတ်ဝွံမာ၊ ပ္ဍဲနက်သတ်ဂှ် ယဝ်ဒှ်မၞိဟ်ကၠာ၊ လေပ်ကေၚ်ကာပၠန် သ္ဍိုက်ကောန်သမ္ဘာ၊ ကောန်တြုံနွံၜါ ဟွံခြာလ္ၚတ်၊ စိုပ်ပိစှော်ပၠန် ညန်မသုန်စှော်၊ သဒးချိုတ်လ္ၚတ် အာစာတွံဆတ်။
၁၁။ ပုဗ္ဗပလ္လ ဂုန္နဂၠဴကၟက်၊ နက်သတ်စှ်မွဲ ဟီုသ္ကဲထတ်မြက်၊ နက်သတ်သေဌဳ ဂၠါဲဟီုပ္ညဳဆက်၊ မၞိဟ်မဒှ်ဆက် နက်သတ်ဂှ်အဴ၊ ဒေပ်စိုတ်ဇၟံဇၟန် ဂလာန်အောန်တဴ၊ အာယုက်အထက် ဗက်မွဲသဘဴ၊ ထပှ်စှော်ရ မာရဏဇဴ။
၁၂။ ဥတြာပုလ္လ ဂုန္နဂၠဴဗြဴ၊ နက်သတ်စောရ ဟီုပၠသဘဴ၊ လေပ်ဆာန်ညးပၠန် ဟွံစောန်ဒမြဴ၊ ခိုဟ်သန်စရိုတ် စိုတ်ဍိုန်ဍောတ်တဴ၊ ဒစာံစှော်အဴ ယီုဖျဴအနိၚ်။
၁၃။ နက်သတ်စှ်ပိ ဟတ္တိရုပ်စိၚ်၊ ဘူမိပါလ တၠတိသၟိၚ်၊ ညးဒှ်မၞိဟ်သၟတ် ပ္ဍဲနက်သတ်စိၚ်၊ က္ဍိုပ်ဇၞော်တဴကီု ညးဟီုပိုဲမိၚ်၊ လုဟ်ကဵုဂြိုပ်ဂၞိၚ် ကၞိၚ်ဒှ်အိက်ရုဲ၊ ထပှ်စှော်ကီု သၟိၚ်ယီုဒက်ဂၠုဲ။
၁၄။ စိတြစှ်ပန် ရုပ်ကၠတ္ၜန်ထုဲ၊ သုန္ဓရဳအဴ နက်သတ်ဗြဴလွုဲ၊ လုဟ်ဂြိုပ်ဂၞိၚ်တုဲ ဝေၚ်တၟုဲဟွံဒှ်၊ ဆာန်ကၟိန်ညးအောန် စိုတ်ပၠမဇ္ၛဟ်၊ ဇိုၚ်လွိၚ်ဖဍဟ် မသုန်စှော်ယဲ၊ ဒစာံစှော်သ္တိုတ် ဒးပၠိုတ်သ္ကန်ဒဲ၊ အာစာညာဏ်သၠဲ တိတ်ဟီုသ္ကဲပျး။
၁၅။ သွောတ္တိရုပ်ကၠန် စှ်သုန်ရောၚ်ယး၊ ဒေဝဳနက်သတ် ပြာကတ်ကဵုညး၊ ပ္ဍဲနက်သတ်ဂှ် ဒှ်မၞိဟ်မ္ဂး၊ ပညာဇၞော်လှဲ ဂုဏ်ဇၞော်ပြဲသ္အး၊ ဍိုန်ဍောတ်ဒးရး စိုတ်ညးဂြၚ်တီ၊ ဇကုဇြာဲတြဳ ဣန်ရဳသိရိ၊ ဝေါဟာကၠံလ္ၚီ ဂြၚ်တီလအိတ်၊ ညးဇၞော်တေဇ ရောၚ်မပမိတ်၊ စှ်သုန်သၞာံတိတ် ဘဲလအိတ်ဟေၚ်၊ တရဴစှော်ပြဲ အိုတ်ဒဲသေၚ်လေၚ်။
၁၆။ ဗေသာခအဴ စှ်တရဴပြေၚ်၊ နက်သတ်ဝွံကၞာတ် ဗာဇ္ဇခါတ်ဟေၚ်၊ ပ္ဍဲနက်သတ်ဂှ် ဒှ်မၞိဟ်သေၚ်ဟာ၊ ဂြိုဟ်စာလောန်ဟေၚ် ဒျိုၚ်တုပ်ပြေၚ်ကီု၊ ပဏတ်ကဵုညး မုဟ်ဒွးဟွံဟီု၊ သမ္ဘာဂၠိုၚ်သန် စိုတ်ဟွံတန်ကီု၊ ပိစှော်စိုန်သ္ကီု လီုဇဳဝိသၟတ်။
၁၇။ အနုရာဓ ပၠစှ်ထပှ်၊ နက်သတ်ကၟီအဵု ယဝ်မၞိဟ်က္တဵုဒှ်၊ နက်သတ်ရာဇာ အာစာဟီုတွံ၊ လုဟ်ဂြိုပ်ဂၞိၚ်ပ္ညုၚ် ဆုသၠုၚ်ဒဵုဇြဟ်၊ ဍာတ်ဖျိုတ်ဖျးဂှ် စဒှ်လောန်တုဲ၊ ဇကုဍေံထတ် ပဏေတ်ဟွံမွဲ၊ စိုပ်ပိစှော်ဟေၚ် ဟွံသေၚ်ဒှ်ယဲ၊ ထပှ်စှော်သ္ကဲ မွဲတဲချိုတ်ကွေံ။
၁၈။ စှ်ဒစာံဂျ နာမဗ္ၜေံ၊ နက်သတ်ဂမဳ ဣန်ရဳသမေံ၊ ရမျာၚ်စေံဏေံ ညေံစောန်ဒမြဴ၊ သာ်ဇကုဒျိုၚ် လုလောန်ကြိုၚ်တဴ၊ ထပှ်စှော်သ္ကဲ ဒှ်ယဲသဘဴ၊ ဒစာံစှော်အဴ ဇဴပၠိုတ်အိုတ်ဒဲ။
၁၉။ စှ်ဒစိတ်ရ မူလဗဂဲ၊ ဒလိဒ္ဒသၟတ်် နက်သတ်ဟီုသ္ကဲ၊ နက်သတ်ဂှ်ပြဲ မၞိဟ်မွဲမ္ဂး၊ ဂၠုဆၚ်စှ်ေတိ လန်အာသ္ၚိညး၊ သာ်ဇကုအဴ ဗကေတ်တဴဂး၊ ဌာန်သၠုၚ်မ္ဂး ဍေံဒးဂနပ်စိုတ်၊ စိုပ်ပိစှော်သ္ကဲ ယဲအိုတ်ကသပ်၊ မသုန်စှော်အဴ တရဴစှော်ထပ်၊ ချိုတ်အိုတ်ကသပ် ကၟပ်ဂှ်သက်လက်။
၂၀။ ပုဗ္ဗသလ္လာ ဟီုပၠသိတ်ကၟက်၊ နက်သတ်သေဌဳ ဂၠါဲဟီုပ္ညဳဆက်၊ နက်သတ်ၜါစှော် ဒှ်မၞိဟ်ထတ်မြက်၊ ဖေက်ညးဟွံကောံ ထတ်စောံသက်လက်၊ လုပ်ကဵုဂြိုပ်ဂၞိၚ် အာယုက်ဂၠိၚ်ဆက်၊ ဒစိတ်စှော်ဗက် သက်ချိုတ်အာတဴ။
၂၁။ ဥတ္တရာသလ္လာ ပၠရုပ်သိတ်ဗြဴ၊ ၜါစှော်မွဲအဴ နက်သတ်စဴတန်၊ စောရနက်သတ် ဟီုလဝ်သၟတ်ဇန်၊ ပ္ဍဲနက်သတ်ဂှ် ယဝ်ဒှ်မၞိဟ်ပၠန်၊ စၞအိုတ်ကတၚ် လုဟ်စာဍၚ်တန်၊ ပိစှော်ယဲကၞာတ် ဂွံကောန်ဇာတ်အောန်၊ ထပှ်စှော်သ္ကဲ လီုဒဲအိုတ်သ္ကန်။
၂၂။ ဩဝဏ္ဏကၠာ ၜါစှော်ၜါပန်၊ ကလော်ဗြဴသ္အး ဂးရသိပၠန်၊ ဘူမိပါလာ အာစာဟီုပ္တန်၊ နက်သတ်ဂှ်သ္ကဲ ဒှ်မၞိဟ်မွဲတန်၊ ဣဿာလောန်သန် ဗိုန်က္ညန်ခပ်ပြာတ်၊ စိုတ်စောန်ဒှ်ရော ဆာန်ကလောဒ္ညာတ်၊ မာၚ်စံၚ်ထေဲသ္ကာတ် ကၞာတ်မသုန်စှော်၊ သ္ကန်အိုတ်ဒဲပၠိုတ် ဟွံချိုတ်ပ္ဍဲဂှ်၊ ဒစာံစှော်သၟတ် ဒှ်ချိုတ်ကွေံရ။
၂၃။ ဓနိဌဂ္ညိ ၜါစှော်ပိပၠ၊ ရုပ်သေဌဳခိုဟ် ရုပ်လကိုတ်ဂျ၊ ယဝ်မၞိဟ်မွဲဒှ် နက်သတ်ဂှ်ရ၊ စိုတ်ဍေံဟွံခိုဟ် ဂြိုဟ်စာကြံကြ၊ ဂၠိုၚ်ကဵုဝါရ ဂၠါဲပလေၚ်ညး၊ တရဴစှော်အိုတ် ယဲဟွံချိုတ်ဂး၊ ဒစာံစှော်သ္အး သဒးချိုတ်ဟွံခၠန်။
၂၄။ သတ္တဗိဿ ရုပ်ကၠိက်ပၠဗ္ဂန်၊ နက်သတ်ဂှ်မာ ဒှ်ၜါစှော်ပန်၊ နက်သတ်ဒေဝဳ ဟီုပ္ညဳလက်သန်၊ နက်သတ်ဂှ်သ္ကဲ ဒှ်မၞိဟ်မွဲတန်၊ မာန်စံၚ်လောန်ဗၞတ် တူပမတ်ပၠန်၊ ထပှ်စှော်ညန် ယဲအိုတ်သ္ကန်ဗက်။
၂၅။ ပုဗ္ဗဘဒ္ဒြာ ဇာဒိသိုၚ်ကၟက်၊ ၜါဣသုန်သၟတ် နက်သတ်တွံဆက်၊ နက်သတ်ဝွံကၞာတ် ဗာဇ္ဇခါတ်ဗက်၊ ဂံၚ်သ္ကာတ်လက်သက် ထတ်စောံမြက်စာ၊ လုဟ်ဖျုန်သွကိုပ် လုဟ်ကဵုဂြိုပ်ဝါ၊ ထပှ်စှော်ကၠာ မာရဏဇဴ။
၂၆။ ဥတ္တရဘဒ္ဒြာ ဇာဒိသိုၚ်ဗြဴ၊ နက်သတ်ဝွံကၠာ ၜါစှော်တရဴ၊ နက်သတ်ရာဇာ အာစာခုတ်ခဴ၊ ရုပ်သာ်ဂေါဝ်လောန် ကောန်ဇာတ်အောန်တဴ၊ မသုန်စှော်ချိုတ် ဟွံချိုတ်ဗွဲကြဴ၊ တရဴစှော်အဴ ချိုတ်တဴခါဂှ်။
၂၇။ ရေဝတဳကၠာ ရုပ်ကညာသၟတ်၊ နက်သတ်ဝွံကၠာ ၜါစှော်ထပှ်၊ နက်သတ်ဂမဳ အရဳဟီုတွံ၊ ရုပ်သာ်ဍိုန်ဒ္ၚဳ ဂမဳဂွံဒှ်၊ သဒ္ဓါဇၞော်အဴ နွဴတဴကြဳဇှ်၊ ဗၞတ်ပိဝါအိုတ် သၟိက်ချိုတ်ခါဂှ်၊ ဒစာံစှော်သ္တိုတ် အာယုက်အိုတ်သၟဟ်၊ ဝွံနက်သတ်ကၠာ ၜါစှော်ထပှ်၊ ဗီုနက်သတ်ဂှ် ပိုဲဟီုတွံရောၚ်။
ကိုန်တ္ၚဲထဏီ
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲထဏီအဵု တွံကဵုမွဲတောၚ်၊ အဒိုတ်ပသာ် စန်ကွာ်ဇှ်ေရောၚ်၊ အၚာမွဲတောၚ် ဂၠေါၚ်အသာတ်စိ၊ ဗုဒ္ဓသဝန် ဘတ်ပၠန်ဂုရု၊ သိုက်ဂှ်မေခု ဝွံထဏီအာ၊ သ္ၚိသဝ်ကထိုန် ထဏီဗိုကၠာ၊ တ္ၚဲအဒိုတ်အဵု မြေက္ကသဵုမာ၊ စန်ပ္ဍဲပုဟ်ကၠာ အၚာပ္ဍဲမာ်၊ ဗုဒ္ဓဝါဗိုန် ဖဝ်ရဂိုန်ဖျာ်၊ ဂုရုလမာ် စဲပါ်ပြီုအာ၊ ဝွံတ္ၚဲထဏီ သမ္တီပမှာ။
ဗီုတ္ၚဲထဏီ
ဂိတု။ တ္ၚဲထဏီ။
စဲ ------- ၅
ပသာ် ---- ၁
ဇှ်ေ -------၂
ဒဂိုန် ----- ၃
ခ္ဍဲသဳ ----- ၄
ဘတ် ---- ၅
ဝှ် ------- ၆
ကထိုန် --- ၇
မြေက္ကသဵု -- ၁
ပုဟ် ----- ၂
မာ် ------ ၃
ဖဝ်ရဂိုန် -- ၄
ကိုန်တဝှ်တ္ၚဲထဏီ
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲထဏီဖျာ် ပကွာ်တရဴ၊ ကၠးဍိက်ရာန်ပြေၚ် ပြဟ်ဍေံဝေၚ်ဒဴ၊ ဂိုၚ်ဒေပ်ထဝ်ဩန် ဟွံတန်ကြန်တဴ၊ ကိုန်တ္ၚဲထဏီ သမ္တီလဝ်အဴ။
ကိုန်တ္ၚဲဂတဝ်
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲဂတဝ်ကၠာ ဟီုအာဂတ၊ တ္ၚဲအဒိုတ်သၟတ် စဲဘတ်ဟီုပၠ၊ အသုက်စန္ဒြ ကထိုန်အၚာ၊ ပသာ်မြေက္ကသဵုရ ပၠဗုဒ္ဓဝါ၊ ဇှ်ေကဵုပုဟ်ဂ္ညိ ဗြဴဗတိကၠာ၊ အသာတ်မာ်သွဝ် သိုက်ဂတဝ်အာ၊ သ္ၚိသဝ်သဝန် ဖလ္လဂုန္နာ၊ ဣဝွံတ္ၚဲကၠာ ဂတဝ်အာရ။
*ဗိုဍေံ
ဂိတု။ တ္ၚဲဂတဝ်။
စဲ]
--ဘတ်] ---- ၁
ဝှ်] ----၂
ကထိုန််] --- ၃
ပသာ်]
မြေက္ကသဵု] --- ၄
ဇှ်ေ]
---ပုဟ်] --- ၅
ဒဂိုန်]
---မာ်] ----၆
ခ္ဍဲသဳ]
--ဖဝ်ရဂိုန်] --- ၀
ကိုန်ဒလုၚ်တတ်
[ပလေဝ်ဒါန် | ပလေဝ်ဒါန် တမ်ကၞက်]အဒိုတ်ဗုဒ္ဓ ဟီုပၠၜါတ္ၚဲ၊ ဒလုၚ်တတ်ခိုဟ် စန်တတ်ခိုဟ်ကၠာ၊ ဂုရုရေက်ကောံ သိုက်ဇိၚ်သၠောံအာ၊ ဗၠးဝေဒနာ လာဘ်မြာဆတ္တဝ်။
ကိုန်ကၠေံဆီပ္တိုဟ်စၟ
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲစန်ဗုဒ္ဓ သိုက်ကြသ္ၚိသဝ်၊ ပတိုဟ်စၟ မာရဏသ္ဂဝ်၊ ကၠေံတီဆတ္တဝ် ယဲဇၞော်မောဝ်အာ၊ အဒိုတ်စန်ဂှ် တ္ၚဲဒဒှ်ကၠာ၊ ကၠေံတီယဲဂၠိုၚ် ဇွက်ဂၞဴသ္ဇိိုၚ်အာ၊ ဟိုတ်ဂှ်ဝေၚ် တ္ၚဲဂှ်သေၚ်ဟာ။
ကိုန်ရေက်သော်
[ပလေဝ်ဒါန် | ပလေဝ်ဒါန် တမ်ကၞက်]ယဝ်ရေက်သော်ပၠန် ဂကန်အာစာ၊ စန်ဗုဒ္ဓသ္ကဲ ပါဲကၠေံတ္ၚဲၜါ၊ တ္ၚဲအဒိုတ်သ္ကဲ သီုတ္ၚဲအၚာ၊ ဗြဴဗတိရ သိုက်ကြသောရော၊ သီုတ္ၚဲမသုန် ဇၞော်ဂုဏ်ပြာထာ၊ ယာံရေက်သော်သွံ ပိုန်ဟာန်ဂွံမြာ၊ တလပညာ သမ္တီကၠာညိ။
ကိုန်ရေက်သၞေံတဲ
[ပလေဝ်ဒါန် | ပလေဝ်ဒါန် တမ်ကၞက်]ရေက်သၞေံတဲ ဂးမွဲလၚ်္ကာ၊ သ္ၚိသဝ်ဝေၚ်သ္တိုတ် အဒိုတ်အၚာ၊ ရေက်သၞေံတဲကီု ကျာ်ဩဳလီုအာ၊ စန်ဗုဒ္ဓဂၠိ ဗြဴဗတိကၠာ၊ သိုက်ပြဲသန် တ္ၚဲပန်ဝွံမာ၊ ရေက်သၞေံတဲကၠာ ကျာ်ဩဳပြဲဖာ၊ တလပညာ သမ္တီလဝ်ကၠာညိ။
ကိုန်ဒယိကၠေၚ်
[ပလေဝ်ဒါန် | ပလေဝ်ဒါန် တမ်ကၞက်]ဒယိကၠေၚ်အဵု ပိုဲတွံကဵုကၠာ၊ တ္ၚဲသ္ၚိသဝ်သိုတ် အဒိုတ်အၚာ၊ တ္ၚဲပိဝွံဟေၚ် မၞးမှတ်ဝေၚ်အာ၊ စန်ဗုဒ္ဓဂၠိုက် ဂုရုသိုက်ကၠာ၊ ဒယိကၠေၚ်ပၠန် တ္ၚဲပန်ဝွံမာ၊ မြိုတ်ဓဇိုက်ပ္ညဳ ကျာ်ဩဳဂေါဝ်ဂါ၊ ဒယိကၠေၚ်ကၠာ အာစာတွံရောၚ်။
ကိုန်ကတ်ဗ္တောန်
[ပလေဝ်ဒါန် | ပလေဝ်ဒါန် တမ်ကၞက်]ကတ်ဗတောန်ဂှ် ဟီုတွံဂတ၊ အဒိုတ်သိုက်ကတ် ဆမဇ္ၛီုပၠ၊ ဗြဴဗတိမွဲ ကတ်ပြဲညာဏ၊ စန်အၚာလဝ် သ္ၚိသဝ်ဗုဒ္ဓ၊ ကတ်ဒှ်ဒိုက်ယဲ ခိုဟ်မွဲခဏ၊ ဒစာံမံက်စွေက် ဒုဟ်ဍေက်ဟီုပၠ၊ ယဝ်ကတ်ဂၞန်ကၠာ ဒးဒိုက်အာရ၊ မံက်စွေက်စှ်ပန် ကွးဒးဒဏ်ပၠ၊ စှ်မံက်စွေက်ရ ကတ်စမွဲတန်၊ အာစာသီုကွး မဒးဘဲဒဏ်၊ ကဵုဝေၚ်ဇၟာပ်တန် ဒုဟ်ကတ်ဂၞန်ရောၚ်။
ကိုန်တ္ၚဲဇိက်ဗ္ၚ
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲဇိက်ဗ္ၚဂှ် ဟီုတွံမွဲတောၚ်၊ အဒိုတ်ဇိက်ဗ္ၚ သိုက်တုံမရောၚ်၊ စန်ဒြာတ်မွဲတောၚ် ဗုဒ္ဓဂၠေါၚ်ရတ်၊ တ္ၚဲအၚာဗိုန် မှတ်ပၠန်အဆတ်၊ တ္ၚဲသ္ၚိသဝ်ပ္ညဳ သီုဖရဳသၟတ်၊ ဗြဴဗတိနေၚ် ပၠေါပ်ဟၚ်ပေၚ်က္ဍတ်၊ ရံၚ်တ္ၚဲဒးဗၞတ် တဵုလွဳသၟတ်ပ။
အဓိပ္ပါယ်ကိုန်တ္ၚဲဇိက်ဗ္ၚ
တ္ၚဲ ကလောန်
၁။ အဒိုတ် -- ဇိက်ဗ္ၚ
၂။ စန် ---- ဒြာတ်မ
၃။ အၚာ --- ပၠိုန်ဩောံ
၄။ ဗုဒ္ဓဝါ -- ရတ်ဩောံ
၅။ ဗြဴဗတိ -- ပၠောပ်ဟၚ်
၆။ သိုက် --- တုံမ
၇။ သ္ၚိသဝ် -- ဖရဳဩောံ
ကိုန်တ္ၚဲဟဂပ်ဝ်ပတိတ်ဒြပ်
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲအဒိုတ်ရ ဩောံပတိတ်ပၠောပ်၊ စန်ယိုက်ဂိုၚ်ပၠောပ် ပစောပ်ကဵုညး၊ ပသဲအၚာ ပဏာသမ္တီ၊ ဗြဴဗတိအဵု မတ်ကဵုညး၊ သိုက်ပတိတ်ပၠန် ထပ်သန်ၜဲမး၊ သ္ၚိသဝ်ရာန်ပြေၚ် ဝေၚ်ပကဵုညး၊ သာ်ဝွံမဂး မၞးဝေၚ်တူရူ၊ တ္ၚဲအဒိုတ်သွံ ပၠိုန်ဩောံသ္ၚိတူ၊ စန်ဗိုက်ယာတ်အဵု ဒုဟ်ဂၠိုၚ်ပူဆာ၊ အၚာဒါတ်လွဟ် ဒှ်လေၚ်ဖြာဖြာ၊ ဝေၚ်ညိမၞးတံ ပသပံသာ၊ သဂွံဝေၚ်မဂး ဂတခိုဟ်အာ၊ သူာ်ဝွံတုန်ကၠာ ဟီုတွံအာရောၚ်။
အဓိပ္ပါယ်ဟဂပ်ဝ်ပ္တိတ်ဒြပ်
တ္ၚဲ။ ဝတ္ထုဟဂပ်ဝ်ပ္တိတ်ဒြပ်။
၁။ အဒိုတ်် --- ဩောံ
၂။ စန် ------ ယာတ်
၃။ အၚာ ----- ပသဲ
၄။ ဗြဴဗတိ ---- မတ်
၅။ သိုက် ---- ထဝ်၊ ဩန်၊ ၜဲ၊ မး၊
၆။ သ္ၚိသဝ် ---- ပြေၚ်၊ ဂၠဴ၊
တ္ၚဲ။ ဟဂပ်ဝ်ပ။
၁။ အဒိုတ် --- ပပၠိုန်ဩောံ
၂။ စန် ----- ပဗိုက်ယာတ်တၟိ
၃။ အၚာ ---- ပဒါတ်လွဟ်
( အဓိပ္ပါယ်ဝွံ တ္ၚဲကၠာအိုတ်ဂှ် မဟီုရောၚ်် )
ကိုန်တ္ၚဲဂပ်ဝ်ရာန်ဒြပ်
[ပလေဝ်ဒါန် | ပလေဝ်ဒါန် တမ်ကၞက်]အဒိုတ်ဩောံရာန် စန်ရာန်ယာတ်ကၠာ၊ ရာန််တိအၚာ ဗုဒ္ဓဝါကၠးဍိက်၊ ဗြဴဗတိသၟတ် ရာန်မတ်မနိက်၊ သိုက်သၟတ်ရာန်ထဝ် ဟီုလဝ်ပမိက်၊ သ္ၚိသဝ်ရာန်ဂၠဴ ရာန်ဖျဴညံၚ်ပိက်၊ တ္ၚဲခိုဟ်ထမိက် သၟိက်ဟီုပ္ကာန်ရောၚ်။
အဓိပ္ပါယ်တုန်
တ္ၚဲ။ ဝတ္ထုဟဂပ်ဝ်ရာန်။
၁။ အဒိုတ် --- ရာန်ဩောံ။
၂။ စန် ----- ရာန်ယာတ်။
၃။ အၚာ ---- ရာန်တိ။
၄။ ဗုဒ္ဓဝါ --- ကလးဍိက်။
၅။ ဗြဴဗတိ --- ရာန်မတ်မနိက်။
၆။ သိုက် ---- ရာန်ထဝ်။
၇။ သ္ၚိသဝ် --- ရာန်ဂၠဴ။
ကိုန်မြိုတ်ကျု
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲမြိုတ်ကျုတ်ဂှ် ဟီုတွံမွဲတောၚ်၊ တ္ၚဲဒိတ္ထဳရောၚ် မွဲတောၚ်ဟီုအာ၊ တ္ၚဲအဒိုတ်ဂှ် ဒိတ္ထဳစှ်ၜါ၊ စန်စှ်မွဲညာတ် စှ်ကၞာတ်အၚာ၊ ဒစိတ်ဗုဒ္ဓ အဌာဂုရု တ္ၚဲသိုက်တုန်ဂှ် ထပှ်မေခု၊ သ္ၚိသဝ်တရဴ စဴဒှ်မြိုတ်ကျု၊ ကွာ်တိုက်က္ဍိုက်ဂၠုၚ် ၜက်လ္ဂုၚ်သတြု၊ ပြေၚ်ကောန်ဒးဩာဲ ကၟာဲမွဲဇကု၊ ဒိတ္ထဳမြိုတ်ကျု ဇကုသ္ကန်မှာ။
အဓိပ္ပါယ်ကိုန်မြိုတ်ကျု
တ္ၚဲမြိုတ်ကျု။ ဒိတ္ထဳမံက်စွေက်
၁။ အဒိုတ် ---- ၁၂။
၂။ စန် ------ ၁၁။
၃။ အၚာ ----- ၁၀။
၄။ ဗုဒ္ဓဝါ ------ ၉။
၅။ ဗြဴဗတိ ----- ၈။
၆။ သိုက် ------ ၇။
၇။ သ္ၚိသဝ် ----- ၆။
( တ္ၚဲမြိုတ်ကျုဂှ် ကွာ်တြဴတိုက်၊ က္ဍိုက်ဂၠုၚ်က္ၜၚ် ကၠောံၜဳဒးဘဲသတြုရောၚ်။ ပြေၚ်ဝိဝါဟ ဒးကၟာဲဒှ်ရောၚ်။ ပမ္ၚဵုသ္အာၚ်လေဝ် ဝေၚ်ပါဲညိ။ )
ကိုန်ဗဳလာ
[ပလေဝ်ဒါန် | ပလေဝ်ဒါန် တမ်ကၞက်]ဂတဝွံပ္ညဳ ဒိတ္ထဳဗဳလာ၊ အဒိုတ်တရဴ စန်သွဴပန်ကၠာ၊ ဒိတ္ထဳသ္ဍာံ ဝေၚ်သ္ဍာံအၚာ၊ ဗုဒ္ဓထပှ် ဂုရုဂှ်ၜါ၊ သိုက်ဒစိတ်ဓဝ် သ္ၚိသဝ်စှ်ကၠာ၊ တ္ၚဲဒိတ္ထဳကၠာ ဗဳလာဝေၚ်ညိ၊ ယာံဒးဗဳလာ အာစာဟဟီုဗျိ၊ သိုၚ်သ္ၚိယဲတဴ ကွာ်တရဴမြိ၊ လ္ပကၠောန်ညိ ဝေၚ်ညိဇၟာပ်ကာ။
အဓိပ္ပါယ်ကိုန်ဗဳလာ
တ္ၚဲဗဳလာ။ ဒိတ္ထဳမံက်စွေက်။
၁။ အဒိုတ် ---- ၆။
၂။ စန် ------ ၄။
၃။ အၚာ ----- ၈။
၄။ ဗုဒ္ဓဝါ ----- ၇။
၅။ ဗြဴဗတိ ---- ၂။
၆။ သိုက် ----- ၉။
၇။ သ္ၚိသဝ် ---- ၁၀။
( ဒးတ္ၚဲဗဳလာမ္ဂး ပကာဝါမ္ၚဵု သိုၚ်သ္ၚိဌာန် ဒှ်ယဲ ကွာ်တရဴ ဒးမြိထဍိရောၚ် ဇၟာပ်ကာဝေၚ်ကၠေံညိ )
ကိုန်တ္ၚဲကာကာပ်
[ပလေဝ်ဒါန် | ပလေဝ်ဒါန် တမ်ကၞက်]ဂတဝွံကီုကာကပ်ဟီုအာ၊ ဖဝ်ရဂိုန်စဲ မသုန်ထဲဏာ၊ ပသာ်ဇှ်ေအဴ တရဴသေၚ်ဟာ၊ အသာတ်သဝန် မွဲတန်ဝေၚ်ကၠာ၊ ဘတ်အသုက်ပ္ညဳ ဝေၚ်ဒိတ္ထဳၜါ၊ မြေက္ကသဵုဗိုန် ကထိုန်ပိကၠာ၊ ပုဟ်ကဵုမာ်ပၠန် ဒိတ္ထဳပန်မြာ၊ ကာကာပ်ဒွံဒး လေၚ်သ္အးဖြာဖြာ၊ တဵုက္ၜဴဟွံဍာတ် တဵုဗြာတ်ဩာဲအာ၊ ဇိက်ဗ္ၚဩောံဩာဲ ပြေၚ််ကောန်ကၟာဲခြာ၊ လုပ်ဂြိုပ်သ္ကန်နှဳ ကၠောံၜဳဗြံအာ၊ ဟိုတ်ဂှ်ကဵုဝေၚ် ကာကာပ်သေၚ်ဟာ။
အဓိပ္ပါယ်ကိုန်ကာကာပ်
ဂိတု။ ဒိတ္ထဳမံက်စွေက်။
စဲ၊ ဖဝ်ရဂိုန်။ ----- ၅။
ပသာ်၊ ဇှ်ေ။ ------ ၆။
ဒဂိုန်၊ ခ္ဍဲသဳ။ ------ ၁။
ဘတ်၊ ဝှ်။ ------- ၂။
ကထိုန်၊ မြေက္ကသဵု။ - ၃။
ပုဟ်၊ မာ်။ ------- ၄။
( ဒးတ္ၚဲကာကာပ်မ္ဂး ဇၟာပ်ကာကၠောန်ဒှ်လေၚ်၊ တဵုက္ၜဴဟွံဍာတ် တဵုဗြာတ်လေၚ်ဩာဲ၊ ဇိက်ဗ္ၚ ဩောံဩာဲ ပြေၚ်ကောန်ကၟာဲ လုပ်ဂြိုပ်ဆဵုဘဲသတြု ကၠောံၜဳဂၠုၚ်ဗြံရောၚ် )
ကိုန်ဒဿကြိုတ်
[ပလေဝ်ဒါန် | ပလေဝ်ဒါန် တမ်ကၞက်]ဒဿကြိုတ်ဂှ် ဂတဝွံအာ၊ အဒိုတ်မွဲကၠာ စန်ပန်ဌာန၊ အၚာစှ်ပ္တိတ် ဒစိတ်ဗုဒ္ဓ၊ ဂုရုတရဴ သိုက်ပိစဴပၠ၊ သ္ၚိသဝ်ထပှ် ဒိတ္ထဳဂှ်ရ၊ ဒဿကြိုတ်ဟေၚ် ဇၟာပ်ကာဝေၚ်ပၠ၊ ပ္တုဲကာလေၚ်ရ ဝေၚ်ညိပခၠန်။
အဓိပ္ပါယ်ကိုန်ဒဿကြိုတ်
တ္ၚဲဒဿကြိုတ်။ ဒိတ္ထဳမံက်စွေက်။
၁။ အဒိုတ် ----- ၁။
၂။ စန်် -------- ၄။
၃။ အၚာ ------ ၁၀။
၄။ ဗုဒ္ဓဝါ ------- ၉။
၅။ ဗြဴဗတိ ------ ၆။
၆။ သိုက် ------- ၃။
၇။ သ္ၚိသဝ် ------ ၇။
( ဒးဒဿကြိုတ်မ္ဂး ဇၟာပ်ကာလ္ပပညိ၊ ယဝ်ပမ္ဂး ဒှ်လလေၚ်ရ )
ကိုန်ဂၞဲရိုတ်
[ပလေဝ်ဒါန် | ပလေဝ်ဒါန် တမ်ကၞက်]ဒးဂၞဲရိုတ်ရ ဂတဟီုပၠန်၊ ဗွဲမမံက်ကၠာ စှ်ၜါစှ်ပန်၊ ၜါပန်ဒစာံ ဂါံလုပ်တန်တန်၊ ဗွဲစွေက်ဂှ် ပိထပှ်ပၠန်၊ ဒစိတ်စှ်ပိ ဂၞဲရိုတ်ဂ္ညိပ္တန်၊ ဒိတ္ထဳဂၞဲရိုတ် ပြေၚ်ကောန်အိုတ်သ္ကန်၊ သိုၚ်သ္ၚိတူအာ ဇၟာပ်ကာဝေၚ်ခၠန်၊ အာစာဂကန် ဒုဟ်ဇၞော်သန်ရောၚ်။
အဓိပ္ပါယ်ကိုန်ဂၞဲရိုတ်
ဒိတ္ထဳမံက်။ ဒိတ္ထဳစွေက်။
၁၂။ ----- ၃။
၁၄။ ----- ၇။
၂။ ------ ၉။
၄။ ------ ၁၃။
၈။ ------ ။
( ဒးဂၞဲရိုတ်မ္ဂး ပြေၚ်ကောန်ဒးချိုတ် သိုၚ်သ္ၚိမ္ဂး သ္ၚိတူဇၟာပ်ကာ ပကၠောန်ညိ )
ကိုန်တဒ္ဓိုတ်
[ပလေဝ်ဒါန် | ပလေဝ်ဒါန် တမ်ကၞက်]ဒိတ္ထဳတဒ္ဓိုတ် ၜိုတ်ဟီုဂတ၊ စဲသဝန်အဵု မြေက္ကသဵုပၠ၊ ဒိတ္ထဳထပှ် သၟတ်ဝေၚ်ပြဟ်ရ၊ ပသာ်ဇှ်ေဗျာံ မာ်ဒစာံဂျ၊ အသာတ်ဘတ်ပုဟ် ဒစိတ်ဒုဟ်ဟီုပၠ၊ အသုတ််ကထိုန် ဖဝ်ရဂိိုန်ဂျ၊ ဒတ္ထဳစှ်သိုတ် ဒးတဒ္ဓိုတ််ပၠ၊ ပကာအိုတ်ဒဲ ရၠိုၚ်ကဵုဘဲလ္ၚ၊ ဘဲဂတးဗျာံ ဘဲကျာံဘဲကၠ၊ ယဝ််ဟွံဝေၚ်ရ ဒုဟ်ဘဲပလေၚ်၊ စှ်ၜါစှ်ပန် တ္ၚဲစန်ဗပေၚ်၊ သိုၚ်သ္ၚိညးပၠေၚ် သိုၚ်ဇြပ်လေၚ်အာ၊ ဇိက်ဗ္ၚဩောံဩာဲ ပြေၚ်ကောန်ကၟာဲအာ၊ လုပ်ဂြိုပ်သ္ကန်နှဳ ကၠောံၜဳဗြံအာ၊ တ္ၚဲစန်ဗပေၚ် ကၠောန်ကာလေၚ်အာ၊ ဇၟာပ်တဝှ်ကာ ဝေၚ်အာတွဵု။
အဓိပ္ပါယ်ကိုန်တဒ္ဓိုတ်
ဂိတု --------- ဒတ္တဳမံက်၊စွေက်
ဝှ်၊ ခ္ဍဲသဳ၊ မြေက္ကသဵု။ ---- ၇။
ပသာ်၊ ဇှ်ေ၊ မာ်။ ------ ၈။
ဒဂိုန်၊ ဘတ်၊ ပုဟ်။ -----၉။
ဝှ်၊ ကထိုန်၊ ဖဝ်ရဂိုန်။ --- ၁၀။
( ဒးကာတဒ္ဓိုတ် ပကာဝါမ္ၚဵု လေၚ် ဒိုက် ချိုတ်ဒှ် ဒးဘဲဒဏ် ယဲဒိုက်ဂၠိုၚ်ရ )
တ္ၚဲ။ ------------ ဒတ္တဳမံက်၊စွေက်
၂။ စန်။ -------- ၁၂၊ ၁၄၊ ဗပေၚ်။
( တ္ၚဲဝွံသိုၚ်သ္ၚိ ဒှ်လေၚ်၊ သိုၚ်ဇြပ်လေၚ် ဇိက်ဗ္ၚဩောံဩာဲ ပြေၚ်ကောန်ဒးကၟာဲ၊ လုပ်ဂြိုပ်ဆဵုဘဲ ကၠောံၜဳဒးဗြံ ဇၟာပ်ကာဝေၚ််ကၠေံညိ။)
ကိုန်ပြာပ်ဗ္ဒာ
[ပလေဝ်ဒါန် | ပလေဝ်ဒါန် တမ်ကၞက်]ဗြာပ်ဗဒါရ ဂတဟီုကဵု၊ စဲသဝန်ကီု သီုမြေက္ကသဵု၊ ဗြဴဗတိယး သ္ၚိသဝ်ဂးကဵု၊ ဒးဗြာပ်ဗဒါ တ္ၚဲၜါဂွံအဵု၊ ပသာ်ဘတ်အဵု ပုဟ်ဂးကဵုကၠာ၊ ဗုဒ္ဓသိုက်သ္ကဲ ဒးဒုဟ်တ္ၚဲၜါ၊ ဇှ်ေဝှ်မာ်ပၠန် အဒိုတ်စန္ဒြာ၊ အသာတ်ကထိုန် ဖဝ်ရဂိုန်နာ၊ ရာဟုဝေၚ်တဲ သီုတ္ၚဲအၚာ၊ ယာံဒွံဒးဗိုန် ကိုန်ဗြာပ်ဗဒါ၊ ကွာ်တိုက်ဍိုက်ဂၠုၚ် ဒက်ဍုၚ်သိုၚ်ဘာ၊ သိုၚ်သ္ၚိဇိက်ဗ္ၚ ဝိဝါဟကၠာ၊ ဒှ်လေၚ်စုတိ အမှုမြိပါ၊ ဗြာပ်ဗဒါဟေၚ် သၟတ်ဝေၚ်ဇၟာပ်ကာ၊ တလပညာ သမ္တီကၠာညိ။
အဓိပ္ပါယ်ကိုန်ပြာပ်ဗဒါ
ဂိတု။ ------------- တ္ၚဲပြာပ်ဗဒါ။
စဲ၊ ခ္ဍဲသဳ၊ မြေက္ကသဵု၊ ------ ၅၊ ၀။
ပသာ်၊ ဘတ်၊ ပုဟ်၊ ------ ၄၊ ၆။
ဇှ်ေ၊ ဝှ်၊ မာ်၊ ----------- ၁၊ ၂။
ဒဂိုန်၊ ကထိုန်၊ ဖဝ်ရဂိုန်၊ ---- ၃၊ ရာဟု။
( ဒးတ္ၚဲပြာပ်ဗဒါမ္ဂး ဇၟာပ်ကာအိုဿီုပ္တုဲဂှ် ဒှ်တမြိထဍိရောၚ်၊ မပ္တံကွာ်တိုက် ဍိုက်ဂၠုၚ် ခၞံဍုၚ် သိုၚ်သ္ၚိဘုတ်ဘာကီု ဇိက်ဗ္ၚ တဵုဩောံ ပြေၚ်ဝိဝါဟတံဂှ် ဒှ်လေၚ် ဒှ်ဒဒိုက် ဒှ်အမှု မမိက်ကဵုမွဲမွဲလေပ်ဒှ်ရ )
ကိုန်မြိုတ်ဓဇိုက်
[ပလေဝ်ဒါန် | ပလေဝ်ဒါန် တမ်ကၞက်]မြိုတ်ဓဇိုက်ပ္ညဳ ဒိတ္ထဳဂးမာ၊ အဒိုတ်ဒစာံ စန်ဂါံပိကၠာ၊ အၚာထပှ် ဗုဒ္ဓဂှ်ၜါ၊ ဗြဴဗတိပန် သိုက်မွဲပ္တန်ကၠာ၊ သ္ၚိသဝ်မသုန် ဇၞော်ဂုဏ်ပြာထာ၊ မြိုတ်ဓဇိုက်ပ္ညဳ ဒိတ္ထဳဂးမာ၊ မၞးသၟတ်ပ္တုဲကာ ပိုန်ဂွံမြာရောၚ်။
အဓိပ္ပါယ််ကိုန်မြိုတ်ဓဇိုက််
တ္ၚဲ။ ------- ဒိတ္ထဳမံက်၊စွေက်
၁။ အဒိုတ် ------ ၈။
၂။ စန်။ -------- ၃။
၃။ အၚာ ------- ၇။
၄။ ဗုဒ္ဓဝါ ------- ၂။
၅။ ဗြဴဗတိ ------ ၄။
၆။ သိုက် ------- ၁။
၇။ သ္ၚိသဝ် ------ ၅။
( ဒးမြိုတ်ဓဇိုက်မ္ဂး ပ္တုဲကာဒှ်ညံၚ်စိုတ် ဘဲသတြုမြိထဍိ ဟွံမွဲရ။ )
ကိုန်တ္ၚဲမိတ်
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲဒှ်မိတ်အဵု တွံကဵုမွဲတောၚ်၊ မိတ်အဒိုတ်စိ ဗြဴဗတိရောၚ်၊ စန်ဗုဒ္ဓဂၠေါၚ် မိတ်ရောၚ်ဇာတိ၊ အၚာကဵုသိုက် ဍိုက်ပေၚ်ဟိရိ၊ ရာဟုသ္ၚိသဝ် မိတ်နူကဝ်ဂၠိ၊ တ္ၚဲဒှ်မိတ်စိ ဒမၠိတွံရောၚ်။
အဓိပ္ပါယ်ကိုန်တ္ၚဲမိတ်
တ္ၚဲ။ ------- မိတ်။
၁။ -------- ၅။
၂။ -------- ၄။
၃။ -------- ၆။
၇။ -------- ရာဟု။
ကိုန်တ္ၚဲသတြု
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲသတြုဂှ် တွံပၠန်မွဲတောၚ်၊ တ္ၚဲအဒိုတ်ရောၚ် ဂၠောၚ်တ္ၚဲအၚာ၊ စန်ဗြဴဗတိ သတြုမြိပါ၊ သိုက်သ္ၚိသဝ်ဟေၚ် သတြုသေၚ်ဟာ၊ ဗုဒ္ဓရာဟု သတြုဖြာဖြာ၊ ဝွံဒှ်တ္ၚဲသၟတ် သတြုသေၚ်ဟာ၊ တလပညာ သမ္တီကၠာညိ။
အဓိပ္ပါယ်ကိုန်တ္ၚဲသတြု
တ္ၚဲ။ ------- သတြု။
၁။ -------- ၃။
၂။ -------- ၅။
၆။ -------- ၇။
၄။ -------- ရာဟု။
- မွဲနဲပၠန်
၀။ -------- ၅။
၆။ -------- ၂။
၁။ -------- ၄။
၈။ -------- ၃။
ကိုန်ဗြိုဟ်ဍုၚ်ဗြိုဟ်ကွာန်
[ပလေဝ်ဒါန် | ပလေဝ်ဒါန် တမ်ကၞက်]ဗြိုဟ်ဍုၚ်ဗြိုဟ်ကွာန် ဗြိုဟ်ဒပ်ပၞာန်ကၠာ၊ ဇမၠိၚ်အနာံ ဟတ်ဗျာံတုဲမာ၊ ပိပမဝ်ရ ဒစာံစအာ၊ သှ်ေမွဲယုတ်မာ ၜါဇွောံသၠောဲလး၊ ပိပၞာန်လဟဲ ပန်ပြဲဇနး၊ ဗြိုဟ်မသုန်သ္အး စိုတ်ဍိုန်ဒးသၞတ်၊ တရဴလာဘ ထပှ်ဆဗၞတ်၊ သုန်ဟွံခိုဟ်ဟေၚ်် မၞးဝေၚ်အဆတ်၊ ပန်ကၠၚ်သၟတ်ပၠန် ဒဒိုက်လောန်သၟတ်၊ ဒပ်ဂၠိၚ်လောန်ဗၞတ် ချိုတ်ဖတ်ဖတ်ဟေၚ်၊ သ္တုံဇၞော်မာန်စး စိုတ်ဟွံလးလေၚ်၊ ဇွိဇၞော်မ္ဂး ကျအာညးရောၚ်၊ မုက်ဇၞော်ဇၞးဂၠိုၚ် စိုတ်ခိုၚ်သ္တးသ္တေၚ်၊ ဍုဟ်ဒပ်ဇၞော်ဟေၚ် စိုတ်ဍိုန်သေၚ်ဟာ၊ ဒပ်ဍုၚ်ကွာန်အဵု ဗြိုဟ်ပကဵုမှာ၊ တသိုက်ဂွံမြာ အာစာဟီုပ္ညုၚ်။
ကိုန်ဒ္ဂေတ်လိုက်
[ပလေဝ်ဒါန် | ပလေဝ်ဒါန် တမ်ကၞက်]ဒ္ဂေတ်လိုက်ကီု သၟတ်ပိုဲဟီီုပ္ညုၚ်၊ ကာလတောံပုၚ် ပလဂၚ်ဂၞံက်၊ ပုၚ်ဟာပ််လမံက် သၟေဟ််လှံက်မွဲတန်၊ ပဂိုၚ်စုတ်ဆာဲ ပ္ဍဲထမာဲပၠန်၊ ဆစရုမ်ဂပ်စုတ်ပ္ညပ်မွဲတန်၊ ဇဗၠုဆတ်ဂၞဴ စတဴပိုန်အောန်၊ ဍာ်နုၚ်သွုၚ်ဂွိုၚ် ပကြာတ်ဇိုၚ်ပၠန်၊ ဍာ်သၟေဟ်ကြာတ်ဇိုၚ် ပဂိုၚ်ပလန်၊ ဂၠိက်ယာတ်ပသၞဴ ဖဴယာတ်ဗြဴပၠန်၊ ထမိၚ်ဒက်တုဲ ကြဴထုဲပၠန်၊ ယာတ်ထမိၚ််ပၠန် ဟတန်ဒက်ဂၞိၚ်၊ ပဂါံဇုက်တေၚ် ဒလေၚ်ပဂၠန်၊ ဗြဴဟာပ်ပုၚ်မံက် ပဆံၚ်လုပ်ပၠန်၊ ကမဵုဗြဴပၠန် စပိုန်အောန်ရောၚ်၊ တူထဝါဲဗြဴ တိက်တဴမွဲတောၚ်၊ ယာတ်လးသာလဝ် ဂပ်ဝ်တိက်ရောၚ်၊ သၞုက်ဍာ်ပလဝ် ယာံလဝ်ဒးဍောၚ်၊ ဍာ်နုၚ်သွုၚ်ရ ပကဵုဇတ်ရောၚ်၊ ဟီုအရေဝ်ညး ပိုန်စ္ဍးဒြပ်ယောၚ်၊ ဒးဂရိုဟ်ပ္ညဳ ညးမၞဴုသဳရောၚ်၊ သဒးက္ၜေံလက်ပ္ညဳ ဂမဳဟွံယောၚ်၊ ပိုန်ဘိုက်ဟုတ်ပၠန် ဒုဟ်ဇၞော်သန်ရောၚ်၊ ပလဳပလန် ဟီုပၠန်မွဲတောၚ်၊ ကျာ်ဩဳယုတ်သန် ပိုန်ဘိုက်အောန််ရောၚ်၊ ဇပုၚ်ဇဗ ဗြံက်ဗြဒးဍောၚ်၊ တိက်ဟွံကြာတ်ဇိုၚ် ဒဒိုက်ဂၠိုၚ်တောၚ်၊ တိက်က္ဍိုပ်သၟဝ်ကျာ ဏာဒှ်လမောၚ်၊ ဟွံက္ၜဴပါၚ်ပ္ညဳ ဟွံလာၚ်မုက်ရောၚ်၊ ကျာ်ဩဳပါၚ်ယုတ် ကွိုန်ဟုတ်မွဲတောၚ်၊ သော်ဂၠိၚ်ဓဇက် ဟရေက်ပိုန်ရောၚ်၊ ယာ်သွံတောံပုၚ် ဒစုၚ်စောဲရောၚ််၊ ဒဒိုက်ဂၠိုၚ်တောၚ် ရောၚ်အာစာဂး၊ မၞးတံပ္ဍဲလိုက် ဒဒိုက်သၟိက်ဗၠး၊ စှ်ေတေၚ်အိုတ်သ္အး တုဲသ္ဂောံဗၠးရောၚ်။
နိဂီုလောသိဒ္ဓိဍောတ်
[ပလေဝ်ဒါန် | ပလေဝ်ဒါန် တမ်ကၞက်]လိက်ဂွံဆန်ဗ္ဒဟ် ဟီုတွံမွဲတောၚ်၊ သက္ကရာဇ်ရောၚ် မွဲတောၚ်ဟီုအာ၊ သက္ကရာဇ်တၞံ ပ္ဍဲလ္ၚီကၠံၜါ၊ ဂိတုမာ်ဟေၚ် ပိမံက်သေၚ်ဟာ၊ တ္ၚဲဗြဴဗတိ ဆန်အာဒိကၠာ၊ ပယျာံတက်မွဲ ပ္ဍဲဒိတ္ထဳၜါ၊ နက်သတ်ဟီုပ္ညဳ ၜါစှော်ပိကၠာ၊ လက်ကုံဟွံခြာ ပ္ဍဲအခါဆန်၊ ဒေသဌာန်ကီု ပိုဲဟီုပျးပၠန်၊ ရးဍုၚ်ဟံသာ လလေၚ်ပြာသန်၊ ကွာန်အစွောံမာ နာမခုတ်ပ္တန်၊ ခုတ်ယၟုပကာန် တလကွာန်ပၠန်၊ ၜိုပ်ၜါအသဝ် သၟိၚ်ဓဝ်ခုတ်ပ္တန်၊ သ္ဍိုက်ရတ်ပိကၠာ သဒ္ဓါလောန်သန်၊ သိုၚ်ဘာမွဲဟေၚ် ဇရေၚ်ကွာန်ပၠန်၊ ပ္ဍဲဘာဂှ်ပြဲ လိက်ဝွံအဲဆန်၊ လောကသိဒ္ဓိ ဒမၠိခုတ်ပ္တန်၊ စိုပ်ဒတုဲလိုက် ဒိုက်သိုက်ဟွံခၠန်၊ ဝွံယမုလိက် တိုၚ်ပမိက်ဇန်၊ မူဟိုတ်ရောဂး လိက်ဝွံဒးဆန်၊ နူအာဒိပၠန် ဍုၚ်က္တဴလောန်က္ဍၚ်၊ ဍိက်သၟိၚ်ဗၠာဲသၟိၚ် ဆနိၚ်ထမၞၚ်၊ ဟွံမွဲကုဒုဟ် ပဒုဟ်ဇၟာပ်တၚ်၊ ကတဴက္တာန်က္ဍၚ် ဇၟာပ်တၚ်အခါ၊ သာ်ဝွံတန်ဂှ် အာဒိဒှ်ကၠာ၊ ကာလဂှ်ရော ပ္ဍဲဗဂေါမာ၊ နာဲသအံၚ်ပ္ညုၚ် စဍုၚ်ဟံသာ၊ ဂွံဒှ်မြိဝန် ပိုၚ်မန်ဗမာ၊ ဟိုတ်စံၚ်ပၠေၚ်ညး လုံဍုၚ်ရးကၠာ၊ သရာံပါပ်အိုတ် ရာန်သကိုတ်သာ၊ မံၚ်ဟွံပိုၚ်ပ္ကာန် ဒုၚ်ဟွံမာန်ကၠာ၊ ထုဲက္တဵုဒှ်ဟေၚ် သပုန်သေၚ်ဟာ၊ ဒဒှ်ပိုဲကီု ဟီုပၠန်မွဲဝါ၊ ပြံၚ်တၞဟ်ဟာန် ဌာန်ဖာဗြကၠာ၊ ဟိုတ်သာအံၚ်ဟေၚ် ပုန်အာသေၚ််ဟာ၊ နူဖာဗြဂး ပိုဲဒးပြးအာ၊ လိက်ပတ်အိုဿီု ထောံကၠေံသီုဘာ၊ ပိုဲအာစိုပ်သွံ ကွာန်အစွောံမာ၊ ပ္ဍဲအစွောံဟေၚ် မံၚ်တဴသေၚ်ဟာ၊ သၟိၚ်ၜိုပ်အသဝ် သိုၚ်လဝ်သီုဘာ၊ ဝွံဘာဂှ်ပၠန် ပိုဲတန်ဒၟံၚ်ကၠာ၊ ကောန်ညးအစွောံ ဂၠိုၚ်တိတ်စွံဘာ၊ ကဵုဗတောန်သၟတ် လိက်ပတ်ဇၟာပ်ရာ၊ လိက်တရေံဂး ထောံအိုတ်သ္အးအာ၊ လိက်ပတ်ဟွံမွဲ ပ္ဍဲဌာန်ဂှ်မာ၊ သိက်အဲပဒး ဂွံပ္ကတ်ကွးဘာ၊ ဂးတုဲအဲပၠန် ဆန်ပ္တိတ်လၚ်္ကာ၊ အဲဆန်လိက်ဂ္ညိ တၞံအာဒိကၠာ၊ ဝှ်အဲမဒှ် ကာလဂှ်မာ၊ ၜါစှော်မွဲဝှ် တိတ်ဒှ်ဟွံခြာ၊ အဲနွံပိုန်ဟေၚ် အစွောံသေၚ်ဟာ၊ သွက်ဂွံဗှ်ကၠဟ် ဂွံပ္ဍေန်ပ္ဍဟ်အာ၊ သွက်ဂွံသှ်ၛာဲ လံလာဲဗွဲသွာ၊ သွက်ကောန်ကွးသာ တီအာဂတ၊ သၟိက်ကဵုကွးဘာ ပညာစဳခၠ၊ သၟိက်ကဵုညာဏ်သၠဲ နဲပကာရ။ သၟိက်ကဵုဂွံကၠာ ပညာက္ဍၚ်ပြ၊ ပညာနွံဟေၚ် စဳရေၚ်သဗ္ဗ၊ ပညာနွံသၟတ် လေပ်ကွတ်စဳခၠ၊ ပညာနွံသ္ကိုတ် ဂွံဝေတိစိုတ်ရ၊
ပညာနွံဆာဲ ဂွံဝေၚ်ပါဲပၠ။ ပညာနွံကၠာ ဂွံဝေတ်ကာယ၊ ကာယပါၚ်စိုတ် ဝေတ်မာန်အိုတ်ရ၊ ဂွံဗၠးဒဒိုက် ဂွံသိုက်ဂတ၊ ဂွံဒှ်ထိုၚ်သး ဍုၚ်ရးသဗ္ဗ၊ ဇၟာပ်ကောန်ဂကူ အိုဿီုမူလ၊ ပ္ဍဲလိုက်ဂွံသိုက် ပလိုက်ဂတ၊ က္ၜးအတ္တဘဴ သွဝ်ဂွံစဴရ၊ သာ်ဝွံစိုတ်အဲ ဗွဲဨကန္တ၊ ဟိုတ်သာ်ဂှ်ရ ဒးပၠကွတ်ဆန်၊ အပ္ဍဲဆန််ဂှ် သာ်ဝွံဒှ်ပၠန်၊ ဒုဟ်ဆန်ဂၠိုၚ်ဝိုတ် သ္ဇိုၚ်ဗၠးအိုတ်သန်၊ ဒၞါဲညးမညာတ် သေသာတ်ဗိုန်က္ညန်၊ ညးမနွံကၠာ ပညာဇၟံကၟန်၊ လုတ်ဆန်တလး ဂွးဂိုၚ်လဝ်ပၠန်။ ယြဴညးမွဲ ဂုဏ်မပြဲသန်၊ ကဵုဒှ်ကီုရ ဆပၟိက်ဇန်၊ ဟွံဒးဂၞပ် ဂိုၚ်ပ္ညဳပ္ညပ်ဆန်၊ ပဂရိုဟ်ညး ယုတ္တိဂကန်၊ ယြဴညးမွဲ ပ္ဍဲလိုက်ဒၟံၚ်တန်၊ သၟိက်ဂွံသိုက်ပၠန် သၟိက််ပ္တန်လဝ်ပိုန်၊ ဒါနသဳလ ညိလပဇြိိုန်၊ ဘာဝနာကီု သီုသှ်ၛာဲလၟိုန်၊ ပ္တုဲလဝ်ဒါန်ရ ဂတဂွံပိုန်၊ ယဝ်ညးမွဲသွံ သၟိက်ဂွံရုပ်ပိုန်၊ သဳမသုန်သွိုန် မှတ်ဒဂိုန်ကၠာ၊ ဟိုတ်နွံသဳလ ဂွံရပိုန်မြာ၊ သဳလနွံဟေၚ် ရုပ်ဂေါဝ်သေၚ်ဟာ၊ ယဝ်ညးမွဲသွံ သၟိက်ဂွံပညာ၊ မှတ်ဂၠါဲကတ်ဖျိုၚ် တံဇိုၚ်အာစာ၊ မှတ်ဂၠါဲသ္ၚေဝ်ကီု တၚ်ဗီုပမာ၊ ပုံကၞက်နိဒါန် ဂလာန်တမၠာ၊ မှတ်ဂၠါဲပ္ဍေန်ပ္ဍဟ် မှတ်သှ်ၛာဲအာ၊ ညံၚ်ဂြုန်သာဲပ္ညဳ မှတ်လွဳပရာ၊ နွံလွဳတန်သၟတ် ဂွံကတ်ပညာ၊ ယဝ်ရနွံကၠာ ပညာဇၟံဇၟန်၊ ပညာပ္တန်ပိုန် လၟိုန်ဟွံခၠန်၊ ပညာပ္တန်ရုပ် ဒှ်ဂအုပ်ပၠန်၊ ဟိုတ်ဂှ်မၞးတံ အိုတ်တမံဇန်၊ ပဟိုတ်မာဲပၠန် ကတ်ပညာညိ၊ ပညာနွံဗိုန် လၟိုန်ဖိဖိ၊ သွဝ်ဗြီီုနိဗ္ဗာန် ဌာန်သုဂတိ၊ ဇာတိဇရာ ဟွံမွဲဗျာဓိ၊ ဟွံဗျုဟွံယဲ ဟွံမွဲဇာတိ၊ ဒဒှ်ကျာ်ပၠန် အရှန်တံဂ္ညိ၊ ဂွံစဴသၟုက်ဟာန် ဌာန်နန်ဒမၠိ၊ စသိိုၚ်ဖိဖိ ဟွံဆောတ်ညိတုဲ။
လိက်လောကသိဒ္ဓိဍောတ် အိုတ်ဆဝွံရ။
ဇာတ်လၟေၚ်နက်သတ်ပိထပ်
[ပလေဝ်ဒါန် | ပလေဝ်ဒါန် တမ်ကၞက်]၁။ နက်သတ်မွဲကွေံ ဂစေံကဵုကၞုဲ၊ စှ်ဖျိုန်ကောန်တုဲ ကၞုဲစကၠေံဍေံ၊ စှ်ဒစိတ်ကွေံ ဣသိဂွံဇၞး။
၂။ နက်သတ်ၜါပ္ညဳ သေဌဳပကောန်၊ စှ်မွဲပြဲလောန် ကောန်သေဌဳချိုတ်၊ ၜါစှော်ဒါန်သိုတ် ဒှ်မှာသေဌဳ။
၃။ ပိမိမဒဳ ဒ္ၚဳပၞုက်ကောန်ကၠာ၊ နက်သတ်စှ်ၜါ ၜတ်ဒၞါဲဇိုၚ်မ၊ ၜါစှော်မွဲရ ဇၞးမဂွံဒၞါဲ။
၄။ ပန်ဆဒ္ဒန်ဗၠာဲ ချာဲဒေါဝ်လစ၊ စှ်ပိဒးပၠန် သဝန်လမ၊ ၜါစှော်ၜါအဴ သ္ဂောံဖျဴဂြၚ်ရ။
၅။ မသုန်ယက္ခ ဂွံရကေတ်ဏာ၊ စှ်ပန်ဒးကၠာ မှာဗောဓိသတ်၊ ၜါစှော်ပိသၟတ် ဒါန်ထတ်ဂှ်သၟိၚ်။
၆။ တရဴတုန်ရ ပြဘာဝတဳ၊ စှ်သုန်အနဳ မိကျာ်သြဳဒါ၊ ၜါစှော်ပန်ဒး ဇၞးပၞာန်ဂွံဗြဴ။
၇။ ထပှ်သၟဳသၟတ် ရုပ်အာစာသွဴ၊ ဒးစှ်တရဴ ဒဴစဴဌာန်ယီု၊ ၜါဣသုန်ကီု ဣန်ဗြီုကဵုရ၊ ဂျိုၚ်ဇဳဝိတ ကာယဂှ်ပၠန်။
၈။ နက်သတ်ဒစာံ ပြောဟိတ်ဗျာံဒဏ်၊ စှ်ထပှ်အဴ ဒဴစဴတၟံသန်၊ ၜါစှော်တရဴ သၟိၚ်ဂွံဗြဴပၠန်။
၉။ ဒစိတ်စဴညန် ဒန်သုဒ္ဒပြီု၊ စှ်ဒစာံကီု ဒးဟီုဇီုသၟတ်၊ ဒးနက်သတ်ကၠာ ၜါစှော်ထပှ်၊ ဗောဓိသတ်ဂှ် သ္ဂောံတွံဓဝ်ရောၚ်။
၁၀။ မွဲဒိုက်ဂတ်ကၠာ ၜါသေဌဳဂ္ညိ၊ ပိစောရပၠန် ပန်ဗနိက်တုန်၊ မသုန်တုန်ရ ခသနာဲစာ၊ ဒေဝဂစ္ဆ သတ္တဝါတ်ဂါတ်၊ ဗာဇ္ဇခါတ်ကၠာ အဌာရာဇာ၊ နာဝဘိက္ခု သာ်ဝွံရေၚ်ဇန်။
- စၞောန််ထ္ၜးလၟေၚ်ဌာန်ဒၟံၚ်နက်သတ်
(၁) (၂) (၃) (၄) ဒိုက်ဂတ် သေဌဳ ကမၠတ် ဗၞိက် ယးမတိၜါ ယးမတ်ၜါ ဂၠုမတ်ၜါ ဂၠုမတ်မွဲ ၁၊ ၂၊ ၃၊ ၄၊ ၁၀၊ ၁၁၊ ၁၂၊ ၁၃၊ ၁၉၊ ၂၀၊ ၂၁၊ ၂၂၊
(၅) (၆) (၇) (၈) (၉)
ခစသၟိၚ် ဒေဝ ဗာဇ္ဇခါတ် သၟိၚ် ဂမဳ
ဂၠုမတ်မွဲ ဂၠုမတ်မွဲ ဂၠုမတ်ၜါ ယးမတ်ၜါ ယးမတ်ၜါ
၅၊ ၆၊ ၇၊ ၈၊ ၉၊
၁၄၊ ၁၅၊ ၁၆၊ ၁၇၊ ၁၈၊
၂၃၊ ၂၄၊ ၂၅၊ ၂၆၊ ၂၇၊
ကိုန်နက်သတ်ယးမတ်ၜါ
[ပလေဝ်ဒါန် | ပလေဝ်ဒါန် တမ်ကၞက်]သုန်မွဲၜါဗျာံ ဒစာံဒစိတ်၊ စှ်တိတ်စှ်မွဲ စှ်ထပှ်ပြဲ၊ ပ္ဍဲစှ်ဒစာံ ဂါံစှ်ဒစိတ်၊ ၜါစှော်ဟွံခြာ ၜါစှော်တရဴ၊ ခိုဟ်တဴလအိတ် ဇၟာပ်ကာစိုပ်သိတ်၊ လအိတ်နက်သတ် ယးမတ်ၜါပြဲ။
ကိုန်နက်သတ်ဂၠုမတ်မွဲ
[ပလေဝ်ဒါန် | ပလေဝ်ဒါန် တမ်ကၞက်]ပန်မသုန်အဴ တရဴစှ်ပိ၊ စှ်ပန်ဂ္ညိထဲ စှ်သုန်မွဲတဲ၊ ပ္ဍဲၜါစှော်ၜါ ၜါစှော်ပိရိုဟ်၊ ၜါစှော်ပန်သၠတ် နက်သတ်ဝွံဆက်၊ မတ်ကၠက်မွဲဒိုဟ် ဇၟာပ်ကာဟွံခိုဟ်၊ သွိုဟ်ကာသၟတ် ဆဗၞတ်ကီုပြဲ။
ကိုန်နက်သတ်ဂၠုမတ်ၜါ
[ပလေဝ်ဒါန် | ပလေဝ်ဒါန် တမ်ကၞက်]နက်သတ်ပိကၠာ စှ်ၜါတုန်ကီု၊ သီုၜါစှော်မွဲ စှ်တရဴပြဲ၊ ပ္ဍဲထပှ်တုန် ၜါဣသုန်ကီု၊ ဒ:နက်သတ်ဝွံ ဒမၠုမတ်ၜါ၊ အာအိုတ်လမျီု ဇၟာပ်ကာအိုဿီု၊ ဗီုဂွံစှ်ေပါဲ ဂၠါဲအခါပြဲ။
ကိုန်ရေက်သုန်သာသနာ
[ပလေဝ်ဒါန် | ပလေဝ်ဒါန် တမ်ကၞက်]ထပှ်ကဵုပိ နကြိအဒိုတ် လ္ပဝိုတ်မာ၊ တ္ၚဲစန်တုန်မာ မသုန်အဌာ အာစာလိုန်ကိုန်၊ အၚာတုန်ဂှ် စှ်ကဵုစတု သာ်ဝွံလိုန်ကိုန်၊ ဗုဒ္ဓဝါဗိုန် ပ္တိုန်လဝ်စိုတ်တုန် မသုန်ကဵုၜါ၊ ဂုရုတရဴ နှဴဝလအိတ် တိတ်ပါၚ်အာစာ၊ သိုက်စတုတ္ထာ လအာထပှ် တိုၚ်တဝှ်ဂုဏ်၊ သောရဳအဌံၚ် စတုလံၚ််ပ္တန် ကျာ်အရှန်ပ္ဍုန်၊ ကိုန်ဂွံဇၞော်ဂုဏ် မံက်စွေက်တုန်သွံ မဂွံတီကၠာ၊ ယဝ်ဒးရေက်သုန် သုန်ဂြာံလ္ၚု ဇကုအာစာ၊ ၜိုန်သာသနာ ယဝ်ရပါမြိ ဒးစုတိဘၚ်၊ ဂမဳဒးရာံ အရှာံဂြာံသ္ၚိတ် လ္ၚုသိတ်က္ဍၚ်၊ ဓါတ်ကျာ်သၟိၚ်သၚ် ၜိုန်ခၠၚ်လကဵု ဒးလီုပြဵုအာ။
တ္ၚဲ ဒိတ္ထဳမံက် စွေက်
၁။ အဒိုတ် ၇၊ ၃။
၂။ စန် ၅၊ ၈။
၃။ အၚာ ၁၀၊ ၄။
၄။ ဗုဒ္ဓဝါ ၅၊ ၂။
၅။ ဗြဴဗတိ ၆၊ ၉။
၆။ သိုက် ၄၊ ၇။
၇။ သ္ၚိသဝ် ၈၊ ၄။
(ရေက်သုန်သာသနာဂှ် ဇၟာပ်ကာဝါမ္ၚဵုအိုဿီု လ္ပပညိ)
ကိုန်ရေက်သုန်ကျာ်
[ပလေဝ်ဒါန် | ပလေဝ်ဒါန် တမ်ကၞက်]ဗွဲမမံက်မာ အၚာကဵုသိုက် ပကာဒိုက်ယဲ၊ ဗွဲစွေက်ပြဲ တ္ၚဲစန်တုန်အဵု ကဵုဗြဴဴဗတိ၊ ပကာပြေၚ်ကောန် ကၠောန်ကေၚ်ကာရ ဇိက်ဗ္ၚသိုၚ်သ္ၚိ၊ လ္ပပညိ ဒးဒယိတုန် ရေက်သုန်ကျာ်တြဲ၊ ဒးရေက်သုန်ကျာ် ဒစာ်လီုပြဵု ဆဵုဝါတ်ဒိုက်ယဲ၊ ပကာဒွံဘဲ ဟသေၚ်သ္ၚောဲဩာဲ ကၟာဲနူရေၚ်သ္ကံ၊ ယဝ်သ္ပအမှု ဒးကာဝွံသွံ ဟဂွံဒၟံၚ်လံ၊ သတ်ပ္ဍဲလိုက်တံ တၟံညးအဲရ ပကာဒိုက်ယဲ။
အဓိပ္ပါယ်ရေက်သုန်ကျာ်
ဗွဲမံက်။ ဗွဲစွေက်
အၚာကဵုသိုက်။ စန်ကဵုဗြဴဗတိ။
ကိုန်ဗြိုဟ်ဖဴ
[ပလေဝ်ဒါန် | ပလေဝ်ဒါန် တမ်ကၞက်]ဇမၠိၚ်ဖဴပြဲ ၜါဟတ်မွဲမိဟ် ပကဵုသှ်ေညိ၊ မုက်ၜါဟတ်ဂၠိ ဒမၠိသဘဴ ကၠောန်ဖဴဂွံပိုန်၊ စိုတ်ၜိုဟ်လဂူ ဟွံတူပၟတ် ကမၠတ်ဟွံတိုန်၊ ဗြိုဟ်မသုန်ဗိုန် နွံပိုန်သဘဴ နွံပိုန်သဘဴ မၞးကၠောန်ဖဴညိ။
ကိုန်ဗြိုဟ်ဖဴမွဲနဲပၠန်
[ပလေဝ်ဒါန် | ပလေဝ်ဒါန် တမ်ကၞက်]ဇမၠိၚ်ဖဴကၠာ ၜါဟတ်မွဲမိဟ် သက်သၟေဟ်လုံတိ၊ မုက်ၜါဟတ်စိ မွဲမိဟ်ဂ္ညိတုန် ဗြိုဟ်မသုန်ဒး၊ သတြုပါဲဒဴ ဍိက်သ္ကံဗြဴဂၠိုၚ် နာံမြိုၚ်သ္ကံသွး၊ ပိုန်ဟာန်သၠဴလး သၟးဒေဝတဴ မၞးကၠောန်ဖဴညိ။
ကိုန်ဗြိုဟ်ဇံၚ်ဟာပ်ပုၚ်
[ပလေဝ်ဒါန် | ပလေဝ်ဒါန် တမ်ကၞက်]ဇမၠိၚ်ဇံၚ်ပုၚ် မွဲဟတ်ပ္ညုၚ်ဂ္ညိ ပိလပှော်ဂၠိ၊ မုက််ၜါမိဟ်စိ ဒမၠိပမှာ ၜါလပုဟ်သၟတ်၊ ဇံၚ်ဂှ်ဟာပ်ပုၚ် ပိုန်ဟာန်ကၠုၚ်စိုပ် ကြိုပ်ယဿပတ်၊ ဗြိုဟ်မသုန်သၟတ် သၞောတ်ဇံၚ်ပုၚ်ဂွိုၚ် ဂိုၚ်သမ္တီညိ။
ကိုန်သၞေဝ်ဟဂပ်ဝ်တဵုဗဝိုၚ်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]ဗမံက်သ္ၚိရ သဏေဝ်တောမ်သွ ပတဵုဒမၠိ၊ သမၠုၚ်ကျာသ္ၚိ ပတဵုသၟတ် သက်ဇုက်ၜဲဟေၚ်၊ သၟဝ်ကျာလှိုန် ကွိုန်ပလိုတ်အဵု ဒဇိုဟ်ကဵုဝေၚ်၊ ယဝ်ဟွံစှ်ေဝေၚ် ကသူကၞေၚ်သိုက် တိုၚ်ဒးဒိုက်ညိ။
ကိုန်လုတ်အာပွ
[ပလေဝ်ဒါန် | ပလေဝ်ဒါန် တမ်ကၞက်]ကြေၚ်ပကဝ တၞိၚ်ဇလ ဇဗတရၚ်၊ ထအိုအ်တသၚ် ဒမၚ်ၜဝ်ပ္ညဳ ကၞဳဒုၚ်ကလိ၊ ဒယိုၚ်ခမောဝ် ကၠေံဆုလံက်ညဳ ဇိုၚ်ကမဳစိ၊ ဒဇိုဟ်ပၠာံသ္ၚိ စိုတ်ညိဟွံသိုက် သေဌဳဒိုက်အာ။
ကိုန်လုတ်အာမွဲနဲပၠန်
[ပလေဝ်ဒါန် | ပလေဝ်ဒါန် တမ်ကၞက်]ထဗိုဟ်ဗိုၚ်တုန် ကလိဒုန်တောဝ် ယဝ်ပသက၊ ဗြဴဥတုရ ပမွဲဂကောံ ဗန်က္ၜံၚ်ဗျောံဒေၚ်၊ သ္တိက်ဟွံကြာတ်ဇိုၚ် ဒၟံၚ်ဇိုၚ်ဒယူ ဇကုချူဝေၚ်၊ ဂဇံတရေၚ် ခဍံက်ဝေၚ်တၞဳ ခါခဏဳရ။
ကိုန်တၞံဆုဂပ်ဝ်တဵုဗဝိုၚ်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]ဗမံက်ဗြာတ်ဗြဴ ဗဳတဴဨသာန် ပလိုတ်ဌာန်ဗဃဒဝ်၊ သၠုၚ်ကျာကြုက်ထဝ် သၟဝ်ကျာတလုဲ တဵုတုဲသိုၚ်သ္ၚိ၊ ဗာယပ်ၜုန္နရိက် သတိက်အဂၞဲ နဲမဂညိ၊ ပၞဟ်နေရတိ ဒမၠိကဵုတဵု သိုက်တွဵုကဝ်။
ကိုန်တၞံဆု ဟဂပ်ဝ်တဵုပ္ဍဲဍုၚ်ကွာန်
[ပလေဝ်ဒါန် | ပလေဝ်ဒါန် တမ်ကၞက်]ကြိက်အရံၚ်တ္ၚဲ ဇြဲဓိထာန်ရ ဇဗကဵုကြေၚ်၊ ဗပုၚ်ဗပေၚ် လၟေၚ်ဆုဂှ် ဒှ်သက္ကုဖဵု၊ တဵုပ္ဍဲဍုၚ်ကွာန် ဌာန်ဂှ်လ္ၚု ဇကုလေၚ်အဵု၊ ဟွံတီဒးတဵု ပူဂဵုပ္ဍဲလိုက် ဒးဒိုက်အာဟေၚ်။
ကိုန်လုတ်အာပွမွဲနဲပၠန်
[ပလေဝ်ဒါန် | ပလေဝ်ဒါန် တမ်ကၞက်]သၞလံက်ညဳ ကၞဳဒုန်ဇဗ သၠကမောတ်ဂၠောန်၊ မုက်စိၚ်တိတ်လောန် က္ဍိုပ်ဂၠောန်ဂၠိၚ်ဓီု တိုန်ယဵုလဝ်သၠ၊ ကဝလတ်ကၞဳ ဂနဳလံၚ်တမိ တိလံၚ်ဖဴရ၊ လုတ်အာတုန်ရ ပဝစွံသွံ ပကဵုဂွံလောန်။
ကိုန်ပရေၚ်နူကၠာဟွံတိုန်သ္ၚိတၟိ
[ပလေဝ်ဒါန် | ပလေဝ်ဒါန် တမ်ကၞက်]နဳကၠာဟွံတိုန်သ္ၚိဌာန် ဂလာန်အာစာတံဗကန်၊ ချူဖဍုက်ဍာ်စလန် ပိတန်ကဵုဒက်ၝောံတၞိန်၊ ပါၚ်တရၚ်မဟိန်ဗိန် ပန်ဇလထပှ်ဏာၚ်၊ နုၚ်ဓမ္မဂေါဝ်သာၚ် ဍာ်လာၚ်ထီုမြမောဝ်၊ ဖုန်သဍဳဂၞဳသကဝ် လးလဝ်မခမူက္ဍဝ်၊ ဗွဲဒိုဟ်ဗမံက်ဆတ္တဝ် ကဵုလ္ၚောဝ်ကျာ်ဓဝ်သၚ်၊ ဗွဲဒိုဟ်သမၠုၚ်ကျာက္ဍၚ် ဂြၚ်လ္ၚောဝ်မိကဵုမ၊ ဗွဲဒိုဟ်ပလိုတ်ရ ကဵုလ္ၚောဝ်ဘုမ္မဇဵု၊ ဗွဲဒိုဟ်သၟဝ်ကျာအဵု ကဵုလ္ၚောဝ်တၠသ္ၚိအဴ၊ ဒယိုၚ်ပန်ပ္ဍေန်ပၞာၚ်သ္ဍဴ ကာလဂှ်ဒြပ်စဴတန်၊ မိၚ်ဟာနာဲထဝ်ဝန် သွက်ဇန်ပ္ဍဲလောက၊ ကိုန်ဝွံနူတမၠာ အာစာတံတွံစွံလဝ်ရောၚ်၊
ကိုန်တ္ၚဲတိုန်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]အဒိုတ်တိုန်သ္ၚိသၟတ် ကျာ်ရတ်ကဵုပ္တိုန်ကၠာ၊ သ္ကဝ်ဂၞဳကဵုပတိုန်ကၠာ ခါဂှ်ဒှ်တ္ၚဲစန်၊ အၚာယဝ်တိုန်ပၠန် ထဝ်ဩန်ပ္တိုန်ကၠာရောၚ်၊ စဟာပ်တုဲဒှ်ရ ဗုဒ္ဓတွံဟွံယောၚ်၊ မြမောဝ်ဓုပ်သ္ဍဴရောၚ် မွဲတောၚ်တ္ၚဲဗြဴဗတိ၊ တ္ၚဲသိုက်ယဝ်တိုန်သ္ၚိ မိမကဵုတိုန်ကၠာ၊ သ္ၚိသဝ်လ္ပတိုန် တိုန်ကိုန်ဟောရာ၊ တိုန်သ္ၚိဒးတူ ဒးဩာဲနူမိမၜါ၊ သေက်ဇဵုဒှ်ကယျာန် ဒးတိုန်သ္ၚိရုၚ်ဌာၚ်စာ၊ လၟေၚ်ကိုန်တိုန်သ္ၚိပၠန် စဳဇနန်ညံၚ်ဍောၚ်သွာ၊ မြိုတ်ဓဇိုက်ဂွံမြာ နိမိတ်သၞဲဟပါမြိ၊ ဝွံရကိုန်တိုန်သ္ၚိ သမ္တီညိပမှာ။
ကိုန်တိုန်သ္ၚိတၟိ စၞောန်ထ္ၜးဒၞာဲစွံဒြပ်
[ပလေဝ်ဒါန် | ပလေဝ်ဒါန် တမ်ကၞက်]တိုန်သ္ၚိတမိ အဂ္ဂိသ္ၚုဩောံ ဗမံက်စွံကၠာ၊ ထဍိုၚ်တ္ၚမာ အဂၞဲဏာပ္ညုၚ် သမၠုၚ်ကျာတၟံ၊ ဓရဳသကဝ် ပလိုတ်လဝ်ပၠန် ပညာသိပ်ဇၟံ၊ သ္ဂေတ်ဍိက်သ္ကံ အိုတ်တမံညး ဟီုထိုၚ်သးတဴ၊ ဨသာန်ပ္ညုၚ် လဝ်ပုၚ်ကလောံ သၟဝ်ကျာကေတ်နၚ်၊ ကၞုသၚ်စွံ ဗာယပ်တုန်သွံ ပ္ကဴဍာ်စွံလဝ်၊ ပိုန်ဟာန်ဇၞော်မောဝ် စွံလဝ်ဒေါဝ်သ္ၚိ၊ ပြေၚ်ဂၠဴသက်လက် ဒက်လဝ်သၟဝ်သ္ၚိ သ္ဂေတ်ပိုန်ဣဓိိ၊ ရတ်ပိဂွံယိုက်် ဂွံဒှ်တဴသ္ဍိုက် သိုက်တွဵုကဝ်ရောၚ်။
ကိုန်ဒယိုၚ်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]စွံဒယိုၚ်သၟတ် ဗမံက်ယဝ်သွတ် ဒြပ်ရတ်လေၚ်စိ၊ အဂၞဲသွတ်စိ သ္ၚိကမၠတ်ကၠုၚ်် သမၠုၚ်ကျာချိုတ်၊ နေရတိသွတ် ဒြပ်ရတ်ဍိက်သ္ကံ သိုက်လံခိုဟ်အိုတ်၊ သွတ်စွံပလိုတ် အိုတ်လာဘ်သကာ ဂွံဟေၚ်ဇာတိ။
ကိုန်မုက်ကလော်
[ပလေဝ်ဒါန် | ပလေဝ်ဒါန် တမ်ကၞက်]မွဲဒိုဟ်ပုဗ္ဗေ ၜါဥတ္တရေ၊ အဂၞဲယေပိ ပန်နေရတိ၊ မသုန်တုန်စိ ဒက္ခိဏယျေ၊ တရဴပလိုတ် ထပှ်သိုက်တြပ်၊ ဗာယပ်ဝါကေ ဒစာံဨသေ၊ ဌာန်ဇိုၚ်ဂၞေဟ်ေစက် ဗက်ယဲပါမြိ၊ ဒစိတ်ဗမံက် သၟဝ်ကျာသံက်စှ်၊ အဂၞဲစှ်မွဲ နေရတိပြဲ၊ စှ်ၜါထဲကၠုၚ် သမၠုၚ်ကျာစှ်ပိိ၊ စှ်ပန်ပလိုတ် အိုဿီုစှ်သုန်၊ ဗာယပ်ပ္ဍုန်ဂ္ညိိ ဇိုၚ်ဂၞေဟ်စက်စိ၊ ဒမၠိစှ်ေပါဲ ဂၠါဲစှ်ေရိုဟ်တ္ၚဲ၊ ဇိုၚ်ဂၞေဟ်စက်အဴ ယဝ်တဴဂတ၊ ယာံအာဒးဘဲ ယဝ်တဴတံတဲ၊ ဇဲယလာဘိ ညိဟွံတၚု၊ တဴဇွိမဂး ကၠံကဵုစဳကၠး၊ ဟွံဗၠးအမှု တဴကြဴဇကု၊ သတြုကဵုဂၠိုၚ် ဍေံဂံၚ်ပြိုၚ်ဟာ။
အဓိပ္ပါယ်ကိုန်မုက်ကလော်ဇၞော်
မံက်စွေက် -------- ဒိုဟ်။
၁၊ ၉။ ---------- ဗမံက်။
၂၊ ၁၀။ --------- သၟဝ်ကျာ။
၃၊ ၁၁။ --------- အဂၞဲ။
၄၊ ၁၂။ --------- နေရတိ။
၅၊ ၁၃။ --------- သမၠုၚ်ကျာ။
၆၊ ၁၄။ --------- ပလိုတ်။
၇၊ ၁၅။ --------- ဗာယပ်။
၈၊ --------- ဨသာန်။
(မုက်ကလော်ဇၞော်ဂှ် ဇိုၚ်ဂၞေဟ်စက် ယဝ်နွံဂတမဂး အာဒးဘဲရ၊ ယဝ်ရဇိုၚ်ဂၞေဟ်စက် နွံလ္ပါ်တဲသတုံမ္ဂး ဇၞးလာဘ်မပြဲရ၊ နွံလ္ပါ်တဲဇွိမ္ဂး ဟွံဗၠးအမှု ယဝ်နွံလက်ကရဴမ္ဂး သတြုဟွံဂံၚ်ပြိုၚ်ရ။
ကိုန်ဋ္ဌာန်မုန်ကလော်ဇၞော် ဇိုၚ်ဂၞေဟ်စက် ဝါသောလၟေၚ်တ္ၚဲ−၇
[ပလေဝ်ဒါန် | ပလေဝ်ဒါန် တမ်ကၞက်]၁။ အဒိုတ်ဂးမာ ဝါသောတရေၚ် လၟေၚ်ဗာယပ်၊ ကလော်ဇၞော်တၟပ် တဴပ္ညပ်ဨသာန် ဌာန်ဂှ်နိဿဲ၊ ဇိုၚ်ဂၞေဟ်စက်ကီု စိုန်သကီုနုဘဴ တဴဒိုဟ်အဂၞဲ၊ အိုဿီုပိနဲ နိဿဲဝေါဟာ ကၠုၚ်အာကဵုချပ်။
၂။ တ္ၚဲစန်ဂးမာ ဝါသောဒိုဟ်မံၚ် ဂၠံၚ်ပုဗ္ဗဂ္ညိ၊ ကလော်ဇၞော်စိ နေရတိဟေၚ် မံၚ်တရေၚ်ကၞပ်၊ ဇိုၚ်ဂၞေဟ််စက်ကီု စိုန်သကီုနုဘဴ တဴဒိုဟ််ဗာယပ်၊ အိုဿီုပိထပ် ပ္ညဳပ္ညပ်ချပ်ဒး ဇၞးသတြုရ။
၃။ တ္ၚဲအၚာစိ နေရတိကၠာ ဝါသောအာမံၚ်၊ ကလော်ဇၞော်မံၚ် ပြံၚ်အာအဂၞဲ နိဿဲသဏ္ဍာန်၊ ဇိုၚ်ဂၞေဟ်စက်ကီု စိုန်သကီုနုဘဴ တဴဒိုဟ်ဨသာန်၊ ရာညးပြိုၚ်ပ္ကာန် ပိဌာန်ဝွံဂှ် ကဵုတီပြဟ်ညိ။
၄။ ဗွဲဒိုဟ်သၟဝ်ကျာ ဝါသောမံၚ်ပြဲ တ္ၚဲဗုဒ္ဓဝါ၊ ကလော်ဇၞော်မာ သမၠုၚ်ကျာမံၚ် သီုဂံၚ်သဍိုက်၊ ဇိုၚ်ဂၞေဟ််စက်ကီု စိုန်သကီုနုဘဴ တဴဒိုဟ်ပလိုတ်၊ ရာညးပစိုတ် အိုတ်အန္တရာယ် ကဵုလာဲလေၚ်အာ။
၅။ ဂုရုသမၠုၚ်ကျာ ဝါသောဝွံစိ နေရတိရေၚ်၊ သၟဝ်ကျာဝွံဟေၚ် ဟွံဂွံဝေၚ်ကၠာ ဌာန်မှာယက္ခ၊ ဗာယပ်သက်သၟိဟ် ဇိုၚ်ဂၞေဟ်စက်ဂှ် အာစာတွံရ၊ အိုတ်ဇၟာပ်ကိစ္စ တော်ဆတုဲအာ ဟွံဂွံမှာရ။
၆။ တ္ၚဲသိုက်ဝွံဟေၚ် လၟေၚ်ဝါသောဒ္ဂူ ပလိုတ်မူလ၊ ဣဓိက္ဍၚ်ပြ ပုဗ္ဗဆဗၞုက် မုက်ကလော်ဇၞော်၊ ဇိုၚ်ဂၞေဟ်စက်သွံ ဂွံဒိုဟ််အဂၞဲ နိဿဲမွဲဗော်၊ ဒကိုပ်ကလော် တော်ဆတုဲအာ ဟွံဂွံမှာရ။
၇။ သ္ၚိသဝ်ဨသာန် ဌာန််ဝါသောကီု ဟီိုပ္ညဳကေတ််ရ၊ ဗာယပ်မူလ ကလော်ဇၞော်ရ မဒမံၚ်ပၠန်၊ ဇိုၚ်ဂၞေဟ်စက်ဂ္ညိ နေရတိိကွေံ ဍေံဒၟံၚ်တုန်၊ ချပ်ကဵုဗိုန်က္ညန် လက်သန်ဒဒှ် တ္ၚဲထပှ်ရ။
အဓိပ္ပါယ်ကိုန်ဝွံတုန်
တ္ၚဲ။ ကလော်။ ဒိုဟ်။
ဝါသော ဗာယပ်
၁။ တ္ၚဲအဒိုတ် ကလော်ဇၞော် ဨသာန်
ဇိုၚ်ဂၞေဟ်စက် အဂၞဲ
ဝါသော ဗမံက်
၂။ တ္ၚဲစန် ကလော်ဇၞော် နေရတိ
ဇိုၚ််ဂၞေဟ်စက် ဗာယပ်
ဝါသော နေရတိ
၃။ တ္ၚဲအၚာ ကလော်ဇၞော် အဂၞဲ
ဇိုၚ်ဂၞေဟ်စက် ဨသာန်
ဝါသော သၟဝ်ကျာ
၄။ တ္ၚဲဗုဒ္ဓဝါ ကလော်ဇၞော် သမၠုၚ်ကျာ
ဇိုၚ်ဂၞေဟ်စက် ပလိုတ်
ဝါသော သမၠုၚ်ကျာ
၅။ တ္ၚဲဗြဴဗတိ ကလော်ဇၞော် သၟဝ်ကျာ
ဇိိုၚ်ဂၞေဟ်စက် ဗာယပ်
ဝါသော ပလိုတ်
၆။ တ္ၚဲသိုက် ကလော်ဇၞော် ဗမံက်
ဇိုၚ်ဂၞေဟ်စက် အဂၞဲ
ကိုန်ဒိုဟ်ဟွံဂပ်ဝ်ကွာ်တရဴ
[ပလေဝ်ဒါန် | ပလေဝ်ဒါန် တမ်ကၞက်]မွဲကဵုဒစိတ် တိတ်ဒိုဟ်ပုဗ္ဗ မာရဏဒဲ၊ ပိကဵုစှ်မွဲ အဂၞဲခပ်ပြာတ် ဝါတ်ဂါတ်ပြိုက်ဖာ၊ မသုန်စှ်ပိ ဒက္ခိဏသ္အး မၞးလ္ပအာ၊ ပန်ကဵုစှ်ၜါ ပန်ကဵုစှ်ၜါ လ္ပအာညိ နေရတိထဲ၊ တရဴစှ်ပန် လက်သန်ပလိုတ် အာချိုတ်ဒးဝပ်၊ ထပှ်ဗာယပ် စှ်သုန်ပ္ညပ်လဝ် ဆေဝ်ဒဝ်ကဵုမာန်၊ ၜါဟေၚ်ကဵုစှ် ဒိုဟ်သၟဝ်ကျာ ပအာဒှ်ပၞာန်၊ ဒစာံဨသာန် အာပြိုၚ်ပ္ကာန်ညး မၞးလ္ပချပ်။
ကိုန်ကွာ်တရဴစဍောန်ဇၞး
[ပလေဝ်ဒါန် | ပလေဝ်ဒါန် တမ်ကၞက်]အဒိုတ်သိုက်စန် ဒစိတ်စဍောန် ဂၠောန်မွဲလနေၚ်၊ ဒစာံပြဲက္ဍၚ် ခြၚ်ဗုဒ္ဓဝါ အၚာဒစိတ်၊ ဂုရုထပှ် သောရဳစှ်မွဲ နဲဝွံတွံပ္တိတ်၊ သာ်ဝွံတွံပ္တိတ် လအိတ်စဍောန် ဒးဒုဟ်လောန်လၚ်။
ကိုန်ညာတ်နိမိတ်ဟွံခိုဟ်
[ပလေဝ်ဒါန် | ပလေဝ်ဒါန် တမ်ကၞက်]ဆမကွာ်တိတ် ညာတ်မၞိဟ်ကၞာတ် ညာတ်ညးမချိုတ်၊ ညာတ်မၞိဟ်က္ဍိုပ်ပိုတ် ဟိုတ်ဇၞော်လအိတ် ညာတ်မိတ်ညာတ်ကၞေၚ်၊ ဇြုံဂမာကြတ် ညာတ်မှတ်ပအာ ယာံအာဒ:လေၚ်၊ ဟွံဒေါံဟွံအေၚ် လေၚ်ရောၚ်သေၚ်ဟာ ပါဘဲဂစိုတ်။
ကိုန်ညာတ်နိမိတ်ခိုဟ်
[ပလေဝ်ဒါန် | ပလေဝ်ဒါန် တမ်ကၞက်]တိတ်နူသ္ၚိတုန် ညာတ်ဖျုန်ကလောံ ဂွံလာဘ်မပြဲ၊ ညာတ်ပြေၚ်ဇၞးဝဲ ညာတ်သဲတိတ်ကၠုၚ် နုၚ်ဍာ်ဂွံညာတ်၊ ညာတ်ကခတဴ ဂၠဴဗမဴကောန် တၟေၚ်လောန်သေသာတ်၊ ယာံအာဂွံညာတ် ကၞာတ်တရဴသွံ ဂွံလာဘ်မပြဲ။
ကိုန်စဍောန်ကွာ်တြဴမွဲနဲပၠန်
[ပလေဝ်ဒါန် | ပလေဝ်ဒါန် တမ်ကၞက်]အဒိုတ်ဂှ်တုန် စှ်စဍောန်ကွာ် နာ်ဇၞးသပဝ်၊ စန်စှ်သုန်ဓဝ် စဍောန်လဝ်ဒၞါဲ ဒြာဲဂွံဇၞးကၠ၊ ဒစာံအၚာ ဟတ္ထိရာဇာ အာဇၞးသဳဟ၊ ပန်လိုန်ဗုဒ္ဓ သၟိၚ်သူရိယ ရာဟုကျအာ၊ တ္ၚဲဗြဴဗတိ ၜါစဍောန်စိ ကၞိဇၞးဗဂဲ၊ သိုက်တရဴပြဲ ပ္ဍဲဗေဒၚ်ရတ် အဇ္ဇဇၞးကၠဵု၊ သ္ရိသဝ်ဒစိတ် တိတ်ကွာ်တရဴ ၚဴဇၞးဇြုံအဵု၊ သၟိက်တီဟိုတ်ဖဵု စၞောန်ကဵုဓဝ် ဇၞော်မောဝ်ဣဓိ။
ကိုန်စဍောန်ကွာ်တြဴမွဲနဲပၠန်
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲအဒိုတ်ပၠန် စှ်စဍောန်ကွာ် နာ်ဇၞးသပဝ်၊ စန်မသုန်ဓဝ် သမ္တီလဝ်ဆာဲ ဒြာဲဇၞးကၠ၊ အၚာဒစာံ စိၚ်ဂါံကၠောံကၠာ ဇာဒီသိုၚ်ကျ၊ ပန်လိုန်ဗုဒ္ဓ သၟိၚ်သူရိယ ရာဟုကျကျဝ်၊ ဗြဴဗတိပိ ကၞိဇၞးဗဂဲ ပ္ဍဲဂဝမတ်၊ သိုက်ထပှ်သၟတ် အဇ္ဇဇၞးကၠဵု ဟိုတ်ဖဵုတီတဴ၊ သ္ရိသဝ်ၜါဟေၚ် လမေၚ်အလံ ဇြုံလုပ်ပါၚ်ၚဴ၊ ယဝ်တရဴစဴ ဇၞးသတြု အနုဒိုဟ်ဟေၚ်။
ကိုန်တ္ၚဲညးကၠုၚ်ကဵုပရိုၚ်ဂၠုၚ်
[ပလေဝ်ဒါန် | ပလေဝ်ဒါန် တမ်ကၞက်]၁။ တွံတ္ၚဲအဒိုတ်။ ။ အဒိုတ်ညးပ္ညုၚ် ဂၠုၚ်ဂှ်ထမိက် ညးဗနိက်ရာန်၊ က္ဍိုက်ဍေံကွေံကြာန် သွံရာန်တံဗၠိုက် ညးဍိုက်ဍေံဂံၚ်၊ ဍိက်သၟိၚ်ဗၠာဲသၟိၚ် ပိုန်သၟိၚ်ဟွံခြာ လာဘ်သကာကၠံၚ်၊ ပိုန်ဟာန်ဗြံၚ်ဗြံၚ် ညံၚ်ဇွိုန်လပှ် ဍိက်သၟိၚ်ပြဟ်ရာန်။
၂။ တွံတ္ၚဲစန်။ ။ တ္ၚဲစန်ညးပ္ညုၚ် ဂၠုၚ်ဂှ်ကွေံကြာန် ရာန်ရပညှာ၊ ယဝ်ဍိုက်ဍေံကၠာ လာဘ်သကာအဵု သီုကဵုတသိုက်၊ သ္ဂောံရာန်ခိုဟ်က္ဍၚ် နၚ်ကဵုပရဲ ပိုန်ဟာန်ပ္ဍဲလိုက်၊ ဍိုက်ဂွံတသိုက် ပ္ဍဲလိုက်ကၠံၚ်မံၚ် ညးဟွံၚ်ပါဲ။
၃။ တွံတ္ၚဲအၚာ။ ။ အၚာညးပ္ညုၚ် ဂၠုၚ်ဂှ်သၞေဝ်အုဲ ရုဲစှ်ပဝိုတ်၊ ဍိုက်ဍေံကောန်ချိုတ် ဒြပ်အိုတ်သက်သၟေဟ် သၟေဟ်ပကဵုဍုန်၊ ဒးတၚ်ပန်သၞောတ် ယုတ်မတ်လအိတ် မိတ်ခြာဍိက်ဒဴ၊ ဒုဟ်ဍေံနွံတဴ တြုံဗြဴခပ်သီ သမ္တီလဝ်ညိ။
၄။ တွံတ္ၚဲဗုဒ္ဓဝါ။ ။ ဗုဒ္ဓညးပ္ညုၚ် ဂၠုၚ်ဂှ်ထမိက် ကၠိက်တုက်တံဍေံ၊ ယဝ်ရရာန်ဍေံကွေံ ဍိုက်ဍေံမ္ဂး ညးလက်ကရောဲ၊ ကဏောတ်ဒဂါတ် ကမာတ်ဒက်ရံ ခဏံခပေါဲ၊ ရိုဟ်မဒှ်တ္ၚဲ ခပေါဲဒဒိုက် ပရာန်ဍိုက်ဍေံ။
၅။ တွံတ္ၚဲဗြဴဗတိ။ ။ ဂုရုညးပ္ညုၚ် ဂၠုၚ်ဂှ်ပြဲသ္အး ဇၞးသတြုရ၊ ပိုန်ဟာန်နန္တ ဒၞါဲဂတအာ လာဘ်သကာဂွံ၊ ဍိုက်အာယုက်ဂၠိၚ် သၟတ်ပိုန်သၟိၚ်သွံ သ္ဂောံပတလ၊ ပိုန်ဟာန်ယဿ ဒၞါဲဂတအာ လာဘ်စဴမြာရောၚ်။
၆။ တွံတ္ၚဲသိုက်။ ။ တ္ၚဲသိုက်ညးပ္ညုၚ် ဂၠုၚ်ဝွံတုန်ဂှ် ရာန်ပြဟ်ပဝိုတ်၊ ဇၟာပ်ညးဖအိုတ် ပြဲသိုက်စိုတ်သ္အး ညးဒးရဴဂဴ၊ သ္ဂောံဍိုက်ဍေံအဴ နွံတဴပိုန်ဘိုက် ဂၠိုၚ်ကဵုကြက်ဒြပ်၊ ဒှ်ညံၚ်ကသပ် ဒြပ်တုန်ဒမၠိ ရာန်ဍိုက်ညိရ။
၇။ တွံတ္ၚဲသ္ရိသဝ်။ ။ သ္ၚိသဝ်ညးပ္ညုၚ် ဂၠုၚ်ဂှ်သဘဴ တၚ်တဴပ္ဍဲက္ဍိုပ်၊ ဍိုက်ဍေံသကိုပ် ဒြပ်စိုပ်လအိတ် မိတ်ပြဝါဂၠိုၚ်၊ ဒၞါဲဂတအာ ညံၚ်သွာပၠးထာၚ် ရာၚ်ဒၟံၚ်ဓဝိုၚ်၊ ညံၚ်ရဴသဳဂွိုၚ် အတိုပ်တုပ်စိုတ်ဂှ် ဒှ်ဟွံဆောတ်ရ။
ကိုန်ရုဲတၚ်ဂၠုၚ်ကွဳ
[ပလေဝ်ဒါန် | ပလေဝ်ဒါန် တမ်ကၞက်]ကလၚ်ပိုဲဟီု အကြီုတၚ်ဂၠုၚ်ကွဳ၊ အိုတ်ဇၟာပ်ခရှ်ဂမဳ ယဝ်ရာန်ဍိုက်ကွဳဂၠုၚ်၊ ဇမၠိၚ်ဍေံတဝ်ကၠုၚ် ၜတ်ပါၚ်ဂၠုၚ်ပၠန်ရ၊ သီုဖအိုတ်ပံတော်အဵု ကဵုဂွံတီတၟော်အဆ၊ ပမောဝ်ကဵုပိရ ယိုက်စကဵုထပှ်၊ ဂၠုၚ်ကွဳဟွံတၞဟ် တုပ်သၟဟ်ဒှ်မွဲဗီု။
၁။ သှ်ေမွဲတၚ်ပန်သ္ဍာံ တၚ်ဒစာံဟွံယောၚ်မှာ၊ ကာလဗာ်ဍေံကၠာ ဒေါံအာသၟဝ်ကျာရောၚ်၊ ဍိုက်ဍေံဒှ်လမောၚ် ဂုဏ်ဍေံဒှ်ဍောၚ်ကီု၊ ဂုဏ်ဍေံဒှ်ဒဒိုက်စိုတ် ကောန်ဗြဴအိုတ်လမျီု၊ ခါရာန်ဟွံပါဲကီု ဒှ်ဂၠုဲသၟိၚ်ယီုရ။
၂။ သှ်ေၜါနွံသိဒ္ဓိ တၚ်ပိညးကော်ခဴ၊ အဝဲက္ဍိုပ်ဍေံအဴ ညံၚ်က္ဍိုပ်ဖဴမနိက်၊ ပိုန်ဟာန်ကၠံၚ်ထအိက် ပဗၞိက်သွံရာန်စ၊ ဍိက်သ္ကံပြေၚ်ဂၠဴဂၠိုၚ် ဂၠိုၚ်တဴပုၚ်သွ၊ ကာလဗာ်ဍေံရ ဒေါံဒိုဟ်သမၠုၚ်ကျာ၊ သ္ဂောံဗၠးဗယိအ္စာ ပဏ္ဍိတာမဟီုတွံ။
၃။ သှ်ေပိသဒှ်တုန် မၚ်မသုန်နွံဂၠံၚ်ကိုဟ်၊ ညံၚ်ရဴဆုသအိုဟ် တကွိုဟ်နွံအဆတ်၊ ဍိုက်ဍေံတူပၟတ် ဖတ်တ်ဒွံဂတး၊ ဍေံမဂြိုဟ်စာလောန် ကောန်ဗြဴဒးစာ်စ္ဍး၊ ကာလဗာ်မ္ဂး ဒေါံဒးသၟဝ်ကျာ၊ ဟွံဂွံဝေၚ်ပါဲကၠာ ဒှ်ဂၠုဲမာရဏ။
၄။ သှ်ေပန်တၚ်ကီု ညံၚ်ဗီုပ္ကဴဒကှ်၊ အသၟဝ်တၞၚ်ဍေံဂှ် သၞတ်ကၠုၚ်ဒှ်တၚ်၊ ဓဝ်ကဵုသၟဝ်ဏၚ် ရံၚ်တုဲညာတ်က္ဍၚ်ပြ၊ ဂွံဒုၚ်လာဘ်ပိုန်ဘိုက် ဍိုက်ဍေံဒှ်သုခ၊ မြာပိုန်လာဘ်လာဘ ကာလဗာ်စံက်၊ ဍေံဒိုအ်ဒိုဟ်ဗၟံက် ဌာန်တ္ၚဲမမံက်တိုန်။
၅။ သှ်ေမသုန်ယဝ်သဒှ် ဂၠုၚ်ဂှ်နွံတၚ်ပိ၊ ဂၠိုၚ်ကဵုပိုန်ဟာန်စိ ဒမၠိညးပူဇဴ၊ ဍိက်သ္ကံတြုံဗြဴ ကောန်ဂၠိုၚ်တဴမွဲချိုန်၊ ကာလညးဗာ်စံက် ဒိုဟ်ဗၟံက်ဍေံဒေါံဗိုန်၊ ဆုဂှ်မူလကွိုန် ဍေံတိုန်လ္တူတၟံ၊ ဆုဂှ်ကျာ်ဩဳလကံ ဂွံလာဘ်ဟွံလတ်ရ။
၆။ ယဝ်ရသှ်ေတရဴ တၚ်တရဴဍေံဒးဒှ်၊ ညံၚ်ဗီုပ္ကဴဒကှ် ကြဳဇှ်မြဟ်ထဝဳ၊ ခါဂှ်ပ္ဍဲစက်ကွဳ ဇိုၚ်နန်ကွဳဂှ်ရ၊ တၚ်ဂှ်ဒှ်ညံၚ်ထဝ် ညံၚ်ပ္ဍုန်လဝ်မတ်မြ၊ ဂၠုၚ်ဂှ်ကွဳဂှ်ရ တေဇဇၞော်အသဝ်၊ လပဂိုဟ်ဩန်ထဝ် ရာန်လဝ်မှတ်ဍိက်ညိ၊ ကာလဒေါံခိုဟ် ဗွဲဒိုဟ်သမၠုၚ်ကျာ၊ ဂၠုၚ်ကွဳသီုယာန်ၜါ ဂွံလာဘ်မြာပိုန်ဟာန်၊ ဂုဏ်ဍေံရိုဟ်ဟွံမာန် ပိုန်ဟာန်သတီုတိ၊ ဆုဝွံဆုမ္ၚဵု ဆဵုတုဲမှတ်ရာန်ညိ၊ ဍေံဗၠးဒုဟ်ဗယိ ဆညိပဟိုတ်မာဲ၊ မှတ်ရာန်လဝ်ရနာဲ ဒုဟ်ဩန်ပဂၠါဲရ။
၇။ ထပှ်ယဝ်သန်အာ အာစာတွံထ္ၜး၊ ဒိုဟ်ဇွိဗွဲမၚး ဟွံစိုပ်မွဲဂတာ၊ က္ဍိုပ်ဥုဲသၞေဝ်ဥုဲကၠာ ပါကၠုၚ်နူမူလ၊ ဇာတိဍေံဟွံခိုဟ် ဍေံဂြိုဟ်ကဵုတလ၊ ဂၠိုၚ်ကဵုသတြုရ ဂၠိုၚ်သၞဝေရဳ၊ မၞးတံရာန်ဂၠုၚ်ကွဳ သ္ၚေဝ်တုဲမှတ်ရာန်ညိ။
၈။ ခါဂှ်ဟွံသေၚ်ဗျာံ တၚ်ဒစာံဍေံယုတ်ဒေက်၊ ဍေံနွံတၟာမမြေက် ဍေံယုတ်ဒေက်ကွေံကြာန်၊ ဍေံကၠုတ်တိုန်ပ္ဍဲသုသာန် ပရာန်ဗစိုပ်သ္ၚိ၊ ဒှ်ပရိုက်ဥပ္ပဒ္ဒြဴ စိုတ်ကတဴဖိဖိ၊ ဒးဂွိုပ်ကွိုက်ဒမၠိ ဒဒိုက်ဂိကတာန်၊ မာတ်ၚုဟ်အောန်လပရာန် ဟွံဒးကဵုအဓါန်ကြဴရောၚ်။
အဓိပ္ပါယ်ကိုန်ဝွံတုန်
(ဂၠုၚ်ကဵုဒှ် ကွဳကဵုဒှ် ၜတ်ဇမၠိၚ်ဍေံကဵု ပါၚ်ဍေံတုဲ ပံၚ်ကၠေံ ပၟဝ်ကဵုပိ စကဵုထပှ်ရ)
သှ်ေ။ တၚ်ဍေံ။
၁။ --- တၚ် ၄ တၚ် ၈-ဟွံခိုဟ်။
၂။ --- တၚ် ၃ ပဗၞိက်ခိုဟ်။
၃။ --- တၚ် ၅ ဟွံခိုဟ်။
၄။ --- တၚ် ၄ ခမောံဒကှ်ဂွံလာဘ်။
၅။ --- တၚ် ၃ ဂွံပိုန်။
၆။ --- တၚ် ၆ နွံကြဳဇှ်။
၇။ --- က္ဍိုပ်ဥုဲသၞေဝ်ဥုဲဟွံခိုဟ်။
ဗီုၜတ်တၚ်ဂၠုၚ်ကွဳမွဲနဲပၠန်
[ပလေဝ်ဒါန် | ပလေဝ်ဒါန် တမ်ကၞက်]၁။ ဇမၠိၚ်ပါၚ်ဟတ်စိ ပိပၟဝ်ရ ဒစာံစသၟတ်၊ သှ်ေမွဲအဆတ် တၚ်ပန််သၟတ်သ္ဍာံ တၚ်ဒစာံဟေၚ်၊ သ္ကောဝ်ပၞုက်ဇုက် လီဍေံစိ ကဝပိရေၚ်၊ ဂၠုၚ်ဂှ်ဍိုက်ဟေၚ် ဒြပ်လေၚ်တိတ်အဵု ဒဵုဒးချိုတ်သၟတ်။
၂။ သှ်ေၜါမဂး ဂတဍေံဂွု ဗီုဂိတုသၟတ်၊ ပ္ဍဲက္ဍိုပ်အဆတ် တၚ်ပိသၟတ်ရေၚ် ဂၠုၚ်သၟိၚ်ဟေၚ်ရ၊ ယာံဍိုက်ဍေံစိ ပိုန်ဟာန်စိုပ်သ္ၚိ ဍိက်သ္ကံတိဗ္ၚ၊ သမ္တီဗိုန်ရ ကဝၜါကောံ ဒေါံပလိုတ်သၟတ်။
၃။ သှ်ေပိမ္ဂး ဒးမသုန်သၞာံ တၚ်ဒစာံဝိုတ်၊ နွံတၚ်ဂစိုတ် အိုတ်တၟံညး ယာံဒးဍိုက်ရ၊ ဂဂဵုဂတး ပန်ဗလးသၟတ် တူလေၚ်ဗတ်သၟ၊ ဂၠုၚ်ဂှ်တုန်ရ ပဍိုက်ခပ်သီ သမ္တီပဝိုတ်။
၄။ သှ်ေပန်မ္ဂး ပန်သၞောတ်ဒးတၚ် တွံတၚ်သၟိၚ်ရောၚ်၊ ဍိုက်ခိုဟ်ဇၟာပ်တောၚ် လမောၚ်ဟွံစိုပ် ဒြပ်ကသပ်မြာ၊ ဂွံကောန်ဂမာန် သ္ဍိုက်ဆာန်လောန်သန် နွံကုပညာ၊ ဂၠုၚ်ဂှ်တုန်ကၠာ ကာလဗာ်ပြောံ ဒေါံသၟဝ်ကျာရောၚ်။
၅။ သှ်ေမသုန်သၟတ် ပိသၞောတ်တၚ်နွံ နူတၞံဟွံယောၚ်၊ တၚ်တဴက္ဍိုပ်ရောၚ် ဍိုက်ဒှ်ညံၚ်သ္ဍဴ ညးပူဇဴရ၊ ဆုဂှ်တုန်အဵု တူတၞုၚ်ဍေဴလှဵု ကမဵုတဴဂျ၊ ၜံက်ဗာ်ဍေံရ ဟစောန်ပြဟ်ကောံ ဒေါံဗမံက်ရောၚ်။
၆။ သှ်ေတရဴသၟတ် တရဴသၞတ်ခၠၚ် တၚ်ဍေံဒၟံၚ်ရေၚ်၊ ခဍံတရေၚ် ဂၠုၚ်ဂှ်ဟေၚ်ဍိုက် သ္ဂေဟ်သိုက်ပြေၚ််ဂၠဴ၊ ဒဵုစိၚ်ချေံဟေၚ် ဒၟံၚ်တရေၚ်ကာန် ပိုန်ဟာန်ညံၚ်သ္ဍဴ၊ ကာလဗာ်အဴ ရဴထဝ်ထၜေါံ ဒေါံဗမံက်ရောၚ်။
၇။ သှ်ေထပှ်ကွေံ သၞေဝ်ဍေံတုန်ဂှ် ဥုဲအေၚ်ဒှ်သၟတ််၊ ဍေံဒွံပန်သၞတ် တၚ်ဍေံသၟတ်အဴ ညံၚ်ပ္ကဴဒကှ်၊ ဆုဂှ်တုန်အဵု ဍေံမံၚ်လှဵုဟာန် ဌာန်သုသာန်ဂှ်၊ ဍိုက်ဍေံချိုတ်ကှ် ဂၠုၚ်ဂှ်ဍေံဂြိုဟ် ဍိုက်ဟွံခိုဟ်သၟတ်၊ ဍေံသုန်အာသၟတ် ဒစာံသၞတ်ခၠၚ် တၚ်ဍေံဒွံထေက််၊ တမာမမြေက် ဍေံယုတ်ဒေက်က္ဍၚ် ဍိုက်ဍေံကၠၚ်ဗော်၊ တၚ်ရုပ်လကိုဟ် ဍိုက်ဟွံခိုဟ်သၟတ် တၚ်မတ်ကလော်၊ ဂၠုၚ်ဂှ်ဇနော် ဍိုက်ခြာဗော်ကွေံ ဍေံဟွံခိုဟ်ထေက်။
ကိုန်ရုဲတၚ်ဂၠုၚ်ကွဳမွဲနဲပၠန်
[ပလေဝ်ဒါန် | ပလေဝ်ဒါန် တမ်ကၞက်]ဂၠုၚ်မွဲတၚ်ဂှ် ပစှ်သၞောတ်တုဲ ရုဲစှ်ဂၠဟ်တၚ်၊ မွဲၜါခိုဟ်က္ဍၚ် ပိဍေံနၚ်ဂုဏ် ပန်မသုန်ချိုတ်၊ တရဴထပှ်ဂှ် ထံၚ်ထာဗျာံ ဒစာံဒြပ်အိုတ်၊ ဒစိတ်ပြဲသတိုတ် အိုဿီုစှ်ဂှ် ဒယှ်ကၠံၚ်တဴ။
ကိုန်လၟေၚ်တၚ်ဂၠုၚ်
[ပလေဝ်ဒါန် | ပလေဝ်ဒါန် တမ်ကၞက်]လၟေၚ်တၚ်ဂၠုၚ်ဂှ် အာစာတွံလဝ် နူကဝ်အဒိ၊ ဂုဏ်ဒုဟ်နွံစိ ဒယိတံဂှ် အာစာတွံရောၚ်၊ နူက္ဍိုပ်တဝ်ကၠုၚ် တဝ်ဂၠုၚ်စှ်သၟတ်ဟွံဆောတ်လဝ်ကိုန်၊ သမ္တီကဵုဗိုန် ပိုန်ယဿ ဂွံစသိုၚ်ရောၚ်။
ကိုန်ဖ္ဍုန်ရတ် ပ္ဍဲဂၠုၚ်
[ပလေဝ်ဒါန် | ပလေဝ်ဒါန် တမ်ကၞက်]မၞိဟ်က္ဍိုပ်တုန် ဗိုန်ဖ္ဍုန်သၞေဝ်ကၠာ နဳလာဟံၚ်သတုံ၊ ဟံၚ်ဇွိအလုံ စောံမြသာ်ဖြာ ဇာတာဗဂဲ၊ သီုရတ်မသုန် ယဝ်ရဖ္ဍုန်ဒး ပိုန်ညံၚ်လျးတ္ၚဲ၊ ပိုန်ဟာန်ဇၞော်ပြဲ ဇောတိက ယဿစဴကောံ။
ဗီုဂွံဗ္စဗဴမိန်ဂၠုၚ်
[ပလေဝ်ဒါန် | ပလေဝ်ဒါန် တမ်ကၞက်]ဗ္စဗဴမိန်ဂၠုၚ် ဟီုပ္ညုၚ်မွဲတောၚ်၊ ဝန္ဒေတွာ အာစာရိယံ၊ သဗ္ဗအန္တရာယာ ဝိနာသနံ၊ သဗ္ဗကိစ္စံ ကတ္တဗ္ဗံဟေတု၊ ဗုဒ္ဓဂုဏော ဓမ္မဂုဏော၊ သံဃရုဏော မာတာပိတုဂုဏော၊ ဒိတ္ထဳစန္ဒြာ သဗ္ဗကိစ္စံ၊ ကတ္တဗ္ဗံဟောတု။
(ပ္တိုန်ခါန်အာစာ ပိလ္တုန်တုဲ သာ်ဝွံဟီု)
။ ။ စိုပ်ဂုဏ်ကျာ်ဓဝ်သၚ် မြေၚ်ၝောံကိုဋ်လိုက်ဗာ၊ ဖဵုအဲယိုက်လဝ်တုန် ဂုဏ်ကျာ်ဇၞးမာ၊ စရိစရဲစှ်လ္ၚီလက်ကိုဋ် ကဵုအိုတ်လၚ်ဂတာ၊ ကမ္မကဵုစိ သီုပိစှော်ၜါ၊ စိုပ်ဂုဏ်ဒေဝတဴဆု ယၟုအက္ခရာ၊ နာတ်ဗဳလာ နာတ်စမ္ပာ၊ ဂွံပိုၚ်ခြာ ဒၟံၚ်ပ္ဍဲလိုက်၊ နာတ်ၜါနွံတသိုက်၊ ဗဴမိန်ဂွံတိက်သၠိၚ်၊ နာတ်ဗဳလာ ဂွံမိၚ်ပရိုၚ် ကောန်သၟိၚ်ၜါ ပ္ဍဲဂြိုပ်ဆုကၠာ၊ ဂွံပိုၚ်ခြာဇၟာပ်တၞံဆု နာတ်ဗဳလာကြီုလဒု၊ ဇၟာပ်ဆုဂၠါဲဗက်အာ၊ ဆဵုဒးဗဴမိန်ထဝ်ကၠာ၊ ညးၜါဂဵုမြဟ် ညံၚ်အတှ်ထဝ်ဟွံက၊ ဗြဴၜါတြုံမွဲစိ ညးပိဒှ်အာမွဲဘာဂ၊ ဂွံပိုန်ဇၟာပ်ဂၠုၚ်က္ၜၚ်ရ ဒၞါဲအာညးကော်ညံၚ်ၚ်၊ ဇၟာပ်ဂၠံၚ်ဍုၚ်ကွာန်ရ ဂၠုၚ်တၚ်လှဴဂါယာန်၊ ဒၞါဲအာကော်ဆာန်ဂၠေါဲ အ္စာဒစိတ်စှော်ဒစိတ်ပြဲ၊ ပ္ဍဲတ္ၚဲဝွံစိ က္ညကၠုၚ်သီုဒေဝတဴပိ၊ ညံၚ်ကၠုၚ်ပိုဲသာတ်ဗ္စ ယိုဟ်ကွာၚ်ပိခန်ရ၊ ဇၟာပ်ဖျုန်ကကၠာ ဗဴမိန်တလတက်၊ ဆက်ကၠုၚ်နူတမၠာ ချူချူကဵုသာ၊ တံၚ်ယာ-ယာကဵုစ ဂိုၚ်ကၠေံတၟံလ္တ၊ သဗ္ဗဇၟာပ်ပ်စွံ အမာဲကဖျုန်အဵု၊ သီုကဵုဖျုန်ကလောံ ယိုဟ်ကွာၚ်ဗြာတ်က္ၜဴသွံ၊ ပိုဲပ္တိတ်စွံလဝ်ကၠာ ဗြာတ်ဂးသတ်ဗြဴထ္ၜောံ၊ ကွာၚ်မၞုံကုရှ်သာ ဂစေံစၠန်ဓုပ်သ္ဍဴ၊ ဥုပ်တဴပၠးဂၠးကၠာ ဂၞိန်ပါန်ယာတ်ဍောတ်သာ၊ စာံဂရးသီုကဵုဒ္ၚောဝ် မုဲထပူကယျံၚ်တုန်အဴ၊ ပၞုတ်ဗၞာ်နွံတဴသီုဖအိုတ် ဒၞါဲအာကဵုဒှ်ညံၚ်စိုတ်၊ ပလိုတ်ကၠေံယဲဘဲ ယွံဒေဝတဴဆုပြဲ၊ မၚ်မွဲလဝ်ညိရလေဝ်အဴ။
။ ။ ကဵုသိုက်ဘိုက်သီုကောန်စဴ ရဴဇောတိကသေဌဳ၊ တၚ်မွဲတၚ်ၜါပ္ညဳ တၚ်ပိညဳခါဂှ်၊ တၚ်ပန်မသုန်သၟတ် တၚ်ထပှ်သီုတၚ်တရဴ၊ တၚ်ဒစာံဒစိတ်အဴ ရဴဝွံဒဵုစိုပ်စှ်၊ ပိုဲသာတ်ဗ္စဂှ် ကဵုဂဵုမြဟ်ညိရလေဝ်အဴ။
။ ။ သကေံဂဍာ်ယဝ်နွံပ္ညဳ ကဵုညဳသာ၊ ညံၚ်ပၞာၚ်သ္ဍဴပၞုက် သ္ကောဝ်သၞေဝ်အုဲရ၊ တြုံဗြဴသီုဂမဳ ကမၠတ်ဒမၠ၊ မၞိဟ်အလဇ္ဇဳကဵုဒး ဖျေံက္ဍိုပ်ဒဵုတိ၊ မၞိဟ်သၟဝ်ကဵုမြိ ဒတ္ထဳကဵုစ္ဍးဒဴ၊ ဍိက်သ္ကံသီုပြေၚ်ဂၠဴ ကောန်စဴကဵုသိုက်ဂၠိ၊ ဗၞိက်ပိုဲပ္ဍိုက်ဏာဂှ် သၟဟ်ကဵုမိမ၊ ကာန်ဍာ်သီုဗေဒၚ် ပိုဲက္ညနၚ်သီုညးပိ၊ ယွံဒေဝတဴဆုပိ ကၠုၚ်ဗိုၚ်ဖျိုက် တလဂၠုၚ်ညိရလေဝ်အဴ။
ကိုန်လက်သတ်ဍုန်ပ္ဍဲမၞိဟ်
[ပလေဝ်ဒါန် | ပလေဝ်ဒါန် တမ်ကၞက်]၁။ လၟေၚ်လက်သတ် သၟတ်ဒှ်မၞိဟ်ကၠာ အာစာတွံအိုတ်၊ လၟေၚ်ကာဗိုတ် ဟွံပိုတ်ဆတ္တဝ်် ဇန်လဝ်ဒဝိုၚ်၊ လၟေၚ်လက်သတ် ကၞောတ်ဝေါဟာ ဍုန်ဂတာဇိုၚ်၊ ဒှ်သၟိၚ်ဗဝိုၚ် ကျိုၚ်ကျဝ်အိုတ်အာဲ ရာၚ်ဆာဲဒဵုချိုတ်။
၂။ ကုမာရ က္တဵုဒှ်မၞိဟ်ကၠာ တိတ်နူကာဗိုတ်၊ ဒၞေၚ်မတ်ၜါအိုတ် ဟွံပိုတ်ဍုန်မံၚ် ဒှ်သဂံၚ်ဇၞော််၊ ဇိပ်ကၠိပ်သိပ်သေဝ် တေဝ်ကြေဝ်တန်ကြန် ဂၠိုၚ်သန်ကၠၚ်ဗော််၊ စိုတ်လေဝ်သော်ရော် ဇၞော်သန်နညာဏ် လေပ်ဆာန်ညးအိုတ်။
၃။ ဗၠးနူဂေါဝ်ဂၠံၚ် ကုသဵုတၞံပြေၚ် စဳရေၚ်လဝ်အိုတ်၊ လက်သတ်ဍုန်သိုတ် ဟွံပိုတ်ဍုန်သၟတ် သမတ်သနှဴ၊ လေပ်ဟီုဇီုက္ဍၚ် ပညာလၚ်သကာ ဝေါဟာကြက်လှဴ၊ ဒှ်သဏာဲဒဴ လေပ်ဆဴလဴညး ဇၞးညးဖအိုတ်။
၄။ ပူဂဵုမွဲတုန် လက်သတ်ဍုန်စး ဒးဒဒိုက်စိုတ်၊ ဒၞါဲအာကၠောန်ၜိုတ် ညံၚ်စိုတ်ဟွံဒှ် ပှ်လှ်စာ်ခြာ၊ ကုသဵုပိုန်အောန် ပဋိသန္ဓိ နကြိလုတ်အာ၊ ပ္ဍဲဂၞဴယုတ်မာ ပါဒဒိုက်သွံ ဟွံဂွံအဵုဇိုတ်။
၅။ လက်သတ်ဍုန်တှ် အာစာတွံဂၠါဲ ရာသဳဇၞော်အိုတ်၊ တိုၚ်ဒတုဲစိုတ် စရိုတ်သမ္ဘာ ခါဂှ်သ္ဍိုက်လောန်၊ နွံကဵုပိုန်ဘိုက် ဆိုက်ဗဒက်သၟတ် ဇၟာပ်ကွတ်စိစောန်၊ သဏာမတ်လောန် စိုတ်ဟွံစောန်ဂၠိ သ္ဍိုက်ရတ်ပိအိုတ်။
၆။ ယြဴညးမွဲ တဏးတဲဍုန် နွံဂုဏ်ပြဲသတိုတ်၊ ဇၞော်စိုတ်စရိုတ် ဟွံပိုတ်သဒ္ဓါ စာဂသလး၊ လေပ်စဳကၠးခၠၚ် မၚ်သဳမသုန် လေပ်ခၠေဝ်ဂုဏ်ညး၊ ဂမဳဗမၞး ထိုၚ်သးရဴဂဴ ပူဇဴဟွံပိုတ်။
၇။ ကံတဲလက်သတ် ကၞတ်ဝေါဟာ ဟွံပါဍုန်သိုတ်၊ ဂုဏ်ညးနွံအိုတ် လဖှ်ဂိုတ်နၚ် ဒးခၠေဝ်ရိုဟ်တ္ၚဲ၊ သော်ရော်ကၠၚ်ဟဳ ဂမဳသၚ်သ္ဍိုက် ဒိုက်ကၞတ်တဲ၊ သမ္တီညးအဲ ကံတဲယဝ်ဍုန် ဂုဏ်ဟွံမွဲအိုတ်။
၈။ သပါဂၞဴဍုန် ဇၞော်ဂုဏ်ပညာ ပြာကတ်ဟွံပိုတ်၊ လေပ်တော်ဂြၚ်ဂိုတ် ဟိုတ်ဇိပ်ဂၠိပ်သၟတ် ထဝ်ဩန်တေဇ၊ ဂွံမြိမြန်ရော ကလောကၠၚ်ဗော် ရော်ဂုဏ်မိမ၊ ဗွဲဒိုဟ်ဂတ ပပိုန်ဇကု ဒဵုကဵုဗျုချိုတ်။
၉။ ဍုန်ဇဵုမုဟ်ကၞေၚ် ဩောံသ္ၚုပြေၚ်ဂၠဴ နွံတဴဟွံပိုတ်၊ ၜိုတ်စိုတ်စရိုတ် အာစာဂိုဟ်ရောၚ် ညိဟွံယောၚ်ခၠန်၊ ဟကၠၚ်ကဵုဍိက် ဗနိက်ဩန်ထဝ် ဗဝဝ်ဂၠိုၚ်သန်၊ ထပှ်လက်သန် တန်သၟဝ်တြုံဗြဴ ချပ်တဴပ္ဍဲစိုတ်။
၁၀။ လက်သတ်မွဲဂှ် ဒှ်ပ္ဍဲက္ဍိုပ်ကၠာ တိတ်နူကာဗိုတ်၊ ဂွံပိုန်ဒဵုချိုတ် ဒှ်ၝောံကိုဋ်ညး ဇၞော်ကၠးကြဳဇှ်၊ ဂွံဍိုက်ချေံစိၚ် သမၞိၚ်ယဿ တလကြဳဇှ်၊ စာဩက်ဒယှ် ဒှ်ဟွံဆောတ်မှာ အာစာတော်ဂိုတ်။
၁၁။ လက်သတ်ဍုန်က္ၜံၚ် ထနံၚ်ထနဴ ဗြဴဟွံခိုဟ်သတိုတ်၊ ဂၠိုၚ်တဴစရိုတ် ဟွံပိုတ်မာန်စံၚ် ရမျာၚ်ကြံၚ်ဍုဟ်၊ ထမုၚ်ထလန် ဓဇန်ဟာသဳ စမဳစတြုံ၊ တီတုဲဂုဏ်ဒုဟ် ဗြဴမလုဟ်စာ လပအာအိုတ်။
၁၂။ အာစာဟီုပ္ညုၚ် ကၠုၚ်ပ္ဍဲဗေဒၚ်် ပ္ဍဲသၚ်သကြိုတ်၊ ဍုၚ်ဥုရကိုတ်် ဟွံပိုတ်အာဂှ် ဗြဴဂျ်ဇၞော်ပြဲ၊ တိုန်ဒှ်နၚ်စၚ် ဝၚ်ဨကရာဇ် ပပြာသာဒ်ဇာသဲ၊ ဂွံကျိုၚ်ကျဝ်ဖဲ ပ္ဍဲနန်တသိုက် ဟွံဂွံဒိုက်စိုတ်။
၁၃။ လအိတ်လက်သတ် ပတ်ဩးဍုန်သွံ ဟွံဒးကၠောန်ၜိုတ်၊ ပိုန်ဇၞော်ကၠးသတိုတ် စိုတ်စရိုတ်ၜိုဟ် အာစာဒိုဟ်လဝ်၊ ဂွံဂဇံလဝ် အခဝ်သေသာတ် အာစာကၞာတ်ဓဝ်၊ ဂွံလက်သတ်ကျဝ် ဍုန်ဓဝ်ပဩး ဟွံဒးဍောၚ်စိုတ်။
၁၄။ ဍုန်ပ္ဍဲကၞၚ်ကံ ညာဏ်ဇၞော်ဇၟံကၟန် ဆန်ပ္ဍဲကာဗိုတ်၊ လေပ်တော်ဆဂိုတ် စိုတ်သော်ရော်ပ္ညဳ ညဳပ္ဍဲကယှ်၊ လက်သတ်ဝွံမာ အာဒှ်နာဲဂၠုၚ် အာစာပ္ညုၚ်တွံ၊ ပ္ဍဲကိုန်ကယှ် တဝှ်ဝွံမာ သာဓာဖအိုတ်။
၁၅။ အာစာတွံသၟတ် လက်သတ်ပ္ဍဲပါၚ် ဒှ်သာၚ်ပ္ဍဲလိုက်၊ လေပ်ဟီုညးသ္ဍိုက် အလိုက်ဝေါဟာ တီလအာညိ၊ ကိုန်ဟောရာကၞာတ် ပါတ်ဂါထာကိုန် ကိုန်စိုတ်ဒမၠိ၊ လက်သတ်ဝွံစိ ဒမၠိဒှ်ကီု ဟီုညးဒးသ္ဍိုက်။
၁၆။ ပ္ဍဲဒဳလက်သတ် ယဝ်နွံသၟတ်ဒှ် ဒှ်ကမၠောန်သၟိၚ်၊ တဴညာတ်ဟွံသၠိၚ် ဗၠာဲဝိဝိၚ်အိုတ် စရိုတ်သာဓာ၊ ဍုန်တဲၜါဂှ် ဗြဴဒှ်ဂၞကျာ် လမာ်ပြာထာ၊ ဍုန်ပ္ဍဲဩိုဟ်ကၠာ ခိုဟ်အာအဆတ် စိုပ်ကၞောတ်ဗျိၚ်။
၁၇။ လက်သတ်မွဲတုန် ဍုန်ထမိက်ကၠာ ကြဳဇှ်ပြာကတ်၊ ဍုန်ဂတိုပ်မတ် ကၠတ်ကောန်သမ္ဘာ ဖအာပွမုတ်၊ ဍုန်မုဟ်ကၞေၚ်အဴ ပ္ကဴဩဴဂၠိုၚ်သ္အး ဒးဂၞပ်ဟွံဖုတ်၊ ဍုန််သ္ၚိကဴခုတ် လုတ်ကၟာဲမွဲဂၠး အာစာဂးသၟတ်။
၁၈။ ဍုန်စဏောန်တဲ စိုတ်မပြဲကၠာ ပညာဇၞော်ရ၊ ပၞောဝ်မတ်စိၚ်ပၠ ဒေသမွဲမွဲ ပ္ဍဲဂှ်ဍုန်ကၠာ၊ ဇိပ်ဂၠိပ်ကဏောတ် ထဝ်ဩန်ပြေၚ်ဂၠဴ နွံတဴဟွံမှာ၊ တမတ်ထနဴကၠာ ခါမဍုန်အဴ သၞာဲဒဴရ။
၁၉။ လက်သတ်မွဲဂှ် သ္ဇိုၚ်ဒှ်လအိတ် မိတ်မွဲၜါအိုတ်၊ ထနိၚ်ဍုန်သိုတ် စရိုတ်ပြဲသာ် ဒှ်ကျာ်ဩဳသၟိၚ်၊ ပိုန်ဂကူရုပ် ပိဝွံတုပ်သၟဟ် မဒှ်လဟိၚ်၊ ဒေါဝ်နန်ဇမၠိၚ် ဂကောံသၟိၚ်ဗၠာဲ ရာၚ်ဆာဲဒဵုချိုတ််။
၂၀။ ပါၚ်ကဏက်ဍုန် နွံဂုဏ်ဇာသဲ ပြဲသုစရိုတ်၊ လောဘစာသိုတ် ဒိုက်စိုတ်သဒ္ဓါ ဟွံဝေၚ်ကာလ၊ ရိုဟ်တ္ၚဲဟွံသ္ဂုတ် ဂၠါဲဖုတ်လမျီု သၟတ်ကဵုလၟ၊ သွက်ဘဲဂတ ဟွံပကုသဵု ဟွံဝေၚ်ဖဵုအိုတ်။
၂၁။ လက်သတ်မွဲဂှ် က္တဵုဒှ်ပ္ဍဲဗြဴ တဴသကဲအိုတ်၊ ပြဲသုစရိုတ် စိုတ်လေဝ်လှဲလး သလ:ဝတ္ထု၊ တွဵုကွေတ်ဇၞော်သန် ဇၟာပ်တန်နိဿဲ တန်ဗွဲဇကု၊ လွဳတဴစဏု ဒဵုကဵုဗျုဟေၚ် ပြေၚ်သုစရိုတ်။
- ဗိုရုပ်လက်သတ်
( လက်သတ်ဍုန်ဂှ် ဒှ်ရုပ်မြာ်ထဝ် ကျိုၚ်ကျဝ်စိုပ်ကၞောတ်၊ ရုပ်တ္ၚေက်ဒှ်လက်သတ် ညးဆာန််လောန််ဗၞတ်ကၠာ ဒှ်သ္ဍိုက်ဂမဳသေၚ်ဟာ နက်သတ်အာစာသာ်ပြဲ )
ရုပ်ကြေဲဍုန်မွဲတဲ ----- ဇၞော်ပြဲဒှ်နာဲဂၠုၚ်။
ရုပ်စာၚ်မမံက်သ္ဇုၚ် --- က္တဵုဒှ်သၟိၚ်ဍုၚ်ကၠာ။
ရုပ်ကလိၚ်မွဲမာ ----- အာဒှ်ဒကိုပ်က္ၜၚ်။
ရုပ်ကၠမပြဲက္ဍၚ် ------ တူပၞၚ်ဂဇံသိုတ်။
ညံၚ်နာဲသာရီပိုတ် ---- အိုတ်ညးဟွံဂံၚ်ပ္ကာန််။
ပ္ဍဲပါၚ်တလၚ်ဗိုတ် ---- ဇာဒိသိုၚ်ၜိုတ်နၚ်။
ဂွံမံၚ်လ္တူပၞၚ် -------- ဂြၚ်ဓဝ်ရော်ဂုဏ်မိ။
ဂွံဒလာဲဇြဲဗောဓိ ------ ပိဋကတ်ဂွံတွံရောၚ်။
ကိုန်တန်အာယုက် တန်နက်သတ်တၞဟ်တၞဟ်
[ပလေဝ်ဒါန် | ပလေဝ်ဒါန် တမ်ကၞက်]အာယုက်တန်တုဲ ဟုဲကဵုဓါတတ်ပန် ဒစာံဗ္ဂန်၊ သှ်ေမွဲဟေၚ်ရ ပွပ္ဍဲသ္ၚိ ၜါဂြိုပ်မ္ၚးသ္ၚိ၊ ပိဂှ်အနဳ အဿမုက္ခဳ ပန်ပ္ညဳလဝ်ဝဲ၊ မသုန််မွဲတဲ ပ္ဍဲဂှ်လအိတ် မိတ်တမၠာပ၊ တရဴသှ်ေရ မၞးမဒှ်ထဲ ဆီပ္ဍဲဇကု၊ ထပှ်သှ်ေဝွံ ပ္ဍဲဇကုမၞး ဂြိုဟ်မဂးကဵု။
မွဲနဲတုန်။ ။ အာယုက်တန်လဝ် ပၟဝ်ကဵုတရဴ ကြဴစစှ်ၜါ၊ ဗြဴဗတိစန္ဒြာ ဗုဒ္ဓဝါသိုက် ဇိုက်ဂွံကိုန်တိတ်၊ ဂမဳဂွံဘာ ခရှ်မြာဍုၚ် စိၚ်ဂၠုၚ််လအိတ်၊ တြုံဗြဴဂွံမိတ်် ကိုန်တိတ်ဗိုန်က္ညန် ဂကန်အာစာ၊ အဒိုတ်အၚာ သ္ရိသဝ်သေၚ်ဟာ အာစာဟီုပၠ၊ ဒးဘဲကၟီကၠ သ္ၚိတူရသွံ ဒြပ်ညးဂွံဏာ၊ တသိၚ်ညးစုတ် ဒှ်လဟုတ်ဒြပ် အရပ်အရာ၊ ဟသေၚ်ကၟာဲကၠာ ကောန်သမ္ဘာချိုတ် လပဝိုတ်ညိ။
မွဲနဲတုန်။ ။ အာယုက်တိတ်တန် ဟုဲဗ္ဂပ်တ္ၚဲဓဝ် ပမဝ်စန္ဒြ၊ ထပှ်ယိုက်စ နာံတ္ၚဲမတိတ် လအိတ်မဒှ်၊ ဂွံကွာန််ဂွံဍုၚ် ဒုၚ်ယၟုဗာံ စာဗာန်သ္ဍာံဂှ်၊ ဂမဳယဝ်ဒှ် ဘာထဝ်မြဟ်ပၠန် ပစ္စယ်ပန်ရ။
မွဲနဲတုန်။ ။ သက္ကရာဇ်ဒဒှ် ဣၚုဟ်တိတ်ပၠန် ပန်ပမဝ်ဂၠိ၊ ဟုဲဂိတုစိ ပိပမဝ်ရ လပကဵုမှာ၊ ဟုဲတ္ၚဲဒဒှ် စကုထပှ် တွံကဵုညးကၠာ၊ ဒိုက်သိုက်ဂးမာ ဇာတာညးကီု ၜိုတ်ဟီုကဵုညိ၊ မွဲဗာ်ဂၠုၚ်အှော် ၜါဂှ်တဵုလွဳ ပိတခဳညန်၊ ပန်ဗနိက်တုန် မသုန်ပၠန်ရ ခစနာဲစာ၊ တရဴသေၚ်ဟာ ဍိက်သကံပြေၚ်ဂၠဴ ညံၚ်ဒဴဗညာ၊ ယဝ်ရသုန်အာ ဒှ်အာစာညး ထိုၚ်သးဒိုဟ်စှ်။
မွဲနဲတုန်။ ။ သက္ကရာဇ်ဒဒှ် စှ်ၜါပမဝ်၊ ဂိတုဟုဲလဝ် ပမဝ်ပိစှော်၊ ဒိတ္ထဳဟုဲပြဟ် ထပှ်ယိုက်စ၊ ဆမသှ်ေရ တွံကဵုလပမှာ၊ သှ်ေမွဲသိုက်ကၠာ ၜါသှ်ေဒှ်ယဲ၊ ယဝ်ရသှ်ေပိ ဣဓိလောန်တဲ၊ ပန်ဒးကၠေံသ္ကန် မသုန်ဒးဘဲ၊ တရဴခိုဟ်တုန် သုန်အာမွဲတဲ၊ ဒယှ်ကမြဴ ပူဇဴရိုဟ်တ္ၚဲ၊ တိုၚ်တၚ်နဲ ပ္ဍဲကိုန်အာစာ၊ လာဘ်လတူပၠန် တိတ်တန်မွဲဝါ၊ ပမဝ်ၜါဂၠိ စကုပိကၠာ၊ သှ်ေမွဲဗဳသ္ကဝ် ယဝ်သုန်ဟောရာ၊ ယဝ်ရသှ်ေၜါ ဒကာစဴဒး၊ ဟွံခိုဟ်မ္ဂး ပၞောဝ်ပိဒးမွဲ၊ ယဝ်ရခိုဟ်ပြဲ မွဲဟွံဒရိတ်၊ အာစာတွံပ္တိတ် လအိတ်က္ဍၚ်သန်။
မွဲနဲတုန်။ ။ အာယုက်တိတ်တန် ပပန်တပ်ဟေၚ် စွံတရေၚ်ဂ္ညိ၊ ပထဝဳစိ နကြိၜါစှော် တေဇာဂှ်ပန်၊ အာပေါစှ်ၜါ ဝါယောတရဴ သီုဖအိုတ်နှဴပၠန်၊ ကဵုပန်စဗ္ဂန် သုန်ပၠန်ဓါတ်ပြဵု ညာတ်ဟီုကဵုညိ၊ ပထဝဳဓါတ် ယဝ်ညာတ်လီုရ ကဗလးညိ၊ တေဇောဓါတ်စိ ဒမၠိရဴဂဴ ပူဇဴကျာ်ပၠ၊ အာပေါလီုအဵု ပုၚ်ကွာၚ်ကဵုဒါန် မှာဒေဝါန်ရ၊ ဝါယောလီုရ ပဝလှောဲဂြိုဟ် ဂှ်ရောၚ်ခိုဟ်ညိ။
မွဲနဲတုန်။ ။ အာယုက်ပိထပ် ဗ္ဂပ်ပမဝ်အာ၊ ကြေန်စာပဉ္စ လတူသတ္တ၊ ဒေါဝ်အဌအဴ သၟဝ်နဴစသိုၚ်၊ သုန်တူဒဲက္ဍိုပ် သုန်ဒေါဝ်ဗလိုပ်၊ သုန်သၟဝ်တံဇိုၚ် သီုပိသုန်ပြိုၚ် ဂျိိုၚ်တဴလ္ပလွဳ။
မွဲနဲတုန်။ ။ ညးသဇိုၚ်ဂဝ် ယဝ်သၟိက်တီတုဲ ပ္ဍဲဂှ်သဘဴ၊ တတန်ဂိတုအဴ မသုန်နှဴစုတ် တော်တၜုတ်လဝ်၊ စကုထပှ် ဆမသှ်ေဂှ် ဒှ်တ္ၚဲတန်ဂဝ်၊ သီတန်ဂိုၚ်လဝ်၊ အခဝ်ဗေဒၚ် ဂမြၚ်တ္ၚဲကြဴ။
မွဲနဲတုန်။ ။ မူယရဴတ္ၚဲ ကိုန်နဲလမော် သာ်ဝွံပျးဂုဏ်၊ ပ္တိတ်အာယုက်တန် ဟုဲမသုန်ဓဝ် ပ္ဍုန်လဝ်သဘဴ၊ ကြဴပိုၚ်ခြာအဴ စတဴထပှ် တွံကဵုပမှာ၊ သၟေဟ်မစဂှ် ဒှ်တ္ၚဲဍေံဟေၚ် တွံကဵုသေၚ်ဟာ၊ ပညပ်အာစာ ဝေါဟာဆန္ဒ သှ်ကဵုရနာဲ။
မွဲနဲတုန်။ ။ ဂိတုဇာတိ မိမတန်ဂဝ် မၞးတန်လဝ်မွဲ၊ တိုၚ်တရဴနဲ ပဆိပ်လှောဲစိ အာယုက်ပိဟုဲ၊ ၜါဟေၚ်ယိုက်စ သှ်ေမွဲတြုံရ မူလဒတုဲ၊ သုန်အာဒှ်တၟုဲ တုဲဒှ်ကောန်ဗြဴ တိုၚ်သဘဴနဲ။
မွဲနဲတုန်။ ။ တန်သက္ကရာဇ် ကၞာတ်စမသုန် ဖ္ဍုန်ကိုန်အာစာ၊ မွဲဇမိက်ကၠာ ၜါဗနိက်စိ ပိဂမဳဂ္ညိ၊ ပန်ရာသဳစိ သုန်အာညိဂှ် ဒှ်အာစာသၟိၚ်။
မွဲနဲတုန်။ ။ အာယုက်တန်ပြဟ် ထပှ်စရ လပကဵုမှာ၊ မွဲဍိက်စာ်ခြာ ၜါဂွံလာဘ်စိ ပိဘဲကမၠတ်၊ ယဝ်သှ်ေပန်ပ္ကာန် ဂွံဌာန်ဒၟံၚ် ညံၚ်သေဌဳသၟတ်၊ မသုန်တုန်သွံ ဒးထောံဒမံၚ် မွဲဂၠံၚ်အဆတ်၊ တရဴတုန်သၟတ် ဟွံဆောတ်ဂွံသ္အး ကုညးမပြဲ။
မွဲနဲတုန်။ ။ နက်သတ်တြုံပၠန် တန်လဝ်ဒမၠိ ကဵုပိစအာ၊ နက်သတ်ဗြဴကၠာ ခါဂှ်တိတ်တန် စပၠန်ဗွဲကြဴ၊ သှ်ေမွဲမၞိဟ်တုန် သုန်အာလကိုဟ်ကၠာ ၜါဒေဝတဴ၊ နက်သတ်ဝွံအဴ တြုံကဵုဗြဴဟေၚ် မှတ်စဳရေၚ်ညိ၊ မၞိဟ်ကဵုမၞိဟ်ဟေၚ် ဒှ်မၞိဟ်သေၚ်ဟာ အာစာဂကန်၊ မၞိဟ်လကိုဟ််ပၠန် ဟတန်ဒက်မိတ် ပါၚ်သိတ်အာစာ၊ မၞိဟ်ဒေဝတဴ သှ်ပ္ကဴမိတ်ဟေၚ်် ခိုဟ်သန်သေၚ်ဟာ၊ ဍေံကဵုဍေံမာ ခါရဒက်မိတ် ပြဲလအိတ်သန်။
မွဲနဲတုန်။ ။ တ္ၚဲတြုံတ္ၚဲဗြဴ နှဴပမွဲတုဲ ဟုဲပိစှော်ပန်၊ ထပှ်စဗဂန် သုန်အာသ္ကန်ပၠိုတ် ကိုန်ဂစိုတ်ရောၚ်၊ သှ်ေမွဲသှ်ေၜါ စာ်ခြာလ္ၚဟ်ပိပှ်လှ်သၟတ်၊ ပန်မသုန်သၟတ် တရဴဆတ္တဝ် ပိုန်ဇၞော်မောဝ်ပၠန်။
မွဲနဲတုန်။ ။ ချူရုပ်တုန်ရ မနုဿကၠာ ပမှာတန်လဝ်၊ တ္ၚဲဗြဴဆတ္တဝ် တူက္ဍိုပ်ရုပ်ထဝ် တုဲအခဝ်ရိုဟ်အာ၊ တ္ၚဲတြုံကဵုဗြဴ ရဴပဒတုံ ပ္ဍဲဘုံဇာတာ၊ ဒိုက်သိုက်ဂးမာ ပ္ဍဲဇာတာဂှ် ဟီုတွံကဵုဓဝ်၊ တ္ၚဲတြုံဗြဴယဵု သေက်ဇဵုဒှ်အောန် ဒြပ်တန်ကောန်ထ္ၜက်၊ တဲပုၚ်ဇိုၚ်သၟတ် ဆဗၞတ်ကီုရ စဟွံဒးဂွိၚ်၊ အၚ်္ဂလီုစိုတ် ဒိုက်စိုတ်ဂိလောန် ဇိုၚ်ပါဲဒဏ်သၟိၚ်၊ တဲပါဲလဗိၚ် ဒှ်သၟိၚ််ဟွံဆောတ် ပဒၟသေဌဳ။
(က) ကိုန်ကွာ်တရဴ
[ပလေဝ်ဒါန် | ပလေဝ်ဒါန် တမ်ကၞက်]မွဲနဲတုန်။ ။ တရဴဂှ်သွံ ယဝ်သၟိက်ဂွံအာ၊ တ္ၚဲအဒိုတ်ဂှ် တန်လဝ်ၜါ၊ စှ်ပိတန်သ္ကဲ တ္ၚဲစန်သေၚ်ဟာ၊ အၚာစှ်ပန် လက်သန်ပမာ၊ ဗုဒ္ဓစှ်ပန် ကဵုတန်လဝ်ကၠာ၊ ဗြဴဗတိဂှ် စှ်ထပှ်မာ၊ သိုက်ၜါစှော်မွဲ ဗဗွဲမသွာ၊ သ္ၚိသဝ်ၜါစှော် သာ်ဂှ်တုန်ကၠာ၊ ပယျာံအခါ ကာလသ္အာဂှ်၊ ဟုဲနှဴစုတ်ပြဟ် ကဵုထပှ်စ၊ သှ်ေမွဲဒိုက်ရ လာဘတသိုက်၊ သှ်ေၜါမဂး အာဒးဒဒိုက်၊ သှ်ေပိခိုဟ်ပြဟ် ဒယှ်တသိုက်၊ သှ်ေပန်ဒးဝပ် အိုတ်ဒြပ်လေၚ်ဒိုက်၊ သှ်ေမသုန်ဗျာံ ဂွံလာဘ်ဓဇိုက်၊ သှ်ေတရဴသိုက် ပိုန်ဘိုက်မပြဲ၊ သုန်အာမဂး အာဒးဒိုက်ယဲ၊ နဲဝွံတမၠာ အာစာဟီုသ္ကဲ၊ တော်ဆရံၚ်မွဲ ဂွံအာပြဲရောၚ်။
(ခ) ကိုန်ကွာ်တရဴမွဲနဲပၠန်
[ပလေဝ်ဒါန် | ပလေဝ်ဒါန် တမ်ကၞက်]မွဲနဲပၠန်။ ။ အာယုက်တန်တုဲ ဟုဲကဵုဒိုဟ်မအာ စကၠာအဌ၊ သှ်ေဂှ်ခိုဟ်ရ သုန်အာရဒှ် ဒိုဟ်ဂှ်ပအာ၊ တသိၚ်ညးစုတ် လဟုတ်ပိုန်ဒြပ် အရပ်အရာ၊ လပယာကြာ အအာဒးမံၚ်ဘဲ ယဲဒးစုတ်၊ ယဝ်သှ်ေမွဲဂှ် တဝှ်အာစာ ခိုဟ်စၟတ်ဇာတိ၊ သှ်ေၜါခိုဟ်ညိ ပိစသိုၚ်ပၠန် ပန်ဂွံဒၞါဲသၟတ်၊ မသုန်လာဘ်ပြဲ တရဴယဲသဒှ် ထပှ်ကမၠတ်၊ မိတ်ဂွိုၚ်ကၞောတ် အိုဿီုမှတ်ကွာဲ ဒၞါဲအာဂွံလာဘ်။
(ဂ) ကိုန်ဗြဲဂူ
[ပလေဝ်ဒါန် | ပလေဝ်ဒါန် တမ်ကၞက်]မွဲနဲပၠန်။ ။ တုန််သက္ကရာဇ် ညာတ်ဇိုတ်ကၠေံပိ စကဵုပိသၟတ်၊ သှ်ေမွဲယဝ်သဒှ် စှ်နဂးဟေၚ် ဟသေၚ်မသုန်၊ သှ်ေၜါပန်န ပိနဂးလဝ် ကိုန်ဗဝဝ်ဂုဏ်၊ ယဝ်ရဍေံသုန် ဝုန်ကဒါတ်ကၠဲ ပ္ဍဲကဵုသၞာံဂှ် ပြဟ်ဂၠါဲလဝ်ရ။
မွဲနဲပၠန်။ ။ အာယုက်ဆတ္တဝ် တိတ်တုန်လဝ်ပၠန်၊ ဒစိတ်စှော်တြဴ ဟုဲနှဴပခၠန်၊ ကဵုပိဆတ္တဝ် မၞးပမဝ်ပၠန်၊ ဒစာံစဗ္ဂန် ယဝ်သုန်အာစိ၊ ဒှ်အနိစ္စ ခန္ဓဇဳဝိ၊ ပြိုက်ဥပဒ္ဒြဴ စှ်တရဴဂ္ညိ၊ အာယုက်ဟုဲစိ စညိဒစာံ၊ ယဝ်သုန်အာကွေံ ဍေံဒှ်ယဲဂၞဴ၊ ဟသေၚ်မွဲတဲ ယဲပရိုဟ်သဘဴ၊ အနိစ္စအဴ စိုပ်တဴဇဳဝိ၊ ဝေဒနာတုန် ၜါဣသုန်ဂ္ညိ၊ ဟုဲအာယုက်စိ ဆပိပမဝ်၊ ထပှ်စသ္ဂဝ် သုန်လဝ်ဒုက္ခာ၊ ကမ္မကဵုစိ ဂးပိစှော်ၜါ၊ အာယုက်တန်တုဲ ဟုဲလဝ်ပမှာ၊ ပမဝ်ပန်စိ ကဵုပိစအာ၊ ယဝ်သုန်အာပၠန် ဂကန်အာစာ၊ ဒှ်ယဲဂုဟ်ဟေၚ် ဩေၚ်ပ္ဍီုနာနာ၊ ဒှ်အနတ္တ ရောဂဟွံမှာ၊ ဟုဲအာယုက်စိ ကဵုပိပမှာ၊ ပမဝ်ကဵုၜါ စအာဒစာံ၊ ယဝ်သုန်အာရ မၞးတံပယာံ၊ ၜိုန်ကျာ်တုန်သွံ ဒးထောံအရှာံ၊ ကိုန်အနိစ္စ မၞးပပတ္တာံ၊ ကိုန်သေံသေခါံ ပပတ္တာံညိနာဲ။
မွဲနဲပၠန်။ ။ အဒိုတ်သ္ၚိသဝ် ဟီုလဝ်ဓါတ်သၟတ် ပမတ်တေဇော။ ဗုဒ္ဓသိုက်ရော အာပေါဓါတ်ဍာ် ဟီုဖျာ်လဝ်ညိ၊ ဗြဴဗတိစန် ဗ္ဂန်ပထဝဳ အနဳဓါတ်တိ၊ ရာဟုတဴမိတ် ဒမၠိဓါတ်ကျာ အာစာတံတွံ၊ အဒိုတ်ဂှ်ယျောန် စန်ဂှ်ဗြေၚ်ဂဳ အၚာမန်ပ္ညဳ၊ သိန်လှဴဗုဒ္ဓ ဂုရုဗမာရ သိုက်ကြသေံသ္ဍာံ၊ သ္ၚိသဝ်ဂလာ ရာဟုကြုက်ရော ဝေါဟာဒစာံ၊ ဝွံအခဝ်နာံ တေဝ်ဗျာံလဝ်သၟတ် ဟွံဆောတ်ရနာဲ။
မွဲနဲပၠန်။ ။ မသုန်စှော်ပန် တိတ်တုန်ဍုက်က် အာယုက်လံၚ်ပြီု၊ လပဒယီု စကဵုထပှ် သၟေဟ်ဒှ်တ္ၚဲလေၚ်၊ ကွာ်တိုက်ဍိုက်ဂၠုၚ် ကၠုၚ်အာဟွံစိုပ် ထၜိုပ်ကမ်ပၠေၚ်၊ ဒှ်တ္ၚဲလလေၚ် ဍေံမပၠေၚ်ကီု လီုအာအာယုက်။
ကိုန်ကာတ္ၚဲ −၇
[ပလေဝ်ဒါန် | ပလေဝ်ဒါန် တမ်ကၞက်]ဇြုံဗ္ဂဲစိၚ် သၟိၚ်တၠလနၚ် ကၞိဟေၚ်သဘဴ၊ ဇာဒိသိုၚ်အဴ ဂၠဴဥဿဘ မူလဇာတိ၊ နူဗမံက်စိ ဒက္ခိဏဟေၚ် စုတ်ပြေၚ်လဝ်ညိ၊ တြုံဂေါနစိ ဗျဂ္ဃဂ္ညိဂၠိၚ် ပသၟိိၚ်ပ္ဍဲဗြဴ၊ အာယုက်ဒွံဇြုံ ဒတုံဒိုဟ်လနေၚ် ဝေၚ်ညိလ္ပအာ၊ ဒွံဂၠဴသေၚ်ဟာ ဌာန်ဗျဂ္ဃဂှ် ဒှ်ဌာန်သတြု၊ ဒတုံကၞိသ္ကဲ ဌာန်ဗဂဲကၠာ အာဒှ်အမှု၊ စိၚ်ဆဒ္ဒန်ဝွံ သတြုဒဝိုၚ် ဇာဒိသိုၚ်ကၠာ၊ သာ်ဝွံတုန်မာ ညးနွံပညာ သမ္တီကၠာရောၚ်၊ ယဝ်ဒွံလနေၚ် ဇြုံဟေၚ်ဒှ်လာဘ် သွပ်ပါၚ်အာစာ၊ ယဝ်ဒွံဗျဂ္ဃာ ဌာန်ဂေါနာဂှ် ဒှ်လာဘ်ဒမၠိ၊ ယဝ်ဒွံဗဂဲ ဒှ်လာဘ်ပြဲရ ဒေသသၟိၚ်ကၞိ၊ သဳဟောဟတ္ထိ ဒမၠိဒိုဟ်လာဘ် ဇၟာပ်ပါၚ်အာစာ၊ တလပညာ သမ္တီကၠာညိ ဒမၠိပဝိုတ်။
ဆုနာံတ္ၚဲ −၇
[ပလေဝ်ဒါန် | ပလေဝ်ဒါန် တမ်ကၞက်]အဒိုတ်အၚ်ပၠန် စန်ကြိက်အနဳ၊ လစေဝ်အၚာ ဗုဒ္ဓဝါတာ၊ အာစာဟီုပ္ညုၚ် ဂမုၚ်ဂုရု၊ သိုက်ဂှ်လာံဩဴ နုဘဴဆတ္တဝ်၊ သ္ၚိသဝ်ဇုက်အဂၞု ကိုန်ပလိုတ်ဝွံ၊ ဆုနာံမိတ်အဴ နုဘဴဇၞော်သန်။
အခဝ်နာံတ္ၚဲ −၇
[ပလေဝ်ဒါန် | ပလေဝ်ဒါန် တမ်ကၞက်]က၊ ခ၊ ဂ၊ ဃ၊ ၚ - မူလပွိုၚ်စန်။
စ၊ ဆ၊ ဇ၊ ၛ၊ ည - ပၠန် အၚာပ္တန်လဝ်ဟေၚ်။
ဋ၊ ဌ၊ ဍ၊ ဎ၊ ဏ - ဗုဒ္ဓ ဝွံလၟေၚ်။
တ၊ ထ၊ ဒ၊ ဓ၊ န -ဟေၚ် သ္ၚိသဝ်ပြေၚ်လဝ်အိုတ်။
ပ၊ ဖ၊ ဗ၊ ဘ၊ မ - အဴ ဗြဴဗတိလပဝိုတ်။
ယ၊ ရ၊ လ၊ ဝ - အိုတ် ရာဟုသိုတ်မူလ။
သ၊ ဟ၊ သိုက်ဗိုရ။
အ - မွဲပအဒိုတ်။
အခဝ်ပိစှော်ပိပြဲ ညံၚ်နဲဇၟန်ဗိုတ်၊ လၟေၚ်ဝဝ်တ္ၚဲထပှ် တွံလဝ််သီုဖအိုတ်၊ တီတုဲပဝိုတ် ပ္ဍေန်ပ္တိုန်စိုတ်ညိ။
- ဝါမွဲနဲကၠာ နဲဗမာရ
က၊ ခ၊ ဂ၊ ဃ၊ င - ဟီုပၠတ္ၚဲစန်။
စ၊ ဆ၊ ဇ၊ စျ၊ ည - ပၠန် အၚာပ္တန်လဝ်။
ဋ၊ ဌ၊ ဍ၊ ဎ၊ ဏ၊ တ၊ ထ၊ ဒ၊ ဓ၊ န - ဟေၚ် သ္ၚိသဝ်ပြေၚ်လဝ်အိုတ်။
ပ၊ ဖ၊ ဗ၊ ဘ၊ မ - အဴ ဗြဴဗတိစဴတွံလဝ်။
ယ၊ ရ - ရာဟုကျဝ်။
လ၊ ဝ - ဗုဒ္ဓဝါ။
သ၊ ဟ၊ တ္ၚဲသိုက်ပြဲ။
အ - မွဲဂှ် ဒှ်တ္ၚဲအဒိုတ်။
သမ္တီလဝ်လ္ပဝိုတ် ပ္ဍေန်ပ္တိုန်စိုတ်ညိ။
ကိုန်ဂဂဵုဗြု
[ပလေဝ်ဒါန် | ပလေဝ်ဒါန် တမ်ကၞက်]အတးတိုန်တုဲစိ နကြိသမ္တီလဝ်ကၠာ၊ ဂဂဵုဗြုဗမံက်အဵု ဩောံသ္ၚုဂၠိိုၚ်ကဵုယဲဒိုက်၊ ဂဂဵုဗြုအဂၞဲ ဆုဒုန်အိုတ်ဒဲစိ၊ သမၠုၚ်ကျာဗြုဂၠိုၚ်စိ နေရတိပၞာန်စိုပ်ဟပိုတ်၊ ဂဂဵုဗြုပလိုတ် ဂစိုတ်ရေၚ်သ္ကံ။
ကိုန်ဂြၚ်ဂိတု
[ပလေဝ်ဒါန် | ပလေဝ်ဒါန် တမ်ကၞက်]ဖဝ်ရဂိုန်ဖျာ် ပသာ်ဟီုတွံ၊ သၟဟ်န်ဒမၠိ မာ်စဲတန်စိ၊ ဒက္ခိဏတိုန် ကိုန်အာစာတွံ၊ ဒစာံမာသ ဥတ္တရသၠုၚ်၊ ဍုၚ်ကွာန်သ္ဂေဟ်သွဟ် မာသတိုန်ဂှ်၊ စမှ်ကာလ သ္ၚေဝ်စန္ဒြညိ၊ ဂိတုမံက်သာၚ် တိုၚ်ပါၚ်အာစာ၊ ရံၚ်မွဲခါဂှ် ဂြၚ်ၜါဒိုဟ်သၟဟ်၊ ဒှ်တဏောဝ်ဟေၚ် ပၞာန်ရေၚ်ဒှ်ကီု၊ ဥတ္တရသၠုၚ် ဍုၚ်ကွာန်ၜိုဟ်စိုတ်၊ အိုတ်ရးနိဂီု ဒက္ခိဏကီု၊ ပၞာန်ဥပါဒ် ဝါတ်ဂါတ်က္တဵုဒှ်။
- ဗီုဂြၚ်ဂိတု
ဂိတု။ ဟိုတ်ဖဵု။
- ဖဝ်ရဂိုန်၊ ပသာ်၊ စဲ၊ မာ် ----- ဂြၚ်ဂိတုညဳသၟဟ်ခိုဟ်၊ သမၠုၚ်ကျာ သၠုၚ်ခိုဟ်။
- ဇှ်ေ၊ ဒဂိုန်၊ ခ္ဍဲသဳ၊ ဘတ် ----- ပန်ဂိတုဝွံ သၟဝ်ကျာသၠုၚ်ခိုဟ်။
- ဝှ်၊ ကထိုန်၊ မြေက္ကသဵု၊ ပုဟ် -- ပန်ဂိတုဝွံ သၟဝ်ကျာသၠုၚ်ခိုဟ်။
ကိုန်ထအဟ်
[ပလေဝ်ဒါန် | ပလေဝ်ဒါန် တမ်ကၞက်]ထအှ်ဗမံက် စံက်ဂါံအာသွံ ဂွံလာဘ်မပြဲ၊ ထအှ်အဂၞဲ ဒွံဘဲပမတ် တူဖဍတ်သ္အး၊ ထအှ်ဂးမာ ဒိုဟ်သမၠုၚ်ကျာ ဂွံမှာဇနး၊ နေရတိသ္အး ညးထအှ်သၟတ် မၞုံသတြုဝဲ၊ ထအှ်မခိုဟ် ဒိုဟ်ပလိုတ်အဴ လာဘ်ဗြဴစိုပ်တဲ၊ ဗာယပ်မပြဲ ညးမွဲထအှ် လာဘ်က္တဵုဒှ်ကၠာ၊ ဗွဲဒိုဟ်သၟဝ်ကျာ ထအှ်တုန်မာ လာဘ်သကာဂွံ၊ ဒိုဟ်ဨသာန်သွံ ထအှ်ဂွံမိၚ် လာဘ်သၟိၚ်စိုပ်တဲ၊ ထအှ်သၟဝ်ကီု ဓါတ်လီုပြဵုသ္ဂုတ် သိုက်ဖလုတ်ဒဲ၊ လတူအမှဲ ညးမွဲထအှ် လာဘ်က္တဵုဒှ်ကၠာ၊ ထအှ်ဂှ်သွံ ယဝ်သ္ဂောံဝေၚ်ပါဲ ဇၟာပ်ဒၞါဲအရာ၊ ကၠံကဵုဂၞန်အာ အိုတ်ဟောရာစှ် ကျထအှ်မွဲ။
ကိုန်ဖျေံပုၚ်ခဝ် − ၁၀၈
[ပလေဝ်ဒါန် | ပလေဝ်ဒါန် တမ်ကၞက်]ဨသာန်တရဴ စဴဗမံက်တုန် စှ်သုန်ခဝ်ဗျာံ၊ အဂၞဲဒစာံ ဂါံသမၠုၚ်ကျာ ဏာစှ်ထပှ်၊ နေရတိစှ် ပလိုတ်သၟဟ် ပ္တိတ်စှ်ဒစိတ်ကၠာ၊ ဗာယပ်စှ်ၜါ ဒိုဟ်သၟဝ်ကျာအဴ စဴၜါစှော်မွဲ။
ပုၚ်ခဝ် ပန်ဣသုန်
[ပလေဝ်ဒါန် | ပလေဝ်ဒါန် တမ်ကၞက်]ဗမံက်ပိဗျာံ ဒစာံအဂၞဲ မွဲသမၠုၚ်ကျာ၊ နေရတိကၠာ တရဴခါဂှ် ထပှ်ပလိုတ်၊ ဗာယပ်ၜါပ္တိတ် ဒစိတ်သၟဝ်ကျာ ဨသာန်စာဂိုတ်၊ ဒေါဝ်သ္ၚိပြဲသ္တိုတ် ၜိုတ်စုတ်မသုန် နွံဂုဏ်သေၚ်ဟာ။
ပုၚ်ခဝ်ပိစှော်ပိ
[ပလေဝ်ဒါန် | ပလေဝ်ဒါန် တမ်ကၞက်]မသုန်အဂၞဲ မွဲသမၠုၚ်ကျာ ၜါနေရတိ၊ ပလိုတ်ဒှ်ပိ ဒမၠိဗာယပ် ပုၚ်ခဝ်ရပ်ဏာ၊ သၟတ်ကျာမသုန် ဗွဲဨသာန်တုန် ပ္ဍုန်တဴမာ၊ ဗမံက်သေၚ်ဟာ ကေတ်ဏာထပှ် ကြဳဇှ်ဣဓိ၊ သာ်ဝွံဒမၠိ ပိစှော်ပိဓဝ် ပုၚ်ခဝ်သေၚ်ဟာ။
ပုၚ်ခဝ်တြဴဣသုန်
[ပလေဝ်ဒါန် | ပလေဝ်ဒါန် တမ်ကၞက်]စှ်သုန်စှ်သုန် ဒစာံဒိုဟ်တုန် ပ္ဍုန်မံၚ်ဒမၠိ၊ ဒေါဝ်မုက်စိၚ်သ္ၚိ ဒမၠိဖျေံပၠန် ပန်စှော်ဒစိတ်၊ တိုၚ်ဒေါံဓါတ်ပြဵု ဇာတာပြဵုလီု သီုဒိုဟ်ဒစိတ်၊ ပုၚ်ခဝ်နာံမိတ် ယဝ်တိတ်ထောံဒး ဂွံဗၠးသၟိၚ်ယီု။
ပုၚ်ခဝ်ကၠံတြဴစှော်ပိ
[ပလေဝ်ဒါန် | ပလေဝ်ဒါန် တမ်ကၞက်]တြဴစှော်တြဴဂ္ညိ ဒမၠိတေဝ်သမၠုၚ်ကျာ၊ ဗမံက်ပိစှော်ၜါ ပမှာမၞးစုတ်နှဴ၊ သၟဝ်ကျာတုန်အဴ တြဴဣသုန်ဓဝ်၊ ကၠံတြဴပိစှော်ဓဝ် သမ္တီလဝ်ပဝိုတ်၊ အမှုညန်ကဵုဂစိုတ် အိုတ်ကဵုဒုဟ်သဗ္ဗ၊ အိုတ်ပုၚ်ဗြာတ််က္ၜဴရ သဗ္ဗကဵုဍိုက်ပေၚ်၊ အမှုဟွံသေၚ်ကဵုလေၚ် သၟိၚ်မပၠေၚ်ဇကု၊ အာယုက်စိုပ်ပစ္စု ဇကုဂၠိုၚ်ပြိုက်ဖာ၊ လၟေၚ်ပိဒိုဟ်ကၠာ ဖျေံဏာပရံဆ၊ ပုၚ်ခဝ်ဆက်ဒဲရ သ္ဂောံပပူဇဴ။ ယဝ်သ္ဂောံပူဇဴကၠာ မြာအာယုက်ဂၠိၚ်ရ။
ပုၚ်ခဝ်ကၠံဒစာံ သီုသၠဆုနာံမိတ်
[ပလေဝ်ဒါန် | ပလေဝ်ဒါန် တမ်ကၞက်]ဗွဲဒိုဟ်ဨသာန်အဴ သၠအၚ်တြဴခဝ်၊ ဗမံက်စှ်သုန်ဓဝ် သၠကှ်ေလဝ်ဂ္ညိ၊ အဂၞဲဒစာံစိ သၠကြေၚ်ပ္ဍုန်ဂ္ညိလဝ်၊ ဒက္ခိဏစှ်ထပှ် သၠကြုက်ခ္ဍးထဝ်၊ ပၞဟ်နွံကဵုဂုဏ် နေရတိပ္ဍုန်စှ်ခဝ်၊ ပလိုတ်သၠစမ္ပါဓဝ် စှ်ဒစိတ်မောဝ်ဖ္ဍး၊ ဗာယပ််ၜါသ္အး သၠယာပ်ဝးကၠာ၊ သၟဝ်ကျာၜါစှော်မွဲ သၠဇြဲသုံပကဵုမှာ၊ လံခန္ဓလသာ သမ္တီလဝ်ကၠာသၟတ်၊ မြာပိုန်ယဿပတ် မှတ်စရာဲကျာ်ဩဳ၊ ပိုန်ဟာန်ကၠံၚ်ဗစဳ သီုကဵုတွဳဝါရ၊ ယဝ်သ္ပပူဇဴလဝ် သ္ဂောံကျိုၚ်ကျဝ်ဂတ၊ ပုၚ်ခဝ်ကၠံဒစာံရ ဟီုပၠအစဳရေၚ်လဝ်ကၠာ၊ ပုၚ်ဗကလ္ၚဴ ဗြာတ်က္ၜဴသီုသာဲတာ၊ ဨတေဟိဒေဝါ ဂါထာဝွံနိမန်နၚ်၊ ဒေဝတဴဗြဴမွဲ ရုပ်သာ်ပြဲက္ဍၚ်၊ ဒိုဟ်ဨသာန်ကၠာ ကဵုအာနိမန်နၚ်၊ ဗမံက်ပြဲက္ဍၚ်် ဒေဝတဴပၚ်လာဲ၊ ဒေဝတဴယက္ခကာဲ မဆာဲဒိုဟ်အဂၞဲ၊ ဒေဝတဴလက်သိုက်မွဲ သမၠုၚ်ကျာမပြဲဂ္ညိ၊ ဒေဝတဴနေရတိ ဇိဝိမပြဲက္ဍၚ်၊ ဒေဝတဴလိုက်သဳဗီုန် မန္တပိုန်ဘိုက်ကၠာ၊ ဒေဝတဴအဇိနာ ဒေဝတဴဗာယပ်၊ ဒေဝတဴမွဲသၟဳသၟပ် ပုၚ်ခဝ်မွဲမဗဂပ်လဝ်၊ ပုၚ်ခဝ်ကၠံဒစာံခိုဟ် လှောဲဂြိုဟ်နာဲရုပ်ထဝ်၊ သ္ဂောံတိုန်ကျိုၚ်ကျဝ် ဍုၚ်သွဝ်တာဝတိံ၊ ချိုတ်အာဟွံဒးဂွိၚ်် ဂွံခၠေဝ်ကဵုသၟိၚ်ယီု။
ကိုန်ဖျေံထဏီလၟေၚ်တ္ၚဲ −၇
[ပလေဝ်ဒါန် | ပလေဝ်ဒါန် တမ်ကၞက်]၁။ တွံတ္ၚဲအဒိုတ်။ ။ ဒၞါဲအာခါပ်သဳ ထဏီမွဲတောၚ်၊ တိုၚ်ဒဒှ်ရောၚ် မွဲတောၚ်ဟီုပ္ညပ်၊ တ္ၚဲအဒိုတ်ကၠာ ဒးအာဒိုဟ်ဗာယပ်၊ ကၠဵုမွဲသမြပ် ထဏီိစပ်ဒး၊ စေၚ်တုဲမ္ဂး ဒးအာသၟဝ်ကျာ၊ ကဵုစဏကၠာ ခမ်ၜါခဏံ၊ ပုၚ်သွစုတ်ကောံ ကဵုခမ်တေဝ်ဏာ၊ ပုၚ်သွထန်သၟတ် ပိထမတ်ကၠာ၊ သၞေဝ်ပ္ကဴသၟတ် သစ္ဆုရေၚ်ဗ္ဂါ၊ မသုန်မတ်ရ စုတ်ပကဵုမှာ၊ မာန်ရုပ််ကလော်ဇၞော် ဗော်ဒိုဟ်သၟဝ်ကျာ၊ ခမ်မွဲဂှ်မာ ဏာဒိုဟ််ဗာယပ်၊ ၜါတ္ၚဲလံက်အပ်ဗၠးသမြပ်ရောၚ်။
၂။ တွံတ္ၚဲစန်။ ။ တ္ၚဲစန်ဂးမာ ဒးအာဗမံက်၊ ဓဂဵုဆုဇၞော်် ကလေလာ်မံၚ်တဴ၊ နေရတိအဴ ကလော်ဗြဴမွဲ၊ ခမ်ၜါမွဲတဲ ကၠောတ်ဗွဲအဆတ်၊ သၞေဝ်ပ္ကဴကၠာ သစ္ဆုၜါမတ်၊ ပုၚ်ၜါသာ်အဵု စုတ်ကဵုခမ်သၟတ်၊ ကၠေၚ်ဍာ်တှ်ဗျာၚ် ဖျုန်စာၚ်ကၞောတ်၊ ခမ်တၚ်မွဲတဲသၟတ် ဗၞတ်ဗမံက်ဒး၊ နေရတိကၠာ ဏာခမ်ပလး၊ ၜါတ္ၚဲမဂး ယဲဂှ်ဗၠးရောၚ်။
၃။ တွံတ္ၚဲအၚာ။ ။ အၚာဨသာန် ဌာန်နေရတိ၊ မၞးအာဒးစိ ဒမၠိဒှ်ယဲ၊ ကလော်ဗြဴမွဲ ပဝဲအဆတ်၊ သစ္ဆုပ္ကဴတုန် ဗၞတ်မသုန်မတ်၊ ကဖျုန်လမာ် ပုၚ်ပိသာ်သၟတ်၊ ရုပ်တလယဲ ပ္ဍဲခမ်စုတ်သၟတ်၊ ခမ်တဝ်ဂှ်သၟတ် မှတ်သီုသုရာ၊ ခမ်တဝ်ဂှ်ကၠာ ဏာနေရတိ၊ ခမ်ပလးစိ ဒမၠိဨသာန်၊ ပိတ္ၚဲကွေံကြာန် ဗၠးနူဌာန်ယဲ၊ ဟိုတ်ဍေံပဝဲ မဒးယဲရောၚ်။
၄။ တွံတ္ၚဲဗုဒ္ဓဝါ။ ။ တိုၚ်ညးမယဲ တ္ၚဲဗုဒ္ဓဝါ၊ ဗမံက်သၟတ်ကျာ ဒးအာအဆတ်၊ မၞးထဏီအာ ပါရောဂသၟတ်၊ သၞေဝ်ပ္ကဴသၟတ် ပိမတ်လမာ်၊ ဗတာၚ်ဗကေတ် ပူရေတ်ဂၠိုၚ်သာ်၊ ပုၚ်စုတ်ၜါသာ် လမာ်အဆတ်၊ ရုပ်ကလော်ရ တလယဲသၟတ်၊ ကဂှ်ၜိုဟ်တုန် ဖျုန်ပိကဏောတ်၊ ခမ်တဝ်မွဲသၟတ် ဗၞတ်ဒိုဟ်သၟဝ်ကျာ၊ ခမ်ပလးကၠာ ဏာဒိုဟ်ဗမံက်၊ ဇၟာပ်ယဲသော်ရော် ဇမၞော်ကာလ၊ ၜါတ္ၚဲဂတ မဂွံဗၠးရောၚ်။
၅။ တွံတ္ၚဲဗြဴဗတိ။ ။ တ္ၚဲဗြဴဗတိ ဒမၠိယဲကၠာ၊ ဒိုဟ်အဂၞဲပ္ညုၚ် ဒိုဟ်သမၠုၚ်ကျာ၊ အိုဿီုဒိုဟ်ၜါ မၞးဒးအာသၟတ်၊ ဒေဝတဴမွဲ ပဝဲအဆတ်၊ သၞေဝ်ပကဴသၟဝ် ဗၞတ်မသုန်စုတ်၊ ပၞာၚ်ကၠေၚ်ဗွုတ် စုတ်ဗြာတ်က္ၜဴသ္ကဝ်၊ ကစရံၚ်တုန် ဖျုန်ကဵုအောန်လဝ်၊ ခမ်ၜါကၠောန်လဝ် ခမ်တဝ်အဂၞဲ၊ ခမ်ပလးမွဲ ဗွဲဒိုဟ်သမၠုၚ်ကျာ၊ ပိတ္ၚဲဟွံခြာ ယဲဂွံသွာရောၚ်။
၆။ တွံတ္ၚဲသိုက်။ ။ တ္ၚဲသိုက်မွဲတဲ ညးဒှ်ယဲကၠာ၊ ဟိုတ်အာဒးပ္ညုၚ် ဒိုဟ်သမၠုၚ်ကျာ၊ မၞးထဏီအာ တာဲဗြာဲခါဂှ်၊ ခမ်ၜါကၠောန်ဗဒှ် ဗွဲမပြဟ်သၟတ်၊ သစ္ဆုပ္ကဴဂှ် ဗၞတ်ထပှ်မတ်၊ ကဖျုန်စုတ်သၟတ် ဗၞတ်သဘဴ၊ ပုၚ်ကွာၚ်တုန်ရ ဗကလၚဴ၊ သီုဗြာတ်သီုက္ၜဴ စုတ်တဴပမှာ၊ ရုပ်ကလော်မွဲ ပ္ဍဲဂှ်စုတ်ဏာ၊ ကဵုအာထောံပ္ညုၚ် ဒိုဟ်သမၠုၚ်ကျာ၊ ဒိုဟ်ပလိုတ်ဟေၚ် ခမ်မွဲသေၚ်ဟာ၊ မၞးမှတ်ထောံရ လပကဵုမှာ၊ ပိတ္ၚဲဟွံခြာ ယဲဂွံသွာရောၚ်။
၇။ တွံတ္ၚဲသ္ၚိသဝ်။ ။ တ္ၚဲသ္ၚိသဝ်သိုတ် ပလိုတ်အဂၞဲ၊ ထဏီမွဲတဲ ကလော်မွဲရ၊ စကဵုကၠေံပၠန် ဟသေၚ်ဖျုန်က၊ မွဲသာ်တုန်သၟတ် သစ္ဆုစဏ၊ စိုပ်သ္ရိမၞးသၟတ် မဒှ်ရောဂ၊ သၞေဝ်ပ္ကဴသၟတ် သစ္ဆုစဏ၊ မသုန်မတ်ပေၚ် သီုကၠေၚ်တိရ၊ စာံဂးသၟတ် သီုမိတ်စၟတ်ပၠ၊ ကဗြာတ်က္ၜဴ သ္ကဝ်နှဴဗက၊ ရုပ်ကလော်မွဲ စုတ်ပ္ဍဲခမ်ရ၊ ပတ်ကလေဝ်မွဲ နဲဨသာန်ဂျ၊ ဖျေံကဵုဒးရး သၟိၚ်တလယဲ၊ ဍိုက်ပေၚ်ပိတ္ၚဲ ယဲဂွံဗၠးရောၚ်။
ညးသၟာန်ယဲပ္ဍဲမပ္တံတ္ၚဲအာဒိုတ်
[ပလေဝ်ဒါန် | ပလေဝ်ဒါန် တမ်ကၞက်]၁။ တွံတ္ၚဲအဒိုတ်။ ။ ယဝ်ညးသၟာန်ယဲ ဝွံတ္ၚဲအဒိုတ်၊ ကလော်သ္ရိဝိုတ် ချိုတ်ဂရိုက်နွံ၊ တၟံလစံက်ကောံ နွံစရံက်လဝ်၊ ဒယိုၚ်ခရံၚ် မွဲဂၠံၚ်ဆတ္တဝ်၊ ပ္ဍဲဌာန်ရနုက် ပဏုက်သ္ကောဝ်၊ ဒြပ်တရေံသၟတ် ပ္ဍဲတဲဆတ္တဝ်၊ အပေါတ်ဗဇေတ် ပၠေဝ်ပၠေတ်ဒေါဝ်သၚ်၊ လီုလာ်မဂး ကဵုညးဆတ္တဝ်၊ မိတုန်သၟတ် ပဏောတ်ထေဲလဝ်၊ မှတ်လဴကၠေံရ ပပါန်တသဝ်၊ သ္ဂောံဗၠးဆတ္တဝ် မတွံလဝ်ရောၚ်။
၂။ တွံတ္ၚဲစန်။ ။ ယဝ်ညးသၟာန်ပၠန် တ္ရဲစန်ဆတ္တဝ်၊ လစိန်မွဲသၟတ် မတ်စြံက်လစဝ်၊ ဗကေတ်ဆတ္တဝ် အၚဝ်သတ်ကြေၚ်၊ နွံပ္ဍဲသ္ရိသၟတ် ဟွံဆောတ်လၟေၚ်၊ ဂၠိက်ယာတ်တုန်သၟတ် တူပၟတ်ဟေၚ်၊ ကၞိကိတ်ကၠိုဟ်စာ် လမာ်တမေၚ်၊ ကလော်ဗြဴဟေၚ် တၟေၚ်စိုတ်ဟွံဟဲ၊ ဟိုတ်ဂှ်တုန်အဵု မက္တဵုဒှ်ယဲ၊ ကလော်ဗြဴမွဲ မပဝဲရောၚ်။
၃။ တွံတ္ၚဲအၚာ။ ။ အၚာဆတ္တဝ် ယဝ်သၟာန်မ္ဂး၊ ဂအာၚ်သ္ရိဗော် စးကၞုဟ်ဇၞော်ကၠး၊ ဒြပ်တရေံမ္ဂး မဒးရပ်စပ်၊ ဒယိုၚ်သ္ရိသၟပ် ဒစပ်တံဇိုၚ်၊ ကၠိုဟ်မံၚ်ဒဝိုၚ် တံဒယိုၚ်ဂှ်၊ ထောံကၠေံတုဲစိ မ္ရးနူသ္ရိသၟတ်၊ ဒြပ်မကၠေံဂှ် လေဲပြဟ်သေၚ်ဟာ၊ ဘဲယဲဂှ်သွံ ဂွံလလံသွာ၊ တဝှ်အၚာ အာစာတွံရောၚ်။
၄။ တွံတ္ၚဲဗုဒ္ဓဝါ။ ။ ယဝ်ညးသၟာန်ယဲ ဒှ်တ္ၚဲဗုဒ္ဓဝါ၊ တိုၚ်ဝေဒနာ မြိပါဂံၚ်၊ ဒယိုၚ်သ္ရိဂွိုၚ် ဒယိုၚ်သ္ရိခရံၚ််၊ စရံက်လစဝ်ဒၟံၚ် ရံၚ်နဲပန်စွံ၊ ဟွံသေၚ်တုန်သွံ ၝောံတၟံကောန်တၟံ၊ မတ်ဓါတတ်တမံ ဟွံလံဗာံ၊ ဟွံသေၚ်မွဲသၞာံ ပယာံလုပ်သ္ၚိ၊ ရောဂဖိဖိ ဒမၠိယဲရောၚ်။
၅။ တွံတ္ၚဲဗြဴဗတိ။ ။ တ္ၚဲဗြဴဗတိ ဒယိုၚ်သ္ၚိအိုတ်၊ ဟွံသေၚ်ဨသာန် သန်ဌာန်ပလိုတ်၊ ဒှ်ဗမံက်အိုတ် ဟိုတ်ဂရဴစာၚ်၊ အပေါတ်ကလော် ဇၞော်သန်ဩုဟ်ဩာၚ််၊ မတ်ဗကေတ်သာၚ် ဗတာၚ်လစံက်၊ ဒြပ်ညးဇမၞော် သော်ရော်ဒမၠိ၊ အပေါတ်ဂှ်ကၠာ တိတ်အာနူသ္ၚိ၊ လဴကဵုဒမၠိ ဗၠးယဲညိရောၚ်။
၆။ တွံတ္ၚဲသိုက်။ ။ တ္ၚဲသိုက်ဂှ်တုန် တွံကဵုသဘဴ၊ သမၠုၚ်ကျာအဴ ဒေဝတဴမွဲ၊ ဍေံဂှ်ပဝဲ ပျဲပျာံဒမၠိ၊ ဖေဝ်ယာတ်တုန်စိ ကၞိကိတ်ဒကုတ်၊ ဟိုတ်လီုလာ်ခုတ် ဗဗုတ်တဴယဲ၊ ကလော်ပဝဲ ပျဲပျာံသရ၊ က္ဍိုၚ်ဇၞော်မွဲမွဲ သမဲလဝ်လဝ်ရ၊ လဴပဒည မဂွံဗၠးရောၚ်။
၇။ တွံတ္ၚဲသ္ရိသဝ်။ ။ တ္ၚဲသ္ၚိသဝ်အနဳ ဂအဳကၠိုဟ်ပါ်၊ ဂၠိက်ယာတ်မၞးစိ ကၞိကိတ်လီုလာ်၊ ဟသေၚ်မွဲသာ် ကလော်သၟာ်နွံ၊ ဒဒုၚ်စကောံ နွံဒၟံၚ်တဴသွံ၊ မၞးမဒှ်ဝဲ ယဲဂၠိုၚ်ကဵုစွံ၊ ညးမချိုတ်သွံ ဟွံဂွံကျာ်ဘာ၊ ဒိုဟ်အဂၞဲကၠာ မဟာနုဘဴ၊ ဂှ်ဒမံၚ်ပၠန် ဒေဝတဴဗြဴ၊ ပကၠေံပူဇဴ ဗွဲကြဴဗၠးရောၚ်။
အဒိုတ်မၞိဟ်ကွိုပ် စန်ဂြိုပ်ကၠစ၊ အၚာမွဲရ ဗမုဲရပ်ဖျာ်၊ ဗုဒ္ဓဝါဩံၚ် စရံၚ်ညးဗာ်၊ ဗြဴဗတိတွာ် လမာ်တာဲဗြာဲ၊ တ္ၚဲသိုက်တွံဆာဲ ဂၠါဲဟီုဂဂဵု၊ သ္ၚိသဝ်မွဲသာ် လမာ်က္တဵုအဵု၊ ဒဒှ်ယဲအဵု ဟီုတွံကဵုရ။
ကိုန်ဂြိုဟ်ဒစာံ
[ပလေဝ်ဒါန် | ပလေဝ်ဒါန် တမ်ကၞက်](က) ဂြိုဟ်ဒစာံဂှ် တွံကဵုမွဲတောၚ်၊ အဒိုတ်စန်ရောၚ် ဂၠေါၚ်တ္ၚဲအၚာ၊ ဗုဒ္ဓဝါစိ သ္ၚိသဝ်သေၚ်ဟာ၊ ရာဟုသိုက်သ္ဍာံ ဒစာံသေၚ်ဟာ၊ ဂွံလၟေၚ်ကၠာ တွံအာဂတ။
ဂြိုဟ်စွံလၟေၚ်ဒိုဟ်ဒစာံ
(ခ) အဒိုတ်ဨသာန် ဠာန်ဂှ်မူလ၊ ဗမံက်စန်ပြဲ အဂၞဲတာမ၊ သမၠုၚ်ကျာဓဝ် တွံလဝ်ဗုဒ္ဓ၊ ဒိုဟ်နေရတိ စွံသ္ၚိသဝ်ရ၊ ဒိုဟ်ပလိုတ်အဴ ဗြဴဗတိဂျ၊ ဒိုဟ်ဗာယပ်ဓဝ် လဝ်ရာဟုရ၊ ဒိုဟ်သၟဝ်ကျာဂျ ပၠဂြိုဟ်သိုက်ကၠာ၊ ဝွံဂြိုဟ်ဒစာံ ဒိုဟ်ဒစာံမြာ။
လၟေၚ်သၞာံအာယုက်ဂြိုဟ်မွဲမွဲ
(ဂ) လၟေၚ်သၞာံဟေၚ် မၚ်စလေၚ်ဟာ၊ အဒိုတ်တြဴပၠန် စန်စှ်သုန်ကၠာ၊ အၚာဒစာံ သၞာံဂှ်ပိုၚ်ခြာ၊ ဗုဒ္ဓဝါဂှ် စှ်ထပှ်ကၠာ၊ သ္ၚိသဝ်စှ်ဟေၚ် လၟေၚ်သၞာံအခါ၊ ဗြဴဗတိဂှ် စှ်ဒစိတ်ကၠာ၊ ရာဟုသေၚ်ဟာ စှ်ၜါသၞာံရ၊ သိုက်ၜါစှော်မွဲ နဲဝွံဟီုပၠ၊ လၟေၚ်သၞာံရ အာစာပၠလဝ်။
လၟေၚ်ဂြိုဟ်ပိထပ်
ဂြိုဟ်မွဲမွဲစိ ပိထပ်ဆတ္တဝ်၊ အဒိုဟ်သိုက်သၟဟ် ရာဟုတွံလဝ်၊ စန်အဒိုတ်ရ သိုက်ကြမွဲဝဝ်၊ အၚာစန်သၟတ် အဒိုတ်ဆတ္တဝ်၊ ဗုဒ္ဓဝါဓဝ် လဝ်အၚာစန်၊ ကၠိသဝ်ဗုဒ္ဓ တာမဟွံခၠန်၊ ဂုရုသောရဳ ပ္ညဳဗုဒ္ဓပၠန်၊ ရာဟုဂုရု ဝွံသ္ၚိသဝ်ပ္တန်၊ သိုက်ရာဟုပၠန် တန်ဗြဴဗတိ၊ ဒိုဟ်မွဲမွဲပ္ညပ် ပိထပ်ဒမၠိ၊ ကဵုပြေၚ်လဝ်စိ ဒမၠိဟွံခြာ၊ သၞာံမၚ်စသွံ ပပိစွံကၠာ၊ မွဲမွဲစွဲဒှ် ဂြိုဟ်မၚ်စအာ၊ လၟေၚ်သၞာံအခါ ဍေံမၚ်အာရ၊ တ္ၚဲဒှ်မၞိဟ်ဂှ် ဂြိုဟ်ဂှ်ပ္တံပၠ၊ လၟေၚ်သၞာံအခါ ပိုၚ်ခြာတော်ဆ၊ လၟေၚ်သှ်ဂတ သမ္တီနညာဏ်၊ လၟေၚ်နိဒါန် ဟီုပ္ကာန်ဂတ။
- အဓိပ္ပါယ်ဍေံ
ဂြိုဟ်။ ဒိုဟ်ဍေံ။ လၟိဟ်သၞာံ။
၁။ အဒိုတ် ------- ဨသာန် ---------- ၆။
၂။ စန် ---------- ဗၟံက် ---------- ၁၅။
၃။ အၚာ -------- အဂၞဲ ------------ ၈။
၄။ ဗုဒ္ဓဝါ -------- သမၠုၚ်ကျာ ------- ၁၇။
၅။ သ္ၚိသဝ် ------- နေရတိ --------- ၁၀။
၆။ ဗြဴဗတိ -------- ပလိုတ် -------- ၁၉။
၇။ ရာဟု --------- ဗာယပ် ------- ၁၂။
၈။ သိုက် --------- သၟဝ်ကျာ ------ ၂၁။
ပံၚ်တုဲဒှ်ဂြိုဟ်( ၁၀၈ )ရောၚ်။
- ဗီုလၟေၚ်ဂြိုဟ်ပိထပ်
၈ ၊ ၆ ၊ ၁
၆ ၊ ၁ ၊ ၂
၁ ၊ ၂ ၊ ၃
၅ ၈ ၆ ၊ ၊ ၄ ၃ ၂
၈ ၊ ၅ ၊ ၀
၅ ၊ ၀ ၊ ၄
၀ ၊ ၄ ၊ ၃
( မၞိဟ်တ္ၚဲအဒိုတ်ဂှ် ပပ္တံနူတ္ၚဲအဒိုတ် ၆-သၞာံရ၊ မၞိဟ်တ္ၚဲစန်ဂှ် ပပ္တံနူတ္ၚဲစန်-၁၅ သၞာံရ၊ နနဲသာ်ဏအ်ဝွံ ဒဵုစိုပ်တ္ၚဲသိုက််ရ )။
( ပၞောဝ်ဂြိုဟ်တံဂှ် ဂြိုဟ်မွဲမွဲ ဗွဲဒိုဟ်မၞုံဂှ် ဂြိုဟ်ပိထပ်မၞုံရ)
- ဗီုဍေံမံၚ်ဂှ် ရံၚ်ကေတ် ဗွဲသၟဝ်ဏံညိ။
ဂြိုဟ်ပိထပ်။ --- လၟေၚ်သၞာံဂြိုဟ်မွဲမွဲ။
၁-၆-၈ ------ ၂ သၞာံ။
၂-၁-၆ ------ ၅ သၞာံ။
၃-၂-၁ ------ ၂ သၞာံ ဒစာံဂိတု။
၄-၃-၂ ------ ၅ သၞာံ ဒစာံဂိတု။
၀-၄-၃ ------ ၃ သၞာံ ပန်ဂိတု။
၅-၀-၄ ------ ၆ သၞာံ ပန်ဂိတု။
၈-၅-၀ ------ ၄ သၞာံ။
၆-၈-၅ ------ ၇ သၞာံ။
ဂြိုဟ်ဒစာံဂှ် ဒှ်ၜါဌာန၊ ဂြိုဟ်သောမကီု သီုဂြိုဟ်ပါပ၊ စန်ဗုဒ္ဓအဴ ဗြဴဗတိရ၊ သီုဂြိုဟ်သိုက်ရ သောမပန်ဝွံ၊ အဒိုတ်အၚာ သ္ၚိသဝ်ရာဟု၊ ဂြိုဟ်ပါပပၠန်် ဒှ်ပန်မေခု၊ ဂြိုဟ်ဒစာံဝွံ ဒှ်ယမုၜါ၊ သောမပြဲရ ပါပယုတ်မာ၊ သာ်ဝွံလအာ ပိုၚ်ခြာဂတ၊ နူအဒိုတ်အဴ တရဴသၞာံရ၊ စိုပ်အၚာကၠာ ထပ်စုတ်ၜါပၠ၊ နူအၚာလဝ် သ္ၚိသဝ်ၜါပၠ၊ နူသ္ၚိသဝ်ကၠာ ရာဟုၜါရ၊ နူဂြိုဟ်မွဲကၠာ ဂလိုၚ်ၜါဂျ၊ နူစန်ဗုဒ္ဓ ဗြဴဗတိကၠာ၊ ဒဵုစိုပ်သိုက်ဗိုန် ဂၠိုၚ်တိုန်ၜါၜါ၊ သာ်ဝွံလအာ ပိုၚ်ခြာညိ။
- အဓိပ္ပါယ်
ဂြိုဟ်သောမ။ -- သၞာံ။
- ၂ ------- ၁၅
- ၄ ------- ၁၇
- ၅ ------- ၁၉
- ၆ ------- ၂၁
ဂြိုဟ်ပါပ။ -- သၞာံ။
- ၁ ------ ၆
- ၃ ------ ၈
- ၀ ------ ၁၀
- ၈ ------ ၁၂
( လၟေၚ်သၞာံမၚ်စ )
ဂြိုဟ်ပါပ
နူအဒိုတ် ၆ သၞာံဂှ် ထပ်စုတ် ၂ ၊ ဒှ်ဂြိုဟ်အၚာ ၈ သၞာံရ။ နူဂြိုဟ်အၚာ ၈ သၞာံဂှ် ထပ်စုတ် ၂ ၊ ဒှ််ဂြိုဟ်သ္ၚိသဝ် ၁၀ သၞာံရ။ နူဂြိုဟ်သ္ၚိသဝ် ၁၀ သၞာံဂှ် ထပ်စုတ် ၂ ၊ ဒှ်ဂြိုဟ်ရာဟု ၁၂ သၞာံရ။
ဂြိုဟ်သောမ
နူစန် ၁၅ သၞာံဂှ် ထပ်စုတ် ၂ ၊ ဒှ်ဂြိုဟ်ဗုဒ္ဓဝါ ၁၇ သၞာံရ။ နူဂြိုဟ်ဗုဒ္ဓဝါ ၁၇ သၞာံဂှ် ထပ်စုတ် ၂ ၊ ဒှ်ဂြိုဟ်ဗြဴဗတိ ၁၉ သၞာံရ။ နူဂြိုဟ်ဗြဴဗတိ ၁၉ သၞာံဂှ် ထပ်စုတ် ၂ ၊ ဒှ်ဂြိုဟ်သိုက် ၂၁ သၞာံရ။
၁။ အဒိုတ်တ်တဴပ္ဍဲပ္ညဳ တီကေတ်စ္ဍးနူဌာန်၊ ကၠုၚ်ခစသၟိၚ်ရာံ သ္ၚိတ်ဂြာံတဴလောန်လာန်၊ နာဲစာပအမှု ဇကုဒးစ္ဍးဌာန်၊ ကလောန်ဒှ်ညးကွာန် ဆာန်တုဲဒးစ္ဍးဩာဲ၊ ၜါသၞာံဒးကၟာဲ ဒၞါဲဝွံဟီုအဆတ်၊ ယဲဂၞဴနွံညိသၟတ် ဍာ်ရမတ်ဒးဒဇူ၊ စိုတ်ကတဴမံၚ်ဟူဟူ သ္ၚိမၞးညံၚ်တဴအာ၊ ကောန်သမ္ဘာဒးစ္ဍးခြာ ကာယရောဟွံသိုက််၊ က္ဍိုက်ဂၠုၚ်သီုကွာ်တိုက် ဒးဒဒိုက်ဗွဲမလောန်၊ တွံပါၚ်ဗေဒၚ်ပၠန် စွံပ္တန်လဝ်ရောၚ်။
၁။ အဒိုတ်တဴဒေါဝ်ကိုပ် သၟိၚ်ရာံလုပ်ဂြိုပ်ကၠာ၊ ဒဿဂြဳသဳဒါ ဍုၚ်လၚ်္ကာဍေံမဖျဴ၊ ဗက်မွဲပုံသဘဴ ဇာတာကောန်ဗြဴသဍး၊ ဗဵုဒ္ၚေါဝ်ဂွံလေၚ်လး ညးပလီုအကြာပၠန်၊ အိုတ်ဇၟာပ်ပတူဇန် ဇၟန်လဝ်စက်ဇာတာ၊ ဒြပ်အိုတ်လတူကၠာ အာစာတံဟီုလဝ်ညိ၊ သၟဝ်ကျာကဵုနေရတိ သတြုဒွံညိပၠန်၊ ဂွံဒြပ်သီုထဝ်ဩန် ဍေံဟွံတန်ပ္ဍဲဇကု၊ ညးဂၠါဲနၚ်အမှု ပ္ဍဲကဵုဂိတုမာ်၊ ဗက်ကဵုဂြိုဟ်ကဝါ် မာ်လောန်ခိုဟ်ညိရ၊ သမ္တီရဂွိုၚ်အမြိုတ် ပ္ဍဲစိုတ်ဂိုၚ်တော်ဆ၊ ဂြိုဟ်အဒိုတ်မၚ်စရ တော်ဆကဵုဗိုန်သ္အး။
၁။ အဒိုတ်တဴမ္ၚး ဘိမ္မာသာဒးပၟၚ်၊ ဒဒိုက်သၞာက္ဍၚ် ကောန်ဂၠါဲနၚ်အမှု၊ ၜိုန်ဒဵုကောန်ဇကု ကၠတ်ကေတ််ဒြပ်ဇကုရ၊ ဗက်မွဲပုံတမၠာ ဇာတာမဒှ်ပၠ၊ မာတ်ဇကုဟွံခိုဟ်စရ ညးပမံၚ်သၞကၠာ၊ သတြုမၞးစိ ပ္ဍဲသ္ၚိစက်ဇာတာ၊ ဍိက်ဒြပ်ဒဴလေၚ်အာ သာ်ဝွံအာစာပကန်၊ သမ္ဘာဒေပ်စိုတ်ၜါ ကၠတ်ဏာဒြပ်ထဝ်ဩန်၊ ဗွဲဒိုဟ်ဨသာန်သတိုတ် ဟိုတ်နူသတ်ဇိုၚ်ပန်၊ ဒြပ်လေၚ်က္တဵုဒှ်ဗိုန် သာ်ဝွံပကန်အာစာပ္ညဳ။
၂။ စန်တဴပ္ဍဲရနုက် သၟိၚ်ရာံသၟုက်နန်ထဝ်၊ သၟိၚ်ကၞုဲကၠုၚ်ဂဇံသဝ် ကွာဲလဝ်အနုမာန်၊ ဗက်မွဲပုံတမၠာ ဇာတာသီုနိဒါန်၊ ဂွံလာဘ်စၟတ်ကွေံကြာန် ညးဗှ်ဆာန်ဇကု၊ ဂွံလာဘ်သာံကၟု သာ်ဝွံအာစာပကန်၊ ဒဵုမသုန်သၞာ်သ္အး ညးဒးသ္ဍိုက်ဆာန်ပြဟ်၊ သမၠုၚ်ကျာဗမံက်ဂှ် ဒှ်ဒုဟ်မိတ်သေၚ်ဟာ၊ ယာံမဂွံမြာ သတ်ဇိုၚ်ၜါမပြဲသန်၊ ဟွံသေၚ်မေတၠ ညးနွံဂကူသန်၊ ဒဒှ်အကြီုဂြိုဟ်စန် ဒဵုမသုန်သၞာံပၠန်သာ်ဝွံ။
၂။ စန်တဴဒေါဝ််မေခု သတြုဒးသ္ဍိုက်ဆာန်၊ ဂွံအာဲသီုပိုန်ဟာန် က္တဵုဒှ်ဂလာန်ညိ၊ ဒိုဟ်သမၠုၚ်ကျာစိ ကလိဂွံသီုလာဘ၊ သတြုဂွံဇၞးကွေံရ ကာယဍေံရောသိုက်၊ က္ဍိုက်ဂၠုၚ်သီုကွာ်တိုက် ဒဒိိုက်လောန်ဆတ္တဝ်၊ ၜါသၞာံဒစာံဂိတု သာ်ဝွံမဟီုလဝ်၊ မၞးဂွံသိုက်ကျဝ် ဂွံလ္ၚောဝ်မွဲခဏ၊ ဗွဲဒိုဟ်အဂၞဲဟေၚ်် သတြုလေပ်ဂြၚ်သၟ၊ ကလောၜိုန်ခစ ပညံၚ်ညးကွာန်၊ ဗက်ကဵုပုံနိဒါန် ပ္ကာန်စန်တဴဒေါဝ်၊ ဟောရာဗေဒၚ်ဓဝ် တွံလဝ်ပထမ။
၂။ စန်ယဝ်တဴမ္ၚး ဒးဒၞါဲအနုမာန်ပၠန်၊ လုပ်ကေတ်ဂဥုဲပ္ညဳ သွက်ဂွံလွဳဟွံခၠန်၊ ဟွံဂွံဂဥုဲကၠာ ဖေက်လက္ခဏမှာသ္ကန်၊ ဒေပ်လဝ်စိုတ်ဓဇန် ဟွံတန်ဒၟံၚ်ပိုန်ဟာန်၊ လၟေၚ်ညးတံဂှ် ဒှ်ဒၟံၚ်ပုံအဓာန်၊ ဗုဒ္ဓကဵုသိုက် ခိုဟ်သ္ဍိုက်လောန်လာန်၊ တ္ၚဲသၟိဟ်နူဂှ် ဒှ်ပဗဂလာန်၊ မသုန်သၞာံဒစာံဂိတု သာ်ဝွံပ္ဍဲနိဒါန်။
၃။ အၚာတဴပ္ဍဲ ဒိုဟ်အနဲလ္ပအာ၊ ဒးဘိမ္မသာ ကလိဂွံကောန်ပါပ၊ တသိုၚ်ကေတ်ပိုန်ဒၞါဲမ ညးနၚ်ပဂလာန်၊ ၜါသၞာံဒစာံဂိတု လနဳဝွံကွေံကြာန်၊ မ္ၚးနူဂလာန်ဒးမိၚ် ဂွိၚ်မံၚ်ဂိကတာန်၊ ပ္ဍဲသ္ၚိၜိုန်တိက်မံၚ်ရ သတြုဍေံပမာန်၊ သမ္ဘာၜိုန်မဆာန် တုပ်ညံၚ်ညးကွာန်ရ၊ ကမၠတ်သီုဒမၠ ဘဲလ္ၚဂၠိုၚ်ကဵုတောၚ်၊ ဂုဏ်ဍိက်ဒြပ်ဒးဍောၚ် လၟေၚ်ဍေံဒှ်ပၠန်၊ ၜါသၞာံဂှ်တုန်ပၠ သာ်ဝွံဟွံခၠန်ဓဝ်၊ ဒှ်အမှုဗွဲလ္ၚဵု ဆီဇကုဒးတိတ်ဇွောဝ်၊ သမ္တီလဝ်ရဂွိုၚ်အမြိုတ် ပ္ဍဲစိုတ်ဂြၚ်ချပ်ဓဝ်၊ လသုမွဲကဵုဓဝ် ချပ်လဝ်ပ္ဍဲဇကု။
၃။ အၚာတဴဒေါဝ်သက်လက် ဘဒ္ဒြလက်ညးပပၞာန်၊ ဘဲယဲဂၠိုၚ်ကွေံကြာန် က္တဵုဒှ်ဂလာန်နာနာ၊ ဒၟာနူပါၚ်ကၠာ ဒှ်ဒုဟ်ဗဂါဆက်၊ ဒိုဟ်ပလိုတ်ယာံအာဗက် သက်ဆဵုဒးသတြု၊ ညးဂၠါဲနၚ်အမှု ကဵုဇကုသေၚ်ဟာ၊ မၚ်မွဲလဝ်မုဟ်ပါၚ်ဟေၚ် ဝေၚ်ညိလ္ပအာ၊ ဟိုတ်နူကောန်သမ္ဘာ ဒးလီုစိုတ်ခါဂှ်၊ ဍောၚ်စိုတ််််ဒှ်သှ်သှ် ဂုဏ်ဟွံဗှ်သၞာ၊ သမ္တီလဝ်ပကဵုဝိုတ် ပ္ဍဲစိုတ်ဗစာရဏာ၊ တွံဂြိုဟ်အၚာကၠာ ပြာကတ်လဝ်ဒဵုအဓာန်။
၃။ အၚာတဴမ္ၚး ဒဿဂြဳဒးကံရာံ၊ ဒးတူပၟတ်သ္ဍာံ အာစာဗျာံကိုန်ခန်၊ ဒၟာနူဗြဴပၠန် ထဝ်ဩန်ဒးတိတ်အာ၊ သာ်ဝွံဟီုတုဲဟေၚ် လၟေၚ်ညးတမၠာ၊ ဒိုဟ်ကီုလ္ပမှာ လအာဂြိုဟ်ပြက်စ၊ နူဝွံအာဂတ တွံကဵုရမွဲတောၚ်၊ ဗွဲဒိုဟ်အဂၞဲရောၚ် ဟွံယောၚ်မၞးဒးအာ၊ လီုလာ်ဒးမှာရာ သာ်ဝွံအာစာဂကန်၊ ခါရယဲဒးအိုတ်သ္ကန် မွဲတန်စၟတ်ကွေံရ၊ ကိုန်တၟေၚ်ဝိသေသ သမ္တီလဝ်လ္ပကဵုမှာ။
၄။ ဗုဒ္ဓတဴပ္ဍဲသၟတ် ဘဒ္ဒြလက်တိတ်မၚ်သဳ၊ ထဝ်ဩန်ဍိက်သ္ကံပ္ညဳ မိတ်ကျာ်ဩဳဂွံသန်၊ နာဲစာဆာန််ကၟိန်သန်် တန််မံၚ်ပ္ဍဲပိုန်ဟာန်၊ မသုန်သၞာံဒစာံဂိတုရ မူလပ္ဍဲနဳဒါန်၊ သတြုဟွံဂံၚ်ပ္ကာန် မိတ်ဆာန်ဂွံလ္ၚောဝ်သ္ဍာံ၊ ဒိုဟ်သမၠုၚ်ကျာဗျာံ မသုန်သၞာံဒစာံဂိတုကၠာ၊ ဍိက်ဒြပ်ပိုန်ဂွံမြာ ဝေဒနာသီုအန္တရာဲ၊ ညံၚ်ဗီုရာသဳ ကျာ်ဩဳမဂေါဝ်ဆာဲ၊ ဒၞါဲညးညာတ်ဒးဗ္ဒါဲ ဒၞာဲအာဟွံဒးဂွိၚ်။
၄။ ဗုဒ္ဓတဴဒေါဝ်သွံ ဒဿဂြဳဂွံဗြဴယာန်၊ သၟဟ်န်ဂွံရေၚ်ကာန် သဳဒါဇြဟာန်ရာံ၊ ဒှ်မံၚ်ပုံအဒါံ ဨသာန်ဍုၚ်လၚ်္ကာ၊ ဗက်မွဲပုံတမၠာ မိတ်သမ္ဘာဇကုပၠ၊ ယဝ်ခစသၟိၚ်သွံ ဗွဲသွာဂွံလာဘ်ရ၊ အိုတ်ဇၟာပ်သၟိၚ်တၠ ညာတ်မုက်ဒးဆာန်ရအဴ၊ ဒှ်ဂလာန်မ္ဂး ဒၞာဲဟီုဂွံဇၞးစဴ၊ ပညာညံၚ်ဗီုသ္ဍဴ ညံၚ်ရဴဗီုဍာ်ကွိန်၊ စၚ်ခြၚ်သ္ၚေဝ်ကဵုပိုန် ပ္ဍဲကိုန်တွံလဝ်သ္ဍာံ။
၄။ ဗုဒ္ဓတဴမ္ၚး သဳဒါဗၠးကလေၚ်၊ ဆာန်ကၟိန်ဂွံလးလေၚ် လၟေၚ်ကုသိုလ်တၞံ၊ သာကျကၠုၚ်ဆဵုဟာန် ဌာန်တၞံဂွံဟာန်ဇာ၊ အသဝ်သၟတ်သ္ဍာံ အဂီုပုံရာံသဳဒါ၊ ဂွံလာဘ်သတ်ဇိုၚ််ၜါ မြာဂွံလာဘ်သတ်ဇိုၚ်ပန်၊ ကလိဂွံလာဘထဝ်ဩန် တန်ဒၟံၚ်ပ္ဍဲဌာန်တသိုက်၊ ဂြိုဟ်ဗုဒ္ဓဝါဇိုက် သိုက်စိုတ်ဟေၚ်ဆတ္တဝ်၊ ခယဂွံကျိုၚ်ကျဝ် သီုကောန်ကလၚ်ရ၊ ဒဵုတြဴသၞာံပန်ဂိတုဂျ၊ တေဇပြဲလောန်တုန် ကိုတ်ဝွံနွံကဵုဂုဏ်၊ တိတ်ဟီုပ္ဍုန်လဝ်ကၠာ ဗီုပြၚ်ညးတမၠာ ဗစာရဏာသာ်ဝွံရ။
၅။ ဗြဴဗတိတဴပ္ဍဲသ္ဍာံ သၟိၚ်ရာံဂွံသဳဒါ၊ ဂွံလာဘ်ထဝ်ဩန်ကၠာ လအာဒိုဟ်နေရတိ၊ ဂွံခိုဟ်စဒမၠိ နကြိညးသ္ဍိုက်ဆာန်၊ ဂွံကောန်သမ္ဘာကွေံကြာန် ဒြပ်ရဂွံဟာန်ဇာ၊ ဒဵုကဵုတြဴသၞာံပန်ဂိတုဟေၚ် ဂွံခိုဟ်စသေၚ်ဟာ၊ သ္ဍိုက်မၠိုက်မိတ်ပြဝါ သာဓာဂွံနှဴဂၠိန်၊ တုပ်ဗီုသၟိၚ်အိန် ကၟိန်ဍုၚ်သွဝ်ၜါ၊ ဘဲယဲလာဲလေၚ်အိုတ် မိပ်စိိုတ်တုဲမကြီုဇာ၊ တွံဗေဒၚ်ဟောရာ တိတ်ဟီုလဝ်ကၠာရောၚ်။
၅။ ဗြဴဗတိတဴဒေါဝ်သွံ ခ္ဍာယျုဂွံဟာန်ဇာ၊ ဒှ်သၟိၚ်ရသေၚ်ဟာ ဂွံဍုၚ်လၚ်္ကာဂှ်၊ ခ္ဍာယျုကြီုလတှ် ညးဂှ်တုပ်အဲရော၊ ဇာတာဒွံဂြိုဟ်ရော ပ္ဍဲကဵုကောသဳရး၊ ဇၟာပ်ညးဒးခစ နွံကဵုသဳလပြဲ၊ ကလောန်နူဇမ္ၚောဲ ကၠုၚ်စိုပ်တဲဇကု၊ ဟီုဂလာန်ဇၞးအမှု သာ်ဝွံသမ္တီလဝ်၊ ဍိက်ပိဂွံဗဵုဒ္ၚေါဝ် တွဵုလဝ်ပ္ဍဲဗေဒၚ်၊ တဝှ်အာစာသဝ် ဂြၚ််လဝ်ရအဴ။
၅။ ဗြဴဗတိတဴမ္ၚး ရာံဇၞးဒဿဂြဳ၊ ဗဵုဟုပ်ကၠံၚ်တွဳ မိပ်စိုတ်ဖဳဒွါတဴ၊ ရာံဂွံကလေၚ်စဴ မိတ်ဆာန်ကြဴဂွံဒ္ၚေါဝ်၊ ဗက်မွဲပုံတမၠာ ဇာတာညးဆတ္တဝ်၊ ဒၞာဲအာသက်သ္ဍဝ် ဂွံဇၞးဗွဝ်ပိုန်၊ မိတ်ဆာန်ဂွံဒ္ၚေါဝ်ဗိုန်် စိုန်သကီုတဴလောန်လာန်၊ ယဝ်ပ္ကီုကွေံကြာန် ဂွံဇၞးပၞာန်ရသေၚ်ဟာ၊ သ္ဍိုက်မၠိုက်မိတ်သမ္ဘာ ယဂွံသိုက်သၠိၚ်၊ ဒဵုကဵုထပှ်သၞာံဗျိၚ် ဟွံဒးဂွိၚ်စံၚ်တူ။
၆။ သိုက်တဴပ္ဍဲကၠာ ရာံစိုပ်လၚ်္ကာဌာန်၊ အနုမာန်ဒှ်သဟာဲ သ္ကာတ်ဩာဲတဴဟာန်၊ ဍေံဝွံဇၞော်နုဘဴ ဒယှ်တဴလောန်လာန်၊ ဗတ်အဲပကီုပၞာန် ညးဒုၚ်မာန်ကီုဟာ၊ သၟိၚ်ရာံတေံကြဵုဇာ သဳဒါဒးဂွံရ၊ အဒဿဂြဳတေံပၠန် ဒဵုကဵုအိုတ်ခန္ဓ၊ ဂုဏ်အနုမာန်ရ ဒဿဂြဳကျစဴပၞာန်၊ မိတ်ဆာန်ဂွံရေၚ်ကာန် မွဲဟာန်ရသေၚ်ဟာ။
၆။ သိုက်တဴဒေါဝ်ကွေံကြာန် ဘဳဘေတ်လောန်လာန်သဒှ်၊ ဒှ်သၟိၚ်ကာလဂှ် ဗွဲပြဟ်ဟွံယောၚ်သိတ်၊ နွံကညာနိမိတ် လအိတ်ဂွံဟာန်ဇဴ၊ နူကလောဒညာတ်ကၠာ မြာဂွံလာဘ်သၠုၚ်၊ ဂြိုဟ်သိုက်မဂေါဝ်သ္ဇုၚ် ပ္ညုၚ်လဝ်ပ္ဍဲဟောရာ။
၆။ ရာံဇၞးဒဿဂြဳ သိုက်ပ္ညဳမ္ၚး၊ ဒးဍောၚ်စိုတ်ဇၞော်ကၠး ဂတးဂွံလာဘ်ဗွဲကြ၊ ပဟိုတ်နူကောန်အဴ စဴဒှ်ဒဒိုက်စိုတ်၊ ဗာယပ်ကဵုပလိုတ် ဝေၚ်စိုတ်လ္ပအာ၊ ဂွံလာဘ်ဟေၚ်ကွေံရ လာဘညးပလီုအကြာ၊ သွံရာန်စသေၚ်ဟာ ဗၞိက်ပၠန်အခါဂှ်၊ ကလိဂွံဗွဲပြဟ် ဒှ်တဴဍောၚ်စိုတ်ညိ၊ ဗွဲဒိုဟ်နေရတိ တြုံမွဲညိသေၚ်ဟာ၊ ဒှ်မၞိဟ်ထပက်ကာ ကေတ်ဏာဒြပ်ဇကု၊ ဟီုဂၠိုၚ်ဒှ်အမှု ဒၞါဲဝွံသမ္တီကဵုဗိုန်၊ သေမျမဍံဒုၚ်တိုန် ပိုန်နွံဒၟံၚ််ကွေံရ။
၇။ သ္ၚိသဝ်တဴပ္ဍဲပ္ညဳ ဒဿဂြဳက္ဍိုပ်လ္ၚီသဒှ်၊ ဗွဲဒိုဟ်အဂၞဲဂှ် ယာဲအာဒှ်အမှု၊ ဒှ်မံၚ်ဌာန်သတြု ဇကုညးဟွံဆာန်၊ ဍာ်ရမတ်ဒးတိတ်ဟာန် နူဌာန်စက္ခုဒွါ၊ ဒြပ်အိုတ်ယဲဒိုက်ပြဲ ဇိုၚ်တဲမတ်သွာ၊ က္တဵုဒှ်ဂလာန်ကၠာ နာနာဂၠိုၚ်ကဵုသာ်၊ ဍိုက်ဂၠုၚ်ဒးဗြံဍာ် သာ်ဝွံအာစာဂကန်၊ သ္ၚိတူဒြပ်အိုတ်ပၠန် ဒးခြာတူကောန်သမ္ဘာ၊ ဒဵုပိသၞာံပန်ဂိတုဟေၚ် အဂၞဲဝေၚ်လ္ပအာ ဂြိုဟ်သ္ၚိသဝ်မၚ်စကၠာ ဗ္စာရဏာကဵုဗိုန်ညိ။
၇။ သ္ၚိသဝ်တဴဒေါဝ်သွံ ဒဿဂြဳထောံဗြဴယာန်၊ လီုဒယိုၚ်သ္ၚိသေၚ််ဟာ လသာနူဍုၚ်ကွာန်၊ မိတ်အာဲဒၞါဲဆာန် နူဌာန်ဒးစာ်ခြာ၊ တူပၟတ်ဗြံဍာ် ဂၠိုၚ်သာ်ဒးမှာရာ၊ ဂွံဂြိုဟ်ဟောရာ အာစာတံဂကန်လဝ်၊ ဒဵုတြဴသၞာံပန်ဂိတုဓဝ် လၚ်ဇွောဝ်ဒးဥူမတ်၊ မိတ်သဟာဲဒှ်ကမၠတ် ကၠတ်ဏာဒြပ်ဇကု၊ ခိုၚ်ကဵုဂြိုဟ်မေခု သာ်ဝွံဒှ်သေၚ်ဟာ၊ ဒွံဂြိုဟ်ဟောရာ ဗ္စာရဏာကဵုဗိိုန်သ္အး။
၇။ သ္ၚိသဝ်တဴမ္ၚးသိုတ် ခ္ဍာယျုအိုတ်သ္ကန်အဴ၊ အဒဿဂြဳစောန်စိုတ်တဴ နုဘဴလစိန်ဂှ်၊ ဆာန်တုဲဖျိုန်ဟုဲဟဟ် ကြဴတဲစဴဒှ်ပၞာန်၊ မၞ:တအ်ဒှ်ဂလာန် နဳဒါန််ပ္ဍဲဂြိုဟ်ဝွံ၊ ဟိုတ်နူကဵုထဝ်ဩန် ဂၠိုၚ်တန်ကဵုဒှ်အမှု၊ အာဒၞာဲဟွံဂွံ နာဲတံဒှ်အမှုဗိုန်၊ ပ္ဍဲတဝှ်ကိုန် သမ္တီကဵုဗိုန်ညိ။
၈။ ရာဟာတဴပ္ဍဲကၟာ သၟိၚ်ခဍာယျုပၠ၊ ကေုာံသၟိၚ်ရာံရ ညးၜါပသဟာဲ၊ ဆာန်တုဲဒးစ္ဍးဩာဲ ဒၞာဲဝွံတၚ်ဂလာန်၊ နာဲစာပအမှု ဇကုဒးစ္ဍးဌာန်၊ ဟုံအာဂိကတာန် လောန်လာန်ကဵုဒြဟတ်၊ ဟွံသေၚ်တူပၟတ် ဒြပ်ကမၠတ်ဂွံဏာ၊ ဗာယပ်ကဵုသမၠုၚ်ကျာ ပါမှတ်သတြု၊ က္တဵုဒှ်ယဲဇကု ပ္ဍဲသ္ၚိဇကုဟေၚ်၊ သမ္ဘာဍေံဗၠိုန်ဖျေၚ် ဟွံသေၚ််ဒှ်ယဲဂၞဴ၊ ဒဵုကဵုပန်သၞာဲအဴ ကတူစိုတ်ညံၚ်တူ၊ သဗ္ဗကေၚ်ကာရ ကၠောန်ဗ္ၚသီုကၠောန်ဂူ၊ ကတူမံၚ်စိုတ်ဟူဟူ နူကဵုမူလဟေၚ်၊ ဍိက်သ္ကံသီုဂၠဴပြေၚ် ဗွဲလၟေၚ်ဍေံကၠေံအာ၊ ဒွံဂြိုဟ်ရာဟုသ္အး နူစိုတ်ဒ:သိၚ်သာ၊ တိုၚ်ကိုန်အာစာ တွံလဝ်ဟွံခြာယောၚ်။
၈။ ရာဟုတဴဒေါဝ်ဟာန် အနုမာန်လုပ်စံၚ်ဍုၚ်၊ သၞပြက်ဗဝ်သၠုၚ် ကၠေၚ်ဒယာၚ်သ္ဍဴဖျုၚ်ကၠာ၊ စိုတ်ကတူမံၚ်ဟူဟူ သ္ၚိမၞးဒးတူအာ၊ သမ္ဘာဒးစ္ဍးခြာ ကာယဍေံဟွံတန်၊ ဒြပ်အိုတ်သၟတ်ပၠန် သာ်ဝွံဂကန်အာစာ၊ ဒဵုထပှ်သၞာံကၠာ အာစာတံဂကန်လဝ်၊ ဒိုဟ်ဗာယပ်ဆတ္တဝ် ယဝ်အာဒှ်အမှု၊ ဒှ်ဒၟံၚ်ဌာန်သတြု ဇကုညးဟွံဆာန်ဟေၚ်၊ တီတုဲကဵုစှ်ေဝေၚ် ပ္ဍဲကဵုဗရေၚ်ဂြိုဟ်၊ သ္ၚေဝ်ဗိုန်တုဲကဵုဒိုဟ် ပ္ဍဲကဵုဂြိုဟ်ရာဟု။
၈။ ရာဟုတဴမ္ၚး ဘဳဘေတ်ဗၠးတိတ်နူဍုၚ်၊ နာဲစာပၞတ်ပ္ညုၚ် ဒိုဟ်ဗာယပ်ဒးကၠုၚ်အာ၊ ဒြပ်လေၚ်သက္ကုခြာ ဟုံအာဂိကတာန်၊ သတြုလေဝ်ဂြိုဟ်မာန် ဌာန်ဇကုဟွံဂွံမံၚ်၊ ယာယဳမ္ဒးပြံၚ် နူကဵုဌာန်ဒၟံၚ်ပြဟ်၊ ဒဵုကဵုၜါသၞာံဂှ် ဒှ်တဴရသေၚ်ဟာ၊ ယဲဘဲဂၠိုၚ်ကဵုသာ် ဍိုက်ဂၠုၚ်ဗြံဍာ်ကၠာ၊ အိုတ်သ္ကန်ဟွံဂွံမှာ ဟုံသၟတ်အာစာတွံ၊ ဗေဒၚ်ဗိုတ်ဒယှ် ညံၚ်ဗီုအတှ်ထဝ်၊ စဳပျးဒက်ဇန်အဵု ဒဵုအဓာန်ကဝ်၊ ဗေဒၚ်တြုံအသဝ် သမ္တီလဝ်ပ္ဍဲအက္ခရ၊ တဝှ်ရာဟုမၚ်စ တိတ်ဟီုပၠလဝ်ရောၚ်။
ကိုန်ဂြိုဟ်မၚ်စ
[ပလေဝ်ဒါန် | ပလေဝ်ဒါန် တမ်ကၞက်]၁။ အဒိုတ်မၚ်စ မၞးပသတိ၊ ဒှ်ဟိုတ်ဒမၠိ ဇာတိအဒိုတ်၊ စန်လာဘ်ဟွံပိုတ် ဂွံအိုဟ်သဗ္ဗ၊ ဒှ်ဂြိုဟ်စန္ဒြ ဒါနဇိုန်ကဵု၊ အၚာမၚ်အဵု ဟိုတ်ဖဵုဇၞော်ဂၠိ၊ မၚ်မွဲလဝ်ညိ ဒမၠိဟွံခြာ၊ ဗုဒ္ဓမၚ်ကၠာ မြာသမ္ပတ္တိ ဒှ်သုခစိ၊ သမာဓိတန် သ္ၚိသဝ်မၚ်ပၠန်၊ ဟိုတ်ဇၞော်တန်ဒှ်၊ စိုတ်ဒှ်မဇ္ၛဟ် တွံဟီုဒမၠိ ဗြဴဗတိမၚ်စိ၊ သတ်ဗျိဟွံမွဲ ဇိုက်ဂှ်ဇၞော်ပြဲ တွံပ္ဍဲဗေဒၚ်၊ ရာဟုယဝ်မၚ် ဒုက္ခဟေၚ်ဒွံ ကဵုမၚ်မွဲဇကု၊ သာ်ဝွံမဟီု သိုက်ဇိုက်ဇၞော်ကီု သ္ဇက်ဟီုဟွံမွဲ၊ ဂြိုဟ်ဒစာံဝွံပြဲ သိုက်မွဲဇၞော်လောန်သာန် ဣဝွံဒှ်နနဳဒါန််၊ ပဓာန်ကဵုပုံရာံ ဒှ်ကိုန်ဂြိုဟ်ဒစာံ အာစာဗျာံလဝ်ရောၚ်။
၁။ အဒိုတ်မၚ်ဟေၚ် ပြေၚ်တက်ကၠစ မိတ်ခန္ဓလီု၊ ယဲတရေံကီု သီုမိမၜါ သမ္ဘာခြာတၞဟ်၊ စစၞက္ဍၚ် ဒးမၚ်မွဲတဲ ယဲဥူမတ်ဒှ်၊ ဂြိုဟ်အဒိုတ်ဂှ် တွံလဝ်မွဲတောၚ်် ဟွံဂွံယောၚ်ကီို။
၂။ စန်ယဝ်မၚ်ရ လာဘဂွံမြာ၊ ဂွံအာဲညးကၠာ မြာသမ္ပတ္တိ၊ ဂွံတသိုက််စိ ဇာတိစန္ဒြ၊ တွံအာစာရ မပြာကတ််ရောၚ််။
၃။ အၚာဆတ္တဝ် ယဝ်မၚ်စကၠာ၊ အိုတ်မိမၜါ အာစာကဵုဒှ်၊ ကောဒေံၝဲဗြဴ မွဲဂၞဴကီုသၟတ်၊ ကောန်သမ္ဘာဂှ် ဒှ်သတြုသၞ၊ မိသဟာယ ပမွဲသွတ်သွာ၊ ဒးစာ်ဂိုၚ်ကၠာ အာစာတွံလဝ်၊ အၚာဆတ္တဝ် ဟီုတွံလဝ်ရောၚ်။
၄။ ဂြိုဟ်ဗုဒ္ဓဝါ အာယုက်အာစိုပ် ကြိုပ်လာဘ်သကာ၊ ဒှ်ဇိုက်ဇၞော်ကၠာ လာဘဟွံဟုတ် ဟွံဂွံသဂုတ််ခြာ၊ မၚ်မွဲသဳလ ဟီုပၠလက်သန် ဗကန်အာစာ၊ ဂြိုဟ်ဗုဒ္ဓဝါ မြာလာဘ်တုန်သၟတ်၊ ပြာကတ်လဝ်ရောၚ်။
၅။ ဂြိုဟ်ဇၞော်တွံလဝ် သ္ၚိသဝ်ဂးမာ၊ အာယုက်တန်ကိုပ် စိုပ်ကၠုၚ်သေၚ်ဟာ၊ ဒှ်ဒုဟ်ဇၞော်ကၠာ အာစာဟီုလဝ်၊ ဒိုဟ်အဂၞဲဓဝ် စွံလဝ်မာန၊ ယဝ်ပ္တုဲဒါန ဗၠးရဂးကဵု၊ ဂြိုဟ်သ္ၚိသဝ်အဵု တွံကဵုမွဲတောၚ်။
၆။ ဂြိုဟ်ဗြဴဗတိ ညိဟွံဂွံယောၚ်၊ အာယုက်ဆတ္တဝ် ယဝ်စိုပ်မွဲတောၚ်၊ ဇၞးသတြုရောၚ် အခေါၚ်ဂွံလာဘ်၊ စွံစိုတ်ဗျဳဗျာပ် လာဘ်စိုတ်ဟွံယောၚ်၊ ဗြဴဗတိရောၚ် အခေါၚ်တွံလဝ်၊ ဒဵုတွဵုကဝ် သမ္တီလဝ်ညိ။
၇။ ဂြိုဟ်ပါပဇၞော် ကော်ဂးရာဟု၊ အာယုက်မေခု ဒွံဇကုကၠာ၊ ကသက်ကသာ ကာယဇကု၊ ယဝ်ပအမှု ဇကုကျညး၊ ယဝ်ယဲမ္ဂး မၞးတံမှတ်လွဳ၊ သဝ်ဇမ္ၚောဲပ္ညဳ မှတ်ပလွဳညိ၊ သတြုစိုပ်သ္ၚိ ယုတ္တိမၚ်မွဲ၊ ဘဲပၟတ်ပြဲ မၞးမၚ်မွဲညိ၊ မှတ်ပဝတ္တိ ဇာတိရာဟု။
၈။ ဂြိုဟ်သိုက်ဆတ္တဝ် ယဝ်ကၠုၚ်စိုပ်စိ၊ ဂွံပိုန်ဒမၠိ နကြိညးကဵု၊ ဇိုက်ဇၞော်လောန်အဵု လာဘက္တဵုဒှ်၊ ဇိုၚ်ၜါဇိုၚ်ပန် ထဝ်ဩန်တံဂှ်၊ ညးဇိုန်ကီုပြဟ် တွံလဝ်သေၚ်ဟာ၊ ဂြိုဟ်သိုက်တုန်ကၠာ ပြာကတ်လဝ်ရောၚ်။
ကိုန်ဂြိုဟ်ကဝါ်
[ပလေဝ်ဒါန် | ပလေဝ်ဒါန် တမ်ကၞက်]၁။ အာယုက်စိုပ်အဒိုတ် ။ ။
အာယုက်ညးကိုပ် စိုပ်အဒိုတ်ကၠာ၊ ပန်ဂိတုရ ဒိုဟ်ပကဵုမှာ၊ သီုကဵုစိတြ မာဃဟွံခြာ၊ ဂိတုစဲဟေၚ် ရဟွံသေၚ်ဟာ၊ ကထိုက်ပုဟ်ကီု ဟဒယီုမှာ၊ ပ္ဍဲပန်ဂိတု အနုသန်ခြာ၊ နူညးဇမ္ၚောဲ ဗွဲဝါစဳဒွါ၊ ဖစုက်နၚ်ဏာ မၞးမိၚ်ကၠာရ၊ မိၚ်ဂလာန်ဂှ် ဒှ်သံဝေဂ၊ နူကောန်သမ္ဘာ ခြာဒဝ်စာ်သၠ၊ ဍိက်သ္ကံပြေၚ်ဂၠဴ ဍေံဒဴအာဂျ၊ ထဝ်ဩန်ဒတုံ ဒးဟုံမှာရ၊ ဗြဴရုပ်ဟွံမွဲ ဗွဲဝစဳပၠ၊ ဒိုဟ်ဨသာန်ဂှ် ဒှ်သေက်ဟေၚ်ရ၊ သ္ၚံဝါစဳဒွါ ဟွံဂွံမှာရ၊ ဂြိုဟ်အဒိုတ်ပၠ ပလဝ်သမ္တီ။
၂။ အာယုက်စိုပ်စန််။ ။
နာဲလျးစက်ဩန် ဗ္ဂန်ဨရာပိုန်၊ တ္ၚဲစန္ဒြဗိုန် လိုန်ယုဂ္ဂန္ဓဝ်၊ အာယုက်ဒတုံ ဘုံဂှ်ဆတ္တဝ်၊ ပ္ဍဲပသာ်ဓဝ် တွံလဝ်ကိုန်ခန်၊ ကထိုက်မွဲဒွန် ဇၞးပၠန်သတြု၊ လာဘ်သာ်ကၟု ဇကုဂွံရ၊ ကလေၚ်ဒေသ မူလတဏံ၊ ဒှ်ဂမ္တဴစိုတ် စရိုတ်အဟံ၊ သာ်ဝွံဒှ်တံ တၞံမူလစန်။
၃။ အာယုက်စိုပ်အၚာ။
သတ်လိုက်ဗာတံ ဒွံဂြိုဟ်အၚာ၊ အာယုက်ဒွံကီု လဟီုဂးကၠာ၊ ပိဂိတုရ ဒိုဟ်ပကဵုမှာ၊ ပသာ်ပုဟ်ဗိုန် ဖဝ်ရဂိုန်ကၠာ၊ ယာယဳနွံဟေၚ် လၟေၚ်လအာ၊ ဍိုက်ဂၠုၚ်ကွာ်တိုက် ဒဒိုက်ဖြာဖြာ၊ အမှုကွေံကြာန် ဂလာန်နာနာ၊ တၞေၚ်ဇိုက်ဂွက် တသိၚ်ဒွက်ကၠာ၊ ဒိုဟ်အဂၞဲဂှ် တပှ်ကိုန်ဒြာ၊ မၞိဟ်လဇ္ဇဳကီု ပလီုအကြာ၊ သီုကလော်သ္ၚိ ဒိတ္ထဳသေဟာ၊ ဗ္ဒဟ်ကဵုဒိုက်ယဲ မွဲတဲဟွံခြာ၊ တဝှ်အာစာ ဒှ်ဟောရာဗၠာဲ။
၄။ အာယုက်စိုပ်ဗုဒ္ဓဝါ။ ။
ပဳတိလျုၚ် ဖျုၚ်စေတနာ၊ အာယုက်ဒွံရ ပဂွိၚ်စံၚ်ဏှာ၊ ဂြိုဟ်ဗုဒ္ဓကၠာ အာစိုပ်လမာ်၊ ဂိတုပသာ် ကျာ်ဇၞးမာ၊ ကၠေၚ်မက်ဂမၠိုၚ် ဂၠိုၚ်ဍိုက်ပေၚ်ကၠာ၊ စိၚ်ဂၠုၚ်ဂၠဴပြေၚ် ထဝ်ဩန်ရေၚ်ဗ္ဂါ၊ ဗြဴဝုတ်ကညာ သ္အဳဗ္ဂာကျာ်ဩဳ၊ သတ်ဇိုၚ်ၜါပ္ညဳ အနဳဇိုၚ်ပန်၊ ဍိက်သ္ကံဂွံပၠန် ဗစန်အ္စာ၊ ဂၠိက်ယာတ်ကြိယာ မြာဂွံမွဲတဲ၊ ဂိတုပုဟ်ပြဲ ပ္ဍဲဂိတုမာ်၊ စိုတ်ဟွံတန်ဖျာ် သ္အဵုသ္အာ်စံၚ်နှာ၊ ညံၚ်ပတေၚ်ကၠာ ဒွံကျာသ္ကာတ်ဒြာတ်၊ ဒှ်အမှုရ ဒးကျရာဲသာတ်၊ အ္စာတွံကၞာတ် ညာတ်ဂြိုဟ်ဗုဒ္ဓ။
၇။ စိုပ်အာယုက်သ္ၚိသဝ်။ ။
ဂြိုဟ်မွဲဆတ္တဝ် သ္ၚိသဝ်ဂးမာ၊ အာယုက်ဖလုတ် ဒွံစုတ်သေၚ်ဟာ၊ ပ္ဍဲပသာ်ဗိုန် ဒးတိုန်ရုၚ်စာ၊ ဒြပ်ဒးဟုံပၠန် ဟွံဂွံသ္ဇိုၚ်ညှာ၊ ထဝ်ဩန်ဗၠဲဒွါ လေၚ်အာဟေၚ်ရ၊ မၞိဟ်ယုတ်အဟိုတ် စိုတ်ဒၟိက်ပါပ၊ ဗၟုဲဘုတ်ပြိုတ် ဒက်စိုတ်ပသၞ၊ ဆီပတိုဟ်အဵု နူကဵုကာယ၊ ဇိုၚ်တဲကဵုဩ ကာယဝွံဂှ်၊ ဂိတုပုဟ်ဂှ် ဟီုတွံကဵုရ၊ ဟိုတ်သမ္ဘာညး ဒးဒတဴဂျ၊ နူဌာန်ဒေဝ ကာယဒးချဳ၊ သံသာအနဳ သ္ၚေဝ်သတြု၊ ကမၠတ်ဒမၠ ဘဲလ္ၚမေခု၊ နေရတိဟာန် ဒှ်ဌာန်အမှု၊ ဂြိုဟ်သ္ၚိသဝ်ဝွံ ယၟုပြာထာ။
၅။ စိုပ်အာယုက်ဗြဴဗတိ။ ။
ဂြိုဟ်ဗြဴဗတိ ဒမၠိတွံလဝ်၊ အာယုက်ညးကိုပ် ယဝ်စိုပ်ဆတ္တဝ်၊ ဖဝ်ရဂိုန်စိ ဂ္ညိပသာ်က္ဍဝ်၊ လာဘဆတ္တဝ် ဗွဝ်ယဿ၊ ကသပ်စိုန်သကီု က္ဍိုက်ပေၚ်ကီုရ၊ လုံဇမ္ဗုဒိတ် ဒးတိတ်ခစ၊ ဍိက်ဗြဴဍိက်တြုံ ကောဂၞဴမသ၊ ဗွဲယမုကီု သီုဍုၚ်ကွာန်ရ၊ နူသၟိၚ်တလ လာဘနၚ်ကဵု၊ ညးနၚ်ကဵုအဵု တွဵုဘောဂ၊ ဒိုဟ်ပလိုတ်ဟေၚ် လၟေၚ်ကိုန်ဂြ၊ ဗွဲယုတ္တိရ ပဝိုတ်ညိတုဲ။
၈။ စိုပ်အာယုက်ရာဟု။ ။
အသူရိန္ဒ ပၠရာဟုကၠာ၊ ဒုၚ်ယမုမာ အရာဟုရ၊ သီုဂိတုတ္ၚဲ ဍေံဒက်ဝဲသၞ၊ ဒွံဂြိုဟ်ရာဟု စဏုမူလ၊ ဘတ်ဟွံယောၚ်က္ဍဝ် ဖဝ်ရဂိုန်ဂျ၊ ဒးကၠေံဒၟံၚ် ဒှ်သံဝေဂ၊ ဍိက်ဒြပ်ဒးသြာဲ နူနာဲတလ၊ မၞိဟ်ယုတ်လၟုတ် ယုတ်စရိတ၊ ဒဵုလမျီုကွေံ ဍေံပ္ကီုဟေၚ်ရ၊ ဗွဲပြဟ်ဗာယပ် ဒှ်ဆမပ်ဟီုပၠ၊ ဂမဳဗြဴကီု ဒှ်လမျီုရ၊ ဍေံဟီုပၠောပ်ကတောဝ် ဗဂေါဝ်အရေဝ်ရ၊ ဂလာန်လုတ်ဂှ် ဒှ်ဨကန္တ၊ ဂိတုမာ်ရ လာဘက္တဵုဒှ်၊ ဝွံက္တဵုဒဒှ် တဝှ်ရာဟု။
၆။ စိုပ်အာယုက်သိုက်။ ။
ဂြိုဟ်သိုက်ဆတ္တဝ် ဗွဝ်ယဿ၊ လန်ဗျးတ္ကံပန် စၞတ်ဨကန္တ၊ အာယုက်မူလ ယဝ်ဒွံကြကတ်၊ ဖဝ်ရဂိုန်စိ ဒမၠိအဆတ်၊ ယဝ်ဒှ်ကောန်သၟိၚ် သမၞိၚ်က္ဍိုၚ်ရတ်၊ ဗြဴဝုတ်ကညာ လာဘဂွံသၟတ်၊ ယဝ်ညးဒိုက်ကၠာ ဒမၠိပြာကတ်၊ သြောံသ္ၚုဂၠဴပြေၚ် ဂွံဟေၚ်အဆတ်၊ မၞးဂွံစသုၚ် ကျိုၚ်တွဵုဗၞတ်၊ ဣသိမဂြၚ် ဗိုတ်ဗေဒၚ်သၟတ်၊ မၞးတံပကတ် မှတ်ပလဝ်စိုတ်၊ လပကဵုဝိုတ် ပ္တိုန်လဝ်စိုတ်ညိ။
ကိုန်ကွာ်တရဴ ရံၚ်မူစိလံစိုပ်
[ပလေဝ်ဒါန် | ပလေဝ်ဒါန် တမ်ကၞက်]တြုံကွာ်တရဴ ဗက်ကရာံ မူပယာံစိုပ်၊ ရပ်ဗုၚ်ရပ်က္ဍိုပ် စိုပ်ရအရံၚ် ကလေၚ်ဒၟံၚ်ဌာန်၊ ရပ်ကတောဝ်စိ ညိဟွံဂွံစဴ တရဴအဓာန်၊ ကံတဲမွဲဟာန် ဌာန်ဒေါဝ်တရဴ လံညိစဴစိုပ်၊ ရပ်ဗုၚ်ဂၞဴဂှ် ပြဟ်ထောံလဝ်ပုၚ် စိုပ်ကၠုၚ်တုဲရ၊ လ္ပဒက်စိုတ် ရပ်က္ၜံၚ်ဇိုၚ်ပ္ကာန် ဌာန်ဒေါဝ်တရဴ၊ လံညိစဴအိုတ် ဗလာကာဗိုတ် ဆဍေံၜိုတ်ရပ် ချပ်ဟီုကဵုရ။
ကိုန်ကတိုၚ်ပန်
[ပလေဝ်ဒါန် | ပလေဝ်ဒါန် တမ်ကၞက်]သက္ကရာဇာ ဇိုတ်ကၠေံဨကာ စှ်ၜါဗဂန်၊ ကတိုၚ်ပန်တုန် စုတ်ပ္တန်လဝ်ဂွိုၚ် မွဲကတိုၚ်ထဝ်၊ ၜါကတိုၚ်သြန် ပိတန်သွံဗျာံ ပန်ကာံဆတ္တဝ်၊ တြုံနွံတံက္ဍဝ် ဗြဴရိုဟ်ကၞောတ် ဟွံဆောတ်မှာပၠန်။
ကိုန်ကာပိ
[ပလေဝ်ဒါန် | ပလေဝ်ဒါန် တမ်ကၞက်]ဗွဲမမံက်မာ နူအဒိုတ်ကၠာ ရိုဟ်ကၠောံအာစန်၊ ဗွဲစွေက်တုန် နူစန်တုန်သွံ ရိုဟ်ကၠောံအၚာ၊ လဟီုဝွံရ ဒေသဒဒှ် တဝှ်ပိပြကာ၊ ချပ်ဗ္စာရဏာ လအာကိုန်ရ ဒုဟ်ပကဵုခၠန်။
တြုံဟာဗြဴဟာ ခါညးသၟာန်ကီု ဟီုကဵုမွဲတန်၊ အဒိုတ်တြုံပၠန် လက်သန်ကောန်ၚာ်၊ စန်ဂှ်သာ်ဗြဴ အၚာတြုံရောၚ် ညိဟွံယောၚ်ခြာ၊ လအာသဘဴ ကာပိညံၚ်သ္ဍဴ သှ်ပ္တဴစိတ္တ ဒိုဟ်ပကဵုခၠန်။
သတ်ဇိုၚ်ပန်ကၠာ သတ်ဇိုၚ်ၜါကီု ညးသၟာန်ဟီုရ၊ ဒးအဒိုတ်ရ ဂွံရလၟုဟ် သာ်ဝွံသှ်ကဵု၊ စန်မွဲလံဂွံ အၚာတုန်သွံ ဟွံဂွံဂးကဵု၊ ပိကာဝွံအဵု တွဵုပ္ဍဲကိုန် ချပ််ဗီုဟီုရ။
ညးသၟာန်ဒိုဟ်ပန် တိုၚ်ဂကန်ကၠာ အာစာတံရ၊ အဒိုတ်ရောၚ်ဂျ ဒေသသၟဝ်ကျာ ဍေံအာဨသာန်၊ စန်ဗမံက်ကၠာ ကဵုသမၠုၚ်ကျာ ဍေံအာကွေံကြာန်၊ အၚာမွဲဟာန် ဌာန်ပလိုတ်ဟေၚ် ဗာယပ်ရေၚ်ဂျ။
မၞိဟ်မကၠတ်ဏာ ဒျိုၚ်ဟာဗ္တာၚ်ဟာ တွံပ္တိတ်နာမ၊ ဒးအဒိုတ်ရ ဒေသပ္ဍဲသ္ၚိ သမြိညိသှ်၊ စန်ဂှ်ဗြဴသာၚ် ဗ္တာၚ်မံက်သၟဟ် မကၠတ်ဒြပ်ဂှ်၊ အၚာညးတွံ ဒှ်မၞိဟ်ဇမၞော် မကၠတ်ဂၠံက်ဏာ။
ညးသၟာန်ယဲကၠာ ချိုတ်ဟာဂျိုၚ်ဟာ ရံၚ်မွဲကာလ၊ အဒိုတ်ချိုတ်ရ ကာလဂှ်မွဲ စန်ဂၠိၚ်သ္ၚောဲညိ၊ ယဝ်ဒးအၚာ ဗၠးဗွဲသွာရ ကာလဂှ်စိ၊ အိုတ်ဇၟာပ်ဗျာဓိ ဗဂန်လဝ်ပိကၠာ ဟီုပညှာရ။
ဝါတ်ဟာလောဲဟာ ယဲဗြဴဂှ်ကၠာ ရံၚ်မွဲကာလ၊ အဒိုတ်လောဲရ ဒေသဒယှ် တိတ်ဟီုတွံကဵု၊ စန်မွဲလံညိ ဗျာဓိဗြဴဂှ် ပိုဲဟီုတွံကဵု၊ ဒးအၚာအဵု ဝါတ်ဂါတ်က္တဵုဒှ် ဟီုတွံကဵုရ။
ကောန်ပ္ဍဲဂဝ်ဂၞဴ တြုံဟာဗြဴဟာ ညးသၟာန်အာရ၊ အဒိုတ်တြုံရ ဒေသဝွံအဴ စန်ဗြဴဟွံမှာ၊ အၚာကြံၚ်ဍုဟ် ကောန်တြုံဟေၚ်ရ လ္ပလၚ်္ကာ၊ တိုၚ်ကိုန်အာစာ ပညှာဒးယီု ဟီုတွံကဵုရ။
ညးသၟာန်တုန်အဴ တလိၚ်တရဴ ဗွဲကြဴဂတ၊ အဒိုတ်သတုံရ ဆဵုမဂ္ဂအဴ တဴဒဂူမုခ်၊ အၚာဇွိတဲ ကိုန်သေံပြဲရ လ္ပပဏုက်၊ ဂၞန်လဝ်ဍုက်ဍုက် လ္ပပၞုက်ကီု ချပ်ဗိုန်ဟီုရ။
ညးသကဵုဒုဟ်ရော နာဲပိုဲဟောရာ ဟီုပညှာရ၊ အဒိုတ်တုန်ရ ပါပဂှ်ဇၞော် စန်ကလော်သ္ၚိ၊ မၞိဟ်ဒးဗာ်ရောၚ် မၞိဟ်စရံၚ်ကၠာ အာစာတွံစိ၊ မၞိဟ်ပါပစိ ဇၟာပ်ဒုဟ်ထိထံၚ် စၞတ်ရံၚ်ညိ၊ အဒိုတ်ကတိုၚ် ကမၠိုၚ်တုန်အဵု မကဵုဒုဟ်ရ၊ စန်ဂှ်ပါပ နာမဩၚ်သၟတ် သီုတၟံမတ်ကၞာတ်၊ အၚာတုန်အဵု ဒဂဵုဆုတုန် ကဏောတ်ဒုန်ညာတ်၊ သၟဝ်ကျာကၞာတ် လညာတ်ကိုန်ခန် မဆန်လဝ်ရ။
သ္ၚေဝ်ပၟိက်ကၠာ ဂွံဟွံဂွံဟာ ဟောရာဟီုရ၊ ဒးရသုဇ္ဇ ညိဟွံဂွံခၠန် စန်မွဲဝါတ်ဂါတ်၊ ဒးအၚာပြဲ ဗွဲမသွာကီု အာစာဟီုကၞာတ်၊ ဆဝွံပိုဲညာတ် ကၞာတ်ပါၚ်အာစာ ဟွံဂွံမှာရ။
ဆဵုဟွံဆဵုဟာ ရာညးသၟာန်ကီု ၜိုတ်ဟီုကဵုရ၊ အဒိုတ်ဆဵုရ စန်ရေၚ်ဂျဂေါဝ် ကဵုဒေါဝ်တရဴ၊ ဒးအၚာစိ ဆဵုပ္ဍဲသ္ၚိသၟတ် ဟွံဆောတ်သဘဴ၊ ပိကာညံၚ်သ္ဍဴ တိုၚ်သဘဴကီု ချပ်ဗိုန်ဟီုရ။
စိုပ်ဟာဟွံစိုပ်ဟာ ခါညးသၟာန်ကီု ၜိုတ်ဟီုကဵုရ၊ အဒိုတ်မံၚ်ဂျ ဒေသနူကိုပ် ဟွံစိုပ်ဟီုပ္ညုၚ်၊ ဒးစန်တုန်အဴ ဆဒေါဝ်တရဴ ကလေၚ်စဴကၠုၚ်၊ အၚာဂေါဝ်ဇြုၚ် နာဲမပ္ညုၚ်သၟတ် ဟွံဆောတ်သဘဴ။
ပိုဲအာဂၠာဲသၟိၚ် ဆဵုသၟိၚ်ကီုဟာ ဟောရာဟီုရ၊ ယဝ်ဒးသုဇ္ဇ ဆဵုရတုန်ဟေၚ် လၟေၚ်ကိုန်ခန်၊ ကောန်သၟိၚ်ဗၠာဲသၟိၚ် ဂမြိၚ်ကၠုၚ်ရ ဒးဒေသစန်၊ အၚာမွဲဒွန် သၟိၚ်ဟေၚ်တုန်ကၠုၚ် ဟီုပ္ညုၚ်ကဵုရ။
ကွာ်တရဴဂြိုပ် မူစိလံစိုပ် သော်က္ဍိုပ်ဟီုရ၊ အဒိုတ်တုန်ရ ဆယာယဳတဴ ဟွံစဴစိုပ်ဏီ၊ စန်ရတိတ်ရံၚ် ချဳဒၟံၚ်ဌာန်ဟာန် တဴရဳရဳ၊ အၚာခပ်သီ သမ္တီလမုဟ် စိုပ်ကၠုၚ်ပြဟ်ရ။
ပိုဲဍိက်တုန်အဴ ကွာ်တရဴကီု ဟီုကဵုညိရ၊ အဒိုတ်တုန်ရ ဆဵုသတြုသၞ ဆဂှ်ထံၚ်ထာ၊ စန်ယဝ်ဆဵုကွေံ ဍေံဟမာန်က္ဍၚ် ထဏၚ်ဝေါဟာ၊ ဒးအၚာရ လအာဝါတ်ဂါတတ် ဟီုကၞာတ်လဝ်ရ။
ယဝ်ညးသၟာန်အဵု ဆဵုပၞာန်ဟွံဆဵု ဟီုပကဵုမှာ၊ ဒးအဒိုတ်ကၠာ ယဝ်အာတုန်ဂှ် ဟွံဆဵုဒှ်ရ၊ ဒးစန်တုပ်အဴ ဆဵုဒေါဝ်တရဴ သဘဴမူလ၊ ဒးအၚာရ ကာလဂှ်တုန် ဣၚုဟ်ဆဵုကၠာ။
ပၞာန်ဇၞးပၞာန်ကျ ဣၚုဟ်ရဂး ယဝ်ညးသၟာန်ကၠာ၊ ဒးအဒိုတ်မာ ယဝ်အာတုန်ကွေံ ပိုဲကျဍေံရ၊ ဗိုလ်ဍေံဂၠိုၚ်ကွေံ စဏေဟ်ဟွံမာန် ဌာန်စန်မူလ၊ ဒးအၚာရ ဍေံကျပိုဲဟေၚ် ပရေၚ်အာစာ။
ပိုဲအာသၟာန်ဗြဴ တိုၚ်သဘဴကီု ဟီုညိဟောရာ၊ ဒးအဒိုတ်ကၠာ လအာဣၚုဟ် ဗြဴဂှ်ဟွံခိုဟ်၊ ဒးစန်တုန်အဴ ဗြဴသေက်ဇဵုဂံၚ် ပမံၚ်ဍေံဒြိုဟ်၊ အၚာမွဲဒိုဟ် ဗြဴဂှ်ခိုဟ်ရ လပသၚ်္ကာ။
စိုပ်ဟွံစိုပ်ဟာ ညးအာသၟာန်ကီု ဟီုညိဟောရာ၊ ဒးအဒိုတ်ကၠာ တိုၚ်လအာကွေံ ဍေံဟွံဂွံစဴ၊ စန်မွဲဣၚုဟ် သာ်ဂှ်မဂး ညးရပ်လဝ်တဴ၊ အၚာသဘဴ စဴဟွံစိုပ်ဟေၚ် ညးဟီုသေၚ်ဟာ။
ချိုတ်ဟာဂျိုၚ်ဟာ သာ်လွာသဘဴ ယွံအဴဟောရာ၊ ဒးအဒိုတ်ကၠာ အခါဂှ်ချိုတ် လပဝိုတ်ညိ၊ သဝ်ဂစိုတ်ကၠာ သာ်လွာသဘဴ ဒတဴစန်ဂၠိ၊ အၚာဒမၠိ ပဝိုတ်ကၠေံရ လပသၚ်္ကာ။
ယဲအာညးဟီု တိုၚ်တဝှ်ဗီု ဟီုညိဟောရာ၊ ဒးအဒိုတ်ကၠာ လအာယောဂဳ ညးဝဳလဝ်ဟေၚ်၊ ဒးစန်ဒဝိုၚ် ဗြဴဂိုၚ်လဝ်ကၠာ ဝဳပရာဗၠေၚ်၊ အၚာမွဲရေၚ် ဍောၚ်စိုတ်ဟေၚ်ရ ဟီုပသၚ်္ကာ။
ကဵုဒြပ်ကုညး သၟးသာ်ဒဒှ် ဣၚုဟ်သၟာန်ကၠာ၊ အဒိုတ်ဂးမာ ခါဂှ်မွဲတဲ မွဲကဵုကၠံဂွံ၊ ဒးစန်တုန်ကၠာ ပကဵုပါဒး သၟးဒးဒှ်ဝွံ၊ ဒးအၚာသွံ ညံၚ်ကဵုထောံဍာ် သာ်ဂှ်ဟေၚ်ရ။
သိုၚ်သ္ၚိတုန်ကီု တိုၚ်တဝှ်ဗီု ဟီုညိဟောရာ၊ ဒးအဒိုတ်ကၠာ သာ်လွာဒေသ ပသိုၚ်ဟွံခိုဟ်၊ ဒးစန်တုန်ကၠာ တိုၚ်ကိုန်ဟောရာ အာစာဂးခိုဟ်၊ ဗၠးအၚာခိုဟ် ဆခိုဟ်လၟေၚ်ပရေၚ်သံသာ။
ရပ်ဟွံရပ်ဟာ သာ်လွာသဘဴ ယွံအဴဟောရာ၊ ဒးအဒိုတ်ကၠာ သာ်လွာမဂး ညးရပ်တဝ်သွံ၊ ဒးစန်မွဲတၟပ် ညးရပ်မဂး ဗၠးအာဟွံဂွံ၊ အၚာတုန်သွံ ဗလးထောံရ ဟီုပသၚ်္ကာ။
ဒးဂၠုဲညးအဴ သဘဴနူကိုပ် စိုပ်ဟွံစိုပ်ဟာ၊ အဒိုတ်တုန်မာ ကၠုၚ်တုဲပၠန်အာ သာ်လွာသဘဴ၊ ဒးစန်နူကိုပ် ကၠုၚ်စိုပ်တုဲရ ဆဘာ်တရဴ၊ ဒးအၚာအဴ သဘဴနူကိုပ် ပိတ္ၚဲစိုပ်ကၠာ။
ဍာ်နွံဟွံမွဲ ညးမွဲသၟာန်ရ ဟီလပညှာ၊ အဒိုတ်တုန်ကၠာ သာ်လွာဣၚုဟ် ဍာ်ဂှ်ဟွံမွဲ၊ ဒးစန်လမာ် ဍာ်ဂှ်နွံသွံ ဂွံသုၚ်ဖဲလဲ၊ အၚာမွဲတဲ ပ္ဍဲဍာ်မဂး ညးစုတ်ဂျိကၠာ။
ဂၠုၚ်မွဲညးနၚ် ဟၚ်ဒးဟဒး ဂးညိဟောရာ၊ ဒးအဒိုတ်မာ က္ဍိိုပ်ပါအာဟေၚ် ဟသေၚ််တူဒၟံၚ်၊ ဒးစန်တုန်အဴ သဘဴဣၚုဟ် ဂၠုၚ်ဂှ်သၠာၚ်မံၚ်၊ အၚာမွဲဂၠံၚ် နွံဒၟံၚ်တၚ်ကံ မၞးတံပရာန်။
ဗျာဓိဗြဴတံ မစိလံသၠး ဂးညိဟောရာ၊ ဒးအဒိုတ်ကၠာ သာ်လွာမဂး နူညးဒဵုကတဴ၊ ယဝ်ရဒးစန် တူကတဴပၠန်အဵု ဒဵုတ္ၚဲသဝ်အဴ၊ အၚာသဘဴ နူတ္ၚဲသဝ်အဴ စဴစိုပ်ယးကၠာ။
ပိုဲအာသွံစ တိုၚ်ဒေသဗိီု ဟီုညိဟောရာ၊ ဒးအဒိုတ်ကၠာ သာ်လွာနူတၞံ တမ်ဍေံဟုံတဴ၊ ဒးစန်တုန်အဴ သာ်လွာသဘဴ ဆတမ်စဴဂွံ၊ အၚာတုန်သွံ ပရဲဂွံဟေၚ် တိုၚ်ကိုန်သေၚ်ဟာ။
စၟတ်ဟွံစၟတ်ကွေံ ညးနၚ်ပရိုၚ် တိုၚ်ကိုန်အာစာ၊ အဒိုတ်တုန်မာ ယဝ်ရအာဒး ဟွံစၟတ်ဂးကီု၊ တ္ၚဲစန်တုန်သွံ ဍေံဟွံစၟတ်က္ဍၚ် နၚ်ပရိုၚ်အဵု၊ ဒးအၚာအဵု တွဵုဒးဒှ်ဗီု ဟီုသၟတ်သေၚ််ဟာ။
ကၠးဍိက်တြုံဗြဴ ရာန်ပြေၚ်ဂၠဴစိ ဟီုညိဟောရာ၊ ဒးအဒိုတ်မာ လအာမွဲရ ပရခိုဟ်ဂး၊ ဒးစန်တုန်သၟတ် ဆဗၞတ်ကီုကၠာ ကိုန်အာစာဂး၊ အၚာမဂး ဒြပ်ဒးဟုံရ လ္ပသၚ်္ကာ။
မၚ်မွဲသနာ ညးရံၚ်ကာကီု ဟီုရအာစာ၊ ဒးအဒိုတ်မာ တြုံဒးချိုတ်ကၠာ လအာလက်သန်၊ ဗြဴဒးချိုတ်ကၠာ လအာလက်သန်် ကာစန်မဂး၊ ဒးမံၚ်ဒဵုဗျု သာ်ဝွံသီုၜါ ဒးကာအၚာ။
ခိုဟ်ဟွံခိုဟ်ကီု တိုၚ်တဝှ်ဗီု ဟီုလဝ်သၚ်ဟာ၊ ဒးအဒိုတ်မာ ယဝ်ပ္ကီုကေၚ်ကာ ခိုဟ်အာစာဂး၊ ဒးစန်တုန်ကၠာ ကေၚ်ကာဆဗၞတ် မှတ်ဟေၚ်ယဝ်ဒး၊ အၚာမဂး ဒးဟွံခိုဟ်ရ ဟီုပသၚ်္ကာ။
ပၞာန်ကၠုၚ်ဟကၠုၚ် ပ္ညုၚ်ကိုန်ခန်ကီု ဟီိုညိဟောရာ၊ ဒးအဒိုတ်မာ ခါညးသၟာန်ကီု ဟွံကၠုၚ်ဟီုရ၊ ဒးစန်တုန်အဴ စိုပ်ဘာ်တရဴ ပၠန်စဴအာရ၊ ယဝ်ဒးတဴမ ကၠုၚ်စိုပ်တုဲရ လပသၚ်္ကာ။
ညးဂှ်ကၠုၚ်အဴ သာ်လွာသဘဴ ယွံအဴဟောရာ၊ ဒးအဒိုတ်ကၠာ သာ်လွာတုန်အဵု ဗိိုလ်ဍေံကၠုၚ်ရ၊ ဒးစန်တုန်အဴ နူဆဒဴဗညာ လအာဒေသ၊ ယဝ်ဒးတဴမ တၠညးဟေၚ် ဟသေၚ်သေနာ။
ခိုဟ်ဟခိုဟ်ဂး ညးနၚ်ပရိုၚ် အတိုၚ်သေၚ်ဟာ၊ ဒးအဒိုတ်ကၠာ လအာဝွံဂှ် ဒှ်ဆတန်ဒေါဝ်၊ ဟွံခိုဟ်မဂး ဒးရံၚ်တၠုၚ်ပၠန် စန်လှေံလှန်လဝ်၊ အၚာဆတ္တဝ် ဗဝဝ်သတြု သာ်ဝွံသေၚ်ဟာ။
ပၞာန်မကၠုၚ်ဝွံ မူဂိတုရော ဟောရာဟီုဗွဲ၊ အဒိုတ်တုန်ပြဲ စဲပသာ်ဇှ်ေ အသာတ်သၟိဟ်ကီု၊ စန်သဝန်ဘတ် အသုတ်တၞံအဵု ကဵုကထိုက်ကီု၊ အၚာတိုၚ်ဗီု မြေက္ကသဵုပုဟ်မာ် ကွာ်ဖဝ်ရဂိုန်ကၠာ။
မူတ္ၚဲမဂး ပၞာန်ညးကၠုၚ်စိုပ် ဟီုညိဟောရာ၊ ဒးအဒိုတ်မာ ဗုဒ္ဓဝါဝွံ ဂုရုသိုက်ကြ၊ ဒးစန်တုန်ကၠာ စန်အၚာကီု လဟီုမူလ၊ အၚာမွဲရ သုဇ္ဇသ္ၚိသဝ် ဟီုလဝ်သေၚ်ဟာ။
ဂြးစပ်ညးဂး ဂြးဟဂြးကီု ဟီုညိဟောရာ၊ သဝ်တ္ၚဲဂယး ဂြးစပ်တုန်ကီု ဟီုညိဟောရာ၊ ဒးအဒိုတ်ကၠာ သာ်လွာဂယး သာ်ဝွံညးဟီု၊ ဒးစန်ကတဴဒ္ဂူ ဒဒှ်မူလ တိုၚ်ဒေသဗီု၊ အၚာမွဲကီု ဗီုသဂါလောန် ဂကန်အာစာ။
ဂြးစပ်ရိုဟ်ဏာ ခါရညးသၟာန် နိဒါန်ဝေါဟာ၊ ဒးအဒိုတ်မာ ရပ်ဨသာန်ကီု ဗီုဨသာန်ညိ၊ ဒးစန်တုန်ရ ဒိုဟ်ပုဗ္ဗကီု သီုအဂၞဲစိ၊ အၚာဒမၠိ နေရတိကီု ဟီုပျးလဝ်ကၠာ။
အိုတ်ဟွံအိုတ်ဟာ ခါညးသၟာန်ကီု ဗီိုဂွံဟီုကၠာ၊ ဒးအဒိုတ်မာ စန်မွဲဆကၠာ ၜါဆသှ်ေတဴ၊ ဒးအၚာအဴ စဴသှ်ေဂရီု ညးဟီုသေၚ်ဟာ။
အိက်ဟာကၠာတ်ဟာ သာ်လွာဂှ်စိ ဟီုညိဟောရာ၊ အဒိုတ်တုန်မာ အာစာဂးဗက် အိက်လက်သကဲ၊ ဒးစန်တုန်ကၠာ ကၠာတ်ရောၚ်သေၚ်ဟာ လအာဂၠိၚ်သ္ၚောဲ၊ အၚာမွဲတဲ ပ္ဍဲဂှ်အိက်ဟေၚ် အတိုၚ််ကိုန်သေၚ်ဟာ။
ကိုန်ကာထပှ်
[ပလေဝ်ဒါန် | ပလေဝ်ဒါန် တမ်ကၞက်]ဒြပ်ကၠေံညးသၟာန် ဒိုဟ်ဌာန်သ္ဍးဩာဲ ပိုဲဍိက်ဂၠာဲညိ၊ အဒိုတ်ပ္ဍဲတိ စန်နကြိအဴ ဒကဴတရၚ်၊ အၚာဍာ်ပြဲ ဗုဒ္ဓပ္ဍဲနုၚ် ကၠုၚ်ပ္ဍဲဗေဒၚ်၊ ချပ််ဗီုစၚ်ခြၚ် ဒိုဟ်ကၠၚ်သ္ဍးဩာဲ မှတ်ဂၠာဲမွဲညိ၊ ဗြဴဗတိသွံ ဟွံဂွံတဴသ္ၚောဲ ပ္ဍဲကၠံဍေံလဝ်၊ တ္ၚဲသိုက်ဆတ္တဝ် ဟီုလဝ်သ္အာၚ်အဴ တဴအကာသ၊ တ္ၚဲသ္ၚိသဝ်ဂှ် တိုၚ်တဝှ်ဗီု ဟီုကဵုဂတ၊ ဂွံကၠောံသဍ ဆမွဲသ္ၚိကွေံ ဍေံမဒေပ်လဝ်၊ အဒိုတ်တြုံပၠန် စန်ဝုတ်ရနာဲ အၚာဗၠာဲအဴ၊ ဗုဒ္ဓဝါဂှ်ဗြဴ ဗြဴဗတိဂှ် ဒှ်အဝဲဂမဳ၊ သိုက်ဂှ်တြုံဇၞော် သော်သ္ကံပ္ညဳ သောရဳဣတ္ထဳ၊ ကိုန်အိန္တက္ခဳ ပ္ညဳဒိုဟ််ဟဆောတ် တီိမှတ်တြုံဗြဴ။
ကိုန်ကာတ္ၚဲတ္ကံပန်
[ပလေဝ်ဒါန် | ပလေဝ်ဒါန် တမ်ကၞက်]မ ရ ဍ ဝ
သ္ၚိပန်ကၠောန်လဝ် အခဝ်ပန်ဂျ အက္ခဝ်ဂှ်ရ။
မ၊ ရ၊ ဍ၊ ဝ၊ ညးဗက်ကာတ္ၚဲ ကဵုရပ်မွဲရ။
၁။ ယဝ်ရရပ်ဒး ဂးအက္ခဝ် "မ"၊ သၟိၚ်စောရဏိ ကျမှုတ်သဓ၊ ဝေၚ်ပၞာန်ဒမၠ ဒးကျဇၟာပ်််စွံ၊ ယဝ်ဒှ်ဂတှ် ဂှ်လေဝ်ဟွံဂွံ၊ ညးသၟာန်ယဲသွံ ဍေံဟွံဂွံချိုတ်၊ ဒြပ်လေၚ်ညးသၟာန် တဴဌာန်ပလိုတ်၊ သၟာန်သိုၚ်သ္ၚိကၠာ ခါမံၚ်ဒးချိုတ်၊ ဒြပ်အရာအိုတ် ၜိုတ်အက္ခဝ်မ၊ ပါဋိမောက္ခ ဟီုပၠလဝ်ရောၚ်။
၂။ ညးရပ်မဂး ဒးအက္ခဝ်"ရ"၊ ဒးသၟိၚ်ကီုရ ကလိၚ်ကရး၊ ညးဝေၚ်ပၞာန်ကီု ဟီုအမှုဇၞး၊ ကွာ်တရဴသ္ၚောဲ မသုန်တ္ၚဲဂး၊ သတ်ဇိုၚ်ပန်ကၠာ သတ်ဇိုၚ်ၜါဒး၊ ဖျေံဂတှ်အဵု မိက်ဒြပ်ကဵုညး၊ ဍိက်ဒဴဂၠဴဗၠး ဟွံဂွံဂးကီု၊ ပိသၞာံတွဵု က္တဵုဒှ်သၟိၚ်ရ၊ ယဝ်စိုတ်ရပ်ဂှ် ဒှ်အက္ခဝ်ရ၊ ပါဋိမောက္ခ ဟီုပၠလဝ်ရောၚ်။
၃။ ညးရပ်မဂး ဒးအက္ခဝ်"ဍ"၊ ဝဏ္ဏဣသိ ဒဂိုန်ဂြိုပ်ရ၊ ဆဵုဂၞကျာ်ကၠာ မှာဒေဝဳလ၊ ၛာန်သရိုဟ်အာ တူအာကာသ၊ သတ်ဇိုၚ်ပန်ကၠာ သတ်ဇိုၚ်ၜါရ၊ ဟွံချိုတ်ဒးချိုတ် အိုတ်ဇၟာပ်သဗ္ဗ၊ ညးသၟာန်တြုံဗြဴ ရဴဝွံဟီုရ၊ ညးမွဲပလီု အာစာဟီုပၠ၊ ဍိက်သကံဒဴစိ နေရတိရ၊ ဒြပ်လေၚ်ဟီုပၠ တဴသ္ၚိဇကု၊ ညးသၟာန်သာ်ဝွံ ချိုတ်ဟာဂျိုၚ်ဟာ၊ ဒှ်ဗြဴချိုတ်ကီု တြုံဟီုထံၚ်ထာ၊ ရဴနဲဝွံသွံ ဟွံဂွံစအာ၊ သာ်ဝွံအာစာ ဇိုတ်အာကာသ၊ ပါဋိမောက္ခ ဟီုပၠလဝ်ရောၚ်။
၄။ ညးရပ်မဂး ဒးအက္ခဝ်"ဝ"၊ ဒှ်ညးဒိုက်ရ ဂွံဂၠဴဂွံပြေၚ်၊ ဒှ်ကောန်သၟိၚ်ဟေၚ် သရေၚ်စိၚ်ချေံ၊ ဍေံဒှ်ဍိက်ညး ဂွံဗၠးကဵုဍေံ၊ ဍိက်သ္ကံညးအဵု ဗၠးဒဵုချိုတ်ကွေံ၊ နဲဥပ္ပဒှ်ေ လွေဟ််မဟီုပ္ညုၚ်၊ ကိုန်ဝွံမကၠုၚ် နူဍုၚ်ဗကာံ၊ သၚ်ဟာဲဂၚ်ကၠာ ဂးဝေါဟာသ္ဍာံ၊ ပ္ဍဲဍုၚ်သိၚ်္ဃို ဟိုတ်ဖဵုသုန်ဂြာံ၊ ကိုန်ဝွံဒှ်သ္ဍာံ ဟီုဗျာံလဝ်ရောၚ်။
ပြကိုဟ်လောကသိဒ္ဓိ တုဲရ။
လ္ပညာတ်ဒှ်ပိသာ်−ပြကိုဟ်သၞဲလ္ၚီ
[ပလေဝ်ဒါန် | ပလေဝ်ဒါန် တမ်ကၞက်]နမတ္ထု သဗ္ဗဗုဒ္ဓနံ
စၞောန်ထ္ၜးကဵု လၟေၚ်သ္ပံလ္ပံ ခိုဟ်ဟွံခိုဟ်။
- လ္ပံညာတ် ဒှ်ပိသာ်
၁။ ဓာတုက္ခောထ၊ ပ္ဍဲဗ္တံပထမယာံ ယဝ်လ္ပံမ္ဂး ပဟိုတ်နူစၞအာဟာရတုဲ ဓါတ်ကၞုက််ကၞာဲအာ လ္ပံဂှ် ဟွံဍာံရ။
၂။ ဒေဝူပသံဟာရ၊ ပ္ဍဲဗ္တံသ္ဂာ မတွံဂး မဇ္ၛိမယာံ ယဝ်လ္ပံမ္ဂး ပဟိုတ်ဒေဝတတဴတံ မသ္ပတုဲ မဂွံညာတ်သွပ်လ္ပံဂှ်ရောၚ်၊ လဆောဝ်ဍာံ လဆောဝ်ဟွံဍာံရ။
၃။ ပုဗ္ဗနိမိတ္တ၊ ပ္ဍဲဗ္တံဖလာၚ်ယး မဂွံညာတ်သွပ်လ္ပံဂှ် ဒှ်နိမိတ်ရောၚ်၊ လ္ပံဝွံ မကဵုဒုဟ်ကီု၊ မကဵုဖဵုကီု ဒှ်စၟတ်ဍာံရောၚ်။
လ္ပံလၟေၚ်တ္ၚဲထပှ်
[ပလေဝ်ဒါန် | ပလေဝ်ဒါန် တမ်ကၞက်]အဒိုတ်လ္ပံ ဒွံညးသ္အာၚ်ပၠန်၊ စန် မိတ်ပြဝါ၊ လ္ပံတ္ၚဲအၚာ ၜါမိကဵုမ၊ ဗုဒ္ဓ ကလော၊ ဂုရုသေၚ်ဟာ ဒွံအအာစာဗျိၚ်၊ သိုက်မဟိံသာဂေါ၊ သ္ၚိသဝ်တုန်ရောၚ် မွဲဩဂးဝွံ ဒွံဇကုကၠာ။
ထ္ၜးလၟေၚ်သွပ်လ္ပံ
[ပလေဝ်ဒါန် | ပလေဝ်ဒါန် တမ်ကၞက်]လ္ပံညာတ်သုၚ်ဍာ်နုၚ်ကၠဟ်ထဝ်မ္ဂး သဂွံစဂုဏ် ဨကရာတ်ရ။ လ္ပံညာတ်ဇကု ဂဵုလဟဵုတိုန်မ္ဂး ဂွံဂ္ညိဂ္ညာတ်ကြိယာမပြဲ ပိုန်ဟာန်ဇၞော်မပြဲ နူကလောဂမၠိုၚ်ရ။
လ္ပံညာတ်ကမၠိုၚ် ဒှ်ဒၟိဟ်မ္ဂး ဂွံဗြဴဒှ်ကၟာဲရ လ္ပံညာတ်သဳကၠဳခမဳမ္ဂး ဂွံဗၠးဒဒိုက်သၞာရ။ လ္ပံညာတ်သုၚ်ဍာ်ပဿဴမ္ဂး ဂွံလာည်နူဇမ္ၚောဲရ။
လ္ပံညာတ်ဇကုအုဲမ္ဂး ညးထိုၚ်သးဇကုရ။ လ္ပံညာတ်တိၚ်စံၚ်ဂြဝ်ကျာံမ္ဂ: ယးဂှ်ဂွံလာဘ် ဂွံယဿပတ် လောန််နူညးရ။
လ္ပံညာတ် ၜန်ပၞာၚ် ၜှ်ပ္ကဴဒကှ်မ္ဂး ဒှ်ဗြဴ ဂွံတၠသ္ၚိ ထမိက်ရ၊ ဒှ်တြုံ ဂွံဗြဴဝုတ်ရ။
လ္ပံညာတ်စသ္ၚိဍာ်မ္ဂး ဒှ်ဇၞော်ညးရ၊ လ္ပံညာတ် ကိတ်စဇိုၚ်တဲမ္ဂး ဂွံပတၠဗိုလ်လဗးရ၊ လ္ပံလိုန်ဒၞပ် လ္ပံညာတ်ဒလဝ်က္ဍိုၚ်၊ လ္ပံဍိုက်သရေၚ်မ္ဂး ဒးကွာ်တရဴ နူဇမ္ၚောဲရ၊ လ္ပံညာတ်ပၞာၚ်ဗ္က ပူဇဴကျာ်မ္ဂး ဂွံပတၠဣဓိရ၊ လ္ပံညာတ်ယဲမ္ဂး ဂွံတသိုက်ရ၊ လ္ပံညာတ်ဒေဝတဴ မၞုံကဵုဣဓိမ္ဂး ဒှ်သမာပဋိပတ် မပြဲရ၊ လ္ပံညာတ်ခါဲကမၠိုၚ်မ္ဂး ဒှ်ညးဗၞိက်ရ။
လ္ပံညာတ်ဂ္ဇံထးမ္ဂ ဂွံကလောဂမၠိုၚ်ရ၊ လ္ပံညာတ်ဩၚ်မ္ဂး ဂွံဒှ်သၟိၚ်ရ။
လ္ပံဟွံခိုဟ်
[ပလေဝ်ဒါန် | ပလေဝ်ဒါန် တမ်ကၞက်]လ္ပံညာတ်မၞိဟ်ဒမျိုၚ် ဍေံသုၚ်ဆီဇကုမ္ဂး ဂဗုတိတြေံ ဍေံကၠုၚ်စိုပ်ဇကုပၠန်၊ လ္ပံညာတ်စံၚ်ယတ် ပ္ဍဲမစံၚ်ဒၟံၚ်ဇကု ကၠောၚ်ပၟတ်ဟွံဂဵုမ္ဂး ယဲမူလဗျာတ်ဒှ်ရ၊ လ္ပံညာတ် ဍာ်ကဵုကၠေၚ် နှဴအာမ္ဂး ညးသွတ်နူဇကု ဟီုဍိိုက်ဍုန်ဇကုရ။
လ္ပံညာတ်စံၚ်ယတ်မ္ဂး သ္ၚောဲအာနူကလောဂမၠိုၚ်ရ။ လ္ပံညာတ်တဏီဍာ်မ္ဂး ယဲကြံၚ်ဥမတ်က္တဵုဒှ်ရ၊ လ္ပံညာတ်ပ္ကဴဗကေတ်မ္ဂး ယဲကျာဒှ်ရ၊ လ္ပံညာတ်လတက်ယာတ်ဗကေတ် စရှ်ပ္ကဴဗကေတ် ဗဗိုဟ်စၠန်ဗကေတ်မ္ဂး ဒှ်ယဲရ ယဝ်ရဟွံဒှ်ယဲတုဲ ဒှ်သေက်ဇဵုကဵုညးရ။
လ္ပံညာတ်ဗြဴဒမျိုၚ််မွဲ ကၠုၚ်နူသမၠုၚ်ကျာ ဍေံဂြဲဏာဇကု ဒိုဟ်သၟဝ်ကျာမ္ဂး ယဲဆီကေုာံကၠၚ်ကၟတ်ဒှ်ရ၊ ယဲသ္ဇိုၚ်လအိတ်ရ။
လ္ပံညာတ်တိုန်တၞံကှ်ေ၊ တၞံဂၟုၚ်၊ တၞံဗဳမ္ဂး ပေၚ်တြဴဂိတု ယဲရ၊ လ္ပံညာတ်တိုန်တူမၞိဟ် တူဒယိုၚ်သတ် တူဇွဇ္ကဟ်မ္ဂး ဒးစှ်ဂိတုယဲရ၊ လ္ပံစှ်ေပ္ဍဲကတိုၚ်ဒမၠုမ္ဂး ပိဂိတု က္တဵုဒှ်ယဲရ။
လ္ပံညာတ်တြုံဒမျိုၚ်မွဲ ဍေံရပ်ဇကု ဍေံဂြဲဏာဇကု ဒိုဟ်သၟဝ်ကျာမ္ဂး ထပှ်တ္ၚဲဂတ ဒးချိုတ်ရ။
လ္ပံညာတ်ဗြဴမွဲ ဇကုဍေံသာ်ထဝ် လတက်ယာတ်သာ်ထဝ် စရှ်ပ္ကဴသာ်ထဝ် ဍေံကၠုၚ်သ္ပောတ်ဇကုမ္ဂး ယဲဒိုက်ဗၠးရ။
လ္ပံညာတ်ဒတုံနူဆု လ္ပာ်ဇြဟ် နူစိၚ် နူချေံမွဲမွဲကီု၊ လ္ပံညာတ်ဇြုံဇာတ်ဂမၠိုၚ်ကီု ဒှ်အမှု၊ လ္ပံညာတ်သော်ဗဗြိုက် စရှ်ပ္ကဴလမ်စံက်မ္ဂး ဒှ်ဂဗုတ်ရ၊ လ္ပံညာတ် တိက်ဒလီုယာတ်ဗကေတ်မ္ဂး ဒှ်ဂဗုတ်ရ။
လ္ပံညာတ်ဇြုံဒမျိုၚ်မ္ဂး ဍိက်တြုံဗြဴ ဒှ်သေက်ဇဵုရ၊ ဟွံသေၚ်ဇကု ဒှ်ဂလာန်ရ၊ လ္ပံညာတ်ၚေက်ပြဟ်မ္ဂး မိမ ကောန်သမ္ဘာ ကလောဒညာတ်မွဲမွဲ ချိုတ်ရ။
လ္ပံတုဟ်ဇကုကဵုကၠေၚ်လ္ၚဴမ္ဂး ဒးဘဘဲရ၊ လ္ပံဒတုံနူဆု ၊ နူသ္ၚိဒမံၚ်၊ နန်ပြာသာဒ်၊ နူစိၚ်၊ နူချေံမ္ဂး ဒးဟုတ်အာယဿပတ်ရ။
လ္ပံညာတ်ဇြုံဂမျိကိတ်မ္ဂး ဒှ်အမှုအရာရ၊ လ္ပံညာတ် ညးကဵုဩံက်ကဵုဇကုမ္ဂး ဒးပကာဂစိုတ်ရ၊ လ္ပံညာတ်ဂၞဴအာမ္ဂး ဒြပ််တိတ်နူဇကု ကြဴဂွံလာဘ်ရ၊ လ္ပံညာတ်ရိုဟ်သာဲ သာဲကိတ်မ္ဂး ဒှ်အမှုရာဇာဝတ်ရ။
လ္ပံညာတ်ကၞုဲမ္ဂး ဒးဆဵုမၞိဟ်အလဇ္ဇဳရ၊ လ္ပံညာတ်ကၞုဟ်ဂွိမ္ဂး ဒှ်ဂလာန်ပဓာန်ကဵုညးရ၊ လ္ပံပြေၚ်စုက်မ္ဂး နွံကဵုသတြုရ၊ လ္ပံညာတ်တြုံဒမျိုၚ် ဂြဲဏာဇကု ဗွဲဒိုဟ်သၟဝ်ကျာမ္ဂး ချိုတ်ရ၊ ယဝ်ဟွံချိုတ်မ္ဂး ဒြပ်အိုတ်ရ၊ လ္ပံရိုဟ်ဟိုၚ် ဟိုၚ်ကိတ်မ္ဂး ဒှ်သေက်ဇဵုကဵုညးရ၊ လ္ပံက္ၜတ်ဇိုၚ်တဲမ္ဂး ခဏီမၞိဟ်အလဇ္ဇဳရ၊ လ္ပံညာတ် ကလော်မိစ္ဆာမ္ဂး ဒးအာဌာန်ဇမ္ၚောဲရ။
လ္ပံဟွံခိုဟ်တုဲရ။
လ္ပံခိုဟ်
[ပလေဝ်ဒါန် | ပလေဝ်ဒါန် တမ်ကၞက်]လ္ပံယဵုကၞုသၚ်၊ လ္ပံစၚ်ကတောဝ်ဇကု၊ လ္ပံညးတက်ဇကုမ္ဂး ဂွံယဿပတ်အာဲကၟာဲရ၊ လ္ပံတိုန်ဒဵု၊ လ္ပံဍိုက်စိၚ်၊ လ္ပံဟာပ်ပုၚ်၊ လ္ပံစစၞမၞုံကုရှ်မ္ဂး ယဿပတ်အာဲကၟာဲဇၞော် ကလိဂွံရ။
လ္ပံညာတ်သုၚ်ဍာ်မ္ဂး ယဿပတ်ဇၞော် ဂွံနူကလောဂမၠိုၚ်ရ၊ လ္ပံလိုန်ဒၞပ် လ္ပံဒလဝ်က္ဍိုၚ် ခၟော်တာန် ခၟော်က္ဍိုၚ်၊ လ္ပံဍိုက်သရေၚ်၊ လ္ပံဂတေဝ်ယာံမ္ဂး ဒးကွာ်တရဴဇမ္ၚောဲရ၊ လာဘ်သဂွံဂၠိုၚ်ရ၊ လ္ပံလတူညးမ္ဂး ညးဒိုက် ဒှ်အမာတ်ရ၊ အမာတ်ဒှ်ဨကရာတ်ရ၊ လ္ပံညာတ်မှိၚ်ဗၞုဟ်် လ္ပံကောန်သမ္ဘာ ဂွံဗြဴမိတ်ပြဝါ ပညာမပြဲဂွံရ၊ လ္ပံဍိုက်ဂၠဴ လ္ပံဍိုက်ချေံမ္ဂး ဍိက်သ္ကံဒြပ်ရတ်မဂၠိုၚ် ဂွံပတၠရ၊ လ္ပံတိုန်ဆုသၠုၚ်မ္ဂး ပိုန်ဇၞော်ရ၊ လ္ပံတိုန်နန်ပြာသာဒ် လ္ပံဍိုက်ဂၠုၚ်ဇၞော် ဂွံတသိုက်အာဲကၟာဲဇၞော်ရ၊ လ္ပံကလာၚ်လ္တူအာကာသ လ္ပံစုတ်သၟုက်ဇဟာန် လ္ပံရပ်သၟန်သၞံၚ်နက်သတ် ဂိတုတ္ၚဲမ္ဂး ဂွံလာဘ်မပြဲရ၊ လ္ပံသုၚ်ဍာ်နုၚ်ကၠဟ်ထဝ်မ္ဂး အန္တရာဲလာဲလေၚ်အိုတ်ရ၊ ဂြိုဟ်ကထိုက်ဟွံခိုဟ် ဗၠးရ၊
လ္ပံဒတဲဏာမိမမ္ဂး ဂွံသမ္ဘာမပြဲရ၊ လ္ပံဍိုက်က္ၜၚ်ထဝ်မ္ဂး ဗၠးဒဒိုက်သၞာရ၊ ဒှ်ညးခၟိဟ်ရ၊ လ္ပံညာတ်ဍိုက်စိၚ်ဂြၚ်မ္ဂး ဒှ်သၟိၚ်ရ။
လ္ပံညာတ်ဍိုက်ဗြဴ ဂွံတသိုက်ရ၊ လ္ပံဒလဝ်က္ဍိုၚ်ဗတာၚ်မ္ဂး ညးဒိုက်ဒှ်သၟိၚ်ရ၊ လ္ပံဍိုက်ဂၠုၚ်ထဝ် လ္ပံဍိုက်ဥဿဘ လ္ပံတဏီဍာ်မ္ဂး ဂွံတသိုက် အရာမဇၞော်ပြဲဂှ်ဟေၚ်၊ လ္ပံတိုန်စသတ်ဆုဗဒဝ်လၟုတ် လ္ပံတိုန်စသတ်ဇြဲမ္ဂး ဂွံတသိုက်ဇၞော် နူကလောဂမၠိုၚ်ရ၊ သဒှ်အထောတ်ဖျာညးရ၊ လ္ပံစာၚ်ကၠိုက်မ္ဂး သဒှ်အမာတ်တၠခွာဟေၚ်ရ၊ လ္ပံစစာၚ်ပရာၚ် အဒါညးၜိုဟ် ဂွံနၚ်ပ္ဍဲသ္ၚိမ္ဂး သဂွံဒှ်သၟိၚ် ဟွံဆောတ်ဟေၚ်ရ၊ လ္ပံဂွံစဍောၚ်ပတိုဟ်မ္ဂး ညးမတုပ်ကဵုဇကု ဂွံဟုဲကောံရ၊ လ္ပံတိုန်လ္တူဆု ဂတေဝ်ယာံမ္ဂး ဂွံယဿပတ်မဇၞော်ရ၊ လ္ပံဟုံစၠန်စဇဗၠု စတိမ္ဂး ဂွံပတၠဒြပ် မဂၠိုၚ်ဟေၚ်ရ၊ လ္ပံတဏိန်မ္ဂး ဂွံပိုန်မဟုဲဟာဲ ကေုာံညးမပြဲရ။
လ္ပံဍိုက်သရေၚ် ကေုာံဗြဴမ္ဂး ဂွံပတၠဍုၚ်ခွာရ၊ လ္ပံကၠောံၜဳ ကသပ်ဂၞန်စိုပ်ရ၊ လ္ပံဂွံတိက်ဒေါဝ်မှာသၟိတ်ဂှ် ဂွံဒှ်သၟိၚ်ဇၞော်ရ၊ လ္ပံဂွံဂ္ညိဂ္ညာတ် ပ္ကဴဗကေတ်ဗတာၚ်မ္ဂး ဂွံလာဘ်ရ၊ လ္ပံသပါဇိုၚ်တဲကဝ်အာမ္ဂး ဟွံဒးကၠောန်စၜါဝါရ၊ လ္ပံသိုၚ်သ္ၚိမ္ဂး ဂွံတသိုက်ရ၊ လ္ပံလတာ်ဂၠိၚ် သၞေံဇိုၚ်တဲကဝ်မ္ဂး ဂွံပတၠပညာ ပိုန်ဟာန်ဇၞော်ရ၊ လ္ပံညးတ္ၚီုဇကုမ္ဂး ညးဒးကဵုဒြပ်ဇကုရ၊ လ္ပံလိုန်လတူဍာ်မ္ဂး ဂွံဒုၚ်ပူဇဴသၟိၚ် ဂွံအာဲကၟာဲဇၞော်ရ၊ လ္ပံယာ်သြောံမ္ဂး စစၞမၞုံကဵုရှ်ရ။
ဓရီုကဵု
လ္ပံကၠးဍိက်မ္ဂး ဂွံပတၠသြောံသ္ၚုဂၠိုၚ်ရ၊ လ္ပံစုတ်တသိၚ်စၚ်ဂိုၚ်ဇရေဟ်ကဵုဇကုမ္ဂး ဂွံကောန်သမ္ဘာရ။
လ္ပံဂွံကောန်စဴမ္ဂး ဂွံသြောံသ္ၚုဂၠိုၚ်ရ၊ လ္ပံဒၟံၚ်မွဲဟာန် ကေုာံညးဇၞော်မ္ဂး ပြဲနူညးဒှ်ရ၊ လ္ပံလံက်ကၠေၚ်ရာသဳ စုတ်သၟုတ်ကျာ်မ္ဂး နွံကဵုဣဓိကာဲရ၊ လ္ပံထာၚ်ဓါတ်မ္ဂး နွံကဵုဣဓိကာဲရ လ္ပံဓရီုကဵုသပ္ပရိုဟ် ကဵုဂမဳဗၞးမ္ဂး ကသပ်ဂၞန်ဍိုက်ပေၚ်ရ၊ လ္ပံဒလိုက်ကတဵုမ္ဂး ဂွံဗၠးဒဒိုက်ရ၊ လ္ပံဗဂိုဟ်ကၞုသၚ်မ္ဂး ဂွံဒှ်သမာပဋိပတ်ရ၊ လ္ပံတေဟ်ကၠေၚ်ဗွုတ်မ္ဂး ဂွံၜိုဟ်စိုတ်ရ၊ လ္ပံညးနၚ်ပြေၚ်ဂၠဴမ္ဂး ဂွံဒြပ်ဝေၚ်ရ၊ လ္ပံကြုတ်ပူသ္ၚိမ္ဂး ဒှ်ဒကိုပ်ပၞာန်ရ၊ ဂွံတသိုက်မပြဲရ၊ လ္ပံညာတ်ကျာ်မ္ဂး ဂွံဗၠးဒဒိုက် ဂွံပိုန််ဟာန်ရ၊ လ္ပံပဿဴတျုဗၟာတိုန်မ္ဂး ဂွံလာဘ်မပြဲရ၊ လ္ပံဇိုၚ်တဲဂၠိၚ် ပၟတ်ဂဵုတိုန်မ္ဂး ဒှ်သၟိၚ်ရ၊ လ္ပံဍိုက်စိၚ်ဇၟူ လ္ပံကိတ်ဇိုၚ်တဲဇွိမ္ဂး ဂွံယဿပတ်ရ၊ လ္ပံသ္ၚိဍာ်ပဿဴမ္ဂး ဌာန်ဟွံဒးစိုပ် စိုပ်ရ၊ လ္ပံဂွံဗလဲဂိတုတ္ၚဲမ္ဂး ဂွံကၠောန်ၜိုတ်ကဵုဨကရာဇ်ရ၊ ဂွံတသိုက်ရ၊ လ္ပံညးယဲမ္ဂး ဂွံကောန််တြုံဗြဴရ၊ လ္ပံဍိုက်ချေံ လ္ပံဍိုက်ဂၠဴကၟက် ဂွံဇၞော်ပြဲနူကလောဂမၠိုၚ်ရ၊ လ္ပံညာတ်ၜန်ပၞာန် စရှ်ပ္ကဴဗကေတ်မ္ဂး ဂွံဗြဴဝုတ်ရ၊ ဒှ်ဗြဴဂွံကောန်ရ။
လ္ပံစဖျုန်မ္ဂး အာဲကၟာဲဇၞော်ရ၊ လ္ပံသဗ္ဗက္ဍိုပ် သဗ္ဗဇိုၚ်မ္ဂး ဂွံယဿပတ်ဇၞော်ပြဲနုညးရ၊ ကလောဂွံစဂုန်ဇကုရ၊ လ္ပံပ္ကဴဗကေတ်ဗ္တာၚ်မ္ဂး ဂွံကသပ်ဇၞော်ရ။
လ္ပံဇိက်ဗ္ၚ လ္ပံရတ်ဩောံမ္ဂး ဂွံကလောဒညာတ်ဂၠိုၚ်ရ၊ ဒှ်သေက်ဇဵုညိရ၊ လ္ပံဇူသမၞိၚ်ဆုဇၞော် လ္ပံညးနၚ်ကဵုပ္ကဴကဵုဇကုမ္ဂး ဂွံယဿပတ်ဂၠိုၚ် အာယုက်ဂၠိၚ် ညးခစဇကုရ။
လ္ပံရပ်ဂစေံ ရပ်မှိၚ်ဗၞုဟ် ရပ်တိကလောံမ္ဂး ဒးအာတရဴဇမ္ၚောဲတုဲ ဂွံလာဘ်ရ၊ လ္ပံညးစန်ဇိုၚ်တဲမ္ဂး ဟွံဒးကွာ်တိုက် ညးကဵုသရေၚ်ရ၊ လ္ပံဒရံၚ်ဇကုမ္ဂး ဒှ်သၟိၚ်ရ၊ လ္ပံယိုက်ဓါတ် လ္ပံယိုက်ဇိုၚ်မိမ လ္ပံဒတုံနူသ္ၚိမ္ဂး လ္ပံ ဒးထောံဌာန်ဂှ်ရ။
လ္ပံဂစက်ဂၟာတိုန်ဇကုမ္ဂး ဂွံအာဲကၟာဲရ၊ လ္ပံဂစက်ဂၟာတိုန်နူဇိုၚ်စိုပ်က္ဍိုပ်မ္ဂး ညးဒိုက်ဒှ်ညးခမိဟ်ရ၊ လ္ပံဇြုံကိတ်မ္ဂး ညးဒိုက်ဒှ်ညးခမိဟ်ရ၊ လ္ပံဇြုံပူဇကုမ္ဂး ဂွံဗြဴမၞုံကဵုပိုန်ဂကူရ၊ လ္ပံစဖျုန်ကၠ ဖျုန်ဗြန််ဒမျိုၚ်မ္ဂး ဂွံယဿပတ်ရ၊ လ္ပံစဖျုန်မြာ်မ္ဂး ဂွံဗြဴမၞုံကဵုဂကူရ။
လ္ပံကြုက်ပၞုဟ်မ္ဂး ဂွံတသိုက်ရ၊ လ္ပံစကကၠု စအဒါမ္ဂး ဂၞဴစာသံက်ရ၊ လ္ပံဒေဝတဴမ္ဂး ဒှ်သပ္ပရိုဟ်ရ၊ လ္ပံဒြပ်တရေံ လ္ပံတိဗ္ၚ ကြုၚ်ၜဳလှာလလဳမ္ဂး ညးနၚ်ကဵုတသိုက်ရ၊ လ္ပံဆီက္ဍိုပ်တိတ် တၟိဟ်တိတ်အာမ္ဂး ဂွံလလာဘ်နူဇမ္ၚောဲရ၊ လ္ပံလိၚ်ဇကုက္တဵုဒှ်မဂး ဂွံလာဘ်ဗြဴရ၊ လ္ပံကွာ်တရဴကန္တာမ္ဂး ဂွံလလာဘ်နူဇမ္ၚောဲရ၊ လ္ပံတိုန်တၞံဇြဲမ္ဂး ဂွံဗ္ဒါဲသဟာဲရ၊ လ္ပံဂြးသော်မ္ဂး ဗၠးဒဒိုက်ရ။
လ္ပံဝေၚ်သဘၚ်နက်သတ်မ္ဂး နွံကဵုဘိုက်ဘက်ရ၊ လ္ပံပဒက်သိုန်ကဵုကျာ်မ္ဂး ဂွံတသိုက်ရ၊ လ္ပံသိုၚ်ဘုတ်ဘာ ကမၠိုၚ်ကၟာမ္ဂး ဂွံတသိုက်ရ၊ လ္ပံသ္ဇၚ်ဗၞုဟ်မ္ဂး ဒးကွာ်တရဴရ၊ လ္ပံညးဖေက်ဇကုမ္ဂး ညးဒးကဵုဒြပ်ကဵုဇကုရ၊ လ္ပံၜှ်ပ္ကဴပူဇဴကျာ်မ္ဂး ဂွံတသိုက်ပြဲနူကလောရ လ္ပံဒြာဲပၟတ်ပူဇဴဍေံ လ္ပံကၞုဲဗံၚ်ပူဇဴဍေံ လ္ပံရပ်သၞာ် လ္ပံတိုန်ကျာ် လ္ပံရပ်ဇၞောဝ် လ္ပံပ္ကဴဒကှ် လ္ပံသွဝ် လ္ပံကွာ်တရဴ လ္ပံကတ်ဗ္တောန် ဂွံဘိုက်ဘက်ဇၞော်ရ၊ လ္ပံသော်ဇကုဂၠိၚ် ဂွံယဿပတ်ရ၊ လ္ပံသုၚ်ဍာ်ၜဳမ္ဂး ဂွံတသိုက်ရ၊ လ္ပံဒတောဲဏာညးလ္ၚီမ္ဂး ဂွံပတၠဗိုလ်လ္ၚီရ။
လ္ပံကောန်ၚာ်မ္ဂး ဂၠိုၚ်ကဵုဩောံသ္ၚုရ၊ လ္ပံသ္ၚိဍာ်ဒးဇကု ဒးယာတ် ဂွံတၠဩောံသ္ၚုရ၊ လ္ပံပၟတ်ဂဵုလတူဇကုမ္ဂး ကလိဂွံတသိုက်ရ၊ လ္ပံၜှ်သတ်ဆုမ္ဂး ဇၞော်ပြဲနူကလောဂမၠိုၚ်ရ၊ လ္ပံဂၠိက်ယာတ်မ္ဂး ဂွံမိတ်ပြဝါထမိက်ရ၊ လ္ပံဩံက်လစိန်မ္ဂး ဂွံကောန်တြုံရ၊ လ္ပံဍိုက်ပြေၚ်မ္ဂး ဂွံဇၞးသတြု ညးပြေၚ်ဖျဳဇကုရ၊ လ္ပံကၠောံၜဳမှာသၟိတ်မ္ဂး ဂွံဒှ်သၟိၚ်ရ၊ ယဝ်ဒှ်ဂမဳ လေပ်ပိဋကတ်ရ၊ လ္ပံတိက်လတူဗ္တဳ တိက်ပ္ဍဲတိဇၞော်မ္ဂး ဒှ်သၟိၚ်ရ၊ လ္ပံဒှ်ဗြီုမ္ဂး ဂၠိုၚ်ကဵုကောန်စဴရ၊ လ္ပံသတ်ဆုမ္ဂး ဒြပ်နူဇမ္ၚောဲ ညးနၚ်ကဵုရ။
လ္ပံယိုက်ကောန်ၚာ်မ္ဂး ဂွံစဂုဏ်ညးရ၊ လ္ပံဍာ်လတူဇကုမ္ဂး ဂွံလာဘ်ဇၞော်ရ၊ လ္ပံညာတ်စၟစဇကုမ္ဂး ဂွံလာဘ်ရ၊ လ္ပံညာတ်လုပ်ဂၞဴညးမ္ဂး ဂွံဗ္ဒါဲသာဲရ၊ လ္ပံညာတ်ဍာ်ဇၞော်မ္ဂး ဂွံကလောဂမၠိုၚ်ရ၊ လတိုန်လတူက္ဍိုပ်တၟံမ္ဂး ဂွံဒှ်သၟိၚ်ရ၊ လ္ပံမၞိဟ်ဒှ်ဂစေံမ္ဂး ဂွံဒှ်ဨကရာဇ်ရ၊ လ္ပံညာတ်ခါဲကမၠိုၚ်မ္ဂး ဒှ်ညးဗၞိက်ရ၊ လ္ပံညာတ်ဂ္ဇံထးမ္ဂး ဂွံကလောဂမၠိုၚ်ရ၊ လ္ပံညာတ်သၚ်မ္ဂး ဂွံဒှ်သၟိၚ်ရ။
လ္ပံဟွံခိုဟ်တုန်
[ပလေဝ်ဒါန် | ပလေဝ်ဒါန် တမ်ကၞက်]လ္ပံသၟိၚ်ဇၞော်မ္ဂး ယဲဒိုက်ဗၠးရ၊ လပံၜံၚ်ပၟတ် ပၟတ်ဂဵုတိုန်မ္ဂး ဇၞော်မူကလောတံရ၊ လ္ပံစဖျုန်မၞိဟ် လ္ပံမၞိဟ်စဖျုန်စိၚ်မ္ဂး ဂွံတသိုက်ရ၊ လ္ပံစက္ဍိုပ်မ္ဂး တသိုက်ဟွံတီဗၞတ်တွဵု ဂွံရ၊ လ္ပံယဲ ဂွံကောန်ရ၊ လ္ပံသုၚ်ဍာ်တှ်မၞိဟ်မ္ဂး ဂွံတသိုက်ရ၊ လ္ပံဍာ်တှ်ကၠေၚ်ဗွုတ်မ္ဂး သိုက်ရ၊ လ္ပံညးနၚ်ဂၠဴမ္ဂး ဂွံလာဘ်ရ၊ လ္ပံကြုတ်ပူဍုၚ်မ္ဂး ဂွံတသိုက်ရ၊ လ္ပံလဇံက်သၠိုၚ်ထး လ္ပံဟာပ်ပုၚ်လၟုဟ်မ္ဂး ဂွံလာဘ်ရ၊ လ္ပံခၞံသ္ၚိ သၟန်ဩၚ်ၜဳကြုၚ်မ္ဂး ဂွံတသိုက်ရ၊ လ္ပံဩန်လတဝ် ထဝ်လတဝ်မ္ဂး ဂွံဗြဴသ္ဂေဟ်သွဟ်ရ။ လ္ပံချူကှ်ေမ္ဂး ဒှ်တသိုက်ရ။
လ္ပံတၟံသၠုၚ်် ဆုသၠုၚ်တိုန်မ္ဂး နွံကွိုန် ဒတိုန်ဒတုဲမြမောဝ်ရ၊ လ္ပံကွာ်လတူကျာ တူစက်ဂိတုတ္ၚဲ သၟန်သၞံၚ်နက်သတ်မ္ဂး ပြဲနူညးဂွံဒှ်ရ၊ လ္ပံကျာံစ လ္ပံဟာပ်ပုၚ်သမၞိၚ်သ္ၚိမ္ဂး ဂွံဍုၚ်ခွာရ၊ လ္ပံသိုၚ်သ္ၚိမ္ဂး ဂွံလာဘ်ဒြပ်မပြဲရ၊ လ္ပံလတက်ယာတ်ဗ္တာၚ် ထမိၚ်က္ဍိုပ်ဗ္တာၚ်မ္ဂး ဗၠးဒဒိုက်စိုတ်ပူမဟ်ရ၊ လ္ပံစဇြုံ လ္ပံဗကောတ်ဗၟာတိုန်က္ဍိုပ်မ္ဂး ဇကုပြဲနူညးရ၊ လ္ပံဂွံဒြပ်မပြဲမ္ဂး ကသပ်ဂၞန်ဍိုက်ပေၚ်ရ၊ လ္ပံဒြာတ်ဗကထဝ်မ္ဂး ဂွံလာဘ်မပြဲရ။ လ္ပံဂ္ညိဂ္ညာတ်ဇကု လ္ပံသတ်ဆုလၟုဟ်ဟ် ဒတုံစှ်ေဂတမုက်ဇကုမ္ဂး ဂွံဗြဴကၟာဲသှုတွဳဝါရဟေၚ်၊ လ္ပံညးဂတေဝ််ကော်ဇကုမ္ဂး ဇကုပြဲနူညးရ၊ လ္ပံညာတ်က္ဍိုၚ်ထဝ်ဩန် သတိက်ဒေန်ဖုန်မ္ဂး ဒှ်တသိုက်စိုတ်ရ၊ လ္ပံဒုၚ်လာဘ်ညးဇၞးပိုတ်မ္ဂး အာယုက်ဂၠိၚ်ပြဲရ၊ လ္ပံဒှ်ဗြိုၚ်မ္ဂး ဂၠိုၚ်ကဵုကောန်စဴရ၊ လ္ပံသုၚ်ဍာ်တုဲ တိုန်တၞိန်မ္ဂး ဒှ်တသိုက်စိုတ်ရ။
လ္ပံကလာၚ်တိုန်မ္ဂး ညးဟွံတုပ်ဇကုရ၊ လ္ပံဂဇံပ္တိုဟ်ကၠုတ်တိုန်တုဲ ဒလဝ်မံၚ်မ္ဂး ဒှ်သၟိၚ်ရ၊ လ္ပံဗြဲဂူစှ်ေဒးဇကုမ္ဂး ၜိုဟ်စိုတ်ရ။ လ္ပံကးသော် လ္ပံယာတ်ဇကုဂွုအာ ပ္ဍဲအရာဇကုဂွုအာမ္ဂး ဒှ်တသိုက်၊ လ္ပံညးကၠုၚ်ကဵု မ္ၚဵုကဵုဇကုမ္ဂး သ္ဍိုက်ဇြဟာန်ဒှ်ရ။
( ဣဝွံ သၞဲအ္စာတမၠာ ပ္ဍဲဘာသာမန် စွံပ္တန်လဝ်ရောၚ် )
လက်သန်ပူဇဴလ္ပံ
[ပလေဝ်ဒါန် | ပလေဝ်ဒါန် တမ်ကၞက်]လ္ပံဗြဴတၠယဿပတ် ဗန်ဇကုမ္ဂး ယဲထပှ်တ္ၚဲ ကၠေံခဝ်ဗဝ််သၟုတ်မ္ဂး လာဲလေၚ်အာရ။
လ္ပံဗြဴလတက်ယာတ်ဗကေတ် ဗန်ဇကုမ္ဂး ဒှ်ဒဒိုက်စိုတ်ရ၊ သၟုတ်ဗဝ်ပုၚ်ခဝ်ကၠေံ ပဂမဳထပှ်တ္ၚဲ ဒုဟ်ဗၠးရ၊ လ္ပံဇကုယဲမ္ဂး ဖျုန်သီုဍာ်တှ် ပူဇဴဒေဝတဴတ္ၚဲ ဂွံကောန်တြုံဗြဴရ၊ လ္ပံစိၚ်ချေံဂၠဴပြေၚ်မ္ဂး လံက်ထဝ်ကျာ် ဗဝ်သၟုတ် ပဂမဳထပှ်တ္ၚဲတုဲ ဂွံယဿပတ် ဂၠိုၚ်နူကလောဂမၠိုၚ်ရ၊ လ္ပံလတက်ယာတ်မ္ဂး မိတ် ကၠေၚ် ဍာ်တှ် ကဵုဒါန်ကုညးဇၞော်မ္ဂး ဂွံကယျိုၚ်ထၟိက်ရ၊ လ္ပံဍိုက်စိၚ် တိၚ်တဏဟာပ်ပုၚ်မ္ဂး သၟုတ်ခဝ် လံက်ထဝ်ကျာ် ပဂမဳ ဂွံယဿပတ်ရ၊ လ္ပံသုၚ်ဍာ်တှ်မွဲလ္ၚိတ်မ္ဂး ပၞာၚ်ထဝ် ပၞာၚ်ဩန် ယိုဟ်ၜန်ဗက စုတ်တၟာဲဖဳကၠေံမ္ဂး ဂွံတသိုက်ရ၊ လ္ပံစရှ်ပ္ကဴဒကှ်မ္ဂး ဒှ်ဗြဴလံက်ထဝ်ကဵုကျာ်မ္ဂး ဂွံတြုံညးခမိဟ်ရ၊ ဒှ်တြုံ လံက်ထဝ်ကဵုကျာ်နိဗ္ဗာန်သတိက်မ္ဂး ဂွံဗြဴကောန်ညးသၟိဟ်ရ။
လ္ပံစဖျုန််ဗစိန် ဖျုန်ဂမျိုၚ်မ္ဂး မိတ်ကဵုကၠေၚ် ကဵုဒါန်ကုညးဗျုဇၞော်တုဲ ဂွံအာဲကၟာဲရ၊ လ္ပံကဝးဇိုၚ်တဲမ္ဂး ထဝ်ကျာ်လီုအာဂှ် လဟဵုစုတ်တုဲ ဂွံပတၠယဿပတ်ရ၊ လ္ပံစက္ဍိုပ်ညးမ္ဂး ကၠေံခဝ် ဗဝ်သၟုတ်လံက်ထဝ်ကျာ််တုဲ ဂွံဒှ်အထောတ်ညးရ၊ လ္ပံဗှ်သၠပတ်မ္ဂး ကဵုဒါန်မၚ်သဳ ပဂမဳ ထပှ်တ္ၚဲတုဲ ဒှ်ဒကိုပ်ညးရ၊ လ္ပံရပ်ပ္ကဴဒကှ်မ္ဂ: ပူဇဴဒေဝတဴထပှ်တ္ၚဲတုဲ ဂွံပိုန်ရ၊ လ္ပံစပုၚ်ကဵုဍာ်တှ်မ္ဂး ၃ တ္ၚဲ ပူဇဴဒေဝတဴတုဲ ဂွံဘိုက်ဘက်ရ၊ လ္ပံသၞံၚ်ဂိတုတ္ၚဲမ္ဂး ဒြာတ်ဗကထဝ် ပၞာၚ်ထဝ် ပူဇဴကျာ်မ္ဂး ဂွံတသိုက် ဣဓိဇၞော်ရ၊ လ္ပံသုၚ်ဍာ်တှ်ဂၠဴမ္ဂး စစၞမၞုံကဵုရှ် ကဵုဒါတ်ကုသၚ် ၇ တ္ၚဲတုဲ ဂွံဒှ်ဣဓိဇၞော်ပြဲရ။
လ္ပံမံၚ်သ္ၚိဇၞော် လ္ပံဇူသမၞိၚ်ဆုဇၞော်မ္ဂး ကဵုဒါန်ပန်ဝါ မၚ်သဳပန်ဝါ ပၚ်မှိၚ်ဓရ်ပန်ဝါတုဲ ဂွံယဿပတ်ဇၞော် အာယုက်ဂၠိၚ်ရ၊ လ္ပံဍိုက်ချေံ လ္ပံပန်ကံ လ္ပံရပ်ဗၞုဟ် လ္ပံထဝ်ဩန် လ္ပံဗိုက်ယာတ်မ္ဂး ဒးကွာ်တရဴဇမ္ၚောဲရ၊ ပံၚ်ဂြိုဟ်ဂရိုဟ်ဒဲတုဲ ဗၠးရ၊ ဟွံမိက်ပသာ်ဂှ်မ္ဂး အာကၠေံနူဌာန်ဂှ်ရ၊ လ္ပံသုၚ်ဆီ သုၚ်ဍာ်သာဲမ္ဂး ဒးကွာ်တရဴအဓာန်ရ၊ ကဵုဒါန်မၚ်သဳတုဲ ဗၠးဒုဟ်ရ၊ လ္ပံညာတ်သၠိုဟ်ဗာ်ဇကုမ္ဂး ယာတ်ပူဇဴ ပုၚ်ဍာ်တှ် ကဵုဒါန်တုဲ ဂွံလာဘ်သၟိၚ်ရ၊ လ္ပံညးစရၚ်သကံမ္ဂး ယာတ်ပူဇဴကျာ်တုဲ ဂွံဒှ်သၟိၚ်ရ။
လ္ပံဒတုံနူသ္ၚိ လ္ပံတြုံဒှ်ဗြဴမ္ဂး ဟွံခိုဟ် ဒၞါဲဂှ်ပမံၚ်ရ၊ ကဵုဒါန်ပူဇဴပ္ကဴကုကျာ်တုဲ ဒုဟ်လာဲလေၚ်ရ၊ လ္ပံဂွံမံၚ်ဇရေၚ်ဨကရာဇ်မ္ဂး လဟဵုသ္ၚိဍာ် ပူဇဴကျာ် ဗလးကတုဲ နွံကဵုသ္ဂေဟ်သွဟ်ရ၊ လ္ပံက္ဍိုက်က္ဍိုပ်စိၚ်မ္ဂး ပုၚ်ကေုာံဍာ်တှ် ကဵုဒါန်တုဲ ဂွံစပိုန်သၟိၚ် လာဘ်ဗကေတ်ဗ္တာၚ်ဂွံရ၊ လ္ပံညာတ်ပၟတ်ဂဵုတိုန်မ္ဂး ပံၚ်ဂြိုဟ်ဂရိုဟ်ဒဲ ကဗလးတုဲ ပဂမဳထပှ်တ္ၚဲတုဲ ဒုဟ်ဗၠးရ၊ လ္ပံစောန်ဒမြဴကဵုညးမ္ဂး ဗစိုပ်ဗစး ကဵုဒါန်ကဵုဗြဴမၞုံပဋိသန္ဓိ ပိဝါ ညးကဵုယဿပတ် ဒးကၠုၚ်ပူဇဴဇကုရ၊ လ္ပံညာတ်တိဗ္ၚ ကခံက်ကြုၚ်စောဝ် လ္ဂေါဝ်မ္ဂး ဍာ်ကဵုဒါန်ကုညးဇၞော် သ္ၚိိဍာ်လဟဵုတုဲ ဂွံအရပ်အရာရ၊ လ္ပံကမၠိုၚ််ကၟာမ္ဂး ထဝ်ဩန်ပိဂၠး ကေတ်တုဲ ကျာ်နာံမိတ်ပူဇဴမွဲဂၠး အာစာမွဲဂၠး မိမမွဲဂၠးတုဲ ဂွံတသိုက်ရ၊ လ္ပံဂတေဝ်ယာံဒေါဝ်ဂြိုပ်မ္ဂး ကဵုဒါန်မၚ်သဳ ကဗလးတုဲ ဂွံယဿပတ်လောန်နူညးရ၊ လ္ပံတုံဗၠိုပ် လ္ပံလှ်ေဒယှ်မ္ဂး ကမၠတ်ဒမၠလုပ်သ္ၚိရ၊ လ္ပံဂွံဗြံက်ဗြပ္ကဴဒကှ်သွာမ္ဂး သ္ၚာ ဗဗေၚ် တၞိၚ် ကဵုဒါန်ကုသၚ်တုဲ ဂွံဒြပ်ဂၠိုၚ်ရ။
လ္ပံစေတဳမ္ဂး ဍာ်တှ်မြမောဝ် ဗစိုပ်ဗစး ကဵုဒါန်ပိဝါတုဲ ဂွံအာဲကၟာဲရ၊ လ္ပံညာတ်ခါဲကၟာ ဒှ်သေဌဳရ၊ လ္ပံကွာ်တရဴမ္ဂး လေပ်ပိဋကတ်ရ၊ လ္ပံၚဳစဲ လ္ပံပတိုဟ်မ္ဂး ဂွံတိထဝ်ဩန်ဗၠဲဒွါရ၊ လ္ပံတိုန်တၞံသတ်ဗြဴ ဟွံခိုဟ်၊ လ္ပံတိုန်ဘာ ဂွံဒၟံၚ်မပြဲရ၊ လ္ပံကျာံၚိတ်မ္ဂး ဂွံလာဘ်ရ၊ လ္ပံချးဇွမ္ဂး ဒှ်သၟိၚ်ရ၊ လ္ပံဟိိုၚ်ဇာပ်ဇကုမ္ဂး ဒိုက်ရ၊ လ္ပံခဍာ်ဗတာၚ်မ္ဂး ဂွံဒေပ်စိုတ်မပြဲရ၊ လ္ပံစဗြာတ်က္ၜဴမ္ဂး သိိုက်ရ၊ လ္ပံဂစေံကၠၚ်ဟိုက် ဂြုန်ဗၟာဇကုမ္ဂး ခိုဟ်ရ။
လ္ပံဗြဴဝုတ်ကညာ လ္ပံဂၠဴ လ္ပံကၞုသၚ် လ္ပံဍာ်တှ် လ္ပံစသတ်ဆု လ္ပံပ္ကဴချီု လ္ပံယာန်သရေၚ် လ္ပံနုၚ်နိဓိ လ္ပံပၟတ်ဂဵုအလုံဇကု လ္ပံပၞာၚ််မဂဵု လ္ပံစိၚ်ဇၟူ ညးဒက်လဝ် ပ္ဍဲတၞိန်သောပါန် လ္ပံကတ်ဗ္တောန် လ္ပံမန်ယန် လ္ပံစေတဳရုပ် လ္ပံမိတ်ပြဝါ ဒယှ်ေလှ်ေ လ္ပံဟုံဗၠိုပ် အကြာဒကှ်သွာ လ္ပံဟာပ်ပုၚ် သီုအမာဲ လ္ပံဓရီုသုၚ်စ လ္ပံအာကၠုၚ်ကဵုသရာဲဍုၚ် လ္ပံစဖျုန်ကလောံ။
( လ္ပံၜါဣသုန် သာ်ဝွံ ဒှ်မ္ၚဵုမပြဲရ )
လ္ပံသၞံၚ်နက်သတ်၊ လ္ပံဒးဒွဵုဂွိုက်၊ လ္ပံကြေဲမြာ်၊ လ္ပံဂိတုတ္ၚဲ၊ လ္ပံပ္ကဴဗတာၚ်၊ လ္ပံမဂၞဳဍာ်မှာသၟိတ်၊ လ္ပံဇွိအုဲ၊ လ္ပံစက္ဍိုပ်မၞိဟ်၊ လ္ပံစကြုတိမၞိဟ်၊ လ္ပံမံၚ်သမၞိၚ်ဆု၊ လ္ပံဂတေဝ်ယာံ၊ လ္ပံစကျာံ၊ လ္ပံစကၠံ။
( လ္ပံပန်သာ်ဝွံ ဂွံလာဘ်ရ )
သၞဲလ္ပံဝွံ ကောန်ဒေဝတဴလောကဗျူဟ ကောန်ဒေဝတဴပြမေသွဝ် ကေုာံ ဣသိ ဇမၠိၚ်အာယုက် ညးပိစၚ်ခြၚ်တုဲ မခၞံလဝ် သၞဲလ္ၚီဝွံရောၚ်။ )
သၞဲကၟာတ်ဍုန်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]ကၟာတ်ဍုန် ဂတဵုသ္ၚိမ္ဂး တၠသ္ၚိချိုတ်ရ၊ ခါဟွံမိက်ချိုတ်မ္ဂး ဖျုန်ပူဇဴဍေံတုဲ အာကၠေံနူဌာန်ဂှ်ရ၊ ဍေံဍုန်မ္ၚးသ္ၚိမ္ဂး ဂွံပတၠပိုန်ဂၠိုၚ်ရ၊ ဍေံဍုန်ဂၞၚ်သ္ၚိမ္ဂး ဒိုက်ရ။ ဍုန်ဒယူသ္ၚိမ္ဂး တၠသ္ၚိချိုတ်၊ ဍုန်ဗၟံက်သ္ၚိမ္ဂး ဒှ်ညးခမိဟ်ရ၊ သဗ္ဗဖျုန်ပူဇဴဍေံ ခိုဟ်သန်ရ၊ ဍုန်ပါၚ်တရၚ်မ္ဂး ဘဲသၟိၚ်စာ်စ္ဍးရ၊ ဍုန်သၞက်ဒေါဝ်ဍုၚ်မ္ဂး တၠဍုၚ်တူစာ်ရ။
သၞဲပူဍုန်
[ပလေဝ်ဒါန် | ပလေဝ်ဒါန် တမ်ကၞက်]နူဍုန်ဗၟံက်သ္ၚိ မိမအိုတ်သ္ကန်ရ၊ ပူဍုန်အဂၞဲမ္ဂး ချိုတ်ရ၊ ဍုန်သမၠုၚ်ကျာ ကလောမိတ်ပြဝါ ဒးချိုတ်ရ၊ ဍုန်နေရတိ ဂွံပတၠဒြပ်မဂၠိုၚ်ရ၊ ဍုန်ပလိုတ် ဂွံပတၠဩောံသ္ၚုဂၠိုၚ်ရ၊ ဍုန်ဗာယပ် အာယုက်ဂၠိၚ် ယဿပတ်နွံရ၊ ဍုန်သၟဝ်ကျာ ဂွံလာဘ်နူဇမ္ၚောဲရ၊ ဍုန်ဨသာန် ဂွံဒုၚ််ပူဇဴသၟိၚ်ရ။
သၞဲဂစေံအကုဟ် ဗြုတိုန်
[ပလေဝ်ဒါန် | ပလေဝ်ဒါန် တမ်ကၞက်]ဂစေံအကုဟ် ဗြုဗၟံက် ဂွံလာဘ်ရ၊ ဗြုအဂၞဲ ညးစိုပ်ရ၊ ဗြုသူမၠုၚ်ကျာ ဒမၠလုပ်သ္ၚိရ၊ ထနဳမိတ်ပြဝါရ၊ ဗြုနေရတိ ပရိိုၚ်ဟွံခိုဟ်မိၚ်ရ၊ ဗြုပလိုတ် ဟွံခိုဟ်၊ ဗြုဗာယပ် ညးနၚ်ဂလာန်ကဵုဇကုရ၊ ဗြုသၟဝ်ကျာ ကမၠတ်လုပ်သ္ၚိရ၊ ဗြုဖလာၚ်ယး ဂွံဒၞါဲဒၟံၚ်ရ၊ ဗြုဇရေၚ်သ္ၚိ ကောန်ကၠုၚ်စိုပ်ရ။
သၞဲဂစေံဖဝ်ရဂုတ်လုပ်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]ဖဝ်ရဂုတ် လုပ်သ္ၚိ ဟွံခိုဟ်၊ လုပ်ဨသာန် ဍုန်အဂၞဲ သိုက်ရ၊ ဍုန်သမၠုၚ်ကျာ သိုက်ရ၊ ဍုန်နေရတိ ဂွံလာဘ်၊ ဍုန်ပလိုတ်၊ ဗာယပ်၊ သၟဝ်ကျာ၊ ဟွံခိုဟ်ရ။
သၞဲဂစေံပဝ်ဍုန်
[ပလေဝ်ဒါန် | ပလေဝ်ဒါန် တမ်ကၞက်]ဍုန်ဗၟံက် ဟွံခိုဟ်၊ ဍုန်အဂၞဲ ဂွံလာဘ်၊ ဍုန်သမၠုၚ်ကျာ သိုက်၊ ဍုန်နေရတိ၊ ဗာယပ်၊ ပလိုတ်၊ ဨသာန် ဂွံလာဘ်ရ။
သၞဲသ္ဍိလုပ်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]သ္ဍိလုပ်သ္ၚိ ဍေံဗြု ဟွံခိုဟ်၊ ဍုန်ဗၟံက် ဟွံခိုဟ်၊ ဍုန်အဂၞဲ၊ သမၠုၚ်ကျာ၊ နေရတိ၊ ပလိုတ်၊ ဗာယပ်၊ ဂွံလာဘ်ရ၊ သၟဝ်ကျာ ဒးဒဒိုက်၊ ဨသာန် သိုက်ရ။
သၞဲဂစေံဗဂဵုဍုန်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]ဂစေံဗဂဵုဍုန်ဗၟံက် ဟွံခိုဟ်၊ ဍုန်အဂၞဲ၊ သမၠုၚ်ကျာ၊ နေရတိ၊ ပလိုတ်၊ ဗာယပ်၊ သိုက်ရ၊ ဍုန်သၟဝ်ကျာ၊ ဨသာန် ဟွံခိုဟ်။
သၞဲသာဲပဝ်လုပ်ဒစာံဒိုဟ်
[ပလေဝ်ဒါန် | ပလေဝ်ဒါန် တမ်ကၞက်]သာဲပဝ်လုပ်ဒိုဟ်ဗၟံက် ဂွံလာဘ်၊ ဒိုဟ်အဂၞဲ သ္ၚိတူ၊ သမၠုၚ်ကျာ ခိုဟ်၊ နေရတိ ဒြပ်လေၚ်၊ ပလိုတ် ဒၟာနူဗြဴဒြပ်လေၚ် ဟွံသေၚ်် ဒးဘဲသၟိၚ်ရ၊ ဗာယပ် ဂွံကောန်ဗြဴသၟိၚ်ရ၊ သၟတ်ကျာ ဂွံလာဘ်၊ ဨသာန် ဂွံဒုၚ်ပူဇဴသၟိၚ်ရ၊ ဂွံကောန်ကလဝ် ဒှ်ညးခၟိဟ်လေဝ် ဂးရ။
သၞဲခဍာ်ဗြု
[ပလေဝ်ဒါန် | ပလေဝ်ဒါန် တမ်ကၞက်]ကိတ္တိ ကိတ္တိကဳ ခဍာ်ဗြုမ္ဂး ဒှ်ယဲပူမဟ်ရ၊ ကာကဳ ကာကဳ ခဍာ်ဗြုမ္ဂး ဂွံမိၚ်ဂလာန် သုဘာသိုတ်ရ၊ အက်အဴ အက်အဴ ခဍာ်ဗြုမ္ဂး လာဘ်ဗြဴမွဲဂွံရ၊ အဴဝ အဴဝ ခဍာ်ဗြုမ္ဂး ဒးချိုတ််ရ၊ သမၠုၚ်ကျာဍေံဗြု ကိတ်စွက် ကိတ်စွက်မ္ဂး ဂွံဒုၚ်ပူဇဴသၟိၚ်ရ၊ နေရတိခဍာ်ဗြု ဘောအာ ဘောအာမ္ဂး ဂွံလာဘ်ဇၞော်ပြဲနူညးရ၊ ပလိုတ်ခဍာ်ဗြု ကွက်ကွက်မ္ဂး ဒှ်ဒဒိိုက်ရ၊ ဒိုဟ်ဗာယပ်ခဍာ်ဗြု အမာအမာမ္ဂး ဒးဘဲညးရ၊ ဒိုဟ်သၟဝ်ကျာဗြု အကြောအကြောမ္ဂး ဒှ်သေက်ဇဵုရ၊ ဨသာန်ဍေံဗြုရၚ်သ္ကံ ကာဝါတ် ကာဝါတ်မ္ဂး ဒြပ်လေၚ်ရ၊ ဂိတု ဂိတု ဍေံဗြုမ္ဂး လေၚ်ရ၊ အက်အက် အာအာ ဍေံဗြုမ္ဂး ဂွံလာဘ်ရ။
ကာကဳ ကာကဳ ဍေံဗြုမ္ဂး ဂွံလာဘ်၊ အက်အဴ အက်အဴ ဍေံဗြုမ္ဂး ကဠောစိုပ်ရ၊ ကြက်ဝေါန် ကြက်ဝေါန် ဍေံဗြုမ္ဂး တၠသ္ၚိချိုတ်ရ။
(က) အက်ကြာတ် အက်ကြာတ် ဗြုသၟဝ်ကျာမ္ဂး ကဠော ဒှ်သေက်ဇဵုရ။
(ခ) တွာကုတ် တွာကုတ် ဗြုမ္ဂး ဒးဘဲရ။
(ဂ) ဩအာ ဩအာ ဗြုမ္ဂး ဂွံဒုၚ်ပူဇဴသၟိၚ်ရ။
(ဃ) ကော်ဝါ ကော်ဝါ ဗြုမ္ဂး လေၚ်ရ။
သၞဲသာဲဍုန်
[ပလေဝ်ဒါန် | ပလေဝ်ဒါန် တမ်ကၞက်]သာဲဍုန်ခတဵုသ္ၚိ ဒးပကာဂစိုတ်၊ ဍုန်ကၞံၚ်လတူသ္ၚိ ဒိုက်လေၚ်ရ၊ ဍုန်ဒိုဟ်ဗၟံက်မ္ဂး ဂွံဒုၚ်ပူဇဴသၟိၚ်ရ၊ ဍုန်အဂၞဲမ္ဂး တၠသ္ၚိလီုလာ်ရ၊ ဍုန်သမၠုၚ်ကျာမ္ဂး လာဘ်မပြဲဂွံရ၊ ဍုန်ေနရတိမ္ဂး ဂွံကောန်တြုံမပြဲရ၊ ဍုန်ပလိုတ်မ္ဂး ဍိက်တြုံဍိက်ဗြဴ ဒှ်လေၚ်ရ၊ ဍုန်ဗာယပ် ခိုဟ်ရ၊ ဍုန်သၟဝ်ကျာ ဂွံဒုၚ်ပူဇဴညးရ၊ ဍုန်ဨသာန် တွဳဝါရဂၠိုၚ်ရ၊ ဍုန်ဒမၚ်သ္ၚိ ဂွံတသိုက်ရ၊ ဍုန်ထဏမ္ဂး ဂွံဍိက်တြုံဗြဴရ၊ ဍုန်ဝိုန် ဍုန်ရတ် လာဘ်မပြဲ ဂွံရ၊ ဍုန်ကၞဳမ္ဂး ဂွံတသိုက်ရ၊ ဍုန်ပါၚ်တရၚ် ဂွံဍိက်တြုံဗြဴရ။
သၞဲသာဲရပ်
[ပလေဝ်ဒါန် | ပလေဝ်ဒါန် တမ်ကၞက်]သာဲရပ်ဒမၚ်သ္ၚိ ဒြပ်မပြဲဂွံရ၊ သာဲရပ်တၞံၚ်ဗၟံက် ဂွံလာဘ်ရ၊ ဂွံသမ္ဘာလေဝ်ဂး၊ သာဲရပ်တၞံၚ်ပလိုတ် ကလောသ္ပဂလာန်ကဵုဇကုရ၊ ဂွံဍိုက်ပေၚ်ပၟိက်စိုတ်ရ၊ သာဲရပ်တၞံၚ်သၟဝ်ကျာ ဂွံလာဘ်ရ၊ သာဲရပ်တၞံၚ်ဒေါဝ် ဂွံကောန်သမ္ဘာရ၊ သာဲရပ်စိၚ်သမၠုၚ်ကျာ တၠသ္ၚိချိုတ်ရ၊ သာဲရပ်စိၚ်သၟဝ်ကျာ တၠသ္ၚိဂွံလာဘ်ရ၊ သာဲရပ်စိၚ်ဗၟံက် ဂွံဒုၚ်ပူဇဴသၟိၚ်ရ၊ သာဲရပ်စိၚ်ပလိုတ် ဂွံမိပ်စိုတ်ပူမှ်ရ။
သၞဲကၞိမဗြု
[ပလေဝ်ဒါန် | ပလေဝ်ဒါန် တမ်ကၞက်]ကၞိဗြုစုတ်စုတ်မ္ဂး ဂွံလာဘ်ရ၊ ကၞိဗြုကုတ်ကုတ်မ္ဂး ဒှ်သေက်ဇဵုကဵုညးရ၊ ကၞိဗြုလတူက္ဍိုပ်မ္ဂး ဒှ်အမှုအရာကဵုညးရ၊ ကၞိဗြုကေတ်ကေတ်မ္ဂး ဂွံလာဘ်မပြဲရ၊ ကၞိဗြုကိန်ကိန်မ္ဂး ညးဒးဘဲရ၊ ကၞိဗြုကိတ်ကိတ်မ္ဂး ဂွံလာဘ်ရ၊ ကၞိဗြုဒုၚ်ဒုၚ်မ္ဂး ညးနၚ်ကဵုဒြပ်နူဇမ္ၚောဲရ၊ ကၞိဗြုတုန်တုန်မ္ဂး သၟဟ်စိုတ်ကဵုညးရ၊ ကၞိဗြုဆိုတ်ဆိုတ်မ္ဂး ဒှ်လေၚ်ရ၊ ကၞိဗြုတုတုမ္ဂး ဒိုက်ယဲရ၊ ကၞိဗြုဘိုက်ဘိုက်မ္ဂး ဒှ်လေၚ်ရ၊ ကၞိဗြုသုသုမ္ဂး ညးကဵုလာဘ်ကဵုဇကုရ၊ ကၞိဗြုစှ်ေစှ်ေမ္ဂး ဒှ်ဂလာန်ကဵုညးရ၊ ကၞိဗြုကတ်ကတ်မ္ဂး တၠသ္ၚိဂွံလာဘ်ရ၊ ကၞိဗြုသုတ်သုတ်မ္ဂး ဒြပ်လေၚ်ရ၊ ဒှ်သၟိၚ်မ္ဂး ညးရုပ်ကၠေံစိၚ်ဂၠုၚ်ရ၊ ကၞိဗြုသိၚ်သိၚ်မ္ဂး ကၠေဝ်မတ် စိၚ်ဂၠုၚ်စိုပ်ရ။
သၞဲကၞိဒတုံ
[ပလေဝ်ဒါန် | ပလေဝ်ဒါန် တမ်ကၞက်]ကၞိဒတုံဗ္တံ ပထမယာံမ္ဂး မိပ်စိုတ်ရ၊ ကၞိဒတုံကာလစာၚ်ဂြဴဗ္တံမ္ဂး ဍိက်ဒဴရ၊ ကၞိဒတုံတ္ၚဲယးကီု ကာလဟာပ်ပုၚ်ကီု ဂွံလာဘ်ရမပြဲရ၊ ကၞိဒတုံဒးဇိုၚ် ဒးဒဳ ဒ:ဂၞိၚ်မ္ဂး ဂွံလာဘ်ရ၊ ကၞိဒတုံဒးဇကု ဂွံလာဘ်ဗွဲဒိုဟ်ဗၟံက်ရ၊ ကၞိဒတုံဒးက္ဍိုပ်မ္ဂး ဒးပကာဂစိုတ်ရ၊ ကၞိဒတုံစှ်ေတုဲ ဒြေပ်အာနေရတိမ္ဂး ဂွံလာဘ်ရ၊ ကၞိဒတုံစှ်ေတုဲ ဒြေပ်အာဨသာန်မ္ဂး ဂွံခန်လွာရ၊ ကၞိဒတုံအဂၞဲမ္ဂး ဂွံလာဘ်ရ၊ ကၞိဒတုံသမၠုၚ်ကျာမ္ဂး ဒးဒဒိုက်စိုတ်ရ၊ ကၞိဒတုံနေရတိမ္ဂး ဂွံလာဘ်ရ၊ ကၞိဒတုံပလိုတ်မ္ဂး ဂွံဍိက်တြုံဗြဴရ၊ ကၞိဒတုံဗာယပ်မ္ဂး ဂွံဒြပ်ဝေၚ်ရ၊ ကၞိဒတုံသၟဝ်ကျာမ္ဂး သၟိၚ်ဂွံဂၞကျာ်ရ၊ ကၞိဒတုံဨသာန်မ္ဂး ဂွံတိဇုက်ဗၠဲဂွါရ။
သၞဲကၞိကိတ်
[ပလေဝ်ဒါန် | ပလေဝ်ဒါန် တမ်ကၞက်]ကၞိကိတ်တၟတ်ထဏဴမ္ဂး ရွံလာဘ်ရ၊ ကၞိကိတ်က္ၜံၚ်မ္ဂး ချိုတ်ရ၊ ကၞိိတိတ်မုဟ်ဂြိုဟ်မ္ဂး ဂွံလာဘ်ရ၊ ကၞိကိတ်ပါၚ် ဒးကမၠတ်ရ၊ ကၞိကိတ်ဇိုၚ်သတုံ ဂွံလာဘ်ရ၊ ကၞိကိတ်ဂတာဇိုၚ်ဇွိ ဒှ်သေက်ဇဵုကဵုညးရ၊ ကၞိကိတ်ဇိုၚ်ၜါမ္ဂး ဂွံလာဘ်ရ၊ ကၞိကိတ်ဂတာဇိုၚ်တဲ ပူဇဴကျာ် ကလအ်သၚ် စၞပူဇဴဍေံ ဂွံလာဘ်ရ၊ ကၞိကိတ်စၞောန်တဲမ္ဂး ဂွံလာဘ်ရ၊ ကၞိကိတ်လ္ပုဟ်တဲ ပုၚ်ပါဲမ္ဂး ဂွံလာဘ်ရ၊ ကၞိကိတ်မုဟ်မ္ဂး ဒုၚ်မ္ၚဵုကဵုဒါန်မၚ်သဳတုဲ အန္တရာဲလာဲလေၚ် ဂွံလာဘ်ရ၊ ဟွံပမ္ဂး ဟွံခိုဟ်ရ၊ ကၞိကိတ်မတ်မ္ဂး ဟွံခိုဟ်၊ ကိတ်ကၞေၚ်မ္ဂး ကဵုဒါန်ပစ္စယ်ပန်တုဲ ဂွံလာဘ်ရ၊ ဟွံကဵုဟွံခိုဟ်ရ၊ ကၞိကိတ်ကတောဝ် ပူဇဴဒေဝတဴတုဲ ဂွံလာဘ်ရ၊ ကၞိကိတ်က္ဍိုပ် ဒှ်သေက်ဇဵုရ၊ ဂါထာမန်တုဲ ပူဇဴကၞိညိ၊ ဥုံရက္ခာဂိ အာဝိသွးဟ မန်ဝွံ မန်ပုၚ်တုဲ ကဵုဒါန်ကဵုကၞိ အိုတ်နိမိတ်တံဂှ် ဗၠးရ။
ကၞိကိတ်မွဲစွေက် ဂွံလာဘ်ရ၊ ကၞိကိတ် ၜါစွေက် ဒြပ်လေၚ်ရ၊ ကၞိကိတ် ပိစွေက် မိပ်စိုတ်ရ၊ ကၞိကိတ် ပန် မသုန်စွေက်မ္ဂး ဂွံလာဘ်ရ၊ ကၞိကိတ်တြဴစွေက် ဒိုက်ယဲရ၊ ကၞိကိတ်ထပှ်စွေက် ဒိုက်ယဲတုဲ ကြဴဂွံလာဘ်ရ၊ ကၞိကိတ်ဒစာံစွေက် ဂွံလာဘ်ရ၊ ကၞိကိတ်ဒစိတ်စွေက် ဂၠိုၚ်ကဵုဩောံသ္ၚုရ၊ ကၞိကိတ်စှ်စွေက် ဩောံသ္ၚုဂၠိုၚ်ကီု၊ ကၞိကိတ်မသုန်တန် ဒးဒဒိုက်ရ၊ ကၞိကိတ်တြဴတန် ထပှ်တန်မ္ဂး ဒြပ်ဂၠိုၚ်ရ၊ ကၞိကိတ် ဒစာံတန် ဒစိတ်တန်မ္ဂး ဂွံပတၠဒြပ်ရ၊ ကၞိကိတ်စှ်တန် ဒြပ်ဂၠိုၚ်ရ၊ ကၞိကိတ်ဂၠိုၚ်ကဵုစွံ ဒြပ်ဂၠိုၚ် ဂွံရ။
သၞဲဂစက်ဒတုံလၟေၚ်တ္ၚဲထပှ်
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲအဒိုတ် ဂစက်ဒတုံမ္ဂး ဒးညးဇၞးပိုတ်ရ၊ တ္ၚဲစန် ဒတုံမ္ဂး ဒးကလောဒညာတ်ရ၊ တ္ၚဲအၚာ ဒတုံမ္ဂး ဒးမိကဵုမရ၊ တ္ၚဲဗုဒ္ဓဝါ ဒတုံမ္ဂး ဒးကောန်သမ္ဘာရ၊ တ္ၚဲဗြဴဗတိ ဒးမိတ်ပြဝါရ၊ တ္ၚဲသိုက် ဒးပြေၚ်ဂၠဴ၊ တ္ၚဲသ္ၚိသဝ် ဒးဇကုရ၊
သၞဲဂစက်ဒတုံဒစာံဒိုဟ်
[ပလေဝ်ဒါန် | ပလေဝ်ဒါန် တမ်ကၞက်]ဂစက်ဒတုံဂတမုက်မ္ဂး ဂွံလာဘ်ရ၊ ဒတုံဒိုဟ်အဂၞဲ သ္ၚိတူရ၊ ဒိုဟ်သမၠုၚ်ကျာ ဂွံဖျုန်၊ ဒိုဟ်နေရတိ ဒးကမၠတ်၊ ဒိုဟ်ပလိုတ် ဂွံဍိက်တြုံဗြဴ၊ ဒိုဟ်ဗာယပ် ဂွံလာဘ်ပြေၚ်ဂၠဴ၊ ဒိုဟ်သဝ်ကျာ ဂွံဒြပ်ရတ်မပြဲ၊ ဒိုဟ်ဨသာန် ဂွံဒုၚ်ပူဇဴသၟိၚ်ရ။
သၞဲဂစက်ဒတုံဒးဇကု
[ပလေဝ်ဒါန် | ပလေဝ်ဒါန် တမ်ကၞက်]ဂစက်ဒတုံဒးက္ဍိုပ် ဒးမိမ၊ ဒးကၞေၚ် ဒးအာဌာန်ဇမ္ၚောဲရ၊ ဒးပၞး ဒးဘဲသၟိၚ်၊ ဒးမုက် ဒးလီုလာ်ရ၊ ဒးကၞိၚ် ဒးမိမမသ္ၚောဲရ၊ ဒးပါၚ် ဟဂပ်ဝ် ကွာ်တရဴ၊ ဒးဇကုမ္ဂး ဒးချိုတ်ရ၊ ဒးဩိုဟ်လ္ပါ်သတုံ ဒးကောန်ကလဝ်ရ၊ ဒးမုဟ်ဂြိုဟ် ဒိုက်ယဲ၊ ဒးတဲသတုံ ဒးကလောရ၊ တဲဇွိ သေက်ဇဵုရ၊ ဒးတၞးဇိုၚ် ဂွံဍိက်ဒြပ်ရ၊ ဒးဇိုၚ်ဇွိ ဒ:ဍိက်သကံပြေၚ်ဂၠဴ၊ ဒးတၟတ်ထဏဴ ဒးဇကုရ၊ ဂစက်သ္ၚဳရၚ်သကံ ဒတုံသီုၜါမ္ဂး တြုံကဵုဗြဴ ဒးစာ်ခြာရ။
သၞဲဂစက်ဒတုံသ္ၚောဲဆိုတ်
[ပလေဝ်ဒါန် | ပလေဝ်ဒါန် တမ်ကၞက်]ဂစက်ဒတုံမွဲဟတ်မ္ဂး ဒဂွဵုရ၊ ၜါဟတ် ဒှ်ယဲပူမှ်၊ ပန်ဟတ် မသုန်ဟတ် တြဴဟတ် ထပှ်ဟတ် ဒတုံမ္ဂး ဂွံဇၞးသတြုရ။
သၞဲဂစက်ဂွာန်တိုန်
[ပလေဝ်ဒါန် | ပလေဝ်ဒါန် တမ်ကၞက်]ဂစက်ဂွါန်တိုန် တ္ၚဲယးပြဟ်မ္ဂး ဂွံလာဘ်ရ၊ တ္ၚဲအၚာ အာယုက်ဂၠိၚ်၊ တ္ၚဲသ္ၚိသဝ် အန္တရာဲလာဲလေၚ်၊ ဂွါန်တိုန်တၟတ်ထဏဴမ္ဂး ဂွံလာဘ်ရ၊ စိုပ်က္ၜံၚ် ဂွံဍိက် ကောန်ဝုတ် ဗၠာဲရ၊ ဂွါန်တိုန်ဒဳ ဂွံကြိယာဗာ၊ ဂွါန်တိုန်စိုပ်ဂၞိၚ် ဂွံလာဘ်၊ ဂွါန်တိုန်ဂတာဇိုၚ် ဂွံလာဘ်ဍိက်ရ၊ ဂွါန်တိုန်စၟိန်ဇိုၚ် ဂွံလာဘ်၊ ဂွါန်တိုန်စိုပ်တၚ်တဲ သိုက်၊ ဂွါန်တိုန်စိုပ်သြိုဟ် ဂွံလာဘ်သၟိၚ်၊ ဂွါန်တိုန်စိုပ်အၚ်္ဂ ဂွံလာဘ်ရ၊ ဂွါန်တိုန်စိုပ်က္ဍိုပ် ဂွံပိုန်ဟာန်ရ၊ ဂွါန်တိုန်စိုပ်တှ် စိုပ်ပၞး ဂတာတဲသတုံဇွိ ဂွံဗြဴဝုတ်ရ၊ ဂွါန်တိုန်ယး ဂွံဒုၚ်ပူဇဴသၟိၚ်ရ၊ ဂွါန်တိုန်တ္ၚဲကတဴ ဒှ်ဇၞော်ညးရ၊ ဂွါန်တိုန်တ္ၚဲစေၚ် ဂွံဍိက်ထမိက်ရ၊ ဂွါန်တိုန်တက်ပိ ဒှ်အန္တရာဲရ။
သၞဲဂစက်ဂစေံ
[ပလေဝ်ဒါန် | ပလေဝ်ဒါန် တမ်ကၞက်]ဂစက်ဂစေံ ဒိုဟ်ဗၟံက် ဂွံလာဘ်၊ ဒိုဟ်အဂၞဲ ဒှ်သေက်ဇဵု၊ သမၠုၚ်ကျာ ဂွံလာဘ်၊ ဂွံစဖျုန်သွ၊ နေရတိ ဂွံလာဘ်မပြဲ၊ ပလိုတ် ဒးကမၠတ်၊ ဗာယပ် ဒှ်သေက်ဇဵုကဵုညး၊ သၟဝ်ကျာ ဂၠိုၚ်ကဵုသြောံသ္ၚု၊ ဨသာန် ဂွံပူဇဴသၟိၚ်ရ၊ ဂစေံလတူဂတဵုသ္ၚိ ကသပ်ဍိုက်ပေၚ်၊ လတူဒမၚ် တွဳဝါရဂၠိုၚ်၊ လတူက္ဍိုပ်ဇကု ဒးကွာ်တရဴဇမ္ၚောဲ၊ သၟဝ်သ္ၚိ ကလော ဒးပကာဂစိုတ်၊ ဇိုၚ်တၞိန် ဍိက်ဒဴ၊ ပါၚ်ဖဴ ဍိက်ဒဴဂှ် ဗၠးရ၊ ဂစေံလတူဂၞဳ ဂွံမိတ်ပြဝါ၊ ဂတမုက်သ္ၚိသတုံဇွိ ဍိက်ဒဴဂၠဴဗၠးရ။
တိက္ကတိက္က ဂစက်ဗြုမ္ဂး ဂစက်ကၟက်ရ၊ ဒုမဒုမ မညေ ဂစက်ဗြုမ္ဂး ဂစက်ဗြဴရ၊ နာတိနာတိ ဍေံဗြုမ္ဂး ဂစက်နပုံရ။
သၞဲဂစက်ဒတုံမွဲနဲပၠန်
[ပလေဝ်ဒါန် | ပလေဝ်ဒါန် တမ်ကၞက်]ဂစက်ဒတုံဂတမုက် ဂွံလာဘ်၊ ဒတုံလက်ကရဴ ဒးဘဲဇၞော်ရ၊ ဒတုံဒိုဟ်ဇွိ ချိုတ်၊ ဒတုံဒိုဟ်သတုံ ဂွံလာဘ်မပြဲရ။
သၞဲဇြုံလုပ်သ္ၚိလၟေၚ်အခိၚ်
[ပလေဝ်ဒါန် | ပလေဝ်ဒါန် တမ်ကၞက်]ဇြုံလုပ်သ္ၚိ တ္ၚဲပၠိုတ်မ္ဂး သိုက်ရ၊ လုပ်ကၠာ သၟတ်ဟွံသၠိၚ်သိုက်ရ၊ လုပ်သ္ၚိတက်ၜါ သိုက်ရ၊ လုပ်သ္ၚိတက်ပိ ဟွံခိုဟ်၊ ဂယးလုပ်သ္ၚိမ္ဂး ဟွံခိုဟ်၊ တ္ၚဲကတဴ ခိုဟ်၊ တ္ၚဲစေၚ်လုပ်သ္ၚိ သိုက်။
သၞဲဇာတ်သပါ
[ပလေဝ်ဒါန် | ပလေဝ်ဒါန် တမ်ကၞက်]ဇာတ်သပါ ဂၟါဝုတ်ဒိုဟ်သ္ၚိမ္ဂး တၠသ္ၚိ ဒးကမၠတ်ရ၊ လုပ်သၟဝ်သ္ၚိ တၠသ္ၚိ ဒးထောံသ္ၚိရ၊ ဍေံသ္ၚေဝ်မံၚ်ဒယိုၚ်သ္ၚိမ္ဂး တၠသ္ၚိ ဒှ်ညးခမိတ်ရ၊ ပ္ဍဲဟာပ်ပုၚ် ဍေံလုပ်မ္ဂး တၠကောန်ဗၠာဲ ဒးစိုပ်ရ၊ ဍေံမံၚ်သၠုၚ်နူဇကုမ္ဂး ဒှ်အမှု၊ ဍေံကၠုၚ်သၟဝ်ဇကုမ္ဂး ဇၞော်ပြဲနူကလောရ၊ ဇာတ်သပါ ချိုတ်လတူသ္ၚိမ္ဂး ဂွံအာဲကၟာဲဇၞော်ရ၊ ချိုတ်အကြာဖဴ ဂွံပတၠဍိက်ဂၠိုၚ်ရ၊ ဇာတ်သပါ ထမာဲစုတ်လတူသ္ၚိ လတူဂၞဳ ဒကဝ်မ္ဂး ပၞာၚ် ဗက ဇဗၠု လက်ဖက် ထဝ်သြန် ပူဇဴဍေံ ဒၞါဲဍေံအာဂှ် ပသတိ အာဗၟံက်ဂွံလာဘ်၊ စှ်ေပလိုတ် ဒှ်ဒတုဲမြမောဝ်၊ အာအဂၞဲ ဂွံဍိက်ဂၠိုၚ်၊ သမၠုၚ်ကျာ ညးဇၞော် ဒးကၠုၚ်ဒိပ်ဒၞါဲကဵုဇကုရ၊ အာဗာယပ် ဒးထောံသ္ၚိရ၊ အာသၟဝ်ကျာ ခိုဟ်၊ အာဨသာန် ဒှ်ဇၞော်ညးရ။
သၞဲကၠဵုဂြိုပ်လုပ်ဍုၚ်ကွာန်
[ပလေဝ်ဒါန် | ပလေဝ်ဒါန် တမ်ကၞက်]ကၠဵုဂြိုပ်လုပ်ဗၟံက် ဂွံလာဘ်၊ လုပ်အဂၞဲ ဒှ်သၟိၚ်၊ လုပ်သမၠုၚ်ကျာ ဂွံလာဘ်။
သၞဲကၠလုပ်ဍုၚ်ကွာန်
[ပလေဝ်ဒါန် | ပလေဝ်ဒါန် တမ်ကၞက်]ကၠလုပ်ဗၟံက် ဍုၚ်ကွာန်ဂွံလာဘ် ဒှ်တသိုက်စိုတ်၊ လုပ်အဂၞဲ ဍိက်ဒဴ တူပၟတ်၊ သမၠုၚ်ကျာ ဂွံလာဘ် ဂွံဍိက်ဗြဴ၊ နေရတိ ပၟိက်စိုတ်ဍိုက်ပေၚ် ဂွံလာဘ်၊ လုပ်ပလိုတ် ဒိုက်ချိုတ်၊ လုပ်ဗာယပ် ဂွံသိုက်၊ သၟဝ်ကျာ ဒိုက်စိုတ်ပူမှ်၊ ဨသာန် ဒှ်လဟုတ်ကၠ ကြဴဂွံလာဘ်။
သၞဲဗၜိုပ်လုပ်ဍုၚ်ကွာန်
[ပလေဝ်ဒါန် | ပလေဝ်ဒါန် တမ်ကၞက်]ဗၜိုပ်လုပ်ဗၟံက် ဒှ်ဒဒိုက်စိုတ်တုဲ ကြဴဂွံလာဘ်၊ အဂၞဲ ချိုတ်၊ သမၠုၚ်ကျာ ဂွံလာဘ်၊ နေရတိ ဟွံခိုဟ်၊ ပလိုတ် ပြေၚ်ဂၠဴလေၚ်၊ ဗာယပ် ဍိက်သ္ကံ၊ သၟဝ်ကျာ ဂွံလာဘ်၊ ဨသာန် ဒှ်ဒဒိုက်စိုတ်ရ၊ ဒုၚ်မ္ၚဵုညိ။
သၞဲစိၚ်ဂြိုပ်လုပ်ဍုၚ်ကွာန်
[ပလေဝ်ဒါန် | ပလေဝ်ဒါန် တမ်ကၞက်]စိၚ်ဂြိုပ်လုပ်ဗၟံက် ဂွံလာဘ်၊ အဂၞဲ ဒးဘဲသၟိၚ်၊ သမၠုၚ်ကျာ ဒးဘဲကိုပ်တၠ၊ နေရတိ ဒးဘဲညးသ္အာၚ်၊ လုပ်ပလိုတ် ဒှ်ဒဒိုက်စိုတ်ရ၊ ဗာယပ် လေၚ်၊ သၟဝ်ကျာ ဂွံပူဇဴသၟိၚ်၊ ဨသာန် ဂွံလာဘ်။
သၞဲကၠဵုတိုန်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]ကၠဵုတိုန်ဂတဵုသ္ၚိ ဍေံကျောဝ်ပန်ဒိုဟ်မ္ဂး တၠသ္ၚိဒးပြံၚ်ရ၊ ကၠဵုတိုန်ဒေါဝ်ဂတဵုသ္ၚိ ဍေံကွာ်အာကၠုၚ်မ္ဂး တၠသ္ၚိဒးချိုတ် လေၚ်ရ၊ ကၠဵုတိုန်ဒယူသ္ၚိတုဲ ဍေံဆၚ်စှ်ေဇိုၚ်ဒယူမ္ဂး တၠသ္ၚိလေၚ်ရ၊ ကၠဵုတိုန်သ္ၚိ ဍေံပျူတဴမ္ဂး တၠသ္ၚိလေၚ်သုန်ရ၊ ကၠဵုတိုန်သ္ၚိ ဍေံပျူပန်ဒိုဟ်မ္ဂး တၠသ္ၚိဒှ်သၟိၚ်၊ ကၠဵုတိုန်သ္ၚိ ဍေံကျောဝ်ပန်ဒိုဟ်မ္ဂး တၠသ္ၚိ သိုက်ရ။
သၞဲကၠဵုကၞံစုတ်
[ပလေဝ်ဒါန် | ပလေဝ်ဒါန် တမ်ကၞက်]ကၠဵုကၞံဒဂဇိုၚ်သတုံ ခိုဟ်သန်ရ၊ တၞံဒဂဇိုၚ်ဇွိ ဒှ်သရာဲ၊ ပုၚ်ပိသၟတ်ကဵုဍေံ၊ ကဵုဒေဝတဴ ခိုဟ်ရ၊ ကၞံစုတ်ဂၞိၚ် ဟွံခိုဟ်၊ ကၠဵုအိက်ဒးဇိုၚ်တဲမ္ဂး ခိုဟ်၊ အိက်ဒးယာတ်မ္ဂး ပုၚ်သၟုတ်ကဵုဒေဝတဴ ခိုဟ်ရ၊ ကၠဵုကၞံစုတ်ပုၚ်ပ္ၚာန် ကဵုဒါန်ကုဍေံ ခိုဟ်ရ၊ ကၠဵုဗကေတ်ကၞံစုတ်မ္ဂး ပုၚ်မွဲပ္ၚာန် ကဵုဒါန်ကုဍေံရ။
သၞဲကၠဵုပတၠခိုဟ်ဟွံခိုဟ်
[ပလေဝ်ဒါန် | ပလေဝ်ဒါန် တမ်ကၞက်]ကၠဵုမွဲ သော်ဇကုဗု ဇိုၚ်တဲဍေံဒျိုၚ်မ္ဂး ကၠဵုခိုဟ် ညးပတၠဂွံတသိုက်ရ၊ ကၠဵုမွဲပ္ဍဲဇိုၚ်ပန် ဗတ စမဴ ကၞေၚ် ထာန်ထပှ်နွံဗုမ္ဂး ဂွံပတၠထဝ်သြန်သြောံသ္ၚုဂၠိုၚ်ရ၊ ကၠဵုမွဲ သာ်ဇကုဍေံညံၚ်ဗတာဲ ဂွံပတၠမ္ဂး ဂွံတသိုက်ရ၊ ကၠဵုမွဲသော်ဍေံဒျိုၚ်ရ ဗတဍေံစောန်တဴ ဂွံပတၠဍေံ ဒှ်အမာတ်ရ၊ ကၠဵုမွဲသော်ဒျိုၚ် ညံၚ်လံက်လဝ်ကၠေၚ် ဂွံပတၠ သိုက်ရ၊ ကၠဵုမွဲ က္ဍိုပ်ဍေံ ကတောဝ်ဍေံ ရဴကတောဝ်ဗတာဲ ညးပတၠဍေံ ဒှ်အမာတ်ဒဴဗညာရ။
လက်သန်ဗ္ဂဲ
[ပလေဝ်ဒါန် | ပလေဝ်ဒါန် တမ်ကၞက်]ယြဴဗ္ဂဲမွဲ သော်ဍေံဒျိုၚ် ပ္ဍဲမတ်ဍေံ ညံၚ်ဇန်လဝ်ထပှ်တန်ကီု ဇကုဍေံညံၚ်လံက်ကၠေၚ်ကီု ဒှ်မဂး တၠဍေံပိုန်ဟာန်ဇၞော်ရ၊ ဗဂဲမွဲ ဇကုဍေံဗုညံၚ်ကၞုသၚ်ဗၠဲဂွါမဂး တၠဍေံသိုက်ရ၊ ဗဂဲ ဍေံမၠာ်ရံၚ်မတ်ညံၚ်ထဝ်မဂး တၠဍေံယဿပတ်ဇၞော်ရ၊ ဗဂဲမွဲ သာ်ကၠမဂး တၠဍေံကြဳဇှ်ဇၞော် သိုက်ရ၊ ဗဂဲဇကုဒျိုၚ်ဂှ် တၠဍေံသိုက်ရ၊ ဗ္ဂဲမွဲသော်ဍေံဒျိုၚ် ဂပဝ်ဂရီုမတ်ဍေံ ရဴဇၟန်ဇန်လဝ်ထပှ်တၞောဝ်ကီု တန်တန်မံၚ်မ္ဂး တၠဍေံသိုက်ရ၊ ဗဂဲမွဲ ေသော်ဍေံညံၚ်သၞပၟတ်မဂး တၠဍေံသိုက်၊ ဗဂဲမွဲ စးဗုညံၚ်ကၞုသၚ် အပၠာလစံက် မုက်လတာ်စောန်တဴမဂး တၠဍေံသိုက်ရ၊ ဗဂဲသော်ကၠ ဂွံပတၠနွံကဵုကြဳဇှ်ရ၊ ဗဂဲဇိုၚ်ၜါဗု စမဴဗု တၠဍေံဂၠိုၚ်ကဵုသြောံသ္ၚုရ၊ ဒှ်အမာတ်ဒဴဗညာရ။
သၞဲဗ္ဂဲဂြိုပ်လုပ်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]ဗဂဲလုပ်သ္ၚိ ဒိုဟ်ဗၟံက် အဂၞဲ ဒးဘဲသၟိၚ်၊ သမၠုၚ်ကျာ ဒးဘဲအမာတ်၊ နေရတိ ဒးဘဲညး၊ ပလိုတ် ဒဒိုက်ဇၞော်၊ ဗာယပ် ဒှ်ယဲ၊ သၟဝ်ကျာ ဂွံလာဘ်၊ ဨသာန် ဂွံလာဘ်မပြဲရ။
သၞဲဒဂဵုဗြုအတးကၠောံ
[ပလေဝ်ဒါန် | ပလေဝ်ဒါန် တမ်ကၞက်]ဂိတုစဲအတးကၠောံဂှ် ဂဂဵုဗြုဗမံက်မဂး ဍာ်ဇၞော် မၞိဟ်ဒှ်ယဲ၊ သြောံသ္ၚုဟွံခိုဟ်ရ၊ ဗြုအဂၞဲ တၞံဆုဒုန်ချိုတ်၊ ဗြုသမၠုၚ်ကျာ ဗြဲဂၠေံ၊ ဗြုနေရတိ ဒှ်ပၞာန်၊ ဗြုပလိုတ် ညးတၚီုရၚ်သကံရ၊ ဗြုဗာယပ် ဍုၚ်ကွာန်ရၚ်ဆာဲ၊ ဗြုသၟဝ်ကျာ ဍာ်ဇၞော် သြောံသ္ၚုထတ်၊ ဗြုဨသာန် ဇကုကဵုဇကု တၚီုရၚ်သကံရ။
သၞဲမပ္တံမြာ်ဍုန်
[ပလေဝ်ဒါန် | ပလေဝ်ဒါန် တမ်ကၞက်]ဗကောတ်ကီု တတ်တောကီု ဂစေမ်ကီု ဇြုံကီု ကၞိကီု သတ္တံဂှ် ဒတုံဒးဇကုမ္ဂး ချိုတ်ရ၊ မြာ်ပဝ်ကၠုၚ်နူဂြိုပ် ဍုန်ပ္ဍဲကွာန်မ္ဂး ဂၞကျာ်ချိုတ်ရ။
သၞဲပူဇဴနိမိတ်တၞဟ်တၞဟ်သာ်
[ပလေဝ်ဒါန် | ပလေဝ်ဒါန် တမ်ကၞက်]ဗကောတ်တိုန်သ္ၚိ ထဝ်သြန်ပူဇဴဍေံတုဲ ဗ္စသၚ် ဒုၚ်မ္ၚဵုရ၊ သာဲဍန်သ္ၚိမ္ဂး ဍိက်ဗြဴပူဇဴဍေံရ၊ ရုဲခမာဲစုတ်ပ္ဍဲထၟိၚ်ဖေၚ်မ္ဂး ဍာ်သာဲပူဇဴဍေံရ၊ ပ္ကဴဒကှ် ကၠုတ်တိုန်ပ္ဍဲသ္ၚိဇကု ပူဇဴဍေံရ၊ ကၟာတ်ဍုန်မ္ဂး ဂၠဴဒမျိုၚ် ပူဇဴဍေံရ၊ ဒြုန်တိုန် ဇၞောဝ်ပူဇဴဍေံ ဇြုံတိုန် သြန်ပူဇဴဍေံ၊ ပူတိုန်သ္ၚိမ္ဂး သ္ၚုပူဇဴဍေံ၊ ရုဲဂၠိုၚ်ပ္ဍဲသ္ၚိမ္ဂး ဖျုန်ပူဇဴဍေံ၊ ဒြာဲလုပ်ကွာန်မ္ဂး ကၟတ်ပူဇဴဍေံ၊ ကၠလုပ်ကွာန်မ္ဂး ဖျုန်ဆီပူဇဴဍေံ၊ ဒကှ်ဥပ္ပဵု ကၠုတ်တိုန်ပ္ဍဲသ္ၚိမ္ဂး ကောန်သမ္ဘာပူဇဴဍေံ။ ။
သၞဲတၞဟ်တၞဟ်သာ်
[ပလေဝ်ဒါန် | ပလေဝ်ဒါန် တမ်ကၞက်]ကၠဵုကိတ်မၞိဟ်ဂမၠိုၚ်ပ္ဍဲကွာန်ဂှ်မ္ဂး တၠကွာန်ဒးဘဲရ၊ ဆီနူလတူဒတုံစှ်ေမ္ဂး သၟိၚ်ဂှ်လီုလာ်ရ၊ ဂစက်ဒြေပ်တိုန်က္ဍိုပ်တုဲ ဍေံမၠာ်မွဲပန်ဒိုဟ်မဂး ဒှ်တြုံဒးဒုၚ်သ္ဇိုၚ်ညးရ၊ ဒှ်ဗြဴဇၞော်နူကလောဂမၠိုၚ်ရ၊ ပ္ဍဲၜံၚ်ပၟတ်တယုဒှ်မ္ဂး တြုံညးၜံၚ်ပၟတ်ဂှ် ဂွံပတၠဗဵုလဗးရ၊ ကောန်ခါဒှ်တြုံဇၞော် နူကလောဂမၠိုၚ်ရ၊ ဒှ်ဗြဴပြဲနူကလောဂမၠိုၚ်ရ၊ ပ္ဍဲမဟာပ်ပုၚ် ဂမ္တဴတယုဒှ်မ္ဂး ခါဒှ်တြုံ ဗြဴမၞုံကဵုပိုန်ဂွံရ၊ ခါဒှ်ဗြဴ တြုံမၞုံကဵုစလဳစလးဂွံရ၊ ဒြုန်ဗၟာတိုန်သ္ၚိမ္ဂး ဒးလီုလာ်ရ၊ ဟွံသေၚ်ကဵုကာလ တ္ၚေက်ခၞံခပေါဲလတူဆုမ္ဂး ညးညာတ်ဂှ် ဒးချိုတ်ရ၊ ရုဲခမာဲစုတ်ယာတ်မ္ဂး တၠယာတ်ဂွံလာဘ်၊ ပတိုဟ်တိုန်ပ္ဍဲဖဴမ္ဂး ဟွံခိုဟ်၊ ယာတ်ဗကေတ် ပူဇဴဍေံရ ပတိုဟ်တိုန်သၟဝ်သ္ၚိမ္ဂး သ္ၚုပူဇဴ ဂွံလာဘ်ရ။
တျုဂြုန်ဒှ်ပ္ဍဲဇကုမ္ဂး ရုပ်ကၟာတ်ပူဇဴ ဂွံလာဘ်၊ ဂၞဳဒကဝ်ကွာ်အာမ္ဂး ပိသၞာံလောန် ဒးထောံဌာန်ဂှ်ရ၊ ဂၠိက်ယာတ်ဒှ်တျုမ္ဂး ပိတ္ၚဲဒုၚ်မ္ၚဵု ဂွံလာဘ်၊ ဗြဴသၟိၚ်ခၟါဲမ္ဂး ဍုၚ်သုန်ရ၊ မၞိဟ်ဗြဴခဍဳကဵုကၠိက်ကၟက် ကၠဵုကၟက် ခဍဳရၚ်သကံမ္ဂး သၟိၚ်ကဵုအမာတ် တၚီုရၚ်သကံရ၊ ဟသေၚ်ကဵုကာလ ဆုသတ်ကဴမ္ဂး ဌာန်ဂှ် လ္ၚုရ၊ ပၞာန်စိုပ်လေဝ်ဂးရ၊ စာၚ်ကၟက်ခၟာဲ ဌာန်ဂှ်မိပ်ရ၊ လနၚ်ဗိုတ်ဇြုံမ္ဂး ဌာန်လ္ၚုရ၊ ဆုနွံကဵုဇၠ တလိတ်အာမ္ဂး ဌာန်ဂှ်မိပ်ရ၊ အကၠဟ်ဍုၚ်သ္ၚိမ္ဂး တၠသ္ၚိဂွံလာဘ်ရ၊ မၞိဟ်သ္ဍဳကၠဵုမ္ဂး ညးဒိုက် ညးဒှ်ခမိတ်ရ၊ စာၚ််ဒှ်ဇိုၚ်ပန်မ္ဂး မူကဵုကၟိန် လကဵုစဴ ဂစိုတ်ညးသ္ကံရ၊ ယာတ်ဗတာၚ် ဒျိုၚ်အာမ္ဂး တၠဍေံချိုတ်ရ၊ ယာတ်ဒျိုၚ်ဗတာၚ်အာမ္ဂး တၠယာတ်ဒှ်သၟိၚ်ရ။
က္ၜဴသတ်မ္ဂး တၠက္ၜဴလီုလာ်ရ၊ လနၚ်ဂမၠိုၚ် ပဝ်ကၠုၚ်ဗမံက်လုပ်ဍုၚ်မ္ဂး ပၞာန်စိုပ်ရ၊ ပ္ကဴမောဝ်တုဲ မသအာမ္ဂး ညးညာတ်ဂှ်ချိုတ်ရ၊ စာၚ်ဗြဴဒှ်စာၚ်ကၟက်မ္ဂး ဌာန်ဂှ်သတြုဂၠိုၚ်ရ၊ စာၚ်ဂီုၚ်ဇြုံမ္ဂး အမာတ်တံ ဂစိုတ်ညးသကံရ၊ ပံက်ဂမၠိုၚ် ပဝ်ကၠုၚ်ဍုန်ဆုမွဲမ္ဂး ညးမံၚ်စုတ်ဒိုဟ်ဂှ် ဂွံတသိုက်ရ၊ ဍာ်ပ္ဍုၚ် ပတေက်အာမ္ဂး ဌာန်ဂှ်ဂွံတသိုက်စိုတ်ရ၊ ဍာ်ပတေက်ပ္ဍုၚ်အာမ္ဂး ညးခမိဟ်လေၚ်ရ၊ ဩောံသ္ၚုပဝ်မ္ဂး ဒးကၠောဝ်ဗျဵုရ၊ သွးဟဳကၠုၚ်သၟဝ်သ္ၚိမ္ဂး ဒးဘဲရ၊ ကၠဵုခၟာဲမ္ဂး တၠသ္ၚိအာယုက်ဂၠေံရ၊ ဩောံသ္ၚုကၠုတ်လတူသ္ၚိမ္ဂး တၠသ္ၚိဂွံလာဘ်ရ၊ ခၟာဲစာၚ် ခၟာဲအဒါ တၞုၚ်တိုန်ဗကေတ်မ္ဂး တၠသ္ၚိဍေံသိုက်ရ၊ ကွာ်တရဴရုဲဂဗဵုအာမ္ဂး ဂွံလာဘ်ရ၊ သတ်ဇိုၚ်ပန် သတ်ဇိုၚ်ၜါ ဂမာတိုန်သ္ၚိမ္ဂး တၠသ္ၚိ ဂွံလာဘ်ရ၊ အကၠဟ် ဂံက်ဂါ လုပ်သ္ၚိမ္ဂး တၠသ္ၚိဂွံလာဘ်ရ၊ ကြောန်ဗြု စကေတ်စကေတ်မ္ဂး ဂွံလာဘ်ရ၊ ဇြုံတိုန်သ္ၚိဗြု ကေတ်ကေတ်မ္ဂး ဂွံလာဘ်ရ။
သတ်ဇိုၚ်ပန် သတ်ဇိုၚ်ၜါ လုပ်သ္ၚိခၟာဲစုတ်မ္ဂး တၠသ္ၚိဒှ်သေက်ဇဵု ဒေါံလာ်ရ၊ ဩောံဟွံခိုဟ်၊ ကၠဵုကျာ် ဂိုၚ်နၚ်စၞ ဍုန်လဩိုဟ်မ္ဂး ဂၠဴကိတ်ၚေတ်ကြုတ်ကြုတ်မ္ဂး တၠသ္ၚိဍေံဟွံခိုဟ်၊ ဂၠဴဂွးတိတုဲ တိက်မ္ဂး တၠဍေံဂွံလာဘ်ရ၊ ဂၠဴတိက်ဂအဳ ညံၚ်ရဴမၞိဟ်မ္ဂး ဂွံလာလ်ရ၊ ဂၠဴစစၞတုဲ ကာလဍေံစဴ ချောဲကၟတ်ထနေန်ၚက်ဍေံမ္ဂး တၠဍေံသိုက်ရ၊ ကဝပဝ်လုပ်သ္ၚိမ္ဂး ဂွံလာဘ်ရ၊ ကြေဲဍုန်သ္ၚိမ္ဂး တၠသ္ၚိဂွံလာဘ်ရ၊ ဓးဂိုတ်ခၞံသပေါဲလတူဆုမ္ဂး ညးညာတ်ဂှ် ချိုတ်ရ၊ ကောန်ကၠဵု ကောန်ကၠိက် လနေၚ်ဗိုတ်ဏာမ္ဂး ဍုၚ်ဂှ်ပၞာန်စိုပ်ရ၊ ဍာ်သ္ဇိုဟ်ဍာအာမ္ဂး တၠပဋိပတ် ဒှ်လေၚ်ရ၊ ဍုၚ်လ္ၚုရ၊ ဍာ်ဍာတုဲ သ္ဇိုဟ်အာမ္ဂး ဌာန်ဂှ်ရာၚ်ဆာဲရ၊ တၞံတာဗြဴတိတ်ကၞာၚ်မ္ဂး ဌာန်ဂှ်လ္ၚုရ၊ တၞံသတ်ပ္တိတ်ကၞာၚ်မ္ဂး သတ္တံနိမိတ်စိုတ်ရ၊ သစ္ဆုထမၞာတ် ကတၚ်အာမ္ဂး ဌာန်ဂှ် ဒှ်ပရူပရာရ၊ သတ်ဆုကတၚ်တုဲ ဍာတ်အာမ္ဂး သတြုဂၠိုၚ်ရ၊ ကောန်မၞိဟ်မဴတှ်ဂၠဴမ္ဂး သၟိၚ်က္ဍိုၚ်ဗ္တာၚ်ၜါ သ္ဍိုက်ရၚ်သ္ကံရ၊ သတ်ဗြဴကတၚ်အာမ္ဂး ဒှ်သပုန်ရ၊ ကၠကဵုဂၠဴ မံၚ်မွဲဟာန်မ္ဂး သၟိၚ်ကဵုအမာတ် သၟဟ်ရေၚ်သ္ကံရ၊ ဍာ်တိုန်ဟွံသေၚ်ကဵုကာလမ္ဂး ဌာန်လီုရ၊ က္ဍိုပ်ဖဴ လဵုမာဲမံက်တိုန်မ္ဂး တၠသ္ၚိဒးအာကၠေံဌာန်ဂှ်ရ၊ ဖံဟွံလဵုမာဲဗြုတိုန်မ္ဂး ဌာန်ဒှ်ဂှ် ကလိုက်ကၟဵုရ၊ ၚဴစဇြုံမ္ဂး အမာတ်ဂစိုတ်သၟိၚ်ရ၊ တၟံဂတဝ်မ္ဂး ညးဒိုက်ဒှ်ညးခမိဟ်ရ၊ လဵုတဏီမ္ဂး ညးခမိဟ် ဒှ်ညးဒိုက်၊ စိၚ်ဒျိုၚ်ဗ္တာၚ်အာမ္ဂး ဌာန်ဂှ်မိပ်ရ၊ စိၚ်ဗ္တာၚ်ဒျိုၚ်အာမ္ဂး ဌာန်ဂှ်ကတဴကတာန်ရ။
ဗ္ဂဲဟီုအရေဝ်မ္ဂး ဌာန်ဂှ်လ္ၚုရ၊ ကၞုဲဟီုအရေဝ်မ္ဂး ဌာန်ဂှ်လီုရ၊ ဒြပ်ပူဇဴဍေံ ဂွံကောန်သမ္ဘာရ၊ ခဍာ်ကဵုစာၚ် ဇဵုညးသ္ကံမ္ဂး စှ်ဂိတု ဒးကၠေံဌာန်ဂှ်ရ၊ စာၚ်ကၟက်စကောန်စာၚ်မ္ဂး ညးညာတ်ဂှ် ဒှ်သေက်ဇဵုရ၊ မုဟ်ယာတ် ရုဲခၟာဲမ္ဂး ဂွံလာဘ်ရ၊ ကၞံၚ်သ္ၚိကဝ်မ္ဂး အာယုက်ဂၠေံရ၊ပ္ဍဲကၟဳသ္ၚိ သြောံကၠုတ်တိုန်မ္ဂး တၠသ္ၚိဂွံလာဘ်ရ၊ တိုန်လတူသ္ၚိမ္ဂး တၠသ္ၚိစဖဲလဲရ၊ ကၞုဟ် ဂွိ ကၠဴ လုပ်သၟဝ်သ္ၚိမ္ဂး အာယုက်ဂၠေံရ၊ တိုန်လတူသ္ၚိမ္ဂး တၠသ္ၚိဂွံလာဘ်ရ၊ သ္ၚိလုပ်သ္ၚိမ္ဂး အာယုက်ဂၠေံရ၊ ဂြုန်တိုန်ဗမံက်သ္ၚိမ္ဂး တၠသ္ၚိသိုက်ရ၊ တျုဒှ် ပ္ဍဲဒမံၚ်သတိက်မ္ဂး သဗ္ဗဒြပ်ပူဇဴဍေံ ဒှ်သၟိၚ်ရ၊ ဇြုံစစၞဍေံတိုန်သ္ၚိမ္ဂး တၠသ္ၚိသိုက်ရ။
ညာတ်ဒမံၚ်ဍာ်ဗ္တံ လီုလာ်ရ၊ ဒမၚ်ဍာ်စှ်ေဗမံက် သၟိၚ်လေၚ်၊ သၟဝ်ကျာ ဍုၚ်လေၚ်၊ ပလိုတ် အမာတ်ဒကိုပ်ပၞာန် လေၚ်၊ စှ်ေပန်ဒိုဟ် သၟိၚ်ဓရ်ဒှ်ရ၊ ဂဂဵုတးပန်ဒးဒယိုၚ်မ္ဂး ဟွံခိုဟ်၊ ပန်ပဋိမာရုပ်မ္ဂး ဌာန်ဂှ်လီုရ၊ ပ္ဍဲကမၠိုၚ်ကၟာ နုၚ်ထမာဲဂတဝ်တိုန်မ္ဂး ဟွံခိုဟ်၊ ပဋိမာရုပ်ဆီပဠက်တိတ်မ္ဂး ဂမဳ ဗမၞး ညးဂရိုဟ်ရ၊ စေတဳယက်တိတ် ပဋိမာရုပ် ဟီုအရေဝ်မ္ဂး ဌာန်ဂှ်လ္ၚုရ၊ ကျာ်မြဟ်မ္ဂး ဌာန်ဂှ်လ္ၚုကၠာရ၊ ကြဴရာၚ်ဆာဲရ၊ သ္ၚမြာမ္ဂး တၠသ္ၚိသိုက်ရ၊ သာဲဍုန်ဂၠိက်ယာတ်မ္ဂး ပၞာၚ် ဗက ဗြာတ်က္ၜဴ ပူဇဴဍေံ ဂွံလာဘ်ရ၊ ဟွံပူဇဴဟွံခိုဟ်၊ အသေက်ကၠၚ်ဟိုက် ဍုန်သ္ၚိမ္ဂး ဒးထောံဌာန်ဂှ်ရ။
သြောံဒှ်သ္ၚုမ္ဂး ကၠောဝ်ဗျဵုရ၊ ကျာ်ကီု တၞံကီု ကွာ်အာမ္ဂး ဌာန်ဂှ်လ္ၚုရ၊ ဆုဒေါမ်အာတုဲ ကၞာၚ်တိတ်မ္ဂး ဒှ်ညးခမိဟ်ရ၊ ဗၞဟ်သ္ဇၚ်ဂဵုတိုန်မ္ဂး ဒှ်ပၞာန်ရ၊ သတ်ဇိုၚ်ပန်ဟီုအရေဝ် ဍုၚ်လီုရ၊ ကလော်ဟီုအရေဝ် လဆောဝ်ဂြိုၚ် လဆောဝ်ယာံ ပါတက်ကၞက်မ္ဂး ဒြေပ်ကၠုၚ်အာမ္ဂး ဍုၚ်သုန်ရ၊ မၞိဟ်ချိုတ်ဂၠိုၚ်၊ ကောန်စာၚ်ဂြဴမ္ဂး ညးဒိုက်ဒှ်ဒကိုပ်ပၞာန်ရ။
သၞဲကဏံတိုန်
[ပလေဝ်ဒါန် | ပလေဝ်ဒါန် တမ်ကၞက်]ကဏံတိုန်သၟဝ်သ္ၚိ ဂွံပတၠဒြပ်ရတ် ထပှ်ပြကာရ၊ ကဏံတိုန်ဗၟံက်သ္ၚိ ထဝ်သြန်ဗကေတ်ဗ္တာၚ် ပူဇဴတုဲ ဂွံဒြပ်မပြဲရ၊ ကဏံတိုန်အဂၞဲသ္ၚိ ပူဇဴယာတ်တုဲ ဒှ်သ္ဍိုက်ညးရ၊ ကဏံတိုန်သမၠုၚ်ကျာသ္ၚိ ဂွံလာဘ်ရ၊ ကဏံတိုန်နေရတိ ဂွံလာဘ်မပြဲ၊ ကဏံတိုန်ပလိုတ် သြောံသ္ၚု ပူဇဴတုဲ ဂွံသြောံသ္ၚုဂၠိုၚ်ရ၊ ကဏံတိုန်ဗာယပ် ဗၠဲဂွါပူဇဴတုဲ ဂွံပတၠဒြပ်ဂၠိုၚ်ရ၊ ကဏံတိုန်သၟဝ်ကျာသ္ၚိ ကြကောတ်ပူဇဴတုဲ ညးဒးပလံၚ်ကဵုလာဘ်ရ၊ ကဏံတိုန်ဨသာန်သ္ၚိ ပုၚ်သွဖျုန် ပူဇဴတုဲ ဂွံလာဘ်ရ၊ ညးဂြိုဟ်ဟွံမာန်ရ။
သၞဲတၞဟ်တၞဟ်သာ်
[ပလေဝ်ဒါန် | ပလေဝ်ဒါန် တမ်ကၞက်]ကၠဇၞော်လုပ်ဍုၚ်မ္ဂး မိမ တၠဍုၚ်ချိုတ်ရ၊ သဗ္ဗဒြပ်ပူဇဴဍေံတုဲ ဂွံမံၚ်လံရ၊ စာၚ်ဂြိုပ်လုပ်ဍုၚ်မ္ဂး သၟိၚ်ဒးတိတ်နူဍုၚ်ရ၊ ဗ္ၜေံတိုန်ၝောံသ္ၚိမ္ဂး ဂွံလာဘ်ရ၊ ကဝဍုန်သကဲသ္ၚိမ္ဂး သတြုစိုပ်ရ၊ ကဝဍုန်ဒေါဝ်သ္ၚိ ဒယူတရၚ်မ္ဂး ဂွံပတၠဍိက်ရ၊ စာၚ်ၝောံဂြဴမ္ဂး တၠသ္ၚိဒးထောံရ၊ ယာတ်ဗ္တာၚ်ဒျိုၚ်အာမ္ဂး ဟွံခိုဟ်၊ ယာတ်ဒျိုၚ်ဂွုအာမ္ဂး သိုက်ရ၊ စိၚ်ဆၚ်ကောန်ပ္ဍဲဍုၚ်မ္ဂး ဍုၚ်လ္ၚုရ၊ သတ်ဆူထမၞာတ် ကတၚ်အာမ္ဂး ဍုၚ်ကွာန်လ္ၚုရ၊ သတ်ဆုထမၞာတ်ကြောံအာမ္ဂး ယံဒိုက်ဂၠိုၚ်ရ၊ သတ်ဆုဖျးတုဲ ဍာတ်ကြောံအာမ္ဂး ဍုၚ်ကွာန်ဟွံမွဲကဵုဘဲရ၊ ပဋိမာရုပ်ဒလိုက်က္တဵုမ္ဂး ဒှ်ပၞာန်ရ၊ ပဋိမာရုပ်ဒရိုက်ဒရာၚ်အာမ္ဂး ဍုၚ်ကွာန်လီုလာ်ရ၊ပဋိမာရုပ်ယာံမ္ဂး ဍုၚ်ကွာန်ကၞုက်ကၞာဲရ၊ ပံက်ဍုန်ဂတဵုသ္ၚိမ္ဂး ဒှ်သၟိၚ်ရ၊ ဍာ်ကြုၚ် ၜဳ ကမၠိုၚ် ကၟာ လဵုအာမ္ဂး ဍုၚ်ကွာန်လ္ၚုရ၊ ကြုၚ်ဍာ်ဍာတုဲသ္ဇိုဟ်အာမ္ဂး ဍုၚ်ကွာန်မိပ်ရ၊ သတ်ဆုဂၠေံတုဲ ဂၠိၚ်အာမ္ဂး ခိုဟ်ရ၊ လနၚ်ဍုန်သ္ၚိမ္ဂး တၠသ္ၚိယဲရ၊ ညးညာတ်ခဍာ်ဗတာၚ်မ္ဂး ဒှ်သၟိၚ်ရ။
ဗ္တံဟွံသေၚ်ကဵုကာလ စာၚ်ဂြဴမ္ဂး တၠသ္ၚိဒးအာကၠေံရ၊ ဆုဟွံမွဲကဵုဇလဂှ် ဒှ်ဇလမ္ဂး ဍုၚ်ဂှ်ဇၞော်ကဵုကြဳဇှ်ရ၊ ပ္ကဴဒကှ်ညံၚ်ဂဒအ်ဗြာတ်ဒှ်မ္ဂး ဍုၚ်ကွာန်ဂှ်လ္ၚုရ၊ ကၞိကိတ်ဇြုံမ္ဂး ဍုၚ်ကွာန်သ္ဂေဟ်သွဟ်ရ၊ ညာတ်တ္ၚဲၜါမ္ဂး ဒှ်ကၞောဝ်ရ၊ ညာတ်ဂိတုၜါမ္ဂး ညးဒိုက်သိုက်ရ၊ ဂစေံပဝ်ပန်ဒိုဟ် ဍုန်ဆုမွဲမ္ဂး ဍုၚ်ကွာန်ရာၚ်ဆာဲရ၊ ရိတိုန်တၞုၚ်မ္ဂး ဍုၚ်ကွာန်ဒှ်ဂြိုပ်ရ၊ သြောံဒှ်သၞေၚ်မ္ဂး ဒှ်ကၞောဝ်ရ ဒးအောံကၞံၚ်ဒတုံဒွံတိ တၞုၚ်ကၟဝ်တိုန်မ္ဂး သိုက်ရ၊ ပုၚ်ကၠုတ်တိုန်မ္ဂး ကၠေံဒကိုပ်တၠရ၊ ပ္ကဴဟွံမွဲကဵုမြမောဝ်ဂှ် မောဝ်မ္ဂး ဒှ်သၟိၚ်ရ၊ ပ္ကဴမသအာမ္ဂး ဍုၚ်ကွာန်ဒှ်ပရူပရာရ၊ လတူဟာပ်ပုၚ်ဂှ် ရုဲထမာဲစုတ်မ္ဂး သိုက်ရ၊ ညာတ်ဇိုၚ်ဇြုံပ္ကဴဝိမ္ဂး ညးညာတ်ဒှ်သၟိၚ်ရ၊ တ္ၚဲကတဴစဝ်ဍုၚ်မ္ဂး ဒဵုဒှ်ဝါတ်ဂါတ်ရ၊ တ္ၚဲစေၚ်စဝ်ဍုၚ်မ္ဂး ဗြဴနူဇေမ္ၚာဲ ဒှ်ဂၞကျာ်ရ၊ တ္ၚဲသဝ်စဝ်ဍုၚ်မ္ဂး သတ္တံဂွံလာဘ်ရ၊ ဗြာတ်ဂဒံပန်မ္ဂး ဌာန်ဂှ်လ္ၚုရ၊ ပတိုဟ်တိုန်လတူသ္ၚိမ္ဂး သိုက်ရ၊ ပ္ဍဲစပုၚ်ထမာဲဒကးမ္ဂး ပုၚ်ဂှ်ပစ စဒးဘဲရ၊ ဆုစလီဗတဲရေၚ်သ္ကံမ္ဂး ဌာန်ဂှ်လ္ၚုရ။
လက်သန်ကၞိကိတ်ဂၠိက်ယာတ်
[ပလေဝ်ဒါန် | ပလေဝ်ဒါန် တမ်ကၞက်]ကၞိကိတ်မွဲစွံ ၜါစွံ ပိစွံကီု ကိတ်မသုန်စွံ ကိတ်ထပှ်စွံ ဒစာံစွံ ဒစိတ်စွံကီု ကၞိကိတ်က္ဍိုပ်ယာတ်ကီု ဂွံလာဘ်ရ၊ ကၞိကိတ်ဒေါဝ်ယာတ်မ္ဂး ဒးချိုတ်ရ၊ ကၞိကိတ်ပ္ဍဲမသတိက်မ္ဂး ဂွံသမ္ဘာမပြဲရ၊ ကၞိကိတ်ညံၚ်ဂိတုစွေက်မ္ဂး ဒိုက်ရ၊ ကၞိကိတ်ညံၚ်ဂိတုပေၚ်မ္ဂး ဂွံတသိုက်ရ၊ ကၞိကိတ်ညံၚ်ပ္ကဴမၠဵု ပ္ကဴဒကှ်မ္ဂး ဂွံဌာန်မပြဲရ။
ကၞိဂစေံပၠန်တုန်
[ပလေဝ်ဒါန် | ပလေဝ်ဒါန် တမ်ကၞက်]ဗွဲဒိုဟ်ဗၟံက် ကၞိဂစေံမ္ဂး ဂွံဒုၚ်ပူဇဴသၟိၚ်ရ၊ ဒိုဟ်အဂၞဲ ကၞိဂစေံမ္ဂး ဒှ်သေက်ဇဵုရ၊ ဒိုဟ်သမၠုၚ်ကျာ ကၞိဂစေံမ္ဂး နွံကဵုဘိုက်ဘက်ရ၊ ဒိုဟ်နေရတိ ဂစေံမ္ဂး ဒှ်ယဲရ၊ ဒိုဟ်ပလိုတ် ဂစေံမ္ဂး ဂွံလာဘ်ဍိက်ဗြဴရ၊ ဗာယပ်ဂစေံမ္ဂး ဂွံလာဘ်သြောံသ္ၚုရ၊ သၟဝ်ကျာဂစေံမ္ဂး ဂွံလာဘ်ဇၞော်ရ၊ ဨသာန်ဂစေံမ္ဂး ဂွံလာဘ်သၟိၚ်ရ၊ ကၞိဂစေံသၟဝ်ကျာမ္ဂး ချိုတ်ရ။
လၟေၚ်တ္ၚဲစဝ်ဍုၚ်
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲအဒိုတ် စဝ်ဍုၚ်ကွာန် မိပ်သ္ဇိပ်ရ၊ တ္ၚဲစန်စဝ်ဍုၚ်မ္ဂး ဗြဴနူဇမ္ၚောဲ ဒှ်ဂၞကျာ်ရ၊ အၚာစဝ်ဍုၚ်မ္ဂး ရးကၞုက်ကၞာဲ၊ ဗုဒ္ဓဝါစဝ်ဍုၚ်မ္ဂး သတြုစိုပ်ရ၊ ဗြဴဗတိစဝ်ဍုၚ်မ္ဂး အမာတ်ပုန်ကဵုသၟိၚ်ရ၊ တ္ၚဲသိုက်စဝ်ဍုၚ်မ္ဂး ဍုၚ်ကလိုက်ကၟဵုရ၊ တ္ၚဲသ္ၚိသဝ်စဝ်ဍုၚ်မ္ဂး ဒှ်တသိုက်ရ။
သၞဲသ္အာၚ်တၞဟ်တၞဟ်
[ပလေဝ်ဒါန် | ပလေဝ်ဒါန် တမ်ကၞက်]ကၠန်လုပ်သ္ၚိ တၠသ္ၚိဂွံလာဘ်ရ၊ ဆုဒုန်ဒှ်ပၞဟ်မ္ဂး ဌာန်ဂှ် ဓဝ်ယာပ်မိရ၊ ကျာဟွံပိုက်လဵုမာဲ ဆုဒုန်ပဝ်တိုန်မ္ဂး ညးဟၟဲကဵုဂကူ ဒှ်သၟိၚ်ရ၊ အလုံဇၞော်အာကာသ ဒှ်ညံၚ်ဆီမ္ဂး သၟိၚ်ဟွံဓဝ် ဒှ်ပၞာန်ဒမၠရ၊ သၞံၚ်ၜါဇဵုညးသကံမ္ဂး ဒှ်ပၞာန်ရ၊ ယဝ်တိတ်နူဂိတုမ္ဂး သၟိၚ်ဨကရာဇ် လီုလာ်ရ၊ ပုၚ်လၟုဟ်ကတဴအာမ္ဂး တၠဍေံဒိုက်စိုတ်ရ၊ နုၚ်ထမာဲကွာ်မ္ဂး ပၞာန်စိုပ်ရ၊ သတ်ဆု သတ်ဟွံသေၚ်ကဵုကာလမ္ဂး ဌာန်ဂှ်လ္ၚုရ၊ စာၚ်စံက်ကောန်မ္ဂး တၠဍေံဒးစာ်ခြာရ၊ ခဍာ်ဇဵုရၚ်သကံ ဒတုံစှ်ေဒေါဝ်ကွာန်မ္ဂး သဗ္ဗဖျုန် ပူဇဴဍေံခိုဟ်ရ၊ ဟွံပူဇဴမ္ဂး ဒးထောံဌာန်ဂှ်ရ။
သၞဲဇြုံလုပ်သ္ၚိ
[ပလေဝ်ဒါန် | ပလေဝ်ဒါန် တမ်ကၞက်]ဇြုံတိုန်သ္ၚိ အရက်ပူဇဴဍေံ ဂွံလာဘ်၊ လုပ်ဒိုဟ်နေရတိမ္ဂး ဂွံလာဘ်နူဇမ္ၚောဲရ၊ လုပ်ဗာယပ် ကလောနူဇမ္ၚောဲနၚ်ကဵုဒြပ်ရ၊ လုပ်သၟဝ်ကျာ ဂွံပြေၚ်ဂၠဴ၊ လုပ်ဨသာန် ဒြပ်လေၚ်ရ၊ လုပ်ဗၟံက် ခိုဟ်ရ။
သၞဲတၞဟ်ဟ်သ္အာၚ်
[ပလေဝ်ဒါန် | ပလေဝ်ဒါန် တမ်ကၞက်]ဩောံဟၚ်ဇရာံဖလူ လဵုမာလိုက်အာမ္ဂး ဒးထောံဌာန်ဂှ်ရ၊ သတ်ဗြဴဒှ်ညံၚ်ဆီမ္ဂး ဍာ်တှ်မၞိဟ် ဂၠိက်ယာတ် ထဝ်ဩန် ပူဇဴခိုဟ်ရ၊ ပုၚ်ဒှ်သ္ၚုမ္ဂး ဌာန်ဒှ်ပမံၚ်၊ မံၚ်ဌာန်သ္အာၚ် ဂွံလာဘ်ရ၊ ချးဒှ်ဆီမ္ဂး ဍိက်ပၠေၚ်တၠရ၊ နုၚ်ထမာဲ လဵုမာဲဗြုတိုန်မ္ဂး သ္ၚုပူဇဴခိုဟ်ရ၊ စာၚ် အဒါ ၜိုပ် ဟုဲဟာဲရေၚ်သ္ကံမ္ဂး ပမံ၎်ဌာန်ဂှ်ရ။
သၞဲတ္ၚဲအတးတိုန်ဂတးပန် ဒိုဟ်ဒစာံ
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲအတးတိုန် ဂတးပန်ဒိုဟ်ဗၟံက်မ္ဂး ကလောဒညာတ်မၞုံဒိုဟ်ဂှ် ဒှ်ဒဒိုက်ရ၊ ပန်ဒိုဟ်အဂၞဲမ္ဂး သၟိၚ်မၞုံပညာ ဒးစာ်ခြာ နူကောန်သမ္ဘာကလောရ၊ ပန်ဒိုဟ်သမၠုၚ်ကျာ သဗ္ဗဒြပ်စိုပ်ရ၊ ပန်ဒိုဟ်ဗာယပ်မ္ဂး သၟိၚ်ဒးပကာဂစိုတ်ရ၊ ပန်ဒိုဟ်သၟဝ်ကျာ သၟိၚ်ဒးအာနူအရပ်အရာရ၊ ပန်ဒိုဟ်ဨသာန်မ္ဂး ဂၞကျာ်ဒှ်သၟိၚ်ရ၊ သတ္တံဒးဒဒိုက်ရ၊ ပန်ဒေါဝ်ဍုၚ် ဒှ်ယဲရ။
လၟေၚ်တွံတ္ၚဲအတးတိုန်
[ပလေဝ်ဒါန် | ပလေဝ်ဒါန် တမ်ကၞက်]တ္ၚဲအဒိုတ် အတးတိုန်မ္ဂး သတ်ဆုက္ဍၚ်ရ၊ တ္ၚဲစန် ၜိုဝ်က္ဍၚ်၊ တ္ၚဲအၚာ ဇဗၠုက္ဍၚ်၊ တ္ၚဲဗုဒ္ဓဝါ ဩောံက္ဍၚ်၊ ဗြဴဗတိ သတ်က္ဍၚ်၊ တ္ၚဲသိုက် မြေက်က္ဍၚ်၊ တ္ၚဲသ္ၚိသဝ် ထဝ်က္ဍၚ်ရ။
သၞဲတၞဟ်တၞဟ်သ္အာၚ်
[ပလေဝ်ဒါန် | ပလေဝ်ဒါန် တမ်ကၞက်]စာၚ်ဍာ်၊ ပံက်ကိုပ်၊ ဂိုၚ်နၚ်စၞ ဍုန်သ္ၚိမ္ဂး ဂွံလာဘ်ရ၊ စာၚ်ဂြိုပ်ခၟာဲစုတ်ပ္ဍဲသ္ၚိမ္ဂး သိုက်ရ၊ စၞာံဇကှ် ဆီတိတ်မ္ဂး ဒှ်ကၞောဝ်ရ၊ ယာတ်ဒမျိုၚ် ဗကေတ်အာမ္ဂး ဌာန်လ္ၚု ပၞာန်စိုပ်ရ၊ စိၚ်ဗကေတ်စိုပ်ဍုၚ်မ္ဂး ကၠောဝ်ဗျဵုရ၊ ပုၚ်ကတၚ်မ္ဂး ညးဟာပ်ပုၚ်ချိုတ်ရ၊ ကျာဟွံပိုက်ဆုဒုန် တမိုၚ်အာမ္ဂး ကောန်ဍုၚ်ကွာန်ချိုတ်ဂၠိုၚ်ရ၊ ဍာ်လမျၚ်ကၠိအာမ္ဂး ဌာန်ဂှ်လ္ၚုရ၊ ဂဂဵုတးပန် ဒမၚ်သ္ၚိသၟိၚ်မ္ဂး ဂွံပတၠစိၚ်ဗ္တာၚ်ရ၊ ကောန်ၚာ်လနေၚ်ဗိုတ်ဏာမ္ဂး ပၞာန်စိုပ်ရ၊ လဵုမာဲဗြာတ်တိုန်ပ္ဍဲသ္ၚိ ဗြာတ်ထ္ၜသၞိၚ် ဒးထောံဒၟံၚ်ရ၊ ဗြာတ်ယူမ္ဂး ချိုတ်ရ၊ ဗြာတ်ဆီတိတ်မ္ဂး လေၚ်ရ၊ ကောန်စာၚ်မဴတှ်ဂၠဴမ္ဂး သၟိၚ်တံသ္ဍိုက်ဆာန်ညးးသ္ကံရ၊ စိၚ်ကဵုဂၠဴဇဵုညးသ္ကံမ္ဂး သၟိၚ်ကဵုအမာတ် ဗာ်ညးသ္ကံရ၊ သတ်ဗြဴကတၚ်အာမ္ဂး ညးဍုၚ်ကွာန်ချိုတ်ဂၠိုၚ်ရ၊ ရုဲခၟာဲလတူဗၞၚ်မတ်မ္ဂး ဂွံလာဘ်ရ၊ ခၟာဲစာၚ်တိုန်တၞုၚ်ထမာဲပုၚ် ဒကးတူက္ဍိုပ်ဖဴမ္ဂး ညးဒိုက်ကဵုညးခမိဟ် ဒှ်ဝါတ်ဂါတ်ရ၊ ကပရာၚ်ဂမာအာမ္ဂး ဌာန်ဂှ်လ္ၚုရ၊ ကပ္ဍဲထမာဲ ၜဳၚ်တိုန်မ္ဂး ဒးဘဲရ။
သၞဲဗြဴသယျာကောန်
[ပလေဝ်ဒါန် | ပလေဝ်ဒါန် တမ်ကၞက်](၁၆၇) ဗြဴသယျာကောန်ဇာဒိသိုၚ်မဂး ကောန်သၟိၚ် ပုန်ကဵုသၟိၚ်ရ ။ ဒှ်ကၠိက် ဒှ်ဗြန်မဂး ဒကိုပ်ပၞာန်ပုန်ကဵုသၟိၚ်ရ ။ ဒှ်ခဍာ်မဂး သေနာပတိပုန်ကဵုဨကရာတ်ရ ။ ဒှ်ဒကောတ်မ္ဂး ညးခမိဟ်တူစာ်ရ ။ ဒှ်ခမာဲအဒါမဂး ဍုၚ်ဒိုဟ်ဂၠိုၚ်ကဵုသတ်ပ္ကဴရ ။ ဂွံအိုဟ်တၟိုဟ်ရ ။ ဒှ်သတ်ဆုမဂး ဍုၚ်ကတဴကတာန်ရ ။ ဒှ်စိၚ် ဒှ်ချေံ ဒှ်ပြေၚ်ဂၠဴမဂး ဒှ်ကဏောဝ်ရ ။ ညးဒိုက်ဒှ်သၟိၚ်လေဝ်ဂး ။ ဒှ်ဇြုံမဂး ဍုၚ်ကွာန်လ္ၚုရ ။ ဍုၚ်ဇၞော်ကၞုက်ကၞာဲရ ။ ဒှ်ကလော်မဂး သၟိၚ်ဂြိုဟ်စာ ဍုၚ်ကွာန်လ္ၚုရ ။ ကောန်ဂၞေဟ်တိတ်မဂး ကလော်ကျာံဂံၚ်ရ ။ သထးကောန်လက်ဂဇံမဂး လေပ်ကတ်ဗတောန်ရ ။ ဒှ်ဂဂဵုဆုမဂး ဍုၚ်ကွာန်လီုလာ်ရ ။ ဒှ်ဍာ်သ္မးမဂး ဍုၚ်ကွာန်သ္ဂေဟ်သ္ပဟ်ရ ။ ဒှ်သြောံပုၚ်မဂး ကၠောဝ်ဗျဵုဟွံမွဲရ ။ ဒှ်တောဝ်မဂး က္ၜၚ်စိုပ်ဂၠိုၚ်ရ ။ ဒှ်ဇြုံ ကၞိ ၚဴ စာၚ် ကၠဵု ဂစေံမဂး ဟွံခိုဟ် ။ ။
သၞဲသၟန်သၞံၚ်လုပ်စက်ဂိတုတ္ၚဲ
[ပလေဝ်ဒါန် | ပလေဝ်ဒါန် တမ်ကၞက်](၁၆၈) သၟန်သၞံၚ်လုပ်ဗၞဳစက်တုဲမဂး ဍုၚ်ကွာန်တူဂၠိုၚ်ရ ။ သၟန်လုပ်စက်ဂိတုမဂး ကောန်ဝုတ်သၟိၚ်သအာၚ် နၚ်ဆက်ကွာဲရ ။ ဂြိုဟ်အၚာလုပ်ဗနဳတ္ၚဲမဂး ဍုၚ်ကွာန်ကမၠတ်ဒမၠဂံၚ်ရ ။ ဂြိုဟ်ဗုဒ္ဓဝါလုပ်ဗနဳတ္ၚဲမဂး သၟိၚ်ဒးဘဲသတြုရ ။ ဂြိုဟ်ဗြဴဗတိလုပ်ဗနဳတ္ၚဲမဂး သၟိၚ် အမာတ် သေနာပတိ လေၚ်ရ ။ ဂြိုဟ်သိုက်လုပ်ဗနဳတ္ၚဲမဂး ကောန်ဝုတ်သၟိၚ်သအာၚ် ဂွံပ္ကၚ်ရၚ်ရ ။ ဂြိုဟ်သ္ၚိသဝ်လုပ်ဗနဳတ္ၚဲမဂး နူထာန်သတြု ညးနၚ်ဒြပ်ကဵုသၟိၚ်ရ ။ ယးပြဟ် သၞံၚ်လုပ်စက်ဂိတုတ္ၚဲမဂး သတြုလာဲလေၚ်ရ ။ တ္ၚဲသၠုၚ် သၞံၚ်လုပ်စက်တ္ၚဲမဂး သြောံလီုလာ်ဒှ်ကဏောဝ်ရ ။ ကၠာဟကတဴ သၞံၚ်လုပ်ပ္ဍဲဗနဳတ္ၚဲမဂး သၟိၚ်စၞေဟ်ပၞာန်ဒမၠရ ။တ္ၚဲကတဴဓဝ် သၞံၚ်လုပ်စက်တ္ၚဲမဂး သတြုစိုပ်ရ ။ တ္ၚဲစေၚ်သၞံၚ်လုပ်တ္ၚဲမဂး ယဲပူမှ်လာဲလေၚ်ရ ။ တ္ၚဲစေၚ်တက်ပိ သၞံၚ်လုပ်စက်တ္ၚဲမဂး ဂၞကျာ်ဒးအာတြဴဇမ္ၚောဲရ ။ ကၠာတ္ၚဲဟပၠိုတ် သၞံၚ်လုပ်စက်တ္ၚဲမဂး ဒှ်ကဏောဝ်ယဲ ပရိုက်သတ္တံရ ။ တ္ၚဲလေဝ်ပၠိုတ် သၞံၚ်လေဝ်လုပ်တ္ၚဲမဂး သၟိၚ်တံဒှ်ယဲဂၠိုၚ်ရ ။ ပ္ဍဲဗၞဳဂိတုသၞံၚ်လုပ်ဂှ် တုပ်တဝှ်တ္ၚဲဝွံရ ။
ပ္ဍဲဗၞဳဂိတုဂြိုဟ်သ္ၚိသဝ်စၞောန်ထ္ၜးမဂး လောန်မွဲဂိတုတုဲ သၟိၚ်ဂွံလာပ်စိၚ်ချေံဂၠိုၚ်ရ ။ သၞံၚ်စိၚ်လုပ်စက်ဂိတုမဂး သၟိၚ်ဒးဘဲသတြုရ ။ ပ္ဍဲလတူတိ ဇွောဝ်တဴညံၚ်ဆီမဂး အိုတ်ကဵုဒိုဟ်အိုတ်သီု အိုတ်ကဵုနိဂီုအိုတ်သီု ဒှ်လေၚ်ရ ။ သၞံၚ်လောဟိနဳလုပ်ဂိတုမ္ဂး ရးလေၚ်ရ ။
သၞဲတိချဳ
[ပလေဝ်ဒါန် | ပလေဝ်ဒါန် တမ်ကၞက်](၁၆၉) တိချဳတ္ၚဲအဒိုတ်မဂး အမာတ်တၠဍုၚ်ခွါ ဂၞဴဍုၚ်တံရ ။ ချဳတ္ၚဲစန် ဒးဂၞကျာ်အမာတ်တံရ ။ ချဳတ္ၚဲအၚာ ဒးကောန်သၟိၚ်ရ ။ ချဳတ္ၚဲဗုဒ္ဓဝါ ညးမၞုံသဳလဒှ်ဝါတ်ဂါတ်ရ ။ သတ်ဇိုၚ် ၄ လေဝ်ဂး ။ ချဳတ္ၚဲဗြဴဗတိမဂး ဒးညးဗနိက်ရ ။ ချဳတ္ၚဲသိုက် ဥပါတ်ဒှ်ကုညးဂၠုၚ်ကွဳရ ။ ဒးသဝ်ဟောရာလေဝ်ဂး ။ တိချဳတ္ၚဲသ္ၚိသဝ် ဒှ်ဥပါတ်ကုသရာဲကမၠတ်ရ ။ တိချဳဗ္တံ ဒးဗမၞးမလေပ်ပိုတ်ပိ ။ ဒးစိၚ်ကၟိန်ဍုၚ်လေဝ်ဂး ။ ။
သၞဲတၞဟ်တၞဟ်သ္အာၚ်
[ပလေဝ်ဒါန် | ပလေဝ်ဒါန် တမ်ကၞက်](၁၇၀) ဗြန်ဒိုဟ် ကၞိသတတ် ။ ကြောန်သတတ် ။ ကျာ်မြဟ်ဂၠိုၚ် ။ ဒုန်ကဴ က္ၜဴသတ် ။ နိမိတ် ၆ သာ်ဝွံ ဒဒိုက်သတ္တံဒှ်ရ ။ ပၟတ်ဒတုံ ။ ဂိတုဂြးစပ်ဂၠိုၚ်ကဵုဝါ ။ တိချဳဂၠိုၚ်ကဵုဝါ ။ ဒိုဟ်ပန်သဓဵု ။ ဘုမ္မကိုတ်ဒတုံ ။ ကောန်ဒေဝတဴယာံဗွဲလတူ ။ ဟိုတ် ၆ သာ်ဝွံဒှ်မဂး ဒဒိုက်သတ္တံဒှ်ရ ။ ။
လက်သန်မၞိဟ်
[ပလေဝ်ဒါန် | ပလေဝ်ဒါန် တမ်ကၞက်](၁၇၁) မတ်မၞိဟ်ညံၚ်မတ်ဗဂဲမဂး နွံကဵုပညာရ ။ မတ်ညံၚ်သၞပၟတ်မဂး ဂံၚ်သကာရ ။ မတ်ညံၚ်ရဴနိၚ်မဂး ဇၞော်ကဵုမာန်စံၚ်ရ ။ မတ်ညံၚ်မတ်ကျာံမဂး ဒြပ်ဂၠိုၚ်ရ ။ မတ်ထၞဟ်တဴမဂး နွံကဵုပိုန်ဟာန်ရ ။ မတ်သၠုဲတဴမဂး ဒြပ်နွံစိုတ်ဟွံခိုဟ်ရ ။ ဖျုန်မတ်တီုမဂး တွဳဝါရဂၠိုၚ် ။ မတ်ညံၚ်စရာၚ်ခဝ်ဇဝ်မဂး ဂွံပတၠဒြပ်ဂၠိုၚ်ရ ။ မတ်ဒလန်မဂး စိုတ်ဂြိုဟ်ရ ။ မတ်ညံၚ်မတ်ဗြဲမဂး ဍိက်သကံထဝ်သြန်ဂၠိုၚ်ရ ။ မတ်ဇၞော် နွံကဵုပိုန်ဟာန်ရ ။ မတ်သ္ပတ်လစံက် နွံကဵုပညာရ ။ မတ်သၟဝ်သၠေန်မဂး ဒှ်ကမၠတ်စရ ။ မတ်ညံၚ်မတ်ဂၠဴမဂး စိုတ်ဟွံခိုဟ် ။ မတ်ဇၚဳကၠမဂး စိုတ်ဓဇန်ရ ။ ပရိုက်မတ်သလုဲ ဟွံခိုဟ် ။ ။
လက်သန်မပ္တံဒၞၚ်မတ်
[ပလေဝ်ဒါန် | ပလေဝ်ဒါန် တမ်ကၞက်](၁၇၂) ဒၞၚ်မတ်ထဍိၚ် တိက်လၞုဟ်ရ ။ ဒၞၚ်မတ်မၠာ်ဗစဳမဂး ဒဇန်ရ ။ ဒၞၚ်မတ်ကြဳမဂး ကျာ်သြဳရ ။ လတာ်ဂၠိၚ်မဂး ပိုန်ဇၞော်ရ ။ မုဟ်ကဝေန်တိုန်မဂး ညးသ္ဍိုက်ရ ။ မုဟ်ဇၞော်တီုမဂး နွံကဵုပိုန်ရ ။ မုဟ်ရာၚ်တမိုဟ်မဂး နွံကုပညာရ ။ ကၞေၚ်ဇၞော်မဂး ဂံၚ်သကာရ ။ ကၞေၚ်တီုမဂး စိုတ်ဟွံခိုဟ် ။ ကတောဝ်ခဍံ နွံကုပညာရ ။ ကတောဝ်ညံၚ်ၜိုၚ်မဂး နွံကဵုပိုန်ဟာန်ရ ။ ကတောဝ်ညံၚ်ကတောဝ်ကၠိုဝ်မဂး စိုတ်ဟွံခိုဟ် ။ ကတောဝ်ညံၚ်ကတောဝ်ဂၠဴမဂး ကၠာတ်ရ ။ ကတောဝ်သ္ပတ်ပါၚ်ဇၞော် ဟွံခိုဟ် ။ က္ဍိုပ်ဇၞော် နွံကဵုကွဵုကွေတ်ရ ။ က္ဍိုပ်ခဍံစိုတ်ဟွံခိုဟ် ။ က္ဍိုပ်သ္ပတ်နွံကဵုပညာ ။ က္ဍိုပ်ညံၚ်သတ္တာ ညးဆာန်ရ ။ က္ဍိုပ်ရဴ က္ဍိုပ်ချေံ နွံကုပညာရ ။ က္ဍိုပ်ပြၚ်နွံကုပညာရ ။ သၟန်ပါၚ်ဂၠိၚ် လေပ်ဟီုဇီုရ ။ သၟန်ပါၚ်သ္ပတ် လေပ်ကၠောန်ၜိုတ် ။ သၟန်ပါၚ်ကေက် လေပ်ဟီုပလီုညးရ ။ သၟန်ပါၚ်ဖဍတ် ဒှ်အလဇ္ဇဳရ ။ သၟန်ပါၚ်ထစံက်မဂး နွံကုပိုန်ရ ။ ဓရီုသၟန်ပါၚ်ဗုမဂး ဂၠိုၚ်ကဵုဂလာန်ရ ။ ၚက်သ္ပတ် နွံကဵုသ္ဂေဟ်သွဟ်ရ ။ ၚက်သိၚ်ဟွံခိုဟ် ။ ၚက်ဗတာၚ် နွံကဵုဒဒှ်ေဒယှ် ။ ၚက်တီု ဂလာန်ဍိုက်ပေၚ်ရ ။ ၚက်တာန်လစံက် ဇၞော်ကဵုပိုန်ရ ။ ၚက်ကေက်လေပ်သေက်ဇဵုရ ။ ၚက်ကာလေပ်တီညာတ် ။ ၚက်ဇၞော်ဟွံခိုဟ် ။ ၚက်တီုသၟန်ပါၚ်တီု သိုက်ဂၠိုၚ်ရ ။ သၟန်ပါၚ်သ္ပတ်ကြဳ လေပ်ဟီုသၠပတ်ရ ။ သၟန်ပါၚ်ဖျိုဟ် ဂလာန်ဂၠိုၚ်ရ ။ သော်ဂၞေၚ်မတ်တီု မာန်စံၚ်ဇၞော်ရ ။ သော်ဂၞေၚ်မတ်ကြဳ နွံကုပညာရ ။ ဖျုန်ဂၞေၚ်မတ်တီုမဂး နွံကဵုဒြပ်ဝၚ်ဍိက်သတုံဇွိရ ။ လတာ်ဗ္ကေတ်မဂး ညးဆာန်ရ ။ ကံသဏၚ်မဂး လေပ်ကျိုၚ်ကျဝ်ရ ။ ကံဂၠေံ လေပ်ကၠောန်ၜိုတ်ရ ။ ဖျုန်ဇကုတီုဂၠးဇၞော်မဂး ဂွံပိုန်ရ ။ ။
ဒယိုၚ်သ္ၚိတုန်
[ပလေဝ်ဒါန် | ပလေဝ်ဒါန် တမ်ကၞက်](၁၇၃) ဒယိုၚ်ဇၞော်တံမဂး ဒယိုၚ်ဗြဴရ ။ ဒယိုၚ်တံကၞတ်သၟဟ်မဂး ဒယိုၚ်တြုံရ ။ ဒယိုၚ်ဇၞော်ဒေါဝ်မဂး ဒယိုၚ်နပုၚ်ရ ။ ဒယိုၚ်ဇၞော်ကၞတ်မဂး ဒယိုၚ်ကလော်ရ ။ မံၚ်ဒယိုၚ်သ္ၚိဗြဴဂှ် နွံကဵုတသိုက်ရ ။ ဒၟံၚ်ဒယိုၚ်သ္ၚိတြုံဂှ် ဂွံတသိုက်ဂွံလာပ် ဇၞးသတြုရ ။ မံၚ်ဒယိုၚ်နပုၚ်မဂး သဒိုက်ရ ။ မံၚ်ဒယိုၚ်ကလော်မဂး ချိုတ်ရ ။ ။
သၞဲဇကုချဳ
[ပလေဝ်ဒါန် | ပလေဝ်ဒါန် တမ်ကၞက်](၁၇၄) က္ဍိုပ်ချဳမဂး ဂွံဒုၚ်ပူဇဴသၟိၚ်ရ ။ ဂြၚ်က္ဍိုပ်ပုၚ်ချဳမဂး ဂွံလာပ်ရ ။ ဂတိုပ်မတ်ပုၚ်လတူချဳမဂး ဂွံလာပ်မိတ်သဟာဲဒးပူဇဴရ ။ ဂတိုပ်မတ်ပုၚ်သၟဝ်ချဳမဂး ဒှ်သေက်ဇဵုကဵုညးရ ။ ဂွံဆဵုညးဒဒှ်ေဒယှ်လေဝ်ဂး ။ ။
ဂတိုပ်မတ်ပါဲလတူချဳမဂး ကသပ်ဍိုက်ပေၚ်ရ ။ ဂွံမိတ်မပြဲရ ။ ဂတိုပ်မတ်ပါဲသၟဝ်ချဳမဂး ဒးယာံဒှ်ဒဒိုက်ရ ။ ကတောဝ်ပုၚ်ချဳမဂး ဒှ်သေက်ဇဵုရ ။ ဂွံချပ်ဂၞန်ကဵုညးမပြဲရ ။ ဒှ်အမာတ်လေဝ်ဂးရ ။ ကတောဝ်ပါဲချဳမဂး ဂွံလာပ်ရ ။
မုဟ်ပုၚ်ချဳမဂး ဟွံခိုဟ် ။ မုဟ်ပါဲချဳမဂး ညးသ္ဍိုက်ဆာန်ရ ။ သၟန်ပါၚ်လတူချဳမဂး ဟွံခိုဟ် ။ သၟန်ပါၚ်သၟဝ်ချဳမဂး ဂွံမိၚ်ပရိုၚ်ဇမ္ၚောဲရ ။ သၟန်ပါၚ်ပါဲချဳမဂး ဒှ်ထေဲပၞတ်ရ ။ သၟန်ပါၚ်ပုၚ်ချဳမဂး ဂွံဟီုဂလာန်ကေုာံညးမဆာန်ရ ။
ကံချဳမဂး ဂွံဂၠိက်ယာတ်ဂၠိုၚ်ရ ။ ပၞးပုၚ်ချဳမဂး ဂွံသမ္ဘာမပြဲရ ။ ပၞးပါဲချဳမဂး ဒှ်သေက်ဇဵုကဵုညး ၊ ဂွံဒြပ်လေဝ်ဂး ။
တွဵုတဲပုၚ်ချဳမဂး ဂွံမိတ်သဟာဲခိုဟ်ရ ။ တွဵုတဲပါဲချဳမဂး ညးကဵုဒြပ်ရ ။ သြိုဟ်ပုၚ်ချဳမဂး ဒှ်ကတဴကတာန်ရ ။ သြိုဟ်ပါဲချဳမဂး ဟွံခိုဟ် ။ ဖျုန်ဂြိုဟ်ချဳမဂး ဂွံဒြပ်ရ ။ ကလိုတ်ချဳမဂး ညးဇၞော်ကဵုဒြပ်ရ ။ သကဲပုၚ်ချဳမဂး ညးကဵုဒြပ်ရ ။ သကဲပါဲချဳမဂး ညးမဂွံအလဵုအသဳကဵုဇကု ဒးပူဇဴရ ။
ဖျုန်သကဲပုၚ်ချဳမဂး ဂွံဍိုက်စိၚ်ရ ။ ညးဂြိုဟ်ကဵုဇကုလေဝ်ဂး ။ ဖျုန်သကဲပါဲချဳမဂး ဂွံတသိုက်ရ ။ ဗြဴပဥပါတ်ရ ။ ဒဳပုၚ်ချဳမဂး ဂွံလာပ် ဂွံသမ္ဘာရ ။ ဒဳပါဲချဳမဂး ဒှ်သေက်ဇဵုရ ။ ဂၞိၚ်ချဳမဂး ဒြပ်ကၠေံရ ။ က္ၜံၚ်ပုၚ်ချဳမဂး မိတ်ဆာန်စိုပ်ရ ။ က္ၜံၚ်ပါဲချဳမဂး ညးဂြိုဟ်ကဵုဇကုရ ။ ဇိုၚ်ပုၚ်ချဳမဂး ဟွံခိုဟ် ။ ဇိုၚ်ပါဲချဳမဂး ဒှ်သေက်ဇဵုကဵုဗြဴတံရ ။
လတေၚ်ချဳမဂး ဂွံဂၠိက်ယာတ်ရ ။ သပါတဲပုၚ်ချဳမဂး ဂွံစစၞမပြဲရ ။ သပါတဲပါဲချဳမဂး ဟွံခိုဟ် ။ အိန်ရဳချဳမဂး ဒးဟီုဂလာန်ကဵုသမ္ဘာရ ။ ဗုၚ်ဂၞဴပုၚ်ချဳမဂး ဂွံစစၞမပြဲရ ။ ဗုၚ်ဂၞဴပါဲချဳမဂး ဂွံလာပ်ရ ။
ပြကိုဟ်သၞဲလ္ၚီတုဲရ ။
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]https://drive.google.com/file/d/1ems-8NWKG2WtyhGdbLChLawEaeVVh5Hu/view?usp=sharing