ကဆံင်မၞိဟ်လဒေါဝ်

ကဆံၚ်မၞိဟ်လဒေါဝ်

စာရေ၊ တခဳ၊ ညးလေပ်ပညာ၊ အ္စာဘာ၊ ကေုာံ ညးယိုက်ဝန်နူကုမ္ပဏဳ ကေုာံ အလဵုအသဳတအ်ဂှ် ဗွဲယေဘူယျမ္ဂး ကော်ခဴစ ကဆံၚ်မၞိဟ်လဒေါဝ် (en-Middle class)ရ။ သွက်ဗုၚ်ဂၞဴဇကု ဇကုဂၠာဲစမာန် ကုကဆံၚ်မၞိဟ်တအ်ဂှ် ကော်ခဴစပၠန်ရ။ ဆ္ဂး အဓိပ္ပါယ်ပ္ဍဲလိက်ကၞပ်ဏအ်ဝွံ အဓိပ္ပါယ်တုပ်ကဵု ဗွဲလ္တူတေံအိုတ်သီုဟွံသေၚ်က္ဍၚ်ရ။ ပ္ဍဲကဵုဂၠံၚ်တရဴဇက်တိုန်တိုၚ်ပ္ကဴ ကောန်ဂကူမန်ဍာ်ဇမၠိုၚ်ဂှ် သွက်ဗုၚ်ဂၞဴကောန်ဇာတ်ဇကု ပတှ်ေဇြဟတ်ဇကုတုဲ သွက်ဒးပတှ်ေစညးဂမၠိုၚ်ဟွံမွဲ ပူဂဵုလ္တူလိုၚ်မာန် နကဵုဍာ်ဓတ်ဇကုဇကု ကုကဆံၚ်မၞိဟ်တအ်ဂှ် မကော်ခဴစ ကဆံၚ်မၞိဟ်လဒေါဝ်ရ။

ပ္ဍဲကၟိန်ဍုၚ်မွဲမွဲဍုၚ် ဍုၚ်ကွာန်ဇကုသ္ဂောံဇၞော်မောဝ်တဴတက်တိုန်ပၠန်ဂှ် ကဆံၚ်မၞိဟ်လဒေါဝ်တအ် သ္ဂောံဇၞော်မောဝ်ဇၞော်ကဵုဇြဟတ်မ္ဒးသ္ပဂရုစွံအရီုဇၞော်ဇၞော်ပၠန်ရ။ ပ္ဍဲကဵုဂၠံၚ်တရဴဗၠးၜးကောန်ဂကူဂှ် သွက်ဂွံဖန်ဖက်ကေတ်ကံကုသဵုဇကုမာန် သွက်ဂွံယိုက်ဂၠေၚ်တာလျိုၚ် ကောန်ဇါတ်သ္ၚိဌာန်မာန် ၜါပြကာဝွံ နနဲသဟဇာတစှ်ေစှ်ေ သွက်ဂွံဗၟံက်ရုပ်ရဴ ကၠောန်ၜိုတ်အာကုကဆံၚ်မၞိဟ်တအ်ဂှ် လိက်ကၞပ်ဏအ် ရန်တၟအ်အဓိကဇၞော်ဇၞော်ဝွံရ။